CLOSE WINDOW

Gpb016.005
བོད་ཡིག

/// rgya gar gyi paN+Di ta bi shwa mi tra dang// lo tsA ba 'jing gsal 'bar gyis bsgyur ba'o//// ! 'phags pa thabs kyi zhags pa pad+mo'i phreng zhes bya ba/dpal rdo rje sems dpa' la phyag 'tshal lo// 'phags pa thabs kyi zhags pa pad+mo phreng gi don bsdus pa/ de nas bcom ldan 'das dpal kun rig rnam par snang mdzad la bcom ldan 'das dpa' rdo rje sems dpas rig pa'i byin brlabs las byung ba'i mchod pa rgya yongs su ma chad pa'i gzhal yas khang dang/bla re dang/ rgyal mtshan dang/ ba dan dang/ gdugs dang/ sgeg mo la sogs pa nang gi mchod pa bzhi dang/bdug spos la sogs pa'i phyi'i mchod pa bzhis mchod de// lan gsum du bskor pa byas nas so so ma yin pa'i rig pa'i 'dud pas phyag 'tshal te spyan sngar 'dug nas 'di skad ces gsol to// bcom ldan 'das kyis dus gsum du gshegs pa'i sangs rgyas bcom ldan 'das kyis mkhyen pa'i sangs rgyas bcom ldan 'das rnams kyi spyod yul nyan thos dang thun mong ma lags pa thabs gang gis rtogs pa tshe 'di nyid la thams cad mkhyen pa'i go 'phang thob pa'i don du bshad du gsol// de skad ces gsol pa dang/ cang mi gsung bar 'dzum pa mdzad de/ 'di skad ces bka' stsal to// sems dpa' chen po nyon cig/ don 'di dang phyi nang gi chos thams cad 'dra ste bden pa gnyis su 'dus so// bden pa gnyis la yang tshul 'di ltar shes par bya'o// bden gnyis rgyu dang 'bras bu'i tshul// de bzhin nyid la gnas bcas na// phyi nang snod bcud rnam par dag/ byed spyod thams cad tshogs gnyis 'gyur// pha rol phyin bcu rdzogs pa ste// sa bcu rim gyis bgrod pa la// mnyam nyid rig pa'i rdo rje yis// sa rnams mnyam pa nyid du sbyor// rdo rje lta bu'i ye shes kyis// chos kun sgyu mar rig pa'i phyir// dngos dang dngos med bag chags bsregs// yang na ye shes me zhes bya// rgyu dang 'bras bu'i rnam smin ni// med min rgyu 'bras mthun pas 'grub// de bzhin mnyam nyid ye shes kyis// rig pas tshogs su 'gyur bas so// lam gyi nang na nye lam bde rdzogs pa// thabs kyi nang na ma nor dam pa ste// bsgrubs na tshe 'dis sangs rgyas che ba yang// blang dor med pa'i sku gsum rdo rjes 'thob// 'phags pa thabs kyi zhags pa pad+mo phreng las bden pa gnyis bstan pa'i le'u ste dang po'o//// sems dpa' chen po dam tshig 'di dag ni bdag dang gzhan la phan pa'i phyir ngas bshad do// gti mug zhe sdang nga rgyal dang// 'dod chags phrag dog chen po ni// bsrung ba med pa'i sdom pa can// de ni dam tshig rdo rje yin// 'phags pa thabs kyi zhags pa pad+mo phreng las dam tshig bstan pa'i le'u ste gnyis pa'o//// sems dpa' chen po dbang 'di dag ni// rang rig pa'i rtsal gyis 'thob bo// thabs dang shes rab dbang chen te// rdo rje dril bu rig pas 'dzin// mya ngan 'das dang 'khor ba yi// chos la 'dod bzhin dbang byed do// 'phags pa thabs kyi zhags pa pad+mo phreng las dbang gi le'u ste gsum pa'o//// sems dpa' chen po mchod pa'i mchog ni 'di ltar rig par bya'o// bdag mchod kun mnyes thams cad 'drangs// kun la phan pa'i sman yin te// rnal 'byor bdag nyid chen po yis// thams cad bza' zhing brgyan par bya// 'phags pa thabs kyi zhags pa pad+mo phreng las mchod pa'i le'u ste bzhi pa'o//// kun tu 'od kyi sa las 'das// pad+ma'i spyan du gyur pa na// rig pa'i byin brlabs chen po las// rang 'byung dkyil 'du 'phro yi tshul// yi ge 'khor lo tshogs chen te// mtshan dang dpe byad kun las grol// rngam zhing gtum pa'i gzugs can dang// mgyogs ma mgyogs ma'i pho nyar ldan// de ni thig le rdo rje yin// 'di zhes gang zag bdag med par// rtogs par bya phyir ngas bshad de// mkhas pas de la 'byor par gyis// 'phags pa thabs kyi zhags pa pad+mo phreng las ting nge 'dzin gyi dkyil 'khor gyi le'u ste lnga pa'o//// de na sems dpa' chen po spyod yul thams cad ni 'di ltar rig pa bya'o// chen po lnga yang de bzhin gshegs// gcig la'ang lnga lngar rig par gyis// khams gsum bdag nyid yin pa ste// sku gsum zhes kyang de la bya// ye shes lnga dang 'gro ba lnga// mnyam pas so so dbyer med de// sngags dang phyag rgya dbang bsgyur na// spyod yul kun du maN+Da la// 'phags pa thabs kyi zhags pa pad+mo phreng las gzugs brnyan gyi dkyil 'khor gyi le'u ste drug pa'o//// sems dpa' chen po zhes rdo rje sems dpa' thos nas bshad do// rgyal ba'i rgyal ba rnams kyi sku// sna tshogs cir yang snang mod kyi// kun tu rin chen lta bu ste// don dang las yin bsgoms pas 'grub// dbu mig rna ba sna lce la// o~M zhes bya ba lnga bzhag ste// gtso bo lnga dang gtso mo lnga// sbyor ba'i tshul du bsgom par bya// lag pa g.yas pa'i sor mo la// hUM zhes bya ba lnga bzhag ste// sems dpa' lnga dang sems ma lnga// sbyor ba'i tshul du bsgom par bya// lag pa g.yon pa'i sor mo la// trA~M zhes bya ba lnga bzhag ste// sems dpa' lnga dang sems ma lnga// sbyor ba'i tshul du bsgom par bya// rkang pa g.yon pa'i sor mo la// hrIHzhes bya ba lnga bzhag ste// sems dpa' lnga dang sems ma lnga// sbyor ba'i tshul du bsgom par bya// rkang pa g.yas pa'i sor mo la// AHzhes bya ba lnga bzhag ste// sems dpa' lnga dang sems ma lnga// sbyor ba'i tshul du bsgom par bya// 'phags pa thabs kyi zhags pa pad+mo phreng las lha'i mtshan nyid dang dkyil 'khor dgod pa'i rim pa bstan pa'i le'u ste bdun pa'o//// sems dpa' chen po nyon cig ces rdo rje sems dpa' la bos nas bshad do// rnal 'byor rig 'dzin mar ldan pas// lnga zhing lnga dang 'byor ba yi// tshom bu lnga yi lha bsgoms na// thams cad bdag nyid chen por 'gyur// rin chen pad+ma'i dkyil 'jam 'di// 'dzum pa'i mdangs kyis 'bul lags kyis// dgyes pa'i rdo rje rab gsor nas// byang chub sems sprin dbab par gsol// rdo rje gsor ba'i dga' mchog 'di// 'dzum zhing 'khyil pa'i gnas su gsor// mi dmigs bde dang 'phro ba ni// rdo rje 'dzin mar ldan las byung// rnal 'byor rig 'dzin mar ldan pas// na bza' dang ni zhal zas rnams// grub pa'i rdzas su dbang bskur nas// gsol na dngos grub mchog tu 'gyur// rnal 'byor rig 'dzin mar ldan pas// glu