221a1 u rgyan gsang ba brda'i skad du/ bod skad du/ mkha' 'gro'i gsang rgyud bka'i lde mig ces bya ba/ chos sku skye ba med pa'i dbyings las/ longs sku gsal dag rnam par bkra
221a2 ba'i gzi brjid kyi/sprul sku 'gro 'dul thabs kyi rgyal mo/ bcom ldan 'das bde ba'i dbang mo che dpal 'bar brtse ba'i sgra dbyangs ma la phyag 'tshal lo// bcom ldan bde ba'i dbang mo che'i// b+ha ga yangs
221a3 pa'i dkyil 'khor nas// rnam par rol pa'i rtsal 'gyed ma// sprul dang yang sprul dpag med kyis// sa dang bar snang g.yo byed ma// sku gsung thugs las rang byung ba'i// sna tshogs mkha' 'gro 'khor dang
221a4 bcas// kun kyang rab 'jigs dur khrod chas// dar dang rin chen rus pas spras// lag na gri thod kha T+wAM 'dzin// sku yi rigs dang gsung gi rigs// thugs kyi rigs dang yon tan rigs// phrin las rigs
221a5 dang rnam lnga lnga// rdo rje'i rigs dang rin chen rigs// pad+ma'i rigs dang las kyi rigs// de bzhin rigs dang rnam pa lnga// dkar ser dmar ljang mthing ga ste// ye shes las las grub pa yi// 'khor dang yang
221a6 'khor bcas rnams kyang// sna tshogs las byed cho 'phrul 'gyed// rnam 'gyur gar gyi rol pa can// stangs stabs gcig tu ma nges shing// gdul bya'i don du nges med ston// dgongs pa'ang gcig tu ma nges
221b1 par// gang la gang 'dul thabs ldan pas// 'gro 'dul thugs rjes yongs la khyab// de ltar gtso 'khor bcas pa rnams// dur khrod rab 'jigs klong yangs su// lhan cig rnam par rol pa'i tshe// gtso mo'i
221b2 sku las sprul pa'i 'khor// dkar mo rigs kyi DAk+ki mas// ye shes bskyed pa'i tshul zhus pas// bcom ldan 'das mas bka' stsal pa// rdo rje lus kyi lde mig bstan// gtso mo'i gsung las sprul pa'i
221b3 'khor// dmar mo rigs kyi DAk+ki mas// bzlas pas sngags kyi tshul zhus pas// bcom ldan 'das mas bka' stsal pa// gsung dbyangs ngag gi lde mig gsungs// gtso mo'i thugs las sprul pa'i 'khor// sngon
221b4 mo rigs kyi DAk+ki mas// gnas lugs dgongs pa'i don zhus pas// bcom ldan 'das mas bka' stsal pa// thugs mdzod gnas lugs lde mig gsungs// gtso mo'i yon tan sprul pa'i 'khor// ser mo
221b5 rigs kyi DAk+ki mas// bsnyen dang bsgrub pa'i gnad zhus pas// bcom ldan 'das mas bka' stsal pa// bsnyen sgrub las kyi lde mig gsungs// gtso mo'i phrin las sprul pa'i 'khor// ljang nag rigs kyi DAk+ki
221b6 mas// sna tshogs phrin las don zhus pas// bcom ldan 'das mas bka' stsal pa// sna tshogs las bsgyur lde mig gsungs// nyid kyi sprul pa'i 'khor gyi tshogs// ye shes las las grub 'dus
222a1 nas// mgrin gcig dbyangs kyis zhus pa ni// cho 'phrul rtags kyi byung tshul zhus// bcom ldan 'das mas bka' stsal pa// rtags dang cho 'phrul lde mig gsungs// mkha' 'gro gsang rgyud bka'i
222a2 lde mig las/gleng gzhi'i le'u ste dang po'o//// bcom ldan 'das mas bka' stsal pa// sku las sprul pa'i mkha' 'gro nyon// rang cag gtso 'khor bskyed 'dod na// rang 'dod bral ba'i brtse sems
