91a3 rgya gar skad du/ ma hA hU~M kA ra tan+t+ra/ bod skad du/ hU~M mdzad chen po'i rgyud/ bcom ldan 'das dbang chen bdud 'dul rol pa la phyag 'tshal lo// 'das pa'i dus ma byung ba'i sngon rol na/ bcom ldan
91a4 'das dbang gi rgyal po des/srid pa thams cad yum kun tu bzang mo gzi ldan pad+ma can gyi mkhar mkhyen nas/ yum gyi mkha' bde klong chen po nas/ de bzhin gshegs pa thams cad kyi thugs kyi rang bzhin/
91a5 yi ge hUM dmar la bkra ba/ ser la gsal ba las/ hUM hUM zhes brjod pas/ hUM grangs med pa 'phros nas/ dug gsum gyi 'khor ba thams cad gtan nas sbyangs so// 'das pa dang ma byon pa dang da ltar bzhugs
91a6 pa rnams kyi sku yang mtshon par byed do// hUM de las sprul pa'i sku sna tshogs pas kyang don mdzad do// hUM de dmar ba ni pad+ma he ru ka'i thugs/ hUM de dkar ba ni bud+d+ha he ru ka'i thugs/ ser ba ni rat+na he ru
91b1 ka'i thugs/mthing ba ni badzra he ru ka'i thugs/ ljang ba ni karma he ru ka'i thugs so// re re la sna tshogs su 'bar ba yang de bzhin gshegs pa thams cad kyi thugs so// de las thams cad 'thor zhing/ thams
91b2 cad bsreg/thams cad dbang du sdud par byed do// de ltar thams cad hUM gis rgyas par mdzad do// hUM mdzad chen po'i rgyud las gleng gzhi dang hUM gi dbye ba'i le'u ste dang po'o//// sras kyi dam pa he ru ka
91b3 des/bcom ldan 'das dbang gi rgyal po la 'di skad gsol to// de bzhin gshegs pa thams cad kyi bdag nyid/ bcom ldan 'das dbang gi rgyal po che/ de bzhin gshegs pa thams cad kyi bdag nyid yi ge
91b4 hUM de las thams cad bskyed cing chub par byed na/de ni dang po gang las byung// de yis 'byung ba ji ltar bskyed// de las lha ni ji ltar lags// bzlas pa'i thabs ni ji ltar lags// de la nus pa ci tsam
91b5 bdog/dbang gi rgyal pos bka' stsol cig/ ces gsol to// de nas bcom ldan 'das dbang gi rgyal pos bka' stsal pa/ las thams cad kyi ded dpon/ sras kyi dam pa he ru ka/ hUM las thams cad 'byung ba
91b6 ste// dang po chos nyid dbyings nas shar// thams cad srog gi sa bon yin// de yis ji ltar 'dod par 'grub// 'byung ba bskyed pa'i rim pa ni// hUM las e 'phros nam mkha'o// hUM las yaM gyi gtsar du
92a1 'phros// rlung gi dkyil 'khor de bzhin chags// hUM las yi ge ra 'phros pas// chags pa'i rgya mtsho chen po'o// hUM las yi ge su ser 'phros// gser gyi sa gzhi ser po chags// hUM las keng
92a2 'phros ri rab bo// bang rim rim par ldan pa'o// hUM las raM 'phros me 'bar ba'o// 'byung ba rim bzhin de ltar bskyed// gzhal yas zla gam kha sprod la// dbus su sgo gnyis ldan pa'o// zlum po dag la 'khor
92a3 lo rtsibs brgyad dang/gru chad gru zhi sgo dang sgo khyud bcas// de ltar gsal bar bya'o// de ni sgo'i rim pa rtsa ba'i dkyil 'khor ro// dbus ni zlum po zla gam bcad// mtha' ma pad+ma 'dab ma bzhi// gru chad sgo
92a4 dang bcas pa ni// pad+ma'i las kyi dkyil 'khor yin// dkyil 'khor gru bzhi lham pa la// sems can chen po gzugs bzhi ste// zur bzhi dag la lus bskyon la// rkang pa nang brdol mtshams bzhi
