207a3 / shrI sid+ha dang bai ro tsa nas bsgyur ba'o/// rgya gar skad du/ tsar+ya sUr+ya tsan+d+ra sa ma tan+t+ra s+ya pany+dzi ka/ bod skad du/ spyod pa nyi zla dang mnyam pa'i
207a4 rgyud kyi dka' 'grel/rtsa bral rig pa'i lha la phyag 'tshal lo// e ma rgyud don gsum du bshad// gleng gzhi rnam par dag pa dang// rgyud kyi dngos po bstan pa dang// mthar phyin yongs su gtad pa'o// gleng
207a5 gzhi gnyis su bshad par bya// phun sum tshogs dang zhus lan no// phun sum tshogs pa lngar bshad do// gcig gis dus bstan bzhi yis gnas// bzhi yis bstan pa dgu yis 'khor// gcig gis sdud pa
207a6 gnyis su bstan// zhus lan la ni gsum yin te// sems dpas zhus dang ston pas lan// shin tu rgyas par zhus pa'o// de yi dang po drug don gsum// tshigs bshad brgyad la sbyar te bshad// ston pa'i lan
207b1 ni gsum yin te// thos bsam bsgom gsum tshigs bshad ni// bcu bzhi dag la sgyur te bshad// rgyas par zhus pa tha ma'i brgyad// tshig lnga dag tu shes par bya// de nas yang dag bshad par bya// rgyud kyi
207b2 dngos po drug tshan lnga// bsdus dang rgyas dang rnam par rgyas// yongs su shes dang shin tu rgyas// de las bsdus pa'i tshig drug ste// lta sgom spyod 'bras thugs rje dang// gzhi ma'i tshig dang rnam pa drug/
207b3 rim dang rim par sbyar la bshad// de nas yang dag bshad par bya// rgyas pa la ni don drug ste// lta ba'i don dang sgom pa'i don// spyod pa'i don dang 'bras bu'i don// nges tshig don dang ldang tshang don// gsum dang
207b4 gnyis dang bzhi dang lnga// gsum dang gnyis la rim gyis sbyar// bzhi pa 'bras bu gnyis su bstan// lam 'bras gnyis kyi chos sku dang// thugs rje sprul pa 'char ba'o// de nas yang dag bshad par bya// rnam
207b5 par rgyas pa rtsal drug ste// lta ba'i rtsal dang sgom pa'i rtsal// spyod pa'i rtsal dang 'bras bu'i rtsal// gol sa dang ni slob dpon rtsal// dang po thog ma'i gzhi yin te// gnyis pa bzhi 'das bzhi yin no// gsum
207b6 pa gsum pa'i gnyis yin te// bzhi pa gnyis pa gnyis yin no// lnga pa'i lnga pa lnga yin te// drug pa drug pa'i lnga la bkral// de la bzang ngan skyon yon gnyis// mkhas pas thugs rjer shes par bya// de nas
208a1 yang dag bshad par bya// yongs su rgyas pa drug tu bshad// lta ba sgyu ma lta bur che// bsgom pa rgya mtsho lta bur che// spyod pa khyung chen lta bur che// 'bras bu kun bzang lta bur che// gol sa nam
208a2 mkha' lta bur che// kun gzhi snang ba lta bur che// dang po la ni gsum du bshad// theg pa drug gi la bzla dang// a ti yo ga'i 'dug tshul dang// zab mo chos kyi 'char sgo'o// dang po gzhi min gzhi tshad
208a3 gsum// gsum po rim gyis sbyar bar bya// de 'og bdun gyis spyod pa ste// de bzhin brgyad la bsgom par bya// 'bras bu la ni gnyis su bshad// dang po gzhi bzhag sku bzhi la// kun bzang man chad bcu bzhi
208a4 ni// thugs rjer bstan te dbye na gsum// rten 'brel chos dang 'gro ba'i chos// 'jig rten chos dang bzhi tsho gsum// rim gyis sbyar te kun bzang gnyis// gsum po'i mgo la rnam par brgyan// gol sa de
