193b1 / u rgyan gsang ba brda'i skad du/ rgya gar skad du/ g+hu
193b2 ru d+he wa DAk+ki ni/sarba karma tan+t+ra k+Shu ra spr-i sha ts+tshe da na nA ma/ bod skad du/ bla ma yi dam mkha' 'gro thams cad kyi phrin las kyi rgyud spu gri reg gcod ces bya ba/ bcom ldan 'das dpal chen
193b3 rngam pa drag po gtum rngam rab tu khros pa'i sku gsung thugs yon tan phrin las mi zad pa rgyan gyi rgyal po la phyag 'tshal lo// snang srid rab tu g.yos nas ni// 'byung ba me rlung 'khrugs pa'i klong// bdud dang rU tra rab bsgral
193b4 nas// sha khrag rgya mtshor 'khyil ba'i dbus// drag sngags mtshon cha'i gur khang du// dregs pa khyo shug bsnol ba'i steng// bcom ldan snang ba mtha' yas sku// gzi brjid rab 'bar skur bzhengs nas// stobs
193b5 kyi dpa' shugs rab bskyed de// sku gsung thugs las 'od kyi zer// tsha tshwas snang srid stong khams gang// ma rungs pa rnams tshar gcod cing// sprul pa dpag med 'gyed pa'i tshe// 'khor gyi gtso mchog dbang
193b6 chen rgyal// ha ya g+h+rI wa dgra bgegs gshed// rab tu khros pa'i stobs shugs can// sku la dur khrod chas kyis brgyan// spyi gtsug dbang skad rta mchog 'tsher// sprul dang yang sprul dpag med
194a1 'gyed// gsung gis rngam pa'i nga ro sgrogs// hUM phaT sgra yis stong gsum g.yo// ha ha'i gad mo cher 'byin cing// dgyes pa'i gdangs skad 'byung po skrag/ sgrol 'gyur med pa'i thugs klong
194a2 nas// ngang gis ye shes rtsal 'byin yang// ma rungs pa la dug char 'bebs// brtse bas 'gro la rab dgongs nas// rdzu 'phrul shugs kyis drag por sprul// 'dus pa'i 'khor gyi gtso mchog gis// nyid kyi rdzu
194a3 'phrul rtsal bshig nas// bcom ldan 'das la 'di skad gsol// hrIH'bar ba'i klong nas skur bzhengs pa// yang dag don ldan bcom ldan 'das// sprul pa phyogs bcur 'gyed pa po// brtse bas bdag la
194a4 deng 'dir dgongs// gdul bya rengs par gyur nas ni// ma dag log pa'i lam zhugs pa'i// lus ngag yid spyod ma rungs pa// sdang zhing gnod gdug rtsal phyung nas// yongs la 'tshe bar byed pa rnams// de
194a5 dag 'dul bar byed pa'i thabs// drag po'i shugs kyis stsal du gsol// byams par gyur pa'i thugs mnga' zhing// zhi ba'i ngang las ma g.yos kyang// thabs kyis gdug pa 'dul slad du// rab tu khros pa'i
194a6 shugs phyung nas// drag rbad las rnams stsal du gsol// zhes sogs myur du zhus pa'i tshe// bcom ldan rngam pa'i stangs stabs kyis// phyogs bcur gzigs shing gzi brjid kyis// snang srid ma lus rab tu
194b1 g.yos// ma rungs cho 'phrul bkyes nas ni// ljags zor rngam pas bka' stsal pa// nyon cig sprul pa dbang chen dpal// gdul bya ma rungs 'dul ba'i las// thabs kyi rgyal por ngas bshad kyi// thog mar
194b2 brnag pa'i 'dun pas nyon// bar du rab tu khros pas nyon// tha mar drag shul spyod pas nyon// sngon 'gro dngos gzhi rjes rim bzhin// gtan la gang phebs brnag par byos// log pa'i lam zhugs gdul bya
194b3 rnams// thabs kyis 'dul bar bya ba dang// bdud dang rU tra la sogs pa// lam gyi 'gal rkyen byed pa'i bgegs// dgra sogs 'joms pa'i las rnams kyang// drag shul ldan pas yang dag brtsam// 'bar
194b4 zhing rab tu rngam pa yis// legs brjod las dang las kyi rigs// rab tu gsal don yang dag brjod// bla ma yi dam mkha' 'gro thams cad kyi phrin las kyi rgyud spu gri reg gcod las/ gleng gzhi'i le'u ste
194b5 dang po'o// a+thi+-i/// dgra bgegs log 'dren 'joms pa'i las// sngon du 'gro ba'i rim pa rnams// bcom ldan 'das kyis bka' stsal pa// gnas dang dus dang gang zag dang// dmigs bya gang yin
194b6 ngos bzung dang// dmigs bya'i rU pa bya ba dang// thun rdzas dang ni bcas ka ste// drag sngags bsgrub par byed pa'i gnas// spyi dang bye brag khyad par gsum// spyir ni rab 'jigs dur khrod
195a1 gnas// ngam nag skyi g.ya' hom khung 'dra// chu rong brag 'dab 'dre srin 'khrugs// bya gcan rngam pa ma rungs rgyu// gnam sa gru gsum ngam nag cing// dug dang dug shing mang po skyes// steng
195a2 nas lhung la khad 'dra dang// 'og nas gyen du gzengs pa 'dra// sa rdo ri brag khros 'dra'i gnas// bye brag gnas ni bsam mi khyab// ye shes lha yi drag sngags gnas// spyi bo'i khrod du ma yin zhing// rab tu
195a3 dben la bag phebs pa// bas mtha' yangs pa'i sa phyogs so// 'jig rten pa yi drag sngags gnas// dur khrod la sogs 'dre srin rgyu// rab gnas ma byas sa phyogs te// ngang gis 'jigs pa'i gnas su
195a4 bsgrub// gzhan yang bye brag so so'i gnas// gang la gang rigs gnas su'o// khyad par drag sngags bsgrub pa'i gnas// rab ni sa dong mun pa ste// rim pa bdun gyi sa 'og na// las kyi gshin rje gnas pa'i
195a5 phyir// stongs grogs mthu dpung byed pa'o// 'bring ni sa khebs brag phug stong// ngam nag mun pa rab tu 'khrigs// dregs pa sde brgyad gnas pa ste// byang phyogs kha blta'i phug pa shis// las rnams myur du
195a6 'grub par 'gyur// sku gsung thugs rten mi bzhugs gnas// yang na rab tu gnas zhig cing// 'byung pos bdag byas gtsug lag khang// mdor na 'jig rten dregs pa'i tshogs// rgyu zhing gnas pa'i sar
195b1 bsgrubs pas// gcig rgyab gcig gis byas pa yi// gang dang gang gis las byas pa'i// de dang de dag myur du 'grub// thogs pa med pa'i mthu thob 'gyur// de bzhin drag sngags bsgrub pa'i dus// dus
