234b3 rgyud gtad pa'i le'u ste bcu pa'o// rgyas pa chen po byang chub sems khyung chen gyi rgyud rdzogs so//// shrI sid+ha dang bai ro'i 'gyur/ // rdo rje sems dpa' nam mkha' che rgyas pa yi ge med
234b4 pa'i rgyud/rgyal po'i rgyud du gsungs pa/ yi ge med pa 'di gsungs pa'i tshe na/ nyid dang tha mi dad pa rnams/ sngon ma thos pa 'di thos pas skrag par gyur te/ de nas rdo rje 'dzin pa la sogs pa 'dus pa rnams
234b5 dang/sems dpa' dang/ sems ma dang/ sgo ba dang/ sgo ma dang/ dam pa'i sgo srung gshin rje gshed po la sogs pa dang/ bcom ldan 'das dpal mi bskyod pa la sogs pa dang/ btsun mo rnams dper na
234b6 til gyi gong bu bzhin du khyab par gnas so// de nas 'khor rnams kyis zhu ba zhus pa/ de bzhin gshegs pa nyag gcig gi// thugs su chud pa'i don mchog de// gzu bo chen pos bshad du gsol// mtshan ma
235a1 rnams ni spangs pa yi// thabs mchog dam pa bshad du gsol// yi ge med pa bshad du gsol// yi ge med pa las gleng gzhi'i le'u ste dang po'o//// de nas bdag po'i mchog rnam par snang
235a2 mdzad kyi skur byung nas/bkag par ma mdzad 'dzum par mdzad// 'khor gyi don de thugs chud nas// rigs kyi bu khyod ces gsungs te// khyed rnams legs par mnyan 'dod na// rgyud 'di shin tu brtag
235a3 dka' ste// mtshan ma kun dang bral bas so// dpa' bo chen po 'joms pa ni// shin tu bzlog par dka' na yang// red pa'i tshul gyis rnam par sbyang// 'dun pa dang po skyes pa yang// shin tu bzlog par rab
235a4 tu dka'// de nas 'khor rnams kyis mgrin gcig tu don zhus pa/ bde bar gshegs pa'i don rtogs pa// mtshan ma med pa don gyi mchog/ yi ge med pa'i don ma 'tshal// bde bar gshegs pa yi ge
235a5 med// gang zag nongs pa yi ge can// bdag cag mtshan ma las ldog pa// rtags rnams lnga nas grol bar chad// de nas thams cad mkhyen pa des// bka' yi don dam yi ge med// gsungs pa las ni ma log
235a6 pa// dang por rgyud la blo sbyangs pa// bar du bsam pa thag chod pa// yang na yang rab blo yi rtsal// don dam mgo smos go ba dang// thabs ma nor bar bslab pa dang// de la ta kyi nyid du snang// kha gsal bla blo
235b1 tshogs la'o// don dam rig pa slob ma la// grol ba bdag nyid rin chen rigs// bdag po rab tu mnyes pa ste le'u gnyis pa'o//// de nas bdag po mchog gis/ ye shes kyi rig pa gsungs pa// ye
235b2 shes ma bskyed dbyings ma bskyed// rang sems rang gis mthong ba ni// mtshan ma yin te don dam min// bkag pa tha ma byung ba de// sems bcos thabs ni de la rig/ spyod pa chos dbyings zad mi shes// sde
235b3 snod gsum yang ma bkag ste// chos gcig ngo bo de la med// gal te mtshan ma snang ba las// ting nge 'dzin de red na ni// ma rig pa dang thar pa thob// byang chub lam dang dmigs pa gnyis// ting nge 'dzin gyi
235b4 khyad par ro// bde bar gshegs pa yi ge med pa las/ ye shes rim pa'i le'u ste gsum pa'o//// de nas bdag po'i mchog la bde bar gshegs pa'i 'khor gyis zhus pa/ kye ma bde bar gshegs pa'i
235b5 gtso// dam pa yi ge med pa ni// nam yang ma khums di ring khums// dog sa rnams kyang cher g.yos pa// 'khor kyang sngon ma thos pas dngangs// yi ge med pa 'di yi don// shes rab khyad par ji ltar
235b6 lags// gtso bo dam pas bka' stsal pa// yi ge med pa'i shes rab ni// dmigs pa med pa'i shes rab ste// chos dbyings zang ma ma bcos la// ye shes spyi blugs skad cig mas// rang byung rig pa de yi
236a1 bcad// dbyings dang ye shes ngo ti phrad/ de bzhin gshegs pa thams cad kyi rang bzhin/ ye shes yi ge med pa'i rgyud mchog las/ shes rab dmigs pa med par bstan pa'i le'u ste bzhi
236a2 pa'o//// de nas khyad par du zhus pa/ brjod med rnam par mi rtog pa// yi ge med pa'i gsung mchog 'di// sgra yi rnam pa spang slad du// bcom ldan 'das kyis bka' stsal 'tshal// yang ched du brjod pa
236a3 bka' stsal pa/rang bzhin gnas pa'i chos nyid de// zhi ba blang dor bral ba'o// chos kyi rang bzhin stong pa ste// sangs rgyas kyis kyang ma gzigs te// mngon sum mthong ba ga la yin// gang yang mthong ba med pa
236a4 ni// de ni mthong ba chen po'o// ka yis dag pa chos dbyings so// chos kyi 'khor lo bskor ba yang// skad cig tsam yang byas pa med// de don rtogs pa dmigs med do// yi ge med pa'i rgyud mchog
236a5 'di// dper na rgyal po lta bu ste// rgyud rgyal yi ge med pa las/ rang bzhin gnas pa'i le'u ste lnga pa'o//// de nas yi ge med pa'i gtso mchog des// 'khor gyi zhu ba thugs chud nas// theg chen 'di ni
236a6 sbyin pa'i gnas// byang chub snying po che yis kyang// rin chen rigs su gang ldan pas// bla ma'i kha nas shes par bya'o// lam gyi nang nas nye lam ste// thabs kyi mchog tu gyur pas na// yi ge med par grags
236b1 pa'o// rnam pa dang ni rmad grags pa// theg pa kun las 'das pa de// yi ge med par grags pa'o// 'di yi tshul ni ma shes na// yi ge med pa dbye ba med// 'di yi don dang gang ldan pa// de yis theg chen