208a5 'og bdun yin te// kun kyi tha ma'i gzhi la bkral// de nas yang dag bshad par bya// shin tu rgyas pa drug yin te// blta ba chos nyid thig le dang// bsgom pa dbyings kyi thig le dang// spyod pa rnam dag thig
208a6 le dang// 'bras bu kun bzang thig le dang// thugs rje ye shes thig le dang// kun gzhi lhun grub thig le'o// de la blta ba gnyis su bshad// sku gsum rang chas blta ba dang// thugs rje rang byung blta
208b1 ba'o// dang po bzhi ste gnyis pa brgyad// rim dang rim gyis sbyar la bshad// de nas yang dag bshad par bya// bsgom pa la ni lngar bshad do// rang bzhin gnas pa'i ye shes dang// bla mas bstan pa'i rtogs
208b2 pa dang// rtog pa'i yon tan rang las byung// ma bcos rang bzhag bsgom pa'i mchog/ de la brjod du med pa'o// de lnga bzhi tshan lnga la ni// rim dang rim gyis sbyar la bshad// de nas yang dag bshad par
208b3 bya// spyod pa rnam pa bzhir bshad de// sdug bsngal chos nyid spyod pa dang// las las grol ba'i spyod pa dang// rnam rtog ye shes spyod pa dang// theg pa la bzla'i spyod pa'o// bzhi dang brgyad dang yang ni
208b4 bzhi// nyi shu dag la rim gyis sbyar// theg pa la bzla byed la gzhi// rnam rtog bsgom pa'i nyan thos dang// dge sdig sel ba'i rang rgyal dang// stong par 'dod pa'i dbu ma dang// dug lnga ma spangs gsang sngags
208b5 rnams// bzhi tshan gsum dang brgyad la ni// rim gyis sbyar te bshad par bya// de nas yang dag bshad par bya// 'bras bu la ni gsum du bshad// chos sku bya btsal bral ba dang// longs sku yongs su rdzogs pa
208b6 dang// sprul pa kun la khyab pa'o// de la chos sku gsum du bshad// sku gsum thugs rje'i gzugs dang ni// rang las gzhan nas 'byung ba min// bya bral bgrod du med pa'o// brgyad dang bzhi dang bzhi las
209a1 bkral// yongs su rdzogs pa gzhir bshad de// sangs rgyas rang las 'byung ba dang// dus gsum rgyal ba'i 'byung gnas dang// mnyam nyid phyogs chas mi 'grub pas// bde bar 'dod na gol
209a2 ba'o// bzhi tshan bzhi la rim gyis sbyar// kun la khyab pa bzhir bstan te// dus gsum chos skur gdod nas gcig/ rang bzhin gnas pa bde ba'i sku// sprul sku sgyu ma lta bur 'char// thugs rje thabs kyi rol
209a3 pa'o// gsum dang bzhi dang gcig dang bzhi dang ni// bcu drug dag dang sbyar te bshad// de la thugs rje bzhir bshad de// re smon drang don thugs rje dang// gcig chos sgro skur bral ba dang// zab mo'i chos la
209a4 rtog pa gol// dus gsum de nyid tha tshig go// bzhi tshan bzhi la sbyar te bshad// de nas yang dag bshad par bya// thugs rje la ni lngar bstan te// mnyam nyid thugs rje'i sprul pa dang// gol sgrib bstan
209a5 pa'i thugs rje dang// ye shes sgyu ma'i thugs rje dang// ngo bo rmad byung thugs rje dang// mdzad pa phrin las thugs rje'o// mnyam nyid sprul pa drug tu bshad// mnyam pa ris med thugs rje dang// ris med kun gyi
209a6 'byung gnas dang// de nyid rtsol ba bral ba dang// shes rab thabs kyi rgyu ma rtogs// ma nges sprul pa 'gyed pa dang// 'gro rnams rang gi sgrib pa'o// bzhi tshan gnyis dang gnyis tshan bzhi// rim gyis sbyar la
