CLOSE WINDOW

Gpb008.001
བོད་ཡིག

chos thams cad rdzogs pa chen po byang chub kyi sems kun byed rgyal po bzhugs so// rgya gar skad du/ sarba d+harma ma hA san+ti bo d+hi tsit+ta ku la ya rA dza/ bod skad du/ chos thams cad rdzogs pa chen po byang chub kyi sems kun byed rgyal po/ bcom ldan 'das byang chub kyi sems kun byed rgyal po la phyag 'tshal lo// 'di skad bshad pa'i dus na/ 'og min gyi gnas chos nyid kyi mkha' dbyings nyid kyi klong sems nyid kyi gnas ye shes sgrib pa mi mnga' ba'i gzhal yas khang na nyid kyi rang bzhin dang/nyid kyi ngo bo dang/ nyid kyi thugs rje ye shes mngon du phyung ba'i 'khor 'di lta ste/ nyid kyi rang bzhin gyi 'khor chos kyi sku zhes bya ba'i 'khor dang/nyid kyi ngo bo'i 'khor longs spyod rdzogs pa'i sku sa zhes bya ba'i 'khor dang/ nyid kyi ngo bo'i 'khor longs spyod rdzogs pa'i sku chu zhes bya ba'i 'khor dang/ nyid kyi ngo bo 'khor longs spyod rdzogs pa'i sku me zhes bya ba'i 'khor dang/ nyid kyi ngo bo'i 'khor longs spyod rdzogs pa'i sku rlung zhes bya ba'i 'khor dang/ nyid kyi ngo bo'i 'khor longs spyod rdzogs pa'i sku nam mkha' zhes bya ba'i 'khor dang/gzhan yang thugs rje ye shes mngon du phyung ba'i sprul pa'i 'khor 'di lta ste/ 'dod pa'i khams kyi sems can zhes bya ba'i 'khor dang/gzugs kyi khams kyi sems can zhes bya ba'i 'khor dang/ gzugs med pa'i khams kyi sems can zhes bya ba'i 'khor dang/ gzhan yang nyid kyi rang bzhin la lta ba'i 'khor rnam pa bzhi 'di lta ste/shin tu rnal 'byor zhes bya ba'i 'khor dang/ yongs su rnal 'byor zhes bya ba'i 'khor dang/ rnal 'byor chen po zhes bya ba'i 'khor dang/sems dpa'i rnal 'byor zhes bya ba'i 'khor dang/ nyid kyi rang bzhin dang/ nyid kyi ngo bo dang/ nyid kyi thugs rje rang bzhin 'byed pa mi mnga' bas thabs cig go/ gzhan yang nyid kyi rang bzhin rtogs pa'i 'khor 'di lta ste/sngar 'das pa'i sangs rgyas nyid la gnas pa'i 'khor dang/ da ltar bzhugs pa'i sangs rgyas nyid kyis don mdzad pa'i 'khor dang/ slad nas byon pa'i sangs rgyas nyid las 'byung ba'i 'khor dang/'byed pa mi mnga' ba'i rang bzhin gyis thabs cig par bzhugs so// de nas byang chub kyi sems kun byed rgyal po des 'khor thams cad nyid kyi rang bzhin du byin gyis brlabs pa'i phyir 'khor thams cad nyid kyi sems nyid kyi thugs la thim par mdzad do// rang 'byung gi ye shes gsal bar mdzad do// de nas thams cad chos nyid du ldan par bya ba'i phyir thams cad bsdus nas thig le chen po gcig tu bzhugs so// de nas sems dpa' de nyid kyi rang bzhin thig le chen po gcig tu bzhugs pa de las byung nas/ byang chub kyi sems kun byed rgyal po'i spyan sngar dga' ba'i sems kyis dang ba'i mdangs phyung ste 'khod pas byang chub kyi sems kun byed rgyal pos sems dpa' rdo rje la smras pa/sems dpa' rdo rje e ma ho// dga' ba'i sems skyes e ma ho// dang ba'i mdangs phyung e ma ho// nga las byung ba e ma ho// zhes gsungs pas// de nas sems dpa' rdo rjes zhus pa/ kye ston pa'i ston pa kun byed rgyal po lagad+has// ston pa nyid kyang thig le spros med dam// 'khor rnams kun kyang thig le spros med dam// bstan pa kun kyang thig le spros med dam// dus dang gnas kyang thig le spros med dam// thams cad kun kyang thig le'i rang bzhin na// ston pa'i ston pas ci zhig ston par mdzad// 'khor du 'khor ba'i don ni ci la 'khor// 'khor la bstan pa ci zhig ston par byed// dus dang gnas ni gcig pa ji lta bu zhes zhus so// de nas byang chub kyi sems kun byed rgyal po des sems dpa' rdo rje la 'di skad ces gsungs so// kye sems dpa' chen po yid sgra la chug cig/ nges don sgrar bshad kyis// kye sems dpa' chen po// sems nyid kun byed rgyal po nga nyid ni// chos rnams thams cad kun gyi snying po ste// snying po ma spros ye nas thig le yin// thig le ye nas spros pa med pa'i don// ston pa dang ni bstan pa 'khor dus gnas// nga las byung bas ye nas thig le ste// nga yi rang bzhin thig le bstan pa yin// zhes gsungs so// byang chub kyi sems kun byed rgyal po las gleng gzhi'i le'u ste dang po'o//// de nas byang chub kyi sems kun byed rgyal po des chos thams cad nyid las byung ba'i ting nge 'dzin ces bya ba la gnas par mdzad do// de nas 'khor gyi rang bzhin las sems dpa' rdo rje langs nas ston pa byang chub kyi sems kun byed rgyal po'i zhal du mdangs phyung ste 'khod nas zhus pa// kye ston pa'i ston pa kun byed rgyal po lags// khyod kyi 'khor du bdag 'dus 'khod pa ste// bdag ni 'tshal ba'i don ni ci zhig mchis// bdag 'tshal don ni khyod kyis bstan du gsol// zhes zhus so// de nas byang chub kyi sems kun byed rgyal po des nyid kyi rang bzhin dang/nyid kyi ngo bo dang/ nyid kyi thugs rje las chos thams cad bkod pa ni nyid kyi rang 'byung gi ye shes chen po gcig las rang 'byung gi ye shes chen po lnga byung ba ni 'di lta ste/ zhe sdang rang 'byung ye shes chen po dang/'dod chags rang 'byung ye shes chen po dang/ gti mug rang 'byung ye shes chen po dang/ phrag dog rang 'byung ye shes chen po dang/ nga rgyal rang 'byung ye shes chen po dang/ rang 'byung gi ye shes lnga po des rgyan gyi rgyu chen po lnga ni phyung/'jig cing brten pa'i khams chen po gsum ni bkod de/ rgyan gyi rgyu'i las lnga gcig tu blangs pa 'di lta ste/ rgyan gyi rgyu'i lus sa zhes bya ba'i lus dang/ rgyan gyi rgyu'i lus chu zhes bya ba'i lus dang/ rgyan gyi rgyu'i lus me zhes bya ba'i lus dang/ rgyan gyi rgyu'i lus rlung zhes bya ba'i lus dang/ rgyan gyi rgyu'i las nam mkha' zhes bya ba'i lus la gcig tu lus thams cad blangs/ye shes lnga'i rigs so sor phye ste/ rang 'byung ye shes zhe sdang gi rigs dang/ rang 'byung ye shes 'dod chags kyi rigs dang/ rang 'byung ye shes gti mug gi rigs dang/ rang 'byung ye shes phrag dog gi rigs dang/rang 'byung ye shes nga rgyal gyi rigs dang/ rang 'byung ye shes lnga'i rigs lus rgyan gyi lus can gyi chos nyid bkod do// byang chub kyi sems kun byed rgyal po de nyid kyang nyid kyi rang bzhin gyi chos nyid bkod pa de bzhin du bzhugs so// de nas sems dpa' rdo rje de byang chub kyi sems kun byed rgyal po'i spyan sngar yang 'dug nas/ kye ston pa kun byed rgyal po lags// nyid kyi thugs gcig rang 'byung ye shes las// rang 'byung ye shes rnam pa lnga byung nas// de las rgyan gyi rgyu lnga byung nas ni// ye shes lnga yi lus lnga blangs pa 'dis// kun byed rgyal po'i dgos pa ci zhig che// zhes zhus so// de nas byang chub kyi sems kun byed rgyal po des slar gsungs pa// kye sems dpa' chen po dgos pa ni// kun byed rgyal po byed mkhan nga las ni// ma gtogs pa yi byed mkhan gzhan na med// chos nyid byed pa yang ni nga las med// ston pa gsum yang 'god pa nga las med// 'khor gyi tshogs yang 'god pa nga las med// de bzhin chos nyid 'god pa nga las med// sems dpa' rdo rje khyod la nga yis ni// nga yi rang bzhin khyod la bstan par bya// nga la rang bzhin rnam pa gsum yod de// nga yi rang bzhin byang chub sems yin no// byang ba dag gi rang bzhin bstan pa ni// phun sum tshogs pa rnam gsum chos nyid byang// chub pa dag gi rang bzhin bstan pa ni// dgos pa tshogs pa rnam pa gsum gyis ni// nam mkha' bzhin du kun la khyab par gnas// sems zhes bya ba'i rang bzhin bstan pa ni// mi 'gag ma lus kun byed rgyal po ste// kun byas byang chub sems su ma lus byas// zhes gsungs so// byang chub kyi sems kun byed rgyal po las chos nyid mngon du phyung nas bstan pa'i le'u ste gnyis pa'o//// de nas byang chub kyi sems kun byed rgyal po des chos thams cad kyi sngon rol du byed pa po nga byung ba 'di gsungs so// kye sems dpa' chen po yid rna dbang la zhugs shig/ rna dbang sgra la rtogs shig/ kye nga ni kun byed rgyal po ste// nga ni kun byed byang chub sems// nga med pa yi sngon rol na// chos rnams 'byung ba'i snying po med// nga med pa yi sngon rol na// chos kun byed pa'i rgyal po med// nga med pa yi sngon rol na// ston pa bya ba ye nas med// nga med pa yi sngon rol na// bstan pa bya ba ye nas med// nga med pa yi sngon rol na// 'khor zhes bya ba ye nas med// sems dpa' rdo rje rtog ma skye// sems dpa' chen po khyod nyid kyang// nga yi ngo bo sprul pa yin// zhes gsungs so// de nas sems dpa' rdo rjes byang chub kyi sems kun byed rgyal po la zhus pa// kye kun byed rgyal po byang chub sems/ khyod ni ye nas chen po yin// ston pa dang ni bstan pa dang// 'khor la sogs pa'i chos rnams kun// byed mkhan khyod kyis byas pas na// ji ltar snang ba'i chos rnams kun// byed mkhan khyod kyis byas par snang// ston pa gcig gam rnam pa du ru yod// bstan pa gcig gam rnam pa du ru yod// 'khor rnams gcig gam rnam pa du ru yod// ces zhus so// de nas byang chub kyi sems kun byed rgyal pos slar gsungs pa// kye rang 'byung ye shes kun gyi ston par gcig/nga yi rang bzhin rnam gsum snang ba la// ston pa'i grangs ni rnam pa gsum du byung// nga ni de bzhin nyid du gcig pa las// chos rnams kun gyi chos nyid de bzhin nyid// nga nyid byang chub sems las gzhan med do// nga las byung ba'i ston pa sku gsum gyis// 'khor la bstan pa rnam pa gsum du bstan// nga yi ngo bo gcig tu phyung nas ni// nga yi rang bzhin gcig tu bstan pa'i phyir// kun byed nga yi 'khor du kun kyang gcig/nga las byung ba'i ston pa sku gsum gyis// 'khor gyi bye brag rnam pa gsum du yod// ces gsungs so// sems dpa' rdo rje zhus pa// kye ston pa'i ston pa kun byed rgyal po lags/ khyod las byung ba'i ston pa sku gsum la/khyod sar 'gro ba'i lam ni yod dam med// med na khyod kyis sa ru phyin mi phyin// yod na bgrod nas phyin nam ma bgrod phyin// kye sems dpa' chen po nyon cig/ nga las byung ba'i ston pa sku gsum la// nga yi sa ru bgrod pa'i lam med de// nga yi rang byung ye shes bstan pa yin// sku gsum ston pa de yi 'khor rnams la// rnam par thar pa'i lam ni rnam lnga ste// dus gsum sangs rgyas kun gyi lam du bstan// rang 'byung ye shes lnga yi lam lnga ni// 'dod chags dang ni zhe sdang gti mug dang// nga rgyal dang ni phrag dog rnam lnga ste// rang 'byung ye shes rnam lnga kun gyi lam// zhes gsungs so// ston pa'i ston pa kun byed rgyal po lags// rang 'byung ye shes lam lnga bstan pa de// rang 'byung zhes ni ji ltar byung ba lags// ye shes bya ba'i gtan tshigs ci la gdags// lam zhes bgyi ba'i don ni gang la bgyi// 'dod chags zhe sdang gti mug nga rgyal dang// phrag dog la sogs rnam pa lnga po de// lam lnga yin pa'i don ni bshad du gsol// zhes zhus so// kye sems dpa' chen po// rang 'byung ye shes rnam pa lnga lam ni// rang 'byung rgyu rkyen med par byung ba yin// ye shes 'gag pa med par gsal ba yin// lam ni rgyu rkyen med pas bgrod mi dgos// mi bgrod rang 'byung lnga la lam lngar bshad// 'dod pa chos rnams bdag tu 'dod pa yin// chags pa bdag tu 'dod pa de la chags// zhe ba skye ba med pa'i rang bzhin la// sdang ba cho 'phrul sna tshogs de la sdang// gti mug mi rtog pa yi ting 'dzin gyis// chos nyid mnyam pa nyid la dbye bsal med// nga ni ma nor ba yi byang chub sems// de bzhin nyid du ye nas rgyal bar byed// thams cad de bzhin nyid du gcig pa la// yin min sgro skur 'debs la phrag dog byed// bgrod du med pa'i lam lnga bstan pa yin// kye sems dpa' chen po nyon cig/ ji ltar snang ba'i chos rnams thams cad kun// rang 'byung ye shes lam lnga 'di las byung// 'dod pa'i khams kyang rang 'byung ye shes yin// gzugs kyi khams kyang rang 'byung ye shes yin// gzugs med khams kyang rang 'byung ye shes yin// kun byed rgyal po nga yis byas pa'i phyir// ngas byas thams cad ye shes ngo bor bshad/khams gsum sems can rgyud drug thams cad kun// rang 'byung ye shes min par ngas ma bshad// de las ma gtogs pa yi byang chub sems// sangs rgyas kun gyi mes po ngas ma bshad// kun byed rgyal po nga yi rang bzhin la// chos nyid rnam pa gsum du bstan pa ste// ma skyes pa yi chos nyid dngos mi snang// de ni gzugs med khams su bstan pa yin// skye ba'i cho 'phrul gzugs su snang ba ni// de ni gzugs kyi khams su bstan pa yin// thugs rje ye shes ngo bo mngon phyung nas// bde sdug las de thugs rjes zad bya'i phyir// 'dod pa'i khams ni thugs rjes phyung ba yin// zhes gsungs so// byang chub kyi sems kun byed rgyal po las chos thams cad kun byed rgya?l pos byas pa las ji ltar byung ba'i khungs bstan pa'i le'u ste gsum pa'o//// de nas byang chub kyi sems kun byed rgyal po des nyid kyi rang bzhin mtshan gyi chos bshad pa 'di gsungs so// kye sems dpa' chen po rdo rje khyod nyon cig/ nga ni ye nas rang 'byung ye shes te/ nga ni ye nas chos kun snying po yin// nga ni kun byed rgyal po byang chub sems// nga yi mtshan 'di sems dpa'i rtogs par gyis// nga yi mtshan 'di sems dpas rtogs 'gyur na// chos rnams thams cad ma lus rtogs 'gyur gyis// nga zhes bya ba'i snying po ste// chos rnams kun gyi snying po yin// rang 'byung zhes ni bya ba ni// rgyu rkyen med pa'i snying po pas// rtsol sgrub kun las 'das pa yin// ye shes zhes ni bya ba ni// 'gag pa med cing ma bsgribs pas// chos kun ma lus ston par byed// nga ni byang chub sems la bya// ye nas bya ba'i don 'di ni// thog ma nyid nas gnas pa'i don// chos kun zhes ni bya ba ni// ston pa kun kyang chos nyid la// bstan pa kun kyang chos nyid yin// 'khor gnas dus kyang chos nyid de// chos nyid ma yin gcig kyang med// snying po bya ba'i don 'di ni// thams cad 'byung ba'i snying po ste// byang chub sems kyi rang bzhin las// ston pa gsum yang de las byung// bstan pa gsum yang de las byung// 'khor gnas dus kyang de las byung// thams cad 'byung ba'i snying por bshad// nga ni snying po sems nyid kyis// chos rnams ma lus kun byed de// kun zhes bya ba'i chos rnams kun// chos kun gang dang gang zhe na// ston pa dang ni bstan pa dang// 'khor gnas dus ni thams cad kun// byed ces bya ba mkhan po ste// ston pa dang ni bstan pa dang// 'khor gnas dus ni kun byed pas// rang 'byung ye shes mkhan po yin// rgyal po zhes ni bya ba ni// snying po rang 'byung ye shes de// byed pa'i mkhan po kun las rgyal// chos rnams byed mkhan kun las rgyal// byang ba'i don ni 'di lta ste// snying po byang chub sems de ni// rang 'byung ye shes rnam dag pas// kun byed rgyal pos byas pa kun// kun bzang nyid du rnam dag pas// byang zhes bya bar bshad pa yin// chub ces bya ba 'di lta ste// snying po rang 'byung ye shes des// snang ba dang ni srid pa dang// snod dang bcud kyis bsdus pa dang// dus gsum sangs rgyas thams cad dang/ khams gsum rgyud drug sems can dang// de bzhin nyid ni thams cad dang// kun la chub ste khyab par gnas// des na chub ces bya bar bshad// sems kyi don ni 'di lta ste// snying po rang 'byung ye shes des// snang srid snod bcud thams cad la// 'jug cing dbang sgyur gsal bar gcod// des na sems zhes bya bar bshad// rgyu rkyen med pa'i snying po des/ kun la dbang sgyur thams cad byed// kye sems dpa' chen po// nga yi rang bzhin rtogs gyur na// ston pa kun kyang rtogs 'gyur la// bstan pa kun kyang rtogs par 'gyur// 'khor gyi bsam pa rig 'gyur la// dus gnas kun kyang gcig 'gyur rig/ chos rnams thams cad nga yin pas// nga yi rang bzhin 'di rig na// chos rnams thams cad rig 'gyur bas// bya byed rtsol sgrub kun las 'das// mi rtsol lhun gyis grub par 'gyur// zhes gsungs so// byang chub kyi sems kun byed rgyal po las nga nyid kyi mtshan bshad pa'i le'u ste bzhi pa'o//// de nas byang chub kyi sems kun byed rgyal pos sems dpa' rdo rje la nyid kyi rang bzhin bstan pa'i mdo 'dus pa'i don 'di bstan to// kye sems dpa' chen po nyon cig/nga yi rang bzhin 'di lta ste// yod ni gcig las med pa ste// bstan ni rnam pa gnyis su bstan// byung ni theg pa dgu ru byung// 'dus ni rdzogs pa chen por 'dus// yin ni byang chub sems yin te// gnas ni chos nyid dbyings la gnas// gsal ni rig pa mkha' la gsal// khyab ni snod bcud kun la khyab// byung ni snang srid kun du byung// bstan du mtshan ma'i dngos po med// mthong du dmigs pa'i yul dang bral// shes su tshig tu brjod du med// rgyu las ma byung snying po 'di// sgros kyis btags pa kun dang bral// don 'di nges par rtogs 'dod na// dpe ni nam mkha' lta bur brtag/ don ni chos nyid skye ba med// rtags ni sems nyid 'gag pa med// nam mkha' lta bu'i chos nyid la// nam mkha' lta bu'i dpe yis mtshon// dmigs su med pa'i chos nyid la// dmigs su med par mtshon te bstan// tshig tu brjod du med pa la// brjod du med pa'i tshig brjod de// dmigs med don gyi ngo bor bstan// bsdus te bstan pa'i don 'di ni// don gyi ngo bo 'grel pa ste// 'di yis nga don rtogs par gyis// 'di yis nga don rtogs par byed// 'di yis nga don ma rtogs na// don gyi sgra tshig ci bstan kyang// nga dang phrad par mi 'gyur te// nga las gol la nga bsgribs pas// chos kyi snying po mthong mi 'gyur// zhes gsungs so// byang chub kyi sems kun byed rgyal po las don gyi 'grel pa'i le'u ste lnga pa'o//// de nas byang chub kyi sems kun byed rgyal po des chos thams cad nyid kyi rang bzhin la rdzogs pa chen po de bstan pa'i tshig gsungs so// kye sems dpa' rdo rje tshig 'di nyon// kun byed rgyal po nga yis ni// nga yi chos rnams dang por bkod// nga yi chos rnams mngon du phyung// nga yi ngo bo khyod la bstan// nga yi rang bzhin bstan nas ni// tshig dang sgras kyang don mtshon nas// ngo bo bstan pas khyod kyis mthong// rang bzhin bstan pas a de rig/ tshig tu brjod pas don sgrar thos// zhes gsungs nas// cang mi gsung bar chos thams cad kyi ngo bor bzhugs so// sems dpa' rdo rjai 'khor gyi nang nas langs nas byang chub kyi sems kun byed rgyal po'i zhal du mdangs phyung ste 'khod pas kun byed rgyal pos/kye sems dpa' chen po khyod nga la mdangs kyis 'khod pa de khyod kyis don ci 'dod pa gsol cig/ ces gsungs so// de nas sems dpa' rdo rje zhus pa// kye ston pa'i ston pa kun byed rgyal po lags// chos rnams thams cad khyod kyi rang bzhin na/ khyod kyi ston pa bstan pa 'khor bkod ci zhig lags// phun sum tshogs pa'i dgos pa ci zhig lags// zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' chen po nyon cig/ chos rnams phun sum tshogs par bkod pa ni// nga nyid phun sum tshogs pa'i rang bzhin te// nga yi rang bzhin khyod la bstan par bya// nga yi rang bzhin spros bral mi phyed pas// chos dbyings gnas 'di nga yis byas pa yin// byang chub nyid las de na gzhan mi bzhugs// nga yi rang bzhin ma bsgribs kun khyab pas// gsal ba'i nam mkha' ye shes gzhal yas khang// rang 'byung ye shes nyid las gzhan mi bzhugs// nga ni thams cad 'byung ba'i snying po bas// chen po lnga dang khams gsum rgyud drug rnams// nga yi sku gsung thugs las gzhan med pas// nga yi rang bzhin nga yis bkod pa yin// dus gsum sangs rgyas khams gsum sems can yang// nga yi rang bzhin khyed la bstan pa yin// nga yi rang bzhin ma skyes spros bral phyir// mi gnas spyod yul kun las 'das pa yin// mi snang ting 'dzin bsgom pa'i yul las 'das// nga yi rang bzhin khyed la mi snang yang// nga yi ngo bo khyod la snang byas pas// khams gsum chen po lnga dang rgyud drug rnams// snang ba'i rang bzhin byang chub sems lnga las// rang 'byung snying po ye shes lnga byung bas// ye shes lnga yi yul lnga gsal byung bas// 'dod pa lnga byung chags pa lnga byung nas// chags lnga so sor smin pa'i 'bras bu ni// 'gro ba drug gi khyad par so sor snang// 'di ltar snang ba nga yis khyed la bstan pa yin// sku gsum theg pa rnam pa drug bstan pa// nga yis bstan na khyed kyis ma mthong ste// de re nga yi rang bzhin re re la// de re nga yi ngo bo re re ste// sku re dang ni gsung re thugs re dang// kun gyis mthong ba'i ngo bo re re'o// de yang nga yi rang bzhin bstan pa yin// yang dag kun gyi ngo bo byang chub ngas// spros med dbyings kyi ngo bo nga yin la// sangs rgyas kun gyi gnas chen nga yin pas// rol pa khams gsum rgyud drug nga las shar// bde dang sdug bsngal las gyi khyad par te// yang dag ma nor nga yi thugs rje bstan// rgyu dang 'bras bu'i theg pa can rnams la// kun byed nga yi lung 'di bstan mi bya// nga yi lung 'di nges par bstan byas na// dge sdig las la rgyu 'bras yod zer nas// yang dag nga la sgro dang skur btab pas// yang dag nga dang yun du phrad mi 'gyur// nga ni ston pa kun byed byang chub sems// byang chub sems ni kun byed rgyal po ste// dus gsum sangs rgyas byang chub sems kyis byas/ khams gsum sems can byang chub sems kyis byas// snang srid snod bcud byang chub sems kyis byas// rgyu 'bras dpe don gtan tshigs ma?thun par byas// rgyu yi dus na 'byung chen lnga byas la// 'bras bu'i dus na khams gsum sems can byas// dpe yi dus na kun dpe nam mkha' byed// don gyi dus na kun don skye med byed// rtags kyi dus na kun byed byang chub sems// gtan tshigs dus na rang 'byung ye shes ston// rgyu 'bras dpe don gtan tshigs mthun par byas// byang chub sems kyis kun byas gcig ma byas// kun byas byang chub nyid kyi rang bzhin byas// gcig ma byas pa nyid la bya mi dgos// kun byed nga yi rang bzhin ma brtags par// nga yis byas pa'i chos la nges brtags pas// brkam zhing chags pa'i dbang gis snang ba 'grub// mi rtag sgyu ma'i rang bzhin 'jig par 'gyur// cha med dmu long lta bu'i rang bzhin no// kun byed rgyal pos byas par mi cha bar// dbang po drug la yul drug snang ba la// sdug bsngal mthong nas dbang po 'gegs par byed// des ni kun byed byas pa mi cha bas// skye 'gag med pa'i 'bras bu de la med// nges pa gcig la bden pa gnyis byung nas// kun byed nga yis byas pa'i chos nyid la// don dam kun rdzob bden pa gnyis byung bas// bden pa gnyis kyi rgyu 'bras yong mi mnga'// rgyu 'bras 'das pa'i 'bras bu de la med// med par tshol ba dag pa'i ting 'dzin dang// mi 'byung cho 'phral yan lag bsgom mnga' bas// blang dor med pa'i 'bras bu thob pa med// don gcig ting 'dzin rnam gsum sgom byed pas// bsnyen sgrub rnam bzhi rim par sgom byed pas// rtsol sgrub 'das pa'i 'bras bu de la med// lhun gyis grub pas bya byed kun dang bral// skye med mtshon med gdags med de brjod pas// sgros skur bral ba'i brjod med de rig byed// chos kun byang chub sems yin de dpe ni// kun dpe nam mkha' lta bu'i rang bzhin du// byang chub sems kyi don yang de bzhin no// nam mkha' rlung chus sa me snang ba lnga// byang chub sems las rmad byung mngon sangs rgyas// srid gsum lam lnga 'gro drug snang ba yang// rnam smin las kyis mi bskyod mngon sangs rgyas/ khams gsum ye nas byang chub sku gsung thugs// de bas snang srid snod bcud thams cad kun// nam mkha'i ngang na mi gnas med pa bzhin// byang chub sems kyi klong chen yul che bas// sangs rgyas sems can snod bcud kun kyang gnas// thams cad rnam par dag pa'i chos nyid la// gnyis su med de sgro skur kun dang bral// gang gis med pa'i snying po sems ma mthong// bskal pa du mar don dang phrad mi 'gyur// chos kun rtsa ba byang chub sems su gcig/ sangs rgyas sems can snang srid snod bcud kun// thams cad 'byung ba'i byang chub snying po la// gcig tu med las bgrangs na brjod mi lang// sangs rgyas sku gsung sems can lus ngag kyang// byang chub sems yin ye nas gzung 'dzin bral// gzung 'dzin bral ba gang gis grub pa de// des ni kun grub chos kyi rtsa ba grub// byang chub sems kyi mdo rtsa gcig pu la// sems shing rtog la dga' bas rnam par bgrangs// gnyis dang grangs la dga' la nga yis bstan// ji bzhin rang bzhin chos nyid sems gcig la// sems la rang bzhin rnam pa gsum snang bas// rang bzhin gsum ni bkod pa'i mchog gsum ste// de ni phun sum tshogs pa'i chos nyid do// gnyis med gcig gi rang bzhin kun 'brel pas// rnal ma gcig la 'byor pa rnam pa bzhi// rnal 'byor rnam pa bzhi yi yul du bstan// sems nyid gcig la che ba lngar bstan pa// sems kyi rang bzhin yon tan lnga ldan pas// rang bzhin lnga la che lngar ming du btags// nges pa gcig la yin min sgros byung bas// gol sgrib the tshom rtog pa bsam yas ni// kun byed rtsol sgrub rtog 'das sel bar byed// yod med sgro skur the tshom bsal ba'i phyir// de bzhin nyid kyi byang chub mi rtog pas// ma nor nges pa'i lung de gtan la 'bebs// de nyid yid ches mngon du bstan pa'i phyir// la dor yid ches pa yi lung bcu yis// rtsol sgrub bya med don bstan de yid ches// med par bden pa'i tshig dgu smras pa ni// snying po gcig la mthong ba'i yul dgu byung// rang res mthong ba'i bden pa'i tshig dgu smras// kun byed nga la thams cad rdzogs pa'i phyir// byang chub sems kyi don 'di che bar gyis// chos kun rtsa ba kun byed byang chub sems// ji ltar snang ba nga yi ngo bo yin// ji ltar byung ba nga yi cho 'phrul yin// sgra tshig ji ltar byung ba thams cad kun// nga yi don nyid tshig sgrar phyung ba yin// sangs rgyas sku dang ye shes yon tan dang// sems can lus dang bag chags la sogs pa// snang srid snod bcud bsdus pa thams cad kun// byang chub sems kyi ngo bo ye nas yin// sems las ma gtogs pa yi chos rnams ni// nga las byung ba'i sangs rgyas sngar 'das la// kun byed rgyal po nga yis lung ma bstan// da ltar bzhugs dang slad kyis 'byon pa la// kun byed rgyal po byang chub lung mi ston// zhes gsungs so// byang chub kyi sems kun byed rgyal po las rtsa ba gcig pa'i le'u ste drug pa'o//// de nas byang chub kyi sems kun byed rgyal pos nyid kyis byas pa las byung ba'i chos rnam par dbye ba 'di gsungs so// kye sems dpa' chen po// sems ni ji bzhin pa yi ngo bo ste// ji bzhin gnyis med bde ba chen po la// rnam pa kun ldan rnam pa yongs kyis med// spros bral nam mkha' bzhin du ye gnas la// dmigs pa'i yul 'das gcig ces bgrangs du med// byang chub sems la bgrang zhing mtshon med na// sems kyis byas pa'i chos la rnam grangs byung// sems kyis byas pa gang dang gang zhe na// snang srid snod bcud sangs rgyas sems can rnams// sems kyi rang bzhin ngo bo de las byas// byas nas mngon du phyung ste bstan pa ni// chen po lnga dang rigs drug snang ba dang// de yi don mdzad gzugs sku rnam gnyis ni// sems kyi rang bzhin dag tu phyung nas bgrangs// zhes bka' stsal to// de nas sems dpa' rdo rjes zhus pa/kye kun byed rgyal po e ma ho// kun du bzang po e ma ho// byang chub sems khyod e ma ho// dang por byang chub sems langs nas// rang dang chos rnams ma shes nas// kun mkhyen khyed kyi 'khor du 'dus// zhu ba'i dmigs ni mi cha bas// kun mkhyen khyod kyis bka' stsal pa// chos rnams gcig tu 'dus par ni// byang chub sems mdo bka' stsal na// gcig la gnyis su bstan pa yi// rnam grangs don 'di ji ltar lags// zhes zhus so// de nas byang chub kyi sems kun byed rgyal pos bka' stsal pa/ kye nga ni ye nas lhun gyis grub// nga ni sangs rgyas thams cad kyi// lhun gyis grub pa'i snying po yin// nga ni thugs rje'i ngo bo ste// gang la dga' ba'i dus su ni// gang dga' ba yi don bya'i phyir// nga yis byas pa'i don bstan gyis// sems dpa' rdo rje khyod nyon cig/ gcig la dga' ba de la ni// chos rnams gcig tu 'dus pa'i phyir// byang chub sems kyi ngo bo ste// sems kyi ngo bo kun byed bstan// mtshan ma grangs la dga' ba la// kun byed rgyal pos byas pa yi// sna tshogs brjod kyis mi lang bstan// de yang nga yi rang bzhin bstan// gcig ni nga nyid snying po ste// gnyis byung nga yis byas pa ste// byas pa'i chos la bgrangs pa yin// grangs kyi don ni gcig dang gnyis// grangs kyi mtha' ni brjod du med// brjod med chos kyi snying po yin// brjod med snying po gcig tu bstan// gcig ni kun byed byang chub sems// byas pa'i chos ni rnam pa gnyis// rgyu dang 'bras bu rnam gnyis las// don dam kun rdzob rnam gnyis kyis// dpe don rtags dang gtan tshigs su// nges lung drang lung gnyis su bshad// rgyu ni 'byung chen rnam lnga la// 'bras bu khams gsum sems can yin// khams gsum sems can rgyu byas nas// 'bras bu sangs rgyas ming btags te// rgyu 'bras dpe don de ru bstan// rgyu ni khams gsum sems can la// 'bras bu sangs rgyas lung bstan pa// de ni drang ba'i lung du bshad// rnam pa gnyis su dbye bar bya// rgyu ni 'byung chen rnam lnga yin// byas pa'i chos ni thams cad kun// sems nyid mngon du phyung ba yin// de bzhin nyid du ma gtogs par// ma rig log rtog gzung 'dzin gyis// yul drug chos la nges brtags pas// 'jig pa drug dang brten pa drug/ 'jig rten zhes su bshad pa yin// yul drug chags pa drug brten nas// chags drug sdug bsngal ya nga la// mya ngan mya ngan zhes su bshad// mya ngan mya ngan 'das zhes pa// yul drug chos la mi rtog pas// skye drug gnas su mi skye ste// sdug bsngal drug las 'das pa'i phyir// mya ngan 'das zhes de la bya// ji bzhin snying po byang chub las// ma btsal rang bzhin shar ba yi// 'byung ba chen po lnga po yang// rang gi mtshan nyid rang 'dzin la// thams cad snying po byang chub kyang// dmigs su med pa'i ngo bo 'dzin// mtshan nyid mtshan nyid zhes su bshad// rang bzhin shar ba'i chen po lngas// chos kun bskyed pa'i snying po yin// de yis bskyed pa'i sems can rnams// rang 'byung yin par mi rtogs par// spyod pa'i lam de rgyur bltas nas// rgyu las 'bras bu 'byung 'dod pas// rgyu zhes ming du btags pa yin// 'bras bu gang thob theg par bshad// spong 'gegs sbyong ba rnams su bstan// 'bras bu zhes su btags pa ni// snying po rgyu las 'bras bur bshad// snying po'i rang bzhin de la ni// skye 'jig med pa'i rang bzhin la// rdo rje zhes su bshad pa yin// rdo rje de sgrub phyi pa gnyis// sku dang gsung thugs ye shes ni// blang dor byas pa'i sgo nas ni// chu zla bzhin du grub par 'dod// blang dor med pa'i nang pa ni// rim pa gsum dang snying po yis// bdag nyid dbyings dang ye shes lta// gang la'ang mi brten bya med 'di// kun gyi snying por gyur pas na// bya ba med pa'i phrin las 'das// bya med bde ba spong byed pa// mi rtsol bde ba'i lung bstan bkod// bskal pa gsum dang mi tshe bdun// zla drug lo gcig zla bcu drug/ rtsol bar byed pa'i theg pa can// bya med ngo bo 'di bstan pas// mi rtsol lhun grub bde la gnas// 'di la ma rdzogs gang yang med// gcig rdzogs gnyis rdzogs kun rdzogs pas// bya ba phun sum tshogs par bde// gcig rdzogs byang chub sems su rdzogs// gnyis rdzogs sems kyis byas par rdzogs/kun rdzogs phun sum tshogs par rdzogs// gcig la rdzogs pa'i lung 'di yis// sangs rgyas dgongs pa 'di la gnas/ kun rdzogs pa yi don 'di yis// thams cad phun sum tshogs par byed// bya med 'di la gang gnas pa// lus 'di gang zag lha mi yang// dgongs pa chos nyid sangs rgyas yin// 'di yis sems can don byas na// rtsol sgrub mi byed bde bar 'gyur// zhes gsungs so// byang chub kyi sems kun byed rgyal po las rnam grangs bsdus pa'i le'u ste bdun pa'o//// de nas byang chub kyi sems kun byed rgyal pos byas pa'i chos thamasas cad de bzhin nyid du gcig pa las de bzhin nyid la rang bzhin gsum snang bar 'gyur ba de so sor snang ba 'di gsungs so// kye sems dpa' chen po// nga yi de bzhin nyid gcig ni// phun sum tshogs pa gsum du snang// de bzhin ma skyes rang bzhin ni// de bzhin nyid de yul du snang// yul de kun gyi de bzhin nyid// de la kun kyang brtags byas nas// de bzhin nyid la lta byed pa// ma bsgribs rang 'byung ye shes ni// rgyu 'bras ston pa sku gsum snang// la la rgyu yi ston par snang// la la 'brel ba'i ston par snang// la la 'bras bu'i ston par snang// thugs rje mngon du phyung ba yi// rang 'byung ye shes rnam lnga las// byung ba'i sangs rgyas sems can rnams// bstan pa'i yul dang 'khor du snang// de lta bu yi 'khor tshogs la// rgyu 'bras ston pa sku gsum gyis// de bzhin nyid kyi yul gcig la// 'khor gyi lta ba so so bas// la la spong 'gegs yul du bstan// la lar sbyong zhing bgrod par bstan// la lar byin rlabs dag par bstan// la lar blang dor gyis grub bstan// la lar rang rgyud dag pa ste// btsal zhing bsgrub tu yod par bstan// de ltar ston pa sku gsum gyis// rgyu dang 'bras la dgongs nas bstan// rgyu dang 'bras bu rnam gnyis kyang// de bzhin nyid las g.yos pa med// kun byed nga yis lung bstan to// de bzhin nyid ni 'di lta ste// kun byed nga yang de bzhin nyid// ngas byas kun kyang de bzhin nyid// yul drug nga yis byas pa yin// dbang drug nga yi rig pa yin// rnam par shes pa'i tshogs rnams ni// nga yi rang 'byung ye shes yin// 'byung chen lnga yang rgyu lnga ste// kun gyi rgyu lnga de bzhin nyid// thugs rje rang 'byung ye shes lnga/ khams gsum rgyud drug phyung ba yang// de bzhin nyid kyi ngo bor bshad// de bzhin nyid kyi rang bzhin te// ngo bo gnyis su med pa ste// rang bzhin gcig tu gnas pa la// rnal 'byor bzhag pa bzhi phyung ba// rnal 'byor rnam pa bzhi las byung// kye sems dpa' chen po nyon cig/ kun gyi snying po byang chub sems 'di ni/chos rnams kun gyi rnal ma'i ngo bo ste// ji bzhin de bzhin nyid du ye nas gnas// shin tu rnal 'byor yongs su rnal 'byor dang// rnal 'byor chen po sems dpa'i rnal 'byor bzhis// snying po don gyi rnal ma bya med la// bltas pas mthong ba'i yul ni rnam pa bzhi// sems dpa'i rnal 'byor yul dang dbang por mthong// byang chub lnga dang cho 'phrul rnam pa bzhis// byin gyis brlabs nas sems dpa'i lha gnyis lta// snying po don gyi rnal ma mthong ba med// ma bcos de bzhin nyid du sems dpa' zhog/ don gyi snying po rnal ma bya med la// rnal 'byor chen po rnams kyis mthong ba ni// ye nas rang rgyud dag pa'i dkyil 'khor la// rgyu las 'bras bu lha yi dkyil 'khor te// bsnyen bsgrub bzhi yi yan lag rdzogs byas nas// 'phro 'du bdag nyid lhun gyis grub par lta// don gyi snying po rnal ma mthong ba med// ma bcos de bzhin nyid du chen po zhog/don gyi snying po rnal ma bya med la// yongs su rnal 'byor rnams kyis mthong ba ni// dbyings ni snying po rnal ma'i rgyur mthong la// ye shes chen po rnal ma'i 'bras bur mthong// snying po gcig la rgyu 'bras gnyis mthong bas// rgyu 'bras 'das pa'i rnal ma mthong ba med// ma bcos de bzhin yongs su rnal 'byor zhog/ don gyi snying po rnal ma bya med la// shin tu rnal 'byor rdzogs chen lta mthong ba// byang chub sems ni kun gyi snying por mthong// de nyid ma bcos don gyi rnal mar mthong// lta ba ye nas bsgom du med par gzhag/ dam tshi+eg ye nas bsrung du med par gzhag/ phrin las ye nas btsal du med par gzhag/bzhag pas de bzhin nyid la rnal du 'byor// rnal 'byor rnam bzhi lta ba'i bye brag ni// yul gcig re re la yang bzhir dbye ba// sems dpa'i rnal 'byor bye brag bzhir dbye ba// yul dang dbang po rnam par mi rtog sems// des na sems dpa'i rnal 'byor nyid du bshad// byang chub byin rlabs cho 'phrul 'byin pa ni// de ni rnal 'byor chen po zhes su bshad// phyag rgya chen po bzhi dang ldan pa ni// yongs su rnal 'byor zhes su bshad pa yin// ye shes dam tshig rang bzhin med lta ba// shin tu rnal 'byor dgongs par sems dpa' bzhed// blang dor med pa'i rnal 'byor de ma mthong// rnal 'byor chen po bye brag bzhir dbye ba// dang por ting 'dzin rnam gsum sems pa ni// sems dpa'i rnal 'byor zhes su bshad pa yin// rang rgyud dag pas ye shes lta byed pa// rnal 'byor chen po zhes su bshad pa yin// bsnyen sgrub rnam bzhi yongs su rdzogs pa ni// yongs su rnal 'byor zhes su bshad pa yin// thams cad bdag nyid chen por lta ba ni// shin tu rnal 'byor zhes su bshad pa yin// rtsol sgrub 'das pa'i rnal ma mthong ba min// yongs su rnal 'byor bye brag bzhir lta ba// ting 'dzin rim pas bdag skur mi bskyed par// chos nyid rang rgyud dag par sems pa'i phyir// sems dpa'i rnal 'byor zhes su bshad pa yin// yab yum thabs dang shes rab mi ltos par// snying po tsam gyis dkyil 'khor rdzogs pa'i phyir// rnal 'byor chen po'i dgongs par bshad pa yin// snang ba rang bzhin med pa'i chos nyid du// spyod pas yongs su rnal 'byor nyid du bshad// ji ltar snang ba'i chos rnams thams cad kun// rgyu dbyings 'bras bu ye shes lta ba'i phyir// shin tu rnal 'byor zhes su bshad pa yin// rgyu 'bras 'das pa'i rnal ma mthong ba min// shin tu rnal 'byor bye brag rnam bzhi ni// blang dor med pa'i byang chub sems de ni// sems dpa'i rnal 'byor zhes su bshad pa yin// rtsol sgrub 'das pa'i byang chub sems de ni// rnal 'byor chen po zhes su bshad pa yin// rgyu 'bras 'das pa'i byang chub sems de ni// yongs su rnal 'byor zhes su bshad pa yin// yin min sgro dang skur pa 'das pa'i phyir// shin tu rnal 'byor zhes su nga yis bshad// yongs su rnal 'byor la sogs gsum po la// rang 'byung ye shes che dang mi ldan pas// lam la bgrod cing sa la sbyong bar byed// dam tshig tshul bsrung lta ba sgom byed pas// gom pa drag dal lta spyod yod ma yin// de bas shin tu rnal 'byor lta spyod ni// ye nas kun byed nyid kyis byas pa'i phyir// lam la mi bgrod sa la spyod mi byed// dam tshig mi srung lta ba sgom mi byed// byang chub chen po'i lam nas kun 