73b1 / sa ma ya// rgya rgya rgya//// rgya gar skad du/ ru dra man+t+ra pra ha ra Na kA la tan+t+ra/ bod skad du/ drag sngags mtshon cha nag po'i rgyud/ dpal gshin rje
73b2 gshed po la phyag 'tshal lo// thams cad gsum ldan bde ba yis// zungs thub mtshan ma kun spangs shing// yon tan ma lus kun ldan pa// bde ba chen po khyed la 'dud// 'di skad bdag gis thos pa'i dus
73b3 gcig na/bcom ldan 'das chos kyi dbyings mtha' dbus med pa'i pho brang ye shes lhun gyis grub pa'i gzhal yas khang na/ 'jig rten pa'i dregs pa can dbang du sdud pa'i ting nge 'dzin la snyoms par zhugs
73b4 so// de'i tshe 'khor rdo rje snying po la sogs pa ma bsgribs pa'i chos kyi dbyings na gnas pa rnams dang/ sa lam la gnas pa rnams dang/ bgrod pa phyin ci ma log pa rnams dang/ dregs pa 'dul ba'i khro tshogs
73b5 dang/'jig rten khram 'debs 'thoms pa'i tshogs dang/ khrag skyugs bshan pa srog la rngam pa'i tshogs dang/ gdug pa gsum dang bcas pa'i sde dpon dregs pa can dang/ thams cad 'dus pa'i dbus na/
73b6 'jam pa'i rdo rje snying pos rdo rje 'chang la 'di skad gsol/ rnam dag chos sku'i rang bzhin las// 'gro ba 'dul phyir mtshan ma'i sku// thabs kyi rgyal po bde ba che// ye shes rol pa'i las rnams kun// rdzogs
74a1 pa'i tshul du rgyas mdzod la// gdug pa 'dul ba'i don mdzod cig/ ces gsol to// de nas bcom ldan 'das kyis mnyam pa nyid mi g.yo ba las rngam tshig drag po'i ting nge 'dzin las bzhengs te/
74a2 a+ye badzra sarba duSh+taM zhes gsungs pas 'jig rten thams cad 'ur 'ur rab tu 'ur/ chem chem rab tu chem/ g.yo zhing ldeg go/ de'i tshe 'khor thams cad brgyal zhing srog dang bral du cha'o// lus sa la brdebs shing
74a3 smre sngags 'don no// rigs pa'i rgyal po bde ba che// 'khor du 'dus pa srog dang bral du nye// srog gi snying po 'di bzhes la// dkyil 'khor chen po sprul pa mdzod// ces gsol ba gdab bo// de nas bcom
74a4 ldan 'das kyis 'khor rnams la gzigs te/rngam pa'i sgra 'di bsgrags so// kun gyi rang bzhin gcig pa la// rtog dpyod snang srid kun khyab gdal// ye shes chen po kun 'byung ba// sna tshogs sbyor ba rgyas
74a5 pa'i zhing// zhes gsungs pas/ 'khor rnams kyis thos nas/ 'khor gyi gtso bo 'jam pa'i rdo rjes 'di skad ces gsol to// yang dag bde ba'i lam mchog las// gsang ba rin chen grub pa'i don// zung
74a6 'jug thabs dang shes rab lam// dmod pa drag po rgyas par mdzod// ces gsol to// de nas bcom ldan 'das phyag rgya chen po nyid dregs pa can 'dul zhing dmod pa'i las rgyas par mdzad pa'i phyir zil
74b1 gyis gnon pa'i ting nge 'dzin la zhugs pa'i dkyil 'khor 'di lta ste/chos kyi dbyings kyi pho brang nas// drag po e yi gzhal yas na// stobs chen dregs pa 'dul ba ste// dbu gsum phyag drug zhabs bzhi
74b2 bgrad// g.yas dkar g.yon dmar dbus mthing zhal// 'khor lo rdo rje ral gri g.yas// be con gtun shing sdigs mdzub g.yon// zhing chen g.yang gzhi ko rlon dang// stag gi sham thabs rab tu
