372a1 bar 'dir thag ring du 'gro ba nam mkha' dang mnyam pa 'dzud/ rgya gar skad du/ tsakra badzra/ bod skad du/ 'khor lo rdo rje/ bcom ldan 'das dpal kun tu bzang po la phyag
372a2 'tshal lo// yang dag gsang ba chen po yum gyi mkha' na/ snying po'i rdo rje'i 'od zer rab 'bar ro// kun tu bzang po dang/ rdo rje sems dpa' rnams kyang 'od zer 'bar ro// bcom ldan 'das gsang ba chen
372a3 po'i dkyil 'khor na/rdo rje'i dkyil 'khor shin tu dag par rol to// yang dag par rdzogs pa'i bcom ldan 'das ni/ dgyes pa chen po'i rol pa'i lhun la 'du 'bral med do// ye shes thig le'i snying po
372a4 la// sangs rgyas sems can yongs kyi med// rtog pas brtags pa las byung ba// chos so cog pa mtha' yas mchog/ rnam shes phyi nang yul rol na// lam lngas bsdus pa zag pa'i chos// brjod kyis mi langs
372a5 rtog pa'i rdul// de bzhin dbyings las bsam yas 'char// stong ba zhi ba'i rnam shes kyis// chos rnams ma lus thams cad bsdus// rtog pa'i dbang dang mthu nyid la// stong gzhi de las 'gyur ba med// kun
372a6 gyi rang bzhin lam mchog 'di// spyod yul gang du'ang btag med pas// ji ltar brtags pas grub pa kun// rtog pa'i rgyun chags zad mtha' med// ma bcos pa yi chos nyid la// tshad mas bcos pas bslad
372b1 ces bya// ye shes dbyings las ma bskyed na// bde chen 'khor lo drag tu bskor// rgyud drug 'khor ba rnams sems nyid// a yis a spyad a la rol// rdo rje zhe sdang rdo rje gcod// yi ge'i tshogs dang bral bya'i
372b2 phyir// yi ge la ni yi ge med// yi ge dang ni yi ge'i rgyu// gnyi ga yod pa ma yin te// shes rab thabs la brten pa yis// yi ge 'dod la snang bar zad// mi dpog pa yi chos mchog la// dbang bsgyur chen po'i
372b3 rdo rje rol// rdo rje'i lte bar yan pa ste// 'brel te gcig tu gyur pa ni// kA li'i snying por gyur pa de// yi ge med pa'i yi ge yin// shes pa shes bzhin ma 'khyams par// rang gi ngo bor gnas pa ni// rang rig
372b4 ye shes zhes brjod do// shes kun der 'khyil phur pa dam// drang po de ni byang chub sems// rdo rje khraus pas lnga gnyis btul// yi ge'i snying po nyid du gsal// zhe sdang gsal ba'i rdo rje yis// rdo rje khrag 'thung
372b5 rnal 'byor spyad// ye shes gti mug yi ger dag/ gti mug 'khor lo dag pa'i klong// snying po rdo rje rtsan pa'i gnas// dur khrod chen po brdal ba ni// ye shes rol mo gzigs shing dpyod// ye shes chen po khros
372b6 pa yis// dgyes pa'i rol mo dbyings nyid rol// rnam pa nyid du mi gnas pa// chos su bzung ba gang yang med// shes pa'i gti mug sna tshogs pa// mi shes rdo rje shes pa ni// sbyin pa rgya chen shes rab
373a1 gter// ye rgyas btab pa'i phyag rgya yin// rnam sems rtog dpyod bral ba ni// byang chub snying po thig le yin// gal te 'dod pas ma btang na// rten med rang byung ye shes bsam// de ni 'dzin
373a2 pa'i nad yod pas// bsam las 'das pa'i shes rab bskyed// shes rab drang po'i don nyid la// ye shes mchog gi thig btab pa// sna tshogs dkyil 'khor 'khor lo ldan// 'byung 'jug dkyil 'khor zad mi
373a3 shes// rnam sems dben par dben gnas na// sems su 'du shes gang yang med// de nyid rang byung ye shes nyid// btsal bas rnyed par mi 'gyur te// ma btsal pa na ye shes nyid// sems mi shes la rtag tu
