CLOSE WINDOW

Gpb013.001
བོད་ཡིག

thabs lam rim gyis ston pa sgyu 'phrul rgya mtsho bzhugs so// dpal kun tu bzang po la phyag 'tshal lo// 'di skad bshad pa'i dus gcig na// phyogs bcu dus bzhi thams cad kyi// sangs rgyas de bzhin gshegs rang bzhin// rdul snyed 'dus pa'i ngo bo ni// sku gsung yon tan phrin las thugs// ye shes rgya mtsho dpag med kyi// yon tan rdzogs pa'i ngo bor gnas// 'og min chen po'i gzhal yas khang// rgyal ba kun gyi b+ha ga'i gnas// yon tan kun rdzogs dga' ba'i klong// tshad med ye shes chos dbyings kyi// ngo bos kun nas 'khyil ba la// tshad dpag med pa'i yon tan rgyas// rnam thar bzhi yi sgo khyud mdzes// 'dod yon lnga yi phreng bas brgyan// rnam thar brgyad kyi rta babs can// zla ba'i phreng bas mdangs phyung zhing// nyi zla pad+ma'i gdan steng na// lnga phung dag pa'i sangs rgyas ni// rgyal po lnga zhes rnam par bstan// 'byung ba lnga yi rgyal mo dang// zhal gsum phyag drug zhabs bzhi yi// rnam par 'phrul pa'i tshul du bzhugs// rnam shes dbang po yul dang dus// phyi nang sems dpa' yab yum rnams// rang rang mdog dang cha lugs rnams// bcu gsum cha lugs sgeg pa yis// nyi zla 'bar ba'i gdan la bzhugs// lus kyi chos bzhi 'joms pa ni// sgo bzhir gnas pa de dag kyang// btsun mo 'jigs pa'i tshul dang bcas// 'bar zhing rngams pa'i tshul gyis bzhugs// ye shes rgya mtsho 'og min gyi// yon tan rdzogs pa'i ngo bor bstan// 'khor lo 'bar ba'i lte ba la// bdag po kun bzang 'khor lo bskor// bka' sdod skyes bu mdun na gnas// brjod pa med bzhin go bar mdzad// dpag med ye shes yongs rdzogs pas// zhing 'khor longs spyod phun sum tshogs// dga' bde yang dag rdzogs pa'i gnas// phyogs bcu dus bzhi rdzogs pa yi// ma lus 'dus pa'i gzhal yas khang// bdag po rgyan dang bcas pa nyid// 'jig rten gnas kyi 'og min las// nyis 'gyur shin tu spags pa'i gnas// dngos po'i mtha' gsum las 'das pa// ma spangs rgyan rdzogs gzhal yas khang// yon tan lnga yi bdag nyid de// gru bzhi spyi bos 'khyil snang ba// de bzhin thugs kyi khyad par las// rang snang rgyal ba sems sogs dang// dang po'i sangs rgyas sar rgyal ba// sems dpa' chen po 'joms pa che// brjod kyi mi langs tshad med dang// rnam gnyis tshul du bzhugs pa'o// 'khor gyi nang nas skal mchog ldan// 'dul ba'i dus babs gsang ba'i bdag/lag na rdo rje bsdu ba mdzad// de tshe dus kyi mtha' bral phyir// ngo bo dus bzhi mnyam pa nyid// rgyal ba'i sems dpa' rnal 'byor pa// dgongs pa rig pa rna bas brgyud// gsang ba'i snying po de kho na// nyid de nges pa'i dbyings nas phyung// sgyu 'phrul drwa ba mngon rdzogs pa'i// bstan pa rgya mtsho sems kyi lung// rang byung rang snang dgongs pa nyid// byin rlabs dgongs pa rang shar ba// sems nyid rang snang gzugs can te// rtog ge byis pa'i yul min pas// rgyal sras sems dpa' rang nyid la// nyid la 'chad cing nyid kyis 'grel// gsang mdzod sgyu 'phrul drwa ba 'di// bstan pa kun gyi rtsa ba ste// rang byung ye shes gcig pu nyid// ma lus thams cad khyab par gsal// gsal ba'i thig le chen po ni// yon tan lhun rdzogs bdag nyid de// d+harma tsakra chos kyi gnas// 'od bzhi e sogs dbyibs su gnas// mi shigs thig le waM dbyibs can// rang la bde ba gsal byed bdag/ ma nu yid sogs rnam shes bzhi// ye shes myong bas bsdus par bshad// ye shes nam mkha'i gzugs skyes pa// pa ra mAr+tha don zab mo// bde ba'i dus nyid snga phyi bral// dus gsum kun gyi ngo bor gnas// rgyal ba'i bzhugs gnas b+ha ga nyid// las dang yon tan rdzogs pa'i gnas// thig le byang chub sems nyid de// rang byung ye shes kun gyi bdag/chags pas khyab pa'i yid can la// rtog bcas mnyam du gnas pa'i 'khor// lhan cig skyes pa'i bde chen no// brjod pa med pa'i tshul gyis myong// byed pa rlung gi mtha' bsdus pas// ma lus lhan cig skyes par shar// dus la 'jug rtog med pa'i dus// bde chen btags pa zad pa'i dus// rgyal ba'i mdzad pa bsam mi khyab// gang la gang ltar der 'dul ba'i// spyod pa rgya mtsho de nyid de// dpag med ye shes ngo bor shar// dus gcig yon tan lhun rdzogs pas// mnyam nyid res 'jog med par gnas// zhes nyid la nyid bshad do// sgyu 'phrul rgya mtsho'i rgyud las/ gleng gzhi'i le'u ste dang po'o//// de nas de bzhin gshegs pa nyid// sangs rgyas 'dus pa'i ngo bo nyid// de nyid bshad pa'i dgongs pa yis// 'jug pa'i bde ba mnyam sbyor bas// ro gcig mnyam pa'i ngo bor gyur// phyogs bcu dus bzhi ma lus pa// gcig pu du mar dbyer med pas// dgongs pa'i byin rlabs nyid la nyid// brjod cing gsungs pa'i don nyid ni// phung po khams dang skye mched dang// phyi nang snod bcud ma lus pa// thabs dang shes rab dbyer med pa'i// lhag pa kun rdzob nyid brjod pas// rgyal mchog btsun mo rang bzhin gyis// rgyal ba'i tshogs la dbang bsgyur zhing// phyogs bcu snod bcud ma lus pa// bde chen thig le'i rang bzhin te// thig le dbyibs dang mtshon las 'das// bde ba mchog gi snying por gnas// de nyid gsang ba'i dbang nyid de// rgyal ba sras bcas myong dgyes nas// thig le bde chen nyid la gnas// de nas thabs dang shes rab nyid// ma lus 'dus pa'i ngo bo yis// mthong ba'i don nyid bstan bya'i phyir// gnyis med thabs kyis nyams myong ba'i// chags dang chags bral rnam par spangs// lhan cig skyes pa'i ngo bo nyid// gang du skye dang 'gag pa dang// gnas dmigs 'gro 'ong las 'das pa'i// de bzhin nyid ni bstan par mdzad// nyi zla dngas pa'i rgya mtsho ltar// yongs dgyes khyab par gyur pa'i ros// ma 'dres gsang ba'i snying po nyid// kun kyang gsum du gnas pa ste// rang bzhin thabs kyis mngon byas phyir// ma lus gsum gyi rang bzhin nyid// 'jug pa thabs kyi rang bzhin ni// thun mong tha mal kun spangs pa'i// thabs dang cho ga las byung bas// dam pa'i rigs la 'jug par mdzad// rigs dang rigs su nges pa yis// ngo bo nyid ni gnyis su 'gyur// sems lnga skyes pa'i tshul nyid ni// skye ba'i gzhi dang skyes pa yi// rigs gcig rigs bzhir gang phye ba// 'jug pa'i ngo bo stobs las ni// rigs kyi dbye bas lam dbye ba// lnga dang gcig gi rgyu 'bras 'gyur// ma nges phyi yi dbye ba ste// bzhi ni nges 'byung thun mong lam// de bzhin rigs gcig thun mong min// de nyid phyi nang cha snang bas// phyi rol ltos pa'i thun mong lam// grub pa phyi nang rgyu 'bras phyir// rgyu 'bras phyi nang 'brel bar 'dod// skabs 'dir bzhi gsum thun mong gnyis// phan chad sbyangs pa rgyu yi phyir// rang bzhin mngon sngon yang/ du song ba dang// phyed du ched du sngon yang/ mngon du sdur bas 'gro// des na thun mong mngon rdzogs yul// gzhi dang skabs nas skye 'gyur ba// grol thar lam du rnam par bshad// de'ang cig car rigs 'jug pa// snod kyi rim pas rnam par snang// gang yang sems lnga bsdus pas te// g.yo ldang smon 'jug mthar phyin pas// lam bzhi khyad par so sor phyed// rang bzhin gcig las mngon gyur pa'i// thabs rkyen mos pas tshul bzhin du// lam bzhi sems lngas mthar phyin pa// mos dang mthar phyin tshul gyis snang// dngos por rang bzhin rtogs pa ni// bsnyen bsgrub bzhi dang sgo bzhi dang// dag mnyam rtogs pa bzhi dag gis// dus gcig rdzogs shing smin par byed// rnal 'byor lnga la rim goms pas// mthar phyin lam la the tshom med// stong pa nyid la gang goms pas// snying rje sgyu ma'i tshul du bsgom// phyag rgya'i rnal 'byor mngon gsal nas// rnam par spros la the tshom med// rang rang spyod dang ldan gyur nas// bdag gzhan mthar phyin 'gyur ba'i lam// gang du chags pa'i khyad par gyis// rten 'brel lus kyi bsgom pa ni// bye brag rlung las gyur pa yi// ye shes 'byung ba steng 'og sgo// dgug dang dgug pa'i thabs nyid de// 'khor lo bzhi dang srog shing gsum// me rlung 'gro bas nam mkha'i ba// bzho ba steng du rnam par grags// dgug pa gsum gyis sems lnga'i rim// skyes pa bcu drug sa thob pa'i// rang bzhin lhan cig skyes pa'i phyir// 'ching ba nyid kyis thar pa'i lam// yul dang dbang por sbyong nus pa'i// chags pa'i lam gyis gang rtogs pa// dug gis de nyid sel ba ltar// thabs dang ldan pa'i khyad par yin// gang zag thabs dang sbyor ba yis// gang la de ltar thabs nyid kyis// 'ching ba thabs kyis bkrol ba ltar// lung dang man ngag rtogs pas 'grub// dam pa nyid la mnyes zin nas// ye shes rig pa mas las kyang las gyur// dbang po rim par 'gags pa las// bden pa gnyis med 'char bar 'gyur// gsang ba ye shes chen po ni// thig le'i rgyu ba kun zad pa// de nyid sgyu 'phrul rgya mtsho ste// dman dang bcings dang dbang bsgyur bral// rtog ge rnams kyi spyod yul min// gang du ye shes shar ba yis// ma lus dam pa'i ye shes su// phyogs med rgyal ba nyid du 'gyur// de nas kun mkhyen rgyal ba nyid// sras dang btsun mor bcas pa nyid// ma lus gcig tu mngon gzigs kyang// thabs bral byang chub snying po ma rig pas// 'gro ba lnga yi bde sdug khyad par rnams// skad cig ma 'dres gsal mkhyen nas// thabs kyis so sor sgrol ba'i phyir// kun mkhyen nyid la don gyis gzigs// dgyes chen bdag pos mnyam nyid phyir// yul dang shes pa dbyings gcig phyir// mi gsung de bzhin nyid la bzhugs// de bzhin nyid ni spros med kyang// thugs rje byin rlabs rgya mtsho yis// med las yod pa'i tshul gyur pa// de nyid de bzhin gshegs nyid de// 'dul ba'i dbang gis phyogs bcu yi// 'jig rten drug gi rdul rnyed du// sprul pa thub pa chen po yi// gang dag tu ni rnam mdzes te// sku dang gsung thugs bsam mi khyab// 'dul ba bzhi yi khyad par gyis// rang rang las dang bsam pa dang// dbang po mos pa'i khyad par gyis// gdul bya'i bsam pa sna tshogs su// sgyu 'phrul drwa ba snang mdzad de// rgyud dang thabs kyis grol ba yis// 'gro ba ma lus bde ba dang// rigs dang ldan par thar pa yi// 'bras bu don la 'khod par mdzad// mtha' thug med pa'i 'jig rten du// rgyal ba dus gsum mnyam bzhugs pas// de las byung ba'i sprul pa'i tshogs// rgyal ba kun kyang de bzhin no// zhes nyid la nyid bshad do// sgyu 'phrul drwa ba rgya mtsho'i rgyud las// sems lnga bstan pa'i le'u ste gnyis pa'o//// de nas kun mkhyen dgyes chen pos// 'khor gyi dkyil 'khor kun gzigs nas// lhan cig go phye'i 'khor rnams la// byin rlabs dam tshig dbang thob nas// dbang dngos rang bzhin bstan par mdzad// ma lus chos kun rang bzhin ni// byang chub snying po'i rang bzhin la// dbyer med don du kun gnas kyang// lhan cig la brten kun brtags kyis// ma rig gzung 'dzin ngo bor smin// rten 'brel gnyis kyi tshul gyur pas// myong dang spyod yul so sor gyur// nam mkha' rang bzhin dbyer med ltar// ma lus de bzhin nyid 'di la// rtog pa'i dbang gi phye ba la// bdag dang gzhan yang yod ma yin// gang du dman pa'i rtog ge pas// mi shes rtog pa sna tshogs kyis// rang las gzhan du thob 'dod pa'i// thabs des bskal pa bye bar yang// sangs rgyas ye shes dri med pa// rmi lam nyid du mi 'byung ba// slob dpon man ngag thabs nyid kyis// sgrib pa'i rang bzhin snang bar 'gyur// kun mkhyen dbang dang man ngag can// byin rlabs thabs kyis phan 'dogs pa// 'gro la yid bzhin nor bu ltar// sna tshogs bsam pa rang mdzad pa// dman pa'i sbyor ba la brten nas// sangs rgyas 'khor lo 'char byed pa// lus dang longs spyod sna tshogs pas// bskal pa rdul gyi grangs mnyam par// bkur kyang drin dang bral gyur na// lan 'ga' tsam gyis ga la yin// dad dang dam tshig ldan pa yi// rang rang sbyangs ltar mngon gyur nas// dman pa'i blta ba spang byed cing// brtul zhugs rigs nges gang zag la// ji snyed nam mkha'i mtha'i yun du// brtson zhing btsal bas mi rnyed de// gdung ba gsum gyis gdungs pa de// mthong ba'i thabs ni gsum du bshad// lung dang man ngag cho ga yis// rtogs nas skye ba 'di yis 'grub// rnam smin bcas pas 'grub nges na// rang dbang lus kyi smos ci dgos// rgyal bas ma lus kun gzigs shing// thugs rjes the tshom mi bslu bas// nges par bstan pa 'grub pa ni// dgongs pa rtogs na nges par 'grub// rang rang blo dang mos pa yis// ji ltar 'du zhing thabs mkhas pa// tshe dang bskal pa'i drangs bral zhing// lo dang zla bar brtsams pas 'grub// shes rab rkyen dang thabs ldan pas// ma lus dbyer med rtogs goms na// rang la rang snang goms pa yis// rang byung rang las mngon du snang// gang du blta dang dpyad bral ba// ma bcos rang rig byang chub sems// byis pa rtog ge'i spyod yul min// dam pa rnams kyis nges par mthong// chos rnams rang bzhin rkyen bral ba'i// mi rtog 'od gsal dbyer med pa'i// kun gyi ngo bo de bzhin nyid// da lta nyid du snang ba'o// don dam brten pa la brten nas// rgyu ba'i phyag rgya rang snang ba// goms nas bsdus pa'i thig le nyid// ma bcos rang bzhin mya ngan 'das// phyi nang yul sems 'dres pa'i rlung// rgyu ba rig pa'i thig le nyid// rang byung stong par gnas 'gyur te// phyi nang re dogs rgyu ba med// ma bcos de bzhin nyid du mthong// thabs dang shes rab rtogs pa yi// nyi zla 'dres pa'i gar thabs kyis// ma skyes mnyam la gnas gyur zhing// phung sogs gnas pa'i chos rnams kun// bde chen snying po gsal gyur zhing// dgag bsgrub med pa'i thabs las byung// spyod yul ma lus thams cad kun// ma skyes dbyer med mngon du snang// sgra tsam mthong ba med pa'i don// ma skyes sgra yis mi g.yo ba// ka sgras thugs rjes rnal 'byor spyod// a la dbyung ldan yang/ las dbyug ldan gar sbyor ba// dran pa gcig par nga nyid smra// de sogs byed pa'i rnal 'byor kun// ma skyes dbyer med mngon du snang// de sogs byed pa'i rnal 'byor lnga// gcig la ma lus gcig la rdzogs pa'i rim par rtogs/ kyang/ rdzogs sam rtogs// rig pa'i khyad par rtsal gyis snang// gang du ma bcos rang snang ba// ma lus sgyu ma 'jig rten du// thabs dang ldan pas dbang bsgyur zhing// ma lus dbyer med tshul du snang// yab yum shi ra bcud bcas sgyu// thabs kyis khams lnga'i ye shes gsal// bde skyed thig le ma rnams kun// sems mtha' bzlog pas gnas su thim// bcu gsum sangs rgyas bdag 'gyur ba// ngo bos gzhan nas thob pa med// rtsa bcud shes pa'i ngo bo nyid// thabs kyi yab yum ye shes gsal// de nyid rten can rten lnga lngar// rang gnas thabs kyi bdag nyid du// nyon mongs sa bon kun kyang gnas// de phyir gzhan la rag ma lus// dbang po yul sems gnyis med pa'i// shes rab thabs rol sgyu ma las// man ngag thabs kyis dbang bsgyur nas// rang bzhin sgyu 'phrul chen po 'char// thabs dang thabs byung 'brel pa nyid// thams cad kun gyi gzhir gnas pa// rang lus thabs kyi ngo bo la// rang gi rkyen rnams mngon gyur pas// tshegs med rang log gyur pa yis// bden pa dbyer med mngon du mthong// rang bzhin ye shes mtha' bral bas// thabs