146a2 / rgya gar gyi mkhas pa shrI sid+ha dang// bod kyi ban+de bai ro tsa nas bsgyur ba'o//// rgya gar skad du/ bo d+hi tsit+ta sa man+ta b+ha dra bit+s+wa pa rA kra mo da ya tan+t+ra nA ma/ bod skad du/
146a3 byang chub kyi sems kun tu bzang po rig pa rang gi rtsal shar ba'i rgyud ces bya ba/ dpal kun tu bzang po thig le bde ba chen por rang shar ba'i sku la phyag 'tshal lo// 'di skad bdag gis thos pa'i dus gcig
146a4 na/bcom ldan 'das rig pa rtsal gyi rgyal po chen po/ zang thal 'og min gyi gnas gsang ba mchog gi gzhal yas na bzhugs pa'i ngang na thig le chen po rang nyid la gzigs te/ cog bzhag chen po'i ting
146a5 nge 'dzin zhes bya ba'i ngang la snyoms par zhugs so// de'i tshe dus de nyid kho nar/ ngo bo nyid kyi cho 'phrul ji ltar shar ba'i bde bar gshegs pa rnams dang// gzhan yang nyid las ma 'das pa'i stong gsum
146a6 'jig rten pa'i 'khor thams cad dang thabs cig ste/gzhan yang gsang ba chen po de rtog pa dang ldan pa'i 'khor rang bzhin don la gnas pa dang/ rang bzhin blta ba chen po dang/ rig pa'i snang tshul ji lta
146b1 bar rtogs pa'i 'khor 'ba' zhig gnyis su med par 'dus so// de nas bcom ldan 'das rig pa rtsal gyi rgyal po chen po de lhun grub zag med bde ba chen po 'du 'bral med pa'i ting nge 'dzin la snyoms par
146b2 zhugs so// de'i tshe de'i dus na/ nyid las mi gzhan pa'i 'khor thams cad lhun grub 'gag pa med par rang gsal bar gyur to// de nas bcom ldan 'das rig pa'i rgyal pos 'di skad ces gsungs so// lhun
146b3 grub 'gag med bde chen la/'khor ba myang 'das cir shar ba// rig pa'i rtsal yin gzhan na med// rtogs pa'i 'khor tshogs dang sems kyis// cir snang lhun grub chen por gsal// zhes gsungs pa dang/
146b4 rtogs pa rang gsal gyi nang nas rdo rje sems dpa' rang bzhengs nas/ 'di skad ces gsol to// kye kye rig pa'i rtsal shar bcom ldan 'das// gab pa'i dbyings nas mngon phyung ste// phrin las mdzad pa cir
146b5 yang ston// thugs rje'i cho 'phrul ris dang bral// thig le zag med kun tu bzang// zang thal chen po'i dbyings nyid las// rang byung phyogs med rang grol gyis// ga'u rig pa'i mthongs gsal nas// gsang
146b6 du med pa'i tshig brjod nas// rtogs pa'i 'khor la bstan du gsol// e ma ho// gsung du gsol zhes zhus so// de nas rig pa'i rgyal po chen po des// rdo rje sems dpa' la 'di skad ces bka' stsal pa/
147a1 rig pa lhun grub zag med bde// mkha' la nyi ma shar ba bzhin// 'khor 'das kun la khyab par gsal// khyab gsal gnyis med thig le che// lhun grub chen po'i ngo bor shar// 'bad pa med
147a2 par ye sangs rgyas// 'gyur med tha snyad rgyu 'bras med// rnam kun byang sems bde bar gshegs// shes dang mi shes tha snyad kyang// lhun grub nyid las gzhan ma grub// 'khor ba'i rkyen 'gyur rnam smin
147a3 las// 'gro drug nyid du snang ba las// ngo bo ma yin rkyen ltar shar// kun brtags rnam rtog mtshan nyid kyang// gang ltar brtags pa de ltar snang// ji ltar rtog pa'i rnam grangs kun// gcig las yul dus
147a4 kun tu rgyu// dper na nyi ma'i zer bzhin du// thig le gcig las du ma med// lhun grub zang thal rang bzhin ni// mtha' dang bral ba'i rtogs mtha' med// rang gsal dgongs par gnas par bya'o// lhun
