CLOSE WINDOW

Gpb017.001
བོད་ཡིག

dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po zhes bya ba bzhugs so// rgya gar skad du/ sa ma ya sarba bi ti a nu sarba sa ni tan+t+ra bi ma la rA dza nA ma/ bod skad du/ dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po zhes bya ba/bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ ri ma la ya gnam lcags yod pa'i rtse mo/seng+ge'i za 'gram lta bur gyur pa'i gnas/ dus gsum gyi rgyal ba rnams kyi byin gyis brlabs pa'i rin po che'i khang pa rang byung du grub pa na/ bcom ldan 'das gsang ba'i bdag po phyag na rdo rje/sku gsum gyi ston pa rnams kyi gsung gi tshogs ma lus par sdud cing/ byang chub sems dpa' dang/ 'gro ba rnams kyi bla ma chen por gyur pa de la/ 'khor du gyur pa theg pa chen po'i rigs can ni 'di lta ste/lang ka'i bdag po blo gros thabs ldan dang/ klu'i rgyal po gtsug na rin chen blo gros rgya mtsho dang/ tshangs pa gtsug phud 'dzin blo gros mtha' yas dang/gnod sbyir skar mda' gdong blo gros dad sel dang/ dri ma med par grags pa blo gros rab zhi la sogs pas bskor te bzhugs so// de'i tshe rig 'dzin gyi rgyal po kuny+dza ras stan las langs te phyag rnal 'byor gyi lugs su byas nas/'di skad ces 'khor rnams kyis mgrin gcig tu gsol to// kye ho dpal ldan rdo rje gsang ba'i bdag/bya spyod rnal 'byor bla med pa'i// rgyud la gnas pa'i rnal 'byor pa'i// gzhi 'dzin srung ba srog 'dra yi// nyams chag bskang bshags cho ga rnams// phyi rabs da lta'i don du gsungs// zhes gsol to// de nas gsang ba'i bdag po dpal phyag na rdo rjes 'di skad gsungs so// kye ho dam pa'i rigs can rnams// dam tshig sa gzhi lta bu la// thams cad 'bras bu lo tog smin// gzhi srung so nam thabs 'bad pa/ khyod la bshad kyis legs par nyon// zhes gsungs nas/ mi zad pa rin po che'i gong bu zhes bya ba'i ting nge 'dzin la snyoms par zhugs nas 'di skad ces gsungs so// sngon 'das pa'i dus dran pa dpag tu med pa'i sngon rol nas/ ston pa chos kyi sku dang/ longs spyod rdzogs pa'i sku dang/ rdo rje lta bu'i sku dang/ mngon par byang chub pa'i sku dang/ sprul pa'i sku dang/ sku lnga'i sangs rgyas rnams dang/sku bzhi'i sangs rgyas la sogs pa rnams kyis rgyud dag pa'i zhing byang chub sems dpa' rnams la gsungs pa'i rgyud sde mang po dang/ rgyud ma dag pa la snang ba'i he ru ka rnams kyis/ rU tra la sogs pa rnams yang dag pa'i sa la lung bstan pa'i dus na/'gyod tshangs kyi smre sngags brjod pa dang/ de'i 'khor gyi rig 'dzin pho mo mang pos gsungs pa'i bshags pa rnams gsang ba'i dam tshig skong ba'i cho gar gsungs pa dang/sangs rgyas dang/ byang chub sems dpa' dang/ rig 'dzin dang/ rU tra 'khor dang bcas pa'i bshags pa rnams kyi rgyud chen po 'di gsungs so// gsung ngo// gsung bar 'gyur ro// zhes gsungs so// de nas 'khor rnams kyis zhus pa/ dus gsum gyi sangs rgyas dpag tu med pas gsungs pa dang/ rU tra la sogs pa dregs pa can dpag tu med pas 'gyod bshags phul ba dang/rig 'dzin rnal 'byor gyi dbang phyug chen po rnams kyis bshags pa'i thabs rnams bshad par zhu/ 'gro ba'i don du gsungs/ ma 'ongs pa'i sems can dang/ rnal 'byor pa rnams la phan pa'i don du shod/ces zhus so// de nas rdo rje 'dzin pa chen pos rnam par 'byed pa'i ting nge 'dzin la snyoms par zhugs nas/ gsang sngags pa rnams kyi bshags pa'i don dbye ba 'di gsungs so// kye ho yang dag par rdzogs pa'i sangs rgyas rnams kyi lam la gnas pa'i bla ma dam pa ni bzhi zhig yod de/de yang gang zhe na/ phyi sgro 'dogs yongs su gcod par byed pa'i bla ma dam pa dang/ nang rang byung gi ye shes ston par byed pa'i bla ma dam pa dang/gsang ba lhan cig skyes pa'i ye shes ston par byed pa'i bla ma dam pa dang/ mthar thug de kho na nyid kyi chos thams cad shin tu rnam par dag pa'i de kho na nyid ston par byed pa'i bla ma dam pa'o// dam pa de dag gi lam la gnas par bya ba'ang rnam pa gsum yod de/ de yang gang zhe na/ gzhi dngos po gshis kyi gnas lugs ston par byed pa dang/ lam nyams su len pa'i gdams ngag ston par byed pa dang/'bras bu mngon sum du gyur pa'i don ston par byed pa'o// dam pa de'i lam rnam pa gsum gang yang rung ba ma gtogs pa'i bshags pa bya ba dang/ khyad par du yang ma dag pa'i snang ba dang/ nyams kyi snang ba dang/dag pa'i snang ba rnams ma rtogs pa dang/ kun gzhi rgyu'i rgyud dang/ lam thabs kyi rgyud dang/ phyag rgya chen po 'bras bu'i rgyud ma rtogs pa dang/ rgyu'i rnal 'byor dang/ lam gyi rnal 'byor dang/ 'bras bu'i rnal 'byor ma rtogs pa dang/ bde bar gshegs pa'i bka' yang dag pa lung gi tshad ma dang/ rnal 'byor gyi dbang phyug nyams myong rjes su dran pa'i tshad ma dang/ bla ma rdo rje slob dpon snyan khung brgyud pa man ngag gi tshad ma dang/dngos po'i mtha' rten cing 'brel bar 'byung ba lo rgyus kyi tshad ma ma rtogs pa dang/ de dag rtogs par bya ba'i phyir 'di dag bshad de/ dbang gi chu bo ma nub pa dang/ byin rlabs kyi brgyud pa ma nyams pa dang/gdams ngag gi sarga ma log pa dang/ mos gus kyi bsam pa tshims par nus pa'i phyir/ phyi'i rten 'brel dang/ nang gi rten 'brel dang/ gsang ba'i rten 'brel dang/ mthar thug de kho na nyid kyi rten 'brel bsgrigs nas/ bde bar gshegs pa'i bka' tshad ma dang/ bla ma'i man ngag tshad ma dang/ rang gi rig pa tshad mas gtan la phab ste/ blta ba'i dug phyung/ bsgom pa'i bdud rtsi bsten/spyod pa la dor nas gsang sngags gsang ba'i lam la zhugs pa rnams la/ dam tshig nyams chags byung bar gyur na theg pa lam zhugs kyi bshags pa dang/ na rag dong sprugs kyi bshags pa dang/brjod med dang/ dam tshig nyi shu rtsa brgyad kyi bshags pa dang/ rdo rje dpal chen dang/ ye shes mkha' 'gro dang/ zhi ba sangs rgyas dang/ khro bo khrag 'thung dang/ rU tra'i smre bshags dang/ rgyud lung man ngag gi bshags pa dang/blta ba'i klong bshags dang/ dbang bzhi rdzogs pa thabs lam gyi bshags pa dang/ 'bras bu'i don rtogs sku gsungathugs su byung ba'i bshags pa rnams bshad par bya'o// zhes gsungs so// dri med rgyal po bshags pa'i rgyud las/ gleng gzhi dang gleng bslang ba'i le'u ste dang po'o//// de nas de bzhin gshegs pa thams cad kyis theg pa lam zhugs kyi bshags pa 'di gsungs so// oM dang por bdag dang khams gsum sems can rnams// yul la chags pa skye bar mi bgyid de// pha dang ma la brten nas gzugs su snang// rang dbang med par 'jig rten gnas 'di mthong// ma rig chung zhing gzhon pa'i dus mtshams na// gti mug dbang gis dge sdig don ma rtogs// 'dod chags dbang gis pha rol 'khor bar 'khyams// zhe sdang dbang gis sdig pa'i las rnams bgyis// ngan song gsum du 'gro ba'i rgyu bsags te// mno bsam shes nas chos la skyabs su mchi// dang bas nya stong dus drug sgor zhugs te// nya stong tshes brgyad dus khrims mnos pa las// de la nyams pa'i skyon sems ma mchis te// nya stong tshul bzhin srung ba'i dge bsnyen la// nyams pa bka' yi chad pa byung na bshags// de nas yar la blo sems cher skyes nas// sbyangs pa'i yon tan bcu gnyis sgor zhugs nas// nyan thos sdom pa tshul bzhin mnos pa las// rtsa ba bzhi dang yan lag drug la sogs// nyis brgya lnga bcu'i khrims la skyon ma mchis// nyan thos 'dul khrims srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// rten 'brel bcu gnyis bsgrub pa'i sgor zhugs te// rang rgyal sdom pa tshul bzhin mnos pa las// 'khor ba rang bzhin med par mngon rtogs shing// snang srid sgyu ma lta bur shes pas na// de la nyams par bya ba'i skyon ma mchis// rang rgyal sdom pa srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// theg chen byang chub sems kyi sgor zhugs te// byang chub sems dpa'i sdom pa mnos pa las// smon 'jug kun rdzob don dam byang chub sems// sdom pa nyi shu'i tshul khrims skyon ma mchis// de la nyams pa'i skyon lta ma mchis na// sdom brtson tshul bzhin srung ba'i dge slong la// nyams pa bka' yi chad pa byung na bshags// de nas yar la blo sems cher skyes nas// dag pa rnam pa gnyis kyi sgor zhugs te// kri ya'i dam tshig tshul bzhin mnos pa las// dkon mchog gsum dang rdo rje slob dpon dang// rdo rje spun dang rdo rje ming sring dang// de bzhin rang gi sngags dang phyag rgya rnams// de la nyams pa'i skyon lta ma mchis na// kri ya'i dam tshig srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// u pa ya yi dam tshig sgor zhugs nas// phyag rgya sngags dang man ngag sgrub pa yi// blta spyod kri yog tshul srung rnal 'byor la// nyams pa bka' yi chad pa byung na bshags// de nas yar la blo sems cher skyes nas// lta spyod rnam pa gnyis kyi sgor zhugs nas// yo ga'i dam tshig tshul bzhin mnos pa las// dkon mchog gsum dang de 'khor byang chub sems// rdo rje bla ma mched dang lcam dral dang// dbang thob rnal 'byor gzhan la mi smod cing// rang rtags phyag rgya rtag tu srung ba la// de la nyams pa'i skyon lta ma mchis na// yo ga'i dam tshig srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// thabs dang shes rab gnyis kyi sgor zhugs nas// ma hA yo ga'i dam tshig mnos pa las// 'khor ba dang ni mya ngan 'das pa'i chos// yab lnga dang ni yum lngar sbyor bas na// rgyal ba'i dam tshig mchog tu gsungs pa las// ma hA yo ga srungaba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas// dbyings dang ye shes gnyis kyi sgor zhugs nas// a nu yo ga'i dam tshig mnos pa las// phyi nang snang srid dus gsum thams cad kun// rang rig ye shes dbyings las mi gzhan te// rdo rje dril bu phyag rgya 'chang byed cing// a nu yo ga srung ba'i rnal 'byor la// nyams pa bka' yi chad pa byung na bshags// de nas yar la blo sems cher skyes nas/ khyab gdal chen po theg pa'i sgor zhugs nas// a ti yo ga'i dam tshig mnos pa las// med pa'i dam tshig dang ni phyal pa dang// gcig pu'i dam tshig dang ni lhun gyis rdzogs// grangs dang phyogs las 'das pa'i dam tshig la// rgyal ba rnams kyis dam tshig mchog tu gsungs// bsrung mtshams med pas med pa'i dam tshig la// gzung dang 'dzin pa med pas phyal pa yin// thams cad sems su 'dus pas gcig pu nyid// lhag ma med par 'dus pas lhun gyis rdzogs// de la nyams pa'i skyon lta ma mchis na// a ti yo ga srung ba'i rnal 'byor la// nyams pa bka' yi chad pa byung na bshags// sde snod rnam pa gsum gyi bsrung bya ni// tshul khrims rnam par dag pas 'dul mthar phyin// rang dbang mngon du gyur pas mngon mthar phyin// shes rab rnam dag mdo sde'i mtha' ru phyin// phyi yi lha srin sde brgyad srung ma rnams// dam tshig nyams par gyur na mthol lo bshags// kri yog rnam pa gsum gyi bsrung bya ni// dag pa rnam gsum kri ya mtha' ru phyin// blta spyod gnyis med u pa ya mthar phyin// sum cu lha yi skur gsal rnal 'byor mtha'// dpal mgon bdun cu la sogs srung ma rnams// dam tshig nyams par gyur na mthol lo bshags// yo ga rnam gsum dam tshig bsrung bya ni// rtsa ba yan lag srung ba rnal 'byor che// sgrub pa khyad par dam tshig a nu'i mtha'// lhag pa'i dam tshig rnam bzhi rdzogs chen pa// nang dang gsang ba'i lha srin sde brgyad rnams// dam tshig nyams par gyur na mthol lo bshags// mtshan nyid sde snod gsum dang theg pa gnyis// phyi pa thub pa rgyud la kri yog gsum// nang pa thabs kyi rgyud la yo ga gsum// theg pa rim pa dgu yi dam tshig rnams// lta spyod 'brel bar spyod pa'i rnal 'byor la// mkha' 'gro bka' yi chad pa ci ste bcang// dbang phyug thugs kyi sprul pa ci ste dgye// rgyu 'bras ma spangs dge ba dang du blangs// sdig pa ma spyad rnam par smin la 'dzem// bka' gzhung ma bor rgyud lung man ngag 'brangs// yal bar ma dor gzhung bzhin dang du blangs// lus ngag yid gsum btud nas gsang sngags chos// sgom sgrub spyod pa'i rnal 'byor dbang phyug la// dam tshig nyams chag byung na bskang gyur cig/ rtsa ba yan lag pham ltung nyes byas dang// sbom po phra mo la sogs nyes skyon rnams// skyon du gyur pa thams cad tshangs par mdzod// mchog dang thun mong dngos grub stsal du gsol// ye shes lha la rnal rtog mi mnga' yang// de 'khor bka' yi srung ma dam tshig can// thugs dang 'gal bar gyur na bzod par gsol// yun gyi sgrib pa mchis na sgrib pa sbyongs// 'phral gyi rkyen gegs mchis na rkyen gegs bzlog/ tshangs pa mchog gi dngos grub stsal du gsol// zhes gsungs so// dri med rgyal po bshags pa'i rgyud las/ theg pa lam zhugs kyi bshags pa ste le'u gnyis pa'o//// de nas gsang ba'i bdag po chen pos sngon gyi rnam par smin pa sbyangs pa lha'i bu'i rnal 'byor la/ bcom ldan 'das dpal kun tu bzang po chen pos bshad pa dang/ phyogs bcu na bzhugs pa rnams kyis zhus pa ni 'di lta ste/de nas phyogs bcu nas lhags pa'i rnal 'byor gyi dbang phyug chen po rnams dang/ rig 'dzin pho mo bsam gyis mi khyab pa rnams kyis lhan cig tu brkyangs phyag 'tshal zhing/bcom ldan 'das dpal kun tu bzang po dang/ che mchog he ru ka la sogs pa rigs lnga'i bde bar gshegs pa rnams la gsol pa/ bdag cag rnams rang bzhin sgyu 'phrul drwa ba'i dkyil 'khor gyi byin gyis brlabs kyis rnal 'byor gyi gral du 'khod de/gsang ba'i theg pa chen po 'di la spyod cing/ bcom ldan 'das dpal kun tu bzang po dang/ che mchog he ru ka la sogs pa rnams kyi zhal mthong zhing/phyag rgya chen po'i rig 'dzin gyi sa la lhun gyis grub par 'tshal ba rnams nyams pa dang/ chag pa dang/ bag chags ngan pas bsgribs te mchis pa la/ nyams chag dang rtog sgrib sbyang ba'i thabs gsol zhing zhu na gnang ba'i skabs dbye bar gsol zhes zhus pa dang/de nas dpal kun tu bzang pos phyogs bcu nas lhags pa'i rig 'dzin pho mo rnams la bka' stsal pa/ 'di lta bu'i bka' gsang ba las kyang shin tu ches gsang ba/yang gsang thugs kyi man ngag 'di lta bu ni/ dus gsum gyi sangs rgyas rnams kyi gshegs shul/ rig 'dzin pho mo rnams kyi lam/ rnal 'byor pho mo rnams kyis sku gsung thugs kyi dngos grub sgrub pa'i gnas 'di lta bu'i bka' zab mo 'di thos par yang dka' na/bsgom zhing sgrub pa dang/ rtogs pa lta smos kyang ci dgos/ 'di lta bu'i bka' zab mo 'di ni bskal pa dpag tu med pa'i sngon rol nas sbyangs sbyangs pa'i las 'phro dang/skal bar ldan pa 'ga' dang 'ga'i spyod yul yin gyi/ gang rung rung kun gyi thun mong ni ma yin no// de lta bu'i sgor zhugs pa'i rnal 'byor pa la nyams chag dang rtog sgrib sbyang ba'i thabs med pa ni ma yin te/thabs ni yod do// nyan thos kyi theg pa ltar 'dul khrims nyams par gyur na/ rdza be'u chag pa bzhin slar gso ba'i thabs med pa ni ma yin gyi/ gsang sngags kyi bka' gser dang 'dra ba 'di'i sgor zhugs pa'i rnal 'byor pho mo nyams chag byung ba rnams sbyang ba'i thabs yod de/ thugs yang dag pa'i bka' gsang ba 'di'i nyams chags byung na gser dngul zhom pa dang 'dra ste/slar gso ba'i thabs ni yod do// de'i thabs ni ji lta bu zhe na/ rnal 'byor gyi spyi khrus ngan song dong sprugs zhes bya ba bzhugs so// de nas phyogs bcu nas lhags pa'i rnal 'byor gyi dbang phyug chen po rnams kyis/bcom ldan 'das dpal kun tu bzang po la 'di skad ces gsol to// a la la ho// dpal kun tu bzang po// e ma ho ngo mtshar che'o// zhes lus kyi yan lnga sa la brdabs te/ brkyangs phyag lan stong du btsal nas 'di skad ces gsol to// dpal kun tu bzang po rnal 'byor pho mo'i nyams chag dag par byed pa'i spyi khrus zhes bya ba 'gro ba yongs la phan 'dogs pa'i man ngag ngan song dong sprugs zhes bya ba bka' gsang ba las kyang shin tu ches gsang ba bdag cag rnams la bstan du gsol// zhes gsol pa dang/ de nas ston pa kun tu bzang pos rnal 'byor pa rnams la bka' stsal pa/bsnyen sgrub rnam pa bzhi'i