CLOSE WINDOW

Gpb009.019
བོད་ཡིག

rgya gar skad du/ sarba ta thA ga ta tsit+ta gu h+ya dz+nyA na a r+tha ga r+b+ha kro d+ha badzra ku la tan+t+ra piN+DAr+tha bid+yI yo ga sad+d+hi na ma ma hA yA na sU tra?/ bod skad du/ de bzhin gshegs pa thams cad kyi thugs gsang ba'i ye shes don gyi snying po khro bo rdo rje'i rigs kun 'dus rig pa'i mdo rnal 'byor grub pa'i rgyud ces bya ba theg pa chen po'i mdo/bcom ldan 'das dpal sgrol byed thugs rje'i rgyal po la phyag 'tshal lo// 'di skad bdag gis thos pa'i dus gcig na/de bzhin gshegs pa thams cad kyi bcom ldan dpal kun du bzang po rdo rje sang he ru ka gsang ba mchog gi bdag po byin gyis brlabs kyi dbang phyugami zad mdzod kyi bkod pa/che ba'i don la dam pa'i spyod pas bskyod pa de/ rmad du byung ba'i don 'di nyid bshad pa'i gnas gsang ba'i yang gsang ba kun gzhi chos kyi dbyings kyi pho brang thig le bdal ba'i klong/ ye 'byam rmad du grags pa'i gzhal yas rgya phyogs su yogs su ma chad pa/chos nyid kyi nam mkha' las cho 'phrul gyi sprin kun du 'thibs pa byang chub kyi char mngon par 'bab pa/ nyon mongs pa'i gdung ba bangs par gyur pa/ye shes kyi myu gu mngon par bskyed pa mtha' dang dbus med pa/ rtse mo kun du rgya mnyam pa/ rin po che'i rgyal pos rnam par brgyan pa/ mi tig gi lcang lo dang/ chun 'phyang dang/ lnga ldis mdzes pa/nyi ma chen pos gsal btab pa/ zla ba chen pos phra bkod pa/ skar ma dang shin tu skar ma dag gis bzer spras pa/ rdo rje rin po che'o 'od snang bas kun du mdangs phyung ba'i mkha' la/ rlung nag gi phung po rgya yongs su ma chad pa mnyam pa/khrag gi phung po dba' klong du 'khrug pa/ rgya phyogs su yongs su ma chad pa/ ma tang gi gnas dang/ pis ma 'bur 'phang bar chags pa/ rus pa phung po rgya kun du mnyam pa'i gzhi la 'bar ba'i gzhal yas khang 'od zer kun tu 'phro ba/ga bu cung brtsegs pa'i rtsig pa la/ gnam lcags kyi gzer ta le bar btab pa/ rtsibs kun du nyi ma dang zla ba rangs pa dang ma rangs pa 'phyo ba/nya chen po'i ka gdung la nya phran dral drab gtams pa/ zla ba'i ka rten dang/ nyi ma'i ka lo dang/ sbrul chun gyi ka rgyan la sogs pa/ hU~M gi thog dang/ me'i char mngon par 'bab pa/ chos nyid kyi bla res rnam par brgyan pa/ye shes kyi lda ldis mngon par bres pa/ rdo rje'i rgyan dang 'phan gyis bklubs pa/ sbrul nag gi za ra tshags dang/ sprin nag gi grib so lta bus gzhol ba'i bar bar thams cad na rin po che dang/ mu tig dang/ me tog gis mdzes pa/ 'khor ba'i maN+Dal yo bkram la bam ril che chung dang/ khog skam stod smad dang/ yan lag ring thung dang/ dbang po'i phreng ba dang/ rdo rjes kun du spras pa/ sgo dgus kun du gsal bar gyur pa'i gnas na rdo rje rgyal tshab ces bya ba'i zhes sdang rdo rje dang/rdo rje go phud zhes bya ba'i nga rgyal rin chen dang/ rdo rje ging zhes bya ba'i 'dod chags pad+mo dang/ rdo rje karma zhes bya ba'i phrag dog sna tshogs dang/rdo rje bya rog ces bya ba'i drod kyi rtags 'dzin dang/ rdo rje dus mtshams zhes bya ba'i mthun 'jug gi bka' sdod dang/ rdo rje spun thams cad dang/ rdo rje ming thams cad dang/ rdo rje rig 'dzin thams cad dang/rdo rje lus thams cad dang/ rdo rje rnal 'byor thams cad dang/ rdo rje ngag thams cad dang/ rdo rje las thams cad dang/ rdo rje yid thams cad dang/ rdo rje ma thams cad dang/ rdo rje ging thams cad dang/rdo rje mkha' 'gro thams cad dang/ rdo rje shugs kyis 'gro ba thams cad dang/ rdo rje phra men ma thams cad dang/ rdo rje kun tu 'bar ma thams cad dang/ rdo rje gnod sbyin thams cad dang/ rdo rje srin mo thams cad dang/ rdo rje slas dang/ byi mo dang/ bran mo la sogs pa bud med thams cad dang/ rdo rje mngag pa la sogs pa'i rdo rje khro bo thams cad 'du bar gyur pa/ rdo rje rigs kyi sangs rgyas thams cad dang/'gying bag gi tshul gyis bsnyengs pa mi mnga' bar rdo rje'i gnad la 'khor mang po dang thabs cig tu bzhugs pa ni 'di lta ste/ cho 'phrul chen po nam mkha'i dbang phyug ces bya ba'i sangs rgyas dang/cho 'phrul chen po rnam grol sbyin pa zhes bya ba'i sangs rgyas dang/ cho 'phrul chen po rnam grol sgrogs pa zhes bya ba'i sangs rgyas dang/ cho 'phrul chen po thams cad grub pa zhes bya ba'i sangs rgyas dang/nam mkha'i bu mo dbang mo zhes bya ba'i rnal 'byor ma chen mo dang/ nam mkha'i bu mo dga' sdud ma zhes bya ba'i rnal 'byor ma chen mo dang/ nam mkha'i bu mo rnam par gdung ma zhes bya ba'i rnal 'byor ma chen mo dang/nam mkha'i bu mo sgrol ma zhes bya ba'i rnal 'byor ma che mo la sogs te/ shin tu gsang ba chen po'i 'khor dang/ gzhan yang dam tshig chen po'i 'khor 'di lta ste/ dam tshig chen po rdo rje'i snying po zhes bya ba'i sangs rgyas dang/dam tshig chen po nor bu'i snying po zhes bya ba'i sangs rgyas dang/ dam tshig chen po pad+ma'i snying po zhes bya ba'i sangs rgyas dang/ dam tshig chen po bkod pa'i snying po zhes bya ba'i sangs rgyas dang/dam tshig chen mo rdo rje dbang phyug ma zhes bya ba'i rnal 'byor ma chen mo dang/ dam tshig chen mo nor bu'i dbang phyug ma zhes bya ba'i rnal 'byor ma chen mo dang/ dam tshig chen mo pad+ma'i dbang phyug ma zhes bya ba'i rnal 'byor ma chen mo dang/dam tshig chen mo rgyan gyi dbang phyug ma zhes bya ba'i rnal 'byor ma chen mo la sogs te/ shin tu mi 'da' ba chen po'i 'khor dang/ gzhan yang tshad med pa'i 'khor 'di lta ste/gsang ba chen po byams pa'i snying po zhes bya ba'i sangs rgyas dang/ gsang ba chen po snying rje'i snying po zhes bya ba'i sangs rgyas dang/ gsang ba chen po dga' ba'i snying po zhes bya ba'i sangs rgyas dang/ gsang ba chen po btang snyoms kyi snying po zhes bya ba'i sangs rgyas dang/ gsang ba chen po bde ba'i dbang phyug ma zhes bya ba'i rnal 'byor ma chen mo dang/ gsang ba chen mo 'joms byed dbang phyug ma zhes bya ba'i rnal 'byor ma chen mo dang/gsang ba chen mo dga' ba'i dbang phyug ma zhes bya ba'i rnal 'byor ma chen mo dang/ gsang ba chen mo khyab pa'i dbang phyug ma zhes bya ba'i rnal 'byor ma chen mo dang/ shin tu tshad med pa'i khor dang/gzhan yang rol pa chen po'i 'khor 'di lta ste/ rol pa chen po'i sangs rgyas yak+Sha he ru ka zhes bya ba dang/ rol pa chen po'i sangs rgyas rak+Sha he ru ka zhes bya ba dang/ rol pa chen po'i sangs rgyas bi shwa he ru ka zhes bya ba dang/rol pa chen mo'i rnal 'byor ma yak+Sha sho ri ka zhes bya ba dang/ rol pa chen mo'i rnal 'byor ma rak+Sha sho ri ka zhes bya ba dang/ rol pa chen mo'i rnal 'byor ma b+hig sha sho ri ka zhes bya ba dang/rol pa chen mo'i rnal 'byor ma bi shwa sho ra ka zhes bya ba dang/ shin tu rol pa chen po'i 'khor dang/ gzhan yang 'jigs byed chen po'i 'khor 'di lta ste/ 'jigs byed chen po'i sangs rgyas te sha he ru ka zhes bya ba dang/'jigs byed chen po'i sangs rgyas ke sha he ru ka zhes bya ba dang/ 'jigs byed chen po'i sangs rgyas pa sha he ru ka zhes bya ba dang/ 'jigs byed chen po'i sangs rgyas bi shwa he ru ka zhes bya ba dang/'jigs byed chen mo'i rnal 'byor ma te sha sho ri ka zhes bya ba dang/ 'jigs byed chen mo'i rnal 'byor ma ke shwa sho ri ka zhes bya ba dang/ 'jigs byed chen mo'o rnal 'byor ma pe shwa sho ri ka zhes bya ba dang/'jigs byed chen mo'i rnal 'byor ma bi shwa sho ri ka zhes bya ba la sogs pa shin tu 'jigs byed chen po'i 'khor dang gzhan yang 'joms byed chen po'i 'khor 'di lta ste/ 'joms byed chen po'i sangs rgyas trag sha he ru ka zhes bya ba dang/'joms byed chen po'i sangs rgyas hri sha he ru ka zhes bya ba dang/ 'joms byed chen po'i sangs rgyas ka sha he ru ka zhes bya ba dang/ 'joms byed chen po'i sangs rgyas bag sha he ru ka zhes bya ba dang/'joms byed chen mo'i rnal 'byor ma trag sha sho ri ka zhes bya ba dang/ 'joms byed chen mo'i rnal 'byor ma tri sha sho ri ka zhes bya ba dang/ 'joms byed chen mo'i rnal 'byor ma ka sha sho ri ka zhes bya ba dang/'joms byed chen mo'i rnal 'byor ma bag sha sho ri ka la sogs te/ shin tu 'joms byed chen po'i 'khor dang/ gzhan yang za byed chen po'i 'khor 'di lta ste/ za byed chen po'i sangs rgyas ru ti he ru ka zhes bya ba dang/za byed chen po'i sangs rgyas rag ti he ru ka zhes bya ba dang/ za byed chen po'i sangs rgyas kha hi he ru ka zhes bya ba dang// za byed chen po'i sangs rgyas sa ha he ru ka zhes bya ba dang/za byed chen mo'i rnal 'byor ma ru ti// sho ri ka zhes bya ba dang/ za byed chen mo'i rnal 'byor ma tag ti sho ri ka zhes bya ba dang/ za byed chen mo'i rnal 'byor ma kha hi sho ri ka zhes bya ba dang/ za byed chen mo'i rnal 'byor ma sa ha sho ri ka zhes bya ba la sogs pa rnal 'byor ma'i 'khor rab tu mang zhing bsam gyis mi khyab pa'i he ru ka mtha' yas pa sha stag rnams dang/gzhan yang gsang ba'i bu mo'i 'khor 'di lta ste/gsang ba'i bu mo dkar mo zhes bya ba dang/ gsang ba'i bu mo rkum mo zhes bya ba dang/ gsang ba'i bu mo rmongs mo zhes bya ba dang/ gsang ba'i bu mo ro langs ma zhes bya ba dang/ gsang ba'i bu mo lbos mo zhes bya ba dang/gsang ba'i bu mo gtum mo zhes bya ba dang/ gsang ba'i bu mo sme sha can zhes bya ba dang/ gsang ba'i bu mo ma tshogs ma zhes bya ba la sogs pa shin tu gsang ba'i bu mo'i 'khor bsam gyis mi khyab pa dang/gzhan yang dga' ba'i bu mo'i 'khor 'di lta ste/ dga' ba'i bu mo seng gdong ma zhes bya ba dang/ dga' ba'i bu mo bya rgod gdong ma zhes bya ba dang/ dga' ba'i bu mo stag gdong ma zhes bya ba dang/dga' ba'i bu mo wa gdong ma zhes bya ba dang/ dga' ba'i bu mo khyi gdong ma zhes bya ba dang/ dga' ba'i bu mo dur bya gdong ma zhes bya ba dang/ dga' ba'i bu mo khwa gdong ma zhes bya ba dang/ dga' ba'i bu mo mun gdong ma zhes bya ba la sogs pa shin tu dga' ba'i bu mo'o 'khor bsam gyis mi khyab pa dang/ gzhan yang shin tu gus pa'i bu mo'i 'khor 'di lta ste/ shin tu gus pa'i bu mo rta gdong ma zhes bya ba dang/shin tu gus pa'i bu mo phag gdong ma zhes bya ba dang/ shin tu gus pa'i bu mo spre'u gdong ma zhes bya ba dang/ shun tu gus pa'i bu mo thal byed ma la sogs pa shin tu gus pa'i bu mo'i 'khor dang/ gzhan yang shin tu gsod pa chen po'i sras kyi 'khor la 'di lta ste/ shin tu gsod pa chen po dpal stag gi mgrin zhes bya ba dang/ shin tu gsod pa chen po dpal g.yag gi mgrin zhes bya ba dang/ shin tu gsod pa chen po dpal sha ba'i mgrin zhes bya ba dang/shin tu gsod pa chen po dpal gzig gi mgrin zhes bya ba dang/ shin tu gsod pa chen po dpal rta'i mgrin zhes bya ba dang/ shin tu gsod pa chen po dpal spyang ka'i mgrin zhes bya ba dang/shin tu gsod pa chen po dpal seng ge'i mgrin zhes bya ba dang/ shin tu gsod pa chen po dpal dom gyi mgrin zhes bya ba dang/ shin tu gsod pa chen po dpal phag gi mgrin zhes bya ba dang/shin tu gsod pa chen po dpal dred mo'i mgrin zhes bya ba dang/ shan tu gsod ma chen mo rdo rje gsod ma zhes bya ba dang/ shin tu gsod ma chen mo rdo rje dur khrod ces bya ba dang/ shin tu gsod ma chen mo rdo rje gtun khung zhes bya ba dang/shin tu gsod ma chen mo rdo rje gtum mo zhes bya ba dang/ shin tu gsod ma chen mo rdo rje 'dam snyems ma zhes bya ba dang/ shin tu gsod ma chen mo rdo rje sgra 'byin ma zhes bya ba dang/shin tu gsod ma chen mo rdo rje za byed ma zhes bya ba dang/ shin tu gsod ma chen mo rdo rje 'dren ma zhes bya ba dang/ shin tu gsod ma chen mo rdo rje spor ma zhes bya ba dang/ shin tu gsod ma chen mo'i 'khor rab tu mang po rnams dang/de dag la sogs te rdul phra rab snyed dang thabs cig go/ yum rdo rje kun tu bzang mo sa nga sho ri kas kyang nyid kyi sku la rnam par 'khril te/ mdun gyis bltas nas thabs cig go/ de nas bcom ldan 'das gsang ba mchog gi bdag po des chos thams cad dgongs pa mnyam pa nyid la shar bar mkhyen nas sku mnyam pa nyid mi dmigs pa zhes bya ba'i ngang la snyoms par zhugs so// gsung mnyam pa nyid mi dmigs pa zhes bya ba'i ngag la rnam par zhugs so// thugs mnyam pa nyid mi dmigs pa zhes bya ba'i ngang la rnam par bzhugs te/ 'jug pa'am/ ldog pa'am/ rnam par ldog pa mi dmigs so// de nas bcom ldan 'das gsang ba mchog gi bdag po des dbyings kyi ngang la mi g.yo bar brnal bzhin du yum rdo rje kun tu bzang mos stong pa nyid kyi glu 'di blangs te rnam par bskul to// yod med stong pa shin tu rnal 'byor mthus/ nam mkha' bzhin las dam tshig nye bar gshegs/ ye shes rgya mtsho rnam par grol ba'i klong/ mi gnas mi dmigs nam mkha'i dbyings nas bzhengs/ zhes bskul nas/bcom ldan 'das gsang ba mchog gi bdag po des chos thams cad byang chub sems la shar bar mkhyen nas stong pa nyid kyi ngang las rdo rje'i sku mngon du phyung ste/ dper na nam mkha' dang ba las zla ba dri ma med par shar ba lta bu'o// de nas yum sa nga sho ri ka la gzigs te/ 'dzum pa rnam par mdzad do// dper na nyi ma stong las 'od kyi zer bkye pa lta bu'o// de nas 'od kyi zer de dag las byang chub kyi sprin mngon par 'khrigs te/rol pa'i char mngon par phab pas rol pa sna tshogs gyi 'brug dang/ rol pa sna tshogs kyi glog dang/ rol pa sna tshogs kyi mchod pa dang/ rol pa sna tshogs kyi gru dang/ rol pa sna tshogs kyi gar dang/rol pa sna tshogs kyi rnga dang/ dung dang ker kor dang gling bu dang rol pa sna tshogs kyi rgyan dang/ rol pa sna tshogs kyi sgeg pa dang steg pa dang/ 'khyud pa dang steng ba dang/ sbyor ba dang bstim pa dang mnyes pa dang/rol pa sna tshogs kyis gsol ba dang myang ba dang/ 'cha' ba dang bde ba dang/ spro ba dang/ 'jo ba dang/ 'jug pa dang/ rol pa sna tshogs kyi dga' ba chen po la 'jug pa rnam par mdzad do// de nas yum kun tu bzang mo des spyan zim bag gis rnam par 'dud pa'i tshul du bcom ldan 'das gsang ba mchog gi bdag po la rnam par bltas te/ rnal 'byor sbyor ba'i phyag lus kun du sa la brdabs nas rol pa chen po'i glu 'dis gsol ba btab bo// tshogs chen gnyis rdzogs thugs dam dbyings kyi lha// longs spyod rdzogs mdzad rol pa chen po'i sku// rdo rje sems dpa' skal bzang dpal khyod bdag/thabs kyi rol pas bde chen dbyings nas bzhengs/ de nas bcom ldan 'das gsang ba mchog gi bdag po des glu des bskul bar thugs su chud nas/ bde ba chen po'i ngang de nas cho 'phrul chen po rnam par bzhengs te/rnam par 'gying ba dang/ rnam par brjid pa dang/ gar gyi phyag rgya chen po dang/ rnam par bshad pa sna tshogs dang/ zhabs kyi brkyang bskum dang/ sku'i 'gyur bag dang/ smin ris kyi 'bri ku ta bsgyur ba dang/sprul pa'i 'od zer gyis nam mkha' thams cad kun tu khyab par mdzad do// de nas thams cad dang thams cad la mtshan ma dang/ rnam pa dang/ yod pa dang/ med pa thams cad la gsang ba mchog gi bdag po des kun la khyab par mdzad de/de dag gi rang bzhin du rnam par gnas so// de nas rdo rje kun tu bzang mo de ngo mtshar du gyur te/ yang rnal 'byor pa'i phyag lus kun du sa la brdabs te/cho 'phrul 'byung ba'i glu 'dis gsol ba btab bo// ye shes sgyu mas rnam par rol pa'i sku// thabs dang shes rab che la mnga' brnyes pa'i// 'phags rje sprul pa mang po 'byung ba'i gnas// bde gshegs bde bar gshegs mdzad bzhengs su gsol/de nas bcom ldan 'das gsang ba mchog gi bdag po des rdo rje rol pa'i de kho na nyid ces bya ba'i ting nge 'dzin la snyoms par zhugs nas cang mi gsung bar bzhugs so// de nas yum rdo rje kun du bzang mo dang/ dam tshig chen po rdo rje sems dpa' la sogs pa 'khor shin tu mang po rnams ngo mtshar du gyur te/ de dag thams cad mgrin gcig tu rdo rje rol pa de kho na'i glu 'dis bskul te gsol ba btab bo// e ma'o// yid bzhin sku mchog nam mkha' lta bu las// khyab pa'i byin brlabs rdo rje gar mdzad cing// gzi brjid sprin dpung rol pas bsgyings pa'i sku// thogs med rdo rje rol pa'i cho 'phrul ston// e ma'o// yid bzhin gsung mchog sgra brnyan lta bu las// snyan pa'i byin brlabs rdo rje brjod mdzad cing// yan lag rgya mtsho mi zad bkod pa'i gsung// seng+ge sgra yis gsang sngags rgya mtsho ston// e ma'o// ye shes snying po nyi ma lta bu las// ye shes byin brlabs rdo rje bde mdzad cing// thig le spros bral rnam par mi rtog thugs// rnam grol de nyid nges pa'i cho 'phrul ston// mi shes blun rmongs 'dam bying 'gro ba rnams/ sdug bsngal rgya mtshos bcings pa thabs kyis khrol// ma rig mun pas ldongs pa'i don gyis phye// 'khor ba'i rgya mtsho rol pa'i gru yis sgrol// de bzhin gshegs pa kun gyi thugs chen po// ye shes don gyi snying po mchog dang ldan// rnal 'byor theg chen rdo rje kun 'dus rgyud// 'dus pa'i tshogs la rgya cher bshad du gsol// a la la ho zhes nges par btung de gsol ba btab bo// de nas bcom ldan 'das gsang ba mchog gi bdag po des rdo rje rol pa de kho na nyid kyi glu des gsol ba btab pa mkhyen nas 'khor thams cad la rnam par gzigs te 'dzum pa mdzad do// 'dzum pa mdzad pas thugs rnam par dag pa'i klong nas rig pa'i nyi ma brjod kyis mi lang ba'i yang mi lang ba'i 'od zer dang bcas pa 'byams klas pa khyab bshad par mdzad do// 'od zer de dag re re las rdo rje he ru ka rab tu mang ba'i tshogs bshad par mdzad do// de dag re re las kyang sangs rgyas 'bum phrag 'khor so so'i zhabs 'bring bcas pa lhun gyis grub par mdzad do// de dag las rig pa'i nyi ma'i char mngon par phab pas mun pa'i klong thams cad gsal bar mdzad do// rig pa'i chos kyi 'brug sgra dang/ rig pa'i chos kyi char dang/ rig pa'i chos kyi glu sna tshogs dang/ gar sna tshogs dang/ rig pa'i chos kyi mchod pa sna tshogs byung ste/ 'byam klas pa'i nam mkha' la sgra sna tshogs phan tshun dang/ yan man dang/ snrel zhi la sogs pa thams cad du khyab par ling long phyad par byung ngo// mchod pa'i char yang mngon par phab/rmad du byung ba'i sku bsam gyis mi khyad pa yang ling long phyad rmad du byung pa'i thugs kyang lhang nge'o// rmad du byung ba'i gsung bsam gyis mi khyab pa yang a la la ho zhes sgra sgrogs/ sangs rgyas 'bum phrag kyang gsung dbyangs bsam gyis mi khyab pa'i sgra gcig tu/ e ma'o rmad du byung rol pa'i chos kyi don byung ngo zhes sgrogs/ 'khor 'bum phrag dang gdul bya sna tshogs spo pa'i ngo mtshar skyed/ rig pa'i rtsal sbyangs don gyi che ba phyung/ ngam zhing ngo mtshar bar gyur te thams cad nye bar gnas so// de nas yang bcom ldan 'das gsang ba mchog gi bdag po des 'khor rnam par sbyor ba'i rdo rje rgyan zhes bya ba'i ting nge 'dzin la snyoms par zhugs so// snyoms par zhugs nas/ rdo rje sngags kyi tshig 'di gsungs so// hU~M hU~M hU~M rdo rje 'du bar bsdus pa yi// dam tshig chen po'i rig 'dzin rnams// bla 'og rim pa ji bzhin du// rdo rje gsang ba'i gral 'khod de// rigs ma yin par rigs min 'gyur// skal ba bzang po'i dam tshig 'di// skal ba ngan la 'bab mi 'gyur// de las 'das na di rlag byed// hU~M kro d+ha dz+wa la sa ma ya/rak+Sha dz+wa la sa ma ya/ yak+Sha dz+wa la sa ma ya/ tsit+ta dz+wa la sa ma ya zhes gsungs pa tsam gyis zhal ljags kyi dbang po 'od me dpung chen po las khro bo 'od kyi phreng ba 'bar ba dang/ srin po 'od kyi phreng ba 'bar ba dang/gnod sbyin 'od kyi phreng ba 'khrug pa dang/ za byed 'od kyi phreng ba 'bar ba brgyud mar byung bas ru tra can dang/ bdud dang/ srin mo dang/ gnod sbyin dang/ srin po dang/ 'jug sred dang/ sred med dang/ dbang phyug dang/ stobs ldan dang/ spre'u dang/ ra dang/ lu 'de dang/ sbrang ma dang/ bya rog dang/ me khyer dang/ 'khor ba dang/ chu dang/ sa dang/ nam mkha' dang/ me dang/ sgra dang/ bsam ngan la sogs pa brlag ste/mi gnas par gyur cing rmad du byung ba nyid du mdzad do// de nas 'od zer de dag mkha' la 'khyil ba dang/ 'khor mang po dag shin tu skra ste gsol ba btab pa/ e ma'o/ e ma bdag cag bcom ldan 'das kyis byin gyis brlab tu gsol zhes gsol ba btab pa las/bcom ldan 'das gsang ba mchog gi bdag po des zhal gyi mdangs phyung ste/ 'od zer de dag ye shes kyi 'od zhi zhing 'khyil ba dang/mdzes shing bde ba dang ldan pas thams cad rangs par byas pas snod rung bar rnam par sbyangs nas 'od de dag 'od kyi gnas su thim par gyur to// de nas bcom ldan 'das gsang ba mchog gi bdag gi bdag po des mi gnas pa'i ye shes chen po'i klong nas nges par bzhengs nas seng+ge rnam par rgyal ba'i sgra lta bus don gyi bkod pa/gsang ba'i nges pa/ rgyud kyi 'grel ba/ rtags kyi rol pa/ rdo rje rnam par bsgyings pa'i gzhung chen po sgra 'dis bshad do// a o oM/ sa ma ya/ a d+hi/ gu h+ya/ pu ti a ho ku la ma tong byid ta pa dra a mo g+ha I shwa ra sa ya na/ gu ti a la la ho zhes cang mi gsungs ngo// kun tu mi gsung/ rab tu mi gsung/ gsungs pa mi 'gog 'gog pa ma yin/ ma gsung pa nyid na rgya cher bshad pa'i ngo bor bzhugs so// rnam par bzhugs nas dam tshig chen po rdo rje sems dpa' la zhal gzigs te/'dzum pas bskul ba rnam par mdzad do// de nas dam tshig chen po rdo rje sems dpa' des bskul bar rnam par rig nas rang gi stan las langs nas/ rang gi mtshan ma gnas lngar reg par byas nas lce pad+ma'i steng du bzhag nas/lus sa la brdabs pa'i phyag rnal 'byor gyi lugs su byas nas/ seng+ge'i lta stangs kyis byas nas ston pa'i zhal du bltas te/ rdo rje rgyal po tshogs bdag dgongs su gsol// chos kyi rgyal po mi g.yo rgyal tshul mdzad// rgyal mchog rgyal po chos kyi rgyal po'i mthus// 'dus pa'i tshogs la rgya cher bshad du gsol// a la la ho zhes gsol ba btab pa las/ bcom ldan 'das gsang ba mchog gi bdag po des rdo rje las kyi bka' ba de byin gyis brlab pa'i phyir rdo rje rnam par spro ba zhes bya'i ting nge 'dzin la snyoms par zhugs nas 'di skad ces bka' stsal to// badzra karma tsakra sa twa ra~M/ zhes gsungs te/ rdo rje rgya gram gyi 'khor lo gcig sems dpa' rdo rje'i lag tu babs par gyur nas las kyi rdo rje'i dbang thob par gyur te/ rnam par rol pa chen po shin tu bla bkyal ba'i spobs pa can du gyur to// byin gyis brlabs nas kun tu mi gzo ba rab tu bag dang ldan par chen por gyur to// de nas sems dpa' rdo rje nges las kyi mtshan ma de lag tu blangs te/ stabs sna tshogs dang/ gar dang/ glu sna tshogs rdo rje tshig tu len cing rdo rje rgya gram las kyi 'khor lo de lan rnam pa bcu gnyis su bskor nas grangs gnyis dang lnga bsgyur bas/zhing khams mtha' dag rnam par g.yos te/ g.yos/ rab tu g.yos/kun tu rab tu g.yos/ 'gul/ rab tu 'gul/ kun tu rab tu 'gul/ ldeg/ rab tu ldegakun tu rab tu ldega'akhrugs/ rab tu 'khrugs/ kun tu rab tu 'khrugs/ 'ur rab tu 'ur/ kun du rab tu 'ur/chem rab tu chem/ kun du rab tu chem par gyur te/ zhing khams thams cad ni gsang ba'i dkyil 'khor sha stag tu gyur/ bcud yul thams cad ni phyag rgya chen por gyur/ rnam par rngam pa'i tshul gyis ston pa'i mdun logs su seng+ge rdo rjes mtshan ma'i gdan la 'gying bag gi tshul gyis rnam par gnas so// de nas 'dus pa'i 'khor tshogs phal mo che rnams kyis bcom ldan 'das la 'di skad ces gsol to/ e ma bcom ldan 'das sems dpa' rdo rje 'di ni 'di ltar mthu che ba/ 'di ltar byin rlabs che ba/ 'dir ltar rgya che ba/ 'di ltar mkhas pa/ 'di ltar gsal zhing zab pa ni bcom ldan 'das kyi thugs las skyes pa lags so// zhes gsol pa dang/ bcom ldan 'das kyis bka' stsal ba/ 'dus pa chen po'i tshogs sems dpa' rdo rje 'di ni byang chub sems thams cad kyi phyi mo// snying rje thams cad kyi bdag po// sangs rgyas thams cad kyi rje btsun// byang chub sems dpa' rig pa 'dzin pa thams cad kyi yab// rnal 'byor pa thams cad kyi mes chen po// mya ngan las 'das pa thams cad kyi ded dpon/ bdud thams cad kyi yang bdud chen po// chos thams cad kyi mdzod// ye shes thams cad kyi 'byung gnas chen por gyur pa yin no// de ci'i phyir zhe na/ thog ma dang tha ma med pa mnyam pa'i dus/ pha mtha' las kyang pha mtha'/dpag tu med cing bsam du med pa/ 'byam klas pa'i dus nas bya ba byas shing byed pa byas pa/ mngon par rdzogs par sangs rgyas pa yin te/ chos thams cad kyi rang bzhin du sbyong zhing gnas pas na/rgyal ba thams cad kyi thugs las skyes shing thams cad kyi yab tu gyur pa yin te/ de 'dra'o zhes bka' stsal pa las 'dus pa'i 'khor thams cad ngo mtshar du gyur te/ bcom ldan 'das 'dis ni 'di ltar ngo mtshar lags so// bde bar gshegs pa 'di ngo mtshar lags so// sems dpa' rdo rje dam pa la logs su btud de lus sa la brdabs pa'i phyag rnal 'byor lugs su byas te/ rmad du byung ba'i me tog dang/tshogs kyi mchod pa sna tshogs byas te/ 'di ltar rmad byung ngo mtshar khyod// sangs rgyas thugs las rgyal skyes pa// ci ltar zhing 'dir snang zhig gu// rnal 'byor yab gyur rgyal ba'i sras// ngo mtshar khyod kyis spyod pas na// bka' yi 'khor lo rab bskor ba// sgrub pa'i lam mchog dam pa dag/ tshig gis mtshon de gsal bar mdzod// a la la ho zhes gsol ba btab bo// de nas dam pa rdo rjes rdo rje bskor te bskyur nas brjid bag tu tshig tu mtshon te smras pa/oM AH~MhU~M/ a la la ho// rgyal ba'i sras bos cang mi gsung// mi gsung bas ni rgya cher bshad// bshad du med pa'i chos 'di ni// rgyal ba rnams kyis ma bshad de// de ltar ston pa'i rgyal mchog kyang// rnam par brjod par mi bzhed de// rgyal cher bshad par dgongs pa'o// skye ba med pa'i chos rnams ni// ma skyes bar yang snying por bzhed// snying po'i don du gang gyur pa// tshig tu smra ba legs ma yin// spros pa nyid na gol ba zhes// rgyal ba rnams kyis yang dag bshad// de bas rdo rje rgyal po nyid// bka' ma stsal bar dgongs pa'o// dgongs pa'i don rnams gang 'byin pa// ji ltar me long gzugs brnyan ltar// dgongs don rig la snang gyur pa// ma skyes snying po'i don gyis na// tshig tu spros par ma yin na'ang// mtshan ma tshig gi rnal 'byor pa// tshig la zhib cing don la rtsir// tshig phyir blo 'brang rtsal zhan rnams// bkra phyir bsam par rangs bya ba// mi dmigs pa las dmigs pa yi// cho 'phrul tshig gis mtshon pa ni// bder gshegs rgyal ba kun gyi thugs// gsang ba de nyid snying po'i don// mnyam nyid byang chub theg chen po// gsal bar bkod de nges brjod kyis// rgya chen 'dus pa'i chos rnams nyon// nga ni dus gsum bzhugs pa yi// rgyal ba kun kyi snying po ste/ stong par spas pa'i don 'di la// dpes mtshon tshig gi lde mig gis// mnyam pa nyid rig pa'i sgo dbye byas// sbas pa'i don 'byin gsal byed pa// sA lu phub khrod snang me bzhin// bsal bteg snang rnyed sa ler 'dug/zab mor spyod pa la mos pas// gang zhig don la 'dris pa yi// gsang sngags spyod pa'i rang bzhin ni// mthun pa'i dmigs bcu dper bzhag ste// rnal 'byor can gyis shes par bya// sgyu ma smig rgyu rmi lam dang/gzugs brnyan dri za grong khyer dang// brag ca chu zla mig yor dang// chu bur 'khrul dang mgal mer snang// sgrub dang gsang sngags spyod pa dang// grub pa dang ni gnas dag dang// bzlas pa'i sgra dang phyag rgyar rtog/ting 'dzin lta ba cho 'phrul brtag/ ji ltar sgyu ma'i mtshan nyid ni// skyes bu dag gi rtsol ba dang// sman dang sngags kyi sbyor ba las// dbang po yid 'phrog cir snang yang// de la 'gro 'ong ga la yod// de ltar sgrub pa'i mtshan nyid kyang// yig 'bru rdzas kyi sbyor ba las// grub par snang yang rang bzhin med// ji ltar smig rgyu'i mtshan nyid ni// zhing pa'i dus kyi zla ba la// drod dang nyi ma'i sbyor ba las// byis pa gdungs pa'i rang bzhin gyis// chu yi 'du shes ci bskyed kyang// tshim pa'i rgyud ni ga la 'gyur// gsang sngags ming gi khyad par yang// rang bzhin mi dmigs stong pa la// mtshan ma'i tha snyad ming du btags// de nyid stong pas ming mi dmigs// dper na rmi lam rang bzhin ni// skyes bu gnyid kyi dbang gyur na// thang cig skad cig yud tsam dang/ lo la logs pa de bzhin du// bde dang sdug bsngal de bzhin myong// sangs nas ci yang mi dmigs ltar// de bzhin sngags kyi spyod pa dag/ stong ma nyid kyi rang bzhin la// spyod pa'i rnam pa cir snang yang// brtags na dmigs pa kun dang bral// gzugs brnyan snang ba'i mtshan nyid ni// dper na gdong dang me long las// brten nas bzhin gyi gzugs byung yang// reg par gyur pa ga la yod// de bzhin sngags kyi dngos grub kyang// sgrub dang ting 'dzin yo byad las// brten nas dngos grub tshul byung yang// gsol thob dmigs pa la ga yod// dri za gnas pa'i rang bzhin ni// mkha' 'am yid kyi mkha' ngos la// dri za'i gzugs ni gar byung yang// grong khyer de yang de nas byung// byung nas de yang mi rtag ltar// gsang sngags grub pa'i gnas dag kyang// chos sam yid kyi mkha' ngos la// rnal 'byor gsang bdag gang bskyed par// de nyid gnas pa'i gzhal med khang// byung yang de la gnas mi 'gyur// brag ca grags pa'i mtshan ma ni// dper na ngos la sgras rkyen pas/ ci bzhin sgra ltar brag ca 'byung// byung yang sgrar thos dmigs pa med// de bzhin sngags tshig bzlas pa'i sgra// dper na med las yod brtags pa'i// mtshan ma la brten stong pa'i sgra// brjod pa tsam du bstan par zad// ji ltar chu yi zla ba ni// sgrib med mkha' las zla shar ba/ gzugs brnyan dang ba'i chu nang snang// snang yang gzung ba'i rtog med pa// de bzhin gzugs snang phyag rgya yang// sems kyi mkha' las skur gsal ba// phyag rgya rig 'dzin ngo la snang// de ltar snang yang 'dzin rtog bral// ji ltar char gyi rgyun bzhin du// chu las chu bur rnam par 'gyur// de yang gcig gi rnam pa las// mang po'i rnam grangs du ma 'byung// sdud cing phyir yang dum bur 'chad// de bzhin rnal 'byor sgrub pa yi// ting 'dzin rnam pa mang por 'dod// 'khrul pa snang ba'i rang bzhin ni// spros bral dngos po stong pa las// srog dang shed can byed pa po// sems can pa la sogs par snang// mig nad ngo la rdzas ltar snang// 'khrul pa kho na snang bar zad// de bzhin sngags kyi lta ba yang// cho 'phrul mang po cir 'phrul ba/ snang ba med pa'i rang bzhin la// 'khrul pa sna tshogs snang bar zad// rnal 'byor can gyis de ltar lta// ji ltar mgal me'i rang bzhin ni// gang dag lag na mgal med thogs// bskor na 'khor lo'i rgyun ltar snang// de la 'khor lo'i rang bzhin med// de bzhin sngags kyi cho 'phrul yang// mi mnyam mnyam pa'i rang bzhin las// ji ltar dmigs pa'i don 'byung ste// cho 'phrul sna tshogs rgyun mi 'chad// de phyir mtshan ma'i chos thams cad// mtshan med ngang du gcig pas na// rtog pa'i bag chags ci 'byung yang// chos kun dbyings su gcig pa'i phyir// rtog 'jug spros pa'i mtshan ma kun// ma byung ma skyes dbyings nyid la// g.yos pa med cing cho 'phrul 'byung// yon tan sna tshogs cher 'byung ba'i// gter gyi dbyig 'di gang mthong ba// sangs rgyas kun gyi yon tan yang// skad cig gcig la de la 'dus// de bas yid bzhin rin chen 'di// ldog pa med pas dang du blang// don dam yang dag gter gyi mchod// rnal 'byor kun gyi nor mchog ste// gang rtogs de 'thob gcig pu nyid// 'brel med gzhan gyis thob par dka'// bdag med gnyis bral bde chen klong// sangs rgyas kun gyi bde ba che// ye nas lhun grub 'dus ma byas// thig le chos nyid ye 'byam pas/ kun khyab bdal bas snying por 'dus// mi dmigs spros bral byang chub sems// zab mor snang ba'i nges don 'di// mkha' la mdud 'drar gting dpag dka'// rnal 'byor dmigs ldan blo chung zhing// gang zhig rtsal zhan de rtog pa// g.yor mo'i tshul du bdag brtag pa// brtags kyang rtogs par mi 'gyur ro// dper na nyi ma'i snying po la// mig gi dbang pos rab brtags na// de brtags don de mi rtogs kyi// 'od kyi zer gyis mi rdzi 'gyur// de 'drar byis pa'i rang bzhin gyis// zab mo'i don la cir brtags kyang// yang dag don de mi mthong gi/ blo zhan byis pa ga chad brgyal// brtag tu med pa'i chos rnams ni// rtog pa can gyi mi rtogs te// gang zhig de don mi rtogs phyir// g.yang sa ltung ba ci cha yod// gdod nas ma thos shin tu dge/ bsam dang bral bas de bzhin gzhag/mi brtags bzhag pa'i chos 'di gang// byis pa rnams la ngas ma bstan// bstan kyang go bar mi 'gyur te// bstan du med cing go bar dka'// tshig gis brjod pa kun dang bral// 'di zhes bstan du ga la yod// med pas bstan pa'i dmigs mi phyed// mi dmigs chos la blo sbyangs shing// yid kyi me long gsal byas na// nam mkha' dag la rab brtags na// snang ba med pa'i rang bzhin ni// nam mkha' lta bur de nyid 'gyur// cho nyid nam mkha' lta bu ste// nam mkha' la yang mtshan nyid med// nam mkha' gang ming rjod byed pa// brjod pa de nyid dngos po ste// dngos po de yi ming brjod kyang// nam mkha' de la 'gags mi 'gyur// de bzhin mi rtogs rjod byed pa// brjod pa de nyid rnam rtog ste// rnam rtog de yi ming brjod kyang// mi rtog de la 'gag mi 'gyur// de 'drar sems kyang de ltar blta// sems nyid gzhan du ma grub ste// de bzhin chos kyang grub ma yin// sems dang chos nyid gnyis med de// sems nyid gang yin chos nyid de// chos nyid kyang ni de bzhin no// chos sems gnyis med ldan gyur pa// bla med byang chub chen por bshad// sems ni nam mkha' lta bur ste/ rnam par rtog bral gang mi rtogs// de bzhin sa gzhi chen po ltar// bla med byang chub myu gu skyed// me yi rang bzhin ltar snang bas// rmongs pa'i bud shing sreg par byed// rlung gi rang bzhin yin pas na// mi shes pa yi rdul kun sel// chu yi rang bzhin yin pas na// nyon mongs gdung ba kun sim byed// sman gyi rang bzhin yin pas na// 'khor ba'i gcong rnying rnam par 'byin// de ltar rtsi yi rang bzhin pas// 'tsho ba rnams kyi gsos su 'bab// de bzhin rno dpal rang bzhin pas// sdug bsngal rgya mtsho rnam par gcod// nyi ma lta bur snang ba yis// mun khang snang ston sel bar byed// ri rab lta bu'i rang bzhin pas// brtan po mi 'gyur g.yo ba med// rgya mtsho lta bu'i rang bzhin pas// mi g.yo pa la byin brlabs che// sems ni 'di ltar cho 'phrul bas// de phyir 'khor dang mya ngan 'das// gnyis su snang ba ma yin te// sems kyi rang bzhin bzang ngan las// gnyis kyi 'du shes phye ste bstan// sems las yang dag ye shes 'byung// de bzhin bde dang sdug bsngal 'byung// chos dang sangs rgyas ye shes 'byung// dge 'dun yang ni de bzhin no// 'di las pha rol phyin tshogs dang// byang chub dang ni pad+mo 'byung// 'di las rdo rje sems dpa' dang/ dri med rin chen dpa' sbyin 'byung// de bzhin rdo rje dpag med dang// sna tshogs rgyal ba 'di las 'byung// 'di las phyag rgya sna tshogs dang// rig pa'i snying po thams cad 'byung// 'di las 'dod chags zhe sdang dang// sdug bsngal nga rgyal phrag dog 'byung// gti mug dag kyang de bzhin te// 'di las khams gsum thams cad dang// skyes ba bud med ma ning 'byung// 'di las 'dod dang 'dod gzir dang// nyon mongs gdung 'dod chags pa 'byung// ri dang skye bo de bzhin du// nam mkha' dang ni rlung dag dang// sreg pa'i me ni rab tu 'byung// 'di las sa dang chu dang ni// rdo dang sa bon myu gu 'byung// de bzhin glog dang skar ma dang// nyi ma zla ba sprin rnams 'byung// de bzhin spyod dang mi spyod kun// thams cad thams cad 'byung bar 'gyur// dper na nam mkha'i rang bzhin las// sprin dang na bun khug rlangs dang// zla ba nyi ma skar tshogs dag/snang yang nam mkha' bzhin du gnas// de bzhin sems kyi nam mkha' las// mtshan ma'i cho 'phrul ci byung yang// chos nyid nam mkha' bzhi gnas par// rnal 'byor can gyis blta bar bya// de lta bu yi sems nyid ni// rtogs dang ma rtogs rang bzhin la// lta ba'i khyad par so sor blta// rtog pa can gyi ngo ga la// rtog pa khrul ba'i ngo bor snang// kun tu nyer 'jog lam tshor la// kun tu rdul gyi phung po snang// tshogs spyod snying rje nyer 'jog la// thams cad sgyu ma'i rang bzhin ltar// de nyid mnyam par shes gnas na// nam mkha'i rang bzhin mthong bar gnas// ye shes rang snang nam mkha' la// nam mkha' nyid du snang bar zad// brjod bral mthong med dmigs dang bral// mthong ba med pa'i don 'di ni// sngon gyi rgyal ba rnams kyis bshad// bde gshegs snying po byang chub la// dgongs pa 'di las gang mi mnga'// lta ba de dang ldan bzhin du// dam tshig nam mkha' lta bu la// bsrung dang mi bsrung phyogs dang bral// 'di'o zhes ni bsrung du med// bsrung ba'i rnam grangs ji snyed cig/dus gsum rgyal bas gsungs mod kyang// bsrung ba'i mdo ni gcig tu 'dus// nam mkha' lta bu'i rnal 'byor pas// nam mkha' 'dra ba'i dam tshig bsrung// de yang bsrung du med na bde// gzhan pa theg pa chung ba rnams// bsrung ba'i mtshams dag bsrung nas ni// skyon yon chos la blang dor byed// bsrung dang bral ba'i chos rnams ni// bsrung du med pas de bzhin gzhag/ de bzhin pa yi dam tshig la// ji bzhin pa yi blo gzhag ste// brjed pa med pa'i sems nyid kyis// bsrung ba med pa'i ngang du bsdam// bsrung med nam mkha'i dam tshig 'di/ ji ltar grags pa'i rang bzhin la// sdom dang tshul khrims so sor snang// byis pa rnams ni tha tshig sdom// bden gnyis rgyu la ston par grags// bla med mchog la dam tshig spyod// gcig gi don las ma g.yos kyang// 'dul dbang ngo la so sor grags/ kho na nyid ldan dam tshig mchog/de dag gang ldan dam pa ste// de las 'das na 'chig par 'gyur// de phyir dam tshig chen po ni// nam mkha' 'dra bar dpa' bos bshad// rgyal ba dpa' bo thams cad la// dam tshig 'di las yong mi mnga'// spyod pa dag gi khyad par yang// chos nyid bya btsal kun bral la// bsgrub par sgrub pa'i dmigs pa med// 'khrul pa gcod pa'i skye bo dag/ dmigs med byang chub bde chen la// sdug bsngal rtsol sems bcug pas nor// bya ba med pa'i chos nyid la// nyon mongs bya med spyad pas khrul// rang byung lhun grub gnas bzhin du// byis pa'i spyod pas ci btsal dgos// gang zhing 'dod de ci zhig sgrub// ci spyad ci bsgrubs ci btsal yang// sdug bsngal nyid de byang chub med// dmyal ba sangs rgyas chen po la// sdug bsngal byang chub lam nyid de// nyan thos rang rgyal sa gnyis dang// theg pa'i khyad par ci bstan pa// byed rtsol bcas pa thams cad 'khrul// bla med byang chub gegs su ched// gang zhig btsal med bde chen don// sems kyi klong 'dis ma mthong na// sgrub dang rtsol ba ci spyad kyang// byis pa don med gyi na 'khyam// btsam med du pa'i rang bzhin la// rtsol ba'i spyod pas ci zhig bya// 'dzin pa med pa'i chos nyid la// tshig 'dzin nor ba'i rtsol byar med// bgrod du med pa'i chos nyid la// bgrod pa'i dkyil 'khor ming dang bral/ bsam du med pa'i chos nyid la// rtog sems bsam pa'i dmigs dang bral// btsal med pa yi chos nyid la// btsal med ye nas lhun gyis grub// mtha' dbus med pas gdal ba che// phyi nang med pas ye gsal khyab// skyon yon med par lhun gyis rdzogs// bsgrub du med pas btsal sems bral// gzung du med pas dmigs dang bral// thams cad mkhyen pas byin brlabs che// gdod nas byang chub snying por gnas// spyod pa'i khyad par 'di ltar bu// des na gcig las med bzhin du// spyod mthun rtsol ba'i rang bzhin la// rnam rtog spyod pa so sor snang// 'khrul pa thams cad 'khor bar spyod// rgyu 'bras mi slu bden don spyod// mi dmigs pa la nam mkhar spyod// de ltar spyod la kun spyod kyang// dam pa'i don de spyod mchog nyid// dam par gyur pa thams cad la// dam pa'i spyod pa de las med// skyes bu mchog gis de skad bshad// the tshom med par shes par gyis// ma bcos byang chub de bzhin nyid// bsgom du med pa'i chos nyid la// bsgom pa dmigs su med pa ste// ting 'dzin zhes ni gdags su med// bsgoms kyang rnyed pa ma yin la// de bzhin ma bsgoms stor ba med// bsgom chos sna tshogs cir snang yang// bsgoms nas de yi ngag mi gnas// de bas byis pa'i spyod yul yin// dper na byis pa'i rang bzhin gyis// sa la sogs pa gzugs sna tshogs// mdzes par byas nas skad cig mthong// mthong ba nyid na ma grub ste// skad cig kho nas zhig gyur nas// sa la sogs pa'i rdul du snang// de bzhin rnal 'byor byis pa yis// gzugs la sogs pa sna tshogs bsgom// sems kyi bye brag skad cig la// yid kyi rgyu ba sna tshogs 'byung// byung ba bzhin du de ma grub// sems kyi skad cig dran pa la// yid kyi dmigs pa rgyun chad nas// byung tshor chad pa'i mtha' spangs te// chos rnams nam mkha' lta bur ni// brjod med rgyun mi 'chad par dmigs// de don phyin ci ma log par// brjed med ting 'dzin sgom pa'i mchog/ci phyir chos kyi dbyings nyid ni// nam mkha' lta bur 'dus ma byas// bsam du med pas nam mkha' 'dra// brjod du med pas gzugs dang bral// kun gzhi kun tu nam mkha' la// yid ni mkha' la nyi shar 'dra// rnam shes nyon mongs sprin gyis khebs// 'du bya rlung gis kun bskyod de/ gsal dang byung 'jug sangs dang 'gag/ rnam shes mtshan ma'i rtog pa yis// kun gzhi nam mkha' mthong mi ster// kun gzhi mthong nyid chos sku ste// 'di don nam mkha' ma brjed pa// ting 'dzin chen po rgyun mi 'chad// gang zhig 'di don yid 'chang ba// gzugs kyi dngos po ci snang yang// sems ni ye nas mya ngan 'das// bde chen sangs rgyas thams cad la// dgongs pa 'di las yong mi mnga'// snang ba med pa'i nam mkha' 'di// ting 'dzin chen por gnas bzhin du// 'di las glags te ci zhig tshol// rgyal bas btsal kyang yong mi rnyed// 'dis la gzhan du gang tshol ba// btsal ba nyid na tshi chad 'gyur// gzhan nam dman pa'i sgo rnams ni// ting 'dzin med pa'i chos nyid la// 'dzin pa'i ting 'dzin bcug pas nor// de dag la ni gang spyod rnams// then tsher mig ni nam mkha' la// phra rab then thag 'dzud pa ltar// byis pa las gang byed pa de// shed can dag gis byar mi rung// shed can spyod pa'i nam mkha' de// then tsher nam mkhar shong mi 'gyur// des bas gzhan la bstan pa min// bstan na byis pa ga chad 'gyur// chos nyid nam mkha' lta bu'i dngos// gsal bar 'od stong nyi mas 'grub// byin brlabs 'od kyi zer phreng tsam// sgyu ma ltar snang mtshan mar thob// mi g.yo mtshan med rang bzhin dngos// skye med sems kyis ma mthong ba// byis pa 'drid pa'i rtsed mor snang// dngos grub chen po'i sems nyid de// yid bzhin 'byung bar rin po che// ji ltar dmigs shing bsgyur bar 'gyur// grub pa don chen thams cad rdzogs// sems kyis sems kyi tshul mthong na// dngos grub ces de dag las 'ong// gang gis stsol te su yis blang// stsal dang stsol bar byed mi dmigs// dper na chu dang me long dang// mkha' dang ral gri shel la sogs// gsal bar byed pa'i rang bzhin la// rnyog med la sogs bltas gsal ba// chu la sogs pa'i rang bzhin yin// de la ngo mtshar che mi 'byung// sems kyi chu gsal nam mkha' la// nyon mongs sprin gyis rnyog med na// dngos grub nyi zla skar tshogs bkram// sgrib med byin brlabs ngang gis 'tshar// kun gzhi nam mkha'i snying po de/ nyon mongs sprin gyis gting spungs pa// shes rab rlung gis ma gtor bar// ga zha mkhan gyi spyo 'dri yis// sgrib bsal chos nyid gsal 'dod pa// ji ltar chus gsher byis pa dag/ nyi ma sprin ldan grib ma yis// shin tu bsgrigs par gyur pa na// sprin chen 'dus pa'i phung po la/ kha yi dbugs kyis bus byas na// sprin gsal nyi 'od gsal 'dod 'dra// de phyir rnal 'byor dbang phyug gis// sems nyid don la rnam brtags te// kun gzhi rtsa ba shes par bya// sems nyid de la bltas gsal ba// rtsa ba dang ni gang ldan pa// dus dang tshigs dang lor gyur yang// yal ga lo 'dab 'bras bur bskrun// rtsa ba'i sa bon med mi 'gyur// ci ltar sbyor ba'i rnal 'byor rnams// nan gyis mtshan pa'i dngos grub dag/ byis pa'i sems kyis blang 'dod na/ de yang mtshan mas de rangs 'gyur/dper na me yi rang bzhin dgas dang nags tshal sreg byed pa/ rgyu rnams tshogs pa'i bden pa las/ med las yod pa'i bden par snang/ de ltar mtshan ma'i rnal 'byor yang/ mtshan ma'i cho 'phrul thob 'dod pa// mtshan ma'i rgyu rnams tshogs pa las// mtshan ma rangs pa'i mtshan mar snang// shin tu skar ma rgyan rnams la// byang chub spyod pa cher spyod pa'i// dam pa'i don la cher dmigs pas// gsang mchog rig pa'i dngos grub myur// mtshan mar mi rtog rang bzhin gyis// zab mo don chen go ba ni// nges pa'i don gyis thag gcad de// mnyam pa'i don la yid ches bya// ji ltar mkha' la tshig tsam du// ngang du brjod pas rjod byed kyi// brjod pa'i tha snyad dang bral bas// ji ltar 'khrigs kyi smig rgyu dag/ snang ba nyid na med pa ltar// chos so cog gi rang bzhin gsal// gsal ba nyid na de mi dmigs// thabs chen gting zab shes rab lam// spros bral mtshan ma'i 'phrang las 'das// gtos ches yangs pas lam gnyis bral// dbus mtha' mi dmigs mnyam pa'i lam// gcig tu mnyam par chud nas ni// yul med tshol ba'i sems bral de// blang dor gnyis kyi mtha' spangs nas/ gnas pa med pa'i tshul gyis gnas// chos nyid dbyings su ro gcig phyir// shes dang shes bya gnyis med de/ ye nas shes nyid chos shes na// chos nyid gzhan nas btsal ci dgos// dper na sgyu ma'i bde sdug kyang/ bsal nas gnyi ga mi dmigs ltar// 'khor ba 'gyur ba'i bde sdug kyang// mnyam par rang bzhin don gyis mnyam// ji ltar dus rnams thams cad dag/ mnyam pa nyid du rtogs nas ni// sgros tshig rjes su ma 'brangs na// mnyam 'gyur dus rnams ga la dmigs// mkha' la ngang gis gzugs med phyir// dmigs su zin par mi 'gyur bzhin// sems kyis ma skyes don mi dpogs// skyon dang yon tan gnyis 'byed pa// rtogs nas gnyis kyi don spangs te// rang bzhin mnyam par don bzhag na// bsgom zhes ming du brjod par zad// gnyis su lta ba ma skyes phyir// gnyis kyis 'du shes ci byung yang// rang byung zhi ba ma bkag chos// ye nas ma bcos don gyis gsal// ma skyes rnam dag byang chub sems// mi gnas ye shes thugs dang mnyam// rig dang ma rig khyad par las// 'khor 'das rten dang 'brel bar snang// rnam rtog med phyir zhi ba med// 'dzin par ma yin spros bral min// drang ba'i don bstan ma gtogs par// don la tshig gis brjod du med// snang yang med pa'i rang bzhin la// shes blo yod pa'i sems mi 'byung// mnyam nyid stong pa'i don 'di la// don ldan stong pa'i sgro mi 'dogs// ma bcos rang bzhin zhi ba yi// mtshan ma'i rtog bral shes ldan pas// med do tsam du'ang mi dmigs na// byung tshor 'dzin par ga la 'gyur// thams cad mi gnas byang chub pas// btsal nas grub pa ma yin yang// sgyu ma sangs nas 'khrul bral bzhin// spros bral ye shes snying por gnas// 'khor bar rtogs pa dug yin te// 'khor ba'i sdug bsngal mi shes na// dug 'thungs bde ba ga las 'ong// sbyar legs dug nyid sman du 'gyur// 'khor ba'i las rnams de ltar snang// 'khrul snang dug gzer bzod dka' ltar// ma rig 'khor ba'i sdug bsngal snang// rmi lam sgyu 'phrul mi zad pas// shin tu nyam thag gdungs pa'i tshe// 'chi bdag bdud kyis zin 'dra la// mgon btsun gzhan gyis mi phan te// bdud sel rtsi dang 'dra bar ni// yang dag lam mchog rtog par bya// dug nad smyo sangs 'byang ba la// skad cig ma la mi bzod cing// sman dang sman pa'i stsol bsgrubs pa// sangs nas de dag mi dmigs ltar// 'khor ba mi dmigs 'khrul pa la// rmi lam nas sel rtsol sgrub ltar// sgrub dang ting 'dzin rtsol byed kyang// 'khor ba stong rtogs nyid byang chub// sgyu ma rgyu 'bras mi slu bzhin// blun rmongs ngo la de ltar snang// mnyam nyid rig pa'i rtsal can dag/ 'khor ba 'khrul ba'i tshig tsam du// ma nor lam rig blo la gsal// de la rtsol thob rlom sems med// sems nyid don dang ma mnyam na// tshig gis mnyam pas don mi dpogs// 'khrul 'khor mnyam las ma g.yos kyang// log rtogs sgyu ma'i tshul tsam snang// sems nyid ye sangs rgyas rig nas// rig pa'i don la brtson sbyor zhing/ rang 'byung yon tan rtsal sdud pa// 'khrul par 'brel pa ga la yin// byang chub sems ldan bsam rdzogs nas// ye shes mchog ldan mnyam nyid sku// ting 'dzin chog ldan bla ma'i dbang// dge bsags mchog ldan lus spyod pa'i// bsod nams mchog ldan gzugs kyi sku// rnam smin tshul gyis 'grub mi lta// btsal nas thob par mi byed de// rgyu yi dus nyid 'bras bu'i mchogadapyod pa'i sem nyid ting 'dzin ni// sems can dus ma don la spyod// lhun grub sa la bgrod mi byed// 'khor ba'i sa shes bde ldan gnas// mi gnas 'khor ba'i sdug bsngal yang// byang chub 'khor ba'i lam dang 'brel// sgyu ma'i mtshan nyid ma bkal tshul// rang byung rtog bral gcig tu mnyam// mnyam pa nyid kyi don btsan par// chos nyid la yang chos nyid gsal// mnyan par mnyam zhes tshig brjod kyang// mnyam pa'i don dang mthun mi 'gyur// byang chub de yang mi dmigs te// mi gnas zhes ni gang brjod cing// gnas dang dmigs pa'i gnas 'dzin pa// gzung 'dzin zhes ni de la bya// sgyu 'drar byang chub sems med na// dngos bral yul med stong pa dag/ mkha' la rang bzhin mi gnas zhes// bstan pa de ni yod ma yin// bsam gtan lus ni gtsor byed dang// gnas de lus kyi phyag rgya kun// mtshan mar mngon par zhen las byung// mtshan med sems las bya btsal med// smig rgyu bzhin du lus red na// gnas dang phyag rgyar dmigs pa med// byed spyod ched du ston byed cing/bya med bya ba'i dmigs pa'ang med// de nyid ma skyes gzhi med pas// gnas bder lus bcos kha na med// zhen par 'chos lam spyod byed pa// de nyid gzung 'dzin rnam rtog ste// bsam gtan lus dben dben ma yin// mkha' la sems dben dben pa'i mchog/ sems nyid dben pa'i gnas yin te// 'di ni rnal 'byor spyod mchog gnas// bla gab ri phug gzhal med min// sems nyid dpag yas gzhal med mchog/'di ni rmad byung nor bu'i gzhal// phyi dang nang med kun du nang/ 'du bar 'dus pa'i tshogs ma yin// sems las ye shes tshogs 'dus mchog/ chos kun 'dus pas lus pa med// dpag med rgyal ba mnyes pa'i tshogs// kun rdzob 'byor pa yo byad min// sems nyid 'byor pa rdzas dang ldan// lhag pa'i rdzas mchog 'di shes na// bsgrub 'grub 'di la the tshom med// sgom par byed pa sgom pa min// bsam bya dmigs su med pa ste// 'di ltar sems kyi gsang sgom pa// don la sems sgom ting 'dzin mchog/ bsrung zhes bsrung bar bya mi dmigs/ stong par sbas pa'i sems nyid de// mtshan mar 'das nas tshig shes na// bsrung pa'i gsang ba dam pa'o// tshig tu mnyam