dang tshig gi sgra rnams yin// gsung gi ngo bor byin brlabs te// bsgrags nas dngos grub mchog tu 'gyur// rnal 'byor rig 'dzin mar ldan pas// bro dang gar gyis bskyod byas te// 'od kyi 'du 'phro byin gyis brlab// dngos grub mchog kyang 'thob par 'gyur// 'phags pa thabs kyi zhags pa pad+mo phreng las dngos grub sgrub pa'i le'u ste brgyad pa'o//// de nas bcom ldan 'das de dag gi sku dang gsung dang thugs rdo rje las 'di phyung ngo// o~M badzra bai ro tsa na o~M/ o~M sa twa badzra hU~M/ o~M rat+na badzra trA~M/ o~M d+harma badzra hrIH/ o~M karma badzra AH/ o~M badzra ak+Sho b+h+yaHhU~M/ o~M badzra satwa hU~M/ o~M badzra rA dza hU~M/ o~M badzra rA ga hU~M/ o~M badzra sA d+hU hU~M/o~M badzra rat+na saM b+ha ba trA~M~M/ o~M badzra rat+na trA~M/ o~M badzra sUr+ya trA~M// o~M badzra d+h+wa dza trA~M/ o~M badzra hA sa tra~M/ o~M badzra a mi tA b+ha hrIH/ o~M badzra tIk+Sh+Na hrIH/ o~Mbadzra tsakra hrIH/ o~M badzra pA sha hrIH/ o~M badzra a mo g+ha sid+d+hi hA/ o~M badzra karma hA/o~M badzra rak+Sha hA/ o~M badzra yak+Sha hA/ o~M badzra muSh+ti hA/ hoH badzra shwa ra d+hA tu o~M/ o~M badzra bud+d+ha lo tsa na hU~M// o~M badzra mA ma kI tra~M/ o~M badzra paN+Da rA ba si nI hA/ o~M badzra sa ma ya tA rA hA/ o~M badzra lA s+yai hU~M/ o~M badzra d+hU pe hU~M/o~M badzra a~M ku sha hU~M/ o~M badzra de shwa re b+h+yaHde hU~M/ o~M badzra mA le trA~M/ o~M badzra puSh+pe trA~M/ o~M badzra pA sha trA~M/ o~M badzra rat+na ra ti trA~M/ o~M badzra gI t+yai hrIH/ o~M badzra A lo ke hrIH/ o~M badzra s+pho Ta hrIH/ o~M badzra nr-i t+ye hA// o~M badzra gan+d+he hA/ o~M badzra g+heN+Da hA/ o~M badzra ra ti hA/ o~M badzra muSh+ti hU~M/ o~M badzra muSh+ti trA~M/ o~M badzra muSh+ti hrIH/ o~M badzra muSh+ti hA/ 'phags pa thabs kyi zhags pa pad+mo phreng las sngags kyi le'u ste dgu pa'o//// sems dpa' chen po nyon cig ces rdo rje sems dpa' la bos nas bshad do// lha dang lha mo'i ngang nyid du// yan lag lnga la 'byor pas na// bskyod pa thams cad phyag rgya yin// de skad dpa' bos bka' stsal to// de la phyag rgya'i mtshan nyid ni// thabs dang shes rab ngang nyid du// lag gi 'du byed bsgoms nas ni// thal mo dam sbyar rtse bsnol gshibs// rdo rje thal mor bka' stsal to// sor mo nang du bsnol nas bkan// gung mdzub mthe bo mthe chung rnams// so sor rtse sprad phyir bkyed de// srin lag gshibs bsgreng dam tshig rgya// rkang sor g.yas kyis g.yon pa mnan// lag mthil g.yas kyis g.yon pa mnan// mthe bo rtse sprad pang du blang// rnam par snang mdzad rgya chen yin// rdo rje khu tshur bcangs pa las// g.yas kyi mdzub mo g.yon gyis bzung// tshogs pas gcig la gcig bzung ba// 'di ni sbyor ba'i rgya mchog go// mthe bo gnyis dang mtheb chung gnyis// so sor rtse sprad zlum po ste// lhag ma 'od 'phro rting phye ba// mi bskyod pa yi phyag rgya yin// rting sprad gung mo rtse sbyar te// mdzub mo tshigs bcag gung la sbyar// srin mtheb rtse sprad mthe chung sba// rin chen 'byung ba'i phyag rgya yin// gung mdzub srin lag rtse sprad de// mthe chung ngos la sbyar bar bya// mthe bo rtse sprad zlum po ste// snang ba mtha' yas phyag rgya yin// thal mo sbyar nas so sor bgrad// bskyod nas 'khor lo ltar byas te// glog gi phreng bas 'khor bar bya// don yod grub pa'i phyag rgya yin// phyag rgya'i rgyal po 'di dag ni// thugs kar bcing zhing nyid du mos// 'du 'phro sgrol zhing mkha' la dgrol// las dang thun mong nyid du bshad// rdo rje dril bu bzung nas ni// thugs kar rang ni dkur brten nas// gcu thabs zur gyis lta ba ni// rdo rje sems dpa'i rgya chen yin// lag pa bsnol nas khu tshur bcang// gung mo gnyis ni brkyang bar bya// mdzub mo lcags kyu ltar byas pa// rdo rje rgyal po rgya chen yin// lag pa khu tshur bcangs pa las// g.yon gyi mtheb mdzub rtse sprad de// g.yas kyi gung mo brkyang nas gdeng// rdo rje 'dod pa'i rgya chen yin// lag pa gnyis kyi sor mo rnams// so so'i gung mo tshigs dang por// ngos bzhi nas ni rtse mo gzugs// rdo rje legs pa'i rgya chen yin// rting sbyar gung mo'i rtse sprad de// mtheb mdzub srin lag tshigs bcag ste// drug char rtse sprad mthe chung sbas// rdo rje rin chen rgya chen yin// mthe bo mthe chung rtse sprad nas// lu gu rgyud du sbrel bar bya// lhag ma 'od ltar byas na ni// rdo rje nyi ma'i rgya chen yin// lag ngar g.yon pa bsgreng nas ni// rdo rje khu tshur bcangs pa las// g.yas pa gru mor gzung bar bya// rdo rje rgya mtshan rgya chen yin// g.yon gyi steng du g.yas bzhag nas// sor mo'i tshigs bcag sprad byas te// kha yis thad kar gzung bar bya// rdo rje bzhad pa'i rgya chen yin// g.yon gyi sor mo'i rtse rnams yin// ma phrad tsam du bsdus pa las// g.yas kyis 'byed pa ltar byas pa// rdo rje chos kyi rgya chen yin// g.yas kyi lag ngar sgreng ba la// mthe bo mthe chung rtse sprad de// lhag ma gsum yang bsgreng bar bya// g.yon pa'i khu tshur dkur brten pa// rdo rje rnon po'i rgya chen yin/ lag pa rgya gram rtse bsnol nas// mthe bo gnyis kyi rtse sprad de// bskor ba lta bur byas pa ni// rdo rje 'khor lo'i rgya chen yin// sor mo nang du bsnol ba las// gung mo rtse sprad mdzub sbyar te// mthe bos gung mo mnan pa ni// rdo rje smra ba'i rgya chen yin// lag pa'i mkhrig ma bsnol ba las// gung mo gnyis kyi tshigs dang por// ngos bzhir sa yi sor mo brten// rdo rje las kyi phyag rgya yin// lag pa gnyis kyi sor mo rnams// phan tshun thags su btags pa las// mthe bo gnyis ni bsgreng bar bya// rdo rje bsrung ba'i phyag rgya yin// rdo rje khu tshur bcangs pa las// mdzub mo gnyis ni bsgreng nas kyang// kha 'gram gnyis su gzung bar bya// rdo rje gnod sbyin rgya chen yin// rdo rje khu tshur bcangs pa las// bsnol te kha ni sbyar nas kyang// thugs kar dam du gzung bar bya// rdo rje khu tshur rgya chen yin// rigs kyi phyag rgya bsgom nas ni// lag gi 'du shes 'di dag gis// 'du 'phro mos pa bskyed nas ni// bcing zhing