72a3 /// bi ma dang g.yu sgras bsgyur ro/// rgya gar skad du/ bo d+hi tsit+ta ma yU ra grI bA gran+tha tan+t+ra pha la ma nut+ta ra yA na/ bod skad du/ byang chub kyi sems rma bya
72a4 mjing bsnol gyi rgyud las/'bras bu bla na med pa'i theg pa/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das 'og min gyi gnas snying po byang chub
72a5 la bzhugs pa'i sku rdo rje sems dpa' la gzigs nas/kye ma/ thugs rje chen po bdag gi gdung brgyud 'dzin pa'i byang chub sems dpa' rnams la 'bras bu bla na med pa'i theg pa ji ltar bstan par bya zhes
72a6 zhus pas/rdo rje 'dzin pa khyod nyon cig/ 'bras bu bla na med pa'i theg pa la spyir lnga ste/ de yang gzhi lam 'bras bu rnam gsum gyis don nges par byed pa/ de gzhi dngos po'i 'dug tshul gyi le'us sems
72b1 can thams cad kyi don mi 'gyur bar bstan pa dang/de'i don nges par byed pa lam la gnas pa mnyam pa nyid kyi le'us/ chos ji bzhin par bzhag pa bstan pa dang/ 'bras bu rang rig pa'i ye shes rtogs pa
72b2 mngon du byed pa bstan pa dang/de yang spyod pa rnam par dag pa 'dam gyi pad+ma ltar bstan pa'i le'u yis/ 'phral byung gi rnam rtog chos nyid du bstan pa dang/ yon tan gyi rtsal ma 'gags pa dang/ nam mkha'
72b3 sprin dang char gyi tshul du bstan pa'i le'us/gzhan don mthar phyin par bstan pa'i le'u ste dang po'o//// bcom ldan 'das mya ngan med pa'i dpal la phyag 'tshal lo// gzhi rtsa med pa'i chos nyid byang chub
72b4 sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du sdud// de 'dra'i chos sku bla med byang chub sems// ma byung
72b5 ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul min// dpag med bsam 'das mi gnas mya ngan 'das// don gyi snying po bla med byang chub
72b6 sems// smra bsam brjod med rig pas pha rol phyin// mi skye mi 'gag rang rig byang chub sems// mi gnas bdag med rnam par dag/ ma bcos lhun grub snying po byang chub mchog/ cir yang snang ba bde chen
73a1 longs spyod sku// rang byung ye shes sprul sku byang chub sems// bdag med phyogs bral don dam lhun gyis rdzogs// nyag gcig ma 'gags snying po byang chub sems// mi bskyod dbyings nas rang byung
73a2 kun la khyab// mkha' ltar dngos med zhi ba gcig tu grags// nyi ma'i snying po dngos med mya ngan 'das// rang byung 'gag med skar tshogs grangs mang yang// bdag nyid chen po mi 'gyur bdag nyid sku// thugs
73a3 rje thabs mkhas nam mkha' sprin gyi tshul// phan gnod yod med snying po ya byang chub lam yang byung/ ma brla// las dang thugs rje nam mkha' sprin gyi tshul// gzhi rtsa med pa'i chos nyid byang chub sems// rig pa'i rtsal
73a4 chen ma 'gags rang bzhin yongs la khyab// rdo rje sems dpa' thugs rje 'od po che// nyi ma thag dang chu srin ga bur bzhin// rdo rje sems dpa'i zhal chems nyag gcig ma// dga' rab rdo rje mkhas pa'i skyes
73a5 mchog gis// las 'phro skal bar ldan pa'i thugs rgyud las// bsnan 'bri med pa'i rin chen gter 'di chongs// snod ngan bu dang rgyud ngan slob ma la// chu srin gre ba bzhin du dam du sdoms// zhes bka' stsal
73a6 to// de nas byang chub sems dpa' sems dpa' chen pos/ rgyud dag pa'i rdo rje sems dpa' la zhu ba drug zhus pa/ kye kye thugs rje chen po/ khams gsum gyi sems can thams cad ni/ nad pa lta bu'o// dug lta