74b3 mdzes// sbrul dang rin po che yis mdzes// snyan cha mgur chu tshangs skud dang// phyag zhabs ro nyes rab tu mdzes// dbu la he ru lnga yis brgyan// bdud rgyal srin po'i thod pas spras// thugs mchog smug nag
74b4 'khor lo snying// dregs 'dul ljang nag rdo rje phreng// rus sbal rngam pa klog 'gyu ste// dbu la mkha' lding gdug pa 'dul// stag dang seng ge rngam pa la// yang sprul smug nag ro nye 'dren// dug sbrul rlangs pa
74b5 dgra la gtong// bdud mo g.yon na nye ba ste// snying 'khyud dung dmar gtso la stob// 'khor gyi mon pa bla 'gugs dang// 'chi bdag tshe bdag srog bdag bcas// ma skyes gdod nas lhun gyis grub// stong pa'i
74b6 ngang las rang bzhin 'char// las dang sbyor ba sna tshogs pa// ye shes rol pa'i rgyan du che// bsgro dang phyag rgya stobs can gyis// stobs chen snying pos rang lus bsrung// dus ngan las kyis mnar ba'i tshe// sdang
75a1 sems can dang 'gugs byed la// las kyi 'khor lo snying la bskor// 'byung ba rgyu ba'i phung po bshig/ nyon mongs lnga gsum rang gshed dbab// pho nya'i za kha nang du bstan// 'byung bzhi dkrugs
75a2 shing skyin thang dbab// las kyi mtha' bsdu mkhas pas brtag/ gsal gsum yin pa gsum gyi gdeng// lhun gyis grub pa'i las su bshad// mtshon cha nag po sku'i rgyud las gleng bzhi rtsa ba'i le'u ste dang
75a3 po'o//// de nas bcom ldan 'das kyis dregs pa'i rang gshed rang la dbab pa'i phrin las 'di gsungs so// dur khrod gdug pa'i dben gnas su// mchog gsum tshang ba'i mtshams bcad la// man+Dal mthing nag gru gsum
75a4 la// phung sa gsum la dug khrag sku// lho ru rtse bstan rtsang dmar bskor// sha chen snying snas gtor ma brgyan// mon pa'i don dang dpa' bo'i rta/ khyi spyang bya spre'u lug dang
75a5 ra// rabs chad nag mo yugs sa phag/ nal bu'i rgya tshil bong bu sbrul// 'bras bu bcas dang don snying la// dregs pa'i dam rdzas bzung la dbye// blta ba chos nyid zab mo'i gdeng// dbang rdzogs rdo rje ye
75a6 shes gdang// ye shes lhun grub phyag rgya gsal// spyod pa spyi dang sgo yi gzer// gnod byed gzir ba de bzhin min// chos sku mnyam rdzogs gzir mi dgos// log rtog brkam chags 'khrul pa yi// dug lnga'i
75b1 nad kyis zin pa la// bde ba'i stobs med zhen chags can// log pa'i stobs gzhom drag pos gzir// gshin rje la sogs dregs pa yi// rang rang srog dang spyi srog dril// yi ge'i gnad kyis 'joms par
75b2 byed/khams gsum dbang byed dregs pa can// dregs pa'i de nyid shes gyur na// dregs pa rang gshed rang gis byed// kun gyi srog snying e la bsdu// 'bru gsum snying rtsa mgrin par gnas// 'bru gnyis mgo
75b3 dang yan lag gnas// gnod byed 'bru drug shes rgyud dbang// de la sngags kyi stobs kyis gzir// rang gshed phyag cha rang la bskor// lha bsnyen brtan thob sgra la dbyung// A+oM a kro te ka ya mAn+ta ka ha na ma tha
