228a1 rgya gar skad du/ bud+d+ha sarba pu tra e ka/ g+hu h+yA pu ri sa ma tan+t+ra nA ma/ bod skad du/ sangs rgyas thams cad kyi sras gcig po/ gsang ba gcod pa
228a2 sa bon gyi rgyud ces bya ba/dran pa kun gyi thog ma yi// dngos mdzad sangs rgyas thog ma la// dang po nyid du phyag 'tshal lo// 'di skad bdag la sogs pa yi// sangs rgyas bye ba dung phyur gyi// dgongs pa nyid
228a3 dang grangs med par// thugs kyi snying po ji lta bar// gsung zhing bstan pa'i dus gcig na// mya ngan 'das pa'i thog mar ni// 'di ni nyag gcig rnal ma yi// don gyi sa bon rnams su ni// nges pa'i snying po nyid
228a4 du yang// gsungs so bstan to bshad pa yin// bstan pa'i gsung ni rgya mtsho kun// la la gnas skabs yul don du// la la ma 'ongs 'jug don yin// la la 'dul don tha dad nyid// snying gi snying po tshig
228a5 'ga' las// kun gyis grub pa ma yin no// bstan pa 'phel byed sa bon du// 'di kun bzhag cing byin brlabs las// rang byung nyid du thugs las rdol// de phyir sangs rgyas thams cad kyi// thugs kyi sras ni
228a6 gcig par yang// rang byung chen po'i 'phel dang bcas// 'byung ba'i sgra dang bral bar byung// 'di ni bstan pa gang byung du// 'od dang bcas te 'byung ba yin// gang la bab par gyur pa'i mi// bstan pa kun gyi
228b1 bdag por 'gyur// 'di la ldem por bstan pa med// sus kyang bshad cing nyan med par// rang byung dgongs pa klong rdol du// nyi ma sprin las thon pa bzhin// sus kyang ma bsgribs rang byung ngo// 'di la 'byung
228b2 bzhi'i gnod med pas// nam mkha' dag la 'bar bar snang// sangs rgyas 'bras bu sus thob par// 'di nyid de la snang ba yin// 'di ma mthong ba'i sangs rgyas ni// gcig kyang 'byung ba snga phyir med// de
228b3 phyir bstan pa rnams kyi btsas// sangs rgyas kun gyi sras gcig po// myang 'das 'thob pa'i sna thag yin// dgongs pa rang thog 'bebs pa yi// gnad kyi tshig tu 'di nyid byung// 'jig rten khams ni gang du
228b4 yang// sangs rgyas nyid ni sus thob pa// de tshe 'di ni lan gsum du// nam mkha' dag la 'phar ba dang// rang 'od lnga po 'di las 'byung// 'di 'dzin rnal 'byor skal che bas// lan gsum 'di yi tshig kun
228b5 kyang// lhag dang chad pa med par ni// rdo rje'i lce yis sus brjod pa// 'di yang de dang mnyam par yang// 'gyur ba 'di la the tshom med// de phyir bstan pa'i rgyud rnams kun// thams cad dus gcig bsgoms
228b6 shes kyang// 'di mi snang bar grol ba med// 'di ni sa bon rang 'phel bas// bstan pa'i bdag po gang sangs rgyas// 'di nyid sa bon med par ni// bstan pa'i gsung ni tshig tsam yang// lce yi dbang pos
229a1 brjod mi nus// de tshig 'di la ma brten par// rdul cha tsam yang 'byung ba min// bstan pa gcig gi snyigs ma la// byin rlabs tshig ni 'di kun kyang// gang la snang ba'i mi des kyang// ma mthong
229a2 rgyud dang bstan bcos ni// lce yi dbang pos brjod par nus// sems can kun gyi bsam pa dang// sangs rgyas kun gyi dgongs pa dang// ci ltar mthun pa'i chos kun ni// 'di yis ston par nus pa
229a3 yin// sangs rgyas kun gyi thugs dang gcig/ rdo rje 'dzin pa'i dgongs pa dang// dbyer mi phyed par 'dis 'gyur ro// de phyir bstan pa'i me ro yin// rang byung tshig gi rgyal po 'di// so so'i sems can skye
229a4 gzugs la// so so'i brda skad ji lta bar// 'di nyid de ltar snang ba yin// de phyir rang byung yi ger ni// thog ma bab kyis grub nas byung// rang byung bcom ldan 'das la yang// 'di ltar rdzogs pa'i lugs su
229a5 snang// chos kyi sde snod nyid du ni// 'di tshig ye nas rang shar bas// thog ma dran pa'i gzhir gyur te// dran pa thams cad ma stongs par// tshig 'di kun kyang snang ba yin// dran zad tshig 'di zad par ni// rdo rje
229a6 zhes ni tshig 'di kun// 'byung ba'i rkyen dang bral bas na// rdo rje kun 'byung gsang sngags yin// thabs lam du mas mtshon pa'i phyir// rang thabs bsgom pa 'di las byung// snying po rang 'dul bstan pa'i
229b1 bcud// gzhi nyid kyi ni bab yin no// chos kun mnyam pa'i nan tan tshig/ rang gnad du ni 'di kun shar// 'di la nus pa gcig nyid med// bsgom dang bsgrub pa'i rtsa bar yang// 'di sngags 'khrul pa'i tshig
229b2 ma yin// ma 'khrul sngon thog nyid kyi gzhi// 'di las 'phros pa spros pa'i rgyud// rgyu las 'bras bu rang byung bzhin// 'di nyid las ni tshig kun kyang// dran bsam bral ba'i ngang nyid las// byas pa med par
229b3 byung ba yin// 'od zer 'dzin pa'i skyes bu la// 'di ni snang bar 'gyur ba'o// de las 'phel nas grangs 'ga' 'byung// gsang ba'i bden pa gcig pa nyid// grangs med rdo rje 'chang rnams kyi// thugs rdol
229b4 nyag gcig dgongs don gcig/'dzin med yangs pa'i rtod phur yin// thod brgal theg bab kun gyi gnad// rang sa 'byed pa'i lde mig mchog/ 'di ni bde ba'i sa bon 'dzin// sangs rgyas rnams kyi shes
229b5 rab yin// mkha' mnyam dag pa'i gnad gzer 'dis// bstan pa kun gyi rtsa ba 'dzin// 'di yi grangs sna bzung bas ni// lha min g.yul rnams rang log tu// 'di tshig bzung ba tsam gyis 'gyur/ khams
229b6 gsum g.yul kun 'dis bzlog go/rigs drug rnams kyi 'bros khung 'geg/ mya ngan 'das pa'i grong khyer du// 'jug par byed pa'i 'khor lo yin// srid pas bcings pa rnams la ni/ 'di yis grol bar byed
230a1 pa'o// dam pa'i snying po gdung rgyud du// rang bzhin du ni bab las byung// 'dis ni bla ma'i sku mi spang// snying la nyi ma'i 'od brdal bas// phyogs bcur khyab pa'i mun pa ni// 'di yis rang sangs
230a2 nyid du 'gro// lhag par gnas pa'i ye shes ni// 'di yis mchog tu ston par byed// dkon pa'i mchog rnams skyed pa'i yum// sems dal bsam gtan ngang gis 'grub// chos sku'i snang ba dus gcig
230a3 tu// ston par byed pa'i sgron ma'o// phyin ci log las yang dag tu// dag par byed pa'i chu rgyun yin// theg pa kun gyi mthar thug tu// skyel par byed pa'i shing rta'o// thos bsam bsgom pa'i rgyang shing du// 'jug
230a4 par byed pa'i dngos po yin// sde snod thams cad 'dzin pa yi// mnyen lcug ldan pa'i lcags kyu'o// rnal 'byor dag pa'i dkyil 'khor te// lam du 'jug pa'i sa mkhan yin// mngal rnams khung sgo 'geg par
230a5 byed// thar pa'i skas ni rang 'dzug yin// rnam dag 'od kyi mthongs 'byed pa// chos rnams kyi re gnas pa// bdud dang mu stegs mgo non yin// shes rab rmugs pa'i gsal 'debs so// smon 'jug kun gyi
230a6 srog shing yin// lha dang sngags kyi mdo mdud do// dkyil 'khor rnams kyi bskyed shing ngo// lta bsgom log pa'i dag byed khrus// man ngag snying po rdzogs pa'i sa// rdo rje theg pa'i grangs rdzogs nas// 'di
230b1 ni thig le nyag gcig go/'gro rnams lam la 'dzud pa'o// theg pa'i rgyal po yongs rdzogs kyi// yon tan byung tshul rang byung ngo// le'u dang po'o//// e ma ho/ gsang mdzod rang bzhin tshig 'di
230b2 yang// rang byung ye dag chen por ni// spel tshig gsang ba 'di ltar snang// ye thog dang po'i sangs rgyas ni// dang po mngon 'phags dran pa mgon// phyag rgya rang dran 'khor lo ni// gzhi las 'phags pa'i khyad
230b3 par tshig/spyi phud sngon gyi thog mar gyur// 'di dus khrag khrig bdun cu yi// phyag rgya 'di ni dam pa'o// snying pos brgyan pa'i bskal pa la// sde snod dang po'i sangs rgyas mgon// mnga' mdzad phyag rgya 'khor lo
230b4 la// 'khor ni 'dzin pa bye ba lnga'i// phyag rgya 'di ni dam pa'o// spyi mes dang po pha rol mgon// dkyil 'khor snying po rab spros pas// bskal pa gser gyi yi ge la// sa ya drug gi phyag rgyar bzung// sngon thog
230b5 dang po 'phags pa mgon// phyag rgya dang po nyid snang bas// bskal pa 'od zer 'gyed pa la// bdun 'bum gyi ni 'bras bu'o// 'jig rten dra ba mgon po yi// spros bral phyag rgya 'di spros te// bskal pa me tog
230b6 mdzes pa la// bstan pa'i 'bras bu phyal yas las// phyag rgya 'di ni dam pa'o// snying po stong gi spyi phud mgon// snying po dam pa'i 'khor lo las// bskal pa rtsod pa'i snying po la// grangs med bzhi yi snying po'o/
231a1 'od ldan dang po sems can mgon// spros med snying po rang sgra las// bskal pa snang ba'i sgron ma la// ban bun stong gi phyag rgyar bzung// mdzes pa'i dang po 'gro ba'i mgon// yang dag snying po rnam
231a2 spros te// bskal pa rags pa'i yan lag la// nyar nyer brgya yi grangs kyis ni// phyag rgya 'di ni dam pa'o// thugs brtse'i snying po nyan thos mgon// phyag rgya yang dag lam spros te// bskal pa dung gi sgra dag
231a3 la// grang phreng bcu yi dam par ro// mi pham zang ma sgra bral mgon// yang dag nges pa'i rgyud las ni// bskal pa dra ba'i 'od zer las// dung phyur bdun gyi lam rgyal bzung// snying po sems rnal bdud rtsi
231a4 mgon// nges pa'i sa bon rab bsgrags pas// bskal pa tshangs pa'i dbyangs can la// 'bur rdul bdun gyi nges par bzung// rang bzhin drag po ldeng gdeng yang 'dzin mgon// phyag rgya 'khor lo gdan spros
231a5 te// bskal pa smra ba'i gzhi dag la// phyal phyol dgu yis dam par bzung// gsang ba'i phyag rgya lha min mgon// yang gsang 'khor lo rnam spros te// bskal pa'i bum pa reg ldan la// yal yol drug cu'i snying
231a6 po'o// rim pa lnga pa gtsug phud mgon// bla med snying po yang spros pas// bskal pa yang gsal rab 'byams la/ khrag khrig bye ba dgu brgya yi// bla na med pa'i gsang ba'o// 'jig rten thog ma shes rab
231b1 mgon// bde chen snying po yang spros te// bskal pa bkod pa chen po la// 'bum phrag drug cu rtsa bzhi yi// lha yi lhar ni 'di nyid do// 'chang ba rnams kyi thog ma mgon// nges pa'i 'bras bu 'di spros te// bskal
231b2 pa rin chen spungs pa la// sa ya dgu bcu'i mgon po yi// rgyas par bsngags te dam par ro// yang rjes 'byung ba me 'od mgon// dngos por bsgyur ba'i phyag rgya ni// snying po nyid du spros pa las// bskal pa
231b3 rab tu g.yo med la// rab mtha' bcu yi mgon po yi// snying po snying gi dngas mar ro// chags med rdul bral dri med mgon// gsang chen nges pa nyid du ste// bskal pa g.yo sgyu bral ba la// bye ba dgu khri'i
231b4 grangs mgon gyi// 'du ba'i phyag rgya nyid du'o// dran pa dri med bsam gtan mgon// dri med nges pa'i gsang tshig spros// bskal pa mthar ldan seng+ge la// nyal nyil sum cu'i rgyal ba yis// 'di ni bden tshig
231b5 dam par ro// dam pa'i skyes bu chos kyi mgon// sangs rgyas shes rab sa bon spros// bskal pa gdung ba sel ba la// sang seng dgu khri'i gdung 'phel bas// dam pa'i phyag ni yang dam du'o// spyi phud stong gi
231b6 ye thog mgon// sngags kyi rtsa ba 'di sngags pas// bskal pa dung gi snying po la/ kha g.yel stong gi gdung 'phel bas// gsang chen dam par rab bzung ba'o// sangs rgyas dra ba mgon po yi// phyag rgya nyid du
232a1 gdung bzung bas// bskal pa bye ba'i snying po la// nyag thag dgu khri'i gdung 'dzin pas// 'di nyid snying po'i don du'o// yang dag gsang ba pad+ma mgon// snying gi snying po dkyil bzung byas// bskal
232a2 pa yongs su brtse ba la// dang ding stong gi yang 'phel bas// 'di ni snying po yang dag spros// sems can snying brtse me tog mgon// dran gzhi dang po rab bzung bas// bskal pa yod par rab mchog la// rdul
232a3 med dgu yi gsang 'dzin pas// gsang chen stong gi dam par ro// bskal pa dra ba nyi 'od mgon// dam pa'i snying por nges babs pas// bskal pa glang po yongs rdzogs la// rang rdul nyid kyi rjes 'dzin
232a4 pas// stong nyid gsal ba'i mig tu spros// yongs rdzogs 'khor lo rigs kyi mgon// sems kyi dngos po dam par bzung// bskal pa bla na med pa la// khrag khrig drug cu'i yang 'phel bas// gsang chen
232a5 'khor lo nyid du'o// dri med dag pa chos kyi mgon// yang gsang nges pa'i lung 'di spros// bskal pa gcod pa rang grol la// nyal nyil nyid kyi 'phel gdung gi/ rim pas mngon par rab spros pa'o// yang
232a6 gsang dang po thog ma mgon// rdo rje yang dag gsal thub pas// bskal pa khyung chen gshog rdzogs la// 'bum phrag lnga yi gdung 'phel bas// phyag rgya rang rdzogs nyid du'o// snang mdzad dang po mar me
232b1 mgon// bla med rdo rje snying po spros// bskal pa mda' yi yongs bzung la// rnga yab gsum gyi gdung 'phel bas// rigs ldan rnams kyi phyag tu bzung// yid shes dang po gnas gsum mgon// snying thig rtsa
232b2 ba'i dngas mar spros// bskal pa reg pa'i stobs can la// kha g.yel drug gi gdung 'phel bas// gong 'phel phyag rgya dam par spros// dpa' bo 'jigs sangs dngas pa'i mgon// dri ma med pa'i snying du
232b3 babs// bskal pa dran bsam bral ba la// yal yol stong gi gdung 'phel las// 'di kun skyon dang bral bar ro// drag po chags bral bde ba'i mgon// chags med rang rig phyag rgyar spros// bskal pa mya
232b4 ngan bral ba la// dung phyur gsum gyi gdung 'phel bas// med pa rnams kyi dang por ro// chos sku dngos dag dri med mgon// dam pa gsung gi snying por spros// bskal pa zil gyis gnon pa la/ sa ya nyid kyi
232b5 gdung 'phel bas// 'di kun yang dag nyid du'o// yang sangs rgyas pa sgyu ma mgon// tshig bral bde ba'i snying po spros// bskal pa chos kyi 'khor lo la// bye ba dgu yi gdung 'phel bas// nges pa'i lam gyi thog
232b6 mar ro// stong pa nyid ni dge ldan mgon// gsang ba'i yang gsang chen por spros// bskal pa pad+ma brtsegs pa la// kha g.yel lnga yi gdung 'phel bas// snang ba rnams kyi thog mar ro// skyes bu
233a1 byed pa 'od zer mgon// 'bras bu rdzogs pa'i rim par spros// bskal pa dang ba'i dbyangs can la// rdul mtha' bzhi yi gdung 'phel bas// 'di kun mngon par rang 'thad do// shes rab mi
233a2 rnyed sgyu 'phrul mgon// sems nyid thog ma'i dkyil 'khor spros// bskal pa lha yi phyag sor la// nyal nyil bdun gyi gdung 'phel bas// snying po rang dag gnad du'o// bde ba dam pa dngos grub
233a3 mgon// gsang chen snying po dam par spros// bskal pa yan lag med pa la// sang seng drug gi gdung 'phel bas// 'di kun yang dag dam par ro// dngos po yang dag stong pa'i mgon// skyob pa dam pa'i phyag
233a4 rgya spros// bskal pa grangs mtha' log pa la// stong phrag dgu yi gdung 'dzin pas// rdzogs pa'i sangs rgyas nyid du'o// chos kyi grags pa gnyis med mgon// yang gsang rang byung tshig 'di spros// bskal pa