373a4 gnas// thams cad ma lus chos so cog/ rang byung ye shes nyid las med// ye shes de las gzhan pa'i chos// ye shes nyid kyis mi rnyed do// gal te mthong chos sna tshogs pa// rtog pa'i rgyun gyis mthong bar
373a5 zad// ci ste mthong ba bden gyur na// sangs rgyas rgyun 'byung 'byung mi srid// khams gsum ye sangs rgyas pa la// stong pas stong pa'i sbyin pa gtong// ye shes chen po'i sbyin pa gtong// ye shes chen po'i thig
373a6 le la// chos kyi dbyings kyis brgyan pa yin// 'dud byed med pa'i dkyil 'khor ni// shin tu ye shes rngam pa'i zhal// mi rtog pa las byung ba'i gsung// gsung gi 'brug ni kun tu grags// bltas pas sreg pa
373b1 rdo rje'i spyan// ye shes chen po spyan gdangs pas// gsang ba rgya mtsho'i rdo rje'i sku// mdangs ldan ma yis spyan khengs pa// drang po ma chags rdo rje'i sa// ye shes spyan de pad+ma can// yi ge phreng tshogs 'od zer
373b2 tshul// gsang ba mchog gi rol mo yis// zag med ye shes choms gyur pa// thams cad byang chub snying po'i sku// kun tu bzang po rdo rje'i sa// rdo rje ming gi tshogs bcom nas// a la sogs pa'i tshogs zad
373b3 pa// seng ge lta bu'i chos chen po// chung ngu sna tshogs nyid la rdzogs// nyid las chos su ma gyur pa// gsang mchog rmad byung snang ba med// snang med snang ba dngos yin pas// snang dang mi snang mi dmigs
373b4 na// thams cad byang chub phur bas btab// 'khor lo rdo rje las/ ngo bo'i nges par bstan pa'i gleng gzhi'i le'u ste dang po'o//// de nas rdo rje shin tu brtan pa'i chos// 'dod chags rdo rje'i ting nge 'dzin la
373b5 snyoms par zhugs nas// nyid la nyid kyi ngo mtshar ba bka' stsa lapa/ e ma 'o// rdo rje dngos grub rdo rje'i las// spyod la gyur pa med bzhin du// bdag dang gzhan du rtog pa las// nyes dmigs la sogs sna
373b6 tshogs 'byung// khams gsum 'khor lo chu 'bab bzhin// rgyun chags nyid du 'bab par 'gyur// byang chub snying po rdo rje las// bag chags 'khor lo'i rtog pas 'khrul// sna tshogs pa yi chos rnams
374a1 dang// sangs rgyas sems can so sor 'dzin// rnam rtog mdud pas bsdams pa las// yang dag dbyings las g.yos pa med// ma g.yos pa las byung rnams kyang// bcom ldan 'das kyi 'od kyi
374a2 tshul// 'khor lo rdo rje bsdus pa yang// rang byung ye shes thig le'i ngang// ye shes gti mug mi 'byed pa// chos kyi dbyings su ga la mthong// ming du btags pa 'khrul pas na// de bzhin nyid la gnyis pa
374a3 yin// sngon du sangs rgyas byung med pas// sangs rgyas sna tshogs 'khrul pa'i sgra// chos kyi snying po gsung du med// de phyir brjod du rdul tsam med// gsang mchog dgyes pa zhes bya ba// rdo rje rtsen pa de la
374a4 brjod// sku gsung thugs dang mnyam pa nyid// 'dzin pa'i dbang las phyag rgya min// chos kyi dbyings kyi phyag rgya ni// ma brtags lhun gyis grub par gnas// lam rgan bya bral byar med lam// rtsa ba med pa'i
374a5 snying po'o// ma byung mi skye'i snying po la// ming gis brgyan pa sgro skur yin// tshig tu brjod pa rnam sems dbang// rnam sems sgyu mas bzung ba'i chos// ye shes sgyu mas bsgyur shes nas// sgyu ma smig rgyu'i dran
374a6 dbang ni// dmigs bya dmigs par dran dbang bsgyur// thabs kyi rgyal po sgyu ma'i stong// shes pa gang yang mi 'byung zhing// snang ba gang yang ma mthong ba// de bzhin bde ba chen po'i sa// ye shes dbyings la mi
