299a3 /// rgya gar gyi mkhan po shrI sing ha dang/ bod kyi lots+tshA ba bai ro tsa nas d+ha he na'i 'du khang du bsgyur ba'o//// rgya gar skad du/ ma hA san+ti bod+hi tsit+ta sarba a ba tA ra bi
299a4 shud+d+hod+diSh+ta tan+t+ra nA ma/bod skad du/ rdzogs pa chen po byang chub kyi sems/ kun la 'jug pa rnam dag ston pa'i rgyud ces bya ba/ dpal kun tu bzang po la phyag 'tshal lo// 'di skad bdag gis thos pa'i dus gcig
299a5 na// thams cad snang zhing de dag de nyid dbyings// rang bzhin mi gnyis chos kun 'gag pa med// ye nas lhun grub ye shes sna tshogs gzhi// byang chub sems dbyings dkyil 'khor rgyas pa'i tshogs/ kun tu
299a6 bzang po sgrib med thams cad mkhyen// ston pa bde chen sku gsum gzhan rgyud sel// zung 'jug dbyer med yon tan 'phrul pa'i dngos// sku gsung thugs mchog khyad par lha yi lha// sangs rgyas gnyis med
299b1 dngos kun dus gsum nyid// 'og min lhun grub chos kyi longs spyod gzhi// zhing khams rnam bkod yon tan kun sna tshogs// 'jig rten grangs med gcig tshul btsal med pa'i// dus gsum 'pho 'gyur med
299b2 pa'i gdan sa mchog/ye shes ma 'gags rin chen sna tshogs mdangs// dkyil 'khor kun tu rgya yongs ma chad pa'i// rgyan tshogs 'dod pa'i longs spyod sna tshogs par// nyid kyi snang ba'i gdan kun rnam par
299b3 brtsegs// de bzhin gshegs pa gzugs sogs rnam dag pa'i// nyon mongs rkyen bcas dug lnga la sogs 'bras// bdag po ye shes mthu lnga'i ngo bo nyid// sku gsung thugs mchog yon tan phrin las
299b4 brgyan// dri med rdo rje snying po 'dus ma byas// bde gshegs 'khor los theg chen mtshon par byed// don kun rin chen sna tshogs 'byung ba'i gzhi// chos rnams rang bzhin pad+mo chags pa nyid// phrin
299b5 las thams cad rtsol bral mthar phyin pa// rigs mchog rgyal ba lnga dang bcas pa'i yum// dkyil 'khor dbyings dang mnyam par sbyor ba'i mchog/ rigs kyi dkyil 'khor grangs med rnam ston cing// thams
299b6 cad rang bzhin sprul pa'i khyad par las// mthu dbang byin brlabs yongs su rdzogs pa'i chos// byang chub sems dpa' sems dpa' chen po'i gtso// dpal ldan 'jam dbyangs byams pa dri ma med// kun tu
300a1 bzang po spyan ras gzigs dbang phyug// sa snying nam mkha'i snying po nyi zla'i 'od// rin chen dra ba brtson pa'i dbang phyug dang// phyag na rdo rje dga' dbang spyan gsal stobs// sgrib pa rnam sel shes rab dran
300a2 pa'i mchog/thugs rje shes rab 'brel tshogs yul dang bcas// grangs med rigs kyi gtso bor gyur pa dag/ rgyu 'bras chos kun rnam par sbyong byed cing// rang gi mtshan brjod ston pa'i don ji ltar// sangs
300a3 rgyas mthu yis phyogs rnams 'khod par 'gyur// ye nas rang bzhin ma bcos dkyil 'khor che// de nyid gtso bo de nyid 'khor gyi tshul// 'byung chen sa chu me rlung nam mkha' las// rang byung rigs tshogs dkyil
300a4 'khor rten dang gnas// 'gro ba'i lam kun 'phrul pa'i mthu mtshungs pas// brtan g.yo'i de bzhin bya ba mthar phyin pa'i// rang byung sangs rgyas pad+ma'i snying po can// gnyis snang gnyis med bde chen khyab pa'i
300a5 dbyings// ston pa gnas 'khor bstan pa gnyis med pa'i// dus gsum nyid na rab tu mthar phyin pa'i// thams cad gnyis med byin gyis brlabs las snang// de dag bde ba chen po chos nyid do// de nas ston
300a6 pa'i cho 'phrul thabs sna tshogs// gnyis med gnyis kyi tshul du snang ba las// thams cad ngo mtshar skyes pas ngoms par gyur// bstod tshig gsang ba'i rgyud kyis gsol ba gdab// chos kun rab tu mi gnas
300b1 gnas med pa'i// dngos tshogs de bzhin rang byung ma btsal dbyings// thabs dang shes rab zung du 'jug pa'i sku// kun tu bzang po sangs rgyas kun gyi dngos// khyed kyi chos nyid byin rlabs brtag dka'
300b2 bas// bdag cag ngo mtshar sgo 'dir the tshom skye// don kun gsang ba'i chos chen 'brel pa'i tshul// sku gsung thugs kyi byin rlabs bsam 'das pa// dus kun thugs rje dri ma med pa'i spyan// mtha' bral
300b3 bstan pa'i snying po theg pa che// dag pa blo gros shin tu sbyangs pa la// thugs kyi ye shes rgyud chen gsang ba'i mthus// de ltar bde gshegs rigs lnga'i sangs rgyas tshogs// gcig gis gcig la dga'
300b4 ba'i gsol 'debs shing// rang gi mtshan nyid gsang don bstan mdzad nas// kun gyis mthun par kun tu bzang la 'dud// de dag byin rlabs ngo mtshar tshogs rgya chen// chos nyid mthu las zhing khams kun