73b1 bu'o// ro myags kyi 'dam rdzab lta bu'o// mun pa lta bu'o// sbyor rtsi lta bu'o// tsher ma lta bu'o// zhes zhus pas/ rdo rje 'dzin pa nyon cig/ ngas gdams pa'i tshig gsum bstan gyis/ legs par yid la zung
73b2 zhig/'khor ba'i rgya mtsho las thag ring rnam par dag pa'i zhing du bsgral ba dang/ 'khor ba'i 'dam rdzab la rdo rje'i rdzong bca' ba dang/ sdug bsngal gyi bye brag nor bu rin po cher bsgyur ba dang gsum las/
73b3 rigs kyi bu phyi snod kyi 'jig rten thams cad 'byung ba lngas bsdus pa thams cad sngon byung gi dus nas sangs rgyas kyi zhing yongs su dag pa/ ma byas pas snang ba bde zhing yangs pa/ zug rngu med pa/ rgya yongs su
73b4 ma chad pa tshig dang dbang po'i spyod yul med pa/brjod bya thams cad las 'das pa/ 'das zhes bya ba yang ming gi rnam grangs te/ de ci la yang mi gnas pa'o// des ni 'khor ba'i rgya mtsho mtha' ring ba rnam
73b5 par dag pa'i zhing du bsgral ba'o// khams gsum sems can thams cad sdug bsngal gyi grur tshud/ ma rig pa'i rgyar 'thums nas sdug bsngal bar gnas kyang/ snying po byang chub kyis sems rang byung gis 'od
73b6 gsal ba/rgyu rkyen med par ka dag pas/ rdo rje lta bu'i ye shes la gnas su rung gis/ rdos pa can shes rab kyi snying po med pa ni ma yin no// rgyud drug gi sems can thams cad/ rdo rje lta bu'i sku dri ma med par
74a1 gnas pas yongs la khyab pa/gzhan dbang du ma gyur pa/ zad cing bri ba med pas rgya ma chad pa/ thabs kyi rgyal po stobs kyi rig pa shar bas/ 'khor ba nyid rang byung gi ye shes su ka dag/ sdug
74a2 bsngal gyi 'dam rdzab nyid chos nyid bde ba chen por rang dag pas/'khor ba'i 'dam rdzab la rdo rje'i rdzong bca' ba'o// rigs kyi bu nyon cig/ sems can thams cad la lus gsum du shes par bya'o// ye
74a3 shes kyi lus sdug bsngal gyi mtha' las grol ba'o// bag chags min pa'i lus sha khrag gi rdos pa can/ gnyis 'brel gyi lus sems bde sdug gnyis 'dzin/ gzhi shes pa chos kyi sku la/ bag chags kyi nad med
74a4 kyang/rnam rtog sems kyi yul las bag chags nad du langs kyang/ gso byed sman pa'i rgyal pos bzang drug sman gyis gso zhes byung ste/ ma rig pa 'khor ba'i nad/ rig pa mya ngan las 'das pas gso/ rnam
74a5 rtog dug lta bu'i nad chos ye shes kyi bdud rtsi chen pos gso// sdug bsngal 'dam rdzab chen po'i nad// bde ba chen po'i ye shes kyis gso// gti mug mun pa lta bu'i nad/ shes rab mar me rlung gis ma bskyod
74a6 pa lta bus gso// bag chags sbyor rtsi lta bu'i nad/ rang bzhin med pa man shel lta bus gso// rtog pa rtsing zhib zug rngu tsher ma lta bu'i nad/ mnyam pa nyid mi g.yo ba rgya mtsho lta bus gso/ des ni sdug bsngal gyi
74b1 bye brag nor bu rin po che ltar bsgyur ba zhes bya'o// zhes byang chub kyi sems rma bya mjing bsnol gyi rgyud las/ gzhi chos sku'i rang bzhin bstan pa'i le'u ste gnyis pa'o//// de nas byang chub sems dpa'
74b2 sems dpa' chen pos/yang zhus pa/ kye ma bcom ldan rdo rje 'chang// zag med lam la rab gnas pa'i// de bzhin gshegs pa'i bsam gtan gyis// blo dngos gnyis med sbyor ba ni// sangs rgyas nyid kyi
74b3 dgongs pa ste// thabs la mkhas pas bstan du gsol/ zhes zhus pas/ rdo rje sems dpa' khyod nyon cig/ dri ba dris pa legs so// de bzhin gshegs pa'i dgongs pa dpag tu med kyang/ sems can gyi blo'i