147a5 grub rang byung 'gag med kyis// 'khor 'das cho 'phrul nyid du bstan// lhun grub phyogs med 'bras bu ni// rang byung ye shes nyid la rdzogs// rig pa spyi blug chen por shar// rtsol med rtsal sprugs klung chen
147a6 las// bgrod med sa yi yon tan shar// rang snang dbyer med cig char sa// de las rtsol med 'bras bu'i mchog// rig pa'i rtsal shar rnal 'byor pas// shes pa chos sku rang gsal la// ma yengs cog bzhag
147b1 nyid du bzhag/ces gsungs so// kun tu bzang po rig pa rang gi rtsal shar ba'i rgyud las/ gleng gzhi'i le'u ste dang po'o//// de nas rig pa'i rgyal po des/ rdo rje sems dpa' la 'di skad ces
147b2 gsungs so// 'khor ba'i sdug bsngal ci shar dang// mya ngan 'das pa'i bde ba nyid// rig pa'i ye shes rtsal du rdzogs// rnam rtog ci skye rig pa'i rtsal// rang byung ye shes 'gag med la// rtog dang rig pa tha
147b3 dad med// lhun grub phyogs med rig pa'i rtsal// kun spangs kun gyi dngos gzhir shar// gzung 'dzin phra rags rtog pa rnams// rol pa chen po'i cho 'phrul yin// yang dag don la brjod du med// ma bcos
147b4 go rtogs mi skye bas// brjod med brjod bya tshig gis mtshon// kun bzang lhun grub gdal ba la// 'khor dang myang 'das rnam par dag/ tshig dang tshig don brjod bya bral// bya btsal bral zhing gnyen
147b5 po med// shes pa rang gsal rang la zhog/ bya ba btang ba'i skyes bu'am// rgya mtshor snang ba'i rdzas lta bu// byed spyod med par rang bzhin gsal// gzung 'dzin rgyu 'bras gang yang med// de lta nyid kyis 'bras
147b6 bu thob// drang don rtsol sems khar ma lus// rnam rtog kun brtags mtshan ma rnams// rang byung rang gsal nyid kyi ngang// chos nyid lhun grub 'gag med las// chos rnams rang bzhin nyid du gnas// dper
148a1 na rin chen gser gling na// sa rdo mi gnas gser du snang// sems nyid rang byung ye shes la// cir snang ci srid bde chen 'bar// dper na skas kyi gdang bu ltar// rim par bgrang med sems
148a2 nyid la// bgrod col lam gyi thogs rgyu med// rang byung rang shar rnam grol lam// bgrod med rtsol bral rig pa'i klung// snga phyi med par mngon mthar phyin// rig pa rtsal gyi rang bzhin ni// ye shes nyi ma mngon
148a3 shar bas// shar ba nyid na nub pa med// kun bzang thig le chen po nyid// ma bcos lhun grub g.yo ba med// rgyu 'bras rtog 'dzin ci yang med// yul med sgyu ma yul la rol// sems nyid nam mkha'i nyi ma
148a4 'dra// rang byung lhun grub gdal ba med// blang dor gnyis med 'bad rtsol med// mdor na rig pa'i rtsal zhes bya// mkha' la nyi ma shar ba bzhin// 'dir gsal 'dir mi gsal dang bral// kun la khyab
148a5 cing dbye bsal med// de bzhin lung dang man ngag dang// rig pa dag gi rtsal dag gis// snang srid 'khor 'das chos rnams kun// sems nyid yin par thag chod na// byang sems bde ba kun la
148a6 brdal// byang chub sems kyis blta thag chad// sems nyid nyi zer spro zhing bsdu// rig pa rtsal gyi rang bzhin ni// gang yang yin no cir yang 'char// de yang byang sems bde ba'i klong// chos sku rang gsal ngang
148b1 la bzhag/bsam dang bral ba'i ye shes mthong// rang byung rang gsal rdzogs pa'i don// mtha' dbus bral bas ye sangs rgyas// gyi na rtsol bral dbu ma'i lam// zhen zhing bral bas gza' gtad
148b2 med// phyogs med lhun 'byams kun bzang 'dis// 'khor 'das rang lugs gzhi byas nas// rang byung gnyis med bde don rtogs// rang rig rang gsal blang dor bral// rnam dag lam chen dgongs pa'i
