168a1 rgya gar skad du/ rat+na Ar+Ya pan+thi byU ha tan+t+ra nA ma/ bod skad du/ rin po che 'phags lam bkod pa'i rgyud ces bya ba/ bcom ldan 'das kun rig ston pa la phyag 'tshal lo// 'di skad bdag gis thos
168a2 pa'i dus gcig na/bcom ldan 'das rang shes rig gi rgyal po de/ 'og min gyi gnas rgya yongs su ma chad pa/ rgyan ma bkod par snang ba zhes bya ba na/ nyid las mi gzhan pa'i 'khor rnams dang// mkha' 'gro
168a3 ma yi tshogs rnams la/bstan pa'i snying po 'chad pa'i dus// 'khor de rnams kyi nang du/ rdo rje sems dpa' gnas pa rang gi stan las langs te/ kun rig ston pa chos rje la/ rig pa nyid kyis 'di skad
168a4 zhus// rang snang rnam dag rang bzhin la// sna tshogs 'byung ba ji ltar lags// bstan pa'i snying po gsung du gsol// kun rig ston pas bka' stsal pa// rigs kyi bu legs par nyon cig/ rang snang rnam dag
168a5 rang bzhin la// sna tshogs su snang sems kyi yul// bstan pa'i snying po bdag med bstan// ngo bo nyid la gzung 'dzin med// 'dzin pa'i spyod yul ma yin pas// bdag med mya ngan 'das pa'i lam// zhe 'dod
168a6 gnyis kyi mtha' dang bral// rgyu rkyen med pa'i rang byung ni// 'byung ba bzhi yi mtha' las grol// phyogs 'dzin med pas mnyam pa nyid// rnam rtog med pas chos kyi sku// sa le mkhyen pas ye shes yin// zhes
168b1 gsungs so// rdo rje sems dpas yang zhus pa// kun rig ston pa chos rje lags// khyod ni smra ba'i seng ge ste// rtsol med theg pa gsung du gsol// kun rig ston pas bka' stsal pa// rdo rje sems dpa' la
168b2 sogs nyon// rtsol med theg pa'i yang snying 'di// blo dman go ba shin tu dka'// 'dzin pa'i spyod yul ma yin pas// theg pa'i yang snying bla med 'di// rdo rje sems dpas thugs la chongs// phyi rabs blo ldan
168b3 rigs kyi bu// bstan pa'i yang snying de la ston// zhes gsungs so// rdo rje sems dpas yang zhus pa// gsang ba'i bdag po mthu stobs can// rtsol bral theg pa'i yang rab de// de yi rtogs tshul ji ltar
168b4 lags// kun bzang ston pas bka' stsal pa// rtsol bral theg pa'i rtogs tshul de// rang bzhin dbang po rnon po la// 'dzin med rang byung dri ma med// ma 'gags gzung ba'i yul ltar snang// sna tshogs snang
168b5 ba'i rang snang la// bzang ngan med pa'i ngo bor rtogs// rgyu 'bras med pa'i chos nyid la// dngos po'i rgyu 'bras gang yang med// don dam rgyu 'bras med par rtogs// sna tshogs rgyu 'bras dgag mi nus// zhes
168b6 gsungs so// rdo rje sems dpas yang zhus pa// nges don theg pa'i yang snying de// bslab pa'i yul ni ji ltar lags// bslab pa'i yul min ji ltar lags// bslab pa'i lugs ni ji ltar lags// thams cad
169a1 mkhyen pas gsung du gsol// kun rig ston pas bka' stsal pa// bslab pa'i yul ni rnam pa gsum// dad pas yang nas yang du zhu ba dang// skyabs med skyabs su gsol ba dang// sdug
169a2 bsngal drag pos nyen pa'o// bslab pa'i yul min rnam gsum ni// shed med stobs dang bral ba dang/ bslab nyes don las dred pa dang// lang tsho'i dri mas phog pa'o// bslab pa'i lugs ni rnam
169a3 gsum ste// gdams pa nyams bsdus bslab lugs dang// sbyor ba btsan thabs bslab lugs dang// mngon sum gra slob bslab lugs so// slob lugs de yis mtshon byas nas// ma bcos snying po'i gnas
169a4 lugs ni// khyab can gzugs can ma yin kyang// thams cad du ni 'gro 'ong med// sangs rgyas thog ma mtha' med pas// brda' 'am thabs kyis de rtogs pas// nyon mongs nad rnams zhi bar byed// zhen med
169a5 rang byung sman chen gyis// 'dzin pa 'khor ba'i nad rnams sel// rin po che 'phags lam bkod pa'i rgyud las/ gleng gzhi'i le'u ste dang po'o//// rdo rje sems dpas yang zhus pa// kun rig ston pa
169a6 chos rje lags// mnyam pa'i rgyal po thams cad mkhyen// rang gi sems nyid 'drer langs nas// byang chub srog rtsa gcad pa la// de yi gdul thabs gsung du gsol// kun tu bzang pos bka' stsal
