14a1 !rdo rje sems dpa' nam mkha' che rgyas pa zhes bya ba rnal 'byor ma yi rgyud/ bcom ldan 'das rdo rje 'dzin pa la phyag 'tshal lo// 'di skad bshad pa'i dus
14a2 gcig na/bcom ldan 'das de bzhin gshegs pa thams cad kyi bdag nyid/ sku gsung thugs kyi rang bzhin/ bde ba'i mchog/ btsun mo dam pa bde ba'i mchog gi pad+ma la rnam par bzhugs so// de yi byin
14a3 gyis rlabs las byung ba/longs spyod rdzogs par mdzad pa'i longs spyod chen po// btsun mo dam pa'i pad+ma gzhal yas khang brtsegs pa/ dbyibs dang tshad dpag tu med pa/ rdo rje rnam par snang mdzad dang/ rdo rje
14a4 mi bskyod pa dang/rdo rje dkon mchog dpal dang/ rdo rje tshe mtha' yas dang/ rdo rje grub pa gdon mi za ba dang/ btsun mo dam pa yangs pa'i spyan dang/ mi bskyod ma dang/ don rin chen dpal ma dang/ tshe
14a5 dpag med ma dang/grub ma gdon mi za ba dang/ gzhan yang byang chub sems dpa' sa'i snying po dang/ phyag na rdo rje dang/ nam mkha'i snying po dang/ 'jig rten dbang phyug dang/ byams pa dang/ 'jam pa'i
14a6 dbyangs dang/sgrib pa rnam par sel ba dang/ kun tu bzang po dang/ btsun mo dam pa sgeg mo dang/ phreng ba ma dang/ dbyangs ma dang/ gar byed ma dang/ bdug spos ma dang/ me tog ma dang/ mar me ma dang/
14b1 dri chab ma dang/ dam pa'i sgo srung gshin rje gshed po dang/ rnam par rgyal ba dang/ pad+ma mthar byed dang/ bdud rtsi thab sbyor dang/ btsun mo dam pa gshin rje gshed mo dang/ rnam par rgyal ma dang/ pad+ma mthar
14b2 byed ma dang/bdud rtsi thab sbyor ma dang/ de dag la sogs pa 'khor rnams dang gnyis su med par bzhugs so// de yang dper na til 'bru bzhin du gang nas khyab par bzhugs pa ste/ de dag gi 'od kyis
14b3 'jig rten gyi khams snang bar byas/gang bar byas/ khyab par byas nas/ lhan ne lhang nge ba ji lta ba bzhin du gnas par gyur to// de nas longs spyod par mdzad pa'i longs spyod chen po'i byin rlabs las/ thub
14b4 pa chen po rnams stong gsum gyi stong chen po rnams su 'byung bar gyur te/de dag gi mthus 'jig rten gyi khams thams cad g.yos/ rab tu g.yos/ kun tu g.yos/ shig shig/ rab tu shig shig/ kun tu shig
14b5 shig go/chem chem/ rab tu chem chem/ kun tu chem chem mo// 'ur 'ur/ rab tu 'ur 'ur/ kun tu 'ur 'ur/ de nas mtha' dang dbus kyang mnyam par gyur nas/ sems can thams cad 'dul bar mdzad do// de
14b6 yang smon lam gyi dbang gis sku sna tshogs pa dang/gsung sna tshogs pa dang/ thugs sna tshogs pas 'dul bar mdzad do// sku'i 'dul ba ni mi'i cha byad du gyur nas/ bltams pa dang/ rab tu byung ba dang/
15a1 dka' thub mdzad pa dang/ chos kyi 'khor lo bskor ba la sogs pa dang/ gzhan yang seng ge'i cha byad dang/ glang po che'i cha byad la sogs pas 'dul bar mdzad do// gsung gi 'dul ba la ni lha
15a2 la lha'i skad dang/klu la klu'i skad du 'dul bar mdzad do// thugs kyi 'dul ba la ni ting nge 'dzin kyi 'od zer dang/ rdzu 'phrul gyis cho gas 'dul bar mdzad do// de bzhin gshegs pa thams cad kyi rang
15a3 bzhin/nam mkha' che rgyas pa'i rgyud las/ gleng gzhi'i le'u ste dang po'o//// de nas bcom ldan 'das longs spyod par mdzad pa'i longs spyod chen po des/ rgyal po sbyin pa zhes bya ba'i ting nge 'dzin la
15a4 snyoms par zhugs nas/'khor gyi nang du zhal 'dzum par mdzad nas mi snang bar mdzad do// de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa thams
15a5 cad kyi bdag po la/mgrin gcig tu 'di skad ces gsol to// e ma ho sangs rgyas thams cad kyi// sku gsung thugs kyi bdag po mchog/ thabs mkhas thugs rjes gzung slad du// sku yi dbyig tu bdag sbyor
15a6 cig/de nas bcom ldan 'das de bzhin gshegs pa thams cad kyi bdag po des/ kun tu bzang po'i gzugs su byung nas/ zhal gsum phyag drug par de bzhin gshegs pa thams cad kyis gzigs par gyur
15b1 to// de nas bcom ldan 'das de bzhin gshegs pa thams cad kyi bdag po kun tu bzang po la/ de bzhin gshegs pa rnam par snang mdzad la sogs pas/ phyi nang gsang ba'i mchod pas yang dag par mchod
15b2 de/phyag btsal nas 'di skad ces gsol to// bcom ldan 'das de bzhin gshegs pa thams cad kyi bdag pos/ bdag cag rnams gsang ba'i dkyil 'khor du dbang bskur bar mdzad de/ mtshan ma med
15b3 pa'i chos kyi 'khor lo bskor du gsol zhes brjod pas/bcom ldan 'das de bzhin gshegs pa thams cad kyi bdag po yang mnyes pas khyab par gyur te/ 'di skad ces bka' stsal to// e ma ho rgyud 'di
15b4 rtogs dka' bas/de dag gi thabs zhu 'dod pa/ legs so legs so byang chub che// legs so legs so gus par nyon// de nas de bzhin gshegs pa thams cad kyis rab tu dga' ba'i spyan rgyas pas yang
15b5 nas yang du phyag btsal nas 'di skad ces gsol to// e ma ho sangs rgyas kyi sangs rgyas// e ma ho sangs rgyas gsungs pa legs// e ma ho byang chub chen po'i mchog/ bcom ldan 'das kyis bshad du
15b6 gsol// e ma ho sems can thams cad ni// byang chub tu ni sgrub pa'i thabs// shin tu sbyor ba'i ting 'dzin mchog/ gzu bo chen pos bshad du gsol// de nas bcom ldan 'das de bzhin gshegs pa thams
16a1 cad kyi bdag pos/de bzhin gshegs pa thams cad la 'di skad ces bka' stsal to// sems can byang chub sgrub pa'i thabs// yang dag shin tu rnal 'byor 'di// myur du bla med 'dod pa'i
16a2 phyir// nyon cig nga yis bshad par bya// de nas bcom ldan 'das de bzhin gshegs pa thams cad kyi bdag pos/ zil gyis gnon pa'i rdo rje zhes bya ba'i ting nge 'dzin la snyoms par zhugs te/ 'khor rnams
16a3 gsang ba'i dkyil 'khor du bcug nas dbang bskur bar mdzad do// de nas gdod chos 'chad do// kun gyi rang bzhin de bzhin nyid// kun gyis bsgrub par bya ba ste// thabs su ye shes bskyed pa
16a4 la// phyogs su bltas pas mthong ba med// de bzhin nyid kyi rang bzhin ni// sus kyang mthong bar mi nus te// sangs rgyas kyis kyang ma gzigs pas// rang byung ye shes gnas med snang// de nyid phyir na rang
16a5 bzhin med// med las med pa'i 'bras bu 'byung// yod dang med pa gnyis med pas// rtog med dbu ma zhes bya'o// rang bzhin de nyid kho na la// brjod pa'i rang bzhin ci yang med// dbang po'i yul du gang
16a6 gyur pa// de dag tshad ma ma yin no// chos rnams kun gyi rang bzhin ni// skye ba med cing 'gags pa med// rtag dang chad pa'ang yod min te// tha dad ma yin don gcig min// 'ong ba med cing 'gro ba
16b1 med// spros pa nye bar zhi ba'o// dam pa'i don la dngos med de// mig dang rna ba sna dang lce// lus dang yid la sogs pa yi// dbang po rnams kyis mthong min te// mthong ba blo yis bslad pa yin// yang dag ma
16b2 rtogs 'khor ba dang// mya ngan 'das par rloms sems yod// yang dag rtogs na 'khor ba dang// mya ngan 'das pa rlom sems med// de bzhin nyid la gnas bcas na// g.yo dang mi g.yo rnam par
16b3 dag/gzung dang 'dzin pa rnam dag nas// phra rgyas 'gags shing skye ba med// brjod med rnam par mi rtog pa// yi ge med pa'i gsung mchog ste// sgra yig rnam par spangs nas ni// sems kyi rgyu ba'ang bkag
16b4 pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/ rang bzhin gnas pa'i le'u ste gnyis pa'o//// de nas bcom ldan 'das de bzhin gshegs pa thams cad kyi