dang las rkyen skyes bu yis// spyod yul kun du blang bya ba// 'khor dang mya ngan 'das pa'i rgyu// chags pa'i dam tshig blang bar bya// kun kyang thabs dang shes rab nyid// phan tshun dgyes pa'i thabs las ni// sems mtha' 'ong bas go phye nas// rang snang thabs kyis gnas sbyar bas// zung 'jug thabs chen de las byung// gnyis med ye shes rdo rje che// rgyu rkyen gzhan las byung ba min// rang byung thabs kyi ngo bo nyid// lus dang rtsa dang longs spyod bcas// thams cad bde chen 'jig rten du// gsal byed thabs kyi snang ba las// rkyen gyis zlog pa mthong ba bzhin// gzhan las byung zhing snang ba med// phyogs dus dkyil 'khor ngo bo nyid// bde ba chen po ma skyes pa'i// seng ge lta bu'i byin brlabs pa'i// gsung gis gnyis med gsal bar 'gyur// gsung gsang yang/ gsum bzhis sgrib ye shes che// khams gsum 'dus pa'i thig le nyid// 'dres pas lhun grub ye shes nyid// dkyil 'khor gsal snang brtag par dka'// ma lus thig le rang snang ba'i// ma bcos rang snang thabs rtogs nas// mngon par lta ba'i don rtogs na// rang 'byung 'bras bu rang las 'char// phyogs dus rgyal ba'i ngo bo nyid// mi zad 'khor lo rang snang don// ma mthong rmongs pa'i 'khrul pa rnams// byin rlabs lha dang yon tan ltar// snang 'dod res 'jog sems 'dod sogs// gzhan las 'phags 'dod nor ba'i lam// mdongs pas nam mkhar bsnyeg pa bzhin// nor bas ma nor rnyed mi 'gyur// ma bcos 'bras bu rang snang don// byin rlabs dgongs rtogs goms pa yis// ma btsal thabs kyis rang 'char ba// byin rlabs gdul bya'i snang bar zad// ces nyid la nyid bshad do// sgyu 'phrul rgya mtsho'i rgyud las/ chos thams cad gtan la phab pa'i le'u ste gsum pa'o//// de nas bcom ldan dgyes chen pos// sangs rgyas kun 'dus dag pa ste// gcig dang du ma las 'das pas// 'jig rten 'das dang 'jig rten pa// mngon phyung nas ni gsung bar mdzad// a/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa sha Sha sa ha/ k+Sha/ i I/ u u/ e A+aio A+au/ a ka tsa Ta ta pa ya shai i/u U/ e A+ai/ o A+au/ r-i r-I/ l-i l-I/ aM aHka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha/ pa pha ba b+ha ma/ ya ra la wa/ sha Sha sa ha/ ka kha ga g+ha nga/ tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ya ra la wa/ sha Sha sa ha/ rang byung mtshan pa las 'das pa// a nyid kun gyi ngo bo ste/// brjod 'das nam mkha'i rang bzhin las// snod bcud yi ger rang bzhin shar// thams cad yi ge'i rang bzhin te// mtshon pa brda yi ngo bor snang// gang du ma skyes yum nyid ni// sa dang nam mkha' can rdo rje// stobs chen lnga ni dbang po lnga// gnyis pa lnga po rim bzhin du// sgeg mo phreng thogs dbyangs dang gar// ya mAn ta kr-ita nyid du bshad// gsum pa lnga ni rim pa bzhin// snang mdzad rdo rje rin chen dang// dpag med don grub nyid du bshad// bzhi pa lnga po rim bzhin du// sangs rgyas spyan dang na bza' dkar// mA ma kI dang sgrol mar bshad// lnga pa lnga po rim bzhin du// byams pa sgrib sel kun bzang dpal// rta mgrin rim par 'dod pa yin// drug pa bzhi ste rim pa bzhin// bdug spos mar me me tog dang// dri chab lha mo zhes su bshad// bdun pa bzhi ste rim pa bzhin// rtag chad mtshan ma dag pa dang// bdag med ma ste rim pa bzhin// mthar zad byed pa rdo rje ni// ma lus 'dus pa'i ngo bo ste// sku gsung thugs ni rdo rje las// rnam par 'phrul pa'i sprul pa drug/ brgyad pa'i yi ge drug tu bshad// bcu gcig gnyis pa rnam bshad pa// sgrib pa kun bzang ye shes ni// 'chi ba gso byed yin par bshad// thog ma mthar zad mthing ga ste// rdo rje dril bu nyid du 'dod// dang po lnga dang gnyis pa lnga// gtso bo yab yum bcu nyid ste// 'khor lo rdo rje rin po che// pad+ma ral gri 'dzin pa ste// dkar po mthing ga ser po dang// dmar po ljang gu rim bzhin no// gsum pa lnga po rim pa bzhin// rdo rje dang ni rin chen dang// pad dkar rdo rje dkar sngo dang// dmar dang ljang gu rang bzhin gnas// rdo rjes gnon pa mthing nag yin// bzhi pa lnga po rim pa bzhin// klu shing po ti rin chen snye// ut+pal dkar ser dmar ser dang// dmar ljang dkar ljang rim bzhin te// thod sbrul ser nag 'bar bar gnas// tsa la sogs pa'i lha mo ni// me long phreng ba pi wang gar// gtso bo nyid dang mtshungs pa yin// gzhan yang a sogs bzhir bshad pa// bdug pa me tog mar me dang// dri yang gtso bo rjes mthun pa'o// thod sbrul 'jigs pa dmar nag ste// de bzhin yi ge bzhir shes bya// rtag chad lcags kyu zhags pa dang// lcags sgrog dril bu thabs dang 'dra// sprul pa'i pi wang gseg par dang// po ti sgrom dang go cha dang// me dang chur ni shes bya ste// dkar dang ser dang dmar nag dang// ser nag mthing sngo dud kha dag/ rim pa bzhin du shes par bya// rdo rje rgya gram ljang nag gis// ma lus gnon pa bdud rtsi 'khyil// dkyil 'khor 'khor lo yi ge yis// ma dag pa dag dag byed cing// ma mthong pa dag mthong byas nas// de nyid rnam par grol bar 'gyur// de nas gzhan yang bshad bya ni// rang snang gsung gi 'khor lo las// rim bzhin rang gi gzhir snang ba// dpag med yon tan lhun rdzogs pas// rang byung 'khor lo mngon par brjod// rang byung 'khor lo rgyu yi bdag/ ka sogs sum cu rtsa gnyis ni// ma lus kun gyi dngos gzhi ste// sku yi 'khor lor rang snang ba'o// sgra dbyangs gsung gi 'khor lo ni// brjod pa'i sgra ni sna tshogs pa'i// ma lus par ni rang snang bas// gsung gi phyag rgya bzhir nges pa'o// rig pa thugs kyi 'khor lo ni// zag med ye shes drug ldan zhing// sde tshan brgyad kyis brgyan pa ni// snying po dngas ma lngar snang ba// yon tan sprul pa'i 'byung bzhi nyid// bye brag brgyad cu kun 'dus pa'i// 'gro 'du thig le kun gyi dngos// sprul pa'i thig le rang 'char ba// snang ba'i mdzad pa bsam mi khyab// gang du thabs las byung ba yi// dngas ma'i ro lnga myong 'gyur bas// rten bcas ngo bo dag gyur nas// mdzad pa'i byin rlabs bsam mi khyab// shes rab thabs rol sgyu ma las// rang bzhin sgyu 'phrul chen po 'char// thabs dang thabs byung 'brel ba nyid// thams cad kun gyi gzhir gnas pa// ma skyes sems kyi rang bzhin las// sna tshogs sgyu ma'i don 'char ba// thabs la brten pa'i skyes bu nyid// gnyis su med par gnyis med 'brel ba dra bar bshad/ kyang/ 'brel bar bshad// gnas bzhi gar thabs sgyu ma las// nam mkha'i ye shes cir yang gsal// cir yang bdag nyid reg par 'brel// drang ba'i don du nga yis bshad// gsang ba rang byung 'khor lo ni// gnas dang ngo bor ldan pa yi// thabs dang rkyen las snang ba yi// ro lnga sems la mnyam 'jug pa// steng 'og thabs kyi mtshon byas pa// ye shes lnga yi ngo bor bshad// g.yas g.yon dbus dang ldan pa yi// nyi zla 'bar ba gang 'jog pa// thabs ldan gnas sems rtsi yis bzung// yon tan kun gyi ngo bor gsal// ma lus pa yi byang chub sems// gnas rten byed pa'i ngo bor bcas// skad cig thabs las mngon gyur pa'i// bde ba chen po'i ngo bor snang// rang byung snang ba'i mtshan ma kun// bde ba chen po'i don rtogs pas// dngas ma'i snying por gsal gyur pa// bde chen nam mkha'i mthar ltar snang// gang du mtshan rtog kun spangs pa'i// bde chen ye shes ro dang bcas// thabs dang shes rab 'brel ba yi// ma lus sku gsung thugs su snang// thabs ldan ye shes rgya mtsho yis// chos kun ro gcig kun gsal ba// rtog dang mi rtog cha las 'das// de nyid mtshon pa med par bstan// sangs rgyas 'khor lo kun 'dus pa'i// gsung gi dkyil 'khor mi zad pa// gdul bya'i don du kun bsgrags pa'i// rang byung 'khor lo'i gsung du gsal// phyi nang gsang ba'i mthar thug pa// snod bcud ro dang bcas pa las// mi rtog gsal bar rang snang ba// 'khor lo kun gyi gzhir gyur pa'o// zhes nyid la nyid bshad do// sgyu 'phrul rgya mtsho'i rgyud las/ gsung gi 'khor lo mngon du phyung ba'i le'u ste bzhi'o//// de nas bcom ldan dgyes chen po// sangs rgyas kun gyi rang bzhin des// kun 'byung sgyu 'phrul rgya mtsho che// dngos grub cho ga yang dag gsung// rang byung sgyu 'phrul drwa ba ni// sangs rgyas kun gyi rang bzhin te// gsang ba'i ngo bo thabs kyi gnas// dngos grub kun gyi rtsa ba ste// sems nyid kun gyi rtsa ba yin// de nyid dngos med snying po ste// thams cad 'byung ba'i gnas mchog nyid// ma bcos sgyu 'phrul chen po las// gnyis med 'brel pa drwa ba'i don// ro gcig gnas kyi khyad par las// yon tan rin chen sna tshogs 'char// sangs rgyas dkyil 'khor ma lus pa// bzhi bcu rtsa lngar rang bzhin gnas// de nyid grangs las 'das pa ste// ma bcos rang rig byang chub sems// thabs dang shes rab gnyis med pa'i// cho ga sna tshogs 'dod rnams la// rang gi mos pa ji bzhin du// cho 'phrul sna tshogs bstan par zad// rang byung yo byad dag pa ni// bskyed cing sbyangs nas 'bar ba ltar// nges pa rnyed nas longs spyod na// 'tsho ba bdud rtsi'i ngo bo ltar// gang gis rang rig byang chub sems// cho 'phrul gsal bsgoms rnal 'byor pas// rang byung lnga la byin brlabs te// zos pas phyi nang nad sel 'gyur// phyag rgya'i dkyil 'khor gsal goms na// rang byung gtsang sme med sbyar zhing// dang po gang yang rung ba dag/ gang ltar bsgyur ba der 'grub ste// rtogs goms stobs las byung ba'o// bdag nyid gsal bar brtan byas nas// mkha' dbyings rdo rje gtams pa las// bdag nyid bgrod par nus pa na// rnal 'byor gsal ba'i don rnams bya// gang gi spyan dang thugs gsal bas// mi mthun ma lus kun bsregs nas// dngos med stong pa'i ngang du tshig/ lag mthil zla ba'i chu rgyun bsam// nam mkha' sa gzhi bcas pa nyid// chu yis thams cad gang byas nas// sreg pa'i bskal pa gzhil bar bya// rang gi sgrol ma'i rnal 'byor bsam// brtan zhing goms par gyur pa na// gling bzhi ri rab 'khor yug rnams// ma lus brlags shing 'thor bar 'gyur// yaM gyis bud cing khaM gyis bkrus// raM gyis sbyangs pas dngos po dag/ bdag gzhan rgyud la snang ba rnams// dngos med stong par ston par nus// mi mthun phyogs kyi dgra bgegs dang// sangs rgyas btsun mo gang yang rung// lha'am gnod sbyin bu mo dag/ ting 'dzin sbyor ba goms pa yis// de ma thag par dgug nas ni// bdag nyid ji ltar dga' bar byed// de nas 'dod pa'i don rdzogs nas// yid la der gnas mi 'dod na// gang dga'i gnas su btang nas ni// phyis ni dam bca' bzhin du 'grub// gal te phyogs par ma gyur kyang// bdag gi bya ba ma rdzogs par// sngags dang phyug rgya ting 'dzin gyis// ji srid 'dod par bcing bar bya// rang gi don ni legs grub nas// lus dang sems ni sgrol ba yis// pha rol ci bder gnas par bya// bdag dang gzhan dag phan 'dod pas// rim pa bzhin du bcun par bya// bdag nyid thar lam bgrod pa yis// stong pa chen por goms gyur nas// rgyal ba'i sku tshe mi 'chi nyid// mtshan ma'i rgyun gyis tshe bsdus nas// 'dod pa yid 'ong thob par 'gyur// steng 'og rlung la dbang thob nas// bar ma'i rkyen gyis bslu ba med// mtshan bzang thig le bcu drug sogs// dben pa'i gnas su zla dang bcas// zhun chen la sogs bcud kyis gso// gang rgyas bdud rtsi gsang ba'i lces// bsdus nas brngubs kyang/ mi 'chi nges par myang// lnga yi rtsa ba yan lag bcas// bdud rtsi rigs brgya nga gcig sbyangs// rtags phyin 'thungs na the tshom med// ra sA ya na la sogs la// bsgrubs shing bsten na de bzhin no// tshe mchog las byas zla rgyas sogs// rtags ldan zos pa'ang nges par 'grub// gzhan pa tha mal las sbyar te// bdag nyid kun la nges par 'gro// sngon song pa yi snga rol nyid// yang na mthar nye'i lam che'o// tshe yi rten ni gang rung la// bdag nyid stobs ldan rnal 'byor pas// phyogs bcu'i gzi byin kun bsdus nas// sngags dang phyag rgya'i ting 'dzin gyis// bstims la nges par bsrung bar bya// gal te 'chi ba gso 'dod pas// rgyal rigs rje'u dang bram ze'i ro// rma med gtsang ma blangs nas ni// sbyangs shing rgyan dang ldan byas te// bdag gis gang yin bkug nas ni// mngon bstim rtags dang ldan gyur nas// mgo dang lce bcad go mtshon gyis// lha min g.yul las 'joms par byed// lce bcad bltabs pas gser yin te// langs nas dam bca' chu blud nas// gang 'dod las ni bcol bar bya// gal te drag po brtsams gyur na// de yi bdag nyid dag la brten// ming rus bcas pa gsal bar bya// drag po'i gnas su bzhag nas ni// gnyen pos gnas bkug bstims byas nas// dug dang lan tshwa tsha bas bstims// gnas lngar phur gdab de nyid gnon// 'dis ni kun kyang brlag par 'gyur// dgra dpung 'pham pa'i las bya na// bdag nyid lha ru gsal byas la// ras sam gro gar ming rus bris// chags pa'i gos kyis gril byas nas// g.yas pas legs par gnan nas kyang// nga rgyal rang gi sngags bcas pas// phyogs su 'phyos pas 'pham par byed// de yis rgyal bar 'gyur ba ste// spyi gtsug 'khor lo rtsibs bcu bzhag/ khro bo'i sngags bris byin brlabs na// ma yengs gar phyin rgyal bar 'gyur// gzhan yang thabs dang ldan pa yis// thabs dang shes rab gdan bskyed de// rgyal ba'i dkyil 'khor nyi zlar langs// gnyis thim nyi zla bcud lngar 'dres// 'thungs pas bdud rtsir dag par byed// de nyid gnyis med ldan gyur nas// rtse sprad byed pa'i thabs bcas pas// dug gsum nad bsal bde chen gyis// rang dga'i lus kyi stobs su gnas// rlung sems bde bas gang gyur tshe// thun mong thun mong ma yin pa'i// 'dod pa lnga la longs spyod cing// zhing dang spyod yul dag par 'gyur// gang tshe thabs dang ldan pa yis// tha mal snang ba lus bcas pa// dka' zhing gdung ba spangs pa yis// bde chen dbyer med nyid du 'gyur// rang rig 'od gsal nam mkha' ni// rdo rje pad+ma la brten pas// 'byung bzhi thabs kyis 'bar ba yis// tha mal zhen pa mi gnas shing// byang chub sems kyis gang bar byed// sgrol ma rlung gi thabs ldan pas// 'bar nas rim par gnas bskyod pas// steng gi thig le zhu ba'i sems// dngas ma lngar thim gsal ba'i tshe// stong nyid nam mkha'i rang mtshan nyid// dbang po yul sems zlog par 'gyur// rang byung bcud 'dus thig le nyid// thabs kyis phyag rgyas bkug byas nas// thabs dang shes rab stobs kyis bcings// rang byung bde ba'i nyams shar nas// rang rang gnas su gtang ba'i tshe// rlung sems zhen 'dzin grol gyur nas// sems mtha' 'gro 'ong med pa'i tshe// ye shes rgya mtsho gsal gyur nas// ma lus bde chen 'bar bar gnas// bdud bzhi ma lus 'pham pa yis// phyogs med rgyal ba'i dkyil 'khor du// ting 'dzin gsal bar byed par 'gyur// bde ba'i thig le rang snang bas// ming tshig tha snyad brjod bral bas// thabs dang shes rab thabs mtshon pas// bde chen rig pa'i thig ler 'gyur// thun mong khyad par yo byad kyis// sngon du bya ba kun byas nas// rang gi thabs ldan rnal 'byor pas// ji ltar bsgrubs pa bzhin du 'grub// sangs rgyas kun gyi sku