148b3 phugs// khyung chen dar ma mkhar lding bzhin// spror med bsdur med rang sar grol// rtsol bsgrub med cing g.yang sa bral// g.yang sa nyid kyang sems su shes// 'khor ba nyid kyang ye shes la// ye nas 'khor
148b4 'das gnyis su med// lhun grub nyid las gzhan du med// rang rig cir yang ma grub pas// zhen blo bsam 'dod kun dang bral// rig pa mtha' bral stong pa nyid// 'od gsal nam mkha'i rang bzhin
148b5 'dra// gzung 'dzin med pas mnyam pa'i ngang// rol pa'i cho 'phrul cir yang ston// cho 'phrul bstan yang rang rgyud bral// rig pa sgyu ma chu zla 'dra// kun tu 'char zhing lhun gyis grub// 'di yin 'di min tha
148b6 snyad bral// rig pa ma bslad dri ma bral// nam mkha' lta bu'i rig pa la// nam mkha' dbyings ltar bsam dang bral// bsam med blo bde nam mkha' bzhin// rang rgyud ye shes bsam dang bral// mi skye mi
149a1 'gag cir mi gnas// rig pa'i rgyal po blta ba yin// bltar med yengs med blta ba yin// snga phyi dus las ma dmigs te// 'gyur med sems kyi g.yung drung yin// zhe 'dod dag las 'byung mi
149a2 srid// 'dod pa med cing len pa dag/ lhun grub bde 'byams yangs dog med// rang grol dag pa chen po la// 'pho 'gyur med pas rdo rje 'dra// rnam rtog rlung gis bskyod gyur kyang// lhun grub ngang las g.yos
149a3 pa med// gzhi 'dzin rig pa rgya mtsho bzhin// phyi nang gsang ba kun gyi dngos// mtha' dbus med cing phyogs dang bral// rang byung 'gag med blta ba la// lam dang lam gyi rtsol ba med// rdo rje nyi chen 'bar ba
149a4 ltar// skye 'jig 'pho 'gyur nus mtha' med// rin chen gling dang nyi ma ltar// rang gsal 'gag med rtog dang bral// 'khor ba'i gnas nyid ye sangs rgyas// rang sems rig pa gang snang ba// bsam pa ci
149a5 'gyus ye shes ngang// lhun grub gzhi 'dzin rig pa la// sems can chos nyid gang yang med// dbus dang mtha' bral dkyil du rdzogs// rtog pa ma yin chad mtha' min// mi rtag ma yin rtag mtha' med// shes
149a6 pa mi 'gag 'dod pa min// bya byed med cing rtsol sems dag/ bgrod med rtsol bral rig pa'i klong// phyogs bral phyogs la gnas pa med/ rang rig yul med yul dang bral// len med 'dzin med 'dod pa
149b1 med// rang byung 'gag med mi ldan na// phyogs 'dzin mtha' la zhen pas 'khrul// phyogs med rig pa rang shar 'di// tha snyad mi la mi gnas te// skye 'gag med par rnam brtags shing// bkri drang drang
149b2 'thoms sems can la// thugs rjes btegs nas 'khor lo bskor// tha snyad lam gyis 'gro ba 'dren// sna tshogs snang ba'i chos rnams kun// sku gsung thugs las ma g.yos pa'i// mi zad 'khor lo rnam
149b3 gsum po// nam mkha' lta bu ye nas bskor// zag med bde ba ye shes sku// lhun grub chen po bsam mi khyab// gang zhig 'gro ba'i sgra skad rnams// zag med bde chen rig pa'i gsung// gang zhig kha dog
149b4 dbyibs snang ba// sku mchog rgyan gyi 'khor lo zab// sems nyid dbyer med rdo rje'i thugs// gnyis su med pas kun tu bzang// sku gsum mi 'bral bde ba che// sems nyid ye nas sangs rgyas pas// rtsol ba
149b5 med par lhun gyis grub/'dod dgu bsgyur ba'i rin po che// bkol ba med cing dbyings na gsal// yi ge med cing tshig las 'das// rig pa rtsal zhes bya ba ni// snang srid 'khor 'das chos rnams
149b6 kun// sems ma yin pa'i chos yod min// chos rnams ma lus thams cad kun// rig pa'i rtsal du rang shar bas// de nyid chos sku rang gsal ba// yengs dang ma yengs mtha' las grol// rig pa rang gsal
