267b1 byang chub kyi sems rmad du byung ba le'u zhe gnyis pa 'dzud// bod skad du/ byang chub kyi sems bsgom pa/ bcom ldan 'das dpal bde ba'i mchog la phyag 'tshal lo// bcom ldan 'das bde ba chen po
267b2 de/thams cad chos nyid zab mo la gzud par dgongs nas/ chos dbyings gting dpag dka' ba zhes bya ba'i ting nge 'dzin la snyoms par zhugs te/ rang bzhin gyi 'khor nyid dang tha mi dad pa rnams la/ rang
267b3 bzhin gsung du med pa 'di bka' stsal pa de yi tshe na thams cad chos nyid stong pa'i ngang du gyur/byang chub sems kyi ngo bo ni// bsam med dran med mi g.yo ba// bsam pa bstan du med pa'o// tha snyad gdags
267b4 su ga la yod// 'di ni brjod med spros las 'das// dig ma'i rmi lam lta bu'o// rnal 'byor dam pa'i lam zhes bya// grub mtha' ma nyams yongs su dag/ sangs rgyas sa la rang bzhin gnas// rdzogs pa chen
267b5 po'i don zhes bya// de bzhin gshegs pa thams cad kyi rang bzhin las/ rang bzhin gsung du med pa'i don gsungs pa'i skabs// bde ba'i mchog gi ye shes gsung du med pa 'di bka' stsal pa/ chos nyid ji
267b6 bzhin ba de la// blo yang de 'dra bzhag gyur na// sems kyi skad cig dang po la// lus chos gnas pa don la reg/ de dus 'byung tshor shes 'jug med// bag chags rgyun chad rang byung shar// ye shes med de
268a1 skad cig ma// de bzhin dbyings kyang skad cig ma// de dang de zhes dbyer med pa// de ni rgyun chags thams cad spangs// shes pa ye shes nyid du 'gyur// de bzhin sbyong ba'i lam pa yi// ye shes
268a2 la reg mi rnams la// rang rgyud du ni bdud bzhi 'byung// 'jigs pa gzugs dang grags pa sgra// 'od kyi bdud dang bslu ba rnams// byung tshe de la rig byas la// mi zhen mi chags lam rgan bsam// kun 'ong
268a3 'gro ba de nyid lam// shes pa khyad par can zhes bya// ye shes gzung du med pa'i skabs//// de nas yang bde ba'i mchog des dbyings zang ma bka' stsal pa/ zhi ba'i dbyings te 'dus ma byas// rang
268a4 bzhin bzang dang rab 'dres pa// btsal med tshul du byung ba ste// gang gis ma bslad rang bzhin dbyings// thog mtha' med pa'i rgyal po'o// skad cig rgyu 'bras med par dbyings// rgyun chad rig pa'i dbyings
268a5 ma yin// btsal na rtsol nad sangs mi srid// btsal ba med pa dbyings kyi gtso// de lta bu yi dbyings de la// de lta bu yi ye shes dbab// yang na dbab dang mi dbab med// shes rig bag chags rgyun de
268a6 yang// gnyen po'i sgo nas mi gcod de// rang bzhin rang gis rtogs gyur pa// de yis bag chags rang bzhin dag/ rang kha'i bsam pa gya gyu la// de reg pa yang bde bar gshegs// gcig tu gzung bar ngas
268b1 ma bshad// ye shes de yang bsam pa'i dbang// bsam pa rang kha ma yin te// dbyings dang ye shes rab 'byor na// rig pa can gyis char bzung ste// rim pa med pa'i don de ni// yang dag pa yi dam
268b2 pa'o// byang chub kyi sems bsgom pa las dbyings zang ma'i skabs//// de nas rang bzhin mthong du med pa bka' stsal pa// rang bzhin rang gi rtogs pa ni// dra snyig med pa'i zab mo ste// rang kha'i tshe na
268b3 yod med na// bsam pa mtshan ma can gyis ni// de la mi dpog gya gyu can// gsal ba med par rang bzhin gsal// gsal ba nyid ni grub mtha'i skyon// rang bzhin mkha' la rang bzhin sems// bsam pa rang bzhin
268b4 rang bzhin gnas// shes rgyun de yang rang bzhin tsam// de ni nyams med nyams zhes bya// lta ba rim pa ma yin la// bsgom pa rim pa ma yin pa// lta spyod gnyis ka rang bzhin tsam// khyad par
268b5 'phags pa'i rang bzhin no// byang chub kyi sems bsgom pa las rang bzhin gyis mtshon du med pa'i skabs//// de nas dbyings dang ye shes dbyer med yin pa 'di bka' stsal pa/ thams cad dbyings
268b6 las phyed yin pas// dbyings dang ye shes dbyer med ste// ye nas ma bcos dbyings de la// ma bcos rig pa klong du yin// rang bzhin don dang ldan byas te// rtog ge'i spyod yul ma yin pas// dbyings dang
269a1 ye shes gnyis med de// gnyis med bde ba'i mchog rgyal po// de ltar ma yin rtog ge pas// bsam pa de la gnas pa na// gal te sems la gtad yod pas// btang ba mi mthong 'ching ba'i
