CLOSE WINDOW

Gpb011.002
བོད་ཡིག

/// rgya gar skad du/ bo d+hi tsit+tAu0f85ga ma ma hA ye ga ma hA yA na sU tra/ bod skad du/ byang chub sems 'di gsan yig na sems lung chen po dpe ma rnyed gsungs pa de yin nam 'dra lung rnal 'byor chen po'i rgyud theg pa chen po'i mdo/bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ ye shes thams cad kyi bdag po yon tan che ba'i don la spyod pa de/ngo mtshar rmad du byung ba'i don 'di nyid bshad pa'i chos/ yang dag gsang ba'i yang gsang ba/ chos nyid kun gzhi'i pho brang rgya yongs su ma chad pa/ chos kyi dbyings kyi nam mkha' las ye shes kyi cho 'phrul rgyan dpag tu med pa rin po che'i rgyal po ltar snang ba/chos nyid kyi nam mkha' la/ rlung gi phung po rgya ma chad pa dang/ khrag gi rgya mtsho dang/ gser gyi sa gzhi 'bur 'phar bar chags pa'i gzhi la/'bar ba'i gzhal med khang sna tshogs 'od zer kun tu 'phro ba/ thod pa skam rlon brtsegs pa la/ gnam lcags kyi gzer ta ler btab pa/ sbrul nag gi rgyan la sogs te 'khor ba'i rgyan thams cad dang/thabs dang shes rab kyi rgyan dang/ rdo rje'i rgyan la sogs te ye shes sgo kun tu gsal bar gyur pa'i gnas na/ bcom ldan 'das rnam shes rdo rje zhes bya ba dang/ bcom ldan 'das tshor ba rdo rje zhes bya ba dang/bcom ldan 'das 'du shes rdo rje zhes bya ba dang/ bcom ldan 'das 'du byed rdo rje zhes bya ba dang/ bcom ldan 'das gzugs rdo rje zhes bya ba dang/ yum chen mo rdo rje dbyings phyug ma dang/ yum chen mo rin chen dbyings phyug ma dang/yum chen mo pad+ma'i dbyings phyug ma dang/ yum chen mo las kyi dbyings phyug ma dang/ yum chen mo nam mkha'i dbyings phyug ma zhes bya ba la sogs te/ sems dpa' chen po byang chub kyi sems rdo rje dang/byang chub chen po kun tu bzang dang/ byang chub chen po thugs rje gzigs dang/ byang chub chen po drag shul rdo rje dang/ byang chub chen po sgrib pa sel byed dang/ byang chub chen po mkhyen rab gzhon nu dang/byang chub chen po brtan pa'i snying po dang/ byang chub chen po snang ba'i snying po dang/ de dag la sogs te byang chub sems dpa'i 'khor tshogs thams cad dang/ gzhan yang bud med kyi 'khor tshogs thams cad kyi dkyil na/bsnyengs pa mi mnga' bar rdo rje'i gdan mi phyed pa la bzhugs te/ yum chen mo chos nyid kun tu bzang mos nyid kyi sku la 'khril te/ nyid kyi nyid la bltas nas thabs gcig go/de nas bcom ldan 'das ye shes thams cad kyi bdag po des dgongs pa mnyam pa nyid chos kyi don ma lus par mnyam par mkhyen nas/ sku gsung thugs mnyam pa nyid mi dmigs pa'i ngang la snyoms par gnas so// rnam rtog mi mnga' 'jug ldog thams cad dang bral nas bzhugs so// de nas bcom ldan 'das ye shes thams cad kyi bdag po de chos kyi dbyings las ma g.yos par/ yum chos nyid kun tu bzang mos gsol pa/chos sku rnam dag nam mkha'i dri med nam mkha' lta bu'i dngos// yod med mtha' las grol bas stong pa'i ngang// brjod bral mtha' las 'das pas nam mkha'i tshul// dngos po kun bral brtags pa'i yul las 'das// mi gnas mi dmigs nam mkha'i dbyings nas bzhengs// zhes gsol pas/ de nas bcom ldan 'das ye shes thams cad kyi bdag po des/ chos rnams thams cad nam mkha' ltar mkhyen nas snang ba med pa las rdo rje lta bu'i skur bstan te/'jig rten nyi zla sgrib pa med par shar ba lta bu'o// de nas yum chos nyid kun tu bzang mo la gzigs te zhal bzhed par mdzad pas/nyi ma 'bum las 'od zer byung ba lta bu'o// 'od zer de dag las kyang byang chub kyi sems kyi sprin mngon par byung bas/ rol pa sna tshogs kyi mchod pa byung nas/ bde ba'i dga' ba la gnas par mdzad do// de nas yum chos kyi dbyings phyug ma des/ spyan bde ba'i tshul gyis/ bcom ldan 'das ye shes thams cad kyi bdag po des bltas te/ 'dud pa'i tshul gyis phyag byas nas/ gsol pa/ tshogs gnyis rdzogs pas ye shes dbyings kyi lha// longs spyod rdzogs pas bde ba chen po'i sku// yon tan thams cad rdzogs pas yid bzhin rin po che// rdo rje sems dpa' skal bzang dpal khyod bdag/ 'khor los sgyur rgyal lta bu'i longs spyod gter// thabs kyi rol pas bde ba'i ngang las bzhengs// zhes gsol pas/ de nas bcom ldan 'das ye shes thams cad kyi bdag po des/ bskul bar mkhyen nas/ bde ba'i ngang las cho 'phrul sna tshogs su bzhengs te/'gying ba'am brjid pa'i tshul du yod med thams cad la bcom ldan 'das ye shes thams cad kyi bdag po des kun la khyab par mdzad de/ de rnams kun gyi rang bzhin du gnas so// de nas yum chos kyi dbyings phyug ma de ngo mtshar du gyur te/ 'dud pa'i tshul gyis phyag byas te gsol pa/ ye shes sgyu 'phrul rnam par rol pa'i sku// thabs dang shes rab kun la mnga' ba'i lha// 'phags pa'i thugs rje cho 'phrul 'byung ba'i gnas// 'gro ba'i don mdzad sprul pa mang po 'gyed// ji ltar 'dod pa'i gzugs kyang ston par byed// bder gshegs sprul pa mdzad pa bzhengs su gsol// de nas bcom ldan 'das ye shes thams cad kyi bdag po des/ gsol pa mkhyen nas rtse gcig pa de kho na nyid rol pa'i ting nge 'dzin la gnas nas/ cang mi gsung bar mnyam pa la bzhugs so// de nas yum chos kyi dbyings phyug ma dang/ byang chub kyi rdo rje la sogs pa/ 'khor rdul snyed ngo mtshar du gyur te/ de dag gis mgrin gcig tu gsol pa/ e ma ho yid bzhin nam mkha' lta bu'i ngang// khyab pa'i byin rlabs rdo rje brjid pa'i sku// sprin phung rol pas rdo rje bsgyings pa'i sku// thogs med rol pas cho 'phrul ston par mdzad// e ma ho// gsung mchog sgra sgrogs snyan pa lta bu las// rdo rje brjod mdzad sgra rnams brjod pa mdzad// gsung gi yan lag rgya mtsho bkod pa'i gsung// seng+ge'i sgra sgrogs gsang sngags nges par ston// e ma ho yid bzhin rin chen gter chen lta bu las// rdo rje'i byin rlabs bde ba'i mchog/ye shes thig le spros bral mi rtog thugs// rnam grol de nyid nges pa'i cho 'phrul ston// e ma ho sdug bsngal mi zad 'khor ba 'di// thob pa'i bde ba ma thob 'gro ba'i rgyud// mtho ris bde ba ma thob ngan song gnas// yang dag don rnams bdag la bstan du gsol// nyon mongs mi shes 'gro ba rnams// sdug bsngal rgya mtshos bcings pa don gyis khrol// ma rig mun pas ldongs pa gsal bar byed// 'khor ba rgya mtsho thugs rje'i gru yis sgrol// bde bar gshegasapa kun gyi thugs kyi mchog/ ye shes mchog ldan don gyi snying po 'di// rnal 'byor sems kyi don chen ni// 'khor rnams 'dus pa rnams la rgya cher bshad du gsol// don rnams shin tu rtogs pa 'tshal lags na// thugs rje'i byin rlabs cho 'phrul bshad du gsol// a la la ho zhes gsol to// de nas bcom ldan 'das ye shes thams cad kyi bdag po des/'khor rnams kyis gsol ba btab par gzigs nas/ bzhad pa mdzad do// bzhad pa mdzad pas/ thugs rnam par dag pa'i klong nas/ rig pa'i ye shes brjod kyi mi langs pa'i yang mi langs pa 'od zer dang bcas pa/'od zer des nam mkha' khyab par mdzad do// 'od zer de dag re re las sprul pa'i sku bsam gyi mi khyab par shar bar mdzad do// sprul pa'i sku de dag re re las kyang sangs rgyas 'bum phrag 'khor so so zham 'bring dang bcas pa gnas par mdzad do// de dag las ye shes kyi char mngon par dbab pas// ma rig pa'i klong thams cad gsal bar mdzad do// rig pa'i chos kyi sgra sna tshogs dang/rig pa'i mchod pa sna tshogs byung ste/ kun tu khyab nas byung ngo// sku gsung thugs gar mkhan ltar lang long phyad par byung ste rmad du byung ngo// a la la ho zhes sgra bsgrags pas// sangs rgyas rnams kyang gsung dbyangs gcig tu sgra bsgrags so// 'khor 'bum phrag bsam gyis mi khyab pa dang/ gdul bya sna tshogs bsam gyis mi khyab pa yang spro bar gyur/ rig pa'i rtsal sbyangs nas/ ngam zhing ngo mtshar to// 'khor rnams kyang nye bar gnas so// de nas bcom ldan 'das ye shes thams cad kyi bdag po des/ byang chub kyi sems rdo rje la sogs te 'khor rnams sbyang ba'i phyir/ rdo rjes brgyan pa zhes bya ba'i ting nge 'dzin la snyoms par bzhugs nas/sngags tshig 'di gsungs so// oM hUM swA hrIHA hUM hUM hUM// rigs rnams 'du byar 'dus pa yi// dam pa chen po'i rig 'dzin rnams// bla 'og rim pa ji bzhin gnas// rdo rje gsang ba'i gral la 'god// mu stegs can dang 'jig rten pa// gang dag lta dman gyur rnams dang// rigs ma yin pa rigs mi 'gyur// skal pa bzang po'i dam tshig 'di// skal pa ngan par 'bab mi 'gyur// de las 'das na de brlag byed// oM AHhUM kro d+ha dz+wa la sa ma ya/ hUM rak+sha dz+wa la sa ma ya// hUM tsit+ta dz+wa la sa ma ya// hUM yak+sha dz+wa la sa ma ya zhes brjod pa tsam gyis// zhal nas 'od zer sna tshogs byung// sprul pa'i 'od kyi phreng bar 'bar// gnod byed thams cad brlag mdzad do// spros pa'i 'od zer slar 'khyil pas// 'khor rnams dag kyang shin tu skrag/ e ma ho e ma ho ngo mtshar che// bdag cag bcom ldan 'das kyis byin gyis brlab tu gsol// zhes gsol pa las// bcom ldan 'das ye shes thams cad kyi bdag po des zhal gyi mdangs phyung ste/ ye shes kyi 'od zer 'khyil pa dang/ mdzes shing bde ba dang ldan pa dang/snod du rung ba rnams sbyangs nas/ 'od zer rnams gnas su thim par gyur to// de nas bcom ldan 'das ye shes thams cad kyi bdag po des// mi gnas ye shes klong nas bzhengs nas ni// seng+ge brgyal ba'i sgra lta bu// don bkod gsang ba'i nges pa dang// rgyud 'grel rtags kyi rol pa 'di// rdo rje bsgying ba'i sgra 'dis bshad// a o A+oM bo d+hi tsit+ta sa ma ya a ti a la la ho// zhes cang mi gsung ngo// ma gsung pa nyid na rgya cher bzhugs so// de nas byang chub kyi sems rdo rje la zhal 'dzum pas gzigs so// byang chub sems rdo rje des bskul bar rig nas rang gi gnas nas langs te/ rang gi mtshan ma gnas su bsams te lce la rdo rje bzhag nas/ston pa'i zhal du 'bru tshugs kyis bltas techos kyi rgyal po tshogs bdag dgongs su gsol// mi gsung chos kyi bdag pos dgongs pa bshad du gsol// a la la ho zhes gsol to// de nas bcom ldan 'das ye shes thams cad kyi bdag po des/ smra ba'i dam pa de byin gyis brlab pa'i phyir/ rdo rje rnam par 'phro ba'i ting nge 'dzin la zhugs nas 'di skad gsungs so// badzra karma tsakra sa twa raM/ smra ba'i dam pa des smra ba'i dbang dam pa thob nas/ shin tu mi bzod pas bag dang ldan par bzhugs so// lan rnam pa bcu gnyis su bskor bas/ 'jig rten gyi khams thams cad g.yos par gyur te/zhing khams thams cad ni bde ba'i gnas su gyur/ bcud thams cad ni yang dag pa'i don mthong/ rngams pa'i tshul gyis ston pa'i mdun logs su/ seng+ge rdo rjes mtshan pa'i gdan la gnas so// de nas 'dus pa'i 'khor tshogs kyis// bcom ldan 'das la 'di skad gsol// e ma ho bcom ldan ye shes bdag/ byang chub sems ni rdo rje 'di// mthu che ba dang byin rlabs che// rgya che mkhas pa gsal zhing zab// bcom ldan thugs las skyes pa lags// zhes gsol pa dang/ bcom ldan 'das kyis bshad pa// nyon cig 'dus pa'i 'khor tshogs rnams// byang chub sems ni rdo rje 'di// byang chub sems kyi phyi mo ste// snying rje kun gyi bdag po yin// sangs rgyas kun gyi rje btsan yin// byang chub rig 'dzin rnams kyi yab// rnal 'byor mes po mya ngan 'das pa'i don// bdud kyi yang bdud chos kyi mdzod// ye shes 'byung gnas chen por gyur pa yin// de ci'i phyir zhe na/ sngon med mi 'byung da ltar mnyam pa'i dus// 'byam klas dus na mngon sangs rgyas// chos la sbyor cing rgyal ba'i thugs las skyes// rgyal ba kun gyi yab yin te// de 'dra'o zhes ni bka' stsal pas// 'khor tshogs thams cad dgar gyur te// e ma ho bcom ldan bde gshegs ngo mtshar lags// byang chub sems la phyag byas te// e ma ho rmad byung tshogs kyis mchod byas te// 'di ltar rmad byung ngo mtshar rgyal ba'i sras// zhing 'dir rgyal sras khyod spyod pas// bka' yi 'khor lo lam mchog dag/ e ma'o tshig gis mtshon de gsal bar mdzod// a la la ho// zhes byang chub kyi sems rdo rje la gsol to/ tshig chad song 'dra// tshig gis mtshon de smras pa// A+oM AHhUM swA hrIHa la la ho// ston pa rgyal ba cang mi gsung// mi gsung bas ni rgya cher bshad// bshad du med pa'i chos rnams ni// sangs rgyas rnams kyis ma bshad do// ston pas brjod par mi bzhed de// skye ba med pa'i chos sku ni// ma skyes pas na chos skur 'dod// snying po don du gyur pa de// tshig tu brjod pa legs ma yin// spros pa nyid ni min no zhes// mkhyen pa rnams kyis nges par bshad// de bas ye shes bdag po nyid// bka' ma stsal par dgongs pa'o// dgongs pa'i don rnams 'byin 'dod pa// gzugs brnyan me long blta 'dod ltar// dgongs pa'i don ni rig la snang// ma skyes don gyi snying po 'di// tshig tu smra ba ma yin kyang// tshig min don rnams mi rtogs pas// ci phyir mi dmigs tshig gis mtshon// rgyal ba'i snying po mnyam nyid de// gsal brjod 'dus pa'i tshogs rnams nyon// nga ni dus gsum rgyal ba'i thugs// ston pa'i don nyid lhun gyis grub// ces gsungs so// rgyud kyi rgyal po chen po byang chub kyi sems lung chen po'i mdo las gleng gzhi le'u ste dang po'o//// de nas bcom ldan 'das ye shes thams cad kyi bdag po dpal kun tu bzang po la byang chub sems rdo rje la sogs pa/'khor tshogs rnams kyis gsol pa/ bcom ldan 'das ma skyes pa'i don ji lta bu lags/ chos nyid kyi don ni gang/ chos kyi dbyings ji ltar lags// bcom ldan 'das kyis bka' stsal pa// stong pa'i don ni dmigs su med// mtshan ma'i dngos po spros dang bral// nam mkha'i rang bzhin dmigs dang bral// chos nyid rang bzhin spros dang bral// rdo rje sems dpa' nam mkha'i ngang// che ba'i bdag nyid sangs rgyas dang// kun bzang yangs pa chos dbyings yin// bya bral mi dmigs dbyings la gnas// rnam rtog mi mnga' chos kyi dbyings// rnam dag lam chen kun sgrol phyir// btsal sems med de rnam grol lo// zhi ba chen po'i ngang nyid do// mi skye mi 'gag cir mi dgongs// gzung 'dzin yul yang ngang gis stong// mi skye mi 'gag mtha' las grol// byams pas don gnyer rnam sbyang phyir// bdag dang sems can gnyis ma mthong// rang bzhin gcig ste gnyis med do// sems kyi rang bzhin skye med de// thugs rjes bzung ba'i mtshan ma med// snying rje chen po cir mi mdzad// yang dag zab mo chen po yin// che ba'i che ba zab mo yin// che ba'i don nyid mnyam pa yin// byang chub med de ngan song med// de bas gnyis med chos kyi dbyings// chos dbyings gnyis med yon tan gter// yon tan cir yang bsngags pa med// yon tan rgya mtshor sgros mi 'dogs// don rnams ji bzhin mi bskyod de// chos nyid nam mkha' lta bu'i dngos// skyon rnams ma lus dag pa'o// bya ba'i yul rnams ngang gis stong// bya ba med pas rang bzhin grol// 'gro ba zhi ba chen po'i ngang// de phyir rang bzhin grol ba ste// gzhan nas 'byung bar 'gyur ma yin// rang byung ye shes btsal med pas// btsal med dam pa zhi ba yin// grol nas grol ba'i lam yang ston// snang phyir grol ba chen po ste// grol dang ma grol gnyis med do// 'khor ba mya ngan 'das nyid du// gnyis su sgro btags yod ma yin// de lta bur ni sus mthong ba// mtshan ma'i g.yul las rgyal ba yin// de lta bu ni sus 'dzin pa// sangs rgyas yin te rgyal ba'i sras// zhes gsungs so// rgyud kyi rgyal po chen po byang chub kyi sems lung chen po'i mdo las/ chos nyid kyi le'u ste gnyis pa'o//// de nas 'dus pa rnams kyis gsol pa/sems dpa' chen po/ 'di ltar snang ba'i chos thams cad rang bzhin gyis sangs rgyas so zhes bgyi ba'i don ji lta bu lags/ bdag cag thos par 'tshal lags na/bdag cag la rgya cher bshad du gsol// a la la ho// zhes gsol to// de nas byang chub kyi sems rdo rje des 'di skad ces bka' stsal to// nyon cig 'dus pa'i 'khor tshogs rnams// 'khor ba thams cad byang chub ste// 'byung ba chen po bcom ldan 'das// sa chu me rlung nam mkha' che// don nyid ye nas sangs rgyas te// snang ba nyid na dag pa yin// sems can thams cad rang bzhin grol// de phyir chos nyid grol ba yin// 'gro ba kun la rang bzhin gnas// mi shes pas su bslad mi nus// de la 'khrul 'khor 'byung ba min// phyin ci log gi rjes mi 'breng// phyin ci log tu rnam bslad kyang// grol ba rang bzhin gzhan las min// yang dag ye shes dag pa ste// chos rnams thams cad ngang gis stong// de phyir rang bzhin bcom ldan 'das// zhes gsungs so// e ma ho rgyal ba'i sras po yon tan mchog/ rgyal ba kun gyi thugs kyi gter// seng+ge'i sgra sgrogs gsang sngags ston// sangs rgyas kun gyi sku gsung thugs// ngo mtshar che la bdag cag 'dud// ces gsol to// rgyud kyi rgyal po chen po byang chub kyi sems lung chen po'i mdo las/rang bzhin gyi le'u ste gsum pa'o//// de nas 'khor der 'dus pa rnams kyis sems dpa' chen po la gsol pa/ bdag cag gis ye shes kyi don ji ltar rnyed par bgyi lags/ thabs ji ltar lags/don ni gang/ rnyed par bya ba'i rgyu ni ji ltar lags/ de nas byang chub sems rdo rjes 'di skad ces bka' stsal pa/ chos kun mnyam rdzogs lhun gyis grub// yongs su rdzogs pas rin chen gter// rang bzhin mi dmigs stong pa'i ngang// kun gzhi'i rang bzhin stong pa ste// dngos po thams cad zhi ba yin// de ltar ma mthong sdug bsngal te// sdug bsngal rang bzhin 'khor bar 'khor// de ltar mi shes byis pa dag/ji ltar sgribs nas grang ba la// nyi ma'i 'od mchog sprin gyis bsgribs// grang bas de nyid bsam 'dod pa// rang gi rtsal gyis sprin la bud byas kyang// sprin rnams bsal bar ga la 'gyur// dngos po brtags pa'i mtshan ma yis// stong pa'i don ni mi ster ro// de phyir che ba'i yon tan mchog/ che ba'i ye shes rnyed dka' ba// zab cing phra la rtogs par dka'// chos nyid mi rnyed sgyu mar bstan// ji ltar sgyu ma snang gyur yang// de la dngos po ga la yod// ye shes bstan las sgyu ma snang// ji ltar sgyu ma byed pa'i skyes bu yis// 'gro ba'i rgyud rnams sna tshogs byas// sgyu ma de la 'gro ba med// 'gro ba'i don du ye shes bstan// ye shes de la chos nyid ga la yod// shes rab thabs la brten pas 'grub// longs spyod chos nyid mi dmigs mnyam pa yin// dus gsum mi dmigs don gyi mchog/ ming tsam gnas pas