349a1 rgya gar skad du/ a ti b+hed nirma Na kuny+tsi kA nA ma/ bod skad du/ yang 'byed 'phrul gyi lde'u mig ces bya ba/ bcom ldan 'das dpal kun tu bzang po la phyag 'tshal lo// de nas gsang ba'i bdag po
349a2 de/chos kyi dbyings kyi pho brang mkha' klong dag pa/ rgya yongs su ma chad pa na/ 'byed pa med pa'i 'khor gyis bskor/ byang chub sems kyi don rnam par 'grel zhing dus gsum ci bzhin par bzhugs so// de
349a3 nas sems dpa' rdo rje 'khor gyi nang nas langs te/'di skad ces gsol to// kye kye gsang ba'i bdag po lags// bde bar gshegs pa'i snying po 'dis// 'gro ba kun la khyab ces pa// 'gro kun ma grol ji
349a4 ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ bde bar gshegs pa'i snying po yis// 'gro ba kun la khyab mod kyang// rang
349a5 rang bag chags sgrib pas bsgribs// skyes bu'i lus dang byad 'grogs 'dra mod kyang// rang gi byad ma mthong bzhin du// snying po rang la yod mod kyang// rang gi rnam par rtog pas bsgribs// de yi khams
349a6 gsum 'khor bar 'khor// kye sems dpa' chen po nyon cig/ nges pa'i gsang mdzod chen po na// mi zad rin chen gter yod kyang// ma rig tha ram sngon po dam// de 'byed 'phrul gyi lde mig stor// ye shes
349b1 'phrul gyi bzo bo yis// dang po lcags btsal mgar ba bkug/ bar du gyong btul 'thar yang byas// lnga gnyis gsum dang bcas pa yis// man ngag lus tshad lde mig gis// nges pa'i gsang sgo phye nas
349b2 ni// mi zad rin chen gter chen len// thob med 'bras bur rang la smin/ zhes gsungs so// yang 'byed 'phrul gyi lde mig las// gleng gzhi dang gleng slong ba'i le'u ste dang po'o//// de nas sems dpa'
349b3 rdo rjes bcom ldan 'das la 'di skad ces gsol to// kye kye gsang ba'i bdag po lags// chos nyid byang chub sems kyi don// ma bshad go bar mi 'gyur na// de yi bshad lugs ci ltar lags// gsang ba'i
349b4 bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ khyung chen gshog rdzogs lta bu'i blos// don gyi spyi khog phub ste bshad// stag gi mchongs stabs lta bu'i
349b5 blos// dkyus kyi sa rnams bcad ste bshad// rus sbal nur 'gros lta bu'i blos// yi ge'i 'bru rnams choms par bshad// ces gsungs so// yang gsol pa/ kye kye gsang ba'i bdag po lags// don gyi spyi
349b6 khog ci ltar dbub// gsang ba'i bdag pos bstan du gsol// gsang ba'i bdag pos gsungs pa// don gyi spyi khog dbub pa ni// sngon du 'gro ba'i yan lag gis// chos gtam rim par dbugs dbyung
350a1 'tshal// dgongs pa nye bar bzhag nas ni// bstan pa rim par dgod kyang 'tshal// 'dod pa rang rkyen 'tshams pa ru// rang snang ngo bo'i chos bstan dgos// byin rlabs snang ba mi nub
350a2 phyir// theg pa'i babs tshul bstan yang dgos// lo rgyus yid ches bya ba'i phyir// bka' dang bstan bcos khungs bstan dgos// zhes gsungs so// yang gsol pa/ kye kye gsang ba'i bdag po lags// dkyus
350a3 kyi sa rnams ci ltar bcad// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ lnga gnyis gsum gyi yan lag gis// dkyus kyi sa rnams bcad de
350a4 bshad// ces gsungs so// yang gsol pa/ kye kye gsang ba'i bdag po lags// yi ge'i 'bru rnams ci ltar gzhom// gsang ba'i bdag pos bstan du gsol/ kye kye sems dpa' chen po nyon cig/ gong gi
350a5 shugs dang 'og gi shugs// rgyal ba'i lung dang don sbyar nas// yi ge'i 'bru ni choms par bshad// ces gsungs so// yang 'byed 'phrul gyi lde mig las/ byang chub kyi sems bshad thabs kyi le'u ste gnyis
350a6 pa'o//// yang gsol pa/ kye kye gsang ba'i bdag po lags// theg pa'i 'jug sgo gang dang gang// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po
350b1 nyon cig/nyan thos bden bzhi'i sgo nas 'jug/ rang rgyal rten 'brel sgo nas 'jug/ mdo sde bden gnyis sgo nas 'jug/ kri ya dag gsum sgo nas 'jug/ u pa ya la nges pa med// yo ga dag gi 'jug sgo
350b2 ni// mngon par byang chub lnga sgo nas// ma hA yo ga'i 'jug sgo ni// ting 'dzin rnam gsum sgo nas 'jug/ rdzogs pa a nu yo ga ni// dbyings dang ye shes sgo nas 'jug/ rdzogs chen a ti yo ga ni// dmigs
350b3 med dag pa'i sgo nas 'jug/ces gsungs so// yang gsol pa/ kye kye gsang ba'i bdag po lags// theg pa'i bsrung mtshams gang dang gang// gsang ba'i bdag pos bstan du gsol// gsang ba'i bdag
350b4 pos gsungs pa/kye sems dpa' chen po nyon cig/ nyan thos rang rgyal bsrung mtshams ni// nyis brgya lnga bcu'i 'dul khrims yin// theg chen mdo sde'i bsrung mtshams ni// rtsa ba'i sdom pa nyi shu bsrung// bya
350b5 ba'i rgyud kyi bsrung mtshams ni// rtsa ba dang ni yan lag bsrung// de yang ci ltar bsrung zhe na// dkon mchog gsum dang byang chub sems// sngags dang phyag rgya mi spang zhing// rdo rje dril bu spang mi bya// lha dang bla
350b6 ma de bzhin no// de ni yan lag dam tshig yin// rtsa ba'i dam tshig lnga po ni// khri la nyal bar mi bya zhing// sha mi bza' zhing chang mi btung// sgog pa la phug bza' mi bya// rnal 'byor rgyud kyi bsrung mtshams
