224a2 /// / rgya gar skad du/ d+harmA tA shan+ta de ba tan+t+ra/ bod skad du/ chos nyid zhi ba'i lha rgyud/ bcom ldan 'das kun bzang kun tu zhi ba'i lha la phyag 'tshal lo// 'di skad bstan
224a3 pa'i dus gcig na/bcom ldan 'das kun tu bzang po zhes bya ba'i lha zhig thams cad du rang gi sems la gnas so// sems ni nam mkha' la gnas so// nam mkha' ci la yang mi gnas/ ci la yang ma yin/
224a4 med pa yang ma yin pa'o// de bzhin du sems dang kun tu bzang po yang de bzhin no// de de bzhin nyid do// chos nyid ni sangs rgyas so// sangs rgyas ni mtha' la mi gnas shing dbus su mi 'dzin pa'o// sangs
224a5 rgyas ni phyogs su mi 'dzin cing/nga ru mi byed pa'o// sangs rgyas ni dang du mi len cing gtsor mi 'dzin la/ skyon du mi 'dor zhing spang bar mi byed pa'o// de bzhin du dbyings 'pho 'gyur med pa'o// sems skye shi
224a6 med pa'o// rig pa 'du 'bral med pa'o// kun gzhi bzang ngan med pa'o// rtog pa skyo dub med pa'o// ye shes ldog 'gyur med pa'o// dus la nyin mtshan med pa'o// bsgom pa 'byung 'jug med pa'o// sku la
224b1 mdun rgyab med pa'o// gsung la skye 'gag med pa'o// thugs la rtag chad med pa'o// yon tan bde sdug med pa'o// phrin las rtsol bsgrub med pa'o// de lta bu zhig gi rang bzhin yin kyang/ chos nyid skyon du
224b2 mthong ba dang/chos can mtshan mar 'dzin pa dang/ sems la dngos por 'dzin pa rnams la/ rnam par dbye ba 'di skad ces bka' stsal to// yul dang dbang po'o// sems dang phung po'o// phyi dang nang ngo// rgyu
224b3 dang 'bras bu'o// sangs rgyas dang sems can no// de la sems can thams cad ni/ ma rig pas sems can no// de bas kyang thams cad la chags pas sems can no// de bas kyang thams cad la 'dzin pas
224b4 sems can no// de bas kyang 'dzin pa'i mthu brtas pas sems can no// de la sangs rgyas thams cad ni/ bsam pa rnam par dag pas sangs rgyas so// de bas kyang thams cad la ma chags pas sangs rgyas
224b5 so// de bas kyang thams cad la mi 'dzin pas sangs rgyas so// de bas kyang mi 'dzin pa'i mthu brtas pas sangs rgyas so// sems can thams cad ni yod par 'dzin pas sems can no// de bas kyang yod la
224b6 rtag par 'dzin pas sems can no// de bas kyang rtag la ther zug par 'dzin pas sems can no// de bas kyang ther zug par 'dzin pa'i mthu brtas pas sems can no// sangs rgyas thams cad ni gang la yod
225a1 med du mi blta bas sangs rgyas so// debs kyang rtag par mi 'dzin pas sangs rgyas so// de bas kyang theg zug par mi 'dzin pas sangs rgyas so// de bas kyang ther zug par mi 'dzin pa'i mthu
225a2 brtas pas sangs rgyas so// sems can thams cad ni skye bar 'dzin pas sems can no// de bas kyang 'chi bar 'dzin pas sems can no// de bas kyang 'pho zhing 'gyur bar 'dzin par sems can no// de bas
225a3 kyang 'pho 'gyur du 'dzin pa'i mthu brtas pas sems can no// sangs rgyas thams cad ni mi skye bar mkhyen pas sangs rgyas so// de bas kyang mi 'chi bar mkhyen pas sangs rgyas so// de bas kyang 'pho 'gyur