sgor zhugs pa'i rnal 'byor pho mo rnams la spyir dam tshig gi bsrung mtshams bsam gyis mi khyab pa zhig bzhugs na/ de dag kun kyang rtsa ba'i dam tshig gsum du 'dus so// de yang lus ngag yid gsum du 'dus te/ lus ngag yid gsum gyi sgo nas nyams chag byung ba ni/ de bzhin gshegs pa'i sku gsung thugs kyi thugs rje'i byin rlabs kyis sbyong ba'i thabs ni bzhugs so// yid kyi sgo nas nyams chag byung na/ thugs kyi blta bas bskang ste/ rnal 'byor gyi gral 'dir 'khod pa rnams kyi yid dam sems ni don dam par thugs yang dag pa'i ye shes nyid yin la/ yang dag pa'i ye shes ni rang gi kun gzhi byang chub kyi sems yin te/kun gzhi ma bcos pa la yid rang byung gi ye shes bde ba chen por shar ba ni bsrung du med pa'i dam tshig chen po ste/ kun gzhi de ltar yin phan chan kun gzhi bag chags dang bcas pas bskyed pa'i phung po dang/dbang po dang/ rnam par shes par bcas pa yang ma byung ma skyes pa ye nas rang byung chen po yin te/ de ltar rtogs na rdo rje slob dpon dang/ mched dang lcam dral yang ye nas ma byung ma skyes pa yin te/sku'i dam tshig nyams chag skongs so// de ltar phung po dang/ dbang po dang/ rnam par shes pa yang ma byung ma skyes phan chad des brjod par bya ba'i bzlas brjod dang/bsnyen sgrub dang/ sku phyag rgyar bsgom par bya ba yang ye nas ma byung ma skyes pa ste/ gleng brjod dang rtsol bsgrub kyi mtha' las 'das pas/ gsung gi dam tshig nyams chag skongs so// de lta bu'i ye nas ma byung ma skyes pa'i don de lta bu 'di ni/kun gyis ma rtogs shing rtogs par dka' bas/ rang bzhin gyis gsang ba chen po yin pas/ thugs kyi dam tshig nyams chag skongs so// de ltar rtsa ba'i nyams chag gsum bskangs phan chad/yan lag gi dam tshig thams cad kyang ye nas ma byung ma skyes pas/ yan lag gi dam tshig thams cad kyi nyams chag skongs so// de ltar rtogs pa'i rnal 'byor pa rnams ni mi bsrung ba'i bsrung ba chen po ste/de'i phyir na lus ngag yid gsum gyi sgo nas nyams chag byung ba rnams sku gsung thugs kyi thugs rjes bskongs so// de skad ces bka' stsal pa dang/ de nas phyogs bcu nas lhags pa'i rnal 'byorapho mo rnams kyis ston pa kun tu bzang po la 'di skad ces gsol to// e ma ho ngo mtshar che'o// ston pa kun tu bzang po bsrung du med pa'i bsrung ba chen po bka' stsal pa ngo mtshar che'o// a la la ho// zhes lus kyi yan lag lnga sa la rdeb cing brkyangs phyag 'tshal lo// de nas yang ston pa kun tu bzang po la bcom ldan 'das rigs lnga'i sangs rgyas rnams kyis 'di skad ces gsol to// ston pa kun tu bzang po de lta bu'i ye nas ma byung ma skyes pa de/ gdod ma nas rang shes rig pa'i rgyal po rang gis rang gsal bar shar ba rtogs pa rnams la bsrung du yang med la/ nyams chag bskang du yang med na/de lta bu'i don ni ma rtogs par/ gsang sngags kyi sgor zhugs so 'tshal gyi rnal 'byor pa dang/ rnal 'byor ma la las gsang sngags don gyi man ngag ni ma go ste/ la las ni tshogs kyi spyang ki byed/ la las ni g.yo sgyu dang gsog 'jog byed/ la las ni de bzhin gshegs pa'i bka' la ras chod byed pa rnams kyi don du nyams chag byung na bskang zhing bshags pa'i thabs ni ci mchis/ de dag la thugs rjes gzung ba'i thabs shig bstan du gsol zhes zhus pa las/ston pa kun tu bzang pos 'di skad ces bka' stsal to// rnal 'byor pa blta ba dman zhing shes rab zhan pa rnams kyi don du nyams chag bskang zhing bshags pa'i thabs ni bzhugs so// de'i thabs ni rdo rje slob dpon dang/ yi dam gyi lha dang/ sgyu 'phrul zhi khro rab 'byams kyi dkyil 'khor dang/ grub pa'i sa la bzhugs pa'i rig 'dzin pho mo rnams bdun gyi nam mkha' la mngon sum du dmigs te/mtshan nas brjod de lus sa la brdeb cing brkyangs phyag 'tshal na 'byang ba'i thabs yin no// de lta bas na nga'i gsang sngags spyad nyes pa'i dbang gis ngan song gsum du ltung bar dogs pa rnams kyi ched du/'gyod tshangs kyi bshags pa mdo tsam zhig bstan gyi khyed cag rnams kyis lus gcer bur phyung ste/ chos rab tu gyis la yan lag lnga sa la brdeb cing brkyangs phyag 'tshol cig/de nas phyogs bcu nas lhags pa'i rnal 'byor pho mo rnams kyis chos rab tu byas te/ ston pa kun tu bzang po ltar mnyan pa dang/ de nas ston pa kun tu bzang pos bka' stsal pa/ ho klong chen po stong gsum gyi stong chen po'i 'jig rten gyi khams 'di ni don dam par chos kyi dbyings/yum gyi mkha' b+ha ga yangs pa'i klong/ rang bzhin gyi dkyil 'khor rnam par dag pa na bzhugs pa'i bde bar gshegs pa 'khor rgyal ba rgya mtsho dang bcas pa rnams la phyag 'tshal lo// a la la ho/ kun gzhi gsang ba dag pa'i dbyings nas yid rang byung gi ye shes rang shes rig gi rgyal po yid byed pa po dus gsum gyi sangs rgyas thams cad kyi yab/chags med skyon dang bral bas gdan pad+ma la bzhugs pa/ sangs rgyas dang sems can mnyam par mkhyen pas phyag mnyam pa'i phyag rgya can/ dkyil 'khor thams cad kyi mnga' bdag/bcom ldan 'das dpal kun tu bzang po la phyag 'tshal lo// a la la ho// 'di ltar snang ba'i chos thams cad don dam par chos kyi dbyings su sdud ma chos can mtshan ma'i skyon gyis ma gos pas gdan pad+ma la bzhugs pa/kun la khyab par gnas pas phyag mnyam pa'i phyag rgya can/ chos bya ba mo dkyil 'khor thams cad skyed pa'i gzhi/ yum kun tu bzang mo la phyag 'tshal lo// a la la ho/ chos rnams rnam dag ye nas lhun grub pas// bya ba byed dang yid chos rnam par dag/ nam mkha'i mtha' bzhin kun la snyoms mdzad pa// kun bzang yab yum gnyis la phyag 'tshal lo// don dam par sems can gyi rnam par shes pa'i phung po gnas su dag pa/de bzhin gshegs pa thams cad kyi thugs kyi bdag nyid/ mi 'jigs pa seng+ge'i khri can/ stong pa nyid kyi ye shes kyis skye shi dang 'pho 'gyur gyi rtog pa mi mnga' bas phyag rgya rdo rje can/bcom ldan 'das dpal rdo rje mi bskyod pa la phyag 'tshal lo// don dam par sems can gyi gzugs kyi phung po gnas su dag pa/ de bzhin gshegs pa thams cad kyi sku'i bdag nyid/stobs glang po che'i khri can/ me long lta bu'i ye shes kyis kun la dbang bsgyur bas phyag rgya 'khor lo can/ bcom ldan 'das dpal rnam par snang mdzad la phyag 'tshal lo// don dam par sems can gyi tshor ba'i phung po gnas su dag pa/de bzhin gshegs pa thams cad kyi yon tan gyi bdag nyid/ shugs 'chang rta'i khri can/ mnyam pa nyid kyi ye shes las ma g.yos par che ba'i yon tan thams cad 'byung bas/ phyag rgya rin po che 'bar ba can/ bcom ldan 'das dpal rin chen 'byung ldan la phyag 'tshal lo// don dam par sems can gyi 'du shes kyi phung po gnas su dag pa/ de bzhin gshegs pa thams cad kyi gsung gi bdag nyid/mdzes byed rma bya'i khri can/ so sor rtog pa'i ye shes kyis chos spyi dang rang gi mtshan nyid gsal la ma chags pas phyag rgya pad+ma can/ bcom ldan 'das dpal snang ba mtha' yas la phyag 'tshal lo// don dam par sems can gyi 'du byed kyi phung po gnas su dag pa/ de bzhin gshegs pa thams cad kyi phrin las kyi bdag nyid/ cang byed shang shang te'u'i khri can/ bya ba grub pa'i ye shes kyis phrin las mthar phyin pas phyag rgya rdo rje rgya gram can/bcom ldan 'das dpal don yod grub pa la phyag 'tshal lo// chos sku nam mkha' bzhin du dbyer med kyang// gzugs sku 'ja' tshon bzhin du so sor gsal// thabs dang shes rab mchog la mnga' brnyes pa'i// rigs lnga bde bar gshegs la phyag 'tshal lo// don dam par 'byung ba nam mkha'i ngo bo gnas su dag pa/ yum chen mo kun tu bzang mo// dus gsum gyi rgyal ba thams cad 'byung ba'i gnas/yum chen mo nam mkha'i dbyings phyug ma la phyag 'tshal lo// don dam par 'byung ba sa'i ngo bo gnas su dag pa/ yum chen mo sangs rgyas spyan ma/ dus gsum gyi rgyal ba thams cad skyed pa'i gzhi/ yum chen mo rdo rje dbyings phyug ma la phyag 'tshal lo// don dam par 'byung ba chu'i ngo bo gnas su dag pa/ yum chen mo mA ma kI/ dus gsum gyi rgyal ba thams cad kyi yon tan gyi gter 'dzin ma/yum chen mo rin chen dbyings phyug ma la phyag 'tshal lo// don dam par 'byung ba me'i ngo bo gnas su dag pa/ yum chen mo na bza' dkar mo/ dus gsum gi rgyal ba rnams kyi gsung mchog ma/yum chen mo pad+ma dbyings phyug ma la phyag 'tshal lo// don dam par 'byung ba rlung gi ngo bo gnas su dag pa/ yum chen mo dam tshig sgrol ma/ 'gro ba rnams 'phags pa'i sa bcur sgrol ma/ yum chen mo las kyi dbyings phyug ma la phyag 'tshal lo// ngo mtshar pho brang bde bar gshegs pa'i yum// dus gsum rgyal ba thams cad skyed mdzad ma// rigs kyi yum gyur rnams la phyag 'tshal lo// don dam par sems can gyi mig gi rnam par shes pa gnas su dag pa/byang chub sems dpa' sa'i snying po// 'gro ba rnams bla na med pa'i gnas su skyed par byed pas phyag rgya rin po che'i myu gu can/ shar phyogs na bzhugs pa'i byang chub sems dpa' rnams la phyag 'tshal lo// don dam par sems can gyi rna ba'i rnam par shes pa gnas su dag pa/ byang chub sems dpa' nam mkha'i snying po/ nyon mongs pa'i skye rgyun gcod pas phyag rgya ral gri can/lho phyogs kyi byang chub sems dpa' rnams la phyag 'tshal lo// don dam par sems can gyi sna'i rnam par shes pa gnas su dag pa/ byang chub sems dpa' spyan ras gzigs dbang phyug/nyon mongs pa'i skyon gyis ma gos pas phyag rgya pad+ma can/ nub phyogs kyi byangachub sems dpa' rnams la phyag 'tshal lo// don dam par sems can gyi lce'i rnam par shes pa gnas su dag pa/ byang chub sems dpa' phyag na rdo rje/nyon mongs pa thams cad 'joms par byed pas phyag rgya rdo rje can/ byang phyogs kyi byang chub sems dpa' rnams la phyag 'tshal lo// don dam par sems can gyi mig gi dbang po gnas su dag pa/byang chub sems dpa' byams pa/ nyon mongs pa'i gdung ba las rnam par rgyal bas phyag rgya klu shing mgo lcogs can/ shar lho mtshams kyi byang chub sems dpa' rnams la phyag 'tshal lo// don dam par sems can gyi rna ba'i dbang po gnas su dag pa/ byang chub sems dpa' sgrib pa rnam par sel ba/ nyon mongs pa chos nyid du mkhyen pas phyag rgya glegs bam po ti can/ lho nub mtshams kyi byang chub sems dpa' rnams la phyag 'tshal lo// don dam par sems can gyi sna'i dbang po gnas su dag pa/ byang chub sems dpa' kun tu bzang po/ nyon mongs pa gnas su dag pa las dgos 'dod re ba yid bzhin du skong bas phyag rgya rin po che'i snye ma can/nub byang mtshams kyi byang chub sems dpa' rnams la phyag 'tshal lo// don dam par sems can gyi lce'i dbang po gnas su dag pa/ byang chub sems dpa' 'jam dpal/ nyon mongs pa'i zug rngu mi mnga' bar shin tu mdzes pas phyag rgya me tog ut+pal can/ byang shar mtshams kyi byang chub sems dpa' rnams la phyag 'tshal lo// rnam shes dbang po dag pas sku gsung thugs// bde bar gshegs pa kun gyi sras mchog ste// sems dpa' chen po brgyad la phyag 'tshal lo// don dam pa sems can gyi mig gi yul gzugs su snang ba gnas su dag pa/ badzra lA s+ya ste/ de bzhin gshegs pa rnams la mchod pas mnyes par byed pa las mi 'gyur bas phyag rgya rdo rje khu tshur can/ rdo rje sgeg mo ma la phyag 'tshal lo// don dam par sems can gyi sna'i yul drir snom pa gnas su dag pa/badzra mA le ste/ mchod pa rgyun mi chad par byed pas phyag rgya rin po che'i phreng ba can/ rdo rje phreng ba ma la phyag 'tshal lo// don dam par sems can gyi rna ba'i yul sgrar grag pa gnas su dag pa/ badzra gI ti ste/ sgra'i mchod pas mnyes par byed pas phyag rgya pi wang can/ rdo rje sgra dbyangs ma la phyag 'tshal lo// don dam par sems can gyi lce'i yul ror bro ba gnas su dag pa/ badzra nr-i t+ye ste/ phyag rgya'i mchod pas mnyes par byed par phyag rgya gar bsgyur can/rdo rje gar bsgyur ma la phyag 'tshal lo// sgeg mo phreng thogs rin chen glu gar can// nam mkha' mnyam pa'i mchod pas rgyal ba mchod// byang chub lha mo'i tshogs la phyag 'tshal lo// don dam par sems can gyi dus 'das pa zhes bya ba gnas su dag pa/ badzra puSh+pe ste/ spyan gyi mchod pas mnyes par byed pas phyag rgya me tog can/ rdo rje me tog ma la phyag 'tshal lo// don dam par sems can gyi dus da lta ba zhes bya ba gnas su dag pa/ badzra d+hU pe ste/ shangs kyi mchod pas mnyes par byed pas phyag rgya bdug spos can/ rdo rje spos me ma la phyag 'tshal lo// don dam par sems can gyi dus ma 'ongs pa zhes bya ba gnas su dag pa/badzra A lo ke ste/ sku'i mchod pas mnyes par byed pas phyag rgya mar me can/ rdo rje mar me ma la phyag 'tshal lo// don dam par sems can gyi dus phyis 'byung bar ma nges pa zhes bya ba gnas su dag pa/badzra gan+d+he ste/ ljags byug pa'i mchod pas mnyes par byed pas phyag rgya byug pa can/ rdo rje dri chab ma la phyag 'tshal lo// bdug pa me tog mar me dri chab ma// rgyal ba rgya mtsho rnams la mchod 'bul ma// mchod pa'i lha mo rnams la phyag 'tshal lo// don dam par sems can gyi lus kyi reg pa gnas su dag pa/ khro bo chen po gshin rje'i gshed po ste/ byams pa chen pos 'gro ba'i don tshar gcod par mdzad pas phyag rgya nr-i mgo gdengs pa can/ shar sgo'i bdag po la phyag 'tshal lo// don dam par sems can gyi lus kyi dbang po gnas su dag pa/ khro bo chen po stobs po che ste/snying rje chen pos 'gro ba'i don dug lnga ye shes lngas 'joms par mdzad pas phyag rgya rdo rje rtse lnga can/ lho sgo'i bdag po la phyag 'tshal lo// don dam par sems can gyi lus kyi reg bya gnas su dag pa/khro bo chen po rta mgrin te/ dga' ba chen pos 'gro ba'i don mdzad pas phyag rgya thod dbyug sbrul gyis dkris pa can/ nub sgo'i bdag po la phyag 'tshal lo// don dam par sems can gyi lus kyi reg shes gnas su dag pa/khro bo chen po bdud rtsi 'khyil pa ste/ btang snyoms chen pos 'gro ba'i don mthar phyin par mdzad pas phyag rgya rdo rje rgya gram can/ byang sgo'i bdag po la phyag 'tshal lo// drag shul thabs kyis 'gro ba 'dul mdzad pa// tshad med bzhi ldan sgo bzhi thub par srung// ta kr-i ta sgo ba bzhi la phyag 'tshal lo// don dam par sems can gyi rtag par blta ba gnas su dag pa/ badzra ang+ku sha ste/ 'khor ba'i nyon mongs pa thugs rjes 'dzin par byed pas phyag rgya lcags kyu can/rdo rje lcags kyu la phyag 'tshal lo// don dam par sems can gyi chad par blta ba gnas su dag pa/ badzra pA sha ste/ 'khor ba'i nyon mongs pa thugs rjes 'dren par byed pas phyag rgya zhags pa can/rdo rje zhags pa ma la phyag 'tshal lo// don dam par sems can gyi bdag tu blta ba gnas su dag pa/ badzra s+pho Ta ste/ 'khor ba'i nyon mongs pa thugs rjes mi 'chor bar mdzad pas phyag rgya lcags sgrog can/rdo rje lcags sgrog ma la phyag 'tshal lo// don dam par sems can gyi mtshan mar blta ba gnas su dag pa/ badzra g+haN+De ste/ 'khor ba'i nyon mongs pa thugs rjes thal bar rlog par mdzad pas phyag rgya dril bu can/rdo rje dril bu ma la phyag 'tshal lo// rtag chad mthar phyin gsang ba yum gyi ngang// lcags kyu zhags pa lcags sgrog dril 'khrol ma// sgo ma chen mo bzhi la phyag 'tshal lo// don dam par sems can gyi lha'i 'jig rten du blta ba gnas su dag pa/ lha'i thub pa ste/ nyon mongs pa nga rgyal gnas su dag par mdzad pas phyag rgya pi wang can/ lha'i bcom ldan 'das la phyag 'tshal lo// don dam par sems can gyi lha ma yin gyi 'jig rten du blta ba gnas su dag pa/ lha ma yin gyi thub pa ste/ nyon mongs pa phrag dog gnas su dag par mdzad pas phyag rgya go cha can/ lha ma yin gyi bcom ldan 'das la phyag 'tshal lo// don dam par sems can gyi mi'i 'jig rten du blta ba gnas su dag pa/ mi'i thub pa ste/ nyon mongs pa 'dod chags gnas su dag par mdzad pas phyag rgya gseg shang par bu can/mi'i bcom ldan 'das la phyag 'tshal lo// don dam par sems can gyi