132b1 rgya gar skad du// sa man+ta b+ha dra ma hA ga ga na mU la saM gra ha tan+t+ra/ bod skad du/ kun tu bzang po nam mkha' che rtsa ba bsdus pa'i rgyud/ bcom ldan 'das dpal kun tu bzang po la phyag 'tshal lo// 'di
132b2 skad bshad pa'i dus gcig na/bcom ldan 'das kun tu bzang pos/ dmigs su med pa'i ting nge 'dzin la snyoms par zhugs nas/ kun tu bzang po rtsa ba bsdus pa'i sangs rgyas ma lus pa mi lus lus pa
132b3 med pa'i sku gsung thugs rdo rje'i bdag nyid/snying po las kyang snying po'i mchog tu gyur pa 'di dag bka' stsal to// don rtogs ldan pa'i skyes bu dag/ kun tu bzang po nam mkha' che// rtsa ba bsdus pa rtogs
132b4 'dod na// nges par rgyud 'di mnyan par gyis// de skad ces gsungs gsan nas kyang// rdo rje sems dpas yang zhus pa// bcom ldan bde chen kun bzang po// nyid kyi blta ba ji ltar lags// spyod pa spyad pa
132b5 ji ltar spyad// nyid kyi bsgom pa ji ltar bsgom// bsgrub par bya na ji ltar bsgrub// nyid kyi dam tshig gang dang gang// bsrung bar bya ba ji ltar bsrung// nyid kyi dbang rnams gang dang gang// bskur bar bya na ji
132b6 ltar bskur// nyid kyi phrin las gang dang gang// rtsol bar bya na ji ltar bya// nyid kyi sbyor ba ji ltar sbyor// bsgral bar bya na ji ltar bya// nyid kyi gso ba gang dang gang// gsad par bya na ji ltar bya// nyid kyi
133a1 dbab pa ji ltar lags// gcad par bya na ji ltar bya// kun tu bzang po nam mkha' che rtsa ba bsdus pa'i rgyud las/ rtsa ba mdor bstan pa'i skabs te dang po'o//// rdo rje sems dpas yang
133a2 gsol pa// bcom ldan bde chen kun bzang pos// nyid kyi lta ba bshad du gsol// de skad gsol pa gsan nas kyang// kun tu bzang pos bka' stsal pa// 'dzin rtog med par gang blta ba// 'di yang nga yi
133a3 lta ba yin// skye shi med par gang blta ba// 'di yang nga yi lta ba yin// 'pho 'gyur med par gang lta ba// 'di yang nga yi lta ba yin// bya btsal med par gang blta ba// 'di yang nga yi lta ba yin// yangs dog med
133a4 par gang blta ba// 'di yang nga yi lta ba yin// rgyu 'bras med par gang blta ba// 'di yang nga yi blta ba yin// phyogs su gdal bas 'gyur ba med// 'di yang nga yi lta ba yin// snang srid 'di ltar snang ba'i
133a5 chos// phyi nang snod bcud thams cad kun// snying po 'di las gzhan ma yin// dbyings dang ye shes don rtogs na// de yang nga yi don rtogs yin// de ltar rtogs pa'i rnal 'byor ni// rtogs pa mngon du gyur pa
133a6 yin// nga nyid snying po byang chub sems// snying po 'di yang gzhan ma yin// snying po byang chub ye sangs rgyas// thams cad dag pas skye ba yin// rang las 'byung bas snying po yin// yongs la khyab pas snying po
133b1 yin// cir yang blta ba snying po yin// gang yang shar bas snying po yin// khyab par gdal bas snying po yin// gnyis su med pas snying po yin// btsal du med pas snying po yin// mi 'gyur mi shigs snying po
133b2 yin// gcig las med pas snying po yin// tha dad snang bas snying po yin// nga nyid snying po byang chub sems// byang chub sems ni cir yang snang// cir yang snang ste gang du yang med// de ni nga yi lta ba yin// blta
133b3 ru med pa'i lta ba'o// kun tu bzang po nam mkha' che rtsa ba bsdus pa'i rgyud las/ lta ba bsdus pa'i skabs te gnyis pa'o//// rdo rje sems dpas yang gsol pa/ bcom ldan bde chen kun bzang
133b4 po// nyid kyi spyod pa ji ltar spyod// de skad gsol ba gsan nas kyang// kun tu bzang pos bka' stsal pa// yengs pa med par gang spyod pa// 'di yang nga yi spyod pa yin// lta ba'i man ngag steng du 'jog/ 'di
133b5 yang nga yi spyod pa yin// bsgrub pa'i man ngag phul du 'byin// 'di yang nga yi spyod pa yin// bdag dang gzhan du snang ba rnams// gnyis su med par gang spyod pa// 'di yang nga yi spyod pa yin// phyogs dang ris
133b6 su gang snang ba// gnyis su med par gang spyod pa// 'di yang nga yi spyod pa yin// phyi nang snod bcud thams cad la// dmigs pa med par gang spyod pa// 'di yang nga yi spyod pa yin// 'khor ba'i las
134a1 rnams thams cad la// rtogs dang ldan pas gang spyod pa// 'di yang nga yi spyod pa yin// gzugs su snang ba thams cad kun// nga yi sku yi bdag nyid yin// sgra ru grag pa thams cad kun// nga yi
134a2 gsung gi bdag nyid yin// sems kyi dran rtog thams cad kun// nga yi thugs kyi bdag nyid yin// thams cad nga las byung bas na// nga yi rang byung ye shes yin// phrin las rnam bzhi ci spyad kyang// nga yi phrin
