270b1 rgya gar skad du/ b+ha ga wAn sarba su ga ta sa mu dA yot+ta ra tan+t+ra nA ma/ bod skad du/ bcom ldan 'das bde bar gshegs pa thams cad 'dus pa phyi ma'i rgyud ces bya ba/ bcom ldan 'das
270b2 dpal kun tu bzang po che mchog he ru ka la phyag 'tshal lo// 'di skad bdag gis thos pa'i dus gcig na/ 'og min chos kyi dbyings kyi pho brang/ dur khrod chen po 'bar ba'i gzhal yas khang/ phyi nang rgya khyon
270b3 tshad med pa'i rgyan gyis brgyan pa'i nang na/bcom ldan 'das dpal kun bzang he ru ka la/ 'khor khro bo dang khro mo dang/ rig 'dzin pho mo bsam gyis mi khyab pa dang/ 'jig rten gyi dregs pa pho mo rnams
270b4 dang thabs cig tu bzhugs so// de'i tshe 'khor 'dus pa chen po'i nang nas rig 'dzin pho mo rnams kyis 'di skad ces gsol to// kye ma bcom ldan spyi dpal rje// slob dpon slob ma'i mtshan nyid dang// smin
270b5 par byed pa'i lam dang ni// phyag rgya sgrub pa'i thabs la sogs// rtsa ba'i rgyud du ma gsungs pa// phyi ma yi ni rgyud chen 'dir// sems can rnams la sman pa'i phyir// gtso bos rim bzhin bshad du gsol// a
270b6 la la ho/zhes phyag dang bskor ba byas te zhus so// nges par 'byung ba phyi ma'i rgyud las zhus pa'i le'u ste dang po'o//// de nas bcom ldan 'das dpal kun tu bzang po he ru kas 'khor rnams la 'di skad
271a1 ces bka' stsal to// kye ma 'dus pa'i 'khor rnams nyon// gsang sngags sgo ni slob dpon te// slob dpon mnyes par ma byas shing// dbang rnams thob par ma byas nas// nyan pa la sogs
271a2 brtsam pa rnams// 'bras bu med cing brlag par 'gyur// bde gshegs rjes 'brangs slob dpon te// de yi mtshan nyid bshad par bya// phyi nang gsang ba'i dbang thob cing// sngags rnams ma 'dres so sor
271a3 mkhyen// shes rab che zhing brtson 'grus che// phyi nang rgyud shes cho ga skong// thabs kyi spyod pa sna tshogs la// gang dang gang la ma rmongs shes// las kyi bye brag thams cad la// lhag chad med pa thams mkhas
271a4 shes// gsang ba mchog gi thabs rnams sbed// che mchog he ru'i slob dpon yin// sku gsung thugs kyi dam tshig rnams// shin tu 'dus pa chen po ste// 'di las 'da' bar mi byed pa// yan lag dam tshig
271a5 mchog tu len// spyod pa'i bye brag thabs yin pas// mi spong mi 'dor 'bad bsrung ba// mdog dkar gzugs dag stobs dang ldan// ga bur dri ldan ri mo 'chang// rtag par sems can don la
271a6 dga'// sems can sgrol ba'i thabs la mkhas// skad gdangs dung sgra yod pa ni/ khrag 'thung he ru'i slob dpon yin// phyi nang chos la ma rmongs mkhyen// khyad par shes rab phun sum tshogs// rig pa'i gnas
271b1 mchog ma 'gags shes// chos spyod bcu rnams lhag par brtson// slob dpon 'khur zhing mched la gdung// sems can ci dga'i spyod pa byed// thabs kyi bye brag rnams la mkhas// gcig gam thams cad
271b2 mtshan nyid 'dzin// don mthong dga' ba mtha' dag yod// gshin rje gshed po'i slob dpon yin// lam gyi thabs rnams khyad par ston// rtag par bzlas shing 'phro 'du dga'// snying po sngags la dad mos
271b3 che// blo gsal rig pa khyad par yod// spyod lam rnams bzhi'i seng+ger spyod// glu gar rol mo rnams la dga'// mchod pa'i bye brag thabs mchog mkhas// lung bstan bka' bzhin byed cing gzo// spun la
