52a4 /// bcom ldan 'das dpal kun tu bzang po la phyag 'tshal lo// byang chub kyi sems nya mo bag la nyal bcom ldan 'das kyi thugs kyi snying po'o// chos dbyings dag pa mtshan med kun tu
52a5 bzang// dus dang mnyam med dus chen mnyam pa med// ma bcos de bzhin nyid na de bzhin kun tu bzang// de nyid nyid la de nyid de bzhin pa// de la de ston de nyid de bzhin de// de dus de thob de nyid de
52a6 tshe'o// kun gyi rang bzhin nya mo bag la nyal la phyag 'tshal lo// de la 'dun pa mdzad pa che ba yang dag klung chen yin// gang gis bsnyad pa ma yin dpe bral dri med lam// gang yang mi gnas cir yang ma nges
52b1 'ja' tshon ri mo'i tshul/bde dang sdug bsngal rgyu mthun byang chub snying po nyid// chos kyi nyams bag lon pa'i chos rnams ma lus snying por gnas// rnal 'byor mchog gi lam 'di kun gyi lam grol lam// phyag
52b2 byar 'os pa bla ma'i mchog la phyag kyang 'tshal// de phyir rnam grol mchog gi lam 'di kun kyang btsal// blang dor med pa rgyal ba'i lam 'di khyad par lam chen te// mi 'byed mi spang gang yang mi len pa nyid
52b3 sman pa'i rgyal po nyid// sbyang zhing bgrod mi dgos pas lam mchog dam par bsngags/ de bzhin nyid du ye shes 'byung 'jug 'ub pas dbyer med pas// chos gcig thig les thams cad bsdus pas rnam pa
52b4 chad// rnam pa'i bsam pas dben pas gsang ba byang chub sems// ye shes dbyings sgrol zhi bas bde ba chen po'i klong// skyed pa'i sa gzhir gyur pas rgyal dang chags pa'i yum// srid rtse'i sa bon bsregs
52b5 pa'i ye shes me chen po// sems dang sems las byung ba ma lus kun rdzogs so// bslab pa'i gnas min cir yang bya ba'i las dang bral ba'i chos// dgon pa gsang ba'i gsang chen nyid na de bzhin
52b6 gsal// shes bya shes byed dam pa ma yin gnyis med dang// rdo rje rdo rje 'du 'bral med pa bde mchog bde la gnas// yul med ye shes dam pa'i yul las bya byed ye shes dag/ ye shes snying po snying po can
53a1 rnams kun// sus kyang ma byas rang byung btsal med bde ba dam pa'i don// kun la rang chas gnas kyang sus kyang ma mthong phyir// rnam shes ri mo rnam shes nyid la phri// sgo kun phyag rgyas bsdus
53a2 nas rang bzhin nyid la ri mos blta// ri mo'i rgyu la ri mo bris nas ri mor gsal// 'khor lo bskor ltar bris bzhin gsal zhing dril// sgo kun 'jug pa'i smig rgyu'i tshul du bya byed mkhan// mun nag skar khung
53a3 khru ru me sgron gcig gsal tshul// kun tu snang ba'i sar khung nyid de me gcig so sor 'dzin/ de bzhin rnam shes gcig pos sgo rnams so sor 'dzin// nyid la nyid kyis rgyas btab nyid kyang rgya yis btab// rgya
53a4 nyid rgyar gyur rgya de ma nyams rgya// mi 'gyur btab bzhin snang ba'i ngan pa'i rgya// 'thob sla 'thob dka' khyad par 'thob dka' rnams// phyag rgya chen po'i rgya yis btsan par byas// 'thob dka' 'thob pas
53a5 'bras sbyangs 'khrul nad che// kim pa'i 'bras ltar de yis de nyid za// de phyir sangs rgyas yang dag byang chub lam la sbyang mi bya// byang chub kyi sems nya mo bag la nyal las/ nyid dang nyid ldan
53a6 pa'i don dam pa'i gleng gzhi'i le'u ste dang po'o//// de nas bcom ldan 'das dpal kun tu bzang pos/ 'khor ba dang ni mya ngan las 'das pa gnyis med pa nyid la nyid kyis brjod pa/ shes bya dam pa kun dang 'phyos
53b1 pa'i dug lnga byas shing zos pas zo chu'i rgyud ltar 'khor/gnas lnga nas ni sdug cing snyan pa la sogs blangs te thos pas de bzhin 'khor// de bzhin sdug bsngal so sor thos pa'i de dbang mthus// de smin de
53b2 'joms spong byed de yang shin tu 'khor// 'khor bar blta ba'i 'khor ba'i yul 'joms de ni khyad par 'khor// gzugs sgra la sogs de yi rigs pas brtags pas ni// phung po la sogs 'khor dang bcas pa
53b3 med bzhin brtags shing 'khor// de phyir 'khor ba 'khor ba zhes ni snga phyi med pa'i 'khor ba las ni btags// de la 'khor ba zhes ni kun gyis bos pa'o// de bzhin nyid dang dbyings dang mya ngan 'das pa sus
53b4 mthong ba nyid 'khor ba ste// sems dang sems las byung ba'i chos mthong ba ni smos ci dgos te 'khor ba chen po yis// ma bcos thig le'i chos gcig cir yang mi snang bas// snang zhing brtag pa'i chos ni gang
53b5 nas kyang ni btsal du med// de med pa la 'khor ba mi gnas mya ngan 'das bral med// dpyad du med pa'i sa la sus kyang sbyang du med de kun bzang nyid kyis brtags par rab tu dka'// ye nas bya ma dgos
53b6 pa'i chos la cir yang mthong du med pas c-i yang bsam mi bya// 'khor ba yud tsam grub ma myong bas mya ngan 'das pa'ang med// mya ngan 'das med pa nyid mi rtog rnal 'byor lam chen po// de nyid g.yo ba med
54a1 pas ye shes gsal rig dag cing rnam pa'i 'byung 'jug zhi// mi rtog mi g.yo ba de yang dag sangs rgyas nyid// de ni thig le gcig gis bsdus pa'i chos nyid kun tu bzang po'i chos 'di nyid las
54a2 chos rnams gang yang med// 'khor ba'i klung chen rgya mtsho nam mkha' lta bur che ba'ang// mi rtog mi g.yo'i ngang du bcom ste gnyis med thig le byang chub bde ba'i lam chen 'di la la 'phrang med// de phyir
54a3 byang chub snying po'i chos 'di nyid las chos rnams gang yang med// dmigs su yod pa'i chos dang dmigs su med pa'i chos rnams ma lus pa// dmigs pa nyid dang mi dmigs pa yang mnyam nyid do// phyi rol gyi