'byung phyir// byang chub nyid la byang chub nyid mi bgrod// bgrod sa byang chub nyid las med pa'i phyir// byang chub nyid la byang chub nyid mi sbyong// dam tshig rang bzhin byang chub nyid yin pas// byang chub nyid la byang chub nyid mi srung// bsgom pa'i rang bzhin byang chub nyid yin pas// byang chub nyid kyis nyid la bsgom du med// lta ba'i yul ni byang chub nyid yin pas// byang chub nyid kyis nyid la bltar med phyir// shin tu rnal 'byor lta spyod bya med 'di// rang 'byung ye shes gom pa drag dal can// kun byed rgyal po nga yi gom pa yin// rgyu 'bras theg pa can gyi spyod yul min// zhes gsungs so// byang chub kyi sems kun byed rgyal po las chos nyid kyi rang bzhin las chos nyid kyi yul kun la bkod pa'i le'u ste brgyad pa'o//// de nas byang chub kyi sems kun byed rgyal po des rgyu 'bras kyi theg pa bgrod lam nor bas rdzogs pa chen po las gol sa dang sgrib par gyur pa 'di gsungs so// kye sems dpa' chen po// byang chub sems kyi rang bzhin 'di nyid ni// chos kun ma lus pa yi snying po ste// ma skyes rnam par dag pas sgrib pa med// bgrod pa'i lam dang bral bas gol sa med// ye nas lhun gyis grub pas btsal du med// chos kun snying po byang chub sems su gcig/ gcig la rnam par bgrangs pas gol sgrib byung// bgrod du med la bgrod pas gol sa byung// dmigs med bltas pas ma mthong sgrib pa byung// de bzhin nyid du thams cad gcig pa la// rgyu spyad 'bras bu phyi mar 'dod pa ni// pha rol phyin bcus sa bcu thob 'dod pa// bskal pa gsum gyi bar du gol nas bsgribs// phyi nang rtog pa dag pa rnam gsum gyis// byang chub lnga dang cho 'phrul yan lag gi/ dam tshig sdom pa tshul bzhin dag na yang// mi tshe bdun gyi bar du gol zhing bsgribs// rgyu la spyod cing 'bras bu lta ba ni// lta spyod so so gnyis su bltas pa yis// gnyis su med la mi tshe gsum bsgribs gol// snying po gcig la blang dor byed pa de// gcig tu ma mthong gnyis su mthong bas na// blang dor ma bral bar du gol zhing bsgribs// rang 'byung gcig la yin pa gsum bsgoms pas// rtsol bral lung las gol zhes lung ston cig/ ji ltar snang zhing srid pa'i chos rnams la// snying po de bzhin nyid du ma rtogs par// dbyings dang ye shes rgyu 'bras bltas pa'i phyir// rgyu yi sgros dang 'bras bu'i skur yin pas// sgro skur gnyis bral yid ches bar du sgrib// med pa'i 'bras bu 'dod pa rnam drug ni// rgyu la bden pa gnyis kyis thob byed dang// dag gsum spyad pas 'bras bu thob byed dang// lta spyod so sos thob par 'dod pa dang// blang dor spyad pas thob par 'dod pa dang// rig pa gsum bsgoms thob par 'dod pa dang// rgyu 'bras dbyings nyid ye shes bltas pa yis// thob par 'dod pa'i nges thob rnam pa drug/ gol sa drug dang sgrib pa drug drug ste// byang chub sems las gol sgrib skyon yin pas// nges thob drug gi skyon yon gsal bar gsung// rtog dpyod gnyis kyang gol sa sgrib pa la// gzung 'dzin gnyis kyang gol sa sgrib par bshad// lta spyod gnyis kyang gol sa sgrib par bshad// lta spyod blang dor rtsol sgrub rgyu 'bras 'das// mi rtsol bde ba che la kun gol bsgribs// byang chub sems ni nam mkha' lta bu ste// nam mkha' lta bu sems nyid chos nyid la// lta bas bsgom med dam tshig bsrung du med// phrin las btsal med ye shes sgrib pa med// sa la sbyang med bgrod pa'i lam yang med// phra ba chos med gnyis med 'brel pa med// sems las nges lung gtan la 'bebs pa med// sgro skur 'das pas man ngag la bzlar med// rdzogs chen byang chub sems kyi lta ba'o// ltar med gcig la sgom byed drug byung bas// la gol la bsgribs lta ba'i gol sgrib byung// bsrung med gcig la sdom pa drug bsrungs pas// la gol la bsgribs dam tshig gol sgrib byung// btsal med gcig la phrin las drug rtsol bas// la gol la bsgribs phrin las gol sgrib byung// bsgribs med gcig la ye shes drug byang bas// la gol la bsgribs ye shes gol sgrib byung// sbyangs med gcig la sbyangs thob drug byung bas// la gol la bsgribs sa yi gol sgrib byung// bgrod med gcig la lam bgrod drug byung bas// la gol la bsgribs lam gyi gol sgrib byung// gzung med gcig la 'dzin byed drug byung bas// la gol la bsgribs chos kyi gol sgrib byung// gnyis med gcig la 'brel pa drug byung bas// la gol la bsgribs 'brel pa'i gol sgrib byung// bden pa gcig la nges pa drug byung bas// la gol la bsgribs lung gi gol sgrib byung// brjod med gcig la rjod byed drug byung bas// la gol la bsgribs man ngag gol sgrib byung// kun gyi snying po byang chub sems 'di ni// ye nas rang gi rang bzhin lhun grub pas// rang bzhin bcu yis btsal zhing bsgrub mi dgos// nga yi rang bzhin kun dpe nam mkha' 'dra// nam mkha' dag la kun kyang rtsol mi byed// nam mkha' dag la kun gyis rtsol bya ru// nam mkha' kun byas rtsol sgrub kun las 'das// de bzhin kun byed snying po byang chub sems// nga nyid spyod yulakun las 'das pa'i phyir// nga la ltar med bsgom du ye nas med// de bzhin rang bzhin bcu po des kyang ni// 'das pa nga la bya ru yod ma yin// rgyu dang 'bras bu'i theg pa can rnams kyis// rang bzhin bcu yis nga la btsal byas nas// nga dang nga yi rang bzhin mthong 'dod pas// mkha' la gom bor sa la ltung ba bzhin// rang bzhin bcu pos bgrod pas ltung bar 'gyur// nga yi rang bzhin nges par khungs bstan pa// nga ni spyod yul kun las 'das pa'i phyir// lta ba bsgom du med pa de bzhin du// rang bzhin bcu la de bzhin don med kyis// rang bzhin bcu la don yod ma rtogs shig/ nga ni bltas pas mthong ba'i yul med pas// lta bar ma byed de bzhin nyid du zhog/spros bral ma skyes bral ba'i rgyu med pas// sdom pa dang ni tshul khrims bsrung mi dgos// snying por ye nas lhun gyis grub pa'i phyir// rtsol ba dang ni bsgrub pa bya mi dgos// rang 'byung ye shes sgrib pa med pa'i phyir// rig pa'i ye shes gsal bar bskyed du med// thams cad nga yi sa ru gnas pa'i phyir// sbyangs nas bgrod pa'i sa ni yod ma yin// nga yis kun la khyab par gnas pa'i phyir// nga la bgrod par bya ba'i lam yod min// nga ni ye nas gzung 'dzin bral ba'i phyir// phra ba zhes ni ming du gdags su med// nga yi gzugs kyis kun la khyab pa'i phyir// gnyis zhes bya ba ye nas yod ma yin// nga ni ye nas rang 'byung ye shes la// nga la gzhan gyis gtan la dbab tu med// nga ni kun gyi byang chub snying po bas// gsang ba'i man ngag gzhan na yod ma yin// sgro dang skur ba kun las 'das pa'i phyir// chos rnams kun gyi la ni nga yis bzlas// nga med pa yi yul ni gzhan med pas// lta ba bsgom du med par la yang bzlas// nga las gzhan du bsrung du med pa'i phyir// dam tshig bsrung du med par la yang bzlas// nga las gzhan du btsal du med pa'i phyir// phrin las btsal du med par la yang bzlas// nga las gzhan du gnas pa med pa'i phyir// sa la sbyang du med par la yang bzlas// nga la sgrib pa ye nas med pa'i phyir// rang 'byung ye shes yin par la yang bzlas// nga ni ma skyes chos nyid yin pa'i phyir// phra ba chos nyid yin par la yang bzlas// nga las gzhan du bgrod du med pa'i phyir// lam la bgrod du med par la yang bzlas// sangs rgyas sems can snang srid snod bcud kun// snying po byang chub nga las byung ba'i phyir// ye nas gnyis su med par la yang bzlas// rang 'byung ye shes gtan la 'bebs pa'i phyir// lung chen thog 'bebs yin par la yang bzlas// chos rnams thams cad nga las med pa'i phyir// kun byed nga ni kun gyi la bzla'o// nga ma shes pas sgrib pa'i ngo bor bshad// nga las gzhan btsal gol sa byung ba yin// las dang shes bya rnam pa gnyis su bstan// ma mthong ba ni las kyi sgrib pa yin// ma shes pa ni shes bya'i sgrib pa yin// ji ltar snang ba'i chos rnams thams cad kun// snying po byang chub sems kyi ngo bo bas// ma rig ma shes sgrib gnyis ngo bor bshad// btsal zhing bsgrub pa gol sar ngas bshad do// kye sems dpa' chen po nyon cig/ ji ltar snang ba'i chos rnams thams cad ni// rang yin gzhan min de la rang rtog na// de ni rang la rang gis bsgribs pa ste// rang gi rang bzhin de yis shes pa min// ji ltar snang ba'i chos rnams thams cad kun// sems dpa' nyid yin nyid las gzhan min gyis// mi rtog mnyam pa nyid du bde bar mnos// de la bde ba'i don ni 'di lta ste// rang bzhin chen po bcu la rtsol mi dgos// rang bzhin chen po bcu la ma btsal bas// gol sa sgrib pa drug drug bcu po yi// sum brgya drug cu gol sgrib mtha' yas med// kye sems dpa' chen po// ji ltar snang ba'i chos rnams thams cad kun// rang gi snying po byang chub mngon byung gis// 'di ma yin gyi chos ni gzhan ma bshad// 'di la ma rtog shig par nga lung ston// sems dpa' khyod kyis 'khor gyi tshogs rnams la// ngas bstan bzhin du tshogs la lung ston cig/ ces gsungs so// byang chub kyi sems kun byed rgyal po las gol sgrib skyon sel gyi le'u ste dgu pa'o//// de nas byang chub kyi sems kun byed rgyal pos nyid kyi rang bzhin phun sum tshogs pa 'di gsungs so// kye sems dpa' chen po nyon cig/ kun byed nga la thams cad tshogs pa'i phyir// de phyir phun sum tshogs zhes bya bar bshad// kun byed nga yi rang bzhin rnam gsum las// ston pa bstan pa 'khor rnams byung ba'i phyir// kun byed ces ni de la btags pa yin// dang por ston pa phun sum tshogs pa ni// kun byed nga yi rang 'byung ye shes las// rang bzhin rnam pa gsum du byung ba de// sku gsum ston pa gsum du bstan pa yin// chos kyi sku dang longs spyod rdzogs pa dang// sprul pa'i sku dang rnam pa gsum du bstan// sku gsum de yi rang bzhin bstan pa ni// chos kyi sku yi rang bzhin bstan pa ni// ma skyes gzung 'dzin bral ba'i rang bzhin bzhugs// longs spyod rdzogs pa'i sku yi rang bzhin ni// ji ltar 'dod pa'i longs spyod rdzogs par bzhugs// sprul pa'i sku yi rang bzhin bstan pa ni// ji ltar 'dul ba'i sku ru sprul nas bzhugs// sku gsum ston pa de yi bstan pa ni// phyi nang gsang ba rnam pa gsum du bstan// ston pa chos sku'i bstan pa 'di lta ste// gsang ba gsum gyi rang bzhin bstan pa ste// gzhi ma chos nyid dag gi rang bzhin las// gsang ba bskyed dang gsang ba rdzogs pa dang// gsang ba rdzogs pa chen po'i rang bzhin gsum// kun gyi spyod yul ma yin gsang bar bshad// med pa'i rim pa gsum skyed gsang ston pa// de ni gsang ba bskyed pa zhes su bshad// gsang ba rdzogs pa zhes su bstan pa ni// nang gi shes rab ting 'dzin gsum mi rtogs// ji ltar snang ba'i chos rnams thams cad la// nang gi ting 'dzin shes rab snying po brjod// rang rgyud dag pa ye nas lhar byas nas// rang gi las kyi rdo rje skye mched rnams// lta spyod blang dor gnyis med bdag nyid 'dod// de ni nang gi gsang ba rdzogs par bshad// gsang ba rdzogs pa chen po bstan pa ni// ji ltar snang ba'i chos rnams thams cad ni// ting 'dzin gsum gyis byang chub sems ma bskyed// snying po yig 'bru brjod nas rdzogs ma byas// kun byed nga ni rdzogs pa chen po ste// nga la ma rdzogs pa ni gang yang med// nga yi rang bzhin rnam gsum bstan pa ni// rdzogs chen byang chub sems gsum bstan pa yin// de ni gsang ba rdzogs pa chen por bshad// de ni ston pa chos sku'i bstan par bshad// staun pa longs spyod rdzogs pa'i bstan pa ni// bya ba byed pa'i phyi pa sde gsum ste// bya ba byed pa'i rtog can sde pa ni// dang por rnam par mi rtog ting 'dzin gyis// phyi nang rtog pa dag pa gsum bsgoms pas// rtog pa'i gza' skar dus tshod sgo nas 'jug/byang chub dang ni cho 'phrul sna tshogs kyis// bdag dang ye shes lha ni rje khol tshul// dag pa gsum gyi mchod pa de byas nas// med par sku gsung thugs kyi dngos grub 'dod// don dam kun rdzob gnyis ka sgyu mar bshad// lta ba spyod pa gnyis su 'byed pa yi// gnyis la brten nas don gcig sgrub byed pa// yod pa'i spyod pas med pa'i don sgrub pas// rten med mkha' la spyang mo nyug pa 'dra// blang dor byed pa'i phyi pa'i gsang ba ni// mi rtog ting 'dzin byin rlabs cho 'phrul gyis// thams cad byin rlabs ye shes sems dpar byas// mchod pa phyi nang gsang ba gsum mchod nas// sku gsung thugs dang phyag rgya bzhi ldan pa'i// ji ltar 'dod pa'i dngos grub thob re ba// chags med re ba 'jog pa'i ting 'dzin 'di// lta spyod blang dor byed pas grub pa med// longs spyod rdzogs pa'i sku yi bstan par bshad// ston pa sprul pa'i sku yi bstan pa ni// nyan thos rang rgyal theg chen mdo sde gsum// phyi zhes mtshan nyid phyi pa zhes su bshad// kun byed nga yi ngo bo 'dod yon lnga// ye shes lnga yi ngo bor phyung ba la// 'dod chags zhe sdang gti mug gsum byung ste// de 'dul ba yi gnyen por gsungs pa ni// chos kyi sgo mo brgyad khri bzhi stong ste// 'dod pa'i yon tan rnam pa lnga byung ba// gzugs dang sgra dang dri dang ro reg las// 'dod chags zhe sdang gti mug rnam gsum byung// de dag 'dul ba'i gnyen por sde snod gsum// 'dod chags 'dul ba'i gnyen por gsungs pa ni// 'dul ba nyi khri chig stong gsungs pa yin// gti mug 'dul ba'i gnyen por gsungs pa ni// mdo sde'i sde snod nyi khri chig stong gsungs// zhe sdang 'dul ba'i gnyen por gsungs pa ni// mngon pa'i sde snod nyi khri chig stong gsungs// dug gsum cha mnyam 'dul ba'i gnyen po ru// sde snod gsum las nyi khri chig stong gsungs// spyi ru brgyad khri bzhi stong gsungs pa yang// dug gsum gnyen pos 'dul phyir gsungs pa yin// mtshan nyid rgyu yi theg pa rnam gsum ste// sgo ni mdo sde 'dul ba mngon pa gsum// de ni bsdus pa'i don zhes bstan pa yin// mdo sde la yang bshad lugs bcu dang gnyis// so sor dbye ba'i don du bstan pa yin// dug gsum rgyu las 'bras bu ngan song gsum// sems can rgyu la las spyod dge sdig gnyis// 'bras bu mtho ris ngan song rnam gnyis so// mtshan nyid rgyu las rab tu bsgrags pa yin// 'di ni sngar gsungs da gsung phyis gsung 'gyur// 'di don brjod du med pa'i don 'di ni// snga ma ma gsung da ltar mi gsung ste// sprul pa'i sku yis phyis kyang gsung mi 'gyur// de bas sprul pa'i sku yi bstan par bshad// kye sems dpa' chen po/ kun byed nga yi rang bzhin rnam gsum la// 'khor gyi dang po ston pa sku gsum shar// sku gsum ston pa gsum gyi 'khor bstan pa// kye sems dpa' chen po nyon cig/ ston pa chos kyi sku yi 'khor bstan pa// nga yis byas pa'i 'khor ni thams cad kun// nga yi rang bzhin chos kyi sku 'khor yin// sangs rgyas sems can snang srid snod bcud kun// chos kyi sku yi 'khor du ma 'dus med// ces gsungs so// kye sems dpa' chen po nyon cig/ston pa longs spyod rdzogs pa'i sku yi 'khor bstan pa// mos spyod bzhi yi sa la 'das pa yi// dang po rab tu dga' ba'i sa mnan nas// sa bcu chos kyi sprin gyi sa pa rnams// de ni longs spyod rdzogs pa'i sku yi 'khor du bstan// ston pa sprul pa'i sku yi 'khor bstan pa// mu stegs mur thug rgyang 'phen phyal pa bzhi// bla med byang chub lam la gtan gol bas// dbang po sems bsgyur thugs rje byin brlabs nas// dge slong pho mo dge bsnyen pho mo bzhi// ston pa sprul pa'i sku yi 'khor du bstan// zhes gsungs so// kye sems dpa' chen po nyon cig/ nga las byung pa'i ston pa sku gsum gyi// sku gsum so so rang re gnas bstan pa// ston pa chos sku'i gnas ni 'di lta ste// 'og min chos kyi dbyings kyi pho brang ste// yang dag don gyi 'og min de ru bshad// ston pa longs spyod rdzogs pa'i gnas bstan pa// 'jig rten mtshan ma kun gyi steng gyur pa// gnas kyi 'og min khang bu brtsegs pa yi// gzhal yas khang de gnas kyi 'og min bshad// ston pa sprul pa'i sku yi gnas bstan pa// sprul pa'i sku ni rabs bdun shAkya thub// gnas ni bya rgod phung po'i gnas bstan te// yang dag thugs rje sprul pa nges med gnas// zhes gsungs so// kye sems dpa' chen po nyon cig/ nga las byung ba'i sku gsum ston pa yi// 'dul ba'i zhing khams khyad par bstan pa ni// chos sku ston pa'i 'dul ba'i zhing khams ni// chos kyi dbyings kyi mtha' yis klas pa dang// nam mkha'i khams kyi ji ltar khyab pa des// chos kyi sku yi 'dul ba'i zhing khams yin// longs spyod rdzogs sku'i 'dul ba'i zhing khams ni// nga las byung ba'i gzugs sgra dri ro reg/ ji ltar 'dod pa'i longs spyod rdzogs pas 'dul// sprul pa'i sku yi 'dul ba'i zhing khams ni// 'dzam bu'i gling ni bye ba phrag brgya las// rang 'byung ye shes thugs rjes rgyud drug 'dul// de ni mthun pa'i bye brag bstan pa yin// nga las byung ba'i ston pa sku gsum de// rgyu mthun 'bras bu mthun pa rang bzhin gcig/rgyu ni byang chub sems su kun mthun la// 'bras bu sangs rgyas yin par kun kyang mthun// rang bzhin chos nyid ngo bo gcig par bstan// 'dul ba'i dus la snga phyi phye ba med// ces gsungs so// kye sems dpa' chen po yang nyon cigakun byed rgyal po nga las byung ba yi// sku gsum staun pa de yi bshad lugs ni// ston pa chos skus byin gyis brlabs kyis bshad// longs spyod rdzogs pa rang gi ngo bos bshad// sprul pa'i sku ni tshig dang don bsdebs nas// gang zag rna ba'i dbang por tshig don ston// chos sku byin gyis brlabs kyis bshad pa ni// kun byed nga yi rang bzhin bstan pa ste// skye ba med las skye ba'i cho 'phrul du// ji ltar snang srid snod bcud thams cad kun// ngo bo thugs rje cho 'phrul phyung ba ste// rang bzhin byin gyis brlabs kyis bshad ces bya// longs spyod rdzogs sku rang gi ngo bo ston// ji ltar snang ba'i chos rnams thams cad kun// gzugs sgra dri ro reg la sogs pa yi// 'dod pa'i longs spyod thams cad rdzogs par ston// rang gi ngo bos bshad ces nga yis bstan// sprul skus tshig dang yi ges bsdebs bshad pa// ji ltar snang ba'i chos rnams thams cad kun// ston pa'i ngo bor ston pas ma rig ste// bstan pa zhes pa'i khyad par 'dod sprul pas// don rnams tshig dang yi ger sgra brjod pas// tshig gi sgra des don de go byas nas// don de tshig sgra de yis bshad pa yin// kye sems dpa' chen po nyon cig/ kun byed nga ni sku gsum ngo bo ste// mi rtog mnyam pa nyid du gnas pa de// spros bral chos kyi sku yi ngo bo yin// rang bzhin 'byung ba'i skye ba'i cho 'phral de// 'dod pa 'byung ba'i longs spyod rdzogs sku yin// thugs rjes ji ltar 'dul ba'i don mdzad pa// de ni sprul pa'i sku yi ngo bo yin// kun byed rgyal po'i rang bzhin rnam gsum gyis// gang la gang gis 'dul ba'i skur ston mdzad// bstan pa'i rang bzhin brjod du med pa'i don// gang la gang 'tsham de yis don mdzad pa// de ni bstan pa phun sum tshogs par gsungs// 'khor gyi rang bzhin gang la gang 'dus nas// de la 'dus nas de yi gdung 'tshob 'dzin// de la phun sum tshogs pa'i 'khor zhes bya// nga ni ston pa kun byed byang chub sems// kun byed gcig la rnam pa gsum bgrangs pa// kun byed nga dang nga yi rang bzhin dang// nga yis byas pa'i chos dang rnam pa gsum// nga ni ston pa kun byed kun gyi mes// nga yi rang bzhin rnam pa bcur bstan pa// de ni bstan pa kun gyi snying por bshad// kun byed nga yis byas pa'i chos rnams ni// dus gsum gcig na bzhugs pa'i sangs rgyas dang// khams gsum gnas pa'i 'gro ba thams cad kun// dbye ba med par 'khor gyi dam par byas// kun byed gcig gis phun sum tshogs byas pas// sems kyi dgos pa kun byas phun sum tshogs// gang la gang dgos dgos pa tshogs pa la// kun byed nga yis phun sum tshogs par bshad// ston pa'i rang bzhin rnam pa gsum bstan pa// 'khor gyi dang po ston pa sku gsum shar// ma skyes gzung 'dzin bral ba'i rang bzhin de// 'khor gyi dang po ston pa chos skur shar// skye ba'i cho 'phrul kun bzang rol pa de// 'dod spyod longs spyod rdzogs pa'i sku ru shar// sna tshogs ji ltar 'dod pa byung nas ni// de dang mthun par kun kyang tshim byed pa// de ni sna tshogs sprul sku zhes su bshad// sku gsum ston pa grags phyogs mthong ba ni// sangs rgyas chub sems dpa' bzod thob gsum// gang 'thad ston pa'i sku la de 'dus nas// de dang mthun pa'i gnas su don ston bzhugs// bstan pa'i rang bzhin yang ni de 'dra ste// sku gsum gang gis 'khor la gang ston pa// gang la gang gis 'dul ba'i don rnams kyis// sangs rgyas lha mi 'jig rten las dag la// bstan pas 'dul phyir phun sum tshogs zhes bshad// mi gnas chos sku dbyings nas bzhugs pa yis// dus gsum sangs rgyas khams gsum sems can la// spros med byang chub sems ni chos skus bstan// ye shes longs spyod 'og min bzhugs pa yis// sa bcu pa yi byang chub sems dpa' la// byang chub sems de sku dang ye shes bshad// thugs rje sna tshogs nges med sprul pa yis// bzod thob gang na 'dus pa'i 'khor de la// ma nges gang gis 'dul ba'i don yang bstan// smon lam las bzang rkyen gyis bar ma chod// nga yi thugs rje sems dpa'i dus la bab// ngas bstan 'khor gyi nang nas khyod sdud dang// gnyis med don nyid nga yis bstan pa gsum// tshogs pas dus gnas rang bzhin de la tshang// phun sum tshogs pa rnam pa gsum po de// ye nas dkon pa'i dkon mchog gsum du bstan// kun byed nga yi sku gsung thugs su bshad// ston pa dkon pa'i sangs rgyas dkon mchog ni// chos sku longs spyod sku dang sprul sku ste// bstan pa dam chos dkon pa'i gsung mchog ni// brjod du med pa'i kun byed gsung mchog gsum// 'khor gyi dge 'dun thugs mchog de la ni// gang la gang dgos gang 'tsham ston par byed// nga ni ston pa kun byed byang chub sems// sku gsum byed pa'i ston pa ngas byas nas// bstan pa dam chos gsum du bkod pa ni// phyi dang nang dang gsang ba gsum du bkod// de la rnam pa gsum gsum dgur grags pa// sprul sku thugs rjes ji ltar 'dul gsum bsgrags// longs spyod bya byed phyi nang gsum du sgrogs// chos sku gsang ba'i mngon pa gsum sgrogs pa// phyi dang nang dang gsang ba gsum po de// lus dang ngag dang yid dang sku gsung thugs// de las 'phros pas rnam pa dgur byung ba// la dgu lung dgu lam dgu bgrod pa yis// theg gcig kun byed byang chub sa la bgrod// kun byed bya byed med par rtsol sgrub 'das// bgrod pa med par byang chub sa la phyin// zhes gsungs so// byang chub kyi sems kun byed rgyal po las phun sum tshogs pa shin tu dkon pa'i le'u ste bcu pa'o//// de nas byang chub kyi sems kun byed rgyal pos chos thams cad kyi rtsa ba bsdus pa 'di gsungs so// kye sems dpa' chen po nyon cig/ chos thams cad kyi rang bzhin dang rtsa ba ni 'di lta ste// nga ni chos kun rang bzhin yin pa ste// nga yi rang bzhin las ni chos gzhan med// ston pa sku gsum pa yi rang bzhin yin// dus gsum sangs rgyas nga yi rang bzhin yin// byang chub sems dpa' nga yi rang bzhin yin// rnal 'byor rnam bzhi nga yi rang bzhin yin// 'dod khams gzugs khams gzugs med khams gsum yang// kun byed nga yi rang bzhin bstan pa yin// 'byung chen lnga yang nga yi rang bzhin yin// rgyud drug sems can nga yi rang bzhin yin// snang ba thams cad nga yi rang bzhin yin// srid pa thams cad nga yi rang bzhin yin// snod bcud bsdus pa nga yi rang bzhin yin// nga yi rang bzhin las ni gzhan med pas// chos rnams kun gyi rtsa ba nga la 'dus// nga las ma 'dus pa ni gcig kyang med// ma skyes pa dang skye ba'i cho 'phrul dang// thugs rje'i rang bzhin rnam pa gsum byung ba// de ni ston pa gsum gyi rang bzhin yin// snga pa da lta phyi pa dus gsum yang// nga nyid gcig tu gnas pa'i rang bzhin las// sangs rgyas thams cad gcig tu gnas pa'i phyir// de yang nga yi rang bzhin bstan pa yin// nga nyid gzung 'dzin bral bas byang ba dang// nam mkha' bzhin du kun la khyab pa dang// chos rnams kun gyi snying po byed pa'i phyir// byang chub sems kyang nga yi rang bzhin yin// kun byed nga ni gcig tu gnas pa la// nga yi rang bzhin de bzhin rnal ma la// rnam bzhi 'byor pa rnal ma gcig tu 'byor// des na nga yi rang bzhin yin par bshad// kun byed nga yi lus ngag yid gsum las// 'byung yang nga yi rang bzhin de las 'byung// 'dus kyang nga yi rang bzhin de la 'dus// yin yang nga yi ngo bo de yin pas// khams gsum nga yi rang bzhin yin par bshad// kun byed nga yi rang bzhin rnam lnga ni// nga yi ngo bo rnam lnga phyung ba ste// nam mkha' rlung chu sa me snang ba lnga// kun byed nga yi rang bzhin bstan pa yin// kun byed nga yi thugs rjes mngon phyung nas// rang 'byung ye shes rnam lnga bstan pa ni// 'gro ba rigs drug sems can snang ba yang// kun byed nga yi rang bzhin bstan pa yin// kun byed rgyal po nga yi rang bzhin las// snang srid snod bcud bsdus pa thams cad kun// thams cad ngas byas nga las byung ba'i phyir// ngar ma 'dus pa'i chos ni gcig kyang med// nga las byung ba'i ston pa sku gsum yang// kun byed nga yi rang bzhin rnam gsum ston// snga pa da lta phyi pa dus gsum gyi// rnam gsum gcig tu gnas pa'i sangs rgyas kyang// snga phyi med par kun byed rang bzhin gnas// gzung 'dzin bral ba'i byang chub sems dpa' yang// kun byed nga yi rang bzhin sems dpar byed// rnal 'byor rnam bzhi rnal mar 'jog pa yang// kun byed nga la rnal du 'jog par byed// kun byed rgyal pos thams cad byas pa bzhin// thams cad kun byed rgyal po nyid du 'dus// zhes gsungs so// byang chub kyi sems kun byed rgyal po las chos thams cad kyi rtsa ba byang chub kyi sems kun byed rgyal po nyid kho nar 'dus pa'i le'u ste bcu gcig pa'o//// de nas byang chub kyi sems kun byed rgyal po nga yis chos thams cad kyi khungs kyi mdo 'di gsungs so// kye sems dpa' chen po// nga ni kun gyi lung khungs yin pa ste// ji ltar snang ba'i chos rnams thams cad kun// thams cad nga las byung bar shes par gyis// chos kyi spyi khungs chen po 'di nyon la// chos rnams thams cad 'di ltar lung ston cig/ kun byed rgyal po byang chub sems nga ni/ lung chen kun gyi rgyal po nga yin pas// ston pa gsum yang dang po nga las byung// lung zhes bya ba ston pa'i bka' la gdags// man ngag kun gyi rtsa ba nga yin pas// sems las ma gtogs pa yi chos nyid ni// dus gsum sangs rgyas khams gsum sems can la// kun byed nga yis yang dag bstan pa med// rgyud dang mdo sde kun gyi spyi 'grel yin// rgyud dang mdo sde ston pa'i ston pa yang// kun byed nga yi rang bzhin phyung ba yin// ston pa dang ni bstan pa gnyis ka 'grel// kun byed rgyal po byang chub sems pa ni// bstan pa kun gyi yang rtse yin par bshad// nga las byung ba'i ston pa sku gsum gyis// bstan pa'i 'dul ba mdo sde mngon pa dang// tan tra so so'i sde ni 'bum sde dang// bskyed rdzogs gsang ba la sogs rtsol sgrub can// kun kyang rtsol sgrub 'das pa nga la bgrod// rtsol sgrub nyid kyis 'das pa nga mi mthong// des na bstan pa kun gyi yang rtse yin par bshad// kun byed rgyal po byang chub sems nga ni// theg pa kun gyi nying khu yin par bshad// ston pa gsum gyi gnas pa'i theg pa gsum// nges par gnas pa theg pa gcig las med// gcig ni kun theg byang chub sems kyi sa// de ni theg pa kun gyi nying khur bshad// kye ni ma rig pa yi mun bsal nas// ye shes chen po'i snang ba mched par byed// de yang ji lta ba zhes bstan zhe na// ji ltar snang ba'i chos rnams thams cad kun// byang chub de bzhin nyid du ma rig ste// ma rig rtog pa'i mun par 'thibs pa la// ji ltar snang ba'i chos rnams thams cad kun// kun byed byang chub sems kyis byas pa'i phyir// kun byed byang chub sems su rig byas nas// ji ltar snang ba'i chos rnams thams cad kun// so sor rtog pa'i mun pa bsal nas kyang// rang 'byung ye shes chen po snang ba mched// des na ma rig mun sel snang ba mched ces bya// kye sems dpa' chen po// rnam par rtog pa'i dra ba dral nas ni// nyon mongs pa yi phreng thag gcod par byed// ji ltar snang ba'i chos 'di thams cad la// rgyu dang 'bras bu'i theg pa can rnams kyis// la las dug mthong spong ba'i rtog pa byed// la las sems chags pa yi yul mthong nas// bden gnyis ma chags pa yi rtog pa byed// la las rnam dag bya ba'i yul mthong nas// dag pa gsum dang byin rlabs cho 'phrul gyis// rje dang khol gyi tshul du rtog par byed// la las rang dag pa yi rang bzhin la// bsnyen sgrub rnam bzhes sgrub 'dod rtog byed pa// thams cad kun byed byang chub sems nga yis// sems las gzhan ma yin rtog dral nas ni// so sor rtog pa'i nyon mongs phreng thag gcod// ces gsungs so// kye sems dpa' chen po// kun byed rgyal po byang chub sems nga ni/ khyod kyis nga yi rang bzhin 'di rtogs la// ji ltar snang ba'i chos rnams thams cad kun// nga las gzhan med pa ru lung ston cigakhyod kyis nga yi lung 'di bstan 'gyur na/khyod la 'dus pa'i 'khor tshogs thams cad kyis// kun byed nga yi rang bzhin rtogs gyur nas// kun kyang nga yi rang bzhin nyid du 'gyur// kun kyang nga yi rang bzhin gyur pa na// ji ltar snang ba'i chos rnams thams cad la// kun yang spong 'gegs bden gnyis sbyong mi byed// gtsang sbras dag gsum byin gyis rlob mi byed// ting 'dzin sems bskyed rtsol dang sgrub mi byed// thams cad kun byed nga ru byas zin pas// kun byed nga ru thams cad mnyam pa nyid// mnyam nyid nga yis mnyam nyid bya mi dgos// mnyam nyid bya mi dgos par sngar lung bstan// zhes gsungs so// byang chub kyi sems kun byed rgyal po las nges par lung khungs bstan pa'i le'u ste bcu gnyis pa'o//// de nas byang chub kyi sems kun byed rgyal po des lung thams cad kyi rgyal po yin pa'i phyir// chos thams cad kyi spyi lung bshad pa'i bshad lugs 'di gsungs so// kye sems dpa' chen po nyon cig/ nga ni chos kyi spyi lung yin pa'i phyir// gtan tshigs don gyi bshad lugs lnga ni// spyi don rnam pa lnga yis bshad pa ste// lo rgyus don gyi bshad lugs bstan pa dang// rtsa ba don gyi bshad lugs bstan pa dang// yo ga don gyi bshad lugs bstan pa dang// dgos pa don gyi bshad lugs bstan pa dang// tshig gi don gyi bshad lugs bstan pa'o// dang po yid ches pa yi khungs bstan phyir// lo rgyus don gyi bshad lugs bstan par bya// chos kun rtsa ba sems su 'dus pa'i phyir// des na rtsa ba'i don de bstan par bya// theg pa'i khyad par so sor dbye ba'i phyir// yo ga don gyi rtsa ba bstan par bya// rtsol sgrub bya mi dgos par bstan pa'i phyir// dgos ched don gyi dgos pa de ru bstan// mi rtogs don de rtogs par bya ba'i phyir// tshig gi don de sgra ru brjod par bya// kye sems dpa' chen po// lo rgyus don gyi dgos pa bstan pa ni// dang por yid ches pa yi khungs bstan phyir// lo rgyus don gyi bshad lugs bstan pa ni// rang bzhin byin gyis brlabs kyis bshad lugs dang// rang gi ngo bo bstan pa'i bshad lugs dang// don gyi sgra tshig bsdebs pa'i bshad lugs so// kun byed nga yi rang bzhin rnam gsum las// nga las byung ba'i ston pa sku gsum gyis// rang bzhin dang ni ngo bo sgra tshig gis// ji ltar byung ba'i khungs des yid kyang ches// kye sems dpa' chen po nyon cig/ rtsa ba don gyi dgos pa bstan pa ni// snang srid snod bcud bsdus pa thams cad dang// sangs rgyas sems can bsdus pa thams cad kun// kun byed byang chub nga yis byas pa'i phyir// thams cad byang chub sems las ma gtogs pa// gzhan zhes bya ba ye nas med pa'i phyir// kun kyang byang chub sems su bstan pa'i phyir// rtsa ba don gyi dgos ched bstan pa yin// kye sems dpa' chen po nyon cig/ yo ga don gyi dgos ched bstan pa ni// kun byed nga las byung ba'i sku gsum gyis// longs spyod sku dang chos sku'i bstan pa yi// tan tra la sogs yo ga sde rnams la// so so'i khyad par bye brag yod kyis kyang// rgyu 'bras 'das pa nga yi bstan pa ni// rdzogs chen a ti yo ga'i don 'di ni// theg pa shan 'byed rdzogs pa'i lung zhes bshad// des na yo ga'i don gyi dgos pa bstan pa yin zhes bya// kye sems dpa' chen po nyon cig/ dgos ched don gyi dgos pa bstan pa ni// bskal pa dpag tu med pa'i sngon rol nas// kun byed byang chub nga la dad pa yi// las dang skal ldan shin tu rnal 'byor pa// lta ba bsgom med dam tshig bsrung du med// phrin las btsal med lam la bgrod du med// sa la sbyang med rgyu dang 'bras bu med// don dam dang ni kun rdzob rnam gnyis med// bsgom zhing bsgrub tu med par mthong ba dang// sems bskyed med cing gnyen po med mthong ba// kun byed sems kyi rang bzhin mthong ba yi// de lta bu yi dgos ched bstan pa yin// zhes gsungs so// kye sems dpa' chen po nyon cig/ tshig gi don gyi dgos pa bstan pa ni// kun byed byang chub sems nga de bzhin nyid// ji ltar snang ba'i chos rnams bstan pa ni// kun byed de bzhin nyid kyi rang bzhin te// tshig dang yi ge sgra ru ma bsgrags na// gang zag yid kyi dbang po rig pa yis// de bzhin nyid kyi rang bzhin gab mi snang// des na tshig dang yi ge sgra ru bsgrags// des na tshig gi don gyi dgos par bshad// kye sems dpa' chen po// gang dang gang gi lo rgyus bshad pa ni// ston pa bstan pa 'khor gyi lo rgyus te// ston pa kun byed rang bzhin rnam gsum las// 'khor gyi rang bzhin sku gsum ston pa byung// sku gsum ston pa'i bshad lugs rnam gsum ni// ston pa bstan pa gsum gyi lo rgyus yin// gang dang gang gi rtsa ba bshad pa ni// nga las byung ba'i ston pa sku gsum gyis// ji skad bstan pa'i chos rnams thams cad kun// rtsa ba byang chub sems su bstan pa'i phyir// ston pa dang ni bstan pa 'khor rnams kyi// rtsa ba don gyi gtan tshigs bstan pa yin// nga yi rang bzhin de bzhin nyid gcig la// rnal 'byor rnam bzhi yo ga'i bye brag ni// lta ba spyod pa dam tshig sgrub pa dang// mi mthun khyad par so so'i bye brag de// shin tu rnal 'byor rtsol sgrub 'das pas 'byed// des na yo ga'i don gyi gtan tshigs bstan// dgos ched don gyi nges tshig bstan pa ni// dgos ni khams gsum sems can thams cad kun// rang sems de bzhin nyid de mthong 'gyur na// sangs rgyas tshig gi sa la mi gnas te// da lta nyid nas shin tu rnal 'byor thob// las med skal ba chung ba rnams la ni// ma gab mngon du phyung yang mi rtogs te// gang zhig nor bu rin chen 'dod pa de// shing la byi dor byas pas mi 'gyur bzhin// las bzang skal ldan shin tu rnal 'byor la// lta ba dam tshig phrin las sa lam dang// sems bskyed rgyu 'bras sgom sgrub gnyen po med// don dam kun rdzob rnam gnyis med mthong ba// des na sems kyi de bzhin nyid mthong bas// de lta bu la dgos pa'i dgos ched yin// zhes gsungs so// tshig gi don gyi dgos pa'i nges tshig ni// med pa'i don bcu med pa'i sgra dang tshig/tshig tu brjod pas bya med don mthong nas// bya mi dgos pa'i kun byed de thob pas// tshig gi don gyi dgos pa bstan pa yin// zhes gsungs so// byang chub kyi sems kun byed rgyal po las sems kyi bshad lugs kyi le'u ste bcu gsum pa'o//// de nas byang chub kyi sems kun byed rgyal pos nyid kyi gsang ba dam pa'i gdams ngag 'di gsungs so// kye sems dpa' chen po// kun byed nga ni kun tu gsang ba'o// nga las byung ba'i sku gsum ston pa la// nga yi rang bzhin rnam gsum mi bstan gsang// nga la gnas pa'i dus gsum sangs rgyas la// nga yi rang bzhin mi bstan gsang bar bya// nga la 'dus pa'i 'khor tshogs thams cad la// nga yi rang bzhin mi bstan gsang bar bya// nga yis byas pa'i khams gsum sems can la// nga yi rang bzhin mi bstan gsang bar bya// nga yi rang bzhin ma gsang bstan byas nas// sku gsum ston pa nga las 'byung mi 'gyur// sku gsum ston pa nga las ma byung na// bstan gsum theg gsum 'khor gsum tshogs mi 'gyur// bstan gsum theg gsum 'khor gsum ma tshogs na// sangs rgyas chos dang dge 'dun dkon mchog gsum// bla med byang chub kun gyi rig pa med// nga las byung ba'i dus gsum sangs rgyas la// nga yi rang bzhin ma gsang bstan gyur na// sku gsum ston gsum med pa'i skyon du 'gyur// nga la 'dus pa 'khor gyi tshogs rnams la// nga yi rang bzhin ma gsang bstan gyur na// ston gsum theg pa khyad par phyed mi 'gyur// nga yis byas pa'i khams gsum sems can la// nga yi rang bzhin thugs rjes bstan gyur na// ston pa gsum gyis bstan pa'i gnas med 'gyur// ston pa gsum gyi bstan pa'i gnas med na// kun byed nga yis byas pa'i chos rnams la// phun sum tshogs pa zhes su su zhig 'dogs/ des na kun byed rgyal po nga yis ni// nga yi rang bzhin nga yis phyung nas ni// nga la nga yi rang bzhin nga yis bstan// nga las byung ba'i ston pa 'khor rnams la// bstan pa'i lung ni kun byed ngas ma phog/ shin tu rnal 'byor kun byed nga yin pas// de la kun byed rang bzhin bstan par bya// zhes gsungs so// byang chub kyi sems kun byed rgyal po las skal med la gsang ba'i le'u ste bcu bzhi pa'o//// de nas byang chub kyi sems kun byed rgyal pos nyid kyi lung chen po mngon du phyung ba'i lung 'di bstan to// kye sems dpa' chen po nyon cig/ kun byed rgyal po nga yis ni// mngon du phyung ba gsum bstan te// nga yi rang bzhin rnam gsum ngas bstan pa// don rnams ston pa'i ston pa dang// don rig 'dod pa'i 'khor rnams dang// ma nor nges pa'i don dang gsum// kun byed nga yis mngon du phyung// don ston mngon du phyung ba ni// chos kyi sku dang longs spyod rdzogs// sprul pa'i sku dang rnam la gsum// 'khor gyi dang po ston pa sku gsum ste// don ston pa yi ston pa de// gzung 'dzin bral ba'i rang bzhin dang// nga yi ngo bo ston pa dang// thugs rje'i rang bzhin don mdzad gsum// rang bzhin gsum las mngon du phyung// ston pa gsum yang mngon phyung ba'o// don rig 'dod pa mngon phyung ba// ston pa gsum gyi 'khor gsum ste// nga bstan pa yi bye brag ni/ dus gsum bzhugs pa'i sangs rgyas dang/ khams gsum gnas pa'i sems