3b1 b+hu ta sarba Da ma ra nA ma tan+t+ra/ bod skad du/ 'byung po kun 'dul zhes bya ba'i rgyud/ dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan
3b2 kun tu rtag pa mi 'gyur ba'i sku/bde ba chen po'i gnas brdal ba na bzhugs so// de'i tshe byang chub sems dpa' rdo rje chos kyi blo gros kyis/ kun tu bzang po la byin rlabs zhus so// de'i tshe de'i dus na kun tu
3b3 bzang pos lung bstan pa/rgyud nyi shu rtsa lnga la/ man ngag sum brgya drug cu dang/ phyi nang gsang ba'i ngo sprad dang/ man ngag gser gyi yang zhun dang/ dgongs pa zam ma chad pa'i byin rlabs skor du bstan
3b4 pa'i// byin rlabs thugs rje'i chos rnams la// bstan pa'i yang rtse man ngag kun gyi bcud// theg pa'i yang rtse spyi don dgongs pa'i rgyud// man ngag lde mig 'phrul gyi sgrom bu 'byed// rig pa'i tshad la 'jal
3b5 byed spu gri 'di// rig 'dzin rgyal po rdo rje chos kyi blo gros la// byin rlabs rgyal po bstan pa'i rten du bzhag/ tshegs chung don che man ngag zab// rgya che rab zab dgongs pa brgyud pa la// chos kyi blo gros thugs
3b6 la byin rlab shar// snang srid 'khor 'das phyi nang med par gsal// me long bltas pas rang snang gsal ba ltar// 'gro drug rang snang sku dang ye shes dang// thig le nyag gcig me long nang ltar gsal// de
4a1 ltar ngo sprod dgongs pa bstan pa ni// chos can chos med rang grol dgongs pa shar// de phyir dgongs pa brgyud pa yin// rang byung me long nang na ci snang ltar// rang snang rang mdangs 'di ni cir
4a2 yang snang// rgyal ba'i thugs kyi gter sgo phye// nyag gcig dgongs pa rang grol bstan pa ni// mu stegs 'gro drug theg pa dgu// rang snang rang mos 'dod gzhung tha dad kyang// don du rnam pa mang yang nges par
4a3 gcig/gcig po mtha' grol 'ub chub rtse mo ste// byis pa rnams kyis de ltar mi shes so// kye ma ho// de ltar snang yang de ltar mi srid kyis// yang dag rang grol dgongs pa 'di yin no// thog ma rang bzhin lhun
4a4 gyis grub pa la// snang ba rgya chad phyogs ris kyi// ris su chad pa rdul tsam mi srid do// bar du byin rlabs 'grib pa med pa la// bsgom par bya ba rdul yang mi mtshon no// snang ba re la shes pas phyaugs su
4a5 bzung// phyogs ris dgongs pa rang grol ma shar na// rang snang bsgom pa mtha' yis bcings pa yin// lam dang 'bras bu rang gzhung grub pa'i mtha'// mtha' grol rang byung shar ba shin tu dka'// zhes
4a6 gsungs pa dang// rdo rje chos kyi blo gros la// thugs cang shes kyi klong nas sprul pa'i sku byung ste// chu dang rlabs dang nyi ma 'od dang zer// de bzhin lbu ba'i rnam pa ltar// byin rlabs skad cig ma la
4b1 shar// rang shar 'bras bu'i dgongs pa las// ston pa dga' rab rdo rje 'thon// de nas thugs rje'i byin rlabs shar ba las// rig pa'i klong nas byin gyi rlabs kyis su// rdo rje chos kyi blo gros dang// ston pa kun tu bzang
4b2 po la// snang ba bsam gyis mi khyab pa// 'di yi brtag pa ji ltar lags// zhes zhus so// 'byung po kun 'dus gyi rgyud las/ gling gzhi'i le'u ste dang po'o//// de nas rdo rje chos kyi blo gros kyis yang
4b3 zhus pa/ston pa kun tu bzang po lags/ bdag 'dra sprul sku dga' rab rdo rje dang/ de yi 'khor du 'dus pa yi/ ya ma/ badzra sha/ b+hU ta/ pA shI/ bA yu/ tsan+d+ra de bA/ sUr+ya de bA/ ma di de bA/ b+ha ba ya/ ta la de pA/
4b4 pa ta li de bA/ dza la/ nA ga de bA/ de rnams thams cad 'dus nas ni/ mchod pa'i rnam pa 'di rnams 'bul/ ma hA bU dza d+ha thim d+ha thim/ zhes brjod pas byin rlabs 'gag pa med pa ni/ dang po thugs rje 'gag
4b5 med de// byin gyis rlabs kyi gzhi ma yin// rgya mtsho'i rba dang rlabs lta bu// nyi ma'i 'od dang zer lta bu// bar du byin gyis rlabs kyi rgyu// 'gyu ba 'gag pa med pa yin// 'gyu ba'i byin rlabs shar ba
4b6 yis// thugs rje mi 'byung rang dbang med// de yang lam du 'gyu ba'i byin rlabs shar// 'gyu ba byin chen gtan la phebs// zang thal rlabs chen dgongs pa shar// rang grol 'bras bu chos las 'das// de yi
5a1 byin rlabs gnad chen shar// lag len nyams chen 'phel 'grib med// don gyi khong gzer gnad du thabs// 'jig rten snang ba sangs rgyas yin// nyon mongs rang snang dgra bcom
5a2 yin// 'jig rten rnam rtog shes rab rtsa// shes rab rtsa ba rtogs pa yin// rtog med shes rab tshad ma gang// shes rab rtags kyis rab brgyan na// sangs la rgyas pa med cing chos la spyod pa med// dgra bcom
5a3 rang rgyal byang chub sems dpa' med// gang zag rnam brgyad med cing bar do'i las dbang med// 'khor ba myang 'das med cing thar pa thob mkhan med// dag dang ma dag yang dag snang ba tha dad med// las med 'phro
5a4 med mthud pa'i 'bras bu med// rnam par smin pa med cing yang dag thar pa med// de phyir 'byung po kun 'dul yin// thams cad 'brel shing 'dus pa'i rgyud// ngo sprod 'di dang mi ldan no// tshig gi
5a5 bdag pos mtshon nas las// stong pa'i bdag pos stong par bltas// mtshan ma'i bdag pos mtshan mar khyer// kun rdzob bdag pos rdzob tu bcug/ mya ngan 'das zer mya ngan non// 'khor ba bshad cing
5a6 'khor bar 'khyams// 'khrul 'khor bdag po nyon re mongs// thar pa 'dod pa sgrib pa che// byang chub 'dod pas gol sar chud// chos spyod byed pa ngal dub che// dmigs pa'i bdud zhugs ma tshor
5b1 ro// byas pa thams cad mi rtag 'dus byas yin/ 'dus byas mya ngan mtha' las 'das// e ma ho/ bgrod par 'dod pa nyon re mongs// de ltar bgrod pas de ltar mi rtogs so// bgrod nas byang chub
5b2 'dod pa smig rgyur bsnyeg pa 'dra// gser sbram khyim du sbas nas gser sa 'tshol// chos nyid rang snang ma shes gzhan la 'tshol// brtson 'grus byas bas 'bras bu rnyed par dka'// zhes gsungs so/ 'byung
5b3 po kun 'dul gyi rgyud las/kun tu bzang po la byin rlabs rang la shar nas/ chos las 'das pa'i le'u ste gnyis pa'o//// de nas yang byin gyis rlabs kyis lung bstan pa/ rdo rje chos kyi blo gros
