78b5 /// rgya gar skad du/ sarba pany+tsa a mr-i ta/ sa ra sid+d+hi ma hA du ka/ hr-i da yA na pa ra bid twa na aSh+ta/ bod skad du// thams cad bdud rtsi lnga'i rang bzhin/ dngos grub
78b6 chen po nye ba'i snying po mchog bam po chen po brgyad pa/dpal kun tu bzang po la phyag 'tshal lo// bcom ldan gsang ba mchog gi dkyil 'khor na// shin tu rnal 'byor dbang phyug tshogs// rgyal ba rgya mtsho
79a1 'khor dang bcas// skal ldan rnams dang thabs cig bzhugs// gnas mchog yum gyi dkyil 'khor na// gnyis med lhun gyis gnas pa'i tshe// de tshe nyan thos dge 'dun dang// rang rgyal theg
79a2 chen mdo sde dang// byang chub sems dpa'i dge 'dun dang// nyan thos dge 'dun chen po dang// dgra bcom ming yang med nang du// kun bzang thugs kyi dkyil 'khor nas// dgongs te 'di skad bstan pa'i
79a3 lung// bshad cing 'grel ba'i dus gcig dang// 'di skad bstan pa'i dus gcig na// srid gsum ye nas bdud rtsi lnga// ma bcos ye nas rdzogs sangs rgyas// kun tu bzang po'i thugs dkyil nas// dus gsum srid
79a4 gsum sku gsung thugs// ye nas bdud rtsi yin pa'i phyir// nges pa'i klong nas bka' stsal pa// zab mo'i klong nas phyung ste bstan// de nas bder gshegs thams cad dang// thabs cig bzhugs te
79a5 dgongs pa ni// bla na med pa'i byang chub tu// ye shes mnyam nyid nyams rnyed nas// rdo rje gsang ba'i gral bkod de// kun gyi dam par 'di gsungs so// bka' yi dam pa mchog gi lung// nges par byung ste
79a6 gsungs pa 'di'o// sgrub dang bsgrub par bya ba dang// 'bras bu thob par bya ba'i phyir// gsang sngags gsang ba'i man ngag 'di// bdud rtsi dam pa mchog gi lung// snying por bsdus pa'i nges par 'di// byang
79b1 chub 'byung ba snying po mchog/lta ba dang ni spyod pa dang// dam tshig bsgrub pa'i phrin las dang// nges par sgrub dang bsgrub bya'i phyir// zab mo bsdus pa'i lung 'di gsungs// bsam gyis mi khyab bstan pa
79b2 dang// brgyad khri bzhi stong rnam grangs kyang// theg pa'i sgo ni gsum du gsungs// gsang nyid theg par bsdus dang bzhi// ldem por dgongs dang don dam yang// bkri ba'i don de sangs rgyas yin// rna brgyud
79b3 bstan pas thugs brtol te// thig le chos skus khyab pa'i phyir// nges pa'i lung yang sangs rgyas so// sangs rgyas mnyam dang dbyings su 'gro// nges pa'i lung yang rnam gcig tu// gsang sngags gsang bas
79b4 sangs rgyas te// byang chub sems 'di kun tu dag/ rdzogs pa'i ye shes bde chen nyid// ma lus mtha' dag nyid kyi brgya// ye nas bya med bya mi dgos// rgyu dang 'bras bu 'khrul pa'i sgra// mi rtog sbyong ba'i yul
79b5 min no// de lta'i yul du rtog 'dzin gyis// 'khor ba'i rgya mtshor gyur pa yin// nges 'byung chos sku chen po la// b+ha gar ji bzhin bzhag pas na// byang chub nyid de ltung gnas med// bu gcig ma rtsol bde bar
79b6 gnos// rgyud dang lung dang man ngag kyang// dmangs dang rje'u dang rgyal po'i tshul/ khyad par rtsal 'phang thag ring yang// gcig la gcig rten gcig gi ngang// dbyer med tshul gcig rang bzhin pas// cig
80a1 te rnam grangs yongs kyis med// dbyer med ngang du rtogs pa la// bdud rtsi zhes ni de la bya'o// de bas sku gsung thugs kyi bdag/ sku dang rgyan dang 'khor lo yang/ lung chen zab mo'i nang
80a2 na gsal// lnga bzhin nang du 'khor ba yang// ye shes sangs rgyas de las med// dbyings su gyur pas mnyam gnas pas// ye nas sangs rgyas bde chen nyid// bdud rtsi zhes ni de la brjod// skye shi med
80a3 pa'i dbyings su gyur// dbyings 'gyur dag mnyam lhun grub pas// lta ba 'di la gnas pa yi// rnal 'byor 'di ni skal ba bzang// ci spyad ci bsgoms ci bsgrub kyang// bdud rtsi nyid de sman gyi
80a4 mchog/bder gshegs nyid kyi thugs dam nyid// byin rlabs ngo mtshar rgya cher 'byung// rgyal ba rgya mtsho rnams kyis gsos// sangs rgyas bde chen nyid las byung// thams cad ma lus bdud rtsi
80a5 'di// spros med thig ler gnas pa las// mtha' yas sems can don gyi phyir// rang la mchod cing rang gis bza'// sgrub pa pos ni nan tan byos// zhes bcom ldan 'das dpal kun tu bzang pos/
80a6 ye shes chen po'i thugs nas dgongs te bka' stsal pa'o// bdud rtsi chen po mchog gi lung las byang chub sems de kho na nyid lta bar bstan pa'i man ngag chen po gsang ba'i don dang po ste/ thugs kyi rgyal
80b1 mtsho'i nang nas gsang ba'i mdzod chen po las bam po chen po brgyad pa'i dang po'o// ! rgya gar skad du// a mr-i ta ra sa ya na/ ta na dz+ha ya/ pra shasta pra ma na shri kran pra shasta ya na mo/ bod skad du/
80b2 tshangs pa la sogs pa drang srong dang/ lha dang klu dang mi'i byang chub sems dpa' rnams la phyag 'tshal lo// de nas tshangs pa'i gtso bo mchog/ dung gi thor tshugs khong seng can// tshangs pa kun gyi grol chen po
80b3 dang// drang srong chen po ljang sngon dang// tsa ra ka dang nab so skyes// tha skar bu dang lha skabs dang// rgyun shes pa dang g.yon phyogs lha// thang la gnas dang me bzhin 'jug/ dka' gnyis spyod dang ka la
80b4 yan// shing khyer dang ni ljang sngon bu// nyi ma zla ba klu ru bcas// shing gi lha mo 'od 'chang ma// sman gyi lha mo nor gyi rgyun// 'di kun 'khor dang bcas pa yis// kun bzang lha la phyag 'tshal nas// sman gyi
80b5 dbang dang dam tshig mnos// drang srong rnams la rjes su gnang// de nas kun bzang bder gshegs kyis// sman gyi rgyal po bdud rtsi mchog/ nges pa'i lung 'di bka' stsal to// de nas thugs rje'i cho 'phrul
80b6 gyis// sa rnams rab tu g.yos nas ni// stong gsum 'jig rten sa stengs su// thams cad sman chen ra sa yan// skye ba med las thams cad skyes// de ltar smin par byed pa yang// thugs rje rgya mtsho chen po
81a1 las// thugs rje sprin ni khyab pa yis// sprin chen glog gi phreng ba can// yud tsam sgra dang bcas pa yis// sa stengs khengs par char phab nas// de nyid thugs rje snyoms pa'i mgon// chu yi phung po
81a2 bdud rtsi yis// ma lus par ni ngoms par byas// bdud rtsi'i rgya mtsho thigs chen gyis// sa dang sman rnams kun gyi gsos// ri rab rtse dang ri sul dang// sman ljongs dang ni nags tshal dang// lcang lo can gyi
81a3 'khor kun du// sprin chen bdud rtsi char gyis brlan// chu de thams cad ro gcig ste// chu yi bcud las skyes pa ni// dpag bsam shing dang gel pa'i shing// ljon shing dang ni tsu'i ta'i shing// sa stengs khebs
81a4 par skyes pa ste// bdud rtsir gyur te thams cad rgyas// sdong po dang ni sdong chen dang// rtsa ba sdong po shun lpags dang// snying po yal ga lo ma dang// 'dab ma me tog 'bras bur bcas// de bzhin 'bru yi rnams
81a5 grangs kun// thams cad bsdus shing smin par mdzad// 'thungs na ngoms te rgyas par gyur// so so'i yul dang gnas dag dang// mdog dang ro dang dri dang mthu// gang gis sa bon de nyid las// de dag rang
81a6 rang 'byin par byed// de bzhin srog chags thams cad kun// ra sa ya na'i rdzas la spyod// 'gro ba drug gi gsos su 'gyur// bdud rtsi sgo nas rnam par phye// 'jig rten mgon pos bka' stsal to// de nas byang
81b1 chub sems dpa' sems dpa' chen po 'jam dpal rnon pos bsdus te bka' stsal pa/lha dang klu dang drang srong dang/ mi'i byang chub sems dpa'i dge bsnyen chen po dri ma med par grags pa lits+tsha bI la sogs pa
81b2 la bdud rtsi ra sa ya na ta nan dz+ha ya 'di dag bstan no// dang por bsgrub pa'i yul dang gnas ni/ u hu si ti pa tsa zhes bya ste/ ba tri sa zhes kyang bya ba/ ri'i rgyal po gser mdog can gyi rtse mo rta rna ri zhes bya ba
81b3 der/ra sa ya na zhes bya ba drang srong rnams kyis bsgrubs so// de yang thang cig yud kyis 'grub// la la nyin zhag gcig gis 'grub// la la nyin zhag bdun gyis 'grub// mtha' ma nyi shu gcig gis
81b4 'grub// de la the tshom med pas 'grub// de dag kun gyi mtshan nyid ni// rtsa ba sdong bu yal ga dang// lo ma 'dab ma me tog dang// shun lpags 'bras bu snying por bcas// ro dang mthu dang mdog dang
81b5 las// rtsa ba gcig la yan lag brgyad// yan lag brgyad las yon tan stong// 'di dag kun gyi yon tan yang// bzhi brgya rtsa bzhi'i nad sel zhing// bdud bzhi nges par 'joms par byed// sman gyi rgyal po
81b6 bdud rtsi'i mchog/bcom ldan 'das kyis bka' stsal to// drang srong chen po 'di kun kyang// mngon shes lnga dang ldan 'gyur zhing// rig pa'i gnas mchog bcwa brgyad shes// de nas sman ni bsgrub par
82a1 bya// stegs bu khru gang ba gcig la// maN+Dal gtsang ma'i dris byugs la// de yi dbus su sman gyi mchog/ bdud rtsi cong zi rnam gsum dang// ser skya ba las byung ba yi// 'o ma bre gang btsags nang
82a2 du// a sho kan da'i phye ma dang// bsres nas bskol ba'i nang du gdab// lcags las byas pa'i snod du blugs// stegs bu'i dbus su bzhag nas ni// byin gyis brlabs pa'i sngags 'di dag/ stong ngam brgya ni
82a3 rtsa brgyad bzlas// oM badzra a mr-i ta/ pa la lig/ pe la lig tsan da lig swA hA// dngos grub blang ba'i sngags 'di'o// a mr-i ta sid+d+hi byi tsurna ya swA hA/ pu tsa lha ha kan/ byin gyis brlab cing bza' ba yang// nyi
82a4 ma'i gung la bza' bar bya// don dam thig le bden pa las// snying po med las snying po blang// rnam smin 'bras bu rig 'dzin 'grub// nad med lo brgya 'tsho bar byed// de nas drang srong nyi shu gcig/ grub pa'i
82a5 rig 'dzin mchog tu gyur// de yi 'og tu drang srong mchog/ bcwa lnga yis ni bdud rtsi sman// ra sa ya na dam pa 'di// tshe yi rig 'dzin 'dod pa'i phyir// gzhon nu sred ces bya ba dang// 'drob skyob ces ni bya ba
82a6 dang// rtsibs kyi mu khyud la sogs pas// chu bo gang gA'i 'gram du bsgrubs// lha rdzas dge ba a ru ra// rigs bdun sa la lhung ba ni// brgya byin bdud rtsi 'thung ba'i tshe// thigs pa bdun ni kha nas
82b1 ltung// rlung gis khyer te sa las skyes// bdud rtsi'i gtso bor rab tu grags// rlung dang mkhris pa bad kan dang// 'dus pa'i nad dang dus kyi nad// dus min 'chi las thar bar byed// rlung mkhris bad kan