271b4 gdung zhing sems can 'dud// pad+ma dbang chen slob dpon yin// phyi nang rnam rtog mi skye shing// rgyud dang mdo sde dag la mkhas// thabs mkhas ting 'dzin drod tshad brtson// sde snod gsum la ma rmongs
271b5 dang// rtog bcas the tshom ma lus sel// gsang ba sbas pa'i thabs rnams mkhyen// dad pa rnams la skyo dub med// gsang ba'i sde snod drug rnams kun// rtog bcas snod ngan rnams la sbed// gsang ba'i chos
271b6 rnams sems la 'chang// 'bad pa'i stobs kyis man ngag 'tshol// rtsa bar bcas pa bsrung byed pa// rdo rje phur pa'i slob dpon yin// thos brtson yon tan kun gyis brgyan// mdo sde 'dul ba mngon pa
272a1 gsum// de yi thabs kyis 'dul thabs rnams// de yi spyod pa ma 'gags mkhyen// byams dang snying rje gang 'dul ba// rjes su mthun pa'i thabs mchog gis// ji lta ji ltar 'dul mdzad
272a2 pa// thabs mkhas dad ldan ting 'dzin gsal// gnyis med blo ldan brtul zhugs che// mngon rdzogs rgyal po'i slob dpon yin// lta spyod ting 'dzin brtson 'grus che// thabs mkhas man ngag zab mo
272a3 'chang// mkha' 'gro chos skyong bran ltar chags// 'jig rten mchod bstod slob dpon yin// yi dam lha yi bsnyen pa rdzogs// sngags kyis sbyor ba dag la mkhas// drag po sngags kyi rtsal thob pa// dmod pa
272a4 drag sngags slob dpon yin// de nas slob ma'i mtshan nyid bshad// dpa' zhing snying stobs shin tu che// phyi nang 'dus pa'i chos la mkhas// lhun sdug phrin las dag la dga'// dgongs pa nyams lon mu
272a5 stegs bzlog/lta log sun 'byin yang dag dgod// bde ba'i lam ston thabs la mkhas// bzo mkhas rig gsal bla ma bsten// 'dzin la mkhas shing brjed med pa// ut+pal zhes bya'i gang zag de// che
272a6 mchog he ru'i slob mar bzung// rtsa ba dang ni yan lag gi// dam tshig ma nyams thub par bsrungs// shes rab che zhing dad pas dpa'// ston pa'i bka' lung dag pa gnas// slob dpon 'khur zhing spun la
272b1 gdung// nyon mongs sbyongs shing snying rje che// spyod gzob lus la ga bur dri// tsan+dan zhes bya'i gang zag de/ khrag 'thung rol pa'i slob mar gzung// thabs dang stobs kyi rtsal 'chang zhing// rin chen sna tshogs
272b2 sbyin par gtong// spyod yangs byung lam lhun sdug ngag snyan bde// ji ltar ji lta'i spyod pa yis// de lta de lta'i slob dpon 'khur// bla ma shes rab dgos 'dod skong// nga bdag skyon spangs dad brtson che// dam
272b3 tshig ldan zhing shes rab ldan// rgyud thos legs par ston pa ni// gshin rje gshed po'i slob ma yin// dge bcu rtag spyod mi dge spangs// bde 'jam khro ba'i sems mi 'byung// glu gar rol mo sna tshogs
272b4 ston// mdog mdzes tsan+dan dri bzangs dang// stod smad phyed cing sked pa phra// yan lag bde 'jam 'bar 'bur med// skra mtho sen mo zangs 'dra dmar// sbyor ba'i yan lag thabs la mkhas// dad ldan
272b5 brtson 'grus snying rje che// pad+ma zhes bya'i gang zag de// pad+ma dbang chen slob mar bzung// gong gi yon tan thams cad rdzogs// rgyal po sde bcas kun gyis bstod// mu stegs sde pas bsngags pa brjod// sde pa
272b6 bzhi yis spyi bor 'khur// rdo rje phur pa'i slob ma yin// dkyil 'khor mtha' dag las la mkhas// gsang bsgyur kyang drug gab sbas man ngag thub// slob dpon 'khyar zhing spyod pa yangs// mngon rdzogs ma mo'i