54a4 ni yul rnams sgyu mar yid ches pas na nang gi sems kyang ma grub pas na rnam par mi rtog pa'o// sgyu ma gnyis kar dbyer med pas na gnyis med mnyam pa'i ngang// yid kyi rgyu ba sgo lngar 'byung ba rgyun mi chad pa
54a5 de bzhin du// chos 'di thams cad kyis ni ngo bo med pas grub pa med pa'i sgo rnams mi tshol bas/ ci la'ang mi sems ma rtog mi dmigs gang la'ang mi gnas par bsgom mo// de la dmigs pa byar med pas
54a6 ni mnyam nyid yin te chos rnams ngo bo nyid kyi sku'o// byang chub kyi sems nya mo bag la nyal las 'khor ba dang mya ngan las 'das pa gnyis su med pa'i le'u ste gnyis pa'o//// de nas bcom ldan 'das
54b1 chen pos nyid kyi bya byed kyi chos thams cad brjod pa/mnyam pa'i rgyal po bya byed med pa'i klong de nyid// sus kyang mi bcing bcing bar bya ba ye nas yod ma yin// thams cad mkhyen pa'i dbang bsgyur de yi ma
54b2 bzung med// gzung med thams cad de yis byas pa med par rigs// zhi ba'i snying po de la g.yo ba gang yang med// de bzhin 'pho 'gyur med pa'i chos de kun gyi 'bras// snying po'i snying po yin pas snying po kun
54b3 gyi mchog/'dus byas rnam par dag pa'i lam gyi phugs chen yin// so sor rtogs pa'i shes rab kyis kyang de la brtag tu ga na yod// chos dang chos rnams 'khrul pa rnams kyis de las gzung ba dben// sus
54b4 kyang ma mthong mthong ba med de rnam par dag/chos so cog pa 'khrul pa rnams ni de la lam du 'dod// lam 'dod de la lam mi gnas te lam mtha' ring// rnam grol lam ni sus kyang btsal du med pa'i lam
54b5 chen yin// de la mi gnas pa la gnas pa'i chos de ye nas yod// rgyal lo rgyas so de rgyas thams cad rgyas// tha dad med par kun ldan de dang ldan// de ni yongs kyi lam ste de la bgrod du med// ma bsal dri
54b6 ma rnam par dag pa rang bzhin chos// g.yo ba'i 'byung 'jug rnam par spangs pas 'du shes zad// yang dag sangs rgyas dmigs pa med pa ni// ye shes yongs kyi ye shes snying po yin// ma g.yos lhun gyis grub
55a1 pas thig le chen po nyid// spros med spros dang bral bas byang chub snying po'i sku// bde chen yongs kyi lam de sangs rgyas dang// sgyu ma'i sgyu mar gnas te sgyu ma'ang med// sgyu ma rdzun phyir chos rnams
55a2 sgyu ma 'dra// sgyu mas sgyu mar brtags te sgyu ma'ang med// skad cig tsam yang sgyu mas sgyu ma ma mthong phyir// chos rnams ma lus de 'drar mthong ba med// 'du shes zad pas byang chub snying po mthong// rnam par mi
55a3 sems rang rig nyid kyi dbang// ci yang mi bsgom pa ni bsgom pa'i mchog ces bya// ci yang mi dran pa ni yang dag sangs rgyas dran// rtag tu sangs rgyas dran zhing dmigs pa mi 'byung na// mnyam snyoms yang dag
55a4 de bzhin nyid ces brjod// ci tsam dmigs pa'i yul med chos su brtags dang bral// yul la mi dmigs yul nyid de bzhin rdzun// rdzun phyir shes pa'ang rdzun te sangs rgyas nyid kyang rdzun// rdzun zhes
55a5 gdags pa'ang rdzun te rdzun nyid yod ma yin// smig rgyu chur 'khrul pa'ang de 'dra mod// 'khrul phyir yang dag nyid kyang skad cig mthong mi srid// snang stong ngo bos dben phyir de bzhin de bzhin nyid// thig le
55a6 gcig gis bsdus phyir de bzhin yod ma myong// yang dag nyid la yang dag yang dag med// yang dag med phyir chos rnams thams cad med// de med pa la sangs rgyas gnas de sangs rgyas nyid kyis
55b1 kyang// sangs rgyas nyid kyang rnam par dag pa'i dbyings te dbyings kyi rgyu// yod med rtag chad gnyis su med pa'i lam// 'khor ba mya ngan 'das pa gnyis med cig char re// gcig med gcig tu 'dzin pa rnam
55b2 rtog rgyun// 'dzin med de la rtog pa 'dul phyir yang dag min// yang dag med par shes pa de nyid 'du shes med pa'i lam// de yis sangs rgyas kun bsdus pho brang chen por gnas// lam gyi phul te lam
55b3 nad thams cad sel// spros bral thig le thig phran kun gyi mchog/ ming tsam nyid du bdag med mtshon pa'i ming dang bral// mi skye mi 'gag cir mi dgongs pa rnam dag lam chen yin// mi g.yo g.yo rdul med
55b4 pas rnam mi rtog/mi rtog nyid la gang mi gnas pa de ni thams cad mkhyen// ye shes spyan chen spyan gyi nang na mchog tu gyur pa'i spyan// mtha' dbus khyab par 'dzin pa'i sangs rgyas spyan zhes de la
55b5 gdags// rgyal ba'i rgyal ba ma rgyal ba kun nyid las rgyal// byang chub chen po'i tshul mchog rnam par dag pa nyid// rgyal ba'i rgyal bar gyur pa rgyal ba'i rgyal mchog go// stong nyid rang bzhin ye shes chen po'i
55b6 ngang nyid las// sku gsung thugs phyung de la rab gnas pa'i// de las snying po mchog phyung dkyil 'khor gsang ba'i lha// byed pos byed par 'dod pa'i rtog pa'i sku phyag rgya// sku gsung thugs rtags mtshan ma'i
56a1 dbu phyag can// mtshan can rtog pa dkar dmar nag ljang ser// mi brtag mi dmigs mnyam sbyor don 'tshol bas// smig rgyu chu ru bsnyeg pa lta bur 'grub mi srid// byang chub chen po rnam thar kun
56a2 gyi lam la gnas// der 'gro ye shes brtsegs pa'i rin chen rgyan phreng can/ srid gsum ma lus lus pa med pa'i rgyas btab pas// thig le chen por snyoms 'jug chen pos che ba lnga// phyag rgya nyi shu rtsa lngas