169b1 pa// 'dus pa'i 'khor rnams nga la nyon// yid kyi dbang po rna bar chug/ rna ba'i dbang pos sgra la nyon// rang gi sems nyid 'drer langs pas// byang chub srog rtsa bcad pas na// de 'dra'i gnod pa gzhan mi
169b2 byed// de yi gdul thabs bshad pa ni// ma zin zin par bya ba la// lag tu blang ba'i rim pa 'di// lus kyis 'khrul 'khor bca' ba dang// phyi nang dbugs rnams snyoms pa dang// dmigs pa mdun du
169b3 gzhag pa dang// de la dmigs sems gtad pas ni// 'dod yon rjes su 'brangs pa med// 'gro la sems rgyud gnyis mi 'chang// de la mi gnas gzhan du 'phro ba na// gnyis sgrim gong la drag tu
169b4 gtad// des ni rang sems zin par 'gyur// gnas snyam 'chor snyam byed pa na// rnam par rtog pa shas che bas// rlung la bslab pa shes par bya// 'og rlung 'jam par gang ba dang// steng rlung drag tu gzung ba
169b5 ni// rig pa'i rang ni rlung gis gdags// lus kyi 'khrul 'khor gong bzhin bya// rngan dag byin la nang du bstim// rtsol ba bskyed la thun du gzhug/ thun tshad rab 'bring gsum du gcad/ khug pa drug cu bzhi
169b6 bcu dang// nyi shu dag ni zin gyur na// rtsal sbyang bya zhing rtsol ba bskyed// des ni gnas su zin par 'gyur// pho dang mo dang ma ning ni// thod rgal la sogs byung gyur na// tshad ni bla ma mkhas pas te// rtsol ba
170a1 mi bya gshis la gzhag/rjes shes gnyen po bsten mi dgos// rang sar bzhag pas gnas su dengs// mi bsgom nyams la ngo sprad pas// rig pa rjen pa mtha' dang bral// mtha' bral chos kyi sku
170a2 ru shar// zhes gsungs so// rdo rje sems dpas yang zhus pa// mnyam pa med pa'i rdo rje 'chang// khyed kyis gsungs pa'i lag len la// mos pas rjes su yi rang nas// gus pa'i sems kyis khyed la
170a3 'dud// yang dag don la yang zhus pa// mi mthun gegs rnams bsal dgos pas// de yi bye brag bshad du gsol// gsang ba'i bdag pos bka' stsal pa// khyed kyis zhus pa'i don de la// legs par lan
170a4 ni gdab par bya// gus pa'i sems kyis nyan par mdzod// bsam gtan gegs ni rnam bzhi ste// bying dang rgod dang rlung log dang// bsgom snang the tshom za ba ni// bsam gtan gegs su bshad pa yin// bying
170a5 pa'i sems la rnam pa bzhi// ngo bo rgyu dang dbye ba dang// bcos pa'i thabs su shes par bya// ngo bo shes pa mi gsal zhing// yon tan phyogs la blo 'gag pa'i// rgyu ni sa shas chen po dang// bad kan dag gis
170a6 bskyed pa'o// dbye ba rnam pa gsum yin te// ched du byas dang rkyen gyis bying// rang bzhin shugs las bying ba'o// bcos pa'i thabs ni bsam yas kyang// gzhung lugs 'di la gsum yin te// rlung gi gnad
170b1 dang dmigs pa'i gnad/spyod lam gnad du shes par bya// rgod pa la yang de bzhin te// ngo bo rgyu dang dbye ba dang// bcos pa'i thabs dang bzhi ru bshad// ngo bo yul rkyen rjes su 'brel// rgyu ni rlung shas che
170b2 ba dang// 'dod pa dag gis bskyed pa'o// dbye ba'i tshul ni rnam pa gsum// ched du byas dang rkyen gyis rgod// rang bzhin shugs kyis rgod pa'o// bcos pa'i thabs ni mang yod kyang// bstan pa'i snying po
170b3 gsum du 'dod// dang po 'jug pa'i sgo yang dgag/ bar du 'gro ba'i lam yang gcod// tha ma gnas pa'i phug gtib bo// rlung log pa yang rnam pa bzhi// rgyu rkyen skyon dang dbye ba dang// bcos pa'i thabs ni
170b4 shes par bya// rgyu ni bsod nams ma bsags pas// lus dang khams ni ngan pa'o// rkyen ni dka' thub drag po yis// 'byung ba 'khrugs par shes par bya// skyon ni lus kyi 'og bzhug na// 'das na tshe yi 'du
170b5 byed byed// sems skyon ting 'dzin mi gsal zhing// snying rlung la sogs 'byung bar 'gyur// log par dbye na gsum du 'dus// phyi rlung lus la log pa dang// nang rlung rtsa la log pa dang// gsang rlung sems
