290b1 / gnod 'dul lha yis sems la gtad// tan+t+ra he ru ka'i gal po rdzogs so//// rgya gar skad du/ shrI he ru ka tsit+ta tan+t+ra kalpa nA ma/ bod skad
290b2 du/dpal he ru ka'i thugs kyi rgyud gal po zhes bya ba/ dpal 'jigs byed chen po khrag 'thung he ru ka la phyag 'tshal lo// 'di skad bdag gis thos pa'i dus gcig na/ bcom ldan 'das de
290b3 bzhin gshegs pa thams cad kyi sku dang gsung thugs rdo rje btsun mo'i b+ha ga la bzhugs so// de'i tshe brjod kyis mi lang ba'i yang brjod kyis mi lang ba'i 'khor la 'di lta ste/ lnga
290b4 dang gsum dang brgyad gnyis dang// bzhi dang gcig dang bzhi bcu gcig/ mkha' dang 'degs dang 'bar dang gsal// rin chen mchog phran yon tan brgyan// shrI ni gnyis med ston pa'i don// he ni
290b5 dgyes pa'i gad mo ste// ru ni chags pa chen po'i don// ka ni ye shes phrin las bzhi// ye shes lnga yi rang bzhin sku// lus kyi rnam shes gzugs sku rnam snang mdzad// gti mug rnam dag yang dag
290b6 bcom ldan 'das// kun gzhi'i rnam shes mi bskyod rdo rje sems// zhe sdang rab grub bcom ldan 'das kyi sku// nyon mongs rnam shes tshor ba rin chen 'byung// nga rgyal rang grub gcig pu bcom
291a1 ldan 'das// yid kyi rnam shes 'du shes snang mtha' yas// 'dod chags rang byung sangs rgyas bcom ldan 'das// sgo lnga'i rnam shes 'du byed don yod grub// phrag dog rang byung
291a2 rnal 'byor bcom ldan 'das// kun gzhi'i rnam shes rang byung dpal chen nyid// dug lnga rang byung kun 'dus bcom ldan 'das// rnal 'byor zab mo'i ngang du sku gsum rdzogs// yang dag grub
291a3 pa chos sku gcig nyid ni// ye nas dag pa chos kyi sku// lhun gyis gnas pa'i longs spyod rdzogs// 'joms byed ces bya'i dam tshig ni// bdag nyid lha yi dkyil 'khor du// phung po lnga nyid
291a4 rdzogs sangs rgyas// nyon mongs pa ni gnas su dag/ skye 'jig med pa'i gnas la bzhugs// mkha' 'gro sgyu ma bde mchog bde// tsham rngams drag pos lha chen 'dar zhing brdzis// brtul
291a5 zhugs rol pas rdos bcas phung po bshig/rnam shes mi 'chi rgyal ba'i gnas su stobs// nyon mongs mi spang sha rus khrag la rol// sangs rgyas bde chen kun 'das dpal gyi sku// spos mo
291a6 dkar ser chom rkun rmongs byed ma// mthing dang ljang sogs chags pas khro bar byed// rdo rje mkha' la 'gro ba'i tshogs rnams dang// dpal gyi bka' nyan lhag mar dbang ba bdun// 'dus pa'i
291b1 'khor tshogs ye shes A ra li// gzhi lam 'bras bur bcas pa'i chos// rnam pa gsum gyi don bshad do// he ru ka thugs kyi gal po las/ glaing gzhi'i le'u ste dang po'o//// de nas bcom
291b2 ldan 'das de bzhin gshegs pa thams cad kyi bdag pos// de bzhin gshegs pa nam mkha'i dbyings dang mnyam pa'i de bzhin gshegs pas btsun mo'i b+ha ga la dam tshig chen po'i dkyil
291b3 'khor gru bzhir byin gyis brlabs pa'i ting nge 'dzin la snyoms par zhugs nas rig pa'i skyes bu chen po'i gzugs/de bzhin gshegs pa thams cad kyi bdag po 'di byin gyis brlabs
291b4 so// byin gyis brlabs ma thag du byang chub sems kyi rdo rje de bzhin gshegs pa zhal gsum pa lta bur gyur te// de la de bzhin gshegs pa thams cad kyis gzigs par gyur to// de'i tshe nam
291b5 mkha'i dbyings na bzhugs pa'i sems can ji snyed pa de dag/byang chub kyi sems rdo rje'i byin kyi rlabs kyis bde ba dang yid bde ba thob ste/ de nas bcom ldan 'das mi bskyod pa la sogs