195b2 gza' drag po rgyu ba ste// phung gsum bdud kyi nyi ma dang// dregs pa stobs ldan rgyu ba'i dus// gza' dang skar ma rtsub la sogs// gang dang gang gi rigs rnams la// de dang de yi rigs bstun nas// nam
195b3 phyed srod dang mun pa 'khrigs// dus der drag po'i bsnyen sgrub dang// las la sbyar ba rab tu shis// zla ba mar gyi ngo dag la// las mtha' mnan bsreg zor las bya// yang ni sngags pa'i rgyud 'khrugs
195b4 nas// rngam zhing ngar dang ldan pa'i dus// skad cig nyid der las sbyor brtsam// gnam lcags thog dang mtshungs pa ste// las gang thogs pa med par 'grub// rab tu g.yo ba'i dus dang ni// phyi nang 'byung ba
195b5 'khrugs pa dang// nyi zla sgra gcan 'dzom pa'i tshe// mngon spyod drag po'i las la 'jug/ des ni las rnams myur 'grub 'gyur// mngon spyod bsgrub pa'i gang zag ni// sems rgyud rab tu gtum pa las// blo
195b6 stobs che zhing zhum pa med// lus rngam khro bo khros pa 'dra// mig rtsa dmar la skra lo gzing// spyod lam thug thub rab tu che// ngag nyung bzlas brjod sngags la brtson// sha khrag dmar la rab tu dad// drag po'i
196a1 las la rab tu brtson// rgyud rtsub khro gtum rab tu che// zhe nag 'dzin shes gtong mi shes// bstan la brtse zhing spyi sems che// bya ba gang yang mthar 'byung byed// brtson 'grus ldan zhing snying rus
196a2 can// gar yang thogs med 'jug pa yi// gang zag de 'dras bsgrub pa na// myur 'grub dgra bgegs thul bar 'gyur// de las log pa'i gang zag rigs// 'jam la zhi dul ldan pa yi// blo sna thung ba'i
196a3 rigs can gyis// bsgrubs kyang 'grub par mi 'gyur ro// dmigs bya ngos bzung rnam pa gnyis// dgra dang bgegs te dgra bo ni// spyi dang bye brag rnam pa gnyis// spyir ni sangs rgyas bstan pa la// gnag
196a4 pa'i sems 'chang gdub rtsub can// dge 'dun spyi dgra byed pa dang// dkon mchog sde pa'i nor rnams 'joms// dkor cha 'joms shing dben gnas bshig/ byang chub sems dpa'i thugs dkrug
196a5 cing// bsam gtan bsgom pa'i gegs byed pa// bla ma dam pa'i sku la bsdos// sems can yongs la 'tshe ba byed// rtag tu sdig pa'i las la spyod// dge 'dun dbyen byed gnag sems byed// dkon mchog
196a6 gsum la rgyab kyis phyogs// mdor na sangs rgya bstan pa yi// spyi dgra byed cing 'gro la 'tshe// dmigs bya de 'dra bsgral ba'i yul// bye brag rang nyid ma nyes par// do bsdau phod btsug brnyas pa 'chang// rkun
196b1 sna gtad cing jag 'dral byed// brdung btsog 'phrog bcom rtsub 'khrug ston// len nyes med par zhe gcod cing// sku la bsdo zhing rigs la bsnyegs// gnag pa'i mthil 'cha' za lam gcod// mdor na rang
196b2 la sdang byed cing// lus ngag yid sogs du ma yis// gnod cing sdang bar gang byed pa'i// rnal 'byor sgos dgra yin pa'i phyir// de dag myur du bsgral ba'i yul// rang gis ma nyes gzhan gyis btsug/ de dag
196b3 bsgral ba'i yul yin no// bgegs ni las kyi mnar ba yi// lus sems ma rungs 'byung po'i rigs// ngang gis gzhan la gnod gyur cing// dkar po dge ba'i bar chad byed// tshe la rku zhing srog la 'jab/
196b4 kha rje dbang thang dag la gnod// mtho ris thar pa'i gegs byed cing// 'khor ba ngan song rgyu sogs pa'i// bdud dang bdud kyi ris kyi lha// skabs tshol glags lta lus srog 'joms// bsgrub la bar chad sna
196b5 tshogs byed// 'dre bdud 'byung po gang dang gang// dge ba'i las dang bsam pa la// bar chad byed pa gang yin pa// mi min de dag bsgral ba'i yul// de ltar dmigs bya ngos zin nas// dgra bgegs rU pa bya
196b6 ba ni// 'bur du dod dang ris su bris// ming byang dag la gdags pa'o// dang po 'bur du btod pa ni// so so'i zag rdzas rjes sa dang// dur khrod dag gi sa dang ni// phung shul 'dre gnas dag gi sa// dug
197a1 khrag ro sol dur thal dang// dme ba rabs chad mdze po yi// bsdad shul 'grim lam khang sa ste// mdor na shin tu bkra mi shis// ngan pa las byung rdzas rnams las/ kham sa gnag lci bag phye
197a2 dang// 'bru nag phye dang dur thal dang// rang rang las kyi sa sna sogs// gang dang gang las byung ba yi// rU pa che tshad lus dang mnyam// 'br-ing po dmigs bya'i khru gang ste// tha ma de yi mtho gang tshad// gzugs
197a3 dang dbang po skye mched dod// rid la nyam thag stobs dang bral// yi mug ngu ba'i rnam 'gyur can// yan lag rengs sam 'khums pa'i gzugs// sha shor rus pa'i mkhrig ma zhig/ bgegs la yi dwags rnam
197a4 pa can// gsus pa che la yan lag rid// mjing pa phra zhing mgo bo rgyas// mig ni gyen la a 'bras log kha bgrad lce brkyangs ma ne 'phyang// pho mo gang yin dbang po dod// gang yang lus kyi cha tshang bar// 'os
197a5 pa'i tshon gyis mdog bsgyur zhing// rnam shes chags pa'i gta' yin pas// gzugs dang skye mched dod par bya// ris su bris pa'i ling+ga ni// gzhi ma ro ras dug shog dang// la la zhing lpags dag la ste// gang
197a6 yin che tshad mda' gang la// 'bring po khru gang tha ma yang// mtho gang sor bzhi dag la bri// snag tsha phal cher dug khrag ste// rang rang gang rigs rdzas kyis bri// de yang skye mched dod pa la// dbang po tshang zhing
197b1 yan lag rdzogs/kha mig bgrad cing skra lo gzing// rkang lag lcags sgrog byad du gzhug/ rang la rang gshed byed pa'i tshul// de ltar bris dang la la ni// dmigs bya'i 'dra 'bag gzugs su bkod// de dang