170b6 la log pa'o// phyi rlung lus la log pa'i rtags// lus po khol bur na ba dang// grang zhing lus po lci ba dang// sha rus skrangs shing na bar 'gyur// nang rlung rtsa la log pa'i rtags// rtsa yi nang du rlung rnams
171a1 rgyas// rtsa rnams thams cad na zhing 'khrab// 'khyugs shing nga ro 'byin par byed// gsang rlung sems la log pa'i rtags// lus rengs snying yang 'chu zhing sbrug/ mdun rgyab gzer zhing gnyid kyang
171a2 'chag/shes pa 'phro shing snying mi dga'// skabs su ngag tu shu skra 'dod// res 'ga' ngu zhing res 'ga' dgod// kha nas cal col mang po smra// bcos thabs phyi nang gsang ba gsum// phyi yi rlung log
171a3 bcos thabs ni// rang gi dri chu dron mos bkru// gdugs la bsro zhing chang gis bkru// nyung dkar mar mar khu lo lon yang khu'i 'o skol gyis// lus la byugs shing gong bzhin bskam// de nas ba spu'i sgo yang
171a4 dbye// zhun chen dag gis de la byugs// phyis te phyed kyi gdugs la bsreg/ nad kyi rlangs pa thon gyur nas// rlung log dus su zhi bar 'gyur// nang gi rlung log bcos thabs ni// dang po lus la bsku mnye
171a5 bya// de nas lus kyis 'khrul 'khor bca'// seng ge rnam grol phyag rgya yis// dbang po'i sgo rnams dgag par bya// lus kyi rgya dang ngag gi sgra// bstun la gtang pa'i yan lag rnams// thun gsum dag gis
171a6 nges par sel// gsang ba'i rlung log bcos thabs ni// rang bas mtho ba'i sa steng du// rgya long g.ya' dag gcig bzhag la// bltas pas rang gi gzugs brnyan 'char// de yi mdzod spur shes pa
171b1 gtad// rin chen mchod rten spyi bor bsam/ drin chen bla ma de thog tu// dmigs pa gsal bas zhi bar 'gyur// des kyang zhi ba bag dka' na// bu ga mang po'i sbyor ba dang// rab tu dma' ba'i ting 'dzin
171b2 dang// rten 'brel gzhan yang shes par bya// de yis mi zhi mi srid do// sgom snang the tshom za ba ni// skyon dang yon tan shes par bya// lus la rtsa yig sna tshogs gnas// rtsa yig gnas su rlung sems
171b3 'dus// rigs drug snang ba dag kyang mthong// srin po sha za la sogs pa// mi sdug 'jigs pa'i snang ba mthong// nang gi rten 'brel ma shes pas// bar chad bdud kyi las yin pas// bsam gtan 'dong
171b4 ba'i 'phrang yin gsungs// gdams ngag sarga ma log pas// nang gi rten 'brel shes par bya// phyi rol 'jigs pa ngo shes pas// bar gcod dngos grub dag tu len// rin po che 'phags lam bkod pa las/
171b5 rig pa rtsal gyi dbang bskur ba'i le'u ste gnyis pa'o//// rdo rje sems dpas yang zhus pa// ston pa gsang ba'i bdag po lags// dus gsum mkhyen pa'i rdo rje 'chang// the tshom gcod phyir 'di skad
171b6 gsol// phyi rabs rnams la phan gdags phyir// lta ba dang ni sgom pa gnyis// gcig pa lags sam tha dad lags// 'dus ba'i 'khor la bstan du gsol// kun rig ston pas bka' stsal pa// gtan la
172a1 'bebs pa'i dus nyid du// ming gi mtshon pa tha dad kyang// gtan la phab pa'i gang zag la// rtogs pa'i dus na dbye ba med// zung 'jug rab tu mi gnas pas// zin pa gtan la 'bebs pa
172a2 la// bla ma mkhas pa'i man ngag ni// gnyid gsum gcig tu bsre ba dang// bem rig gcig tu bsre ba dang// bdag gzhan gcig tu bsre ba dang// 'khor 'das gcig tu bsre ba dang// bsre ba'i thabs dang
172a3 'dres pa'i tshad// 'dres pa'i dgos pa shes par bya// yi ge 'bru gsum rang bzhin ni// dbyings kyi yi ge stong pa nyid// gsal ba stobs kyi yi ge yin// chos kyi sku la yi ge med// rig pa'i yi ge gsal ba
172a4 yin// nyams su myong bas yi ge yin// longs spyod rdzogs pa'i yi ge yin// rtsal gyi yi ge gnyis su med// 'gro don byed pas yi ge yin// sprul pa'i sku yi yi ge yin// sku gsum dbyer med yi ge ni// yi ge a
172a5 ni skye ba med// skye ba med las thams cad skyes// skyes tsam nyid na skye ba med// ma yi yon tan 'gag pa med// 'gag pa med las thams cad 'gag/ 'gag pa nyid nas 'gag pa med// ha yis bri dang gang ba