233a5 yongs su grol byed la// nyal nyil gsum gyi gdung 'phel bas// mnyam pa rang gnas nyid du'o// ye nas gsang ba dri med mgon// byin rlabs rang byung yi ge spros// bskal pa seng+ge rtsal sprugs la// khrag khrig
233a6 bdun gyi gdung 'phel bas// 'di kun dam pa'i thugs dkyil du'o// mi pham dang po sangs rgyas mgon// gsang ba thugs kyi bu gcig par// bskal pa dga' bas myos pa la// dung phyur phyed dang dgu gdung
233b1 gi/'di nyid dmigs med rang dam mo// dran spangs mngon 'phags rang bzhin mgon// 'byung ba'i sgra dang bral bar spros// bskal pa 'du ba chen po la// kha g.yel lnga yi gdung 'phel bas// 'di tshig rang
233b2 byung gsal bar ro// bar ma'i dang po skye med mgon// 'di ni phyag rgya rang stobs te// bskal pa khu byug rang byung la// thar ther gsum gyi rtags shar bas// 'di tshig rab tu bsngags pa'o// 'jig rten grangs
233b3 bskal ut+pal mgon// gsang chen rab rgyas phyag rgya spros// bskal pa rab tu mthong ba la// 'bum phrag dgu yi gdung 'phel bas// 'di kun snying gi dkyil du pheb// 'das pa'i dang po dra ba mgon// snying po
233b4 gsang ba yang dag spros// bskal pa bud med rang 'dul la// phyal phyol dgu yi rgyal ba yi// 'di tshig rang rig dam par ro// gnyis 'das dang po zhing khams mgon// rdo rje chen po'i gsang tshig
233b5 spros// bskal pa rang sgra zad pa la// sa ya gnyis kyi gdung 'phel bas// 'di tshig gzigs dang rab mkhyen bzung// drug mtha' thog ma gnyis pa mgon// 'dul tshig snying po bla ma spros// bskal pa dge ldan
233b6 chen po la// 'bum phrag lnga yi gdung 'phel bas// snying po rnams kyi yang snying du// mdzad pa bzhi thog thod rgal mgon// bla na med pa'i nges lung spros// bskal pa seng bram ze yang ge bsgyings pa la// khri phrag dgu
234a1 yi gdung 'phel bas// 'di kun gsal ba'i tshig tu'o// mtha' bral yongs rdzogs skyon bral mgon// bral gsang tshig 'di phyag rgya spros// bskal pa skyed par byed pa la// stong phrag dgu yi gdung
234a2 'phel bas// med tshig rdzogs par yang dag bzung// ye rdzogs dang po sgyu ma mgon// yang gsang 'bar ba 'od zer spros// bskal pa rab tu 'phags pa la// khrag khrig gnyis kyi gdung 'phel bas// 'di ni
234a3 nges pa'i gsang chen po// dri ma dngos bral bde ba'i mgon// 'di nyid lam rgyal dam par spros// bskal pa g.yang sa chen po la// khri phrag bdun gyi gdung 'phel bas// 'di tshig rim pa dang por spros// 'dus
234a4 pa rnams kyi thog ma mgon// nges pa'i gsang chen rab bsngags te// bskal pa gser 'od dam pa la// yang 'phel dgu khri'i mgon po yis// 'di kun gsang chen snying du bab// yang 'byed stong gi dang po
234a5 mgon// gsang ba'i snying po yang gsang spros// bskal pa le lo ye dag la// ther zug dgu yi gdung 'phel bas// 'di yang snying thig gsang bar phab// gsang ba kun gyi sngon thog mgon// phyag rgya snying gi
234a6 dkyil du spros// bskal pa dri med bzang snying yang po la// nyar nyer lnga dgu yang yi gdung 'phel bas// 'di tshig bla med snying la phab// ston pa'i dang po nam mkha' mgon// yang bsdus rang byung tshig 'di
234b1 spros// bskal pa mthar chags chen po la// nyal nyil drug gi gdung 'phel bas// 'di nyid bsam gtan 'khor lo bzung// stong pa'i yang mdzad dam pa mgon// 'di kun g.yo med rang byung tshig/ rdzogs pa
234b2 dngos dag bskal pa la// 'bum phrag dgu yi yang gdung gis// 'di kun nges pa'i 'bras bur spros// dang po gsang 'dzin dngos grub mgon// 'di yang mdzad chen dag par spros// bskal pa grangs brdal
234b3 gsang chen la// kha g.yel gsum gyi gdung 'phel bas// 'di kun yang dag lam nyer bzung// dri med rang zad 'byung bral mgon// dkyil 'khor kun dag rtsa ba spros// bskal pa mo mtshan rgyun gcod
234b4 la// thar ther brgya yi gdung 'phel bas// gsang ba'i yang zhun theg par bzung// mos chen rnams kyi dang po mgon// snying po mig dag phyag rgya spros// bskal pa 'khor ba'i mun sel la// 'bum phrag lnga yi
234b5 yang gdung gis// 'di nyid spros te dam du'o// sems rig kun gyi spyi phud mgon// nga med sngon du phyag rgya spros// bskal pa snga mo mo stong ldan la// bye ba dgu yi gdung 'phel bas// nges shes kun gyi thog mar
234b6 bzung// bslab gnas kun gyi dang thog mgon// phyag rgya mig ldan stong du spros// bskal pa sgyu ma snang mdzad la// yal yol gsum gyi yang gdung gis// 'di tshig gong ma'i gong mas bzung// rim pa sngon gyi
235a1 skyed byed mgon// bab byung med snang phyag rgya spros// bskal pa snying rje kun 'dus la// sang seng lnga yi gdung 'phel bas// snying po gsang ba chen por bzung// 'jigs pa kun bral seng ge
235a2 mgon// sangs rgyas sras ni gcig pa spros// bskal pa bzang po rab gang la// stong phrag bdun gyi gdung 'phel bas// 'byung ba'i rang sgra bral bar bzung// rdzogs pa'i yang thog tha ma mgon// don dgongs
235a3 nyag gcig rnal du bzung// bskal pa rtsod ldan chen po la// brgya phrag dgu yi gdung 'phel bas// 'di tshig gcod dang bral bar bzung// dran pa zad pa ye shes mgon// snying po rang tshig gcig par
235a4 go/bskal pa rtsod dang ldan pa la// bcu phrag dgu yi gdung 'dzin pas// nges pa'i phyag rgya dam par bzung// de ltar brjod kyis mi langs pa'i// sangs rgyas rnams kyi byin rlabs las// rang byung chen po'i yi
235a5 ger ni// gnas pa'i ka dag chen po yi// bab las 'di kun rang byung shar// byin brlabs rim pa 'di kun kyang// thog ma bab las rang bstan no// le'u gnyis pa'o//// e ma/ rang byung chen po'i tshig
235a6 las kyang// 'di ltar khyad par byung tshig ni// bab las byung zhing shar ba las// rang gsal chos rnams rang byung tshig/ phyis ni 'di ltar yang dag go/ rgyud dang de yi rang 'grel lo// lha sngags la sogs phyag rgya
235b1 bcu// de las 'di tshig phrag g.yas su// snang ba yin no don la sems// snang mdzad don kun rang rdzogs te// tshig kun bdag por rang byung bas// dgongs pa nyid ni dang po las// tshig rtsom mkhas pa 'di
235b2 las ni// grangs las 'das rnams 'byung ba yin// bdag 'dzin bdag med sngon thog las// mthar 'dzin 'dod pa dgag pa'i phyir// mngon sum rjes su dpag pa yis// gtan tshigs cha 'dzin tshig kun
235b3 'byung// yid dpyod blo zhen dgag pa'i phyir// kun rdzob don dam grangs phye sogs// tshig ni 'di kun byin rlabs las// 'di ltar rtsom pa'i dpa' bo mkhas// sems ni mthar zhen blo dgag phyir// phung po
235b4 grangs dang khams sogs dang// bstod dang yod med chos dang ni// chos min ci ltar brtsi ba yi// tshig kun 'di la rab brtson thob// 'jig rten mthun 'jug drang ba'i phyir// sgra dang rig pa du ma yang// 'di
235b5 yi rang byung tshig las shar// phyir 'gyur theg pa'i rang grangs kyis// dbang po'i 'jug sgo gsal ba'i phyir// rim pa'i 'jug srel bcu gcig ni// 'di yi yon tan bab las snang// rang 'od ci ltar yod pa'i
235b6 tshig/'di las spros so nye bar bsdus// grags dang ma grags tshig bcud ni// 'di las yang gsang chen por yang// gyur te snang ba gyur pa yin// lha mis ci ltar 'dod pa'i tshig/ sgo drug thob 'dod rang
236a1 bkod tshig/sngags lung sems dpa'i lung rab snang// 'di las gsang chen gnad du grags// de bzhin skye 'jig bstan chos dang// yod dang med smra bde grangs spros// mtha' gnyis rab
236a2 'byed yod snang phyir// dran sems nyid kyi sde grangs ni// 'di kun las byung sems kyi lung// 'jug pa chen po'i shing rta yang// snang ba'i mdzad 'phros kha lo ni// 'di tshig dam pa'i 'khor lo'o// grags pa'i
236a3 sngags dang de spel tshig/ram pa mdo sde rang grags tshig/ bkod pa rnams kyi thog mar ni// 'di las 'phros so phan sems ldan// lung rgyas theg pa kun dngos so// gzhi rtsa rtsal gyi nan tan tshig/ 'di kun
236a4 rgyan gyi rgyal po las// kha lo bsgyur ba'i dpa' bo yin// byed pa'i las rgyas dkyil 'khor 'jug/ dpe med pa yi sgra yi zer// grangs mtha' 'geg byed seng phrug go/ bcos pa'i yang cha de 'phel
236a5 bzung// dpa' bar 'gro ba'i las rgyas so// mtho dman snyoms pa'i dge 'bras lung// dpe bral rnams kyi dang po'o// de ltar spros tshig du ma yi// 'khor lo 'dzin pa'i sprul pa'o// mkha' gsal mkha' dag
236a6 klong chen gyi// spros pa rnams kyi yang spros las// skye sgo rab tu spangs pa yi// bla med 'dren pa'i dang por byung// bde bas bde ba 'byed pa yi// rigs mthun kun gyi gsang chen yin// rigs la gnas shing
236b1 rigs 'byed pa'i// gtso bo gtso bos blangs pa'o// ka dang rtogs dang rab tu dgongs// rim par rgyas dang de rjes ni// 'di las rab tu 'phel ba yin// rab tu rtogs phyir dkyil 'khor gyi// dam pa rnams
236b2 ni 'di las sprul// thams cad las kyi mtha' rgyas kyang// 'di las rab tu yang 'phel lo// 'di tshig byin rlabs brgyud pa yang// rab tu 'phel phyir 'byung ba'o// le'u gsum pa'o//// e ma ho/ 'di
236b3 ltar yang gsang don nyid la// 'jug par 'dod pa'i skal ba rab// sngon du lus ngag yid rnams kyi// mngon par zhen pa bzlog pa'i phyir// sngon du spyod pa brtsam par bya// lus ni rgyug dang nyal ba
236b4 dang// langs dang yan lag bskyod pa dang// bskor ba dang ni phyag bya dang// yan lag bskor dang mgo bsgril dang// ji ltar dran pa'i las rnams dang// gar dang phyag rgya bsgyur ba dang// ji ltar dmigs pa'i
236b5 las rnams bya// 'di ltar su yis byas pa'i mi// lus kyi mngon zhen rang bcad nas// lus kun ru shan phyed par ni// 'di yis 'gyur ro sprul pa'i sku// de 'das ngag gi spyod pa brtsam// sngags dang kha ton
236b6 chos kyi sgra// yod dang med dang snang ba dang// yid dpyod tshig ni sna tshogs brjod// byol song sna tshogs brda skad dang// skad kyi rnam pa sna tshogs pa// 'di ltar su yis byas pa'i mi// ngag gi mngon zhen rang
237a1 chod nas// 'khor 'das ru shan 'dis phyed do// de 'das nyid kyi 'og tu yang// sems kyi spyod pa brtsam par bya// dga' dang mi dga' bde sdug dang// rtag dang mi rtag la sogs pa// blta
237a2 bsgom spyod pa'i bsam pa dang// chos dang chos min la sogs dang// 'dod chags zhe sdang gti mug dang// dge dang mi dge la sogs pa'i// bsam spyod rnam pa sna tshogs bya// 'di ltar su yis byas pa'i
237a3 mi// sems kyi mngon zhen rang chod nas// 'khor 'das ru shan phyed pa'o// de ltar sngon du 'gro byas nas// mngon sum don la blta ba'i phyir// lus dang ngag yid rab tu gcun// lus ni seng+ge lta bu dang// drang
237a4 srong dang ni glang chen tshul// 'di la g.yo bar ma byas na// sangs rgyas sum stong nyid dang yang// skal ba dag ni mnyam pa yin// ngag ni ji ltar lkugs pa bzhin// su dang brda tsam nyid mi bya// 'di ltar su yis
237a5 byas pa'i mi// sems kyi 'phro 'du rang chod do// 'di ltar lus ngag sus gcun pa// chos kyi dbyings kyi snang ba la// 'di yis goms par 'gyur ba yin// de ltar lus la sogs pa yi// gnad kun rab tu
237a6 gzir ba yis/rig pa nyid dang mngon sum du// bla ma'i lung las shes pa yin// dbyings dang rig pa'i lta stangs ni// sgrib byed bral ba'i nam mkhar blta// dbyings kyi nang du lu gu rgyud// rnam par bzhag
237b1 cing 'bral mi bya// 'di ltar su yis mthong ba'i mi// thog ma'i kun tu bzang po dang// skal ba nyid ni mnyam pa'o// de nas thig le mthong ba yin// de gtad snang ba gong 'phel bas// rang ngo mthong las 'di
237b2 ltar ro// yar mtshams las ni sor bzhi las// bral ba'i skyes bu skal bzang pa// 'khor bar 'jug pa ga la srid// gru chad rnam par gang snang ba// sprul pa'i yon tan 'di yis 'grub// mthong ba'i yul tsam
237b3 gang snang ba// tshom bu la ni de bzhin no// phyir snang 'gag pa gang yin pa// skad cig ma ni bcu drug la// 'di yang de ltar 'gyur ba'o// ma smin la sogs thig le dang// de bzhin sku la thug gi bar// drug dang
237b4 bcu dang lnga gsum la// gdon mi za ste longs skur ro// nang lus zad pa'i sar phyin tshe// sor mo la sogs de bzhin snang// 'di gtad 'byung ba rang dengs so// skye dang 'jug pa'i khyad par gyis// chos kun
237b5 zad pa'i rang sa la// ci yang 'dzin pa med par ni// gnas pa yin no sprul pa'i sku// 'di ni 'jug pa'i shugs kyis dbang// skye ba'i rang dbang sus thob pa// de yang de la gtad nas ni// yang dus 'di ltar
237b6 byas pa na// snang ba'i rang sgra sil skad de// sngon du log ste 'khrul par snang// 'dis ni sems can don kun byed// rig pa mnyam par gcig pa'i phyir// stong phrag gsum rnams sems can gyi// 'pho ba chen
238a1 po 'dis 'grub bau// de bzhin rim dang cig car gyis// lus ni 'di yis 'grub pa yin// de kun lus zad tshad las grol// 'di kun 'bras bu nges pa'o// lam mchog dkyil 'khor chen po
238a2 'grub// 'di ltar thabs las yang dag byung// sangs rgyas 'grub par 'dod pa'i mis// 'di thabs ldan na de bzhin no// gzhan spyod snyems byed nyid yin pas// dngos po mthong ba ma yin na// de phyir 'di
238a3 kun dkon pa'i tshig/rtag tu rin chen gter 'di ltos// 'di ltar zad pa la spyod na// 'dis ni sangs rgyas stong phrag gsum// 'di yis legs par zhal mthong yin// 'di tshig gsang ba nyid las
238a4 byung// skyes bu rnams kyis 'di ltar bya// gsang chen yang gsang dam pa'o// le'u bzhi pa'o//// e ma ho/ 'di ltar 'dod 'byung skyes bu gang// thabs kyi yan lag 'di lta bu// rnam pa sna tshogs nyid la
238a5 ni// 'di ltar de yi sngon du sbyangs// sems kyi rim pa ci sbyangs pa// 'dis ni mi rtag sems la 'byor// ji ltar sgra yi rnal 'byor pas// sa chu me rlung 'byung ba bzhi'i// sgra don rnams la goms pa
238a6 yis// rigs drug rnams kyi rang skad kyi// mngon shes 'char ba 'dis 'grub bo// zhag rim dus ni rnam drug gi// 'di yi skad kun rang dus shes// 'dres pa med par sus shes pa// ma 'ongs da ltar 'dus pa
238b1 yi// sems rgyud ji ltar shes par 'gyur// gzhan gyi don byed sprul pa pos// 'di la sngon du ma sbyangs na// sprul pa'i sa bon 'jog par ni// nus pa nyid ni mi 'thob bo// des na 'byung ba'i sgra la bslab// bya
238b2 byed zhen pa bzlog pa'i phyir// lag ni bya byed sna tshogs bya// de bzhin 'dus byas rnam pa ni// dbang po'i mngon zhen bzlog pa ste// yul rnams goms pa'i gnad kyis sbyangs// 'di ltar gnyid dang rmi lam