5b4 nyon// theg pa sna tshogs bsgrub bya dang// de yi 'bras bu sgrub byed dang// snang ba lam gyi mdor bsdus pa// de ni bdag gis bshad par bya// nyan thos snang ba rdul phran dang// nang gi shes pa brjod med
5b5 yin// de yang shes rab khyad par las// snang ba rdul du shes pa dang// nang la brjod du med pa'o// de yang rdul phran don dam mo// rang rgyal ba yi snang ba 'di// rdul phran sgyu ma lta bu la// rten 'brel bcu
5b6 gnyis shes rab yin// zhi gnas lhag mthong shes pas 'phags// sems tsam rnam par snang ba 'di// sems las ma rtogs logs snang med// rnam par snang yang mi rtog pas// de ni rnam bcas shes rab
6a1 bo// rnam pa med pa'i snang ba 'di// sems kyi rnam pa rdzun pa las// rnam med rang rig don dam mo// sgyu ma lta bu'i spyod pa ni// chos rnams thams cad sems yin te// sems kyang rdzun par shes
6a2 pa'o// kun rdzob sgyu ma tsam du bden pa dang// don dam spros pa bral bar bden pa shes rab bo// rab tu mi gnas snang ba ni// rnam par dpyad pa tsam zhig las// khas len thams cad dang bral ba'i// gnyis
6a3 su med pas dbu ma yin// de ltar shes pas shes rab yin// de la kri ya'i snang ba yang// rigs gsum sgyu ma lta bu las// don dam skye ba med pa'o// de ltar shes pas shes rab bo// yo ga sku lnga ma hA rigs
6a4 lngar snang// a nu he ru ka lngar snang ba dang// rdzogs chen rang snang ma bcos pa// dbu ma sgyu mar bden pa de// bden pa gnyis kyi mu la snang// gsang sngags sgyu ma'ang rdzun pas na// gsang sngags rang snang
6a5 khyad par 'phags// a ti rdzun dang bden pa gnyis// rang snang ma bcos chos kyi sku// kun 'dul dgongs pa ye shes rang snang ste// 'gro drug rang snang rnam par dag/ mu stegs rtag chad rgyu dang 'bras bu
6a6 snang// sku gsum rang snang yon tan snang// lta bsgom spyod 'bras rang re snang// rang snang 'di la 'jug pa'i lam// de phyir lam gyi dgongs pa bshad pa yin// zhes gsungs so// 'byung po kun 'dul gyi rgyud
6b1 las// snang brtags shan 'byed pa'i le'u ste gsum pa'o//// de nas yang dag bshad bya ba// nyon cig rdo rje chos kyi blo gros khyod// snang rtags lam gyi rim pa la// dbang po bsam pa mkhyen gyur
6b2 pa// sngags kyi theg pa'i khyad par las// grol lam chags lam ma shes na// sngags kyi bka' bsgo nyams pas na// dbang gi dmar khrid bshad par bya// 'bras bu bla med byang chub thob 'dod pas// mtshan
6b3 nyid pa dang pha rol phyin pa dang// gsang sngags 'bras bu bla na med pa dang// chos las 'das pa'i ngo sprod 'di bstan pa// mtshan nyid sa dang pha rol phyin pa ni// thabs dang shes rab khyad par ni// shes rab
6b4 gtso bor bzung nas 'bras bu 'tshol// thos dang bsam pa'i shes rab rgyud la brten// shes rab med na mig med pha rol phyin pa dka'// thabs kyi sbyor ba sems bskyed pa dang sbyor ba'o// gsang sngags
6b5 'bras bu'i theg pa ni// sku lnga ye shes lnga dang ldan pa ste// bskyed pa sku la rdzogs pas ye shes ni// zung du 'brel pa 'bras bu'i theg pa'o// de yang rten dang khyad par las/ khams gsum sems can grol bar
6b6 byed pa la// dbang gi rten dang mi ldan par// dbang bzhi bskur ba'i gnad bstan pa// dper na ba la zho yod kyang// be'u kha med blug snod med// de bzhin bla mas dbang bskur te// rten dang mi ldan
7a1 bskur thabs med// gzugs med pa yi khams rnams la// dbang rnams bskur ba'i rten med de// rtsa rlung rtog pa mi dmigs pas// ye shes dbang bskur ga la nus// gzugs khams rtsa dang rlung
7a2 yod kyang/khams kyi zas kyang bral bas rten ma yin// des na 'dod khams gnas ris kho na la// dbang rnams bskur ba'i rten du rung// 'dod chags zhe sdang gti mug dang// nga rgyal khong khro phrag dog
7a3 gis// gdungs nas 'dus pa'i 'dod khams 'di// dbang gi snod du rung ba yin// dbang dang man ngag lag len gsum// snod dang bcud dang bskur thabs gsum// phyi dang nang dang gsang ba'o// bum
7a4 pa thabs dang shes rab dang// rgyu dang ngo bo dbye ba'o// bskur thabs gnas dang rdzas dang ni// gleng gzhi dkyil 'khor bskur ba'i dus// 'bras bu dang ni nges pa'i tshig/ rgyu ni sa chog la sogs sa bslang
7a5 dang// brtag dang sbyang dang bri ba dang// mchod pa'i rdzas dang rgyan dgram pa// dkyil 'khor cho ga la sogs yin// ngo bo dbang thob don dang ldan// nges tshig don ldan rnal 'byor pas// dbye ba phyi nang gsang
7a6 ba'o// gleng gzhi sngon byung rjes 'jug go/ dkyil 'khor phyi nang kun la snang// bskur thabs bskyed rim rdzogs rim mo// gnas ni lus ngag yid gsum mo// rdzas ni bum pa thabs dang gsang ba'o// dus ni
7b1 bkra shis nyi ma yin// 'bras bu sku gsum rang grol yin// zhes gsungs so// 'byung po kun 'dul gyi rgyud las/ dbang gi sdom bstan pa'i le'u ste bzhi pa'o//// de nas yang dag bshad bya ba// nyon
7b2 cig rdo rje chos kyi blo gros khyod// bum pa'i dbang gi ngo sprod pa// bum pa'i ngo bo nges tshig dbye ba dang// mthun pa'i dpe dang bskur ba'i gnas// bskur ba'i rdzas dang dus tshod dang// yon tan 'bras bu skyon
7b3 bstan pa// bum pa'i ngo bo 'dus pa yin// nges pa'i tshig ni rdzogs pa yin// dbye ba phyi nang gsang ba'o// mthun pa'i dpe ni rin po che// bskur ba'i gnas ni mgo bo la// rdzas ni phyi nang gsang ba'o// dus ni
7b4 gnam stong nyi ma la// yon tan lus kyi sgrib gsum dag/ srog gcod ma byin 'dod log dag/ 'bras bu sprul pa'i sku ru rdzogs// ma bskur khams gsum 'khor bar 'khyams// phyi yi bum pa rin chen
7b5 dang// bum pa'i rdzas ni 'di dag go/ 'bru lnga sman lnga rin chen lnga// spos lnga snying po rnam lnga yin// bskur gnas la sogs gong du'o// nang gi bum pa bla ma'i sku// bdud rtsi la sogs lus la rdzogs// bskur