56a3 lus bcings bya byed med// 'jig rten gsum gdul med de de bzhin nyid du 'dul// chung che phyag rgya'i snying pos btsan par btab pa'i rgya// de yis ma phyung de las thams cad de bzhin phyung med phyung// thams
56a4 cad phyag rgyas btab kyang che ba gcig gi ngang// che ba lnga ldan snying po med pa'i don nyid ni// spyi mthun las kyis mi bsgrib g.yo med rang bzhin gnas// ye shes rnam grangs bsam yas dpag mi langs// ye
56a5 shes nyid las gzhan du g.yos pa med// nor bu rin chen tshul du 'byin pa'i rgyu// gang yang mi skor mi len thig le yongs kyi lam// zla ba lta bur rnam grol dam pa'i sku// phyag rgya chen po'i ngang du thams cad
56a6 brtson par gnas// ye shes 'od gsal stong smon mtshan med gsal// sus kyang ma bcos thig le nyid las nyams pa yang med// gang yang de yod pa la 'dzin pa'i rtog pa yod phyir byang chub med// de yis de
56b1 byas byang chub de las nyams te de ma yin// de yang de yi skyon can yin te sus kyang bsdur yang med// ma bsdus de byas de yod min phyir de yang med// de la de sbyar btsal bas nad du gyur te 'gro// de ma thag pa
56b2 rnams kyis de brtags de las nyams// de la snying po gang yang med de rtsa ba stongs// des smin 'bras bu yod par mi 'gyur sa bon rul// de gyur pa na thig le nyid med pa ste stong pa'i stong pa nyid de ye nas
56b3 stong// rtag chad khyad par nyams te stong par gnas pa min// de nyid ye shes bzhi 'bras smin pa'i rgyu ni snying po'o// de ltar yongs kyi bdag nyid thams cad mtshungs pa'i lam// sus kyang ma 'byin de nas rang
56b4 bzhin thams cad gnas// de nyid bgrod med lam du snying po de ma thag/ rgyal ba'i yum de byang chub chen por kun mtshungs klong// rnam par mi rtog med pa chos kyi sku yang yin// rdzogs chen kun rdzogs khyad
56b5 par gnyis rdzogs rdzogs// 'khor ba mya ngan 'das med thig phran yongs kyi lam// bdag med phyogs bral rnam rtog rnam par zad// khyad par gcig tu mtshungs shing bya byed rnam par dag/ byed spyod
56b6 rnam spyod thams cad ye nas dag pa yin// dus dang rgyu dang byed pas byas pa lta bu'i thar lam min// rang byung nyid du kun gyi rgyu nyid de rgyur gnas// rgyu yi rgyu ste sa bon thams cad rnam par dag pa'i rgyu// rgyu
57a1 med rgyu dang bral ba byang chub snying po'i rgyu// snying po yod pa ma yin de rgyu ye nas med// med pa'i snying po yod pa mchog gi sku// 'du 'bral med par thams cad ldan gnas pas// med pa'i snying po
57a2 de la med pa'i med pa log/yod pa de la med pa'i yod pa yod// de la 'khrul pa yod phyir yod med gnyis ka med// de phyir dbus med mtha' med yang dag nyid kyi mtha'// yang dag nyid kyang snying po nyid de
57a3 ye nas de bzhin gsog/chos sku sangs rgyas ming btags de ltar de bzhin no// ye shes rigs su gsog phyir blang mi bya// rgyal ba mngon byung mtshan dpe brgyan pa yang// de bzhin gsog phyir rgyal ba yang mi
57a4 'dod// rgyal bas kun bslus rgyal ba nyid kyang bslus// rgyal ba'i rgyal ba med rgyal rgyal mi gnas// sgyu 'dra de ni 'khrul phyir sgyu dngos 'dra// sgyu ma'i rang bzhin gang du'ang ma grub phyir// chos rnams
57a5 yongs med de gsungs gsungs pa sogs// de ltar gsog phyir de bzhin nyid kyang gsog/ dri bral sangs rgyas yang sangs rgyas pa der mi gnas// de ni byang chub snying po sangs rgyas med pa yin// de la sgros
57a6 btags chos med skur yang de bzhin med// rtogs pas bsags pa de las byung phyir rgyal bar snang// bag chags brtas pas rtogs la zhen byas de ltar nyid// gang ltar brtags pa de ltar snang ba rtogs pa'i
57b1 dbang// rtogs pa'i dbang las mi rtog ye shes skye// rnam mi rtog pa'i dbang du thams cad ma lus 'dun// mtshan ma ma lus 'dud phyir chen po nyid kyi dbang// ji ltar mtshan ma de dag yongs su rnam par dag
57b2 gyur pa// snang ba nyid ni yid la mi phyed pa'o// mtshan ma de bzhin de las ye shes rtsa ba byung// de nyid mtshan mar 'dus te mtshan nyid snying po nyid// mi rtog pa yi sems kyi chos nyid de nyid dbang// cis kyang
57b3 bslad pas mi bslad rin chen gser// gyo mo shing bu gseg mar mi gnas pas// shing bu rtsol bas kun tu zhib brtags na// 'khrul pa grur zhugs smyon pa rlung chen dang// ra ro tshul tsam rnams la mi snang srid
57b4 'gyur kyang// brtags pa de la sbyang ba gser du snang// de bzhin kun gzhi'i rnam shes nyid bdun bcas pa'ang// ting nge 'dzin gyis yongs su sbyangs pa yis// rnam 'byor can gyis rtag tu de mthong 'gyur// mi
57b5 rtog pa nyid ye shes kun gyi ye shes snying// skye zhing 'jigs pa spre'u 'dra'i rnam shes de// mi skye mi 'jig de bzhin pa ni ye shes skyod// ye shes nyid 'khrul rnams la snang phyir ye shes med// ye shes med phyir de
57b6 bzhin nyid kyang yod mi 'gyur// mi rtog pa nyid tshul khrims nyid de khrims 'chal min// tshul khrims nyid du tshul khrims de gnas so// yongs kyi snying po de la de med 'khrul par snang// 'chal ba'i tshul khrims
58a1 med par gang rtogs pas// gnyis ka tshul khrims log pas ye shes chen po yin// gnyis med ye shes snying po sangs rgyas kun gyi lam// tshul bzhin thig le yid la byed pa skad cig gis// las
