CLOSE WINDOW

Gpb018.004
བོད་ཡིག

shri he ru ka sa mu dA ya mU la tan+t+ra na ma/ bod skad du/ dpal khrag 'thung 'dus pa rtsa ba'i rgyud ces bya ba/ dpal 'jigs byed chen po khrag 'thung he ru ka la phyag 'tshal lo// 'di skad bdag gis thos pa'i dus gcig na/bcom ldan 'das dpal he ru ka chen po// gsang ba chen po'i mkha' dbyings rnam par dag pa'i pho brang na/ 'jigs byed chen po'i 'khor 'di lta ste/ bud+d+ha he ru ka dang/ rat+na he ru ka dang/ pad+ma he ru ka dang/ karma he ru ka dang/ bud+d+ha kro d+hI shwa rI ma dang/ rat+na kro d+hI shwa rI ma dang/ pad+ma kro d+hI shwa rI ma dang/ karma kro d+hI shwa rI ma dang/ hUM ka ra dang/ rnam par rgyal ba dang/ nI la daN+Da dang/ ya mAn+ta ka dang/ Ar+ya a tsa la dang/ ha ya g+h+rI ba dang/ a pa ra dzi ta dang/ a mr-i ta kun d+ha li dang/ trai lo kya bi dza ya dang/ ma hA b+ha la dang/ ko'u rI ma dang/ tso'u rI ma dang/ pra mo ha dang/ be ta lI dang/ puk+ka sI dang/sgasma rI dang/ sma sha nI dang/ tsan d+ha lI dang/ sid+ha mu kha dang/ bya g+h+r-i mu kha dang/ sri ga la mu kha dang/ shwa na mu kha dang/ gr-i D+ha mu kha dang/ kang ka mu kha dang/ kA ka mu kha dang/ u lU ga mu kha dang/ aM ku sha ma dang/pA sha ma dang/ s+pho Ta ma dang/ g+haN+De ma dang/ las byed pa'i ma mo bdun phrag bzhi dang/ mkha' 'gro'i tshogs bsam gyis mi khyab pa dang/ thabs cig tu rol pa chen pos bzhugs so// de nas 'dus pa'i 'khor de dag rnams kyis/dpal he ru ka la 'di skad ces gsol to// kye ma bcom ldan he ru ka/ dus gsum sangs rgyas thams cad kun// thugs rje zhi ba'i rang bzhin la// khyod nyid khro ba ci zhig lags// he ru ka ni ji lta bu// thabs dang shes rab sbyar ba gang/ ma 'ongs dus na skyes bu yi// khyod dang bdag cag lhan cig tu// nye bar byed pa'i thabs ci lags/ thams cad khyod dang gcig pa yis// 'gro ba'i don kun ji ltar bsgrub// 'dul bar bya ba'i don ched du// bdag cag rnams la bstan du gsol// zhes zhus so// de nas dpal chen he ru kas// 'dus pa'i 'khor la 'di skad gsungs// shin tu khro zhing gtum pa la// zhi bas phan par mi 'gyur te// khro bo de bzhin gshegs kun mdzad// sangs rgyas thugs rje khros pas ni// gdug pa ma lus 'dul bar byed// thams cad dbang du gyur nas kyang// bsgo ba'i bka' nyan bran bzhin gnas/ he ni dgongs shing bzhad pa'i gsung// ru ni kun la chags pa'i thugs// ka ni mnyam nyid ye shes sku// shrI ni snying rje bdag gzhan rtogs// ma skyes dbyings ni shes rab ste// ma 'gags sprul pa de yi thabs// dus gsum dngos po thams cad kun// mnyam nyid gnas pa sbyor ba yin// phung po lnga nyid he ru ka/ kro d+hI shwa rI 'byung ba lnga// ma mo rnam par shes pa brgyad// de yi yul brgyad phra men gyur// 'du shes bcu nyid khro bor gyur// 'gyur ba bzhi ni khro mo ste// sems las byung ba mkha' 'gro'i tshogs// thams cad nga yi sku gsung thugs// ye nas gnas shing lhun gyis grub// 'dus ma byas shing g.yo ba med// ma rig rtsa ba yan lag bcas/ sgrib byed de yi gnas ma mthong// gal te bdag nyid shes 'dod na// yang dag grub pa gcig pu nyid// sangs rgyas bde chen kun 'dus pa// rnal 'byor zab mo sku gsum rdzogs// mkha' 'gro sgyu ma bde mchog bde// 'gro ba sna tshogs thabs kyis 'dul// don dam nges pa'i lung 'di nyon// zhes gsungs so// dpal khrag 'thung 'dus pa rtsa ba'i rgyud las// gleng gzhi'i don bsdus pa'i le'u ste dang po'o//// de nas 'khor gyis yang zhus pa// dpal chen he ru ka yi rje// ma 'ongs sems can skal med cing// gdul bar dka' ba gang zhig la// ji ltar nges pa'i don bstan yang// myur du rtogs pa ma yin pas// bsgrub pa dang ni chen po dang// bsnyen pa dang ni nye ba dang// las kyi khyad par ma lus pa// rim pa bzhin du bstan du gsol// zhes zhus pas// bcom ldan 'das kyis bka' stsal pa// phyi dus snyigs ma byung ba'i tshe// blo dang ldan pa'i skyes bu yis// dur khrod dgon pa'i phyogs dag gam// nges par brtags pa'i sa gzhi la// rdo rje dur khrod bdag po'i lus/rab tu nyam thag bsgyail ba ste// nga yi sngon gyi phrin las yin// mkha' dang brtan zhing gsal ba dang// g.yo zhing sreg par rab snang ba// dkyil 'khor lnga ru byin gyis brlabs// lus dang lus kyi phung po la// gdug pa'i khrag 'thung tshogs rnams bsgom// phun sum tshogs pa'i sa blangs la// lag gang sa la sogs pa yi// rgya cher bskyed la bdud rtsis gdab// sha rus khrag sogs mtshon pa yi// rim pa'i bye brag 'di lta ste// mthing ga dkar ser dmar dang ljang/ dbus dang phyogs bzhi rab tu mdzes// gnas pa'i pho brang lnga'am dgu/ bcu drug gam ni lnga bcu brgyad// drug cu rtsa brgyad la sogs pa'i// tshogs pa'i tshad dang mnyam pa la// dmigs pa gsal ba rab tu bsgom// bdag dang ye shes sems dpa' gnyis// so so ma yin tha dad min// mchod bstod mnyes pa bzlas pa dang// dgug dang gzhug cing bstim pa dang// bcings dang dbang du bya ba dang// dgyes pa bskyed cing las la sbyar// thun mong dang ni mthar thug pa'i// rang gi de nyid yongs shes shing// gnyis su 'dzin pa ma lus dor// yod med skye 'gag rtag chad dang// 'gro 'ong la sogs spros pa'i mtha'// ji snyed pa ni rang gi blo// de dang bral ba'i sgrub pa po// nga'am nga dad 'dra ba yis// sangs rgyas rnams dang de yi sras// kun nas rab tu bsgrub pa yin// byams pa dang ni snying rje yis// khams gsum gnas pa ma lus pa'i// 'gro ba thams cad bsgral 'dod phyir// nga la bsnyen pa bsgrub pa che// rnal 'byor ye shes rang gi ngag/yi ge sngags kyi 'phro 'du yis// smra bsam brjod med tshig las 'das// 'dzin med brag cha lta bus bsnyen// sems can rnams kyi phyi dang nang// gsang ba yongs su shes 'dod pas// dul ba'i sems su bzhag nas ni// dam tshig chen po bde bar gnas// bsnyen par gnang ba'i dbang thob nas// bsgom dbyangs yi ge 'bru brgyad bstan// oM ru lu ru lu hUM b+h+yo hUM// dbang mchog thob nas 'khor dang bcas// ston pas bstan pa'i lung bzhin du// bsgom rgyud gsal bar ci nus bya// de yi ngang la nye bar bsnyen// gang zhig bdag gzhan don gyi phyir// phung po mchod rdzas bya ba dang// rtsi bcud bdud rtsir bsgrub pa dang// bstan la rab sdang bsgral ba dang// lus bral ngang du drangs pa dang/ nga nyid kun rdzob gnas pa dang// chags can gnyan pos gdul ba'i rigs// de nyid dbang du bya ba dang// brtag dang dbab pa la sogs kun// nga la nye bar byas pas 'grub// ces gsungs so// dpal khrag 'thung 'dus pa rtsa ba'i rgyud las// he ru ka'i las yang dag par bsdus pa'i le'u ste gnyis pa'o//// de nas 'khor gyis yang zhus pa// mgon po he ru ka dpal rje// skal med sems can gdul dka' ba// shin tu snyigs mar gyur pa'i lus// nyon mongs pa yi sems can rnams// shes rab phun sum ma tshogs shing// rab tu 'bad pa chung bas na// shin tu bsdus min rgyal min par// khyod kyi rang bzhin bsgrub pa dang// gtso dang 'khor gyi bsdus pa'i gnas// rang gi rigs dang phrin las dang// sgrub dang mchod dang bsgral ba dang// bskul zhing gnas nas drang ba dang/ bsdu dang sbyang zhing gsad dang gso// las dang las la mngag pa rnams// mchog dang dman dang bar ma yi// blo dang yid la gang rigs pa'i// 'bar ba'i rgyal po sku bzhengs