134a3 las bdag nyid yin// khyab par gdal bas spyod pa ni// 'di yang nga yi spyod pa yin// btsal du med pa gang spyod pa// 'di yang nga yi spyod pa yin// ye nas lhun gyis rdzogs pa ni// 'di yang nga yi spyod pa
134a4 yin// spyod pa gnyis su med par spyod// thams cad snying po byang chub sems su spyod// sems nyid ye sangs rgyas par spyod// kun tu bzang po nam mkha' che rtsa ba bsdus pa'i rgyud las/ spyod pa bstan pa'i
134a5 skabs te gsum pa'o//// rdo rje sems dpas yang gsol pa/ bcom ldan bde chen kun bzang po// nyid kyi bsgom pa bshad du gsol// de skad gsol pa gsan nas kyang// kun tu bzang pos bka'
134a6 stsal pa// nga nyid kun gzhi byang chub sems// dus gsum bdag tu mi 'gyur bas// 'gyur ba med pa'i sku ru bsgom// nga la rang bzhin med pas su// brjod du med pa'i gsung du bsgom// nga la dmigs pa
134b1 med pas su// ting 'dzin rtogs pa'i thugs su bsgom// nga las yon tan kun 'byung bas// legs pa kun 'byung yon tan bsgom// nga nyid rang bzhin lhun grub pas// snyoms par lhun gyis grub par
134b2 bsgom// nga la blang zhing dor du med// dam tshig ye bsrungs chen por bsgom// nga nyid dmigs pa'i yul las 'das// mi dmigs shes rab chen por bsgom// nga nyid 'dzin rtog las 'das pas// rnam pa cir
134b3 yang mi rtog bsgom// nga nyid rang las rang byung bas// rang byung ye shes chen por bsgom// nga nyid rang gis rang rig pas// rig pa'i ye shes chen por bsgom// nga nyid gnyis su med pas su// thig le nyag
134b4 gcig ma ru bsgom// thams cad kun la khyab gdal bas// yongs la khyab pa'i chos su bsgom// rang gi rang bzhin rang gis rig/ rang rig byang chub sems su bsgom// mi brjod ma spangs don gyi
134b5 mchog/snying po byang chub sems su bsgom// rang rig spros bral bde ba'i klong// dmigs med ye shes bde bar bsgom// ye shes thugs kyi yon tan ni// brjod kyis mi langs snying por bsgom// dgongs pa
134b6 ye shes rgya mtsho ste// bsam du med pa'ang bsgom pa'i mchog/ snang srid thams cad sems su bsgom// sems nyid ye sangs rgyas par bsgom// phyi nang snod bcud thams cad kun// chos nyid byang chub sems su
135a1 bsgom// snang dang srid pa'i chos rnams kun// gnyis su med par bsgom par bya// 'khor ba mya ngan 'das med na// de yang nga yi sgom pa yin// thabs dang shes rab gnyis med na// de yang nga yi
135a2 sgom pa yin// rgyu dang 'bras bu gnyis med na// de yang nga yi sgom pa yin// blta ba spyod pa gnyis med na// de yang nga yi sgom pa yin// sangs rgyas sems can gnyis med na// de yang nga yi bsgom pa
135a3 yin// bde ba sdug bsngal gnyis med na// de yang nga yi sgom pa yin// yul dang dbang po gnyis med na// de yang nga yi sgom pa yin// shes rab ting 'dzin gnyis med na// de yang nga yi sgom pa yin// thams
135a4 cad sems nyid yin shes na// bsgom pa med pa'i sgom pa yin// kun tu bzang po nam mkha' che rtsa ba bsdus pa'i rgyud las/ bsgom pa'i skabs bstan pa ste bzhi pa'o//// rdo rje sems dpas yang
135a5 gsol pa/bcom ldan bde chen kun bzang po// nyid kyi sgrub pa bshad du gsol// de skad gsol pa gsan nas kyang// kun tu bzang pos bka' stsal pa// sgrub pa'i rgyal po nga yi bka'// tshul 'chang gzhung
135a6 las phye ste bshad// rgyu nyid dag par gang bsgrub pa// 'di yang nga yi sgrub pa yin// 'bras bu dag par gang bsgrub pa// 'di yang nga yi sgrub pa yin// bcos med snying por gang bsgrub pa// 'di yang nga yi sgrub pa
135b1 yin// rtsol bsgrub med par gang bsgrub pa// 'di yang nga yi sgrub pa yin// ma btsal bzhag par gang bsgrub pa// 'di yang nga yi sgrub pa yin// mnyam pa nyid du gang bsgrub pa// 'di yang nga yi sgrub pa yin// ma
135b2 bkag klong du gang bsgrub pa// 'di yang nga yi sgrub pa yin// thig le chen por gang bsgrub pa// 'di yang nga yi sgrub pa yin// kun tu bzang por gang bsgrub pa// 'di yang nga yi sgrub pa yin// snying po byang chub
135b3 chos med pa// 'di yang nga yi sgrub pa yin// thams cad ye nas lhun grub pa// 'di yang nga yi sgrub pa yin// bsgrub pa'i rgyal por yang gsol pa// thams cad bsgrubs pas thams cad 'grub// bsgrub tsam nyid
135b4 na 'grub pa yin// snying po byang chub bcos med pas// rgyu 'bras med pa'i dngos grub 'di// bsgrub tu med pas nga nyid grub// snang zhing srid pa'i chos rnams kun// thams cad byang chub sems su
