178b3 rgyud gtad pa'i le'u ste brgyad pa'o//// rgya gar skad du// Ar+ya many+dzu shrI nA ma sang+gI ti/ bod skad du/ 'phags pa 'jam dpal gyi mtshan yang dag par brjod pa/ 'jam
178b4 dpal gzhon nur gyur pa la phyag 'tshal lo// de nas dpal ldan rdo rje 'chang// gdul dka' 'dul ba rnams kyi mchog/ dpa' bo 'jig rten gsum las rgyal// rdo rje dbang phyug gsang ba'i rgyal// pad+ma dkar
178b5 po rgyas 'dra'i spyan// pad+ma rgyas pa'i gdan la bzhugs// rang gi lag gis rdo rje mchog/ yang dang yang du gsor byed pa// khro gnyer rim par ldan la sogs// lag na rdo rje mtha' yas pa// dpa' bo gdul
178b6 dka' 'dul ba bo/'jigs su rung dang dpa' byad can// rdo rje rtse mo rab 'phro ba// rang gi lag gis gsor byed pa// snying rje che dang shes rab dang// thabs kyis 'gro don byed pa'i mchog/ dga' mgu rangs
179a1 pa'i bsam pa can// khro bo'i lus kyi gzugs ldan pa// sangs rgyas phrin las byed pa'i mgon// lus btud rnams dang lhan cig tu// de bzhin gshegs pa bcom ldan 'das// rdzogs sangs
179a2 rgyas la phyag 'tshal nas// thal mo sbyar ba byas nas ni// spyan sngar 'dug ste 'di skad gsol// khyab bdag bdag la sman pa dang// bdag don bdag la thugs brtse'i phyir// sgyu 'phrul dra ba mngon rdzogs
179a3 pa'i// byang chub ci nas bdag thob mdzod// nyon mongs pas ni sems dkrugs shing// mi shes 'dam du bying ba yi// sems can kun la sman pa dang// bla med 'bras bu 'thob bya'i phyir// rdzogs pa'i sangs
179a4 rgyas bcom ldan 'das// 'gro ba'i bla ma ston pa po// dam tshig chen po de nyid mkhyen// dbang po bsam pa mkhyen mchog gis// bcom ldan 'das kyi ye shes sku// gtsug tor chen po tshig gi bdag/ ye shes sku
179a5 ste rang byung ba// 'jam dpal ye shes sems dpa' yi// ming ni yang dag brjod pa'i mchog/ don zab don ni rgya che zhing// don chen mtshungs med rab zhi ba// thog ma bar dang mthar dge ba// 'das pa'i
179a6 sangs rgyas rnams kyis gsungs// ma 'ongs rnams kyang gsung 'gyur la// da ltar byung ba'i rdzogs sangs rgyas// yang dang yang du gsung ba gang// rgyud chen sgyu 'phrul dra ba las// rdo rje 'chang chen gsang sngags
179b1 'chang// dpag med rnams kyis dga' bzhin du// glur blangs gang lags bshad du gsol// mgon po rdzogs sangs rgyas kun gyi// gsang 'dzin ci nas bdag 'gyur phyir// nges par 'byung gi bar du
179b2 ni// bdag gi bsam pa brtan pos gzung// nyon mongs ma lus bsal ba dang// mi shes ma lus spang ba'i phyir// bsam pa'i khyad par ji bzhin du// sems can rnams la bshad par 'tshal// gsang dbang
179b3 lag na rdo rje yis// de bzhin gshegs la de skad du// gsol nas thal mo sbyar byas te// lus btud nas ni spyan sngar 'dug/ de nas bcom ldan shAkya thub// rdzogs pa'i sangs rgyas rkang gnyis mchog/ nyid kyi
179b4 zhal nas ljags bzang ba// ring zhing yangs pa brkyang mdzad de// 'jig rten gsum po snang byed cing// bdud bzhi'i dgra rnams 'dul byed pa// sems can rnams kyi ngan song gsum// sbyong bar byed pa'i
179b5 'dzum bstan nas// tshangs pa'i gsung ni snyan pa yis// 'jig rten gsum po kun bkang nas// lag na rdo rje stobs po che// gsang dbang la ni slar gsungs pa// snying rje che dang ldan gyur pas// 'gro la phan
179b6 pa'i don du khyod// ye shes lus can 'jam dpal gyi// ming brjod pa ni don che ba// dag par byed cing sdig sel ba// nga las nyan par brtson pa ni// legs so dpal ldan rdo rje 'chang// lag na rdo rje khyod
180a1 legs so// gsang ba'i bdag po de phyir ngas// khyod la legs par bstan par bya// khyod ni rtse gcig yid kyis nyon// bcom ldan de ni legs zhes gsol// de nas bcom ldan
180a2 shAkya thub// gsang sngags rigs chen thams cad dang// gsang sngags rig sngags 'chang ba'i rigs// rigs gsum la ni rnam par gzigs// 'jig rten 'jig rten 'das pa'i rigs// 'jig rten snang byed
180a3 rigs chen dang// phyag rgya chen po'i rigs mchog dang// rigs chen gtsug tor cher gzigs nas// tshig gi bdag pos tshigs su bcad// gsang sngags rgyal po drug ldan zhing// gnyis su med par 'byung ba
180a4 dang// mi skye'i chos can 'di gsungs pa// a A i I u U a ai au aM aHs+thi to hridi/ dz+nyA na mUrti ra haM bud+d+ho/ bud+d+hA nAM t+r+ya d+hA bar+t+ti nAM/ oM badzra tIk+Sh+Na duHkha ts+tshe da/ pra dz+nyA dz+nyA na mUr+t+ta ye/ dz+nyA na kA ya wA gI shwa ra/ a ra pa tsa
180a5 nA ya te na maH/'di ltar sangs rgyas bcom ldan 'das// rdzogs pa'i sangs rgyas a las byung// a ni yig 'bru kun gyi mchog/ don chen yi ge dam pa yin// khong nas 'byung ba skye ba med// tshig tu brjod pa
180a6 spangs pa ste// brjod pa kun gyi rgyu yi mchog/ tshig kun rab tu gsal bar byed// mchod pa chen po 'dod chags che// sems can thams cad dga' bar byed// mchod pa chen po zhe sdang che// nyon mongs kun gyi
180b1 dgra che ba// mchod pa chen po gti mug che// gti mug blo ste gti mug sel// mchod pa chen po khro ba che// khro ba chen po dgra che ba// mchod pa chen po chags pa che// chags pa thams cad sel bar byed// 'dod pa
180b2 chen po bde ba che// dga' ba chen po mgu ba che// gzugs che lus kyang che ba ste// kha dog che zhing lus bongs che// ming yang che zhing rgya che ba// dkyil 'khor chen po yangs pa yin// shes rab mtshon chen 'chang ba
180b3 ste// nyon mongs chen po'i lcags kyu mchog/ grags chen snyan grags chen po ste// snang ba chen po gsal ba che// mkhas pa sgyu 'phrul chen po 'chang// sgyu 'phrul chen po don sgrub pa// sgyu 'phrul chen po'i dga'