74b4 bye brag dang sbyar nas/chos ji bzhin pa la blo de bzhin mi gnas pa'i ched du/ mar me'i sdong bu bsnan pa'i tshul du ma bcos ji bzhin gnas na de bzhin nyag gcig ces bya'o// de yang lung las/ bstan bya ston
74b5 byed gnyis yod na// bsgom bya sgom byed ci phyir med// zhes 'byung ste/ byang chub kyi snying po la byang chub kyi snying po bstan te/ snying po bstan par bya ba'i don du/ dus rtag tu snying po la gnas par bya'o// rtogs
74b6 pa'i don shes bya ba ma rig kyang/bka' lung gi phyi mo rang rgyud la ma gsal gyi bar du/ shes bya la gsal gdab cing ting nge 'dzin la gnas par bya'o// byang chub snying po 'gyur med chos kyi sku// gzhan nas ma
75a1 btsal sems nyid mngon sangs rgyas// rang la gnas pa'i don de sems kyis sems la ltos// ma byung ma skyes rang byung chos kyi sku// mi g.yo mi 'gyur mnyam pa chen por gzhag/ gsal ba rtog
75a2 med ye shes chos kyi sku// ma bcos bde ba chen po'i ngang du gzhag/ sku gsum lhun grub bkod pa rgyan gyi sku// bde chen 'du 'bral med pa'i ngang la gzhag/ thig le nyag gcig rang bzhin spros dang bral// sna
75a3 tshogs shar kyang nyag gcig nyid du bsgom// nam mkha'i mthongs nas gsal ba'i nyi shar bzhin// skye med dbyings nas rang byung 'od gsal ba// thugs rje sprul pa'i 'od zer 'phro bar bsgom/ snang srid rnam
75a4 dag pad+ma'i dkyil 'khor na// bskyed rdzogs rnam gsum ma chags ma btsal lhun gyis rdzogs// bsod nams ye shes tshogs rdzogs dag pa'i sku// kun tu bzang po'i mdzad spyod rdzogs par bsgom/ sgrib gnyis
75a5 ma sbyangs tshogs gnyis lhun gyis rdzogs// man shel sku ltar dri med gdod nas dag/ rnam rtog skyon bral ye shes lhun gyis grub// rang byung rdo rje snying po yin par bsgom// ma bcos chos sku kun gzhi byang chub
75a6 sems// sa la ma bgrod lam la mi gnas kyang// rtogs pa gdeng du ma gyur bar du bsgom// sangs rgyas nyag gcig chos la mi gnas kyang// 'khrul rtog spang phyir chos nyid ngang du bsgom// dug lnga ye shes lnga
75b1 ru sangs rgyas kyang// rnam grol zag med lnga ru gsal bar bsgom// 'byung lnga lha mo lnga ru sangs rgyas kyang// mdzes pa'i lha mo sprul skur gsal bar bsgom// snang srid rnam dag brjod pa las 'das
75b2 kyang// zhing khams rnam dag chos kyi sku yi ngang du bsgom// byang chub sems la skye shi mi mnga' yang// 'du 'bral med pa'i rkyen gyi theg pa bsgom// snod bcud dngos po ye nas rnam dag kyang// ci la'ang ma
75b3 chags mi rtog ting 'dzin bsgom// 'khor dang longs spyod skar tshogs rgyas pa yang// ci la'ang ma chags rang bzhin rnam dag bsgom// sgyu ma'i phung po ye shes gnas yin kyang// ma chags mi gnas btang
75b4 snyoms chen por gzhag/kun gzhi'i rnam shes kun la mi 'khor bas// rang byung ye shes bdag med mya ngan 'das// rtag chad tshig las 'das par sun phyung nas// mtho dman klong du khod bsnyams te// mnyam
75b5 pa chen pos mnyam las 'das par bsgom// brjod pa'i tha snyad kun las 'das rtogs na// rnam dag byang chub dbyings kyi bsgom pa yin// zhes byang chub kyi sems rma bya mjing bsnol gyi rgyud las/ gzhi lam