351a1 ni// gong gi bsrung mtshams steng du ni// lung gcig chu la mi btung zhing// nyams dang kha mi bsre ba bsrung// rnal 'byor chen po'i bsrung mtshams ni// rtsa ba'i dam tshig gsum po dang// yan
351a2 lag nyi shu rtsa lnga bsrung// yan lag dam tshig bstan pa ni// spang dang mi spang dang du blang// shes dang bsgrub par bya ba'o// a nu yo ga'i bsrung mtshams ni// dbyings las mi 'da' dam tshig bsrung// a ti yo
351a3 ga'i dam tshig ni// med pa dang ni phyal pa dang// gcig bu dang ni lhun gyis grub// de yi don las 'da' mi bya// zhes gsungs so// yang gsol pa/ kye kye gsang ba'i bdag po lags// theg pa'i bgrod lam
351a4 ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ theg pa'i bgrod lam bstanapa ni// spang 'geg sbyang dang bsgyur ba'i
351a5 lam// shes par byed pa'i lam dang lnga// zhes gsungs so// yang gsol pa/ kye kye gsang ba'i bdag po lags// theg pa rnams kyi blta ba gang// gsang ba'i bdag pos bstan du gsol// gsang ba'i
351a6 bdag pos gsungs pa/kye sems dpa' chen po nyon cig/ nyan thos theg pa'i lta ba ni// chos la bdag med ma rtogs te// don dam phra rab rdul phran cha// kun rdzob g.yag rnga ne'u sing tshul// sde pa gnyis kyi
351b1 'dod gzhung yin// gang zag la ni bdag med rtogs// phyi nang gzung 'dzin gnyis su 'dod// rang rgyal 'dzin pa'i sems su 'dod// sems tsam lta ba gnyis yod de// sems tsam rnam bcas lta ba ni// phyi
351b2 rol dkar dmar la sogs pa// dbang po'i yul du snang ba kun// sems las logs gcig ma yin zhing// shes pa'i bdag nyid bden par 'dod// rnam med dag pa'i lta ba ni// rnam par shes dang mgo
351b3 mnyam du// yang dag yod pa ma yin te// shes pa bden te rnam pa rdzun par 'dod// dbu ma'i lta ba mi mthun te// la la bden pa gnyis su 'dod// la la rang rig 'od gsal 'dod// la la dag gi blta ba
351b4 ni// chos nyid stong pa nam mkhar 'dod// la la rab tu mi gnas par// sems dang sems las byung ba'i chos// ye shes rgyun chad lta bar 'dod// gsang sngags thun mong lta ba ni// don dam skye 'gag med
351b5 par mthun// cung zad kun rdzob mi mthun te// dam tshig ye shes sems dpa' gnyis// la la rje dang bran gyi tshul// la la dpon dang g.yog gi tshul// la la spun dang grogs kyi tshul// bskyed pa ma hA yo ga
351b6 ni// ye shes dam tshig tshul mi 'dzin// rang rgyud dag pa'i lha ru 'dod// rdzogs pa a nu yo ga ni// ma bskyed rdzogs pa'i lha ru 'dod// rdzogs pa chen po a ti yo ga ni// kun bral ci ma spangs pa dang// rgya chad
352a1 phyogs lhung med pa dang// lhun grub yongs su rdzogs par 'dod// ces gsungs so// yang gsol pa/ kye kye gsang ba'i bdag po lags// sa dang sa yi rim pa gang// gsang ba'i bdag pos
352a2 bstan du gsol// gsang ba'i bdag pos gsungs pa// kye sems dpa' chen po nyon cig/ mtshan nyid sde gsum sa bstan pa// brgyad dang bcu rnams sbyangs nas ni// bcu gcig kun tu 'od kyi sa// thun mong
352a3 sngags kyi sa bstan pa// ma chags pad+ma can gyi sa// rdzogs pa chen po'i sa bstan pa// rang bzhin lhun grub mngon du snang// de nyid mngon du gyur pa'i sa// 'khor lo tshogs chen sa ru 'dod// ces gsungs
352a4 so// yang gsol pa/ kye kye gsang ba'i bdag po lags// theg pa rim par phye ba yi// 'bras bu thob tshul ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye
352a5 sems dpa' chen po nyon cig/la la dgra bcom 'bras bu yin// zung bzhi ya brgyad go 'phang thob// la la bse ru lta bu ste// la la sku gsum ye shes bzhi// thun mong sngags kyi 'bras bu ni// thun mong phyag
352a6 rgya'i rig 'dzin thob// rdzogs chen a ti'i 'bras bu ni// gdod nas snying po byang chub tu// thob med 'bras bu rang la smin// zhes gsungs so// yang 'byed 'phrul gyi lde mig las/ sgo mo kun nas bsdus pa'i
352b1 yan lag bstan pa'i le'u ste gsum pa'o//// yang gsol pa/ kye kye gsang ba'i bdag po lags// dam tshig ces bya ci ltar lags// bsrung ba'i thabs ni ci ltar lags// nyams pa'i gso thabs ci ltar
352b2 lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dam tshig dam tshig ces bgyi ba// rang rang rtogs pa'i lta ba ste// de las 'das na
352b3 'tshig par 'gyur// sa steng ko bas g.yogs 'dod na// de nyid g.yogs par ga nas langs// rkang mthil gang gi ko ba yis// sa steng g.yogs dang ci ma 'dra// sdom dang dam tshig bsrung mtshams
352b4 kun// thams cad bsrung bar ga nas langs// ci bzhin pa yi chos nyid la// ma bcos pa yi blo bzhag ste// de yi ngang la ma yengs na// dam tshig thams cad bsrung ba yin// nyams kyi chad pa byung ba la// gso
352b5 ba'i thabs su de nyid che// dman pa'i theg pa thams cad kyis// bsrung du med la bsrungs pas nyams// mnyam rdzogs a ti yo ga la// nyams dang ma nyams gnyis med pas// ma yengs gsal ba'i ngang du
352b6 brdal// zhes gsungs so// yang 'byed 'phrul gyi lde mig las/ dam tshig 'phrul gyi yan lag bstan pa'i le'u ste bzhi pa'o//// yang gsol pa/ kye kye gsang ba'i bdag po lags// brda mthun don gyi
