CLOSE WINDOW

Gpb021.002
བོད་ཡིག

rgya gar skad du/ many+dzu shrI ya ma yan+t+ra kA la bits+tsha hr-i da ya kIr+Na gu h+ya tan+t+ra/ bod skad du/ 'jam dpal gshin rje 'khrul 'khor nag po sdig pa snying 'dzings gsang ba'i rgyud/ bcom ldan 'das 'jam dpal 'jigs byed chen po ya mAn+ta ka la phyag 'tshal lo// 'di skad bdag gis thos pa dus gcig na/ chos kyi dbyings rnam par dag pa'i klong/ mtha' dbus med pa'i pho brang na/ rgya yongs su ma chad pa'i ye shes lhun gyis grub pa'i gzhal yas khang na/bcom ldan 'das sku gsung thugs rdo rje'i bdag nyid/ sangs rgyas kun gyi ngo bo rdo rje 'chang chen pos/ sangs rgyas kun gyi rang bzhin chos nyid ci yang ma yin pa zhes bya ba mnyam pa chen po'i ngang la snyoms par zhugs so// de nyid ma bsgribs kyi dbyings la gnas pa'i ye shes dang/ sa dang lam la gnas pa rnams dang/ lha dang mkha' 'gro rig pa 'dzin pa rnams dang/ 'jig rten las 'das pa'i ye shes pa dang/'jig rten dregs pa'i gtso bo rnams dang thabs gcig tu bzhugs so// de'i tshe de'i dus na 'khor de dag gi nang nas rdo rje snying po zhes bya ba stan las langs te/ bcom ldan 'das la gsol pa/kye ho// sangs rgyas kun gyi rang bzhin rdo rje 'chang// chos sku thugs rje chen pos kun khyab kyang// ma rtogs sems can thugs rjes bsgral ba'i phyir// mi rtog dbyings las rdzogs pa'i skur bzhengs la// mnyam pa'i ngang las 'gro ba'i don mdzod cig/ ces gsol pas/ de nas bcom ldan 'das nyid mi rtog pa'i dbyings las rol pa chen po'i thugs rje'i chags pas skur bzhengs te/dregs pa can dbang du bsdu zhing 'dul ba'i phyir/ phyag rgya chen po zil gyis gnon pa'i skur ting nge 'dzin la snyoms par zhugs te/ gsang sngags 'di dag ched du gsungs so// a+ye a+ye a+ye/ a kro te ka ya mAn+ta ka ya ma ye/kA la rU pa/ ka pa ye/ hri sti/ a pa ye/ a a ne/ a ne/ u u ne/ u ne/ du du ne du ne/ a I/ u e/ o aM/ ra rI/ la lI/ du du ye/ bya tsa ye/ sid+ha ye/ hri da ye/ b+hi da ye/ tsit+ta le/ ha la ye/ mu kha ye/ U U ne/ U U ne/ byi kri ta/ A A/ nA nA/ ya ma ra tsa/ ya ma ra ga a// ya ma rak+Sha/ be tA li kro d+hI rI/ ma ma e ka dza ti/ de ma kha la bam ril/ ru lu ru lu shrI badzra kro ta/ ya ma karma ro Sha na kro d+ha tsan+d+ha/rag sha mon ta/ a mu ka myags thuM ril trig nan/ sbur ya nan/ e hur thuM dza/ khaM shag ro myags mug ti rbad ya/ zhes gsungs pas nam mkha' nyid gru gsum mthing nag tu gyur to// rlung rdo rje rgya gram phyogs bcur 'thor ro// rak+ta'i rgya mtsho 'khrug go/ 'jig rten gyi khams thams cad 'ur 'ur dang chem chem dang rab tu 'gul ldeg go/ de'i tshe'i de'i dus na 'khor thams cad brgyal te/ lus sa la rdebs shing dran pa'i dbang po nyams so// de nas yang rdo rje snying pos gsol pa/ kye ma ho// 'jigs byed chen po lags// mnyam pa'i ngang las 'jigs pa'i skur khros te// gsang sngags gsung gi ngo bo ched du gsung// 'jig rten khams rnams rab tu cher g.yos te// 'khor tshogs 'dus pa'i srog dang bral du nye// thugs rje nyi ma lta bur dbugs dbyung phyung// dkyil 'khor chen po bskrun par phrin las bsgo// zhes gsol to// de nas bcom ldan 'das kyis dbugs dbyung ba'i ting nge 'dzin la zhugs nas/ 'khor thams cad brgyal ba las langs te// bcom ldan 'das la 'dun pa skyes te/ skad cig mas lhag ste [[]lhags te []]rang rang gi snying po mthu rtsal dran nas phul te sku la 'khril bar gyur to// dpal sdig pa snying 'dzings 'khrul 'khor nag po gsang ba'i rgyud las/ gleng bzhi'i le'u ste dang po'o//// de nas bcom ldan 'das la rdo rje snying pos gsol pa/kye ho// sangs rgyas kun gyi ngo bo nyid// lnga brgya'i tha ma snyigs ma'i dus kyi tshe// 'chi bdag bdud kyi gshin rje khogs nas 'khrug/ mtshams med lnga yi las rnams 'dun spyod pa// dga' rab dbang phyug bdud kyi sprul pa 'gyed// rang dang 'dra ba'i tshul 'dzin ban 'dra yis// phyi rol la sogs sngags dang dug blangs 'tshal// de dus gzer thun nag po dmod pa'i mchog/sdig pa nag po snying la ru 'dzings pa'i// las kyi 'khrul 'khor nag po bshad par mdzod// ces gsol pas// de nas bcom ldan 'das kyi khro bo thams cad 'byung zhing las kyi gzer thun drag po rgyas par bya ba'i phyir/btsun mo chos kyi dbyings kyi b+ha ga la snyoms pa zhugs te ye shes bzhi dang sku gsung thugs las/ ya ma rA dza dang/ myos byed 'bar ba dang/ Ar+ya dmar po dang/ ral pa tshar