gsung thugs// rang byung bde chen rgya mtsho ni// byin rlabs kun gyi bdag nyid pas// kun la 'tshams pa bzhin du 'char// thig les bde ba myong gyur nas// bde ba'ang thig le'i ngo bor gsal// gnyis med rang byung snying po la// gsal bar nyams kyis goms par bya// bde chen thig le'i ngo bo ni// rdo rje 'dzin pa'i bdag nyid de// rigs kyi bdag po kun las grol// mtha' dbus rgyu 'bras las 'das pas// thig le rang rig byang chub sems// 'gro 'ong dmigs 'dzin zhen las 'das// de bzhin nyid du gshegs pa yang// sna tshogs zhen las grol bar zad// thabs dang shes rab thig le yi// nyi zla gsal ba'i sems ldan pas// dngos med nas kyang/ lhan cig skye nus na// sgyu 'phrul drwa bar gsal bar 'char// zhes nyid la nyid gsungs pa'o// sgyu 'phrul rgya mtsho'i rgyud las// phyi ma bsgrub pa'i le'u ste lnga pa'o//// de nas bcom ldan dgyes chen po// mtha' dbus med pa lhun grub pa// ye shes kun gyi bdag nyid de// sku yi dkyil 'khor snang bar mdzad// gcig dang du ma bral ba yi// rang byung ye shes phyogs med pa// ye shes lnga rdzogs snying po 'di// mu khyud snying pos yongs su bkod// sangs rgyas kun gyi gzhal yas khang// ngo bo ji bzhin gsal gyur pa// che ba'i yon tan lhun rdzogs pa// dkyil 'khor kun gyi rang bzhin nyid// ye shes 'khor lo drwa ba gcod// mu khyud thig les yongs su bskor// che ba'i yon tan phyogs med cing// thar pa'i grong khyer khyams ldan pas// rnam thar mdzes pa'i sgo dang ldan// 'dod yon lnga dang bzhugs gnas kyang// zad pa med pa'i tshul du gnas// bdud dang 'khor ba'i nyes pa yis// mi 'jigs stobs dang rdzu 'phrul dang// dbang dang phrin las lhun rdzogs pas// thabs dang shes rab skyon bral bas// rgyal ba kun gyi gnas pa'i gdan// rang byung rig pa'i 'phrul pa yis// mdzad pa rdzogs dang ma rdzogs pa'i// 'gro ba'i don la ma 'dres pas// lha dang gdan gyi khyad par dang// bzhugs tshul rgyan cha sna tshogs bstan// rang byung rgyal ba thams cad kyang// rang gi rtog pa der byung gi// rgyu 'bras dka' thub rtsol ba yis// gzhan 'byung tha dad chos dang bral// rang rig lhun gyis grub pa la// yon tan khyad par kun rdzogs pa// thabs chen gsang ba goms rtogs na// che ba'i 'bras bur bdag nyid gnas// sgyu 'phrul drwa ba'i dkyil 'khor ni// kun nas rgya yang ma chad pa// phyogs bcu dus bzhi sku gsung thugs// ma lus bdag nyid byang chub sems// gdod nas dag mnyam rtogs pa yis// mi zad 'khor lo rang snang ba// ma lus thams cad dag pa yis// byar med bya las 'das pa yi// rang byung sgyu 'phrul rgya mtsho che// skyes bu rab la de bzhin snang// ma lus 'dod stobs khyad par gyis// thabs dang shes rab 'brel ba la// rab 'bring tha ma'i stobs bzhin du// dka' thub gdung ba spangs pas 'grub// thabs chen thabs las byung ba yi// gtso 'khor dbyer med dkyil 'khor ni// 'khor ba dag byed maN+Da la// bsgom pas 'bras bu mngon du 'byung// thabs chen rgya mtshos zin pa la// 'khor ba'i rgyu 'bras ngo bos stong// 'das dang ma 'das dbyer med pa'i// rang rig byang chub de bzhin nyid// rang rig byang chub rkyen bral ba// mos pa'i yon tan khyad par gyis// rang rang kha dog ji bzhin du// yon tan stobs las mngon snang ba// ma 'dres gsal bar shar ba nyid// sgyu 'phrul thabs kyi ngo bo ni// drwa ba shes rab ma skyes dbyings// gnyis med gnas pa rtogs goms nas// 'bras bu rdzogs pa'i tshul du gnas// bskal par sbyangs dang rang gnas pa'i// blo yi bye brag ji snyed pa// thabs kyi rim pa de bzhin te// 'bras bu lhun grub nyid du 'gyur// sangs rgyas kun gyi gnas gyur pa// gsang ba'i bzhugs gnas thig le'i rten// ngo bo mtha' bral gnyis med pa// che ba'i yon tan lhun rdzogs pa// sgo dang ldan te snying por rdzogs// thig le chen po'i rang bzhin la// 'bras bu'i mtshan ma rang bzhin rdzogs// thabs chen nyi zla'i ro 'dres pas// ye shes dkyil 'khor gsal bar snang// sangs rgyas dkyil 'khor ma lus pa// sku gsung thugs kyi phyag rgya nyid// ma lus nyi zla'i tshul gnas te// skal ldan thugs la 'jug par 'gyur// bde chen rig pa'i dkyil 'khor ni// ma lus 'dus pa'i byang chub sems// thig le rlung dang bral ba yi// rdo rje 'dzin pa nyid du 'gyur// gang dang gang du zhen bzung ba// bde chen thig ler zad gyur nas// zhing dang spyod yul bcas pa dag/ ma lus rig pa bde chen po// thabs dang shes rab dbyer med pa'i// gsang ba'i thig le kun gyi dngos// thams cad rang bzhin rdzogs pa'i phyir// thams cad kun gyi ngo bor gnas// steng 'og g.yas g.yon las byung ba'i// snang stong thig ler 'dres pa'i bcud// nyi zla thabs dang shes rab nyid// gnyis med thabs su 'brel ba yin// brjod bya'i yon tan kun 'dus pa// sangs rgyas kun gyi rang bzhin nyid// ma lus kun las 'brel ba'i phyir// sems lnga'i tshul gyis mngon du snang// thig le dang po nas brtsams nas// ma skyes bde chen bcu drug mtha'// 'gro 'ong med cing mthar phyin pa// rang byung dkyil 'khor lhun gyis grub// thog med bsags las gang gyur pa'i// las dang 'du byed sgrib pa rnams// bde chen sku gsung thugs gyur nas// ma bsgribs ye shes ngo bor 'char// bye brag brgyad cu sprul pa yi// thig le'i rkyen gyis 'dus gyur pas// ma lus mun pas snang ba bzhin// dngos byed thabs kyi snang byed pa// rang byung rang snang ngo bo nyid// bde ba chen po'i thig le nyid// phan tshun 'brel zhing 'dres pa las// nyi zla 'khor bcas de dag kun// gsang ba'i thig le 'phro 'du med// bde chen thig ler lhun rdzogs pa'i// byang chub sems la dngas snyigs med// lus ngag sems kyi bya ba rnams// gang gis 'dul bar mi nus pa// byin rlabs rten 'brel las byung ba'i// bde ba chen po'i ngo bor 'gag/snang gsum las 'das thig le ni// phyogs 'dzin dmigs pa las 'das pa// rang rig dmigs zhen dag pa yi// 'dus byas zag pa'i bde ba med// sangs rgyas kun gyi thig le ni// 'gro 'ong thig le rgyu ba dag/ mkha' ltar dag pa'i byang chub sems// rkyen bral ye shes zag med de// 'phel 'grib med pa'i tshul du gnas// rgyud chen sgyu 'phrul drwa ba las// rang byung ye shes rgya mtsho nyid// gdul bya mos pa'i bsam pa bzhin// thugs rje byin rlabs bsam mi khyab// ji snyed mtha' yas chos rnams ni// rgyal ba kun dang dbyer med pa'i// sku gsung thugs kyi ngo bo ste// dbyer med bde chen phyag rgyar gsal// gang du snang dang mi g.yo ba'i// bya ba byed dang mi byed pa// sgyu 'phrul drwa bar rdzogs pa yis// thig le mchog gi snying por gnas// rten dang brten par bcas pa yi// sgyu 'phrul drwa ba'i dkyil 'khor ni// sna tshogs bsam pa las byung ba'i// dkyil 'khor chen por 'bar bar 'gyur// zag med ye shes lhun rdzogs pa'i// gdul bya'i bya ba kun kyang spyod// ces nyid la nyid bshad do// sgyu 'phrul rgya mtsho'i rgyud las/dkyil 'khor yongs su rdzogs pa'i le'u ste drug pa'o//// rdo rje 'dzin pa chen po ni// sangs rgyas kun gyi dngos gzhi ste// gsung gi 'dul ba'i don du ni// de dag 'khor lo bskor bar mdzad// rtsa ba cir yang 'gyur ba'i b+h+rUM// rin chen ye shes sna tshogs pa// phyi nang mtha' dbus rgya bral ba'i// chos dbyings 'og min gzhal yas khang// rang rang sa bon bskyed pa dang// gnas dang byin gyis brlabs pa yi// rdo rje 'dzin dang rgyal ba 'dzin// sangs rgyas nor bu pad+ma dang// shes rab 'dzin pa'i rim pa bzhin// 'khor lo'i tshul bzhin gnas par mdzad// rang rang sa bon ji bzhin pa'i// gnas dang bskyed pa'i byin brlabs pa// nang dang sbyor ba las byung ba// lnga ste 'byung ba'i rang bzhin nyid// rang gi btsun mo spyad bya ste// bde skyed 'khril ba'i tshul du gnas// ming gi dang po las byung ba// rnam shes bzhi yi mnyam nyid ni// gnas bskyed thabs kyi byin brlabs pas// rang gi gnas su de bzhin gshegs// thun mong thun mong ma yin pa// yul bzhi bde skyid btsun mo ste// sa bon gnas bskyed thabs las byung// thabs dang 'brel ba'i tshul du bzhugs// skye mched gnas kyi rang bzhin las// ming gi dang po las byung ba// gnas dang skyed pa la sogs pa'o// gnas ni ji bzhin gnas par 'dod// thun mong thun mong ma yin pa'i// dus bzhi btsun mo'i rang bzhin ni// dgyes pa skyed pa'i lha mo ste// gnyis med 'khril ba'i tshul du gnas// dgug dang bsdam dang bskyod pa dang// dgyes pa chen po'i rang bzhin nyid// tshim dang me tog gtor ba yis// gnyis med lhan cig gsal ba yis// ma lus khyab cing gsal bar byed// 'di dag dbye dang dbab pa dang// thim dang bde bas tshim pa dang// rim pa bzhin du yang dag gnas// gang du rang gi sa bon las// gong ma ji bzhin gsal gyur pas// lus kyi chos bzhi'i ngo bo ni// ta kr-ita sgo srung tshul du gnas// gzhan dag rang gi btsun mo ni// lha mo bzhi yi dang po las// thun mong thun mong ma yin pa'i// mtshan ma 'joms shing 'khril bas 'khod// ma lus 'dus pa'i ye shes ni// dmigs pa gsum las 'das pa ste// yul gsum 'das pa'i 'dus ma byas// de nyid 'dus pa'i ye shes dbyings// kun gyi rang bzhin nyid ces bshad// thabs dang shes rab la sogs pa// thun mong thun mong ma yin pa'i// chags sogs mtshan ma drug po ni// sa bon gnas bskyed las byung ba'i// sprul pa'i sku ni mngon par brjod// rang byung rten gyi thig le nyid// phyag rgya bzhi yi sbyor ba las// dga' dang chags dang bde ba dang// ye shes nyid ni gsal bar 'byung// sems lnga ye shes lngar smin pa'i// ye shes thig le gnas 'phos nas// rang 'dod gnas la phog par mdzad// nyi zla rig pa'i thig ler bcas// phan tshun 'dres par gyur pa na// lnga dang lngar ni mi phyed pas// rig pa'i me tog dor zhes brjod// gang gis gang la gsol btab pas// thugs rje byin brlabs sbyangs byas nas// thugs bzhugs 'dres nas dbyer med pa// sras gyur dgongs pa gcig la gnas// rang byung gnas dang mi 'gal zhing// 'bras bu nyid las gzhan min pas// ma lus 'khor lo thig le rnams// bdag gi sras su bsgom par bya// lam dang 'bras bu'i khyad par dang// rtog pa ye shes 'od las byung// byin rlabs 'bras bu dngos 'brel bas// de bzhin gshegs pa'i sras tshogs bsgom// rang gi ma bcos dngos nyid las// rtogs pa'i ye shes byin rlabs nyid// ma lus snang bas rgya mtsho ste// dman dang rigs chad spyod yul min// ma lus sku gsung thugs sbyor ba'i// de nyid thabs dang shes rab ste// dbyer med thim pas phyag rgya bzhi// gnyis med 'dres pa'i tshul du gnas// gnas lngar thim pa'i thig le ni// sangs rgyas kun gyi rang bzhin te// ye shes lnga yi dbang bskur phyir// dbu rgyan cod pan ldan par brjod// gnas gsum yi ge'i rang bzhin nyid// sangs rgyas kun gyis byin brlabs pa// thim pas gzi byin bskyed pa ste// sku gsung thugs kyi rang bzhin no// dngas ma 'dus pa'i thig le la// ye shes lhun rdzogs lnga yi ros// ma lus kun la rgyas btab pas// ye shes lnga yi tshul du gnas// nyi zla 'dus pa'i thig le nyid// rngams dang thabs kyi rang bzhin las// gsang ba'i ye shes lnga yi ros// khyab pas gnyis su med par gsal// 'khor lo gsum gyi thig le nyid// yi ge gsum du rang gnas pas// thabs kyi sbyor bas gnyis su med// sku gsung thugs kyi sbyor ba'o// g.yas g.yon thig le dbus gnas pas// yab yum bde ba'i thabs dang bcas// rang lus bde chen gsal 'bar gnas// sku gsung thugs kyi phyag rgyar snang// gzhan yang gsung gi phyag rgya mchog/ ji ltar 'dul ba de nyid du// rtogs 'dul gnyen po thabs su snang// de nyid mtshan mar bsam mi khyab// sangs rgyas ma lus phyogs bcu rnams// thugs rje ye shes sna tshogs kyis// gsung gis de ltar bstan pa'i phyir// gsung gi phyag rgya'i ngo bor shar// brjod dang brjod bya dbyer med pa'i// rang byung gsung gi dkyil 'khor nyid// ma lus 'dus pa'i gsung mchog nyid// ji ltar 'tshams pa'i tshul du snang// sangs rgyas kun gyi gsung nyid ni// ma lus kun dang dbyer med pas// rtogs dang bsgom dang brjod pa yi// byin rlabs skyob pas sngags su brjod// rgyud chen sgyu 'phrul drwa ba las// thog mtha' med pa'i byang chub sems// gsung mchog phyag rgya mtha' yas pa// ma lus 'dus pa'i ngo bo nyid// ji snyed phyogs bcu'i 'jig rten du// chos kyi phung po dpag med pa// 'dul ba'i thabs su gsungs pa yang// sgyu 'phrul drwa ba'i gsung du 'dus// zab mo rten cing 'brel 'byung ba'i// rin chen rgya mtsho'i rgyud chen 'di// sku gsung thugs dang bya ba dang// spyod dang rnal 'byor rgyud chen rnams// ma lus 'dus pa'i snying por gnas// sangs rgyas kun gyi byin brlabs pa'i// rang byung gsung nyid rang snang bas// bstan pa rgya mtsho'i rang bzhin te// thugs rjes gdul bya'i don du snang// zhes nyid la nyid brjod do// sgyu 'phrul rgya mtsho'i rgyud las// gsung gi dkyil 'khor mngon du phyung ba'i le'u ste bdun pa'o//// de nas bcom ldan dgyes chen pos// lus rtog phung por bcas pa rnams// bde chen lhun grub byin brlab phyir// thugs kyi dkyil 'khor bshad par mdzad// thabs dang shes rab rang bzhin ni// sgyu 'phrul drwa ba'i mtshan nyid do// bde chen thig ler mngon rdzogs pa// phyi nang snod bcud thams cad ni// bde chen byang chub sems kyi rgya// bde chen thig les rgyas btab pas// 'da' dka' rang bzhin mi shigs pa// shes rab stong nyid nyi ma ste// rin chen gsang dkyil zla thig le// sems lnga gnyis sbyor byang chub sems// ye shes lnga ru gsal ba nyid// ye shes dkyil 'khor dpag med pa// sangs rgyas dkyil 'khor kun gyi rgyu// thig le 'brel cing rtse phrad pa// thabs dang shes rab gnyis med pa'i// nyi zla bsnol mar drangs pa las// bde chen nyams myong gcig tu gsal// dngas ma thig ler gsang thim pas// bde ba'i thig le 'phro 'du med// rang byung bde chen 'od gsal ba// sangs rgyas dkyil 'khor lhun gyis grub// phung sogs rtog pa ma lus kun// bde ba'i ye shes lnga ru gsal// de nyid bcu gsum sangs rgyas la/ sa yin nam// ye shes dbyings yig rang gnas pa'i// khams gsum 'dus pa'i thabs las skyes// skyes pa nyid na bdag tu gsal// bcwa brgyad khams sogs btags pa kun// dngos med lhan cig ye shes che// skyon rkyen yang/ bral sems lngas 'pho 'jigs pas// go phye nyid na ye shes lnga// gnyis su med pa'i byang chub sems// kun spangs bral bas gang med pa// snang med snang ba dam pa'o// rang byung thig le byang chub sems// rten dang brten pa dbyer med pa// gsang ba'i thig le nyams dang bcas// rnam shes rlung gis mngon bsdus pa'i// khams gsum thabs kyi ye shes che// rtse mo 'bru gsum gnas mthong ba// rdzas lnga'i ye shes so sor gsal// nyi zla'i khams 'dres grangs mnyam sbyor// 'phel 'grib med pa'i yon tan mdzad// tshogs drug ye shes cha lnga mnyam// thabs las bzlog pas sngon gnas shes// 'gro 'ong rdzu 'phrul nges lung gsal// brjod 'drar thos shing sa gsum mthong// phung khams yul gyi zag pa med// A li kA li bde ba nyid// phan