bstan nas mthong// rang rig ye shes bde ba che// nyid la nyid mthong bde ba yin// ming tsam gzhan la bstan 'dra yang// gzhan nas ma byung de nyid yin// mngon sum bde ba rang las byung// bde ba gang yin stong pa yin// de ltar mthong ba dag pa yin// dag pa de nyid grol ba yin// zhes gsungs so// e ma ho chos kun rgya mtsho dag pa'i gsung// gnyis med don dam bkod pa'i rgyan// rnam rtog mi mnga' ye shes thugs// ngo mtshar dam pa seng+ge'i sgra// kun la snyoms mdzad ye shes ngang// dmigs pa med pas nam mkha' 'dra// kun la snyoms pas nyi zla 'dra// nam mkha' lta bur dmigs pa med// gter gyi bcud 'dzin seng+ge'i sgra// sbas pa'i don ston gsung gi mchog/ smra ba'i dam pa de la bdag cag 'dud// ces gsol to// rgyud kyi rgyal po chen po byang chub kyi sems lungachen po'i mdo las/ gzhan pas che ba'i rang bzhin gyis che ba'i le'u ste bzhi pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po don 'di dag btsal lam mi btsal/ ma btsal na don gyi ngo bo ji lta bu// don gang la sgrib/ chos nyid la thog ma dang tha mar mi 'gyur ram/ sems dpa' chen po don 'di dag bshad du gsol/ de nas smra ba'i dam pas 'di skad ces bka' stsal to// chos nyid ngang gi cho 'phrul 'byung// nam mkha'i ngang gis gzugs rnams mthong// chos dbyings nam mkha' bzhin du gnas// nam mkha'i khams la btsal du med// de bzhin chos dbyings btsal du med// cho 'phrul chen po dka' ba min// ji bzhin cho 'phrul chen po zhi// chos dbyings de bzhin nyid mi 'gyur// de ni cho 'phrul dam pa'o// thob par bya ba'i rgyu med de// thob pa'i yon tan bstan pa yang// theg dman rnams la bstan par zad// dper na byis pa'i rang bzhin la// sgyu ma bslu bas brid pa ltar// theg pa dman la bde gshegs yon tan bstan// yon tan kun gyi stobs kyi rnams// thob par bya ba yod ma yin// mi dmigs pa yi chos nyid la// dmigs par bya ba yod ma yin// yang dag ma mthong theg dman dang// 'jig rten pa dang log lta dang// mi shes blun rmongs rmongs rnams kyis// 'jig rten sgyu mar sbyor ba la// bde sdug 'khor ba mya ngan 'das// de ltar gnyis yod ma yin te// lta dman rnams kyis gnyis su mthong// zab mo'i rang bzhin rtogs par dka'// zab mo'i rang bzhin dmigs pa med// chos nyid rang bzhin nam mkha'i tshul// rtog pa kun dang yang dag bral// ji bzhin rtog pa phra ba yis// rtog pa de yi mtshan ma zhi// rtog pa phra rags nyid las 'byung// de bzhin rtog pa'i mtshan ma des// de ma thag tu rang las byung// bya ba med pa'i chos nyid ni// chos rnams nam mkha' lta bu'i chos nyid ni// de la btsal bar bya ba min// rtsol bar byed na sdug bsngal yin/ 'khor ba'i rgya mtsho brgal bar dka'// btsal du med pa'i chos nyid ni// ma btsal bzhag pas bsgom pa yin// chos nyid ji bzhin mnyam pa'i tshul// dmigs pa med pas kun tu bzang// ma nyams ngang bzhag bsgoms pa yin// de dang der ni rnam btsal na// de yang skyes bu rtsal can gyis// nyid la nyid kyis ga la dgongs// ji ltar mig gi dbang pos kyang// dbang po rang thad ga la mthong// de bzhin yang dag zab mo yang// de las de bzhin de mi 'byung// mtshan ma'i rtog pa thams cad bral// mtshan ma'i yul rnams brjod du med// gzhan gyis rtogs dka' zab mo'i don// mchog tu gsang ba'i chos nyid ni// mi dmigs rang bzhin stong pa'i ngang// de phyir gsang ba dam pa yin// mi dmigs chos dbyings zab mo 'di// rna dbang gzhan las thos mi 'gyur// de phyir chos nyid thos rgyu med// de bzhin lce yi dbang pos kyang// de la brjod du rdul tsam med// chos nyid dam pa brjod med la// brjod par 'dod pa gang yin pa// byis pa blun rmongs mi shes pas// nam mkha' dag la gnas 'dod 'dra// de phyir rtsol med bsgom pa yin// zhes gsungs so// de nas 'khor rnams dam par gyur te// e ma ho sems dpa' chen po dam pa'i mchog/ thugs rje chen po skyabs mdzad pa// ji ltar nad pa gdungs pa la// ji bzhin sman pa don ldan gyis// nad kyi rnam pa gang yin par// sman dpyad gnyen po btang ba bzhin// ji ltar 'khor ba'i sdug bsngal la// 'khor ba dag phyir rnam grol bshad// dag pa chen po a a la la// zhes gsol to// rgyud kyi rgyal po chen po byang chub kyi sems lung chen po'i mdo las/btsal ba med pa'i le'u ste lnga pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po byang chub kyi sems kyi don ji lta bu lags// 'gro ba'i sdug bsngal ni gang lags/ de nas sems dpa' chen pos bka' stsal pa// sems kyi chos nyid stong pa la// dngos por brjod pa lta ba dman// dper na dmus long 'thibs pa yis// blta bar bya ba'i yul mi mthong// ji ltar gzung 'dzin rtog pa yis// don nyid mthong bar ga la 'gyur// 'gro ba gang yin byang chub ste// 'gro ba'i sdug bsngal byang chub sems// byang chub rang bzhin ma rtogs pas// rtog pa phra rags rnam par 'gyus// rtog pa'i rnam pas byang chub bsgribs// bsgribs pas sdug bsngal sna tshogs yin// dper na 'jig rten grib ma yis// snang ba gsal ba bsgribs pa ltar// de ltar dam pa zhi ba yang// gzung 'dzin dbang gis bsgribs pa yin// bde sdug 'khor ba rtsed mo 'dra// bde sdug 'khor bar byis pas mthong// 'khor ba rtogs pa byang chub ste// kun tu chub pas rnam par rol// bdag med bdag nyid lhun gyis rdzogs// gnyis med dag pas bde gnas pas// de la bskyod pa med bzhin du// nam mkha'i mtha' ltar mnyam par gnas// zhi ba chen po'i rang bzhin no// zhes gsungs so// e ma ho nam mkha'i dkyil na zla mdzes ltar// nyi ma'i zer ltar kun la khyab// thugs rje chen po 'gro ba'i mgon// thugs rje'i ngang la skyabs su mchi// gsol to// rgyud kyi rgyal po chen po byang chub kyi sems lung chen po'i mdo las/ brjod pa dang bral ba'i le'u ste drug pa'o//// de nas byang chub kyi sems rdo rje la sogs pa/ 'khor tshogs mi pham pa la sogs pas/bcom ldan 'das ye shes thams cad kyi bdag po'i zhal du/ seng+ge'i lta stangs kyis bltas te/ 'di skad ces gsol to// 'khor ba'i las rnams ji lta bu// 'khor ba mya ngan 'das pa'i don// rgyal ba dpa' bos bshad du gsol// de nas bcom ldan 'das ye shes thams cad kyi bdag po cang mi gsung bar mnyam pa'i ngang la bzhugs so// de nas 'dus pa'i 'khor tshogs rnams kyis byang chub kyi sems rdo rje la btud de// de nas sems dpas bka' stsal pa// las kyi khyad par stong pa ste// phyin ci log gis las su brtags// de yang yod pa ma yin te// khyad par ci yang mtshungs pa la// las so zhes ni rnam par brtags// kun bzang byang chub mtshungs par gnas// las des ci phyir 'gro mi 'khol// gal te las kyis 'khol 'gyur na// dag pa'i rang bzhin ga la yod// nyon mongs byang chub rang bzhin te// las nyid bstan pa ga la yin// ci ste las kyi dbang 'gyur na// rtog pa dang bral zhi ba'i ngang// rang byung ye shes yod ma yin// rgyu nyid skye med rdo rje'i don// mi gnas skye med rang bzhin ni// rgyu nyid rdo rje rkyen dang 'dra// ye grub ma yin snying po'i don// ma skyes pas na 'jig pa med// mi skye mi 'gag don gyi ngang// gdod nas snying po byang chub la// 'dus byas rtsol ba bral ba'i phyir// mnyam pa'i chos nyid dam pa de// btsal ba'i bsam pas dbyings mi bskyod// ces gsungs so// rgyud kyi rgyal po chen po byang chub kyi sems lung chen po'i mdo las/ sems kyi rang bzhin las kyis mi 'khol ba'i le'u ste bdun pa'o//// de nas 'khor der 'dus pa rnams kyis/ smra ba'i dam pa la 'di skad ces gsol to// sems dpa' chen po/ bsam pa'i don dang bsam pa'i khyad par gang lags/ smra ba'i dam pas bka' stsal pa// 'dam du bying bas 'gro ba kun// ye shes bsam gtan spyod pa rnams// yon tan che ba'i bsam gtan ni// bsam gtan nyid pas bsam du med// bsams pa'i bsam gtan bgrod pa min// ma bsams ma sbyangs chos bzhin du// gnyis su snang bas skyon yin phyir// rnam rtog nyid las ye shes skye// rtog nyid rang byung ye shes yin// phra ba'i sgo mor ming btags nas// phra mo yang dag sgo mo 'di// sems kyi dben pas lam tshol zhing// 'khrul pa phra mos bden bslad de// dgon pa'i rgyud du dben 'dzin pa// brtags na rnam par rtog 'gyur sgom// rgyu 'bras don nyid dbyer med la// rgyu dang 'bras bur ming 'dogs shing// dge sdig gnyis ka rnam par sel// ji ltar byis pa mi shes pas// nam mkha' dag la mdud pa 'dor// de la mdud pa 'ong mi 'gyur// ji ltar chos nyid dag pa la// 'jig rten 'di las 'byung ngo zhes// blang dor brod pa mchog tu bskyed// yang dag de la blang dor med// chags dang ma chags tshig gi lam// dbu ma bzhin te brag cha 'dra// gang du'ang ma gyur dag pa'i lam// bde dang sdug bsngal rgyu mthun zhing// bde dang sdug bsngal don gyi dbyings// 'gro ba'i mgon po sems dpas gsungs// rgyud kyi rgyal po chen po byang chub kyi sems lung chen po'i mdo las/ rtsol ba dang bral ba'i le'u ste brgyad pa'o//// de nas byang chub sems dpa' rdo rje des/ 'khor rnams la 'di skad ces bsgrags so// nyon mongs dug gsum 'khor ba'i rgyud// 'khor ba rnams kyis ji ltar mthong// 'dod chags zhe sdang gti mug rnams// byis pa rnams kyis 'khor bar mthong// byang chub chen por lam la byung// dug gsum byang chub lam yin te// kun spyod yon tan rnam lnga yang// 'dod yon lnga nyid dag pa ste// chos nyid dbyings kyi rgyun zhes gsungs// kun bzang bdud rtsi chos kyi sku// nam mkha' rtog pa skye med cing// rnam rtog med de zhi ba'i sku// rtog pa de nyid nam mkha' 'dra// 'das dang ma 'ongs da ltar rtog/ dug gsum rtog pa nam mkha' 'dra// mi chags nam mkha'i sngo ba la// rgyu gcig sems rig don can yin// rang don chen po nam mkha' 'byung// 'byung tshor rtog pa yod ma yin// zhes 'byung ngo// rgyud kyi rgyal po chen po byang chub kyi sems lung chen po'i mdo las/rang gsal ye shes 'byung ba'i le'u ste dgu pa'o//// de nas bcom ldan 'das thams cad gyi bdag po chos nyid gsang ba'i sku las ma g.yos par bzhugs so// de nas 'gro ba'i don du chos nyid mngon par byang chub pa las bzhengs te/rdo rje dbyings kyi snying po na sems can rnams la 'dul bar dgongs nas/ shin tu bde ba chen po mnyam pa nyid du spyod pa'i chos nyid rang gi sku las 'dus ma byas pa'i rang bzhin/zla gsang thig le'i dkyil nas/ gzungs kyi rang bzhin gyi don mi gtong ba dang/ don du mdzad pa dang/ don ltar ston pa dang/ don gyi rjes 'jug pa'i thabs kyi rang bzhin/yi ge A li kA li zhes bstan te/ gzungs kyi rol pa 'di gsungs so// rtog med mnyam pa zhi ba ste// rtog med mnyam nyid chos kyi sku// bzung bas mi zin chu zla 'dra// rtog pa ming dmigs mtshan ma zhi// A li kA li mnyam sbyar nas// a nyid chos sku stong pa'i ngang// kun tu bzang po rol pa'i gzungs// A li kA li zab tu bstan// byang chub nam mkha'i mtshan nyid de// nam mkha' la yang mtshan nyid med// a ni stong dang mi stong gis// dbu ma yang ni yod ma yin// zhes gsungs so// rgyud kyi rgyal po chen po byang chub kyi sems lung chen po'i mdo las/ 'gro ba'i don du chos kyi dbyings nas bzhengs pa'i le'u ste bcu pa'o//// de nas 'dus pa'i 'khor rnams kyis/ smra ba'i dam pa la 'di skad ces gsol to// sems dpa' chen po/ yi ge'i don ma skyes par 'tshal na/ yi ge gzungs kyi rang bzhin bstan du gsol// de nas byang chub kyi sems rdo rjes 'di skad bka' stsal to// a ni chos sku dag pa ste// zhi ba yul med dag pa'i ngang// de la a ni nut+pan+na swa b+hA wa ste// chos kun rang bzhin skye med dag pa'i klong// zab mo thabs kyi thun mong ste// gsang ba gnas su bzung ba yin// thams cad byed pa shes rab ste// da ni a dang mdzes pa'i ta// sa dang yan lag spros pa bzhin// bdag gis shes rab gnas pa ste// thabs kyi shes rab dam pa ste// 'gro ba'i bde sdug spros gnas te// bdag dang gzhan gnyis kun tu bzang// ma bslad zab mo thun mong ste// 'jig rten yongs kyi spyod yul las// sangs rgyas gsung ni zab mo 'byung// phra zhing zab mo rnyed dka'i phyir// e ma ho sangs rgyas spyod yul 'di// gzhan nas rnyed par ga la 'gyur// btsal bas rnyed pa'i glags med do// dam pa'i don la rgya cher dmigs med pas// spyod yul rang bzhin rnyed par dka'// yul drug rang bzhin stong pa ste// drug gi chos bzhin yul med pas// dmigs pa'i yul rnams stong pa'i phyir// ldongs pas nam mkhar bsnyegs pa bzhin// gong nas gong du tshangs pa'i lam// thob par 'dod pa rmongs pa'i phyir// bya bral chos dang mthun pa med// brgya byin tshangs pa 'khor los sgyur ba'i lam// lam de thob 'dod bcing ba chen po'i phyir// ji ltar 'gro ba dmus long gis// lta ba'i yul rnams blta 'dod kyang// dbang po nyams pas mthong mi 'gyur// de bzhin chos dbyings zab mo yang// lta dman rnams kyis ga la mthong// lam la bgrod par bya min phyir// thob par bya ba'i gnas med pas// ci ste lam la bgrod gyur na// ji ltar byis pa'i rang bzhin gyis// nam mkha'i mtha' dag blta 'dod na// nam mkha' mi mthong byis pa ngal// de bzhin chos nyid zab mo yang// nam mkha'i mtha' bzhin thob pa med// ces gsungs so// rgyud kyi rgyal po chen po byang chub kyi sems lung chen po'i mdo las/ sems dpa' chen po gzungs kyi rol pa'i le'u ste bcu gcig pa'o//// de nas 'khor tshogs rnams kyis smra ba'i dam pa de la 'di skad ces gsol to// sems dpa' chen po zab mo ni gang/ chos rnams thams cad yongs su rdzogs pa'i don gang lags// zhes gsol to// de nas byang chub kyi sems rdo rje des bka' stsal pa// chos kun rang bzhin spros bral te// brjod bral stong nyid lhun gyis grub/ de yang ci yi phyir zhe na// chos nyid dmigs pa kun dang bral// de ltar de bzhin de phyir ston// de la der ston de yang thob// de bzhin 'gro kun dbyings su mnyam// ci phyir don nyid mngon sum ma gyur pa// rang bzhin chos nyid ston brjod bral// de ni snying po de bas na// sems ni snying po mngon sum du// de las de byung ngo mtshar che// dus rnams rtag tu bde ba'i 'bras// sngon gyi bde dang da ltar bde// 'das dang ma 'ongs da ltar gyi// dus gsum rtag tu zhi ba bde// de yang chos nyid zhi ba'i gnas// zhi ba mthong ba gang yin pa// de bzhin de yi gnas su che// sems can rgyal ba'i zhing 'gyur yin// thams cad rgyal ba'i ngang gyur pas// de ltar de yi lam 'dra bas// rgyal ba 'gro dang mnyam nyid pas// de ni lam mchog rang bzhin te// de ltar snang ba gang yin pa// de dang 'dra ba yongs kyi lam// zla ba las byung rten dang bcas// klung la zhi ba'i rang bzhin gnas// skye med zhi ba ro gcig phyir// mnyam nyid dag pa gang yin pa// thams cad mnyam nyid zhi ba la// kun gyi mnyam nyid yin pa'i phyir// phyogs su bltas pas grub pa med// de phyir mnyam nyid dam pa la// blta bar 'dod pa gang yin pa// dper na mun nag rdzas 'tshol 'dra// de phyir mnyam nyid ga la rnyed// ces gsungs so// rgyud kyi rgyal po chen po byang chub kyi sems lung chen po'i mdo las/ yongs su rdzogs pa'i le'u ste bcu gnyis pa'o//// de nas 'khor der 'dus pa rnams kyis byang chub kyi sems rdo rje la gsol pa/ sems dpa' chen po chags pa thams cad dang bral ba ji lta bu lags/ chags na skyon du ji lta bur 'gyur/ byang chub kyi sems rdo rje des bka' stsal pa// chos nyid bde sdug nam mkha'i tshul// de bas bde sdug ga la yod// chags dang ma chags ngang gis stong// 'das dang ma 'ongs da ltar gyi// bde sdug rnam par bsal ba'i phyir// da lta'i bde dang phyi ma yi// mngon sum pa dang rgyab nas 'byung// che ba'i yon tan thob zin pas// ye shes dbang gis yon tan rnyed// rnyed par bya ba med bzhin du// shes pas rnyed par bya 'dod pa// de yang rnam pa'i skyon yin pas// de la brten par mi bya'o// zhes gsungs so// rgyud kyi rgyal po chen po byang chub kyi sems lung chen po'i mdo las/ chags pa thams cad dang bral ba'i le'u ste bcu gsum pa'o//// de nas 'khor 'dus pa rnams kyis gsol pa/ sems dpa' chen po/ chos thams cad bya ba med pa'i don ji lta bu lags/ ye nas chos nyid che ba'i rang bzhin ni gang/ don nyid ni ji ltar rtogs par bgyi/zhes gsol to// de nas byang chub kyi sems rdo rje des bka' stsal pa// gnyis med rnam pa zhi ba'i ngang// 'gyur med dag pa zhi ba'i phyir// dus gsum gcig ste khyad par med// dus rnams rtag tu stong pa'i phyir// sngon med phyis med gdod nas med// chos kyi dbyings ni cig char gnas// chos skus khyab pas gcig pa'i phyir// chos kyi sku ni nam mkha' 'dra// gnyis med chos sku'i rgyan yin te// che ba'i rgyan gyis kun khyab phyir// che ba'i chen por rang bzhin gnas// de ltar chen po'i rang bzhin yang// thams cad kun la khyad par gnas// zhes gsungs so// rgyud kyi rgyal po chen po byang chub kyi sems lung chen po'i mdo las/che ba nyid kyi snying po'i le'u ste bcu bzhi pa'o//// de nas 'khor rnams kyis gsol pa/ sems dpa' chen po chos nyid ni smon pa thams cad dang bral ba lags na/ ci phyir btsal bar bgyi zhes gsol to// smra ba'i dam pas bka' stsal pa// nyon cig 'dus pa'i 'khor tshogs rnams// rang bzhin che ba'i chen po la// btsal dang bsgrub par gang 'dod pa// ji ltar byis pa khu ra 'joms// 'du shes chung ba'i rang bzhin gyis// nye ring rnam pa mi shes ltar// de ltar lta ba dman gyur pas// yang dag blta ba mthong mi 'gyur// yang dag don ldan mkhas pa yis// srid pa gsum na sbyor ba yang// ming tsam sgyu mar snang ba ste// srid pa sgyu ma ming tsam grags// de yang ci lta bu zhe na// ji ltar sgyu ma'i mkhan po yis// rdzas kyi rnam pa gyi na la// srid pa gsum du snang 'gyur yang// srid pa'i dngos po yod ma yin// srid gsum ma lus dag pa'i zhing// 'khor los sgyur ba'i gnas chen yang// mtshan ma byang chub zhi bas 'dul ba'i gnas yin te// 'khor los sgyur ba sgyu ma'i tshul// sgyu mas sbyor ba'i gnas chen yin// dbyings nyid ye nas rdzogs pa la// dag pa'i dus 'dod 'khrul pa ste// sngon du ma he ma mthong bas// 'o ma'i mngar ba 'dod gyur na// nu ma bzhag nas rwa la 'jo// chos nyid theg pa ma mthong bas// dus de 'khrul pa yin pa'i phyir// rnam smin dus la bltas pa na// dus der 'byung bar mi 'gyur te// de phyir chos nyid stong