89a1 gwakyagyak+sharba rgya gar skad du/ g+hu ru d+he wa DAk+ki ni sarba kA ya tan+t+ra a ma la pa ra ta ni sr-iSh+ta na ma/ bod skad du/ bla ma yi dam mkha' 'gro thams cad kyi
89a2 sku rgyud shel gyi ri bo rnam par bkod pa zhes bya ba/ye thog dang po'i sangs rgyas bcom ldan 'das mgon po 'od dpag tu med cing gzi brjid mtha' yas pa'i dpal la phyag 'tshal lo// e ma ho// ye klong chen
89a3 po'i pho brang du// ston pa dpag med rgyal po la// gzugs kyi rdo rje la sogs pa'i// stobs ldan 'dus pa'i 'khor rnams kyis// thabs shes 'dus shing tshogs pa'i tshe// snang srid rol pa'i 'khor rnams
89a4 kyis// gnad don bskyed pa'i don zhus pa// e ma e ma bcom ldan 'das// phyi nang snang srid rten 'brel kun// ye gdangs lha yi rol pa las// ma dag pa dang dag pa dang// ye dag chen po dag pa'i
89a5 klong// sgyu ma lta bu'i sku bsgoms na// bla ma lha dang DAk+ki dang// de dang de sprul yang sprul pa// rkang grangs mtshan bshad stsal du gsol// de bzhin byin gyis brlab tshul dang// dkar ser dmar sogs sku mdog
89a6 dang// de bzhin rgyan dang cha lugs dang// rnam 'gyur mdzad pa phrin las dang// phyag mtshan 'dzin dang de tshul dang// dpa' bo yab kyi rgyu mtshan dang// dpa' mo yum gyi rgyu mtshan dang// de dag 'khor gyi rnam
89b1 grangs dang// 'khor bcas rnams kyi sprul pa dang// sprul pa de las yang sprul dang// de dag rnams kyi rtogs brjod dang// de ltar lha rnams ji ltar bsgrub// lha de bsgrub pa'i dgos pa gang// bsgrub pa'i
89b2 'bras bu yon tan ci// ma bsgrub nyes pa ji ltar 'gyur// phyi ltar bsgrub na ji ltar bsgrub// nang ltar bsgrub na ji ltar bsgrub// gsang ltar bsgrub na ji ltar bsgrub// de bzhin de nyid ji ltar bsgrub// lha
89b3 mchod thugs dam ji ltar bskang// bdag nyid lha ru ji ltar gsal// mdun du bskyed tshul ji lta bu// dam tshig sems dpa'i ngo bo gang// de bzhin ye shes sems dpa' gang// de nyid bsres na ji ltar
89b4 bsre// dbang bskur rgyas 'debs ji ltar bya// de dag rnams kyi rgyu mtshan gang// bdag cag 'dus pa'i 'khor rnams la// dgongs pa bkrol nas stsal du gsol// bla ma yi dam mkha' 'gro thams cad kyi sku
89b5 rgyud shel gyi ri bo las/gleng gzhi'i dmig gi le'u ste dang po'o// a+thi+-i/// de ltar ji bzhin zhus pa'i don// dpag med rgyas pos bka' stsal pa// kye ho 'dus pa'i 'khor tshogs rnams// gzugs kyi rdo rje
89b6 la sogs nyon// 'gyur med ye shes rdo rje'i tshig/ rtog bral chen pos yid la zung// ye gdangs chen po'i cho 'phrul las// rol pa ye shes lhar snang ba// rkang grangs mtshan bshad ji ltar na// nges don bka'
90a1 de smos par bya// 'jug pa rnams ni spro don du// rtsa ba smin dang grol ba dang// mchog dang thun mong bsgrub phyir dang// sna tshogs las kyi bye brag rnams// nges par 'dod la grangs mang
90a2 yang// rnam par nges pa med mod kyang// gdul bya'i don du nges pa can// rkang grangs mtshan gyi 'jug sgo bstan// bla ma yi dam DAk+ki ste// kun don ye shes rol pa las// brda dang rtags kyi rim par
90a3 spros// phyi dang nang dang gsang ba ste// tha ma 'bring dang rab kyi blo// nges pa can dang nges pa med// rab tu ma nges de bzhin nyid// nges pa can gyi lha smos pa// dpag tu med pa'i gzhal yas khang// mtshon bya
90a4 mtshon par byed pa'i sku// lham mer lhang nger snang ba can// steng dang 'og tu rnam par rgyal// phyogs dang mtshams dang dbus dag dang// phyi ru gsal dang nang du gsal// bar ram yang ni de bzhin nyid// rnam
90a5 par nges pa can du ste// gsal 'grib med pa rgyal ba'i sku// de bzhin che chung mtshan ma bral// rkang grangs gcig dang du ma sogs// mtshan 'dzin nor ba rnam par spang// nges pa med la lha rang nyid// gud na
90a6 ma yin mtshan ma dral// brda dang rnam rol gar gyis mtshon// ye shes sgyu ma'i lhar snang ba// snang tsam nyid na brjod mtha' yas// de phyir rkang grangs cho 'phrul te// cho 'phrul nyid la cho 'phrul lo// rab tu nges
90b1 pa med pa las// de bzhin nyid la de bzhin sku// gcig pa nyid la du mar ro// dgag dang bsgrub pa ma mchis shing// ye klong kun chub phyag rgyar mtshon// rab tu 'khrugs pas du mar gsal// kun tu gdal ba
90b2 gcig tu 'dus// 'di don 'phrul gyi yang zhun no// de ltar gsum gyi mtha' bcad phyir// kun gyi spyi phud bla ma ste// cho 'phrul du ma yi dam lha// kun don rmad byung mkha' 'gro nyid// 'khrul pa ngan rtogs dgag
90b3 pa yi// thabs kyi rgyal pos 'di smras pa// dri med mtsho gleng ge sar rgyas pa'i steng// mngal gyis ma gos pad+ma badzra rtsal// bde ba'i ro 'byin lha lcam man+da ra// thabs shes bde stong gar gyi dbang phyug
90b4 mchog/rgyal ba yongs kyi thugs bcud 'dus pa ste// de yi rtsal las rnam 'phrul du mar snang// 'dus pa'i 'khor tshogs yab yum mched de brgyad// zhe sdang rdo rje nga rgyal rdo rje dang// 'dod chags rdo rje phrag
90b5 dog rdo rje dang// gti mug rdo rje bde ba'i rdo rje dang// mtsho skyes rdo rje khrag 'thung rdo rje ste// dpa' bo yab kyi dgyes pa skong ba'i yum// skyod byed ma dang gshin rje 'joms ma dang// de bzhin sreg byed ma dang
90b6 tsan+ti ka/rmongs byed ma dang la ma man+da ra// gsod byed ma ste thabs shes yab yum tshul// mtha' bral rol pa'i ngang du rnam par gnas// bud+d+ha thod phreng rtsal dang bde yi yum// bud+d+ha DAk+ki rnam par rol pa ste// de
91a1 yi cho 'phrul 'gyed pa 'khor gyi tshogs// badzra thod phreng rat+na thod phreng rtsal// pad+ma thod phreng karma thod phreng rtsal// rdo rje mos pa rtsal dang myu gu rtsal// bzhad pa rtsal dang gar gyi dbang phyug ste// de
91a2 dag rnams la gnyis med 'khril ba'i yum// rdo rje rin chen pad+ma las kyi rigs// bi shwa sarba dam tshig 'jig rten gyi// mkha' 'gro rnams dang gnyis med mnyam rol gnas// mi bskyod rdo rje bde ba'i dbyings
91a3 phyug ma// yab yum gnyis kyi cho 'phrul spros pa las// pad+ma 'byung gnas blo ldan mchog gi sred// nyi ma 'od zer seng+ge sgra sgrog dang// pad+ma sam b+ha pad+ma rgyal po ste// shAkya seng+ge rdo rje gro bo lod// kun gyi dgyes
91a4 skong sprul pa'i yum chen brgyad// ye shes rje mo bde ba'i rnal 'byor ma// bdag med lha mo rdo rje phra men ma// rgya mtsho gling gnas mkha' 'gro zhi ba 'tsho// shAkya de ma mkha' 'gro bdud 'dul ma// gdul bya'i re
91a5 'dod bskang zhing nyams dang ldan// pad+ma dbang chen rig byed lha mor bcas// bde stong rol pa'i cho 'phrul sprul pa'i 'khor// rdo rje nyi ma thogs med rgyal po dang// dbang chen nyi ma gser gyi nyi ma dang// rdo rje
91a6 khro bo rdo rje hU~M mdzad dang// ro langs bde ba rdo rje thog rgod 'bar// yum chen legs skyes phra men dbyings phyug ma// srid pa'i rgyal mo nyi khros dbang mo che// gar gyi dbang phyug las kyi dbang mo che// srid pa
91b1 chags byed 'byung ba lnga yi bdag/bde stong zag med ro yis tshims par byed// dpa' bo chen po rig 'dzin thod pa rtsal// mkha' 'gro nyi zla stong gi thod phreng can// yab yum gnyis kyi cho 'phrul 'khor gyi
91b2 tshogs// lhun gyis grub dang phyag rgya chen po dang// tshe la dbang dang rnam smin rig 'dzin te// dam tshig dbang dang man ngag lung dang ni// shes rab rgyud dang nyams chag skong ba ste// de dag rig 'dzin bzhi dang
91b3 slob dpon bzhi/spyan gcig ma dang rnal 'byor dgyes sde ma// dbang gi lha mo rnal 'byor ro langs ma// dam tshig bdag mo rdo rje skul byed ma// skyod byed tshangs ma tshe 'dzin rgyal mo ste// de ltar yab yum rnams