172a6 med// bri gang med las bri gang byung// byung tsam nyid na bri gang zer// rdo rje sems dpas yang zhus pa// kun rig ston pa chos rje lags// lta ba sgom pa spyod pa gsum/ mthun pa'i dpe dang mi mthun
172b1 dpe// nyams su myong ba ji ltar lags// kun rig ston pas bka' stsal pa// lta ba gdeng dang chas pa'i dpe// mkha' la khyung chen lding yang med// dogs pa'i bag tsha kun dang bral// de bzhin stong nyid rtogs
172b2 pa'i mi// gol du dogs pa'i ya nga med// lta ba gdeng med mi mthun dpe// bya sgro rlung gis khyer ba bzhin// de bzhin stong nyid ma rtogs mi// rang dbang med par rkyen gyis 'phrog/ 'jug sgo lam gyi mthun pa'i
172b3 dpe// sbrang ma gar sbyin chags pa bzhin// shes pa chos nyid yul la chags// 'jug sgo lam med mi mthun dpe// lag rdum brag la 'dzegs pa 'dra// steng du ma thon mar la lhung// de bzhin lam khyer med pa'i
172b4 mi/kha stong blta bas grol mi 'gyur// spyod pa grogs kyi mthun pa'i dpe// bi shwa karma'i bzo bzhin du// thabs mkhas pa yi skyes bu ni// mthun bsdebs gzhan gyis rgyan du 'gyur// spyod pa grogs med mi
172b5 mthun dpe// dmus long byang thang bor ba bzhin// blo chung shes pa rang dga' byed// bdag la brten nas gzhan sdig pa// shes pa gnyis kyi rjes 'brangs nas// srog med pa yi sems can dang// sdig med pa
172b6 yi snying rje dang// dbugs med pa yi rgyu ba dang// gnas med pa yi 'dzam gling dang// bsrung du med pa'i dam tshig dang// yi ge med pa'i rgyud chen po// skyi bser lta bu'i gdams ngag dang// chu bo rgyun gyi man
173a1 ngag dang// 'dam skyes lta bu'i man ngag dang// myu gu lta bu'i man ngag dang// sman pa lta bu'i man ngag dag/ gser 'gyur lta bu'i man ngag go/ glang chen lta bu'i spyod pa dang// seng ge lta bu'i spyod
173a2 pa dang// dge slong lta bu'i spyod pa dang// ri dwags lta bu'i spyod pa dang/ bung ba lta bu'i spyod pa dang// sngags pa lta bu'i spyod pa dang// bag ma lta bu'i spyod pa dang// lta ba bsgom pa spyod pa gsum//
173a3 gcig la gcig brten gcig gi dang// stong nyid rtogs pa lta ba yin// rtogs pa lam khyer bsgom pa yin// grogs su shar bas spyod pa'o// rin po che 'phags lam bkod pa'i rgyud las/ blta bsgom zung du 'jug pa'i
173a4 le'u ste gsum pa'o//// rdo rje sems dpas yang zhus pa/ kun rig chos kyi rgyal po la// rig pa'i yid kyis 'di skad gsol// 'dus pa'i 'khor gyi don ched du// sangs rgyas pa dang sems can
173a5 gnyis// gcig pa lags sam tha dad lags// de skad gsungs pa'i don gsan nas// kun rig ston pas 'di skad gsungs// zhus pa'i don la lan 'debs pas// 'dus pa'i 'khor rnams legs par
173a6 nyon// gdod nas dag pa'i gzhi nyid la// sangs rgyas dang ni sems can gnyis// gnyis su yod pa ma yin no// gzhi nyid rtogs pa'i sangs rgyas ni// sku dang ye shes gnyis su gnas// de ma rtogs pa'i
173b1 sems can ni// lus dang bag chags nyid du gnas// de phyir sangs rgyas sems can gnyis// gzhi gcig rtog pa tha dad med// lam pa'i dus na so sor snang// dper na ga bur sman bzhin du// gtong shes
173b2 sman gyi mchog yin te// ma shes pa ni srog gi bdud// de bzhin kun gzhi stong gsal yang// rtogs na sangs rgyas dngos yin te// ma rtogs na ni 'khor ba'i rgyu// don gyi ngo bo 'khrul med kyang// rkyen bzhi
173b3 'dzom pas 'khrul ba 'byung// dper na dung gi ngo bo la// ser snang la sogs 'khrul med kyang// mig skyon can la ser por snang// rtogs pa'i sangs rgyas chos rnams ni// ma 'dres bco brgyad sgo nas
173b4 'jug/drug tshan dang po'i chos rnams la// gnas lugs de ni 'dus ma byas// 'bras bu sku gsum mtha' ru thug/ rgyu 'bras gnyis la mi ltos dang// byas pa'i chos kyis sangs mi rgya// ye nas gnas pa'i don