238b3 gyi// dus bzhi 'byung ba'i gnad kyis dbye// tshad ni gnad la phebs pas bzung// thig le phyi nang bslab bya'i phyir// gang zag rnam pa gnyis don bya// bcos ma 'dus byas bsgom pa yis// dang po sems
238b4 g.yeng zhen pa dgag/'bras bu cig char ma yin pas// snang ba rim gyis goms par bya// mig sman la sogs sgo lnga yi// sman gyi rim pa sbyar bar bya// 'di kun gsang ba'i thabs yin no// lam gyi rtags ni
238b5 lus las ni// mngon par phyi rol snang gyur pa'i// sman nyid kyang ni de bzhin no// 'di kun 'jig rten drang don du// skal pa can gyi spyod yul lo// 'di yi thabs ni sna tshogs par// gzhan gyi 'dod yon mtha'
238b6 dgag phyir// rab tu gsang bar byung ba'o// le'u lnga pa'o/// khams la bslab pa'i thabs yod pas// dran rdzogs phyag rgya'i ngang du sbyor// dbang po'i zhen pa bzlog pa'i phyir// karmA rag+sha g+hi haM ti// phung po'i
239a1 zhen pa bzlog pa'i phyir// b+he ga ra na so gad gling// yul kun zhen pa bzlog pa'i phyir// bu kA ri la b+hi d+hu tri// sems kyi dngos po spur ba'i phyir// raM ba ka la sa mi khye// byung tshor gnas su gcad
239a2 pa'i phyir// ma tang phar pher ras rmis te// 'dus 'tshogs snang ba ngos gzung phyir// kha Ta re ka sa rmig rlung// rig pa btson rar gzhug pa'i phyir// a ke ra na b+he tsag sha/ 'khrul pa'i rang rgyud khungs gcad
239a3 phyir// ya ri mu Da sa g+hu li// rigs drug rim gyis bsgral ba'i phyir// ya sing ra rlung pa la ya// 'khor ba dong nas 'don pa'i phyir// mA ma ko ling sa ma ta// chos can thur du gzhug pa'i phyir// g+ha ring yaM pa ri
239a4 maM ti// rol pa'i byung khungs spur ba'i phyir// bu ga sid+d+ha pha g+ha la// zhen pa'i phreng thag gcad pa'i phyir// ra mi sa pI khe ta ba// lug rgyud ar la gtad pa'i phyir// be khu ma la pa taM ki/ lha yi phyag rgya blta ba'i
239a5 phyir// sa ma nyi wa d+he ra ya// lta bsgom log pa dag bya'i phyir// badzra sa twa tre to mA+e// sa lam dus gcig gcad pa'i phyir// g+he ba su g+har rna mA yA+e// yid dpyod lta ba khungs gcad phyir// d+harmA pa te sa g+hu lI// sku
239a6 gsum lam du bslang ba'i phyir// rasma sa ma kha rgad tshe// snang ba dngos su blang ba'i phyir// ru pa sa mi mi ta laM// sgra yi zhen pa mtha' gcad phyir// nga tig pa yang ka la sa// bsam gtan chen po'i sa non
239b1 phyir// ga tsha pa la sa i taM// phrin las mtha' ru dbyung ba'i phyir// karma e ka a nu sa// sangs rgyas mngon zhen bzlog pa'i phyir// sang kri ma ma karma ta// sangs rgyas rnams kyi gnas btsal phyir// nga la khe pa
239b2 ki li sa:/'di kun rang byung tshig tu'o// le'u drug pa'o//// e ma ho/ bcom pa dang ni ldan pa dang// 'das pa yang dag lam yin no// 'di tshig lam min gdams pa yin// bstan cing bshad med
239b3 brjod ma yin// gdams pa ma yin byin rlabs yin// bris shing bkod med rang byung yin// gnas dang dus med sngon thog yin// chos min snying po thugs gsang yin// sus kyang nyan med ngang shar yin// thos
239b4 pa med cing rang bsgrags yin// byas pas 'di kun ma yin tshig/ 'di yod 'gro ba sangs rgyas yin// pha rol mthong ba'i gsang chen las// sems yod ma yin sprul pa yin// 'khor ba'i spyi mdud dgrol
239b5 ba'o// shes bya ma yin lam sna thag/ stong pa ma yin mngon sum yul// yod med ma yin thabs gsang ba// lha med 'di la sngags yod min// pha rol phyin pa drug gi gzhi// bsnyen gnas la sogs 'di tshul
239b6 lo// de bzhin du yang bye brag smra// don dam kun rdzob gzugs kyis so// gzugs kyi rtsa ba 'di nyid rang// lha'i rnal 'byor 'di sngags yin// lung chen rnams kyi dam pa 'di// chos rnams ro gcig 'dres
240a1 pa'i rten// sku gsung thugs kyi dbye ba yis// bla med 'khor lo bskor ba'i gnas// dbang po rnams kyi dmigs gtad yin// shes rab rnams kyis rtogs pa'i gnas// sku gsum lam du slong
240a2 ba'i rten// thig le mngon du 'byin pa'i mig/ thar pa'i skas kun slong bar byed// lam du 'jug pa'i sa mkhan yin// skal ldan 'dzin pa'i lcags kyur snang// chos sku rang 'jog gnas lugs yin// sangs
240a3 rgyas kun gyis phyag byed gnas// yul snang gcod pa'i ral grir snang// grol ba rnams ni 'di nyid la// rnam par brten nas grol ba'o// le'u drug pa'o//// sangs rgyas thams cad kyi sras gcig po/
240a4 bstan pa thams cad kyi btsas su rang byung ba/ rang byung yi ge chen por bskal pa kun gyi thog mar rang byung ba/ byin rlabs las rang bkod pa/ sprul sku'i sa bon 'phel bar byed pa/ rab tu dkon pa'i tshig
240a5 rdzogs so//// sa ma ya/ g+huh+ya/ a+thi+-i/ rgya rgya rgya/ sbas rgya/ gtad rgya/ gter rgya/ kha tham/ d+ha thim/ sprul sku sangs rgyas gling pas pu ri phug mo che nas gdan drangs pa'o//
240a6 bka' brgyad bde gshegs 'dus pa las/
240b1 rtsa ba'i rgyud kyi rgyal po bzhugs/ bi rgya gar skad du/ b+ha ga bAn su ga ta sarba sa mu dA ya tan+t+ra ma hA rA dza nA ma/ bod skad du/ bcom ldan 'das bde bar
240b2 gshegs pa thams cad 'dus pa zhes bya ba'i rtsa ba'i rgyud kyi rgyal po chen po/bcom ldan 'das dkyil 'khor thams cad kyi mnga' bdag dpal kun tu bzang po la phyag 'tshal lo// 'di skad bdag gis thos
240b3 pa'i dus gcig na/'og min gyi gnas chos kyi dbyings kyi pho brang/ sku gsung thugs gsang ba mchog gi gnas/ ye nas rnam par dag pa'i rgyan gyis brgyan pa/ dpe dang tshad las 'das pa'i sa/ phyi nang med
240b4 par phyogs bcur 'khrigs pa/rnam par dag pas bklubs pa/ thog ma dang mtha' ma med pa ye nas rang byung gi gnas na/ bcom ldan 'das dpal kun tu bzang po/ chos kyi sku skye ba med pa spros pa dang bral
240b5 ba/don dam pa ma bcos pa'i thig le chen po'i ngang la mnal te bzhugs so// de nas dbyings kyi yum kun tu bzang mo shes rab kyi ngang las bzhengs te/ bcom ldan 'das gsang ba mchog gi bdag po/
240b6 dgongs pa chos kyi dbyings na bzhugs pa la/ glu 'dis bskul lo// e ma ho/ stong nyid rnam par dag pa'i klong yangs nas// snyoms pa'i thugs rje 'byung bar mi dmigs kyang// shes rab don dam chos sku
241a1 dag pa las// ma 'gags thabs kyi snying rje nam mkha' ston// hoHzhes bskul to// de nas bcom ldan 'das gsang ba mchog gi bdag po des/ chos thams cad de bzhin nyid mnyam pa chen po
241a2 zhes bya ba'i ting nge 'dzin la snyoms par zhugs pa dang// yum kun tu bzang mos glu 'dis bskul to// e ma ho/ ma ltar byams pa'i snying rje chen po ni// mkha' ltar go yangs 'byed cing kun la khyab// rig
241a3 pa'i snying rje nam mkha'i dbyings rum nas// longs spyod rdzogs pa'i sku mchog bstan du gsol// hoHzhes bskul to// de nas bcom ldan 'das gsang ba gsum gyi bdag po des/ chos thams cad thugs rjes
241a4 kun la khyab pa zhes bya ba'i ting nge 'dzin la snyoms par zhugs so// de nas yang/ yum kun tu bzang mos glu 'dis bskul to// e ma ho// ye shes sku mchog nyi ma lta bu las// sprul pa'i cho 'phrul rdo rje'i gar
241a5 mdzad cing// brjid pa'i sku mchog rdo rje 'bar ba las// thugs rje rol pa'i sku mchog bstan du gsol// hoHzhes bskul lo// de nas bcom ldan 'das gsang ba gsum gyi bdag po des/ chos kyi sku skye ba med
241a6 pa las/longs spyod rdzogs pa'i sku/ mtshan dang dpe byad kyis brgyan pa/ sprul pa'i sku dkyil 'khor thams cad kyi bdag por sku bzhengs pa dang/ yum kun tu bzang mo la slar glu 'dis bskul to// e ma ho nga
241b1 ni rang byung ba'i// rigs kyi rigs te rigs kyis gtso// dkyil 'khor kun gyi byed pa po// sangs rgyas kun gyi bdag nyid yin// zhes gsungs so// de nas yum kun tu bzang mos glu 'dis bskul to// e ma
241b2 ho/bde mchog bde ba yis// byang chub sems ni rab spros pas// thugs bskul rgyud dbyangs dbyings su thim// byang chub sems kyi thig le gsal// hoH/ zhes bskul ba dang/ yab kyis bskul pa/ e ma ho
241b3 sangs rgyas thams cad kyi// yi ge gsang gi phyag rgya'i tshogs// spros pas gsung bskul rang rgyud dang// bsdus pas chos kyi phyag rgya'i don// zhes bskul pas/ yum gyis bskul ba/ e ma ho/ bde gshegs kun
241b4 gyi thugs kyi thugs// rtogs par dka' ba'i snying po'i don// bde gshegs rnams kyi thugs rgyud bskul// 'gro ba kun gyi shes sa 'grol// thugs kyi phyag rgyar bsan pa'o// zhes bskul nas/ yab yum gnyis
241b5 su med pa'i mkha' nas/bde bar gshegs pa'i 'khor rgyal ba rgya mtsho gzhal yas khang dang bcas pa sprul to// de yang bde bar gshegs pa thams cad kyi gnas pho brang lhun gyis grub pa/ rgyu bsod nams dang
241b6 'bras bu ye shes kyi tshogs rdzogs shing/thugs rje chen pos thams cad la khyab pas mtha' dang dbus med pa kun tu rgyas shing/ rgya yongs su ma chad pa/ stong pa nyid dang/ mtshan ma med pa dang/ smon pa med
242a1 pa dang/'dus ma byas pa'i phyir ye shes kyi sgo bzhi dang ldan pa/ rnam par thar pa brgyad kyi ka ba dang bcas pa/ gcig dang du ma dang bral zhing spros pa med pas dkyil 'khor zlum po/ chos kyi
242a2 'khor lo 'gro ba yongs la bskor ba'i phyir/kun gyi pho brang ye shes kyi 'khor lor gnas pa/ yon tan gyi tshogs ma lus pa rgyas shing/ thugs rje'i rlabs dang ldan pas/ ye shes kyi dkyil 'khor las/ 'od
242a3 zer sna tshogs 'phro ba/ye shes chen po mnyam pa nyid las mi 'da' bas tA la'i ljon shing dang/ sems can gyi re ba yid bzhin du skong bas/ dpag bsam shing gis brgyan pa/ thams cad la dbang bsgyur ba'i
242a4 phyir/lha chen po rnams kyis bskor ba/ mi shigs shing mi 'gyur bas rdo rje'i ra ba dang/ nyon mongs pa bsreg pa'i me ri 'bar ba'i ra bas yongs su bskor ba sprul to// de lta bu'i ye shes lnga dang sku
242a5 gsung thugs kyi yon tan bsam gyis mi khyab pa'i gzhal yas khang der/lha thams cad kyi gnas su/ rang bzhin gyi ye nas 'od gsal ba'i nyi zla'i gdan dang/ ma chags pad+ma'i gdan/ sa bon gyi tshul gyis
242a6 'phros par gyur to// khyad par du mi 'jigs pa bzhis bdud bzhi 'joms pa'i rtags su/ dbus su seng ge'i khri dang// stobs bcu dang ldan zhing mi dge ba bcu 'dul ba'i rtags su/ shar du glang po che'i khri
242b1 dang/rdzu 'phrul gyi rkang pa bzhis 'gro ba 'dul ba'i rtags su/ lhor rta'i khri dang/ dbang bcu mthar phyin pas rgyal ba'i rtags su/ nub tu rma bya'i khri dang/ phrin las rnam bzhis 'gro ba 'dul ba'i rtags su/
242b2 byang du shang shang gi khri dag sprul zhing bkod do// der bde bar gshegs pa rigs lnga/ byang chub sems dpa'i tshogs dang bcas pa sprul te/ chos thams cad bdag med pa dang/ byang chub kyi sems dag pa'i
242b3 phyir/de bzhin gshegs pa'i rigs sku mdog dkar po/ de bzhin nyid la cis kyang bsgyur du med pas/ rdo rje rigs sku mdog mthing ga/ yon tan gyi gter zad mi shes shing/ thams cad 'byung gnas yin
242b4 pas/rin po che'i rigs sku mdog gser lta bu/ chos nyid chags pa dang/ chags par bya ba med pas/ pad+ma'i rigs sku mdog dmar po/ phrin las thams cad yongs su rdzogs par bya ba'i phyir/ las kyi rigs
242b5 sku mdog ljang gur gnas pa'o// de bzhin gshegs pa de dag kyang// srin po'i 'khor lo rgyun gcod pas/ de bzhin gshegs pa'i rigs kyi phyag na ye shes kyi 'khor lo/ cis kyang mi shigs shing mi 'gyur
242b6 bas/rdo rje'i rigs kyi phyag na rdo rje/ dgos 'dod kyi re ba skong ba'i rin po che'i rigs phyag na rin po che dang/ 'khor ba'i skyon gyis ma gos pa'i pad+ma'i rigs kyi phyag na pad+ma/ mtha' bzhi gnon pas las kyi
243a1 rigs kyis phyag na rdo rje rgya gram bsnams nas/mnyam pa nyid kyi skyil krung dang/ rdo rje'i skyil krung dang/ rin po che'i skyil krung dang/ pad+ma'i skyil krung dang/ las kyi rigs kyis skyil krung gi
243a2 bzhugs pa/so so rang rang gi gdan gyi steng du sprul to// 'khor gyi byang chub sems dpa' dang sems ma rnams ni/ chos thams cad mnyam pa nyid du sbyor bas/ sems dpa'i skyil krung du bzhugs nas/ rang
243a3 rang gi rigs kyi sku mdog dang phyag mtshan dang rtags rnams so sor 'dzin par sprul to// de dag thams cad kyang/ sku mnyen pa dang/ lhug pa dang/ 'khril ba dang/ ldem pa dang/ gzhon tshul can dang/ gsal
243a4 ba dang/'tsher ba dang/ lhun sdug pa dang/ brjid chags pa dang/ gzhan yang thun mong gi rgyan/ dbu rgyan/ rin po che'i 'phreng ba dang/ me tog gi phreng ba dang/ snyan cha dang/ mgur chu dang/ do shal dang/ so
243a5 mo do dang/phyag gdub dang/ zhabs gdub dang/ dar gyi cod pan dang/ chos gos dang/ stod g.yogs dang/ smad g.yogs dang/ smad dkris dang/ mdzad pa dar gyi gsang gos dang bcas te/ 'od kyi dkyil
243a6 'khor kha dog sna tshogs las/sna tshogs su 'phro ba lta bus brgyan nas phyogs su 'khod do// de ltar bde bar gshegs pa rdo rje'i rigs dang/ rin po che'i rigs dang/ pad+ma'i rigs dang/ las kyi rigs dang/
243b1 de bzhin gshegs pa'i rigs lnga/ so so'i btsun mo dang/ 'khor gyi sems dpa' dang/ sems ma dang/ so so'i 'khor tshogs til gyi gang bu bzhin du bsam gyis mi khyab pa yum kun tu bzang mo'i mkha' nas/
243b2 rang rang gi dkyil 'khor dgu rgyan dang bcas pa thon te/ ye shes rang gnas kyi lha tshogs/ snang la rang bzhin med pa/ lham me lhan ne lhang nger gsal bar gyur to// bde bar gshegs pa thams cad 'dus
243b3 pa'i rgyud las gleng gzhi'i le'u ste dang po'o//// de nas bcom ldan 'das dpal rdo rje sems dpas/ bcom ldan 'das dpal kun tu bzang po la 'di skad ces gsol to// e ma ho bcom ldan gsang
243b4 bdag che// rigs kyi rigs te rigs kyi gtso// dkyil 'khor kun gyi byed pa po// bde bar gshegs pa kun 'dus pa'i// zhi ba dam pa rigs brgya yi// sgrub thabs bdag la bshad du gsol// zhes gsol
243b5 pa dang/bcom ldan 'das dpal kun tu bzang pos bka' stsal pa// nyon cig khyab bdag rdo rje sems// 'du 'dzi spangs pa'i rnal 'byor pas// dam pa rigs brgya bsgrub 'dod pas// bkra shis yid 'ong
243b6 dben pa'i gnas// shar ri dma' la lho ri gzhol// nub ri mtho la byang ri skyob// mdun na me tog snam bu yod// bya rgyal khu byug sgra yang grags// rtse shing me tog yal ga skye// dri zhim spos kyi ngad ldan