374b1 brtson pa// dran med ye shes klung gnas pa// mnyam dang mi mnyam don las 'das// pha rol phyin pa bcu yi mtsho// zab mo zab pas brgyan par ni// shes pa snying por thim pas na// ye shes snying po yin pa'i
374b2 phyir// yon tan ci yang bsngag pa med// stobs chen stobs kyi dbang bsgyur la// stobs bral stobs mchog 'di ldan par// yang dag mkhyen pas stobs po che// mi 'dzin stong pas sdug bsngal dag/ chos sku
374b3 bde ba chen po yang// bsag pa med na rang byung sku// pad+ma dag pas snang ba med// mi snang ba yi don de la// bsgom pa med na bsgom pa yin// shes pa gang la mi 'jug pa// ye shes snying po'i thig le
374b4 yin// rgyal ba kun gyi gshegs shul bde// byang chub nyid kyang mi snang bas// byang chub nyid kyang mthong ba min/ chos las rgyu yi chos gnas pa// 'bras bu'i rgyu dang rgyu yi rgyud// med dang yod pa gnyis kar
374b5 'brel// de la mnyam dang mi mnyam mnyam// bshad pas thos med bya bral chos// yang dag chos las byung ba med// 'khrul pa'i sangs rgyas chos kyis byed// byas pa'i gnas dang bya ma yin// 'byor 'dus med
374b6 pa sa yi sa// snying po'i don la mnyam pa'o// 'dod chags nyid la 'dod chags kyi// mtshan ma ci yang ma thob cing// 'dod chags nyid kyi chos mthong ba// sdug bsngal nyid la sdug bsngal gyis// mtshan ma rdul
375a1 tsam ma mthong zhing// sdug bsngal nyid kyi chos mthong ba// byang chub mchog chen kun gyi gzhi// thig le tsam min nye bar bshad// sems ni lam gyi ngo bo nyid// sems ni ngo bo nyid med
375a2 pa// bsam gyis mi khyab mtha' yas chos// ngo bo med phyir yod ma yin// rkyen las skyes phyir med ma yin// sems kyi rtog pa skyai med cing// rtog pa de nyid sems nyid 'dra// chos rnams kun gyi snying po ni// rtsa
375a3 ba med pa'i rtsa ba yin// kha dog ma nges 'ja' tshon 'dra// che chung rim pa de bzhin pa// chos zhes btags pa chos kyi chos// chos kyi chos dang khrims kyi chos// bslab pa med pa'i chos bslab phyir// chos med
375a4 pas na chos zhes bya// rnam grangs dag ni phrag yas chos// sgyu ma'i sgyu yis bsgyur shes pa// mi skye sgyu ma sgyu bral na// 'das pa med pa'i mya ngan 'das// byang chub nam mkha' mi skye bas// nam mkha'i byang chub rtsa
375a5 ba bcad// dpa' bo yis ni dpa' bo bsgral// rang byung ye shes gcig pu pa// chos rnams phyi mo med pa ni// sems can rnams kyi ngo bo nyid// rnam par dag bya med pas ni// ye shes snying po bde gnas te// mi
375a6 g.yo rnam par mi byams pa// chos rnams kun gyi phyi mor gsungs// thams cad bden med rgyur shes na// byang chub sems la a yis brgyan// ya mtshan che ba'i lhag pa'i chos// blo ru byung tsam mthong
375b1 ba'o// sman nyid 'chi med byang chub tu// phyogs su 'khyams pa rdo rjer 'brel// phyogs kyi 'brel pa med pa ni// skye ba mi skye skye bas skye// sa ma ya na a dang ta'o// blun po'i ye shes gti mug dang// stong pa'i
375b2 sems nyid skye med cing// sems nyid stong pa skye med pa// byang chub rdo rje sangs rgyas te// ye shes thig le drang po'i lam// blang bya lha mo 'khril ma'i sgra// len pa za byed rdo rje'i dri// khrag 'thung rdo rjes dus