273a1 slob mar bzung/khong gdug zhe gnag zhe sdang che// sha khrag dmar la longs spyod byed// lus dang srog la mi blta bsgrub// 'jig rten mthu yi slob mar bzung// g.yo sgyu chung zhing yid ches
273a2 che// sdod la brtson zhing bsgrub bsran che/ khor gdug yid ches sngags la brtson// drag sngags dmod pa'i slob ma yin// zhes gsungs so// nges par 'byung ba phyi ma'i rgyud las/ slob dpon dang slob ma'i
273a3 mtshan nyid bstan pa'i le'u ste gnyis pa'o//// gang zag gi mtshan nyid kyi skabs te dang po'o//// de nas gzhan yang bshad bya ba// nyon cig rig 'dzin pho mo rnams// rdo rje dbyings kyi dbang
273a4 'dod pas// byang ri skyob cing lho ri gzhol// shar gyi ri dma' nub ri mtho// ri brag dmar pos mtha' ma bskor// mdun na me tog snam bu yod// bya rgyal skad ni sgrog pa'i gnas// der ni ting 'dzin bsgom
273a5 par bya// bzhi bcu rtsa gnyis rim bzhin du// lha gsal 'phro 'du'i tshogs byas la// so so'i snying po bgrangs nas ni// sku gsung thugs dang yon tan dang// phrin las rnams su dbang bskur bya// che mchog yon
273a6 tan dbang bskur ba// dur khrod chen po rab dben par// maN+Dal byi dor byas nas ni// bdud rtsi lnga yi chag chag gdab// mtshan ldan bdud rtsi lnga sbyar nas// che mchog lha tshogs gsal byas la// sku
273b1 gsung thugs dang ye shes lnga// yon tan phrin las dbang bskur bya'o// yang dag thugs kyi dbang bskur ba// dur khrod chen po rab dben pa// sha na khram spyang rgyug pa'i sar// bya gcan sha za mang po 'khor// mi
273b2 ro mang po mkhar du brtsigs// shin tu ya nga'i gnas su ni// lnga bcu rtsa brgyad lha tshogs rnams/ khro gtum gdug pa'i sprin tshogs kyi// gnas nas rab tu gsal bar bsam// so so'i snying po bgrangs nas
273b3 ni// sku gsung thugs su byin brlabs nas// yon tan phrin las dbang bskur ro// 'jam dpal sku yi dbang bskur ba// dur khrod chen po'i sa phyogs su// maN+Dal byi dor byas pa la// bdud rtsi lnga yis chag chag
273b4 gdab/khrag chen go ro tsa na yis// steng du mnan la byugs par bya// gshin rje'i lha tshogs gsal byas te// 'bar gsal rngam pa'i hUM gi tshogs// so so'i snying po bzlas nas ni// sku gsung thugs dang yon
273b5 tan dang// phrin las lnga ru dbang bskur bya// pad+ma gsung gi dbang bskur ba// nub tu kha bltas zla gam dbyibs// me tog snam bu yod pa'i sar// dkyil 'khor byi dor byas nas ni/ khrag chen dag gis chag
273b6 chag gdab// dbang gi lha tshogs gsal byas nas// dmar po hrIHyi tshogs bsams nas// so so'i snying po bzlas nas ni// sku gsung thugs dang yon tan dang// phrin las lnga ru dbang bskur ro// phrin las
274a1 phur pa'i dbang bskur ni// gnam sa gru gsum dbus gnas par// ce spyang bsad shul 'dra ba ru// mi ro gsar rnying yod pa'i sar// 'bar 'phro gsal ba'i ting 'dzin gyis// phrin las lha
274a2 tshogs gsal byas nas// 'bar ba rngam pa'i tshogs chen las// so so'i snying po bzlas nas ni// sku gsung thugs dang yon tan dang// phrin las lnga ru dbang bskur bya// ma mo rbod gtong dbang bskur ba// dur
274a3 khrod chu gling rkang gcig pa// ma tshogs dbang phyug 'du ba'i sar// sha chen khrag las byas pa yi// dmar po snying gi mchod tshogs bshams// rkang chen gling bu 'bud pa dang// b+han+d+ha'i cha lang brdab pa dang// tshil