7b6 ba'i gnas ni lce la'o// rdzas ni bdud rtsi 'o ma chu// dus ni bskyed rim bsgom pa'i dus// yon tan ngag gi sgrib pa dag/ bdud rtsi lce la bzhag pa'o// dgos pa tha mal rtog pa med pa dang// bdud rtsi
8a1 longs spyod grogs su shes pa dang// rdzun dang phra ma tshig rtsub ngag 'khyal gyi// ngag gi sgr-ib pa dag par byed// gsang ba'i bum pa rang lus kyi// bum rdzas lhag pa byang chub sems// bskur thabs
8a2 yum gyi b+ha ga la// bskur ba'i rten ni rtsa gsum ste// yon tan gzung 'dzin bde bar 'bar// dus ni snyoms par zhugs pa yin// 'bras bu dga' bde lhan cig skyes pa'o// yang gsang bum pa'i dbang bskur
8a3 ba// rang rig ye shes bum pa yin// bum rdzas 'das pa rnam pa lnga// bskur thabs chos las 'das pa yin// rten ni blo ldan gang zag yin// yon tan rang grol byin rlabs 'char// dus ni gdams pa skad
8a4 cig yin// 'bras bu rig pa rang grol yin// de la dkyil 'khor gang dang 'brel ce na// phyi yi bum pa'i dkyil 'khor ni// me tog thang ka rdul tshon no// bskur tshul gang dang 'brel ce na// slob dpon bla mar
8a5 gus bya yi// chu ni spyi bo'i gtsug tu bskur// rna ba g.yas su dbu rgyan no// ltag par rdo rje rna g.yon dril// ming ni dpral bar bskur ba yin// me tog phreng ba mgo la bcings// shes rab rig pa'i dbang lnga
8a6 yin// lus kyi sgrib pa 'dag par byed// ces gsungs so// 'byung po kun 'dul gyi rgyud las/ bum pa'i dbang gi le'u ste lnga pa'o//// de nas yang dag bshad bya ba// nyon cig rdo rje chos kyi blo gros
8b1 khyod// thabs dang shes rab dbang bskur bstan par bya// thabs dang shes rab ldan pas bum pa'o// thabs kyi bum pa bla ma yin// ting 'dzin byang chub sems kyi chu// bla ma'i kha yis pad+ma blangs// slob ma'i
8b2 tshangs pa'i bu gar bskur// ga bur chu yi bdud rtsis ni// lus kyi sgrib pa 'dag par byed// shes rab bum pa mi mo yi// lus kyi pad+ma rak+ta yin// gsang ba pad+ma'i sbyor ba yis// gsang ba'i bdud rtsi phab byas
8b3 la// thabs kyis rdo rje'i ngag dag byed// bskur gnas pad+ma'i lte ba la// bskur dus lhan cig skyes pa'o// yon tan rnam rtog bde bar 'bar// 'bras bu phyag rgya chen po thob// nyams len dga' ba bzhi dang
8b4 'brel// thig le rdo rje'i mgrin par sleb// de ni dga' bde zhes su brjod// de nas rdo rje'i rtse mor 'bar// de ni mchog dga' zhes bya'o// de nas mnyam par sbyor ba yis// phyed shor phyed ma shor ba ni// lhan
8b5 cig skyes pa'i dga' ba yin// thig les rang sa zin tsa na// de ni dga' bral zhes su brjod// dang po bde ba'i ye shes de// rgyu yi ye shes zhes su brjod// de nas mchog tu dga' ba ni// lam gyi ye shes zhes
8b6 su brjod// de nas lhan cig skyes dga' ni// lhan cig skyes pa'i ye shes so// dga' bral 'bras bu'i ye shes yin// dga' ba las kyi phyag rgya yin// dga' mchog chos kyi phyag rgya yin// lhan cig skyes pa dam
9a1 tshig phyag rgya yin// dga' bral phyag rgya chen po yin// dal ni lus kyi phyag rgya yin// rten ni ma ning la sogs ma yin pa'o// dus ni bcu drug lon pa'o// yon tan ye shes bzhi dang ldan// 'bras
9a2 bu phyag rgya chen por lhun gyis grub pa'o// nang gi thabs dang shes rab dbang bskur rdzogs// rig pa yab la snang ba yum// snod bcud gnyis med sbyor ba yis// thabs dang shes rab dbang
9a3 mchog thob// thabs dang shes rab rgya ma chad// phyi nang med pa'i dbang bskur rdzogs// rten ni bla ma dam pa'o// dus ni rtog pa skad cig la// yon tan mtshan ma rang sar grol// 'bras bu snang srid thig ler
9a4 'bar// yang gsang thabs dang shes rab dbang bskur ba// rang gsang thabs kyis chod pa de// rang ni shes rab dbang bskur ba// chod pa thabs kyi dbang bskur dang// thabs dang shes rab dbang bskur
9a5 rdzogs// rten ni ma rig ma rtogs pa// dus ni le lo ma rig ma rtogs log rtogs dang// phyogs rtogs gang zag rnams la bskur// yon tan kun mkhyen ye shes thob// 'bras bu rang byung thig ler
9a6 brdal// dkyil 'khor gang dang 'brel ce na// kun 'byung rang snang dkyil 'khor dang// sbrel pa med par 'brel pa ni// rig pa'i ye shes lha chen phob// dam tshig bar mtshams med par bsrung// de las
9b1 'das na 'ching bar 'gyur// zhes gsungs so// 'byung po kun 'dul gyi rgyud las/ thabs dang shes rab kyi dbang bskur ba'i le'u ste drug pa'o//// de nas yang dag bshad bya ba// rdo rje chos kyi blo gros
9b2 nyon// gsang ba'i dbang bskur bstan par bya// ngo bo nges tshig dbye ba dang// mthun pa'i dpe dang bskur gnas dang/ rdzas dang yon tan 'bras bu'o// ngo bo bde ba nyams myong ba'o// nges tshig shes rab snying
9b3 rje yis// bde ba'i ye shes bskyed phyir yin// dbye ba phyi nang gsang ba'o// mthun dpe 'bras chang blud pa 'dra// de yis shes pa 'gyur ba'o// gnas ni ri phug dgon phyi'i dang// nang gi shes rab pad+ma
9b4 dang// gsang ba'i shes rab ye shes so// rdzas ni byang sems dkar dmar ro// yon tan ye shes dgongs pa 'char// dus ni dbang gnyis rdzogs nas ni// dkyil 'khor tshogs dang rang lus shes rab
9b5 mo'i// bskur tshul lus kyi yan lag gnad du'o// 'bras bu ma rig log rtog sel// da ni nang gi gsang dbang bstan// snang ba rtsad nas chod pa shes rab dbang// rang snang ye nas shes pa ye shes dbang// phyi
9b6 nang zang thal shar ba ngo bo yin// rig pa rang sar grol ba nges tshig yin// ye shes rang byung rang shar shes pa dbye ba yin// nyi shar mun pa dngas pa mthun dpe yin// rig pa rang la gnas pa dgos pa
10a1 yin// rang rig ye shes rang la yodapa dbang rdzas yin// ye shes lnga ldan ma bsgrubs yon tan yin// dus gsum 'du 'bral med par shes pa dus tshod yin// rang byung thams cad 'dus pa
10a2 dkyil 'khor yin// rig pa rang dbang 'dus pa bskur tshul yin// ma rig log lta choms pa 'bras bu yin// da ni gsang ba'i dbang bstan pa// shes rab ye shes ye nas rang la gnas// ngo bo shes pas