91b4 kun mchog la rol// rdo rje drag po khams gsum srid pa'i bdag/ yab yum gnyis kyi cho 'phrul 'bar ba las// ya ma rA dza skos rje drang dkar dang// srin mo glog phreng yak+sha me dbal dang// gza' bdud spu gri
91b5 klu bdud mgo dgu pa// dbang phyug chen po ma hA kA lA'i sku// za byed nag mo bdud mo re ma ti/ khrag mig ma dang mon mo mi srun ma// lcam gcig ma dang thog gi bu yug ma// u ma de bI lha mo dung skyong
91b6 ma// bstan pa bsrung tshul yab yum 'jigs pa'i sku// sangs rgyas dpa' bo thod pa'i dum bu dang// sangs rgyas dpa' mo gnyis med 'khril ba las// sprul pa'i 'khor brgyad yab yum bcas pa yang// rdo rje
92a1 dpa' bo rin chen dpa' bo dang// pad+ma dpa' bo las kyi dpa' bo dang// 'dzin ging 'gugs byed sgrol ging gsod byed dang// stobs ging za byed rgyug ging las byed pa// rdo rje dpa' mo rin
92a2 chen dpa' mo dang// pad+ma dpa' mo las kyi dpa' mo dang// rdo rje ging mo rin chen ging mo dang// pad+ma ging mo las kyi ging mo ste// 'khril zhing sbyor bas dpal gyi bka' lung nyan// rta mgrin dbang chen e ka tsa
92a3 ti gnyis// gtso bo'i tshul las sprul pa'i 'khor brgyad po// ye shes zil gnon las kyi khro bo dang// ye shes ma mo zil gnon khyung zil gnon// pho rgyud zil gnon mo rgyud zil gnon dang// klu 'dul khro bo
92a4 gnod sbyin 'dul byed de// yum chen mi pham ma dang khro gnyer ma// spyan gcig ma dang rdo rje rtsa 'jibs ma// rdo rje las byed gshin rje las byed ma// klu mo las byed gnod sbyin las byed ma// yab yum rnams
92a5 kyang bde stong ye shes bskyed// lag na rdo rje gsang ba'i dbyings phyug ma// yab yum gnyis las sprul pa'i khro bo ni// rnam par rgyal ba dang ni gshin rje gshed// rta mgrin dbang chen bdud rtsi 'khyil pa
92a6 dang// dbyig pa sngon po dang ni mi g.yo mgon// 'dod pa'i rgyal po khams gsum rnam par rgyal/ khro bo hU~M ka ra dang stobs po che// rdo rje mda' snyems dur khrod bdag mo dang// rdo rje gtum mo rdo rje rlung 'byin
92b1 ma// rdo rje sder mo rdo rje gtun khung ma// rdo rje snyems ma rdo rje skul byed ma// rdo rje sgra 'byin rdo rje gsod byed ma// yab yum rnams kyang rang rang phrin las brtson// kun kyang gtso 'khor tshul du rnam par
92b2 gnas// mun pa'i smag sel gsal snang ye shes ston/ khwa gdong phag gdong khyi gdong 'ug gdong ma// brtan byed pho nya mche ba 'joms byed ma// phyogs dang mtshams rnams dpal gyi lung bzhin nyan// dpa'
92b3 bo thod dbyug dpa' mo rab gtum ma// dpa' bo keng rus dpa' mo gtum mig ma// keng rus gtum po dpa' mo 'od ldan ma// dpa' mo mche gtsigs dpa' mo sna chen ma// su ra b+he ri dpa' mo brtan ma
92b4 dang// 'od dpag med pa dpa' mo mi thung ma// rdo rje 'od ldan lang ka'i dbang phyug ma// rdo rje sku mchog dpa' mo shing grib ma// rdo rje gzhon nu dpa' mo sa srung ma// rdo rje ral pa dpa' mo 'od can ma// rab tu
92b5 dga' ba dpa' mo rlung shugs ma// dpa' bo hU~M mdzad dpa' mo chang 'thung ma// rab tu bzang po dpa' mo gtsug phud ma// rdo rje bzang po dpa' mo rab bzang ma// dpa' bo 'jigs byed dpa' mo rta sna
92b6 ma// spyan mi bzang dang dpa' mo khwa gdong ma// stobs chen rgyal po tsakra'i shugs 'chang ma// rin chen rdo rje dpa' mo dung skyes ma// rta mgrin rgyal po dpa' mo glang sna ma// nam mkha'i snying po 'khor lo'i go ca
93a1 ma// dpa' ldan he ru ka dpal rab dpa' ma// pad+ma gar dbang dpa' mo stobs chen ma// rnam par snang mdzad dpa' mo 'khor bsgyur ma// dpa' bo sems dpa' dpa' mo brtson 'grus
93a2 ma// dpal gyi bka' sdod lung gi pho nyar bcas// so so rang rang las kyi gnyer 'dzin cing// stobs shugs rtsal ldan drod nyal bstan pa bsrung// de sogs drang don dpag med ye shes lha// rtog pa spur la
93a3 drang phyir rnam par spros// de ltar lha yi rkang grangs su// shes par gyis shig 'dus pa'i 'khor// nga yis drang por bshad pa la/ khyed kyis nges pa'i don du zung// slad du zung 'jug chen por sbyor// la thag
93a4 dbyer med nyid du chod// bla ma yi dam mkha' 'gro thams cad kyi sku rgyud shel gyi ri bo las/ lha'i rkang grangs mtshan bshad pa'i le'u ste gnyis pa'o// a+thi+-i/// yang ni 'dus pa'i 'khor rnams
93a5 nyon// byin gyis brlabs la rnam mang yang// rnam pa lnga ru 'dus pa ste// snying rje byang chub sems sgoms pas// rang gi bsam rgyud byin gyis brlab// gang sdod u rgyan gnas su mos// sa phyogs thams cad
93a6 byin gyis brlab/khang pa gzhal yas khang du dmigs// gnas mal byin gyis brlab par bya// gang tshogs lha yi rnam par blta// ye shes lha ru byin gyis brlab// bza' btung bdud rtsir mos byas te// mchod
93b1 pa'i rdzas su byin gyis brlab// de ltar byin brlab rnam lnga las// spros pa'i yan lag bsam mi khyab// de ltar byin brlab lnga ldan pa'i// rnal 'byor spyod pa rmad du byung// 'di don ye shes rmad po che// med pa'i
93b2 dbyings las dpag med snang// snang tsam nyid las rnam grol ba'i// gdeng thob lha yi rol par 'gyur// phyi nang snang srid dkyil 'khor nyid// gzhal yas khang dang lha rnams kun// spros la dga' rnams sna
93b3 khrid phyir// 'jug pa'i thabs la snang ba yin// snang ba sprin ris 'dra ba la// mngon par zhen la lha mi snang// yang dag gnad kyi don bstan pa// sa mtshams sbyar bas shes par bya// rtog pas sbags pa'i lha
93b4 rnams ni// byin gyis ma brlabs blangs las byung// rlangs pa sel ba'i nyi zer du// ye shes rab ldan rang snang ltos// e ma 'di ni thabs kyi gsang// ma dag 'khrul pa'i blo can la// rgyu don dgongs pa yang
93b5 yang gsang/khor yug dag la lhang nger snang// de nas byin gyis brlab pa yang// gnad du che bas shes par bya// gang gis gtan la phebs nges kyang/ snying gi khur du che ba yin// bla ma yi dam mkha'
93b6 'gro thams cad kyi sku rgyud shel gyi ri bo las/byin gyis brlab pa'i gnad bstan pa'i le'u ste gsum pa'o// a+thi+-i/// yang ni 'khor tshogs sems dpa' nyon// dkar ser dmar ljang la sogs pa'i/
94a1 kha dog sna tshogs 'bar ba ni// ye shes lha las mngon snang ba'i// gdul bya'i mos blo tha dad las// rab tu dkar zhing 'tsher ba dang// de bzhin dmar la dngas pa dang// nag la rngam pa'i rang
94a2 bzhin can// ser gsal gser gyi mdog 'dra ba// la lar mthing nag 'jigs pa'i gzugs// sngo skya dang ni thal ba'i mdog/ yang ni char sprin mun rum bzhin// dmar ser gur gum mdog
94a3 ltar 'tsher// smug nag dang ni rab tu ljang// dud pa'i mdog la rngam par snang// la la phyed gzugs ri mo can// 'ja' sna lta bur khra bo'i mdog/ de sogs kha dog rnam pa ni// gcig tu ma nges du mar
94a4 snang// de yi dgongs don gnad rnams ni// thugs rje che ldan rnams kyis ni// gdul bya'i re 'dod bskang don du// rnam pa sna tshogs bstan pa dang// yang ni phrin las sna tshogs kyis// sgyur byed rim par spros
94a5 pa ste// de phyir gang 'dod blo yis bsgyur// 'on kyang gzu lums dgag pa'i phyir// phyogs dang de bzhin phyogs bral ba// dkar ser dmar ljang mthing gar snang// 'gyur med dag pa de bzhin nyid// brda dang
94a6 rtags kyi rim par yang// rab tu spro zhing bstan pa'o// rnam dag gzugs kyi sku rnams la// rnam par nges pa'i kha dog can// sprul dang yang sprul du mar snang// mdzad pa'i phrin las bsam mi khyab// nam mkhas