274a4 chen dud pa chen po gtang// gang bsgrub yi dam byed pa la// srog gi snying po bgrangs nas ni// bka' mi 'da' bar dbang bskur bya// 'jig rten mchod bstod dbang bskur ba// srog chags bsad pa'i shul
274a5 'dra ba// dmar po khrag gi mdog 'dra'i sar// maN+Dal gru gsum 'bar ba la// srin po khros pa'i gzugs byas te// de steng slob ma gzhag par bya// mkhas pas de ltar dbang bskur nas// rag sha rag sha ma laM
274a6 rag sha hriM kha rag sha hriM// 'jig rten rang rgyud dregs pa can// bran bzhin 'khol bar dbang bskur ro// drag sngags dmod pa'i dbang bskur ba// brag ri sbrul nag 'greng ba'i sar// chu gsum 'dus pa'i sum
274b1 mdo la// dred po dred mo langs pa 'dra// rkang gcig gnod sbyin gnas pa'i sar// dkyil 'khor byi dor byas pa la// sbrul nag khrag gis chag chag gdab// che mchog he ru bdag bsgoms la// drag po'i gsang
274b2 sngags bzlas shing bskur// spyi yi dbang bskur sngags ni 'di'o// oM na maHsarba ta thA ga ta kA ya badzra swa b+hA wa At+ma kou0f85haM/ AHna maHsarba ta thA ga ta bA' ga badzra swa b+hA wa At+ma kou0f85haM/ hUM na maHsarba ta thA ta tsit+ta badzra s
274b3 wa b+hA wa At+ma kou0f85haM/trAM na maHsarba ta thA ga ta a nu rA ga Na swa b+hA wa At+ma kou0f85haM/ hrIHna maHsarba ta thA ga ta karma badzra swa b+hA wa At+ma kou0f85hUM/ sku gsung thugs dang yon tan dang// phrin las lnga yi dbang bskur ro
274b4 // zhes gsungs so// nges par 'byung ba phyi ma'i rgyud las/ dbang skur ba'i le'u ste gsum pa'o//// dbang gi skabs te gnyis pa'o// de nas gzhan yang bshad bya ba// nyon cig 'dus pa'i tshogs chen
274b5 rnams// dngos la gnas shing tshor med pa// ma rig rmongs pa'i gti mug de// spangs pas 'bras bu 'byung mi 'gyur// spyad pas chos nyid don gsal 'gyur// ma rig pa yi gti mug de// spangs pas bden
274b6 pa'i tshig mi rnyed// spyad pas 'od gsal chos kyi dbyings// ye shes chen por gnas par 'gyur// che mchog yon tan bsgrub par bya// de yi don ni spyad bya ba// A+oM ma hA shrI he ru ka hUM phaT/ gsang sngags yi ge
275a1 dgu pa ni// che mchog he ru'i snying po ste// gsal ba'i dkyil 'khor rab rdzogs pa// rang bzhin grub pa'i byin dbab phyir// gsang sngags zab mo rab spyod pas// dbyings nas dkyil
275a2 'khor spyan drangs mchod// rang rang gnas su bder bzhugs pa// dbang bskur byin dbab thams cad rdzogs// yang dag dpa' bo'i sku lhun grub// ye shes lnga ldan sangs rgyas sku// sku gsung thugs kyi bdag
275a3 nyid can// bde bar gshegs pa'i rang bzhin no// sangs rgyas lnga yi rab tu 'khrigs// de yis bsam gtan thams cad rdzogs// che mchog he ru'i phyag rgyar bshad// ces gsungs so// nges par 'byung ba phyi
275a4 ma'i rgyud las/che mchog phyag rgya'i le'u ste bzhi pa'o//// de nas gzhan yang bshad bya ba// nyon cig 'dus pa'i tshogs chen rnams// zhe nas sdang ba'i ngan sems bde// spangs pas 'bras bu 'byung mi
275a5 'gyur// spyad pas chos dbyings ye shes thob// yang dag thugs kyi bsgrub par bya// de yi don ni bshad par bya// rtsa ba brgyad ni snying po'i mchog/ oM ru lu ru lu hUM b+h+yo hUM/ bde gshegs gzhal yas bsod nams
275a6 rdzogs// de yi rjes 'gro snang ba dag/ snang ba dag pa'i ye shes te// ru lu 'phro 'du sbyor bas so// 'khor ba rnam grol byang chub sems// 'di ltar snang ba'i chos nyid ni// ngo bo nyid kyis ma skyes pa// gzugs