236b2 'bras bu thob// rgyal po chen po yi ge med pa las/ bdag po mnyes pa'i le'u ste drug pa'o//// de nas bdag po'i mchog la byang chub sems dpa' dgyes pa la sogs pa'i/ 'khor rnams mgrin gcig tu
236b3 zhus pa/dpal chen 'khrul pa'i rnam rtog 'joms// rmongs pa'i mdud las thar pa'i mchog/ nyag gcig thugs chud don dam de// khyod kyis bla med bshad du gsol// de nas sems dpa' dgyes pa la
236b4 sogs pa'i/rnam par rtog pa mkhyen nas bka' stsal pa// khyed cag legs par nyan 'dod na// nyag gcig thugs kyi dgongs pa de// bshad kyis sems nyid ldan par gyis// dbyer med pa yi nam mkha'
236b5 de// dang po'i tshig ni nam mkha' kun// bsam pa yin chod rung ba'o// tha ma la ni mi dmigs la// nam mkha' gzhan ni bkag pa'o// don dam dbyer med nam mkha' de// gang la bkag pa med pa
236b6 ste// bkag pa med pa'i gtan tshigs so// des na yod na bkag par 'gro// med pas nam mkha'i me tog tshul// dgongs pa'i mtha' ni bkag med do// yi ge med pa'i rgyud las// rnal 'byor mthong du med
237a1 pa'i le'u ste bdun pa'o//// de nas bdag po'i mchog la yang zhus pa// mtshan ma 'di ni ming du yang// smos pa de yang 'gal lags sam// mnga' bdag khyod kyi mkhyen pa ru// blo rnams sbyang phyir
237a2 bka' stsal 'tshal// khyed cag bsam pa dman pa la// zab mo'i rgyud rgyal yi ge med// gus dang bcas pas mnyan par gyis// tho rangs tshe na gcad par bya// de nas red cing goms pa ni// yi ge med pa'i
237a3 yan lag yin// mdzad spyod gtad rgya dang bcas pa// rin chen rigs ni gdams byas la// bka' yi snod ni shes pa la// rgyud ni rim pa bzhin du sbyin// yi ge med pa rgyal po chen po las/ 'khor la gtad
237a4 pa'i le'u ste brgyad pa'o//// de nas 'khor la gdams ngag tu gnang ba/ bsgom bsgrub kun dang bral ba yi// ting 'dzin 'di ni btsal ba dang// dang po'i 'du ba chud ma zos// bar du bsam pa thag chod
237a5 pa// tha mar sems chos shes pa ste// mi dmigs pa la gang gnas pa// de ni btsal dang bral ba'o// bde bar gshegs pas gtad rgya dang bcas pa rdzogs so//// bod kyi dge slong bai ro tsa na dang/ rgya
237a6 gar gyi mkhan po dz+nyA na gar+b+has bsgyur cing zhus te gtan la phab pa'o//// rdzogs chen bde 'byams// bde 'byams dbyings phyug b+ha ga la// dbyer med lhun rdzogs thig le'i dbyings nyid che// bskyed pa mi
237b1 mnga' ye shes rin po che// bya ba med pa lhun rdzogs thig le che// thams cad ma bkag dbyer med bdag nyid che// skye med dbyings las thams cad skyes// don dam nyid du sems dpa' che// bsgrub tu med pas
237b2 ye nas gnas// btsal du med pas mngon sum dbyings// smon du med pas rang la rdzogs// tha snyad med pas rnal 'byor bdag/ go 'phang gcod pas kun gyi dbyings// lam rnams thams cad ci spyad
237b3 kyang// thig le nyid las spang du med// 'dod chags zhe sdang gti mug kyang// spang du med pas bdag gi rgyu// gti mug med pas bsam du med// rnam grangs med pas dbyings nyid klong// gzugs rnams med
237b4 pas byang chub sku// thig le med pas ye nas dam tshig pas// dam tshig ming du btags pa med// 'chi ba med pas bdud rtsi'i dbyings// khyad par nyid las ye shes che// ri rab rtse la nyi ma stong shar bas// ye
237b5 shes thugs kyi nyi ma gcig shar dro// shar ba nyid nas nub pa med// bsgom pa nyid nas bsgom du med// bsgom pa'i dmigs pa med pa'o// bsgrubs pas gzhan nas chos mi rnyed// rdo rje rin chen 'bar ba
237b6 ltar// thams cad kun kyang de bzhin no// 'gyur ba med pas bal nag bzhin// 'gyur du btub pa bal dkar bzhin// brtags pa bal nag nyid kyi dbyings// lhun gyis gnas pas go 'phang gcod// gdod
238a1 nas dag pas pad+ma bzhin// 'gyur ba med pa thig le bde// bya ba med pas thig le bde// dus gsum med pas thig le bde// btsal du med pas thig le bde// rtsol bar 'dod las dbyings mi
238a2 bskyod// dra ba med pas mu khyud med// thig le med pas thig phran bde// rtse rgyal rtogs na gnas chen bde// thogs med yongs su sbyangs pa'i b+ha ga la// dbyer med lhun rdzogs thig le'i dbyings nyid che// sku
238a3 gsung thugs shar mu khyud 'khyil// rnam par dag pas byang chub sku// 'gro ba'i lam chen byang chub sku// thig le ye nas rdo rje dbyings// rdo rje nyid la 'du 'bral med// de las thig le brdal ba'i
238a4 dbyings// brdal ba nyid la nub pa med// byang chub kyi sems klong yangs pa'i dkyil 'khor rdzogs so//// !nam mkha'i rgyal po/// bcom ldan 'das dpal kun tu bzang po la phyag 'tshal
238a5 lo// nam mkha'i rgyal po ye shes kyi skal ba dang ldan pa la/ sems chos nyid du 'gyur bar tshigs su bcad de gsungs pa/ chos nyid bsam du med pas nam mkha' che// nam mkha'i bsam pa de dag kun dang
238a6 bral// bsam du med pas nam mkha' de dag nyid// nam mkhar mi dmigs par yang dmigs su med// nam mkha'i mtshan nyid kun la rab 'das pa// med pas nam mkha' la yang nam mkha' med// nam
238b1 mkha' de nyid bsgom du med pa ni// brjod med nam mkha' bsgom du med las 'das// 'das pa brjod du med de mi gnas na// nam mkha'i lus med nam mkha'i sems dang bral// mnyam dang mi mnyam nam