can kun// mi rtog mnyam nyid gnas pa de// kun byed nga yis mngon phyung 'khor// dbang po yul gyi rnam pa la// nyon mongs mi skye rnam mi rtog/ rang gi byang chub sems nyid la// chos dang chos nyid rtog byed pa// dang po sa nas bcu par bsgribs// sa bcu byang chub sems dpa' dang// longs spyod 'dod yon rnam pa lngar// mthong ba'i ston 'khor rnam gnyis kyang// nga yi ngo bor mngon phyung yin// de bzhin nyid kyi rang bzhin la// rig pa yid kyi dbang po des// brtags pas mthong ba'i shes pa de// la las rtag pa nyid du mthong// la las stong pa chad par mthong// rgyu 'bras log bar mthong ba yi// mu stegs rnam bzhis byin brlabs nas// rgyu dang 'bras bu lung bstan pa'i// sdig spong sems dge rnam bzhi ni// bskal pa chen po gsum bar du// gnas pa'i 'khor dang ston pa yang// nga yis mngon du phyung ba yin// ye shes rig pa'i yul can la// yang dag nges par mngon du phyung// kye sems dpa' chen po// mngon du phyung ba zhes bya ba// gang gis gang mngon phyung ba ni// gang gis nga yis mngon du phyung// gang zhig mngon du phyung ba ni// sems de nyid de mngon du phyung// gang gi don du mngon phyung na// yul la so sor lta ba yi// 'khor gyi don du mngon phyung yin// la la spong ba'i don du phyung// la la 'gegs pa'i don du phyung// la la spyod pa'i don du phyung// la la dag byed don du phyung// la lar blang dor don du phyung// la lar bdag nyid don du phyung// la las spang ba'i yul du mthong// la las dgag pa'i yul du mthong// la las spyod pa'i yul du mthong// la las dag bya'i yul du mthong// la las blang dor yul du mthong// la las dbang bsdu'i yul du mthong// rgyu dang 'bras bu'i ston pa yi// 'khor tshogs rnams kyis de ltar mthong// sems dpa' chen po// nga yi rang bzhin mngon phyung ba// 'di ni nges par lung ston cig/ nga ni khyed kyi ngo bo ste// nga yi rang bzhin phyung ba de// khyed kyi rang bzhin phyung ba yin// khyed kyi rang bzhin phyung ba des// rang gi rang bzhin shes par gyis// rang gi ngo bo shes par gyis// rgyu 'bras 'khor la lung ston cig/ ces gsungs so// de nas sems dpa' rdo rje des rgyu 'bras kyi 'khor la 'di skad ces gsungs so// kye rgyu dang 'bras bu'i ston 'khor rnams// ston pa'i ston pa kun byed kyis// kun byas phun sum tshogs par byas// phun sum tshogs pa mngon phyung ba// rang gi rang bzhin mngon phyung bas// rang gi rang bzhin yin par rtogs// rang gi ngo bo yin par rtogs// de la gzhan yin ma rtogs par// rang nyid yin par kun gyis rtogs// rang nyid yin par ma rtogs te// yul de rang du ma rtogs par// yul de dgra dang tsher brtags nas// rang gi rang bzhin de spangs nas// bskal pa brgya phrag yun ring du// chos nyid rang gi sems mi mthong// rang sems chos nyid ma mthong na// bskal pa brgya phrag yun ring du// rang gi byang chub de spong 'gyur// bya med bde chen de mi thob// yul de rang du ma rtogs par// yul de rkyen gyis dgrar brtags nas// rang gi rang bzhin de bkag na// bskal pa brgya phrag yun rings su// chos nyid rang gi sems mi mthong// rang sems chos nyid ma mthong na// bskal pa brgya phrag yun ring du// rang gi byang chub de 'gegs pas// bya med bde chen de mi thob// yul de rang du ma rtogs par// yul de sbyang pa'i yul mthong nas// rang gi rang bzhin sbyong byed na// bskal pa chen po gsum bar du// chos nyid rang gi sems mi mthong// rang sems chos nyid ma mthong ste// rang sems sbyang med gding dang bral// yul de byang chub rang dag la// gzung 'dzin dri ma yod mthong nas// phyi nang rtog pa dag gsum gyis// khrus dang gtsang sbra dag byed pa// dag pa'i rang sems ma mthong ba// rang sems dag pa de dang bral// mi yi skye ba tshe bdun du// rang sems gnyis med de mi mthong// lhun gyis grub pa'i byang chub la// btsal zhing bsgrub pa'i yul mthong nas// sems bskyed ting 'dzin rnam gsum gyis// thams cad dbang sdud bdag tu byed// rang gi byang chub btsal med la// btsal bas grub par 'dod pa'i phyir// bcu drug zla bas tshes bsgrubs nas// stong dang brgya drug lo yis ni// cha lugs longs sku bzung nas ni// rang sems lhun grub bzod rtog byed// rang sems chos nyid mngon phyung 'di// rgyu dang 'bras bu rtog byed pa'i// rtsol sgrub can la phan med kyang// las dang skal bar ldan pa yi// dgos ched don du phyung ba yin// zhes sems dpa' rdo rjes gsungs so// de nas kun byed rgyal po nyid kyis lung bstan pa// kye sems dpa' chen po// chos nyid mngon du phyung ba rang sems yin// rgyu dang 'bras bu theg pa can rnams kyis// rang sems mngon du phyung ba ma rtogs te// spong zhing 'gegs pas bskal pa yun rings gnas// sbyongs shing bgrod la bskal pa gsum du gnas// dag byed khrus dang gtsang sbras mi tshe bdun// byin rlabs blang dor can ni mi tshe gsum// dbang sdud bdag 'dod lo stong brgya drug tu// longs sku cha lugs de yi rang sems rtogs// nam rtogs dus na mi rtsol bde chen thob// kye sems dpa' chen po nyon cig/ rgyu 'bras theg chen bzhin du ma yin gyis// kun byed nga yi lung 'di nges par zung// ji ltar snang ba'i chos rnams thams cad dang// rang sems chos nyid ye nas gcig yin pas// rgyu 'bras lugs bzhin 'di la rtog ma byed// rang sems de bzhin nyid la rtog ma byed// rang sems de bzhin nyid la brtag bya ru// rang gi byang chub ngo bo snang ba yin// 'di las ma rtogs so sos ming btags pa// kun rdzob snang la don dam mi snang 'dogs// don dam kun rdzob gnyis med bden pa gcig/bden pa yang dag nges par yod ma yin// yang dag 'dogs pa nga yang 'khrul pa yin// bde ba 'dod pa chags pa'i nad yin pas// 'dod pa med pas bde ba len par byed// sangs rgyas bsgrubs pas grub pa ma yin te// ma btsal rang bzhin gnas pas lhun gyis grub// ma btsal rang bzhin gnas la mi rtog zhog/ sangs rgyas don gyi bla dgas ming 'di la// sangs rgyas yang dag yod par nga mi ston// gang zhig sangs rgyas yod par mthong ba ni// chos nyid dbyings las sangs rgyas mi rnyed de// sangs rgyas ma lta rang sems byar med rtogs// brtags na med de rang sems ye nas gsal// dngos su mi snang rang sems kun la khyab// yin pa'i ngo bo snang ba 'di yin te// 'di min snyam pa'i rgyu 'bras theg chen la// spong 'gegs sbyong ba byin brlabs sna tshogs kyis// rang sems chos nyid bya med de las gol// rang gam bzhag nas gzhan ma rgyang du tshol// bya med bde bor rtsol ba dang du len// tshi chad pa yi nad du de las med// ma yengs ting 'dzin 'dzin pa'i rtod phur yin// ye nas yin la yengs pa'i shor ba med// ma yengs ting 'dzin re ba'i slu mkhan des// rgyu 'bras theg chen drang ba'i lung bstan yin// ye nas yin la yengs med shor med de// rtsol sgrub kun gyi gnyen po 'joms byed de// rgyu 'bras ston pa'i ston pa 'khor rnams la// kun byed nga yi lung 'di bstan gyur na// rgyu las 'bras bu 'byung zhes sgro skur 'debs// sangs rgyas 'dod pa'i rnal 'byor ting 'dzin can// ting 'dzin 'dod pa'i ma bcos rnal 'byor spangs// ma bcos rnal ma kun gyi chos nyid yin// chos nyid las ni sangs rgyas gud na med// sangs rgyas ming du btags pa bla dgas yin// chos nyid bya ba gzhan med rang sems te// rang sems ma bcos chos kyi sku ru bshad// ma bcos pa la ye nas skye med pas// skye med don la btsal zhing bsgrub tu med// btsal zhing bsgrub pas bya med 'grub mi 'gyur// kye sems dpa' chen po nyon cig/ chos kyi sku dang longs spyod rdzogs sku dang// sprul pa'i sku dang ston pa rnam pa gsum// theg gcig theg gnyis theg pa rnam gsum gyi// ston pa kun byed rgyal po nga yis phyung// nga ni ston pa kun gyi 'byung gnas yin// nga yi rang bzhin rnam pa gsum las phyung// spros bral skye med dga' ba'i 'khor rnams la// nga yi rang bzhin gzung 'dzin bral ba las// mi rtog mnyam pa nyid kyi chos sku byung// chos sku'i 'khor ni phye ba med pa ste// ma skyes mnyam pa nyid kyi don bstan pa// de ni lhag ma med pa'i theg par bshad// nga yi rang bzhin kun du snang ba la// 'dod spyod dag pa'i 'khor gyi tshogs rnams la// nga yi ngo bo longs spyod rdzogs par phyung// ngo bo de la lta spyod rdzogs byed ston// de ni thun mong min pa'i theg pa ste// nga yi rol pa'i ngo bo phyung ba yin// nga yi rang bzhin thugs rjer 'byung ba las// ji ltar 'dul bar sprul nas don mdzad pa'i// sprul pa'i sku dang 'khor tshogs rnam bzhi la// rgyu 'bras 'tsham pa'i thugs rje phyung ba yin// kye sems dpa' chen po// mdor na mngon du phyung ba'i lung zhes pa// nga yi rang bzhin 'di ltar bstan pa la// mngon du phyung ba'i lung zhes bstan pa yin// kun byed nga yi rang bzhin gcig pu la// snang ba'i yul ni rnam pa gsum snang la// de las byung ba'i chos ni 'di lta ste// sangs rgyas sems can snang srid snod bcud kun// kun byed nga yi rang bzhin mngon phyung yin// 'di las gzhan yin pa ru rtog byed pa// kun byed nga dang phrad pa'i skal med pas// 'khor gyi dang po ston pa sku gsum gyi// rim pas sbyangs pa'i rgyu 'bras theg 'khor yin// kye sems dpa' chen po// nga yis mngon du phyung ba 'di// gzhan ma mngon du phyung ba yin// nga nyid mngon du phyung ba yin// chos nyid mngon du phyung ba yin// rang sems mngon du phyung ba yin// ma nor mngon du phyung ba yin// nges pa mngon du phyung ba yin// de bzhin mngon du phyung ba yin// kye sems dpa' chen po// nga yi rang bzhin mngon du phyung ba 'dis// che ba lnga yi sangs rgyas mngon du phyung ba yin// che ba lnga yi sangs rgyas 'di lta ste// nga yi ngo bo mngon du phyung ba ni// snang srid snod bcud nga yi chos nyid 'di// kun la snang bas mngon par phyung ba yin// bya mi dgos pas ye nas sangs rgyas yin// rtsol grub med pas ye nas che bar bshad// mngon par sangs rgyas zhes su bshad pa yin// nga yi rang sems mngon du phyung ba 'di// snying por gyur pas kun gyi bdag nyid yin// bya mi dgos pas ye nas sangs rgyas yin// rtsol sgrub med pas ye nas che bar bshad// bdag nyid chen po sangs rgyas che bar bshad// ma skyes spros bral mngon du phyung ba 'di// ye nas gzung 'dzin bral bas chos kyi dbyings// bya mi dgos pas ye nas sangs rgyas yin// rtsol sgrub mi dgos ye nas che bar bshad// chos dbyings sangs rgyas che ba yin par bshad// nga yis nges par mngon du phyung ba 'di// dpe don rtags ni rnam pa gsum bstan te// chos nyid don la nam mkha'i dpe bstan te// byang chub sems kyi rtags kyis nges pa ru// the tshom za ba rnams la mngon pa ru// dpe don rtags kyis de yin sangs rgyas bstan// nga yi rang bzhin ma nor nyid 'di ni// su la mngon du phyung yang mi snang bas// de ni ma nor ba yi rang bzhin la// bzhin ni bcos pa med pa'i rang bzhin te// nyid ni ngo bo nyid la btags pa yin// de bzhin nyid kyi rang bzhin de nyid la// dus gsum sangs rgyas yod pa'i sgros mi 'dogs/ khams gsum sems can med pa'i skur mi 'debs// rtog dpyod bsam pa cir yang dgongs med pas// sangs rgyas med pa'i che bar nga yis bshad// ces gsungs so// byang chub kyi sems kun byed rgyal po las rang bzhin rnam pa gsum mngon du phyung ba'i le'u ste bcwa lnga pa'o//// de nas byang chub kyi sems kun byed rgyal po des sems dpa' rdo rje la gdams ngag phog pa 'di gsungs so// kye sems dpa' rdo rje chen po 'di nyon cig/ nga ni ye nas kun byed rgyal po yin// ston pa bstan pa 'khor dus ngas byas nas// ston pa'i ston pa yang ni nga yis byed// bstan pa nga yi rang bzhin de ston la// 'khor yang nga yi ngo bo de phyung nas// dus gnas nga yi rang bzhin de ru ni// kun byed nga yi rang bzhin bstan pa las// nga min chos ni gcig kyang bstan pa med// sems dpa' chen po rdo rje khyod nyid kyang/ kun byed nga yi rang bzhin bstan pa'i phyir// khyod kyang nga las nga yis phyung ba yin// kun byed nga ni chos kyi snying por zhog/ kun byed nga ni ye nas byas zin gyis// da gdod bya dgos kun la lung ma ston// da gdod bya dgos 'khor la lung bstan na// 'khor rnams rtsol ba'i nad kyis zin par 'gyur// rang 'byung ye shes med pa'i skyon du 'gyur// byang chub sems la 'chos pa'i skyon du 'gyur// de bzhin nyid la 'chos pa'i skyon du 'gyur// skyon gyis yon tan khyad du gsod par 'gyur// brdzun gyis bden pa bslus pas bslad pas na// min pa'i rtsol bas bya med yin ma sgrub// sems dpa' khyod kyis kun byed nga rig gis// nga yis byas pa'i chos rnams thams cad kun// ye nas rang 'byung ye shes de bzhin nyid// ston gsum nga yi rang 'byung ye shes yin// bstan pa gsum yang nga yi de bzhin nyid// 'khor rnams kun kyang sems dpa' rdo rje'i tshul// dus gnas phun sum tshogs pa thams cad kun// kun byed rgyal po nga yin byang chub sems// zhes gsungs so// byang chub kyi sems kun byed rgyal po las/ sems dpa' rdo rje la gdam ngag phog pa'i le'u ste bcu drug pa'o//// de nas byang chub kyi sems kun byed rgyal po des nyid kyi sku gdung 'di zung shig par gsungs so// kye sems dpa' chen po 'di zung zhig/ sku gdung ring bsrel rtag 'chad na// rgyal ba'i yang mes kun byed nga dang mnyam// zhes gsungs so// de nas sems dpa' rdo rjes zhus pa// kye dus gsum sangs rgyas kun gyi yang mes po// ston pa'i ston pa kun byed rgyal po lags/ sku gdung ring bsrel rtag tu zung zhig pa/ sku ni rgyal ba gang dang gang gi sku// gdung ni sangs rgyas gang dang gang gi gdung/ ring bsrel zhes ni ji lta bu la bgyi// zhes zhus so// kye sems dpa' chen po nyon cig/ sku ni nga sras rgyal ba gsum gyi sku// gdung ni dus gsum rgyal ba nga yis sems/ dus med rtag tu sems dpa' 'di 'chang na// dus gsum sangs rgyas rnams kyi mchod pa'i rten// sku gdung ring bsrel zhes ni de la bya/ kye ston pa'i ston pa kun byed rgyal po lags// sku gdung ring bsrel de ltar lags na yang/ de la dus gsum sangs rgyas ji ltar mchod// mchod pa la ni yon tan ci zhig mchis// zhes zhus so// kye sems dpa' chen po khyod nyon cig/ nga yis sku gdung ring bsrel de la ni// dus gsum sangs rgyas rtag tu sems ltas mchod// de yi yon tan mi 'bral de thob nas// chos rnams kun byed rgyal por nus par 'gyur// zhes gsungs so// byang chub kyis sems kun byed rgyal po las sku gdung gtad pa'i le'u ste bcu bdun pa'o//// de nas byang chub kyi sems kun byed rgyal po des chos thams cad kyi chos nyid nga nyid yin pa'i lung 'di gsungs so// kye sems dpa' chen po nyon cig/ snang srid snod bcud thams cad kun// snang ni nga yi ngo bor snang// dag ni chos nyid dbyings su dag/ 'dul ba rnam pa sna tshogs ston// sku gsum sna tshogs byung nas ni// theg pa gsum ni ngo yang ston// rgyu 'bras can ni des tshim byed// 'das pa yul la mi ltos pas// rgyu la mi bsgrub 'bras mi 'dod// 'dod pa med pa'i dgongs pa dang// rang bzhin lhun gyis grub par 'gyur// ye nas yin la bya mi dgos// don rnams ji bzhin bskyod med pas// ji bzhin pa la bsgrub mi dgos// chos kun rang bzhin lhun grub phyir// dus gsum sangs rgyas grub pas kyang// rtsol zhing sgrub pa'i lung mi 'bogs// btsal na gang btsal ting 'dzin des// mi grub ting 'dzin nad du che// kye sems dpa' chen po// nga min ston pa thams cad kyis// bya ba'i phrin las sna tshogs dang// bsam pa'i ting 'dzin rim pa dang// 'phro ba'i 'od zer sna tshogs dang// blta ba'i yul ni ci dmigs kyang// ji bzhin pa la g.yos pa med// bya ba'i las kyis grub pa med// bsam pa'i ting 'dzin yal bar 'gyur// 'phro ba'i 'od zer zhi 'gyur na// blta yul gang yang mthong ba med// des na btsal ba'i las ma byed// kye sems dpa' chen po// yul las btsal bas grub pa'i lung de ni// rgyu dang 'bras bu'i theg can ston par byed// rgyu dang 'bras bu'i theg can chos nyid ni// chos dang chos nyid rnam pa gnyis phye nas// chos kyis chos nyid tshol ba rnyed lung med// ces gsungs so// byang chub kyi sems kun byed rgyal po las btsal bas mi 'grub pa'i le'u ste bcwa brgyad pa'o//// de nas byang chub kyi sems kun byed rgyal po des ma btsal bas grub pa'i le'u 'di gsungs so// kye sems dpa' chen po nyon cig/ nga las byung ba'i ston pa sku gsum gyis// bstan pa'i theg pa rnam gsum bstan pa ni// ston pa gsum gyis mi stsol lung ma bstan// kun byed nga yis theg gcig bstan pa ni// btsal bas grub pa'i lung du ngas ma bstan// kye sems dpa' chen po nyon cig/kun byed byang chub nga yi rang bzhin las// ma btsal rang bzhin lhun gyis grub pa ni// rgyal ba kun gyi snying po sku gsum ste// nga yi rang bzhin ma bcos chos skur grub// nga yi ngo bo ma bcos longs spyod rdzogs// nga yi thugs rje mngon phyung sprul sku gsum// btsal nas grub pa'i 'bras bu bstan pa med// ces gsungs so// kye sems dpa' chen po nyon cig/ sku gsum kun byed nga ru 'dus pa ste// ji ltar snang ba'i chos rnams thams cad kun// rang bzhin ngo bo thugs rjes ma bcos gsum// sku gsum nga yi de bzhin nyid du bstan// nga dang nga yi de bzhin nyid las ni// sangs rgyas zhes bya'i yon tan sgros kyang med// sems can zhes bya'i skyon gyi rnam pa med// mi rtog mnyam pa nyid du de bzhin gnas// 'di las ma gtogs pa ni gzhan med pas// sangs rgyas rnams kyis 'di las lhag pa yi// kun byed nga la nges lung mnos pa med// byed mkhan kun byed rgyal po nga yis kyang// mi rtog mnyam nyid de bzhin nyid 'di las// nyid la nyid kyis bstan pa rdul tsam med// ces gsungs so// byang chub kyi sems kun byed rgyal po las ma btsal lhun gyis grub pa'i le'u ste bcu dgu pa'o//// de nas byang chub kyi sems kun byed rgyal po des chos thams cad kyi byung khungs nyid las byung ba 'di gsungs so// kye chos kun sdud pa'i rdo rje nyon// kun byed rgyal po byang chub sems// nga ni chos kun snying po ste// nga ni chos kun sa bon yin// nga ni chos kun rgyu yang yin// nga ni chos kun sdong po ste// nga ni chos kyi gzhi ma yin// nga ni chos kyi rtsa ba yin// ji ltar snang ba'i chos rnams kun// 'dus pa'i phyir na snying por bshad// ji ltar snang ba'i chos rnams kun// skye ba'i phyir na sa bon yin// ji ltar snang ba'i chos rnams kun// 'byung ba'i phyir na rgyu yang yin// ji ltar snang ba'i chos rnams kyi// yan lag 'byung bas sdong po yin// ji ltar snang ba'i chos rnams kun// nga la gnas pas gzhi ma yin// ji ltar snang ba'i chos rnams kun// nga yin pas na rtsa bar bshad// kye sems dpa' chen po rdo rje nyon cig/ kun byed byang chub sems nga ni// rang bzhin ma bcos rnam gsum las// ming tsam sku gsum byung tshul bstan// nges par sku gsum ston pa yang// de bzhin nyid las g.yos pa med// kun byed byang chub sems nga ni// ma skyes gzung 'dzin bral ba las// chos sku skye med ming tsam byung// nges par chos sku ming tsam ste// de bzhin nyid las g.yos pa med// kun byed byang chub sems nga yi// ngo bo ming tsam mngon phyung ba// longs spyod rdzogs sku ming tsam tshul// nges par longs spyod rdzogs sku de// de bzhin nyid las g.yos pa med// kun byed byang chub sems nga ni// thugs rje sprul sku mngon phyung ba// thugs rje ma bcos rang bzhin las// ming tsam sprul sku tshul byung ba// nges par sprul pa'i sku de yang// de bzhin nyid las g.yos pa med// de bzhin nyid kyi rang bzhin las// sku gsum g.yos pa med pa bzhin// sku gsum bstan pa'i chos rnams dang// sku gsum 'dus pa'i 'khor rnams dang// chos rnams kun la'ang g.yos pa med// ma g.yos pa yi chos nyid la// rgyu dang 'bras bur btags byas nas// rtsol dang bsgrub pa byas nas ni// rgyu las 'bras bu 'byung 'dod pa// kun byed nga las byas pa yi// rgyu 'bras 'das las gol ba yin// zhes gsungs so// kye sems dpa' chen po khyod nyon cig/nga las byung ba'i sku gsum ston pa dang// nga las byung ba'i dus gsum sangs rgyas dang// nga las byung ba'i 'khor gnas dus la sogs// kun kyang nga yi byang chub sems yin na// sems dpa' rdo rje de la rtog mi rtog/ sems dpa' rdo rje de la ma rtog cig/ nga ni ye nas kun byed rgyal po byang chub sems// nga yis byas pa kun kyang byang chub sems// nga yi rang bzhin ye nas rnam dag byang// nga yis kun la khyab pa ye nas chub// nga yis rang bzhin gsal bas ye nas sems// nga ni nam mkha' lta bu'i rang bzhin gyis// ye nas yin pa'i byang chub sems kyis ni// 'jig rten sgyu mar snang ba'i chos bzhin du// sku gsum ston pa dus gsum sangs rgyas rnams// bu dang tsha bo 'khor gyi tshul byung nas// ma nor bden pa'i gdams ngag 'bogs pa bzhin// byang chub sems ni nam mkha' bzhin bstan nas// kun byed byung tshul nam mkha' bzhin du bstan// ces gsungs so// byang chub kyi sems kun byed rgyal po'i mdo las chos thams cad byang chub sems kun byed las byung ba'i khungs kyi le'u ste nyi shu pa'o//// de nas byang chub kyi sems kun byed rgyal po des chos thams cad kyi khungs kyi rgyal po yin pa'i phyir nyid las byung ba'i tshig 'di gsungs so// kye sems dpa' chen po rdo rje khyod nyon cig/ nga ni chos rnams kun byed rgyal po ste// sku gsum ston pa'i pha ma nga yin la// dus gsum sangs rgyas kun gyi mes po yin// 'khor gnas dus kyi ston pa'i sgron ma byed// kun byed nga yi rang bzhin rnam gsum las// sku gsum ston pa nga las phyung bas ni// sku gsum de yi bshad lugs rnam gsum gyis// chos kyi bshad lugs rnam pa gsum yang bstan// de yang kun byed nga yis bstan pa yin// kun byed rgyal po nga yis rang bzhin 'di// ston pa kun las khyad par 'phags pa'i phyir// gtan tshigs don gyi bshad lugs rnam pa lngas// ma nor nges pa'i gtan tshigs khungs bstan to// kye sems dpa' chen po// kun byed rgyal po byang chub sems// byang chub sems ni ye nas rdzogs pa che// rdzogs pa chen po rgyu 'bras 'das// rgyu 'bras 'das pa'i bshad lugs bstan pa dang// kun byed byang chub sems kyi rang bzhin las// sku gsum ston pa byung ba'i bshad lugs dang// rnam pa gnyis kyi bshad lugs bstan pa'o// kun byed byang chub sems kyi bshad lugs ni// byang chub sems ni rgyu 'bras 'das pa'i phyir// gtan tshigs don gyi bshad lugs lnga yis bshad// sku gsum ston pa gsum gyi bshad lugs ni// phun sum tshogs pa rnam pa lnga nang du// chos kyi sku ni byin gyis brlabs kyis bshad// longs spyod rdzogs pa rang gi ngo bo ston// sprul pa'i sku ni don rnams tshig tu sdeb// sku gsum ston pa'i bshad lugs rnam gsum ste// nga yis rang bzhin rnam gsum bshad lugs yin// kun byed nga ni rgyu 'bras 'das pa ste// rgyu 'bras 'das pas spyod yul kun las 'das// kun las 'das pa'i chos nyid byang chub sems// byang chub sems ni kun gyi snying po yin// snying po yin pas yid ches khungs kyang bstan// byang chub sems ni chos kun rtsa ba ste// rtsa ba yin pas thams cad don yang 'dus// byang chub sems ni khyad par kun las 'phags// khyad par 'phags pas theg pa shan yang 'byed// byang chub sems rtogs chos nyid kun sangs rgyas// des na skal ldan dgos ched bstan pa yin// sems kyi rang bzhin tshig tu brjod med de// ma brjod sems kyi rang bzhin mi snang bas// mi snang mtshon du med ces ma brjod na// kun kyang rang sems ma mthong rtsol sgrub byed// des na brjod med tshig gi don yang bshad// des na gtan tshigs don gyi bshad lugs lngas// kun byed rgyal po byang chub sems kyi don// ma nor nges par gtan la 'bebs par byed// rgyu 'bras med par gtan la phab pa yin// thams cad byang chub sems yin yid kyang ches// byang chub sems yin ye nas yid ches pas// sems la btsal ba med par yid kyang ches// btsal du ye nas med par yid ches pas// mi rtsol bde ba chen po'i ngang la gnas// kun byed nga yi rang bzhin de ltar gnas// kun byed nga las sangs rgyas gzhan med do// zhes gsungs so// byang chub kyi sems kun byed rgyal po las gtan tshigs bshad lugs kyi le'u ste nyi shu rtsa gcig pa'o//// de nas byang chub kyi sems kun byed rgyal po des sems rnal du gzhag pa'i phyir bya med rdzogs pa'i lung khungs chen po 'di gsungs so// kye sems dpa' chen po rdo rje khyod nyon cig/ kye bya med yul ni mi gnas nam mkha' 'dra// mi gnas dmigs pa'i yul med mi rtog chos kyi lam// bsngo ba'i cha shas phra mo'i yul la byung ba ste// rtog sgom chos kyi sku ni khyad par don med pas// rang 'byung ye shes mi rtog kun tu ji bzhin gnas// bya bral yul la mi gnas gnyen pos bcos su med// yan lag chos kyi dbang gis snying po'i yul tshol zhing// rnam pa cir yang mi rtog thabs kyis de la rol// snying po rang bzhin 'byung bas chos sku gzhan na med// rdul phran gcig la gtses shing phyogs bcu kun dang bral// mi gnas don nyid legs pa'i ye shes rang 'byung ste// mngon sum kun la mi rtog yangs pa'i snying po la// rnam dag lam der zhugs nas mnyam pa'i rgyal po thob// mi 'gyur 'gyur ba med pas chags pas gnas med de// de bzhin bzung ba'i yul med sems kyi gnas kyang med// mngon sum thob par 'dod nas rgyu la rtag tu sgom// sgom chags bde ba de la mnyam pa'i don mi 'byung// sku gcig kun la khyab pas bsnan pa'i chos med de// mtha' la thug pa med pas dbyings la bri ba med// chos kyi rol pas nyams phag lhag pa'i gnas med de// rang 'byung che ba'i yul la kun du ji bzhin gnas// ngo mtshar mthong ba'i yul med de la mthong ba'i mig/gang la thos par mi rigs snyad pa kun dang bral// chos dang chos min rtag tu 'dres shing mtshungs// don dam chos shes lhag pa'i gnas shes bshad pa'ang med// 'khrul dang byang chub lam de rtog pas thob pa'ang med// rang 'byung ye shes nyid kyang tshig gi mtha' dang bral// ye nas rgyas pa'i bdag nyid mngon sum gnas pa la// grib ma gzugs kyi dpe bzhin de la rtog pa 'byung// med de med pa ma yin med pa'i snying po 'byung// stong ste stong pa ma yin stong pa'i yul la gnas// nam mkha'i rang bzhin de la 'byung ba'i dran pa skye// bya bral zin pa'i bde ba 'dod pa med pas len// bza' ba'i yul med de la ye shes 'byung ba rtsom// sngon gyi drang srong rjes su chags pa'i yid kyang 'jog/ rnam rtsol 'bad pa'i gdung bas kun tu zin ta re// rang bzhin lam der zhugs pas thams cad mkhyen pa yi// ji bzhin pa zhes rnam rtog de phyir rtog bsgom pa// bde ba chen po 'dod pas chags pa'i nad yin te// mi g.yo mnyam par gnas pas sman chen ma byas na// mtho ris bgrod pa'i rgyu des nyon mongs zin par 'gyur// lam med lam du zhugs pa rnams kyi nad che ba// phyin par 'dod pas ri dwags smig rgyu snyegs pa 'dra// rnyed pa'i yul med 'jig rten gsum du mi 'byung zhing// sa bcur ltos pa'i gnas kyang byang chub sgrib pa yin// shin tu myur ba'i ye shes bsam pa kun dang bral// bshes gnyen kun las 'byung ba'i nor bu rin chen bzhin// dmigs pa med cing 'gyur ba'i gnas la mi ltos par// rang gi rang bzhin legs pas re ba thams cad skong// brtags na med la bzhag na legs pa 'byung ba che// dngos su mi snang chags pa'i cha lugs kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes bstan// nang nas ma g.yos nang du btsal ba'i gnas med de// yul phyir chags la yul la bsngo ba'i dmigs pa med// mi 'byung mi 'jug bdag med snying rje de yis ni// gzhan gyi nor min mi 'ong ye nas gnas pa yin// bde ba 'dod na bde la rgyab kyis phyogs// bde bas zin te bde bas bde ba tshol// byang chub 'khrul pa ye rngam chos la za// 'di lta'i yul can sangs rgyas mthong ba med// sangs rgyas med pas sangs rgyas ming yang med// sangs rgyas ston pas ming du btags pa nor// sangs rgyas gzhan nas thob byed nor ba'i lam// gzugs med chos kun bshad pa rdul tsam med// zin dang chags dang bral dang zhi// dngos po med dang rnam par spong// bdud rtsi chen po'i rang bzhin la// bza' ba'i thabs la rag pa med// yangs so che'o chos chen po// chung ngu rnams kyi gnyen po yin// che la dmigs pa'i cha bsnyams nas// chung che de rnams dmigs dang bral// gsung dang rgyas dang dmigs dang snang// sgyu mkhan ri mo'i rnam pa bzhin// 'byung 'jug ye shes rmugs pa yis// de yi dbang las skye bar 'gyur// 'di ni theg pa kun gyi rgyal// btang ngo bzhag go rang bzhin ste// 'dod pa med cing len pa med// brod pa rdul tsam mi bskyed do// khyung chen nam mkha' lding ba bzhin// spro ba med cing bsdu ba med// stor bar mi dogs bza' ba med// rgya mtsho bzhin du ye gnas la// chos rnams sna tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma thag/ting 'dzin rgyal po chen po 'byung// snang ba rgya mtsho chen po bzhin// mi rtog nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen yan lag bcu gnyis po// skur pas brtags pas bshad pa yin// 'khrul pa rnams kyi sgo tsam du// mkhas pas de bzhin shes par gyis// 'gro ba rgyud drug snang ba yang// dang po'i lam du shes par bya// 'dod spyod snying rjes brlan pas na// gang du dga' bar byang chub spyod// shan pa smad 'tshong mtshams med lnga// kha na ma tho 'jig rten spong// yongs su rdzogs pa chos kyi rtsis// bde ba che las gzhan med do// yang chos thams cad de bas na// chos kyi rang bzhin de yin pas// chos kyis chos nyid btsal ba dang// nam mkhas nam mkha' btsal ba dang// gzhan la ltos pa'i chos nyid ni// me yis me gsod pa 'dra ste// shin tu dka' ba'i las byed pa'o// rnam par mi rtog snying po 'di// yongs kyi rgyud la sbas pa med// mi len byang chub spyod rnams la// rnam pa kun tu rang bzhin gnas// zhes gsungs so// bya med rdzogs pa'i lung bcu las mi gnas yul med kyi le'u ste nyi shu rtsa gnyis pa'o//// de nas byang chub kyi sems kun byed rgyal po des lta ba yul med kyi lung 'di gsungs so// kye sems dpa' chen po nyon cig/ji ltar snang ba'i chos rnams ni// rang gi byang chub sems yin pas// de la blta ba'i yul ma mchis// mi rtog pas na mnyam pa nyid// de bzhin nam mkha'i dgongs pa ste// rnal 'byor zhes ni de la bya// dbang po lnga la snang ba rnams// rang gsal de la mi rtog pas// de yang nam mkha'i dgongs pa gnas// rnal 'byor de bzhin nyid du gnas// tshig dang yi ge don brtags pas// tshig yig don la brtag med pas// rtog med mnyam pa de bzhin nyid// de yang nam mkha'i dgongs pa gnas// bsam du med pa'i don 'di ni// nam mkha' bzhin du ye gnas so// zhes gsungs so// bya med rdzogs pa las lta ba yul med kyi nam mkha'i dgongs pa bstan pa'i le'u ste rtsa gsum pa'o//// de nas byang chub kyi sems kun byed rgyal po des bya med rdzogs pa'i lung phyag rgya bzhugs tshul gyi le'u 'di bstan to// kye sems dpa' chen po nyon cig/sems nyid kun tu bzang po yi// bzhugs tshul bstan pa 'di lta ste// byang chub sems su bzhugs tsam na// chos rnams kun gyi snying por bzhugs// de rtogs kun byed rgyal po yin// kun byed rgyal po 'gyur ba med// des na 'gyur ba med par bstan// chos kyi sku ru bzhugs tsam na// gzung 'dzin spros dang bral nas bzhugs// gzung 'dzin bral la 'gyur ba med// longs spyod rdzogs skur bzhugs tsam na// 'dod pa'i yon tan lnga ldan pas// 'dod pa phun sum tshogs par bzhugs// sprul pa'i sku ru bzhugs tsam na// gang gis 'dul ba'i dus tsam na// gang la gang dgos sku sprul nas// dgos pa phun sum tshogs par bzhugs// dus gsum 'gyur ba med par bzhugs// chos kun phyag rgya nam mkha'i mtshan nyid de// nam mkha'i mtshan nyid de bzhin nyid// sku gsum mtshan nyid de bzhin gnas// thams cad de bzhin nyid du gnas// ji ltar snang ba'i chos kun ni// ji bzhin pa la bcos su med// btsal zhing bsgrub pa thams cad kyis// snga pa bgrod pas phyin pa gcig kyang med// snga ma byas pas zin pa gcig kyang med// bsgrubs shing btsal bas snga ma grub pa med// thams cad ji bzhin pa la 'gyur ba med// ces gsungs so// byang chub kyi sems kun byed rgyal po las bya med rdzogs pa phyag rgya 'gyur med kyi lung gi le'u ste rtsa bzhi pa'o//// de nas byang chub kyi sems kun byed rgyal po des khams gsum gyi sems can la rang gi sems ston pa yin par bstan pa 'di gsungs so// kye khams gsum sems can thams cad kun// rang gi byang chub sems de ni// ston pa yin par mngon bstan na// bskal pa brgya phrag stong du ni// rang sems ston par ma mthong bas// kun byed rgyal po nga yis ni// rang sems ston pa mngon phyung bas// rang sems ston pa'i chos nyon cig/ kun byed rgyal po nga yis ni// kun rgyu byang chub sems las ni// sems kyi ngo bo 'byung chen lnga// ston pa byang chub sems lnga phyung// sku ni longs spyod rdzogs pa'i sku// chos ni rang gi ngo bos 'chad// ston ni rang gi rang bzhin ston// ston pa longs spyod rdzogs sku de// dgongs pa nyid la nyid mi rtog/ yul chos gzhan la'ang rtog mi byed// byang chub sems kyi ston pa lngas// kun kyang chos nyid de bzhin ston// byang chub sems kyi ye shes des// ston pa sa yi skur byung nas// tshig dang yi ges mi ston te// rang gi rang bzhin ston byed pa/ bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol pa'i chos nyid ma btsal 'grub// byang chub sems kyi ye shes des// ston pa chu yi skur byung nas// tshig dang yi ges mi ston te// rang gi ngo bos ston byed pa// bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa me yi skur byung nas// tshig dang yi ges mi ston te// rang gi ngo bos chos ston pa// bdag tu mi rtog gzhan mi rtog/ mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i chos nyid ma btsal grub// byang chub sems kyi ye shes des// ston pa rlung gi skur byung nas// tshig dang yi ges mi ston par// rang gi ngo bos chos ston pa// bdag gzhan gnyis su mi rtog par// mi rtog mnyam pa'i dgongs pa ston/ khams gsum sems can thams cad kyis// de rtogs sangs rgyas kun dang mnyam// rtsol ba'i chos ni ma btsal grub// byang chub sems kyi ye shes des// ston pa nam mkha'i skur byung nas// tshig dang yi ges mi ston te// rang gi ngo bos chos ston pa// bdag gzhan gnyis su mi rtog par// mi 'byed pa yi dgongs pa ston/ khams gsum sems can thams cad kyis// mngon phyung ston pa de rnams kyis// rang gi ngo bos chos 'chad pa// 'di yis kun kyang rig par gyis// kye khams gsum sems can thams cad kun// kun byed rgyal po nga yis ni/ khyed rnams nga yis byas pa'i phyir// nga yi sras yin nga dang mnyam// nga dang mi gnyis nga yin phyir// nga yis khyed la mngon phyung ba// nga yi ngo bo ston pa lngas// rang bzhin rnam lnga gcig tu bstan// gcig ni kun byed nga yin gyis// de bzhin khyed kyang yid ches kyis// kye khams gsum sems can ma lus kun// nga med tsam na khyed kyang med// khyed med tsam gyi dus tsam na// ston pa lnga yang 'byung mi 'gyur// mi rtog chos kyang ston mi 'gyur// zhes gsungs so// byang chub kyi sems kun byed rgyal po las rang sems ston par phyung ba'i le'u ste rtsa lnga pa'o//// de nas byang chub kyi sems kun byed rgyal pos sems las byung ba'i chos chen po lnga ston par byung ba'i rtags su ma skyes pa'i byang chub sems ston par zhal gyis bzhes pa 'di gsungs so// kye sems dpa' chen po nyon cig/ bsam 'das brjod du med pa'i byang chub sems// ston pa'i sgron mar gyur pas yon tan rab bsngags pa// chos kyi snying por gyur pas 'jam dpal gzhon nu nyid// bya bral lhun rdzogs bde ba'i lhun la gnas// tshul khrims la sogs spyod pa rgya mtsho'i gzhir gyur pa'i// ji snyed rnam par grol ba'i lam bstan pa// bde gshegs yum 'gyur kun gyi mtshungs lam de// de med mi 'byung de phyir de ni rnam grol mchog gi lam// phra shing shes dka' kun gyi lam ste mi rtog rtog las 'das// mi gnas mi dmigs spros med bsam pa kun dang bral// tshig gis mi phebs dbyibs dang kha dog spyod yul med// bstan cing brtag par dka' la brjod du rdul tsam med// sngon gyi drang srong lam du gang zhugs pa// bsgom chags lam gyi nad kyis zin ta re// ston pa'i lung bzhin tshig gi mtha' spyod lam du de mthong na// de ni rtog pa'i rgyun 'brangs smig rgyu snyegs pa 'dra// yang dag lam ni tshig gis mtshon du med// yang dag nyid du bstan pa nga yis 'khrul// dag dang ma dag gnyis med 'dres shing mtshungs// rnam pa cir yang mi 'byed ye shes gti mug dang// thogs med gsal ba'i mar me bsam pa kun dang bral// ngang gis mi g.yo rmugs shing ting 'dzin rgyal por gnas// mngon sum mthong bas mthong med mngon sum mthong ba'i mig/ de phyir thams cad mkhyen pa'i spyan zhes de la bya// mtha' dang dbus med yangs pa'i snying po la// mi len mi 'dor mnyam pa'i rgyal por gnas// sems dang bag chags gnyis med 'dres shing mtshungs// 'dzin pas brtags shing snang ba'i chos rnams ni// rang gi rgyan du snang bas mi 'dor spong mi byed// cir yang mi dgongs thabs kyis de la rol// kun dang mi mthun yongs kyis spong ba'i chos// nyon mongs lnga dang mtshams med lnga po yi// rnam dag lam der zhugs nas mnyam pa'i rgyal po thob// bud med la sogs kun kyang spong mi byed// lo rgyus don gnyis tshad ma'i blor bzhag nas// ting 'dzin gsum po brtan nas grub pa'i mtha' spyod pa// rtsod bral lung las gol zhes 'khrul pa yin// bya bral lhun rdzogs bde ba'i lhun la gnas// ye shes rang 'byung che ba'i snying po nyid// mi g.yo mi 'gyur bsnyad pa kun dang bral// zin pa'i bdud rtsis rtsol pa'i sdug bsngal 'joms// bya bral zin pa'i yul la ji bzhin gnas// kye sems dpa' chen po nyon cig/ chos rnams thams cad thig le chen po'i rang bzhin yin pas na// spros pa med cing bsdus pa med// skye ba med cing 'gag pa med// 'gog pa med par de bzhin gnas// rnam par mi rtog snying po 'di// nam mkha' bzhin du ye gnas pas// rtog pa'i smra bsam yul las 'das// zhes gsungs so// byang