34b3 lo tsA ba zhang drung gis 'gyur//// rgya gar skad du/ sarba ta thA ga tA rak+ta rA ga tan tra nA ma/ bod skad du/ de bzhin gshegs pa thams cad kyi rak+ta
34b4 dmar gyi rgyud ces bya ba/dpal khrag 'thung gi rgyal po la phyag 'tshal lo// 'di skad bdag gis thos pa'i dus gcig na/ kun tu bzang mo'i b+ha ga yangs pa'i klong na/ yid byed pa po kun tu bzang po he ru ka
34b5 dang/yum kro d+hI shwa rI ma dang/ b+hud+d+ha he ru ka dang/ rat+na he ru ka dang/ pad+ma he ru ka dang/ karma he ru ka dang/ b+hud+d+ha kro d+hI shwa rI ma dang/ rat+na kro d+hI shwa rI ma dang/ pad+ma kro d+hI shwa rI ma dang/ karma krod+hI shwa rI ma dang/
34b6 gnyis su med pa thugs las byung ba'i 'khor gau ri ma dang/ sing ha ma dang/ sgo ma dang/ dbang phyug ma dang/ mkha' 'gro ma dang/ shugs 'gro ma dang/ ging dang lang ka dang/ las kyi dbang mo dang/ 'bar ma
35a1 dang/ma bdun dang/ sring bzhi dang/ pho nya dang/ ma mo nag mo khrag gshog ma dang/ yang sprul bsam gyis mi khyab pa 'dus nas 'di skad ces gleng ngo// ston pa khrag 'thung rgyal po lags// nyon
35a2 mongs chags pa rtsad gcod la// khrag gi sbyor ka mi 'tshal lam// khrag ces bya ba'i don ci zhig/ dpa' bo chen pos gsung du gsol/ bka' stsal pa/ nyon cig chags pa ral pa can// skye 'gro khrag gi rang
35a3 bzhin yin// snod bcud khrag gi rang bzhin yin// khams gsum khrag gi rang bzhin yin// khams gsum sems can thams cad kyang// khrag las ma skyes gang yang med// dus gsum sangs rgyas thams cad
35a4 kyang// khrag las ma skyes gang yang med// thams cad khrag gi rang bzhin no// rak+ta dmar gyi rgyud las gleng gzhi'i le'u ste dang po'o//// de nas chags pa ral pa can gyis 'di skad ces gleng ngo// de la
35a5 rak+ta'i ngo bo gang zhig lags// rak+ta'i nges tshig gang zhig lags// rak+ta'i rnam grangs du ru nges// rak+ta'i 'byung khungs ji ltar lags// rak+ta'i lta ba gang zhig lags// rak+ta'i spyod pa ji lta bu// rak+ta'i dbang ni
35a6 gang gis bgyi// rak+ta'i phrin las ji lta bu// rak+ta'i dam tshig ji lta bu// rak+ta'i dkyil 'khor gang dag lags// rak+ta'i mchod pa ji lta bu// rak+ta'i 'bras bu gang dag lags// dpa' bo chen pos bshad du
35b1 gsol// nyon cig chags pa ral pa can// rak+ta'i ngo bo chags pa yin// thams cad rag pas rak+ta yin// rak+ta'i rnam grangs gsum du nges// rak+ta'i 'byung khungs gsang yum bzhi// snang srid rak+tar blta bas
35b2 lta ba yin// spyod pa chags pa dag pa yin// rak+ta'i dbang ni phyi nang rnam pa gsum// phrin las zhi rgyas dbang drag bzhi// rak+ta'i dam tshig dmar chen khrag gis bzung// mchod pa dus bzhi 'du 'bral
35b3 med// sgrub pa thun mong khyad par yin// 'bras bu sku dang ye shes thob// ma mo mkha' 'gro bran bzhin nyan// dus gsum bde gshegs byin gyis brlab// gzungs ma bran 'khor dbang du 'du// dgra bgegs
35b4 'byung po 'dar zhing skrag/rak+ta dmar gyi rgyud las/ gleng bslang ba'i le'u ste gnyis pa'o//// de nas chags pa ral pa can gyis zhus pa/ ston pa khrag 'thung rgyal po lags// rak+ta'i khungs ni ji ltar
35b5 lags// nyon cig chags pa ral pa can// rak+ta ces ni grags pa ni// gzhi yi rak+ta 'byung ba chu// rgyu yi rak+ta pad+ma'i khrag/ rigs kyi rak+ta snang mtha' yas// 'bras bu'i rak+ta tsit+ta'i khrag/ grangs kyi rak+ta sum cu
35b6 lnga// sa yi rak+ta lnga dang shing gi rak+ta lnga// me tog rak+ta lnga dang rtsi yi rak+ta lnga// srog las byung ba'i rak+ta lnga// sman gyi rigs kyi rak+ta lnga// 'bras bu'i rak+ta lnga zhes so// sa'i rak+ta lnga ni/ btsag dang li khri dmar po
36a1 dang// ldong ros dmar po mtshal dang ni// rdo dreg dmar po la sogs lnga// shing gi rak+ta lnga la kun tu ra// go shir+Sha dang tsan+dan dmar// 'da' mur dmar po btsod dang ni// nyi tsa pa tsa pa ta pa
36a2 ta// rgya skyegs dang/ me ra dmar po 'om bu dang// kaN+Da ka ri dmar po seng ldeng lnga// me tog rak+ta rnam lnga ni/ rtags bar 'di dpyad// ha lo kri yang se ba'i me tog dang// 'og chu ha puSha ba ug chos// leng leng ha'i
36a3 puSha pa me tog lnga// dmar po myu gu'i puSha pa srad ma'i me tog dang// shing ta'i puSha pa lug ru dmar po'i me tog dang// rtsi'i rak+ta rnam lnga ni// tshangs pa'i rak+ta skyu ru ra// aM lika zla ba'i rak+ta dang// nyi ma'i rak+ta