94b1 khyab pa'i gdul bya la// 'dul byed thabs kyi rgyal por spros// gdul bya'i snang tshul du ma la// 'dul byed bye brag bsam mi khyab// thabs mkhas snying rje'i cho 'phrul du/ kha dog sna tshogs snang ba'o// bla ma yi
94b2 dam mkha' 'gro thams cad kyi sku rgyud shel gyi ri bo las/ye shes lha'i sku mdog gi rnam par nges byed bstan pa'i le'u ste bzhi pa'o// a+thi+-i/// kye ho 'dus pa'i 'khor tshogs nyon// de ltar ye shes lha
94b3 rnams kyi// rgyan dang cha lugs ji ltar na// sku gsum ye shes lnga ldan gyi// lha yi cho 'phrul sna tshogs las// rgyan dang cha lugs ma nges kyang// gdul bya'i bsam yid tshim slad du// rol pa'i cho 'phrul bstan pa
94b4 ni// zhi ba'i tshul dang khro bo'i tshul// de bzhin zhi ma khro yi tshul/ khro bo la yang rnam pa dgu/ khro dang rngam dang rab tu khro// 'jigs gzugs bstan khro ngang gis khro// dam tshig dbang gis khro ba dang// sprul pa lta
94b5 bur khro ba dang// rnam 'gyur shugs kyis khro ba ste/ khro tshul yan lag bcas pa'o// rang bzhin babs kyis khro ba ste/ 'khor ba bsnyil phyir khros nas ni// spyod lam gtum pos log byed rnams// 'joms shing
94b6 brlag par byed pa ste// ba spu spu gri'i so ltar gzengs// lag na 'joms byed mtshon cha thogs// rab tu drag rtsub ngar dang ldan// rngam pa'i tshul gyis khro ba ni// 'jigs tshul bcas nas am tsig
95a1 bstan// mig bgrad mche bas ma mchu bsdam// lag na mtshon thogs brdeg tshul ston// rab tu khros la dur khrod chas// stobs ldan glang chen ko rlon dang// mi yi pags pa khrag ris
95a2 can// gcan gzan stag gi shun lpags rnams// stod khebs smad dkris sked la bcings/ khrag zhag thal ba'i tshom bus byugs// thod phreng sprul gyi chun pos brgyan/ kha gdangs mtshe gtsigs mig gsum
95a3 bgrad// lus la bskal pa'i mi chen 'bar// ha ha hU~M hU~M phaT phaT sgrogs// lag na mtshon cha'i char pa 'bebs// skal med la sogs 'joms pa'o// 'jigs pa'i gzugs bstan khro ba ni// sku che yan lag
95a4 rags pa la// dpa' brjid ldan zhing 'gying ba can// mthong ba tsam gyis skrag pa'o// ngang gis khro ba rnam pa gnyis// ye shes lha yi ngang khro dang// las byed shan pa lta bu'o// ye shes lha yi ngang khro ba/ khro bo'i cha
95a5 lugs du mar bcas// dgongs don g.yo ba med pa'o// las byed shan pa lta bu ni/ nam yang brtse sems bral ba la// yang ni brnag pa'i dmigs med par// gang byed drag shul ldan pa'o// dam tshig dbang
95a6 gis khro ba ni// gshis la khro ba med bzhin du// log spyod sgrol bar dam bcas pa// sngon tshe dpal gyi spyan snga ru// rU tra bsgral bar khas blangs nas// ji bzhin du yang khro ba la// gnas skabs dus stabs
95b1 bstun nas su// de la cha lugs nges pa med// sprul pa lta bur khro ba ni// zhi ba'i ngang las khro skur snang// gang la ci 'dul rnam 'gyur can// rnam pa sna tshogs spyod pa'o// rnam 'gyur shugs kyis khro ba
95b2 ni// stangs stabs rnam pa mang po dang// rol pa'i cha lugs du mar bcas// drag po'i shugs kyis rtsub 'khrugs ston// ye shes lha yang skrag byed na// nyams pa rnams ni lta ci smos// thams cad brgyal zhing
95b3 rengs par byed// ye nas khro bar bsngags pa'o/ khro tshul yan lag bcas pa ni// gar dgu'i nyams dang ldan pa ste// mgo dang yan lag mang po yis// so sor las byed phrin las skyong// de ltar khro dgu gang la
95b4 yang// lus stobs ldan zhing yan lag rags// so dang mche ba rab tu rno// kha gdangs mig bgrad khro gnyer bsdus// smin ma ag tshom me ltar 'bar// rkang lag sen mo lcags kyu 'gugs// skra dang ba spu
95b5 mtshon char gzengs// dpa' rtags dur khrod chas rnams dang// dar dang rin chen du mas spras// me dpung 'bar ba'i klong nas 'gying// lus la sprul pa du ma 'gyed// zhi ba la yang rnam pa lnga// ye nas zhi dang
95b6 gnas skabs zhi// gdul bya'i don du zhi ba dang// rnam 'gyur stabs kyis zhi ba dang// mngon par 'phags pas zhi ba dang// de yang ye nas zhi ba ni// gdod nas skye ba med pa'i klong// thugs rje kun snang nyi
96a1 'od gdal// chags bral nyon mongs ngang gis 'jil// rgyan dang cha lugs rnams ma nges// rol pa'i stabs kyis bzhugs pa'o// de bzhin gnas skabs zhi ba ni// mdzes shing yid 'ong rgyan
96a2 gyis spras// gzhon sha chags shing bag dang ldan// kun ldan ye shes spyan rab mdzes// gdul bya'i don du zhi ba ni// sprul pa'i 'od zer phyogs bcur 'gyed// ye shes snang ba lam mer ston// gang la gang
96a3 'dul mdzad pa mdzad// rnam 'gyur stabs kyis zhi ba ni// thams cad yongs la khyab par brtse// log spyod byams pa'i shugs kyis 'dul// nyer zhi kun dang mthun pa ston// mngon par 'phags pa'i zhi ba
96a4 ni// tshad med bzhi yi dpyang thag can// gdal ba chen po kun la snyoms// thang lhod skyo dub med pa'o// kun kyang cha lugs rgyan rnams ni// 'jam mnyen dar gyi cod pan dang// stod g.yogs smad dkris
96a5 'ja' snam ris// spyi gtsug mthon ka rin chen tog/ rtse bran prog zhu pa tra can// mgur chu snyan yod 'khor lo ris// phyag zhabs dpung rgyan gdu bu dkris// se mo do dang do shal can// sna tshogs rin chen phra
96a6 rnams kyis// stod smad sku yi rgyan du byas// gzhan yang rus pa'i phreng ba dang// sna tshogs dar gyi pho long spras// mnyen lcug zhi sgeg 'khril ldem can// bzhengs dang bzhugs dang stangs stabs kyi// skyil
96b1 krung la sogs rol par gnas// zhi ma khro yi rnam pa ni// gcig tu ma nges sna tshogs tshul// 'dzum la ngar ba'i rnam pa can/ khro la zhi ba'i cho 'phrul dang// sku ni zhi la rnam 'gyur khro// rnam 'gyur zhi la cha lugs
96b2 khro// cha lugs zhi la stangs stabs khro// spyan dang zhal gyi rnam 'gyur yang// gcig zhi gcig khro phyed ma'i tshul// mche ba sbas pa'i so mdangs can// bzhad na spyan gyi rnam 'gyur khro// 'dzum zhing khro gnyer
96b3 bsdus pa can// zhi zhi 'dra la khro zhing rngams// rngam rngam 'dra la rab tu zhi// g.yo ba'i rnam pas rol pa ste// kun kyang sprul dang yang sprul lo// de ltar zhi dang khro bo dang// phyed ma la sogs gang dang gang// rgyan
96b4 dang cha lugs dpag tu med// la la gdul bya 'dul slad du// la la rnam rol gar gyi tshul// la la 'jug tshul tha dad de// longs spyod rdzogs dang sprul pa'i sku// nges dang ma nges de bzhin no// bla ma yi dam
96b5 mkha' 'gro thams cad kyi sku rgyud shel gyi ri bo las/ye shes lha'i rgyan dang cha lugs bstan pa'i le'u ste lnga pa'o// a+thi+-i/// yang 'dus sems dpa'i 'khor tshogs nyon// gsal snang ye shes
96b6 lha rnams kyi// rnam 'gyur mdzad pa'i phrin las ni// phyi nang gsang ba bsam mi khyab// dbyings dang ye shes rnam rol pa// kun rdzob tsam du sna tshogs snang// don dam rnam nges yongs la 'dres// zhi bar mdzad
97a1 dang rgyas par mdzad// de bzhin dbang drag phrin las mdzad// sna tshogs las rnams dbang bsgyur mdzad// gang yang dngos dang dngos min gyi// 'khor dang sprul pas gzhan don mdzad// mos pa
97a2 rnams la mos snang mdzad// ma mos pa la'ang de dag gi/ 'dul thabs cho 'phrul du ma yis// zhi dang drag dang phyed ma dang// brtse ba'i nyams kyis dpa' brtul ston// snang mdzad rol pa ye shes sku// gcig
97a3 las du mar 'gyed pa dang// de las de bzhin rim gyis spros// mang po gcig tu dril nas ni// ci bzhin 'gro don thabs kyis brtson// sa 'og sa bla sa steng dang// de dang de las gzhan pa rnams// rnam par
97a4 g.yo zhing las la sbyar// 'khrugs mar sna tshogs rol par ston// dpa' dang rol pa nyams kyis kyang// sku dang gsung dang thugs dang yang// mnyam rol sprul pa yang dang yang// rnam 'gyur mdzad pa'i phrin