197b2 de ltar bye brag rnams// rnam rig shes rab can dag gis// gang la gang 'os bkod par bya// de ltar bris pa'i snying ga ru// dgra la nr-i dang bgegs la tri// tha mar rang rang ming rus dang// dzaHhUM baM hoH/ ma ra
197b3 ya khug dza/yig mgo nang du bstan pa bri// dpral bar rus bri kha la ni// dung dung dza dza bri bar bya// brla la bla dgas bri bar bya// byin pa gnyis la nr-i tri bri/ 'doms la phaT dang rkang zhabs yi// yan lag
197b4 dzaHhUM baM hoHbkod// spyi bor mA ra ya nan bri// g.yas su pha rgyud rtsad chod dang// g.yon du ma rgyud mngal nas skoms// mdun nam lto bar srid pa dkrug/ ces sogs dmod mo gang shes bri// tha mar las
197b5 sngags gang 'os bkod// de'i mthar dzaHdang khram ris dang// sbal sbrul sdig pa 'dzings pas bskor// thar lam bros khung med pa'i tshul// 'byung ba 'khrugs pa'i klong du tshud// gzhi ma sa steng med pa
197b6 can// rab tu gtams pa bri bar bya// de las gzhan yang rang rang gis// las mtha' dang ni bstun te bri// de ltar bris pa'i rU pa la// rang rang zag pa'i rdzas kyis byugs// sngags rnams mi bklag rang bab
198a1 bzhag/mnga' thang nyams par bya ba'i phyir// mgo rting bzlog nas lteb pa dang// bzhag pa'i lugs kyang de bzhin bya// dug khrag la sogs rdzas ngan yang// gang rigs las kyi mtha' dang
198a2 bstun// mdor na brnag par byed pa yi// dgra bgegs rU pa'i ling+ga ni// rang gzugs skye mched dod pa la// rab tu nyams pa'i tshul can bya// thun rdzas skam rlon rnam pa gnyis// skam thun rdzas ngan sna tshogs
198a3 dang// ke tse shang tse nyung dkar dang// til dang 'bru nag sna tshogs dang// zha nye zangs lcags khro phye dang// rtsub pa'i rdo phye dkar nag dang// dug rigs sna tshogs 'bras bu dang// dur khrod las byung rdzas
198a4 rnams dang// rang rang gshed rdzas sna tshogs so// rlon thun khrag la gzhi blangs pa'i// sna tshogs dug gi khu ba dang// yugs sa'i mngal khrag mdzo drel chu// mdze pho'i khrag rnams gang rnyed dang// mtsho lkugs chu
198a5 mig lkugs pa'i chu// rabs chad pho mo'i mchil snabs dang// lkugs pa'i dri chen dri chu dang// de sogs rdzas ngan sna tshogs pa// phye ma ril bu spangs pa la// dri ngan rab tu bku ba can// shin tu gdug par byas
198a6 pa'o// de nas bca' ga'i rim pa ni// shin tu nag pa'i gnas khang du// byang du kha bltas brub dong bcas// dur khrod la sogs sa rdzas kyis// stegs bu mda' gang gru bzhi'am// 'dom gang gru bzhi la sogs
198b1 pa'i// rigs dang rigs las byung ba bya// dpangs su khru gang byas pa la// dbus su brub dong gru gsum bya// yangs dog thod pa kha sbyor shong// de las gzhan yang gang rigs bya// phyi nang med par dug khrag
198b2 dang// dur thal ro sol dag gis byugs// rdzas ngan rnam pa du ma yis// dkyil 'khor brub dang khyab par byugs/ kha bad bang rim lcags ri sogs// tha ma drag po'i rtsang gis bskor// rigs dang rigs
198b3 mthun ldan pa'o// mkhas pas gang la gang rigs bya// mdor na 'jigs la rngam pa can// las kyi gshin rje'i pho brang ltar// zhing lpags mi mgo'i dra phyed dang// rgyu ma'i lda ldi ro ras kyi// 'phan gdugs la
198b4 sogs dur khrod kyi// pho brang rab tu 'jigs par bya// de las gzhan yang bcas kyi rigs// gang la gang dang de la de'i// bye brag rnam pa mang po dag/ mkhas pa rnams kyis dpyad de bya/ khro rgyal gtum po'i pho
198b5 brang las// dregs pa sde brgyad 'du ba'i gnas// 'dre srin 'byung po 'tshogs pa'i sa// drag po las kyi hom yin pas// 'jigs la ya nga'i tshul can bya// de ltar byas pa'i hom khung du// dgra bgegs dmigs
198b6 bya'i rU pa gzhug/thod pa kha sbyor la sogs pa'i// ling snod rdzas ngan gang rigs kyi// nang du gzhug par byed pa'o// ming byang dag la 'di ltar gdab// drag po dag ni dug rigs kyi// shing las byas pa'i byang
199a1 bu la// dug khrag rdzas ngan sna tshogs kyis// dgra bo'i ming rus mkhan gsum bkod// sgo khyi yul 'brog sa zhing dang// bang mkhar mi nor 'khor bcas kyi// nor 'khrul med pa'i ming bkod
199a2 de// brub dong phyi nang bar khyams su// rnam pa mang du byas la bkod// gzugs dang bkram pa gang rigs bya// de nas snang srid lha 'dre la// gtor ma gser skyems btang nas kyang// bka' bsgo bden stobs
199a3 drag tu brjod// ye shes lha la mkhyen gsol bya// 'jig rten lha la nyes pa bsgrag/ rang gis ma nyes bden pa brjod/ kho yis nyes pa phra ma gzhug/ rang nyid lha yi nga rgyal bskyed// blta ba gnad du tshud pa
199a4 dang// ye shes lha yi sngags tshad bgrang// rang rang gnyen po stobs kyi lha// gang la gang rigs ldan pa gces// bla ma yi dam mkha' 'gro thams cad kyi phrin las kyi rgyud spu gri reg gcod las/ sngon du 'gro
199a5 ba'i las rim bstan pa'i le'u ste gnyis pa'o// a+thi+-i/// bcom ldan dpag med he ru kas// dbang chen 'bar ba la sogs pa'i// drag po 'dus pa'i 'khor rnams la// drag sngags dngos gzhi'i las
199a6 gsungs pa// bsnyen dang sgrub pa las sbyor te// bsnyen pa la yang rnam pa gnyis// ye shes lha yi bsnyen pa dang// 'jig rten dregs pa'i bsnyen pa'o// ye shes lha yi bsnyen pa la// dkyil 'khor rnam pa gsum
199b1 ldan pa'i// grangs rtags dus tshad gtan la dbab// 'jig rten dregs pa'i bsnyen pa la// bdag nyid lha yi nga rgyal gyis// gnad la dbab pa'i tshul gyis ni// lha srin dregs pa gang yin pa// srog sngags