pa 'di// ma bral smon pa spyod pas na// stong nyid rang bzhin lhun gyis grub// ji ltar ston pa rgyal bas kyang// stong pa'i rang bzhin gsungs pa bzhin// ji ltar stong pa mtshan med 'di// theg dman rnams kyis mi rtogs pas// rmi lam dag na nor rnyed kyang// de la dbang ba'i dngos po med// ces gsungs so// rgyud kyi rgyal po chen po byang chub kyi sems lung chen po'i mdo las/ smon lam dang bral ba'i le'u ste bco lnga pa'o//// de nas 'khor tshogs rnams kyis smra ba'i dam pa la btud de/ 'di skad ces gsol to// zab mo'i chos nyid gang// tha tshig ji ltar lags/ de nas sems dpa' chen pos bka' stsal pa// nyon cig 'dus pa chen po'i tshogs// de bzhin nyid la khyad med phyir// gcig ste rnam pa yongs kyi med// zab mo mi gnas kun tu bzang// rnal 'byor nam mkha'i bya lam gnas// nam mkha' dag la song gyur kyang// de la rjes ni mthong mi 'gyur// ma byung ma skyes snying po la// brjod dang mi brjod mtha' dbus med// gnyis med don dam spros bral yin// ma byung ma skyes snying po la// smra bsam yul med dag pa'i phyir// sgro btags chos kun ga la yod// phyi nang rtsol ba bdag med zhi ba ste// dbyings la thob pa'i bsam pa ngang gis zhi// phyi nang gnyis ka phyi nyid nang// zab mo byang chub phra mo rtog yul med// 'di dag mnyam zhing srid pa ming tsam ste// zab mo'i cha shas rtog yul med// khams gsum dag tu grags pa yang// srid pa ming tsam log pa'i stobs// zin pa'i dgongs pa bkod pa ste// sgyu ma'i ting 'dzin bcings pa ste// de bas ting 'dzin mnyam dang bral// tha tshig rnam pa 'byung ba yang// 'byung chen lnga la tha tshig phyi dang nang// rang bzhin phung po khams bzhin gnas// zab mo khyad par tha tshig stong// bder gshegs sems can ngang gcig phyir// phung po khams dang skye mched dag/ chos kyi rgyal po lta bur zhi// dus gsum de dang mi bral bas// blang dang dor ba bya med phyir// tha tshig ming du btags pa med// de bzhin chos nyid dag pa la// tha tshig 'dogs pa lta ba dman// nam mkha' dag la rdzas bzhag kyang// de la chags pa'i gnas med ltar// yang dag dam pa zhi ba la// tha tshig ming du btags pa yang// de la tha tshig thogs med 'gyur// zhes gsungs so// rgyud kyi rgyal po chen po byang chub kyi sems lung chen po'i mdo las/lung ston pa'i le'u ste bcu drug pa'o//// de nas 'khor der 'dus pa rnams kyis/ sems dpa' dam pa la 'di skad ces gsol to// dbyings la dbang ba'i don ni gang/ ma btsal bar lhun gyis rdzogs pa'i don ni ji lta bu lags// de nas sems dpa' dam pas bka' stsal pa// nyon cig 'dus pa'i 'khor tshogs rnams// chos kun mnyam nyid lhun gyis rdzogs// mi rtsol dbang sgyur rtogs pa'i phyir// mi bskyod dag pa'i phyir// mi g.yo ba ni sku yi rgya// mi bskyod de nyid ye shes te// chos nyid skye 'gag mnyam nyid ngang// chos nyid phyag rgya nam mkha' 'dra// mi len ye shes dag pa ste// bsam pa'i mngon shes mi len phyir// mi len mi 'dor mnyam nyid do/ mi lan pas na bdag med cing// mi dor tshig bral mnyam nyid do// smra ba'i seng+ge yul med pas// bsam pa mi 'dor mnyam nyid do// 'das dang ma 'ongs dus nyid zhi// gang dang gang gi gang du yang// ji ltar yid bzhin rin chen ltar// bdag gzhan gnyis ka'i don byed ltar// rang las dag pa mi zad 'byung ba'i phyir// kun 'khor kun spyod dag las 'byung// chos dbyings kun tu bzang mo'i ngang// rgyal ba 'jig rten mnyam pa yis// 'di la skyes pa bud med ces// mnyam pa'i rgyal pos yongs ma gsungs// de bzhin ston pa rgyal ba yang// mnyam pa'i don la mnyam gzhag ste// nam mkha' bzhin du zhi bar gnas// zhes gsungs so// rgyud kyi rgyal po chen po byang chub kyi sems lung chen po'i mdo las/ mnyam pa nyid la dbang bsgyur ba'i le'u ste bcu bdun pa'o//// de nas 'khor 'dus pa rnams kyis/ sems dpa' dam pa la logs su btud de// 'di skad ces gsol to// sems dpa' chen po bde ba dang/ chos thams cad dbyer med pa'i don ji lta bu lags/zhes gsol pa dang/ sems dpa' dam pas bka' stsal pa// nyon cig 'dus pa'i 'khor tshogs rnams// 'gro ba 'khrul pas mi shes pas// bde dang sdug bsngal gnyis bltas phyir// de phyir bde dang sdug bsngal myang// 'khrul pa'i dbang gis myang bar zad// chos nyid rang bzhin dag pa la// bde dang sdug bsngal med pa'i phyir// 'di la brtul zhugs drag po yis// spyod par byed pa gang yin pa// ji ltar dran pa chung ba'i mis// sdang dang brtse ba mi shes phyir// thams cad brtse ba med par mthong// gnas su bya ba ming yang med// de bzhin chos dbyings dam pa 'di// brjod pa thams cad bral ba'i phyir// thams ad stong nyid rang bzhin ni// kun bzang chos dbyings dag pa la// bsgrub dang dka' thub bsrung ba yis// yang dag don de mi mthong gis// sdug bsngal rnam pa sna tshogs bskyed// de ltar spyad na 'ching ba chen po yin// thams cad skye med bdag nyid zhi ba ste// a dang par ni rnam ldan pas// shes rab skye med zhi ba ste// de ltar bltas pa der snang ste// de yang ci yi phyir zhe na// rang bzhin gcig tu ma nges pas// 'dzin pa ma spangs skyon snang phyir// 'khrul pa kun tu btsal na skyon// snang 'dod rtsol sems bde ba yang// de ni de sgrib skyon can yin// lam bgrod thabs kyi yig 'bru dang// gzugs brnyan 'dzin dang cha lugs bsgom// mtshan dang dpe byad 'khor tshogs 'dzin// chos nyid rang bzhin dngos bral bas// de ltar bsgom pa byis pa yin// byang chub yan lag kun gyi sgo// cha lugs bsgom pa chu zla bzhin// de ltar bsgoms kyang skyon can yin// ma gos ma chags 'byung gyur kyang// bsgoms pas byis pa'i spyod yul yin// dkyil 'khor cha lugs khro gnyer gyis// khro bdag chen po'i lus gzung nas// yi ge mngon du byung na yang// zhi ba'i rang bzhin dam pa ste// ngang nyid rang bzhin dag pa'i dngos// zhi ba de nyid mthong ba min// mnyam pa'i rgyal pos de skad gsungs// rgyud kyi rgyal po chen po byang chub kyi sems lung chen po'i mdo las/bde ba dang chags pa spangs pa'i le'u ste bco brgyad pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po/ rnam grangs kyi chos thams cad sangs rgyas pa ji lta bu/ sems dpa' chen pos bka' stsal pa// rnyed dka'i chos nyid zab mo 'di// thams cad mngon rdzogs byang chub ni// rnam dag lhun grub chos kyi sku// tA la'i mgo bo bcad pa dang// sa bon me yis bsregs pa bzhin// chos nyid zhi ba'i ngang las dben// thar pa sdug bsngal rang bzhin zhi// rnam grangs brgya stong phrag yas pa// gang ltar bskyed kyang mi rtog skye// mngon sum chos nyid rang bzhin la// de la dmigs par bya min phyir// mnyam nyid gang nas bsgrub tu med// chos nyid bcings grol kun tu bzang// mtshan ma med pa'i dbang gis na// dper na yid bzhin rin chen dag/bsod nams ldan la yod gyur pas// dgos pa gang 'dod 'grub pa ltar// tshad med chos nyid dag pa las// mtshan ma 'byung bar mi 'gyur phyir// bsti gnas 'di la 'byung mi 'gyur// chos nyid mtshan mar mi 'gyur bas// gzhan las chos nyid mi 'byung ste// dag pa'i rang bzhin rgyu med yin// zhes gsungs so// rgyud kyi rgyal po chen po chen po byang chub kyi sems lung chen po'i mdo las/ rnam grangs kyi chos thams cad lhun gyis grub pa'i le'u ste bcu dgu pa'o//// de nas 'khor der 'dus pa rnams kyis/ byang chub sems rdo rje la 'di skad ces gsol to// sems dpa' chen po de bzhin nyid kyi ngang brjod pa dang bral ba'i don ji lta bu lags/sems dpa' chen pos bka' stsal pa// skye med chos dbyings gleng gzhi bral ba la// ma skyes bder gnas lhun gyis grub pa'i phyir// gleng bral 'di la gnas pa yis// rnal 'byor 'di ni skal ba bzang// chos nyid gter ldan nam mkha'i tshul// rnal 'byor chos nyid yin pa'i phyir// bdag dang gzhan dag med pa'i phyir// bdag dang gzhan don mi byed pas// sgyu ma lhun grub yul la rol// mi gnas dbyings las cir snang yang// snang ba sgyu ma chen po ste// yul la rol pas lhun gyis grub// phyi rol bzung ba'i yul rnams kyang// de phyir bzung ba'i yul rnams kyang// ngang gis grub pa ma yin pas// de phyir shes pa yang grub min// zhes gsungs so// rgyud kyi rgyal po chen po byang chub kyi sems lung chen po'i mdo las/ brjod pa thams cad dang bral ba'i le'u ste nyi shu pa'o//// de nas 'khor der 'dus pa rnams kyis sems dpa' dam pa la 'di skad ces gsol to// sems dpa' chen po de bzhin nyid mi 'gyur ba'i don ji lta bu lags/ sems dpa' dam pas bka' stsal pa// yang dag med 'gyur nam mkha'i tshul// nam mkha' mtha' dbus med par ltar// dbus mtha' med pa'i nam mkha'i tshul// gzugs med chos nyid nam mkha'i ngang// ye nas mtha' bral dag pa'i phyir// gang nas mi 'byung chos nyid yin pa'i phyir// lhag ma med pas yongs su rdzogs// 'gyur ba med pas drang por gnas// ye shes dmigs med nam mkha' 'dra// rang bzhin mtha' med mnyam pa che// yul bsam smra ba 'byung mi 'gyur// mtshungs pa med pa'i chos nyid ni// rang gi mthu yis rig pa las// mnyam nyid bsgoms pa gzhan las min// de phyir bsgrub pa don med phyir// chos ni 'byung bar mi 'gyur ro// ye nas rdul tsam mi dmigs phyir// spyod yul bgrod pa shin tu dka'// yang dag chos nyid gcig pa la// bye brag chos su phye bar dka'// sla zhing dka' la sla phyir dka'// zhi ba'i chos nyid dngos bral bas// mngon sum gnas pa kun la khyab// chos nyid mtshan ma med pa ste// chos nyid dmigs pa'i yul med pas// dbang pos mthong bar bya ba min// yul med khyab pas de bzhin nyid// mngon sum snying rjes kun la khyab// rang bzhin chos nyid zab mo la// dmigs pa thams cad yongs bral la// 'jig rten byis pa mi mkhas pas// ri bong rwa dang rus sbal spu// nam mkha'i me tog mo gsham bu// de rnams mthong ba gang 'dod pa// de dag byis pa'i spyod yul yin// thob med ye nas gnas pa'i phyir// mngon par 'char ba gcig pa'i phyir// ming tsam 'di zhes bstan pa ni// rdo rje sems dpas mtshon du med// ces gsungs so// rgyud kyi rgyal po chen po byang chub kyi sems lung chen po'i mdo las/ chos nyid mi 'gyur ba'i le'u ste nyer gcig pa'o//// de nas yang 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po yang dag ma bsgrubs par 'byung ba'i rgyu gang lags/ sems dpa' dam pas bka' stsal pa// yang dag don nyid dam pa 'di// rgyu rkyen 'bras bu yongs med phyir// mi dmigs zhi ba nam mkha'i tshul// ngo mtshar rmad byung rol pa 'di// bya bral nam mkha' ji bzhin te// sku gsung thugs ldan kun tu bzang// bcom ldan chos nyid mnyam par gnas// bya bral ngo mtshar zhi ba nyid// sprul pa'i rol pa sgyu ma 'di// rmad byung bya ba mi 'gyur dang// mi mdzad chos nyid zhir gnas phyir// ci yang mi dmigs gti mug las// de ma thag tu rang las byung// gti mug rang bzhin yang dag ste// stong nyid zhi ba nam mkha'i tshul// shes rab gti mug chos dbyings dang// de bas cir yang mi dmigs gti mug la// de ma thag tu rang las byung// sems can mtshan nyid stong pa'i phyir// rnam grol dag pa gang yin pa// 'di ni thams cad mtshungs pa'i lam// 'gro kun snying po yin pa'i phyir// 'gro ba kun gyi rang bzhin gnas// mi shes byis pas bslad pa'i phyir// yang dag don nyid gzhan nas tshol// sman nyid sman pa tshol ba bzhin// ji ltar nad pa'i mtshan nyid la// sman dang sman pas zhi ba ltar// zhi bas chos nyid dag pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/chos nyid rgyu rkyen las ma grub pa'i le'u ste nyi shu gnyis pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po/chos thams cad sangs rgyas nas/ sems can dag pa chen por 'gyur ba'i don ji lta bu/ sems dpa' dam pas bka' stsal pa// 'khor ba thams cad sangs rgyas pa'i// byang chub snying po kun yin phyir// bde ba zhi ba byar med pas// gzung dang 'dzin par mi blta bas// 'jig rten rnam dag kun tu bzang// go ba'i yul na bde ba che// de nyid rnam dag 'jig rten yin// phyogs bcu gnas kyi bla 'og kyang// de dag thams cad ming du grags// ming tsam sgyu mar brten nas kyang// chos nyid mi 'gyur rang bzhin la// las ni sgyu mar bstan par zad// de la phyogs kyi 'od 'dus pas// phyogs bzhi mtshams dang bla 'og grub// las kyi rgyud kun bsags pa yis// skye 'gro sems can rnams su snang// ma nges 'ja' tshon kha dog las// rigs kyi khyad par mngon par snang// snod bcud 'jig rten thams cad kun// g.yo dang mi g.yo thams cad kyang// de bzhin nyid kyis zhi ba yin// de bzhin g.yo ba mi g.yo ba// 'gro ba rnams la bstan bya'i phyir// 'byung ba lnga po gtso che na// thams cad mi 'bral yang dag lnga// thams cad de bzhin nyid du gnas// lhag pa'i dbang gis rtog pa zhi// rtog pa zhi ba gang yin pa// de ni chos sku dag pa ste// rgyal ba dpa' bos de skad bshad// ces gsungs so// rgyud kyi rgyal po chen po byang chub kyi sems lung chen po'i mdo las/phyi nang snod bcud dag pa'i le'u ste nyi shu gsum pa'o//// de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po/chos thams cad dag pa chen po yin na rtsol bsgrub kyi don ji lta bu lags// sems dpa' dam pas bka' stsal pa// gal te dmus long mig ldongs pas// bza' ba'i yul cig blta 'dod kyang// yul de mthong ba med pa ltar// chos nyid yang dag zab mo 'di// theg pa dman pas mi rtogs phyir// spyod bsgrub sna tshogs bstan nas kyang// don la yang dag gzung phyir bstan// chos nyid yang dag zab mo la// dus gsum bde gshegs mchod pa dang// ting 'dzin phyag rgya spyan drang sems can don// chos nyid la ni de dag med// de phyir rtsol bsgrub bla med gnas su che// zhes gsungs so// rgyud kyi rgyal po chen po byang chub kyi sems lung chen po'i mdo las/spyod pa thams cad bkag pa'i le'u ste nyi shu bzhi pa'o//// de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' chen po rang bzhin yongs su dag pa'i don ji lta bu lags// sems dpa' dam pas bka' stsal pa// 'das dang ma 'ongs da ltar gyi// dus gsum rtag tu ngo bos stong// rang bzhin skye 'gag med pas zhi// byang chub tha snyad mi 'dzin phyir// blang dor chos nyid rtag gnas phyir// 'das dang ma 'ongs da ltar gyi// tha snyad ming la mi gnas te// skye 'gag med par rtag gnas shing// de nyid dus gsum chen por sbyor// mnyam nyid chos dbyings kun tu bzang// phyogs bral chos nyid yongs rdzogs phyir// dus gsum rnam pa zhi ba'i tshul// mnyam pas rim par bkod pa med// gcig pas phyogs su bsngo dang bral// dri med rang bzhin dag pa'i tshul// tshogs kyi rgyan dang bkram pa yang// rang bzhin gnas pas dri ma med// 'dod yon lnga nyid kun bzang rgyan// ye nas chos kun dag pa'i phyir// bsngo ba khyad par med pa'i phyir// gnyis 'dzin bral ba zhi ba ste// gdod nas rnam dag bdud rtsi'i tshul// kun bzang lhun grub yin pa'i phyir// lhun gyis grub pas mi bsngo zhing// gdod nas dag pa bdud rtsi la// phyi nang 'du byed bdud rtsi'i tshul// mi gnas 'du byed zhi ba'i phyir// 'du byed bcu gnyis khyad par yang// lhag pa'i bsam pas gzung ba med// gzung med 'jig rten zhi ba yin// zhes gsungs so// rgyud kyi rgyal po chen po byang chub kyi sems lung chen po'i mdo las/rang bzhin yongs su dag pa'i le'u ste nyi shu lnga pa'o//// de nas 'khor der 'dus pa rnams kyis/ sems dpa' dam pa la 'di skad ces gsol to// sems dpa' dam pa la 'di skad ces gsol to// sems dpa' chen po chos rnams kyi don ji lta bu lags// sems dpa' dam pas bka' stsal pa// thams cad de bzhin gshegs pa nyid// de bzhin gshegs pa nyid la 'chad// e ma ho chos rnams thabs mkhas ye shes mthong ba dang// rgyu bzhi dmigs dang nges dang dam tshig rnams// thams cad gang yin ji lta bu// chos de ngo bo gang yin zhi ba'i tshul// de phyir chos de yongs su dag pa'i phyir// lha mir bcas pa'i 'jig rten na// dpa' bo chen po dpag med pa// rnam 'dren sems can thams cad kyis// rnam pa kun tu mi 'gyur dang// de ltar stobs dang rnam thar dang// 'jig med gang dag ci 'dra dang// yang dag chos rnams ji 'dra bar// bsdus kyang shes par mi 'gyur ro// de yang ci phyir zab mo 'di// shin tu rtogs par dka' ba'i phyir// rgyal bas grangs med gnas dag na// zab cing shin tu phra ba dang// rig dka' mthong bar dka' ba'i phyir// spyod pa dag gi sngon chad bsnyen// bskal pa grangs med bsam yas su// spyod pa de dag spyod pa'i phyir// 'bras bu de ni ci 'dra bas// byang chub snying po dam pa 'di// de ni 'jig rten rnam 'dren pa// gzhan dag dang ni ngas kyang de// ji ltar yin dang ci 'dra dang// de yis mtshan nyid 'di 'dra shes// de ni bstan du mi nus te// mos pas rtogs par mi 'gyur phyir// de ni brjod du yongs med do// gang la chos de bstan pa dang// bstan pa dag kyang shes pa yi// de 'dra'i sems can su yang ni// 'jig rten dag na yod ma yin// gang dag 'jig rten dag mkhyen pa// lhag par byas pas bde bar gshegs kyis bsngags// zag zad rgyal ba'i ye shes 'di// thams cad gcig tu 'dus gyur nas// zab mo yang dag bsams byas kyang// bde gshegs ye shes rtogs mi nus// de bas yang dag zab mo 'di// lta dman theg pa chung ba dang// mu stegs log lta can rnams kyis// nga yi chos kyi phyogs tsam yang// bskal pa bye ba bsam yas su// yang dag don de yongs mi shes// zhi ba rtog med mnyam du ma shes na// shin tu nges don zab mo smra rnams kyis// de rnams kyis kyang phyogs med gang gyur kyang// smyig ma 'dam bu'i tshal ltar gang bas kyang// shes rab phra rnams gcig tu 'dus nas su// ji ltar mi rtog zab mo la// brtags kyang lta ba dman pa'i phyir// zab mo'i don gang mi rtog pas// byis pa'i spyod yul min pas so// gzhan min gsung rgyal drang srong che// zhes gsungs so// rgyud kyi rgyal po chen po byang chub kyi sems lung chen po'i mdo las/ chos rnams kyi don gyi le'u ste nyi shu drug pa'o//// de nas 'khor der 'dus pa rnams kyis/ zhi ba bdag nyid la 'di skad ces gsol to// zhi ba'i bdag nyid chen po rnam grangs kyi don ni gang lags/ zhi ba'i bdag nyid chen pos bka' stsal pa/ rang bzhin theg pa gcig phyir du// dpag tu med pa bstan gyur kyang// theg pa yang dag