tshun ma 'dres gcig par shes// bcu drug ngo gnyis mtshan dang ldan// phyogs gcig ye shes lnga ldan pa// brgyad cu bzod pa'i rgyu las 'phags// thig le gnyis med bde chen nyid// rnam pa bde ba rang bzhin gcig/ thabs dang 'brel ba'i rang bzhin la/ 'og gi bde chen bla dgas sogs sh+lau ka bar 'dir yod pa'ang 'dug/phyag rgya thugs sogs gdod nas rdzogs// phyogs dus ma lus thams cad ni// bde chen phyag rgyar gsal 'bar bas// sgo gsum bya rtsol ma lus pa// mun pa snang bar gyur pa kun// bde chen gsal bas rtsol ba med// steng 'og g.yas g.yon gnyis med du// bde chen 'khril ba'i rang bzhin la// bde chen phra rags yongs rdzogs pas// yul dbang rnam shes dus dang bcas// phyag rgya bzhi sogs rnam pa kun// bde ba chen po'i ngo bor gnas/ rtogs kyang// khams bzhi 'dus pa'i sku gsung thugs// rang byung thugs su rang dag pa'i// gnas drug lam gsum rang gnas pa'i// thabs kyi drag po me byung bas// bzhu ba'i bde ba'i lte ba yis// ar thim sprul pa'i gsang thig le// ye shes nam mkha' 'byung ba'i rgyu// bde chen rgyu las char rgyun sems// rim par gnas thim khams gsum pa// ye shes lo 'dab 'bras bu bskrun// 'gro ba chags pa can mthong na// lus dang phung por bcas pa rnams/ ma spangs 'dod yon longs spyod kyis// dga' mgu chags pa'i ror bcas pas// bde chen tshim zhing gang bar mdzad// phyi nang snod bcud dran rtog kun// thig le gnyis kyi sbyor thabs las// drug dug kyang 'gyur chags pa rang sel ltar// thabs chen gsang bas grol bar mdzad// phyogs bcu kun 'dus byang chub sems// gnyis med rol pa'i byin rlabs kyis// rdo rje gsum gyis lam mtshon te// ma skyes don gyi snying por thim// sprul pa'i thig ler rang shar bas// bde ba chen po'i ngo bor smin// kha dog cha byad rang nyams dag/bde ba chen por kun 'gyur bas// de nas snang mdzad rdo rjer bcas// yon tan gsung mchog las su bcas// spyan dang nam mkha' lha mo lnga// dbang po yul sems dus bcas pa// rang rang bde ba'i thig les rgyas// bde ba'i cho 'phrul phyogs bcur snang// la la blta zhing chags pa dang// la lar 'khyud cing rmongs mdzad de// bsdams pas bzhad dang zhal sprod dang// dgod dang sgeg dang 'dzin pa dang// bskyod dang phyogs bcur bgrod pa yis// ma chags pa ni de bzhin te// chags pa smin cing rgyas par mdzad// rmongs dang brgyal bas kun bsdus te// ma lus bde ba chen por thim// bde chen gsang ba'i phyag rgya yis// nam mkha'i dbyings ltar rgyas btab pas// thams cad bde ba chen po'i dbyings// rang byung gsang ba thig le'i dbyings// thams cad ma lus byang chub sems// rang snang dkyil 'khor phyag rgya'i tshogs// gnyis med ye shes sna tshogs mchog/ mi dmigs mi gnas de bzhin nyid// rgyal ba'i dkyil 'khor ma lus pa// sku gsung thugs kyi de bzhin nyid// dag mnyam bde bas rgyas btab cing// dus bzhi mnyam pa'i ngo bor gsal// 'jig rten 'das dang 'jig rten pa// ma lus thugs kyi dkyil 'khor nyid// sangs rgyas byang chub sems dpa' dang// zhing dang 'khor lo rol mor bcas// ji snyed dngos dang dngos min pa// thams cad bde ba chen po nyid// lam dang bral ba'i khyad par dang// yon tan lhun rdzogs bsam mi khyab// nam mkha'i dbyings dang mnyam pa yi// sgyu 'phrul drwa ba'i dkyil 'khor snang// thabs chen thabs las byung ba yi// byang chub bde mchog thig le nyid// mi phyed bde chen ro gcig pa// skal ldan dag pas mngon gyur pa// sangs rgyas zhing gi rdul snyed du// che ba'i yon tan kun spro zhing// mdzad pa sna tshogs rol par ston// mnyam nyid dbyings las g.yos pa med// dbang phyug rgyal ba rgya mtsho rnams// sku gsung thugs ni rdo rje yi// nam mkha'i dbyings kyi mtha' klas pa'i// dgyes chen ro yis khyab byas nas// bde ba chen po'i tshogs su snang// rdo rje slob dpon thabs ldan gyis// pha rol dag par bya ba'i phyir/ skabs gsum dag ni ma gtogs par// byang chub sems ni 'phro ba min// bde ba'i thig le yongs rdzogs pas// bcu drug rdzogs pa'i tshul du gnas// zhes nyid la nyid bshad do// sgyu 'phrul drwa ba rgya mtsho'i rgyud las// thugs kyi dkyil 'khor gyi le'u ste brgyad pa'o//// de nas bcom ldan dgyes chen pos// rdo rje gsang ba dam tshig mchog/ nges pa las ni gyur pa yi// dkyil 'khor nyid ni nges par bshad// gang du phyi nang snod bcud dang// dbang po yul sems ma lus pa// bde chen zhing du kun mnyam phyir// sa gzhi rab tu mnyam par bya// phra ba'i dam tshig la gnas pas// phyi dang nang la goms pas ni// sor bzhi mdzub gang tshad du bya// sbyangs dang dri bskyed yid 'jug pa'i// chags pa'i dam tshig blang bar bya// bcu gnyis bcu drug la gnas shing// nyi shu'am nyi shu lnga yi tshad// dbang po pad+ma rab rgyas la// rang bzhin rig par thig btab la// rang rang rigs las brtags pa bzhin// mtshan ma gsal bskyed byin gyis brlab// ye shes mtshon pa'i don phyir 'dod// lus dang b+ha ga'i rang bzhin dang// rang gi rig pa'i dkyil 'khor nyid// dbang dang khyad par ji bzhin du// rim pa bzhin du mkhas pas brtags// lus rtsa yan lag snying du bcas// dkyil 'khor rgyan du ngas bshad de// ma lus gzhan yang snying por bshad// yab yum dngos grub rang bzhin nyid// rdo rje gsum du nges gsal zhing// sangs rgyas rdul snyed sku gsung thugs// mnyam sbyor ma 'dres mnyam pa nyid// gang gis gang la gsal goms pa// de dag gsal ba'i tshad ldan pa// de yis de la byin brlab phyir// lhag pa'i ting 'dzin stobs kyis bri// bdag gzhan byin rlabs nus ldan phyir// rgyal ba'i dkyil 'khor rdul snyed pa// thabs dang shes rab ngo bo yis// gang 'dod thim par byin brlabs nas// rgyan phreng mdzes pas tshul bzhin bya// bdud rtsi longs spyod tshogs ldan pa// bdag nyid mnyes par bya phyir brtsam// longs spyod khams dang gsang bar bcas// me yi cho ga rab ldan pa// thabs kyi cho ga ji bzhin du// las bzhi'i sbyin sreg brtsam par bya// gal te mtshan ma sbyangs pa na// tshad dpag med pa'i bag chags rnams// las dang sbyor bas byang byas nas// snga phyi rim par bar gcod pa'i// bgegs rnams khro bo'i sbyor bas spang// mtshan ma bkod pa'i yam shing la// gnyen po'i sbyor bas bsregs sbyangs nas// bshags dang byin brlabs chos ldan pas// dag pa gsum la gnas bcas nas// dam tshig ye shes bskyed bsgyur bstim// mchod bstod bzlas pas rtags thob cing// ting 'dzin gsal brtan goms pa dang// dbang dang dam tshig ldan gyur nas// lhag pa'i gzugs brnyan gang 'tshams par// bseg sbyang cho ga rgyas par brtsam// ltas brtag las kyi rim par bya// gang du chags pa'i dkyil 'khor dang// chags pa'i glu dang gar dag dang// de bzhin mnyes tshul sna tshogs pa'i// bro gar sprin tshogs rnams kyis mchod// gang du gnyis med dkyil 'khor ni// nam mkha'i tshad dang mnyam sbyor bas// bde mchog sgyu 'phrul drwa ba nyid// sna tshogs 'bar zhing khyab par gsal// gang zag mos pa'i don du ni// dkyil 'khor bzhir ni snang gyur te// 'jug dang dam tshig ldan pa la// dbang bskur cho gas legs par smin// chags pa'i dam tshig la gnas pa'i// bde ba chen po'i man ngag 'di// dka' thub can dang rgan po dang// ma ning byis pa'i spyod yul min// gang du chags pas bcings pa rnams// chags pa nyid kyis rnam grol zhing// nyon mongs rtog pa ji snyed pa// thob dang ldan pas ro myang ba'i// 'jig rten chags pa 'jig dus su// de dag thang gcig rnam par grol// dbang po kun las rab 'das pa'i// bde ba chen po'i rang bzhin du// ma lus gsal bar mnyam sbyor bas// dka' thub tha mal gtsang sme dang// re dogs bag tsha rnam par spangs// 'jig rten mun pa rnam bsal nas// da lta nyid du rnam grol bas// mun pa la ni mar me bzhin// phyis 'jog 'bad rtsol med par mdzad// de nyid rdo rje sems dpa' ste// btsun mo'i tshogs dang rol mdzad cing// rdo rje pad+ma mnyam sbyor nas// 'o dang 'khyud pas gar mdzad cing// byang chub sems dpa' rdul snyed dang// lha mo rdul snyed bcas pa kun// spyan ni chags pas gzigs mdzad cing// snga phyi dran rtog kun 'gags nas// bde ba chen por rab tu 'bar// zhing khams snod bcud bcas pa dag/ sgyu ma chu zla brag cha dang// dri za'i grong khyer bzhin du mthong// de phyir rnam dag lha mo yi// pad+mar rdo rje'i thabs reg pas// bskal par bsags pa'i mun pa dngas// dngos dang dngos med rnam par spangs// 'dod chags dri med chags bral 'joms// bde chen 'dod pa bzhin du 'grub// thabs dang shes rab gnyis med pa'i// gsang ba thabs kyi bde bskyod pas// bcu gnyis sa la nyi shar tshe// lus kyi chos bzhi 'dus byas pas// thig le kha bsgyur phan tshun du// dgod pa'i stobs kyis spyir gnas tshe// sku gsum mi zad 'khor lo tshogs// 'bad pa med par shugs kyis 'byung// gnas kyi gzhi lnga 'bras bu yang// tha dad rgyu med dus gcig khyab// thabs kyi dam pa nga yis brjod// rang byung thog mtha' med pa yi// thabs dang shes rab nyi zlar bcas// re dogs 'jigs pa spangs byas pas// tshe 'dis sangs rgyas lhun gyis 'grub// rdo rje 'dus pa'i snying po dang// ge sar bcud bcas 'brel pa yis// ji snyed kun 'byung dngos 'di dag/rang dbang med par rnam par 'jig/ pad+ma kha phye lta bu la// zla ba rgyas pa'i thabs sbyor ba// dzaHhUM baM hoHthabs ldan pas// mdzes dang chags dang bde ba yi// grong khyer gnyis med ngang du 'jig/ nyi ldan hUM phaT oM dang mUM// bskyod 'dres bde ba ngoms pa med// thig le 'pho ba'i rgyun bzhin du// dga' ba'i phreng bas rgyu 'bras 'byung// brjod dang bral ba kun gsal ba// rig pa'i gsung dbyangs gnyis med rdzogs// nyi zla 'dres pas lhar bskyod pa// sa ya bcu gsum bcu gsum lha// phyogs ris med par kun nas ldang// dgyes pa chen po'i gar yin no// bcud 'dus thig le thabs sbyor bas// 'byung ldog bde ba dgyes pa che// mUM gyi sgo phye las byung ba// puN+Da rI ka'i me tog dag/ gnas su 'phros pa'i chu skyes dga'// de nyid slar thim thabs las skyes// de tshe ye shes gnyis gsal mi// bde ba chen po kun tu gsal// mtha' gnyis rab mnyam lhun rdzogs pa'i// ye shes rgyal ba kun gyi thugs// rim nas rim par bcu drug go// dang po bzhi tshogs gnyis sbyor lam// gsum pa bzhi mthong bzhi bsgoms pa// tha mar thim brjod rim bzlog pa// rim pa bzhin du gsal goms pas// 'gro 'ong med pa'i thig le nyid// 'bras bu'i ngo bor lhun gyis rdzogs// rang byung ye shes thig le la// 'bras bu'i ro rnams rdzogs par ldan// ngo bo thabs kyis mngon gsal na// 'bras bu lhun gyis rdzogs par gnas// zhes nyid la nyid gsungs so// sgyu 'phrul rgya mtsho'i rgyud las/ rdo rje bkod pa byin gyis brlabs pa'i le'u ste dgu pa'o//// de nas bcom ldan dgyes chen po// kun mchog dbang phyug rgyal ba yis// byin brlabs gsang ba rtogs bya'i phyir// rdo rje byin brlab mchog tu mdzad// gsang ba mchog ldan dbang phyug gis// 'khor lo rim par brtags byas nas// snod dang mos pa ji bzhin du// rab 'bring tha ma'i bsam pa ltar// phyag rgya mdzes pa'i rol pa dang// thig le mchog tu 'dres pa yis// dri med dbang bskur grol bar mdzad// sems kyi thig le thog mtha' med// rang rig mkhyen pa'i ye shes la// kun mchog thabs kyi dbang bsgyur bas// tshe 'dis nges par grol bar 'gyur// sangs rgyas kun gyi sku gsung thugs// rdo rje dbang phyug snang ba yis// snang dang ldan pa'i gang zag la// byin rlabs dngos po 'jug par 'gyur// de tshe stobs dang nus mthu dang// byin rlabs mngon shes la sogs pa// shes rab ting 'dzin la sogs pa// 'di tshe rtags ni 'byung bar 'gyur// phyag rgya dbu rgyan cod pan dang// gdugs dang bum pa bza' btung dang// rgyal mtshan go cha snying po dang// phreng ba dag gis dbang bskur te// de nas glegs bam phreng ba dang// rgya gram 'khor lo rdor dril nyid// nus pa brtan po thob pa'i phyir// ting 'dzin ldan pas sbyin par bya// de nas rgyal ba'i sku thob pas// gsung dang thugs la gnas bya'i phyir// gsang ba la sogs rim pa bzhin// mos pa ji bzhin bstan par bya// gzugs dang lang tsho ldan pa dang// btsun zhing na tshod dar la bab// dul zhing blo gros mchog dang ldan// yon tan phun sum tshogs pa dang// zas dang gos sogs rjes bsrungs la// dam tshig sdom phog dbang bskur nas// thabs dang shes rab byin brlabs nas// mchod bstod bzlas pa mthar phyin pa// thig le nus pa brtan phyin nas// tha mal zhen pa spangs pa dang// gnas ngan len pa dag bya'i phyir// thabs dang shes rab thig le'i bcud// rtse nas rtse ru phyin pa yis// rang rig lus ngag sems su bcas// bde ba chen por 'bar bar 'gyur// lus ngag sgrib pa dag byas nas// phyis ni bde chen gsal bar bya// nyi ma zla bar ldan pa yis// thig le rgyas shing brtul zhugs ldan// byin rlabs mnyes par gyur nas ni// 'dod chags thig le rgyas byed pa'i// bstan bcos bye brag brtsam par bya// shes rab thabs kyis g.yas bzung ste// stod smad bkug pas kyo ba blta// dbang po yul bsdus 'khyud pa ni// gsang ba chen po'i zhags pa'o// stod smad shin tu bsdams byas te// ma skyes mi stong sgrog gi las// bskyod pa ha si bde sgra sgrogs// kun tu drag tu bde myang ho// thabs dang shes rab yi ge bcus// ming dang lhan cig skyes pa brtag/ snang ba gsum las 'das pa yi// rnam rtog dngas shing bde chen la// slob mas bde chen myong ba'i tshe// phyi nang zhen rtog ma lus pa// gnyis med ngang du gnas gyur nas// lhan cig skyes pa'i ngo bor gsal// dbang po yul sems ldan pa yis// dran rtog skye 'gag rgyu 'bras rnams// sems lngas bde ba smin pa dang// sa bcu'i khyad par rdzogs par bya// rnam rtog bya btsal yul 'das pa'i// bde chen thig le mi rtog pa// sangs rgyas kun gyi thugs nyid de// gnyis med bde chen ngo bor brtag/ sangs rgyas kun gyi bde chen ni// rgyu 'bras 'gro 'ong kun bral ba// thabs dang shes rab mi phyed pa// rdo rje 'chang chen gsang bar dgongs// ma lus gsang bar ro gcig pas// ye shes sgyu ma bde chen po// gcig dang du ma'i sa las 'das// ye shes rtse mo mchog tu 'dod// rdo rje slob dpon byin rlabs kyis// sgyu 'phrul drwa ba la brten nas// dug gis dug nad sel ba ltar// skal ldan mchog la bstan pa yin// bde chen thig le mi g.yo ba// rgyu 'bras dbyer med byang chub sems// cig car dbang gis mun bsal nas// ma lus bde ba chen por skye// gang tshe zhen pa kun bral ba'i// rang byung thig le gsal ba'i tshe// skye 'gag gnas dmigs 'gro 'ong chos// zhen rtag bde chen ngo bor bzlog/ rgyun chad pa dang mi 'phel dang// rang rgyud pa dang byin med pa// 'jig rten log pa mthar gyur pas// 'di dag rnam par spang bar bya// de nas gang du mtshan ldan pa'i// yid 'ong phyag rgya la brten cing// rgyu ba rlung gi drod ldan pas// de ma thag par grol bar 'gyur// gsang ba'i thig le rgyun bral ba// 'gro 'ong med pa'i thabs nyid kyis// rang byung thig le 'pho 'gyur