353a1 khyad par ci// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ye shes sna tshogs lus can dang// 'khrul pa sna tshogs lus can
353a2 gnyis// sna tshogs lus su 'dra mod kyang// mi mthun khyad par shin tu che// ye shes sgyu mar snang ba'i sangs rgyas dang// log rtog sgyu mar snang ba'i sems can gnyis// sgyu ma tsam du ming du 'dra mod kyang// mi
353a3 mthun khyad par shin tu che// 'gro drug lus dang bag chags ngan 'khrul dang// sngags lam sku dang ye shes bzang 'khrul gnyis// 'khrul pa tsam gyi ming du 'dra mod kyang// mi mthun khyad par shin tu che// bzang
353a4 rtog ngan rtog log rtog gsum// ngo bo nyid kyi rtog pa bzhi// rtog pas bsdus par 'dra mod kyang// mi mthun khyad par shin tu che// rdzogs chen shugs 'byung spyod pa dang// theg dman byas pa'i spyod pa
353a5 gnyis// spyod pa tsam du 'dra mod kyang// mi mthun khyad par shin tu che// rdzogs chen rang byung ye shes dang// theg dman gnas 'gyur ye shes gnyis// ye shes tsam du 'dra mod kyang// mi mthun khyad par shin
353a6 tu che// rdzogs chen lhun grub 'bras bu dang// theg dman tshogs bsags 'bras bu gnyis// 'bras bu tsam gyis 'dra mod kyang// bra sran 'bras kyi dpe bzhin nam// ro nye dang ni gser sku bzhin// sku gzugs
353b1 tsam du 'dra mod kyang// mi mthun khyad par shin tu che// ngos bzung tsam gyi lta ba dang// ngos gzung med pa'i lta ba gnyis// lta ba tsam du 'dra mod kyang// mi mthun khyad par shin tu che// phyogs mtshams 'dzin
353b2 pa'i snying rje dang// phyogs ris med pa'i snying rje gnyis// snying rje tsam du 'dra mod kyang// mi mthun khyad par shin tu che// zhes gsungs so// yang 'byed 'phrul gyi lde mig las/ brda mthun don 'phags kyi yan
353b3 lag bstan pa'i le'u ste lnga pa'o//// yang gsol pa/ kye kye gsang ba'i bdag po lags// sangs rgyas sems can gzigs mi gzigs// 'gro don ched du mdzad mi mdzad// gsang ba'i bdag pos bstan
353b4 du gsol// gsang ba'i bdag pos gsungs pa/ kye sems dpa' chen po nyon cig/ sangs rgyas sems can so so ru// ye shes chen pos yongs mi gzigs// des na snying rje cir mi mdzad// chos sku mngon du
353b5 gyur tsam na// gzugs sku rnam gnyis shugs byung nas// grol nas grol ba'i lam yang ston// zhes gsungs so// yang gsol pa/ kye kye gsang ba'i bdag po lags// sangs rgyas sems can mi gzigs
353b6 na// kun tu bde gshegs skal bzang gis// 'gro rnams sna tshogs sna tshogs la// sprul pa sna tshogs sna tshogs pas// 'dul ba sna tshogs ci ltar lags// gsang ba'i bdag pos bstan du gsol// gsang ba'i
354a1 bdag pos gsungs pa/kye sems dpa' chen po nyon cig/ kun tu bde gshegs skal bzang gis// 'gro ba sna tshogs 'du ba yang// sna tshogs 'gro rnams rang rang gi// las 'phro'i dbang gis
354a2 snang bar zad// bde gshegs rgyal ba thams cad kyis// dngos po rdul yang mi gzigs pas// ched du rnam par mi sprul yang// sems can lta spyod tha dad pas// bde gshegs sku yang snang mtha' yas// des
354a3 na gdul bya sna tshogs dang// bde gshegs sgyu 'phrul sna tshogs kyang// 'khrul pa'i dbang gis snang bar mdzad// ces gsungs so// yang gsol pa/ kye kye gsang ba'i bdag po lags// theg pa thun mong 'bras
354a4 bu dang// rdzogs pa chen po'i 'bras bu la// don la khyad par yod dam med// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ theg pa thun
354a5 mong sangs rgyas dang// rdzogs chen 'bras bu'i sangs rgyas gnyis// thun mong mchog gi dngos grub ste// mi mthun khyad par shin tu che// thun mong bsti gnas sa la gnas// rdzogs chen lhun grub sa la
354a6 gnas// zhes gsungs so// yang gsol pa/ kye kye gsang ba'i bdag po lags// dus gsum sangs rgyas gcig mi gcig/ gsang ba'i bdag pos bstan du gsol// gsang ba'i bdag pos gsungs pa/ kye
354b1 sems dpa' chen po nyon cig/dper na gzugs rnams sna tshogs kyang// ri rab ngos la phyin tsam na// kun kyang gser gyi mdog tu gcig/ dper na chu rnams thams cad kyang// rgya mtsho chen por phyin tsam
354b2 na// kun kyang lan tshwa'i ro ru gcig/ de bzhin dus gsum sangs rgyas kyang// ma bcos sems kyi lam zhugs nas// chos sku nam mkha' lta bur gcig/ ces gsungs so// yang gsol pa// kye kye gsang ba'i
354b3 bdag po lags// rtogs dang ma rtogs khyad par ci// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rtogs dang ma rtogs khyad par
354b4 ni// dmus long dang ni glang chen bzhin// phyogs rtogs ci bzhin nyid ma rtogs// mig can rnams kyis ci bzhin rtogs// ma rtogs pa dang log par rtogs// phyogs tsam rtogs dang ci bzhin pa// log par
354b5 rtog pa mu stegs te// nyan thos rang rgyal ma rtogs pa// theg pa drug gis phyogs tsam rtogs// rdzogs chen rtogs pa ji bzhin rtogs// zhes gsungs so// yang gsol pa/ kye kye gsang ba'i bdag po
354b6 lags// 'khrul dang ye shes bde sdug bsngal// rgyun dang dum bu ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dus