275b1 dang sgra la sogs pa yi// rab tu bdag gsal dngos med bsgom// chos dbyings me long ye shes te// de la sems brtan gsal gyur ni// yang dag thugs kyi phyag rgya yin// zhes gsungs so// nges par 'byung
275b2 ba phyi ma'i rgyud las/yang dag thugs kyi phyag rgya'i le'u ste lnga pa'o//// de nas gzhan yang bshad bya ba// nyon cig 'dus pa'i tshogs chen rnams// yongs su khengs pa'i nga rgyal de// nga 'o nga yi sems
275b3 'char zhing// de yis log pa'i lam gnas shing// spangs pas mu stegs lam du 'gro// spyad pas chos nyid chen po yin// rtog med bde ba'i lam gnas shing// ye shes chen por der gnas 'gyur// 'jam
275b4 dpal gshin rje bsgrub par bya// A+oM a kro te ka hUM phaT/ snying po a kro 'bru bdun ni// gshin rje gshed po'i snying po ste// rtog med bde ba'i lam gnas shing// ye shes chen por der gnas 'gyur// byang chub
275b5 sems nyid dam pa ste// yang dag rin chen 'bar ba yin// yon tan snying po dam pa lon// gshin rje gshed po'i rgya ru bstan// zhes gsungs so// nges par 'byung ba phyi ma'i rgyud las gshin rje gshed kyi phyag
275b6 rgya'i le'u ste drug pa'o//// de nas gzhan yang bshad bya ba// nyon cig 'dus pa'i tshogs chen rnams// 'dod la chags pa'i rang bzhin gyis// de yis 'bras bu rlag par byed// spangs pas don rnams rnyed
276a1 pa med// rab tu bcings nas gnas ngan len// yongs su dag pa'i 'dod chags de// spyad pas 'bras bu chen po thob// so sor rtog pa'i ye shes gsal// pad+ma dbang chen bsgrub pa gyis// oM ha
276a2 ya grI ba hUM phaT/yi ge bdun pa dbang chen sngags// zla ba'i dkyil 'khor sngags bcas pa// 'phro 'dus gyur pa'i dam tshig ni// le brgan lta bur gyur pa ste// 'khor ba'i bag chags rtog bcas dang// gnas
276a3 ngan len pa thams cad kun// gdod nas sangs rgyas nyid gnas pas// dag dang ma dag gnyis med de// de yi rang bzhin sangs rgyas so// bden pa'i snying po rang bzhin pas/ khyab pa'i ye shes chen po
276a4 des// lha yi gnas su bsgom par bya// pad+ma'i phyag rgyar bshad pa yin// zhes gsungs so// nges par 'byung ba phyi ma'i rgyud las/ pad+ma gsung gi phyag rgya'i le'u ste bdun pa'o//// de nas gzhan yang bshad
276a5 par bya// nyon cig 'dus pa'i tshogs chen rnams// log pa'i sems can phrag dog che// spangs pas 'bras bu 'byung mi 'gyur// spyad pas chos nyid don gsal 'gyur// nan tan ye shes chen po 'grub// phur pa
276a6 phrin las bsgrub par bya// de yi don ni bshad bya ba// oM badzra kI li kI la ya hUM phaT/ kI la ya ni 'bru dgu pa// rdo rje phur pa'i snying po yin// don dam snying po yongs su grub pa'i tshe// bzlas dang ma bzlas tshig
276b1 gi tha snyad yin// ye nas bzlas pa rang byung chen po yin// ngo bo nyid kyi sngags kyi rang bzhin no// de 'dra bzlas pa don gyi snying po yin// ma bcos rang byung snying po sngags tshig ste// zab mo bzlas pa yin zhes
276b2 rgya ru bstan// de yis brtan byas dam pa'i byang chub sems// ye shes lnga gsal don dam dbyings nas spyod// rten 'brel lus ni byin rlabs nyon mongs bsreg/ phra mo'i ting 'dzin yi dam dngos su
276b3 gsal// bzlas pa mthar phyir 'bras bu chen po yin// rang gi bzlas pa yin zhes rgya ru bstan// rnal 'byor dam pa rnams kyis 'di bzlas na// gang gis bzlas kyang snying po len par byed// sngags kyi snying po