la// rol pa'i cho 'phrul rab ston cing// gsung gi yi ge 'khor lo'i gnad// 'od zer rab tu khyab mdzad de// thugs kyi gsang ba klong brtol nas// ma 'gags thabs kyi rang bzhin las// sa dang 'gro ba smin pa'i chos// da lta nyid du bshad du gsol// zhes gsol pa dang// de nas bcom ldan 'das de bzhin gshegs pa thams cad kyi bdag po he ru ka chen pos// de bzhin gshegs pa thams cad kyi sku gsung thugs rdo rje btsun mo'i b+ha ga yangs pa'i klong// dam tshig chen po'i byin gyis rlabs pa'i dkyil 'khor gyi ting nge 'dzin la snyoms par zhugs nas/ rig pa'i skyes bu chen po'i gzugs byang chub kyi sems rdo rje khro bo chen po'i longs spyod rab tu rdzogs pa'i sku/'jigs byed 'bar ba kun tu bstan te/ dges pa chen po'i gad mo'i sgras// stong gsum gyi 'jig rten gyi khams rab tu gang bar mdzad nas// rdo rje drag po chen po'i thugs gnyis su med pa'i bde ba chen po// thams cad kyi ngo bo rab tu gsal bar mdzad de// 'dus pa'i 'khor rnams la 'di skad ces bka' stsal to// e ma 'dus pa'i 'khor rnams nyon// dang po mnyam pa'i gzhi nyid las// 'das dang ma 'ongs bcings dang grol// brtan dang g.yo ba srid dang zhi// yongs su grub dang kun tu brtags// gzhan gyi dbang du gyur pa yis// nga nyid gtso bo lta bur snang// phung po lnga dang rnam shes brgyad// yul brgyad dang ni 'du shes bcu// 'gyur ba bzhi dang bcas pa kun// yang dag mthong ba gong ma'i gnas// yid las byung ba'i rtogs pa'i dngos// ma lus lus pa med pa kun// bdun phrag brgyad phrag bzhi bzhi dang// bco brgyad dang ni drug cu bzhi// bzhi dang bdun dang bzhi gnyis dang// grub par shes pa 'og ma'i gnas// nga nyid ngar snang rdo rje ste// sangs rgyas gti mug de bzhin gshegs// nga rgyal rin chen 'byung ba ste// pad+ma chags rab he ru ka/ phrag dog las ni rab tu bsgrub// gzugs dang rnam shes tshor ba dang// 'du shes 'du byed lnga rang bzhin// ma bcos ba dang zhi ba dang// rab tu rgyas dang dbang du byed// tshar gcod drag po ji bzhin bsgrub// ngang nas shes shing gnas pa yin// zhes gsungs so// ngang la khrag 'thung 'dus pa rtsa ba'i rgyud las/gnas dang rigs bsdus pa'i le'u ste gsum pa'o//// de nas he ru ka dpal gyis// 'dus pa'i 'khor la 'di skad gsungs// nga yi sku gsung thugs kyi bdag/ lus ngag yid gsum bsgrub 'dod pas// shes rab kyis ni blo phye nas// gus pa yi ni dam tshig dang// gtsang dang 'jigs pa'i brtul zhugs bcas// srog lus yan lag rdzas rnams kun// bla ma mnyes par bya phyir dbul// dngos grub 'dod phyir gsol ba gdab// blo zhan shes rab chung ba yis// bsgrubs kyang 'grub par mi 'gyur te// phung byed gnyis ka bsreg pas na// de bas gzhan du bstan pa med// nges par brtags pa'i sa gzhi la// phun sum tshogs pa bzhi ldan nas// dur khrod sa ni rab tu brtags// 'byung po'i gtor ma btang nas kyang// gsang ba don gyi las rnams spyad// rnam par rtog pa bgegs yin te// rnam rtog rang gi sems las 'byung// sems nyid ye nas dag shes na// gzhan nas bgegs zhes bya ba med// mthun pa'i gnyen pos 'dul don du// zhe sdang rdo rje'i ting 'dzin gyis// mkha' la khro bo 'chol ba spro// bskrad dang brdeg dang gcod par bya// snga ma las ni gnas bsgyur te// rdzas dang sa gzhi brtags pa der// slob dpon ji bzhin stan bder gnas// rab tu mnyam pa'i tshad gzhal te// rang byung bdud rtsi'i chag chag gdab// ba su ta yi thig gi bcad// re mig thod pa'i phreng ba bzhi// pho brang zla gam chen po dgu/ mthing ga dkar ser dmar dang ljang// rab tu dmar ba dag tu bya// 'khor lo rtsibs brgyad brgyad gnyis bya// phyogs bzhi sgo bzhi nang khyams bcas// 'od kyi rang bzhin brtsig pas bcad// phyi rol 'dod yon gnas la sogs// mkha' 'gro dur khrod gnas chen kun// ji ltar gsungs pa bzhin du bri// sngon gyi phrin las shes par bya// rdul tshon gzhal yas khang de la// ji ltar dgos pa'i rdzas rnams ni// lha rnams rab tu 'byung ba yi// gnas rnams so so de nyid du// thod pa rU pa bri ba dang// so so'i yi ge phreng ba'i sngags// snang ba'i 'od dang bcas pa dang// lha zhal ldan pa'i phur pa rnams// sku gsung thugs dang phrin las rten// mtshan dang ldan pa'i snod nang du// 'bru bcud bdud rtsi rab sbyar ba// yon tan dngos grub 'byung ba'i rten// rdzas kyi 'khor ba mdzes par gzhag/ phyi rol bar chad srung ba'i rgyan// mig gi rten yang mngon par dgram// rdo rje slob dpon rgyal thebs dang// shes rab ma dang las mkhan dang// dral gyi dgos pa tshangs pa yis// phyi dang nang gi 'grul bcad de// lhag pa'i rtags kyi kun mtshon nas// sgrub rdzas de dag byin gyis brlab// rang gi gnas su mnga' gsol te// mchog tu bya phyir rab tu brtan// dmigs med stobs kyi gdeng can gyis// sku mchog 'bar ba'i tshul du bsam// khams gsum khrag tu dmigs nas kyang// dur khrod kun tu khyab par bsam// zhi ba'i tshul gyis bka' bsgo zhing// khro bo'i las kyis bsrung ba ni// 'bar ba'i me dang mtshon cha lnga// khrag 'thung lha rnams sprul pa'i tshogs// lta ba rnam dag don rnams kyis// phyi nang gsang ba kun tu bsdams// tshogs bsag phra mos kha bskangs shing// zhi ba'i mchod pas mnyes pa dag/ bsnyen po'i don du 'di dag bya// de ltar bdag nyid brtan byas nas// ye shes dkyil 'khor bsgrub pa ni// dang po chos kyi dbyings nyid las// dmigs pa med pa'i don gyis bsgom// chos dbyings ye shes de nyid kyis// ma khyab pa la thugs rje bskyed// dngos ni hUM du byin brlabs nas// rin chen gsal bar shar ba dang// byang chub sems kyi 'od zer 'phros// mos pa'i thugs la mnyam bsams te// 'od 'dus thog ma'i hUM la gzud// sangs rgyas mkha' 'gro yum lnga yi// mkha' dbyings rnam dag 'byung ba lnga// rang gi sa bon lnga las bskyed// de nas dur khrod bdag po dag/ phyag rgya che dang ldan pas ni// rab tu 'bad pas bsgom byas te// de yi nang du sngar bshad pa'i/ tshad med gnas te bsgom bya ba// sku gsum ldan pa'i thod pa ni// skam po sha ris thod rlon rnams// rmang dang brtsig pa kha bad la// lha chen phung po ka ba la// gza' klu rgyu skar rnams kyis phubs// dbang phyug dang ni 'khor los sgyur// ba dan phyar zhing rgyal mtshan phyar// kun gyi tshul dang ma lus ldan// drag po'i gnas kyi dbus dag tu// rU tra nyi zla pad+ma'i steng// gnas gzhan rnams su ti ra'o// lha rnams rang gi sa bon las// phyag mtshan snying po phra mo dag/ brtan par gyur nas mkha' la gzhag/bskul ba'i rang bzhin kun 'dus pas// des kyang spro ba'i las rnams byas// nga yi rang bzhin lha rnams kun// so so'i sku mdog phyag mtshan dang// bskyed rdzogs grub pa'i lha dag bsgom// de yi rim pa'ang 'di lta ste// mi dmigs chos la blo brtags shing// ye shes can gyi byin stobs kyis// thams cad dam tshig chen po yi// bde mchog sgyu ma'i brda' mtshon te// rdo rje pad+ma ldan byas nas// dbyings kyi bde chen las byung ba'i// rang gi ye shes de las bskyed// ji bzhin mkha' la gsal dag pa'i// sprin med nyi ma'i 'od ltar 'tsher// rang gi byin gyis brlabs las byung// rigs kyi bdag pos rang dbang bskur// las kyi khyad par bstan nas kyang// so so'i gnas su brtan par bsgom// ye shes dkyil 'khor spyan drangs te// bzhugs dang rten dang mi