mkha' la dgrol bar bya// mthe bo mthe chung nang du sprad// gung mo rtse sbyar bzhi yang bsgreng// rdo rje 'dzin ltar rting sprad pa// rdo rje 'dzin pa'i phyag rgya yin// rting sbyar mtheb mdzub rtse sbyar te// mdzub mo'i mig tu mthe chung drang// lhag ma rtse gsum ltar byas pa// rdo rje spyan gyi phyag rgya yin// lag ngar g.yon pa bsgreng nas kyang// sor mo ut+pal ltar byas pa// g.yas kyi sor mo gzung bar bya// rdo rje sgrol ma'i phyag rgya yin// rkang pa gnyis kyi pus mo dang// lag pa gnyis kyi gru mo rnams// sprad nas lag pa gdengs pa ni// kun tu bzang mo'i phyag rgya yin// rdo rje khu tshur dkur brten nas// ldan pa g.yas su byo ba las// chags pa'i mig gis lta ba ni// rdo rje sgeg mo'i phyag rgya yin// g.yon pa skong skong po byas te// g.yas pas gru mo bzung nas kyang// bskor zhing sor mo 'phro ba ni// rdo rje bdug pa'i phyag rgya yin// lag pa gnyis ni rgyab sbyar nas// rdo rje khu tshur bcangs pa las// mthe chung sbrel nas mdzub mo bsgreng// rdo rje lcags kyu ma yi rgya// mthe chung lu gu rgyud du sbrel// sor mo rnams ni so sor bsgreng// thal mo bkan te lta ba ni// rdo rje sgrol ma'i phyag rgya yin// srin lag dang ni mthe bo gnyis// so sor rtse mo sprad pa las// 'phral ba'i thad kar drangs pa yi// rdo rje phreng ba'i phyag rgya yin// 'phags pa thabs kyi zhags pa pad+mo phreng las phyag rgya'i le'u ste bcu pa'o//// de nas dkyil 'khor gyi lha dang lha mo rnams la phyag na rdo rje la sogs pa byang chub sems dpa' brgyad dang 'khor phal mo ches dbyangs mthun par bstod pa// o~M phyogs bcu'i 'jig rten rab 'byam na// rgyal ba gang bzhugs 'khor dang bcas// bla med lha dang lha mo yi// grub pa'i byin brlabs bsam mi khyab// sems dpa' bcu drug rigs kyi gtso// sems ma bcu drug rigs kyi yum// mthu chen khro bo khro mo dang// pho nyar 'jig rten skyong bar ldan// o~M sngon gyi thugs dam chen po ni// 'jig rten ma lus thams cad kun// rgyal ba'i zhing du sbyor bas na// phyag rgya chen por bdag sbyor cig/ o~M dpa' bo chen po mthu ldan rnams// thugs rje chen po'i byin brlabs kyis// bdag gi lhag pa'i bsam pa rnams// grub par byin gyis brlab tu gsol// o~M khams gsum zhing du sbyor la phyag 'tshal lo// dmigs med chos kyi sku la phyag 'tshal lo// longs spyod rdzogs pa'i sku la phyag 'tshal lo// cir yang sprul pa'i sku la phyag 'tshal lo// zhes bstod nas nyid kyi thugs kar zhugs te// rol par khro bo'i ting nge 'dzin la snyoms par zhugs te khro bo'i rtog pa bshad do// de nas bcom ldan 'das dpal rdo rje sems dpa' la lag na rdo rjes 'di skad ces gsol to// bcom ldan 'das da ltar dang ma 'ongs pa'i dus na/ gcer bu pa dang kun du rgyu la sogs pas so so'i rig sngags kyi las kyis ma hA de ba la sogs pa 'jig rten gyi lha dang/gnod sbyin mthu bo che dang/ phra men ma thams cad bskul nas sems can rnams kyi srog gi bar chad bgyid/ 'tshe bar bgyid/ shin tu sdug bsngal bar bgyid/ de la thabs gang gis bzlog par bgyi/sbyor ba gcad par bgyi/ bka' stsal pa/ lag na rdo rje nyon cig/ 'di ni de bzhin gshegs pa thams cad kyi sku dang gsung dang thugs rdo rje'i bdag pos sngon chad bshad de/lag na rdo rje khyod nyid kyis byas pa'i gsang sngags dang/ srid pa zad par byas pa'i gsang sngags thams cad kyang zlog par byed do// gnon par byed do// sbyor ba gcod par byed pa kun du rgyu la sogs pa gzhan lta ci smos// de nas bcom ldan 'das kyis rdo rje mtshon cha'i ting nge 'dzin la snyoms par zhugs nas sku dang gsung dang thugs rdo rje las gsang sngags zlog cing gnon pa dang// sbyor ba gcod pa zhes bya ba 'di gsungs so// o~M badzra dz+wa la badzra hU~M/ man+t+ra su~M b+ha ni/ o~M badzra dz+wa la hU~M/ o~M brU~M hU~M brU~M trA~M brU~M hU~M brU~M hrIH brU~M A brU~M/ 'di gsungs ma thag tu phyogs bcu nas mtshon cha'i char chen po phab ste lag na rdo rje nyid kyang khas sbub tu 'gyel nas khrag skyug par gyur to// lha dang gnod sbyin thams cad kyang brgyal te lus dum bu dum bur chad par gyur to// de nas bcom ldan 'das kyis de dag gi sbyor ba chad par rig nas slar bslang ste/o~M badzra sa twa rA dza dz+nya/ de nas bcom ldan 'das kyis lag na rdo rje la bka' stsal pa/ lag na rdo rje khyod kyis kyang 'di las 'da' bar ma byed cig/ khyod kyi 'khor thams cad kyang 'di las 'da' bar byed na thams cad brlag par 'gyur ro// de bzhin du lag na rdo rje khyod kyis kyang lha dang gnod sbyin thams cad la bsgo shig/ de nas lag na rdo rjes gsol pa/ bcom ldan 'das 'di na srid pa gsum thams cad 'dul bar bgyid pa/mthu bo che thams cad 'dul bar 'gyi ba/ mthu bo che thams cad kyi nga rgyal gcog pa bdag lags te/ ji ltar bcom ldan 'das shAkya thub pas mthu stobs dang ldan pa'i slad du bdag gi ming yang lag na rdo rje zhes btags na 'dir rdo rje sems dpa' bcom ldan 'das kyi byin gyis brlabs kyis sngags 'di smras pas bdag kyang khrag tu skyug cing 'gyel bar gyur na gzhan lta ci smos/'di ni 'da' bar dka'o// de bzhin du lha dang gnod sbyin rnams la yang bsgo'o// de nas bcom ldan 'das kyis ma 'ongs pa'i dus na gsang sngags 'di sgrub pa'i cho ga bshad de ma~M las nyi ma'i dkyil 'khor du// dpal chen khrag 'thung spyan drang ngo// sku ni dud ka chen po la// dbu skra kham nag ral pa can// dbu gsum pa la phyag drug ste// dmar dang dud ka gnag pa yin// g.yas kyi gsum na thogs pa ni// sti ra'i dbyug pa chen po dang// dung chen dmar gyis bkang pa la// rdo rjes dkrug cig 'thung bar brtag/ g.yon gyi gsum na thogs pa ni// sti ra'i rgyu ma'i zhags pa dang// khyung gi khrag chen thogs pa dang// sti ra phra mo'i gsus pa nas// glo snying nang grol 'dren cing za// gtsug tu rnam par snang mdzad nyid// o~M phrag g.yas la a k+Sha b+h+yaHhU~M// g.yon rat+na sam+b+ha ba trA~M// rkang g.yas a mo g+ha sid+d+hi AH// g.yon na a mi tA b+ha ste// hrIH b+hU~M las rdo rje 'khor lo la// rdo rje rnams ni rig sngags brtag/ kau ri dang ni tsau ri dang// phra mo ha dang