97a5 las kyis// lus la sku dang ngag la gsung// de bzhin sems la thugs kyi'o// rgyan gyi 'khor lo rab bskor bas// phyi nang gsang ba'i tshul gyis ni// bskal pa grangs 'das gdul bya la// rdzas rnams du mas
97a6 'dul thabs ston// thabs dang shes rab rnam gnyis kyi// rtsa ba yan lag bcas pa yi// rnam 'gyur dpag tu med pa yang// brda dang bcas pa'i phrin las rnams// char gyi rgyun bzhin 'bab par
97b1 byed// dmigs pa dang bcas dmigs pa bral// phyag rgya du mar yang yang spros// kun la cha yis snyoms par 'gyur// mdor na gang yang sku dang bcas// dkyil 'khor rim pa las kyi ni// 'jug dang 'pho ba'i
97b2 rnam 'gyur las// sna tshogs las kyi cho ga 'byung// bkres pa la sogs gdung ba sel// duHkha'i gnas las de bzlog cing// mthar phyin grong mchog bgrod pa'o// bla ma yi dam mkha' 'gro thams cad kyi sku
97b3 rgyud shel gyi ri bo las/ye shes lha'i rnam 'gyur mdzad pa'i phrin las bstan pa'i le'u ste drug pa'o// a+thi+-i/// gzugs kyi rdo rje la sogs pa'i// ma nges sems dpa'i 'khor rnams nyon// ye shes rol
97b4 pa'i lha rnams kyi// longs spyod rgyan gyi phyag mtshan dang// de dag tshul gyi rnam 'gyur ni// gdul bya'i re 'dod bskang don du// rnam pa sna tshogs dang ldan pa// brda dang rtags kyis kun spyod de// 'khor lo rdo rje
97b5 rin po che// pad+ma rgya gram rnam pa lnga// bde gshegs mtshan nyid 'dzin pa'o// gri gug ral gri dgra s+t+wa dang// mda' gzhu zangs gri kha T+wAM ga/ mdung thung spu gri reg chod dang// chu gri dang ni mtshon cha yis// nyon
97b6 mongs la sogs rnam rtog 'joms// phur pa tho ba gtun shing dang// thod dbyug tshon gyi gru gu dang// gnam lcags tho lum dug gi gri// ma rungs bdud dang ru tra 'dul// rgyu ma sprul dang rdo rje yi// zhags pas
98a1 dug gsum 'ching bar byed// bum pa lhung bzed gter gyi sgrom// pad phor rin chen gzhong pa dang// pad+ma rA ga'i gwa'u dang// b+han+d+ha skam rlon snod chen po// dngos grub rnam gnyis bcud char
98a2 'bebs// phyag mtshan zhing dbyug thong gshol dang// ba dan zhing gi rgyal mtshan dang// rnga yab be con khram shing ste// dpa' rtags nyon mongs g.yul rgyal rtags// rnga dang g+haN+De cang te'u dang// thod rngas chos
98a3 gsung sgra sgrogs byed// po ti ut+pal rin chen phreng// sman gyi sdong po rin chen phreng// me long yid bzhin re 'dod bskang// nyi zla ri rab me dpung 'bar// chos 'byung rlung dang me thabs kyis// srid gsum
98a4 gdar sha gcod par byed// sdigs pa mi ro khrag gi phur pa phor// lcags spyang rus sbal thog ser tsit+ta dang// lcags kyi par bu ne'u le'i rkyal pa ste// dregs pa las 'khol ma rungs 'joms pa'i rtags// me
98a5 tog bdug spos mar me dri// zhal zas sgra dbyangs lha rnams kyi// dgyes pa bskang zhing mchod rdzas rtags// lcags kyu zhags pa lcags sgrog dril// 'gugs dang 'ching dang sdom pa dang// ma rungs pa rnams
98a6 myos par byed// de las gzhan yang longs spyod kyi// mdzes byed phyag mtshan du mar bcas// rang snang rnam dag chos kyi sprin// thugs mchog ye shes rtags kyi rgya// rgyal ba rnams kyi gsang mdzod 'dzin// rnam
98b1 rol cho 'phrul dpag med pas// skyo dang dub med kun tu spyod// gang dang gang la spel byed cing// sgrib med yang dag kun la sbyor// brtul zhugs spyod pas 'gro don mdzad// e ma 'di dag rmad du
98b2 byung// dgongs pa yongs rdzogs dkyil 'khor bkra// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i phyag mtshan gyi rnam par dbye ba 'dzin tshul bstan pa'i le'u ste bdun pa'o//
98b3 a+thi+-i/// sprul pa'i 'khor rnams gus par nyon// ye shes lha yi dkyil 'khor du// dpa' bo yab kyi rnam rol ni// thabs kyi ye shes tshul bstan pa// don la yab yum ris med kyang// snang tshul gdul bya
98b4 'dul don du// thabs dang shes rab 'du 'phrod pas// phan tshun phyi nang g.yas dang g.yon// gnyis sbyor nyon mongs bral ba ste// dag pa'i skad cig so ma la// ma dag lo 'dab skye ba na// g.yo med dag pa'i
98b5 rang snang sku// 'di kun thabs kyi rgyal po yin// nyon mongs la sogs 'khor rnams 'jig/ phung po gang yang gtor ba'i rlung// 'di kun rab mchog ye shes yin// rtsal chen dpa' bo he ru ka/ yab kyi tshul du
98b6 rnam par snang// bzang po'i sprul pa rang byung ba// gsal tsam ma yin che bar grags// dpal chen brtul zhugs nas stobs 'dzin// g.yul las rnam par rgyal ba ste// kun kyang 'joms pa'i dpal du
99a1 shar// dpal chen bde ba'i ye shes bskyed// dpa' bo srid pa'i rtse mo gnon/ khyod kyi sen mo'i khyon gyis kyang// nyon mongs g.yul las rgyal byed de// rdo rje'i cho 'phrul du
99a2 ma las// sprul dang yang sprul de sprul zhing// 'dod chags dgra las rnam rgyal ba// 'dod chags dag pa'i ye shes kyi// 'dod chags ma spangs rang byung nas// 'dod pas 'dod pa nyid 'grub byed// des na dpa' bo e ma
99a3 mtshar// yab kyi dkyil 'khor nyid la rdzogs// bzang po yang ni de yi pha// dbang rab gtso bo de bzhin byed// bla ma yi dam mkha' 'gro thams cad kyi sku rgyud shel gyi ri bo las/ ye shes lha la gdul bya'i don
99a4 du dpa' bo yab kyi snang tshul bstan pa'i le'u ste brgyad pa'o// a+thi+-i/// yang nyon 'dus pa'i 'khor rnams kun// ye shes lha yi dkyil 'khor du// dpa' mo yum gyi rnam rol ni// shes rab ye shes tshul
99a5 bstan pa'i// yang dag don la yab dang yum// phan tshun rnam res byas mod kyang// yul gyi rnam par phyes nas ni// shes rab ye shes dag pa'i sku// mkha' klong yangs pa'i ngang nyid las// sgyu ma'i rtsal snang
99a6 'phro zhing 'du// nyid las byung zhing nyid la thim// nyid las ma g.yos byas gyur med// de phyir yum gyi rnam 'phrul las// 'gyed pa'i cho 'phrul sna tshogs kun// shar lho nub byang phyogs dang ni// de bzhin byang
99b1 shar la sogs mtshams// steng dang 'og sde phyogs bcu ru// rnam par 'phros pa'i rgyan dang bcas// 'das dang ma 'ongs da ltar yang// b+ha ga yangs pa'i klong las ni// byung dang 'byung 'gyur gnas pa nyid// de
99b2 las gzhan yang dpa' bo yi// rgyud bskul thugs dam bskang ba ste// bde stong rol pa'i rnam 'gyur las// sprul dang yang sprul der sprul zhing// phyogs bcur dpag tu med 'gyed pa'i// rgyan gyi rnam rol mang
99b3 po yang// kun tu snang zhing yang la spro// dga' bzhi ye shes spros dang bral// 'dod chags la sogs dug rnams kyang// nyid kyi klong las rang byung zhing// nyid kyi dbyings las rang sar thim// de ltar yang dag
99b4 de las gzhan// g.yo ba med las rnam par g.yo// g.yo ba'i rlabs kyis yongs la khyab// yongs la khyab cing yongs la gsal// gsal ba thams cad sa ler snang// de yang bzang mo'i dgongs par ro// de
99b5 ltar dpa' mo yum nyid las// snang ba ma 'gags rtsal ye shes// 'ub chub chen por 'dus pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i dpa' mo yum gyi snang tshul
99b6 bstan pa'i le'u ste dgu pa'o// a+thi+-i/// rnam rol sprul pa'i 'khor rnams nyon// ye shes dkyil 'khor lha rnams kyi// 'khor gyi rnam grangs yang dag brjod// sku dang gsung dang thugs dang yang// yon
100a1 tan phrin las byung ba yi// 'khor dang de yi yang 'khor dang// de las gzhan yang sprul pa'i 'khor// 'jig rten pa ltar snang ba ste// gcig bcu brgya stong khri 'bum nas// grangs kyis mi rdzogs
100a2 mthar thug par// 'khor gyi rnam grangs de snyed de// rigs drug skye 'gro lha yi 'khor// gdul bya skye ba rnam pa bzhi// rgyud lnga lam gyi 'gro ba rnams// ye shes lha la nye bar 'khor// de dang de yi dpal rnams