355a1 gsum sangs rgyas thams cad la// ye shes rgyun du gnas pa yin// 'gro drug sems can thams cad la// 'khrul pa rgyun du gnas pa yin// lam la gnas pa'i rnal 'byor la// 'khrul dang ye
355a2 shes dum bur gnas// dus gsum sangs rgyas thams cad la// bde ba rgyun du gnas pa yin// ngan song rnam pa gsum po la// sdug bsngal rgyun du gnas pa yin// mtho ris mi dang lhar bcas pa// bde dang
355a3 sdug bsngal dum bur gnas// chos nyid rang gi ngo bo la// bde dang sdug bsngal dbyer med mnyam// zhes gsungs so// yang gsol pa// kye kye gsang ba'i bdag po lags// lha zhes bya ba gang la bgyi// 'dre
355a4 zhes bya ba gang la bgyi// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ya ma dam sri la sogs pa// ma rtogs log pa'i 'dre yin
355a5 kyang// gang gis rtogs pa de yi lha// sangs rgyas byang chub sems dpa' yang// rtogs pa rnams kyi lha yin te// gang gis ma rtogs de yi 'dre// chos nyid rang gi ngo bo la// rtogs dang ma rtogs gnyis su
355a6 med// ces gsungs so// yang gsol pa/ kye kye gsang ba'i bdag po lags// 'khor 'das gnyis kyi thog mtha' gang// gsang ba'i bdag pos bstan du gsol// gsang ba'i bdag pos gsungs pa/ kye kye
355b1 sems dpa' chen po nyon cig/ci bzhin pa la thog mtha' med// 'khor ba la ni thog mtha' med// mya ngan 'das la thog mtha' med// ma rig 'khrul pa log pa dang// rang byung ye shes shar ba dang// 'khor
355b2 'das gnyis kyi thog mthar gcig/ces gsungs so// yang 'byed 'phrul gyi lde mig las/ gnad bsdu ba'i le'u ste drug pa'o//// yang gsol pa/ kye kye gsang ba'i bdag po lags// snang ba rkyen gyi yan
355b3 lag gis// gang dang gang gi rgyu rkyen byed// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ snang ba rten 'brel 'khor lo gnyis// bla ma'i
355b4 gdams ngag dran tsam na// rang byung ye shes rgyu rkyen byed// rang byung ye shes chen po des// rtogs pa mngon du gyur pa yis// bde chen chos sku'i rgyu rkyen byed// bla ma'i gdams ngag ma dran na// ma rig 'khrul
355b5 pa'i rgyu rkyen byed// ma rig pa yi 'khrul rtog gis// khams gsum 'khor ba'i rgyu rkyen byed// chos nyid rang gi ngo bo la// rtogs dang ma rtogs khyad par las// sangs rgyas sems can gnyis su med// ces
355b6 gsungs so// yang 'byed 'phrul gyi lde mig las/ snang ba rkyen gyi yan lag bstan pa'i le'u ste bdun pa'o//// yang gsol pa/ kye kye gsang ba'i bdag po lags// dran pa rgyun gyi theg pa yis// gang la
356a1 ci ltar bsdam par bya// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ lta bas rtogs par byed dus su// bla ma'i gdams ngag
356a2 dran byas nas// rang byung ye shes gsal 'phang bstod// bsgom pa nyams su len dus su// lta ba'i srog dang ma bral bar// de yi rlan dang ldan par bya// mar me 'bar ba'i rtse mo'am// chu bo 'bab pa'i rgyun
356a3 bzhin du// ting 'dzin 'byung 'jug med pa yi// rgyun mi chad pa'i bsam gtan bya// rjes shes pa yi dus nyid du// blta bsgom grogs dang ldan pa yis// dran pa'i thag pas gdags par bya// zhes gsungs
356a4 so// yang 'byed 'phrul gyi lde mig las/ dran pa rgyun gyi yan lag bstan pa'i le'u ste brgyad pa'o//// yang gsol pa/ kye kye gsang ba'i bdag po lags// drod rtags tshad kyi yan lag gang// gsang ba'i
356a5 bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ rtags ni rnam pa bzhi yin te// chu bo dag las brgal ba dang// rdzing chen dag la khrus byed dang// gzhan
356a6 gyis bum pas khrus byed rnams// bag chags sbyangs pa'i snga ltas yin// mas yar gyen du 'gro ba dang// rin chen skas la 'dzeg pa dang// phal pa'i skas la 'dzeg pa ni// sa rnams bgrod pa'i snga ltas
356b1 yin// tog dkar rtse la phyin pa dang// ri bo'i rtse la 'dug pa dang// nyi zla gdan la bting ba ni// sa rnams non pa'i snga ltas yin// gnyid kyi rtog pa choms pa dang// shig dang srin bu med pa dang// khams kyi
356b2 zas dang bral mod kyang// dbang po'i gzi mdangs mi nyams shing// gang la zhen chags mi skye na// nang rtags phyi ru byung ba yin// snga rtags de dag byung ba yang// re ba ma bskyed shugs las byung// ting 'dzin
356b3 tshad du brtan pa ni// mtshan mar g.yo ba med pa ni// rgya mtsho'i gting gi chu bzhin no// rnam rtog g.yo ba mi 'byung ba// skyes bu snying phyung lta bu'o// ting 'dzin brtan par gyur pa ni// rus sbal 'khar gzhong
356b4 bcug pa 'dra// rnal 'byor nyams kyi drod bstan pa// phyi dang nang dang gsang ba'o// lus kyang ras bal 'dab ma'am// shing bal 'dab ma bzhin 'gyur te// shin tu yang zhing yod mi tshor// 'gro na g.yang sar
356b5 lhung snyam byed// de ni phyi yi drod du bstan// phyi nang rgyu ba'i dbugs dag kyang// rgyu bar rang gis ma tshor na// de ni nang gi drod du bstan// dper na rig ma'i 'dod chags bzhin// brjod du med pa'i bde ba
356b6 gcig/bags kyi nyams su myong bar 'gyur// de ni gsang ba'i drod du bstan// zhes gsungs so// yang 'byed 'phrul gyi lde mig las/ drod rtags yan lag gi le'u ste dgu pa'o//// yang gsol pa/ kye kye
