65b4 dz+nya na ku mA ras 'phan yul du bsgyur cing gtan la phab pa'o// rgya gar skad du/ gu h+ya gar+b+ha ta twa bi ni sh+tsa ya ma hA kro d+ha ba la yo gI shwa ra sid+d+ha mA yA dzA la tan+t+ra/ bod skad du/ gsang ba'i snying
65b5 po de kho nyid nges pa'i khro bo chen po stobs kyi rnal 'byor dbang phyug grub pa'i sgyu 'phrul dra ba'i rgyud/dpal 'jam dpal rnon po la phyag 'tshal lo// 'di skad bdag gis bshad pa'i tshe/ 'jig rten gyi bdag po
65b6 bcom ldan 'das 'dod chags chen po/zhe sdang chen po// gti mug chen po de'i gzhal yas khang na/ dbyer med pa'i bde ba dang ldan pa/ de'i tshe de'i dus na byang chub sems dpa' chen po sa'i snying po la sogs
66a1 pa du ma dang thabs cig tu bzhugs te/de ltar til gyi gang bu bzhin gang nas khyab par bzhugs so// de nas bcom ldan 'das kyis de'i tshe 'di skad gsungs so// bsgrub pa'i don chen gang
66a2 bsgrub pa// kro d+ha nye ba'i lha bsam ste// rnal 'byor srog dang rtsol ba la// zhi gnas lhag mthong bsgrub par bya/ de nas bcom ldan 'das de dag dang/ byang sems de dag thams cad kyis/ gsungs pa'i don
66a3 yang dag par zhu ba'i phyir gsol pa/kye kye bcom ldan 'das legs chen po// rnal 'byor lam la legs brten tshe// ji ltar khro bos phyogs dgang srung// srog rtsol bden gnyis ji ltar bskyed// de nas
66a4 bcom ldan 'das des bka' stsal pa// yid 'ong bde ba'i phyogs dag tu// las dang dgos pa ldan pa yis// rnal 'byor bar chad bzlog pa'i phyir// srung ba'i 'khor los bsrung bar bya// zhe sdang rdo rje sems
66a5 dpa' che// rang gi gnas la dga' ba'i phyir// bka' sdod gnod mdzes bdun du bskyed// gnod mdzes khro bo'i hU~M gi sgras// las rnams bsgrub par bya ba'i phyir// bdag nyid 'khyil ba khro bo che// rang las
66a6 phyung ba gnas su bzhag/sprul pa chen po'i byin rlabs ni// zhal nas 'gugs pa'i khro bo'i rgyal// las dag myur bar bya ba'i phyir// las las las byung hU~M gi sgras// gang dag 'gugs pa'i las byas
66b1 nas// gsum gyi mthar ni gnas byed pa'o// chos sku bde ba'i longs spyod dang// sprul pa'i byin rlabs skur sprul pa// gnas pas gnas ni dga' bar byed// de la bgegs 'gugs pa'i khro bo hU~M gi sngags ni/
66b2 o~M suM b+ha ni suM b+ha hUM/ gr-ih+Na gr-ih+Na hU~M/ gr-i h+NA pa ya gr-i h+NA pa ya hU~M/ A na ya ho// b+ha ga wAn/ bid+yA kro d+ha hU~M phaT/ de nas bsrung bar bya ba'i phyir// 'dod las gnod pa bkug ma thag/ rim par gnas su bsdu bar
66b3 bya// de la bsdu ba'i snying po ni// sang ha ra Na hU~M/ de nas bsdus pa'i chos kun las// hU~M gi sgras bskyed hU~M las ni// hU~M las bskyed pa'i khro bo che// rnam rgyal gshin rje rta mgrin dang// bdud rtsi 'khyil ba dbyug
66b4 sngon can// mi g.yo mgon po 'dod pa'i rgyal// khams gsum rnam rgyal karmA kuN+Da li// gnod mdzes rgyal pos steng 'og phyogs mtshams bsrungs// gnod sbyin sngags kyi rgyal po la// mi g.yo mi 'gyur brtan
66b5 par byos// zhes bsgo'o// de'i tshe gnod sbyin 'dul mdzad bdud rtsi khro bo che// phur pa blangs nas byin brlabs sder mo'i tshig/ rta mgrin rim bzhin 'dod pa'i rgyal po gdab// 'dod pa'i rgyal po a mr-i kuN+Da
66b6 li// gnod mdzes rgyal pos steng 'og rang byin brlab// de la byin gyis brlab pa'i sngags ni// o g+ha g+ha g+hAta ya g+ha ta ya sarba duSh+tAn phaT phaT/ kI li kI la ya/ sarba pA paM/ phaT phaT phaT/ hU~M hU~M hU~M/ badzra kI la ya/
67a1 badzra d+ha ro Adz+nyA pA ya ti kA ya wA ka tsit+ta nan/ hU~M phaT phaT/ gzhan du bgegs bskrad pa ni/ las thams cad pa'i sngags 'di'o// A+oM ts+tshin+da ts+tshin+da/ ha na ha na/ da ha da ha/ dip+ta badzra tsakra hU~M phaT/ de nas
67a2 gzhan du bgegs bskrad pa ni/bdud rtsi 'khyil ba'i las kyi sngags 'di'o// na maHsa man+ta kA ya wA ka tsit+ta badzrA NAM/ na mo badzra kro d+hA ya/ ma hA daMSh+to t+ka Ta b+hai ra nA ya/ a si mu sa la/ par+shu pA sha hastA ya/ oM a mr-i ta