100a3 ni// dkar dang nag pa'i las kyi mthar// de yang 'khor dang lhan cig pas// bka' nyan gus sdod yin pa ste// nyid kyi cho 'phrul las byung tshe// 'khor dang 'das pa gnyis ka'o// gnas skabs yul don
100a4 'khor rnams ni// 'bar ba zhabs kyi gdan khri la// nye bar reg pa'i 'khor yin cing// gtso bo nyid las sprul pas so// gud na ma yin klong rdol bas// las kyi gnyer len bran gyi tshul// yang du yang du 'du
100a5 'phro ston// byed pa de bzhin las kun byed// che las chung snang gtso bo'i phyed// de phyed phyi rol rnams la ste// de dang rjes mthun las kyang bsgrub// rnam par rol la rnam mi gnas// rnam rol rgyan gyi 'khor lo
100a6 bskor// zhi ba'i 'khor lo bskor ba dang// de bzhin rgyas dang dbang sogs dang// rim nas rim bzhin 'khor lo rnams// skyo dang dub med yang yang bskor// bar mtshams med par 'byung ba ste// de dang 'di
100b1 la nye bar gnas// rgyug dang 'phur dang 'jol ba dang// lag gis 'gro dang lto 'gro'i tshul// skad cig nyid la srid pa gsum// yongs su khyab pa'i bya ba byed// de bzhin re re la yang 'khor// grangs dang snyed
100b2 kyi bka' nyan pa// sgo mtshams la sogs re re ni// brda tsam du ni snang ba dang// de phyir ming dang 'khor gyi grangs// de yi byed pa las dang bcas// de la spros shing de las sdud// de yi rnam grangs shes par
100b3 bya// mdor na ye shes lha yi 'khor// 'jig rten pa dang 'jig rten 'das// sprul dang yang sprul bsam mi khyab// rang rang blo yi spyod yul du// gang 'tshams bar ni shes par bya'o// bla ma yi dam mkha'
100b4 'gro thams cad kyi sku rgyud shel gyi ri bo las/ye shes lha'i 'khor gyi rnam grangs bstan pa'i le'u ste bcu pa'o// a+thi+-i/// rang byung sprul pa'i 'khor rnams nyon// de ltar lha tshogs 'khor bcas
100b5 kyi// sprul pa la ni rnam pa lnga// dngos su sprul dang brdzus te sprul// log par sprul dang ngang gis sprul// rnam par 'gyur ba'i sprul pa'o// dngos su sprul pa dngos 'dra ba'i// gcig las brgya stong khri 'bum
100b6 sogs// mtshan dang bcas pa dpag med pa// rgyan dang rol pa'i rnam 'gyur bcas// rnam pa gcig la kun tu snang// gdul bya re re'i snang tshul du// tshom bu tshom bu tshul du snang// brdzus te sprul ni dngos ma
101a1 yin// rigs la rig byed mang po dang// dbus la sogs par snang bzhin du// yod pa ma yin med ma yin// yod med las 'das sgyu ma'i sku// snang la rang bzhin ma grub par// thugs rje'i zhal
101a2 phyag rnam par gsal// che la rags dang phra zhing zhib// rgyan dang cha lugs rdzogs pa'o// log par sprul ni zhi ba las/ khro bo gtum po'i tshul du byung// sku mdog la sogs dkar po dang// nag la rngams par
101a3 ston pa dang// ma rungs dur khrod chas chen rnams// dar dang rin chen rgyan dang bcas/ khro zhing gtum par gnas pa la// zhi 'dzum lham me lhan ner ston// de ltar zhi las khro bo dang/ khro bo las ni zhi ba
101a4 ste// yab nyid yum du gyur pa dang// de bzhin yum nyid yab tu 'gyur// 'khor rnams gnas 'gyur gtso bo'i tshul// gtso bo gnas 'gyur 'khor du snang// de sogs rim pa bsam mi khyab// thugs rje ngang gis
101a5 sprul pa ni// gang yin gtso bo g.yo med kyi// sku gsung thugs las 'od zer gyi// dkar dmar mthing ga'i rnam pa can// dngos dang dngos min 'dra ba yi// sprul pa dpag med bkyes nas ni// snang srid 'jig
101a6 rten thams cad gang// so sor phrin las sna tshogs byed// yang ni so so'i gnas su thim// de bzhin gcig las gcig sprul zhing// mar me gcig las gcig 'phel bas// thams cad mar mes gang ba
101b1 dang// sdong po gcig las yal ga 'bum// so sor dgyes pa lta bur sprul// de yang gdul bya'i snang tshul de// zla ba la ni chu snod bzhin// gcig las mang por sprul snang ngo// rnam par 'gyur ba'i sprul pa
101b2 ni// thugs rje zhal phyag can gyi lha// sprul nas 'khor lo rdo rje dang// rin chen pad+ma rgya gram dang// ral gri kha T+wAM gri gug dang// phur pa dag tu sprul pa dang// sa bon hUM dang hrIHla sogs// yi ge'i rnam par
101b3 sprul pa dang// de bzhin phyag mtshan yig 'bru las// thugs rje zhal phyag 'dzin pa yi// sku ru nges par ston pa dang// de bzhin me chu la sogs pa'i// 'byung ba'i rnam par sprul pa dang// rgyal blon btsun mo'i
101b4 rnam pa'am// bran la sogs pa sprul pa ste// gdul bya gang dang gang 'dul ba// de dang de la der sprul nas// 'gro don spyod pa'i rnam 'phrul can// sangs rgyas mdzad pa bsam mi khyab// sprul pa la yang sprul pa
101b5 dang// der sprul la sogs brjod mtha' yas// rnam par 'gyur ba'i sprul pa rnams// dgongs pa'i klong nas rang byung ba'i// gcig dang du ma'i grangs mtha' zad// rnam par ma nges nges med do// bla ma yi dam
101b6 mkha' 'gro thams cad kyi sku rgyud shel gyi ri bo las// ye shes lha yi gtso 'khor gyi sprul pa bstan pa'i le'u ste gcig pa'o// a+thi+-i/// thugs rdol sprul pa'i 'khor rnams nyon// sprul pa de las yang sprul
102a1 ni// snang srid phyi nang snod bcud kyi// gang stong skye 'bri mang po las// chags 'jig gnas dang stongs sa yi// srid pa'i rtse nas na rag bar// byed pa du mar bcas pa ste// lus dang lus kyi rnam
102a2 'gyur dang// ngag dang ngag gi rnam 'gyur dang// sems dang sems kyi rnam 'gyur dang// de las spros pa'i bde dang sdug/ rang babs btang snyoms bcas pa ste// rnam pa du mar snang ba kun// sprul pa de yi
102a3 yang sprul nyid// bde gshegs snying po'i cho 'phrul te// rang rang so sos byas min par// 'dod 'tshams nyid las rab sbyar nas// skye dang 'gro 'ong lha dang lha// lha rnams nyid kyi rnam par 'phrul// de bzhin
102a4 byed dang byed pa'o// sna tshogs las kyi bye brag kyang// de yi yang sprul byed pa las// byed pa chu las chu rdol lam// nam mkha'i cho 'phrul ji bzhin no// srid pa 'di dag srin bya yi/ kha chu rang log zad mtha'
102a5 med// dper na bud med sbrum ma la// bu dang bu mo de la yang// rim bzhin 'phel ba'i 'khrul 'khor ltar// snang srid 'di dag yang sprul te// sprul pa'i sprul pa yin par bya// yang sprul de sprul 'khor lo
102a6 bskor// des na snang srid rgyal ba yi// dkyil 'khor nyid du shes par bya// bla ma yi dam mkha' 'gro thams cad kyi sku rgyud shel gyi ri bo las/ ye shes lha yi yang sprul bstan pa'i le'u ste bcu gnyis pa'o//
102b1 a+thi+-i/// gzugs kyi rdo rje la sogs pa'i// sprul pa'i 'khor rnams gus pas nyon// ye shes lha yi rtogs brjod ni// spros na brjod kyis mi lang yang// yang dag don rtogs 'di ltar brjod// e ma ngo mtshar
102b2 chen po'i dpal// ye shes khro bo bzhad pa las// zhi bar snang zhing srid pa 'dul// mnyam par gnas dang mi gnas med// dkar la dngas dang ser gsal ba// dmar las ljang ba'i rang bzhin sogs/ kha
102b3 dog sna tshogs 'bar ba'i 'od// sku yi cha las 'od kyi sku// sku dang sku yi rnam pa can// chags pa mi mang bral mi mnga'// gsal dang 'grib pa yong mi mnga'// de bzhin skye dang 'bri med pa// ye shes lus can
102b4 de bzhin gshegs// rdo rje'i ye shes rdo rje 'chang// gzugs kyi rdo rje sra mkhregs pa// 'joms par byed cing 'jig par byed// srid pa'i gnas rnams skem byed pa'i// nyi ma 'bum gyi gzi brjid can// bskal
102b5 pa grangs 'das mun sel ba'i// 'od kyi snying po phyogs kun brdal// bsnyel ba med cing dub pa med// rnam par sra zhing mkhregs pa can// 'jam mnyen 'od kyi gong bur gnas// dkar ser dmar ljang rab tu