92a5 dgod// lag pa bar gyi mtshams la dgod// de ni bsad pa 'ba' zhig ste// ma traM zhal gyi dkyil 'khor yin// gru bzhi lham pa'i dkyil 'khor la// dbus ni thig btab le tshe dgu/ de yi phyi rim zla gam
92a6 dgu// de yi phyi rim rin chen 'bar ba dgu// de yi phyi rim gru chad la// gru bzhi sgo ni nyis brtsegs bcas// khyams dang sgo khyud ldan pa ni// khyad par dbang gi dkyil 'khor ro// de nas yang ni bshad bya
92b1 ba// dkyil 'khor gru bzhi lham pa la// dbus ni zlum dang zla gam sgo gcig pa// zla gam phyir bltas nang bltas brgyad// de la rin chen rgyan dang ldan// gru bzhi sgo dang sgo khyud bcas// mtha' ma me ri 'bar ba
92b2 ni// de ni grub pa tshe yi yin// de ltar rim par bsgrub pa'o// hUM mdzad chen po'i rgyud las/ dkyil 'khor bstan pa'i le'u ste gnyis pa'o//// pad+ma'i sras kyi dam pa he ru des// dbang gi rgyal po la 'di
92b3 skad ces gsol to// kye ma bcom ldan dbang mchog che// yi ge'i don la bdag nyan 'tshal// gnas pa ji ltar gnas pa lags// bzlas pa'i thabs ni ji ltar bgyi// zhes gsol to// de nas yang bka' stsal
92b4 pa/nyon cig sras kyi dbang gi he ru ka/ yi ge srog gi 'khor lo ste// 'khor lo lnga yi rten du gnas// spyi bo bde ba chen po'i 'khor lo ste// dbus ni zlum po pho brang la// dar dkar yol du phub ba'o// 'dab ma
92b5 sum cu rtsa gnyis so// lte ba pho brang thig le la// yi ge oM dkar 'bar ba la// mtha' la hu lu'i yig 'brus bskor ba'o// A+oM ni dkar dmar 'tsher ba la// yi ge mtha' bskor 'dzag 'dzag 'dra// hUM dar chen
92b6 bde ba chen po'i pho brang nas// dar dkar yol bres 'od ldan la// rdul gyi gser chen lu gu rgyud// sems kyi yi ge A+oM dkar la// mtha' ma hu lu'i yig 'brus bskor// gser gyi ba thag gzengs pa
93a1 ltar// 'phro 'du'i dgongs pa rgyun mi gcad// phar 'phros pas ni sangs rgyas thugs dam bskul// slar 'dus pas ni dngos grub 'bebs// A+o~M hu lu hu lu phaT/ e A ra li hU~M hrI dzaH/ de yang
93a2 dbang gi bka' yi bzlas pa yin// mgrin pa longs spyod 'khor lo 'dab bcu drug/ lte ba ge sar pad+ma 'bur du dod// mtha' ma 'dab ma bcu drug mtshon/ lte ba AM dmar 'od 'bar la// mtha' ma hu lu'i yig
93a3 'brus bskor ba'o/pho brang pad+ma 'bur gyi lte ba la// yi ge AM dmar 'od du ldan// mtha' ma yig 'brus bskor ba ni// mgal me klad la bskor ba bzhin// 'phro 'du'i dgongs pa rgyun mi gcad// phar spros
93a4 pas ni rgyal ba'i thugs dam bskul// slar 'dus pas ni sgrub pa po la dngos grub 'bebs// 'di yang gsum gyi bzlas pa yin// A+oM hu lu hu lu phaT/ e A ra li hUM hrIHdzaH/ tsit+ta rin chen gzhal yas
93a5 la// dbus ni dpal be'u rdo rje bskyed// yi ge hUM dmar 'od ldan pa'o// mtha' ma chos kyi 'khor lo 'dab ma brgyad// de la hu lus bskor ba'o// hUM tsit+ta rin chen gzhal yas khang// chos kyi 'khor lo 'dab ma
93a6 brgyad// thugs kyi dpal be'u lte ba la// ston pa'i yi ge hUM dmar de// mtha' la rin chen gser gyi skud pa la// hu lu'i yig phreng bcu gsum brgyus// phar 'phros pas ni rgyal ba'i thugs dam bskul// slar