150a1 ye shes la// rtogs pa nges med don gyi mchog/ rang shar rig pa dbyings na gsal// rig pa brdal khyab rang bzhin la// rang byung ye shes ngang gis gsal// chos sku rang gsal ngang nyid
150a2 la// zhen 'ching med cing dmigs dang bral// rig pa rtsal gyi rang bzhin ni// dper na mkha' la nyi shar bzhin// rig pa rang gsal phyogs dang bral// phyogs rnams med cing kun la khyab// sna tshogs rig
150a3 pa'i chos skur gsal// zhes gsungs so// kun tu bzang po rig pa rang gi rtsal shar ba'i rgyud las// rig pa rtsal gyi le'u ste gnyis pa'o//// de nas rig pa'i rgyal po kun tu bzang po des/ rdo rje sems
150a4 dpa' la 'di skad ces gsol to// kye kye dgongs pa rang shar dbyings na gsal// don dam ma rtogs snang med la// gab pa'i don chen mngon du phyung// bla mas dgongs pa'i dbyings brtol ba'i// tshad ma ngag
150a5 ldan bla ma yis// man ngag bdud rtsi bcud du bstan// bslad pas mi slod chos sku la// rnam rtog kun brtags ga la yod// gser la g.ya' byung gser nyid bsgrib// g.ya' byung gser bas 'das pa
150a6 med// thig les chos sku khyab par gsal// dper na 'khor los sgyur rgyal la// mtshan dpe zhen med rang la tshang// dmigs phyed rgyan cha rang la gsal// de bzhin sems can sems nyid la// thig le chen po
150b1 ngo sprod na// ma bslad chos sku ngang gis gsal// thig le chos sku rang gsal la// mtshan dpe zhen med rang la tshangs// ngo bo nyid ni dmigs su med// gar yang ma g.yos 'gyur ba med// nyams su blang med
150b2 gza' gtad bral// skye med 'gag med shar nub med// gar mthong cir gsal chos skur mthong// gang du'ang ma bgrod klong du gnas// 'byung 'jug med cing gzhag bya bral// 'das dang ma 'ongs da lta
150b3 ru// snang zhen med cing bgrod du med// rang byung ye shes rang gsal bas// mi mthun phyogs dang gnyen po med// dper na dmus long mig phye bas// rang lus gzhan nas btsal mi dgos// de bzhin thig le
150b4 chen po yang// mtshan ma chos skur ngo shes na// mi mthun med pas gnyen po med// chos sku rang gsal gdeng rnyed na// bgrod rtsol 'bad pa ga la yod// dam par blta med zhen 'ching med// phyogs rnams med
150b5 cing phyogs dang bral// dper na nam mkha'i rang bzhin ltar// rang gi ngo bo rang gsal ltar// rang gsal nyid la gnas pa med// dmigs med mtshan ma cir mi gnas// snang stong kun gsal ye shes
150b6 sku// thig le rang gsal rang bzhin la// snang dang stong pa gnyis su med// dngos por snang ba'i tha snyad rnams// snang zhes tha snyad ci byung yang// mtshan ma rang grol tha snyad bral// rnam rtog ye shes dgongs par
151a1 ldan// 'khor dang mya ngan 'das rnams kun// gnyis ka ye shes rang gsal la// dgag sgrub med cing spang blang med// 'byung 'jug med cing rnam bral med// tha snyad med cing snying po med// dag
151a2 dang ma dag tshig mtha' bral// gang yang bde dang sdug bsngal med// rtsol ba med cing spyod mtha' bral// bya byed med cing chos skur gsal// byed pa med cing 'ching grol dag/ bdag gzhan ye nas gnyis su
151a3 med// 'gro ba rigs drug bder gshegs shing// yod med mtshan ma dbyer med la// blang dor dbye bsal ngang gis bral// ma lus chos rnams thams cad kun// shes pa chos skur rang gsal bas// kun tu