chub kyi sems kun byed rgyal po las bya med rdzogs pa bsgom du med pa'i le'u ste rtsa drug pa'o//// de nas byang chub kyi sems kun byed rgyal po des nyid kyi gdams ngag phog pa dang mthun pa'i lung chen po rim gyis bstan te// kye sems dpa' chen po nyon cig/chos rnams thams cad nga las byung ba na// ji ltar snang ba'i chos rnams thams cad kun// ye nas rnam dag dbyings kyi lung du bstan// phyi dang nang kun ye nas chos kyi dbyings// ye nas rnam par dag pa'i spyod yul la// sangs rgyas dang ni sems can gnyis su med// lam dang gnyen pos bcos su ga la yod// bsgrub med rtsal sprugs smon pa med pas na// bya med lhun rdzogs snga ma de nyid don// rtog spyod rnam dag gnyis med chos dbyings la// log rtog byis pa'i spyod pas ci zhig bslus// gnyis med bde chen sems can kun spyod la// 'khrul pas nor ba'i lam du brtags pa yang// gong du bstan pa'i lam chen de la mi gnyis pas// mnyam par shes pas sangs rgyas kun gyi rje// nga dang bdag tu rtog pa mu stegs 'khrul pa'i lam// byis pas bslus pas chos spyod rtog pa'i lam la btsud pa ni// phyin pa'i dus med rtogs pa'i dus med pas// chos nyid chos tshol rnyed par ga la 'gyur// tshad mar ma gyur slob dpon spre 'dra'i lung// bstan dang lam nor rtog pas zin ta re// de bas gser la nag tshur gtong ba yi// slob dpon yang dag ston pa'i rin chen mdzod// rin thang dpag tu med pas blu bar 'os// zhes gsungs so// byang chub kyi sems kun byed rgyal po las bya med rdzogs pa rnam dag dbyings kyi lung bstan pa'i le'u ste rtsa bdun pa'o//// de nas byang chub kyi sems kun byed rgyal pos nyid kyi rang bzhin 'gyur med 'di gsungs so// kye sems dpa' chen po nyon cig/ nga yi rang bzhin dbyings la 'gyur ba med// nga yi ye shes nam mkha' gyur ba med// nga yi chos nyid rang bzhin 'gyur ba med// nga sems chos kyi snying po 'gyur ba med// de bzhin thams cad 'gyur ba med pa la// nga las byung ba'i ston pa sku gsum gyis// rgyu dang 'bras bur chos la ming btags nas// sprul pas lung bstan dbang po yul spong 'gyur// rang rkyen chos lnga 'chang ba'i sems can la// rang 'byung chos nyid yin par lung ma bstan// ngan 'gro sdig sgrib che zhes lung bstan nas// lus ngag yid gsum sdig spong dge bcu spyod// rang 'byung chos la blang dor spyad pa'i phyir// rang 'byung ye shes bskal mang phrad mi 'gyur// kye sems dpa' chen po nyon cig/sprul pa rang las 'dus pa'i 'khor tshogs la// rang 'byung ye shes lnga yi chos spangs la// ye shes lnga spong dgra lnga choms lung bstan// dgra lnga rang 'byung ye shes ma rtogs te// rang sems spong 'gyur nga yis lung ma bstan// kye sems dpa' chen po nyon cig/ rang gi sems las byung ba'i chos nyid la// don dam kun rdzob bden pa rnam gnyis kyis// sbyangs nas rgyu las 'bras bu 'byung zer nas// bskal pa gsum gyi bar du spyod byed pa// sdom dang pha rol phyin bcus rang mi 'gyur// sems nyid 'gyur bar nga yis lung ma bstan// kye sems dpa' chen po nyon cig/ rang sems chos nyid ting 'dzin byin brlabs nas// dag pas chu zla bzhin du gsal byas nas// rjer ltas de la mnyes pa'i mchod phul bas// de la re 'dod grub pa thob re ba// chu zla med de rang sems ma rtogs pas// skye ba bdun gyi bar du rang 'byung gi/ye shes med ces nga yis lung ma bstan// kye sems dpa' chen po nyon cig/ rang sems byin brlabs cho 'phrul bsgoms pa yi// ting 'dzin ye shes sems dpa' grogs mnyam des// bdag 'dod pa yi dngos grub ster re ba// rang 'byung chos nyid de la 'dod len med// rang sems bya med mi tshe gsum mi phrad// kun byed nga yis lung bstan ma yin no// kye sems dpa' chen po nyon cig/ ngang las byung ba'i chos nyid lhar byas nas// phyag rgya bzhi dang snying po 'phro 'du yis// mi 'gyur ba yi chos nyid rgyur sgrub byed// sems kyi ting 'dzin dbang gis thob sems pa// des kyang thob par nga yis lung ma bstan// kye sems dpa' chen po nyon cig/gzhi ma dbyings la 'gyur ba med pa'i phyir// dbyings de 'gyur bar nga yis lung ma bstan// dbyings la dbang sgyur byed pa'i sku gsum gyis// rang 'khor zhig nas tshol ba'i ting 'dzin bstan// des na 'dren pa'i lung du bstan pa yin// de bzhin nam mkha' 'gyur ba med pa de// rang nyid nam mkha' nam mkha' 'grub mi 'gyur// de bzhin chos nyid 'gyur ba med pa de// rang nyid chos kyis chos nyid 'grub mi 'gyur// de bzhin sems nyid 'gyur ba med pa de// sems nyid rang gis sems nyid 'grub mi 'gyur// mi 'gyur sgyur bar byed pa'i ting 'dzin ni// dus dang smon lam re ba 'jog pa yi// dus la ltos pas ting 'dzin tshi chad 'gyur// kun byed nga yis nges lung bstan pa med// ces gsungs so// byang chub kyi sems kun byed rgyal po las bya med rdzogs pa 'gyur med btsal mi rnyed pa'i le'u ste rtsa brgyad pa'o//// de nas byang chub kyi sems kun byed rgyal po des sems rnal du bzhag pa 'di gsungs so// kye sems dpa' chen po nyon cig/ nga ni kun byed byang chub sems// chos rnams thams cad nga yin te// nga yi rang bzhin thams cad ni// ye nas rnal du bzhag pa yin// nga yi rang bzhin bstan pa ni// rnam pa lnga ru shes par bya// ston pa bstan pa 'khor gnas dus// rnam lnga rang bzhin rnal du bzhag/ston pa'i rang bzhin 'di ltar bzhag/ chos sku ma bcos rnal du bzhag/ rang nga'i rang bzhin de bzhag yin// longs spyod ma bcos ngo bo bzhag/ nga yi rang bzhin bzhag pa yin// sprul pa ma bcos thugs rje bzhag/nga yi rang bzhin bzhag pa ste// rang 'byung ye shes bzhag pa yin// gnas ni gang na gnas pa'i gnas// de yang rnal du bzhag pa yin// dus ni snga phyi gang tshogs dus// rnal bzhag dus su tshogs pa yin// kye sems dpa' chen po da nyon cig/ phun sum tshogs pa rnam pa lnga// ma bcos rnal du bzhag pa las// chos zhes bya ba gzhan yod med// kye sems dpa' chen po// phun sum tshogs par ma 'dus pa'i// chos ni gcig kyang yod ma gsungs// kye nga ni rnal du bzhag pa yis// thams cad chos nyid grol ba yin// ston pa ma bcos chos nyid grol ba yin// bstan pa ma bcos chos nyid grol ba yin// 'khor yang ma bcos chos nyid grol ba yin// kye thams cad grol bar bshad pas na// rang lus ma bcos lha ma bsgom// smra ba'i tshig dang ngag ma 'chos// ting 'dzin ma byed sems ma 'chos// bcos pas rnal du 'byor med pas// rnal du ma 'byor grol mi 'gyur// ma grol chos nyid mnyam mi thob// kye sems dpa' chen po 'di lta ste// byang chub sems kyi kun byed rgyal po ni// ye nas 'das pa'i rnal du bzhag pa la// lta ba rnams kyis rnal du 'jog mi shes// rdzogs chen kun byed ye nas rnal bzhag la// nyan thos rang rgyal rnams kyis thos mthong na// dug skye zer nas rang sems spong 'gegs 'gyur// des kyang lta ba rnal du 'jog ma shes// bskal pa grangs med 'jog mi shes la gnas// theg chen mdo sdes rdzogs chen thos 'gyur na// rang sems de bzhin nyid du ma rtogs te// ji bzhin nyid du 'jog pa ma shes te// bgrod cing sbyong la bskal pa gsum du gnas// rjes su rnal 'byor sems dpas thos 'gyur na// 'di ltar snang ba'i chos rnams de bzhin la// rang sems de bzhin nyid du ma rtogs par// ji bzhin rnal du 'jog pa ma shes pas// byang chub yan lag cho 'phrul sna tshogs kyis// byin rlobs sems la mi tshe bdun par gnas// rnal 'byor chen po rnams kyis thos 'gyur na// rgyu dang 'bras bu'i bdag nyid yin pas na// ye nas yin la gdod rtsol sgrub par byed// stong phrag gnyis dang brgya phrag drug tu ni// ji bzhin rnal du 'jog pa ma shes te// ting 'dzin gsum gyi sa la gnas par byed// yongs su rnal 'byor rnams kyis thos 'gyur na// ye nas yin la rgyu 'bras ming btags nas// ji bzhin rnal du 'jog pa ma shes te// rgyu ni dag pa chos kyi dbyings su grub// 'bras bu dag pa ye shes dkyil 'khor grub// bar ma chod kyis mi tshe gcig tu gnas// shin tu rnal 'byor rnams kyis thos 'gyur na// ye nas sangs rgyas sa la gnas par 'gyur// bya med bde ba chen po 'di yis thob// bsgrub pa med par ye nas sangs rgyas thob// lha mi sems can dbang po mi mthun te// la la dbang po sbyangs pa'i 'phro can yod// la la dbang po ye nas chig chod yod// des na dgos ched don zhes bstan pa yin// a ti yo ga rdzogs pa chen po zhes bya ba// a ti zhes ni sgra yi tshig tu bstan// a ni ma skyes chos nyid rnal du bzhag/ ti ni ma btsal lhun gyis 'grub par bstan// yo ga shin tu rnal 'byor rdzogs chen la// rgyu dang 'bras bu yod zer smra byed pa// de ni rdzogs chen rtogs pa'i don mi ldan// don dam kun rdzob gnyis su smra byed na// sgro dang skur pa 'debs pa'i tshig yin te// de yis gnyis su med pa rtogs pa med// dus gsum sangs rgyas rnams kyi rtogs pa yang// gnyis su ma mthong rnal bzhag nyid du 'dod// ces gsungs so// byang chub kyi sems kun byed rgyal po las dgongs pa rnal du bzhag pa'i le'u ste rtsa dgu pa'o//// de nas byang chub kyi sems kun byed rgyal po des nyid kyi snying po sems dpa' rdo rje la sems dpa' rdo rje nyid kyi rang bzhin bya med rdzogs pa'i lung mi nus pa'i rgyal mtshan 'di gsungs so// kye sems dpa' rdo rje khyod nyon cig/ sems dpa' rdo rje khyod nyid la// nyid kyi rang bzhin bstan par bya// nyid ni kun byed nga yin te// nga ni ye nas byang chub sems// byang chub sems ni 'di lta'o// des na byang chub kyi sems kun byed rgyal po des mi nub pa'i rgyal mtshan nam mkha' che 'di gsungs so// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyangs phyir// snying rje chen po cir mi mdzad// che bas che ba'i zab mo yi// yon tan cir yang bsngags pa med// don rnams ji bzhin mi bskyod de// bya ba med pas grol bas grol// rang 'byung ye shes btsal med pas// grol na grol ba'i lam yang ston// 'byung ba chen po bcom ldan 'das// 'gro ba kun la rang bzhin gnas// phyin ci log tu rnam brtags kyang// grol ba rang 'byung gzhan las min// che ba'i ye shes rnyed dka' ba// shes rab thabs la brten pas 'grub// ming tsam gzhan la brten 'dra yang// mngon sum bde ba rang las 'byung// cho 'phrul chen po dka' ba min// yon tan kun dang stobs kyi rnams// ji bzhin rtogs pa phra ba yis// de ma thag tu rang las 'byung// snang ba med pa'i chos nyid ni// ma btsal bzhag pas bsgoms pa yin// de dang der ni rnam btsal na// de las de bzhin de mi 'byung// mchog tu gsang ba'i chos nyid ni// rna dbang gzhan las thos mi 'gyur// de bzhin lce yi dbang pos kyang// de la brjod du rdul tsam med// 'gro ba'i sdug bsngal byang chub sems// kun du chub pas rnam par rol// de la bskyod pa med bzhin du// nam mkha'i mtha' ltar mnyam par gnas// khyad par cir yang mtshungs pa la// las so zhes ni rnam par brtags// ci ste las kyi dbang 'gyur na// rang 'byung ye shes yod ma yin// rgyu nyid rdo rje rkyen dang 'dra// ma skyes pas na 'jig pa med// gdod nas snying po byang chub la// btsal ba'i bsam pas dbyings mi bskyod// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos bzhin du// rnam rtog nyid las ye shes skye// phra ba'i sgo mor ming btags te// sems kyi dben pa lam tshol zhing// dgon pa'i rgyud du dben 'dzin cing// brtags ngan rnam par rtog 'gyur bsgom// rgyu dang 'bras bur ming btags te/ dge sdig gnyis ka rnam par sel// 'jig rten 'di la 'byung ngo zhes// blang dor brod pa mchog tu bskyed// chags dang ma chags tshig gi lam// dbu ma bzhin te brag ca 'dra// bde dang sdug bsngal rgyu mthun zhes// 'gro ba'i mgon po sems dpas gsungs// 'dod chags zhe sdang gti mug kyang// byang chub chen po'i lam las byung// kun spyod yon tan rnam lnga yang// chos nyid dbyings kyi rgyan zhes gsungs// nam mkha' rtog pa skye med cing// rtog pa de nyid nam mkha' 'dra// mi chags nam mkha'i bsngo ba las// rang don chen po nam mkha' 'byung// rtog med mnyam nyid chos kyi sku// bzang bas mi zin chu zla 'dra// kun du bzang po'i rol pa yis// A li kA li zab tu bstan// 'di ni a dang mdzes pa'i ta// pa dang yan lag spros pa bzhin// 'jig rten yongs kyi spyod yul la// sangs rgyas gsung gi zab mo 'byung// e ma'o sangs rgyas spyod yul 'di// btsal bas rnyed pa'i gnas med de// drug gi chos bzhin yul med pas// ldongs pas nam mkha' bsnyabs pa bzhin// gong nas gong du tshangs pa'i lam// bya bral chos dang mthun pa min// ci ste lam la bgrod 'gyur na// nam mkha'i mtha' bzhin thob pa med// de ltar de bzhin de yi phyir// de la de bstan de yang thob// de ni snying po de bas na// de las de byung ngo mtshar che// sngon gyi de dang da ltar de// de bzhin de yi gnas su che// de ltar de yi lam 'dra ba// de ni de yi rang bzhin no// de dang 'dra ba yongs kyi lam/ zla ba las byung rten dang bcas// kun gyi mnyam nyid yin pa la// phyogs su bltas pas grub pa med// de ltar bde dang phyi mar bde// mngon sum pa dang rgyab nas 'byung// de yang rnam pa'i skyon yin pas// de la brten par mi bya'o// dus gsum gcig ste khyad par med// sngon med phyis med gdod nas 'byung// chos skus khyab pas gcig pa'i phyir// che ba'i chen po rang bzhin gnas// srid pa gsum na sbyor ba yang// ming tsam sgyu mar snang ba ste// 'khor los sgyur ba'i gnas chen yang// sgyu ma sbyaung ba'i bsti gnas yin// rnam spyod dus la ltos pa rnams// dus de 'byung bar mi 'gyur te// ma bral smon pa spyod pas na// stong pa'i mtshan nyid gsungs pa bzhin// gcig ste rnam pa yongs kyis med// rnal 'byor nam mkha'i bya lam gnas// ma byung ma skyes snying po la// sgros btags chos kun ga la yod// phyi nang gnyis ka phyi nyid nang// zab mo cha shas rtogs yul med// srid pa ming tsam log pa'i stobs// de bas ting 'dzin mnyam dang bral// de la tha tshig phyi dang nang// rang bzhin phung po khams bzhin gnas// dus gsum 'di dang mi 'bral bas// tha tshig ming du btags pa med// mi g.yo ba ni sku yi rgya// mi bskyod pas ni ye shes te// mi len pa ni bdag med cing// mi 'dor tshig bral mnyam nyid do// gang dang gang gi gang du yang// kun 'khol kun spyod bdag las byung// 'di la skyes pa bud med ces// mnyam pa'i rgyal pos yod ma gsungs// 'di la brtul zhugs drag shul gyis// gnas su bya ba'i ming med de// a dang par ni rnam ldan na// sgyu ma'i bde ba 'byung bar 'dod// rang bzhin gcig tu ma nges pas// ji ltar bltas pa de ltar snang// snang 'dod rtsol sems bde ba yang// de ni de sgrib skyon chen yin// byang chub yan lag kun gyi sgo// cha lugs bsgoms pas chu zla bzhin// ma gos ma chags 'byung 'gyur yang// bsgoms pas byis pa'i spyod yul bzhin// dkyil 'khor khro gnyer cha lugs kyis// khro bdag chen po'i lus bzung nas// yi ge mngon du byung na yang// zhi ba de nyid mthong ba min// nyon mongs pa yi dbang gis na// ta la'i mgo bo bcad pa dang// sa bon me yis bsregs pa dang// de yi dbang du mi 'gyur ston// rnam grangs brgya stong phrag g.yas pa// gang ltar spyad kyang me tog skye// mtshan ma med pa'i dbang gis na// bsti gnas de las 'byung mi 'gyur// gleng bral 'di la gnas pa ni// rnal 'byor de ni skal pa bzang// bdag dang gzhan don mi 'byed pas// sgyu ma lhun grub yul la rol// lhag ma med pas yongs su rdzogs// 'gyur ba ma yin drang por gnas// nam mkha' bzhin te mtha' mnyam zhing// gzhan la ltos 'gyur chos ma yin// lhun gyis grub pa'i bde chen de// mtshungs pa med pa'i ye shes kyis// rang gi mthu yi rig pa las// chos ni gzhan las 'byung mi 'gyur// sla zhing dka' la sla phyir dka'// mngon sum mi gnas kun du khyab// ming tsam 'di zhes bstan par ni// rdo rje sems dpas mtshon du med// ngo mtshar rmad byung rol pa 'di// bya bral nam mkha' bzhin du gnas// cir yang mi dmigs gti mug las// de ma thag tu rang las byung// 'di ni thams cad mtshungs pa'i lam// 'gro ba kun gyi rang bzhin gnas// bus pas bslad pas 'khrul pa'i phyir// sman nyid sman pa tshol ba bzhin// go ba'i yul na bde ba che// 'di ni rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja' tshon kha dog las// rigs kyi khyad par mngon par snang// de bzhin g.yo rdul mi g.yo ba// 'byung ba lnga bas gtso chen yin// 'das dang ma 'ongs da ltar gyis// tha snyad ming la mi gnas te// skye 'gag med par rnam brtags shing// de nyid dus gsum chen por sbyor// mnyam pas rim par bkod pa med// gcig pas phyogs bcu bsngo dang bral// tshogs kyi rgyan rnams bkram pa yang// rang bzhin gnas pas 'grim pa med// lhun gyis gnas pas mi bsngo zhing// gdod nas dag pas bdud rtsi yin// 'du mched bcu gnyis khyad par du// lhag pa'i bsam pas bzung ba med// yid kyis bsam pas yon bdag ste// bltas pas tshogs ni bkram pa'o// mthong bar gyur pas dngos grub la// de nyid mnyam bzhag rdzogs pa'o// yud tsam bzung bas sbyor ba yin// dga' bar gyur pas dam tshig ste// thabs kyis gar thabs bskyod pa yis// gnyis med sbyor ba phul ba yin// mi bzung gtong bas gtong ma yin// bya ba med pa'i las rnams te// mi rtog ye shes bgegs bsal nas// ma gsungs mnyam bzhag sngags tshig go/bla ma mchod dang gtong ba dang// de bzhin bsod nams thams cad kyang// ma chags mi g.yo'i stobs med na// byas na 'ching ba chen por 'gyur// de bas de lung de nyid la// de la de sbyar sgrib par 'gyur// de ltar de la de rtog na// de la de nyid grub pa med// ces gsungs so// byang chub kyi sems kun byed rgyal po las rdo rje sems dpa'i rang bzhin mi nub pa'i rgyal mtshan gyi le'u ste sum cu pa'o//// de nas byang chub kyi sems kun byed rgyal po des kun byed kyi rang bzhin bya med rdzogs pa lhun gy-is grub pa 'di gsungs so// kye sems dpa' chen po nyon cig/ sna tshogs rang bzhin mi gnyis kyang// cha shas nyid du spros dang bral// ji bzhin pa zhes mi rtog kyang// rnam par snang mdzad kun du bzang// zin pas rtsol ba'i nad spangs te// lhun gyis gnas pas gzhag pa yin// zhes gsungs so// byang chub kyi sems kun byed rgyal po las rdo rje tshig drug gi le'u ste sum cu rtsa gcig pa'o//// de nas byang chub kyi sems kun byed rgyal po des sems dpa' rdo rje la ma byas don grub kyi lung nges pa tshig bzhi'i le'u 'di gsungs so// kye sems dpa' chen po 'di ltar don rig gis// ji ltar snang ba de bzhin nyid du gcig/ 'di la su yang 'chos par ma byed cig/ ma bcos mnyam pa'i rgyal po de la ni// mi rtog chos sku'i dgongs pa de la gnas// zhes gsungs so// byang chub sems kun byed rgyal po las nges pa tshig bzhi'i le'u ste sum cu rtsa gnyis pa'o//// de nas byang chub kyi sems kun byed rgyal po des nyid las byung ba'i chos nyid de nyid kyi rig pa'i ye shes sems dpa' rdo rje zhes bya ba// chos thams cad rig par byed pa'i rgyal po rang 'byung gi ye shes de la nyid kyi rang bzhin rtogs par dka' ba 'di bstan to// kye sems dpa' chen po// yid kyi dbang pos sgra rtogs shig/ sgra yis don de rtogs rig byos// kun gyi gnas ni chos kyi dbyings yin na// dbyings kyi sgra don ji ltar rig par byed// kun gyi lta yul nam mkha'i khams 'di la// nam mkha'i sgra don ji ltar rig par byed// mngon du gsal ba 'byung ba lnga yin na// mngon du snang ba'i don ni ji ltar rig/ de las byung ba'i khams gsum sems can ni// de yi don ni ji ltar rig par byed// rig pa'i rgyal pos nyid phyir nga la nyon// zhes gsungs so// kye ston pa'i ston pa kun byed rgyal po lags// khyod kyi rang bzhin shin tu rtogs dka' ba// rnam bzhi bstan pa'i sgra yis bdag gis rtogs// dbyings kyi sgra yis 'byed pa med par rtogs// nam mkha'i sgra yis ma bsgribs gsal bar rtogs// 'byung ba'i sgra yis kun gyi snying por rtogs// sems can sems kyis sgra don de rig byed// de rigs kun byed shin tu rtogs dka' rig/ kun byed nyid las gzhan zhes bstan pa med// ces gsungs so// de nas kun byed rgyal pos rig pa'i rgyal po la slar gsungs pa// nga yi rang bzhin rtogs dka' 'di rig na// chos kyi mdo rtsa yan lag kun rig gis// rig pa'i rgyal po zhes su mtshan yang btags// kye byed pa'i rgyal po kun byed byang chub sems/ khyod kyi rang bzhin 'di ltar chos nyid 'di// sems dang ye shes chos nyid rig pa ste// de yi rang bzhin bdag gis 'di ltar mthong// sems nyid spros bral sgra ni chos nyid sgra// sems nyid ma bsgribs sgra ni nam mkha'i khams// sems nyid ngo bo snying po 'byung ba'i sgra// rig pa so sor rtog pa sems can sems// sems kyi rang bzhin las ni gzhan med de// kun byed rgyal po sems las gzhan med do// ces gsungs so// kye sems dpa' chen po// nga yi rang bzhin de rig na// kun byed nga yi rang bzhin rig pa yin// nga rig gcig rig kun rig thams cad rig/ sems dpa' chen po rdo rje khyod la ni// rig pa'i rgyal po zhes su ming btags so// kye rig pa'i rgyal pos de ltar rig gyur na// nga las byung ba'i ston pa sku gsum gyis// bstan pa'i theg pa rnam pa gsum byung nas// rgyu las 'bras bu 'dod pa gsum gyis ni// bya ba'i las ni lta spyod sna tshogs kyis// 'bras bu gsum ni gang dang gang sgrub pa// rig pa'i rgyal pos chos de ji ltar rig/ ces gsungs so// rig pa'i rgyal pos slar gsungs pa// kye kun byed rgyal po khyod las byung ba yi// sku gsum ston pa khyod kyi ngo bo gsum// de gsum bstan pa rnam gsum khyod kyi ldem dgongs te// rig pa so so'i sems la ldem dgongs bstan// de dag gang la dgongs nas ldem pa bstan// mi 'phro zhi gnas tshol la dgongs pa'i phyir// rang re gang 'thad yul la ldem du gzhug/ sku gsum ston pa drang lung ston pa des// la las sa dang lam gyi 'bras bu bstan// la las dngos min chu zla'i 'bras bu bstan// la las nyid kyis nyid bsgrub 'bras bu bstan// sku gsum bstan pa ldem dgongs lung bstan te// nges par ma bstan drang ba'i lung bstan te// mi 'phro zhi gnas tshol ba'i ting 'dzin yin// rgyu 'bras theg chen drang ba'i lung du bstan// ces gsungs so// kye rig pa'i rgyal po sems dpa' rdo rje nyon// don dam nges pa'i lung zhes bstan pa ni// rig pa'i rgyal pos rig gam bstan du med// mi gnas dmigs par bya ba'i yul ma yin// mi rtog rtog las 'das pa'i rang bzhin la// ting 'dzin mi bsgom bsam pa'i yul dang bral// 'dod pa'i sems med blang ba'i 'bras bu med// mi rtog ji bzhin pa ru gnas pa des// lam la ma bgrod sangs rgyas sa ru phyin// rig pa ma sbyangs rang 'byung ye shes rnyed// phrin las ma btsal rang bzhin lhun gyis grub// dam tshig mi ldog rang bzhin rnam par dag/yul dang dbang po de bzhin nyid du gsal// sangs rgyas sems can gnyis su ma mthong ste// de bzhin nyid du thams cad gcig par mthong// de bzhin nyid la gcig dang du ma med// ma byung ma skyes pa yi snying po la// sgros kyis btags pa'i tha snyad ga la yod// kye sems dpa' chen po rig pa'i rgyal// sangs rgyas sems can snang srid snod bcud kun// kun byed nga yi rang bzhin sgros skur bral// nga yi rang bzhin de bzhin nyid gcig la// sku gsum ston pas so sor bstan pa yang// de bzhin nyid la drang ba'i lung bstan yin// zhes gsungs so// byang chub kyi sems kun byed rgyal po las nges pa'i lung dang drang ba'i lung bstan pa'i le'u ste sum cu rtsa gsum pa'o//// de nas byang chub kyi sems kun byed rgyal po des sangs rgyas thams cad kyi dgongs pa nyid la 'dus pa'i mdo 'di gsungs so// kye rtogs pa'i rgyal po sgra nyon cig/kun byed rgyal po nga yis ni// dus gsum sangs rgyas thams cad kyi// dgongs pa'i don ni nga la 'dus// nga yi rang bzhin 'di la ni// sku 'dus gsung 'dus dgongs pa 'dus// nga yi sgra nyon dgongs 'dus gyis// ces gsungs so// kye ston pa kun byed rgyal po lags// chos kyi sku dang longs spyod rdzogs// kun bzang rdo rje sems dpa' dang// rnam gzigs gtsug tor la sogs te// rabs bdun shAkya thub pa dang// stong rtsa gnyis kyi sangs rgyas dang// lhun gyis grub dang rdul snyed kyi// dgongs pa khyod la 'dus lags sam// zhes zhus so// de nas kun byed rgyal pos yin pa'i sgra brjod pa// kye rtogs pa'i rgyal po da nyon cig/ho ho yin pa'i sgra brjod de// dpe dang don dang rtogs gsum gyis// dgongs pa 'dus pa'i don bstan pa// nga yi rang bzhin nam mkha' 'dra// nga yi don ni chos nyid yin/ nga yi ngo bo byang chub sems// kye nga ni ma bsgribs rtog pa med// rtog med nam mkha' chos kyi sku// nga ni mi rtog blang dor med// blang dor med de nam mkha' 'dra// nam mkha' blang dor med pa bzhin// kun du bzang la blang dor med// blang dor med pa nga las 'dus// kye sems dpa' chen po nyon cig/ kye nga ni ma skyes nam mkha' 'dra// ma skyes pa yi nam mkha' bzhin// rdo rje sems la skye ba med// skye med dgongs pa nga la 'dus// rnam gzigs rabs bdun shAkya thub// stong rtsa gnyis dang rdul snyed dang// lhun grub sangs rgyas thams cad kyang// dgongs pa nam mkha'i rang bzhin te// skye med mi rtog blang dor med// dpe yis nga la 'dus par bstan// kye sems dpa' chen po nyon cig/ kye gong bshad sangs rgyas thams cad kyi// dgongs pa don gyis 'dus pa ni// kun byed rgyal po'i rang bzhin ni// skye ba med par bstan pa bzhin// sangs rgyas kun la skye med pas// skye med chos nyid 'dus par bstan// kun byed rgyal po'i rang bzhin la// chos nyid 'gag pa med pa bzhin// gong bshad sangs rgyas thams cad kyi// chos nyid la ni 'gag pa med// des na chos nyid 'dus par bstan// kye sems dpa' chen po nyon cig/ rtags kyis 'dus par bstan pa ni// rtags ni kun rtags byang chub sems// kun byed rgyal po sems kyis ni// chos kyi sku dang kun tu bzang// rdo rje sems la sogs pa yi// dus gsum sangs rgyas ma lus pa'i// snying po rtags ni sems su 'dus// des na dpe don gsum du 'dus// kye kun byed rgyal po nga la ni// spyi 'dus sgo 'dus dgongs pa 'dus// spyi 'dus dpe don rtogs 'dus la// sgo 'dus rnam pa lnga 'dus te// chos sku dgongs pa 'dus pa ni// mi rtog mnyam pa nyid 'dus la// mi g.yo cho 'phrul 'byin par nus// longs spyod sku yi dgongs 'dus pa// mngon sum rang bzhin snang ba dang// 'dod pa tshogs pas 'byin par 'dus// kun bzang dgongs pa 'dus pa ni// ji ltar snang ba thams cad kun// bzang ngan blang dor med pa ru// kun byed mngon du phyung bar 'dus// rdo rje sems dgongs 'dus pa ni// mi skye mi 'gag dgongs pa 'dus// rabs bdun shAkya thub pa dang// stong rtsa gnyis dang rdul snyed dang// sku gsung thugs kyis don mdzad pa'i// byung yang sku gsung thugs las byung// sku gsung thugs kyi chos nyid la// sku gsung thugs kyis don mdzad tshul// de yang kun byed nyid du 'dus// chos kyi dbyings kyi pho brang na// nga ru ma 'dus gcig kyang med// nam mkha'i khams kyi gzhal yas na// nga ru ma 'dus gcig kyang med// ces gsungs pas der sems dpa' rdo rje sngangs te brgyal lo// der brgyal ba sangs nas zhus pa// kye 'dus pa'i rgyal po de nyon cig/ byas pa'i chos dang kun 'dus na// ma byas pa yang kun 'dus sam// ma byung ba yang kun 'dus sam// chos kyi dbyings dang nam mkha'i khams// mu stegs phyin ci log lta ba// rtag chad gnyis su lta ba yang// khyod kyis ma nor dgongs yin na// sangs rgyas sems can ci la gdags// mu stegs sangs rgyas ci la rgya// ces gsungs so// de nas byang chub kyi sems kun byed rgyal po thams cad 'dus pa'i rgyal po des bka' stsal pa// kye sems dpa' chen po nyon cig/ nga yi rang bzhin rtogs 'gyur na// kun kyang 'dus par yid ches na// sems dpa' chen po khyod kyis ni// nga yi rang bzhin rtogs mi 'dra// rtogs mi 'dra bas yid mi ches// kun byed byang chub sems rtogs shig/ kun byed byang chub sems rtogs na// rang 'byung byang chub sems de yis// rtag chad gnyis kyi mtha' bsal te// ma skyes gzung 'dzin bral ba yis// rtag pa'i dngos po mtha' bsal la// rang 'byung ye shes 'gyur med pas// med pa chad pa'i mtha' yang bsal// mu zhes bya ba chos kyi dbyings// stegs zhes bya ba rtogs pa'i gnas// sangs rgyas sems can gnyis mthong ba// kun byed byang chub sems ma mthong// zhes gsungs so// byang chub kyi sems kun byed rgyal po las dgongs pa 'dus pa'i lung gi le'u ste sum cu rtsa bzhi pa'o//// de nas byang chub kyi sems kun byed rgyal pos nyid kyi bstan pa gzhan gyi spyod yul ma yin pa rdzogs pa chen po'i gzhung rgyu 'bras rtsol sgrub las 'das pa 'di bstan te// kye sems dpa' chen po// nga yi spyod yul 'di ni dka' ba ste// sgo dang lta ba dang ni dam tshig dang// phrin las dang ni bgrod lam gnas pa dang// ye shes chos nyid rnam pa brgyad po 'di// sku gsum theg pa rnam pa lnga po yi// theg pa gzhan dang lta spyod mi mthun te// sgo ni btsal du med pa'i sgo nas 'jug/ lta ba bsgom du med par bstan pa yin// dam tshig bsrung du med par bstan pa yin// phrin las btsal du med par bstan pa yin// lam la bgrod du med par bstan pa yin// gnas sa sbyang du med par bstan pa yin// ye shes mi rtog bskyod pa med pa yin// chos nyid ji bzhin bcos su med pa yin// kye sems dpa' chen po don 'di ni// rgyu 'bras theg pa can la bstan 'gyur na// 'jig rten rgyu dang 'bras bu'i chos bzhin du// rgyu las 'bras bu 'byung bas mi rigs zer// rgyu ni khams gsum sems can las bsgrubs nas// 'bras bu dus gsum sangs rgyas 'byung bar 'dod// rgyu ni lta ba bsgom pa byas pa yis// gang bsgoms 'bras bu de thob 'dod pa ni// bsgom pa de yis 'bras bu thob pa med// thams cad ji bzhin pa yi chos yin pas// ji bzhin pa la 'chos par byed pa ni// brdzun gyis bden pa bslus pa sdig re che// lta bsgom dam tshig la sogs rtsol sgrub kyis// dbang po yul la yengs pa phral nas ni// dben pa'i yul la thabs kyis khrid nas ni// rtog med mnyam pa'i thabs kyis bstan pa yin// zhes gsungs so// byang chub kyi sems kun byed rgyal po las rdzogs pa chen po'i lung bstan pa'i le'u ste sum cu rtsa lnga pa'o//// de nas byang chub kyi sems kun byed rgyal po des chos thams cad kyi rang bzhin nyid kyi sku gsung thugs kyi rang bzhin du 'dus pa 'di gsungs so// kye sems dpa' chen po// nga yi rang bzhin 'di rtogs shig/ nga ni byang chub sems kyi rang bzhin te// byang chub sems ni kun byed rgyal po yin// kun byed rgyal po'i rang bzhin sku gsung thugs// sku gsung thugs kyis ma byas gcig kyang med// dus gsum sangs rgyas sku gsung thugs kyis byas// khams gsum sems can lus ngag yid gsum yang// kun byed nga yi sku gsung thugs kyis byas// snang srid snod bcud bsdus pa thams cad kyang// ji bzhin ma bcos pa yi chos nyid du// kun byed nga yi sku gsung thugs kyis byas// zhes gsungs pa dang// sems dpa' rdo rjes slar zhus pa// kye kun byed rgyal po byed pa'i bdag po lags// ma rig ma rtogs don 'di bshad du gsol// ji ltar byas pa bdag la bshad du gsol// zhes zhus pas// kye sems dpa' chen po nyon cig/ nga ni sku gsung thugs kyi rang bzhin te// sku ni chos nyid mngon du phyung ba des// kun bzang rol pa rmad du 'byung ba byas// gsung gi sgra tshig mngon du bsgrags nas ni// don gyi chos nyid tshig gis go bar bstan// thugs ni rang 'byung ye shes 'gag med kyis// ston pa ye shes sgron ma byas nas ni// chos nyid don gyi ngo bo ma nor ston// kye sems dpa' chen pos don 'di rtogs par gyis// snang srid snod bcud de ltar snang ba las// nga la sku yi ngo bo gzhan med pas// rang gi ngo bos 'chad cing ston pa yin// sems dpa' chen po khyod kyis kyang// ma rtogs gzhan la khyod kyis lung ston cig/ kye sems dpa' chen po nyon cig/ sa chu me rlung nam mkha'i sgra grag dang// rgyud drug sems can rnams kyi sgra tshig 'di// kun byed nga yi gsung las gzhan med pas// tshig sgra don gyis bsdebs bshad de la bya// kye sems dpa' rdo rje khyod kyis kyang// ma rtogs gzhan la khyod kyis lung ston cing// kye sems dpa' chen po nyon cigakhams gsum rgyud drug sems can thams cad dang// 'byung chen lnga yi mi rtog mnyam nyid dang// chos nyid mi skye mi rtog mi 'gag ste// kun byed nga yi thugs su de las med// sems dpa' chen po rdo rje khyod kyis ni// ma rtogs gzhan la khyod kyis lung ston cig/ sems dpa' chen pos 'di lung ma bstan na// nga yi rang bzhin shin tu mi rtogs te// ma rtogs nga dang phrad par mi 'gyur na// dus gsum sangs rgyas rnams kyi gdung 'tshob pa/ khams gsum gnas pa'i sems can thams cad dang// la dgu lung dgu rgal ba'i sa bcu dang// tshe la dbang sgyur phyag rgya lhun gyis grub pa dang// rig 'dzin gsum la sogs pa'i gdung 'tshob kyis// kun byed nga dang yun du phrad mi 'gyur// kun byed nga dang yun du ma phrad na// khams gsum rgyud drug gnas pa'i sems can gyis// rang gi rang bzhin rang gis ngo mi shes// sa bcu gnas pa'i byang chub sems dpa' yis// grangs med pa yi bskal pa gsum bgrangs kyang// kun byed nga dang phrad par yang mi 'gyur// des kyang rang gi rang bzhin shes mi 'gyur// lus la dbang sgyur rig 'dzin gsum gyis kyang// lus kyis sangs rgyas longs spyod sku bzung nas// yid kyi dbang po rang sems mthong med lta// des kyang kun byed rgyal po nga dang ni// rang gi rang bzhin gnyis med de mi mthong// ma mthong bar du tshi chad nad kyis zin// de bas nga yi rang bzhin lung ston cig/ ces gsungs so// byang chub kyi sems kun byed rgyal po las sku gsung thugs su 'dus pa'i le'u ste sum cu rtsa drug pa'o//// de nas byang chub kyi sems kun byed rgyal po des rdzogs pa chen po'i chos nyid bsgom du med pa 'di bstan to// kye sems dpa' chen po rdo rje la sogs te// rig 'dzin gyi ni sa la gnas pa dang// sa la gnas pa'i byang chub sems dpa' dang// khams gsum sems can dus la bab pa yi// kun gyi don chen kun byed nga yin gyis// nga yi rang bzhin chos nyid byang chub sems// chos nyid sems la bsgom med rtogs par gyis// rgyu 'bras ston pa'i sku gsum ston pas ni// nga yi rang bzhin chos nyid bsgom med la// 'jig rten rgyu 'bras chos dang don mthun par// rgyu las 'bras bu 'byung bar lung bstan nas// bsgom pa'i lung ni 'di ltar so sor bstan// chos nyid byang chub sems gcig ngo bo la// sdug bsngal kun 'byung bden pa rnam pa bzhis// sdug bsngal kun 'byung ngan song rgyu zer nas// chos nyid byang chub sems de spong bar byed// de yis chos nyid mi mthong spangs pa yin// chos nyid byang chub sems kyi ngo bo la// don dam kun rdzob bden pa rnam gnyis kyis// sbyin dang tshul khrims pa rol phyin pa bcus// sa bcu lam la sbyangs te bgrod pa yis// chos nyid ma mthong sbyong ba'i sa la gnas// chos nyid byang chub sems kyi ngo bo la// gza' dang rgyu skar dus tshigs bzang sgo nas// byang chub lnga dang cho 'phrul chen po bzhis// 'di ltar snang ba'i chos rnams thams cad la// byin gyis brlabs nas lha yi sgyur bsgom pa// de yis rang sems bsgom med mthong ba min// chos gcig byang chub sems kyi ngo bo la// ting 'dzin gsum dang cho ga rnam pa lngas// rang rgyud dag pa'i rdo rje phung po la// bsnyen sgrub rnam pa bzhi yi lha bsgoms nas// snang la rang bzhin med par byed pa ni// btsal zhing bsgrubs nas rang sems lhar bcos pas// des kyang rang sems bya med mthong ba min// rang gi chos nyid byang chub sems la ni// kun byed rgyal po ston pa'i ston pas kyang// rang sems ye nas chos nyid grol ba la// ston pa gsum la bsgom pa'i lung ma bstan// sgom sgrub btsal na rang sems spangs pa yin// zhes gsungs so// kye sems dpa' chen po rang sems grub 'dod na// 'dod pa med pas grub pa yin pa'i phyir// rtog med mnyam pa nyid la gnas mi byed// blang dang dor med yul la rang bzhin gnas// g.yos pa med pa'i ngang la ngang gis gnas// sems ni ji bzhin pa yi ngo bo de// chos rnams thams cad de bzhin nyid du sgrub// ji bzhin pa la 'chos par ma byed cig/ ngo bo nyid las gzhan du ma sgrubs shig/ rang nyid yin gyis gzhan du ma tshol cig/ btsal na rgyal bas dbyings nas rnyed mi 'gyur// sngar byas zin pas nga ni byed mi bdog/ sngar grub zin pas da grub mi byed par// mi rtog cir mi dgongs la mnyam par zhog/ kye sems dpa' chen po nyon cig/ snga rabs 'das pa'i sangs rgyas rnams kyis kyang// rang gi sems las gzhan du chos btsal med// ji bzhin pa la 'chos par byed ma myong// ting 'dzin rnam par rtog pa bsgom ma myong// rang sems mi rtog pa yis grub pa yin// da ltar bzhugs dang slad kyis byon pa yang// rtog med mnyam pa nyid kyis grub par 'gyur// zhes gsungs so// byang chub kyi sems kun byed rgyal po las bsgom du med par mdo lung gi le'u ste sum cu rtsa bdun pa'o//// de nas byang chub kyi sems kun byed rgyal po des 'khor gyi ston pa'i bstan pa gol sa dang sgrib par gyur pa 'di bstan to// kye sems dpa' chen po nyon cig/ 'khor gyi ston pa rnam gsum gyi// bstan pa gsum ni gol sgrib ste// de yang ji lta bu zhe na// nges pa thob pa'i theg pa drug/ rdzogs pa chen po'i gol sar bstan// de yang ji lta bu zhe na// byang chub sems dpa'i mdo sde ni// kun du 'od kyi sa 'dod pa// bden pa gnyis kyi rtog dpyod kyis// chos nyid stong pa nam mkhar 'dod// a ti yo ga'i bde chen ni// rtog dpyod 'das pa'i byang chub sems// rtog dpyod 'das la mdo sdes bsgribs// rdzogs chen rtog dang dpyod pa ni// mdo sde dag tu gol bar bshad// kri ya rdo rje 'dzin 'dod pa// dag pa rnam gsum sgor zhugs nas// gzung 'dzin dag pa'i yul la gnas// a ti yo ga'i bde chen ni// gzung 'dzin 'das pa'i byang chub sems// gzung 'dzin 'das la kri yas bsgribs// rdzogs chen gzung dang 'dzin byed pa// kri ya dag tu gol bar bshad// u pa ya yi lta spyod ni// kri ya spyod cing yo ga sgrub// lta spyod 'brel ba'i don med pas// gnyis su med pa'i don ma rtogs// a ti yo ga'i bde chen ni// gnyis su med pa'i byang chub sems// gnyis su