173b5 rtogs na// ma byas chos kyis sangs rgyas dang// cig char 'jug pa'i lam yin pas// nges don phyin ci ma log pa'o// drug tshan gnyis pa'i chos rnams ni// rgyu las ma byung 'bras bu dang// lung la ma brten
173b6 man ngag dang// sems la mi ltos sangs rgyas dang// 'byung ba bzhi la rag ma lus// 'bras bu gzhan la re ba med// dus gsum sangs rgyas ngo bo dang// drug tshan tha ma'i chos rnams ni// stong pa thun mong ma
174a1 yin dang// gsal ba thun mong ma yin dang// bde ba thun mong ma yin dang// stong pa tshad du phyin pa dang// gsal ba tshad dang phyin pa dang// bde ba tshad du phyin pa'o// ji lta bu dang ji snyed
174a2 mkhyen// mi mthun phyogs rnams sangs pa dang// mthun pa'i yon tan rgyas pas na// thams cad mkhyen pa'i sangs rgyas yin// ma rtogs sem can chos rnams ni// rgyu 'bras chos la ltos pa dang// bag chags
174a3 goms pas 'byung ba dang// byas pa'i chos kyis sangs rgyas dang// rim gyis rtogs pa'i 'dod pa drug/ drang don chos la yid ches skye// de ltar byas pas 'khor ba stongs// 'khor ba stongs pa'i rgyu mtshan
174a4 ni// 'jug sgo gsum dag rtsol ba gnyis// btsal thabs gnyis dang gsum gyis bzlog/ phyi yi sgo dang nang gi sgo/ gsang ba'i sgo ru shes par bya// so ru btsal dang lhug par btsal// stong pa'i so dang rig pa'i
174a5 so// tha dad ma yin ngo bo gcig/ lhug par btsal ba rnam gsum ni// phyi ru rnam shes yul la bsdu// nang du sems nyid sdug bsngal glod// gsal ba 'dzin med ngang la bzhag/ shes rab thabs kyis btsal ba
174a6 dang// thabs la shes rab rtsi yis gzung// zung du 'jug pas sangs rgyas pas// stong gsal rig pa chos kyi sku// logs na yod pa ma yin pas// rang gi sems ni stong gsal yin// dbang med gsum gyis
174b1 'khor ba stongs// snang ba rang snang shes tsam na// sha khrag lus ni stongs par 'gyur// shar ba rang shar shes tsam na// nyon mongs sems ni stongs par 'gyur// rlung yang rang gi rtsal du shes// lus sems
174b2 gnyis su tshogs rgyu med// de ltar gsum la brten nas kyang// stong gsal rig pa sangs rgyas so// de ltar ma shes blo chung rnams// dbang med drug gis 'khor bar 'khyams// snang ba rang snang ma shes
174b3 na// lus su mi 'gro rang dbang med// shar ba rang sar ma shes na// sems su mi 'gro rang dbang med// rlung rang rtsal du ma shes na// lus sems mi 'du rang dbang med// 'dus nas mi skye rang dbang
174b4 med// skyes nas mi rgas rang dbang med// rgas nas mi na rang dbang med// na nas mi 'chi rang dbang med/ shi nas khams gsum 'khor bar 'khyams// 'khor 'das mtshan nyid bzhi ru 'dus// mi rtag sdug
174b5 bsngal stong bdag med// snod kyi 'jig rten ri dang gling rnams kyang// 'jig pa'i dus na bskal pa'i me byung bas// thal ba'i lhag ma tsam yang mi lus so// chu dang rlung gis 'jig pa de bzhin no// bcud kyi
174b6 sems can tshe 'di mi rtag pas// lus dang longs spyod la sogs 'dor bar nges// rigs drug sdug bsngal mang po bsam mi khyab// srid pa stong par rtogs pa zhi ba'i mchog/ bdag med gnyis rtogs yang
175a1 dag thar pa'i lam// 'khrul pa nyid dang byang chub lam// rtag tu gegs byed ma yin te// nyan thos dang ni rang sangs rgyas// sangs rgyas sa la gegs byed do// rin po che 'phags lam bkod pa'i
175a2 rgyud las/sangs rgyas sems can khyad par bstan pa'i le'u ste bzhi pa'o//// rdo rje sems dpas yang zhus pa// kun rig ston pa chos rje lags// khyed ni 'dren pa'i lam mkhan te// gzhi lam 'bras
175a3 bu bstan du gsol// kun rig ston pas bka' stsal pa// gzhi ni ma bcos snying po'i don// 'khor dang myang 'das ro gcig pas// sangs rgyas sems can 'byung gnas sa// kun gyi spyi gzhi yin par
175a4 bshad// gsal la 'dzin med rtogs pas lam// zhi gnas lhag mthong zung du 'brel// nyams myong sna tshogs 'byung ba'i gnas// 'bras bu lam du byed par bshad// yongs su rdzogs pas 'bras bu yin/