291b6 pa thams cad ngo mtshar che ste/phyi nang gsang ba'i dbang la dam zhing bstod do// de nas de bzhin gshegs pa thams cad 'dus te/ byang chub sem dpa' don thams cad rab tu grub pa zhes bya ba/
292a1 byang chub kyi snying por zhugs pa gang na bder gshegs te// byang chub sems dpa' de la ched du longs spyod rdzogs pa'i skur bstan nas/ 'di skad ces bka' stsal to// rigs kyi
292a2 bu khyod gang gi phyir yin/de bzhin gshegs pa thams cad kyi sku gsung thugs kyi de nyid rtogs par bya ba'i phyir dbang gi tshul 'di dag go/ rang bzhin lhun grub ye dkyil du// slon ma rab
292a3 gzhug dbang skur te// bya bral ye rdzogs man ngag bstan// ting 'dzin brtan pa'i dkyil 'khor du// slob ma 'bring gzhug dbang bskur te// bskyed rdzogs bsgrub pa'i man ngag
292a4 bsten// gzugs brnyan bsnyen bsgrub dkyil 'khor du// tha ma'i slob gzhug dbang bskur te// rim gyis bslab sbyang man ngag bstan// rdo rje tshul du dbang dag sbyin// lha mo dag dang gar byed
292a5 cing// der ni rab dgyes bdag po khrid// pho brang dag byed rab dges che// rab dgyes bdag po de thob ldan// seng ge'i bden rab 'joms byed cing// gzhi dang gzhi yi mchog nyid
292a6 kyis// rdo rje pad+ma ldan byas te// dbyings kyi bde chen de las so// g.yon phyogs gnas la tshul bzhin du// ji ltar 'dod pa bzhin du sbyar// dkyil 'khor zla gam zhes gsungs te// mchog nyid
292b1 yid kyi dkyil 'khor ro// gzhal yas khang chen ye shes te// 'khor 'das mnyam pa gru bzhi zhes// sgo bzhi dran pa nyer gzhag bzhi// rnam thar brgyad dang rta babs so// rin chen sgo
292b2 stegs thugs rje'i ngang// yang dag spong bzhi twa ra na// dran pa nyer gzhag sgo khyud dang// rdzu 'phrul rkang bzhi'i sgo khyams dang// phreng ba byang chub yan lag bdun// 'phags lam brgyad kyi ka
292b3 bas mdzes// lam gyi ye shes rnga yab dang// nyon mongs 'ching 'joms mu tig phreng// dril bu ba dan rlung bskyod pa// shes rab chos kyi sgra sgrogs dang// che ba'i yon tan 'dus pa'i
292b4 rtags// bdud bzhi 'jom pa'i rgyal mtshan dang// thong phreng sku gsum 'thob pa'i rtags// gzhal yas khang mchog dmar po der// yan dang nus mthu'i dbang yang sbyin// dbu rgyan cod pan
292b5 phreng ba dang// go cha rgyal mtshan phyag rgya dang// gdugs dang bum pa bza' btung dang// snying po lnga dang nus pa lnga// gsang ba'i dbang gsum byin byas la// dbang bskur man ngag snying por
292b6 sbyin// sa lam rim gyi rab tu bgrod// bla med mi spang bla ma bkur// sngags dang phyag rgya rgyun mi gcad// yang dag lam du zhugs la byams// gsang ba'i don phyir smra mi bya// 'di ni rtsa ba lnga
293a1 rnams te// bsgrub dang srung ba'i dam tshig mchog/ gti mug chags dang zhe sdang dang// nga rgyal phrag dog mi spang ngo// dkar rtsi dmar rtsi sha chen dang// dag pa'i snod chu mi 'dor
293a2 ro// ran lag bcu yi dam tshig ste// ye nas dag mnyam rtogs pas spyad// dam tshig nyams pa'i dkyil 'khor du// dbang bskur dngos grub 'byung mi 'gyur// rtsa ba'i dam tshig lnga nyid
293a3 las// gcig la gnyis dang bcu phrag gsum// he ru ka'i gal po zhes bya ba'i rgyud las/ dbang dang dam tshig bstan pa zhes bya ba'i le'u ste gnyis pa'o//// de nas yang dag bshad bya
293a4 ba// mdor bsdus pa ste rgyas par min// grub pa dang ni rab tu bsgrub// sgrub pa'i 'bras bu blang bar bya// zhi ba'i dgon gnas lha yi gnas// ri bo chen po 'dus pa'i rtser// gangs dkar shel