82b2 'di kun yang// gcig la'ang lnga lnga yod par bshad// de kun rab tu bsal ba'i phyir// phung po'i bdud dang nyon mongs bdud// lha bu bdud dang 'chi bdag bcom// bdud rtsi 'di yis sel bar byed// shar
82b3 lho nub byang gang yang rung// brag phug stong pa yod pa las// bdud rtsi 'dzag pa'i khu ba ni// rin chen sna lnga 'byung ba'o// ming ni shi la mdza' du zhes// ra sa ya na bdud rtsi'i mchog/ a ru ra brgya rtsa brgyad
82b4 dam// yang na nyi shu rtsa gcig gam// sul bu zlum por gyur bcos te// de dag rab tu btsos pa dang// lcags zangs 'khar ba'i snod nang du// bkang ste stegs bu gong ma yi// dbus su bdud rtsi sman de
82b5 gzhag/byin gyis brlab pa snga ma bzhin// 'od dang dri dang bro ba'ang med// rtags 'di rnams gsum gang byung yang// lag pa g.yon pa bkan te phyar// mthe bong srin lag mthil du dgug/ blangs te btung ba'i
82b6 sngags 'di'o// oM a mr-i ta si ti bi tsurna ya// lha ha kan zhes brjod do// de yi yon tan brjod mi lang// rdo rje brag dang 'drar 'gyur te// nad med rtag tu dar la bab// grub pa'i rig 'dzin dam par
83a1 'gyur// srid pa chags nas srubs shing gis// bsrubs pa'i 'bras bu rin po che// me shel chu shel gnyis byung ba// de yang thabs dang shes rab ste// nyin mtshan gnyis la dbang byed pa'o// de
83a2 nyid zung yang 'khor du bcas// de nas bdud rtsi zags pa ni// sa dman dag tu mi skye ste// a la be tas sar gal ba// lha dang dri za gnod sbyin dang// rin chen sna tshogs 'byung khungs gnas// legs ldan
83a3 gangs ri gnyan gyi shod// ri brag chu klung bgegs gnas su// lhung nas babs te skyes pa ni// oM li ka dang bris rtsi ka/ nyi ma gzi brjid ldan pa'i chu// a la pe ta sar sra kal pa br-ik+Sha 'bru// de bzhin zla ba
83a4 gzi ldan chu// de yi sa bon lhung ba ni// gser mdog bdud rtsi 'dra bar gsal// dmar ba mer blugs pus bus zer// gzugs bzang mdzes pa phun sum tshogs// tsher ma rno ba dpal dang ldan// bdud rtsi
83a5 shing dang 'bras bur ldan// dug rnams 'joms shing slar yang zlog/ sna tshogs nad rnams sel bar byed// nyi ma'i 'od dang zla ba'i mdog/ ro yang rnam pa sna tshogs ldan// rak+ta'i gtso bor 'di sbyor
83a6 cig/tshangs pa tshe dang ldan par 'gyur// nyi ma zla ba'i dngos grub thob// ra sa ya na'i gtso bo yin// de nas drangs srong gzhon nu srid/ khyab 'jug spang gnyis bya ba yis// rwa yi gzhu thogs mi srun pa// lag
83b1 na mtsho'i cha sna lnga thogs// de yis srid pa chags pa'i bcud// bdud rtsi rnam lnga bskus pa las/ kha nas thigs gnyis sa la lhung// de nas bdud rtsi dam pa'i mchog/ ra sa ya na phyi ma'i rgyu// bu mo bzang po
83b2 gcig tu gyur// chu rlung gang gA'i bye ma la// yong de skye ba bstan pa ni// nyi'u shing ram nye'u zhes bya'o// 'gan ta ku le par pa ta// gnad pri ya ku ma ha go na sig ha ma kha// tsher ma yar lta mar lta ba'o// de la lha
83b3 bran tshogs kun gyis// bskor zhing mchod pa byed pa yin// ston zla tha chung dpyid zla 'bring// nya yi tshe na btsal bar bya'o// btsal ba'i thabs ni 'di ltar ro// byis pa lo drug lo bdun pa// khrus byas dar ldan
83b4 gos bskon nas// shar phyogs ngos su kha bltas te// lha phyag lan gsum byas nas ni// de dag rtsa nas dbyung ba'i sngags// ta d+ya thA sho hod ga te da re swA hA// phyag 'tshal bdud rtsi mchog khyod la// phyag 'tshal
83b5 bdud rtsi las 'byung ba// stobs dang gzi brjid 'phel mdzad ma// rang 'byung ston pa'i bka' bzhin du// lha mo khyod ni dbang gyur cig khu ba ra sa ya na'i mchog/ dngos grub mchog tu nye ba khyod// tshe dang
83b6 stobs ni bdag stsol cig/ye shes thams cad gsal bar mdzod/ shun lpags dang ni rgyus pa bsal// tho to bsnyil te slar la sba'o// snying po brdungs la khu ba yang// ras ni sar pa'i nang du btsir// bdag
84a1 nyid lus kyang khrus byas te// dar ldan gos bzangs gyon nas ni// sman du bsgrub pa'i 'dzab la 'jug/ bsnyen dang 'dzab sgom byas nas ni// stong ngam 'bum mam ci nus bzlas// bza' ba'am
84a2 yang na 'thung ba'i tshe// nyug chu ba yi 'o ma btung// yang na phye ma mchog tu bgam// bza' zhing btung ba'i sngags 'di'o// na ma dza ra a ga dza tu swA hA// zhag gam za ma re re yang// srang re'i cha nas bskyed de
84a3 bza'// zos pa'i yon tan 'di rnams so// lus ngag yid gsum dbang po gsal// bdud rtsi 'di dag su 'thung ba// ji ltar lha rnams 'chi med ltar// klu rnams la ni sman bzhin no// shing rnams la ni chu
84a4 bzhin no// me tog la ni zla ba bzhin// lo ni lnga brgya lon bar du// bcu drug mdog ni gzhon nu 'dra// nad med rtag tu dar la bab// stobs kyang glang po che dang 'dra// mngon shes lnga dang ldan par 'gyur// 'o
84a5 ma dag dang btung ba 'am// mar khu 'am sbrang rtsi dag dang btung// zhag gcig zos na yon tan bcu// zhag bdun zos na yon tan brgya// nyi shu rtsa gcig zos na ni// brgya rtsa brgyad 'dis thob par
84a6 'gyur// bud med stong la khyad par sbyor// sa bon mi zad 'bras bu yang// bu por 'phel zhing dpal dang ldan// mi rnams kyis ni mi sod do// zla gcig zos na yon tan ni// ngo yang zla ba nya ba bzhin// gnod
84b1 sbyin srin pos mi sod de// lha rnams kun dang mnyam par 'gyur// zag pa zad nas nam mkhar 'phur// rdo rje 'gros kyis nam mkhar 'gro// rigs 'dzin go 'phang 'dir thob bo// 'dres pa gang zag mi yi
84b2 zas// zos na dngos grub mi thob nges/ zhes lung du bka' stsal to// de nas drang srong tra sha na// de nas drang srong trag sha na// rgyal po shes nyen can zhes bya// lha dang drang srong thams cad la// mchod sbyin rgya chen
84b3 byas pa las// ma hA de ba lha chen po// kun gyi 'jug tu spyan drangs pas// lha chen drag po de khros te// lha chen de yi dpral ba las// mig gcig lhag par byung ba ste// lha dang drang srong thams cad la// rlung
84b4 mkhris bad kan sna tshogs dang// de bzhin mi la rims nad dag/ rlung lha'i lag par bskur nas gtor// lha dang drang srong mang pos kyang// ma shes ma tshor myos par 'gyur// phye ma'i rgyal po 'dab ma 'di// sa
84b5 stengs khyab par skyes pa la// drang srong rnams kyang mchod pa byed// lug mig me tog chen po 'di// ra sa ya na'i rgyal mo ste// ba yi 'o ma dag dang bskol// rngubs gcig 'thungs pas ba spu langs// rngubs
84b6 gnyis 'thungs pa'i yon tan ni// rims nad thams cad byang bar byed// rngubs gsum 'thungs pa'i yon tan ni// mig rtsa dmar zhing mdog kyang gzhon// phyi ma grib mar bskams pa dang// ma to la yi khu bar
85a1 sbyar// blud na dgra rnams myos par 'gyur// lha yis bsrungs kyang 'chi bar 'gyur// byin gyis brlabs pa'i sngags 'di'o// stong ngam brgya ni rtsa brgyad bzlas// oM so'u gri bA ha na ha na hU~M/ ma ra
85a2 ya ma ra ya/tse ta ya tse ta ya su gri ba phaT/ bdud rtsi ra sa ya na'i gtso// shu dag dang ni ru rta dang// phye mar byas te su blud pa// rgyal po bud med dbang du 'gyur// 'gri ha 'gro lo ki dang sbyar// dgra la blud na
85a3 rna ba 'on// lug mig grib mar bskams pa dang// su ti'i 'o mar sbyar ba ni// dgra la blud na 'chi bar 'gyur// lha chen drag pos bskyed pa 'di// 'jam dpal gzhon nus mkhyen pa las// lha dang drang srong
85a4 gzhan mi shes// de skad ces bcom ldan 'das 'jam dpal gzhon nus/ mi mjed kyi bdag po lha tshangs pa dang/ drang srong dang/ klu'i rgyal po 'jog po dang/ skal pa bzang po'i mi'i byang chub sems dpa'
85a5 lits+tsha bI la sogs pa rnams la bka' stsal to// de yang tshe phyi ma 'am dus phyi mar mi sdod par/ skal pa bzang po'i 'bras bu mngon du thob pa dang/ 'bras bu tshe 'dir nyid la smin to// de nas rtsi yi lha mo
85a6 mchog/ming ni grub pa'i blo gros ma// bu mo mu la zhes bya ba// de yi sa bon lhung ba ni// 'dzam gling shing gi nags las skyes// rak+ta zhes ni 'dir grags pa// ra sa ya na'i gtso mo ste// rtsa ba rak+ta mu la
85b1 kha// rtsa ba me tog 'bras bu rnams// mthun par zad par dmar ba ste// 'bras bu sran ma ma sha tsam// gyen du zug pa de brko ba// ston zla ra ba'i nya la brko'o// srid pa'i na dang nags las skyes// khrag gi
85b2 nyungs ma zhes ni grags// rlon pa'i khu ba btsir ba dang// pad+ma'i rak+ta cha mnyam bsres// de dag bsgrub pa'i sngags 'di'o// oM na mo ra ga rak+ta/ mu la bu ne swA hA/ 'gro ba dbang byed dam pa yin// rtsi yi lha mos
85b3 bka' stsal to// ming gis med du mi rung ngo// rgyal bu don grub bya ba de// mya ngan 'das pa'i sku gdung ni// sha ri ram zhes grags pa yin// de yi sa bon 'phel ba ni// 'dzam gling sa stengs khyab par skyes// ma
85b4 hA ni le zhes bya ba// ming ni tha skar rdo rje yin// me tog tha skar gzhon ni ste// snye ma zur gsum til gang 'dra// rdo rje brag kyang 'joms par nus// sha ri ram dang rus pa yi// sbyar ba'i 'phrad kyi dam par
85b5 rung// ming gis med du mi rung ngo// de yi yon tan thams cad kyang// rus pa sra mkhregs rdo rjer 'gyur// phyag na rdo rje'i mthu yang mnyam// ra sa ya na'i mchog tu gsungs// de nas lha yi dbang po
85b6 mchog/brgya byin bu yi lag pa ru// gnod sbyin rgyal pos mda' brgyab pa// de yi dum bu lag sor yang// sa stengs khyab par skyes pa ni// li byi ce lag dbang po lag/ sdong bu yal ga mdzer pa med// me tog
86a1 zur gsum mda' sgro 'dra// rtsa ba lag sor lnga pa ste// dbyar zla tha chungs nya la brko// bsgrub pa'i lag mthil g.yon du bzhag/ ra sa ya na thams cad kyi// dngos grub blang ba'i phyag rgya yin// de
86a2 tshe med du mi rung ngo// mang du 'phel 'gyur bsgrub rdzas yin// lus la 'byung ba'i dri chen dang// bsgral ba'i dri chen yungs dkar gsum// cha mnyam 'thungs na dug rnams thub// 'chi byed dug ni sel ba'i