75b4 b+han dza hUM phaT/bdag nyid sku gsum rdzogs par bsgom// stobs kyi drag sngags 'bum tsho bcu// snying sna dam rdzas gang grub dbye// spyi dril las dang rang rang dbye// myur dang stobs dpag med pa 'byung// sgrub
75b5 bya las kyi shes rgyud la// rno dbal mtshon cha'i yi ge gnas// snying la nr-i gnas mgrin par hur// lte bar thums dang gsang bar dza// klad par hrig nan mgo steng nan// rtsa bzhi'i mdud pa 'bru bzhis
75b6 gcod// mtshon cha'i rgyal po rno dbal ldan// rtsa srog shes rgyud dran pa gcod// de bskul mtshon cha rgyud la ldang// stobs kyi sngags kyis 'phen par byed// e badzra sarba dus tan/ e tri nan/ e hur thums
76a1 dzaHmA ra ya rbad/de yis sbyor ba stobs zhan na// ming dang snying po 'bru re sbyar// 'bru bzhi mtshon cha'i stobs kyis gcad// las dang sbyor ba rtsa dang srog/ thams cad gang 'dod mi 'jig
76a2 gcod// gang brtsam las la don med na// stobs dang bcas pa dril la brdeg/ rang lus brtan pa'i shes rgyud la// badzra sarba dus stan gnas// rang lus gnas pa'i go chas bsrung// zhes gsungs
76a3 so// mtshon cha nag po sku'i rgyud las rang gshed dbab pa'i le'u ste gnyis pa'o//// de nas bcom ldan 'das kyis drag sngags kyi snying po 'di gsungs so/ sngags sor bzhag/ e ka he dun ya ma snying khrag
76a4 ra ma tsa ya/e badzra sarba dus tan/ trig nan/ hur thums dza/ e mA ra ya rbad/ srog la tsa sha ru ti nr-i mA ra ya rbad/ srog la mA ra ya nr-i mA ra ya rbad/ srog la tsit+ta 'gu li ni mA ra ya rbad/ srog la e baM raM yaM khaM nr-i
76a5 mA ra ya rbad/srog la khyer phyung baM shag mA ra ya rbad/ nr-i hur thums dza s+t+waM b+ha ya nan/ ang+ku sha dza/ ag+ne dz+wa la raM/ srog la kI li kI li ya/ trig nan big+h+naM snying la gzir nan/ hur thums dza/ myags thums ril rbad
76a6 ya/mtshon cha nag po sku'i rgyud las drag sngags bstan pa'i le'u ste gsum pa'o//// de nas bcom ldan 'das kyis dregs pa cham la dbab pa'i phrin las 'di gsungs so// ngo bo ma bcos bde ba chen
76b1 po'i ngang// chos nyid ye nas lhun gyis grub// ye shes dkyil 'khong snang la rang bzhin med// sprul pa sna tshogs log rtog 'dul la mkhas// tha snyad tshig rnams don la yang dag stong// de rtogs sangs rgyas
76b2 yin pa gsad mnan med// bden don ma rtogs sdug bsngal phung por smin// lus ngag sems kyi 'du byed kyis// gzhan las lhag pa'i stobs rnyed pas// dregs pa'i lus ngag sems su snang// gdug pa'i
76b3 sems kyis gcod cing rngam// de la sngags kyi sbyor ba brdeg/ rang bdud phyag cha rang la bskor/ khams gsum dbang byed dregs pa yin// dregs pa'i de nyid shes gyur na// dregs pa'i rang gshed rang gis
76b4 byed// yi ge spyi yis gzir byas la// dregs pa'i rnam shes yig 'bru gcig/ 'phrog byed yi ge 'bru gsum gyis// snying gi dkyil las 'phrog cing 'dzin// gcod byed mtshon cha 'bru bzhi yis// rang srog
76b5 rang gis gcod par byed// dregs pa spyi yi gnad rnams dang/ dregs pa sgos kyi sbyor ba'i stobs// las dang nus pa sbyar la gzud// gzir dang srog dbrog rbad pa'i las// rang gnad gzhom pa 'di lta