58a2 dang las kyi rnam smin ma lus rnams// byang chub chen por mtshungs shing khyad par med// mi rtog pa nyid chos rnams thams cad nyid du nges// thams cad dmigs su med pa mi rtog thig le nyid// de nyid mnyam
58a3 par gnas pas mnyam pa chen po'i ngang// de nyid gang yin mi gnas de nyid gang mi gnas// mi gnas mi 'chal de phyir mi g.yo bar yang mtshungs// de yang mi gnas phyir mi ldog pa snying po yin// de ni thig
58a4 le'i snying po yin te thig le nyid du bshad// thams cad ma lus mnyam pa chen po'i ngang zhes de la rdzogs// nam mkha'i khams dang mtshungs te dbyer med mchog tu bshad// rnam par mi rtog de la mi rtog snying
58a5 po'i snying po yod// 'dzin pa'i 'dzin pa med pa'i ting 'dzin snying po'i sa// de nyid mi rtog lam la gnas te mi rtog ye shes sku// zhi la phra ste cha shas zab pa med phyir blta dka' ba// mtshan mar 'dzin pa'i 'du
58a6 shes thams cad bcom pas na// lhun grub ye shes chen po'i ting nge 'dzin// mi rtog pa nyid thams cad mkhyen pa'i sangs rgyas nyid// gang la dmigs pa med pa dam pas dbang bsgyur ba// zhi ba rnam ldan mtshan
58b1 nyid med pa'i mtshan nyid ni// rnam pa thams cad mkhyen pa'i ye shes nyid yin te// ye shes snying por sangs rgyas sa rnams ma lus bsdus// che ba'i che ba yang dag don gyi sgo nyid ni// rnam pa'i grangs dang
58b2 dmigs pa gnyis po spangs// snang med chos la snang ba med par ye gnas pas// mtshan ma'i rnam rtog theg pa rnams la ga la 'jog/ sems can sems can tsam yang mi snang na// sangs rgyas sangs rgyas kun
58b3 gyi sa la de bzhin gnas// mi rtog byang chub snying po mi rtog mya ngan 'das// sna tshogs mtshan ma 'dzin pa'i 'du shes dang bral ba// rgyal ba'i bcom ldan 'das te bcom ldan 'das// theg chen snying po rnam mi
58b4 rtog pa'i mchog/gang la mi gnas mi rtog byang chub po// byang ba dang ni mtshan nyid thams cad ma lus kun// dngos por mya ngan 'da' bar gyur pa yongs mi srid// rnam rtog mtshan 'dzin rnam par shes pa
58b5 la// ye bzlog mya ngan 'da' ba'i thig le byang chub po// de bzhin rnam par mi rtog snying pos don mdzad pa// de bzhin gshegs pa'i dgongs pa rnam mi rtog/ rtog pa'i dri ma zad phyir cir yang ston// sems can
58b6 rnam rtog de yis bskang bas na// de bzhin nyid ni don mdzad sems can mgon// bdag dang gzhan gyi dbang la gnas pa'i rigs drug ma// mi rtog byin rlabs rgyun mi 'chad par rtag tu ston// ji ltar yid
59a1 bzhin sgrub pa'i nor bu'i rgyal po chen po ni// yid bzhin 'dod pa'i re ba rdzogs par byed// de bzhin rnam par mi rtog pa yi chos nyid kyang// rtog mtha' zad pa'i smon lam ma lus rdzogs par
59a2 gnas// mtha' dang dbus med gang la'ang mi spyod mnyam gnas pa// mnyam pa'i rgyal po sangs rgyas nyid// tshor ba de bzhin gshegs pa ni// yang dag don dam 'di la bsam bya gang yang med// gzhag par bya
59a3 ba'ang ye nas ci yang med// yang dag nyid la yang dag nyid gnas phyir// don dam yang dag nyid la yang dag blta// yang dag mthong na thams cad rnam par grol// yang dag don chen rnam par dbye ba la// g.yo
59a4 bar bya ba'i yid kyang mi g.yo med pa ste// nyon mongs rnam shes sprul des sgo lngar 'gyus// kun tu nges par bzang ba'i gnas ngan len// mi bzad srid pa'i rgya mtsho 'khor ba'i 'obs na gnas// der brtags
59a5 gnas las dben pas ye shes snying// de lta'i mi rtog byang chub snying po'i lam// yin gyis rnam shes gang gi rjes mi 'brang// rnam par mi rtog nyams su des myong klong// de nyid tshor ba nyid de tshor ba'i rgyal po
59a6 yin// dngos po gang du'ang mi gnas mi dmigs shing// ji ltar bsam pa bsam rtogs nyid yin te// chos rnams ma lus snang rtog gang bral byed// de ni sangs rgyas nyid mnyes sa chen lhun gyis grub// bdag
59b1 med pa ni bdag med kun bdag med// mi rtog mi rtog pa la mi rtog rtogs// sdug bsngal pa la sdug bsngal ma yin blta// gtsang dang mi gtsang gnyis kar mi tshor ba// thams cad ma lus chos rnams nyams su
59b2 len// 'khrul pa'i sdug bsngal med phyir tshor ba dam par bsngags// byang chub chen po'i lam der gnas 'dral mi phod do// byang chub kyi sems nya mo bag la nyal las/ byang chub sems dpa'i dgongs pa bag
59b3 la nyal ba dang/kun tu bzang po'i dgongs pa bag la nyal gnyis ltag sprod du bstan pa'i le'u ste gsum pa'o//// de nas bcom ldan 'das dpal kun tu bzang pos/ mi g.yo ba 'dod chags pa'i ting
59b4 nge 'dzin la snyoms par zhugs nas/nyid kyis nyid la bshad pa/ 'du shes thams cad 'du mi shes par yang rtog pa// mtshan ma zad phyir g.yo ba'i 'byung 'jug dag/ rang rig ye shes gang du'ang mi gsal
59b5 bas// mi g.yo thig le dkyil 'khor ldan pa'i mchog/ mi gnas mi sems tshul khrims pha rol phyin// mi dran mi g.yo ba ni ting 'dzin dam pa'i bsam pa'o// sgyu ma sgyu 'dra'i sems mi 'byung ba shes rab
59b6 yin// sems ni yid kyi rten te 'byung 'jug med snang na// yang dag yang dag nyid de chos sku mi g.yo'i rgya// de ltar de bzhin mnyam pa dkyil 'khor chen po'i lam// g.yo ba rjes dran bsam las yul gzhan
60a1 dmigs pa la// brtul ba ji ltar byas kyang mi g.yo ba yi 'byung 'jug gsal// ji ltar gsal ba de nyid 'khrul pa'i 'khrul pa yin// rnal 'byor lam byed lam rnams mnyam par ni// dus