86a3 phyir// bdud rtsi zhes ni de la bya'o// ming gis med du mi rung ngo// 'chi bdag bdud kyang des bcom mo// bu rna zhes bya'i rna ba yang// srin po pu rna'i rna ba ste// bsgral ba'i rna ba dag dang sbyar// rna ba'i mngon
86a4 shes thob par byed// ming gis med du mi rung ngo// b+ha hu lu mig me tog dang// mkha' lding bya yi mig dang sbyar// A la big shang shang de'u// rma bya ngang pa ko ki la// 'di rnams bsgral ba'i mig dang sbyar// mig
86a5 gi mngon shes der thob ste// stobs ldan gyi ni mig yin no// ming gis med du mi rung ro// tsitra ka dang snying zho sha/ thams cad gnod spyin snying gi brla// bsgral ba'i tsit+ta dag dang sbyar// mngon shes lnga yi dngos
86a6 grub thob// ming gis med du mi rung ngo// bud med gong bshad 'dra ba yi// klad pa go ro tsa na 'byung// de ni ban glang rigs can yin// bsgral ba'i klad pa thams cad dang// thang bal hA yi rtsa bar
86b1 sbyar// mdangs kyi dngos grub des thob 'gyur// ha lce ki ya kha 'bar ma'i// lce yin pas na lce dang sbyar// dbang po lcags kyi dngos grub dang// spyan ras gzigs kyi dngos grub thob// ming gis med du mi
86b2 rung ngo// srid pa'i bdag po tshangs pa'i gtso// ming ni mgon btsun phywa zhes bya'o// nal gyi bu ni dzi hA zhes// skad ma phyung gi lce zhes bya'o// skad phyung ba ni tshangs pa ste// skad ma phyung gi grubs par gcad// de
86b3 dang sbyar ba'i 'phrad du ni// me tog rma lo kril kril te// ming ni ba ya sa ya'o// rtsa ba ma hA go na sig/ me tog gser gyi mdun zhu can// shar phyogs su ni kha lta ba// 'di'i kun ha lce ki ya ste// cha mnyam
86b4 btags te phye mar bya// zla ba gza' yis zin pa'i tshe// yi dam lha la mchod bya zhing// phye ma rgya chad nang du gdab// thang gcig yud kyis 'grub pa ste// rta mgrin dbang gi dngos grub thob// bsgral ba'i lce
86b5 ni thams cad dang// sbyar ba 'phrad kyi dam par rung// ming gis med du mi rung ngo// sna da nga sna ma'i 'bras bur sbyar// tshangs pa'i gsung dbyangs sgrogs nus 'gyur// bsgral ba'i sna ni thams cad sbyar// ming
86b6 gis med du mi rung ngo// dung dang 'brug rus gdung dang ni// bsgral ba'i rus pa thams cad sbyar// lus kyi rdo rje mngon shes thob// ming gis med du rung ngo// rgya mtsho dbu ba 'dus pa'i chu// sna tshogs chu
87a1 dang gangs kyi chu// lan tshwa sna tshogs dri chu rnams// bsgral ba'i chu ni thams cad sbyar// rdo rje chu yi bdud rtsi ste// rtag tu 'gro ba'i don byed nus// ming gis med du mi rung ngo// dgongs pa'i
87a2 don du sems can mtha' dag la snang ba dang/nus mthu'i yon tan gyis sems can kun la phan 'dogs par nus so// 'gro ba yongs kyi gsos mdzad par dgongs nas/ bcom ldan 'das dpal kun tu
87a3 bzang pos ye shes kyi thugs nas dgongs nas mgur gyi bum par dril te/ljags kyi dbang po la bkram ste/ zhal 'dzum pa mdzad nas/ mkhyen rab kyi dang po 'jam dpal rnon po dang/ rdo rje chos la
87a4 bka' stsal to// 'jam dpal gyis dkyil 'khor gyi sras mchog nye ba dang/ tshangs pa dang drang srong dang/ lha dang klu dang/ mi'i byang chub sems dpa' ba ma la g+hir ti rnams la bka' stsal to// bdud
87a5 rtsi chen po mchog gi lung gi sde las/sman ra sa ya na bsgrub pa'i lung 'bum sde las btus pa/ bam po chen po gnyis pa//// ! rgya gar skad du/ pradz+nyA b+ha ga ban ma hA' rA dzA/ bod skad du/ bcom ldan
87a6 'das gnyis med kyi rgyal po chen po la phyag 'tshal lo// de nas spyod pa bstan te/ lung a nu yo ga ba rdzogs pa'i rnal 'byor du bstan te/ lta ba dang ni spyod pa dang// gzungs kyi mtshan nyid 'di gsungs
87b1 so// de bzhin dam tshig chen po'ang bstan// las 'di lung gis bsgrub bya na// mi spong ba ni dang du blang// spyod pa dam tshig bco lnga bsrung// shes pa lnga dang bsrung ba gsum// stong rtsa brgyad du bsrungs pas
87b2 ni// rtsa brgyad stong zhes de la bya'o// de yang ma hA sa ma ya// bzhi po rdzogs na kun tu bzang// zhi rgyas dbang dang mngon spyod dang// mnan bzlog drug ni gcig tu'o// dang la ga ni lung bshad de// khru tshad bzhi
87b3 dang ldan pa ni// yon tan bcu gcig dang yang ldan// bzhin bzangs mig gi dkyus ring ba// stod smad phyed la rked pa phra// tshigs pa zlum la sor mo ring// yon tan 'od can bcu gcig lo// ye shes rigs
87b4 can yin par bshad// bcu gsum rdo rje rigs su 'grub// bcu drug sngags pas 'grub nges pa'o// rin chen rigs mchog yin par bstan// nyi shu gcig pa pad+ma'i rigs// spyan ras gzigs dbang rta mchog
87b5 'grub// nyi shu rtsa lnga lon pas ni// thogs med byang chub sems kyang 'dren// thams cad las kyi rigs mchog 'grub// sum cu rtsa gcig phan chad kyis// sems phebs tshun chad kun du dge'o// yid du 'ong ba
87b6 dam pa yin// bder gshegs rigs su 'grub par gshad// bde chen 'du 'bral med pa'i gzungs// de dag ma lus gang rnyed pa// lus kyang khrus byas gtsang mar bya'o// dri zhim tsan+dan go pan dang// dzA ti pha
88a1 la ku ru tshe// ka ko la dang ga bur dang// a ka ru dang du ru ska// gi bang glang po'i spos rnams kyis// byugs nas rgyan dang phreng ba gdags// dar dang ras bal 'jam po dang// gos rgyan chas
88a2 bklubs bskon nas ni// gser gyi rna cha gdub kor dang// do shal dpung rgyan se mo do// rin chen sna tshogs rgyan du gdags// ji bzhin bde ba'i stan dag la// g.yon phyogs su ni gzhag par bya// bsnyen pa
88a3 dang ni nye bsnyen dang// bsgrub dang bsgrub chen bya ba ni// dkyil 'khor 'dom gang gru bzhi pa// 'phang du sor bzhi'i tshad du bya// rdo rje dri chus maN+Dal byugs// sha chen gu gul pog gis bdug/ dkyil 'khor de
88a4 la bskor te 'dug/g.yon du de phyi bzhag nas ni// b+ha ga de nyid byin gyis brlab// spyi bor oM dkar 'od ldan pa// lce la oM dmar dam pa bsam// snying gar zla dkyil hU~M mthing ga/ lte bar swa sngon 'od ldan
88a5 pa// rkang par ha ljang 'od ldan pa// ba las pad+ma'i dbyings su yang// gru gsum me 'od 'bar ba bsam// nyon mongs lnga rnams sbyang ba dang// sdug bsngal lnga ni tshar gcad phyir// lag g.yas gzhan gyis
88a6 mi thub ma// g.yon pa ro langs chen mo ste// de yi kha la khro gnyer ma// ral pa gcig ma pad+ma la'o// gsang yum lnga dang khro mo bzhi// byin gyis brlabs te sngags bzlas pa// oM a~MHhU~M swA hA/ b+ha ga ban ni nyid
88b1 kyi bka'// phyag rgya bzhi ru bdag gyur pas// gnyis su med par mnyam sbyar nas// lha yi bdud dam phung po'i bdud// nyon mongs bdud dang 'chi bdag bcom// phyag rgya chen po bzhi dang ldan// mkha' la
88b2 sems phebs 'phros pa'i tshe// byang chub 'khor ba mya ngan 'das// gnyis su med pa'i sar phyin no// bcom ldan 'das kyis bka' stsal to// sangs rgyas sems can thams cad dang// mtshan mar btags
88b3 pa thams cad kun// bde chen nyid las gzhan ma yin// bde chen nyid las gzhan pa'i chos// sangs rgyas nyid kyis mi mkhyen to// phyi nang ma lus snod bcud kyang// byang chub sems su rnam dag pas// skye med
88b4 ye shes yum gyi dbyings// gnyis med bdud rtsi chen po ste// yab yum bde ba'i ngang du gsal// 'di ni snying po byang chub sems// bder gshegs kun gyis bka' stsal to// lus kun yongs su 'khyud pa
88b5 yis// rdo rje pad+mar ldan byas nas// rang 'byung rnams ni bde mchog sems// phul bas myur du grub pa ni// o~M/ ra ga pU dza ho// dngos grub blang zhing 'di brjod do// byang chub sems kyis dbang bskur
88b6 te// dngos grub bsgrub pa la gzud do// bdud rtsi chen po mchog gi lung gi nang nas/ bsgrub pa chen po'i lung dang/ gzungs kyi mtshan nyid dang/ sbyor ba'i man ngag dang/ gAn bsgrub pa'i lung dang/ byang chub
89a1 kyi sems kyi yon tan dang/a mr-i ta grub pa'i lung ste/ bam po chen po gsum pa//// ! rgya gar skad du/ sta na ma hA da ra pany+tsa/ bod skad du/ 'bras bu chen po lnga bsgral ba'o// dpal
89a2 chen khro rgyal 'khor dang bcas pa la phyag 'tshal lo// mi phyed dang bas phyag 'tshal na// de nas sta na'i lung bshad de// ye nas rgyu nyid dag pa las// nga dang bdag tu 'dzin pa yis/ khams gsum 'khor ba'i rgyu
89a3 ru gyur/khams gsum de dag bsgral ba'i zhing/ A sa ma tsa la ng+harma ng+hA tu/ swa b+ha ba At+ma kou0f85 ha~M/ ra~M ya~M kha~M ta tha phaT/ bcom ldan 'das kyis bka' stsal to// mi g.yo phyag rgya chen po'i ngang// dbang phyug chen po'i b
89a4 sgral thabs ni// 'tsho ba'i bdag po'i tshe dang srog/ thugs rje'i ngang dang shes rab dang// thabs la mkhas pa'i byin brlabs kyis// 'gro ba thams cad sbyong bar mdzad// bdud dang gshin rje 'khor
89a5 bcas kun// gnyis med phyag rgyar rol pa yis// dus la bab po sa ma ya// oM sarba pA pa kar he ha sa si stam/ tra~M ka ru ni hU~M dza dza/ ma tang gi ni rnam shes de// nges par gzugs la phab nas ni// Ta ki zhal
89a6 nas nub tu bstan// dbang du bsdu ba'i las mdzad kyis// sangs rgyas kun gyi byin gyis rlobs/ khams gsum ma lus bsgral ba'i zhing// sta na chen po bya ba'i phyir// bder gshegs mang po kun 'dus
89b1 shing// byams dang snying rje ldan pa yis// nyon mongs 'khor ba'i rgya dral to// gnas kyi sgo 'di su yi bcad// sems kyi bdag po bcad dam ci// gzung 'dzin rkang pa bsnol ba yis// yul las 'das pa'i sgo
89b2 phye shig zhes brjod de/sgo dbye'o// ka ta ri ka na pra be sha/ g.yon pa'i zhabs kyis ru tra'i gzugs// gnas kyi sgo 'di bcad bzhin du// bde bar gshegs pa'i skyabs su gsol// shi ba'i sdug bsngal 'dir
89b3 byung ngo// zhes lha chen po brgyad kyis dus gcig tu tshig de smras so// Ta ki brgyad kyis bka' stsal pa// dregs pa ma rungs lha chen khyod// sems kyi sgo kun da dbye yis// rdo rje 'bar ba'i spu gri yis// gnas kyi
89b4 sgo kun des phye nas// sems kyi bdag pos gzung bar bya// ston pas gsungs pa/ skye ba'i rkyen gyis 'chi ba yin// sdig pa'i rkyen gyi bcoms pas 'chi// bdag kyang dngos por lta bas 'jig/ nga yi bstan pa