76b6 ste// zhi khro gshin rje phur pa dang// ma mo bdud mo srin mo dang// bdud dang mu stegs rgyal po btsan// rmu dang rU tra srin po dang// gnod sbyin skyes bu gying dag dang// thug bdag sri can gdug pa gsum// de
77a1 nyid shes na rang srog gcod// dregs pa'i phyag cha rang la 'khor// de nas bcom ldan 'das kyis gsang sngags 'di dag bstan to// e badzra sarba dus tan sarba sha trun/ oM shrI badzra kro d+ha/ e ya ma
77a2 ya/ma ma ru lu ma/ dun ting kI lA ya/ ta tir ti ka/ ru tra du/ de ba a/ dan tang me/ mun mun pa/ rA tsa tsa/ rak+sha ra/ rag mo ra/ yak+Sha yak+Sha/ yag mo k+Sha/ shu la dza/ badzra sa du tri/ haM shaM tri/ ru tri ru/ sa nA ga phu/
77a3 de sngags kyi grong khyer te// sngags pa nang 'gras pa/ dregs pa'i lha 'dre rgyud la gnod pa dang/ rtags dang sbyar zhing sngags kyi phyag cha rang la bskor// rtags rnams 'khrugs na stong gsum gcig dril gzir/
77a4 bdun nam bcu bzhi nyi shu gcig/ gsum mam lnga ru drag por gzir// dang po rab sgrub snying po drangs// gnad du gzir zing dgug par bya// bos shing gzir la srog snying dbrog/ ming dang rnam shes 'bru bzhis
77a5 gcod// tha ma gnan bsreg dam bdar gces// mtshon cha nag po sku'i rgyud las dregs pa gzir ba'i le'u ste bzhi pa'o//// de nas bcom ldan 'das kyis bsad pa las kyi rang gshed mtshon cha rang bzlog
77a6 gi 'khor lo 'di gsungs so// phung sa'i 'brub khung mthing nag tu// mtshon cha dmar po srin mo 'gros// dur khrod ras sam rgya shog la// 'khor lo rim pa gsum pa ste// drag po dbang gi 'khor lo
77b1 brgyad// dregs pa gang sgrub lto bar bca'// ming dang rnam shes bsgyur cing bsad// rang gshed rang la dbab cing bskor// des kyang lus sems ma phyed na// dug lnga lngas ni 'khor lo bskor// dug gsum
77b2 shes pa ar la gtad// tsit+ta gnad la dbab cing bsad// 'byung ba dkrugs pas phung po 'jig/ rang bsgrubs dam can rang la bzlog/ tsit+ta dkrug pa'i sngags dang bsdebs// gshed po las rgyal lto bar
77b3 bsad// gu ru seng ge'i khog mi bshig/ dam mi gcig dang sngags pa spyi// rdo rje spun dang ur mo pa// las kyi skabs sbyar 'khor lo dkrug/ 'di min las gzhan yug pa brkyang// mtshon cha nag po'i sku'i rgyud
77b4 las/bsad pa srog tig las kyi 'khor lo'i le'u ste lnga pa'o//// de nas bcom ldan 'das kyis skyin thang drag po chu 'khyags dbab pa 'di gsungs so// gnyan ra gdug pa'i gnas dag tu// rabs
77b5 chad thod pa spyang ki'i khrag/gsum la khrag gis kha so skus/ khrag dug yul ming srung ma bzhugs// rta nag lug gam rta dkar snying// ra dmar rgya bo sbrul gyi snying// gri bo rabs chad nag po'i snying// dam rdzas
77b6 rten la sde brgyad bsten// thod pa dong bur yugs sa sme// gri dang mnol gyi khrag blugs la// drag sngags 'bum tsho bcu ru bstim// rta tsho gsum po me thab tshul// yul gyi kyang mdun dbus su gzhug/ dril dang