bait+ta li// gzhan yang byA g+h+r-i mu khA dang// sid+ha la sogs mgyogs ma rnams// sti ra la ni 'bri tshugs su// blta zhing rtod pa'i tshul bzhin gnas// ha ha de nas skad cig la// rig sngags nyid dang sbod gtong bcas// dgug pa'i pho nyar brtag par bya// ras sam gro ga'am rtsa rnams la// khro bo'i gzugs su bris pa'am// yang na skud pa nag pos bcing// ha ha gad mo chen po dang// rdo rje skul ba'i glu blangs te// pho nya rnams la mngag par bya// de nas rig sngags bzung nas kyang// rtsa yi gzugs la gnas pa dang// 'khor lo la sogs mtshon cha yis// de dag phye mar brlag par bya// badzra tsakra hU~M/ phye mar de dag gtubs nas ni// thod pa gzhu dang bcas pa yis// hom khung gru gsum sgo can du// ra~M zhes bya ba'i me spar te// drang srong 'khor bcas g.yab mos bod// de nas rig sngags bsreg par bya// de ltar lha dang bdag sbyar na// rnam lnga'i chas dang ldan par bya// ma mo chen mo sha la spyon// 'byung po'i sha ni zan bas zhim// 'byung po'i khrag ni chang bas zhim// ma mo chen mo khrag la spyon// glu dang gar dang gad rgyangs kyis// so sor mchod de bsgrub par bya// zin pa'i sems can gang yang rung// de dag skud pa nag pos bcing// de yang dum bur bcad par bya'o// de nas mi de snga ma bzhin// tshe gnas bya phyir 'bru lnga yis// gnas lnga dag tu rnam bkod do// zin pa'i sems can bsrung bar bya// tsha zhing rtsub pa'i shing dang ni// sha dang chang dang yo byad rnams// gnag cing tsha bar rnam sbyar te// lha chen rnams la mchod par bya// de nas las rnams grub pa dang// ha ha la sogs gad mo dang// glu dang rdo rje dbyug pa yis// lha rnams bdag la thim par bya// 'di ni bdag nyid bsrung ba dang// las rnams thams cad grub par byed// shar phyogs na phra men ma kau ri kha dog sngon mo phyag gnyis pa ste// g.yon b+han d+ha tsan+dan dmar gyis bkang ba thogs pa// g.yas na zhing chung ngu'i dbyug pa thogs pa// o~M badzra gau rI dzaHdzaHhU~M zhes stong rtsa brgyad bzlas te bcol na sangs rgyas kyang dgug nus na gzhan lta ci smos// che ge mo zhig khug cig ces bcol nas gtor ma dang tsan+dan dmar chen ar+g+ha la o~M ru lu ru lu hU~M b+h+yo zhes brjod cing ar+g+ha lan gsum du bsgreng ngo// lho phyogs na tsau ri kha dog ser mo phyag na mda' gzhu 'gengs pa/o~M badzra tsau rI hU~M dzaHzhes stong rtsa brgyad bcol na phyag na rdo rje'i mthu yang rdul tsam yang med par rku nus na gzhan lta ci smos/ nub phyogs na pra mo ha dmar mo phyag na chu srin gyi rgyal mtshan thogs pa// o~M badzra pra mo ha hU~M dzaHzhes stong rtsa brgyad bzlas te bcol na phyag na rdo rje yang rang gi mthu bzhag nas dbang du 'ong na gzhan lta ci smos// byang phyogs na bait+ta li kha dog nag mo phyag g.yon zhing chung ngu 'dzin cing za ba/g.yas na rdo rje 'phyar ba/ o~M badzra bait+ta li hU~M dzaHzhes stong rtsa brgyad bzlas te bcol na 'jig rten dang 'jig rten las 'das pa'i dngos grub thams cad kyang 'grub na 'jig rten gyi bsgrub pa phran tshegs lta ci smos/shar lho'i mtshams na puk+ka si kha dog dmar ser phyag gnyis zhing chung ngu'i ba su ta 'dren cing za ba/ o~M badzra puk+ka si hU~M dzaH zhes stong rtsa brgyad bzlas te bcol na phyag na rdo rje yang 'ching zhing 'dren par nus na gzhan bcing zhing za ba lta ci smos/lho nub kyi mtshams na g+hasma ri kha dog ljang gu phyag g.yon na b+han d+ha tsan+dan dmar pos bkang ba rdo rjes dkrug cing gsol ba/ o~M badzra g+hasma ri hU~M dzaH zhes stong rtsa brgyad bzlas te bcol na phyag na rdo rje yang myos par nus na gzhan lta smos kyang ci dgos/nub byang gi mtshams na badzra karma kha dog ljang gu zhing chung ngu lag pa gnyis kyis bzung ste snying ga nas za ba// o~M badzra karma hU~M dzaHzhes stong rtsa brgyad bzlas te bcol na las gang bya ba thams cad 'grub bo// byang shar gyi mtshams na tsan+Da li kha dog ser skya phyag g.yas na zhing chung ngu'i b+han+d+ha 'dzin pa/ g.yon gyis zhing dbyug 'dzin pa/o~M badzra tsaN+Da li hU~M dzaHzhes stong rtsa brgyad bzlas te bcol na za ma dang ma ning yang rgyud 'phel bar byed na dbang po tshang zhing nyams pa med pa la rgyud 'phel zhing tshe dang dbang thang 'phel bar bya ba lta ci smos te/phra men ma 'di rnams phrin las skul ba'i tshe ar+g+ha dang gtor ma dbul ba ni gong du smos pa bzhin du bgyi'o// khros na thams cad phyag na tri shU la 'bar ba/ g.yon rnge'u chung bsnams pa/ gdan me smug nag/ sku'i kha dog nag mo la khrag dang zhag dang thal ba'i thig les tshom bur byas shing ba su tas rked pa bcings pa/ gser gyi pags pa go zur bgos pa srod ta a dza nas lus brgyan te gcer bu'i tshogs smug gnag 'bar ba/g.yon rnge'u chung bsnams pa/ g.yas me smug kun ka kha dog nag mo la 'jig rten gyi khams bsregs shing/ zad par byas nas slar dpal chen po'i sku la thim par bya'o// de ni phyi rim bshad par bya'o// shar phyogs su sid+ha mu kha kha dog ser mo zhing chung kha na thogs pa/ lag pa g.yas g.yon bsnol ba/ seng ge'i mgo can/ lho phyogs na byA g+h+ri mu kha kha dog dmar mo lag pa gnyis bsnol te mdun na zhing gnas pa la lta ba/stag gi mgo can/ nub phyogs su srin gla mu kha kha dog nag mo lag pa gnyis zhing chung ngu 'dzin cing lces ldag pa wa mgo can/ byang phyogs na shwa na mu kha kha dog mthing ga zhing lag pa gnyis kyis khong dral te lta ba khyi mgo can/shar lho'i mtshams su kr-i D+ha mu kha kha dog dmar gnag zhing chung ngu'i ba su ta kha na thogs pa/ lag pa g.yas b+han d+ha g.yon gri thogs pa bya rgod kyi mgo can/lho nub mtshams na kang+ka mu kha kha dog dkar dmar phrag pa g.yon pa la zhing khel zhing rkang pa nas bzung ba/ g.yas pa mgo 'dzin pa/ bya kang+ka'i mgo can mchu ring thor to gug ze ba dmar mo// nub byang mtshams na kA ka mu kha kha dog nag mo// bya rog gi mgo can mchus zhing thogs pa/ lag pa g.yon pas pad+ma b+han d+ha 'dzin pa/ byang shar mtshams su U lU ka mu kha kha dog sna tshogs lag pa g.yon pa dung chen khrag gis bkang ba la 