dgu dang bzhi mngon du phyung ste/de nyid dregs pa 'dul zhing zil gyis gnan pa'i phyir/ ya ma rA tsa dang/ phyag na rdo rje dang/ rus sbal mi zan dang/ ye shes bya khyung dang bzhir gyur to// 'byung ba'i ngo bor 'dzin pa nyid dag nas/dwangs ma ye shes chen po bzhir grol te/ phyag rgya'i sku la rdzogs par gyur to// sprul pa rnam pa gsum ste/ sku'i sprul pa 'chi bdag/ gsung gi sprul pa srog bdag thugs kyi sprul pa tshe bdag ste/gdug pa can 'dul bar gyur to// gshed chen po bzhi las/ las kyi mon pa bzhir sprul te/ pho gshed sum brgya drug cus phung po la dbang bsgyur ro// mo gshed bdud mo bzhis mo gshed sum brgya drug cus 'byung ba la dbang bsgyur ro// de ltar gshin rje bdun brgya la sogs pa/ 'jig rten pa'i dregs pa can thams cad kyis dpal phyag rgya chen po zil gyis gnon pa'i ya mAn+ta ka la yongs su bskor te/rol pa chen po las kyi dkyil 'khor du 'khod par gyur te bzhugs so// de'i tshe de'i dus na/ bcom ldan 'das kyis 'khor rnams 'di skad ces gsungs so// snang stong gnyis med ye shes sku// thig le nyag gcig spros dang bral// skye med rnam dag bde chen sku// 'gag med bde chen klong gdal ba'i// brda dang bral ba'i chos nyid la// chags dang bral gyis grub pa'o// zhen chags bzung 'dzin rtog dpyod 'das// gnyis med don dam chos kyi sku// rgyu dang rkyen las sgrub pa med// kun gyi rang bzhin dngos med pa// yon tan ma lus kun 'byung ba'i// de nyid rtog med brjod dang bral// dug lnga ye shes lnga yi sku// phyag rgya chen po ye shes nyid// stong pa chen po'i ngang nyid las// rang snang rol pa'i phyag rgyar gsal// las dang sbyor ba du ma kun// sgyu ma lhun grub rol par bshad// 'di dag bde dang smin byed pa'i// rol pa chen po'i 'khor lo yin// sdig pa snying 'dzings 'khrul 'khor nag po'i gsang rgyud las/ las kyi 'khrul 'khor bshad pa'i le'u ste gnyis pa'o//// de nas bcom ldan 'das rdo rje 'chang chen pos/rang gshed rang la dbab pa'i phyir/ sdig pa nag po snying la ru 'dzings pa'i/ 'khrul 'khor dkyil 'khor chen po'i bca' thabs 'di gsungs so// stobs chen nag po'i rdzas bzlog dag/ phung shul mi bsad yul bkyes sa// dur khrod ro yi sa dag la// ro bsreg rdo dang sol ba dang// gri lcags dpa' bo g.yul bsad khrag/ ra dug re'u lcag a sho nag/ grog mkhar sa sbyin khro shug nag/shog 'dam mche chu sbyar te brtseg/ nag po khru gang bang rim bzhi// yongs rdzogs stobs chen mi 'gyur gnad// gdan la rus sbal glang chen 'degs// bar la rigs bzhi sprul gyis 'degs// bang rim bzhi la stag dang gzig/gsum pa seng ge chu srin no// 'khor lo 'brug gis 'degs pa la// char khebs mkha' lding ro nye za// rang rang kha dog ldan pa ste// mkhas pas bkod pas stobs chen gnad// bang rim phyogs kun drag po'i sgo// yongs su rdzogs pa'i lto ru bca'// gri mda' smyug rgod khrag tshan ldan// srog shing zil gnon sku ru shar// bang rim dang po zur bzhi la// srin po ya ma rA tsa dang// gshin rje myos byed 'bar ba dang// bdud po Ar+ya ma ru tse// gnod sbyin ral pa tshar dgu dgod// bang rim gnyis par srog gi gshed// dung lcags bse dang gser gyi mon// gsum pa phyi yi gshed bzhi'o// tha mar 'chi bdag bcu gnyis dgod// dkar po snying 'byin mgon po nag/ yab rje nag po sku mdog dmar// drag po sgo bzhi dag la dgod// lhar gsal stong gsum zil gnon sgrol// sangs rgyas thugs rje stobs dpag med// bka' rten byin rlabs yun du gnas// bang rim dag gi bar bar du// phas kyi lha dang gnod byed mnan// gang bsgrub las rnams 'grub par 'gyur// stobs dang ldan pa'i sngags pa'am// rdo rje nang dme drag po yis// gnam lcags ur mo nang 'gras na// rgya mtsho'i gting du nA ga bdud// mun pa'i dmag sdud 'khor lo bca'// ri rab brtse la gnam lcags dag/ ur mo so brdar 'khor lo bca'// ri thang mtshams su zhe sdang can/ khros pa gzhu bcag 'khor lo bca'// nam mkha' mthing gi bya ra la// sbyor ba bshig pa'i mtshon cha dbab// ya bag sha yi las yin pas// me dang mi srun gang zag gis// spyad kyang rang la gcod par 'gyur// sdig pa nag po snying la ru 'dzings 'khrul 'khor nag po'i gsang ba'i rgyud las/ stobs chen gyad gnon mchod rten yongs rdzogs kyi le'u ste gsum pa'o//// de nas bcom ldan 'das kyis rang gshed rang la dbab pa'i las/ las kyis 'khrul 'khor snying la bskor ba 'di gsungs so// sku rten yongs su rdzogs pa'i lto