300b5 tu g.yos// snod bcud rab tu 'khrugs shing rnam par grol// sangs rgyas grangs med rigs kyi dkyil 'khor 'byung// de las snang ba'i stong khams rdul snyed kyis// rang gi mthu stobs dpe bral kun tu
300b6 ston// sna tshogs gnas rnams bkod pa chen po'i dbyings// mi 'gyur mnyam pa'i phrin las kun spyod pa'o// zhes kun tu rgya cher ston to// rdzogs pa chen po chos nyid byang chub kyi sems kun la 'jug pa rnam
301a1 dag ston pa'i rgyud las// bstan pa'i gzugs brnyan ji ltar byang zhing snang ba'i le'u ste dang po'o//// de nas thams cad rig pa'i mchog gyur pa// nyid kyi dkyil 'khor chen po tshogs
301a2 zin nas// kun tu chos rnams mi 'gyur sna tshogs pa'i// phyag rgya chen por zung 'jug sna tshogs gsal// rigs mchog rgyal ba kun gyis gsol 'debs shing// rang byung mchod pa'i tshogs rnams kun tu
301a3 'bul// rgyud mchog rol pa'i ye shes 'byung ba'i gnas// byang chub sems bde kun tu khyab pa las// rang snang dkyil 'khor zab mo zung 'brel ba// byin rlabs yul tshogs gnyis med gsang bas 'jug/ de
301a4 yi rang bzhin ngo mtshar chos 'byung ba'i// dngos tshogs lam 'bras gnyis su med pa gang// gza' ba'i yul med spyod pa kun bral bas// lta ba'i don kun grub mtha' sna tshogs cing// mi rtog ting 'dzin
301a5 gsal ba'i gnas 'jug pa// don kun phyag rgya bsgom pa sna tshogs tshul// zin chags gnyis med blang dor phyag rgya'i gzhi// 'ching grol chos kun mtha' yas spyod pa'i sgo/ gol sgrib mthar bcas kun tu 'ching
301a6 byed pa'i// so sor 'dzin med byang chub chen po mchog/ spang thob bye brag dbye zhing dbye ba med// 'bras bu'i tshul chen lhun gyis grub gnas shing// 'di ltar de las de bzhin de 'byung ba'i// 'brel med 'brel
301b1 bcas gzhan du bzhag pa med// thams cad dbyer med bya ba med pa'i chos/ khyad par mtshan nyid gdags pa skabs kyi don// chos kun mthong chos yul med blta ba gang// dbu ma la sogs phyogs chos gol
301b2 sgrib dag/log par 'khrul pa'i nyes tshogs rnam mang ba// sgro 'dogs skur 'debs yang dag don las nyams// mnyam pa chen po'i dbyings su la bzla zhing// blo dman theg pa'i gol sgrib rnam par dag/ rgyu
301b3 'bras rigs 'dzin slar yang 'khrul pa'i tshogs// lam kun bgrod pa'i mthus 'ching phyin pa med// gnyis kyis gnyis bskyed gnyis su grub pa'i chos// rtsol bcas mtha' bskyod don kun phyag rgya
301b4 'jig/gdams ngag dam pa ston pa'i mdzod nas byung/ kun gyi mtshan nyid dmigs par dka' ba'i chos// yon tan rin chen tshogs rnams thams cad 'byung// de yi gnas 'gyur sangs rgyas kun gyi
301b5 yab// dmigs med thugs rje rang las kun snang gsal// ma lus mtha' rnams ye nas lhun grub cing// ji bzhin chos kun ma bcos lhug bzhag cing// phyogs cha lhun grub rang byung ye shes dngos// gzung
301b6 'dzin rnam dag bsgom pa'i gol ba yang// dmigs bral ting 'dzin nyams su myong ba gang// lta ba med pa'i spyod pas mi grol tshul// gzhan nas 'dod pa'i 'khrul pas 'dod pa bsnyeg/ gzhan nas thob par
302a1 'dod pas gol ba'i lam// theg gzhan dad brtson spyod pas don mi rnyed// thabs kyi mtshan nyid che ba'i chos spyod pas/ gsang sngags phyi nang spyod pas gol bar 'jug/ spang blang dbyer med
302a2 mthun 'jug dpe dang bcas// dpe yi 'thad pas yang dag don gsal byed// 'bras bu rang chas gnas pa'i tshul 'dzin cing// ngo bo rang byung byang chub sems kyis brgyan// snang srid rtog tshogs byang chub
302a3 gzhan na med// 'di don dus kun 'gyur med shes pa'i go/ thugs rje mdzad pa gang yang mi 'gog pa// rang bzhin bde ba'i yul rnams mthun pas bsgrub// lhun gyis grub cing bskyod cing bzlas pa'i
302a4 don// ye nas gnas sogs gzhan du rtsol ba'i chos// bden pa zung du 'jug pa'i ngang tshul bzang// gang las gang ltar de dag de yi gzhi// 'di na mos pa tsam gyi 'dzin byed dag/ don kun gsang ba'i theg
302a5 chen 'brel ba'i rgyud// thabs mchog rgyal ba kun gyi byin rlabs kyis// phra ba'i gnad don dgongs pa'i byin rlabs shugs// zhes yang dag pa rgya cher gsungs so// rdzogs pa chen po'i chos nyid byang chub kyi
302a6 sems kun la 'jug pa rnam dag ston pa'i rgyud las/bstan pa'i don zhus pa'i le'u ste gnyis pa'o//// de nas thams cad mkhyen pa'i mchog kun ston byed gtso/ chos kun sna tshogs don 'byung
302b1 brjod pa'i tshig gsang bas// rang byung bde ba'i gnas chen kun tu khyab mdzad cing// mdzes pa'i rigs mchog dkyil 'khor rgya cher bshad cing bzung// mi gnas dmigs pa'i yul med mi rtog chos kyi