199b2 g.yel med myur du 'bad// mngon sum rtags kyis gtan la dbab// rnal 'byor g.yo med ngang du bzhag/ de sogs bsnyen pa'i rim pa rnams// gong gnon yin pas tshags su gzhug/ de nas sgrub pa byed pa
199b3 ni// dang po 'bod pa'i bsgrub pa dang// bar du rbad pa'i bsgrub pa dang// tha mar bsad pa'i las rim ste// spyi dril rnams la nges pa med// man ngag rang rang gzhung du bya// dang po 'bod pa rnam pa
199b4 gnyis// ting 'dzin sngags dang rdzas bcas la// brten nas ye shes lha 'bod bsgrub// grub nas gang 'dod phrin las sbyar// dmigs rten rdzas dang dkyil 'khor dang// skong rdzas gtor tshogs rang rang
199b5 gi/dgyes pa'i rdzas dang dmigs pa dang// drag po'i sngags kyi rim pa la// brten nas 'jig rten lha 'dre 'bod// bdag bskyed ye shes lha gsal gdab// che ba'i nga rgyal drag tu bskyed// 'jig rten lha 'dre
199b6 mdun du dmigs// bran dang bka' nyan tshul du bya// mdor na rje dang 'bangs kyi tshul// de lta bu yi tshul du 'bod// rbad dang bsad pa'i bsgrub pa ni// zung 'jug yin pas 'di lta ste// dmigs bya bskyed dang
200a1 dgug pa dang// lha dbye srog dang phral ba dang// gzugs la dbab dang byad du gzhug/ thun gyis brab dang srog 'phrog las// gzugs phung lha la dbul ba dang// rnam shes spar dang tshe lung dang/
200a2 khrus lung dag gis las la sbyar// dang po dmigs bya bskyed pa ni// bdag nyid lha yi nga rgyal gyis// mdun du las kyi gshin rje yi// pho brang drag shul 'jigs pa'i gnas// gti mug mun pa nag po'i
200a3 nang// zhe sdang rlung nag 'tshub pa'i dkyil// 'dod chags me dpung 'bar ba'i dbus// las kyi bshan pa rgyu ba'i sa// khro rgyal dmag dpung 'dus pa der// dmigs rten rU pa de nyid kyi// dgra bgegs gang
200a4 yin sa bon las// mngon sum lam mer snang ba'i gzugs// shin tu rid la nyam thag pa// lag pa mya ngan phyag rgya bca'// skra gzing mig nas mchi ma 'bab// so gtsigs lce brkyangs ma ne 'phyang// yi mug
200a5 tshul du gnas pa'am// yang na dgra bgegs gang yin kyang// rang gzugs rnam 'gyur cha lugs can// shin tu rgud pa'i rnam par gsal// de ltar brten la bskyed nas kyang// rnam shes rten la dgug pa
200a6 ni// rang nyid dbang chen 'bar ba'am// mos pa'i khro bor bskyed bya ste// che ba'i nga rgyal ldan pa'i ngang// thugs ka la sogs gnas rnams nas// pho nya sprul pa'i las mkhan ni// lcags kyu zhags pa lcags
200b1 sgrog dril// dpag tu med pa'i spro bsdu yi// dgra bo zas la yengs pa'am// gnyid kyis non pa'i dus su dgug/ lag pa lcags kyu'i phyag rgya bca'// dkon mchog bden pa'i stobs brjod de// dmigs bya
200b2 dgra bo gang yin gyi// rnam shes yi ge nr-i yi tshul// rang dbang med par bkug nas kyang// dmigs rten rU pa dag la bstim// gzhan yang dbang po gzugs phung bcas// drag tu bkug la gzugs la
200b3 bstim// lus 'dar ngag dngangs sems myos nas// mngon sum mdun du khugs par bsam// bgegs kyi sa bon tri las bskyed// dgug gzhug sngar dang 'dra ba las/ khyad par nam phyed nyin byed
200b4 dgug/rnam shes tri yi rnam pa can// dmigs rten rang gzugs dag la bstim// gzhan yang dgra bgegs 'gugs pa yi// sbyor ba'i rnam grangs dpag med bya// lha dbye grogs dang phral ba ni// rdzas ngan dud
200b5 pas rU pa bdug/dbye ba'i phyag rgya dmod mo dang// sngags rnams brjod cing dmigs pa gtad// pho lha dgra lha ma lha dang// zhang lha srog lha le'u'i lha// yul gyi rtse lha la sogs pa'i// mgon skyabs dpung
200b6 grogs byed pa yi// rgyab brten dag dang phral bar bya// grogs med rten dang bral nas kyang// mgon skyabs dpung rogs med par bsam// de nas gzugs la dbab pa ni// lus la lus dang ngag la
201a1 ngag/rnam par shes pa rten la bstim// de yang bye ma tshan mo la// mar thim lta bur gyur nas kyang// lus ngag yid gsum gcig tu 'dres// de yang lus ngag yid gsum po// rnam par nyams
201a2 nas rab tu myos// bkrag dang gzi mdangs yal nas ni// sngo la ham pa thal ba'i mdog/ dbang po'i stobs bcud nyams par dmigs// de nas byad du bcug pa ni// dbang po yan lag byad du gzhug/ rnam
201a3 shes gru gu lta bur bsgril// phyag rgyas yan lag bkyig pa dang// 'khyog 'gul med par bsdam pa'i tshul// tshon skud sna lnga la sogs pa// byad thag rnams kyis rU pa de// 'gul dbang med pa'i tshul gyis
201a4 ni// rgya gram skor bu ris su bsdam// stobs dang gzi mdangs nyams nas ni// mkha' lding gdos kyi non pa ltar// g.yo 'gul med par gyur bsam mo// de nas thun gyis brab bya ste// skam thun rlon thun gang
201a5 yin kyang// bsad sngags las kyis ngar blud de// thun rnams sprul pa las kyi mtshon// gnam lcags 'bar ba'i thog chen dang// dug dang nad kyi skyi 'dang char// rno ngar ldan pa'i mtshon char dmigs// rig
201a6 pa'i ngar bskyed ting 'dzin bsar// las sngags drag po 'brug ltar bzlas// thun char drag po thog ltar dbab// ting 'dzin myur mgyogs glog ltar bskul// dmod mo ngan pa mda' ltar 'phen// brnag sems
201b1 zhe sdang mun ltar gtibs// srog gi shan pa rbab ltar bsgril// dus gsum dus drug thun lam blangs// de nas pho nya'i dmag drangs la// srog 'phrog bsad pa'i las la 'jug/ pho nya rbad cing phrin las