byol song gi 'jig rten du blta ba gnas su dag pa/ byol song gi thub pa ste/ nyon mongs pa gti mug gnas su dag par mdzad pas phyag rgya glegs bam po ti can/byol song gi bcom ldan 'das la phyag 'tshal lo// don dam par sems can yi dwags kyi 'jig rten du blta ba gnas su dag pa/ yi dwags kyi thub pa ste/nyon mongs pa ser sna gnas su dag par mdzad pas phyag rgya rin po che'i sgrom bu can/ yi dwags kyi bcom ldan 'das la phyag 'tshal lo// don dam par sems can gyi dmyal ba'i 'jig rten du blta ba gnas su dag pa/dmyal ba'i thub pa ste/ nyon mongs pa zhe sdang gnas su dag par mdzad pas phyag rgya me chu can/ dmyal ba'i bcom ldan 'das la phyag 'tshal lo// steng 'og phyogs bzhi 'jig rten 'dul ba'i mgon// nyon mongs drug 'joms rgyud drug dag par sbyang// bcom ldan thub pa drug la phyag 'tshal lo// ho sgyu 'phrul rang bzhin gyi dkyil 'khor phyogs bcu na bzhugs pa thams cad la phyag 'tshal lo// a la la ho// rang bzhin gyi dkyil 'khor 'di ltar snang ba thams cad la yang phyag 'tshal lo// a la la ho// rang bzhin lhun gyis grub pa'i dkyil 'khor rdul gcig gi steng na rdul snyed kyi dkyil 'khor bsam gyis mi khyab cing/brjod kyis mi long ba'i lha rnams la rnal 'byor pa bdag cag gis lus rdul snyed du sprul nas lus ngag yid gsum shin tu gnong 'gyod dang bcas pas phyag 'tshal lo// a la la ho// gal te rnal 'byor pa gang zhig gis dkyil 'khor gyi lha de rnams kyi mtshan rna bar lan cig thos pa tsam gyis kyang dmyal ba chen por mi ltung ngo// de bas na gus pas phyag 'tshal lo// rang bzhin sgyu 'phrul dkyil 'khor la// gang zhig gus pas phyag 'tshal na// nyams chag kun kyang 'byang bar 'gyur// dam tshig bskangs nas dngos grub 'thob// de skad ces ston pa kun tu bzang pos bka' stsal pa dang/ phyogs bcu nas lhags pa'i rnal 'byor pho mo rnams kyis/ a la la ho// zhes brjod cing lus sa la brdeb cing brkyangs phyag lan stong du btsal bas rnal 'byor pa rnams kyis nyams chag bskangs nas phyag rgya chen po'i rig 'dzin gyi sa la bsnyen par gyur to// rnal 'byor ma rnams kyis kyang nyams chag bskangs nas/ sor chud pa'i rig 'dzin gyi sa la khad kyis bsnyen par gyur to// de nas yang bcom ldan 'das dpal kun tu bzang pos 'di skad ces bka' stsal to// rnal 'byor gyi gral 'dir 'dus pa'i ston pa rdo rje slob dpon gyi bka' drin gyis/ lta spyod dang/ dkyil 'khor dang/ mar me gcig la blta ba'i rdo rje spun grogs rnams nyon cig/sgyu 'phrul khro bo'i dkyil 'khor zhes bya ba/ thugs zhi ba chen po'i chos nyid kyi ngang las ma g.yos par sku thugs rje rol pa chen po khro bo'i cha lugs can/ phrin las rnam pa bzhis 'gro ba'i don mdzad pa rnams la yang phyag 'tshal zhing nyams chag skongs shig/de nas rnal 'byor pa rnams kyis ston pa kun tu bzang po la gsol pa/ rol pa chen po khro bo'i dkyil 'khor de'i mtshan rnams bdag cag rnams la bstan du gsol/a la la ho/ zhes gsol to// de nas bcom ldan 'das dpal kun tu bzang pos mtshan nas brjod de bka' stsal pa/ ho dgongs su gsol/ rang rig pa thabs kyi rgyal po khro bo thams cad kyi rje btsan chen po/sangs rgyas thams cad kyi spyi dpal/ bcom ldan 'das bla na med pa'i dpal chen po/ che mchog he ru ka la phyag 'tshal lo// rdo rje lta bu'i sku dus gsum du 'gyur ba mi mnga' zhing/zhe sdang chen po'i thabs la mkhas pas dregs pa pho mo'i gdan la bzhugs pa/ khro bo thams cad kyi thugs kyi bdag nyid/ badzra he ru ka la phyag 'tshal lo// chos nyid stong pa nyid kyi dbyings nas skye ba med pa'i sku brnyes pa gti mug chen po'i thabs la mkhas pas ma hA de wa'i gdan la bzhugs pa/khro bo thams cad kyi sku'i bdag nyid/ bud+d+ha he ru ka la phyag 'tshal lo// chos nyid byang chub sems kyis longs spyod rdzogs pa'i sku brnyes pa/nga rgyal chen po'i thabs la mkhas pas gshin rje'i gdan la bzhugs pa/ khro bo thams cad kyi yon tan gyi bdag nyid/ rat+na he ru ka la phyag 'tshal lo// chos nyid chags pa med pa'i dbyings nas byang chub sems dpa'i sku brnyes pa/ 'dod chags chen po'i thabs la mkhas pas klu'i gdan la bzhugs pa/ khro bo thams cad kyi gsung gi bdag nyid/ pad+ma he ru ka la phyag 'tshal lo// phrin las grub pa'i dbyings nas sprul pa mchog gi sku brnyes pa/ phrag dog chen po'i thabs la mkhas pas gnod sbyin gyi gdan la bzhugs pa/ khro bo thams cad kyi phrin las kyi bdag nyid/karma he ru ka la phyag 'tshal lo// sbyor ba'i dbyings nas phyin ci log gi lta ba 'joms pa'i sku brnyes pa/ ga Na'i thabs la mkhas pas drang srong gi gdan la bzhugs pa/ rak+sha he ru ka la phyag 'tshal lo// dam tshig gi dbyings nas myong byed ci rtog pa 'joms pa'i sku brnyes pa/ nyams pa bskang ba'i thabs la mkhas pas srin po'i gdan la bzhugs pa/ sa nu he ru ka la phyag 'tshal lo// gsang ba'i dbyings nas skye gnas kyi rtog pa 'joms pa'i sku brnyes pa/mtshan ma'i thabs la mkhas pas rlung lha'i gdan la bzhugs pa/ gu h+ya he ru ka la phyag 'tshal lo// sgrol ba'i dbyings nas reg bya'i rtog pa 'joms pa'i sku brnyes pa/ta na'i thabs la mkhas pas bgegs kyi gdan la bzhugs pa/ yak+sha he ru ka la phyag 'tshal lo// 'jig rten 'das pa'i dus na sngon byung ba// gdug pa 'dul phyir dus las mi 'da' ba'i// he ru ka dpal rnams la phyag 'tshal lo// rang bzhin dag pa'i dbyings nas yum chen khro mo'i sku brnyes pa/ sku dpal du 'bar bas rngams pa'i cha lugs can/ gsung dpal du 'bar bas rngams pa'i gdangs skad can/thugs dpal du 'bar bas thugs rje chen po can/ dpal 'bar khros pa'i rgyal mo che/ khro mo chen mo gnam zhal dbyings phyug ma la phyag 'tshal lo// chos nyid dbyings kyi phyag rgya las/ rnam par thar pa'i sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/ badzra kro d+hI shwa rI ma la phyag 'tshal lo// mnyam nyid blang dor med pa'i dbyings nas rol pa ye shes kyi sku brnyes pa/thabs dang shes rab 'du 'bral med par 'khril bas cha lugs gtso mo dang mthun pa/ bud+d+ha kro d+hI shwa rI ma la phyag 'tshal lo// byams mgon chos nyid kyi dbyings nas thugs rje ye shes kyi sku brnyes pa/thabs dang shes rab 'du 'bral med par 'khril bas cha lugs gtso mo dang mthun pa/ rat+na kro d+hI shwa rI ma la phyag 'tshal lo// chos nyid pad+ma'i dbyings nas skyon bral pad+ma'i sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/pad+ma kro d+hI shwa rI ma la phyag 'tshal lo// las rab rol pa'i dbyings nas/ don grub mchog gi sku brnyes pa/ thabs dang shes rab 'du 'bral med par 'khril bas cha lugs gtso mo dang mthun pa/karma kro d+hI shwa rI ma la phyag 'tshal lo// drod las skyes pa 'joms pa las sprul pa ste/ rak+sha kro d+hI shwa rI ma la phyag 'tshal lo// mngal las skyes pa 'joms pa las sprul pa ste/sa nu kro d+hI shwa rI ma la phyag 'tshal lo// brdzus nas skyes pa 'joms pa las sprul pa ste/ gu h+ya kro d+hI shwa rI ma la phyag 'tshal lo// sgo nga las skyes pa 'joms pa las sprul pa ste/ yak+sha kro d+hI shwa rI ma la phyag 'tshal lo/khro mo dbang phyug sku la 'khril mdzad cing// mkha' 'gro mi bzad 'bar ba'i sprin 'phro ma// gdug pa 'dul mdzad yum la phyag 'tshal lo/ khro mo sngon mo bam dbyug 'dzin// gau rI ma la phyag 'tshal lo/khro mo ser mo mda' gzhu 'dzin// tsau rI ma la phyag 'tshal lo/ khro mo dmar mo chu srin 'dzin// pra mo hA la phyag 'tshal lo/ khro mo mthing nag rdo rje 'dzin// bai tA lI la phyag 'tshal lo/ khro mo dmar ser byis rgyu 'dren// puk+ka sI la phyag 'tshal lo// khro mo ljang gu dung khrag 'thung// g+hasma rI la phyag 'tshal lo/ khro mo nag mo byis snying za// sme sha nI la phyag 'tshal lo/ khro mo ser skya mchog lus 'brel// tsaN+Da lI la phyag 'tshal lo// bskal pa me ltar 'bar ba'i klong dkyil nas// ye shes sku mchog 'jigs byed gyad kyis bzhugs/ khro mo chen mo brgyad la phyag 'tshal lo// sing ha kha ro bsnol ser seng// seng+ge'i dbu la phyag 'tshal lo// byA g+h+ri mnan lta bsnol dmar stag/ stag gi dbu la phyag 'tshal lo// sri la nag mo byi ldag wa// wa yi dbu la phyag 'tshal lo// shwa na 'dral lta mthing ga spyang// spyang mo'i dbu la phyag 'tshal lo// gr-i D+ha gri dmar rgyu 'dren rgod// bya rgod dbu la phyag 'tshal lo// kang+ka zhing phrag smar mgo ring// dur bya'i dbu la phyag 'tshal lo// kA ka kha ro ban gri nag/ bya rog dbu la phyag 'tshal lo// u lU mthing nag rdo rgyu 'ug/ 'ug pa'i dbu la phyag 'tshal lo// nam mkha'i lus can gar yang thogs med cing// 'dod rgur bsgyur ba'i gzugs can 'phrul mo che// phra men chen mo brgyad la phyag 'tshal lo// sgo ma sngon mo lcags kyu 'dzin// rta gdong ma la phyag 'tshal lo// sgo ma nag mo zhags pa 'dzin// phag gdong ma la phyag 'tshal lo// sgo ma dmar mo lcags sgrog 'dzin// seng gdong ma la phyag 'tshal lo// sgo ma ljang gu dril bu 'dzin// spyang gdong ma la phyag 'tshal lo// rdo rje gdong mo pho nya mgyogs ma bzhi/ shar lho nub byang sgo bzhi thub par bsrung// sgo skyong khro mo bzhi la phyag 'tshal lo// chos nyid rnam dag ngang las cir yang snang// sna tshogs cir yang bsgyur ba'i sku mnga' zhing// srid gsum zhing du sbyor bas g.yang gzhi gsol// stong khams gnas spor nyi zer zhags pa 'phen// spor byed nyi zhags 'phen la phyag 'tshal lo// rnam rtog nad rnams rtag tu bsal ba'i phyir// mi 'bral cir yang bsgyur ba'i sku mnga' zhing// nyon mongs lnga gzhom thod khrag mdung thung 'phen// thugs rje thabs mkhas mi rnams gnas su spor// spor byed mdung thung 'phen la phyag 'tshal lo// ma rig sems can dbyings su gzud pa'i phyir// chos nyid bde ba'i sku las g.yos pa med// stong khams dbang sdud dung khrag thugs kar bskyil// brjid pa'i rol pas stong khams gnas su spor// spor byed dril 'khrol ma la phyag 'tshal lo// thugs rje byams pas kun la khyab pa yi// mdog bzang dkar ser zhi rgyas ldan pa'i sku// 'dod lnga dbang sdud dung khrag thugs kar 'dzin// lha rnams gnas spor rdo rje khyung chen 'dzin// spor byed khyung thogs ma la phyag 'tshal lo// sdug bsngal mi bzad yongs su gzhig pa'i phyir// mthing nag chen mo rngams pa'i sku mnga' zhing// g.yul chen rab bzlog rdo rje skar mda' 'phen// lha min gnas spor dung khrag zhal du gsol// spor byed skabs mda' 'phen la phyag 'tshal lo// log par blta ba dbang du mdzad pa'i phyir// sku mdog dmar nag dbang drag 'joms pa'i zhal// phyi nang sgrib gnyis sbyangs nas bde ba'i phyir// rdo rje glog phreng yi dwags gnas su spor// spor byed glog phreng can la phyag 'tshal lo// gti mug rmongs pa dbang du mdzad pa'i phyir// dkar nag phyed ma zhi drag ldan pa'i sku// gti mug stongs mdzad thod khrag zhal du gsol// byol song gnas su spor bas bla k+Sha rdeb// spor byed bla k+Sha rdeb la phyag 'tshal lo// sdug bsngal brgyad dang bcu drug sbyang ba'i phyir// sku mdog ser nag drag po rgyas pa'i sku// dmyal ba stongs mdzad thod khrag zhal du gsol// dmyal ba gnas spor rdo rje ral gri 'dzin// spor byed ral gri 'dzin la phyag 'tshal lo// dbyings dang ye shes mnyam sbyor rol pa las// 'gro don mdzad pa'i thub pa chen po rnams// las ngan zhi bas 'dul bar mi 'gyur ba'i// rgyud drug rnams la dbang drag rol par mdzad// spor byed brgyad du mtshan gsol mi bzad ma// kun kyang 'jigs tshul che la snying rjer ldan// skam gsher spel ba'i gdan la brkyang bskum bzhugs// thod khrag mtshon cha 'dzin cing g.yang gzhi gyon// ral pa dbyings 'bar bshug glus stong khams 'gengs// ha ha'i gad 'debs rgyud drug sems can skyong// rgyud drug 'khor ba'i sems can ci 'dra ba// lha mchog khyed kyi spyan sngar sa le ba'i// 'gro ba rigs drug sems can kun sbyangs nas// lha mchog khyed kyis dngos grub stsal du gsol// rnal 'byor dmar nag tri shUl 'dzin// g.yag mgo can la phyag 'tshal lo// rnal 'byor dmar ser rtse lnga 'dzin// sbrul mgo can la phyag 'tshal lo// rnal 'byor ser nag dbyug sdig 'dzin// gzig mgo can la phyag 'tshal lo// rnal 'byor dkar dmar dung dmar 'dzin// sre mo'i mgo la phyag 'tshal lo// rnal 'byor ser mo 'khor lo 'dzin// pha wang mgo la phyag 'tshal lo// rnal 'byor dmar skya bam dbyug 'dzin// dreg mgo can la phyag 'tshal lo// rnal 'byor dmar mo rgyu zhags 'dzin// dom mgo can la phyag 'tshal lo// rnal 'byor sngon mo bum pa 'dzin// chu srin mgo la phyag 'tshal lo// rnal 'byor sngo skya puN+Da 'dzin// sdig pa'i mgo la phyag 'tshal lo// rnal 'byor nag mo thod rlon 'chang/ khra mgo can la phyag 'tshal lo// rnal 'byor dmar nag rgyu zhags 'dzin// wa mgo can la phyag 'tshal lo// rnal 'byor nag mo bam chen 'dzin// stag mgo can la phyag 'tshal lo// rnal 'byor dmar mo khog chen 'dzin// rgod mgo can la phyag 'tshal lo// rnal 'byor dmar nag rdo dbyug 'dzin// rta mgo can la phyag 'tshal lo// rnal 'byor dkar dmar b+han+d+ha 'dzin/ khyung mgo can la phyag 'tshal lo// rnal 'byor dmar ser byis bam 'dzin/khyi mgo can la phyag 'tshal lo// rnal 'byor dkar dmar pad+ma 'dzin// pu shud mgo la phyag 'tshal lo// rnal 'byor dmar skya b+han+d+ha 'dzin// sha ba'i mgo la phyag 'tshal lo// rnal 'byor ljang nag rnga chung 'dzin// spyang mgo can la phyag 'tshal lo// rnal 'byor dmar ser me sgron 'dzin// skyin mgo can la phyag 'tshal lo// rnal 'byor ljang ser mche ba 'dzin// phag mgo can la phyag 'tshal lo// rnal 'byor ljang sngon dung khrag 'dzin/khwa mgo can la phyag 'tshal lo// rnal 'byor dmar ljang bam chen 'dzin// ba lang mgo la phyag 'tshal lo// rnal 'byor ljang nag bdud rtsi 'dzin// sbrul mgo can la phyag 'tshal lo// rnal 'byor nag mo lcags kyu 'dzin/ khu byug mgo la phyag 'tshal lo// rnal 'byor sngon mo zhags pa 'dzin// ra mgo can la phyag 'tshal lo// rnal 'byor dmar mo lcags sgrog bsdams// seng mgo can la phyag 'tshal lo// rnal 'byor ljang nag dr-il bu 'dzin// skya ka'i mgo la phyag 'tshal lo// dpal gyi 'khor tshogs badzra a ra li// mkha' la shugs 'gro ma tshogs dbang phyug ma// rnal 'byor nyi shu brgyad la phyag 'tshal lo// zhe sdang tshul gyis zhe sdang 'joms mdzad pa// rdo rje gzhon nu'i sku la phyag 'tshal lo// 'dod chags tshul gyis 'dod chags 'joms mdzad pa// 'khor lo rgyas 'debs yum la phyag 'tshal lo// 'dod pa'i skyon spangs skye la dbang mdzad pa/ khro chen hU~M kA ra la phyag 'tshal lo// ma byin len spang yo byad dbang mdzad pa/ khro chen rnam par rgyal la phyag 'tshal lo// srog gcod skyon spangs tshe la dbang mdzad pa/khro chen gshin rje'i gshed la phyag 'tshal lo// phra ma'i skyon spangs chos la dbang mdzad pa/ khro chen rta mchog dpal la phyag 'tshal lo// ngag rtsub skyon spangs las la dbang mdzad pa/ khro chen bdud rtsi 'khyil la phyag 'tshal lo// log par blta spangs ye shes dbang mdzad pa/ khro chen dbyug sngon can la phyag 'tshal lo// rdzun gyi skyon spangs mos la dbang mdzad pa/ khro chen mi g.yo mgon la phyag 'tshal lo// ngag 'khyal skyon spangs sems la dbang mdzad pa/ khro chen 'dod pa'i rgyal la phyag 'tshal lo// gnod sems skyon spangs rdzu 'phrul dbang mdzad pa/ khro chen khams gsum rgyal la phyag 'tshal lo// brnab sems skyon spangs smon lam dbang mdzad pa/khro chen stobs po che la phyag 'tshal lo// ye shes pha rol phyin ma ste// sgra 'byin ma la phyag 'tshal lo// shes rab pha rol phyin ma ste// rdo rje snyems la phyag 'tshal lo// tshul khrims pha rol phyin ma ste// rdo rje sder la phyag 'tshal lo// bsam gtan pha rol phyin ma ste// dur khrod ma la phyag 'tshal lo// thabs kyi pha rol phyin ma ste// gtun khung ma la phyag 'tshal lo// brtson 'grus pha rol phyin ma ste// rab gtum ma la phyag 'tshal lo// sbyin pa'i pha rol phyin ma