135b5 bsgrub// sems nyid ma yengs sgrub pa chen po yin// kun tu bzang po nam mkha' che rtsa ba bsdus pa'i rgyud las/ sgrub pa bstan pa'i skabs te lnga pa'o//// rdo rje sems dpas yang gsol pa/ bcom ldan
135b6 bde chen kun bzang po// nyid kyi dam tshig bshad du gsol// de skad gsol pa gsan nas kyang// kun tu bzang pos bka' stsal pa// dngos po mtshan ma thams cad las// 'da' ba med pa dam tshig yin//
136a1 rang byung ye shes btsal med pa// 'di yang nga yi dam tshig yin// rtag chad gnyis su blta med pa// 'di yang nga yi dam tshig yin// gzung 'dzin gnyis su med blta ba// 'di yang nga yi dam tshig
136a2 yin// rgyu 'bras gnyis su mi blta ba// 'di yang nga yi dam tshig yin// rtsol bsgrub gnyis su mi blta ba// 'di yang nga yi dam tshig yin// 'pho 'gyur gnyis su mi blta ba// 'di yang nga yi dam tshig yin// thog
136a3 mtha' gnyis su mi blta ba// 'di yang nga yi dam tshig yin// mtha' dbus gnyis su mi blta ba// 'di yang nga yi dam tshig yin// dngos po mtshan mar mi blta ba// 'di yang nga yi dam tshig yin// bzang ngan
136a4 gnyis su mi blta ba// 'di yang nga yi dam tshig yin// gtsang dang sme bar mi blta ba// 'di yang nga yi dam tshig yin// che chung gnyis su mi blta ba// 'di yang nga yi dam tshig yin// skye shi gnyis su mi blta
136a5 ba// 'di yang nga yi dam tshig yin// gzugs dang rdzas su mi blta ba// 'di yang nga yi dam tshig yin// yangs dog gnyis su mi blta ba// 'di yang nga yi dam tshig yin// phyi nang gnyis su mi blta ba// 'di yang
136a6 nga yi dam tshig yin// mtho dman gnyis su mi blta ba// 'di yang nga yi dam tshig yin// snod bcud gnyis su mi blta ba// 'di yang nga yi dam tshig yin// 'khor dang myang 'das mi blta ba// 'di yang nga yi dam
136b1 tshig yin// bde sdug gnyis su mi blta ba// 'di yang nga yi dam tshig yin// dam tshig rgyal po lhun gyis grub// snying po gsang chen 'da' med mchog/ don gyi skyes bus gzhung spros nas// mi yi seng ge dag la
136b2 bstan// kun tu bzang po nam mkha' che rtsa ba bsdus pa'i rgyud las/ dam tshig bstan pa'i skabs te drug pa'o//// rdo rje sems dpas yang gsol pa// bcom ldan bde chen kun bzang po// nyid kyi dam
136b3 tshig bsrung ba bshad du gsol// de skad gsol pa gsan nas kyang// kun tu bzang pos bka' stsal pa// mkha' dbyings bde chen klong yangs ni// byang chub sems kyi dam tshig ste// bsrung du med pas ye
136b4 bsrungs yin// thabs dang shes rab gnyis med pa// 'di yang nga yi dam tshig ste// bsrung du med pas ye bsrungs yin// dbyings dang ye shes gnyis med pa// 'di yang nga yi dam tshig ste// bsrung du med pas
136b5 ye bsrungs yin// rgyu dang 'bras bu gnyis med pa// 'di yang nga yi dam tshig ste// bsrung du med pa ye bsrungs yin// gzugs dang mtshan ma gnyis med pa// 'di yang nga yi dam tshig ste// bsrung du med pas
136b6 ye bsrungs yin// thams cad dag nas thams cad du// dam tshig dag las ma 'das pa// mnyam pa nyid du ye bsrungs yin// 'di yang nga yi dam tshig yin// dngos po mtshan ma thams cad las// 'da' ba
137a1 med par gang bsrung ba// 'di yang dam tshig bsrung ba yin// kun dang mthun la spangs dpang yin nam/ byed pa// 'di yang dam tshig bsrung ba yin// shes pa sgo yangs chos dang mthun// 'di yang
137a2 dam tshig bsrung ba yin// byams sdang med par gang sgrol ba// 'di yang dam tshig bsrung ba yin// chags sdang med par gang shes pa// 'di yang dam tshig bsrung ba yin// bzang ngan med par gang sbyor ba// 'di
137a3 yang dam tshig bsrung ba yin// spang len med par gang bsgrub pa// 'di yang dam tshig bsrung ba yin// gtsang sme med par gang blta ba// 'di yang dam tshig bsrung ba yin// thogs chags med par gang spyod
137a4 pa// 'di yang ma tshig bsrung ba yin// snod dang ldan par don 'byin pa// 'di yang dam tshig bsrung ba yin// nogs dang ldan pas gsang thub pa// 'di yang dam tshig bsrung ba yin// yid la sems pa gang
137a5 yin pa// 'di yang dam tshig bsrung ba yin// sngags pa blo ldan dad pa can// zang zing nor la chags med pa// 'di yang dam tshig bsrung ba yin// g.yo sgyu yongs spangs bde ba'i lam// 'di yang dam tshig
137a6 bsrung ba yin// bslab pa'i las rnams mthar phyin pa// 'di yang dam tshig bsrung ba yin// rang bzhin med pas mnyam pa nyid// yongs la phrag yang dog med pa// 'di yang dam tshig bsrung ba yin// rgyud 'di
