297b1 / bod skad du/ thams cad bdud rtsi lnga'i rang bzhin dngos grub chen po nye ba'i snying po'i mchog/ bcom ldan 'das dpal kun tu
297b2 bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po/ kun rig chos kyi rje dpal chen po shrI he ru ka s+thi ra ma ti de gsang ba mchog gi dkyil
297b3 'khor na/rigs lnga'i 'khor tshogs rgya mtsho dang bcas pa dang/ lha dang klu dang mi'i rig 'dzin rnams dang thabs cig tu bzhugs te/ nyan thos dang/ byang chub sems dpa'i dge 'dun ni ming yang mi grag pa'i
297b4 nang du/gsang sngags kyi snying po// bdud rtsi'i mchog bcud du bya ba'i lta ba dang/ man ngag bsgom pa dang/ bsgrub pa dam tshig rnams bsdus te gsungs so// dngos grub chen po nye ba'i snying po'i rgyud las/ gling
297b5 gzhi'i le'u ste dang po'o//// de nas byang chub sems dpa' phyag na rdo rje dang/ 'jam dpal gzhon nus bcom ldan 'das dpal kun tu bzang po la phyag 'tshal nas/ gsang sngags snying po lta ba'i
297b6 don// bla na med pa bstan du gsol// de skad ces ni gsol pa dang// bcom ldan 'das ni kun bzang gis// lta ba rgya mtsho'i nang nas kyang// gsang sngags gsang ba'i snying po gcig/ lta ba bla na med pa
298a1 bstan// brgyad khri bzhi stong bsam yas kyang// sde snod gsum dang theg pa dgu// rdzogs chen a ti yo gar 'dus// a ti yo ga'i lta ba ni// lta ba kun dang bral ba yi// yang dag don la lta ba
298a2 de// kun bral ci yang ma spangs pa// rdzogs pa chen po'i lta ba yin// snang dang srid pas bsdus pa dang// 'byung ba lnga la sogs pa kun// nam mkha' bzhin te kun la khyab// nam mkha' ye nas 'gyur ba
298a3 med// dus gsum sangs rgyas thams cad dang// mtha' yas sems can ma lus kun// sems su 'dus shing sems su khyab// sems la ye nas skye shi med// phyi nang snod bcud ma lus dang// mtshan mar snang
298a4 ba thams cad kun// chos kyi dbyings su 'dus shing khyab// dbyings las 'gyur ba ye nas med// dbang po spyod yul gyur pa dang// gzugs su snang ba thams cad kun// ye shes sku yi phyag rgyar snang// sku ni ye
298a5 nas skye 'jig med// sems can skad dang sgra la sogs// bde gshegs ma lus gsung dag kyang// bya bas ma bsgrubs rang byung gsung// gsung la mtshan ma ye nas med// sems can 'khrul pa'i blo dag
298a6 kyang// rig pa rnyed pa'i bde gshegs kun// byang chub sems su ro gcig pas// sems la ye nas smod du med// sku dang rgyan dang 'khor lo yang// lung chen zab mo'i nang na gsal// rigs bzhi'i nang du
298b1 'khor ba yang// ye nas sangs rgyas de las med// med ces bya ba stong pa las// stong pa nyid du rnam dag pa// chos kyi sku zhes de la bya// de la gzung zhig gdags su med// byang chub sems 'di kun tu
298b2 dag/rdzogs pa'i ye shes bde chen nyid// ma lus mtha' dag nyid kyi rgya// ye nas byar med bya mi dgos// dngos grub chen po nye ba'i snying po rgyud las/ lta ba rgya mtsho'i le'u ste gnyis pa'o//// de nas yang
298b3 byang chub sems dpa' phyag na rdo rje dang 'jam dpal gzhon nus bcom ldan 'das kun rig chos kyi rje la phyag btsal nas/gsang sngags snying po man ngag don// bla na med pa bstan du gsol// de skad ces ni