rdzogs pa yin// nga yi bstan pa theg pa dgu po yang// 'gro ba dag gi mthu dang stobs la bstan// thabs kyi mchod sbyin ye shes la// gzud pa'i phyir na ngas bshad do// gang zhig rtag tu rnam par dag 'gyur ba// rab tu des pa sangs rgyas dang// de dag la ni rab rgyas don rnams bstan// de ltar de dag bsam pa rdzogs pa yang// de dag la ni ma 'ongs dus dag dang// shin tu dag pas de dag kun la khyab par 'gyur// the tshom med pas thams cad byang chub dang// theg pa tha dad pas ni gang bstan pa// skyes bu mchog rnams thabs mkhas ma gtogs par// theg pa gcig ste gnyis su yod ma yin// bya ba gcig ste gnyis su yod ma yin// byang chub rdul med dam pa thob nas su// 'dod chags zhe sdang gti mug nga rgyal dang// phrag dog gser sna 'khor ba'i chos// de dag rang bzhin zhi ba'i phyir// gdod nas kun rdzogs dbyings kyi ngang// rab zhi mya ngan rtag 'das pas// theg pa gsum du gang dag bstan pa yang// bder gshegs thabs kyi 'gro ba 'dul yin phyir// theg pa thabs kyis de ltar bstan par zad// theg pa gcig ste de bzhin tshul yang gcig/ rnam dag chos kun 'dren pas bshad pas gcig/ thams cad theg pa mchog la gnas// zhi ba'i sa mchog dag pa dag pa'i ngang// 'di dag thams cad 'jig rten sangs rgyas 'gyur// bsngags pa mtha' yas chos nyid dngos po dag/ 'di ni yang dag dam pa'i mdzod// rig dka' dam pa zhi ba ste// theg dman rnams kyis rtogs mi 'gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ chos nyid zhi ba'i le'u ste nyi shu bdun pa'o//// de nas 'khor der 'dus pa rnams kyis// byang chub kyi sems rdo rje la 'di skad ces gsol to// sems dpa' chen po chos nyid lhun gyis rdzogs pa'i don gang lags/ sems dpa' rdo rjes bka' stsal pa// bya med lhun grub yongs su rdzogs// mi gnas chos dbyings dngos po dag/yud tsam ting 'dzin dbyings la dbang// de nyid rang bzhin dag pa'i phyir// yid kyis bsam pa yang dag ste// bltas pa'i stobs ni bkram pa'o// mi dmigs mi 'gyur stong pa'i tshul// mi gnas lhun grub mnyam pa'i ngang// chos nyid yang dag bkram pa'i phyir// mthong bar gyur pas dngos grub la// de nyid mnyam gzhag yongs rdzogs pa'o// sangs rgyas zag med dag pas zhi// chos 'di thams cad zag med zhi ba ste// 'gog pa skye ba rnam par spangs// 'di na chos rnams gang yang ma mchis shes// de ltar bsam na dad mi 'gyur// sangs rgyas ye shes bla na med pa'i phyir// mthong bar gyur pas dngos grub la// bdag nyid mnyam pa chen po'i don// yud tsam bzung bas sbyor ba yin// dga' bar gyur pas dam tshig ste// thog ma'i 'bras bu zag med dam pa thob// ji ltar dbul pos nor rnams rnyed pa bzhin// de bzhin yang dag dam pa thob// thabs kyis gar thabs bskyod pa yin// gnyis med sbyor bas phul ba yin// chos dbyings mi dmigs sbyor ba ste// dga' ba kun bzang mi gtong shugs// chos nyid la ni nyams pa med// ces gsungs so// rgyud kyi rgyal po chen po byang chub kyi sems lung chen po'i mdo las/ lhun gyis grub pa'i le'u ste nyi shu brgyad pa'o//// de nas 'khor der 'dus pa rnams kyis/ byang chub sems rdo rje la 'di skad ces gsol to// las rgya mtsho spyad par dag pa'i don ji lta bu lags/ sems dpa' rdo rjes bka' stsal pa// chos nyid zab mo yang dag yin pa'i phyir// dag pa 'di la mi smon to// rgyal bas 'di ni dam pa'i mthar gsungs so// mya ngan 'das pa'i mthar thug lus 'di la// stong pa nyid du yun ring yongs su bsgom// khams gsum sdug bsngal byang chub zhing// bdag gi rgyal ba'i bstan pa bya ba'i phyir// rgyal ba'i sras la gang tshe rab bstan te// byang chub mchog la gang dag su zhugs pa// de dag la ni chos gang ci 'grub pa// gzung 'dzin mtha' spangs mnyam nyid gnas pa'i phyir// bdag med mnyam nyid gnyis spangs te// mi gzung gtong bas gtor ma yin// bya ba med pas las rnams zin// rnam rtog 'khor ba'i rgya mtsho ste// mnga' brnyes mi rtog bgegs bsal te// phyi nang chos 'dzin bgegs kyi rnam// gzung 'dzin bral ba byang chub ste// ye shes nyi ma chos kyi dbyings// rnam rtog ye shes bgegs bsal nas// mi gsung mnyam gzhag sngags tshig go/ mnyam nyid dam pa zhi ba yin// zhes gsungs so// rgyud kyi rgyal po chen po byang chub kyi sems lung chen po'i mdo las/ spyad du med pa'i le'u ste nyi shu dgu pa'o//// de nas 'khor der 'dus pa rnams kyis sems dpa' dam pa la 'di skad ces gsol to// sems dpa' chen po chags sdang zhi ba gang lags// sems dpa' dam pas bka' stsal pa// mtshan mar spyod pa rnams la chos nyid de// chos kyi dbang phyug 'jig rten zhi ba'i tshul// sems can gnas rnams rab tu zhi// rab dang byang chub dam pa 'di// thabs la mkhas pas chos nyid dang// rtag tu mya ngan 'das pa yin// ngang gis chags pa mi mnga' bas// snying po rang rig sangs rgyas phyir// bla ma mchod dang gtong ba dang// de bzhin bsod nams thams cad dang// ma chags mi g.yo'i stobs med na// byas pas 'ching ba chen por 'gyur// byang chub bde gnas snying po'i don// chos nyid mchod pa rin chen sbyin// rdo rje'i don nyid mi shigs pa// chos nyid skye med chos can rnam pa dag/ de ltar zhi ba bsod nams yin// zhes gsungs so// rgyud kyi rgyal po chen po byang chub kyi sems lung chen po'i mdo las/chags sdang zhi ba'i le'u ste sum cu pa'o//// de nas 'khor der 'dus pa rnams kyis/ sems dpa' chen po/ brdas de bzhin nyid mtshon du med pa gang lags/ sems dpa' rdo rjes bka' stsal pa// rnam grol ro gcig mya ngan 'das// mthar thug rtag tu gcig pas nam mkha' 'dra// ye shes de ni shes dka' ste// byis pa rnams kyis mi rtogs la// mi shes pas ni the tshom 'gyur// de las nyams shing de dag 'khyams// ji ltar sprin gyi phung po yis// nyi ma'i 'od mchog bsgribs pa ltar// mi shes byis pa rmongs pa yis// yang dag dkyil 'khor dam pa bsgribs// sprin gyi char pa ro gcig ltar// skal pa gsum yang chos nyid ro// sems can thams cad mngon rdzogs te// sems can sdug bsngal rnam dag yin// rnam dag shin tu mthong bar bya ba'i phyir// de ni mnyam nyid yang dag gcig/ de ni rnam grol mya ngan 'das pa yin// rtag tu byang chub kyi ni gnas yin phyir// des na mnyam pa nyid de mi mnyam med// 'dod chags med cing zhe sdang dag kyang med// nam yang rjes su chags pa med// su la'ang mdza' zhing chags pa med// de la de byang sgrib par 'gyur// de ltar de las de rtogs na// de la de nyid grub pa med// de bzhin nyid tsam 'grub pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/de bzhin mtshon du med pa'i le'u ste sum cu so gcig pa'o//// de nas 'khor der 'dus pa rnams kyis/ byang chub sems rdo rje la 'di skad ces gsol to// de bzhin nyid mtshan ma dang mtshan ma med pa'i don gang lags// sems dpa' dam pas bka' stsal pa// ji ltar nyi zla dag pa'i 'od// yon tan ldan dang sdig can gyis// mi la mnyam par rab 'char te// de la skye ba 'grib pa med// de bzhin chos nyid shes rab yod// snyoms pas nyi ma zla ba bzhin// lhag cing cad pa med pa bzhin// thams cad sems can rnam dag 'dus// ji ltar kham snod rdza mkhan gyis// 'jim 'dra las snod byas pa dag/snod kyi rnam pa mang byas la// rdzas kyi rnam pa so so blugs// des ni ming yang so sor grags// de bzhin sems can sangs rgyas bye brag med// tha dad med pas bde bar gshegs// theg pa tha dad rab ston kyang// theg mchog rgyal ba'i theg par 'dud// 'gro ba'i 'khor lo mi shes pas// chos nyid dag pa'ang shes ma yin// chos rnams bdag nyid rnams spangs shing// dag par shes pa stong pa'i phyir// zhi ba sangs rgyas bcom ldan gyi// byang chub yang dag nyid du shes// chos kun rtogs rdzogs sangs rgyas yin// ji ltar dmus long mi mthong 'di skad ces// gzugs rnams kun ni med ces smra// sman pas dmus long rnams la snying rje bskyed// ri la sman btus rab sbyar dmus long la ni shin tu gtong// de yis mig mthong gzugs snang 'gyur// mi shes sems can dmus long 'dra// de phyir zab mo rtogs dka'o// bla med yang dag rdzogs byang chub// theg bshad 'gro ba'i don la dgongs// rnam par dag pa bstan du med// stong nyid rmi lam sgyu ma'i tshul// chu shing snying po med lta'i tshul// gang gis chos nyid rab shes shing// khams gsum rang bzhin rnam par grol// chos kun stong zhing mnyam pa ste// tha dad dbyer med bdag nyid do// de dag la yang mi rtog stong// chos nyid gang yang mthong med na// chos kyi sku ni ma lus par// shes rab chen po des mthong ngo// dgur bstan theg pa gcig tu mnyam// mnyam zhing snyoms te gcig tu mnyam// de ltar mkhas pa zhi ba yis// mi bcing mya ngan 'das pa shes// e ma ho ngo mtshar rmad kyi chos// rang rig skye med ye shes dbyings// mi shigs mi 'gyur rdo rje'i don// ye shes sems dpa' rdo rje yin// rdo rje sems dpa' 'gro ba'i don// rdo rje 'chang rgyal 'di nyid ni// thams cad du yang yang dag gnas// rgyal bas dus gsum rtogs par skye med mnyam// kun gyi chos nyid rgyal ba rgya mtsho'i thugs// rdo rje gsum gyi mtshan ma ji snyed pa// bdag po nyid du gyur pas de bzhin nyid// chos rnams thams cad 'gro kun ni// dbyings su ro gcig skye med do// mnyam nyid rgyal po'i chos nyid de// rdo rje sems dpa' kun tu bzang po'i ngag/ dug lnga chos dbyings ye shes dbyings// skye med chos dbyings ye shes mnyam// de yi yon tan khyad par lngar mthong ba// mtshan nyid de nyid ye shes lnga// 'gro ba'i don du rigs lngar snang// rigs dang yon tan mang po yang// 'gro bzung don du bstan par zad// chos dbyings ye shes khyad med phyir// de phyir dbyings nyid stong pa'i ngang// skye med ye shes me long lta bur gnas// rig pa'i ye shes ngang dang gnyis med phyir// chos dbyings ye shes dag pa'i dbyings la brjod// rigs lnga thabs kyi phyag rgya kun// thams cad chos sku rdo rjer ro gcig 'dus ma byas// ji ltar de ltar snang ba yin// gcig bsam de nyid kun gyi ngang// rigs ldan rnal 'byor ting 'dzin gcig/bdag med gnyis nyid bder gshegs dag pa'i ngang// ston pa 'jig rten sgron mar gyur pa na// kun gyis mtshungs par rab bsngags pa// chos la snying por gyur pa mkhyen pa dag/ chos can zhi ba'i tshul gyi dag pa 'byung// yum gyur dam pa rgyal ba'i lam// nam mkha'i rang bzhin gnas pa ni// byang chub rgyu ni chos dbyings mkha'// yang dag zhi ba zab mo la// bkrus pas mi 'dag nam mkha' 'dra// byang chub la ni rgyu 'bras med// dag pa'i rang bzhin gnas pa'i phyir// thob par bya ba med mos pas// rtsol bas yid bzhin nor bu'i tshul// dpal ldan sangs rgyas rtse gcig 'chang// rdo rje mi phyed gsum gyi ngang// rang byung tshogs chen bla med dag/ rgyal ba'i rang bzhin ting 'dzin shes// dus gsum sangs rgyas rang bzhin stong// rang gis shes pas chos nyid stong las su// 'khrul rtog brtags pas thams cad snang ba bzhin// shes rab thugs rje ngang gi 'char// rnal 'byor chos nyid dag gyur na// thugs rje'i byin rlabs btsal mi dgos// gnyis med rnam dag chos kyi sku// bdag med zhi bas snang ba'i phyir// bdag tu snang ba nyid kyi sku// mi 'gyur nam mkha' lta bu dag/ tshul dang mthun pa'i ngo bo bzhi// ngang nyid zhi ba rtogs pa'i phyir// tshul khrims la sogs pha rol phyin lam bcu// spyod pa mtha' dag rgya mtsho'i gzhir gyur pa// yang dag lta bas ma zin na// de dag byang chub gegs su gyur// sems kyi byang chub rnam dag kyang// chos tshul yon tan khyad par ni// ma nor bsgom pa'i mngon 'gyur ro// zhes gsungs so// rgyud kyi rgyal po chen po byang chub kyi sems lung chen po'i mdo las/ mtshan ma med pa'i le'u ste sum cu gnyis pa'o//// des nas 'khor der 'dus pa rnams kyis/ sems dpa' dam pa la 'di skad ces gsol te// sems dpa' chen po/ rnam rtog zhi bar bya ba'i don gang lags/ sems dpa' dam pas bka' stsal pa// chos nyid don nyid rang bzhin la// rdo rje gsum bsgom ma rtogs pa// grub par bya ba'i dngos grub gzhan mi 'tshol// gnas dang med pa la ni gang rtogs pa// de dag chos nyid la yang gang rtogs pa// gnas dang gnas min 'gal bar ma bsams na// yang dag mi dmigs zab mo 'di// bzhag pas lus la yang yod med la// btsal bas zab mo ga la rnyed// dbyings kyi rang bzhin stong nyid dam pa yin// rigs kyi khyad par du snang yang// de dag byis pa'i spyod yul snang ba ni// rnam shes rdo rje sems dpa' gtso// tshor ba rin chen 'byung ldan dang// 'du shes snang ba mtha' yas yul// 'du byed don grub gdon mi za// gzugs ni rnam par snang mdzad de// rigs dang zhi khro sprul pa kun// chos sku ro gcig mkhas pas 'gro don bstan pa mnyam// dmigs med byis pa mi mkhas pas// chos dang chos ma yin par mthong// stong nyid mnyam pa chen po la// rgyal ba rigs lngar rtog pa 'khrul// chos nyid la ni rnam rtog med// de phyir de dag 'khrul pa yin// thabs kyi so sor bshad pa'ang don gcig la// dbyings rtog len spang sgrib pa mu mtha' med// rtogs pas sangs rgyas ting 'dzin dge rtsa 'phags// blo dang nam ldan zhi ba sems kyi ngang// dam pa de ni mngon du 'gyur ba na// chos sku dri med nam mkha' 'dra// de la sku gsum mchog tu gyur pa'i chos dbyings su// rdo rje rtse mo mchog nyid 'dus ma byas// mi rtog ye shes chos dbyings de yang de nyid do// de la gang rtog yang dag mthong// zhi ba rnam dag nyid las yon tan ma lus 'byung// ji snyed rnam grol chos su dag pa rnams// de bzhin gshegs pa de dag thams cad kyang// 'dus ma byas nyid rgyal ba kun gyi ngang// gzhan du rigs lnga bstan par bya mi dgos// mi 'khrul pa la yi dam lha med ltar// de nyid rtogs ldan dbyings kyi lha// rgyal bas ma bcos gdod nas skye ba med// rang sems zhi bas bsgom par bya ba min// sems ni skye med thugs kyi dbyings// lus ngag yid gsum mi mnyam mnyam pa'i ngang// nam mkha' bzhin du bsam par bya// nam mkha' bstan du med pa ltar// bdag nyid rang bzhin med par zhi// de phyir byang chub sems nyid rdzogs// de las yon tan de dag de las 'byung// de bzhin sangs rgyas yon tan sna tshogs rdzogs// kun bzang ngang nyid ro gcig phyir// dbyings la dbyings nyid rtag tu dmigs// cir yang min la cir yang snang ba'i phyir// thams cad chos nyid sprul par zad// byang chub don nyid de dag thams cad kyang// 'ching med rgyal ba'i rigs can yin/chos sku rnam dag lhun grub stong pa'i dngos// de med mi 'byung de phyir chos dang phyir// de ni rnam grol mchog gi lam nyid do// rnam grol zhi ba zab mo byang chub sems// des na rdo rje sems dpa' chos nyid kun tu bzang// de nyid ci 'drar bsgom par bya bar 'gyur// rdo rje de rtogs bsgrub pa bca'// rdo rje de nyid yang dag dam pa ste// phra zhing shes dka' drang srong chen po'i lam// 'di ni zab mo mi rtog rtog las dag/ji ltar brtag par dka' zhing shin tu zab// bstan par dka' la brjod pa'i tha snyad rnams dang bral// stong nyid dam pa zhi ba la// mtshan ma'i ting 'dzin bcug pas nor// gnas dang zhi ba stong pa la// nam mkha' dbyings kyi dbus gnas par// bde gshegs kun gyi pho brang ngo// e ma ho e ma ya mtshan dag pa'i gzhi// tshig gis mi phebs brjod dang bral ba'i phyir// gzhan dang byis pa'i spyod yul ma yin yang// de phyir chos nyid dngos bral la// byis pa lta dman yod par 'dod// de ni yod pa min pa'i phyir// brjod pa mtha' dag don 'dir blta// zhi ba chos dbyings gzhan nas mi btsal te// mngon dang mi mngon chos rnams kun// de dag thams cad rang bzhin stong// dper na dbu ba rdos dag chu bos khyer mthong na// de la dngos ma mthong ba ltar// mngon sum la sogs rgyu yi dngos po rnams// de yang 'jig rten grub pa'i mtha' rtogs pa// rgyu ni dngos bral dam pa ste// de nyid rnam par rtog pa'i rgyu 'bras spyod yul rnams// ji ltar tshad ma bzhag na blo yis 'dzin byed do// mi shes pa dag kun 'dus nas// dag pa'i don la ci bltas kyang// dag pa de nyid ga la mthong// rtogs mtha' rnam pa med pa'i phyir// dpyad mtha' med de snying po med na tshad ma gang// de phyir rnal 'byor chos nyid zab mo la// de phyir 'jig rten tha snyad rtog pa rnams// rnal 'byor dam pa'i lam 'dir mi dgos so// yongs su dag pa'i rang bzhin rgyas par 'gyur// ye shes 'di nyid yongs su rdzogs byas na// 'od byed gtso bo rnam par dag/ mnyam thugs zhi bar gyur cing shin tu gnas// rtag par mi g.yo gyur cing mi 'gul te// de la nam yang g.yeng ba mi mnga' la// de ni ngang gis zag pa med la gnas// bde dang sdug bsngal zhi bar mnyam// dge ba 'jig rten sgron ma dag/ thugs brtses rtag tu 'di mtshar te// 'gro ba thams cad kun bslang dag pa yis// sangs rgyas ye shes bla med pa// dga' zhing bde bar rab tu brnyes// de ltar dam pa zhi ba brnyes par bya ba'i phyir// dngos po mtha' yi rgyu ni lo rgyus dag las lam 'dir brtag par bya// brtags pa'i mtshan nyid phung po khams dang skye mched la// so so skye bos dngos po mtshan mar bzung// skye bo kun gyi sems la mngon snang phyi nang grags pa'i chos 'di ni// mi shes byis pas gnyis mthong phyir// gzung dang 'dzin pa gnyis su brtags// dper na byis pa mig nad 'khrul pa yis// nam mkha' dag la bal gyi 'khor lo 'byung ba dang// gzugs rnams med kyang yod par mthong ba ltar// 'dzin pa drug gis ji ltar dngos por mthong zhing bzung// gzung 'dzin brtags pa de ltar ma yin 'khrul// rang gi rtogs pas mos pa de bzhin gzung ba med 'gyur na// de dag dngos po med rtogs dgra bcom 'dra bar grol bar 'gyur ba'i rigs// ma rtogs lta dman byis pa dang// theg rdzogs de gnyis khyad par rigs// de dag dus dgras 'joms pa dang// sdug bsngal gnyen lam des 'khrul mngon par 'gyur// dus las bde sdug ga la 'byung// gzhan nas skye mched sgo nas rig pa de dag tshad mar rung na ni// phyi ma chos su bzung bas dngos po zhi 'gyur ga la yod// de dag skye mched sgo nas zhi ba ga la rtog/ de dag tshad mar gyur pas 'phags pa'i lam de su la'ang dgos mi 'gyur// de phyir don de dbang pos rtogs gyur na// bsgrub dang brtson 'grus de dag mi dgos phyir// stong pa'i chos rtogs khong du chud pa dang// bsam gtan yan lag dam pa ldan rnams