375b3 med rngub// zin pa brtan pas yab yum 'khril// don chen rgyal bar gyur pa na// rdo rje rgyal po lha mor rol// rdo rje rtsen pa bde ba'i rgya// de bzhin nyid kyi ngang la rol// kun tu bzang po rang byung
375b4 dbyings// thig le gcig pas bslad pa med// shes rab yul med shes rab sku// rdo rje dri ro sgra med sgra// rang byung rdo rje dbyig gi lha// dam pas ming dang mtshan ma med// mya ngan 'das pa zag nyid pa// sems
375b5 kyi dmigs pa bsdus ma yin// yang dag nyid kyang mi mnga' bas// ngag gi bshad pa rdul tsam med// g.yos te mtshan ma byung ba na// mtshan ma'i rgyu las ming btags te// dngos po nyid dang 'brel ba'i
375b6 phyir// ming dang mtshan ma zhes su bshad// rnam par rtog pas lan chags nas// sgyu ma mi bden bslu ba'i lam// ming dang mtshan ma gang yang ni// med par rtogs pa de kho na// yang dag dag pa'i ye shes yin//
376a1 gzugs sgra dri ro rdul sna tshogs// rang gi sems nyid las snang bar// tshor zhing shes na mi bden pa'i// 'du shes 'du shes mi skye'o// mi bden 'du shes ma skyes na// de nyid de bzhin gshegs
376a2 pa'i mdzod// ngo bo nyid kyi chos nyid la// yang dag nyid kyang skye med cing// ming dang mtshan ma ma skyes pa// de nyid de bzhin nyid ces gsungs// skye med yang dag nyid mkhyen nas// mi bden pa yi chos sna
376a3 tshogs// ming dang mtshan ma tshigs bcad dang// bral ba yang dag ye shes snod// don dam pa yi bden pa nyid// rnam par shes pa mi g.yo zhing// sems kyi rgyun gyis skye ba med// ye shes dbyings kyi zag pa
376a4 chad// rdo rje phur pa mi 'gul na// theg pa chen po kun gyi rgyu// mi bden pa na mtshan sna tshogs// mi bden chos rnams skye med na// mtshan ma'i tshogs dang 'brel pa bas// mi bden rgyun ni bcad du
376a5 med// sems la sems ni med mkhyen na// sems zhes bya bar gcad du med// de ni rang byung ye shes nyid// rnam shes yul la mi skye ba// rnam par rtog pa med pa ste// chos kyi mig ni pad+ma'i spyan// sems la
376a6 sems med par shes shing// chos la chos med par shes te// ming dang gzugs sgra chos tshogs pa// de bzhin gshegs pa sangs rgyas spyod// rdo rje nga rgyal thig le'i 'dor// zab mo yangs pa chos kyi
376b1 dbyings// skye med mi skye cir mi dgongs// tshig tu brjod pa rdul las 'das// byang chub nyid ni de byang chub// ye sangs rgyas pa'i de bzhin no// sems zhes bya ba gzugs med la// shes pa yod pa nyid yin
376b2 te// sems la shes pa yod pa yin// chos la gzugs ni med pa ste// shes pa mi shes med par gsungs// byang chub thig le nyid med 'brel// rang rig ye shes nyid dbyings ni// yin dang ma yin mi rtog
376b3 pas// thams cad ye shes snying po nyid// sdig tu mthong ba med pas na// thams cad bsad pa byang chub sku// thams cad chos ni mi skye zhing// thams cad gang la'ang mi skye zhing// gang la'ang mi 'gog mi btsal
376b4 te// ci byed g.yo bar ma mthong na// spyod pa spyad pa yongs mi dgos// ci spyad pa ni byang chub nyid// sangs rgyas thig le yangs pa'i spyan// byang chub kyi sems 'khor lo rdo rje las/ sgo sna tshogs gleng gzhi'i le'u
376b5 ste gnyis pa'o//// de nas bcom ldan 'das rdo rje kun tu bzang pos// shin tu rngam pa'i tshig gsang ba// mi 'byung mi 'jug pa yi sems// rdo rje khrag 'thung rngams pa'i zhal// yang dag pa yi chos lam