298b4 gsol pa dang// bcom ldan kun rig chos kyi rje// man ngag rgya mtsho'i nang nas kyang// gsang sngags gsang ba'i man ngag gcig/ man ngag bla na med pa bstan// sems nyid sangs rgyas yin pa la// sangs
298b5 rgyas gzhan nas btsal du med// sangs rgyas ye nas ma byung bas// dus gsum rtag tu 'gyur ba med// sems nyid gdod nas ma byung bas// dus gsum rtag tu 'gyur ba med// sems nyid rgyu las ma skyes
298b6 pas// 'byung ba lnga la rag ma lus// sems nyid mngon du mi snang bas// dngos po kun gyi don dang bral// sems la mtha' dbus med pa yis// phyogs dang ris su gdags pa med// sems la kha dog ma gyur
299a1 pas// tshig tu gdags pa'i rten dang bral// sems la mun pas mi bsgrib pas// ye nas snang ba rang la gnas// sems kyi rig pa'i spyan yin pas// thams cad ma gzigs gcig kyang
299a2 med// sems nyid nam mkha'i rang bzhin las// phyi nang snod bcud kun la khyab// sems nyid ye nas sangs rgyas pas// thams cad kun gyi ston pa yin// snying po rig pa'i snying po bas// 'khor ba'i nad kyi
299a3 sman du che// sems nyid b+ha ga'i klong yangs pas// thams cad 'byung ba'i skyed mos tshal// sems la skyon gyis ma gos pas// rig pa kun gzhi'i gnas su dag/ sems la skye shi med pa yi// chos sku mi 'gyur
299a4 rdo rje'i sku// de phyir nor bu rin po che// bcang bar bde la 'khur bar yang// sba bar sla la dkor du che// sems las man ngag rgya mtsho 'byung// thams cad ma lus sems yin te// sems la snang zhing sems
299a5 kyis byas// sems la dngos po med pa las// sems su gsal zhing sems su shes// de phyir gnyis med shes pa gces// gnyis med shes pa klong gyur na// bdud rtsi zhes ni de la bya'o// dngos grub chen po nye
299a6 ba'i snying po'i rgyud las/man ngag rgya mtsho'i le'u ste gsum pa'o//// de nas byang chub sems dpa' phyag na rdo rje dang/ 'jam dpal gzhon nus bcom ldan 'das bde ba chen po la phyag btsal nas/
299b1 gsang sngags snying po bde ba'i don// bla na med pa bstan du gsol// de skad ces ni gsol pa dang// bcom ldan 'das ni bde chen pos// bsgom pa rgya mtsho'i nang nas kyang// gsang sngags gsang ba'i bsgom
299b2 pa gcig/bsgom pa bla na med pa bstan// bsgom pa bsam gyis mi khyab grangs las 'das// bsam gtan byang chub don la gang 'jug pa// bsgom mo snyam pa'i nad kyis zin ta re// ston pas bstan pa'i
299b3 lung la mtha' dpyod pa// mtshan ma'i rnam rtog dran du gyur ta re// bde gshegs yul ni tshig gi mtshon du med// sangs rgyas yul du bltas pa 'khrul pa'i lam// bsgom du med pa'i lta ba la// yengs pa med
299b4 pa'i blo gcig gzhag/snang ba med pa'i chos nyid la// ma btsal bzhag na bsgom pa yin// de dang der ni rnam btsal na// de las de bzhin mi 'byung ste// skye ba med pa'i dbyings nyid la// 'chi ba med pa'i blo
299b5 gzhag pa// 'du 'bral med pa'i rang bzhin la// btang snyoms chen po'i blo gzhag ste// chags sdang med pa'i bde byams pa// spang len med pa'i shes rab gzhag/ gzhi rtsa med pa'i blo yangs su// khyab brdal