238b2 mkha' las 'das pa// nam mkha' med pas nam mkha' khyab pa med// de nyid mtshon par 'di zhes mi nus so// tshig med kun khyab sgra med tshig dang bral// dge sdig snying po med cing dbus mtha'
238b3 med// dbang po rang gi bla med spyod yul bral// yul med yul la sgyu mar spyod pa'ang 'khrul// chos nyid med de tshig phyir 'brang pa'ang med// gang zag sgyu mas bkri don bden gnyis med// bag tsam gtong
238b4 sems de dag g.yang sa chod// don bral de la sems med chad pa'ang med// ting 'dzin che ba'i lung de nges don che// skye 'gag med pa de nyid nyan pa yin// sems med ma skyes don med bral ba yin// don la
238b5 brtson par rgyal bas gang gsungs pa// mtshon zhing rtogs par bya ba de nyid ni// tshad mar gzung phyir 'dzin pa de skyes te// de bas mtshon byed sems kyi rgyud kha 'khor// ting 'dzin bde ba'i ro la chags gnas
238b6 pa// yod med rgyu la ma ltos chos nyid yin// de bas chags pa'i gnas la ting 'dzin na// zhi ba'i sa de mya ngan de mi 'da'// rang sems ma bcos ma sbyangs chos nyid de// ting 'dzin sgyu mas sbyong na sgyu ma'i
239a1 nad// rang byung ye shes dbang la mi brten pas// re zhing dogs pa'i mtha' kun rnam par zhi// nam mkha'i mtha' kun med de phyogs med na// zhi dang ma zhi med de chos rnams bral// ye nas dag
239a2 dang ma dag zhi ba'ang med// zhi bas dgra med thog ma mtha' las 'das// re med thob med dogs med mthong ba'ang med// dag dang ma dag ye shes tshig mtha' bral// tshig tu 'dzin med ye nas ye shes
239a3 bden// tshig dang du mar zhi bas rang bzhin med// 'di thos mi sngangs gang mos nam mkha' che// dngos po med phyir zhi bas chags pa'ang med// kun tu khyab pas rtag pa'i ngo bo bral// rtag chad dbyer med
239a4 snang thos kun med do// skye 'jig 'byung phyir bdag mtha' ye nas med// sku gsung thugs dang bral bas bde ba'i mchog/ sngags dang phyag rgya bral bas nyams pa med// phyi nang sgo phug bral bas rgya che
239a5 nyid// dbus mtha' kun dang bral bas snying po nyid// bde dang mi bde mnyam nyid ye nas med// 'dzin med blo ni gang du'ang mi skye na// bral dang mi bral dngos med gzung du med// sems nyid chos pas sems
239a6 la sku mi mnga'// sgra las 'das pas sgra nyid ye shes te// zhi ba'i 'od gsal gdod nas lhun gyis grub// byang chub sems can don ni bcos su med// mi gnas 'gyur ba chags pa'i yul med de// mi 'gyur
239b1 sangs rgyas ye shes ngo bo med// mi 'byung mi 'jug yul med dbang po ste// mtshan ma 'jil ba'i sku med dag bstan stong// ro gcig bde na dbyings su rol pa yang// dbyer med bde la chags dang ma bral
239b2 na// dus gsum mnyam pa nyid kyang 'byung 'jug go// len med 'dzin dang yongs su bral bas na// dus gsum bdag nyid rdo rje sems dpa' che// kun gyi bdag nyid dus gsum dbyings mi g.yo// lta ba 'di
239b3 med spyod pa'i sgyu ma 'ching// lta ba 'dis ma zin na 'khor ba las mi 'da'// phyin ci log dang ma log byang chub ste// byang chub nyid la log dang ma log med// bsam dang bral ba'i sems de nam mkha'
239b4 nyid// nam mkha' 'dra ba'i sems de nyid dang bral// yod med dbu ma'ang mi dmigs brjod med na// nam mkha' mi gnas brjod du med las 'das// sems la tshig tu brjod med sku yang med// sems nyid
239b5 tshig las 'das pas sbyor bas na// mngon sum mi gnas mi 'brang stong pas dben// ye shes de nyid bsam las 'das zhes 'byung// ye shes rnam par dag pas gcig phyir te// grol ba'i lam ni mtshan nyid
239b6 yod ma yin// gcig dang du ma'i mtha' las 'das pa ni// chos kyi dbyings kyi mtshan nyid bkri ba med// gzugs kyi mtshan nyid med na bkri ba gang// sgra dang rtog pa'i ngang du ma grub na// thos pa lam gyi smon
240a1 lam de gang la// mi rtog chos sku gcig pas ci zhes bya// 'ja' tshon sgyu mar 'phags pa'i skur bskyed kyang// bsod nams bskyed kyang sgyu ma mi rtag na// rnam dag lam chen lhun gyis grub pa
240a2 la// bsod nams med kyang grub ces rgyal bas gsungs// chos kyi dbyings na ma bskyed gcig che ba// kun tu khyab pa'i sgra med nyid las 'das// sprul pa bye ba brgya mang tshogs chen yang// bya byed ngang la
240a3 'dul bar mi nus bzhin// zhi ba lta ste mngon sum rnyed dka' ba// rtog ge'i yul min 'khrul pas shes mi nus// spyod par mi spyod sgyu ma mi rtag yin// mtshan nyid nam mkha' las kyang 'das pa'o// ye nas
240a4 lhun gyis grub pa'i thabs chen la// sgyu bcos spyod pa thabs chen ma yin te// sgyu 'chang thabs kyis bcos dang ma bral na// mi rtog thabs chen de yis ci zhig bya// mtshan nyid med pa'i chos nyid chen po
240a5 'di// chos kyi dbyings la sgyu ma'i gar bsgyur kyang// sgyu ma'i lam du rgyal bas ma bsngags kyang// mi gnas chos sku brjod med las 'das kyang// dbu ma'ang brjod du med de don dang bral// yid bzhin ye