93b1 'dus pa ni dngos grub 'bebs// 'phro 'du'i dgongs pa rgyud mi gcad// 'di yang dbang gi thugs kyi bzlas pa yin// sangs rgyas dgongs pa 'di yis bsgrub// oM hu lu hu lu phaT/ e A ra li hUM hrIHdzaH/ lte
93b2 ba sprul pa'i gzhal yas na// 'dab ma drug cu rtsa bzhi la/ tshig kha shas chad// mtha' la hu lus bskor ba'o// swA lte ba sprul pa'i gzhal yas na// stong pa'i yi ge swA ser po// don gyi yi ge hu lus bskor// lcags kyi tsha
93b3 tsha brdabs pa bzhin// 'phro 'dus dgongs pa rgyun mi gcad// phar spros pas ni thugs dam bskul// slar 'dus pas ni dngos grub 'bebs// 'di yang dbang gi rin chen 'bebs pa yin// swA hu lu hu lu phaT/
93b4 e A ra li hUM hrIHdzaH/ gsang ba me rlung las kyi 'khor lo la// gru gsum gzhu yi gnas chen na// ston pa'i yi ge ha ljang gu// mtha' ma hu lu'i 'bru yis bskor// rin chen rtsar gyi phreng ba bzhin// gcig la
93b5 gcig 'phro 'od ni 'dzag 'dzag 'dra// phar 'phros pas ni thugs dam bskul// slar 'dus pas ni dngos grub 'bebs// 'di yang dbang gis las kyi bzlas pa yin// A+oM hu lu hu lu phaT/ e A ra li hUM hrIHdzaH/
93b6 hUM dang po gsung gi sgra bsgrags pas// dus gsum rgyal ba'i thugs dam bskul// bar du gsung gi sgra bsgrags pas// sgrub pa po la dngos grub 'bebs// mtha' mar dbang gi sgra bsgrags pas// ngan song
94a1 'khor ba gtan nas sgrol// bdud dang srin po klu rnams zil gyis mnan// dbang gi mdzad pa de ltar mdzad// de ltar spyod pa 'di ltar spyod// sngags kyi byin rlabs 'di ltar 'byung// de phyir hu
94a2 lu bsnyen pa'i mchog/ces gsungs so// hUM mdzad chen po'i rgyud las/ bzlas brjod sngags kyi le'u ste gsum pa'o//// de nas sras kyi he ru des// dbang gi rgyal la 'di skad gsol// dbang gi rgyal po
94a3 he ru ka/ston pa mchog la bdag nyan 'tshal// sgos su bsgrub na ji ltar bgyi// spyi yi bsgrub pa ji ltar spyad// bsad gso'i las ni du yi bstan// las kyi mtha' 'di gang la gsung// zhes gsol to// de nas
94a4 dbang gi rgyal pos bka' stsal pa// nyon cig sangs rgyas mang po 'dus pa'i sras// spyi ru bsgrub pa bstan pa ni// rtsa ba'i dkyil 'khor de dag la// de la nges par bsgrub par byos// bris pa'i sku gzugs dag
94a5 la brten bcas nas// de la phyag bcas bsgrub par bya// dam tshig ma nor gzhung du bsrung// mchod pa dus gsum dag tu mchod// sngags dang snying po lha rnams kun// yid la ma nor dran par bya// 'dod
94a6 chags can gyi bud med la// de la smad par bya ba min// khrag chags shing yang gcad mi bya// dmar po'i rigs la smad mi bya// pad+ma'i phyag rgya bca' bar bya// gsung gis sgra snyan gdon par bya// dbyings dang
94b1 btung ba de bzhin bya// gsung gi yan lag stobs su 'gyur// rtag tu yi dam 'ba' zhig bsgrub// de yi nus pa'i mthu dag gis// bdud sde 'khor bcas zil gyis gnon// byang chub 'bras bu thob par
94b2 'gyur// de yi yon tan dpag las 'das// de phyir spyi ru bsgrub pa'o// sgos su bsgrub par bstan pa ni// rta yi rgyal po gcig tu bsgrub// dkyil 'khor zla gam sgo gcig pa// lha ni zhal gcig phyag gnyis rgyan