ba ru// man+Dal mthing nag gru gsum dag/phung sa gsum dang dug khrag spru// bang rim gsum la kha khyer rtsang// dug dang sol bas nag por byug/ dpa' brtul can gyi sngags pa yis// zhing lpags dag gam ro ras la// rno myur gdug byed phag mo'i ltor// srid pa'i khyams khang srog snying sdud/ khyams khang lho ru mnan pa gzhug/ snying gar mtshon cha'i 'khor lo bca'// rgya gram dag la rtsa ba'i sngags// yang logs bcu bzhi spu gris so// rtsa ba spu gri'i bar na khyams// bsten pa bdud du 'bebs pa'i 'bru// ming rus khams bcas za kha dbab// rus sbal lto ba'i phyogs mtshams la// bcu gnyis nang bstan phag mo'i 'bru// 'khrul mig khyams khang ming rus bri/kha sbyar dug dang khrag gis byug/ sme ba'i rdzas byug dza ril gzhug/ rgyu rkyen drug la ling+ga bri// rang rgyud rtsa ba'i 'khor lo dag/ dmar nag ya yi dbus na ma// ma yi gang na srog snying nr-i// me chu las kyi 'khrug cing skyom// snying gi rtsa bzhi dwangs ma la// zhe sdang sdig pa nag po gnas// lus la dmar len yin 'bru gnas// ru 'dzings 'bru brgyad bsnol mar gnas// rtsa mdud rang gshed 'bru yis 'joms// dwangs ma bzhi yi sa re la// chos nyid rtsa la e dang myags// sa yi dwangs ma me la sdud// yon tan rtsa la ya dang rngubs// me yi dwangs ma chu la sdud// ye shes rtsa la mug dang shag/ chu yi dwangs ma rlung la sdud// rang rgyud rtsa la ka dang dun// dwangs ma sdud cing nad gzhi rgyas// rlung gi rnam shes dwangs ma 'degs// de bskul de 'od de mtshon las// de bcad de nyid bsreg shing 'joms// mdud pa bzhi la mtshon cha'i 'bru// bdun gnyis drug gnyis bsnol mar gnas// las kyi me chus 'khrug cing skyom// rang bdud rang gi rgyud la ldang// mtshon chas rang srog rang gis gcod// snying la gnas pa'i tshe bdag gis// rtsa rnams gcod cing srog rten 'joms// de nas bcom ldan 'das kyis rang gshed 'khrul 'khor gsang ba'i yang snying 'di gsungs so// e myags ya rngubs/ mug shag ka dun/ dgra bo'i srog la nr-i hur thuM dza/rtsa khrag snying thums ril raM shag rbad/ dgra bo'i tsat+ti breng shag dza/ srog la hur thum rbad/ dun ka shag mugs/ rngubs ya myags e/ shag raM ril thuM/ snying khrag rtsa rbud/ thuM ril dgra bo dza/thums hur la srog rbad shag breng tsit+ta dgra bo dza/ e ya shag myags dun rngubs ka mug srog thums ril tri nr-i hur thums dza/ thums khrag snying rtsa raM yang la thun shag rbad/ dgra bo'i srog la breng thuM tsit+ta shag hur dza la rbad/rnal ma bzlog dang lto ba dkrug/ bsgrub dang spogs dang shi sa yi// yi chad rang dbang med par 'pho// 'khor lo mkhas pas gdug par gtad// nam mkha' bar snang sa gzhi la// mnan pa'i las kun rdzogs par bya// zhes gsungs so// sdig pa nag po snying la ru 'dzings 'khrul 'khor gsang ba'i rgyud las// rang gshed 'khor lo snying la bskor ba'i le'u ste bzhi pa'o//// de nas bcom ldan 'das 'jigs byed chen po des/rang gshed rang la dbab pa drag po thun gyi las 'di gsungs so// gnad kyi gsang thun las kyi mtshon// bskyod pa kha gso las kyi gcod// gri rgod thod pa mon nam mnol/khyi dang spyang ki wa yi khrag/ thal chen mnol khrag bdud mda' gsum// zangs phye lcags phye rdo phye sbyar// gri rgod khrag dang dug rgod dang// tsha ba gsum dang yugs sa'i khrag/ gri lcags phur pa dung chen gzir// bcas pa 'khor lo thun dang spel// 'khor lo gtad nas zor kha gso// nya stong dus su yul la brab// mon thod nang du brnag pa gzhug/ lha gsal zhal nas dug rlangs 'phro// nad dang mtshon cha char du dbab// dug gi na bun khong du skyel// nad khrag rgyas nas rtsa mdud chad// 'gyur ba med pa'i las su gsungs// dgra bo'i srog la thums ril rbad b+h+yo// a mu ka rtsa la thun rmugs rbad b+h+yo/ sngags pa snying du sod/tsit+ta tub rbad long/ srog tsit+ta long/ myags myags mA ra ya/ tsit+ta la thun b+h+yo/ dug rlangs 'chol ba las kyi thun// snying la dug dbal 'debs par byed// skyes pa kha gso rgyun mi bcad// sdig pa snying 'dzings 'khrul 'khor nag po'i rgyud las/rang gshed thun nag gsang ba'i le'u ste lnga pa'o//// de nas bcom ldan 'das 'jigs byed chen po des/ rdo rje'i nang dme'i las kyi dmod pa bsad pa las kyi spu gri 'di gsungs so// dmar len yang gsang snying po'i mchog/ gdug rtsub mchog gsum sde gnas su// rang nyams brten pa mtshams bcad la// ye shes rig pa'i bde klong nas// mkha' lnga khyab