med// rtogs nas goms par gnas par bya// 'dren pa'i thabs stobs las byung bas// bde ba chen po mi g.yo ba// rnam shes mtshan ma'i yul las 'das// bde ba chen po thog mtha' med// bde ba chen po'i rang bzhin ni// ma skyes bden gnyis dbyer med pa'i// ngo bor ma lus kun gsal ba// mi 'gyur brtan par brjod pa yin// skal dman thabs kyi bde spyod na// steng 'og thabs kyis gnas byas la// shes rab 'phrul gyi 'khor lo bskor// rgyas dang 'byongs pa'i rtags byung na// rgyu ba bcad la 'khor lo spang// bde chen bar chad med 'dod na// thabs kyi rim bzhin bsgom pa dang// shes rab yum gyi de bzhin te// yang na gnyis su med pas bya// rang rang thabs dang ldan par brtsam// bar chad dag ni 'byung ba na// thabs dang ldan pas bskyed par bya// lus la brten pas sems gang ste// phyi nang bde chen rgyas par bya// de nas nam mkha'i mtha' thug par// khyad par bar chad med par gnas// goms pa'i rim dang byin rlabs las// mkha' 'gro gsum gyi snang thob nas// zhing khams phyogs bcu rdul snyed bcas// bde chen zag pa med par gnas// dang po byin rlabs smad thob nas// rdo rje 'dzin pa mtha' thug pa// tshes nas bcu drug mthar phyin ltar// man ngag stobs kyis shes par bya// lung dang rigs pa la sogs pa'i// yid dpyod tshad ma ring spangs nas// nyams myong tshad ma la brten pas// rim spangs tshe 'di nyid kyis 'grub// las dang skal ba dman pa dang// bla ma thabs la rgyab kyis phyogs// log pa'i skye bo'i dbang song ba'i// gang zag 'di dag rnam par spangs// thabs dang ldan pa'i rnal 'byor gyis// mi spyad pa ni gang yang med// mi bya ba yang yod min te// bza' dang mi bza' cung zad med// 'di la sdom dang mi sdom med// thams cad mnyam pa nyid sbyor bas// bya dang mi bya kun las 'das// snang srid 'dod yon lngar gnas te// bde chen rigs ma kun nas dag/ ma lus yid 'phrog tshims byed pas// sgo gsum phyogs su gtad du med// bya med bya las 'das pa yi// rjes su mi dmigs de bzhin nyid// ma bcos rang rig yul dang bral// gang du blo gtad gang 'dzin med// ma bcos thabs kyis bder bzhag pas// rang byung ye shes mtha' dbus med// gcig dang du ma kun bral bas// thams cad ma lus chos kyi sku// bden gnyis tha snyad las 'das pa'i// ma skyes rang rig byang chub sems// yi ge tshig dang ming spangs pa'i// brjod bya ma lus rdzogs par snang// zhes nyid la nyid bshad do// sgyu 'phrul rgya mtsho'i rgyud las/snod byin gyis brlabs pa'i le'u ste bcu pa'o//// de nas de bzhin gshegs pa nyid// gcig dang du ma kun bral ba'i// dgyes pa chen po'i bdag nyid kyi// tshogs kyi dkyil 'khor bstan par mdzad// phyogs bcu dus bzhis bsdus pa yi// sangs rgyas dkyil 'khor ma lus pa// tshogs gnyis las byung bsam mi khyab// rang byung 'khor lo mngon rdzogs pa// dngos po'i 'jig rten mtha' yas pa// sku gsung rdo rje gyur pa ni// dngos por snang ba thams cad nyid// rang byung sgyu 'phrul rgya mtshor bstan// thabs dang shes rab dbyer med pa'i// phyi nang gsang bar 'jug pa yi// rtog pa bzhi la rtogs goms nas// ma lus lhun rdzogs dbyer med snang// don dam kun rdzob dbyer med pa'i// chos nyid dbyings su tshul gcig pas// ma lus rang snang chos thams cad// ma lus byang chub sems su rtogs// sku gsung thugs nyid rang snang ba'i// ma lus gsung gi rgyan du rtogs// thams cad gsung gi yi ge ste// thabs dang ldan pas rgyas btab bo// de nyid dbyer med byin rlabs las// de nyid de yi byin rlabs te// gnyis med tshul gyis rang snang bas// byin rlabs ngo mtshar bsam mi khyab// rang byung rang snang chos 'di dag/ gnyis med rang rig ma skyes par// gsal bar mngon sum the tshom med// rtog pa kun gyi mchog tu bshad// dngas ma las byung thig le yis// zin dang ma zin khyad par las// 'das dang ma 'das rang snang bas// bde chen nang du ro gcig pa'o// rang byung 'khor lo'i rim pa las// gsung gi dkyil 'khor rang snang ba// skye dang ma skyes dbyer med pas// yig 'bru'i tshul dang nges par brjod// gang du thabs kyis byin gyis brlabs// gnas dang rtogs pa'i ngo bo yis// rim pa'i tshul gyis byin brlabs pa'i// 'di dag byin gyis brlabs nyid de// gsang ba de nyid nges pa yi// rig pa'i phyag rgya mngon gsal bas// sgro dang skur pa zhi ba yi// de kho na nyid mngon du snang// thabs dang shes rab dbyer med pa'i// bde ba chen po'i ro nyid ni// ma lus 'dus pa'i rang bzhin te// gnyis med gnyis las gang gyur pa// de nyid thig le'i bdag nyid do// sgra dbyangs gsung gi bstan pa rnams// gnas bzhi thig le'i byang chub sems// thabs dang shes rab gnyis med pas// mi zad 'khor lo gsum du snang// gnas dang thabs dang sbyar ba yang// gsang ba'i byin rlabs rang snang ba// thams cad bde ba chen po ste// de yi byin rlabs nyid snang ngo// sgro skur med pa'i bstan pa nyid// bde chen rlung gi sbyor thabs kyis// snang srid phyi nang chos rnams kun// bde chen sgyu mar mngon sum snang// thabs dang shes rab gnyis med pa'i// yul dang dbang po rnam shes dang// dus dang mtshan mar bcas pa yi// 'dul thabs nyid kyi rang bzhin gyis// thams cad rang gi thabs bzhin du// bde ba chen po'i dkyil 'khor snang// de nyid sgrub pa'i yo byad lnga// ma nyams gsal bar rab spyad na// bdag gzhan ji snyed snang ba rnams// ma lus dag pa'i ngo bor 'gyur// de tshe las kyi gzungs ma bzhi// rig pa'i rtsal las grub pa ste// gnas skabs rim par sbyor ba yi// lhun grub nyid la the tshom med// bsnyen dang nye bsnyen sgrub pa dang// sgrub pa chen po'i rim pa yi// sbyor ba bzhi ni brtsam par bya// bde chen thugs kyi dkyil 'khor gyis// rgyal ba'i dkyil 'khor ma lus pa// dgyes mnyam thim pa'i ro ldan pa// thabs dang ldan pas blangs spyad pas// gang 'dod 'bras bu phun sum tshogs// bdag gzhan phyi nang las byung ba'i// ma lus bsgral bya thams cad ni// so so bya ba kun snang yang// kun gyi rang bzhin de bzhin nyid// bdag nyid gsal bar mngon bsgoms te// ting 'dzin thabs kyis mngon bsgral te// 'jigs pa chen po'i sa thob nas// brtul zhugs mnyam pa'i thabs kyis ni// bde chen ma skyes sras su brlab// kun bzang thugs dang gnyis su med// phyi nang gsang ba'i rang bzhin gyis// snod bcud rgyud rnams dag pa ni// bde ba chen po'i zhing khams nyid// ma lus dag pa nyid du gsal// sku gsung thugs la rab gnas shing// cho ga rdzogs par shes pa yi// gnas dang longs spyod ci 'tshams par// bde ba chen po phongs med par// longs spyod ldan zhing dka' thub spangs// gnas dang longs spyod rgyan rnams dang// 'byor pa ci bder brten pa ni// gang yang 'grub ste gzhan du min// longs spyod dga' bas mi gdung zhing// yab yum 'dod pa lngar ldan pas// brtson pa'i tshul bzhin rab bsgrubs na// rdo rje'i lus dang rnam smin du// tha mal 'di yis 'grub par 'gyur// sa nas sar ni mngon 'phel ba// bla ma thabs dang gzungs stobs kyis// gong bzhin las skal dag pa ni// myur du bar chad med par 'grub// las dang dngos grub phra mo dag/ chu rlabs lta bur rang snang ba// byin rlabs sngags dang ting 'dzin gyis// ji ltar 'dod par 'byung 'gyur te// nga rgyal zhen pa'i tshul dang bral// las dang dngos grub thams cad la// zhen chags sbyor ba kun spangs la// bdag nyid chen po'i sbyor tshul gyis// 'di ni ci bder 'grub par bya// thabs dang shes rab ldan pa yis// ma chags thabs kyi sbyor ba ni// yengs pa med par rab bsgrubs na// myur du 'grub ste gzhan du med// rnal 'byor bsgrub pa thams cad la// gnyis med sbyor ba khyad par che// gang du 'di yi thabs ldan pas// ji ltar spyad kyang 'grub par 'gyur// ma chags pa la chags spyad pas// chags pa nyid kyang 'grub 'gyur te// spyod lam kun tu gnas pa yi// 'di yis 'grub ste gzhan du min// bde chen phyag rgya'i rnal 'byor dang// lhun grub la gnas cho ga bzhin// dus dang rang rang skal ba bzhin// le lo the tshom med brtson pas// rab 'bring tha ma ji bzhin 'thob// 'thob bya kun gyi ngo bo ni// rang byung gsal ba'i snying po ste// gzung 'dzin tha dad kun gyis stongs// byang chub nam mkha'i rang bzhin no// thabs dang shes rab dbyer med pa'i// dkyil 'khor sna tshogs 'bar ba nyid// bde chen sku gsung thugs nyid de// rang byung nyid las gzhan ma yin// thog med dus nas rab sbyangs pa'i// skal ldan dam las ma nyams pas// rang rang cho ga bzhin bsgrubs na// sangs rgyas tshe 'dis 'grub 'gyur na// rig 'dzin sa la smos ci dgos// rang rang goms pa'i thabs nyid de// mos dang 'tshams pa'i khyad par blta// gzhan du cho ga nyams par 'gyur// dpal ldan rang gi dam tshig 'dis// bskal pa bye bar mi 'grub pa// nyi shu lnga ldan lhun grub sa// skye ba 'di la the tshom med// bya ba byed la ma chags shing// gnyis med sgyu mar gsal goms na// dka' thub gdung ba kun spangs pas// 'di nyid la ni dga' bar 'grub// ces nyid la nyid bshad do// sgyu 'phrul rgya mtsho'i rgyud las// tshogs kyi 'khor lo gsang ba'i le'u ste bcu gcig pa'o//// de nas bcom ldan de bzhin gshegs// sgyu 'phrul drwa ba dgyes chen pos// bskal pa brgya stong dpag med du// rnyed par dka' ba'i 'bras bu ste// sgyu 'phrul lam la brten pa yis// tshe 'dis 'bras bu thob phyir bshad// gsang sngags lam la gnas byas shing// thabs dang shes rab dbyer med pas// mtshan ma'i bya ba spangs pa yis// 'di'am bar mar chos sku thob// gang du bden gnyis dbyer med pa'i// don la gnas pa'i rnal 'byor pas// byed pa sdom pa'i man ngag gis// phyi nang dngas snyigs 'byed pa'i rlung// snying po a la phog pa yis// bde chen stong pa'i thig ler mnyam// snyigs ma'i bag chags sangs gyur nas// bde chen nam mkha'i mtha' ltar rgyas// thabs dang shes rab nyi zla'i bcud// bsnyen bsgrub bzhi la goms pa yis// rang nyams rtags dang rtsa rlung gi/ dug gis dug nad sel ba ltar// lhan cig skyes pa mngon du 'char// de nyid bde la mi rtog pa'i// bar chad spangs pas 'grub pa yis// mun pa snang bas gsal ba ltar// ma lus bde ba chen por snang// bdag gzhan bral ba'i bde chen gyis// nam mkha' 'od kyis gang ba ltar// dug gsum ma spangs nan tan bya// gsal bar mngon du nan tan bya// mngon du gsal nas ma bsgoms par// dbye ba med par gsal bar bya// bde chen nam mkha'i mtha' mnyam pa// bskal pa rdul snyed 'phel 'grib dang// 'gro 'ong med pa'i ngo bo ni// bde ba chen po'i rdo rje 'chang// thog ma mtha' ma med pa ni// sangs rgyas kun gyi rang bzhin nyid// dang por rang bzhin skye med pa'i// mi dmigs pa las 'das pa yi// de bzhin nyid de ma bcos pa'i// rang bzhin nges par rtogs par bya// chos rnams rang bzhin dngos med pa'i// bdag gzhan dngos 'dzin zhen bral ba'i// de bzhin nyid ni ma bcos pa'i// rang bzhin ngang gi rnam par bsgom// dngos dang dngos med zhen bral ba'i// rang bzhin ye shes kun snang 'od// nam mkha' lta bur phyogs med pa'i// sgru ma lta bur bsam par bya// rig pa sgyu ma'i rang bzhin las// thabs dang shes rab nyi zla'i gdan// hUM bcas rdo rje 'od du 'bar// phra mo rdo rje sems dpa' 'am// gang yang rung ba'i yab yum bsgom// gang rung phra mo'i rang bzhin las// tshad dang ldan pa'i phyag rgya ste// skyon dang bral bas rtag bsgoms shing// de dag gsal zhing brtan par bya// gnas lnga dang ni gnas gsum dang// gnas gcig phyag rgyar gsal bar bsgom// de nas sangs rgyas rgya gcig las// thabs dang shes rab phye ba yis// brgyad cu gsal bar bsgom par bya// de nas ye shes lnga sogs pas// sku gsung thugs la nan tan bya// ye shes sems dpa' goms gyur nas// rigs bzhi'i sems dpa' yab yum dang// kun bzang yab yum sgo bar bcas// sprul sku la sogs de bzhin gshegs// de nas rgyang grags dpag tshad dam// nam mkha'i dbyings ni bsam yas par// sangs rgyas dkyil 'khor sna tshogs par// 'jigs dang bcas pa'i tshul bzhin bsgom// gang du gang ltar mdzes pa yi// spyod pa rim bzhin brtsam bya ste// dang po bya ba bral ba ste// de nas thugs rje chen po nyid// gsum pa rtse gcig ldan pa ste// tha ma tshogs kyi spyod pa ni// rim pa bzhin du legs par spyad// thabs dang shes rab ldan pa yis// yid 'ong rab dben sa phyogs su// bdag dbang bar chad med pa'i gnas// dge zhing bkra shis phun sum tshogs// bza' btung ro mchog ldan pa dang// glu gar rol mo tshig stabs bro// rgyan dang bgo ba phun sum tshogs// thabs dang shes rab nyi zlar ldan// glu tshig sgra dang ldan pa yis// tshe la dbang bsgyur gnas thob nas// goms nas phyag rgya'i rigs su nges// lhun gyis grub pa'i sa las ni// bcu drug rgyun gyi sangs rgyas sa// dri can dman pa'i gang zag la// rdo rje 'dzin pa'i dbang bskur bas// zhing dang longs spyod ting 'dzin stobs// nam mkha'i khams dang mnyam pa yis// 'bras bu lhun grub ngo bor 'gyur// gzhan du bsod nams chung ba yis// sangs rgyas kun gyi sku gsung thugs// gcig tu sbyor ba'i ngo bo nyid// yab yum sbyor ba gcig tu bsgom// phyogs bcu dus bzhi'i ngo bo nyid// ngo bo gcig dang tshul gcig dang// sku gsung thugs ni gcig bstan nas// byin rlabs dngos grub stsol bar mdzad// dpag tu med pa'i rgyal ba rnams// sku gsung thugs su snang ba yi// mi zad 'khor lo rang snang don// ngo bo gcig tu 'dus par 'gyur// de dag nyid kyis thob 'gyur bas// khyad par gzhan nas yod ma yin// sangs rgyas zhing khams dpag med pa'i// rang byung byang chub snying po ste// 'khor lo yi ge kun 'dus pa// thob pas sna tshogs 'phro bar 'gyur// sangs rgyas kun gyi sku gsung thugs// til 'bru rdul phran grangs mnyam par// rang byung ye shes nyid kyi gzugs// de ma thag par thob par 'gyur// sgyu 'phrul drwa ba mngon rdzogs pa'i// ye shes rgya mtsho zag pa med// che ba kun rdzogs gsang ba'i don// bla med thabs chen 'bras bur gnas// zhes nyid la nyid bshad do// sgyu 'phru rgya mtsho'i rgyud las/ gsang ba'i theg pa'i lam bstan pa'i le'u ste bcu gnyis pa'o//// de nas de bzhin gshegs pa nyid// gsang ba'i longs spyod byang chub sems// dgyes pa chen pos tshim mdzad nas// gsang ba'i don 'di bstan par mdzad// gang du gsang ba'i rang bzhin ni// phyogs cha mtshan ma las 'das pa'i// rang rig brjod pa'i yul 'das pa// dngos med dngos po kun gyi gnas// 'di nyid kun gyi yul yin pas// rang bzhin brtags dang bsgribs pa yis// la las dmus long ji bzhin du// bye brag yul du ma gyur te// tha mal zhen pa'i rang rgyud pa// 'di ni 'jig rten phal pa nyid// rang bzhin ngo bo la sogs pa// byed pa med cing gnyen po med// gdod nas rang shugs kyis 'grub pa// ther zug rtag pa rang rgyud pa// gang yang med par glo bur du// snang ba 'jig rten 'di dag ni// sngon med phyis med gdod nas snang// phyis snang bar yang ji ltar rung// la lar tha dad rtog pa ste// chos kyi bdag la dngos por 