222a3 kyis// gnas bzang dur khrod rab 'jigs bsgom// rang snang rtsal gyi cho 'phrul las// ye shes chen po'i me rlung gis// bdag lus 'byung ba'i grong khyer bshig/ skad cig yengs med dmigs pa
222a4 yis// hrIHdang ma las gtso mo ni// dmar nag zhal gcig phyag gnyis ma// zhal gcig khro zhal 'jigs rngams can// zhal gcig rtog med phyag gi gdong// rab tu khros pa'i gad rgyangs sgrogs// phyag g.yas
222a5 gri gug nam mkhar phyar// g.yon pas thod khrag thugs kar bskyil// brkyang bskum ro yis gdan la 'gying// rnam 'gyur gar gyi rol pa can// dur khrod rin chen rus pa dang// sna tshogs dar gyi cod pan
222a6 spras// nu ma 'bur zhing b+ha ga rgyas// lang tsho dar la bab pa'i tshul// ral pa nag po gyen mthur las// dril bu g.yer kha'i sgra dbyangs 'khrol// dpa' bo las kyi tshul can du// mchan khung khru
222b1 mo kha T+wAM ga/gtso mo chen mo dpal 'bar ma// rang 'od 'khrigs pa'i dbus na bzhugs// de yi phyogs bzhir bskyed pa'i 'khor// shar du rdo rje rigs kyi 'khor// yi ge ha las byung ba yi// sngon mo'i mdog can mkha' 'gro
222b2 ma// rdo rje gri gug thod pa 'dzin// lho phyogs rin chen rigs kyi 'khor// yi ge ri las byung ba yi// ser mo'i mdog can mkha' 'gro ma// rin chen gri gug thod pa 'dzin// nub phyogs pad+ma rigs kyi
222b3 'khor// yi ge ni las byung ba yi// dmar mo'i mdog can mkha' 'gro ma// pad+ma gri gug thod khrag 'dzin// byang phyogs las kyi rigs kyi 'khor// yi ge sa las byung ba yi// ljang gu'i mdog can mkha' 'gro
222b4 ma// rgya gram gri gug thod pa 'dzin// kun kyang rnam 'gyur gar stabs can/ khros pa'i tshul la dur khros chas// rang rang thabs kyi dpa' bo dang// mnyam rol kha T+wAM mchan khung 'khyud// so sor rang rang rigs
222b5 kyi 'khor// 'jig rten 'das dang ma 'das pa'i// mkha' 'gro dpa' bo mang pos bskor// kun kyang cha lugs rnam 'gyur kun// gcig tu ma nges sna tshogs ston// sgrub pa po yi grogs mdzad cing// dam tshig
222b6 can gyi bstan pa bsrung// nyams pa can la chad pa gcod// rang 'od 'khrigs pa'i klong dkyil na// de ltar gtso 'khor bskyed pa ste// gdul bya'i snang tshul tha dad pas// lus grub rtsa grub lhan cig
223a1 pas// gzhal yas ma bskyed ngang gis gsal// rtsa grub de la thig les khyab// sna tshogs rigs kyi mkha' 'gro ma// ma bskyed rang bzhin lhun gyis grub// de ltar rtsa dang thig le'i bdag/ byang
223a2 chub sems kyi rgyun rlung gis// bskyed bya skyed byed skyed mkhan rnams// rtsol bral rang byung rnam par dag/ des na dam tshig ye shes kyang// gnyis med lhan cig skyes pa'i phyir// gnyis med gnyis su med par
223a3 rol// 'on kyang rig rtsal cho 'phrul las// chu la chu bzhag rnam pa can// dgug bstim dmigs pa'i bye brag kyang// gang 'os rnam 'gyur sna tshogs spro// de ltar dam tshig ye shes bskyed// mkha' 'gro gsang