94b3 gcig pa// dbu yi gtsug tu rta mgo gcig/ dmar po ral pa 'khyil ba'o// g.yas na sta re g.yon pa sbrul zhags bsnams// glang chen ko rlon zhing gi g.yang gzhi gyon// stag lpags smad dkris 'og sla 'doms
94b4 su bsdus// mi bzad mche gtsigs stag gi khri// dmar po hUM la sngags 'di brjod// de yis rta mchog mgrin du bskyed// oM yod pa e yin/ pad+ma shrI rA ga ha ya hrI da ra d+hi pa e yin hUM phaT/ yig 'bru bcu gnyis pa'o// stong
94b5 pa'i ngang las yi ge hUM// de las sngags brjod rta mgrin bskyed// spyan drang bskyed pa de la bstim// gnyis med de la phyag 'tshal mchod pa'o// sman dang rak+ta gtor mas mchod// bsad dang gso ba'i las 'di
94b6 bcol// srid pa'i ma mo btul ba'i las la rbad// ces gsungs so// hUM mdzad chen po'i rgyud las/ spyi dang yi dam bya zhing bsrung ba dang nus pa'i le'u ste bzhi pa'o//// de nas ston pas bka' stsal
95a1 te// dbang gi pad+ma he ru ka'i thugs ka nas/ dpal be hUM gi lte ba la// dza zhes brjod pas dpal gyi thugs ka nas// dza dza dza dza dza dza dza dza brgyad bar ma chad 'thon to// ku ku ku ku ku ku ku ku rA
95a2 tsa zhes brjod pas/khyi'i rgyal po brgyad du 'gyur ro// rak+sha kha long ka de byang dgos/ yak+sha kha long ka/ trak+sha kha long ka kha ya kha long ka/ du ma ba kha long ka/ ma to kha long ka/ dza le dza lo ka/ mu ka kha long kha ka/ snying
95a3 po de yis bskul bas ji lta ba bzhin du las byed do// dur khrod gling ngam nags tshal gnas// de ru dkyil 'khor brtsig par bya// gru gsum 'bar ba'i dkyil 'khor la// mtha' ma khyi brgyad bskor bar
95a4 bya// dbus su dbang gi rgyal po bskyed// zla gam gsum la dam rdzas so// bya lug mi dang rta'i sha khrag la gtor ma bya/ ling ga mtshan dang ldan par bya// dpral bar rus la snying gar ming// spyi bor sod la
95a5 'doms su mA ra ya// g.yas su hUM la g.yon du phaT// de dang ldan par bsgrub par bya// tshon sna lnga yis byad du gzhug/ de nas dam rdzas tshogs pa dang// ting 'dzin rnam gsum rim gyis bsgom// hUM ma nor ma
95a6 bcos chos kyi dbyings// snying rje chen po yongs la brdal// rig pa ye shes hUM du shar// hUM las yi ge rim gyis chad// e yaM ra suM keng raM b+h+rUM// e ni nam mkha' khyab gdal dang// yaM las rlung gi dkyil 'khor
95b1 te// de las spris rten chu'i dkyil 'khor// de steng sa gzhi brtan mkhregs sra// keng raM b+h+rUM las ri rab gzhal yas khang// hUM dang ku yi 'phro 'du las// dpal chen pad+ma he ru ka/ ku las dpal gyi khyi brgyad
95b2 bskyed// hUM dad pa dang ni dam tshig gis// tshur gshegs tshur gshegs dpal gyi khyi// dpal chen thugs las skyes pa'i pho nya mo// 'khor ba'i nyon mongs bdud sde gdul ba'i phyir// dpal gyi pho nya brtan par
95b3 bzhugs// tiSh+Tha badzra/ srid gsum 'dren mdzad thar lam 'dren pa'i gtso// dbang gi rgyal po'i sku la phyag 'tshal lo// khams gsum sgrol bar mdzad cing sha dang khrag la dgyes// dpal gyi pho nya 'jig rten skyong
95b4 mdzad ma// bdud 'dul pho nya'i tshogs la phyag 'tshal lo// rang byung gdod nas dag pa yi// rtsa ba brgyad la yan lag stong// ra sa yA na la sogs rdzas// dbang gi rgyal po'i sku la 'bul// bdud rtsi 'khyil pa