102b6 mkhregs// rgyang dang drung las khyad par bral// gzi brjid dpag tu med bzhin du// blta bar bzod cing gang gis mthong// bzhin gyi pad+ma'i dkyil 'khor bye// rnam rol bde ba'i dpal la spyod// ha ha dgyes
103a1 pa'i gad mo cher sgrog pa// kun tu tshangs pa'i dbyangs kyis khyab// sgra las chos kyi tshig gis kyang// smin par byed dang de grol ba'i// skrag pa med cing zhum pa med// 'bru las don nyid rnam par
103a2 ston// brjod mtha' yas kyang don mthun spyod// yang mtha' zad pa'i skal dman pa'i// chos nyid skad las rnam kun 'byung// gdul bya 'du ba rab snang grags// rnam rol 'du ba nges par sel// 'bras bu
103a3 'byin cing rnam rol ba// de dag dbyangs kyi gar mkhan no// hUM hrIH/ mkha' klong yangs pa'i dkyil 'khor du// brtse ba'i lcags kyu rnon po yis// srid pa gsum po gdar sha gcod// mkhyen pa'i ral gri 'bar
103a4 ba yi// 'od kyis ma rungs dra ba gcod// srid pa'i gcod snying drungs nas 'byin// 'gyur med g.yo 'gul bral ba'o// yongs khyab mkha' gsal bcom ldan gyis// mu mthar thug pa stongs byed cing// ri
103a5 bo thams cad rnam par 'jig khod mnyam chen po ting 'dzin gsal// sku gsum zhing rnams nges par snang// hoHhoHmi bzad rab 'khrugs dpal 'bar ba// ba spu'i mtshon cha rnam par gzengs// ral pa mi
103a6 bzad mun ltar 'khrigs/khrag gi rgyun 'dzag gdangs pa'i zhal// nyi ma 'bum gzi'i spyan rnams kyis// bud shing ma lus bsreg par byed// so dang sen mo spu gri yis// gzugs phung thams cad phye mar
103b1 gtub// sa 'og gnas nas steng gi phyogs// gzir zhing zil gyis gnon byed pa'i// rab tu 'khrug pa'i ye shes kyi// gnam lcags rdo rje 'bar ba las// sprul pa ma rungs rnam par 'joms// bskrad
103b2 cing brdeg pa'i rnam pa can// rim pa bdun yang rab tu g.yo// steng gi phyogs rnams 'dar zhing 'phrigs// bla 'og tsha ba'i dbal gyis bsreg/ rgyun babs rba klong 'khrugs 'dra ba'i// cho 'phrul rab tu bstan
103b3 nas kyang// ma lus g.yo bar byed pa'o// nam mkha' khengs pa'i rnam 'gyur can// gzi brjid dpal 'bar 'chang bar byed// ha ha drag tu rgod pa'i gad rgyangs kyis// g.yo bar byed pa'i rdzu 'phrul
103b4 can// 'brug stong ldir 'dra'i ngar byung nas// he ru ka dpal dbyangs chen sgrogs// ngan byed phra mo rnam par nyams// sa 'og sa steng sa bla yi// rgyu byed yi dwags mang skrag byed// ngan song gnas gsum drungs
103b5 nas 'byin// rnam rol dpa' shugs rtsal 'chang ba'i/ kha nas 'od 'bar rgya mtsho skem// drang srong dmod pa'i rigs sngags kyang// skad cig se gol gtogs pas bzlog/ rim pa bdun gyi khro bo yang// bsnyil
103b6 bar byed pa'i nga ro can// hUM hUM brnag cing gzir ba'i rnam pa yis// 'phags pa'i tshogs kyang g.yo bar byed// dran pa rab tu 'phro ba yi// cho 'phrul du mas gang khyab pa// nyid kyi dpal be'u'i dbyings su
104a1 sdud// 'joms par byed cing mos par byed// rnam par rab tu gzir bar byed// rgol ba log rtog drungs nas 'byin// nyon mongs tha rgod gnas nas bzlog/ skem byed lcags kyu chen po
104a2 yis// gnas ngan nges par 'dren pa po// hUM mdzad stobs chen a la la// zhi dang khro dang 'dzum pa dang// ye shes lha dang de yi 'khor// sprul dang yang sprul mdzad pa yi// rnam thar mtha' yas brjod las
104a3 'das// thugs chen nam mkha'i dkyil 'khor bzhin// gsung 'od 'bar ba tshangs pa'i sgra// lhun po sku chen gzi brjid 'bar// ye shes snang ba lam mer gsal// bkod pa du mar ldan pa ste// a la la
104a4 mchog dgyes par mdzod// bla ma yi dam mkha' 'gro thams cad kyi sku rgyud shel gyi ri bo las/ ye shes lha'i rtogs pa brjod pa'i le'u ste bcu gsum pa'o// a+thi+-i/// sems dpa' rang byung 'khor rnams
104a5 nyon// ye shes lha yi bsgrub tshul ni// rnam pa gcig tu ma nges te// rdzas dang dkyil 'khor la brten nas// dmigs bcas nyid du bsgrub pa dang// g.yeng ba med pa'i ting 'dzin gyis// 'dun pa bzung ste
104a6 bsgrub pa dang// snying po srog gi gnad nas bskul// dam tshig dbang gis bsgrub pa dang// dad cing gdung ba'i ngang shugs kyis// rang dbang med par bsgrub pa dang// g.yel ba med pa'i brtson 'grus
104b1 kyis// thang lhod med par bsgrub pa dang// mchod dang bstod pa'i las rim gyis// dgyes pa bskangs nas bsgrub pa ste// de ltar bsgrub tshul rnam drug dang// de las gzhan pa'i grangs snyed kyis// bsgrub tshul
104b2 rim pa mang bstan pa'i// ye shes lha dang lhan cig bya// dang pos ma dag 'khrul nor spang// gnyis pas shes pa drung nas 'don// gsum pas gsal dag sgra zur 'byung// bzhi pas log rtog the tshom spang// lnga
104b3 pas nyin mtshan kha sbyar bslab// drug pas bdag 'dzin 'khri ba gcad// dang pos yo byad gtso bor ston// gnyis pas bskyed chog gtso bor ston// gsum pas rtags tshad gtso bor ston// bzhi pas lhag bsam
104b4 gtso bor ston// lnga pas mtshams gcod gtso bor ston// drug pas longs spyod gtso bor ston// dang pos dus gnad gtan la dbab// gnyis pas ting 'dzin gtan la dbab// gsum pas grangs tshad gtan
104b5 la dbab// bzhi pas thag chod gtan la dbab// lnga pas bsrung mtshams gtan la dbab// drug pas khrid rim gtan la dbab// de lta bu yi tshul gyis bsgrub// rim dang cig char rnam pa yis// ye shes lha yi
104b6 bsgrub pa 'bad// thog ma bar dang mthar dge ba// rang nyid sgo gsum bag yod dang// ye shes lha ni sgrub byed gang// ring por mi thogs 'bras bu 'byung// bla ma yi dam mkha' 'gro thams cad kyi sku rgyud shel
105a1 gyi ri bo las/ye shes lha ji ltar bsgrub pa'i tshul bstan pa'i le'u ste bcu bzhi pa'o// a+thi+-i/// rang byung sprul pa'i 'khor rnams nyon// ye shes lha bsgrub dgos pa ni// lus sems dri mar
105a2 bcas pa rnams// dri med rnam par dag byas nas// snang srid ro mnyam ngang nyid du// bde chen ye shes dag pa yi// snang zhing srid pa'i dkyil 'khor rnams// tshom bu gcig tu grol ba dang// rang rang rgya mtsho'i
105a3 gnas las sgrol// duHkha rnams las rnam par thar// mchog don 'bras bu brnyes byas nas// sku gsum nyid du yang dag nges// thun mong dngos grub sna tshogs la'ang// zhi bas zhi bar byed pa dang// de bzhin
105a4 rgyas pas rgyas par byed// dbang gi dbang yul dbang du ste// drag pos dgra bgegs rnams gsod 'gyur// de las gzhan yang las rnams kun// 'bras bu mi zad shugs las 'byung// de las 'og tu rnam
105a5 par rgyal// sa 'og spyod dang de bzhin du// 'og nas steng du rnam par spyod// mkha' spyod gdon mi za bar 'grub// rang la gzhan dang gzhan la rang// gnyis ka lhan cig nyid 'grub byed// rigs dang rig pa
105a6 'dzin pa dang// gnas dang gnas bzang la sogs te// skad cig ma bgrod lhun gyis grub// ci 'dod sa la chig chod du// nges pa'i gdeng dang bcas pas bgrod// rtsa ba dang ni yan lag gi// nying lag las
105b1 phran bcas pa yang// bsam 'phel yang dag don la reg/ pha rol dman par gyur rnams kyang// skad cig tu ni bdag nyid dang// lhan cig 'bras bu brnyes pa yin// yang dag bsam don gang yin
105b2 rnams// 'di yis sbyor ro 'dus pa'i 'khor// rnam rol yid gnyis bral ba yi// nges pa can du'ang 'di 'gyur ro// ya nga'i gnas rnams rgyab kyis phyogs// gnas skabs thun mong la brten nas// mthar thug
105b3 mchog la yang dag reg/shugs kyis yang dag gang yin yang// thogs pa med par zang thal lo// sgro dang skur pa dang bral zhing// ngo mtshar bstod pa'i gnas su 'gyur// mtshan dang dpe byad 'bar ba yi// sku