'thung ba la g.yas pa rdo rje lcags kyu 'dzin pa/'ug pa'i mgo can/ nang rim 'ug pa'i 'khor gyis bskor/ de'i phyi rim bya rog gi 'khor gyis bskor/ de'i phyi rim bya kang ka mchu rings kyi 'khor gyis bskor/de'i phyi rim bya rgod kyi 'khor gyis bskor/ de dag thams cad kyang zhing mang po gsar rnying spungs pa'i steng na zhing la rtod pa'i phyir 'thab pa'i tshul ston pa sha stag go/ de dag gi snying po 'di rnams so// hU~M ha he phaT hU~M/ 'di kun 'bru re re yang lan bzhi bzhi brjod do// hU~M gis gtso bo bskyed/ has nang gi lha mo bskyed/ hes phyi'i lha mo bskyed/ phaT kyis thams cad khros par bskul/ hU~M gis thams cad kyi ye shes kyi 'od zer 'bar bas phyogs bcur khyab par bgyi'o// lha mo blo ldan tshogs kyi bdag/ he ru dpal la phyag 'tshal lo// slob dpon la ni brnyas byed dang// rnal 'byor bar du gcod pa dang// dam tshig gnyen po dral ba dang// rdo rje spun la 'khu byed rnams// khyed kyis rdul du brlags nas ni// gnod sems ma lus gtan nas phyung// dpal chen po sta na dang ga na'i gnas su tshogs chen po la gshegs pa'i tshe sku gsung thugs kyi khro bo'i gzi byin gyis gdug pa thams cad gtan nas 'byin cing longs spyod chen po 'gying zhing 'gying ba'i glu blungs te thams cad dgyes par mdzad pa'i dbyangs 'dis dgyes par mdzad do// rdo rje pad+mo'i phyag rgya dpral bar bcings te/ phyar nas mchong zhing 'khor thams cad gcer bur byung nas skra shig cing brgyugs te/ sngags 'di gsungs so// o~M e A ra li hoHhri~M hri~M hri~Mhri~M/de nas tshogs su gshegs nas 'khor thams cad la spyan bgrad pas gzigs shing 'dzum pa'i brda ha ha sa~M sa~M sgra phyung ste/ 'khor thams cad kyis mgrin gcig tu dbyangs 'dis gtso bo la bstod do// e ma'o chos kyi don byung ba// chos don dag pa bdag med pa// nam mkha' dang ni mnyam pa'i gnas// rdo rje rgyal la phyag 'tshal lo// zhes bstod pas gtso bo mnyes nas 'khor thams cad la gzigs shing dam stsal ba'i dbyangs 'di gsungs so// kha ga l+ya sha ta ba ka/ a la la hoH/ ma hA pany+tsa a mr-i ta/ kha ra~M yo gi ni/ kha ra~M TA ki ni/ a la la hoH/ b+ha ga bAn kha kha kha/ lha mo rnams rnga rdung/ dbyangs len/ rgyud gsum gyi tshig/te g+he~M te g+he~M/ te g+he~M/ te g+he~M/ ta g+he~M ta g+he~M/ g+he~M g+he~M g+he~M/ 'phags pa thabs kyi zhags pa pad+mo phreng las rig sngags gcod pa'i le'u ste bcu gcig pa'o//// sems dpa' chen po nyon cig/ bskal pa'i me ltar 'bar ba yi// 'od zer 'du 'phro'i klong dkyil na// khro bo chen po rnams bzhugs pa// brkyang bskum tshul gyis gnas pa ste// dbus kyi khrag 'thung chen po ni// dbu dgu phyag kyang bcwa brgyad de// gshog pa rdo rje gtams pa gdengs// zhabs kyang brgyad du rnam par bstan// de yi dkyil 'khor khro bo ni// dbu gsum phyag drug gshog pa can// zhabs drug rdo rje'i brag steng na// 'jig rten skyong bas 'dud tshul lo// de yi pho nya bka' nyan ni// rdo rje phra men gtum phag can// 'jigs pa'i gzugs can mang po ste// de dag cir yang 'grub par byed// 'phags pa thabs kyi zhags pa pad+mo phreng las khro bo'i dkyil 'khor thams cad kyi le'u ste bcu gnyis pa'o//// rdo rje srin mo chen mo ni// 'jigs byed chen mor snang ba ste// phyag kyang srin mo chen po ltar// mthun te zhabs kyang de dang 'dra// de lta bu yi dkyil 'khor du// rin chen me tog bor nas ni// lcags la bab pa'i lha de ni// gnyer na 'grub par the tshom med// dge dang mi dge'i chos rnams la// lhag par bsten par mi bya ste// mnyam nyid rig pa'i klung zhugs nas// ci la thogs pa med par spyod// rdo rje dbyug pa blangs nas su// g.yab mo lnga yang g.yab par bya// de nas dkyil 'khor bzhugs par brtag/ mchod pa chen po dbul bar bya// se gol gtogs pa tsam gyis kyang// mgyogs mas phyogs bcu gar yang phyin// de la zhon nas 'gro byed pa// bya rog mgo can la sogs kun// sbed phyed ma yis sbas pa ni// mthu chen lha srid gang gis kyang// de la mthong bar mi nus na// gzhan gyi mthong bar ga la nus// skul byed las ni gzhan 'debs yin// mgyogs ma'i las ni phyin par 'gro// gsod ma'i las ni grub pa yin// so sor ma bsgrubs nyid 'gro ma// 'phags pa thabs kyi zhags pa pad+mo phreng las rdo rje srin mo'i le'u ste bcu gsum pa'o//// o~M badzra krod+ha sa ma ya hU~M/ o~M badzra kro d+ha sa ma ya phaT/ o~M badzra kro d+ha sa ma ya s+t+wa~M/ e h+ye hi b+ha ga bAn dzaHhU~M ba~M hoH/ru lu ru lu ru lu hU~M/ o~M badzra kro d+ha shrI he ru ka hU~M/ a a a hU~M phaT/ o~M badzra kro d+ha hU~M kA ra hU~M/ gardza gardza gardza hU~M phaT/ o~M badzra kro d+ha bi dza ya hU~M/ ha na ha na ha na hU~M phaT/ o~M badzra krod+ha nI la daN+Da hU~M/ da ha da ha da ha hU~M phaT/o~M badzra krod+ha ya mAn+ta ka hU~M/ pa tsa pa tsa pa tsa hU~M phaT/ o~M badzra kro d+ha Ar+ya tsa la hU~M/ ban+d+ha ban+d+ha ban+d+ha hU~M phaT/ o~M badzra kro d+ha ha ya grI ba hU~M/ hu lu hu lu hu lu hU~M phaT/ o~M badzra kro d+ha a pa rA dzi ta hU~M/ tiSh+Tha tiSh+Tha tiSh+Tha hU~M phaT/ o~M badzra kro d+ha a mr-i ta kun+Da li hU~M/ ts+tshin+da ts+tshin+da ts+tshin+da hU~M phaT/ o~M badzra kro d+ha trai lokya bi dza ya hU~M/ b+hin+da b+hin+da b+hin+da hU~M phaT/ o~M badzra kro d+ha ma hA ba la hU~M/ s+pho Ta s+pho Ta s+pho Ta hU~M phaT// 'phags pa thabs kyi zhags pa pad+mo phreng las khro bo bcu'i rtsa ba'i sngags dang las kyi sngags ril 'dus pa'i le'u ste bcu bzhi pa'o//// o~M badzra kro d+he hU~M/ ha la ha la ha la ha la ha la hU~M/ o~M badzra kro d+ha hU~M/ ru lu ru lu ru lu ru lu ru lu hU~M/ma ma ma ma ma hU~M/ b+h+yo b+h+yo b+h+yo b+h+yo b+h+yo hU~M/ dzaHdzaHdzaHhU~M hU~M hU~M/ 'phags pa thabs kyi zhags pa pad+mo phreng las rdo rje srin mo'i sngags kyi le'u ste bco lnga pa'o//// mnyam pa nyid du rtogs byas nas// bskul zhing gsigs pa thams cad kyang// phyag rgya yin zhes rgyal pos bshad// mdo tsam du ni 'di ltar brtag/ lag pa thal sbyar gyen du bsgreng// rkang pa mthil sbyar thur du gzugs// tshigs chen bzhi yang gcag par bya// mgo dang