10a3 'khor ba'i skyon dang bral// rang grol nges pa'i tshig gi gdeng la grol// dbye ba ye dang shes pa gnyis// shes rab kyis ni yang dag ye shes shar// mthun dpe man shel ngo sprod 'dra// phyi nang med pa'i gtan
10a4 tshigs khong nas shar// dbang rdzas shes rab rang chas rang la rdzogs// yon tan nyag gcig dgongs pa sad// bskur dus skad cig bye brag phyed// dkyil 'khor ye shes gting rdzogs yin// bskur tshul ngo
10a5 sprod skad cig la// 'bras bu rang grol dgongs pa sad// ngo sprod dbang bskur 'di lta bu// bum pa nang gi mar me ltar// snod ma yin gyi gang zag la/ dus dang gnas skabs kun tu gsang// snod dang ldan pa
10a6 rnams la yang// dbang ma thob par bshad ma yin// ci phyir ngo sprod 'di nyid la// ma rtogs pa rnams skur pa 'debs// log par rtogs nas skur par 'gyur// don ma rtog pas yid ma ches// tshig la 'chel
10b1 zhing don la rmongs// bshad chod mkhan gyis go bar dka'// skye bo rnams kyi ya gar 'gyur// de bas 'di don gsang bar bya// zhes gsungs so// 'byung po kun 'dul gyi rgyud las/ shes rab ye shes gsang
10b2 bar dbang bskur ba'i le'u ste bdun pa'o//// de nas yang dag bshad bya ba// rdo rje chos kyi blo gros nyon// tshig dbang rin chen bstan pa ni// legs par rtse gcig yid kyis nyon// bum pa'i lha dang
10b3 dbang bskur rnams/skye ba med par rgyas 'debs pas// phyi yi tshig dbang zhes su brjod// dga' ba bzhi la rgyas 'debs pas// nang gi tshig dbang zhes su bshad// shes rab ye shes rgyas 'debs
10b4 pas// gsang ba'i tshig dbang zhes su brjod// rig pa'i ye shes ngo sprod pas// tshig dbang bla na med pa yi// bla med tshig gcig dbang du byed// dbang bskur brda' ston lha rje yin// lha yi dbang po lha yi
10b5 lha// lha pas bla ma lhag pas lha yi bla// lha la zab mo'i tshogs 'khor 'bul// tshogs rje tshogs bdag dbang dang ldan// ha yi rje bo kun+da'i snying po bya// de rnams shes
10b6 shing slob pas slob dpon yin// ma rtogs ma shes 'dren pas slob dpon yin// 'dren pa rang rgyal slob dpon yin// tshogs kyi slob dpon tshogs kyi bdag/ de nas tshig dbang rgyas btab pas// rdo rje lta bu'i
11a1 sku brnyes pas// gcig bu sra mkhregs rdo rje'i bdag/ skyes ma thag tu rang grol bas// rdo rje slob dpon zhes su brjod// dbang bzhi rdzogs pa'i slob dpon de// rdo rje slob dpon zhes brjod do/
11a2 rdo rje gdan ni ma lus ldan// rdo rje gcig pus g.yul sel bas// slob dpon dpa' bo che zhes brjod// tshig dbang gcig la thams cad rdzogs// rang rig ye shes ma bcos pas// rnal 'byor zhes kyang de la
11a3 bya/don ldan blo la 'byor pa yis// rnal 'byor chen po zhes kyang bya// chos sku mi 'gyur rtag pa'i sku// dus gsum 'pho 'gyur med par shes// rtag pa kun rgyal rnal 'byor can// gsang ba mngon du phyung nas
11a4 bstan// gsang ba sbas pa'i khungs brtol bas// bla mas dbang bzhi bskur bas na// bla ma gsang sngags kun bas mchog/ ces gsungs so// 'byung po kun 'dul gyi rgyud las// tshig dbang bla ma la rag lus
11a5 pa'i le'u ste brgyad pa'o//// de nas yang dag bshad bya ba// nyon cig rdo rje chos kyi blo gros khyod// gsang sngags bla ma'i thugs la gnas// gsang sngags don kun skyed pa po// gsang sngags bdag po sna
11a6 tshogs ston// khyod ni rtse gcig yid kyis nyon// gnas brtan rgan po skye dgu'i bdag/ sangs rgyas rabs bdun do zla'o// de yi dgongs pa bshad par bya// ldem por dgongs pa rnam pa bzhi// gzhi la ldem
11b1 dang tshig la ldem// don la ldem dang gnad la ldem// ldem dgongs bsgom rtsa ma chod na// 'khrul 'khor rmongs pa nyon re mongs// kye rigs kyi bu nyon cig/ thog ma med pa dus kyi dbyings// dngos gzhi chen po
11b2 kun gzhi la// gzhi la phun tshogs gnad med na// ston pas bstan pa 'dus byas 'gyur// bka' tshoms gegs kyi gnad med na// kun brtags theg pa rang gzhung srol// 'bras bu mi 'dra nges shes
11b3 med// 'gro drug mu stegs rang sar bde// bar bar bde ba'i gegs med na// rgyal po dmangs kyang lcebs te 'chi// sku gsum lam gyi gnad med na// rnal 'byor dus ltos nyon re mongs// byin rlabs rang
11b4 chas gnad med na// nyi ma'i snying po sngon du zad// thugs rje 'gag med gnad med na// mkha' yi char pa sngon du zad// gzhi la mkhas pa'i gnad med na// 'khor ba dong sprugs sngon du 'byung// 'bras bu rang
11b5 sa'i gnad med na// kun tu gzang po 'khor bar ltung// thugs rje rol pa'i gnad med na// 'khor ba'i snang ba sngon du sangs/ 'gyu ba med pa'i byin rlabs gnad med na// chags ldang lnga po sngon du zad// ma
11b6 rig gti mug gnad med na// gzung 'dzin 'dus byas sngon du zhig/ skye dgu'i bdag po gnad med na// skye ba dgu brgyud sngon du chad// e ma ho// tshig la ldem por dgongs pa de gsungs so// de nas cang mi
12a1 gsung par chos nyid kyi klong du mnal lo// zhes 'byung po kun 'dul gyi rgyud las/ skye dgu la ngo sprod pa'i le'u ste dgu pa'o//// de nas rdo rje chos kyi blo gros kyis// bcom ldan kun tu
12a2 bzang po lags// skye dgu'i mtshan nyid ji ltar lags// zhes zhus pas/ kun tu bzang pos bka' stsal pa// gnas dang brtan dang skye dgu'i bdag/ gnas pa kun gzhi spyi sa yin// brtan pa rang bzhin stong
12a3 pa lnga dang ldan// rgan po thog ma med pa yin// skye ba dgu ni mi 'gag pa// phyi yi skye ba dgu brgyud la// dang po gzhi sa ngo sprod gces// bar du rgyu rkyen ngo sprod gces// tha mar skyes pa'i dngos po brtan par
12a4 gces// 'gro ba rigs drug mu stegs rtag chad gnyis// 'dre dang lha ru skye ba dgu brgyud pa// dang po brgyud pa'i khungs btsal na// 'khor ba thog mtha' bcad pa gces// lha ni 'dre srin mi dang 'gro drug
12a5 gi/skye ba'i gzhi ma ma shes na// sngags pa mthu rtsal bsam yas kyang// skye ba dgu brgyud chod mi srid// ngan sngags skye ba'i rtsa ba ma chod na// dgu brgyud gcod pa ya re cha/ chod pa med pa nyon re mongs// srid