med la u pas bsgribs// rdzogs chen gnyis su 'byed pa ni// u pu ya ru gol bar bshad// yo ga stug po bkod 'dod pa// mtshan ma yod med sgor zhugs nas// phyag rgya bzhi la gtsor byed de// blang dor med la 'jug mi nus// a ti yo ga'i bde chen ni// blang dor med pa'i byang chub sems// blang dor med la yo gas bsgribs// rdzogs chen blang dang dor byed pa// yo ga dag tu gol bar bshad// ma hA rdo rje 'chang 'dod pa// thabs dang shes rab sgor zhugs nas// rang rgyud dag pa'i dkyil 'khor la// bsnyen sgrub rnam bzhi sgrub par byed// a ti yo ga bde chen ni// rtsol sgrub 'das pa'i byang chub sems// rtsol sgrub 'das la ma hAs bsgribs// rdzogs chen rtsol sgrub byed pa ni// ma hA yo gar gol bar bshad// a nu dbye med sa 'dod pa// dbyings dang ye shes sgor zhugs nas// 'di ltar snang ba'i chos rnams la// rgyu ni dag pa'i dbyings lta ba// 'bras bu ye shes dkyil 'khor lta// a ti yo ga'i bde chen ni// rgyu 'bras 'das pa'i byang chub sems// rgyu 'bras 'das la a nus bsgribs// rdzogs chen rgyu 'bras gnyis lta na// a nu yo gar gol bar bshad// lta spyod gnyis kyi gol sgrib bstan// kye sems dpa' chen po// rdzogs pa chen po'i lta spyod ni// rgyu 'bras sgrub dang mi 'dra ste// lta spyod byang chub sems de ni// nam mkha' lta bu'i rang bzhin te// nam mkha' la ni rtog dpyod 'das// gang zhig rtog dpyod byed pa des// byang chub nam mkha' bzhin du 'grub// rtog dpyod gnyis byung gol sgrib po// lta spyod nam mkha'i rang bzhin la// gang zhig gzung dang 'dzin byed pas// byang chub nam mkha' de mi 'grub// gzung 'dzin gnyis byung gol sgrib po// lta spyod rnam pa gnyis byung nas// nam mkha' gnyis su med pa bzhin// byang chub la ni gnyis su med// gang zhig gnyis su byed pa des// byang chub nam mkha' de mi 'grub// lta spyod gnyis byung gol sgrib po// byang chub nam mkha'i rang bzhin de// nam mkha' la ni blang dor med// gang zhig blang dor byed pa des// byang chub nam mkha' de mi 'grub// blang zhing dor ba gol sgrib po// byang chub nam mkha'i rang bzhin de// nam mkha' la ni rtsol sgrub med// gang zhig rtsol sgrub byed pa des// byang chub nam mkha' de mi 'grub// rtsol zhing sgrub pa gol sgrib po// byang chub nam mkha'i rang bzhin de// nam mkha' la ni rgyu 'bras med// gang zhig rgyu 'bras gnyis lta bas// byang chub nam mkha' de mi 'grub// rgyu 'bras lta ba gol sgrib po// kye sems dpa' chen po// chos kun nam mkha'i rang bzhin te// nam mkha' la ni rang bzhin med// nam mkha' la ni dpe yang med// nam mkha' la ni tshad kyang med// chos rnams thams cad ma lus pa'i// don ni 'di ltar shes par bya// kye sems dpa' chen po 'di rtogs shig/ theg pa re la lta ba re// lta ba'i yul ni gzhan med de// chos nyid byang chub sems 'di la// gzhan du lta ba'i yul med pas// lta ba zhes lta nor bar bshad// theg pa re la dam tshig re// byang chub lam gyi skyel ma byed// byang chub gzung 'dzin med pa'i phyir// gzhan du bsrung du med pa'i phyir// dam tshig la yang bsrung du med// theg pa re la phrin las re// byang chub lam gyi stong grogs byed// byang chub lhun gyis grub pa'i phyir// phrin las btsal du med pa yin// las kyis lhun gyis grub 'gyur med// theg pa re la gnas sa re// byang chub lam gyi gzhi rten byed// rdzogs chen byang chub sems sa la// dus gsum sangs rgyas thams cad dang// sku gsum ston pa bzhugs pa dang// khams gsum sems can ma lus dang// snang srid snod bcud gnas pa'i phyir// sa la sbyangs shing bgrod du med// theg pa re la chos nyid re// rdzogs chen chos nyid byang chub sems// sems las ma gtogs chos med pas// theg pa'i chos kun byang chub sems// rdzogs chen rang 'byung ye shes ni// yul la rtog par mi byed de// mi rtog mi bskyod ye shes so// zhes gsungs so// byang chub kyi sems kun byed rgyal po las lta spyod kyi gol sgrib bstan pa'i le'u ste sum cu rtsa brgyad pa'o//// de nas byang chub kyi sems kun byed rgyal po des nyid kyi rang bzhin thams cad la gol sa dang sgrib pa med pa rgyal ba'i snying po yin pa 'di gsungs so// kye sems dpa' chen po nyon cig/nga ni kun gyi byang chub sems// des na kun gyi snying por bshad// sku gsum ston pa rnam gsum dang// dus gsum sangs rgyas bzhugs pa dang// khams gsum sems can thams cad dang// snang srid snod bcud thams cad la// 'byung ba'i snying po nga las med// de yang ji lta bu zhe na// mi rtog mnyam pa de nyid las// skye ba med pa'i chos sku byung// rang gi ngo bo de nyid las// 'dod pa longs spyod rdzogs sku byung// thugs rje byang chub chen po las// sprul pas 'gro ba'i don mdzad byung// dus gsum sangs rgyas thams cad dang// sngar 'das pa yi sangs rgyas kyis// rang 'byung ye shes sems nyid de// mi rtog rtogs nas sngar sangs rgyas// da ltar mi rtog ngang la bzhugs// da ltar bzhugs pa'i sangs rgyas kyang// rang 'byung ye shes sems nyid de// mi rtog pas ni 'gro don mdzad// slad nas byon pa'i sangs rgyas rnams// byang chub rang 'byung ye shes de// mi rtog pa yi lung bstan nas// 'gro ba'i don la 'byung bar nges// rig 'dzin dang ni sa pa rnams// rang 'byung byang chub sems de ni// bltas pas mthong ba ma yin na// rang sems snying po de ru phrad/ khams gsum sems can thams cad kyi// rang 'byung ye shes bkag med pas// dbang po yul la rig gsal ba// ma bcos pa yi byang chub sems// de nyid snying po yang dag bshad// snang srid snod bcud thams cad kyang// nga yis ma bskyed gcig kyang med// kun rgyu nga las ma byung med// des na kun gyi snying por bshad// nga ni kun las rgyal ba ste// sku gsum las kyang nga rgyal la// sangs rgyas gsum las nga rgyal lo// rig 'dzin byang chub sems dpa' dang/ khams gsum gnas pa'i sems can dang// snang srid snod bcud thams cad kun// byed pa nga yin kun las rgyal// kun byed byang chub sems nga yis// bstan pa kun gyi sngon rol du// byang chub sems kyi bstan pa bkod// byang chub sems kyi bstan pa 'di// kun gyis dgod par mi nus te// de yang ji ltar dgod ce na// chos la bya ru med pa'i phyir// btsal ba med pa'i sgo nas 'jug/ byang chub sems las med pa'i phyir// byang chub sems kyi chos nyid la// sems kyis bsgom du med pa'i phyir// lta ba bsgom du med pa bkod// gzung 'dzin 'das pa'i chos nyid la// dam tshig bsrung du med pa dgod// ye nas lhun gyis grub pas na// phrin las btsal du med pa bkod// byang chub sems la kun gnas pas// sa la sbyang du med pa bkod// byang chub sems ni bgrod pa'i gnas// sems kyi sa la bgrod med pas// lam la bgrod du med par bstan// chos nyid byang chub sems yin pas// chos nyid gzhan du lta mi byed// ye shes rang 'byung ye shes te// yul la rtog pa'i ye shes min// kun byed byang chub sems nga ni// lta spyod kun las rgyal ba dang// byed pa'i snying po yin pa'i phyir// rgyal ba'i snying po zhes su bshad// ces gsungs so// byang chub kyi sems kun byed rgyal po las rgyal ba'i snying po'i le'u ste sum cu rtsa dgu pa'o//// de nas byang chub kyi sems kun byed rgyal po des byang chub kyi sems nyid kyi rang bzhin bstan pa 'di gsungs so// kye sems dpa' chen po nyon cig/ bdag gi bstan pa 'di bkod pas// dus gsum sangs rgyas thams cad dang// rig 'dzin byang chub sems dpa' dang/ khams gsum sems can thams cad kun// rtsol dang sgrub pa ma byas par// ye nas sangs rgyas lung bstan pas// 'khor gyi ston pa rnam gsum gyi// rtsol sgrub byed pa'i brtan pa gsum// gol sa sgrib pas zhig par 'gyur// zhes gsungs so// de nas sems dpa' rdo rjes slar zhus pa// kye ston pa kun byed rgyal po lags/ khyod kyi bstan pa byang chub sems// byang chub sems 'di sangs rgyas na/ khams gsum sems can sangs rgyas sam/ khams gsum sems can sangs rgyas na/ khams gsum gnas su ci ste 'khor// zhes zhus so// de nas byang chub kyi sems kun byed rgyal pos slar gsungs pa// kye sems dpa' chen po 'di nyon cig/byang chub sems las byung ba yi// ji ltar snang ba'i chos rnams kun// chos nyid mngon du byung ba ste// de bzhin nyid du gcig pa yi// chos nyid yul ni lnga snang la// 'dod mi 'dod ni lnga lnga las// nyon mongs sdug bsngal skye zer nas// chos nyid yul lnga spong byed pa// rang 'byung ye shes snang ba de// bskal pa gsum du mi spong bas/ khams gsum gnas su 'khor ba yin// de bzhin nyid du gcig pa yi// chos nyid yul ni lnga snang la// 'dod dang mi 'dod lnga snang la// 'khor ba'i rgyu ni yin zer nas// chos nyid lnga po 'gegs par byed// rang 'byung ye shes snang ba de// bskal pa du mar mi khegs pas/ khams gsum gnas su 'khor ba yin// de bzhin nyid du gcig pa yi// chos nyid yul ni lnga snang la// 'dod dang mi 'dod lnga yul byung// chags pa'i gnas ni yin zer nas// chos nyid lnga po sbyong bar byed// rang 'byung ye shes snang ba de// bskal pa yun du mi spyod pas/ khams gsum gnas su 'khor ba yin// chos nyid mngon du byung ba yi// de bzhin nyid du gcig pa yi// chos nyid yul ni lnga snang la// 'dod dang mi 'dod lnga byung bas// byin brlabs gnas ni yin zer nas// phyi nang dag par byin gyis rlob// chos nyid lnga po dag par byed// rang 'byung ye shes snang ba de// mi tshe bdun du byin mi rlob/ khams gsum gnas su 'khor ba yin// byang chub sems las byung ba yi// chos nyid mngon du phyung ba yi// de bzhin nyid du gcig pa las// chos nyid yul ni lnga snang las// 'dod dang mi 'dod lnga 'byung ste// mtho ris ngan song rgyu zer nas// de bzhin nyid la blang dor byed// rang 'byung ye shes snang ba de// rang gi rkyen gyis dor mi btub// mi btub dor bar byed pas 'khor// byang chub sems las byung ba yi// mngon du phyung ba'i chos nyid de// de bzhin nyid du gcig pa las// chos nyid yul ni lnga snang ste// 'dod dang mi 'dod yul lnga ste// sku gsung thugs su shes byas nas// sku gsung thugs su gdod sgrub byed// ye nas yin la sgrub byed pas// sgrub pa nyid kyis 'khor ba yin// kye sems dpa' chen po de bas na// byang chub sems spangs pha rol na// rang 'byung ye shes ye nas med// 'khor ba spangs pa'i pha rol na// mya ngan 'das zhes bya ba med// chos can spangs pa'i pha rol na// chos nyid bya ba ye nas med// thams cad de bzhin nyid du gcig/ de bzhin nyid du gcig pa la// de bzhin nyid la bcos pas nor// de ni ma nor ba yi ming// bzhin ni bcos su med pa'i don// nyid ni rang gi mtshan nyid bstan// de bzhin nyid la 'chos ma byed// de bzhin nyid la 'chos byed pa// byang chub sems la su 'chos pa// des ni 'khor ba'i snying po bsgrub// ces gsungs so// byang chub kyi sems kun byed rgyal po las byang chub sems kyi rang bzhin bstan pa'i le'u ste bzhi bcu pa'o//// de nas byang chub kyi sems kun byed rgyal po des chos thams cad kyi rang bzhin nga yin pa 'di bstan to// kye sems dpa' dam pa rdo rje khyod// nga yi rang bzhin 'di ltar shes par gyis// nga ni ston pa'i sgron ma byang chub sems// dus gsum sangs rgyas kun gyi snying po yin/khams gsum sems can kun gyi pha dang ma// snang srid snod bcud kun gyi rgyu yang yin// nga las ma byung ba ni gcig kyang med// nga ni mi gnas kun tu khyab pa'i phyir// nga ni ye nas dus gsum sangs rgyas yin// nga ni mi rtog mnyam par gnas pa'i phyir// rtog med mnyam nyid chos sku ye sangs rgyas// nga yi ngo bo kun du longs spyod phyir// nga nyid longs spyod rdzogs skur ye sangs rgyas// nga nyid rang 'byung ye shes snang ba'i phyir// nga nyid thugs rje sprul skur mngon sangs rgyas// des na dus gsum sangs rgyas kun gyi snying po bshad// nga yi ye shes byang chub sems snang ba// rang 'byung ye shes lnga po rgyud drug sems// des na khams gsum sems can pha dang ma// snang srid snod bcud kun gyi ngo bo yang// nga yi ngo bor byung ba snang bas// nga nyid ye nas snang ba sangs rgyas yin// nga la gnyis med gcig tu 'dus pa chu// sdud par byed pas sems nyid chu yin no// nga ni thams cad mnyam pa drod snyoms me// kun la mnyam par gnas pas me sangs rgyas// nga ni thogs med yang zhing g.yo ba yin// thogs med g.yo bas rlung du mngon sangs rgyas// nga ni ma bsgribs kun khyab gsal ba'i phyir// nam mkha' zhes ni ming btags sangs rgyas yin// nga las ma byas pa yi sangs rgyas ni// 'byung chen srid pas bsdus pa'i chos la med// 'byung lta nga yi rang bzhin bstan pa ni// gcig la nyi shu rtsa lnga'i rang bzhin tshang// snang ba sa la sdud pa chu yin te// mnyam pa me la g.yo ba rlung du gsal// ma bsgribs gsal bas nam mkha'i rang bzhin te// gcig la nyi shu rtsa lnga tshang ba ni// byang chub sems kyi che ba'i yon tan bstan// chos la gnyis med byang chub sems su gcig/ gcig gis kun byas kun byed rgyal pos byas// zhes gsungs so// byang chub kyi sems kun byed rgyal po las ngo bo gcig pa'i le'u ste bzhi bcu zhe gcig pa'o//// de nas byang chub kyi sems kun byed rgyal po des chos thams cad kyi byang chub kyi sems kho nar sangs rgyas pa 'di gsungs so// kye sems dpa' chen po nyon cig/ kye chos kyi sku ni byang chub sems// byang chub sems las chos kyi sku// rdul tsam sus kyang bcos pa med// des na sangs rgyas sems las med// longs spyod rdzogs sku byang chub sems// byang chub sems la longs spyod sku// sems las byung ba'i gzugs rnams las// longs spyod rdzogs las sku gzhan med// sprul pa'i sku ni byang chub sems// byang chub sems kyi sprul pa las// 'gro ba'i don mdzad gzhan na med// dus gsum sangs rgyas thams cad kyang// byang chub sems las gzhan med de// snga rabs 'das pa'i sangs rgyas rnams// rang sems ma bcos sngar mthong rtogs// da ltar bzhugs pa'i sangs rgyas rnams// ma bcos pa yi rang sems des// ma bcos ji bzhin rtogs gyur nas// da ltar 'gro ba'i don yang mdzad// slad nas byon pa'i sangs rgyas rnams/rang byung sems nyid 'di la ni// snga bar 'chos par lung ma bstan// da ltar ting 'dzin sems mi 'chos// ma bcos lam du zhugs nas byon// ji ltar snang ba'i chos rnams la// byang chub sems su ma rtogs te// bcos shing bsgrubs pas 'grub mi 'gyur// ma rtogs bcos pas grub par byed// bskal pa du ma'i grangs bgrangs kyang// mi rtsol bde ba phrad mi 'gyur// kye sku gsum sems las ma bcos phyir// sku gsum ston pa'i mdo lung las// 'chos par byed pa'i don 'byung ba// de ni ston pa sku gsum yang// nyid kyi ston pa rang bzhin ston pa min// de bzhin 'chos par byed pa yi// ston pas bden tshul ji bstan yang// nges lung ma yin drang lung yin// zhes gsungs so// byang chub kyi sems kun byed rgyal po las bcos su med pa'i le'u ste zhe gnyis pa'o//// de nas byang chub kyi sems kun byed rgyal po des chos thams cad kyi ston pa nyid yin par zhal gyis bzhes pa 'di gsungs so// kye sems dpa' chen po nyon cig/ nga ni chos rnams kun gyi ston pa ste// nga yi rang bzhin rnam pa gsum las ni// ston pa yang ni rnam pa gsum du bstan// bstan pa yang ni rnam gsum nga yis bstan// de 'dzin 'khor tshogs gsum yang nga yis bstan// ston pa gsum yang gang dang gang zhe na// chos kyi rang bzhin ston pa'i ston pa dang// chos kyi ngo bo ston pa'i ston pa dang// don gyi sgra tshig ston pa'i ston pa'o// chos kyi rang bzhin ston pa'i ston pa ni// skye ba med las byin gyis brlabs phyung ste// ji ltar snang ba'i chos rnams thams cad kun// chos kyi de bzhin nyid du ston par byed// chos kyi ngo bo ston pa'i ston pa ni// ji ltar snang ba'i chos rnams thams cad kun// ston pa nyid kyi sku ru phyung nas ni// chos kyi ngo bor de las med par ston// chos kyi sgra tshig ston pa'i ston pas ni// chos rnams kun gyi don ni sgra bsdus nas// ma rig mi shes khams gsum sems can la// don de sgra dang tshig gis bsdebs nas ston// des na ston pa'i rang bzhin bstan par bshad// de 'dzin 'khor ni rnam pa gsum bstan te// shin tu rnal 'byor rtsol sgrub 'das pa'i 'khor// sgor zhugs yid ches sangs rgyas sa la gnas// rig 'dzin sa dang dang po bcu pa'i 'khor// ma thob nye reg bsgom pa'i sa la gnas// sems bskyed mos pa spyod pa'i 'khor rnams ni// rgyu dge 'bras bu dug 'joms sa la gnas// de ni ston pa gsum gyi 'khor du bstan// kye ston pa'i ston pa kun byed rgyal po lags// ston pa gsum dang 'khor tshogs de ltar na// bstan pa rnam gsum ji ltar bstan par bgyi// zhes zhus pas// kye sems dpa' chen po nyon cig/ chos kyi sku yi bstan pa de bzhin nyid bstan te// de bzhin nyid la rnam pa dbye ru med// ji ltar snang ba'i chos rnams thams cad kun// sems kyi ngo bo yin pas de bzhin nyid// de la gang su sgom zhing 'chos byed pa// de yis chos sku bstan pa rtogs pa med// snang ba med pa'i chos nyid byang chub la// ma nor de bzhin nyid du ma rtogs te// de la gang su 'chos shing sgom byed pa// de yis rang sems bcos med de mi rig/snang srid chos med byang chub sems// sems kyi de bzhin nyid 'byung de bzhin nyid// de bzhin nyid du ma rtogs so sor mthong// de bzhin nyid ni dbyings nas tshol byed pa// dus gsum rgyal bas btsal yang mi brnyes so// kye sems dpa' chen po nyon cig/ longs spyod rdzogs pa bstan pa longs spyod de// longs spyod lnga ni chos nyid longs spyod gcig/ gzugs la sogs pa'i longs spyod lnga la ni// gcig la'ang lnga lnga nyi shu rtsa lnga spyod// rtsa lnga longs spyod de ni sku lnga'i tshul// tshul ni chos nyid don gyi ngo bo nyid du bshad// sangs rgyas sems can kun gyi longs spyod du// longs sku nga yi gzugs la spyad du med// rig 'dzin sa bcu rnams la nga yis bstan// zhes gsungs so// kye sems dpa' chen po nyon cig/ sprul sku bstan pa thugs rjes don 'tsham ste/ khams gsum sems can bsam pa tha dad la// sku dang gsung dang thugs ni rnam gsum gyis// bsam pa tha dad sku gsung thugs rjes bzlog/ dbang po yul la zhen pa de bzlog nas// dben pa'i yul ni gang 'thad de bstan nas// des ni nga yi thugs rje 'dren lung byed// kye sems dpa' chen po nyon cig/ nga ni chos rnams kun gyi ston yin phyir// sangs rgyas la yang nga yi rang bzhin bstan// sems can la yang nga yi rang bzhin bstan// rang bzhin bstan pas ston par zhal gyis bzhes// nga yi rang bzhin 'di ltar rig par gyis// ston pa dang ni bstan pa 'khor rnams ni// nga yi rang bzhin gsum las gzhan med de// ston pa rang 'byung ye shes 'gag med yin// bstan pa nga yi rang bzhin ma bcos yin// de 'dzin 'khor ni nga yi ngo bos 'dzin// ces gsungs so// byang chub kyi sems kun byed rgyal po las ston par zhal gyis bzhes pa'i le'u ste zhe gsum pa'o//// de nas byang chub kyi sems kun byed rgyal pos nyid la bya ba med pa'i don 'di gsungs so// kye sems dpa' chen po// bya ba med pa'i don 'di ni// kun byed nga yi rang bzhin te// nga la bya ba med pa ni// nga ni ye nas byas zin pas// bya ba med pa'i chos nyid yin// chos nyid nga yi rang bzhin las// rang bzhin de la bya ru med// rang bzhin rang bzhin bya ba de// bcos su med pa'i rang bzhin yin// bcos med byang chub de la ni// sems dpa' rdo rje khyod ma 'chos// sems dpa' rdo rje de 'chos na// kun byed nga la bcos pa yin// ji ltar snang ba'i chos rnams kun// kun byed nga yi rang bzhin yin// kye sems dpa' chen po khyod nyon cig/ nga yi rang bzhin 'gyur med la// bsgoms na 'chos shing bsgyur ba yin// nga ni ye nas lhun grub la// bsgrubs na nga la bcos pa yin// nga la bgrod pas phyin pa med// nga la btsal bas grub pa med// nga la sbyangs pas byang ba med// nga la ma lta yul med kyis// nga la ma bgrod lam med kyis// nga la ma sbyongs sgrib med kyis// mi gnas dmigs pa'i yul dang bral// spros med bsam pa'i yul las 'das// 'dzin pas brtags pa'i chos rnams ni// nga yi ngo bo bstan pa yin// de la spong 'gegs su byed pa// bskal pa gsum gyi bar du ni// kun byed nga dang phrad mi 'gyur// spang bar bya ba'i chos de ni// rang gi ngo bo yin par bshad// kye sems dpa' chen po// byang chub sems ni kun byed rgyal po ste// kun byed byang chub sems kyis byas pa ni// byang chub sems las gzhan du byas pa med// byang chub sems ni ye nas ma nor yin// ye nas yin pas ye nas nor ba med// nor ba med la bden brdzun sgros mi 'dogs// rgyu bden 'bras bu rtsol sgrub kun las 'das// byas zin rtsol sgrub 'das pa ma rig nas// rtsol sgrub bya byed bsgoms nas grub lta na// byang chub gegs su de las che ba med// mi gnas mi rtog cir yang dgongs med pas// mi rtog mnyam pa'i yul la rang bzhin gnas// ye nas byas zin rtsol ba'i sems mi 'byung// bde chen de la gang su gnas pa ni// chos rnams kun gyi snying por de 'gyur ro// de yis bdag gzhan kun gyi don mi byed// gcig 'dus thams cad 'dus pa'i snying po des// ma bltas dus gsum sangs rgyas thugs kyang gsal// ma bsgribs sems can kun gyi sems kyang snang// kye sems dpa' chen po nyon cig/ kun byed nga yis sems can don byas zin// nga yis don byas gzhan gyis bya mi dgos// gzhan la ltos pa'i chos ni nga lung min// nga la kun rdzogs ye nas byas zin rdzogs// ye nas byas zin lta ba bsgom mi dgos// ye nas rnam dag dam tshig srung mi dgos// ye nas byang chub sa la kun gnas pas// rig 'dzin sa dang sa bcu sbyang mi dgos// ma btsal ye nas lhun gyis grub pa'i phyir// btsal ba'i phrin las ye nas bya mi dgos// rang 'byung ye shes yul la mi rtog pas// rig pa'i ye shes yul gyis bsal mi dgos// bde chen chos sku sems kyis gcig pa'i phyir// snga phyi dus gsum med de khyad par gcig/ phun sum tshogs dang dus gnas kun gcig dang// thams cad gcig phyir nga la kun rdzogs te// rdzogs pa chen po nga la kun rdzogs pas// lta spyod phrin las dam tshig sa lam ni// gong bshad bzhin du btsal zhing bsgrub mi dgos// de ltar ma rig rtsol sgrub byas 'gyur na// rgyu 'bras 'das pa'i don dang 'gal 'gyur nas// bya med bde chen de dang mi phrad de// rtsol sgrub nad kyis ma rig de zin 'gyur// de bas rgyu 'bras 'das pa'i rdzogs chen la// skal med rnams kyi spyod yul ma yin pas// rgyu dang 'bras bu'i chos la spyad par bya// zhes gsungs so// byang chub kyi sems kun byed rgyal po las rdzogs chen skal med don med kyi le'u ste zhe bzhi pa'o//// de nas byang chub kyi sems kun byed rgyal pos rdzogs pa chen po la lta ba bsgom med kyi mdo lung 'di bstan to// kye sems dpa' chen po// rang gi lta ba bsgom med ni// kun byed nga yin nga la bsgom du med// kun byed nga ni bsgom pa'i yul ma yin// nga ni ma bcos kun la rang bzhin gnas// rang bzhin gnas pa'i bsgom du med pa de// nga las byung ba'i ston pa sku gsum gyis// nga las mngon du phyung ba'i chos nyid la// brkam chags lnga yi sdug bsngal yin zer nas// ma bcos mi 'jog brtul zhugs spong 'gegs bsgom// de lung bstan pas ma bcos don dang 'gal// mu stegs sde bzhi sprul pa'i thugs rje yis// byin brlabs 'khor du bkod nas lung bstan pas// bya bral bde ba de nyid thob mi 'gyur// kye sems dpa' chen po// nga las mngon du phyung ba'i chos nyid la// brkam chags lnga yis sdug bsngal skye zer nas// dang po sa nas bcu par sems dpa' la// bden pa rnam pa gnyis kyi rtog dpyod kyis// don dam med la kun rdzob yod pa ru// sprul pas lung bstan rtog dpyod sgom pa byed// ma bcos ji bzhin nga yi don dang 'gal// kye sems dpa' chen po// nga las mngon du phyung ba'i chos nyid de// ma bcos ji bzhin pa yi chos nyid la// longs spyod rdzogs pas 'khor la lung bstan pa// ji bzhin bcos pa med par ma rtogs te// phyi nang snod bcud dag par byin brlabs te// byang chub yan lag cho ga kun sgo nas// bsgom pa'i ye shes lha ni snang bar byed// skad cig mchod nas gshegs gsol ting 'dzin bshig/yang bsgoms yang bshig byis pa'i 'dag khang 'dra// ji bzhin ma bcos nga yi don dang 'gal// kye sems dpa' chen po nyon cig/ nga las byung ba'i ston pa lung ston gyis// nga yis byung ba'i chos nyid mngon phyung la// ting 'dzin mtshan ma yod med sgor zhugs nas// chos nyid gcig la blang dor byas nas ni// ye shes dam tshig so sor bsgoms nas ni// grogs po dag gis dngos grub ster re ba// gcig la gnyis su ltas pa'i bsgom pa nor// ngo bo gcig la gnyis kyis thob pa med// kye sems dpa' chen po nyon cig/ nga yi rang bzhin mngon du phyung ba la// phung po 'byung ba rnam shes dbang po yul// rang rgyud dag pa rdo rje ltar byas te// bsnyen bsgrub rnam bzhi cho ga bsgom byas nas// sems kyi 'phro 'dus 'phags mchod 'gro don byed// 'phro 'du bsdus nas dngos grub thob 'tshal bas// rang gis rang gi dngos grub thob par bsgom// de yang sems kyi ting 'dzin tshi chad 'gyur// rdzogs chen lta ba bsgom du med pa ni// kun byed nga yi sems kyi yon tan te// byang chub sems kyi che ba'i yon tan gyis// btsal zhing bsgrubs pa'i dka' ba spyad mi dgos// rgyu rkyen med pas btsal ba'i las mi dgos// 'bras bu'i rang bzhin gzhan nas bsgrub mi dgos// chos nyid rang yin bsgom pa bya mi dgos// ma skyes pas na 'jig pa'i gnyen po med// gzhan la ma ltos bsgom gnas tshol mi byed// nga la gang zhig sgom par byed pa des// bsgoms pa nyid kyis nga dang phrad mi 'gyur// chos nyid mngon du phyung ba nga yin pas// sdug bsngal mi skye rnam par spang mi dgos// rang 'byung yin pas skye 'jig med pa'i phyir// ma rig rten 'brel dbang po dgag mi dgos// rang 'byung rnam dag chos nyid sbyang mi dgos// ye nas dag pas gtsang sbra bya mi dgos// ye nas lhun grub rtsol sgrub bya mi dgos// bltas pas ma dag pa yi chos med de// de bzhin nyid dang rnam snang kun du bzang// dbang po drug la snang ba'i chos rnams kyang// ye nas de yin de las gzhan ma med// de la gang zhig bsgom dang sgrub byed pa// de ni mdongs pas nam mkha' snyegs pa 'dra// nga yi rang bzhin spyod yul kun las 'das// nga yis mngon du phyung ba'i chos rnams ni// nga yi ngo bo kun gyis mthong bya'i phyir// sna tshogs dbang po ngo la bstan pa yin// de la nga yi rang bzhin kun rtogs shig/ de la nga yi rang bzhin ma mthong na// kun byed nga yi theg pa bstan mi bya// rdzogs pa chen po'i don dang skal med pas// rgyu 'bras theg pa drang ba'i lung la gzud// nga ni ye nas spyod yul 'das pa 'di// rgyu 'bras dga' ba'i skal ba med rnams la// bstan na sgro dang skur ba 'ong ba'i phyir// bstan na rang gi sems la skur btab pas// drug tu skye zhing gtan du 'khor bar 'khyam// kye sems dpa' chen po nga don rtogs// de ni spyod yul kun las 'das pa'i phyir// tshig gis mi phebs dbang po'i spyod yul 'das// nga yi rang bzhin bsdus te thig ler gnas// ma spros gnyis med ye nas gcig tu bstan// dam tshig bsrung ba'i bsgom pa bya mi dgos// phrin las btsal ba'i bsgom pa bya mi dgos// lam la mi bgrod sa la mi sbyong ste// rang las gzhan du chos nyid tshol mi byed// rang 'byung ye shes mi rtog g.yos pa med// gzhan gyis lung min kun byed nga yi lung// rgyu 'bras 'das pas rtsol dang sgrub mi byed// ma byung bas na dngos po sgom mi byed// ma skyes pas na 'jig pa'i dogs pa med// nga mi snang bas dmigs pa bsgom dang bral// bde chen bdal ba'i klong dkyil na// mi rtog mnyam pa'i rang bzhin gnas// chos nyid snang ba med pa'i rang bzhin la// rig pas mi rtog ting 'dzin ma byed cig/ kye sems dpa' chen po// bsgoms na gang bsgom nga yi nad yin gyis// kun gyi snying po byang chub sems yin na// byang chub sems ni gzung 'dzin bral ba'i phyir// bsgom par bya ba rdul tsam yod ma yin// gong bshad bsgoms pas 'bras bu ma thob bzhin// nga yang bsgoms pas thob par lung mi ston// kye sems dpa' chen po nga la ltos// nga ni kun byed byang chub sems yin te// kun byed byas pas kun byas nyid du byas// kun ni ma lus pa yi sgrar bshad de// byed pa'i snying po de yis thams cad byed// byang ba gzung du yod pa ma yin la// chub pa kun gyi snying pos snying por chub// sems ni rang 'byung ye shes kun du sems// zhes gsungs so// byang chub kyi sems kun byed rgyal po las lta ba bsgom med kyi le'u ste zhe lnga pa'o//// de nas byang chub kyi sems kun byed rgyal po des rdzogs pa chen po'i dam tshig bsrung du med pa 'di gsungs so// kye sems dpa' chen po nyon cig/ rdzogs chen dam tshig bsrung du med bstan pa// kun byed byang chub sems kyi rang bzhin ni// ma skyes spros dang bral ba'i rang bzhin gyis// skye ba'i cho 'phrul sna tshogs yul byung nas// yul de rang gi rang bzhin yin zhes byas// de la mi rtog rtog pa'i yul las 'das// yul la mi 'dzin spong dang len med pas// med pa phyal ba gcig pu lhun grub ste// bsrung bar bya ba'i sdom khrims kun dang bral// bsrung med nga las byung ba'i ston gsum gyis// mu stegs sde bzhi thugs rjes byin brlabs nas// 'dul ba phog pa'i 'khor ni sde bzhi la// bsrung bar bya ba'i khrims ni 'di lta ste// rtsa ba dang ni yan lag bsrung ba'i grangs// nyis brgya lnga bcu lnga brgya lnga bcu khrims// bsrung ba'i dus na grangs dang don mi shes// des na sdom pa mi thub bsrung thabs med// rdzogs chen ci spyod rtog pa kun las 'das// sdom pa rgya mtsho mtha' yas grangs mang ba// lus ngag yid la bsdus pa rnam pa gsum// dbang po yul las sdug bsngal byung nas ni// lus kyis 'gro 'dug gom pa bor sa med// ngag gis tshig brjod don gyis bden par dka'// yid kyis bsam pa bden pa kun las 'gal// ma nor bsam pa kun kyang bsgrub tu med// lus ngag sdom pa rgya mdud dam po des// bden nyid don dang phrad pa shin tu dka'// bsrung med nyams pa med dang phrad mi 'gyur// bsrung med nyams pa med pa kun byed lung// kye sems dpa' chen po nyon cig/ nga las byung ba'i ston pas lung phog pa// gza' dang rgyu skar dus tshigs bzang sgo nas// phyi nang gtsang ma'i khrus kyis dag byas te// sdom pa tshul khrims 'gro don zhal 'ches pa// gang yang dam bcas tshul bzhin mi 'grub ste// dam bcas ma grub bshags pas sems mi 'dag/ bsrung med nga dang yun du thag ring nyams// kye rdo rje gsang ba gsum gyi dam tshig ni// rtsa ba gsum dang yan lag lnga rnams te// rtsa ba gsum ni sku gsung thugs 'dus te// sku ni lha yi skur bsgom lus kyang 'ching// ngag ni 'dzab dang ting 'dzin zhi ba min// yid kyi ting 'dzin 'phro 'dus bzung nas ni// rtsa ba mi rtog dam tshig bde dang bral// yan lag rnam pa lnga ni 'di lta ste// dang por shes par bya ba'i dam tshig ni// phung po lnga dang 'byung ba rnam pa lnga// rnam shes dbang po yul la sogs pa rnams// lha dang dkyil 'khor rang bzhin shes par bya// shes bya shes byed med pa des ma mthong// spyad par bya ba'i dam tshig rnam lnga ni// sta na ga na ma byin blangs pa dang// mi tshangs spyod dang brdzun du smra ba dang// rnam pa lnga ni thabs mkhas spyod byed pa// ma spyad nyams mthong rtog dang bcas nas spyod// de yang mi rtog mnyam dang bral ba yin// dang du blang ba'i dam tshig rnam lnga ni// dri chen dri chu la sogs dam rdzas lngas// rgyal ba'i sku lnga 'di las 'grub zer nas// dpa' bo 'bru lngas 'phro 'du byas nas ni// rgyal ba'i sku lnga dang du len byed pa// dang du ma blangs sku lnga mi grub rtog/ blang dor bral ba'i rtog 'das de ma grub// mi spong ba yi dam rdzas rnam lnga ni// 'dod chags zhe sdang la sogs dug lnga po// gsang ba rdo rje'i dam tshig chen po ru// nyon mongs lnga bsgyur ye shes rnam pa lngar// dug lnga mi spong ye shes rnam lngar len// blang dor med pa'i bde ba des ma grub// grub par bya ba'i dam tshig rnam lnga ni// phung po lnga dang 'byung ba lnga rnams dang// rnam shes yul rnams dkyil 'khor grub byed pa// ting 'dzin gsum dang cho ga lnga rdzogs nas// rgyal ba'i rigs lnga'i dkyil 'khor grub byed pa// ting 'dzin cho ga lnga yis sems rtsol byed// mi rtog ma btsal lhun gyis grub dang 'gal// bsgom pa'i sku ni mi rtog 'ja' tshon 'dra// cho ga bzlas brjod 'dzab kyang rtsi skya 'dra// rtsol sgrub spyod pas lhun gyis grub mi 'gyur// med par bsgrub pas shin tu grub pa med// kun byed nga la bsrung ba'i dam tshig med// rgyu rkyen med pas rtsol zhing bsgrub mi dgos// lhun gyis grub pas spyad par bya mi dgos// ye shes yin pas shes par bya mi dgos// rang 'byung yin pas rgyu dang rkyen mi dgos// bzang ngan med pas blang dor bya mi dgos// dngos po med pas med pa zhes su bshad// dngos su mi spyod ye shes ma 'gags pas// de la phyal ba zhes su btags pa yin// sems su kun gcig gcig pur btags pa yin// ji ltar snang ba'i chos rnams thams cad kun// yid ches byang chub sems su rdzogs pa'i phyir// lhun gyis rdzogs pa zhes su nga yis bshad// tsha grang bkres skom blun lkugs chos nyid la// sku gsum 'khor sngangs 'bros pa'i cho ga drug/ gong bshad bzhin du btsal zhing bsgrub mi dgos// rgyu nyid rang 'byung ye shes yin pa'i phyir// las kyi rkyen gyi dbang du de mi 'gyur// chos nyid rang bzhin cir yang 'gyur med pas// btsal bas grub par nga yis lung ma bstan// rang 'byung ye shes kun dang mtshungs med pas// rgyu rkyen las kyis rang 'byung de mi 'grub// bden pa gnyis kyis gtan la dbab tu med// nges pa gcig la bden pa rnam pa gnyis// ma nges the tshom can gyi lung de la// nges pa gcig tu bstan pa ga la yod// rnal 'byor gang zag chos la rlom byed ni// ston gsum rgyu 'bras lung la brten smra ba// de la bden gnyis tshad ma bzhi yang dgos// kun byed nga yis chos kun byas pa'i phyir// ngas byas chos la bden pa gnyis mi dgos// ngas byas chos la bden pa gnyis dgos su// ngas byas thams cad byang chub sems su byas// byang chub sems la don dam kun rdzob med// ces gsungs so// byang chub kyi sems kun byed rgyal po las dam tshig bsrung du med pa'i le'u ste zhe drug pa'o//// de nas byang chub kyi sems kun byed rgyal po des rdzogs pa chen po la phrin las btsal du med pa 'di gsungs so// kye sems dpa' chen po nyon cig/ kun byed nga ni rdzogs pa chen po ste// rdzogs pa chen po lhun gyis grub pa'i phyir// phrin las ye nas btsal du med par bstan// phrin las btsal du yod par lung ston pa// nga las byung ba'i ston pa sku gsum gyis// rang re 'khor la btsal ba'i las phog pa// btsal ba'i las ni rang res so sor phog/ sprul pas btsal ba'i rgyu la las phog pa// lus ngag yid gsum tshad med sgor zhugs nas// lus kyi sdom pa srog gcod rku g.yem spang// ngag gi sdom pa ngag khyal tshig rtsub dang// brdzun dang phra ma la sogs ngag gis spang// yid kyis mnab sems gnod sems log lta spang// dge bcu spyod pa'i las de rgyur bkod nas// sbyin pa tshul khrims pha rol phyin bcu las// spyad nas sa dang kun 'od thob 'dod pa// tshi chad las ni bskal pa gsum du spyod// de yang kun byed nga yis lung phog min// longs spyod rdzogs pas 'khor la lung phog pa// rgyu dang 'bras bu'i sgo nas las phog pa// sems can ting 'dzin las ni 'di lta ste// khrus dang gtsang sbrar phyi nang dag byas te// cho 'phrul las kyis byin gyis brlabs nas ni// ye shes sems dang dam tshig gnyis ltas nas// ting 'dzin las kyis mchod cing gshegs gsol byed// las des mi tshe bdun du tshi chad 'gyur// chos kyi sku las longs spyod skur bzhengs nas// rnal 'byor chen po'i 'khor la lung phog pa// bdag nyid chen po yin par lung bstan nas// rang rgyud dag pa'i dkyil 'khor de rnams la/ kha dog rigs dang sbyar ba'i lha bsgoms nas// zhi lhas zhi bar byed pa'i las byed pa// rgyas lhas rgyas par byed pa'i las byed pa// dbang lhas dbang du sdud pa'i las kyang byed// drag lhas stongs par byed pa'i las kyang byed// tshe la gnas dang phyag rgya'i rig 'dzin 'grub// phrin las rnams bzhis tshi chad grub pa med// mi rtsol bya med las ni de ma grub// rdzogs chen rgyu 'bras ye nas 'das pa'i phyir// btsal zhing bsgrubs pas bya med grub pa med// rgyu 'bras lta ba'i ston pas lung bstan pa// 'jig rten mtshan ma'i chos la tshod btsugs nas// rgyu las btsal nas 'bras bu grub byed pa// sems la rgyu med ye nas 'bras bu med// byang chub sems la skye ba med pa'i phyir// 'jig rten skye ba'i chos la dpe blangs nas// skye las 'jig pa 'byung bar sgros mi gdags// rang 'byung rgyu 'bras 'das pa ma brtags par// 'jig rten mtshan ma'i chos la tshod btsugs nas// rgyu las btsal bas 'bras bu 'byung zer ba// de ni rgyu 'bras theg pa drang lung yin// kye sems dpa' chen po nyon cig/ ye shes ye shes zhes su bstan pa ni// rang 'byung ye shes ma 'gags kun dang mtshungs// rgyu las ma byung mtshungs med ye shes de// thams cad bskyed pas gzhan nas chos 'byung med// 'jig rten rgyu 'bras chos la tshod btsugs nas// btsal ba med pa'i 'bras bu 'byung mi 'gyur// byang chub sems ni rgyu rkyen med pa'i phyir// 'jig rten skye 'gag chos la tshod mi gzugs// byang chub sems ni rkyen gyis ma bskyed pas// 'jig rten rkyen bskyed chos la dpe ma len// kye sems dpa' chen po// che ba 'dod nas bsgom bsgrub rtsol byed pa// bsgom bsgrub btsal bas che ba de mi 'grub// che ba rang 'byung ye nas che ba yin// bsgoms na sangs rgyas dgongs pa 'chos pa yin// sangs rgyas dgongs pa gang zhig 'chos byed pa// de yis sangs rgyas thams cad spangs pa yin// de yis sangs rgyas spangs pa ma yin te// de yis rang gi byang chub sems spangs pas// rang gi rang bzhin bskal par phrad mi 'gyur// kye sems dpa' chen po// sems kyis ting 'dzin sgom pa ma byed cig/ ye shes yul la rtog par ma byed cig/ ngag gis 'dzab dang snying po bzla mi dgos// lag gis 'du byed phyag rgya bca' mi dgos// sems kyis ting 