brjod mnyam mi dmigs// sems nyid rang dag mnyam pa las// mnyam pa'i don nyid lhag par med// 'di don mnyam shes mnyam pa'i don// brtul zhugs spyod pa spyod min te// sems la sems gzhol rol spyod pa// thabs che yangs pa spyod pa'i mchog/ byang chub don gyi phyi mo ru// sems kyi phyir mor ye gnas pas// gsol thob mtshan ma'i mid mi dmigs// dngos grub chen po rgyun mi 'chad// de ltar sems kyis sems mthong na// ye shes kyis ni chos nyid mthong// dus kun du ni skye 'gag med// sngon ma mthong ba'i don mthong 'gyur// de yang dngos po cang mi mthong// thams cad rang bzhin med pa zhig/ blo la 'gyus pa kho nar zad// de lta bu yi don mthong na// mtshan mar mthong ba ci yang med// sgyu ma tsam du tshul shes nas// nam mkha' mnyam pa'i don snang 'gyur// kha cig dag ni de don la// mthong ba ci yang med 'gyur na// snang ba zhes ni ci phyir gdags// med pa'i don dang 'gal 'gyur zhes// the tshom za 'gyur de dag la// mthong ba med pa'i don de nyid// yid kyi ngo la snang 'gyur na// snang zhes de phyir brjod par bya// de bas 'khrul pa ma zad par// nam mkha' mthong ba med pa de// de nyid yid la snang 'gyur yang// gzugs la snang bar 'gyur ba min// sems nyid bden par ma mthong na// yid la mtshan med don gsal dang/ mtshan ma 'khrul par rgyu ba gnyis// 'dren mar rgyu byed 'bral 'gyur min// de nyid bden par mthong 'gyur na// de nas de ma thag tu yang// yid kyi rgyu ba rgyun chad nas// sngar 'khrul mtshan ma'i chos bral te// de ni bden pa mthong ba yin// de bas 'dus pa chen po'i tshogs// sems ni yang dag lam nyid de// mkha' la bya lam rjes med bzhin// gol med lam zhes 'dren par bshad// de ltar bshad pa'i lam de yang// kun gyis rtogs par bya ba'i phyir// tshig tu mtshon te bshad mod kyang// dmigs med tshig gi yul bral ba// de yi rang bzhin de yin na// rang bzhin gzhi las mtshan mar g.yos// de la ming med ming btags rgyus// yin dang ma yin the tshom skyes// de las rtsod pa'i gzhir gyur te// de bsal don phyir mtshan ma yi// tshig gi tshogs kyi rnam grangs las/ sgo mo dpag tu med par bshad// de yis nges don rjes bcad pa// thugs kyi klong nas bton pa yi// tshig gi sgron mas don btsal ba// lam nyid ji ltar yin zhe na// dran byung rjes su 'brengs na ni// 'khor ba'i gnas su 'khor bar 'gyur// dran 'byung g.yo ba ci bkag pa// de dag 'gog pa nyid du 'gyur// dran byung med pa blun pa ni// mi stegs can lam mun par 'gyur// 'di zhes sems su gcig bzung na// mtshan ma rtog pa'i ri bo yin// snga phyi med ces phyang bcad na// med de chad pa'i mu can yin// gzhi yi don las yud tsam zhig/cir g.yos skye 'gag byung ba de/ rnam grangs lam de 'phel 'byur gyi// lam gyi chos nyid ga la 'gyur// dper na 'gro gang byis pa dag/ grib ma spangs nas rnam dag tshol// yang las byung ba'i rang bzhin gyis// btsal na grib med dag mi rnyed// don nyid ye nas gnas gzhin du// sems nyid sdug bsngal sna tshogs kyis// sha thang bar ni don tshol pa// don med bdud kyi las yin no// don la tshig tu brjod pa ni// nam mkha' dag la rtsod pa 'dra// tshig tu sman dang dpyad bshad kyang// nad pa'i tshogs la mi phan no// sems nyid don du ma shes na// tshig tu don rjod don mi rtogs// 'khor ba spangs nas 'das tshol ba// gzugs btang nas ni grib tshol 'dra// lam nyi ji ltar yin zhe na// ma rig ye shes tha dad min// ma rtogs rtogs pa lam du gcig/ sems 'di sna tshogs par snang bas// sna tshogs sems su gcig pa yin// dper na gser du gcig pa las// dbyibs dang gzugs ni tha dad par// byis pa so so'i ming du grags// grags kyang ser gyi ngo bor gcig/ de bzhin sems kyi rang bzhin la// 'khrul dang ma 'khrul khyad par gyis// ji ltar bltas dgu der sdang yang// snang yang sems las gzhan mi dmigs// sgron mar 'bar ba'i rin chen ni// gal te ngan khung sbas gyur kyang// de nyid yon tan rang snang bas// 'od ni mkha' la gsal bar 'gyur// de bzhin sems nyid rin chen sgron// lus ngag 'khor bar bying gyur kyang// rang byung rang zhi rang snang bas// shes rab chos nyid mkha' la gsal// sems nyid nam mkha' 'drar mtshungs te// kun khyab stong gsal sna tshogs 'byung// byung tshor g.yo 'gog thams cad kyang// rang bzhin gyis 'byung ngang gis zhi// mdor na ji ltar brtags bsam bzhin// 'gyur bas thams cad ngo bor snang// ma bcos g.yo ba med nyid la// sna tshogs rgyu 'byung mi skyon zhing// cho 'phrul mi 'gag nyam nga med// ci bzhin nam mkha'i rang bzhin la// blo bzhag ma g.yengs kho nar zad// de ni skyes mchog don po che// de sems dus gsum thams cad kyi// sangs rgyas 'byung ba'i ngo bo yin// de lta'i don la ring zhig nas// shes shing 'dris par gyur pa na// nges don mthong ba'i nyams drod ni// don dang mjal ba'i rtags chen yang// man ngag lung gis brgyad 'char te// nges par don gsum myong bar 'gyur// de dag thog tu phebs pa yi// drod chen rtagasas su bstan pa yin// de yi zhar las byung pa'i drod// 'khor ba'i chos la snying rje yi// byang chub sems kyang skye bar 'gyur// mtshan ma rtogs pa'i chos rnams la// yid mi shes pa'i 'du shes skye// chos rnams 'di ltar yin pa las// 'di ltar 'khrul pa ngo mtshar che// ya mtshan dpyod pa'i 'du shes 'byung// 'di don ma shes 'gro ba rnams// rtsol sgrub dka' ba'i thabs chen gyis// yang dag don tshol lam re ring// bsags pa'i 'bras bu yod 'gyur yang// don de mthong bar yong mi nus// de 'dra'i 'du shes 'byung bar 'gyur// de ltar shes pa'i nyams drod ni/ skal dang ldan pa'i skyes bu gang// rgyud 'gros tshig gis ma bkrol bar// sems las chos byung 'bum phrag yas// smra ba'i sgo mor thams cad gsal// don la nges pa'i gtan tshigs dag/ tshig tu mtshon te 'byin par nus// de ni chos sku mnyam nyid dang// dbyer med gnyis su med pa yin// rten pa'i gsung thugs sku brnyan dang// de ni mtshungs pa yong min no// zhi lus mthar 'gog skyon gnyis dang/ de ni mtshungs pa yod ma yin// sa la slob pa'i sems dpa' dang/ de yang mi mtshungs rgyal bas gsungs// rig 'dzin drang srong don dpyod dang/ lus 'dra sems ni yong mi mtshungs// de phyir rnam dag lam chen ni// sems kyi gsang 'di yin pas na// skal ldan 'dus pa chen po'i tshogs/ lam 'di shes par bya ba las// btsal bar bya ba'i rgyu med de// lam 'di shes pa de nyid kyis// dka' ba'i rtsol sgrub ma byas par// thams cad thams cad grub par 'gyur// 'dus pa chen po'i tshogs de bas na sems 'di ni lam zhes bya'o// 'khor ba zhes bya'o// sems can zhes bya'o// gru zhes bya'o// bgrod pa zhes bya'o// byang chub ces bya'o// sems zhes bya'o// shes rab ces bya'o// ting nge 'dzin ces bya'o// gnas zhes bya'o// rab ces bya'o// mchog ces bya'o// phul zhes bya'o// bla na med pa zhes bya'o// zab pa zhes bya'o/ gsang ba zhes bya'o// gting pa dpag dka' ba zhes bya'o// chos zhes bya'o// byang chub sems dpa' zhes bya'o// sangs rgyas zhes bya'o// de ci'i phyir zhes na// 'jug pa'i phyir ni lam mo// 'khrul pa'i phyir ni 'khor ba'o// ma shes pa'i phyir ni sems can no// sgrol ba'i phyir ni gru'o// bskyod pa'i phyir ni bgrod pa'o// bde ba'i phyir ni byang chub bo// dran pa nges pa'i phyir ni sems so// mkhas pa'i phyir ni shes rab bo// gsal ba'i phyir ni ting nge 'dzin to// phyin pa'i phyir ni gnas so// zla med pa'i phyir ni rab bo// ngo mtshar ba'i phyir ni mchog go/'phags pa'i phyir ni phul lo// dbang byed pa med pa'i phyir ni bla na med pa'o// gting ring pa'i phyir ni zab pa'o// gab pa'i phyir ni gsang ba'o// phra ba'i phyir ni gting dpag dka' ba'o// kun 'byung pa'i phyir ni chos so// sa non pa'i phyir ni byang chub sems dpa'o// mthar phyin pa'i phyir ni sangs rgyas te// sems dpa' chen po de'i phyir na rnal 'byor gyi lam 'di shes par bya ste// lam 'di ni chos thams cad kyi gzhi'o// sangs rgyas thams cad kyi yum mo// de ci'i phyir zhe na// chos thams cad 'di las 'byung pa'i phyir na gzhi'o// mthar phyin pa'i sangs rgyas kyi lam 'di nas gshegs par gyur ro// da ltar stong pa nyid kyang lam 'di nas gshegs pa ste/ de'i phyir lam 'di shes par bya'o// de ltar na de'i phyir lam 'di ni de bzhin gshegs pa thams cad kyi yab ces kyang bya'o// de bzhin du yum zhes kyang bya ba dang/ sras shes bya ba dang/ bdag po zhes bya ba dang/ gdung zhes bya ba dang/ srog ces bya ba dang/ nor zhes bya ba dang/ bran zhes bya ba dang/ sku zhes bya ba dang/gsung zhes bya ba dang/ thugs zhes bya ba dang/ yon tan zhes bya ba dang/ phrin las chen po zhes bya ba'o// de ci'i phyir zhes na/ thabs chen po dang/ shes rab chen po dang/ byang chub chen po dang/ dbang chen po dang/de bzhin nyid dang/ 'da' bar dka' ba dang/ chos nyid la zad mi shes pa dang/ snying rje chen po dang/ rnam par brjid pa dang/ sna tshogs su ston pa dang/ thams cad du mkhyen pa dang/ cir yang 'byung ba dang/mdzad pa sna tshogs pa'i phyir de dag ni de ltar yin par shes par bya'o// de'i phyir yang lam 'di yongs su shes par bya'o// de bzhin du 'dod pa chen po zhes kyang bya'o// 'tsho ba chen po zhes bya ba dang/longs spyod chen po zhes bya ba dang/ yo byad chen po zhes bya ba dang/ rgyu zhes bya ba dang/ rkyen zhes bya ba dang/ 'bras bu zhes bya ba dang/ spyod pa zhes bya ba dang/ cho 'phrul zhes bya ba dang/ phyag rgya zhes bya ba dang/bsnyen pa zhes bya ba dang/ nye ba'i bsnyen pa zhes bya ba dang/ sgrub pa zhes bya ba dang/ sgrub pa chen po zhes bya zhes bya ba dang/ tshogs chen po zhes bya ba dang/ kun du rdzogs pa zhes bya'o// de ci'i phyir zhe na/yul la 'dod pa sna tshogs pa dang/ dmigs pas 'tsho ba dang/ 'jol nyog tu spyod pa dang/ dgos pa sgrub pa dang/ 'bras bur byed pa dang/ kun du log pa dang/ don grub pa dang/ smin par bsags pa dang/rang bzhin du gyur pa dang/ bya ba byed pa dang/ sna tshogs su 'byung ba dang/ mtshan mar bstan pa dang/ rnam par 'dud pa dang/ shin tu mdzad pa dang/ 'dod pa byed pa dang/ lhag par 'dod pa dang/ kun du 'byor pa dang/ lhun gyis grub pa'i phyir yongs su shes par bya'o// gzhan yang 'dus pa chen po'i tshogs 'di la ni thams cad yod de// chos thams cad ni rnal 'byor rnams pa gsum du 'dus par shes par bya'o// gsum gang zhe na// rgyu'i rnal 'byor dang/ rkyen gyi rnal 'byor dang/ 'bras bu'i rnal 'byor rnam pa gsum yang 'di nyid yin zhing 'di las 'byung bar shes par bya ste/ de yang ji ltar zhe na// rgyu ni 'khrul pa gcig shes te chub par 'dod pas kyang lam 'di nyid shes par bya'o// de bzhan du mtshan ma gnyis dang/ rtog pa gsum dang/ log pa bzhi dang/ nyon mongs pa lnga dang/ phung po lnga dang/ dbang po lnga dang/rgyu drug dang/ rkyen bcu gnyis dang/ skye ba bcu gnyis dang/ rang bzhan bco brgyad dang/ spyod pa bcu gcig dang/ smin pa bzhi dang/ lam lnga dang/ gnas drug dang/ mu gsum shes te chub par 'dod pas kyang lam 'di nyid shes par bya'o// de ci'i phyir zhe na/ 'dod pa'i 'bras bu'i gzhir gyur pa'i phyir te/ lam de nyid ma rig pa'i phyir 'khrul ba zhes bya'o// yul dang gnyis su gyur pa'i phyir na mtshan ma zhes bya'o/dus gsum dngos por rtog pa'i phyir rtog pa zhes bya'o// nges pa las log pa'i phyir don las gol ba dang/ mnyam pa las gol bar dang phyogs las gol ba dang gzhi las gol ba'i phyir log pa zhes bya'o// rgyu 'bras kun nas nyon mongs pa'i phyir mun pas 'thibs pa dang/ sred pas gdungs pa dang/ sdong pos non pa dang/ mi phyed pas 'thas pa dang/ kun nas 'khrugs pa'i phyir nyon mongs pa zhes bya'o// kun nas 'dus pa'i phyir rgyu 'dus pa dang/ rkyen du tshor ba dang/ mtshan mar shes pa dang/ thams cad nas byed pa dang/ rnam par rig pa'i phyir phung po zhes bya'o// sgor gsal zhing yul la dbang dang byed pa'i phyir mthong bar dbang ba dang/thos par dbang ba dang/ tshor ba dbang ba dang/ myong bar dbang ba dang/ reg par dbang ba'i phyir dbang po zhes bya'o// 'bras bur byed pa'i phyir 'dzin par dbang ba dang/mnyen par byed pa dang/ chags par byed pa dang/ g.yo bar 'bud pa dang/ skyed par gsal ba dang/ dus su red pa'i phyir rgyu zhes bya'o// rkyen du 'brel ba'i phyir sa bon dang/ rtsa ba dang/ myu gu dang/ ldum bu dang/ yal ga dang/ sdong po dang/ 'dab ma dang/ me tog dang/ 'bras bu dang/ snying po dang/ skams pa'i phyir rkyen zhes bya'o/ mtshan ma skye ba'i phyir mthong ba skye ba dang/ snang ba dang/ thos pa dang/ sgra brnyan dang/tshor ba dang/ dri dang/ myang ba dang/ ro dang/ reg pa dang/ shes pa dang/ chos skye ba'i phyir skye ba zhes bya'o// mtshan ma'i chos nyid can gyi phyir/ mthong ba'i chos nyid dang/ snang ba'i chos dang/ lhang nge ba'i chos dang/ thos pa'i chos dang/ grags pa'i chos dang/ gsal ba'i chos dang/ tshor ba'i chos dang/ dri'i chos dang/ tshim pa'i chos dang/ myang ba'i chos dang/ ro'i chos dang/ bro ba'i chos dang/ reg pa'i chos dang/reg bya'i chos dang/ nges pa'i chos dang/ shes pa'i chos dang/ chos kyi chos dang/ rtogs pa'i chos nyid 'dzin pa'i phyir chos nyid ces bya'o// mtshan mar spyod pa'i phyir 'du shes sgyur ba'i spyod pa dang/dbang du spyod pa'i spyod pa dang/ rnam par g.yo ba'i spyod pa dang/ sgros su 'dogs pa'i spyod pa dang/ zla las gal ba'i spyod pa dang/ kun du 'tshig pa'i spyod pa dang/ bla bkyal 'tshal ba'i spyod pa dang/ chags pa 'dzin pa'i spyod pa dang/ kun du bdud kyi spyod pa dang/ phyin ci log pa'i spyod pa dang/ gnyis la brten par spyod pa'i phyir spyod pa zhes bya'o// 'bras bur smin pa'i phyir rdzogs par smin pa dang// rim par smin pa dang// glo bur du smin par dang/ bsgyur te smin pa'i phyir smin pa zhes bya'o// bgrod par byed pa'i phyir gdung ba'i lam dang/ 'gog pa'i lam dang/ mun pa'i lam dang/ 'dam gyi lam dang/yang ba'i phyir lam zhes bya'o// brten par byed pa'i phyir bzod ldan gyi gnas dang/ yid ldan gyi gnas dang/ mnyam ldan gyi gnas dang/ 'dod ldan gyi gnas dang/ rtsod ldan gyi gnas dang/ dga' ldan la gnas pa'i phyir gnas zhes bya'o// bde ba'i mu la bzung pa'i phyir ngo bo nyid kyi mu dang/ byed pa dang dbang phyug gi mu bzung ba'i phyir mi zhes bya'o// 'dus pa chen po'i tshigs rkyen gyi rnal 'byor ni 'di lta ste/shes pa gcig shes te chub par 'dod pas kyang/ lam 'di shes par bya'o// de bzhin du don gnyis dang/ tshul gsum dang/ thabs bzhi dang/ chos lnga dang/ rigs drug dang/ mdzad pa chen po bcu gnyis dang/cho 'phrul chen po bcu gnyis dang/ ye shes bco brgyad dang/ sa'i khyad par bcu gcig dang/ sku bzhi dang/ lam lnga dang/ 'bras bu chen po drug dang/ byang chub chen po gcig shes te chub par 'dod pas kyang lam 'di nyid shes par bya'o// de ci'i phyir zhe na/ rang rkyen tsam du spyod cing 'bras bu'i rkyen du 'gyur ba'i phyir te// lam de nyid ma nor bar shes pa'i phyir de shes pa gcig shes bya'o// bden pa gnyis su snang ba'i phyir don gnyis pa zhes bya'o// mtshan nyid gsum gyis sbyor ba'i phyir kun brtags mthun pa la yod pa'i tshul dang/ gzhan dbang mi mthun pa la med pa'i tshul dang/ rjes su dpag pa gnyi ga ma yin pa'i phyir tshul zhes bya'o// mkhas pas zin pa'i phyir khad kyis 'jug pa'i thabs dang/ rkyen la sbyor ba'i thabs dang/ mngon par 'jug pa'i thabs dang thams cad rdzogs pa'i phyir thabs zhes bya'o// rang bzhin la gnas pa'i phyir rgyu'i chos dang/ lam gyi chos dang/ rtogs pa'i chos dang/ 'bras bu'o chos la gnas pa'i phyir chos zhes bya'o// phyis 'byung bar shes pa'i phyir rgyu'i dran pa dang/ 'bras bu'i dran pa dang/sgra'i dran pa dang/ sbyor ba'i dran pa dang/ gnas kyi dran pa dang/ mngon sum pa'i dran pa dang/ rig pa'i phyir rig pa drug ces bya'o// gzhan gyi don du mdzad cing 'gro ba'i don la 'jug pa'i phyir ngo bo'i tshul dang/bltams pa'i tshul dang/ rol pa'i tshul dang/ mnga' dbang chen po'i tshul dang/ thar par gyur pa'i tshul dang/ dka' thub chen po'i tshul dang/ sangs rgyas pa dang bdud btul ba dang 'khor lo bskor ba dang/bdud btul ba'i tshul dang/ chos 'phrul ston pa'i tshul dang// mya ngan las 'das pa'i tshul gyis phyir mdzad pa chen po zhes bya'o// sna tshogs su 'phrul ba'i phyir/ ting nge 'dzin gyi cho 'phrul dang/snang bi cho 'phrul dang/ rdzu 'phrul gyi cho 'phrul dang/ kun rjod pa'i cho 'phrul dang/ rjes su bstan pa'i cho 'phrul dang/ bsam gtan gyi cho 'phrul dang/ byin brlabs kyi cho 'phrul dang/ skye ba'i cho 'phrul dang/ stobs kyi cho 'phrul dang/ yon tan gyi cho 'phrul dang/ 'bras bu'o cho 'phrul dang/ de'i phyir cho 'phrul zhes bya'o// phyi nang gi chos thams cad shes pa'i phyir nang gi chos thams cad shes pa dang/phyi'i chos thams cad shes pa'i ye shes dang/ phyi nang gi chos thams cad shes pa'i ye shes dang/ stong pa'i chos thams cad shes pa'i ye shes dang/ don dam pa'i chos nyid shes pa'i ye shes dang/ 'dus byas kyi chos thams cad shes pa'i ye shes dang// mtha' mi dmigs pa'i chos thams cad shes pa'i ye shes dang/ dus gsum gyi chos thams cad shes pa'i ye shes dang/ blang dor mi dmigs pa'i chos thams cad shes pa'i ye shes dang/rang bzhin gyi chos thams cad shes pa'i ye shes dang/ chos can gyi chos thams cad shes pa'i ye shes dang/ mtshan nyid 'dzin pa'i chos thams cad shes pa'i ye shes dang/dmigs pa med pa'i chos thams cad shes pa'i ye shes dang/ mtshan mar mi rtogs pa'i chos thams cad shes pa'i ye shes dang/ ngo bo nyid kyi chos thams cad shes pa'i ye shes dang/ dngos po mi dmigs pa'i chos thams cad shes pa'i ye shes dang/brten te gnas pa'i phyir mi gos pa'i rig pa dang/ mi nyams par rig pa dang/ mi sgrib par rig pa dang/ rdzogs par rig pa dang/ ma g.yos par rig pa dang/ mnyam pa nyid du rig pa dang/ gnyis su med par rig pa dang/ yongs su dag par rig pa dang/ kun du legs par rig pa dang/ de ma thag par rig pa dang/ rdzogs par chub pa'i rig pa la brten pa'i phyir sa zhes bya'o// kun tu brjod cing ngo bo nyid du gnas pa'i phyir ngo bo nyid dang/ chos nyid dang// rdzogs longs spyod pa dang/ 'dren par sprul pa'i phyir sku zhes bya'o// bgrod cing 'jug pa'i phyir tshogs dang/ sbyor ba dang mthong ba dang/ bsgom pa dang/ mtha' zad du phyin pa'i phyir lam zhes bya'o// rgyu la don yon pa'i phyir gcig tu rdzogs pa dang/ thams cad du mkhyen pa dang/ yongs su khyab pa dang/ tshaugs su 'byung ba dang/kun du dbang ba dang/ dgos pa tshang ba'i phyir 'bras bu zhes bya'o// mngon par rdzogs pa'i phyir byang chub chen po zhes bya'o// 'dus pa chen po'i tshogs 'bras bu'i rnal 'byor ni 'di lta ste/ ma nor ba gcig shes te chub par 'dod pas kyang lam 'di shes par bya'o// de bzhin du nges pa gnyis dang/ yon tan gsum dang/ dgongs pa bzhi dang/ chen po lnga dang/ tshogs pa drug dang/ 'byung tshul bcu gnyis dang/ ting nge 'dzin bcu gnyis dang/ ye shes chen po bco brgyad dang/ rnal 'byor chen po bcu gcig dang/ sgrub pa che na po bzhi dang/ sbyor ba lnga dang/ dngos grub chen po drug dang/ rdzogs pa chen po gcig shes te chub par 'dod pas kyang lam 'di shes par bya'o// de ci'i phyir zhe na/ rgyu nyid 'bras bur grub pa'i phyir gtan la phebs pas ma nor ba zhes bya'o// the tshom mi za ba'i phyir thabs kyis nges pa dang/shes rab gyis nges pas nges pa zhes bya'o// 'dod pa 'byung ba'i phyir yang yongs su khyab pa dang/ rlabs su che ba'i yon tan dang// rtsis las 'das pa'i phyir yon tan zhes bya'o// thabs kyis ldem por dgongs pa'i phyir mnyam pa nyid la dgongs pa dang// mtshan nyid kyi phyir dus gzhan la dgongs pa dang/ gnyen po'i phyir grangs gzhan la dgongs pa dang/ bsgyur ba'i phyir don gzhan la dgongs pas na gongs pa zhes bya'o// lhag par 'phags pa'i phyir mngon pa dang/ bdag nyid chen po dang/ de yin pa dang/ thams cad du che ba dang/ kun du rdzogs pa'i phyir chen po zhes bya'o// kun nas tshang ba'i phyir/mnyam pa chen po dang/ 'byor pa chen po dang/ 'dus pa chen po dang/ rig pa chen po dang/ dbang chen po dang/ 'dres pa chen po'i phyir tshogs zhes bya'o// gzhan gyi don du 'byung zhing 'gro ba'i tshul dang mthun pa'i phyir gnas su bskyod pa dang/mnyam par gyur pa dang/ mdzes par gshegs pa dang/ spro bar spyod pa dang/ gsang bar sbyor ba dang/ mtshan ma bcom pa dang/ mdzad pa med pa dang/ seng+ge'i gsung sgra dang/nges par rdzogs pa dang/ tshom ngam chen po sprul pa mdzad pa dang/ yongs su dag pa'i phyir 'byung tshul chen po zhes bya'o// gsal zhing mi gtong ba'i phyir sems kyi spyod pa ste// rnam dag dbyings kyi ting nge 'dzin dang// snang gsal yel 'phyo'i ting nge 'dzin dang// mi zad mdzod kyi ting nge 'dzin dang// mngon par rtogs pa'i ting nge 'dzin dang// thams cad rdzogs pa'i ting nge 'dzin dang/ 'byung chen sprul pa'i ting nge 'dzin dang// dbang bsgyur thabs kyi ting nge 'dzin dang// rtse gcig 'phros pa'i ting nge 'dzin dang// tshogs chen rdzogs pa'i ting nge 'dzin dang// rin chen myu gu'i ting nge 'dzin dang// dug 'joms sman gyi ting nge 'dzin dang/bya ba byed pa'i ting nge 'dzin gyi phyir ting nge 'dzin ces bya'o// stong pa nyid kyi ye shes dang rgyu'i ye shes dang// thams cad 'byung ba'i ye shes dang// yi ge ye shes dang/ phyag rgya'i ye shes dang/sprul pa'i ye shes dang/ cir yang mdzad pa'i ye shes dang// me long lta bu'i ye shes dang/ nam mkha' lta bu'i ye shes dang// sgyu ma lta bu'i ye shes dang// rin po che lta bu'i ye shes dang// nyi ma lta bu'i ye shes dang// snang stong gsal ba'i ye shes dang// mnyam pa nyid kyi ye shes dang// so sor rtog pa'i ye shes dang// bya ba nan tan gyi ye shes dang// chos kyi dbyings kyi ye shes su gsal ba'i phyir ye shes chen po zhes bya'o// 'dun pa sems pa'i rnal 'byor dang// bka' sdod las kyi rnal 'byor dang/ rigs chen 'byed pa'i rnal 'byor dang// rtags kyi rnal 'byor dang/ gsang sgo lung gi rnal 'byor dang// spyod pa rgyun gyi rnal 'byor dang// mtshan ma rtags kyi rnal 'byor dang/ lung chen thob pa'i rnal 'byor dang// rig pa 'dzin pa'i rnal 'byor dang// rtsal chen sbyong ba'i rnal 'byor dang// yongs su rdzogs pa'i rnal 'byor dang// lhun gyis grub pa'i rnal 'byor du gnas pa'i phyir rnal 'byor zhes bya'o// mnyam pa nyid du grub pa dang/ bde ba chen po grub pa dang/ yongs su rdzogs par grub pa dang/thams cad lhun gyis grub pa'i phyir grub pa chen po zhes bya'o// rgyu dang 'bras bur sbyor ba dang/ thabs dang shes rab tu sbyor ba dang/ dbyings dang ye shes su sbyor ba dang/ sems dang chos su sbyor ba dang// las dang thugs rjer sbyor bas sbyor ba chen po zhes bya'o// srid pa rgya mtsho dbyings su tshim par grub pa dang/ 'khor ba rgya mtsho bdag gir grub par gyur pa dang/ bdag nyid chen po lhun gyis grub par gyur pa dang/dmigs pa gang yin pa de bzhin grub par gyur pa dang/ cho 'phrul rdzu 'phrul thogs pa med par grub pa dang// don dam bcud kyi rnam shes rgyas par grub pa'i phyir dngos grub chen po zhes bya'o// rnam grangs thams cad byang chub kyi sems bde ba chen por rdzogs par grub pa'i phyir rdzogs pa chen po gcig ces bya'o// gzhan yang 'dus pa chen po'i tshogs sa'i khyad par chen po bcu gcig non par 'dod pas kyang lam 'di la bslab par bya ste gang zhe na/'gyur dbang ma nges pa'i sa dang/ brten pa gzhi'i sa dang/ gal chen sbyor ba'i sa dang/ mi ldog gnas pa'i sa dang/ bslab pa rgyun gyi sa dang/ cho 'phrul sprul pa'i sa dang/bsten pas khyad par du 'gro ba'i sa dang/ dmigs pas 'bras bu skye ba'i sa dang/ gnas pas mi 'gyur ba'i sa dang/ bdal ba chos nyid kyi sa dang/ rdzogs pa sbyir chibs kyi sa ste/ sa 'di dag non par 'dod pas kyang lam 'di la bslab par bya'o// gzhan yang 'dus pa chen po'i tshogs 'di lta ste/ rnal 'byor bslab pa'i mtha' bcu chib par 'dod pas kyang lam 'di la bslab par bya ste/ gang zhe na gzhi dam tshig 'dis bzung par bslab pa dang/ rgyud thos pas dgrol bar bslab pa dang/ phul du mkhas par dbyung bar bslab pa dang/ sgo kun nas sdud par bslab pa dang rim pa dbang gis bgrod par bslab pa dang/la spyod pas dor bar bslab pa dang/ thag lta bas gcad par bslab pa dang/ nyams su ting nge 'dzin gyis blang bar bslab pa dang/ don man ngag gis bsgrub par bslab pa dang/mdo gcig tu bsdu bar bslab pa'o// 'dus pa chen po'i tshogs gzhan yang 'di lta ste/ yon tan gyi che ba sgom par 'dod pas kyang lam 'di la bslab par bya ste/ gang zhe na/ che ba nyi shu dang/ rol pa nyi shu dang/cho 'phrul nyi shu dang/ rdom pa nyi shu dang/ brjid pa chen po nyi shu dang/ tog chen po'i nor bu'o/ gzhan yang 'dus pa chen po'i tshogs 'di lta ste/ rmad du byung ba'i mthu chen po nyi shu thob par 'dod pas kyang lam 'di la bslab par bya ste/de yang gang zhe na/ 'jig rten chen po drug 'phang bar 'dod pa dang/ chu'i phung po chen po rngubs te bskam par 'dod pa dang/ rlung gi bskal ba bcing bar 'dod pa dang/ nyi ma'i dkyil 'khor 'bum dgye bar 'dod pa dang/bsreg pa'i bskal pa chen po gsum gzh-i la bar 'dod pa dang/ nam mkha' thams cad ba spu gcig gis dgang bar 'dod pa dang/ ba spu gcig las sangs rgyas bye ba dgye par 'dod pa dang// sangs rgyas bye ba ba spu gcig g-i nang du shong bar 'dod pa dang/ 'khor ba thams cad ba spu gcig tu rngub par 'dod pa dang/ ba spu gcig gis 'khor ba thams cad la khyab par 'dod pa dang/bskal pa'i 'khor lo chen po ring du bsrub par 'dod pa dang/ thung du bsrab par 'dod pa dang/ dus kyi 'khor lo chen po mnyam par bskor bar 'dod pa dang/ 'khrug par bskor bar 'dod pa dang/las kyi 'khor lo chen po rgyun du bskor bar 'dod pa dang/ rgyun gcad par 'dod pa dang/ srid pa'i 'khor lo bzlog par 'dod pa dang lugs su bskor bar 'dod pa dang/ sdug bsngal gyi 'khor lo chen po rgyun gcad par 'dod pa dang/dmyal ba'i 'khor lo chen po dong sprugs par 'dod pas kyang lam 'di la bslab par bya'o// 'dus pa chen po'i tshogs gzhan yang 'di lta ste/ rnal 'byor rtogs pa'i ri bo brgyad cu rtsa gcig gzhil par 'dod pas kyang lam 'di la bslab bar bya ste/dngos gzhi'i rtog pa dgu dang/ mtshan ma'i rtog pa dgu dang/ rtags kyi rtog pa dgu dang/ rkyen gyi rtog pa dgu dang/ las kyi rtog pa dgu dang/ spyod pa'i rtog pa dgu dang/ bskyod pa'i rtog pa dgu dang/ zhen pa'i rtog pa dgu dang/ mngon par rtog pa dgu'o// 'dus pa chen po'i tshogs gzhan yang 'di lta ste/ ltung pa'i sgo dgu shes pas kyang lam 'di la bslab par bya ste/de yang gang zhe na/ bdud chen po'i ris su ltung pa'i sgo dang/ mu stegs kyi khams su ltung ba'i sgo dang/ srin po'i khams su ltung pa'i sgo dang/ gnod sbyin gyi ris su ltung pa'i sgo dang/ru dra chen por ltung pa'i sgo dang/ bgegs chen por ltung pa'i sgo dang/ lha chen po'i ris su ltung pa'i sgo dang/ sho gam gcan chen gyi ris ru ltung pa'i sgo dang/ dmyal ba chen po ltung pa'i sgo'o// 'dus pa chen po tshogs gzhan yang 'di lta ste/ lam 'di shes par 'dod na sangs rgyas kyi chos shes par bya'o// ji lta ci ltar sangs rgyas kyi chos rnams ni rtag par yang blta'o// chad par yang lta'o// skye bar snang ngo// dmigs par yod do// sangs rgyas kyi chos 'di ni 'dod chags dang bcas pa'o// zhes sdang dang bcas pa'o/ gti mug dang bcas pa'o// nga rgyal dang bcas pa'o// phrag dog dang bcas pa'o// mtshams med pa lnga dang bcas pa'o// de dang nye bar lnga dang bcas pa'o// lci ba bzhi dang bcas pa'o// log pa brgyad dang yang bcas pa'o// gzhan yang 'dus pa chen po'i tshogs 'di lta ste// srog gcod pa dang bcas pa'o// ma byin par len pa dang bcas pa'o// 'dod pas log par g.yem pa dang bcas pa'o/ brdzun dang bcas pa'o// phra ma dang bcas pa'o// ngag rtsub mo dang bcas pa'o// tshig khyal ba dang bcas pa'o// brnab sems dang bcas pa'o/ gnod sems dang bcas pa'o// log par lta ba dang bcas pa'o// 'dus pa chen po'i tshogs de bas na/ sangs rgyas kyi chos de rnams la spyod par 'dod pas lam 'di la bslab par bya'o// shes par bya'o// goms par bya'o// klong du gyur par gyis shig ces sems dpa' rdo rje dam pas gsungs so// rgyud kyi rgyal po chen po rdo rje bkod pa kun 'dus rig pa'i mdo las rnal 'byor rang bzhin gyi le'u ste dang pau'o//// de nas 'khor der 'dus par gyur pa'i 'dus pa phal mo che'i tshogs kyis rmad byung gi phyag rnal 'byor lugs su byas nas/ sems dpa' rdo rje dam pa la 'di skad ces gsol to// sems dpa' chen po smra ba'i seng+ge khyod la bdag cag shin tu zhu bar spobs na gnang ba'i skabs dbye bar gsol/ de skad ces gsol ba dang/ smra ba'i seng+ge des 'di skad ces bka' stsal to// 'dus pa chen po'i tshogs ji ltar zhu ba'i don gnang gis kun du spobs pa skyed la zhu ba'i don gsol cigade skad ce bka' stsal pa dang/ 'dus pa chen po'i tshogs kyis a la la ho zhes gsol to// smra ba'i seng+ge chen po khyod kyis rgyal cher bshad pa'i rnal 'byor rang bzhin chen po'i don gyi rjes su bdag cag 'jug par 'tshal na/ 'di la 'jug pa'i sgo du mchi/ thabs ji ltar lags/ lam gang ltar ba de// sems dpa' chen po 'di'i don rgya cher bshad du gsol/ de skad ces gsol ba dang/ smra ba'i seng+ges bka' stsal pa/ grogs po dag legs so shin tu legs so// nges par legs so// khyed kyis zhus pa'i don 'di rnams ngo mtshar che ste/chos thams cad la 'jug pa'i sgo gsal zhing rgya che bar byed de/ rna lhogs la gus par nyon cig gsal bar bshad par bya'o// de nas 'khor gyi nang du seng+ge'i gsung sgra yis chos rnams kyi sgo 'byed pa 'di gsal bar bshad par bya'o// sangs rgyas kyi chos kyi sgo mo 'di// grangs mang bsam gyis mi khyab kyang/ mdo ru bsdus na gsum du gsal// rtsol bas 'jug pa'i sgo mo dang// grub par thabs kyi sgo mo dang// mthar phyin 'bras bu'i sgo mo'o// dang po la yang gsum yod de// mtshan nyid thabs kyi sgo mo dang// thub pa'i rigs kyi 'jug sgo dang// grub pa lung gi gsang sgo'o// de dag sgo mo re re la'ang// gsum gsum yod par 'dren par bshad// gnyis pa'i sgo la'ang gsum yod de// shes rab rtogs pa'i sgo mo dang// ting 'dzin goms pa'i sgo mo dang// smon lam grub pa'i sgo mor gsal// tha ma mthar phyin sgo mo la// rnam thar sum gyi sgo zhes bshad// 'jug pa'i lam la'ang 'di lta ste// dam pa gsum du gsal bar bshad// 'dren pa chen po'i sde snod dang// thub pa chen po'i 'jug sgo dang// dam pa chen po'i mdzod gsum mo// 'jug pa'i thabs kyang 'di lta ste// thabs las thabs byung thabs gsum ste// don dang yi ge ting 'dzin gyis// rjes su gang gis brtag byas na// 'jug pa'i thabs kyi dam pa'o// don gyi rjes su 'jug pa yang// don ni chos nyid snying po la// rjes su 'jug pa'i sems yin te// sems nyid chos la sbyor ba'i skabs// rnam pa bcu zhes 'dren pas bshad// bcu nyid gang dang gang zhe na// 'dun pa skye ba'i gnas skabs dang/ rtsol ba sbyor ba'i gnas skabs dang// bslab la 'jug pa'i gnas skabs dang// 'du shes 'gyur ba'i gnas skabs dang// sbyor chen la 'jug gnas skabs dang// ro nyid tshor ba'i gnas skabs dang// yul la 'jug pa'i gnas skabs dang// rtog chen nyid la phebs skabs dang// de nyid gdeng du gyur pa'i skabs// las su rung ba'i skabs dang bcu// bcu po de dag re re yi// skabs su sems dang chos phrad pas// rig pa byang chub sems re 'byung// byang chub sems ni gang zhe na// 'di yi grangs kyang rnam pa bcu// g.yo ba byang chub sems nyid dang// de bzhin smon pa byang chub sems// ldang ba byang chub chen po'i sems// de bzhin sbyor ba byang chub sems// 'jug pa'i sems dang dge ba'i sems// mi 'gyur ba dang rig pa dang// gnas pa dang rdzogs pa'o// byang chub sems zhes grags pas na// sems bcu dag tu rgyal bas bshad// byang chub sems kyi rang bzhin de// skabs bcu dag tu sbyor bas na// gzugs brnyan chos nyid ngo la snang// gzugs brnyan rang bzhin ci ltar snang// phra mo tsam gyi skar ma dang// de bzhin skar ma tha mal pa// skar ma chen po dag dang ni// zla ba tshes gcig rnam pa dang// gnyis dang gsum dang bzhi dang lnga// brgyad dang bcu drug rnam pa yi// gzugs brnyan dag tu snang ba ste// dngos por snang ba cang ma yin// chu zla lta bur gzung du med// sems kyi gzugs brnyan snang ba dang// chos nyid gsal ba'i nyi ma gnyis// yul dang dbang po'i tshul lta bur// dbyings dang ye shes rang bzhin gsal// 'di ni rnal 'byor sbyor ba'i lam// bgrod par byed pa'i thabs chen yin// lam 'di goms par bslab bya na// rnal 'byor bslab par bya ba'i mtha'// gnas bcu dag kyang 'di lta ste// ji ltar sa gzhi gshin pa la// brten nas sa bon btab pa las// 'bras bur smin par gyur pa yis// 'tsho ba byed pa'i srog 'dzin ltar// chos nyid kun gyi gzhir gyur pa'i// dam tshig 'di la brten nas ni// dngos grub lo tog smin pa yis// dge ba'i srog 'dzin dam pa'o// bslab pa 'di yi dam tshig ste// bslab pa kun gyi gzhi 'dzin du// goms par bya ba rab tu gces// ji ltar cang shes gyi ling dag/ sdom byed sgrog gis bcings gyur pa// bkrol byas bde blag byang 'gyur na// ci la'ang thogs med 'gro ba ltar// sems kyi cang shes dbang po 'di// mi shes bcings pas bcings gyur pa// rnam grol thos pa'i sgo mo yis// shes rgyud kun grol thogs med 'gro// 'di ni mi shes rgyud 'grol ba'i// bcings bar bya ba 'gro ba ste// rgyud nas dgrol ba'i bslab pa ru// goms par bya ba rab tu gces// ji ltar ri mtho rtse mo la// sgyid mi lug par brtson 'dzegs na// mtho sar phyin cing rtse non pas// yul khams rtogs shing lam la mkhas// de bzhin shes rab mthon ri la/sgyid mi lug par mnyan bsams na// kun gyi phul du shes rab phyin// mkhas pa'i ye shes tshad med do// don la mkhas par bya ba de// phul du dbyung ba'i bslab pa ste// shes rab chen po 'di dag la// goms par bya ba rab tu gces// dper na bung ba khong tshol ba// kun tu 'jug cing byung nas ni// rang gi 'dzul khung gang yin par// nges par 'jug cing gnas pa ltar// rnal 'byor don gyi rjes tshol ba// spyod sgo ci yod bstun te bsdu// blta sgor 'jur cing brtags bsdur na// ma nor nges pa'i dbu ma la// chos nyid don gyi rjes bcad phyir// go mo kun nas bsdur ba yi// bslab par bya ba'i mtha' yin te// goms par bya ba rab tu gces// ji ltar rgyal rigs rgyud byung ba// mang po'i dbang por dpon btabs te// 'khor lo la sogs rin chen gyis// kun la dbang sgyur thob pa ltar// de bzhin rnal 'byor rgyud byung ba// chos kyi dbang por dpon bstabs te// phyag rgya la sogs rtags chen gyis// rim par kun gyi thog mar 'gro// 'di ni dbang gi khyab par te/ sa la rim par 'byung ba yi// rtsal gyis bgrod cing bslab pa'i mtha'// goms par bya ba rab tu gces// ji ltar glang po chur 'jug pa// tsham tshom chags thogs yong med par// dga' ba'i longs spyod brod tshul gyis// mi ldog pha rol phyin pa ltar// rnal 'byor nges par spyod pa'i blo// brtul zhugs rgya mtsho'i chur 'jug pa// rtsal chen sbyong ba'i brod tshul gyis// chags thogs med par dor ba'o// bslab par bya ba'i mtha' yin no// spyod pa'i bslab par dam pa ni// goms par bya ba rab tu gces// ji ltar khyung chen mkha' lding ba// gshog pa'i rtsal gyis nam 'phang gcod// ngam grog chu klung mtha' yas kyang// gshog rlabs 'og tu kun chud ltar// rnal 'byor mnyam nyid mkha' lding ba// theg pa'i spyod sgo mtha' yas kyang// mnyam pa chen po'i don gyis ni// lta 'phang brlabs kyis thag bcad pa'o// 'di ni re dang dogs pa yi// the tshom gcod pa'i lta ba ste// don la sems kyis blta ba ste// bslab pa 'di dag goms pa gces// dper na rgya mtshor nor len mi// sbrul dang chu srin sbrang ma las// sogs pa gdug pa'i sdug bsngal kun// dka' ba nyams su blangs nas 'grub// de bzhin rnal 'byor bde tshol ba// rnam rtog bying rmugs phyar g.yeng dgra// gzhom par dka' ba'i las 'di dag/ nyams su blangs na bde thob rnyed// 'di ni ting 'dzin dam pa yi// nyams su blangs pa'i bslab pa ste// sems kyi goms par bya ba'i las// 'dris par bya ba rab tu gces// ji ltar mun par dug dang rdzas// sman snang gser du u0f84bsgyur bas na// 'gyur rtsi man ngag med pa'i mis// dka' ba'i las chen sna tshogs pas// sdug bsngal spyad kyang mi 'grub ste/ su zhig man ngag ldan pa'i mis// tshigs med gyi na'i tshul gyis na// bsgyur bas sman snang gser 'gyur ltar// rnal 'byor chen po'i don sgrub pa// kun gzhi gnas 'gyur man ngag dang// gang dag mi ldan pas kyang ni// dka' ba spyad kyang 'grub pa min// sems kyi gsang 'di sus mthong ba// de dag man ngag ldan pa ste// 'dod pa'i don mchog gang yin pa// de dag tshegs med kyi nas 'grub// don rnams sgrub par gang byed pa// man ngag can gyis 'grub pa'i phyir// don rnams 'grub par 'gyur ba yi// bslab pa 'di dag rab tu gces// dper na kun du rgyu ba'i mi// 'dod pa'i yul du 'gro byed na// yul gyi rnams pa mtha' yas kyang// bgrod pa'i lam gnas gcig las med// de bzhin bsam gyis mi khyab pa'i// brgyad khri bzhi stong chos bstan kyang// bkri zhing drang ba'i tshig yin te// bsam pa'i yul ni gcig pa'o// don rnams gcig tu sdud pa yi// bslab par bya ba dam pa ste/ nges par gcig las med pa'i phyir// 'di dag goms par bya ba yin// bslab pa 'di la goms gyur na// lobs pa'i yon tan mtha' yas te// logs pas lam la mkhas par 'gyur// sngags kyi yon tan chen po yang// rmad du byung ba thob par 'gyur// gsang sngags chen po'i khyad par ni// thams cad thams cad bya'o cog/ byin gyi rlabs kyi spyod pa'am// dbang sgyur thabs kyi spyod pa ste// dper na nam mkha' rgya mtsho'am// ji ltar me dpung rgyal po 'dra// de yang de yul chen chung gi/khyad par nyid kyis brlabs pa yin// rgyal po de yang khyad par gyis// dbang sgyur bya ba'i khams rnams la// che chung rim pa yod pa yin// rnal 'byor sngags tshul de ltar snang// thabs chen spyod la 'jug pa yang// bab chod thad du 'jug pa ste/ dper na glang chen chur 'jug pa// rab dang glang chen bab mi bab// de yang rtsal sgyid drag zhan gyis// la la thad du gcod pa la// la la bsegs su 'gro ba yin// la la chung zhing bshad thabs 'gro// de ltar rnal 'byor rgyu nyid na/ 'bras bu'i don la bab chod kyang// rtsal 'phang mtho dman khyad par gyis// ji ltar nus tshad der snang phyir// sa dang gnas skabs ye shes dang// sgrib dang gol sa rtog pa dang// spyod dang dam tshig ting 'dzin dang// dus dang dngos grub mthar phyir dang// lta ba'i khyad par gnas gyur rnams// thams cad gcig las med na yang// grangs dang dbye ba'i bye brag rnams// snod kyi rtsa dang spyar nas ni// chos rnams kun gzhir gcig pa la// kun gzhi gnas 'gyur rnam pa lngas// bye brag lam gyi chos su snang// gzhi nyid rgyu yi kun gzhi dang/ sbyor ba 'dun pa'i kun gzhi dang// snang ba don gyi kun gzhi dang/ 'gyur ba med pa'i kun gzhi dang// btsal med gnas pa'i kun gzhi lnga// skabs lnga dag tu gnas 'gyur bas/ sa yi khyad par bgrod pa yin// de yang gnyis kyi chos 'di dag/kun kyang yongs kyis rnal 'byor dang/ 'gro don gsum gyis 'gro ba ste// dge don dang ni sgrub pa po// rig 'dzin zhes ni rdzogs pa yin// des na rtsal gyi khyad par gyis// dang po las kyi rnal 'byor la// sogs pa'i rnal 'byor chung ngu rnams// rang rang rtsa ba bor nas ni// rtsal chen rdzogs pa'i rnal 'byor la// sogs pa'i rnal 'byor chen po'i tshul// spyod pa byed dang don 'dod pa// sbal bus mkha' lding las spyad kyang// btsal ba'i yul ni chad pa yin/ nor bu las kyis 'phang dmas pa// rang skal 'tsho ba'i ched bor nas// rgyal po thabs kyis 'phang mtho ba'i// longs spyod che la dmigs bcas kyang// de dag mi 'thob 'tsho bral bzhin// skal ldan can gyi don 'di dag/ skal zhan dag gis 'grub par dka'o// sna tshogs gter gyi khang pa dag/ rgyal po'i mdzod du gyur pas na// spyod sgo 'jug pa thams cad kyang// dka' thub phyi nang khyad par gyis// rin chen sna dgu'i rim pa dag/ so so'i las thabs mtho dman gyis// yul de gcig las med na yang// yig tshang sgo dgu so sor spyod// rgyal por gyur na de kun la// dbang bskur byed pa'i bdag po yin// mi gnas chos kyi dbyings nyid dag/ blta ba'i yul du gyur pa na// rig pa rtsal gyi khyad par gyis// blta yul gcig las med na yang// so so 'jug sgo kun nas spyod// dbyings kyi rang bzhin gcig pa la// rtsal 'phang mtho dman khyad par gyis// skas kyi gdang bu rtsi ba ltar// sa dang theg pa'i khyad par du// mtho dman rim par snang ba yin// mnyam par gyur pa'i gzhi gcig la// mthun dang mi mthun don gyis ni// dper na khang pa sgo mangs bzhin// sa dang theg pa so so'i sgo// mi mthun so sor snang ba yin// so so'i theg pa'i sgo rnams la/ 'jug pa la sogs ma sbyangs kyang// kun gyi rtsa ba 'dir bcad pas// gcig ste tha dad yongs kyis med// de ni ri dang lhun po'am// kun tu rgyu dang gzhon nu ltar// mthong thos ston pa'i khyad par ni// don gyis de ltar yod pa yin// des na chos rnams thams cad kyi// rtsa ba'i sems 'di yin pas na// nam mkha' lta bu'i dpes mtshon te// kun gyi rtsa ba shes par bya// 'di ltar shes pa'i rnal 'byor pa// lam gyi thabs la mkhas pa ste// lam stor lam btsal lam rnyed pas/ nye lam bde rnyed grub pa'o// rnyed pa'i lam nyid gang zhe na// rnal 'byor spyod pa'i sa yin te// sa bcu rim gyis bgrod pa'i phyir// sa yi khyad par bshad par bya// 'di yi gnas 'dzin spyod pa'i sa// rnam pa bcu phrag gcig gi rdzogs// 'gyur dbang ma nges sa 'di la// bcos ma phra men spyod pa dang// tshul rtags 'dzin dang mos pa dang/ dge la 'dun pa'i rnal 'byor lnga// 'jug ldog ltung dang bcas pa yis/ kun du 'khor zhing ma nges pa'o// 'dun pa sems pa'i rnal 'byor pa// gnas shing spyod pa'i sa zhes bya// bsten pa gzhi yi sa 'di la/ dang po las can rnal 'byor dang/bslab pa sbyong dang nges pa la// dag dang ma dag gis spyod pa'o// bka' sdod las kyi dang po pa// gnas shing spyod pa'i sa zhes bshad// gal chen spyod pa'i sa 'di la// gnas shing spyod pa'i sa yin te// rigs chen 'byed pa'i rnal 'byor nyid// dge dang mi dge'i las rnams kun// gcod sbyong sbyor ba'i tshul nyid kyis// legs nyes stobs chen byed pa'o// bslab pa rgyun gyi sa 'di la// g.yo dang thob dang brtan pa'i drod// de bzhin rtags chen g.yo ba dang// thob pa nyid dang brtan pa yi// rnal 'byor rnam pa drug po dag/ bslab 'i gnas bcu mthar 'byin cing// ji ltar zla ba yar gsal bzhin// bslab pa'i ye shes 'phel 'gyur te// don la mi skrag ngo mtshar skye// dpyod sems 'jug pa'i shes pa des// ngan song mi ldog dgon par 'jug/ bar chad dag kyang de la byung// gsang sgo lung gi rnal 'byor dang/spyod pa rgyun gyi rnal 'byor dang// mtshan ma rtags kyi rnal 'byor gsum// gnas shing spyod pa'i sa zhes bshad// bsod nams gter gyis 'di la// spyod pa'i rgyun gyi rnal 'byor nyid// mos pa dag cing 'dun pa'i gnas// rtsal can blo yi bsti gnas sa// bslab pa'i mtha' bcu spyir chib pa'o// bsten pas khyad par 'gro 'di la// dbugs chen phyin pa'i rnal 'byor dang// rigs chen 'dzin dang mnyam rdzogs che// nges par spyod dang rtsal chen sbyong// yul la 'jug dang rig par sbyor// bdun nyid rdzogs par 'gro ba ste// bslab pa'i rgyu 'bras 'di bcu la// goms par byed pa'i tshul du sbyor// ngal bso ba la thams cad mthong// mi ldog sa la goms byar med// 'di dag sbyor ba gzhi gcig kyang// so so thun mong ma yin pa'i// sgrib la sa zhes rtsi byed cing// ye shes re re 'char ba'o// des na bslab pa'i mtha' gcig la// mi ldog la sogs rdzogs chen rnams/ mnyam pa la bzhag re re la/ ye shes re re 'char ba ste// tha ma rang byung nyid kyi rdzogs// mthar phyin pa dang thob pa dang// mi ldog rnams la rim pa bzhin// rmi lam dag dang sgra brnyan dang// mngon sum nges pa ci rigs par// rnal 'byor rdo rje gral sko ba// rdo rje rdo rje che ge mo// zhes ni nyid dang sa khams dang// zhing khams kun du bsgrags byas nas// rnal 'byor lung rab ston pa'o// dmigs pa'i 'bras bu skye 'di la// grub pa'i rnal 'byor rnal 'byor che// nges par 'byung ba'i rnal 'byor gsum// rgyal ba'i thugs las rgyal skyes shing// rgyal ba'i sras po gdung 'tshob pa// khyad par rtsal 'phang kun rdzogs shing// ting nge 'dzin gyi sbyor ba'o// gnas pas mi 'gyur sa 'di la// tshogs chen 'dus dang rtsa chen rdzogs// gsum du rdzogs par shes bya ste// phyag rgya chen po sgyu ma yin// 'khor lo sgyur ba'i rgyal chen po// mthong ba'i gnas nas bcu drug pa// rdzogs pa'i gnas na longs pa'o// bdal ba chos nyid sa 'di la// rol pa rgyan gyi rnal 'byor dang/ de ba che dang thig ler rdzogs// gsum nyid du ni rdzogs pa la// yul don ye shes de sbyar ba// shes par byas pas thams cad rdzogs// sgyu ma'ang sgyu ma yin spyod la// rdzogs pa spyir ching sa 'di ni// bcu yi tha ma dang po las// mthar rdzogs kun gyi thog yin te// klong yangs nam mkha'i snying po la/ sprin med nyi ma 'bum gyis bdal// cir snang ci yang ma yin pa// mi skyes mi 'gag ngo bo la// ci ltar bltas dgu der snang ba// theg mchog spyi rgya'i rlabs kyis bcad// de yang lta ba'i khyad par gyis// bdag nyid chen po'i rnal 'byor dang/ lhun gyis grub dang klong yangs chub// gsum rdzogs rang byung bdal ba'o// 'di ni rnal 'byor spyod pa'i lam// rnal 'byor can gyis bgrod par bya// gzhan yang 'dus pa'i rnal 'byor rnams// don gyi rjes ni tshol 'dod na// tshig 'ga' thos pa tsam gyis ni// chog pa'i 'du shes ma skyes cig/khyed kun rnal 'byor yin mod kyi// yang dag don la rnal mi 'byor// spyod pa 'gyur bar byed mod kyi// yang dag don du yong ma 'gyur// chags sdang las la zhen mod kyi// dam pa'i don la yong ma zhen// longs spyod rgya cher sbyed mod kyi// chos nyid don gyi ro ma tshor// bdag med phyogs bral zer mod kyi// nyon mongs lnga dang yong ma bral// brtul zhugs rtogs pa choms mod kyang// gzung 'dzin rtog pa yong ma choms// de bas 'dus pa'i rnal 'byor rnams// thos pa tshig gi sgron ma yis// yang dag don gyi gser btsal na// rtogs 'dod spre'u 'di bzung nas kyang// rkun mo byi la btags byas te// gse khung skar khung kun dgag cing// khang stong phang phung bshig nas ni// rgyal po'i dkor mdzod kha phye na// de dag rtag tu sangs rgyas yin// yang dag don gyi lam tshon na// rtog pa'i skyon lnga spang bar bya// rtog pa rags pa'i ri bo dang// mtshan ma rgyu ba tshor ba dang/ byung tshor skyon lnga bsal bar bya// rtog pa la yang gnyis yod de// rags dang phra bar snang ba yin// de bzhin mtshan ma che chung gnyis// rgyu ba ring po thung ngu gnyis// de bzhin tshor ba gsal mi gsal// byung tshor gnyis su snang ba yang// myur pa dang ni bul ba'o// 'di ni don la sgrib pa yi// rtog pa chen po'i gegs chen yin// ci phyir don de mi mthong phyir// mun pa dang ni 'khrigs pa dang/ kun du 'thibs dang sprin phung dang// na bun lta bur bsgribs pa yis// yang dag mi gsal mthong mi 'gyur// 'di yang bye brag bcu gnyis te// mun pa min nag chen po dang/kun nas 'thibs pa lta bu dang// kun du 'khrigs dang bsgribs pa dang// 'thibs pa chen po chung ngu gnyis// sprin chen 'thibs dang 'al 'ol dang/ na bun gtams dang ban bun gyis// gnas ngan gsum dang mi'i gnas dang// 'dod khams bzhi yi lha gnas dang// gzugs kyi khams dang gzugs med khams/ nyan thos rang rgyal gnas su ltung// ltung bar 'gyur ba'i skyon chen ni// mtshan ma'i g.yeng ba rnam drug yin// rang bzhin yul la g.yeng ba dang// de bzhin phyi rol g.yeng ba dang/ nang dang mtshan ma'i g.yeng ba dang// yid la byed dang gnas ngan len// 'di dag tu rab tu gsal bar bya// bsal nas don la mnyam bzhag che// mnyam pa'i don la sgrib pa'i skyon// rnam par lnga 'byung 'di lta ste// byung tshor dbang gis g.yeng ba dang/ bying rmugs dbang gis 'thibs pa dang// 'dzin chags dbang gis 'gog pa dang/ther zug dbang gis rtog pa dang/ phyal ba'i dbang gis med pa ste// 'di ni mnyam pa'i skyon yin no// skyon chen de dag glan pa'i chos// sems kyi lon 'di rgyal bas bshad// 'dus pa chen po'i rnal 'byor pa// rnam par mi rtog don tshon na// gcig pu dben pa'i sa bzung ste// tshad ma gsum dang ldan pa'i blos// rnam par rtog pa'i rjes gcad pa// yod med sngon thog ga las byung// brtags pas rtog pa ltas las byung// rtog pa sgyu mar rab shes na// rtog pa'i ri bo zhi bar 'gyur// des ni gnas ngan gsum mi ltung// rtog pa gang nas byung zhe na// mtshan ma'i chos las byung ba yin// mtshan mar sgyur mar rab shes na// mtshan ma'i chos rnams zhi bar 'gyur// de ni 'dod khams tha mar min// mtshan ma gang las byung zhe na// dran pa rgyu ba dag las byung// dran pa skyon du shes gyur na// rgyu ba'i skyon rnams sel bar byed// mthu des 'dod khams gnyis par min// rgyu ba gang las byung zhe na// tshor ba dag las byung ba yin// dag cing skye bar bya ba med// tshor ba sgyu mar shes gyur na// skyon gyi tshor ba sel bar byed// 'dod khams gsum par ltung mi 'gyur// tshor ba gang las byung zhe na// byung tshor phyi nang dag las byung// dag cing skye bar bya ba med// de nyid skyon du shes 'gyur na// de ltar shes pa'i mthu yis ni// 'dod khams bzhi par mi ltung ngo// byung tshor gang las byung zhe na// sems kyi chos las byung ba ste// sems nyid sgyur mar rab shes na// sems kyi chos rnams zhi bar 'gyur// phung po gzugs brnyan 'dra ba la// sems nyid smig rgyu lta bu yin// yod med gnyis kyi mtha' las grol// de ltar shes pa'i rnal 'byor pa// 'dod khams lnga par ltung mi 'gyur// sems nyid yod pa'i dngos po 'am// med ces bya bar mi lta bar// mu stegs can du ltung mi 'gyur// bying rmugs can du ma gyur pas/ 'du shes med par ltung mi 'gyur// 'du shes rjes su ma 'brangs pa// sems can gnas su de mi 'khor// kun gzhi'i don la goms pas ni// nyan thos gnas su de mi ltung// stong zhing zhi bar mi byed pas// rang rgyal lta bar de mi ltung// rnam dag stong par mi byed pas// byang chub spyod par ltung ma yin// mnyam nyid stong pa'i don dag la/so