293a5 gyis gtams pa'i 'dabs// seng chen khros pa'i gnas dang ni// tsan dan nags dang me tog tshal// yid 'ong dben par rab tu bshad// khro bo'i dgon gnas srin po'i gnas// ri bo chen po
293a6 btsan po'i ngos// khrag dmar gtams pa'i dkyil ngos la// stag dred 'thab pa'i gnas su bya// ma mo'i dgon gnas dur khrod dang// shin tu 'phen pa'i sa phyogs na// gsar rnying dbugs
293b1 bral ma bdun khyim// rdo rje rigs kyi dgon gnas ni// dur khrod dang ni lha rten dang// ma mo'i khyim dang yid du 'ong// der ni sa yi cho ga dang// phyi nang las kyi rim pa brtsam// gnas su phyin
293b2 la mtshams su bcad// ma dag bshags pa'i bya ba dang// b+ha lan sku yi sbyor ba yis// bsgral zhing mnan pa'i las kyang brtsam// dben pa'i gnas su bla ma la// dam tshig dbang gi brtul
293b3 zhugs nod// thig le zla gam gcig pa ru// dmigs rten mngon par bzhags nas su// sems nyid gnas par bya ba'i phyir// thabs kyi ngo bo thams cad dam// de bzhin srog dang rtsa las
293b4 byung// rang gi lha yi cha byad du// sgrub pa'i phyag rgya rab tu bya// char sprin mdog 'dra dpa' po'i gzugs// shin tu gtum po 'khor dang bcas// yang na gtso bo gcig pu bri//
293b5 slob dpon dang ni slob bu dang// gnas dang yo byad ldan gyur nas// sgrub pa'i las la gzhugs par bya// bslang dang brtag dang sbyang ba dang// bgegs bskrad sa bzung dpang po gzhag/ 'jig rten sa bdag lha
293b6 klu la// sa rin gzhal te sa bslang sbyang// rnam par rtog pa bgegs yin te// bgegs ni rang gi sems las byung// sems la rang bzhin med shes na// gzhan na bgegs zhes bya ba
294a1 med// shes rab kyis ni rnam bshad bya// cod pan bde gshegs lngar bsgom nas// sangs rgyas kyis kyang gnod mi nus// btab pa tsam gyis bgegs 'phen byed// zhe sdang rdo rje'i
294a2 ting 'dzin gyi// gnas bsrung ba ni rab tu bya// g.yas kyi spyan zur bzlog pa las// nyi ma'i dkyil 'khor bsam par bya// gu lang dbang chen nye dbang dang// u ma gshin rje tshangs par
294a3 bcas// thams cad ma lus sreg par byed// zla bas gso bar byed pa dang// ka ta ra li 'bar spro zhing// mtshon cha 'bar pa'i sa bon gyis// thams cad ma lus bsal bar bya// sangs rgyas
294a4 kun gyi ting nge 'dzin// stong pa nyid ces rgyal bas gsungs// de bas rnam pa thams cad du// thams cad tshul bzhin byin gyis brlabs// pho brang lha dang dmigs pa'i yul// rdo rje thod pa'i sbyor
294a5 ba dang// chags pa'i chen po yul du bya// dur khrod gnas kyi sa blangs la// stegs bu 'dom gang gru bzhi pa// steng du khru gang pa yi tshad// ba byung sna ldas skyang nul bya// rang byung lnga yi khyad par
294a6 las// sa bon ye shes lnga ru rdzogs// dkyil 'khor zla gam sgo gcig la// shar du bstan pa byas nas su// kha dog sdug gu'i tshon gyis bri// chos kun rtsa ba sems yin te// sems kyi rtsa ba
294b1 gsum du shar// de nyid gzhal yas gnyis dang lha// mi rtsol bde bar rab 'bad pas// snying rje chen pos 'gro don mdzad// thams cad 'byung ba'i rgyu las ni// 'byung ba lnga yi phra bkod
294b2 pas// yum lnga rnam dag mkha' dbyings te// ma bcos lhun grub yum gyi mkha'// rgyal ba'i bzhugs gnas rnam par dag/ bzhi po rtsa ba yan lag dang// rigs dang sku mdog phyag mtshan
294b3 dang// yi ge snying po phyag rgyar ldan// go rim gdan dang rgyan lugs dang// bzhugs thabs tshul dang bcu bzhi yis// zhi ba'i las rnams bskyed par bya// mi bskyod mthing ga dkar dmar