75b6 dang bcas pa'i le'u ste gsum pa'o//// de nas yang byang chub sems dpa' sems dpa' chen pos zhus pa// ston pa thugs rje che mnga' ba// 'gro ba'i mgon po de bzhin gshegs// gzhi lam gnyis su
76a1 med pa yi// lam gyi 'bras bu bshad du gsol// zhes zhus te/ rigs kyi bu nyon cig/ dri ba dris pa de legs so// yang dag par rdzogs pa'i sangs rgyas kyi gdams pa rin po che ni/ brjod
76a2 pas thog tu mi phebs shing bstan par dka' na yang/ngas re zhig mtshon pa'i tshig 'ga' tsam smra yis/ legs par yid la zung zhig/ rigs kyi bu 'bras bu bla na med pa ni gud nas mi 'byung ngo// gzhi lam
76a3 gnyis su med par mnyam pa'i dus na/de bzhin gshegs pa'i bsam gtan zhes bya ste/ lhag mthong dang ni zhi gnas gnyis su med par rang byung gi ye shes mar me rlung gis ma bskyod pa ltar/ shes bya nyams su
76a4 myangs na/gzhi lam 'bras bu mthar phyin sangs rgyas nyag gcig ma zhes bya ste/ ye shes dbyings na gsal na 'bras bu nyag gcig ma// dbyings nyid rig par shes na 'bras bu nyag gcig ma// gzugs sku
76a5 'od du shar ba 'bras bu nyag gcig ma// bde chen zag pa med pas 'bras bu nyag gcig ma// snang srid dbang du 'dus na 'bras bu nyag gcig ma// ting 'dzin ro la ma chags na 'bras bu nyag gcig
76a6 ma// 'khor ba rang bzhin med na 'bras bu nyag gcig ma// mtshan ma zil gyis gnon na 'bras bu bde ba che// zhes pa'i don no// rgyu chos kyi sku las/ 'bras bu gzugs sku gnyis byung ba yang/ thig le'i rtsal
76b1 ma 'gags pa yin te/de yang rgyu 'bras dbyer mi phyed pa'i rtsal nyid rtsal du shes pa'i dus na 'bras bu sku gsung thugs mthar phyin pa'o// sku gsum rang byung du shar nas/ ye shes gzugs kyi skur snang la
76b2 gzugs nyid rang bzhin rnam par dag ste mtshan ma las 'das na 'bras bu ye shes su grub pa'o// ngo bo nyid kyi snang ba snang tshod dang grag tshod me long g.ya' dag pa ltar bstan kyang// don dam pa spros dang bral
76b3 ba rang bzhin rnam par dag na 'bras bu mi gnas pa'i ye shes chen po zhes bya'o// mtshan ma dang bral ba chos kyi sku bya ba thams cad dang bral na 'bras bu bla na med pa zhes bya'o// phyir mi ldog pa'i lung nges pa
76b4 bka' lung gi phyi mo las/ye ji bzhin pa'i rdo rje 'chang chen po/ rgyud dag pa'i rdo rje 'chang la snang ba'i dus na rgyu 'bras dbyer mi phyed pa'i rang byung gi bcom ldan 'das zhes bya ste/ rgyud dag pa'i dbyings nyid
76b5 nas 'bras bu ye shes kyi dkyil 'khor rang snang ba'i dus na/rgyu 'bras kyi chos thams cad mi phyed pas sangs rgyas mar me mdzad stong gi gtsug phud rin po che zhes bya bar grags te 'bras bu mthar phyin
76b6 pa'o// rang gi shes bya mthar phyin pa'i dus su bdud dang mu stegs kyis glags mi rnyed la/ phya dang dbang phyug gis grogs byar med de/ rgyal mtshan gyi rtse mo ltar nub pa med cing/ nor bu rin po che ltar zad mi
77a1 shes la/shes bya rang gi ngo bor shes bya rang gi ngo bos dbang bsgyur ba'i dus na 'phags pa gtsug tor dri ma med pa zhes grags so// byang chub sems la byang chub kyi sems gnas pa'i dus su rgya
77a2 mtsho chen por chu bran 'du ba'i tshul te/chos nyid skye ba med pa'i klong du chos can mtshan mar snang ba thams cad rang bzhin gyis rnam par dag pas byang chub sems dpa' kun tu bzang po zhes grags