16b5 bdag pos/'khor rnams kyis gong du gsol ba btab pa mkhyen nas yang ched du brjod pa 'di brjod do// rang bzhin gnas pa'i chos nyid ni// zhi ba blang dor med pa ste// brtag par dka' la bstan par
16b6 dka'// brjod pa'i tha snyad rnams dang bral// rdo rje'i sku de 'dus ma byas// skye shi med pa'i g.yung drung sku// dus gsum 'dus ma byas pa ste// rtag pa chen po kun tu 'od// 'di zhes bstan zhing mtshon du
17a1 med// ngas kyang mthong bar mi nus so// mngon sum mi gnas kun tu khyab// zad mi shes pa'i gter du 'gyur// chos rnams kun gyi rang bzhin ni// stong pa nyid las gzhan min pas// 'khor ba
17a2 dang ni mya ngan 'das// bye brag dbye ba gcig kyangamed// de dag gnyis kyi khyad par ni// cha shas tsam yang yod min te// phung po khams dang skye mched dang// rten cing 'brel 'byung la sogs pa// stong pa nyid
17a3 las gzhan min te// chos rnams rang bzhin stong pa la// skye bo rnams kyis mthong ba min// de phyir chos rnams rang bzhin ni// de bzhin gshegs pa zhes bya bas// chos rnams bde bar gshegs dang
17a4 'dra// gzhan nas btsal bas rnyed pa min// yang dag nyid du gang blta bas// yang dag mthong bar mi nus te// 'ga' yang mthong ba med pa ni// de nyid mthong ba chen po'o// mya ngan 'das dang sangs rgyas
17a5 pa// gang gis mthong bar mi nus te// pad+ma spyan gyi ye shes kyis// skad cig gcig la mngon byang chub// rang bzhin gcig gi bdag nyid la// rnam pa tha dad du mar snang// log par brtags pa'i bdag nyid
17a6 pas// 'gro ba 'khrul pa rgyar chud 'dra// rnam rtog med pa'i sems la ni// 'byung ba la sogs bcom ldan 'das// chub par gnas pas bcom ldan 'das// 'gro ba kun la rang bzhin gnas// sangs rgyas
17b1 kun gyi rgyu nyid pas// 'gro ba rang byung gzhan las min// de bas sems can thams cad ni// sangs rgyas snying po can rnams las// ma rig rtog pa'i phra rgyas kyis// sdug bsngal sna tshogs myong bar
17b2 gyur// sems can kun gyi rang bzhin ni// chos kyi dbyings kyi b+ha ga te// kun la khyab pa'i nam mkha' 'o// de ma mthong bas de mi mthong// de ni de sgrib skyon chen yin// yangs la rgya che gting zab pa// shes
17b3 rab can gyis rtogs gyur te// gang nas ma 'ongs gar mi 'gro// 'ong dang 'gro bar bya ba min// ji snyed theg pa rnam mang yang// yang dag don gyi snying po ni// gang nas btsal kyang mi rnyed de// rang rig sgrib
17b4 med dag pa yin// dngos po 'di dag skyai med de// yang dag ma yin kun brtags yin// chos kyi dbyings kyi rang bzhin yang// de nyid log pa'i ngo bo las// khyad par 'ga' yang yod pa min// de bzhin nyid ni
17b5 chags med de// ma skyes mi 'gags mi dmigs shing// mi rtog bde dang ldan pa'o// de bzhin gshegs pa thams cad kyi rang bzhin/ nam mkha' che rgyas pa'i rgyud las/ chos nyid mi 'gyur ba bstan pa'i le'u
17b6 ste gsum pa'o//// de nas bcom ldan 'das de bzhin gshegs pa thams cad kyi bdag po dgyes pa chen pos/ nyid kyi che ba dbyung bar bzhed nas/ sku dang ye shes kyi bdag nyid 'di lta bu gsungs
18a1 so// kun la khyab pa rang bzhin ni// sangs rgyas kyis kyang ma gzigs te// mngon sum mi gnas kun tu khyab// kun tu 'od de 'dus ma byas// rtag pa nyid de rdo rje sku// kA ya dag pa'i sku mchog
18a2 de// chos nyid sku zhes bshad pa yin// de rtogs gsal bar bshad pa ni// rang byung ye shes chen po ste// kun gzhi la sogs gyur pa las// thabs kyi rim pa byung ba ni// pad+ma spyan te 'dus byas so// mi rtog
18a3 mngon byang chub pa'i sku// ga Na bsags pa'i sku mchog ste// stong pa nyid kyi ye shes pas// skad cig gcig mngon rdzogs byang chub// gnyis su med pa chos kyi sku'o// byin gyis rlabs las byung ba yi// rang
18a4 bzhin dkyil 'khor chen po ni// kun rdzob don du sems bskyed nas// snang ba mi 'gog pa yi thabs// sngags dang phyag rgya rab bstan pas// rdo rje dbyings kyi dkyil 'khor shar// longs spyod sku de rten 'brel
18a5 mchog/yi ge 'khor lo tshogs chen te// mtshan dang dpe byad ldan par gnas// rgyun gyis rtag pa bsod nams sku// ye shes rnam dag yang dag ldan// mgon po bdag nyid chen pos ni// rdo rje 'khor lo bskor
18a6 ba na// ljags kyi dbang po bkram nas ni// chos kyi 'khor lo bskor bar byed// rig pa'i skyes bu chen po la// smon lam las ni rten 'brel pas// 'jig rten khams ni thams cad du// sprul pa'i sku ni snang
18b1 bar byed// ye shes rnams dang yang dag ldan// mi rtag nyid de 'dus byas pas// bltams nas mya ngan 'da' bar ston// log par rtog pa thams cad la// thugs rje'i zhing du 'brel pas na// sku gsung thugs kyi
18b2 rim pas ni// 'gro ba'i rgyud rnams sm-in par mdzad// de bzhin gshegs pa thams cad kyi rang bzhin/ nam mkha' che rgyas pa'i rgyud las/ 'bras bu'i bdag nyid sku dang ye shes bstan pa'i le'u ste bzhi
18b3 pa'o//// de nas bcom ldan 'das de bzhin gshegs pa thams cad kyi bdag pos/ bsgrub par bya ba'i don gyi thabs/ sku dang gsung dang thugs kyi dkyil 'khor 'di rnams gsungs so// chos rnams
18b4 kun gyi de bzhin nyid// pho mo ma yin ma ning min// mtshan med ma yin rigs rgyud min// kha dog ma yin dbyibs ma yin// sku gsung thugs kyi rgyud yin te// med pa ma yin med pa yi// 'bras bu 'byung bas
18b5 snying po yod// kun tu khyab pa'i dbyings nyid las// dkyil 'khor sna tshogs brjod mi langs// chos dang longs spyod rdzogs sku dang// bsam yas sprul sku sna tshogs pas// rnam par 'phro yang spros pa med// rnam
18b6 dag sku ston ma yin te// srid gsum 'gro ba thams cad la// ji ltar 'dul ba'i sku ston yang// stong nyid dbyings las g.yos pa med// ces brjod pas/ sku'i dkyil 'khor thams cad ci yang mi snang bar gyur
19a1 to// de nas yang gsung gi dkyil 'khor 'di dag gsungs so// brjod du med pa'i bdag nyid las// 'dul ba'i dbang gis ji snyed pa// rtog 'dul sgra skad de snyed 'phrau// theg gcig theg
19a2 gnyis theg pa gsum// theg pa lnga dang bsam mi khyab// theg pa mtha' dag ngas bstan te// dbus mtha' rnam par bkag pa'o// gsung gcig dkyil 'khor yang dag ni// bsam gyis mi khyab kun tu
19a3 'phro// thams cad gsung gi dkyil 'khor mchog/ brgyad khri bzhi stong mtha' yas pa// gsang ba'i dbyibs su thim mdzad do// zhes brjod pas/ gsung gi dkyil 'khor de dag thams cad chos kyi dbyings
19a4 su thim nas mi gsal bar gyur to// de nas thugs kyi dkyil 'khor chen po 'di gsungs so// de bzhin nyid kyi phyag rgya las// phyag rgya chen po rnam 'phro bas// de bzhin rigs dang rdo rje'i rigs// rigs chen
19a5 rigs la sogs pa yi// phyag rgya chen po 'od du 'bar// u dum wa ra'i me tog bzhin// brgya lam la ni re 'ga'o// sgyu ma'i dkyil 'khor thams cad kyang// rang bzhin snang ba'i rig pa ste// gzhan na yod pa
19a6 ma yin no// de bzhin gshegs pa thams cad kyi rang bzhin/ nam mkha' che rgyas pa zhes bya ba'i rgyud las/ sku dang gsung dang thugs kyi dkyil 'khor mi rtog par bstan pa'i le'u ste lnga pa'o//// de nas de
19b1 bzhin gshegs pa thams cad btsun mo'i tshogs dang bcas pas/bcom ldan 'das de bzhin gshegs pa thams cad kyi bdag po la/ lan gsum bskor ba byas te/ phyag 'tshal bas 'dun pa'i mgrin gcig
19b2 tu 'di skad ces gsol to// sku gsung thugs kyi bdag po mchog/ ma 'ongs rnams kyi don slad du// thabs kyi mchog tu gang gyur pa// gzu bo chen pos bshad du gsol// de nas bcom ldan 'das dgyes pa