95b5 ra sa yA na 'di// dpal gyi pho nya'i tshogs la 'bul// ma hA pany+tsa a mr-i ta khA hi/ zhes dbul lo// oM kA ya sing+ha oM/ wA ka sid+d+hi AH/ tsit+ta sid+d+hI hUM/ A+oM ma hA pany+tsa a mr-i ta kha raM khA hi/ ma hA ba liM ta khA hi/ ma hA rak+ta
95b6 kha raM khA hi/zhes dbul/ dpal gyi spyan sngar dam bcas ltar// ma rungs log pa gdul ba dang// mthu dang dbang gi dngos grub stsol// zhes bya'o// A+oM dza dza rak+sha yak+sha dza ya du ni hUM/ de ni drang zhing dbang du
96a1 bya'o// 'di ni rbad pa'i snying po'o// rak+sha kha la dza dur ling srog la yaM khug ril dbugs long rba na rbad ya zhung tri yaM yaM/ zhes pa dang rbad par bya'o// hUM dpal gyi pho nya chen mo ste// dpal
96a2 chen thugs las skyes pa'i pho nya mo// ye shes thugs kyi khyi brgyad yin// zhabs ni rlung gi 'khor lo yin// snyan ni sgra rnams kun la gsal// shangs ni dug gsum dri ma snoms// zhal ni bdud bzhi rngub par
96a3 byed// mig ni nyi zla 'od du 'bar// mjug ma lcags kyus nyams pa 'dzin// kha nas mi yi skyugs pa skyugs// rgyug pa'i stobs ni spyang mo 'dra// khyed ni bsgrub pa las kyi bya ra mdzad// phyogs bzhi mtshams
96a4 bzhir rgyug pa'i tshe// phyogs skyong bdud rnams rdul du rlog/ bcol ba'i las kun bsgrub par gyis// dbang gi zhing khams chen po skyong// zhes bskul zhing las bya'o// hUM mdzad chen po'i rgyud las/ dpal gyi khyi
96a5 brgyad bsgrub pa'i le'u ste lnga pa'o//// de nas bcom ldan 'das kyi thugs ka nas// mi yi lus la khyi'i cha byad can/ khyi dang chas pa/ rta dbu la mi'i lus la rta mgo can rta dang chas pa/ gshog pa las mi'i
96a6 lus la bya'i mgo can bya dang chas pa/zhabs las mi'i lus la phag gi mgo can byung ngo// de bzhis ma dad gdug pa 'dul bar byed// de yi sgrub pa bstan pa ni// rbad cing las kun byed pa'o// gcan gzan
96b1 gdug can wa 'phar spyang ki khyi rnams min// khra dang g.yag dang/ stag dang/ dom gyi snying de la gtor ma bya ba yin/ sngags ni drag po 'di skad gsungs// oM d+hi ga ru rbad ya/ ku ku rak+sha tsa tu ra yaM/ kwa te raka to
96b2 tsa le rbad/du ra rba sha yaM/ de bzlas rbad par bya'o// de yi las kyi nus pa dpag las 'das// de nas brtul zhugs spyad par bya// de nas bro yang drag por brdung// de nas pho nya drag po dgye// hUM mdzad chen
96b3 po'i rgyud las/brtul zhugs bzhi bsgrub pa'i le'u ste drug pa'o//// de nas dbang gi zhabs las/ dbang mo nyi shu rtsa brgyad gser gyi seng+ge nyi shu rtsa brgyad du sprul nas/ 'gro ba'i las byed par sprul
96b4 lo// de rnams rbad cing b+h+yo bzlog bya'o// rtsang nyi shu rtsa brgyad mde'u thung nyi shu rtsa brgyad la btsugs la/ de la sha khrag bsku dang dgal/ de nas nyung dang tshe dang bcas pa'o// de ltar byas la bdud rtsi gtor ma
96b5 rak+tas mchod// de nas drag po'i sngags rnams bzlas// A+o~M sing nga la dzaM ba drag sham ma ril b+h+yo/ ma ri rak+sha ka laM seng nga sbreng b+h+yo/ e ka tsak+sha laM rbad b+h+yo/ 'di ni las kyi bskul ba la/ sa ma rak+sha ka laM tri le tri le