g.yo bas// dam tshig zil gnon phyag bya dang// mchod dang bstod dang bza' ba dag/ tshul bzhin goms pa'i blau dag gi/ ci rigs su ni spyad par bya// dam tshig mchog gi mchod pa dang// skul tshig dbyangs kyis de dag mnyes// 'khor bcas mchod pa rdzogs nas ni// bsnyen pa'i lung bzhin brtson par 'bad// zhag grangs dus ni brtags pa'am// mtshan ma brtan po byung ba na// bsgrub pa chen po brtsam par bya// dpal khrag 'thung 'dus pa rtsa ba'i rgyud las/bsnyen pa dang bsgrub pa yang dag par bsdus pa'i le'u ste bzhi pa'o//// de nas bcom ldan 'das de bzhin gshegs pa thams cad kyi bdag pos nam mkha'i dbyings dang mnyam pa'i sku gsung thugs rdo rje btsun mo'i b+ha ga la dam tshig chen po'i phyag rgya byin gyis rlobs pa'i ting nge 'dzin la snyoms par zhugs nas// nam mkha'i khams dang mnyam pa'i sems can gyi khams thams cad kyi// byang chub kyi sems rdo rje ji snyed pa thams cad rab tu 'bar ba'i skur byin gyis brlabs nas/'di skad bka' stsal to// e ma 'dus pa'i 'khor tshogs nyon// nga yi sku gsung thugs kyi bdag/ rnam par grol ba mtshon pa'i phyir// badzra he ru ka dpal gyi// rtags kyi phyag rgya 'di ltar ro// g.yas dkar g.yon dmar dbus mthing zhal// zhal gsum phyag drug zhabs bzhir bgrad// rdo rje kha T+wA~M rnge'u chung g.yas// dril bu rgyu zhags khyung khra/dril bu dung dmar rgyu zhags g.yon/ g.yon// he ru ka yi ye shes rgya// shes rab dbyings ma'i phyag rgya ni// zhal gcig phyag gnyis sku mdog mthing// g.yas pa thabs kyi yab la 'khyud// g.yon pa dung dmar gtso la stob// kro d+hI shwa rI dbyings kyi rgya// bud+d+ha he ru'i phyag rgya ni/ dbu gsum phyag drug zhabs bzhir bgrad// smug nag mthing dang dmar ba'i zhal// ti ra/ 'khor lo ti ra khyung chen g.yas/rdo rje khyung chen g.yas// b+han dmar rgyu zhags ba su g.yon// bud+d+ha kro d+hI yum dang sbyor// rat+na he ru ka yi phyag rgya ni/ dbu gsum phyag drug zhabs bzhir bgrad/ ser nag mthing dang dmar ba'i zhal/ rin chen byis dbyug dgra s+t+wa g.yas/b+han dmar ri rab rgyu zhags g.yon/ rat+na kro d+hI yum dang sbyor// pad+ma he ru'i phyag rgya ni// dbu gsum phyag drug zhabs bzhir bgrad// dmar nag mthing dang dkar ba'i zhal/ pad+ma be con dgra s+t+wa g.yas// b+han dmar thang gshol ri rab g.yon// pad+ma kro d+hI yum dang sbyor// karma he ru'i phyag rgya ni// dbu gsum phyag drug zhabs bzhir bgrad// ljang nag dkar dang dmar ba'i zhal// rgya gram ral gri dgra s+t+wa g.yas// thod khrag ri rab thang gshol phur pa g.yon gang/ g.yon// karma kro d+hI yum dang sbyor// yum chen rnams kyi phyag rgya ni// zhal gcig phyag gnyis zhabs gnyis 'khyud// so so'i gtso bo'i sku mdog la/g.yas pa kha T+wAM yab la 'khyud// g.yon pa dung dmar gtso la stob// yab yum 'di dag thams cad kun// nyi zla pad+ma rU tra gnon// khro bo'i gar nyams dgu ldan zhing/ dur khrod 'jigs pa'i chas kyis brgyan// ma mo rnams kyi phyag rgya ni// ko'u ri b+han dmar byis dbyug sngo// tso'u ri mda' gzhu 'gengs ma ser// pra mo chu srin rgyal mtshan dmar// be ta byi za rdo 'phyar nag/ puk+ka dmar ser byis rgyu 'dren// g+hasma dung dmar khrag 'thung ljang// sma sha mthing nag byis snying za// tsan d+ha ser skya mchog lus 'bral// phra men rnams kyi phyag rgya ni// seng ha ser mo zhing za ser// byA g+h+ra dmar mo lag bsnol stag/ sri la nag mo byis ldag wa// shwa na mthing ga sha 'drad spyang// gr-i D+ha dmar mo dung gri rgod// kang ka dmar smug zhing khur dur// kA ka bya rog b+han gri gnag/ u lU mthing nag lcags kyu 'ug/ lha mo dang ni phra men rnams// khro mo'i lus la cung zad zhi// khro bo rnams kyi phyag rgya ni// hUM ka ra ni sku mdog sngo// phyag gnyis mda' gzhu 'gengs shing 'phen// rnam par rgyal ba sku mdog dkar// g.yas pa 'khor lo g.yon tri shUl// dbyug pa sngon po sku mdog sngo// me dpal g.yas la dbyug to g.yon// gshin rje gshed po sngo skya'i mdog/ g.yas pa thod dbyug g.yon dgra s+t+wa// mi g.yo ba ni mdog ljang sngon// ral gri g.yas la zhags pa g.yon// rta mgrin can ni sku mdog dmar// spu gri g.yas la lcags sgrogs g.yon// 'dod pa'i rgyal po dmar skya'i mdog/ b+han+d+ha g.yas la rnga yab g.yon// bdud rtsi 'khyil pa ljang nag ste// g.yas pas rgya gram g.yon dril bu// khams gsum rnam rgyal sku mdog mthing// rdo rje g.yas la sbrul zhags g.yon// stobs po che ni dud kha'i mdog/ tho ba g.yas la zhags pa g.yon// khro bo 'di dag thams cad kyang// dpal gyi chas kyis rab brgyan pa'o// rta gdong dkar mo lcags kyu 'dren// phag gdong sngon mo mche zhags bsdam/ spre'u gdong dmar mo lcags sgrog 'chings/ spyang gdong ljang gu dril 'khrol brdeg/khro mo'i chas kyis cung zad brgyan// kun kyang gtso la 'dud cing blta// de nyid rigs kyi dbu brgyan cing// rang gi sems dpa' snying la gnas/ gzugs su brtags pa'i dngos po kun// nga yi phyag rgya'i dkyil 'khor yin// zhes gsungs so// dpal khrag 'thung 'dus pa rtsa ba'i rgyud las/ phyag rgya'i tshogs yang dag par bsdus pa'i le'u ste lnga pa'o//// de nas bcom ldan 'das de bzhin gshegs pa thams cad kyi bdag po des// dus gsum gyi bde bar gshegs pa thams cad gsung gi rdo rje gsang ba'i snying po yang dag par 'byung ba 'od zer rnam par 'phro ba'i ting nge 'dzin la snyoms par zhugs te/'jig rten gyi khams thams cad 'jigs pa'i sgra chen pos g.yo bar mdzad nas/ 'di skad ces bka' stsal to// hUM hUM hUM hUM hUM/ b+h+yo b+h+yo b+h+yo b+h+yo b+h+yo/ ha ha ha ha/ ha ha ha ha/ he he he he/ he he he he/hUM hUM hUM hUM hUM/ hUM hUM hUM hUM hUM/ dzaHhUM baM hoH/ rtsa ba'i snying po'o// oM ru lu ru lu hUM b+h+yo hUM/ nye ba'i snying po'o// A+oM badzra shrI he ru ka hUM/ A+oM bud+d+ha shrI he ru ka hUM/ A+oM rat+na shrI he ru ka hUM/ A+oM pad+ma shrI he ru ka hUM/ A+oM karma shrI he ru ka hUM/A+oM badzra kro d+hI shwa ri s+t+wAM/ bud+d+ha kro d+hI shwa ri s+t+waM/ rat+na kro d+hI shwa ri s+t+waM/ pad+ma kro d+hI shwa ti s+t+waM/ oM karma kro d+hI shwa ri s+t+waM/ badzra ko'u rI ha/ badzra tso'u rI ha/ badzra pra mo he ha/ badzra be tA lI ha/ badzra puk+ka sI ha/ badzra g+hasma rI ha/badzra sma sha nI ha/ badzra tsan+da lI ha/ badzra sid+ha mu kha he/ badzra byA g+h+ri mu kha he/ badzra shri ga la mu kha he/ badzra shwa na mu kha he/ badzra gr-i D+ha mu kha he/ badzra kang ka mu kha he/ badzra kA ka mu kha he/ badzra u lU mu kha he/ badzra hUM ka ra hUM/badzra bi dza ya hUM/ badzra nI la daN+Da hUM/ badzra ya mAn+ta ka hUM/ badzra Ar+ya a tsa la hUM/ badzra ha ya grI ba hUM/ badzra a pa ra dzi ta badzra a mr-i ta kuN+Da li hUM/ badzra trai lo kya bi dza ya hUM/ badzra ma hA ba la hUM/ badzra Ar+Ya te dza tang dza/badzra a mu khe hUM/ badzra lo ka baM/ badzra b+hasmi ba la ya ba tu ho/ rab tu bskyed pa'i snying po'o// A+oM badzra shrI he ru ka kro d+hI shwa ri s+t+waM/ sa ma ya ho/ sa ma ya s+t+waM/ rA gou0f85 haM/ rA ga yA mi/ badzra sarba ta thA ga ta A nu r A ga Na badzra swa b+hA wa At+ma kou0f85haM/hUM s+pha ra na phaT/ saM ha ra na hUM/ nges par 'byung ba'i snying po'o// A+oM sarba ta tA ga ta