180b4 bas dga'// sgyu 'phrul chen po'i mig 'phrul can// spyin bdag chen po gtso bo ste// tshul khrims chen po 'chang ba'i mchog/ bzod chen 'chang ba brtan pa po// brtson 'grus chen po brtul ba yin// bsam
180b5 gtan chen po ting 'dzin gnas// shes rab chen po'i lus 'chang ba// stobs po che la thabs che ba// smon lam ye shes rgya mtsho ste// byams chen rang bzhin dpag tu med// snying rje chen po blo yi mchog/ shes
180b6 rab chen po blo chen ldan// mkhas pa chen po thabs che ba// rdzu 'phrul chen pa stobs dang ldan// shugs chen mgyogs pa chen po ste// rdzu 'phrul chen po cher grags pa// stobs chen pha rol gnon pa po// srid pa'i
181a1 ri bo chen po 'joms// mkhregs shing rdo rje chen po 'chang// drag po chen po drag shul che// 'jigs chen 'jigs par byed pa po// mgon po rig mchog chen po ste// bla ma gsang sngags che ba'i
181a2 mchog/theg pa chen po'i tshul la gnas// theg pa chen po'i tshul gyi mchog/ sangs rgyas rnam par snang mdzad che// thub pa chen po thub chen ldan// gsang sngags tshul chen las byung ba// gsang sngags tshul chen
181a3 bdag nyid can// pha rol phyin bcu thob pa ste// pha rol phyin pa bcu la gnas// pha rol phyin bcu dag pa ste// pha rol phyin pa bcu yi tshul// mgon po sa bcu'i dbang phyug ste// sa bcu la ni gnas pa po// shes
181a4 bcu rnam dag bdag nyid can// shes bcu rnam dag 'chang ba po// rnam pa bcu po don bcu'i don// thub dbang stobs bcu khyab pa'i bdag/ kun gyi don ni ma lus byed// rnam bcu dbang ldan che ba po// thog ma
181a5 med pa spros med bdag/de bzhin nyid bdag dag pa'i bdag/ bden par smra zhing tshig mi 'gyur// ji skad smras pa de bzhin byed// gnyis su med dang gnyis med ston// yang dag mtha' la rnam par
181a6 gnas// bdag med seng ge'i sgra dang ldan// mu stegs ri dwags ngan 'j-igs byed// kun tu 'gro ba'i don yod stobs// de bzhinagashegs pa'i yid ltar mgyogs// rgyal ba dgra rgyal rnam par rgyal// 'khor
181b1 lo bsgyur ba stobs po che// tshogs kyi slob dpon tshogs kyi mchog/ tshogs rje tshogs bdag dbang dang ldan// mthu chen gces par 'dzin pa ste// tshul chen gzhan gyi dring mi 'jog/ tshig rje tshig bdag smra mkhas
181b2 pa// tshig la dbang ba tshig mtha' yas// tshig bden pa dang bden par smra// bden pa bzhi ni ston pa po// phyir mi ldog pa phyir mi 'ong// 'dren pa rang rgyal bse ru'i tshul// nges 'byung sna tshogs las byung
181b3 ba// 'byung ba chen po rgyu gcig po// dge slong dgra bcom zag pa zad// 'dod chags bral bas dbang po thul/ bde ba rnyed pas 'jigs med thob// bsil bar gyur pas rnyog pa med// rig pa dang ni rkang
181b4 par ldan// bde gshegs 'jig rten rigs pa'i mchog/ bdag gir mi 'dzin ngar mi 'dzin// bden pa gnyis kyi tshul la gnas// 'khor ba'i pha rol mthar son pa// bya ba byas pas skam sar gnas// shes
181b5 pa 'ba' zhig nges gsal ba// shes rab mtshon chas rnam 'joms pa// dam chos chos rgyal gsal bar ldan// 'jig rten snang bar byed pa'i mchog/ chos kyi dbang phyug chos kyi rgyal// legs pa'i lam ni ston
181b6 pa po// don grub bsam pa grub pa ste// kun tu rtog pa thams cad spangs// rnam par mi rtog dbyings mi zad// chos dbyings dam pa zad mi shes// bsod nams ldan pa bsod nams tshogs// ye shes ye shes
182a1 'byung gnas che// ye shes ldan pa yod med shes// tshogs gnyis tshogs ni bsags pa po// rtag pa kun rgyal rnal 'byor can// bsam gtan bsam bya blo ldan mchog/ so so rang rig mi g.yo
182a2 ba// mchog gi dang po sku gsum 'chang// sangs rgyas sku lnga'i bdag nyid can// khyab bdag ye shes lnga yi bdag/ sangs rgyas lnga bdag cod paN can// spyan lnga chags pa med pa 'chang// sangs rgyas thams cad
182a3 skyed pa po// sangs rgyas sras po dam pa'i mchog/ shes pas srid 'byung skye gnas med// chos las 'byung ba srid pa sel// gcig pu sra mkhregs rdo rje'i bdag/ skyes ma thag tu 'gro ba'i bdag/ nam mkha'
182a4 las byung rang byung ba// shes rab ye shes me bo che// 'od chen rnam par snang bar byed// ye shes snang ba lam me ba// 'gro ba'i mar me ye shes sgron// gzi brjid chen po 'od gsal ba// sngags mchog mnga'
182a5 bdag rig sngags rgyal// gsang sngags rgyal po don chen byed// gtsug tor chen po rmad byung gtsug/ nam mkha'i bdag po sna tshogs ston// sangs rgyas kun bdag dngos po mchog/ 'gro kun dga' ba'i mig
182a6 dang ldan// sna tshogs gzugs can skyed pa po// mchod cing rjed pa drang srong che// rigs gsum 'chang ba gsang sngags can// dam tshig chen po gsang sngags 'dzin// gtso bo dkon mchog gsum 'dzin
182b1 pa// theg pa mchog gsum ston pa po// don yod zhags pa rnam par rgyal// 'dzin pa chen po rdo rje zhags// rdo rje lcags kyu zhags pa che// rdo rje 'jigs byed 'jigs par byed// khro bo'i rgyal po gdong drug
182b2 'jigs// mig drug lag drug stobs dang ldan// keng rus mche ba gtsigs pa po// ha la ha la gdong brgya pa// gshin rje gshed po bgegs kyi rgyal// rdo rje shugs can 'jigs byed pa// rdo rje grags pa rdo rje
182b3 snying// sgyu 'phrul rdo rje gsus po che// rdo rje las skyes rdo rje'i bdag/ rdo rje'i snying po mkha' 'dra ba// mi g.yo ral pa gcig gis bsgyings// glang chen ko rlon gos su gyon// grags chen hA hA zhes sgrogs pa// hI