so tha dad mi 'byed pas/ sa yi rim pa mi ltung zhing// rim gyis sbyang zhing 'phar ba med// yang dag don gyi rang bzhin ni// ci la mi gnas mi len cing// cing yang mi mthong thos pa med// cir yang mi byed byed dang bral// ci yang thos pa rdul tsam med// cir yang snang ba med pa de// de ni snang ba dam pa yin// bsam du med pa'i chos nyid ni// bsam du med pas de bzhin gzhag/ rang bzhin med pa'i chos nyid la// sems kyi gyin da skad cig mas/ mi g.yo rgyun tu dran par bya// de ltar don la mnyam bzhag na// rtags kyi tshor ba 'di ltar 'gyur// drod dang rtags dang cho 'phrul dang// mngon shes dang ni ye shes 'byung// dro ni g.yo dang thob pa dang/ rtags ni byung dang brtan pa dang/ cho 'phrul byung dang rdzogs pa dang// rig pa phra mo thams cad gsal// des ni don rnams rdzogs pa yin// dper na mun pa sangs pa dang// snang ba byung dang nam mkha' dang/ kun tu mthong dang thams cad gsal/ de ltar shes pa'i mthu yis ni// bag chags mun pa kun bsal te// ji ltar rlung gis sprin phyags ltar// skad cig tsam gyi ting 'dzin gyis// sgrib pa'i phung po 'phyag par 'gyur// ji ltar mar mes mun bsal na// mun nyid snang bar 'gyur ba bzhin// skad cig ma yi don rig pas/ sngon nas bsags pa'i mun pa sel// de ltar rig pa'i skyes bu ni// don la rig pa'i sgo phye zhing// chos kyi mig dang de ldan pas// mthong thos tshig le'u tshig bzhir bsdebs// sa pa yin pas don la sbyod// chos kyi mig dang ma ldan na// mi mtha' yas pa'i tshig rnams kyis// don gyi tha snyad ci brjod kyang// nor ma nor gyi don mi dpogs/ tshig phyir blo 'brangs dmu rgod de// bslab pa'i sa dang lam pa yin// tshig don 'bum phrag ci brjod kyang// gzhan la ston par ma byed cig/ bstan na rdo rje bka' rkun de// dmyal ba rdo rjer de ltung 'gyur// gang dag tshul chos mkhan dag gi/ don la blo shed ma bye bar// tshig dang yi ges khris nas ni// mi shes bzhin du chos bstan na// sems can thams cad srog phrogs pas// mi shes chos ston de bas lci// de bas mnyam pa'i don 'di la// bstun te cig car 'jug shes na// bsgom pa'i yun ni ring thung dang// las 'phro yod dang med pa dang/nam grub snyam pa'i khar ma lus// mnyam pa'i don la mnyam bzhag na// de ma thag tu rig pa 'char// mnyam pa'i don las ma g.yos na// gzugs khams gnas su de mi ltung// mnyam pa nyid la ma chags na// gzugs med khams su ltung mi 'gyur// mnyam nyid mngon du gyur pas na// nyan thos gnas su de mi ltung// ci yang med pa'i don mthong na// sangs rgyas zhes ni de la bya// des ni ting 'dzin khyad par 'di// rnal 'byor can gyis 'dris par bsgom// thams cad mi rtogs skye med cing// rtog pa'i mtha' spangs nam mkha'i dbyings// ji bzhin mi g.yo mnyam pa nyid// mtshan ma'i rtog pa yum las 'das// yul med nam mkha'i rang bzhin las// snying rje chen po'i byang chub sems// nyi ma stong gi dkyil 'khor shar// mtshan ma'i chos rnams kun la khyab// nyi ma 'bar ba snying po las// 'od zer yig 'bru'i mchog tu gsal// thams cad 'byung ba'i yi ge a// cir yang 'gyur ba'i rang bzhin las/ sprul pa'i cho 'phrul thams cad 'byung// de yang rtsal gyi khyad par las// dbugs kyi yul dang tshor ba dang// thos dang mthong ba la sogs te// sems kyi yul dang nam mkha'i dbyings// chos kyi dbyings kyi mthas klas par// rang bzhin yi ge bsgyur yi ge/ yan lag yi ge so so yi// rtsa ba la sogs gzhi gcig bcas// 'phro 'du tshad kyang phyag rgya yi// tshom bu'i grangs kyang de bzhin no// 'di ni dang po'i 'jug rims te// mthar gyis 'dris shing goms byedapa'o// yi ge'i ye shes las skrun te// don byed pa dang phyag rgyar skyed// rgya mtsho gnon dang nam mkha'i skas// rlung bcing ba dang rgyun bzlog dang// bsreg pa'i bskal ba gzhil ba dang/ nyi zla'i zhon dang 'jig rten 'phang// sa la 'dzul dang ri rab 'debs// stongs gsum yungs 'brur 'jug tshul dang// gzhig dang spang ba la sogs te// bsam bya bsam gyis mi khyab pa// goms par las su rung ba yi// rnal 'byor rtsa chen sbyong bar zad// bzlas pa mthar phyin grub pa dang// bcing ba yongs su rdzogs pa dang// bsam pa las su rung ba dang// don mthong ba dang tshig grub pa// bya ba yongs su dag pa dang// don gcig yul la so sor snang// des na ting 'dzin khyad par yang// dbyings nyid gcig la sgom mod kyi// rnal 'byor rtsal gyi khyad par gyis// bsam pa'i yul ni sna tshogs te// dang po'i sa la gnas pa yi// brtsam pa las kyi rnal 'byor pa// 'dun pa sems pa'i rnal 'byor las// sogs pa'i rnal 'byor rnam drug po// shes rab rtsal gyi 'phang dmas pas// tinga'adzin rtsal yang chung ba ste// don la mthong bar mi 'gyur te// rang gi mos pa'i lha sgom na// lha yis sa bon gang yin pa/ kha dog tshon gyis phye nas ni// sna yi dbugs la rgyu byas te// dbugs kyi yul du gyur tshad du// zung bsgril phar 'gro gsal ba las// 'phro 'du'i gnas su bskyed par bya// rang gi chags tshad dang sbyar ba'i// sku yikhyon yang de tsam mo// gnyis pa'i sa la gnas pa yi// bka' sdod las kyi rnal 'byor las// sogs pa'i rnal 'byor rnam bzhi po// ting 'dzin rtsal gyi khyad par ni// sa bon rang bzhin yi ge la// 'od zer 'bar bar bcas pa de// dri byung yul ni tshun chad du// 'phro 'du gsal bar bskyed pa las// rang gi chag tshad gnyis bsgyur ba'i// sku yi khyon yang de tsam mo// gsum pa'i sa la gnas pa yi// rnal 'byor lung gi bka' bsgo las// sogs pa'i rnal 'byor rnam gsum mo// dmigs pa'i ting 'dzin 'di ltar 'dod// lha yi sa bon gang yin pa// rang bzhin yi ger bsgyur byas te// 'od zer 'bar dang bcas pa yis// thos pa'i yul ni tshun chad du// 'phrau 'du gsal bar byas pa las// rang gi chag tshad bzhi bsgyur tsam// sku yi khyon yang de tsam mo// de bzhin rnal 'byor rim pa bzhin// lha yi khyad par gang yin pa// yi ge'i rim pa bzhin byas nas/ 'phro 'du'i tshad kyang de bzhin te// rim pa bzhin du sbyar nas kyang// 'phro 'du gsal bar gyur pa dang// sems kyi lcogs tshad tshun chad du// sku yi khyon gyi khyad par yang// chos kyi dbyings kyi mthas klas par// sku yi khyon gyis gang bar bsgom// gzhan yang 'dus pa'i rnal 'byor rnams// yi ge'i rjes su don dpags na// yi ges don rnams ston par 'gyur// ci phyir don nyid yi ger snang// dbyings las a byung a las ni// yi ge'i tshogs byung sna tshogs 'phros// a ni rang bzhin yi ge stai// rten dang bral bas rgyu rkyen med// kun la khyab pas nam mkha' 'dra// a ni chos nyid cho 'phrul te// chos nyid zab mo'i ngang las ni// cho 'phrul yi ge a byung bas// as ni chos nyid mtshon par byed// a las yig 'bru'i tshogs 'phros te// tshig tshogs bstan pa rgya tshor grags/yi ge sgra skad kun bzung ste// sna tshogs yi ge'i skad du bsgyur// yig 'bru yan lag mang po rnams// rang bzhin a yi ngang du 'dus// thugs kyi klong nas a byung bas// a yi 'od zer 'phro 'du las// mgur gyi gsang bar shar ba las// gsungs sgra yi ge lngar 'phros pa// a/ ka kha ga g+ha nga// de nas a yi 'od zer de// ljags kyi zla gam pad+mar 'phros// ljags kyi mthil du 'khyil ba las// 'od zer yig 'bru lngar shar ba// tsa tsha dza dz+ha nya/ de nas a yi 'od zer de// ljags kyi rtse la 'phros pa las// 'od zer yig 'bru bcur shar ba// Ta Tha Da D+ha Na/ ta tha da d+ha na// de nas a yi 'od zer de// zhal gyi sgo nas 'phros pa las// cho 'phrul yi ge lnga shar ba// pa pha ba b+ha ma// de nas a yi 'od zer de// phyi rol yul du 'phros pa las// cho 'phrul yi ge sna tshogs 'phros// ya wa ra la sha Sha sa ha k+Sha// i I u U e ai o au a~M aH/ a las cho 'phrul 'od 'phros bas// yi ge'i phreng ba tshogs byung ste// yi ge'i yan lag ye shes la// sangs rgyas sku yis sa bon byung// dpag tu med pa'i rgyal ba rnams// sku dang gsung thugs sprul pa'i tshogs// phyag rgya sna tshogs mdzes pa snang// des na yi ge'i rang bzhin ni// rgyal ba'i sku nyid yin par bshad// a ni thugs kyi sa bon te// ka la sogs pa dang po lnga// mgur gyi gsang ba'i rang bzhin yin// gnyis pa tsa la sogs pa lnga// zla gam ljags kyi rang bzhin yin// gsum pa Ta la sogs pa bcu// ljags kyi rtse mo'i rang bzhin yin// bzhi pa pa la sogs pa lnga// zhal gyi sgros las byung bar bshad// lnga pa ya la sogs pa yi// bcu tshan gnyis kyi yi ge dag/ sku las 'phros par rab tu bshad// zhabs kyis 'khor lo'i 'od zer las// sgrib pa sregs pa'i yig 'bru ha// gsang ba'i mkha' yi 'od zer las// cho 'phrul 'byung ba'i yi 'bru k+Sha// sku yi khrun tshad lte ba las// 'dod pa 'byung ba'i yig 'bru hwa// thugs kar 'khyil ba'i dpal be'u las// mtshan ma dag pa'i yig 'bru sha/phyag gi 'khor lo'i 'od zer las// cho 'phrul ston pa'i yig 'bru shu// skyes bu chen po'i dpung pa las// rtog pa 'joms pa'i yig 'bru la// skyes bu chen po'i sta zur las// 'dod chags sreg pa'i yi ge ra// skyes bu chen po'i dku skabs las// gti mug sel ba'i yi ge wa// skyes bu chen po'i byin pa las// 'khor ba gnon pa'i yi 'bru ya// skyes bu chen po'i spyan gnyis las// rang bzhin yi ge i gnyis shar// skyes bu chen po'i snyan gnyis las// rang bzhin yi ge u gnyis shar// skye bu chen po'i shangs gnyis las// rang bzhin yi ge e gnyis shar// skye bu chen po'i tshems gnyis las// rang bzhin yi ge o gnyis shar// skye bu chen po'i spyi gtsug nas// rgyal ba'i sa bon a~M du shar// des na yig 'bru'i yan lag kun// rgyal ba rgya mtsho'i sku gsung thugs// oM ni sku yi rang bzhin te// AHni thugs kyi mtshan nyid do// yi ge'i phreng ba mang po kun// gsung brjod gsung gi rang bzhin no// AHni chos sku'i rang bzhin te// oM ni longs spyod rdzogs pa'i sku// yig 'bru 'bar ba'i phreng ba rnams// sprul pa'i 'dren pa'i sku zhes bshad// a ni chos kyi dbyings yin te// oMM ni rig pa'i ye shes yin// yig 'bru 'bar ba'i phreng ba rnams// chos dang chos nyid rang bzhin yin// a ni brjod pa'i rgyu yin te// oM ni tshig tshogs 'byung ba'i rgyu// tshigs gi tshogs nyid yi ge yin// yi ge ring ba'i tshig gi mdzod// yi ge 'od zer 'bar 'phros pas// chos dang chos ma yin pa rnams// ngag gi dbang po kha phye ste// don dang tshig tu rgyas par 'gyur// sgra skad kun gyis bsdus pa'i tshogs/yig 'bru phreng ba'i ngang du rdzogs// tshig dang yig 'bru thams cad kun// a~M gyi rang bzhin ngang du rdzogs// a~M gyi cho 'phrul thams cad kun// a yi rang bzhin dbyings su zhi// a ni yig 'bru kun gyi gter// a nyid chos kyi dbyings su thim// de nas rgyal ba sangs rgyas rnams/ sku dang gsung thugs rdo rje de// 'dul ba'i dbang gi khyad par gyis// cir yang 'gyur zhing cir yang snang// sa dang nam mkha' med dang rlung// chu la sogs pa'i rdzas rnams kyis// 'dul ba'i 'gro ba de rnams la// sa dang nam mkha' la sogs pa'i// chu dang rlung gi ngo bor snang// gang dag sku yis 'dul ba'i tshe// sku dang gzugs brnyan ring bsrel dang// rten la sogs pa tha dad par// 'jig rten kun tu ston par 'gyur// gsung gis 'dul ba'i dus byung na// dbyangs kyi yan lag drug cu las// sogs pa'i sgra skad sna tshogs dang// yi ge'i gzugs su bstan nas ni// 'khor ba'i khams su snang bar byed// ci'i phyir zhe na yi ge ni// de bzhin gshegs pa nyid yin te// de bzhin gshegs pa'i rang bzhin te// thugs rje'i rang bzhin yin pas na// thabs kyi bye brag sna tshogs kyis// thams cad grol bar mdzad pa'o// de bzhin yi ge'i tshogs 'di yang// yan lag sbyor sdud snang tshos kyis// thams cad tshig tu go bar byed// yi ge rang bzhin ye shes ni/ so so'i don rnams bshad par bya// a ni ma skyes ye shes yin// rang bzhin thams cad stong par ston// ka ni bya ba'i ye shes te// lam gyi thams cad grol bar ston// kha ni khyab par byed pa'i sgo// mi dmigs thams cad grol bar ston// ga ni don du gyur pa'i sgo// yul med thams cad grol bar ston// g+ha ni gnas pa'i sgo yin te// gcig tu ma nges grol bar ston// nga ni 'dzin pa med pa'i sgo// 'dzin bral thams cad grol ba ston// tsa ni 'gag pa med pa'i sgo// cir yang snang bas thams cad grol// tsha ni 'da' ba med pa'i sgo/ 'bral ba med pas thams cad grol// dza ni ma byung ba yi sgo// mi gnas pas ni thams cad grol// dz+hA ni rnyog ma bral ba'i sgo// dri ma dag pas thams cad grol// nya ni spyod dang bral ba'i sgo// bya ba med pas thams cad grol// Ta ni nga rgyal med pa'i sgo// ri bo med pas thams cad grol// Tha ni sgyu rtsal med pa'i sgo// byed pa med pas thams cad grol// Da ni 'dres pa med pa'i sgo// rtsod pa med pas thams cad grol// D+ha ni slu ba med pa'i sgo// sgyu ma thams cad grol bar byed// Na ni yul dang bral ba'i sgo// 'dzin pa med pas thams cad grol// ta ni tha snyad med pa'i sgo// brjod pa med pas thams cad grol// tha ni rten dang bral ba'i sgo// gnas pa med pas thams cad grol// da ni gtong dang bral ba'i sgo// len pa med pas thams cad grol// d+ha ni rang bzhin med pa'i sgo// mtshan nyid med pas thams cad grol// na ni yul dang bral ba'i sgo// 'dzin pa med pas thams cad grol// pa ni nges par 'byung ba'i sgo// 'gag pa med pas thams cad grol// pha ni dngos po med pa'i sgo// ci yang med pas thams cad grol// ba ni brjod pa med pa'i sgo// brjod pa med pas thams cad grol// b+ha ni rdul dang bral ba'i sgo// rtog pa med pas thams cad grol// ma ni chags pa med pa'i sgo// rtag pa med pas thams cad grol// ya ni chags pa med pa'i sgo// gos pa med pas thas cad grol// wa ni rgyu rkyen med pa'i sgo// 'bras bu med pas thams cad grol// ra ni rkyen dang bral ba'i sgo// dor ba med pas thams cad grol// la ni blang ba med pa'i sgo// yon tan med pas thams cad grol// sha ni spros pa med pa'i sgo// zhi bas thams cad grol bar byed// Sha ni khur dang bral ba'i sgo// lci ba med pas thams cad grol// sa ni yang dag gsang ba'i sgo// nges pas thams cad grol bar byed// ha ni rgyu dang bral ba'i sgo// rkyen dang bral bas grol bar byed// a ni khams dang bral ba'i sgo// mtshan nyid med pas grol bar byed// i ni mthong ba med pa'i sgo// gzugs dang bral bas thams cad grol// u ni thos pa med pa'i sgo// sgra dang bral bas thams cad grol// e ni tshor ba med pa'i sgo// dri dang bral bas grol bar byed// o ni tshor ba med pa'i sgo// reg dag bral bas thams cad grol/aM ni cho 'phrul byung ba'i sgo// cir yang snang bas thams cad grol/ mya ngan 'das dag 'khor ba'i chos// yod mthong snang grags chos thams cad// yi ge'i tshogs su mngon sangs rgyas// ye ger ma gyur gang yang med la// chos nyid snying po'i nyi ma la// 'od zer yig 'bru'i tshogs su 'bar// chos nyid nam mkha' lta bu la// yig 'bru sna tshogs phra bkod pa// dus gsum rgyal ba'i dkyil 'khor rdzogs// nyi ma 'bar ba'i 'od zer las// 'od kyi 'bar ba'i rdo rje 'bar// yi ge oM gi 'od 'phros// rdo rje snying po'i sa bon zhes// rdo rje rigs kyi zhing du grags// nyi ma'i 'od zer rin chen las// yig 'bru 'od kyi sa 'phros pas// rin chen snying po'i sa bon zhes// rin chen rigs kyi zhing du grags// nyi ma pad+mo 'bar 'phros pas// cho 'phrul yi ge'i a~M du 'bar// pad+ma rigs kyi zhing du grags// sna tshogs nyi ma'i 'od 'phros pas/cho 'phrul yi ge har gsal bas// sna tshogs nying po'i sa bon te// las kyi rigs kyi zhing du grags// dus gsum rgyal ba thams cad kyi// thugs ni rdo rje ye shes yin// ye shes dam pas sprul pa yi// rgyal ba dpag tu med pa la// rdo rje rigs zhes bya bar bshad// yon tan ye shes rin chen yin// rin chen de las sprul pa yi// rgyal pa dpag tu med pa la/ rin chen rigs zhes bya bar bshad// gsung gi yi shes pad+ma ste// pad+ma ye shes las sprul pa'i/ rgyal ba dpag tu med pa la/ pad+mo rigs kyi zhing du grags// phrin las bya ba sna tshogs te// sna tshogs ye shes sprul pa yi// rgyal ba dpag tu med pa la/las kyi rigs zhes bya bar bshad// sku ni ma bcos de bzhin nyid// de bzhin nyid kyi ye shes la// sprul pa rgyal ba dpag med la// de bzhin rigs zhes bya bar bshad// de bas rigs kyi gtan tshigs ni// ma bcos sku ni de bzhin nyid// mi 'gyur rigs ni rdo rje rigs// yon tan kun 'byung rin chen rigs// chags med gsung gi pad+ma'i rigs// bya ba byed pa las kyi rigs// sku yi sprul pa thams cad ni// de bzhin rigs kyi gdung brgyud 'dzin// thugs las sprul pa'i sangs rgyas ni// rdo rje rigs kyi gdung rgyud 'dzin// yon tan yul gyi sangs rgyas rnams// rin chen rigs kyi gdung rgyu 'dzin/ gsung las sprul pa'i sangs rgyas rnams// pad+ma rigs kyi gdung rgyud 'dzin// mdzad pa sprul pa'i sangs rgyas rnams// phrin las rigs kyi gdung rgyud 'dzin// ci phyir rigs zhes bya zhe na// dang po de las byung ba dang// bar du de yi bya ba byed// tha mar de yi rgyud 'dzin phyir// de phyir rigs zhes grags pa yin// dper na me dang chu dag dang// nam mkha' dang ni sa dag la/ gnas pa'i sems can mtha' dag kun// gnas rgyun nyid kyi ming 'dzin de// me la gnas pa'i sems can la// mi yi yi dwags ma zhes zer// chu la gnas pa'i sems can la// chu srin twa ra na zhes zer// ci phyir lnga zhes bya zhe na// rgyal ba sangs rgyas thams cad la// sku dang gsung thugs yon tan dang/ mdzad pa phrin las nyid dang lnga// rig pa lnga dang lnga nyid du// thams cad kun tu gsal bar snang// des na lnga zhes nges par bshad// ci phyir zhe na sangs rgyas kun// lnga po de las ma gtogs pa// gzhan las byung zhing gzhan na med// sangs rgyas mtshan gyi khyad par yang// mtshan med pa las mtshan btags pa// thams cad lnga po nyid las btags// mtshan gyi bye brag thams cad kun// tha snyad tsam du gdags par zad// rigs med pa las rigs smos pa// 'dul ba'i dbang du ldar snang yang// drang pa'i don te dngos gzhi med// ci yang med las ci snang ba// mkha' la 'ja' tshon byung ba 'dra// chos kun nam mkha' 'dra ba zhes// gsang ba mchog gi bdag pos bshad// mnyam dang mi mnyam mnyam pa yin// sangs rgyas med cing sems can med// 'khor ba med cing chos nyid med// dmigs pa med de mi dmigs med// de ltar shes pa mkhas pa yin// rig dang ma rigs tshul gcig ste// de ltar shes pa rgyal ba yin/ sems can rang bzhin sangs rgyas nyid// sangs rgyas rang bzhin sems can te// sems can sangs rgyas gcig pa yin// de ltar shes pa rgyal ba'i sras// byang chub phyir ni gang ma brnyes// ma brnyes gang yang de ma brnyes// brnyes pa med pa'i don mthong na// de ni brnyes pa'i mchog yin no// gzhan yang dus pa'i rnal 'byor rnams// lam gyi ngo bo tshol 'dod na// lam gyi rtags nyid dpes mtshon te// lam gyi don la goms par bya// mi gnas mig ldan sgron ma yis// lam gyi rgyu la mkhas par bya// bag chags rtogs pa'i mtshan ma rnams// sna tshogs dngos por snang mod kyang// nam mkha' dag la smin rgyu 'dra// de yang gtan tshigs nges pa yi// dpe yis mtshon te rtogs bya na// mkha' la sprin phung 'ja' tshon dang// char la sogs pa'i rgyun snang yang// nam mkha' cho 'phrul gcig tu zad// rtag tu de ltar snang ba min// dper na sgyu ma'i rang bzhin yang// slu zhing 'drid pa cir snang yang// sgyu ma'i 'phrul par snang bar zad// rtag tu de ltar snang ba min// dper na rdo yi dngos po yang/ sra zhing mkhregs pa'i dngos po yang// btags sam phye mar byas nas kyang/rlung gi mthu yis btor byas na// de la rang bzhin la ga yod// dper na me yi rang bzhin dag/ tshang tshing sbar sbur kun sreg cing// 'bar 'phro snang gsal mched byed na// chu yi mthu yis rlag 'gyur na// de la rang bzhin ga la yod// dper na rdzas kyi dngos po yang// me yi mthu yis sreg 'gyur na// de la rang bzhin ga la yod// shes pas zin pa'i sems can rnams// gzugs dang dran pa sna tshogs kyis// dbang po la sogs mdzes gyur kyang// phung po mi rtags shi 'phos na// dngos po brtan par mi 'gyur te// gzugs rnams so sor zhig nas ni// rus pa dag kyang mi snang ste// zhig dag rul la sogs pa yis// tha mar ci yang mi snang 'byor// ri bo chen po la sogs pa// dngos po brtan g.yo'i 'jig rten rnams/ sreg pa'i bskal ba la sogs pa// bskal pa gsum gyis brlag byas na// de la rang bzhin la ga yod// des na dngos po'i chos rnams kun// dngos por brtags pa ma yin pas// chos rnams rang bzhin med par shes// 'di ni rnal 'byor lam gyi mchog/ 'dus pa'i tshogs rnams goms par gyis// zhes sems dpa'i rdo rje smra ba'i seng ges rnal 'byor mchog gi lam gsungs pa'o// rgyud kyi rgyal po chen po rdo rje bkod pa kun 'dus rig pa'i mdo las rnal 'byor rjes su 'jug pa'i le'u ste gnyis pa'o//// de nas smra ba'i seng ge sems dpa'i rdo rje de cho 'phrul chen po sna tshogs ston pa zhes bya ba'i ting nge 'dzin la snyoms par zhugs so// ting nge 'dzin de'i byin gyi rlabs zhing khams thams cad g.yos par gyur te// don yongs su rdzogs pa'i snga ltas byung bar gyur ro// 'khor der 'dus par gyur pa rnams la la ni nyi zla'i steng na gnas shing chos nyid kyi nam mkha' la lding bar gyur to// la la ni ri rab rgyang mar 'phen// la la ni stong gsum chen po'i khams 'phen par gyur to// la la ni chos nyid bden pa'i don mthong bar gyur to// la la ni seng ge'i khri la 'dug par gyur to// de nas sems dpa'i rdo rje de cho 'phrul gyi ting nge 'dzin de las bzhengs te/'dus pa chen po'i rnal 'byor gyis shin tu ngo mtshar che bar gyur nas/ sems dpa'i rdo rje de la rnal 'byor gyi phyag lus kun dus la brdabs nas 'di skad ces gsol to// sems dpa' chen po cho 'phrul rgya cher gda' ba 'di don ji lta bu lags/ rtags ci lta bu lags/ bdag cag rnams la rgya cher bshad du gsol zhes zhus pa las/ smra ba'i seng nge chen pos bka' stsal pa/'dus pa'i rnal 'byor rnams 'di dag ni don yongs su rdzogs pa'i ltas chen po yin te/ snga ltas kyi mtshan ma 'di dang sbyar na 'dus pa chen po rnams sa nas sar shin tu 'phar zhing yang dag nges pa'i don mthong ba'i snga ltas yin no zhes gsungs pa'i las/rnal 'byor gyi tshogs kyis gsol pa/ sems dpa' chen po sa non pa'i snga ltas ni ji lta bu lags/ don mthong ba'i snga ltas ni ji lta bu lags/bdag cag rnams la bshad du gsol zhes zhus pa las sems dpa' rdo rjes bka' stsal ba/ 'dus pa chen po'i tshogs legs so// khyod kyis zhus pa'i don rgya cher bshad par bya'o/ rna ba lhogs la gus par nyon cig/sgrub pa don gyi rnal 'byor pa// rnal 'byor don la sbyor ba'i tshe// spyad pa'i las kyi khyad par gyis// khams dang sa ni gar 'gro ba// mdo don tshul lngas lung bstan no// nges pa'i snga ltas byung ba yi// 'bras bu don gyi khyad par yang// cho 'phrul sna tshogs ston par nus// de nas yang dag bden pa 'thob// nges pa'i snga ltas rnam pa lnga// rgyu yi dus na 'byung ba ni// tshig gi brjod pa 'di lta ste// blo rtsal las kyi khyad par yang/snang ba lus kyi snga ltas dang// ngo mtshar rdzas rnyed tshul rtags dang/ mtshan ma spra yi rmi ltas dang/ 'dun pa mang po'i snga ltas kyis// 'bras bu gang dang gang 'grub pa// mtshan ma gsal bar rgyud las 'byung// dper na me yi snga ltas ni// du ba'i mtshan ma rgyas par 'byung// du ba gang byung gnas de ni// mi nyid yod par nges pa yin// de bzhin chu yi snga ltas kyang// rlangs dang sdabs dang srog chags 'byung// de na chu nyid yod par nges// rlung gi ltas kyang 'di lta ste// sprin rnams rgyug cing dum bur 'chad// des na rlung chen 'byung bar nges// rtsi mtshal lo ma gang byung ba// de na gser khur yod pa ltar// snga ltas mtshan ma 'di dag gis// 'bras bu mtho dman gar 'gyur ba// rgyu la mkhas par byas nas ni// mtshan ma ci byung de la sbyar// bar chad med pa'i brtson 'grus kyis// srog la bab kyang mi blta bar// rnal 'byor yul la 'jug pa dang/ ting 'dzin rig pa'i rtsal sprugs la// gnyen po kun bstan sa sbyangs nas// rnal 'byor sa la brtson par bya// 'dis ni gdon mi za ba dang// la la the tshom mi skye zhing// ma nges la zhugs the tshom med// dper na 'jig rten byis pa dag/ yun rings ma la skyo ba ltar// snga ltas byung ba'i sgra thos na// shin tu brod pas mdun bsu ltar// ltas chen byung ba'i brod tshul gyis// shin tu brtson pas bde thob 'gyur// de bas snga ltas mtshan ma rnams// shes nas brtson par 'bad pa'i rigs// blo rtsal las kyi khyad par gyis// ting 'dzin drod kyi snga ltas 'byung// yang dag bden pa'i don bstan na// mi skrag mi dngang dga' ba skye// yang dag don la nges bltas na// 'khor ba'i chos la skyo ba skye// yang dag don la 'dris pa dang// rnam grangs chos la dad mi 'gyur// yang dag don nyid mthong ba na// tshig la dga' ba mi skye zhing// don nyid nye bar 'dzin par byed// don mthong ba dang ye shes skye// ye shes skyes par gyur pa dang/ dngos por snang ba thams cad kun// sgyu ma bzhin du shes par 'gyur// sgyu ma tsam du zhes pa la// brten nas chos nyid don bltas na// snang ba med pa'i don nyid ni// snang ba med par mthong bar 'gyur// snang med srid pa mthong ba'i tshe// cho 'phrul rgyu ba thams cad 'byung// de nyid bden pa'i snga ltas so// de nas nyi ma'i 'od zer gyi// rdul phran 'dra ba'i mtshan ma 'byung// de ni g.yo ba'i snga ltas so// de nas smig rgyu lta bur 'byung// dang po'i drod ces bya bar shad// de nas mtsho yi rlabs ltar 'byung// bar gyi drod ces bya bar bshad// de nas rlung chen lta bur yang// thogs pa med par 'byung bar 'gyur// tha ma'i drod ces bya bar bshad// de nas yig 'bru'i drod spros pas// char cher 'bab pa lta bur 'byung// de ni thob pa'i drod ces bya// de nas mkha' la sprin lding bzhin// ting 'dzin rtsal 'phang mtho bar 'gyur// de ni shin tu brtan pa'i drod// de nas ta la gcig tsam du// bdag gi lus ni dbang med par// mkha' la 'phar zhing 'phags pa rtsol// 'di ni shin tu gsal ba'i drod// de nas sa chen g.yo ba ltar// shin tu yam yom mar mer 'byung// 'di ni dang po'i rtags shes bya// de nas ting 'dzin rtsal sbyangs na// ci ltar dmigs pa der 'grub ste// mi yi skye mched der bsgoms na// me yi rang bzhin nyid du 'gyur// chu yi skye mched der bsgoms na// chu yi skye mched nyid du 'gyur// rlung gi skye mched der bsgoms na// rlung gi skye mched nyid du 'gyur// yig 'bru'i skye mched der bsgoms na// yig 'bru gang ltar gsang bar 'gyur// de ltar rdzas kyi skye mched du// gang ltar bsgoms pa de ltar 'gyur// de ni rtags chen thob pa yin// blo yi ting 'dzin rtsal rdzogs na// ngag gi bden pa'i rtsa 'byung ste// sreg pa'i me chen mthong ba na// zhi bar gyur cig byas pa yis// de nyid du ni zhi bar 'gyur// chu klung gnod pa'i rgyun byung na// chad par gyur cig brjod pa yis// de nyid du ni chad par 'gyur// rlung chen gnod pa'i rgyun byung na// zhi bar gyur cig brjod pa yis// de nyid du ni chad par 'gyur// nad pa'i tshogs ni mthong ba na// gang na na ba'i dmigs der ni// se gol gtogs pa tsam gyis kyang// nad rnams zhi bar gyur ces brjod// nad kyi tshogs rnams zhi bar 'gyur// de bzhin ngag gis brjod byas pa// thams cad ma lus grub par 'gyur// ngag gi bden pa'i rtsal rdzogs na// lus kyi drod la rtsal 'byung ste// gnyid kyi rtog pa choms pa dang// lus kyi bzod pa thob pa ni// 'di ni dang po'i drod yin no/khams kyi zas dang bral ba dang// mdangs dang dbang po gsal 'gyur ba// 'di ni gnyis pa'i drod ces bya// shing bal lta bur yang ba dang/ khams bde mi bde mi 'byung zhing// nad kyi tshogs dang bral 'gyur ba// 'di ni drod chen bstan pa yin/ khams kyi zas dang la ma bsten yang// dbang po gzi mdangs shin tu gsal// 'di ni ting 'dzin ro tshor rtags// gzhan yang lus kyi snga ltas ni// mnyam pa'i skyil krung bcas nas ni// khru gang tsam du 'phar ba dang// ta la gang tsam bar du 'gro// 'di yang ltas chen rtags yin no// gzhan yang snang ba'i nam mkha' la// gom pas bgrod de 'gro ba dang/ chu la mi 'bying sa la 'dzul// me yis mi 'tshig rlung bcing ba// 'di yang snga ltas chen po yin// lus kyi bden pa'i rtsal rdzogs na// mthu yi rtsal yang 'byung ba ste// mthu yi byin brlabs bsam mi khyab// gal te dgos sam 'dod pa na// sa'am rdo 'am bye ma dag/ gser dang ngus la sogs par sgyur// skam sa dag la chu 'byin cing/ sol ba dag la ljon shing 'byung// de la sogs pa'i dgos pa rnams// ji ltar 'dod pa de ltar 'grub// spyod pa'i mthu dang rtsal rdzogs na// 'byor ba'i yon tan rdzogs 'gyurate// yid du 'ong bar nor 'byung zhing// 'dod pa'i bsam pa thams cad 'grub// rdzas kyi mchog tu gyur pa yi// ngo tshar can yang rnyed par 'gyur// de dag rung ba'i snga ltas so// 'gro gang 'du ba'i snga ltas kyang// kun gyis bkur zhing dga' ba dang// kun gyi yid du 'ong bar 'gyur// thams cad 'dul zhing thams cad la// dbang sgyur byed pa'i mchog tu 'gyur// de dag snga ltas chen po yin// mtshan ma pra yi rmi ltas kyang// shin tu rgya cher 'byung ba ste// rnal 'byor can gyis shes par gyis// bag chags byang ba'i snga ltas kyang// rtag par gcer bur 'byung ba dang// khrus chen rtag tu byed pa dang// dri ma'i tshogs rnams dag pa dang// chu bo dag las rgal ba dang// mtsho chu dag la rkyal ba dang// char gyi rgyun gyis 'khru ba dang// gzhan gyis bum pa gang ba'i chus// bdag gi lus la ldugs pa dang// me dpung chen pos sreg pa dang// shin tu mthon po'i rtse dag las// rlung gis shin tu g.yeng zhing 'thor// 'di dag bag chags byang ba'i ltas// 'jigs dang bral ba'i snga ltas ni// g.yul 'gyed pa las slar log dang// nad las thar te sos pa dang// btson ra dag las thar ba dang// gshed ma'i lag nas shor ba dang/ gcan gzan nang nas bros pa dang// dug nad dag las sos pa dang// bcings pa dag las grol ba dang// thag pa bcad par gyur pa rnams// mtshan ma bzang po'i snga ltas yin// sa rnams thob pa'i snga ltas ni/ khri rkang dag la 'dzeg pa dang// phal pa'i skas la 'jeg pa dang// ljon shing dag la 'dzeg pa dang/ gyen du shin tu 'gro ba dang// ro bo'i rtse la 'dzeg pa dang// rin chen skas la 'dzeg pa dang// mchod rten dag la 'dzeg pa dang// nam mkha'i skas la 'dzeg pa rnams// 'di dag don gyi snga ltas yin// sa rnams non pa'i snga ltas kyang// khri mthon steng na 'dug pa dang// glang po che la zhon pa dang// seng ge dag la zhon pa dang// khyung chen lding la zhon pa dang// mchod rten kha la phyin pa dang// ri bo'i rtse la 'dug pa dang// nam mkha'i dbyings na 'dug pa dang// lus las sprin phung 'byung ba dang// zla ba'i steng na 'dug pa dang// nyi ma'i steng na 'dug pa rnams// rnal 'byor sa la gnas pa'i rtags// sangs rgyas sras kyi snga ltas ni// rgyal po'i bka' la btags pa dang// bka' yi dbang por bskos pa dang// gzhan la dbang sgyur byed pa dang// 'jig rten skos la 'bebs pa dang/ gzhan gyi sde pa dang dbang sdud dang// g.yul chen dag las rgyal pa dang// bdag nyid rgyal por gyur pa dang// mgo la me tog skye ba rnams// rgyal ba'i sras su gyur pa'i ltas// chos la dbang thob snga ltas ni// glegs bam zam mo rnyed pa dang// de bzhin 'dri ba mang po dang// de dag la ni dpyod pa dang// gzhan la 'chad cing ston pa dang// don nyid gtan la 'bebs pa dang// me long dag la lta ba dang// shel gyi bum pa gang ba la// lta zhing brtags te 'thung ba dang// rin chen nor bu thu ba dang// 'khor lo lag tu babs pa dang// nyi zla lag pas zin pa dang// ri rab klad la skor ba rnams// chos la dbang thob snga ltas so// bden pa mthong ba'i snga ltas kyang// sngon ma mthong gi yul mthong dang// stong gsum rgya cher mthong ba dang// gling rnams gzhan du phyin pa dang// ri rab kha la phyin pa dang// nam mkha' rgya cher mthong ba dang// rgya mtsho'i gting du phyin pa dang// lag na sgron me thogs pa dang// nyi ma'i snying por lta ba dang// snang srid dpyod pa byed pa rnams// chos la dbang thob ltas chen yin// lung bstan thob pa'i snga ltas ni// rol mo'i sgra rnams thos pa dang// 'brug gi sgra ni grags pa dang/ seng ge'i nga ro grag pa dang// chos kyi sgra yi gtam thos dang// gzugs brnyad zhal ni 'dzum pa dang// sangs rgyas gsung thos sku mi mthong// lha mo glu dbyangs sgrogs pa dang// gzhal yas dag las sgra 'byung dang// grogs po grogs po zhes brjod cing// chos kyi 'gro ba byed pa rnams// lung bstan 'byung ba'i snga ltas so// de la sogs pa'i mtshan ma rnams// ltas chen kun tu snang ba dang// gang zag las kyi dang po rnams// rig 'dzin so so'i sa pa ni// 'gyur ba'i snga ltas bshad pa yin// rnal 'byor las kyi dang po la// ltas chen 'di dag gang byung yang/ 'khor ba'i 'du 'dzin kun bsal nas// don la rtogs shing sa rnams sbyong// de ni don la reg par 'gyur// don la rig pa'i byin rlabs kyis// rig 'dzin rdo rjer lhun gyis grub// rig 'dzin sa la gnas pa dang// sa la rtsal chen sbyong ba'i tshe// rtsal gyi cho 'phrul sna tshogs 'byung// nyi zla zhon nas 'gro ba dang// ri rab rked nas gsor ba dang/'jig rten rgyang mar 'phang ba dang// sreg pa'i bskal pa gzhil ba la// sogs pa'i cho 'phrul thams cad kun// khyad par rtsal gyis ston par nus// de la sogs pa'i rdzu 'phrul rnams// rdzu 'phrul gyi ni cho 'phrul yin// rjes su bstan pa'i cho 'phrul ni// 'dul ba'i 'gro ba thams cad la// so so'i skad dang chos mthun par// 'dul ba'i sgo ni sna tshogs su// so so'i skad du ston par nus// de dag rjes su bstan pa yin// chos kyi sgo rnams snang ba yi// nges pa'i cho 'phrul bstan pa ni// ting 'dzin rtsal gyi khyad par gyis// 'jig rten khams rnams g.yos nas kyang// thams cad tho mtshar skye 'gyur te// sems kyi bsam par rangs byas nas// so so dga' ba'i ro myang 'gyur// chos rnams snang ba'i cho 'phrul yin// kun nas kun du brjod pa ni// gsang ba'i yi ge'i phreng ba las// rdzu 'phrul chos kyi sgra sgrogs pas// mthong yod snang grags chos rnams kun// kun kyang sngags kyi sgrar grag pas// sngags su ma gyur gang yang med// des na rtsal gyi khyad par las// sogs pa'i yon tan thams cad 'byung// zhes smra ba'i seng ge chen po sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las cho 'phrul bstan pa'i le'u ste gsum pa'o//// de nas smra ba'i seng ge sems dpa'i rdo rje de mi 'da' ba'i dam tshig gsang ba chog gi ting nge 'dzin la snyoms par zhugs so// de nas ting nge 'dzin de las bzhengs par gyur pa dang/ 'dus pa'i rnal 'byor chen po rnams kyis 'di skad ces gsol to// smra ba'i seng ge sems dpa' chen po khyod nyid ni dam tshig chen po'i bdag nyid du bdag cag rnams kyis mthong ngo// de skad ces gsol pa dang/ sems dpa' chen po des bka' stsal pa/'dus pa'i rnal 'byor rnams chos thams cad kyi srog ni dam tshig yin par shes par gyis shigade nas 'dus pa chen po'i tshogs kyis sems dpa' chen po la 'di skad ces gsol to// sems dpa' chen po dam tshig mchog gi gsang ba rnams bdag cag rnams thos par 'tshal/ thos nas kyang rtogs pa 'tshal/ rtogs nas kyang de la gnas par 'tshal na// sems dpa' chen po rgya cher bshad du gsol// de skad ces gsol ba dang/ sems dpa' chen pos bka' stsal ba/ 'dus pa chen po'i tshogs dam tshig rnams 'di lta ste/ shin tu gsang ba'i dam tshig ni// snod ma yin par gyur pa las// phyi nang gsang ba gsum dag tu// sba ba'i thabs su spyad nas kyang// gsang ba'i chos rnams gsang bar bya// bstan pa'i gnas min snod ngan dag/ rnam pa bzhis bsdus bye brag rnams// ma 'ongs rnal 'byor bcud can gyis// shes nas spangs bar bya phyir bshad// 'jig rten pa dang theg dman dang// mu stegs log lta'i lta la dga'// dad med blo zhen g.yeng rmugs shing// bslab nyan mi brtson byol song mtshungs// dad log dam nyams don las gol// byang chub thag pa gting nas chad// sems kyi myu gu'i rtsa tshig pa// ngan 'gro'i 'dam du kha sbub yin// snod med kha sbub de dag la// gsang ba'i smra bar bya ba min// smras na de nyid kha sbub 'gyur// gsang ba'i tshig rnams kha smra yang// gab pa gsang ba'i don mi shes// skyon can sba los sgrogs rnams la// gsang ba'i don rnams lhag par smra// bsnyen sgrub gsang ba'i tshig rnams la// sgra la nyan kyang don mi gnyer// snying po'i don gsang mi thub pa// bcud med 'khor bar zag pa yin// gsang don mi thun snod ngan la// gsang ba smra bar gang byed pa// de dang snod med snod ngan gnyis// 'khor ba'i khams su zag par mnyam// lta dang dam tshig sgrub pa yi// dam pa'i mdzod gsum smra shes kyang// goms pa'i mthu med gnas ma gyur// ngan sgyur phrag dog ser snas gdungs// bya med chos la blo gtod cing// spyod rtsing dam ral rdeng med par// rnal 'byor spyod la lta dman zhes// zer ba pham 'gyur 'khor bar 'pho// snod ngan 'khor bar 'pho ba la// gsang ba'i don rnams smra byed pa// gsang ba nyams pa'i dbang gis ni// nyams pa de dang de 'drar 'gyur// zla ngan nyams sod can lan 'dren// kha gsag lce gnyis sgyur byed cing// sems la nyon mongs lnga bcangs te// rku dang sgyu spyod brdzun la dga'/tshe gcig grags pa cher phyir du// gang zag phyir 'breng tshig 'ga' la// mnyan te brjod 'dod tshul 'chos pa// log smra dug can thar ma ltung// dug can ltung ba'i snod de la// gsang ba'i dmigs rnams smra ba ni// rnal 'byor nyams pa chen po ste// 'khor ba'i tha mar de ltung 'gyur// 'di ltar pham 'gyur snod ngan la// gsang ba gsang chen la sogs pa'i// don dang rang bzhin gang yin pa// bstan kyang pham ltung gegs su 'gyur// de bas bstan par bya ba min// gal te bstan par gyur na ni// ston smra nyan byed de dag rnams// mthong yun phung byed gnyis skrag 'gyur// rnal 'byor mkhas gsal don ldan la// rnal 'byor mi shes gang dag gis// dregs pa'i dbang gi phrag dog gi/ sems kyi rnam grangs gcig skyed pa// de snyed bskal pa'i grangs mnyam par// 'bras bu mi bzad myong bar 'gyur// gal te las kyi 'phro len na// de snyed bskal par bzod 'jug dgos// mkhas gsal don ldan gyis kyang ni// gong ma bzhin du ngan bsams na// de yang gnas ngan len pa ste// mkhas pa de la skyon mi nus// rnal 'byor don ldan tshul mthun la// ngan pa'i tshig gis sems dkrugs shing// sgro skur rku dang brlang btab na// dmyal ba rdo rjer de ltung 'gyur// zhar las byung ba'i rnam smin yang// ji ltar rgyu mthun de 'drar 'gyur// skal pa dman pa'i rnal 'byor pa// rtsa nyams skyon can rang bzhin ni// ngan sems khro gtum ldan pa dang/ mi zad phra men las spyod byed// gang dag mi shes dang tshul can// byis pa'i rang bzhin blo bzhin pas// shin tu dman pa'i lta sems kyis// tshul 'chos mkhan la bkur bar byed// gang dag dam tshig yon tan ldan// byams la gnas shing rtag tu bzod/ tshul shis don gyi gzhung rnams srong// de dag la ni 'dun pa med// dam tshig spre'u ltar spyod bzhin du// byang chub snying po thob pa yi// sangs rgyas rnams kyang mi 'byung ngo// 'byung bar yang dag ngas ma mthong// rgyal ba'i sras gyur rnal 'byor pa// lam ston skyon sel mkhas pa la// kha cig dregs dang phrag dog gis// khro spong thabs kyis smod par byed// de ni 'khor ba'i gting rdo ste// nams kyang thar pa'i khar mi 'byung// mi shes pa yi rnal 'byor pa/yang dag don dang ldan pa'i mi// rjes su 'gro bar mi byed cing// longs spyod 'du 'dzi gang ldan pa'i// rjes su 'gro zhing de la 'dud// de ni log pa'i lam pa yin// rnal 'byor ltar dang byang chub khe// 'ban thag chad par blo mi 'byung// zang zing nor dang g.yo sprul khe// chung yang cis 'grub srog dang sdo// rnal 'byor mkhas pa'i rang bzhin can// bum snod nang gi gsal ba ltar// shes rab mdzod kyi gter ldan yang// srog chags rkun mo'i sder mo ltar// khong nas gab sbas don ston la// blun po rnams kyis cir mi mthong// dper na 'di 'drar tshul gcig ste// lus la gter 'chag mi dang ni// blun por gyur pa'i mi dag gnas// 'grogs kyang gnyis mtshungs khyad par 'dra// ting 'dzin bsngags pa rjod byed cing// ting 'dzin don du gnyer ba med// yang dag bsngags pa rjod byed cing// yang dag don du gnyer ba med// dam tshig bsngags pa rjod byed cing// dam tshig don du gnyer ba med// ji ltar 'gro gang la la dag/ nor bu rin chen 'di 'dra ste// 'dod pa'i yon tan kun 'byung zhes// rin chen dag gi yon tan brjod// de la 'gro gang gzhan dag gis// de ltar 'dod pa 'byung gyur na// de ltar cung zad yod dam zhes/ dris kyang med pas slar smras pa// gang zhig dgos pa skong ba yi// yon tan cung zad smos pa zad// de nyid bdag la med ces smra// de bzhin rnal 'byor mi brtson pas// bslab par bya ba'i chos bral la// chos nyid bsngags pa rjod byed kyang// de dag la ni chos nyid med// de las spyod pa'i log spyod rnams// dam tshig can gyis spang bar bya// rnal 'byor chos 'dzin gang dag gis// rnal 'byor nyams 'gyur log sreg can// gsang ba 'jig pa'i dgrar mthong nas// de dag sdig pa mthong ba ltar// skrod cing chad pas gcod byed pa// skyes bu de ni rgyal ba'i sras// dper na blon po gang dag gis// nyes byas khrims dang 'gal 'gyur na// 'gal bar mi gtong khrims dang sbyor// bka' yi yo srong blon po de// rgyal po'i thugs 'dzin dam pa zhes// kun du rgya cher grags par 'gyur// ldum rar dug gi sdong skyes na// bdag pos dug tu shes ma thag/ rtsad nas phyung ste med par byed// ci phyir ldum zas de dag las// dug 'phel gyur na 'chi phyir ro// de bzhin nyams 'gyur dug can de// brtul zhugs can gyi rnal 'byor des// gnas sam lo yis spyugs te spang// gang dag mi spong mgon byed pa/ de dag gsang ba'i dam sri yin// don la rnam 'byor gang zhig gis// tha tshig zab mor bcas rnams las// bsrung ba'i bsam pa mi g.yo bzhin// rtsa ba yan lag bcas rnams la// gal te ma tshor zhig gyur kyang// rnam smin yod kyang rtsa mi nyams// ji ltar glang po e ne ya// shi nas ro ru gyur mod kyang// gi wang rtsid ni don byed ltar// rnal 'byor nyams de ror gyur yang// gzhan gyis bkur ba'i gnas yin zhing// de yi don byed nus pa yin// de ltar mod kyang 'di kun rnams// rmi lam du yang mthong mi bya// ci phyir 'o ma nyung ngu zhig/ rul bas 'o ma kun rul bzhin// rnal 'byor nyams gyur gcig gis ni// rnal 'byor can kun ma rung 'gyur// 'khor ba'i g.yul rgyal byed pa yi// log pa'i rnal 'byor thams cad kun// don la mkhas pa'i rnal 'byor pas// thams cad bsgrims te spang bar bya// gal te ma spangs log spyad na// 'khor ba'i g.yul ni rgyal 'gyur te// bden pa'i byin brlabs mthu chung 'gyur// kun kyang dge spyad don chung zhes// yang dag don las yid byung zhing// log pa'i chos la spro bar byed// kun kyang log pa'i las spyad pas// yid du mi 'ong sna tshogs 'byung// des ni sgro skur gnyis su 'gyur// bka' yi chad pa gang yin pa// ye shes can lta rang bzhin gyis// nams kyang gnod pa yong mi mdzad// de yi 'khor na gnas pa yi// gang dag ma rungs mthu chen rnams// rnal 'byor log par spyod rnams kyi// skyon mthong tsam na chad pas bcod// thams cad ngan 'gror spyi'u tshugs ltung// grub pa'i snod mchog gcig yod de// 'di dang mi mthun kun rdzogs pa'i// rgyud mnyan don ldan ngang tshul bzang/ ci la chags med gtor ldan sems// shes rab rnam grol lde mig gis// gti mug thar ma blo phye nas// chos kyi snying po'i mig ldan pas// rtag chad phrad mthong dbu ma'i yul// ma nor lam du 'jug shes pas// sdong po sdong chen rab dul ba'o// tha tshig lung las byung ba bzhin// gzhung srong thub par byed pa de// rgyal ba'i sras po yin pas na// de la gsang sgro dbye bar bya// ji ltar dam tshig thub par ltar// de bzhin yid bzhin nor bu ste// yid 'ong 'dod dang bde ba 'byung/ rigs 'dzin rgyal ba kun yum mo/ de bzhin dam tshig thub pa ltar// gnas par byed pa'i rten yang yin// dam tshig kun gyi srog yin te// dam tshig kun gyi nor mchog go/ dam tshig 'di ni 'jigs pa'i skyabs// dam tshig bgrod pa lam gyi mchog/ dam tshig chu bo grol ba'i gru// dam tshig dngos grub dam pa yin// dam tshig grogs gyi mchog yin te// dam tshig long ba'i mig bu yin// ji ltar dam tshig thub par ltar// gzhan gyi sde pa 'joms pa yin// 'khor ba'i g.yul las rgyal bar byed// des na dam tshig rgyun bzhin bsrung// mdor na bdag gi sgo gsum po// dag pa gsum gyi mtha' bzung nas// lha dang grogs dang slob dpon dang/ bdag nyid dag pa ma khrel ba'i// tshul gsum mi gnod dam bcas gsum// yongs su ma nyams mdo bzhi po// mthar phyir rgya rtags rnam bzhir bcas// mdo don dran pa la bgrang bsngo// brtul zhugs spyod pa'i dam tshig ni// dam tshig kun gyi thog mar 'gro// wa dang cang shes gyi ling dang// blang dor ming bral khor chen bdag/ shin tu glang chen myos 'dra'i sems// dpal rtul stag mchog rngam zhing tum// mkha' lding khyung chen lhag mi lta// gtum thung don chen sdong gcig pa// yid thub mi ldog rgya mtsho'i gser// gti mug lkugs pa'i blo tshor ldan// ri bo mi 'gyur brtan pa che// mkha' ltar yangs dog kun dang bral// gnas lcags lce yi drag shul can// phyag na rdo rje'i brtul zhugs bdag/ zon bag khu 'phrig kha rog sems/ nges pa'i nga rgyal glang tshul ldan/ bla bral seng ge ri dwags rgyal/ ri 'jam bya ltar chags 'grogs blo/ g.yo ldan lcag chen sgyu ma'i rgya/gtsang sme med par kun spyod cing// thogs med gso sbyong ce spyad khwa// che ba'i nga rgyal stag mchog blo// kum 'dzem blo ldan nam mkha' lding// sa thub bag len rgyal 'khor skyong// rnal 'byor brtul zhugs chen po ni// bcu gnyis dang ni gsum blor ldan// goms nas nyams su len byed pa// rnal 'byor gsang ba'i bka' ba yin// dal ba'i rgyud ldan tha tshig can// sku dang gsung thugs rdo rje yi// bsrung dang brjod dang gsang ba dang// yan lag spyad pa'i dam tshig dang// yid 'ong dang du blang ba dang// brtul zhugs zab mor spyad pa dang// rnal 'byor rnal 'byor thams cad kyi/ mi 'dor mi spong sbyar ba yi// rig ldan shes par bya ba dang// thob cing grub par bya ba yin// re re la yang lnga lnga ste// rtsa ba dang ni yan lag las// bcu gnyis dang ni brgyad ldan pa// spyad par bya ba'i nor mchog yin// rnal 'byor byang chub sems rgyud la/nges par brtags te spyod pa'i bu// zab mor rdzogs mchog bde ba yi// blo la nges pa'i lung 'di bstan// 'di ni sngar 'gro tha tshig ste// zab mo sgrub pa'i sngon logs su// rdo rje tha tshig drag po'o// gcan 'phrang lam rnams bsrung ba'i phyir// spyi dang khyad par dam tshig rnams// nges pa'i don gyis bsrung byas nas// de ni dbyig gi snod chen yin// de ltar spyi yi sdom pa la// gnas nas dus kyi skabs 'di ru// bsrung bya thub par bya ba ni// mi shigs pa ni seng ge ste// gcan gzan rgyal po yin pas so// za ma tog ni 'dod pa'i gter// dug spyo ba ni der mi rigs// rin chen myu gu'i lcug phran dag/ de ni breg pa'i rigs ma yin// gangs kyi zhun chu khol ma dag/ mkhas pas btung bar bya ba min// pad+ma'i ze'u 'bru kha ma bye// zla zer ma yin kha mi dbye// ma brtags bug rdol can gyi snod// kha mi dbye zhing bcud mi blugs// don dang mi ldan bcos ma'i rtags// bsrel zhing spyad par bya ba min// shel dkar rin che sgo nga dag/ 'dam rdzab khung du bsrub mi bya// seng ge dkar mo'i 'o ma dag/ dug can snod du blugs pa min// yid bzhin nor bu rin po che// bsreg par bya ba yod ma yin// khyung chen gshog pa mkhar brkyang ba// de dag gcag par bya ba min// gnam lcags me yi ngur mo dag/ brdab par bya ba ma yin no// stags gzigs 'drol bas las byas pa'i// las kyi lhag ma bsdu mi bya// rdo rje brag chen gtams pa'i gzhi// de dag gzhig par bya ba min// rdo rje ra ba'i go tshags ni// bsdam bya bral bar bya ba min// bud shing sreg pa'i sgron ma dag/ g.yeng ba'i rlung gis bskyod mi bya// rdo rje tshig gi chu rgyun dag/ 'ol kar gcad par bya bar min// rgyal po'i bka' rtags phyag rgya dag/ nam zhar dbyi bar mi bya'o// rdo rje pha lam gtams pa'i mkhar// rmang nas bzlog par mi bya'o// gtsugs gi nor bu 'bar ba dag/ rgyal mtshan rtse las dpon mi bya// rnal 'byor las kyi phyad par can// skal can rnams kyi dam tshig ste// skal bar ldan pa'i nor mchog yin// rgyun du spyad pa'i nor mchog ni// rdo rje las kyi thun tshags dag/ rdo rje go phur trom chen gyis// srog la bar chad byed pa'i dgra// nyon mongs 'thibs pa de gzhom bya// snyoms las le lo'i dpung bskyed pa// thug thub ra chod nga rgyal gzhi// dregs byed dbang po myos pa'i bcud// dpa' byed rkyen yangs bsdam par bya// rdo rje gsang tshig ma gtogs pa// 'dres pa gang zag byis pa'i tshig/zur yang brjod par mi bya zhing// thams cad rdo rje gsang bas bya'o// ji ltar gsod pa'i mi rnams dag/ gshed ma'i mis ni gsod pa'i tshe// thar pa'i thabs la brtson pa bzhin// le lo'i dgra bcom brtsom par 'bad// rnal 'byor sgrib pa'i gegs bsal ba// dka' thub sdom pa'i mdud pa can// 'dod dang longs spyod mi mthun dang// spyi mthun nang du mi gcig pa// phyi nang can dang gnod byed dang// 'dod myos bying rmugs brkam pa dang// dad med rtsa nyams 'phyar g.yeng can// mkhas pas bsgrims te spang bar bya'o// de ni rnal 'byor gegs yin te// dngos grub chu bo gcod par byed// rnal 'byor nges par spyod pa la// bar du gcod pa'i bdud lnga 'byung// rnam rtog 'phrig pa'i bdud nyid dang// de bzhin btang snyoms le lo'i bdud// longs spyod 'du 'dzin g.yeng ba'i bdud// tshig rtsubamatshon cha rnon po'i bdud/khro gtum ngag thung 'khrug pa'i bdud// rnal 'byor spyod pa'i bdud lnga po// yang dag don la sgrib pa ste// gnyen po byang chub sems mchog gis// zhi ba chen po'i ngang du bzlog/ rnal 'byor spyod pa'i dgra bzhi po// thabs la mkhas pas gdul bar bya// rdo rje brnag pa gsang 'phel bas// ngag gi dbang po nyams 'gyur te// kha na ma thos phog par 'gyur// de dag bcas kar 'gyur ba'i dgra/ lta dman spyod rtsing 'chol ba yis// bka' yi gzhung bor logs par spyad// nor bas bar chad 'byung ba'i dgra/ dam gtsor spyod pa'i las rnams yin// 'da' dka' rdo rje mchog gsum po// btang snyoms phyal bar shor ba ni// rtsa ba rul pa'i ljon shing bzhin// bka' chad chen po 'bab pa'i gnas// brtsam pa las la sbyor ba'i tshe// 'bad pa'i rtsal shugs chung ba yis// don rnams grub pa ma yin te// 'bras bur mi 'gyur 'phro ba'i dgra// rnal 'byor chen por spyod pa la/ 'dod pa'i nor mchog 'phrog pa'i dgra// thabs la mkhas pa'i