244a1 pa// 'dod pa'i longs spyod bsgrub pa'i gnas// der ni zhi ba rigs brgya bsgrub par bya// dkyil 'khor stegs bu gru bzhi la// dri sna lnga yi chag chag gdab// tshon skud sna lnga'i srad bu yis// thig
244a2 ni bcu drug dag tu gdab// de las dkyil 'khor chen po dgu// 'khor lo rtsibs brgyad gru chad dang// bar khyams sgo bzhi ldan pa la// phyi rim bar khyams sgo bzhi dang// rta babs rgyan dang khor yug
244a3 ldan// tshon sna lnga yis legs par bri// de la phyag mtshan yig 'bru'am// yang na sku yi gzugs brnyan dgod// thog mar byang chub sems bskyed de// yan lag bdun gyi tshogs bsags te// ting 'dzin rnam
244a4 gsum rim bsgoms shing// rgyu yi ting 'dzin 'bras bu las// de nyid byang chub sems su gyur// 'byung lnga yum lnga'i dkyil 'khor dag/ byang chub sems las rim bzhin bskyed// phyag rgya'i dkyil 'khor ldan pa
244a5 yang// bde gshegs lha tshogs bcu phrag bcu// phyag rgya thig le ldan par bsgom// rang sems yi ge a dkar nyid// nyi zla pad+ma'i gdan la lhung// spro bsdu las ni 'khor lor gyur// de yi 'phro 'du'i rang bzhin
244a6 las// dkyil 'khor kun gyi gtso bo la// rnam par snang mdzad kun bzang yum// rigs rnams kun gyi bdag por brtag/ mi bskyod pa dang sangs rgyas spyan// rin chen 'byung ldan gos dkar mo// de bzhin
244b1 snang mtha' mA ma kI// 'dod pa'i don grub dam tshig sgrol// rang gi rigs kyi cha bzung ste// 'dud pa'i tshul gyis 'khor du bskyed// cho ga yongs rdzogs de nas ni// kun bzang rdo rje dbyings phyug ma// 'jam
244b2 dpal dang ni rin chen dbyings// spyan ras gzigs dbang pad+ma'i dbyings// rdo rje 'chang dang las dbyings ma// shar lho nub byang go rim bzhin// dkyil 'khor gtso bor bskyed byas te// rdo rje rin chen pad+ma
244b3 dang// sna tshogs rdo rje'i gzugs 'dzin pa'o// sa snying rdo rje sems ma dang// mkha' snying rin chen sems mar bcas// byams pa pad+ma'i sems mar bcas// sgrib sel las kyi sems ma ni// rin chen snye ma za
244b4 ma tog/klu shing pu ti mtshan mar 'dzin// shar lho la stsogs mtshams rnams kyi// dkyil 'khor gyis ni gtso bor brtag/ khyad par so so'i 'khor rnams kun// shar nas bzung ste gong bzhin bskyed// rdo rje
244b5 sems dpa' rdo rje 'dzin// lha mo sgeg pa mo dag dang// rdo rje rgyal po lcags kyu 'dzin// de bzhin bdug pa mo dag dang// rdo rje chags pa mda' dang gzhu// 'dzin cing de bzhin lcags kyu ma// rdo rje legs pa rdo
244b6 rje dag/'dzin mdzad rdo rje me sgron ma// shar gyi dkyil 'khor 'khor lo la// kun tu bzang po'i 'khor du bskyed// rdo rje rin chen rin chen 'dzin// de bzhin du ni phreng ba mo// rdo rje gzi brjid nyi ma'i
245a1 'od// 'dzin par mdzad dang me tog ma// rdo rje rgyal mtshan zhags pa ma// rdo rje bzhad pa so phreng 'dzin// bde ma rlung g.yab 'dzin pa ni// lho phyogs 'jam dpal dkyil 'khor la'o// rdo rje chos
245a2 ni pad+ma 'dzin// dbyangs mkhan pi wang 'dzin ma dang// rdo rje rnon po gcod pa'i gri// 'dzin mdzad rdo rje mar me ma// rdo rje smra ba lce 'dzin cing// rdo rje lcags sgrog thogs ma dang// de bzhin rdo rje 'khor lo
245a3 ni// 'khor lo 'dzin dag gsal bkra ma// rma bya 'dzin pa nub phyogs kyi// spyan ras gzigs dbang 'khor du'o// rdo rje las ni rgya gram 'dzin// de bzhin rdo rje gar bsgyur ma// rdo rje srung ba go cha 'dzin// phyug
245a4 pa spos kyi chu 'dzin ma// rdo rje gnod sbyin zhes bya ba// mche ba 'dzin cing dril 'khrol ma// rdo rje khu tshur 'dzin ma dang// 'bebs ma bum pa'i chu 'dzin rnams// byang gi dkyil 'khor 'khor lo la// phyag na rdo
245a5 rje'i 'khor du'o// rdo rje rgyal mtshan chu srin 'dzin// bde ba rgyas 'debs kha T+wAM ga/ dbang phyug rgyal po lcags kyu 'dzin// bde ba za byed mda' dang gzhu// bkod pa'i rgyan ni me tog 'dzin// bde ba rmongs byed
245a6 phyag rgya bsnol// rin chen 'od 'phro rin chen dang// bde ba tshe 'phel dril 'khrol ma// shar lho mtshams kyi dkyil 'khor du// sa yi snying po'i 'khor du bskyed// snang ba'i 'od ni rdo rje 'dzin// khrus kyi lha mo bum
245b1 pa 'dzin// phyag rgya'i rgyal po mda' gzhu nyid// 'dzin mdzad rgyal mtshan lha mo dang// spos kyi glang po za ma tog/ 'dzin mdzad bla bre'i lha mo dang// spobs brtsegs kun 'dren lcags kyu ni// 'dzin dang
245b2 gdugs kyi lha mo rnams// lho nub mtshams kyi dkyil 'khor du// nam mkha' snying po'i 'khor du'o// pad+ma'i rgyal po pad+ma 'dzin// lha mo pad+ma dpal be'u ste// pad+ma dam pa kha phye ba'o// lha mo 'jigs byed 'khor lo
245b3 'dzin// rdo rje mi g.yo po ti 'dzin// skyon bral phyag na pad+ma'o// thogs med rgyal po lcags kyu dag/ 'dzin mdzad rnam rgyal lha mo ni// rgyal mtshan thogs pa nub byang gi// byams pa'i 'khor du bskyed par
245b4 bya// rin chen dpang sdud rin po che// lha mo skyab can gdugs 'dzin cing// grub pa'i las kyi rgya gram gyis// rin chen 'dzin cing lha mo ni// dri med ma yi bum pa 'dzin// dga' ston me long rgya gram 'dzin// lha
245b5 mo sgra sgrogs dung 'bud pa'o// mi g.yo'i mtha' ni bsam gtan mdzad// lha mo thogs med gser nya 'dzin// byang shar mtshams kyi dkyil 'khor du// sgrib pa rnam sel 'khor du bskyed// sems dpa'i dkyil
245b6 'khor 'di dag kun// gtso bo rigs kyi mdog yin te// dkyil 'khor bye brag re re la// rigs kyi sku mdog so sor bsgom// dkyil 'khor phyi yi bar khyams la// shar stod lha yi thub pa ni// dkar po pi wang
246a1 'dzin pa bskyed// shar smad lha min thub pa ni// sngon po phyag na go mtshon bsnams// lho phyogs mi yi thub pa ni// ser po gser shang par bu 'dzin// nub stod byol song thub pa ni// nag po po ti
246a2 'dzin par byed// nub smad yi dwags thub pa ni// dmar po rin chen sgrom bu 'dzin// byang du dmyal ba'i thub pa ni// ljang gu me dang chu bsnam pa'o// shar sgor rdo rje lcags kyu ma// lho sgor rdo rje zhags pa
246a3 ma// nub sgor rdo rje lcags sgrog ma// byang du rdo rje dril 'khrol ma// rigs kyi mdog dang ldan pa ni// so so'i gnas su bskyed par bya// de ltar bde gshegs thams cad kyi// sku bskyed de nas spyan drangs
246a4 la// bzhugs su gsol te phyag kyang 'tshal// phyi nang mchod pa ci 'byor dbul// bstod de gsol ba gdab nas ni/ sngags kyi bzlas pa'i 'phro 'du bya// A+oM A li kA li dz+nyA na pany+tsa sa twa kro ta mu na ye swA hA/ thog
246a5 mtha' A+oM dang phaT bzhag nas// bar na yig 'bru bcu bzhi gnas// dam pa rigs brgya 'dus pa'i sngags// thams cad 'grub par byed pa yin// sku gsung thugs kyi dngos grub 'thob// phyogs bcu dus
246a6 gsum bde gshegs rnams// nges don dam pa rigs brgyar 'dus// bde gshegs kun gyi dngos grub 'thob// ces gsungs so// bde bar gshegs pa thams cad 'dus pa'i rgyud las/ dam pa rigs brgyar
246b1 sgrub pa'i thabs bstan pa'i le'u ste gnyis pa'o//// de nas dpal rdo rje sems dpas yang zhus pa// kye ma gsang bdag kun tu bzang// gdul bya 'dod chags can dag la// bde gshegs sangs rgyas
246b2 bzhi bcu gnyis// ye shes bskyed pa'i sgrub thabs gang// bcom ldan 'das kyis bka' stsal pa// zhi ba sangs rgyas bzhi bcu gnyis// rnal 'byor skal ldan bsgrub 'dod na// dben zhing dgon pa'i gnas dag
246b3 tu// dkyil 'khor 'khor lo rtsibs bzhi la// rin chen ka ba brgyad kyis mdzes// lhag pa'i ye shes glo bur can// khyams dang sgo khyud rnam par mdzes// dbus su pho brang zlum po la// chu shel dag la hUM gnas
246b4 pa// dmigs pa'i rten du mkhas pas bzhag/ ras bal stan la 'dug nas ni// shar gyi phyogs su kha bltas te// yul gsum gsal bar gyur pa dang// rin chen 'bar ba'i gzhal yas khang// phyi nang med
246b5 par kun tu gsal// seng+ge glang chen rta dang khyung// nam mkha' lding gi khri steng na// nyi zla pad+ma rin po cher// rnam snang rdo rje sems dpa' dang// rin chen 'byung ldan snang mtha' yas// don yod grub pa rigs
246b6 mchog lnga// kun bzang yab yum 'dod las chags// sems dpa' sems ma mchod tshul can// sa snying nam mkha'i snying po dang// spyan ras gzigs dbang kun tu bzang// dung ltar dkar ba de dag
247a1 kyang// rin chen myu gu ral gri dang// pad+ma rin chen snye ma 'dzin// phyag na rdo rje dril 'dzin ljang// byams pa dmar skya g+hu d+he'o// sgrib sel mdog sngon po ti 'dzin// 'jam dpal dkar ljang ut+pa
247a2 la// lA s+ye sngon mo me long 'dzin// mA le ser mo rin chen phreng// pi wang rgyud 'dren gIrti dmar// nirti ljang gu cod pan 'chang// me tog ma dang bdug pa'o// mar me dag byed dri chab ma// gnyis med dbyings
247a3 kyi ngang du 'khril// thub drug ta kr-ita sgo ba brgyad// thod dbyug rnam rgyal gshin rje gshed// stobs chen rdo rje rtse gsum mo// rta mgrin thod sprul pad+ma 'chang// sna tshogs rdo rje bdud rtsi 'khyil// ro langs mi pham
247a4 ral gcig ma// khro gnyer ma ste yum 'di dag/ lcags kyu zhags pa lcags sgrog dril// rim bzhin thogs pa phyogs kyi mdog/ 'od zer 'bar ba'i tshogs chen po// 'bar ba'i phreng bas 'khrigs pa'i
247a5 'od// zhi ba'i tshul dgu bstan pa yis// chags pa can la dngos grub ster// A+oM bo d+hi tsit+ta ma hA su kha dz+nyA na d+hA tu a/ thog mtha' oM dang AHbzhag nas// bar na bcu gnyis grangs mdzes pa// bzhi bcu rtsa gnyis
247a6 snying po yin// de nas stong nyid yin shes ni// rang gi sems su rnam par brtag/ rtag pa'i spyod lam la zhen pa// snang la ma zhen sgyu mar gnas// dag pa'i yul du longs spyod byed// rang gi sems las byung
247b1 bar rdzogs// rnal 'byor yo byad rnam gnyis so// rang las byung zhing rang las spyod// des na rnal 'byor dbang phyug che// gsang ba'i sgra gsum sod pa dang// 'jigs pa'i bdud bzhi chom gyur nas// 'gro drug
247b2 g.yang sa chod pa yi// tshad dang ldan par gyur pa na// sangs rgyas bzhi bcu rtsa gnyis brtag/ bde gshegs kun gyi ngo bo ste// rang las byung zhing rang las grol// zhes gsungs so// bde bar gshegs pa thams
247b3 cad 'dus pa'i rgyud las/zhi ba bzhi bcu rtsa gnyis sgrub pa'i thabs kyi le'u ste gsum pa'o//// rdo rje sems dpas yang zhus pa// e ma spyi dpal kun tu bzang// de nyid rigs lnga sgrub pa'i thabs// nyon
247b4 mongs rnams kyis gnyen po che// legs pa nyid du bshad du gsol// spyi dpal chen pos bka' stsal pa// de nyid rigs lnga bsgrub 'dod pas// yid 'ong dben pa'i sa phyogs su// maN+Dal byi dor gnas nas
247b5 su// bdud rtsi rnam lngas chag chag gdab// dpa' bo 'bru lnga'i dmigs rten dgod// yul gsum gsal bar gyur pa dang// dkyil 'khor 'khor lo rtsibs bzhi la// gru chad sgo bzhi rgyan gyis mdzes// phyi nang
247b6 med par kun tu gsal// seng+ge glang rta rma bya khyung// nyi zla pad+ma'i gdan stengs su// dbus su rnam par snang mdzad de// shar du rdo rje sems dpa' la// lho ru rin chen 'byung ldan yin// nub tu snang ba mtha' yas
248a1 so// byang du don yod grub pa ste// rang rang rigs kyi kha dog la// 'khor lo de bzhin rdo rje dang// rin po che dang pad+ma dang// ral gri g.yas ni rim bzhin 'dzin// g.yon pa kun ni dril bu
248a2 bsnams// yum rnams yab dang gnyis med 'khril// de ltar brtan pa thob pa dang// gsang ba'i snying po lnga yis sbyangs// oM oM hUM swA AHhA yang byung hUM trAM hrIHa// phyogs bcu'i sangs rgyas thams cad ni// don mtshon
248a3 rgyal ba rigs lngar 'dus// rigs lnga dbang po 'bru lngar 'dus// 'bru lnga yi ge ar 'dus shing// de nyid skye med klong du thim// bde gshegs dgongs bcud nges don 'dis// sku lnga ye shes rnam lnga
248a4 yis// dngos grub dam pa 'thob par 'gyur// zhes gsungs so// bde bar gshegs pa thams cad 'dus pa'i rgyud las/ de kho na nyid rigs lnga sgrub pa'i le'u ste bzhi pa'o//// rdo rje sems dpas yang
248a5 zhus pa// spyi dpal chen po kun tu bzang// bde bar gshegs pa kun 'dus pa'i// gsang chen rigs gcig sgrub pa'i thabs// legs pa nyid du bshad du gsol// spyi dpal chen pos bka' stsal pa// nyon
248a6 cig rdo rje sems dpal che// gsang chen rigs gcig bsgrub 'dod pas// phun sum tshogs pa'i gnas dag tu// dkyil 'khor byi dor byas nas ni// dri zhim spos kyis chag chag gdab// mthing ga hUM yig
248b1 dmigs pa'i rten// yul gsum gsal bar gyur pa dang// bdag nyid rdo rje sems dpa' ni// sku mdog dkar po shel ltar dwangs// g.yas pas rdo rje thugs kar 'dzin// g.yon pas dril bu dgu la
248b2 brten// nyi zla pad+ma'i gdan la bzhugs// rgyan dang cha lugs ldan par bsgom// de yi spyi bo mgrin pa dang// snying ga gnas ni gsum po ru// 'khor lo pad+ma rdo rje'i steng// A+oM dang AH dang hUM dag gis// yig
248b3 'bru gsum gyi 'phro 'du yis// bde gshegs sku gsung thugs bskul zhing// khams gsum sems can thams cad kyi// sgrib pa rnam gsum sbyang phyir bzlas// phyogs bcu'i sangs rgyas de bzhin
248b4 gshegs// rigs brgya rigs lnga ji snyed rnams// gsang chen rigs gcig 'di la 'dus// snying po yi ge 'bru gsum gyis// sku gsung thugs kyi dngos grub 'thob// zla gcig zla drug bcu gnyis kyis// lhun
248b5 gyis grub pa'i sa la sbyor// gdeng chen thob pa zla ba gcig/ brtan pa thob par zla ba drug/ stobs su gyur pa bcu gnyis yin// mthun par kun la spyod la 'jug/ dngos grub 'thob par gdon mi za// zhes
248b6 gsungs so// bde bar gshegs pa thams cad 'dus pa'i rgyud las/ gsang chen rigs gcig sgrub pa'i thabs kyi le'u ste lnga pa'o//// rdo rje sems dpas yang zhus pa// e ma spyi dpal kun tu
249a1 bzang// rigs lnga'i bye brag de dag rnams// rnam par phye ste bsgrub pa gang// phyi ma'i don du rim bzhin gsungs// kun tu bzang pos bka' stsal pa// nyon cig rdo rje sems dpa' che// rnam par
249a2 snang mdzad de bzhin gshegs// de bzhin rigs mchog bsgrub 'dod pas// hUM chen gser gyi mdog 'dra ba// de bzhin rigs kyi sa bon te// sna yi rtse la gtad par bya// dmigs pa yul gsum gsal ba
249a3 dang// mkhas pa rnam par snang mdzad nyid// sku mdog dkar po 'od zer 'bar// gsal 'tsher lhun sdug gzi byin 'bar// phyag na gser gyi 'khor lo bsnams// glang chen seng yin nam bsnol ba'i gdan la
249a4 bzhugs// de ltar gsal zhing brtan pa des// gsang ba'i dgra gsum sod pa dang// 'jig pa'i bdud bzhi chom ma chom// 'gro drug g.yang sa chod ma chod// tshad dang ldan nam mkhas pas brtags// tshad dang