182b4 hI zhes sgrogs 'jigs par byed// gad mo chen po gad rgyangs can// rdo rje gad mo cher sgrogs pa// rdo rje sems dpa' sems dpa' che// rdo rje rgyal po bde ba che// rdo rje drag po dga' ba che// rdo rje hUM ste hUM zhes
182b5 sgrogs// mtshon du rdo rje'i mda' thogs pa// rdo rje ral gris ma lus gcod// rdo rje kun 'chang rdo rje can// rdo rje gcig pu g.yul sel ba// rdo rje 'bar ba mig mi bzang// skra yang rdo rje 'bar ba ste// rdo rje
182b6 'bebs pa 'bebs pa che// mig brgya pa ste rdo rje'i mig/ lus ni rdo rje'i ba spu can// rdo rje'i spu ni gcig pu'i lus// sen mo skyes pa rdo rje'i rtse// rdo rje'i snying po pags pa mkhregs// rdo rje phreng thogs dpal dang
183a1 ldan// rdo rje'i rgyan gyis brgyan pa ste// gad rgyangs ha ha nges par sgrogs// yi ge drug pa rdo rje'i sgra// 'jam dbyangs chen po'i sgra che ba// 'jig rten gsum na sgra gcig pa// nam mkha'i mtha'
183a2 klas sgra sgrogs pa// sgra dang ldan pa rnams kyi mchog/ yang dag bdag med de bzhin nyid// yang dag mtha' ste yi ge med// stong nyid smra ba'i khyu mchog ste// zab cing rgya che'i sgra sgrogs pa// chos kyi dung ste sgra chen
183a3 ldan// chos kyi gaN+Di sgra bo che// mi gnas mya ngan 'das pa po// phyogs bcu'i chos kyi rnga bo che// gzugs med gzugs bzang dam pa ste// sna tshogs gzugs can yid las skyes// gzugs rnams thams cad
183a4 snang ba'i dpal// gzugs brnyan ma lus 'chang ba po// tshugs pa med cing che bar grags// khams gsum dbang phyug chen po ste// 'phags lam shin tu mtho la gnas// dar ba chen po chos kyi tog/ 'jig
183a5 rten gsum na gzhon lus gcig/gnas brtan rgan po skye dgu'i bdag/ sum cu rtsa gnyis mtshan 'chang ba// sdug gu 'jig rten gsum na mdzes// 'jig rten shes legs slob dpon te// 'jig rten slob
183a6 dpon 'jigs pa med// mgon skyob 'jig rten yid gcugs pa// skyabs dang skyob pa bla na med// nam mkha'i mtha' la longs spyod pa// thams cad mkhyen pa'i ye shes mtsho// ma rig sgo nga'i sbubs 'byed
183b1 pa// srid pa'i dra ba 'joms pa po// nyon mongs ma lus zhi byed pa// 'khor ba'i rgya mtsho pha rol phyin// ye shes dbang bskur cod paN can// rdzogs pa'i sangs rgyas rgyan du thogs// sdug bsngal gsum gyi sdug
183b2 bsngal zhi// gsum sel mtha' las grol gsum thob// sgrib pa kun las nges par grol// mkha' ltar mnyam pa nyid la gnas// nyon mongs dri ma kun las 'das// dus gsum dus med rtogs pa po// sems
183b3 can kun gyi klu chen po// yon tan thod can rnams kyi thod// nyon mongs kun las rnam grol ba// nam mkha'i lam la rab gnas pa// yid bzhin nor bu chen po 'chang// khyab bdag rin chen kun gyi
183b4 mchog/dpag bsam shing chen rgyas pa ste// bum pa bzang po che ba'i mchog/ byed pa sems can kun don byed// phan 'dod sems can mnyes gshin pa// bzang ngan shes shing dus shes la// khyab bdag dam
183b5 shes dam tshig ldan// dus shes sems can dbang po shes// rnam grol gsum la mkhas pa po// yon tan ldan zhing yon tan shes// chos shes bkra shis bkra shis 'byung// bkra shis kun gyis bkra shis
183b6 pa// grags pa bkra shis snyan grags dge/ dbugs 'byin chen po dga' ston che// dga' chen rol mo chen po ste// bkur sti rim gro phun sum tshogs// mchog tu dga' ba grags pa dag dpal// mchog ldan
184a1 mchog sbyin gtso bo ste// skyabs kyi dam pa skyabs su 'os// 'jig rten dgra ste rab kyi mchog/ 'jigs pa ma lus sel ba po// gtsug phud phud bu lcang lo can// ral pa mun dza cod
184a2 pan thogs// gdong lnga gtsug phud lnga dang ldan// zur phud lnga pa me tog thod// mgo zlum brtul zhugs chen po pa// tshangs par spyod pa brtul zhugs mchog/ dka' thub mthar phyin dka' thub che// gtsang
184a3 gnas dam pa go'u tam// bram ze tshangs pa tshangs pa shes// mya ngan 'das tshangs pa thob// grol ba thar pa rnam grol lus// rnam grol zhi ba zhi ba nyid// mya ngan 'das zhi mya ngan 'das// legs par mya ngan
184a4 'das dang nye// bde sdug sel bar mthar gyur pa// chags bral lus las 'das pa po// thub pa med pa dpe med pa// mi mngon mi snang gsal byed min// mi 'gyur kun 'gro khyab pa po// phra zhing zag med sa
184a5 bon bral// rdul med rdul bral dri ma med// nyes pa spangs pa skyon med pa// shin tu sad pa sad pa'i bdag/ kun shes kun rig dam pa po// rnam par shes pa'i chos nyid 'das// ye shes gnyis med tshul
184a6 'chang ba// rnam par rtog med lhun gyis grub// dus gsum sangs rgyas las byed pa// sangs rgyas thog ma mtha' ma med// dang po'i sangs rgyas rgyu med pa// ye shes mig gcig dri ma med// ye shes lus can de
184b1 bzhin gshegs// tshig gi dbang phyug smra ba che// smra ba'i skyes mchog smra ba'i rgyal// smra ba'i dam pa mchog gi gnas// smra ba'i seng ge tshugs pa med// kun tu lta bas mchog tu dga'// gzi brjid phreng ba lta na
184b2 sdug/'od bzang 'bar ba dpal gyi be'u// lag na 'od 'bar snang ba po// sman pa che mchog gtso bo ste// zug rngu 'byin pa bla na med// sman rnams ma lus ljon pa'i shing// nad do cog gi dgra che ba// sdug gu
184b3 'jig rte gsum gyi mchog/dpal ldan rgyu skar dkyil 'khor can// phyogs bcu nam mkha'i mthar thug par// chos kyi rgyal mtshan legs par 'dzugs// 'gro na gdugs gcig yangs pa ste// byams dang snying
184b4 rje'i dkyil 'khor can// dpal ldan pad+ma gar gyi bdag/ khyab bdag chen po rin chen gdugs// sangs rgyas kun gyi gzi brjid che// sangs rgyas kun gyi sku 'chang ba// sangs rgyas kun gyi rnal 'byor