225a4 med pas sangs rgyas so// de bas kyang 'pho 'gyur med par mkhyen pa'i mthu brtas pas sangs rgyas so// sems can thams cad ni phyogs dang ris su bltas pas kyang sems can no// de bas kyang gzung ba dang
225a5 'dzin par blta bas sems can no// de bas kyang rtag pa dang chad par blta bas sems can no// de bas kyang yod pa dang med par blta bas kyang sems can no// de bas kyang gtsang ba dang mi gtsang bar blta
225a6 bas sems can no// de bas kyang bzang ba dang ngan par blta bas sems can no// de bas kyang grub pa dang ma grub par blta bas sems can no// de bas kyang bde ba dang sdug par blta bas sems can no// de
225b1 bas kyang yin pa dang ma yin par blta bas sems can no// de bas kyang snang ba dang mi snang bar blta bas sems can no// de bas kyang de rnams kyi mthu brtas pas sems can no// sangs rgyas thams cad ni
225b2 phyogs dang ris su mi blta bas sangs rgyas so// de bas kyang snang ba gzung 'dzin gnyis su mi blta bas kyang sangs rgyas so// de bas kyang rtag chad gnyis su mi blta bas kyang sangs rgyas so// de bas kyang yod
225b3 med gnyis su mi blta bas sangs rgyas so// de bas kyang gtsang ba dang mi gtsang ba gnyis su med par mkhyen pas sangs rgyas so// de bas kyang bzang ba dang ngan pa gnyis su med par mkhyen pas sangs rgyas
225b4 so// de bas kyang grub pa dang ma grub pa gnyis su med par mkhyen pas sangs rgyas so// de bas kyang bde ba dang sdug bsngal gnyis su med par mkhyen pas sangs rgyas so// de bas kyang yin pa dang ma yin pa
225b5 gnyis su med par mkhyen pas sangs rgyas so// de bas kyang snang ba dang mi snang ba gnyis su med par mkhyen pas sangs rgyas so// de bas kyang de rnams kyi mthu brtas pas sangs rgyas so// chos thams cad ni
225b6 rang bzhin med na chos nyid do// mtshan ma med na chos nyid do// stong pa nyid na chos nyid do// dngos po med na chos nyid do// skye ba med na chos nyid do// 'gag pa med na chos nyid do// 'phos pa med na chos
226a1 nyid do// sems can thams cad ni mtha' la mi gnas na sems nyid do// dbus la mi gnas na sems nyid do// mtha' dbus gnyis ka la mi gnas na sems nyid do// yod pa la mi gnas na
226a2 sems nyid do// med pa la mi gnas na sems nyid do// yod med gnyis ka med na sems nyid do// skye ba la mi gnas na sems nyid do// 'chi ba la mi gnas na sems nyid do// skye 'chi gnyis ka la mi gnas
226a3 na sems nyid do// thog ma la mi gnas na sems nyid do// tha ma la mi gnas na sems nyid do// thog ma dang tha ma gnyis ka la mi gnas na sems nyid do// de'i shes pa ye shes so// de lta bu'i klong du gnas pa
226a4 la 'khrul pa dang phyin ci log pa'i dbang gis/sems can gyi gzugs dang dbyibs rnam grangs tha dad par snang ngo// kha dog dang yul grangs tha dad par snang ngo// gnas dang spyod pa grangs tha dad par snang
226a5 ngo// de yang thams cad du rang gi sems so// de 'dul ba'i don du sems nyid ma skyes pa'i klong nas/ kun tu bzang po chos kyi skur bzhengs pa'i byin gyis brlabs las/ sangs rgyas kyi sku dang dbyibs grangs