299b6 chen po'i ye shes gzhag/ye nas rang byung chen po la// brjed pa med pa'i ting 'dzin gzhag/ thogs pa med pa'i dbyings nyid la// dmigs pa med pa'i don gcig gzhag/ yul du snang ba yum gyi klong// rig
300a1 par snang ba yab kyi mkha'// mkha' klong gnyis su thams cad chub// de la dpe yis mtshon du med// de la tshig gis mtshon du med// de phyir dus gsum sangs rgyas kyis// btsal yang rgyal bas
300a2 mi rnyed de// bde gshegs kun gyis gzigs pa dkon// dngos grub nye ba'i snying po'i rgyud las/ bsgom pa rgya mtsho'i le'u ste bzhi pa'o//// de nas byang chub sems dpa' phyag na rdo rje dang 'jam dpal
300a3 gzhon nus bcom ldan 'das dpal he ru ka la phyag btsal nas/gsang sngags snying po bsgrub pa'i don// dngos grub shin tu nye ba'i thabs// tshig don gsal bar bya ba dang// ma nor rim pa bstan du
300a4 gsol// de skad ces ni gsol pa dang// bcom ldan 'das dpal he ru kas// bsgrub pa rgya mtsho'i nang nas kyang// dngos grub shin tu nye ba'i thabs// rim par sbyar te bshad par bya'o// snang srid thams cad
300a5 chos sku thig le'i ngang// snod bcud ma lus bdud rtsir gnas bzhin du// 'gro ba'i rnam par rtog pa'i bag chags kyis// bskal pa rgya mtshor 'khor zhing 'khyams pa rnams// yang dag nges pa'i don la gzud pa
300a6 dang// theg chen byang chub don la dgod pa'i phyir// dus gsum bde gshegs rgyal ba rgya mtsho las// ra sA ya na'i rig 'dzin srung ma rnams// gnyis med byang chub sems la gcig pa'i phyir// gsang mchog
300b1 bdud rtsi chen po'i sgrub thabs bshad// dang po dngos grub bsgrub pa'i gzhi// bla ma dbang thob gdeng ldan la// dbang dang dam tshig tshul bzhin blang// tshul rig goms pa'i rnal 'byor pas// phun sum tshogs
300b2 pa lnga ldan pas// bsod nams tshogs ni ci nus bsags// mgron rnams rim par mchod pa dang// mgon po gnas pa'i rten gzhi la// mchod de phyi mtshams bsrung bar bcol// de nas phyi rol 'dom gang
300b3 du// ya ma dam sri bkug la mnan// sgo la chos kyi rgyal po bri// mchod de bar mtshams bsrung bar bcol// dur khrod bdag po ma traM ni// thal ba dag las gzugs byas la// bdag nyid che mchog smug nag
300b4 'bar// bzhi bcu rtsa gnyis phyag mtshan nas// phra men 'bar ba gsal ba yi// dur khrod bdag po bkug nas bsad// spar dang gzhal yas khang sgo bsrung// ci rigs pa yi phrin las bya// yid 'ong gnas su
300b5 de dmigs la// byin brlab mtshams gcad bsre bsnan bya/ dngos grub chen po nye ba'i snying po'i rgyud las/ bsgrub pa la 'jug pa'i le'u ste lnga pa'o//// de nas yang dag bshad bya ste// dkyil 'khor
300b6 'dom gang gru bzhi la// bdud rtsi lnga yi skyang nul bya// bdag dang gsang yum shes rab mas// thig gi cho ga brtsam pa ni// maN+Dal brgyad pa'i thig tu gdab/ ye shes lnga yi tshon gyis dgab// rang byung gdod
301a1 nas dag pa yi// rtsa brgyad stong las sbyar ba'i sman// ra sA ya na la sogs rdzas// rigs lnga dam tshig lnga yi dngos// ye shes lnga rdzogs grub pa'i rdzas// snod dang bcud du bcas pa
301a2 rnams// dkyil 'khor chen po'i gnas su dgod// snang ba chen po shar bar dgram// dkyil 'khor rgyan rdzas khrims pa dang// rnal 'byor pho mor rtags btab ste// so so'i gral la 'khod nas ni// bsgrub pa