pa'i don bsdus la// gzung 'dzin chos kyi dbyings su bsgral// stobs can lha tshogs gzan la dbab// rgyu rkyen tshogs pa'i 'khor lo la// mchog dang phag mo lto sdebs la// dbus kyi pho brang rgya chen por// mtha' 'gyur gang yin ling+ga bri// gu ru seng ge'i khog mi bshig/ las kyi rgyal po btsad po la// 'khor lo rus sbal thod par brub// dkyil 'khor byin can 'og tu mnan// slob ma dam med dgrar langs na// gcer bu'i ling+ga'i snying nang du// zhe sdang lcags kyi sdig pa gzhug/ thod pa stag gi 'dzum la mnan// dam 'dres yi dam gcig pa na// gcer bu rid pa'i slad dkyil du// phrag dog bse yi sbal pa gzhug/dme khrag nad khrag rkyen rlangs bsku// thod pa gzig gi thig ler gtad// dam mi gcig pa spyi yi spun// ling+ga spyi tshang snying ga ru// bse yi sbal pa dmar po bri// dug rgod dz+wa la'i khrag gis brab// thod pa mun pa'i gling du mnan// lha gsas chag pa'i bon po la// snying gar gdug gi phag pa gzhug/ nad khrag khyi lud thun brab la// srin mo'i sgrom du nye bar gtad// drag sngags ur mo nang 'gras na// drag sngags rnal bzlog snol mar brdeg/mnan pa 'brong gi ra brag mnan// dril dang rkyang pa las kyi sdebs// rtsa ba 'bru brgyad spu gri bcas// 'khor lo thod pa bcas pas grub// ma grub sbyor ba stobs zhan na// dril ba'i mtha' ru spu gri bsgyur// drag sngags rnal bzlog dkrugs pas sdebs// de nas bcom ldan 'das nyid kyis/ sku gsung thugs rdo rje las sngags 'di gsungs so// rA dza nr-i dza thuM ril mA ra ya rbad/srog la hur thuM rtsa la mA ra ya rbad/ srog la hur thums yaM thun rmug mA ra ya rbad/ srog la mugs dza tri shag mA ra ya rbad/ srog la nr-i dza thun rmug mA ra ya rbad/ tsit+ta khaM shag dza srog la mA ra ya thun rbad/ 'dod pa'i ming dang a mu ka/ las kyi skabs su shes par bya// sngags kyi 'khor lo nang gcod dang/ kha 'thab mjing bsnol rtsal 'dren sngags// dam tshig dme 'khrug byung ba la// dpa' bo chen pos las 'di bshad// spyang ki mon kyi thod pa dang// mu zi nag po mdze can snel/ khrims 'chal mgo'am gos dag la// rabs chad nag po'i thod par mnan// 'di dag las kun yang rab ste// rang gshed nag po las mthar phyin// zhes gsungs so// sdig pa ru 'dzings 'khrul 'khor nag po gsang ba'i rgyud las/ gsang ba yang snying gi le'u ste drug pa'o//// de nas bcom ldan 'das kyis ban sgra nag po stobs dang 'bral ba'i 'khrul 'khor 'di gsungs so// dbang chen stobs dang dbral ba dag/ dur khrod gdug pa'i dben gnas su// sna tshogs drag po'i sa dag la// mchod rten nag po bang rim gsum// dug khrag dag gis rab tu byug/gri rgod ras sam rgya shog la// ban dgra nag po'i ling+ga bri// rkang rjes skra dang chu ngan sa// bag phye khrag dang kham sa ru// mdzub gang dbang po dod pa la// sny-ing gar ming rus gzhug par bya// lce steng du ni lnga yi mtshon// rgya gram thugs nyid las gyis thug pa'i lam gy-i 'jom las yin nam dpyad/ mdzes// srog 'dus lha srin snying pos mnan// steng du ri rab mchod rten bzhag/ gnas khang steng ngam shar du mnan// rtsol bsgrub phrin las ci byas kyang// ngag gi nus pa stobs kyis 'ching// dam tshig ldan dang sngags gcig pa'i// rgyud gsum nus pa stobs dang bral// ha la nag po stam+b+ha ri// nus pa 'joms pa'i 'khrul 'khor yin// de nas bcom ldan 'das kyis stobs can mnan pa'i sngags 'di gsungs so// a+ye a+ye a+ye/ hriSh+t+rI a pa ya/ bi kr-i tA na na hUM [[]bar 'dir mchan yod kyang mi gsal/[]]s+t+wam+b+ha ya/ laM laM laM laM nan tak+She na/ ya ma/ ma ma/ rag mo/ rak+Sha/ k+She ma/ shrI badzra kro ta/ dun ting kI la ya/ ma ma rag mo/ snying du rngubs/ he rak+Sha trag tu brag dun ting b+hi la ni/ a+ye dun tri/ tri sha na ra tsa ha sti/ ra tsa mu trag sha truM ti sta/ ro ni ro tri nan/a tri sa du/ tsa tri/ rA tsa/ nA ga/ de ba ru tri/ kha rak+Sha ma tri/ dun ting dun ting tri/ tri srog la mA ra ya/ ga na pa ti/ b+ha na ka ro/ kA la du brag byi ru ra/ nA' ga mo ti/ sa ga byi du/ sarba sha truM/ e che ge mo a mu kaM du du nan/du du nan/ du du nan/ myags thuM ril trig nan/ spur ya nan man tra nan/ khaM shag ro myags mug ti rbad/ bstan pa spyi la gnod pa yi// ban 'dra mu stegs dag la bya// kun la byas na sngags kun gyi// nus pa nyams par 'gyur bas na// rnal 'byor can gyis bya bar bshad// las 'di ya bag sha yin pas// phung byed nag po'i sbyor bar