105b4 yi yon tan thams cad kyang// g.yel ba med par myur du myong// de bzhin gsung dang thugs mchog gi/ yon tan ma lus 'dir rtsol byed// e ma 'di ni bsam mtha' yas// legs pa spel nas nyes par
105b5 snub// bla med la sogs don 'bras rnams// rang babs lhun gyis grub pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha nye bar bsgrub pa'i dgos pa bstan pa'i le'u ste
105b6 bco lnga pa'o// a+thi+-i/// yang 'dus sems pa'i 'khor rnams nyon// lha bsgrub yon tan 'bras bu ni// gang gis brtson pa'i skyes bu de// lus nyid lha ru gyur nas kyang// tha mal la sogs mngon zhen
106a1 bral// gzugs sku rnam pa gnyis gyur pa'i// gzhan don ma brtson lhun gyis grub// ngag kyang yang dag sngags kyi sgra// 'khrul pa'i gtam zungs zad nas kyang// bla med chos kyi sgra sgrogs
106a2 shing// mi snyan bral nas kun tu yang// snyan cing don mthun yang dag ldan// dgra yi dbang po chos kyi dbyangs// 'brel dang bcas pa rab sgrogs shing// kun tu yang dag go 'byed pa'o// dmyal dang yi dwags
106a3 dud 'gro dang// mi dang lha min lhar gyur pa'i// so so'i skad du 'di nges nas// chos kyis rnam par grol byed pa// 'di nyid las ni yang dag 'byung// gnas skabs mthar thug don 'bras brnyes// yid kyang de
106a4 bzhin 'khrul sangs nas// mkhyen dang brtse ba'i rang bzhin gyis// g.yo ba med pa'i 'gro don spyod// gcig la nges gtad mi mnga' zhing// mkha' ltar yongs la khyab pa yis// gang dang gang la de dang
106a5 der// dgongs pas yongs khyab smin pa dang// grol ba nyid du yang dag nges// bla ma lha dang mkha' 'gro yi// nus pa'i stobs gang 'dir 'dus byed// mdor na lus ngag yid gsum po// sku gsum dkyil
106a6 'khor nyid gyur pas// sku gsum zhing du sbyor bar byed// sku gsum ye shes lnga ldan pa'i// bgrod pa gcig pa'i lam chen zhugs// phyir mi ldog pa'i ye shes brnyes// de sogs yon tan 'bras bu'i
106b1 rigs// rab 'bring tha ma'i tshul du ste// yang mtha' nyid las gzhan pa yi// rtsal chen 'grub par mi 'gyur ro// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha bsgrubs pas
106b2 grub pa'i yon tan dang 'bras bu bstan pa'i le'u ste bcu drug pa'o// a+thi+-i/// yang 'dus sprul pa'i 'khor rnams nyon// lha ma bsgrubs pa'i nyes pa ni// mchog don ye shes lta ci smos// gnas skabs
106b3 lam gyi 'char tshul yang// 'di nyid bral bar 'grub mi srid// thabs dang bral ba'i 'dre bsgom ni// 'dab gshog chag pa'i mkha' ld-ing bzhin// dmigs pa'i gnas su skyol mi nus// phyi nang snod bcud phung
106b4 po kun// phung po nyid du gyur nas kyang// 'dod chags la sogs las la spyod// 'khrul zhing 'khor nas 'khor bar 'khor// 'bras bu lha mi'i nye lam tsam// smon pa'i dbang du gyur nas kyang// don gyi smon pa
106b5 ma yin no// las kyi rtog sgrib 'thas pa'i mthus// zug rngu dang bcas yang yang myong// skye shi la sogs rba rlabs rnams// drag tu g.yo zhing 'khor bar 'khor// las kyi khung nas de mi thon// lha dang sngags kyis
106b6 ma zin pa'i// skyes bu yang dag skyes bu ni// las kyi zhags pas dam bcings nas// las kyi kha brgyud yang dang yang// 'khrul pa'i lu gu rgyud du 'khor// nyes las rnam par grol min cing// gdan las
107a1 'phags par mi 'gyur ro// lha med nyes pa brjod mtha' yas// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha ma bsgrubs pa'i nyes pa bstan pa'i le'u ste bcu
107a2 bdun pa'o// a+thi+-i/// dbang po dran 'dzin 'khor rnams nyon// ye shes lha bsgrub brtson pa'i bu// phyi ltar bsgrub pa 'di lta bu// gnas ni rab 'jigs dur khrod gling// dus ni yar tshes bzang po'i
107a3 tshe// lus ngag yid gsum rtsol ldan pas// dkyil 'khor la sogs rdzas bkram zhing// sngon 'gro dngos gzhi rjes dang bcas// lha gsal sngags dang bcas te bsgrub// rtags dang mtshan mas gtan la
107a4 dbab// dad gdung nges shes bskyed nas ni// rang rgyud dul na 'grub pa ste// dngos grub blang sogs la'ang sbyang// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha phyi ltar
107a5 bsgrub pa'i tshul bstan pa'i le'u ste bco brgyad pa'o// a+thi+-i/// yongs 'dzin sprul pa'i 'khor rnams nyon// nang ltar ye shes lha bsgrub ni// bdag lus lha yi dkyil 'khor gsal// g.yeng ba med pa'i ting
107a6 'dzin gsal// skye med shub bu'i bzlas pa 'bad// rang snang rtogs pa'i gtor mchod 'bul// gsal snang dag pas gtan la dbab// snang srid sgyu mar shes pa na// ye shes lha nyid grub pa ste// ting 'dzin
107b1 'phro 'du'i las sbyor brtsam// gang la dmigs pa gnas su sbyor// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha nang ltar bsgrub pa'i tshul bstan pa'i le'u ste bcu dgu pa'o//
107b2 a+thi+-i/// 'dus shing tshogs pa'i 'khor rnams nyon// gsang ba ltar du lha bsgrub pa// thabs kyi rim pa 'di lta ste// ye gdangs chen po'i dkyil 'khor du// rab gsal 'od kyi lha bkram zhing// skye med rdo rje'i
107b3 bzlas pa bya// chu bo rgyun gyi rnal 'byor la// g.yo ba med par bsgrub pa yis// bdag gis bdag nyid gtan la phab// 'pho 'gyur med na grub pa ste// gang shar rol pa'i las sbyor bya// snang srid gzhir
107b4 bzhengs chen por 'gyur// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha gsang ba ltar bsgrub pa'i tshul bstan pa'i le'u ste nyi shu pa'o// a+thi+-i/// sems dpa'i 'khor
107b5 rnams ma yengs nyon// de bzhin nyid ltar lha bsgrub pa'i// man ngag thabs kyi rgyal po bstan// rang snang dag pa'i dkyil 'khor du// rtsol bral chen po'i lha bkod de// 'byung 'jug rlung gi bzlas pa
107b6 'bad// shugs 'byung rang babs bsgrub pa brtson// 'khrul pa dag nas lha 'grub pas// blang dor bral ba'i las sbyor bya// 'khor 'das gnyis med ro gcig 'gyur// bla ma yi dam mkha' 'gro thams cad kyi
108a1 sku rgyud shel gyi ri bo las/ye shes kyi lha de kho na nyid ltar bsgrub pa'i tshul bstan pa'i le'u ste nyer gcig pa'o// a+thi+-i/// dbang po sems dpa'i 'khor rnams nyon// lha mchod thugs dam
108a2 bskang ba ni// phyi ltar thun mong rdzas kyis mchod// nang ltar dbang po rnam lngas mchod// gsang ba rtog tshogs rig pas mchod// de nyid spros bral dgongs pas mchod// bde stong ro mnyam dbyings su
108a3 bskang// snang srid gzhir bzhengs chen po'i klong// blang dor bral na thugs dam bskang// bskang bya skong byed bskang ba'i yul// mnyam nyid rol pa chen por bskang// de ltar thugs dam bskangs pa
108a4 yis// 'bras bu mchog dang thun mong kun// ye shes lha dgyes rtsol bar 'gyur// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha mchod cing thugs dam skong ba'i rim pa bstan
108a5 pa'i le'u ste nyer gnyis pa'o// a+thi+-i/// rang byung sprul pa'i 'khor rnams kun// bdag nyid lha bsgom 'di lta ste// gzhi gnas ye shes dbang po yi// steng 'og phyogs bcur mi blta zhing// nang du bkug
108a6 pas ar la gtad// phung po khams dang skye mched kun// ye shes lha yi rol pa ste// ma skyes rang gsal lam me ba// thugs rje zhal phyag rgyan dang bcas// rang babs lhug par bzhag pa la// dad pa'i dbang
108b1 po gsal gdab pas// snang ba yab la stong pa yum// gnyis med zung 'jug chen po'i dbyings// gsal 'grib 'pho 'gyur med par blta// ngo bo bla mar gnas pa la// rang bzhin yi dam lha skur
108b2 bzhengs// thugs rje 'gag med mkha' 'gror snang// bdag nyid las min lha med pas// ye grub babs su la thag bcad// bla ma yi dam mkha' 'gro thams cad kyi sku rgyud shel gyi ri bo las/ bdag nyid ye