302b2 lam// bsngo ba'i cha shas phra ba'i yul las byung ba de// rtog bsgom chos kyi sku ni khyad par don med pas/ rang byung ye shes mi rtog kun tu ji bzhin gnas// thabs la mkhas pa'i thabs kyi bye brag sna tshogs
302b3 kun// thams cad gcig tu 'jug pa'i rgyud ldan don kun gsang// ma 'dres phyag rgya bskyod pa'i tha snyad thabs kyi chos// ye shes rang gnas shes rab che gzhan kun tu btsal// ngo mtshar mthong ba'i yul med
302b4 de la mthong ba'i mig/gang la thob par mi rigs bsnyad pa kun dang bral// chos dang chos nyid rtag tu 'dres shing dbyer med la// don dam chos gzhan lhag par bstan cing bzung ba med// 'khrul dang byang chub
302b5 lam de rtogs pas thob pa med// rang byung ye shes gnyis kyang tshig gi mtha' dang bral// ye nas sangs rgyas bdag nyid mngon gsum gnas pa la// grib ma gzugs kyi dpe bzhin de la rtogs pa 'byung// med
302b6 de med pa ma yin med pa'i snying po 'byung// stong ste stong pa ma yin stong pa'i yul la gnas// nam mkha'i rang bzhin de las 'byung ba'i dran pa bskyed// bye brag 'dzin pa'i bde ba 'dod pa med pas len// chos
303a1 nyid chos tshogs gang dag rgyud 'dzin pa'i// kun tu ma g.yos phyogs rnams sgrub byed chos snang ba// don kun phyag rgya rgya mtsho'i gzhir gyur gsang ba'i yul/ thams cad rnam par mi bskyod dpe yi
303a2 tshogs rnams brjod// rang byung ngo mtshar gtan tshigs yul bral med pa'i mig/ snang med rtogs pa'i rgyud kun don spyod gsang sngags che// gang gis gang la dngos kun mthar 'dzin de yis chos// tha snyad rgyud
303a3 las thams cad 'das pa'i don gsal ba// thos shing dpyod pas rnam mkhyen phyag rgya sngags kyi rgyud// bdud pa'i rtsa bas de dag rgyud bzhin 'khrul pa'i rdzas// tshogs med mtha' 'das bsod nams las rgya
303a4 chen po mchog/yod snang med pa'i khams kun bde bar rang byung zhing// btsal sems so so'i dpe 'das dbye bsal de nyid med// 'das dang da lta ma 'ongs de nyid de snang bas// de yi chos kun mkhyen pas
303a5 don 'dir ston// bden zhing ming dang tha snyad rtogs pa'i mtha' 'gags pa'o// 'di dag rang bzhin dbyer med chos sku'i snang ba nyid// sems kyi tha snyad dkyil 'khor cha shas dag/ dmigs pa'i yul rnams
303a6 zab mo'i dgongs 'jug rtogs dka'i chos// shes pa tsam du smra zhing nang la dngos 'dzin gnyis rtogs rgyun// de med mi 'byung de las mtha' yis rgyud sel ba/ thams cad rtags dang chad pa'i lta ba phyogs su
303b1 'khor// yul sems so so'i rten 'brel gcig las gnyis tshogs snang// rang bzhin ma g.yos de las rtag tu 'byung// gzhan dag 'brel pa'i don gyis gcig las gcig snang zhing// snang dang mi snang tha snyad
303b2 sems kyi chos kun dag/chos dang chos nyid dbyer med gcig las thams cad 'byung// don dam kun rdzob ming tshig dag gi dngos kun stong// mdzes pa ris can so so kun las phyogs rgyas 'gyur// rang byung
303b3 bde ba'i rtog pa'i mdangs gdangs yin nam kyi yul dpyod mtha'// bzang ba'i yul med de las ye shes 'byung ba'i rtsal// sngon med drang srong bzhin du bsgom pa'i yid kyang 'jog/ blta med rnam rtsol 'bad
303b4 pa'i gdung bas zin pa ni// rang bzhin lam de 'khrul pas thams cad mkhyen pa med// ji bzhin pa zhes rnam rtog de phyir rtog bsgom pa// bde ba chen po 'dod pas chags pa'i nad yin te// mi g.yo rang bzhin
303b5 gnas pa'i sman chen ma byas na// mtho ris bgrod pa'i rgyu de nyon mongs zin par 'gyur// las kyi mtha' yis kun tu 'jig cing nye par spyod// 'gyur ba de dag bdag po'i mthu las gzhan du snang// tha dad
303b6 smin la tha dad rtog tshogs bsam dpyod pas// mu stegs rigs can rang gi phyogs kun 'ching bar byed// blta ba bsnyems pas grub mtha' bden grub dngos kun gnas// yang dag srid mtha'i kun tu rtog
304a1 pa'i chu rgyun gsal// nam mkha'i rang bzhin don kun gzhan du 'bras bsgrubs pas// ming dang brda las byung ba'i cha shas dngos su rnam par dag/ lam med lam du 'jug pa rnams kyi nad che
304a2 ba// phyin par 'dod pas ri dgas smig rgyu bsnyegs pa 'dra// rnyed pa'i yul med 'jig rten gsum las myong mi 'byung// sa bcur ltos pa'i gnas kyang byang chub sgrib pa yin// shin tu myur ba'i ye shes bsam
304a3 pa kun dang bral// bshes gnyen kun las byung ba'i nor bu rin chen mdzod// dmigs pa med cing 'gyur ba'i gnas la mi ltos par// nang gi rang bzhin legs pas re ba thams cad skong// brtags na med