tsakra kA ya a d+hiSh+Tha na A+oM/ A+oM sarba ta thA ga ta badzra pad+ma wAka a d+hiSh+Tha na AH/ A+oM sarba ta thA ga ta badzra tsit+ta a d+hiSh+Tha na hUM/byin gyis rlabs pa'i snying po'o// A+oM ma hA shU n+ya ta a d+ha ri sha sa ma tA pra t+ya be k+Sha Na kr-i t+yA nuSh+ThA na dz+nya na badzra swa b+hA wa At+ma kou0f85haM/ a b+hi Shiny+tsa maM/ dbang skur ba'i snying po'o// A+oM badzra shrI he ru ka k ro d+hI shwa ri e tsakra maN+Da la A ra li hring hring dza dzaH/bod pa'i snying po'o// A+oM badzra shrI he ru ka kro d+hI shwa ri e tsakra maN+Da la sa ma ya dzaH/ pra be sha tiSh+Tha a AH/ bzhugs pa'i snying po'o// A+oM badzra shrI he ru ka kro d+hI shwa ri ka ru Na ma hA mAM sa rak+ta a mr-i ta i daM gr-i h+Na ba liM ta pi pa ho// kha kha khA hi khA hi a la la ho// bstab cing bza' ba'i snying po'o// A+oM badzra shrI he ru ka kro d+hI shA ri ma hA bo d+hi tsit+ta dz+nyA na a ho su kha/ kA ya wA ka tsit+ta sid+d+hi sid+d+hi hUM hUM hriM hriM/dngos grub bsdu ba'i snying po'o// thams cad nye ba ni 'dis bya'o// A+oM ru lu ru lu hUM b+h+yo hUM/ dag pa'i he ru ka nyid kyis// gnyis med don la rab brtson pas// dbyangs drug blangs pas don drug rdzogs// sngags kyi yi ge'i sgra bsgrags pas// dkyil 'khor lha rnams gsal bar bskyed// 'brug ltar zab cing sgra bsgrags pas// gtum dang gdug pa lhan ner 'gyur// mkhur ba dbugs kyi rlung 'byin gyis/khro bo khro mo'i sprul pa 'gyed// rdo rje srin po'i ngur skad kyis// gdug pa can rnams spa bkong 'dul/ 'khun cing gdung ba'i sgra 'byin pas// dregs pa'i tshogs rnams rdul du rlog/ tshangs pa dbyangs kyi 'dren tshul gyis// thams cad ma lus dbang du sdud// ces gsungs so// dpal khrag 'thung 'dus pa rtsa ba'i rgyud las/ yi ge phreng ba'i don yang dag par bsdus pa'i le'u ste drug pa'o//// de nas bcom ldan 'das de bzhin gshegs pa thams cad kyi bdag po des/ de nyid de bzhin gshegs pa thams cad kyi thugs kyi rdo rje de kho na nyid kyi snying po chos thams cad kyi rang bzhin mnyam pa nyid rnam par spro ba'i ting nge 'dzin la snyoms par zhugs te/sems can thams cad kyi sems kyi don dam pa lhun gyis grub pa yongs su rdzogs pa'i dkyil 'khor chen por byin gyis brlabs nas// 'di skad ces bka' stsal to// e ma 'khor ba'i sems can rnams// nga yi ngang las ma 'das kyang// nyon mongs las kyi 'khrul pa yis// brtags te nga la gzugs su mthong// sgra dang dri ro reg dang chos// thos shing tshor myong brtags shing spyad// skye bo de yis nga mi mthong// nga la gzugs med mthong ba med// sgra med thos pa'ang yod ma yin// ro dang reg med myong tshor med// yi chos rtog pa ga la yod/ brten pa'i gzhi ni gzhal med khang// 'byung ba lnga ni dag pa'i yum// phung po lnga ni grol ba'i yab/ dbang po dag pa phyag yin te// phyag mtshan drug ni yul drug 'dzin// khams chen bco brgyad dpa' bo yi// nyams dgu dang ni chas brgyad do// rtsa ba'i nyon mongs dbu gsum ste// khams bzhi zhabs su snang ba yin/ de nyid stong zhing shin tu stong// rab tu stong pa chen po'i ngang// grol zhing shes pas nga yi gzugs// dges shing chags pa'i thugs rje yis// snyoms mdzad ye shes gang yin pa// he ru ka ste nga yi sgra// dri ni dag pa'i phung po lnga/ ro ni sku drug ye shes drug/ stobs dang mi 'jigs reg pa yin// ma 'dres chos ni bco brgyad de// sems can rnams kyi sems byung dang/ ye nas 'brel pa nga yi rgyud/ rang bzhin rnam par dag pa las// cung zad 'khrul pa rgyud kyi gzhi// lam ni smin cing grol ba'o// rang gi de nyid legs mthong zhing/sar gnas dbang thob 'bras bu ste/ bsags shing thob la rten gyur pas/ nga yi sku zhes brjod pa yin// yang dag mtha' dang ma lus pa// mi rtog pa yi rtogs pa ni// ye shes yin te nga nyid mthong// kye tshogs kun brtson pas nga la nyon// nga la gnyis su ma blta zhig/ nga dang so sor ma 'dzin cig/ bshang gci khu ba khrag dang sha/ nga yi tshogs rnams mchod pas mnyes// dur khrod mi gtsang bam pa'i rdzas// ma byin blangs te yid bzhin spyad// ma dang sring mo bu mo sogs// nus dang ldan la mi tshangs spyad// blo chung shes rab dman pa yis// skal med rnams la rdzun du smra// log pa'i lam zhugs stobs can ni// ka ngu Na tsha ga ru Da yis bsad cing bsgral// spar zhing mchod de sbyangs pa yis// nga yi ngang du gzhag par bya// e ma yul dang bsam pa'i dngos// skye 'gag rtag chad 'gro 'ong dang// yod med rtag chad bral ba ste// rnal 'byor gsum gyi rab bsnyad nas// nga dang gnyis su med pa yin// zhes gsungs so// dpal khrag 'thung 'dus pa rtsa ba'i rgyud las/ snying po de kho na nyid yang dag par bsdus pa'i le'u ste bdun pa'o//// de nas bcom ldan 'das de bzhin gshegs pa thams cad kyi bdag po des/ de bzhin gshegs pa thams cad kyi phrin las sna tshogs pa'i rdo rje dngos grub nye bar gyur pa'i snying po rab tu bsdu ba'i ting nge 'dzin la snyoms par zhugs te/'jig rten gyi khams thams cad kyi rig pa ma yin pa'i dngos po ma lus pa rnam par dag pa mchod pa'i rdzas su byin gyis brlabs te/gtsang ba dang sme ba'i rtog pa ma lus par bzlog pa/ rdo rje dam tshig chen po rab tu blang ba'i phyir/ 'di skad ces bka' stsal to// kye ma 'dus pa'i 'khor tshogs nyon// phun sum tshogs pa bzhi ldan zhing// tshul rim goms pa'i rnal 'byor pas// sngon du 'gro ba'i las spyad de// bar chad byed pa'i bgegs chen yang// 'jigs pa med pa'i sems kyis bzlog/ dngos grub sbyin pa'i gzugs brnyan yang// re dang chags dang dogs pa yis// ngan pa'i don gyi sems mi dbyung// byin gyis brlabs pas ma lus byang// nga dang lnga bcu rtsa brgyad pa'i// ji ltar bshad pa'i pho brang du// rigs chen rigs lnga b+han+d+ha lnga// rnam par dag pa'i bcud kyi dngos// phyi nang gsang ba'i dam tshig ste// sdong po lo ma me tog dang// 'bras bu gar+b+ha shun pags dang// rtsa ba dang ni skogs ma'o// don snying lnga dang b+he ra log/ lam gnyis brgyad ni nang yin no// sems bcud dri ni gnyis dang ni// go ro tsa na mAM sa lnga// gsang ba yin te rtsa ba brgyad// mngon pa phyi dang sbas pa nang// rgyal blon skyobs dang bcas pa ni// lo thog shing thog me tog dang/rtswi thog 'bru dang rdo shing bcud// sems can bcud dang rin po che// ma lus lus pa med pa kun// dug lnga sman du bsgrub pas na/ dgag bya gang yang yod ma yin// ro dang nus pa kha dog rnams// rnam dag rtsa ba yan lag bcas// spang bya gang yang yod ma yin// dkyil 'khor chen po'i gnas su dgod// snang ba chen po shar ba dgram// sgrub pa po rnams rgyan rtags ldan// so so'i gral du 'khod nas ni// khrol bu btags btsags phye ma dang// gong bu skyo ma lde gu dang// ri lu byas pas so so yis// dus dang rtags kyi rim pa bzhin// lnga dang de nyid nyi shu yi// bar du sbyar bar bya ba ni// snga ma'i dkyil 'khor las la gzhug/tshangs pa dang ni drang srong tshogs// spyan drang gzhug cing rtog pa bzlog/ mdzes dga' spro ba'i spyod pa brten// ngo bo rnam dag ngang du gsal// 'od zer 'phro 'du bya ba dang/ thams cad bdud rtsi'i sngags kyis sbyangs// de nas rigs lnga'i dkyil 'khor dang/ dpa' bo 'bru lnga'i sngags kyis sbyangs// ye shes