240a6 shes dbyings kyi mtha' klas pa// snang med brjod pa med pa las 'das pa'o// chos kyi dbyings las yang dag don bstan te// ye shes nam mkha'i rgyal po 'di bstan pas// the tshom med pa'i blo mchog rnams
240b1 kyis ni// gnyis med byang chub snying po rtogs gyur cig/ rdzogs so//// chos kyi dbyings las bsdus te rnam bshad pa// skal ldan skyes bu the tshom med pas bsgrub// grol zhing rtogs pa'i blo ldan rnams kyis
240b2 brtson pas nyon// yang dag pa'i ye shes kyi dbyings las/ bde ba chen por rol pa a ti yo ga'i mdo'o//// !bar 'dir rje btsun dam pa 'dzud/ rtse mo byung rgyal/ bcom ldan 'das dpal bde
240b3 ba chen po kun tu bzang po la phyag 'tshal lo// thams cad mkhyen pa bde ba chen po'i thugs// sna tshogs kun tu bzang po rdo rje sems// dbyings dang ye shes 'du 'bral med pa'i sku// rnam dag byang chub sems
240b4 la phyag 'tshal lo// sngon tshe 'das pa'i bskal pa'i mtha' ring nas// 'khrul 'khor blun rmongs mdongs pa'i 'gro ba rnams// nga dang bdag bcas mtshan mas bcings pa yis// khams gsum rgyud las 'khor
240b5 ba'i 'gro don du// snyigs ma'i don la gdams pa'i gsung brjod 'di// rgyal sras gang 'dod dbang phyug skal ldan la// thugs rje'i dkyil 'khor rmad byung bsam yas pa// rnal 'byor phyi rabs don du
240b6 gsungs// skal bzang snod ldan shin tu rnal 'byor don// lhun grub byang chub rdzogs te dbang dam can// bla ma'i man ngag snyan thugs brgyud pa 'di// dad can rgyal rigs thugs dang 'dra rnams khyer// sku dang
241a1 gsung thugs yon tan phrin las kyi// thugs kyi dkyil 'khor rin chen sgo phye nas// bde gshegs dpal gyi mgur nas gsung bsgrags pa// gsang sngags rnal 'byor dbang phyug rgyal po
241a2 yin// mnyam sbyor kun tu bzang po nyid kyi dbyings// rnam dag lam chen kun sgrol dgongs pa'i thugs// bgrod med rnal 'byor rdzogs pa chen po'i lam// byar med lhun rdzogs skye med chos kyi dbyings// theg
241a3 pa'i rnam grangs gral thabs cha snyoms pa// ma 'dres chos rnams yongs su rdzogs pa'i rgyan// klung yangs rgya mtshor chu bo'i 'phro 'du bzhin// rgyal thabs spyi blugs dbang phyug rnams kyis mdzad// shes bya shes
241a4 byed kun gyi gzhir gyur pa// kun gzhi gnas gyur rdzogs pa'i dkyil 'khor ni// rnam shes gdeng ka'i nam mkha'i rgyas mnyam pa// rtse mo byung rgyal bde ba chen po'i dbyings// sde rgyud yang thog bla na med pa
241a5 yis// kun tu bzang po rang byung bcom ldan 'das// gcig tu rab tu che mchog chos kyi sku// lhun rdzogs sku gsung thugs kyi phyag rgya che// bla na med pa'i go 'phang mchog la gnas// chos dbyings ma skyes
241a6 sems can med pa'i phyir// srid pa'i chos rnams ye nas lhun gyis grub// de rgyu lhun rdzogs byang chub sems kyi dbyings// mi gnas mya ngan 'das pa'i 'bras bur gnas// zla rgyas bzhin du spros pa mi mnga'
241b1 ba// ye nas rgya mtsho 'khyil pa'i dbyings dang mtshungs// spros kyang de bzhin bsdus kyang de bzhin pa// bsod nams ye nas sku gsung thugs la rdzogs// lta ba nam mkha'i rgyal po'i 'phang gcod pa// btang
241b2 snyoms chen po lhun rdzogs chos kyi dbyings// ma skyes mi gnas nam mkha'i rang bzhin las// thugs rje'i cho 'phrul ya mtshan chen por ston// khyung chen gshog rdzogs mkha' la lding ba bzhin// chu rlung ri brag
241b3 gyen thur nyam mi nga// bar snang nam mkha'i khams kun lam du bde// gang du dmigs pa'i sa kun gcod par byed// de bzhin ye nas blo sbyangs rnal 'byor thugs// byang chub snying por 'gro ba'i skal ldan
241b4 po// sangs rgyas mngon du grub pa'i man ngag can// byang chub sems rtogs yon tan khyad par 'phags// bdag dang gzhan don lhun grub ma spangs pa// spyod pa rgya mtsho sna tshogs ci bder spyod// pad+ma skye ba'i rgyu
241b5 ni 'dam yin te// pad+ma la yang 'dam gyis gos pa med// chos nyid chags pa med par rtogs gyur na// ye shes chags med nyams pa rdul tsam med// thugs rje spyod pa bsam yas ji snyed pa// rnal
241b6 'byor thabs kyis spyod pa ji bzhin spyod// rnam rtog spros bral gzung 'dzin mi mnga' ba// mkha' mnyam rgyal pos 'dod dgu'i re ba skong// skye med dbyings las skye ba'i cho 'phrul rnams// rnam dag byang chub
242a1 sems kyi dbyings nas 'phro// mkha' dbyings rnam par dag pa'i dkyil 'khor ni// lhun grub yid bzhin rin chen gzhal yas khang// phyogs dus kun nas 'khyil ba'i rgyal po'i tshogs// rgyal ba
242a2 nyid la rgyal ba'i skur ston pa// rgyal tshogs rdo rje dbyings kyi dkyil 'khor rnams// 'gro don rgyal ba'i dkyil 'khor bstan pa'i phyir// 'gro 'dul rdo rje dbyings kyi dkyil 'khor 'phro// sprin med mkha' la
242a3 skar tshogs rgyas pa bzhin// bkrag gsal longs spyod rdzogs pa'i 'khor dang bcas// kun bzang rdo rje sems dpa' dpal sbyor ba// shes rab dbyings nas thabs kyi phyag rgya gsal// sang nge sa le mnyam la
242a4 ma 'dres pa// phung po khams dang skye mched rnal 'byor tshogs// kun tu bzang po rang byung bcom ldan 'das// gcig pu rab tu che mchog chos kyi sku// lhun rdzogs sku gsung thugs kyi phyag rgya che// ye nas lhun