19b3 chen pos/zhal 'dzum pa mdzad de shin tu sbyor ba'i ting nge 'dzin la snyoms par zhugs te/ de bzhin gshegs pa thams cad la// gsang ba dam pa 'di lta bu gsungs so// gang zhig bsgrub par 'dod pa
19b4 ni// thos bsam bsgom la rab gnas shing// shes rab can du gang gyur pa// snying rje'i mthu las byung ba la// byang chub sems dpa' yang dag ldan// gtong dang tshul khrims la sogs pa// spyod pa rgya mtsho'i
19b5 gzhir gyur te// dbang bskur cho ga phun sum ldan// rnal 'byor rgyu ni thams cad las// thabs kyi rim par gang gyur pa// rin chen rigs su gang ldan pas// bla ma'i kha nas rtogs par bya// gang dag bsgrub
19b6 par 'dod pa la// ji skad gsungs pa'i yon tan ldan// mang du thos shing shes rab ldan// 'khor gyi 'jigs bral skye ba med// seng ge'i thugs rje rab ldan pas// dam pa'i don nyid ma nor bslab// de bzhin
20a1 gshegs pa thams cad kyi// theg pa'i mchog ste bla na med// mchog tu gyur pa bsgrub par bya// yang dag mthong bas rtogs gyur nas// rang bzhin med las cir yang snang// rang bzhin med pa'i
20a2 don de ni// blun po rtog ge'i spyod yul min// rang bzhin rang bzhin med mthong na// sgrib pa kun las nges grol te// ting nge 'dzin gyi bde ba las// rang bzhin kun ngam lhun gyis grub// dngos po'i dbang gi
20a3 'di zhes ni// rdo rje sems dpas ma gsungs te// sems can bsam pa'i dbang gis na// gsang ba rnam pa du ma gsungs// gsang ba dbyings kyi dbus dag tu// nyi zla pad+mar bcas pa'i gdan// bskyed dang
20a4 rdzogs dang gang ldan pas// dkyil 'khor thams cad bsgom par bya// mtshon cha rnams kyis drangs nas ni// sa hUM 'khril ba'i bde bar gnas// rim pa rim pa ma yin pa'i// rin chen steng dang 'og gi
20a5 sgo// rab brtan pa las a dkar te// til 'bru tsam du bsgom par bya// yang na yungs kar tsam du ste// mkhas pas cho ga bzhin du bsgom/ yang dag nyid de yang dag blta// yang dag mthong na rnam par
20a6 grol// yang dag ma mthong 'jig rten sems// mi shes blun pas byis pa 'dra// byis pa rnams la brjod pa bshad// rnal 'byor pa la gdams ngag go// shes rab thabs la brten nas ni// dkyil 'khor thams
20b1 cad 'grub pa yin// gsang ba dag la 'jug pa na// 'dod pa'i dga' ba ma yin te// ting nge 'dzin las skyes pa yis// dga' ba dag ni blang bar bya// de ni dga' ba chen po ste// yang dag bde ba chen po
20b2 yin// che ba'i ye shes rnyed dka' ba// shes rab thabs la brten nas 'grub// shes rab thabs kyi phyag rgya las// bde ba'i rol mo rnam 'phro ba// 'od zer lcags kyus drangs pa rnams// rim pa rim pa ma yin
20b3 pas// snying ga'i pad+mar yang dag gzhug/ yang dag mUM ni dri med dkar// tsa na ka yi 'bru tsam la// 'od zer spro bsdu'i sbyor ba yi// dbang po la sogs g.yo ba kun// dri med nang du nges sbyar nas// thugs kyi ye
20b4 shes lngas blta zhing// yang dag dri ma med mthong na// de bzhin gshegs pas de bzhin gshegs// de bzhin gshegs pa thams cad la// dri med 'di las gzhan mi mnga'// 'das dang da ltar 'byung ba
20b5 kun// 'di yis lhun gyis grub par 'gyur// de bzhin gshegs pa thams cad kyi// sngags kyi snying po kun bsdus pa// A+oM hUM swA dang AM hA ste// gnas lnga dag tu rnams bkod nas// 'od zer lcags kyus drangs
20b6 nas su// ye shes rnams kyis gzugs su bsgyur// dkyil 'khor la ni dkyil 'khor thim// thams cad rdzogs pa'i dkyil 'khor la// ting nge 'dzin gyi mchod pa 'bul// mnyes nas dgyes pa'i tshul 'chang
21a1 ba// yon tan mi zad gter 'gyur te// tshe ring bde ba phun sum tshogs// longs spyod 'byung zhing ngan song sbyong// de bzhin gshegs pa thams cad kyi// sku dang ye shes 'theb par 'gyur// shes
21a2 rab gsum la sbyangs pa yis// ye shes myu gu bskyed par byed// sa thob 'jigs pa lnga dang bral// 'khor ba las ni mya ngan 'das// sgrib pa mtha' dag gcod byed pa'i// dri ma med pa'i ye shes kyis// da lta
21a3 nyid du sangs rgyas 'gyur// ye nas gnas pa'i de bzhin ni// rgyal bas mdzad pa ma yin la// 'gro bas byas pa ma yin te// ye nas sangs rgyas chen po'o// de bzhin nyid de 'dus ma byas// rang byung yin te
21a4 kun ngo bo// med pa ma yin med pa yod// yod pa min te dngos yod min// bya med bya dang rnam par bral// lhun grub bde ba'i ngang du gnas// de bzhin gshegs zhes mi rtog kyang// bzhag tu med pa'i ngang la
21a5 bzhag/de yang rnal 'byor rgyud rnams dang// bla ma'i kha nas shes par bya// bla ma sangs rgyas kun dang mnyam// dam pa 'di nyid gang bsgrub pa// bla ma mnyes na grub pa'i mchog/ thog mar bla ma mnyes byas
21a6 te// dbang bskur gnang ba thob pa dang// sku gsung thugs kyi gsang ba rnams// ldan par byas te sngags bsgrub pa'o// shin tu dben pa'i ri dgon dang// rnam pa'i mchog rnams ldan pa dang// rnam pa sna
21b1 tshogs chu klung dang// dgra yi 'tshe ba med pa yis// nyams dga'i gnas su bsam gtan bya// shin tu sbyangs shing goms gyur pas// de tshe nyin mtshan dgu yis ni// byang chub thob par gdon mi za// kun tu 'od
21b2 kyi sa la gnas// de bzhin gshegs pa thams cad kyi rang bzhin/ nam mkha' che rgyas pa'i rgyud las/ phra mo'i rnal 'byor bstan pa'i le'u ste drug pa'o//// de nas bcom ldan 'das de bzhin gshegs
21b3 pa thams cad kyi bdag po de yang shin tu sbyor ba'i ting nge 'dzin la snyoms par zhugs te/bsgrub pa'i thabs ni thig le'i rnal 'byor du bya ba 'di gsungs so// ri rtse nyams ni dga' ba dang// shin tu gsang
21b4 ba'i brag phug tu// bde ba'i stan la 'dug nas ni// gsang ba dam pa 'di bsgom mo// gsang ba dbyings kyi dbus dag tu// gzhal yas brtsegs pa bsgoms nas ni// rang gi dkyil 'khor bsgom par
21b5 bya// yan lag bzhi dang rab ldan zhing// dkyil 'khor bzhi ni bskyed bya ste// tsakra bzhi dang gang sbyor bas// phyag rgya bzhi po rnam par bsgom// de nyid gsum dang rab ldan de// shes rab ma yi rjes 'brang
21b6 nas// sbyor ba'i cho ga mkhas pas bslab// sbyor ba'i cho ga las byung ba'i// yang dag dri med dbus su blta// shin tu phra ba'i dam tshig ste// mi gsal gsal ba'i dam tshig can// dkyil 'khor kun gyi bdag
22a1 nyid yin// yon tan kun gyi gter gyur te// mchog tu gyur pa 'grub par shog/ gsang ba dbyings kyi dbus dag tu// bskyed pa'ang rdzogs pa gang 'dod pas// rang gi dkyil 'khor rnams
22a2 bsgoms te// thugs ka'i gsung gi phyag rgya las// rdo rje kyo ba mang 'phros te// ye shes 'khor lo rab bskul nas// mchod rten rtse mor gsung du 'gyur// rdo rje lam byung yum gyi mkha'// chos sku byang chub sems
22a3 su gnas// de nyid bzung bas gsung dang ni// rin chen 'dzin pa zhes bya'o// bzung ba rdo rje 'dzin pa ste// de la rtog dang dpyod pa dang// dga' dang de bzhin bde ba dang// rtse gcig pa ni rnam ldan
22a4 pa'o// rin chen rgyun gyi shes pa ni// mi rtog pa yi shes pa ni// mos las byung ba'i mi dmigs pa'o// shes rab dbang dang rnam ldan pas// shes par gyur pa ye shes so// don dam mthong bar 'dod pa na// 'di
22a5 la mthong ba de mi mthong// 'di yis ye shes pa bskyed de// de yi don dam rnam par mthong// de nas bcom ldan 'das de bzhin gshegs pa thams cad kyi bdag pos/ de bzhin gshegs pa thams cad la