184b5 che// sangs rgyas kun gyi bstan pa gcig/ rdo rje rin chen dbang bskur dpal// rin chen kun bdag dbang phyug ste// 'jig rten dbang phyug kun gyi bdag/ rdo rje 'chang ba kun gyi rje// sangs rgyas kun
184b6 gyi thugs che ba// sangs rgyas kun gyi thugs la gnas// sangs rgyas kun gyi sku che ba// sangs rgyas kun gyi gsung yang yin// rdo rje nyi ma snang ba che// rdo rje zla ba dri med 'od// chags bral la sogs chags pa
185a1 che// kha dog sna tshogs 'bar ba'i 'od// rdo rje skyil klung rdzogs sangs rgyas// sangs rgyas 'gro ba'i chos 'dzin pa// dpal ldan sangs rgyas pad+ma skyes// kun mkhyen ye shes mdzod 'dzin pa// rgyal
185a2 po sgyu 'phrul sna tshogs 'chang// che ba sangs rgyas rig sngags 'chang// rdo rje rnon po ral gri che// yi ge mchog ste rnam par dag/ theg pa chen por sdug bsngal gcod// mtshon cha chen po rdo rje chos// rdo rje zab mo
185a3 dzi na dzika/rdo rje blo gros don bzhin rigs// pha rol phyin pa kun rdzogs pa// sa rnams kun gyi rgyan dang ldan// rnam par dag pa bdag med chos// yang dag ye shes zla 'od bzang// brtson chen sgyu 'phrul dra ba
185a4 ste// rgyud kun gyi ni bdag po mchog/ rdo rje gdan ni ma lus ldan// ye shes sku rnams ma lus 'chang// kun tu bzang po blo gros bzang// sa yi snying po 'gro ba 'dzin// sangs rgyas kun gyi snying po che// sprul pa'i
185a5 'khor lo sna tshogs 'chang// dngos po kun gyi rang bzhin mchog/ dngos po kun gyi rang bzhin 'dzin// skye med chos de sna tshogs don// chos kun ngo bo nyid 'chang ba// shes rab chen pos skad cig la// chos
185a6 kun khong du chud pa 'chang// chos kun mngon par rtogs pa ste// thub pa blo mchog 'byung ba'i mtha'// mi g.yo rab tu dang ba'i bdag/ rdzogs pa'i sangs rgyas byang chub 'chang// sangs rgyas kun gyi mngon sum
185b1 pa// ye shes me lce 'od rab gsal// 'dod pa'i don grub dam pa ste// ngan song thams cad rnam sbyong ba// mgon po sems can kun gyi mchog/ sems can thams cad rab grol byed// nyon mongs g.yul du
185b2 gcig dpa' ba// mi shes dgra yi dregs pa 'joms// blo ldan sgeg 'chang dpal dang ldan// brtan po mi sdug gzugs 'chang ba// lag pa brgya po kun bskyod cing// gom pa'i stabs kyis gar byed pa// dpal
185b3 ldan lag pa brgyas gang la// nam mkha' khyab par gar byed pa// sa yi dkyil 'khor bzhi yi khyon// rkang pa ya gcig mthil gyis gnon// rkang mtheb sen mo'i khyon gyis kyang// tshangs pa'i yul sa rtse nas
185b4 gnon// don gcig gnyis med chos kyi don// dam pa'i don ni 'jigs pa med// rnam rig sna tshogs gzugs don can// sems dang rnam shes rgyud dang ldan// dngos don ma lus rnams la dga'// stong pa
185b5 nyid dga' 'dod chags blo// srid pa'i 'dod chags sogs spangs pa// srid gsum dga' ba chen po ste// sprin dkar dag pa bzhin du dkar// 'od bzang ston ka'i zla ba'i 'od// nyi ma 'char ka'i dkyil ltar
185b6 mdzes// sen mo'i 'od ni shas cher dmar// cod pan bzang po mthon ka'i rtse// skra mchog mthon ka chen po 'chang// nor bu chen po 'od chags dpal// sangs rgyas sprul pa'i rgyan dang ldan// 'jig rten khams
186a1 brgya kun bskyod pa// rdzu 'phrul rkang pa'i stobs chen ldan// de nyid dran pa chen po 'chang// dran pa bzhi po ting 'dzin rgyal// byang chub yan lag me tog spos// de bzhin gshegs pa'i yon tan
186a2 mtsho// lam gyi yan lag brgyad tshul rig/ yang dag sangs rgyas lam rig pa// sems can kun la shas cher chags// nam mkha' lta bur chags pa med// sems can kun gyi yid la 'jug/ sems can kun
186a3 gyi yid ltar mgyogs// sems can kun gyi dbang don shes// sems can kun yi yid 'phrog pa// phung po lnga don de nyid shes// rnam dag phung po lnga 'chang ba// nges 'byung kun gyi mtha' la gnas// nges par
186a4 'byung ba kun la mkhas// nges 'byung kun gyi lam la gnas// nges par 'byung ba kun ston pa// yan lag bcu gnyis srid rtsa bton// dag pa rnam pa bcu gnyis 'chang// bden bzhi'i tshul gyi rnam pa
186a5 can// shes pa brgyad po rtogs pa 'chang// bden don rnam pa bcu gnyis ldan// de nyid rnam pa bcu drug rig/ rnam pa nyi shus byang chub pa// rnam par sangs rgyas kun rig mchog/ sangs rgyas kun gyi sprul pa'i
186a6 sku// bye ba dpag med 'gyed pa po// skad cig thams cad mngon par rtogs// sems kyi skad cig don kun rig/ theg pa sna tshogs thabs tshul gyis// 'gro ba'i don la rtogs pa po// theg pa gsum gyis nges
186b1 'byung la// theg pa gcig gis 'bras bur gnas// nyon mongs khams rnams dag pa'i bdag/ las kyi khams rnams zad byed pa// chu bo rgya mtsho kun las brgal// sbyor ba'i dgon pa las byung ba// nyon
186b2 mongs nye ba'i kun nyon mongs// bag chags bcas pa gtan spangs pa// snying rje chen po shes rab thabs// don yod 'gro ba'i don byed pa// 'du shes kun gyi don spangs shing// rnam shes don ni 'gag par
186b3 byed// sems can kun yid yul dang ldan// sems can kun gyi yid rig pa// sems can kun gyi yid la gnas// de dag sems dang mthun par 'jug/ sems can kun yid tshim par byed// sems can kun
186b4 gyi yid dga' ba// grub pa mthar phyin 'khrul pa med// nor ba thams cad rnam par spangs// don gsum the tshom med pa'i blo// kun don yon tan gsum gyi bdag/ phung po lnga don dus gsum du// skad
186b5 cig thams cad bye brag byed// skad cig gcig gis rdzogs sangs rgyas// sangs rgyas kun gyi rang bzhin 'chang// lus med lus te lus kyi mchod// lus kyi mtha' ni rtogs pa po// gzugs rnams sna tshogs