137b1 'dzin tam 'chang ba'am// yid la sems pa gang yin pa// 'di yang dam tshig bsrung ba yin// kun tu bzang po nam mkha' che rtsa ba bsdus pa'i rgyud las// dam tshig bsrung ba'i skabs te bdun
137b2 pa'o//// rdo rje sems dpas yang gsol pa// bcom ldan bde chen kun bzang po// nyid kyi dbang rnams bshad du gsol// de skad gsol pa gsan nas kyang// kun tu bzang pos bka' stsal
137b3 pa// gdod nas rnam dag chos kyi sku// rang byung ye shes spros dang bral// 'di yang nga yi dbang mchog yin// yongs khyab thugs rje sprul pa'i sku// 'gro ba rnams kyi don chen mdzad// 'di yang nga yi dbang mchog
137b4 yin// thabs mkhas rol pas longs spyod rdzogs// longs sku snang ba thams cad ston// 'di yang nga yi dbang mchog yin// skye shi med par rdo rje'i sku// cis kyang spyod du med pa ste// 'di yang nga yi dbang mchog
137b5 yin// rtogs pas mngon par byang chub sku// ngo bo nyid kyis rnam par dag/ 'di yang nga yi dbang mchog yin// gnyis med bde ba chen po'i sku// kun bral nyag gcig ci ma spangs// 'di yang nga yi dbang mchog
137b6 yin// sku gsum dbyer med rol pa yin// don gyis yengs pa med par mdzad// 'di yang nga yi dbang mchog yin// gang zhig bsgral ba byang chub sems// gdod nas dag pa'i snying po mchog/ 'di yang nga yi
138a1 dbang mchog yin// bkres dang skom dang sdug bsngal na// chos nyid dngos pos mi bsgrib pa// 'di ni nga yi dbang mchog yin// na dang 'chi bas sdug bsngal na// dngos po'i mtshan ma ngang
138a2 'joms pa// 'di ni nga yi dbang mchog yin// rgas dang rgud pas sdug bsngal na// rtag chad don gyi mthar sbyor ba// 'di ni nga yi dbang mchog yin// dgra dang brdar bas sdug bsngal na// mtshan ma zhen pa nang
138a3 sbyor bas// 'di yang nga yi dbang mchog yin// skye dang 'chi bas sdug bsngal na// mi rtog don gyi mtha' sbyor bas// 'di yang nga yi dbang mchog yin// rnam par mi rtog snying po ni// smra bsam brjod las 'das
138a4 pa ste// 'di yang nga yi dbang mchog yin// yod ces sgros su gdags med la// med ces skur pa gdab med pa// 'di yang nga yi dbang mchog yin// yi dam sems kyis dran med na// rnam par mi rtog ting nge
138a5 'dzin// 'di yang nga yi dbang mchog yin// gdod nas rnam dag lhun gyis grub// rang byung ye shes btsal ba med// 'di yang nga yi dbang mchog yin// mtshan ma med pa mtshan ma'i mchog/ skye ba med
138a6 las thams cad skyes// 'di yang nga yi dbang mchog yin// snang ba rang bzhin med pa la// phyogs dang ris su 'byed med pa// 'di yang nga yi dbang mchog yin// byung tshor gang yang spang med pa// yid kyis cir
138b1 yang mi bsam pa// 'di yang nga yi dbang mchog yin// 'dzin rtog med pa'i shes rab kyis// rang bzhin med par gang 'jig pa// 'di yang nga yi dbang mchog yin// chos nyid rig pa'i klong gdal du// rang
138b2 rig ye shes ma brjed bsgom// 'di yang nga yi dbang mchog yin// kun tu bzang po nam mkha' che rtsa ba bsdus pa'i rgyud las/ dbang bstan pa'i skabs te brgyad pa'o//// rdo rje sems dpas yang
138b3 gsol pa/bcom ldan bde chen kun bzang po// nyid kyi dbang bskur bshad du gsol// de skad gsol pa gsan nas kyang// kun tu bzang pos bka' stsal pa// rang bzhin spros bral bde
138b4 gshegs thugs// 'di yang nga yi dbang bskur yin// dngos med ma skyes chos rnams 'byung// 'di yang nga yi dbang bskur yin// brjod med ye skyes ye nas stong// 'di yang nga yi dbang bskur yin// tshig gis
138b5 mtshon med mtshan ma med// 'di yang nga yi dbang bskur yin// dam chos yon tan brjod mi spang// 'di yang nga yi dbang bskur yin// ma rig don stong kha lo bsgyur// 'di yang nga yi dbang bskur yin// kun
138b6 bral nyag gcig ci ma spangs// 'di yang nga yi dbang bskur yin// sna tshogs snang yang 'gyur ba med// 'di yang nga yi dbang bskur yin// ci yang med pas ci yang rig/ 'di yang nga yi dbang bskur
139a1 yin// brtags na ma mthong cir yang snang// 'di yang nga yi dbang bskur yin// bskal par 'khyams kyang stor bral med// 'di yang nga yi dbang bskur yin// phra rab rdul med snang srid
139a2 khyab// 'di yang nga yi dbang bskur yin// dngos gzhi med la cir btags 'char// 'di yang nga yi dbang bskur yin// mtha' las byung zhing zad pa med// 'di yang nga yi dbang bskur yin// ma bzung ma
139a3 brtags gang dgar chags// 'di yang nga yi dbang bskur yin// bskyod pa med pas thogs med myur// 'di yang nga yi dbang bskur yin// gang yang ma spangs mthong ba med// 'di yang nga yi dbang bskur