294b4 zhal// rdo rje 'khor lo rin chen g.yas// dril bu pad+ma ral gri g.yon// dbyings phyug g.yas b+han g.yon dril sngo// dkyil 'khor lnga dang ldan par bsgom// spyan drang mchod bstod la sogs
294b5 pa// ji ltar rim pa bzhin du bya// spros med bar mar rab tu khros// blo yi rim pas bsgom par bya// tshom bu lnga yi maN+Dal la// mkha' 'gro ma yi 'khor gyis bskor// dang por stong nyid rnam
294b6 bsam ste// lus can kun gyi dri ma bkru// gru gsum mthing nag nam mkha' la// 'degs byed rlung nag rgya gram gtams// raka ta'i rgya mtsho rba klong 'khyil// keng rus ri rab brtsegs pa'i
295a1 steng// dur khrod me ri smug nag 'bar// zla gam dbang chen maN+Da la// dur khrod yon tan tshogs kyis brgyan// phyi dang nang med rab tu gsal// ye shes gzhal yas nam mkha'i
295a2 rgya// b+h+rUM bi shwa bi shung+ng+he dz+nyA na tsa kra maN+Dal b+h+rUM/ dpal stobs nyi zla pad+ma'i gdan// rdo rje dbyings las dpal gyi skur bsgyur ba// dngas pa'i mtsho la rlabs chen 'khrugs pa bzhin// zhi ba'i sku las khro
295a3 ba'i phyag rgya bstan// gcig dgu nyi shu gnyis dang lnga bcu brgyad// 'bar ba'i rgyal po cir yang ston par mdzad// bsgrub dang gsang sngags spyod pa dang// grub pa dang ni gnas dag
295a4 dang// bzlas pa'i sgra yang phyag rgyar rtogs// ting 'dzin lta stangs cho 'phrul brtag/ dbus su rgyal rigs dum bu gcig/ phyogs bzhir bram ze rgyal rigs dang// rje'u rigs dmangs rigs
295a5 bzhi la bya// mtshams bzhir khrus kyi mkhan po dang// rje rigs btso blag mkhan rnam dal// mi yi khrag la snag tsha bya// mchog gi rkang gi smyug gu yis// lha dgu so so'i snying po bri// rab tu mtshan
295a6 gsol bzhugs su gsol// zla gam dkyil 'khor yum gyi mkha'// b+han+d+ha bde gshegs sku yi sku// yig 'bru bde gshegs gsung gi gsung// ma ram bde gshegs thugs kyi thugs// he ru ka'i
295b1 gal po zhes bya ba'i rgyud las/lha rnams 'byung ba bstan pa'i le'u ste gsum pa'o//// de nas yab khrag 'thung chen po de nyid kyis sngags bsdus pa'i 'di lta bu gsungs so// oM ru lu ru lu
295b2 hU~M b+h+yaM hU~M/badzra gau rI ha/ badzra tsau rI ha/ badzra pra mo he ha/ badzra bai tA lI ha/ badzra puk+ka sI ha/ badzra g+has ma rI ha/ badzra sma sha nI ha/ badzra tsan ng+ha lI ha/ badzra seng ha mu kha he/ badzra byA g+h+ra mu kha he/ badzra shr-i
295b3 ga la mu kha he/badzra shwa na mu kha he/ badzra gr-ing+ng+ha mu kha he/ badzra kAng+ka mu kha he/ badzra kA ka mu kha he/ badzra u lU ka mu kha he/ badzra Ar+ya te dza tang dza phaT/ badzra a mu khe hU~M phaT/ badzra lo ka baM phaT// badzra b+ha
295b4 smi pa la ya ba tu hoHphaT/bdag nyid sangs rgyas thams cad kyi// sku gsung thugs kyi rdo rje'i bdag/ khro rgyal ye nas yin pa'i phyir// phyag rgya chen por mngon rdzogs shing// sku gsung thugs su
295b5 rang dbang bskur// ye shes thugs kyi dkyil 'khor gsal// oM AHhU~M/ A+oM sarba ta thA ga ta kA ya badzra swa b+ha wa At+ma kou0f85 haM// wA ka badza?swa b+hA wa At+ma kou0f85 haM// tsit+ta badzra swa b+hA lba A kou0f85 haM/ de na
295b6 s bcom ldan 'das ye shes lnga dang ldan pa'i sngags 'di gsungs so// oM ma hA shu n+ya tA dz+nyA na badzra swa b+hA wa At+ma kou0f85 haM// oM ma hA A dar+sha dz+nyA na badzra swa b+hA wa At+ma kou0f85 haM/ oM ma hA sa ma tA dz+nyAn b