89b5 'di la gzud// 'on kyang 'chi ba'i sdug bsngal bral// gzugs 'dzin rkang lag yul las bzlas// pho mo bsnol te mnan pa yang// mgo ni lho nub mtshams su bstan// rkang pa byang shar mtshams su
89b6 brkyang// Ta ka'i zhabs ni g.yas pa yis// ru tra ling ka'i steng du mnan// de ltar ling ga mnan byas nas// thar byed chen po'i 'gying stabs kyis// rngoms brjid chen pos 'di skad do// sa ma ya
90a1 ke sha tsi ta dz+wa la hU~M phaT/zhes mnan no// ma hA de ba ru tra dza zhes pa dang/ khams gsum nas 'byung sems can rnams// rdo rje sku yi khyad par gyis// 'od zer tshul du bsdus nas ni// de dag
90a2 bdag gis gzugs la gzung// spro ba rdo rje thams cad kyis// sku dang ye shes mchog gis bya'o// thar pa'i lam 'byed dkyil 'khor 'dir// brod pa can rnams 'ong ba ltar// skal dang ldan pa rigs kyi
90a3 bu// bde bar 'ongs pa legs te 'ongs// rnal 'byor dbang phyug chen po yis// rtse rgyal bstan pa'i gnas chen 'dir// bo ng+hi tsit+ta'i dbyings nyid du/ khams gsum 'khor ba kun bsdu'o// chos nyid skye 'gag
90a4 med pa la// bde bar gshegs dang 'gro ba zhes// dbyings su gcig pas gnyis su med// kun kyang ngo bo mnyam nyid de// thams cad snying po byang chub sems// ma skyes pas na 'gag pa 'jig/ bdag nyid
90a5 med na mnyam pa'i sku// thugs rje chen po cir mi mdzad// ye nas de ltar gnas bzhin du// sems can ma rig rmongs pa'i blos// bdag dang bdag gir so sor 'dzin// rtag chad mtha' gnyis ma spangs
90a6 te// nor pas btags pa'i phung po lnga// log rtog phyin ci log bzhis bcings// nyon mongs sdug bsngal rgyu bsags te// 'khor ba'i rgyud lnga kha brims pas// mya ngan mi 'da' yun rings te// phung po khams
90b1 dang skye mched la// 'khrul pa'i bag chags bag la nyal// bde 'gro'i lam la bsgribs pa'i rnams// 'khor ba'i lam lnga rgyun gcad phyir// ngan song rnam par sbyong ba'o// ma tha ma tha sarba pre ta ga ti he tu~M hu~M
90b2 phaT// pa tsa pa tsa sarba tir ya ga te he tu~M hu~M phaT/ da ha da ha sarba na ra ga te he tu~M hu~M phaT/ de ltar ngan song rnam sbyangs te// sdug bsngal gsum gyi sgo bcad phyir// ra~M ya~M kha~M zhes brjod la/ ye shes 'bar ba'i mes
90b3 bsregs te// mtshan nyid med par stong par 'gyur// dus la bab pa'i sems can de// las la bab pa'i rnal 'byor pas// rdo rje dbyings kyi dkyil 'khor 'dir// thugs rje lcags kyus bkug nas ni// skal
90b4 dang ldan pa'i rnam shes de// thugs rje chen po'i byin brlabs kyis// sku yi sprul pa phyogs bcur bkye// gsung gis sems can mtha' dag grol// thugs ni tshad med bzhi dang ldan// nyi zla gsal ba'i dkyil
90b5 'khor du// tshe dpag med par dbang bskur nas// yang dag nyid la yang dag sgrol// yang dag bsgral na bde chen thob// mi ldog sa la nges par phyin// phyin pa tsam gyis dbang thob nas// rgyal ba'i zhing khams
90b6 dbyings nyid mthong// rgyu drug gnas su mi skye phyir// dpa' bo 'bru lngas lam lnga dgag/ oM a~M hU~M swA hA/ 'og min dga' ldan lha yul du// ye shes rlung gis btegs nas ni// sbyor ba'i lhums su phaT kyis
91a1 'phang// a nri su tri pre du/ gang yang rung ba'i rnam shes de// gsang ba'i dbyings su hU~M gis bsdu// skur bskyed ye shes skur spros te// dbyings dang ye shes lhun grub pas// sangs rgyas zhing sa
91a2 rab 'byams dang// bder gshegs pho brang dkyil 'khor du// rdzu 'phrul zhabs dang ldan pa yis// 'phags pa'i lam du rlung zhugs nas// chos kyi 'khor lo skor zhing gshegs// 'jig rten lha yi gtso bo
91a3 dang// nyan thos dgra bcom rang rgyal dang// sa bcu'i byang chub sems dpa' yis// 'jig rten 'das pa'i mchod pas mchod// stug pos brgyan pa'i sa 'das nas// pad+ma spyan gyi sa la bzhag/ 'chi ba med
91a4 pa'i chos sku thob// stong gsum ma lus bton pa bas// 'bum gyi char yang mi phod de// rang sems ma bcos ye nas chub// skyes bu chen po rnal 'byor gyis// bsgral ba 'ba' zhing snying rje'i mchog/ de nas ma tra
91a5 ru tra de bsgral te// sngon 'byung ba yi gleng gzhi dang// gtan tshigs su dgongs nas/ phyi rabs kyi sngags 'chang rnams yid ches par bya ba dang/ dad pa can gyi rnal 'byor pa rnams drang ba'i phyir/ dur khrod chen
91a6 po'i gnas brgyad dang/ma mo chen mo brgyad dang/ rang 'byung gi mchod rten chen po brgyad/ 'di man chad gtan tshigs dang bcas te bstan to// gong du bsgral ba'i bsam rgyud ni 'og nas zhib tu bstan
91b1 no// 'di yang bsnor te lung dkyus nas bstan no// bdud dang dbang phyug gshin rje de// thugs rje tshad med bzhis bsgral nas// ro yi nyal thabs gan rkyal te// 'dzam bu'i gling lo'i gling
91b2 khams su// bor nas sa gzhi gyur pa ni// dur khrod chen po brgyad du gyur// mgo ni lho nub mtshams su bstan// rkang pa byang shar mtshams su bstan// lag pa gnyis ni g.yas g.yon brkyang// mgo dang lus
91b3 snying yan lag kun// gnas kyi dur khrod chen po brgyad// de ni dpal chen bzhugs gnas yin// thugs rje chen po'i byin brlabs kyis// ro yi srung ma chen mo ni// ma mo chen mo brgyad bzhag go/ de yi gnas
91b4 rten chen por yang// mchod rten chen po gzi byin can// rang 'byung re re bzhag pa yin// de ltar sa gzhi 'di kun yang// bkra shis ya mtshan thugs rje can// chos dang dngos grub 'byung ba'i gnas// cho
91b5 'phrul 'byung bar bka' stsal to// de yi lus snying ma ga ta// dur khrod chen po bsil ba'i tshal// ma mo chen mo ke'u ri gnas// mkhas shing snying stobs che ba'i sa'o// mchod rten ming ni bde byed rten// de yi
91b6 mgo bo lho phyogs kyi// dur khrod chen po bzhag pa ni// sing ga yul gyi gling phran yin// ma mo chen mo tso'u ri gnas// mthong thos rnam pa'i 'phrul bag can// mchod rten ri bo ta la la// lag pa g.yas pa shar
92a1 lho'i mtshams// dur khrod chen po bal yul yin// ma mo chen mo puska si// lhag par zas kyi longs spyod che// mchod rten kha sho byA g+t-i kha'o// lag pa g.yon ni lho nub mtshams// dur khrod chen po sa
92a2 la'i yul// ma mo chen mo bai ta li// phyag na rdo rje dbang gi gnas// de na mthu dang dbang yang che// gyad yul chen po'i sa las ni// mchod rten ma la sa gan da// rkang pa g.yas pa byang shar mtshams// dur khrod
92a3 chen po li yi yul// ma mo chen mo tsaN+Da li// lha mo shang ki ni zhes grags// chu dang me grub rdzul 'phrul can// mchod rten ming ni ge'u to shan// rkang pa g.yon pa nub byang mtshams// dur khrod chen po kha che'i
92a4 yul// ma mo chen mo pra mo ha// bde skyid ldan pa phun gsum tshogs// mchod rten ming ni ske ni ska// pho mtshan steng gi byang phyogs na// dur khrod chen po u rgyan yul// ma mo chen mo kas sma ri// 'byor pa'i
92a5 longs spyod lnga dang ldan// dngos grub can yang de na mang// gzi yi mchod rten chen po ste// ming yang ng+ha rma tsa kra'o// de yi nang grol thams cad kun// dur khrod chen po za hor yul// rgya mtsho'i sgo gling ma ha
92a6 do// lang ka pu rangs srin po'i gnas// ma mo chen mo sma sha ni// mngon shes rdzu 'phrul bsam mi khyab// srin po srin mo sha za rnams// de dag kun la dbang sgyur zhing// rin chen nor dang dpag bsam
92b1 shing// 'byor pa'i yo byad kun dang ldan// mchod rten bde byed gzhon nu'o// 'jig rten kun du bstan pa yi// dur khrod chen po'i gnas brgyad do// de ltar sta na'i dkyil 'khor 'dir// 'das pa'i dus na
92b2 sngon 'byung ba'i// sangs rgyas kun gyis byin gyis brlabs// de ltar gyur pa'i 'dzam gling du// skye shi gnas pa'i yul yin pas// phyi rabs sngags kyi sgrub pa pos// 'jigs byed chen po khrag 'thung gi/ dus
92b3 gsum rgyal ba'i bka' bzhin du// bskyed nas byin gyis brlabs pa ni// sngags mchog bdud rtsir bsgrub pa'i phyir// rgyu dang dam rdzas thams cad ni// sangs rgyas sgrub pa'i rgyu dang bzhi// dam tshig dam par
92b4 bsrung ba'i rdzas// byin gyis brlab par bya ba'o// de nas 'jigs byed chen po'i dkyil 'khor bskyed de/ nges don gcig tu lam rgyud lnga ni 'bras bu chen po lnga yin te/ de dag thams cad 'jigs byed chen
92b5 po'i dkyil 'khor gyis dus gcig tu bsgral ba'i phyir/bdud yak+sha ma hA ru tra zhes bya ba zhig/ dus der bsgral zhing gnas spar ro// de la bdag nyid sku ni smug nag 'bar// phyag na mtshon cha sna tshogs
92b6 bsnams// pradz+nyA ke sha tsi ta dz+wa la hU~M phaT/ ma nu da ra~M to sha phyung/ u ma da ra ma badzra ma hA maM sa/ tra ma kha'i zhes bsgral te/ e h+ye hi ma hA ru tra/ sha tu ma ka ra/ badzra ni hU~M phaT/ ma hA de baM ru tra hU~M dza dzA zhes brjod
93a1 de/sta na dang g+ha na chen por byas/ rnam par shes pa byang chub sems su dbang bskur ro// de na sta na'i dkyil 'khor 'dir// dur khrod bdag po btul nas ni// 'khor bcas ma lus dbang du
93a2 bsdus// 'jig rten gtso bo lha brgyad dang// srin mo brgyad dang bu mo brgyad// dbang phyug nyi shu rtsa brgyad kyis// 'di skad ces ni khas blangs te// mgrin gcig tu ni rab smras pa// ho rdo rje 'bar ba'i me dpung
93a3 gis// bskal pa bas kyang sreg mdzad pa// 'jigs tshul rngam pa'i khyad par can// dbu mang rtsub pa'i tshig sgrogs shing// phyag ma 'jigs pa'i mtshon cha bsnams// zhi ba'i phyag stong spyan stong yang// 'jig
93a4 rten khams kun spa gong na// khro gnyer phyag stong spyan stong gis// dpa' bo sgeg dang 'jigs su rung// rgod dang gshe dang 'jigs par byed// snying rje rngam dang zhi bar ston// 'bar ba'i tshogs chen sna
93a5 tshogs can/khams gsum lha chen thams cad dang// 'jig rten thal bar rlog mdzad pa// e ma ho che mchog he ru ka/ khro rgyal khyod la skyabs su mchi'o// thugs rje nan tan bdag cag gzung// gal te bka'
93a6 bzhin ma bgyis na// bdag cag rnams kyi mgo lus snying// dum bu brgyar ni gtubs 'gyur bgyid// de phyir 'bar bas bdag ma gtang// zhes mthun par smras so/ khams gsum thams cad bsgral ba'i
93b1 zhing// rgyu drug gnas pa'i sems can rnams// bsdu ba'i sbyor bas kun bsdus nas// mi ldog dbyings su yang dag nyid// thig le chen pos dbang bskur te// zla gsang dbus na byang chub sems// rdzogs