60a2 gsum sangs rgyas rnams kyis khyad par gsungs// rtsa ba med pa'i dngos med sems nyid ni// phra bar sbyangs pas kun gyi spyod yul las 'das te// 'phags pa'i spyan gyi gzigs shing shes su rung ma
60a3 yin// cir yang mthong ba med pas sems kyi ngo bo mthong// mi mthong mthong phyir rnam par mi rtog mthong// ming du gdags su tshor ba'i ngo bor gsal// ye shes sgyu ma'i thig le cher grags pas// khams
60a4 gsum dus gsum kun bzang nyid kyi rol// chos rnams zag med thams cad ma lus kun// dngos po nyid med dngos pos bsdus pa'i de bzhin nyid rig na// ye shes dag pa'i tshogs chen bsgom pa de yin
60a5 te// lam mchog 'bras bu chos sku de mthong bas// ngo bo nyid kyi ngo bo nyid rol rnam dag nas// de dang dus gsum mi 'bral de la de bzhin gnas// nye lam nyid rdzogs pha rol phyin 'tshang rgya// ngo bo nyid kyis
60a6 chos rnams gnas pa'i ngo bo nyid// ngo bo nyid med de yang med rig pas// chos rnams thams cad grags pa med pa yin// grags kun spangs pa chos kyi rgyal po de bzhin nyid// chos sku'i ting 'dzin rin chen la
60b1 brten nas// sangs rgyas chos sku dpag tu med pa 'byung bar 'gyur// chos sku'i rnam par mi rtog rtag chad ma yin pas// yang dag dbu ma'i lam du khyad par bstan pa ni// bla med byang chub lhun gyis grub pa'i
60b2 ye shes sku// mtshan ma rnams dang ye shes de bzhin nyid de 'dres ma yin// mngon par 'du byed mtshan rnams thams cad kyis// sangs rgyas lhun grub mtshan ldan ma yin no// de dag ma lus 'khor los sgyur
60b3 yon tan// des ni sangs rgyas mi mthong de bzhin nyid dang ldan// nye lam bder rdzogs yon tan dpag med de// chos rnams ma lus ngo bo gcig gi ngang du gnas pa la// ngo bo de nyid de bzhin rnam rig na// ye
60b4 shes chen po'i tshogs chen rnam par dag/lam gyi lam mchog mngon du rnyed pa'o// ngo bo nyid kyis rnam par dag la byang chub klong// bsod nams klong chen btsug pa ye shes dag pa'i rgyu// sbyin pa tshul khrims
60b5 bslab pa'i gnas 'dzin pa// ye shes chen po tshogs chen skyed pa'i rgyu yin no// 'khor gsum yongs su dag pa'i tshul gyis gang spyod pa// 'jig rten las 'das pha rol phyin pa'i rgyu mchog go/ gang yang gtong
60b6 ba mngon du gyur nas bsags pa mthar phyin pa// ye shes kyi tshogs rdzogs par byed pa'i lam mchog go/ gang gtong ba la le lo snyoms pa g.yengs ba med gyur na// ngo bo nyid kyi chos gcig de bzhin nyid kyang
61a1 'bras bur 'gyur// 'dus byas bsod nams tshogs la brtul phod na// 'khor los sgyur rgyal lam de nas ni 'bras bur 'byung// ye shes tshogs chen 'bras bu'i lam gyur nges byed
61a2 'gyur// gtong la sogs pa bsod nams don du bsgrub bde ba// de bzhin gshegs pa thams cad don du gnyer ba'i bya byad byed// bud med sbrum ma bu btsas nye ba bzhin du nye bar 'gyur// sbyin dang tshul
61a3 khrims bzod dang brtson 'grus bsam gtan shes rab ldan// lnga po shes rab nyid kyis dbang bsgyur chos kyi sku la sbyor// mar me dgongs nas mun khong 'jug cha 'dra bar 'gyur ba yin// bsod nams tshogs
61a4 kyi don de chu skom 'thung ba'i tshul du sbyor byed pa// shing gnyis gtsub pa'i me yis kun bsregs bzhin// nyon mongs ma lus lus pa med par kun bsregs nas// ye shes chen po'i lam na de gnas de 'gres
61a5 byed// byang chub kyi sems nya mo bag la nyal las/ rdzogs pa chen po mi g.yo ba'i don bstan pas/ mdo sde'i g.yo ba gol sar bstan pa dang/ ye shes kyi tshogs rdzogs pa dang mi g.yo ba mthong du rung bar
61a6 bstan pa dang/bsod nams kyi tshogs kyis ye shes kyi tshogs bsags nas de bzhin nyid thob tu rung ba'i le'u ste bzhi pa'o//// de nas bcom ldan 'das dpal kun tu bzang pos/ chos thams cad
61b1 bden pa gnyis su 'dus pa'i don dam pa'i bden pa ni rgyu/kun rdzob ni 'bras bur ston pa nyid kyis nyid la bshad pa/ chos gcig la ni rim gyis bden pa gnyis rtog pa// mu stegs byed kyis kun rjes
61b2 'khrul pa'i bden par rab brtags pa// thams cad bdag dang gtso bor rtog pa bstan pa nges pa nyid// dam pa'i don ni thams cad mtha' brgyad spros dang bral ba nyid blta ba// de yang rtag go snyam pa'i rtog
61b3 dang ma bral ba ni de ltar byed// phyi rol pa ni brtags pas rnam par bden pa gnyis su rtogs// so sor smra bas 'khrul pa nyid du rnam par brtags pa nyid// brtags pas don gnyis 'grub par 'dod de
61b4 min// dam par phung po khams dang skye mched thams cad kun// dus gsum rdzas su 'dod de so sor smra ba'i don dam rang byung ngo// sde pa'i 'khrul pa rtag pa'i don nyid steng du 'dus ma byas dang rig byed ma yin
61b5 pa// sems dang mi ldan 'du byed bcu bzhi 'dod pa rnams ni 'khrul pa'o// dam par phung po khams dang skye mched tsam zhig rdzas su 'dod pa don du blta// rnam shes tsam du smra bas thams cad bden pa gnyis su
61b6 'dod de 'khrul pa ni// phyi rol phung po khams dang skye mched sems dang mi ldan rig byed ma yin pa// de rnams rdzas su 'dod pa rnams ni 'khrul pa yin te don dam nges pa min// dam par mtshan nyid gsum gyi
62a1 kun brtags pa ni 'khrul pa nyid yin la// gzhan dbang grub pa gnyis ni don dam pa ste 'khrul pa ye nas min// de la ngo bo nyid gsum rdzogs te bden pa bzhi yang tshad mar gnas// don dam pa