bshad// sdig pa snying la ru 'dzings 'khrul 'khor gsang rgyud las/stobs can nus pa dbral ba'i le'u ste bdun pa'o//// de nas yang bcom ldan 'das kyis rdo rje nang 'gras kyi las 'byung ba'i khram bzlog chen po zhes bya ba 'di gsungs so// dben zhing nyams dga'i gnas dag tu// rigs dang rigs min sbyor ba 'joms// stobs gzir pho nya bzlog cing mnan// rigs can sbyor ba dbang du bsdu// rigs med yul gyi lus srog dbral// yugs za mo yi zhabs ma dang// sa dkar cong zis mdog phyung la// 'khor lo rim pa lnga ru bskor// gru gsum nag po ming tshar bri// zla gam lha dang ming rus bri// mu khyud sbrul gyis rab tu bskor// 'khrul mig bcu gnyis rtsa ba'i sngags// phyi rim rgya gram ral gris gtams// yang logs bcu drug gsod dang gnon/ kha sbyar mu su'i thod par bru?b// zhag gsum thang bcad mal 'og mnan// stobs kyi pho nya'i rbod gtong 'chad// tshe bdag las kyi 'khrul 'khor yin// e ka he dun ya ma snying khrag ra mA tsa ya/ dgra bo a mu ka srog la thun rmugs rbad b+h+yo/ srog la khaM shag b+h+yo/ srog la breng shag b+h+yo/ srog la yaM shag b+h+yo/ dgra bo'i srog la mA ra ya rbad/dgra bo'i srog stam+b+ha ya nan/ las 'di yang snying gsang ba'i bcud// pho nya zlog pa'i las su bshad// ces gsungs so// sdig pa snying 'dzings 'khrul 'khor gsang ba'i rgyud las/ gzhan gyi rkang mgyogs bzlog cing mnan pa'i le'u ste brgyad pa'o//// de nas yang de'i tshe de'i dus na bcom ldan 'das kyis sdig pa snying 'dzings lha srin tsit+ta dkrug pa 'di gsungs so// dur khrod ras la dug khrag gis// snying gi 'khor lo bri bar bya// rtsa chen bzhi la dmar len 'bru// 'bru brgyad rang gnad bsnol mar gnas// rtsa bran brgyad dang sul brgyad du// tsit+ta dkrug pa'i spu gri bri// phyi rim rtsibs chen bcu drug bri// phyi rim mu khyud gdug pa lnga// 'chi bdag shan pa'i lto bar bri// de ltar 'khor lo kha sbyar bar// dmigs pa'i ling+ga bris te gzhug/ zhag bdun bar du ma yengs par// tsit+ta dkrug pa'i 'khor lo bskor// yang gsang thugs kyi las mchog yin// phyag rgya zil gnon gsal bar bsgom// las kyi 'khor lo lto dkrug pas// srog dang grog srog kyang gi ming sdeb can// gzas pa'i tsit+ta dkrug par byed// rtsa phran brgyad dang rtsa chen bzhi// las kyi dmod pa'i mtshon chas gcod// rtsa srog bcad nas rnam shes phrogs// 'chi bdag bdud kyi las su rig/ 'jig rten lha srin thams cad kun// gshed bdag nag po'i lto na 'chang// rU tra de yi rgyud la gnas// de yis rang srog rang gis gcod// de nas bcom ldan 'das kyis sdig pa snying 'dzings tsit+ta dkrug pa'i gsang sngags 'di gsungs so// e dun ka yaM e myags ya rngubs/mug shag ka dun/ ya ma ra tsit+ta dkrug dgra bo'i nr-i mA ra ya rbad/ ma ma ru lu ma tsit+ta dkrug dgra bo nr-i mA ra ya rbad/ tir ti ka du/ ru tra d+ha/ de ba a rak+Sha ra/ rag mo ra/ yak+Sha k+Sha/ ya mo k+Sha/ mun mun pa/shu la dza/ ra tsa tsa/ badzra sa du tri/ haM shaM tri/ nA ga phu/ tsit+ta dkrug dgra bo nr-i mA ra ya rbad/ de yi las de ma grub na// drag sngags 'di la rab tu 'bad// tsit+ta dkrug dgra bo'i srog la breng shag nr-i ma ra ya rbad rbad gsum yang 'dug/mtha' sdud mnan pa'i sngags kyis bsdu// sdig pa'i lus chang brtags la gtad// thod pa dur ma'i las yin pas// gsang sngags grong khyer dkrug pa ste// gnad la dbab zhing bsad pa zhes// lha srin 'khrug nas nang 'thab cing// stobs chen dril ba'i las su bshad// sdig pa snying 'dzings 'khrul 'khor gsang ba'i rgyud las/ tsit+ta dkrug pa'i le'u ste dgu pa'o//// de nas bcom ldan 'das kyis phyag rgya chen po bsrung ba'i rim pa 'di gsungs so// e nyid stong pa chos 'byung zhes// ma skyes 'gag pa med pa las// rgyu rkyen sngags las ma bskyed par// rol pa chen po'i sku ru gsal// dbu gsum phyag drug zhabs bzhi bgrad// g.yas dkar g.yon dmar dbus mthing rngam// rdo rje 'khor lo ral gri g.yas// be con gtun shing sdigs mdzub g.yon// rigs lnga'i khro bos dbu la brgyan// rang gi phyag rgya chen pos brjid// sbrul dang rin chen 'bar ba dang// dregs pa'i mgo bcad phreng bas brgyan// klu rigs du mas sku la spras// yum ni dmigs med chos kyi dbyings// mthing nag tsit+ta b+han dmar stob// thugs kar smug nag ya ma gnas// me long ye shes ngo bo nyid// 'khor lo don snying phyag na bsnams// ya ma'i thugs kar dregs pa che// mnyam nyid ye shes ngo bo