22a6 yang thabs 'di lta bu gsungs so// nam mkha' dbyings nas byung ba yi// rin chen kha dog sna lnga pa// yungs kar phra mo'i 'bru tsam ste// phyi nang gsum gyi sna rtser ni// rnal 'byor can gyis rtag tu bsgom// rang
22b1 snang ba yi ting 'dzin te// gzugs brnyan sgyu ma sgra snyan dang// smig rgyu la sogs rnam pa can// snang dang mi snang dbyer med de// yod dang med dang dbyer med pa'o// snang du 'dra yang tha dad ste// don dang rtags
22b2 la sogs pa rnams// rnam pa tha dad gnyis su snang// yang dag yang dag ma yin pas// bsam pa'i dbang gi der 'gyur ro// de ni de bzhin gshegs pa yi// brda zhes rnam par bstan pa yin// gang zhig rtse
22b3 gcig ma gyur pas// mtha' ru ma skyes ting 'dzin bsgom/ dngos po 'di rnams ma skyes pas// chos dang chos nyid med pa ste// nam mkha' lta bur bdag med pas// ye nas stong pa'i rang bzhin no// stong pa'i
22b4 rang bzhin mtshan ma med// de nas smon pa nges 'brel lo// rnam par thar pa gsum dang ldan// chags med bzhi yi lam nas 'jug/ stong pa nyid du rnam rig na// rang byung ye shes ngang gis 'char// 'bras bu
22b5 kun tu 'od sa thob// yon tan nam mkha'i mtha' dang mnyam// che ba'i che ba zab mo yin// yon tan cir yang bsngags pa med// yon tan chen po'i bsam gtan ni// bsam gtan nyid pas bsam du med// ma
22b6 bsams ma sbyangs chos nyid la// rang don chen po'i nam mkha' 'byung// kun tu 'od kyi sa thob nas// zhing khams rgya dang bral ba yi// dkyil 'khor thams cad 'bar bas snang// dkyil 'khor de dag thams
23a1 cad kyang// reg cing gzung du med pa las// 'ja' tshon lta bur kun tu snang// sna tshogs yon tan brjod mi langs// mi zad rgyan gyi 'khor lo'o// de bzhin gshegs pa thams cad kyi rang bzhin/
23a2 nam mkha' che rgyas pa'i rgyud las/ thig le'i rnal 'byor bstan pa'i le'u ste bdun pa'o//// de nas bcom ldan 'das de bzhin gshegs pa thams cad kyi bdag pos/ shin tu rnal 'byor gyi don 'di lta bu
23a3 gsungs so// ye nas rnam par grol ba'i lam// lhun gyis gnas pa'i bde chen te// dge dang sdig las rnam par grol// sangs rgyas byang chub sny-ing po 'di// lhag ma med pas yongs su rdzogs// 'gyur ba ma
23a4 yin drang por gnas// dpag cing mtshon du med pa'i phyir// byang chub nyid las byang chub med// gang la bsod nams sdig med na// de la byang chub rab tu gsungs// e ma ho shin tu ngo mtshar che'o// gzugs
23a5 med gzugs sku 'byung ba rmad// 'di ma mthong bar gzhan mi mthong// snying po 'di la ma lus rdzogs// de phyir rdzogs chen zhes bya ste// rang byung ye shes btsal med pas// grol nas grol ba'i lam yang
23a6 med// nyon mongs pa nyid byang chub lam// cir yang mi dmigs gti mug ste// ma rig pa nyid ye shes gsal// rig pa'i ye shes gang ldan pas// yi ge med pa'i don la blta// snang med don la dpag mi
23b1 langs// snang med snying po mchog gi sku// 'bras bu kun gyi lam gyur pa// ston pa rdo rje kun gyi thugs// mtshon du med pas rgyal ba'i lam// byar med sgros spangs thig le la// mi rtog btang snyoms mnyam par
23b2 bzhag/snang ba med pa'i chos nyid la// ma btsal bzhag na bsgom pa yin// gzhan la bstan du med pa'i phyir// rang rig rang byung rang zhir bzhag/ mi chags mi rtog mi gnas pas// ting 'dzin ro la chags mi
23b3 bya// dngos med ming yang med pas na// yi ges bstan cing mtshon du med// stong nyid spros med gzhi gnas la// 'du shes med par mnyam bzhag la// zhi gnas lhag mthong 'brel ba'o// mos pa spyod pa'i sa
23b4 la gnas// mi rtog pa yi shes rab ste// bslab pa gsum dang rnam ldan pa'o// zag pa med pa'i phung por ldan// chos kyi dbyings kyi rang bzhin ni// mtshon cing dpag tu med pa ste// gsang ba dam pa 'di lta
23b5 bus// mnyam par bzhag ste bsgrub par bya// rang bzhin nyid ni nam mkha' ste// kun gyi rjes su song ba'o// de ni rdo rje'i sku mchog ste// sems dpa' nyid kyang nam mkha'o// nam mkha' nam mkha' las byung
23b6 bas// nam mkha' rtogs pa skye med cing// nam mkha' 'di ni nam mkha' bsgom// spyi dang 'jig rten nam mkha' dang// nang dang phyi yi nam mkha' dang// lus dang shes pa'i nam mkha'o// nam mkha' nyid ni
24a1 nam mkhar bsgom/'bras bu nam mkha' chen po 'byung// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// ma skyes mi 'gags cir
24a2 mi dgongs// de bzhin gshegs pa thams cad la// dam pa 'di las gzhan mi mnga'// 'das dang da ltar byung ba kun// 'di nyid brnyes nas lhun gyis grub// thabs dang rnam par bral ba ni// nan gyis mkha'
24a3 la mdud pa dor// zhes brjod do// de nas yang bcom ldan 'das dgyes pa chen po des// mi rtog pa'i ting nge 'dzin la snyoms par zhugs te yang thabs zab mo 'di gsungs so// dngos po med par bsgom byas
24a4 la// de bzhin gshegs pa kun gyi thugs// ngo bo sems kyi rang bzhin te// dngos po gang yang yod ma yin// sems dang sems las byung ba rnams// nam mkha' nyid de rang bzhin med// kun la khyab pas kun
24a5 tu 'od// sems las sems kyis rab tu bsgom// bltas pas mthong ba med pa ni// de nyid mthong ba chen po ste// shes byed dam par gyur pa'o// sems nyid rtogs pa'i sangs rgyas te// sangs rgyas gzhan du ma
24a6 tshol cig/sangs rgyas gzhan nas btsal ba ni// mar 'dod chu la bsrub pa 'dra// de bzhin gshegs pa thams cad la// gsang ba dam pa 'di med par// gang zhig lam gzhan 'jug pa de// bskal pa dag ni
24b1 stong du yang// sngags kyi 'bras bu mi thob bo// dbang dang dam tshig ldan pa la// thabs mkhas snying rje rab ldan pas// yid gnyis the tshom med pa na// nges par legs pa'i dgos pa 'grub// 'di la mi bya ci
24b2 yang med// mi bza' ba ni yang med do// smra bar mi bya cung zad med// bdud rtsi lnga dang sha lnga dang// bza' btung thams cad ris med bya// dbang po g.yo ba nang du sbyar// mnyam par bzhag pa brtul nas
24b3 su// lus sems khong klod gyi nar bzhag/ lus sems tshad mar gang 'jog pa// de la 'dzin pa'i phur pa dam// dngos grub mchog tu gyur pa'o// de nas bcom ldan 'das dgyes pa chen po des/ nyid la nyid
24b4 ched du brjod pa 'di ched du brjod do// dngos po'i rang bzhin skye med cing// stong pa nyid kyi rang bzhin las// gzhi rtsa med dbyings skad cig ma// 'khor ba la sogs 'bras bu rnams// skad cig las ni byed
24b5 gyur te// rten cing 'brel bar 'byung ba'o// skad cig rgyu 'bras med pa'i dbyings// de mos rgyun du chad mi bya// de bas de bzhin nyid min bzhag/ gal te de bzhin de la sgrib// de ni snying po de bas med// de
24b6 las de byung ngo mtshar che// 'khor ba dang ni mya ngan 'das// skad cig ma la rten 'byung ste// nus pa skyes pa gdon mi za// rtog pa'i rgyun ni ji snyed pa// skad cig mas ni byed gyur te// rgyu 'bras rnam pa zhi ba
25a1 ni// nges bsgom yin te mchog gi sa// snga ma'i rgyu ni 'gags pa la// phyi ma'i stobs ni chud byed pa// skad cig ma la brtag par bya// 'di ni rgyal ba thams cad kyi// thabs kyi mchog tu gsungs
25a2 pa ste// bsgom las byung ba'i shes rab ldan// rnal 'byor can gyis rtag tu bsgom// de dang de yi khyad par las// nam mkha'i dngos grub chen po thob// sku dang gsung dang thugs kyi mchog/ yon tan mi
25a3 zad thob par byed// de nyid sangs rgyas kun dang mnyam// sangs rgyas byang chub sems dpa' yis// sras dang spun du dgongs par 'gyur// zhing khams dkyil 'khor thams cad ni// zad mi shes pa'i gter du