151a4 bzang po'i dgongs pa la// gar yang ma g.yos chos nyid yin// rang byung nyid du rang grol bas// gzhan dag rtsol bsgrub ga la yod// so sor rtogs pa'i shes rab kyis// theg pa no brtsegs rang byung
151a5 bral// rang byung thig le gcig tu 'dus// thig le mi rtog rang bzhin gsal// chos sku rdo rje 'gyur med lung// rang byung ye shes rang lags pas// thams cad ye shes ngo bor gsal// zhes gsungs so// kun
151a6 tu bzang po rig pa rang gi rtsal shar ba'i rgyud las/gab pa mngon du phyung ba'i le'u ste gsum pa'o//// de nas yang rang byung rig pa'i rgyal po kun tu bzang po des/ rdo rje sems dpa' la 'di skad ces
151b1 gsol to// rang byung ye shes 'gag med la// bkag pas mi khegs ye shes shar// zang thal chen po'i rang bzhin ni// rang gsal gang du mi rtog phyir// btsal med rig pa'i shugs las 'byung// dper na
151b2 glang chen smyon pa ltar// btags bros btang na rang ldog ltar// rnal 'byor shes pa yan btang na// ma btsal gnas lugs ngang du ldog/ rang byung mi 'gag rtsal du khyer// gang la'ang ma chags thogs pa
151b3 med// rang shar chen po'i lta ba la// don 'gyur nyams su blang pa med// ye shes chen po'i cho 'phrul yin// rang byung rang gsal zang thal yin// zang thal nyid la gzung du med// 'dzin med rig pa ye shes
151b4 shar// 'khrul rtog sdug bsngal sna tshogs kyang// myang rgyu med par shugs la snang// rtsol med rang byung rang sa zin// 'di la ched du gzung du med// 'di la nyams su blangs dang bral// 'di la rtog pas dgag
151b5 tu med// ye shes rang shar lta ba'i gdengs// rtsol ba med pa sgom pa'i mchog/ btsal mi dgos pas 'bras bu'i don// zhes gsungs so// kun tu bzang po rig pa rang gi rtsal shar ba'i rgyud las/ ye shes
151b6 zang thal gyi le'u ste bzhi pa'o//// de nas rig pa'i rgyal po kun tu bzang po des/ rdo rje sems dpa' la 'di skad ces bka' stsal to// rgyal 'gro lam pa'i sems can rnams// lhun grub ngang la dbyer
152a1 med pas// thams cad mkhyen pa'i sprul sku yin// thug phrad nyid du ye sangs rgyas// ma bcos sku gsung 'khor lo bskor// chos rnams kun bzang rol par shar// gang yang ma yin chos kyi
152a2 sku// gzhan du mi rtog btsal du med// gang yang ma spangs kun tu rol// dper na skyes bu ngo shes dang// phrad pa'i dus na the tshom med// rnal 'byor dran rig ci 'gyus pa// ye shes zang thal chos skur
152a3 shes// gang yang ma spangs rang sar grol// gzhan du skad cig tsam yang med// thig le thug phrad chos kyi sku// rang bzhin mi 'gyur ka dag pa'i// spang bya spong byed gnyis su med// 'bras bu kun bzang gtan
152a4 tshigs yin// zhes gsungs so// kun tu bzang po rig pa rang gi rtsal shar ba'i rgyud las/ chos nyid thug phrad kyi le'u ste lnga pa'o//// de nas bcom ldan 'das rig pa'i rgyal po kun tu bzang po
152a5 des// rdo rje sems dpa' la 'di skad ces bka' stsal to// bde chen lhun grub cog bzhag la// rtsol med rig pa bsam dang bral// gzung 'dzin gnyen po rang sar gzhag/ mnyam nyid ye shes 'bras bu'i
152a6 mchog/cog bzhag chen po'i ngang du gsal// dper na rgya mtsho dngas pa la// gdos pa med par snang srid gsal// rnal 'byor rang rig cir gsal ba// ming dang gdags gzhi gang yang med// gdags gzhi
152b1 bral ba don gyi mchog/mnyam nyid rang gsal rig pa'i klong// snang ba nyid na grub pa med// rang rig stong nyid mi g.yo ba// de la mi rtsol rnal 'byor mchog/ dbang po'i ngo la gang snang ba// mi rtog cir