12a6 gsum skye brgyud ma chod na// khams gsum yongs grol dka' mor mchi// phyi yi skye rgyud gcod pa la// 'byung po kun 'dul gdams pa dgos// skye dgu rtsad nas gcod pa'i ngo sprod dgos// khams gsum
12b1 yongs grol dgongs pa dgos// srid gsum rnam par dag pa'i yid ches dgos// gnas brtan rgan po sgrol ba'i dpang po dgos// sangs rgyas mes po mthong ba'i spyan mig dgos// 'gro drug skye sgo gcod pa'i
12b2 gegs sel dgos// rtag chad srog rtsa gcod pa'i bshan pa dgos// lha srog 'dre gzir gtan la phebs pa'i phur thun dgos// nam mkha'i klong du sleb pa'i gshog pa dgos// rgya mtsho hub kyis 'debs pa'i
12b3 kham chu dgos// me chen gos su gyon pa'i bzod pa dgos// sa chen gdan du bting ba'i lus stobs dgos// rlung po gshog par byed pa'i yang rtsal dgos// 'byung lnga lngas su 'jug pa'i mi pho dgos// dug lnga
12b4 bdud rtsir spyod pa'i rnal 'byor dgos// gnyis snang rang snang gcod pa'i 'khyer ka dgos// khams gsum rang la shar ba'i dgongs pa dgos// de ltar shes na phyi yi 'byung po 'dul// zhes gsungs
12b5 so// 'byung po kun 'dul gyi rgyud las/ phyi'i 'byung po skye rgyud bcad pa'i le'u ste bcu pa'o//// de nas yang dag bshad bya ba// nyon cig rdo rje chos kyi blo gros khyod// nang gi skye dgu rtsad bcad bstan par
12b6 bya// thog ma'i gnas brtan skye dgu las// thog ma med pa'i dus nyid nas/ nyon mongs brgyad khri'i gzhi ma yin// chos kyi sgo mo brgyad khri bzhi stong gis// de rnams skye ba'i gzhi ma de// theg pa rim pa dgu yi
13a1 gzhi// kun gzhi skye ba'i mdzod chen yin// rgyu dang lam dang gzhi dngos gsum// de gsum gtan la phebs par 'gyur// gtan la 'bebs pa sde yi lung du bshad// de la gol gzhi rim pa
13a2 dgu// gol ba lam gyi so mtshams dgu// gol sa dngos po mtha' bcas rnams// gol gzhi gol sa ma shes na// theg pa spyi las bogs mi thon// sun 'don la bzla ma shes na// theg pa'i la shan ris mi
13a3 phyed// ngo sprod rang sa ma bstan na// 'bras bu spyi yi gol sar 'chor// gegs dang sel lugs ma shes na// spre'u rgan ma ru 'chos pa 'dra// lta ba'i gol sgrib ma chad na// bong bu seng lpags gyon pa
13a4 'dra// bsgom pa'i gol sgrib ma chod na// spre'u la bsgom pa bslabs pa 'dra// spyod pa'i gol sgrib ma chod na// rgod po gshog pa chag pa 'dra// 'bras bu'i gol sgrib ma chod na// nyi ma gza' yis bzung ba
13a5 'dra// thams cad ngo sprod ma shes na// nor bu mching bu thogs pa 'dra// dngos po rtsad nas ma chod na// nyan thos la sogs rang gzhung re// de yi mtshan ma ma grol na// grang nad can la ga pur ltar// rang snang
13a6 ye shes bdud du 'gyur// phyogs rtogs rtog pas zin pa ni// kha brag lam mdor tshogs pa 'dra// des na ngo sprod shin tu gces// nang gi skye dgu rtsad gcod na// theg pa'i gol sa shes pa ngo sprod yin// theg
13b1 pa'i gol gzhi shes pa gdams ngag yin// theg pa sun 'don shes pa dbang po yin// theg pa'i la bzla shes pa yid ches yin// theg pa'i ngo sprod rang grol shes pa nges shes yin// thig le gcig tu shes pa
13b2 'bras bu yin// zhes gsungs so// 'byung po kun 'dul gyi rgyud las/ nang gi skye dgu rtsad nas bcad pa'i le'u ste bcu gcig pa'o//// de nas yang dag bshad bya ba// nyon cig rdo rje chos kyi blo gros
13b3 khyod// gsang ba'i skye dgu rtsad nas gcod pa bstan par bya// kun gzhi skye ba dgu pa'i bdag/ rnam par shes pa'i tshogs brgyad la// skye lugs mi 'dra rnam pa brgyad// brgyad kyi dpon por gyur pa yin// de skye
13b4 ba dang dgu zhes bya// de la gzhi dang lam dang ni// 'bras bu dngos po dag tu smin// gab pa ngo sprod bstan pa ni// lha yi ngo sprod skye ba dgu/ nor lha brgyad ces bya bar skyes// de'i dpon po dbang phyug
13b5 chen po lha chen po dang dgu/lhan cig skyes pas lha dgu yin// lha yi skyes rabs ma shes na// lha la mchod pa 'bul mi shes// lha yi mchod thabs ma shes na// mchog gi dngos grub 'thob mi 'gyur// 'dre ni 'byung po srin
13b6 po dang// nyi ma zla ba khyab 'jug tshangs pa dang// gshin rje dang ni ma mo dang// sa yi lha dang chu lha me lha rlung gi lha/ ku be ra'i lha dang/ 'brog gnas lha dang/ gang ba bzang po lha dang/ nor gyi lha brgyad/ de ni
14a1 nor gyi lha brgyad do// lhan cig skyes pa'i 'dre dgu po// de yi bcos thabs ma shes na// bar chod sel ba'i dus mi mchi// de la dang po bar dang tha ma gsum// de gsum ngo sprod ma shes na// rnam
14a2 rtog rang grol dus mi mchi// kye rigs kyi bu khyod nyon cig/ gsang ba'i skye dgu rtsad gcod ni// skye gzhi'i rtsa ba ma chod na// rgya mtsho'i lbu ba sub pa 'dra// skye dgu'i rtsa ba ma chod na// chu gting zla bar rdo brdeg
14a3 'dra// dngos po'i skye rgyud ma chod na// smyon pa'i lag du sman 'gyed 'dra// gzhi lam skye rgyud gcod pa la// dga' bo 'jog po'i nor bu ltar// dug la mi 'jigs nor bu rnyed pa ltar// dngos po spang dang sbyang pa
14a4 dang// bsgyur dang rang snang yin zer ba// de yi 'bras bu sgrib pa yin// kye rigs kyi bu nyon cig/ 'gyus ni rang grel zung 'jug med// lha brgyad ngo sprod de yin no// 'gyus na ma rig bdud du 'byung// 'gyu ba
14a5 gcig gi rtsad chod na// chig chod ngo sprod de yin no// gcig po rang grol shes tsam na// lha 'dre dbang du 'dus pas 'byung po thul// mkha' 'gro chos skyong dbang du 'dus pas 'byung po thul// nyag gcig nyams
14a6 las grol ba rtog ge'i yul las 'das// mtshan ma sna tshogs rang sar grol bas thig le nyag gcig rang la 'char// lha 'dre gnyis med shar bas dngos grub bar chod med// lha yi skye rgyud chod pas zug rngu dus
14b1 gcig choms// 'dre yi skye rgyud chod pas bar gcod dus gcig zhi// bde sdug skye rgyud chod pas 'khor ba rang sar grol// thig le rang la shar bas mtha' bzhi dras thag chod// me chu gnyis kyi tsha grang bsnyams