25a4 'gyur// de bzhin gshegs pa thams cad kyi rang bzhin/ nam mkha' che rgyas pa'i rgyud las/ shin tu rnal 'byor gyi le'u ste brgyad pa'o//// de nas bcom ldan 'das dgyes pa chen po de/ seng ge rnam par
25a5 bsgyings pa zhes bya ba'i ting nge 'dzin la snyoms par zhugs te/shin tu rnal 'byor gyi thabs 'di gsungs so// dngos po med par dngos por grags// dngos rnams nyid na dngos med pa'o// e ma'o kun tu
25a6 bzang po yi// rdo rje'i gsung dang sku dang thugs// skye ba med pa'i tshul gyis su// skye ba 'di ni rab tu bsgrags// oM shun+ya tA dz+nyA na badzra swa b+hA wa At+ma kohaM/ phung po khams dang skye mched dang// gang zhig g.yo dang
25b1 mi g.yo ba// dkyil 'khor kun tu bzang po'i zhing// mi zad rgyan gyi 'khor lo ldan// zad par bya ba'i don du ni// gsang sngags 'di ni brjod par bya// oM d+harma d+hA tu swa b+hA wa At+ma kohaM/ gru bzhi pa la sgo bzhi
25b2 pa// lte ba rtsibs su bcas pa la// dkyil 'khor 'bar ba bsgom par bya// rgyun du dkyil 'khor ma lus bsgom// sku gsung thugs ldan gzugs kyang dgod// yan lag bzhi dang rab ldan pas// gsang ba'i
25b3 pad+mar me tog rlan// byang chub sems ni 'byung ba'i tshe// mkhas pas sngags ni phaT ces brjod// oM a kA ro mu khaM sarba d+harmA NAM/ Ad+ya nut+pan+na twA ta oM AHhUM phaT swA hA/ sngags de rnams ni gsung ma thag/ snang ba'i
25b4 dngos po kun 'gags nas// tha mar nyams su myang ba med// chos rnams gang yang mthong ba med// btsal ba med pas byang chub che// de nyid dngos grub mchog gi sa// thams cad lta bas rgyas btab
25b5 pas// spyod pas ci la yang chags pa med pa'o// blta ba dang ni spyod pa dang// gnyis su med par byas te bsgrub// thams cad zil gyis gnon pa yi// ngo bo nyid kyi rang bzhin gyis// thams cad ma lus phyag
25b6 rgyas btab// ngo bo nyid kyi rang bzhin la// dmigs su rdul phra med pas na// de dmigs shes pa'ang yod mi rung// rang bzhin rang bzhin med pa la// rang bzhin med par yongs su bsgom// rang bzhin med
26a1 pa'i rgyu nyid las// 'bras bu rang bzhin med pa 'byung// spros pa nye bar zhi ba de// gsang ba dam pa 'di yis bsgrub// de ma thag tu ye shes 'gyur// dbyings dang ye shes gnyis med na// chos sku
26a2 bde ba chen por 'gyur// de nas bcom 'das de bzhin gshegs pa dgyes pa chen po des// dam pa'i don sgrub pa'i thabs/ gsang ba chen po 'di gsungs so// kun la khyab pa'i rang bzhin ni// tha dad du ma
26a3 med pa ste// cir yang dmigs su med pa'o// shes rab thabs kyi phyag rgyar ldan// bdag gi de nyid rigs kyi ni// rlung gi rim pa yang dag 'jug/ sbyor ba'i yan lag bzhi dang ldan// mtshams kyi 'od zer
26a4 lcags kyu yis// rgyal ba'i tshogs rnams spyan drangs gyur// chos kyi dbyings su zhu mdzad do// zhu bas myos nas mi rtog bde// 'khor ba mya ngan 'das pa yis// mtha' ni gang la'ang mi gnas so// shes rab ye
26a5 shes dbang che ste// shes rab ces pa mya ngan 'das// ye shes zhes pas 'khor ba gsungs// dga' dang gzhan dga' dpa' bo dga'// dga' ba 'dus pa'i bdag nyid can// dga' ba yang dag las byung
26a6 ba'i// mi rtog bde dang ldan pa'o// stong pa shin tu stong pa ste// dngos med stong pa chen po la// dngos dang dngos med gnyis ka med// stong pa'i rang bzhin mtshan ma med// de yi phyir na stong pa min// mi stong pa
26b1 yang ma yin te// mtha' dbus gang yang ma yin pa'o// mtshan nyid med pa'i phyag rgya dang// ldan pas yon tan bskyed par byed// gsang ba'i pad+ma las byung ba'i// me tog nyi zlar bcas pa las// dbyibs dang
26b2 kha dog ldan pa yi// phyag rgya chen po rdzogs pa la// lhun grub bde ba'i ngang gnas na// ci la'ang thogs pa med par spyad// rang bzhin grub pa med pas na// chos rnams gang yang grub pa med// kun tu bzang
26b3 mo'i b+ha ga la// kun tu bzang po rol pa yis// sgyu ma lhun grub yum la rol// blun po rtog ge'i shes pa ni// yod dang med pa'i chos la spyod// de yis rnam par mi grol te// 'dod pa dngos su spyod pa yin// de
26b4 bzhin gshegs pa thams cad kyi rang bzhin/nam mkha' che rgyas pa'i rgyud las/ shin tu rnal 'byor dam pa bstan pa'i le'u ste dgu pa'o//// de nas bcom ldan 'das de bzhin gshegs pa thams cad kyi
26b5 bdag po dgyes pa chen po des/rdo rje lta bu'i ting nge 'dzin la snyoms par zhugs te/ gsang ba'i don 'di lta bu rdo rje'i tshig tu gsungs so// brjod du med pa'i bdag nyid chos// yi ge tha snyad rnam par
26b6 dag/ming dang tshig las 'das pa yi// de kho na nyid shes par bya// de kho na nyid sgrub pa'i thabs// thos bsam bsgom la rab sbyangs pas// mnyam pa'i don la dmigs par bya// yang dag mthong nas rnam par
27a1 grol// kun rdzob sems bskyed tshad med bzhi// rnal 'byor pa yis bsgom par bya// nyan thos byang chub sems dpa' dang// bla na med pa'i theg pa yi// tshad med bzhi po tha dad 'gyur// bla
27a2 med theg pa'i tshad med dag/don la dmigs pa zhes bya ste// btang snyoms chen por bsgom par bya// yod dang med pa dbyer med cing// chags sdang gnyis dang bral ba yi// dbu ma chen po bsgom par bya// bla
27a3 med don la gnas bcas pa// nyon mongs las rnams kun spyad kyang// byas pa mi sogs tshogs gyur te// phyi nang snod bcud rnam par dag/ gang la'ang chags dang ma chags med// btang snyoms chen po'i ngang
27a4 gnas na// yul gyis mos skrag mi 'byung zhing// mnyam nyid mi 'phrog bya dang bral// bsgoms pas mi rnyed 'grub mi 'gyur// de phyir gsang ba 'di bsgom mo// rnam gsum po yang bdud kyi las// 'khor ba nyid
27a5 kyi rang bzhin las// don dam btsal bas rnyed mi 'gyur// drug gis yang dag don mi mthong// shes rab thabs su gang 'brel pa// yod med dbu ma mi dmigs shing// mnyam bzhag btang snyoms chen por
27a6 bsgom// zhes brjod nas dngos po thams cad sgyu ma dang 'dra bar gzigs te/ gzugs stong pa'o// stong pa nyid kyang gzugs so// gzugs las stong pa nyid gzhan ma yin no// stong pa nyid las kyang gzugs
27b1 gzhan ma yin no// de bzhin du phung po dang/ khams dang/ skye mched la sogs pa rnams kyang rang bzhin gyis stong pa'o// tha mi dad pa'o// dbyer med pa'o// dben pa'o// zhi ba'o// spros pa dang bral ba'o// de
27b2 lta bas na/chos thams cad ni sems su gnas so// sems ni nam mkha' la gnas so/ nam mkha' ci la'ang mi gnas so// zhes gsungs so// spros pa nye bar zhi ba'o// chos kyi dbyings kyis kun tu khyab// tha
27b3 dad du ma med pa nas// kun tu khyab pa'i spyi nyid do// sems nyid ye shes gzugs bsgyur ba// thabs kyi rim pa 'byung 'gyur te// thabs las thabs byung thabs bsam yas// 'brel pa bdun gyi rim pa
27b4 yi// sku dang ye shes rdzogs par 'gyur// thabs la brten pa'i ting nge 'dzin// de lta bu yi ngang du 'byung// don dam bla med bsgrub pa'i thabs// srog dang rtsol ba zhes bya ste// dbugs dgag btang ba ces su
27b5 bshad// dga' ba dang ni gtong ba dang// gnyis ka gnyis ka ma yin par// brtags pa rnam pa gsum zhes bya// phyi rol rtsol ba'i dus su ni// phyi yi nam mkha' bstim pa ste// srog gi nang ni dus su ni// gzhi