36a4 lta bu dang// sdel hi rak+ta rgun 'bru dang// khyab 'jug rak+ta 'bram ta la lnga// 'bras bu'i rak+ta rnam lnga ni// shing gi lha mo'i rak+ta sna ma'i 'bras bu/ nags kyi lha mo'i rak+ta ram bu dang// rtsi'i lha mo'i rak+ta ni sprin
36a5 dang ni/sman gyi lha mo'i rak+ta bu ram dang/ sa'i lha mo'i rak+ta gro ma dang/ 'bras bu'i rak+ta lnga zhes pa/ ma hA pad+ma'i rak+ta dang// nA' sa g.yas kyi rak+ta dang// byi'u 'bar ma'i rak+ta dang// gdang byin rak+ta la yang
36a6 rung// 'bras bu tsit+ta'i rak+ta dang// kha sbal khA hi sbal pa nag po'i rak+ta dang/ 'di bar/ rtsa ba brgyad ni sbas pa nang gi bzhi// mngon pa phyi yi bzhi dang brgyad// yab kyi nA sa g.yas kyi khrag/ yum gyi pad+ma'i rak+ta
36b1 dang// 'bras bu chen po bsgral ba'i khrag/ rtsa khrag rak+ta mU la bzhi// glang po ma he stag dang ni// tsit+ta mchog gi khrag dang brgyad// rak+ta dmar gyi rgyud las/ rak+ta'i rnam grangs kyi le'u ste gsum pa'o//// de
36b2 nas chags pa ral pa can gyis zhus pa/rak+ta'i rnam grangs de lags na// rak+ta'i 'byung khungs ji ltar lags// zhes gsol pas/ dpal khrag 'thung rgyal pos 'di skad ces bka' stsal to// me tog rak+ta lnga la/
36b3 ha lo ug chos kha byed la ma bu me tog ut+pal dang lnga/ sa'i rak+ta lnga la/ mtshal cog la ma dang/ li khri dang/ ldong ros dang/ sa ram dang/ btsag dang lnga'o// 'bras bu'i rak+ta lnga la rgun 'bru dang/ ba mkhal
36b4 dang/bu ram dang/ star bu dang/ kha gsal bre bo dang lnga'o// rtsa ba'i rak+ta lnga la/ ra mo shag rtsa ba dang/ nye shing rtsa ba dang/ ram bu'i rtsa ba dang/ rnya lo'i rtsa ba dang/ lca ba'i rtsa ba dang lnga'o// shing gi rak+ta lnga la/
36b5 seng ldeng dang/ star bu dang/ kha gsal bre bo dang/ shel shing nag po dang/ 'og tu shir shing byung/ sre shing sna ma lnga'o// rdo'i rak+ta lnga la/ me shel dang/ chu shel dang/ mchong rdo me 'byin dang/ rdo bra mtshal dang/ mtshal
36b6 kha dang lnga la bya/de kun gyi khungs ni/ dang po bcom ldan 'das kyi thugs ka nas/ ma mo b+ha ga hri ti ma des srid rtse lha gnas man chad nas/ na rag dmyal khams yan chad kun/ thugs rjes ma bzung ba gcig
37a1 kyang med de/ma mo'i rgyal mo e ka dzA TI ma byung ste/ de las khrag dwangs snyigs gsum du phyes te/ dwangs ma las sangs rgyas byang chub sems dpa' bskyed/ bar ma las lha dang mi bskyed/ tha ma
37a2 las ngan song gsum bskyed do// de nas bcom ldan 'das dpal chen po'i dpral ba'i dbyings nas/ sme ba dmar po gcig phyung ste/ sme ba de'i nang nas gsang ba'i yum bzhi phyung ste/ mkha' la gshog gcig ma
37a3 ni nam mkha'i dbyings su rgyu/gtsug na ral gcig ma ni dpal chen po'i dpral ba'i dbyings na bzhugs so// gling bzhi drag mo rgyal ni kun tu rgyu'o// mkha' la gshog gcig ma las ni/ me tog gi rak+ta lnga byung
37a4 ste/khud byed lam du dpyid skye/ ug chos dbyar skye/ ud pa la ston skye/ ha lo dgun skye/ me tog rgya skyegs kha thams cad du skye'o// gtsug gi ral gcig ma'i rak+ta lnga ni/ rtsa ba'i rak+ta lnga ste/ ra mo shag dang nye
37a5 shing ram bu lca ba rnya lo'i rtsa ba lnga'o// dbyings kyi ral gcig ma'i rak+ta lnga ni/ rdo'i rak+ta lnga ste/ me shel dmar po dang/ chu shel dmar po dang/ mchong rdo me 'byin dang/ rdo bra mtshal dang mtshal kha dang
37a6 lnga'o// gling bzhi drag mo rgyal gyi rak+ta lnga ni/ 'bras bu'i rak+ta lnga ste/ dpyid chu bo'i gzhung la 'phyo zhing rlung nag 'tshubs ma'i sna 'dren pa'i dus na/ rak+ta babs pa ni/ kha gas pa bra bo te dpyid smin no// dbyar
37b1 gyi ring bar snang mkha' la gnas te/zhal nas bdud rtsi'i char pa 'bebs pa'i dus na rak+ta byung ba ni ram bu ste dbyar smin no// ston gyi ring ri rab zom la gnas shing lo thog kun gyi bcud len pa'i dus na/
37b2 rak+ta byung ba ni star bu ste ston smin no// dgun rgya mtsho'i gting na gnas shing klu rnams kun dang sbyor ba mdzad pa'i dus na/ rak+ta 'bab pa ni rgun 'bru ste dgun smin no// dus thams cad du smin pa ni gtsug gi
37b3 ral gcig ma'i rak+ta ste lnga'o// sa'i rak+ta lnga la/ mtshal cog la ma ni yum krod+hI shwa rI ma'i rak+ta'o// li khri ni drang srong skar ma la dga' ba'i rak+ta'o// ldong ros ni gnod sbyin gsang ba'i rak+ta'o// sa dmar po ni lha
37b4 mo nag mo'i rak+ta'o// btsag ni rgya za ldong bu'i gsang ba'i rak+ta'o// de la shing gi rak+ta lnga ni/ tsan+dan dmar po kun tu bzang mo'i rak+ta'o// shir shing spre'u ha nu man+tha'i yin/ sri shing sna ma ni lha tshe ring gi khrag yin/