mtshan yang snying por brtag/ rdo rje rtse gcig rtse dgu dang// bcu gcig tu yang rnam brtags te// 'di ni khrag 'thung chen po yi// phyag rgya yin par dpa' bos bshad// lag pa thal sbyar gyen du bsgreng// rkang pa phral nas brkyang bskum zhing// gom pa'i stabs kyis gar byed pa// 'di ni hU~M gi rgya chen yin// rkang pa phral mthil thur du gzugs// lag pa phral nas gar byed cing// stabs su mchod par byed pa ni// 'di ni stobs chen phyag rgya yin// rkang pa g.yon gyis g.yas la 'khyud// lag pa gar thabs bskor nas kyang// thal mo drag tu brdabs pa ni// rnam par rgyal ba'i phyag rgya yin// lag pa g.yas g.yon mthe bo yis// mthe'u chung sen mo'i mthil du gnon// gdongs pa'i thabs su bsgreng ba ni// dbyug sngon can gyi phyag rgya yin// lag pa g.yas pa'i khu tshur gyis// rdeg pa'i thabs su gdengs pa dang// g.yon pa dku la brten pa ni// gshin rje 'joms pa'i phyag rgya yin// lag pa g.yas pa'i thal mo yis// gdab pa'i thabs su gdengs pa dang// g.yon gyis 'dzin pa ltar byas pa// mi g.yo mgon gyi phyag rgya yin// lag pa thal mo sbyar nas ni// gung mo rgyab tu bsnol bar bya// mthe bo gnyis kyang phral te bsgreng// spyi bor bzhag pa gre ba'i rgya// rkang pa g.yas pa thur du gzugs// lag pa g.yas pa gyen du bsgreng// g.yon pa'i rkang pa lag phyar ba'i// gzhan gyis mi thub phyag rgya yin// lag pa g.yas g.yon dkur brten te// rkang pa gshibs te mchongs pa ni// bdud rtsi 'khyil pa'i phyag rgya zhes// dpa' bo chen pos yang du bshad// lag pa g.yas g.yon bsnol ba dang// rkang pa brkyang bskum byas pa ni// khams gsum rgyal ba'i phyag rgya zhes// mgon po dpa' bos yang du bshad// lag pa g.yas g.yon sprugs pa dang// lus kyang drag tu gsigs pa ni// rdo rje phra men ma rnams kyi// phyag rgya yin par 'dren pas bshad// phyag rgya 'di dag bcings nas ni// stabs chen drag tu mchongs byas na// khams gsum dag las mchongs par 'gyur// gzhan yang go 'phang thams cad kun// grub par gyur te the tshom med// rig pa'i skyes bu chen pos bshad// 'phags pa thabs kyi zhags pa pad+mo phreng las phyag rgya'i le'u ste bcu drug pa'o//// 'khor lo chen po'i rtsibs brgyad pa'i// dkyil du khrag 'thung spyan drangs te// mdun du hU~M yang spyan drang ngo// rgyab tu stobs chen spyan drangs nas// 'khor lo rtsibs kyi steng dag tu// bcu po rnams kyang go rims bzhin// so so'i gnas su spyan drangs te// dmar gyi ar+g+ha gsol nas ni// mchod yon gzhan yang dbul bar bya// rdo rje dbyangs kyis bstod byas te// de nas las rnams bsgrub par bya// zhe sdang rdo rje 'khor bcas pas// 'jig rten khams ni rab 'byam kun// khros pas yud tsam rlag mdzad de// brlag par ma gyur gang yang med// 'phags pa thabs kyi zhags pa pad+mo phreng las las kyi le'u ste bcu bdun pa'o//// rdo rje phra men sbyor ba yis// yud tsam gyis ni de bkug nas// rtod pa'i tshul du rab bstabs na// lha yang rung ste brlag par 'gyur// 'ug pa'i mgo can la sogs pa'i// phra men ma rnams sbad byas te// mig dang rna ba sna dang lce// de yi sems 'phrogs bsgom nyams 'gyur// phra men rnams ni sbad byas te// de yi sgrub pa'i bar gcod cing// gsang ste 'khrug par bsgom byas na// sgrub pa nyams shing 'bye bar 'gyur// 'phags pa thabs kyi zhags pa pad+mo phreng las drag po'i las kyi le'u ste bcwa brgyad pa'o//// hom khung zur gsum gdengs pa la// rdo rje mda' gzhu ldan byas te// thod pa dag gis rnam par brgyan// spyan drangs bsregs na lha yang 'chi// phra men mngags te bkug nas ni// thab kun bsregs na mod la 'chi// bsur dang bsres pa'i sha rnams kyis// lha rnams thams cad mchod par bya// rdo rje glu ni blangs nas su// 'byung po'i sha ni shin tu zhim// 'byung po'i khrag ni shin tu zhim// 'byung po'i rus pa zhim pa ste// gsol te thams cad dgyes par mdzod// 'phags pa thabs kyi zhags pa pad+mo phreng las drag po hom gyi le'u ste bcu dgu pa'o//// lcags sam nag po'i shing rnams la// mgo bo rgya bdud rtse zur gsum// khro bo khro mo rnams bsgoms te// btab na lha yang brlag par 'gyur// 'phags pa thabs kyi zhags pa pad+mo phreng las drag po'i phur ba'i le'u ste nyi shu pa'o//// lcags phye dug dang rdo phye dang// khrag las sbrus te bsres pa dang// mud ga'i tshan dang sbyor ba dag/ sbyor bas gtor na de brlag 'gyur// 'phags pa thabs kyi zhags pa pad+mo phreng las drag po'i gtor ma'i le'u ste nyi shu gcig pa'o//// khro mo'i dkyil 'khor gtun khung du// khro bo'i tho bas brdungs pa yi// rdo rje gtun phrugs bsgom byas na// lha yang rung ste brdungs par 'gyur// 'phags pa thabs kyi zhags pa pad+mo phreng las drag po'i sbyor ba'i le'u ste nyi shu gnyis pa'o//// drag po'i las kyis bsgrubs pa'i rnams// 'khor ba'i lam lnga sgo bcad nas// rnam shes hU~M gis bsdus gtums te// 'og min bla med gnas mchog na// gtso bo lnga dang gtso mo lnga// sems dpa' dang ni sems ma dang// khro bo dang ni khro mo rnams// sbyor ba'i lhums su phaT kyis 'phang// 'phags pa thabs kyi zhags pa pad+mo phreng las gnas bstabs pa'i le'u ste nyi shu gsum pa'o//// zla gam dkyil 'khor rtsibs brgyad pa// khro bo khro mo spyan drangs te// mchod pa glu la sogs pas mchod// de nas las rnams brtsam par bya// chags pa'i rdo rje 'khor bcas pa// 'jig rten khams ni rab 'byam kun// chags pas yud la dbang mdzad de// dbang du ma gyur gang yang med// rdo rje phra men mngags nas su// bkug nas khro bo chen po yis// chags pa'i tshul gyis de lus las// dpa' dang gzi brjid bsdus nas 'grub// phra men rnams ni mngags nas su// de yi mig rna sna dang lce// lus ngag sems bsgyur rnams bsgoms na// kun la mdzes shing dga' bar 'gyur// 'phags pa thabs kyi zhags pa pad+mo phreng las dbang gi las bstan pa'i le'u ste nyi shu bzhi pa'o//// hom khung zla gam gdengs pa la// rdo rje zhags pas brgyan par bya// de nas lha rnams spyan drangs te// mi phan rnam rtog bsregs na 'grub// 'phags pa thabs kyi zhags pa pad+mo phreng las dbang gi hom gyi le'u ste nyi shu lnga pa'o//// zangs