lha rnams spros nas ni// dbang gi rgyal pos bsrung bar bya// rdo rje rigs kyi bsdus shing sbyangs// slar yang thabs dang shes rab kyis// mthun pa'i rdzas ldan btag cing btsag/ gsang ba mchog gi dkyil 'khor bzhengs// yi ge dgu yi sngags kyis sbyangs/ 'bras bu lnga sbyar bdud rtsir bcas// mu sa la yis sprad cing sbol// rgyas gdab mnga' gsol gdab par bya// gcig tu bya ba'i tshul dag kyang/ dkyil 'khor bdun dang sbyor ba brgyad// bzhu dang btul dang dbab dang bskyil// yi ge dgu yi 'phro 'du yis// mdzad pa'i tshul gyis 'gro don spyad// mchod bstod bskul dang bshags pa dang// bzlog cing bskul dang bcol sogs kyis// rtags dang ldan par mthar dbyung ste// rtsa bzhi'i rgyud ldan dgongs par bya// tshogs chen mchod pa rgyun mi gcod// gtsang sbra gsum la gnas par bya// tshogs chen gcig gi bsod nams ni// rtag tu nyan thos brgyar bsags pas// bcu drug char yang mi phod do// mthar thug par ni de bshad bya// rdo rje nyi ma nub nas ni// dngos grub chen po blang bar bya// mchod chen 'di ni yon tan mchog/ lha rnams nyer skong las rnams 'grub// rig 'dzin bzhi dang grub pa brgyad// thams cad nga yi gsungs bzhin du// 'grub par 'gyur te gdon mi za// gal te bsod nams yon tan la// gzugs dang dngos po grub 'gyur na// 'jig rten srog chags ma lus kyis// brjod par nus pa 'gyur ma yin// rdo rje bdud rtsi mchod chen te// phyi nang gsang ba ldan pas bshad// mdor na de yi bsod nams kyis// bde bar gshegs pa kun mchod pas// 'di nyid bsgrub pa'i khyad par ni// lhag pa bas kyang ches lhag ste// 'di ma rtogs pa'i mchod pa'i stobs// phyogs gzhan kun na yod ma yin// de bas rtag tu 'bad par bya// zhes gsungs so// dpal khrag 'thung 'dus pa rtsa ba'i rgyud las/ mchod pa chen po'i las yang dag par bsdus pa'i le'u ste brgyad pa'o//// de nas bcom ldan 'das de bzhin gshegs pa thams cad kyi bdag po des/ phyogs bcu dus gsum gyi de bzhin gshegs pa thams cad kyi khams gsum gyi dngos po myur du bde ba chen po'i sa la sgrol zhing 'god pa'i ting nge 'dzin la snyoms par zhugs te/khams gsum pa thams cad kyi rnam par shes pa dang rigs thams cad rab tu bsgral ba'i zhing du byin gyis brlabs te// byams pa chen po dang snying rje chen pos bdag gi ba dang pha rol tu 'dzin pa'i rtog pa yang dag par sgrib pa/ rdo rje dngos grub chen po'i las rab tu bsgrubs par bya ba'i phyir// 'di skad ces bka' stsal to// bsnyen pa rdzogs pa'i rnal 'byor pas// dngos grub myur du bsgrub 'dod na// rdzas mchog mtshan ldan brtag la btsal// rdzas bzhi gang la brtags te sbyar// rgyal rigs dang ni bram ze dang// rje rigs la sogs rigs btsun zhing// byad bzhin bzang la smin dkyus ring// skra ni bung ba ltar gnag la// so dam mchu ni bim pa 'dra// mtshan dang ldan pa bkra shis rdzas// lus bzang skad snyan tshig gsal zhing// skra kham shel mig so zur lhag/ skra mtshams nas ni sna rtse'i bar/ sme ba bdun ldan skye bdun par// mi lus skyes pa'i rtags mtshan te/ dag pa'i lha rdzas yin zhes bshad/skyes pa gzhon nu 'bad rtsol can// glang po g.yul du zhugs pa de// bsgrub pa mchog gi rdzas yin no// bsgral zhing spyad pa'i bsgrub rdzas ni// mi rta glang chen mkha' lding khyi// shel nag smug dang tsa ra sogs// thugs dam bskang zhing tshangs par bya// sgrub pa po yis rol pa'i rdzas// ma traM bsgral ba'i zhing bcu de// dmigs kyis bsgral zhing mngon sum btsal// gzhan yang dbang phyug chen po yis// dur khrod rdzas mchog ma nyams pa// blangs te bsgrub pa bya ba yang// rgyud bzang rigs btsun mtshan dang ldan// bkra shis gtsang zhing yid tu 'ong// dus tshod rab 'bring tha ma la// dus la bab pas blangs pa'i dus// bdag nyid khrag 'thung yab yum gyi// rgyal thebs karma ging gsum la// dbang bskur bsrung ba byas nas ni// mtshon cha bskur te pho nyar btang// srid pa'i rgyu mchog bsgrub rdzas 'di// rnal 'byor dbang phyug dngos grub rdzas// kha T+wAM mtshon cha thogs nas su// dpal chen khro bo'i ting 'dzin gyis// khams gsum zil gyis gnan pa'i phyir// nyi zla'i spyan gyis gsang bar bya// rdo rje'i 'graus kyis rab tu btsal// gshin rje'i khang khyim gzhom pa'i phyir// kha T+wAM rdo rje sa la gdab// 'chi bdag bdud dang dpral ba'i phyir// gshin rje gshed kyi phur pas btab// dug lnga skye bzhi rtsad gcad phyir// rdo rje sder mos blang bar bya// ro nyid gshed dang dbral ba'i phyir// seng ldeng phur bu sor brgyad tshad// stobs po che yi skur byas la// drag sngags brgya dang rtsa brgyad bzlas// snga ma'i bdud dang phyi ma'i lcags// gzugs dang mtshan mar bcas pa ni// phur bus btab ste snga gos grib// khung bur mnan te de srod gzir// phrin las bzhi yi gzir gnan bya// nor bu yid bzhin gyur bsam ste// las kyi karmas khyer nas ni// rgyal thebs kyis ni byin gyis brlab// ging gis phra men 'jo tshul bya// dur khrod ma mo khro ba'i gnas// srin po stag dred 'thab pa dang// gcan gzan 'dab chags 'dus sar drangs// gnas der bsrung dang bskrad par bya// sgrom du stsal te rgya yis gdab// las dang ye shes pho nya yis// de yi rnam par shes pa dang// 'dod yon rdzas su bcas pa kun// snga ma las ni gnas bsgyur te// khrag 'thung dkyil 'khor gsal byas nas// phung po rdos bcas bem po de// phyogs bzhir bro bzhis sbyang bar bya// ye shes lha dang mkha' 'gro ma// thugs dam bskang zhing bskul bar bya// khrus byas zla gam nub tu bzhag/'bru lnga bkod la lam lnga dgag/ de la lha rnams dgod pa ni// bdag nyid yab yum sa bon las// yan lag lnga la bsam pa ni// rigs lnga yab yum dgod par bya// mdun rgyab gnyis su dgod pa ni// A li kA li bsam par bya// rnam shes dbang po yul dus la// sems dpa' yab yum dgod par bya// spyi bo rgyab dang lce yi steng// rkang mthil yan chad thub pa drug/ mchan khung gnyis dang mkhal khung gnyis// sgo ba yab yum bsgom par bya// rnam smin zag bcas phung po la/ phyag rgya'i dkyil 'khor gsal bkod nas// 'od zer 'phro 'dus sbyangs byas te// don gnyis mthar phyin phyag rgya grol// cho ga lnga dang yan lag lngas// yang du yang du sbyang bar bya// byang shar mtshams su drangs byas la// de yi bsha' thabs rgyab nas bsha'// de nyid khrag 'thung lha tshogs rdzas// glo snying dpal chen yab yum gyi'o// mig dang rna ba sna dang lce// rigs bzhi phrag 'thung yab yum rdzas// bum pa bdud rtsi rnam pa lnga// dpung pa g.yas g.yon bzhag sha dang// rgyu mchin mgo sha gsang ba rnams// rtsa ba'i lha dgu'i rdzas su bzhag/ go ro tsa na rgyung ba dang// rkang dang tshil bu sha dang khrag/ srog rtsa mkhris pa brgyad rnams ni// mu kha phra men brgyad kyi rdzas// yan lag rnam thar bzhi rnams ni// ye shes sgo ma bzhi yi rdzas// sgal tshigs phrugs rer bsdeb pa ni// dbang mo nyi shu brgyad kyi'o// nying lag che phrar bsdeb pa ni// rang byung khro bo bcu yi rdzas// sha khrag rus pa rkang dang tshil// mkha' la 'gro ma kun gyi rdzas// mtshan dang ldan pa'i b+han+d+ha ni// dpal chen bzhugs pa'i rten yang yin// dngos grub chen po bsgrub pa'i snod// de yi nang du stsal ba'i rdzas// go ro tsa na dri chen dang// snying dang srog pa rtsa yi khrag/ mAM sa mkhris