'dzin// la la bden gnyis rkyen byas nas// rten 'brel 'khor lo 'gog par byed// la lar tha dad mi gnas te// rig pa'i rgyun ldan mi rtog 'dod// gzhan dag rig pa rnam med de// nam mkha'i dkyil ltar dmigs pa med// la lar sgyu ma'i don la gnas// la lar cha shas med pa yi// mtha' yi spros pa rnam par bcad// gang la gnyen po kun dang bral// gnyen po'i don ni mtha' la gnas// la las las dang bya ba dang// dka' thub sdom pa'i tshul la gnas// la las lta spyod tha dad pas// bsgom dang spyad pas 'bras bu 'dod// la las byin rlabs rnal 'byor gyis// bsgoms pas 'bras bu thob par 'dod// rang bzhin gsang ba'i mtshan ma nyid// rdo rje theg pa'i snying po ni// yi ge sgra tshig las 'das pa// gsang sngags kun gyi ngo bor 'dod// 'di ni sangs rgyas thams cad kyi// bka' rgyud theg pa'i snying po ste// gab sbas gsang ba'i rang bzhin pas// rtog ge pa yi yul ma yin// sangs rgyas sras dang bcas pa yi// thabs dang cho gas byin brlabs pa'i// slob dpon thabs kyis shes gyur te// dman pas rtogs goms yul ma yin// thog ma mtha' ma med pa yi// gdod nas dbyer med gsum ldan pa'i// gang du rtogs goms gsal ba yis// sgo gsum rang lhar gsal ba la// bzhi bcu rtsa gnyis dag tu bsgoms// sku gsum rdo rje gsum las byung// ye shes lnga yis rgyas btab la// thugs kyi dkyil 'khor bzhi bcu gnyis// gzhan yang de bzhin shes par bya// phung po 'byung ba rnam shes dang// yul dang dbang po dus su bcas// 'khor lo gsal bar brtags byas te// ma lus sku gsung thugs kyi ngang// zag med ye shes thig le la// ye shes 'bras bu lhun gyis rdzogs// bdag nyid rig pa rang snang ba'i// snying po rdzogs pa'i thig le la// ma lus chos kun rang snang bas// ye shes sgyu ma'i dkyil 'khor nyid// nam mkha'i mtha' ltar khyab par snang// gsang ba'i thig le chos kyi dbyings// dus gsum rgyal ba kun gyi dngos// phyogs bcu'i dkyil 'khor rgya bral ba'i// sku gsung yon tan phrin las thugs// rang byung snying po gsal mthong bas// 'bras bu ye shes lhun rdzogs pas// thob bya gzhan na yod ma yin// rang byung snying po'i dngas ma la// byin rlabs rtogs pa'i dkyil 'khor gyis// gsal ba la ni goms byas pas// thig le dngas ma ma lus byung// ye shes lnga rdzogs dkyil 'khor nyid// zag med bde ba'i dkyil 'khor gyi// nam mkha' lta bur khyab par gnas// rang byung thig le mi shigs pa// 'byung bzhi thams cad kun gyi rgyu// 'byung ba'i dngas ma kun gyi yum// chen po rgyal ba'irang bzhin nyid// byang chub sems dang dbang po dang// yul dus yan lag bcas pa nyid// rangabyung rten gyi thig le yis// nam mkha'i gzugs can skye ba med// tha mal 'byung ba la brten nas// lhag pa'i ro la thugs kyis blta// snying po thig ler mnyam sbyor bas// bde ba'i dkyil 'khor bsam mi khyab// rang byung thig le 'pho 'gyur med// gzhi la rang bzhin thim pa yi// zag med bde ba'i dkyil 'khor tshogs// sgyu ma'i dkyil 'khor bde ba'i mchog/ gsang ba thig le kun gyi dbyings// sangs rgyas dkyil 'khor lhun rdzogs pa// che ba'i yon tan bsam yas pa// kun gyi ngo bor rang shar ba// ma lus zhal mthong dbang bsgyur bas// 'bras bu grangs 'das lhun gyis rdzogs// rgyan dang che ba'i yon tan nyid// rang byung don goms mthar phyin pas// thugs rje rang snang dkyil 'khor nyid// phyogs med zhing khams mtha' yas par// rdzogs pa'i zhing khams sna tshogs spyod// thabs dang shes rab lhun rdzogs pa'i// dbyer med gnas pa'i dkyil 'khor gyi// thig le bcud 'dus rten nyid la// bcu drug lnga 'dus rnam par bsgom// thabs dang shes rab dbyer med pa'i// thabs kyi cho ga las byung ba// gcig la'ang ye shes lnga rdzogs pa// zag med khyab pas mtha' dbus med// gsang ba'i thig le lhan cig skyes// bde ba'i longs spyod kun gyi dbyings// 'jug sgo bzhi yi phyag rgya las// 'byung bzhi rigs kyi yum du snang// phung po bde bar rgyas btab pas// dbang po yul sems rang bzhin thabs// kun bzang rig pa'i dkyil 'khor la// lhan cig skyes pa'i rang bzhin gyis// rten dang brten par mnyam sbyor bas// ye shes lnga ni rang gsal bas// bde ba'i ye shes dgyes pa che// ma bsgoms bde ba'i longs spyod kyis// bde chen sgyu ma'i mtshan nyid gsal// bde ba'i rol mo bsam yas pa// gsang ba'i thig le ma skyes pa// kun gyi rang bzhin gnyis su med// phyogs bcu dus bzhi mtha' yas pa// rgyal ba'i che ba ma lus pa// lhan cig skyes par zhal mthong zhing// thig ler rlung sogs dbang bsgyur bas// ma lus ye shes bde mchog yin// rang byung ye shes dkyil 'khor la// zag med dkyil 'khor rang gnas nyid// mthong goms rdzogs pas lhun gyis grub// ma spangs rang la lhun grub pas// ma lus dkyil 'khor rgyan du gnas// 'byung 'jug med pa'i dkyil 'khor la// che ba'i yon tan lhun rdzogs pas// phyogs bcu nam mkha'i mtha' thug par// thugs rje'i dkyil 'khor phyogs med snang// bya byed med pa'i tshul gcig pa// rang byung snying po dkyil 'khor mchog/ thun mong thun mong ma yin pa// shes rab yum la mnyam sbyar nas// rang byung 'bras bu lhun gyis grub// bskal pa rdul snyed grangs 'das nas// mos dang sbyangs pa'i rang bzhin gyi// gsang ba'i don la gang zhugs pa// tshe 'dis rgyal ba nyid du 'gyur// 'das dang da ltar ma 'ongs pa'i// rgyal ba'i sku gsung thugs kyi bcud// 'dus pa'i gsang chen 'di yin te// lam gyi dam pa nye lam yin// 'jig rten drug gi phyogs dag na// rgyal ba'i dkyil 'khor rdul phran snyed// bstan pa phyi nang gsang ba kun// sgyu 'phrul drwa ba las 'phros te// lam gyi dam pa nye lam yin// thabs dang shes rab gnyis med dang// bya ba spyod dang rnal 'byor dang// rnal 'byor chen po bla med pa// ma lus 'dus shing 'byung ba'i phyir// dngos grub brlabs chen kun 'byung ba'i// sgyu 'phrul rgya mtsho'i rgyud chen 'di// mos dang mthong dang bris pa dang// bklags pa tsam gyis 'grub 'gyur na// rtogs dang goms pa'i sbyor ba yis// 'bras bu thob par smos ci dgos// rang byung dkyil 'khor kun 'dus pa'i// rgyud chen sgyu 'phrul drwa ba ste// rgyud kun gyi ni bdag po mchog/ snying po las ni snying po mchog/ ces nyid la nyid bshad do// sgyu 'phrul rgya mtsho'i rgyud las/ gsang ba'i don bstan pa'i le'u ste bcu gsum pa'o//// de nas bcom ldan dgyes pa chen po// rang bzhin lhun gyis grub pa des// gdul bya'i bsam pa sna tshogs phyir// 'bras bu'i cho 'phrul snang bar mdzad// ji snyed rang byung dkyil 'khor rnams// bya byed med pa rang snang bas// thig le chen por lhun rdzogs pa'i// bdag gzhan dbyer med de bzhin nyid// phyogs bcu rgya yang ma chad pa'i// bde chen longs spyod dpag tu med// zhing khams 'khor dang che ba nyid// rang snang 'khor lo rang snang nyid// ma lus rang snang sku yi tshogs// bsam yas rdul dang til gang bzhin// gang mos blo la snang byed pa// gdul bya mos pa'i don du zad// gang du ma bcos de bzhin nyid// rang gi ngo bo gsal 'gyur pa// kun gyi rang bzhin rkyen bral ba// snga phyi med par kun mkhyen mchog/ dus gsum phyogs bcu mtha' yas kun// dbyer med rdo rje nyid snang bas// phyogs med byin rlabs gnyen po bral// dus gsum 'du 'bral med par bzhugs// mi phyed rdo rje'i rang bzhin la// brjod bya'i rang bzhin lhun rdzogs pas// dbyer med ngo bo kun snang bas// mi phyed gsung ni kun gyi mchog/ tshig dang yi ge kun bral bas// ma brjod dgongs pa brdas bstan pas// mnyam pa chen po'i tshul du ston// rang byung ye shes byin rlabs ni// gcig dang du ma las 'das pa'i// nam mkha'i dbyings ltar gnas pa yi// dgongs pa chen por brdal ba nyid// rang rig skye ba med pa las// ji snyed chos sku rang snang ba// mtha' dbus spros pa bcad pa yi// de bzhin nyid kyis gsungs pa med// thugs rje byin brlabs rang snang ba// sgra dang dbyibs la sogs pa rnams// mtshon pa thabs ni dpag med du// thugs rje byin rlabs snang bar 'gyur// sangs rgyas kun gyi yon tan mchog/sku dang gsung thugs yon tan las// rgyal ba rigs lnga snang mdzad de// re re zhing khams gdan sogs snang// rang byung dmigs med byang chub sems// sangs rgyas kun gyi thugs chen po// rnam dag dri med 'od gsal bas// mkhyen pa'i ye shes bzhir gsal nas// thams cad gdod nas dbyer med pas// gang dag de ltar mkhyen pa yis// bdag gzhan bya byed med pa yis// phrin las lngar ni snang bar 'gyur// steng 'og brten pa las byung ba'i// ye shes brten pa de bzhin nyid// sku dang gsung dang thugs 'khor lo// yon tan kun gyi las dang sbyar// dbyibs dang yi ge rang bzhin las// nam mkha' lta bu'i lnga rdzogs pa// zag med yon tan lhun rdzogs pa// byas pa med par rnam bzhi rdzogs// rang byung 'bras bu rten bral ba'i// ngo bo dbyer med de bzhin nyid// bzhon pa rlung gi stobs bral bas// thig le 'gro 'ong 'du 'phro med// dbang bsgyur phung po 'jig med pas// 'byung bzhi 'du ba'i tshogs dang bral// rig pa rlung la dbang bsgyur bas// sdug bsngal chu bo'i 'jigs dang bral// ye shes ting 'dzin las las 'grub// shes rab stobs sogs mnyam sbyor bas// 'phel 'grib thig le 'byung 'jug med// tshe dang lus dang bde ba dang// ye shes zag med zungs ldan pas// ma lus zhing sogs dag pa ste// bdud bzhi skye sogs bar chad med// 'byung bzhi dngas ma la brten pas// rig pa'i bde chen bar chad med// rnam rtog 'gyu ba'i rlung dngas pas// bde chen nam mkha'i mtha' ltar gnas// tha ma'i dbang la rang snang bas// zhing khams rgya mtsho rdul snyed kyi// thabs dang shes rab mnyam par gnas// dri can nyid la dbang bskur bas// shes bya'i dkyil 'khor kun sad de// rmongs pa sangs ltar mngon sangs rgyas// de nas nam mkha'i mtha' thug par// bde ba chen po'i sku nyid dang// chos kyi 'khor lo bskor mdzad cing// bde chen mi rtog gsal ba'i thugs// zhing khams phyogs bcu'i rdul snyed du// yon tan bsam yas mngon bstan nas// gdul bya'i don ni ji snyed pa// ma lus mdzad pas tshims par mdzad// lam dang mdzad pa zhing khams dag/ sa dang khams dang mthun par snang// snod bcud rgyud zhen dri ma gsum// nyi zla sems mthun mtha' yang 'gro 'ong gis// gnas su 'dren pa'i lam nyid kyis// dag pa yab yum ye shes gsal// thabs dang shes rab dbyer med pa'i// 'khor 'das dbyer med rang bzhin la// 'bru gsum mtshams nas rang zlog pas// thabs la brten pa'i gar bskyod pas// ma skyes lhan cig skyes par gsal// rten can rlung dang thig le la// rang byung goms pa'i blo yis blta// rkyen dang bral bas mngon gyur na// sems kyi thig le 'chor ba med// rang byung bde ba mngon sum ste// goms dang thugs rje rang snang ba'i// 'dod yon longs spyod sna tshogs la// lha mo rol rtsed stong gi bdag/ grangs med 'khor lo'i tshul bskor bas// ma g.yos bde ba kun khyab can// phung sogs rtogs pa thams cad kun// bde chen ye shes lnga ru gsal// de nyid bcu gsum sangs rgyas sa// ye shes dbyings nyid rang gnas pa'i// khams gnyis 'dus pa'i thabs las skyes// skyes pa nyid na bdag tu gsal// thabs la mkhas pa'i khyad par gyis// gang la 'dul ba'i tshul snang ba// yang dag log pa yod med kyi// shes rab spyan gnyis yul gcig kyang/ thabs lus kyang// sA lu phug bgrod snang med bzhin// ldog med stobs su rdzogs pa nyid// dang po 'jug pa'i rim pa nas// mtha' ma mthar phyin rdzogs bar du// phyi nang gsang sogs ji bzhin par// skye 'gag gnas dmigs 'gro 'ong gis// g.yo sems skyes la mos spyad kyang// zab mo bsgrags pas bskyed rim brtan// smon lam 'dod yon 'jug pa yang// gnyis med don la sdang ba med// gnas pa dang ni mnyam gsum gyis// yid ches shes rab 'phel bar byed// rgyun du gnas pa'i spros bcas tshe// mthar lam nyid la sbyor ba'o// bsgrub pa'i rgyu yis mi ldog pa// de goms phyi ma'i rig rigs kyang/ las bstan// lhun grub phyi tshe yongs su rdzogs// thabs dang shes rab mnyam sbyor bas// bde ba thig le rdzogs skyes pa// rang bzhin med pa'i sgyu mar 'gag/ de nyid ma skyes dbyer med gnas// gnyis med rtogs pa gang dmigs pas// 'gro 'ong med pa'i 'bras bu 'char// bslad pa'i tshig bral sgro skur med// rgyu rkyen 'bras bu bdag po dang// gnyis med don las mi g.yo zhing// 'brel tshang 'khrug bsnol bka' brgyud yin// zhes nyid la nyid bshad do// sgyu 'phrul rgya mtsho'i rgyud las/ dngos po lnga gtan la phab pa'i le'u ste bcu bzhi pa'o//// de nas bcom ldan dgyes chen po// 'dul ba'i bsam pa la dgongs nas// dkyil 'khor rdul snyed bcas pa dag/ khro bo dpag tu med par gyur// gang phyir gdul bya dpag med dag/ khro bos 'dul ba'i don phyir ro// kha cig sdang sems ldan pa la// sku gsung thugs su ldan pa yi// thabs mkhas skyon dang bral ba yi// zhe sdang khros pas 'dul bar mdzad// kha cig chags shing zhen pa ste// thabs dang shes rab dbyer med pa'i// 'dod chags rmongs par thim mdzad nas// chags pa khros pas 'dul bar mdzad// la lar blta dang cho ngang las// ting 'dzin zhing khams cho 'phrul gyis// 'pham zhing nga rgyal zil mnan pa// log pa'i ri bo brtas mthong nas// log pa'i ri bo tshar gcod cing// thog ma mtha' ma'i dus med pa// rang byung sgyu 'phrul 'gag pa med// thabs mkhas phan pa'i gnod byin gyis// 'jig rten sgo gsum bya ba la// 'jigs dang re dogs med pa yi// mi bya ba ni gang yang med// ting 'dzin bye ba sa ya dag/ dpag med che bar kun sprul nas// mtshan ma'i che ba zil mnan nas// thabs mkhas yid 'pham 'phrog par mdzad// stong gsum khrag dang dur khrod dang// dga' dang mi dga' 'jigs byed pa'i// ma lus dur khrod ro gling du// stobs kyis gdug pa zil gyis gnon// 'jig rten khams ni ma lus par// g.yo zhing 'khrug dang ldeg pa yis// gdug pas spa bkong 'jigs mdzad nas// bskal pa me ltar rab 'bar zhing// 'jigs byed chen po rgyan gyis bzhugs// 'di ltar ma lus zil gnon pa// nga rgyal khros pas 'dul bar mdzad// de nas sangs rgyas thams cad ni// ma lus 'dus pa'i bdag nyid des// ma lus byin rlabs gsal bya'i phyir// gnyis med sbyor ba'i thig le yis// ma lus khyab par gang mdzad nas// thig le rdul phran 'phros pa yis// dag pa bde chen lhun grub par// thams cad byin rlabs gsal ba yi// ma lus dkyil 'khor chen por gnas// dpal ldan 'dus pa'i ngo bo las// rigs lnga'i tshul 'di rnam par 'phrul// la lar rdo rjes sbyor mdzad cing// la lar kun gyi re ba skong// la lar ma chags skyon bral nyid// la lar cho 'phrul mtha' yas ston// ye shes phra rags gnyis su med// bde chen rig pa'i stobs 'phel bas// shes pa brgyad ni rang ldog pas// bde chen rig pa kha bltas nas// rang rang las dang skal bar gnas// bde chen rol pa rang snang bas// yul rnams gnyis med 'dres pa nyid// rdo rje bde chen phra man nyid// yul sems phyi nang thig ler gsal// 'khor 'das gnyis med mtshon par mdzad// thabs chen gsang ba la brten nas// rang