186b6 kun tu ston// nor bu chen po rin chen tog/ sangs rgyas kun gyis rtogs bya ba// sangs rgyas byang chub bla na med// gsang sngags las byung yi ge med// gsang sngags chen po rigs gsum pa// gsang sngags
187a1 don kun skyed pa po// thig le chen po yi ge med// stong pa chen po yi ge lnga// thig le stong pa yi ge brgya// rnam pa kun ldan rnam pa med// bcu drug phyed phyed thig le can// yan lag med pa'i rtsis
187a2 las 'das// bsam gtan bzhi pa'i rtse mo can// bsam gtan yan lag kun shes shing// ting 'dzin rigs dang rgyud rig pa// ting 'dzin lus can lus kyi mchog/ longs spyod rdzogs sku kun gyi rgyal// sprul
187a3 pa'i sku ste sku yi mchog/sangs rgyas sprul pa'i rgyud 'chang ba// phyogs bcur sprul pa sna tshogs 'gyed// ji bzhin 'gro ba'i don byed pa// lha dang lha dbang lha yi lha// lha yi dbang po lha min bdag/ 'chi med
187a4 dbang po lha yi bla// 'joms byed 'joms byed dbang phyug go/ srid pa'i dgon pa las brgal ba// staun pa gcig pu 'gro ba'i bla// 'jig rten phyogs bcur rab grags pa// chos kyi spyin bdag che ba
187a5 po// byams pa'i go cha chas pa ste// snying rje yi ni ya lad bgos// shes rab ral gri mda' gzhu thogs// nyon mongs mi shes g.yul ngo sel// dpa' bo bdud dgra bdud 'dul ba// bdud bzhi'i 'jigs pa
187a6 sel bar byed// bdud kyi dpung rnams pham byed pa// rdzogs pa'i sangs rgyas 'jig rten 'dren// mchod 'os bstod 'os phyag gi gnas// rtag tu ri mor bya ba'i 'os// bkur 'os rjed par bya ba'i
187b1 mchog/phyag byar 'os pa bla ma'i rab// 'jig rten gsum po gom gcig bgrod// mkha' ltar mtha' med rnam par gnon// gsum rig gtsang ma dag pa ste// mngon shes drug ldan rjes dran drug/ byang chub
187b2 sems dpa' sems dpa' che// rdzu 'phrul chen po'i 'jig rten 'das// shes rab pha rol phyin pa'i mtha'// shes rab kyis ni de nyid thob// bdag rig gzhan rig thams cad pa// kun la phan pa'i gang zag
187b3 mchog/dper bya kun las 'das pa ste// shes dang shes bya'i bdag po mchog/ gtso bo chos kyi sbyin bdag ste// phyag rgya bzhi po'i don ston pa// 'gro ba'i bsnyen bkur gnas kyi mchog/ nges 'byung gsum po
187b4 bgrod rnams kyi// don gyi dam pa rnam dag dpal// 'jig rten gsum na skal bzang che// dpal ldan 'byor pa kun byed pa// 'jam dpal dpal dang ldan pa'i mchog/ mchog sbyin rdo rje mchog khyod
187b5 'dud// yang dag mthar 'gyur khyod la 'dud// stong nyid las byung khyod la 'dud// sangs rgyas byang chub khyod la 'dud// sangs rgyas chags pa khyod pa 'dud// sangs rgyas 'dod la phyag 'tshal 'dud// sangs
187b6 rgyas dgyes pa khyod la 'dud// sangs rgyas rol la phyag 'tshal 'dud// sangs rgyas 'dzum pa khyod la 'dud// sangs rgyas bzhad la phyag 'tshal 'dud// sangs rgyas gsung nyid khyod la 'dud// sangs
188a1 rgyas thugs la phyag 'tshal 'dud// med pa las byung khyod la 'dud// sangs rgyas 'byung ba khyod la 'dud// nam mkha' las byung khyod la 'dud// ye shes las byung khyod la 'dud// sgyu 'phrul drwa ba
188a2 khyod la 'dud// sangs rgyas rol ston khyod la 'dud// thams cad thams cad khyod la 'dud// ye shes sku nyid khyod la 'dud//// lag na rdo rje rdo rje 'chang/ 'di ni bcom ldan 'das kyi ye shes sku/ de
188a3 bzhin gshegs pa thams cad kyi ye shes sku/'jam dpal ye shes sems dpa'i ye shes sku yongs su dag pa'o/ ma 'dres pa/ thun mong ma yin pa/ khyod kyi dga' ba dang/ dad pa dang/ mgu ba chen po bla na
188a4 med pa bskyed pa dang/lag na rdo rje rdo rje 'chang/ khyod kyi lus dang ngag dang yid kyi gsang ba yongs su dag par byed pa dang/ yongs su ma rdzogs pa dang/ yongs su ma dag pa'i sa dang/ pha rol tu phyin pa dang/
188a5 bsod nams dang ye shes kyi tshogs rnams yongs su rdzogs shing/ yongs su dag par bya ba dang/ bla na med pa'i don ma rtogs pa rtogs par bya ba dang/ ma thob pa thob par bya ba nas/ de bzhin gshegs
188a6 pa thams cad kyi dam pa'i chos kyi tshul yang dag par gzung ba'i bar gyi phyir ngas bshad cing yang dag par bstan te/bkrol zhing rnam par phye ba gsal bar byas so// lag na rdo rje rdo rje 'chang/ 'di ni ngas
188b1 khyod kyi rgyud la yang gsang sngags thams cad kyi chos nyid kyi byin gyis rlabs kyi byin gyis brlabs so// lag na rdo rje rdo rje 'chang/ gzhan yang ming yang dag par brjod pa 'di ni/ thams cad mkhyen pa'i ye
188b2 shes dang/sku dang gsung dang thugs kyi gsang ba shin tu yongs su dag cing byang ba'o// sangs rgyas kyi byang chub bo// yang dag par rdzogs pa'i sangs rgyas rnams kyi mngon par rdzogs pa'o// bde bar gshegs
188b3 pa rnams kyi chos kyi dbyings bla na med pa thugs su chud pa'o// rgyal ba rnams kyi bdud kyi stobs thams cad pham par mdzad pa'o// stobs bcu dang ldan pa thams cad kyi stobs bcu'i stobs nyid do// thams
188b4 cad mkhyen pa rnams kyi thams cad mkhyen pa nyid do// chos thams cad kyi lung ngo// sangs rgyas thams cad kyi yang dag par bsgrub pa'o// byang chub sems dpa' chen po thams cad kyi bsod nams dang ye shes
188b5 kyi tshogs yongs su rdzogs pa// dri ma med cing shin tu rnam par dag pa'i skye gnas so// nyan thos dang rang sangs rgyas thams cad kyi zhing ngo// lha dang mi thams cad kyi phun sum tshogs pa'o// theg pa chen po'i
188b6 gzhi'o// byang chub sems dpa'i spyod pa'i 'byung gnas so// 'phags pa'i lam thams cad kyi mtha'o// rnam par grol ba rnams brtag pa'o// nges par 'byung ba'i lam skye ba'i gnas so// de bzhin gshegs