296a1 adzra swa b+ha wa At+ma kou0f85 haM/oM ma hA pra t+ye be k+Sha Na dz+nyA na badzra swa b+hA wa At+ma kou0f85 haM// oM ma hA kr-i h+ya a nuSh+Tha dz+nya na badzra swa b+hA ba At+ma kou0f85 haM/ oM ru lu ru lu hU~M b+h+yo hU~M/ shri he ru ka ma hA ka ru Ni
296a2 ka i daM sa ma ya dzaH/ba ling+ta gr-ih+Na ho khA hi khA hi/ pi pa ho/ a la la ho// a mr-i ta khA hi/ mkha' 'gro'i ming dang gtor sngags sbyar// rdo rje thod chen sha chen dang// glang chen mi dang shugs chen
296a3 sha// khyi sha bdud rtsi lnga la sogs// me rlung skyor pa ldan pa yis// rgyal ba'i dkyil 'khor tshogs la 'bul// dpal he ru ka 'gal po zhes bya ba'i rgyud las/ yi ge 'phreng ba 'byung ba zhes bya
296a4 ba'i le'u ste bzhi pa'o//// de nas rnam par dag pa bshad par bya ste// rnam shes gzugs tshor 'du shes dang// 'du byed la sogs 'dzin lnga 'joms// nam mkha' sa chu me rlung
296a5 'joms// mig dang rna ba sna lce rnams// de dbang yid 'dzin rnam bzhi 'joms// gzung 'dzin sgra dri ror 'dzin dang// 'das dang da ltar ma 'ongs 'byung// 'byung bar ma nges 'joms par
296a6 byed// nga rgyal phrag dog 'dod chags dang// ser sna gti mug zhe sdang 'joms// yid kyi rnam shes 'dus byas dang// gsang dbang gsang ba'i rnam shes dang// gsang yul gsum 'dus rtog pa
296b1 bcom// rtag chad bdag dang mtshan mar 'dzin// rnam dag bzhi bcu rtsa gnyis bshad// bcu ldan ye shes dpal dgu'o// gnyis ldan zag med yum gyi sku// rnam shes brgyad dag mkha' 'gro
296b2 brgyad// rnam par shes brgyad sing ha'i sku// rtag chad mu bzhi sgo ma bzhi// snod bcud lha dang gzhal yas khang// phung po lnga la sogs pa'i chos// de ni spang bar bya ba min// theg pa gsum ni
296b3 spang ba min// ka ta li bzhin yongs su bzung// dpal he ru ka'i gal po zhes bya ba las/ rnam par dag pa bstan pa'i le'u ste lnga pa'o//// de nas de kho na nyid kyi le'u bshad par bya ste/ stong dang
296b4 stong min he ru ka/ngo bo gzugs med sgra sogs bral// myong dang snom dang byed pa po// kun nas yod pa yin te// ngang gis rnam par dag pa las// lha dang lha mor gang snang yang// yod
296b5 pa ma yin rang bzhin bral// khyod kyis srog chags gsad par bya// ma byin par yang blang bar bya// 'dod pa log par g.yems par bya// rdzun gyi tshig kyang sma bar bya// de dag rtsa ba yin shes
296b6 na// tshe 'di nyid la mya ngan 'da'// dpal he ru ka'i gal po las/ de kho na nyid kyi le'u ste drug pa'o//// de nas yang dag bshad bya ba// rnam par grol ba mtshon pa'i phyir// dpal chen
297a1 khrag 'thung phyag rgya ni// zhal gsum phyag drug zhabs bzhi bgrad// g.yas dkar g.yon dmar dbus mthing zhal// rdo rje kha T+wAM rnge'u chung g.yas// dung dmar rgyu zhags khyung khrag
297a2 yin// shes rab dbyings ma'i phyag rgya ni// zhal cig phyag gnyis sku mdog mthing// g.yas pa shes rab thabs la brten// g.yon pa dung dmar gtso la stob// kro d+hI shwa rI dbyings kyi rgya// gau rI
297a3 b+han dmar byis dbyug sngo// tsau rI mda' gzhu 'gengs ma ser// pra mo chu srin rgyal mtshan dmar// be tA byi za rdor 'phyar nag/ pu ka dmar ser byis rgyu 'dren// g+has ma dung dmar khrag 'thung
297a4 ljang// sma sha mthing nag byi snying za// tsan ng+ha ser skya mchog lus 'bral// sing ha kha ro bsnol ser seng// byA g+h+ra gnan blta bsnol dmar stag/ sr-i la nag mo byis ldag wa// shwa na sha 'drad mthing