301a3 tshul bzhin bya ba la// khrol bu btag btsag phye ma dang// gong bu lde gu skyo ma dang// ril bu byas te mtha' ru dbyung// dngos grub chen po nye ba'i snying po'i rgyud las/ bsgrub pa tshul bzhin du bya ba'i le'u ste drug
301a4 pa'o//// de nas yang dag bshad bya ba// ra sA ya na ta na dza ya la// drang srong tshe yi sgrub lugs 'di// mkhas pas rig pa rdzogs pa dang// phyag rgya bzhi ldan bdud bzhi bcom// dug gsum gsad de
301a5 g.yang sa bcad// tshe la dbang ba'i rnal 'byor de// lam lnga sa bcu mthar dbyung phyir// phyi nang sman rdzas bsags shing dbye// dngos grub rdzas kyi dkyil 'khor du// rnal 'byor dbang phyug chen po yis// dam pa
301a6 de nyid gsang chen gyi// rigs brgya rigs lnga rigs gcig gis// rgyud drug sems can kun sgrol phyir// sbyang ba dam pa mchog tu bya// sbyor sgrol don rtogs mchod pa yis// rgyal ba mnyes pa mchog tu
301b1 bya// kun gyis mthun par bsgom bya ba// de bzhin nyid dang kun tu snang// rgyu yi ting 'dzin 'bras bu las// 'byung lnga gzhal yas gdan steng du// zhi ba'i dus su rdo rje sems// bzhi bcu rtsa gnyis dkyil 'khor
301b2 bskyed// ye shes dkyil 'khor spyan drang mchod// tshangs dang drang srong la sogs rnams// spyan drang rtog pa bzlog byas te// rol mo glu dbyangs mang pos bstim// sman rnams lha ru mos bskyed nas// 'od zer
301b3 'phro 'du'i sbyor ba dang// ra sA ya na'i sngags kyi sbyangs// rim gyis dkyil 'khor bsdus nas ni// de nyid rigs lnga'i dkyil 'khor gsal// dpa' bo 'bru lnga'i sngags kyis sbyangs// ye shes dkyil 'khor
301b4 dbab bya ste// rta mgrin phyag rgya bcings nas ni// rdo rje sems dpa' nyid du bsdu// rdo rje sems dpa'i sngags kyis sbyangs// sbyor ba'i cho ga brtsam par bya// lha mo bcu drug bsnyen pas sbyar// de ltar khrol bu
301b5 'byongs pa dang// dbang dang dngos grub bsdu bar bya'o// dngos grub chen po nye ba'i snying po'i rgyud las/ sman khrol bu bsgrub pa'i le'u ste bdun pa'o//// de nas yang dag bshad bya ste// dkyil 'khor chen
301b6 po'i shar phyogs su// rnal 'byor pho mo mtshan mas gdab// mtshams ni drag tu gcad par bya// thabs dang shes rab zung ya bzhi// 'bar ba'i dkyil 'khor gsal bya ba// che mchog phyag mang bsnams pa
302a1 ni// bzhi bcu rtsa gnyis lha rnams gsal// khro bo yab yum 'khor dang bcas// gtan gtun thabs dang shes rab gnas// sman rnams ha na'i sngags kyis btab// lho yi phyogs su btsag bya
302a2 ste// phye ma dar tshags nang nas dbyung// ho sa ma ya'i sngags kyis btsag/ phye ma'i mchog tu gyur pa dang// gsang ba mchog gi dkyil 'khor bri// khro bdag badzrA he ru ka/ lnga bcu rtsa brgyad dkyil 'khor
302a3 gsal// yi ge dgu yi sngags kyis sbyang// 'bras bu lnga bsgral bdud rtsi dang// nub kyi phyogs su sbal bya ste// bkra shis yum gyis dbyangs blangs nas// mu sa la yi sngags kyis sbal// las bzhi'i hom bya med
302a4 par sbyar/ye shes bdud rtsi dbab bya zhing// 'jig rten bdud rtsi bsdu byas la// b+han+d+ha kha sbyar nang du gzhug/ rta mgrin rgyas gdab dar gyis gril// bdud rtsi gong bur byas nas ni// maN+Dal bdun par mnga'