skyes bu yis// skyon gyi dgra bzhi spang bar bya// srid gsum bsgral ba'i zhing 'di dag/sangs rgyas zhing du rtog pa ni// sa rnams cig car sbyangs pa ste// zhing rnams dag pa'i mchog yin no// khams gsum mchod pa'i rgyu 'di dag/ yo byed chen po'i mchog yin te// rgyal ba thams cad mnyes pa'i rgyu// rmad du byung ba'i mchod pa'o/ 'khor ba dur khrod gnas 'di dag/ bde ba chen po'i gnas yin te// ma nor ma bcos chos kyi dbyings// btsal med lhun gyis grub pa la// dug lnga rgyu ba'i rtsa ba dag/ye shes lnga yi rtsa ba ste// kun shes kun rig gsal ba'o// rang rig ye shes rang las byung// rnal 'byor chos mig ldan pa yis// nges pa'i don du 'di ltar blta'o// 'di ni rgyun gyi dam tshig ste// brjod du med pa bsrung ba'o// bsrung ba thub par bya ba la/ dam tshig rtsal gyi khyad par ni// gang dag rig pa 'dzin pa yi// blo la nges pa'i lung du bstan// 'dod pas chags dang 'joms pa dang// gti mug nga rgyal phrag dog rnams// rnal 'byor chen po'i dam tshig ste// don dang ldan pa'i skyes bus spya// sbyor dang sgrol bar byed pa dang// ma byin len dang ngag sprul byed// rnal 'byor dam tshig spyod pa'i mchog/ spyad par bya ba'i las yin no// rgyal ba sems can thams cad dang// dngos por brtags pa thams cad kyang// don gyi ngang du gcig pa ste// de nyid sku gsung thugs kyi bdag/ mtshan ma'i chos rnams thams cad ni// mnyam pa chen po'i ngang du gsal// theg pa 'og ma'i khyad par rnams// kun kyang rang rig blo la gsal// yon tan ci 'byung mi brjod cing// 'og ma rnams la mi smod cing// thams cad mnyam pa'i dam tshig ste// 'di ltar shes na tshogs mchog rdzogs// gzugs rnams rnam par ba snang ba mdzad// tshig rnams brjod pa snang mtha' yas// rnam rtog kun du sems rdo rje// rig dang tshor ba rin chen 'byung// yid g.yo byed pa don kun rdzogs// stan 'gan rang bzhin spyod pa'i gnas// zhing bcu dag dang ldan pa na// bde ba chen po'i longs spyod de// thogs med phrin las rnam bzhir rdzogs// phyi yi yul dang nang gi sems// thams cad mnyam pa nyid du gnas// de la sgrib dang mi sgrib ces// mnyam pa'i rgyal pos yong gsungs// thams cad mnyam nyid dbyings gyur pas// phung po lnga don ye shes lnga// sku gsung thugs kyi dbang phyug ni// phyag rgya chen po'i rig 'dzin yin// yul dang ye shes rang bzhin las// gzhan gyi rang bzhin med pas na// mtshan ma'i rnam pa cir snang yang// de la chad pa'i gnas med do// dam tshig dam pa gang zhe na// rtogs pa dam pa dam tshig ste// rtog par byed pa gang yin pa// de ni dam tshig chen po'o// thams cad mnyam pa'i ngang la gnas/ ting nge 'dzin gyi cho 'phrul las// dngos su spyod pa thams cad bya// de ni dam tshig chen po yin// snod du gyur pa yum gyi dbyings// bcud rnams rgyal ba yab kyi mkha'// 'byung 'jug rig pas longs spyod de// 'di ni rdo rje tha tshig yin// srid pa'i sems can thams cad dang// thar pa chos kyi rnam grangs kun// so sor thams cad snang bar ste// kun kyang mnyam pa'i ngag du gsal// spyod pa'i las dang rtogs pa dang/ mtshan mar gyur pa thams cad kyang// sems kyi phyi nang spyod yul de// brtags na longs spyod tshogs su 'gyur// ma skyes stong pa'i sku yi rgya// rang bzhin smon med gsung gi don// mtshan med yid las 'das pa'i thugs// rnam gsum bde chen sangs rgyas so// mnyam pa'i lta bas dbang sgyur na// 'khor ba thams cad dbyings la snang// las kun rdzogs pa'i mchog yin te// gzhan du phrin las lus pa med// sdug bsngal byang chub chen po ste// 'khor ba ye nas myang ngan 'das// sgrib pa rnam dag chos kyi dbyings// nyon mongs kun kyang byang chub don// snang ba med pa'i don mthong dang// sa dang sa yi rim par ni// 'di dang 'di zhes gzung du med// 'di ni snang med thob pa'i gnas// sku dang gsung thugs mi g.yo ba'i// ji bzhin nyid kyi ngang la gnas// ji ltar bsgyur yang chos nyid pas// chad pa'i gnas zhes brjod dang bral// med dang phyal ba gcig po dang// lhun gyis rdzogs pa'i dam tshig che// 'di zhes ris su chad med pa// 'di ni bsrung ba'i dam tshig go/ spyad dang spyod par bya med pas/ srid dang mu stegs 'jig rten pa'i// spyod par snang ba thams cad kun// lhun gyis grub pa'i mdzad spyod do// ma spangs lhun grub dbyer med pas/ dbyings las gzhan na lta yul med// 'di ni lta ba'i dam tshig go/ sa chu me rlung snod bcud bcas// kun kyang rang bzhin chos nyid do// chos nyid don la gzhan med pa// rang byung ye shes gsal ba'o// yid bzhin nor bu rin po che// ma btsal rang la yod pa yin/ 'dod pa 'byung ba'i longs spyod de// bde chen longs spyod tshogs yin no// ngan song mtho ris thams cad dang// 'phags lam 'khor ba'i chos rnams kun// rang bzhin so sor mi dmigs te// sangs rgyas kyi ni rang bzhin yin// spyod dang gzugs rigs thams cad kun// phyag rgya chen po'i rang bzhin te// sku gsung thugs tshig rgya cher ston// don rigs thugs kyi rang bzhin no// ma skyes pa dang ma byung pa// mi gnas pa la chags pa med// don gyi khyad par rtogs chud na// kun tu bzang po mchog gi sa'o// mtshan dang dpe byad kun rdzogs te// thams cad sku gsung thugs kyi don// bdag nyid chen por thams cad rdzogs// lhun rdzogs bde ba chen po yi/ khyab pa chen por kun bdal bas// sgrib pa kun byang tshogs kun rdzogs// rnam grol bcings ba kun dang bral// lhun grub bde ba'i gnas chen yin// zhes smra pa'i seng ge chen pos gsungs so// rgyud kyi rgyal po chen po rdo rje bkod pa kun 'dus rig pa'i mdo las ma tshig gsang ba mchog gi le'u zhes bya ste bzhi pa'o//// de nas yang sems dpa'i rdo rje de chos thams cad brdas mtshon pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs pa dang/ 'dus pa chen po'i 'khor rnams kyis gsol ba/ sems dpa' chen po chos thams cad ni bdag cag rnams kyis brda rig pa tsam gyi ngo bor mthong ngo// de nas sems dpa' chen pos bka' stsal pa/ 'dus pa chen po'i tshogs chos thams cad ni brda dang/ tha snyad dang/ btags pa tsam du shes par gyis shigabatags pa'i chos thams cad ni phyi nang gang na yang mi gnas te/chos thams cad la ming gi gzhi med cing btags pa'i tha snyad dang bral ba yin no// brda zhes bya ba ni sbas pa btags pa'i tha snyad yin no// sbas pa'i chos rnams gsang ba'i phyir/thams cad snga zhing brgyud par bya/ 'di ltar brda yi sbyor ba la/ rnal 'byor can gyis shes par gyis/ de nas 'dus pa'i rnal 'byor rnams kyis gsol ba/ sems dpa' chen pos brda yi chos rnams rgya cher bshad du gsol/bdag cag gis kyang chos thams cad// brda yi don gyis brgyud par bgyi// brda zhes bgyi ba ji lta bu// sbas pa'i chos ni gang dang gang// mi bstan gsang ba gang gang lags// de skad ces gsol pa dang// smra ba'i seng ges bka' stsal pa// nyon cig 'dus pa chen po'i tshogs// brda zhes bya ba sbas pa'i tshig/ sbas te gsang ba'i chos rnams ni// rnal 'byor chen po'i spyod pa yin/ mi bstan gzhan la gsang pa ni// mu stegs la sogs sde pa rnams// rnal 'byor spyod la 'phya ba las// shin tu blan zhing sba ba'i phyir// sbas pa'i brda yis bstan par bya// brda yi yon tan chen po ni// grangs kyang bsam gyi mi khyab na// mdor bsdus rnam pa bzhi yod de// gzhan gyi spyod yul ma yin dang// rnal 'byor rig pa'i spyod yul dang// sbas pas grub thag nye ba dang// gsang ba'i dam tshig mi nyams shing// brda la dga' ba'i ma sring rnams// nye zhing gdung pa'i thabs su 'gyur// de bas sbas pa'i brda rnams ni// tshig gis mtshon te brjod par bya// a la la hoH/ a ti pu hoH/ pra ti po ho/ ma hA go ru saM kra ma/gu ya de bI sa ma ya/ ma hA tsan+d+ra/ ma hA pur+sha/ gu ya/ b+ha ga/ ma hA badzra/ sa ma ya hoH/ sa ma ya stAM/ ra ho ya haM:ra ga yA mi// sa ma ya dzaH/ lhan/ oM A~MHhU~M:sa ma ya/ sa ma ya/ e h+ye hi:e h+ye hi/ ha he ha/ ha he ha/ ma ta~M kha/ ma ta~M kha/ ka ruk+Sha/ ka ruk+Sha/ k+Sha~M ba ri/ k+Sha~M ba ri/ ra ho ha~M ra ho haM/ sa ma ya hi/ a la stAM/ a la stAM/ kha kha le kha le/ sha da pa/ sha da pa/ kha raM khA hi/ kha raM khA hi/ kha le b+h+yo/ kha le ha b+h+yo/ kha ka kha kha ka kha/kha h+yi ha he/ rak+Sha khA hi rak+Sha khA hi/ ha ha he raM/ gu h+ya/ gu h+ya/ sa ma/ sa ma/ ma le mu le/ ta le du le/ ma tsa me tsa/ gu h+ya sit+ti/ pa ra ma/ pa ra ma/ shi ri hoH/ shi ri ho/ ma ma kha ka traM/ e e e e/ hriM hriM/ b+h+yo b+h+yo/ kha kha le le/ karma ma ti b+h+yo/ rak+Sha kra ti b+h+yo/ rak+Sha kra ma b+h+yo/ karma ma le/ karma ma le/ k+Shu ti sha ne/ k+Shu ti sha ne/ rak+Sha karma/ rak+Sha karma/ kro d+ha k+Sha?~M/ khA hi b+h+yo khA hi b+h+yo/ tsa le yaM/ tsa le ya~M/ pra tsa le/ pra tsa le/ gur+pa ya~M/ gur+pa ya~M/ bi gur+t+ti/ bi gur+t+ti/ ma mo ha~M/ ma mo haM/ ngag brda dam tshig gi phyag rgya'o// byA g+h+ri tsarma/ byA g+h+ri tsarma/ ba ya~M k+ShaM ga ri/ ba ya~M k+ShaM ga ri/ ba byA dz+nyo ba ba ti/ ba byA dz+nyo ba ba ti/ na ra ha sa/ na ra ha sa/ ban+d+ha ka pA la/ ban+d+ha ka pA la/ tsarma na ga truM/ tsarma[¿]na ga tru~M/ rA ga rak+ta tsa rA ga rak+ta tsa/ ru d+hi ra ma ta/ ru d+hi ra ma ta/ ka ru ga tsa/ ka ru ga tsa/ pa bya ba ti/ ba bya ba ti/ gaM gro Na/ gaM gro Na/ thar+pa ta/ thar+pa ta/ dpa' byed kha/ dpa' byed kha/ zla ba rgyas dang rdzogs pa dang// zla ba dkar dang zla phrom mchog/ tshe 'dzin kun gyi gtso mo dang// 'jam po thar pa chen po dang/ gal zhes bya ba'i ro mchog dang/ gzi brjid chen po'i dri zhim dang// bran mo dang ni g.yog 'chang ma/ 'jam dpal rnon po'i ka tar dang/ mA tha ya mA tha ya/ par+pa ti par+pa rA ti/ rwa tha ma rwa tha ma kha taM nya kha taM nya/ rwa ti hU~M rwa ti hU~M/ shi nyaM tha/ shi nyaM tha/ ka raM tha/ ka raM tha/shak+ti kha shak+ti kha/ yo ga tsarbAn yo ga tsarbAn/ sgra brda dam tshig gi phyag rgya'o// lag gi phyag rgya chen po ni// gar thabs g.yas g.yon bskor nas kyang// se gol brdabs pa 'dren pa'i brda// bskor nas thal spyar rgya'i brda// shin tu bskor nas spyi bor grol// 'di ni mchod pa bzhes pa'i brda// bsko nas snying gar bcangs pa ni// ting 'dzin rdo rje brtan pa'i brda// gar bskor shin tu gnyis stabs pa// mchod pa stobs par byed pa'i brda// gar bskor dbang mo'i spyir bor bzhag/ sbyor ba'i don la 'jug pa'i brda// thabs kyis sbyi bor bzhag pa dang// shes rab dbang mo'i snying gar ro// thabs kyis gsang ba g.yas bcug na// shes rab thos byed gsang ba yin// thabs kyis na sa g.yas bteg na// shes rab na sa g.yon bteg pa'o// thabs kyis rdo rje phyag rgya bstan// shes rab pad+mo'i phyag rgya bstan// thabs kyis smin ma g.yas bskyod na// shes rab smin ma g.yon btegs bya// thabs kyis phyag g.yon brkyang ba dang// shes rab g.yas kyis 'khyud tshul bstan// phyag rgya gar bskor thal brdabs shing// dbang mo lce la reg pa ni// tshogs mchod dus la bab pa'i brda// lag gnyis bskor nas dbang mo 'thong// de nas dbang mo lce la reg/ 'dza' gad 'dim pa'i brda thabs so// ma hA ging chen karma dang/rdo rje drod kyi rtags 'dzin las// sogs pa'i brda yi dam tshig rnams// rnal 'byor can gyis spyad na 'grub// lus brda dam tshig phyag rgya'o// zhes smra ba'i seng ges gsungs so// rgyud kyi rgyal po chen po rdo rje bkod pa kun 'dus rig pa'i mdo las rnal 'byor brda'i le'u ste lnga pa'o//// de nas yang smra ba'i seng ge sems dpa'i rdo rje de rnal 'byor rol pa'i tshogs zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang// 'dus pa chen pa'i tshogs kyis gsol pa/ smra ba'i seng ge chen po chos thams cad ni rdo rje tshogs kyi dkyil 'khor du bdag cag rnams kyis mthong ngo zhes gsol pa dang/smra ba'i seng ges bka' stsal pa/ 'dus pa chen po'i tshogs chos thams cad kyi rang bzhin ni rdo rje tshogs yin par shes par gyis shigaces bka' stsal pa dang/ 'dus pa'i tshogs kyis gsol pa/sems dpa' chen po chos thams cad kyi rang bzhin ni rdo rje tshogs kyi dkyil 'khor gyi don bdag cag rnams la rgya cher bshad du gsol// sems dpa' chen pos bka' stsal pa// nyon cig 'dus pa chen po'i tshogs// rdo rje tshogs kyi dkyil 'khor 'di// rgyal ba rnams kyi thugs dam ste// rnal 'byor kun gyis spyad pa'i lam// sa mchog bgrod pa'i lam 'di dag/ 'dus pa'i tshogs la bshad par bya// brtsam pa las kyi dang po pa// rdo rje tshogs la 'jug pa na// khyad par rim pa ci bzhin du// las mchog 'di yi rang bzhin gyis// ji bzhin rim par sbyangs nas kyang// sa rab mchog tu bgrod pa la// thabs mchog lnga yis bgrod bya ste// rdo rje tshogs dang bsnyed pa dang// nye ba dang ni bsgrub pa dang// bsgrub pa chen por sbyar bar bya// ji ltar grangs dang dus chen dang// mtshan ma byung bar bcas rnams las// gab pa'i sba thabs de sbyar nas// sus mi rig pa'i thabs chen bya// de dag gsang ba'i bdag po yin// gnas 'dir 'jug pa'i byis pa dag/ 'jig rten rdul las drangs nas kyang// 'gyur dbang ma nges sar bzhag ste// ci phyir dang po yin pas na// byis pa blo shed ma bye bas// bzang ngan bde sdug mi shes shing// bstan dang gsang ba'i dmigs mi byed// rnal 'byor spyod pa'i bka' sgo'i 'dir// gsang sgo mi dbye skrag par 'gyur// rang bzhin ngang tshul ma rtogs pa'i// so so'i skye bo byis pa las// snod med snod byas bdud nyid kyis// rnal 'byor 'tshe ba'i srog gcod cing// ma nges ldog 'jug bcas pa yis// gsang 'di bcas dkar 'gyur phyir ro// de na 'di yi spyod pa yang/ ji ltar 'tsham par bde thabs sbyar/ de nas smra ba'i seng ge de thabs kyi rdo rje tshogs kyi ting nge 'dzin la snyoms par zhugs te/rnal 'byor ma chen mo rnams mi snang bar gyur to// de nas 'dus pa'i tshogs kyis gsol pa/ smra ba'i seng ge chen po chos thams cad kyi rang bzhin ni thabs kyi phyag rgya'i rang bzhin du bdag cag rnams kyis mthong ngo// sems dpas bka' stsal pa/ 'dus pa chen po'i tshogs 'di dag ni brgyud de sbas pa'i tshogs yin par shes par bya'o// rdo rje rnal 'byor tshogs ldan lnga// thabs chen phyag rgya sbas tshogs lnga// rdo rje 'dzin sogs bcu drug dang// bcas pa'i dkyil 'khor rdo rje can/ bri bya yang na bsam pa'am// brjod dam bsngos sam mtshan ma la// 'jig rten dbang po'i chos lugs kyis// mos pa la bskyed dran byas te// rang bzhin yul nas phab nas ni// phyag bya la sogs mchod pa yis// rdo rje sman dang rtsir sbyar ba'i// yo byad chen po la sogs pas// rdo rje thabs kyi tshogs la dbul// rdo rje rnal 'byor glu blangs te// mnyes byas las grub grangs rdzogs nas// mchod dang dam skongs 'dod pa bya// snod du rung ba'i slob ma dag/ dpa' mkhyen la sogs bya ba yis// 'jug tshul dbang dang dngos grub stsol// rdo rje tha tshig rnam lnga yis// bslab pa'i gnyen rnams ci rigs par// rtsal gyi rim par byin nas ni// rdo rje gal chen mna' 'dor ro// de nas sgrub pa che chung rnams// 'di ltar 'dod pas nan tan gyis// rdo rje rnal 'byor bkar bya'o// mi nus la sogs mi gnang ba'i// dam tshig dag gis nan chags bya// rmongs pa'i gsang phyir sems bskyed de// ngo mtshar tshig gi 'du shes bsgyur// shes nas mig la shes bya'i yul// thams cad rim gyis bstan par bya// drod can 'khyil ba'i blo ldan la// rnal 'byor na spar mdzod sgo dbye// rtsing po 'gros kyis dmu rgod la// gcan 'phrang 'khor ba'i g.yeng rnams bstan// rdo rje lung gi tshad can la// ji ltar nus pa de dbang bskur// btsal med mi nus yul can la// phan pa 'ba' zhig bsngags pa yin// gnas 'dir yod dang med pa dang// 'od mi bsub cing ljid mi dbab// rdo rje blo yi yul can la// rtsal chen sbyong zhes gdams par bya// rdo rje 'dus pa'i dbang gral du// rdo rje don gyi ltang chen bsher// rtsal dang rim pa khyad par dbye// so so rigs kyi phyag rgya dag/ spyi'am yang na re re'o// de nas smra ba'i seng ge de shes rab gzungs kyi tshogs zhes bya ba'i ting nge 'dzin la snyoms par zhugs so// ting nge 'dzin de las bzhengs pa dang/ 'dus pa'i tshogs rnams kyis 'di skad ces gsol to// chos thams cad kyi rang bzhin ni shes rab tshogs kyi dkyil 'khor du gda' bar bdag cag rnams kyis mthong ngo// de skad ces gsol ba dang/ sems dpa' chen pos bka' stsal pa/ 'dus pa chen po'i tshogs chos thams cad ni shes rab tshogs kyi dkyil 'khor du sangs rgyas par shes par gyis shigade ci'i phyir zhe na/chos thams cad shes rab kyi rang bzhin las byung zhing shes rab kyi rang bzhin du gsal lo// de nas 'dus pa'i tshogs kyis gsol pa/ sem dpa' chen po shes rab gzungs kyi rang bzhin bdag cag rnams la rgya cher bshad du gsol// de skad ces gsol ba dang/ sems dpa' chen pos bka' stsal pa/'dus pa'i rnal 'byor chen po'i tshogs// shes rab gzugs kyi rang bzhin ni// rgya cher bshad kyis shes par gyis// ji ltar thabs kyis tshogs sbyar ltar// gang dag rnal 'byor mar ldan rnams// rdo rje 'dzin ma la sogs pa// lha mo'i tshogs su sbyar nas kyang// gnas 'dir 'jug dga' la sogs pa// thabs kyi phyag rgya mtshan mar sbas// rdo rje mnyam pa'i gzungs rnams la/ mnyam pa'i mchod pas mnyes par bya// bro gar glu tshigs la sogs pas// rig 'dzin rnal 'byor ma rnams bsgrub// ces bka' stsal to// de nas yang sems dpa'i rdo rje de chos thams cad thabs dang she rab phan tshun dra bar 'brel ba'i ting nge 'dzin la snyoms par zhugs so// de nas ting nge 'dzin de las bzhengs pa dang// 'khor rnams kyis gsol pa// bcom ldan 'das chos thams cad kyi rang bzhin ni thabs dang shes rab tu 'brel pa'i rang bzhin can du bdag cag rnams kyis mthong ngo// zhes gsol to// de skad ces gsol pa dang// bcom ldan 'das kyis bka' stsal pa/ 'dus pa chen po'i rnal 'byor pa chos thams cad ni thabs dang shes rab tu 'brel ba ste/gnyis su med par shes par gyis shigade nas 'dus pa'i rnal 'byor pa rnams kyi gsol pa/ sems dpa' chen po chos thams cad dra bar 'brel pa'i don bshad du gsol/sems dpa' chen pos bka' stsal pa// 'brel pa'i don ni 'di lta ste// chos rnams kun gyi mtshan nyid ni// phan tshun 'brel ba'i tshul du snang// chos kun nam mkha'a'i mtshan nyid las// sprul pa bye ba cir yang snang// gnyis med dra ba'i tshul du 'brel// rnal 'byor gsang ba'i mchog yin te// rtsal dang ldan pa gsang sgo ba// 'di la gsang sgo dbye bar bya// gsang 'dir tshud pa'i bu rnams la// rdo rje gsang ba'i bka' 'di bsgrags// gsang ba'i dkyil 'khor dam pa 'di// rdo rje rgyal po rgyal mor bcas// lnga nyid zung du 'khril ba ni// g.yas nas g.yon du 'khril 'khyud sbyor// g.yas nyid byang chub rdo rje dang// rang rang mtshan ma 'bar ba'o// g.yon gyi sgra snyan dril bu dang// rtags kyis mdzes par gsal ba la// 'byo zhing 'dud pa'i mdangs ldan pas// chags shing g.yo ba'i tshul gyis ni// seng chen khyu mchog la sogs pa// rdzogs pa'i tshul gyis bsgyings bcas te// kha dog lnga yi 'ong 'bar bas// bcu drug chas na sgeg pa rnams// rim gyis bskyed dang cig car bskyed// dbang po'i rim pa sbyar bar bya// gsang nyid tshogs kyi 'khor rnams kyang// gnas nas gyur pa'i rang bzhin gyis// phyag rgya rgyal po rgya mor bcas// brgyad gnyis zung sgril 'khril 'khyud sbyor// sa dang nam mkha' spyan rdo rje// byams dang rdo rje kun bzang dpal// nang dang phyi yi yo byad ni// gzhi gnyis dag gis mnyes sbyor ba// bsam bya la sogs de bzhin no// rdo rje sgo dang bcas pa ni// rdo rje 'khril 'khyud gsang ba'i tshogs// rnal 'byor longs spyod che sbyar bas// mnyes nas skongs phyir rim bzhin dbul/ gsang ba'i 'jug tshul la sogs kyis// gsang ba'i don rnams sgrub par byed// ces bka' stsal to// de nas bcom ldan 'das sems dpa' rdo rje de rdo rje kun du 'brel ba'i dbyings zhes bya ba'i ting nge 'dzin la snyoms par zhugs so// de nas bcom ldan 'das la 'dus pa'i 'khor gyis 'di skad ces gsol to// chos thams cad kyi rang bzhin ni rdo rje dra ba'i dbyings su bdag cag rnams kyis mthong ngo// bcom ldan 'das kyis bka' stsal pa/ 'dus pa chen po'i tshogs dra ba'i dbyings su shes par gyis shig/ chos thams cad ni thugs kyi rig pa las byung la thugs kyi rang bzhin ni rdo rje kho na yin pa'i phyir ro// 'dus pa'i tshogs kyis gsol pa/ bcom ldan 'das rdo rje dra ba chen po'i tshogs bdag cag rnams la rgya cher bshad du gsol/ bcom ldan 'das kyis bka' stsal pa/'dus pa chen po'i rnal 'byor pa// rdo rje chen po rig pa'i don// dra ba 'brel ba'i dbyings nyid ni// nges par bshad kyis rtse gcig nyon// thugs kyi gsang chen rig pa 'di// nges pa'i rdo rje yin pas na// rdo rje dbang yul 'brel ba'i don// thams cad 'byung bas dbyings shes bya'o// rdo rje 'dzin ma 'dzin sogs bcas// 'khril mnyam pa yang de bzhin te// gzugs brnyan ting 'dzin rang bzhin gnas// rim pa'i tshul bzhin sbyar byas nas// ji ltar 'dod pa de ltar ro// zhes bka' stsal to// de nas yang bcom ldan 'das sems dpa'i rdo rje de thams cad dus bzhi mnyam pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang/ 'dus pa chen po'i tshogs kyis 'di skad ces gsol to// bcom ldan 'das bdag cag rnams kyis chos thams cad ni dus bzhi mnyam pa nyid du gcig par mthong ngo zhes gsol pa dang/bcom ldan 'das kyis bka' stsal pa/ 'dus pa chen po'i tshogs chos thams cad ni dus bzhi mnyam par rtog pa yin te/ chos thams cad ni dus bzhi'i ngang du rdzogs par shes par gyis shigade ci'i phyir zhe na/mnyam pa nyid kyi ngang la dus snga phyir snang ba med do// de nas 'dus pa'i tshogs rnams kyis gsol pa/ bcom ldan 'das mnyam pa chen po'i dus nyid bdag cag rnams la rgya cher bshad du gsol/de skad ces gsol pa dang/ bcom ldan 'das kyis bka' stsal pa/ 'dus pa chen po yi ni tshogs// mnyam pa nyid kyi dus rig na// dus zhes bya ba'i ming yang med// dus bzhi mnyam par rab shes na// chos nyid mnyam pa'i rang bzhin no// rdo rje dus kyi lha mo'i tshogs// 'das dang da ltar byung ba dang// mi 'byung ba yi cha rnams la// dbang sgyur mnyam pa'i rgyal mo rnams// 'jig dang skye dang smin pa dang/ 'gag par gyur ba de dag du// rdo rje rnam thar tshad med dang// sems dang de bzhin mnyam pa yi// shes rab 'khor dang dpal gyi dkyil// de bzhin rim par rdo rje yi// glu gar la sogs yo byad kyis// mchod dang 'jug tshul gong ma bzhin// cha rnams dus las mi 'da' bar// lha yi nyi ma rnams la'o// bde ba chen po la sogs pa// tshom bu'ang yang na phyag rgya rnams// spyir ram re rer sbyar bar bya// 'das la rnam thar tshogs bskul te// da lta byung dang mi 'byung la// tshad med sems dang mnyam par bskrun// mnyam pa'i rgyal por de 'gyur te// bde gshegs dus kyi rgyal por 'gyur// zhes bka' stsal to// de nas yang bcom ldan 'das sems dpa'i rdo rje/ nyi zla'i tshogs zhes bya ba'i ting nge 'dzin la snyoms par zhugs so// de nas yang ting nge 'dzin de las bzhengs par gyur pa dang/'dus pa chen po'i tshogs kyis 'di skad ces gsol to// bcom ldan 'das chos thams cad ni nyi zla'i tshogs su mthong ngo// de skad ces gsol pa dang/ bcom ldan 'das kyis bka' stsal pa/'dus pa chen po'i tshogs chos thams cad kyi rang bzhin ni byang chub sems dang snying rje chen po'i rang bzhin yin par shes par gyis shigachos thams cad ni byang chub sems las byung zhing snying rje'i rang bzhin can yin no// de nas 'dus pa'i tshogs kyis gsol pa/ bcom ldan 'das snying rje dang byang chub sems kyi don bdag cag la bshad du gsol/ bcom ldan 'das kyis bka' stsal pa/ chos rnams kun gyi yo byad ni// snying rje byang chub sems yin te// yo byad de dag ma ldan na// don rnams 'grub par mi 'gyur ro// rnal 'byor byang chub sems rdzogs pa// bcu drug rdzogs pa'i zla rgyas tshul// snying rje ye shes shar ba ni// mkhas la nyi gsal shar ba'i tshul// don gnyis rdzogs pa'i rnal 'byor pa// rnal 'byor nges pa'i sa pa yin// nges pa'i sa la bgrod pa ni// rdo rje dus kyi rgyun tshogs kyis// tshogs chen rnam gnyis bskrun par bya// skar tshogs dbus na zla nya ba// bcu drug zhag gis rdzogs pa bzhin// bcu gsum rtsal chen rdzogs pa'i sa// bcu drug tshogs kyis rdzogs pas ni// mdzes pa'i nyi ma bcu drug gis// zla dkyil 'od kyi phyag rgya la// mdzes par spras pa'i bde ba de// bcu drug tshogs kyis bsod nams bskrun// phyed rdzogs tshogs 'phel de phan chad// mi dmagis chos la blo sbyangs yin// je zhi je zhi mi dmigs pa/mtshan ma shes bya bsrabs pa ste// bsod nams tshogs kyang mi dmigs pa/ mnyam pas stong par gyur pa na// thams cad chos skur rdzogs pa ste// sdug bsngal byang chub gnyis med de// 'di la rmad 'byung sems bskyed de// zla ba dus kyis mtshan ma dang// gsang ba gnyis kyis mchod par bya// phra mo'i drod du byung ba dang// smyur te rang las byung rnams la// rtsa ba gcad phyir yongs rdzogs pas// the tshom med par dang blangs nas/dus de nyid du nyi ma 'char// dus 'di rgyun gyi bar bcad na// bsnyed pa dag gis bzlog par dka'// bar chad byung na gso zhing bskang// mkha' la zla gsal gra rgyas na// sa la rnal 'byor grar rgyas pas/bsod nams spel ba chen po dang// bsngo ba chen po'i las rnams bya// de nas 'bras bu chen po yang// nyi zla zhon nas 'gro ba yi// rig 'dzin sa la slebs phan chad// dpal chen bcu drug sa la 'grub// ces bka' stsal to// de nas yang sems dpa'i rdo rje de rgyun du gnas pa zhes bya ba'i ting nge 'dzin la snyoms par zhugs nas bzhengs pa dang/ 'dus pa'i tshogs kyis gsol pa/bcom ldan 'das chos thams cad ni yi ge rgyun gyi dkyil 'khor du gnas par mthong ngo// bcom ldan 'das kyis bka' stsal pa/ chos thams cad ni rgyal ba'i dkyil 'khor gyi rang bzhin yin la// rgyal ba thams cad ni yi ge'i dkyil 'khor gyi rang bzhin du shes par gyis shig/gsol ba/ yi ge phyag rgya'i don gang lags pa bdag cag rnams la rgya cher bshad du gsol zhes zhus pa la bcom ldan 'das kyis bka' stsal pa/chos kun rgyal ba'i rang bzhin// rgyal ba sku gsung thugs su gsal// sku gsung thugs dang phyag rgya dag/ yi ge'i phreng ba nyid la rdzogs// yi ge phyag rgya'i dkyil 'khor rnams// rgyun du bsgrub par bya ba yin// des ni rgyun gyi ting 'dzin thob// rgyun gyi rgyun du mi gcad pa// rdo rje nam dang nyi tshod la// yi ge'i chogs bskyed tshogs sbyar la// phud lhag bcas sbyar de bzhin no// 'di ni don la nye ba'i lam// bsod nams bskrun par de myur ro// kun rdzogs tshogs kyi rgyu des ni// yang dag tshogs chen ci 'dra ba// mchog gi bde ba dam pa dang// de nyid chen por de nyid 'gyur// 'jug sgo spyod dang lta ba mthun// thams cad gcig par gyur pa yi// rgyu dang rkyen ldan phun sum tshogs// mdza' 'phrod sman dang dgyes sbyor ldan// lha dang rig 'dzin rnal 'byor ril// ma lus tshogs pas chos 'di spyad// skad cig yud dam thad cig gam// yud tsam nyin zhag zla re 'am// lha yi nyi ma bkra shis kyi// tshogs la bab pa'i dus 'di dag/ byin gyis brlabs pa'i dus chen yin// ji ltar 'byor pa'i yo byad rnams// phyi dag nang gi khyad par gyis// gtsang ma'i kha zas 'byung po la// rnam rtog rtog bral rgyal ba la// ji ltar 'byor bzhin nan tan bya// bdag dang gzhan dang gnyi ga dang// chos kyi don du mi 'gyur ba'i// skyon bzhi po dag spangs nas ni// de las bzlog pa'i tshul lda pas// rnal 'byor snying dang mig lta bu// gdung pa'i 'du shes nyer bzhag ste// ji bzhin 'dod pa'i nye bar sbyar// lha rnams nye bar bya ba dang// bgegs rnams zhi bar bya ba dang// don grub shi ba gso ba'i phyir// las 'dir spyad par shin tu gces// tshogs 'di blo chung gsar zhugs pa'i// mdun du brjod par bya mi rigs// rdzas dang yo byad thams kyang// cis 'dus de ltar stobs kyis spyad// des na las 'di khyad par yang// tshogs la tshogs bskyed sgrib sbyangs te// bsnyen pa dag la goms byas nas// bsgrubs pas 'bras bu mthar phyin pa'o// zhes bka' stsal to// rgyud kyi rgyal po chen po rdo rje bkod pa kun 'dus rigs pa'i mdo las rnal 'byor bde ba'i tshogs kyi le'u ste drug pa'o//// de nas yang smra ba'i seng ge sems dpa'i rdo rje de 'das pa brjod pa zhes bya ba'i ting nge 'dzin la snyoms par zhugs so// de nas ting nge 'dzin de las bzhengs par gyur pa dang// 'dus pa chen po'i tshogs rnams kyis 'di skad ces gsol to// bcom ldan 'das sngags zab mo spyod pa'i skyon dang yon tan ci lags par bdag cag gi rig pa la snang bar gyur to// de nas yang bcom ldan 'das kyis bka' stsal pa// 'dus pa chen po'i tshogs gsang sngags chen po'i don ni rab tu spyad par dka' bar shes par gyis shig/de ci'i phyir zhe na// gsang sngags kyi tshogs ni shin tu me dang 'dra ste// me ni rgyun du bcangs shing spyad legs na ji ltar 'dod pa bzhin du rgyun du spyad du yod do// me nyid ji lta ba bzhin du spyad na me'i phung po chen por 'gyur te// spyod par byed pa nyid kyang bsregs/ khyim nas khyim yang bsregs/ rdzas kyi dngos po thams cad kyang bsregs par 'gyur ro// de bzhin du gsang sngags 'di ni chu dang 'dra ste/chu thabs kyis zan cing spyad legs na ji ltar 'dod pa bzhin du dga' bder spyad du yod de// chu la dga' ba der thar chu chen po la 'brogs par nus so// chu'i rang bzhin dang thabs la ma gos pas ni spyod par byed pa de g.yeng zhing 'chi bar byed do// gzhan yang gsang sngags chen po 'di ni gcan gzan gdug pa can dang 'dra ste// gcan gzan gyis sems can gzhan gyi srog gcod par byed pa yang thabs la mkhas pas ji ltar dga' ba bzhin du dbang du 'du'o// thabs kyis ma zin na srog gcod par byed do// gzhan yang gsang sngags chen po 'di ni sbrul gyi mgo la 'dug pa'i nor bu rin po che dang 'dra ste/sbrul gyi mgo la 'dug pa'i nor bu thabs kyis yongs su zin na ni dbang du 'du zhing spyad du yod la// thabs kyis ma zin na ni 'tsho ba srog dang 'bral bar byed do// de bas na gsang ba chen po 'di ni spyad par dka' bas sngon gyi dus kyi tshe na yang spyad nyes pa'i log pa'i lam pa can mang por byung ngo// don dang lam la mkhas pa'i skyes bus thabs kyis zin cing spyad legs na ma nor ba'i lam du zhugs pa yang mang por byur bas 'dus pa chen po'i tshogs spyad pa'i thabs la yongs su mkhas par gyis shigade skad ces bka' stsal dang/'dus pa chen po'i tshogs kyis 'di skad ces gsol to// bcom ldan 'das gsang sngags log pa'i lam las byung ba ni gang gang lags/spyad legs pa'i thabs las byung ba ni gang gang lags/ bdag cag la rgya cher bshad du gsol/ de skad ces gsol pa dang/ bcom ldan 'das kyis 'dus pa chen po'i tshogs la bka' stsal pa/'dus pa chen po'i tshogs nyes legs kyi rim pa bshad par bya yis nyon cig ces bka' stsal pa dang/ nga ni dran pa thog ma'i tshe/ gsang pa spyod pa'i don 'di dag nges don phal cher nub par gyur/tshul 'dra tsam zhig gnas pa la// kun kyang phal cher spyod mod kyang// don dang phyad pa ngas ma mthong// kun kyang log pa'i lam spyad do// log pa can nyid gang zhe na// 'di la mi gnas 'di nyams dang/ 'di las log dang logs tshul spyod// 'di tshul ma yin 'dir ma nges// g.yo sgyus bden bcos 'gal ba'i lam// de yang ji ltar bu zhe na// bskal pa kun bkod bya ba'i tshe// sangs rgyas mngon byung rgyal po de// mya ngan 'das par gyur 'og tu// byung ba'i rnal 'byor bzang rgyan de// mi shes byis pa'i 'khor rnams la// tshul 'chos log pa'i tshogs bskyangs pas// tshom bu lnga brgyar bcas pa zhig/ don las gol zhing 'khor bar log/ de 'dra'i tshul du ma spyod cig/ rmad byung mkhas pa'i bstan pa 'di// rnal 'byor dbang phyug tshad ma rnams// phal cher mi gnas skabs dag tu// mi shes ngan rtog can rnams kyis// dkrugs 'gyur bka' bslad bzhung por te// nor pas bdag nyid sun 'byin cing// bdag yin gzhan 'di ma yis zhes// bdag bstod gzhan la smod pa log/de yang ji lta bu zhe na// bskal pa de nyid dus dag la// rnal 'byor dpa' sbyin bya ba zhig/ don la blo shed ma bye zhing// lam gyi thabs las mi mkhas pas// nges don bka' yi gzhung bor nas// chos ma yin pa'i chos spyod cing// gzhan dag nges don spyod pa la// khyod kyi de ni don ma yin// don mchog bdud rtsi gang yin pa// de ni nga yi chos 'di yin// zhes ni bdag bstod gzhan la smod// 'di yang srid pa log pa'i lam// de 'dra'i tshul du ma spyod cig/ sngar byung rgyud kyi rjes gnas pas// rdeng med bzhin du dpon bstabs na// tshig gnyer dregs pa'i dbang des ni// mi shes bzhin du ras gcod pa'i// tshul 'chos sems kyi gya gyu can// smyon thabs blun pa'i sdeg can yin// de yang ji ltar bu zhe na// dge slong dri med spyod pa zhes// bya ba'i rnal 'byor tshul 'dra zhig/ don la mkhas pa'i rjes su byung// tshom bu 'bum gyi 'khor rnams kyis// rgyud kyi rjes su byung ba yis// don med dge slong de nyid la// tshig gi gnyer chen ljid phab pas// gdung 'tshob ces ni dpon bstabs te// che ba chen po'i dregs pa skyes// mi shes bzhin du tshul bcos te// 'dra tshul log pa'i chos spyad pas// tshom bu 'bum dang bcas pa zhig/ dreg pa chen po'i ru drar lhung// de 'dra'i tshul du ma spyod cig/ mdza' 'drin bslang ster zhing rnams dang// rnyed dang bkur stes 'tsho ba'i 'khor// gzhan gyi dbang du gyur dogs nas/ sgo ris rkyang chen so sor gcod// 'khor 'di bdag gis smin bya yi// gdul bar bya ba'i zhing yin gyis// gang dag 'di dang ma 'brel zhes// nyon mongs tshig gis sgo byed nor// de yang ji lta bu zhe na// rnam 'byor na zhi gnas pa zhes// bya ba'i tshom bu lnga brgya zhig/ shin tu gsang sngags spyod do zhes// dgon pa'i gnas su 'du gnas ni// yul khams chen po de dag gis// gnas par gyur pa'i mi rnams kun// gdul bar bya ba'i zhing du spyod// gzhan gyi sde par gyur pa yi// dge slong don dang ldan pa zhig/ yul der ched du 'ongs nas ni// rnal 'byor nges pa'i lam mchog gcig/ rgya cher bstan par bsam pa las/ dge slong dgon par gnas pa des// nyon mongs tshig gi bsgo ba byas// 'khor 'di bdag gi zhing yin gyis// khyod ni 'di la ma gtogs zhes// sgo dang tshan dang ris bcad pas// nyon mongs 'khor ba'i la du lhung// de 'dra'i tshul du ma spyod cig/ rnal 'byor chen por bsngos gyur la/ sna 'gas ci rgyal gsog 'jog byed// gcig yid gcig gis 'byin byed pa// nam zhar longs spyod thob pa min// de yang ji lta bu zhe na// rnal 'byor bde ldan shes pa zhes// bya ba'i tshom bur bcas pa zhig/ gsang ba rgya cher spyod pa las// 'khor na gnas pa'i rnal 'byor ma// bud med bzang ldan bya ba zhig/ tshogs sbyor ging du bskos pa las// 'byor ba'i yo byad de dag la// ser sna'i sems kyis gsog 'jog byas// las kyi rnam smin de yis ni// yi dwags khyi yi lus su skyes// de 'dra'i tshul du ma spyod cig/ gzhan yang rnal 'byor chen po'i tshogs// log par spyod pa'i rnal 'byor ni// log lta spyi brtol gtum khro che// sdig spyod don dang mi ldan yang// bdag ni yang dag yin no zhes// bab chol bka' rku slu byed bslad// de yang ji lta bu zhe na/ chos skyong ba yi rnal 'byor pa// pra ma de zhes bya ba zhig/ don dang lam la mi mkhas par// bdag ni mkhan po yin no zhes// kun la rgya cher sgra bsgrags nas// rgyal ba'i bka' brkus 'gro ba rnams// bslus par gyur pa'i rnam smin gyis// log pa can gyi 'jig rten pa// mi stegs spyod pa'i khams su lhung// de 'dra'i tshul du ma spyod cig/tha tshig nyams shing don la rmugs// dregs pas don la khas 'ches phyir// rdo rje rgyal dbang thob 'dod pa// khrel med spyi brtol mun sprul 'chal// de yang ji lta bu zhe na// rnal 'byor sngags kyi tshul spyod pa// pe na ya zhes bya ba bzhig/ tshom bu brgya dang bcas pa byung/ rtsa ba nyams shing don la rmugs// dregs pa chen po'i nga rgyal gyis// don la mkhas pa'i tshul bcos phyir// rdo rje rgyal po'i dbang mnos pas// ri bos srog chags mnan pa bzhin// nga rgyal dregs pa'i ri bo yis// 'khor ba'i las spyod las ngan pa'i// srog chags phag gi rigs su lhung// de 'dra'i tshul du ma spyod cig/ mnyam pa'i don nyid ma rtogs par/tshig du mnyam zhes rjod byed cing// chags sdang gnyis la mngon 'chel ba// rnal 'byor las kyis 'khor ba'i lam// de yang ji ltar bu zhe na// dge slong bde sbyin bya ba zhig/ tshom bu stong dang bcas par de// rnal 'byor gsang ba'i las la spyod// la la chags la mngon par 'chel// la las sdang chen gsod par spyod// chags sdang las kyi rnam smin gyis// rak+Sha srin pa'i khams su lhung// de 'dra'i tshul du ma spyod cig/ gang dag rnal 'byor blo chug rnams// rdo rje gral tshogs don glengs na// de la 'jigs shing skrag 'gyur te// spa zhum mi dga' 'byol byed blun// de yang ji lta bu zhe na// dge slong lhas byin bya ba zhig/ rnal 'byor dang po'i sar slob tshe// rnal 'byor don ldan mang po rnams// phal cher tshogs par gyur pa la// nges don gsang ba'i don glengs na// lhas byin 'khor bcas de las byol// don gleng ba la mi dga' zhing// ngan pa'i sems kyis phrag dog skyes// rang gi gnas su song nas ni// mkhas pa de la mi snyan brjod// las kyi rnam smin de yis ni// bskal pa dpag tu med pa ru// yang dag don las gol bar 'gyur// 'khor ba don med gnas su 'khyams// de 'dra'i tshul du ma spyod cig/ rnal 'byor nyid kyis rnal 'byor la// shin tu gdug pa'i dug mdas gtong// tha tshig btsan po rdzong lta bu// 'joms byed rnal 'byor rang bges so// de yang ji lta bu zhe na// rnal 'byor rnam dag blo gros zhes// bya ba'i don ldan mkhas pa zhig/ mi 'jigs blo gros zhes bya ba'i// thabs dang don la mi mkhas pa// sde pa mang po skyong ba'i sar// rnam dag blo gros 'khor bcas 'ongs// mkhas pa don ldan bzod thob la// ngan sems phyar ka'i sgro skur btab// las kyi rnam smin de yis ni// mi 'jigs blo gros mnar me lhung// de 'dra'i tshul du ma spyod cig/ lta ba dmigs bu dang bral bas// yang dag dbu ma'i lam mi gsal// spyi yul tsam la ltos spyod pa// de ni rnal 'byor long pa'i tshogs// de yang ji lta bu zhe na// rgyal po rab gsal 'dzin pa zhes// bya ba'i rnal 'byor can zhig byung// shes rab lta ba'i med med par// rnal 'byor ming tsam tshul bzung nas// sgra thos tsam gyi gzhung spyad pas// mig med 'khor ba'i khams su lhung// de 'dra'i tshul du ma spyod cig/ de la sogs pa'i rnal 'byor pas// log pa'i tshogs su spyad pas ni// 'khor ba log pa'i tshus su 'gyur// de na 'dus pa'i rnal 'byor rnams// shin tu gsang ba'i chos 'di rnams// gol sa che bar rgyal bas bshad// thabs la mkhas par spyod pa yis// don dang ldan par bya ba gces// thabs la mkhas par spyad pa yi// legs pa'i lam gyi rnal 'byor pa// sngon 'das dus na byung ba yi// rtsal can rnams kyi don bshad pa// skyes bu mchog gi spyod pa 'di// yon tan sgra bsgrags sus thos pa// ming tsam gyis kyang de thob cing// dran pas ngan 'gro las skyob yin// de yang ji lta bu zhe na// shin tu gsang ba'i spyod pa 'di// lha gnas gsum du grags pa las// lha yi bu ni 'od ldan te// mi rtag 'chi ba'i dus bab nas// 'chi ka'i snga ltas byung ba'i tshe// mi dga' bar ni 'du shes gyur// phyi ma'i 'du shes skyed pa las// mi gtsang zas su za ba yi// blun pa'i srog chags lus len par// rang gi mngon par shes pas mthong// shin tu 'jigs pa'i 'du shes kyis// skyabs kyi yul rnams yid la byas// gzhan gyi dran pa mi gsal bar// gsang ba chen po'i tshogs chen gyis// mtshan ni rna ba'i dbang po thos// thos pa yid la dran byas pas// ngan 'gro'i lam las slar log ste// tshogs chen spyod pa'i skal ldan pas// gsang ba 'dzin pa'i gnas su skyes// de bzhin thos pa dag par spyod// rgyal ba mnyes pa'i tshogs 'di la// gang zhig dga' zhing 'dun skyed pa// gzhan gyi bar chad mi 'byung bar// ji ltar mos pa de myur 'thob// de yang ji lta bu zhe na// bram ze'i bu ni byams ldan te// gsang ba chen po'i tshogs 'di dag/ spyod par mos nas kun tu btsal// btsal bas rnyed par ma gyur te// sa phyogs zhig tu 'dug nas ni// shin tu ngus nas smras pa ni// e ma'o bdag gi las re pham// skyes nas rgas par gyur bar du// tshogs chen zab mo'i don btsal na// don dang ma phrang las re ngan// da 'ong ji ltar btsal na rnyed// btsal byas rnyed par yong mi 'gyur// thugs rjes bdag la skyabs su 'chi// gdung ba sgra cher phyung ba las// nam mkha'i khams nas sgra phyung ste// skal dang ldan pa'i bram ze khyod// de ltar yi dam la brten pa// khyod ni don gyi skal pa can// dus gsum rgyal ba'i thams cad kyis// khyod la byin gyis rlob par mdzad// de bas lta ba ma g.yel bar// sgrib pa sbyang ba'i thabs dag la// mkhas shing brtson par bya dgos te// rang gi rtsa rnams bkros nas ni// khrag chen dag gis mchod pa de// 'dod chags dag pa tsan+dan chus// dmigs nas rgyal ba kun mchod nas// de ma thag tu don thob 'gyur// de skad lung bstan thob nas ni// dga' ba'i bsam pa cher g.yos te// lung bstan pa ltar de spyad pas// rig 'dzin rgyal ba'i sras su gyur// de bzhin mos pa dag par spyod// mthong la skal ldan 'dir zhugs pa// thams cad du yang de bzhin te// tog ni rtse mor gyur pa bzhin// yongs kyi nub pa ma yin no// de yang ji lta bu zhe na// lha yi bu zhes bya ba ni// dge ba'i rgyal po bya ba de// tshom bu 'bum dang bcas pa zhig/gsang ba rgya cher spyad pa las// lha bu rin chen 'od ldan de// shin tu dad pa cher g.yos te// lha rdzas yo byad mang po dang// bcas nas gsang ba'i gnas der phyin// dga' zhing 'dun pa'i tshul gyis ni// gus par gyur te der gnas pas// cho 'phrul chen po bzhi thob ste// lha gnas kun du bgrod pa dang// 'byung chen lus las sprul pa dang// ri bo gdeg dang 'phang ba dang// mi 'chi tshe la gnas pa thob// rgyal mtshan rtse mo'i tog bzhin du// mthong ba dag pa'i chos de nyid// bska par nub par ma gyur ro// de bzhin 'jug pa dag par gyis// mthong bas chos 'di yongs dag pas// ye shes sgron ma'i mig rnyed nas// bla med snying po can rnams kyis// lam rnyed lam du zhugs pa bzhin// de yang ji lta bu zhe na// bram ze kun ri bya ba zhig/ chos kyi mig ldan don mthong nas// gsang chen gzhung bzhin spyod pa la// bram ze kai ni bya ba zhig/ dad pas don gyi rjes su 'brengs// gsang chen 'dus pa'i tshogs mthong ba// chos kyi mig dang ldan 'gyur te// don gyi snying po mthong bar 'gyur// lhun grub rtsal chen rdzogs pa yi// rig 'dzin chen po'i sa nyid thob// de bzhin mthong bas dag par gyis// gzhan dag 'dir ni mngon spyod la// dga' ba'i yid kyis phyogs byed pa// de ni dngos dang 'dra ba ste// 'bras bu la yang mtho dman med// de yang ji lta bu zhe na// rgyal po dbang phyug 'od ldan zhes// bya ba'i rnal 'byor can zhig la// tshom bu bcu dang bcas pa'i 'khor// rig 'dzin spyod pa'i don la zhugs// sngags spyod 'bras bu cher thob ste// ngo mtshar cho 'phrul mang po dag/ thob pa kun tu grags par 'gyur// de la gzhan gyi sde pa yi// bram ze dge slob bya ba zhig/ shin tu dag pa'i sems bskyed nas// 'jug cing bslab par zhugs pa las// rgyal pos ma gnang gsang sgo bsdams// bram ze dad pa ma log par// 'byor pa'i yo byad ci yod rnams// rgyal po 'khor du phul nas kyang// rgyal po gnas pa'i yul phyogs su// yid kyi phyogs te smon lam btab// rtse gcig par ni smon lam btab// rjes su yi rang dam par ni// yid la byas pa'i bsod nams kyis// sgrub par byed pa'i rgyal po dang// sgrub dang mi ldan bram ze gnyis// 'bras bu mtho dman med par thob// 'di ni tshegs med don po che// thabs la mkhas pa'i rig 'dzin yin// de bzhin spyod pa gzhan dag la// dga' bas rjes su yi rang gis// dge ba spyad dang ma spyad gnyis// 'bras bu mnyam por thob par gyur// bsam yas bsam gyis mi khyab pa// rgyal rnams 'dir bslab 'dir mkhyen pas// srid gsum 'gro ba'i bshes gnyen du// kun gyi bdag por gyur pa yin// de yang ji ltar bu zhe na// sngon gyi bram ze gsal byin gyis// gsang chen 'di yi don bslabs nas// rang gi sems la goms byas nas// sems nyid bden pa'i don mthong ste// chos rnams kun la mkhas par 'gyur ro// kun gyi rtsa ba sems yin pas// sems las chos byung 'bum phrag yas// chos kyi rgyal por der gyur nas// sangs rgyas smra ba'i seng ge zhes// zhing khams kun tu grags par 'gyur// de bzhin bslab par dag par gyis// tshogs chen gcig gi bsod nams ni// skye la nyan thos bsam yas la// sbyin pa'i tshogs chen spel bas ni// 'bum gyi char yang mi phod do// ci phyir zhen gcig mnyes pas// rgyal ba thams cad mnyes pa yin// nam mkha' khyab pa'i rgyal ba dang// nyag gcig snang ba'i rgyal ba gnyis// so so ma yin tha mi dad// sku dang gsung thugs gcig las med// 'dul ba'i ngo gang khyad par las// bsam gyis mi khyab bstan par zad// de na khyad par de ltar snang// de yang ji lta bu zhe na// las rnams dag pa'i bram ze ni// dge ldan gsal ldan bya ba gnyis// dga' ba'i dad pa so sor skyes// gcig la gcig ni tha tshig byas// gcig gis nyan thos bsam yas la// mchod sbyin bya ba rgya cher byas// gcig gis tshogs mchod rgya cher byas// tshogs la spyod pa'i gsal ldan ni// 'di tshe gcig la mngon sangs rgyas// sbyin pa spel ba'i dge ldan ni// bskal pa grangs med gsum gyis grub// de bas gnas 'dir spyod pa dag/ rnal 'byor gsal ldan tshul bzhin spyod// 'di dag rtag tu su 'chang ba// rdo rje sems dpa' la sogs pa'i// che yon rtag tu ci 'dra bar// don gyi gzugs dang bcas par 'thob// de yang ji lta du zhe na// khyim bdag mes sbyin bya ba de// tshom bu brgya dang bcas pa zhig/ rgyun gyi rtag par 'di spyad pas// sangs rgyas rdo rje sems dpa' ni// 'khor dang bcas pa ci 'dra bar// skye ba de yis nges par thob// sku dang gsung thugs rdo rje yi// don du nges par sgrub pa'i tshogs// rtogs nas smra bar gang byed pa// goms dang brjod dang smos pa yis// chos kyi rgyal por de 'gyur zhing// yon tan spyi gtsug nyid du 'gyur// de yang ji lta bu zhe na/ drang srong rnal 'byor kal ya nas// drang srongs rnam pa mang po la// tshogs 'di yon tan rgya cher bsgrags// don rnams nges par bshad pa las// drang srong mang pos rig 'dzin thob// ston par byed pa'i kal ya na// gsang bdag chos kyi rgyal por gyur// 'on tang gsang ba'i don 'di dag/ snod dang ldan pa'i 'gro ba la// bstan tam bshad dam brjod par gyis// des ni yon tan chen po dang/ nga yi spobs pa 'thob par 'gyur// des na 'dus pa chen po'i tshogs// rgyal ba kun gyi thugs dam ni// rnal 'byor gsang ba'i tshogs 'di yin// rnal 'byor gang zhig blo ldan pas// skad cig tsam mam thang cig la// rgyal ba'i tshogs 'di rab bskrun na// rgyal ba sangs rgyas thams cad dang// rig 'dzin rnal 'byor mtha' dag dang// tha tshig zab mo skongs nas kyang// chos kyi mig ni thob par 'gyur// de ni tshogs spyad yon tan dang// log par spyad pa'i skyon rnams ni// sngon byung gleng gzhi bshad pa yin// zhes sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'das pa sngon byung gi le'u zhes bya ste bdun pa'o//// de nas bcom ldan 'das sems dpa'i rdo rje de bcom ldan 'das gsang ba mchog gi bdag po de'i zhal du shin tu re zhing bka' sdod pa'i tshul gyis lta zhing kun du brjid par 'khor gyis bskul ba'i sa la sta gon du gnas shing cang mi smra bar gyur tau// de nas 'khor phal po ches rnam par bskul bar rig nas rnal 'byor gyi phyag lus kun sa la brdabs nas a la la ho zhes bya ba'i sgra phyung nas mgrin gcig tu gsol ba btab pa// e ma rdo rje sems chen po// rang rig mkhyen pa'i ye shes 'bar// mgon po yon tan bsam las 'das// rgyal thob khyod la phyag 'tshal lo// e ma rang snang dbyer med sku?