242a5 grub byang chub snying por ni// bla med rgyal ba'i go 'phang mchog la bzhugs// bdag dang gzhan du rtog pa mi mnga' ba// 'jig rten rdo rje'i nyi ma shar ba bzhin// lhan ne lham mer ldan pa'i dkyil 'khor
242a6 can// rnam par thar pa'i zhal gsum phyag drug ni// sku gsum ye shes drug dang chos kyi dbyings// ji ltar skar tshogs bzhin du ma 'phros kyang// nyi ma'i dkyil 'khor 'bar bas zil gyis gnon// de bzhin
242b1 kun bzang rdo rje sems dpa' yang// nyi ma stong gi gzi brjid 'bar bas brjid// rgyal ba'i tshogs chen 'dus pa'i gtso bo ste// phyi nang gsang ba'i dkyil 'khor kun gyi bdag/ rnam par shes pa'i gtso bo kun
242b2 gyi gzhi// rang byung ye shes dbyings las ma g.yos kyang// stong khams yongs su snyoms pa'i thugs rje can// 'gro ba'i dpal mgon sna tshogs kun tu bzang// dbye bsal blang dor gnyis med don du
242b3 gcig/phyi dang nang kun thams cad chos kyi dbyings// rnam par thar pa'i spyod yul thams cad na// sangs rgyas sems can blang dor gnyis med de// lam dang gnyen pos bcos su ga la yod// bsgrub med
242b4 rtsal sprugs smon pa med pa yi// byar med lhun rdzogs bde gshegs de bzhin te// rtog dpyod rnam dag gnyis med chos dbyings la// log rtog 'khrul pa'i dbang du ga la 'gyur// rtog dang mi rtog ye shes chos
242b5 kyi sku// mthar thug med cing dbyings la bri ba med// skye med dbyings las skye ba'i cho 'phrul rnams// gang yang ma yin sna tshogs chos kyi dbyings// khams gsum rnam dag ma byung ma skyes na// dbus mtha' mi
242b6 gzigs rnam par rtog las 'das// rnam rtog gnyan pos rnam par mi rtog pa// mi rtog 'dod pas rtog pa chen po yin// chos kyi dbyings nyid mi rtog mtha' las 'das// rtog dang mi rtog gnyis ka tshig gi
243a1 mtha'// rnam rtog spros med byang chub snying po ni// kun gzhi rnam dag rnam shes rnam par dag/ ye shes rnam dag chos dbyings rnam par dag/ bdag nyid rnam dag gzhan yang rnam par dag/ blta
243a2 ba rnam dag spyod pa rnam par dag/sems can rnam dag sangs rgyas rnam par dag/ rgyu rnams rnam dag 'bras bu rnam par dag/ rten 'byung rnam dag 'brel pa rnam par dag/ bdag med gnyis med byang chub snying
243a3 po las// dbyings dang ye shes mnyam sbyor ma rtogs pa// chos nyid chos tshol chos rnams gzhan na med// rgyu 'bras don rtogs thabs dang shes rab ste// mkhyen pa mun sel byang chub sems dang
243a4 mnyam// dkyil 'khor byang chub sems las rang byung ba// skye med 'gag med cho 'phrul sna tshogs 'byung// mthun 'jug 'tshams pa'i spyod pa rgya mtsho ni// bdag dang gzhan don ye nas lhun grub kyang// thugs
243a5 rje chen pos 'gro don rdzogs par mdzad// ming tshig sgron mas don gyi gser mtshon pa// tshig gi rnam grangs gsung gi 'khor lo can// yod med mtha' las 'das pa'i kun gzhi ni// ming tshogs tshig gi rnam
243a6 grangs sdud pa'i bdag/yod kyang ma yin de bzhin med ma yin// rtag pa ma yin chad pa'i mtha' ru min// bdag tu ma yin mtshan mar 'dzin pa med// phyi nang gzung 'dzin dngos por gang rtog pa// mi mkhas
243b1 rmongs pa mu stegs lta la zhen// sna tshogs rang bzhin med par gang smra ba// med par mthong bas mu stegs chad pa'i lam// rtag chad gnyis kar gang gi blo zhen pa// don gyi snying po'i bzhed las gol sar
243b2 gsungs// gang yang ma yin sna tshogs chos kyi dbyings// bde gshegs rigs can byang chub snying po ni// gnyis med don rtogs rdzogs chen rnal 'byor pa'i// ye shes rnam dag lhun sbyor grub pa'i mtha'// re
243b3 dogs med pas dbyings las dbyings nyid gsal// sangs rgyas gzhan nas tshol ba'i grub mtha' med// kun gzhi rnam shes ye nas chos kyi dbyings// ye nas lhun grub sangs rgyas mngon sum na// gang nas su
243b4 la sangs rgyas gsol ba 'debs// 'khrul 'khor nyam thag ri dwags smig rgyu bzhin// sangs rgyas nyid kyis sangs rgyas nyid 'chos pa// rgya mtsho'i dbyings nas smig rgyur bsnyegs pa bzhin// de lta bas na sang
243b5 rgyas thob 'dod na// ting 'dzin rgyal po byang chub sems la gsal// rtogs na bdag nyidasangs rgyas mngon sum ste// mnyam pa'i rgyal po gnyis med chos kyi sku// gsang dang gsang chen dkyil 'khor zhes bya
243b6 ba// sangs rgyas dkyil 'khor rtogs pa nyid la 'dus// 'khor ldan bsod nams ye shes tshogs rdzogs pa// mngon sum mtshan dang dpe byad ldan pa yin// chos nyid 'dul dang snying rje chen po yi// dbang phyug
244a1 rdzogs pa chen po'i dam tshig la// ye nas rnam dag byang chub snying po ni// rgyal ba'i dkyil 'khor mnyam dang mi gnyis gcig/ mnyes ldan dngos grub blang med thob par nges// 'jig rten gsal
244a2 byed nyi ma'i dkyil 'khor bzhin// grags ldan stong khams yongs su 'byung bar 'gyur// rgya mtsho u dum wa ra'i dpe bzhin du// byang chub sems ldan brgya'am lan cig na// mi dmigs ting 'dzin goms na