nyid// ljang nag rdo rje snying phreng 'dzin// dregs pa'i thugs kar khyams khang ste// bya ba nan tan ye shes nyid// 'jigs byed chen po thur du blta// dbu gtsug mkha' lding gdug pa 'dul// so sor kun rtog ye shes nyid// dkar po zil gnon ro nye za// phrag sor smug nag 'jigs pa'i khyung// dpung par stag chen ro la rngams// nu 'jing seng ge ral pa sprug/ sta zur dug sbrul nag po 'khyug/ sangs rgyas kun gyi ngo bo nyid// rdo rje 'chang rgyal spyi gzugs can// ma skyes ngang las rang bzhin 'char// gdod nas rnam dag ye shes sku// bskyed dang spyan drangs mchod mi dgos// rgyu dang rkyen la rag ma lus// skye 'gag med pa'i ye shes gsal// phyag rgya kun gyi zil gnon yin// rol pa chen po'i phrin las kyi// gsang sngags phreng ba denyid las// bod pa ming dang brda' ru sbyar// rnam par shes pa 'bru re phrogs// dregs pa 'dul byed gsang sngags srog/zil gnod gsung gi ngo bo nyid// 'di nyid mchog gi las yin pas// 'di med las kun dbyug pa rkyang// rbod gtong 'khrug gam thun mong du// rdzas dang sngags kyi nus pa yis// dregs pa'i sbyor ba ngan pa 'joms// sdig pa nag po snying 'dzings 'khrul 'khor nag po gsang ba'i rgyud las/ phyag rgya chen po srung ba'i le'u ste bcu pa'o//// de nas bcom ldan 'das 'jigs byed chen pos des/ klu bdud 'chi bdag gdug pa can chu srin mgo can dbang du bsdus te/ las kyi 'khrul 'khor gtad log nag po zhes bya ba 'di gsungs so// rus sbal nag po mjing bsnol gyi// las kyi 'khrul 'khor 'di lta ste// tA la'i lo ma'am ka ri ka/ yang na rgya shog dag la yang// klu rigs bzhi dang sa bdag dang/ dpe gcig la bar 'dir srid pa'i rus sbal lto bar bris// 'khor lo rim pa bcu bzhi bskor// dbus su ling tshe dgu ru bya// mu khyud yang snying/ zhes pa zhig byung yang tshig mtha' yang ma 'grig pas dpyad// klu yi yang snying gtad log dang// rtsa ba'i snying po 'bru brgyad bzhi// 'dod pa'i ming rus a mu ka/ nag po mgo dgu'i gsang sngags sbrel// yang gsang dpa' brtul can gyis spyad/e dur ka yi/ dgra bo'i tsit+ta breng shag dza/ srog la breng shag hur thums rbad/ e myags ya rngubs mug shag ka dun nA ga ru tra kA la dgra bo'i snying la b+h+yo/ nag po bam tsit+ta la rgyob/ trag thur snying sgul myags myags/ rtsa bzhi skums/ shan shan srog la shan/ thur thur dgra bo tsit+ta la thur rbad/ sa nA ga ha la tsa ma ri dgra bo'i snying la thun b+h+yo/ zhag gsum mtshon cha bsnol mas gcod// mtha' ru dpa' brtul can gyis spyad// klu yi nad rlangs dug gi ngar/ kha dag de la rang gshed dbab// 'di ni las kyi man tra ho// stobs chen 'joms pa drag po'i mtshon// sbyor ba mkhas pa'i sngags pa yis// las rdzogs rus sbal khog par gzhug/bang rim lnga pa'i 'og tu mnan// ri gsum 'brang gi rwa brag mnan// yang na sa bdag gnas sar gtad// las 'di mnan pa kun gyi mchog/ ces gsungs so// sdig pa snying 'dzings 'khrul 'khor gsang ba'i rgyud las/gtad log nag po rus sbal mjing snol gyi le'u ste bcu gcig pa'o//// de nas bcom ldan 'das 'jigs byed chen po des 'khrul 'khor rdzas bzlog dus kyi 'khor lo zhes bya ba 'di gsungs so// stobs chen 'khor lo'i gnad dag gis// las dang sbyor ba nus pa'i mthu// bung ba ri ka 'khor ba ltar// rang gi nus pa 'joms shing gsod// de yi sbyor ba 'di lta ste// ri rab 'og gam rgya mtsho'i gting// gdug pa can gyi stobs gzhom phyir/ kham sa'i ga'u rus sbal gyi// lto sbyar bar du rus sbal bca'// rgya shog dag la mu khyud gsum// gru gsum sdig pa ru 'dzings pa'i// steng 'og ling+ga lto sbyar bya// bar ma'i mu khyud dregs pa can// 'dus pa'i yang snying 'khor bar bri// phyi rim 'byung ba'i 'khrul 'khor gyi// skyom zhing sdud pa'i yang snying bri/ e baM raM yaM khaM shig tsit+ta gtubs/sas gtibs/ mes tshig chus dkrug rlung gis g.yeng/ kha ri ba ldag kha ri ldag rnam re tse ri khas yen sogs 'dra min mang sna ri khas yen/ dgra bo mA ra ya/ e ka ya ma srog la hur thuM gzir nan/dgra bo'i snying la shag rbad/ ra ti ra khrag dgra bo'i srog la yaM yaM tri ling dgra bo'i snying la shag rbad/ nag po nA ga b+he ta srog la dza la dza la/ nr-i thuM shag/ dgra bo'i snying la rbad/ tsit+ta breng shag nr-i mA ra ya/ 'khor lo kha sbyar ga'ur gzhug/ nam mkha' bar snang sa 'og gi/ dbang chen stobs chen 'dus pa yin// 'og gi 'khrul 'khor gsang bar gshad// bar cha'i 'khor lo 'di