67a3 kuN+Da li// kha kha kha khA hi khA hi/ hu lu hu lu/ tiSh+Tha tiSh+Tha/ b+han+d+ha b+han+d+ha/ ha na ha na/ da ha da ha/ pa tsa pa tsa/ gar+dz+dza gar+dz+dza/ bi s+pho Ta ya bi s+pho Ta ya/ sarba big+h+nAM/ bi nA ya kAn/ ma hA ga Na pa ti/ dzI bi tAn+ta ka rA ya hU~M phaT swA
67a4 hA/de nas gnod bral rnal 'byor pas// gang du rnal 'byor bsgom par bya// rnal 'byor zhes bya'i rim pa ni// rgyud 'dir rnal 'byor rnam pa gnyis// de rgyu srog dang rtsol ba ste// gnyid dang bya ba spangs nas
67a5 bsgom// srog gi rgyu ni rnam bzhi ste// sa dang chu dang me dang rlung// lte ba gsang gnas snying ga mgrin// gnas bzhi dag na gang gnas par// dpyid dang dbyar dang ston dang dgun// nam zla dus bzhi 'khor
67a6 ba'i rgyun// sa dang rlung dang chu dang me// rlung dang rim bzhin 'byung byed pa// 'jug pa bag la zha bar byed// gyen dang mthur dang 'byung bar byed// gyen du g.yas g.yon gnyis ka nas// dkyil 'khor drag rim
67b1 rgyu ba ni// khri phrag gnyis dang stong phrag dang// drug brgya nyin mtshan 'byung byed pa// 'jug pa bag la zha bar bya// thun brgyad thun phran nyi shu bzhi// snga dro dang po phyi ma gnyis// srod kyi dang po tha ma gnyis// tho
67b2 rangs dang po tha ma gnyis// sa chu me rlung rim bzhin du// dus kyi lha mo re re 'byung// lha mo de dag brgya la yang// srog gi rgyu ba nyis stong dang// brgya phrag bdun du 'byung bar byed// lha mo re rer lha mo
67b3 gsum// lha mo nyi shu rtsa bzhir 'gyur// nyi shu rtsa bzhi dag la yang// lha mo bzhi bzhir 'byung 'gyur te// lha mo bcu phrag dgu dang drug/ dbugs ni nyis brgya bcu phrag gnyis// rtsa lnga dag ste rgyu ba'i grangs// thun
67b4 gcig thun gnyis thun phrag gang// dbyig gu lha mo'i nus pa gang// nus pas dbugs bgrang grangs bzung nas// ngal ba med pa dbugs la brten// yang na dbugs kyi rgyu ba la// ngal ba med par dbugs
67b5 bgrangs pa// bgrang phreng dag kyang mi dgos te// g.yas par me 'byung dmar zhing 'tsher// g.yon par rlung 'byung gnag la dwangs// gnyis kar ngal rgyu chu rlung dkar// gnyis kar thub rngubs sa rlung ser// lha
67b6 mo bdag mo dang ldan pa'i// ye shes bzhi nyid 'byung bar byed// gcig min du mar ma grub phyir// g.yas dang g.yon du gnyis kar yang// g.yas dang g.yon du brtag par bya'o// skya rengs dang po shar ba
68a1 nas// dros kyi bar ni dus dang po// dros kyi mtshams nas phyed kyi bar// gnyis ka yin te sa dang chu// nyi ma phyed nas myur smad mtshams// phyi dro dang por shes par bya// myur smad mtshams nas
68a2 chal chil mtshams// nyin dus bzhi par shes par bya// chal chil srod mtshams dus dang po// srod nas phyed bar dus gnyis par// phyed nas thor chung dus dang po// tho rangs skya rengs dus gnyis
68a3 par// dbugs kyi grangs kyis dus phyes nas// gzhan du gzhan dag rim pa bzhin// dbyar dang ston dang dgun dag dang// dus dang dus phran gang byung ba// de dag dang po gtsor 'byung ngo// grangs dang dus
68a4 tshad snga ma bzhin// mi 'phro rlung nyid 'byung rngub rang dbang thob// sems 'dul de gsal de tshe shes rab bskyed// gzhan nas ma yin 'byung ba nyid dag dang// rtsol ba dbyer med rang don ci bzhin spyad// yun
68a5 ring tshe na zhi gnas brtan bya zhing// dbyer med cha mnyam 'dod pa'i go 'phang thob// nus pa drag po bskyed pa'i thabs yin no// thams cad thig le ma bcos 'byung 'jug med// ces gsungs so// de nas byang
68a6 chub sems dpa' de dag gis// rang gi don rdzogs rig nas bstod pa/ e ma ho/ legs so legs so yang dag legs// thams cad bdag po khyod re mtshar// snang stong nam mkha'i dbyings la phyag 'tshal
68b1 lo// gzung 'dzin brtan pa'i sa la phyag 'tshal lo// rin chen 'bar ba'i me la phyag 'tshal lo// mtha' yas chos kyi chu la phyag 'tshal lo// don yod bskyed pa'i rlung la phyag 'tshal lo// rlung lnga bde bar
68b2 gshegs la phyag 'tshal lo// gsang ba'i snying po de kho na nyid nges pa/ khro bo stobs kyi rnal 'byor dbang phyug grub pa'i sgyu 'phrul dra ba'i rgyud rdzogs so//// rgya gar mkhan po bi ma la mi tra dang/ lo ts+tsha ba slob
dpon bai ro tsa nas bsgyur cing zhus te gtan la phab pa'o/

CLOSE WINDOW