108b3 shes kyi lhar gsal ba'i tshul bstan pa'i le'u ste nyer gsum pa'o// a+thi+-i/// 'dus pa'i 'khor tshogs ma yengs nyon// mdun du ye shes lha bskyed na// pho brang rin chen gzhal yas khang// gru bzhi sgo bzhi
108b4 rta babs bcas// tshangs khang 'od kyi dra bas sbrel// sgrib g.yogs med par phyi nang gsal// rang bzhin 'od lnga 'khrigs pa'i dbus// sa bon yig 'bru phyag mtshan la// mngon par lhag pa'i sku bsgom
108b5 zhing// gtso bo 'khor gyi sum 'gyur la// yang 'khor de yi phyed phyed gsal// rgyan dang cha lugs rnam par bkra// ngo bo bla ma chos sku las// rang bzhin yi dam longs spyod rdzogs// thugs rje sprul sku mkha'
108b6 'gro ma// rnam grangs dam tshig rdzogs par gsal// snang la rang bzhin ma grub pa'i// 'od dang 'od zer 'phro 'dur bcas// rang snang dag pas gsal bar bya// bla ma yi dam mkha' 'gro thams cad kyi sku rgyud
109a1 shel gyi ri bo las/mdun bskyed ye shes kyi lha bsgom pa'i tshul bstan pa'i le'u ste nyer bzhi pa'o// a+thi+-i/// rang byung sems dpa'i 'khor rnams nyon// dam tshig sems dpa'i ngo bo
109a2 ni// mos bsgyur blo yis bskyed pa ste// rkang grangs mtshan dang bcas pa ste// gtso bo nyid dang de yi yum// 'khor dang de yi yang 'khor dang// so sor tshom bur bcas nas ni// tshom bu dgu ru rnam par
109a3 nges// spyi bo la sogs gnas rnams su// A+oM sogs yi ge'i 'bru rnams bkram// sngon gyi rjes bzung tha tshig ltar// dam tshig dbang gis bskyed rnams so// rang las byung zhing rang nyid dang// dam tshig gcig tu
109a4 gnas pa'i phyir// dam tshig sems dpa' zhes bya'o// bla ma yi dam mkha' 'gro thams cad kyi sku rgyud shel gyi ri bo las/ lha dam tshig pa bskyed par bstan pa'i le'u ste nyer lnga pa'o// a+thi+-i/// rang shar
109a5 sprul pa'i 'khor rnams nyon// ye shes sems dpa' zhes bya ba// gdod nas dag pa chos kyi sku// rang byung rang gsal longs spyod rdzogs// shar grol sprul sku 'gro ba 'dul// rang babs byin rlabs bla ma
109a6 mchog/dngos grub gshis ster yi dam lha// phrin las rmad byung mkha' 'gro'i tshogs// snang ba'i rang bzhin yab kyi cha// stong pa'i bdag nyid yum mchog ste// mnyam par gnas pa zhi ba'i sku// hur byung thol
109b1 skyes khro skur bzhengs// rol pa'i ye shes zhi ma khro// de dag gdod nas lhun gyis grub// byas bcos byung ba de ma yin// ye nas shes rig rgyal por snang// de phyir ye shes sems dpa'o// bla ma yi dam mkha'
109b2 'gro thams cad kyi sku rgyud shel gyi ri bo las/lha ye shes sems dpa'i bzhugs tshul bstan pa'i le'u ste nyer drug pa'o// a+thi+-i/// rang grol 'dus pa'i 'khor rnams nyon// dam tshig pa dang ye shes
109b3 pa// lha gnyis dbyer med bsre ba'i tshul// chu la chu bzhag ci bzhin du// de bzhin nyid la 'od kyi tshul// phan tshun tha dad ma yin par// dbyer med du ma ro gcig nyid// yin par shes shing yin tshul du// rnal
109b4 'byor rgyal po rnams kyis blta// bsre bya sre byed med pa dang// gzhag bya 'jog byed med pa ste// 'on kyang gnas skabs yul don du// bskyed pa'i dam tshig sems dpa' la// dbyings nas ye shes sems
109b5 dpa' bkug/chu la chu thim lta bur bsre// de bsres ngang bsgom lhug par bzhag/ 'di kun thabs kyi yan lag ste// gdul bya 'gro ba 'dren phyir spro// kun kyang yang dag dgongs don spyod// cho ga'i yan lag
109b6 ji bzhin pa// sprul pa rnams kyis spro bar gyis// bla ma yi dam mkha' 'gro thams cad kyi sku rgyud shel gyi ri bo las/ lha dam tshig pa dang ye shes pa bsre ba'i tshul bstan pa'i le'u ste nyer bdun pa'o//
110a1 a+thi+-i/// gzugs kyi rdo rje la sogs nyon// dam tshig ye shes sems dpa' gnyis// dbang bskur rgya yis 'di ltar gdab// rnam snang mi bskyod 'od dpag med// rin 'byung don yod grub pa
110a2 ste// rigs rnams kun gyi gtso bo mchog/ sangs rgyas mnga' bdag rigs kyi lha// ji ltar snang ba'i rigs rnams la// rgyal thabs spyi blug rang dbang bskur// dag pa gsum gyis rgyas btab pas// 'bras bu
110a3 sku lnga ye shes lnga// phung khams skye mched gnas dag nas// rang rang rigs kyis dbu brgyan nas// rigs bdag bdag po nyid kyis mtshan// 'od dpag med sogs de bzhin gshegs// dbang bskur rgyas
110a4 gdab mtshon pa'o// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha dang rol pa gcig pa'i dbyings su dbang bskur rgyas gdab tshul bstan pa'i le'u ste nyer brgyad pa'o//
110a5 a+thi+-i/// rang byung sprul pa'i 'khor rnams nyon// de ltar bstan pa'i lha rnams kyi// rgyu mtshan rnam grangs dpag med kyang// gcig tu dril nas don ston pa// snod kyi 'jig rten la sogs pa// sgyu ma'i lus nyid
110a6 gnas dag phyir// bzhugs gnas pho brang gzhal yas bstan// bcud kyi sems can gnas dag cing// sems nyid lha ru gnas gyur pas// ye shes lha yi rnam par bstan// gdul bya smin grol lam bgrod
110b1 phyir// ye shes bla ma'i ngo bor bstan// dgos 'dod re ba bskang ba'i phyir// yi dam zhi dang khro bor bstan// phrin las dmigs su bsgyur ba'i phyir// mkha' 'gro rol pa chen por bstan// rgyu rkyen rten 'brel
110b2 phun tshogs phyir// de ltar 'phro 'du sna tshogs bstan// rtsa rlung thig le'i ngo bo yang// gzhal yas lha dang bcas pa bstan// phung po khams dang skye mched rnams// rang byung ye shes lha yi ngang// ye shes rab
110b3 rdzogs sku lnga'i zhing// spros bral lhun grub phyag rgya'i zhing// gzhi snang dag pa chos kyi dbyings// lhag med nyid du mya ngan 'das// sgra dang 'od du bcas nas kyang// sku gsum zhing du mngon du 'byung// gdul bya
110b4 rnams la lhag mar bcas// sku gdung ring bsrel bzhag nas kyang// gzhan phan thabs kyis 'gro ba rnams// rim gyis 'dren par des byed do// yang mtha' bar do nyid du yang// rang snang ye shes lha dang
110b5 phrad// rang ngo shes nas rnam par grol// de yang rgyu 'bras de yis yin// sprul pa las kyang sprul pa'i sku// sku dang mtshan dpes rab spras shing// las dag zhing la rab snang bas// byang chub mngon du de 'gyur
110b6 zhing// de sogs dpal dang yang dag ldan// spyi phud nyid du snang bar byed// bla ma yi dam mkha' 'gro thams cad kyi sku rgyud shel gyi ri bo las/ ye shes kyi lha bsgrub pa'i rgyu mtshan gyi rim pa bstan pa'i le'u ste
111a1 nyer dgu pa'o// a+thi+-i/// de ltar 'khor gyis zhus pa'i don// dpag med rgyal pos rab gsungs pas// sems dpa' gzugs kyi rdo rje dang// sgra yi rdo rje dri rdo rje// ro dang reg bya'i rdo rje
111a2 dang// sems dpa' chos kyi rdo rje sogs// gdul byar gyur pa'i 'khor rnams la// tshims par gyur pa'i don gsungs pas// dga' zhing mgu nas thal mo sbyar// rangs pa'i sems kyis spyi bos 'dud// lha
111a3 dang mi dang lha min dang// klu dang rig sngags 'chang la sogs// 'jig rten pa rnams yi rangs shing// bcom ldan 'das la mngon par bstod/ bla ma yi dam mkha' 'gro thams cad kyi sku rgyud shel gyi ri bo
111a4 las/rjes su yi rangs shing mngon par bstod pa'i le'u ste sum cu pa'o// a+thi+-i/// bde bar gshegs pa thams cad kyi gsung gi dbang phyug bcom ldan 'das 'od dpag med kyi sprul pa/ rang byung du
111a5 babs pa'i rgyud kyi rgyal po shel gyi ri bo rnam par bkod pa zhes bya ba rdzogs so//// sa ma ya/ rgya rgya rgya/ bdag 'dra pad+ma 'byung gnas kyis/ sgra rang 'gyur du bkod pa'o// d+ha thim/ sprul sku sangs rgyas gling
pas bla dkar dung gi sgo mo nas gdan drangs pa'i zab chos phyogs dus kun tu dar zhing rgyas la yun ring du gnas par gyur cig/

CLOSE WINDOW