ste// mda' snyems ma la phyag 'tshal lo// smon lam pha rol phyin ma ste// skyod byed ma la phyag 'tshal lo// stobs kyi pha rol phyin ma ste// gsod byed ma la phyag 'tshal lo// bzod pa'i pha rol phyin ma ste// skul byed ma la phyag 'tshal lo// phyogs bcu dregs pa bsnol ba'i gdan steng nas// ye shes bskal pa me dpung 'bar ba'i klong// bdud 'dul yab yum rnams la phyag 'tshal lo// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo// mi 'gyur rdo rje'i sku la phyag 'tshal lo// mngon par byang chub sku la phyag 'tshal lo// dus gsum rgyal ba rnams kyis bsgrubs pa yi// tshogs gnyis rdzogs nas yon tan mthar phyin pa// sku dang ye shes tshogs la phyag 'tshal lo// 'byung ba lnga la sku bzhengs ma// rtag rgyal lnga la phyag 'tshal lo// rang bzhin dbyings las grub pa mo// dbyings phyug lnga la phyag 'tshal lo// rgyu 'bras byang chub sems kyi sprul pa ste// mkha' 'gro sum cu gnyis la phyag 'tshal lo// ga Na pa ti'i sprul pa ste// king ka ra la phyag 'tshal lo// lha mo dpal mo'i sprul pa ste// king ka rI la phyag 'tshal lo// 'jig rten khams la dbang mdzad ma// 'jigs byed dpal 'bar ral pa can// 'dod pa'i ro la chags pa mo// ma mo'i tshogs la phyag 'tshal lo// legs nyes bltang 'dzin dam tshig rjes gcod cing// bka' bzhin rjes su sgrub pa'i grogs mdzad ma// dam can rgya mtsho'i tshogs la phyag 'tshal lo// ston pa kun tu bzang po yis// de skad ces ni bka' stsal pa// gang gis sgyu 'phrul khro bo yi// dkyil 'khor lha la phyag 'tshal na// nyams chag kun kyang dag 'gyur te// mtshams med lnga yi sdig kyang 'byang// na rag gnas kyang dong sprugs te// rig 'dzin rgyal ba'i zhing du grags// zhes bka' stsal pa dang/ phyogs bcu nas lhags pa'i rnal 'byor pho mo rnams kyis/a la la ho// bcom ldan 'das kyis rnal 'byor gyi spyi khrus kyi chos bshad pa ngo mtshar che'o// zhes brjod de/ lus sa la brdeb cing brkyangs phyag lan stong du 'tshal lo// de nas dkyil 'khor gyi lha de rnams kyi mtshan rnal 'byor pho mo rnams kyis thos pa tsam gyis rtsa ba dang yan lag gi dam tshig nyams chag thams cad bskangs te/de bzhin gshegs pa thams cad kyi sku dang/ gsung dang/ thugs dang/ yon tan dang/ phrin las bsam gyis mi khyab pa dang ldan par gyur te/ yi ge 'khor lo tshogs chen gyi sa la lhun gyis grub par gyur to// de nas dus der dpal rdo rje sems dpa' zhes bya ba dus gsum gyi de bzhin gshegs pa thams cad kyi thugs rje ye shes kyi bdag nyid/sku mtshan gyi me tog la dpe byad bzang po'i 'bras bus brgyan pa/ sangs rgyas kyi che ba'i yon tan stobs dang/ mi 'jigs pa dang/gzungs dang/ ting nge 'dzin la sogs pa mnga' ba/ gzhan yang dbu la rigs lnga'i sangs rgyas kyis dbang bskur ba/ dar dkar dang/ pa ti dang/ rin po che dang rgyan sna tshogs kyis brgyan pa/ gdan yang byang chub sems dpa' brgyad glang po cher sprul pa brgyad kyis rin po che'i khri btegs pa'i steng na/pad+ma dang nyi zla brtsegs pa'i steng na sems dpa'i skyil mo krung du bzhugs pa/ sku blta bas chog mi shes pa ste/shin tu lham me/ lhang nge/ lhan ne/ nam mkha'a'i 'ja' tshon nam/ me long nang gi gzugs brnyan ltar snang la rang bzhin med pa zhig/ 'og min chos kyi dbyings kyi pho brang nas/ mngon sum du byon te ston pa kun tu bzang po'i spyan sngar 'dug nas 'di skad ces gsol to// kye ston pa kun tu bzang po khyed kyis gsang sngags kyi sgor zhugs pa thams cad kyi nyams chag sor chud par bya ba'i ched du/ rnal 'byor gyi spyi khrus 'gyod tshangs kyi cho ga bshad pa 'di ni rgyal ba sangs rgyas thams cad kyi yum/rnal 'byor pa sngar 'das pa rnams kyi lam chen po/ da ltar gyi rnal 'byor pa ma rig pa rnams kyi mig 'byed pa/ ma 'ongs pa'i rnal 'byor pa rnams kyi 'dren shul te/rnal 'byor spyi'i lam chen po 'di lta bu bka' stsal pa/ thugs rje che la ngo mtshar che lags so// de bas na bdag gis kyang yi ge brgya pa zhes bya ba/ bde bar gshegs pa thams cad kyi thugs kyi yang snying/nyams chag dang rtog sgrib thams cad sel bar byed pa 'di brjod kyi rnal 'byor pa nyams chag dang rtog sgrib can/ gsog 'jog dang/ bag chags ngan pa can khyed rnams nyon cig/oM badzra sa twa sa ma ya/ ma nu pA la ya/ badzra sa twa twe no pa tiSh+Tha/ dr-i D+ho me b+ha wa/ su to Sh+yo me b+ha wa/ a nu rak+to me b+ha wa/ su po Sh+yo me b+ha wa/ sarba sid+d+hi m+me pra yats+tsha/ sarba karma su tsa me/ tsit+taM shre yaHku ru hU~M/ha ha ha ha hoH/ b+ha ga wAn sarba ta thA ga tA badzra mA me muny+tsa/ badzrI b+ha wa/ ma hA sa ma ya satwa a/ 'di dag dus gcig la lan brgya rtsa brgyad bzlas na/ nyams chag thams cad bskangs te ngan song gsum du ltung ba las thar bar 'gyur ro// rnal 'byor pa gang zhig gis yi dam du bcas nas 'dod na/ mi de tshe 'di la yang dus gsum gyi sangs rgyas thams cad kyi sras kyi dam par dgongs nas srung skyob mdzad la/tshe 'phos nas kyang bde bar gshegs pa rnams kyi sras dam pa nyid du gdon mi za bar 'gyur ro// de skad ces gsol pa dang/ phyogs bcu nas lhags pa'i rnal 'byor pho mo rnams kyis/dpal rdo rje sems dpa' la brkyangs phyag lan stong du 'tshal zhing 'di skad ces gsol to// bcom ldan 'das dpal rdo rje sems dpa' bde bar gshegs pa thams cad kyi thugs kyi yang snying/ nyams chag dang rtog sgrib thams cad sbyong bar byed pa'i yi ge brgya pa bka' stsal pa ngo mtshar che lags so// a la la ho/ de nas dpal kun tu bzang pos/ rdo rje sems dpa' la 'di skad ces bka' stsal to// rdo rje sems dpa' khyod kyis gsang sngags kyi sgor zhugs pa'i rnal 'byor pa rnams la phan gdags shing/nyams chag dang rtog sgrib thams cad sbyong bar byed pa yi ge brgya pa zhes bya ba bshags pa thams cad kyi rgyal po brjod pa legs so legs so// de nas phyogs bcu nas lhags pa'i rnal 'byor pho mo rnams kyis lus pus btsugs su bcas te/ 'gyod tshangs su smras pa/ ho dgongs su gsol/ bcom ldan 'das dpal kun tu bzang po dang/rigs lnga'i bde bar gshegs pa la sogs pa/ sgyu 'phrul zhi khro'i lha tshogs rnams ni thugs rje che la thabs mkhas pas kun la snyoms pa'i yab yum lags/ sngar 'das pa'i rig 'dzin gyi sa la bzhugs pa rnams ni dge ba'i bshes gnyen lags na/bdag cag la sogs pa gsang sngags kyi sgor zhugs so 'tshal rnams kyis/ bde bar gshegs pa'i mdzad spyod dam pa klong du ma gyur cing/dgongs spyod dam pa gdengs su ma chud pa'i dbang gis bka' gsang ba chen po spyad nyes par gyur te/ rtsa ba dang yan lag gi dam tshig las 'gongs shing 'das par gyur pas/ la las ni de bzhin gshegs pa'i bka' ngo bo nyid kyis ma bcos pa la/gzu lums dang ras gcod bgyis/ la las ni dam pa ston pa'i rdo rje slob dpon la snying nas smad pa dang/ bka' brku ba dang/ thugs dang 'gal ba'i las mang po bgyis/la las ni dam tshig gcig pa'i rdo rje spun grogs la/ lta spyod log pa dang/ ngan sems dang/ 'phya sems dang/ rku 'phrog dang/ brdeg btsog dang/ ngan du smra ba la sogs pa sku'i dam tshig nyams pa'i las bgyid/la las ni dang po rdo rje slob dpon gyis lung phog ste/ bka' drin mnos pa las/ yi dam lha'i ting 'dzin ma gsal zhing/ sgom sgrub rngo ma thogs pa dang/ 'dzab dang bzlas brjod rgyun chad pa dang/bsnyen sgrub zab mo dus las yol te/ lo zla 'das pa la sogs pa'i las bgyis/ la las ni bka' gsang ba zab mo'i lta spyod mngon du phyung zhing/ sbas pa'i gsang ba rnams dang/ gsang bar 'os pa dang/gsang bar gnyer gtad pa rnams gzhan la spel ba la sogs pa sku gsung thugs kyi dam tshig nyams pa'i dbang gis lus ngag yid gsum 'tshig pa'i las bgyis pa 'di dag/phyogs bcu'i sgyu 'phrul rang bzhin gyi dkyil 'khor dang/ grub pa'i sa la bzhugs pa'i rig 'dzin pho mo rnams dang/ ye shes dang las las grub pa'i legs nyes kyi bstang 'dzin cing/ dam tshig gi rjes gcod pa'i dam can rgya mtsho rnams la mchod pa 'di la brten nas/'gyod tshangs su gsol ba'i mdo ni sku'i dam tshig las 'das pa'i dbang gis/ 'jig rten 'dir yang lus la mdze shu la sogs pa'i sdug bsngal 'byung zhing/tshe 'phos nas kyang dmyal ba chen po'i yang gting thar pa'i dus med pa'i gnas su lus gshag gtub la sogs pa'i sdug bsngal gyi rgyu 'di lta bu bsags pa rnams mthol zhing bshags so// gsung gi dam tshig las 'das pa'i dbang gis/ 'jig rten 'di dang phyi ma'i ngag dig lkugs la sogs pa ngag gi rgyu 'di lta bu bsags pa rnams mthol zhing bshags so// thugs kyi dam tshig las 'das pa'i dbang gis/'jig rten 'di dang phyi ma'i sems smyo 'bog la sogs pa dang/ ngan song gi rgyu bsags pa rnams mthol zhing bshags so// la las ni dbang ma mnos par slob dpon gyis bzung nas/ bka' zab mo la dbang zos te/ brdzabs pa dang/ la las ni gab pa'i man ngag ma rtogs par/ sbas pa'i gsang ba la mngon par 'chel te/ gsang sngags kyi spyod pa zab mo bab col du spyad pas/ khra dang spyang ki lta bu'i sdig las bgyis te/dmyal ba mi bzad pa'i las bgyis pa rnams mthol zhing bshags so// la las ni ye shes kyi lha dang/ rdo rje slob dpon gyi gsang ba'i dam tshig tshul bzhin du mnos pa las/ gsog 'jog gis bka' bslus te/ tshogs kyi spyang ki dang/ khral gyi gsog 'jog dang/ grogs zla la tshod yod pa dang/ rngam chos kyi phud dang 'phags pa la bsngos pa la thug thub bgyis/ la las ni 'jig rten 'di'i skad cig yud tsam las ma rtogs pa/'jig rten phyi ma ma 'tshal te/ grogs kyi ngo dga' dang btsan thabs dang dregs chos kyi las bgyis te/ gsang sngags kyi gzhung ma bsnyegs pa mthol zhing bshags so// gzhan yang yan lag gi dam tshig nyi shu rtsa lnga la spyad par bya ba'i dam tshig lnga las 'das te/ ta na ga Na gnyis dang/ ma byin par len pa dang/ brdzun du smra ba dang/ ngag 'khyal ba rnams las gzhung ma bsnyegs pa mthol zhing bshags so// mi spang ba'i dam tshig lnga las 'das te/ 'dod chags dang/ zhe sdang dang/ gti mug dang/ nga rgyal dang/ phrag dog rnams las gzhung ma bsnyegs pa mthol zhing bshags so// dang du blang ba'i dam tshig lnga las 'das te/ dri chen dang/ dri chu dang/ dmar chen dang/ mAM sa dang/ rdo rje zil pa rnams las gzhung ma bsnyegs pa mthol zhing bshags so// shes par bya ba'i dam tshig lnga las 'das te/phung po lnga dang/ 'byung ba lnga dang/ dbang po lnga dang/ yul lnga dang/ kha dog lnga la sogs pa rnams/ rigs kyi yab dang/ rigs kyi yum dang/ sems dpa' dang/ sems ma dang/ khro bo dang/ khro mo dang/ lha dang lha mo'i rang bzhin du ma 'tshal bar mthol zhing bshags so// bsgrub par bya ba'i dam tshig lnga las 'das te/ de bzhin gshegs pa'i rigs dang/ rdo rje'i rigs dang/rin po che'i rigs dang/ pad+ma'i rigs dang/ las kyi rigs la sogs te/ rigs lnga'i bde bar gshegs pa rnams kyi sku gsung thugs kyi dngos grub thob par bgyid rgyu las/ 'bad rtsol dang brtson 'grus chung ba mthol zhing bshags so// gzhan yang bsgrub pa khyad par gyi dam tshig nyi shu dang/ spyod pa rgyun gyi dam tshig bzhi dang/ rang bzhin lta ba'i dam tshig bzhi dang/ gal mdo nges pa'i dam tshig gsum la sogs te nang pa thabs kyi rgyud gzhung las 'byung ba'i dam tshig rnams kyi bsrung mtshams mi shes shing/gzhung dang 'gal ba ci bgyis pa thams cad mthol zhing bshags so// gzhan yang gsang sngags kyi rgyud kun gyi lung las 'byung ba'i dam tshig dang/byang chub sems dpa'i sdom pa dang/ nyan thos kyi 'dul khrims dang/ 'jig rten pa'i khrims mna' las 'gal ba ci bgyis pa mthol zhing bshags so// gzhan yang bka' zab mo khyad du bsad de/ skye bo rang thad kyi dbang gis nor dang gsung gi dbang du btang ste/ dkon mchog gsum gyi sku dgra'i sngags bzlog byas pa dang/ pra ti ha na dus kyi mchod pa chen po la bsngos pa dang/ma hA bo d+hi la sogs pa dkon mchog gsum gyi dkor la thug thub bgyis nas spyad pa dang/ khyad par du yang tshogs mchod chen mo la bsngos pa dang/ bsgom bsgrub zab mo la bsngos pa la sogs pa/mchod pa'i yo byad thams cad la tshod yod bgyis te/ dngos su spyad pa dang/ dbri gzhog bgyis te ngan song gi rgyu bsags pa mthol zhing bshags so// gzhan yang yan lag gi dam tshig stong rtsa brgyad las 'das te/ngan song 'khor ba'i rgyu bsags pa thams cad mthol zhing bshags so// gzhan yang gsang sngags kyi sgor zhugs so 'tshal gyis/ ma rig pa'i dbang gis dam tshig ngo ma 'tshal te/ dam tshig nyams pa dang/ las ngan sna tshogs spyad pas/ sdug bsngal sna tshogs kyi rgyu bsags pa mthol zhing bshags so// nya stong dang/ dus drug dang/ dus bzhi la sogs pa dus dam du bcas pa las 'das te/dus las g.yel ba'i nyams chag thams cad mthol zhing bshags so// gzhan yang chos spyod bcu'i sgo nas/ dge ba'i phyogs bgyis par dam bcas pa las rngo ma thogs pa dang/ sdig pa mi dge ba'i las ci mchis pa thams cad mthol zhing bshags so// sgyu 'phrul ye shes rang snang gi lha la rtog pa mi mnga' yang/ de'i 'khor du gtogs pa'i ye shes dang/ las las grub pa'i legs nyes kyi bstang 'dzin cing dam tshig gi rjes gcod pa'i bstan pa gnyan po srung ba dang/chos skyong ba rnams kyi thugs dang 'gal ba ci bgyi pa thams cad mthol zhing bshags so// gzhan yang phyogs bcu dus gsum gyi rnal 'byor pa mched dang lcam dral rnams kyi thugs dang 'gal ba'i las ci bgyis pa thams cad mthol zhing bshags so// de ltar mthol bshags zab mo dang/ 'gyod tshangs drag po shin tu gnong 'gyod dang bcas pa bgyis pas rtsa ba dang yan lag gi dam tshig nyams pa sor chud de nyams chag thams cad skongs par gyur cig/bka' la ras chod byed cing/ sbas pa'i gsang ba la mngon par 'chel ba dang/ ta na bsgral ba gnas su ma rtogs pa dang/ga Na sbyor ba byin gyis ma brlabs pa la sogs pa/ gsang sngags spyad nyes pa'i dbang gis ngan song gi rgyu bsags pa thams cad byang zhing dag par gyur cig/ bsnyen sgrub zab mo dam du bcas pa las/rang nyams dang tshod yod du gyur te/ mchod pa lo zlar 'das pa dang/ nya stong dus tshod las 'das pa dang/ dge ba'i phyogs bgyid par dam bcas pa las rngo ma thogs pas/ ngan song gi rgyu bsags pa thams cad byang zhing dag par gyur cig/dus kyi mchod pa chen po la bsngos pa'i yo byad dang/ ma hA bo d+hi mchod rten chen po'i yo byad dang/ bsgom bsgrub zab mo'i yo byad dang/ gzhan yang phud la gzhogs shing/lhag la phri ba dang/ khral la ngan pa dang/ gsog 'jog gi las bgyid pas/ pre ta ka yi dwags kyi rgyu bsags pa thams cad byang zhing dag par gyur cig/ ma rig pa'i dbang gis sba lo dang/ tshul 'chos kyis gsang sngags spyad nyes pa'i lta spyod zab mo gzhung ma bsrangs pa dang/ yang dag pa yin nam ma yin snyam nas sems la rtog pa byung ba dang/ yin par ngo shes kyang sems la sel zhugs te/ shes bzhin du ma spyad pas/ tir+Ya ka byol song gi rgyu bsags pa thams cad byang zhing dag par gyur cig/ chos nyid don gyi lta ba ni ma rtogs/ kha 'byams tshig gi lta ba la gdengs su byas na/ dam tshig nyams pa can dang/dam 'dres can dang/ dam med pa dang/ sdig sgrib can dang/ gsang sngags kyi snod du mi rung ba rnams la chos bshad pa dang/ bskang ba dang/ tshogs 'dres pa dang/ tshig tu 'dzags shing spyod lam rtsings pa dang/snod med pa la gsang sngags spel ba la sogs pa 'bag 'bog gi las bgyis pas/ phyi nang gi dam can rnams kyi thugs dang 'gal bas/ 'jig rten 'di'i rkyen du gyur te tshe thung zhing nad mang ba dang/phyi ma'i sgrib par gyur pa thams cad byang zhing dag par gyur cig/ gzhan yang bdag cag rnal 'byor pa 'dir 'tshogs shing 'dus pa rnams kyis/ 'gyod tshangs 'di la brten nas/ gsang sngags kyi sgor zhugs pa mtha' dag gi nyams chag dang/rtog sgrib thams cad byang zhing dag par gyur cig/ de lta bu'i 'gyod tshangs rnal 'byor kyi spyi khrus 'di dang/ deng gi rgyu mchog