189a1 pa'i gdung mi 'chad pa'o// byang chub sems dpa'i rigs dang rgyud rab tu 'phel ba'o// pha rol rgol ba thams cad tshar gcod pa'o// mu stegs can thams cad rnam par 'joms pa'o// bdud
189a2 bzhi'i stobs dang dpung dang sde pham par byed pa'o// sems can thams cad yang dag par sdud pa'o// nges par 'byung ba bgrod pa thams cad kyi 'phags pa'i lam yongs su smin pa'o// tshangs pa'i lam bzhi la
189a3 gnas pa rnams kyi ting nge 'dzin to// sems rtse gcig pa rnams kyi bsam gtan no// lus dang ngag dang yid 'dul ba la brtson pa rnams kyi rnal 'byor ro// kun tu sbyor ba thams cad dang bral ba'o// nyon
189a4 mongs pa dang nye ba'i nyon mongs pa thams cad spong ba'o// sgrib pa thams cad rnam par zhi ba'o// 'ching ba thams cad las rnam par grol ba'o// rdzas thams cad las thar ba'o// sems kyi g.yeng ba thams cad
189a5 zhi ba'o// 'byor pa thams cad kyi 'byung gnas so// rgud pa thams cad sel ba'o// ngan song gi sgo thams cad gcod pa'o// rnam par grol ba'i grong khyer gyi lam bzang po'o// 'khor ba'i 'khor lo la mi 'jug
189a6 pa'o// chos kyi 'khor lo bskor ba'o// de bzhin gshegs pas bstan pa'i gdugs dang// rgyal mtshan dang/ ba dan sgreng ba'o// dam pa'i chos ston pa'i gnas so// byang chub sems dpa' gsang sngags kyi
189b1 sgo'i spyad pa spyod pa rnams kyi myur du 'grub pa'o// byang chub sems dpa' bsgom pa la mngon par brtson pa rnams kyi rtogs pa'o// byang chub sems dpa' sems dpa' chen po shes rab kyi pha rol tu phyin pa la
189b2 mngon par brtson pa rnams kyi stong pa nyid so sor rtogs pa'o// gnyis su med par so sor rtogs par mngon par brtson pa rnams kyi rdzogs pa'o// pha rol tu phyin pa dang tshogs thams cad yongs su dag
189b3 pa'o// sa thams cad yongs su rdzogs pa'o// 'phags pa'i bden pa bzhi po rnams kyi so sor rtogs pa'o// chos thams cad kyi dran pa nye bar gzhag pa rnams sems rtse gcig gis rtogs pa'o// ming yang dag
189b4 par brjod pa 'di ni sangs rgyas kyi yon tan thams cad kyi bar du yang yongs su rdzogs par byed pa'o// lag na rdo rje rdo rje 'chang// gzhan yang ci skad du bshad pa'i ming yang dag par brjod pa 'di// sems
189b5 can thams cad kyi lus dang// ngag dang yid la kun tu spyod pa'i sdig pa ma lus pa rab tu zhi bar byed pa'o// sems can thams cad kyi ngan song thams cad rnam par sbyong ba'o// ngan 'gro thams cad bzlog
189b6 pa'o// las kyi sgrib pa thams cad yang dag par gcod pa'o// mi khom pa brgyad po thams cad kyi skye ba'i rgyun mi skye bar byed pa'o// 'jigs pa chen po brgyad rnam par zhi bar byed pa'o// rmi lam ngan pa thams
190a1 cad nges par 'jig par byed pa'o// ltas ngan pa thams cad nges par sel bar byed pa'o// ltas ngan dang bgegs thams cad rnam par zhi bar byed pa'o// bdud kyi dgra'i las thams cad ring du
190a2 spong bar byed pa'o// dge ba'i rtsa ba dang bsod nams thams cad 'phel bar byed pa'o// tshul bzhin ma yin pa yid la byed pa thams cad mi skye bar byed pa'o// rgyags pa dang/ nga rgyal dang/ dregs pa dang/
190a3 ngar 'dzin pa thams cad ma lus par 'joms par byed pa'o// sdug bsngal dang yid mi bde ba thams cad mi skye bar byed pa'o// de bzhin gshegs pa thams cad kyi snying por gyur pa'o// byang chub sems
190a4 dpa' thams cad kyi gsang bar gyur pa'o// nyan thos dang rang sangs rgyas thams cad kyi gsang chen du gyur pa'o// phyag rgya dang gsang sngags thams cad du gyur pa'o// chos thams cad brjod du med par smra ba
190a5 rnams kyi dran pa dang// shes bzhin yang dag par skyed pa'o// bla na med pa'i shes rab dang// yid gzhungs par byed pa'o// nad med pa dang// stobs dang dbang phyug phun sum tshogs par byed pa'o// dpal
190a6 dang dge ba dang zhi ba dang legs pa rab tu 'phel bar byed pa'o// grags pa dang snyan pa dang tshigs su bcad pa dang// bstod pa dang grags par byed pa'o// nad dang 'jigs pa chen po thams cad rab tu zhi
190b1 bar byed pa'o// shin tu rnam par dag pa rnams kyi yang shin tu rnam par dag pa'o// shin tu dag byed rnams kyi yang shin tu dag byed do// shin tu 'byor ldan rnams kyi yang shin tu 'byor ldan no// shin tu
190b2 bkra shis pa rnams kyi yang shin tu bkra shis pa'o// skyabs 'dod pa rnams kyi skyabs so// gnas 'dod pa rnams kyi gnas so// skyob med pa rnams kyi skyob pa'o// dpung gnyen 'dod pa rnams kyi dpung gnyen
190b3 no// gling 'dod pa rnams kyi gling ngo// 'khra sa med pa rnams kyi 'khra sa bla na med pa'o// srid pa'i rgya mtsho'i pha rol tu 'gro ba rnams kyi gru'o// nad thams cad sel ba'i sman gyi rgyal po chen po'o// blang ba dang
190b4 dor ba'i dngos po bye brag phyed pa'i shes rab nyid do// lta ba ngan pa'i mun pa mun nag thams cad sel ba'i ye shes kyi snang ba'o// sems can thams cad kyi bsam pa ji lta ba bzhin yongs su rdzogs par byed
190b5 pa'i yid bzhin gyi nor bu lta bu'o// 'jam dpal ye shes kyi sku thob par bya ba'i thams cad mkhyen pa'i ye shes so// spyan lnga thob par bya ba'i ye shes mthong ba yongs su dag pa'o// zang zing dang/ mi 'jigs
190b6 pa dang/chos kyi sbyin pa gtong ba'i phyir// pha rol tu phyin pa drug yongs su rdzogs pa'o// bsod nams dang ye shes kyi tshogs dang/ ting nge 'dzin yongs su rdzogs pa'i phyir sa bcu thob pa'o// chos gnyis dang
191a1 bral ba'i phyir/gnyis su med pa'i chos nyid do// sgro btags pa med pa'i phyir/ de bzhin nyid kyi rang bzhin dang/ gzhan ma yin pa'i chos nyid do// de bzhin gshegs pa'i ye shes yongs su dag