223a4 rgyud bka'i lde mig las/mkha' 'gro'i gtso 'khor bskyed pa'i tshul bstan pa'i le'u ste gnyis pa'o//// bcom ldan 'das bka' stsal pa// gsung las sprul pa'i mkha' 'gro nyon// mkha' 'gro gtso dang
223a5 'khor rnams kyi// bzlas pa sngags kyi tshul lugs ni// rtsa ba yan lag rnam pa gnyis// rtsa ba gtso mo'i bzlas pa ste// A+oM badzra b+ha ra hI/ DA ki ni trIHswA hA/ phyi nang gsang bar rab grags pa'i// 'dzab dang shub
223a6 bu'i bzlas pa dang// skye med rdo rje'i bzlas pa ste// rab 'bring tha ma'i blo can gyis// 'byin 'jug gnas pa rlung gi grangs// rang byung rtsol bral bsnyen pa yis// ye shes mkha' 'gro ngang gis 'grub// rtsol
223b1 bcas 'bad pa nyid dag gis// 'jig rten 'khrul gtam spangs nas ni// dad brtson dam tshig ldan pa yis// yang dag rtsa ba'i bsnyen pa ni// grangs dang dus dang rtags rnams ni// yang dag gsungs la
223b2 'bad par bya// phyi nang rlung gi sbyor ba dang// rang babs gnas lugs 'khrul 'khor gyis// dmigs pa snying ga'i 'khor lo bskor// sa bon dag la rab bskor bas// dga' ba 'khyil pa ye shes bskyed// spyi
223b3 bo la sogs gnas lnga ru// sngags kyi ye shes sems dpa' dbab// bde stong ngang du mnyam par bzhag/ spangs rtogs ye shes grub pa ste// dril dang bsgrag dang gtor ba dang// gnad la nges par dbab pa
223b4 yis// bcom ldan 'das ma nyid dang ni// rnal 'byor dbyer med gcig gyur pas// 'phro 'dus 'khor rnams dam la btags// dmigs pa'i gnad kyis rab tu gzir// yan lag 'khor gyi bsnyen pa
223b5 ste// srog gi yi ge nyid bstan pa// rdo rje rin chen pad+ma las// rim bzhin ha ri ni sa ste// a yis yang dag dbu brnyes shing// hUM gis sdud cing phaT kyis gtor// sdud pas snying gi dkyil du ste// gtor ba rtsa
223b6 gnas lus la'o// a ha ri ni sa hUM phaT/ 'di bdun yang dril srog gi sngags// gnad 'bebs ye shes dbab dang bcas// A be sha ya hrIM hrIM gdags// srog yig dam du bcangs pa'o// rang rang mtshan sngags
224a1 bstan pa ni// A+oM badzra DA ki nI hUM phaT/ A+oM rat+na DA ki nI hUM phaT/ A+oM pad+ma DA ki nI hUM phaT/ A+oM karma DA ki nI hUM phaT/ de ltar rigs bzhi dag la ni// rigs bsdus pa yi gtso mchog tu// A+oM bud+d+ha DA ki
224a2 nI hUM phaT/kun khyab ye shes gdal khyab bo// de ltar srog yig mtshan sngags te// gtso 'khor rab tu dril nas ni// gnad la gzir ba'i sngags bstan pa// oM badzra b+ha ra hI/ hrIHma DA ki nIha ri ni sa/ sarba sid+d+hi
224a3 pha la hUM a/de ltar rtsa srog yang dag ldan// dngos grub bcas pa de nyid kyi// las kyi 'bras bu mchis par 'gyur// gtso 'khor gnad la phebs pa yis// so so'i sbyor ba nyid dang ni// rlung gi gnad la yang
224a4 dag dbab// srog gi gnad du yang yang bskul// rlung gi rta la rab skyon pas// gang la gang 'dul thabs kyi cha// shAt+tiM ba shaM puSh+tiM dang// mA ra ya yi las mtha' sbyar// de las spros pa'i yan lag tu// ngar dang