297a5 ga spyang// gr-iD+d+ha krid dmar rgyu 'dren rgod// kang ka zhing phrag snar mgo dmar// kA ka kha ro ban gri nag/ u lU mthing tshogs 'ug pa'i mgo/ rta gdong dkar mo lcags kyus 'dren// phag gdong
297a6 nag mo zhags pas 'chings// nyi zla dmar mo lcags sgrog sdom// thal phyed mthing nag dril 'khrol dgyes// zhes so// dpal he ru ka gal po'i rgyud las/ lha rnams kyi sku mdog dang phyag mtshan
297b1 bstan pa'i le'u ste bdun pa'o//// de nas yang dag bshad bya ba// snga ma las ni gnas 'gyur te// khrag 'thung dkyil 'khor gsal byas nas// phung po rdos bcas bem po de// phyogs
297b2 bzhir bro bzhis sbyang bar bya// ye shes lha dang mkha' 'gro ma// thugs dam bskang zhing thugs dam bskul// 'bru lnga bkod la lam lnga dgag/ khrus bya zla gam nub tu bzhag/ de la lha rnams
297b3 dgod pa ni// rigs lnga yab yum bsam par bya// mdun rgyab gnyis su bsgom pa ni// A li kA li bsam par bya// rnam shes dbang po yul dus la// sems dpa' yab yum bsgom par
297b4 bya// spyi bo rgyab dang lce yi steng// rkang mthil yan chung thub pa drug/ lte ba mjug to mkhal khung gnyis// sgo ba yab yum bsgom par bya// rnam smin zag bcas phung po la// phyag rgya'i dkyil
297b5 'khor gsal bkod nas// 'od zer 'gro 'dus sbyangs byas nas// gnyis don mthar phyin phyag rgya sgrol// cho ga lnga dang yan lag lngas// gang mos bskyed cing rab bsnyom la// rang bzhin dkyil
297b6 'khor spyan drang bstim// phyag 'tshal mchog de gnas pa dang// bzlas brjod bsnyen pa'i 'phro 'du yis// yang nas yang du sbyang bar bya// yang na khrag 'thung chen po'i sku// bdag nyid rab tu
298a1 gsal bsgom ste// ro yi bsha' thabs rgyab nas bsha'// khrag 'thung lha tshogs rdzas su te// glo snying dpal chen yab yum gyi// mig dang rna ba sna dang lce// rigs bzhi khrag 'thung
298a2 yab yum rdzas// bum pa bdud rtsi rnam pa lnga// dpung pa g.yas g.yon bzhag sha dang// rgyu ma mchin pa mgo sha rnams// rtsa ba'i lha dgu'i rdzas su bzhag/ go ro tsa na gzhung pa dang// rkang dang
298a3 tshil du sha dang khrag/srog rtsa mkhris pa brgyad rnam ni// mu kha phra men brgyad kyi rdzas// yan lag rnam thar bzhi rnams ni// ye shes sgo ma bzhi yi rdzas// sgal tshigs phrugs re bsdeb pa ni// dbang
298a4 mo nyi shu brgyad kyi rdzas// ne sag che phra bsdeb pa ni// rang byung khro bo bcu yi rdzas// sha khrag rus ba rkang dang tshil// mkha' la 'gro ba kun gyi rdzas// mtshan dang ldan pa'i b+han+d+ha de// dpal chen
298a5 bzhugs pa'i rten yang yin// de yi nang du blug pa yang// go ro tsa ni dri chen dang// snying dang srog pa rtsa yi khrag/ mAM sa mkhris pa dri chu dang// so dang dbang po rnam lnga dang// de rnams cha ni mnyam
298a6 pa dag/b+han+dAr blug pa dngos grub rdzas// brla rkang gnyis dang rje ngar rkang// dung chen 'bud pa'i gling bu bya// dpung pa'i rkang mgo gnyis po la// rak+ta sbreng ba'i gzar bu bya// shar sgo dngos
298b1 grub gsol byang dang// rdo rje dang ni dril bu dang// bdud rtsi'i bum pa dngos grub rdzas// de bzhin dbang gi bum pa gzhag/ ting 'dzin ye shes gsal ba'i phyir// dmigs pa'i rten yang mngon
298b2 par bri// 'dod chags ye shes gsal ba'i phyir// rigs kyi yum yang mngon par gzung// yul rnams kun gyi mtshan ma ni// dmar ser mnyam pa'i phyag rgya can// spyan 'phangs dma' la gzi
298b3 brjid ldan// 'khor lo'i phyag rgya ut+pal zhabs// dpung mgo mthe bo ring ba ni// de bzhin rigs kyi gzungs mar shis// dkar gsal dung mdog sgeg mo'i gzugs// sha rus 'khyil ba rdo rje