byung gsang ba'i nyi zla'i 'od// dbab dang bzung dang gnas bcing zhing// rang rang gnas su slar son pas// mi shes yul las 'das pa yi// bde chen gsal ba'i sku gsung thugs// ma lus dkyil 'khor chen por gsal// gang du yid las 'das pa yi// bde chen dkyil 'khor mtha' dbus med// rten med thig le 'gro 'ong spang// rang byung gnas pa'i snying por thim// phyi nang yul sems kun bral ba'i// rang byung sgyu 'phrul drwa ba ste// thabs chen mi dmigs chos kyi dbyings// sgyu 'phrul drwa ba'i dkyil 'khor ro// rang bzhin thabs dang shes rab las// bde chen rang bzhin gsal bar 'char// phyogs bcu'i 'jig rten snod bcud bcas// bde chen thig le'i dkyil 'khor snang// rjes su 'dzin pa bzhi ldan zhing// yul sems lus dang dus bzhir bcas// rdo rje 'dzin par byin brlabs shing// gsang ba'i don du gnyis su med// rdo rje nyi ma nub nas ni// rang byung dpa' bo'i zla ba nyid// sgrib byed med pa'i tshul du 'char// ma lus dbyer med tshul du gnas// sgyu 'phrul drwa ba mngon rdzogs pa// thog mtha' med pa'i rdo rje sems// snying po gnyis med bde chen por// rang byung gnyis med don du gsal// rang byung gnyis med thig le yis// ma lus stong par mdzad pa yi// rdo rje khro bo'i phrin las te// za byed ces kyang bshad pa yin// gang du rgyu ba kun zad pa'i// phyi nang gsang ba'i thig le ni// rten dang brten par bcas pa ni// zag med bde chen ngang du thim// rang rig dngos dang dngos bral ba'i// mtha' dbus gzung 'dzin yul 'das pas// skye med bde chen chos kyi dbyings// bden pa dbyer med don du gnas// tshig dang yi ge las 'das pa'i// bde chen lhan cig skyes pa ni// gang gis mtshon pa las 'das kyang// dbang dang man ngag stobs las kyang// thabs dang shes rab 'brel ba yi// rang byung ye shes bde chen ni// rang bzhin sbyangs las snod gyur pa'i// skal ldan rnams kyi spyod yul te// las ngan sgro skur dbang byas shing// rmongs sogs dman pa'i yul ma yin// gsang ba thabs chen snying po'i rgyud// sangs rgyas kun gyi gsang chen 'di// bde chen nam mkhar kun gsal nas// yin dang ma yin yul las 'das// phyogs bcu'i rdul snyed sangs rgyas kyi// thugs kyi thugs te thugs kyi mchog/ma lus gsang mchog rgyan gyis mdzes// de ldan rgyal sras de bzhin gshegs// zhes nyid la nyid gsungs so// sgyu 'phrul rgya mtsho'i rgyud las/ rdo rje khro bo rang bzhin mngon du phyung ba'i le'u ste bco lnga pa'o//// de nas bcom ldan dgyes chen po// phyogs dus bde gshegs ngo bo nyid// za byed thabs dang shes rab kyi// gsung gi byin rlabs snang bar mdzad// de tshe phyi nang snod bcud bcas// g.yo dang 'bar zhing gang ba yis// ma lus ye shes byin brlabs nas// bde ba chen por gsal bar byed// gang du rtogs goms brtan pa yis// thabs dang shes rab las byung ba'i// bde ba'i thig le thug pa med// ye shes lnga zhes gang bshad pa// rgyal ba kun gyi snying po lnga// sa bon yi ge oM zhes bshad// thog mtha' med pa'i de bzhin nyid// gnyis med mi phyed 'joms pas na// thugs kyi rdo rje gang yin pa// badzra zhes ni brjod pa yin// ma bcos de bzhin ye shes ni// re dogs 'gro 'ong med son pas// chos kyi dbyings kyi sku las gyur// ta thA ga ta zhes brjod do// ma lus rang byung rin po che// nam mkha' lta bur zag med cing// dbang bskur thogs med ye shes ni// rat+na zhes pa brjod pa yin// 'khor ba'i bag chags spong ba ni// bde ba chen po skyon med pa// 'dod chags chags bral bcom pa nyid// pad+ma nyid ni yin par bshad// thogs med brtson 'grus pha rol phyin// bya byed phrin las mthar phyin pa// 'gro 'ong med pa'i thabs nyid ni// karma las kyi rang bzhin nyid// shrI gnyis med ye shes te// don grub lngar ni bsngags pa yin/ma hA chen po lnga nyid de// thig le chen po las byung ba// sku gsung yon tan phrin las thugs// ma lus chen po lnga nyid do// nyon mongs lnga 'joms khro bo ni// he ru ka zhes brjod pa ste// ye shes 'bar ba'i mtshan nyid ni// khrag 'thung lngar ni bshad pa yin// thabs kyi yul lnga bcom pa ni// ma hA tsaN+Da zhes brjod de// khro bas khro ba spangs pa ni// gtum po chen po de nyid do// ma rungs pa dang bdud bzhi dang// dam tshig sdang ba thams cad ni// bdag dang gzhan 'tshe bar gcod dang/ thams cad sarba duSh+tan nyid// gsang ba'i thabs chen ma rungs pa// gang gis 'joms pa ha ka ste// gnyen pos 'joms pa ha na nyid// gang gis da ha 'joms pa nyid// bag chags zad 'tshed yin nam/ pa pa tsa nyid// hUM ni thugs kyi rang bzhin te// zad dang sgrol dang drag po'i sgra// 'dir ni phaT zhes skul bar bshad// ye shes rang bzhin skye med pa// zab mo thig le 'dus ma byas// oM zhes phra mo yum lngar brjod// rigs lnga phra bar gang brjod pa// badzra la sogs bshad pa lnga// mi rig spyod rten mi nus pa// yum chen lnga zhes bshad pa'o// yul dang shes pa gnyis med pa// zab mo thig le 'dus ma byas// kun gyi 'byung gnas dbyings phyug ma// shwa ri dbang phyug lngar bshad pa'o// gang gis gang 'dzin mi gtong pa// de nyid d+ha ra gzungs mar bshad// ha ni mtshan med 'dus ma byas// steng rgyan thugs rje chen po nyid// rA ni chags pa bde chen nyid// gsungs rab rgya mtsho sgra mtha' yas// hUM sdud phaT kyis sgrol ba ni// skye ba med pa'i ngang du bshad// ha brgyad dgyes pa'i thig le ste// rags pa thabs kyi khro mo ste// rgyal ba kun gyi sras mchog ste// las kyi srin mo 'dul phyir yin// dgyes pa'i thig le phra mo brgyad// he zhes zhib bur brjod pa las// 'khor 'das dbyer med phra men brgyad// srin mo phra men 'dul phyir yin// 'jig rten las skye rgyun zad cing// gnyis med ye shes rnam sprul pa// des ni 'jig rten spangs pa'i lha// badzra zhes ni bshad pa yin// zhi bas dkar mo'i rang bzhin te// che ba'i yon tan mthus rku bas// ser mo rku byed yin par bshad// ma lus rmongs byed chags mdog dmar// nag mo drag pos thal byed ma// mi mtshon bag chags med pa'o// che ba'i yon tan nga rgyal 'chang// sbos mo rang bzhin yin par bshad// spang len rtog 'joms pha rol phyin// sme sha can ni gdol pa mo// 'bar zhing brlag pas gtum mo ste// sprul pa 'gyed pa ma shogs ma// za ba seng gdong chen mo ste// dpa' brtul spyod pa stag gi gdong// bag chags bral bas wa yi mgo// dur khrod 'joms pas spyang mor brjod// dam tshig mthar phyin bzhad gdong ste// bdag 'dzin bral ba kang ka ma// mngon zhen 'dul ba kha kha zhes// zab mo'i don rtog hu lu ma// rang sar gnas pa skyes pa la// na maHphyag 'tshal nyid du brjod// dzaHsa ni 'gugs pa'i las byed de// khA his mchod pa bstab par byed// phaT kyis kun kyang las la skul// las kyi sgo bzhi 'dul ba'i phyir// 'gugs 'ching bsdams pa mi gtong ste// thal ba 'ching byed sgra snyan ma// badzra lhag ma zhes brjod pa// dzaHhUM baM hoHbzhi las byung// thabs dang shes rab 'khril ba las// phyag rgya bzhi dang ldan par gnas// b+h+yo ni las byed bran mo ste// las kyi mkha' 'gro thig ler chags// rgyu ba las kyi thig le nyid// dzaHhUM baM hoHsa spyan drangs thim// yi ger zhu bas gnyis su med// rdo rje khro bo'i dam tshig gis// gnyis med gsal bar 'dres pa las// 'bar ba'i byin rlabs rang byung ba// dngos grub rang las snang bar brtag/sku gsung thugs dang dbyer med na// bden pa gsum par mi phyed pas// lha dang bdag tu dbyer med de// bdag nyid la ni gsal bar bstim// rang rang sbyor ba'i sngags nyid kyis// chu la chu ltar dbyer med pas// dag pa'i ye shes rmad byung bas// thob nas rang la brtan par gnas// zhes nyid la nyid ched du brjod do// sgyu 'phrul rgya mtsho'i rgyud las/ khro bo gsung gi dkyil 'khor bshad pa'i le'u ste bcu drug pa'o//// de nas bcom ldan dgyes chen po// thog ma mtha' ma dbus med pa'i// bde ba chen po rdo rje 'chang// sku yi dkyil 'khor 'chad par mdzad// phyogs bcu mtha' dang dbus med nyid// 'bar ba'i dkyil 'khor gzhal yas khang// ye shes dkyil 'khor lhun grub pas// phyogs dus thig le chen po nyid// rang byung 'bar ba'i dkyil 'khor bzhi// rgyu 'bras thig les brgyan pa'i gnas// tshad med sangs rgyas gru bzhi ste// bden pa gnyis brgyan khams kyis mdzes// rnam par thar pa'i sgo bzhi la// dur khrod rgyan chas rta babs ldan// thod phreng bla re nyid zla'i rgyan// 'jigs shing mdzes pa sna tshogs rgyan// 'khor ba rmad byung 'bar ba'i gnas// khrag 'thung bzhugs pa'i gzhal yas khang// mkha' 'gro sna tshogs tshogs pa'i sa// rol pa'i lha mo sna tshogs kyang// lha dang mdzes tshul sna tshogs kyis// 'khor lo'i tshul du gnas pa las// mdog dang rang chas lugs bzhin du// dga' dang mdzes dang chags pa dang// rol dang sdig par byed pa dang// rngams dang las la brtson la sogs// 'khor lo'i tshul du bskor te gnas// zhing khams bye ba rdul mnyam pa// khrag 'thung so sor 'khor dang bcas// mnyam pas mnyam pa'i tshul ston cing// sku dang gsung thugs dbyer med pa'i// de bzhin nyid du dbyer med thim// rgyud chen sgyu 'phrul rgya mtsho yi// che ba'i yon tan bsam yas pa// nam mkha'i khams las 'das pa yi// 'bar ba'i dkyil 'khor sna tshogs snang// de nyid rang rig rang snang bar// sku gsung thugs kyi cho ga yis// dbang bskur byin rlabs kun ldan nas// lhag pa'i ting 'dzin brtan par bsgom// mtshan ma'i cho ga kun spangs pa'i// b+ha ga gsang ba'i gzhal yas khang// theg chen gsang ba'i grong khyer te// thabs dang shes rab dbyer med pa'i// yon tan dpag med rdzogs par snang// chags dang rmongs dang g.yengs pa dang/ btang snyoms tha mal la sogs par// 'jigs dang bag tsha rnam par gcod// thig le rdul phran grangs mnyam par// bde ba chen por ro gcig cing// mu mtha' med pa'i gnas su 'jug/ chags sdang la brten grong khyer dang// 'jigs dang bag tsha'i grong khyer dang// thabs dang ldan pa'i khyad par gyis// de nyid rnam par gcod par byed// dbyibs kyi b+ha ga brten pa'i gnas// thig le spros med rang byung ba'i// bde ba chen po thog mtha' med// bdag po gnas dang dbyer med par// thig le ma skyes spros med pas// bden pa bzhi ni rab 'bar bas// phyi nang longs spyod kun tu 'phel// dga' bzhi'i rim par brtags bcas pa'i// byang chub sems kyi thig le gnyis// bde chen sna tshogs dga' bas brgyan// thig le phra rags snang ba kun// 'bab zhon snang ba'i thabs nyid kyis// chags sogs lnga po zil gnon pas// dag pa lngar ni rnam par gnas// thig le ting 'dzin rol par bcas// gnas dang nyams kyi khyad par gyis// rang rang las dang mthun pa yi// mdog kyang rim par gyur pa yin// bde chen rnam par thar pa la// mi gnas ye shes drug ldan pas// phung po la sogs bar chod bral// thabs kyis bde chen lus rgyas pas/ g.yo ba sna tshogs bcas pa yis// 'jigs dang bsdigs dang dga' ba yis// sgra rnams sna tshogs ston par byed// chags pas thig le phreng bcas te// rdo rje snang bas khyab par byed// rang lus thabs dang bcas pa yis// thig le stong par bcas pa yis// gcod dang 'joms sogs sna tshogs pas// bde ba'i ro ni sna tshogs ldan// gnyis med ro ni thig ler 'brel// rtsa bcud shes par bcas pa yis// thig le'i phyag rgya bzhir bcas pas// bde chen gsang ba'i thig le la// dgug cing sgrol bstim la sogs pa// bya ba'i las la dbang thob 'gyur// steng 'og thabs las byung ba yi// gsang ba'i thig le chen po ni// yon tan rdzogs pa'i bdag nyid de// sna tshogs ro dang bcas pa yi// nyi zla 'khor lo ge sar bcas// gsang ba'i lus la rtag tu gnas// bye brag brgyad cu kun 'dus pa'i// phyogs bzhi steng 'og bcas pa yi// bde chen 'bar bas khyab gyur cing// phyi nang bcud kyis gang bar byed// gsang ba'i de nyid nges pa yi// sgyu 'phrul rgya mtsho'i gsang ba'i don// ma lus khyab pa gsal 'gyur zhing// dag pa rnams la mngon gyur kyang// dbang dang man ngag dral ba yi// rang bzhin skal ba dman pa la// thabs kyi theg pa mi snang ste// rigs chad 'khor ba'i rigs 'chang yin// bde chen gsang ba'i snying po 'di// ma lus rdzogs pa'i ngo bo ste// rang bzhin thabs las mngon gyur pas// thabs chen lhun grub mngon du gyur// rdo rjer thig le son pa yi// gsang ba thabs kyi me long la// ji bzhin mngon du byas pa yi// rdo rje rig pa'i lung thob cing// dbang bsgyur phyag rgya lhun gyis grub// ces gsang ba'i tshig tu'o// sgyu 'phrul rgya mtsho'i rgyud las/ lhun gyis grub pa'i dkyil 'khor bstan pa'i le'u ste bcu bdun pa'o//// de nas bcom ldan dgyes chen po// ma lus mchod pa'i sprin bkod de// phyi nang gsang ba sna tshogs pa'i// dgyes pa'i mchod pa bstab par mdzad// ji srid nam mkha'i mthar thug pa'i// sangs rgyas rdul snyed mtha' yas pa'i// dbang po'i grong khyer mnyes mdzad pa'i// rang gi lag cha mdzes ldan pa'i// lha mo'i tshogs ni bsam yas pa// dgyes pa'i mnyes tshul sna tshogs kyis// 'khor lo bdag po mnyes par mdzad// ma lus longs spyod tshogs mchog mnyes// ma rtogs pa dang log par rtogs// phyogs rtogs yang dag nyid ma rtogs// dbyer med dag mnyam tshul brtags nas// lhun gyis grub pa'i zhing du bsgom// thabs dang ting 'dzin goms pa yis// gnas ngan drag pos tshar bcad nas// chogs gnyis rdzogs pa'i rgyal sras la// skye shi med par lhun gyis grub// ma lus thabs dang shes rab tu// rtogs dang goms pa'i sbyor ba yis// bde ba chen po'i thig le yis// thabs dang sbyor bas mnyes par bya// ma lus rigs lngar mnyam sbyar nas// mi 'chi lnga dang sha lnga dag/'jigs pa med pa'i dpa' bo yis// mchod cing longs spyod chen por bya// longs spyod lnga dang mnyam sbyor bas// phyi nang gsang bar mnyam sbyor zhing// bde ba chen por gnyis med pas// dkyil 'khor lnga dang mnyam par gnas// phyogs dus rgyal ba'i dkyil chen po// ma lus gcig tu mnyam nyid pas// gnyis med rang byung ngo bo nyid// rtogs goms gnas pas lhun gyis grub// 'dres dang ma 'dres mnyam gnas pas// thabs dang shes rab thig le nyid// rol pa'i thabs las rang byung ba// bde chen gar gyi snying po mchog/ ma lus rang byung snying po la// 'dod pa'i stobs kyis nyer rdzogs shing// thabs kyi sbyor ba gang gnas pa// yon tan lhun grub snying por gnas// sangs rgyas kun gyi rmad byung ba// rang byung thabs kyis byin brlabs shing// gsang ba'i me long gsal gnas na// lhun grub 'bras bu gzhan las min// phyogs bcu rdul snyed grangs mnyam pa'i// 'bras bu che ba lhun rdzogs dag/ ma lus bdag nyid lhun rdzogs pas// yon tan gzhan dag smos ci dgos// thabs dang shes rab gnyis med pa'i// ma lus kun la rgyas btab cing/ thabs ldan rnams la snang gyur kyang// kun la gsal bar snang ba min// gsang ba thig le chen po ni// yon tan stobs kyi bdag nyid de// rtogs goms mnyes pas lhun grub cing// log dang le lo'i stobs kyis min// sgyu 'phrul drwa ba mngon rdzogs pa'i// thig le rdzogs