pa dri chu dang// de dag mnyam pa'i chang dang sbyar// tshil chen snying po lngar sbyar ba// brla rkang gnyis dang rje ngar rkang// dung chen 'bud pa'i sgra yi rdzas// dpung pa'i rkang 'go rnams gnyis ni// rak+ta sbreng ba'i gzar bu'o// ba su ta yi rgyu zhags ni// thig gdab maN+Dal bskor ba dang// bi nA ya ka bcing ba'i rdzas// shun chen zhing gi g.yang gzhi ni// bla rer bre dang dpa' bo'i chas// ya 'gal ma 'gal gnyis po de// kha tham bya ba'i rdzas kyang yin// de dang sogs pa'i ma mdo ni// ya ma dam sri mnan pa'i rdzas// shar sgor dngos grub gsol byang dang// rdo rje dang ni dril bu dang// bdud rtsi bum pa dngos grub rdzas// de dag kun tu bya ba ni// dngos grub rdzas dang ngo bo nyid// slob ma lha dang rU tra dang// bsgrub pa'i rdzas su blta ba rnams// gnas su dgod cing lha ru dmigs// sman du bkro dang rdzas su bsgrub// mchod par dbul dang rgyan du dgram// 'bar bar bsregs dang bgegs su mnan// nga yi spyod pa mthun par spyad// he ru ka dpal nyid du 'gyur// zhes gsungs so// dpal khrag 'thung 'dus pa rtsa ba'i rgyud las/ dngos grub chen po nye ba'i sgrub pa yang dag par bsdus pa'i le'u ste dgu pa'o//// de nas bcom ldan 'das de bzhin gshegs pa thams cad kyi bdag po he ru ka khrag 'thung gi rgyal po des khams gsum pa thams cad rang gi sku gsung thugs kyi ngang nyid du brtan par bya ba'i phyir/nam mkha'i dbyings kyi dkyil 'khor chen por phyi dang nang gi dngos po ma lus par snang bar byas nas/ chos kyi rgyal tshab tu dbang bskur bar bya ba bla na med pa'i sa non par byed pa/sangs rgyas dang byang chub sems dpa' dang 'phags pa'i tshogs ma lus pa rnams kyis bkur ba'i gnas su 'os pa// lha dang mi dang lha ma yin pa// gnod sbyin la sogs pa dregs shing gdug pa'i tshogs thams cad 'dul zhing tshar gcod par nus pa// rang gi lus dang ngag dang yid kyi las kyi mtha' ma lus pa thams cad he ru ka'i rig pa'i skyes bu chen po'i gzugs kyis 'gro ba'i don ma lus par byed pa'i thabs chen po 'di dag bka' stsal to// rdo rje rigs kyi gnas mchog ni// dur khrod dang ni lha rten gnas// ma mo'i khyim dang yid 'ong gnas// der ni sa yi cho ga byas// skyes bu rtogs pa'i blo gros can// dad pa'i sems dang ldan pa yis// srog lus man chad rdzas rnams kun// ser sna med pa'i sems kyis dbul// tshul dgu ldan pa'i bla ma yis// rtag par dbang bskur dam par bya// he ru ka nyid don gnyer zhing// 'jig rten dregs pa'i phyir ma yin// brtul zhugs spyod pa mngon nus la// khur chen khur du khur nus pa'i// ye shes rdo rje 'thob byed pa// de bzhin gshegs pa thams cad kyi// pho brang snying po dam pa 'dir// bdag gi slob ma gzhug par bya// rin chen me tog gang gtor ba// gang la bab pa de yi rigs// gtso bor bltas nas bsgrub na ni// dngos grub myur bar the tshom med// ye shes dkyil 'khor gzugs brnyan ni// kun rdzob gzugs su bstan pa yin// 'di la dad pa rab tu bskyed// dngos grub ma lus mngon du 'gyur// dam tshig mchog ni 'di bzung bas// bla ma spun grogs lha dang 'khor// sngags dang phyag rgya gsang tshig rnams// bskur dang mi spang bsgrub pa dang// rgyun mi gcad cing ltang ma btang// 'di ni gzhi yi dam tshig yin// spang bar mi bya dang du blang// spyad par bya zhing shes par bya// bsgrub par bya ba'i dam tshig rnams// sems dang sems nyid 'dres pa na// ma bcings pa dang bsgrub pa dang// gcig pu dang ni lhun gyis grub// de las mi 'da' dam tshig yin// 'di ni khyod kyi dmyal ba'i chu// dam tshig nyams na bsreg par bya// dam tshig bsrungs na dngos grub ni// rdo rje bdud rtsi'i chu 'dis grub// rang bzhin lhun grub dkyil 'khor du// slob ma rab zhugs dbang bskur te// bya bral rdzogs pa'i man ngag bstan// ting 'dzin brten pa'i dkyil 'khor du// slob ma 'bring gzhug dbang bskur te// bskyed rdzogs grub pa'i man ngag bstan// gzugs brnyan bsnyen sgrub dkyil 'khor du// tha ma gzhug cing dbang bskur te// rim gyis blo sbyang man ngag bstan// de nas bcom ldan 'das de bzhin gshegs pa thams cad kyi bdag po kun tu bzang po he ru ka chen po de la/ bcom ldan 'das dpal rnam par snang mdzad kyis sangs rgyas kyi zhing rdul snyed du phra ba snyed kyi de bzhin gshegs pa nam mkha'i dbyings dang mnyam pa'i de bzhin gshegs pa thams cad/rdo rje btsun mo'i b+ha ga la dam tshig chen po'i dkyil 'khor du byin gyis brlab pa dang/de bzhin gshegs pa thams cad kyi sku dang gsung dang thugs kyi bdag po de dbang bskur ba yongs su rdzogs shing mnyes par bya ba'i phyir/ nyid kyi sku bud med kyi gzugs su sprul nas bzhugs par gyur to// de bzhin gshegs pa thams cad kyi sku gsung thugs kyi bdag po de/ dkyil 'khor gyi dbus su bzhugs par gyur to// de nas bcom ldan 'das mi bskyod pa la sogs pa he ru ka rigs lnga// byang chub kyi sems rdo rje de bzhin gshegs pa thams cad kyi thugs la bzhugs so// de'i tshe nam mkha'i khams kyi dbyings thams cad rdo rje'i ngo bor gnas par gyur to// de nas bcom ldan 'das byang chub kyi sems rdo rje de bzhin gshegs pa thams cad kyi sku gsung thugs mnyam pa nyid 'byung ba zhes bya ba'i ting nge 'dzin la mnyam par bzhag nas/rig pa'i skyes bu chen po'i gzugs de bzhin gshegs pa thams cad kyi bdag por byin gyis brlabs so// dbang bskur ma thag tu byang chub kyi sems rdo rje de bzhin gshegs pa/ he ru ka zhal gsum phyag drug par de bzhin gshegs pa thams cad kyis gzigs par gyur to// de'i tshe na nam mkha'i khams kyi dbyings na gnas pa'i sems can ji snyed du byang chub kyi sems rdo rjes byin gyis brlabs shing/ dbang bskur ma thag tu thams cad kyi bde ba dang yid bde ba thob par gyur nas/mi bskyod pa la sogs pa'i byang chub kyi sems rdo rje de bzhin gshegs pa thams cad ngo mtshar du gyur te/ gsang ba byang chub sems kyi dbang la ngo mthon du ngam zhing bstod do// yang de'i skal ba dang mi ldan pa'i sems can gyi khams rnams kyi don gyi phyir na/ phyogs bcu'i nam mkha'i khams kyi de bzhin gshegs pa thams cad 'dus te// byang chub sems dpa' don thams cad rab tu grub pa zhes bya ba dka' ba dpag tu med pas byang chub kyi snying por gnas pa ga na ba der gshegs te// thams cad longs spyod rdzogs pa'i sku rab tu 'bar bar bstan nas// 'di skad ces bka' stsal to// rigs kyi bu khyod gang gi don du de bzhin gshegs pa thams cad kyi de kho na nyid rtogs par bya ba'i phyir// dka' ba sna tshogs spyod pa la spro bar byed// 'di ni rnam par dag pa ma yin zhing mthar thug par mi 'gyur ba'i bsam gtan te// rang gi sems nyid 'od gsal zhing dri ma med pa la gnas par byos shig ces bka' stsal nas// thams cad kyi phyag gis spyi bo'i gtsug tu reg par mdzad pas// byang chub sems dpa' des de bzhin gshegs pa rnams kyi byin gyis rlabs kyis bskul te dbang bskur bar rig nas/phyogs bcu na bzhugs pa'i de bzhin gshegs pa thams cad la phyag 'tshal lo// zhes brjod de/ tshul de bzhin du bcom ldan 'das kyis byang chub sems dpa' phyag na rdo rje lho phyogs kyi shing sA la'i drung byang chub sems dpa'i yul stobs can dang lcang lo can gyi gnas su dbang bskur to// de bzhin du ma 'ongs pa'i dus su// za hor me ri 