lta ste// gshed po las rgyas lto ba ru// mu khyud rim pa lnga ru bskor// dbus su 'dod pa'i ming rus bri// g.yas g.yon 'doms su dam sri ru// klu srin sa srin snying po bri// snying la sdig pa bzhi bgrad pa// dmar len drag sngags 'bru brgyad bri// phyi rim yang snying 'khrul mig dag/ brgyad bzhi dregs pa'i yang snying bri// tha ma 'khor lo bcu gnyis rtsibs// byas pa 'jigs pa'i 'khrul 'khor bri// bar chad dag gi 'khrul 'khor yin// sarba sha truM s+t+wam+b+ha ya nan/'grir rbad/ pad+ma sbur srog nan snying gzer breng shag yaM rbad/ ri rab bang rim gsum pa'i khar// gru gsum nag po dug khrag byug/ rabs chad thod par 'khrul 'khor bca'// sgo bzhi rdzogs pa'i mchod rten dag/rus sbal gdan la glang chen 'degs// sgo bzhi gri lcags sbug ma ru// drag po'i sngags thun mtshon chas brdar// bsad pa las kyi mtshon du bshad// nam mkhar phyag rgya gsal ba yi// stobs chen snying po rdzogs pa dang// las rab kun gyi mchog tu bshad// sdig pa snying 'dzings 'khrul 'khor nag po gsang rgyud las/ rdzas bzlog gsang ba 'khrul 'khor gyi le'u ste bcu gnyis pa'o//// de nas yang 'jigs byed chen po des/gsang sngags kyi 'khor lo bskor ba 'di gsungs so// gdod nas rnam dag ye shes sku// lhun gyis grub pa yin pa la// stsol bsgrub re dogs 'dzin pa bral// rnam rtog bag chags sprin lta bu// nam mkha' lta bur 'dzin med pa// srung ba kun gyi mchog tu bshad// stong pa'i dbyings las rdzogs pa yi// phyag rgya'i rol pa yongs rdzogs pa// bsam gtan sems kyi 'khor lor bshad// rgyu dang 'bras bu srog dang las// dregs pa'i de nyid shes pa na// dreg pa rang gshed rang gis byed// bsam gtan 'khor lo byed pa na// sngags dang rdzas dang ting 'dzin gyis// ming dang rtog pa dbyings su bsgral// sngags kyi grong khyer rab bsgril zhing// ming nas bos shing rab tu gzir// rnam shes 'phrog cing gcad bya ba// sngags kyi phreng bas gdug pa 'dul// dregs pas dkrugs shing dbang bsdus la// ming nas bos la thog ltar gzir// rnam shes 'phrog ste mtshon chas gcod// bsrung zhing bzlog pa'i las su rig/ de nyid rang gshed pheb pas na// rno myur srid pa'i khyams khang na// rang gshed gdug pa'i yi ge gnas// drag sngags dbus kyi rta la zhon// dug rlangs 'od zer rang shugs 'phro// sha za gsod byed pho nya bskul// rang gnad gdug pa'i yi ge blangs// bdag gshed grogs kyi 'khor lo 'phro// kun 'dus rtsa bcad tsit+tar 'dus// hur thums dza yi nr-i phrogs nas// srid pa'i khyams khang mtshon chas gcod// 'di dag bsad pa'i las su rig/ bskyed pa kha gso dug dbal gyis// rtsa rnams khengs nas nad rgyas nas// rtsa yi mdud bcad srog bral gyur// phyogs sam sgo bzhi las kyi thun/ kha gso zor gyi las su shis// 'khor lo thun brdeg las rab mchog/ rkyang pa sbrang ma las kyis sdebs// spyir ni 'khrul 'khor gsang ba'i bcud// yang gsang thugs kyi 'khor lor bshad// las kyi rgyal po'i snying nang du// rtsa bzhi mtshon gyis gcod par byed// dam med slob bu'i sems pa nyid// lcags kyi sdig pas rtsa brgyad za// dam 'dres bse yi sbal pa la// nad khrag 'dus shing ldang bar 'gyur// sngags pa nag po spyi yi sbun// rang gshed bse yi sbal pa yis// rnam shes dug khrag me chur bskol// bon po rigs gnyis phyi rol pa// phag rgod nad dang mtshon gyis bsgral// gnam lcags 'thab na rtog med las// phyag rgya rdzogs pas rol pa'i sku// gnyis su med pa'i ye shes bsgom// gzhan gyi stobs rnams rab tu gzir// las drug spyi yi dgongs par bshad// nag po stobs dang dbral ba dag/ rgya gram dregs pa'i sngags bris te// lce steng ri rab dag gis mnan// zhi khro phur pa gshin rje nas// sa bdag klu srin yan chad kyi// sngags kyi bzlas brjod ci byas pa// ri rab rgya gram chen po yis// ngag gi nus pa gnod par byed// nus pa non cig ces kyang brjod// drag po'i ngag mnan 'khor lo bshad// 'byung ba'i khram bzlog chen po ste// gsang sngags 'khor lo bskor ba yis// 'jig rten lha 'dre khams 'khrugs shing// mtshon cha'i 'khor lo log pa ltar/ kho rang rgyud la ldog pa ni// pho nya bzlog pa zhes su bshad// 'chi bdag shan pa'i lto ba ru// gsang ba'i sngags kyi lto dkrug pas// lha srin tsit+ta 'khrug pa yis// gzas pa'i rtsa srog 'bral bas ni// tsit+ta dkrug pa'i las su bshad// srid pa'i rus sbal lto ba ru// klu dang sa bdag sde bzhi la// stobs kyi sngags kyi 'od zer gyis// gdug