sam kha dog dmar po'i shing// mgo bo rgya mdud rtse zla gam// mgo la khro bo'i 'khor bsgoms te// btab na nges par de dbang 'gyur// 'phags pa thabs kyi zhags pa pad+mo phreng las dbang gi phur pa'i las bshad pa'i le'u ste nyi shu drug pa'o//// zangs phye dang ni bu ram dang// dmar po'i 'bras can la sogs pa// sbyar bas gtor ma gtang bar bya// mthong bas nges par de dbang 'gyur// 'phags pa thabs kyi zhags pa pad+mo phreng las dbang gi gtor ma'i le'u nyi shu bdun pa'o//// khro mo rnams kyi dkyil 'khor du// khro bo'i dkyil 'khor bsgoms byas na// lha yang rung ste dbang du 'gyur// de ni bde ba chen po yin// 'phags pa thabs kyi zhags pa pad+mo phreng las dbang gi sbyor ba'i le'u ste nyi shu brgyad pa'o// gru bzhi dkyil 'khor rtsibs brgyad par// lha rnams 'khor bcas spyan drangs te// mchod pa glu la sogs pas mchod// de nas las rnams brtsam par bya// nga rgyal rdo rje 'khor bcas pas// 'jig rten khams ni rab 'byam kun// dpal dang gzi brjid chen po rnams// yud tsam gyis ni rgyas par mdzod// khro bo khro mo 'khor bcas dang// rdo rje phra men 'khor bcas pas// dpal dang gzi brjid 'phel bsgoms na// bdag nyid chen por de 'gyur ro// 'phags pa thabs kyi zhags pa pad+mo phreng las rgyas pa'i las kyi le'u ste nyi shu dgu pa'o//// hom khrung gru bzhi gdengs pa la// rdo rje 'khor los brgyan par bya// de nas lha rnams spyan drangs te// bsregs pas mchod cing dpal 'phel bsgom// 'phags pa thabs kyi zhags pa pad+mo phreng las rgyas pa'i hom gyi le'u ste sum cu pa'o//// gser ram ser po'i shing rnams la// mgo bo rgya mdud rtse zur bzhi// lha rnams bsgoms te gdab par bya// 'di ni rgyas pa'i las la shis// 'phags pa thabs kyi zhags pa pad+mo phreng las rgyas pa'i phur pa'i le'u ste sum cu gcig pa'o//// gser phye 'bras chan ser po rnams// 'o ma sbrang rtsi gtor ma ni// rgyas par 'gyur ba'i gtor ma ste// mkhas pas rgyas par bsgom zhing sbyin// 'phags pa thabs kyi zhags pa pad+mo phreng las rgyas pa'i gtor ma'i le'u ste sum cu gnyis pa'o//// lha mo rnams kyi dkyil 'khor du// lha yi dkyil 'khor rdzogs par bsgom// byang chub sems ni 'phro bsgoms na// 'di ni rgyas pa'i las 'grub bo// 'phags pa thabs kyi zhags pa pad+mo phreng las rgyas pa'i sbyor ba'i le'u ste sum cu gsum pa'o//// zlum po'i dkyil 'khor rtsibs brgyad par// lha rnams 'khor bcas spyan drangs te// dkar po'i yon gyis mchod par bya// de nas las rnams brtsam par bya// gti mug rdo rje 'khor bcas pas// 'jig rten khams ni rab 'byam kun// yud tsam nyid la zhi mdzad de// zhi bar grub la phyag 'tshal lo// lha rnams 'khor bcas thams cad kyis// 'khrug pa thams cad zhi mdzad par// bsgoms na thams cad yud tsam gyis// zhi bar 'gyur te the tshom med// 'phags pa thabs kyi zhags pa pad+mo phreng las zhi ba'i las kyi le'u ste sum cu bzhi pa'o//// hom khung zlum po gdengs pa la// rdo rje pad+mos brgyan par bya// phur pa dkar po drug btab ste// spyan drangs rdul phye sogs pas mchod// 'phags pa thabs kyi zhags pa pad+mo phreng las zhi ba'i hom gyi le'u ste sum cu lnga pa'o//// phur pa kha dog dkar po la// mgo bo rgya mdud rtse zlum por// lha rnams bsgoms la gdab par bya// 'di ni zhi ba'i las la shis// 'phags pa thabs kyi zhags pa pad+mo phreng las zhi ba'i phur pa'i le'u ste sum cu drug pa'o//// dngul dang 'bras chan dkar po rnams// 'o mar sbyar ba'i gtor ma ni// zhi bar 'gyur ba'i gtor ma ste// mkhas pas zhi bar bsgoms shing gtor// 'phags pa thabs kyi zhags pa pad+mo phreng las zhi ba'i gtor ma'i le'u ste sum cu bdun pa'o//// lha mo rnams kyi dkyil 'khor du// lha yi grub pa bsgom par bya// byin gyis thams cad zhi bsgoms na// lha rnams kun kyang zhi bar 'gyur// 'phags pa thabs kyi zhags pa pad+mo phreng las zhi ba'i spyod pa las kyi le'u ste sum cu brgyad pa'o//// mtshan nyid med pa'i phyag rgya dang// de las dngos byung phyag rgya rnams// nges pa med par dpa' bos bshad// mkhas pas ci dgar bsgyur na 'grub// 'phags pa thabs kyi zhags pa pad+mo phreng las las bsdus pa'i le'u ste sum cu dgu pa'o//// drag pos thams cad 'dul bar 'gyur// dbang gis 'byor ba mchog kyang 'grub// rgyas pas gzi brjid rnam par 'phel// zhi bas bde ba'i mchog kyang 'grub// 'phags pa thabs kyi zhags pa pad+mo phreng las las sgrub pa'i phan yon gyi le'u ste bzhi bcu pa'o//// dkyil 'khor 'di'i mtshan ni dbang chen bsdus pa'i dkyil 'khor te/ de la dkyil 'khor gyi gzhi zlum por bya ba ni chos kyi dbyings spros pa med pa'i don no// 'khor lo rtsibs zur can du bya ba gzhi zlum po'i nang na gnas pa ni chos kyi dbyings spros pa med bzhin du byin gyis brlabs kyi lha dang/ lha mo dang/ khro bo dang/ khro mo dang/pho nya la sogs pa dang nyid kyis 'phro ba'i don no// rnam pa gcig tu chos kyi dbyings rnam par rtog pa med bzhin du thams cad mkhyen pa'i ye shes ci yang mkhyen pa lhun gyis grub pa'i don no// mtha' gru bzhi bya ba ni/phyogs bcu'i snod dang bcud kyi 'jig rten thams cad la dbang bsgyur bas bde ba chen po rgyas pa'i don/ dkyil nas lha mo lnga phyir lta ba/ lha mo ni dbyings nyid nye ba'i byin brlabs te/ sems dpas dbyings nyid dang nye ba mthong ba'i don no// sems dpa' lnga nang du lta ba ni dbyings nyid nye ba la lta ba'i don no// sems dpa' gzhan phyir lta ba ni/ dbyings nyid thams cad du sa rdo lta bu bems po ma yin gyi mkhyen pa'i ye shes dang ldan zhing sems dpa' nyid dbyings las mi gzhan pa'i tha tshig go/sems ma gzhan nang du lta ba ni mkhyen pa'i ye shes dngos po la sogs pa thams cad du rnam par rtog pa ma yin gyi dbyings nyid dang ldan zhing dbyings nyid kyang mkhyen pa'i ye shes las mi gzhan pa'i tha tshig go/rnam gcig tu sems dpa' phyir lta ba ni snod dang bcud kyi 'jig rten thams cad dbang bsgyur ba'i don/sems ma nang du lta ba ni snod dang bcud kyi 'jig rten thams cad dbang du 'dus pa'i don/ sems dpa' dang sems ma phyi nang du gcig la gcig gzigs pa ni mnyes par