357a1 gsang ba'i bdag po lags// chos nyid don gyi ngo bo de// gang gi ngo bor nges pa lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po
357a2 nyon cig/chos nyid don gyi ngo bo de// ye nas rang la yod par nges// rang bzhin lhun gyis grub par nges// dus gsum 'dus ma byas par nges// 'pho zhing 'gyur ba med par nges// skye zhing 'gag pa med par
357a3 nges// gnyen pos gzhig tu med par nges// shes shing rig pa'i ngo bor nges// snang tshul cir yang snang bar nges/ yin tshul nges pa med par nges// rgya chad phyogs lhung med par nges// kun bral ci ma spangs par
357a4 nges// kun gyi 'byung gnas yin par nges// don la gol ba med par nges// lta ba ngos gzung med par nges// sgom pa dmigs gtad med par nges// spyod pa blang dor med par nges// 'bras bu spang thob med
357a5 par nges// nyams su len du med par nges// dam tshig bsrung du med par nges// phrin las btsal du med par nges// sa la sbyang du med par nges/ kye sems dpa' chen po nyon cig/ cir snang cir srid thams
357a6 cad kun// byang chub sems kyi snang ba ste// sems las ma gtogs chos gzhan med// cir ltar snang ba'i chos rnams kun// byung yang byang chub sems las byung// byas kyang byang chub sems kyis byas// snang
357b1 yang byang chub sems la snang// 'dus kyang byang chub sems su 'dus// rdzogs kyang byang chub sems la rdzogs// yin kyang byang chub sems nyid yin// byang chub sems kyi chos nyid de// snang ba med par kun la
357b2 khyab// btsal ba med par lhun gyis grub// bgrod pa med par sa rnams non// byas pa med par las rnams zin// zhes gsungs so// yang 'byed 'phrul gyi lde mig las/ nges pa don gyi yan lag bstan pa'i
357b3 le'u ste bcu pa'o//// yang gsol pa/ kye kye gsang ba'i bdag po lags/ byang chub sems kyi chos nyid de// mthun pa'i dpe yis ma mtshon na// don gyi ngo bo rtogs mi 'gyur// de la mthun dpe rtogs mi
357b4 'gyur// de la mthun dpe ci ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ byang chub sems kyi mthun dpe ni// nam mkha' rdo
357b5 rje rin po che// rgya mtsho dang ni ri bo ste// brda' btags ming la nges pa med// nam mkha'i dpe yang ma nges te// dpe yang don du 'gro ba yod// 'byung ba nam mkha'i dpe yin te// chos nyid nam mkha'i don du
357b6 'gro// rgya mtsho dpe yang ma nges te// 'byung ba'i rgya mtsho dpe yin te// chos nyid rgya mtsho'i don du 'gro// nor bu'i dpe yang ma nges te// 'jig rten nor bu'i dpe yin te// chos nyid nor bu'i don du 'gro// rdo
358a1 rje'i dpe yang ma nges te// rdo rje pha lam dpe yin kyang// sems nyid rdo rje'i don du 'gro// phyag mtshan rdo rje rtags su 'gro// btags pa'i ming gi rdo rje ni// de yi lung du bstan pa min// ri bo'i
358a2 dpe ni yang ma nges// 'byung ba'i ri bo dpe yin te// chos nyid ri bo'i don du 'gro// dper na nam mkha'i mtshan nyid ni// pho mo ma yin ma ning min// kha dog ma yin dbyibs ma yin// phyogs bzhi dbus dang bla
358a3 'og min// phyi nang ma yin snang mun min// gcig pa ma yin tha dad med// skye 'gag med cing 'phel 'grib med// snang ba med par kun la khyab// dus gsum 'dus ma byas pa yin// med pa yod pas 'gog
358a4 mi byed// thams cad kun gyi gzhi ma yin// byang chub sems kyang dpe dang mtshungs// kun nas 'dra ba'i dpe med pas// phyogs cha 'dra ba'i dpe ru blangs// nam mkha' rig med stong pa yin// sems ni rig
358a5 bcas stong pa ste// don la khyad par shin tu che// rdo rje dpe ru bstan pa yang// dus gsum 'pho 'gyur med pa dang// gnyen pos bshig par dka' ba yin// byang chub sems kyang de dang mtshungs// de yang
358a6 phyogs cha 'dra ba'i dpe// thams cad kun tu mi 'dra ste// khyi lud lan tshwa ra gzhob rkyen// 'dus shing shin tu 'jig par sla// byang chub sems la 'jig rkyen med// de phyir don la khyad par che// rgya mtsho dpe ru
358b1 blangs pa yang// dper na rgya mtsho chen po las// chu bran rnam pa mang po yang// byung yang rgya mtsho nyid las byung// byung yang rgya mtsho 'grib pa med// 'dus yang rgya mtsho nyid du 'dus// 'dus kyang de la 'phel ba
358b2 med// de bzhin byang chub sems nyid la// chos rnams sna tshogs byung ba yang// byung yang byang chub sems las byung// byung yang byang chub sems la 'grib pa med// 'dus kyang byang chub sems su 'dus// 'dus
358b3 kyang byang chub sems la 'phel ba med// de yang phyogs cha 'dra ba'i dpe// dper na rgya mtsho chen po ni// bskal pa'i cha 'gyur byung tsam na// rgya mtsho gting nas bskam par 'gyur// byang chub sems kyi chos nyid
358b4 ni// bskal par dkrugs kyang med mi 'gyur// de phyir mi mthun khyad par che// nor bu dpe ru blangs pa yang// dgos 'dod zad med de las byung 'gyur kyang// 'dam gyis g.yogs nas snang mi nus// legs
358b5 par byi dor byas tsam na// dgos 'dod re ba zad med 'byung// byang chub sems kyi chos sku la// che ba'i yon tan 'byung mod kyang// rnam rtog mtshan mas bsgribs tsam na// che ba'i yon tan 'byung mi