269a2 rgyu// gtong mi dgos pa'i skyes bu yis// nam mkha' bzhin du nad du bsdus// dang po'i tshe na 'di gnyis sgrims// dbang po yul la 'phros pa yang// de kha dbyings zang shes rab mod// kha cig rdzogs chen don
269a3 'dod pa// rang bzhin bde ba nyams su blang// bde ba snyoms te ma tshor 'chor// de bas chad pa zhi bar bzhag/ der bzhag gser 'dod bong ba bzhin// dbyings dang ye shes skad cig la// med pa shes
269a4 rab thabs rdzogs pa// de ni sangs rgyas sa la gnas// gnyis su med par mi blta bar// de ni sangs rgyas sa las 'das// de ka gting dpag dka' ba'i don// byang chub kyi sems bsgom pa yi ge med pa
269a5 las/dbyings dang ye shes gnyis su med pa'i skabs//// de nas mthong bas bltar med pa'i don 'di bka' stsal pa/ mthong bas blta ru med pa ni// chu srin gre ba'i rin chen bzhin// nam yang bstan du
269a6 med pa'o// mtshan ma kun dang bral bas na// btsal dang bral ba'i yi ge med// rtsol dang bral ba nyams kyi gtso// mi dmigs sku la bltar med de// mi dmigs gsung thugs de bzhin yin// ma mthong bas na
269b1 mthong ba che// thabs kyi thabs te dngos grub rmad// shin tu ngo mtshar rdzogs chen po// sangs rgyas thugs la mi mnga' ba// 'di rtog go ba brgya nang na// gcig mi 'ong bar shin tu grags// lung du bsgom bsgrub
269b2 kun dang bral// khyab pas bde chen don zhes bya// mthong med bsam pas thams cad mthong// de ni nges bsgom mchog chen po// sa dang pha rol phyin las 'das// de yi snang ba rang bzhin med// rang bzhin
269b3 med pa mi bsam ste// smra bsam yul las 'das pa'o// sems kyi 'byung tshor byung ba na// de ka rang bzhin rang zhi ba// nges don snying po bla na med// rnam rtog bsags pa'i phra rgyas kyis// log khrig don min
269b4 brtas pa'i mthu// bzlog dka' gnyen pos bzlog pa min// rgyal las dmangs byung tha mar rgyal// rgyal po thu bo mi yi mchog/ rgyal bzung rgyal khams cham la phab// nges par bsad pas sdig mi 'ong// 'di
269b5 ni slar 'tsho shin tu rgyal// mkhas pas rgyal po bsad gyur na// shin tu rgyal 'khor bzang bar 'ong// lug bzlog bde chen sa la 'das// byang chub sems bsgom pa las mthong ba bltar med pa'i
269b6 skabs//// de nas chos nyid ji bzhin pa'i don bka' stsal pa/ sems mi g.yo ba sangs rgyas so// gang yang ma bskyed don de la// gang gnas chos nyid yin par bshad// gnas dang mi gnas gnyis
270a1 med do// de phyir rnam pa thams cad mkhyen// 'di ni sku yi dngos grub yin// chos nyid cir yang ma mthong ba// thugs la yang dag don ma log/ bzlas shing gsal bar ma gyur pa// gsung gi
270a2 dngos grub shin tu yin// sa la mi brten lhun gyis grub// 'di ni lam rgan kun 'ong 'gro// thams cad 'dus pa'i dngos grub yin// rang bzhin rang la rang bzhin yin// rang byung rig pa zhes bya'o// 'di mi
270a3 snang ba gzhan snang med// gal te blo la snang ba de// don snang ma yin mtshan ma'o// de ni rang byung rig pa min// byang chub kyi sems bsgom pa las// chos nyid ji bzhin pa'i skabs//// de nas rmad du byung
270a4 ba 'di bka' stsal pa/sems mi g.yo ba bde ba ste// sems kyi sems 'ching mi 'chor bas// sems la zhib pas brtag dpyad bya// shes bzhin gyis ni thang bcad de// sems kyi sems la bltas pas
270a5 na// cir yang ma mthong ma yengs pa// bsgoms na ma bsgoms bsgrubs na nyams// de bas 'byung tshor ci byung yang// rang byung rang zhi bsgom pa'i gtso// rang byung rang zhi tsam mi gdags// sems kyi spyod
270a6 'jug thams cad kyang// yi ge med pa'i ngang du bzhag/ de ni rgyal po'i rgyal sa'o// man ngag snying po'i rgyud ces bya// bde gshegs nyag gcig dgongs pa la// phyi rabs rnal 'byor don la ni// yang rab
270b1 bsam pa'i ting nge 'dzin// rab kyi rab kyis don la dpyad// byang chub kyi sems bsgom pa yi ge med pa las/ rmad du byung bar bstan pa'i skabs//// de nas sku gsung thugs su 'khor rnams rang bzhin
270b2 du bton nas bka' stsal pa/byang chub kyi sems bsgom pa yi ge med pa'i rgyud 'di mthong ngam/ thos sam nyams su blangs sam/ don rtogs sam/ de skad ces bka' stsal pa las/ 'khor rnams kyi mgrin
270b3 gcig pas 'di skad ces gsol to// byang chub kyi sems yi ge med pa 'di/ bdag cag gi ji ltar 'tshal lo// zhes gsol pa las bde bar gshegs pa rnams slar yi ge med pa'i rang bzhin du 'dus
so/

CLOSE WINDOW