80b1 / chag nyams pham ltung 'phro bsabs nas// yun gyi sgrib pa byang gyur cig/ sbyin sreg las kyi le'u las// rdzas kyi sbyin sreg gi le'u ste tha ma'o//// de nas sbyin sreg bya ba ni/
80b2 sha khrag bsregs pa'i mchod pa 'dis// dur khrod 'bar ba'i dkyil 'khor du// khro mchog rgyal po spyan drangs te// sngon gyi sgrib pa sbyang ba'i phyir// phrin las rnam bzhir mnga' gsol gyis// las kyi 'bras bu
80b3 mchis par mdzod// sran chen bsregs pa'i mchod pa 'dis/ phra men tshogs dang dbang phyug 'khor// pho nya drug cu phyag rgya'i tshogs// thugs dam yongs su bskangs gyur nas// phrin las rnam bzhi'i dbang byin
80b4 nas// las kyi 'bras bu mchis par mdzod/ lcags phye bsregs pa'i mchod pa 'dis// lha srin sde brgyad gnas su rnams// gnod cing 'dul ba'i rkyen byed rnams// rdo rje lcags kyu'i 'phro 'du 'dis// gdug
80b5 pa'i lus ngag rgyud brlags nas// byang chub klong du bsgral byas nas// khro tshogs 'bar ba'i zhal du bstab// rdo phye bsregs pa'i mchod pa 'dis// dam 'das sri dang las ngan bgegs// gtum chen 'bar
80b6 ba'i dkyil 'khor du// mgyogs pa'i tshogs rnams bsdus byas nas// rdo phyes phye mar brlag byas nas// gru gsum mthing nag dkyil 'khor du// 'bar ba'i tshogs rnams zhal du bstab// tshwa dang rA snying
81a1 bsregs pa yis// dug gsum las kyi rnam smin gyis// ngan song gsum gyi 'bras bur smin// phra men rgya mtsho'i mtshon cha 'dis// 'khor ba'i rgyu lnga brlag pa'i phyir// rang rgyud rlag pa'i mtshon cha
81a2 'dis// tsit+ta'i dkyil nas drangs byas nas// gru gsum mthing nag dkyil 'khor du// thabs kyi phyag rgyas drangs nas su// rngams pa'i tshogs kyi zhal du bstab// ske tshe bsreg pa'i mchod pa 'dis// phung po
81a3 khams dang skye mched dang// rnam shes sems kyi dkyil 'khor du// dam tshig las kyi pham ltung gis// srid pa'i dam dral sdig byed rnams// gshin rje gdug pa'i 'khor bcas rnams// gru gsum mthing nag
81a4 dkyil 'khor du// thabs kyi phyag rgyas bsgral byas nas// rak+sha'i tshogs kyi zhal du stob// ldong ros bsregs pa'i mchod pa 'dis// bdag dang deng gi yon bdag la// mtho ris sri dang 'byung po'i
81a5 gdon// rnal 'byor dam sri dam bdud dang// las kyi nyes byas pham ltung rnams// rdo rje gshog pa'i phyag rgya dang// mche ba sder mo zang yag 'dis// dkar nag mtshams nas drangs byas nas// las ngan
81a6 gdug pa brlag pa ni// mthing nag 'bar ba'i dkyil 'khor du// phra men rgya mtsho spyan drangs nas// ngan song rgyud lnga brlag pa'i phyir// a dza li yi dwogs pa ltar// sa bdag chen po'i zhal du bstab// khro bo'i
81b1 sbyin sreg gi le'u ste dang po'o//// de nas 'di skad du// nga ni sngags mkhan rgyal po ste// khams gsum thugs rje dpal gyi zhing// nga ni phyag rgya chen po ste// rgyal ba rigs kyi thugs dam yin// nga ni sman
81b2 pa'i rgyal po ste// thugs rje dbang gi dkyil 'khor du// ye shes 'bar ba'i me byung bas// srid pa'i rtse mo man chad nas// dmyal khams gnas ris yan chad du// dkon mchog gsum dang byang chub
81b3 sems// 'jig rten lha dang srid pa'i dpal// gnas ris klu dang dug ris sman// lha srin sde bcu'i gnas ris su// me lce mtshon gyis smas pa rnams// thugs rje dbang gi dkyil 'khor du// gsang
81b4 sngags thabs kyi phyag rgya yis// bdud rtsi sman gyis gso bar bya// de phyir sman pa'i rgyal po ste// skyes mchog nga yi las byas nas// bgegs kyang btul nas byang chub sems// dug kyang sbyangs nas sman gyi
81b5 mchog/sman du ma gyur gang yang med// me lces smas pa gsos par shog/ dbal gyis tshig pa gsos par byed// de nas me lha slar gshegs su gsol ba ni// me lha ag+ne sbyin sreg lta// khyod kyis sems can
81b6 kun gyi don// tshul bzhin du ni mdzad lags kyis// sangs rgyas yul du gshegs su gsol// gats+tsha mu/ zhes shar lho mtshams su gshegs su gsol// khro bo'i sbyin sreg las kyi le'u las// me lce mtshon gyis
tshig pa gso ba dang/

CLOSE WINDOW