139a4 yin// 'degs pa med par mkha' la 'gro/ 'di yang nga yi dbang bskur yin// yan lag med par sa rnams bgrod// 'di yang nga yi dbang bskur yin// khyad gdal 'ub chub gcig mtha' yas// 'di yang nga
139a5 yi dbang bskur yin// ma g.yos ma bcos sna tshogs snang// 'di yang nga yi dbang bskur yin// tha dad spros kyang gcig las med// 'di yang nga yi dbang bskur yin// zad mi shes pas gter chen te// 'di
139a6 yang nga yi dbang bskur yin// sna tshogs snang bas sems nyid de// 'di yang nga yi dbang bskur yin// phyi nang med par kun tu snang// 'di yang nga yi dbang bskur yin// btsal ba med pa cir yang 'grub// 'di
139b1 yang nga yi dbang bskur yin// mtshan ma med par cir yang snang// 'di yang nga yi dbang bskur yin// gar yang ma g.yos kun tu phyin// 'di yang nga yi dbang bskur yin// kun tu bzang po nam mkha' che rtsa ba
139b2 bsdus pa'i rgyud las/dbang bskur ba'i skabs te dgu pa'o//// rdo rje sems dpas yang gsol pa/ bcom ldan bde chen kun bzang pa// nyid kyi phrin las bshad du gsol// de skad gsol pa gsan
139b3 nas kyang// kun tu bzang pos bka' stsal pa// phyi nang chos rnams thams cad pa// 'di yang nga yi phrin las yin// bdag dang gzhan du blta ba rnams// gnyis su med par gang spyod pa// 'di yang nga yi phrin
139b4 las yin// phyogs dang ris su snang ba rnams// gnyis su med par gang spyod pa// 'di yang nga yi phrin las yin// gnyis su med par bde ba che// bde chen yongs khyab chos kyi sku// 'di yang nga yi phrin las
139b5 yin// dngos po mtshan ma thams cad 'joms// thabs mkhas longs spyod rdzogs pa'i sku// 'di yang nga yi phrin las yin// skye ba med las thams cad skyes// yongs la khyab pas sprul pa'i sku// 'di yang nga yi
139b6 phrin las yin// mi 'gyur mi shigs snying po'i mchog/ skye shi med pas rdo rje'i sku// 'di yang nga yi phrin las yin// don dam rtogs pa'i bde ba mchog/ mngon par byang chub pa yi sku// 'di yang nga yi phrin las
140a1 yin// sku lnga dbyer med rol pa 'di// don gyi phrin las yengs pa med// 'di yang nga yi phrin las yin// sku yi phrin las skye ba med// gsung gi phrin las bsgrag tu med// thugs kyi phrin las
140a2 dgongs su med// yon tan phrin las bsgrub tu med// phrin las phrin las btsal du med// 'di yang nga yi phrin las yin// gnyis med don rtogs bde ba che// 'di yang nga yi phrin las yin// dag dang ma dag
140a3 gnyis med na// 'di yang nga yi phrin las yin// sangs rgyas sems can gnyis med na// 'di yang nga yi phrin las yin// 'khor dang myang 'das gnyis med na// 'di yang nga yi phrin las yin// dbyings dang ye
140a4 shes gnyis med na// 'di yang nga yi phrin las yin// thabs dang shes rab gnyis med na// 'di yang nga yi phrin las yin// rgyu dang 'bras bu gnyis med na// 'di yang nga yi phrin las yin// lta ba spyod pa gnyis
140a5 med na// 'di yang nga yi phrin las yin// bsgom dang bsgrub pa gnyis med na// 'di yang nga yi phrin las yin// yul dang dbang po gnyis med na// 'di yang nga yi phrin las yin// gnyis med don rtogs phrin
140a6 las ni// 'di yang nga yi phrin las yin// kun tu bzang po nam mkha' che rtsa ba bsdus pa'i rgyud las/ phrin las kyi skabs te bcu pa'o/// rdo rje sems dpas yang gsol pa// bcom ldan bde chen
140b1 kun bzang po// phrin las btsal ba bshad du gsol// de skad gsol pa gsan nas kyang// kun tu bzang pos bka' stsal pa// dang por gang yin nga yin pas// nga ni sangs rgyas kun gyi yab// de las phrin
140b2 las ci zhig btsal// nga ni thams cad kun gyi rje// de las phrin las ci zhig btsal// tha mar thabs kyis nga 'dul bas// nga ni rnal 'byor kun gyi dpon// de las phrin las ci zhig btsal// khams gsum
140b3 dag na nga dbang che// nga yi gong na su yang med// de la phrin las ci zhig btsal// dus gsum mun pa ltar 'thibs kyang// nga la bsgrib pa'i dus mtha' med// de la phrin las ci zhig btsal// stong gsum nyi
140b4 mas khengs gyur kyang// nga la shar zhing gsal rgyu med// de la phrin las ci zhig btsal// ma rig mun pa ltar 'thibs kyang// nga la 'thibs shing gnag rgyu med// de la phrin las ci zhig btsal// nyon mongs
140b5 dug tu langs gyur kyang// nga la spangs shing dor du med// de la phrin las ci zhig btsal// srid gsum char ltar babs na yang// nga la gsher zhing bangs pa med// de la phrin las ci zhig btsal// khams