298b4 dbyibs// mdangs can yid 'phrog ut+pal zhabs// dung can ma yi rigs mchog ste// rdo rje'i rigs kyi gzungs mar shis// ut+pal sngon po kha dog 'dra// gsal 'tsher lhun sdug gzi byin
298b5 'phro// shes rab dang ni blo stobs che// mi zad blo gros sems la 'char// rin chen rigs kyi gzungs mar shis// dkar la dmar chags pad+ma'i mdog/ chags pa che shing yid gzhungs
298b6 pa// mchu ni pad+ma kha bye 'dra// mig rtsa dmar zhing mdangs 'phrog pa// pad+ma rigs kyi gzungs mar shis// dmar ljang 'khrug pa'i ngo bo la// khro btson las rab don la brtson// sha rgyas mchu zhing
299a1 gab par 'dug/lag par rdo rje rgya gram 'chang// las kyi rigs kyi gzungs mar shis// gzhan yang gang dag kha cig tu// ri mo gcig pa de bzhin bya// dur khrod blangs pa'i rin
299a2 chen la// tshon rtsi sbyin med rab tu bzang// sgrub po dam tshig ldan pa dang// 'bri mkhan dag kyang dam tshig can// lha dgu dmigs pa'i rten yang bri// de bzhin sgrub pa po yang bri// rab tu gnas
299a3 par rab byas te// ri yi rtse'am chu 'gram mam// gling ngam rang dga'i gnas dag tu// de la bsnyen bkur byed pa la// myur du dngos grub ster la brtson// sgrub dang 'bri mkhan ma yin
299a4 par// lhag ma kun la bstan pa min// sgrub pa dag la 'bad pa'i tshe// skyes bu rtogs pa'i blo gros can// dad pa'i sems dang ldan pa yis// srog lus man chad rdzas rnams ni// ser sna med
299a5 pa'i sems kyis dbul// rgyal srid dang ni rang gi lus// bu dang chung ma nor gyi dbyig/ rab tu gces dang yid 'thad dbul// kun tu sna tshogs bla ma la// yon gyi mchog ni rab tu
299a6 dbul// gang na yongs su gtang dka' ba// de ni mchog tu bshad pa yin// bla ma'i rdzas ni srog ji bzhin// gzhi 'dzin snum 'dra dam tshig rin po che// ma rig tha rgod ko khengs lta bu
299b1 btul// yang dag don rtogs sems dang chos su 'dres// lus dang srog la babs kyang dam tshig mchog mi gtong// rnal 'byor dbang phyug yon tan brgyad dang ldan// bla ma mchog nyid yin
299b2 par ngas bshad do// dag pa'i ye shes he ru ka/ gnyis med don la rab brtson pa// dbyangs drug blangs bas don drug grub// sngags kyi yi ge'i sgra sgrogs pa// des ni dkyil 'khor lha rnams
299b3 bskyed// zab cing 'brug sgra ltar sgrogs pas// gtum po gdug pa'ang lhan nor 'gyur// mkhur ba dbugs kyi rlung 'byin gyis// khro bo khro mo'i sprul pa 'gyed// rdo rje srin po ngur skad
299b4 kyi// gdug pa thams cad spa yang bkong// mkhun zhing gdung pa'i sgra 'byin pas// gdug pa thams cad rdul du rlog/ tshangs pa dbyangs kyi 'dren tshul gyis// thams cad ma lus dbang
299b5 sdud// oM ru lu ru lu hU~M b+h+yo hU~M// stong tsho gsum gyi grangs dag ni// rnal 'byor nyin zhag gang bzla ba// zhag ni sum cu phrag drug gis// rig 'dzin thob par gdon mi za// rnal 'byor pa de 'chi
299b6 ba'i tshe// 'jig rten pa dag shi zhes brjod// rdo rje mkha' 'gro ma rnams kyis// legs shes rab tu brjod nas kyang// rig 'dzin sa la nges par 'khod// dpal he ru ka gal po zhes bya ba'i
300a1 rgyud las/sna tshogs rnam par spyod pa zhes bya ba'i le'u ste brgyad pa'o//// de nas yang dag bshad bya ba// thig le gcig pa'i dkyil 'khor du// rdo rje bdud rtsi sgrub pa
300a2 bshad// phun sum tshogs pa bzhir ldan nas// de nas dkyil 'khor bri bar bya// zhi khro spel ma'i dkyil 'khor bri// shar du zhi ba'i dkyil 'khor du// mchod pa lnga dang gtor ma bsham// lho ru