358b6 nus// rang byung ye shes chen po yin// sems kyi by-i dor legs byas nas// rnam rtog ye shes langs tsam na// che ba'i yon tan zad med 'gyur// de yang phyogs cha 'dra ba'i dpe// thams cad kun tu mi 'dra
359a1 ste// de bzhin nor bu rin chen la// 'jig rten dgos 'dod 'byung mod kyang// sangs rgyas che yon 'byung mi srid// sems nyid yid bzhin nor bu la// sangs rgyas che yon rgyun chad med// don
359a2 la khyad par shin tu che// ri bo dpe ru bstan pa yang// ri bo mi 'gyur brtan pa bzhin// byang chub sems kyang 'gyur ba med// de yang phyogs cha 'dra ba'i dpe// thams cad kun tu mi 'dra ste// ri bo shin tu
359a3 brtan pa yang// bskal pa'i rlung gis 'jig par 'gyur// byang chub sems kyi chos nyid ni// dus gsum 'gyur ba med par gnas// zhes gsungs so// yang gsol pa/ kye kye gsang ba'i bdag po
359a4 lags// chos tsam mtshan mar snang ba dang// chos nyid rang gi ngo bo gnyis// de yi mthun dpe ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa'
359a5 chen po nyon cig/dung mthong dung la bltas dus su// dung gi dkar po 'dzin pa las// gser 'dzin ser po skye mi srid// gser mthong gser la bltas dus su// gser gyi ser po 'dzin pa las// dung gi
359a6 dkar po 'dzin mi srid// ma rig 'khrul pa shar tsam na// chos can mtshan mar 'dzin pa las// chos nyid zab mo rtogs mi srid// lhag mthong shes rab shar tsam na// chos nyid zab mo rtogs pa las// chos
359b1 can mtshan mar 'dzin mi srid// ces gsungs so// yang gsol pa/ kye kye gsang ba'i bdag po lags// kun gzhi zhes ni gang la bgyi// de yi mthun dpe ci ltar lags// ci ltar sems can thams cad
359b2 la// chos skus khyab par gnas pa la// de la kun gzhi zhes bgyi'am// ma rig 'khrul par gnas pa la// de la kun gzhi zhes bgyi'am// 'on te de dag 'dres la bgyi// gsang ba'i bdag pos bstan du
359b3 gsol// gsang ba'i bdag pos gsungs pa// kye sems dpa' chen po nyon cig/ kun gzhi kun gzhi zhes bgyi ba// thams cad kun gyi gzhir gyur pas// de phyir kun gzhi ming du btags// dper na sa la
359b4 rnyog mi zer// de bzhin chu la rnyog mi zer// sa chu 'dres la rnyog mar btags// de bzhin sems can thams cad la// chos skus khyab par gnas pa la// de la kun gzhir ming ma btags// rnam rtog mtshan
359b5 mar gnas pa la// de la kun gzhir ming ma btags// chos sku chu dang 'dra ba la// bag chags sa 'dras bslad pa la// kun gzhi zhes ni ming du btags// zhes gsungs so// yang gsol pa/ kye kye gsang ba'i
359b6 bdag po lags// chos sku dri med yod sa na// kun gzhi'i rnam shes yod dam med// kun gzhi'i rnam shes yod sa na// chos sku dri med yod dam med// gsang ba'i bdag pos bstan du gsol// gsang ba'i
360a1 bdag pos gsungs pa/kye sems dpa' chen po nyon cig/ dper na dung nyid yod pa na// de bzhin dkar po yod par nges// de bzhin dkar po yod sa na// dung nyid yod par nges pa
360a2 med// kun gzhi'i rnam shes yod sa na// kun gzhi chos kyi sku yang yod// chos sku dri med yod sa na// kun gzhi'i rnam shes yod ma yin// rnam dag de bzhin gshegs pa la// kun gzhi'i ming yang mi grag
360a3 go// zhes gsungs so// yang gsol pa/ kye kye gsang ba'i bdag po lags// chos kyi sku dang kun gzhi gnyis// gang gis gang la khyab pa lags// gsang ba'i bdag pos bstan du gsol// gsang ba'i bdag
360a4 pos gsungs pa/kye sems dpa' chen po nyon cig/ dkar pos dung la khyab mod kyang// dung gis dkar la khyab pa med// chos skus kun gzhi la khyab kyang// kun gzhis chos skur khyab pa med// ces gsungs
360a5 so// yang gsol pa/ kye kye gsang ba'i bdag po lags// chos kyi sku dang kun gzhi gnyis// gcig ldog gcig gi ldog mi ldog/ gsang ba'i bdag pos bstan du gsol// gsang ba'i bdag pos gsungs pa/
360a6 kye sems dpa' chen po nyon cig/ dper na dkar po log tsam na// de bzhin dung yang log par 'gyur// dung log tsam na dkar mi ldog/ chos sku log pas kun gzhi ldog/ kun gzhi'i rnam shes log gyur
360b1 pas// de bzhin chos sku ldog mi 'gyur// zhes gsungs so// yang gsol pa/ kye kye gsang ba'i bdag po lags// rnam rtog gnyen pos bcos mi bcos// gsang ba'i bdag pos bstan du gsol// gsang ba'i
360b2 bdag pos gsungs pa// kye sems dpa' chen po nyon cig/ ci ltar grong gang byis pa dag/ sprin 'dus pa yi phung po la// kha yi dbugs kyis dngas par 'dod// 'byung chen rlung gis ma gtor na// de nyid
360b3 dengs par ga la 'gyur// de bzhin rnal 'byor byis pa'i blos// gzung 'dzin rnam rtog sprin 'dra ba// mi rtog gnyen pos dengs par 'dod// rnam rtog ye shes ma shar na// mi rtog gnyen pos gtan mi
360b4 zhi// zhes gsungs so// yang 'byed 'phrul gyi lde mig las/ mtshon dpe'i yan lag bstan pa'i le'u ste bcu gcig pa'o//// yang gsol pa/ kye kye gsang ba'i bdag po lags// rdzogs chen spyod pa'i rnal
360b5 'byor pas// don nyid gtan la ci ltar dbab// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ rdzogs chen spyod pa'i rnal 'byor pas// lta