tan gaN gyi mchod pa zab mo 'di la rten byas te/'gyod tshangs phul bas tshangs pa gnang bar gsol te/ slan chad kyang mi bgyid par gyur cig/ de ltar tshangs par gsol ba'i bden pa'i byin rlabs kyis/ bdag cag 'dir 'dus pa'i rnal 'byor pa mched lcam dral rnams dang/gzhan yang gsang sngags kyi sgor zhugs so 'tshal thams cad kyi sgrib pa byang ste/ phyag rgya chen po'i rig 'dzin gyi sa la lhun gyis grub par gyur cig/ bdag cag gi dus gsum gyi rdo rje slob dpon dang/gzungs ma dang/ mched dang/ lcam dral dang/ pha ma dang/ dam rdzas rgyu bsgral lo 'tshal la sogs pa thams cad kyang phyir mi ldog pa'i sa non te ye shes bla ma'i sa la lhun gyis grub par gyur cig/de lta bu'i bden pas sa chen po la gnas pa'i byang chub sems dpa' rnams ni shes bya'i bag chags phra mo man chad/ gnyen po rdo rje lta bu'i ye shes chen pos sbyangs te/ sa bcu rim gyis bgrod de mthar phyin nas bcu gcig kun tu 'od kyi sa 'thob par gyur cig/rang byang chub rnams ni rten 'brel bcu gnyis mthar phyin pa'i 'bras bu bse ru'am ne tso lta bu 'thob par gyur cig/nyan thos rnams ni bden pa bzhi mthar phyin pa'i 'bras bu dgra bcom pa 'thob par gyur cig khams gsum gyi sems can thams cad kyang chos dge ba bcu spyod par gyur te lha dang mi'i go 'phang 'thob par gyur cig/lha dang mi rnams ni chos spyod bcu'i sgor zhugs te dkon mchog gsum gyi gdung 'dzin cing theg pa chen po'i sems bskyed nas/ gsang sngags rdo rje theg pa ma nor bar ston pa'i dge ba'i bshes gnyen tshad ma dang rtag tu 'grogs shing/des bstan pa'i don ma nor bar 'grel zhing rtogs nas rig 'dzin rnam gsum myur du 'grub par gyur cig/ de lta bu'i 'gyod tshangs la brten nas/ bdag cag gi man ngag gi don ston pa'i rdo rje slob dpon dang/dge ba'i bshes gnyen rnams kyang sku tshe ring ba dang/ 'khor dang longs spyod 'phel ba dang/ dgongs dpyod thams cad lhun gyis grub ste/ bstan pa'i sgron me mdzad la yun ring du gnas par gyur cig/bdag cag rnal 'byor pa 'dir 'dus shing tshogs pa rnams ni/ 'jig rten mthong ba'i chos 'di la/ tshe ring ba dang/ nad med pa dang/ dpal dang gzi mdangs dang/'byor pa phun sum tshogs pa dang ldan te/ bsam pa thams cad yid bzhin du grub par gyur cig/ gsang ba'i theg pa chen po 'di yang bka' btsan zhing byin che ste dar zhing rgyas par gyur cig/gsang sngags zab mo 'di dar ba'i yul khams la sogs te/ rgyal khams thams cad du dus kyi 'khrug pa zhi bar gyur cig/ mtshon gyi bskal pa nyams par gyur cig/ mi nad dang phyug nad thams cad rgyun chad par gyur cig/char chu dus su phebs te/ lo phyugs rtag tu legs pa dang/ sems can thams cad bde skyid phun sum tshogs pa dang ldan te bla na med pa'i byang chub 'thob par gyur cig/ dri med rgyal po bshags pa'i rgyud las/nyams chag dang rtog sgrib sbyong ba'i bshags pa ste le'u gsum pa'o//// de nas de bzhin gshegs pa rnams kyi thugs rje dam tshig la gnas pa rnams kyis brjod med kyi bshags pa 'di gsungs so// oM ye shes sku mchog rang bzhin dkyil 'khor ni// zla rgyas bzhin du spros pa mi mnga' yang// thugs rjes nyi gsal 'od bzhin snyoms mdzad pa// 'dir gshegs bdag la dgongs shing bzhugs su gsol// brjod med shes rab mi g.yo chos kyi sku// bde chen longs spyod rdzogs sku rigs lnga'i gtso// thugs rje thabs mkhas rgya cher rol pa yi// zhi khro sprul pa'i sku la phyag 'tshal lo// dngos su 'byor dang yid kyi rnam sprul pa'i// kun tu bzang po bla med mchod sprin gyis// mkha' dbyings rnam dag rgya cher yongs bkod de// phyi nang gsang ba'i mchod pa rgya mtshos mchod// kun tu bzang mo gsang ba'i b+ha ga la// rgyal ba'i dkyil 'khor rab 'byams ma lus kun// 'du 'bral med pa'i ngang du ro gcig pas// gnyis med byang chub sems kyis mnyes gyur cig/ sems kyi rang bzhin chos dbyings nam mkha' che// chos rnams rnam dag ye nas 'od gsal zhing// rnal 'byor nyid dbyings smra bsam las 'das pa// mnyam nyid byang chub sems la rtag tu 'dud// kun bzang rdzogs chen ye nas gdal ba la// phyi nang gsang ba bkod pa'i dkyil 'khor ni// snang srid rnam dag lha dang lha mo'i dbyings// 'byung dang 'byung 'gyur yab yum lhun rdzogs rnams// gsang chen rab dgyes gzungs chen bdag nyid ma// mkha' dbyings klong yangs pad+mar 'khyil pa ni// gnyis med thig le chen po 'od gsal ba// ma bcos spros med byang chub snying po'i sku// cir yang snang ba bde chen g.yung drung lha// 'du 'bral med pa gsang ba'i dkyil 'khor 'dir// bdag nyid chen po rigs lnga yab yum dang// byang chub lcam dral khro bo khro mo'i tshogs// rdo rje lha mo tshogs rje tshogs kyi bdag/ rigs lnga dpal chen khro rgyal yab yum bcu// gnas dang yul gyi phyag rgya sgo ma bzhi// ye shes sprul pa'i lha tshogs mang po rnams// ma ltar byams shing sring ltar gdung la sogs// legs nyes bstang 'dzin dam tshig rjes gcod pa'i// phyi nang mkha' 'gro rnal 'byor ma yi tshogs// dpang gyur rdo rje dam can dgongs su gsol// thugs rje'i gdung 'tshob rnal 'byor bdag cag gis// 'gro ba'i don du byang chub sems bskyed de// bla med go 'phang bgrod par bya ba'i phyir// bstan pa rgya mtsho so so'i 'dul khrims dang// sku gsung thugs dang mnyam sbyor sdom pa'i mchog/ rdo rje 'da' dka' dam tshig gtan gyi gnyer// spyi dang khyad par lhag pa'i dam tshig rnams// snga phyir mnos shing gnyer du smras so 'tshal// yun du mi gtong 'da' bar mi bgyid la// don las gol zhing bzlog sems ma mchis kyang// gdod bya long yod snyam pa'i le lo yis// klong du ma gyur rtsal shugs chung ba dang/shes bzhin mi ldan bag med dbang gyur te// bsgom la mi brtson bsnyen sgrub g.yel la sogs// tshor dang ma tshor ma rig dbang gis ni// ston pa'i bka' dang dam las 'gal gyur te// rnal 'byor gang zhig dam tshig nyams pa dang// skad cig tsam yang phrad par mi bya zhes// bka' las byung yang de ltar ma lcogs te// gsang sgo 'chol bas dbye bsal dka' ba la// mngon shes chung bas skyon can ma rtogs te// nyams dang tshogs 'dres nyams pa bskang ba dang// nyams dang snod min rnams la chos bshad dang// nyams la mi 'dzem nyams pa'i skyon la sogs// nyams dang 'grogs shing nyams pa de dag gi/nyams grib skyon gyis gos par gyur to 'tshal// tshe 'di'i rkyen dang yun gyi sgrib pa rnams// rang gnong 'gyod pa'i sems kyis mthol lo bshags// byams pa'i thugs rjes bdag la dgongs nas kyang// gnyis med dbyings las mi 'gyur bdag bkod de// mi dmigs btang snyoms ngang du bzhugs nas kyang// gnyis med don gyi tshangs pa stsal du gsol// don dam gnyis med spros dang bral ba la// rnam rtog gang yang dmigs par mi 'gyur te// kun rdzob sgyu ma tsam gyis dbang gis na// nongs pa mchis rnams rab gnong bzod par gsol// zhes gsungs so// dri med rgyal po bshags pa'i rgyud las// ye shes lha dang 'khon gcugs bshags pa ste le'u bzhi pa'o//// de nas rgyal ba thams cad kyi thugs rje'i dam tshig la gnas pa'i rig 'dzin yab kyi tshogs rnams kyis bshags pa'i rgyal po nyi shu rtsa brgyad pa 'di gsungs so// ston pa rdo rje sems dpas gsungs pa yi// lung dang tan tra mang po mdor bsdus shing// gsang sngags ma hA yo ga'i sgor zhugs pa'i// mi 'da' rdo rje dam tshig gtan gyi gnyer// dam la gnas shing tshul bzhin bsrung ngo zhes// bka' gsang brgyud las de skad 'byung bzhin du// ma rig le lo sgyid snyom rkyen dbang gis// bka' las 'das shing dam las g.yel gyur pa// rang gnong 'gyod pa'i sems kyis mthol bshags na// mi dmigs btang snyoms ngang du bzod par bzhes// rtsa ba sku gsung thugs kyi dam tshig las// sri zhu dad pa'i rtsal shugs chung ba yis// rdo rje slob dpon thugs dang 'gal ba dang// brtse gdung khrel 'dzem chung ba'i rang shugs kyis// mched dang lcam dral thugs dang 'gal ba dang// sngags dang phyag rgya le los rgyun bcad de// gsung gi dam las 'das par gyur pa dang// spyi gsang bzhi dang bar gsang brgyad la sogs// gsang bar 'os dang gsang bar gnyer gtad pa// gsang sgo yal bar btang ba la sogs te// rtsa ba'i dam las 'gal ba ci mchis pa// rang gnong 'gyod pa'i sems kyis mthol bshags na// mkha' ltar khyab pa'i thugs rjes bdag bzung nas// nyams pa'i skyon rnams bshags na byang ba dang// sku gsung thugs kyi dngos grub stsal du gsol// mi spang ba yi dam tshig lnga po la// 'dod chags zhe sdang gti mug nga rgyal dang// phrag dog la sogs nyon mongs lnga rnams ni// gsang sngags bla na med pa'i spyod yul las// kun tu bzang po rol pa che ba'i rgyan// rigs lnga ye shes lnga yi rang bzhin la// ye nas yin pa de ltar ma rtogs te// log rtog dbang gis spangs pa bzod par gsol// dang du blang ba'i dam tshig lnga po la// mAM sa bshang gci khu ba rak+ta rnams// ye nas bdud rtsi lnga yi rang bzhin la// dus gsum sangs rgyas rnams kyis bsgrubs pa'i rdzas// rgyal ba rgya mtsho rnams kyi gshegs pa'i shul// ye nas rnam par dag pa'i rang bzhin la// gtsang sme rnam rtog brtul zhugs chung ba yis// chos nyid mnyam pa'i ngang du ma rtogs te// dam rdzas dang du ma blangs bzod par gsol// spyad par bya ba'i dam tshig lnga po la// skye shi med par rtogs pa'i blta ba dang// gnas dang dus dang ting 'dzin gsal ba yis/ khams gsum ma lus gnas nas bsgral ba dang// dus gsum 'du 'bral med pa'i blta ba dang// sngags dang phyag rgya ting 'dzin gsal ba yis// thabs dang shes rab mngon spyod sbyor ba dang// ser sna 'jur gegs can gyi zas dang nor// thabs mkhas 'od zer tshul du ma byin blang// sems can don du 'phags pa mchod pa dang// gsang sngags lta spyod gzhan gyis mi rig phyir// gting dpag dka' phyir rdzun du smra ba dang// zhing bcu zhe bcad drag shul spyod pa'i sngags// bka' dang lung las de ltar 'byung bzhin du// spyad cing nyams su ma blangs bzod par gsol// shes par bya ba'i dam tshig lnga po la// phung po lnga dang rnam shes dbang po lnga// 'byung ba lnga dang 'dod pa'i yon tan lnga/ kha dog lnga dang sman lnga la sogs rnams// rigs lnga ye shes lnga yi rang bzhin dang// rigs kyi yum lngar shes par bya'o zhes// rgyal ba'i bka' las de ltar byung bzhin du// shes rab zhan pas de ltar ma rtogs te// bka' dang gzhung las 'gal ba bzod par gsol// bsgrub par bya ba'i dam tshig lnga po la// phyi nang snod bcud snang srid ma lus rnams// ye nas sangs rgyas lnga yi rang bzhin la// bdag gi dbyings las gzhan na mi bzhugs kyang// go rtogs rig pa'i rtsal shugs chung ba yis// rtogs pa klong du ma gyur bzod par bzhes// tshogs kyi mchod pa lo zla 'das pa dang// tshogs kyi zhal zas 'byor tshogs chung ba dang// rdo rje slob dpon thugs dang 'gal ba dang// dam skongs mkha' 'gro'i thugs dang 'gal ba dang// brtse gdung khrel 'dzem chung ba'i rang shugs kyis// mched dang lcam dral thugs dang 'gal ba dang// lung dang bka' las 'das pa mthol lo bshags// lta ba 'phangs ma chod par gyur pa dang// spyod pa la ma dor bar gyur pa dang// dam tshig nyams pa'i chad pa mi bzod pas// rdo rje srin pos snying khrag 'thung ba dang// tshe thung nad mang nor yal dgras 'jigs dang// mnar med dmyal ba shin tu skyi g.ya' bar// sdug bsngal mi bzod yun ringaganas pa rnams// bdag gis dam tshig bshags pa bgyis pa yis// nyams shing chag pa thams cad sor chud de// go 'phang chen po'i 'bras bu thob par shog/ dus gsum rgyal bas bdag la byin gyis rlobs// dam skongs mkha' 'gro mang pos bdag srungs shing// gnyis med gsang ba'i dbyings nas 'od shar te// mkha' ltar dag cing rnam rtog mi mnga' yang// sngon gyi thugs rje'i dbang gis bdag bzung ste// yid bzhin sku mchog bdag la bstan pa dang// rig 'dzin dngos grub dbyings nas bdag la stsol// lha dang lha min phyogs bcu'i rnal 'byor rnams// mi 'da' rdo rje dam tshig gtan gyi gnyer// rtsa ba gsum dang yan lag nyi shu lnga// tshor dang ma tshor ma rig dbang gis na// nyams pa'i skyon gyis gos par gyur to 'tshal// bdag gis dam tshig gdungs pa'i bshags pa 'dis// rnal 'byor dam tshig nyams pa bskangs gyur nas// go 'phang chen po'i 'bras bu thob par shog khams gsum 'khor ba'i sems can ma lus rnams// mnyam nyid rdo rje'i gral du gnas par shog/ mkha' 'gro ma yi thugs rjes bdag bzung zhing// nyams pa'i skyon rnams gtan nas byang ba dang// sku gsung thugs kyi dngos grub stsal du gsol// zhes gsungs so// dri med rgyal po bshags pa'i rgyud las/ nyams grib bskang ba'i bshags pa ste le'u lnga pa'o//// de nas bcom ldan 'das thams cad kyi dam tshig la gnas pa'i rig 'dzin yum gyi tshogs rnams kyis bshags pa 'di gsungs so// ye shes lha dang mkha' 'gro dam tshig can// phyi nang srung ma ma lus dgongs su gsol// yun ring dus nas bsnyen cing bsgrubs pa'i lha// srung ma dam can ma lus dgongs su gsol// rdo rje slob dpon mched dang lcam dral dang// rig 'dzin sgrub po rnams kyang dgongs su gsol// rnal 'byor dam tshig bsrung bar zhal 'ches pa'i// sku gsum gdung 'tshob rnams kyang dgongs su gsol// bkod pa'i rgyal po dam tshig 'bum sde las// yo ga rnam pa bzhi yi don ched du// mkhyen rab mchog tu gyur pa'i gsang bdag gis// nyi shu rtsa brgyad mdor bsdus grangs bstan pa// rtogs nas bsrung zhing bsgrub par dam bcas pa'i// tshul lam gzhung bzhin sgrub rngo ma thogs par// ma rig bdag cag lus dang ngag sems kyis// bag med tshul gyis dam las 'gal gyur te// ras chod rang gar bsrung mtshams 'das pa dang// ma rtogs ma bsrungs sgrub pa'i rtsal chung bas// rtsa ba yan lag bcas pa'i dam tshig las// nyams chag 'gal 'khrul gyur pa mthol lo bshags// rdo rje slob dpon mched dang lcam dral la// log lta ngan sems rku 'phrog brdeg la sogs// ngan du smra zhing gnod pa dngos su bgyis// sku yi dam tshig nyams pa mthol lo bshags// yi dam lha yi ting 'dzin g.yel gyur cing// phyag rgya rnam bzhi gzhung bzhin ma gsal te// sngags dang bzlas brjod snying po bar chod pas// gsung gi dam tshig nyams pa mthol lo bshags// gsang bcu la sogs man ngag gnyer gtad pa// dam tshig nyams dang ma 'dres med pa la// tshig tu 'dzags shing spyod lam rtsings pa yis// thugs kyi dam tshig nyams pa mthol zhing bshags// spyad par bya ba'i dam tshig rnam pa lnga// sbyor sgrol ma byin len dang rdzun du smra// tshig brlang la sogs dam tshig smad lnga ni// gnyis su med pa'i ngang du mnyam sbyar nas// 'gro ba'i don du gzhung bzhin spyad rgyu la// bka' dang gzhung bzhin spyad par ma gyur te// ma rig log par spyad pa'i nyes byas kyis// spyad pa'i dam tshig nyams pa mthol shing bshags// mi spang ba yi dam tshig rnam lnga ni// 'dod chags zhe sdang gti mug nga rgyal dang// phrag dog la sogs nyon mongs rnam lnga ni// ye nas rigs lnga'i rang bzhin yin pa'i phyir// rtogs nas spang du med par gnas rgyu la// de bzhin ma rtogs nyon mongs rang dgar spyad// mi spang dam tshig nyams pa mthol shing bshags// dang du blang ba'i dam tshig lnga po ni// dri chen dri chu dmar chen zil pa dang// sha chen la sogs dam rdzas rnam pa lnga// grub pa bzhi dang yin pa gsum la sogs// so so'i rnam par rtog pa kun sbyongs shing// dngos grub sgrub par byed pa'i thabs chen po// 'dzin rtog med par dang du blang rgyu la// gnyis med blta bas dang du ma blangs te// gtsang smer bltas nas tshul bzhin ma blangs pas// rten pa'i dam tshig nyams pa mthol zhing bshags// shes par bya ba'i dam tshig lnga rnams la// phung po lnga dang 'byung ba chen po lnga/ kha dog lnga dang yul lnga dbang po lnga// rnam shes lnga dang rigs lnga ye shes lnga// yab lnga yum lngar sbyor zhing shes pa yis// rtog pa khyad par can du bgyid rgyu las// rmongs shing 'khrul pas de ltar ma rtogs te// nyan thos la sogs theg pa 