96b6 ra ra ra ra breng shar thun ling b+h+yo/hU~M ma g.yel ma g.yel dbang mo'i tshogs// mkha' la 'gro ba'i mkha' 'gro ma// dbang gis dbang bskur dbang phyug ma// dpal la brtse phyir gshegs su gsol// srid pa
97a1 gsum la dbang yang byed// tshe dang dbugs la dbang bsgyur ma// rbad pa'i las la dka' sla med// traka rak+sha drag po srog la skur// b+h+yo ni phrin las bsgyur bzlog byed// b+h+yo mkha' 'gro dbyings
97a2 nas bskul lo drag po'i las mdzod cig/mkha' 'gro rak+sha si la sogs te nyi shu brgyad// sku mdog cir yang byed ma nges// thod pa rdo rje dbyug pa 'dzin// b+h+yo bzlog bsgyur ba'i las mdzod cig/ pho nya srin mo
97a3 srog len las la b+h+yo// mi srin g.yag gi mgo can b+h+yo// tshangs pa sbrul gyi mgo can b+h+yo// khro mo gzig gi mgo can b+h+yo// khyab 'jug zer mo mgo can b+h+yo// gzhon nu pha wang mgo can b+h+yo// dbang mo dred kyi mgo
97a4 can b+h+yo// smug nag stag gdong lcags kyu ma b+h+yo// dmar mo dom gyi mgo can b+h+yo// zhi ba sdig pa'i mgo can b+h+yo// bdud rtsi chu srin mgo can b+h+yo// ljang nag khra yi mgo can b+h+yo// be con wa yi mgo can b+h+yo// za
97a5 byed stag gi mgo can b+h+yo// ser nag ra gdong zhags pa ma b+h+yo// rgan byed bya rgod mgo can b+h+yo// gcig pu khyung gi mgo can b+h+yo// khrag 'thung rta yi mgo can b+h+yo// yid 'phrog khyi yi mgo can b+h+yo// grub mo pu shud
97a6 mgo can b+h+yo// rlung mo sha ba'i mgo can b+h+yo// dmar nag seng gdong lcags sgrog b+h+yo// gsod byed spyang ki'i mgo can b+h+yo// me mo skyin gyi mgo can b+h+yo// sna chen glang gi mgo can b+h+yo// 'bar ma khwa yi mgo can
97b1 b+h+yo// grub mo sdig pa'i mgo can b+h+yo// ljang nag phag gdong mgo can b+h+yo// bskul lo phrin las grub par mdzod// ces gsungs so// hU~M mdzad chen po'i rgyud las/ dbang phyug ma bsgrub pa'i le'u ste bdun
97b2 pa'o//// de nas dbang chen spyan g.yas g.yon nas/ rtsa dang dwangs ma la dbang byed ma/ rtsa khro bo'i ma mo bcu gsum gyi rbad pa'o// las kyi bdud mo rtsa khro ma cha gnyis so// 'di ni ye shes kyi mkha' 'gro
97b3 ma las la rbad par bya'o// A+oM khri mun lan len shag te shug ti la rbad na yaM/ zhung ta rtsa la ya ya/ 'byung po'i ri li ya/ 'byung po ni rtsa'o// sri ni bgegs so// des 'dod cing 'dul ba yin/ dbang gi rgyal po ye
97b4 shes kyi mkha' 'gro ma rbad/ye shes kyi mkha' 'gro mas las kyi mkha' 'gro rtsa khro ma rbad/ de ltar byas pas las rnams byed/ rtsa dang thig le gnas pa ste/ mi rigs rnam pa bzhi la rtsa rigs rnam pa bzhi yod de/
97b5 rgyal rigs rtsa ni mgo yang mtho/ rje rigs 'phar la sdod pa yin// dmangs rigs 'jam la phra ba yin// gdol pa gtum pa nyung ba yin// rtsa la rigs ni rnam bzhi yin// byang chub sems dpa'i rigs kyi rtsa
97b6 ni dal la 'jam// khro gtum srin po'i rtsa ni drag la myur/ bram ze nag mo'i rtsa ni tsha la phra// blon po gdug pa'i rtsa ni sbom la ring// bud med byis bu'i rtsa ni rtsub la 'phar// de ltar spyad la brda ba'o// rtsa ni