27b6 rlung nyid la thim par bya// gzhi rlung de nyid nam mkha' ni// dbyings kyi dbang phyug ces bya ste// rnam pa bcu pa'i rgyud yin no// de ni dbang phyug lnga nyid de// phyi rol g.yo ba rnam pa kun// dbugs nyid la ni nges
28a1 sbyar te// rten dang brten pa'i bdag nyid pas// rta dang rgyal po'i tshul du gnas// thams cad g.yo ba rlung du sbyar// rlung nyid phyi nang mkha' la thim// de nyid rdo rje sems dpa' ste// nam mkha'
28a2 la ni nam mkha' bsgom// nam mkha' nyid la nyid spyod de// gzhan du bya ba ci yang med// mkha' la rlung byung na bun tshul// byung yang nam mkha' las byung ste// mthar yang nam mkha' nyid la thim// gnyis dang
28a3 drug la sogs pa yi// rnam pa tha dad du ma yang// srog dang rtsol ba nyid du 'dus// rlung gi rgyu 'phrul gzhi la bstim// langs nas mkha' rlung nyid la rtog/ brtags pas dngos po med mthong ba// de nyid yang
28a4 dag mthong ba yin// de nas ston pa kun mkhyen gyis// rdo rje'i gsung du bka' stsal pa// don gyi rang bzhin ngo bo zhig/ dngos po'i dbang gi chos dbyings te// sems can bsam pa'i dbang gis na// chos kyi
28a5 dbyings dang zhi gnas dang// ye shes shes rab rnam bzhir snang// dngos po'i dbang gis kun tu 'ong// bsam pas tha dad du mar snang// rnam grangs don dam zhes bya ste// rim pa rim pas 'jug pa'o// shin
28a6 tu rnal 'byor 'di nyid ni// gzhan la brten pa ma yin pas// lam gyi nang na nye lam ste// thabs kyi mchog tu gyur pas na// cig char 'jug pa zhes bya'o// ye nas gnas pa'i de bzhin nyid// ye sangs rgyas pa
28b1 zhes bya ste// chos rnams ma lus dbyings su rdzogs// thams cad kun 'dus rnam par dag/ yod med dbu ma mi dmigs shing// mi 'gyur mi shigs rdo rje ste// yangs la rgya che kun tu bzang// 'gyur ba ma yin
28b2 kun tu bzang// 'gyur ba ma yin drang por gnas// rnal 'byor blta bar shes par bya// bar du bsgom pa'i thabs gsungs pa// ting nge 'dzin dang spyod pa'o// ting nge 'dzin zhes bya ba ni// gsang ba'i don la
28b3 'jug pa ste// spyod pa dngos su gsungs pa ni// ma dang bu mo sring mo sogs// rtag tu sems ni sbyar bar bya// glang chen sha dang sha chen dang// rta sha khyi sha ba glang sha// byang chub sems la sogs pa
28b4 rnams// bza' zhing spyad par bya ba ste// 'di la mi bya ci yang med// thabs la brten par gyur pa dang// mi bza' ba yang ci yang med// thams cad blta bas gnyis med cing// ting nge 'dzin la gnas gyur
28b5 na// mi spyad pa ni gang yang med// thabs la brten par gyur pa dang// tha mar sems ni bcos dgos so// de bzhin gshegs pa thams cad kyi rang bzhin/ nam mkha' che rgyas pa'i rgyud las/ zab mo'i thabs
28b6 bstan pa'i le'u ste bcu pa'o//// de nas bcom ldan 'das de bzhin gshegs pa thams cad kyi bdag nyid dgyes pa chen po des/ ma 'ongs pa'i rnal 'byor pa shes rab kyis rgyags pa rnams dang/
29a1 tshul bzhin du dbang bskur ba'i sgrub pa po rnams kyi don du/ gsang ba dang/ gsang chen dang/ ye shes snying po gsum rdzogs par byas te/ zab mo'i thabs 'di gsungs so// rang bzhin gnas
29a2 pa'i de bzhin nyid// ye nas gnas pa'i chos nyid de// sa la mi bgrod sbyang du med// lhun rdzogs rang byung gcig pur gnas// dpa' bo dngos po thams cad zad// stong pa nyid kyi rang bzhin las// ting nge
29a3 'dzin du mnyam bzhag pas// lus kyi chos kyi rang bzhin la// klad pa dang ni klad rgyas dang// skra dang spu dang sen mo dang// sha dang pags pa tshil bu dang// rgyu ma gnye ma la sogs pa// mi gtsang ba yi rang
29a4 bzhin can// bltas pas dngos po med mthong ste// sgyu ma mig yor tshul shes shing// bden pa nyid du ma mthong ste// de nyid yang dag mthong ba yin// mi rtog shes rab gang skye ba// gsang ba'i don la zhugs pa
29a5 yin// ngag gi chos su snang ba kun// ji snyed sgra dang tha snyad dang// yi ge skad dang brda' la sogs// gdags bya dang ni 'dogs byed dang// gdags pa'i tshig la sogs pa yi// dngos po gang yang ma rnyed
29a6 de// 'ga' yang mthong ba med pa ni// de nyid mthong ba chen po yin// tshig la mi rtog shes rab skye// dngos po med par grags pa yin// sems kyi chos su gang gsungs pa// sems dang sems las byung ba
29b1 yi// dran dang rtog pa la sogs pa// brtags pa dngos po med mthong ba// zag pa med pa'i shes rab ste// ye shes myu gu skyed pa'o// lam lnga rdzogs pa'i rim pa la// stong nyid ye shes chen po ste// pad+ma'i spyan du
29b2 rnam par grags// shin tu sbyor ba nges mthong bas// chos sku bde ba chen po thob// de nas dgyes pa chen pos 'di skad gsungs so// phyogs bcu na bzhugs pa'i dus gsum du gshegs pa'i rgyal ba thugs
29b3 rje ro gcig pa rnams kyang zab mo'i thabs 'di blta bar 'tshal lo// 'das pa dang da lta dang ma 'ongs pa'i sangs rgyas rnams kyang/ thabs zab mo 'dis mngon par 'tshang rgya'o// rigs kyi bu rnams kyis kyang
29b4 tshul 'di bzhin du yid la bya'o// lta ba ngan pa'i 'du shes ma skyed cig/ shes rab 'chal ba la sogs par gyur ta re/ de ci'i phyir zhe na// de bzhin gshegs pa'i dgongs pa ni nam mkha' dang mnyam mo// zla
29b5 med do// gzhan gyis mi dpog pa'o// mi mnyam pa dang mnyam pa'o// chos nyid dang bral ba'o// de bas na nam mkha' ni thams cad kyi rjes su song ba'o// de bzhin du chos rnams kyi chos nyid kyang thams cad
29b6 kyi rjes su song ba ste kun la khyab pa'o// sangs rgyas kyi bdag nyid dang/ de bzhin nyid de mthong ba ni sangs rgyas so// nga'o nga dang 'dra ba nyid do// gya nom pa'o// bla na med pa'o// de nas sangs rgyas pa'i
30a1 bdag nyid chen po sgrub pa 'di gsungs so// rigs kyi bu'am rigs kyibu mo gang la la rdzogs pa chen po slob par 'dod pas/ shin tu rnal 'byor gyi don 'di bsgom par bya'o// de bas na
30a2 chos thams cad kyis rang mi shes te/gzugs kyis gzugs mi shes so// sgra yis sgra mi shes so// de bzhin du phung po dang khams dang skye mched la sogs pa thams cad rang rang gi ngo bo la blta bar bya'o// de
30a3 nyid mthong ba ni ma rig pa'i sgrib pa bral ba ste/brtags pa'i tshig mi skye ba'o// bden pa mthong ba'o// byang chub sems dpa'i sa la gnas pa'o// de nyid ma mthong ba'i tshul gyis mthong ba ni sangs rgyas kyi sa
30a4 la gnas pa'o// bde bar gshegs pa'o// mi gnas pa'i mya ngan las 'das pa'o// de nas de bzhin gshegs pa thams cad kyang rab tu dga' ba'i spyan rgyas pas gzigs mos mnyes par gyur to// de nas
30a5 bdag nyid chen pos/de bzhin gshegs pa de dag dang/ byang chub sems dpa' thams cad la 'di skad ces bka' stsal to// g.yo dang mi g.yo'i rnam pa kun// chos kyi dbyings kyi rang bzhin te// srid dang zhi
30a6 bar dbyer med phyir// thams cad nam mkha'i rang bzhin no// dang po gnas khang nyams dga' bar// yo byad lnga ni rdzogs par ldan// 'du 'dzi thams cad spangs nas su// lus kyi bca' ba rnam ldan bya// lus
30b1 ngag lteng ka bzhin gnas na// sems kyang lteng chu bzhin du gnas// gzugs la sogs pa'i dngos po rnams// rang bzhin gyis ni stong pa ste// dngos po'i mtha' ni med shes na// gang yang rang bzhin med
30b2 brtags na// thams cad chos nyid phyag rgya yi// blta ba'i rgyas ni btab byas la// de nas bzhi yi snying po bsgom// spyod pas gang yang thogs med cing// ting nge 'dzin du mnyam bzhag na// mchog gi dngos