'og ma las// rtog pa khyad par can du ma gyur te// shes bya'i dam tshig nyams pa mthol zhing bshags// bsgrub par bya ba'i dam tshig rnam lnga la// rdo rje'i rigs dang de bzhin gshegs pa'i rigs// rin chen rigs dang de bzhin pad+ma'i rigs// las kyi rigs la sogs te sangs rgyas lnga// 'di ni bsgrub par bya ba'i 'bras bu ste// sgom sgrub ting 'dzin le lo med pa yis// sgrub pa'i 'bras bu thob par bgyid rgyu la// 'bad pa'i rtsal chung sgom sgrub yun thung bas// sgrub pa'i 'bras bu da dung ma thob ste// bsgrub bya'i dam tshig nyams pa mthol zhing bshags// de la sogs te dam tshig chen po yi// gzhung dang 'gal bar gyur pas nyes byas shing// ye shes lha dang mkha' 'gro dam tshig can// ma sring rgya mtsho'i thugs dang ci 'gal ba// shin tu gnong zhing 'gyod pas mthol zhing bshags// rdo rje slob dpon mched dang lcam dral dang// rnal 'byor dam can thugs dang ci 'gal ba// dam las 'gal gyur 'gyod pas mthol zhing bshags// bdag gis rtse gcig zol zog med pa yis// sgyu med sems kyis bshags sbyang 'di brjod pas// bdag nyid nyams chag sgrib pa 'dir byang nas// tshe 'di nyid la rig 'dzin sa thob ste// byin rlabs rtsal 'phang gzi brjid nus mthu dang// sku gsung thugs kyi dngos grub stsal du gsol// zhes gsungs so// dri med rgyal po bshags pa'i rgyud las/ dam tshig nyi shu rtsa brgyad pa'i bshags pa ste le'u drug pa'o//// de nas sangs rgyas thams cad kyi dam tshig la gnas pa'i dpal chen po rnams kyis bshags pa 'di gsungs so// bcom ldan dpal chen khro rgyal phyag brnyan ni// thabs mkhas thugs rje ye shes sprul pa dang// rang rgyud rnal 'byor dag pa'i grub pa can// rdo rje lcam dral mang po dgongs su gsol// kun tu bzang po rdo rje 'dzin pa yi// snying la gnas pa'i dam tshig byin brlabs pa// theg chen khyed kyis dang du bzhes nas kyang// zhal 'ches gang lags rjes su dgongs par mdzod// bdag gi mig la sogs te dbang po lnga// bems po'i rang bzhin rnam shes ma sbyangs pas/khyed kyi sku gsung mi mthong mi thos te// min pa'i tshogs dang 'dra bar bcings mod kyi// 'on kyang yid ches sems 'di rtse gcig gis// mngon sum 'dra bar rtag tu rjes dran na// dus gsum kun nas ma bsgribs mkhyen pa yi// rdo rje lcam dral mang po bdag la dgongs// ye shes mngon shes ldan zhing thugs brtse ba// mthu rtsal rmad byung phan pa'i dgongs pa can// gzhan gyis ma bcol nyid kyis zhal 'ches pa// bden par gsungs pas bdag gi grogs mdzod cig/ gang dag byang chub sems dang ldan pa dang// sku gsung thugs kyi rnal 'byor spyod pa la// kun nas bsrung zhing re ba bskang ngo zhes/ khyed kyi thugs dam mi 'gyur de lags na// bdag la bla med byang chub sems mchis kyis// sku gsung rnal 'byor brtson par bgyid lags na// rdo rje dam can ma lus rgya mtsho yis// kun nas bsrung zhing re ba bskang du gsol// theg chen rnal 'byor bskyang bar zhal 'ches pa'i// dus dang tshad mkhyen mthu dang ldan bzhin du// skyes mchog khyed kyang btang snyoms mdzad na ko/ dang po'i dam bcas 'gal bar mi 'gyur ram// gang gis gang la rang gis dam bcas pa// de yis de nyid don du gnyer dgongs pa// gzhan gyis bskul zhing gsol gdab mi 'tshal na// nyid kyi thugs dam 'bras bu mchis par mdzod// bdag gi dam tshig rdo rje'i mchog gsum po/khyed kyi thugs dam mchog kyang de lags pas// rigs mi mthun kyang dam tshig gis bsdus na// lcam dral tshul du nye zhing gdung bar mdzod// sngon 'das dus na bstan pa 'jig la sogs// zhe sdang gdug pa'i dgra bgegs gar byung yang// khyed kyi thugs rje lhag par der phyung zhing// drag shul thabs kyis 'dul ba ji bzhin du// da lta dus ngan bstan pa 'jig la sogs// sdig pa'i 'bras bu smin par khyed mkhyen gyis// rdo rje lcam dral ma lus rgya mtsho yis// so so'i thugs dam chen po dgongs mdzod la// ji ltar 'tsham pa bzhin du phrin las mdzod// dbang phyug la sogs byed por khas 'ches kyang// de nyid dngos po lta bur byed mi nus/ khyed ni sgyu ma'i chos la mnga' brnyes pas// sgyu ma'i rang bzhin cir yang grub par mdzod// mi nus mngon shes mthu dang mi ldan yang// dam tshig chos phyir srog lus phongs pa med/khyed ni thogs med mthu dang ldan bzhin du// 'gro ba'i mgon skyabs ci phyir bskul las bshags// srid pa las kyi dus la ma bab ces// 'gro ba 'dul ba'i phrin las mi mdzad cing// thams cad kun la las kyi dbang btsan na// thugs rje'i byin rlabs su la ci zhig bgyi// gang zhig chos min 'gal bar spyod pa yang// 'bad pa'i 'bras bu med par mi 'gyur ram// shes rab snying rje thabs dang mi 'gal ba'i// re ba bskang ba lta zhig smos ci 'tshal// 'da' dka' rdo rje dam tshig mchog bsrung bar// grub pa khyed dang 'dra ba ma lags na// chos srung 'gro don bdag gis mi lcogs pas// byin rlabs mchog dang ldan par mdzad du gsol// dam tshig nyams pa la sogs nyes pa rnams// tshe rabs 'di la nyams su myong 'gyur ba// chos dbyings 'gro don bdag nyid bdag gis rtogs pa ru// chos la dbang bsgyur khyed kyis bzlog tu gsol// thugs rje brtse ldan rdo rje lcam dral la// 'di skad bskul zhing gsol lta mi 'tshal na// zhe sdang mtha' yi sems kyis mi gsol te// 'gro don byang chub sems kyis smre lags na// thugs dang 'gal bar gyur pa bzod par gsol// 'phags pa'i bka' chad bdag la mi gtong zhing// thugs rje chen pos tshangs pa stsal du gsol// dri med rgyal po bshags pa'i rgyud las/rdo rje dpal chen gyi bshags pa ste le'u bdun pa'o//// de nas bde bar gshegs pa thams cad kyis/ ye shes mkha' 'gro la sogs pa mkha' 'gro ma'i tshogs kyi bshags pa 'di gsungs so// oM ye shes mkha' 'gro dbang phyug khro rgyal gtso// bde chen gnyis med yum gyi dbyings su sbyor// bdag tu lta ba'i nga rgyal 'joms mdzad pa'i// dbang gyur rdo rje dam can dgongs su gsol// ta na'i gnas mchog sgrol ba gnas ma stobs// ga Na'i gnas mchog sbyor ba byin ma brlabs// dpal chen khro rgyal thugs dang ci 'gal ba// thugs rje che mnga' khyed la bzod par gsol// rmad du byung ba'i mchod pa tan gaN ni// ye shes lnga yi 'od zer rnam par 'phro// 'dod pa lnga yi yon tan bsam yas kyis// ye shes mkha' 'gro'i thugs dam bskang gyur cig/ dpal chen khro rgyal yab yum thugs rje yis// rtse gcig sgrub pa po yi grogs mdzod la// bar gcod byed pa'i dgra bgegs rdul du rlog/ grub pa'i 'bras bu dus 'dir stsal du gsol// hUM rdo rje mkha' 'gro dbang phyug gau rI brgyad// sing+ha la sogs yul gyi phra men brgyad// rta gdong la sogs 'bar ma khro mo bzhi// dpang gyur rdo rje dam can dgongs su gsol// oM bsgom bsgrub dus las g.yel bar gyur pa yis// sgrub pa'i rdzas mchog bdud rtsi a mr-i ta// dus drug mchod pa'i tshul du ma sbyar ba// bzod par gsol lo tshangs pa stsal du gsol// byang chub sems dang mAM sa rak+ta dang// dri chen dri chu go ku da ha na// gnyis med sbyar ba'i sman mchog a mr-i tas// rdo rje mkha' 'gro'i thugs dam bskang gyur cig/ 'bar ba'i sku mchog rdzogs pa'i dkyil 'khor du// bdud dang srin po ma lus 'dul ba'i phyir// rtse gcig sgrub pa po la zhal ston la// bar gcod byed pa'i dgra bgegs rdul du rlog/oM sha za mkha' 'gro dbang phyug nyi shu brgyad// srid gsum rgyal mo dur khrod brgyad kyi yum// gtso mo mngon spyod ma bdun 'khor dang bcas// dpang gyur rdo rje dam can dgongs su gsol// mchod pa lo zla'i dus las 'das pa dang// rdzas dang phyag rgya dus 'dir ma rdzogs shing// sha khrag dmar gyi dam las g.yel gyur te// sha za mkha' 'gro'i thugs dang ci 'gal ba// bzod par gsol lo tshangs par stsal du gsol// dur khrod rdzas mchog thal chen ba su ta// sha khrag dmar gyi mchod pa rab sbyar te// b+han+d+ha'i snod du dmar chen bskyil ba 'dis// sha za mkha' 'gro'i thugs dam bskang gyur cig/oM sngon tshe dpal chen khro rgyal spyan snga ru// sus kyang ma bcol nyid kyis zhal 'ches te// rtse gcig sgrub pa po yi grogs mdzod la// rnal 'byor dbang phyug chen po'i 'khor srungs shig/ oM las kyi mkha' 'gro phyi yi rnal 'byor bzhi/bdag nyid chen mo la sogs ma mo'i tshogs// lha dang lha min phyogs bcu'i mkha' 'gro ma// dpang gyur rdo rje dam can dgongs su gsol// lta ba mtho bas spyod lam rtsings pa dang// nya stong gso sbyong dus las g.yel gyur cing// gnyid chang rmongs pas phyi mchod ma skongs pa// bzod par gsol lo tshangs par stsal du gsol// dam tshig lhag ma kha chu'i 'od zer 'phro// kun tu bzang po'i mchod sprin a mr-i ta// sha khrag bdud rtsi'i mchod pa chen po 'dis// las kyi mkha' 'gro'i thugs dam bskang gyur cig/ oM stong khams yongs su 'chol bar gyur mod kyang// bdag ni rdo rje'i dam las mi 'da' zhing// dpal chen bsgom bsgrub las la brtson lags na// skyes chen khyed kyi thugs dam mnyes gyur cig/ dur khrod klong dgu'i mkha' 'gro rnam bzhi'i tshogs/ khams gsum 'khor ba'i sdug bsngal ci 'dra ba// byams mgon khyed kyis thugs la de ltar gsal// dmyal tshogs me ltar 'bar ba zhi bar mdzod// thugs rje'i gdung 'tshob rig 'dzin bdag gis ni// dang por byang chub mchog tu sems bskyed nas// 'da' dka' rdo rje'i dam tshig mchog gsum po// rgyal ba'i bka' las 'da' bar mi bgyid la// gsang sngags 'chol bar gyur gyis gsal ka mod// nyams dang tshogs 'dris gyur pa bskang so 'tshal// blo sems rtul bas skyon can ma rtogs te// rang gnong 'gyod pa'i sems kyis mthol bshags na// grogs ngan nyams grib skyon gyis ma gos shing// nyams pa rnams la chad pa sgor bcad de// 'di phyi'i rkyen dang sgrib par mi 'gyur bar// phra men sprul tshogs dbye bsal mdzad du gsol// zhes gsungs so// dri med rgyal po bshags pa'i rgyud las/ ye shes mkha' 'gro'i bshags pa'i le'u ste brgyad pa'o//// de nas longs spyod chen po'i dam tshig la gnas pa'i rnal 'byor gyi dbang phyug chen po rnams kyis chos nyid zhi ba'i bshags pa 'di gsungs so// kun bzang yab yum gsan cing dgongs su gsol// yid dang chos ni ye nas mngon sangs rgyas// kun bzang yab yum dgongs spyod de 'dra yang// de ltar bdag gis ma rig ma rtogs te// kun bzang yab yum thugs dang ci 'gal ba// thugs rje che mnga' khyed la bzod par gsol// rgyal ba rigs lnga gsan cing dgongs su gsol// phung po lnga ni ye nas mngon sangs rgyas// rgyal ba rigs lnga'i dgongs spyod de 'dra yang// de ltar bdag gis ma rigs ma rtogs te// rgyal ba rigs lnga'i thugs dang ci 'gal ba// thugs rje che mnga' khyed la bzod par gsol// rigs kyi yum rnams gsan cing dgongs su gsol// 'byung ba lnga ni ye nas mngon sangs rgyas// rigs kyi yum lnga'i dgongs spyod de 'dra yang// de ltar bdag gis ma rig ma rtogs te// rigs kyi yum lnga'i thugs dang ci 'gal ba// thugs rje che mnga' khyed la bzod par gsol// sems dpa' brgyad rnams gsan cing dgongs su gsol// rnam shes brgyad ni ye nas mngon sangs rgyas// sems dpa' brgyad kyi dgongs spyod de 'dra yang// de ltar bdag gis ma rig ma rtogs te// sems dpa' brgyad kyi thugs dang ci 'gal ba// thugs rje che mnga' khyed la bzod par gsol// sems ma brgyad rnams gsan cing dgongs su gsol// yul bzhi dus bzhi ye nas mngon sangs rgyas// sems ma brgyad kyi dgongs spyod de 'dra yang// de ltar bdag gis ma rig ma rtogs te// sems ma brgyad kyi thugs dang ci 'gal ba// thugs rje che mnga' khyed la bzod par gsol// thub pa drug rnams gsan cing dgongs su gsol// nyon mongs drug ni ye nas mngon sangs rgyas// thub pa drug g-i dgongs spyod de 'dra yang// de ltar bdag gis ma rig ma rtogs te// thub pa drug g-i thugs dang ci 'gal ba// thugs rje che mnga' khyed la bzod par gsol// sgo ba bzhi rnams gsan cing dgongs su gsol// tshad med bzhi ni ye nas mngon sangs rgyas// sgo ba bzhi yi dgongs spyod de 'dra yang// de ltar bdag gis ma rig ma rtogs te// sgo ba bzhi yi thugs dang ci 'gal ba// thugs rje che mnga' khyed la bzod par gsol// sgo ma bzhi rnams gsan cing dgongs su gsol// rtag chad mu bzhi ye nas mngon sangs rgyas// sgo ma bzhi yi dgongs spyod de 'dra yang// de ltar bdag gis ma rig ma rtogs te// sgo ma bzhi yi thugs dang ci 'gal ba// thugs rje che mnga' khyed la bzod par gsol// zhes gsungs so// de nas rnal 'byor ma'i tshogs rnams kyis zhi ba'i bshags pa 'di gsungs so// oM rang rig ye shes blo dang mi ldan pas// bdag gis phung po khams dang skye mched rnams// zhi ba'i dkyil 'khor lha ru sbyor ma 'tshal// sangs rgyas bzhi bcu gnyis la bzod par gsol// rang rig ye shes blo dang mi ldan pas// yid chos kun bzang yab yum sbyor ma 'tshal// ma rig rang sems bdag tu bzung bas nongs// kun bzang yab yum sku la bzod par gsol// rang rig ye shes blo dang mi ldan pas// phung po lnga po rigs lngar sbyor ma 'tshal// ma rig rang sems bdag tu bzung bas nongs// rgyal ba rigs lnga'i sku la bzod par gsol// rang rig ye shes blo dang mi ldan pas// 'byung ba lnga rnams yum lngar sbyor ma 'tshal// ma rig rang sems bdag tu bzung bas nongs// rigs kyi yum lnga'i sku la bzod par gsol// rang rig ye shes blo dang mi ldan pas// shes bzhi dbang bzhi sems dpar sbyor ma 'tshal// ma rig rang sems bdag tu bzung bas nongs// byang chub sems dpa'i tshogs la bzod par gsol// rang rig ye shes blo dang mi ldan pas// yul bzhi dus bzhi sems mar sbyor ma 'tshal// ma rig rang sems bdag tu bzung bas nongs// byang chub sems ma'i tshogs la bzod par gsol// rang rig ye shes blo dang mi ldan pas// nyon mongs drug po thub par sbyor ma 'tshal// ma rig rang sems bdag tu bzung bas nongs// thub drug sprul pa'i sku la bzod par gsol// rang rig ye shes blo dang mi ldan pas// reg sogs rnam bzhi sgo bar sbyor ma 'tshal// ma rig rang sems bdag tu bzung bas nongs// sgo skyong khro bo bzhi la bzod par gsol// rang rig ye shes blo dang mi ldan pas// rtag chad mu bzhi sgo mar sbyor ma 'tshal// ma rig rang sems bdag tu bzung bas nongs// sgo skyong khro mo bzhi la bzod par gsol// rang rig ye shes blo dang mi ldan pas// ma rig dbang gis 'khrul pas nongs bgyis pa// nyon mongs las kyis yi dam lha spangs te// slu byed dbang gis slob dpon snying nas smad// nga rgyal dregs pas mched dang lcam dral dkrugs// srab la 'phyar bas gsang sngags gzhan la spel// ser sna'i dbangagis mchod pa dus las 'das// grogs ngan skyon gyis gsang ba'i cho ga chag/brtul zhugs chung bas bgegs srin tshar ma chod// rngam zhing thug thub lhag phud nyams la sogs// tshe rabs thog ma med pa'i dus mtha' nas// tshe 'di'i lus bzung da lta yan chad du// sdig pa mi dge'i las rnams ci bgyis pa// dus rig dus mkhyen khyed la bzod par gsol// 'phags pa lags pas khyed kyis dang du bzhes// sems can lags pas bdag nongs 'khrul pa mchis// sgyu ma lags pas bshags na gnang bar mdzod// thabs la mkhas pas tshangs pa stsal du gsol// zhes gsungs so// de nas phyogs bcu nas lhags pa'i rnal 'byor gyi dbang phyug chen po yab yum thams cad kyis zhi ba'i lha tshogs la bshags pa 'di gsungs so// kun tu bzang po thugs mchog rin po che/ khams gsum dbang du sdud pa yab lags shing// don dam dbyings su sdud pa yum lags kyi// bdag lus sgyu mar ma rtogs sku bslus shing// bdag cag nyams chag sems la 'gyod pa skyes// kun bzang yab yum sku la bzod par gsol// rigs lnga sangs rgyas thugs mchog rin po che/ khams gsum dbang du sdud pa yab lags shing// don dam dbyings su sdud pa yum lags kyi// bdag lus sgyu mar ma rtogs sku bslus shing// bdag cag nyams chag sems la 'gyod pa skyes// rigs lnga yab yum sku la bzod par gsol// sems dpa' sems ma thugs mchog rin po che// khams gsum dbang du sdud pa yab lags shing// don dam dbyings su sdud pa yum lags kyi// bdag lus sgyu mar ma rtogs sku bslus shing// bdag cag nyams chag sems la 'gyod pa skyes// sems dpa' sems