224a5 ldan pas gang dang gang// so sor gtan la dbab pas 'bad// rtsol bcas rtsol bral nyid dag dang// stobs dang ldan pas shes par bya// gzhan yang gsung las rab grags pa// bstod dang gnad nas
224a6 bskul ba'i las// so sor rdzas dang bcas pas kyang// gang la gang rigs shes par bya// mkha' 'gro gsang rgyud bka'i lde mig las/ bzlas pa sngags kyi rim pa bstan pa'i le'u ste gsum
224b1 pa'o//// bcom ldan 'das mas bka' stsal pa// thugs las sprul pa'i mkha' 'gro nyon// yang dag don gyi gnas lugs ni// gud na yod pa ma yin cing// rang gsal rang byung bde chen chos// gdod
224b2 nas rnam dag ye shes nyid// spros bral chos kyi skur bzhugs pas// rang byung nyid las de ma 'das// gsal la dag cing rnyog pa med// me long chu zla'i rnam pa can// mdzes shing yid 'ong mtshan dper
224b3 ldan// snang stong longs spyod rdzogs skur bzhugs// de yang rang las gud du min// thugs rjes 'gro 'dul rtsal po che// yangs pa che la longs spyod cing// cir yang sprul pa'i rnam 'gyur can// 'phro dang 'du
224b4 dang dpa' shugs can// gnas dang longs spyod yang rtsal can// gdul bya 'dul ba'i thabs stobs can// sna tshogs sprul pa'i skur bzhugs pa// de ltar sku gsum rang byung dang// de las rnam par rab 'phros
224b5 pas// yang dag gnas lugs rdzu 'phrul mchog/ bsam gyis mi khyab yang dag ldan// rnam par rig bkra shes par bya// mkha' 'gro gsang rgyud bka'i lde mig las/ yang dag don gyi gnas lugs bstan pa'i
224b6 le'u ste bzhi pa'o//// bcom ldan 'das mas bka' stsal pa// yon tan sprul pa'i mkha' 'gro nyon// bsnyen pa dang ni sgrub pa'i don// dang po bsnyen pa'i las la 'jug/ lus ni sna tshogs mkha' 'gro
225a1 yi// stangs stabs rnam 'gyur dag la bslab// 'khrul 'khor gnad la rab tu gzir// ngag ni log gtam smra ba bcad// rlung gi rtsol ba dang ldan pas// bzlas pa sngags kyi gnad la
225a2 gzir// yid ni mi 'gyur dang ldan pas// sngags kyi 'khrul 'khor la sogs pa// lha dang bcas pa'i ting 'dzin gzir// de ltar lus ngag yid gsum po// yengs med lha yi srang la gcur// sku gsung thugs kyi
225a3 dkyil 'khor du// g.yo ba med pa'i gnad la gzir// lus ngag yid gsum gtan thub pas// ye shes byin chen pheb pa dang// rtags dang cho 'phrul sna tshogs 'byung// de nas sgrub pa'i las la 'jug/ gza'
225a4 skar dus tshod shis pa la// yid 'ong gnas su dkyil 'khor bri// phyi nang gsang sogs rdzas rnams dang// mchod gtor thugs dam skong rdzas rnams// bkod pa phun sum tshogs par bsham// mtshams kyi rim
225a5 pa dam par bcad// dgyes par byed pa mchod pa'i rdzas// 'du bar byen pa brten pa'i rdzas// las la rgyug pa mngag pa'i rdzas// sna tshogs rdzas kyi bye brag rnams// dur khrod rdzas la gzhi blangs pas// bag gro
225a6 phyin chags brjid par bkram// de ltar rten rnams rdzogs pa dang// rang nyid sgo gsum mnyam gnas pas// sgrub pa'i las la 'jug par bya// bdag bskyed mdun du bskyed pa yi// lha yi ting 'dzin gsal