152b2 gsal gdags gzhi bral// snang med mi 'gag cir mi dgongs// gnyen po med pas 'bad rtsol bral// zhes gsungs so// kun tu bzang po rig pa rang gi rtsal shar ba'i rgyud las/ mnyam nyid cog bzhag
152b3 gi le'u ste drug pa'o//// de nas yang bcom ldan 'das rig pa'i rgyal po kun tu bzang po des/ rdo rje sems dpa' la 'di skad ces bka' stsal to// nyon cig sems dpa' rdo rje khyod// dbang po yang
152b4 rab don rdzogs nas// 'bring dang dman pa'i don bshad nyon// chos sku nyag gcig dngos mtshan med// dngos med chos sku tshol 'dod na// dper na grong rgyu'i khyi rkun gyis// cang med khang stong btsal gyur
152b5 kyang// 'dod pa ma rnyed sun phyin nas// zhen log slar la nyal ba ltar// rnal 'byor rang rig cir skyes la// dbang po mi dgag nang du blta// cir snang brtags shing bdag por blta// gzung 'dzin gang skyes
152b6 rtsa ba med// nang du blta zhing lta mkhan btsal// btsal bas cir yang ma rnyed cing// gang du'ang ma mthong ming ma thogs// rjes med nam mkha'i bya lam 'dra// snang med rang byung nam mkha' 'dra// de la gnas
153a1 pa 'bras bu'i mchog/ces gsungs so// kun tu bzang po rig pa rang gi rtsal shar ba'i rgyud las/ tshol ba rjes med kyi le'u ste bdun pa'o//// de nas rig pa'i rgyal po kun tu bzang po
153a2 des// rdo rje sems dpa' la bka' stsal pa// chos sku ye nas dmigs gtad med// dmigs gtad med pa'i don 'dod na// dper na mig nad can dag gis// gang yang rung ba'i dngos po la// rgyang mig
153a3 bltas shing yin min brtags// brtags pa'i rjes la dmigs pa 'tshubs// gang mthong ma shes mdongs pa ltar// rnal 'byor skyes bu gang zhig gis// rdzas kyi rnam pa gang rung ba// 'bru tshugs bltas shing ma
153a4 gtang na// dran med 'dzin med long gis skye// ma btang yun bsring ye shes 'char// ye shes mkha' mnyam nam mkha' 'dra// dran pa med pa'i blong blong po// myong med nyams skye dran rig 'gag/ dmigs pa
153a5 rjes med gyi nar 'dug/btang snyoms chen po'i chos sku thob// ces gsungs so// kun tu bzang po rig pa rang gi rtsal shar ba'i rgyud las/ dmigs pa rjes med gyi le'u ste brgyad pa'o//// de nas rig
153a6 pa'i rgyal po kun tu bzang pos/rdo rje sems dpa' la bka' stsal pa/ dper na khyung chen rtsol med kyang// rtsol ba yid tsam stegs la brten// rten med ye shes thob 'dod na// dper na khyi gsar rtod btags
153b1 na// gang du mi 'gro der 'khor ltar// gang yang rung ba'i mtshan ma'am// dmigs dang bcas pa'i mtshan med la// yengs pa med par blo gtad nas// ma goms bar du brtag par bya// goms shing dmigs pa
153b2 gsal gyur nas// nus pa phra mo 'byin nus na// gdeng gis zin ba'i bla ma yis// kun bzang lhun grub dgongs pa'i don// dus de kha nar lung phog na// snyan khung brgyud pa'i man ngag gis// rang byung ye shes
153b3 shugs las 'char// mtshan bcas mtshan med rang sar grol// khyung chen nam mkhar lding ba 'dra// de ltar ma shes rtog med na// gang yang rung ba'i mtshan ma'am// blo rtse gang 'phrod dmigs pa las// bltas
153b4 pas shes dang brtags pas shes// bsgoms pas shes dang bshar bas shes// gshur bas shes dang log gnon shes// thun mong thabs kyi man ngag drug/ mang por bsgom dang rang nyid bsgom// mtshan ma can
153b5 la bsten nas ni// mtshan med ye shes shugs las skyes// zag bcas dag la brten nas ni// zag med bde chen shugs las 'byung// zhes gsungs so// kun tu bzang po rig pa rang gi rtsal shar ba'i rgyud