77a3 so// chos thams cad la dbye ba med cing bzang ngan mi blta/ bdag gzhan du mi blta ba'i dus na/ nam mkha' dang nyi ma'i tshul te/ byang chub sems dpa' byams pa kun nas gzigs zhes grags
77a4 so// chos thams cad gang yang mi len/ gang yang mi 'dor gang gis kyang mi bsgrib// gang gis kyang grogs mi nus/ gang la yang mi brten/ gang du yang mi gol/ rang bzhin rnam par dag pas mtha'
77a5 med// shes bya'i ngo bo la ma bsgribs yongs su gsal bas/ chad pa'i mtha' med pas/ 'phags pa nam mkha'i snying po zhes grags so// zhes byang chub sems dpa' rma bya mjing bsnol gyi rgyud las/ gzhi lam
77a6 'bras bu rnam pa gsum mthar phyin par bstan pa'i le'u ste bzhi pa'o//// de nas byang chub sems dpa' sems dpa' chen pos yang zhus pa/ 'jam dpal gzhon nu dpal bo mchog/ gzhi lam 'bras bu
77b1 mthar phyin pas// nyon mongs 'khor ba'i rgyun bcad de// dag pa'i zhing du yang dag bsgral// rnam rtog dpa' bo zil gyis mnan pa'i phyir// spyod pa'i tshul khrims bshad du gsol// zhes zhus pas/ rdo rje
77b2 'dzin pa nga la nyon// spyod pa rnam pa gsum du brtags// glang po che lam du zhugs pa'i spyod pa dang/ smyon pa snying stor dran pa med pa'i spyod pa dang/ shed ma bye'i bu chung lta bu'i spyod pa'o// de'i grogs gsum la/
77b3 'dam gyi pad+ma'i me tog dang/ bya thib tshang du 'jug pa dang/ bu gcig pa'i ma lta bu ste/ de ni rnal 'byor chen po'i spyod pa yin/ dpa' brtul stag gi spyod pa dang/ brtul zhugs phag gi spyod pa dang/ chags
77b4 med bung ba'i spyod pa dang/dbang sdud mu stegs kyi spyod pa dang/ bde ba mthun 'jug gi spyod pa'o// de ni rnal 'byor 'bring gi spyod pa yin no// dman pa phyag dar khrod pa'i spyod pa dang/ mtshon pa nyams myong
77b5 gi spyod pa dang/'dod pa bya yi spyod pa'o// de ni rnal 'byor tha ma'i spyod pa'o// bcom ldan 'das kyis bka' stsal pa// lta ba klong du gyur pa'i spyod pa ni/ tha mal gyi shes pa'o// zhes thugs kyi rgyud nas kyang
77b6 bshad pa'o// chos nyid klong du gyur pa'i spyod pa ni// ci la yang ma chags ma zhen pa'o// nyams myong rgyud la skyes pa'i stong pa ni/ srab la 'phyar ba'o// brtul zhugs spyod pa'i spyod pa yi/ bya ri skyegs lta bu ste ma
78a1 nges pa'o// zhes gsungs so// byang chub sems dpa'i spyod pa'i mtha' ni ma bcos pa'o// rang bzhin rnam par dag pa'i dus ci la yang ma zhen pa'i spyod pa rnam par dag pa'o// bde ba chen po'i
78a2 yul shar ba'i dus su/zug rngu'i mtha' rang bzhin gyis 'gags pa'o// shes rab khyad par can rgyud la skyes pa'i dus na/ snying rje chen po khyad par can gyi spyod pa skye bar 'gyur ro// 'dod pa med pa 'gro ba
78a3 rigs drug gi gnas yul snang ba'i dus su/chos thams cad ci la yang ma chags pa'i spyod pa skye bar 'gyur ro// sangs rgyas kyi zhing yongs su dag pa yul du snang ba'i dus su/ thun mong gi dngos po 'gags
78a4 nas ngo tsha ba dang bag tsha ba'i 'du shes med de/tshig nam mkha' la khungs 'don cing spyan nam mkha' la gzigs te/ mdzub mo nam mkha' la gtod pa'i spyod pa 'char ro// chos kyi sku'i sprul pa'i sku nyams su
78a5 bstar ba'i dus su/lus la grang dro dang na tsha med cing gcer bu'i spyod pa shugs 'byung du 'char te nam mkha'i ri mo la khungs 'don pa'o// zag pa med pa'i ting nge 'dzin gyi ro nyams su myong ba'i dus su/ zas