14b2 pas btso bsreg khar mi ltung// sa dang rlung gnyis mtshan nyid shes pas bying rgod rang sar grol// mkha' dang 'gyu ba'i chos nyid shes pas dgongs pa rnam par dag/ rnam shes 'od gsal shes pas bar do tshad
14b3 las grol// rig pa ye shes shes pas mkhyen pa'i zhing khams 'char// thig le ye shes shar bas sangs rgyas dgongs pa shar// 'gyu ba zang thal shar bas byin rlabs phyogs med 'char// 'gro drug rang sar
14b4 grol bas sangs rgyas yul med 'char// 'khor ba rang sar grol bas 'gro drug 'khyam sa med// snod bcud phyi nang med pas gzung 'dzin dngas sa med// rig pa khong nas shar bas ma rig dngas sa
14b5 med// shes rab khong nas shar bas sgrib pa byang ba med// 'gyu ba zang thal shar bas las kyi 'khor sa med/ dug lnga rang sar grol bas nyon mongs skyes sa med// gzung 'dzin dkar nag grol bas shes bya'i
14b6 sgrib pa med// lus kyi mtha' gzhi chod pas rnam smin gol sa med// sgrib pa bcu gnyis bsdus pas bzhi ru 'dus// de yang gsum 'dus gsum po gcig/ rgya mtsho'i gting gis lu ma'i rtsad chod na// rgya mtsho che
15a1 yang rang dngas bskam par 'gyur// shing phung ljon pa'i rtsa ba chod tsa na// lo ma me tog 'bras ldan bskam par 'gyur// de bzhin sgrib pa'i rtsa ba yin par shes pa la// 'gyu ba shes pas gong
15a2 ltar thams cad chod// rtsa ba gcig gi don rtogs na// dper na dze ta'i sman bzhin du// gang la reg pa sman du 'gyur// de bzhin cir snang cir 'gyus yang// ye shes dag la 'das pa ni// skad cig tsam yang
15a3 mi srid do// dbang po bsam pa dang sbyar du// 'gyu ba gcig po'i spyi khyab yin// khyab pa gcig po'i don shes na// thams cad sangs rgyas dgongs pa yin// dbang po 'di la rno brtul med// 'gyu ba byin rlabs
15a4 rang snang phyir// thos pa 'di la che chung med// 'gyu ba ye nas dngos med phyir// dbang po blo la rno brtul med/ 'gyu ba rang grol 'char ba'i phyir// dad pa 'di la che chung med// 'gyu ba rang las byung ba'i ye shes
15a5 la// dad pa bzang pos 'grub pa med/ gnad kyi gdams pas ngo sprad na// sman gyi rgyal po dzeta bzhin// gang la reg pa sman du 'gyur// de bzhin rnam pa cir snang yang// rang snang ye shes 'ba' zhig
15a6 yin// dper na rtsi mchog ma gi bzhin// gang la reg pa dri ru 'gyur// de bzhin 'gyu tshad ye shes 'bar// zhes gsungs so// 'byung po kun 'dul gyi rgyud las/ gsang ba'i skye rgyud rtsad bcad pa'i le'u ste
15b1 bcu gnyis pa'o//// de nas yang dag bshad bya ba// nyon cig rdo rje chos kyi blo gros khyod// gsang ba'i skye dgu rtsa dang ngo sprad pa// dang po rtsa yi gzhi ma bstan// thams cad shes rab ye shes rtsa// yon
15b2 tan rtsa dang phrin las rtsa// dang po'i gzhi rtsa bstan pa ni// bar du rlung dang rtsa dang thig le dang// rgyu rkyen 'dus pas 'dus byas dngos po'i rtsa// de yang thig le byang chub sems// dkar dmar gnyis po 'dus
15b3 pa las// rtsa la brtags dang dpyad pa las// rtsa la rtsa rgyud bshad par bya// gdugs dang pad+ma 'khor lo dang// rin po che dang rtse gsum rdo rje'i rtsa// gnas pa dngos po'i rtsa zhes brjod// de ni bcud la gnas
15b4 pa'i rtsa// de yang a wa d+hU ti dang// ro ma rkyang ma gsum du 'dus// thog ma'i chos gsum dag la 'dus// bar du ma ning gsum la 'dus// rig pa 'od dang dkar dmar gsum la 'dus/ rtsa yi ngo bo zang thal
15b5 bas// shel gyi sbubs ma bya ba yin// mdzod spur dngos su chags pa bag chags rtsa// dngos su grub pa'i rtsa zhes brjod// ro rkyang d+hU ti gsum du grags// gdugs lta bu yi rtsa zhes pa// spyi bo bde chen gzhal
15b6 yas yin// rtsa ni sum cu rtsa gnyis gnas// mkha' 'gro sum cu rtsa gnyis dang// ye shes rtsa dang thabs dang shes rab rtsa// yon tan rtsa dang rang rgyud rtsa// rnam pa lnga las gyes pa yin// ye shes rtsa ni dbus nas
16a1 'gyu// rang rgyud rtsa yang de la brten// thabs kyi rtsa la cha lnga gnas// gnyis 'gyur mkha' 'gro bcu ru bshad// shes rab rtsa la rno ba lnga ru snang// gnyis 'gyur mkha' 'gro bcu ru gnas// yon
16a2 tan rtsa la rnam pa lnga// gnyis 'gyur mkha' 'gro bcu ru gnas// ye shes mkha' 'gro las 'gro gnyis// sum cu rtsa gnyis gdugs kyi gnas// rma bya mdongs dang bcas pa ltar/ rtsa dang mkha' 'gro rang chas
16a3 yin// mgrin pa longs spyod pad+ma 'dra// pad+ma can gyi gnas zhes bya// de la rtsa yang bcu drug yod// ye shes thabs dang shes rab rtsa// yon tan rang rgyud rnam lnga'i rtsa// thabs kyi rtsa la mkha' 'gro lnga// shes rab
16a4 la yang de ltar ro// yon tan la yang de ltar shes// ye shes rtsa dang rang rgyud la// mkha' 'gro rnam snang gsal bas na// de yang rang chas sngags kyi rtsa// snying ga chos kyi 'khor lo ni// byang chub mtha' yas phub
16a5 ces bya// de na rtsa bcus khyud mo 'dra ba yi// rtsa yang rnam pa brgyad yod de// ye shes thabs dang shes rab dang// yon tan rang rgyud rtsa brgyad gnas// thabs kyi rtsa la mkha' 'gro gnyis// lho phyogs shar gyi rang
16a6 sa zin// shes rab rtsa la mkha' 'gro gnyis// nub byang gnyis kyi rang sa zin// yon tan rtsa la mkha' 'gro gnyis// mtshams kyi mkha' 'gro zhes su bshad// ye shes rtsa dang rang rgyud la// steng 'og mkha'
16b1 'gro gnas pa yin// nyi ma mdangs dang chas pa bzhin/ rtsa dang mkha' 'gro rang chas yin// lte ba sprul pa'i 'khor lo ni// 'jigs su rung ba'i gnas zhes bya// de yang gong du rim pas shes/ de la drug cu rtsa
16b2 bzhi gnas// 'khor lo mtshon cha 'dra ba la// 'jigs su rung ba'i gnas zhes bya// de yang gong dang 'dra ba la// thabs kyi rtsa la mkha' 'gro bcu// shes rab rtsa la de bzhin no// yon tan rtsa yang de bzhin
16b3 no// rang rgyud rtsa la mkha' 'gro bcu// ye shes rtsa la gnyis gnas te// drug cu rtsa bzhi 'khor bcas rnams// mtshon cha 'khor lo 'bar ba bsnams// 'gro drug grong khyer dmyal thag chod// 'jigs su rung ba'i