191a2 pa'i ngo bo nyid yin pa'i phyir/yang dag pa'i mtha'i rang bzhin nyid do// blta ba ngan pa'i tshang tshing brgya stong ma lus par sel ba'i phyir/ rnam pa thams cad rnam pa med pa stong pa nyid kyi rang bzhin nyid do// ming
191a3 yang dag par brjod pa 'di ni/'di lta ste/ gnyis su med pa'i chos nyid kyi ming yang dag par 'dzin pa ston pa'i phyir/ chos thams cad brjod du med pa'i rang bzhin nyid do// lag na rdo rje rdo rje 'chang/ gzhan
191a4 yang rigs kyi bu'am/rigs kyi bu mo gsang sngags kyi sgo'i spyad pa spyod pa gang la la bcom ldan 'das 'jam dpal ye shes sems dpa' de bzhin gshegs pa thams cad kyi ye shes kyi sku/ gnyis su med pa'i
191a5 don dam pa'i ming yang dag par brjod pa/ming gi gtsug gi nor bu 'di thams cad yongs su rdzogs pa dang/ ma nyams shing lhag chad med par tshigs su bcad pa'i tshig dang/ yig 'bru 'di nyid kyis nyin
191a6 gcig bzhin du dus gsum du 'chang ba dang/klog pa dang/ kun chub par byed pa dang/ tshul bzhin du yid la byed pa dang/ gzhan dag la yang dam tshig bzhin du/ ci lta ba bzhin du ston pa dang/ ming gi don
191b1 gang yang rung ba re re nas kyang 'jam dpal ye shes kyi sku la dmigs te/kun nas sgo'i gnas pas gnas pa dang/ chos thams cad rtog pa'i mchog rnyog pa med pa'i dad pa dang ldan bzhin pa dang/ mos pa
191b2 dang de kho na nyid yid la byed pas sems rtse gcig tu bsgom pa de la ni/dus gsum gyi dus med pa dang ldan pa'i sangs rgyas dang/ byang chub sems dpa' thams cad 'dus te gshegs nas/ chos kyi sgo thams
191b3 cad ston par mdzad de sku yang ston to// sangs rgyas dang byang chub sems dpa' thams cad kyis byin gyis rlob par mdzad de/ sku dang gsung dang thugs thams cad kyis byin gyis rlob par mdzad de/ sku dang
191b4 gsung dang thugs thams cad kyis de'i rgyud la yang dag par byin gyis rlob bo// sangs rgyas dang byang chub sems dpa' thams cad kyis phan gdags pas kyang phan 'dogs par mdzad do// chos thams cad la
191b5 mi 'jigs pa'i spobs pa yang sgrub par mdzad do// dgra bcom pa dang nyan thos dang/ rang sangs rgyas thams cad kyang 'phags pa'i chos la sdug par 'dzin pa'i bsam pas bdag nyid kyi dngos po yang nye bar
191b6 ston par byed do// ma rungs pa 'dul ba'i khro bo'i rgyal po chen po rnams dang/ rdo rje 'chang chen po la sogs pa 'gro ba yongs su skyobs pa rnams kyang/ sprul pa'i gzugs kyi lus sna tshogs kyis/ mdangs dang
192a1 stobs dang gzi brjid zil gyis mi non pa dang/gsang sngags dang/ phyag rgya dang/ mngon par rtogs pa dang/ dkyil 'khor thams cad sgrub par byed do// gsang sngags dang/ rig sngags kyi
192a2 rgyal mo ma lus pa dang/bgegs dang log 'dren dang/ bdud kyi dgra dang/ phyir zlog pa dang/ gzhan gyis mi thub pa chen po thams cad dang/ nyin mtshan phyad par skad cig re re la spyod lam thams cad du
192a3 srung ba dang/skyob pa dang/ sbed par byed do// tshangs pa dang dbang po dang nye dbang po dang/ drag po dang/ tshan po che dang/ kun 'gyed gzhon nu dang/ dbang phyug chen po dang/ smin drug gi bu dang/ nag po chen
192a4 po dang/dga' byed dbang phyug dang/ gshin rje dang/ chu lha dang/ ku be dang/ 'phrog ma dang/ phyogs bcu'i 'jig rten skyong ba rnams kyang// rtag tu rgyun mi 'chad par/ nyin mtshan phyad par 'gro yang rung/
192a5 'greng yang rung/ 'dug kyang rung/ nyal yang rung/ gnyid log kyang rung/ ma log kyang rung ba na/ srung ba dang skyob pa dang/ sbed par byed do// mnyam par gzhag kyang rung/ mnyam par ma bzhag kyang rung/
192a6 gcig pur 'dug kyang rung/ skye bo mang po'i nang na 'dug kyang rung/ grong dang/ grong khyer dang/ grong rdal dang/ ljongs dang/ yul 'khor dang/ rgyal po'i pho brang na 'dug kyang rung/ sgo kha dang/ sgo khang dang/
192b1 khri lam dang/ srang dang/ bzhi mdo dang/ sum mdo dang/ grong bar dang/ tshong khang na 'dug kyang rung/ khang stong dang/ ri dang/ chu klung dang/ tshal dang/ nags tshang tshing na 'dug kyang rung/ gtsang sbra ma byas
192b2 pa dang/ra ro ba dang/ bag med par 'dug kyang rung ste/ rtag tu rnam pa thams cad du ci'i sgo nas kyang mchog tu srung ba dang/ skyob pa dang/ sbed par byed do// nyin mtshan du yang mchog tu bde legs su 'gyur
192b3 bar byed do// gang yang lha dang/ klu dang/ gnod sbyin dang/ dri za dang/ lha ma yin dang/ nam mkha' lding dang/ mi 'am ci dang/ lto 'phye chen po dang/ mi dang mi ma yin pa gzhan dag kyang/ gza' dang/ rgyu
192b4 skar dang/ma mo rnams dang/ tshogs kyi bdag po gzhan rnams dang/ ma mo bdun po gang yin pa rnams dang/ gnod sbyin mo dang/ srin mo dang/ sha za mo gang yin pa de dag thams cad kyang 'dus shing gcig
192b5 tu mthun par dpung dang bcas/'khor dang bcas pas srung ba dang/ skyob pa dang/ sbed pa thams cad byed par 'gyur ro/ mdangs dang/ stobs dang/ gzi brjid mchog kyang de'i lus la 'jug par byed
192b6 do// nad med pa dang/ stobs dang tshe 'phel bar yang 'grub par byed do// lag na rdo rje rdo rje 'chang/ gzhan yang ming gi gtsug gi nor bu 'di/ gang gis nyin gcig bzhin du dus gsum du ma nyams par yi
193a1 dam du lan gsum du kha ton du byas te bton tam/glegs bam du byas pa klog cing brjod la/ bcom ldan 'das 'jam dpal ye shes sems dpa'i gzugs yid la dmigs shing/ gzugs