244a3 'grub par 'gyur// gal te chags sdang blang dor blo skyes te// 'khrul sems skad cig rkyen gyis khros 'gyur na// bla med byang chub don las 'gal ba'i phyir// skad cig ma las grub gyur sems 'di la// log
244a4 rtog gsog zhugs khros pa'i dbang gis brlag/'ben thag chad 'gyur nye bar 'grub mi 'gyur// blo ldan nam zhig 'gyod pa drag skyes nas// rang sems dpang du btsug nas mi gtong ba// byang chub sems
244a5 mchog blo la shar ba yin// bskal par bsags pa'i mun nag thibs po yang// rigs pa'i rgyal po ye shes nyi zer gyis// skad cig yud tsam nyid la gsal bar 'gyur// mi shes blun rmongs skal med skye bo
244a6 rnams// bdag dang gzhan du 'dzin pa'i sems rgyud kun// rang bzhin rgyal ba'i chos skur gcig pa las// 'khrul pas so sor rtags te mthong bas nor// ye shes sku la rgyal ba rgya mtsho dang// log rtog sgyu ma
244b1 rgyud lnga'i sems can rnams// kun rdzob sgyu mar khyad par bsam yas kyang// don dam dbyings su rang bzhin yongs kyis mnyam// chos rnams thams cad ye nas stong pa'i phyir// de tsam nyid la'ang mi gnas mya
244b2 ngan 'das// sems can thams cad byang chub snying po la// rang gi sems nyid sangs rgyas mngon sum na// gzhan nas bsgrubs pa'i rgyal ba rdul tsam med// 'gro ba skal ldan rnams kyi don tsam du// bsgom zhing
244b3 bsgrub pa'i tha snyad lung du bstan// de lta bas na mi 'grub pa yang med// de ltar de bzhin chos kyi dbyings rig na// ma rig rnams la snying rje chen po bskyed// snying rje skyes nas sgyu ma'i ting 'dzin gyis// 'gro
244b4 don thabs la spyod pa sna tshogs ston// bdag dang gzhan du rtog pa med pa'i phyir// ye nas gnyis med don gcig chos kyi sku// chos sku skye med rtogs nas 'gro don du// skye ba'i cho 'phrul yang nas yang du
244b5 bstan// mdzad pa bcu gnyis 'gro don mthar phyin pa// cir yang 'gyur ba'i gzugs can sprul pa'i sku// thugs rje cho 'phrul sna tshogs cir yang gsal// thugs rje'i sprul pas gdul bya kun 'dul bas// sgyu
244b6 ma'i blo ldan rlom sems rdul tsam med// sangs rgyas rnams kyi dgongs rgyud ji lta bu// rang gi mtshan nyid ma bcos de bzhin nyid// chos rnams sgyu mar mngon sum gsal ba'i phyir// ting 'dzin sgyu ma'i cho 'phrul
245a1 sna tshogs rnams// cir yang mi dmigs gang yang nges pa med// rang byung rmad grags byang chub snying po 'di// skye 'gro phyi nang gzugs rnams thams cad ni// sku mchog mi zad rgyan gyi 'khor lo
245a2 rdzogs// sgra skad tha ma rab 'bring ma lus pa// gsung dbyangs mi zad rgyan gyi 'khor lo zab// thams cad ma lus dbyings su ro gcig phyir// thugs mchog mi zad rgyan gyi 'khor lor 'dus// mnyam sbyor thim
245a3 'gyur gsal nas mi mngon pa'i// chos kyi sku mchog byang chub snying por thim// gsang sngags dbang phyug go 'phang chen po 'dir// phyi nang gsang ba'i don dang mi ldan par// la la mkhas 'dod dregs pa'i nga
245a4 rgyal can// rang gi lta ba ya rabs mthor bzhed de// gti mug dbang gis bag zon ma chags par// drag 'dod yas bzhag btsan thabs dregs pa yis// bdag la gzhan med dpe zla 'phags 'dod
245a5 pa// gzhan la brnyas btsugs bdag gis lhar bsgoms kyang// mnyam pa'i rgyal po'i don las 'gal ba'i phyir// lta spyod ya cha'i bdud kyi las su 'gyur// mtho dman rlom sems dbang gyur mnyam pa'i
245a6 bcugs// nga'o snyam pa'i nga rgyal rang bzhin te// mkhas pa'i blo ldan bla ma'i lung bzhin du// skyon spong dge rtsa 'phags dral khyad par 'phags// tshig la mnyam sbyar mkhas pa zla med kyang// dam tshig phyal pas
245b1 byang chub sems spangs nas// rdo rjai lta bur 'grub 'gyur sems 'di la// log 'dren gsog can bden tshig ci smras kyang// 'khrul pa'i sems nyid log 'dren dbang du 'gyur// gsang sngags rgya mtsho'i sgo 'di
245b2 yangs pa ru// 'jug 'dod rgyal ba'i sku bslus slar log pa// bdud rtsi myangs nas dug tu 'khrul pa gang// badzra yak+sha drag po snying la gnas// lus srog sgyu ma rdul du brlags nas kyang// dmyal bar nges 'gro
245b3 gtan du snying re rje// gnam lcags mkha' las 'dam du bying ba bzhin// ri dwags mi yul so mtshams 'das dang 'dra// rgyud kyi don la bsnyeg pas lung zhes bya// thams cad byang chub sems dpas rtse mo
245b4 ste// mkhas pa'i thugs las byung bas byung rgyal nyid// byung rgyal nyid na rtse mo shar ba yang// rnam grangs rgyan du bkod pas phreng ba ste// dbye bsal blang dor med pas dam pa'o// tshad med bzhi dang ldan pa'i
245b5 rnam 'byor pa// bdag dang gzhan don bsgrub par brtson pa'i sems// sbyor sgrol dus ldan snying rje gnas rnams la// sems brod lung nod 'khor dang rdzas la sogs// phun sum tshogs 'dzin rgyal ba'i thugs
245b6 rje can// dmigs pa'i don du rtse gcig khung ldan na// rnal 'byor che mchog grub pa'i rig 'dzin thob// snying rje med pa'i las kyi gzhi rnams ni// kun tu bzang po'i tshig tsam smra 'dra bas// snying po'i don las
246a1 'gal gyur 'grub mi 'gyur// kun tu bzang mor sbyor ldan dngos grub can// rnal 'byor grub pa'i phrin las rgya mtsho rnams// skye med don dam kun rdzob rnam par spangs// theg chen spyi blugs rang