ma'i sku la bzod par gsol// sprul sku thub drug sku mchog rin po che// bcud kyi sems can khams gsum dbang du sdud// snod kyi 'jig rten don dam dbyings su sbyor// bdag lus sgyu mar ma rtogs sku bslus shing// bdag cag nyams chag sems la 'gyod pa skyes// sprul sku thub pa drug la bzod par gsol// sgo ba sgo ma thugs mchog rin po che/khams gsum dbang du sdud pa yab lags shing// don dam dbyings su sdud pa yum lags kyi// bdag lus sgyu mar ma rtogs sku bslus shing// bdag cag nyams chag sems la 'gyod pa skyes// sgo ba sgo ma rnams la bzod par gsol// zhes gsungs so// dri med rgyal po bshags pa'i rgyud las/ chos nyid zhi ba'i bshags pa ste le'u dgu pa'o//// de nas yang dag par rdzogs pa'i sangs rgyas kyi dam tshig la gnas pa'i rnal 'byor gyi dbang phyug chen po rnams kyis/khro bo'i dkyil 'khor la bshags pa 'di 'gro ba'i don du gsungs so// oM dang po rang bzhin mnyam pa'i dkyil 'khor du// gzung 'dzin gnyis kyi bdag dang ma bral bas// gnyis su med pa'i gnas lugs don ma rtogs// gnyis med chos kyi sku la bzod par gsol// don dam mi 'gag gsal ba'i go 'byed pa'i// zla gsal dang ba'i dbyings su sku bzhengs la// byang chub thig le'i 'od kyis khyab mdzad pa// kun snang dang ba'i sku la bzod par gsol// don dam skye ba med pa'i mkha' dbyings las// 'bras bu yon tan 'byung ba'i skur snang ba// dbang chen rim gyis bskyed pa'i bzhugs gnas rten// dbang chen gzhal yas gsal bar ma gyur pa// pho brang 'bar ba'i klong du bzod par gsol// bde chen nyid las phyag rgya'i skur snang zhing// ye shes drug gi phyag mtshan rang rang bsnams// ji ltar gsal ba'i ngang du ma gyur pa// 'jigs byed he ru ka la bzod par gsol// gnyis med sku la 'khril ba'i gzungs mchog ma// pad+ma'i don la chags pa'i mkha' dbyings su// gnyis med byang chub sems kyi 'od spro ba// kro d+hI shwa rI'i sku la bzod par gsol// thugs las skyes pa'i ye shes khro mo rnams// rnam shes dur khrod brgyad kyi mkha' 'gro ma// gau rI la sogs thugs dang ci 'gal ba// gnas kyi ma brgyad sku la bzod par gsol// thugs rje zhi ba'i ngang las ma g.yos kyang// log rtogs mtshan mar 'dzin pa zhi ba'i phyir// mche gshog rngam pa 'bar ba'i skur sprul pa// sing ha la sogs thugs dang ci 'gal ba// yul gyi phra men brgyad la bzod par gsol// pho brang brgyan dang ldan pa'i dkyil 'khor du// 'gugs dang 'ching dang sdom dgyes sgo ma bzhi// rta gdong la sogs thugs dang ci 'gal ba// sgo bzhi phyag rgya rnams la bzod par gsol// mngon spyod las las grub pa'i dbang phyug ma// dge dang mi dge gnyis kyi dbang mdzad pa'i// ma tshogs dbang phyug thugs dang ci 'gal ba// ma sring rgya mtsho rnams la bzod par gsol// rang bzhin lhun gyis grub pa'i dkyil 'khor du// thugs rje mnyam pa'i ngang las ma g.yos kyang// phra mo'i ting 'dzin gsal bar ma gyur pas// yon tan 'dzin pa rnams la bzod par gsol// bdag gis skye ba thog ma ma mchis nas// da lta'i lus 'di bzung ba yan chad du// ma rig dbang gis srid pa'i khams kun 'khor// ji srid mi lus blangs nas gar skyes kyang// mtshams med lnga dang de dang nye ba lnga// sdig pa'i las su gyur pa ci mchis pa// dngos kyis bgyis dang bgyid du stsal ba dang// de las rjes su yi rang bgyis pa rnams// byang chub thugs rjes bdag la dgongs nas kyang// tshangs par mdzad nas dngos grub stsal du gsol// zhes gsungs so// de nas dam tshig la gnas pa'i rnal 'byor gyi dbang phyug chen po rnams kyis 'di gsungs so// hUM bskal pa dus mtha'i me ltar 'bar ba'i klong// dug lnga gnas gyur ye shes he ru ka/ dbyings kyi yum chen khro mo lnga dang sbyor// gau rI la sogs nang gi mkha' 'gro bzhi// puk+ka la sogs phyi yi rnal 'byor ma// sing+ha la sogs za byed gdong can tshogs// kri ta la sogs mtshams kyi gshog pa can// 'bar ba'i bar khyams dbang phyug nyi shu brgyad// sgo bzhi 'gugs 'ching sdom dgyes sgo ma bzhi/ khrag 'thung lha tshogs sku yang ma gsal zhing// snying po grangs nyung phyag rgya gnas ma son// tshogs dang 'byor pas gnas su ma bskangs pa/ khro bo'i lha tshogs rnams la bzod par gsol// zhes gsungs so// de nas yang phyogs bcu'i rnal 'byor gyi dbang phyug pho mo rnams kyis/he ru ka'i dkyil 'khor la bshags pa 'di gsungs so// oM dang por gsang mchog sdom pa 'di mnos nas// 'da' dka' khas blangs dam las g.yel gyur te/khrag 'thung rigs lnga'i thugs dang ci 'gal ba// thugs rje che mnga' khyed la bzod par gsol// ga Na'i sbyor mchog rtog 'dzin bar chad kyis// yum chen kro d+hI'i thugs dang ci 'gal ba/ khro mo dbyings phyug lnga la bzod par gsol// rdzas dang phyag rgya mngon du ma gyur te// sha za gau rI'i thugs dang ci 'gal ba// gnas kyi ma brgyad sku la bzod par gsol// sha khrag mchod pa gzhung bzhin ma 'tshogs te// sing+ha phra men thugs dang ci 'gal ba// yul gyi mkha' 'gro'i sku la bzod par gsol// shar lho nub byang sgo bzhi ma phyed de// rta gdong sgo ma'i thugs dang ci 'gal ba// ye shes sgo ma bzhi la bzod par gsol// 'da' dka' khas blangs 'khor drug ma thul te// ma bdun sring bzhi'i thugs dang ci 'gal ba// mkha' 'gro bcu gcig sku la bzod par gsol// longs spyod 'byams nas tshogs kyi phud nyams te// phud myul dbang phyug thugs dang ci 'gal ba// dbang mo nyi shu brgyad la bzod par gsol// gnas la ma brten bya byed 'byung 'jug gis// ti ra'i gnas myul thugs dang ci 'gal ba// gnas myul chen mo'i sku la bzod par gsol// sku mnyes pha ma'i tshul du ma gyur te// rdo rje slob dpon thugs dang ci 'gal ba// rdo rje rgyal po'i sku la bzod par gsol// ting 'dzin ma snyems zhi khro ma phyed de// rdo rje rgyal thebs thugs dang ci 'gal ba// ston pa sgron me'i sku la bzod par gsol// le lo byas pas phyag rgya rgyun chad de// karma las mkhan thugs dngaci 'gal ba// las kyi slob dpon sku la bzod par gsol// sbyor ba'i tshe na tshad la ma phebs te// shes rab snyems ma'i thugs dang ci 'gal ba// gsang yum rig ma'i sku la bzod par gsol// sgrol ba'i tshe na ting 'dzin gnas ma stobs// skyes bu ging chen thugs dang ci 'gal ba// sgrol g-ing bdag po'i sku la bzod par gsol// sprul sku khro mo'i thugs su ma gyur te// 'gugs 'dren pho nya'i thugs dang ci 'gal ba// mgyogs byed las mdzad sku la bzod par gsol// le lo'i dbang gis brtse gdung rgyun chad de// byang chub mched lcam thugs dang ci 'gal ba// rdo rje ming sring sku la bzod par gsol// bre mo'i phyir na dam tshig nyams la sogs// phyi nang rjes gcod thugs dang ci 'gal ba// dam tshig bya ra byed la bzod par gsol// longs spyod gsol nas lhag ma'i phud nyams te// phyi 'khor brtan ma'i thugs dang ci 'gal ba// thugs rje che mnga' khyed la bzod par gsol// bzod par mdzad nas tshangs pa'i dngos grub stsol// dri med rgyal po bshags pa'i rgyud las/ khro bo'i dkyil 'khor khrag 'thung la bshags pa ste le'u bcu pa'o//// de nas yang dpal chen po he ru ka la sogs pa'i dam tshig la gnas pa'i gtso 'khor rnams kyis bshags pa 'di gsungs so// thugs rje chen po bcom ldan rdo rje sems// dri med dung mdog mchog tu gzugs bzang ba// rnam dag 'od gsal zla 'od dkyil na mdzes// ji ltar mkha' la nyi 'od 'bum brdal zhing// dpa' bo 'od zer stong 'bar lham me ba// srid pa gsum gyi sa mkhan ston par grags/ khams gsum 'gro ba kun gyi gnyen gcig pu// byams mgon thugs rje'i lha khyod dgongs su gsol// bdag ni thog ma med pa'i dus mtha' nas// lam log lam stor srid pa'i 'khor bar 'khyams// sngon tshe las log sdig pa spyod pas nongs// sdig pa'i las rnams ci byas rang gnongs 'gyod// dar zhing drags pa'i las dbang de btsan pas// 'khor ba'i sdug bsngal rgya mtshor bying gyur te// zhe sdang 'bar ba'i mes ni rang rgyud bsregs// gti mug mun pa 'thibs pas shes rab ldongs// 'dod chags rgya mtsho'i 'dam du rnam shes bying// nga rgyal dregs pa'i ri bos ngan 'gror mnan// phrag dog rlung dmar 'tshubs pas 'khor bar g.yengs// bdag tu blta ba'i mdud pa dam pos bcings// 'dod pa me mdag dong 'dra'i 'obs su lhung// sdug bsngal drag po mi bzad char ltar 'bab// 'di 'dra'i sdug bsngal shin tu bzod dka' zhing// sdig pa'i las dbang drag po me 'bar bas// rnam shes dbang po'i myu gu gdungs gyur te// phung po sgyu ma'i lus kyis mi bzod na// byams mgon thugs rje can gyis bzod lags sam// bdag 'dra blun rmongs las ngan sdig po che// las kyi dbang gis 'dod khams rU trar skyes// skyes pas 'gyod do las la yi re chad// yi chad 'gyod kyang las la bcos su med// las kyi shugs ni chu bo'i rgyun dang 'dra// las dbang chu klung 'phral du ga la ldog/rnam smin thams cad rang gi las las byung// bka' la zhugs kyang bka' bzhin rngo ma thogs// lus ngag yid gsum sdig pa'i dbang du song// las kyi rlung dmar drag po des bdas pas// bdag ni de sngon bskal pa grangs med du// 'khor ba'i btson ra mun par 'khyams pa la// nye gnas khyed kyi thugs rje'i byin rlabs kyis// las dang nyon mongs sgrib pa'i gnas sbyangs nas// ma ltar byams pa'i zhabs drung da lta 'khod// nyi ltar 'od 'bar zla ltar mdangs gsal ba'i// thugs rje'i zhal nyid blta bas mi ngoms pa// thog ma med nas ma rig ling tog gis/ ldongs pa'i chu bur mig gis ma mthong na// 'gro ba'i mgon khyod de sngon gang na bzhugs/ las dbang drag po rab tu mi bzad pas// shin tu skrag cing skyi g.ya' rab 'jigs nas// dung dung gdung ba'i smre sngags 'di 'don cing// nyam thag phongs pa'i nga ros 'bod lags na// byams mgon thugs rjes dus 'dir ma dgongs na// nam zhig 'chi 'pho lus sems 'bral ba'i tshe// dge bshes grogs dang bral te gshin rjes khrid// de tshe 'jig rten nye dus mi stongs te// las kyi dbang gis bdag nyid gcig pur 'khyams// dus der bdag la mgon skyabs ma mchis na// gang gis phyi bshol dus las ma bzhes par// da lta nyid du brtun te mngon spyod mdzod// las kyis mnar ba'i skye bo bdag 'dra ba// thog ma med pa'i dus nas log brtags pas/ khams gsum 'khor ba'i gnas las ma thar te// bskal pa grangs med skye ba ji snyed du// gdos bcas lus blangs grangs med zhig gyur te// sha rus bsags na 'jig rten gtos dang mnyam// rnag khrag bsags na rgya mtsho chen po tsam// las 'phro bsags na bsam 'das brjod mi lang/ khams gsum bgrangs shing skye shi'i kha brgyud kyang// byas pa'i las rnams don med chud re zos// skye ba grangs med ji snyed de tsam gyi// skye ba gcig gcig kho na tsam gyi las// bla med byang chub don du rab spyad na// de tsam byas pa'i las la don rab yod// don gyis yang ye mya ngan 'das zin na// las kyi dbang btsan nyon mongs stobs che bas// sha khrag 'dus pa'i lus blangs 'khor bar 'khyams// sdug bsngal bzod dka' srid pa'i btson rar chud// mi bzod drag po'i sdug bsngal 'di lta bu// nyes byas thams cad rang gi las las byung// sdig pa'i las rnams byams mgon khyed la bshags// thugs rje chen pos las ngan rgyun bcad de// nyon mongs las kyi rlung 'di bzlog tu gsol// ma rig log pa'i las kyi dbang btsan pas// mi shes mun pa'i nang du gtan 'khyams na// ye shes sgron me'i zer gyis mi stongs sam// nyes byas las kyi rnam smin ma bzod na// thugs rje chen pos phrin las mi mdzad dam// phyin ci log gi g.yang sar ltung lags na// thugs rje myur mgyogs phyag gis mi 'dzin nam// dug gsum bzod dka'i nad kyis gdungs lags na// thabs mkhas thugs rje'i sman gyis mi gso 'am// las kyi rnam smin sdug bsngal mer 'bar na// thugs rje bsil ba'i chu rgyun mi 'bebs sam// sdug bsngal 'khor ba'i 'dam du bying gyur na// thabs mkhas thugs rje'i lcags kyus mi 'dren nam/ khams gsum 'khor ba'i gnas su sbyangs sbyangs nas// nam zhig rang gis 'bras bu thob pa'i tshe// 'phags pa'i thugs rjes ci 'tshal don ma mchis// bdag nyid las 'phro'i dbang btsan bzhag na lta// thugs rje che zhes su la ci zhig bgyi// dpa' bo khyod la thugs rje'i stobs mnga' zhing// sngon byung 'brel ba'i las kyi 'phro btsan na// yal yol btang snyoms le lo ma mdzad par// snying nas da gzigs thugs rje rgyal ba'i lha// zhes dregs pa can rnams kyis bshags so// dri med rgyal po bshags pa'i rgyud las// rU tra'i smre bshags ste le'u bcu gcig pa'o//// de nas bcom ldan 'das longs spyod kyi bdag po chen po rnams kyis/ rgyud lung man ngag gi bshags pa 'di gsungs so// chos nyid dus gsum spros pa med pa la// 'dzin rtog med pa'i rang rig ye shes kyis// dbyings dang ye shes gnyis su med pa las// yul dang dbang po gnyis su med par bshags// yum gyi b+ha ga dgyes pa'i pho brang du// yab kyi rdo rje gnyis med byang chub sems// thabs dang shes rab 'du 'bral med pa la// phyi nang snod bcud gnyis su med par bshags// ting 'dzin rnam gsum blo yi bdar bcad nas// phung po rnam shes yul dang dbang po rnams// lha dang lha mo'i dkyil 'khor gsal bsgoms nas// 'gro drug sems can rgyal ba'i dkyil 'khor du// gnyis su med par lhun gyis grub par mdzod// ces rgyud rnal 'byor chen po ltar bshags so// de nas lung ltar bshags pa 'di gsungs so// rtsa srog tsit+ta lus ngag yid gsum po/ gu h+ya gsang chen sku gsung thugs kyi mdzod// rdo rje klong dgu dpal chen he ru ka/ khams gsum sa dgu gnyis su med par bshags// ji ltar snang ba lha yi dkyil 'khor du// snying po brjod pas sku mchog rdzogs pa'i tshul// dbyer med mnyam nyid ngo bo nyid kyi sku// thabs la mkhas pas gnyis su med par bshags// phyi nang snod bcud gnyis med chos kyi sku// nga dang bdag gi ngo bo nyid mnyam pas// mtho ris ngan song rgyu 'bras rnam gnyis po// gnyis med bde chen klong du mthar phyin shog/ ces lung rjes su rnal 'byor ltar bshags so// de nas man ngag ltar bshags pa 'di gsungs so// ji ltar snang ba kun bzang bde chen gnas// yod med rtag chad mtshan ma'i tshig las 'das// 'di ltar ma rtogs bdag nyid gang yin pa// de nyid ma spangs rtogs pa'i klong du bshags// dus gsum 'pho 'gyur tha tshig btags pa med// rtsol med bsgrub med nam mkha'i ngang du gnas// yang la khyab pas kun gyis 'dod dgur sgyur// phyin ci log rtogs byang chub lam du bshags// rtogs pa'i man ngag don du mi ldan na// tshig gis mtshon pas byang chub mi 'thob ste// rang sems ye nas sangs rgyas yin shes pas// rang byung ye shes klong du mthar phyin shog/ de ltar bshags na sgrib pa thams cad dang// nyon mongs las ngan ma spangs rang dag nas// 'bras bu yang dag sangs rgyas 'thob bo zhes// man ngag rdzogs pa'i rnal 'byor ltar bshags so// dri med rgyal po bshags pa'i rgyud las/rgyud lung man ngag gi bshags pa ste le'u bcu gnyis pa'o//// de nas bcom ldan 'das kyis sangs rgyas thams cad kyi dgongs pa'i ngang nas lta ba'i klong bshags 'di gsungs so// chos kyi dbyings nyid spros pa med pa la// gzung 'dzin gnyis su blta ba yongs re gol// dngos po mtshan mar 'dzin pa nyon re mongs// spros med bde chen klong du bshags par bgyi// kun tu bzang po bzang ngan med pa la// bzang ngan gnyis su blta ba thang re chad// gtsang dang sme bar 'dzin pa nyon re mongs// bzang ngan med pa'i klong du bshags par bgyi// mnyam pa nyid la che chung med pa la// sangs rgyas sems can blta ba yongs re gol// che chung gnyis su 'dzin pa nyon re mongs// mnyam nyid bde chen klong du bshags par bgyi// byang chub sems la skye shi med pa la// 'di dang phyi mar blta ba thang re chad// skye shi gnyis su 'dzin pa nyon re mongs// 'chi med g.yung drung klong du bshags par bgyi// thig le chen po grwa zur med pa la// gzugs dang rdzas su blta ba thang re chad// grwa zur gnyis su 'dzin pa nyon re mongs// kun nas zlum pa'i thig le chen por bshags// dus gsum 'gyur ba med pa'i ngang nyid la// thog ma tha mar blta ba yongs re gol// 'pho 