62a2 la sku gsum ye shes bzhi yang tshad mar gnas// mtha' gnyis spangs pas thams cad bden pa gnyis su 'dod de 'khrul pa ni// rnam bzhir 'dod de nges tshig mtshan nyid dbye ba dang// 'jog pa'i yul dang
62a3 rnam bzhir 'khrul par 'dod pa de ni dam pa yin// dam pa'i rang bzhin rnam pa bzhi ste nges pa dang ni mi bslu ba// bcos ma ma yin pa dang brtags pa'i don min gang yin pa// dam par 'dod de 'khrul pa min
62a4 la skye med rtag pa med// gzhig nas rang bzhin med par gyur pa 'khrul pa yin phyir don dam min// dam par sgyu ma tsam du yin te de la dngos por snang ba gang yang min// tshig tu dngos por mi blta rig pa rim
62a5 gyis skye bar 'dod de sgyu ma tsam// a ti nges med theg pa'i snying po'i rang bzhin 'di// sus kyang dpag par nus pa ma yin bden gnyis ye nas med// bden pa gnyis 'dod pa ni 'di na ga na yod de ye nas
62a6 med pa yin// bden dang mtshan mar gtan tshigs rjes su dpag pa yis// ya mtshan rmad kyi chos 'di rtogs par nus pa ga la yod// 'khor ba mya ngan 'das med thig le chen po'i klong// byar med klong las
62b1 'das pas bya btsal rdzogs pa'i sku// thig le chen por thams cad chub pas rgya mtsho'i tshul// ma skyes dbyings su rdzogs pas yum gyi mkha'// stong pa btsal kyang rnyed par gyur pa med pas mkha' ltar dag/ rdo
62b2 rje 'du 'bral med de bde la gnas pas sdug bsngal ye nas zhi// phyag rgya'i 'byung 'jug nyid la 'char bas snying por gnas// yon tan sku las 'byung bas gang la'ang bsngags su med// shes rab tshogs kyi
62b3 snying rje'i rlan dang ma bral thams cad spangs// thams cad kun gyi rgyud sde 'bras bur gnas pas lta ba'i mig/ thams cad ma lus bsdus kyang dog 'dzer med pas chos rnams kun gyi gzhi// thams cad ma lus
62b4 bsdus shing brtan par gnas pas pha rol phyin bcu rdzogs// spang len med pa'i chos 'di sgyu mar gnas pas ming du btags pa rdzun// yang dag thig ler thams cad bsdus pas bya btsal bya mi dgos// ye
62b5 bsrungs phyag rgyas kun la btab pas phyag rgyar bsgom pa gol// gzhan dang ma 'dres rgyal po bzhin pas sa la sbyang mi dgos// 'di 'dra'i don de rab tu shes par gyur pa mang du thos pa'i mchog/ smra ba rnams
62b6 ni nyams pa'i smras pa dag la de bzhin yongs mi gnas// bshad du ye nas med pas bshad pa 'khrul pa ste// yang dag nyid la bshad du mtshon pa'i yi ge med// 'phung bar rgyu byed rnams ni bshad la mos shing
63a1 dga' bar 'gyur// yang dag byang chub thob par yongs mi 'gyur// rnam dag thig le kun la khyab pa'i yab chen po// tshig tu thos pas de nyid rnyed par ga la 'gyur// ye nas bya med bya mi dgos
63a2 pa'i lam mchog 'di// rgyu rkyen zad pa'i byang chub rtsa ba rnam par dag/ mthong bas don la mkhas pa thos pa'i mchog yin no// rnam par mi rtog tshig gi rjes su mi 'brang chos gcig dbang bsgyur na// chos
63a3 rnams thams cad thos shing shes pa'i rab tu gsungs// khrus chus lus la reg tu tsha ba ji bzhin gnas// mi skye mi 'gag dngos por cir yang dgongs su med// drang srong thig le'i lam du zhugs pa'i rnal
63a4 'byor pas// yid kyi dkyil 'khor nyid kyi thig ler thim// thig le'i dkyil 'khor nyams su len pa thos pa'i mchog/ yid kyi thig le ma nyams chos nyid thig ler gsal// yid kyi dkyil 'khor nyid kyi thig
63a5 le thig ler thim// thig le'i dkyil 'khor nyams su lon pa thob pa'i mchog/ yid kyi ma nyams thig le'i chos nyid thig ler gsal// zab mo gting mtha' med pa'i de bzhin de la bskor// de las 'gyur
63a6 med de bzhin de gnas pa// chos rnams ma lus tshor bas thos pa'i mchog tu khyad par gyur// mang du thos pa'i mchog ni de bzhin thugs kyi dkyil 'khor du 'ub pa'o// tshig tu thos pa don las nyams su myangs
63b1 shing the tshom gnas// snying po nyid du sems mi g.yo ba lam gyi gter// de lta'i lam la gnas pas pha rol phyin drug 'dus// gang du'ang sems mi g.yo ba sbyin pa'i mchog/ gang la'ang yid mi gnas pa tshul
63b2 khrims dag pa yin// sna tshogs bye bral mi mjed bzod pa dpa'// bzang ngan blang dor mi 'byed brtson 'grus myur// yang dag yang dag dag la ma chags bsam gtan ldan// gang rjes mi 'gro mi g.yo ba ni
63b3 shes rab gsal// mi g.yo brtan pa che thob bde ba'i klong chen yin// lam gyi nang na lam rgan lam po che// ye shes lam yang yin te tshul khrims lam du bshad// bzod pa chen po'i lam zhes kyang ni de la
63b4 gdags// mi g.yo lam gyi gter chen 'dir ni ma lus chos rnams med// rnam dag lam chen 'di yis ma bsgral gang yang med// de phyir ye shes lam chen de bzhin nyid kyi ngang// chos dbyings mi g.yo mngon du
63b5 gyur nas gzhan la mi brten pa// cig char zhugs shing mngon du zhugs pa yin zhes bsgrags// bzang ngan blang dor dngas snyigs mi 'byed pa nyid chos kyi dbyings// der zhugs der shes pa na cig char zhugs
63b6 te pha rol phyin// de la de bzhin de zhugs mnyam nyid mya ngan 'das 'khor med// mya ngan 'das pa brjod pa tsam ste khams gsum pa yang brjod pa tsam// dmigs su med pa'i dbyings su thams cad mnyam
64a1 par tha mi dad// rnam par dag dbyings mya ngan 'das pa dang du len mi byed// 'khor ba skyur byed mi gtsang ba yang spang bar byed mi 'gyur// rnal 'byor lam 'dod zhugs pa de ltar shes pas tshor