376b6 drangs// pho mo khyim pa la sogs dang// pha rol phyin bcu mi 'byed pa// tshul khrims med pa'i tshul khrims mchog/ nam mkha' stong pa sems yod na// chos rnams skye 'gag med pa yin// byang chub nyid kyang skye
377a1 med pas// byang chub nyid las gzhan yod min// mya ngan 'das dang 'phags pa dang// sangs rgyas byang chub sems dpa' gang// ming btags don du 'dod pa ni// skur btab sangs rgyas mthong
377a2 mi srid// yang dag brtan pa drangs gyur na// rmi lam rmi ba sad 'dra ste// dngos po'i chos ni ci mthong ba// mthong ba nyid ni rmi lam tshul// sems can de bzhin yin pa las// srog gcod pa yis sdig
377a3 pa thob// ma mthong rmi lam lta bu dang// gal te mthong ba bsad pa med// yang dag nyid la rdul med na// yang dag nyid las yang dag med// mi yi phyi mo sems nyid de// rdul ma langs na grol ba'i
377a4 lam// sems can sangs rgyas de la med// mnyam dang mi mnyam mnyam mi 'dzin// grol dang ma grol ye nas grol// rtsol bsgrub gnyer bas de mi mthong// ci yang mi dgos spyad byas na// bdag dang gzhan
377a5 med 'bras bu thob// ngo bo nyid kyi gzhi rtogs na// ma nor pa yi lam na gnas// mthong thos dag pa zhi ba'i chos// bsgom pa med na bsgom pa yin// de bzhin nyid kyi dbyings nyid la// ma btsal bzhag pa
377a6 bsgom pa yin// de la de bzhin nyid 'dzin na// de la de bzhin nyid mi gnas// bde ba chen po'i chos dbyings ni// mthong bar rung ba ma yin zhing// mi mthong par yang rung ma yin// de bzhin nyid du sems
377b1 byed pa// rang byung nyid las g.yo ba yin// 'dzin pa g.yos pa min pa na// phal pa'i rnam shes dag dang mtshungs// byang chub nam mkha' yod ma yin// stong pa nyid kyi ye shes kyis// dngos po mthong ba yod mod
377b2 kyi// dngos po yang dag ma yin par// stong pa nyid du stong par shes// ye shes sangs rgyas de la med// ming tsam 'dzin pa'i stobs bral na// shes rab gang du'ang mi 'gro ba// de ni byang chub snying po nyid// log
377b3 pa'i stobs kyis g.yeng ba che// rtog pa'i dbang gis 'byung ba las// chags pa'i stobs bral thig le'i sku// bde ba chen po g.yos pa med// rdo rje khrag 'thung rol pa'i sku// rdo rje byang chub dbang phyug
377b4 mar// sbyar te dgyes pa'i lhun mnyam pa// rdo rje kun tu 'od kyi sa// de yang 'dzin pa'i skyon yin par// rig pa'i byin rlabs chen po 'byang// rdo rje byed pa po yid kyis// yang dag pa yi sems shes na// g.yo
377b5 dang mi g.yo mi 'byung zhing// thob dang ma thob mi mthong ngo// de tshe mtshams med la sogs dang// nyan thos bsad dang chos la skur// sangs rgyas kun kyang bsad pa dang// dge slong bsam gtan bshig cing
377b6 dkrugs// byang chub snying po nyid du 'gyur// che ba'i ye shes nyams pa med// blo gros snying po rdo rje'i blo// stong pa nyid du dben 'dzin de// stong pa'i stong pa skye bas na// 'dzin pa'i lcags kyus zin pa de// stong
378a1 pa'i stong pas bcings pa'o// ye shes chen po'i rlung g.yos na// chos rnams mi mnyam so so'i rlung// yang dag nyid du mi 'gyur bas// 'gro ba grol bar yongs mi 'gyur// yul la rnam par mi skye
378a2 ba// mi skye ba yi skye ba ste// mi skye bas ni mi 'grol ba'o// chos rnams yod pa ma yin te// yod pa las ni med gyur na// med las yod par gyur pa ni// yod pas med pa bcings pa'o// rang byung byang chub snying