249a5 ldan par gyur pa na// rnam par snang mdzad nyid du brtag/ ces gsungs so// de bzhin rigs mchog bsgrub pa'o// rdo rje sems dpa' de bzhin gshegs// rdo rje'i rigs mchog bsgrub 'dod pas// tshon gang hUM
249a6 yig shel gyi mdog/rdo rje rigs kyi sa bon te// sna yi rtse la gtad par bya// de la dmigs pa gsal brtan nas// yul gsum gsal bar gyur pa dang// mkhas pas rdo rje sems dpa' nyid// sku mdog
249b1 mthing ga 'od chen 'bar// g.yas g.yon rdo rje dril bu bsnams// glang chen bsnol ba'i gdan la bzhugs// de ltar gsal zhing brtan pa des// tshad dang ldan par gyur pa na// mkhas pas rdo rje sems dpar
249b2 brtag/ces gsungs so// rdo rje rigs mchog bsgrub pa'o// rin chen rigs mchog de bzhin gshegs// rin chen 'byung ldan bsgrub 'dod pas// hUM chen btso ma gser gyi mdog/ rin chen rigs kyi sa bon
249b3 te// sna yi rtse la gtad par bya// de la dmigs pa gsal brtan nas// yul gsum gsal bar gyur pa dang// mkhas pas rin chen 'byung ldan nyid// sku mdog ser po 'od zer 'bar// phyag gnyis rin chen
249b4 dril bu 'dzin// shugs 'chang rta yi khri la bzhugs// de ltar gsal zhing brtan pa des// tshad dang ldan par gyur pa na// rin chen 'byung ldan nyid du brtag/ ces gsungs so// rin chen rigs mchog 'grub
249b5 pa'o// pad+ma rigs mchog de bzhin gshegs// snang ba mtha' yas bsgrub 'dod pas// dmar po hUM gi ngo bo las// pad+ma rigs kyi sa bon te// sna yi rtse la gtad par bya// de la dmigs pa rab brtan
249b6 nas// yul gsum gsal bar gyur pa dang// mkhas pas snang ba mtha' yas nyid// sku mdog dmar la 'od zer 'bar// phyag gnyis pad+ma dril bu bsnams// rma bya bsnol ba'i gdan la bzhugs// de ltar
250a1 gsal zhing brtan pa des// tshad dang ldan par gyur pa na// snang ba mtha' yas nyid du brtag/ ces gsungs so// pad+ma rigs mchog bsgrub pa'o// las kyi rigs mchog de bzhin gshegs// don
250a2 yod grub pa bsgrub 'dod pas// ljang gu hUM gis sa bon las// las kyi rigs kyi sa bon te// sna yi rtse la gtad par bya// de la dmigs pa rab brtan nas// yul gsum gsal bar gyur pa dang// mkhas pas
250a3 don yod grub pa nyid// sku mdog ljang gu 'bar ba la// g.yas pas rgya gram g.yon dril bu// gsal 'tsher lhun sdug gzi byin 'bar// mkha' lding shang shang khri steng na// nyi zla pad+ma'i gdan la bzhugs// de
250a4 ltar gsal zhing brtan pa des// tshad dang ldan par gyur pa na// don yod grub pa nyid du brtag/ ces gsungs so// las kyi rigs mchog bsgrub pa'o// bde bar gshegs pa thams cad 'dus pa'i rgyud las/
250a5 zhi ba phyag rgya rkyang par bsgrub pa'i le'u ste drug pa'o//// zhi ba'i skabs te dang po'o// de nas dpal kun tu bzang po de// chos thams cad stong pa chen po/ sku gsung thugs mi dmigs pa mnyam pa nyid kyi
250a6 ngang la bzhugs pa la/yum kun tu bzang mo skad cig gis/ gsang ba'i yum khro mo gnam zhal mar gyur nas/ gsang ba'i glu 'di blangs te bskul to// ho yod med stong pa shin tu rnal 'byor mthus// chos
250b1 kyi dbyings las dam tshig nye bar bzhengs// ye shes rgya mtsho rnam par grol ba'i klong// mi gnas mi dmigs chos kyi dbyings nas bzhengs// zhes bskul bas/ dpal kun tu bzang po stong pa nyid kyi ngang las/
250b2 che mchog he ru ka'i sku mngon par phyung nas/ gsang ba'i yum gnam zhal ma la gzigs te/ rol pa'i chos sna tshogs mdzad do// de nas yum gyi rol pa chen po'i glu 'dis gsol ba btab bo// tshogs chen
250b3 gnyis rdzogs don dam dbyings kyi lha// longs spyod rdzogs mdzad rol pa chen po yis// che mchog he ru ka bzang dpal chen khyod// thabs kyi rol pas bde chen dbyings nas bzhengs// zhes bskul bas/ cho
250b4 'phrul chen po'i rnam pas kun la khyab par mdzad do// de nas yang/ yum gyis yab la cho 'phrul 'byung ba'i glu 'dis gsol ba btab bo// ho ye shes sgyu ma rnam par rol pa'i sku// thabs dang shes rab che la
250b5 mnga' brnyes pa'i// thugs rje'i sprul pa mang po 'byung ba'i gnas// bde gshegs bde bar gshegs mdzad sku bzhengs shig/ ces bskul bas/ dpal chen po 'jigs byed 'bar ba'i skur bzhengs so// de
250b6 nas yum kun tu bzang mo 'khor dang bcas pa de dag thams cad kyis mgrin gcig tu glu 'dis bskul te gsol ba btab bo// e ma ho yid bzhin sku mchog nyi ma lta bu las// byams pa'i byin rlabs che
251a1 mchog gar mdzod cig/gzi byin sprin phung rol pas bsgyings pa'i sku// thogs med che mchog rol pa'i cho 'phrul ston// e ma ho yid bzhin gsung mchog nyi ma lta bu las// bsnyen pa'i byin
251a2 rlabs che mchog brjid mdzod cig/yan lag rgya mtsho mi mdzad bkod pa'i gsungs// seng+ge'i sgra yis gsang sngags rgya mtsho ston// e ma ho ye shes snying po nyi ma lta bu las// ye shes byin rlabs che mchog de
251a3 mdzod cig/thig le spros bral rnam par mi rtog thugs// rnam grol de nyid nges pa'i cho 'phrul ston// mi shes blun rmongs 'dam byings 'khor ba rnams// sdug bsngal rgya mtshor bcings pa thabs kyis grol// ma
251a4 rig mun pas ldongs pa don gyis phye// 'khor ba'i rgya mtsho rol pa'i rlung gis sgrol// nad dang mthun pa'i sman btang ji bzhin du// gdul bya'i don du sku bzhengs 'gro ba sgrol// zhes bskul lo// de nas
251a5 'jigs byed chen po dpal chen he ru kas/chos nyid gdal ba chen po'i ngang// kun gzhi ye nas 'das pa'i dbyings nyid las/ skye ba'i cho 'phrul du ye shes lnga'i rang bzhin/ yum gyi mkha' klong rnam par dag
251a6 pa 'byung ba rnam pa lnga brtsegs pa ni/e yaM ra suM keM raM/ kun stong nam mkha'i rang bzhin yi ge e yis mtshan pa dang// 'jig rten 'degs byed rlung gi dkyil 'khor yaM gis mtshan pa dang/ thams cad skyed
251b1 byed khrag gi rgya mtshor yis mtshan pa la 'dod khams gnas ris nyi shu rdzogs par gsal/'degs byed brtan pa'i zhing chen gyi sa gzhi sum gyis mtshan pa la gzugs khams gnas ris bcu bdun rdzogs par
251b2 gsal ba// 'byung ba drod snyoms bskal pa'i me ri ram gyis mtshan pa dang/ 'jig rten rten byed kyi ri rab keM gyis mtshan pa la/ gzugs med skye mched mu bzhi rdzogs par gsal ba/ keng rus ri rab chen po'i
251b3 kha bad la/rin po che mu tig 'bar ba bkram pa la/ nyan thos kyi theg pa yongs su rdzogs pa/ rin po che asma gar b+ha 'khrigs pa la/ rang sangs rgyas gyi theg pa yongs su rdzogs pa/ nor bu rin po che 'bar
251b4 ba'i brag gtams pa la/byang chub sems dpa'i theg pa yongs su rdzogs pa/ de lta bu'i steng na ye shes lnga dang ldan pa b+han+d+ha 'bar ba'i gzhal yas khang/ mtha' dbus med par kun tu khyab pa/ tA la'i skyed shing
251b5 dang gser gyi cong cong 'khrol ba/dkyil 'khor chen po theg pa yongs su rdzogs pa dgu dang ldan pa/ brjod par dka' ba'i dur khrod chen po/ rak+ta'i rba klong 'khyil ba/ rus pa'i phung po 'khrol ba/ khrag
251b6 zhag gi zham chu 'bab pa/b+han+d+ha gsar rnying brtsegs pa/ lha chen po tshangs pa'i ka gdung/ lha bran gyi dral grab/ zhing gi rkang rtsib kyi dral bu/ zhing lpags kyi thog phub pa/ zhing chen rlon pa'i 'phan gdugs/ rgyu ma'i lda
252a1 ldes brgyan pa/dra ba dang dra ba phyed pa dang/ rta babs chen po bzhi pa/ dur khrod kyi me ri dmar nag dang/ rdo rje'i ra bas bskor ba la/ sngags kyi theg pa yongs su rdzogs pa/ dbus kyi pho brang rdo
252a2 rje'i brag chen gtams pa la/pad+ma dmar po 'dab ma stong du ldan pa la/ rnal 'byor gsum gyi theg pa yongs su rdzogs pa/ de ltar ma chags pad+ma 'bar ba'i khar/ thabs dang shes rab nyi zla'i steng du/ lha
252a3 brgyad klu brgyad bsnol ba'i gdan la/byol song gtso bo brgyad kyi khri bshams pa ni/ dpa' gtum chen po stag gi khri dang/ 'jigs byed chen po seng+ge'i khri dang/ gdug pa chen po gzig gi khri dang/ gtum pa
252a4 chen po dom gyi khri dang/stobs kyi rgyal po glang po che'i khri dang/ brjid pa'i rgyal po ma he'i khri dang/ 'jigs par byed pa chu srin gyi khri dang/ zhe sdang gi rgyal po sbrul gyi khri ste/ khyad par ngo mtshar rmad du byung ba'i
252a5 byol song chen po brgyad kyi khri steng du/srid pa'i 'khor lo log pa'i lam gyi dra ba gcod pa'i 'khor lo'i gdan la/ chos kyi sku las longs spyod rdzogs pa'i sku dpal che mchog he ru ka zhes bya ba/ dbu nyi shu rtsa
252a6 gcig dus gsum gyi sangs rgyas kyi sa rnams yongs su gnon pa/phyag bzhi bcu rtsa gnyis kyi g.yas dang g.yon zhi ba'i lha bzhi bcu rtsa gnyis/ yab yum thabs dang shes rab kyi tshul du bsnams pas/ sangs
252b1 rgyas thams cad kyi yang rje bor gyur pa/rgya bye chen po lcags kyi chas dang/ bse khrab dbang gi chas dang/ gcan gzan gzig gi chas dang/ sprul pa rdo rje chas dang/ bdug pa sbrul gyi chas dang/ dbang po stag
252b2 gi chas dang/gzi mdangs zhing lpags kyi chas dang/ dmar gsal khrag gi chas dang/ rtsal chen seng+ge'i chas dang/ gtum pa dom gyi chas te/ dpal gyi chas bcus brgyan pa'i skur yongs su bzhengs so// de
252b3 ltar 'jigs byed chen po'i sku dang gzhal yas khang la chos thams cad yongs su rdzogs pa la yum dang 'khor rnams kyis 'di skad ces bstod do// e ma ho/ chos kun sku la yongs rdzogs chos kyi sku// sprin med
252b4 mkha' la skar tshogs brgyan pa'i sku// rdzogs pa chen po'i che mchog he ru ka/ rdo rje phyag 'tshal he ru ka dpal la'o// zhes bstod pas/ yab che mchog gis yum khro mo gnam zhal ma la dgyes pa chen po'i
252b5 mdangs kyis gzigs te/yum gyis sku la dgyes pa'i mchod pa phul bas/ yum gyi mkha' las byang chub kyi sems kyi 'od zer las/ sprul pa'i khro bo bsam gyis mi khyab pa phyogs bcu thams cad du 'phros pas/
252b6 'jig rten gyi dregs pa can lha chen po nyi shu rtsa gcig las stsogs pa thams cad bsgral te/ btul zhing tshar bcad nas/ slar phyogs mtshams brgyad du 'dus pa las/ shar du thugs las sprul pa badzra he ru ka
253a1 zhes bya ba dang/lhor sku las sprul pa'i gshin rje gshed po zhes bya ba dang/ nub tu gsung gi sprul pa dpal rta mgrin dang/ byang du phrin las kyi sprul pa rdo rje gzhon nu dang/ shar lhor brjid pa'i
253a2 stobs can bla med he ru ka dang/nub byang du 'jigs pa'i stobs can dregs pa kun 'dul ba dang/ byang shar du gyad kyi stobs chen gyi sprul pa stobs ldan nag po dang/ lho nub rig 'dzin rdo rje chos las
253a3 stsogs/so so'i 'khor tshogs yum dang bcas pa 'dus te/ khams gsum srid gsum thams cad 'jigs par byed pa khro bo'i tshogs pho brang dgu dang bcas pa/ yab yum gyi mkha' las sprul te gsal bar
253a4 gyur to// bde bar gshegs pa thams cad 'dus pa'i rgyud las/ khro bo mngon byung gi dkyil 'khor sprul pa'i le'u ste bdun pa'o//// de nas rigs bzhi'i he ru kas/ dpal chen po la phyag dang bskor ba
253a5 byas te zhus pa/e ma spyi dpal he ru ka/ sangs rgyas kun gyi yang rje bo// shin tu khro zhing gtum pa yi// gdug byed log lta can rnams la// zhi bas phan par mi 'gyur te// sangs rgyas thugs rje khros pa
253a6 yis// 'khor ba'i gnas ngan ji ltar 'dul// dpal chen yab kyis bka' stsol cig/ de skad gsol pa gsan nas kyang// che mchog yab kyis bka' stsal pa// nyon cig rigs bzhi'i he ru ka/ dregs pas
253b1 khengs pa'i rU tra rnams// zhi bas thul bar ma gyur nas// sangs rgyas thugs rje khros pa ni// thams cad 'jigs pa'i mchog yin te// 'jigs byed chen po'i dkyil 'khor du// bka' bzhin du ni bsgrub par
253b2 bya// gang zhig khro bo bsgrub pa'i gnas// dur khrod chen po rab 'jigs pa// gnam sa gru gsum bar gnas pa// ri ni sog po khros pa 'dra// shing dang gcan gzan rgyu ba'i gnas// rab tu 'jigs pa'i gnas
253b3 de ru// dur khrod sa la maN+Dal bya// bdud rtsi lnga yis chag chag gdab// ba su ta yi skud pa yis// thig ni bcu drug dag tu gdab// de las dkyil 'khor chen po dgu// kun kyang 'khor lo rtsibs bzhi la// gru
253b4 chad bar khyams sgo bzhir ldan// de dag phyi khyams sgo rnams dang// sgo rgyan lcags ri ldan pa ni// tshon sna lnga yis legs par bri// dur khrod rgyan dang mchod pa'i tshogs// dkyil 'khor rgyan rnams legs par
253b5 dgod// rdul tshon dkyil 'khor de dag kyang// so so'i lha tshogs ldan par bsgom/ khyad par byol song khri steng du// ye shes sems dpa' 'bab gyur te// spro bsdu cho ga gsum sbyor bas// bdag nyid che mchog
253b6 he ru ka/sku mdog smug nag 'bar ba la// 'jigs pa'i dbu ni nyi shu gcig/ bde gshegs zhi ba bzhi bcu gnyis// phyag tu bsnams nas zhabs brgyad bgrad// dur khrod 'jigs pa'i chas kyis brgyan// rngam
254a1 brjid skur bskyed mnyes pa'i yum/khro mo gnam zhal dbyings phyug ma// dbu dgu phyag kyang bco brgyad de// stong pa bco brgyad dbyings dang sbyor// g.yas pa thabs mchog gtso la 'khyud// g.yon
254a2 pa dung khrag stob byed pa'i// yab yum gnyis med sbyor byas te// mkha' las khro bo 'chol bar spro// slar yang khro bo'i sprin bsdus nas// phyogs bzhi mtshams bzhir 'dus pa las// so so'i dkyil 'khor gtso
254a3 bor bskyed// rang rang rigs kyi 'khor rnams kun// gsal zhing ma 'dres rdzogs par dgod// dbus kyi dkyil 'khor chen po ru// gtso bo che mchog yab yum la// che mchog rigs bzhi yab yum
254a4 dang// dregs pa 'dul byed khro bo bcu// ta kr-ita sgo ba bzhi dang bcas// shar gyi dkyil 'khor chen po ru// badzra he ru yab yum la// rigs bzhi khrag 'thung yab yum dang// kau ri ma brgyad phra men ma// gdong
254a5 mo sgo ma bzhi dang bcas// lho yi dkyil 'khor chen po ru// gshin rje gshed po yab yum la// gshin rje gshed bzhi yab yum dang// phyogs skyong gshin rje pho mo dang// gshin rje'i sgo ba bzhi dang bcas// nub
254a6 kyi phyogs kyi dkyil 'khor du// gtso bo rta mgrin yab yum la// bka' nyan phra men sprul pa dang// zil gnon khro brgyad yab yum dang/ pad+ma'i sgo ba bzhi dang bcas// byang gi dkyil 'khor chen po ru// rdo rje
254b1 gzhon nu yab yum la// sra mchog rigs kyi phur pa bzhi/ khro bo bcu dang de yi yum// za byed bcu dang gsod byed de// phur pa'i sgo ba bzhi dang bcas// shar lho mtshams kyi dkyil 'khor du// bla med he ru yab