201b2 bskul// las kyi shan pa ma rungs pa// sprul pa yang sprul bcas rnams kyis// dmigs bya dgra bgegs gang yin pa// srog bcad dbugs 'gag lus po gtubs// sha zos khrag 'thung rus pa bcom// lhag
201b3 rol tsam yang med par bsam// rul myags thal ba rdul du brlag/ bsad pa las kyi spu gri'i ngar// rab tu 'bar ba'i las byas bsam// de ltar rnam shes rten dang phral// srog dang bral ba'i gzugs phung
201b4 de// ye shes las las grub pa yi// lha dang srung ma thams cad kyi// zhal du dbul zhing bstab par bya// 'dod chags khrag la hub kyis btab// zhe sdang rus la chem gyis bzas// gti mug sha la hab kyis
201b5 rngam// dug gsum sha khrag rus pa'i tshogs// lha dang srung ma'i zhal du bstab// rdul cha phra mo tsam zhig kyang// ma lus zhal du thim par dmigs// de ltar gzugs phung lha la 'bul// las kyi lhag ma bsdu bar
201b6 bya// de nas rnam shes spar ba ni// bdag nyid lha yi thugs ka nas// ye shes sems dpa' tshon gang ba// rgyangs kyis thon nas dmigs bya yi// rnam par shes pa'i ngo bo ni/ khab len rdo yis lcags blang
202a1 bzhin// ye shes sems dpa'i thugs kar thim// ye shes sems dpa' rang nyid kyi// thugs kar thim nas gnyis med kyi// rang nyid chos kyi dbyings su gshegs// yang na ye shes sems dpa'
202a2 de// dpag chen gnam mda' 'phang ba bzhin// chos kyi dbyings su gshegs par dmigs// tshe lung bdag gi thugs ka nas// yi ge a dkar 'phros pa yis// kho yi tshe srog bkug nas kyang// rang gi snying
202a3 gar bstim pa yis// rang gi tshe srog bsnon par dmigs/ khrus lung rang gi gnas gsum nas// yi ge 'bru gsum 'phros pa las// ye shes bdud rtsi'i chu rgyun babs// dmigs bya'i lus ngag yid la phog/ de
202a4 yi nyon mongs sdig sgrib rnams// rnam par byang de sgrib bral nas// ye shes chen por gyur par dmigs// de ltar gnas spar tshe lung khrus// sgrib sbyang las sbyor gang byed kyang// ye shes lha yi nga rgyal
202a5 bskyed// snying rje byang sems rgyud la bya// ye shes dag pa'i dgongs pas spar// sgrib pa dag nas las rnams 'grub// byang chub lam gyi grogs su 'gyur// de ltar mngon spyod dngos kyi las// stobs chen rgyal
202a6 pos brtsam pa na// gnod byed dgra bgegs brlag par 'gyur// yang dag las kyi mthar thug ste// gdul bya log sred gyur pa rnams// bsgral nas 'dren pa'i thabs mchog go/ bla ma yi dam mkha'
202b1 'gro thams cad kyi phrin las kyi rgyud spu gri reg gcod las/dngos gzhi'i las rim bstan pa'i le'u ste gsum pa'o// a+thi+-i/// gzi brjid mtha' yas bcom ldan 'das// ston pa dbang mchog rgyal po
202b2 la// 'dus pa'i 'khor gyi gtsor gyur pa// dbang chen 'bar bas yang zhus pa// drag po'i las kyi mtha' sdud rnams// gdul bya'i 'khor la stsal du gsol// zhes pa stobs kyis zhus pa yis// ston pa gzi
202b3 brjid dpal 'bar bas// drag po'i las rjes bka' stsal pa// ma yengs 'dus pa'i 'khor rnams nyon// gnod byed dgra bgegs bsgral la sogs// drag sngags las kyi rjes rnams ni// rang nyid ma nyes
202b4 dpang gzug dang// kho yi nyes pa bsgrag pa dang// bzhes drangs za lam gtad pa dang// phrin brdzang mnan bsreg 'phen pa'o// rang nyid ma nyes dpang gzug pa// ye shes lha dang srung ma dang// snang srid lha
202b5 'dre rnams dang ni// yul lha gzhi bdag la sogs la// gtor ma gser skyems gsol mchod bya// bdag nyid lha yi nga rgyal bskyed// ho phyogs bcu'i rgyal ba sras bcas dang// bla ma yi dam mkha' 'gro'i
202b6 tshogs// dam can chos skyong srung ma dang// ye shes dbyings kyi lha tshogs rnams// bdag la gsan cing dgongs su gsol// lha klu gnod sbyin la sogs pa'i// snang zhing srid pa'i lha 'dre rnams// 'jig rten
203a1 las las grub pa yi// sprul pa yang sprul bcas pa ste// 'jig rten srung ma 'khor bcas rnams// bdag la gsan cing dgongs su gsol// phyogs mtshams steng 'og la gnas pa'i// yul gyi sa
203a2 bdag gzhi bdag dang// rtsi shing nags tshal ri brag la// gnas shing rten bcas mi ma yin// snang srid lha 'dre ma lus rnams// bdag la gsan cing dgongs su gsol// rgyal po blon po btsun mo ste// mgo
203a3 nag stong sde srid pa'i bdag/pho mo 'gro ba ma lus pa// bdag la gsan cing dgongs su gsol// legs nyes gnyis kyi stangs gcod cing// bzang ngan gnyis kyi shan 'byed pa'i// mkhyen ldan rnams kyis
203a4 gzu dpang mdzod// bdag ni ma nyes g.yo med de// thog ma med nas da lta'i bar// bla med byang chub chos spyod pas// 'dir yang theg mchog chos dang mjal// skyes nas da lta'i bar dag tu// mi dge spangs
203a5 nas dge ba spyad// lus ngag yid gsum chos la spyod// las kyi rgyu 'bras khyad ma bsad// dkon mchog gsum po thod bzhin khur// dam can chos skyong rtag tu mchod// snang srid lha 'dre'i yi ma bcad// rigs
203a6 drug pha ma sun ma phyung// tshe gcig byang chub bsgrubs lags kyang// las kyi dkar nag bden pa rnams// bden brdzun dbye ba khyed rnams kyis// bden rdzun shan 'byed mdzad du gsol// bdag la nyes pa
203b1 cung zad med// de phyir deng 'dir gzu dpang mdzod// bden pa can la mthu dpung bskyed// mi bden pa la bka' chad phob// ces sogs gang dang gang rigs pa'i// ma nyes dpang gzug gang shes brjod// de
203b2 nas kho yi nyes pa bsgrag/gnod byed dgra bgegs che ge mo// yar gyi lha la do bsdos shing// mar gyi 'dre la brnyas pa btsug/ bar gyi grogs la 'gran sems bcas// sangs rgyas bstan pa'i spyi dgra