'bar ba dang// gnam lcags me ri 'bar ba dang// ma la ya yi rtse mo dang// lang ka grub pa'i yul dag dang// chu bo gang gA'i 'gram dang ni// ang+ga ma ga d+hA yi yul// shrI na lan+dA'i yul du ni// byin gyis brlabs te dbang bskur bar 'gyur ro// sngon tshe tshe rabs grangs med nas// dge ba'i las kyis bstan pa yi// lhag pa'i lha ni gang yin pa// da lta nyid du khyod la dbab// A+oM dpal ldan rdo rje 'chang ba'i sku// rdo rje mi phyed gsum bsgoms nas// deng bdag byin gyis brlabs nas su// rdo rje'i skur ni mdzad du gsol// A+oM bud+d+ha bai ro tsa na A+oM// AHchos kyi ngag lam dpal dang ldan// rdo rje mi phyed gsum bsgoms nas// deng bdag byin gyis brlabs nas ni// rdo rje'i gsung du mdzad du gsol// a mi de ba hrIHA/ hUM dpal ldan thugs ni rdo rje 'chang// rdo rje mi phyed gsum bsgoms nas// deng bdag byin gyis brlabs nas ni// rdo rje'i thugs su mdzad du gsol// hUM badzra satwa hUM// 'di ni sngon du 'gro ba ste// phyi nang gsang bar yongs su sbyor// bum pa dbu rgyan cod pan dang// me tog phreng dang phyag rgya dang// b+han+d+ha rdo rje dril bu dang// 'dod yon lnga dang bdud rtsi lnga// sha lnga dang ni rdzas brgyad dang// rgyal po'i bka' rtags rnam pa bdun// thun mong byin gyis rlabs pa'i rdzas// khyad par gsang bar gyur pa ni// yid 'ong bkra shis rigs kyi yum// zhi rtags rgyan gyis mdzes par bya// thabs ni g.yas kyi phyogs su ste// de bzhin shes rab g.yon du'o// thabs kyi bdag nyid gnas lnga ru// dpa' bo 'bru lnga'i snying po la// rgyas gdab byin brlab dbang bskur nas// bde gshegs yab lnga'i dkyil 'khor gsal// de yi gzugs kyi phung po la// bde bar gshegs pa'i sa bon lnga// 'phro 'du gsal bar gyur pa ni// rgyas gdab byin brlab dbang bskur nas// bde gshegs yum lnga'i dkyil 'khor gsal// spyi bo'i gtsug dang lce yi steng// nu ma'i bar dang lhe ba'i steng// gsang gnas yan lag dbang rnams ni// rigs lnga sems dang sgo ba bsam// zhi ba dang ni khro bo rnams// sbyang dang bstan pa'i tshul du bya// lha rnams brda' 'phrad 'od zer gyis// dkyil 'khor spyan drang mchod bstod nas// dbab cing bstim pas yab yum gnyis// rgyal po rgyal mor byin gyis brlab// ye shes dam tshig chen po yis// pad+ma rin chen ldan byas nas// bde mchog sgyu ma'i brdas mtshon te// dbyings kyi bde chen 'byung ba ni// rang rig ye shes de la 'od// ji bzhin mkha' la gsal dag pa'i// dri med nyi ma'i 'od bas 'tsher// byang chub sems ni kun tu dag/ khams gsum rab tu 'das nas kyang// ma lus snying rjes khyab byas te// 'dod par bya ba rab tu mnyes// 'od 'dus thog ma'i gzugs la gzud// rgyal po yab yum gnyis med sbyor// rang rig bde 'byung gsal ba'i rgyun// 'phro 'du gsal ba'i rin chen gyis// slob ma byin brlab dbang bskur bya// de ni phan pa'i byin rlabs so// nus par byed pa'i byin rlabs ni// nyan pa dang ni bsgrub pa dang// las byed pa dang 'chad pa dang// nus pa chen por bsgrub pa'o// de yi khyad par bsgrub pa ni// zla gam gcig gam drug cu'i bar// rdo rje rgyal po rgyal thebs dang// sbyor sgrol ging dang las mkhan dang// bsgrub pa grogs mchog dbang rnams ni// thabs dang shes rab dbang chen te// rdo rje dril bu'i rig pa 'dzin// mya ngan 'das dang 'khor ba yi// chos la 'dod bzhin byin gyis brlab// blo bral 'di la gnas pa yis// rnal 'byor de ni skal ba bzang// bdag dang gzhan don mi 'byed pas// sgyu ma lhun grub yul la rol// rang gi mthu yi rig pa las// chos ni gzhan nas 'byung mi 'gyur// ci ste rnam pa yongs kyis med// rnal 'byor nam mkha'i lam la gnas// ma byung ma skyes snying po la// sgro btags chos kun ga la yod// dbang thob mdzes pa de dag gi// dul ba'i sems su bzhag nas ni// dam tshig chen po bde bar gnas// khyod kyis srog chags gsad par bya// rdzun gyi tshig kyang smra bar bya// ma byin par yang khyod kyis long// pha rol bud med spyad par bya// rdo rje'i lam ni 'di dag gis// sems can thams cad bskul bar bya// dka' thub dag gis gzir mi bya// ci bde bar ni bde bar spyad// 'di ni sangs rgyas byed spyod yin// rnal 'byor longs spyod thams cad la// cis kyang ma 'jigs dga' bar gyis// sdig pa med kyi khyod ma 'jigs// gzhan yang dag tshig la sdang zhing// skye bo gang dag bstan la gnod// brtul zhugs khyod kyis de drangs la// khrag chen po ni btung bar gyis// skal ngan 'jig rten nyan thos la// nam yang dga' bar mi bya ste// skal bzang he ru ka dpal gtso// khyod kyis rtag tu bsgrub par gyis// zhes gsungs so// dpal khrag 'thung 'dus pa rtsa ba'i rgyud las/ he ru ka byin gyis brlabs pa rdo rje dam tshig 'byung ba'i le'u ste bcu pa'o//// de nas bcom ldan 'das de bzhin gshegs pa thams cad kyi bdag po rab tu gnas par byed pa'i he ru ka chen po des/phyogs bcu'i de bzhin gshegs pa thams cad rdo rje'i ba spu'i bu gar bsdus te/ sku'i dbyibs su brgyud cing rdo rje'i lam du phyung ste/ yum gyi mkha' la phab nas/byang chub kyi sems hUM gi rang bzhin du byas nas/ dpal he ru ka 'jigs byed chen po'i sku la/ dur khrod chen po'i chas kyis brgyan pa/ phyag na gdug byed kyi mtshon cha thogs pa de bzhin gshegs pa thams cad kyi sku'i ngo bor bzhengs te/srid gsum gdug pa 'dul ba'i phyir// zhe sdang chen po'i skur bstan te// de bzhin nyid kyi dbyings nyid nas// khro mo dbang phyug mngon du phyung// byang chub sems kyi sprin tshogs las// mnyam pa nyid kyi ting 'dzin gyis// chos kun gnyis med byin gyis brlabs/ dbang bskur thabs kyi ting 'dzin gyis// gnas mchog dam par byin gyis brlabs// rol pa chen po'i ting 'dzin gyis// sgrub pa'i bdag por byin gyis brlabs// shes rab snying rje'i ting 'dzin gyis// yum dang rgyu la byin gyis brlabs// tshogs chen rdzogs pa'i ting 'dzin gyis// sgrub pa'i rdzas mchog byin gyis brlabs// rigs kyi sems dpa'i ting 'dzin gyis// slob ma gsar bu byin gyis brlabs// khams gsum yongs sgrol ting 'dzin gyis// ta na chen po'i byin gyis brlabs// srid gsum bde sbyor ting 'dzin gyis// ga Na mkha' 'gro'i byin gyis brlabs// de bzhin nyid kyi ting 'dzin gyis// phyi nang chos kun byin gyis brlabs// kun tu snang gi ting 'dzin gyis// snying rje'i yul rnams byin gyis brlabs// rnam dag rgyu yi ting 'dzin gyis// rang gi sems nyid byin gyis brlabs// dbang chen mkha' dbyings ting 'dzin gyis// phyi nang 'byung ba byin gyis brlabs// bsod nams gter 'byin ting 'dzin gyis// gzhal med khang pa byin gyis brlabs// yi ge 'phro 'du'i ting 'dzin gyis// dam tshig sems dpa' byin gyis brlabs// phyag rgya 'bar ba'i ting 'dzin gyis// ye shes sems dpa' byin gyis brlabs// gnas gsum dag pa'i ting 'dzin gyis// mchod pa'i rdzas kun byin gyis brlabs// shes rab rtsal gyi ting 'dzin gyis// lhag pa'i rgyan rtags byin gyis brlabs// dus bzhi mnyam sbyor ting 'dzin gyis// sbyor dang sgrol ba byin gyis brlabs// zhes gsungs nas de bzhin gshegs pa thams cad kyi yang dag pa'i phrin las kyi bdag nyid byams pa dang snying rje rab tu brtan pa/ byang chub kyi sems kyi ngang las thugs chos nyid kyi zhi ba'i ngang las ma g.yos kyang khro bo 'bar ba khrag 'thung chen po'i tshul du phyung ba ni// mi g.yo