378a3 po ni// yod med grol dang ma grol med// ye nas dag pas sbyang mi dgos// nam mkha' nyid dang ma 'brel bas// chos dbyings nam mkha' ma bcings te// ming la mi gnas cang mi skye// skye dang mi skye las grol
378a4 bas// 'byung ba chen po bcom ldan 'das// byams pa'i thig le snying brtser bzhag/ dngos med mi rtog mthong ba ni// mthong bas mthong ba skye bas na// dngas dang mi rtog dngos dang rtog/ bya bral chos ni ma
378a5 yin pas// grol ba rang byung gzhan ma yin// grol ba'i grol ba yang mi grol// byang chub kyi sems 'khor lo rdo rje las/ rnam grangs nges pa'i le'u ste gsum pa'o//// de nas bcom ldan 'das kun tu
378a6 bzang pos/nyid kyi che ba'i yon tan la ngo mtshar ba nyid la brjod de// drang po dben pa rdo rje'i lam// mi tshor mi shes gti mug sems// tshig tu smra bas lan mi dran// ma 'jal smras na g.yos pa yin// phyi nang
378b1 yul dang ma 'jal na// sku gsung rdzogs pa rdo rje'i sku// drang srong rnams kyi rtsen pa'i sa// cis kyang ma bcings grol ba'i lam// byang chub sems su chos rnams mnyam// mnyam pas rim pa bcing pa
378b2 med// bdag dang gzhan du mi 'byed pas// lan btab gzhan la yod par 'gyur// drang srong sems ni spyod yul gzung// smra na bcings shing chags pa ste// smrar med smras pas bcing med pa// rgyal ba'i rgyal
378b3 ba rgyal ba'i gtso// chos ma shes dang bya ba dang// mthong bya brtan bya med pas na// lan btab pa na chos nyams te// shes pa mthong bar yod par 'gyur// yang dag yang dag yin pas na// smras na yang dag
378b4 nyid ma yin// rgyu la 'bras bu'i rten byed pa// 'khrul pa byis pa rnams kyi las// stong pa mthar gtugs rgyu yi chos// stong par zhi ba zhi bas bcings// tshor ba yang dag ma tshor ba// zhi ba'i chos la zhi bya
378b5 med// yang dag nyid dang 'brel bya dgos// dngos po rnam pa mthong na yang// rnam pa cir yang mi dmigs na// dngos po dngos med bsgom pa'o// de ma thag tu de tshor na// de las yang dag nam mkha'
378b6 'byung// dgongs pa mchog du gyur pa'o// zin pa'i lta bas mi blta na// lta ba thal bar 'gyur ba ste// lta ba'i 'du shes zad pas na// byang chub mchog tu lta ba'o// sems la bstod pas pham rgyal
379a1 dang// gzugs sgra dngos yod bltar rung na// bstod dang smad pa'i bden med pas// bsgom bya'i gza' gtad dang bral ba// drang srong grol ba'i shul lam ste// rnal 'byor pa ni rtag tu
379a2 bsten// byang chub snying po mi len cing// byang chub sangs rgyas mi 'tshol na// mi len pas na mnyam pa nyid// ma bsgrubs par ni rang bzhin grub// chos rnams gang yang mi 'dzin cing// shes pas gang yang mi
379a3 shes pa// mi rtog ye shes phur bu ni// mi 'gyur 'od gsal mkha' na dam// de tshe phur pa bsgul mi bya// drang po yis ni las rlung bsad// sangs rgyas thams cad de la gnas// byang chub kyi sems 'khor lo rdo
379a4 rje las/gsang ba man ngag gi le'u ste bzhi pa'o//// 'khor lo rdo rje zhes bya ba'i rgyud// rgya gar gyi pan+Di ta dz+nyA na gar+b+ha dang/ bod kyi dge slong bai ro tsa nas bsgyur zhing zhus te gtan la phab pa rdzogs
379a5 so// phyis skad gsar bcad kyis kyang lots+tsha bas bcos so////


CLOSE WINDOW