98a1 chen po gsum yod de// dbus kyi rtsa chen dang ni g.yas g.yon no// de las gyes pa'i rtsa chen bzhi// bdud sgo ltag rtsa nag po dang// rtsa chen mkhal ma rtsa chen dang// pus dang gri gug rim
98a2 pa'o// de las chang phra rtsa gyes te// de la phyi'i sgo bzhi dang/ nang gi sgo bzhi dang/ gsang ba dang/ tshangs pa gnyis te bcu pa'o// de la rim par bya zhing brda/ zhes gsungs so// hUM mdzad chen po'i rgyud
98a3 las/spyan nas mkha' 'gro rtsa khro ma dang rtsa'i dmigs bstan pa'i le'u ste brgyad pa'o//// de nas ma dad pa'i dgra bgegs ni bsgral cing tshar gcad/ sgrib pa sbyang ba'i phyir/ thugs rje chen po drag shul
98a4 gyis gdul ba mdzad/bdud sde dpung gis btul/ rgyal chen thabs kyis btul/ klu chen rdzu 'phrul gyis btul/ the brang lings su btab bo// gdul thabs bzhi mdzad do// de nas thugs rje shugs kyis
98a5 bsgral ba'i bro brdungs te/gzi ldan 'bar ba'i dkyil 'khor nas// dbang gi sku gcig bzhugs pa la// dgyes pa mdangs kyi mchod pa 'bul// phyi mchod rdo rje'i tshig drug po// glu yang drug la bro yang
98a6 drug/glu drug gsang ba'i dbyangs dang sbyar// glu drug dbyangs su blangs pa ni// grub pa'i glus ni thugs rje bskul// tshangs pa'i glus ni zhing khams sbyong// gdung ba'i glus ni ma sring mnyes// las kyi glus ni pho
98b1 nya 'gyed// sgyu ma'i glus ni dgongs rgyud gsal// 'bar ba'i glus ni bdud bzhi 'dul// hUM gi glus ni 'phro 'du 'khrugs// glu drug rdzogs pa'i blta bar gzhag/ bro drug rdzogs pa'i spyod lam bzhi// gar gyi bro
98b2 brdungs byin rlabs che// dbang gi bro brdungs dug gsum 'joms// pad+ma'i bro brdungs chags pa med// khro bo'i bro brdungs dregs pa 'joms// rta bro 'khor gsum srin po 'joms// 'di ni gsang tshig nges
98b3 pa'i bro// thugs mchog gsang ba'i snying po yin// rgyal ba kun dang mnyam sbyor bas// dgongs rgyud gsal ba bzhin du bsgom// rta bro 'khor gcig dang po la// khro ba'i sprin gyis dbang bsdus nas// dus
98b4 gsum rgyal bas rol pa mdzad// rta bro 'khor gnyis bar ma la// rdo rje dbyings kyi dkyil 'khor du// rigs kyi yum dang rol pa mdzad// rta bro 'khor gsum tha ma la// ma srin rgya mtsho 'khor bsdus nas// phra
98b5 men kun dang rol pa mdzad// 'di ni sku gsung thugs kyi bro// pad+ma gsang ba'i dam bskangs nas// gdul bya'i bro bzhi byung ba ni// nub kyi phyogs su bro gcig byung// klu 'brug 'dul ba'i bro bo che// kha yang
98b6 nub tu blta bya ste// gru mo gdengs nas rkang pas brdungs// kha nas sngags tshig 'di yang bzlas// rA ga nA ga rngubs ya rngub ya// klu rnams kun kyang zhabs kyis btsir// gdul bya'i bro gcig byang du
99a1 byung// gnod sbyin 'dul ba'i bro bo che// lag pa g.yas g.yon mgo la khyer// byang gi phyogs su kha bltas te// A ra ku ru pa ra dum yang ling yaM ste/ gnod sbyin bsgral ba'i steng du
99a2 brdungs// gdul bya'i bro gcig shar du byung// dri za'i rgyal po 'dul ba'i bro// lag pa gar thabs bskyod byas te// lha tshogs mang po dbang du sdud// a rag sa mas du du bzlas// gdul bya'i bro gcig lho ru