203b3 byas// dkon mchog gsum gyi dbu 'phang smad// bla ma dam pa'i sku la bsdos// gsang sngags gnyan gyi dam tshig bkral// chos 'khor gtsug lag dkor nor bcom// 'gro ba yongs la gnod pa bskyal// sdig
203b4 pa mi dge sna tshogs spyad// las 'bras dkar po khyad du bsad// bstan pa yongs kyi rigs la bsnyeg/ rnal 'byor sngags 'chang bdag cag la// do brdaus phod btsug gnod pa bskyal// dkon mchog skyabs
203b5 gnas mi bden zer// 'di yis las ngan sna tshogs spyad// 'di la bsgral ba'i zhing bcu tshang// nyes pa can gyi che ge 'dis// rang gis las byas rang la smin// 'di la bka' chad dbab tu gsol// zhes
203b6 sogs nyes pa du ma bsgrag/dgra dang bgegs gnyis so so yi// nyes pa bsgrag tshul shes par bya// de nas bzhes drangs gtor ma bskyal// zor la sogs pa gang dang gang// 'os pa'i las sbyar skabs rnams
204a1 su// 'di ltar dmod bcol las rnams bya// ho dgra bo dam nyams bsgral ba'i zhing bcur gyur pa'i che ge mo 'di la bsad pa dang bsgral ba'i las tshang bas/ che ge mo 'di las kyi rlung dmar gyis
204a2 rgyab nas bskyod du chug cig/gti mug 'jigs pa'i mun nag gis mdun nas gtib cig/ 'dod chags rngam pa'i me dpung gi tsha ba'i dbal gyis gzhob du sreg gcig/ zhe sdang drag po'i ri rgyal lhun po'i 'og
204a3 tu non cig/phrag dog rngam pa'i chu srin gdug pa can gyi gre bar stim zhing/ nga rgyal rtsub 'gyur gyi 'khor lo stobs chen gyi rtsibs la skyon cig/ shan 'byed las kyi gshin rjes khram la thob cig/ pho nya las byed
204a4 'jigs pa'i sha zan gyi khar chug cig/nyon mongs las kyi rgya mtsho gting med kyi gting du skyur cig/ mi bzad 'bar ba'i byad thag lcags sgrog gis byad du chug cig/ khro rgyal 'bar ba'i phyag mtshan las kyi
204a5 mtshon cha'i char phob cig/lan chags las kyi gzugs phung 'byung po 'dre srin 'tshogs pa'i btson dong du skyur cig/ lhan cig skyes pa'i lha bdud du phob cig/ mnyam par 'ong ba'i bdud kyis bskos la thob
204a6 cig/gnam gyi 'ju thag dkar po gyen du chod cig/ rten pa sa'i rtod phur drungs nas phyung zhig/ che ge mo 'di yar gyi che gsum dang phrol cig/ mar gyi chung gsum dang phrol cig/ dkon pa'i tshe srog stung
204b1 zhig/lta ba'i mig dang phrol cig/ bsam pa'i snying dang phrol cig/ rgyab brten dpung rogs dang phrol cig/ 'go ba'i lha dang phrol cig/ skyobs pa'i dbon dang phrol cig/ bsten pa'i rje dang phrol cig/ gnas
204b2 pa'i yul dang phrol cig/mdza' ba'i grogs dang phrol cig/ bsags pa'i nor dang phrol cig/ phung gsum bdud dang sprod cig/ gnya' non byur dang sprod cig/ sdang ba'i dgra dang sprod cig/ gnod pa'i
204b3 bgegs dang sprod cig/'du ba'i nad dang sprod cig/ 'chi ba'i rkyen dang sprod cig/ pho bdud mo la phob cig/ mo bdud pho la phob cig/ rgyab kyi gos dang phrol cig kha'i zas dang phrol cig/ sbo'i chung ma dang
204b4 phrol cig/mchan gyi bu dang phrol cig/ lag gi nor dang phrol cig/ bla mchod bdud du phob cig/ nye ba dgra ru slong zhig/ lha gshed bdud du thob cig/ pho rgyud rtsad nas chod cig/ mo rgyud mngal nas skoms
204b5 shig/chung rgyud drungs nas phyung zhig/ yar gyi che gsum la bab na seng chen gyi khog pa 'bus g.yeng ba bzhin du thong zhig/ mar gyi chung gsum la bab na lcug phran zor bas brngas pa bzhin du thong zhig/ pha spun
204b6 nang tshan la bab na lug khyu la 'phar sbyang brgyab pa bzhin du thong zhig/pha khu rgan rim la bab na sdong rgan rtsa ba nas 'gyel ba bzhin du thong zhig/ gzhon nu dar ma la bab na sgo nga brag la brgyab pa bzhin
205a1 du thong zhig/mo btsun mdzangs ma la bab na me tog sad kyis khyer ba bzhin du thong zhig/ zas nor longs spyod la bab na me rdul rlung gi bskyod pa ltar thong zhig/ g.yo ba'i lus la bab na drag
205a2 chen la thog phog pa ltar thong zhig/smra ba'i lce la bab na bung ba theb kyis mnan pa ltar thong zhig/ bsam pa'i snying la bab na smyo 'bog can brgyal nad kyis thebs pa ltar thong zhig/ bya ba'i las la bab na
205a3 shog skya rlung gis bskyod pa ltar thong zhig/stod la tsha ba'i nad kyis gzir zhig/ smad la grang ba'i nad kyis gdungs shig/ bar du 'dus pa'i nad kyis dkrug cig/ klad khrag zho ltar dkrug cig/ lus sems
205a4 bal ltar g.yeng zhig/gzhogs g.yas pa skam du chug cig/ g.yon pa rul du chug cig/ chu dang gram thang skya mo'i bar du ya thod nyi ma 'de ru chug cig/ ma thod bye ma 'gam du chug cig/ che ge mo 'di la mi rung
205a5 ba'i ltas ngan cho 'phrul sna tshogs thong zhig/lus srog dbang thang dang bcas pa lhag ma med par myur du bzhes shig/ mi tshe ring po la dus ma 'debs par bzhes shig/ bar snang stong pa la tshad ma 'dzugs par
205a6 bzhes shig/skye rga na 'chi la khungs ma 'byin par bzhes zhig/ ces pa la sogs bzhes drangs shing/ dmod mo sna tshogs rigs mthun brjod// de nas za lam gtad pa ni// dmigs bya'i rU pa khrag ris
205b1 can// srung ma'i gtor ma bcas pa 'bul// phrin las myur mgyogs brag tu bskul// dul mo brtul zhing las la rbad// de nas drag tu 'di skad brjod// ho/ ye shes dang las las grub pa'i srung rang rang gi srung
205b2 ma'i ming nas brjod do// ma thugs dam can khyed rnams la/ dgra bo che ge mo 'di'i lus srog dbang thang chus srid dang bcas pa zas skal du gtad pa yin pas/ 'di'i sha zo/ khrag 'thung/ srog chod/ dbugs longs/