304a4 la sna tshogs 'byung ba'i legs pa che// dngos su mi snang chags pa'i cha shas kun la ston// bdag dang gzhan du bral ba'i ston mkhan rin chen mdzod// thams cad grub pa'i yul zhes bdag med snying rjes
304a5 bstan// nang nas ma g.yos nang du btsal ba'i gnas med de// yul phyir chags shing yul la bsdo ba'i dmigs pa med// mi 'byung mi 'jug bdag med snying rje de yin na// gzhan gyis nor min ma byung ye nas
304a6 gnas pa yin// bdag gzhan gang gi phyogs 'dzin mthar phyin sku gsum nyid// ma nges snying po byang chub rtsol med tha dad lam// bdag nyid chos dbyings don tshol gnas ma nges pa yis// rtsal dang sgyu ma'i
304b1 rgyun bral thabs kun dkyil 'khor che// ming bsam yul med bdud tshogs gzhom med dngos grub tshogs// dkyil 'khor chu zla theg tshogs kun 'byung rgyu rkyen bral// rab tu sbyor bas don 'dir bde ba'i ye
304b2 shes gzhi// thams cad ma nges phyag rgyas mthar 'dzin 'jigs pa sel// bya bral yul la mi gnas gnyen pos bcos su med// yan lag chos kyi dbang gis snying po'i yul tshol zhing// rnam pa cir yang mi
304b3 rtog thabs kyis de la rol// snying po'i rang bzhin 'byung ba gzhan na med// rdul phran gcig las bsres shing phyogs bcu kun dang bral// mi gnas don nyid legs pa'i ye shes rang byung ste// mngon sum kun
304b4 tu mi rtog yangs pa'i snying po la// rnam dag lam 'dir zhugs pas mnyam pa'i rgyal po 'thob// mi 'gyur 'gyur ba med pas chags pa'i gnas med de// de bzhin gzung ba'i yul med 'dzin pa'i gnas kyang
304b5 med// yang dag ye shes kun 'byung sa bon tshogs pas bsgrub// nam mkha'i ri mo dmigs pa'i bka' la tha snyad gzhi// mi mkhas 'khor lo'i rgyud thabs mang pos 'khrul zhing rmongs// yongs su spang blang bzhag
304b6 pa'i theg pa thams cad bstan// mngon sum thob par 'dod pas rgyu la rtag tu bsgom// bsgom chags bde ba de las mnyam pa'i don mi 'byung// sku gcig kun tu khyab pas mngon pa'i chos med de// mtha'
305a1 la thug pa med pas dbyings la zad pa med// chos kyi rol pas nyams 'phags lhag pa'i gnas med do// rang byung ye shes che ba'i yul kun ji bzhin gnas// gsang ba'i yul kun de las de
305a2 rgyud 'brel ba'i don// lhag pa'i don 'di thabs dang shes rab gnyis med dang// gang las de bzhin gshegs pa'i phyag rgya gzung byed pa'o// mdzad pa dran pa'i rtags kun zhi ba nyid du sbyor// 'dir 'jug
305a3 gsal ba'i yul nyid mtha' bral rtag tu bde// sems dpa' che mchog dpal mdzod don ldan pas// thug pa'i 'bras bu gsang sngags rgyud 'dir 'gags pa'i chos// de dag ma skyes ye nas bya dang byed pa'i
305a4 rtse// 'di zhes gsung rdzogs brjod pas dge ba'i tshogs 'phel zhing// mi mthun gnas kun 'grib pa'-i bag chags dngos med pa'o// don mthun snang zhing gsang sngags bde gshegs kun gyi tshul// nges pa'i
305a5 blo gros dus kun gnas par thams cad 'jug/ces gsungs so// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las// nges par bstan pa'i tshul gyis bsdus pa'i
305a6 le'u ste gsum pa'o//// de nas thams cad mkhyen pa'i mchog/ ngo mtshar 'jig rten rmad byung ba'i// don kun gsang ba'i rgyud chen po// thabs kyi rnam par spyod pa'i gzhi// gang la yul 'di mthar phyin
305b1 pa'i// phyag rgya rig pa'i bdag nyid sngags// dngos grub yul med mthar phyin pa'i// mtshan bcas 'jug pa'i chos kun las// 'di dag gsang ba'i ye shes sku// rigs rnams tha dad sna tshogs pas// dkyil
305b2 'khor byang chub sems kyi gzhi// tha snyad gang gis rgyun bsgrubs shing// don kun gsang ba'i chos 'jug pa// res bzhin 'byung ba'i gdangs gsal bzhin// med pa'i bsam brjod yun gyis rdzogs// ji ltar
305b3 zab mo'i tha snyad kun// don 'di rnam par grol byed pa'i// sems rgyud tha dad ngo bos 'jog/ dang po'i rtog pas yul kun nyid// shes pa gang gis gang la 'jug/ chos nyid bde ba'i don kun gnas// phyogs
305b4 kyi snang ba ma 'gags chos// bsam 'das dpyod par dka' ba'i tshogs// thams cad kun gyi cha lugs gsal// de las phyogs kyi cha bzung ste// phyi nang kun tu 'byung ba'i tshogs// chos dang chos dbyings
305b5 dbyer med la// mi mthun gnyen po'i rtog 'dzin cing// don dam kun rdzob lhag pa'i gnas// gdags pa'i yul mthar skye ba'i rgyun// ming tshogs byed dngos stong pa'i chos// de dag las kyi mtha' 'gog
305b6 pa'o// 'khrul pas sna tshogs btags pa'i cha// ji ltar mi bsgrib 'khor lo bzhin// nga med phyag rgya'i mtha' gsang bas// byang chub sems kyi lam rgyud gsal// rtog pa'i yul tshogs chos 'dzin pa'i// theg pa