302a5 gsol te// byin brlabs dbang bskur brtan byas la// rdo rje'i gzungs thag skyed la gdags// glu dang gar gyis dga' ba bskyed// dngos grub chen po nye ba'i snying po'i rgyud las/ sman btag btsag phye ma
302a6 gong bu'i le'u ste brgyad pa'o//// de nas yang dag bshad bya ste// bsgrub mchog shar du kha bltas la// zla gam dmar po rtsibs brgyad la// bdud rtsi'i gong bu la dmigs nas// de bzhin kun snang rgyu
302b1 las ni// sems kyi dkyil 'khor chags gyur te// lha brgyad gdan la he ru ka/ khro bdag chen po'i lus gzugs te// dgu dgu phyag kyang bco brgyad la// gsang ba'i yum yang yab dang mthun// gnyis su med
302b2 pa'i byang sems la// sprul pa khro bo'i tshogs byung ste// 'jig rten dregs pa btul nas ni// slar 'dus phyogs bcu khro bor gyur// de steng rigs lnga he ru ka/ de steng khro mo gnam zhal ma// gsang ba'i mkha' la
302b3 dngos grub rdzas// rta mchog gsang ba'i yum dang bcas// khro mo'i steng du he ru ka/ dbu dgu phyag kyang bco brgyad de// zhabs kyang rnam pa brgyad du bgrad// dbu ma'i ljags steng ye shes sems// dang po rdo rje
302b4 dung chen dkrug/g.yas 'og sems dpa' brgyad gsal te// g.yon 'og na yang sems ma brgyad// ting 'dzin de ltar gsal ba dang// ye shes dkyil 'khor spyan drangs te// mchod pa la sogs ci rigs
302b5 bya// phyag rgya chen po bzhi dang ldan// 'jigs pa'i bdud bzhi chom pa dang// gsang ba'i dgra gsum gsod pa yi// dkyil 'khor bdun dang sbyor ba brgyad// rdo rje pad+ma ga pur ldan// mkha' la sems phebs
302b6 'phros pa'i tshe// byang chub 'khor ba mya ngan 'das// dzi b+hu na dA'i gser ltar bstim// oM AHhU~M sarba pany+tsa a mr-i ta hU~M hrIHtha/ gu h+ya lag gi phyag rgya yis// gzhung bzhin brtan nas 'phro 'du bya// ga bu dgu ru 'phro
303a1 'du yis// 'gro drug g.yang sa gcod pa dang// mdzad pa bcu gnyis mtha' ru dbyung// stong tshigs mchod bstod bskul dbyangs dang// bskang bshags mtshams las drag po yis// bar chad
303a2 byed pa'i mnyam len zlog/sbyor sgrol mchod par bar mi gcad// bying rgod g.yeng ba'i dbang mi gtang// nan tan gyis ni brtson 'grus bya// rol mo glu bro mang po yis// sman gyi rig 'dzin srung ma
303a3 bskul// phrin las bcol zhing byin brlab bya// rtags chen bdun po byung ba na// bdud rtsi dbab cing bskyil bar bya// ha ya grI bas rtag tu bsrung// dngos grub chen po thob bya'i phyir// 'dus pa'i rnal 'byor ma
303a4 lus kyis// dad pa'i sems kyis yon phul nas// dngos grub thob phyir gsol ba gdab// bdud rtsi'i pho brang chen po ni// bla ma'i phyag tu bzhes nas ni// skul tshig dbyangs dang ldan pa yis// phyi nang gsang
303a5 dbang rim par bskur// dngos grub chen po nye ba'i snying po'i rgyud las/ bdud rtsi gong bu gcig pa sgrub pa'i le'u ste dgu pa'o//// de nas yang dag bshad bya ste// bdud rtsi rgya dgrol phye mar gzhib// bkra
303a6 shis mtshan ldan ka pA la// gcig tu dpa' bo'i ro rnams dang// gnyis su med par mnyam sbyar nas// mtshams gcad dkyil 'khor rdzogs bskyed de// ye shes dkyil 'khor spyan drang mchod// dngos grub