30b3 grub thob par 'gyur// sems la dmigs par bdag med par// sal le sang nge bsam bya ba// rang bzhin gyis ni 'od gsal te// stong pa nyid kyi bdag nyid do// 'jig rten pa yi lam du ni// rjes su dpog
30b4 pa'i shes pa ste// shes pa gsum po gyur pa ni// bsam med dran med sgyu ma'ang med// ting 'dzin tshul khrims shes rab po// de nyid myos pa spyod pa'i sa// sa yi rim pa tha dad de// sa rnams yongs su bkod pa
30b5 yang// stong nyid ye shes bskyed pa ste// ting nge 'dzin gyi rim pa yang// ting nge 'dzin gyi khyad par las// sa na sar 'phar mngon byang chub// de dang de yi rim pa yis// kun tu brtags pa'i ma rig dang// lhan
30b6 cig skyes pa'i ma rig pa// sgrib pa gnyis ni zhes bya ste// byang nas tshogs gnyis rdzogs pa yi// sku lnga ye shes rnam ldan pa// da lta nyid du thob par 'gyur// yon tan rnam par 'phel ba yin// de bzhin gshegs
31a1 pa thams cad kyi rang bzhin/nam mkha' che rgyas pa'i rgyud las/ zab mo'i man ngag gi le'u ste bcu gcig pa'o//// de nas bcom ldan 'das de bzhin gshegs pa thams cad kyi bdag po
31a2 la/de bzhin gshegs pa thams cad kyis 'di skad ces gsol to// e ma ho sangs rgyas thams cad kyi// byang chub sems ni gang yin pa// don dam ci yang med pa las// kun rdzob dag tu bshad par
31a3 bya// zhes brjod pas de bzhin nyid kyi don la rol cing dgyes te// dgyes pa chen pos 'di skad ces bka' stsal to// kha cig kun gyi rang bzhin zhi ba la// phyogs su bltas pas grub med de// rang bzhin gyis
31a4 ni rtogs pa dang// gnyen po'am yang na gtan tshigs kyis// shin tu zhib par brtag bya'o// de nas de bzhin gshegs pa'i bdag pos// gtan tshigs kyi sgo nas bsgrub pa/ dbu ma'i brtags pa 'di lta bu
31a5 gsungs so// kha cig g.yo dang mi g.yo kun// dam pa nyid du rang bzhin med// rang bzhin med las cir yang smon// bdag dang gzhan du gnyis ka med// rgyu med pa las skye bral phyir// nam mkha'i me tog ji
31a6 bzhin no// nam yang skye bar mi 'gyur ro// gang zhig rdzogs chen 'dod pa yis// ting nge 'dzin tu mnyam gzhag nas// spyod pa ma rabs ldan pa las// gsang ba'i don nyid bsgom par bya// langs nas phyi rol
31b1 yul las 'das// 'khor lo nyid du shes par bya// don dam kun rdzob sems bskyed nas// mtshan med mtshan ma rnams bsgoms pas// chos kyi sku dang gzugs sku 'grub// zhi dang thugs rjer 'brel
31b2 ba'o// yang na gcig dang du ma yi// rang bzhin med de gzugs brnyan bzhin// dngos po gang dang gang la yang// mtshan ma yod pa ma yin no// rang bzhin rang bzhin med mthong ba// ngo bo nyid du gnas pa
31b3 yin// mu bzhi skye ba rnam bral phyir// rang bzhin med de skye med blta// drang por 'dug la yang dag ltos// yang dag mthong na rnam par grol// rten cing 'brel ba gang byung ba// rang bzhin med pas gzugs
31b4 brnyan 'dra// sngon dang phyi ma'i mtha' spangs te// 'gro ba sgyu ma bzhin du snang// ngo bo nyid kyis ma skyes pas// skye dang 'gag pa mi 'gyur te// mthong ba'i chos nyid de bzhin gshegs// rten cing 'brel ba de
31b5 bzhin gshegs// rten cing 'brel ba zab mo'i don// dam pa'i don du bsgom par bya// srid gsum rang bzhin med mthong na// khams gsum 'gro rnams dbang du gyur// gsang ba zab mo'i don nyid
31b6 la// 'dzin pa med par mad pa yi// yod pa med par shes 'dug na// da lta nyid du sa gsum rdzogs// bya med bya dang rnam par bral// khams gsum las 'das rin po che// yon tan thams cad 'byung ba'i
32a1 gnas// zad mi shes pa'i gter du 'gyur// mi rtog gsang ba kun 'dus phyir// rtog pa thams cad dgag pa yin// gzung dang 'dzin pa las byung ste// phra rgyas thams cad gang yin pa// lhun
32a2 gyis gnas pas bkag pa yin// 'di ni i dang mdzes pa'i sa// ta las yan lag spros pa bzhin// 'jig rten yongs kyi spyod yul las// sangs rgyas gsung gi zab mo 'byung// srog dang rtsol ba las byung
32a3 ba'i// spro dang bsdu ba de bzhin te// dbugs ni phra mo nyid du bya// de nas ma skyes ting 'dzin bsgom// kun gyis bgrod pa'i lam rgan phyir// cig char 'jug pa'i don nyid pas// gzhan du 'jug par mi
32a4 bya'o// de nas byang chub sems dpa' la sogs pa theg pa gzhan rnams ngo mtshar du gyur rmad du gyur te ngus rab tu ngus so// de nas de bzhin gshegs pa thams cad kyi bdag pos/ byang chub sems dpa' la
32a5 sogs pa de dag la 'di skad ces bka' stsal to// shin tu rnal 'byor gyi don 'di ni/ nam mkha' dang mnyam pa ste/ sangs rgyas kyi spyod yul/ nyan thos la sogs pa dang thun mong ma lags pa/ mchog tu gsang
32a6 ba nyid pas/khyed rnams kyang ma skrag ma dngangs dngangs par ma byed cig/ spyod yul 'di las 'da' bar dka'o// de bzhin nyid kun la gnas su zin kyang/ shes rab dang snying rjer mi ldan cing skal ba med pa
32b1 rnams 'jug par ma byed cig/de ni nyams par 'gyur te/ zab mo'i don mi rtog cing gnas med pa yin te/ dper na de byi su dra bzhin no// de bas na rigs gang yin pa mtshan las yongs su bzung ngo// zhes
32b2 brjod pas thams cad rang rang gi gnas ga la bar 'khod par gyur to// de nas thams cad kyi bdag pos/ shin tu rnal 'byor gyi don du rtsol ba dang bral ba'i thabs 'di gsungs so// thams cad blta bas
32b3 bkab nas su// snyingarje'i mthu las byung ba yi// byang chub sems ldan gsang sngags pas// snang ba dgag pa ma yin te// dbang po spyod yul yan par bzhag/ bltas pas ma mthong cir yang med// dngos kun
32b4 sgyu mar 'dra shes nas// ma mthong mthong ba'i rnam pa can// bya bral lhun grub ji bzhin gnas// rang byung kun ngam lhun gyis grub// ji bzhin pa zhes mi rtog kyang// rnam par snang mdzad kun tu bzang// rnam
32b5 rtog nyid du kun 'dus phyir// tshor ba bsgom pa ci zhig nad// zin pas rtsol ba'i nad spangs te// lhun gyis gnas pas bzhag pa yin// bsgom pa rtsol ba'i nad yin te// rtsol sems bde ba rang las
32b6 byung// snang ba med pa'i chos nyid ni// btsal ba med pa'i btsal bas 'grub// phyi nang g.yo dang mi g.yo kun// byang chub snying po nyid yin pas// btsal ba'i bsam pas dbyings mi bskyod// ma btsal bzhag na
33a1 bsgom pa yin// de dang de ru rnam btsal nas// de las de bzhin don mi 'byung// de ni snying po de bas na// de las de 'byung ngo mtshar che// phung po lnga nyid sangs rgyas gtso// 'byung ba lnga nyid
33a2 rigs kyi yum// dbang po yul dus rig pa rnams// byang chub sems dang khro bo'i tshogs// nyon mongs lnga po byang chub lam// thams cad kun tu bzang po'i zhing// sangs rgyas nyid las gzhan ma yin// dam pa
33a3 nyid du btsal med de// kun rdzob tu yang btsal med de// dam pa'i don la gang 'jug pas// gsang ba AHyi don nyid las// gsang ba A+oM nyid dmigs pa na// gdams ngag nges pa zab mo yis// btsal ba
33a4 med pa'i btsal ba dang// mi bsgom pa yi bsgom pa dang// mi gnas pa yi tshul du gnas// mnyam gzhag med pa'i tshul gyi ni// rtag par nyid du mnyam par gzhag/ dge dang mi dge gnyis med de// byang chub
33a5 nam mkha'i mtshan nyid do// byang chub btsal bas rnyed min te// byang chub 'dod la byang chub med// yang dag don gyi snying po 'di// bsgoms pas rnyed par mi 'gyur te// ma bsgoms pas kyang rnyed mi
33a6 'gyur// btsal ba med pa'i bsgom pa yis// nyal ba'i 'khor lo nyid du bya// chos rnams ma lus sems kyi ngang// sems de rang bzhin gzhan na bsgom// dngos med byang chub sems kyi ngang// 'dus ma byas