193a2 dang mthun par sems te/de'i gzugs dang mthun pa bsam gtan byed pas ni/ 'dul ba'i dbang gi phyir/ ring por mi thogs par de nyid kyi sprul pa'i gzugs kyi sku mthong bar 'gyur ro// sangs rgyas dang
193a3 byang chub sems dpa' thams cad kyi gzugs kyi sku rnam pa sna tshogs dang ldan pa/nam mkha'i dkyil na bzhugs pa dag kyang mthong bar 'gyur ro// sems can chen po de ni nam yang ci ltar gyur kyang ngan 'gro
193a4 ngan song du ltung bar mi 'gyur ro// rigs ngan du skye bar mi 'gyur ro// yul mtha' 'khob tu skye bar mi 'gyur ro// dbang po ma tshang bar mi 'gyur ro// log par blta ba dang/ blta ba ngan pa'i rigs su skye bar
193a5 mi 'gyur ro// sangs rgyas mi bzhugs pa'i sangs rgyas kyi zhing du skye bar mi 'gyur ro// sangs rgyas bzhugs na yang des dam pa'i chos spang ba dang/ lha tshe ring po'i nang du skye bar mi 'gyur ro// mu ge dang nad
193a6 dang/mtshon gyi bar gyi bskal ba'i nang du yang skye bar mi 'gyur ro// snyigs ma lnga'i dus su yang skye bar mi 'gyur ro// rgyal po dang/ dgra dang/ chom rkun gyi 'jigs pa yang 'byung bar mi 'gyur ro// ci nas
193b1 kyang dman pa dang/dbul ba'i 'jigs pa yang 'byung bar mi 'gyur ro// dri ngas dang/ skur pa dang/ smad pa dang/ mi snyan pa dang/ gtam ngan gyi 'jigs pa yang 'byung bar mi 'gyur ro// rgyud dang rus dang
193b2 rigs bzang po dang yang ldan par 'gyur ro// kun nas mdzes pa dang/ gzugs dang/ kha dog dang ldan par 'gyur ro// 'jig rten pa rnams la sdug pa dang/ yid du 'ong ba dang/ 'grogs na bde ba dang/
193b3 mthong na dga' bar yang 'gyur ro// 'jig rten pa rnams la mdzes pa dang/ skal ba dang ldan pa dang/ tshig btsan par yang 'gyur ro// gang dang gang du skyes pa de dang der yang skye ba dran par 'gyur
193b4 ro// longs spyod kyi gzhi che ba dang/ 'khor mang ba dang/ longs spyod kyi gzhi mi zad pa dang/ 'khor mi zad par yang 'gyur ro// sems can thams cad kyi mchog dang/ yon tan mchog dang yang ldan par
193b5 'gyur ro// rang bzhin gyis kyang pha rol tu phyin pa drug gi yon tan dang yang ldan par 'gyur ro// tshangs pa'i gnas bzhi la yang gnas par 'gyur ro// dran pa dang/ shes bzhin dang/ thabs dang/ stobs
193b6 dang/smon lam dang/ ye shes dang ldan par 'gyur ro// bstan bcos thams cad la 'jigs pa med pa dang/ smra mkhas par yang 'gyur ro// mi blun pa dang/ tshig gsal ba dang/ sgrin por 'gyur ro// shes
194a1 nyan can dang/le lo med pa dang/ chog shes pa dang/ nor mang ba dang/ sred pa med par yang 'gyur ro// sems can thams cad kyi mchog tu yid brtan par bya ba dang/ slob dpon dang/ bla
194a2 mar bkur bar yang 'gyur ro// des sngon ma thos pa'i bzo dang/ sgyu rtsal dang/ mngon par shes pa'i shes pa dang/ bstan bcos thams cad kyang don dang yi ge'i sgo nas shes par 'gyur ro// tshul khrims dang/
194a3 'tsho ba dang/ kun tu spyod pa shin tu yongs su dag par spyod pa dang/ legs par rab tu 'byung ba dang/ legs par bsnyen par rdzogs par yang 'gyur ro// thams cad mkhyen pa nyid kyi byang chub kyi sems kyang
194a4 mi brjed par 'gyur ro// nyan thos dang dgra bcom pa dang rang sangs rgyas kyi nges pa la nam yang 'jug par mi 'gyur ro// lag na rdo rje rdo rje 'chang/ de ltar yon tan dpag tu med pa dag dang ldan par 'gyur
194a5 te/rnam pa de lta bu'i yon tan gyi tshogs dpag tu med pa gzhan dag dang yang ldan par 'gyur ro// lag na rdo rje rdo rje 'chang/ don dam pa'i ming yang dag par brjod pa 'di yang dag par 'dzin pa'i skyes bu
194a6 gang zag de ni/bsod nams dang ye shes kyi tshogs legs par bsags shing/ sangs rgyas kyi yon tan rnams shin tu bsgrubs nas/ ring por mi thog par bla na med pa yang dag par rdzogs pa'i byang chub tu
194b1 mngon par rdzogs par 'tshang rgya bar 'gyur te/bskal pa mang por yongs su mya ngan las 'da' ba'i chos su mi 'gyur bar/ sems can thams cad la bla na med pa'i chos ston pa dang/ phyogs bcur dam pa'i
194b2 chos kyi rnga sgra chen po rgyun mi 'chad par sgrogs pa'i chos kyi rgyal por 'gyur ro/oM sarba d+harmA b+hA wa swa b+hA wa/ bi shud+d+ha badzra a A aM aH/ pra kr-i ti pa ri shud+d+hAHsarba d+harmA ya du ta sarba ta thA ga ta/ dz+nyA na kA la ya many+dzu shrI
194b3 pa ri shud+d+ha tA mu pA dA ya ti aM aH/sarba ta thA ga ta hr-i da ya/ ha ra ha ra/ oM hUM hrIH/ b+ha ga wAn dz+nyA na mur+t+ti wA' gI shwa ra/ ma hA pa tsa sarba d+harmA/ ga ga nA ma la su pa ri shud+d+ha/ d+harma d+hA tu dz+nyA na gar+b+ha AH/ de nas dpal ldan rdo
194b4 rje 'chang// dga' zhing mgu nas thal mo sbyar// mgon po bcom ldan de bzhin gshegs// rdzogs sangs rgyas la phyag 'tshal nas// de ni mgon po gsang ba'i bdag/ lag na rdo rje khro bo'i rgyal// sna tshogs
194b5 gzhan dang lhan cig tu// gsang bstod nas ni tshig 'di gsol// mgon po bdag cag yi rang ngo// legs so legs so legs par gsungs// rnam grol 'bras bu 'tshal ba yi// 'gro ba mgon med rnams dang
194b6 ni// bdag cag yang dag rdzogs pa yi// byang chub thob pa'i don chen mdzad// sgyu 'phrul dra ba'i tshul bstan pa// 'di ni rna dag legs pa'i lam// zab cing yangs la rgya che ste// don chen 'gro ba'i don byed
195a1 pa// sangs rgyas rnams kyi yul 'di ni// rdzogs pa'i sangs rgyas kun gyis bshad// bcom ldan 'das 'jam dpal ye shes sems dpa'i don dam pa'i mtshan yang dag par brjod pa/ bcom
ldan 'das de bzhin gshegs pa shAkya thub pas gsungs pa rdzogs so/

CLOSE WINDOW