225b1 bar bsgom// de nas bzlas pa'i las la 'jug/ smra ba bcad de yengs med 'bad// thun bar dmigs pa'i 'khrul 'khor bskor// mchod dang gtor ma bstod pa bya// ye shes dbab cing phrin las gzhol// de
225b2 ltar rtags rdzogs bar du ste// dus la ma g.yel bsgrub par bya// phyi nang gsang rtags rdzogs nas kyang// bsgrubs rjes las kyi mtha' sdud dang// dmigs su bskyur ba'i rim pa rnams// rang rang gnas
225b3 skabs skabs dang bstun/bsgrub pa'i snying po lon par bya// mkha' 'gro gsang rgyud bka'i lde mig las/ bsnyen dang sgrub pa'i las bstan pa'i le'u ste lnga pa'o//// bcom ldan 'das mas bka' stsal
225b4 pa// phrin las sprul pa'i mkha' 'gro nyon// phrin las mkha' 'gro kha bsgyur sna tshogs ni// bsnyen dang sgrub la brtan thob nas// gang dang gang gis zhi ba'i las// bdag nyid rdo rje mkha' 'gro yi// nga rgyal ldan
225b5 pas sna tshogs brtsam// de bzhin rgyas pa'i las rnams kyang// bdag nyid rin chen mkha' 'gro yi// nga rgyal ldan pas sna tshogs brtsam// dbang byed dbang gi las rnams kyang// bdag nyid pad+ma mkha' 'gro
225b6 yi// nga rgyal ldan pas sna tshogs brtsam// drag po mngon spyod las rnams kyang// bdag nyid las kyi mkha' 'gro yi// nga rgyal ldan pas sna tshogs brtsam// de las gzhan pa'i sna tshogs kyang// bdag nyid sangs
226a1 rgyas mkha' 'gro yi// nga rgyal ldan pas brtsam par bya// gzhan phan bsam pa'i las sbyor gyi// brtsam pa mthar phyin rang don kun// shugs 'byung 'gag pa med par 'grub// rang 'dod khengs
226a2 pa'i las sbyor ni// tshe lo dgu khri dgu 'bum bar// 'bad kyang ngal ba don med yin// sgrib pa med pa'i bsam gtan gyis// gang dang gang gi las bsgrubs kyang// dngos dang sprul pa yang sprul gyi// dngos
226a3 sam sprul pa'i tshul can gyis// las gang myur du 'grub par 'gyur// pho nya las kyi sngags pa yis// sngags la brten pa thob nas kyang// legs phyogs dkar ba'i 'dun pa yis// legs brtson don grub rgyal
226a4 po'o// mkha' 'gro gsang rgyud bka'i lde mig las// las kha bsgyur gyi rim pa bstan pa'i le'u ste drug pa'o//// bcom ldan 'das mas bka' stsal pa// 'jig rten 'das dang ma 'das pa'i// mkha' 'gro
226a5 sprul pa'i 'khor rnams nyon// DAk+ki bsnyen cing bsgrub pa yi// rtags dang mtshan ma'i rim pa ni// phyi dang nang gi rten 'brel du// rnam pa bsam gyis mi khyab 'char// rab la dngos dang 'bring la nyams// tha ma
226a6 rmi lam dag la 'char// sku bzhi ye shes lnga sprul dang// yang sprul grangs las 'das pa ste// sku dang gsung dang thugs thob rtags// so so'i rigs dang rigs 'dra ba// mkha' dag shel dang bum gter
226b1 dang// rin chen 'bru yi phung po'am// char du bab sogs dpag med dang// bza' btung la sogs longs spyod rdzas// sbyin dang 'bul ster bkur sti byed// ma sring mdza' mo bud med rigs/ rgyan mdzes gos
226b2 bzang gus shing 'dud// grogs dang brtse dga' rjes su 'brang// dga' ba'i rnam 'gyur dpag med ston// rigs pa dngas shing bde stong 'bar// bde legs yon tan 'phel ba yi// rnam 'gyur brda rtags