303b1 'dod par gsol ba gdab// stong tshigs dbul bcas 'dzab bzlas te// mchod de mtshams gcad dngos grub blang// dngos grub chen po nye ba'i snying po'i rgyud las/ bdud rtsi skyo ma sgrub pa'i le'u ste bcu
303b2 pa'o//// de nas yang dag bshad bya ste// bdag dang shes rab gsang yum las// gnyis med sbyor ba'i byang sems las// bdud rtsi phye mar sbyar byas la// bkra shis mtshan ldan ka pA lar// lde gu byas te
303b3 maN+Dal steng// yab yum mkha' la bzhag nas ni// rigs lnga'i phyag rgyas sbyang bcas pas// ye shes bdud rtsi dbab byas te// gu h+ya lag gi pyag rgya yis// rnal 'byor pho mo ma lus pa'i// spyi bo lde steng snying ga
303b4 dag/yan lag kun tu thig le bya// rigs lnga'i tshom bu'i dbang bskur ro// dngos grub chen po nye ba'i snying po'i rgyud las/ bdud rtsi lde gu sgrub pa'i le'u ste bcu gcig pa'o//// de nas yang dag
303b5 bshad bya ste// me long g.ya' dag gnyis bsags te// mtshan dgu ldan pa'i shes rab mas// me long g.ya' dag gong ma de// rnal 'byor pho mo kun la bstan// me long gcig tu sbrang rtsi dang// bdud rtsi phye mar
303b6 sbyar byas la// ril bu sran ma ma Sha tsam// rnal 'byor ril bu gsum gsum ste// lus ngag yid la re re gzhag/ a zhes bya ba'i man ngag gis// thig le byang chub sems lung bstan// lam lnga mthar phyin
304a1 sems don te// thig le byang chub sems su brten// pha rol phyin drug sogs pa ste// rdzogs pa a ti'i dgongs par bstan// 'da' kha ma yi man ngag ste// mnyam pa chen po thig le ni// srog nyid
304a2 rlung gi rang bzhin te// phyi nang 'gro ba'i rlung dang ni// yid kyi rnam shes bsres byas nas// phyi nang gnyis las gzhan du ni// mi 'gro ba yi thig le nyid// rdzogs pa chen po'i man ngag yin// dngos grub chen po
304a3 de la bya'o// dngos grub chen po nye ba'i snying po'i rgyud las/ bdud rtsi ril bu bya ba'i byang chub sems thig le sgrub pa'i le'u ste bcu gnyis pa'o//// de nas yang dag bshad bya ste// bdud rtsi bdud rtsi zhes
304a4 bya ba// dug lnga sman du bsgyur ba ste// sman lnga ye shes sgrub thabs 'di// rnal 'byor dngos grub dbang thob phyir// nges par nan tur bskyed de gnang// drug pa'i rtags mthong dbang bskur te// dngos
304a5 grub thabs dang 'dzab bzlas dang// mkha' 'gro bskyang dag sbyin sreg dang// gter sba dge bsngo dkyil 'khor bsdu// yon dbul gtang rag mtshams glod nas// thig le'i don dang ldan pa yis// lta ba'i man
304a6 ngag bsgom pa yis// gdeng ldan zhag gsum gnas bsrungs te// de las spyod lam shes par bya// dngos grub chen po nye ba'i snying po'i rgyud las/ las kyi lhag ma bstan pa'i le'u ste bcu gsum
304b1 pa'o//// de nas yang byang chub sems dpa' phyag na rdo rje dang/ 'jam dpal gzhon nus bcom ldan 'das s+thi ra ma ti la phyag 'tshal nas/ gsag sngags snying po dam tshig don// bla na med pa bstan du
304b2 gsol// de skad ces ni gsol pa dang// bcom ldan s+thi ra ma ti yi// dam tshig rgya mtsho'i nang nas kyang// 'bum sder bstan pa lnga ru bstan// bde gshegs rigs kyi dam tshig ni// 'khor lo bskor zhing dug