226a6 rnam pa tha dad par snang ngo// 'od zer dang zhing khams grangs rnam pa tha dad par snang ngo// bzhugs gnas dang phrin las grangs rnam pa tha dad par snang ngo// de yang snang tsam na thams cad rang gi sems
226b1 so// sems can gcig gi lus la yang 'byung ba chen po lngas bskyed do// sangs rgyas kyis de lta bu'i rdos pa can ma yin gyi chos nyid du mkhyen pas/ sangs rgyas kyi sku snang la dngos po med par byung bas/ de
226b2 'dul ba'i don du yum chen mo lngar snang ngo// sems can gcig gi lus la phung po lnga tshang bar gnas so// sangs rgyas kyis de lta bu'i rdos pa can ma yin pa don chos nyid byang chub sems su mkhyen pas/ sangs
226b3 rgyas kyi sku snang la rang bzhin med pa byung bas/de 'dul ba'i don du rgyal ba rigs lngar snang ngo// de bzhin du sems can gyi rnam par shes pa'i tshogs brgyad kyang sems dpa' brgyad do// yul dang dus kyang
226b4 sems ma brgyad do// phyin ci log pas khro bo/ yul gyis khro mo'o// mtshan dang sems dpa' bcu drug la sogs pa snang la rang bzhin med par de 'dul ba'i don du snang ngo// sems can gyi gnas na 'gro ba
226b5 rigs drug tu snang ngo// sangs rgyas kyis de lta bu'i rdos pa can ma yin gyi/ don thugs ye shes su mkhyen pas/ sangs rgyas kyi sku snang la rang bzhin med pa byung bas de 'dul ba'i don du thub pa'i skyes bu drug tu
226b6 snang ngo// sems can gcig la yang phyi nang snod bcud gnas so// sangs rgyas kyis de lta bu'i rdos pa can ma yin gyi/ don dbyings dang ye shes su mkhyen pas/ sangs rgyas kyi sku snang la rang bzhin med par
227a1 byung bas/de 'dul ba'i don du yid dang chos su snang ngo// sems can gcig gi shes pa'i rgyud la yang nyon mongs pa brgyad khri bzhi stong tshang bar gnas la/ sangs rgyas kyis de lta bu'i rdos pa ma
227a2 yin gyi skye ba med par mkhyen pas/de gdul ba'i don du chos kyi sgo mo brgyad khri bzhi stong du snang ngo// sems can gcig gi gnas skabs la/ lam rgyud lngar gnas so// sangs rgyas kyi gnas skabs na/ de
227a3 'dul ba'i don du dpa' bo 'bru lngar snang ngo// sems can gcig gi gnas skabs na/ nyon mongs pa lngas dbang byas te/ phyin ci log tu gnas so// sangs rgyas kyi gnas skabs na/ de 'dul ba'i don du byang
227a4 chub kyi sems kun tu bzang po'i rang bzhin las/zhe sdang 'dul ba'i don du rdo rje sems dpa'i sku phyag rgyar gsal lo// gti mug 'dul bar rnam par snang mdzad kyi sku phyag rgyar gsal lo// nga rgyal 'dul
227a5 bar rin chen 'byung ldan gyi sku phyag rgyar gsal lo// 'dod chags 'dul bar snang ba mtha' yas kyi sku phyag rgyar gsal lo// phrag dog 'dul bar don yod grub pa'i sku phyag rgyar gsal lo// ngan song gsum
227a6 zad par mdzad pas/de rnams dbu gsum par gsal lo// sku gsung thugs su snang bas kha dog gsum du gsal lo// rgyud drug 'dam nas 'don pas de rnams phyag rgya drug tu gsal lo// de yang ye shes drug
227b1 tu mthar phyin pas/phyag mtshan drug tu gsal lo// de yang don chos nyid mnyam pa'i ngang la bzhugs pas skyil mo krung du gsal lo// de phyin ci log thams cad las rgyal bas/ dbu rgyan snyan cha la sogs pa