37b5 mdzo mo phra men ma smad 'tshong ma'i khrag yin no// rak+ta dmar gyi rgyud las/ rak+ta'i 'byung khungs kyi le'u ste bzhi pa'o//// de nas yang gsol pa/ rak+ta'i byung khungs de lags na// rak+ta'i bsdu thabs ji ltar
37b6 lags// ston pa khrag 'thung bshad du gsol// nyon cig chags pa ral pa can// brko ba'i dus ni 'di lta ste// ston zla ra ba'i nya gsum la// brko ba'i dus ni de la bstan// ston zla ra ba nam zla dus bzhi'i
38a1 nang na gnyan// bcom ldan de nyid de na bzhugs pa la// gzhan gyi dug thul mi thub pas// sman bcud thams cad gcig tu 'dus// dus rnams de la brko bar bya// de yang shin tu gnyan pas
38a2 na// brko ba'i tshe yang maN+Dal bya// tsan+dan dmar pos de la byugs// snang ba mtha' yas spyan drangs la// mchod bstod gtor ma gzhung bzhin bya// rtsi yi lha mo gshegs su gsol// oM rak+ta mU la puN+ye puN+ye swA hA/
38a3 zhes pa bgrang zhing brko bya'o// oM ni sku lnga ye shes lnga// rak+ta chags pa'i rang bzhin la// mU la rtsa ba'i dngos grub stsol// puN+ye puN+ye bsod nams kyi// tshogs ni zad par mi shes pas// de ltar bzlas la brko
38a4 ba'o// swA hA zhi ba chen po'o// dngos grub myur du stsol cig pa'o// rak+ta mU la khrag gi nyung ma zhes// mang yul khri babs bod yul gyi// glang thang sgrol ma'i gnas su skye// 'di yang srid pa'i rak+ta yin// me tog
38a5 rak+ta dus gcig btu// 'bras bu'i rak+ta dus bzhir btu// rtsi yi rak+ta nges pa med// rak+ta dmar gyi rgyud las// rak+ta btu ba'i le'u ste lnga pa'o//// de nas chags pa ral pa can gyis zhus pa/ rak+ta bsdu ba
38a6 de lags na// rak+ta sgrub pa ji ltar lags// khrag 'thung chen pos bshad du gsol// nyon cig chags pa ral pa can// yid 'ong bar chad med pa'i gnas// yang na zhi rgyas dbang drag bzhi// phun sum tshogs pa
38b1 ldan pa ru// sa yi bya ba kun rdzogs nas// bsod nams tshogs gsog mchod sbyin bya// phyi nang bar chad bsal nas kyang// ra ba gur gyis mtshams bcad nas// stegs bu mda' gang gru bzhi la// bdud rtsi lnga
38b2 yis skyang nul bya// yang na khrag chen byug par bya// thig gdab tshon rnams rim par dgye// pho thod mo thod kha sbyar du// rak+ta sna tshogs 'byor par bsags// dkyil 'khor rnam gsum bskyed byas nas// ye shes
38b3 dkyil 'khor spyan drang bstim// mchod dang bzlas pa sngon du dbyung// rab 'bring tha ma'i rtags thon nas// bsgrub pa chen po brtsam par bya// rak+ta dbang gi dkyil 'khor bskyed// rak+ta thun mong las brgyad
38b4 rdzogs par sbyar// bzlas pa mthar dbyung bshags bstab bya// dngos grub ci rigs blangs byas nas// dbang bskur byin rlabs khyad par can// rigs kyi bu mchog de la sbyin// de dag bskur ba'i slob dpon
38b5 la// yon mchog dad pas dbul bar bya// lhag mas mkha' 'gro bskyang ba dang// za lam bstan dang sbyin sreg bya// mi zad gter sba smon lam btab// dkyil 'khor bsdu zhing spyod lam bya// rak+ta dmar gyi
38b6 rgyud las/sgrub pa'i le'u ste drug pa'o//// de nas chags pa ral pa can gyis/ rak+ta'i sgrub pa de lags na// rak+ta'i dam tshig ji ltar lags// nyon cig chags pa ral pa can// rgyas par dam tshig 'bum
39a1 sde yang// rtsa ba'i dam tshig nyi shu brgyad// bsdus pas rtsa ba gsum du gsungs// mi 'da'i phyir na dam tshig ste// rdo rje slob dpon gtso nyid dang// rdo rje mched dang lcam dral la// lus dang srog la
39a2 bab gyur kyang// zhe sdang mnar sems mi bskyed do// lung dang ldan pa'i slob dpon gyis// snod dang ldan pa'i slob ma la// yi dam gsal ba'i lha phog nas// sngags dang phyag rgya rgyun mi gcad// thun mong ma
39a3 yin gsang chen ni// man ngag gzhan du spel mi bya// man ngag gzhan du ma spel cig/ gsang bcu gzhan la ma smra zhig/ sbyor sgrol ma byin len dang rdzun du smra// tshig brlang la sogs nyon mongs lnga// 'gro don
39a4 bka' gzhung bzhin du spyad par bya// 'dod chags zhe sdang gti mug nga rgyal dang// phrag dog la sogs nyon mongs lnga// rigs lnga'i rang bzhin yin par kun gyis spyad// dri chen dri chu dmar chen zil pa
39a5 dang// mdangs chen la sogs dam rdzas lnga// the tshom med par kun gyis spyad// phung po lnga dang 'byung ba lnga// rnam shes lnga dang ye shes lnga// yab yum lnga la sogs par sbyor zhing shes// rdo rje'i rigs dang de
39a6 bzhin gshegs pa'i rigs// rin chen pad+ma las kyi rigs la sogs// bsgrub par bya ba'i dam tshig mtha' ru dbyung// bsrungs pa'i yon tan bsam mi khyab// nyams pa'i rnam smin bsam mi khyab// shes par