99a3 brdungs// grul bum 'dul ba'i bro bo che// ya ma tsab sha ling bzlog cing// grul bum steng du bro yang brdungs// la la rlung lha 'dul ba'i bro// la la bgegs chen 'joms pa'i bro// rta yi bro ni shar nas
99a4 brdungs// rdo rje'i bro ni lho nas brdungs// phung po'i bro ni nub nas brdungs// sprul pa'i bro ni byang nas brdungs// la las za byed chen po 'dul// la las g.yo 'gul med par byed// la las rtsal gyis dbang
99a5 du sdud// la las dug gsum btson ra sbyong// la las phur pas dbyings su 'debs// la las sbyor ba'i ngan sngags gcod// la las nga rgyal gshogs par byed// la las thams cad bstan par byed// kun tu
99a6 bzang mo'i mkha' dbyings la// tshom bu brgyad kyi bro byung ba// khro bo kun gzhi mnyam par sbyor// shes rab pha rol phyin pa'i bro// 'di ni dpal gyi thugs dam yin// 'di ni ma sring dngos grub yin// 'di yang
99b1 pho nya'i longs spyod yin// zhes brdung ngo// hU~M mdzad chen po'i rgyud las/ bro'i le'u ste dgu pa'o//// 'dus pa'i sras chen he ru des// dbang gi rgyal la 'di skad gsol// gang de bsgral ba'i phung
99b2 po'am// sems can tshe yi dus byas nas// dmyal ba'i gnas su ltung ba la// brang ba'i thabs ni ji ltar lags// sems nyid don de ji ltar lags// dbang chen khyod las bdag nyan 'tshal// zhes gsol
99b3 pas/dbang gi rgyal pos bka' stsal pa// sems can 'dus byas 'khyams pa la// yang dag rang gnas ma bstan na// ma rtogs rtsol bsgrub byas kyang thar sa med// las kyi he ru ka nyon cig/ rang gi sems
99b4 nyid gdod nas ma dag na// 'phral du phyogs tsam bsgom pas dag mi 'gyur// thabs kyi rtsa ba snying rje ma shar na// 'phral gyi chos kyis yongs la khyab mi 'gyur// rgyud nyid dag pa'i don nyid ma shes na// 'phral
99b5 gyi dmigs pas rang rig gsal mi 'gyur// rang rig rtsa yis yongs la ma gdal na// 'phral du 'phro 'dus nyon mongs dag mi 'gyur// ye nas btsal med dkyil 'khor ma rtogs na// 'phral du yud tsam rgyal
99b6 ba'i sku mi rdzogs// yid kyi mchod pas stong gsum ma khyab na// bshams tsam phul bas rgyal ba mnyes mi 'gyur// don gyi bsnyen pa khong nas ma shar na// 'phral du mtshan mar brjod pas grub pa med// sems
100a1 kyi dbang phyug 'dod dgur ma shes na// 'phral thabs ye shes lnga yi dbang mi chags// rnam smin las kyis brtas pa'i srin po dang// nyon mongs 'dam du 'khor ba rU tra yang// rtogs dang ldan
100a2 pa'i lta bas ma btul na// mtshan mar bsgom pa'i rtogs pas gnas mi 'byongs// ye shes rang gnas don 'di ma shes na// 'bad rtsol byas pas gnas mchog yang mi rnyed// dbang gis rgyal pos de skad ces
100a3 gsungs so// hUM mdzad chen po'i rgyud las// rang gi gnas bstan pa'i le'u ste bcu pa'o//// las kyi he ru la sogs pa 'khor rnams gsungs pa la rjes su yi rangs nas bstod do// dbang gi rgyal pos
100a4 bka' stsal pa/rgyud 'di zungs shig chongs shig/ klog cig/ ces gsung nas 'khor rnams rang rang sa la 'khod do// hUM mdzad chen po'i rgyud las/ rgyud yongs su gzung zhing gtad pa'i le'u ste bcu gcig
pa'o/

CLOSE WINDOW