dang// yon tan zhi ba dam pa gsungs pa kun// de kun byis pa'i spyod yul min phyir ram// lam de rnam grol lam du bstan cing de yi rtog med 'gyur// dbang po shes pas mi thar te// mig mthong can 'dra lta dman mtshungs// don dam rtogs shing zab mo yang// 'khrul pa dag gis yongs mi shes// 'khrul pa dag las dngos 'di byung// 'di la brten nas dngos po mtha' dag byung// ma rig pa sogs bcings pa'i sdug bsngal yod// sdug bsngal 'ga' yang mi 'jil phyir// rnam rig shes des nyon mongs 'byung ba'i gnas// de phyir don nyid ma mthong bas// des na skye bos mthong ba de dag 'khrul// de ltar mun par mngon zhes rgyal bas gsungs// des na 'khrul pa'i dbang gis ji ltar snang bar 'gyur zhe na// rtogs pa dngos su bden pa che las nyams// kyi hud byis pa 'di dag thams cad ni// rnam rtog gis bcings dag pa ma mthong bas// bdag nyid bsgoms pas rin chen che las nyams// kun tu rtog can yang dag ma yin phyir// nyon mongs sgo nga'i sbubs brtol mi nus shing// kun tu rtog pas rtsol med nyams// stong pa gnas med rten yang med pa la// ji ltar yod pa ma rig 'khrul pas shes// yang dag ma mthong blo gros 'khrul pa'i phyir// blo gros phyin ci log tu gyur pas na// log par rtogs shing ma rig rkyen gyi dbang song bas// yang dag dben pa'i don rnams mi mthong bas// des na mya ngana'adas pa'i dgongs pa rab tu 'jig/ sems dang sems las byung ba de dag kyang// de nyid rnam shes 'jug ldog bcas rkyen gyis// de nyid lus gsum don du snang ba yin// 'du tshogs dag gi bag chags bsags pa la// dge dang mi dge'i bag chags yongs bsal la// las gang goms pa'i mthu yis brtas pa'i tshe// sems nyid yul dang lus 'dra snang bas rus pas gang bzhin du// 'jig rten 'byung ba thams cad shes pas 'khrul par snang// ji ltar 'khrul pas bag chags sna tshogs bsags// bag chags sna tshogs shes pa brgyad nyid yin// bag chags bsags pa'i rgyu la dmig pa skyes pas na// yid la brtags pa'i bdag ni yod pa min// 'jig rten byis pa shes pa 'khrul pa yis// thag pa la ni sbrul snyam 'dzin// thag mthong shes pa 'khrul pa yin// bag chags rnams la bde bar shes// 'du byed mthu yis bsgribs shing phra mthong de las rnam rig skye// dper na sos kyi nyi ma phyed dus gdungs pa la// skyes bus gdungs pas smig rgyu dag la chu yi rgyun du mthong// de la brtags na chu nyid ga la yod// rgyun dang bcas pa'i sems kyi mthu ni ma rtogs pas// rtog pa'i rjes su 'brengs nas log pa'i dngos// bag chags mthu las sna tshogs snang ma rtogs// de las zag bcas rang bzhin rtogs pas bdag dang chos rnams rgyas par byed// ldan par 'byung ba shin tu u0f84phra bar rgyu ba de ma mthong// bdag tu blta la sogs pa mu stegs lta ba sna tshogs skye zhing thar bar rtog/sems 'di las rnams mtha' yas gnas gyur pa// bag chags mtha' med nges pa med// bag chags brtas shing sad par byed pa'i rkyen yang rnam pa sna tshogs te// rkyen 'gas bag chags 'ga' zhig rmi lam mi yi rgyud kyi lus snang la// rkyen gzhan dag gis bag chags gzhan sad byas pa'i tshe// dbang phyug la sogs byed par 'dod de lam de ma zhi grol mi 'gyur// bdag nyid 'dod chags bcas shing zhe sdang bcas// gti mug bcas par yang ni rab tu snang// de dag spyod pa dag ni ma spangs na// bdag gi gzhi yang yongs su 'da' mi 'gyur// rnal 'byor lam bslad the tshom rgyu yang rgyun 'di phra ba ma rtogs skyes// bdag tu brtags pas bsgribs te 'phags pa'i rigs dang rnam par bral// mngon shes tshe la shin tu mi mkhas pas// des ni chos nyid bsgribs te rnam rtog phyi phyir 'phel// sems can mtha' dag rang bzhin stong nyid dag pa la// mi shes gzung 'dzin 'khrul 'khor ma rig rtog pa las// chos rnams dag pa nyid du snang zhing bde la gzung 'dzin 'khrul pa'i rgyu// chos su brtags pas sdug bsngal sna tshogs 'byung zhing ngan song srid par 'gyur// rnam shes de yang 'du byed rgyu la mtshan ma tha dad 'dzin pas na// las kyi khyad par dag gis rgyan du snang ba'i rigs la du ma med// thams cad mkhyen pa'i ye shes gzung 'dzin bral ba du ma'i ngang la gzung dang 'dzin pa'i rnam rtog des// 'phags pa'i rigs bral 'dra ba'i mya ngan 'das pa yongs su med ces rgyal bas gsungs// 'jig rten bde ldan yang dag zhi ba mya ngan 'das gang mchog tu bde ba de// shes pa du ma rnam pa sna tshogs skye bar mthong bas yang dag 'khrul// shes shing rig pas ris su gcig pas rigs la du ma med// sems kyis rnam pa sna tshogs du ma 'byung ba'i phyir// de phyir sems kyi skad cig ma de lus dang chos sku gnas// sngon dang phyi ma da ltar sems kyi chos kun gcig/ de phyir sems la bsam bzhin phyi ma des 'byung de la snang// dngos po ma spangs de bzhin nyid ni ga la mthong// rnam dag grol gzhi 'di la sems kyi rnam pa 'byung// rang sems rgyud las 'phags pa skye bo chos ni gzhan na yod ma yin// 'di ltar dge dang mi dge lung ma bstan pa'i chos rnams kun// de dag sems kyi rnam pa yin// rgyud drug rigs la sna tshogs de la'ang// de dag 'gro drug de bzhin no// phyogs bcu gang na'ang sems ni dngos po yod min phyir// de phyir sems rgyud de ni phyogs kyang cung zad med pas gcig la rten med de// de phyir phyogs med phyir na mtha' yas zhing khams bdag gi lus// bdag gi lus ni mtha' yas zhing dang skye ba'i lus su rang snang la// sems dang bag chags tha dad ma yin cig min brtag par rab tu dka'// 'di la snang phyir rten cing 'brel ba rnams gsungs pa// ma rig la sogs rten cing 'brel 'byung chos rnams kun// 'di kun rten cing 'brel 'byung tshul te skye dang 'gag par 'byung ces pa// ma rig pa la sogs pa so so'i ngo bor ston pa'i phyir// tshig pa'i sa bon bzhin du med las med pa mi 'byung rgyu 'bras med// ci phyir rten 'brel sems can kun la snang// de dag rang bzhin med dag las// mi shes pa su yod mthong phyir// de dag dngos por zhen cing rgyu dang 'bras bur rtogs par sems nyid ni// de nyid gzung 'dzin rgyu dang rkyen du snang// ji ltar bu mo gzhon nu'i rmi lam na// bu pho skyes nas dgar 'gyur shi nas mi dgar 'gyur// de phyir chos kun rmi lam lta bur yin zhes rab tu gsungs// de phyir rten 'brel rang bzhin med pa'i phyir// de gnyis med phyir skye dang 'jig pa med// gzung 'dzin med phyir dngos bral te// skye 'chi med phyir bdag gzhan med de 'chi 'pho med cing rtag chad med// sangs rgyas ye shes 'di nyid ngang grol phyir// des na 'khrul 'khor med cing mya ngan 'das pa nyid du mngon// de phyir de bzhin gshegs nyid smon lam mi stsol te// sngon gyi smon lam rnams ni ga la stsol// 'di ni ngang dang rang bzhin bdag nyid chen po yin pa'i phyir// gzhan las ma brten mya ngan 'das pa mthong nas bde ba mchog dang ldan// gnas kyi skad cig nam yang ma 'bral te// sems nyams 'gyur te de med min// ji ltar 'byung ba lus brten la// lus dang 'byung ba tha dad min pa ltar// kun gzhi'i bag chags tha dad med pa'i phyir// yang dag ma yin rtog pas bskyed phyir bag chags yod pa ma yin dang// spyod yul med dang kun gzhi med cing rnam rig de yang med pa yin// phyogs rnams med phyir dmigs dang gnas med rnam shes rig pa ji ltar skye// de phyir sems 'di yod med mtha' las 'das shing gcig dang du mar bral// bde gshegs byang chub med phyir de yi rdzu 'phrul sgyu 'dra 'phrul la snang// de bzhin dag pa'i ye shes shin tu dge ba'i rgyu nyid dang// chos kyi dbyings nyid la ni dmigs shing skye bar brtags pa yang// chos nyid ngang gis sangs rgyas ye shes chos dbyings dam pa la ni mi dmigs rgyal ba'i sku// chos dbyings rnam dag rdo rje gnas med phyir na mnyam par gnas// rang bzhin 'dra 'gyur chos nyid stong pa zhi ba rdo rje 'dus ma byas dang ldan// chos dbyings rdo rje rtse mo de dag phyogs nyid med pas rnam dag skad cig med// dag pa'i dge rtsa gzugs brnyan med pas 'jig rten ye shes yod mi 'gyur// ji ltar sgyu ma byed pa'i skyes bu yis// shing rta skyes pa bud med sna tshogs gzugs bzung ste// de la brtags nas gzugs kyi dngos po ga la yod// chos dbyings zab mo the tshom med cing byang chub don du gnas// sems can zab mo btang nas skye 'gag rnam bral bla na med pa'i mya ngan 'das pa bde gnas zhi ba'i ngang// bsod nams mang 'phel byang chub mchog 'di thams cad kun gyi yul du gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ rnam rtog zhi bar bya ba'i le'u ste sum cu gsum pa'o//// de nas 'khor der 'dus pa rnams kyis sems dpa' dam pa la 'di skad ces gsol to// tshig chad song// sems dpa' dam pas bka' stsal pa// khams gsum las 'das yon tan rin chen gter gyi mdzod// mi rtog zhen chags mnyam nyid ngang du zhi// gzung 'dzin rtog bral zhi ba'i phyir// de phyir byang chub mtshan nyid med cing blang dor med// don de'i tshul gyis don dam rnam grangs skye 'gag med dang mnyam nyid dang// gnyis med bsam 'das stong nyid chos dbyings brjod dang tha snyad bral la sogs// yang dag bstan pa de kun don dam med cing kun sgrib med// gzhan pa thams cad spangs nas 'di 'dra'i don ni shin tu thob dka'i phyir// yang dag zab mo mos pas rnyed pa shin tu dka'// dper na ji ltar la la chu 'dod skam sar khron pa brkos kyang phyi phyir chu ni rab tu dkon// de ltar byis pas don nyid mi shes pas// don 'di mi shes pas ni sangs rgyas ye shes rnyed par dkon// don dam tshul gyis lam 'di nyid ni 'di 'dra ces pa'ang kun sgrib yin// the tshom yod med chos ni gang la'ang spong zhing gnas par mi byed do// sgom pa las ni chos dbyings med phyir som nyi med la dam par lta ba med// sangs rgyas zab mo ye shes 'dis ni srid pa thams cad spangs// dper na sman pa'i rgyal po yon tan kun ldan gyis// nad pa'i tshogs ni gdungs par mthong ba la// sman rnams sna tshogs sbyar nas nad rnams zhi byed ltar// dngos po yod med ltar snang de bzhin gshegs pa ngang gis zhi// yod dang med pa'i mtha' rnams dag gyur na// de phyir dbu ma zhes bya dmigs su ga la yod// dbus mtha' med pas nam mkha'i ngang tshul 'dra// 'dod yon lnga nyid rtag par spyad 'gyur yang// rang bzhin spros bral ngang gis zhi ba gang la yang// 'jig rten pad+ma dbang phyug kun kyang mi spangs 'dra mnyam gnas// ji ltar mi shes 'khrul pa yis// ci yang med pa'i nam mkha' la// gzugs dang sgra dang ro la sogs// de ltar mthong ba 'khrul pa yin// chos la 'khrul par mthong ba de nyid 'khrul par yin par rab rtogs te// drug gi brten pa bdud kyi las kyang mi 'dor don du mi rtog go/ rang gi shes pa dam par byas shing kun la rgyal de de bsnyems nas// 'dod chags zhe sdang bskyed rtsol 'byung ste gti mug yin de don mi mthong// bsam gtan gnas lus phyag rgya'i mtshan ma 'dzin pa kun// ma skyes de dag ma skyes zhi ba chos nyid rnal 'byor yang dag dam pa'i gnas// g.yo dang mi g.yo tha snyad mi gnas gnas la'ang gnas pa med// snang med dbu ma'i lam de byang chub sems zhes bder gshegs gsungs// bya med mi gnas ma skyes zhi ba ngang gi rdzogs pa byang chub sems zhes rgyal ba kun gyis rab tu bsngags// byang chub kun rdzogs chos nyid mnyam par lhun grub yang dag don bsgom ting 'dzin mchog/ de bzhin chos nyid mi 'gyur stong pa dam pa dngos bral bas// gzugs dang mtshan ma smon par 'dzin pa rab tu spangs nas su// rnam thar gsum po sgom pa bdud kyi lam yin gzugs la sogs pa stong pa'o// don dam yang dag dmigs bral sems nyid rgyal ba kun gyi yab gyur thams cad 'byung ba'i rgyu/// blang med spang med spang len bdud kyi lam ste don dam zhi ba bden dang bral// 'khor ba'i lam gsum spangs shing mya ngan 'das la ma sgom pa yang bdud kyi las nyid de// de nyid rang bzhin btsal spongs gar mi gnas// dug gsum ngo bo rnam par dag pa'i lhun grub sku gsung thugs// 'phags pa kun gyi yul dang gnas kyang 'das sogs lam nyid gzhan na med// ldang dang mi ldang ched du mi spang sems rten mi 'cha' mngon du min// bde ldan ye shes byang chub zab mo rnyed dka' rdo rje'i rtse yin te// zhi ba chen po kun snyoms 'dus ma byas// sgom pa'i sa mi rnyed phyir sgoms pas rnyed par mi 'gyur te// sems kyi spyod yul shes pa de la de dag chos rnams kyi ni chos nyid yin// sgom dang mi bsgom rnam rtog zhi ba'i ngang// dngos rnams bral gang la'ang mchog dang tha ma med par lam mchog 'di sgom mo// phyi rol yul dang nang la bdag dang gzhan du rtog pa skyes na yang dag don las nyams// de ltar rnam dag zab mo stong nyid zhi ba dam pa de la thams cad ma lus yang dag gnas// 'du byed ma skyes shin tu chos kun chos rnams ma lus mya ngan 'das// dngos med de tshe kun kyang chos kyi dbyings zhes rnam grol yin// ngo bos mngon rdzogs rgyu rkyen rnams ni byis pas ga la shes// nam mkha' ming tsam dge dang mi dger byar med skye ba'ang med// chos nyid rdo rje'i don dang mi dmigs stong pa de nyid rnam grol zhi ba chos kyi sku// dri med rnam dag chos dbyings gang bsgom pa// de dag ma skyes mi 'gag nam mkha'i ngo bo yin// rtsol bar yid la mi byed gang la sems med shes dang bral// nam mkha'i dri med rang bzhin dmigs med stong par shes rnams bral// dran dang dbyer med spang len ga la'ang dga' dang mtshungs med mi dmigs mnyam pa'i ngang// blang dor med pas brjod bral g.yung drung dbyings// mnyam gnas gnyis su brtag med brjod bral bya dang mi bya med de gsog bri med// stong pa'i rang bzhin chos nyid la// bri ba'am 'phel ba ga la yod// ched du rtsol bral yid la mi byed ces kyang mi 'khrugs chos skur mnyam shes dang// chos nyid rnam par rtog pa kun las 'das// gang la'ang chags dang yul gyis myos skrag med de mi 'bral mi gnas shing// gzhan gyis yang dag mi 'phrog chos kun zhi ba'i ngang// mi 'phrog mnyam shes bzhi po phyogs dang pha rol phyin rnams der shes te// chos rnams de bzhin nyid dang stong pa rang nyid ngo bo nyid kyi sku// sems kyi rang bzhin skye med nam mkha'i dbyings dang mnyam// sems kyi dbyings su bsgoms pas lam gyis gzhan du bsgoms pas 'od gsal mi 'gyur ro// sems la sems bsgom rnal ma rtse gcig sems kyi dngos po 'dus ma byas// brda' can yang dag len pa'ang byang chub yin zhes ston pas rab gsungs phyir// de la 'di ni byang chub sems nyid bskyed cing bsgom pa'i gnas yin te// ting 'dzin med la rnam rtog ting 'dzin mang po rnams// ting 'dzin de dag ting 'dzin gsum po brtan par byas shing rtags kyi phyag rgya gsum bcings nas// ting 'dzin phyag rgya bye ba mang po de dag bde ba dag/de dag ma lus sku nyid chos sku yongs su rdzogs// chos sku phyag rgya chen por sems nyid bskyed de snying po brjod cing bsgom// sems ni kun nyon mongs dang mya ngan 'das pa'i chos dag rdo rje 'dus ma byas// de ltar rdo rje sems dpa' bsgoms pas lam kun ma nor bsgom pa yin// ji ltar bsod nams sna tshogs rgya cher spyod pa rnams// sbyin dang tshul khrims bsod nams ci bsags kyang// yang dag chos nyid zab mo'i lta bas ma zin na// de ltar spyad pa de dag mu stegs lta ba yin pa'i phyir// kun tu bzang mo'i spyod pas ma zin dge ba'i chos ni gang yang rung// kun tu bzang po spyod pa'ang bdud kyi las te zab cing mthar thug 'gyur// shes dang mi shes spyod yul thams cad mnyam// de dang ldan pa'i las ni bdud kyi las kyang byang chub spyod par 'gyur// snang dang mi snang mang zhing rgya che ba// rdo rje'i rigs tshogs phyag rgya thams cad sngags don byang chub sems kyi rdo rje kun tu bzang po'i spyod pa dag/ yid bzhin nor bu skye 'gag rnam par grol// rnam par shes pa thams cad 'bar ba chen po'i chos nyid brtson 'grus dang// thams cad 'du 'phro rdo rje thams cad brtan pa'i sems// de bzhin gshegs pa thams cad rang bzhin rnam par dag pa'i chos nyid ye shes rnam par dag las rnam par dag pa nges par gnon mdzes rdo rje can// dzaHhUM baM hoHmi dmigs a'i ngang/ A+oM hUM swA hrIHA+oM du chos sku rgyal ba'i a ru zhi// de bzhin gshegs pa'i sku gsung rdo rje'i mchog/ de phyir zag pa med pa'i mtha' ni mya ngan 'das pa'i don// chos rnams kun ni mya ngan 'das pa'i mtha' ste mtha' pa'o// mya ngan 'das pa'i dbyings 'di shin tu bstan par dka'// mthong med de ni chos kyi dbyings// chos dbyings de ni sems can brtags dang bral ba'i phyir// de bzhin gshegs pas mkhyen pa ma bskyed de// byang chub ma skyes mngon par ma grub byang chub can du gdags pa'ang med// de yi phyir na byang chub la yang byang chub sems can med// byang chub shin tu 'das pa 'di ni ma skyes pas// 'di ni mngon par ma grub mtshan nyid med pa 'di la sems can med cing mi dmigs so// don 'dir mos pa 'di yang byang chub chen po yin zhes rgyal bas rab tu bsngags// gnas 'dir bskyed pa tsam gyis 'jig rten gsum po bla mar bcas pa yi// mchod gnas nyan thos bdud kyi sde rnams zil gyis gnon zhes sangs rgyas gsungs// byang chub sems kyi chos kun de dag 'di ltar mkhyen// nam mkha'i khams dang sems can khams// de dag la ni 'bri ba ma yin gang ba min// byang chub sems kyi chos nyid la ni 'bri ba'am gang ba'ang med// de ltar khong du chud pa byang chub sangs rgyas mtshan nyid do// chos kun mtshan nyid med pa de ni sangs rgyas mtshan nyid do// byang chub mtshan nyid med de mtshan nyid las bzlog yin// de ltar shes na nyid las mi zhen rdo rje 'dus ma byas// rnam par snang mdzad bcom ldan 'das/khams gsum mi dmigs phan gnod mi byed so so skye bo'i chos kyang mi 'gog la// rnam rtog zad bral mnyam bsgom bsgom pa'i mchog/ nyan thos rang rgyal theg dman mi dmigs don thos mi skrag mi sngangs sngangs par mi 'gyur don la zhi// de ni yang dag don rtogs zab mo mnyam nyid bsgom pa'i dngos// gnas dang mi gnas bde sdug rnam spangs pa// de ltar dag pa mthong bas mi skrag mi sngangs de ltar sgom pa rin chen tog/'di ltar snang ba'i chos rnams kun mthong dang// mi mthong mang nyung zhi dang ma zhi dul ma dul// de ltar ngang nyid stong par mthong na yang dag rdzogs pa'i theg chen bsgom pa yin// bdag