78a6 kyi 'du shes chung zhing grogs la ma chags par ri dwags rmas ma ltar gcig pur ri sul 'grim pa'i spyod pa 'char ro// sems ye shes kyi dbang du 'dus shing snang ba chos nyid kyi dbang du 'dus pa'i dus ni/
78b1 nam mkha' la 'gro ba dang chu la mi nub par 'gro ba dang/ gzhan gyis mi snang ba'i rtsol ba spyod par 'gyur ro// rig pa dbyings la shar ba'i dus su/ yul gzhan gyi snang ba mthong bar 'gyur ro// sems las
78b2 su rung ba'i dus su/gzhan gyi sems shes shing dngos po thams cad la rdzun du snang bar 'gyur ro// chos nyid stong pa nyid las su rung ba'i dus su phyi'i 'byung ba dang mi ma yin gyi sgra thams cad sel bar 'gyur
78b3 ro// spyod pa rnam par dag pa de rnams ni rgyud dag pa'i rdo rje sems dpa' la snang ste/ lus ma bor bar mngon par rdzogs par sangs rgyas pa'o// na mo bud+d+ha ya/ tad+ya thA d+harmA sar g+ha ri/ many+dzu shrI A pra b+ha/ b+ha ga ba
78b4 ti pa pa ri/su ka a/ de nas byang chub sems dpa' sems dpa' chen po dga' mgu yi rang ste/ bcom ldan 'das la thal mo mnyam par sbyar nas/ yan lag lnga sa la btsugs te/ kye legs so legs so
78b5 dpal ldan mgon po che// zhal nas phyung bas bka' stsal te// gsung ba de nyid don gyi mchog/ bdag blo'i mun pa kha 'byed pa'i// snang gsal thugs rje 'od kyi me// sems can kun gyi bskyabs mdzad
78b6 pas// mgon po dri med ye shes sku// 'gro ba'i don du skur sprul pa'i// rang byung sangs rgyas rnam par gzigs// byams mgon thugs rjes skyabs mdzad cing// sangs rgyas log par dad sel la// gus pa'i
79a1 tshul gyis skyabs su mchi// zhes brjod nas bstod pa'o// byang chub kyi sems rma bya mjing bsnol gyi rgyud las/ spyod pa brtag pa'i le'u ste lnga pa'o//// de nas byang chub sems dpa' sems
79a2 dpa' chen pos dri ba dris pa/'jam dpal gzhon nu thugs rje can// zhu ba zhus pa legs gsungs pas// 'gro mgon rdo rje sems dpar bshad// sangs rgyas thugs kyi dpal be'u// sangs rgyas dbu yi gtsug
79a3 tor dang// sangs rgyas zhal gyi ljags bzang nas// 'od zer 'byung ba bstan du gsol// zhes dri ba dris te// rdo rje 'dzin pa khyod nyon cig/ khyod kyis dri ba dris pa de legs so// phyogs bcu dus gsum gyi
79a4 sangs rgyas thams cad las thugs rje 'byung ba ni ngas brdzod kyis mi langs shing bsam gyis mi khyab pa ma 'ongs pa'i sems can la mdo tsam zhig bstan kyis nyon cig/thugs rje'i bye brag gang gi yang rtsal ma
79a5 'gags par yin gyis/dper na nam mkha' las sprin dang/ char gyi tshul bzhin 'byung ste/ thugs rin po che'i dpal be'u nas/ sangs rgyas byams pa mi mnyam mgon po zhes bya ba byung nas/ rang bzhin rnam
79a6 par dag pa'i chos bstan to// dbu yi gtsug tor nas 'jam dpal dri med snying po zhes bya ba byung nas/ sku gdung dang ring bsrel gyi chos bstan to// zhal gyi ljags bzang nas sangs rgyas bye ba rnam par
79b1 gzigs zhes bya ba byung nas/rgyu 'bras kyi chos ma lus pa bstan to// sangs rgyas stong gi yon tan ni// sangs rgyas gcig pu nyid la 'dus// gcig pur rab tu snang ba'i chos// 'gro ba kun la rang bzhin
79b2 gnas// zhes 'byung ste/ phyogs bcu dus gsum gyi sangs rgyas thams cad kyi yon tan ni bsam gyis mi khyab pa zhig 'byung ste/ de dag kyang sangs rgyas 'od dpag med chen po'i rtsal snang ngo// sangs rgyas 'od