246a2 bzhin rnal 'byor don// lhun grub rdzogs chen sa rnams kun gyi bla// de ltar shes ldan bdud bzhi rnam par spangs// sdig 'dzem cher bskyed bsod nams khri phrag yas// lta ba dgongs pa'i 'bras bu mthar phyin
246a3 par// lung dang man ngag nges don gsal bar bya// rdzogs so//// !bar 'dir rin chen kun 'dus 'dzud// srog gi 'khor lo// bcom ldan 'das te ma lus kun gyi dpal// thugs rje thabs kyi
246a4 'gro don mthar phyin pa// bde ba thams cad mkhyen pa nyid kyi ngang// sku gsung thugs kyi rang bzhin chos kyi dbyings// byang chub sems kyi srog gi 'khor lo 'di// mnyam nyid 'dus pa'i gter la phyag 'tshal
246a5 lo// lus ngag yid gsum sku gsung thugs sbyor ba// rgyal ba rnams kyi gsang chen 'khor bzlog pa// mya ngan 'das pa'i dam tshig lu gu rgyud// chos dbyings rnal 'byor yongs kyi gter chen pas// rna
246a6 brgyud thugs kyi gter chen skal ldan la// mi nub yongs kyi btsas su bzhag pa yin// sku gsung thugs las bsdus pa'i snying po 'di// dus gsum rgyal ba'i chos dbyings sku gsung thugs// mnyam nyid 'gro don
246b1 man ngag kun gyi gter// skal ldan tshad ma rang rig dbang phyug gis// de yi rjes sob thugs kyi sras mchog la// tsit+ta'i dkyil 'khor yangs par gsal gyur cing// chos dbyings skye med mi gnas mya ngan
246b2 'das med dag/mi skye mi 'gag 'khor ba spang len med// nga med bdag dang bral ba rgyal ba'i thugs// rnal 'byor gsang ba'i snying po bsam yas pa// rin chen gter 'dus rgyal bas brjod mi lang// ma
246b3 spangs ma bsgrubs nam mkha'i ngang du gnas// khams gsum brtags na 'khor ba mya ngan med// phyogs char bcas na bde gshegs snying po min// kun gyi rang bzhin 'ja' tshon snang bzhin med// de la med
246b4 bzhin 'byung ba rgya mtsho 'dra// chos dbyings skye ba med pa yum gyi ngang// rgyal ba'i phyag rgya rgyal ba'i cho 'phrul can// 'khor ba mya ngan 'das la dgod pa'i phyir// rang byung ye shes dbyings las ma g.yos
246b5 kyang// stong khams yongs la snyoms pa'i thugs rje 'byung// nga med bdag dang bral ba'i snying po rdzogs// don dam ye shes dbyings 'di rdzogs pa che// snying po nyi ma bzhin te 'od kyi mchog/ skye 'gro phyi nang
246b6 gzugs rnams thams cadani// sku mchog mi zad rgyan gyi 'khor lor rdzogs// sgra skad tha ma rab 'bring ma lus pa// gsung mchog mi zad rgyan gyi 'khor lor rdzogs// dbyer med don dam dbyings su ro gcig
247a1 pas// thugs mchog mi zad rgyan 'khor yongs su rdzogs// thams cad sku gsung thugs te dbyer med pa// skye med nam mkha'i klong yangs rgya mtsho bzhin// 'du 'bral med pa'i dbyings mchog
247a2 rab 'byams na// chen po bzhi yi cho 'phrul grangs med pa// brtags sam rtogs na 'byung ba'i 'bras bur 'dus// 'chi ba med pa'i sman chen bdud rtsi 'di// ye nas rdzogs pas gzhan nas btsal mi
247a3 dgos// kun kyang rgyu gcig chos dbyings ngang du mnyam// gzhan nas 'ongs med gar yang 'gro mi srid// thams cad rang bzhin byang chub sems su gsal// snang srid thabs kyi rang bzhin rgyal ba'i yab// de
247a4 la rang bzhin med pa yum gyi dbyings// thabs dang shes rab ldan par ma 'dus med// thabs dang shes rab 'brel pa'i rang bzhin pas// sku gsung thugs kyi rang bzhin bsam mi khyab// chos dbyings rgyu
247a5 gcig rang bzhin cir snang yang// byang chub rnam gnyis ngang du thams cad 'dus// mkha' dbyings rnam dag yangs pa'i rgya mtsho la// 'byung ba'i skar tshogs mang po bsam mi khyab// de bzhin mkha' mnyam
247a6 dbang phyug chen po'i thugs// yon tan rgya mtsho sangs rgyas kun gyi ngang// bdag med phyogs bral chos dbyings mkha' dang mnyam// sems can kun 'dren byang chub dbyings la 'god// sde snod rgyud dang gal
247b1 po thugs la rdzogs// mtho dman phyogs mtshams byang chub sems dang ldan// chos dbyings dri med rgya mtsho dngas 'dra ba// srid gsum 'gran zla mi mnga' dbang phyug che// yongs kyi srog 'dus chos kyi 'khor lo
247b2 'di// rang rig dbang phyug rdo rje legs rtsal gyis// rnal 'byor yongs kyi don du bsgrags pa dag/ gnyis med man ngag srog gi 'khor lo zhes// thugs las phyung ba 'gro ba yongs la bsngo// rdzogs
247b3 so//// !byang sems myu gu/// bcom ldan 'das dpal kun tu bzang po la phyag 'tshal lo// rgyu rkyen tshogs pa'i sdong bu la// myu gu don gyis 'byung ba ltar// ma bcos ngang du rang bzhin
247b4 gnas// gnas pas dmigs med myu gu 'byung// spros med byang chub sems la myu gu 'byung// rgyu la ltos pa med pas rkyen gyis gzhig tu med// skye 'gag med pa'i myu gu de// yul la dmigs pa med pas
247b5 sems la 'pho 'gyur med// yul sems 'du 'bral med pa'i sbyor bas myu gu 'byung// de la 'gag pa med pas sgrol ba chen por brtags// dus gsum 'gyur ba med pas byang chub sems// ma ltos lhun gyis
247b6 grub pas snang srid ye sangs rgyas// bsrung du med pa'i dam tshig chen po la// ye bsrungs gdeng gis chod pa'i myu gu 'byung// bsgom du med pa'i dmigs pa chen po las// ngang las ma yengs mnyam pa chen por