pa'i thabs kyis bskul// gsang ba'i rig pa thabs kyis mnan// ro gcig bde ba chen por gsal// rnal 'byor thabs dang shes rab kyis// ma lus bde ba che rtogs shing// thig le gsal ba'i ros khyab na// byed spyod dkyil 'khor gsal bar 'gyur// ma lus ma bcos mnyam sbyor zhing// dkyil 'khor gsum la goms pa dang// bdag dang rgyal bar mnyam sbyor bas// ma lus mchod pa'i cho gar gnas// gang du bskul dang chags pa dang// dga' dang bde bas brgyan pa yi// gsang ba'i rol mos gang bskul ba// sangs rgyas kun gyi bde chen ni// phyi nang yul sems ma lus kun// bdag nyid chen po'i ros gang zhing// bde chen rdo rje gnyis su med// de nyid zag pa med par gnas// gnyis med 'dres pa'i rang bzhin la// gsang ba'i ye shes rang bzhin gsal// thabs chen gsang ba las byung ba'i// rgyal ba'i dkyil 'khor ma lus rdzogs// ma lus bdag tu dbyer med pas// thams cad gsang ba lhun gyis grub// ces nyid la nyid gsungs so// sgyu 'phrul rgya mtsho'i rgyud las/ mnyes pa chen po byin gyis brlabs pa'i le'u ste bco brgyad pa'o/// de nas bcom ldan dgyes chen po// ma lus bdag nyid lhun grub pas// bdag nyid bde bar byin rlabs pa// dam tshig mchog gi bshad par bya// gang du don la gnas pa dag/ bdag gzhan de bzhin lhun grub phyir// rgyal ba kun gyis byin brlabs pa'i// gang mi 'da' ba dam tshig mchog/snying po phyag rgya sngags rigs rnams// gsal ba yid gnyis med pa yis// rdo rje sku gsung thugs sbyor bas// gang yang nyams med 'bras bur 'grub// don dam snying por gnyis med cing// thabs kyi don la rab nges na// las dang spyod pa gang yang rung// ma bsags mi sogs tshogs 'gyur te// 'dul sdom dam tshig ma lus pa// dam tshig chen po'i rang bzhin du// ma byas rang gi ngo bor rdzogs// 'dul sdom blta spyod rnam par dag/ blang dor med par byin brlabs shing/ ma lus 'dus par rdzogs te gnas// thabs chen gsang ba'i rang bzhin la// mtha' dbus yod med las 'das pa'i// ma lus sgyu mar mnyam sbyor bas// rlung sems stong par ye dag pas// skye shi 'gyur med nam mkha'i ngang// grub pas bdag gzhan med snang bas// dngos gcig bsgral bas ma lus bsgral// ma lus bdag dang mnyam sbyor bas// thig le chen po gnyis su med// gsang ba gsang chen las byung ba'i// ma lus gnyis med dkyil 'khor mchog/ ma lus dbyer med tshul gcig pas// gnyis dang yul du mi 'byed de// rang byung longs spyod gsal rtogs pas// blangs par yon tan phun sum tshogs// chos rnams sgra tshig bral ba yis// de bzhin nyid kyi rnam 'phrul ba// sgra snyan brag char byin brlabs pas// ma lus bden rdzun tshig tu smra// gang du rtog dang gnyer ba yi// rang sems rdo rjer byin brlabs pas// gang du de las 'da' byed lhung// de bas spang bar su zhig sems// sangs rgyas kun dang mnyam gnas shing// dri med rgyud la gang 'jog pa// spangs pas 'khor ba'i mtha' mar te// rmi lam du yang spang ba min// las dang nyon mongs dag byed cing// ye shes 'khor lo 'grub byed pa// snying po sngags kyi dam tshig la// skad cig tsam yang 'da' mi rung// rgyal ba kun gyi thugs 'jug cing// ye shes snying por rgyas 'debs pa// phyag rgya thugs kyi rang bzhin las// 'das na rgyal ba nyid kyang ltung// dam pa'i grong khyer 'jug pa'i grogs// 'od dang snying po ji bzhin du// thog ma mtha' mar mi phyed pa// 'bral dang dbye bar bya ba min// sangs rgyas kun gyi gsang ba'i don// gnyer gtad pas kyang gzhan la min// gnyis ka ltung 'jig 'byung bas na// dam pa nyid la nges par bya// 'joms pa chen po zhe sdang che// gtum pa chen po sreg pa nyid// 'dod chags chen po bde ba che// thabs chen thar pa chen po nyid// gti mug chen po rmongs pa che// gnyis med bdag nyid gsang ba che// nga rgyal chen po gnon po che// che ba'i chen por rang bzhin gnas// mi mthun spangs pa'i rang bzhin zhi// theg pa chen po dam tshig mchog/ dam pa'i rang bzhin dam pa'i mchog/gnas na dam par lhun grub cing// 'das na dam pa'ang 'tshig par 'gyur// sangs rgyas kun gyis byin brlabs pa'i// bsten par bya ba'i dam tshig lnga// byin rlabs bar chad sel bar byed// dngos grub bsgrub pa'i dam tshig ste// dri chen dag pa'i chu nyid dang// dkar chen dmar chen 'jigs pa'i rdzas// dpa' bos re dogs med par spyad// gsang ba'i thig le dbyer med pas// thabs dang brtul zhugs ldan pas blang// lhan cig gnas pa'i bde chen po// sangs rgyas kun gyi rang bzhin nyid// thabs dang nyi zla'i ros khyab cing// bde ba chen pos byin brlabs pas// rlung dang phyag rgya gang bsngags pa// thugs kyi phyag rgya ye shes che// lus sems bde chen dbyer med pa'i// mi bral gzungs su bshad pa'o// rmongs dang rang bzhin ngan pa dang// skal med dbang dang mi ldan par// thabs kyis mngon du mi bstan te// thig le 'byung 'jug khar dbyung min// steng 'og thig le mtshams sbyar nas// thabs ldan dpa' bo'i 'dod chags kyis// brkam chags yul dang zhen pa dang// lta ngan bdag 'dzin rnam par 'joms// gnyis med rig pa rang gsal bas// ma lus bde chen ngo bor gnas// rang bzhin ched byas zhen pa dag/ seng ge lta bus zil gyis gnon// dman dang chags bral dka' thub can// zad dang ma smin bde chen bral// gang du thabs dang bral ba ni// spangs shing 'jug par bya ba min// lus las byung ba'i bcud lnga ni// rnal 'byor mnyam par rtag gnas pa'i// dam tshig 'tsho ba'i longs spyod pas// nam yang 'dor bar bya ba min// ma lus 'dus pa'i bcud yin pas// snying po lnga zhes de la bya// rtsa bcud shes pa'i ngo bo nyid// rang byung dag par gsal brtags shing// gnyis med sbyor bas goms pa yis// thams cad bde ba chen por mnyam// thun mong thun mong ma yin pa'i// 'da' dka' dam tshig rang bzhin te// rtsa ba yan lag bcas pa las// 'das pa gang yin dmyal bar 'gro// dbyer med mnyam pa'i rang bzhin la// man ngag thabs kyis mnyam sbyar na// ma lus bde ba phun sum tshogs// bdag las 'byung gi gzhan las min// gang du rtsa ba kun nyams pa// yan lag bcas pa'i rang bzhin 'das// kun gyis spangs bya'i gnas yin phyir// 'grogs dang phrad na ltung bar 'gyur// sangs rgyas kun gyis byin brlabs pa'i// rtsa ba'i dam tshig gang 'das pa// rgyal ba 'khor bcas bka' bcag nas// thar med sdug bsngal gnas su ltung// yan lag dam tshig rmad po che// 'das na dngos grub mi 'byung zhing// theg chen lta spyod spangs pa yis// ngan 'gro 'khor ba'i gnas su ltung// sangs rgyas kun gyi sku gsung thugs// rdo rje'i dam tshig chen po ste// ma lus gsang bar mnyam sbyor bas// sangs rgyas kun gyi rang bzhin yin// rtsa ba lnga dang yan lag bcu// thabs dang shes rab sku gsung thugs// lnga yi rang bzhin mnyam sbyor bas// grangs dang bye brag ma nges te// mos dang bsam pa'i khyad par snang// zhes nyid la nyid bshad do// sgyu 'phrul rgya mtsho'i rgyud las/ dam pas byin gyis brlabs pa'i 'da' bar dka' ba'i le'u ste bcu dgu pa'o//// de nas bcom ldan de bzhin gshegs// kun mkhyen spangs rdzogs bdag nyid can// gcig dang du bral bdag nyid de// phrin las tshul ni yang dag bshad// rang bzhin thabs dang thugs rje nyid// phrin las rgya chen gang byung ba// de nyid sgyu 'phrul rgya mtsho ni// sangs rgyas kun gyi ngo bor 'dod// e ma ho ngo mtshar rmad kyi chos// rang byung ye shes dkyil 'khor du// snang srid rang bzhin ma bcos pa// bde ba chen po'i ngo bor zhi// ma bsags lhun rdzogs dkyil 'khor du// che ba'i yon tan rang snang ba// 'phel 'grib med par gang gsal ba// bsam gyis mi khyab mtha' yas mchog/ma chags dag pa'i dkyil 'khor du// spyod yul bag chags ma lus pa// gsung mchog ma skyes byin rlabs kyis// rig pa ma bcos ngang du 'dus// rang rig ye shes rgyal po yis// skye med rang bzhin ngang nyid du// mtshan ma bag chags bcom nas ni// stong pa chen po'i ngang du gnas// rang snying d+harma tsakra la// ye shes bzhi sogs gnas pa'i mthus// rang bzhin nus mthu bzhir snang ba// de dag ma bcos shes par bya// ma bcos shes pa la gnas nas// mtshan ma'i stobs thob gyur pa na// rang rang 'thad pa'i sa phyogs su// las rnams brtsams nas grub par 'gyur// waM gyi dkyil 'khor rim gsum du// mtshan ma rdzas dang ldan pa la// dang ba dang ldan phur btab nas// ma lus sbyang phyir mchod sbyin bya// ma yi dkyil 'khor rim gsum du// mtshan ma rdzas dang ldan pa la// dga' ba nga rgyal phur btab nas// yon tan 'phel phyir mchod sbyin bya// yA yi dkyil 'khor rim gsum du// ngang gi mtshan ma rdzas ldan la// chags pa dbang byed phur btab nas// mi mthun 'du phyir mchod sbyin bya// e yi dkyil 'khor rim gsum du// rang gi rdzas dang ldan pa la// khros pas drag po'i phur btab nas// thal bar brlag phyir mchod sbyin bya// rang byung pho brang snying po la// e sogs rang bzhin bzhir gnas pa// thig le thabs dang bcas pa'i ros// bdag gzhan las bzhi thogs med nyid// bde chen 'bras bu rdzogs par byed// rten can snying po'i thig le la// dngas ma lnga yi bcud 'dus pa// ma skyes nam mkha'i gzugs can nyid// de ma thag par snang bar byed// sangs rgyas btsun mo'i b+ha ga la// gsang ba'i dkyil 'khor bzhir gnas te// thabs dang las bcas phyag rgya bzhis// lhan cig skyes pa'i ye shes nyid// nyi zla zin pa'i stobs las skyes// gsang ba las bzhi'i dkyil 'khor du// dbyings phyug chags pa'i me nyid ni// phyag rgya bzhi bcas bstan bcos bskul// rdo rje pad+ma dgang blugs bcas// byang chub sems kyis gang mchod pa// las dang bag chags spyod yul bcas// bde ba chen por 'bar bar byed// lhan cig skyes pa'i rang bzhin 'char// thugs rje'i stobs kyi las bzhi yis// rang rang dga' ba'i tshul ston cing// thabs dang mos pa sna tshogs la// ci dga' bar ni ston par byed// la lar nad dang sdug bsngal dang// bag chags ma lus zhi bar byed// la lar tshe dang bsod nams dang// longs spyod ye shes 'phel bar byed// la lar bgegs dang mi mthun dang// rnam par rtogs pa thabs kyis sdud// gang gis 'dul bar mi nus pa// thabs mkhas drag pos mngon du sgrol// gang du lam dang ldan pa'i gzungs// ljon pa mo dang lcug phran tshal// sdong gcig ma dang me reg la// dang ba dga' ba chags pa yis// khros pas sbyor ba rab tu brtsam// rang dang rjes su mthun pa'i phyir// las brgyad glu gar ldan bskul bas// rjes mthun pa yi las 'grub cing// bsgrub bya'i las dang dngos grub dag/ thogs pa med par 'grub par 'gyur// gsang ba las byung gsang chen po// rang byung thabs dang shes rab ldan// de nyid sgyu 'phrul rgya mtsho ste// 'gro ba'i don du rnam par 'phrul// thabs las thabs byung thabs kyi mchog/ kun la thugs chud snying po'i don// rang snang thabs kyis mngon snang gis// gzhan las mi 'byung ngo bor gnas// thabs chen gsang ba'i theg pa 'di// las dang skal ldan spyod yul te// dman dang rigs chad la sogs la// khyab par gnas kyang spyod yul min// zhes nyid la nyid bshad do// sgyu 'phrul rgya mtsho'i rgyud las/las lhun gyis grub pa'i le'u ste nyi shu pa'o//// de nas kun mkhyen sras chen po// ma lus dgyes pas khyab gyur nas// sku gsung yon tan phrin las thugs// che ba'i tshul gyis glu 'di blangs// rgyal ba kun gyi sku che ba// 'bar ba 'jigs shing mdzes pa che// byin rlabs lhun grub sku dang ldan// rdo rje legs pa brjid pa che// hUM dang phaT dang tshangs pa'i gsung// zhing khams kun tu khyab mdzad nas// gdul bya dga' dang 'jigs mdzad pa// gsung gi dkyil 'khor sgra mtha' yas// rang byung ye shes 'od gsal ba// mdzes dang khyab dang gsal ba yis// ye shes lnga ru gsal mdzad pa// rgyal ba kun gyi thugs kyi mchog/ma bcos rang bzhin gsal ba las// sna tshogs sku gsung thugs su gsal// bdag gzhan bya ba kun rdzogs pa// yon tan rin chen nor bu 'chang// ma lus thabs kyi cho 'phrul gyis// ma rungs gdug pa kun 'dul ba// rang byung thabs kyi phrin las kyis// bdud bzhi ma lus 'dul bar mdzad// sangs rgyas kun gyi rang bzhin khyod// sgyu 'phrul dra ba mngon rdzogs pa'i// sku gsung thugs kyi bdag nyid che// yon tan phrin las sna tshogs sprul// 'di ni ched du brjod pa yis// rgyal ba'i dkyil 'khor ji snyed kun// gnyis med dgyes pas khyab par 'gyur// lha dang lha mor bcas pa dag/mdzes dang dga' dang chags pa dang// bde ba chen po'i mdangs ldan pas// blta dang rgod dang 'o byed cing// 'khyud dang stegs dang 'tshir ba dang// 'jib dang 'bud pa bcas pa yis// bya ba sna tshogs las btang nas// bde gshegs mchog la 'jug par mdzad// dkyil 'khor rdul snyed bcas pa dag/ gsang ba'i thig ler gnas pa ni// ye shes lnga yi ro dang ldan// dngas ma'i snying por blo zhugs pas// yul dang bag chags ma lus pa// bde ba chen po'i snying por gsal// las dang spyod pa'i khyad par dag/ pad+ma la ni 'dam bzhin no// sgyu 'phrul theg pa'i snying po 'di// ma lus dngos grub rnams kyi gtso// thugs mchog phyag rgyas rgyas btab pas// nam yang 'da' bar mi mdzad do// zhes nyid la nyid bshad do// sgyu 'phrul rgya mtsho'i rgyud las/ dgyes pa chen po'i le'u ste nyer gcig pa'o//// de nas bcom ldan dgyes chen po// ma lus gsung cig 'dus pa yi// snod ldan gang zag rgyal sras la/ gsang ba'i snying po gdams par mdzad// 'das dang da ltar ma byon pa// phyogs bcu dus bzhi ma lus pa'i// de bzhin gshegs pa'i ngo bo nyid// kun kyang gsang ba'i snying po nyid// thabs bral zhen pa gnyis kyis bcings// bdag 'dzin zhen pas don la bsgribs// ma lus sgro bral ngo bo la// btags pa'i zhen pas 'khor bar 'khyams// ji snyed theg pa gang bshad pa// thabs chen theg par brgyud pa'i lam// theg pa bsam yas bstan pa yang// gdul bya'i don la bsam sbyar nas// don du mi 'gyur gcig ma gsungs// rdo rje'i gsung la spros med kyang// thugs rje thabs mkhas byin rlabs kyis// ji ltar mos pa so sor snang// chos kyi phung po bsam mi khyab// ma lus 'dus pa'i snying po 'di// sangs rgyas kun gyi gsang ba ste// kun 'byung sgyu 'phrul rgya mtsho'i rgyud// dbang bskur byin brlabs gsang ba'i mdzod// thog mar mtha' ma bar med dge/ sgro skur med pa thabs kyi lam// rtogs dang 'dzin pa gang byed pa// dus gsum rgyal ba kun gyi sras// dam tshig dbang dang ldan pa dang// las dang smon lam dbang gis ni// snod dang bcud du 'brel pa yis// gsang mdzod 'dzin cing 'chang ba dang// thabs mkhas snying rje gtong phod can// sdug bsngal gnyer zhing phongs pa med// lus dang longs spyod ma chags pa// dam pa 'di la gsang ba gtad// ces nyid la nyid bshad do// sgyu 'phrul rgya mtsho'i rgyud las/ gsang ba gtad pa'i le'u ste nyer gnyis pa'o//// sgyu 'phrul rgya mtsho rgyud chen po rdzogs so//// rgya gar gyi mkhan po bi ma la mi tra dang gnyags dz+nyA na ku mA ras bsgyur ba'o// bi ma la nyid la ze ma dge slong mas zhus pa'o/

CLOSE WINDOW