108a2 /// rgya gar skad du/ sarba pany+tsa a mr-i ta swa b+ha ba/ bod skad du/ thams cad bdud rtsi lnga'i rang bzhin/ bcom ldan 'das dpal kun tu bzang po la phyag 'tshal lo// 'di
108a3 skad bdag gis thos pa'i dus gcig na/bcom ldan 'das gsang ba mchog gi dkyil 'khor na/ shin tu rnal 'byor gyi dbang phyug chen po dang thabs cig tu bzhugs te/ nyan thos dang rang sangs rgyas
108a4 dang/theg pa chen po'i mdo sde'i rgyal po byang chub sems dpa' dang/ dgra bcom pa'i nyan thos kyi dge 'dun chen po dag ming yang mi grag pa'i nang du/ gsang sngags kyi snying po bdud rtsi'i mchog tu bya ba'i
108a5 blta ba dang/spyod pa dang bsgrub pa 'di gsungs so// bsam gyis mi khyab bstan pa dang// brgyad khri bzhi stong rnam grangs kyang// theg pa'i sgo nas gsum du 'dus// gsang gnyis theg par 'dus dang
108a6 bzhi// ldem por dgongs dang don dam yang// bkri ba'i don de sangs rgyas yin// rna rgyud ston pas thugs brtol te// nges pa'i lung yang sangs rgyas la/ sangs rgyas mnyam dang dbyings su 'gro// byang chub
108b1 sems 'di kun tu bzang// rdzogs pa'i ye shes bde chen nyid// mi rtog spyod pa'i yul ma yin// ma lus mtha' dag nyid kyi rgya// ye nas bya med bya mi dgos// rgyu dang 'bras bu 'khrul pa'i sgra// byang chub 'dod
108b2 pa ltung ba'i gnas// bsgrub cing ma btsal bde bar gnas// rgyud dang lung dang man ngag kyang// dmangs dang rje'u dang rgyal po'i tshul/ khyad par rtsal 'phang thag ring yang// gcig la gcig brten gcig gi
108b3 ngang// gcig ste rnam pa yongs kyis med// de bas sku gsung thugs kyi bdag/ sku dang rgyan dang 'khor lo yang// lung chen zab mo'i nang nas gsal// lnga bzhi nang du 'khor ba yang// ye shes sangs rgyas de
108b4 las med// blta ba 'di la gnas pa ni// rnal 'byor 'di ni skal ba bzang// ci spyad ci bsgom ci bsgrubs kyang// bdud rtsi nyid de sman gyi mchog/ bde gshegs kun gyi thugs dam nyid// rgyal ba rgya mtsho
108b5 rnams kyis gsos// sangs rgyas bde chen nyid las byung// mtha' yas sems can don gyi phyir// rang la mchod cing rang gis bza'// sgrub pa pos ni nan tan bya// zhes bka' stsal to// blta ba'i gnas
108b6 skabs rdzogs so//// bcom ldan 'das bde ba chen po la phyag 'tshal lo// las 'di lung gi bsgrub bya na// mi spang ba dang dang du blang// spyad pa'i dam tshig bco lnga bsrung// de yang ma hA sa ma ya// bzhi po
109a1 rdzogs na kun tu bzang// zhi rgyas dbang dang mngon spyod dang// mnan bzlog drug ni gcig tu'o// dang la ga Na'i lung bshad ste// b+ha ga bAn ni nyid kyi bka'o// lha yi bdud dang phung po'i
109a2 bdud// nyon mongs bdud dang 'chi bdag bcom// phyag rgya chen po bzhi dang ldan// byang chub 'khor ba mya ngan 'das// bcom ldan 'das kyis bka' stsal to// sangs rgyas sems can thams cad dang// mtshan
109a3 mar btags pa thams cad kun// bde chen nyid las gzhan ma yin// bde chen nyid las gzhan pa'i chos// sangs rgyas nyid kyis mi brnyes so// phyi nang ma lus snod bcud kyang// yab yum bde ba'i ngang du
109a4 gsal// 'di ni snying po byang chub lung// de nas ta na bshad par bya// khams gsum thams cad bsgral ba'i phyir// ma skyes pas na 'gag pa 'jig/ bdag nyid med na mnyam pa'i lung// thugs rje chen pos
109a5 cir mi mdzad// yang dag nyid la yang dag sgrol// yang dag bsgral na bde chen thob// stong gsum ma lus bton pa las// 'bum gyis char yang mi phod do// skyes bu chen po rnal 'byor gyis// bsgral ba 'ba'