39b1 byas la kun gyis spyad// tshe 'di nyid la sangs rgya'o// rak+ta dmar gyi rgyud las/ dam tshig gi le'u ste bdun pa'o//// de nas chags pa ral pa can gyis/ khrag 'thung rgyal po la 'di skad ces zhus so// dam
39b2 tshig srung thabs de lags na// dbang gi rim pa ji ltar lags// khrag 'thung rgyal pos bka' stsal pa// nub ri mtho la shar ri gzhol// lho ri byang ri spo nas skyor// hrad hrod sgang gshong med pa'i gnas// chu
39b3 bran sna tshogs 'bab pa la// me tog shing rtsi sna tshogs skye gnas su// sa yi bya ba kun byas nas// bar gcod bgegs rnams bsal byas te// grogs mchog mtshan ldan btsal byas nas// rdzas dang yo byad khyer
39b4 nas su// yon tan brgyad ldan bla ma la// skyon drug spangs pa'i slob ma yis// rab tu yid 'thad rab tu 'bul// dkyil 'khor rim bzhin brtsigs nas ni// bdud rtsi lnga yis chag chag gdab// thig btab
39b5 dkyil 'khor bris nas kyang// dbang rdzas rim par bkod nas kyang// byin brlab gzhung bsrang bsnyen pa bzlas// bdun 'bum nyi khri sngon du song// rab 'bring tha ma'i rtags thon nas// bsgrub pa chen po'i
39b6 las la 'jug/dngos grub zhal zas bstar byas nas// mtshan ston bsnyen pa rdzogs pa dang// slob ma dkyil 'khor nas bton nas// slob dpon sangs rgyas bzhugs pa des// dbang gi rdzas rnams thogs
40a1 nas su// rigs kyi bu mchog mngon du bzhag/ bden bdar mtshams bcad bsgrag bshad bya// rim pas dbang rnams bskur bar bya// phyi nang dbang rnams rdzogs pa dang// dbang rgyas btab la
40a2 man ngag bzhin// mi dmigs blta ba'i don la gnas// rgyal po rgyal rigs dbang bskur ba// 'khor los sgyur ba'i rgyal po bzhin// rigs kyi bu mchog slob ma de// sangs rgyas sa la 'khor lo
40a3 bsgyur// 'jig rten dbang lta smos ci dgos// zhes gsungs so// rak+ta dmar gyi rgyud las/ dbang gi le'u ste brgyad pa'o//// de nas yang chags pa ral pa can gyis zhus pa/ ston pa khrag 'thung rgyal po
40a4 lags// dbang gi rim pa de lags na// dkyil 'khor rim pa ji ltar lags// khrag 'thung rgyal pos bka' stsal pa// sku yi dkyil 'khor bsam yas kyang// khrag 'thung rgyal po'i sku la 'dus// dbus zhal
40a5 mthing ba dpal chen nyid kyi zhal// g.yas dkar khro mo kau ri ma// g.yon dmar lha mo pra mo ha// phyag mtshan drug po lha mo drug/ rgyan chas 'khor gyi lha rnams te// lnga bcu thams pa tshang bar bsgom// gsung gi
40a6 dkyil 'khor bsam yas kyang// khrag 'thung rgyal po'i gsung du 'dus// ru lu 'bru brgyad gsung gi sngags// A+oM ni ye shes khrag 'thung lnga// ru lu gong ma gau ri brgyad// ru lu 'og ma sing ha brgyad// hUM ni phyag
40b1 rgya sgo ma bzhi// b+h+yo ni rnal 'byor nyi shu brgyad// hUM ni ye shes sems dpa'i thugs// bsnyen pa'i dkyil 'khor gsung gi lha// thugs kyi dkyil 'khor bsam yas kyang// khrag 'thung rgyal po'i thugs la
40b2 'dus// ye shes sems dpa' thugs dam lha// sangs rgyas rtsa gnyis thugs kyi dngos// thig le byang chub sems nyid de// bya btsal med par kun la gnas// 'dzin chags med pa thugs kyi mchog/ ma
40b3 'gags shar ba thugs kyi rgyan// rang sar rdzogs pa thugs kyi gnas// zhes gsungs so// rak+ta dmar gyi rgyud las/ dkyil 'khor gyi le'u ste dgu pa'o//// de nas chags pa ral pa can gyis gsol pa/
40b4 ston pa khrag 'thung rgyal po lags// rak+ta'i dkyil 'khor de la lags na// rak+ta'i mchod pa ji ltar lags// nyon cig chags pa ral pa can// rak+ta byin gyis brlabs pa ni// ban d+ha mtshan ldan skya yol
40b5 du// rak+ta sum cu rtsa lnga la// mchog bsgral rak+ta nyi shu gnyis// ra sa ya na la sogs gsum// skya yol nang du gcig tu sbyar// zhe sdang ma spangs rU tra'i khrag/ ma hA de wa gti mug khrag/ tshangs pa nga rgyal bsgral
40b6 ba'i khrag/'jog po 'dod chags bsgral ba'i khrag/ khyab 'jug phrag dog bsgral ba'i khrag/ dug lnga bsgral ba'i khrag chen yin// rnam shes tshogs brgyad rang rgyud spyod// lha chen brgyad po dregs can dang// ma
41a1 hA de ba biSh+Nu rA tsa dang// b+h-i gi ri ti tshogs bdag dang// dga' byed dbang phyug khyab 'jug dang// stobs bzang gzhon nu smin drug bsgral ba'i ro// rnam shes tshogs brgyad bsgral ba'i
41a2 khrag/bsgral ba'i zhing bcu bsgral ba'i khrag/ mi dge bcu po bsgral ba'i phyir// sangs rgyas bstan pa bshigs pa dang// dkon mchog dbu 'phang smod pa dang// dben rigs gnyen po 'joms pa dang// zhe