16b4 gnas zhes bya// man shes 'od dang chas pa bzhin// rtsa dang mkha' 'gro rang chas yin// gsang ba rdo rje lta bu'i rtsa// rdo rje rtse gsum lta bu yod// kha T+wAM dung can shin tu dkon// de yi mtshan nyid bstan pa
16b5 ni// mas 'geb bus se mig smin 'byar// bya lag chu rkang skra lo ser// ltag rtsa 'khor bar yod pa la// po skad can dang gdong tshugs lta// bab col smra zhing zur 'gros byed// de la dung can yod pa ni// mkha'
16b6 'gro ma yi rigs su bshad// de yis bde ba khyad 'phags pas// bde ba can gyi gnas zhes bya// g.yas na thabs kyi mkha' 'gro ni// glang po gdong zhes bya ba yod// g.yon na shes rab mkha' 'gro ma// kha kha
17a1 mu kha zhes pa yod// dbus na ye shes mkha' 'gro ma// srin mo gdong ldan dung can yod// de phyir rdo rje mkha' 'gro yin// bde ba bskyed pas ye shes mkha' 'gro ma// bde ba spor bas las kyi
17a2 mkha' 'gro ma// bde ba zad med rin chen mkha' 'gro ma// bde la ma chags pad+ma mkha' 'gro ma// rang don mthar phyin ye shes mkha' 'gro ma// gzhan don mthar phyin dam tshig mkha' 'gro ma// 'khor ba'i
17a3 sdug bsngal zad byed 'jig rten mkha' 'gro ma// dug lnga rang log log 'dren mkha' 'gro ma// spyi bo bde chen gnas pas chos dbyings ye shes mkha' 'gro ma// mgrin par byon pas bde ba skyed byed
17a4 longs spyod mkha' 'gro ma// snying gar nyams su myong bas chos skyong mkha' 'gro ma// lte bar bde ba 'khyil bas las kyi mkha' 'gro ma// gsang bar bde ba 'bar bas bde skyong mkha' 'gro ma// nang gi rtsa yi
17a5 rgyud la mkha' 'gro ngo sprod yin// mkha' 'gro'i tshogs 'khor smin par byed na de ltar gyis// mchod rdzas dam rdzas mthun rdzas rang chas yin// rnga dang gtor ma rak+ta bdud rtsi rkang gling de ci dgos// mkha'
17a6 'gro 'bod pa ci dgos mchod dang bstod ci dgos// tshogs kyi 'khor lo bskor bar bya ci dgos// 'di ni gsang ba nges pa'i don// zhes gsungs so// 'byung po kun 'dul gyi rgyud las// gsang ba'i tshogs
17b1 kyi 'khor lo'i le'u ste bcu gsum pa'o//// de nas yang dag bshad bya ba// nyon cig rdo rje chos kyi blo gros khyod// rtsa yi gnas lugs ngo sprod bstan par bya// pho rtsa mo rtsa ma ning rtsa dang tshan po che// de yang
17b2 gzhi dang lam dang dngos po rnam// de rnams gtan la phab par bya// dang por skye ba 'byung ba ni// dang po lhun grub ma 'gags par// thugs rje 'gag pa med pa las// 'gyu ba rlung gis bskyod nas ni// lhun
17b3 grub rlung chen ma 'gags pas// ma ning rnam pa gsum du 'byung// ma ning rlung gi rtsal drag pas// drag por 'gyus nas 'od la bcad// thig le dkar dmar 'dus pa las// mdzod chen zhes pa'i rtsa ru
17b4 'khyil// rkyang ma ro ma kun 'dar ma// de la dngos po'i rtsa ru 'byung// dngos po'i rtsa yi snang ba yang// ro rkyang kun 'dar gsum po las// pho rtsa'i sna ni kha la zug nas kha bye bas// zla ba re la mtshan ma re// sna
17b5 yi nang nas 'byung ba yin// thig le de la rgyas pa'i rtsa// a wa d+hU ti'i nang nas 'byung// bde ba 'byung ba de ltar yin// rdo rje'i rtse mor rtsa mdud gnas// mo yi shes rab rtsal gyis su// zla mtshan 'dzag ces bya
17b6 ba yang// thig le a wa d+hU ti nas su 'dzag/ thig le dmar po ro rkyang nas// sna yi bu ga gnyis nas 'dzag/ zla mtshan zhes kyang de la bya// zla ba re la rgyu ba yang// mdzod spu drag tu g.yo bar byed// mgrin par
18a1 zhag drug bar du 'bab// snying dang lte bar de bzhin no// dngas ma rgyas pa drug tu 'dod// de bas mi 'byung rang dbang med// de nas sna ru 'byung ba yang// ro rkyang gnyis nas byung ba yin// de nyid
18a2 med par gyur pa na// thabs dang shes rab brten sa med// gzhi ni ngo bo thugs rje'o// lam ni rig dang ma rig snang// rags pa 'gyu ba 'od du'o// dngos po thabs dang shes rab rtsa// de gsum 'dus pa d+d+hU ti
18a3 yin// de la 'khor lo rnam pa lnga// spyi bo bde ba chen po na// thig le dkar dmar 'dzag pa ni// haM kha thur du bltas pa yin// ha ni phrin las ljang gu'i mdog/ nga ni rang byung thig le yin// zhag drug bar du rtsa
18a4 rnams bskor// des na bde chen 'khor lo yin// 'khor lo ngar dang ldan pa bzhin// bde ba'i ngar gyis rtsa rnams gso// bde ba skye ba de ltar yin// de bzhin 'khor lo bzhi rnams la// re mos re mos 'khor
18a5 bas na// 'khor lo lnga zhes brjod pa yin// gsang ba'i rtsa yi gnad med na// bde chen ye shes ngos mi zin// thig les rtsa rnams ma brgyan zhing// 'khor lo bzhin du mi bskor na// rtsa rnams thams cad sngo
18a6 bskam 'gyur// rtsa rnams bskams par gyur pa na// 'chi ba zhes ni brjod pa yin// thig le'i gnad dang dus mi myong// skor zlog mi btub gyur pa na// 'chi ba'i rtags su bshad pa yin// pho ni gsal ba shas
18b1 che bas// pho rtsa zhes ni brjod pa yin// de la thabs kyi rtsa zhes brjod// mkhas pa chen po thabs che ba// byang chub sems dpa' rnams la snang// mo ni thugs rje shas che bas// mo rtsa zhes ni brjod pa
18b2 yin// shes rab rang bzhin bud med yin// rak+ta 'bab cing zang thal yod/ mtshan ldan bud med ces bya ba// byang chub sems ma rnams la snang/ yid 'ong mdzes ma'i mdog ldan ma// yid 'ong mdzes pa'i
18b3 gzugs 'chang yin// zhes gsungs so// ma ning ma ning zhes bya ba// rtsa gnyis kha ni bsnol ba las// ma ning mtshan ma gnyis dang ldan// thugs rje mi 'gag dang po'i gzhi// bar du ma ning rtsa ru byung// tha ma
18b4 dngos su ma ning ngo// ma ning tshan po che yang de ltar shes// pho mo rgod ldan rtsa yi ro rkyang gnad// ro rkyang kha 'phel 'grib pa'abyung// des na pho mor byung ba yang// rtsa yi srid mtha' mi khegs pas// de lta bu ru
18b5 'byung ba yin// ri dwags lta bu'i skad dang ni// glang po lta bu'i skad 'byung bas// pho rtsa mo rtsa'i mtshan nyid ces// gnyis 'dzom pas ni snyoms pa yin// byis pa mtshe mar 'byung ba yang// zla mtshan dus myur