79b3 dpag med nyid 'gro ba yongs kyi snying por shar bas/'gro ba sems can thams cad la// snying po rnam dag ye shes rdzogs// zhes gsungs so// sangs rgyas kun gyi gtsug phud lnga// rgyal mtshan rtse mo bzhin du
79b4 gnas// sangs rgyas kun gyi che ba lnga// nam mkha' bzhin du khyab par gnas// rdo rje snying po bla na med// rin chen gtsug tor dri ma med// nyes pa'i rkyen rtogs sel bar byed// pad+ma'i snying po 'od
79b5 'bar ba// mtha' la mi gnas phyag rgya che// mgon po dri ma med pa'i sku// yon tan kun gyi snying por bshad// thabs mkhas thugs rje stobs kyi bdag/ bdud bzhi 'dul mdzad dpa' bo'i mchog/ dag pa'i
79b6 zhing du yang dag sgrol// thugs rje'i chu bo rgyun ma chad// shes rab gru yis sgrol mdzad pa// sprin chen glog gi phreng ba can// rgyun gyi rdo rje thugs rje'i bdag/ snying po bdag med ya ma brla// rtog pa'i rjes 'brang
80a1 gcod pa'i mtshon// nam mkha' nyi ma'i tshul bzhin du// snang med bde ba'i dbyings nyid nas// 'gag med rang byung ye shes sku// nam mkha' sprin gyi tshul bzhin du// rang byung spros med mkha' la
80a2 dengs// rgyu 'bras dag pa'i dbyings nyid las 'bras bu ye shes kyi dkyil 'khor rang snang ba'i dus su snod bcud thams cad chos nyid kyi klong du gdal/ mi 'byed pa'i blta ba nam mkha' dang mnyam par re
80a3 dogs kyi 'phrang bcad/zag pa med pa'i ye shes rang snang bas bdag rang gzhan gyi don mthar phyin/ shes rab kyi stobs ma 'gags pas bdud dang srin po'i mthu byin zil gyis gnon/ kye kye rdo rje 'dzin pa
80a4 nyon cig/thabs la mkhas pa'i byang chub sems dpa' ni sems can gyi pha ma yin gyis/ de yang dri ma med pa'i don gyis gnas par bya'o// rtogs pa'i don la rtse gcig tu ma yengs par gnas na/ byang chub
80a5 sems dpa'i bsam gtan zhes bya ste/rdo rje'i gdan la rdo rje bzhag pa'o// 'jam dpal dri med snying po ngas/ sems can rnams kyi don gyi phyir/ gsang ba'i rgyud gsum yang dag thugs kyi rgyud// thugs kyi
80a6 klong nas byung nas gdams par bzhag/sangs rgyas lag tu gtad pa'i phyir// sangs rgyas gtsug phud rnam par rgyal ba zhes bya ba'i thugs las nor bu dr-i ma med pa'i rgyud mdzad do// 'bras bu bla na yod pa dang/
80b1 bla na med pa'i theg pa shan phye ba'i phyir/ ljags kyi pad+mo las sangs rgyas bye ba rnam par gzigs bya ba phyung nas/ byang chub kyi sems rma bya mjing bsnol gyi rgyud mdzad do// sangs rgyas la sprul pa'i sku ye shes kyi
80b2 lus su gnas pa'i phyir mdzod spu'i bu ga nas/'od zer lnga 'phros nas/ sangs rgyas 'od ldan mgon po spyan ras gzigs zhes bya ba phyung nas/ lha mo 'od zer can gyi rgyud mdzad do// las dge sdig mtho dman
80b3 med par la bzla ba'i phyir shangs kyi rlung sgrom nas mthu stobs kyis bdag po phyag na rdo rje phyung ste/bya rtsol med pa ye shes bla ma'i rgyud phyung ste/ chos las 'das pa'i sku yongs su rdzogs par bstan to// zhes
80b4 byang chub kyi sems rma bya mjing bsnol gyi rgyud las/rdzogs pa chen po 'bras bu bla na med pa'i theg pa las le'u ste drug pa'o//// byang chub kyi sems rma bya mjing bsnol gyi rgyud ces/ 'jam dpal dri ma
med pa'i snying pos byang chub sems dpa' ro langs bde ba la gdams pa'o/

CLOSE WINDOW