153b6 las/rtod phur gyi le'u ste dgu pa'o//// de nas bcom ldan 'das rig pa'i rgyal po kun tu bzang pos/ rdo rje sems dpa' la bka' stsal pa/ rig pa'i rtsal ni rnam gsum ste// rang byung brtags
154a1 snang gnyis med gsum// mkha' la nyi shar bya byed spre'u// chu dang 'o ma 'dres ltar snang// gab pa mngon phyung rnam gsum ste// rang gnas ma shes yul gyis bsgribs// gnyis su med de rnam
154a2 gsum po// dmus long dmigs phye me long dang// rin chen 'dam nas thon ltar snang// chos nyid zang thal rnam gsum ste// rang bzhin rtsal rang gnyis med gsum// lho smyug glang chen man shel 'dra// chos
154a3 nyid gsum phrad gsum nyid de// rang byung rkyen dang gnyis med gsum// rin chen gser gling ngo shes mi// ral gri kha mang lta bur snang// cog bzhag rnam gsum nyid yin te// gnas lugs 'bras bu lam dang
154a4 gsum// nam mkha' dang ni rgya mtsho dang// bya ba btang ba'i skyes ltar snang// tshol ba rjes med rnam gsum ste// nang dang phyi dang gnyis su med// khyi rkun nam mkha'i bya lam dang// chu la ral gri btab ltar
154a5 snang// dmigs pa rjes med dag kyang gsum// phyi dang nang dang gnyis su med// ma 'dris dbang stong mig nad can// chu la chu thim lta bur snang// rtod phur dag kyang rnam gsum ste// don yod gang gsal zhen
154a6 pa med// bum pa bdud rtsi bu chung gzugs// khyung phrug gshog rdzogs lta bur snang// snang srid 'khor 'das lam pa'i chos// zab mo'i gdams ngag ji snyed pa// 'di ru ma 'dus gang yang med// ces gsungs
154b1 so// kun tu bzang po rig pa rang gi rtsal shar ba'i rgyud las/ dbye thabs 'khor lo'i man ngag rgya che grub mtha'i le'u ste bcu pa'o//// de nas rang grol rig pa'i rgyal po kun tu bzang po des/ rdo rje
154b2 sems dpa' la bka' stsal pa// rig pa rtsal 'byongs rnal 'byor la// drod rtags mthar phyin 'di ltar 'byung// phyi dang nang dang gsang ba gsum// 'od dang nyi shar shes pa 'phyo// phyogs ris med dang 'dod
154b3 pa chung// 'bras bu dag la mi re zhing// g.yengs pa bdud la nyam nga med// rig pa'i cho 'phrul dag tu 'char// gab pa mngon phyung mthar phyin rtags// phyi nang gsang ba gsum du 'dus// nam mkha'i mthong phye
154b4 snying rje che// chags med bla ma mched grogs gdung// dam tshig la gnas nye ring med// spyod yul gang la zhe 'dod med// ye shes zang thal mthar phyin rtags// phyi nang gsang ba gsum du 'byung// nam mkhar
154b5 'gro dang thogs pa med// lus yod mi tshor snyam byed bral// spyod yul gang la yang 'dzin med pa'o// thug phrad goms rtags ngo shes na// phyi nang gsang ba'i rtags gsum 'byung// gang la zhum med skyengs med
154b6 dang// gtsang sme blang dor spang len med// cer mthong thug phrad ye shes shar// cog bzhag klong gyur mi rtsol rtags// phyi dang nang dang gsang ba gsum// rtsol ba chung dang khong khro med// lus sems rang
155a1 lugs spyod yul bral// btsal ba rjes med rtsad chod rtags// phyi nang gsang ba gsum du 'char// rtsol ba chung dang zhen chags log/ sgo gsum las la rjes med 'char// dmigs pa rjes med
155a2 mthil phebs rtags// phyi nang gsang ba gsum du 'char// gang la this mi 'dzugs pa dang// sems la gtad so ma rnyed cing// dbyer med gzung 'dzin med par 'char// rtod phur dmigs pa brtan thob