226b3 dpag med 'byung// sgra 'od zer dang mdzes pa'i gzugs// rigs dang rigs 'dra dpag med 'byung// gzhan yang cho 'phrul rnam pa ni// phyi nang 'byung ba'i nyer len dang// las dang las rnams 'thab pa
226b4 dang// rtsa rlung thig le'i gang stong dang// de dag 'khrul pa'i cho 'phrul las// lus ngag yid kyi dkyil 'khor du// bsam gyis mi khyab 'byung ba ste// rang rang blo yis legs par dpyad// bzang la rnam par mi
226b5 spro zhing// ngan la skrags pa bskyed mi byed// gang dang gang gi rtags dang ni// cho 'phrul rnam pa gang la yang// ched med gal ma mchis su gzhag/ rnam par 'chol ba'i rigs rnams dang// nges pa can dang nges
226b6 pa med// de sogs gang dang gang la yang// bsam gyis mi khyab brtag dka' bas// rnal 'byor lus ngag yid nyams gtso// lus ngag yid gsum dbang 'byor bas// snang srid gtan la phebs pa ste// 'bras
227a1 bu sku gsum ye shes lnga// bzang mo'i klong du smin cing grol// bskyar med 'khrul 'khor la thag bcad// 'pho 'gyur med par gtan la phebs// mkha' 'gro gsang rgyud bka'i lde mig
227a2 las// rtags dang cho 'phrul bstan pa'i le'u ste bdun pa'o//// de nas nyid las sprul pa'i 'khor// dkar mo sku dang dmar mo gsung// sngon mo thugs kyi rigs rnams dang// ser mo yon tan rigs dang
227a3 ni// ljang gu phrin las rigs rnams te// ye shes dbyings kyi mkha' 'gro'i tshogs// dngos dang sprul pa yang sprul 'khor// las las grub pa'i mkha' 'gro ma// dngos dang sprul pa yang sprul te// 'khor gyi
227a4 mkha' 'gro mtha' yas rnams// dga' zhing spro ba'i rnam 'gyur gyis// lus kyis gar stabs sna tshogs bstan// ngag gis bstod bsngags glu dbyangs sgrogs// yid kyis bsam gtan rang bzhin sprul// bcom
227a5 ldan 'das ma'i sku gsung thugs// yon tan phrin las bcas pa la// rnam 'gyur du mas mngon par bstod// lha dang bcas pa'i 'jig rten kun// g.yo dang 'gul dang brdeg pa dang// 'od kyi dra bas khengs pa
227a6 dang// lha dang mi dang lha ma yin// dri zar bcas pa thams cad kyang// dga' zhing gus pas mngon par bstod// mkha' 'gro gsang rgyud bka'i lde mig las/ rjes su yi rang zhing mngon par bstod pa'i le'u ste
227b1 brgyad pa'o//// phrin las mthar phyin rmad du byung ba mkha' 'gro gsang rgyud bka'i lde mig ces bya ba rdzogs so// sa ma ya/ rgya rgya rgya/ sbas rgya/ gtad rgya/ gter rgya/ kha tham/ d+ha thim/ sprul sku gar
227b2 gyi dbang phyug gis/yos lo dgun zla tha chung gi tshes brgyad yos kyi dus su bla dkar klu btsan gyi gnas nas gdan drangs pa'o// sa 'brug gi lo stag gi zla ba na chos kyi bka' bkrol nas 'brug gi zla ba
227b3 la bka' rdzogs lung rdzogs u rgyan yab yum gyi byang sems dkar dmar dang bcas pa/bdag cag rtsa ba'i bu bco lnga/ chos bdag nyer gcig dang/ las can brgya dang rtsa brgyad rnams la rim par gnang ba
227b4 lags so////
227b5
227b6 u rgyan gsang ba'i skad du/


CLOSE WINDOW