41a3 sdang me ltar 'bar ba dang// gti mug mun ltar gtibs pa dang// nga rgyal ri ltar spungs pa dang// 'dod chags chu ltar 'brub pa dang// phrag dog rlung ltar 'tshubs pa dang// bu ltar gsos nas dgra ltar
41a4 sdang// mi shes shes rdzu 'debs dang bcu// bsgral ba'i khrag ni bstan pa gnyen// khrag 'thung chen po'i ting 'dzin gyis// ra las rak+ta'i rgya mtshor bskyed// shar gyi rba rlabs nub tu 'phyo// nub kyi rba rlabs shar
41a5 du 'phyo// lho yi rba rlabs byang du 'phyo// byang gi rba rlabs lho ru 'phyo// steng gi rba rlabs 'og tu 'phyo// 'og gi rba rlabs steng du 'phyo// sha chen lhu dum lang long dang// tsit+ta tshil chen cho lo lo// rak+ta'i rlangs pa phyu
41a6 ru ru// dri yi ngad pa chi li li// gzugs kyi lha mos bam dbyug 'phyar// sgra yi lha mos rkang gling 'bud// yang na ban d+ha cha lang brdeb// dri yi lha mos gsur chen bsnams// ro yi lha mos sha chen thogs// reg
41b1 bya'i lha mos zhing lpags gyon// bde gshegs rnams kyi thugs dam bskang// ma mo mkha' 'gros tshogs su rol// rnal 'byor dbang phyug dbyar dam bskang// khrag 'thung chen po'i thugs ka nas// bzlas pa'i
41b2 snying po 'di brjod do// rak+ta dz+wa la maN+Dal hUM/ zhes brgya rtsa brgyad bzlas so// mdog dmar po gang la reg pa don byed nus par byin gyis brlabs la/ mchod pa'i rdzas su gzhag go/ rak+ta dmar gyi rgyud las/
41b3 byin rlabs ting nge 'dzin gyi le'u ste bcu pa'o//// de nas yang chags pa ral pa can gyis/ khrag 'thung rgyal po la zhus pa/ rak+ta byin rlabs de lags na// rak+ta'i mchod pa ji ltar lags// nyon cig chags
41b4 pa ral pa can// phyi yi dus na dmar gyi gtor ma yin/ nang gi chad/ gsang ba'i maN+Dal khrag gis chag chag gdab// thig gi dus na yum gyi gsang ba'i khrag/ rdzas rgod dus na yab kyi nA sa'i khrag/ rtags kyi dus na
41b5 khrag chen thig les mtshan// dbang chen dus na rak+ta'i rgya mtshor rlabs// phyag mtshan dus na ban d+ha dmar gyis bkang// spyan drang dus na khrag 'thung 'khor bcas gshegs su gsol// mchod pa'i dus na
41b6 dmar chen rgya mtshor skyil// gsol ba'i dus na rak+ta khA hi brjod// dbang gi dus na byang sems dkar dmar khrag/ lhag ma'i dus na mchod pa dam rdzas khrag/ bka' nyan rol pa'i bu mo ni// rdo rje sgeg mo
42a1 'dod chags che// 'dod cing chags pa chags pa'i mchog/ mchod pa'i rdzas su bzhugs su gsol// rak+ta ma hA sa ma ya tiSh+Tha lhan// he ru ka yi gnas bcu dang// dur khrod chen po'i gnas brgyad
42a2 nas// dpal chen khrag 'thung 'khor dang bcas// gnas 'dir spyan 'dren gshegs su gsol// ma hA mAM sa rak+ta a mr-i ta khA hi ha ha he he/ a la la/ nga ni za byed chen po ste// khams gsum ma lus bsgral ba
42a3 dang// gdul dka' mtha' dag gdul bya'i phyir// sha rus la sogs bza' bar bya'o// nga ni khrag 'thung chen po ste// 'khor ba'i drwa ba chags pa'i rgyud// dmar chen po ni rgya mtshor bskyil// mkha' 'gro'i
42a4 tshogs bcas rnams la rol// ma lus bcas nas gshegs su gsol// ma hA rak+ta khA hi/ ma hA tsit+ta khA hi/ go ro tsa na khA hi/ ga Na khA hi/ tsak+ShU khA hi/ ba su ta khA hi/ ba ling ta khA hi/ keng ni ri ti khA
42a5 hi/mAng sa khA hi/ bag shu khA hi/ zhes mchod pa'i lha mo nam mkha' gang ba dang/ sa gzhi gang ba dang/ bar nang gang bas mchod do// rak+ta dmar gyi rgyud las/ mchod pa'i le'u ste bcu gcig pa'o//// de nas chags pa
42a6 ral pa can gyis zhus pa/mchod pa'i las ni de lags na// phrin las rim pa ji ltar lags// ston pas gsungs pa/ nyon cig chags pa ral pa can// bkra shis nyams dga' yid 'ong du// phun sum tshogs
42b1 pa bzhi ldan pas// phrin las zhi rgyas dbang drag bzhi// zhi ba'i dkyil 'khor zlum po la// tsan+dan lde gus legs byugs te// snang ba mtha' yas 'khor bcas bkod// zhi ba'i mchod pa rgyas phul nas// shAn ting
42b2 ku ru'i sngags brjod pas// nad dang gdon tshogs zhi bar 'gyur// rgyas pa'i dkyil 'khor gru bzhi la// sri shing chu yis legs btab nas// 'byung ldan 'khor bcas spyan drangs te// me tog rak+ta lnga yis
42b3 mchod// puSh+ting ku ru'i sngags brjod pas// tshe dang longs spyod rgyas par 'gyur// maN+Dal zla kham legs pa la// li khri dmar pos legs byugs la// 'od dpag med pa spyan drangs nas// sa yi rak+tas mchod pa
42b4 ni// wa shang ku ru'i sngags brjod pas// gzungs ma bran rnams dbang du 'dus// maN+Dal nag po gru gsum du// bsgral ba'i khrag gis legs byugs nas// khrag 'thung 'khor bcas spyan drangs te// 'bras bu'i