64a2 ba'i tshor ba che// cir yang tshor med tshor ba'i mchog yin de bzhin nyid// de bzhin nyid dbyings ye shes dag pa'i spyod yul gyur pa'ang mtshon bya byed ce na// sangs rgyas mtshan dpes brgyan dang phyag rgyar gang
64a3 gsal tshor ba med// de la gnyis med dkyil 'khor mi ldan mi g.yo ba las nyams// de ltar cig char go ba go ba med pa yin te gnyis su med par go/ 'du shes ma spangs go ba'i mtshan nyid mtshan ma mi rtog
64a4 pa de cig char chud// gang du mi 'jog phyag rgyar mi 'dzin yid la chos// rnam pa 'dzin pa med na ye nas zhugs// bsam pas mi g.yo mi sems pa ni shes rab klong// rtog pas brtags pa'i spyod yul nyid du
64a5 'di ni gyur pa med// bsgom pas don 'di brda' phrad ma yin nyid du 'gyur// 'jug lta rtsol spyod byed pas thig le'i lam mi rnyed// ye shes rang byung yul la chags pas grol mi 'gyur// mthong thos sgo lnga'i bya
64a6 byed 'khor ba'i klong chen yin// sems dang sems las byung ba 'khrul pa'i 'khrul pa yin// dmigs pa'i yul 'dzin byed pa yul nyid ye nas mnyam// gsang sngags rig sngags phyag rgyar byas pas phyag rgya chen
64b1 por grags// spro bsdu phyag rgyar byas pas ma bcos thig le bslad// rigs dang ye shes brtags pas yang dag grong chen zhi// sa dang lam la brtags pas pha rol phyin pa khyad par nyams// rtsol sbyong 'phro
64b2 'du'i phyag rgyar byas pas sgyu mchog 'phags// che ba lnga ldan phyag rgyar bsgoms pas sdug bsngal zad// bde ba zad phyir sdug bsngal rgya mtsho nyid la gnas// thig le'i sgo spangs pas ni bde ba chen po
64b3 bsgom// ting 'dzin ro la chags pas ro med ro dang bral// sku yi phyag rgyar brtags pas sdug bsngal sku med sku dang bral// btsal med btsal bar byas pas byang chub chen po skam// bde ba'i phyag rgyas btab
64b4 pas bde mchog gting nas 'gags// dkyil 'khor spyod yul brtags pas spyod yul rgyun mi chad// 'dod yon chos su brtags pas byang chub chen po med// snod bcud lha ru brtags pas dmigs med thig
64b5 le brtul// snang stong zhi khro'i phyag rgyas brtson pa'i phyag rgya bcag/ sbyor sgrol gnas su ma chud log spyod bsgral// rtsa ba yan lag bsrungs pas dam tshig chen po 'das// thams cad chos su brtags pas chos
64b6 mchog gting mtha' stong// sngags bzlas phyag rgya bcas pas rgyal mchog phyag rgya bshig/ mchod bstod spyan drangs byas pas mtshon chen nyid las nyams// spyan drangs gnyis med bstim pas gnyis med chos
65a1 gcig bsad// gnas dang gnas min brtags pas gnas mchog dam pa spangs// kha zas gtsang smer btags pas grol ba rang byung zhig/ ma dang sring mor brtags pas b+ha ga'i gting chen
65a2 'gags// ye shes dbyings su mthong bas bde ba'i rtogs mtha' rgya mtsho 'dra// grub pa'i mtha' las byang chub klong chen nyid la gnas// brtags pas ye shes skye ba 'khrul gnad sel ba yin// rnal 'byor zhi
65a3 la gnas nas byang chub chen por mi mtshungs mtshungs med gnas// bden gnyis mthong zhing byang chub mchog tu brtan par de gnas pa// bde chen tshul mchog brtan par gnas pa byang chub lam// mi g.yo snying
65a4 po'i dri bral dri med dag pa'i sku ni dag/sangs rgyas pa med bya bral lam la mi gnas gnyen po nyid du gnas// chos sku bdag med gzhan la ltos pa'i chos min gang la'ang ltos pa min// rang sems rnam dag
65a5 dbyings med byang chub lam chen po// gang nas ma 'ongs gang na med de phyi rol nang rol gnyis ka min// yon tan tshogs kyis brgyan pa'i blo gros thabs chen sku// snying rje chen po'i snying rje rlan dang ma
65a6 bral thams cad bsnums/shes rab dag pa sems kyi ngang nyid kun la khyab par gnas// log rtog mtshan ma'i 'du shes thams cad de las byung// sbyin pa la sogs pha rol phyin pa bcur yang rang bzhin ye
65b1 nas rdzogs// lam bsdus rim pa pa dang 'jug blta thams cad khyad par 'grub pa ni// spang len med pa'i chos 'di sgyu mar gnas pas na// chos rnams ma lus de bzhin de bzhin de yang gnas// sgyu ma'i rang
65b2 bzhin gang du'ang grub pa med par yin pa'i phyir// sgyu mas sgyu ma bslu phyir sgyu mar gnas// med pa'i sgyu mas yod pa'i dngos gsal 'tshal// 'ja' tshon 'di bzhin gang du'ang grub mi 'gyur//
65b3 sangs rgyas sangs rgyas zhes bya sgyu 'dra sgyu gnas pas// chos rnams ma lus de 'dra de bzhin gnas// sangs rgyas chos la gus shing rnyed 'dod shes rab 'chal// gtong ba sems dpa' shes rab 'khrul pa bying ba
65b4 med// tshul khrims de ni tshul khrims 'chal pa lam ring 'gyur// bzod pa bsgom pa bzod pa la mi gnas te bzod pa min// gtong dang tshul khrims chos sems phyin bcu de bzhin bsgrub la phyin bcu
65b5 med// yid la chos sems dpa' la de med sbyin bya med// dpyad pas yang dag don mi rnyed de byang chub lam// bsgrub pa'i 'bras bu de bas brtson 'grus snying po bsal// sbyangs pas sbyangs par bltas pas
65b6 byar med blta ba brtul// rtogs pa'i ye shes skyes pas rtog mtha' spang mi srid// grub mtha'i 'bras bu btsal bas yang dag lam mi rnyed// byang chub kyi sems nya mo bag la nyal las/ theg pa rnams kyi nges
66a1 pa'i tshig dang blta ba mdor bstan pa'i le'u ste lnga pa'o//// de nas bcom ldan 'das dpal kun tu bzang pos/ som nyi spangs pa'i ting nge 'dzin la snyoms par zhugs nas nyid kyis nyid la