155a3 rtags// phyi nang gsang ba gsum du 'char// me chu rlung dang kha dog lnga// g.yo dang 'phur ba yang ba dang// stan la mi snang sgra mi tshor// gnyid choms shig ni mi tshor dang// yar mar dbugs rgyu mi tshor
155a4 dang// spyod yul sgyu ma lta bur gsal// mnyam gzhag rjes thob med pa dang// chig chod dag tu ngang gis 'char// zhes gsungs so// kun tu bzang po rig pa rang gi rtsal shar ba'i rgyud las/ drod rtags 'bras
155a5 bu bstan pa'i le'u ste bcu gcig pa'o//// de nas bcom ldan 'das rig pa'i rgyal po kun tu bzang pos/ rdo rje sems dpa' la bka' stsal pa/ gdams ngag don rtogs gdeng ldan na// dus de kho nar
155a6 'bras bu 'thob// spyod yul rig pa rang shar yin// shes pa lhug pa rang byung nyid// chags med phyogs med rang grol nyid// zhen pa rang log phyogs ris med// re dogs med cing phyogs ris med// du ma ro
155b1 gcig 'phel 'grib med// lhun grub phyag rgya chen po nyid// da lta nyid du 'bras bu grub// de dus cir snang ye shes la// lhun grub 'gyur med skye ba med// rang shar sprul pa dpag med 'gyed// thams cad
155b2 'bras bu rang shar na// thams cad mkhyen pa'i 'bras bu yin// 'dre ldog spyi'u tshugs gar song yang// 'bras bu nyid de mngon sangs rgyas// 'khor 'das dbyer med 'bras bu'i mchog/ 'khor ba nyid la myang
155b3 'das gsal// sdug bsngal bde bar rang shar na// don gyi 'bras bu skye ba med// ces gsungs so// kun tu bzang po rig pa rang gi rtsal shar ba'i rgyud las/ 'bras bu mngon du phyung ba'i le'u ste bcu gnyis
155b4 pa'o//// de nas bcom ldan 'das rig pa'i rgyal po kun tu bzang po de nyid snang ba rang grol ye shes rang gsal gyi ting nge 'dzin la snyoms par zhugs so// de'i dus de nyid kho nar rdo rje sems
155b5 dpa' nyid las mi gzhan pa'i 'khor rnams la 'dzum pa mdzad de/rig pa'i rgyal po la bstod pa/ rig pa'i rgyal po skye med nam mkha'i thugs// rdo rje'i sku la 'gyur med skye 'jig bral// byin rlabs gsung
155b6 gis tshig med don la mtshon// 'du 'bral med par sku gsung thugs kyi ngang// e ma ho// e ma hau// zhes brjod pas rab tu dgyes par gyur to// kun tu bzang po rig pa rang gi rtsal shar ba'i rgyud las/
156a1 bstod pa'i le'u ste bcu gsum pa'o//// de nas bcom ldan 'das rig pa'i rgyal po kun tu bzang po des rdo rje sems dpa' la rgyud dang man ngag gi don gtad pa/ kye kye rig pa'i skyes bu
156a2 chen pos rgyud 'di zung/sgra dang tshig phyir ma 'brengs don gyi gter// yang dag don chen gsang ba'i rgyud mchog 'di// nga yi thugs brtol dgongs pa'i bcud phyung nas// rgya mtsho lta bur gting zab dpag
156a3 dka'i don// kun dang kun gyi thun mong ma yin pas// nyid las mi gzhan khyad med 'khor rnams la// khyab par ston cig sems dpa' rdo rje khyod// snod ldan las 'phro yod pa'i gang zag gam// rig pa spyi
156a4 blugs shar ba'i gang zag la// the tshom yid gnyis med par myur du ston// zhes gsungs pas// nyid las mi gzhan pa'i 'khor thams cad rjes su yi rang bar gyur to// kun tu bzang po rig pa rang gi rtsal
156a5 shar ba'i rgyud las/rgyud gtad pa dang rjes su yi rang ba bstan pa'i le'u ste bcu bzhi pa'o// kun tu bzang po rig pa rang gi rtsal shar ba'i rgyud le'u bcu bzhi pa rdzogs so// shrI sid+ha dang bai ros
156a6 bsgyur ba'o// bar 'dir rin po che gdams ngag sna tshogs 'khor lo 'dzud///


CLOSE WINDOW