306a1 gzhan rgyud rnam par bsdus// rang byung ye shes ji lta bar// dngos kun gsal ba'i don ston pa'o// 'das pa'i mtha' rnams spyod pa'i yul// de dag dngos kun ma 'ongs dus// da lta'i tshig
306a2 tshogs mtha' las 'das// rang gi ngo bo kun 'jog byed// 'di dag ye nas ma bcos pa'i// 'bras bu'i dngos kun gzhan du 'gyur// de dag blo yi snang bas te// rigs kun ngo bo ma 'gags pa// don kun
306a3 phyag rgya'i cha lugs sku// mi shigs rdo rje lta bu'i dngos// thabs dang shes rab rol pa'i gnas// spyod bcas rnam pa sna tshogs gzhi// byang chub 'khor ba mya ngan 'das// thabs kyi gar tshogs yul kun
306a4 nyid// bde ba'i cha lugs ma rmongs pa// rigs tshogs gsang ba'i lha nyid do/ khams gsum dngos grub lhag pa'i gnas// rang byung sa yi rtags las skyes// don kun phyag rgya'i dkyil 'khor tshogs// sems
306a5 dpa' rang rig kun nas 'jug/ji ltar don kun rang bzhin bcas// phyi nang chos kun rnam par dag/ med pas phyogs su dmigs pa'i yul// thams cad stong pa'i mtha' rnams skyes// med pa'i snying po
306a6 gsang ba'i gzhi// tha dad don min der 'jug pa'i// dpe 'dis zab mo sder bcas pas// dpe yi tha snyad gang du 'jug/ de dag rtag chad stong pa'i yul// sgro skur ming las mtha' rnams gnas// ma 'dres
306b1 gsang ba'i thig le che// bsgrub med mi mthun gnas las skyes// mi bskyod phyi nang med par 'phel// ma bgrod lam kun sa yi dbyings// nam mkha'i dkyil 'khor ji lta bar// 'byung tshogs ma 'dres bkod
306b2 pa'i sgo// theg pa thams cad gsal byed pa// thugs rje chen pos 'jig rten 'das// dran pa'i gnas kun bskyed pa'i phyir// dngos 'di dngos po gsal byed pa'o// bya bral yul kun rnam par gnas// thabs
306b3 kyi rdzas kun snang ba'i tshogs// gang dag zin pas de yi mtha'i// mya ngan 'das pa'i lam kun spyod// bde ba chen po'i 'jug pa ni// 'bras bu 'dod pa med pa'i dbyings// de yi mthu rgyun yul spyod pas// yang
306b4 dag dkyil 'khor gsal mi 'gyur// phyi rol yul tshogs 'dus pa'i bdag/ rdul phran gang bu'i mtshan nyid can// ma byas mtshan ma med chos rtags// nam mkha'i dbyings bzhin phyogs bcur brdal// bza'
306b5 ba'i yul med bsam bral rgyud// rang gi ye shes gsal ba'i gnas// thams cad dngos kun spangs pa'i blos// phyag rgya'i dkyil 'khor gsang dang bral// 'byung 'jug res kyis 'khyil pa las// ye shes yul
306b6 bcas 'byung bar rtsol// sngon gyi drang srong chen po yis// don 'di rtse gcig sgom byed cing// nang gi chos kun 'gags pa'i don// de las de byung mthar byed cing// rnam rtsol zhi bas phyogs gcig
307a1 gnas// rang bzhin ye shes che las nyams// blo rgyud rnam par nyams pas 'khrul// phyi rol las nang nang las phyi// theg pa'i mchog gis grol 'dod pas// des na nyes pas kun tu
307a2 'ching// 'di dag stong dang mi stong zhes// rtag chad bde sdug mtshan mas chags// mi mthun rnam par rtog pa'i yul// ji bzhin chos kun ngo bor 'dzin// des la de yi yul bcas rtog/ thabs rnams 'khrul
307a3 pa'i mthar 'dzin pas// yul med dngos kun sna tshogs 'jug/ bya ba dag las tshul 'di skye// mtho ris byams pa'i gnas bgrod cing// de rgyu thar pa'i chos 'jug pas// ma rig gnas su 'di rgyud
307a4 chos// bdag dang bcas pa'i gnas kun 'jig/ 'jig rten las 'das mi mthun stobs// 'khrul tshogs sdug bsngal skye ba'i rgyun// rgyu 'bras gnyis tshogs mthar 'dzin dmigs// lam med phyogs kyi gnas
307a5 bgrod pas// lam pa'i nyes tshogs nad chen rnams// dus gsum sgrib pa'i 'khrul rtog rkyen// 'jig rten mtshan nyid shes dka' bas// dgos don gsal ba kun gyi yul// rang gi mthar 'dzin dman pa'i
307a6 shugs// dam bcas 'jig rten sgrol ba stobs// de med de yi rgyu 'bras thob// mtha' bzhir spyod pa'i tshul 'bras shing// ma gos byung tshor bstan pa'i sgo/ mtha' dbus phyogs su ltos pa'i yul// rab tu
307b1 dga' ba la sogs 'bras// sbyin sogs stobs kyis bgrod pa'i mthus// rang gi ye shes gnas kun dag/ pha rol phyin sogs sa brnyes pa'o// thabs mkhas shes rab rnam par sbyangs// rgya chen zab mo sngags
307b2 kyi lam// byang chub sems dpa'i dkyil 'khor tshogs// sangs rgyas 'khor bcas kun gyi mdzod// rtog pa'i chos rnams snang byed pa'o// mya ngan 'das par kun rdzogs chos// thabs 'dir rang byung gnas ston
307b3 cing// mi shes the tshom kun tu spyod// bshes gnyen chen po'i gdams ngag las// don kun 'bras bu skye bar 'gyur// gang las ma bstan chos rnams 'bras// ye shes dbyings kyi sangs rgyas tshogs// 'di dag