'dzin 'phro 'du las ma byed// ngang la gnas pas g.yos med lhun gyis grub// rang bzhin gnas pas sus kyang bcos su med// ma btsal ji bzhin pa ru gnas pa des// bya ba med pa las kyi mchog tu bstan// don de rtogs pas las rnams mi byed de// las ma byas pas de bzhin nyid du gnas// de bzhin nyid la gang zhig su gnas pa// de yis ma nor ma bcos 'grub par 'gyur// de ni ma nor bzhin ni ma bcos yin// nyid ni ma nor ngo bo nyid la bya// de bzhin nyid las sangs rgyas chos med do// zhes gsungs so// byang chub kyi sems kun byed rgyal po las phrin las btsal du med pa'i le'u ste zhe bdun pa'o//// de nas byang chub kyi sems kun byed rgyal po des// chos thams cad gzhi ma kun byed nyid yin par zhal gyis bzhes pa 'di gsungs so// kye sems dpa' chen po nyon cig/kun byed nga ni kun gyi byang chub sems// byang chub sems ni chos kun gzhi ma ste// kun byed nga yi rang bzhin rnam gsum las// phun sum tshogs pa'i dgos pa kun kyang tshang// rang bzhin gsum ni 'di ltar shes par bya// skye ba med dang 'gag pa med pa dang// mi 'gag skye ba'i cho 'phrul 'byung ba gsum// gsum ni phun sum tshogs par bstan pa yin// ma skyes skye ba med pa'i rang bzhin las// chos kyi gzhi ma bstan pa phun sum tshogs// ma bsgribs ma bkag pa yi rang bzhin las// ston pa gsum gyi rang bzhin phun sum tshogs// ma skyes skye ba'i cho 'phrul ngo bo las// 'khor gyi rang bzhin rnam gsum phun sum tshogs// kye sems dpa' chen po nyon cig/ nga yi rang bzhin chos nyid gcig pu la// nga ma 'gags pa'i ston pa rnam gsum gyis// skye ba'i cho 'phrul 'byung ba'i 'khor gsum las// nga yi chos nyid de bzhin nyid gcig la// rtogs par bya ba'i thabs kyi gzhi ma drug/ lta ba chos nyid mthong ba'i gzhi ma byed// des ni mthong bar bya ba'i thabs yin te// ma skyes dmigs par bya ba'i yul med pas// bltas pas de bzhin nyid la mthong ba med// dam tshig rang skyon sel ba'i gzhi ma byed// des ni bar chad med pa'i thabs yin te// de bzhin nyid la bsrung ba'i yul med pas// bsrungs pas de bzhin nyid la thub pa med// las ni grub par byed pa'i gzhi ma byed// btsal bas grub par byed pa'i thabs yin te// de bzhin nyid la btsal ba'i yul med pas// de bzhin nyid la las kyi grub pa med// lam gyis bgrod pas phyin pa'i gzhi ma byed// des ni gnas su phyin pa'i thabs yin te// de bzhin nyid la lam gyis bgrod med phyir// bgrod pas phyin pas de bzhin nyid ma yin// sa ni gnas par byed pa'i gzhi ma byed// des ni sbyang mi dgos pa'i thabs yin te// de bzhin nyid la thams cad kun gnas pas// gnas par bya ba'i sa la sbyang du med// ye shes rtogs par byed pa'i gzhi ma byed// des ni chos nyid rig pa'i thabs yin te// de bzhin nyid la rtogs pa'i yul med pas// rang 'byung ye shes yul la rtog pa med// kye sems dpa' chen po nyon cig/ byang chub sems ni chos kyi gzhi yin pas// theg pa so so lta spyod drug drug gis// rgyu 'bras ltos pa'i 'khor la de bstan pas// de re rang 'thad bsam pa re re yis// lta spyod gzhi ma drug la btsal byas kyang// de bzhin nyid la btsal ba'i yul med pas// btsal bas de bzhin nyid la bcos pa'i phyir// rang sems gzhi ma bcos med de mi phrad// kye sems dpa' chen po nyon cig/ lta ba bsgom du med ces bstan pa ni// chos kyi rtsa ba rang las med pa'i phyir// rang gis rang la blta ru med pa'i phyir// rang med yul ni nga yis bstan pa med// des na lta ba bsgom du med ces bstan// dam tshig bsrung du med ces bstan pa ni// bsrung bas mi thub rang gi sems mi khegs// rang 'byung ye shes yin pas bsrung du med// kye phrin las btsal du med ces bstan pa ni// rdzogs chen rgyu 'bras ye nas 'das pa'i phyir// phrin las rgyu las bsgrubs nas 'bras bur 'dod// rdzogs chen 'bras bu 'dod pa med pa ni// phrin las btsal ba med pa'i phyir// phrin las btsal du med ces bstan pa yin// lam la bgrod du med ces bstan pa ni// kye dus gsum sangs rgyas khams gsum sems can la// bgrod pa byang chub sems kyi lam la bgrod// sems su sangs rgyas sems can gnyis su med// des na sems kyis sems la lam bgrod med// sa la sbyang du med ces bstan pa ni// chos dbyings byang chub sems kyi sa 'di la// sbyangs pas thob par 'dod pa rgyu 'bras can// chos nyid byang chub sems kyi sa 'di la// sbyangs bcos byas grub lung ni ngas ma bstan// ye shes yul la mi rtog zhes bstan pa// yul de ye nas rang 'byung ye shes te// ye shes la ni ye shes yul ma mchis// zhes gsungs so// byang chub kyi sems kun byed rgyal po las chos thams cad kyi gzhi ma kun byed nyid yin par bstan pa'i le'u ste zhe brgyad pa'o//// de nas byang chub kyi sems kun byed rgyal po des thams cad nga la gnas pa'i sa 'di bstan to// kye sems dpa' chen po kun byed rgyal po nga nyid ni// kun gyi byang chub snying por gnas// byang chub sems kyi rang bzhin ni// chos kyi dbyings kyi pho brang ste// dus gsum sangs rgyas thams cad dang// khams gsum sems can thams cad kun// klong chen sems kyi gnas de na// mi gnas pa ni gcig kyang med// kun gyi gnas dang sa yin te// 'du 'bral med par de na bzhugs// de la sbyang zhing bgrod mi dgos// de la sbyangs te bgrod 'gyur na// rang gi sems de 'chos pa ste// bcos pas rang sems 'byongs mi 'gyur// de ni spyi sa kun gyi gnas// kye sems dpa' chen po nyon cig/ nga las byung ba'i ston pa sku gsum gyis// rgyu 'bras dga' ba'i 'khor rnams la// sa mdo rnam pa gsum bstan te// bskyed pa'i sa dang spyod pa'i sa// bsgrub pa'i sa dang gsum bstan te// bskyed pa'i sa ru sems bzhi bskyed// spyod pa'i sa ru sems spyod bcus// bsgrub pa'i sa ru grub 'dod pas// de ni drang ba'i lung du bstan pa'i phyir/ yang dag nges par yod par lung ma bstan// yang dag nges par nga yi lung 'di nyon// byang chub sems la rgyu rkyen med pa'i phyir// bskyed pa'i sa ru byang chub sems mi bskyed// bskyed pa'i sa ru byang chub sems bskyed na// chos dbyings nam mkha' byang chub sems mi shong// dge sdig las la dran pa dbang bsgyur bas// phyi yul chos nyid spangs pas ma spongs te// rang 'byung ye shes mi khegs bzhin du 'gegs// rang 'byung ye shes yul la mi rtog bzhin// gzung dang 'dzin pa yod ces 'joms par byed// des na byang chub sems la skyes pa med// spyod pa'i sa ru byang chub bcu spyad pas// ji ltar snang ba'i chos rnams thams cad kun// byang chub sems la g.yos pa med pa ni// nam mkha' lta bu'i chos nyid snang bar zad// nam mkha' la ni g.yos pa rdul tsam med// de bzhin byang chub sems la g.yos pa med// grub pa'i sa ru byang chub grub 'dod pa// kun du 'od dang ma chags pad+ma'i spyan// rdo rje 'dzin dang stug po bkod pa dang// 'khor lo tshogs chen rdo rje 'chang ba dang// rgyu 'bras kun bzang dbye ba med sa drug/ byang chub bsgrub pa'i sa ru ming btags pa// sems kyi rang bzhin rgyu rkyen bral pa'i phyir// bsgrubs pas grub pa'i 'bras bu ngas ma bstan// sems kyi rang bzhin drug snang bstan pa yin// sems kyi rang bzhin drug ni 'di lta ste// rang 'byung ye shes ma 'gags pa yi rtags// dbang po sgo lnga kun du gsal ba la// kun du 'od kyi sa zhes btags pa yin// yul la mi rtog chags pa med pa la// ma chags pad+ma spyan du btags pa yin// skye 'jig med pa'i byang chub sems de la// rdo rje 'dzin pa zhes su nga yis btags// rang gi rang bzhin chos nyid dpag med la// rang 'byung ye shes mi rtog mnyam par bkod// stug po bkod pa'i sa zhes btags pa yin// byang chub sems kyi rang bzhin dkyil 'khor de// rang la gnas pa'i chos rnams thams cad la// yi ge 'khor lo tshogs chen sa rnams te// sku gsung thugs la skye dang 'jig med pas// rdo rje 'chang gi sa zhes bshad pa yin// byang chub sems la rgyu 'bras gnyis med de// sems las byung ba'i chos rnams thams cad la// bzang ngan blang dor ye nas med pa'i phyir// dbye ba med pa'i sa zhes nga yis bshad// des na byang chub sems kyi chos dbyings la// dus gsum sangs rgyas khams gsum sems can kun// de nas 'byung zhing de ru gnas pa'i phyir// chos dbyings byang chub sems ni kun spyod sa// zhes gsungs so// sangs rgyas sgrub pa'i sa zhes btags pa de// byang chub sems kyi rang bzhin de las ni// gong bshad bzhin du byang chub sems la gnas// zhes sbyang du med pa'i sa bstan to// byang chub kyi sems kun byed rgyal po las rdzogs pa chen po'i sa la sbyang du med pa'i le'u ste zhe dgu pa'o//// de nas byang chub sems kun byed rgyal po des byang chub kyi sems rang byung ba'i ye shes la sgrib pa med pa 'di gsungs so// kye sems dpa' chen po nyon cig/ ye shes ye shes zhes bya ba// ye shes ye nas shes pa yin// rang byung ye shes ye nas shes// yul la rtog pa'i ye shes de// yul las byung bas rang byung min// yul med tsam na gsal mi byed// des na rang byung ye shes de// ye nas shes pa'i ye shes yin// ye shes zhes ni de la bya// 'khor gyi ston pa'i ye shes ni// yul la brtags pa'i ye shes de// gang su yul la rtog byed pa// de ni rig byed ye shes yin// rig par bya ba'i yul de ni// byang chub sems las byung ba'i phyir// de ni yul med byang chub sems// ye shes rang las byung ba'i phyir// de la ting 'dzin sgom mi byed// ting 'dzin sgom pa mi byed pas// ting 'dzin bag chags sog mi 'gyur// bag chags med pa'i chos nyid de// dus gsum sangs rgyas dgongs par bshad// dus gsum sangs rgyas thams cad kyi// dgongs pa'i yul la mi rtog ste// mnyam pa nyid du ye nas gnas// kye sems dpa' chen po nyon cig/ dus gsum sangs rgyas thams cad kyi// rang byung ye shes thugs de la// ye nas rtog pa med pa'i phyir// sangs rgyas dgongs pa mi mdzad de// rtog pa'i yul ni kun dang bral// shin tu rnal 'byor gang zag gang// su yang rung ba de yis ni// rtog pa med la gnas gyur na// de ni sangs rgyas dgongs pa mdzad// kye sems dpa' chen po nyon cig/ rang 'byung ye shes sangs rgyas dgongs pa mdzad// rang 'byung ye shes yul la mi rtog pas// rnam par rtog pa'i bag chags gos mi 'gyur// las ni ting 'dzin brtags pa'i bag chags yin// mi rtog pa la bag chags yod ma gsungs// mi rtog pa yi rang 'byung ye shes lnga// sems kyi rang bzhin dbang po sgo lngar bshad// rang 'byung ye shes de la 'gag pa med// byang chub sems kyi ngo bo mngon snang la// rang 'byung ye shes mi 'gag so sor gsal// rang gi rkyen gyis snang bas dor mi byed// ting 'dzin mi rtog bag chags sog mi 'gyur// 'di yang dus gsum sangs rgyas dgongs pa ste// gang du mi rtog 'di la su gnas la// nga la mi gnas 'gro ba'i don mi gnas// chos sku byang chub sems la 'di gnas te// dus gsum sangs rgyas kun gyi dgongs pa 'dus// kye sems dpa' chen po tshig don 'di// rig pa nyams su mngon sum rtogs par gyis// rang byung ye shes yul la lngar gnas pa// ye shes lnga ni yul lnga 'dod ma yin// yul 'dod lnga ni ye shes lnga la snang// yul de ye nas ye shes yin pa'i phyir// yul dang ye shes gnyis su ngas ma bstan// des na yul yang rang 'byung ye shes yin// rang 'byung ye shes gcig las med pa la/ nga las byung ba'i 'khor gyi ston pa yin// yul la brten nas ye shes ming btags pa// rnam pa grangs kyi ye shes byung ba ni// rnam brtags pa yi ye shes gcig gis ni// yul gcig rang bzhin so sor snang ba la// yul can la ni yul gyi ming btags pa// de ni nges pa ma yin 'khrul pas brtags// kun byed nga yi rang 'byung ye shes min// kun byed nga yi rang bzhin gcig pu la// 'khor gyi 'dod pa rnams kyis ming btags pa// la las byang chub sems su ming btags la// la las chos kyi dbyings su ming yang btags// la las nam mkha'i khams su ming yang btags// la las rang 'byung ye shes ming yang btags// la las chos kyi sku ru ming yang btags// la las longs spyod rdzogs par ming yang btags// la las sprul pa'i sku ru ming yang btags// la las sku gsung thugs su ming yang btags// la las thams cad mkhyen par ming yang btags// la las rnam pa thams cad ming yang btags// la las ye shes bzhi dang gsum du btags// la las ye shes lnga ru ming btags la// la las dbyings dang ye shes ming btags pa// rang 'byung byang chub sems ni gcig la btags// rang 'byung nga la mthong tshad smras pa yin// zhes gsungs so// byang chub kyi sems kun byed rgyal po las rang 'byung ye shes bstan pa'i le'u ste lnga bcu pa'o//// de nas byang chub kyi sems kun byed rgyal po des rdzogs pa chen po'i lam la bgrod du med pa 'di gsungs so// kye sems dpa' chen po nyon cig/ kun byed rgyal po nga ni byang chub sems// byang chub sems ni kun gyi lam chen te// gnas dang yul dang sangs rgyas sa dang gsum// gzhan na med de 'di na rang bzhin gnas// chos kyi dbyings dang chos nyid 'di na gnas// nam mkha'i khams dang gzhal yas 'di na gnas// sangs rgyas sa dang yul ni byang chub sems// gzhan du bgrod pa'i lam dang gnas med de// bgrod pas nam mkha'i lam la phyin pa med// kye sems dpa' chen po nyon cig/ lam la bgrod pa yod par lung ston pa// nga las byung ba'i ston pa sku gsum gyis// bgrod pa'i lam ni lnga dang gsum bstan te// de la bgrod pas phyin par 'dod pa ni// rgyu dang 'bras bu thob par 'dod yin na// rdzogs chen bgrod du med dang mi mthun te// tshogs dang sbyor ba sgom mthong thob pa lngar// tshogs gnyis bsags nas gzung 'dzin gnyis choms te// bsgoms pas chos mthong thob pa'i 'bras bu de// bgrod du med pa'i lam dang ma phrad pas// bde chen rtsol sgrub 'das pa ming mi grag/ 'bras bu gsang bar bstan pa lam gsum ni// de bzhin nyid dang kun du snang la sogs// sku gsum lam zhes goms par bsgoms pa des// rang byung chos la rgyu 'bras bsnyen sgrub bzhis// bgrod pas rtsol sgrub 'das pa'i sar mi phyin// rang sems spros bral chos kyi dbyings yin pas// spros bral de na sangs rgyas thams cad bzhugs// de bas lam la bgrod par ma byed cig/ rang sems ma bsgribs nam mkha' bzhin du gsal// de na dus gsum sangs rgyas thams cad bzhugs// de bas lam la bgrod par ma byed cig/ rang sems ma bcos chos nyid ji bzhin pa// de la dus gsum sangs rgyas lhun gyis grub// de bas lam la bgrod par ma byed cig/ gal te ma rig lam la bgrod gyur na// phyin pa'i dus med rtogs thob dus med de// bgrod pas sangs rgyas sa ru phyin pa med// sangs rgyas rang sems rtog pa bral ba yin// bgrod pas rang sems rtog bral der mi phyin// lta ba bsgoms pas ting 'dzin yul dang phrad// ting 'dzin de yis rtog bral mnyam dang bral// dam tshig bsrungs pas ma nyams 'dzin la gnas// ma nyams 'dzin pas rtogs med mnyam dang bral// phrin las btsal bas grub pa'i ting 'dzin byed// grub pa'i ting 'dzin mi rtog mnyam dang bral// sa la sbyangs pas gnas pa'i ting 'dzin byed/ 'byongs pa'i ting 'dzin rtog med mnyam dang bral// chos nyid brtags pas gsal ba'i ting 'dzin byed// ting 'dzin gsal bas rtog med mnyam dang bral// ye shes gsal bar rtogs pa'i ting 'dzin byed// gsal bar rtogs pa'i ting 'dzin mi rtog bral// kye sems dpa' chen po nyon cig/ 'dod pa'i ting 'dzin ji ltar gsal ba des// 'dod pa med pa bde ba grub par byed// bya bral zin pa'i bde ba chen po de// mi rtog 'dod pa med pa de yis blangs// ting 'dzin mi byed bag chags mi sog pas// rang 'byung ye shes las kyi dbang mi 'gyur// rang 'byung ye shes chos sku'i snying po de// btsal bas mi 'grub rang bzhin gnas pas 'grub// grub par bya ba'i don rnams kun dang bral// don zhes bya ba'i ming tsam btags pa yin// yang dag nyid du sangs rgyas ming tsam yin// sangs rgyas ming du 'dogs par byed pa ni// nges pa'i lung min drang ba'i lung du bstan// nga las byung ba'i ston pa sku gsum gyis// chos dang sangs rgyas dge 'dun dkon mchog gsum/ yod par ming btags de gnyan bsgrub pa ru// nga las byung ba'i 'khor ni sems can la// bde yo skyid do sdug bsngal de blangs nas// 'di las ma gtogs pa yi bde ba ni// gzhan med zer nas lta spyod sna tshogs pa// spyad pas grub pa'i lung 'di bstan pa yin// bya med kun byed nga yi lung ma yin// zhes gsungs so// byang chub kyi sems kun byed rgyal po las lam la bgrod du med pa'i le'u ste nga gcig pa'o//// de nas byang chub kyi sems kun byed rgyal po des bya med rdzogs pa 'dod pa med pa 'di gsungs so// kye sems dpa' chen po// chos rnams thams cad grub 'dod na// 'dod pa'i sa ni ma sgrub cig/ 'dod par byed pa'i sems de ni// mi len thams cad spong ba yin// 'di ni rgyu 'bras 'das pa'i phyir// 'bras bu 'dod nas rgyu mi sgrub// mi rtog rang bzhin gnas pas 'grub// 'dod pa'i ting 'dzin thams cad spongs// 'dod med thams cad len par byed// ting nge 'dzin pas 'dod pa 'dzin// 'dod pa de ni yang dag min// yang dag gzung du yod ma yin// byas pa'i las ni thams cad kyis// ma btsal lhun gyis grub pa sgrub// ma btsal lhun gyis grub pa de// byas pas grub pa ma yin te// ma byas ye nas lhun gyis grub// 'dod pas thams cad kun spangs bas// grub par byed pa'i gegs su che// 'dod pa'i ting 'dzin bag chags des// bag chags de ni sems 'dzin yin// 'dzin pas bde ba de spong byed// mi 'dzin bde ba kun len pas// ji bzhin pa yi rang bzhin no// ji bzhin bcos pa med pa de// sangs rgyas kun gyi dgongs pa gcig/ bde ba che las ma gtogs pa// 'dod dang 'dzin pa ga la yod// mi gnas pa la dmigs pa med// mi rtog pa la 'dzin pa med// med pa don gyi snying po de// 'dod pa med pas thob par 'gyur// gang la 'dzin chags med pa des// ting nge 'dzin te 'dzin pa'i mchog/kun zin ye nas grub zin pas// btang gzhag mi rtog grub pa'i rgyal// kye sems dpa' chen po// sna tshogs bsgoms pas gcig mi gsal// gsal ba ting 'dzin gang byed pa// de la'ang ting 'dzin yod ma yin// de bzhin nyid du gcig pa la// sangs rgyas sems can gnyis su phye// bde dang sdug bsngal gnyis phye nas// bde ba dang du blang lung bstan// sdig pa rgyab tu bor lung bstan// de ni nges pa'i lung dang 'gal// kye sems dpa' chen po// gcig la gnyis su ma 'byed cig/ bde ba sdug bsngal byang chub gcig/ sangs rgyas sems can sems su gcig/ snang srid snod bcud chos nyid gcig/ bden brdzun gnyis kyang chos nyid mnyam// bde ba ma len sdug ma spong// rang bzhin gnas pas kun kyang 'grub// bde la chags pa sdug bsngal yin// kun gsal de la rtog med pas// de ni rang 'byung ye shes yin// ye shes bag chags mi sog pas// las kyis gos par ga la 'gyur// rgyu 'bras ye shes ting 'dzin rtog/ rtog pa'i ye shes bag chags can// ye shes bag chags dbang sgyur bas// rtog pa'i ye shes bsgom mi bya// rtog pa'i ye shes bsgom byas pas// mi rtog mnyam dang bral bar 'gyur// ting 'dzin rtsol ba'i nad kyis zin// kye sems dpa' chen po// kun byed nga ni byang chub sems// thams cad byang chub sems yin la// byang chub sems las thams cad med// sems las sprul pa'i chos ni sna tshogs te// sna tshogs sprul pa cir yang snang ba ni// sems can gzugs dang dbyibs dang kha dog dang// ji ltar snang ba de la dad pa re// dad pa de yis 'thad pa'i chos ston pa// de ni ye shes thugs rje sprul par bshad// de yang rang bzhin chos la g.yos pa med// sangs rgyas rang bzhin chos la g.yos med pas// dus gsum rgyal pa rnams kyi chos nyid yin// chos nyid las ni sangs rgyas gud na med// sangs rgyas las ni sems can gud na med// sems can mi rtog sangs rgyas dgongs pa yin// byang chub sems ma byung gi bar du ni// sangs rgyas dang ni sems can gnyis ka med// de bas sangs rgyas kun las sems nyid bsngags// sems nyid mi 'gyur 'gyur ba ye nas med// chos nyid bsgyur bas g.yos pa rdul med par// gcig la rim pa dgu dang brgyad khri stong// 'byed pa'i ston pas gcig gi don mi rtogs// gcig ma rtogs pas kun don rtogs mi 'gyur// des na sems gcig don de rab tu rtogs// zhes gsungs so// byang chub kyi sems kun byed rgyal po las ma g.yos 'dod pa med pa'i le'u ste nga gnyis pa'o//// de nas byang chub kyi sems kun byed rgyal po des chos thams cad g.yos pa med pa 'di gsungs so// kye sems dpa' chen po da rtogs shig/ nga rtogs chos rtogs g.yos pa med// kun byed rgyal po ston pa nga nyid ni// byang chub sems la g.yos pa med pa de// thams cad byang chub sems las g.yos med cing// rang 'byung ye shes rgyu rkyen med pa de// rgyu dang 'bras bu kun las shin tu rgyal// rgyu 'bras theg pa can la shin tu gsang// ma skyes rdo rje chos kyi dbyings na rgyal// rgyu 'bras can la mi smra shin tu gsang// sems nyid ma 'gags nam mkha'i dbyings na rgyal// rgyu 'bras can la mi smra shin tu gsang// snang srid snod bcud ma bcos chos nyid rgyal// rgyu 'bras can la mi smra shin tu gsang// nam mkha' rlung chu sa me snang ba lnga// byang chub sems kyi ngo bor shin tu rgyal// rgyu 'bras can la mi smra shin tu gsang// khams gsum dus gsum thugs rje ye shes rgyal// rgyu 'bras can la mi smra shin tu gsang// byang chub sems kyi rang bzhin kun byed la// ma yal ma zhi rang bzhin zhi ba med// chos dbyings rang bzhin spros med zhi ba de// ma yal ma zhi rang bzhin spros pa med// rang 'byung ye shes ma bsgribs gsal ba de// mkha' la ma yal ma zhi zhi ba med// snang srid snod bcung chos nyid rang bzhin te// ma yal ma zhi rang bzhin zhi ba med// chos rnams thams cad ma yal ma zhi ba// rang bzhin gsal te ngo bo g.yos pa med// g.yos med chos la rgyu 'bras sgrub byed pa// de ni nga yi lung min 'dod lung yin// nga ni 'dod pa med pas kun grub ste// mi 'dod 'dod pa med par rang bzhin 'grub// grub ces bya ba nga yis smras pa med// rgyu 'bras grub 'dod rnams kyi tshig tu'o// nga ni sgro dang skur pa'i sgra ru che// yod dang med dang grub dang ma grub dang// sgro dang skur pa btab pa thams cad kun// mi rtog pas ni mnyam pa nyid du gnas// mnyam pa nyid las ma gtogs gzhan pa ni// sangs rgyas kun gyi mes po ngas ma gsungs// ma gsungs dgongs pa sangs rgyas kun mi ston// gsungs pa thams cad nga yi ngo bo gsungs// ngo bo rang bzhin chos rnams thams cad yin// rang bzhin rnam dag mnyam pa'i rgyal po de// mi 'gyur rang bzhin chags pa kun dang bral// gzung ba'i yul med sems kyi gnas kyang med// de la mngon sum thob par su 'dod pa// 'dod pa de ni chags pa'i gnas yin te// de la mi rtog mnyam pa'i dgongs pa de// chos nyid ye nas rang bzhin gnas pa la// de btsal bsam pas 'dod sgrub byed pa ni// rang sems gzhan du tshol bar byed pa yin// de yis chos kyi dbyings dang nam mkha'i khams/ khams gsum gnas dang srid pa'i chos bshig kyang// rang sems rang bzhin gnas pa de mi rnyed// rang gi sems ni nam mkha' rang bzhin te// mtha' la thug pa med pas dbyings la bri ba med// rang sems nam mkha' rang bzhin de mi rig/ chos kyi rang bzhin kun kyang de lta ste// ji bzhin pa la kun kyang bcos pa med// 'chos pa rol pa'i ting 'dzin ci byas kyang// ji bzhin pa la ngo bo 'gyur ba med// 'gyur te lhag pa'i stobs gcig che 'gyur na// ting 'dzin gcig gis 'khor ba lhag ma med// smra yang ji bzhin pa la 'gyur ba med// rang bzhin che ba'i yul la rang bzhin gnas// rang bzhin ma bcos pa yi ming yin la// che ba ma bcos pa la lam zhes brjod// sangs rgyas rnams kyi sku gsung thugs dang ni// sems can rnams kyi lus ngag yid gsum la// bzang ngan che chung khyad par yod ma gsungs// mi rtog chos nyid mnyam pa nyid du gnas// mnyam pas chos dang chos min gcig kyang med// sems can rgyu med sangs rgyas 'bras bu med// rgyu 'bras ston pa ston pa nyid lung nor// de bas nga las byung ba'i chos mnyam pas// nga las byung ba bzang ngan med mnyam gcig/ ces gsungs so// byang chub kyi sems kun byed rgyal po las chos thams cad kyi rang bzhin g.yos pa med pa'i le'u ste nga gsum pa'o//// de nas byang chub kyi sems kun byed rgyal po des nyid kyi rang bzhin rang 'byung gi ye shes yin la// rang 'byung gi ye shes de don gyi ngo bo lnga dang ldan te gang zhe na// don chos thams cad 'byung ba'i snying po dang// don ma nor nges pa'i ngo bo dang// don rgyu 'bras 'das pa'i ngo bo dang// don byar med pa'i ngo bo dang// don chos thams cad gtan la 'bebs pa'i ngo bo dang lnga'o// de la rang 'byung gi ye shes de la bsdus pa'i mdo lung ni lnga// phye ba'i mdo lung ni lnga bcu rtsa bdun po 'di gsungs so// kye sems dpa' chen po don 'di nyon cig/kun byed rgyal po byang chub sems nga ni// rang 'byung ye shes chen po gcig la ni// rang 'byung ye shes bsdus pa lnga las ni// phye ba'i mdo lung lnga bcu rtsa bdun te// nga yi ngo bo lnga bcu rtsa bdun yin// de yi ngo bo ji ltar yin zhe na// ye shes ngo bo chos kyi snying po las// mngon du phyung ba'i mdo lung bcu yang bstan// ye shes ma nor nges pa'i ngo bo las// ma nor nges pa'i mdo lung bcu yang bstan// ye shes rgyu 'bras 'das pa'i ngo bo las// rgyu 'bras 'das pa'i mdo lung bcu yang 'byung// ye shes bya ba med pa'i ngo bo las// bya med rdzaugs pa'i mdo lung bcu yang 'byung// ye shes gtan la 'bebs pa'i ngo bo las// gtan la 'bebs pa'i mdo lung bcu yang 'byung// sems nyid ye shes ngo bo rnam lnga las// mdo lung bcu tshan rnam pa lnga byung ni// rang bzhin ngo bo yid ches lnga bstan yin// bdun ni nges par bstan pa'i le'u bdun gyis// gcig gis gzhi bstan gcig gis gdams pa bstan// lnga yis so so dgos pa lnga yang bstan// de yi don gyi bye brag bstan pa ni// dbang po chos nyid mthong bar bya ba'i phyir// mngon du phyung ba'i mdo lung bcu yang bstan// yin min yid ches rtog pa bsal ba'i phyir// ma nor nges pa'i mdo lung bcu yang bstan// kun byed rgyal po'i rang 'byung ye shes de// rgyu rkyen dag la rag ma las pa'i phyir// rgyu 'bras 'das pa'i mdo lung bcu yang bstan// kun byed rgyal po'i rang 'byung ye shes des// bya byed rtsol sgrub bya mi dgos pa'i phyir// bya med rdzogs pa'i mdo lung bcu yang bstan// kun byed rgyal po'i rang 'byung ye shes des// nyid kyi rang bzhin gtan la 'bebs pa'i phyir// gtan la 'bebs pa'i mdo lung bcu yang bstan// de la don gyi dgos pa lnga yod de// chos nyid mngon du phyung ba'i mdo lung la// chos nyid mngon du mthong ba'i dgos pa yod// chos nyid ma nor mngon du mthong ba des// lta spyod dam tshig lam la bgrod mi dgos// ma nor nges par ston pa'i mdo lung la// ma nor yid ches nges pa'i dgos pa yod// sems nyid ma nor yid ches mngon pa des// sangs rgyas bsgrub mi dgos pa'i dgos pa yod// rgyu rkyen rag ma lus pa'i mdo lung la// rtsol sgrub bya mi dgos pa'i yon tan yod// rtsol zhing sgrub pa bya mi dgos pa des// mi rtsol bde la gnas pa'i dgos pa yod// bya med rdzogs pa'i mdo lung bstan pa la// ma byas rang bzhin rdzogs pa'i dgos pa yod// bya med rang bzhin rdzogs pa'i dgos pa des// ye nas lhun gyis rdzogs pa'i dgos pa yod// gtan la 'bebs pa'i mdo lung bstan pa las// dus gsum sangs rgyas khams gsum sems can dang// snang srid snod bcud bsdus pa thams cad kun// rgyu med nges pa rang 'byung bya med par// mdo lung lnga dang mthun par gtan la 'bebs// gtan la 'bebs pa'i mdo rtsa bstan pa ni// dus gsum sangs rgyas dang por lung bstan pa// chos nyid nam mkha' lta bu'i rang bzhin la// snga phyi dus gsum lta ba'i sems can rnams// phyi ba dran med snga pa bag chags 'gag/ sems can nam mkha'i chos nyid mi shes mthong// sangs rgyas sangs rgyas zhes bya'i nges tshig ni// chos nyid byang chub sems kyi rang bzhin la// spros med dbyibs dang dbang po'i spyod yul sangs// nam mkha' bzhin du kun la khyab cing rgyas// sangs rgyas ming du btags pa nga yis med/khams zhes bya ba'i gtan tshigs bstan pa ni// mang zhing rgya che ba yi mtshan nyid de/ khams gsum sems can gcig gi dbang po yis// dpag gis mi lang bas na khams zhes btags// yang dag nges par ming du btags pa med// sems zhes bya ba'i nges tshig bstan pa ni// rgyu rkyen med pa'i rang 'byung ye shes des// ma 'gags kun la dbang po sgo lngar gsal// de la sems zhes bya bar gsal bar bshad// snang srid snod bcud bsdus pa thams cad kun// skye ba med las cho 'phrul snang ba de// sna tshogs srid pas snang srid ces su btags// snod dang bcud ces bya bar bstan pa ni// 'byung lnga snod kyi nang na rgyud drug bcud// gnas pas snod bcud ces su btags pa yin// kun byed bya ba lhag ma ma lus pa// bsdus pas kun byed rgyal po'i rang bzhin lngar// mdo lung lnga bcu rtsa bdun byung nas bsdus// kun byed rang bzhin lnga ru 'dus par bstan// snying po mngon du 'byin pa'i rang bzhin dang// ma nor nges par ston pa'i rang bzhin dang// rang 'byung rgyu 'bras 'das pa'i rang bzhin dang// bya byed rtsol sgrub 'das pa'i rang bzhin dang// mthun par gtan la 'bebs pa'i rang bzhin dang lnga'o zhes gsungs so// kye ston pa kun byed rgyal po lags// sems dpa' rdo rje bdag gi rig pa yis// kun byed rang 'byung ye shes gcig ngo la// dgos pa phun sum tshogs pa lnga byung ste// rang 'byung ye shes chos kyi snying po las// snang zhing srid pa'i chos rnams thams cad kun// mi snang ba la mngon du 'byin nus pas// chos kyi snying po yin par yid kyang ches// rang 'byung ye shes gcig gi ngo bo de// don dam kun rdzob bden brdzun gnyis med par// ma nor nges pa'i byang chub sems ston pas// the tshom som nyi med par yid kyang ches// rang 'byung ye shes gcig gi ngo bo de// rgyu la mi brten rkyen la mi sgrub pas// gzhan la rag ma las pa'i rang bzhin gyis// rang 'byung ye shes yin par yid kyang ches// rang 'byung ye shes gcig gi ngo bo de// rgyu rkyen med par lhun gyis grub pa'i phyir// phrin las btsal zhing bya byed bya mi dgos// ma btsal lhun gyis grub par yid kyang ches// rang 'byung ye shes gcig gi ngo bo de// rang 'byung ye shes ye nas ma bsgribs pas// ji ltar snang ba'i chos rnams thams cad gsal// chos rnams thams cad gtan la 'bebs pa'i phyir// ston pa'i sgron ma yin par yid kyang ches// zhes gsungs so// byang chub kyi sems kun byed rgyal po las mdo lung thams cad kun byed nyid kyi rang bzhin du bsdus nas bstan pa'i le'u ste nga bzhi pa'o//// de nas byang chub kyi sems kun byed rgyal po des chos thams cad byang chub sems las gzhan med pa'i mdo 'di gsungs so// kye sems dpa' chen po nyon cig/ ji ltar snang srid snod bcud bsdus pa dang// don dang tshig tu brjod pa thams cad kun// byang chub sems yin pa ni 'di lta ste// chos kyi dbyings dang nam mkha'i khams 'di yang// ma spros ma bsgribs pa yi byang chub sems// 'di las gzhan yin bdag gis gsungs pa med// nam mkha' rlung chu sa me snang ba yang// byang chub sems kyi ngo bo bstan pa yin// 'dod khams gzugs khams gzugs med khams gsum yang// byang chub sems kyi ngo bo gsum snang yin// de ston pa yi ston pa sku gsum yang// byang chub sems kyi rang bzhin rnam gsum yin// sems nyid ye shes ma 'gags 'dod khams snang// sems nyid ngo bo snang ba gzugs kyi khams// sems kyi rang bzhin ma skyes gzugs med khams// rang bzhin ma skyes spros bral chos kyi sku// sems nyid nyid la nyid spyod longs spyod rdzogs// sems las sems sprul sems kyi don mdzad sprul// dmyal ba la sogs 'gro ba ris drug gi/ tsha grangs bkres skom blun lkugs ltung 'gyur rnams// mi rtog mnyam pas ji bzhin chos nyid grol// rang 'byung ye shes yul la mi rtog pas// las kyi bag chags skyon yon kun dang bral// yon tan mi len skyon rnams mi dor bas// bde ba mi sgrub sdug bsngal spang du med// ji bzhin pa la ye nas g.yos pa med// de bzhin bsgyur bas 'gyur ba'i chos gang med// 'dod pas len pas thob pa'i chos kyang med/ chos rnams rang bzhin 'byung ba'i mtshan nyid ni// sems las rang 'byung ye shes 'byung ba 'dra// 'dra zhes ming btags rang 'byung ye shes yin// rang 'byung ye shes chos nyid yul gcig la// chos gzhan mthong nas ye shes de spong byed// rang 'byung ye shes de dang phrad mi 'gyur// spong 'gegs yul can dag la ming mi grag/ don dam kun rdzob bden pa rnam gnyis kyis// sbyangs kyang bskal ba gsum gyi bar du thogs// dag gsum spyod dang mtshan med sgor zhugs nas// byang chub yan lag kun gyi sgor zhugs nas// cho ga rdzogs pa'i ting 'dzin rim pa yis// rang 'byung ye shes tshe bdun bar du spangs// thabs dang shes rab gnyis med sgor zhugs nas// skye med shes rab thabs kyis bskyod 'gyur nas// snang la rang bzhin med par rang bsgoms nas// cho ga lnga dang yo byad yan lag dang// dam tshig tshul dang rab tu brtson 'gyur na// rig 'dzin sa ste lo stong drug brgya ru// longs sku 'dod pa'i ting 'dzin yengs med byed// longs sku thob nas rang sems bzod tshol lta// stong phrag gcig na mi rtog mnyam bzod rnyed// kye sems dpa' chen po rdo rje khyod nyid kyang// nga lung ma nor khyod kyis da ston cig/ kye sems can lha mi rnams ni shes pa rtsing// dbang po yul la yengs pa'i rang bzhin gyis// sems can mi shes gang bstan tshim pa la// ma nor nges pa'i lung chen ma bstan par// rgyu 'bras drang lung don dam kun rdzob bstan// bden brdzun gnyis kyis shes pa de tshim nas// bskal pa yun ring bden brdzun gnyis la gnas// de bas dang por rang sems ma nor bstan// bstan pas ma nor btsal med lam phrad nas// da lta nyid nas mi rtsol sa la gnas// btsal du med pa'i lam dang de phrad 'gyur// ting 'dzin bsgom mi dgos dang de phrad 'gyur// mi rtsol bde la gnas pa de yis thob// ma nor nges par rang sems de thob pas// ma btsal lhun gyis grub pa'i yon tan ni// sems bskyed mi dgos lam la bgrod mi dgos// sa la mi sbyong lta ba bsgom mi dgos// sdom pa tshul khrims dam du gnyer mi dgos// kye sems dpa' chen po lung ston cig/ 'jig rten mtshan ma'i chos 'di bsgrub pa bzhin// lus kyi las su bya byed lha mi sgom// ngag gi las su sngags dang tshig mi brjod// yid kyi las su ting 'dzin gsal mi sgom// zhes gsungs so// byang chub kyi sems kun byed rgyal po las chos thams cad byang chub kyi sems las med pa'i le'u ste nga lnga pa'o//// de nas sems dpa' rdo rje des// byang chub kyi sems kun byed rgyal po de chos thams cad kyi ngo bo dang byed pa po yin par nyid kyi 'khor thams cad la tshig bsgrags pa dang rtogs pa phul ba 'di bsgrags so// kye ston pa'i ston pa kun byed rgyal po lags// bdag gis khyod kyi rang bzhin rtogs pa ni// chos rnams thams cad khyod kyi rang bzhin gcig/ chos nyid chos kyi dbyings kyi pho brang de// kun byed rgyal po yin par rab tu grags// nam mkha'i khams kyi gzhal yas khang 'di yang// kun byed rgyal po yin par rab tu grags// skye med chos kyi sku yi ston pa yang// kun byed rgyal po yin par rab tu grags// 'dod spyod longs spyod rdzogs pa'i sku 'di yang// kun byed rgyal po yin par rab tu grags// thugs rje ye shes sprul pa'i sku 'di yang// kun byed rgyal po yin par rab tu grags// 'dod pa'i khams kyi 'dod chags khams 'di yang// kun byed rgyal po yin par rab tu grags// gzugs kyi khams kyi nga rgyal khams 'di yang// kun byed rgyal po yin par rab tu grags// gzugs med khams kyi yid kyi lus 'di yang// kun byed rgyal po yin par rab tu grags// snga rabs 'das pa'i sangs rgyas nyid la gnas pa yang// kun byed rgyal po yin par rab tu grags// da ltar bzhugs pa'i sangs rgyas don mdzad kyang// kun byed rgyal po yin par rab tu grags// slad kyis 'byon pa'i nyid las 'byung ba yang// kun byed rgyal po yin par rab tu grags// rnal 'byor rnam bzhi nyid la lta ba yang// kun byed rgyal po yin par rab tu grags// snang srid snod bcud 'byung ba lnga bsdus pa// kun byed rgyal po yin par rab tu grags// kun byed rgyal po las ni ma gtogs pa// sangs rgyas sems can snang srid snod bcud dang// chos su grags pas bsdus pa thams cad la// kun byed rgyal po las ni gzhan mi snang// zhes sems dpa' rdo rjes bsgrags so// byang chub kyi sems kun byed rgyal po las sems dpa' rdo rjes kun byed kyi rang bzhin rtogs pa'i sgo nas bsgrags pa'i le'u ste nga drug pa'o//// de nas byang chub kyi sems kun byed rgyal po las sems dpa' rdo rje la bstan pa gtad pa'i le'u 'di gsungs so// kye sems dpa' rdo rje 'di zung zhigakhyod ni rang 'byung ye shes te/khyod ni nga yis snying po 'byung// nga yi rang bzhin 'di zung shig/ nga yi rang bzhin rnam gsum las// sku gsum ston pa byung ba yang// de yi rang bzhin khyod kyis zung// de yi bstan pa rnam gsum yang// bstan pa smra ba'i seng ge gyis// dus gnas 'khor la sogs pa yang// nyid kyis byas par lung ston cig/ kun byed nga yi rang bzhin nam// kun byed nga yi mtshan bshad bzhin// khyod kyis nga yi rang bzhin zung// nga ni kun gyi rang bzhin yin// sangs rgyas mes po nga yin gyis// sangs rgyas kun gyi mes po gyis// kun byed rgyal po nga nyid ni// sku gsum ston pa'i pha yin gyis// khyod kyis sku gsum pha ma gyis// dus gsum sangs rgyas mes po gyis// sems can kun gyi yang mes po// smra ba'i seng ge smra ba'i tshe// ji ltar snang ba'i chos rnams kun// sems dpa' chen po nyid dang ni// kun byed rgyal po nga las ni// gzhan yin smra bar ma byed cig/ sku gsum bstan pa'i nang nas ni// rgyu dang 'bras bu rnam gnyis las// rgyu la bsgrubs nas 'bras bur 'dod// sems can sangs rgyas ming btags nas// sems kyis sangs rgyas 'bras bur sgrub// 'di ni nga yi bstan pa min// kun byed nga yi rang bzhin ni// rgyu dang 'bras bu gnyis las 'das// sems can sangs rgyas gnyis med pas// sangs rgyas sems kyis sgrub ma byed// kun byed rgyal po