205b3 las kyi mtha' bsdus la/ lo dang zla bar ma bzhag/ zhag dang za mar ma shor bar myur du sgrol cig/ che ge mo 'di'i lus srog la steng lha'i za lam gtod cig/ 'og klu'i za lam gtod cig/ drang srong gza'i za
205b4 lam gtod cig/ces sogs srung ma mang po dang// snang srid lha 'dre mang po yi// ming nas bos te za lam gtad// rigs dang rigs mthun bdud du dbab// de bzhin rang gshed rang dbab kyi// za lam
205b5 gtad pa'i rim pa rnams// las mthun sprad pa'i drag sngags brjod// drang srong rnams kyi dmod pa 'dor// bgegs chen dag kyang gshed du dbab// las kyi rim pa drag myur 'bad// de nas nang rtags cho
205b6 'phrul dang// rtsub 'gyur sna tshogs 'byung ba dang// srung ma thams cad drag tu rbad// phrin las bskul zhing gnyer gtad bya// dgra la 'khu 'phrig slong ba yi// ltas ngan phrin bskyel gtang bar bya// sna sel las
206a1 kyi gtor ma btang// dam can chos skyong la sogs pa// srung ma gnad la dbab bya zhing/ kho la cho 'phrul 'byung tshul rnams// dug shog ro ras nag po la// phrin rdzong yi ge bris nas
206a2 kyang// gshed dang sprad la gnas su bskyal// gang la gang rigs gnad dang bstun// 'byung ba 'khrugs pa'i las sbyor rnams// bskrad dang dbye dang gzir la sogs// las mtha' mngon spyod drag tu
206a3 gzir// rnam par nyams par byed pa'i las// drag shul 'jigs pa'i sbyor ba brtsam// las rjes dgra bgegs ling ro rnams// mdze pho rabs chad nag po dang// klo mon mtha' mi'i thod pa dang// gcan
206a4 gzan dar ma'i thod pa ste// gang la gang rigs nang du brub// thun dang thal 'dam nag pos bcad// ro ching ro ras yugs sa yi// dor mas gril nas tshon skud kyis// byad du gzhug sogs dam par bya// dus
206a5 gza' phud gsum dag dang sprad// la gnyan lung gnyan chu mdo dang/ khrims lam bzhi mdo la sogs pa'i// lha 'dre ma rungs gnas pa'i sa// chu brag gtsug lag mchod rten zhabs// gang 'os sa ru gnan
206a6 gtad bya// steng nas 'byung ba me chu dang// ro g.yam rang thag chag po la// ri rab rdo rje rgya gram bri// mnan gzir dmod bcol bcas pas mnan// mnan pa las kyi mtha' sdud kyi// las sbyor gnad la
206b1 dbab par bya// dgra dpung mnan dang bgegs dpung bshig/ smyo byed las kyi sbyor ba bya// yang ni las rjes bsreg pa ste// phung gsum bdud kyi nyi ma la// drag po'i shing gis hom khung brtseg/ dug khrag til
206b2 nag 'bru nag sogs// thun rdzas rnam pa sna tshogs dang// dmigs bya'i rU pa gtor ma dang// sha khrag la sogs bsreg rdzas bcas// mtshon gyis gtubs la rim bzhin 'bul// me spar lha bskyed las rnams
206b3 bya// me nang drag po'i srung ma dang// pho nya las mkhan rngams pa bskyed/ kha gdangs nang du dmigs te phul// rang rang las sbyor sngags dang bcas// dmod pa'i tshig gis drag myur bsreg/ bar mtshams le lo
206b4 ma zhugs shing// ting 'dzin thang lhod med par bya// dmigs bya lhag med bzhes shing bsreg/ ro ma thal sol rlung la 'phyar// yang na khrims lam dong du mnan// 'phen pa zor gyi las rnams ni// drag sngags
206b5 las kyi gtor ma de// sde brgyad dregs pa 'gyu dus dang// phyogs sbrad dmigs pa'i ngar dang bcas// dug khrag mtshon cha'i char phab nas// dmigs bya dgra dang bgegs kyi steng// gnam lcags skyi 'dong
206b6 'bab pa ltar// rdul phran lta bur brlag dmigs te// las kyi sngags dang dmod mo'i tshig/ zor gyi las su brdeg par bya// rnal 'byor khro bo'i nga rgyal gyis// lus kyis dpa' shugs gzi brjid bskyed// ngag
207a1 tu zor las dmod pa gyer// yid kyis zhe sdang brnag sems bcas// rnam 'gyur tshom rngams 'jigs gzugs bstan// dul mo brtul zhing thal mo brdab// mchi ma phyung zhing 'o dod
207a2 'bod// dmod bcol las kyi spu gri gdags// dar chen bskyed pa'i rol mo bsgrag/ mi rung cho 'phrul 'gyed pa'i phyir// ro mgo bsgril zhing ro lag g.yab// zhing lpags dag kyang drag tu brdab// 'byung ba me
207a3 chu la sogs gtor// de ltar drag po'i las kyi mtha'// rbad bskul mnan bsreg 'phen pa sogs// gang dang gang dag las sbyor rnams// gnas skabs tshul dang tshul min par// bye brag rim pa phyes la
207a4 brtsam// las byas gnad du song ba dang// ma song rang la log pa dang// ma log nyes med gzhan la 'byams// de dang de yi la nye brtag/ bzlog pa byad ma gnad la dbab// rdugs pa dag la yang yang
207a5 bskyar// 'byams la dmigs bsgyur gsal shing btsug/ rang dang pha rol dmigs bya yi// lha dang srung ma khams rigs bstun// 'gyangs na las kyi spog chog bya// mthun la bzur zhing mi mthun sprad// gzhan
207a6 yang dus dang gnas skabs dang// yul dang yul can gang yin pa// rigs dang mi rigs shes par bya// bla ma yi dam mkha' 'gro thams cad kyi phrin las kyi rgyud spu gri reg gcod las rjes kyi las rim bstan
207b1 pa'i le'u ste bzhi pa'o// a+thi+-i/// gsung gi dbang phyug dpal 'bar ba// ston pa dpag med rgyal po yis// de skad 'dus pa'i 'khor rnams la// mngon spyod drag sngags las rnams kun// thog ma bar dang
207b2 mtha' rim bzhin// bstan pa'i don du legs par gsungs// de nas dbang chen 'bar ba sogs// drag po las kyi 'khor rnams kyis// rang rang dpa' ba'i rtsal phyung zhing// sprul pa rang gzugs bcas pa