276b4 ma lus thams cad kun// ye nas snang dang mi snang med// rtag dang chad dang yod med dang// brjod dang smra bsam yul las 'das// rang bzhin gnas pa'i snying po de// ye shes mchog tu gyur pa las// rang gi
276b5 rang bzhin de bzhin de// bden pa'i snying po rang bzhin pas// yang dag don du mkhas pas brtag/ phrin las phur pa'i phyag rgyar bstan// zhes gsungs so// nges par 'byung ba phyi ma'i rgyud las// phrin las
276b6 phur pa'i phyag rgya'i le'u ste brgyad pa'o//// de nas gzhan yang bshad bya ba// nyon cig 'dus pa'i tshogs chen rnams// ma mo'i don la mos pa yis// bla med he ru bsgrub par bya// oM ma hA kro d+ha hUM
277a1 phaT// gsang sngags yi ge 'bru bdun pa// bla med he ru'i gsangasngags yin// mkha' dbyings dag pa'i rang bzhin ni// brtan pa'i don rnams dag pa ste// dag pa nyid na dag pa med// mi shigs
277a2 pa yi ngo bo la// dngas ma'i sa bon las byung ba// brtan pa'i rang bzhin 'od 'bar bas// gsal ba'i 'od dang bcas pa ste// yang dag don chen zab mo'i mchog/ gsal ba nyid na gsal ba med// rdzogs
277a3 pa'i sangs rgyas thams cad kyi// mngon rdzogs rgyal po'i phyag rgyar bstan// zhes gsungs so// nges par 'byung ba phyi ma'i rgyud las// ma mo rbod gtong gi phyag rgya'i le'u ste dgu pa'o//// de nas gzhan
277a4 yang bshad bya ba// nyon cig 'dus pa'i tshogs chen rnams// rnal 'byor bstan pa srung byed na// dregs pa kun 'dul bsgrub par bya// oM badzra tsaN+Da sarba duSh+tAn hUM phaT/ ye shes bcu pa'i gsang sngags
277a5 ni// dregs pa kun 'dul gsang sngags yin// spro bsdu'i sngags kyi rim pas g.yos pa'i tshe// rnam dag rang gi ngo bo de nyid len// ngo bo nyid dang rang gi rang bzhin med// bdag dang tshogs bcas ma lus de
277a6 bzhin de// ye shes tshogs chen rdzogs pa'i rang bzhin no// de thob 'bras bu mthar phyin bde bas gang// gshed mas srog la 'debs pa'i rgya ru bstan// zhes gsungs so// nges par 'byung ba'i phyi ma'i rgyud
277b1 las/'jig rten mchod bstod dregs pa kun 'dul phyag rgya'i le'u ste bcu pa'o//// de nas gzhan yang bshad bya ba// nyon cig 'dus pa'i tshogs chen rnams// rnal 'byor sngags la mos pa
277b2 la// dmod pa drag sngags phyag rgya bstan// oM badzra sarba duSh+tAM hUM phaT// stobs kyi yi ge brgyad pa ni// stobs ldan nag po'i gsang sngags yin// nyi ma'i dkyil 'khor dbus su gsal byas na// rang gi
277b3 sngags bcas dmod pa'i yi ge ste// 'byung ba lnga 'khrugs sdug bsngal nyams su myong// ma bcos rang byung nges pa'i snying po yin// gsad ba ldog med srog sngags rgya ru bstan// zhes gsungs so// nges par
277b4 'byung ba phyi ma'i rgyud las/dmod pa drag sngags stobs ldan nag po'i phyag rgya'i le'u ste bcu gcig pa'o//// bsgrub pa bka' brgyad phyag rgya'i skabs te gsum pa'o// bcom ldan 'das bde bar
277b5 gshegs pa thams cad 'dus pa las/nges par 'byung ba phyi ma'i rgyud ces bya ba/ le'u bcu gcig pa rdzaugs so//// rgya gar gyi mkhan po slob dpon chen po pad+ma 'byung gnas dang/ lo tsA ba bai ro tsa
277b6 nas bsgyur cing zhus te gtan la phab pa'o// rgyal po khri srong lde btsan gyi phyag dpe/ rin po che'i gter du sbas so////


CLOSE WINDOW