175a5 khams gsum sku gsum tha mi dad// bdag don gzhan don 'byung ba'i gnas// 'bras bu ye nas smin par bshad// ces gsungs so// rin po che 'phags lam bkod pa'i rgyud las/ sangs rgyas dang sems
175a6 can khyad par bstan pa dang/gzhi lam 'bras bu bstan pa'i le'u ste lnga pa'o//// rdo rje sems dpas yang zhus pa// 'dus pa'i 'khor la phan gdags phyir// kun rig ston pa chos rje lags// rgyud kyi
175b1 ldang tshad bshad du gsol// kun rig ston pas bka' stsal pa// 'dus ba'i 'khor rnams nga la nyon// rgyud kyi don rnams ngas bshad pas// gus pas nyon la yid la zung// rgyu yi rgyud dang lam gyi
175b2 rgyud// 'bras bu'i rgyud dang gsum du bshad// gsang sngags rgyud kyi dbye ba yin// 'brel dang ma tshang med pa dang// phun sum tshogs pas rgyud ces bya// rgyud ni rgyun chags zhes bya ste// 'khor ba yang ni rgyud du
175b3 'dod// gsang sngags rgyud kyi dngos po ni// yongs su shes pa brgyad kyis bstan// blta ba spyod pa dkyil 'khor dbang// dam tshig dang ni phrin las dang// bsgrub pa mchod pa bya bar bshad// ces gsungs
175b4 so// rdo rje sems dpas yang zhus pa// thams cad mkhyen pa khyed kyi thugs khrol la// phyi rabs rnams la phan gdags phyir// 'di don rgyas par bshad du gsol// kun rigs ston pas bka' stsal pa// lta ba
175b5 log dang dman pa dang// shes par bya ba'i lta ba ni// mtha' bral ye shes phyogs cha bral// gzung 'dzin rtog pa ka nas dag/ yang dag nyid la yang dag blta// yang dag mthong na rnam par grol// spyod pa'i don
175b6 la rnam gsum ste// 'jig rten phal dang mi mthun spyod// lta dman blo dang mi mthun spyod// yongs su shes pa'i spyod pa ni// sna tshogs thug phrad zhen pa med// rang rig mtha' dbus med pa'i dkyil// de nyid
176a1 nyams su myong bas 'khor// rig pa bkra bas dkyil 'khor yin// rdul tshon dkyil 'khor rag ma lus// chos dbang sems la bskur bas ni// rig pa'i rtsal gyi dbang thob 'gyur// ting 'dzin
176a2 las su rung bas rang dbang rang gis thob// rang sems bla mar rtogs pas byin rlabs dbang mi dgos// rang byung ye shes rtogs pa'i lha// 'dzab dang lha yi snying po dbul mi dgos// sangs rgyas kun gyi
176a3 gsang ba'i thugs// mi rtog pa yi ye shes rang gis rtogs// de nyid gzhan la phan byed pa// srid pa gsum na de dbang bskur// cig char rig pa don yin pas// cig char rig pa'i stobs kyis 'dag/ thun mong thun
176a4 mong ma yin pas// mi 'da' bas na dam tshig yin// thun mong dam tshig bstan pa ni// lta ba spyi sar mi dgod dang// sgom nyams mu cor mi smra dang// byang chub ngo dgar mi gtong dang// gsang sgo yal
176a5 bar dor mi bya// thun mong ma yin dam tshig ni// ye nas ma byung ma skyes pas// ye nas mi gnas ye nas stong// med pa dang ni phyal ba dang// gcig pur lhun gyis gnas pa'o// dam tshig med pa'i sngags pa
176a6 kun// me tog rtsa ba bskams pa bzhin// 'bras bu smin par mi 'gyur ro// sangs rgyas rang la bsgrub pa'i sgrub thabs 'di// sangs rgyas rang la yod pas bsnyen pa yin// de mtshon bla ma bsten pas nye bsnyen
176b1 no// de'i gsung don du gnyer bas sgrub pa yin// bde sdug rtsa ba bral bas sgrub pa chen po'o// bde gshegs gong mas gsungs pas phrin zhes bya// de la thos bsam byas pas las zhes bya// sems kyi zug rngu
176b2 zhi bas zhi ba nyid// de nyid lam du khyer bas rgyas pa yin// rang sems bkol du btub pas dbang zhes bya// 'khor ba'i rtsa ba chod pas drag po'o// mchod pa'i bye brag mang po ji snyed pa// phyi dang nang gi mchod
176b3 pa dang// gsang mchod bla na med pa'o// bla med mchod pa bstan pa ni// mkhas pas byang chub sems bsgoms pas// rgyal dang de yi sras rnams la// mchod pa'i nang nas dam pa ste// 'di ni skyon med me tog