78a1 bzlog sngags mngon du dbab// ma phebs sbyor ba stobs zhan na// sde brgyad snying po gnad nas dbrog/ dmar nag dug khrag klong du sdud// sngags rnams dkrugs la sde brgyad gzir// snying sna
78a2 bsres la 'og tu gzhug/gshin rje gshed dang stobs chen bsgom// snying po 'bru brgyad bsreg cing sdud// de yis chu rkod ri ltar gtibs// dril dang gtor ma bsnol mar brdeg/ de nas bcom ldan 'das
78a3 kyis chu 'khyags dbab pa 'di gsungs so/sngags sor bzhag byas shing dpe tshan 'di dang gcig las bsdur sa ma rnyed// e badzra sarba dus tan/ ma ma/ ya ma ra tsa mu sa trig nan// ku ma hri ta khraM khraM shar shar kha hur thog phob tris mu tsa ra la
78a4 ya// hril shar phraM phraM/ ya ma mu tsa mun pa tri hur thums dza/ trig nan phraM phraM hril hril/ kham shar hril hril b+h+yo/ su trig nan sa na ga khaM shar hril phob/ de yis 'khyags pa ri ltar spungs// ma phebs sbyor ba stobs
78a5 zhan na// zhing lpags brgyangs la gsum du bskor// dbus su thig bzhi le tshe brgyad// phyi rim rtsibs drug la long mtshon// lte bar e dang badzra la// phyogs bzhir stobs la mtshams bzhi srog/ drug la srog
78a6 dbrog gzir ba ste// tha mar mtshon cha 'bru bzhis gcod/ kha sbyar bcas la dug mes bdug/ des ni las rnams 'grub par bshad// mtshon cha nag po sku'i rgyud las chu 'khyags dbab pa'i le'u ste drug
78b1 pa'o//// de nas bcom ldan 'das kyis dregs pa rnams kyi rtags bzung ba 'di gsungs so// sngags pa rbod gtong 'gras pa'am// dregs pa'i tshogs kyi rtags bstan pa// mon dang zhub can mdze can
78b2 rnams// gshin rje gshed kyi rtags su bshad/ khrag mtsho mun pa ma mo'i rtags// me 'bar phyur ba na 'un [[]bun []]rtags// bya nag shing chen bdud kyi rtags// 'bag seng btsad po rgyal po'i rtags// nag po b
78b3 zhad khro bya nag 'thab// me 'bar tshig pa bdud mo'i rtags// spre'u dang ban de dge bsnyen rtags// rta pa khyi spyang btsan gyi rtags// khyi dmar khrag mtshon the rang rtags// g.yag dang bon po mu stegs
78b4 rtags// me 'bar sha rgal srin po'i rtags// kya mul skya bshar the brang ngo// bya nag bud med dam sri'i rtags// rgol dang khro na rbod gtong yin// las byed gar stabs sha la rol// ded dang brdeg na thub pa'i
78b5 rtags// rmi lam sna tshogs phyi yi rtags// dbang po mngon sum nang gi rtags// lus yang sems gsal gsang ba'i rtags// zhes pas rtags bzung 'khor lo bskor// gnam la shing lo gtibs pa'i
78b6 sprin// bar snang rlung sgra 'od chags med// sa la 'khyags rom stom ma lud// dug rlangs 'chol ba skyin thang rtags// mtshon cha nag po'i sku'i rgyud las rtags kyi le'u ste bdun pa'o//// de nas bcom
79a1 ldan 'das kyis mnan pa'i las 'di gsungs so// gzhan gyi rbod gtong mnan pa dag/ zhi khro ya ma phur pa ni// sgrub pa'i dkyil 'khor 'og tu mnan// ma mo bdud mo srin po rnams// bka'
79a2 rten byin can 'og tu mnan// bdud dang mu stegs mgon po rnams// ro khang sgo srung 'og tu mnan// rgyal po dge bsnyen dkor srung rnams/ khyi tshang lam ka'i 'og tu mnan// btsan dang srog bdag srin po