140b6 gsum chu ltar 'brub kyang ni// nga la bangs shing 'khyer rgyu med// de la phrin las ci zhig btsal// stong gsum rlung ltar 'phyos pas kyang// de yis nga la bskyod mi nus// de la phrin las ci zhig btsal// skye shi
141a1 ris su bcad pa yang// nga la skye zhing 'chi ba med// de la phrin las ci zhig btsal// dngos grub rnam gsum brnyes na yang// nga la brnyes shing chags rgyu med// de la phrin las ci zhig
141a2 btsal// chos sku 'gyur med grub na yang// nga la 'khrul ba'i rgyu ci yod// de la phrin las ci zhig btsal// rang byung nyid du ye gnas pa// gzhan la rag cing lus su med// de la phrin las ci zhig btsal// snying
141a3 po nyid du lhun grub pas// 'bras bu nyid du rten mi 'cha'// de la phrin las ci zhig btsal// thabs dang shes rab dbyer med pas// de la btsal du ci zhig yod// lta ba spyod pa gnyis med pas// de la phrin
141a4 las ci zhig btsal// bsgom dang bsgrub pa gnyis med pas// de la phrin las ci zhig btsal// snang dang stong pa dbyer med pas// de la phrin las ci zhig btsal// thig le chen por dbyings na gsal// de la
141a5 phrin las ci zhig btsal// nga yi phrin las btsal med pas// btsal du med pa'i btsal ba yin// kun tu bzang po che rtsa ba bsdus pa'i rgyud las/ phrin las btsal du med pa'i skabs te bcu gcig
141a6 pa'o//// rdo rje sems dpas yang gsol pa// bcom ldan bde chen kun bzang po// nyid kyi sbyor ba bshad du gsol// de skad gsol pa gsan nas kyang// kun tu bzang pos bka' stsal pa// thams
141b1 cad chos kyi chos nyid la// sems kyi sems nyid gnyis med sbyor// bde gshegs thugs kyi ye shes la/ rang bzhin rig pa gnyis med sbyor// 'di yang nga yi sbyor ba yin// snang srid thams cad sems yin
141b2 pas// sems nyid ye sbyor chen po ste// 'di yang nga yi sbyor ba yin// dngos po'i chos rnams thams cad kun// skye ba med par gang sbyor ba// 'di yang nga yi sbyor ba yin// rang bzhin med par gang sbyor
141b3 ba// 'di yang nga yi sbyor ba yin// mnyam pa nyid la gang sbyor ba// 'di yang nga yi sbyor ba yin// nges pa'i don la gang sbyor ba// 'di yang nga yi sbyor ba yin// dam tshig gzhung ltar gang spyod pa// 'di yang nga yi
141b4 sbyor ba yin// yongs la phrag yang dog pa med// 'di yang nga yi sbyor ba yin// byams sdang med par gang grol ba// 'di yang nga yi sbyor ba yin// thogs chags med par gang sbyor ba// 'di yang nga yi sbyor ba
141b5 yin// bzang ngan med par gang sbyor ba// 'di yang nga yis sbyor ba yin// spang len med par gang sbyor ba// 'di yang nga yi sbyor ba yin// chags sdang med par gang shes pa// 'di yang nga yi sbyor ba yin// gtsang
141b6 sme med par gang spyod pa// 'di yang nga yi sbyor ba yin// sangs rgyas sems can gnyis med pa// 'di yang nga yi sbyor ba yin// 'khor ba mya ngan 'das med pa// 'di yang nga yi sbyor ba yin// phyi nang snod bcud
142a1 gnyis med na// 'di yang nga yi sbyor ba yin// yul dang dbang po gnyis med na/ 'di yang nga yi sbyor ba yin// thabs dang shes rab gnyis med na// 'di yang nga yi sbyor ba yin// dbyings dang ye
142a2 shes gnyis med na// 'di yang nga yi sbyor ba yin// shes rab ting 'dzin gnyis med na// 'di yang nga yi sbyor ba yin// bde ba sdug bsngal gnyis med na// 'di yang nga yi sbyor ba yin// snang srid thams cad
142a3 sems su sbyor// sems nyid ye sangs rgyas par sbyor// 'di yang nga yi sbyor ba yin// kun tu bzang po nam mkha' che rtsa ba bsdus pa'i rgyud las/ sbyor ba bstan pa'i skabs te bcu gnyis pa'o//// rdo
142a4 rje sems dpas yang gsol pa// bcom ldan bde chen kun bzang po// nyid kyi bsgral ba bshad du gsol// de skad gsol pa gsan nas kyang// kun tu bzang pos bka' stsal pa/ khams gsum rang gi sems
142a5 su bsgral// de yang nga yi bsgral ba yin// srid gsum thams cad sems yin pas// sems nyid ye sangs rgyas pa yin// 'di yang nga yi bsgral ba yin// rgyud drug phung por snang ba yi// rang gi sems te ye
142a6 sangs rgyas// 'di yang nga yi bsgral ba yin// dug lnga ye shes lnga ru bsgral// 'di yang nga yi bsgral ba yin// dug gsum sku gsung thugs su bsgral// 'di yang nga yi bsgral ba yin// sdug bsngal bde ba chen po
142b1 bsgral// 'di yang nga yi bsgral ba yin// thams cad snying po byang chub ste// gnyis su med par bsgral bar bya// lta ba spyod pa gnyis med pa// 'di yang nga yi bsgral ba yin// phyi nang snod bcud thams cad