dang sangs rgyas chos rnams bla dgas mi dmigs la// ma skyes mi 'gag rang bzhin mi dmigs te// sangs rgyas bla dgas don bsgom rtogs par dka'// 'dus byas 'dus ma byas su shin tu rtogs par dka'// ci yang med 'gyur yang dag snang med snang ba sgom pa'i mchog/ de bzhin nyid kyis bder gshegs rig par mi byed cing// bder gshegs kyang ni de bzhin nyid rnams rig par mi dgongs pas// 'gro ba bder gshegs de bzhin nyid du mnyam sgom na// bde ba sgom pa dam pa mnyam bzhag bde ba'i ngang// de ltar lhun sgom rdo rje rtse mo'i mchog/ bsam dang mi bsam las 'das don gyi gtso// so so skye bo 'phags pa'i tshogs rnams mi 'byed dang// chos nyid gnas ni ma 'dres dbyings// bsam gyis mi khyab dbyings la gnas// dbyings la lta dman so so skye bo mi dmigs te// spong dang mi spong so so skye bo dga' bar zhi ba ste// de ltar don la bsgoms pas sgom pa yang dag yin// sgom pa ting 'dzin snyoms 'jug bde ldan zhing// ting 'dzin mnyam snyoms bsam gyis mi khyab sgom// dper na 'phong gi slob dpon dang po slob pa'i tshe// 'di ltar ba glang phur pa dag la phog bya snyam du sems// gang tshe skra la phog 'gyur legs lobs pas// ba lang phur pa dag la bsgrim mi dgos par 'phob// gang tshe bdag gis ting 'dzin de la snyoms zhugs nas// ting 'dzin 'dis gnas de'i tshe slar yang ting 'dzin 'dis gnas snyam du mi sems la// gang dang gang gis ting 'dzin 'dir gnas na// gdags su med pa'i ting 'dzin lhun grub ste// bsam gyis mi khyab ting 'dzin 'di bas che zhing lhun grub gzhan na yod mi 'gyur// des na bsam gyis mi khyab ting 'dzin mi dmigs te// de lta mod kyis sgom pa ma thob su yang med// 'gro ba thams cad bsam gyis mi khyab ting 'dzin la gnas pas/ de bas ting 'dzin sgom pa dam pa kun la yod// mi dmigs tshangs par spyod pa yun ring spyad pa yin// bdag gis yang dag gnas ni chos kyi dbyings la gnas te// gnas med kun nas slong ba longs spyod rdzogs sku yid bzhin rin chen sa bcu'i chos kyis tshim// thabs chen byang chub sems dpa' gsang ba'i spyod pa'ang 'di nyid yin// 'di med rgyal ba rnam par snang mdzad theg pa gsum ston mi srid do// sangs rgyas byang chub sems zhes mi rtog par// spyad cing thabs mkhas rlom sems 'du shes mi bskyed 'joms pa'i ngang// rtog dpyod med pa'i tshul gyis byang chub spyod pa spyod pa yin// de ltar chos kun khong du chud cing rab rtogs 'joms pa'i ngang// skad cig tsam du dad pa'i shugs skyes de yang myur du 'jam dpal gzhon nur 'gyur// de ltar shes na byis pa so so skye bo dag gis de yi ngang mi shes// dkyil 'khor gsang bar zhugs shing theg chen byang chub mchog kyang bsrung ba yin// tshul khrims dam pa kun kyang bsrungs shing sbyin gnas dam par rab tu gnas// de phyir byang chub sems kyi bsod nams de la gzugs yod na// nam mkha' bar snang de yang snod du chung zhes rgyal bas mtshungs par gsungs// e ma ho 'du byed rtog med skye zhing 'gags pa'i chos can 'di la bden par gang 'dzin pa// skye bo skye ba sna tshogs dag nas skyes shing skye 'gyur skye ba rgyun gyi dbang song ba// phung po khams dang skye mched chos kun bdag dang bdag gir 'dzin pas 'khrul// rtog mtha' mi shes rtog pas bslus shing rtog pa yi// rgyun 'brangs 'khrul pa'i rtog las phyir log med gyur pa// nam mkha' sangs rgyas rang bzhin bye brag med pas bde ba dang// sdug bsngal 'gog dang mi 'gog stong pa nyid las byung min la// so so skye bos mi shes slad nas rtogs pa 'khrul// sgyu ma'i sgyu shes dag gis glang po 'dra bar sgyu mas rmongs pa'i sgyu ma rnams// rmi lam gyis bslad bzhin du mi yis bden pa nyams shing rmi lam dbang du song ba'i rmi lam pa// lam 'di spangs shing mtha' dag lam gzhan lam du bltas pas ma nor lam zhes ston pa de// de dag rdo la gser bzhin thugs rjer rung zhing thugs rje'i thugs rjes kye ma'o phrog pa yin// zhes gsungs so// rgyud kyi rgyal po chen po byang chub kyi sems lung chen po'i mdo las/ byang chub kyi sems ma nor bar bstan pa'i le'u ste sum cu bzhi pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// sems dpa' chen po/ chos rnams mi dmigs pa gang lags/ byang chub kyi sems rdo rjes bka' stsal pa// phung po la sogs chos rnams kun// rang bzhin stong ste dmigs dang bral// 'dus byas 'dus ma byas dang zhi dang ma zhi'i chos// bsam gtan rnam thar ting 'dzin snyoms 'jug mngon shes lhun gyis grub// mtshan med smon pa med 'gyur rnam rtog 'dus byas 'dus ma byas nyid ngang gis zhi// 'du dang mi 'du ldog dang mi ldog phung po mngon grub rang bzhin de bzhin nyid// ma nor gzhan nyid khams dang skye mched rten cing 'brel 'byung mngon du grub pa ma nor de bzhin nyid// phyin ci log dang sgrib dang srid pa sna tshogs chos nyid ngang gis stong// ting 'dzin snyoms 'jug mngon shes ma nor bde ba'i lam// zag bcas zag med 'jig rten pa dang 'jig rten 'das/ gnyis med rang bzhin lhun gyis grub pas skye 'gag bral// mi mnyam mnyam pa kun rdzob don dam bde ba'i mchog/ rtag dang mi rtag bde dang sdug bsngal ngang gis zhi ba'i phyir// bdag yod bdag med rdzun dang mi rdzun byed yod byed med sgyu ma'i tshul ltar ro// 'byung dang mi 'byung ngo bo nyid yod nyid med 'chi 'pho skye ba dngos med smig rgyu'i tshul// tshogs dang ma tshogs lhun grub brjod pa kun dang bral// 'dod chags zhe sdang gti mug nga rgyal phrag dog khong khro ser sna mun pa le lo yongs su dag/ zag bcas zag med stong dang mi stong mtshan mar 'dzin pa 'khrul pa yin pas stong// yongs su rnam dag nges pa bzhin du chos rnams rnam dag zhing// dri med rnam dag chos dbyings rin po che// rnam par mi g.yengs shes rab dbyings ma'i ngang// thams cad mi dmigs nam mkha'i ngang tshul zhi bas bde ba'i don// skyes bus rmi lam rmis kyang rmi lam rang bzhin bstan kyang rmi lam rang bzhin bshad pa med// de phyir rmi lam nyid kyang med na rmi lam rang bzhin bstan pa ga la yod// de bzhin chos nyid bstan kyang chos nyid la ni dngos po med// 'di ltar skyes bus sgyu ma mthong ba'i sgyu ma'i rang bzhin bstan kyang ngo bo nyid kyis ga la yod// de bzhin zab mo bstan kyang zab mo'i rang bzhin dngos bral te// mig yor mthong ba'i skyes bus mi g.yor bstan kyang dngos po yod ma yin// de bzhin chos sku'i rang bzhin bstan kyang dngos po mthong ba med// ji ltar smig rgyu mthong ba'i dngos po de la ngo bo ga la yod// de bzhin rtog bral zab mo dmigs med yang dag rtogs par dka'// ji ltar brag cha'i spyod yul sgra thos de ni mi mthong ba// bdag gi sgra byung de tshe sgra de thos// de tshe chos nyid zab mo bstan pa'i tshig thos chos gang bstan pa thob 'gyur mngon bshad de tshe kun shes rang bzhin med de thos pas lam du gyur// dbu ba rdos pa'i rang bzhin stong yang dbu ba'i rang bzhin phyi nang mi dmigs bstan pa'i rang bzhin dmigs par ga la 'gyur// de bzhin chos nyid zab mo ston kyang rang bzhin mi dmigs chos gang mngon par grub pa'ang nye bar mi 'gro'o// chu'i chu bur ston kyang chu'i chu bur rang bzhin med na chu bur ngo bo ga la yod// chos gang mngon par 'grub pa 'byung ba nye bar gnas pa ma yin no// 'on kyang skyes bu chu shing snying po btsal yang mi rnyed mod kyis 'on kyang de yi 'dab ma rnams kyis dgos pa byed// de bzhin chos nyid snying po med mod kyis// chos nyid bstan pa'i dgos pa'ang byed// skyes bu nam mkha' stong par tha snyad rab 'dogs kyang// nam mkha' la ni bstan pa ci yang med// de bzhin chos nyid la ni tha snyad rab btags kyang// bstan pas yongs su grub cing tha snyad btags pa med// grib ma nyin ldog tha snyad gnyis 'dogs chos gang yongs su grub pa'i phyir yang nye bar mi gnas snang ba mngon// de bzhin chos nyid tha snyad 'dogs pa'i tshig tu 'gro yang chos gang bstan pa tha snyad tshig tu mi 'gro chos rnams snang bar byed// ji ltar nor bu rin chen sbyangs na snang ba chen po nye bar gnas 'gyur kyang// snang ba de ni nang ngam phyi rol gnyis na yod ma yin// de ltar chos nyid snang ba'i bya ba chen pos nye bar gnas gyur kyang// snang ba de ni nang ngam phyi rol mthong bar nye bar mi 'gro'o// dper na 'bru mar mes bus na// de yi 'od 'phro yud tsam mi gnas kyis// snang bar byed de snang ba des gzugs rnams kyang mthong bar 'gyur// de bzhin ye shes chos gang la yang mi gnas chos rnams snang ba'i bya ba byed/ snang ba des ni 'phags rnams chos kun yang dag ji lta bzhin du mthong gyur to// ji ltar gzugs dang skye mched khams dang rten 'brel gang zag bcu gnyis ma grub pas// de ltar chos dbyings rnam dag zab mo de ltar mtshungs// bden dang rdzun dang phyi nang yongs su ma grub pas// rnam par mi rtog lhun grub zab mo byang chub bde// sa la sogs drug khams su ma grub pas// yang dag ngang nyid zhi bas de 'dra'o// 'khor ba'i chos dang mya ngan 'das pa'i chos rnams kun// de dag rtag tu ma grub zhi ba chos kyi ngang yang rtag tu zhi ba chos kyi dngos// zhi ba bsil 'gyur zhi ba yongs su grub// de ltar bstan pa'i rang bzhin mi dmigs lhun rdzogs ngo bo nyid kyi sku// zhes gsungs so// rgyud kyi rgyal po chen po byang chub kyi sems lung chen po'i mdo las/ rnam pa'i chos yongs su rdzogs pa'i le'u ste sum cu so lnga pa'o//// de nas 'khor der 'dus pa rnams kyis/sems dpa' dam pa la 'di skad ces gsol to// yang dag pa'i don ci lta bu lags// sems dpa' dam pas bka' stsal pa// ci la'ang mi gnas ma chags yang dag dam pa sgom// gang la'ang chos rnams zhi ba'am 'phel ba'am 'grib pa yod na sgom pa ma yin te// yang dag so so skye bo'i chos rnams mi spang sangs rgyas chos rnams mi len pa// de ni yang dag zab mo'i don rtogs sgom pa yin// 'khor ba'i skyon du yang mi 'ching// mya ngan las 'da' yang dag blang dor med// 'phel 'grib skye 'gag bsam pa yi// chos la'ang mi smon yang dag sgom pa'o// 'das dang ma 'das da lta rab dang tha mar bar la ma chags shing// de ltar bsgoms na yang dag sgom pa yin// e e ma ho gzung du ma mchis sangs rgyas chos rnams mchog lags stong pa mngon rdzogs sku// bcom ldan de ltar bsgoms na yang dag zab don rnal 'byor bsgom pa yin// 'byung ba ltar gnas de bzhin te// chos gang gnas med gnas kyang de yin te// bsam gyis mi khyab skye med chos kyi dbyings// dbyings ni bde ldan gnyis med de dag sku yi mchog/shes pa med pa de ni sangs rgyas kun gyi ye shes so// gang tshe ye shes de ni don dam ye shes te// chags med ye shes de la dngos po med// yul med ma chags ye shes de ni gnas med do// gang tshe rten med ma thob skye med yang dag zhi// chos dbyings ye shes la ni skyon yon gnyis med do// gang gis de ltar shes pa mi dmigs sangs rgyas ye shes so// skye mi skye dang mi dmigs ye shes nub dang ma nub med// rtag dang chad dang 'dra dang mi 'dra med pas ye shes nam mkha' 'dra// ma bsgyur ma bcos ye shes drang por gnas// 'dod chags zhe sdang gti mug mi rtog ye shes dam pa yin// sngags dang phyag rgya la sogs kun ni btags par shes par bya// ces gsungs so// rgyud kyi rgyal po chen po byang chub kyi sems lung chen po'i mdo las/ ye shes dag pa'am bsgom pa'i le'u ste sum cu drug pa'o//// de nas 'khor der 'dus pa rnams kyis chos mchog chen po la 'di skad ces gsol to// ci yang mi dmigs stong pa'i mtshan nyid dang// dngos po rnam par dag pa'i don gang lags// chos mchog byang chub sems dpas bka' stsal pa// bde ba gang yang mi spyod dag pa yin pa'i phyir// phyin ci log dang yang dag gnyis med do// spyod pa ma lus bkag pa spyod pa'i mchog/ chos nyid mi dmigs dag pa chen po byang chub sems// byang chub sems ni mtha' dang mtha' med mi spyod do// yod med mi rtog dbus kyang rjes su mi mthong ngo// dbus rnams yod na mtha' yang yod par 'gyur// mtha' dbus 'byed na skyon yin no// ji ltar dper na nam mkha' la// mtha' dbus rnam par mi rtog ltar// chos nyid zhi la rtag dang chad pa med// chos nyid la ni gzugs su mthong// chos nyid la ni sgrar shes pa// log par shes des zhi mi mthong// chos nyid du ni sangs rgyas blta// 'dren pa rnams ni chos kyi sku// chos nyid rig par mi rung ste// skye ba med la bzod pa rab tu thob// bsod nams phung po mang du bde bskyed do// rang bzhin med pa'i rang bzhin can// 'das dang ma byon da ltar gyi// rgyal ba rnams kyi yum du gyur// byang chub nam mkha'i mtshan nyid de// nam mkha' la yang mtshan nyid med// de bzhin blang ba ma yin dor ma yin// gnas su ma yin gnas rnams sbyang ma yin// kun nas nyon mongs ma yin rnam par byang ma yin// kun nas dben pa ma yin mi dben min// chos nyid g.yo ba med phyir gang du'ang 'gro// 'dus byas rkyen rnams med pas 'jig pa med// ro rnams bag tsha med pa'i phyir// chos rnams skye 'gag med cing stong pa'i ngang// phung po khams dang skye mched med phyir yang dag dam pa'i ngang la mu med do// chos nyid kun mnyam rdo rje mnyam pa yin// gang dag gsang sngags bsgrub par brtson na de dag bgegs med gsang sngags 'grub par 'gyur// e ma ho/ gang gis don 'di mnyam gzhag sgrib pa thams cad byang bar 'gyur// byang chub nges par gzhol gyur dang// gsang sngags bsgrub par brtson de 'di dag bgegs med gsang sngags 'grub// byams pas mnyam nyid bya ba thams cad bskyed// 'phral du sdig 'phrog rgyal ba'i yum// byang chub sbyin byed sangs rgyas yon tan rdzogs// dkyil 'khor thams cad kyis ni dbang yang bskur bar 'gyur// gsang sngags thams cad ma lus mngon du 'gyur// thams cad grol ces bya ba'i ting 'dzin mnyam par gnas// yon tan lhun grub ting 'dzin mnyam pa'i tshul// yid bzhin nor bu rin chen 'bar ba'i 'od// gzi mdangs 'od ldan nyi ma 'bum gyi gzi// bdag med mnyam snyoms nam mkha'i ngang// zhi ba chen po chos kyi sku// rnam dag lhun grub brdal ba che/ kun khyab rang bzhin ngang gis gsal// sdug bsngal rgya mtsho dag pa'i tshul// ma bcos byang chub de bzhin gnas// chos sku rnam dag zhi ba'i tshul// bde dang ldan pas rnam rtog bral// dri ma rnam dag chos kyi sku// mi 'gyur mi shigs rdo rje can// mi g.yo mi 'gul nam mkha' 'dra// zhi ba chen po de bzhin nyid// de ltar 'dzin pas gzung 'dzin g.yul las rgyal// zhes gsungs so// rgyud kyi rgyal po chen po byang chub kyi sems lung chen po'i mdo las/ mtshan ma dang stong pa mi dmigs pa'i le'u ste sum cu bdun pa'o//// de nas 'khor der 'dus pa rnams kyis/sems dpa' dam pa la 'di skad ces gsol to// dam tshig gi sdom pa ji lta bu lags// sems dpa' dam pas bka' stsal pa// 'dod chags zhe sdang gti mug dang// nga rgyal phrag dog spang mi bya// ma byin par yang blang bar bya// rdzun gyi tshig kyang smra bar bya// mi tshangs par yang spyad par bya// bram ze dag kyang gsad par bya// phra ma'i tshig kyang smra bar bya// brnab sems gnod sems bskyed par bya// sha khrag rdo rje dri chen chu dang byang chub sems// ba lang khyi sha la sogs rtag tu bza'// A+oM dang hUM dang AHrnams kyis// de dag rtag tu sbyangs la bza'// de ni rdo rje'i dam tshig mchog/des ni mchog gi dngos grub thob// 'dod chags zhe sdang gti mug spyod// des ni rdo rje mchog gsum 'thob// gzugs sgra dri ro la sogs pa// de ma thag tu bsten gyur na// dngos grub dam pa myur du 'thob// 'dod pa ma lus kun bsten na// de ni byang chub yang dag 'thob// 'dod pa'i yon tan thams cad kyis// sku gsung thugs ni shes byas nas// byang chub sems ni mchod par bya// dam tshig can rnams thams cad kyis// dam tshig sdom pa bsrung byas na// mthong ba'i tshe ni 'di nyid la// rdo rje gsum ni 'di yis 'thob// mi shes gti mug can gyis tha tshig 'das// de la dngos grub yang dag 'byung mi 'gyur// mdze dang phol mig 'brum bu dang// rims dang dug dang nad dang bgegs// ye 'drog bka' yi chad pa yis// bsad nas sems can dmyal bar 'gro// de bzhin gshegs dang rin chen pad+ma las kyi rigs// de bzhin sangs rgyas byang chub dang// 'phags pa rnams kyis skyob mi mdzad// byin gyis kyang ni mi brlab ste// rang bzhin 'phags pa thams cad la// rin chen phreng ba la sogs dang// me tog bdug spos la sogs rnams// phul yang rgyal bas ga la bzhes// 'jig rten 'dir yang tshe thung zhing// tshe 'di nyid la sdug bsngal dag myong nas// gnad gcod sdug bsngal mi bzad myong nas ni// pha rol du yang dmyal bar 'gro// tha tshig spyod pa nyams pa yi// mi shes byis pas dngos grub mi thob bo// gal te dam tshig sdom pa ma nyams na// dug lnga nyid kyang ye shes lnga// mtshan dang dpe byad bltas mi ngoms// sangs rgyas byang chub sems dpa' dang// de yi 'khor na gnas rnams kyis// de la rtag tu skyob par byed// mthong yul tshe la bde ba dang// rdo rje gsum nyid rtag tu 'thob// tha tshig sdom dang mi sdom dang// bsrung dang mi bsrung phyogs med par// mnyam nyid sdom par gang gnas par// mnyam pa chen po'i dam tshig ste// nam mkha' lta bur mngon shes na// de ni yang dag dam tshig ste// blta ba'i rnam dag dam tshig mchog/ dag pa zhi ba gang bsrung ba// rnam dag dam tshig chen po yin// yang dag chos dbyings zab mo la// bsrung dang mi bsrung ga la yod// bsrung med nam mkha' lhar shes na// de ni yang dag gsang ba'i dam tshig go/ de ltar bsrung ba zab mo'i don// zhes gsungs so// rgyud kyi rgyal po chen po byang chub sems lung chen po'i mdo las/ dam tshig gi le'u ste sum cu brgyad pa'o//// de nas 'khor der 'dus pa rnams kyis// smra ba'i dam pa la 'di skad ces gsol to// sems dpa' chen po/ gzugs brnyan gyi rtog pa bgyi ba dang/ 'gro ba'i don du chos tshul bsgrub cing bsnyen pa ji ltar lags// smra ba'i dam pas bka' stsal pa// sgrub pa dang ni sgrub chen dang// bsnyen pa dang ni nye bsnyen dang// de bzhin rnal 'byor bsgrub pa'i gnas// dgon pa chu gling gnas rnams dang// nags tshal chen po'i sa phyogs dang// dben pa chen po'i gnas rnams dang// ri bo ri sul gnas rnams su// yon tan phrin las gang bsgrub rnams// rtag tu