nga nyid ni// sems nyid rang 'byung ye shes so// zhes gsungs so// byang chub kyi sems kun byed rgyal po'i mdo las bstan pa gtad pa'i le'u ste lnga bcu rtsa bdun pa'o//// byang chub kyi sems kun byed rgyal po rdzogs so//// rgya gar gyi mkhas pa shrI siM ha pra b+hA dang// bod kyi lots+tsha ba pa gor bai ro tsa nas bsgyur cing zhus te gtan la phab pa//// de nas byang chub kyi sems kun byed rgyal po rang 'byung ye shes skye ba med par rtogs nas cang mi gsung bar bzhugs so// de nas sems dpa' rdo rje dam pa des 'di skad ces zhus so// kye ston pa'i ston pa kun byed rgyal po lags// legs par gsungs pa'i mdo dag mthar phyin nas// ston pa gsum po nyid kyis ji ltar rtogs// bstan pa gsum po nyid kyis ji ltar rtogs// 'khor gnas dus kyi rang bzhin ji ltar rtogs// nyid kyis ji ltar rtogs pa'i dgongs pa'i don// bdag cag rnams la legs par bstan du gsol// zhes zhus so// de nas byang chub kyi sems kun byed rgyal pos rtogs pa bshad pa zhes bya ba'i rgyud phyi ma 'di gsungs so// kye sems dpa' rdo rje don 'di legs par nyon// ston pa'i ston pa kun byed rgyal po yi// nga las byung ba'i ston pa sku gsum gyis// so sor 'dul ba'i don du gang gsungs pa// ston pa re dang gnas dang 'khor dag dang// bstan pa sdud pa so sor gnas par rtogs// kun byed nga yi rang bzhin rtogs pa min// kye kun byed nga yi rtogs tshul bstan pa ni// nga nyid skye ba med pa'i rang bzhin te// de las byung ba'i chos ni thams cad kun// rang 'byung skye ba med pa'i dbyings su rtogs// kye sems dpa' chen po legs par da nyon cig/ nga nyid skye ba med par ngas rtogs pas// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs// 'das pa'i sangs rgyas skye ba med par rtogs// da ltar byung ba'i sangs rgyas bzhugs pa yang// skye ba med pa nyid du rab tu rtogs// ma byon slad kyis 'byung ba'i sangs rgyas kyang// skye ba med pa nyid du rab tu rtogs// kye ston pa kun byed nyid kyis rtogs pa ltar// sems dpa' rdo rje khyod kyis rtogs par gyis// sems dpa' rdo rjes de ltar ma rtogs na// kun byed nga yi rang bzhin rtogs mi 'gyur// nga yi rang bzhin khyod kyis ma rtogs na// snying po'i rang bzhin bcu dag rtogs mi 'gyur// rang bzhin bcu yi don la rmongs pa yis// bsgom du med pa'i lung bcu ji ltar rtogs// kye nga yis chos rnams ji ltar bstan pa ltar// sems dpa' rdo rje khyod kyis rtogs par byos// nga yi rang bzhin skye med rtogs pa ltar// kun gyi rang bzhin skye med rtogs par gyis// ston pa gsum yang skye ba med par rtogs// bstan pa gsum yang skye ba med par rtogs// 'khor gnas dus kyang skye ba med par rtogs/dus gsum sangs rgyas skye ba med par rtogs// rgyud drug sems can skye ba med par rtogs// sa chu me rlung nam mkha' lnga po yang// skye ba med pa'i ngang du rab tu rtogs/ khams gsum srid gsum skye ba med par rtogs// 'dod lnga yul lnga skye ba med par rtogs/ des na chos kun byang chub sems nyid de// byang chub sems ni kun byed rgyal po nyid// kun byed rgyal po skye ba med par rtogs// chos kun rtsa ba kun byed nga nyid de// nga nyid ma skyes dbyings su rtogs pas na// kun kyang skye med dbyings su rtogs par 'gyur// zhes gsungs so// byang chub kyi sems kun byed rgyal po las rtogs pa gleng gzhi'i le'u ste nga brgyad pa'o//// de nas byang chub kyi sems kun byed rgyal pos lta ba bsgom du med pa rtogs pa 'di gsungs so// kye sems dpa' rdo rje legs par da rtogs shig/ chos rnams kun gyi rtsa ba kun byed la// lta dang blta bar byed pa yod ma yin// gang la ltar med snying po gang rtogs pa// kun byed nga yi rang bzhin rtogs pa yin// kye ji ltar snang ba'i chos rnams ma lus kun// kun byed skye ba med par kun gnas pa// su zhig snying po'i don la rtogs 'dod pas// kun byed nga yi rang bzhin rtogs par gyis// kye kun byed nga yi rang bzhin ma rtogs par// so sor bstan pa'i lung dang yid 'thad cing// sku gsum ston pa'i don la gang 'jug pa// kun byed nga yi don dang shin tu 'gal// kye ston pa kun byed nga nyid ma gtogs par// lta ba'i rang bzhin kun mkhyen skye med 'di// 'das dang da ltar ma 'ongs sangs rgyas kyis// ma rtogs mi rtogs rtogs par lung mi ston// ma skyes skye ba med pa'i sangs rgyas kyang// kun byed nga yi lung dang phrad nas ni// des kyang lta ba skye med rab tu rtogs// sangs rgyas kun gyi ngo bor byin gyis brlabs// kye kun byed rgyal po ston pa'i lung med na// dus gsum sangs rgyas khams gsum sems can dang// ma skyes lam la lta ba'i rnal 'byor dang// la dgu lung dgu rgal yang sa bcu yis// rang rang dngos po'i don la rtog dpyod pas// ma skyes snying po'i don la sgrib pa'i phyir// rgyu 'bras bral ba'i byang chub snying po 'di// kun gyi lta ba'i don 'di rtogs pa med// kye de bas ston pa kun byed nga yis kyang// 'khor gyi dang po sems dpa' rdo rje la// sku gsum ston pa gsum gyis bshad pa'i lung// de la ma gnas shig par nga lung ston// de ltar nges pa'i lung 'di ma bstan na// dus gsum rgyal ba kun gyi yang mes po// kun byed rgyal po nga yi gdung chad nas// kun kyang 'khor ba'i lam la gzhol bar 'gyur// kye de phyir sems dpa' rdo rje khyod kyis kyang// lta dang mi blta yul las 'das pa la// gang bltas don la rnam rtog mched pa'i phyir// rgyu 'bras can gyi lta ba khyod ma rtogs// shin tu rnal 'byor mi gnas theg pa la// bltas shing brtags pas mthong ba'i don 'gag pas// ma bcos snying po kun byed rang bzhin la// bltas pas mthong ba med pa'i don du rtogs// kye kun byed rgyal po byang chub sems nga ni// chos rnams kun gyi blta ba'i me long ste// gsal la rang bzhin med par kun 'char bas// ma bltas rang bzhin gsal bar lung bstan to// ma skyes de bzhin nyid kyi yul nyid la// blta ba'i yul med mthong ba chen por rtogs// zhes gsungs so// byang chub kyi sems kun byed rgyal po las skye ba med pa'i le'u ste nga dgu pa'o//// de nas byang chub kyi sems kun byed rgyal pos dam tshig bsrung du med par rtogs pa 'di gsungs so// kye ston pa'i ston pa kun byed rgyal po 'di// nga las byung ba'i ston pa sku gsum gyis// dbang po'i khyad par rim par lung bstan pa// kun byed bsrung du yod pa'i don du rtogs// la las sdom dang 'dul khrims dag par rtogs// la las rig 'dzin sdom pa dag par rtogs// la las grangs dang rtsa ba yan lag rtogs// ji ltar brtags kyang rtogs par lung ma bstan// kun byed rgyal po'i dam tshig 'di// bsrung dang mi srung phyogs ris med par bstan// gang gis bsrung dang mi srung med rtogs pa// kun byed nga yi dam tshig rtogs pa yin// kye ston pa'i ston pa kun byed rgyal po nga// rtsa ba byang chub sems su kun gcig pas// kun kyang snying po'i dam tshig yin pas na// bsrung dang mi srung don la 'das par rtogs// kye kun byed rgyal po'i lta ba'i dam tshig ni// skye med nam mkha' lta bur phyogs 'das pas// gang gis de dag legs par rtogs pa de// kun byed rgyal po'i dam tshig rtogs pa yin// kye ston pa'i ston pa kun byed rgyal po ngas// dam tshig bsrung du med par lung bstan pa// dam tshig rtsa ba'i rgyud las gang thos pa// 'dis ni don de legs par rtogs pa yin// kye kun byed rgyal pos snga bar lung bstan ltar/dus gsum chos nyid 'gyur ba med pa'i phyir// kun byed rgyal po nga yi dam tshig ni// dus gsum du ni bsrung du med par rtogs// kye chos rnams rtsa ba sems su gcig pa ltar// dam tshig rtsa ba bsrung du med par gcig/de yang rang sems skye med rtogs pa yin// phyal ba dang ni med pa gcig pu dang// lhun gyis grub pas bsrung ba kun las 'das// kun byed rgyal po'i dam tshig rnam grangs te// skye ba med par rtogs pa'i rnam grangs yin// snying po bsrung du med par don gcig la// rtogs dang ma rtogs khyad par la dgongs nas// drang dang nges pa gnyis su rnam phye nas// bsrung du yod dang med par lung bstan to// kye 'dis ni dam tshig bsrung med rtogs pa'i phyir// dus gsum rgyal ba'i dgongs pa rtogs pa yin// gang gis 'di ma rtogs pa'i rnal 'byor pa// rang sems snying po'i don dang shin tu 'gal// kye kun byed nga yi dam las gang 'das shing// sku gsum ston pa'i dam la gnas pa dag/ bskal pa brgya phrag du ma rnams su yang// snying po'i don dang phrad par shin tu dka'// de phyir kun byed nga yi lung thob pas// dam tshig bsrung du med par rtogs par byos// zhes gsungs so// byang chub kyi sems kun byed rgyal po las bsrung med dam tshig gi le'u ste drug cu pa'o//// de nas byang chub kyi sems kun byed rgyal po des phrin las btsal du med pa 'di gsungs so// kye sems dpa' rdo rje legs par rtogs shig/ ston pa'i ston pa kun byed rgyal po nga'i// rang bzhin las byung ston pa sku gsum gyis// so so ji ltar 'dul ba'i skur byung nas// phrin las btsal bas don dang phrad par rtogs// lus kyi las su phyag rgya bca' bar rtogs// ngag gis sngags dang bzlas pa byed par rtogs// sems kyis 'phro 'du ting 'dzin bsgom par rtogs// sgo gsum yal bar gnas pas grub mi rtogs// kye ston pa kun byed nga yi phrin las ni// btsal bar bya med phrin las lung bstan pas// don dang mi 'gal bsam pa mthar phyung bas// phrin las btsal du med par khyod kyis rtogs// kye ston pa kun byed nga yi phrin las ni// bdag don lhun gyis grub pas bya med rtogs// gzhan don dbyings su gcig pas btsal med rtogs// de ltar khyod kyis nges par rtogs par gyis// kye kun byed byang chub sems su kun byas pas// byang chub sems la bya mi dgos par rtogs// ma byas bya bral snying po byang chub la// bya dang mi bya tha snyad gang gis gdags// kye kun byed rgyal po nga yi phrin las ni// lus kyi las su phyag rgya bcar med rtogs// ngag gis bzlas brjod byar med snying por rtogs// sems kyis 'phro 'du sgom dang bral bar rtogs// 'das dang ma byon da ltar bzhugs pa yang// phrin las bya med rtogs nas mngon sangs rgyas// dug gsum rgyal ba rtogs la rag lus pas// sems dpa' rdo rje thos nas rtogs par gyis// kye nga las byung ba'i ston pa sku gsum gyis// zhi rgyas dbang dang drag po'i lung bstan pa// rnam rtog mtshan ma grangs la dga' ba la// 'dul ba'i rtog pa grangs su bstan pa yin// kye de phyir kun byed nga yis lung bstan pa// thos pa'i don la ma nor brtag par byos// bya rtsol kun dang bral ba'i phrin las kyis// ma byas don kun rdzogs pas rtogs pa 'char// kye sems dpa' rdo rje don 'di legs par rtogs// snying po bya rtsol med pa'i don rtogs pas// bya dang mi bya med par don rdzogs pas// kun byed rgyal po'i phrin las 'di rtogs shig/ kye ston pa'i rgyal po kun byed nga yis ni// byas pa thams cad mtshan ma'i lam du bstan// bya bral phrin las nges don 'di rtogs pas// 'gro ba kun byed rgyal po nyid du 'gyur// snying po bya bral sgo gsum ma nor bas// bya rtsol 'das pa'i don la rtogs pa ni// dus gsum rgyal ba'i dgongs pa gcig pa'i phyir// ma nor lam la rtogs pa nyid mchog yin// zhes gsungs so// byang chub kyi sems kun byed rgyal po las sgo gsum bya ba med par rtogs pa'i le'u ste drug cu gcig pa'o//// de nas byang chub kyi sems kun byed rgyal pos dkyil 'khor bskyed du med par rtogs pa 'di gsungs so// kye sems dpa' rdo rje don 'di da rtogs shig/ nga las byung ba'i ston pa sku gsum gyis// mtshan ma grangs la dga' ba'i gdul bya la// tshogs dang dkyil 'khor bskyed du yod par bstan// gang zhig sku gsum lam la brten byas nas// mtshan ma grangs kyi sgo nas rtog byed pa// bskal ba bye ba brgya phrag yun ring du// dkyil 'khor bskyed du med pa'i don mi rtogs// kye de bas ston pa kun byed rgyal po ngas// tshogs dang dkyil 'khor rang bzhin lhun rdzogs pa'i// ma byas rang bzhin grub pa'i chos nyid la// bskyed cing bsag tu med pa'i don rtogs na// kye kun byed nga yi dkyil 'khor bstan pa ni// rang las byung ba'i dkyil 'khor rdzogs pa'i lung// ma lus snying por rdzogs pas bskyed 'bri med// ma bskyed dus gcig rdzogs pa dkyil 'khor rtogs// kye dkyil ni ma nor don gyi snying po la// 'khor ni 'khor 'das bde chen rdzogs par ldan// de ni dkyil 'khor snying po kun gyi rtsa// dkyil 'khor ma lus 'di la 'dus par rtogs// kye kun byed rgyal po nga yi dkyil 'khor ni// ma lus snying por rdzogs pa'i dkyil 'khor te// gang gis de dag rdzogs par gang rtogs pa// dkyil 'khor bskyed pa med pa'i don la mkhas// kye ston pa'i ston pa kun byed rgyal po ngas// skye med byang chub sems kyi dkyil 'khor gyis// 'gro dang 'ong med kun du khyab par bdal// rtogs pas skye ba med pa'i don la 'jug/ kye rang 'byung ye shes lnga yi dkyil 'khor ni// rtogs dang ma rtogs don la rag lus pas// bskyed dang mi bskyed gnyis su mthong ba yin// dam pa rtogs na bskyed dang mi bskyed med// de phyir sems dpa' rdo rje khyod kyis kyang// sgra la ma gnas don nyid rtogs par gyis// gang gis de la rtogs pa skyes ma thag/ kun byed rgyal po don la 'byor bar 'gyur// kye rgyal ba ma lus 'dus pa'i snying po ste// rang bzhin khyab par gnas pa'i dkyil 'khor 'di// ma skyes rang bzhin gnas pa'i don 'di la// rtogs pa ci bder mnos la ma rtsol cig/ kye rgyal ba kun gyi rang bzhin kun byed ngas// dkyil 'khor bskyed du med par don rtogs pas// de yi rang bzhin sgra thos ma yin par// sems dpa' rdo rje khyod kyis rtogs par gyis// kye kun byed rgyal po chags sdang rnam pa lnga// skye med byang chub sems su bstan pa ltar// sems dpa' rdo rje khyod kyis rtogs nas kyang// de bzhin 'khor la khyod kyis lung ston cig/ ces gsungs so// byang chub kyi sems kun byed rgyal po las dkyil 'khor bskyed du med par rtogs pa'i le'u ste drug cu gnyis pa'o//// de nas byang chub kyi sems kun byed rgyal pos dbang la bskur du med par rtogs pa 'di gsungs so// kye sems dpa' rdo rje don 'di nges rtogs shig/ nga ni ston pa kun byed rgyal po ste// nga las byung ba'i ston pa sku gsum gyis// dbang la bskur thabs yod par lung phog pa// mtshan ma'i rtog pa'i lam la zhen chags pas// nga yi rang bzhin mi mthong bskal bar 'gyur// kye nga ni ston pa kun byed rgyal po ste// nga yi nga bzhin kun byed khyab rtogs pas// nga la gnyis pa'i don ni med pa'i phyir// bskur dang mi bskur don dang bral bar rtogs// gang zag mtshan ma grangs la dga' ba la// dbang gi grangs dang bskur ba'i rim pa bstan// ma bcos don la gnas pa'i gang zag la// ma bskur rang bzhin gnas pa'i rim pa bstan// kye kun byed rgyal po'i rang bzhin kun khyab pas// de ltar 'jug cing rtogs pa'i rnal 'byor la// ma bskur rang bzhin gnas pa'i don rtogs pas// dbang la bskur thob med par lung ston cig/ kye ston pa'i ston pa kun byed rgyal po ngas// bskur thob med par rtogs nas lung bstan pas// skye med rnam dag sems kyi dbang thob nas// rang bzhin bcu yi dbang la rtsol mi 'gyur// sngags dang phyag rgya'i dbang la re mi 'jog/ rdzas dang mtshan ma'i dbang la sems mi 'chags// rang rgyud dag pas mtshan ma'i lha mi bsgom// gza' dang rgyu skar dus tshigs rim pa med// kye ston pa'i rgyal po nga yis rtogs pa ltar// sku gsum ston pa gsum gyis ma rtogs pas// rang bzhin bcu yi don la bsgribs pa'i phyir// kun byed nga yi rang bzhin rtogs pa med// kye ston pa'i ston pa kun byed rgyal po ngas// 'khor gyi dang po sku gsum ston pa las// rang bzhin ma bcos ji bzhin lung phog pa// mtshan ma'i 'jig rten lha la rten mi 'cha'// tshogs la mi rten dbang la rag ma lus// skye med rig pa'i dbang la kun rdzogs pas// ma btsal bde bar bzhag pas don kun rdzogs// kye nga ni ston pa kun byed rgyal po ste// sku gsum ston pa nga yis bkod pa yin// des bstan bcos kyang nga yis bkod pa yin// rang nyid rang la dgod pa bya mi dgos// kye de ltar kun byed rang bzhin gang rtogs pas// thams cad kun byed rang bzhin de rtogs pas// kun byed nga yi rang bzhin rtogs gyis la// mtshan 'dzin zhen pa'i dbang la ma rten cig/ ces gsungs so// byang chub kyi sems kun byed rgyal po las rang 'byung rtogs pa'i dbang gi le'u ste drug cu gsum pa'o//// de nas byang chub kyi sems kun byed rgyas pos lam la bgrod du med par rtogs pa 'di gsungs so// kye ston pa'i ston pa kun byed rgyal po yi// rang bzhin ma skyes gcig tu gnas pa la// skye med mngon du rtogs par dka' ba'i phyir// 'khor gyi dang po ston pa sku gsum gyis// rang rang dga' ba'i lam la gzud pa'i phyir// lam gyi khyad par bgrod du yod par bstan// blo chung brgyud nas don la 'dren pa'i phyir// drang ba'i lung du nga yis rtogs pa yin// kye tshogs dang sbyor lam mthong lam bsgom pa'i lam// mthar phyin rim pa bskal pa brgya phrag dang// tshe gsum bdun sogs dus der 'grub par rtogs// de yis nga yi lam 'di rtogs mi 'gyur// kye kun byed rgyal po nga yi lam bshad pa// nga nyid skye ba med pa'i rang bzhin la// 'jug dang mi 'jug tshig las shin tu 'das// de phyir lam la bgrod du med par rtogs// lam lngar snang ba rnam rtog mtshan ma'i grangs// nga nyid mtshan ma'i yul las 'das pa'i phyir// mtshan ma'i lam gyis bgrod du med par rtogs// kye kun byed nga yi lam la rim med de// skye med thig le chen por gcig pa'i phyir// gcig gi rang bzhin rtogs pa de yi phyir// lam la bgrod med gcig tu rtogs pa yin// kye ston pa'i ston pa kun byed rgyal po nga// nga la 'jug pa'i rim pa'i lam med de// rang 'byung ye shes dus gcig rdzogs pa'i phyir// ma 'grod rang bzhin bzhag pas phyin par 'gyur// de phyir sems dpa' rdo rje khyod nyid kyis// nga la rim par bgrod par ma byed cig/kye nga ni mtha' bral nam mkha'i rang bzhin te// nam mkha'i mtha' la bgrod cing tshi chad ltar// nga yi rang bzhin lam gyis bgrod 'dod pa// tshi tshad nang du de las che ba med// de phyir sems dpa' rdo rje rtogs nas kyang// khyod kyis 'khor gyi nang du lung ston cig/ da ltar nga yi rang bzhin lung bstan pas// kun kyang nga yi rang bzhin nyid rtogs 'gyur// 'jig rten mtshan ma'i lam la zhen mi 'gyur// rnam grangs tshig gi lam la rtsod mi 'gyur// ma bcos bder bzhag rtogs pas pha rol phyin// kun gyi snying po'i lam dang phrad par 'gyur// kye nga ni kun byed chos kyi gzhi ma ste// lam lnga sa bcur ston pa'i sku gsung yang// nga yi rang bzhin mngon du bstan pa yin// de ltar khyod kyis legs par rtogs par gyis// ma bcos bgrod med kun byed kun gyi lam// su zhig bgrod pas byang chub don mi rtogs// kun byed nga yi rang bzhin rtogs mi 'gyur// de bas bgrod du med pa'i don la rtogs// zhes gsungs so// byang chub kyi sems kun byed rgyal po las lam la bgrod du med par rtogs pa'i le'u ste drug cu bzhi pa'o//// de nas byang chub kyi sems kun byed rgyal pos sa la sbyang du med par rtogs pa 'di gsungs so// kye sems dpa' rdo rje don 'di legs par rtogs// ston pa'i ston pa kun byed rgyal po yis// sa la sbyang du med par bstan pa ni// kun gyi yul min brtag par rab tu dka'// kye nga las byung ba'i ston pa sku gsum gyis// dman pa'i rim pa bgrod cing sbyangs pa'i phyir// rnam rtog grangs la dga' ba'i gang zag la// sa yi rnam grangs bcu dang drug tu bstan// bstan pa de bzhin 'khor gyis de ltar rtogs// rnam rtog blo yi grangs la snang bar zad// kye sa drug grangs kyi rang bzhin bstan pa ni// kun tu 'od dang rdo rje 'dzin pa dang// rdo rje 'chang dang stug po bkod pa dang// pad+ma spyan dang rdo rje sems dpa'i sa// rim bgrod rnal 'byor don du gsungs pa ste// lha dang ting 'dzin khyad par re re gsungs// kye ston pa kun byed rgyal pos bstan pa// ji ltar snang ba'i chos rnams ma lus pa// skye med chos kyi dbyings su gcig pa'i phyir// sa yi khyad par med de gcig tu rtogs// kun byed nga yi sa la ma sbyar na// rtog pa'i sa yi rnam grangs kun thob kyang// so so rang gi rnam rtog snang ba las// kun byed nga dang phrad par lung mi ston// kye kun byed rgyal po sa yi rang bzhin ni// ma bcos ma sbyangs rig pas lhun rdzogs sa// sbyangs shing bgrod kyang don dang mi phrad kyi// rang bzhin rtogs pas dus gcig rdzogs par byed// kye theg gcig kun byed byang chub sems kyi sa// skye med khyab pas rtogs pa'i rang bzhin ni// gang ltar bgrod pa nam mkha'i mtha' tshol 'dra// ma bgrod rang bzhin bzhag pas grol bar ston// kye ston pa'i ston pa kun byed rgyal po nga// sa yi ngo bor nga nyid shar ba'i phyir// nga yi sa la mtho dman rim pa med// kun byed nga yi sa 'di rtogs par gyis// nga nyid kun gyi mdun du mngon phyung yang// sku gsum 'khor gyis rnam rtog grangs su rtogs// kun byed rgyal po'i dgongs pa zab mo yang// gang ltar bltas pas mthun par lung mi ston// kye nga yi 'khor gyi dang po sku gsum gyis// rang rang mos pa'i 'khor la chos bstan pa// sku gsung thugs kyi theg pa re re dang// sa re lam re 'bras bu re re bstan// kun byed nga yi sa lam ma rtogs na// rnam grangs sa des nges pa'i lam mi rnyed// des na sems nyid kun theg sems kyi sa// rtsa ba'i sa la brtan par rtogs par gyis// sa yi rang bzhin snang med 'di rtogs na// kun byed byang chub sems kyi sa la gnas// zhes gsungs so// byang chub kyi sems kun byed rgyal po las sa la sbyang du med par rtogs pa'i le'u ste drug cu lnga pa'o//// de nas byang chub kyi sems kun byed rgyal pos spyod pa blang dor med par rtogs pa 'di gsungs so// kye nga ni ston pa kun byed rgyal po ste// nga las byung ba'i ston pa sku gsum gyis// la las dge spyad sdig pa dor bar rtogs// la las gtsang sme blang dor gnyis su rtogs// la las gtsang smre gnyis ka spyad par rtogs// spyad dang ma spyad med pa'i don ma rtogs// gang dag spyod pa 'di la gnas pa ni// rang rang gnyen po'i rtogs pa byed pa yis// dmigs pa yid la sbyangs pa rtogs par 'gyur// blang dor med pa'i spyod pa rtogs mi 'gyur// kye kun byed rgyal po'i spyod pa bstan pa ni// dge sdig blang dor gtsang sme che chung kun// skye med byang chub sems su kun gcig pas// blang dang dor ba med pa'i don du rtogs// gtsang dang mi gtsang med pa nyid du rtogs// spyad dang ma spyad gnyis su med par rtogs// mtha' dang dbus su 'byed pa med par rtogs// gzhi rtsa skye med byang chub sems su rtogs// kye kun byed rgyal po'i spyod pa bstan pa ni// gang ltar spyad pa de ltar mi 'gal te// byas dang ma byas gnyis ka skye med pas// shes pas gang ltar spyad pa skye med don// kye kun byed rgyal po nga yi spyod pa la// mkha' ltar gnas pas grangs dang tshad gzung med// gnyis su med pas min yin phyogs las 'das// kun byed byang chub sems kyi spyod par rtogs// 'dod pa lnga yang sems kyi spyod par rtogs// chags sdang lnga yang sems kyi spyod par rtogs// rgyan gyi rgyu lnga sems kyi spyod par rtogs// khams gsum srid gsum sems kyi spyod par rtogs// skye med ma rtogs pa yi spyod pa ni// rgyal ba kun gyi mes po ngas ma bshad// kye de phyir sems dpa' rdo rje khyod kyis ni// kun byed nga yi spyod pa 'di rtogs la// blang dor med par kun gyis rtogs pa'i phyir// nga yi 'khor gyi nang du lung ston cig/ kun byed nga yi spyod pa ma rtogs par// sku gsum ston pa'i 'khor la gang zhen pas// 'jig rten log pa'i lta spyod la 'chol nas// blang dor med pa'i spyod pa rtogs med byed// kye ston pa'i ston pa kun byed rgyal po yis// 'khor gyi nang du spyod pa'i lung bstan pa// ma chags blang dor med pa'i spyod pa yis// thams cad skye med mnyam par rtogs lung bstan// sems dpa' rdo rjes 'khor la lung bstan pas// 'khor kyang blang dor med par rtogs par 'gyur// 'khor dang mya ngan 'das pa'i chos rnams ni// skye ba med pa nam mkha'i rang bzhin ltar// nga dang khyod kyis rtogs pa ji lta bar// khyod kyis 'khor gyi nang du lung ston cig/snga bar lung bstan thos pa la brten nas// rtogs pas kun byed nyid la gnas par 'gyur// zhes gsungs so// byang chub kyi sems kun byed rgyal po las spyod pa blang dor med par rtogs pa'i le'u ste drug cu drug pa'o//// de nas byang chub kyi sems kun byed rgyal pos ye shes rang la sgrib pa med par rtogs pa 'di gsungs so// kye ston pa'i ston pa kun byed rgyal po ngas// ji ltar 'dul ba'i thabs su bstan pa'i phyir// nga las byung ba'i ston pa sku gsum gyis// sgrib pa bsal zhing ye shes bsgrub par rtogs// sku gsum ston pas 'khor la de ltar bstan// 'khor gyis go zhing rtogs pa de bzhin te// rang rang mos pa'i don la zhen pa'i phyir// kun byed nga yi 'khor du 'du mi byed// kye kun byed nga yis 'khor la lung phog pa// ji ltar snang grags gnas pa'i chos rnams kun// ma skyes de bzhin nyid du kun gcig phyir// sgrib dang mi sgrib chos su gnas mi byed// de phyir ye shes sgrib par nga ma 'byed// sgrib dang mi sgrib chos su ris mi lta// mthar thug med pa'i don la grangs mi bgrang// rgyu dang 'bras bus snying po'i don mi skyed// kye ston pa kun byed rgyal po nga yi bka'// sku gsum ston pa'i lung dang mi mthun pas// skye med gcig la mtshan ma'i grangs mi bgrang// yul shes mi blta gnyen po'i tshogs mi bsnyen// rig dang ma rig skye med dbyings gcig pas// gcig la gnyis 'dzin mtshan ma'i grangs mi 'debs// rnam par mi rtog 'du shes nang mi 'jog/ res 'jog ma yin dus gcig kun mkhyen pas// de ltar sems dpa' rdo rjes rtogs par gyis// kye ston pa kun byed nga yi ye shes nyid// bgrang du med la bgrang na mtha' las 'das// che ba re la ye shes grangs bstan pas// brjod pas de dag mi rdzogs lung bstan to// kye kun byed rgyal po nga yi ye shes ni// rnam par mi rtog spros pa kun dang bral// rab zhi gdul med mkha' ltar gnas pa ste// skye ba med pa zhes su bstan pa yin// rang 'byung ye shes gcig las ma g.yos kyang// rnam pa'i khyad par ma bcos so sor gsal// de ltar gang gis rig cing rtogs pa nyid// kun byed rgyal po'i sras su lung bstan to// ye shes skye med rtogs pa ji lta bar// sems dpa' rdo rjes de ltar rtogs par gyis// kye nga ni ye shes kun byed rgyal po ste// ma rig pa yi lta ba sel bar byed// sgrib pa'i dra ba ma lus gcod byed cing// ye shes snang ba rgyas par mched par byed// kun byed nga ni rang 'byung ye shes te// nga las ma byung ye shes gcig med pas// ye shes ma lus nga yis bkod pas na// nga ni ye shes rgyal po zhes su bshad// nyon mongs ye shes gsal bar byed 'dod na// kun byed nga yi lung ni rtogs par gyis// zhes gsungs so// byang chub kyi sems kun byed rgyal po las ye shes bsgrib pa med par rtogs pa'i le'u ste drug cu bdun pa'o//// de nas byang chub kyi sems kun byed rgyal pos lhun grub btsal du med par rtogs pa 'di gsungs so// kye nga ni ston pa kun byed rgyal po ste// nga ni lhun grub btsal du med pa yin// nga yi rang bzhin khyod la bstan par bya// khyod kyis nga yi don la legs rtogs shig/kye nga ni ston pa kun byed rgyal po ste// nga las byung ba'i ston pa sku gsum gyis// nga yi rang bzhin shin tu rtogs dka' bas// so so'i thabs kyis btsal du yod par bstan/ de yang ji ltar nges par bstan zhe na// la la bden pa bzhi yi lam zhugs nas// nyon mongs ye shes spong len rtsol bar bstan// la la rten 'brel lam la zhen pa yis// nyon mongs ye shes dgag bsgrub rtsol bar bstan// la la bden pa gnyis kyi lam la 'jug byas nas// sbyangs shing rtsol bas 'bras bu thob par bstan// la la gzung 'dzin bya ba'i rtsol ba yis// grub pa ltar gsal tshul du gnas par 'dod// la la las dang ting 'dzin rtsol ba yis// blang dor sgo nas 'bras bu thob par 'dod// la la ting 'dzin rnam gsum rtsol ba yis// blang dor byas pas 'bras bu thob par 'dod// la la ting 'dzin 'phro 'du'i rtsol ba yis// blang dor med pa'i 'bras bu thob par 'dod// la la rgyu 'bras ting 'dzin rtsol ba yis// sku gsung rdo rje sems dpa'i 'bras bu thob// kye 'di dag btsal zhing bsgrub pa'i 'bras bu yis// kun byed nga yi rang bzhin rtogs mi 'gyur// kye kun byed rgyal po nga yi rang bzhin ni// kun la khyab kyang mi rtogs mchog tu gsang// nga yi rang bzhin ma mthong gsang ba'i phyir// rtsol sgrub can gyi theg pas skur btab pas// bskal pa bye ba khrag khrig yun ring du// ngan 'gro tha ma'i gnas su de skyes nas// bde ba bral zhing dbang po ma tshang zhing// snying po'i don dang bral zhing bskal par 'gyur// kye nga ni ston pa kun byed byang chub sems// nga ni mtha' ltar yongs su khyab pa'i phyir// kun dang 'brel zhing yongs kyi don byed pas// btsal zhing bsgrub pa yod par lung mi ston// nga yi don 'di khyod la bstan pa yis// btsal zhing bsgrub tu med par nges par rtogs// sems dpa' rdo rjes ji ltar rtogs pa de// nga yi 'khor la khyod kyis lung ston cig/ kye nga ni ma btsal lhun gyis grub pa'i phyir// ji ltar rtogs pa khyed la lung bstan pas// khyed kyis chos kun pha ltar rtogs par 'gyur// de nas rtsol bsgrub med par dbugs phyin pas// kun byed rgyal po nyid du lung bstan to// de bas sems dpa' rdo rje dam pa yis// ma bcos bskal par sbyangs pa'i skyes bu la// 'bad rtsol med par sa la gzhag pa'i phyir// btsal bsgrub med par rtogs par lung ston cig/ ces gsungs so// byang chub kyi sems kun byed rgyal po las lhun grub btsal du med par rtogs pa'i le'u ste drug cu brgyad pa'o//// de nas byang chub kyi sems kun byed rgyal po la sems dpa' rdo rjes 'di skad ces bsgrags so// kye khyod ni kun byed rgyal po ste// ji ltar snang ba'i chos rnams kun// byed pa'i rgyal po khyod kyis byas// ma lus khyod kyis kun byas kyang// byed pa'i rgyal po khyod nyid la// bya mi dgos te gdod nas grub// dus gsum sangs rgyas khyod kyis byas/khams gsum sems can khyod kyis byas// rgyud drug lam lnga khyod kyis byas// skye bzhi 'gro lnga khyod kyis byas// ston pa gsum yang khyod kyis bkod// bstan pa gsum yang khyod kyis bkod// sdud pa gsum yang khyod kyis bkod// dus gsum 'khor yang khyod kyis bkod// rang 'byung lnga yang khyod las byung// rgyan gyi rgyu lnga khyod kyis bkod// rang bzhin bcu yang khyod kyis bstan// kun byed rgyal po byang chub sems// mdo lung kun gyi ngo bo khyod// bstan pa'i me long mun sel sgron// 'khor gyi mun pa sel mdzad pa// khyod ni rgyal ba kun gyi mes// rang 'byung thabs mchog kun gyi yab// 'byung gnas shes rab kun gyi yum// spros pa med cing zhi ba med// ngag las 'das shing snying po med// mkha' ltar dag cing spyod yul 'das// kun gyis rtogs par bya ba'i yul// sgro skur 'das pa chos kyi dbyings// thog ma mtha' ma dbus las 'das// 'khor lo 'byung gnas snying po can// rin chen pad+ma'i snying po ltar// yid 'phrog tshim pa med pa'i sku// theg pa'i snying po dag gi rgyan// sku gsung thugs la mtshan med de// bdag gis rtogs dka'i don rtogs pas// rgyal ba kun gyi yang mes po// kun byed rgyal po khyod la 'dud// ces bstod cing bsgrags so// de nas byang chub kyi sems kun byed rgyal pos sems dpa' rdo rje la 'di skad ces pa bsgrags pa mdzad do// e ma ho sems dpa' rdo rje'i sku// rgyal ba kun gyi'ang sku gsung thugs// gsang ba'i mdzod la mnga' brnyes shing// smra ba'i seng ge bla na med// dam pa'i gsang ba rtogs pa'i thugs// gsang ba rgya mtsho sgrogs pa'i gsung// yon tan lhun grub rdzogs pa'i sku// khyod ni rgyal ba'i sras po ste// kun byed rgyal po nga nyid ltar// rgyal ba kun gyi mes po gyis// sa khams rnams kyi mun sel gyis// rnal 'byor rnams kyi bla ma gyis// gsang ba kun gyi rgyal po ste// bstan pa phyi ma gsang ba 'di// rnal 'byor pa la lung ston cig/ ces gsungs so// byang chub kyi sems kun byed rgyal po las rtogs pa bsgrags shing bstod pa'i le'u ste drug cu rtsa dgu pa'o//// rgyud phyi ma zhes bya ba mdo lung bcu gnyis pa rdzogs so//// de nas byang chub kyi sems kun byed rgyal pos chos thams cad skye ba med par mnyam pa la gzigs shing dgongs nas cang yang mi gsung bar bzhugs so// de'i tshe sems dpa' rdo rje de nyid kyang ston pa de ltar gyur pa yang rig/ chos thams cad skye ba med par rtogs pa la dgongs nas cang yang mi smra bar 'khod do// de nas phyogs bcu nas lhags shing 'khod pa'i 'dus pa phal mo che dag gis de ltar rtogs nas sems dpa' rdo rje la 'di skad ces bskul lo// yang dag par bskul to// nges pa dam par bskul to// e ma ho// sems dpa' rdo rje chen po bdag cag la phan gdags pa'i slad du rtogs pa'i don la ji ltar bsgom pa de ston pa la zhu ba'i dus la bab bo// nges par dus la bab bo zhes bskul bas sems dpa' rdo rje de dga' ba'i mdangs dang bcas te dang zhing mos pa'i mdangs phyung nas stan las langs te ston pa'i mdun du 'di skad ces zhus so// kye ston pa'i ston pa kun byed rgyal po lags/khyod kyi mdun du bdag 'dus 'khod pa de// bdag 'tshal ba yi don ni ci zhig mchis// bdag 'tshal don ni khyod kyis bstanadu gsol// zhes zhus pa las byang chub kyi sems kun byed nyid cang yang mi gsung bar bzhugs te sems dpa' rdo rjes 'di skad ces zhus so// kye ston pa'i ston pa kun byed rgyal po lags// chos sku skye med thig le'i rang bzhin la// ston pa gsum po nyid kyis ji ltar bsgom// bstan pa gsum du nyid kyis ji ltar bsgom// sdud pa gsum du nyid kyis ji ltar bsgom// 'khor gnas dus kyi rang bzhin ji ltar bsgom// chos rnams kun gyi don la ji ltar bsgom// bsgom pa'i lung bcu bdag la bstan du gsol// zhes zhus so// de nas byang chub kyi sems kun byed rgyal pos 'di skad ces gsungs so// kye sems dpa' rdo rje don la da sgoms shig/ bsgom du med pa'i chos nyid byang chub la// sgom dang bsgom par bya ba gnyis med na// ma bsgoms rang bzhin bzhag na bsgom pa yin// don ni kun don skye ba med pa ste// rnam rtog mtshan ma de bzhin rig byas nas// dran bsam yid la rgyu ba ma lus kun// skye ba med pa'i ngang las ma yengs pa// gang ltar bsams kyang sgom pa yin shes na// ma bsgom gang ltar bzhag kyang yengs pa med// kye nga la byung ba'i ston pa sku gsum gyis// mtshan ma bsgom la dga' ba'i gang zag la// rang rang gang ltar 'thad pa'i lung bzhin du// bsgom du yod ces kun la lung du bstan// kye nga ni ston pa kun byed rgyal po la// ston pa rang 'byung rig pa'i ye shes las// ma bsdus ston pa gsum yang de la 'dus// ston pa de la ma bsdus ston pa de la 'dus// ston pas de la bsgom du med par bstan// bstan pa brjod bral rig pa mtshon 'das la// bstan pa gsum yang de la 'dus te gnas// ma bcos rig pa'i gzhal yas 'og min na// gzhal yas gsum yang de la 'dus par bshad// ji ltar snang ba'i chos rnams thams cad kun// snying po byang chub sems la kun 'dus pas// 'khor gsum dus gsum kun du 'dus par bshad// ma bsdus rang bzhin 'du ba'i ye shes ni// sdud pa de las gzhan pa yod ma yin// ma bsgom rang bzhin bzhag pa'i lung 'di la// bsgom du yod dang med pa'i lung mi ston// re dogs sgro skur 'dzin pa'i sems mi 'jog/ ces gsungs so// byang chub kyi sems kun byed rgyal po las bsgom du yod med bstan pa'i le'u ste bdun cu pa'o//// de nas byang chub kyi sems kun byed rgyal pos lta ba sgom med kyi dgongs pa 'di gsungs so// kye nga ni ston pa kun byed rgyal po ste// nga las byung ba'i ston pa sku gsum gyis// mtshan ma rtog pas 'dul ba'i gang zag la// mtshan ma rtog pa'i ting 'dzin grangs su bstan// la las zhi ba'i ting 'dzin sgom par byed// la las zab mo'i ting 'dzin sgom par byed// la las zhi gnas lhag mthong 'brel ba yi// bdag med ting nge 'dzin la gnas par byed// la la mtshan ma dag pa la brten nas// mtshan ma rje dang 'bangs su dmigs par byed// la la lta spyod 'brel med la brten nas// 'brel ba'i ting nge 'dzin la gnas par byed// la la mtshan med don la brten byas shing// mtshan ma'i ting nge 'dzin la gnas par byed// la las rang rgyud dag pa la brten nas// rnam gsum 'phro 'du'i don la gnas par byed// la la rgyu 'bras dag pa gtsor byas nas// 'od kyi ting nge 'dzin la gnas par byed// 'di dag mtshan ma grangs kyi ting 'dzin te// ston pa kun byed rgyal pos lung ma bstan// kye ston pa kun byed nga yis lung bstan pa// ma lus skye med rnam dag ting 'dzin te// bsgom dang mi sgom rkyen la rag ma lus// bsgom bya ji ltar snang ba'i chos rnams kun// gang du ji ltar bzhag pa'i tshul med par// ma btsal rang sar bzhag pas bsgoms pa yin// kye bsgom du med pa'i man ngag 'di dag la// tshig dang sgra las 'das pa'i don yin phyir// snga rabs kun byed rgyal pos lung ma bstan// phyi rabs kun byed rgyal pos lung mi ston// da ltar kun byed rgyal pos lung bstan med// kye ston pa'i ston pa kun byed rgyal po yis// ma nor dgongs pa'i don la lung bstan pa// sgro skur 'das pa don gyi snying po la// bsgom dang mi sgom mkha' la rtsod pa 'dra// rtogs pa'i don las ma yengs dgongs pa ste// dngos po ma yin dngos po med ma yin// phyogs min phyogs las 'das pa ma yin par// bsgom dang mi sgom phyogs la gnas mi byed// kye ston pa'i ston pa kun byed rgyal po ngas// bsgom dang mi sgom mtshon par mi nus ltar// snying po don la gnas pa'i rnal 'byor dang// sems dpa' rdo rje de la gnas par bya// kye dus gsum ston pa kun byed rgyal po yis// skye med byang chub sems kyi dgongs pa la// ming dang tha snyad tshig tu 'di'o zhes// ma bstan mi ston bstan par mi mdzad do// lta ba bsgom du med par don rtogs na// bsgom dang mi sgom res 'jog log pa'i lam// dam pa'i dgongs pa skye med thugs chud na// dam pa de la log dang ma log med// kye kun byed rgyal po nga yis lung phog ltar// ma bsgoms bsgom du med par rtogs goms nas// skal ldan