142b2 kun// chos nyid byang chub sems su bsgral// srid gsum thams cad gdod nas dag/ snying po byang chub sems su bsgral// sangs rgyas sems can gnyis med pa// 'di yang nga yi bsgral ba yin// bdag
142b3 gzhan gnyis par mi 'byed pa// 'di yang nga yi bsgral ba yin// 'khor ba mya ngan 'das par bsgral// 'di yang nga yi bsgral ba yin// sdug bsngal bde ba chen por bsgral// 'di yang nga yi bsgral ba
142b4 yin// thabs dang shes rab gnyis med pa// 'di yang nga yi bsgral ba yin// dbyings dang ye shes gnyis med pa// 'di yang nga yi bsgral ba yin// phyi nang snod bcud thams cad kun// snang srid thams cad
142b5 sems su bsgral// sems nyid ye sangs rgyas par bsgral// kun tu bzang po nam mkha' che rtsa ba bsdus pa'i rgyud las/ bsgral ba bstan pa'i skabs te bcu gsum pa'o//// rdo rje sems dpas yang
142b6 gsol pa// bcom ldan bde chen kun bzang po// nyid kyis gso ba bshad du gsol// de skad gsol ba gsan nas kyang// kun tu bzang pos bka' stsal pa// phyi nang snod bcud thams cad kun// snying po byang
143a1 chub sems kyis gso/khams gsum sems can nyon mongs pa// bde chen byang chub sems kyis gso// 'khor ba'i sdug bsngal thams cad kun// bde chen chos kyi dbyings su gso// 'du ba'i
143a2 nad kyis zin pa la// bdud rtsi chen po'i sman gyis gso// nyon mongs dra bar chud pa la// thugs rje'i spu gris gtubs te gso// snying rje'i rgyun thag chad pa la// thugs rje'i byin gyis brlabs kyis gso// nyon
143a3 mongs rmugs dang le lo rnams// shes rab mi brjed gzungs kyis gso// shes rab me lce chad pa la// khyad par brtan pa rtag pas gso// sems kyi de nyid ma rtogs pa// snying po byang chub sems kyis
143a4 gso// shes rab me stag shi ba la// ting 'dzin ma yengs rtsa yis gso// nyon mongs re ma rtogs pa la// shes rab ting 'dzin brtan pos gso// dam tshig rgyun thag chad pa la// mi brjed gzungs kyi thugs rjes
143a5 gso// thugs rje'i rgyun thag chad pa rnams// rang byung ye shes thugs rjes gso/ khams gsum sems can nyon mongs pa// thugs rje'i byin gyis brlabs kyis gso// ma rig mun pa 'thibs pa la// ye shes nyi
143a6 ma'i 'od kyis gso// sems kyi de nyid ma rtogs pa// snying po byang chub sems su gso// kun tu bzang po nam mkha' che rtsa ba bsdus pa'i rgyud las/ gso ba bstan pa'i skabs te bcu bzhi pa'o//// rdo rje
143b1 sems dpas yang gsol pa// bcom ldan bde chen kun bzang po// nyid kyi gsad pa bshad du gsol// de skad gsol pa gsan nas kyang// kun tu bzang pos bka' stsal pa// dug lnga ye shes lnga ru
143b2 gsad// de yang nga yi gsad pa yin// dug gsum sku gsung thugs su gsad// de yang nga yi gsad pa yin// sems can sdug bsngal sna tshogs pa// bde chen byang chub sems su gsad// nyon mongs sems can
143b3 'khor ba dag/mya ngan 'das pa'i dbyings su gsad// gzung 'dzin rlung tshub 'tshubs pa yang// mi 'gyur ri bo'i thabs kyis gsad// rnam rtog gru char 'bab pa yang// shes rab nyi ma'i thabs kyis
143b4 gsad// rnam rtog rmongs pa'i gti mug rnams// rtogs pa'i shes rab sgron mas gsad// phyi nang snod bcud thams cad kun// chos nyid byang chub sems su gsad// thugs rje chen po'i byin rlabs
143b5 kyis// khams gsum sems can nyon mongs gsad/ ye shes nyi ma'i 'od gsal bas// gti mug mun par 'thibs pa gsad// shes rab me lce 'bar ba yis// gzung 'dzin rlung tshub 'tshubs pa gsad// rnal
143b6 'byor rtogs pa'i khyad par gyi// ma rtogs rmongs pa'i gti mug gsad// rtogs pa mngon du gyur pas na// sems can sems su gsad pa yin// snang srid chos rnams sems su gsad// gsad du med de ye
144a1 bsad yin// gdod nas dag pas bsad pa yin// kun tu bzang po nam mkha' che rtsa ba bsdus pa'i rgyud las/ gsad pa bstan pa'i skabs te bco lnga pa'o//// rdo rje sems dpas yang
144a2 gsol pa// bcom ldan bde chen kun bzang po// nyid kyi dbab pa bshad du gso// de skad gsol pa gsan nas kyang// kun tu bzang pos bka' stsal pa// 'khor ba'i rong skams lung pa la// byang chub sems
144a3 kyi chu bo dbab// nga dang bdag tu blta ba la// gnyis su med pa'i chu bo dbab// zhe sdang me chen 'bar ba la// byang chub sems kyi chu bo dbab// rnam rtog me lce 'bar ba la// ye shes chen po'i chu bo
144a4 dbab// dug lnga'i 'bras bu smin pa la// ye shes lnga yi ser ba dbab// gzung 'dzin rlung tshub 'tshubs pa la// ting 'dzin brtan po'i thabs kyis mnan// dug gsum lo ma rgyas pa la// sku gsung thugs kyi