307b4 yon tan kun 'byung gnas// thams cad grub pa'i gsang ba nyid// rgyud chen snying po'i don gsal byed// thabs 'di rdzogs pa'i sangs rgyas kyis// thams cad yul phyir ma 'dres bstan// gang 'di sangs rgyas
307b5 gang las byung// snang ba phyogs kun gang gi don// cha med yul tshogs cha bral bas// phyi nang dkyil 'khor bkod pa bzhin// 'di ltar phung po 'byung bcas pa// de las de snang rgyun 'brel ba// thabs kyi rtse
307b6 mo kun spags pas// mtha' dag zag pa med pa'i yul// 'gyur ba med pas phyogs chos kun// rang snang dpe rnams sna tshogs byos// nang gi yul can phyi rol rgyun// de mtha' gang du'ang ma 'gags
308a1 pa'o// legs par bstan pa'i gnas rdzogs byed// theg pa thams cad rtsod pa'i gzhi// don gsum the tshom kun bral bas// grangs can yul las grol bar 'gyur// dngos su rtsod pa'i mtha'
308a2 spangs pas// phyag rgya chen po gnyis med pa'o// mi rtag gang dag tha snyad rgyun// de yi dkyil 'khor ji bzhin gsal// ston pa 'jig rten sgron ma'i gtso// sangs rgyas theg pa kun 'das pa'i// mya ngan 'das
308a3 lam 'jig byed bdag/de dag phyag rgya'i tshogs kyis 'joms// gzung 'dzin rtog pa'i yul med pas// sa bon kun 'jug chu bo'i rgyun// ma g.yos dngos kun mtha' 'das pas// phyin ci log rnams kun tu
308a4 snang// bdag gzhan ris su ma grub na// de dag tha snyad ga la 'dzin// yang dag byang chub sems kyi dngos// phyogs bcu dus rnams rdzogs pa nyid// thams cad grub pa'i yul dag ni// dben pa'i rtsal sems
308a5 rdzogs pa nyid// phyed bcas phyed la rab tu sgrol// de las nyi ma'i mdangs rdzogs pa'o// dmigs pa med pa'i thugs rje che// nam mkha'i gza' skar sna tshogs pas// nang nas ma g.yo nad kun zhi// de dag
308a6 gang gi rdzas su spyod// don 'byung gsang chen gsang ba'i rgyud// sangs rgyas thams cad gnyis med sbyor// rtag tu lha yi spyan tshogs kyis// chos kun yul tshogs gsal bar gzigs// stong pa'i chos nyid
308b1 gnyis med pas// chos rnams snang ba'ang gnyis med snang// de ltar snang dang stong pa dag/ dbyer med bco brgyad la sogs par// tha dad mi rtog ma spros pas// rang bzhin kun tu ma nges pa'o// mkhas rnams
308b2 rab tu zhi ba yi// reg pa sna tshogs dbang po kun// mi gnyis tha dad dper bcas pa// rab tu rtogs pa'i mthar phyin pa'o// mi 'gyur mi 'jug sa le ba// thams cad skyes pa nyid nas 'gag/ de las skyes dang
308b3 'gag pa'i rgyun// don 'di rab du snang bar 'gyur// bdag med snying rje chen po yis// pha rol phyin rnams rdzogs byas te// rang byung zag pa med pa'i nor// 'phags pa'i rdzas bdun kun spyod pa'o// der
308b4 'jug dmigs pa'i ting ngai 'dzin// don kun phyogs bcu sna tshogs pa// de yi cha shas dmigs dang bral// dus gsum ma byung skye ba med// thams cad mkhyen pa'i dbang don shes// mi gnas gnyen pos bcos
308b5 su med// las kun rnam par 'byed pa'i tshogs// 'phags pa'i sems las bsrungs pa che// yan lag chos rnams byang chub sems// tha snyad brda yi dbang gis 'jug/ snying po ma g.yos rtogs pa'i rtsal// don
308b6 rdzogs theg pa chen po'i gnas// dang po'i rtsal shugs rim gyis sa// tha dad min la der gnas snang// yul kun tshol byed tha dad chos// der min snang phyir der 'dzin 'khrul// rnam pa kun tu gsal ba'i
309a1 don// cir yang mi rtog theg pa'i gzhi// thabs dang shes rab phyag rgya'i tshogs// kun tu bzang po'i rol pa'i thabs// mi mnyam rgya mtsho'i snying po gzhi// don mthun theg pa'i khyad par
309a2 gyis// chos kun mnyam pa'i dkyil 'khor rdzogs// de las thams cad rab tu sprul// rdul phran khyad par las grub pas// sa rnams mnyam pa'i gzhi yangs par// 'byung tshogs rol pas las byed pa// de dag
309a3 cha shas rdzas las grub// dus dang phyogs cha'i khyad par gyis// nang dang phyi yi rol par snang// 'di ltar kha dog la sogs rdzas// nam mkha'i rang bzhin rnams kyis 'dod// gang byung rdzas kyi khyad par gyis/
309a4 khams gsum rab tu 'jig par 'gyur// de nas grub pa'i mtha' dpyod pas// blo yi chos rnams 'jig par byed// mi gnas don kun ston byed pas// shes rab chen po'i yul mthar phyin// dka' ba'i
309a5 gnas kun bde rdzogs pa'i// don kun phyag rgya legs pa'i gzhi// ye shes chen po'i dkyil 'khor gyi// rang byung ngo mtshar rnam spyod pa'o// de dag thabs kyi bdag nyid las// rgya mtsho'i rlabs bzhin kun tu