360b6 sgom spyod 'bras la sogs pa// de dag gtan la dbab par bya// lta ba gtan la phab nas ni// gdeng dang yid ches ldan par bya// sgom pa gtan la phab nas ni// blo dngos sems kyis zhun 'thar bya// spyod pa
361a1 gtan la phab nas ni// gang la thogs pa med par spyod// 'bras bu gtan la phab nas ni// rdzogs chen lhun grub rtsol ba yang// rtogs par byed pa'i lta ba ni// rin chen gter khungs rnyed pa
361a2 'dra// nyams su blangs pa'i sgom pa ni// rin chen zhun khu bzhus pa 'dra// ting 'dzin nyams kyi man ngag ni// zhun gyi drod tshad snyoms pa 'dra// mngon du gyur pa'i 'bras bu ni// rin chen yang zhun sbram bu
361a3 'dra// rnal 'byor pa yi spyod pa ni// glang chen rgya mtshor 'jug pa 'dra// lta ba gtan la ma phebs na// tshong pa lam rgyus med pa 'dra// sgom pa gtan la ma phebs na// lag rdum brag la 'dzegs pa 'dra// spyod pa
361a4 gtan la ma phebs na// don gnyer the tshom za ba 'dra// 'bras bu gtan la ma phebs na// sgo nga rul pa'i bye'u phrug 'dra// lta ba gtan la phebs tsam na// gang la yang ni rtog mi skye// sgom pa gtan la phebs
361a5 tsam na// blo dngos mi 'bral tha dad med// spyod pa gtan la phebs tsam na// re dang dogs pa'i blo mi skye// 'bras bu gtan la phebs tsam na// rang rig sems kyi snying po de// rtsol zhing bsgrub pa'i nad dang
361a6 bral// gang la rtog pa mi skye na// lta ba khyung chen lding ba yin// rtogs pa'i ngang la ma yengs na// sgom pa gser phur btab pa bzhin// gang la blang dor mi byed na// spyod pa glang chen chur zhugs yin// gang la
361b1 zhen chags mi skye na// nang rtags phyi ru byung ba yin// rtogs la brten nas lam gyi bar chad sel// rang gi sems la gsog med na// dam tshig shel sgong phyis pa yin// zhes gsungs so// yang 'byed 'phrul gyi
361b2 lde mig las/don dam gtan la dbab pa'i le'u ste bcu gnyis pa'o//// yang gsol pa/ kye kye gsang ba'i bdag po lags// gnas pa tshad kyi yan lag gis// ting 'dzin don la ci ltar
361b3 bsgom// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ gnas pa'i ting 'dzin tshad bstan pa/ rab dang 'bring dang tha ma'o// rab kyis dngos
361b4 po lta bur zin// 'bring gis nyin par lta bur zin// tha mas zin pa'i tshad bstan pa// nam langs nyi ma shar ba dang// nyi nub mun pas ma non pa// de lta bu yis tshad du phyo+in// rab kyi tshad du phyin pa
361b5 la// gdams ngag myur du dbog par bya// ting 'dzin rab la lung bstan pa// gser ri g.yu yis brgyan pa 'dra// ye shes gsal la gdugs brdal 'dra// rdo rje sems dpar de ma thag/ sangs rgyas kun gyi
361b6 snying por 'gyur// rnal 'byor dbang phyug chen po yin// 'bring gi don du gyur pa la// khams dang sbyar la gdams pa dbog/ yang nas yang du bstan du gzhug/ goms dang rab kyi tshad du 'gro// ting 'dzin
362a1 'bring la lung bstan pa// rin chen gser gling phyin pa 'dra// ting 'dzin tha mar gyur pa la// lung bstan gdams ngag dbog na ni// gser gyi nyag thag zin pa 'dra// 'dren pa'i gnas su nyam mi
362a2 nga// de ni rjes 'jug rnal 'byor de// gong nas gong du brtol bar 'gro// ting 'dzin rtsal gsum ma rdzogs par// lung bstan gang du rdzogs byed pa// kha med bza' bcas tshol ba 'dra// shes rab ting 'dzin
362a3 ma rdzogs par// sangs rgyas yin zhes khas len pa// nor bus rgyal por khas len 'dra// snying po'i don dam ma shes par// rdzogs chen a tir khas len pa// rang la med pa'i nor rnams ni// de la yid smon
362a4 'dings pa 'dra// shes rab ting 'dzin mi ldan par// rnal 'byor yin zhes khas len pa// bye'u phrug g.yang la btang ba 'dra// lha srin drag po'i srog 'phrog pa// srog gi sgo lcags mi shes par// drag po'i
362a5 las spyod byed pa yang// sprin med mkha' la char sdod 'dra// ting 'dzin tshad dang mi ldan zhing// bla ma'i gdams ngag ma dran na// thos pa mang po'i blo sbyangs kyang// dmus long lag tu gser phyin 'dra// ser
362a6 po'i phyogs tsam mi shes par// gser gyi ser po gang la rtogs// don gyi nyams bag rtogs mi nus// des na bla ma'i gdams ngag dang// ting 'dzin thob pa shin tu gces// gdams pa 'bog pa dngos de
362b1 la// tha ma'i tshad du phyin pa la// nyi ma'i dkyil 'khor bsam pa dang// sbyor ba don du gnyer ba dang// rtsa rlung thig le na tsha sogs// mkhas pas de la gdams ngag byin// tha ma'i tshad kyang med pa na// de
362b2 la gdams ngag sbyin mi bya// ci ltar khyi la gser byin bzhin// rin chen snying po ngo mi shes// sgro skur mang po'i gnas su 'gyur// zhes gsungs so// yang 'byed 'phrul gyi lde mig las/ gnas pa tshad kyi yan
362b3 lag bstan pa'i le'u ste bcu gsum pa'o//// yang gsol pa/ kye kye gsang ba'i bdag po lags// mi mthun skyon gyi yan lag ci// gsang ba'i bdag pos bstan du gsol// gsang ba'i bdag pos
362b4 gsungs pa/kye sems dpa' chen po nyon cig/ mi mthun skyon gyi yan lag ni// 'khrul dang gol sgrib bying dang rgod// bar chad lam gyi cho 'phrul lo// zhes gsungs so// yang gsol pa/ 'khrul pa'i bye brag ci