'gyur gnyis su 'dzin pa nyon re mongs// 'gyur ba med pa'i thig le chen por bshags// rang byung ye shes btsal du med pa la// rgyu 'bras gnyis su blta ba thang re chad// rtsol bsgrub gnyis su 'dzin pa nyon re mongs// rtsol ba med pa'i rang byung klong du bshags// rig pa'i ye shes rtag chad med pa la// rtag chad gnyis su 'dzin pa snying re rje// yod dang med par blta ba nyon re mongs// rtag chad med pa'i ye shes klong du bshags// chos dbyings rnam dag mtha' dbus med pa la// phyogs ris mtha' dbus spro bsdu thang re chad// mtha' dbus gnyis su 'dzin pa nyon re mongs// chos dbyings rnam dag mtha' dbus med par bshags// gzhal yas khang la phyi nang med pa la// phyi dang nang du blta ba thang re chad// yangs dog gnyis su 'dzin pa nyon re mongs// yangs dog phyi nang med pa'i klong du bshags// yum gyi mkha' dbyings mtho dma' med pa la// steng 'og gnyis su blta ba'i snying re rje// mtho dma' gnyis su 'dzin pa nyon re mongs// b+ha ga yangs dog med pa'i klong du bshags// chos kyi sku la dbye ba med pa la// yul dang sems su blta ba thang re chad// snod bcud gnyis su 'dzin pa nyon re mongs// gnyis su med pa'i ye shes sku ru bshags// rig pa'i ye shes nang nas ma shar bas// ma rig rmongs pa'i blo 'di snying re rje// gzugs med chos la dngos po mtshan mar 'dzin// ye shes rang bzhin klong du mthol lo bshags// skye ba med pa'i don de ma rtogs na// gang zag 'khrul pa'i blo 'di yongs re gol// skye med chos la nga dang bdag tu bzung// bde chen skye med klong du mthol lo bshags// chos nyid don de blo la ma gsal bas// snang srid sgyu ma yin par ma shes te// zang zing nor la chags pa'i sems ni skyes// chos nyid skye med chags pa med par bshags// 'khor ba rang bzhin med par ma shes pas// dngos po mtshan ma'i chos la rtag par 'dzin// mi dge'i las kyis bde ba 'tshol byed pa// byang chub skyon bral klong du mthol lo bshags// mnyam pa'i don nyid mnyam par ma rtogs pas// gnyen bshes 'khrul pa'i grogs ni rtag par 'dzin// mi shes skye bo'i sems 'di yongs re gol// mnyam nyid chos nyid klong du mthol lo bshags// chos nyid bden pa'i don dang ma phrad na// bden pa'i don bor mi dge'i las la brtson// ston pa'i bka' bor mi chos g.yeng bas bslus// chos nyid bde chen klong du mthol lo bshags// rig pa'i ye shes rang sar ma grol bas// rang rig don bor g.yeng ba'i las la brtson// 'di 'dra'i don med sems can snying re rje// dbye bsring med pa'i klong du bshags par bgyi// ye shes lha tshogs srung ma dam can rnams// dam tshig gzhung bzhin sgrub pa'i rnal 'byor la// ma rtogs lta ba'i gol sgrib byung ba na// rang gnong 'gyod pa'i sems kyis mthol lo bshags// dri med rgyal po bshags pa'i rgyud las// grol lam lta ba'i bshags pa bstan pa'i le'u ste bcu gsum pa'o//// de nas bcom ldan 'das kyis longs spyod chen po'i dam tshig la gnas pa rnams la/ thabs lam dbang gis yongs su rdzogs pa'i bshags pa 'di gsungs so// oM bdag lus gzhal yas khang du gnas pa'i nang// spyi mgrin snying ga lte ba gsang gnas su// dug lnga rnam dag rigs lnga yab yum sku// bskyed rim dbyings kyi lam du ma shes bshags// lus sems ye nas zung 'jug gnas pa la// snang phyogs stong phyogs zung 'jug ma shes te// mnyam gzhag rjes thob nyams len skyong ma shes// ngo bo nyid gsum lta ba'i klong du bshags// ye nas 'khor 'das dbyer med yin pa la// snod bcud gzhal yas khang dang lhar ma shes// 'byung bzhi'i chos la mnga' dbang ma brnyes pa// grub mtha' 'khor 'das dbyer med ngang du bshags// ye nas skye shi med par ma shes pas// ma rtogs 'chi dus snang ba bsgyur ba dang// 'od kyi gong bu sgra yi 'pho ma shes// 'da' kha 'chi brod ngang du bshags par bgyi// lus kyi rtsa yi gtso bo phal pa rnams// ye nas sprul skur gnas pa ma shes te// dbyibs kyi lha sku rang gsal bsgom ma shes// sprul sku'i rang bzhin lhun grub 'bras bur bshags// lus rtsa bum pa'i dbang du ma shes pas// ma hA yo ga'i bskyed rim bsgom ma nus// bum dbang dam tshig nyams pa mthol lo bshags// tshangs par gyur nas bskyed rim dngos grub stsol// zhes phyi'i dbang gi bshags pa de skad gsungs so// de nas gsang dbang gi bshags pa 'di gsungs so// lus gnas yi ge longs skur gnas pa la// 'khor lo rten dang ma rten man ngag gnad// bde ba nyams su len pa'i lam ma bsgoms// bdag la byin rlabs lam gyi ngang du bshags// nyon mongs dang ni rnam rtog snrel zhi rnams// gsal zhing yangs pa'i rang byung ye shes gnas// snying gar ro rkyang dbu ma zung 'jug bde// lta ba rang byung ye shes klong du bshags// sgra dbyangs ye nas skad du gnas pa la// 'gro ba rigs drug so so'i rang skad dang// gsung rab yan lag bcu gnyis yin ma shes// grub mtha' ma 'dres yongs rdzogs ngang du bshags// sems kyi 'od gsal ye nas 'du 'bral med// ma bsgoms rang chas yin par ma shes pas// 'chi dus rang gsal 'byung bar ma 'tshal ba// 'da' kha'i gdams ngag 'od gsal ngang du bshags// lus gnas yi ge longs skur gnas pa la// lam du ma shes bde ba ma bsgoms pas// gtum mo'i drod kyi 'bras bu ma thos pa// 'bras bu longs spyod rdzogs pa'i ngang du bshags// gsang ba dbang gi gdams ngag shes gyur kyang// rang gi bde ba lam du ma longs te// gtum mo'i drod rtags lus la ma shar ba// gsang dbang dam tshig nyams pa mthol lo bshags// zhes nang gi gsang dbang gi bshags pa de skad gsungs so// de nas shes rab ye shes kyi dbang gi bshags pa 'di gsungs so// lus khams bdud rtsi rang la gnas pa la// yum bdag 'dod pa'i byin rlabs mnyam pa dang// sbyor ba dngos gzhi rjes kyi bsdus rgyas rnams// ma bsgoms 'khor lo thabs kyi lam du bshags// bde ba ye nas rang la gnas pa la// go rim gnas dang spang bya ngo bo yi// bde ba rnam bzhi nyams su ma lon pa// bde bzhir blta ba lhan skyes ngang du bshags// bde ba rang la gnas par ma shes shing// sdug bsngal rkyen gyis bde ba ma bsgoms pas// bde stong rgya chung grub mtha' ma rtogs pa// lhan cig skyes pa bde ba'i ngang du bshags// bdag nyid rdo rje sems dpar ma shes pas// 'chi dus rang nyid der snang skur ma grub// 'khor lo bzhi yi bde ba ma 'byongs pa// 'da' kha rdo rje sems dpa'i ngang du bshags// ye nas bdud rtsi thig le chen po ni// chos sku dri ma med par gnas pa las// ma shes ma rtogs bdud rtsi ma sbyangs pa// 'bras bu chos kyi sku yi ngang du bshags// dri chen dri chu mAM sa rak+ta zil// 'byung ba bzhi ste khams kyi bdud rtsi dgu// bde ba mchog bde rnam rtog bral bde ba// lhan skyes ye shes dbang gi ngang du bshags// zhes gsang ba shes rab ye shes kyi dbang gi bshags pa de ltar gsungs so// de nas bde ba chen po'i dbang gi bshags pa 'di gsungs so// thabs dang shes rab gnyis ka rang gnas kyang// thabs kyi rgyud dang shes rab rgyud dag dang// gnyis ka'i rgyud la dag par ma sbyangs pa// rdo rje'i rba rlabs lam gsum dang du bshags// lus ngag sems dang lus sems gnyis ka la// phan 'dogs rang la gnas par ma shes pas// rgyu mthun rnam smin skyes bu byed pa dang// dri ma med pa'i yon tan ma shes pa// lta ba'i chos rnams rnam dag ngang du bshags// lta ba rang gnas nyams su ma myong bas// 'jig rten 'das pa'i grub mtha'i rtags ma shar// bde stong rgya che'i grub mtha' ma rtogs pa// 'khor 'das chos rnams bde stong gcig tu bshags// sbyangs dang goms dang las la sbyar du med// ma rtogs dbang gis sbyangs goms las ma sbyar// srog rtsol rlung la goms par ma gyur pa// 'da' kha phyag rgya chen po'i ngang du bshags// ye shes thams cad ngo bo nyid kyi sku// ma sbyangs gnas lugs don du ma rtogs pas// lam bstan rdo rje rba rlabs lam ma bsgoms// 'bras bu ngo bo nyid kyi sku ru bshags// srog dang rtsol ba lnga yi bdag nyid la// rtsa ba phung po rnam shes yan lag sogs// rlung bcu srog shing gsum du ma rtogs pa// bde ba chen po'i dbang gis klong du bshags// zhes de kho na nyid bde ba chen po'i dbang gi bshags pa de skad gsungs so// dri med rgyal po bshags pa'i rgyud las/ thabs lam dbang gi bshags pa ste le'u bcu bzhi pa'o//// de nas bcom ldan 'das yang dag par rdzogs pa'i sangs rgyas rnams kyis/ 'bras bu rang bzhin yongs su dag pa'i bshags pa 'di gsungs so// oM snang stong zung 'jug spros bral chos kyi sku// sa thob yan chad theg chen phal rnams la// mtshan dang dpe byad snang ba longs sku dang// sbyor lam man chad kun la snang ba yi// mdzad pa tha dad ston pa sprul pa'i sku// chos dang gzugs sku dbyer med rdo rje'i sku// yon tan ma btsal lhun grub mngon byang sku// de ltar ma rtogs sku lnga'i ngang du bshags// don gsung chos rnams skye med ngang du gnas// skye med smra brjod thams cad gzhi ru 'gyur// rdo rje grag stong dbyer med 'dus ma byas// mngon byang sgra skad mtha' dag thams cad ni// rang byung ye shes ngo bo nyid du gsal// longs sku'i gsung ni rang gi yul rnams la// brda yi sgo nas 'khor la go brda sprod// sprul pa'i gsung ni yan lag drug cur snang// gsung lnga ye nas snang tshul ma rtogs pa// gsung lnga lhun grub ngang du mthol lo bshags// stong nyid ye shes dngos po med par gsal// me long ye shes rtog pa med par shar// mnyam nyid ye shes bzang ngan med par gsal// sor rtog spyi dang rang mtshan ma 'dres gsal// bya grub bdag gzhan don la rtsol med gsal// gnas tshul ma rtogs thugs lnga'i ngang du bshags// rang rig byang chub sems nyid zhing khams ni// mnan na nem la bteg na 'phar la sogs// rang rig gzhal yas khang snang phyi nang med// rang rig 'od zer snang ste ba spu yi// bu ga re nas 'od zer drug cu 'phro// rig pa rang nyid gdan du snang ba ste// 'bras bu'i chos rnams thugs su chud pa'i rtags// rang rig nyid ni rgyan du snang ba ste// 'khor 'das ma spangs lhun gyis grub pa yi// yon tan ma rtogs chos nyid ngang du bshags// nyon mongs rnam par rtog pas sems khengs rnams// sangs rgyas mdzad pas rgyud mnyan zhi bar mdzad// rmongs zhing dbul dang phongs pa'i gang zag rnams// shes bya longs spyod mtha' yas rgyas par mdzad// mi phan mi dul gyong ba'i gang zag rnams// dbang gi las kyis bsdu zhing 'dul bar mdzad// thugs rje thabs kyis mi 'dul gdug pa rnams// mngon spyod drag pos mtshar ni gcod par mdzad// de ltar ma rtogs rigs rnams bdag po'i ngang// phyogs ris med cing lhun gyis grub par mdzad// gcig dang du ma'i ngo bo las grol ba// spang thob med par rang snang dag tu thob// las kyi rang bzhin dngos byas nyes pa zad// gdul bya gzigs pa'i sku gsungathugs la bshags// zhes sku gsung thugs yon tan phrin las lnga'i sgo nas yang dag par bshags pa'o// de nas de bzhin gshegs pa longs spyod kyi bdag po rnams kyis 'di gsungs so// rtsa rnams 'gros thim dbyibs kyi lam dag pa// lus kyi sgrib byang bskyed rim sprul pa'i sku// yi ge'i 'gros thim sngags kyi lam dag pa// ngag gi sgrib byang rdzogs rim longs spyod sku// bdud rtsi khams kyi dngas ma bcud kyi lam// sems kyi sgrib dag dngas ma chos kyi sku// rlung gi 'gros thim mi shig rdo rje'i rlung// lus ngag yid dag ngo bo nyid kyi sku// de ltar gnas pa ma rtogs klong du ni// sku bzhi rlung la lhun grub ngang du bshags// zhes thabs kyi 'bras bu'i bshags pa gsungs so// dri med rgyal po bshags pa'i rgyud las/'bras bu'i don ma rtogs pa bshags pa ste le'u bco lnga pa'o//// de nas gsang ba'i bdag pos yongs su gtad pa 'di gsungs so// oM sku gsung thugs kyi sprul pa rigs gsum mgon// de la gtad pas khams gsum sgron me yin// rigs lnga 'khor gyi mkha' 'gro sde bzhi rnams// de la gtad pas gsang sngags srung ma yin// sngon sbyangs gang zag chos kyi spyan ldan rnams// de la gtad pas bstan pa dar ba yin// gsungs pa'i rgyud chen lung dang mthun par gtad// de ltar ma byas bka' srung rnams la bshags// zhes gsungs so// de nas 'khor rnams mnyes nas sku gsung thugs la bshags pa 'di gsungs so// dus gsum bde gshegs rgyal ba 'khor dang bcas// rdo rje dam can ma lus dgongs su gsol// dang por byang chub mchog tu sems bskyed de// sgrub pa'i rig 'dzin byang chub go 'phang du// sku gsung thugs kyi rdo rje bsgrub pa'i phyir// yi dam lha dang rdo rje slob dpon dang// gsang ba'i dam tshig grangs su mnos pa las// dam bcas bka' las 'da' ba mi bgyi ste// las dang skal pas dmyal bar skye bar 'gyur// 'dod chags zhe sdang gti mug nga rgyal dang// phrag dog la sogs shor nas nongs bgyis pa// rdo rje slob dpon ston pa'i sgron me la// snying nas smad cing dam tshig nyams pa dang// dam tshig gcig pa'i rdo rje spun rnams la// ngan sems log par blta ba la sogs pa// sku yi dam tshig nyams pa mthol lo bshags// yi dam lnga yi phyag rgya ma gsal zhing// sngags kyi bsnyen pa grangs las chad pa dang// dus drug las kyi mchod pa khyad par du// bsnyen sgrub bskang ba'i cho ga ma bgyis te// bka' ltar ma lcogs gzhung bzhin rngo ma thogs// gsung gi dam tshig nyams pa mthol lo bshags// rdo rje slob dpon byams pa'i bka' drin gyis// snyan khung brgyud nas sems kyi dkyil du bzhag/ thugs kyi man ngag byin pas dam tshig 'dres// gsang mtshams 'das nas 'chol bar smras la sogs// thugs kyi dam tshig nyams pa mthol lo bshags// chos rnams mnyam pa nyid du ma rtogs te// yan lag dam tshig nyams pa mthol lo bshags// le lo snyom las gnyid kyi dbang gyur te// bsnyen sgrub dam tshig nyams pa mthol lo bshags// lus ngag yid kyi bsrung bya 'das pa yis// sku gsung thugs kyi dam tshig nyams par bshags// zhes gsungs nas rjes su yi rang ngo// de nas 'khor phal pa rnams kyis 'di skad gsungs so// rje btsun bla ma rnams kyi spyan lam du// yo byad 'byor tshogs chung ba mthol lo bshags// yi dam lha tshogs rnams kyi spyan lam du// mngon rtogs spong len bgyis pa mthol lo bshags// mkha' 'gro sde bzhi rnams kyi spyan lam du/ khas blangs dam bca' nyams pa mthol lo bshags// chos skyong srung ma rnams kyi spyan lam du// gtor ma lo zlar 'gyangs pa mthol lo bshags// dus gsum pha ma rnams kyi spyan lam du// drin la lan gyis ma lon mthol lo bshags// mched dang lcam dral rnams kyi spyan lam du// dam tshig brtse gdung chung ba mthol lo bshags// 'gro drug sems can rnams kyi spyan lam du// snying rje phan sems chung ba mthol lo bshags// so sor thar pa rnams kyi sdom pa dang// byang chub sems dpa' rnams kyi bslab pa dang// rig pa 'dzin pa bsngags kyi dam tshig sogs// nyams pa thams cad mthol bshags mi 'chab bo// mi sbed slan chad gcod cing sdom par bgyid// dus gsum byas bsags sdig sgrib mthol bshags na// tshangs par mdzad nas sku gsung thugs la sogs// mchog dang thun mong dngos grub stsal du gsol// zhes gsungs nas 'khor rnams rjes su yi rangs par gyur to// dri med rgyal po bshags pa'i rgyud las/ yongs su gtad pa'i bshags pa dang rjes su yi rang ba ste le'u bcu drug pa'o//// dam tshig thams cad kyi nyams chag skong ba'i lung/ bshags pa thams cad kyi rgyud dri ma med pa'i rgyal po zhes bya ba rdzogs so//// rgya gar gyi mkhan po bi mA la mi tra dang/bod kyi lo tsA ba gnyags dz+nyA na ku ma ras bsgyur cing zhus te gtan la phab pa'o//// dus phyis yi ge rgyun 'phyugs pas ma dag pa rnams sngar gyi dpe khungs thub dag la gtugs shing gong ma'i gsung rgyun dang/gzhung don la dpyad de rang bzos ma bslad pa dge slong mtsho skyes bzhad pas brda tshig gnyis ka dpyis phyin pa zhus dag par bgyis te yid brtan du rung ba'i phyi mor bsngags pa dge bar bkra shis par gyur cig/ slar yang sngar nas khams dang por phyogs yig rgyun so sor gyes pas tshig 'bru 'ga' re chad lhag rnams zhib par bcos te yid brtan du rung bar bgyis pa'o////

CLOSE WINDOW