rnal 'byor gang zag su yang rung// kun byed rgyal po nyid du lung bstan to// zhes gsungs so// byang chub kyi sems kun byed rgyal po las// lta sgom dbyer med pa'i le'u ste bdun cu gcig pa'o//// de nas byang chub kyi sems kun byed rgyal pos bsrung du med pa de bzhin nyid du gnas pa 'di gsungs so// ston pa'i ston pa kun byed rgyal po yis// rnam rtog mtshan ma'i lam la gnas pa'i bar// bsrung dang mi srung khyad par gnyis mthong ba// rtsa ba yan lag bcas pa bsrung bar bstan// kye kun byed nga ni ye nas de bzhin nyid// de bzhin nyid la gzung 'dzin med pa'i phyir// chos rnams de ltar gang gis rtogs pa la// bsrung dang mi srung 'du shes 'jug pa med// kye nga ni ma bcos kun byed byang chub sems// gnyen po mi bstan yul la 'jug mi byed// rang 'byung lhun grub rig pa'i dam tshig la// 'da' nyams med pas ched du bsrung ba med// rang rig ma nor blo yi tshad ma yis// ma bcos snying po'i don la 'jug par byed// skye med thugs su chos kun ro gcig pas// 'jug dang mi 'jug mtha' la nga mi gnas// kye sems dpa' rdo rje don la goms par gyis// dgongs don gsang ba'i rig pa ma shar na// tshig dang sgra la 'dzin pa'i goms pa dag/ kun byed nga yi lung dang phrad mi 'gyur// bsrung du med pa'i dam pa'i dgongs pa 'di// kun du ye nas ma bsrungs gnas pa la// kun byed nga yi dgongs pa ma goms na// ji ltar bsrungs pa tshi chad nad du 'gyur// kye kun byed nga yi dgongs pa'i dam tshig ni// ma yengs dran pas dngos po ye shes su// ma bcos sus kyang ma byas rang 'byung ste// rig pas dbang bsgyur bsrung dang mi srung med// ji ltar snang ba'i chos rnams thams cad kun// rang 'byung snying por gsal bas dbang bsgyur bas// kun byed rgyal pos byas pa'i chos rnams la// rig dang ma rig gnyis ka'i yul las 'das// kye ston pa'i ston pa kun byed rgyal po yis// bsrung dang mi srung yul las 'das pa ltar// sems dpa' rdo rjes don la goms byas nas// nga yi 'khor la de ltar lung ston cig/ nga yi 'khor la de ltar lung bstan na// bya ba'i 'du shes lam las grol bar 'gyur// skye ba med pas kun kyang zhi bar 'gyur// kun byed rgyal po nga yi thugs su 'gyur// kye nga ni kun byed rgyal po byang chub sems// nga la sgro dang skur pa'i yul med pas// gang la sems par ma byed bsgom ma byed// sgo gsum bcos par mi bya lhug par bzhag/gza' dang rgyu skar tshes grangs dus tshod med// yid la mi byed sngags dang phyag rgya bral// de bas kun byed byang chub sems nyid la// bsrung dang mi srung sa mtshams med par bshad// ces gsungs so// byang chub kyi sems kun byed rgyal po las// lta sgom 'dar med pa'i le'u ste bdun cu gnyis pa'o//// de nas byang chub kyi sems kun byed rgyal pos bya med rtsol ba dang bral bar rtogs pa 'di gsungs so// kye nga ni kun byed rgyal po ste// kun byed rgyal po nga yi dgongs pa ni// bsam pa'i yul las 'das pas bsgom du med// kye sems ni ji bzhin pa yi ngo bo ste// ji bzhin pa la 'chos par byed ma myong// rang 'byung nga la rgyu rkyen kun dang bral// sgo gsum btsal med lhug pa nyid du zhog/ gang zhig bya rtsol mtshan ma'i rjes 'brangs pa// kun byed nga dang phrad par mi 'gyur ro// kye ston pa'i kun byed nga yi phrin las ni// bya ba med pas rtsol ba'i las mi byed// dmigs pa med pas bsgom pa'i 'du shes bral// 'du 'bral med pas ma brjed yid la zhog/ byung tshor skye ba med pas gsal 'gyur nas// gang yang byas pa med par las kun grub// kye nga ni ston pa kun byed rgyal po ste// rgyal ba kun gyi phrin las ngas byas kyang// rang 'byung ye shes bya med rdzogs pa'i phyir// ji bzhin pa yi las la byed ma myong// ma btsal ji bzhin nyid du sems dpa' zhog/ji bzhin ma bcos rgyal ba'i dgongs pa la// sems dang sems las byung ba ci skyes kyang// de nyid skye med nyid du gnas shes na// bya rtsol mtshan ma'i 'du shes kun dang bral// kye sems dpa' rdo rje ji bzhin nyid sgoms shig/ rtogs pa rang sar grol ba'i lta ba la// ma yengs rang bzhin bzhag pas bya btsal med// kun kyang rang 'byung rang sar grol ba yin// kye sems dpa' rdo rje ji bzhin nyid sgoms shig/rang lus mi bcos dbang po mi rtul te// ngag kyang mi gdams bya rtsol byar yang med// sems kyang gar gtad mi g.yo'i ngang la bzhag/ bya ba med pa'i phrin las 'di bsgoms pas// byas pa med par don kun rdzogs par 'gyur// kye ji bzhin rtsol bral bde ba chen po la// sgo gsum mi rtsol bcos shing dmigs mi byed// yid la mi byed mtshan ma'i rjes mi 'brangs// rang 'byung ye shes bde ba'i don la bzhag/ 'di ni rang 'byung 'od gsal dgongs pa ste// kun byed rgyal po'i dgongs pa'i phrin las so// kye sems dpa' rdo rje ji bzhin nyid sgoms shig/ ma bcos ji bzhin nyid la 'jug pa la// tshad ma mi dgos gnyen pos bcos mi dgos// rtogs pa'i don la ma bcos de bzhin zhog/ kye bya ba med pa'i rang bzhin las 'di la// sgo gsum rtsol ba byas pas zin mi 'gyur// kun byed rgyal po'i dgongs pa la gnas pas// nga yi dgongs pa phrin las lhun gyis grub// ces gsungs so// byang chub kyi sems kun byed rgyal po las ji bzhin pa la bya rtsol dang bral bar gnas pa'i le'u ste bdun cu gsum pa'o//// de nas byang chub kyi sems kun byed rgyal pos snying po 'du 'bral med par gnas pa 'di gsungs so// kye ji bzhin pa la sems dpa' rdo rje sgom// ston pa'i ston pa kun byed rgyal po yis// snying po dgod du med par bstan pa ni// ji bzhin gtso 'khor med pa'i don du bstan// kye rig pa'i rgyal po gsal bar dbang bsgyur bas// snying po rtsol bsgrub 'das pa'i bdag nyid de// rtogs pa ye shes mchog gis len par byed// 'di ni kun byed rgyal po'i dkyil 'khor yin// kye ston pa'i ston pa kun byed rgyal po yis// snying po sku yi dkyil 'khor bkod pa ni// ji ltar snang zhing gnas pa'i chos rnams kun// skye ba med pa'i chos dbyings ngang la bkod// snying po'i don la blang dor med pa'i phyir// de yang kun byed nga yis bkod pa yin// kye ston pa'i ston pa kun byed rgyal po yis// snying po gsung gi dkyil 'khor bkod pa ni// ji ltar grags shing gnas pa'i chos rnams ni// skye ba med pa'i dbyings las gsung du bkod// snying po brjod du med pa'i gsung la 'dus// de yang kun byed rgyal pos bkod pa yin// kye ston pa'i ston pa kun byed rgyal po yis// snying po rig pa'i dkyil 'khor bkod pa ni// ji ltar dran rig rtog pa thams cad kun// ma skyes kun byed nyid kyi don du rig/ kun byed nga yi sku gsung thugs nyid ni// ma bcos rnal du bzhag pa'i dkyil 'khor gsum// ma bkod dus gcig rdzogs pa'i don rtogs pas// lhun grub snying po don la 'jug par byed// kye sems dpa' rdo rje ji bzhin nyid sgoms shig/rang 'byung snying po mchog gi dkyil 'khor la// sgo gsum lhug pas ji bzhin ngang bzhag na// kun byed nga yi dgongs par gnas pa yin// snga rabs 'das pa'i kun byed rgyal pos kyang// dgongs pa rnal du bzhag pas don rdzogs la// ma byon dus kyi kun byed rgyal pos kyang// ma bcos rnal du bzhag pas don rdzogs 'gyur// da ltar bzhugs pa'i kun byed rgyal pos kyang// dgongs pa rnal du bzhag ste gnas pa yin// kye sems dpa' rdo rje chen po khyod sgoms shig/ nga yi 'khor du gtogs pa'i rnal 'byor pa// kun byed rgyal po'i dgongs pa 'di nyid la// ma btsal rnal du bzhag par lung ston cig/dgongs pa rnal du bzhag pa'i don 'di ni// kun gyi spyod yul min pas mi shes shing// mnyam par bzhag pas rtogs pa'i yul las 'das// kun byed rgyal po de la gnas par byed// ces gsungs so// byang chub kyi sems kun byed rgyal po las snying po don la gnas pa'i le'u ste bdun cu bzhi pa'o//// de nas byang chub kyi sems kun byed rgyal pos rig pa dbang sgyur la gnas pa 'di gsungs so// kye sems dpa' rdo rje ji bzhin nyid sgoms shig/ rig pa'i rgyal pos gsal bar dbang sgyur nas// mtshan ma'i bde ba'i dbang la rag mi lus// rtogs nas mi rtog don la ji bzhin zhog/ kye kun byed rgyal po dbang thob rig pa na// dngos po ma bcos ji bzhin rtag tu shar// rgyu dang rkyen med zhi ba mchog gi lam// gzhi bzhag gang ltar bzhag kyang de nyid dang// kun byed rgyal po thabs chen rtogs pa'i dbang// kun kyang ji bzhin yul la 'jug pa na// skyon dang yon tan gnyi ga mnyam shes nas// 'jug dang mi 'jug don las shin tu 'das// kye kun byed rig pas dbang sgyur dgongs pa 'di// ngag gis smrar med dmigs pa'i yul las 'das// dran pa zhi zhing spros pa med pa ste// mkha' ltar khyab cing phyogs cha yongs kyis med// kye sems dpa' rdo rje de bzhin nyid sgoms shig/ bsgom dang mi sgom yul las 'das pa la// gnyis ka 'byung 'jug re dogs med pa yis// mnyam par mi 'jug don la sgom mi byed// dbang po dngos grub mi len bcos su med// kun byed rgyal po nyid la gus par gnas// kye ston pa kun byed rgyal po nga nyid ni// rang 'byung sgom du med pa'i snying po ste// ye shes gsal ba bsgrub pa med pa yin// dbang ni rtogs pas re dogs bcad pa yin// 'di la nges par 'jug pa'i rnal 'byor pas// shin tu rnal 'byor rgyu 'bras 'das pa'i lung// ma bcos ye shes kun byed rgyal po la// gang ltar 'di ltar 'jog ces lung mi ston// snga bar ma gsungs phyis kyang mi gsung zhing// da ltar byung bar gsung bar mi mdzad do// kye ston pa'i ngo bo kun byed rgyal po yis// bsgom zhing bsam du med pa'i chos nyid la// ma bsams yal bar gnas pas 'khor ba nyid// btsal zhing bsgoms pas rtog pa'i mtshan ma'i lam// de bas re dogs bcas pa'i ting 'dzin ni// gnas pas grol bar kun byed lung mi ston// kye ston pa'i ston pa kun byed rgyal po yis// rtogs pas gnyi ga'i 'ching ba rab bcad nas// mi 'gal mnyam pa'i don la gnas byas pas// kun byed nga yi dgongs pa lhun gyis grub// kye gang gis 'ching ba de rtogs bcad byas shing// grol bar mi 'jug mya ngan 'das mi len// snying po'i don la phyogs ris dmigs mi 'dzin// don la mi sgom snying rje yul mi 'jug/ kye kun byed rgyal po nga yis gang bstan pa// sems dpa' rdo rjes don la goms par gyis// ye shes dran pas dbang sgyur rig pa'i ngang// 'di ni kun byed rgyal por ngas lung bstan// zhes gsungs so// byang chub kyi sems kun byed rgyal po las rig pa dbang sgyur la gnas pa'i le'u ste bdun cu lnga pa'o//// de nas byang chub kyi sems kun byed rgyal pos snying po don gyi lam 'di gsungs so// kye sems dpa' rdo rje don la da sgoms shig/ snying po mi rtogs don gyi lam 'di la// nam mkha'i mtha' ltar gnas pas ma khyab med// skye med min pa med pas mi sgom med// rtog dpyod yul las 'das pas dmigs su med// snying po mtshan ma 'das pa'i yul 'di la// bgrod pa'i yul las 'das pas bgrod pa med// lam la mi bgrod sa la mi sbyong zhing// mi rtog bde la gnas pas lhun gyis grub// kye kun byed rgyal po nga yi lam nyid ni// chos kyi dbyings su gcig pas bgrod du med// snying po don dang 'grogs pas yengs pa med// thig le gcig tu 'dus pas gar mi 'gro// kye de yi don la sems dpa' rdo rje bsgom// bsgom du med pa'i don la ma bsgoms na// mtshan ma'i grangs la bskal pa brgyar bsgoms kyang// kun byed nga yi dgongs pa rtogs mi 'gyur// rnam rtog yul la mtshan ma'i grangs las 'das// kun byed bya mi dgos la byar yang med// bya ba mtshan ma'i rnal 'byor rjes zhugs shing// bya bas mi zin rtog pas rtog pa 'jil// chu las rnyog ma bzhin te byas pas bslus// kye sems dpa' rdo rje don la legs par sgoms// nga ni ston pa kun byed rgyal po ste// dus gsum rgyal ba kun gyi lam 'dren pas// khyod kyang nga yi lam la legs par zhugs// 'das pa'i sangs rgyas skye med lam du zhugs// ma byon skye med lam la 'jug par 'gyur// da ltar sangs rgyas skye med nyid la gnas// des na kun byed rgyal po kun gyi lam// kye lam 'dir 'jug cing bsgom pa'i rnal 'byor pa// da lta nyid las rgyal ba'i sa la gnas// dgongs pa mi 'dzin phyogs ris gzung du med// snying po'i lam la 'jug dang mi 'jug 'das// kye rnal 'byor dus gcig 'jug pa'i skal ldan la// kun byed rgyal po'i dgongs pa bstan byas nas// rtogs pa'i rlung la dran zhing 'dris pa las// bsgom zhing 'jug tu med par lung ston cig/ kye nga ni ston pa kun byed byang chub sems// ma lus kun byas byang chub sems su byas// sems nyid skye ba med pa'i lam du byas// skye med bde ba'i lam la 'jug tu med// skal ldan rgyal sras dam par nges pa la// kun byed nga yi lam 'di goms byas nas// bgrod med rtsal med snying po'i don rtogs nas// kun byed rgyal po nyid du the tshom med// ces gsungs so// byang chub kyi sems kun byed rgyal po las snying po lam la gnas pa'i le'u ste bdun cu drug pa'o//// de nas byang chub kyi sems kun byed rgyal pos don la sbyang du med pa 'di gsungs so// kye sems dpa' rdo rje rtogs pa'i don la sgoms// ston pa'i ston pa kun byed rgyal po yis// bsam gyis mi khyab nges pa'i dus bstan pa// snying po rtogs pa'i sa zhes bshad pa yin// bde chen nges pa'i dus su gang bstan pa// de ni goms pa'i sa zhes bshad pa yin// gzhan dag rtsol zhing spyod pa'i khyad par dag/khams gsum 'khor ba'i snying po bsgrib pa'i sa// sa zhes bya ba gnas pa'i khyad par ste// gang la gang gnas de ni sa yin no// kye sku gsum ston pa'i sa la grangs bgrangs kyang// kun byed rgyal po'i sa la rim pa med// sa dang sa yi rim pa'i khyad par yod// ces pa sku gsum ston pas 'khor la bstan pa yin// kye ston pa'i ston pa kun byed rgyal po yis// mnyam nyid skye ba med pa'i rang bzhin la// thabs dang snying po rtogs pa'i gang zag gis// sgrib dang sa yi khyad par med par bstan// kun byed rgyal po nga yi rang bzhin ni// dus gsum 'byung 'jug mi byed yid la byed pa med// ris su mi lta mtshan ma'i yul mi tshol// kun byed rgyal po'i dgongs pa'i lung du bstan// kye kun byed rgyal po nga yi dgongs pa ni// tshig dang yi ges mtshon pa mi rnyed cing// sgra dang tshad mas gtan la dbab tu med// skye ba med pas 'gag pa med pa yin// 'phel ba med cing yongs su 'grib mi byed// mtshan ma min zhing de nyid min pa'ang min// kye ston pa'i ston pa kun byed rgyal po ngas// ji ltar snang ba'i chos rnams thams cad kun// skye ba med pa'i ngo bor byin brlabs pas// rtogs pa de nyid ngang du ldog par 'gyur// kun byed rgyal po nga yi byin rlabs kyis// sems dpa' rdo rjes ji ltar rtogs pa ltar// phyi rabs kun byed lung la dad pa la// dngos po skye ba med par byin rloms shig/ de ltar bsgom du med pa'i snying po la// ma yengs dran pas bzung ba man ngag yin// kun byed rgyal po byang chub sems 'di la// bshad pas ma yin tshigs su bcad pas min// bsgoms pas ma yin ma bsgoms pas kyang min// snying po sngags dang phyag rgya kun las 'das// kye kun byed rgyal po nga yis bstan pa'i sa// ma lus 'di la brten pas spong len med// phyogs cha med par khyab pas che chung med// chos kyi dbyings su gnas pas rtog dang mi rtog med// de phyir dus gcig gnas pa'i sa 'di la// sems dpa' rdo rje legs par gnas par gyis// zhes gsungs so// byang chub kyi sems kun byed rgyal po las don la sbyang med kyi le'u ste bdun cu bdun pa'o//// de nas byang chub kyi sems kun byed rgyal pos mnyam pa la blang dor med pa'i dgongs pa 'di gsungs so// kye ston pa'i ston pa kun byed rgyal po yis// skye med byang chub sems kyi rang bzhin la// ji bzhin ma bcos gnas pa'i dgongs pa la// blang dang dor ba yod par lung ma bstan// skye med rang bzhin sgros skur bral ba ste// blang dang dor ba sgro skur don du bstan// su zhig snying po'i don la zhugs pa yis// sgro skur 'das pa snying po'i don du bstan// gang yang bsam pa kun las 'das byed pa// blang dor med par rtogs par lung bstan to// kye sems dpa' rdo rje snying po'i don la sgoms// nga ni ma nor don gyi snying po la// blang dor rnam rtog bcos pa'i yul med de// rang bzhin bde ba mchog gis goms par byed// kun byed rtogs na snying por kun gnas pas// snying po'i don la blang dor lung ma bstan// skye zhing 'jig pa'i chos su'ang lung ma bstan// bzang ngan gtsang sme'i chos su'ang lung ma bstan// rtog dpyod bsam pa'i yul las 'das par bstan// kye sems dpa' rdo rje nges par nga sgoms shig/ bsgom dang bsgom par bya ba'i yul nyid ni// ma bcos kun byed sems kyi rang bzhin la// bsgom dang mi sgom blo yi yul las 'das// kye kun byed rgyal po byang chub sems nga ni// nga yi 'khor du 'dus pa'i tshogs rnas la// blang dang dor ba'i chos nyid nga mi ston// gcig la gnyis su dbye ba'i chos mi ston// rtog dang dpyod 'das rtog dpyod bsam mi byed// ma bcos ji bzhin pa la 'chos ma byed// bya ba gang btang ci snang chos nyid la// ma bsams rang bzhin bzhag pas grol bar ston// kye sems dpa' rdo rje chen po da sgoms shig/ blang dor med pa'i chos nyid byang chub la// mkha' ltar gnas pas lus sems bcos su med// 'du shes zhen 'dzin med pas bsgom du med// mkha' ltar rab zhi rnyog pa kun bral la// yul la mi 'jug dgongs pa'i dmigs 'jug bral// kye sems dpa' rdo rje legs par da sgoms shig/ dbang po yul la mi rtog sems mi sdud// gnyen po ma brten lus sems rgyud ma sbyongs// lus sems ma bcos snying po'i don du rtogs// kye kun byed rgyal po nga yi spyod pa ni// ma btsal lhug par gnas pas don kun rdzogs// snying po'i don du 'dus pas blang dor med// re dogs rnam par chad pas mya ngan 'das mi sgom// kun byed nga yi spyod pa gang rtogs pas// dus gsum skye med don du mnyam pa la// 'jug dang mi 'jug tshig las shin tu 'das// 'di ni blang dor med par lung bstan to// zhes gsungs so// byang chub kyi sems kun byed rgyal po las mnyam pa la blang dor med par bstan pa'i le'u ste bdun cu brgyad pa'o//// de nas byang chub kyi sems kun byed rgyal pos rang 'byung snying po'i ngang la sgrib pa bsal du med pa'i dgongs pa 'di gsungs so// kye ston pa'i ston pa kun byed rgyal po yis// snying po sgrib med dgongs par lung bstan pa// ji ltar snang ba'i chos rnams ma lus pa// skye med chos kyi dbyings su kun gcig pas// skye med snying po thugs kyi rang bzhin la// sgrib dang mi sgrib khyad par bstan pa med// kye sems dpa' rdo rje legs par da sgoms shig/ skye med chos kyi dbyings su gcig pa la// sgrib dang mi sgrib spong len gang 'dod pa// dam pa'i snying po'i don dang 'gal bar 'gyur// kun byed byang chub sems kyis lung bstan pa// skye med bsgoms pas skye ba snying por gsal// mkha' ltar rtog dpyod 'das la gang gnas pas// sgrib dang mi sgrib byang chub sems su gnas// kye kun byed rgyal pos 'khor la lung bstan pa// ye shes sgrib med gsal ba'i don du bstan// rang 'byung rgyu rkyen med pa'i snying por gnas// rtogs pas sgro skur 'das pa'i dgongs pa yin// kye de phyir sems dpa' rdo rje da sgoms shig/ rang 'byung ye shes dmigs pa kun las 'das// rtogs pa dmigs pa'i don du gzhog mi byed// yul las 'das pas rnam shes srung mi byed// dngos po snying por gsal bas sgom mi byed// rnam pa snying por gsal bas re dogs med// kye ston pa'i ston pa kun byed rgyal po yis// ma bcos 'khor gyi nang du lung bstan pa// ma bcos snying po chos kun rtsa ba la// ji ltar snang ba gtan la 'bebs par byed// snying po rang bzhin gcig gi don rtogs na// kun gyi rang bzhin kun byed nyid du 'dus// des na kun byed nga yi don mkhas na// bsam gyis mi khyab chos la mkhas par 'gyur// kun byed nga yi don la goms 'gyur na// kun gyi don la gnas shing goms pa yin// kye sems dpa' rdo rje legs par da sgoms shig/ji ltar snang grags chos rnams thams cad la// snying po rtogs goms don nyid gcig las med// snying po mngon du phyung nas gang bstan pa// rang bzhin skye ba med pa'i don du rtogs// ma yengs re dogs chad pas dgongs pa yin// kye sems dpa' rdo rje legs par da sgoms shig/ ji ltar snang ba'i chos su gang bstan pa// kun byed rgyal po mtshon pa'i thabs su bstan// thabs de'i lung dang 'gal bar ma byed cig/ kun byed nga yi sras su zhugs rnams kyis// kun kyang skye med don du rtogs 'gyur na// 'khor dang mya ngan 'das par mi sems te// snying po rang bzhin rtog dpyod bral bar bstan// zhes gsungs so// byang chub kyi sems kun byed rgyal po las mi sgrib pa'i le'u ste bdun cu dgu pa'o//// de nas byang chub kyi sems kun byed rgyal pos lhun grub re dogs las 'das pa'i dgongs pa 'di gsungs so// kye sems dpa' rdo rje legs par da sgoms shig/ nga ni ston pa kun byed rgyal po ste// ji ltar snang ba'i chos rnams ma lus pa// skye med sems kyi rang bzhin nyid du bstan// kye sems kyi rang bzhin lhun gyis grub pa'i phyir// grub dang ma grub gnyis su lung mi ston// bde dang sdug bsngal gnyis su rtog mi byed// 'khor dang mya ngan 'das par re dogs bral// lhun grub sems kyi rang bzhin cir snang bas// ma byung stong pa'i don du smra mi byed// gzhi rtsa snying po rtog dpyod las 'das pas// grub cing brtan pa'i phyogs su zhen mi byed// kye sems dpa' rdo rje legs par da sgoms shig/lhun grub rtog dpyod 'das pa'i snying po la// grub dang ma grub don la rtog mi byed// de phyir khyod kyang rtogs par ma byed cig/ kye lhun grub bya rtsol 'das pa'i snying po la// gang zhig phyogs ldog med pa'i zhen pa ni// ji ltar nus pa mkha' la rtsod pa ltar// kun byed nga yi rang bzhin mthong mi 'gyur// gang gis gang spangs ldog par 'dod pa ni// re dogs 'jigs pa'i sems dang ma bral bas// mtha' bral mtha' la zhen pa'i gang zag gis// lhun grub snying po'i don la ji ltar reg/ kye sems dpa' rdo rje legs par da sgoms shig/ ma skyes rnam par dag pa'i don snang bas// snang ba dngos por mi lta 'jig mi byed// snang ba skye ba med par rang grol bas// stong pa mi sgom ji bzhin rtogs pas grol// kye ston pa'i ston pa kun byed rgya?l po ngas// ji ltar snang ba'i chos ni thams cad kun// ma skyes rnam par dag par lung bstan pas// ji ltar skye ba med po nyid du rtogs// kye nga las byung ba ston pa sku gsum la// sems nyid skye ba med par kun smra zhing// de bzhin med pa'i don la kun rtsod kyang// skye med mngon sum dus kyis rtogs pa med// de phyir kun byed rgyal po'i lung 'di la// shes nas ma yengs don la gnas pa las// rtsol bas mi 'jug gnyen pos sems mi sbyong// yul la mi 'jog dran pa'i sems mi sdud// gang ltar byung ba de nyid don yin pas// kun byed nga yi don la 'jug par gyis// kye ston pa'i ston pa kun byed rgyal po yis// ma bcos sems kyi 'khor la lung phog pa// ma lus skye med rtogs pa'i rnal 'byor pa// rang bzhin bcu las rtsol bar ma byed cig/ kun byed byang chub sems kyi rang bzhin la// shes pas gzung 'dzin mi shes spang med pas// rtogs pa dbang skur don la gnas pa yis// kun byed rgyal po'i dgongs pa lhun gyis grub// ces gsungs so// byang chub kyi sems kun byed rgyal po las lhun grub re dogs bcad pa'i le'u ste brgyad cu pa'o//// de nas byang chub kyi sems kun byed rgyal po la sems dpa' rdo rjes 'di skad ces zhus so// kye ston pa'i ston pa kun byed rgyal po lags// ji ltar snang ba'i chos ni khyod kyis byas// bstan pa'i dam chos ma lus khyod kyis bkod// dam pa'i rang bzhin khyod kyis bstan pas na/khyod kyi rang bzhin rtogs na chos kun rtogs// de bas kun byed nyid kyi rang bzhin 'di// 'dus pa'i tshogs kyis gsal bar ma rig pas// don du ji ltar gnas pa bshad du gsol// zhes zhus so// de nas byang chub kyi sems kun byed rgyal pos mdo lung rgyud la bsdu ba 'di gsungs so// kye sems dpa' rdo rje legs par nan tan gyis// ston pa'i ston pa kun byed rgyal po yis// 'khor la mdo lung bsdus pa 'di phog pa// legs par bstan pa'i don la nan tan gyis// kye nga yi rang bzhin skye med don gcig la// rgyud kyi rang bzhin rnam pa gsum du bstan// gdams pa rnam pa gsum gyi rim pa yis// rgyud ni rtsa ba'i rgyud dang phyi ma dang// phyi ma'i phyi mas don rdzogs bstan pa yin// kye rtsa ba thos pa'i rang bzhin bstan pa ni// nga yi rang bzhin lnga bcu rtsa bdun gyis// dngos po'i don kun gtan la phab pa ste// sems dpa' rdo rje legs par nan tan gyis// kye nga yi rang bzhin lnga bcu rtsa bdun ni// mngon du phyung ba'i mdo lung bcu po dang// nges par bstan pa'i mdo lung bcu po dang// rgyu 'bras 'das pa'i mdo lung bcu po dang// bya med rdzogs pa'i mdo lung bcu po dang// gtan la 'bebs pa'i mdo lung bcu dag dang// dgos ched so sor bstan pas lnga bcu lnga// gcig gis gzhi bstan gcig gis gdams pa bstan// kye ston pa'i ston pa kun byed rgyal po yis// mngon du phyung ba'i mdo lung bcu bstan pa// dang po dang ni bcu dang gnyis bstan pa// bcu gnyis pa dang gsum dang nyi shu pa// bcwa lnga pa dang nyi shu lnga pa dang// nyi shu rtsa gcig drug pas rdzogs pa yin// gdams ngag phog pas mngon phyung mthong ba'i phyir// bcu drug pa yis mngon phyung dgos pa bstan// kye ston pa'i ston pa kun byed rgyal po yis// nges par bstan pa'i mdo lung bcu bstan pa// bzhi pa sum cu gsum pa bcu gsum pa// bcu gnyis pa dang lnga dang sum cu gnyis// sum cu drug dang sum cu bzhi pa dang// nyi shu dgu dang bcu bdun pa yis rdzogs// nges par bstan pa'i dgos pa yid ches dag/ lnga bcu rtsa lnga pa yis bstan pa yin// kye ston pa'i ston pa kun byed rgyal po yis// rgyu 'bras 'das pa'i mdo lung bcu bstan pa// bzhi bcu gcig pa bcu bzhi sum cu brgyad// dgu pa dang ni so lnga bcu dgu pa// bcwa brgyad pa dang brgyad dang bzhi bcu dang// lnga bcu rtsa gnyis pa yis bstan pa yin// rgyu 'bras 'das pas rtsol sgrub bya mi dgos// bdun pa nyid du nges par bstan pa yin// kye ston pa'i ston pa kun byed rgyal po yis// bya med rdzogs pa'i lung bcu bstan pa ni// nyi shu gnyis dang sum cu pa dag dang// nyi shu bzhi dang nyer brgyad nyi shu bdun// sum cu gcig dang nyer gsum nyi shu drug/ zhe bzhi lnga bcu drug pas bstan pa yin// ma byas rang bzhin rdzogs par bstan pa'i phyir// bzhi bcu gsum pas de yi dgos pa bstan// kye ston pa'i ston pa kun byed rgyal po yis// gtan la 'bebs pa'i lung bcu bstan pa ni// zhe brgyad pa dang sum cu dgu pa dang// bzhi bcu lnga dang so bdun zhe drug pa// zhe bdun pa dang zhe dgu nga gcig pa// lnga bcu pa dang lnga bcu gsum pas rdzogs// gtan la phebs na ma bcos bcos med pas// bzhi bcu gnyis pas dgos pa bstan pa yin// lnga bcu bzhi pas rtsa ba'i gzhi bstan nas// lnga bcu bdun pas gtad cing gdams pa ste// rtsa ba'i rgyud de thos par gces pa yin// kye ston pa'i ston pa kun byed rgyal po ngas// bsam pas gtan la phab ste bstan pa ni// rtsa ba'i rgyud du gsungs pa'i don rnams kyang// rdzogs pa'i rang bzhin bcu ru bstan pa'i phyir// rtogs pa'i mdo lung bcu ru bstan pa yin// kye ston pa'i ston pa kun byed rgyal po yis// bsgoms pas nges par 'byin par bshad pa ni// rang bzhin bcu ru dgongs pas bshad pa yang// skye ba med pa'i don du bsdus te bstan// skye med rtogs pa'i don las ma yengs pas// bsgom pa'i mdo lung bcu ru bsdus te bstan// 'di las 'phro shing thams cad 'dir 'dus pas// kun gyi rtsa ba don gyi 'grel pa'i lung// kun byed nga yi sras su gyur pa la// ming gis don mtshon skye med rtogs phyir bstan// kye sems dpa' rdo rje legs par nan tan gyis// theg pa'i rtsa ba byang chub sems kyi lung// kun byed rgyal pos bsdus pa'i rtsa ba 'di// sems dpa' rdo rje legs par rtogs 'gyur na// rgyal ba'i rgyal ba kun byed rgyal por 'gyur// de phyir kun byed nga yi 'khor rnams la// sems dpa' rdo rjes don 'di lung ston cig/skye med byang chub sems su lung ston cig/ 'khor 'das dbyings su gcig par lung ston cig/ rgyu 'bras dus gcig rdzogs par lung ston cig/ ces gsungs so// byang chub kyi sems kun byed rgyal po las dgongs don lde mig gi le'u ste brgyad cu rtsa gcig pa'o//// de nas byang chub kyi sems kun byed rgyal po la sems dpa' rdo rjes gus pa'i tshul gyis bstod pa// kye ston pa'i ston pa kun byed rgyal po khyod// dus gsum rgyal ba'i rang bzhin chos kyi dbyings// 'khor ba mi spong thugs rje phyogs ris med// ston pa kun byed rgyal po khyod la 'dud// kye ston pa'i ston pa kun byed rgyal po khyod// 'das pa'i sangs rgyas kun byed khyod kyis byas// ma byon pa dang da ltar byed cing mdzad// ston pa kun byed rgyal po khyod la 'dud// kye ston pa'i ston pa kun byed rgyal po khyod/ khams gsum srid gsum byed mkhan khyod kyis byas// rang 'byung lnga dang rgyan gyi rgyu lnga dang// ye shes lnga byas kun byed khyod la 'dud// kye ston pa'i ston pa kun byed rgyal po khyod// sku gsum ston pa gsum yang khyod gyis byas// sku gsum thugs gsum ma lus kun byas pas// ston pa kun byed rgyal po khyod la 'dud// kye ston pa'i ston pa kun byed rgyal po khyod// sku gsum bzhugs pa'i gnas kyang khyod kyis byas// 'khor gyi dang po sdud pa'ang nyid las byung// ston pa kun byed rgyal po khyod la 'dud// kye ston pa'i ston pa kun byed rgyal po khyod// 'dus pa'i 'khor yang nges par khyod kyis byas// bstan pa gsum yang nges par khyod kyis byas// kun byed rgyal po nyid la phyag 'tshal 'dud// kye ston pa'i ston pa kun byed rgyal po khyod// zag med shes rab rtogs pa gsum bstan pas// 'khor gyi mun pa'i dkyil 'khor snang mdzad pa// kun byed rgyal po nyid la phyag 'tshal 'dud// kye ston pa'i ston pa kun byed rgyal po khyod// nyid kyi thugs gcig rang 'byung ye shes las// 'byung zhing sdud pa'i rtsa ba khyod nyid pas// chos kyi snying po khyod la phyag 'tshal 'dud// kye ston pa'i ston pa kun byed rgyal po khyod// ma rig pa yi lam ni bsal nas kyang// ye shes snang ba kun du mched par byed// ston pa kun byed rgyal po khyod la 'dud// kye ji ltar snang ba'i chos ni thams cad kun// rang 'byung nyid pas rgyu rkyen kun dang bral// ma bcos snying po ji bzhin gsal bas na// rang 'byung ye shes kun byed rgyal po nyid// ji ltar brtags kyang gting mtha' dbus med de// kun gyi 'byung gnas bsam pa'i yul las 'das// skye 'gag dmigs 'jug las 'das rnam par zhi// su zhig 'jug cing dmigs dang dad pa dag/ 'di la dman dang dam par dmigs med pas// mi rtsol bde la gnas shing dbugs phyin 'gyur// chos kyi rtsa ba kun byed rgyal po las// ji ltar gnas pa rtsol sgrub kun dang bral// zhes gsungs so// byang chub kyi sems kun byed rgyal po las rjes su bstod pa'i le'u ste brgyad bcu rtsa gnyis pa'o//// de nas byang chub kyi sems kun byed rgyal po la sems dpa' rdo rjes legs par 'dun nas zhus pa// kye ston pa'i ston pa kun byed rgyal po lags// ji ltar snang zhing grags pa'i chos rnams kun// rang 'byung ye shes gcig tu bstan pa'i mdo// chos kyi rtsa ba kun byed rgyal po'i rgyud// phyi rabs rnal 'byor gang dang gang dag las// bstan cing gdams pa legs par bshad du gsol// zhes zhus so// de nas byang chub kyi sems kun byed rgyal pos skal ldan la gdams pa'i don 'di gsungs so// kye sems dpa' rdo rje legs par da nyon cig/ ston pa'i ston pa kun byed rgyal po ngas// ji ltar snang zhing grags pa'i chos rnams kun// ngas byas byed dang byed 'gyur snying po'i don// gzhi rtsa kun 'das snying po byang chub rgyu// dgongs pa mngon du phyung ba'i mdo lung 'di// dad dang dam tshig brtson 'grus che ba dang// snying rje yi rang skyo dang yid ldog med// lus dang bu dang chung ma bran dang nor// gang la'ang ma chags dad dang dga' bas 'bul// 'di dag dad dang dam tshig rtags yin pas// snying po'i don dang ldan pas sbyin par bya// grags pa spang zhing nga rgyal bral ba dang// dam pa snying po'i don phyir lus srog phangs pa med// bka' las mi 'da' rtags dang ldan pa la// snying po don dang skye med bstan pa sbyin// gang gis snying po'i bstan pa bdag thob na// 'jig rten mtshan mas bdag la ci bgyi ste// thob na bdag gis dka' ba sgrub bo zhes// dam bca' legs par gnas na bstan pa sbyin// ji srid bdag dang slob dpon 'tsho ba'i bar// lus dang srog gi 'brel ba ma mchis par/ khyod kyi bka' bzhin bsgrub ces gnas bor la// bstan pa'i snying po kun byed rgyal po sbyin// mdor na lus dang srog kyang 'bul bya zhing// rdzas dang zhing yul rkang 'gros smos ci dgos// gal te bdag la dgos par ma gyur kyang// dam pas blangs te dkon mchog gsum la 'bul// kye ston pa'i ston pa kun byed rgyal po yis// snod min log pa'i gang zag bstan pa ni// grags dang 'jig rten chos la dga' ba dang// nga rgyal dam par mi bkur yid thung ldog/ 'phyar zhing rdzas dang dad par mi ldan te// rang tshod nyams len btsan thabs 'dod pa dang// bstan pa yongs la 'phel zhing mi mthun zhing// sgro skur bdag gzhan gnod sems bsgom pa min// 'di la mi bstan mchog tu gsang bar bya// sngon du rtags dang dad pa brtag bya'i phyir// rin chen dbyig dang chas pas gus mnod kyis// chags sems nga rgyal gzhan sems ma nges la// de la kun byed rgyal po bstan mi bya// snying po'i don la blang dor mi gnas kyang// mi ma yin dag 'byung pos bar gcod cing// mkha' 'gro grub pa can gyis gnyis ka la// dus min 'chi dang 'jigs pa'i dbang gyur nas// sgro skur dbang gis snying po'i theg pa nub// de bas rigs ngan gang zag spang bar bya// 'jig rten zhen pa dpral zhing rgyud brtag phyir// lus dang longs spyod bla mas kun blangs la// nus dang mi nus khyad par rtags ldan nas// snying po don bstan kun byed rgyal po sbyin// zhes gsungs so// byang chub kyi sems kun byed rgyal po las bstan pa gang la gzhag pa'i le'u ste brgya cu rtsa gsum pa'o//// de nas byang chub kyi sems kun byed rgyal po la sems dpa' rdo rjes legs par mdangs phyung ste mdun nas zhus pa// kye ston pa'i ston pa kun byed rgyal po lags// nyid kyi thugs gcig rang 'byung ye shes las// skal ldan dus gcig grol bar mdzad pa'i mdo// mtshan gyi khyad par bdag la bshad du gsol// zhes zhus so// de nas byang chub kyi sems kun byed rgyal pos mtshan gyi rnam grangs rnam par phye ba 'di gsungs so// kye ston pa'i ston pa kun byed rgyal po yis// mtshan gyi khyad par phye ste bshad pa ni// ji ltar snang ba'i chos rnams thams cad kun// ma lus kun byas byed cing byed 'gyur te// nyid la bya mi dgos te lhun grub pas// kun byed rgyal po zhes su bstan pa yin// kye snying po nga la dri ma med pa dang// ma btsal lhun gyis grub pa'i don ldan pas// 'di la btsal zhing sgrub pa mi mnga' ste// byang chub sems zhes nges par bstan pa yin// kye ma gdod nas grub pa'i chos nyid la// rgyu dang rkyen med btsal med snying po 'di// ma bsgribs kun la phyogs ris med gsal bas// rang 'byung ye shes zhes su bstan pa yin// kye ji ltar snang ba'i chos rnams thams cad kun// ma bcos ji bzhin ngang la kun snang bas// phyogs ris gnyis su chad pa'i don med de// bka' yi 'grel pa chos kyi me long yin// kye ji bzhin ma bcos snying po rnal ma la// 'khor dang mya ngan 'das pa 'byung sdud pa// blang dor 'dzin chags rgya las rnam grol te// snying po don gyi theg pa bstan pa yin// kye 'das dang ma byon da ltar rgyal ba la// skye med 'di las ma gzigs mi dgongs pas// ma bcos thig le gzung 'dzin las 'das pas// lta ba'i me long zhes su bstan pa yin// kye nga ni ma bcos ji bzhin snying po la// sgro 'dogs skur 'debs don las kun 'das te// dus gsum rgyal ba nga las byung bas na// rgyal ba'i yum zhes nges par bstan pa yin// kye ma bcos skye med kun byed rgyal po la// ma btsal dgos pa'i yon tan tshad rdzogs pas// btsal zhing bsgrub pa kun las 'das pas na// rgyud kyi rgyal po zhes su bstan pa yin// kye ma bcos don la ma nor blo 'jog pas// snying po don la sgro dang skur ba bral// gnyi ga mi 'gal don du gang ston pa// ma bcos don gyi lung du bstan pa yin// kye ston pa'i ston pa kun byed rgyal pos lung bstan pa// skye med byang chub sems dang ldan pa'i don// gnyis med snying por ro gcig gnas pa la// kun gyi mdo ni mdo ru bstan pa yin// kye ma rig pa yi mun pa sel ba yin// ye shes snang ba mched par byed pa yin// sdug bsngal rgya mtsho gcod par byed pa yin// snying po don la goms par byed pa yin// kye ngas ni ma rig pa yi dmigs bsal nas// skye med byang chub sems ni mngon bstan na// skal ldan rnal 'byor mig dang ldan pa dag/ bya ba med pa'i rang bzhin grol bar 'gyur// theg pa'i yang snying bka' yi rdzogs chen 'di// man ngag snying po lung dang ldan rnams kyis// rang bzhin bde bar gnas na gsal bar 'grub// ma bcos mi 'gyur 'jug cing rtsol ba med// kye nga ni ston pa kun byed rgyal po ste// theg pa'i rtsa ba chos kyi snying po'i lung// sku gsum ston pas ma gsungs rgya che ba// skye ba med par ston pa'i sems rgyud 'di// dus gsum rgyal bas sngon chad ma gsungs te// phyi ma mi gsung da ltar ston mi mdzad// kun byed rgyal pos 'pho 'gyur mi mnga' bas// snga bar gsungs shing phyis kyang gsung 'gyur la// da ltar byung bar gsungs pas skal ldan la// nges par bstan pas 'bad med grol ba'i lung// mdo lung mngon du bstan pa'i bka' rgyud 'di// mi 'phel mi nub snying po 'dzin pa la// kun byed rgyal po nges par khyod la gtad// ces gsungs so// byang chub kyi sems kun byed rgyal po las mtshan gyi rnam grangs bstan pa'i le'u ste brgyad cu rtsa bzhi pa'o//// byang chub kyi sems kun byed rgyal po lta ba nam mkha' ltar mtha' dbus med pa'i rgyud nam mkha'i snying po mchog gi don gsang ba mchog gi mdo lung brgyad cu rtsa bzhi pa rdzogs so//// rgya gar gyi mkhan po dpal gyi seng ge mgon po dang dge slong bai ro tsa nas bsgyur cing zhus te gtan la phab pa/

CLOSE WINDOW