phyag rgya chen po'i ngang// chos kyi sku las bzhengs nas kyang// sems can thams cad khro ba'i phyir// rdo rje yang ni khro bar bya// zhes gsungs nas// nyon mongs can gyi sems can ris so so'i gnas nas drangs pa dang// dngos grub kyi rnam par bsdu ba dang// gnas sbyang ba dang/ bsgral zhing slar gso ba dang// las rab tu grub par bya ba'i rim pa dag dang// gzhan yang dpal chen po'i ye shes sems dpa'i 'khor rgya mtsho dang bcas pa phyi dang nang gi rnal 'byor ma dang/ grub pa mo dbang phyug chen mo dang bcas pa dpang du gsol te/gang zhig bstan pa la sdang ba thugs rje chen pos ma bsgral du zin na// rnal 'byor chen po'i sgo zhugs kyang tshul bzhin du ma gyur te// de bzhin gshegs pa'i gsung ma bzung bar 'gyur bas// rnam par shes pa bla na med pa'i gnas su bsgral bar bya ba ni// chos nyid kyi khyad par ro// thar pa chen po'i lam chen 'dir// brod pa can dag 'gro ba ltar// skal bar ldan pa'i nang na khyod// bde bar 'ongs so legs par 'ongs// bde gshegs thugs rje sgrol la mkhas// blo ngan sems can snying ring can// gnyis su med par bsgral bar snang// khams gsum nas byung sems can rnams// rdo rje'i sku yi khyad par gyis// 'od zer tshul gyis bsdus nas ni// de dag bdag gis gzugs la gzud// spro bsdu rdo rje thams cad kyi// sku dang ye shes mchog tu bsgral// las la bab pa'i rnal 'byor pas// dus la bab pa'i sems can 'di// gnyis med phyag rgya chen po yi// dus la bab po sa ma ya// A+oM ka re ka ha tsa ro pa ho sa ma ya s+t+waM// mtha' med 'gog med mi 'dzin pa'i// rnal 'byor mnyam nyid thod rgal du// khro gtum rngam zhi la sogs pa// sna tshogs ston yang sems mi g.yo// a tsa la sa ma ya d+harmA d+hA tu swa b+hA wa At+ma kou0f85haM/ khro bo'i mtshan med byams par gnas// gsod byed snying rje'i mtshan nyid de// bsgral nas bstab pa dga' ba'i mchog/yal bar mi 'dor btang snyoms so// A+oM ma hA ka ru Na ma hA mi tri swa b+hA wa at+ma kou0f85haM/ drod dbugs rlan las raM yaM khaM// bsreg cing rtog la bkru bar bya// chu shel dkyil 'khor skye med bsam// zhe s dang ser sna gti mug ni// dmyal ba byol song yi dwags lam// nga rgyal 'dod chags phrag dog ni// lha dang lha min mi yi lam// dge bcu bsam gtan snyoms 'jug ni// gong ma gsum du skye ba'i rgyu// de dag rang bzhin med shes shing// sems mi skye ba skye rgyun gcod// a nr-i su tri pre du dzaH/ rgyud drug 'khor ba rtsad bcad nas// rgyud lnga lam gyi sgo dgag phyir// A+oM AHhUM hrIHswA hA// so so'i skye gnas sgo bkag nas// mnyes pa lnga dang stong pa lnga// skong ba dang ni grub pa lnga// 'bras bu lnga yi 'di dag bstan// zhes gsungs so// zhes dpal khrag 'thung 'dus pa rtsa ba'i rgyud las// sku gsung thugs kyi phyag rgya chen po sgrol ba bla na med pa'i phan yon yang dag par bshad pa'i le'u ste bcu gcig pa'o//// de nas bcom ldan 'das de bzhin gshegs pa thams cad kyi bdag po he ru ka de/ 'dus pa'i 'khor rab tu bsdig pa'i phyir// nyid kyi sku las khro bo chen po nyon mongs pa'i tshogs ma lus pa zhal du rngub par byed pa'i khrag 'thung gi tshogs bye ba grangs med pa dang// khro mo dbang phyug gi gtso mo dang// ma mo dang phra men ma dang// mkha' 'gro ma dang/ ma mo dang/ srin mo dang/ lu gu rgyud dang/ pho nya mo dang/ sa'i bdag mo dang/ lang ka'i tshogs dang/ ging gi gtso bo dang g.yog tu bcas pa dang/ 'bar ma dang/ srin mo'i tshogs dang/ bar snang yangs pa la rgyu ba'i mkha' 'gro ma rnams mngon du phyung ste/ de dag kyang sha za khrag 'thung ba la dga' ba dang/ mche ba can dang/ gshog pa can dang/ nu ma can dang/ sder mo can gyi tshogs ji snyed pa gang dag gi/ gang dag 'da' bar byed pa rnams tshar gcod par dbang bskur te/ bran gyi tshogs bzhin du mdzad nas/ dam tshig gi bya ra la bzhag ste/ 'di skad ces bka' stsal to// nyon cig gdug pa can gyi tshogs// nga yi bstan pa'i tshul 'di nyid// ma 'ongs pa na snyigs ma'i dus// shin tu gdul bar dka' ba 'byung// byams dang snying rjes gzhi bzung ba'i// kun tu bzang po'i sa chen la// myur du 'bad pas bsgral bar bya// sku dang gsung dang thugs kyi bdag/ tshe lung rdo rje'i dngos grub gzhi// khyed kyis de la myur du gsol// nyon mongs las dang bag chags dang// rnam par smin pa snyoms par 'jug/sprul pa dang ni chos kun gyis// nga yi sa la sgrib pa sbyangs// rtogs pa dang ni thugs rje yis// gzas pa po dang bdag nyid dang// thun mong phal pa bsgral zhing gso// rgyal po me dang chu dang dug/sprul dang gcan gzan khro bo dang// mi rgod chom rkun gdon rnams kun// nga la gang ltos zhi bar gyis// tshe dbang dpal dang dbang phyug dang// grags pa dang ni langs spyod tshogs// gang 'dod de la rgyas pas gsol// pha ma mkhan po slob dpon dang// rgyal po rje dpon tshul dag ni// ma lus de yi dbang du bsdus// stong phrag brgyad cu'i bgegs dang bdud// mi dang mi ma yin gyi tshogs// nga la mi mthun mngon du spyod// kye kye khyed rnams brtson pas nga la nyon// nga yi bstan pa 'di lta bu// 'das dang ma 'ongs dus rnams la// shin tu bkod zhing rnyed par dka'// de phyir nga yis khyed rnams la// gdams shing yongs su bstan pa yin// zhes gsungs so// dpal khrag 'thung 'dus pa rtsa ba'i rgyud las/ las kyi gnyer gtad pa'i le'u ste bcu gnyis pa'o//// de nas dpal chen po nyid las sprul pa'i khro bo dang khro mo'i tshogs dang// ma mo dang mkha' 'gro'i tshogs dang// phra men ma dang// pho nya'i tshogs dang bcas pa de dag gi mgrin gcig tu// 'di skad ces bstod do// bdag med phyogs bral don dam thugs chud cing// byams dang snying rjes dgra zin mi mnga' zhing// gdug pa 'dul phyir dus las mi 'da' ba'i// 'jig byed he ru ka la phyag 'tshal lo// zhes pa la sogs pas bstod de// phyag 'tshal zhing zhabs la spyi bos gtugs nas// dpal chen po nyid kyi bstan pa'i gnyer gtad pa rnams bsrungs shing skyong bar khas blangs shing// dam bcas so// nyid kyi sku gsung thugs kyi yon tan dang phrin las rnams la rjes su yi rang zhing mngon par dga'o// de nas 'khor gyi tshogs ma lus pa de dag ni// dpal chen po nyid kyi sku la 'od zer gyi tshul du thim par gyur te/ dpal chen po he ru ka yab yum nyid kyang/ rol pa chen po'i ros tshims par mdzad nas/bde ba chen po'i ngang skye ba med pa'i chos kyi sku mnyam pa nyid kyi klong du thim par gyur to// sems can gyi khams ma lus shing lus pa med pa thams cad kyang/ dpal chen po yab yum gyi byin gyis rlabs kyis// mi skye ba'i chos la bzod pa thob ste// chos kyi mig rnam par dag nas// lhun gyis grub pa'i sa la rab tu nye bar gnas par gyur to// dpal khrag 'thung 'dus pa rtsa ba'i rgyud las/ byin gyis rlabs pa'i cho 'phrul gyi dkyil 'khor rnam par bsdus pa'i le'u ste bcu gsum pa'o//// bcom ldan 'das gsang ba dpal he ru ka'i gal po bsdus pa/ dpal khrag 'thung 'dus pa rtsa ba'i rgyud ces bya ba rdzogs so//// rgya gar gyi mkhan po slob dpon chen po pad+ma 'byung gnas dang/ bod kyi lo ts+tsha bai ro tsa na bdag gi bsgyur zhing zhus te gtan la phab pa'o// rgyal po'i bla dpe'o// gter rgya/ sbas rgya/ gtad rgya/ rgya rgya rgya//// rgya gar skad du/

CLOSE WINDOW