254b2 yum la// rtag pa'i rgyal mo rnam pa lnga// ye shes las kyi rje mo dang// srid pa'i sman mor bcas pa dang// nub byang dkyil 'khor chen po ru// dregs pa kun 'dul yab yum la// dregs pa'i tshogs kyis bskor
254b3 ba dang// byang shar mtshams kyi dkyil 'khor du// dpal chen stobs ldan yab yum la// sngags bdag 'khor gyis bskor bar byed// lho nub mtshams kyi dkyil 'khor du// rig 'dzin phyag na rdo rje la// sgrub
254b4 pa'i rig 'dzin brgyad dang bcas// dkyil 'khor phyi yi khyams la ni// dbang mo nyi shu rtsa brgyad dang// phyi yi lcags ri dur khrod la// mkha' 'gro sum cu rtsa gnyis dang/ ging chen bco brgyad lang ka dang// ma
254b5 bdun sring bzhi'i 'bar ma brgyad// sa bdag mo ni sum cu gnyis// pho nya drug cu rtsa bzhi dang// 'bum phrag yangs pa'i mkha' 'gro dang// dpal gyi bka' nyan thams cad dgod// de ltar ting 'dzin lha yi
254b6 tshogs// sku bskyed spyan drang bzhugs su gsol// gus pa'i sgo nas phyag 'tshal te// mchod cing bstod la phrin las bcol// tshogs dang lhag ma'i mchod pas mchod// sngags kyi bzlas pa 'phro 'du bya// A+oM badzra
255a1 tsan d+ha sarba duSh+taM ta ka ha na da ha pa tsa hUM phaT// thog mtha' A+oM dang phaT bzhag nas// bar na grong khyer bcu bdun gnas/ khro bo spyi yi snying po yin// sngags kyi dngos grub 'thob par byed// ces
255a2 gsungs so// bde bar gshegs pa thams cad 'dus pa'i rgyud las/ khro bo 'jigs byed chen po'i dkyil 'khor yang dag par spros pa'i le'u ste brgyad pa'o//// de nas dkyil 'khor de dag gi/ bsgrub pa
255a3 bsdus pa yang dag bshad// dben zhing dgon pa'i gnas de ru// bsgrub pa'i dkyil 'khor zhal phyes la// sngon du 'gro ba'i las rnams bya// de nas bskyed pa'i don la 'jug/ dang po de bzhin nyid kyi
255a4 dbyings// gnyis pa kun tu snang ba'i ngang// rgyu yi ting 'dzin rim pa las// 'byung ba lnga yi dkyil 'khor brtseg/ de steng b+h+ruM las gzhal yas khang// rigs rnams so so'i dkyil 'khor kun// kun kyang 'khor
255a5 lo rtsibs brgyad bcas// phyi rol khyams chen gcig nyid la// sgo bzhi rgyan dang dur khrod dang// rdo rje'i ra ba me 'od kyi// rim pa dag gis yongs su bskor// de nas gdan gyi dbye ba ni// dregs pa 'gro drug
255a6 byol song ste// dkyil 'khor de yi dbus su gding// rgyu yi ye shes sems dpa' las// cho ga gsum gyi sbyor ba yis// che mchog he ru'i sku bskyed bya// dbu dgu phyag ni bco brgyad pa// zhabs kyang rnam par
255b1 brgyad du bgrad// rtsa ba'i zhal gsum mthing nag rngams// lhag ma sna tshogs pa yi mdog/ rdo rje kha T+wAM rnge'u chung dang// 'khor lo rin chen pad+ma che// ral gri dgra s+t+wa zhags pa ni// g.yas pa'i phyag tu rim shes
255b2 bya// b+han dmar zhing dbyug thog gshol dang// nyi ma zla ba ri rab dang// chu me rlung gi dkyil 'khor rnams// de bzhin g.yon pa'i phyag na'o// gnam zhal shes rab dgyes par 'khril// dur khrod chas kyis sku
255b3 brgyan cing// 'bar ba'i gar dgur ldan par bskyed// yab yum gnyis med byin rlabs las// mkha' las khro bo 'chol par spro// slar 'dus dkyil 'khor brgyad pa dgod// gtso bo rnams kyi skur brtag
255b4 bya// byang chub sems kyi 'od zer dang// so so'i sngags kyi phreng ba las// dkyil 'khor lha tshogs spro bar bya// gtso bo che mchog yab yum la/ dregs pa phyogs skyong 'dul byed bcu// badzrahe ru yab yum
255b5 la// kau ri phra men brgyad rnams sprau// 'jam dpal gshin rje yab yum la// phyogs skyong bcu gnyis yum dang bcas// pad+ma dbang chen yab yum la// zil gnon khro bo yab yum brgyad// rdo rje gzhon nu yab
255b6 yum la// 'jigs byed khro bo khro mor bcas// bla med he ru yab yum la// ye shes rje mo bcu bzhi'o// dregs pa kun 'dul yab yum la// dregs pa dbang chen sde brgyad bcas// stobs ldan nag po yab yum
256a1 la// drag po sde brgyad 'khor gyis bskor// drug pa rdo rje 'dzin pa la// grub pa'i rig 'dzin rnam pa brgyad// phyi khyams dbang phyug nyi shu brgyad// phyi yi lcags ri khor yug la// mkha' 'gro ging
256a2 dang lang ka dang// ma sring 'bar ma pho nya dang// mkha' 'gro 'bum phrag yangs pa dang// rang bzhin dpal gyi bka' sdod pa'o// de ltar ngo bo gsal bskyed nas/ sku dang gsung thugs byin brlabs shing// ye
256a3 shes lnga yi dbang bskur la// rang bzhin gnas nas spyan drangs te// mchod bstod phrin las bcol bar bya// yang na chos nyid de bzhin nyid// ma bcos rang gsal ngang la bzhag/ yang dag pa yi lam 'di
256a4 la// gang dag 'jug dang mos pa de// lhun gyi grub pa'i las la sbyor// tshe gcig nyid la the tshom med// bde bar gshegs pa thams cad 'dus pa'i rgyud las/ sgrub pa yang dag par bsdus pa'i le'u ste dgu
256a5 pa'o//// de nas yang dag de nyid don// shin tu bsdus te bshad par bya// phun sum tshogs pa'i gnas de ru// 'du 'dzi spangs pa'i rnal 'byor pas// sngon du 'gro ba'i las byas nas// ting nge 'dzin gyi bye
256a6 brag dang// 'byung ba yum lnga'i dkyil 'khor dang// keng rus ri rab rtse brgyad par// dur khrod 'bar ba'i gzhal yas khang// tshom bu dgu yi dkyil 'khor bsgom// dregs pa nyi zla pad+ma'i gdan// kun la khyab
256b1 par shes par bya// gdan steng rgyu yi byin rlabs las// bdag nyid che mchog he ru ka/ mthing nag dbu gsum phyag drug pa// zhabs bzhi gyad kyi dor stabs bgrad// dbus kyi zhal ni sku dang mtshungs// g.yas
256b2 dang g.yon pa dkar dang dmar// rdo rje de bzhin kA pA la'i// bye brag rnam pa gsum gsum nyid// phyag drug gis ni 'dzin par mdzad// dur khrod chas kyis lus la brgyan// gnyis med yum dang lhan cig
256b3 sbyor// bskal pa'i me dpung klong na bzhugs// 'bar ba'i cha lugs 'jigs par bsgom// yab dang yum gyi thugs ka nas// phyogs bzhi mtshams bzhi'i dkyil 'khor du// mthing nag hUM gi 'phro 'du
256b4 las// shar du badzra he ru ka/ gshin rje gshed ni de bzhin lho// nub tu rta mgrin rgyal po ste// byang du rdo rje gzhon nu'o// shar lhor bla med he ru ka/ nub byang dregs pa kun 'dul ba// stobs ldan nag po byang
256b5 shar du// lho nub rig 'dzin grub pa yin// rtsa ba'i dkyil 'khor rtsibs bzhi la// che mchog rigs bzhi yab yum dang// rigs bzhi'i khrag 'thung chen po bzhi// gshed bzhi sbyor ba'i yum dang bcas// las
256b6 kyi sras mchog bka' nyan dang// de bzhin rigs bzhi'i sras mchog dang// dbyings kyi yum dang rig 'dzin bzhi// dregs pa'i sde dpon bzhi bzhi dag/ me long nang gi gzugs bzhin du// snang la ma nges so
257a1 sor brtag/gang zhig de ltar goms pa da nga// phrin las rgya mtsho yongs la sbyar// mtshams med spyod pa'i skye bos kyang// bsgrubs na 'grub par gdon mi za// bde bar gshegs pa thams cad
257a2 'dus pa'i rgyud las/bsgrub pa shin tu bsdus pa'i le'u ste bcu pa'o/// khro bo spyir bsgrub pa'i skabs te gnyis pa'o// de nas yang rigs bzhi'i he ru kas zhus pa/ e ma spyi dpal he ru ka/ phyogs bcu'i
257a3 bde gshegs thams cad kyi// yon tan 'dus pa'i sgrub pa'i thabs// dpa' bo chen pos bshad du gsol// de skad gsol ba btab nas kyang// dpal chen yab kyis bka' stsal pa// che mchog yon tan
257a4 bsgrub 'dod pas// dur khrod dben pa'i gnas chen du// dkyil 'khor byi dor byas nas kyang// bdud rtsi lnga yis chag chag gdab/ khrag chen thal chen bsres pa yis// mthig nag hUM yig mkhas pas bri// de
257a5 nyid dmigs pa'i rten du gzhag/yul gsum gsal bar gyur pa dang// dur khrod chen po'i gzhal yas khang// 'byung ba rnam pa lnga brtsegs shing// keng rus chen po'i ri rab steng// 'jigs pa'i dur khrod
257a6 dkyil 'khor ni// rtsibs bzhi gru chad khyams dang bcas// sgo bzhi gru chad rgyan ldan la// phyi nang med par gsal ba'i nang// lha brgyad klu brgyad bsnol ba dang// byol song gtso bo brgyad kyi steng// hUM las che
257b1 mchog he ru ka/khro mo gnam zhal yum dang bcas// yon tan 'dus pa'i sku yin te// 'khor lo'i dbus su bskyed par bya// bcom ldan rak+sha he ru ka/ smug nag dkar dang dmar ba'i zhal// 'khor lo de bzhin
257b2 pad+ma dang// ti ra'i rgyu zhags 'dab chags khyung// ba su 'dren cing yum dang bcas// shar gyi rtsibs la mkhas pas bskyed// dpal chen g+hu h+ya he ru ka/ ser nag mthing dang dmar ba'i zhal// rin chen thod
257b3 khrag dgra s+t+wa dang// rgyu zhags stong gi 'jig rten rnams// bzung nas yum dang sbyor bar mdzad// lho yi rtsibs la bskyed par byed// bcom ldan b+hi shwa he ru ka/ dbu gsum dmar nag mthing ga dkar// pad+ma
257b4 b+han dmar 'jig rten dang// dgra s+t+wa dang ni gshol bsnams nas// shes rab yum dang bcas pa ni// 'bad pas nub kyi rtsibs las bskyed// bcom ldan yak+sha he ru ka/ ljang nag dkar dang dmar ba'i
257b5 zhal// sna tshogs rdo rje thod khrag bcas// ral gri zhags pa dgra s+t+wa dang// thong gshol thogs nas yum dang sbyor// byang gi rtsibs la bskyed par bya// phyi rim lha yi snam bu la// phyogs skyong 'dul ba'i khro bo
257b6 bcu// 'khor lo tri shUl bsnams pa yi// dkar po'i mdog can shar du'o// dgra s+t+wa thod dbyug thogs pa yi// mthing nag 'jigs pa lho ru bskyed// dmar po spu gri zhags pa can// de bzhin nub kyi phyogs
258a1 su'o// rdo rje rgya gram dril bu 'dzin// ljang gu byang du bskyed par bya// me dbal dbyug to bsnams pa yi// dmar po shar lho'i mtshams la'o// ral gri zhags ldan nag po che// lho dang nub kyi
258a2 mtshams su ste// dmar skya b+han+d+ha rnga yab bsnams// nub byang dag gi mtshams su'o// dgra s+t+wa dang ni rtse gsum 'dzin// mthing ga byang shar mtshams su bskyed// sngo skya mda' gzhu 'gengs pa dang// dud kha tho ba
258a3 zhags pa bsnams// steng dang 'og tu bskyed bya ste// rang gi phrin las mtshan dang ldan// lcags kyu zhags pa lcags sgrog dril// rim bzhin thogs pa'i ta kr-ita bzhi// 'bar gsal rngams pa bskyed byas
258a4 la// gsang sngags 'di yang bzlas par bya// A+oM badzra kro ta ma hA shrI he ru ka hUM phaT/ thog mthar A+oM dang phaT bzhag nas// bar na grong khyer bcu gnas pa// che mchog 'khor bcas snying po yin// sku gsal 'od
258a5 zer 'phro 'du bya// de nyid sems nyid yin shes nas// logs nas che mchog bsgrub tu med// dad ldan 'bad pa'i sgrub pa pos// yon tan rig 'dzin 'thob par 'gyur// bde bar gshegs pa thams cad
258a6 'dus pa'i rgyud las/che mchog yon tan sgrub pa'i le'u ste bcu gcig pa'o//// de nas 'khor gyi nang nas badzra he ru ka bzhengs te 'di skad ces zhus so// e ma spyi dpal he ru ka/ thugs kyi sgrub pa
258b1 bshad du gsol// dpal chen yab kyis bka' stsal pa// yang dag thugs kyi sgrub pa pos// dur khrod chen po rab 'jigs pa// dben pa'i gnas su 'dug nas ni// dkyil 'khor byi dor byas pa la/ khrag chen
258b2 dag gis chag chag gdab// ro ras dag la hUM gnas pa// dmigs pa'i rten du mkhas pas bzhag/ yul gsum gsal bar gyur pa dang// dur khrod chen po rab 'jigs pa// khrag gi rgya mtsho 'jigs pa'i
258b3 dkyil// keng rus chen po'i ri rab kyi// steng na 'bar ba'i klong dkyil na// ye shes chen po'i gzhal yas khang// phyi dang nang med kun tu gsal// 'bar ba'i 'khor lo rtsibs bzhi pa// gru chad khyams dang sgo
258b4 bzhir ldan// thod sprul sna tshogs nyi zlas mdzes// 'bar ba'i khro bo mang po 'khrugs/ khyu mchog ma he stag dang gzig/ gtum pa'i dom gyis sbar bas ni// dbang phyug lha chen la sogs bzung// nyi zla pad+ma zhing
258b5 gi gdan// rim gyis gsal bar bskyed steng du// hUM las badzra he ru ka/ mthing nag dkar dang dmar ba'i zhal// zhabs bzhi brkyangs bskums rab tu bgrad// rdo rje kha T+wAM rnge'u chung g.yas// ti ra'i dbyug
258b6 pa thod khrag dang// rgyu ma'i zhags pa g.yon na bsnams// kro tI shwa rI dgyes par 'khril// de bzhin gshegs pa thams cad kyi// thugs kyi rang bzhin 'dus pa yis// dkyil 'khor gtso bor bskyed par
259a1 bya// bcom ldan bud+d+ha he ru ka/ smug nag mthing ga dmar ba'i zhal// ti ra'i dbyug pa rdo rje khyung// rgyu zhags b+han dmar ba su 'dzin// bud+d+ha kro tI shwa rIr bcas// shar gyi rtsibs la bskyed par
259a2 bya// bcom ldan rat+na he ru ka/ ser nag mthing ga dmar ba'i zhal// rin chen byis dbyug dgra s+t+wa g.yas// ri rab thod khrag thong gshol bsnams// rat+na kro tI shwa rIr bcas// lho yi phyogs su mkhas pas
259a3 bskyed// bcom ldan pad+ma he ru ka/ dmar nag mthing ga dkar ba'i zhal// pad+ma be con dgra s+t+wa dang// ri rab stong gi 'jig rten dag/ 'dzin par mdzad cing yum dang ldan// nub kyi rtsibs la bskyed par
259a4 bya// bcom ldan karma he ru ka/ ljang nag dkar dang dmar ba'i zhal// sna tshogs rdo rje ral gri dang// dgra s+t+wa la sogs de bzhin du// bzung nas karma kro tIr bcas// mos las byang gi phyogs su'o// dkyil
259a5 'khor lha yi snam bu la// kau seng phra men 'di dag dgod// gau rI b+han dmar byis dbyug sngo// tsau rI mda' gzhu 'gengs ma ser// pra mo chu srin rgyal mtshan 'phyar// be tA byi za rdo 'phyar nag/ puk+ka dmar ser
259a6 byis rgyu 'dren// g+hasma dung dmar khrag 'thung ljang// sma sha mthing nag byi snying za// tsan d+ha ser skya byis lus 'brel// seng ha ser mo zhing za ser// byA grI dmar mo lag bsnol stag/ sri la nag mo byis ldag
259b1 wa// shwa na mthing ga sha 'drad spyang// gr-i D+ha dmar mo dung gri rgod// kang ka dmar smug zhing khur dur// kA ka nag mo b+han gri bya// u lU mthing ga lcags kyu 'ug/ rta gdong dkar mo lcags kyu 'dren// phag gdong
259b2 sngon mo mche zhags bsdam// sbrel gdong dmar mo lcags sgrog bsdam// thal byed ljang gu dril 'khrol spyang// 'bar 'phro gsal bas thams cad 'phros// dgra bgegs 'dul ba'i gnyen por brtag/ gsang
259b3 ba'i snying po 'di yang bzlas// A+oM ru lu ru lu hUM b+h+yo hUM phaT// thog mtha' A+oM dang phaT bzhag nas// bar na 'bru bdun grong gnas pa/ khrag 'thung lha rgyud srog snying yin// zhe sdang can gyi snod dag gi/ 'bar ba
259b4 gtum khro rngams pa'i gzugs// drag shul can gyis spyad pa'i phyir// dgra bgegs 'dul phyir bsgrub par bya// thugs kyi rig 'dzin thob par 'gyur// bde bar gshegs pa thams cad 'dus pa'i rgyud las/