93b2 sangs rgyas la som nyid med// sha chen bshang gci khu ba khrag/ bde bshegs lnga yi sa bon te// rnam par dri chen snang bar mdzad// phyi rol chen po lnga dag la// nang gi rgyu 'bras ye nas dag/ mi bskyod byang chub
93b3 sems nyid de// dmigs su med pas dag pa yin// maM sa rin chen 'byung ldan po// mnyam dang mi mnyam dbyer med do// snag pa rak+ta mtha' yas thugs// skye 'gag med de ye nas dag/ don yod dri chu las
93b4 grub pa// dri med rgyu nas rnam par dag/ kun kyang gtsang zhing dri med pas// thams cad ma lus sangs rgyas lnga// lus pa med pas ye shes dang// ma bcos ye nas de nyid do// de phyir sman chen bcud kyi
93b5 mchog/bdud rtsi zhes ni de la bya'o// rtogs pa'i klong du su 'dris pa// mi zhes bya ba sangs rgyas yin// bcom ldan 'das ni gud na med// 'byung ba lnga las gyur pa'i rgyu// sprul pas rigs lnga'i sangs rgyas
93b6 yin// rang gi lus la bsdu ba'i phyir// sku gsum rdo rje dbang thob 'gyur// de phyir bsgrub pa'i rdzas su gsungs// de skad ces sman spyod pa'i lung du bka' stsal to// bdud rtsi chen po mchog gi lung 'bum sder
94a1 bzhugs pa'i nang nas/lung a nu yo ga'i spyod pa bla na med pa bstan pa ste/ bam po chen po bzhi pa//// ! rgya gar skad du/ ku la pany+tsa bud+d+ha na maH/ bod skad du/ rigs lnga bde bar
94a2 gshegs pa la phyag 'tshal lo// ma hA yo ga'i don du bsgrub pa'i thabs 'di bstan to// ri ni nyams dga' mdangs bzang ba'i// yid 'ong gnas su 'dug nas ni/ byin brlabs mtshams bcad brtan byas
94a3 nas// dkyil 'khor 'dom gang gru bzhi pa// dri sna lnga yis maN+Dal bya'o// thig bzhi btab pas dkyil 'khor brgyad// maN+Dal brgyad pa'i gzhung bzhin bri// de yi rtse mo brgyad la yang// yid bzhin nor bu 'bar
94a4 ba bri// de yi dbus su bsam pa yang// srid gsum b+han+d+ha bzang kong yug/ ye nas ma bcos rang 'byung snod// dpal dang ldan pa'i snod bzhag la// de yi nang du sngugs pa'i sman// ye nas rang 'byung bdud rtsi
94a5 lnga// sha chen bshang gcig khu ba khrag/ dag pa'i rgyu ste bdud rtsi'i dngos// stong las sbyar bas ye nas dag/ btag dang btsag dang gzhal ba yi// nyi zla gsal ba'i dkyil 'khor du// 'bru lnga ye shes 'phro 'du
94a6 las// stong khams khyab par don byas te// bcud kyi dam pa kun bsdus nas// dus gsum sangs rgyas mchod pa'i phyir// bka' bzhin bstan pa'i dngos grub blang// mu tig dkar po dri med ltar// sgrub pa
94b1 pos ni nan tan bya'o// 'gu ya lag pa'i phyag rgya yis// gzhung bzhin brtan nas 'phro 'du bya// de dbus klu bdag sa bon gyis// dngos grub dam pa blang bar bya// dgu pa'i sngags kyis btab nas ni// le lo
94b2 med pa'i brtson 'grus kyis// bar chad med pa'i 'phro 'du bya'o// o~M gyis ye shes 'od phyung zhing// AHyis mes bsregs thal bar 'gyur// hU~M gis bdud rtsi rnam par dag/ gsal la 'byung 'jug lhan ne
94b3 bos// rtags dang mtshan ma bdun gyis 'byung// 'od dang du ba dri dang sgra// lha mo'i gzugs kyang ston par 'gyur// mang du 'phel na bsgrub rdzas yin// de la ya mtshan bskyed mi bya// mtshan ma'i rtags dag ma
94b4 byung na// bskang gso'i cho ga rgya bskyed cig/ spogs thags bskyar la rtsal shugs dbyung// dam tshig chen po bskang ba'i phyir// bsgrub rdzas rnams kyang bstar nas gzhag/ de nas mchod cing dngos grub
94b5 blang// slob ma la yang dbang bskur ro// bla ma lung ldan des kyang ni// tshigs su bcad pa 'di dag brjod do// gdod nas ma skyes rnam dag chos kyi dbyings// dag dang ma dag mi rtog rtog las 'das// snga ma
94b6 'das dang da ltar phyis 'byung ba// dus gsum gcig la sku bstan phyi bshol med// dngos grub sna tshogs rlabs chen 'bar ba can// su 'dod sbyin gyis da lta 'di la long// skal par sbrebs dang gti mug mun
95a1 nag la// sprin mthongs nyi shar khud par dro ba bzhin// bdud rtsi rgyal po dbang chen 'di byin pas// rig 'dzin rgyal po gtso bo'i go 'phang thob// tshe dang skongs dang yid du 'ong// bgegs rnams
95a2 zhi ba la sogs te// nad dang bral nas ci 'dod pa'i// yon tan rtsa brgyad 'di yis thob// zhes bka' stsal nas// de nas yang bcom ldan 'das rigs lnga bde bar gshegs pas bka' stsal to// bcom ldan
95a3 'das kyis lung 'di las// dbang bskur gnang ba gang yin pa// 'khor rnams kun gyis thob par shog/ zhes bka' stsal to// yang 'khor nye ba'i sras mchog dam pa 'jam dpal la sogs pas dbang mnos
95a4 nas/yang rigs lnga dang rigs rgya mtsho'i gtso bo la lung gi don zhus pa/ rtog pa dang mi rtog pa'i don ji ltar blta/ don gyi 'bras bu gang lags zhes gsol pa las// kun tu bzang po dang rigs lnga bde bar
95a5 gshegs pas bka' stsal pa/tshangs dang drang srong gtsang ma za// de dag grol bar ngas ma bshad// klu dang bram ze gtsang ma za// de dag grol bar ngas ma bshad// byol song rtsa mchog za ba yang// ji srid 'tsho
95a6 ba'i bar du za// de dag grol bar ngas ma bshad// yang dag don gyi lung 'di nyon// rnal 'byor thabs dang ldan pas ni// chos sku gcig las tha dad pa'i// rigs lnga'i kha dog 'di bshad do// 'di ltar rtogs
95b1 na grol zhes bshad// rang bzhin ye nas dag pa'i rdzas// mnyam pa'i dbyings su rab rtogs na// gnyis med don gyis zin pa yin// ji ltar dmigs pa bzhin du 'grub// dngos dang dngos med rtog pa'i
95b2 mtshan// gtsang dang mi gtsang rtog pa'i mtshan// mkhas pas dbus la gnas mi 'gyur// ye shes sku lnga bstan pa'i phyir// byang chub sems ni dkar bas na// dri med dkar bas ye shes sku'o// rak+ta chags med
95b3 dmar bas na// chags med rnam dag chos kyi sku'o// maM sa yid bzhin rin chen sngo// sna tshogs 'byung gnas mnyam nyid sku'o// rin chen gser mdog snang mdzad de// mngon 'byung sprul pa chos kyi sku'o// dri chu
95b4 dag byed ljang gu'i mdog/kun du don grub las rab sku'o// sku lnga lhun grub bdud rtsi 'di// so so'i lus la gnas pa yin// dri chen dri chu rak+ta dang// maM sa sems chu 'di rnams kun// sems can rtog pa
95b5 bzlog pa'i phyir// gtso ru dang du blang bar bya'o// gtsang sme med par kun gyis spyod// 'di dag grol bar ngas bshad do// the tshoms med pas dngos grub thob// spyod pa'i skyes bu rnal 'byor pas// tshe 'di nyid
95b6 la grub par 'gyur// ces bcom ldan 'das rigs lnga bde bar gshegs pas bka' stsal to// 'di yan chad ma hA yo ga'i don gyi lung dang sgrub thabs bdud rtsi chen po 'bum sde las btus pa'i/ bam po chen
96a1 po lnga pa//// ! rgya gar skad du/ a mr-i ta kuN+Da li na maH bod skad du/ bdud rtsi 'khyil pa la phyag 'tshal lo// bdud rtsi rgyal la phyag 'tshal nas// bdud rtsi sbyor ba'i thabs bstan te/
96a2 de bzhin gshegs pa kun gyis bdud rtsi bsgrub pa'i dgongs pa la zhugs te/ de nas bdud rtsi rgyal po yis/ bdud rtsi sbyor ba'i thabs 'di bstan te bka' stsal to// dang por phun sum tshogs pa'i yul/ dga'
96a3 zhing bar chad med pa'i gnas// btsal nas nyid kyi dbang du bya'o// de nas rang lus bsrung ba'i phyir// lag cha phun sum tshogs pa yis// bar chad byed pa'i dgra bgegs bzlog/ de nas bsgrub pa'i yo
96a4 byad rnams// 'tshe ba zas kyi yo byad dang/ bsgrub pa dam rdzas yo byad dang// rkyen zlog sman gyi yo byad dang// de ltar phun sum tshogs ldan nas// ji bzhin bde bar 'dug nas ni// sa gzhi rab tu sbyangs byas
96a5 te// tshes grangs yar gyi brgyad la brtsam// snga dro'i dus nas dkyil 'khor bya// maN+Dal 'dom gang ba lnga bri// bsgrub pa chen po bya ba'i phyir// dri chen dri chu'i skyong nul bya'o// dur khrod thod pa lnga nang du// tshil
96a6 chen me mar re re yang// me mar sdong bu lnga brgya bya'o// me mar lnga brgya gtams nas ni// de nas bsgrub pa brtsam bya zhing// rdzogs pa'i las ni rnam bzhi bya// zhi ba'i tshe na byang du blta'o// gA na'i tshe na nub tu
96b1 blta'o// sta na chen po lho ru blta'o// rgyas pa'i tshe na shar du blta'o// yang na phrin las rnam pa bzhi// so so'i phyogs phyogs dag nas blta'o// de ltar 'dug stangs bstan nas ni// shar gyi dkyil 'khor steng du
96b2 ni// bsgrub rdzas thams cad gzhag par bya'o// lho yi dkyil 'khor steng du ni// me mar lnga brgya smos pa bzhag/ nub gyi dkyil 'khor steng du ni// sgrub pa yab yum gnas par bya// byang gi dkyil 'khor steng du
96b3 ni// rgyu mchog chen po gzhag par bya// dbus kyi dkyil 'khor steng du ni// bram ze bkra shis gtsang ma'i rigs// bkra shis thod pa gzhag par bya'o// yang na b+han+d+ha dpal ldan rdzogs// zlum zhing 'khyil pa pad+ma
96b4 'dra// dbus na bu ga gcig yod pa// de yi nang du hrI zhes bri'o// de'i nang du blugs pa ni// snying po tshim byed bcud kyi mchog/ gtso bo lnga dang 'bras bu lnga// dri zhim bcud ldan thams cad kun// 'di dag rab
96b5 tu bskyab pa'i phyir// mang po 'dus pa mthu byin tshe// yang na rtsa ba brgyad dang sbyar// go tsi hA dang leng leng hA// gi'u wang tsi'u tang ra sa yan// ga pur mu tig lan tshwa rnams// 'di rnams rtsa ba rgyad dang
96b6 sbyar// yang na gtso bo lngar sbyar ba// a 'bras rgun 'brum pa na se// ger rgya a ru ra dang lnga// 'di ni nang gi 'bras bu lnga'o// sha lnga dag dang sbyar ba yang// dbang po lnga yi gzugs dang sbyar// de yi phrang du
97a1 dgos pa yang// mig dang rna ba sna dang lce// gtso bo tsit+ta nyid dang lnga'o// shing tog rgun 'brum ka ko la// a 'bras pa na bum sha lnga'o// dri ni chen po sna lnga dang// cha yi grangs dang mnyam ste
97a2 sbyar// nA ka ge sar shing tsha dang// sug smel gan+d+ha pa tra dang// kun du ru dang dri sna lnga'o// yang na dri yi rgyal po lnga// rgya spos dzA ti pha la dang// ga bur tsan+da li shi lnga'o// de bzhin spos lnga'i dam pa yang// a ka
97a3 ru dang du ru ska// pog dang sbrang rtsi lce pog dang// gser dngul zangs lcags g.yu dang lnga// bdar ram zhib tu btags te blugs// 'di dag rab tu mnyam zhing sogs// 'di dag sbyar zhing btag