300a3 rgyas pa'i dkyil 'khor du// mar me dgu dang gsol byang gzhag/ nub tu dbang gi dkyil 'khor du// rdo rje'i tshe dang dngos grub rdzas// byang du drag po'i dkyil 'khor du// bsgral ba'i rdzas
300a4 mchog gzhag par bya// dbus kyi b+han+d+ha srubs med du// rtsa ba brgyad dang lo ma stong// min pa gsum dang yin pa lnga// skyong dang yan lag nyi shu bdun// kha cher skyes dang tsan dan dri// gnyis
300a5 'thung la sogs sha sna stong// 'bru dang rin chen bcud la sogs// gang yang sman chen min pa ni// rab tu bsgrims te bsgrub par bya// bar chod nyul le dus su bzlog/ dus ni yar gyi brgyad la
300a6 'jug/spyan drang rtog pa zlog pa dang// sman nyid zhi khro'i lhar bsams te// sman 'dzab lha 'dzab spel te bgrang// oM ru lu ru lu hU~Mb+h+yohU~M// oM AHhU~Msarba pany+tsa a mr-i ta hU~M hrIHtha// oM ma hA su kha dz+nyAn
300b1 bo d+hi tsit+ta d+harma ng+ha tu AH/oM AHhU~M badzra a mr-i ta hU~M hrIHtha/ sman nyid lha ru rab sbyangs nas// grogs po dpa' la sems stobs che// khro bo'i tshul can ging chen ni// hU~M gi sgra dang ldan pa de// chas
300b2 brgyad khro bcu lus la 'god// mnga' gsol bton la btag btsag bya// ye shes 'od kyi snang ba dril// dpal chen skur bsgom dbang yang bskur// dkyil 'khor chen por rab bskor zhing// ru
300b3 lu'i bro dang brab dang bdug/dbus su gzhugs la slob dpon gyis// gzhi rgyud ldan pa'i dgongs pa bya// tshogs chen mchod pa rgyun mi gcad// gtsang sbra gsum la gnas par bya// tshogs chen
300b4 gcig gi bsod nams ni// skye la nyan thos brgyar bsags pas// bcu drug char yang mi phod na// mthar thug pa ni tshogs 'khor lo// kA ya wA ka tsit+ta/ hU~M hU~M hU~M/ hU~M hU~M hU~M/ hU~M hU~M hU~M/ rdo rje nyi ma
300b5 nub nas ni// dngos grub chen po blang par bya// sman chen 'di yi bsod nams ni// lha gnyan dam skong phrin las 'grub// rig 'dzin bzhi dang sgrub pa brgyad// he ru ka yi gsungs bzhin
300b6 du// 'grub par 'gyur te gdon mi za// gal te 'di la gzugs yod na// 'jig rten srog chags thams cad kyis// brjod par nus pa ma yin no// rdo rje bdud rtsi sman chen de// gsum du
301a1 bgos la spyad par bya// mdor na mang po smos ci dgos// bde gshegs thams cad mchod pa bas// 'di nyid bsgrub pa'i khyad par ni// lhag pa bas kyang ches lhag go/ 'di ma
301a2 yin pas bsod nams ni// gzhan na nam yang yod ma yin// de bas bsgrab pa 'bad par bya// dpal he ru ka'i rgyud las/ rdo rje bdud rtsi bsgrub pa'i le'u ste dgu pa'o//// de nas khrag 'thung
301a3 chen po des// de skad ces bka' stsal nas// lha dang/ srin po dang// ging dang/ lang ka dang/ ma bdun dang sring mo bzhi dang/ 'bar ma'i tshogs thams cad yi rangs te/ dgyes pa'i gad mo
301a4 bsgrags te/bcom ldan 'das kyis gsungs pa mngon par bstod do// khrag 'thung rtsa ba'i rgyud thugs kyi gal po zhes bya ba rdzogs so//// u rgyan gyi mkhan po chen po pad+ma sam b+ha ba dang/
301a5 lo tsA ba dge slong nam mkha'i snying pos bsgyur cing zhus te gtan la phab pa'o//// nub phyogs u rgyan gyi gnas nas slob dpon hU~M ka ras bton pa'o// rgyud 'di'i bka'i srung ma ni mkha'
301a6 'gro ma gtsug gi rgyan gcig ma dang srog gi nyul le ma bzhi la gtad de// bka'i dus tshigs dang nyi tshod las 'das na mkha' 'gro ma rnams kyis chad pa chod cig/ bka' rgya gsum mo/ a+thi+-i/


CLOSE WINDOW