// rnam dag bsod nams mtshan gyis brgyan// dpe byad 'bru bkod blta mi ngoms// sku lnga'i mchog la phyag 'tshal lo// e ma rnam dag nam mkha'i dbyings// gcig gsung sna tshogs sgrar rig mkhyen// bsam 'das brjod med rdo rje'i gsung// gsung lnga'i mchog la phyag 'tshal lo// e ma gsang ba nam mkha'i thugs// mnyam nyid mi g.yo so sor gsal// kun rig snying po ye shes mchog/ thugs lnga'i mchog la phyag 'tshal lo// e ma mi mdzad mdzad pa che// ma chags chags bral 'dod chags mdzod// thams cad sgrol ba'i las chen po// phrin las mchog la phyag 'tshal lo// rgyal tshab khyod la gsol ba ni// byams mgon thugs rje'i byin brlabs kyis// sprul pa'i go tshags ru mnyam ste// 'khor ba'i skyas lings chen po la// sdug bsngal shin tu gsad pa'i phyir// thams cad dur khrod chen po ru// byin gyis brlabs pa'i las chen mdzod// a ho zhes gsol ba btab pa las/ sems dpa' rdo rje chen po des rnal 'byor pa'i phyag byas nas// bcom ldan 'das gsang ba mchog gi bdag po la zhus pa// a la la ho bde ba chen po'i mchog gsang ba kun gyi rgyal po/ yang gsang bla na med pa'i bdag nyid/'dus pa chen po'i tshogs rmad du byung ba'i tshig shin tu rtul phod pa gsol ba 'chal ba 'di shin tu ngo mtshar lags so// 'di dag 'dul ba'i dbang du dgongs te/ ji ltar 'tshal ba'i bsam pa rangs par mdzad du gsol zhes gsol ba btab pa las/bcom ldan 'das gsang ba mchog gi bdag po des kun du 'dul ba'i 'dus mkhyen nas bka' gsang rmad du byung ba'i 'khor gyis bskor ba dur khrod rgyan gyi rol pa las rmad du byung ba'i ting nge 'dzin la snyoms par zhugs so// snyoms par zhugs nas 'khor byin gyis rlob pa'i tshig 'di gsungs so// hU~M he he phaT/ hU~M hU~M bi shwa badzra kro d+ha dz+wa la maN+Dal la A ra li a li u li ta pa li tra~M s+t+wa~M/kha li ho/ na sha sta~M b+ha ya hU~M/ bru~M phu tsa kha hi phaT phaT ha la hU~M zhes gsungs so// 'jig rten drug gi phyogs bcu mtha' yas pa thams cad dur khrod kyi dkyil 'khor du gyur nas/g.yos/ rab tu g.yos/ shin tu rnam par 'thor ro// de nas bcom ldan 'das gsang ba mchog gi bdag po des sems dpa' rdo rje'i snying po la 'khor gzhan gyis yid tshod du mi 'gyur ba'i sku'i chos bstan pa ni sku kun du dur khrod kyi bdag po chen por bsgyur nas dur khrod kyi gnas brgyad dang// he ru ka'i gnas bcu dang// dpal gyi chas brgyad dang// dur khrod kyi rgyan chen po dgu dang/ don gyi rtags chen po bco brgyad dang// dur khrod kyi longs spyod sna tshogs pa bstan pas zhal 'dzum pa'i mdangs kyis gzigs pa las saims dpa' rdo rje des mkhyen te// bka' gsang dbang chen 'dis don du ni bshad/tshig tu bsgrags par rig nas 'dus pa'i tshogs la shin tu ldem dgongs kyi tshig tu smras pa// bka' gsang rmad byung chen po 'di sbas pas zab cing rtogs dka' ba// mtshon pas don 'byin mi shes pas// nyon mongs rang dga' spyod snyam pa'i// shin tu byis pa'i blo zhan pa'i// nges pa'i shes rab mig ldongs te// don gyi rtsal shugs chung ba yis// dga' bde'i longs spyod bskrun snyam nas// mtshan ma rang dgar spyad bsgrubs kyang// rang bzhin 'grub par mi 'gyur te// rgyud phung 'bras bu tshig gyur nas// myu gu brlag ste ga la 'byung// gtan tshig de bas 'di don dag/ rtsal zhan dag la bstan min zhes// gsang bdag rgyal po kun gsung na// ci khyod rnams kyis mi shes sam// zhes rnam par smras pa las// 'dus pa'i tshogs kyis slar gsol pa// e ma'o sems dpa' chen po de lta bu'i rgyu tshig chen po dag 'khor gyi dkyil 'khor gyi nang dam pa 'dir gsung ngam/'on te mi spyod dam cang ma lags grang/ ci blang dor mdzad dam/ e ma snod du ma gyur pa ni gang mchis/ thams cad byang chub kyi snying po can lags na/thong kun rab tu thong/ rnam par rab tu gsungs/ 'gag pa mi mnga' mi 'gog gsungs// ci phyir mi gsung thogs med sras// rgyal ba'i sras po dus 'di lags// gsang ba'i snying po snod 'di lags// bka' gsang dkyil 'khor gnas 'di lags// gsang ba'i dur khrod tshul 'di lags// snying rje zher sems khyaud la 'dud// gsang ba yang gsang khyod la 'dud// gsang ba ye gsang khyod la 'dud// dkyil 'khor rgyal po khyod la 'dud// 'khor lo snying po khyod la 'dud// gsang chen snying po tshul ci lags// bka' gsang dkyil 'khor thabs ci lags// 'bras bu bde ba'i don ci lags/[ ]ma 'ongs pa yi rnal 'byor dag/bsgrubs na dang len 'tshal ba yi// rig par 'gyur ba'i thabs ci lags// 'byung chen rgyal pos bshad du gsol// zhes gsol ba btab pa las// sems dpa' rdo rje dam pa de shin tu bzhad pa chen pos rnam par bzhad de// a a he he'i gad rgyangs bsgrags pas 'khor thams cad kyang gad rgyangs gyi sgra chen po sgrogs par mdzad de// dgyes pa'i 'od zer las shes rab kyi dpal de dgyes pa'i rol mo sna tshogs ling long phyad par byung ngo// de nas sems dpa'i rdo rje dam pa de lus kun bsrang ste/ dur khrod kyi chas sna tshogs bsar zhing rtags bco brgyad 'bar bar byas nas brjid pa'i gsung gis gsang sngags rgya mtsho dang/rnam grangs sna tshogs don gyi bsgrub pa rtags kyi rol pa gsang ba'i dkyil 'khor chen po 'di dag bshad do// gcig tu yang dag nges grub pa'i// don la rton byed rnal 'byor rnams// thogs med nyid du 'grub 'dod pa// ji ltar btso blag mkhan dag gis// ras dkar sbyangs pas tshon 'jen ltar// rnal 'byor las rnams dang por ni// skongs dang sbyong ba'i las rnams gces// zab mor 'jug pa'i sngon logs nas// sems nyid gting nas tshar gcad phyir// theg pa dman pa'i skye bo dang// lhan cig ci la'ang mi brnal lo// de las gyur pa'i yo byad dag/ rus sbal mgo la 'ongs pa dag/shin tu 'khrugs pa'i sems chen gyis// rgya mtshos bshugs te spang bar bya// gal te gang zag dbang gis na// nyams pa'i chad par byung ba na/ mgon tshun chos nyid chu phab nas// skong zlog cho ga rgya cher bya// sgrub rtsom sngon nam yang sngon nam// zhag grangs dag gi sngon logs nas// sdig sbyangs byang chub sems bskyed de// dge ba'i don la 'dun par bya// slong mo dang slong la dga' ba// slong la 'tsho ba'i tshe spyod rnams// sde dang tshan dang grar byas te/ snying rje lud pa'i zhing du bya// sman dang 'bru dang rtsi rnams dang// bcud kyi mchog tu gyur pa dag/ btags sam phye mar sbyar nas kyang// klung ngam chu klung mtsho chen du// dor te chags med spyin par bya// dge ba'i yon bdag dang blangs te// nad gso shes slob spyod sgom grwa// gtsugs te bsti gnas mchog bya zhing// dus kyi 'khor lo'i mchod chen bya// gsung sgra rgya mtsho sgrogs pa yi// glegs bam zab mo kun bsten te// brjod dang bsnyen bkur bsti gnas kyis// rgya chen yangs pa'i las rnams bya// ye shes tshogs rnams rdzogs bya'i phyir// shes rab tshogs kyi sbyin mchog dag/bstan tam glegs bam la sogs pa'i// blo mchog ldan pa rnams la sbyin// bsgom dang goms par bya ba yis// kun gzhi dag par bya ba'i phyir// ting 'dzin bye ba mang po la// blo mchog yid kyi rtsal de spyad// chos kyi 'khor lo rab bskor te// rgyud sbyang lhag pa'i shes rab blta// sho gam srang dang sho gam lam// mi bde'i gnod pa kun gsal te// tshad med snying rje'i 'khor lo bskor// sbyin pa'i 'khor lo rgyun mi gcad// chu 'am sa'am nam mkha' 'am// me 'am de bzhin rlung rnams la// sku gdung spel mchod ring bsrel rnams/ brtsam pa'i las chen 'khor lo bya// mtshan med zlog par byed pa yi// lus sems rgyud la rdul rlags te// 'phags pa'i spyin tshogs pho brang du// rdul snyed lus kyis mchod sems bshags// rgyal mnyes las ni gyis shig pa// thams chen sbyong pa'i las chen las// rnam bzhi me yi las mchog bya// des ni mtshams med zlog pa yin// thugs rje 'byung ba'i 'khor lo dag/ gang ltar goms ltar 'bad rtsol bya// bstan pa skyong ba'i tshogs rnams la// sbyin mchod spel ba'i las rnams bya// de la sogs pa'i dge ba'i tshogs// don du mi 'gyur kun spangs la// nan tan tshogs kyi dpung chen bskyed// 'di ltar las chen ltang sogs pa// gzhan du bskyed pa ma yin te/ rtse gcig don ldan rnal 'byor pa// rgyud ldan snod ldan bya phyir dang// gal te rtsal zhan ma grub na// dge bsags ltang chen kun bsdoms te// las kyi bsags pa don bgrangs shing// gdung ba'i shugs phyung rtsal sprugs nas// nyi shar chu klung zla brnyan ltar// rang bzhin shugs kyis 'grub par gces// de phyir phra mo yan chad kyang// bdag gi don du 'gyur bar bya// de ltar spyad pa spyod yi// phra mo'i rnal 'byor blo 'phel ba// chung ngu chung sogs mthar zang nas// skong pa'i rnal 'byor 'khor lo yis// zhig dang ral dang chags 'dres dag/ bskang gso gzhug pa'i las 'di bya// las chen skong pa'i khyad par gyis// gnas su brtag par nges med de// mi sdug skyon can bkra mi shis// spangs te med par gyur pa yi// shin tu sar pa'i gnas chen dag/ bskang pa'i gnas su de 'gyur ro// de ltar yid 'ong gnas btsal nas// drod ldan bla ma spyan drangs te// sri zhu rgyal chos spyi bor bkur// de yang dmigs kyis zhu ba dag/ maN+Dal khar bsil tsam dag la// me long snying por ltar byas te// gtsang ma'i rgyu las rdzas byas pa// yid 'ong rnam lnga'i mchod pa la// rkyen gyi rnal 'byor sna tshogs kyis// brgyan te bklubs pa'i sprin phung rnams// mnyes nas skong phyir rgyal la dbul// phyi 'khor skyong pa'i mgon po la// 'dod yon lnga la sogs pa yi// yid bzhin longs spyod rkyen dang bcas// yon tan cha las smon bcol mchod// mnyes nas skongs pa'i stongs su 'gyur// khams gsum snying rje'i gnas rnams la// yo byad sbyin tshogs chen po las// 'dod pa'i bsam pa rangs byas na// mgu bas skongs ba'i stongs su 'gyur/ bgegs su gyur pa'i gegs ris kyang// mnyam pa'i don gyis sems mi dbyung// dmigs kyis kha zas sna tshogs las// bgegs rnams mgu na thams cad kyang// mnyam pa'i don gyis skongs pa'i rgyur// cung zad tsam du snang ba yin// de ltar skongs pa'i las rnams kyis// bskang bar bya ba'i dmigs rnams ni// rnam pa lngar ni snang ba ste// kun du nyams pa chen po dang// rtsa ba nyams dang yan lag nyams// de bzhin zlas nyams zhar nyams lnga// bskang ba'i thabs kyang lnga yod de// spyad pa'i las kyis bskang ba dang// rdzas dang don dang ting 'dzin dang// man ngag gsang ba'i thabs chen no// de dag la yang lnga lnga ste// spyod pa'i tshul gyis bskang ba la// rnam par lnga ru bshad par bya// dang po 'bum lnga khri gsum ste// rtsa nyams khri lnga stong gsum mo// yan lag nyams par gyur pa la// stong lnga brgya gsum thon par bya// bzlas nyams brgya lnga bcu gsum mo// zhar gyis nyams par gyur pa la// bcu lnga gcig gsum dag gis skongs// rdzas kyis bskang ba'i thams mchog ni// gal te bsrung ba 'ga' zhig las// byang chub tsha thig ral gyur na/ gti mug rigs kyi tha tshig bskang// dmangs rigs bla ma spyan drangs la// nyes 'gal mi bcab stong du bshags// gser la sogs pa'i rdzas chen gyis// tha tshig gang brlag nor des blu// byang chub sems bskyed rgyud sbyang mnyan// rdo rje tha tshig ral gyur na// zhes sdang rigs kyi tha tshig bskang// rje'u rigs bla ma spyan drangs te// nyes byas mi bcab 'bum du bshags// shel la sogs pa'i rdzas chen gyis// tha tshig gang brlag nor des blu// bsam gtan ting 'dzin bsgom brtson bya// rin chen tha tshig nyams gyur na/ nga rgyal rigs kyi tha tshig bskang// rgyal rigs bla ma spyan drangs te// nyes byas mi bcab brgyad khrir bshags// baiDUr la sogs rdzas chen gyis// tha tshig gang brlag nor des blu// sku gdung ring bsrel rnam par spel// pad+ma'i tha tshig ral gyur na// 'dod chags rigs kyi tha tshig bskang// gdol rigs bla ma spyan drangs la// nyes byas mi bcab brgyar bshags bya// byi ru la sogs rdzas chen gyis// tha tshig gang brlag nor des blu// bshad bya zab mo'i glegs bam brjod// las kyi tha tshig ral gyur na// phra dog rigs kyi tha tshig bskang// bram ze rigs bshes spyan drangs la// nyes byas mi bcab bcu lngar bshags// in+d+ra la sogs rdzas rnams kyis// tha tshig gang brlag nor des blu// mchod sbyin bsod nams las chen bya// des ni bskang ba'i las chen 'grub// don gyis bskang ba'i thabs mchog kyang// rnam lnga'i tshul du bshad par bya// chos kun nam mkhar bsgoms nas kyang// bag chags bzang ngan thams cad kun// ci yang med par blo la bzhag/ de la goms byas nyes pa med// kun la mkhas pa'i bla ma la// rgya che yangs pa'i chos mnyan te// bsam pa'i las rnams rgya cher bya// yid kyis dmigs pa'i las dag na// rtsa ba nyams pa skong bar 'gyur// gal te yan lag nyams gyur na// chos nyid nam mkha'i don ston pa'i// glegs bam zab mo kun brtags te// don rnams rgya cher brtag par bya// de ni yan lag nyams pa med// bzlas na tha tshig nyams gyur na// bla ma skyes bu mkhas pa la// gzhung chen tshugs pa'i bstan pa zhig/ ston pa'i yon bdag gnyer blangs te// blo yi rtsal can kun bsdus te// dam chos bdud rtsi bstan par bsgrags// gal te zhar gyis nyams gyur na// bstan pa'i glegs bam rgya chen rnams// bris nas chos kyi sbyin par bya/ des ni zhar nyams skongs par 'gyur// ting 'dzin rtsal gyi thabs mchog ni// bag chags can gyi spyi gtsug tu// rtsa dmar 'od ni me long tsam// shin tu 'bar zhing 'char gsal bas// chags dang bcas pa'i phung po bsregs// rnam grol sems kyi rang bzhin dang// 'od kyi rang bzhin gcig pa las// dkar dang dmar dang mthing ga yi// 'od kyi thig le gsum du 'gyur// dkar por spros pas khyab pa che// dmar por spros pas chags pa che// mthing ga thugs kyi sa bon te// rnam gsum gcig tu 'dus pa las// ngag yid gsum gyi bag chags bsregs// sku gsung thugs kyi dam tshig skongs// dkar po rlung zla'i dkyil 'khor la// dmar po 'bud pa'i rlung byung bas// mtshan ma'i bag chags rnam par gtor// dmar po chu zla'i dkyil 'khor las// mthong ga ye shes chu byung bas// dngos po'i ljan ljin thams cadabakrus// de ltar gsal bar gyur pa dang// rnal 'byor can gyis tshig 'di brjod// rdzas bsreg pa la me dgos kyang ma// bag chags tshig la me mi dgos// rig pa ye shes me byung bas// mtshan ma yi ni bud shing bsregs// 'jig rten gtor la rlung dgos kyang// mtshan ma gtor la rlung mi dgos// rig pa'i ye shes rlung byung bas// mtshan ma'i rdul tshogs rnam par 'phyag/ lus bkru ba la chu dgos kyang// sems bkru ba la chu mi dgos// mnyam nyid chu bo khrus kyi rdzing// ye shes chu bo'i rgyun byung bas// bag chags ljan ljin thams cad bkrus// oM kro d+hi shwa ri sarba pA pa~M sho d+ha ya oM AHhU~M:ra~M ya~M kha~M/ de skad tshig tu brjod pa yis// nyams pa'i chad pa mi 'byung ngo// gcig tu bskang pa'i las chen yang// rigs kyi rdzas dang yo byad rnams// gnas su bsags nas byin brlabs te// phyi nang mtshams bcad brtan byas nas// so so rigs kyi dam tshig la// 'gal bar gyur pa gang dang gang// mchod dang bshags dang gnong bkur te// yan lag brgyad kyi tshul bzung nas// bsam gtan gnas sbyangs rdzas bsab pa// gti mug rigs kyi dam tshig la// shes nas rtogs par bya rgya las// ma rig log pa'i mthu yis na// tha tshig drag po yal gyu na// pho brang nam mkha'i ling+ga la// zla ba'i dkyil 'khor dbus gnas par// a yi rang bzhin 'od gsal bar// gsal 'phro 'khrug par gyur pa na// phaT kyis drag tu brdabs pa yis// 'od 'dril bskal pa'i mkha' gsal bas// gti mug ri bo'i mun bsal te// byang chub myu gu 'bar bar 'gyur// de ltar gsal bar gyur pa dang// rnal 'byor can gyis tshig 'di brjod// e ma'o bder gshegs tha tshig las// byang chub sems bde gsal 'bar ba// don du mi gtong gzhi bskyed de// sangs rgyas gdung chen rgyun snyam las// ji ltar zla ba ra ri ltar// rgyu las byung ba'i rang bzhin las// byang chub myu gu nub ma khad// gzugs kyi phung po'i zhing khams su// bde mchog mkha' mnyam dbyings chen gsal// gnyen pos 'joms pa'i thabs chen las// bskang ngo bskal pa'i thugs dam bskang// gsang ba don gyi rdzas mchog 'dis// byang chub bskal pa'i thugs dam rnams// skongs 'gyur bsam pa'i don du sbyar// sarba ta thA ga ta pu ta sa ma ya ho// de skad tshig tu brjod nas kyang// spyi bo brda'i tshul phyag rgya sbyar// zhe sdang rigs kyi tha tshig las// pho brang rnam shes ling+ga la// rdo rje bum pa'i dbus gnas par// hU~M gi rang bzhin 'od gsal 'bar// gsal 'phro 'khrug par gyur pa na// phaT kyis drag tu brdabs pa yis// 'od 'dril rdo rje'i phal lam gyis// zhes sdang ri bo brlags nas kyang// shes rab me long 'od gsal 'bar// de ltar gsal bar gyur pa na// rnal 'byor can gyis tshig 'di brjod// e ma'o rdo rje tha tshig rnams// sems chen ye shes gsal 'bar ba// thugs mchog gdung chen rgyud snyam las// ji ltar ral gri so rgal ltar// de las gyur pa'i rang bzhin las// shes rab me long nub ma khad// rnam shes phung po'i zhing khams su// gsal 'bar ye shes thig le 'phro// gnyen pos 'joms pa'i thabs chen gyis// bskang ngo bskal pa'i thugs dam bskang// gsang ba don gyi rdzas mchog 'dis// thugs mchog bskal pa'i thugs dam bskang// skongs gyur bsam pa'i don du sbyang// oM sarba ta thA ga ta sa ma ya ho// de skad tshig tu brjod nas kyang// snying gi brda yi tshul phyag sbyar// nga rgyal rigs kyi dam tshig las// snyoms nas dang du blang rgyu las// log pa'i nga rgyal de ma choms// tha tshig drag po yal 'gyur na// pho brang skye rgyu'i ling+ga'i dkyil// rin chen 'bar ba'i dbus gnas par// swa yi rang bzhin 'od gsal 'bar// gsal 'phro 'khrug par gyur pa na/ phaT kyis drag tu brdabs pa las// 'od 'dril rin chen 'khor lo yis// nga rgyal de'u chen brlag 'gyur nas// bsod nams ljon shing me tog 'bar// de ltar gsal bar gyur pa na// rnal 'byor can gyis tshig 'di brjod// e ma rin chen tha tshig las// bsod nams yon tan 'od 'bar ba// don du mi gtong gzhi bskyed de// rgyu mchog gdung chen rgyud mnyam las// ji ltar mkha' la 'khrigs 'thibs ltar// rgyu las gyur pa'i rang bzhin gyis// me tog 'od mdzes yal ma khad// tshor ba'i phung po'i zhing khams su// che ba'i ye shes mnyam 'bar bas// gnyen pos 'joms pa'i thabs chen las// bskang ngo bskal pa'i thugs dam bskang// gsang ba don gyi rdzas mchog 'dis// sku mchog bskal pa'i thugs dam bskang/ skongs gyur bsam pa'i don du sbyang// oM sarba ta thA ga ta rat+na sa ma ya ho// de skad tshig tu brjod nas kyang// 'phral ba brda yi tshul phyag sbyar// 'dod chags rigs kyi dam tshig las// rtogs nas spyad par bya rgyu las// 'dod log rgya mtsho ma ngoms te// tha tshig drag po yal 'gyur nas// pho brang pad+ma'i ling+ga'i dkyil// pad+mo 'bar ba'i dbus gnas par// oM gyi rang bzhin 'od gsal 'bar// gsal 'phro 'khrug par gyur pa na// phaT kyis drag tu brdabs pa las// 'od 'dril pad+ma'o mtshon cha las// 'dod chags rgya mtsho bskams gyur nas// pad+ma chos kyi ye shes 'bar// de ltar gsal bar gyur pa na// rnal 'byor can gyis tshig 'di brjod// e ma'i pad+mo'i tha tshig las// pad+ma'i ye shes 'od 'bar bas// don du mi gtong gzhi bskyed de// gsung mchog gdung chen rgyud mnyam nas// ji ltar pad stong tsher ma ltar// rgyu las gyur pa'i rang bzhin gyis// pad+mo'i ye shes nub ma khad// 'du shes phung po'i zhing khams su// rtogs pa'i chos nyid 'od 'phros pas// gnyen pos 'joms pa'i thabs chen las// bskang ngo bskal pa'i thugs dam bskang// gsang ba don gyi rdzas mchog 'dis// gsung mchog bskal pa'i thugs dam rnams// skongs gyur bsam pa'i don du sbyang// oM sarba ta thA ga ta d+harma sa ma ya ho// de skad tshig tu brjod nas kyang// lce yi brda yi tshul phyag sbyar// phrag dog rig kyi dam tshig las// rtogs nas spyad par bya rgyu las// phrag dog log bzung dbang gis na// tha tshig drag po yal 'gyur ba// pho brang gsang ba'i ling+ga'i dkyil// rdo rje ral gri dbus gnas par/ ha yi rang bzhin 'od gsal 'bar// gsal 'phro 'khrug par gyur pa na/ phaT kyis drag tu brdabs pa las// 'od 'dril rdo rje'i ral gri yis// phrag dog mtshon chags gsibs gyur nas/rdo rje ral gri ye shes 'bar// de ltar gsal bar gyur pa na// rnal 'byor can gyis tshig 'di brjod// e ma'o phrin las tha tshig las// rdo rje ral gri 'od 'bar bas// don du mi gtong gzhi bskyed de// phrin las gdung chen rgyud mnyam las// ji ltar nyi gsal sprin bsgribs ltar// rgyu las gyur pa'i rang bzhin gyis// rdo rje 'od chen nub ma khad// 'du bye phung po'i zhing khams su// ye shes mtshon cha'i 'od 'phros pas// gnyen pos 'joms pa'i thabs chen las// bskang ngo bskal pa'i thugs dam bskang// gsang ba don gyi rdzas mchog 'dis// phrin las bskal pa'i thugs dam rnams// skong gyur bsam pa'i don du sbyang// oM sarba ta thA ga ta karma sa ma ya ho// de skad tshig tu brjod nas kyang// lus kyi brda yi tshul phyag sbyar// des kyang skong pa'i las chen 'grub// man ngag thabs kyi don mchog ni// rtsa ba yan lag de rnams las// gang dag nyams par gyur pa la// man ngag thabs mchog lnga yis bskang// nyams pa chen por ltung 'gyur na// bla mar gyur pa'i skyes bu dag/ rgyal po dgu yi spyan lam du// sgrub pa chen po dgu brtsam zhing// mchog chen dgu yi brtul zhugs spyad// rang gi gzungs ma gang yin pa// bla ma dgu la gzungs mar dbul// de bzhin rtsa ba yan lag dang// zla dang zhar las nyams pa la// sgrub pa don gyi khyad par rnams// bdun nam lnga'am gsum mam gcig/ rim pa bzhin du sbyar byas na// des ni skongs pa'i mchog tu 'gyur// bskang ba'i yul yang rnam lnga ste// bder gshegs rgyal ba mtha' dag kyang// mdo ru bsdu na rnam lnga ste// gti mug zhes sdang nga rgyal dang// 'dod chags phrag dog 'di lnga dag/ rtsa bar gyur pa'i don gyis na// gzhi yang thams cad 'dis bsgyur bas// nyams dang ma nyams tha tshig dang/longs spyod spong len thams cad rnams// 'di rgyu yin par rig bya ste// rgyu nyid rgyur btags dbang gis ni// bsgyur bas dug 'gyur sman chen ltar// de nyid tha tshig btsan por bsgyur// 'dul ba'i dbang gi khyad par gyis// de bzhin rdo rje rin chen dang// pad+mo las lnga'i rigs su 'dus// de dag thugs dam mchog nyid kyang// rnam lngar 'dus par bstan pa la// rtogs nas bsrung bsgrub dam bcas pa/so so 'gal zhing chag nyams na// so so nyid du bsab par bya// sku yi chags nyams gnas su gzhug/ gsung gi 'gal 'khrul so ru bsab// thugs kyi 'gal 'khrul gsor med de// rdo rje snying po'i tha tshig la// bskangs pas skongs par gyur pa yi// rtags chen dag kyang 'di lta ste// rgyal ba sangs rgyas rig 'dzin gyi// gdung chen dag las byung ba yi// sha ri ram zhes bya ba de// thams cad ltas su ston par byed// shel gyi za ma tog nang du// dag par bcug ste btsas pa las// nyams pa'i chad pa 'byung ba'i tshe// kha dog gnag cing 'bros par 'gyur// nyams pa skongs sam sor chud cing// gal te dam tshig ma nyams na/kha dog dkar zhing 'tsher bar 'gyur// legs pa'i yon tan 'byung ba'i tshe// grangs mang rgya cher 'phel bar 'gyur// gal te gnag gam mi gsal na// smyur te bsgrims nas bskor bzlog bya/ 'on tang nyams pa mi phog cing// de dag so ru gso ba na// rtags chen 'di ni bsten bya ste// 'di dag shin tu brtags nas ni// dkar la 'tsher bar gyur pa na// rtsa ba yan lag nyams pa rnams// skongs te sor chud rtags yin no// des na rnam 'byor las kyi gtsor// sbyong dang skong ba'i las rnams bya// bcom ldan 'das sems dpa'i rdo rjes de skad ces gsungs pa dang/ 'khor der 'dus par gyur pa'i bdud kyi sde pa las lha'i rigs su gyur pa sangs rgyas kyi 'khor 'phags pa'i rigs 'dzin pa nyon mongs pa'i lnga'i bdag po lha chen po lnga la sogs pa bka'i snod du rung bar byin gyis brlabs te 'khod pa las/'dod chags thams cad kyi gtso bo rdo rje bram ze thod pa can zhes bya ba la sogs pas 'di skad ces gsol to// bcom ldan 'das kyi bka' ltar ma bgyis na ma dad ma mgus 'gal 'khrul du gyur pa'i chad pa'i skyes gnas dang rnam par smin pa ji ltar 'gyur/bdag cag rnams la rgya cher bshad du gsol zhes zhus pa las/ bcom ldan 'das sems dpa'i rdo rjes bka' stsal pa/ 'dod chags kyi bdag po la sogs pa rnams dam tshig nyams pa'i chad pa'i skye gnas 'dri ba legs kyis yid tshim par byed pa bshad kyis nyon cigartsa ba yan lag 'di dag las// gal te zhig gam nyams gyur na// rnal 'byor las kyi dang po las// lung gi gsang sgor zhugs pa'i tshe// don dang ldan pa'i bla ma yis// rdo rje tha tshig byin brlabs nas// lce la dam tshig chu bzhag pa// dmyal ba rdo rjer dmod btsugs nas// yi ge hU~M du byas pa de// snying gi dkyil du thim nas kyang// lcags kyi sdig pa mgo dgu pa'i// khro bo rak+Sha zhes bya ba'i// khrag 'thung chen por gyur nas ni// snying khrag bzhibs te 'thungs nas ni// sdug bsngal chen por bsad nas kyang// dmyar ba rdo rjer de ltung 'gyur// gal te tha tshig ma nyams la// lce la bzhag pa ar+g+ha ste// snying gi dkyil du thim nas kyang// ye shes sems dpa' tshon gang bar// gyur te sgrib pa kun sbyangs nas// sangs rgyas sras su skyed par byed// 'dod chags dam tshig nyams gyur na// mngal gyi grong khyer chen por 'gro// zhes sdang dam tshig nyams gyur na// rak+Sha srin po'i rigs su 'gro// gti mug dam tshig nyams gyur na// mi gtsang zas su za ba yi// rmongs pa'i phag chen lus su ltung// nga rgyal dam tshig nyams gyur na// rus sbas nag po'i lus su ltung// phrag dog dam tshig nyams gyur na// chu srin mgo dgu'i lus su ltung// dam tshig chen po kun nyams na// ru dra nag po'i lus su ltung// las kyi rkyen dang ma phrad na// thar pa'i skabs ni mi srid do// sems dpa'i rdo rjes de skad ces gsungs so// nyon mongs pa lnga'i bdag po rig 'dzin rnams kyis shin tu cho nge chen po 'byin cing dus der e ma'o bcom ldan 'das bcom ldan 'das kyis gsungs pa ltar na bdag la ltung rgyu mchis te/dang po bcom ldan 'das kyi bka' la btags pa'i tshe/bka' la ma dad ma gus pas bka' la skur cing spyas long btags pa dang/ ston pa dang grogs la smad cing spyas long btags pa la sogs pa ltung ba'i rgyu mang po bgyis pas// da ni bdag kyang chad pa'i skye gnas su mchi bar nges na// bcom ldan 'das kyi thugs rje chen pos bzung ste bka'i 'khor du bkod pas nga ni thar pa thob lags grang// lon kyang 'gyod pa drag po'i dbang gis yid kyi sgrib pa ni byang chub sems kyis bshags// ngag gi sgrib pa ni tshig tu 'don cing smres te bshags/ lus kyi sgrib pa ni lus gdan khri la phul te bshags na/ bcom ldan 'das kyi thugs rjes bzung 'tshal na gnyen po ni gang lags/thabs ni ji ltar bshags/ yul ni gang la bshags/ rgyu ni gang mchis bcom ldan 'das kyis bshad du gsol/ bde bar gshegs pa thugs rjes bskyab tu gsol// bcom ldan 'das kyis bka' stsal pa// rig 'dzin chen po mi thod can rnams nyon cig/ ltung bar gyur pa'i gnas rnam la 'gyod par gyur nas zhus pa legs so// ltung ba'i gnyen po ni gang zhe na/ nyes byas rnams bshags par 'dod na gang 'gyod pa drag po skyes nas ba spu ni gzings mchis ma 'byin pa yin no// thabs ni rnam pa bzhi yod de/ gang zhe na/ shes rab chen po'i rgyud kyi bag chags thams cad rang bzhin med par shes pa dang/ting nge 'dzin chen po'i mes bag chags thams cad bsregs te med par bya ba dang/ byang chub sems kyi 'od zer gyis bag chags kyi mun nag thams cad bsal te de dag dag par bya ba dang/spyod pa rlabs po che'i chus bkru ba'o// de la bshags par bya ba'i yul ni 'di lta ste/ sangs rgyas dang/ rig 'dzin dang/ lha dang/ bla ma dang/ glegs bam dang/ grogs po dang/ rten du gyur pa rnams so// bshags par bya ba'i rgyu ni 'di lta ste/ sgrib pa che chung bshags pa'o// nyon mongs pa rags pa mngon du gyur ba bshags pa dang/ bag la nyan dang shes bya'i sgrib pa bshags pa'o// de'i phyir ltung bar gyur pa'i las rnams 'gyod pa drag pos bsten la thabs la mkhas pas dpyad de// sgrib pa che chung cha shas kyis phye la gus par bshags pa gyis shigade skad ces bka' stsal pa dang/ rig 'dzin chen po mi'i thod pa can rnams mgu zhing rangs te rnal 'byor sbyor ba'i phyag byas nas/'gyod cing gdug ba'i glu 'di blangs so/ oM ye shes sku mchog rang bzhin dkyil 'khor ni// zla rgyas bzhin du spros pa mi mnga' yang// thugs rje nyi gsal 'od bzhin snyoms mdzad lha// bder gshegs gzhugs shing bdag la dgongs su gsol// brjod med shes rab mi g.yo chos mchog dbyings// bde chen longs spyod rdzogs sku rigs lnga'i gtso// thugs rje thabs mkhas rgya chen ro pa yi// cho 'phrul sprul pa'i tshogs la phyag 'tshal lo// dngos su 'byor dang yid kyis sprul pa yi// kun tu bzang po bla med mchod sprin gyis// mkha' dbyings rnam dag rgya chen yongs bkang nas// phyi nang gsang ba'i mchod pa rgya cher mchod// kun du bzang mo yum gyi b+ha ga la// 'du 'bral med pa'i ngang du ro gcig pa'i// gnyis med byang chub sems kyis mnyes gyur cig/sems kyi rang bzhin chos dbyings nam mkha' che// chos nyid rnam dag rgya che 'od gsal bas// rnal 'byor nyid dbyings smra bsam las 'das pas// mnyam nyid byang chub sems la rtag tu 'dud// kun bzang rdzogs chen ye nas bdal ba la// phyi nang gsang ba'i dkyil 'khor bkod pa ni// snang srid rnam dag kun bzang yum gyi dbyings// 'byung dang 'byung 'gyur yab yum lhun rdzogs rnams// gsang chen rab rdzogs gzungs chen bdag nyid ma// gnyis med thig le chen por 'od gsal ba// cir yang snang bas bde chen g.yung drung lha/ 'du 'bral med pa gsang ba'i dkyil 'khor ni// bdag nyid chen po bcom ldan yab yum dang// byang chub lcam dral khro bo khro mo'i tshogs// rdo rje lha mo tshogs rje tshogs kyi bdag/ ma ltar byams shing sring ltar gdung la sogs// nyes legs ltar 'dzin dam tshig rjes gcod ma// dbang gyur rdo rje dam can dgongs su gsol// thugs rjes gdung 'tshob rdo rje thod pa can// bdag cag dregs pa'i bdag po 'dir tshogs kun// 'gro ba'i don phyir byang chub sems bskyed de// bla med go 'phang 'thob par bya ba'i phyir// bstan pa rgya mtsho so so'i 'dul khrims dang// sku gsung thugs dang mnyam sbyor sdom pa'i mchog/ 'da' dka' rdo rje dam tshig gtan gyi gnyer// spyi dang lhag pa'i khyad par dam tshig rnams// snga phyi mnos shing gnyer du rma'o 'tshal// don las gol zhing ldog sems ma mchis kyang// gdod bya long yod snyam pa'i le lo dang// klong du gyur pa'i rtsal shug chung ba yis// shes bzhin ma ldan dam tshig 'gal 'gyur te// dang po'i tha tshig bka' la btags pa'i tshe// bka' la ma gus gal bgyis dpyas long btogs// bar du bslab pa'i gnyer chen phog pa'i tshe// bslab la mi brtson don la g.yel ba dang// tha ma 'di tshe 'bras bu sgrub pa na// bka' dang gzhung bzhin ma lcogs don las 'gal// tshor dang ma tshor sgrib pa che chung rnams// shin tu mi shes ma rig dbang gis na// ston pa'i bka' dang dam las 'gal bgyis pa// dpa' bo thugs rjes bdag la bzod par gsol// 'khor ba thog ma med pa'i dus mtha' nas// las kyi dbang gis bdag cag ring du 'khyams// nyon mongs log par lta ba'i dug 'thungs te// sdug bsngal nad kyis shin tu gdungs pa la// bde gshegs thugs rjes sman pa'i rgyal po yis// dam tshig bdud rtsi thar ba'i sman stsal bas// nyon mongs 'khrul pa'i nad rnams zhi mdzad cing// bla med byang chub snying por 'tsho mdzad pa// byams mgon thugs rje'i bdag la skyabs su mchi// zhes ngus nas/ a la la ho zhes brjod de gnyen po drag por bsten nas lus gdan khri phul te/ byang chub sems kyis rnam par 'dud pa'i don la rnam par sbyangs pas lus gcer bu zang mar phyung/gnod pa drag po'i 'gyod pa byas pas bde bar gshegs pa rnams mnyes par gyur to// des sbrib pa byang zhing bsod nams kyi tshogs rdzogs pa'i rtags lus gos dang phral nas ldan pa'i thod pa yang zla ba tshes brgyad par gyur to// sa thob pa'i rtags su de bzhin gshegs pa'i zhabs rten du gnas par gyur to// de nas sems dpa'i rdo rje de dgyes te bka' stsal pa/mi'i thod pa can rnams 'gyod pa'i las kyis bshags pa legs te/ nyon mongs pa'i sgrib pa rnam par dag par gyur to// da ni shes bya'i sgrib pa dag cing ye shes kyi tshogs rdzogs par bya ba'i phyir nyan pa'i dbang pos sangs rgyas kyis gsung la gsang sngags kyi sgra rnams nyon cig/des ni sa nas sar 'phar zhing 'bras bu yongs su rdzogs par 'gyur ro// de skad ces gsungs pas 'khor bsam pa rangs par gyur to// rgyud kyi rgyal po rdo rje bkod pa kun 'dus rig pa'i mdo las skong ba las bsgrub lugs kyi le'u ste brgyad pa'o//// de nas bcom ldan 'das gsang ba mchog nyid ting nge 'dzin rgyas shing rnam par 'phrul ba zhes bya ba'i ting nge 'dzin la snyoms par zhugs so// sems dpa' rdo rje'i snying po yang ting nge 'dzin rnam par 'phrul pa zhes bya ba la snyoms par zhugs so// 'dus pa'i 'khor rnams kyang sna tshogs 'phrul pa zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor gyis chos thams cad ci yang med par mthong ngo// chos thams cad ci yang med par gsal bar gyur pa dang/chos nyid stong pa'i nam mkha' las brag ca'i tshul du sgra 'di byung ngo// mi gnas mi rtog bsam dang bral// ma chags chags bral yul las 'das// ci yang mi 'byung cir ma yin// rang byung rang zhi brjod dang bral// zhes sgra byung bas ston pa ni don gyi che ba phyung// 'khor rnams ni rtsal sbyangs/ thams cad don la ngam zhing chos nyid kyi nam mkha' mthong ngo// de nas bcom ldan 'das gsang ba mchog gi bdag po nyid snying rje rgyun gyi ting nge 'dzin zhes bya ba la snyoms par zhugs so// de nas chos nyid kyi nam mkha' la snying rje byang chub sems kyi gzugs brnyan nyi ma'i dkyil 'khor zhig shar bar gyur to// de nas 'dus pa phal mo che'i 'khor rnams yang dag par rtog pa 'di ltar skyes te// e ma chos thams cad kyi rang bzhin 'di ltar yin pa las 'di ltar ma shes pa'i 'gro ba rnams 'khor ba'i rgya mtshor bying ba 'di yang snying rje zhes snying rje byang chub kyi sems skyes par gyur to// de nas nyi ma'i snying po'i 'od zer las cho 'phrul gyi sgra byung ngo// yongs la khyab pa'i nyi ma'i 'od// snying rje byang chub sems yin te// rnam rtog mun pa sel bar snang// yid bzhin rin chen 'bar ba'o// zhes sgra byung ba las chos thams cad byang chub kyi sems kyi 'od zer du gsal bar gyur to// de nas yang bcom ldan 'das gsang ba'i mchog gi bdag po de nyid cho 'phrul 'byung ba'i rgyu zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor rnams kyis nyi ma'i snying po las chos thams cad kyi rgyu yi ge a dkar po shar bar mthong ngo// de nas a las cho 'phrul sgra byung ngo// a ni chags med yi ge'i mdzod// cho 'phrul rtog pa kun gyi rgyu// nyon mongs skyon bral zla ba'i mdog/ cho 'phrul sna tshogs 'byung ba'i rgyu// zhes sgra byung bas 'dus pa'i tshogs rnams kyis chos thams cad cho 'phrul gyi rang bzhin du gnas par mthong ngo// de nas bcom ldan 'das gsang ba mchog gi bdag po de ci yang mi mdzad pa cho 'phrul sna tshogs kyi rang bzhin du snang bar gyur to// de nas yum chen mo nam mkha'i dbyings phyug ma zhes bya ba de chos thams cad nam mkha'i b+ha gar byin gyis rlob pa zhes bya ba'i ting nge 'dzin la snyoms par zhugs so// zhugs par gyur pa dang 'dus pa phal mo che'i 'khor gyis chos thams cad nam mkha' khyab pa'i rang bzhin du mthong ngo// de nas yum gyi b+ha ga'i snying po las 'od zer mthing ga 'phros nas nyi ma'i snying po'i a la bskul bas yi ge e mthing ga 'phros te lding zhing gnas pa las cho 'phrul gyi rang sgra 'di byung ngo// a ni e yi rang bzhin te// a las e byung mkha' khyab bdal// mi 'gyur thogs med bsam las 'das// mtha' dang dbus med kun du bdal// zhes sgra byung bas// thams cad nam mkha'i rang bzhin du phyam chad par gyur to// de nas yang yum chen mo las kyi dbyings phyug mas yang zhing g.yo ba rlung gi dkyil 'khor zhes bya ba la snyoms par zhugs so// des 'dus pa phal mo che'i 'khor gyis chos thams cad rlung gi rang bzhin du gnas par mthong ngo// de nas rlung de las cho 'phrul kyi sgra byung ngo// a yi byin brlabs ye shes las// rlung gi cho 'phrul ya~M du shar// thams cad 'debs pa'i stobs ldan zhing// rang bzhin g.yo zhing thogs med 'phyo// zhes sgra byung bas rlung gi dkyil 'khor du 'khyil par gyur to// de nas yum chos kyi dbyings phyug ma zhes bya ba des 'bar 'phro me'i ting nge 'dzin la snyoms par zhugs so// 'dus pa phal mo che'i 'khor gyis chos thams cad me'i rang bzhin du gnas par mthong ngo// de nas mi'i 'od zer la cho 'phrul gyi sgra byung ba// a yi byin brlabs ye shes las// cho 'phrul me yi nying por shar// 'bar bas gsal byed ye zhes 'phro// dngos po kun zad med klong 'tshub// ces sgra byung bas me'i bskal pa 'byam klas so// de nas yang yum rin chen dbyings phyug ma zhes bya bde sdud pa rgya mtsho'i ting nge 'dzin la snyoms par zhugs so// des 'dus pa phal mo che'i 'khor gyi chos thams cad chu'i rang bzhin du gnas par mthong ngo// de nas rlabs kyi 'od zer las cho 'phrul gyi sgra 'di byung ngo// rgyu yi yi ge 'od zer las// chu yi snying po'i cho 'phrul shar// nam mkha'i mtha' dang mnyam pa'o// klung mtsho thams cad rgyas par gyur// zhes sgra byung bas thams cad yum rin chen dbyings phyug ma'i rang bzhin gyis khyab par gnas so// de nas yum chen mo rdo rje dbyings phyug ma zhes bya bas zhing khams thams cad byin gyis rlob pa zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor gyis chos thams cad sa rnams yongs su rdzogs pa'i rang bzhin du mthong ngo// de nas sa rdo rje 'bar ba zhes bya ba las cho 'phrul gyi sgra byung ba// mi dmigs pa las sna tshogs par// snang ba'i cho 'phrul 'di byung ba// rnal 'byor sa bcu rdzogs pa'i don// lhun gyis grub pas bde ba che// zhes sgra byung bas sa dgu 'dul ba'i bye brag tu thugs su chud par gyur to// de nas sems dpa'i rdo rje snying po de ri bo brtsegs pa zhes bya ba'i ting nge 'dzin la snyoms par zhugs so// des 'dus pa phal mo che'i 'khor gyis chos thams cad rdo rje 'bar ba'i ri bor mthong ngo// de nas de'i 'od las cho 'phrul gyi sgra 'di byung ngo// rnam dag shes rab mkha' klong nas// rdo rja 'bar ba'i ri bo shar// rgya che gting zab nam 'phang gcod// rtog pa'i ri bo 'joms par byed// ces sgra byung bas rdo rje 'bar ba'i ri bos nyon mongs pa'i ri bo thams cad zil gyis mnan to// de nas dbyings phyug ma chen mo lnga/ shes rab zab mo'i gzhal yas yum gyi mkha' klong rnam dag ces bya ba'i ting nge 'dzin la snyoms par zhugs so// b+ha ga'i snying po las cho 'phrul gyi sgra 'di byung ngo// b+ha ga gsang ba'i 'od zer las// bde gshegs bzhugs pa'i gzhal yas khang// nam mkha'i mtha' ltar dpag tu med// dus gsum rgyal ba rgya mtsho'i dbyings// zhes sgra byung ngo// byung bas nam mkha' thams cad pho brang gi gzhal yas 'byams klas par gyur to// de nas bcom ldan 'das gsang ba mchog de nyid chos thams cad sku la yongs su rdzogs pa zhes bya ba'i ting nge 'dzin nam phyag rgya thams cad rnam par spyod zhes bya ba'i ting nge 'dzin la snyoms par zhugs so// de nas 'dus pa phal mo che'i 'khor rnams kyis 'khor ba dang mya ngan 'das pa'i chos thams cad bcom ldan 'das gsang ba mchog gi bdag po'i zhabs kyi gdan khri yan chad nas dbu'i gtsug ter man chad du rdzogs par mthong ngo// de nas yang 'khor ba 'dod pa khams ni chags pa khrag gi rgya mtshor rdzogs/ 'khor ba gzugs kyi khams ni zhing chen gyi sa gzhi bdal ba la rdzogs par mthong ngo// keng rus la gzugs med pa'i khams rdzogs par mthong ngo/ri rab kyi kha mu tig gi gcal dang/ a sma gar ba'i 'bar ba'i 'od 'khrigs pa'i nor bu rin po che 'bar ba'i brag gtams pa la// nyan thos dang/ rang sangs rgyas dang/ byang chub sems dpa' rnams rdzogs par mthong ngo// nor bu rin po che'i steng na rdo rje rtse gsum dang rtse lnga'i brag gtams pa la kri yang dang u pa ya dang yo ga rnams rdzogs par mthong ngo// rdo rje brag chen gyi steng na pad+ma dkar po'i man+Dal la bskyed pa'i rnal 'byor pa thams cad rdzogs par mthong ngo// pad+ma'i steng na nyi ma nyi shu rtsa bzhi dang/ zla ba nyi shu rtsa bzhi kha sbyor du bkod pa la dbang phyug pho nyi shu rtsa bzhi dang/ mo nyi shu rtsa bzhi rdzogs par mthong ngo// dbang phyug pho mo'i steng byol song gi gtso bo brgyad ni rig 'dzin chen po'i rnal 'byor nyon mongs pa sbyangs nas shes bya'i sgrib pa sbyangs pa'i phyir dpag brtul stag dang/'jigs byed seng ge dang/ gdug pa'i gzigs dang/ gtum pa'i dom dang/ stobs kyi glang po dang/ brjid pa'i ma he dang/ 'dzin pa'i chu srin dang/ zhe sdang gi sbrul rnams la rig 'dzin thams cad la yongs su rdzogs par mthong ngo// gzhal yas chen po 'bar ba la yul kun tu bzang mo rdzos par mthong ngo// me dpung chen po dgu la ye shes kyi sgo dgu brtsegs su yongs su 'bar bar rdzogs par mthong ngo// zhabs brgyad la gsar ba'i yum bzhi dang/ sgo ma bzhi rdzogs par mthong ngo// dur khrod kyi rgyan chen po bco brgyad ni ma mo chen mo bco brgyad yongs su rdzogs par gsal lo// phyag mtshan bzhi bcu rtsa gnyis ni phra men ma bcu dbyug pa 'phyar ba'i lag na khyung bcu 'bar ba'i mtshon cha sna tshogs 'phro ba/mkha' 'gro brgyad dbyug par 'phyag ba'i nag na seng ge kha glal ba brgyad kyi kha nas ral gri 'bar ba brgyad 'phro ba/shugs 'gro brgyad dbyugs par 'phyar ba'i lag na stag mche ba gcig pa brgyad kyi kha nas rdo rje sna tshogs 'phro ba/ ma mo brgyad dbyug par 'phyar ba'i lag na mi mgo brgyad rdo rje lu gu rgyud kyis btags nas klad la bskor ba/'bar ma brgyad dbyug par 'phyar ba'i lag na me dpung 'bar ba brgyad las thu lum 'phro ba ste/ bzhi bcu rtsa gnyis su gsal lo// phyag bzhi bcu rtsa gnyis ni khrag 'thung 'bar ba bzhi/ging pho dgu mo dgu/ za byed pha bcu gsod byed ma bcu ste bcu bzhi rtsa gnyis su gsal lo// zhal nyi shu rtsa gcig ni srid pa za byed gsang ba'i dur khrod nyi shu rtsa gcig tu gsal lo// spyan 'bar ba drug cu rtsa bzhi ni he ru ka yab yum drug bcu rtsa bzhir gsal lo// dbu nyi shu rtsa gcig ni dus gsum gyi sangs rgyas nyi shu rtsa gcig tu gsal lo// g.yas kyi dbu bdun gyi spyi gtsug nas sangs rgyas kyi sku re re byung ba'i dbu la 'khor lo 'od zer dang bcas pa re re 'bar ba/dbus kyi dbu bdun las dbu rgyan sangs rgyas kyi dbu re re byung ba'i sku la rin po che'i mchod rten 'bar ba bdun du gsal ba/ g.yon gyi dbu bdun las dbu rkyen sangs rgyas kyi sku re re byung ba'i dbu la nor bu rin po che bdun du gsal ba/'khor lo dang mchod rten dang/ rin po che de dag gi lte ba dang/ bum pa dang/ rtse mo las rgyal mtshan chen po bcu 'bar ba ni rgya bye'u lcags kyi rgyal mtshan dang/gdul bya sha ba'i rgyal mtshan dang// gcan gzan gzig gi rgyal mtshan dang// sprul pa rdo rje'i rgyal mtshan dang/ rin chen sbrul nag gi rgyal mtshan dang// dpa' bo stag gi rgyal mtshan dang// gzi mdangs mi'i rgyal mtshan dang// dmar gsal khrag gi rgyal mtshan dang// rtsal chen seng ge'i rgyal mtshan dang// gtum chen dom gyi rgyal mtshan dang// rgyal mtshan de rnams kyi rtse mo gcig tu 'dus te/ gser gyi gtsug tor tog stong 'bar ba'o// de nas 'dus pa phal mo che'i 'khor gyis zhabs kyi gdan khri yan chad nas dbu'i gtsug tor man chad du yongs su rdzogs par mthong ngo// dbu las byung ba'i sangs rgyas nyi shu rtsa gcig dang/ rgyal mtshan chen po bcu la rdzogs pa'i rnal 'byor yongs su rdzogs par mthong ngo// dbu'i gtsug tor rgyal mtshan gyi rtse mo la gser gyi tog stong ni rdzogs pa chen po'i rnal 'byor nyid du gsal bar mthong ngo// de ltar mthong zhing gsal bar gyur pa dang/ chos thams cad sku la yongs su rdzogs pa'i don la 'khor thams cad dam zhing ngo mtshar skyes par gyur tau// rnal 'byor chen po rnams kyis sku la yongs su bstod pa/ e ma'i chos kun sku la yongs su rdzogs pas chos kyi sku// rdo rje che mchog phyag 'tshal he ru ka/ chos nyid mkha' la skar tshogs rgyas pa'i sku// dbyar gyi char sprin gtibs pa lta bu'i gzugs// chu rlabs lta bur brjod pa'i zhal gdangs shing// nyi ma 'bum gyi 'od zer bdal ba bzhin// theg chen dgu dang 'khor ba'i chos rnams kun// phyag rgya gcig tu bkod nas rdzogs pa'i sku// sku gsum lhun grub chos sku tog stong 'bar// dbu skra kham nag ral pa'i cod pan can// klu rgyal 'bum gyis bklubs shing mchod kun 'bul// rdo rje gsung gis ljags sgra brdabs bas kyang// hU~M dang phaT kyi sgra skad 'jigs par sgrogs// theg chen don dam gsang sngags sgrogs pa'i tshig/ 'bar ba'i smin ma mun rum glog ltar 'gyu// spyan dmar bzlog pa'i sdang mig nyi ltar 'bar// 'bar ba'i shangs nas bskal pa'i tshul nag 'khyil// rdo rje thog dang gnam lcags ser chen 'bebs// rno dbal mche ba zang yag gtsigs pa yis// nyon mongs log lta'i tshogs la ngam zhing 'khrug/thos rus sha khrag rkang rus 'bu dang rnag/ za byed rngam pa'i zhal du chem chem gsol// sbrul gdug ko rlon la sogs 'jigs pa'i rgyan// rngam pa'i sku la shin tu brjid par brgyan// za byed rngam dang 'jigs byed mang po'i tshogs// 'bar ba'i phyag 'tshan sprul pa'i pho nya mdzad// 'khor ba kun dang thar pa'i chos rnams kun// dpa' bo chen po'i gdan du brjid cing rol// 'gran gyi zla med che btsan gcig pu nyid// gsang mchog 'bar ba'i sku la phyag 'tshal bstod// de skad ces bstod pas chos thams cad sku la yongs su rdzogs shing sangs ma rgyas pa med par gyur to// de nas yang bcom ldan 'das gsang ba mchog gi bdag po de nyid phyag rgya thams cad phyag rgya bkod pa'i pho brang du gyur to// spro ba rgyun gyi ting nge 'dzin zhes bya'o// de nas bcom ldan 'das gsang ba mchog gi bdag po chos nyid rgyun gyi ting nge 'dzin zhes bya ba'i ting nge 'dzin la snyoms par zhugs so// chos kyi rgyun gyi ting nge 'dzin 'di gsungs so// nam mkha' don gyi glegs bam la// skar tshogs rig pa'i yig bris te// 'byung chen bzhi yi sgra sgrags pas// gsang sngags chos kyi rgyun mi 'chad// chos kyi rgyun gyi ting nge 'dzin zhes bya ba yongs su rdzogs so// de nas yang bcom ldan 'das gsang ba mchog gi bdag po des bdud rtsi rgyun gyi ting nge 'dzin la snyoms par zhugs te 'di skad ces gsungs so// stong gsum b+han d+ha'i bzang khong du// srid gsum sems can dug chen las// dus gsum sangs rgyas rtsi sbyar bas// bdud rtsi dkyil 'khor lhun gyis rdzogs// zhes gsungs so// de nas yang bcom ldan 'das sems dpa'i rdo rje snying po de mchod pa rgyun gyi ting nge 'dzin la snyoms par zhugs te/ 'di skad ces gsungs so// 'khor ba rgya mtsho'i yo byad rnams// mchod pa rgya mtsho'i rgya?n yin te// srid pa rgya mtsho mtha' yas kun// kun bzang mchod sprin mchog tu rol// zhes gsungs so// de nas yang sems dpa'i rdo rje snying po de bzlas brjod rgyun gyi ting nge 'dzin la snyoms par zhugs te 'di skad ces gsungs so// 'khor ba chos kyi dbyings nyid la// sems can sangs rgyas nying por shar// sgra skad bsam gyis mi khyab pa// thams cad bzlas brjod sngags kyi tshig/ces gsungs so// de nas yang sems dpa'i rdo rje snying po de sbyor ba rgyun gyi ting nge 'dzin la snyoms par zhugs te 'di skad ces gsungs so// 'khor ba shes rab yum nyid la// snying rje thabs kyi rgyal po yis// 'du 'bral med par sbyar bas ni// thams cad rgyal ba'i sras su bskyed// ces gsungs so// de nas yang sems dpa'i rdo rje snying po de sgrol ba rgyun gyi ting nge 'dzin zhes bya ba la snyoms par zhugs te 'di skad ces gsungs so// 'khor ba bsgral ba'i zhing 'di dag/ ye shes 'bar ba'i mtshon chen gyis// rang bzhin med par bsgral nas ni// mnyam nyid chos sku chen por bton// zhes gsungs so// de nas yangs sems dpa'i rdo rje snying po de sku gdung rgyun gyi ting nge 'dzin zhes bya ba la snyoms par zhugs te/'di skad ces gsungs so// 'dod khams rmang gi ri rab la// gzugs khams bang rim khri 'phang brtan// gzugs med bum rten bum par bcas// gdung chen chos skur rgyun du gnas// zhes gsungs so// de nas yang sems dpa'i rdo rje des 'di skad ces gsungs so// nam mkha' med chu sa rlung rnams// rmang gzhi ri rab rten du snang// bang rim ri bdun bcas pa rnams// de nyid bang rim khri 'phang brtan// ro bo bum rten bum par bcas// 'di yang chos sku rgyun mi chad// sems dpa' rdo rje des yang 'di skad ces gsungs so// 'dzugs pa'i yan lag bzhi rmang rtan// 'khor lo tshogs chen khri 'phang brtan// yan lag dang po bum rten bcas// lcang lo cod pan phreng bas bklubs// zhes gsungs so// de nas sems dpa'i rdo rje snying po des zhi ba yongs su slong ba zhes bya ba'i ting nge 'dzin la snyoms par zhugs so// ro yi sgrub lugs chen po ni// dur khrod chen po'i gnas rnams su// ro yi rdzas rnams btsan nas kyang// 'dod pa bsgyur ba'i sngags kyis gdab// ro yi steng du gnas nas ni// ro yi gnyen por bdag bsams nas// ro sngags rgyun mi chad par bzlas// ro yi bkrag dang mdangs byung na// grub par 'gyur ba'i rtags yin te// rgyun mi 'chad par ting 'dzin bya// ro ni 'gul bar gyur pa dang// gser 'gyur rtsis ni byug par bya// ro yi yan lag kun bcings nas// sngags ni dag par bzlas par bya// ro nyid langs par gyur pa dang/ ro yi cho 'phrul ston par byed// brtul zhugs ldan pa'i skye bu yis// de tshe ro yi lce bcad nas// ro la brngabs nas gser du 'gyur// de bzhin ji ltar 'dod pa yis// rkyen gyis bsgyur na de ltar 'gyur// lce bcad ral gri mtshon cha des// ro yi b+han d+ha bcad pa dang// ji ltar 'dod pa'i rdzas 'grub ste// b+han d+ha go ru bzung nas ni// lce yi ral gri thogs nas ni// lha min g.yul yang bzlog par 'gyur// ro langs grub pa'i rkang mgyogs ni// dpag pa'i tshad las 'das pa ste// skyes bu rtsal dang ldan pa bzhis// phyogs bzhi dag tu kha bltas nas// dus gcig mda' yi rgyang 'phangs nas// mda' ni sa la ma 'babs par// bzhi ka bar snang las blangs nas// skad cig tsam gyis 'jig rten skor// skyes bu lag tshod ma yal bar// de ma thag ru gnas su slebs// ro la 'dod pa kun 'byung zhes// dus gsum rgyal ba rnams kyis bshad// ces gsungs so// ro langs bsgrub pa'i ting nge 'dzin to// de nas yang sems dpa'i rdo rje'i snying po de rdo rje nam mkha'i them skas zhes bya ting nge 'dzin la snyoms par zhugs nas 'di skad ces gsungs so// nam mkha' rdo rjer bsgoms nas kyang// ting 'dzin red par gyur pa na// phan tshun gya gyu'i thabs tshul du// rdo rje skas la bgrod nas ni// nam mkha'i dbyings su song nas kyang// snang srid 'jig rten khams la blta// de ni sems yul yangs par 'gyur// zhes gsungs so// de nas yang sems dpa'i rdo rje snying po de rgyal mtsho chen po gnon pa zhes bya ba'i ting nge 'dzin la snyoms par zhugs te 'di skad ces gsungs so// rgya mtsho rdo rjes gtams par ni// ting 'dzin gsal bar gyur pa dang// rgya mtsho chen por bgrod nas ni// rgya mtsho gnas pa'i sems can rnams// ting 'dzin rdo rjes bsgral bar bya// zhes gsungs so// de nas yang sems dpa'i rdo rje snying po dai thogs med rlung zla'i dkyil 'khor la snyoms par zhugs nas 'di skad ces gsungs so// nam mkha' dag gi ling+ga la// zla ba'i dkyil 'khor dbus gnas par// bsgom te ting 'dzin rtas pa dang// zhing khams kun du bgrod par bya// zhes gsungs so// de nas yang sems dpa'i rdo rje snying po des nyi mar rab tu snang ba zhes bya ba'i ting nge 'dzin la snyoms par zhugs nas 'di skad ces gsungs so// nam mkha' dag gi ling+ga la// nyi ma'i dkyil 'khor dbus gnas par// bsgoms te ting 'dzin rtas pa dang// mun pa'i gnas rnams thams cad bsal// zhes gsungs so// de nas yang sems pa'i rdo rje snying po nges sreg pa'i bskal pa gzhil ba zhes bya ba'i ting nge 'dzin la snyoms par zhugs so// rnal 'byor sdigs 'dzub rtse mo la// zla ba'i dkyil 'khor 'od gsal 'bar// bsgoms te ting 'dzin rtas pa dang// chu rgyun babs te gzhil bar bya// zhes gsungs so// de nas yang sems dpa'i rdo rje snying po de stong gi 'jig rten rgyang mar 'phen pa zhes bya ba'i ting nge 'dzin la snyoms par zhugs te 'di skad ces gsungs so// rnal 'byor las kyi dkyil 'khor du// stong gi 'jig rten 'khor yug bcas// shin tu gsal bar bsgoms pa dang// ting 'dzin rtsal can rab sbyang phyir// nam mkha'i khams su 'phags nas ni// sa nas sa ru spar bar bya// de skad ces gsungs so// de nas sems dpa'i rdo rje nyi ma'i dkyil 'khor 'bum 'gyed pa zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor sdigs pa'i mdzub mo la// nyi ma'i dkyil 'khor 'bar bar las// 'od zer 'ab ba 'bum 'phros pas// 'od zer de dag re re las// nyi ma'i dkyil 'khor 'bum 'phros pas// de ni mun pa thams cad sel// zhes gsungs so// de nas yang sems dpa'i rdo rje snying po de 'byung ba chen po bskal pa'i chu rgyun zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor lag pa'i 'khor lo las// chu zla'i snying por rab shar te// bdud rtsi chu bo'i rgyun babs pas// sreg pa'i bskal pa'i me chen gsod// ces gsungs so// de nas yang sems dpa'i rdo rje de sku phyag rgya 'bar zhes bya ba'i ting nge 'dzin