309a6 g.yo// chos nyid mngon rtogs las byung ba'i// sangs rgyas kun gyi ye shes mchog/ mngon sum tshul gyi mngon sum mchog/ theg pa'i 'bras bu che ba nyid// mi rtog de bzhin nyid kyi bdag/ nam mkha'i mtha'
309b1 bzhin zab mo'i dbyings// yangs par sbyong bas che ba'i mchog/ rtogs pa'i ting 'dzin mnyam dang bral// yangs pa'i snying po kun gyi gzhi// snying po nyid las snying po'i tshogs// rnam dag thams cad kun tu
309b2 dag/ma dag las tshogs mtshon pa'i tshig/ phyogs bcu'i sangs rgyas kun gyi dngos// rang gi chos kun nges par sbyor// mnyam pa'i lam 'di mthar phyin pas// phyag rgya chen po'i dkyil 'khor rdzogs// bdag
309b3 las gzhan las gnyis ka las// bde ba'i ye shes skye bar 'gyur// gdod nas rab tu rdzogs pa'i chos// rgyu rkyen 'bras bu'i rgyu smin pa'i// thams cad ye shes rnam spyod pas// mtha' rnams phyogs kyi gzung
309b4 bral zhing// phyi nang dbye bas kun spyod dag/ mi 'gyur 'gyur ba med pa'i khams// de dag rang gi las kyis 'jug/ dag pa'i rdzas tshogs nyi shu'i grangs// phyogs mthun gcig pas kun tu bskyed// chags pa'i
309b5 tshul gyis chags bral spyod// ma chags dngos kun 'jug pa'i rgyun// bsam gtan chen po 'di 'dzin pa'i// skyes bu rtog pa'i dra bas bsgribs// mi 'gyur chags pa'i gnas med par// su dag gang gis chos
309b6 don gnyer// thams cad byang chub sems las skyes// gzung dang 'dzin pa kun spangs pa'o// rang bzhin bde bas kun bskyod de// dmigs pa'i ting 'dzin sgo rnal 'byor// tshe 'dir mngon du sbyor 'dod
310a1 pas// 'bras bu mi mthun la spyod byed// rgyu la 'jug pa 'di dag gang// sems kyi gnas la sgrib pa'o// mngon sum thob par 'dod pa rnams// de rgyu sngon du gnyer bar byed// bsgom chags
310a2 rang gi yul zhen pas// thabs bcas rtsol ba'i rtsol bas 'jug/ bde bas nyams pa'i chos bsgrubs kyang// bde ba che las rnam par nyams// bde ba kun gyi gnyer gnas pa'i// A li kA li 'brel ba'i
310a3 gzungs// gnyis med ye shes thugs gsang ba// ma gos spyod pa'i yul gyis min// rdzogs pa'i chos nyid gshegs pa'i chos// sna tshogs ngo bo mthar phyin pas// bya btsal bsdo ba'i rgyu rnams kyang// kun tu
310a4 khyab pa'i chos sku nyid// de yi mdzad tshogs sku rnams las// so so'i rnam bcas tha dad pas// bya ba thams cad rab tu rdzogs// 'di la bsnan par bya ba dang// gzhag cing dbri ba'i chos med de// phyi nang yul
310a5 la bltas byas na// sems nyid zag med ye shes che// de bzhin mtha' las de dag 'jug/ sems dpa' chen po'i 'bras bu'i gzhi/ thabs kyis nyams su myong ba'i dus// nang gi bde ba phyi yi chos// de bzhin
310a6 de yi gnas su gzhi// de las phyag rgya'i bde ba 'byung// chos kyi rol pa'i yul tshogs kun// nyams kyis de yi stobs mtshungs te// nor bas 'khrul pa'i blo bskyed kyang// rang bzhin ye shes nyams pa
310b1 med// dngos 'di byang chub sems rgya chen// rang byung che ba'i snying po las// dus gsum kun tu ji bzhin gnas// rab tu rtogs pa'i dkyil 'khor rgyas// rnal 'byor de yi chos 'dod pas// de bcas tshul ni
310b2 nyams par byed// dga' ba'i rnam grangs so so'i dpe// dgongs par bcas pa gtan la 'bebs// 'di nyid theg mchog gsang ba'i rgyud// dus gsum sangs rgyas kun gyi bka'// ngo mtshar phyag rgya 'da'
310b3 dka' bas// nges don gsang mchog gzung bar gyis// zhes rgya cher bstan to// rdzogs pa chen po chos nyid byang chub kyi sems kun la 'jug pa rnam dag ston pa'i rgyud las// sangs rgyas kun gyi snying po phyag
310b4 rgya'i le'u ste bzhi pa'o//// de nas thams cad 'dus pa'i tshogs// sangs rgyas kun gyis dbang bskur bas// phyogs 'dud pa yi dga' bde yis// rang gi ston pa mnyes par mdzad// e ma bde
310b5 gshegs sangs rgyas kun// rang bzhin dngos rnams ma grub pas// sangs rgyas dkyil 'khor rnam par 'phrul// de yi mtshan ma ya mtshan che// don kun rab tu sgrub pa yi// gsang ba'i spyod pa ji ltar spyad// de
310b6 bzhin gshegs pa dgyes chen po// kun tu spyan ras dbang phyug gis// kun bzang yum dang 'khril sbyor zhing// byang chub sems kyi spyod pas rol// thabs dang shes rab khyad par gsang ba'i mchog/ rang gi
311a1 yum mchog 'khril bas sbyor byas te// don kun gsang ba'i mchog tu dgongs spyod pas// nye bar bstan pa'i cha shas yongs su rdzogs// bde ba 'dod pas bde ba rgyab kyis phyogs// bde ba zin
311a2 te bde bas bde ba 'tshol// byang chub 'khrul pas ye rngam chos la gza'// de lta bu yi yul can sangs rgyas mthong ba min// sangs rgyas med pas sangs rgyas ming yang med// sangs rgyas ston pa ming du btags