362b5 ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ 'khrul pa'i bye brag bstan pa ni// gzhi dus rgyu rkyen ngo bo las// dpe dang dbye ba
362b6 yod lugs yun// log pa'i yon tan ma log skyon// 'bras bu dag dang bcu gsum mo// yang gsol pa/ kye kye gsang ba'i bdag po lags// 'khrul pa'i rnam par dbye ba'i don// lnga gnyis gsum gyis bstan
363a1 pa ste// de don legs par bstan du gsol// gsang ba'i bdag pos gsungs pa/ kye sems dpa' chen po nyon cig/ gzhi ni chos sku dri bcas yin// dus ni thog med dus nas 'khrul// ma rig
363a2 'khrul pa'i rgyu bstan pa// lhan cig rkyes pa'i ma rig pa// phyi nang rtogs pa'i rkyen gzhi dang// yul dus bskal pa gsum po ni// ma rig 'khrul pa'i rgyu rkyen yin// 'khrul pa rang gi ngo bo ni// nang du ngar 'dzin
363a3 phra zhing rlom// phyir ni gzung 'dzin rtog pa rgyas// de ni 'khrul pa'i ngo bo yin// las kyi dge sdig rnam pa gnyis// tho mi thag sbrul smig rgyu chu// de ni ma rig 'khrul pa'i dpe// dbye ba bzang 'khrul ngan 'khrul
363a4 gnyis// yod lugs rnam pa bzhi yin te// bdag dang yul dang gnyis ka dang// 'khrul pa rkyen la yod pa'o// lung ldan rkyen dang ma phrad cing// lhag mthong shes rab ma shar na// gtan du mi ldog 'khrul yang
363a5 srid// rkyen dang ma phrad bar du 'khrul// 'khrul pa log pa'i yon tan ni// mya ngan 'das pa'i 'bras bu yin// khams gsum 'khor ba ma log skyon// 'khrul pa'i 'bras bu bstan pa ni// las kyi rgyu mthun 'gro
363a6 drug yin// de ni theg pa thun mong dbang// rdzogs chen a ti yo ga la// 'khrul pa skyon du che rgyu dang// ye shes rtsis su che rgyu med// 'khrul dang ma 'khrul gnyis ka yang// byang chub sems kyi ngo bor
363b1 mnyam// zhes gsungs so// yang gsol pa/ kye kye gsang ba'i bdag po lags// gol sgrib skyon du ci ltar 'gyur// gsang ba'i bdag pos bstan du gsol// gsang ba'i bdag pos gsungs pa/ kye sems
363b2 dpa' chen po nyon cig/dman pa'i theg pa brgyad po yis// rang rang rtogs pa'i lta ba yis// gong ma ma mthong bsgribs par 'gyur// lus ngag yid kyi rtsol ba yis// theg pa gong nas 'og tu gol// bltas
363b3 pas bsgribs la bsgoms pas 'khrul// bsrungs pas nyams la btsal bas gol// rdzogs chen a ti yo ga ni// rig pa shar bas bsgrib tu med// chos nyid bkol ba med pas gol sa med// ces gsungs
363b4 so// yang gsol pa/ kye kye gsang ba'i bdag po lags// bying rgod skyon du ci ltar 'gyur// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon
363b5 cig/dman pa'i theg pa thams cad la// bying rgod ting 'dzin dgra yin te// bying ba'i rgyu ni phra rags gnyis// blong blong po dang mug mug po// zing zing po dang long long po// ngal dub gnyis kyis bying ba'i
363b6 rgyu// yul gyi bya ba rgod pa'i rgyu// bying na rgod byed 'od la blta// rgod na lhag mthong phur par brtod// rdzogs chen a ti yo ga la// bying rgod skyon du mi phye ste// bying ba mi g.yo chos nyid ngang// rgod pa lhag
364a1 mthong shes rab gsal/chos nyid ngang du dbyer med mnyam// zhes gsungs so// yang gsol pa/ kye kye gsang ba'i bdag po lags// yang dag lam du zhugs pa la// bdud kyi cho 'phrul 'byung
364a2 srid na// bdud ni rnam pa du zhig yod// bdud kyi cho 'phrul ci ltar ston// zlog pa'i thabs ni ci ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa'
364a3 chen po nyon cig/bdud la rnam pa bzhi yod de// nyon mongs bzhi dang ma rig 'khrul// phyi rol rkyen dang bar chad lam// nyon mongs bzhi yis rgyu byas nas// ma rig 'khrul pa'i 'bras bu shar// thams cad
364a4 bzang ngan gnyis su brtags// ngan la zhe sdang spang bar 'dod// bzang la 'dod chags blang bar 'dod// gnyis su phye bas gti mug byung// dug gsum nad kyi gcong skran zhugs// de yis khams gsum
364a5 gnas su 'khor// bstan pa'i bar du gcod byed dang// 'byung ba mi mthun rkyen gyi dgras// phyi rol rkun gyi bdud du byed// bar chad lam gyi bdud bstan pa// dang po so so'i skye bo bskul// bar du mi ma yin
364a6 gyi gdon// tha mar rang dang sder bcas 'khor// bdud kyi spyod yul sna tshogs ston// re dang dogs pa'i blo skyes nas// bdud kyis bar du gcod par 'gyur// yid ches gdeng ldan rnal 'byor pas// ting
364b1 'dzin don las ma nyams shing// re dogs gnyis kyi sems spangs na// de ni yang dag grub pa'i lam du 'gro// rdzogs chen spyod pa'i rnal 'byor pas// bdud kyi cho 'phrul ci ston yang// byang chub sems
364b2 su thag chod na// thams cad chos nyid ngo bor 'gyur// bdud ces bya ba ming yang med// thams cad gnyen du song tsam na// dgra zhes bya ba btsal mi rnyed// ces gsungs so// yang 'byed 'phrul gyi lde mig
364b3 las// mi mthun skyon gyi le'u ste bcu bzhi pa'o//// yang 'byed 'phrul gyi lde mig las/ man ngag lus tshad rgyud phyi mar byas pa'o// dgongasapa mdor bsdus pa tshig le'ur byas pa rdzogs
so/

CLOSE WINDOW