109a6 zhig snying rje mchog/mi ldog dbyings su yang dag yid// thig le chen por dbang bskur te// zla gsang dbus na byang chub sems// rdzogs sangs rgyas la som nyi med// dri chen rnam par snang bar mdzad// mi
109b1 bskyod byang chub sems dpa' nyid// mAM sa rin chen 'byung ldan che// rak+ta snang ba mtha' yas gsungs// dri chu don yod las grub bo// thams cad ma lus sangs rgyas lnga// lus pa med pa ye shes lnga// ma bcos ye
109b2 nas de nyid do// de phyir sman chen bcud kyi mchog/ bdud rtsi zhes ni de la bya// rtog pa'i klungs su su 'dris pa// mi zhes bya ba sangs rgyas yin// bcom ldan 'das ni gud na med// ces bka' stsal to// spyod
109b3 pa'i skabs rdzogs so//// rigs lnga bde bar gshegs pa la phyag 'tshal lo// byin rlabs dbab pa bstan par bya// yid 'ongaganas su 'dug nas ni// bya ba med pa'i lam 'di bsgrub// maN+Dal brgyad
109b4 pa'i gzhung bzhin du// dpal dang ldan pa'i snod gzhag ste// stong las 'byor pa ye nas dag/ btag dang btsag dag gcal ba yis// nyi zla gsal ba'i dkyil 'khor du// 'bru lnga ye shes 'phro 'du las// stong
109b5 khams khyab par don byas te// bcud kyi snying po kun bsdus nas// dus gsum sangs rgyas mchod pa'i phyir// mu tig dkar po dri med ltar// sgrub pa pos ni nan tan du// gu h+ya lag gi phyag rgya ni// gzhung
109b6 bzhin bstan nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo med pa'i brtson 'grus kyis// bar chad med pa'i 'phro 'du
110a1 bya// gsal la 'byung 'jug lhan ne'o// rtags dang mtshan ma bdun gyis 'byung// 'od dang du ba dri dang sgra// lha mo'i gzugs kyang sten par byed// mang du 'phel na 'grub rtags yin// de la ya
110a2 mtshan bskyed mi bya// mtshan ma de dag ma byung na// bskang gso cho ga rgya cher bya// spogs thabs bskyar nas rtsal shugs dbyung// rdzas rnams kyang ni bstar bar bya// de nas mchod cing dngos grub blang// slob ma
110a3 la yang dbang bskur ro// tshe dang skongs dang yid du 'ong// nad dang bral dang ci 'dod dang// bgegs rnams zhi ba la sogs pa'i// yon tan brgya rtsa brgyad rnams 'di yis thob// snying po tshim byed bcud kyi
110a4 mchog/gtso bo lnga dang 'bras bu lnga// 'di dag rab tu bskyab pa'i phyir// dri zhim bcud ldan thams cad kun// mang po 'dus pa'i mthu byin che// yangs shing rgyud la goms pa dang// slob ma dpa' brtul gtsang
110a5 sbra can// zla gsang dkar dmar rlung dkar lci// nyung yang pany+tsa yan chad kyi// mi phyed pa yi bdun gnas pa'i// thugs kyi dngos grub dam pa 'di// re ba med pas blang bar bya// 'di tshe 'bru ni brtag par
110a6 bya// ma dag pa ni mtshams gcad do// las kyi gtsor ni bskang gso dang// sbyang dang mtshams dang bsal ba yis// nan tan gyis ni brtson 'grus bskyed// the tshoms med na nges par 'grub// ces bka' stsal
110b1 nas/shin tu rnal 'byor gyi dbang phyugs chen po kun yi rangs te bcom ldan 'das kyis gsungs pa la mngon par bstod do// e ma ho gsang ba las byung ba'i// byang chub bde chen nyid la rdzogs// ma rig mun
110b2 sel ye shes sgron// dpa' bo khyod la skyabs su mchi// zhes bsgrub pa'i skabs rdzogs so//// shin tu rnal 'byor dbang phyug chen po'i sgrub pa/ bdud rtsi mchog gi lung/ dum bu gsum pa'i rgyud ces bya
ba rdzogs so/

CLOSE WINDOW