227b2 'khor los sgyur ba'i cha byad du gsal lo// mkhyen pa'i ye shes gsal la ma 'dres pas/ bas+t+ra tsi tra'i sham thabs la sogs pa gsal lo// de yang thabs mkhas pas yab kyi bzhugs tshul du byung ba dang/
227b3 phyogs bzhi dbus dang lngar brtags pas rigs lngar snang ba dang/ de nyid ye shes lnga dang ldan pas kha dog lngar gsal lo// yang chos nyid longs spyod rgyun mi 'chad par mdzad pa'i rtags gdan dang khri rkang du
227b4 gsal lo// thams cad du smon lam mthar phyin pas/ sems can chen po la sogs par gsal lo// de yang chos kyi dbyings dang 'du 'bral med pa'i rtags su yum du byung ste/ sra bar mtshan mar 'dzin pa'i
227b5 don du sangs rgyas spyan ma dang/gsher bar mtshan mar 'dzin pa'i don du mA ma kI dang/ dro bar mtshan mar 'dzin pa'i don du gos dkar mo dang/ bskyod par mtshan mar 'dzin pa'i don du dam tshig sgrol ma
227b6 dang/stong par mtshan mar 'dzin pa'i don du kun tu bzang mo dang/ thams cad skyed par byed pa'i rtags su bud med yum gyi gzugs su gsal lo// gnyis su med pas gtso gzungs 'khril ba'i tshul du
228a1 gsal lo// gnyis su med pa las thams cad byung bas rnam par shes pa la sogs pa mtshan mar 'dzin pa'i don du/ mig gi rnam par shes pa mtshan mar 'dzin pa'i don du/ sa'i snying por gsal
228a2 lo// de bzhin du sna nam mkha'i snying po dang/ lce spyan ras gzigs dang/ rna ba phyag na rdo rje dang/ mig gi dbang po la sogs pa bzhi/ kun tu bzang po dang/ byams pa dang/ sgrib pa rnam par sel ba dang/
228a3 'jam dpal la sogs par gsal lo// de nyid kyang thabs dang shes rab dang ldan pa'i don du/ sems mar byung ste/ yul gzugs lha mo lA s+ye mar gsal lo// sgra mA le dang/ dri gIrti dang/ ro nirtir gsal
228a4 lo// de rnams kyang dus bzhir gsal bar byed pas/ lha mo bzhi ste/ 'das pa d+hU per gsal lo// de bzhin du da ltar me tog go/ slad kyis 'byung ba mar me/ dus 'byung bar ma nges pa drir gsal lo// de
228a5 rnams kyang gnyis su med pa chos nyid kyi ros tshims pa'i rtags su sems dpa' sems ma rnams dbyer med par bzhugs so// de yang thams cad du gsal zhing mthar phyin pas/ bus pa khye'u dang bu mo la
228a6 sogs gzhon sha chags pa'i mtshan nyid du gsal lo// de yang rgyu dang 'bras bu mthar phyin par mdzad pas/ rgyu dang 'bras bu'i byang chub sems dpa' sum cu rtsa gnyis te/ shar phyogs na rdo rje sems dpa'
228b1 dang/rdo rje rgyal po dang/ rdo rje chags pa dang/ rdo rje legs pa gsal lo// shar lho mtshams na dpa' bar 'gro ba dang/ kun tu bzang po dang/ zla 'od gzhon nu dang/ bzang spyod kun gsal lo// lho'i phyogs
228b2 na/rdo rje rin chen dang/ rdo rje nyi ma dang/ rdo rje rgyal mtshan dang/ rdo rje bzhad pa gsal lo// lho nub mtshams na/ dra ba can gyi 'od dang/ rdo rje snying po dang/ 'od dpag med dang/ nam mkha' mdzod gsal
228b3 lo// nub phyogs na/ rdo rje chos dang/ rdo rje rnon po dang/ rdo rje 'khor lo dang/ rdo rje smra ba gsal lo// nub byang na/ mya ngan kun 'joms dang/ rgyal ba'i ye shes tog dang/ blo gros mi zad pa dang/ spobs pa