bsgrubs na dngos grub thob// mchog dang thun mong rnam gsum 'thob// dkyil 'khor dam pa'i sa bslang ba// bde gshegs rgyal bzhugs pa yi sa slong na// dgongs shig thub dbang rgyal ba'i sras// mkha' 'am bar snang sa steng 'khod pa yis// bdag por gyur pa thams cad kun// yang dag grub pa'i sa slong na// 'khor bcas khyed las sa 'di blang// yo byad sna tshogs sa la 'khod la sbyin// skyob pa chen po bcom ldan 'das// sa non pha rol phyin pa'i chos// 'khor ba mya ngan 'das gyur la/ yum gyur khyod kyi dpang mdzod cig/sa yi skyon rnams bsal nas kyang// rin chen sna lngas gter du bya// maN+Dal kun tu gru bzhi la// bdud rtsi rnam lngas skyang nul bya// de nas srad bu'i sbyor ba ste// gzungs ma mtshan dang ldan pa la// dpa' mor byin brlabs mkhal du gzhug/ zhing chen ris kyi rtsa rgyus la// sum sgril 'jur mdud med pa ni// ma d+hal 'khor khyud tshad du bya// mkhas pas rdo rje gsum du byin gyis brlabs// de nas srad bu gdab pa'i mtshams bcad de// so so rnams su gdab par bya// de nas dam rdzas bdud rtsi yis// zhing chen ris kyi thig ler bya// dbus kyi pho brang dgu pa la// phyogs bzhi dbus la yab yum bcu// phyogs mtshams bzhi la gsang ba'i yum// phyi rol pad+ma 'dab brgyad la// sems dpa' brgyad dang sems ma brgyad// de ltar bcu drug dgod par bya// gru chad la ni lha mo brgyad// 'khor sa la ni sgo gdod bya// sgo bzhi la ni phyag brgya bzhi// de yi khyams ni phyi ma la// sprul sku thub drug dgod par bya// de yi bar khyams phyi ma la// sgo gdong phrin las rnam bzhi'i phyag rgya dgod// de bzhin dkyil 'khor rgyas pa la// 'od zer sna lnga kun tu gzigs// sangs rgyas rdo rje can gyi gnas// de dbus b+h+rUM ni gnas pa las// gser gyi ri bo 'dra ba yi// sangs rgyas kun gyi gzhal med khang// 'khor lo bsgyur bas bsgom par bya// las kyi rdo rje'i stan nyid du// shes rab ldan pas de 'og bsam// chos kyi dbyings kyi dbus gnas par// bde gshegs kun gyi pho brang ngo// rin chen gzhi dngos mchod rten ni// 'od zer 'bar bas rnam par brgyan// ye shes rgya mtsho dus gsum gyi// gnas su de ni rnam par bsam// gru bzhi pa la sgo bzhi pa// sgo rgyan bzhi dang yang dag ldan// dril bu dar 'phyang 'phan la sogs// sgo khyud kyis ni rnam par brgyan// grwa mtshan dag ni thams cad ni// rdo rje rin chen rnams kyis spras// zla kham chun 'phyang gis brgyan cing// nyi ma zla ba la sogs brgyan// bla re bres pas mdzes par gyur// na bza' phreng ba'i tshogs kyis brgyan// de ltar dkyil 'khor dam pa yis// mi shes byis pa rnams la bstan// chos nyid ye nas lhun grub pas// bsgrub dang sgrub pa dmigs su med// dbyings nyid ye nas dag gnas la// bsnyen pa nye bsnyen gdags su med// dper na med las yod btags pa// me long nang gi gzugs brnyan 'dra// chos nyid rnam dag ye gnas la// gnas dang dgon par gnas pa med// dper na nam mkha' stong pa la// gnas rten sa phyogs med pa la// gang dag byis pa mi mkhas pas// mkha' la myu gu sdong skyed 'dra// de dag yod par mi 'gyur ro// ye nas chos nyid rdzogs pa la// phrin las rnam bzhis sbyang bsgrub med// sa rnams ye nas lhun grub la// cho ga rnams kyis sbyang mi dgos// chos nyid dkyil 'khor gsang ba dam pa bkram pa la// gzugs brnyan dkyil 'khor dmigs su med// stong nyid rang bzhin dag pa chos kyi sku// lhun grub rdzogs mdzad longs spyod chen po'i sku// 'gro ba'i don mdzad mtha' yas sprul pa'i sku// de bzhin lhun grub sku rnams la// gzhi dang ngo bo mthun pa'i dpe// gnas dang 'khor dang 'dul ba'i zhing// sku gsum gsung ni bsgrags pa ni// chos sku chen po bskyed dang rdzogs dang rdzogs pa chen po yin// longs spyod che ba'i rdo rje can gyi bsdus gsum yin// sprul pa chen pos 'dul ba mngon pa mdo sde gsungs pa dang// rdo rje sems dpa' rnam snang shAkya rigs dbang po// thugs gsum mnyam nyid ngang du zhi// chos sku'i don rnams bstan pa ni// gzhi ni de bzhin nyid dang mtshan nyid brjod du med// mthun dpe nam mkha' gnas ni yum gyi mkha'// gdul zhing nam mkha' khyab pa 'khor ni rdzogs sangs rgyas// longs spyod rdzogs pa'i don rnams bstan pa ni// gzhi ni chos sku ngo bo rnam snang mdzad// mthun dpe 'khor los sgyur ltar bzhugs// gnas ni lha yi rgyal po gzhan 'phrul dbang byed gnas// 'khor ni nye ba'i sras brgyad sa rnams rim gnon yin// gdul gzhi gzhi dang me tog snying po can// sprul pa'i sku yi don rnams bstan pa ni// gzhi ni longs spyod rdzogs dang shAkya'i rigs dbang po// mthun dpe sgyu ma'i tshul dang gnas ni rdo rje gdan sogs yin// 'khor ni rgyal ba kun dang 'gro drug thams cad do// gdul zhing gling rnams bye ba phrag brgya yin// sku dgu theg dgu bstan kyang 'gro ba'i don bstan ma rtogs pa// theg pa de kun yang dag theg las gzhan na yod ma yin// de bas chos kun rnam dag theg pa gcig rdzogs so// 'das pa'i dus rnams su dran de ni sangs rgyas gnas pa yin// tshad med bsam gyis mi khyab bskal pa na// de'i tshe rgyal bu byung ba skye rgu'i bu yi mchog/ mtshan ni ye shes bdag po zhes bya ba// skye rgu 'dren pa des ni chos bstan te// sems can bya ba mtha' yas ma lus 'dul// byang chub sems dpa' bsam yas bye ba grangs med kun// yang dag ye shes yang dag 'dzud// 'jig rten mgon po de yis chos bshad pas// mtha' yas nges par bstan pa gsang sngags mchog/ rab tu snang bas 'jig rten thams cad mdzes// sems can rnams kyis yang dag don yang ston// de ltar de na rin chen zhing// de bzhin kha dog bai DUr+ya yi mdog/ sangs rgyas rang byung de dag nyid kyang snang// gser gyi mchod sdong lta bur blta na mdzes// bai DUr+ya yi dbus na gser gzugs bzhin// 'khor gyi dbus na ches ni rab tu gsungs// de la 'khor yang grangs yod ma yin te// bskyod pa med cing g.yo ba med par snang// bzod gnas bsam gtan dga' zhing mnyam par bzhag/ yang dag zhi ba zag pa med pa'i gnas// rgyal ba drang srong chen po rnyed par dka'// zhes gsungs so// rgyud kyi rgyal po chen po byang chub sems lung chen po'i mdo las/ sku gsung thugs lhun gyis grub pa'i dkyil 'khor gyi le'u ste so dgu pa'o//// de nas byang chub kyi sems rdo rjes 'di skad ces gsol te// rdo rje dam tshig rin chen cod pan dbang bskur bas// ye shes ldan pa rnal 'byor chen po'i dbang phyug ste// de bzhin gshegs pa'i phyag rgya mnyam nyid thugs chud sna tshogs mdzad pa de// ma lus sems can yongs su bskang ba'i phrin mdzad thugs rje can// rnam par snang mdzad chen po las gsum mnyam nyid la bzhugs pa// sku gsung thugs dang thams cad ma lus rdo rje ste// bde gshegs lha yi rgyal po gzhan 'phrul dbang byed gnas// khams gsum thams cad ma lus yid bzhin rin chen spras pa dang// dar gyi ba dan kha dog sna tshogs dril brgyus rlung gis bskyod pa dang// me tog phreng ba rnga yab rgyan phreng dang// chun 'phyang zla ba nyi ma sbrul chun rnams kyis mdzes byas dang// mtha' dbus med pa'i gnas na de bzhin gshegs pa thams cad bzhugs// yon tan ldan pa'i sras dang thabs gcig ste// de ltar yon tan ldan la bdag phyag 'tshal// longs spyod rdzogs sku yid bzhin rin po che// sa bcu'i rgyal sras chos kyis tshim mdzad cing// 'jig rten mun rum 'od kyis snang mdzad pa// snang mdzad dag pa'i sku la phyag 'tshal lo// bcom ldan sku mchog dbu gsum gser mdog brjid pa'i zhal// 'og min chos rgyal blon por mnga' brnyes pa// log lta thams cad 'jigs pa'i sku// ri rab lta bur brjid la phyag 'tshal lo// dug gsum 'joms mdzad sha rus gsol mdzad cing// gnyis med don la sbyor bas khams gsum sgrol// shin tu brjid pas dur khrod rgyan dgu sku la mnabs// 'khor bar mi ldog dpal gyi chas brgyad sku la brgyan// chos sku mi 'gyur mthing nag 'bar ba'i sku// ye shes ting 'dzin zin pas mche ba gtsigs// dug lnga gtan du bsreg pas me yi klong na bzhugs// ting 'dzin 'du 'phro mdzad pas chos nyid sna tshogs mdzad// spyan gsum sdang mig bgrad pas ngan song brtsad nas bcad// dbu rnams sku lus gcig pas chos kyi dbyings// yum dang gnyis su med pas rnam dag don// 'khor ba'i g.yul las rgyal la phyag 'tshal bstod// a la la ho zhes gsol to// de nas bcom ldan 'das rnam par snang mdzad ye shes can gyis 'di skad ces bka' stsal to// dkyil 'khor rdo rje 'dzin pa mtha' dag kun gyi mchog/ khams gsum ma lus mtha' dag 'jig rten gsum las rnam par rgyal// sems can ma lus 'dul ba'i don rnams thams cad 'grub// dam tshig gsang ba'i dkyil 'khor gyis ni g.yogs byas te// yang dag rnam grol don dam 'dis ston te// lag g.yon rdo rje bsgyings te bzhin ni rab 'dzum pas// rdo rje chen po gsor te rang gi snying gar gtod pa'i tshul gyis 'dzin// bde chen don dam rdo rje dam tshig kho na nyid kyi snying po 'di smras so// hUM bcom ldan rnam par snang mdzad kyis// zhi ba'i de nyid mngon rdzogs byang chub bsgrub par bshad// rdo rje mnyam nyid mngon rdzogs byang chub chen po ste// don gyi ngo bo mi rtog mnyam nyid rnam dag zhi// mnyam nyid snying po 'di smras yi ge a// 'dod chags zhe sdang gti mug spros med pas// chos rnams thams cad yi ge a ru rig/ 'jig rten gsum rgyal phyag rgya rdo rje can// 'jig rten dri med rnam dag chos kyi dbyings// nyon mongs skyon gyi ma gos don dam 'di smras hrIH// khams gsum dbang bskur snying po'i don// nyid la rdo rje rin chen dbang bskur phreng ba bcings shing dam pa 'di smras trA/ sku yi phyag rgyas dbang bskur chos kyi sku// gsung gi phyag rgyas dbang bskur chos kun thob pa dag/thugs kyi phyag rgyas dbang bskur ting 'dzin dag pa thob// rdo rje gsum gyi phyag rgya yongs 'dzin pa// lus sems ngag ni rdo rje'i dngos grub thob// de phyir chos nyid zab mo a ru 'dus// thams cad spros med yi ge a// ngo bo'i chos nyid stong pa'i yi ge a// mtshan med smon med chos nyid yi ge a// rdo rje mi shigs dngos grub yi ge a// rdo rje mnyam nyid dkyil 'khor yi ge a// don nyid mnyam 'jug chos nyid yi ge a// a ni ma skyes stong pa ste// a ni chos sku dag pa'i gter// a ni stong dang mi stong gi/ dbu ma dmigs su yod ma yin// hUM gis mchod pa thams cad longs spyod rdzogs// oM ni ye shes lnga yi dngos// sku gsung yon tan phrin las sogs// hUM hUM hUM sems can rdo rje nyid pas khro bo'i ngang// ye shes lnga yang rdo rje khro bo can// hUM gsum rnam dag zhi ba las// dkyil 'khor rnam dag 'byung ba yi// 'khor lo rtsibs brgyad mu khyud bcas// bar khyams bzhis mdzes sgo khyud ldan// gru chad bzhis kyang mdzes par bya// dbus la b+hud+d+ha yab yum ste// 'bar ba'i 'khor lo rgyas par dgod// dkyil 'khor rgyan rnams rgyas 'gyur nas// bsgrub pa de bzhin brtsam par bya// bsgrub pa'i rdzas rnams bsags pa ni// rtsa ba lnga dang yan lag brgyad// a ga ru dang du ru ka/ ga bur gur gum la sogs te// sman rnams rgyas par bsogs te sbyang// ting nge 'dzin rnams rim gyis bskyed par bya// gal te rtags ma byung na spog pa'i cho ga gzhung bzhin bya// de ltar gzhung bzhin bsgrub pa brtsams nas kyang// de ltar don nyid rdo rje yang dag thob pa ni// de ni rdo rje can de legs so legs// cho ga 'di ni legs par smras// sangs rgyas rdo rje 'dzin kun gyis// 'bras bu yod pa 'dus pa'i mchog/ rdo rje can du byin gyis rlobs// cho ga'i rgyal po bla na med// gang rnams 'di dag 'dzin pa ni// bdud la sogs pa thams cad kyis// de dag mi sod mi tshugs so// sangs rgyas byang chub sems dpa' dang// dngos grub dam pa thams cad kyang// sangs rgyas kun gyis gsungs pa bzhin// ring por mi thogs thob par 'gyur// de skad gsungs nas gsang grub phyir// rdo rje can gyis bshad pa la// kun mchog sangs rgyas mkhas bcas pa// thams cad kyis ni mngon par bstod// rnam par snang mdzad gsang ba'i chos nyid rab brnyes pa// spros med bde ba dam tshig rdo rje mnyam nyid chos// mtha' dbus med pa dam pa rdo rje ste// 'dod chags zhe sdang stong pas gti mug ste// bdud dang khams gsum las 'das dbang phyug chen po'i mchog/ de dag don rnams ji lta bu// ji srid 'khor ba'i gnas su ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// chos nyid rnam dag thabs chen dang// ye shes gnas su bsgrags pas ni// chos kun rnam par dag par nus// 'khor la yongs su dag par 'gyur// chags pa la sogs bsal bas na// 'khor ba'i bar du dag par yang// 'jig rten sdig byed de sbyang phyir// 'khor ba srid du bdag nyid 'dul// ji ltar pad+ma rab dmar yang// tshon gyi nyes pas mi gos pa// de bzhin gnas kyi nyes pa yis// 'gro phan rnams la mi gos so// 'dod chags chen po rnam par dag/ bde ba che zhing nor che la// khams gsum dbang phyug thob pas ni// sems can don rnams bstan par byed// ces gsungs so// rgyud kyi rgyal po chen po byang chub kyi sems lung chen po'i mdo las/ bsgrub pa gsang ba'i le'u ste bzhi bcu pa'o//// de nas 'khor der 'dus pa rnams kyis/ byang chub kyi sems rdo rje la 'di skad ces gsol to// gsang sngags kyi don ji lta bu lags// sems dpa' dam pas bka' stsal pa// yang dag gsang ba'i don chen 'di// rgyal ba'i thugs dam bskul ba dang// mtshams gcad gnas par bya ba dang// cho ga rnam gsum bskyed pa dang// 'gro ba'i sgrib pa sbyang ba dang// sku gsung thugs ni rtogs bya dang// dkyil 'khor lha rnams brtan bzhugs phyir// dam pa 'di dag bshad pa yin// oM ni rgyal ba'i sku yi mchog/ hUM ni rgyal ba'i thugs kyang yin// swA ni rgyal ba'i yon tan gter// AHni rgyal ba'i gsung sgra ste// hA ni rgyal ba'i phrin las so// thams cad de bzhin gshegs bya'i phyir// sngags kyi dam pa 'di brjod do// hUM hUM hUM hUM hUM/ A+oM A/ ta tha da d+ha na/ Ta Tha Da D+ha na/ ka kha ga g+ha// tsa tsha dza dz+ha/ pa pha ba b+ha/ wa ya ra la/ nga nya ma A+o/ sha Sha sa ha/ i I/ u U/ e A+e/ A+oM ak+Sha/ hUM badzra d+h+r-Ika dza/muM d+hA twI u0f84shwa u0f84ri/ oM dze na dzika dza/ laM dwe Sha ra ti/ swA rat+na d+h-ika dza// maM mo ha ra ti/ AM A ro lika dza/ pAM rA ga ra ti/ ha pradz+nyA d+h+r-ika dza/ tAM badzra ra ti/ k+ShiM hi rA dzA ya hUM/ hUM lA s+ye sa ma ya s+t+wAM/ trAM A gar+b+hA ya/ trAM mA le sa ma ya ho/hriM haM hUM pad+ma pA da ma/ hrIHgI ti rA gou0f85haM/ dziM ku ru pA Na hrIH/ aM nirti rA ga yA mi/ mai d+hA ra Ne/ dzaHd+hU pe pra be sha/ th+l+hiM nis+sa ri b+hA ya swA hA/ hUM puSh+pe A be sha/ hUM sa rA dzA ya/ baM dI pa su gi rI/ muM shrI aM rA g A ya swA hA/ho gan+d+he tsit+ta/ A+oM mu ni krIM swA hA/ A+oM mu ni hUM truM swA hA/ A+oM mu ni sruM swA hA/ A+oM mu ni praM swA hA/ A+oM mu ni k+ShaM swA hA/ A+oM mu na ye swA hA/ hUM ya mAn+ta kr-ita phaT/ A+oM badzra d+ha ri ma hA kro d+hI shwa ri dz+wa la ni hUM phaT/ hUM big+h+nAM takr-i ta phaT/A+oM rat+na d+ha ra ma hA kro d+hi shwa ri dz+wa la ni hUM phaT/ hUM A+oM pad+mAn+ta kr-i ta phaT/ A+oM pad+ma d+ha ra kro d+hI shwa ri dz+wa la ni hUM phaT/ hUM pradz+nyAn+ta kri ta phaT/ A+oM karmA d+ha ra ma hA kro d+hI shwa ri dz+wa la ni hUM phaT/ hUM hUM badzra tsit+ta hUM/a a badzra sa man+ta b+ha drA a/ rgyal ba rnams kyis gzungs brjod pas// bde dang ldan pa yang dag rdzogs// rdzogs par bya ba sngags kyis bskyed// sngags kyi sa bon gang yin pa// yi ge a la bsgyur nas kyang// lha rnams rim par bskyed pa ni// til 'bru tsam gyi rang bzhin las// je che je cher bskyed nas kyang// rang lus rgyal ba'i phyag rgya che// bsgoms pas mngon du gyur pa'i lha// che ba'i yon tan bsam mi khyab// mtshan dang dpe byad mngon shes ldan// 'jig rten 'phangs dang bteg pa dang// cho 'phrul sna tshogs bstan pa dang// rigs rnams so sor bsgrag pa dang// de ltar lha yi skur gyur nas// rig 'dzin phyag rgya chen po yin// de ltar a nyid stong pa la// dngos por 'dzin pa 'khrul ba yin// dngos po ji ltar stong zhe na// a nyid ma skyes zhi ba ste// a las yig 'bru thams cad bskyed// a ltar yig 'bru thams cad de// yig 'bru stong pas lha yi sku bskyed stong// sku gsung thugs dang yon tan phrin las rang bzhin stong// dper na nam mkha' stong pa la// med pas yod par brtags pa bzhin// chos nyid rang bzhin stong pa la// mtshan ma'i dngos por skur bstan pa// mkha' la 'ja' tshon 'byung ba 'dra// de ltar chos nyid dngos med yin// zhes gsungs so// rgyud kyi rgyal po chen po byang chub kyi sems lung chen po'i mdo las/gsang sngags kyi le'u ste zhe gcig pa'o//// de nas 'khor der 'dus pa rnams kyis sems dpa' dam pa la 'di skad ces gsol to// ting nge 'dzin gyi bye brag ji ltar lags// sems dpa' dam pas bka' stsal pa// ting 'dzin rnam pa 'byung ba ni// rdo rje lta bu'i ting 'dzin dang// dpa' bar 'gro ba'i ting 'dzin dang// chos nyid yang dag ting 'dzin dang// rang bzhin gyis gnas ting 'dzin dang// gnas pa'i rang bzhin ting 'dzin dang// btsal dang bral ba'i ting 'dzin dang// brjod dang bral ba'i ting 'dzin dang// sems kyi chos nyid las kyi mi 'khor ba'i ting nge 'dzin dang// btsal sems ma bral ba'i ting nge 'dzin dang// bdag nyid chen po'i ting 'dzin dang// 'gro don chos dbyings ting nge 'dzin dang// gzungs don chen po'i ting nge 'dzin dang// yongs rdzogs byar med ting nge 'dzin dang// chags dang bral ba'i ting nge 'dzin dang// bya med snying po'i ting nge 'dzin dang// smon lam stobs med ting nge 'dzin dang// lung ston rnam dag ting nge 'dzin dang// dbang bsgyur mi rtsol ting nge 'dzin dang// dngos grub mi spang ting nge 'dzin dang// rnam grangs lhun grub ting nge 'dzin dang// brjod pa dang bral ba'i ting nge 'dzin dang// chos nyid mi 'gyur ting 'dzin dang// rgyu rkyen mi 'grub ting 'dzin dang// phyi nang dag pa'i ting 'dzin dang// spyod pa bkag pa'i ting 'dzin dang// rang bzhin yang dag ting 'dzin dang// chos rnams don gyi ting 'dzin dang// chos nyid zhi ba'i ting 'dzin dang// lhun gyis grub pa'i ting 'dzin dang// las kun spyod med ting 'dzin dang// chags sdang zhi ba'i ting 'dzin dang// chos nyid mtshon med ting 'dzin