la snyoms par zhugs nas 'di skad ces gsungs so// rin chen 'bar ba'i ling+ga la// sangs rgyas ye shes dpal gyi sku// rin chen 'bar ba'i ngos brgyad la// rig pa'i ma mo dpal 'bar ba// brgyad du gsal bar gyur pa dang// ye shes rtsa ba'i dkyil 'khor rdzogs// zhes gsungs so// de nas yang sems dpa'i rdo rje snying po des gsung gi phyag rgya 'bar ba zhes bya ba'i ting nge 'dzin la snyoms par zhugs nas 'di skad ces gsungs so// pad+ma 'bar ba'i ling+ga la// rin chen 'bar ba'i yig 'bru brgyad// shin tu 'bar zhing 'phro 'du ba// gsung gi rtsa ba'i rgyag rgya yin// zhes gsungs so// de nas yang sems dpa'i rdo rje de thugs kyi phyag rgya 'bar ba zhes bya ba'i ting nge 'dzin la nyoms par zhugs nas 'di skad ces gsungs so// rdo rje 'bar ba'i ling+ga la// yi ge hU~M gi 'bru yis bskor// mtha' ma rin chen yi 'bru brgyad// kha dog mthing gas bskor ba nim// thugs kyi gsang ba'i ye shes yin// zhes gsungs so// de nas sems dpa'i rdo rje des ting nge 'dzin gyi mdo 'di gsungs so// sems ni sgyu ma'i rang bzhin te// ji ltar brtags pa de ltar snang// mdo bzhin snang bar ma gyur kyang// sems nyid brtags pa de ltar 'gyur// gdos bcas dmigs bus mi mthong yang// mngon shes yid gzugs can gyis mthong// gang ltar brtags par yun brtags na// rtog pa rtas pa'i 'bras bu ni// mngon sum gsal bar red par 'gyur// dge dang mi dge'i bag chags dang// yod dang med pa'i rang bzhin rnams// bag chags rtas pa khor nar zad// de bas ting 'dzin sems nyid gtso// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rgyun gyi ting nge 'dzin gyi le'u ste dgu pa'o//// de nas sems dpa'i rdo rje snying po des gsang sbyor chen po sgrub pa 'di gsungs so// 'dus pa chen po'i rnal 'byor rnams// shin tu gsang ba'i sgrub pa 'di// bde gshegs rgyal ba'i gshegs shul te// 'jig rten gang zag lam yang yin// ma rtogs pa dang log par rtogs// phyogs rtogs yang dag nyid ma rtogs// log pa'i lam bzhi mtha' bsal nas// bde gshegs rgyal ba'i lam la 'jug/ des na sgrub pa'i lam mchog 'di// 'dus pa'i tshogs la bshad par bya// shin tu gus pas mnyan par gyis// de nas 'dus pa'i 'khor rnams kyis// gsang ba sbyor ba'i phyag byas nas 'di skad ces gsol to// bcom ldan 'das gsang ba'i dbang phyug chen po bdag cag rnams la gsang ba'i yang gsang ba/ bka' gsang ba chen po ye shes rmad du byung ba/sangs rgyas bshags pa'i shul yang dag pa'i don bdag cag rnams la bshad du gsol/ zhes gsol ba btab pa las sems dpa'i rdo rje snying po de/ btsun mo'i tshogs la dgyes par 'jug pa zhes bya ba'i ting nge 'dzin la snyoms par zhugs nas 'di skad ces gsungs so// b+hag gsang ba'i pad+ma ni// bde gshegs rgyal ba'i pho brang ste// sngon 'das rgyal ba brnal ba'i dbyings// da ltar bzhugs pa gnas pa'i rten// slad kyis byon pa gshegs pa'i shul// rgyal ba rnams la de ltar snang// de ltar ma shes 'khor ba'i lam// rnal 'byor can gyis shes par gyis// yul gyi mchog ni 'dir gzung ba// mtshan ldan bkra shis gsang ba'i yum// smin dkyus ring la lag sor phra// tshigs mig zlum la phra bar bshad// kha nas ut+pal dang ldan zhing// yid 'ong mtshan ldan rked skabs byed// skra 'jam mthon mthing lcang lor 'khril// so dkar tshags dam smin dkyus ring// zar ma'i me tog rgyas 'dra'i spyan// dpral ba'i dbyes che sgra mtshams la 'khyug/ sna bzang mdog gsal pad+ma'i rigs// lus drang ske ring sems ma'i tshul// nu ma'i dkyil 'khor zla rgyas 'dra// sha dkar tshags dam 'khril bag can// khong dal 'gro na gom pa 'jam/ skad ni ngang pa gzhon nu sgrogs// ci yang mdzes pa'i stabs tshul ldan// skyes bu bla mas yum du gzung// gzungs su byin gyis brlabs par ni// de yi gzugs kyi phung po la// bde bar gshegs pa'i sa bon lnga// 'phro 'du gsal bar gyur pa de// rgyas btab byin rlabs dbang bskur nas// bde gshegs yum lnga'i sku mchog gsal// rdo rje thabs la'ang de bzhin te// de ltar gsal bar gyur pa dang// yum gyi mkha' la me ri bsgom// gsang ba dbus kyi zla gam la// byang chub sems kyi spro bsdu bya// gzugs brnyan ji ltar gsal ba bzhin// chags pa'i mkha' la de bzhin no// ma skyes pa dang ma 'gags pa// rig pa snang mnyam pa'o// mkha' dbyings rnam dag bde chen klong// mi gnas bde ba chen po'i lung// rig pa thabs kyi rang bzhin las// byin brlabs rang dbang ngang gis gsal// bzhin mdog dmar po sog ka la// dpral ba'i dbyes che smin dkyus ring// mig gi mdangs gsal dkyus su ring// dung chen thags dam shel mdog chags// bzhin gyi gzangs ring kos ko phra// lus la zhim pa'i dri ldang zhing/ kha nas ga bur ngad ldan ba// nu ma'i dkyil mtho nu mar 'khyil// pad+ma can zhes bya bar grags// dung can ma zhes bstan pa ni// dkar mo zla ba'i mdangs su gsal// bzhin lus dung ltar g.yas su g.yo// gtsug pud mthon mthing g.yas su 'khyil// skad che gdangs snyan tshig tu gsal// bong chung lus ni mdzes par snang// bu mo mig ring zhes bya ba// shes rab gsal zhing 'dod pa che// gtso bo nges pa'i brtul zhugs can// zla gsang dkar dmar rlung kar lci// rnam par brdig cing 'khyil pas ni// kun gyis drod ni yong mi lon// gsang ba sbas pa'i thabs la mkhas// phyi nang rlung kar gser ltar lci// rtog pa med cing don la gzhol// bzhin ni gru bzhi'i dbyibs ldan la// mig ring phra bshad 'khyil bag chags// dkar dmar mdzes pa'i rgyan gyis brgyan// ldon pa dag gi rigs smos pa// sdong po yal ga mang po'i dkyil// shin tu 'dab rgyas yal gar legs// mthon mthing skra yi rang bzhin ni// byang chub sems 'drar lcang lor bshad// stod smad kun du phra la legs// srid du ring zhing ldem bag can// lcug phran zhes bya'i mtshan ma ni// bcu gnyis nyi shu rtsa lnga pa// rdo rje'i mtshon gyis ma phog cing// mu la rak+tar ldan pa la/ phra zhing bshad la gzangs su ring// ban glang ser mo gru bzhi la// kham la mig 'bur smin tshogs che// skra khams ma la so che zhing// sna ring 'gram slang ring pa yin// ri mo can gyi bud med ni// nag mo grwa gsum rtsid mgo ma// khro gnyer can la gel bag chags// sdong gcig yan lag gtan med pa'o// skye ba'i rgyu med bkra mi shis// mi reg yal ga mes tshig yin// spyir ni de ltar bstan mod kyang// gang dag dad ldan brtul zhugs can// yid du 'ong dang mi 'ong rnams// dad pa chags shing lus 'bul na// thugs rje'i yul bas kun snyoms bya// rnam rtog spong len gang byed pa// de dag sgrib pa mu mtha' yas// rmad du gsang ba'i mchod pa la// gsang ba'i phyag tshang gang byed pa// las kyi sgrib pa kun bsal te// man ngag gsang ba'i dmigs bu 'thob// de ltar brtags pa'i yum de la// dri spos tsan+dan la sogs pas// a ga ru dang sbyar ba'i chu// khrus kyi cho gas dag par bya// dri zhim la sogs sna tshogs kyis// lus la byug pa sna tshogs bya// de nas nang gi khrus chen yang// shin tu dag par bya ba ni// rdzas kyi chu dang rdzas sbyar bas// nang gi rdzas rnams dag par bya// bur shing snying po la sogs pa// ro yi mchog tu gyur pa kun// rtsi 'am bcud dang sbyar nas kyang// nang gi rdzas rnams sbyar bar bya// rdzas kyi cho ga rdzogs pa dang// byang chub mchog tu sems bskyed de// ma dmigs chos la blo sbyangs phyir// rtsa ba byang chub sems kyi don// rgya cher shin tu bshad par bya// phung po sgyu mar snang bas na// sems la rang bzhin med par nges// snang srid nam mkhar gcig pas na// 'khor ba sgyu ma yin par nges// kun gzhi chos kyi mdzod yin pas// sangs rgyas gzhan na med par nges// byams la ngang ma chags pas na// sdang la sems mi 'khrug par nges// gnas la nges pa med pas na// sa rnams bgrod pa med par nges// sems la skye shi med pas na// 'pho 'gyur dag la nyam mi nga// des na thams cad sgyu mar snang// sgyu ma rang bzhin med shes pas// thams cad chos nyid snying po yin// mtshan ma rtog ba'i dri ma dag/ chos nyid chu bo des bkrus na// 'dzin pa'i dri ma dag par 'gyur// de nas rgyan gyi cho ga ni// rdzas kyi yo byad yin pas na// rlob cing 'phur ba'i chas gos dang// rin chen phrog dang rna char bcas// 'jol sgeg mgul rgyan la sogs pa// dpung rgyan dor shal se mo do// no bu rin chen la sogs brgyan// rkang gdub lag gdub la sogs pa// gser dang dngul la sogs pas brgyan// rol mo sgra dbyangs sna tshogs pa'i// mchod rdzas sna tshogs thogs par bya// de nas 'dren pa'i cho ga ni// gsang ba'i tshig gis bsre ba na// rdo rje lce yi dam tshig gis// tshig gi brdas ni mtshor par bya// sa ma ya ho zhes brjod na// sa ma ya staM zhes kyang bsre// ra ga ya mi zhes brjod na// ra ho haM zhes brjod par bya// ti pa su ki zhes brjod na// gan de tsi ta zhes pas mtshon// a ti pu ho zhes brjod na// pra ti pu ho zhes pas mtshon// g.yas kyi smin ma bskyod byas na// g.yon gyi smin mas mtshon par bya// nA sa g.yas kyis mtshon byas na// de bzhin nA sa g.yon gyis mtshon// gtsug tor gtsug tu mtshon byas na// de bzhin dpal be'u'i ling+gar mtshon// rdo rje ling+ga 'od 'phro na// pad+ma ze 'bru 'bar 'phro 'khyil// zhes pa'i tshig gi don rnams bsre// bskul ba'i cho ga khyad par yang// don gyis 'di ltar bskul bar rigs// shes rab nyi ma'i 'od zer gyis// thabs mchog zla ba'i 'od la bskul// bskul ba'i cho ga rdzogs pa dang// mchod pa'i yo byad dbul bar bya// de nas sangs rgyas thams cad zla ba'i dkyil 'khor gyi ngang du gsal bar gyur to// shes rab nyi ma'i dkyil 'khor gyi ngang du gsal bar gyur to// de nas nyi ma'i zer gyis 'di skad ces bskul to// mi g.yo mchog gi rgyal po dgongs su gsol// rnam par mi rtog shin tu dri med sku// 'od zer mdangs ldan zla ba rgyas 'dra'i zhal// dgyes pa rol pa'i don la bzhengs su gsol// de skad ces bskul ba dang// zla ba'i 'od zer las 'di skad ces bskul to// yid 'ong 'byor ldan rgyal ba rgya mtsho'i dbyings// shes rab zab mo rnam dag pad+ma'i mdangs// sgyu 'phrul rabs la mkhas pa'i spyod mchog ma// yid 'ong 'byor ldan cho 'phrul sna tshogs bstan// zhes gsungs so// de nas yo byad kyi tshogs thams cad shin tu 'bul ba zhes bya ba'i cho 'phrul byung ste/ nyi ma'i 'od zer las sgra byung ba// pad+ma'i ze 'bru 'bar ba 'di// 'dzum pa'i mdangs kyis 'bul lags na// dgyes pa'i rdo rje cho 'phrul las// byang chub char sprin dbab tu gsol// zla ba'i 'od zer las cho 'phrul gyi sgra byung ba// e ma yid kyi dga' sde mo// gdung ba'i snying phreng shes rab gzungs// pad+ma'i ga'u 'khyil pa la// bde ba'i rdo rje byang chub 'bar// zhes sgra byung bas// phyag rgya sna tshogs kyi cho 'phrul 'byung ba'i rgyur gyur to// de nas sems dpa' rdo rje dam pa des 'khor ba thams cad thugs rjes yongs su bzung ba zhes bya ba'i ting nge 'dzin la snyoms par zhugs nas// thabs mchog zla ba rdo rje zhes bya ba las cho 'phrul gyi sgra 'di byung ngo// 'dod pa'i dbang po thams cad ni// chags pa'i 'gying ba'i gtso mo yin// chags pa rnam par sbyang ba'i phyir// 'dod pa gnas su drang bar bya// zhes byung bas/ 'khor ba thams cad thugs rje chen po'i lhung bzed kyis bzung ngo// de nas sems dpa'i rdo rje de sgrib pa sreg pa zhes bya ba'i ting nge 'dzin la snyoms par zhugs nas 'di skad ces gsungs so// rdo rje 'bar ba'i ling+ga la// a yi ye shes 'od 'phros pas// chags pa'i sgrib pa'i bud shing rnams// me yi ye shes kyis sbyangs so// de nas yang sems dpa'i rdo rje des// b+ha ga byin gyis rlob pa la snyoms par zhugs nas gsungs pa// 'khor bar snang ba'i chos rnams kun// b+ha ga'i snying por rab gsal ba// yum gyi lus kyi yan lag rnams// yum lnga'i rang bzhin nyid du gsal// zhes gsungs so// de nas sems dpa'i rdo rje snying po des chags pa thams cad gcod pa zhes bya ba'i ting nge 'dzin la snyoms par zhugs nas 'di skad ces gsungs so// chos nyid nam mkhar rtogs gyur na// sbyor sgrol mang po ci byas kyang// chags sdang drang ba'i thabs yin te// rdul cha tsam yang snang ba med// ces gsungs so// de nas sangs rgyas thams cad btsun mo'i tshogs thams cad la dgyes pa'i rol pa la zhugs par gyur te// mi dmigs pa'i bde ba la ci yang mi g.yo bar gyur to// de nas byang chub sems kyi char chen po pad+ma'i snying po rgyun mi 'chad par 'bab par gyur to// 'khor ba thams cad ni rgyal ba'i sras por bskyed// rgyal ba 'gog pa ni byang chub sems kyi brlan par mdzad cing srid pa'i myu gu mngon par bskyed// rmad du byung ba'i mchod pa'i yo byad ni bsam gyis mi khyab pa'i ling long phyad par byung ngo// rig 'dzin gyi sems dpa' thams cad ni/ shes bya'i sgrib pa sbyangs nas chos kyi sku'i nang du brlan par gyur to// de nas sems dpa'i rdo rje des 'gro ba thams cad la dbang bskur ba zhes bya ba'i ting nge 'dzin la snyoms par zhugs so// dpag tu med pa'i rgyal ba rnams// 'khor ba'i sems can rgyu lasabyung// 'khor ba'i sems can rgyun chad na// sangs rgyas rgyun yang 'chad par 'gyur// 'khor ba chos nyid rang bzhin du// shes nas smra bar gang byed pa// rig pa'i ye shes rang dbang de// chos kyi rgyal po rgyal ba'i sras// zhes gsungs so// de nas sems dpa'i rdo rje dam pa des chos thams cad grub pa smon lam gyi sgo nas 'jug par mkhyen nas smon gnas chen po'i lam 'di gsungs so// 'gro drug rgyal ba'i sras po 'di// ma rtogs log par 'khyams pa rnams// rgyal ba'i sras su bskyed nas ni// 'khor ba'i rgyun rnams gcad par bya// nyi zla'i nang du bzhag nas ni// bcu drug sa la rdzogs par 'gyur// des na rigs ldan mtshan bzang la// don dang ldan pa'i mkhas pa yis// sbyor ba'i yan lag kun rdzogs nas// yum gyi nam mkha' dbyings zla gam la// grub pa'i gzhal yas khang du bskyed// rtsibs brgyad zla gam dgur gsal la// byang chub sems las phyag rgya'i tshogs// lha dgu gsal ba'i ye shes bskyed// des ni thams cad rdzogs par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las gsang sbyor sgrub pa'i le'u ste bcu pa'o//// de nas sems dpa'i rdo rje snying po de mi 'gyur ba gtan 'pho ba med pa zhes bya ba'i ting nge 'dzin la snyoms par zhugs nas 'di skad ces gsungs so// rnal 'byor rig 'dzin gang zhig rnams// mi 'pho bar ni gnas 'dod pa// lo gcig gam ni zla gcig gam// de bzhin zhag gi rnam grangs kyang// bco lnga'ang yang na bdun par du// tho rangs thun tha'i dang po'i tshe// rig 'dzin rnal 'byor sgrub pa po// shar gyi phyogs su kha bltas te// shar phyogs nam mkhas bsdus pa yi// lha klu gnod sbyin 'jig rten bcas// thams cad khong du bsdus nas kyang// dbugs de slar la mi dbyung bar// rang gi khong du bstim par bya// tha mar sna yi nang du bsre// de ltar mang por sgrubs pa dang// dpal che gzi brjid thams cad 'thob// ces gsungs so// de nas yang sems dpa'i rdo rje snying po des rten pa zhes bya ba'i tang nge 'dzin la snyoms par zhugs nas 'di skad ces gsungs so// gang zhig rten la gnas 'dod pa// mtshan ma bzang po'i gnas mchog tu// thams cad 'byor par byas nas ni// sa las byas pa'i stegs bu bshams// dbus kyi pad+ma 'dab brgyad la// zla gam dmar po sgo bzhir ldan// mtha' ma rdo rje ra bas bskor// dpal ldan tshe yi phyag rgya dgod// rin chen lugs kyi bum pa la// tshe rdzas rgyas par byas nas ni// mtshan ldan snod kyis kha dgab bya// rdo rje gzungs kyis btags nas ni// tshe tshad med par mnga' gsol la// dbus su de bzhin gzhag par bya// rin chen bum pa bzhi rnams la// gsang ba'i bu mo bzhi bkod gzhag/ ya mtshan byung ba'i bum pa la// rigs bzhi sangs rgyas yab yum dang// so so'i 'khor gyi sems dpa' rnams// thabs dang shes rab sdebs nas ni// phyogs phyogs gnas su tshom bur bri// sgo bzhir sgo ma bzhi rnams gzhag/ sems kyi phyag rgya kun bkod nas// nyi zla ga 'ur a yu ni// 'khyil 'bar 'tsher zhing gsal bar bya// a yu byang chub sems su zhu// rgyal mtshan mchog ldan rin chen gter// dbang bskur dpal ldan mdzod ldan ma// gsang ba'i bu mo tshe gter 'dzin// a yu yum bzhi'i thugs kar 'phros// de bzhin tshom bu rim bar brgyud// rdo rje tshe mchog kun bsdus nas// dkar dmar 'od kyis bdag la bstim// de nas rdo rje tshe phreng bzlas// nub phyogs tshe yi dbyings mchog gi/ pad+ma dbang gi zhing khamasasu// byams ldan ye shes tshe dpag med// thugs kyi dpal be'u chen po ni// gnyis gsal 'od kyi ga'u na// byang chub sems kyi a yu 'bar// dmar gsal 'bar ba'i tshe mchog de// rig 'dzin rnal 'byor rnams la 'phro// 'phros pa dgu lung dam pa yis// tsit+ta'i dbugs la bkrag tu bslan// tshe nyams rgyu drug kun spangs nas// gzi byin skye ba'i rgyu lnga bsgom// byang chub sems kyi a yu de// skye med dbyings su sbas nas kyang// phyag rgya'i tha mar bdun gyis bshad// dang po sku gsung thugs kyi rgya// gnyis pa gnon pa'i rgya gram 'bar// gsum pa rta mchog dpal gyi rgya// bzhi pa rin chen dpal be'u ste// lnga pa gser gyi gu h+ya'o// drug pa zla gam dmar po la// bdun pa nyi zla ga'ur 'bar// tshe yi ngo bo rgyud gsum po// srog gi ngo bor gzhal yas khang// le brgan 'bar ba'i dkyil 'khor du// a yu dmar po 'od 'phro ba// 'chi ba med pa'i srog btsugs te// 'gyur ba med pa'i g.yung drung yin// chos nyid dbyings su tshe sbas pas// dus gsum rgyal ba dgrar langs kyang/ de la gzung zhing bstan du med// de nas ci bde spyad par bya// rdo rje tshe sgrub pa'o// de nas sems dpa'i rdo rje dam pa de rdo rje khro bo tshe kun du 'phrog pa zhes bya ba'i ting nge 'dzin la snyoms par zhugs nas 'di skad ces gsungs so// gnas 'gyur maN+Dal 'bar byas la// ye shes khro bo 'bar ba yi// thugs kyi dpal be'u'i 'od zer las// dbang gi lha mo mang po 'phros// za ma tog dag bcas pa yi// lcags kyu dkar dmar lag na thogs// de yis 'gro drug thams cad kyis// tshe dang gzi byin thams cad 'phrogs// za ma tog tu bsdus nas kyang// tshe yi rig 'dzin rnams la bstim// ji ltar 'dod pa gong ltar sbyar// rdo rje gzi mdangs 'phrog pa zhes bya ba'i mdo'o// rgyud kyi rgyal po chen po rdo rje bkod pa kun 'dus rig pa'i mdo las rdo rje tshe bsgrub pa'i le'u zhes bya ste bcu gcig pa'o//// de nas sems dpa'i rdo rje dam pa de tshogs thams cad yongs su rdzogs pa zhes bya ba'i ting nge 'dzin la snyoms pa zhugs so// snyoms par zhugs nas dur khrod gsang ba mchog gi dkyil 'khor zhes bya ba 'di rgya cher bshad do// dkyil 'khor dkyil 'khor thams cad kyi// rtsa ba'i dkyil 'khor dam pa 'di// 'khor ba thams cad bsgral ba'i phyir// rnal 'byor can la bshad par bya// nyon cig 'dus pa chen po'i tshogs// sgrub pa'i gnas mchog dam pa dag/ skyon yon gnyis kyi bye brag las// nges par brtags te shes pa las// blang dor gnyis su sbyar bar bya// ri bo chen po 'dus pa'i rtse// gangs dkar shel gyi 'dab chen ni// seng phrug 'khra ba'i gnas yin te// thams cad zhi bar byed pa'i gnas// rdo rje brag chen gtams pa'i dkyil// dgon pa chen po'i phug chen ni// gcan chen 'khra ba'i gnas yin te// mngon spyod chen po bsgrub pa'i gnas// dur khrod ngam grog bshung ba'i gnas// sum mdo grog gle rtsub pa'i ri// dur gcan 'khra ba'i gnas yin te// chags pa bsgrub pa'i gnas yin no// nags tshal dra bas btibs pa'i nang// shin tu btsan zhing 'jigs pa'i ngogs// stag gzig 'khra ba'i gnas yin te// 'dod pa sgrub pa'i gnas su shis// chu mdo chu 'jigs rgya mtsho'i gling// chu yi ra bas kun bskor ba// chu gcan 'khra ba'i gnas yin pas// bya ba med pa'i las la bya'o// der ni yo byad phun sum tshogs// ci 'dod bltas te ma thogs par// kha na ma tho bcas dang bral// 'byor pas nan tan mchog bskyed pa// khams las gyur pa'i nad chen rnams// bcud kyi mchog gis bzlog bya'i phyir// rtsi'am bcu dam thar pa rnams// nyer rdzogs su ni gzhag par bya// 'dus pa'i nad dang dus kyi nad// dug las gyur pa'i nad rnams kyi// rkyen gyis bar chad 'byung srid phyir// sman dang mkhas pas bcas te sbyar// ka pA la dang lcang lor bcas// ga'u chung la sogs pa'i rdzas// phyag rgya che dang ldan byas la// dngos grub 'byung ba'i rten du bya// sgrub mchog gsang ba'i rnam 'byor pa// skyo ba'i yid rnams gsang phyir dang// gti mug mun pa gzhom pa'i phyir// dung dang mkhar rnga rdza rnga dang// cang te'u pi bang ko ki la// snyan par rdzogs pa'i rdzas rnams kun// sna tshogs 'byung ba'i rol mo ste// nyer rdzogs su ni 'byor par bya// shin tu gtams pas tshogs chen ni// bla ma rdo rje 'khor lo rgyal// gsang ba sbyor ba'i dus chen du// sgrub chen sgrub pa'i rnal 'byor rnams// snying rje byams dang dga' snyoms dang// gdung ba'i byang chub sems bskyed do// de yang shes dang shes bya yis// rtsal chen kun du rdzogs pa ni// rdo rje snying po 'bru mchog dag/ shin tu gtams pas tshogs pa ni// bla ma rdo rje 'khor lo rgyal// yon tan mchog gi gter gyur cing// srid pas zhus kyang zad mi shes// rkyen thub dbang lung rdzogs pas gzung// rdo rje kun gyi gzugs 'dzin pa// kun sdud kun 'byung 'khrug med cing// nam mkha'i khyon ltar kun la khyab// ma ltar byams pa'i yum mchog gzung// rgyud sbyangs brtul zhugs mchog 'chang zhing// thogs med the tshom som nyi bral// 'dzin chags med cing blang dor med// brtan ldan gzungs thub rdo rje ging// rdo rje drod kyi dus 'dzin cing// tshig gi 'phen sdud skabs su sbyor// yon tan rlabs kyis 'phang bcad de// legs nyes dmigs su gal 'dzugs so// rdo rje tshig gi gdangs skad can// rdo rje mthong ba rnam par dag/ ngag gi dbang phyug tshig la mkhas// las kyi phreng ba rdzogs byed pa'o// 'di ltar sbyar ba'i dus chen yang// nges par brtags te mdo gzung ba// rig byed dag gi yan lag las// shes par bya ste legs sbyar ba// bkra shis lha yi nyi ma dang// 'byor dang dus tshigs bzang po rnams// 'jig rten mtshan ma'i rtog pa ste// brtags na bkra shis mtshan ma 'byung// dus cha bzhi yi dang po ni// mchog nyid mngon spyod ro langs yin// dbyar tshe ston sman shis pa ste// zhi dang rgyas pa de bzhin sbyar// dbang du bsdus pa'ang dbang yin te// bam chen gsang ba'i dus su bshad// nor 'dod rdzu 'phrul thams cad kyang// cha bzhir khyab par sbyar ba'o// bsgrub pa chen po'i rdzas mchog dag/ gal te dus la bab gyur na// dus 'di dngos grub dus chen te// dus 'di mkhas pas yong mi bcag/ rnal 'byor las kyi dang po rnams// ci ste 'dod pa'i mtshan ma dang// yid 'ong 'byung zhing rtags rnyed pa// dam tshig gzungs 'du dus chen yin// sbyangs pas rtsal gyi mthar phyin cing// zhes blo'i yon tan tshogs rgyas pa// 'di dag tshad la bab pa ste// dus kyi mchog 'di nye bar brtag/'di ltar rgyu bzhi 'byor pa las// 'bras bu'i dngos por grub pa ste// gru dang mnyan pa mkhas pa la/ bsten pas rin chen lon pa 'dra// ji srid gnas pa'i rgya mtsho rnams// rang bzhin med par kun gcig pa'i// bdag med phyogs bral lhun gyis grub// gcig las rnam grangs ngang gis med// tha snyad dag par yongs chud na// nges pa'i don chen de nyid de// thams cad dag par 'gyur ba'o// bdag dang gzhan du mi gnyis pas// bdag nyid bdag gi rang bzhin te// sangs rgyas zhes bya gzhan na med// bdag nyid lhun grub dbang phyug che// gar dod pa yi dngos po la// ji lta ba bzhin grub 'gyur te// rdza mkhan 'phang lo srub pa ltar// gang ltar dmigs pa de ltar 'gyur// 'gro ba'i khams su gzi che zhing// 'byung chen lnga la dbang bskur ba'i// ngo mtshar rtsal gyi khyad par dag/ gdon mi za bar 'byung ba yin// de ltar brtson pa'i bsgrub pa dag/ rdzas dang yo byad la sogs te// shes dang yon tan phun sum tshogs// gzhan du reg las med pa ni// thams cad tshang bar rdzogs pas na// phun sum tshogs zhes de la bya// gsang chen bsgrub pa'i las 'di dag/ 'khor ba'i las dang mthun spyad cing// nyon mongs lnga ltar spyod snang yang// 'od kyis mun pa snang 'gyur ltar// skyon ni yon tan chen po la// g.yo mtshang dngos grub chen por 'gyur// de ltar 'khor ba'i rka bzlog pas// mi gnas ye shes rgya mtshor 'khyil// gnas rab brtag pa'i gal chen yang// nam mkha' 'khor lo rdo rje dang// rin chen zur brgyad pad+ma'i dbyings// rgya gram la sogs 'dra bar brtag/ sa gzhi yang ni de bzhin te// ri bo brtsegs dang bzur ba dang// de bzhin bsgrang dang gtams pa'i tshul// 'dra bar mkhas pas brtag par bya// de yang rigs kyi khyad par ni// lnga la sogs pa so so yi// gnas gnas dag tu rtogs nas ni// nor bu rin chen de bsgrub bya// skyon gyi gnas dag spang ba ni// gshin rje gdug pa'i gdung rtse dang// ma mo rngam pa'i spar shad dang/ srin mo ngus pa'i 'chi rdzes dang// gnod sbyin khro bo'i rbab shul dang// 'byung po rkun po 'jol la sogs// gnas kyi skyon rnams dgra dang rkun// mkhas pas nges par spang bar bya// kha na ma thor bcas pa dang// nyams pa las byung nyid dang bral// ma dag pa yi yo byad rnams// gdug can pang du 'ongs pa ltar// lnga yi brtul zhugs chen po yi// bskal bas bshugs te spang bar bya// dgom pa chen po'i sa phyogs sam// bkra shis mtshan ma 'byung ba dag/ dga' ba skye bar 'gyur ba yi// yid 'ong gnas su 'dug nas ni// rtsod pa nyer bar zhi bya'i phyir// snying rje ldan pa'i rnal 'byor gyis// bsgrub pa brnag pa mthar dbyung phyir// rgyal po rten dang 'khor bcas la// bden par bsgo ba 'am yang bslang ba// dgongs shig thugs rje rgyal ba'i lha// lha klu gnod sbyin sde dpung bcas// gangs rig rtse dang rin chen ri// kun dga' ldum ra skyed mos tshal// mtsho rdzing lu ma 'bab chu'i gnas// 'jig rten 'jig rten thams cad kyi// gang dag bdag por gyur pa rnams// rnal 'byor dbang phyug bdag nyid kyis// sa 'di lhun gyis grub bya'i phyir// 'dzam gling grub pa'i sa slong na// 'khor dang bcas pa 'dir 'khod la// rin chen gter gyi sa gzhi bslang// zhes pas rin chen sna tshogs kyis// sa la gnas pas de mgu bya// des ni bdag gir de 'gyur zhing// nyes pa de dang bral ba yin// byang chub spyod pa g.yo ba dang// bsod nams dga' bskyed pa la// shes ldan rdzu 'phrul can gyi bu// ma skrag phrag dog yong ma skye// rnal 'byor mchog gi sgrub pa po// bdud 'dul phyag rgya rdzogs pa'i tshe// ru dra tshogs kyi rgol ba la// skyes bu las kyi don bgrangs te// don gyi dbang po'i phyir sbran ba// rgyal ba dbang phyug thams cad kyis// don mchog yang dag mdzad pa'i tshe// skyes bu rtsal gyi khyad par las// 'di tshe dpang mkhyen dmigs 'byed ma// sngon tshe dpal chen gar dbang gis// ru dra sde bzhi bsgral nas ni// gsang ba bstan pa'i rgyas mdzad nas// 'gro drug thugs rjes bsgral ba ltar// rnam 'byor sa la sbyor tshe 'dir// lha mos mkhyen par mdzad nas kyang// bde chen sa la bgrod pa'i tshe/ ru dra'i rgol ba 'byung ba'am// spyan ldan khyod kyis dpang mdzod cig/ sgrub pa'i lam mchog khyad par gyis// brtsams par bya ba'i las rnams kun// mtshan mas mtshan ma gzhol ba'i phyir// ro lnga'i mtshan ma brtag par bya// dge bar gyur ba der gnas bya// gal te shis par ma gyur na// skyes bu thams la mkhas pa yis// gnan nam spo ba'i las kyis sbyar// der ni bsod nams gter ldan phyir// rin chen lnga la sogs pa'i rdzas// sa gzhi gter chen rgyas par bya// bkra shis mchog tu bsngags pa yin// sa zhag spos chen rnam lnga'i khu// bsres pas kun tu grub bzhi ni// maN+Dal rgyas pa'i dbyings 'dra la// ting 'dzin phyag rgya sngags ldan pas// mtshan ma'i dngos po kun sbyangs te// rgyal ba bzhugs pa'i rten du bya// rdo rje byin brlabs 'byung gnas dang// gnas rnams shin tu brtan bya'i phyir// mchog gi sbyo ba dag pa yis// sa gzhi gzung zhing byin gyis brlabs// de dang der ni sa sbyangs te// thig gis yul bcad skabs dag tu// rgyal ba bzhugs pa'i pho brang der// rdo rje drag po'i ging chen gyis// lce pog nag po'i dud pas bdug/ rgyun mi 'chad du byas nas ni// khra bo drag po'i sngags zlos shing// rdo rje khro ba'i stabs kyis bskor// shes rab yum gyi 'jo tshul gyi/ rnam gnyis rdzas kyi 'di gu dag/ srin bal ye'u sbyar ba yis// kun du zla ba'i thig le bya// rdo rje rgyal po 'phags rnams kyis// so so'i sngags dang rtsa ba'i rgya/ so so'i stang stabs sbyar nas kyang// de dag gnas su byin gyis rlab// gsang ba'i don la zhugs pa'i phyir// gsang ba'i las kyi sngon logs su// bstan pa'i skyong ba'i mgon po la// sbyin mchod bsrung ba'i las chen bcol// gzhal yas gnas kyi phyi rol du// mgon po gnas pa'i rten gzhi dag/ rin chen 'bras sam 'byung khungs sam// shing ngam ba so de dag las/ lugs sam phyag rgya'i gzugs byas te// mgon po bzhi du mngal gsol te// gnas kyi sgo spong so bar bya// ri rab gling bzhi'i phyogs phyogs nas// rdo rje gsang bdag dbang gi mthus// 'jig rten skyong ba'i tha tshig can// mthu chen mgon po sde gzhi rnams// so so'i bgegs ris 'dus la mkhas// chos skyong longs spyod rdzogs pa'i sku// phrin las rnam bzhi mthar phyin pas/rigs bzhi kha dog so sor gsal// rang rtags lha yi mtshan ma thogs// phyi 'khor skyong ba'i rdzu 'phrul can// bdag cag rnal 'byor rtsal sbyong gis// rang rang 'khor rnams thub par mdzod// sgrub pa'i rtsal 'di mthar dbyung zhing// rkyen gyi bar chad bsal ba dang// gsang ba'i man ngag spyad pa'i phyir// 'jug srid dam sri gnon par bya// dur khrod chen po'i gnas dag tu// rnal 'byor gsang ba'i gnas dag tu// dngos grub chu la rdul 'jug cing// khro bo hU~M chen kun 'dus nas// gsad cing gnon pa'i las bya ste// ri rab chen po'i rmad du gtang// ya ma ra dza'i zas su sbyin// chu srin 'bar ba'i kha ru brdzang// 'khor lo 'bar ba'i phyag rgyas gnon// bdun rgyud rig ni brlag gyur nas// nams kyang ldang bar mi nus te// byang chub sems ni skyes na btang/ badzra muSh+ti pa~M/ ma ma ba shaM ku ru nan/ su~M b+ha ni su~M b+hA nA~M/de ltar drag po'i sbyor ba yis// sgo nas phyi rol bar khang du// mkha' 'dra'i khung bu byas nas ni// dug dang rtsub pa'i phye ma dang// khrag sna tshogs dang mi ro yis// shin tu bsub cing gnon par bya// de nas rdo rje nang dag tu// seng ge'i lta bas bltas nas ni/ rdo rje gom pas phyogs nas ni// khro mig 'bar bas phyir bltas te// 'gying bag tshul du brjid pa yis// 'bar ba'i rdo rje spar nas ni// phyi nang rdul chen bsal bar bya// hU~M stong gsum stong gi 'jig rten na// skye 'gro rtsi shing nags tshal dang// yod mthong snang grags ji snyed pa// kun kyang 'bar ba khrag 'thung ste// rngam chen gtum thung shes dag 'bar// dur khrod dkyil 'khor lhun gyis grub// rak+Sha rak+Sha he ru ka/ rak+ta kro d+hi dz+wa la ba/ ha la ha la tiSh+Tha phaT/ zhes pas khro bo rol pa yi// stabs dang ma mo'i rngam tshul dang/ phra men lhags pa'i rngam stabs kyis// 'bar ba'i dkyil 'khor bskor bar bya// rdo rje dkrigs pa'i phreng ba dang// tho ba lcags kyu 'bar ba dang// 'khor lo ral gri la sogs rdzas// kun gyi phyag rgya mtshan mas bskor// de las 'bar ba'i phyag rgya dang// mig las 'bar ba'i me mched pas// me 'od 'bar ba'i phreng ba 'dis// dmigs sam dngos su sbyar nas kyang// 'bar ba drag po'i yi ge las// sreg pa'i dpal chen gur du gtams// hU~M ra rdo rje me yi ri// lhun po 'bar ba'i rtsa brgyad la/ 'bar ba'i lha brgyad bsgyel nas kyang// dbang chen rdo rje bka' sdod gnas// shin tu mi bzad 'bar ba yis// gtum chen ha la rngam pa'i gzugs// lha chen khyab 'jug lpags bshus nas// zhing chen g.yang gzhi'i na bza' bsnams// gshin rje ma tra~M 'bar ba yi// ro dbyug chen po phyag na 'phyar// phra men dgu khri mang po dag/ 'bar ba'i tshogs ni gtibs thams bcad// gang la cis 'dul der ston pa// tsit+ta 'bar ba'i me phreng gis// do shal mgur chu phreng bas sbrengs// bskal pa'i me dpung 'bar ba'i klong// srid pa'i rtse mor 'khyil cing 'phro// nam mkha'i khams kun me dpung gtibs// rdo rje 'khor lo me lce 'phro// dur khrod dgon pa'i sa phyogs dag/ me yi ri bo 'bar ba la// me yi yi dags ma dag las// gang yang gnas par mi phod pa// steng gi me lce 'bar ba ni// 'og gi phyogs su 'phro zhing 'phrul// 'og mi me lce 'bar ba yang// gyel du 'khyil zhing steng du thal// me lce dgu phreng 'bar ba dag/ 'ur chem 'chad pas 'thab cing 'khrug/ dur khrod me ni smug cing 'bar// zhes sdang 'joms pas mthing nag 'tshub// nga rgyal sreg pas seng nag 'phro// 'dod chags mnyam pas dmag nag 'phro// phrag dog sreg pas ljang nag 'khyil// gti mug sel nas smug nag 'khyil// 'bar chen klong gi 'khor los gtams// dz+wa la maN+Da la ha la ha la ra~M// me'i ri lag chu'i phyag rgya yis// gnas sam dkyil 'khor bskor bar bya// chos nyid bdal ba'i nam mkha' la// ye shes lnga yi 'byung chen brtsegs// kun gzhi bdal ba'i nam mkha' la// bskyad ma'i 'byung chen rnam lnga brtsegs// bru~M las rin chen 'bar ba'i gzhal// mtha' dag dbus med kun du khyab// ta la'i bskyed cing gser tsong dril// zla gam dmar po dbang gi rgya// bru~M kha~M tra~M kha la ti bruM// zhes pas rnam lnga'i byug pa yis// gtor zhing kun du byug par bya'o// sgrub mchog skyong ba'i rnal 'byor rnams// rdo rje tshig gis btab nas ni// rgyal sras rig 'dzin bka' 'khor lo// 'bras bur red phyir byin gyis rlob// rdo rje rgyal dbang chen po des// sgrib pa sreg pa'i yi ge ni// phreng bar byas te gnas su 'phro// nyi ma'i dkyil 'khor la bzhag ste// rig 'dzin pho mo'i mtshan mas gdab// rnam lnga'i byug pas kun la gtor// rtags kyi phyag rgya lag tu sbyin// rnal 'byor chen po'i lugs su spyad// 'jig rten skyong tshul thams cad ni// sgyu ma yin phyir shin tu yang// 'jig rten 'das pa'i spyod tshul dag/ ji ltar 'byung ba de ltar spyad// e ma dur khrod gsang ba yi// rmad byung zhing khams dga' tshal 'dir// skal ldan dbang phyug rgyal ba'i sras// 'dus pas tshogs pa'i rig 'dzin rnams/e ma'o dga' mchog bde chen grogs// dam tshig srog gi lu gu rgyud// thabs dang shes rab 'brel pa yis// sprul pa'i gshog sprugs grwa rgyas pas// tshogs gnyis rtsal gyis brlabs sbar nas// chos nyid mkha' la lding bar rigs// a ya~M dza laM kha~M lhan// de ring phan cad rgyal ba'i sras// dbang phyug yin pas ci bder spyod// rnal 'byor longs spyod bskyed pa dang// dug rnams bdud rtsir 'gyur ba yi// mAM las skyes pa'i ye shes kyis// zangs kyi dngos po 'jug 'dul bya// dam rdzas yo byad longs spyod rnams// gong nas cha gsum so so nas// shan ma 'dres pa sta gon bya// phyi yi cha la 'jug pa yi// mchod sbyin spel ba'i yo byad bya// de gnyis gnyis pa'i cha dag las// mjug gi rgyal chos longs spyod bya// rmad 'byung nang gi cha dag ni// thams cad gcig tu byas na ni// ras sam shing khyon dag tu ni// bsdus te bsgrub pa'i rdzas kyis dgab// byug pa chen pos de la gtor// lce pog nag po'i dud pas bdug/ rdo rje gar gyi phyag rgya dang// 'bar ba'i lta bas brjid par bya// tsham ngam chen po'i stabs kyis bskor// sna tshogs bsur gyi dri chen gdon// de nas rgyal po'i byin brlabs kyis// yo byad de dag bdud rtsi lnga// dam rdzas ngo bor bsdus nas ni// de la 'bru lnga'i 'phro 'du las// zhu nas phyag mtshan rnam lngar 'bar// dag pa'i bdud rtsi chen por zhu// shes rab lha mo rig 'dzin ma// bzhi 'am yang na rnam pa brgyad// rdzas sam yo byad rang bzhin pas// zas mchog gar gyis spyir blangs te// longs spyod spel ba'i dbyangs 'dis bstan// bdag cag rig 'dzin shes rab ma// rgyal sras lha yi dngos grub 'dzin/ dgyes pas tshim pa'i longs spyod dag/ ji ltar yid bzhin nor bu'am// dpag bsam shing ljon 'dod 'jo'i ba// ma rmos lo tog rgyas pa ltar// rnal 'byor longs spyod chen po dag/ nam mkha'i khams su gtibs nas kyang// rdo rje dgyes tshogs kun 'dus nas// skal ldan rnams kyis rab sprul cig/rdo rje gar gyi dbang sgyur nas// sgreg pas lha mo 'jo tshul dag/ 'dud cing sdod pa'i tshul gyis ni// rol mo'i tshogs kyis dga' ba skyed// oM shrI badzra lu s+yai hU~M hU~M/ badzra mA lai trA~M trA~M// badzra gI ti hrIHhrIH badzra nri t+ya aHaH/rdo rje karma'i thabs mchog gis// rdo rje glu 'dis gzi byin bskyed// rdo rje bdud rtsi longs spyod 'di// rtsi mchog bcud kyi snying po ste// gzi mdangs rgyas par byed pa'i mchog/ bkrag 'dzin gzugs mchog dran pa'i dpal// rdo rje can gyi byin stobs kyis// skal pa can gyi zas su bya// skal med rnams kyis dug tu 'gyur// dper na sprul la 'o ma bzhin// sa ma ya dzoM:ku su tsa ma ma/ smug zil lha ma mnyen gsal ma// rlan rnams bdud rtsir sgyur byed ma// bdud rtsi chu rgyun dngos grub 'dzin// rang gnyer las skal chu rgyun 'bebs// shing lo 'dab las bdud rtsir sgyur// 'bru thog sna tshogs dngos grub 'dzin// rang gnyer las skal 'bras bur skyed// lha mo srabartan dbang sgyur ma// khu ba bcud las bdud rtsir 'gyur// bdud rtsi zhun chen dngos grub 'dzin// rang gnyer las skal brtan par byed// rdo rje lha mo shel mdog ma// nyi zer bdud rtsir sgyur byed ma// gsal ba mdangs kyi dngos grub 'dzin// rang gnyer las skal gzi byin skyed// lha mo khro gnyer sngo bsangs ma// dur khrod rdzas las bdud rtsir sgyur// sha chen sna tshogs dngos grub 'dzin// rang gnyer las skal byin 'bebs ma// rtsi yi lha mo blo gros ma// rtsi thog bdud rtsir sgyur byed ma// rtsi mchog kun gyi dngos grub 'dzin// rang gnyer las skal tshim byed ma// sman gyi lha mo nor gyi rgyun// dug rnams bdud rtsir sgyur byed ma// bdud rtsi sman gyi dngos grub 'dzin// rang gnyer las skal 'di kun yang// rdo rje glu yi brten nas ni// rnal 'byor chen po'i yo byad du// rol mos dga' ston longs spyod bya// de nas las kyi gnas skabs 'dir// phyi nang mthun 'jug bka' sdod pa'i// gshin rje chos kyi phyag rgya yis// bran gyi bya bar dbang bsdus nas// phyi mtshams bsrung bar dbang bskur te// 'bur ram lugs sam ri mo'am// ci 'dra bar ni byas nas kyang// phyi khyams sgo yi phyi rol du// ma he khri la bzhag nas ni// mthun pa'i rdzas kyis mgu byas la// de tshe 'di yis bsko bar bya// gsang chen lhun grub pho brang nas/ las kyi gshin rje'i pho brang nas// bcom ldan chos rjes bka' stsal pa/ de bzhin rig 'dzin sgrub pa pos// bka' gsang gzhung chen 'di sgrub cing// yang dag don la nges 'jug na/ 'di dag nor bu rin chen te// 'di la rtod cing bar gcod pa// lha srin sde brgyad 'byung po kun/ khyod kyi 'khor dang g.yog yin gyi// rnam par smin pa'i chos shod la// gsang ba mchog gi rnal 'byor pas// bla med 'bras bur ma gyur tsher// sa 'di yan chad ma gtang bar// dpal chen mi pham bka' ma 'da'// bdag cag ye nas gnyis med de// de tsam don gyi dbyings su gcig/phyi rol skyong ba'i mu ran la// rdo rje yal dam thub par mdzod// badzra ya ma rA dza sa ma ya staM// zhes pas gshin rje mnas bsgags te// gal te 'das na kho bdag 'tshig/ brtsam pa bya ba'i las chen po// dngos grub 'byung bar byed pa'i rten// phyag rgya che dang gzugs mchog gi/ stegs bu legs par sbyangs na 'grub// mtshon pas khrid par byed pa yi// rdul tshon 'dus byas rgyu rnams la// brnyan ma'i dkyil 'khor bshad bgyi ba// so sor brtags te bshad bgyi ba// brtan zhing ngos 'jam khang bu la// 'bur khung khod snyoms 'phang mtho ba'i/ kha dog lnga yi gzugs byas nas// des ni mtshan ma'i dngos grub ster// shing shun ras sam dur khrod kyi// zhing cher ras la kha dog lngas// phyag rgya 'bar ba'i gzugs bris na// de yang mtshan ma 'byung ba'i rten// rdo dang shel rdo la sogs pa// dung ngam ba so'i rgyu las ni// mkhas pas 'bur du btod byas nas// mtshan ma 'byung ba'i rten du 'gyur// gser dngul rin chen la sogs pa// zangs lcags khar ba'i rgyu dag las// mkhan gyis blugs te ma nyams na// de yang mtshan ma'i rten du 'gyur// blak+Sha byang chub shing la sogs// rgyud shing yal ga mnyen pa las// phyag rgya'i gzugs de legs sbyar na// de yang rten du mkhas pas bshad// mnyen cing sbyin pa'i mchog rnams la// bzhin dang 'dril khugs legs sbyar te// phyag rgya chen po'i gzugs byas na// de yang rten ba'i 'os su 'gyur// de la sogs pa'i rgyu rnams la// yi ge 'am yang na mtshan rtags sam// ming ngam thig ler rdzas la bri// bsgrubs na mtshan ma'i rten du 'gyur// de la re zhig 'dir bshad pa// stegs bu la brten mtshan ma dag/ bsgrub pa'i don du brtag gzung ba// brtsam pa'i thabs ni 'di lta ste// gong du smos pa'i rgyu rnams la// stegs bu mdzes shing mnyam byas te/ kun du grub bzhi cha mnyam la// bdud rtsi lnga yi sbyor ba yis// me long lta bur snying por bya// snang byung yang dag byin brlabs can// ye shes rang byung grub pa'i rdzas// bka' gsang rmad byung pho brang du// dur khrod rdzas lngas skyang nul bya// rdo rje srad bu'i thig gdab pa cho ga rnam par bshad bgyi ba// gsang ba'i lcang lo 'khril mangs dang/ rdo rje rgyun thag la sogs pa// ring thung maN+Dal 'khor khyud la// 'jur mdud can du ma gyur pa'i// sum sgril snyoms pa'i tshad ldan la// ye shes lnga yi rang bzhin gsal// rgyu de byin gyis brlab pa'i thabs// thabs dang shes rab 'brel pa yi// yi ge gnyis kyi 'phro 'du las// dkar dmar 'od kyi gser phreng 'phro// rdo rje gsang ba'i thabs kyis da// byang chub sems 'dre 'khal ba'i yum// nges par rtags te 'dir bzung ba// mtshan ldan bkra shis gsang ba'i yum// smin dkyus ring la lag sor phra// tshigs mig slum la phra bar bshad/ kha nas ut+pal ngad ldan zhing// lus la ga pur tsan+dan dri// yid 'ong mtshan ldan rked skabs phye// skra 'jam mthon mthing g.yas su 'khyil// so dkar tshags dam dkar dmar phyed// mig gi dkyus ring smin dkyugs legs// zar ma'i me tog rgyas 'dra'i spyan// dpral ba'i dbyes che skra mtshams 'khyug/ sna bzang mdog gsal pad+ma'i rigs// lus drang ske ring sems ma'i tshul// nu ma'i kyil mtho zla rgyas 'dra// sha dkar tshags dam 'khril bag chags// khong dal 'gro na gom pa 'jal// skad ni ngang pa gzhon nu sgrogs// cir yang mdzes pa'i stabs tshul ldan// skyes bu bla mas yum du gzung// gzungs mar byin gyis brlab pa ni// yum gyi phung po gnas lngar ni// bde bar gshegs pa'i sa bon lnga// 'phro 'du gsal bar gyur pa dang// sangs rgyas byin brlabs dbang bskur nas/ bde gshegs yum lnga'i sku mchog gsal// rdo rje yab la'ang de bzhin te// de ltar gsal bar yur pa dang// yum gyi mkha' la me ri sgom// gsang ba dbugs kyi zla gam la// byang chub sems kyi 'phro 'du bya// gzugs brnyan ji ltar gsal ba bzhin// yum gyi mkha' la de bzhin no// de nas rdo rje tshig 'di yis// lus kyi yum la nges par bsgo// shes rab lha mo gsang ba'i yum// 'dod dgur sgyur ba'i 'phrul mo che// chags pa'i tshul gyis thabs la 'dud// g.yon du 'khril cig g.yas su 'khyud// 'dzum pa'i mdangs kyis zla gam sbyor// gsang ba'i byang chub sems 'dren pa// khyod ni lha mo rgyal ba'i sras// rang bzhin chos kyi mtshan ldan ma// rdo rje las gyi yum yin gyis// gsang ba'i las rnams kun byos shig/ lag pa 'khor lo'i gzhan yas su// nyi zla 'bar ba'i tshogs bkod de// gsang ba'i byang chub dkar dmar 'di// thig le yi ge'i ngo bor gdab// las kyi rdo rje 'bar ba yi// rdo rje gar gyi phyag rgya yis// byang chub sems kyi thig 'di drongs// rdo rje gsang ba'i las 'di drongs// rdo rje gsang ba'i las 'di gyis// oM tsan+d+ra d+ha ra hrI zhes pa'i// gsang ba'i thabs kyi sbyor ba yis// rdzas mchog 'bar ba'i thig le yis// gnas lnga dag gi gzhal yas su// gsang ba thabs kyi thig le bya// srad bu'i sbyor ba de rdzogs nas// gol sgrib rtag chad skyon bral ba'i// che chung ya yo med pa yi// rdo rje dbu ma'i thig 'di dgye// chos kyi dbyings kyi gzhal yas su// mi dmigs bdal ba'i maN+Dal la// ye shes lnga yi thig 'phros pas// bde chen rnam thar phyag rgya'i tshogs// kun gzhi nam mkha'i gzhal yas su// nyon mongs rtogs pa'i maN+Dal la// ting 'dzin 'od zer thig 'phros pas/ phyag rgya rdo rje 'bar ba'i tshogs// mkha' dbyings gsang ba'i gzhal yas su// zla gam pad+ma'i maN+Dal las// byang chub sems kyi thig 'phros pas// ye shes sems dpa' gsal ba'i tshogs// bkra shis dben pa'i gzhal yas su// mtshan ma rten gyi maN+Dal la// rdo rje srad bu'i thig 'phros pas/ cho 'phrul gzugs brnyan phyag rgya 'bar// stong gsum gsang ba'i dkyil 'khor du// rmad byung rdo rje'i thig 'gyed na// gsang ba'i dam la gnas pa yi// 'byung po skye bo gdol pa can// rdo rje rtsal gyi hU~M ring las// rdo rje mtshon cha'i bu yug 'tshub// phyogs mtshams bla 'og khro bos gtams// 'bar ba gsang ba'i mtshams bzung ste// phyi rol sde pa'i 'drul rnams gcad// rdo rje mtshon cha 'bar ba'i tshogs// sreg dang 'joms pa'i drag shul can// rdo rje lce yis 'dir brdeg bya// rdo rje nyi ma'i gzhal yas su// rdo rje dpal be'u 'od kyi thig/me long ye shes rang bzhin can// rnal 'byor can gyis gdab par bya// de bzhin rin chen 'bar ba'i gzhal// pad+ma zla ba 'khor lo yi// dpag med nam mkha'i gzhal yas su// rigs kyi dpal be'u 'od kyi thig/ye shes bzhi yi rang bzhin can// rnam 'byor can gyis gdab par bya// rdo rje mkha' la 'khor lo bskor// thabs dang shes rab zung ya bzhis// so so'i phyag tu gnas nas ni/ nam mkha' dbus kyi snying po la// srad bu bzhi yi rgya gram bre// de nas rdo rje brtan pa'i sa// dbus kyi pho brang dgu pa ni// rdo rje srad bu'i thig chen gyis// phyag rgya bzhugs pa'i gnas rnams kun// cha chung med par snyoms par bya// 'dir ni rdo rje mu khyud bdun// 'byung ba'i rim pa drug bar du// 'khor lo drug brtsegs snying por 'bar// gru chad rtsibs mchan me ri 'phro// mu khyud tshar gsum 'bar ba'i phreng// bar khyams bzhis mdzes phyi khyams dang/lngar gsal sgo dgu shar du brtsegs// pho brang de yi gnas gnas su// phyag rgya'i tshul rnams 'byung ba ni// mi khyud mtha' zad yan chad du// yab yum drug cu rtsa zhi yi// cho 'phrul dam tshig tshad med pa// rol ba 'jigs byed 'jigs byed che// ka tsa li la sogs par bri// de bzhin za byed yab yum bzhi// las kyi lha ste he ru ka// 'khor lo tha ma'i rtsibs la dgod// gnas dang yul gyi phyag rgya dag/gru chad phyi dang nang na dgram// hU~M chen bcu yi yab yum dag/ shin tu mdzes par dag po la'o// de nyid la ni ma brgyad dang// ging chen bco brgyad rgyas par dgod// gnyis pa'i khyams la mkha' 'gro brgyad// shugs 'gro brgyad kyang de bzhin no// gsum pa khyams la phra men brgyad// de bzhin 'bar ma brgyad rnams bris// bzhi pa'i khyams la phor thogs brgyad// de bzhin srin mo gzhong thogs brgyad// kun tu mdzes par bri bar bya// lnga pa'i khyams ni tha ma la// rdo rje slas dang bram mo dang// pho nya la sogs rgyas par dgram// de yang tshul du dgod pa ni// gong ma dag ni rgyu rnams las// ka tsa li la sogs pa dang// ji ltar 'byor ba de ltar bri// mchod pa'i yo byad thams cad dang// rmad du byung ba'i rdzas mchog dang// rdo rje gsang ba'i rim gyis bkod// rdo rje gsang sgo phye nas ni// ting 'dzin dkyil 'khor kun rdzogs nas// rang bzhin yul nas phab nas ni// bsgrub pa'i dkyil 'khor der rdzogs bya// 'dir yang don gyi khyad par gyis// rig 'dzin che ba'i sa spar ba// shar gyi gdan gyi khyad par la// rdo rje seng ges btegs 'khor lo// zla ba nyi ma g.yas g.yon gyi// zhabs rten tshul gyi maN+Dal ni// rdo rje rgyal po yab yum bzhugs// lho yi gdan gyi khyad par la// glang cen rdo rjes btegs 'khor lo// pad+ma g.yas g.yon zhabs brten tshul// rdo rjes rgyal ba yab yum bzhugs// byang ngu gdan gyi khyad par la// pad+ma rdo rje bteg rgya gral// rdo rje karma yab yum bzhugs// nub bam phyogs sam mtshams gzhan du// gzhi rnams gcig tu gyur pa la// maN+Dal rgyun ma chad pa la// rdo rjes gtams shing sbrel byas nas// pad+ma phyogs gcig cher 'bar ba/ kha dog 'bar ba'i 'od kyis dkrigs// rtsal phang che chung khyad par gyis// skal dang ldan nas mi ldan pa'i// la la dag la zla ba ni// rangs pa'i gdan gyi mtshan ma la// de yang rtsal 'phang che chung la// la la rtse gsum rdo rjes mtshan// la la rdo rje phyed mas mtshan// la la ma rangs zla gam kha// nang du bsan pos mtshan par bya'o// la la rtses 'bigs rnam par mtshan// la la pad+ma brtsegs pas mtshan// la la dag ma mtshan ma med// la las gdan de mi non re// nar ma gang zag mi yi rdzas// so so'i bde ba'i thabs su sbyar// kun tu bde bar sbyar ba'i phyir// pi par bstan zhes grags pa ste// kun tu khyab par lus bder sbyar// rmad byung sgrub pa'i dkyil 'khor du// 'jug dang dngos grub gsol ba dang// dbang bskur ba yi las rnams bya// 'dod par bya ba sgrub pa dang// gtor ma la sogs rdzas kyi rnams// cha gsum dag la bgos nas kyang// gcig gi sbyin sregs las mchog bya// gcig la rnam 'byor longs spyod gter// gcig ni mkha' 'gro'o 'khor tshogs bskyang// gnas su bkra shis la sogs kyis// sgrub pa rdzogs pas mthar dbyung ngo// dur khrod gsang mchog dbyings nyid la// dkyil 'khor dgu brtsegs dpal gyi rgya// ye shes dgu yi khong gseng gsal// me ri 'od kyi thig thag gcad// 'khor lo tshogs chen grub pa'i sa// rnal 'byor rtsal mchog can gyi gnas// sgrub pa rtsa yi dkyil 'khor de// dur khrod gsang ba mchog gi mdo// rgyud kyi rgyal po chen po rdo rje bkod pa kun 'dus rig pa'i mdo las tshogs chen 'dus pa'i bsgrub lugs kyi le'u ste bcu gnyis pa'o//// de nas sems dpa'i rdo rje dam pa des 'di skad ce bka' stsal to// 'dus pa chen po'i tshogs rig 'dzin thams cad nges par 'grub par 'dod na 'di ltar rig par bya'o// de bzhin thams cad kun rdzogs nas// rigs kyi khyad par 'di dag dbye// so so'i rigs su bsgrub par bya// rdo rje can la dpal be'u ni// dkyil 'khor rdo rje 'bar ba'o// de bzhin rin chen rin chen te// pad+ma dmar po 'od kyi dkyil// las ni kun tu rgya gram 'bar// de bzhin rin chen 'khor lor 'bar// so so'i rigs rnams gtsor gzhag ste// 'khor ni de bzhin mi 'gyur bar// rnam par bkod de legs sbyar nas// bsnyen pa dang ni nye bsnyen pa// bsgrub dang sgrub chen rdzogs par bsgrub// ting 'dzin rtsal gyi khyad par ni// so so'i rig ni gang yin pa// ting 'dzin bye brag mang po la// yid kyi sbyor ba gsal bar bya// des ni rig 'dzin gang 'dod pa// gsol bar nges par 'grub pa yin// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje rig 'dzin bsgrub pa'i le'u ste bcu gsum pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni blang dor med par rig par bya'o// chos nyid mnyam pa'i rang bzhin la// bzang ngan rtog pa'i tshig dang bral// bdag dang gzhan du dbyer med de// gtsang dang mi gtsang gnyis su med// ces gsungs so// de nas 'khor der 'dus par gyur pa'i rig 'dzin mi'i thod pa can mang po dag rnam par bkod pa rnal 'byor gyi gral nas langs te// a la la ho zhes bya ba'i sgra chen po brjod nas 'di skad ces gsol to// bcom ldan 'das kyis bka' stsal pa la bdag cag shin tu gnas par 'tshal na// bdag cag rnams kyis dam tshig ni bcom ldan 'das kyis ma gsungs so zhes gsol pa las// bcom ldan 'das kyis bka' stsal pa// mi'i thod pa can rnams rang rang ji ltar dga' ba'i dam tshig rnams spobs pa skyed la phul cig ces gsungs pa las/'dod chags kyi rig 'dzin bram ze'i mi'i thod pa can rdo rje thal ba'i dbyangs zhes bya bas 'di skad ces gsol to// bcom ldan 'das bdag cag gi dam tshig ni 'di lta ste// ma dang sring mo bu mo dang// rgyu dang mi rgyu'i 'jig rten gyi// bud med thams cad thams cad la// 'dod pa'i chags pa ci sprad kyang// yang dag rig na mi gos so// zhes gsol to// de nas rig 'dzin rak+Sha mi'i thod pa can zhes bya ba des 'di skad ces gsol to// bcom ldan 'das bdag gi dam tshig 'di lta ste// bdag ni gsod la dga' ba ste// sems can thams cad bsod nas kyang// zag pa mi gtsang snyigs ma dang// mi sha la sogs thams cad kun// zos na dam tshig mchog lags te// mthu dang gzi byin 'phel bar 'gyur// bdag gi dam tshig de lags so// zhes gsol to// de nas yang gnod sbyin rig 'dzin yak+Sha mi'i thod pa can zhes bya bas 'di skad ces gsol to// bcom ldan 'das bdag gi dam tshig 'di lta ste/ mi yi bdag po thams cad la// 'dod pa thams cad 'phrog pa dang/ gser la sogs par brkus spyad kyang// yang dag rig na mi gos te// 'dod pa grub pa'i mchog tu 'gyur// bdag gi dam tshig de lags so// zhes gsol to// de nas yang mu stegs rig 'dzin 'od srung ral pa can zhes bya bas 'di skad ces gsol to// bcom ldan 'das bdag gi dam tshig ni 'di lta ste// mi yi mgo bo bcad nas kyang// bzang dang ngan ni bye brag rnams// rigs pas brtags te shes byas nas// bzang ba'i rtags can bsten bya ste// dkar po ra ri lcang lo can// 'di dag rtag tu sus 'chang ba// 'dod pa thams cad 'grub pa ste// rgol ba thams cad 'joms par nus// yid bzhin nor bu ci 'dra bar// de yi yon tan 'di las 'byung// bdag gi dam tshig de lags so// zhes gsol to// de nas yang bram ze sha la dga' ba dang// sha za mo'i rig 'dzin rnams kyis 'di skad ces gsol to// bcom ldan 'das bdag cag gi dam tshig ni 'di lta ste// ba glang khyi sha rta sha dang// mi sha glang chen sha la sogs// sha rnams 'dra bar gtsang sme med// zos na yod tan sna tshogs 'grub// bdag gi dam tshig de lags so// zhes gsol to// de nas yang srin mo'i rigs 'dzin khrag 'phrog ma zhes bya ba la sogs pas 'di skad ces gsol to// bcom ldan 'das bdag gi dam tshig ni 'di lta ste// srog chags sems can thams cad kyi// bsad pa'i khrag ni dron mo dag/'thungs na gzi byin 'bar bar 'gyur// bdag gi dam tshig de lags so// zhes gsol to// lha mo klu mo rigs ngan mo la sogs pa bud med kyi tshogs thams cad kyis 'di skad ces gsol to// bdag cag rnams kyi dam tshig 'di lta ste/ gro bar glu tshig chen po ni// thams cad bsten pa'i mchog lags te// bro yi 'jo tshul stabs chen dang// glu yi snyan dngags don bsgrags nas// yid kyi dbang po thams cad 'phrog/bsten pa'i thabs kyis 'khrig spyod pa// 'di ni dga' ba'i dam tshig ste// bdag cag rnams kyi dam tshig las// zhes gsol to// de nas rig 'dzin de kun gyis 'di skad ces gsol to// bcom ldan 'das bdag cag rnams kyi spyi'i dam tshig ni 'di lta ste// dkar nag las ni ci spyad kyang// rnam par smin pa'i 'bras bu dang// rab 'bring tha dad bye brag med// de bzhin 'di la bde sdug gam// dge dang mi dge'i rtsod pa med// rnon po'i mtshon gyis gcad du med// ci phyir rnam pa bdun stong pas// thog pa med pa'i don phyir ro// srog kyang bcad cang gsad du med// ci phyir rdzas 'di 'jigs pas so// sdig pa chen po'i las rnams kun/ bdag gis byas sam gzhan byed bcug/ gal te gang gA'i bye snyed kyi// sems can de la sbyin byin dang// de bzhin gang gA'i bye snyed kyi// sems can thams cad gsad pa gnyis// yang dag rig la tha dad med// nam mkha' dag la rdul dang chus// ji ltar mi chags ba bzhin no// gang zhig khrel dang 'dzem ldan na// dogs pa'i rtog pa de bzung bas// dmyal ba chen por ltung bar 'gyur// chags pa'i spyod pa la sogs kyis// lus rnams gdung bar byed pa yi// sems can de ni 'du shes chung// zhes gsol to// de nas bcom ldan 'das sems dpa'i rdo rjes 'di skad ces gsungs so// e ma'o thod pa can gyi tshogs// khyed kyis smras pa'i tshig 'di rnams// mdud pas bcings pa'i tshig yin te// khur dang bral bar mi 'gyur ro// yang dag yang dag ces smra ba// yang dag nyid kyi mdud pa ste// mdud pa bkrol ba ma byas na// tha ram phyed par mi 'gyur ro// chams pa'i las rnams sbyor ba dag/ chags pa'i dbang gis der sbyor na// de dag de yi grong khyer du// gnas 'gyur de yi sems can yin// 'du shes sgyur ba'i las chen dag/ sdang ba'i dbang gi sems shor na// shan pa gsod pa'i rig 'dzin du// ltung 'gyur sdig pa'i ri bo yin// rgyal ba rnams ni gtsang bas na// gang tshe bde gshegs rgyal ba'i zhal// mi gtsang rnam pa sna tshogs kyis// yongs su bstabs par gyur na ko/ de tshe las kyi rnam smin gyis// thar med nad kyis bzung nas ni// 'dam du bying bar mi 'gyur ram// sha dang khrag la sogs pa'i zas// dgu pa'i rngad zas chen po ste// gang gis zos pa'i lus rnams la// 'byung po dri za kun 'dus nas// dri mnam ro dang bcud rnams 'byin// des ni gzi mdangs yab 'gyur na// ci phyir ci ste de rnams bza'// sems nyid rin chen yod bzhin du// gzhan gyi rin chen spyod byed pa// log pas log pa len pa'i chos// 'di dag mdud pa dam po yin// dkar gnag las la khyad med ces// thams cad khra bos spyod pa ni// rigs med rigs chad log pa'i las// 'bras bu log pa'i khams su 'gyur// bde gshegs gnyes bya'i las rnams la// yan lag tshig tu ma dag na// nyes byas las kyi rgyu des ni// gang gi dus rnams thams cad du// dbang po yan lag ma tshang zhing// dran pa'i snying po nyams par 'gyur// rig pa 'dzin pa'i rnal 'byor pas// bder gshegs rgyal ba sgom zlos pa// cho 'phrul khro tshul bstan pa ltar// mtshan ma nyid du der go na// las kyi srin po'i rig 'dzin yin// rgyan dang cha lugs thams cad kun// mtshan ma nyid du brtags gyur na// ci la'ang rtog cing chags pa yi// 'dzin pa'i phur pa chen por 'gyur// a dang hU~M la sogs pa yi// rgyu yi yi ge thams cad kun// mtshan ma nyid du der brtags na// tsan+dan sbrul gdug la sogs par// ltung 'gyur rtog pa'i gegs chen yin// khral la sogs pa'i rdzas chen lnga// de nyid dngor por de brtags na// 'byung po khrag gi dri mnam pa'i// lus len rigs ni 'dzin pa yi// ma bdun rngam pa'i cha lugs su// gang zhig rtog pa der go na// srin mo mi sdug sha za mo// lang+ka'i yul du de dag 'khor// mtshan ma'i bla thabs mgo brnyan can// der btsan der bzung dmigs pas ni// sho gam gnas kyi gcan chen rigs// 'dzin cing gnas der rtogs par 'gyur// las kyi dbang btsan bran mo'i tshogs// de 'dra nyid du de brtags na// gnod sbyin chen mo'i tshogs su 'gyur// gzhan gyi tshe la 'tshe ba yin// des na mdud pa chen po 'di// khur du bshal ba'i gdos yin te// 'chal bas lta ba'i mig long ste// sems kyi nor bu rin chen de// rtag chad khams su stor bar 'gyur// de lta'i skyon chen spang bar gyis// de skad ces bka' stsal pa las thod pa can gyi tshogs rnams rtogs pa'i 'du shes kyis zin cing rang rang gi spyod pa la skyo ba skyes pa gyur ro// de nas bcom ldan 'das la 'di skad ces gsol to// e ma'o bcom ldan 'das bdag cag rnams kyi dam tshig ni log pa'i dka' thub tu 'gyur ba lags na/'di dag yang dag pa'i dka' thub tu gnas par 'tshal na/ chos thams cad ni sgyu ma lta bu ste/ cir yang 'gyur ba lags so// gsang sngags chen po'i sgo ni bskal pa me dpung lta bu ste/bdag cag rnams kyi rtog pa so sor ji ltar mos par ltar bshad du gsol zhes zhus pa las/ bcom ldan 'das kyis dgyes pa chen pa'i bzhad pa mdzad nas/ rigs kyi bu rnams ni de ltar zhu bar legs kyis shin tu nyon cigakhyed rnams kyi spyod pa mi dgag par ji ltar dga' ba'i bsam pa so sor rangs par bya ste/'jig rten mtshan ma'i spyod pa bsam gyis mi khyab pa rnams gsang sngags kyi dka' thub chen por bya'o// rang rang gi spyod pa ma bkag par sgo gsum lhug par spyod cigade nas sems dpa'i rdo rjes yang 'di skad ces gsungs so/ kye ma'o thod pa can gyi tshogs// bud med bud med thams cad kun// skyed par byed pa'i rten yin te// 'bras bu smin pa'i zhig yang yin// bsgral zhing gdon pa'i gnas yin te// shes rab dga' ba'i yul yin no// 'di la sems gsum gsan pa ste// ye nas dag pa chos nyid sems// mkha' dang spyod pa byang chub sems// snying rje sgrol ba gsum sbyar te// chos nyid gsang ba nyi shar khyab// snying rjes sgrol ba gsum gyis sbyar// ting 'dzin byin brlabs ye shes kyis// chos nyid dur khraud mkha' la bsgral// bsgral ba'i rgyu mchog man chad nas// shel chen tsa ra la sogs pa// de la rgyu drug sa bon gdab// rang bzhin ye nas de gzhom bya// khyad par 'das pa'i yi ge lnga// gnas bkod 'phros pas mtha' yas bkang// thams cad stongs shing zad byas nas// 'dus pa'i yi ge lnga ru gsal// de las phyag mtshan ye shes lnga// mi gnas ye shes ngang du thim// sgrin pa'i phung por smin pa de// rdo rje rol pa'i rngam tshogs kyis// 'jo tshul stabs kyis sbyar bar bya// kha TA~M la sogs sngags bcas pas// bsgyel te ma rig sgo dbye bya// rnam shes dbugs kyi sgrom drangs la// rdo rje rgyal po'i rlung sgrom du// bsdus te rdo rje dbugs can la// hU~M byas sgril ma de la bslan// gsang ba thugs kyi dkyil 'khor du// mtshon gang 'od du bstim par bya// yu ti a ha~M gis sbar te// gsal na de dang mnyam du gsal// rdo rje tshe la bslan par bya// rdo rje rlung gis dbugs sbar te// thugs las rlung sgrom lam du sbyar// nam mkha' chos kyi gzhal yas su// nyi ma'i steng na hU~M du gsal// ye shes sems dpa' tshon gang ba// nyi zla ga'u'i bar na gsal// a yang phaT gyis bskyod 'phangs pas// rdo rje sems dpa'i thugs kar 'phros/ ye shes sems dpar gsal ba la// dngos por snang ba 'dzin dang bral// g.yo 'gul 'phar 'phrig ma chad par// rdo rje ming gi dbang bskur te// rig kyi lha dang snying po'i sbyin// rdo rje gdung ba'i blu blangs te// man ngag gnas kyi smon lam gdab// bzhi tshal dag tu byas nas ni/ sman gyis btab ste phung por btsal// 'khor ba'i phung po de bsdus la// rdo rje stabs dang glu yis sbyang// gnas gnas dag tu bsngo bar bya// phung po mchod pa'i rdzas su bstim// rdo rje pra yi las rnams gdab// des ni mnyes dang skongs pa dang/rdo rjes las rnams 'asgrub pa yin// rnal 'byor las kyi dbang phyug che// mtho gtsang shes rab gangs rum nas// rig pa'i sder mo sbar bshad can// nga rgyal dregs pa'i glang po 'joms// rnal 'byor rtsal rgyas seng phrug rnams// rdo rje rtsal chen 'di sbyangs pas// rnal 'byor lha mchog gshegs pa'i rten// dngos grub 'gyur ba'i rin po che// mthu stobs skye ba'i thabs chen po// byin brlabs phebs pa'i dbang mchog 'dis// rgyal ba'i dngos grub man chad nas// 'kha' 'gro'i cho 'phrul thams cad dang// dregs pa ma rungs sde pa rnams// thams cad dbang du 'gyur nges na// 'byung po gzhan lta smos ci dgos// 'khor ba'i skam gling chen po la// ris drug 'khor ba'i sems can rnams// rgyud drug 'das pa'i rnam shes so// dus gsum mtshon gyis bsad pas// rtag chad mthar shi'i ro gling nas// gti mug bam chen ro blangs nas// bdud rtsi sman chen ye shes kyis// rtags chad mtha' las ro blangs shing// byang chub sems su gsal ba'i phyir// ro yi rdzas rnams btsal bar bya// khro tshogs rngam par bdag byas te// rdo rje 'bar ba'i mig nas nas// mthing nag hU~M gi seng chen ni// 'khor ba'i ro gling khams su spro// bsgral ba'i dur khrod mtha' dag kun// ye shes rol pa'i zhing du blta// khro bo gyad kyi 'dor thabs kyis// tsham ngam chen po'i rngam tshul gyis// dpa' bo rdo rje'i 'dzur 'gros sbyar// thabs chen bco brgyad stabs kyis sbyar// 'jo tshul thabs kyi 'gro stabs kyis// 'dzem tshul lta zhing rnam par rtsen// sgra skad gyur zhing he hes sgrogs// 'thab cing rtsod pas rnam par rngam// 'bri tshug lta zhing 'drog tshul spyod// g.yas su lta zhig g.yon du 'gyur// yid ma ched te phyir yang blta// sdang mig logs kyi khyad par blta// rdo rje 'gros su rgyug cing 'gro// ha ha ru lu'i rngam sgra sgrogs// so so'i brda skad 'byin byed cing// rtod pa'i tshul gyis mchong zhing rgyug/ yid bzhin gter chen kha phye nas/ 'dod 'byung rin chen phung po de// 'khor ba'i rnam smin dbyis phyung nas// rnam gsum dug chen gtan sprugs nas// thugs rje rngam pa'i kha long kha// rdo rje 'bar ba'i tshogs chen gyis// dngos grub lo tog phral nas kyang// rdo rje bzhin phyogs ma nor bar// shel phur gnyis kyis gsang gnas bzung// des par gshin pa'i gzhi ma la// cung zhig brtod de nye 'khor bsgyur// bzhin phyogs gang las legs nyes brtag/ phyi yi bzang ngan de nyid ni// nang du nges par gsal ba yin// nyes pa'i mtshan byung mkhas pas mnan// gal te dri bas gleng slong na// de yi the tshom gsal ba dag/ dngos por spyid la zhugs rnams kyis// mtshan mar rtog pa'i 'di dag rnams/'jig byed bka' la btags pa yi// 'dod chags bdag po nga la gsol// ji skad smras pa de bshad kyis// mtshan ma'i rdzas rnams rtogs par gyis// 'jig rten mgon khyod bdag la gsol// bdag cag spyod pa gsol bar bgyi// snod kyi mtshan nyid bzang ngan gyis// nyes dang legs pa 'di las byung// skyon gyi mtshan ma bdun pa ste// ka sbub pa dang gdan sa las bskyod// rgyud mi 'phel dang mtshams su gas// bar chad 'byung dang bgegs ldang ba// mtshan ma ngan pa 'byung ba'o// 'di dag mkhas pas yong mi 'chang// legs pa'i rgyu ni bcu gcig ste// gsum gyi dngos grub thob pa dang// rig 'dzin lam 'gro nam mkhar 'phur// khams gsum dbang bsdu rdo rje spyan// pha rol g.yul zlog zil gyis gnon// mthu dag byin brlabs tshe 'phel dang// mtshan ma gsal por 'byung ba dang// slob ma chu yi rgyud 'phel ba// dmigs pa'i bsam pa 'grub pa dang// phyi mar sangs rgyas myur ba dang// dngos grub rnam gsum thob pa ste// smon lam bzhin du 'grub pa'o// de yang bye brag 'di lta ste// phyed du 'gyur na thob thang yin// sum cha tsam la btang snyoms so// de yang so so'i mtshan rtags su// brtag cing ming du brjod bya ba// dkar po spros med chos kyi sku// lcang lo kun rdzogs longs spyod ldan// ma 'ongs sprul pa mdzad pa'i rgyun// 'das dang da ltar ma 'ongs pa'i// rnal 'byor sa la 'gro ba rigs// bder gshegs dus gsum 'byung ba'i rtags// rin chen gter gyi ga'u 'di// thabs kyi rgyal po dpal gyi dkor// pho brang rtag ldan snod bcud rdzogs// 'phrul zhal yid bzhin 'dod zho'i ba// rkang med mkha' la 'gro ba'i mchog/ ngo mtshar thog thog rkan sgra can// rmad 'byung gsang ba'i rang sgra dag/rig 'dzin rtsal can kun la sgrogs// nga ni skyes mchog rtsal can gyi// rmad byung bsgrub pa'i rdzas yin pas// su zhig dngos grub gang 'dod pa// the tshom med par dus 'dir long// gang dag bka' ltar mi byed cing// su zhig dam la mi gnas pa// nga yi gzugs mthong tsam gyis 'tshig/ sgra thos tsam gyis brlag par 'gyur// zhes pa'i sgra byung cho 'phrul ni// rgyal ba'i gzhal yas kun las sgrogs// 'di dag don dang ldan par spyod// 'di la grags pa nges don ni// rnal 'byor can gyis shes bya ba// thams cad dpal ldan lcang lo can// la la bkra shis mtshan ldan te// de bzhin pa~M tsa ku la yin// la la dpyad kyi na sha yin// de bzhin mi 'gyur sra 'khregs yin// ma hA ke sa dpal dang ldan// ye shes lnga ldan zhes ni bya// A yuHpha la tshe yi mchogal la me le de byi brtan// la la de bzhin kha swa kha// kha hu pa yi dpal dang ldan// bkra shis don 'byung de lta'o// bde gshegs mtshan ldan rdzogs pa yin// gtsug pud dge gtsug dpal dang ldan// dz+nyA na mir+t+ti de bzhin no// la la dz+nyA na kuN+Da li// de bzhin khro bo kuN+Da li// a ka dza Ti mtshan ldan pa// a bi mu ga rdzogs pa'o// 'dod pa brtan ldan bde ba ste// gnyis med don ldan thob pa'o// pu tra mang 'phel lcug phran rgyas// rdo rje bse phor mtshan rdzogs nas/shes por gsang ba'i don 'byung ba// sku gsung lhun grub ka pA la// thams cad re ba yid bzhin skong// de bzhin yon tan rdzogs kun rdzogs// bkra shis mtshe ni kun ldan pa// de bzhin mi 'gyur g.yung drung brtan// mi shigs mdzod yin kun 'byung ba'o// cho 'phrul rtags 'byin dam pa 'byung// srid pa yongs sgrol las gyi mchog/ khams gsum dbang sdud khyad par ldan// drug gsum gtan sprugs las mchog can// mtshan ma'i sprod bral nges pa'i don// rigs drug mdog drug dbyings drug dag/ yon tan skyon rnams sbyar bar bya// mang dang nyung ba'i gsang ba ni// bcas dkar 'phel dang mgo mi 'byung// rjes 'dra la sogs skyon rnams spang// dug gsum stong mdzad rgyal ba'i bka'// sku gsum smin pa'i g.yung drung rtags// spa thabs gsang ba'i man ngag 'di// skal ldan rnal 'byor rnams kyis ste// skal med kun gyi rtog pa'i bdud// mi tsam 'dzin la ga la brtan// mkhas pas brtag cing bzang po brten// dngos grub 'byung ba'i dus chen yang// gcig dang gsung ni rab tu bshad// de bzhin lnga bdun 'bring du grags// dgi ni dngos grub tha ma ste// bcu gcig phan chad yan bar bshad// de bas rnal 'byor rtsal can gyis// nges pa brtson te brtag par rigs// 'dod chags bdag pos de skad bshad// mtshan ma yin phyir der nges pa// mtshan ma can dang mthun bya'i phyir// thabs kyis de dang mthun spyod la// yang dag don la kha lo sgyur// de dag rnam par sbyang ba dang// 'gro drug shin tu g.yeng ba can// yid rnams drangs te brten byas nas/ thabs kyi don na sbyar ba'i tshig/ rgyu drug 'dus pa'i sa gzhi la/ glu bro gar gyi rol pa yis// srid gsum zin gnon dbang sdud pa// 'jig rten mthun 'jug spyad par bya// dper na 'jig rten khams dag na// 'gro bas 'gro ba 'dul byed pa// de dga'i las la de zhugs te// de dang bsam pa mthun spyad pas// de dang 'dris nas de dga' byas// de nas de yi drod lon nas// de yi 'du shes sgyur ba'i tshig/ de snga bdag gi grogs khyod kyi// las la zhugs pa shin tu nor// 'dir nyes las kyi bsag pa bgrang// nyes kyang bdag gis khyed dgar byas// da ni bdag dga'i las 'di la// grogs khyod shin tu 'jugs dgos so// byas pas de yi snga sems de// zin pas gcig gi phyi sems kyang// 'dzin cing de dga'i las la 'jug/ spyod pa'i las kyang 'di lta ste// rgyu drug 'dus pa'i phung po la// ngan song gnas 'joms rdo rje'i rtags// ye shes thabs kyis snyan pa'i glu// rmad 'byung gsang chen sgrogs pa'i tshig/ nyon mongs lnga yi sa gzhi la// yi ge ye shes lnga gsal bas// 'bar ba khrag 'thung sprin phung bzhin// khyu mchog lnga yi stabs kyis rol// seng ge nga ro rngam pa'i glu// rdo rje don rab sgrogs pa'i tshig/ rmad byung rol pa'i don byung ba// e ma ngo mtshar ya mtshan che// dgyes pas rol pa'i byin brlabs las// rgyud drug rtsad gcod ngo mtshar che// mnyam pa chen po'i nam mkha' las// ye shes 'bar ba'i me byung bas// 'khor ba khrag gi rgya mtsho skams// sdug bsngal dbyings su zad mdzad do// mi gnas klong nas cho 'phrul ba// gtum rngam 'khrug pa'i ngo bor 'bar// khrag 'thung 'bar ba'i sprin 'phros pas// srid gsum khrag mtsho rngo nas skabs// dpa' bo tsham ngam gyad kyi stabs// srin po ma traM khros pa'i glu// theg chen rmad byung gsang ba'i tshig/ chags pa'i rtod phur gtig nas phyung// mkha' bzhi dbyings kyi bde klong nas// tshom bu 'bum gyi cho 'phrul 'phros// dgyes mchog rol pa'i phrin las las// la la shes rab thabs la rol// la la thugs rje las la rol// la la dgul bya'i yul la rol// la la ye shes dbyings la rol// thabs kyi rgyal po rtogs pa'i dbang// che ba lung gi khyad par las// rgyal ba kun dang mnyam par sbyor// rdo rje pad+ma rol pa'i stabs// chags med mkha' la gsal ba'i tshig/ dug gsum zil gyis gnon pa'i glu/ 'jig rten rim gyis sbyang ba'i phyir// 'jig rten khams su rol pa byung// 'jig rten drug gi snying la rol// bdag po gtso bo zil mnan nas// 'khor ni snyan pa'i tshig gis bsten// 'khor ba'i lam lnga rgyud bcad nas// rnam thar nam mkha'i ngang du bslan// gar mchog glog ltar 'gyu pa yin// rmad byung gsang ba'i dkyil 'khor nas// yi ge 'bar ba'i cho 'phrul 'phros// 'phro 'du skar rtar 'khrug pa las/ khams gsum bud shing thal bar rlags// rdo rje bu yug skar mda'i stabs// rdo rje 'brug chen ldir ba'i glu// don grub rdo rje gsang ba'i shig/ gdug pa'i dpug rnams rnam par 'joms// rdo rje sprul pa'i dkyil 'khor pas// thabs kyi byang chub sems sprin spros// dbang sdud chags pa'i khyad par las// 'jig rten bu mo drug dang rol// seng ge rnam par rol pa'i stabs// rdo rje khyung skad 'gyur ba'i glu// chags pa rtsad nas gcod pa'i tshig/ rdo rje rol pa'i don chen po// 'khor lo 'bar ba'i dkyil 'khor nas// mtshon cha 'bar ba'i yig 'bru 'phros// rgyu drug ngo bo rtsad nas gcod// dug lnga'i phung po rnam par spros/ ye shes rno dbal mtshon chen po// chos nyid bdal ba'i klong nas 'phro// thabs mchog dbyig gi rtsal shugs las// 'bar ba'i mtshon cha char ltar 'bab// yi ge ye shes mtshan cha'i char// rdo rje lce yi shugs kyis dbab// rin chen gter gyi longs spyod rnams// rtogs pa'i ri bo gzhom pa dang// dug gsum phung po gzhig pa'i phyir// 'khor lo lcags kyu la sogs pa/ rten dang gsang chen til mchog dang// dngas ma la sogs pa'i sgo kun rnams// so so'i cha ru phye nas ni// thugs rjes nyon mongs sbyong ba yi// so so gnyen gyi rang skal du// phyag rgya so so'i skabs su gdab// de ltar rdzogs par gyur pa dang// maN+Dal kun gyi tshad 'dra la// dbus su thig bzhi le tshe dgu// mtha' skor 'khor lo'i rtsibs brgyad bya// de la sgom bzhi sgo khyud bcas// mtha' zad bskal pa'i me ri bri// dbus su dkar dmar kha sprod bri// phyogs mtshams brgyad du kha~M brgyad bra/[ u0f72]/ 'khor lo'i bar mtshams mu khyud la// nang du bltas pa'i kha~M brgyad gsal// rtsibs la nang du lta ba brgyad// mu khyud brgyad la phyir lta brgyad// gru chad bzhi la nang du lta// thig le rnam bzhi bri bar bya// phyi rim bar khyams de dag la// thig le nyi shur rtsa brgyad ni// phyi ru lta ba bri bar bya// bskal pa chen po'i me khyams na// thig le phyir lta bcu gsal bri// de la phyag rgya rim par dgod// maN+Dal sgo ru bam chen gcig/ glu bro gar gyis rnam sbyangs te// dbus su bzhag ste shar du bstan// de yi phung po gzhal yas khang// b+h+ru~M las bskyed de gsal bar bya// de ru phyag rgya'i tshogs chen bsgom// rdzas kyi gnas rnams so so la// rigs kyi lha rnams rim par dgod// de nas rdo rje bsnyed pa bya// byin phebs rtag lung mgu ba na// bam de byang shar mtshams su bsgral// rdzas rnams so sor bsngos nas kyang// phyag rgya gzhugs pa'i gnas rnams su// ma nor bar yang dgod de sbyar// dpag dang ldan pa'i snod dgu la// rmad du byung pa dgu bkod de// 'bar ba chen po'i gnas gnas su// brjid pa'i tshul du gsal bar bsgom// phyag rgya gzhan yang rdzogs par dgod// ye shes rdzogs pa'i dkyil 'khor du// dbang chen zla gam skar tshogs bkram// rdo rje mi phyed dgur 'bar ba// che ba dgu yi khyad par las// dpal chen dgu ni sku la rdzogs// yum chen dgu ni dbyings la rol/ dpal be'u dgu ni thugs la 'bar// 'byung chen dag ni klong du 'khyil// khu byug dgu ni rang skad rdzogs// b+han d+ha dgur ni dpal dang ldan// zla gam dgu ni yum gyi dbyings// theg le dgu ni byang chub sems// nyi zla dgu ni 'od 'phros 'bar// de ltar dgu dgur gsal ba yi// dgu klong b+ha ga gcig gi ngang// dgu bkag gcig phye thig le'i don// thams cad 'byor ba rgyas byas la// bam dgu phan cad sman du sbyar// rdzas kyi dngos gru blangs te spyad// ces bcom ldan 'das sems dpa'i rdo rjes gsungs so// rgyud kyi rgyal po che rdo rje bkod pa kun 'dus rig pa'i mdo las rmad byung rdzas kyi le'u ste bcu bzhi pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni mngon sum du shes shes rig par bya'o// mngon sum gang zhe na/ dran pa mngon su bzhag pas yul la mi gnas pa'i chos thams cad dang// phyis 'byung ba'i chos thams cad dang// sngon du byung ba'i chos thams cad mngon sum mar rig pa'o// de ci'i phyir zhe na// mngon sum mar shes pa ni ye shes chen po'i rgyu yin pa'i phyir ro// de yang ji lta zhe na// chos thams cad sgyu ma'i rang bzhin du dran pa mngon du bzhag na mngon du gyur pa'i chos nyid phyin ci log par shes pa yin no// chos nyid phyin ci log par mngon du gyur na mi gnas pa'i ye shes chen po nyid de yin no// de bas na mngon par shes pa rnams dran pa mngon sum mar yid la byos shig de skad ces gsung pa dang/ mngon shes rig pa'i drang srong chen po rnams kyis 'di skad ces gsol to// bcom ldan 'das mngon par shes pa ni bdag cag rnams kyi dam tshig lags so// bcom ldan 'das kyis bdag cag rnams kyi dam tshig bshad du gsol zhes zhus pa las// bcom ldan 'das kyi bka' stsal pa/ rig 'dzin chen po rnams ye shes chen po'i rgyu mngon par shes pa ni rnam pa lngar rig par bya'o// mig gi dbang po thams cad las/ zhib tu btags pa'i phye mar bya// bcud kyi snying por sbyar byas nas// mthong ba'i snying po 'bum bzlas na// thams cad ma lus mthong bar 'gyur// 'di ni mig gi mngon shes so// rdo rje lce yis brjod pa'i tshig/ dus sam rgyun du brjod par bya'o// badzra tsak+Shu gar+b+ha bid+yA hU~M/ rna ba'i dbang po thams cad kyang// btags sam phye mar byas nas ni// bcud kyi snying por sbyar byas te// thos pa'i snying po 'bum bzlas na// sgra yi bye brag thams cad thos// 'di ni rna ba'i mngon shes so// rdo rje tshig tu brtag pa ni// badzra gar+b+ha sta ma si ho// sna yi dbang po thams cad kun// bskams sam phyi mar byas nas ni// bcud kyi snying po sbyar byas te// dri sna tshogs dang bsres pa las// tshor ba'i snying po 'bum bzlas na// sna yi mngon shes thob par 'gyur// rdo rje tshig tu gzung ba ni// badzra na ma si ta~M hU~M/ lce yi dbang po thams cad kun// bskams sam phye mar byas nas ni// bcud kyi snying por sbyar byas te// ro yi mchog la sogs pa las// ro yi snying po 'bum bzlas te// smra byed lce yi dkyil 'khor ni// stegs bu khru gang gru bzhi la// dbus su gsang ba'i rdo rje bri/ mtha' ma lce yi pad+mas bskor// lce tshig gi 'od zer 'phro// smra ba'i bsgrub pas 'di rdzogs na// smra ba'i dbang po kha dbye zhing// ro rnams thams cad shes par 'gyur// 'di ni lce yi mngon shes yin// rdo rje tshig tu brtag pa ni/badzra pAshA sid+yA hU~M/ snying gi dbang po thams cad kun// bskams sam phye mar byas nas kyang// snying po mchog dang sbyar byas shing/ dran pa'i snying po 'bum bzlas shing// dpal be'u tsit+ta'i dkyil 'khor nas// dran pa'i rje gyis yongs bskor te// snying gi dkyil 'khor rdzogs pa dang// dbang po thams cad gsal ba dang// thams cad ma lus shes par 'gyur// gzhan gyi sems ni shes pa'i mchog/ badzra tsit+ta sid+yA hU~M/lus gyi dbang po thams cad kun// btags sam phye mar byas nas ni// sra mkhregs bcu dag sbyar byas te// re bya'i snying po 'bum bzlas na// lus kyi mngon shes thob par 'gyur// mngon shes 'di dag kun rdzogs na// mi gnas ye shes chen po'i rgyu// phra mo'ang nan tan mchog tu bya'o// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las mngon shes rig pa'i bsgrub lug kyi le'u zhes bya ste bco lnga pa'o//// de nas sems dpa'i rdo rje des 'di skad ces gsungs so// 'dus pa chen po'i tshogs mchog chen po'i bsgrub lugs ni 'di ltar rig par bya'o/ don la brtson pa'i rnal 'byor pas// las kyi stegs bu chags phyed pa// me ris bskor te 'bar bar bya// dkyil 'khor de yi maN+Dal ni// sum brtsegs byas pa'i dbus zla gam// brgyad kyis mdzes par bya ba'o// phyi mtha' thod pa'i phreng bas bskor// de mtha' med dpung 'bar bas bskor// de yi phyi mtha' dmar chen rgyas// zla gam dbus su dpal chen 'bar// zla gam brgyad la gnas bdag brgyad// mthing nag ya tha me ri 'bar// de 'og thod pa tshar gsum dang// sgo khyams dur khrod rdzas kyi bskor// sgo brtsegs sgo khyud tha ma bran// thams cad gang yin de lta sbyar// phun sum tshogs par gyur pa na// rnam bzhi las kyi maN+Dal brtsam// 'jigs byed bskal pa'idakyil 'khor du// za byed 'bar ba'i phyag rgya yis// thar pa tsa ra bsgral ba'i phyir// drod ldan man ngag 'chang ba des// mchog gi byin brlabs gzhag par bya// dag pa gsum gyis gzhung bsrang nas// gnas mchog dben pa'i ri bo rtse// rna nyan phra gsag can dang bral// 'du 'dzi 'gro 'ong chad pa dag/ gsang chen spyod pa'i gnas su shes// rnam bzhi las kyi rtags nyung na'ang// gcig gnyis ldan na 'bring du bshad// bsgrub pa'i rgyal po gdeng ldan pa// shin tu brjid cing sran tshugs pa// khu 'phrig rtog bral brtul zhugs can// las kyi phreng ba lhag chad med// dri zhim dag pa'i sman dag gis// phyi bkru shi na da hu las// nang yang dag pa chen por bya// tshad mar sbyar ba'i bka' dang ni// ldan nas dus btab shin tu brtsam// de yang brtag pa'i gal chen ni// bkra shis mdzes dang ldan 'gyur ba// bong tshod lo ni dar la bab// rig lnga'i mtshan dang ldan pa la// bsgral ba'i rdzas su rung ba dag/ yid 'ong 'byor ldan btsal nas ni// bsgrub pa'i rdzas su bya ba de// de 'dra'i mtshan rtags yod pa ni// sa sbyangs sa la slebs pa'o// bsgrub pa'i rgyu mchog de dag ni// 'da' hu man 'das dbang po bsgyur// rdo rje phra mkhan phab nas ni// snang srid thams cad dri ba'am// legs nyes thams cad dri bar bya// dbang po sgo lnga'i dkyil 'khor du// bdud rtsi rnam lnga'i thig le gdab// rnam shes 'byung ba'i sgo lnga ru// so so 'byung ba'i rdzas rnams gdab// so so rigs kyi phyag rgyas gdab// phyag rgya bkod de nyon mongs bsgral// bsgral sbyar thams cad sbyangs nas ni// mchod dang mnyes dang dam skongs dang// dngos grub rnam gsum gang thob blang// thob nas tams cad ci bder spyad// ces gsungs so// de nas sems dpa'i rdo rjes yang 'di skad ces gsungs so// 'dus pa chen po'i tshogs bar du gcod pa thams cad bzlog pa'i bsgrub pa chen po ni 'di ltar rig par bya'o// gong ma bzhin du las brtsams nas// thar pa'i rgyu mchog de dag ni// rus pa rdo rje thal bar bsgrub// rus pa'i tshogs ni thams cad kun// bsregs dang lce pog nag por sbyar// khyab 'jug ga'u kha sbyar du// bcug ste 'joms pa'i phyag rgya dang// drang po sngags kyis bsgrub byas nas// grub na rnal 'byor don ldan gyis// bar chad zlog pa'i gnyen por sbyar// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje thal chen gyi sgrub thabs kyi le'u ste bcu drug pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs pra thams cad ni 'di ltar rig par bya'o// maN+Dal gru bzhi pa gcig la// zla gam sgo gcig rdo rjes bskor// mtha' khyud sgo bzhi ldan par bri// rgyu mchog dbang po byed ldan shig/ phyi yi khrus rnams byas nas ni// shar du kha bstan dbus su gzhag/lce la gzungs thag sna lngas gdags// rnal 'byor rnams kyis bskor bar bya// phyag rgya rdzas dang bcas par dgram// de yi khog du gzhal yas bskyed// rim par brtsegs pa'i dkyil 'khor ni// 'bar ba'i 'byung chen 'bar ba lnga// don gyi lha mo lnga ru gsal// kun gzhi kun tu bzang mor gsal// de yi thugs kyi khog thag tu// thig le zla ba nya rgyas la// ye shes sems dpa' chon gang ba// thugs kar nor bu rin tshon 'bar// dbus su nyi ma'i ga'u la// dpal be'u yungs 'bru'i bum pa la// hU~M dmar til 'brur gnas pa ni// bde chen byang chub sems zhes bya// rdo rje gsang thag rgyun mi gcad// rdo rje kha pra gdab par bya// de nas mtshan ma byung gyur na// dngos grub blangs te de bsgral la// bskams te bdud rtsi rtsa bar bya// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las mchog phran thabs kyis bsgrub lugs kyi le'u ste bcu bdun pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad ni sgyu ma'i rang bzhin du shes par bya'o// de ci'i phyir zhe na/ sgyu ma ni dngos por snang yang rang bzhin med pa yin te/ rang bzhin med pa'i don ni chos nyid rdo rje yin no// de bas na sgyu ma'i chos thams cad khong du chud par bya'o// de nas 'khor des 'dus par gyur pa'i lha ma yin gyi tshogs bdag sgyu ma mkhan zhes bya bas 'di skad ces gsol to// bcom ldan 'das bdag cag rnams kyi dam tshig ni sgyu ma'i cho 'phrul la gnas shing sgyu ma ched du bgyid lags kyis bdag cag rnams kyi don ched du sgyur ma'i chos thams cad bshad du gsol zhes gsol pa las/bcom ldan 'das kyis bka' stsal pa/ tshogs bdag chen po sgyu ma'i cho 'phrul ni de ltar rig par bya'o// chos thams cad sgyur mar snang// sgyu ma'i rang bzhin stong pa ste// stong pa'i don rnams gang yin pa// mi 'gyur mi shigs rdo rje'i don// stong pa nyid la sgyu ma yi// cho 'phrul bye ba mang po 'byung// de bzhin sgyu ma'i cho 'phrul yang// gyin da tsam gyi rgyu rkyen las// cho 'phrul gzugs ni tha dad snang// snang yang dngos por ma grub ste// 'gyur 'jigs med pas rdo rje'i don// kun rdzob sgyu ma'i mtshan nyid kyang// rde'u dang shin bu'i rgyu dag las// sman dang sngags kyis rkyen sbyar nas// 'bras bu sgyur ma'i cho 'phrul 'byung// sgyu ma'i gsang tshig sbyor ba ni// sgyu ma'i bdag pos 'di skad bshad// rgyu la 'dod pa'i gzugs byas la// she'u re'u sman gyis btab nas ni// gsang sngags 'di yi sbyor ba bya// she'u re'u i na ya// a mo kha a gus+sa gus// chag shing dag gis brdabs byas na// ji ltar 'dod pa sna tshogs bya// bsdu bar 'dod na slar bzlog bya// des na sgyu ma'i g.yeng ba can// drang ba'i thabs kyis bkri bar bya// rgyud kyi rgyal po chen po rdo rje bkod pa kun 'dus rig pa'i mdo las sgyu ma rdo rje'i sgrub lugs kyi le'u bco brgyad pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs chos thams cad dbang sgyur bar 'dod na 'di ltar rig par bya'o// phun sum tshogs pa kun ldan nas// stegs bu lun du gru bzhi la// mu khyud gcig tu bskor nas ni// zla ba kham pa'i dbyibs su sbyar// sgo bzhi gru chad bzhir ldan bya// dbyibs kyis thig le zlum po la// rdo rje dang ni nyi mas bskor// dbus su b+han d+ha dpal ldan la// dpal chen yab yum sbyar la gzhag/ tshol bu brgyad la gnas brgyad sbyar// lte ba bskor te rim par gzhag/ thig le shar gyi sgo gang du// rdo rje rnal 'byor gsang ming dang// dngos grub gsol bya bris la gzhag/ mchod pa'i khyams su gyur pa la// bsgrub pa'i rdzas dang mchod pa rnams// rim pa bzhin du mdzes par dgram// rdo rje rnal 'byor de dag rnams/ rdo rje lhags pa'i rtags kyis mtshan// ting 'dzin dkyil 'khor rdzogs byas nas// spyan drangs mchod pa kun bsogs te// 'jug dang dngos grub gsol ba dang// dbang bskur las rnams kun rdzogs nas// rmad du byung ba'i gtor ma dag/cha gsum dang po sbyin sreg bya// bar ma mi zad gter du sba// byang chub sems kyi chu bo dang// chos nyid nam mkha'i dbyings chen dang// b+ha ga yum gyi sa gzhi la/ shin tu sba ba'i tshul du sbyar// cha gcig gzhal yas shar sgo nas// bcu gsum bcal bar stegs bu bya// der ni gnas bdun gtso rnams kyang// de bzhin bcu gsum lam re la// gnas gyi mgron ni ma sring rnams// bdun cu bar du kun rdzogs bya// tha mar maN+Dal zla gam la// nus na mkha' 'gro nam mkha'i hom// rdzogs bya ma las de mgu bya// lhag mar gyur pa kun rdzogs bya// snyigs mar gyur pa thams cad kyang// sba'am bsregs ga la chu klung 'dor// rdo rje gnas chen de bsrungs te// gnas ni sba phyir su dag gsang// mi rigs phyir ma mtshan ma dag/ rang rang gnas su slebs par bya// gang dag 'du tshe'ang de bzhin no// 'di ni theg le gcig pa yi// bsgrub lugs yin par rgyal bas bshad// 'di dag sgrub pa'i skye bu ni// zla ba'i 'khor lo la gnas nas// nyi ma'i 'khor lo thogs nas ni// yang dag chos kyi dbyings nyid la// dbang sgyur byed pa'i rgyal por 'gyur// zhes gsungs so// yang sems dpa' rdo rje des 'di skad ces gsungs so// 'dus pa chen po'i rnal 'byor pa// 'di yang rim gyis gong ma ltar// thams cad tshul bzhin sbyar byas nas// phyir kun du gru bzhi la// thig le zla ba gcig tu bya// de la srad dbu bzhi bsnol bas// le'u tshe dgu ru gyur par bya// phyi rol mu khyud thos pas bskor// gru bzhi gru chad rab mdzes brgyan// de yi mtha' zad khyams gcig la// sgo gdong sgrub pa po la lta// dbus su thig le dkar dmar la// kha sbyor bar dag rdo rjes 'brel// der ni dpal chen yab yum bzhugs// phyi mtshams le'u tshe de brgyad la// zla gam brkyang ba brgyad byas te// ye shes gnas kyi ma brgyad dgod// phyi rol sgo gcig khyams de la// bsgrubs pa'i rdzas kyis mdzes par dgram// bsam bya bsgrub pa la sogs kun// thams cad de bzhin 'dir sbyar bya// 'di ltar grub pa'i skyes bu gang// chos kyi rgyal por rgyu pa ste/ thams cad kun la dbang sgyur ba'i// skyes bu chen por de 'gyur ro// zhes gsungs so// de nas yang sems dpa'i rdo rje des cho 'phrul thams cad la dbang sgyur ba zhes bya ba 'di gsungs so// 'dus pa chen po'i rnal 'byor pa// 'di yang thams cad de 'drar sbyar// kun tu gru bzhir ldan 'gyur ba// 'khor lo rtsibs brgyad dag tu bya// gru chad bzhi yi phyi rol du// sgo bzhi dag dang ldan par bya// phyi khyams dmar nag me ri klong// shin tu brjid cing 'jigs par bri// thig le dbus kyi snying po la// zla gam 'bar bas mtshan par bya// rtsibs mchog brgyad la zla gam ni// nang du lta ba de brgyad bri// rtsibs mtshan brgyad la'ang de bzhin te// rdo rje sgo mo bzhi rnams te// phyag rgya rim par bkram byas nas// bsgrub pa'i las rnams kun rdzogs bya'o// de ltar grub pa'i rnal 'byor pa// 'jig rten pa dang 'jig rten las// 'das pa'i cho 'phrul thams cad la// dbang sgyur byed pa'i rgyal por 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las thig le sgrub pa'i le'u zhes bya ste bcu dgu pa'o//// de nas sems dpa'i rdo rje des 'di skad ces gsungs so// 'dus pa chen po'i rnal 'byor rnams dregs pa can gyi tshogs thams cad la dbang sgyur bar 'dod na 'di ltar rig par bya'o// 'di ni byas la sogs pa'i las// 'di ltar 'byor dang phun sum tshogs// thabs la mkhas dang yo byad dang// ji ltar rig par 'dir bsdu bya// de nas maN+Dal 'dra cig la// dur khrod mgo ma yang du bya// zur bzhi maN+Dal bzhi byas la// bzhi las de bzhis chag res bstod// de nyid ma tang gzugs su bya// snying ga man chad dbus su bsnol// dkyil 'khor chen po'i 'og tu gzhug/ 'khor lo 'bar ba'i thig btab ste// dpal chen lnga yi phyag rgya bya// khyams gnyis dag gis mdzes pa la// gnas dang yul gyi phyag rgya dgod// sgo bzhir rdo rje'i sgo ba bzhi// yan lag sprul pa'i mgo brnyen gnas// phyi khyams rdo rje mi rir bya// de yi phyir rol phreng chen gtams// skam dang ra ri rlon pas bskor// de yi phyir rol me bur 'tshub// bskal pa'i bu yug bri bar bya// rdo rje sgo khyud sgo khang du// gu gu thul dang za ra tshags// zhing dang sbrul gyi chun po bri// de nas ban+da dpal ldan la// rdo rje dpal gyi yi ge dag/ bris la kha sbyar sbub ste gzhag/ ga'u chung la ral pa can// brgyad bris 'byung ba'i gnas su gzhag/ las byed brgyad dam bcu gnyis la// las byed bcu gnyis bris la 'god// thar pa gnas kyi dkyil 'khor du// gdol pa 'byung po nga rgyal can// chags sdang rnams kyis bslad pa'i rgyu// de yi dug gsum bshig pa'i phyir// don gyi bsgrub pa chen po bshad// du dra lnga yi tshogs chen te// ting 'dzin ye shes lngas bcom nas// rdo rje drod kyis rnam par sbyar// mdo yis sa la stabs gcig tu'o// bgegs kyi bgegs te bgegs chen po// dug lnga rtog pa nyid las skyes// phyed dag gsum gyi dur khrod na// gzhi rtsa ngag dang lus sems so// brjid ldan dpal chen dur khrod bdag/bdag rtog rtog 'joms ting 'dzin gyis// srid gsum ru dra dur khrod du// tshogs bdag cen po de brgyad bya// ma rig mun khang sgo phyed nas// glang chen smyon pa de bzung nas// gzung 'dzin dam po'i rtod thag bcad// dug gsum rnam rtog rtod phur dbyung// ngan song 'dam nas drangs nas ni// nyon mongs dpung rgod de btul nas// ye shes thabs kyis rnam sbyangs te// nam mkha' klong du dmigs med par// bde chen mchod pa'i tshogs chen dag/ ro mchog lnga dang mnyam sbyar bas// chos kyi longs spyod rgyas par sbyar// mnyam nyid bde ba'i snying rje yis// dregs pa chen po gzhom pa dang// 'khor ba'i dra ba gcad pa'i phyir// khro tshogs 'bar ba'i sprin 'phros pas// gtum thung rngam pa mgyogs pa'i tshogs// phyag brnyan char chen phab nas ni// 'khor ba'i tha ba spangs nas ni// bde ba chen po'i zhing bzlog ste// byang chub myu gu bskyed nas ni// byang chub sems dpa'i lo tog bskyed// dur khrod chen po'i bzhin phyogs ni// mgo ni lho nub mtshams su bting// rkang pa byang shar mtshams su bting// nga ni dur khrod dbang phyug che// sangs rgyas sku ste ye shes yin// thugs rje rnon po'i dmag tshogs la// ye shes rnon po'i mtshon cha yis// log rtog 'khor ba'i rgyun bcad do// gru bzhi kha bzhir rdo rje yi// dbyings 'dra'i thab ni brtsigs nas kyang// snying gar 'khor lo'i thab tu bya// rigs kyi yam shing lnga brtsigs te// hom lnga 'brel pa'i las chen brtsigs// thabs chen lnga yi hom khung du// 'khor ba'i sdug bsngal yam shing la// ye shes chen po'i me klong du// nyon mongs lnga yi bsregs sbyangs rdzogs// bya bar sbyor ba mtha' dag kun// ji ltar 'byor cing 'tshams par 'os// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las dregs pa can gnon pa zhes bya ba'i le'u ste nyi shu pa'o//// de nas yang sems dpa'i rdo rje des 'di skad ces gsungs so// 'dus pa chen po'i tshogs 'khor ba'i rgya mtsho zad par byed pa'i zhal gyi dkyil 'khor zhes bya ba bsgrub pa'i don ni 'di lta rig par bya'o// 'di yang de 'drar kun sbyar nas// 'khor khang can gyi gzhal yas su// khru gang gru bzhi'i tshad de la// bzhi ni 'khor khang khyams de dag/phyogs bzhi dag tu brtsams par bya// dri zham tsan+dan 'di gu btang// dri spos tshom bu rin chen phrog/ sbyin mchod rgyas par de bsham bya// lha yi dge bsnyen rnam pa bzhi// phyogs mtshams bsrung ba'i las rnams bsgo// khyams kyi nang rim phyogs mtshams su// chag phyed pa yi stegs bu bcu// bskal pa'i me dpung 'bar bris la// sna tshogs rgyu las byas pa yis// mthun pa'i gzugs bcu dbang bskur te// khro bo gar gyi nang mtshams gcad// de nas ma traM gnon par bya// dregs par ru dra sdig can 'di// nams kyang bsgral ba'i zhing yin te// dzaHhU~MHba~M hoHma hA shrI he ru ka ma tra~M ru dra ha ha pra be sha phaT/kha TAM phyag rgyas bsgyel nas ni// ma rig mun pa'i sgo phye nas// rnam shes a ru byin brlabs te// gsang chen thugs kyi klong du bstim// sbubs ni gzhal yas 'bar bar bya// stegs bu ma traM gzugs 'dra la// 'gyel thabs bzhin phyogs ci 'drar bya// kha dog sngo skya gnas rkyal thabs// che chung tshad med gnas kyis sbyar// de yi snying gar bang rim gsum// dang por dmar po grub bzhi brtsigs// gnyis pa mthing nag gru gsum bya// gsum pa smug nag zla gam bya// yan lag bzhi dang mgo mtshan drug/ gsang sgo gnyis te brgyad dag la// stegs bu chag phyed gru bzhi brgyad// de yi mtha' rim yongs zad du// zla gam gsal bar maN+Dal bya// de dag me klong 'bar bar bskor// ya thog zla gal steng ngag tu// dpal dang ldan pa'i lha mchog bzhugs// mthing nag gru gsum me dpung bri// gru bzhi'i dmar po bang rim la// rigs bzhi lha mchog dpal ldan gzhag/ yan lag mgo mtshan g.yas g.yon brgyad// dbang phyug gnas kyi bdag mo brgyad// bri bya yang na mtsham ma bzhag/ tshigs chen brgyad la yul bdag brgyad// ji ltar 'os pa de ltar bya'o// go bzhir gsang ba sgo mar gzhag/ mtha' zad yongs kyi zla gam la// bud med nyi shu rtsa brgyad gzhag/ ming ngam mtshan ma rten te gzhag/ de yi kha la thab tu brtsibs// pad+ma dpal be'u dbyings 'dra tham// mkhas pas yam shing brtsam par bya// bya ba'i bya ba thams cad kun// gong du sbyor ba de ltar sbyor// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'khor ba thams cad sgrol ba bsgrub pa zhes bya ba'i le'u ste nyi shu rtsa gcig pa'o//// de nas yang sems dpa'i rdo rje des dug gsum thugs su dbang sgyur ba zhes bya ba'i mdo 'di gsungs so// 'dus pa chen po'i rnal 'byor pa// dug gsum dbang du bsgyur ba yang// 'di ltar khong du chud par bya// dug gsum rang bzhin gang yin pa// sku gsum nyid kyi ngo bo ste// gzhan nas btsal ba ci yang med// de ltar shes par 'gyur ba dang// kun rdzob tshul du 'di ltar bsgyur// thams cad gong ma bzhin sbyar la// stegs bu 'doms gang pa zhig la// phyi ra dmar po rgyas par bya// de nas mthing nag gru gsum brtsigs// de nas dmar nag zla gam bya// zla gam dbus su dpal chen 'bar// dbang phyug gnas brgyad zla gam mtha'// bang rim bar la dur khrod 'bar// tha mar dmar po gru bzhi la// sgo bzhi sgo srung bcas par bya// de yi mtha' ma me ris bskor// khro bcu 'bar ba'i rtags rnams dgod// bsgrub dag 'jug dang dbang bskur rnams// gong ma bzhin du sbyin par bya// des ni thams cad rdzogs pa yin// dug gsum thams cad zil gyis gnon// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las dug gsum dbang bsgyur ba zhes bya ba'i bsgrub pa'i le'u ste nyi shu rtsa gnyis pa'o//// de nas sems dpa'i rdo rje dam pa des bud med thams cad la dbang bsgyur ba zhes bya ba'i dkyil 'khor chen po 'di gsungs so// 'dus pa chen po'i tshogs chags pa thams cad dbang du 'du bar 'dod na 'di ltar rig par bya'o// bud med chags pa'i rang bzhin te// chags pa khrag gi rgya mtsho yin// las kyis 'khor ba'i sems can rnams// chags pa khrag gi rgya mtshor bying// chags las rnam grol 'gog pa ste// chags pa de nyid khrag ces bya// khrag gi rgya mtsho bskam pa'i phyir// bud med khrag gi rgya mtsho rnams// 'tsho ba bdud rtsi'i rgya mtsho bsgyur// de ltar shes par gyur pa dang// kun rdzob tshul du 'di ltar sbyar// las kyi brtsams pa phun sum tshogs// rim pa bzhin du brtsams nas kyang// maN+Dal 'dom gang gru bzhi la// 'khor lo bzhi yi thig tu gdab// mi khyud phyi rim gru chad bzhi// de nas sgo khyams dmar por bya// kun gyi phyi rim lag chu hwa'i// me ri 'bar bas gtib thag gcad// dbus su shar lta zla gam bri// b+han d+ha dpal ldan yab yum dgod// 'khor lo bzhi la rig bzhir ldan// bar 'khyams gnyis la gnas yul rnams// zla gam thig ler ldan par bya// sgo khyams sgo bzhi zla gam bcas// phyi khyams lag chu hwa yi me// me yi khro bo su theg ler bcas// dur khrod rgyan gyis kun brgyan bya// ting 'dzin rdzogs dang dngos bsgrub dad// 'jug pa dbang bskur dngos grub rnams// gnas bsrung la sogs rdzogs par bya// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las 'khor lo dbang sgyur gyi sgrub lugs kyi le'u ste nyi shu rtsa gsum pa'o//// de nas sems dpa'i rdo rje dam pa des 'di skad ces bka' stsal to// 'dus pa chen po'i tshogs chos thams cad bdud rtsi sman gyi rang bzhin du zhes par bya'o// de ci'i phyir zhe na// 'di ltar snang ba'i chos thams cad kyi don rtogs na ni 'tsho ba chos nyid kyi rtsi yin// ma rtog na ni 'chi ba 'khor ba'i dug yin// de nas na chos 'di dag thams cad bdud rtsi'i rang bzhin du shes par bya'o// de ltar shes nas kun rdzob tu 'di ltar bsgrub par bya'o// ji bzhin 'byung ldan bde sbyar nas// ma traM khog pa'i snying ga ru// 'dom gang tshad dang mthun pa la// rtsi bas brgyad 'bar ba'i 'khor lor gdab// me yi 'od kyis bskor bar bya// rdo rje ra bas bskor ba yi// mtha' ma sgo khyud 'bar bar bya// dbus su rin chen zur brgyad bya// der ni phyag rgya 'bar ba dgod// lang ka bsgral ba'i gnas mchog 'dir// rab pa can gyi tshogs 'dus te// rak+Sha 'joms pa'i mthu chen kun// srid pa gsum ril 'dir sgrol pa'o// dus bzhi mchod pa'i dam rdzas kyis// de dag ji ltar rig par mchod// dus bzhi bcud smin snying po yis// dngos grub chen po'i rdzas su bya// phyogs bzhi dbus kyi rdzas chen rnams// rmad du byung ba'i ral pa can// 'byung ba lnga la dbang sgyur mdzad// 'byung ba lnga yi cho 'phrul sgrub// dbyar chu ston me dgun sa ste// dpyid rlung nam mkha' gsang bar sbyar// cho 'phrul de la dbang thob nas// de dag ral pa can du bsgrub// ting 'dzin rnam pa lnga gsal bas// 'byung lnga las byung sha rigs lnga// khyi sha ba lang rta sha dang// bya dang ri dgas sna tshogs ni// rdzu 'phrul shugs su sgrub pa'i rdzas// sgrub pa'i rdzas chen 'byung chen lnga// 'jig rten kun la dbang sgyur ba'i// de ltar rdzas rnams 'byor ba dang// ting 'dzin bsgom dang bsgrub pa dang// thams cad gong dang mthun sbyar nas// 'jug dang dngos grub dbang chen rnams// ci rigs pa ni bde bar sbyar// zhes gsungs so// bdud rtsi rang byung dkyil 'khor zhes bya ba'i mdo bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// gzhan yang bdud rtsichen po ni// gong ma bzhin dulegs sbyar nas// maN+Da la tshad dang mthun pa la// pad+ma dmar po 'od kyi mkha'// phyi rim zla gam dmar po bzhi// rdo rje 'bar bas mdzes par bskor// me lce 'bar ba'i phreng ba ni// zla gam mtha' zad bri bar bya// rin chen ge sar phreng bas ni// pad+ma'i lce la bskor bar bya// sgo bzhi rin chen 'bar bas bya// phyag rgya 'bar ba'i lha bkod na// dbus su gser phor sul med la// dung chen 'khor ba can gyis sbyar// shar du shel phor sul 'greng la// rig chen mdzod spu gsal bas sbyar// lho ru rin chen sul mang la// rin chen lo 'dab rgyas par sbyar// nub tu rgya phor zla gam la// bzhin mtshams rin chen 'bur gnyis sbyar// byang du bse phor rgya gram la// gtsug tog rin chen 'bur bzhi rgyas// rtsa