144a5 zor gyis dbab// de yang nga yi dbab pa'o// yum gyi pad+ma'i b+ha ga ru// byang chub sems kyi chu bo dbab// mkha' dbyings bde chen klong yangs su// shes rab ting 'dzin chu bo dbab// chos kyi dbyings nyid
144a6 gdal ba ru// rig pa'i ye shes chu bo dbab// 'khor ba ngan song gnas chen du// chos dbyings bde chen chu bo dbab// thugs rje'i rgyun thag bcad pa la// rang byung ye shes chu bo dbab// gzung dang 'dzin par
144b1 lta ba la// gnyis med bde ba'i chu bo dbab// ma rtogs rmongs pa'i gti mug la// shes rab ting 'dzin chu bo dbab// b+ha ga klong yangs bde chen du// snying po byang sems chu bo dbab// ma rig nyon mongs
144b2 'khrul pa la// ye shes 'gyur med nyi ma dbab// yid gnyis the tshom za ba la// snying po 'gyur med thog chen dbab// rnam rtog bdag tu blta ba la// snying po byang chub chu bo dbab// de ltar dbab par bstan pa
144b3 ni// byang chub sems kyi dbab lugs te// dbab tu med pas dbab pa yin// kun tu bzang po nam mkha' che rtsa ba bsdus pa'i rgyud las/ dbab pa bstan pa'i skabs te bcu drug pa'o//// rdo rje sems
144b4 dpas yang gsol pa// bcom ldan bde chen kun bzang po// nyid kyis gcad pa bshad du gsol// de skad gsol pa gsan nas kyang// kun tu bzang pos bka' stsal pa// chos dbyings bde chen klong yangs
144b5 su// nyon mongs 'khor ba'i rgyun thag gcad// yid gnyis the tshom za ba la// yid ches dad pas rgyun thag gcad// snang srid thams cad sems yin te// sems nyid yin par rgyun thag gcad// 'khor ba thams
144b6 cad bag chags te// mya ngan 'das par rgyun thag gcad// sdug bsngal thams cad sems yin te// bde ba chen por rgyun thag gcad// phyi nang snod bcud thams cad kun// rang gi sems las byung bas
145a1 na// sems nyid yin par rgyun thag gcad// nga dang bdag tu lta ba la// gnyis med ral gri rnon po yis// byang chub sems su rgyun thag gcad// dug gsum dra bar bcug pa la// shes rab spu gri
145a2 ta ma las// sku gsung thugs su rgyun thag gcad// the tshom yid gnyis za ba la// shes rab ting 'dzin brtan po yis// yid ches dad pas rgyun thag gcad// chags sdang lcags su bcug pa la// thabs dang
145a3 shes rab lde mig gis// chags sdang bkrol te rgyun thag gcad// snang srid 'di ltar snang ba rnams// sems kyi cho 'phrul yin pas na// dmigs pa med par rgyun thag gcad// mtshan mar snang bar rtog pa
145a4 rnams// rtogs pa ldan pa'i blta ba yin// sems nyid yin par rgyun thag gcad// zhen chags 'khor bar bcings pa la// mtshan nyid spu gri rnon po yis// gnyis su med par rgyun thag gcad// nyon mongs
145a5 'dam du chud pa la// rang byung ting 'dzin chen po yis// dngos po med par rgyun thag gcad// 'khor ba'i sems can thams cad kun// ma bcos bcos pa med pa yis// mya ngan 'das par rgyun thag
145a6 gcad// kun tu bzang po nam mkha' che rtsa ba bsdus pa'i rgyud las/ bcad pa bstan pa'i skabs te bcu bdun pa'o//// rdo rje sems dpas bcom ldan 'das la 'di skad ces gsol to// 'khor ba nyid
145b1 ni mya ngan 'das// sdug bsngal nyid kyang bde ba ste// ma bslabs yon tan khyad par che// ma btsal mthu la dpag tu med// ma bsgrubs dngos grub brjod mi langs// ma gsungs chos ni bsam mi khyab// sangs
145b2 rgyas yon tan brjod mi langs// rgyud 'di gsung thos stong pa nyid// stong pa nyid kyang rgyud 'di'o// rgyud 'di sus 'dzin kun bzang po// kun bzang nyid kyang rgyud 'di'o// yid la dran pa sangs
145b3 rgyas thugs// sangs rgyas thugs kyang rgyud 'di'o// kun tu bzang pos bka' stsal pa// rdo rje sems dpa' khyod legs so// kun tu bzang po'i rgyud tshig 'dzin par gang byed pa// sangs rgyas thugs kyis rjes
145b4 'dzin yin// rgyud 'di 'dzin pa'i shes rab can// thams cad kyi ni bdag nyid yin// gnyen pos ma bcun thugs kyis rtogs// man ngag 'di nyid nga yin zhes// kun tu bzang pos rab bshad do// gang zhig
145b5 gang gis rtogs 'dod pas// man ngag 'di la blta bar gyis// de skad gang yang ma gsungs par// kun tu bzang pos bka' stsal pa// gcig tu thob pa med pa'i chos sku thob/ bsgrub pa med pa'i 'bras bu
145b6 grub// rang bzhin btsal ba med par sangs rgyas so// kun tu bzang po nam mkha' che rtsa ba bsdus pa'i rgyud rdzogs so//// dga' rab rdo rje la zhus pa'o// man ngag rtsa ba bsdus pa'i rgyud// chos nyid mi
146a1 'gyur rgyas btab bzhag/ban chung 'khyams po bdag gis drangs// bod nas rgya gar yul gyi bar// dka' ba bco brgyad spyad pa las// de'u shi lnga bcu rtsa bzhi byung// man ngag rgyal po'i phyag tu
gdams/

CLOSE WINDOW