311a3 pas nor// sangs rgyas gzhan nas thob byed nor ba'i lam// gzugs med chos kun bshad pa rdul cha med/ khams gsum ye shes cha lugs rnam bkod pas// gnas gsum mi gnyis thams cad brtson par
311a4 byed// rab tu dka' ba'i thabs kyis stobs rdzogs na// mi btsal bde ba'i chos rnams sems las byung// gnyis su med pa lta spyod gsags pa'i gzhi// bsgrub pa'i dngos gzhi don kun rnam par 'jug/ rnal
311a5 'byor 'di dag theg par rab brtson byed// sa bcu mtshan ma'i gnas kun sgrib pa med// sangs rgyas rnam grol sems dpa'i yul kun 'jug/ mi rtag sdug bsngal stong zhing bdag med pas// des byas byed po
311a6 ris tshogs ma 'dres pas// don 'di gtan tshigs kun gyis gzhag par dka'// zin dang chags dang bral dang zhi// dngos po med dang rnam par yangs// bdud rtsi chen po'i rang bzhin la// bza' ba'i thabs
311b1 la rag pa med// yangs so che'o chos chen po// chung ngu rnams kyi gnyen po yin// che la dmigs pa'i che snyam na// chung che de rnams dmigs dang bral// gsungs dang rgyas dang dmigs pa dang snang// sgyu mkhan ri
311b2 mo'i rnam pa bzhin// 'byung 'jug ye shes bying rmugs kyis// de yi dbang las skye bar 'gyur// 'di ni theg pa kun gyi rgyal// btang ngo bzhag go rang bzhin gyi// 'dod pa med cing len pa med// brod pa rdul
311b3 tsam mi skye zhing// khyung chen nam mkhar lding ba ltar// spro ba med cing bsdu ba med// thams cad yul kun 'jug pas na// gtor ba mi dgos bza' ba med// rgya mtsho bzhin du ye gnas la// chos rnams sna
311b4 tshogs 'byung bar byed// yon tan nam mkha'i mtha' dang mnyam// bsdu ba'i gnas su nges pa med// byang chub snying por de ma thag/ ting 'dzin rgyal po chen po 'byung// snang ba rgya mtsho chen po bzhin// mi rtog
311b5 nam mkha'i mtha' ltar yangs// kun tu bzang po'i spyod yul la// skye zhing 'pho ba'i chos med de// rgyu rkyen yan lag bcu gnyis so// skur pa btab nas bshad pa yin// 'khrul pa rnams kyi sgo tsam du// mkhas
311b6 pas de bzhin shes par gyis// 'gro ba rgyud drug snang ba yang// dang po'i lam du shes par bya// 'dod spyod snying rjes brlan pas na// gang du dga' bar byang chub spyod// bshan pa smad 'tshong mtshams med
312a1 lnga// kha na ma tho 'jig rten spong// yongs su rdzogs pa chos kyi rtsi// bde ba che las gzhan med do// rnam par mi rtog snying po'i chog/ yongs kyi rgyud gsal sbas pa med// mi len byang chub spyod
312a2 rnams la// spyod pa kun tu rang bzhin gnas// su zhig rab tu zhi ba rnyed// de dag rnam par spyod pa'i yul// sangs rgyas theg pa bla na med// don kun bzung ba'i rnam grangs yin// mya ngan 'das lam mngon
312a3 sum ston// rab tu spyod pa'i ting 'dzin gyis// seng ge rnam par grol sogs kun// rtse gcig the tshom yul kun rtogs// rab tu mi gnas 'di yi mthus// rgyu 'bras bye brag sna tshogs pas// don mchog dngos
312a4 kun bzhag pa'i rdzas// 'di ltar khams gsum rnam par 'khrul// mi g.yo rab tu gsang ba rnams// thams cad kun tu spyod las 'das// chos nyid snying po rjes 'jug dag/ nyid kyi snang ba mya ngan 'das// 'di
312a5 la rgyu med rkyen tshogs ma skyes pas// sgro skur mtshan ma'i mtha' bral rnam dag dbyings// dus gsum ston pa'i bden pas mtha' rnams sel// phan gnod bdag cag mi mthun gnas gzugs pas// rgyud chen
312a6 gsang ba rang bzhin don gyis 'byung// ngo bo mi kun rab rtogs sprul pa'i yul// sku mchog thams cad mkhyen pa'i gzhi// rnam grangs yon tan tshogs kyi bdag nyid ni// dus kun mi gnyis pha rol phyin pa'i
312b1 mchog/rnal 'byor theg mchog rnams kyis gzung bar gyis// don bzhin ston pa'i snang ba byin rlabs shugs// mchog gi blo gros kun gyis bstod pa'i gnas// 'di ltar rgya chen 'dus pa'i tshogs rnams
312b2 kyis// rab btsal byang chub sems 'di gzung bar byos// mthar phyin bstan pa'i gnas 'di dus kun du// rab tu bsngags pas sangs rgyas dam pa'i gzhung// zhes sogs rgya cher ston to// rdzogs pa chen po
312b3 chos nyid byang chub kyi sems// kun la 'jug pa rnam dag don gyi rgyud ces rjes su mthun pa spyod pa spyad pa'i le'u ste lnga pa'o//// rdzogs pa chen po chos nyid byang chub kyi sems kun la 'jug pa rnam dag
312b4 ston pa'i rgyud ces bya ba rdzogs so//// rgya gar gyi mkhan po bi ma la mi tra dang/ bod kyi sgra bsgyur gyi lots+tsha ba g.yu sgra snying pos bsgyur cing gtan la phab pa'o////


CLOSE WINDOW