42b5 khrag gis mchod pa ni// ma b+ha ni yi sngags brjod pas/ tshig chad song// dgra bgegs la sogs smos ci dgos// rak+ta dmar gyi rgyud las/ phrin las bzhi'i le'u ste bcu gnyis pa'o/ 'di nas kyang tshig kha shas chad
42b6 song// nyon cig chags pa ral pa can// drag po'i khrag zor sgrub pa'i thabs// drag po las kyi dkyil 'khor du// e ka li yis dbyings phyug ma mos yin nam/ bsgrub pa'i zor// yul mkhar khyim la khrag zor
43a1 ya// gza' skar tshogs kyi dkyil 'khor du// drang srong de bas bsgrub pa'i zor// mchan gyi bu sman khrag zor ya// gshin rje'i rgyal po'i dkyil 'khor du// ma mo'i tshogs kyis bsgrubs pa'i
43a2 zor// be lug sbu phyugs khrag zor ya// pad+ma he ru'i dkyil 'khor du// ma mo'i tshogs kyis bsgrub pa'i zor// 'og gi nag mo pus 'gro ma// rgyu khrag bcos shig ro tsa na// rlung lha de ba'i dkyil 'khor du// chos
43a3 dbyings ma mos bsgrub pa'i zor// dam nyams dgra bo'i mgo lag zor// byang shar mtshams kyi dkyil 'khor du// byang chub ma g.yos bsgrubs pa'i zor// dbang pos bcos shig da ra ma// steng gi lha yi dkyil
43a4 'khor du// phyag na rdo rjes bsgrubs pa'i zor// bdud 'dul dbang po yongs la gzor// bar snang mi yi dkyil 'khor du// pad+ma he rus bsgrubs pa'i zor// srin po'i grong khyer tshogs la gzor// dam nyams
43a5 snying la tsit+ta ku ta na// dang po zor gyi skyes bu ni// 'phen byed chen po'i dus la bab// shar gyi phyogs nas gshegs su gsol// dri za'i 'khor la mnga' brnyes pa// dung gi glang po'i gdan steng na// dung gi skyes
43a6 bu spyan gcig pa// dbu la shel gyi zhwa dkar gsol// dngul khrab zhol mo 'jol le 'jol// phyag na thod pa khrag gis bskang// dam nyams dgra bo'i snying la gzor// tsa te tsi ta zor/ lho yi phyogs nas bskul
43b1 ba ni// gshin rje grul bum mnga' brnyes pa// cang shes rta yi gdan steng na// bse yi skyes bu dbang byed do// dbu la rin chen bzhad gar gsol// chibs su g.yu yi spyang khu chibs// g.yu khrab sngon mo 'jol le
43b2 'jol// g.yas kyi phyag gis gzhu bdungs nas// mthing gi mda' mo ltong sbyar nas// da ni gzor ro dgra la gzor// ngag gi dbang po lce la gzor// b+h+yo lce la ti lce ti gzor// nub kyi phyogs nas bskul ba
43b3 ni// klu rgyal dbang chen mnga' brnyes pa// rma bya mdzes pa'i gdan steng na// bse yi skyes bu gdug pa can// dbu la bse yi ldan dkar gsol// chibs su bse yi spyang mo chibs// bse khrab khra bo 'jol le
43b4 'jol// g.yas pas bse yi gzhu bdungs nas// zangs kyi mda' mo ltong sbyar nas// de ni sdang ba'i dgra la gzor// gros kyi bdun phung spyi bor gzor// gzor ro gzor ro thil gzor ro// byang gi phyogs
43b5 nas bskul ba ni// gnod sbyin nag mo mnga' brnyes ma// zhing chen bsnol ba'i gdan steng na// las kyi skyes bu gdug pa can// dbu la bse yi zhwa gsol pa// chibs su gser gyi spyang ki chibs// gser khrab
43b6 ser po 'jol le 'jol// g.yas pas gser gyi gzhu bdungs nas// ra gan mda' mo ltong sbyar te// nyams pa'i dgra bo'i dbugs la ya// phog par gyis shig A ko Ta// skyes bu de yi zhabs drung na// sems
44a1 can bzhi yi gdan gting zhing// dus bzhir spyang ki bzhi yang 'gyed// mngon spyod phrin las myur du mdzod// drag po ye seng b+h+yo ru lu ru lu/ zhes bzlas zhing phrin las bcol lo// dus kyi ban+d+ha'i
44a2 nang du bud med yugs sa mo'i khrag sgyur zhing de bzlas/'phen pa'i sngags/ ya ya daM daM me thIg/ e myag myag thun thun/ ram ram/ myog myog ces bya zhing brdeg/ las de gang du byas kyang 'grub par
44a3 'gyur// gtor ma lho nub mtshams su ni// kyi lce nag po dbyi mong dang// spyang tsher dug sna sna tshogs dang// thar nu khrag dang sbyar bshams la// ma mo ser nag ngas ni ma nyes so// dam nyams thal ba bzhin du
44a4 rlogs// de skad byas la 'o dod 'bod// hriHdpal gtor dug gi gtor chen 'di// ma mo mkha' 'gro'i dam rdzas rten// khro bo kun gyi re gnas yin// dur khrod kun gyi gnas nyul ni// gang du mngags pa thal
44a5 bar rlogs// dam tshig tshul bzhin mi gshegs sam// ma mo chen mo ral gcig ma// ral pa'i zar bu g.yas g.yon 'khyil// zhal nas khrag dang zhag 'dzag ma// mi gnas mchi ma bdud rtsi 'bab// lag na
44a6 dug gi phor pa thogs// 'di 'dra gcig tu ma nges te// ma mo kun kyang de bzhin no// bskul lo mkha' 'gro mi bzad ma// drag shul chen po rab mdzad de// gang du 'phangs pas phung bar byed// sngon gyi dam