176b4 yin// thams cad ring por mi thogs par// rgyal mchog sangs rgyas nyid du 'gyur// zhes gsungs so// rin po che 'phags lam bkod pa'i rgyud las/ yongs su shes par bya ba'i rgyud kyi dngos po bstan pa'i
176b5 le'u ste drug pa'o//// rdo rje sems dpas yang zhus pa// kun rig ston pa chos rje lags// gnad la dbab pa gsung du gsol// kun rig ston pas bka' stsal pa// dad pas dam chos gnad la
176b6 dbab// dad pa med pa'i mi rnams la/ dkar po'i chos rnams ga la 'byung// sa bon me yis tshig pa la// myu gu sngon po ga la 'byung// mos pas bla ma gnad la dbab// bla ma med pa'i sngon rol na// sangs
177a1 rgyas bya ba'i ming yang med// bla ma sangs rgyas kun gyi rje// sngon 'gros rang lus gtan la dbab// mi yis gru la brten nas ni// sdug bsngal chu bo che las sgrol// myang 'das pa yi skam sar
177a2 'don// gdams pas rang sems gtan la dbab// rang sems sangs rgyas rtsa ba ste// rang sems rang gis thim pas na// de las lhag pa'i chos gzhan med// ces gsungs so// rin po che 'phags lam
177a3 bkod pa'i rgyud las/yongs su shes par bya ba'i rgyud kyi dngos po dang/ gtan la dbab pa'i le'u ste bdun pa'o//// rdo rje sems dpas yang zhus pa// rig pa'i rgyal po thams cad mkhyen// 'khrul
177a4 pa'i snang ba 'gags pa la// bar do'i snang ba bstan du gsol// kun rig ston pas bka' stsal pa// 'di ltar snang ba 'gag gyur nas// pha rol snang ba shes pa la// bar do'i snang ba 'di ltar lags// sngon
177a5 'byung srid pa'i sha gzugs can// dbang po kun tshang thogs med de// yar dang mar gyi spyi sa nas// mi ldog de ni bri ba'o// ye shes rang snang 'dam gyi pad+ma 'dra// srid pa'i skye gnas gzhal yas khang chen
177a6 'dra// dus kyi snyigs ma lam gyi kha brag 'dra// skye shi gnyis po zo chu'i khyud mo 'dra// lam gyis byung nas sal gyis gsal// de la 'dzin pa skyes pas hril gyis bsgrib// rtogs pa'i dbang gis zhag lnga bde dang
177b1 ldan// 'gyu mi 'gyu las yid tsam 'gyus// sna tshogs gzugs can yid las skyes// de yi bye brag bshad pa ni// rnam pa drug tu shes par bya// rang bzhin gnas pa'i bar do dang// ting nge 'dzin gyi bar do
177b2 dang// skye shi gnyis kyi bar do dang// de bzhin srid pa'i bar do dang// rmi lam gnyid kyi bar do dang// chos nyid gsal ba'i bar do'o// zhes gsungs so// rdo rje sems dpas yang zhus pa// kun rig ston pa
177b3 chos rje lags// de don shes pa shin tu dka'// dpe don bcas pa gsung du gsol// de skad zhus pa'i don gsan nas// kun rig ston pas bka' stsal pa// rang bzhin gnas pa'i bar do la// ma shes pa ni
177b4 ngo shes byed// dwa phrug ma dang phrad pa bzhin// ma ni stong la bu ni gsal// ma bu shes pa'i skyes bu ni// snyam byed de las grol bar 'gyur// ting nge 'dzin gyi bar do la// mi gsal ba ni gsal byed pas// sgeg
177b5 mos me long blta ba bzhin// sems kyis sems la bltas pa yis// gnyis 'dzin rtog pa zad par 'gyur// skye shi gnyis kyi bar do la// ye shes ngo yis 'dzin pa ni// mun khung sgron me btegs pa
177b6 bzhin// mtshon pa tshig gis don rtogs pas// rten 'brel 'dzom pa'i ye shes kyis// rmongs pa'i mun pa sangs par 'gyur// mi srid srid pa'i bar do la// bzang ngan las kyi 'phro mthud ni// rkang chag yur
178a1 bar wa btsugs bzhin// gnyen po brten pa'i dka' thub kyis// 'dod pa'i 'bras bu 'thob par 'gyur// gnyid log rmi lam bar do la// cir snang sems su shes pa ni// bram ze'i gling du
178a2 gzhan 'tshol bzhin// thams cad sems su rtogs pa la// bzang ngan phan gnod med par 'gyur// chos nyid gsal ba'i bar do la// ye shes zang thal 'char ba ni// skar mda' mkha' la rgyug pa
178a3 bzhin// phyir mi ldog pa'i rig pa ni// 'byung ba rang sar thim byas nas// rnam shes 'od la thim pa'i dus// bag chags lus las grol bar 'gyur// zhes gsungs so// rin po che 'phags lam bkod pa'i