33b1 pas bde ba'i klong// sems nyid bsam med blo las 'das// ye sangs rgyas pas bsgom du med// drang srong mkhas pa'i rig pa yis// de la ma btsal phab na bsgom// rig pa dbyings la yan pa ni// btsal
33b2 ba'i nad bral bsgom pa yin// de bas gsang ba dri ma med// yang dag 'od gsal bsgom par bya// 'od gsal zung 'jug gnas gyur na// mtshan ma sna tshogs bag la bsad// A li kA li'i phyag rgya
33b3 yis// kun tu bzang po'i rol pa 'grub// dngos med dngos la mi gnas shing// dbu ma mi dmigs ming yang med// sems kyi rgyu ba'ang med pas na// thams cad thams cad stong pa'o// de bzhin gshegs
33b4 pa thams cad kyi rang bzhin/nam mkha' che rgyas pa'i rgyud las/ zab mo'i man ngag rtsol ba dang bral bar bstan pa'i le'u ste bcu gnyis pa'o//// de nas bcom ldan 'das de bzhin gshegs pa thams
33b5 cad kyi bdag pos/bden pa gnyis so sor bstan pa'i ched du de bzhin gshegs pa thams cad la bos nas 'di skad ces bka' stsal to// don dam pa yi ngo bo nyid// tha dad du ma ma yin te// sems can
33b6 bsam pa'i dbang gis na// thabs kyi rim pa du mar 'gyur// log pa rtog pa'i bdag nyid can// byed pa po la sogs pa yi// rgyud 'dod mtha' ru 'dzin pa dang// lta ba drug cu rtsa gnyis ldan// kun rdzob yin
34a1 te don dam min// tshig tu spros bral zhes bya'o// phyi rol don du lta ba gnyis// bdag tu 'dzin pa la sogs pa// kun rdzob yin te don dam min// phung po khams dang skye mched dang// rten cing
34a2 'brel pa la sogs pa// yang dag rdzas su 'dod pa de// rdul las grub pa'i mtshan nyid dang// de las de byung chos bdag nyid// don dam pa yi rang bzhin no// gzung dang 'dzin pa rnam spangs pa'i// shes bya
34a3 nang gi 'dod pa dag/rdul nyid phyogs chas mi 'grub cing// gcig min du ma ma yin no// kun tu brtags pa'i bdag nyid ni// yang dag min te kun rdzob yin// gzhan gyi dbang gi ngo bo nyid// yongs su grub
34a4 pa zhes bya ba// don dam bden pa zhes bya'o// stong pa chen po'i rang bzhin ni// chos bdag med par mnyam nyid pas// rang sems gzod nas ma skyes pa// rang bzhin can gyi kun rdzob ste// don dam stong pa
34a5 nyid yin pas// rang bzhin rang bzhin med pa'o// bya ba dang ni gnyis ka'i rgyud// phyi rol spyod pa'i bya ba dag/ khrus dang gtsang sbra la sogs pa// kun rdzob yin te don dam min// mtshan ma dag la rten bcas
34a6 nas// mtshan ma med pa 'grub pa dang// nang gi dag par sbyor ba ni// yang dag bden pa zhes bya'o// rnal 'byor rgyud ni thams cad kun// snang la rang bzhin med pa ste// 'khor lo bdag nyid thams cad
34b1 kun// kun rdzob yin te 'gog pa yin// don dam bden pa zhes bya ba// gsang ba yin te rang bzhin med// gsang ba'i thig le kun gyi dbyings// de ni sangs rgyas kun gyi dngos// 'di ni sangs rgyas thams
34b2 cad kyi// gsang ba dam pa dri ma med// yon tan thams cad 'byung ba'i gnas// thams cad rang bzhin med pa'o// shin tu rnal 'byor chen po ni// ting nge 'dzin dang spyod pa dang// thabs kyi rim pa kun rdzob
34b3 ste// theg pa theg pa zhes bya'o// don dam stong pa nyid yin pas// rang bzhin rang bzhin med pa'o// blta dang ting 'dzin spyod par bral// lam gyi nang na nye lam ste// thabs kyi mchog tu gyur pas na// rdzogs
34b4 pa chen po zhes bya'o// phyi rol yul las log nas ni// ji bzhin pa yi yul la 'jug/ 'du shes med pa'i shes pa can// nang du 'dul ba'i rtogs med bsgom/ rtsol ba med pa'i sems dpa' yis// btsal ba
34b5 med pa'i rdo rje bsgom// de bzhin gshegs pa thams cad kyi rang bzhin/ nam mkha' che rgyas pa'i rgyud las/ bden pa gnyis so sor bstan pa'i le'u ste bcu gsum pa'o//// de nas bcom ldan 'das de
34b6 bzhin gshegs pa thams cad kyi bdag pos/shin tu rnal 'byor gyi don gsang ba bsdus pa 'di gsungs so// dngos po'i rang bzhin thams cad ni// chos kyi dbyings kyi thig le ste// de nyid bsgom pa'i thabs
35a1 su ni// me shel gzugs brnyan la sogs brtags// brtags pas dngos po med mthong ste// yang dag mthong na rnam par grol// gzugs dang sgra la sogs pa rnams// yang dag min te kun
35a2 brtags yin// shes rab thabs las thams cad byung// gang zhig dngos med shes rab ste// rang gi mtshan nyid thabs yin no// bde ba'i bsam gtan chen po yin// sgyu ma'i ro la ma chags na// de ni chags
35a3 pa chen po yin// srog dang ma byin len pa dang// rdzun dang rtsub pa'i ngag las sogs// thams cad ma lus spyad bya ste// sbyar na ye shes thob par 'gyur// sku gsung thugs su gang sgrub pas// phra mo thig le
35a4 rdzogs par bsgom/de nas grub pa mthong ma thag/ ma skyes pa yi ting 'dzin bsgom// de yang rang bzhin mtshan ma med// gnyis med gnyis su med min zhi// mi 'gyur ba dang dri ma med// nam mkha' lta bur
35a5 bdag med pa'o// de nas bcom ldan 'das de bzhin gshegs pa kun tu bzang pos/ thod rgal gyi ting nge 'dzin la snyoms par zhugs te/ ched du brjod pa 'di brjod do// rigs kyi bu gang la las shin tu rnal
35a6 'byor gyi don 'di/thos pa med pa'i tshul du thos pa dang/ mthong ba med pa'i tshul gyis mthong ba la sogs par rtogs shig/ 'di ni de bzhin gshegs pa thams cad kyi gsang ba'i don zab mo yi ge med pa'i
35b1 rgyud ces bya'o// de'i don ni bla ma'i kha nas shes par bya ste/ dngos grub kyang bla ma la gnas so// de bzhin gshegs pa thams cad kyi rang bzhin/ nam mkha' che rgyas pa'i rgyud las/ shin tu rnal 'byor gyi don
35b2 bsdus pa'i le'u ste bcu bzhi pa'o//// de nas de bzhin gshegs pa thams cad kyi bdag po la/ 'khor rnams kyis mgrin gcig tu bstod pa/ thams cad sku yi bdag po mchog/ mtshan dang dpe byad
35b3 rdzogs par ldan// shin tu rnal 'byor don 'chang ba// thams cad sku khyod phyag 'tshal lo// thams cad gsung gi bdag po mchog/ yi ge med pa'i gsung mchog ste// gsang ba zab mo'i don 'chang ba// thams
35b4 cad gsung khyod phyag 'tshal lo// thams cad thugs kyi bdag po mchog/ ye shes lnga yi bdag nyid can// rdzogs pa chen po'i don 'chang ba// thams cad thugs khyod phyag 'tshal lo// zhes brjod pas de bzhin
35b5 gshegs pa nyid mnyes par gyur te/gsang ba'i bdag po phyag na rdo rje la bos nas/ khyed kyis shin tu rnal 'byor gyi don 'di byang chub sems dpa'i rigs can gyi 'gro ba rnams la chos kyi 'khor lo skor
35b6 cig/ces gsungs pas/ phyag na rdo rjes bcom ldan 'das kyis gsungs pa bzhin du bgyi'o zhes brjod do// de nas chos kyi rgyal tshab chen por dbang bskur ro// de nas de bzhin gshegs pa thams cad kyi
36a1 bdag po 'khor dang bcas pa thams cad shin tu rnal 'byor gyi don la zhugs te/cang mismra bar gyur to// de bzhin gshegs pa thams cad kyi rang bzhin/ nam mkha' che rgyas pa'i rgyud las/
36a2 bdag po yongs su mnyes pa dang/ yongs su bzung ba'i le'u ste bco lnga pa'o//// de bzhin gshegs pa thams cad kyi rang bzhin/ nam mkha' che rgyas pa zhes bya ste/ man ngag gi snying po zhes bya ba rnal
36a3 'byor ma'i rgyud/rdzogs pa chen po'i yang rdzogs pa/ zab mo'i yang zab mo shin tu rnam 'byor gyi don mthar thug pa'i sa rdzogs so//// rgya gar gyi mkhan po dz+nyA na gar+b+ha dang/ bod kyi dge slong bai ro tsa nas
bsgyur cing gtan la phab/

CLOSE WINDOW