97a4 pa'i sngags// oM a mr-i ta mu sa la/ gra he ha na ha na hU~M phaT/ 'di rnams sbyar ba'i bdud rtsi mchog/ dngos grub 'bras bu nges thob bo// 'bras bu rnam lnga bsgral ba'i phyir// byang gi phyogs kyi dkyil 'khor
97a5 du// me lce gla gli snying la sogs// gsang ba'i brda tshig dag gis ni// de dag rab tu sba zhing bsgrub// phyogs bzhi dbus dang lnga ru gzhag/ rgyu mchog chen po khrus byas nas// mngon spyod mngon spyod ya mtshan
97a6 gyi// 'jig byed 'jigs byed chen po yi// e yi dkyil 'khor sum brtsegs kyi// steng du bzhag nas dbang bskur ro// de nas dpal chen he ru ka/ dur khrod bdag po chen po ni// che mchog shin tu mi bzad
97b1 pa// dbu mang phyag cha rtsub pa bsnams// smug nag sku ni 'bar ba can// zhal ni nyi shu rtsa gcig ste// phyag kyang bzhi bcu rtsa gnyis so// oM badzra ma hA shr-i he ru ka/ ra~M dz+wa la hU~M/ gsang ba'i yum yang yab dang
97b2 mthun// ma hA kro ng+hI shwa ri/ oM sarba thA ga ta mu drA a b+hi shiny+tsa hU~M/ zhes yum dbang bskur nas/ gzhan yang rigs dang mthun pa ru// phyogs bzhi dag tu dgod par bya'o// de yang tshul bzhin byin gyis brlab// e
97b3 h+ye hi ma hA ru tra hU~M phaT/sarbe da a a zhes brjod pas/ tsit+ta drang ngo// yang nas yang du spar byas te// dug gsum rtsa ba der gcad do// rgyu 'bras mthun zhing sbyar ba yang// yangs shing rgyud la goms pa
97b4 dang// chos sku zhi ba'i ting 'dzin yod// yon tan brgyad dang ldan pa la// nges pa'i don dbang thos par bya'o// 'byung ba bzhi las skyed pa'i yum// tshul bzhi dag dang ldan pa'am// yang na mtshan bzang sum cu
97b5 ni// lus la rdzogs par yod pa la// zla gsang dkar dmar rlung dkar lci// de bzhin sring mo rnal 'byor ma// btsal nas bsgrub pa chen po bya'o// 'o ma spos chus mgo lus bkru// dkyil 'khor nang du gzhag
97b6 par bya// 'dzags pa'i dus su sbyar ba yi/ khrag chen po ni sems dang bcas// ra sa ya na'i gtso bor bya'o// bdud rtsi dam pa'i snod bstan pa// kun byed thams cad za ba yis// slob ma dpa' brtul gtsang sbra
98a1 can// skyon drug rnam par spangs pa yi// mi phyed pa ni dgu dang ldan// dam tshig thams cad ma mnyams shing// srog lus bu dang chung ma dang// rin chen sna tshogs 'bul byed pa// sring mo shin tu
98a2 brgyan pa yang// slob dpon bla ma de la dbul// de ltar 'bul ba'i slob ma'i mchog/ yud yang pany+tsa yan chad kyis// rab tu 'bru ni gdams pas bya'o// thugs kyi dngos grub dam pa 'di// rang byung nga yis
98a3 bstan pa'i phyir// re ba med pas blang bar bya// ma dag pa ni mtshams gcad do// las kyi gtsor ni bskang ba dang// sbyang dang mtshams dang gsal bar bya'o// nyi zla pad+ma yang dag gnas// bdag nyid dpa' bo
98a4 'bru lnga yis// gnas lnga dag tu bsam par bya'o// dngos grub rab 'bring tha ma gsum// ma thob bar du mi gtang zhing// gtang na bar chad chen po 'gyur// gsang sngags bdud rtsi yon tan 'di// sad pa'i
98a5 phyir yang bsgrub dgos na// mkhas pas bden pa'i don shes nas// don la the tshom ci ste za// zhes the tshom bcad la/ dngos grub blang pa'i sngags 'di'o// a hoHsu kha d+harma kA' ya ni/ a mr-i ta sid+d+ha hrIH zhes
98a6 dngos grub blang ngo// gnas lnga dag tu bsam pa yang// spyi gtsug dbus su zla ba ste// der ni oM dkar 'od ldan pa// 'od zer lnga ni 'phros pa las// slar 'dus snang mdzad gtso bo ste// rtag pa'i phyag rgya
98b1 bcings pa'o// lce la hri dmar 'od 'phros pas// slar 'dus mtha' yas chos kyi gsung// mnyam pa'i phyag rgyar gnas pa'o// snying gar yi ge hU~M mthing ga/ 'od zer lnga ni 'phro ba'o// slar 'dus mi 'khrugs
98b2 sems dpa' ste// phyag gnyis rdo rje dril bu bsnams// yang na bdud 'dul sa gnon no// lte bar yi ge swA ser po// 'od zer lnga ni 'phro ba las// slar 'dus rin chen dam pa'i gtso// phyag rgya yid bzhin sbyin
98b3 pa'o// gsang bar yi ge ha ljang gu// 'od zer sna lnga 'phro ba las// slar 'dus don yod grub pa ste// zhi ba'i phyag rgyar mnyam rdzogs pa'o// rigs lnga gtogs pa 'di kun yang// rang 'byung gi ni dkyil 'khor
98b4 yin// de ltar 'od zer lnga lnga yis// nyi shu rtsa lnga'i 'phro 'du las/ khams gsum 'gro ba'i don byas nas// slar 'dus sman lnga nyid la bsdu// sman nyid phyag rgyar gsal 'bar nas// 'od zer sna lnga slar 'dus
98b5 nas// phyag mtshan so sor gsal 'gyur te// gser gyi 'khor lo zur brgyad las// dri chen bdud rtsi zhu ba'o// hU~M las rdo rje rtse lnga pa// 'bar nas byang chub sems su zhu// swA las rin chen 'od 'bar te// ma
98b6 hA maM sa bdud rtsir zhu'o// hriHlas 'od zer sna tshogs pa'o// pad+ma rak+ta thig ler zhu'o// ha ljang 'od 'phro sna tshogs pas// dag pa'i dri chu bdud rtsir zhu'o// de ltar 'phro 'du bya ba yang// goms pas yang nas
99a1 yang du bya'o// de nas bdud rtsi rnam lnga la// bsam pa'i yi ge dam pa lnga// oM hU~M swA hrI A/ rtsa ba'i yi ge lnga po yang// 'od zer 'phro ba snga ma bzhin// de nas 'dzab bsgom bzlas pa'i
99a2 sngags// dgu pa 'di ni 'dzab du drang// o~M badzra tsit+ta sa ma ya hU~M thA/ de la bdud rtsi'i phyag rgya ni// lag pa g.yon pa'i dpung pa brkyang// mthe bong srin lag mthil du dgug/ rdo rje mtshon gang bcas pa
99a3 dang// 'dzub mo gung mo mthe'u chung brkyang// sbyar te lag pa'i mthil gyis ni// bdud rtsi snod kyi steng du gnon// de nas bdud rtsi byin gyis brlab// ting 'dzin me dang 'dra ba las// bzlas brjod rlung dang 'dra
99a4 ba yis// glal dang lud pas bar mi gcad// de nas bdud rtsi byin gyis brlab// badzra a mr-i ta o~M AHhU~M hri thA// 'di ni rtsa ba'i dkyil 'khor lnga'o// dzaHhU~M ba~M hoH// ma hA a mr-i ra A be sha hoH/ zhes bcom ldan
99a5 'das bdud rtsi rgyal pos bka' stsal to// bdud rtsi dam pa mchog gi lung las 'bras bu chen po lnga bsgral ba'i lung nges pa dang/ de bsgral nas de sman du sbyar ba'i thabs bstan pa'i bdud rtsi chen po sa ma ya
99a6 'bum sde las/bam po chen po drug pa// ! rgya gar skad du/ a mr-i ta ka la shi sid+d+hi/ bod skad du/ bdud rtsi bum pa'i lung/ dpal bdud rtsi bde ba chen po la phyag 'tshal lo/// phan byed mgon la phyag
99b1 'tshal nas// bsgrub pa'i yul dang gnas bstan te// shar lho nub byang phyogs bzhi'i ri// drang srong chen po'i bsgrub lugs dang// phra men ma yi sbyar lugs dang// rtsi sman 'khrungs pa'i yul khams dang// shing
99b2 dang nags kyi lha mo'i gnas// ri bor sman ljongs tsan+dan gnas// bzhugs pa'i gnas su bsgrub par bya'o// dug rnams bdud rtsir sbyar ba'i thabs// rtsa ba dang ni yan lag bcas// ra sa ya na la sogs
99b3 rdzas// tshang bar bsogs nas bsgrub par bya'o// ri bor nags 'dab chu ngogs sam// brag phug stong pa thibs po'am// bsgrub pa'i gnas mchog der bya'i phyir// sa gzhi rab tu brtag par bya// mnyam zhing
99b4 snum pa'i sa snag can// zug rdo srin brag med pa dang// tshwa sgo sa dang ba tsha med// ma grugs ma gas mnyam po la// bsgrub pa'i gnas mchog der bya'o// rang 'byung khro bo chen po bcus// phyogs mtshams phur
99b5 pas btab nas ni// gnas dang sa gzhi dag par sbyang// oM badzra kI la ya ma hA kro ng+ha hu~M hu~M phaT phaT/ gardza gardza hu~M phaT/ ha na ha na hu~M phaT/ da ha da ha hu~M phaT/ pa tsa pa tsa hu~M phaT/ b+han+d+ha b+han+d+ha hu~M phaT/ hu lu hu lu hu~M
99b6 phaT/tiSh+Tha tiSh+Tha hu~M phaT/ tshin+d+ha tshin+d+ha hu~M phaT/ b+hin+d+ha b+hin+d+ha hu~M phaT/ s+pho Ta ya s+pho Ta ya hu~M phaT/ phyogs bcu dag tu mtshams bcad do// sa bzhi rab tu sbyangs nas ni// dkyil 'khor 'dom gang gru bzhi bya// dri sna lnga dang
100a1 rak+ta yis// byugs pa'i maN+Dal bzang du bya'o// ba su ta yi rgyu phreng gis// theg ni bcu drug char yang gdab// de la thig le bcu drug gam// yang na phyag mtshan bcu drug dgod// de'i dbus su
100a2 bzhag pa'i snod ni// thod pa ma gas ma chag pa// yang na rus sbal mgo yang rung// dkyil 'khor de yi dbus su bzhag/ bdud rtsi sna grangs brgya rtsa brgyad// btags te thod pa'i nang du dgang// 'khor lo lte
100a3 ba'i dbus su gzhag/phyogs bzhi mtshams brgyad rnams su yang// snod ni bzhi 'am brgyad bzhag la// rigs dang kha dog mthun pa'i dar// b+han+d+ha lnga yi kha nas dgab// yang na bum pa'i mgul chings
100a4 bya'o// ra sa ya na la sogs rdzas// ji snyed 'byor pas ma lus kun// dkyil 'khor de la bskor te bzhag/ de bzhin dar dkar mthing yol gyis// dkyil 'khor 'khor bar rab bskor nas// dkyil 'khor grwa
100a5 bzhir mda' bzhi gzugs// me long bzhi dang rat+na bzhi// ral gri bzhi dang phur pa brgyad// dkyil 'khor 'khor bar bskor te bzhag/ ting nge 'dzin rnam gsum rim bzhin bsgom// rgyu yi ting 'dzin 'bras bu
100a6 las// de nyid byang chub sems su 'gyur// 'byung lnga yum gyi dkyil 'khor dag/ byang chub sems las rim bzhin skyed// ra~M ya~Mkha~M su bru~M/ nam mkha'i dbyings dang mnyam pa yi// gzhal yas gsal bar gyur par
100b1 bsgom// dbus su byang chub sems chen po// shar du rdo rje dri chen che// lho ru maM sa sha sna tshogs// nub tu pad+ma rak+ta'i tshogs// byang du dri chu sna tshogs te// 'di rnams rim bzhin bkod pa la// gtso bos sbyor ba
100b2 tshul bzhin bgyis nas/me long yu ba can gyi steng du/ byang chub kyi sems blangs te/ dbus kyi snod blangs la/ kha shar phyogs su bltas te/ byang chub sems kyis g.yab cing dbyangs 'di brjod do// byang chub
100b3 sems 'di'i ye shes rang bzhin te// dri med rnam dag char bzhin bab pa las// 'gro ba kun skyed yid bzhin nor bu'i tshul// gdod nas dag pas bdud rtsi'i rang bzhin la// gnyis med sbyor bas rdo rje'i
100b4 rigs chen 'grub// me long ye shes de nyid yin par bshad ces brjod de/ dbus kyi b+han+d+ha'i nang du/ shel phor bzhag la/ byang chub sems thams cad dang/ gdung dang go ro tsa na la sogs pa kun bsdus la