44b1 bcas bsnyel ma ring// hUM khon rdzong gi rigs la// dug gi phor pa brgyab pa yis// rdzong yang sgal pa lings kyis btang// rol pas sprul lo 'du 'phro yis// ma mo kun kyang 'dar zhing g.yeng// khyad par spyan
44b2 dmar mi bzad pa// gang du bab pa thal bar rlogs// zhes gsungs so// rak+ta dmar gyi rgyud las/ drag po khrag zor gyi le'u ste bcu gsum pa'o//// de nas chags pa ral pa can gyis yang zhus pa/ ston
44b3 pa chen po rgyal po lags// chags pa'i zor ni de lags na// chags pa rgyal po ji ltar lags// khrag 'thung rgyal pos bshad du gsol// zhes gsol pa dang/ nyon cig chags pa ral pa can/ sngon bskal pa
44b4 grangs med pa'i sngon rol du/bskal pa dga' ba zhes bya ba la/ ston pa 'od bsam gyis mi khyab pa zhes bya ba'i bstan pa la/ rgya gar gyi yul 'od ma can zhes bya ba na/ rgyal po 'od snang ba zhes bya ba la/ yum
44b5 pad+ma can zhes bya ba/longs spyod che ba/ mnga' thang che ba/ rin po che'i bang mdzod mnga' ba la/ sras med nas/ yum brgya khab tu bzhes nas/ gzhan la sras ma byung/ yum pad+ma can la sras gcig 'khrungs pa la/
44b6 yab mnga' thang gis ma ngoms nas/ gling bzhi gling phran bcu gnyis dang/ des kyang ma ngoms nas/ steng lha'i 'jig rten du rin po che sna bdun dang chas nas gshegs pas/ lha'i dbang po brgya byin langs nas
45a1 tshur spyan drangs rgyal po byon pa legs so zhes zer nas/stan phyed la bdar ro// de'i bar du rgyal bus/ rin po che'i bang mdzod mnga' thang dang yum dang bcas pa thams cad/ ston pa 'od bsam
45a2 gyis mi khyab pa la phul nas rgyal bu dad pa skyes te/de bzhin gshegs pa'i drung du 'di skad ces glengs so// nga bstan pa 'di 'das pa'i 'og rol du/ u rgyan gyi yul/ byan lag mchong kyi ri/ ko chu brtsod
45a3 ma thang du srin po'i gnas su rnag khrag gi mtsho gseb na srin po'i grong khyer stong phrag brgyad cu yod pa'i gnas na/yab zhe sdang dug gi ral pa can dang/ ma 'dod chags khrag gi ral can du/ nga srin phrug khrag
45a4 'thung du skyes so/srid pa gsum brlag par byas sems can pho mthong bsad/ mo mthong sbyar nas/ zas su sha khrag dang rus pa 'cha'/ skom du khrag gi rgya mtsho 'thungs kyang mi ngoms/ las su sems can thams
45a5 cad bsad kyang zin pa med/yab dang yum thams cad mnar med par 'gro bar gzigs nas/ sras kyis smon lam 'di skad ces btab bo// nga 'di 'das pa'i 'og rol du// yab ni zhe sdang dug gi ral pa
45a6 can// yum ni 'dod chags khrag ral can// nga ni srin phrug khrag 'thung ste// pha bsad ma sbyar byas nas su// 'khor gyi lha mo bran du bkol// dug lnga tshong nas phyung nas su// zhe sdang rus pa ngas 'cha' yi/ 'dod
45b1 chags khrag la ngas 'thung zhing// nga rgyal sha chen ngas za zhing// phrag dog rtsa rgyus ngas bldad cing// gti mug mun nag ngas 'joms te// mi dge bcu la gnas bcas nas// mi dge bcu la ma zhen te// bsgral
45b2 ba'i zhing bcu nga yis bsgral// dur khrod gnas brgyad nga yi gnas// ma mo mkha' 'gro nga yi bran// dregs pa rtsa gnyis bsgral nas kyang// zhi ba'i bka' la mi nyan pa// dam nyams 'byung po dgra dang
45b3 bgegs// yang dag don la mi gnas pa// thams cad bsgral ba'i 'jigs byed de// yang dag don la mos pa ni// de yi mgon skyabs byed par shog/ ngan song lam gyi sgo bkag nas// mtho ris thar pa'i sgo
45b4 phye nas// nyams pa'i gnas ni bsgral nas kyang// zhing lpags g.yang gzhi sku la gsol// thod rus rnams ni rgyan du byas// 'dod chags khrag gi rgya mtsho skom du 'thung// gtsang sme med par kun za zhing// snying
45b5 rjes sems can kun sgrol ba// thabs kyis kun la sbyar byas nas// dmyal ba'i gnas kyang sangs rgyas sa// de lta bur ni skye bar shog/ ces smon lam btab bo// de nas dus 'das pa dang ko chu brtsongs
45b6 dmar thang du yab rgyal po ni/zhe sdang dug gi ral pa can/ zhe sdang gi me 'bar/ gti mug gi mun gtibs/ nga rgyal gyi brag 'tsher/ 'dod chags kyi chu brub/ phrag dog gi rlung 'tshubs pa/ mig gis mthong tshad
46a1 gsod pa/rna bas thos tshad 'joms pa/ sems la dran pa la log lta 'ba' zhig las med pa zhig byung skad/ kha nas nad kyi char 'bebs pa/ mig nas me'i bskal pa gtong ba/ sna nas 'tshubs
46a2 nag dang sa g.yos gtong ba/kha nas thog ser 'bebs pa/ ma rungs pa zhig byung skad/ yum yang de 'dra ba gsod gcod la brtsi ba zhig byung ngo// chung ma brgya tham pa yang de dang 'dra ba/ rnag khrag gi mtsho
