68b3 /// rgya gar skad du/ g+hu h+ya gar+b+ha ta twa bi ni sh+tsa ya ma hA kro d+ha ba la rA dza tan+t+ra/ bod skad du/ gsang ba'i snying po de kho na nyid
68b4 nges pa'i khro bo chen po stobs kyi rgyud rgyal/dpal kun tu bzang po la phyag 'tshal lo// 'di skad bdag gis thos pa'i dus gcig na/ 'og min gyi gnas kun tu bzang mo'i b+ha ga yangs pa'i klong na/ phyogs
68b5 bcu dus gsum kyi de bzhin gshegs pa thams cad kyi bdag po kun tu bzang po nges par 'brel to// nyid kyi skyes bu chen po rdo rje sems dpa' bka' nod do// de'i tshe de'i dus na/ 'dul ba'i dus la babs
68b6 pa gsang bdag nyid kyis zhus pa/rgya che rab zab dpag dka' ba// rang bzhin che la nges don can// rgyal ba rnams kyi spyod yul 'di// gsang ba bzhis chod don mdzad pa// rtog tshogs log par zhen pa
69a1 rnams// rmad dang rtsa ba gang gis spyad// log pa'i lam du zhugs pa rnams// yang dag lam du ji ltar gzud// shin tu gsang ba'i man ngag don// snod ldan kun la ji ltar sbyin// zhes ched du
69a2 brjod do// de nas rdo rje 'chang chen pos dgongs pa gsang ba'i ting nge 'dzin gyis 'di gsungs so// dkyil 'khor bzhi dang srog shing gsum// sum cu gnyis dang bcu drug dang// brgyad dang drug cu rtsa bzhi
69a3 yi// dkyil 'khor ldan pa'i dkyil 'khor la// thabs dang shes rab gnyis med pas// A li kA li'i sgra dbyangs ldan// rgya mtsho gting nas sgrol ma g.yos// me lce srid pa gsum la khyab// nam mkha'i ba
69a4 bzhos bde ba che// 'phags pa 'gro drug mchod sbyin phul// bde ba ye shes rol mo yis// dus gsum dgyes pa'i mchod pa 'bul// zag pa med pa'i bsod nams kyis// ye shes sgyu ma rang snang ba'o// yid
69a5 chos kun bzang yab yum dang// nyon mongs dbang gis bskyed pa ni// rtsa ba phung po'i rlung lnga dang// yan lag skye mched rlung lnga yis// phung sogs bzhi bcu rtsa gnyis sku// tshig la khyab byed rlung gnas
69a6 pa// gzugs kyi phung po rnam snang sku// nam mkha' la bskyod dbyings phyug yum// snang lnga kha dog mthing ga'i bdag/ mched snang rnam shes nyer thob thim// mthar phyin ye shes chos kyi dbyings// srog 'dzin rlung
69b1 ni snying gar gnas// rnam shes phung po mi bskyod pa// sa la spyod pas sangs rgyas spyan// de zhes rgyu ba bum pa'i bdag/ dkar ba'i sa ni chu la thim// me long ye shes ngang du gnas// thur sel rlung ni gsang bar
69b2 gnas// tshor ba'i phung po rin 'byung sku// chu la spyod pas mA ma kI// ser po chu nyid me la thim// mnyam nyid ye shes srog tu gnas// gyen du rgyu ba lkog mar gnas// 'du shes phung po snang mtha' yas// me
69b3 la spyod pas gos dkar mo// rna ba g.yas nas rgyu byed pa// me nyid rlung la rnam 'du zhing// so sor kun rtogs ye shes nyid// mi mnyam rlung ni lte bar gnas// 'du byed phung po don yod grub// rlung la spyod pas
69b4 dam tshig sgrol// rna ba g.yon nas nges 'byung ba// rlung nyid rnam par shes la thim// ljang ser bya ba grub pa'i ngang// sa chu spyan dang mA ma kI// me rlung gos dkar sgrol ma lnga// rdo rje phung po'i yan lag