259b5 yang dag thugs kyi bsgrub pa'i le'u ste bcu gnyis pa'o//// de nas 'jam dpal gshin rje gshed pos 'di skad ces zhus so// e ma spyi dpal kun tu bzang// sku yi sgrub thabs bshad du gsol// de skad gsol
259b6 pa gsan nas kyang// dpal chen yab kyis bka' stsal pa// 'jam dpal sku yi sgrub pa la// dur khrod chen pa'i sa phyogs su// dkyil 'khor byi dor byas pa la// bdud rtsi lnga yis chag chag gdab/ khrag chen go
260a1 ro tsa na yis// mthing nag hUM yig mkhas pas bri// dmigs pa'i steng du gzhag par bya// yul gsum gsal bar gyur pa dang// dur khrod chen po rab 'jigs pa/ khrag gi rgya mtsho 'jigs pa'i
260a2 dkyil// keng rus chen po'i ri rab kyi// steng na dur khrod gzhal yas khang// rtsibs bzhi gru chad khyams dang bcas// sgo bzhi lcags rir bcas pa ni// phyi dang nang med chos kyi dbyings// ma he chu glang zhing gi
260a3 gdan// steng du 'jam dpal gshin rje gshed// dus gsum bde gshegs thams cad kyi// sku yi sprul pa hUM las skyaid// dbu gsum phyag drug zhabs bzhir bgrad// g.yas dkar g.yon dmar dbus ser
260a4 zhal// rdo rje ral gri dgra s+t+wa g.yas// sdigs mdzub mdung thung b+han dmar g.yon// dur khrod chas brgyad sku la brgyan// be tA nag mo sku la 'khril// dgra s+t+wa phyar nas thod khrag stong// sgrol yum e ka dza TI
260a5 ma// bai DUr mdog sngon gsal la 'tsher// tri shUl g.yang gzhi g.yas na 'phyar// thod rlon tsit+ta g.yon na stob// 'jigs byed yab yum 'di dag kyang// dkyil 'khor gtso bor brtag par bya// ya ma rA dza
260a6 gshin rje gshed// zhal gsum dkar dmar mthing gi mdog/ 'khor lo tri shUl lcags kyu dang/ kha T+wAM dgra s+t+wa rgyu zhags thogs// g.yu yi ral gcig sku la 'khril// sgrol ba'i yum mchog re ma ti// mdog nag
260b1 ral gri ne le 'dzin// shar gyi rtsibs la bskyed par bya// myos byed 'bar ba gshin rje gshed// zhal gsum dkar sngo ser nag zhal// be con ral gri dgra s+t+wa dang// b+han dmar 'khor lo lcags kyu
260b2 bsnams// gtum mo ser nag g.yon du 'khril// sgrol yum khrag gi bdag mo ni// spu gri tsit+ta zhags 'dzin nag/ lho yi rtsibs la bskyed par bya// gshin rje'i gshed po ma ru rtse// zhal gsum dkar sngo dmar ba
260b3 can// be con dbyug to kha T+wAM dang// thod khrag 'khor lo rgyu zhags 'dzin// lha mo 'od zer sku la 'khril// sgrol yum gling bzhi gtsug 'byams ma// mi snying thod khrag thogs pa ni// nub kyi rtsibs la bskyed par
260b4 bya// ral pa tshar dgu gshin rje gshed// dkar dang dmar dang dbus mthing zhal// be con gtun shin rgya gram dang// thod khrag rgyu zhags 'khor lo bsnams// sbyor ba'i yum dang gnyis su med// ljang nag
260b5 sgrol byed mgo 'phyang ma// dgra s+t+wa thod khrag thogs pa ste// mkhas pas byang gi rtsibs la bskyed// de nas phyi yi snam bu la// phyogs skyong gshin rje bcu gnyis po// gshin rje nag 'joms mthing nag
260b6 zhal// nag mo ral gcig g.yon nas 'khril// gshin rje phya sangs dkar ser mdog/ tshe bum rdo rje thong gshol 'dzin// shel gyi gdong dgu dgyes par 'khril// de bzhin kong tse brag 'joms ni// rdo rje brag
261a1 nag me'i 'khor lo// shel mig khro mo yum dang sbyor// a ba glang mgo smug cing nag/ kha T+wAM ga dang lcags kyu dag/ bzung nas dkar skya mche gtsigs ldan// sngo nag 'jigs byed ya ba ti// ral
261a2 gri lcags kyu thogs nas ni// dred kyi ab sham ma dang 'khril// gshin rje mig dmar smug nag mdog/ ral gri ti ra'i dbyug pa 'chang/ khrag gi ral gcig sku la 'khril// dmigs pa dud kha zhes bya ba// thod
261a3 phreng lcags sgrog dmar po sdoms// pus 'gro nag mo yum dang bcas// gshin rje tel pa sngo nag mdog/ spu gri b+han+d+ha khrag bkang dag/ 'dzin cing spyan gsum yum la sbyor// bdud 'joms gshin rje smug cing
261a4 nag/rdung byed tho ba b+han d+har bcas// smug nag ral gcig dgyes par 'khril// chos kyi rgyal po dkar ser mdog/ rdo rje rtse gsum khram shing 'chang// rdo rje ral gcig ma dang sbyor// gshin rje 'bar ba
261a5 dmar po che// rtsis byang gtun shing lag na thogs// sku la ma mo mgo dgu 'khril// thod dbyug ces bya gshin rje'i mtshan// mthing nag dbyug pa sho rde'u// bzung nas phag mgo ma dang sbyor// gshin rje'i gshed
261a6 gyur 'di dag kyang// zhabs gnyis gyad kyi dor stabs kyis// rang gi gnas su legs bzhugs par/ khro chen gtso bos dgod par bya// de bzhin dkyil 'khor sgo rnams su// dkar zhing 'tsher ba bya rgod
261b1 mgo/rdo rje lcags kyu 'dzin pa dang// mthing nag 'bar ba stag gi mgo/ dbyug pa zhags pa thogs pa dang// le brgan 'bar ba kang ka'i mgo/ me yi pad+ma lcags sgrog bcas// spyang ki'i mgo can ljang zhing
261b2 nag/rgya gram shel gyi gri gug 'dzin// shar nas bzung ste bkod nas kyang// 'bar gsal sku yi 'phro 'du bya// gsang sngags snying po 'di yang bzlas// A+oM a kro te ka ya mAn ta ka ha na ma tha b+hany+dza hUM phaT/ thog
261b3 mthar A+oM dang phaT bzhag nas// bar na bco lnga'i grong mdzes pa// gshin rje'i lha rgyud srog snying yin// skur gsal 'od zer 'phro 'du bya// ting 'dzin gyad du gyur pa dang// gshin rje gshed kyi lha rnams
261b4 kun// mkhas pas rang gi sems su brtags// sku yi rig 'dzin 'thob par 'gyur// bde bar gshegs pa thams cad 'dus pa'i rgyud las/ 'jam dpal sku'i sgrub thabs kyi le'u ste bcu gsum
261b5 pa'o//// de nas dpal rta mgrin gyis 'di skad ces gsol to// e ma spyi dpal khro bo'i rje// pad+ma gsung gi sgrub thabs gang// spyi dpal yab kyis bka' stsal pa// pad+ma gsung gi sgrub pa pos// ri bo
261b6 'dus pa'i sa phyogs su// dkyil 'khor byi dor byas pa la/ khrag chen mtshal gyis hUM yig bri// dmigs pa'i rten du mkhas pas gzhag/ yul gsum gsal bar gyur pa dang// dur khrod 'bar ba'i gzhal yas
262a1 khang// lha chen brgyad kyi ka ba la// gza' chen brgyad kyi gdung ma bres// rgyu skar rnams kyi thog gis phub// sbrul nag klu yi bla bre dang// phyi nang med pa'i gzhal yas khang// klu chen brgyad kyi khri
262a2 steng du// pad+ma dbang gi rgyal po ni// sku mdog bskal pa'i me ltar 'bar// g.yas dkar g.yon sngo dbus dmar zhal// rdo rje kha T+wAM sbrul zhags g.yas// dril bu b+han dmar lcags sgrog dag/ g.yon na bsnams
262a3 te rta mgor bcas// zhabs bzhi gdug pa'i klu rnams gnon// yum chen e ka dza TI ma// dmar nag spyan gsum sdang mig bgrad// phyag g.yas kha T+wAM yab la 'khyud// g.yon pa thod khrag gtso la stob// bde
262a4 bar gshegs pa kun gyi gsung// yang dag bsdus pa'i skur bskyed bya// rdo rje pad+ma gar gyi dbang// byi la dang ni pu shud mgo// sku mdog bskal pa'i me ltar 'bar// lcags kyu phur bu lag char 'dzin// shar
262a5 nas bzung ste rim bzhin du// 'khor lo'i rtsibs la brtag par bya// lho yi dkyil 'khor phyi khyams la// ye shes zhi ba zil gnon pa'i/ khro bo phyag na rdo rje dang// 'khor lo de bzhin rin chen g.yas// pad+ma ral
262a6 gri dril bu g.yon// de bzhin las kyi khro bo dag/ zil gnon pad+ma spu gri dang// dbyug to kha T+wAM dgra s+t+wa dang// sna tshogs rdo rje 'dzin pa'o// ye shes ma mo thams cad kun// zil gnon khro bo chen po ni// sdigs
262b1 mdzub lcags kyu sbrul zhags g.yas// lcags sgrog kha T+wAM rnge'u chung g.yon// ye shes khyung chen zil gnon khro// rdo rje sa dang me khyung g.yas// nam mkha' chu rlung bya khyung g.yon// pho rgyud zil gnon khro rgyal
262b2 gtso// rdo rje thod skam rgyu zhags dang// dung khrag thod pa rlon pa dang// zhing gi dbyug pa 'dzin pa'o// srid pa'i mo rgyud thams cad kun// zil gnon rdo rje ral gri mda'// zhags pa de bzhin sdigs mdzub
262b3 dang// gzhu rnams phyag na go rim bzhin// 'jig rten srid pa'i klu rigs bzhi// zil gyis gnon pa'i khro bo ni// phyag na dkar ser dmar ba'i sbrul// de bzhin khra sngo nag po 'chang// gza' chen brgyad po
262b4 zil gnon pa'i/khro rgyal rtsa ba'i phyag nyid na// rdo rje ral gri zhags pa dang// dung khrag dbyug pa khyung bsnams pa'o// zil gnon khro bo 'di dag kun// g.yas dkar g.yon ljang dbus dmar zhal// sku ni
262b5 bskal pa me yi 'od// dbu gtsug rta mgo ljang gu yi// skad ky-is gdug pa so sor 'dul// zhabs bzhi brkyang bskum gdul bya kun// ma lus zil gyis gnon par byed// rang rang yum dang mnyam par
262b6 sbyor// dkar dang ser dang de bzhin dmar// ljang gu'i mdog can 'jigs pa'i gzugs// lcags kyu zhags pa lcags sgrog dril// rim bzhin thogs pa'i sgo bar bcas// 'bar gsal rngams pa lhan ner
263a1 bsgom// gsang ba'i snying po 'di yang bzla// A+oM badzra ma hA kro ta ha ya grI wa hu lu hu lu hUM phaT/ thog mtha' A+oM dang phaT bzhag nas// bar na bcu bzhi'i grong mdzes pa// pad+ma'i lha rgyud snying po
263a2 yin// dbang gi thugs dam rgyud bskul zhing// phrag 'thung lha tshogs dgyes pa dang// rnal 'byor nyams chag sdig sgrib sbyong// ye shes lha dang gnyis su med// gsung gi rig 'dzin thob par 'gyur// bde bar
263a3 gshegs pa thams cad 'dus pa rtsa ba'i rgyud las/pad+ma gsung gi sgrub thabs kyi le'u ste bcu bzhi pa'o//// de nas dpal rdo rje gzhon nus 'di skad ces gsol to// e ma spyi dpal khro bo'i rje// phrin las
263a4 sgrub thabs bshad du gsol// dpal chen yab kyis bka' stsal pa// phur pa phrin las bsgrub 'dod pas// gnam sa gru gsum bar gnas pa// dkyil 'khor byi dor byas nas ni// bdud rtsi lnga yis chag chag
263a5 gdab// mthing nag hUM yig mkhas pas dri// yul gsum gsal bar gyur pa dang// dur khrod chen po'i gzhal yas khang// rtsibs bzhi sgo bzhi khyams dang ldan// de nang dregs pa khyo shug dang// phyogs skyong nyi
263a6 zla'i gdan steng du// hUM las rdo rje gzhon nu ni// g.yas dkar g.yon dmar dbus mthing zhal// sku mdog bai DUr+ya yi mdog/ rtse dgu rtse lnga'i rdo rje che// phyag g.yas de bzhin g.yon pa na/ kha T+wAM ga dang me dpung
263b1 bsnams// mtha' gnyis ri rab phur pa 'dril// zhabs bzhi gyad kyi dor thabs bgrad// dur khrod chas kyis sku brgyan nas/ kha T+wAM thod pa khrag gis bkang// phyag tu bzung nas dgyes pa'i yum// rgyas 'debs
263b2 ma dang lhan cig nyid// phrin las 'dus pa'i skur bsgom bya// gtso bo yab yum byin rlabs las// 'khor lo'i lha tshogs bskyed bya ba// shar du bud+d+ha kI la ya// zhal gsum dkar dmar mthing ga'i mdog/ rdo rje
263b3 dgra s+t+wa rgyu zhags dang// ral gri thogs pa zlum zhing sgeg/ lho phyogs rat+na kI la ya// dkar dang de bzhin dmar ser zhal// bing dang dgra s+t+wa ral gri dang// be con bsnams te gru bzhi'i gzugs// nub tu pad+ma
263b4 kI la ya// zhal gsum dkar ser dmar ba'i gzugs// ral gri mdung thung mda' dang gzhu// mtshan mar 'dzin pa dbang gi gzugs// byang phyogs karma kI la'i zhal// dkar dmar ljang gu'i mdog can
263b5 te// mdung dang gri gug lcags kyu dang// ral gri thogs pa drag po'i sku// 'jigs byed chen po 'di dag kun// mtha' gnyis ri rab phur pa 'dril// rdo rje'i gshog pas nam mkha' khengs// gru gsum e yi
263b6 gdan la bzhugs// phyi yi khyams la bskyed bya ba// 'jigs pa'i khro bcu yum dang ldan// kun kyang zhal gsum phyag drug pa// tshangs la stsogs pa zhabs bzhis mnan// rtsa ba'i phyag gis rdo rje dang// thod khrag
264a1 dkrug cing mtha' gnyis kyis// ri rab phur bu 'dril mdzad cing// rdo rje'i gshog pas nam mkha' khyab// hUM mdzad sngo skya ser dmar zhal// mda' gzhu 'gengs shing sgra 'byin yum// be
264a2 con thogs dang sprul pa yi// phra men phag dang rmig bu'i mgo/ rnam rgyal dkar po sngo ljang zhal// rdo rje dung khrag snyems ma ni// ral gri 'dzin cing sprul pa yi// phra men stag dang bya rgod mgo/ dbyug sngon dkar
264a3 dang dmar ba'i zhal// me dbal dbyug to 'dzin mdzad cing// rdo rje sder mo lcags kyu'o// sprul pa g.yag dang bya rog mgo/ gshin rje sngo skya ljang sngon mdog/ thod pa'i dbyug pa dgra s+t+wa thogs// dur khrod bdag
264a4 mo thod dbyug 'chang// sprul pa sha ba 'ug pa'i mgo/ ljang sngon smug nag mi g.yo mgon// ral gri dang ni zhags pa 'dzin// rdo rje gtun khung tho ba 'dzin// sprul pa gzigs dang khwa ta'i mgo// rta mgrin dkar
264a5 dmar sngo ba'i zhal// spu gri zhags pa 'dzin mdzad cing// rdo rje gtum mo spu gri thogs// sprul pa byi la pu shud mgo/ 'dod rgyal dmar ser ljang gu'i mdog/ ba dan rnga yab 'chang dang yum// rdo rje mda'
264a6 snyems tho ba 'dzin// sprul pa spyang dang khra yi mgo/ bdud rtsi 'khyil ba ljang dkar dmar// rdo rje rgya gram dril bu bsnams// rdo rje rlung 'byin dgra s+t+wa thogs// sprul pa seng+ge pha wang mgo/ dkar dmar nag pa'i
264b1 zhal mdog can/khams gsum rnam rgyal rdo rje sprul// rdo rje gsod byed yum gri gug/ phra men dom dang sre mo'i mgo/ stobs chen dud kha gnag dang ljang// tho ba zhags pa phyag na ste// rdo rje skul byed rtse gsum
264b2 'dzin// sprul pa dred dang byi la'i mgo/ lcags kyu 'dzin dkar pu shud mgo/ zhags 'dzin gser mdog skya ka'i gdong// srin bya'i gdong dmar lcags sgrog thogs// dril 'khrol ljang gu khra gdong ste// ma lus
264b3 gsal bar sku bskyed la// gsang sngags snying po 'di yang bzla// A+oM badzra kI li kI la ya sarba big+h+nAn baM hUM phaT// thog mtha' A+oM dang phaT bzhag nas// bar na bcu gnyis grong mdzes pa// phur pa'i lha rgyud snying
264b4 po yin// spro bsdus phur pa'i 'phro 'du bya// phrin las rnam bzhi las la sbyar// dgra bgegs gdug pa tshar bcad nas// phrin las rig 'dzin thob par 'gyur// bde bar gshegs pa thams cad 'dus pa rtsa
264b5 ba'i rgyud las/phur pa phrin las sgrub pa'i le'u ste bco lnga pa'o//// de nas bla med he ru kas 'di skad ces gsol to// e ma spyi dpal khro bo'i rje// ma mo rbod gtong sgrub pa'i thabs// phrin las las la
264b6 bskul ba'i phyir// rim bzhin bdag la bshad du gsol// de skad gsol pa gsan nas kyang// dpal chen yab kyis bka' stsal pa// ma mo rbod gtong bsgrub 'dod pas// dur khrod chen po'i sa phyogs
265a1 su// dkyil 'khor byi dor byas nas ni/ khrag chen dag gis chag chag gdab// thal chen gyis ni hUM bris la// dmigs pa'i rten du mkhas pas gzhag/ yul gsum gsal bar gyur pa dang// dur
265a2 khrod 'bar ba'i gzhal yas khang// gru chad khyams dang sgo bzhir bcas// zhing chen bla res brgyan pa'o// zhing chen zhing chung gdan steng du// bdag nyid che mchog he ru ka/ sku ni mthing nag 'jigs tshul