248a1 bzhag/rnam rtog spros bral byang chub chen po la// gzung 'dzin med pa'i bla med myu gu 'byung// rgyu la rag ma lus pa'i myu gu chen po la// rkyain du bral ba'i yon tan myu gu 'byung// 'byung ba lnga nyid
248a2 ye nas sangs rgyas la// snang srid lha yi 'khor lo'i myu gu 'byung// byang chub sems can man ngag rgyal po 'di// thams cad ye nas sangs rgyas pa'i// rgyud drug gnas su dag pas btsal ba'i bsam pa
248a3 de// lung la sgrib pa med pas man ngag myu gu yin// sems la dogs pa med pas sangs rgyas kun gyi gzhi// dug gsum rtsad nas bcad pas byang chub sems// 'khor ba thams cad sgrol ba'o// byang chub
248a4 sems kyi myu gu rdzogs so//// !bde ba phra bkod//// bcom ldan 'das dpal kun tu bzang po la phyag 'tshal lo// sems la mtha' dbus med pas phyi nang ma bral te// sems la spang len med
248a5 pas bde la bkod pa'o// ma btsal lhun gyis grub pa'i don de yang// skye med ngang las gnas pas bde la phra bkod pa'o// skye ba med pa'i byang chub sems can la// rdzogs pa yongs rdzogs bde ba'i klong na
248a6 'phyo// rten pa'i gnas med chags pa'i yul dang bral// 'khor ba med pa'i don de phra bkod pa'o// bsrung du med pas 'bras bu lhun gyis grub// bsgrub tu med pas lha rnams mya ngan 'das// mtshon du med pas
248b1 yi ges bkri ru med// bdag bskyed kun dang bral na bde ba rang la snang// mi skye de ru chud pas 'du 'bral ye nas med// mtha' dang dbus med bdal ba'i phra bkod pa'o// gnyis su med pa'i rang bzhin phra
248b2 bkod pa'o// snang med rig pa shes pas dngos po kun dang bral// skye med dbyings su thug pas spang len med pa yin// ma bcos lhun gyis grub pas rang la shar// brtan pa'i gnas su 'byung ba lnga nyid
248b3 chos// grub pa'i sku mchog chos sku brdal ba che// yin pa'i rtags su chags dang bral bas na// 'pho 'gyur med pas mi skye gdeng du gyur// dug lnga spangs pas sku lnga phra bkod pa'o// spyod pas spyad du med de
248b4 chags sdang yul las 'das// bsgrubs pas bsgrub tu med de lha la rten mi 'cha'// bsgoms pas bsgom du med de sgom pa'i yul dang bral// bsrung ba'i tshul khrims bya ba ye med de// mi bsrung gdeng dang ldan
248b5 nas phrin las btsal du med de 'khor ba mya ngan 'das// sems la skye shi med pas bde ba phra bkod pa'o// ma g.yos dbyings na gnas pas gar yang 'gyur ba med// snang srid kun la khyab pas mtha' dang
248b6 dbus med yin// gang yang bkag pa med pas gsal ba'i phra bkod pa'o// bde ba'i klong na gnas pas sdug bsngal bral ba yin// 'bras bu chos skur grub pas mtshon pa mya ngan 'das// ye brdal 'bras bu
249a1 yin pas chos sku 'grub// blta bar bstan pas ye nas gos pa med// snang ba rang la shar bas sems la nus pa med// mi nub rgyal mtshan rtse ru phyin na ltung ba med// dmigs pa yul med rten
249a2 pa'i gzhi dang bral// chags sdang med na sdug bsngal bral ba yin// mi 'gyur lhun gyis grub pa'i bde ba'i klong na gnas// mnyam nyid don du rtogs pas phra bkod pa'o// mi skye dbyings nas rig pa rang la
249a3 shar// don dam nges pa rtogs nas mnyam pa'i klong na 'phyo// bsgom bsgrub mtha' las 'das pas mnyam pa'i klong na gnos// rang bzhin lhun gyis grub pas rgyu dang 'bras bu med// snang ba rang la shar bas
249a4 nyin dang mtshan mo med// ma bkag kun la khyab pas ye brdal phra bkod pa'o// mi skye dbyings nas rig pa rang la shar// don dam nges pa rtogs nas mnyam pa'i klong na 'phyo// mnyam pa'i ngang la bzhag na dus
249a5 gsum gcig tu nges// byung tshor bying rmugs thar lam mi 'thob mnyam par bzhag pa'o// skye med dbyings nas rig pa'i bcud shar ba'o// dngos po kun dang bral bas snang ba rang la shar// gzung 'dzin rnam
249a6 rtog bral bas bde ba rang la snang// chags dang bral bas rtogs pa'i mthar thug pa'o// sems la bsgom du med pas tshig gi mtha' las 'das// bsgrub tu med pas yi ge sgra dang bral// bsrung du med de ye
249b1 bsrungs phra bkod pa'o//// !byang chub kyi sems rdzogs pa spyi gcod kyang zer tig/ chos rnams ma lus dbyings su rgyu gcig pas// 'khor ba mya ngan 'das pa gnyis med de// ji ltar bltas pa kun tu ,
249b2 bzang po'i klong// dbyer med klong las ma nyams bde ba'i sku// snang srid ma lus ye nas dag pas na// sems can sems nyid rgyal ba sangs rgyas yin// rdo rje sems dpa' dbyer med ye sangs rgyas// ye
249b3 nas dag pas chos sku bde ba'i mchog/btsal du med pas bsgom pa'i tshig dang bral// tshig las 'das pas brjod pa'i tha snyad med// ye sangs rgyas pas blta ba'i dmigs med de// snying po byang chub dgongs
249b4 su med pa'o// rnal 'byor blta dmigs tshol ba don las nyams// mi blta mi tshol don de nyid yin pas// don la mi blta bltar med 'khrul pa med// bde ba chen po gang zhig tshol ba 'khrul// rnal 'byor stong
249b5 bsgom lcags nas bkrol ba yin// rdzogs so//// bar 'dir khams gsum sgron ma 'dzud//


CLOSE WINDOW