46a3 bskyil/keng rus kyi mkhar brtsigs/ sha tshil gyi brungs brtsigs/ dri chen dri chu dang/ mAng sa dang/ sems chu la sogs pa thang mar brdal ba/ zhing lpags zhing phran dang/ bum ril dang/ khog stod dang/ khog
46a4 smad gsur chen gyi dri dang/khyi bya rog stag gzig dang/ khra dang 'ug pa dang/ gr-i D+ha dang/ khra ta spyang ki dang/ dred dang ce spyang dang/ kang ka dang seng ge dang/ de la sogs pa gcan gzan sna tshogs kyis sgra
46a5 'byin skyi g.ya' bar gnas so// de ru rgyal bus sngon gyi smon lam dran nas/ dus gsum bde bar gshegs pa la gsol ba btab pas/ sangs rgyas rnams bka' bgros nas/ bcom ldan 'das che mchog he ru
46a6 ka dbu dgu phyag bco brgyad pa/zhabs drug bgrad pa/ sku mdog smug nag pa/ me dpung 'bar ba'i dkyil na dur khrod kyi chas sna tshogs kyis brgyan pa gcig byon nas rgyal bu la 'di skad ces bka' stsal
46b1 to// rgyal bu sngon gyi dam bcas dran lags sam/ bde bar gshegs pa bka' bgros nas// nga nyid 'di ru byon pa yin// khyod la de bzhin gshegs pa yis// ting 'dzin 'bum phrag brgyad cu dang// mthu rtsal
46b2 bsam gyis mi khyab pa// dbang mchog mtha' dag khyod la bskur// nga yi chas su zhugs la ni// ting 'dzin sprul pa sna tshogs kyis// pha ma dregs pa ma rungs pa// ngan song dmyal bar 'gro ba de// ting 'dzin
46b3 sprul pas de sgrol la// gnas dang 'khor la sogs pa kun// ting nge 'dzin gyi byin rlabs kyis// bde gshegs sprul par byin gyis rlobs// zhes gsungs so// de nas rgyal bu srin phrug de sngon gyi ting 'dzin la
46b4 zhugs nas/hUM hUM hUM phaT phaT phaT/ ces brjod pas/ lus ma bor bar sangs rgyas nas dpal khrag 'thung he ru ka/ zhal gsum pa/ phyag drug pa/ dur khrod kyi rgyan gyis brgyan pa/ me dpung 'bar ba'i klong na
46b5 bzhugs pa/sprul pa sna tshogs 'gyed pa cig byung nas// de byung ba dang yab yum skrag nas brgyal/ 'khor rnams kyang 'gyel/ der khrag 'thung de la/ he ru ka dgus g.yas dang por rdo rje rtse dgu pa byin/ dbu
46b6 la rigs lnga'i sangs rgyas kyis dbang bskur/rigs kyi yum rnams kyis g.yon dang por dril bu byin/ dregs pa yab kyis kha T+wAM ga rtse gsum pa g.yas par tshags byas/ yum gyis phyag mtshan dung dmar 'bar
47a1 ba tshags byas/khams gsum kun tu chos kyi sgra sgrogs pa'i rtags su rnge'u chung byin/ rgyud drug gyen du 'dren pa'i rtags su rgyu zhags tshags byas/ nyon mongs pa 'joms pa'i rtags su me dpung
47a2 dkyil na bzhugs pas/sngon gyi smon lam gyis dregs pa bsgral ba 'di skad do// hUM pradz+nyA ke shi tsit+ta dz+wa la maN+Dal hUM/ ma trang ru dra hUM dza zhes yab bsgral lo// yi ge dpa' bo 'bru lngas rgyud lnga'i lam gyi sgo
47a3 bkag/yaM gis rig pa spar ro// ma yum kro d+hI shwa ri mar byin gyis brlabs nas spyod yum byas so// yum gzhan pa brgya po tshe 'phos nas kyang/ kau ri brgyad dang/ sing ha ma dang/ sgo ma dang/ dbang phyug ma nyi
47a4 shu rtsa brgyad dang/mkha' 'gro sum cu rtsa gnyis dang/ 'bar ma dang/ ma bdun dang/ sring bzhi dang/ ma mo khrag gshog can du byin gyis brlabs so// dur khrod gnas ni gzhal yas khang du byin gyis brlabs
47a5 so// mi gtsang rdzas ni dam rdzas lnga ru byin gyis brlabs so// yab ni phyir mi ldog pa'i sa la 'khod par byin gyis brlabs nas bzhag go/ pha bsgral ma la sbyar/ mi gtsang sme ba zas su gsol bas/ sme brtsegs
47a6 zhes bya'o// yum dang 'khor rnams khrag 'thung gi lhar sangs rgyas so// rak+ta dmar gyi rgyud las/ khrag 'thung gi le'u ste bcu bzhi pa'o//// de nas khrag 'thung gis chags pa ral pa can la 'di skad bstan
47b1 no// rgyud 'di 'chang ba'i rnal 'byor la// tshe dang pra dang ro langs dang/ rkang mgyogs la sogs smos ci dgos// 'jig rten 'dir yang bsam pa 'grub// stong pa snying rje'i rnal 'byor bsgom// phyag rgya gcig
47b2 dang spros pa yi// rig 'dzin rnam bzhir sangs rgyas te// nyan dang 'chad dang bsgom pa dang// 'dri dang klog 'don byed pa ni// ma mo mkha' 'gro bran bzhin nyan// phyi mar sangs rgyas zhing du skye// 'di la mi
47b3 mos ma sbyangs na// khrag 'thung chen pos snying khrag 'thung// rdo rje dmyal bar gtan du 'khor// chags pa'i ral can khyod la gtad// ces gsungs nas/ dgongs pa mi dmigs par gshegs so// rak+ta dmar
47b4 gyi rgyud las/mtha' bstan pa'i le'u ste bco lnga pa'o//// rak+ta dmar gyi rgyud rdzogs so// gro lod rtsal gyis bsgyur ba'o////
47b5
47b6 rgya gar skad du/


CLOSE WINDOW