byed pa'i tha tshig go/ khro bo dang khro mo ril phyir lta ba ni phy-i'i dngos po dang rgol ba la sogs pa 'joms shing 'dul ba'i don/de la dbyings ni dper na nyi ma'i dkyil 'khor lta bu'o// mkhyen pa'i ye shes ni nyi ma'i 'od snang zhing gsal ba lta bu'o// de'i byin brlabs ni dro zhing 'jam pa lta bu'o// phyi'i dngos po la sogs pa 'joms shing 'dul ba ni rtsi shing bskams pa dang tshig pa lta bu ste// lha mo dang sems ma ni chos kyi dbyings rig pa'i don sems la snang ba'o// lha dang sems dpa' ni dbyings la snang ba'i don mthong ba'o// dbyings nyid la snang ba dang mthong ba'i byin brlabs kyi ngang gis dngos po dang rgol ba'i rang bzhin lhun gyis 'joms shing dbyings su sbyor bar 'dul ba ni// khro bo dang khro mo las rnam bzhi rang bzhin du mdzad cing thugs rjes 'jig rten skyong ba'i don no// 'jig rten skyong ba la sogs pa ni byin gyis brlabs las pho nya ltar gnas pa yin// rnam gcig tu 'jig rten gyi lha mthu bo che 'khor du 'dus par bstan pa'i don no// bkra shis brgyad ni thams cad la dbang bsgyur zhing 'khor ba la spyod kyang nyon mongs pa'i 'ching bar mi 'gyur ba dang/mya ngan las 'das pa la spyod kyang nyan thos kyi zhi ba phyogs gcig par mi 'gyur te/ gang gis kyang zil gyis mi non pa'i phyir bkra shis so// de la dpa' be'u ni mkhyen pa'i ye shes dang ldan pa'i bkra shis so// 'khor lo ni thams cad la dbang bsgyur ba dang/ chos kyi 'khor lo bskor ba'i bkra shis so// rin po che ni zad mi shes pa dang ldan pa'i bkra shis so// pad+mo ni 'khor bas ma zin pa'i bkra shis so// gdugs ni nyon mongs pas ma gdungs pa'i bkra shis so// bum pa ni bdud rtsi mchog dang ldan pa'i bkra shis so// dung ni sgo thams cad spa dgong bar sgra sgrogs pa'i bkra shis so// nya ni lam rgyud lnga'i sems can gyi don mdzad kyang nyam nga ba med pa'o// klong bzhi ni rigs lnga'i byin brlabs yin pa'am/ lam rgyud lnga'i sems can la de bzhin gshegs pa'i rang bzhin yod par bstan pa'am thugs rjes de dag gi don mdzad pa'i tha tshig go/rnam gcig tu thams cad dbang du 'dus pa'i don/ de la gtso mo 'khor lnga lnga dang bcas pa ni ci yang mi mdzad do// sems dpa' sems ma nyi shu ni kun la bu gcig bzhin no// de ltar byas pa'i shugs kyi khro bo dang khro mo 'khor dang bcas pa ni phyi nang thams cad kyi dngos po la rngon pas ri dwags mthong ba bzhin no// de ltar zhe sdang gi shugs kyis thams cad dbyings nyid la sbyar ro// 'byor na 'khor ba'i chos la spyod kyang longs spyod chen po ste/ nyon mongs pa'i 'ching bar mi 'gyur bas de ltar sgrub pa ni 'dod chags so// chos kyi dbyings ngang gis gsang ba phrag dog go/ chos nyid spros pa med pas gti mug go/chos nyid de lta bu khams gsum las rgyal bas nga rgyal lo/ de la gtso bo ni 'khor lnga'i byin brlabs ni thams cad la khyab mod kyi nye bar ni dbu dang/ mdun dang/ thod ka yan chad/ rgyab mjug yan chad do// mi 'khrugs pa'i 'khor lnga'i byin brlabs ni phyag g.yas pa dang rtsib logs g.yas so// rin chen 'byung ldan 'khor lnga'i byin brlabs ni phyag g.yon dang rtsib logs g.yon no// 'od dpag med 'khor lnga'i byin brlabs ni/zhabs g.yon nas rked pa g.yon man chad do// don yod grub pa 'khor lnga'i byin brlabs ni zhabs g.yas rked pa g.yon man chad do// khro bo dang khro mo thams cad ni rigs so so'i byin brlabs bzhin no// de ltar 'khor lnga po gcig la yang lnga lngar 'gyur te/ sra ba'i bya ba byed pa thams cad ni rdo rje'i rigs so// dro ba'i bya ba byed pa thams cad ni rin po che'i rigs so// gsher pa'i bya ba byed pa thams cad ni pad+ma'i rigs so// bskyod pa'i bya ba byed pa thams cad ni las kyi rigs so// de rnams cha mnyam pa las spyir grub pa ni dngos su bzhugs pa/ de bzhin gshegs pa'i rigs so// thams cad bdag nyid ma'i 'khor lnga'i byin brlabs ni dbus su gyur pa thams cad do// sra ba'i rang bzhin med pa ni yangs pa'i spyan 'khor lnga'i byin brlabs so// dro ba'i rang bzhin med pa ni mA ma kI 'khor lnga'i byin brlabs so// gsher ba'i rang bzhin med pa ni gos dkar mo 'khor lnga'i byin brlabs so// bskyod pa'i rang bzhin med pa ni sgrol ma'i 'khor lnga'i byin brlabs so// don du bya ba byed nus pa sems dpa'o// de bzhin du rang bzhin med pa ni sems ma'o// de ltar rig pa ni khro bo dang khro mo'o// de la bsdu zhing spro ba yang thams cad de ltar bya'o// phyi nang gi chos thams cad la yang de ltar blta'o// de skad ces dpal rnam par snang mdzad kyis bka' stsal pa la rdo rje gzhon nu sde 'bum phrag du ma yi rangs te 'di skad ces bstod do// hU~M/ bskal pa'i me ltar 'bar ba yi// 'od zer 'du 'phro klong dkyil du// khro bo khro mo rnams bzhugs pa// sku ni cir yang sgyur ba'i gzugs// hU~M/ dbu skra kham gnag ral pa can// gyen du 'khyil ba srid rtser 'bar// mi mnyam khro gnyer sdang mig ni// log par lta ba 'dul ba'i mtshan// hU~M/ mche ba zang yag gtsigs pas ni// skye shi rtsa ba gcod pa'i tshul// sku gsung thugs kyi byin brlabs ni// phyag rgya sna tshogs cir yang snang// hU~M/ thugs rje'i byin brlabs sprin ltar 'khrigs// byams pa'i 'od zer glog bzhin 'gyu// rngam pa'i sgra skad 'brug ltar sgrogs// sprul pa'i thog thog char bzhin 'bebs// hU~M/ sngon gyi thugs dam chen po ni// klan ka chen po bdud la tshol// kyal ka chen po bgegs la mdzad// dam tshig can la dngos grub stsol// hU~M/ thugs rje chen po'i byin brlabs kyis// bdag la byin gyis rlob mdzad cing// bdag gis lhag pa'i bsam pa rnams// grub par byin gyis brlab tu gsol// 'khyil cing rgyan yang 'khyil ba la// sems kyi chos pas sku mi mnga'// sgra las 'das pa'i sbyor ba ste// bsam dang bral ba'i ye shes lags// hU~M/ srid gsum 'joms pa'i lha la phyag 'tshal lo// mnyam nyid ngang gis khro la phyag 'tshal lo// khros pas longs spyod mdzad la phyag 'tshal lo// rdo rje 'du 'phro khro la phyag 'tshal lo// zhes bstod de// nyid kyi thugs kar zhugs nas mi snang bar gyur to// 'phags pa thabs kyi zhags pa pad+mo phreng rdzogs so////

CLOSE WINDOW