178a4 rgyud las/bar do'i bye brag bstan pa'i le'u ste brgyad pa'o//// rdo rje sems dpas yang zhus pas// kun rig ston pa chos rje lags// de bzhin gshegs pa'i sku gsung las// phyi nang sprul pa ji ltar
178a5 bkye// gdul bya'i ston pa gang la bgyi// kun rig ston pas bka' stsal pa// rgyal ba'i sku gsung thugs la ni// sprul pa bsam gyis mi khyab pas// phyogs bcu dus gsum ma lus pa'i// sangs rgyas ji snyed
178a6 bzhugs pa kun// kun rig nga yi sprul pa las// gzhan na sangs rgyas rdul tsam med// phyi dang nang du snang ba ni// kun rig yin par shes par gyis// rgyal ba'i sku yi sprul pa las// mar me mdzad la sogs pa
178b1 yi// sangs rgyas rabs bdun 'byung ba ni// 'das pa'i dus kyang nga nyid do// rgyal pa'i gsung gi sprul pa las// bskal bzang byang chub stong la sogs// byang chub sems dpa' 'bum sde ni// kun rig ston pa
178b2 nga yin no// bde gshegs thugs kyi sprul pa las// zhi khro sangs rgyas la sogs pa// rigs lnga yab yum nga nyid do// nga med pa yi sngon rol na// sangs rgyas bya ba'i ming yang med// sems can bya ba'i skye gnas
178b3 med// thams cad nga yi sprul pa yin// nga nyid gzhi yi sangs rgyas so// nang gi sprul pa rnam gsum ni// bde bar gshegs pa'i sku yi sprul pa las// 'og min gnas kyi gnas mchog na// bcom ldan rnam par
178b4 snang mdzad byung// phyi nang rigs gsum mgon po dang// sa bcu'i bo d+hi sa twa la// gsung gis chos rnams mi ston par// sku yis chos rnams 'jal bar ston// bde gshegs gsung gi sprul pa las// 'dzam
178b5 gling rdo rje'i gdan steng na// shAka thub lha mi'i ston pa byung// mdo sde 'dul ba mngon pa'i chos// drang don nges don mang po gsungs// kun rig thugs kyi sprul pa las// rgyu bdag rdo rje sems dpa'
178b6 byung// sangs rgyas lha tshogs rnams dang ni// dga' rab rdo rje la sogs pas// gsang sngags nges don rgyud sde gsungs// rin po che 'phags lam bkod pa'i rgyud las// sprul pa bkye ba'i le'u ste dgu
179a1 pa'o//// rdo rje sems dpas yang zhus pa// kun rig ston pa chos rje lags// khyed ni mnyam pa'i rgyal po ste// thugs rjes 'gro ba'i skyabs mdzad pa// che chung rim pa'i blo yod pas// rgyud
179a2 kyi gtad rgya gsung du gsol// de skad zhus pa'i don mkhyen nas// ston pa shes rig rgyal po yis// phyi rabs rnams la phan gdags phyir// 'dus pa'i 'khor la rgyud gtad pa// gsang sngags nges don rgyud
179a3 chen 'di// bstan pa'i snying po yin par nges// snyigs ma lnga yi dus su dar// dper na mar me 'chi ka ru// 'od ni gsal bar 'byung ba ltar// de bzhin nga yi rgyud 'di yang// nub khar zab mo'i chos dar
179a4 'gyur// bstan pa nub par 'gyur tsam na// 'di las lhag pa'i mgon skyabs med// skal ldan rnams kyi lam du gyis// rgyud dag khyed kyi thugs la chongs// 'dus pa'i 'khor rnams nga la nyon// rang
179a5 bzo byed cing bla ma smod// dad pa chung la 'dod pa che// dam tshig med la slob dpon gsang// bka' bzhin mi bsgrub zong du byed// de 'dra'i gang zag log sred can// rgyud kyi ming yang bstan mi bya// mkha'
179a6 'gro rnams gyis srog kyang 'phrog/ya nga ba yi nad kyang 'byung// shi nas rdo rje dmyal bar skye// da yang 'dus pa'i 'khor rnams nyon// dad ldan rgyud la mos pa dang// sgrub la shin tu brtson pa la// dngos grub
179b1 myur du 'byung bar 'gyur// snying po don gyi yang snying 'di// bder gshegs rnams kyi thugs dam yin// grub thob rnams kyi gshegs shul yin// skal ldan rnams kyi mgo 'dren yin// 'gro ba rnams la thugs
179b2 brtse'i phyir// phyir mi ldog pa'i lam bstan pa// rgyal ba nyid kyi thugs bskyed nas// bla med byang chub 'thob par shog/ rin po che 'phags lam bkod pa'i rgyud las/ rgyud kyi gtad rgya bstan pa'i le'u ste bcu
pa'o/

CLOSE WINDOW