209b1 rnam par bshad// gol sgrib rnam pa gsum du bshad// phyi par gol dang nang par gol// rgyu 'bras chos ni bkag pa med// bzhi tshan gsum la 'chol bar bkral// ye shes sgyu ma gnyis su bshad// rtogs
209b2 na thugs rje zhor 'byung dang// lhun grub rang la 'byung ba'o// bzhi bzhag thog mtha' bzhi bzhi yin// ngo bo rmad byung gnyis su bstan// chos nyid mtshon du med pa dang// zab mo bzhi yi gdams ngag go// bzhi
209b3 bzhi la ni sbyar la bshad// mdzad pa phrin las bzhir bshad de// dag pa'i lam chen kun la khyab// ma shes bslad pas 'gro ba 'khrul// rtogs te shes na mngon sangs rgyas// de yi yon tan phrin las
209b4 rdzogs// gnyis dang gcig ste gsum dang drug/ go rim bzhin du sbyar te bshad// de nas yang dag bshad par bya// kun gzhi rnam pa gsum du bstan// gnas pa gzhi yi kun gzhi dang// sbyor ba don gyi kun
209b5 gzhi dang// ldog pa dus kyi kun gzhi'o// gnas pa gzhi la bcu gcig ste// dkyil 'khor dgod du med pa dang// rim pa bsgyur du med pa dang// mchod pa bsngo ru med pa dang// tshogs la bsag tu med pa
209b6 dang// smon lam bsngo ru med pa dang// bdud rtsi sbyang du med pa dang// lha la bsgom du med pa dang// sdig pa bshag tu med pa dang// thang sku dgram du med pa dang// dngos grub bsgrub tu med pa dang// thams
210a1 cad mnyam nyid rdzogs pa'o// 'dis ni bcu la rnam par brgyan// dang po gnyis ni gcig la dbye// de 'og gcig ni de nas gnyis// de nas gnyis te re re la// yang ni gnyis te de re la// rim
210a2 gyis sbyar la bshad par bya// sbyor ba'i gzhi la gsum du bshad// dus gsum chos nyid sbyor ba dang// shes rab dam tshig sbyor ba dang// thabs kyi gnyis med sbyor ba'o// dus gsum chos nyid thog ma'i
210a3 gzhi// gnas pa gzhi yi gang nas bslad// sbyor ba gnyis pa bcu gcig 'og/ gnyis gnyis dag la sbyor te bshad// ldog pa'i kun gzhi bdun du bshad// gtong ma gtang du med pa dang// phrin las btsal du
210a4 med pa dang// mtshams la gcad du med pa dang// bzlas brjod bya ru med pa dang// blta bas zin ma zin gyi khyad// rtogs pa lung gi man ngag dang// chos nyid 'gyur ba med pa'o// gzhi la bzhir
210a5 bstan gcig la bzhi// de ni gcig la bzhir bstan gcig gi gzhi// thugs rje gzhir bzhag 'di ru blangs// de nas yang dag bshad par bya// mthar phyin yongs su gtad pa ni// rnam pa gnyis su bshad par
210a6 bya// ston pas 'khor la gtad pa dang// 'khor gyis rjes su yi rang ngo// de yi dang po gsum du bshad// rgyud kyi yon tan bstan pa der// rgyud kyi rnam grangs bstan pa dang// che ba dang ldan gtad pa'o// dang
210b1 po dang po'i rnam pa brgyad// gnyis pa de 'og bzhi yin te// gsum pa de yi yang ni bzhi// rim gyis sbyar te bshad par bya// rjes su yi rang gnyis su bshad// sems dpas gtso la bstod pa dang// 'khor
210b2 gyis rjes su yi rang ngo// dang po la ni bdun yin te// tha ma la ni drug tu bshad// rim dang rim par sbyar byas la// yang dag sa ru bshad par bya// de las lus na sid+d+hi kan// spyod pa nyi zla dang mnyam pa'i rgyud
kyi dka' 'grel/

CLOSE WINDOW