304b3 lnga rtsad gcod pa'o// rdo rje rigs kyi dam tshig ni// phur bus gdab cing bsgral ba'i phrin las kyis// dug lnga dbang du sdud pa'o// rin chen rigs kyi dam tshig ni// gtor mas dug lnga 'joms byed pa'o// pad+ma
304b4 rigs kyi dam tshig ni// sbyor bas dug lnga dag byed pa'o// las kyi rigs kyi dam tshig ni// hom gyis dug lnga sreg byas pa'o// rigs lnga dril te dug lnga sman du bsgyur ba'o// yang na 'di ltar shes par
304b5 bya// gzugs dang nam mkhar sku la sogs// rnam snang yab yum bde gshegs lha'o// tshor ba chu dang yon tan sogs// 'byung ldan yab yum rin chen lha'o// 'du shes me dang gsung la sogs// snang ba mtha'
304b6 yas yab yum lha'o// 'du byed rlung dang phrin las sogs// don yod yab yum 'khor gyi lha'o// rnam shes sa dang thugs la sogs// mi 'khrugs yab yum 'khor gyi lha'o// gzhan yang bsrung bar bya ba ni// rtsa
305a1 ba sku gsung thugs dang ni// mi spang ba dang dang du blang// spyad pa'i dam tshig bco lnga bsrung// de yang ma hA sa ma ya// bzhi pa rdzogs pa kun tu bzang// kun bzang man ngag shes gyur na// dam
305a2 tshig thams cad de ru rdzogs// ma bsrungs pa ni gcig kyang med// ces gsungs so// dngos grub chen po nye ba'i snying po'i rgyud las/ dam tshig bstan pa'i le'u ste bcu bzhi pa'o//// de nas yang byang chub
305a3 sems dpa' phyag na rdo rje dang/'jam dpal gzhon nu dang/ lha dang klu dang/ mi'i rig 'dzin 'bum phrag gis/ bcom ldan 'das dpal kun tu bzang po/ kun rig chos kyi rje dpal bde ba chen po shrI he ru ka
305a4 s+thi ra ma ti ting nge 'dzin gyi rgyal po la bstod pa/e ma sangs rgyas kun tu bzang// gsang chen thig le nyid la rdzogs// ma rig mun sel ye shes sgron// dpa' bo khyod la phyag 'tshal bstod// ces bstod
305a5 do// mngon par bstod do// de nas kun yi rang ste/ gsang sngags bla na med pa'i don thugs su chud nas/ zhabs spyi bos blangs shing rang rang gi sa la gshegs so// lha dang mi rnams kyis bka' rgyud dam pa spyi
305a6 bos blangs shing tshom bu'i dkyil 'khor dam par/dngos grub nye bar bsgrub pa las 'bras bu sangs rgyas kyi sa la gshegs so// dngos grub chen po nye ba'i snying po'i rgyud las/ gzhug bstod pa dang/ gtad
305b1 pa'i le'u ste bco lnga pa'o//// dngos grub nye ba'i snying po'i rgyud rdzogs so//// dngos grub mchog mnyes ya mtshan chen po'i bka'// thabs chen bla na med pa gsang sngags 'bras bu'i chos// kun
305b2 gyi thun mong ma yin man ngag rgyud// tshig de rim pa sla yang don nyid rtogs par dka'// bka' rgyud dam pa'i man ngag bla med 'di lta bu// bdag 'dra bi ma la yi man ngag dam pa 'di yin te// dri med zla shar
305b3 yi dam chos su gtad kyis thub par chongs// dri med zla shar yi dam man ngag dam pa 'di// yang dbang gter la gtad kyis bdud rtsi ste// legs pa'i sgron me'i yi dam nar mar gtad// sa ma ya kha tham/ rgyud
305b4 dum bu gsum pa/lung bam po brgyad pa/ man ngag dngos grub nye ba'i snying po'i rgyud gsum ni sru legs pa'i sgron ma la gtad do////
305b5
305b6 rgya gar skad du/


CLOSE WINDOW