228b4 brtsegs par gsal lo// byang phyogs na rdo rje las dang/ rdo rje go cha dang/ rdo rje mche ba dang/ rdo rje khu tshur du gsal lo// byang shar mtshams na/ ngan song kun 'dren dang/ mai tri dang/ spos kyi glang po dang/
228b5 don yod grub par gsal lo// de yang skye bo las dbang 'dul ba la brtson pas/ byang chub sems dpa' dbu lcang lo can du bzhugs so// de las yang rigs bsam gyis mi khyab na yang/ mdor drug tu 'dus
228b6 pas/lha la brgya byin du gsal lo// de bzhin du lha ma yin pa thags bzang ris dang/ mi la shAkya thub pa dang/ byol song la shAkya seng+ge dang/ yi dwags la kha 'bar ma dang/ dmyal ba la gshin rje chos kyi rgyal
229a1 po la sogs par gsal lo// phyi nang yid chos la kun bzang yab yum du gsal lo// gzhan yang rnam par rtog pa mi gnas par sel ba'i rtags su khro bo dang khro mo la sogs par gsal te/
229a2 nam mkha'i mdzod dang phur pa las 'byung ngo// de thams cad kyang sems can ji ltar 'dul bar cha mthun par don mdzad pas/ zhal gcig phyag gnyis pa la/ mtshon cha sna tshogs par gsal lo// de las
229a3 kyang thugs ye shes gsal la ma bsgribs pa'i phyir/ye shes kyi 'od zer kha dog rnam pa drug tu 'phros te/ dkar po dang/ ser po dang/ dmar po dang/ ljang gu dang/ gnag pa dang/ rin po che'i kha dog la
229a4 sogs pa/re re la yang 'od zer bye ba khrag khrig grangs drug cu drug cu ste/ drug cu tsho drug las 'od gyi lha mo drug cu tsho drug byung bas/ phyi snod kyi 'jig rten gyi gling bzhi dang/ gling phran dang/ lcags ri dang/ nyi
229a5 zla la sogs pa sangs rgyas kyi zhing du bsgyur/nang bcud kyi 'jig rten skye 'gro ris drug la sogs pa/ grangs bsam gyis mi khyab pa thams cad/ long bas gzugs mthong ba/ 'on pas sgra thos pa la sogs
229a6 pa thams cad dang/snod du rung ba dang/ bskul ba dang/ dong sprugs pa dang/ sangs rgyas par lung bstan pa nas rgyal ba rgya mtsho la thug dam gyi rgyud bskul ba la sogs pa la/ chos nyid kyi longs spyod chen
229b1 por mdzad de/phar 'phro ba dang/ tshur 'du ba dang/ 'od bsnol mar 'khrugs pa dang/ mnyes pa dang/ tshim pa dang/ dngos grub stsol ba dang/ gnyis su med pa dang/ gdod nas dag pa'i rang bzhin lhun gyis
229b2 grub pa'i dkyil 'khor na/dgyes pa chen po mthar phyin pa'i rang bzhin du bzhugs so// de la ma khyab pa med cing/ ma 'dus pa dang/ mi shong ba dang/ phyi nang dang/ steng 'og dang/ yangs dog med pas/
229b3 gzhal yas khang gi rgyan sna tshogs par yang gsal lo// don de bzhin du sems can la sogs pa yod pa'i chos su phyi nang du snang na yang/ lha'i dkyil 'khor la sogs pa rnam pa sna tshogs par snang la/ mi snang
229b4 na ye shes kyi chos nyid skye ba med pa'i klong phyogs bcur ye nas gdal lo// zhes 'khor ba dang mya ngan las 'das pa'i chos thams cad chos nyid zhi ba'i lha rgyud du gnyis su med par sangs rgyas par bzhugs
229b5 par thams cad kyis mkhyen to// rgyud kyi rgyal po chen po/ chos nyid zhi ba'i lha rgyud rdzogs so// rgya gar gyi paN+Di ta bi ma la mi tra dang/ bod kyi lo tsA ba gnyags dz+nyA na ku mA ras bsgyur cing zhus te gtan pa phab
229b6 pa'o////


CLOSE WINDOW