ba lnga ni phyogs phyogs sbyar// sgo lnga'i gtso bo rigs su sbyar// dbus na shar lho nub byang du// ka ko la dang du ru ska// dza ti pha la kha dri zhim// lce pog dkar zhes rim par sbyar// de bzhin gong gi rim pa bzhin// a ru ra dang ga pur dang// gur gum pad+ma li ga dur// de na rwa sa yA na rnams// thams cad rigs dag kha dog dang// las dag mthun par sbyar bar bya// sa bon lnga ni rim par sbyar// dpal dang ldan pa'i snod nang du// yab yum snying po rim bzhin bya// dbus dang pad+ma lce la dgod// gnas yul la sogs mdzes par gzhag/dur khrod rdzas dang bkra shis rdzas// 'byor pa'i yo byad thams cad bshams// de nas byin phab dngos grub gsol// thams cad rnam par sbyar bar bya// dam pa de nyid gsang chen gyi// rigs brgya rigs lnga rigs gcig gis// thams cad sbyang ba'i mchog tu bya// de nas khrol bu sbyang ba na// bsal bsngo bsdu dang dbye ba dang// khrus bya ba dang bshags pa dang// yon tan brjod dang byin dbab bya// de nas skad cig thang cig gam// zhag gcig dag gis sbyar bar bya// rtags dag byung na der 'byongs pa'o// phye ma'i mchog tu sbyar ba ni// snod gyi sman rnams shes rab mas// bsdus te btags pa'i cho ga yang// yum gyis bzing zhing yab kyis btags// rig 'dzin rtsal can dbab cing drang// so so las kyi sngags brjod cing/ gtan gtun thabs dang shes rab ste// sman nyid byang chub sems su sbyar// rdo rje glu 'di lha mos blang// kun tu bzang mo'i gzhal yas su// thams cad shes rab ldan pa las// 'khor ba bdud rtsi sman du sbyar// ye shes lnga ru gsal ba las// 'bras bu sku gsung thugs su rdzogs// 'chi med bdud rtsis gcong rnying sbyang// mtshan ma brtag phyir bcal nas ni// rdo rje dpal ldan kha sbyor blugs/ kha dog rigs lnga'i ras kyis dkri// rdo rje dbang gi rgya yis gdab// rdo rje sngags kyi gzungs kyis gdags// dpal chen sku lnga mnga' gsol te/ ye shes lnga yi dbang bskur bya// maN+Dal dag tu dgod par bya// kun gyis bskor zhing dngos grub dbab// rtsi dang sman gyi bdag po dang// rtags ldan rig 'dzin phra mo dag/ rol mo cha byad mang po bsten// bsgrub pa 'bru mchog gtams bas dgang// bkra shis gos kyis rgyas par bklubs// gzungs thag gnyer can rigs su dbul// ting 'dzin me yis rnam par sbyar// rtags chen lnga ni gang byung yang// smyur te dngos grub blang bar bya'o// bdud rtsi sgra las drangs nas ni// dpal ldan pad+ma ldan pa ru// thams cad bdud rtsir sa ma ya// mkha' klong yangs par bde chen rdzogs// rang nyid bdud rtsi'i dkyil 'khor rdzogs// gzhan nas bsgrub pa ci yang med// 'jug pa la sogs thams cad kyang// tshul bzhin du ni rgyas par bya// zhes gsungs so// bdud rtsi phye ma'i bsgrub pa rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// thams cad de 'drar sbyar nas kyang// maN+Dal 'khor lo rtsibs brgyad pa// phyag rgya'i lha rnams rdzogs byas nas// sman sbyang btags btsags bcal nas kyang// sbrang chang 'o mas gong bur bya// bse phor mtshan ldan nang du gzhag/ legs par kha sbyar ras kyis dkri// gong ma bzhin du kun sbyar nas// dngos grub mchog rnams bdag gis bya// zhes gsungs so// bdud rtsi ri lu'i cho ga rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// skyo ma'i cho ga 'di lta ste// thams cad gong ma bzhin sbyar nas// mtshan ma gsal po 'byung po dang/ phye ma chu tshags nang nas dbyung// phye ma'i mchog tu 'gyur ba dang// phye ma'i rgyal mo de dag ni// bse phor kha sbyar nang du blugs// rgyas btab byin brlabs dbang bskur nas// bzlas brjod 'phro 'du rgyun mi chad// sbrang chang ra chang bur ram chang// rgun chang 'o ma la sogs pa// bcud kyi khu ba thams cad sbyar// rin chen ga'u mtshan ldan du// blugs te kha sbyar rgyas btab nas/ 'phro 'du bzlas brjod gong ma bzhin// byas te mtshan ma byung ba dang// dngos grub chen po blang bar bya// phye ma'i bsgrub rdzas de dag ni// cha lnga dag tu bgos nas kyang// rnal 'byor so so'i cha rnams las// ci ran tsam gyis cha gcig dang/ sbyar chang cha ldang bgos pa las// rnal 'byor so so'i cha rnams las// sbyar te dngos grub brten du bya// zla ba gcig tu zos pas ni// ba spru rangs shing gnyer ma rangs// zla ba gnyis su zos byas na// gzi mdangs thams cad 'bar bar 'gyur// zla ba gsum gyi phan yon gyis// nad kyi bskal ba dag las thar// zla bzhi phan chad gang zag gis// zas dang ma 'dres brtson bsgrubs na// gzhan gyi nad rnams 'joms par nus// drug dang bdun dang brgyad rnams la// bdud rtsi bcud kyis 'tsho bar 'gyur// dgu dag bcu la zad pa zad// bcu gcig rig 'dzin nam mkhar 'phur// zhes gsungs so// bdud rtsi skyo ma'i bsgrub pa rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// rdo rje rig 'dzin rtsal lnga'i zas// lde gu'i cho ga chen po ni// 'di ltar khong du chud par bya// sbrang rtsi bu ram rgun 'brum rnams// lo yi 'tshor bar sbyar nas kyang// kha dog mtshan ldan dmar po'i ba// lo yi 'tsho bar gzung zhing bsreg/ sman gyi rgyal po ram nye bas// rgyun du gsos pa'i 'o ma de// rig 'dzin zas kyi mchog tu 'gyur// bdud rtsi rgyal mo ram nye ba// bye ma'i mchog tu bya nas kyang// lo yi 'tsho ba'i sbyar byas te// sus mi mthong ba'i sa phyogs su// bsgrub rdzas de dag 'gram nas kyang// bdud rtsi bsgrub pa de bzhin bya// dus bab pa ni tshod rnams la// bsgrub rdzas de dag thams cad kyang// ba yi 'o mas lde gur bya// cha res bskyed cing bza' bar bya// zos pa'i yon tan bsam mi khyab// zag pa zas nas nam mkhar 'gro// zhes gsungs so// bdud rtsi lde gu'i sgrub par rnam par bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa/ 'di yang gong ma ltar byas te// de dang mi mthun sgrub rdzas rnams// bdud rtsir 'gyur ba'i sman rnams kun// thams cad thams cad bsdus bar bya// til chen la sogs zhun gyi mchog/ thams cad bsdus shing sbyar byas nas// gnas kyang gong ma bzhin btsal te// bdud rtsi bkram nas bsgrub par bya// 'phro 'du bzlas brjod rgyun mi gcad// grub pa'i rdzas su gyur pa dang// sman rnams phye mar btag par bya// de dag phye mar gyur pa dang// zhun chen dag dang sbyar bar bya// sbyor ba'i cho ga rdzogs pa dang/ dngos grub mchog ni blang bar bya// gzhon nam gzhan gyi sde pa dang// lo yis bshugs te 'phrad mi bya// 'tsho ba bdud rtsi zhun gyis sbyar// bdud rtsi grub pa'i rtags chen ni// ba spu langs dang gzi mdangs 'bar/ kham gyi zas bral bde bar 'tsho// shes rab gsal zhing thog pa med// zag pa zad nas nam mkha' 'gro// zhes gsungs so// bdud rtsi zhun chen gyi bsgrub pa bshad pa'o// de nas yang sems dpa'i rdo rje des 'di skad ces gsungs so// 'dus pa chen po'i rnal 'byor pa// rlon pa'i rdzas la sman bsgrub na// thams cad gong ma bzhin sbyar nas// maN+Dal thig le lnga pa la// bkra shis dpal ldan lnga bzhag nas// gtso bo lnga dang 'bras bu lnga// rlon pa bkod nas yi ges sbyang// ting 'dzin bzlas pa'i me spar pas// dang po ro 'byung skams pa dang// de nas btags btsag gong ma bzhin// sbyar nas rigs kyi bsnyen pas sbyang// des ni mtshan ma byung ba dang// de bzhin gong ltar ci bder spyad// ces gsungs so// bdud rtsi rlon sbyor gyi bsgrub pa bshad pa'o// rgyud kyi rgyal po chen po rdo rje bkod pa kun 'dus rig pa'i mdo las/ bdud rtsi sman gyi bsrub pa'i le'u ste nyi shu rtsa bzhi pa'o//// de nas sems dpa'i rdo rje chen po des// sgrub pa thams cad kyi snying po gsang chen thugs kyi sgrub pa zhes bya ba 'di bshad do// 'dus pa chen po'i rnal 'byor pa thams cad ni dbyings su shes par bya ste/ 'khor ba'i chos thams cad ni dbyings su 'dus pa la/ mya ngan las 'das pa'i chos thams cad ni ye shes su 'dus so// de gnyis su med pa ni chos nyid byang chub sems kyi bde ba chen por 'dus par shes par gyis shigade bas na chos thams cad ni thugs ye shes kyi rang bzhin du 'dus te gnyis med do// de ltar na kun rdzob tu 'di ltar rig par bya ste gnyis su med pa'i don la 'jug par bya'o// 'dus pa chen po'i rnal 'byor pa// dam pa'i don gyi chos rnams kun// thams cad rang gi sems la rdzogs// kun rdzob chos rnams gang yin la// lus dang ngag la rdzogs par bshad// des na chos 'di thams cad kyang// rtsa bar rang la rdzogs pa ste// 'di dag bgrub pa'i thabs mchog kyang// rnam par rtog pa'i rdul bsal nas// bsgrub pa'i rgyal po yab yum gnyis// don la mkhas par byas na ni// so so'i thugs la thig le dag/ zla gam dkar dmar gdab par bya// de yi rdzas mchog chen po yang// thabs kyis ga pur chen po dang// shes rab gsang ba'i tsan+dan gnyis// dkar dmar zla gam chen por bya// yab kyi thugs kar dkar po la// thig le kha ni mar lta ba'o// yum gyi thugs kar dmar po la// thig le kha ni yar lta ba'o// yab kyi thig le'i dbus su ni// dpal be'u dbus su nyi ma bri// dbus su oM gsal nang du hU~M// yum gyi thig le'i dbus su ni// pad+ma dbus su zla ba bri// dbus su a gsal nang du hU~M// de ltar gsal bar gyur pa na// kun tu bzang po yab yum du// gnyis su med par bsgyur bar bya// ting 'dzin gsal bar gyur pa dang// rang las byung ba'i bdud rtsi yis// gsang ba gnyis kyi mchod pa bya// rang las byung ba'i dngos grub dag/ rang nyid sa ni bstim par bya// 'di ltar sgrub pa gtsor byed na// bdud rtsi'i yo byad thams cad dang// bcud kyi mchog tu gyur pa rnams// lo yi 'tsho ba sbyar nas kyang// bsnyen sgrub yan lag rnam bzhi las// bsnyen padag gi dus su ni// gang zag mi yi zas la brten// de yang lo yi skad cig gam// gnyis dang gsum gyi bar du sbyar// lo yi skad cig bar du ni// bdud rtsi yo byad rnams la brten// de nas lo yi skad cig ni// gcig gam gnyis kyi bar dag tu// rang las byung ba'i rdzas rnam lngas// 'phags pa mchod cing rang gi bza'// des ni drod la gnas par 'gyur// drod thob gyur pa phan chad ni// lo yi skad cig thang cig gis// ting 'dzin zas kyi ro rnyed nas// kham gyi zas dang bral bar 'gyur// drod chen rnams gsum rdzogs nas ni// rtags chen dag ni thob par 'gyur// rtags kyi cho 'phrul 'byung ba ni// rin chen phung po 'dod pa na// sa rdo la sogs byas nas 'grub// chu dang mkha' la 'gro 'dod na/ brtsams pas mi 'bying thogs med 'gro// me yi phung po 'jil 'dod na// sdig pa'i mdzub mo phyar nas kyang// bden pa'i bsgo ba byas pas 'grub// de la sogs pa thams cad nus// rtags thob phan chad sangs rgyas yin// zhes gsungs so// gsang chen thugs kyi sgrub pa bshad pa'o// rgyud kyi rgyal po chen po rdo rje bkod pa kun 'dus rig pa'i rgyud las bka' gsang ba 'khor lo'i bsgrub pa'i le'u ste nyi shu lnga pa'o//// de nas bcom ldan 'das sems dpa'i rdo rje de rdo rje me klong 'bar ba zhes bya ba'i ting nge 'dzin la snyoms par zhugs so// de nas 'dus pa'i tshogs thams cad kyis chos thams cad me'i rang bzhin du snang bar mthong ngo// de nas 'khor rnams kyis shin tu bstod pa/ e ma'o sems dpa' che ba che// ting 'dzin chen po snang ba che// cho 'phrul chen po sna tshogs che// thabs mchog khyod la phyag 'tshal lo// chos kun me klong bzhin du snang// mi nyi ye shes gsal ba'i klong// 'bar 'phro gsal bar gyur pas ni// mun bsal dngos po thams cad bsregs// bde chen dbyings su kun rdzogs pas// dpa' bo khyod kyis mdzad pa lags// thugs rje chen po a la la// don grub chen po a la la// sgeg pa chen po a la la// 'jigs byed chen po a la la// dgyes pa chen po a la la/ dregs pa chen po a la la// dpa' bo khyod kyi byin brlabs kyis/ bdag cag rnams la bshad pa shod// me yi rang bzhin chen po dag/ bdag cag rnams la bshad par gsol// zhes gsol ba btab pa las// sems dpa'i rdo rjes dgyes te 'di skad ces bka' stsal to// 'dus pa chen po'i rnal 'byor pa// rdo rje mi yi rang bzhin dag/ bshad kyis khyed rnams gus par nyon// rdo rje me yi las mchog 'dis// rnam 'byor thabs su bde sbyar bas// rgyal ba kun mnyes kun bsregs skongs// don grub las kyi mchog tu bshad// skye med rnam dag hom khung du// chos can skye ba'i yam shing la// spros med byang chub ye shes mes// mtshan ma'i bag chags bsregs sbyangs thim// rnam dag b+ha ga'i hom khung du// chags pa'i yam shing spungs pa la// bde chen byang chub me spar te// 'khor ba'i dngos po bsregs sbyangs thim// dpal chen zhal gyi hom khung du// nyon mongs lnga yi yam shing la// ye shes lnga yi me sbar te// gzug 'dzin rdzas rnams bsregs sbyangs thim// snang srid nam mkha'i hom khung du// 'byung ba bzhi yi yam shing la// phyag rgya'i tshogs kyi me spar te// snang srid dngos po bsregs sbyangs thim// las bzhi'i so so'i khyad par gyis// phyogs dang kha dog dbyibs dang rdzas// ji ltar yin pa de ltar sbyar// shar lho nub byang dkar ser dmar// mthing ga nag po thal mdog sbyar// zlum po pad+ma le'u tse zhi// 'khor lo gru bzhi zur brgyad rgyas// zla gam gru chad gzhi dbyings dbang// gru gsum b+ha ga ka mngon sbyor// sum brtse mdangs dang ri mor mdzes// las kyi yam shing rdzas kyis rgyas// ye shes rdo rje'i las rgyud ldan// bla ma gsum gyis thabs mchog sbyar// dag pa'i mtha' 'dzin nyes mchog 'dzin/ rdo rje gsang ba'i glu bro gar// mchod pa gsang ba dus tshigs sbyor// rdo rje lam gyi smon lam sbyar// gsang ba las kyi rgyud ldan pas// bshar gdab zhi ba'i lha rgyud dang// rgyas dang dbag bshar rgyud bshad bas/ lha dang sngags dang phyag rgya dang// de bzhin rgyud dang 'byor bar bya// rigs kyi lha rgyud lnga rnams ni// so so'i rigs su bshar btab ste// klong yangs 'khyil ba'i hom khung du// dam rdzas bdud rtsi 'bar ba yis// sbyang dang thob phyir bsreg byas 'os// bsreg rdzas skye ba'i chos yin te// skye bar snang ba'i chos thams cad// 'dir ni dngos po bzhin snang ste// chos can rkyen dang 'byung nas dang// rang bzhin nyid las cho 'phrul ni// skye ba nyid du 'dod pa yin// 'di ni skye ba'i chos can te// rang byung sreg rdzas rang zhir thim// nyon mongs lnga yi dam rdzas dag/ ye shes lnga yi klong du dbul// lung po lnga yi dam rdzas rnams// thabs mchog yab lnga'i sku la bstim// 'byung lngas bsdus pa'i bsreg rdzas rnams// shes rab yum lnga'i klong du bstabs// rnam shes brgyad kyi bsreg rdzas na// ye shes gnas kyi ma brgyad do// yul gyi g.yeng ba rnam pa brgyad// dmigs med dbyings kyi bye brag brgyad// skye bzhi las kyi bsreg rdzas rnams// rnam thar sgo bzhi'i klong du thim// thabs mchog la sogs rgya mtsho'i tshogs// so so'i yon tan thams cad dag/ rdo rje glu yis brjod nas kyang// de dag mnyes pa'i mchod pa brtsam// mchod pa thams cad rdzogs pa dang// sgrib byang ma byang don chen rnams// grub dang grub don rnams ni// me la mkhas pas brtag par bya// me sgra gnyis dang kha dog gnyis// 'bar tshul gnyis dang dbyibs rnams drug/de dag yongs su shes par bya// gal te mtshan ma mi sdug na// bkra mi shis pa'i rtags yin pas// bsreg sbyang chen po rgyas par bya// de nas 'dod pa'i rtags byung nas/ me la 'dod pa'i dngos grub rnams// rnam gsum gag ltar grub pa blang// ro yi rdzas rnams bsreg sbyangs nas/ ro la sngags kyis btab nas kyang// shin tu dri zhim sna tshogs kyis// ro la byug cing bkru bar bya// bdud rtsi zhun chen khu ba yis// ras la byugs pas ro dkris te// ro yi gnas rnams gang yin par// sngags kyi sbyor ba kun bkod nas// phyag rgya'i mtshan mas gdab par bya// rgyal ba'i dkyil 'khor gang dag ni// gzhung yin pa yi phyag rgya rnams// du 'byung ba dang mnyam pa yi// sdong bu'i grangs kyang de ltar bya// sdong bu re la lha rnams kyi// ma nor rtsa ba'i snying po dag/ ras chen dag la bris te gdags// ro yi sbyor ba rdzogs pa dang// ro yi phyi shul thams cad la// 'khor ba'i bag chags kun bkod de// ras sam shing shun shog shog la// 'khor ba'i sa bon thams cad dgod// nyon mongs lnga dang dug gsum bcas// skyes pa'i las la rgyud drug rnams// ming ngam gzugs su byas nas ni// gnas gnas dag tu dgod par bya// khams dang skye mched phung po lnga// gzung 'dzin ming du bcas pa rnams// brda yi tshul du bris nas ni// ro rnams khyad par dgod par bya// de nas ro yi phung po de// rten nam glegs sam stegs bu yi// steng du mkhas pas gzhag par bya// thabs kyi cho ga brtsam pa ni// maN+Dal 'khor khyud tsam zhig la// dkyil 'khor gang dang gang yin pa'i// phyag rgya bzhugs pa'i pho brang dag/ thig gis yul gcas so sor bya// de yi steng du zhing brtsigs pa// dbyibs ni gru bzhi gtams pa la// zur bzhi ka ba bzhis brtan bya/ sum brtsegs yang thog par khang bcas// mtha' ma shing gis brdzang bar bya// bar kang dag gi glegs ma la// ro yi bzhin phyos shar du bstan// ro yi steng gi khang pa la// ras sam shog shog la bris pa'i// phyag rgya'i dkyil 'khor gsal bar dgod// ro khang glo skar bzhi phye la// thugs rje gzung thag bzhis btags nas/ phyogs bzhi bla ma bzhi la dbul// shing gi cho ga rdzogs pa dang// shing gi phyi mtha' stegs bu la// phyag rgya'i lha rnams rim par dgod// stegs bu rdzogs par gyur pa dang// rdo rje las kyi skos gdab pa// rdo rje rgyal po bla ma la// 'khor ba bsregs pa'i mnga' gsol te// ting 'dzin ye shes rtse gcig pas// me yi 'du 'phro rgyun du bya// rdo rje las kyi karma la// las rnams rdzogs pa'i mnga' gsol te// las kyi phreng ba rdzogs par bya// rdo rje chen po'i bla ma zhigaro yi nyes pa'i mtha' bzung nas// las kyi bsags pa bgrang zhing bshags// rdo rje stabs sbyor bla ma yis// bdud rtsi skabs kyi mchod pa sbreng// rdo rjer bro gar glu tshig gis// skabs kyi glu gar mchod pa dag/ rol mos drangs te dbur bar bya// rdo rje gnas kyi smon lam ni// skabs dang las kyi mjug tu gdab// rdo rje las kyi ltang 'dzin pas// rtsa brgyad las kyi grangs bzung ste// dkar byang bla ma'i phyag tu dbul// ro yi las ngan ltang 'dzin pas// grangs med grangs su bzung nas ni// mtshan ma nag po'i byang bu dag/ ye shes me yi klong du bsreg/ me yis sbyor ba'i cho ga bya// me yi lha ni gang yin pa// me yis sangs rgyas snang mtha' yas// me yi lha mo gos dkar ma// rgyal ba kun gyi 'od mchog ste// 'byung ba me la dbang gyur zhing// thams cad kun gyi drod bdag yin// srid gsum sra par zhal gyis 'ches// 'khor ba'i sreg pa'i phrin las la// thug dam dbang gis yong mi 'da'// me yi cho ga thams cad ni// yum chen dkar mo nyid la bsgo// de nas cho ga kun rdzogs nas// ro yi sgrib pa byang ma byang// me yi dngos grub thob mi thob// me las mkhas pas gong bzhin brtag/ mtshan ma mi sdug byung ba na// bsreg sbyang cho ga rgya cher bya// gal te mgu na dngos grub thob/ ro yi thal ba chen po la// gtags nas thal ba'i bdud rtsir bsgrubs// des ni bsod nams chen po ni// dpag tu med pa thob par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje me'i cho ga bsgrub pa'i le'u ste nyi shu rtsa drug pa'o//// de nas sems dpa'i rdo rje dam pa des dkyil 'khor thams cad byin gyis rlob pa zhes bya ba'i rdo rje sngags kyi tshig 'di gsungs so// sarba ta thA ga ta ma hA he ru ka badzra tsan+Da/sarba duSh+tAM sa~M shrI he ru kAM ta ka ha na pa tsa hU~M hU~M/ sa sa sa sa sa ma ya sa nu ne/ sa no rba ra/ badzra gar+b+ha/ rat+na gar+b+ha/ pad+ma gar+b+ha/ karma gar+b+ha/ mai tri gar+b+ha/ kA ru Na gar+b+ha/ lo ka gar+b+ha/ bu du ma gar+b+ha/ yak+Sha/ rAk+Sha sa/ bi shwa/ te shwa/ ke shwa/ ba shwa/ bi shwa/ trak+sha/ hri shwa/ bak+Sh+wa/ ru ti/ rak+ti/ khA hi/ sa ha/ sa sa sa sa sa sa sa/ sa sa sa sa sa sa sa/ sa sa sa sa sa sa sa/ sa sa sa sa sa sa sa/ rba rba rba rba rba rba rba/ rba rba rba rba rba rba rba/ rba rba rba rba rba rba rba/ rba rba rba rba rba rba rba/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ ta ta ta ta ta ta ta/ thA thA thA thA thA thA thA/ thA thA thA thA thA thA thA/ thA thA thA thA thA thA thA/ thA thA thA thA thA thA thA/ ga ga ga ga ga ga gag ga ga ga ga ga gag ga ga ga ga ga gag ga ga ga ga ga gta ta ta ta ta ta ta/ta ta ta ta ta ta ta/ ta ta ta ta ta ta ta/ ta ta ta ta ta ta ta/ ma ma ma ma ma ma ma/ ma ma ma ma ma ma ma/ ma ma ma ma ma ma ma/ ma ma ma ma ma ma ma/ hA hA hA hA hA hA hA/ hA hA hA hA hA hA hA/ hA hA hA hA hA hA hA/ hA hA hA hA hA hA hA/ shrI shrI shrI shrI shrI shrI shrI/ shrI shrI shrI shrI shrI shrI shrI/ shrI shrI shrI shrI shrI shrI shrI/ shrI shrI shrI shrI shrI shrI shrI/ he he he he he he he/ he he he he he he he/he he he he he he he/ he he he he he he he/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ru ru ru ru ru ru ru/ ka ka ka ka ka ka kaka ka ka ka ka ka kaka ka ka ka ka ka kaka ka ka ka ka ka ka hU~M hU~M hU~M hU~M hU~M hU~M hU~M/hU~M hU~M hU~M hU~M hU~M hU~M hU~M/ hU~M hU~M hU~M hU~M hU~M hU~M hU~M/ hU~M hU~M hU~M hU~M hU~M hU~M hU~M/ shwa shwa shwa shwa shwa shwa shwa/ shwa shwa shwa shwa shwa shwa shwa/ shwa shwa shwa shwa shwa shwa shwa/ shwa shwa shwa shwa shwa shwa shwa/ ri ri ri ri ri ri ri/ ri ri ri ri ri ri ri/ ri ri ri ri ri ri ri/ri ri ri ri ri ri ri/ kha kha kha kha kha kha kha/ kha kha kha kha kha kha kha/ kha kha kha kha kha kha kha/ kha kha kha kha kha kha kha/ mu~M mu~M mu~M mu~M mu~M mu~M mu~M/ mu~M mu~M mu~M mu~M mu~M mu~M mu~M/ mu~M mu~M mu~M mu~M mu~M mu~M mu~M/ mu~M mu~M mu~M mu~M mu~M mu~M mu~M/ ba ba ba ba ba ba ba ba/dzra dzra dzra dzra dzra dzra dzra dzra/ gau rI/ tsau rI/ pra mo hA/ be tA lI/ g+hasma rI/ puk+ka sI/ sma shA' nI/ tsan+Da lI/ ha ha ha ha ha ha ha/ sing+ha/ byA g+h+r-i/ sriM ga la/ shwa na/ kr-iD+ha/ kAng+ka/ kha gaU lu/ mu mu mu mu mu mu mu mu/ kha kha kha kha kha kha kha kha/he he he he he he ha hai/ ba ba ba ba/ dzra dzra dzra dzra/ phaT phaT phaT phaT/ dzaHhU~M ba~M hoH/ Ar+ya te tsa te da dzaHpA sha~M hU~M/ lo ka ba~M/ b+hasmi ya ti hoHba ba ba ba ba ba ba ba ba ba/ dzra dzra dzra dzra dzra dzra dzra dzra dzra dzra/kro kro kro kro kro kro kro kro kro kro/ d+ha d+ha d+ha d+ha d+ha d+ha d+ha d+ha d+ha d+ha/ hU~M hU~M hU~M hU~M hU~M hU~M hU~M hU~M hU~M hU~M/ maN maN maN maN maN/ Da Da Da Da Da/ la la la la la/ e gar+b+ha/ ya~M karma/ ra rak+ta/ ba~M snig+d+ha/ ra~M dz+wa la/ keM ru d+hiH/b+h+ru~M dz+nyA na/ pa~M ban+d+ha/ ha ka pA la/ dz+nyA na parba raM/ bud+d+ha kA ya/ ma hA wa kabadzra tsit+ta/ dzaHhU~M ba~M ho/ e h+ye hi/ ru lu ru lu hU~M b+h+yo dzaHdzaH/ badzra sa ma ya mu dra hU~M AHbadzra shrI he ru ka/ tiSh+Tha sa ma ya lhan/ ma hA shrI he ru ka ha ha ham/sa ma ya hoHphaT/ badzra A ra li phaT/ a ti pu ho/ pra ti pu ho// i d+ha~M puSh+pe d+hu pa/ ba li/ ti dza ho/ kha ra~M khA hi/ ma hA rak+ta/ ru d+hi snig+d+ha/ pany+tsa a mr-i ta/ tsit+ta/ bA su ta/ go ro tsa na/ DA ki nA/ yo gi ni ma hA tsit+ta/kha ra~M khA hi/ kha kha le/ sha ta pa khA hi/ a la la ho/ sa ma ya hoHi dan de nA ra kAn/ i tsi ra sa ma ya phaT/ badzra sa ma ya a be sha AHAH/ zhes gsungs pas las kyi 'bar ba'i cho ga zhes thams cad shin tu 'bar zhing rgyas par gyur to// rgyud kyi rgyal po chen po rdo rje bkod pa kun 'dus rig pa'i mdo las rdo rje gsang sngags kyi le'u nyi shu rtsa bdun pa'o//// de nas yang sems dpa'i rdo rje des sgyur ba phyag rgya'i le'u 'di rgya cher gsungs so// rnal 'byor mchog gi lag gnyis la// nyi zla 'bar ba'i ling+gar ni// a dang pad+ma gnyis gsal te// thabs dang shes rab gnyis med sbyar// mnyam pa'i tshul gyis gnas pa la/me yi steng du a nyid gzhag/ bya ba thams cad bral ba'i rgya// a dang ma yi 'bru bcu rnams// 'phro 'du bya zhing kun tu bsgyur// g.yas su 'khyil cing g.yon du 'khyud// 'di ni cho 'phrul dbyung ba'i rgya// a dang ma yi 'bru rnams bcu// so sor bcangs te myu gur bya// shin tu bstod de kun du bsgyur// 'di ni snying por gyur pa'i rgyu// ma yis sbyin pa gtong tshul la// a yis thams cad skyob byed pa// 'di ni tshad med chen po'o// kun la snyoms pa'i phyag rgya yin// ma nyid khrag 'phrog pa yi snod// a nyid so phreng mche bar sbyar// 'di ni thams cad rol pa yi// 'jigs tshul ston pa'i phyag rgya yin// a dang ma gnyis gting sbyar te// so phreng mche ba'i tshul gyis ni// shin tu kha glan ba yi tshul// 'di ni 'jigs byed chen po'o rgya// ma yis bzung ste 'then nas ni// sha yis gdengs shing 'joms byed pa// 'joms byed chen po'i phyag rgya yin// ma dang a yis mgo 'jug nas// bzung ba'i tshul du byas nas ni// kha yig drang cing 'then byed pa// sa byed chen pa'i phyag rgya yin// a dang ma yi shes rab las// g.yas g.yon tshul gyis bsgyur byas te// so so ji ltar yin thabs sbyar// gnas dang yul gyi gtan tshigs su// bsgyur ba gar gyi phyag rgyar bshad// dpa' bo gdan la bzhengs nas ni// phyogs mtshams kun tu bltas byas nas// shin tu 'gying zhing brjid par byed// a dang ma yi 'bru rnams ni// so sor brdabs nas dkur brten bya// 'gyong ba'i tshul gyis sbyang byas nas// stag gi stabs kyis kun tu bskor// de nas rmun bya stabs kyis ni// gong ma bzhin du bskor bar bya// de bzhin rus sbal gzigs dang stag/ spyang ki seng ge dam stabs dang// phal chen dreng kyi stabs kyis ni// thams cad thams cad bskor bar bya// de bzhin 'dab chags thams cad kyis// 'jo tshul stabs rnam rdzogs byas nas// dkyil 'khor thams cad rdzogs par 'gyur// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las sgyur ba phyag rgya'i le'u ste nyi shu rtsa brgyad pa'o//// de nas sems dpa'i rdo rje des mchod pa dam pa gsang ba'i le'u 'di gsungs so// hU~M 'byung ba chen po nam mkha' ni// 'byung ba chen po lnga yi mdzod// nam mkha' las ni 'dod pa 'byung// 'dod pa'i mchod pa 'gyur gyur cig/ zla rgyas la sogs snying po mchog/ maM sa la sogs rnam lnga'i rdzas// me tog la sogs tsan+dan phreng// sna tshogs mchod pa 'byung gyur cig/mi mo rnams kyi reg bya mchog/ 'khril 'khyug sgyur ba'i gzung chen ma// dbang po sbyor ba'i dgyes mchod de// bde ba'i mchod pas tshim gyur cig/ rdo rje rol pas tshogs mchog 'di/ mchod sprin kun tu rgyas gyur cig/dug gsum brtsigs pa'i ri bo 'di// sku gsung thugs kyi klong du bstabs// dug lnga rol pa'i tshogs mchog 'di// ye shes lnga yi nang du thim// gzung 'dzin rtog pa'i mtsham ma 'di// dbyings dang ye shes klong du thim// 'khor ba mtshan ma'i chos can 'di// chos nyid dbyings kyi ngang du thim// phung po tshogs kyi yan lag 'di// rnam grol phung po lnga tu thim// 'byung chen rgyu yi mtshan ma 'di// mkha' klong 'bar ba lnga ru thim// rol pa chen po mchod sbyin la// rgyal ba rgya mtsho'i tshogs rnams rol// bla med stan 'gan mchod pa 'di// sngon chad rgyal bas bgrod pa'i lam// dug gsum gting nas gsod pa'i thabs// sngon gyi thugs dam bzhin du bzhes// 'chi med bdud rtsi g.yung drung chu// ro yi khams rnams slong bar byed// dug gi phung po 'joms byed pa// rtsi mchog sman gyi mchod pa bzhes// zhes mchod pa'i tshogs rnams long long phyad par gyur bar rgyal ba rgya mtsho'i tshogs longs spyod des mnyes par gyur to// rgyud kyi rgyal po chen po rdo rje bkod pa kun 'dus rig pa'i mdo las mchod pa dam pa gsang ba'i le'u ste nyi shu rtsa dgu pa'o//// de nas sems dpa'i rdo rje des rdo rje glu'i le'u 'di gsungs so// 'dir ni rdo rje rnal 'byor rnams// bsnyen par snang ba'i dbang thob nas// bsgom dbyangs yi ge 'bru brgyad spro// yi ge glu yi rgyan yin te// glu yi ye ge bcu drug las// yi ge yan lag bsgyur bsdebs nas/ glu yi bye brag bsam mi khyab// dang por glu yi don byung ba// oM gyis glu rnams rab tu 'dren// oM yang a yi cho 'phrul te// a ni chos kyi yi ge yin// a las oM byung rgyal ba'i thugs// rgyal ba chos kyi dbyings las byung// a las aM byung gsung gi mchog/ gsung las glu yi yan lag 'byung// dbyangs kyi yan lag drug cur grags// glu yi yon tan bsam mi khyab// sngon gyi rgyal ba glu yis grub// rig 'dzin rdo rje glu yis 'dren// rnal 'byor dbang phyug glu yis 'grub// bstan pa rgya mtsho glu yis spel// srid pa'i bu mo glu yis bsten// bdud dang srin po glu yis 'dul// dngos grub rgya mtsho glu yis 'bebs// chos nyid dbyings kyi klong dkyil na// dpal be'u nyi ma dgu shar bas// rnam thar sgo bzhi rab gsal yang// ma rig mun gnag 'thibs pa yis// bsgrubs par rig pa'i sgom mo bya// 'khor ba'i mun gnag gong rum na// byang chub sems kyi zla shar bas// mun bsal rnam thar sgo bzhir snang// rin che 'bar ba'i nyi ma rnams// dpal chen thugs nas 'od shar bas// bag chags sprin mthong byed pa ru// rnal 'byor thugs kar zer bab pas// mun bsal rig pa'i sgo phye ste// rnal 'byor don la 'jug par bya// rig pa thugs kyi dkyil 'khor nas// ru lu'i 'od zer sgo phye bas// spros pas cho 'phrul sna tshogs 'byung// srid pa gsum gyi bye brag phyed// 'khor ba'i rgya mtsho gting nas skems// nyon mongs rgyu drug gnas nas sgrol// dug gsum rtsa ba rtsad nas gcod// bdud dang srin po gdug pa 'dul/ byin brlabs dngos grub char ltar 'bebs// ji ltar dbang po'i sgo phye nas// 'dzum mdangs gsal bar 'byung ba ltar// dpal be'u thugs kyi sgo phye bas// ru lu'i 'od zer yig 'bru shar// mthing nag ser nag dmag nag ljang// smug nag 'bar ba'i yig 'bru rnams// yi ge rigs kyi phreng bar drang// rgyangs kyis bskul dang dkar gyis dbab// bsten kos nye bar gyur pa la// 'jim gos mngon sum gsal bar bya// 'bir kwas gnyis su med pa la// 'dren kos yi ge'i phreng ba drang// de nyid la ni glu drug ste// sha ta pa dang gar ta pa/ cang ka de'u dang bang ka de'u// breng nge ba dang rung nge ba// glu yi yan lag sum brgyas ni// rgyal ba mnyes pa'i mchog tu 'gyur// glu yi rgyal po 'di drug gis// don drug yongs su rdzogs par 'gyur// sha ta pa yi glu blang pas// gdug byed thams cad spa yang bkod// gar ta pa yi glu blangs pas// gnod byed thams cad rdul du rlog/ cang ka de'u yi glu blangs pas// 'bar ba'i dkyil 'khor me ltar mchod// bang ka de'u yi glu blangs pas// drag po gtum po lhan ne 'gyur// breng nge ba yi glu blangs pas// sprul pa'i cho 'phrul thams cad 'gyed// dung nge ba yi glu blangs pas// srid pa'i bu mo dbang du sdud// yi ge 'bru dgu'i rang bzhin la// phyag rgya'i dkyil 'khor thams cad rdzogs// de bzhin 'khor lo mu khyud bcas// khyams dang sgo khyud gsal ba'o// srid pa mthong yod snang grags kyang// thams cad sngags kyi tshig tu rdzogs// yi ge rgyal ba kun dang bral// 'khor lo'i sa la nye ba'o// yi ges dmigs pathams cad 'grub// chags med lhun grub don po che// rnam bzhi las kyi khyad par yang/ bya ba med par don du 'gyur// yo ge gsang ba'i 'phro 'du yis// rgyal ba dpa' bo thams cad mnyes// de kun yi ges rnam sprul yang// rang bzhin dngos med chos kyi dbyings// yig 'bru 'bar ba'i cho 'phrul las// dam pa'i ngo mtshar sna tshogs 'byung// de bzhin sgrib pa'i bud shing bsreg/ gti mug mun sel ye shes 'bar// rig pa'i nyi ma gsal bar 'bebs// bdag nyid dpal chen 'bar ba'i thugs/ tsit+ta dpa' be'u zur brgyad 'bar// rin chen yi ge 'bru brgyad gsal// dpal chen rin chen 'bar ba'i thugs// dpal be'u smun po zur brgyad las// gser gyi nyi ma dgu shar ba// 'od zer ru lu yig 'bru brgyad// rdo rje 'bar ba'i rling sgrom du/shin tu 'bar 'phro 'khrug byas te// spros pas rnam 'byor dbang phyug gi/ na sa g.yas su drang bar bya// bo ro tsa na'i gzhal yas su// sen zlum tsam gyi rgya khyon la/ gser gyi nyi ma ga'u dgu/ shar ba'i dkyil na yig 'bru dgu// gsal bas 'od kyi gzhal yas khang// dngos po'i bag chags kun bsregs te// sems ni gser chu zhum ma bzhin// ltem la 'tshe zhing 'od 'bar ba// rtsal las gyur pa'i zla dkyil 'khor// nyi ma'i steng na dpa' be'u 'bar// de la ru lu 'phro zhing 'du// dpal be'i tsit+ta dkyil 'khor 'di// yig 'bru 'bar ba'i ga'ur gsal// pad+ma 'bar ba'i ga'u 'di// yi ge phreng ba 'khyil ba'i gnas// dper na me tog 'bar ba las// bcud len bung bas bcud blang te// rtsi yi bur bu sog pa ltar// dpal be'u thugs kyi dkyil 'khor nas// rin chen 'od kyi me tog 'bar// ru lu'i yig 'bru bcud kyis rgyas// rnal 'byor sems las byas pa yi// bcud 'byin bung ma mang po 'phro// phar lding yi ge'i bcud phyung nas// tshur lding sems kyi ga'ur bstim// dang po shel gyi kha dog la// shin tu gsal zhing 'tsher 'bar ba// gnas dug dag tu zla ba yi// thig le dkyil gyi dpa' be'u la// 'bru bkod gsal bar gyur pa dang// shel gyi bung ba mang po dag/ khyung chen ding ba'i bong tshod tsam// phar lding bcud phyung tshud gsibs pas// yig 'bru ye shes me 'bar bas// bag chags bud shing phung po bsregs// phar spros thugs rjes sa la bskul// ji ltar nyi zer tsha tsha ltar// rgyun mi 'chad pa rtse gcig 'bar// bar du byi ru'i kha dog la// gong ma bzhin du bkod gsal la// byi ru bung ba mang po dang// gong ba bzhin du 'phur lding bas// bcud phyung bstims zhing slar la 'phro// ji ltar me 'gal 'khor tshul du// dpal be'u smug po'i klong su bstim// kun gyi tha mar bsdu ba ni// bkod pa gong ma thams cad kun// mthing nag 'bar ba bsgyur nas ni// khyung chen gzan la 'jugs tshod tsam// hU~M sgra 'byin cing phan tshul lding// ru lu bcud 'byin dngos grub rlom// dran pa'i dkyil mas dza phyung ste// lcags klu 'bar ba ga'ur bcas// dpal be'i dkyil na spungs pa yis// ru lu rin chen phung po dag/ bsdus shing drangs te gnas su bstim// 'bab pa'i shugs sam byin brlabs ni// mtsho la ser chen 'dril ltar ro// 'di lta yi ge sbyar ba'i tshe// rnal 'byor nyag gcig ma yin gyi// lha mchog dbyings na bzhugs pa yang// chos nyid dang du mi dmigs kyang// rnal 'byor mchog gi bskul ba'i tshe// thugs rje chags pa'i dmangs phyung nas// srog rtsol dran rig gsung gsungs ltar// mgur chu yan lag 'gul 'gul ltar// rdo rje yi ger 'bru 'bar ltar// gug skyed klad ko tsheg bar phyin// ra ri khal khol sgrib med pa// ye shes don la mkhyen rig rgyas// de lta mod kyang 'dul dbang gis// rgyal ba skul ba'i sa la gzhes// rnal 'byor gso ba'i cho ga byed// lha dang gcig gu bya ba'i phyir// bzlas brjod gangs dang bsnyen pa dang/ sbyor bas don la nye bar 'gyur// 'di ltar stor ba'i dus dag na// byin brlabs phel sam nye ba yi// rtags sam drod dam mtshan ma ni// rnal 'byor nyid dang bsgrub rdzas dang/ yod mthong sgra thos kun la 'byung// lus kyi drod dang rmi lam dang// sems kyi rtags su gsal ba dang// dbugs dag la yang nges par 'byung// shing bal lta bur yang pa dang/mi bde'i gnod pa bral ba yin// reg pa ting 'dzin gsal ba dag/ rmi lam du yang myos par 'gyur// dang zhing dag la mgu ba skye// gdung ba'i byang chub sems skyes shing// ngo mtshar skyes pa de nyid do// 'gyur ba'i dbugs gsal dbang thob ste// dgag dang dbyung ba ji lta ba'o// rdzas ni 'bar dang 'phar ba dang// dri dang 'od 'byung ro mchog skyes// mi zad mang du 'phel ba dang// mngar 'jam dang zhing ro mchog rnyed// lto la mi gnod mgrin la min// zos na bzhin 'gyur lus rtas 'gyur// sin snyan yid 'ong sgra snyan gzugs// dri zhim 'byung ba de lta'o// rdo rje pra rnams bzang ba na// rtags dang mtshan ma phebs pa ste// smyur te dngos grub blang bar bya'o// bde dang ga'u'i phyag rgya dang// rdo rje bum pa'i 'phro 'du yis// dngos grub yum gyi mkha' la dbab// yab yum sbyor ba'i lhag sems dag/ma phebs pa yi bar du dag/ shes rab gsal ba'i lha mo bzhis// ha sta me long b+han d+ha dang// zhing chen phreng ba la sogs pa// kha dog lnga yi dar g.yab kyis// g.yab cing rig 'dzin mang po 'bod// rol lo cha byang mang po dag/rdo rje gar dang snyan pa'i glu// srid pa'i ma mo kun rten cing// byin brlabs chen po dbab par bya// phebs ma dag du dngos grub bstim// 'di ni rdo rje glu 'khor lo// ye shes rgyan gyi las yin no// zhes sems dpa'i rdo rjes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje glu'i le'u zhes bya ste sum cu pa'o//// de nas yang sems dpa'i rdo rje des rdo rje rnal 'byor 'jug pa zhes bya ba'i le'u 'di gsungs so// 'dus pa chen po'i rnal 'byor pa// gsang ba'i dkyil 'khor dam pa 'dir// gang dag 'jug par byed pa yi// rnal 'byor rigs kyi bu rnams kun// snod du gyur pa kun bsdus nas// byang chub mchog gi sems bskyed de// tshig 'di brjod de gnas par bya// e ma bde mchog dga' tshul 'dir// bdag cag kun du 'jug par 'tshal// dga' ba byang chub sems bskyed nas// gsang ba'i don 'di spyad par bgyi// de skad gsol te zhus pa dag/ gsang ba'i mchog gi bdag po yis// rgyud sbyang rgyud drug las sgo gcad// rig pa 'dzin pa'i rnal 'byor kun// dkyil 'khor chen po gsal bton te// phyag rgya dbang dang bcas pa yi// 'khor ba'i rgyud rnams sbyang bar bya// 'jug pa de yi gnas lnga du// rgyud drug sa bon bskyed nas kyang// oM lnga dag gis gnan par bya// bcug pa de yi spyi bor ni// pa yi ye shes la bskrun pa// pad+ma kha bzhi lte ba la// mi dang lha yi sa bon dgod// shar lho nub dang byang dag tu/ lha min dud 'gro yi dwags dang// dmyal ba rnams kyi sa bon gdab// hU~M gi lam sgo gcad par bya// lag gnyis mthe'u chung mthe bos mnan// sor mo gsum sbyar dpyal bar bsnol// lha dang lha min gnas dag tu/ mi gtong bzlog pa'i phyag rgya yin// lag gnyis bsnol nas mchan khung bsdam// mi yi khams nas bzlog pa'i rgya// khu tshur bcangs te 'bru bsgreng nas// g.yon gyi steng du mnan pa 'di// byol song gnas nas bzlog pa'i rgya// thal mo mnyam sbyar gung rtse sbrad// gung mo rgya bcu srin lag bsnol// mgun nas mdzub mos 'khyud pa ni// yi dwags khams las bzlog pa'i rgya// g.yon thogs g.yas kyi rgyab sbyar ste// srin lag gung mdzub gcig nas gcig/'khyud pa dmyal ba'i sgo gcod rgya// lag gi phyag rgya bcas nas ni// ngag gi rdo rje rgya brjod pa// kye ma ru tra kro d+ha hU~M// hri sa ma pa tsa hU~M/ hrI sa ba dza hU~M/ 'di ltar gsal par gyur pa dang// sgrib pa dag par bya ba'i phyir// rnal 'byor sbyor ba'i phyag rgya ste// rdo rje rnal 'byor mchog gi lha// 'gro drug 'dren pa'i dpal mdzad pa// rdo rje can la phyag 'tshal lo// byams mgon khyod la skyabs su mchi'o// de skad gsol ba btab pa dang// rnal 'byor chen po zhabs gnyis la// 'jug pa de yi spyi bos gtugs// sangs rgyas bde mchog thams cad kyi// rdo rje gsung mchog gsum las byung// srid pa gsum gyis phyag byas pa// dbang bskur gsan ba chen po sbyin// a ti ho sta hri da kha~M// de nas snod du gyur pa dang// gsang ba'i mig ni dbye bar bya// me tog phog pa'i lha yang sbyin// de nas dam tshig chen po bsgrags// rgyal ba kun dang mnyam sbyor ba'i// dam tshig 'di las gang 'das pa// rgyal ba thams cad bslus pa yin// khrag 'thung kha 'bar ma yi tshogs// khros nas snying khrag thogs pas 'thung// badzra sa ma ya i dan the na na ra kan// pa ra hr-i da ya na ma ba sti nAn// sa ma ya rak+Sha sid+d+hi bid+ya badzra a mr-i to da ka~M/ rdo rje tha tshig chu blud nas// rdo rje gal chen mna' dor ro// rdo rje dam tshig sdom pa rnams// thams cad thams cad dpog par bya// slob pa'i gnyer yang dpog par bya// kye rig 'dzin rdo rje bu mchog khyed// rnal 'byor rgyal ba'i sras kyis yin// gzhan yang gsang ba ma smras shig/ gal te smras na dbyar bar 'tshig/ khyod ni rdo rje che ge mo// rgyal ba'i sras po gdung rgyud 'dzin// gsang ba mchog gi mig sbyin gyis// zhing khams kun du bde bar spyod// des ni sangs rgyas zhing du skye// zhes gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje rnal 'byor 'jug pa'i le'u zhes bya ste sum cu rtsa gcig pa'o//// de nas yang sems dpa'i rdo rjes yongs su rdzogs pa dbang gi le'u 'di gsungs so// 'dus pa chem po'i rnal 'byor ba// srid pa gsum gyis phyag byas pas// bla ma'i sa la gnas pa ni// gsang mchog sum cu rtsa drug yin// phyi yi dbang dang nang gi dbang// bsgrub pa'i dbag dang gsang ba'i dbang// bcu dang bci gcig bcu gsum dang// rnam pa gnyis kyis rdzogs par 'gyur// de la dang po sbyin pa'i dbang 'di yin te/ oM hU~M sa hrIHha/ kun gyis 'da' bar dka' ba yi// tshig btsan yul la dbang sgyur pa// rgyal po bka' rtags phyag rgya'i dbang// sku lnga yongs su rdzogs par 'gyur// rigs rnams so so'i rgyud 'dzin cing// rtags kyi mtshan ma chen po ni// sbyor ba chen po'i phyag mtshan te// dam tshig phyag rgya rdzogs par 'gyur// shes rab gzungs kyi gsang mchog ni// don dang ldan par gyur pa yi// mtha gnyis dag tu mi gtong ba'i// gzung ma'i rgyal mo chen mo yin// gnyis med yongs su rdzogs pa ni// thams cad bde ba chen po'i ngang// byang chub sems dang don dang 'brel// shes rab chen po rdzogs pa'i dbang// bkra shis chen po bum pa ni// bde gshegs bzhugs pa'i pho brang ste// dkyil 'khor rdzogs par gyur pa yi// dbang chen de la sbyin par bya// gsang ba'i bstan pa rgyas nas ni// yun ring gnas par 'gyur ba yi// bkra shis rdzas kyi dbang mchog kyang// gnang ba chen po sbyin par bya// don rnams grub par 'gyur ba yi// 'dod dgur re skong rin po che// rgyal srid rin chen sna bdun gyis// rgyal po mchog tu dbang bskur ro// rin chen pad+ma seng ge'i khri// bla mar gyur pa'i gnad mchog de// khyad par chen par gyur pa'i dbang// khrin chen dag la gzhag par bya// cod pan me tog phreng la sogs// dbang mchog brjid pa'i rgyan gyis bklubs// dbu rgyan do shal se mo do// dpung rgyan rlang gdub lag gdub rnams// dbang thob rgyal pos de la sbyin// dbang thob mdzes pas brjid pa'i rgyal po de// dbang phyug yin pas de la kun phyag 'tshal// rdo rje dbang phyug rgyal po'o zhes par ni// kun gyis ska chen bod cing bsgrags par bya// gser gyi 'khor lo rtsibs khyud ldan pa zhig/rgyal po de yi lag tu bskur nas ni// 'jig rten kun la kha lo sgyur ba yi// dbang mchog rgyal po 'di yang sbyin par bya// phyi 'khor skyong ba'i rgyal por gyur phan chad// bla med mchog gi rtags dang ldan 'gyur bas// gsang sgo phye nas nang du gzhug par bya// shin tu gsang ba'i rdzas dang ldan gyur nas// gsang sgo gang las 'dod pa'i don rnams zhu// gnang chen po yi rtags su byin gyis brlabs// gsang ba'i don la nyan cing slob pa'i dbang// dbang thob slan can de la sbyin par bya// bdud rtsi chi 'dis rna ba'i gsang sgo dbye// sarba ta thA ga ta sta ma ti ho// glegs bam zab mo la sogs thasam cad rnams// rigs kyi bu mchog de la sbyin par bya// des ni 'gro ba'i don byed nus pas na// las rnams rgya mtsho thams cad sgrub pa'i rtags// rdo rje rgya gram la sogs rnams bzhi'i rdzas// bu mchog de la thabs kyis sbyin par bya// gzhan gyi re 'dod skong ba'i bu mchog de// rgyal po rgyal rigs rgyud du byung ba bzhin// rgyal tshab chos kyi rgyud du byung bas na// tan+t+ra la sogs dam pa'i mdzod gsum sbyin// des ni slob ma'i tshogs kun skyong nus phyir// bstan pa sgrogs pa'i sa la gnas bya'i phyir// rdo rje rgyal po dpal gyi dbang mchog 'di// theg chen dgu yi rtags dang chas te sbyin// de ni bla med rgyal por 'gyur bas na// sa rnams non pa'i rtags mchog gdan khri'i dbang// lha chen la sogs zhing chen nyi zla bcas// khyu mchog seng ge ma he gzigs dang stag/ gtum pa'i don gyis spar te sbyin par bya// rgyal po yin pa'i rtags ni rnam pa bdun// skye la dbang sgyur rgyal po mnyes pa'i gzungs// pha rol dpung 'joms srid thub 'dzin pa dang// bdag gzhan don sgrub rdzu 'phrul rkang par ldan// dgos 'dod yid bzhin skong ba'i rin po che// rgyal po de la thabs kyis sbyin par bya// de ni rgyal ba'i mchog sras yin pas na// phyag rgya chen po'i dbang mchog sbyin par bya// ras sam 'bur ram lugs su blugs pa yi// phyag rgya'i gzugs brnyan de yi sbyi bor gzhag/ ye shes chen po'i don dang de ldan pas// ye shes lnga yi rtags mchog phyag rgya yis// gnas lngar gtugs te thugs kyi dbang mchog sbyin// oM ma hA shU n+ya dz+nyA na badzra swa b+ha ba At+ma ko haM// oM ma hA A dar+sha dz+nyA na badzra swa b+hA ba At+ma ko ha~M/ oM ma hwa sa ma twa dz+nyA na badzra swa b+hA ba At+ma koha~M/ oM ma hA pra t+ya bek+Sha Na badzra swab+hA ba A t+ma ko ha~M/oM ma hA kr-i t+yA nuSh+Tha na dz+nyA na badzra swa b+hA ba At+ma koha~M// sku dang gsung thugs rdo rje yi// rnal 'byor bde mchog de yin bas// sku gsung thugs kyi gsang mchog 'di// rdo rje can la sbyin par bya// oM sarba t a thA ga ta kA ya badzra swA b+hA ba At+ma koha~M/oM sarba ta thA ga ta tsit+ta badzra swA b+hA ba at+ma ko ha~M/ oM sarba ta thA ga ta a nu rA ga Na dz+nyA na badzra swa b+hA ba At+ma ko ha~M/ oM sarba ta thA ga ta pU dza badzra swa b+hA ba At+ma ko ha~M// dbang mchog thob pa'i bu mchog de// don rnams gru b par bkra shis phyir// bdud 'dul bkra shis rdzas mchog rnams// rtags kyis brgyan te sbyin par bya// don rnams grub pa'i bu mchog de// rdo rje dbang mchog thob pa na// zhing khams kun du grags pa yi// rtsal gyi thig le rdo rje sbyin// nang du 'jug pa'i dbang thob nas// de dag kun la spyod sgrub pa'i// dbang mchog dam pa sbyin par bya// skye med chos kyi dbyings nyid la// sems kyis dbang bskur thob pa yi// shes rab chen po rig pa'i dbang// sems lon don gyi gtan tshigs sbyin// bya ba'i mtshan nyid kun bral zhing// btsal med gnas pa'i byang chub sems// snying rje chen po bde mchog gis// khams gsum kun la dbang sgyur sbyin// srid gsum 'gro ba'i don rnams kun// thams cad rdzogs par nus pa yi// rtags kyi dbang mchog dam pa ni/ thong gshol 'bar ba sbyin par byed// dug gsum gting nas sprugs pa yi// rtags chan ga'u rnam pa gsum// dmar chen dag gis bkang nas kyang// dbang chen thob de'i lag tu sbyin// srid gsum sgrol bar bya ba yi// dbang mchog chen po sbyin pa'i phyir// ka tar la sogs mtshon cha rnams// dbang thob de yi lag tu sbyin// 'khor ba'i chos la cir spyad kyang// skyon gyis gos par mi 'gyur ba'i// rtags kyi phyag rgya chen po ni// rnam dag rdzas kyi pad+ma sbyin// las rnams rdzogs par gyur pa yi// dbang mchog thob pa'i rtags chen ni// sti ra'i dbyug pa chen po dag/ dbang thob de yi lag tu sbyin// yum dang gnyis med 'khril ba yi// chos nyid don dang gnyis med rtags// sbrul nag 'khril ba'i chul po 'di// dbang thob de yi lag tu sbyin// gsang ba sbyor ba'i shes rab ma// dri med rnam dag lha mo zhig/ mtshan ldan shin tu brgyan byas la// dbang thob de la sbyin par bya// dbang thob rgyal po chen po de// kun gyi bdag po yin pas na// rol mo dri dag zhas zas dang/ 'dod yon lnga la sogs pa dang// nye ba'i longs spyod rgyan rnams kun// thams cad thams cad sbyin par bya// sgrub pa'i rgyal po de la ni// sgrub pa'i las la dbang thob phyir// rdo rje sems dpa' la sogs pa// rgyal ba thams cad bsgrub pa dang// rdo rje tshe dang sman la sogs// sgrub pa ma lus sgrub shig ces// bsgrub rdzas thams cad sbyin par bya// rgyal ba sangs rgyas thams cad dang// dbang thob de gnyis gcig pa'i phyir// rig 'dzin rdo rje rtsal gyi dbang// rdo rje ming ni sbyin par bya// bsgrub pa'i dbang dang rdzas mchog dang// gsang ba'i bdag po yin pas na// gsang ba'i dbang mchog sbyin par bya// dga' ba byang chub sems chen po// kun tu tshim par byed pa yi// dkar dmar lhag pa'i byang chub sems// dbang thob de yi lce la gzhag/ btsal med byang chub sems chen po// shes rab chen po'i rtsal gyis ni// chos sku sgyu mar dbang sgyur nas// rtsal chen rdzogs pa'i dbang yin pas// rdzas dang tshig dang gang zag dang// kun rdzob dbang de ma thob kyang// chos la sems kyi dbang thob nas// rgyal ba'i rig 'dzin thams cad dang// srid gsum dbang can thams cad kun// de la dbang thob bskur bar 'gyur// dbang gi tshad ni 'di lta ste// dad ldan sri zhur ldan pa la// gsang ba nyan pa'i dbang chen bskur// rnam bzhi las kyi don tshang na// las rnams byed pa'i dbang thob bo// lta ba'i dmigs bus chos mthong na// rgyal theb 'chad pa'i dbang thob bo// rkyen thub tshad ma gsum ldan na// bla ma rdo rje slob dpon dbang// dam pa mdzod gsum thams cad la// phyogs med par ni 'chad shes nas// rab 'byam rgyal po'i dbang 'thob bo// dad med blo zhan rdzob pa che// tshul 'chos mkhan la ras gcod byed// de ni dbang gis 'chig par bshad// gsang med brjed ngan dbang mi 'chags// dad med g.yel rmugs dbang gi 'gos// snod med bcud bral kun stongs pa// des ni dbang thob ma yin no// snod ldan bcud rdzogs dbang thob na// dbang mchog thob pa'i rgyu zhes bshad// ces gsungs so// rgyud kyi rgyal po chen po rdo rje bkod pa kun 'dus rig pa'i mdo las rdo rje dbang gi le'u zhes bya ste sum cu rtsa gnyis pa'o//// de nas bcom ldan 'das gsang ba mchog gi bdag po dang// sems dpa'i rdo rje dam pa rgyud kyi rgyal po chen po kun 'dus rig pa'i mdo dang bcas pa chos thams cad kyi me long yin par rig nas// 'dus pa phal mo che'i 'khor rnams kyis shin tu ngam zhing ngo mtshar skyes nas// btod pa shin tu dga' ba chem po'i glu gsungs so// e ma hoHnyes bcom legs ldan mtshan zhi mtha' las 'das// dpag med byams snyoms don gyis bdag gzhan dpal// don dam gsang sbas nam mkha'i dkyil du 'khyil// rdo rje che mchog dbang phyug kun gyi bdag/ 'dzin pa mi rtog sha rus khrag la rol// thugs kyi gdung thag 'khor ba'i mtha' la rje// yul med ma skyes mtshan ma'i g.yul las rgyal// bde mchog rgyal po khyod la phyag 'tshal bstod// shes rab chen po nam mkha'i nyi mar gsal// byang chub sems kyi 'od zer dbyings su 'char// 'bar brtul myur ba'i shugs kyis 'gro drug sgrol// rtogs 'joms ye shes rdo rje cho 'phrul 'phro// dam pa'i don gsungs gnyis med ston pa'i sku// smra ba'i seng ge khyod la phyag 'tshal lo// rin chen gter ldan 'dod dgur kun skong zhing// lung dang rigs pa gtan tshigs kun gyi mdzod// brda can yang dag len pa'i me long gsal// rdo rje kun 'dus 'jigs byed rgyal po'i rgyud// chos kyi me long 'di la bdag cag 'dud// rgyud kyi rgyal po chen po rdo rje bkod pa kun 'dus rig pa'i mdo las ngo mtshar bstod pa'i le'u ste sum cu rtsa gsum pa'o//// rgyud kyi rgyal po chen po rdo rje bkod pa kun 'dus rigs pa'i mdo rdzogs so////

CLOSE WINDOW