100b5 blugs so// 'gul yang lag gi phyag rgya yis// de yi steng du bzhag nas ni// sgrub pa po kun kha shar phyogs su bltas te/ byang chub kyi sems kyis g.yab cing/ sngags 'di brgyad rtsa brgyad bzlas so// o~M
100b6 AHhU~M badzra sa twa hU~M/sarba e shud+d+he/ a mr-i ta su kha ma hA yo ga hU~M/ tsit+ta hU~M oM AHhU~M/ ak+Sho b+h+yaHng+he Sha ra ti sa ma ya s+t+wa~M zhes brjod nas/ dbus su blugs la gzhag go/ lho phyogs su kha bltas te/ ma hA maM sa'i snod blangs
101a1 la 'di skad brjod do// sems can rnams ni gnas la chags// nor bas bdag nyid gtsang mar 'dzin// don gyis sun ni ma phyung na// bsod nams thams cad dang bral ba'i// yi dwags
101a2 skam thag chad pa yang// bdag lus gtor bar mi phod na// lha la sogs pa'i bsod nams kyis// lus can rnams la smos ci dgos// de bas 'di kun sun 'byung zhing// rang 'byung bdud rtsi bstan pa'i
101a3 phyir// lhas kyang lha yi bdag nyid bza'// mi la sogs pa de bzhin du// rnal 'byor pas kyang spyad cing bza'// 'di ltar bdag gzhan mi 'byed pas// blang dor med par grol ba yis// mnyam pa nyid kyi don
101a4 mthong na// thams cad mnyam nyid ye shes sku// bder gshegs rin chen rigs mchog 'grub// o~M AHhU~M ma hA maM sa/ sa ma ya ra ho ha~M/ rat+na ra ti sa ma yas+t+wa~M zhes brjod de/ rin po che'i rigs yab yum spyan
101a5 drang zhing brgya rtsa brgyad brjod de/ma hA' maM sa dang/ sha sna tshogs bstabs shing lhor bzhag go/ kha nub phyogs su bltas te/ rak+ta sna tshogs kyi snod blangs la 'di skad brjod do// rA ga rak+ta pad+ma 'byung// smad pa
101a6 mi gtsang rdzas 'di dag/chags yul bde ba'i gnas yin te/ pad+ma rigs kyi dam tshig 'grub// so sor rtogs pa'i ye shes yin zhes brjod cing/ nub phyogs kyi snod kyi nang du blugs la bzhag/ o~M AHhU~M ma hA
101b1 pad+ma rak+ta mu la/a mr-i tA b+ha rA ga ra ti/ sa ma ya hu~M su kha hriH zhes brjod de nub phyogs su bzhag go/ kha byang phyogs su bltas te dri chu'i snod blangs nas 'di skad brjod do// kun 'byung zag pa gur gum
101b2 chu// rdo rje dri yi chu yin te// chu las ma byung gang yang med// las kyi rigs kyi dam tshig dang// nan tan ye shes mchog kyang 'grub/ o~M AHhU~M a mo g+ha sid+d+hi/ badzra ra ti sa ma ya s+t+wa~M zhes brjod de byang phyogs su
101b3 gzhag go/shar gyi snod dang dri chen blangs te 'di skad brjod do// smad pa mi gtsang snyigs ma 'di// rtog pa de nyid snyigs ma yin// tshe mchog 'dzin pa'i bdud rtsi ste// gdod nas dag pa'i rang bzhin
101b4 pas// bde bshegs kun gyi thugs dam nyid// gnyis med sku ru sbyor bas na// chos dbyings ye shes dam tshig 'grub// oM bai ro tsa na mo ha ra ti sa ma ya s+t+wa~M/ ma hA yo ga a ti s+pha ra Na ba lin+ta/ a mr-i ta u tsi tha
101b5 a d+hi tiSh+Tha oM zhes brjod do// de nas sgrubs pa po kun gyis thal mo sbyar te/ dbus kyi snod yum gyis blangs te 'di skad brjod do// ye shes snying po can rnams kyi// sangs rgyas kun gyi chos nyid 'di// snying po
101b6 chos kyi don las 'byung// byang chub spyod pa'i gnas 'dir yin// smad par bya'i rdzas lnga po// gcig la yon tan lnga lnga 'am// gcig la 'ang yon tan gsum du dbye// dam tshig rtsa ba bco lnga yin// yan lag nyi
102a1 shu rtsa brgyad do// snod bcud dbus su 'dus nas ni// bcu drug por yang bstan par bya'o// thabs dang shes rab ldan pa las// sems dpa' sems ma'i tshogs su blta'o// rtsa ba brgyad dang yan
102a2 lag brgyad// rdzas ni sems dpa' bcu drug ste// snod dbyings sems ma bcu drug yin// 'khor lo rtsibs ni bcu drug kyang// rang bzhin mi gnyis dbyings gcig pas// phyag rgya thig le ldan par
102a3 bsgom// sum cu rtsa gnyis mtshan ldan pa// dpe byad bzang po brgyad cus brgyan// rdo rje dbyings kyi dkyil 'khor rdzogs// rgyu yang gsang la 'bras bu'ang gsang// rdo rje dbyings kyi dkyil 'khor la// mdzod
102a4 ldan dpal gyi phyag rgya dang/kha 'byed rdo rje'i phyag rgya ni// 'khor lo rtsibs kyi dbus su gzhag/ bdud rtsi lnga dang rtsa ba brgyad// mig dang rna ba sna dang lce// mtshan dang rnam shes yul dang bcas// 'dus la ma
102a5 byas rdo rje ste// dgongs pa 'dus pas rdo rjer bshad// rdo rje sems dpar rab sbyar nas// rdo rje sems dpa' nyid du 'gyur// o~M AHhU~M sarba pany+tsa a mr-i ta badzra sa twa hU~M zhes brjod de/ bdud rtsi rnam lnga byin gyis
102a6 brlab cing bskul lo// de nas yang rtsa ba brgyad dang yan lag stong du 'dus shing sbyar ba dang skul ba'i tshig 'di brjod do// de nas yang snod stong par rgun chang dang/ sbrang chang dang/ rgya chang dang/ bu ram chang
102b1 dang/'bras chang dang/ chang sna tshogs sbreng zhing 'di skad brjod do/ 'bru rnams la yang chang med de/ chu la chang gi rang bzhin med// mkhas pas 'bru dang chur sbyar na// mnyam pa nyid kyi chang du 'gyur// chang
102b2 byin gyis brlab pa'i sngags/o~M a mr-i ta dza gad pra ba swA hA/ o~M dzi ba swA hA/ sman chang du blugs la/ dkrugs pa'i sngags/ mu sa la mu sa la/ ro mchog go 'phang thob par 'gyur// mi gtsang ba la'ang gtsang ba
102b3 med// man ngag can gyi grub pa pos// mkhas pas gnyis med sbyar bas na// mnyam pa nyid kyi don thob 'gyur// kro ng+hI shwa ri sho ng+ha ya sa~M sho ng+ha ya/ yang 'o ma sna tshogs sbreng zhing 'di skad brjod do// rta dang mi la
102b4 sogs pa yi// ji ltar 'o mar gyur pa la// mkhas ldan chen pos rab sbyar na// yon tan zho dang mar ltar snang// de bzhin rdzas rnams bsgyur bas na// mnyam nyid yon tan mar ltar 'grub/ ces brjod de/
102b5 byang chub sems kyi snod du sbreng du sbreng ngo// de nas rin po che sna tshogs bdar zhing 'di skad brjod do// dper na gser dang rin chen ltar// gcig tu bsreg dang so sor gnas// so sor gnas kyang rang rang gi
102b6 kha dog mtshan nyid so sor gsal// rin chen yon tan de 'dra yang// bsdus nas yon tan rmad du 'gyur// de bas gnyis spras mdzes par snang// de bzhin rdzas kyi yon tan yang// rang gi yon tan rin chen
103a1 snang// gnyis med mnyam par sbyar bas na// bla med yon tan rmad du 'gyur// thams cad gcig tu bsdus ba'o// de nas bdud rtsi ra sa ya na sna tshogs bsdus te/ snod stong par chu sna tshogs sbreng
103a2 zhing 'di brjod do// chu rnams sna tshogs tha dad pa// rgya mtshor phyin na lan tshwa'i ro// de dag thams cad bsdus pa'i dpal// rgya mtsho tsam du rlabs che la// chos kyi dbyings su ro gcig go/ 'byung ba lnga yi thugs
103a3 rje las// sman dang bdud rtsi rnam lnga po// 'gro ba yongs kyi gsos mdzad pa// thugs rje byin gyis brlab pa'o// dngos po med las dngos grub blang// byang chub sems kyi sprin yin pas// ji ltar dmigs pa
103a4 bzhin du 'grub par 'gyur/de skad ces brjod de/ sman lag tu blangs nas/ ngos ngos nas sman che ba'i yon tan brjod do// rang byung gdod nas dag pa yi// rtsa brgyad stong las sbyar ba'i sman// ra sa ya na la
103a5 sogs rdzas// rtsa ba 'bum phrag yangs pa'i bcud// gnyis med bde chen las 'byung ba'i// byang chub sems ni rdo rje ste// sha chen mchod pa rin po che// zas mchog tshe yi dri chen po// pad+ma me tog yang dag
103a6 ldan// rdo rje chu ste bdud rtsi mchog/ ga pur shel gyi spos phor bri// rin chen me ltar 'bar ba'i tshogs// yon tan 'bum phrag yangs pa'i bcud// rigs lnga dam tshig lnga yi dngos// ye shes lnga rdzogs grub pa'i
103b1 rdzas// rgyud lnga sems can kun sgrol ba'i// dug lnga sel ba'i thabs mchog ste// thams cad rnal 'byor bdud rtsi che// ma lus 'dus pa'i thig le ste// sangs rgyas kun dang mnyam sbyor phyir// gcig tu dpa' bo
103b2 ro rnams dang// gnyis su med par mnyam sbyar nas/ dus gsum sangs rgyas thams cad dang// rgyal ba rgya mtsho rnams la mchod// zhes brjod do// de nas shes rab yum rnams kyis/ sman lag tu bzhag la/
103b3 yang bkra shis pa/ don la dam pa 'di brjod do// ngo mtshar rmad du byung ba'i chos// nam mkha' dang ni mnyam pa'i gnas// rnam par mi rtog snang ba las// kun rdzob tsam du bstan pa mtshar// zhes brjod
103b4 do// sman snod bcud chas par lag tu blangs la yum gyi gtso bo la bdud rtsi phul te/ gtso bos blangs te phyag rgya chen por bsgyur zhing bsgom mo// de nas bsgrub pa po'i gtso bos dpa' chas su zhugs te/ ba yang
103b5 nyo ba ti dang// ba yang shang gi ra dang/ na ra si ra dang/ thal chen gyi thig les brgyan te/ sro tsa a~M dzan dang/ dgug cing g.yab pa'i dam rdzas/ mchog gi hasta dang/ brta sha ri la dang/ shun chen gyi 'breng ba/
103b6 'dre brdab pa'i lcag dang/ rkang gi gling bu bud cing ku sha'i glu blang/ mchog gi tshar ma dang/ shun chen gyi g.yang gzhi bting la/ gu gul gyi mgo ma yeng gis bskus la/ rak+ta'i thig le dgu byas te/ mtshon re
104a1 re'i steng du ta krid brgyad gzhag go/byA g+h+ra tshar ma'i g.yang gzhi ta kis gyon la/ mdung la ba dan phyar nas thogs te/ dkyil 'khor yang 'khor lo rtsibs brgyad/ dbus su zla gam dmar po
104a2 gcig bris nas/de'i steng du sman spungs la/ sgrub pa po yab yum yang sbyor ba tshul bzhin du bgyi/ lha mo bcu drug gi bsnyen pa brgya rtsa brgyad yan chad gdon no// de nas byin dbab cing/ dbab pa'i phyag rgya
104a3 yang bya'o// g.yab mo'i brda la sogs te brda sna tshogs dang/ thabs kyi rdo rje badzra sha rI ra~M la sogs pa dang/ yang na mchog gi lag pa g.yon gyis/ sman dgug cing g.yab cing/ 'khar gzhong gi nang du bsres
104a4 te btsags la sman b+han+d+ha'i nang du blugs la/rdo rjes dkrug cing glu dang gar dang rnga dang/ dam pa'i tshig gis bstod do// spos kyis bdug cing gar gyi bro thags dang/ rdo rje 'gros kyis dkyil 'khor du/ bdud
104a5 rtsi dbus su bzhag la bskor ro// de nas ngos ngos nas kyang che ba'i yon tan brjod do// yang zhi ba'i lha'i dkyil 'khor yang// rigs so so'i yig 'bru kun sman la bstim zhing 'di brjod do// o~M a mr-i ta sarba