69b5 kun// rdzogs pa'i sangs rgyas lnga ru grags// rgyu ba'i gnas ni spyan yin te// rnam par rgyu ba rna ba la// yang dag rgyu ba sna dang ni/ rab tu rgyu ba lce la gnas// nges par rgyu ba lus nyid de// mig dang rna ba sna dang
69b6 lce// sa snying la sogs sems dpa' brgyad// rnam shes dbang po phyi nang phye// yul brgyad 'dzin pa rnam bzung la// phyi nang sems ma brgyad du shar// gzugs sogs yul la rnam par spyod// lus kyi rnam shes
70a1 reg bya bzhi// spyod pa'i dus nas dga' ba bzhi// gdul bya 'dul phyir khro bzhir shar// spyad cha zhen pa rtag chad bzhi// grol ba'i dus na khro mor shes// thabs kyi 'dzin la yum la spyod// shes
70a2 rab yum la thabs gnas phyir// dra bar 'brel dang nyon mongs 'dul// de phyir thub drug sprul pa spro// rang bzhin gsang ba'i snying po 'di// 'gro ba'i rgyud la yongs gab pa// lam rkyen rgyud du ston pas
70a3 sbas// skyon yod ma yin snod ngan gsang// rang bzhin bde gshegs gdul bya yis// 'khrul pa'i snang ba bsal ba'i phyir// thabs dang shes rab ma ning rgyud// 'dul ba mdo sde chos mngon dang// sku dang
70a4 gsung dang thugs kyi rgyud// phyogs bcu'i 'jig rten rdul snyed du// 'gro ba'i ched du spros pa rnams// 'di nas 'phros nas 'dir 'du bas// sde snod kun gyi rtsa bar bshad// de phyir rgyud lung man ngag
70a5 mtshan// rab 'bring tha ma 'gror 'jug pa// rgyal ba kun gyi nges pa'i don// ta na ga Na spyod pa rlabs po che// lta spyod dkyil 'khor dbang dam dang// phrin las sgrub mchod ting nge 'dzin// dbang bcu dbang ldan
70a6 che ba po// sems dpa' sangs rgyas kun gyi dngos// log sel dad pa'i mchog lus can// 'dul ba'i dus dag gsang sngags med// ces brjod pas/ de bzhin gshegs pa'i dgongs pa zab mo thugs su chud
70b1 par gyur to// de nas de bzhin gshegs pa btsun mo'i tshogs dang bcas pas 'di brjod do// e ma ho// e baM ma ya dgyes pa che// skye mched khams rnams mang po kun// byang chub sems dpa'i dkyil 'khor
70b2 nyid// phyogs bcu'i rdul snyed sprul pa spro// spros med bsdu med spros pa nyid// thugs drug ye shes ngang du 'ub// ces brjod pas/ de dag 'dul par de bzhin gshegs pa nyid kyis mkhyen to// de nas gsang
70b3 ba'i bdag pos/bstod de rjes su yi rang nas bsdus te gtad pa/ phyogs bcu dus gsum bde gshegs bdag/ gti mug chen po'i rang bzhin can// 'dod chags chen po'i bdag po ste// zhe sdang chen po'i ngo
70b4 bo nyid// dag pa rnam dag sku gsung bdag/ gsal bar bde ba dgyes pa ho// zhes brjod do// de nas ngag tu 'di brjod do// log lta yongs su gtad de bskrad pa ni// oM sum+b+ha ni sum+b+ha hU~M/ gr-ih+Na gr-ih+Na hU~M/ gr-ih+NA pa
70b5 ya gr-ih+NA pa ya hUM/A na ya ho/ b+ha ga wAn bid+yA rA dza hU~M phaT/ oM g+ha g+ha g+hA ta ya g+hA ta ya/ sarba duSh+tA na phaT/ kI li kI la ya/ sarba pA paM phaT/ phaT phaT hU~M hU~M badzra kI la ya/ badzra d+ha ro Adz+nyA pa ya ti kA ya wAka tsit+ta badzra
70b6 kI la ya hU~M phaT/ces snod ma yin rnams bskrad cing mi ldang bar byas te/ bud med kyi tshogs gang yin pa la yongs su gtad cing chos kyi mig can la spro bar gyur to// stobs kyi dbang phyug bsgrub pa/ dka'
ba spyod pa man ngag gi snying po zhes bya ba'i rgyud rdzogs so/

CLOSE WINDOW