265a3 can// g.yas dkar g.yon dkar dbus mthing zhal// rdo rje sbrul khyung sbrul zhags g.yas// b+han+d+ha zhing g.yab gwa'u g.yon// dur khrod 'jigs pa'i chas kyis brgyan// srid pa'i ma mo zhabs bzhis
265a4 gzir// yum chen kun tu bzang mo ni// bzhi zur zhabs brgyad phyogs mtshams gnon// mkha' bzhi bde klong gcig tu 'khril// dbu gcig zhal lnga srid pa gsal// pha rol phyin drug phyag rgya yis// rdo rje dril
265a5 bu dril zhags dang// b+han+d+ha bdud rtsi g.yang gzhi bsnams// sna tshogs 'gyur ba'i sku mdog la// gnyis med bde bas yab dang sbyor// mkhas pas cho ga ji bzhin du// dkyil 'khor gtso bor bskyed par
265a6 bya// rtag pa'i rgyal mo rnam pa lnga// dbu gsum phyag drug zhabs bzhi bgrad// phyag drug g.yas kyi dang po na// rigs kyi mtshan ma so sor 'dzin// de bzhin g.yon na thob pa'o// rnam snang gsal dang 'od
265b1 gsal 'bar// snyan gsal 'bar dang yang gsal g.yos// bkra gsal 'bar zhes bya ba ni// ming gis mtha' dang yang dag ldan// shar gyi mkha' 'gro seng gdong ma// sku mdog dkar mo shel ltar
265b2 dag/dgra s+t+wa dang ni gtun shing brdeg/ seng+ge mchog chen tha mas snyod// lho yi mkha' 'gro ban glang gdong// sku mdog sngon mo 'bar ba la// me dbal dbyug pa'i tho ba dang// tha ma stag mo zhing chung snyod// nub
265b3 kyi mkha' 'gro phywa dag yang pu dka'i gdong// sku mdog dmar mo mdzes tshul can// zhags pa dang ni tri shU la// ce spyang dang ni zhing chung snyod// byang gi mkha' 'gro rdo rje'i mchu// sku mdog ljang gu 'od du
265b4 'bar// dbyug to rdo rje rgyu phreng 'dzin// spyang mo'i kha ru zhing chung snyod// nam mkha'i mkha' 'gro rdo rje'i mchu// sku mdog btso ma'i gser ltar gdong// 'khor lo dang ni b+han+d+ha 'bar// rgyal mtshan dang ni spu gri
265b5 'dzin// tha ma 'ug pa zhing chung snyod// srid pa'i bde 'gro khams gsum yum// sku mdog mthing ga 'bar ba la// dbu gsum phyag drug zhabs bzhi bgrad// 'khor lo rin chen g.yang gzhi brdeb// thod khrag tshe
265b6 bum lcags kyu thogs// dkar mo nyi zla'i thod phreng can// zangs lcags dkar nag zhags pa 'phen// rdo rje nyi ma mdog dkar zhing// phyag na shel gyi spu gri thogs// rdo rje khrag 'thung zhes bya ba// sngon po thod pa
266a1 khrag can 'dzin// rdo rje bdud rtsi dmar mo ni// las na bdud rtsi'i bum pa 'dzin// ljang nag rdo rje srid gsum ma// lag na zhing lpags rgyal mtshan thogs// dkar mo srid pa'i rgyan byed ma// lag
266a2 na srid pa'i zhags pa thogs// sngon mo dbyings phyug rgyal mo ni// lag na zhing gi dbyug pa'o// dmar mo bdag nyid chen mo ni// lag na zhing gi rgyu zhags 'dzin// ser mo chen mo gcig pu ma// lag na mi yi
266a3 g.yang bzhi brdeb// dkar mo chen mo mig gcig ma// lag na b+han+d+ha zlum po thogs// mthing nag chen mo mche ba can// lag na b+han+d+ha sul mang bsnams// dmar mo dbang ni rgyal mo ni// lag na b+han+d+ha lcang lo
266a4 can// ser mo chen mo las mkhan ma// lag na b+han+d+ha rgya gram thogs// srid pa'i ma mo chags byed ma// mthing nag mi snying rlon pa thogs// ting 'dzin de bzhin cha snyoms ma// dmar mo thod pa khrag gis
266a5 bkang// 'dod pa'i khams kyi dbang phyug ma// mdog sngon bdud kyi khram bam thogs// e ka dza TI ral gcig ma// dkar mo kha T+wAM ga mi ro// gling bzhi kun gyi spyi phud ni// dkar mo lcags kyu 'od phreng
266a6 can// rin chen srid 'degs mdog sngon mo// lag na g.yu yi ga'u'o// pad+ma gar dbang le brgan mdog/ thod pa khrag bkang thugs kar 'dzin// de bzhin rdo rje gar dbang phyug/ ser mo me yi dkyil 'khor
266b1 can// har ting dkar mo chen mo ni// lag na me yi dkyil 'khor thogs// dun ting nag mo khro mo'i gzugs// lag na sa yi dkyil 'khor 'dzin// dngos po'i cha byad dmar mo la// lag na chu yi dkyil
266b2 'khor thogs// grub ting ser mo gser gyi mdog/ lag na rlung gi dkyil 'khor 'dzin// bdag nyid chen mo gcig pu ma// dbyings phyug brgyan gyi rgyal mo ni// zhing gi rgyu zhags g.yang gzhi brdeb// srad bu'i
266b3 zhags pa thod pa 'dzin// sgam pa mo dang phor thogs ma// g.yang gzhi mo dang za ba dang// gsod byed ma dang za ba mo// de bzhin dri ma snom byed ma// srin mo chen mo 'di dag kyang// dkar sngo dmar dang ser
266b4 ba'i gzugs// thod pa sna tshogs 'dzin ma'o// shar gyi dkar mo mche gtsigs ma// lag na b+han+d+ha dkar po thogs// lho yi nag mo kha 'byams ma// lag na b+han+d+ha sngon po thogs// nub kyi dmar mo mchu 'jib
266b5 ma// lag na b+han+d+ha dmar po thogs// byang gi ser mo rkang ldag ma// lag na b+han+d+ha ser mo thogs// gling bzhi mgyogs ma lha yi sring// dkar mo rdo rje rtse gsum thogs// mkha' la khyung lding gshin rje'i
266b6 sring// sngon mo mi thod dbyug pa thogs// dmar mo g.yag thod klu yi sring// dmar mo sbrul nag zhags pa thogs// nag mo sder thogs gnod sbyin sring// ser mo ne'u le'i rkyal pa thogs// mkha' 'gro'i tshogs
267a1 bcas gsal bskyed la// gsang sngags snying po 'di yang bzla// oM gu h+ya dz+nyA na shrI he ru ka gu h+ya dz+nyA na kro tI shwa rI s+t+waM// ma ma yo gi ni ru lu ru lu hUM b+h+yo hUM phaT/ oM dang phaT kyi thog mtha' brten// bar
267a2 na nyer brgyad grong gnas pa// ma mo 'khor bcas srog snying yin// ma mo rnams kyi zhal du yang// bdud rtsi blugs la las la dgye// rbod gtong las rnams 'grub par 'gyur// zhes gsungs so// bde bar
267a3 gshegs pa thams cad 'dus pa rtsa ba'i rgyud las/ma mo rbod gtong sgrub pa'i le'u ste bcu drug pa'o//// de nas dpal dregs pa kun 'dul gyis 'di skad ces gsol to// e ma dpal chen thabs la
267a4 mkhas// 'jig rten mchod bstod sgrub pa'i thabs// ma rungs gdug pa 'dul ba'i phyir// dpa' bo chen pos bshad du gsol// de skad gsol ba gsan nas kyang// dpal chen yab kyis bka' stsal
267a5 pa// 'jig rten mchod bstod bsgrub 'dod pas// gdub rtsub lha 'dre gnas pa'i sar// dkyil 'khor byi dor byas nas ni/ khrag sna tshogs pas chag chag gdab// sna tshogs khrag gis e dbyibs bri// dmigs
267a6 pa'i rten du mkhas pas gzhag/yul gsum gsal bar gyur pa dang// dur khrod 'bar ba'i gzhal yas khang// 'khor lo rtsibs bzhi bar khyams dang// sgo bzhir bcas pa gsal ba la// gdug pa'i gcan
267b1 gzan 'dab chags 'khor// shin tu 'jigs pa bskyed nas ni// dpal chen dregs pa kun 'dul ni// dbu gsum phyag kyang drug pa ste/ kham nag smug nag mthing nag zhal// dang po rdo rje dung khrag dang// lha
267b2 brgyad de bzhin klu brgyad kyi// mgo bo de bzhin phyag gnyis pa'i// 'og ma dag gis 'dzin pa'o// dregs pa'i snying ga zhabs kyis brdzis// yum chen khams gsum spyi 'dul ma// rdo rje dung khrag thogs pa
267b3 ni// dregs pa 'dul ba'i g.yen por bsgom// ma rungs 'dul byed de yi 'khor// dregs pa'i sde rnams bskyed par bya// mthing nag ma hA de ba ni// gri gug dang ni tsit+ta 'dzin// rtse gsum thod pa khrag bcas
267b4 pa'i// u ma de ba'i yum dang bcas// gshin rje nag po srog gi bdag/ be con thod pa'i dbyug pa 'chang// gsod byed nag mo'i lag pa na// srid pa'i 'khor lo bskor ba dang// mthing nag bdud rnams kun
267b5 gyi bdag khram shing dang ni ti ra'o// bdud mo nag mo re ma ti/ khram bam dang ni nad rkyal thogs// nag po glog phreng srin gyi gtso// thog dang srid pa 'khrugs pa'i 'od// 'dzin dang srin mo khrag mig ma// dmar
267b6 nag khrag phur thod pa 'chang// gnod sbyin me dbal mthing nag sku// rin po che dang mtshon 'dzin pa// ma mo nag mo de yi yum// spu gri spyang mo phyag gnyis na'o// gza' bdud chen po rA hu la// dud kha mda'
268a1 gzhu sbrul zhags bsnams// gnam sman thog gi bu yug ma// dmar skya thogs dang ser ba 'bebs// klu bdud nag po mgo dgu po// dud kha sbrul zhags nad rkyal thogs// klu mo nag mo zhes bya
268a2 ba// mo gzugs klu bdud cha lugs can// srid pa'i lha rnams kun gyi gtso// dkar po dar mdung shel gyi gri// gnam gyi lha chen skyes bu'i bdag/ dkar po lhan ldan yang dkar ral gri 'dzin// sku mdog dkar
268a3 po spyi yi bdud// dar mdung ral gri phyag char 'chang// ma mo srid pa'i rgyal mo ni// me long tsakra 'dzin pa dkar// sngags srung e ka dza TI ma// mthing nag g.yu spyang tsit+ta 'dzin// dpal ldan nag mo mgyogs
268a4 byed ma// tshon drug dang ni nad rkyal thogs// dmar nag rdo rje bdud 'dul ni/ khrag dang nyung dkar thun 'bebs pa'o// srog zan dmar po btsan gyi rje// bse mdung mda' dang gzhu yi mtshon// srid pa'i
268a5 btson 'gong dmar po ni// shang lang zangs kyi zhags pa bsnams// mu stegs ka la nag po ni// rtse gsum thod pa khrag can 'dzin// mthing nag bgegs kyi rgyal po ni// kha T+wAM thod pa lag tu 'chang// dmu
268a6 bdud yongs kyi rje bo ni// mthing nag shang lang mda' dang gzhu// tshangs pa lha rnams kun gyi gtso// spu gri nyi ma'i zer thogs pa'o// pho rgyud rgyal po yongs kyi bdag/ mdog dkar zhags pa spu gri
268b1 'dzin// gsang ba sku lha'i gtso bo dkar// rdo rje dang ni ru mtshon 'chang// mgon po ma hA kA la ni// mthing nag beng dang gri gug thogs// dregs pa'i ded dpon sum cu po// sna tshogs gos gon re
268b2 re'ang// 'bum phrag gnyis gnyis 'khor dang bcas// sprul pa yang sprul bsam mi khyab// gsal 'tsher 'bar ba'i skur bsgoms te// snying po 'di yang bzlas par bya// A+oM badzra tsaN+Da sarba duSh+taM hUM phaT// thog
268b3 mtha' oM dang phaT bzhag nas// bar na grong khyer brgyad gnas pa// 'jig rten mchod bstod bsgrub pa'i sngags// dregs pa can gyi sde brgyad kyi// bstan pa bsrung zhing sku dgra 'dul// 'gras pa'i dgra rnams
268b4 sgrol bar 'gyur// bde bar gshegs pa thams cad 'dus pa rtsa ba'i rgyud las/ 'jig rten mchod bstod sgrub pa'i le'u ste bcu bdun pa'o//// de nas stobs ldan nag pos 'di skad ces gsol
268b5 to// e ma dpal chen thabs la mkhas// dmod pa drag sngags sgrub pa'i thabs// gdug pa ma lus bsgral ba'i phyir// dpa' bo chen pos bshad du gsol// de skad gsol pa gsan nas kyang// dpal chen he
268b6 rus bka' stsal pa// dmod pa drag sngags bsgrub 'dod pas// srog chags bsad pa'i ri shur 'dra'i ri yang 'dra'i sa// dmar po khrag gi mdog 'dra'i ngos// dkyil 'khor gru gsum 'bar ba la// srin po khros pa'i
269a1 gzugs bris la// dmigs pa'i rten du mkhas pas gzhag/ yul gsum gsal bar gyur pa dang// shin tu 'jigs pa'i dkyil 'khor ni// tsakra rtsibs dang sgo bzhir bcas// rab tu gsal
269a2 ba'i dbus nyid du// bdud bgegs nyi zla pad+ma'i khar// lha mchog stobs ldan nag po ni// dbu gsum phyag drug zhabs bzhir bgrad// sku mdog mthing nag 'jigs pa'i zhal// phyag na rdo rje dung khrag
269a3 dang// lha brgyad klu brgyad tsit+ta bsnams// zhabs gnyis dregs pa pho mo gzir// 'byung ba lnga yi bdag mo ni// mkha' 'degs sa gzhi gnon pa'i phyag/ zhal nas 'byung ba lnga 'char ma// yum dang gnyis med
269a4 sbyor byed pa'i// drag sngags gtso bo bskyed par bya// drag sngags sde dpon bco brgyad po// rang gi sngags las bskyed bya ste// 'chi bdag gshin rje nag po ni// thod pa gri gug 'dzin mdzad cing// thod pa gri
269a5 gug 'dzin yum ldan// bdud nag me 'bar zhes bya ba/ khram shing bdud zhags thogs pa dang/ khram shing thod rlon 'dzin pa yi// yum dang srin po gsod byed ni// ral gri thod 'chang de yi yum// gri gug me
269a6 mgo thogs pa'o// gnod sbyin gang ba bzang po ni// mdog sngon ral gri dar nag 'phyar// dar nag zhing lpags 'dzin pa'i yum// ma hA de wa sku mdog dkar// ba dan shel gri 'dzin pa dang// thar pa nag po
269b1 zhes bya ba// mchod gtor thun gyi gtor ma 'chang// mthing nag btsan po zhes bya ba// dar nag dang ni zhing lpags thogs// mu stegs nag po zhes bya ba/ kha T+wAM ga dang tri shUl 'dzin// du ba mjug ring gza' yi
269b2 gtso// nag po khram shing dgra s+t+wa 'chang// rgyal po har mdzes zhes bya ba// mdog dkar shel gr-i dar dkar 'dzin// mdog ser 'gong po yongs kyi gtso// sprul pa'i lag pa 'gyed pa dag/ mdog dkar rdo rje
269b3 mdzes pa ni// dkar dang dmar ba'i ru mtshon thogs// 'jig rten btsan gyi rgyal po ni// btsan gyi mdung dang gri 'dzin pa'o// klu rgyal sog ma med ces pa// dmar po bum pa rus sbal ldan// dregs pa dmod
269b4 pa'i mtshon cha can// srin po'i gzugs can mtshon cha thogs/ kha nas dmod pa'i drags sngags zlos// gang la dmigs pa'i srog lus gcod// de lta bu ni gsal ba dang// snying po 'di yang bzlas par
269b5 bya'o// A+oM badzra sarba duSh+taM hUM phaT// thog mthar A+oM dang phaT bzhag nas// bar na grong khyer drug gnas pa// dmod pa drag sngags snying po yin// de nas drag sngags gang 'dod bsgrub// gdon mi za bar grub 'gyur
269b6 te// rdo rje'i brag kyang tshal bar 'gas// zhes gsungs so// bde bar gshegs pa thams cad 'dus pa rtsa ba'i rgyud las/ dmod pa drag sngags bsgrub pa'i le'u ste bco brgyad pa'o//// de nas dpal chen
270a1 po ting nge 'dzin las bzhengs pa dang/der sprul zhing 'dus pa'i 'khor/ khro bo dang/ khro mo rnams dang/ grub pa'i rig 'dzin gyi tshogs lhun gyis grub pa dang/ phyag rgya chen po dang// tshe la dbang
270a2 ba dang/sa la gnas pa ste/ so so'i bsgrubs pas grub pa'i sku la rus pa'i rgyan dang/ rin po che'i dbu rgyan dang/ phyag gdub dang/ zhabs gdub dang/ dbu rgyan dang/ stod g.yogs dang/ smad g.yogs dang/
270a3 dbang gi thor tshugs dang bcas pa/ phyag na rdo rje dril bu bzung ba sha stag ste/ rgyal ba rgya mtsho'i rig 'dzin dang bcas pa de dag/ bcom ldan 'das kyis gsungs pa la rjes su yi rangs shing mngon par
270a4 dga'o// khro bo sgos sgrub kyi skabs te gsum pa'o//// bcom ldan 'das bde bar gshegs pa thams cad 'dus pa zhes bya ba'i rtsa ba'i rgyud kyi rgyal po chen po/ le'u bco brgyad zhi khro 'dus pa'i rgyud rdzogs
270a5 so//// rgya gar gyi mkhan po slob dpon chen po pad+ma 'byung gnas dang/ bod kyi lo tsA ba bdag bai ro tsa nas bsgyur zhing zhus te gtan la phab pa'o// shog ser gyi bu la lha brag tu bshus so zer ba
270a6 'dug//


CLOSE WINDOW