104a6 ma hA yo ga hU~M/o~M badzra sarba sa ma ya hU~M/ o~M ma hA sarba a mr-i ta ma hA su kha hrIH/ o~M sarba e shud+he/ kro d+hI shwa ri/ sarba shod+ha ya/ o~M AHhU~M badzra a mr-i ta hU~M hrIHtha zhes rab tu yang bzlas so// de nas hom dang sbyin sreg
104b1 dang/me'i phud kyang nang du blugs so// de nas sems sbyang ba'i sman/ leng leng hwa dang shel ga bur dang/ snying zho sha dang/ mkhal ma zho sha dang/ gla gor zho sha dang/ shu dag ku be ra dang/ shu dag pra me dang/ shu
104b2 dag nab se dang/ra sa ya na dang/ ra sa ya na ta na dza ya dang/ khrus mkhan ut+pa la'i thig les brgyan la/ gdod sman bsre zhing sbyar nas/ dkrugs la b+han d+ha ra stsal te/ b+han d+ha gnyis kha sbyar la/ dar gyis
104b3 bcings la/mtshams su rgyas btab la/ gzod dkyil 'khor zla gam gyi dbus su gzhag go/ sngags dgu pa 'dzab du drang ngo// 'di mgo mjug tu tshogs kyi mchod pa bar mi bcad/ mdzad pa bcu gnyis kyi
104b4 'phro 'du yang bya/sman pa sgrub pa'i don dang/ sbyar thabs bstan pa'i lung dang/ las kyi rim pa'i skul tshig dang/ yo byad du byas pa'i rnams bdud rtsi chen po mchog gi lung las bdud rtsi bum pa'i lung gi bam
104b5 po bdud rtsi 'bum sde las 'byung ba'i don// bam po chen po bdun pa// ! rgya gar skad du/ b+ha ga bAn many+dzu shrI tI k+Sh+NA na maHsid+d+ha~M/ bod skad du/ bcom ldan 'das 'jam dpal rnon po la phyag 'tshal lo// de
104b6 nas bcom ldan 'das dpal nyid sku rdo rje lta bu byang chub kyi dgongs pa nyid la bzhugs pa la/bcom ldan 'das byang chub kyi sems rdo rje kun tu bzang po ni/ dus gsum 'du 'bral med pa'i/ yum gyi tshal
105a1 chen po na dgongs pa chos kyi dbyings zhi ba chen po la bzhugs so// rigs lnga bde bar gshegs pa rnams kyang/ gsang ba'i yum bzhi dang/ 'khor byang chub sems dpa'i tshogs dang/ sems
105a2 ma'i tshogs/rdo rje dbyings kyi dkyil 'khor na/ sras mchog dam pa nye ba'i 'khor/ rigs kyi rgyal po ma lus pa rnams dang/ tshangs pa chen po rnams dang/ drang srong chen po dang/ lha dang klu dang/ lits+tsha bI la
105a3 sogs pa'i mi rnams kun la dpal kun tu bzang pos bka' stsal pa/nan tan gyis ni brtson 'grus bskyed/ the tshom med na nges par 'grub// bdud rtsi chen po rnam lnga 'di// spyad cing bcangs pa'i yon tan
105a4 dang// rang bzhin dang ni ngo bo dang// mthu dang byin gyis brlabs kyis 'grub// mi brjed rgyun gyi ting nge 'dzin// nges par bsgrub pa'i yon tan ni// nges pa'i man ngag gsum du bstan zhes bka' stsal nas/
105a5 sdud pa po chos kyi don/ 'jam dpal rnon po la gtad do// de nas 'phags pa 'jam dpal gyis/ rdo rje dbyings kyi dkyil 'khor gyi lha 'khor tshogs rgya mtsho dang bcas pa rnams la 'di skad brjod do// e ma
105a6 hoHsangs rgyas kun tu bzang// gsang chen thig le nyid la rdzogs// ma rig mun sel ye shes sgron// dpa' bo khyod la skyabs su mchi'o// rang 'byung dri med bdud rtsi 'di// sangs rgyas kun gyis bsngags pa'i
105b1 mchog/mi shes dri ma kun bcom nas// nges pa'i dbyings la 'god mdzad pa// gnyis med gus pas phyag 'tshal lo// snang mdzad rdo rje rgyal spyan dang// mi bskyod nyi ma snang mtha' yas// don yod bdud rtsi
105b2 'khyil pa la// dgyes shing gus pas phyag 'tshal lo// dbyings phyug yum gyi tshogs rnams la// dga' ba'i yid kyis 'dud phyag 'tshal// lag na rdo rje rgyal po dang// kun bzang blo glos chen po dang// don rab
105b3 sa snying la sogs la// rab tu gus pas phyag 'tshal lo// nam mkha'i 'jig rten dbang po dang// 'gro ba 'dzin mchog dam pa la// gnyis med gus pas phyag 'tshal lo// dag la rang bzhin dri med sku// tshul
105b4 bzhin phreng ba dbyangs dang gar// spyod mchog dga' sdug phyag 'tshal lo// bdug pa me tog mar me ho// gzugs mchog mnyes mdzad lha mo la// mos pas 'dud cing phyag 'tshal lo// rig byed tshogs kyi
105b5 bdag po mchog/rdo rje srin po 'dul mdzad pa/ khro rgyal yab yum 'khor bcas la// gus pas bstod de phyag 'tshal lo// de nas 'khor rgyal ba rgya mtsho dang bcas pa rnams kyis legs so legs so// a la la
105b6 hoHzhes brjod nas gnang ngo// de nas dbang byin te/ 'phags pa byang chub sems dpa' sems dpa' chen po khyod kyis/ thams cad bdud rtsi'i rang bzhin la/ mkhyen rab dang pos kun gyi mchod pa chen po
106a1 mdzad do// de yang nyid kyis nyid la mchod de/ 'di man chad ye shes kyi lha rnams kyis ting nge 'dzin byang chub kyi sems bdud rtsi chen por thim nas/ mnyam pa nyid kyi dbyings la mi snang bar byas
106a2 nas/ma hA su kha la sbas te bzhugs pa las/ de nas bcom ldan 'das dpal kun tu bzang po dang/ rigs lnga bde bar gshegs pa rnams kyis 'phags pa 'jam dpal la bka' stsal pa/ byang chub sems
106a3 dpa'i mkhyen rab kyi dang po khyod la/da nged kyi chos 'di bsdus te bshad do// 'jam dpal rdo rje chos 'di lta ste// e ma hoHgsang ba las byung ba'i// ma rig mun sel sgron ma'i mchog/ dpa' bo khyod la skyabs
106a4 su mchi'o// nan tan gyi ni brtson 'grus byos// zhes pa dang/ 'jam dpal bdud rtsi 'di'i chos kyi don ni/ dper na me dang 'dra ste/ chung ste rdul tsam nas che ste srid pa'i ri bo yang sreg go/ de bzhin du bdud
106a5 rtsi 'di ni dper na nyi ma dang 'dra ste/nyi ma'i 'od zer chen po ni 'dzam bu gling du thog ma nyid du ri'i rgyal po chen po brgyad la snang bar byed do// de'i 'og tu kho ra khor yug tu snang bar byed do// de'i 'og tu ri
106a6 bo che rnams la snang bar byed do// de'i 'og tu ri nag po rnams la snang bar byed do// de'i 'og tu gangs ri mthon po rnams la snang bar byed do// de'i 'og tu 'dzam bu gling 'dir sa phyogs dma' ba rnams la
106b1 snang bar byed do// nyi ma'i 'od zer chen po de la/ blang dor med de mi rtog mi sems so// rnam par yang mi rtog mi sems so/ rdo rje chos dang 'jam dpal nyi ma'i 'od rnams ni/ dbri bskol med do// de bzhin
106b2 du sems can gyi rnam par shes pa la yang/de dang 'dra ste dbri bskol med do// phye ba dang bskyed pa dang/ bskyungs pa yang med do// de bzhin du chos bdud rtsi 'di yang bsam gyis mi khyab pa'i dbyings su bstan
106b3 pa yin pa'i phyir/bdud rtsi chen po 'di dbu las bsam gyis mi khyab pa bstan zhes smos pa yin no// de bzhin du chos bdud rtsi chen pa'i lung 'di yang ma skyes mi 'gag mi rtog pas// mtshan dang mtshan ma med
106b4 pa dang// mi gnas pa la rnam par khyab ste gnas so// de bzhin du chos bdud rtsi chen po 'di yang nyi ma'i 'od zer dang 'dra bar kun la khyab par gnas te/ skal ldan rigs lngas 'byung ba lnga la khyab cing/
106b5 'byung ba lnga nyid rigs kyi yum lnga'i tshal chen po ste/ yum lnga dang yab lnga yang gdod nas dag ste/ nyi ma'i 'od bzhin du shar ro// de nas bcom ldan 'das kyis 'khor rgyal ba rgya mtsho rnams la bshad do// de
106b6 nas bcom ldan 'das kyis 'khor rgyal ba rgya mtsho rnams la khyab bo// de nas srid pa'i 'jig rten du mi mjed kyi bdag po tshangs pa'i lha rnams dang klu rnams la khyab bo// de nas mi'i byang
107a1 chub sems dpa' rnams dang rim pas nam mkha'i nyi ma bzhin khyab cing shar ba ste/thugs rje'i bdud rtsi 'di yang srid pa gsum du nyi ma bzhin du shar bar bya ste/ 'jam dpal stong gsum
107a2 gyis stong chen po'i 'jigs rten gyi khams na/sangs rgyas kyi zhing phra rab snyed la bsam gyis mi khyab pa'i lus phul bas ni/ bdud rtsi chen po 'di lus la bcangs pa bsod nams che'o// 'jam dpal dus
107a3 gsum gyi sangs rgyas kyi zhing yongs su sbyang ba bas ni/bdud rtsi 'di lus kyi mgul du btags pa 'bum gyi char yang mi phod do// 'jam dpal bskal pa gang+gA'i klung gi bye ma snyed kyi sangs rgyas rnams la spyi
107a4 bos bkur zhing phyag bya ba'i don ni/bdud rtsi chen po 'di spyi bo la bkur ba'i yon tan ni/ sangs rgyas thams cad bkur ba yin no// 'jam dpal bskal pa stong gi bar du sems can gyi don bya ba bas
107a5 ni/bdud rtsi chen po 'dis lan cig gis 'gro ba'i don byas pas/ dmyal khams brgyad kyi 'jig rten yang thar pa'i lam du 'dren pa yin no// zhes gsungs pa dang/ de nas bcom ldan 'das kyis tshigs
107a6 su bcad de bka' stsal pa/bdud rtsi chen po'i rang bzhin ni/ kha dog dbyibs dang mtshan ma med// 'gog pa med cing dbye ba'ang med// rtsa ba med cing rten pa'ang med// bdud rtsi che la brjod pa 'ang
107b1 med// nyon mongs dug dang bdud bzhi bcom// dri med dag pa'i byang chub sems// nges don de la 'dud par byos// de nas bcom ldan 'das dang dam pa'i chos bdud rtsi'i lung 'di la 'phags pa 'jam
107b2 dpal gyis slar la lan gsum du bstod pa/nam mkha'i mtshan nyid sangs rgyas te// mtshan nyid med pas nam mkha' 'dra'o// bya ba med pas grol ba ste// bdud rtsi mchog la phyag 'tshal lo// chu zla bzhin
107b3 du dri bral bas// thams cad rtog pa yongs su spangs// bdag tu 'dzin med rnam par dag/ bdud rtsi rgyal la phyag 'tshal lo// dus gsum chos kyi dbyings dang mnyam// bdud dang ngan song gsum
107b4 las thar// len pa med cing gtong ba'ang med// dri med dag pa'i byang chub sems// bdud rtsi mchog la phyag 'tshal lo// dus gsum sangs rgyas bskyed pa'i rgyu// khams gsum sems can 'dren pa'i
107b5 dpal// 'gro ba drug gi sgrib sbyong ba// bdud rtsi rgyal la phyag 'tshal lo// de skad ces gsol nas/ phyi nang gi snod bcud ril sman ra sa ya na dang/ bdud rtsir gnas so zhes lung dang man ngag dag tu
107b6 bsdus te bka' stsal pa'o// bdud rtsi chen po mchog gi lung/ lung gi rgyal po chen po rtog pa'i mchog las 'khor lo bskor ba'i nang nas lung gi bam po chen po brgyad pa'i 'grel pa chen po'i don/ bam po chen
108a1 po brgyad pa rdzogs so//// spyir bdud rtsi 'bum sde las myur shas tsam cig bi ma la mi tras bshad cing/ lots+tsha ba dz+nyA na ku ma ras bsgyur ba'o// rdo rje yang dbang gter gyi lags rdzogs
so/

CLOSE WINDOW