pa'i klu gnyan dug blangs te// gzas pa'i snying la 'dus par bsam// gtad log nag po'i las su bshad// phyag rgya mtshon cha dmigs pa'i yul// gsal ba gsum gyis las kun 'grub// ces gsungs so// sdig pa snying la ru 'dzings 'khrul 'khor nag po gsang ba'i rgyud las/ yang gsang thugs kyi le'u ste bcu gsum pa'o//// de nas bcom ldan 'das kyis yongs su bskor ba'i 'khor rnams la 'di skad ces gsungs so// e ma rnam rtog mtshan ma rang grol ba'i// rdo rje bde ba chen po'i bka'// gsang tshig dmod pa'i las mchog 'di// rig byed rdo rje snying pos zung// skye med rnam dag chos dbyings pho brang nas// thugs rje'i rol pas bye brag cir bstan kyang// gnyis med 'bras bu phyag rgya chen pos rdzogs// snang stong gnyis med ye shes sgyu ma'i sku// rtag chad mtha' las grol ba'i ye shes nyid/ kho na nyid do gnyug ma rdo rje'i sku// phyag rgya chen pos zil gyis gnon par gnas// sku yi sgyu ma'i phyag rgya cir yang gnas// gsung ni khro bo rngams sgra lnga dang ldan// thugs ni sna tshogs cho 'phrul mtshon cha bzhin// las kyi skabs kyis phye ba de lta bu'i// ngo bo nyid ni chos sku 'gyur ba med// skye ba'i cho 'phrul snang la rang bzhin med// yon tan ye shes mtshan dang dpe byad ldan// snying po 'gyur ba med pa'i ngang las 'char// thams cad chos sku bde ba chen po'i ngang// bgrod pa rnam gsum thob pa'i rtsal gyi yod// e ma rno dbal mtshon cha'i mchog/ sdig pa snying la ru 'dzings pa'i// snying po dug dbal dmod pa'i mchog khyad par gsang ba'i sbyor ba 'di// dpa' brtul drag po'i stobs kyis spyod// sdebs dang rkyang ba stobs dang sbyar// stobs ldan 'dzom na sbyor ba bsdeb// rgya mdud brtsegs pa'i lto ba'am// nam mkha' bar snang sa gzhi'i 'og/ 'khor lo rdzogs pa rdzas kyis gnad// ri rab mchod rten bar dag tu// stobs kyi 'khor lo thod par gzhug/ phyag rgya gsal bas rngam tshig bzla// dregs pa dkrug cing gnod byed gzir// rang gshed 'khor lo thun gyis brab// bla gnas gzugs la gnad yig dgod// mtha' bsgyur spu gri rno dbal sbyar// mgyogs bzhengs kyang kyi pho nya bzlag cing bsad// gdug pa klu yi gtad khram bzlog/ bsdeb pa'i las rim skabs su sbyar// bsad pa'i las su shis par spyad// rgyun du lha srin stobs gzhom zhing// ngag mnan 'khor lo bcas la mnan// stobs chen nus pa 'joms par bshad// tsit+ta dkrug pa'i rang gshed dbab// sdig pa'i lus tshad brtags la gtad// dregs pa 'khrugs na shis par bshad// e ma yang gsang rnal 'byor rgyud// thabs dang shes rab snying po'i don// rtsa ba bshad pa 'phrul gyi bka'// yang snying nag po gsang ba'i mtshon// sdig pa snying la ru 'dzings 'di// gsang bdag rdo rje snying po dang// longs spyod 'phrul ni sprul par bshad// lha dang mkha' 'gro rig pa 'dzin// rdzu 'phrul stobs chen dregs pa'i 'khor// byang sems bka' dang lung bor min// slob dpon mi spang spun mi brnyas// sangs rgyas bka' la nges par bkur// bla ma dkon mchog yi dam mchod// bdag gzhan byang chub sems mi gsad// don gyi lam stor log pa la// gsang sngags brda' dang dam mi smra// yongs su ma sbyangs tshad mi sbyar// theg pa dman la chos mi bshad// bka' la tshad ma'i sgras mi gzhal// dad ldan mi bzlog phyag rgya bstan// rin po che yi rtsal mi sprug/ rnal 'byor mi gtang gsang sngags bzla// drod rtags dbang po rang nyams brtag/sems kyi me long rtag tu blta// e ma 'khor du 'dus pa'i tshogs// lha klu dregs pa rdzu 'phrul can// nga yi gsang rgyud snying po 'di// ma 'ongs dam can sgrub byed na// de yi dam las mi 'da' srungs// 'khor gyi dregs pa pho mo yis// rnal 'byor bsgrub pa'i grogs gyis shig/ ces gsungs so// de nas rdo rje snying po la sogs pa'i 'khor rnams// bcom ldan 'das kyis gsungs pa la dga' mgu yi rang te mngon par bstod do// 'jam dpal gshin rje 'phrul 'khor nag po sdig pa snying 'dzings gsang ba'i rgyud las/ rgyud gtad cing rjes su yi rang ba'i le'u ste bcu bzhi pa'o//// 'jam dpal gshin rje dngos grub nye bar bsdus pa'i zla gsang nag po'i snying po'i rgyud/las kyi 'khrul 'khor nag po sngag [[]sngags []]pa snying 'dzing kyi rgyud ces bya ba// lha yul du grags pa rdzogs so//// bal yul gyi sl ob dpon chen po ba su d+ha ra dang/bod kyi lo ts+tsha ba gnubs ban sangs rgyas ye shes bdag gis bsgyur ba'o// rgya rgya rgya/ rgya rgya rgya/ rgya rgya rgya a+thi+-i/

CLOSE WINDOW