dang// mtshan ma med pa'i ting 'dzin dang// rnam rtog zhi bya'i ting 'dzin dang// byang chub ma nor ting 'dzin dang// rnam grangs chos kun mdor bsdus ting 'dzin dang// ye shes dag sgom ting 'dzin dang// stong dang mtshan ma mi dmigs ting 'dzin dang// dam tshig rnam dag ting 'dzin dang// dkyil 'khor lhun grub ting 'dzin dang// bsgrub mchog gsang ba'i ting 'dzin dang// gsang sngags brjod pa'i tinga'adzin dang// phyag rgya chen po'i ting 'dzin dang// dbang rnams skur ba'i ting 'dzin dang// phrin las rnam bzhi'i ting 'dzin dang// yongs su rdzogs pa'i ting 'dzin dang// stong pa nyid kyi ting 'dzin dang// rdo rje mi phyed ting 'dzin dang// skyes bu chen po'i ting 'dzin dang// nga gang las rgyal ting 'dzin dang// rtogs pa chen po'i ting 'dzin dang// ro langs sgrub pa'i ting 'dzin dang// cho 'phrul sgrub pa'i ting 'dzin dang// rigs rnams sgrub pa'i ting 'dzin dang// blo gros chen po'i ting 'dzin dang// sa rnams non pa'i ting 'dzin dang// pha rol zil gnon ting 'dzin dang// nyon mongs sreg pa'i ting 'dzin dang/ ye shes snang ba'i ting 'dzin dang// sgron ma snang ba'i ting 'dzin dang// rdo rje 'dzin pa'i ting 'dzin dang// bdud rnams gcod pa'i ting 'dzin dang// dug gsum rnam dag ting 'dzin dang/ lus ngag yid gsum ting 'dzin dang// bder gshegs rgyal ba'i ting 'dzin dang// ting 'dzin rnam pa mang po kun// sku dang gsung dang thugs kyi rgyud// chos nyid 'dus pa'i rgyud chen las// ting 'dzin rnam pa mang po'i don// chos nyid ting 'dzin yin pa'i phyir// rnam pa kun la de dag ste// ting 'dzin brjod pa mang po kun// rnam rtog gsal ba bstan pa yin// chos nyid la ni rnam rtog ting 'dzin med// de phyir ting 'dzin bsngags pa med// ces gsungs so// rgyud kyi rgyal po chen po byang chub kyi sems lung chen po'i mdo las/ ting nge 'dzin gyi le'u ste bzhi bcu gnyis so//// de nas 'khor der 'dus pa rnams kyis/ sems dpa' dam pa la 'di skad ces gsol to// lha bskyed phyag rgya bsgyur dang lha mchod pa// 'khor lo dang ni rdo rje dang// rin po che dang pad+ma dang// rdo rje rgya gram la sogs kyis// phyag rgya ji ltar yin par bsgyur// zhes gsol pa dang// sems dpa' dam pas bka' stsal pa// rgyal ba'i lha rnams bskyed pa ni// mi dmigs dbyings nas yig 'bru gsal ba yi// a la sogs pa'i yig 'bru kun// rgyal ba'i sa bon spros shing bskyed// e ma ho rgyal ba'i sku rnams bskyed pa ni// phung po khams dang skye mched las// yig 'bru sngags tshig spros bsdus pas// rgyal ba'i sku gsung thugs kyi rkyen// rgyal ba thams cad bskyed pa ni// bde ba'i stan la 'dug nas kyang// gang yin pa yi ting 'dzin bsam// bde ba'i sems de rnam spros pas// sprul skus thams cad khyab pa bzhin// sems de bkug nas phar zhugs las// de bzhin gshegs pa'i rigs su spro// rang sngags yi ge bskyed pa rnams// sku gsum sa bon byin brlabs te// pad+ma'i dbus su bskyed nas ni// rim pa bzhin du sangs rgyas spro// badzra d+h-Ikra/ sa bon dag las bskyed pa yis// rdo rje mi 'khrugs sprul pa de/ khro bo kha dog mthing shun 'dra// gnag dang dmar dang dkar ba'i zhal// ral pa'i cod pan gnas dag la// mi 'khrugs dbang bskur rnam par brgyan// thams cad rgyan ni kun rdzogs pa// phyag drug par ni rnam par bsam// rdo rje 'khor lo rab 'chang pa// chu skyes dag ni 'dzin pa'i mchog/dril bu nor bu ral gri rnams// g.yon gyi phyag tu rnam par bsam// snying ga nas ni nges spros te// phyogs bcu dag tu rnam par gzigs// sangs rgyas rdzu 'phrul mdzad sogs dang// chos kyi 'khor lo rab tu bskor// zhe sdang spyod pa'i lam gnas pa'i// sems can ma lus rnam sbyangs nas// byang chub sems kyi mdun na ni// rdo rje'i sems la rnam par bzhugs// de la zhugs par dad byas nas// rdo rje'i sems ni rnam par bsam// snga ma'i gzugs ni gnas 'gyur nas// zhe sdang gzugs su rnam par gnas// in+d+ra nI la'i 'od lta bu// zhal gdangs mche ba gtsigs pas 'jigs// mi 'khrugs 'bar ba spyi bor 'chang// 'jig rten khams kun 'khrugs par mdzad// nyi ma'i dkyil 'khor dbus gnas par// nyi ma bye ba phrag brgya'i 'od// dmar po'i spyan ni 'jigs pa che// rgyan rnams kun gyis legs par brgyan/khro gnyer zhi ba 'dod chags che// zhal gsum dag ni rnam par 'chang// rang gi dam tshig mnyam par ldan// phyag drug gis ni mngon par sprul// 'dzam bu nA da'i 'od 'dra ba'i// sangs rgyas sprin gyis rnam 'khrigs pa'i// rdo rje chen po rtse dgu pa// de yi phyag tu bsnams par sgom// sngags gsum pa yis rim bzhin du// phyag rgya phyi ma rnam par bsgom// zhe sdang rdo rjer byin brlabs pas// dkyil 'khor thams cad rab tu spong// dzi na dzikra/ sa bon las ni bskyed byas pa// rnam par snang mdzad gtso bo ste// zhi ba'i cha lugs dga' dang ldan// phyogs ni thams cad snang bar mdzad// ston ka'i 'dam bu'i 'od 'dra ba// ral pa'i cod pan dag gis brgyan// mi 'khrugs pa yi dbang bskur zhing// sna tshogs rgyan rnams kun gyis brgyan// dkar dang gnag dang dmar chen po// kha dog gsum pa'i zhal gsum pa// 'od zer sna tshogs chen pos brgyan// phyag drug rnam par sgom par bya// 'khor lo rdo rje pad+ma dkar// g.yas pa'i phyag tu rnam par bsam// dril bu nor bu ral gri rnams// g.yon gyi phyag tu rnam par bsam// snying las de bzhin phyung nas ni// phyogs bcu dgu ru rnam par gzigs// sangs rgyas sgyu 'phrul mdzad la sogs// chos kyi 'khor lo rab tu bskor// gti mug lam la rab gnas pa'i// sems can ma lus sbyangs nas ni// slar yang mdun gyi phyogs rnams na// zla ba'i dbus su rnam par bsam// rat+na d+h-Ikra/ sa bon las ni bskyed nas ni// dkon mchog dpal ni mkhas pas bskyed// ral pa'i cod pan dkar la zhi// mi 'khrugs dbang bskur pas ni brgyan// zhal gsum kha dog gsum pa ste// ser dang dmar dang dkar ba'i zhal// thams cad rgyan dang rab ldan pa'i// phyag drug par ni rnam par sgom// nor bu rdo rje 'khor lo ni// g.yas kyi phyag tu bsgom par bya// dril bu ral gri pad+ma ste// g.yon pa'i phyag tu rnam par bsam// de bzhin snying ga nas phyung ste// 'jig rten khams ni rnam par gzigs// nga rgyal lam la gnas pa yi// sems can thams cad sbyong bar mdzad// rin chen chen po gshegs nas kyang// thams cad dbang bskur phun sum tshogs// rdo rje sems dpa'i g.yas phyogs su// rin chen dbus su rnam par bzhugs// A ro likra/ sa bon las ni grub pa yi// rdo rje snang ba mtha' yas bskyed// pad+ma rA ga'i mdog 'dra ba// mi 'khrugs pas ni cod pan brgyan// zhi ba ral pa'i cod pan 'chang// dmar dang nag dang dkar ba'i zhal// thams cad rgyan gyis brgyan pa yi// phyag drug par ni bsgom par bya// g.yon pa 'gying thabs pad+ma 'dzin// dril bu dkur brten phar phyin te// g.yas pas pad+ma bskyod mdzad cing// thugs kar pad+ma kha yang phye// g.yas gnyis rdo rje 'khor lo dang// g.yon gnyis rin chen ral gri bsnams// snying ga nas ni byung gyur nas// thams cad phyogs su rnam par gzigs// sems can 'dod chags lnga sbyangs te// 'dam chen chu yi pad+ma bzhin// slar gshegs pad+ma'i dbus su ni// rgyab kyi phyogs su rnam par bzhugs// pradz+nyA d+h-Ikra/ sa bon las ni grub pa yi// rdo rje gdon mi za bar bskyed// ljang gu baiDUr+Ya 'dra ba// ral pa'i cod pan rdo rje gnas// thams cad rgyan gyis yan lag brgyan// ljang gu nag dang dkar ba'i zhal// 'od zer sna lngas 'khrigs par 'bar// phyag drug par ni rnam par bsgom// ral gri rdo rje rgya gram dang// 'khor lo g.yas pa'i phyag tu bsam// dril bu pad+ma sdong bcas dang// nor bu g.yon pa'i phyag tu bsam// de bzhin snying ga nas byung nas// phyogs bcu kun tu gzigs mdzad de// rdzun tshig smra ba'i lam gnas pa'i// sems can thams cad kun tu sbyor// sna tshogs chen po slar gshegs nas// gru gsum dkyil 'khor dbus su ni// rdo rje sems dpa'i g.yon phyogs su// sems dpa'i skyil mo krung du bzhugs// rdo rje zhe sdang gti mug 'dod chags dang// yid bzhin nor bu dam tshig ste// rigs lngar gtogs pa 'di dag gis// 'dod dang grol bar rab bsgrub pa'o// gtso bo lnga rnams ji ltar bskyed pa bzhin// yum rnams kyang ni rim bzhin no// sems dpa' sems ma sgo ba rnams// rim pa bzhin du bskyed par bya// ting 'dzin sngags dang brjod pas bskul// de ltar brjod cing bskul bsgrub na// dngos grub rnam gsum 'thob pa dang// bgegs dang dug dang log 'dren dang// bdud rnams 'joms shing log 'dren kun las thar// sku gsung thugs kyi dngos grub 'thob pa dang// ye shes rdo rje'i dngos grub nye ba dang// mtshan dang dpe byad rnams kyis brgyan// 'gro ba'i don du 'gyur ba dang// thams cad kun gyis mchod pa dang// bde ba'i zhing du gnas pa dang// yang dag don rtogs lhun rdzogs nas// thams cad bde ba'i ngang du 'gyur// chos nyid rang bzhin stong pa la// phyag rgya bsgyur dang lha bskyed dang// bsnyen dang bsgrub dang cho ga rnams// ji ltar spyod pa de dag kun// lta dman dag la bstan par zad// bder gshegs rigs lnga 'khor bcas kun// bskyed ltar dngos po yod 'gyur na// dper na nam mkha' dngos med la// pha gu la sogs rin chen gyis// 'dug pa'i gnas rten byas gyur kyang// nam mkha' dngos po med gyur pas// gnas rten khang bu chags pa med// de bzhin chos nyid stong pa la// phyag rgya bsgyur dang sku bskyed dang// bsgrub dang dngos grub thob 'dod dang// mtshan dang dpe byad blta 'dod kun// dper na byis pa mi shes pas// nam mkha'i khang bu thob 'dod 'dra// de bzhin chos nyid dngos med la// bskyed nas thob 'dod byis pa'i tshul// dper na nam mkha' gzhi med la// chags pa'i gzhal med khang rnams dang// ldum ra skyed mos tshal bsam pas// de dag 'byung bar ga la 'gyur// de bzhin chos nyid stong pa la// rgyal ba'i sku bskyed ga la 'gyur// zhes gsungs so// rgyud kyi rgyal po chen po byang chub kyi sems lung chen po'i mdo las/ lha bskyed pa dang dbang bsgyur ba phyag rgya'i le'u ste bzhi bcu gsum pa'o//// de nas 'khor der 'dus pa rnams kyis sems dpa' dam pa la 'di skad ces gsol to// sems dpa' chen po bsnyen bsgrub kyi dbang gi rim pa thob par bgyi ba dang/ yon dbul ba dang dbang rnams bskur ba ci lags/ sems dpa' dam pas bka' stsal pa// dbang mchog bskur bar bya ba ni// nyan dang bsgom dang 'chad pa dang// bsgrub dang phrin las byed pa dang// rdo rje rgyal po thob 'dod dang// sa rnams rim pa bgrod pa dang// sdug bsngal rnams las thar 'dod pas// dbang rnams thob par 'dod pa yis// dad ldan sri zhu che ba dang// bla ma slob dpon mnyes bya dang// dam tshig bsrung dang bsgrub brtson bya// brjod pa bkur dang bder gshegs bsngags pa brjod// slob dpon gyi ni yon tan brjod// skyon rnams brjod par mi bya ste/ gser dang dngul dang baiDur+Ya/ dung dang man shel bye ru dang/ khyogs dang rkang 'gros glang chen rta// dgos pa gang dag gang yang rung// lus srog dag kyang phyogs la dbul/ dbang rnams ji ltar len pa yis// 'di dag ma lus bskyed par bya// gsang ba'i dbang chen dam pa ni// yum yang mtshan nyid ldan pa la// rigs rnams gnas ni dag tu dgod// de yang yum gyi mtshan brtags pa// khrus mkhan gyi ni bdag nyid che// dung dang zla 'dra pad+ma'i mdog/ lus legs sked phra sems ma'i tshul// smin dkyus ring la lag sor phra// tshig mig zlum la phra bar bshad/ kha nas dri zhim ngad ldan zhing// lus la ga pur tsan+dan dri// yid 'ong mtshan ldan sked skabs phyed// skra 'jam mthon mthing g.yas su 'khyil// so dkar tshags dam dkar dmar phyed// mig gi dkyus ring smin dkyus legs// zar ma'i me tog rgyas 'dra'i mdog/ dpral ba'i dbyes che skra mtshams 'khyugasna bzang mdog gsal pad+ma'i rigs// nu ma'i dkyil mtho 'khril bag chags/khong dal 'gro na gom pa 'jol// skad ni ngang pa gzhon nu sgrogs// cir yang mdzes pa'i stabs tshul ldan// pu mo mig rings nyid ba ni// ut+pal sngon po'i lo ma 'dra// gzugs byad dar la bab pas brgyan// thams cad rgyu ni yongs rdzogs pa// bzhin mdzes yid du 'ong ba ste// bong 'tshams lo ni bcu gnyis pa// bzung nas bsgrub pa brtsam par bya// phyi sa gcin sogs dam tshig las// cho ga bzhin du gru bzhi pa// dkyil 'khor byas nas de dbus su// sngar gsungs pa yi gnas der bzhag/ phyag rgya bzhi dang bdag sbyor ba// bdag nyid mos pa'i lhar yang bsgom// rang gi lus la byugs pa rnams// byin gyis brlabs pa'i gnas su dmigs// nu ma spyi gtsug bar dag dang// lte ba rked pa rkang rnams su// rgyal ba bdag nyid gsang las bskyed// rigs lnga rnams ni rab tu dmigs// de yi snying gi dbus su ni// nyi ma'i dkyil 'khor bsam par bya// de dbus mi 'khrugs gnyis su med// phyag rgya bzhi dang ldan par bya// spyi gtsug dbus su zla ba ste// der ni rnam par snang mdzad gtso// de bzhin gnyis med kun sbyor bas// phyag rgya bzhi dang ldan par bya// skyed pa'i dbus su zur brgyad pa'i// nor bu rin chen gtso gnas pa// dkon mchog dpal rnams bsam byas te// phyag rgya bzhi dang ldan par gnas// lte ba'i 'og gi phyogs dag tu// dkar dang dmar ba'i 'dab ma brgyad// pad+ma'i gdan la chos bzhugs pa// phyag rgya bzhi dang ldan par gnas// rkang pa dag gi dbus dag tu// gru gsum me 'dra'i dkyil 'khor te// de yi dbus su gdon mi za// phyag rgya bzhi dang ldan par gnas// shes rab ldan de byin brlabs pas// rgyal ba'i yum ni yon tan ldan// de la gsang ba'i dbang yang bskur// dbang rnams gsum ni 'di ltar bskur// sngags kyi dbang bskur A+oM gyis drang// phyag rgya'i dbang bskur yan lag bsgyur// rdzas kyi dbang bskur lag tu sbyin// nyan pa la sogs gang byed kyang// slob dpon mnyes par ma byas shing// dbang rnams thob par ma byas na// bsgom mnyan la sogs gang byas kyang// tshe thung 'gyur zhing ngan song skye// rnam par dag pa chen po la// dbang dang rim pa ga la yod// rtag tu gnas pa'i chos ni ming dang gzugs med do// rnam par dag la khyad par med// ces gsungs so// rgyud kyi rgyal po chen po byang chub kyi sems lung chen po'i mdo las/ dbang gi le'u ste zhe bzhi pa'o//// e ma ho bstan pa med pa'i chos nyid zab mo 'di// gnyis med don dam kun la khyab pa las// log par rtog pa rnams la zhi bar bstan pas na// smra ba'i rgyal po nyid las mi gzhan pa/ 'di mtshams yig skyon zhig zhugs 'dra// mgon po khyed kyi dpral ba'i dbyes chen gsang mdog mdzes/khyod ni gser gyi ri bo brtsegs pa 'dra zhing yid du mchi// yon tan brgyan bltam bdag lus ni// 'dis gsungs 'gro ba'ang bdag 'tshang rgya// thub pa khyu mchog 'jig rten sgron ma la ni su mi 'dud// 'jigs med sgra sgrogs ston pa'i dgongs pa 'byin byed la/ smra mchog yang dag don ston khyod la phyag 'tshal bstod// e ma ho zhi dang ma zhi thams cad dngos la gsal// lung dang gtan tshigs kun gyi mdzod// dmigs med don dam yang dag 'gro ba'i lam// rnam rtog thams cad zhi bar byed pa'i bka'// thams cad mnyam par byed pa zhi ba'i ngang// ye nas mnyam nyid rang bzhin mi 'gyur la// don dam rtogs gsal bsgom byar byed pa rgyud kyi mchog/ dri med chos sku rnam dag zhi ba'i bka'// phra zhing rtogs dka' zab pa'i gsung// gzhan dang thun mong ma yin gsang sngags tshig/dam tshig bsrung dang bsgrub pa dang// ji ltar 'tshams pa rnams kyi gsung// gsung rab rgya mtsho rnam thar sgra// 'khor ba'i g.yul rgyal dpa' bo go// mi nub rgyal mtshan rgya mtsho'i gter// gzhan dang thun mong ma yin bka'// bka' gsang rmad 'byung mdo yi don// 'khor ba'i rgya mtsho sgrol ba'i gru// gti mug mun pa sel ba'i sgron// mdo sde 'dul ba chos mngon dang// bka' gsang rmad byung kun las 'phags// don dam dmigs med rgya mtsho'i klong// bstan pa gzhan las 'phags pa'i seng+ge'i sgra// don dam gsang ba'i bka' la phyag 'tshal bstod// e ma ho bsam gtan dag gis rnam grol tshangs pa bzhin// gzugs kyi 'od gsal brgya byin 'dra ba ste// rgyal po bzhin du nor 'bru rab gtong zhing// rin chen mchog mnga' thub pa tshong dpon bzhin// gzugs kyi 'od gsal brgya byin 'dra ba ste// zhi ba sgrogs mdzad ri la seng+ge bzhin// mi 'gul brtan pa lhun po 'dra ba ste// rgya mtsho bzhin du 'khrugs pa mi mnga' zhing// yon tan skyon gyi rang bzhin mtshungs par spyod// dri ma de dag byed pa chu bzhin te// thub pa me ltar nyon mongs nags tshal bsreg/rlung ltar gang la'ang chags pa mi mnga' zhing// thub pa lha ltar yang dag nyid kyang ston// klu ltar thub pas chos kyi char 'bebs shing// char pa bzhin du 'gro ba ngoms par mdzad// pha rol mu stegs 'joms pas seng+ge'i sgra// me tog bzhin du yon tan dri yang ldang// tshangs pa bzhin du snyan pa'i tshig gsung zhing// 'gro ba'i sdug bsngal grol mdzad sman pa bzhin// sems snyoms zhi bar gnas pa ma bzhin te// 'gro ba rtag tu rjes 'dzin mdza' bshes 'dra// nga rgyal dgra 'joms rdo rje brtan bzhin te// thub pa mtshon bzhin srid pa'i khri shing gcod// zam pa'i shing bzhin 'gro ba sgrol mdzad cing// klu thub me shel bzhin du sbur rnams bsreg/ thub pa zla ltar 'od gsal gtong mdzad cing// blo yi pad+ma kha 'byed nyi ma bzhin// 'bras mchog rdo rje sbyin mdzad ljon shing 'dra// thub pa bya bzhin drang srong tshogs kyis bskor// rgyal ba'i blo yangs rgya mtsho 'dra ba ste// 'gro ba dag la sems snyoms nyi ma bzhin// rmi lam bzhin du stong pa nyid rtogs shing// 'jig rten rjes su mthun 'jug chu dang 'dra// thub pa mtshan mchog mnga' ba thugs rje can/ khyod kyis sems can byang chub lung yang bstan// sems can mang po mtha' yas khyod kyis btul// byang chub mchog rab tu ni bdag lung bstan// drang srong chen po bde gshegs shes rab mchog/bdag gi 'gro ba nyon mongs 'thab rtsod che// sangs rgyas byang chub lung bstan don chod la// 'gro la dpag med zhi ba'i lam la 'khod// ston pa ye shes can la phyag 'tshal bstod// ces bstod do// rgyud kyi rgyal po chen po byang chub kyi sems lung chen po'i mdo las/ don rtogs pas bstod pa'i le'u ste bzhi bcu lnga pa'i tha ma'o//// rgyud kyi rgyal po chen po byang chub kyi sems lung chen po'i mdo rdzogs so/

CLOSE WINDOW