207b3 bstan// gdangs skad snyan pa'i shugs dag gis// mgrin gcig tu ni mngon par bstod// hrIH dus gsum sangs rgyas thams cad kyi// gsung gi dbang phyug mtha' yas sku// 'od dang gzi brjid dpal 'bar
207b4 shing// mthu dang rdzu 'phrul stobs mnga' ba// yangs pa'i dkyil 'khor rgyas pa'i spyan// le brgan ljags kyi dbang po la// tshangs pa'i dbyangs kyi 'bru bkod de// gdul bya dag dang ma dag pa// gnyis mnyam
207b5 chen po'i ngang du bstim// brjod pa'i tshig la 'bras bu'i don// rmad du byung ba e ma ho/ khyod sku snang ba'i gzi brjid kyis// rab tu rgyas shing g.yos pa las// 'gro ba'i ma rig mun sel ba// snang ba'i ye shes
207b6 sgron me spar// ngo mtshar 'di dag dpal du che// gang la gang 'dul phrin las kyis// de dang der ston rnam par mdzad// dpag tu med pa'i sprul pa yis// snang srid 'khor 'das yongs la khyab// dpal 'bar
208a1 chen po'i sku la bstod// e ma khyod gsung snyan pa yis// sgra dbyangs phyogs rnams yongs la khyab// 'dul bya rnam pa du ma la// rang rang skad kyis gsung rdol bas// don la ma g.yos sgra tshig
208a2 gsung// log pa'i lam du gang 'khyams pa// legs pa'i lam la yang dag bkod// dbyangs kyi sprul pa yang sprul las// don dang bcas pa'i sgra tshig gis// 'dod 'byung yid bzhin char chen phab// ma dag
208a3 log spyod gnas su bsgyur// yang dag mdzad pa mthar phyin mdzad// 'gag pa med pa'i gsung las kyang// rgyun chad med pa'i chos char gyis// nyon mongs me yis gdungs pa la// ye shes bsil ba'i sprul pa
208a4 bstan// 'brug stong ldir 'dra'i nga ro yis// mu stegs lta ngan pham par mdzad// ston pa dbang phyug gsung la bstod// e ma khyod thugs yangs pa'i klong// mkha' ltar dag pa'i bcom ldan 'das// nyi ma sprin
208a5 bral 'bum gyi gzi// thugs rje brtse ba'i 'od zer gyis// dra bas nye ring med par gsal// brtse chen ye shes rnam dag pa// gcig dang du ma dang bral bas// grangs las 'das pa'i snang ba 'gyed// 'di dag
208a6 rgyal dang rgyal rnams kyis/kha lo bsgyur mdzad mngon 'phags pa// bsam gyis mi khyab gdul bya yi// bsam pa nyid kyi dgongs pa las// dkyil 'khor rgyas pa'i 'phro 'du shar// brtse dang mi brtse gnyis bral
208b1 zhing// de bzhin mkhyen dang mi mkhyen pa'i// phyogs su ma lhung ris ma chad// zung du ma 'brel ya ma chad/ khad mnyam yangs pa'i pho brang du// thugs kyi snang ba rnam par snang// rnam par bkra zhing rnam par
208b2 'phro// don rnams kun dang yang dag pa// 'khor 'das gnyis med gcig tu gdal// thug pa med pa'i dkyil 'khor nas// zag pa med pa'i 'od zer gyis// mtha' med 'gro ba re re zhing// snang ba'i dkyil
208b3 'khor rdzogs mdzad de// yang dag 'khor lo de snyed kyang// dus mtha' med par rab tu bskor// de dag khyed kyi thugs mtha' yas// sku mtha' yas dang gsung mtha' yas// yon tan phrin las mtha' yas
208b4 dpal// g.yo med dgongs klong mtha' yas pa'i// thugs rje ye shes khyod la bstod// e ma ho/ dpal dang ldan pa'i bcom ldan 'das/ khyod kyi sku gsung thugs dkyil nas// shar zhing sprul pa'i yi ge
208b5 dag/tshig don gsal bar mngon phyung ba// bdag sogs gdul bya grol ba'i mgon// thogs med rgyal pos bka' stsal pa// snying dang spyi bor yang dag 'chang// ngo mtshar thod du 'di khur ro// bkod pa mtha'
208b6 yas gsung tshig la// 'di kun mngon par spyod pa'i rtsal// ma rig gnyid las slong ba'i sgra// bdag 'dzin zhen pa gcod pa'i gri// nyon mongs gcong nad 'byin pa'i sman// 'khor ba'i rgya mtsho sgrol ba'i
209a1 gru// thar pa'i sa chen bgrod pa'i skas// dgra bgegs log 'dren 'dul ba'i mthu// nyes pa kun las rnam grol ba// rdzu 'phrul ye shes rtsal mchog ste// mchog dang thun mong 'byung ba
209a2 'di// bdag cag yang dag spyi bos len// dgongs pa bkrol la rjes yi rang/ khro rgyal dbang chen dpal 'bar dang// bdag cag yang dag 'dus pa'i 'khor// lha dang mi dang lha ma yin// klu dang rig sngags
209a3 'chang rnams dang// drang srong bram ze mi'am ci// dri za grul bum la sogs te// bdag cag rjes su yi rangs shing// bcom ldan 'das la mngon par bstod// ja ma yi dam mkha' 'gro thams cad kyi phrin las
209a4 kyi rgyud spu gri reg gcod las/rjes su yi rangs shing mngon par bstod pa'i le'u ste lnga pa'o// a+thi+-i/// phrin las drag pos dgra bgegs bdud dang log sred can gyi gdul bya 'dul ba'i rgyud kyi rgyal
209a5 po spu gri reg gcod ces bya ba/bdag 'dra pad+ma 'byung gnas kyis dur khrod chen po bsil ba'i tshal du bsgyur ba rdzogs so// sa ma ya/ rgya rgya rgya/ kha tham/ d+ha thiM/ rta nag dregs pa sde brgyad tshogs kyis bka'
209a6 'di bsrungs// gter rkun dam nyams log lta bka' la ras gcod byed// rnal 'byor chos la gnas dang rjes 'jug rnams la gnod// bstan la 'tshe byed bdud rigs gdug pa can rnams kyi// lus ngag
209b1 yid gsum stobs dang rdzu 'phrul dbang po nyams par gyis// sha khrag zhal du stob cing lhag ma med par mdzod// bka' 'di'i bdag po u rgyan gsung sras rjes 'jug gi/ dam can rgya mtsho rnams kyis rtag tu
209b2 srung ma dam par gyis// bka' gsang 'di nyid phyogs dus kun tu dar rgyas mdzod// bkra shis bde legs dpal 'bar kun tu khyab par shog/ sprul pa'i sku mchog gter ston sangs rgyas gling pas ja dkar
dung gi sgo mo klu btsan gnas pa'i sa nas gdan drangs pa'o/

CLOSE WINDOW