66a2 ched du brjod pa 'di brjod do// g.yo ba'i 'byung 'jug yid ches dngos med de bzhin nyid du bzhag/ sus kyang ma bcos tshogs brgyad brten pa 'ja' tshon tshul// de la mi dmigs tshogs brgyad la rten de nyid
66a3 med// sems can ming ni sems can sems can med// sangs rgyas sangs rgyas sems can yongs kyi ngang// gti mug rnam par dag pa ye yin rnam snang mdzad// 'dod chags 'dod chags ye yin chags
66a4 mchog yas// zhe sdang rnam par dag pas ma spangs de bzhin sdang ba mi 'khrugs pa// nga rgyal khyad par nga rgyal yon tan can de 'byung ldan nyid// phrag dog mi 'da'i dam tshig don yod grub// thams cad ma lus
66a5 lus pa med par dbang du 'dus phyir snang mtha'i dam// 'dod pa the tshom med na dam tshig dam pa gtso// ma rig dor min rig pa blang med ro gcig phyir na rnam snang som nyi med// 'da' ka'i de 'da' mi byed de
66a6 la gnas// chos kyi dbyings las ma g.yos thams cad 'dus pa'i phyir na rgya// dam tshig dam pa de la mi 'da' ba ni mi 'khrugs bla// dge dang mi dge mnyam pa nyid du gnas pas rig pa phrag dog dam// lnga po
66b1 yin gzhan bde ba de min spong zhing zhi byed 'khrul pa'i lam// gang la som nyi med pa de la tshul khrims ldan// the tshom zad pas bcom ldan 'das kyi bcom ldan 'das// dge sdig the tshom zad pa byang chub chen
66b2 po nyid// rtog mtha' rtog mtha' spang med zad pa yang dag mtha'// chags med chags pa'i lam la mi gnas mnyam pa nyid// mi dmigs dbyings kyi ma mthong mthong min zin pa de mi gtong ba bsgom pa'i
66b3 mchog/bsam 'das brjod med ngang la phyag 'tshal lo// ston pa'i mchog la phyag 'tshal lo// kun gyis rab bsngags dpe med lam la phyag 'tshal lo// chos kyi snying por gyur pa'i ji bzhin nyid la phyag 'tshal
66b4 lo// bya bral mkhyen ldan klong la phyag 'tshal lo// ji bzhin ye nas mkhyen ldan sku la phyag 'tshal lo// sa las tshul khrims la sogs kun// spyod pa mchog gyur bde gshegs rnams kyi yum// kun mtshungs rnam
66b5 grol mchog gi lam de sangs rgyas nyid// phra zhing shes dka' kun gyi lam de mi rtog rtog las 'das// de med mi 'byung de phyir de ni rnam grol mchog gi lam// mi dmigs mi gnas bsam pa kun dang
66b6 bral// tshig gis mi khebs dbyings dang kha dog bzang po'i spyod yul min// bstan cing brtags par dka' la brjod du rdul tsam med// 'di zhes bstan pa'i lam med gcig med du ma med// tshad la gzhig
67a1 nas don gyis grub par bya ba nyid// khyad par grol zhing de min de med de la rtsol bral na// sngon gyi drang srong bsgom mkhan bsgom pa nyid du gang 'dod pa// bsgom chags lam gyi nad kyis zin pa
67a2 yin// dpyod pa'i mtha' la don gyi lung med 'khrul pa yin// tshig gi mtha' dpyod lam du 'dod cing re mthong ba// de nyid rtog pa'i rgyu 'bras smig rgyu bsnyeg pa 'dra// shes rab zab mos bla med sangs rgyas
67a3 tshol bar rab tu sla// gzhan nas ma yin de nyid yin te mchog tu 'dod// yang dag lam ni tshig gis mtshon du med// yang dag nyid du mthong na 'khrul pa ste// dag dang ma dag mthong med mtshungs pa'i
67a4 lam// rnam par ci yang mi 'byed ye shes gti mug dang// rang gis mi g.yo mi bskyod ting 'dzin rgyal por gnas// 'di ltar mthong zhes mthong ba'i dmigs med mngon sum mthong ba'i lam// de phyir thams
67a5 cad mkhyen pa'i spyan zhes de la bya// mtha' dang dbus med yangs pa'i rang bzhin zhes// mi len mi spang mnyam pa'i rgyal po 'thob// sems dang bag chags gnyis med 'dres shing mtshungs// 'dzin pas snang
67a6 zhing brtags pa'i chos rnams kun la ni// mi 'dor mi spang rang byung de nyid de// rnam pa cir yang mi dgongs thabs kyis de la rol// kun dang mi mthun yongs kyis spangs pa'i chos// nyon mongs lnga dang
67b1 mtshams med lnga po yi// rnam dag lam der zhugs pas mnyam pa'i rgyal pos 'thob// bud med la sogs kun kyang spang mi byed// lo rgyus don nyid tshang mar blo bzhag nas// ting 'dzin gsum po btags shing
67b2 grub pa'i mtha' dpyod pa// rtsol bsgrub lung las grol te 'khrul pa yin// bya bral lhun rdzogs bde ba'i yul la gnas// ye shes rang byung chen po'i snying po nyid// mi dmigs mi g.yo bsnyad pa kun dang
67b3 bral// bya bral zin pa'i yul la kun tu ji bzhin gnas// ma skyes mi 'gag nam mkha' lta bu'i ngang// 'di zhes bstan du med de thig le gcig gi sku// spro zhing bsdu ba med de thar lam dam pa yin// ma rtogs
67b4 rtogs pa med de shes rab thabs bral bas// mtha' med dbus med snying por gdags pa'ang med// mkha' bzhin ma bcos smra bsam yul las 'das// tshad mas don gzhig dpe bral rgyal ba'i thugs// yang
67b5 dag byang chub klong ni 'di zhes bstan par dka'// chos kyi snying po rang rig byang chub sems nyid che// byang chub sems ni 'di zhes rab tu rnyed par dka'o// pho mo ma ning kha dog dbyibs med phyir// chos rnams
67b6 kun gyi rang bzhin de kho nar gsungs pas// dngos po mtshan 'dzin de yi rang bzhin de la mi gnas pas// med de med nas stobs sogs ci yang med pa ma yin gnas te gsal ba de min no// rtsol bral rgyal
68a1 ba'i bka' 'di gzhan du dad mos min// 'jug kyang mtshan ma dbyings stong rang bzhin nyid de 'jug/ sems kyang der bskyed 'bras bu der thob pas// dpyod mtha' thams cad 'khor ba de nyid
kho nar zad/

CLOSE WINDOW