79a3 rnams// sha ru spyang thod gong gsum mnan// the brang phyag 'gong gshin rngog rnams// glang rur bcug la lam mdor mnan// bon po rig 'dzin khyi tshang mnan// sri can chu bya them 'og mnan// srin po gdug
79a4 pa'i thod pa la// ri rab rgya gram dang bcas la// thugs kyi snying po rab mdzes pa// mnan pa thod pa'i 'khor lo bshad// gri lcags phur pa gdug pa la// rdzas rgod bdug ste snying la gdab// bco brgyad rdzas
79a5 kyi dud pas bdug/dregs pa gnad la dbab par bshad// bsreg pa me yi 'khor lo dag/ me thab bcas la me lha bskyed// ling+ga bdug la dug khrag nyug/ dug sngags brab cing bsreg par bya// las rnams
79a6 rdzogs nas stong nyid la// dregs pa thams cad zhi bar bsgyur// phyis kyi dngos grub bsdu bar bya// lha la stong pa'i rgya yis gdab// ces gsungs so// de nas yang dag bshad bya ba// sngags thun gzer la
79b1 dbab bya ba// thod khrag dug chu stong skor tshad// ldan pa gsum gyis zor du 'phang// nyung dkar thal chen rdo thun brab// gzugs dang thal ba dong der sba// gnan pa gsang ba'i las su rig/ ces gsungs
79b2 so// mtshon cha nag po sku'i rgyud las/ las kyi mtha' sdud pa'i le'u ste brgyad pa'o//// de nas bcom ldan 'das kyis 'khor la rgyud gtad pa/ e ma rdo rje snying po che// nga yi bka' rgyud me lce
79b3 'di// rgyal ba kun gyi mdzad spyod ste// skye med rdo rjes bsam dpag dka'// stong phrag bdun dang brgya phrag brgyad// snying po don gyi gnad bsdus pa'o// brjod pa kun grol bka' dang ldan// bde ba gcig
79b4 gis bgrod pa 'di// sangs rgyas spyod lam bcing grol med// gab ba gsang ba'i lam can 'di// rigs can rdo rje snying pos zung// nga yi bka' yi gsang rgyud 'di// ma 'ongs dam can sgrub byed na// nga yang
79b5 dam las mi g.yel bsrung// rdo rje bde ba'i rgyal po dang// stobs dpag med pa'i khro tshogs kun// dam can sgrub byed bsrung zhing gnas// rgyud kyi snying po rab tu zung// rnam rtog mtshan ma rang grol ba'i// rdo
79b6 rje rgyal po bde ba'i bka'// lcags thogs spu gri rbab chen 'di// lha dang mkha' 'gro gsang ba yi// thun min rigs dang thun mong kun// snying po sngags kyi gsang rgyud zung// dam tshig bsrung dang thugs brtse
80a1 'ong// de skad gsungs pas 'khor thams cad rjes su yi rang ste mngon par bstod do// drag sngags mtshon cha nag po sku'i rgyud las// rgyud gtad cing yi rang ba'i le'u ste dgu pa'o//// sde
80a2 brgyad cham la 'bebs shing rang gshed rang la 'bebs pa'i rgyud// rdo rje thogs 'bebs sku'i rgyud ces bya ba// lha yul du grags pa rdzogs so//// bal po ba su d+ha ra dang/ bod kyi sgra bsgyur gyi lo tsA ba
80a3 slob dpon sangs rgyas ye shes kyis/ba ta sa ru mkha' 'gro dang bka' 'gros te bsgyur ba'o// snying po'i rgyud dam pa/ snying po don gyi rgyud/ rtsigs su bzhag pa lags so// rgya rgya rgya/ phra rgyun lags so// u0f35u0f35a+thi+-i/ ya mA
80a4 n thanaH////
80a5
80a6 rgya gar skad du/


CLOSE WINDOW