18b6 gnyis 'doms pas// byis pa mtshe mar 'byung ba yin// skye ba snga phyir 'byung ba yang// rlung dang thig le'i rtsal stobs yin// mkhas pa thabs dang ldan pa yang// thabs kyi rtsa ni shas che yin// rtogs pa shes
19a1 rab che ba yang// shes rab rtsa ni shas che yin// dbang po tha mar gyur pa yang// rtsa gnyis yod kyang che chung yin// gti mug che zhing 'dod chags chung// zhe sdang chung ba'i mo rnams ni// mig nag
19a2 'dril kyang mi shes par// gyen la ldog cing blta ba ni// glen pa ba glang zhes su brjod// gnyis 'doms pa yi rtags bstan pa// spyan mig dmar la hrig chags na// 'dod chags che zhing zhe sdang 'bar// shes
19a3 pa gsal zhing myur por smra// dbang por rab kyi rtags yin te// ltag rtsa mig la rgyas pa dang// mig ni dmar zhing skyed pa dang// bcud na pho rog khu 'phrig ltar// hrig chags 'phrul shes spyod lam drag/ dbang
19a4 po rab kyi gang zag yin pa'i phyir// shes pa dal zhing 'jam por smra// spyan mig dkar nag phyed pa la// thad kar blta zhing zhi sems tshul// 'khrul par mi phyed rang lugs 'dril// dbang po 'bring gi gang zag
19a5 yin pa'i rtags// ro ma rkyang ma'i rtsa rtags ni// mngon par dga' ba'i tshal zhes bya// mig ni sprul sku dngos su bzhugs// sprul sku mngon du byon pas na// mngon par dga' ba'i tshal zhes bya// spyi bos thams
19a6 cad bskyed pa na// rin chen mtha' yas phug ces bya// mgrin par thams cad longs spyod pas// pad+ma can gyi gnas zhes bya// snying ga chos kyi 'khor lo gnas// de ru thams cad rtsal rdzogs pas// byang chub
19b1 mtha' yas phug ces bya// lte bar thams cad sprul pas na// 'jigs su rung ba'i phug ces bya// ngan 'gror 'gro bas skyi bung zhes kyangabya// gsang ba mkha' 'gro dngos su byon// byon nas bde bas bskyed pas
19b2 na// bde ba can gyi gnas zhes bya// de ni shar phyogs mngon par dga' ba'i tshal dang// lho phyogs yangs pa can gyi gnas// nub phyogs byang chub mtha' yas kyi phug dang// byang phyogs 'jigs su rung ba'i skyi
19b3 bung gnas// dbus phyogs bde ba chen po'i gnas zhes bya'o// rdo rje mkha' 'gro rin chen mkha' 'gro dang// pad+ma mkha' 'gro las kyi mkha' 'gro dang// dbyings kyi mkha' 'gro thams cad 'du// rnal 'byor pa
19b4 des thams cad dbang// des na rnal 'byor dbang phyug yin// zhes gsungs so// 'byung po kun 'dul gyi rgyud las/ rtsa'i mtshan nyid la ngo sprad pa'i le'u ste bcu bzhi pa'o//// de nas yang dag bshad
19b5 bya ba/nyon cig rdo rje chos kyi blo gros khyod// rtsa rnams de dag thams cad kyi// ngo sprod mdor bsdus bstan par bya// gzhi rtsa lnga yi ngo sprad pa// rang bzhin ngo bo thugs rje can// yon tan phrin las gnyis kyi
19b6 rtsa// rtsa lnga'i gzhi rtsa ma shes na// 'khor lo lnga yi rtsa ba chod mi 'gyur// de yi rtsa ba ma chod na// bde ba ngos 'dzin dngos por sbyang// zag pa can gyi rtsa zhes bya// bde ba zag pas zag ces bya// a wa d+hU ti'i
20a1 mtshan nyid ni// srog pa rtsa yi 'og na yod// yar la tshangs pa mar la gsang ba'i gnas// tshad ni sba lcags 'bring po tsam// lus po stong ra stong par sbyang// kun gyi brtags pas dngos po
20a2 sbyang// kun brtags stong ra zhes kyang bya// de 'og a wa d+hU ti'i nang// kun ni rtsa rnams thams cad kun// brtags pa a wa d+hU ti stong// kun brtags stong ra sbyong ba yin// kun ni a wa d+hU ti la// brtags
20a3 pas d+hU ti nang stong pa// kun brtags stong ra sbyong ba dang// dbugs ni nang sgor mi rgyu ste// shes pa a wa d+hU tir tshud// d+hU ti stong pa nam mkha' yin/ shes pa stong par btags pa yin// nam mkha' shes
20a4 pa 'dres tsa na// rtog pa med cing spyod pa med// skye ba med cing brjod du med// rab tu mi gnas lta ba yin// de yang brtan par ma gyur na// so sor bsdus te brtan par bya// shes pa a wa d+hU ti ru// yar zang
20a5 mar zang sbyangs byas la// tshangs pa'i bu ga'i thad ka la// nam mkha'i rang bzhin stong par shes// shes pa d+hU ti'i nang gnas stong// mkha' la 'phangs bas 'dres pa ni// dang po so sor shes pa la// de las
20a6 'phang pas bsdus pa yin// nam mkha'i ngang du rnam rtog 'phang// nam mkha' lta bur brjod du med// so sor sdud ces bya ba yin// de ltar 'phen pas bsam gtan te// 'du shes chad pas srog rtsol
20b1 chod// rtsol chod dbu ma'i lta ba yin// gnyis ma grub pas dbus ma yin// zhes gsungs so// 'byung po kun 'dul gyi rgyud las/ rtsa'i stong ra dang rtog pa'i kun brtags nam mkha' dang bsre ba'i le'u ste bco
20b2 lnga pa'o//// de nas yang dag bshad bya ba// nyon cig rdo rje chos kyi blo gros khyod// rtsa rgyud bsam gyis mi khyab par// thabs lam bsam gyis mi khyab ste// zag bcas chags pa'i lam dang ni// de nyid
20b3 grol ba'i lam du 'dus// grol ba'i 'bras bu khyad par che// theg pa rang gzhung grol ba dang// mthar thug pa yi grol ba gnyis// ming tsam 'dra ste don las 'phags// 'phags pa kun dga' shAka thub
20b4 ltar// 'khor dang ston pa'i khyad par yod// de phyir zag bcas zag med rtsa// rgyu dang 'bras bu'i khyad par yod// de don ma rtogs a re 'khyams shing ce re long// thar pa'i lam chen bor nas 'khor ba'i lam
20b5 du zhugs// lam 'dir zhugs pa rnams kyis zag med 'bras bu thob// gzhi yi rtsa lnga lhun gyis grub// lam du de nyid rtogs pa mchog/ 'bras bu rang grol zag med de// rtsa rnams ma btsal rdzogs pas
20b6 na// rdzogs pa chen po'i rtsa rlung rdzogs// rdzogs nas lam byed mi 'gal te// gzhi dang dngos po gnyis su shes// de yi ldog chas skyon mi 'byung// grol ba'i gzhi dang grol ba dngos// rdzogs pa'i gzhi dang
21a1 rdzogs pa dngos// lam gyi gzhi dang lam dngos dang// 'bras bu'i gzhi dang 'bras bu'i dngos// 'bras bu la yang rnam pa gsum// ngan 'gro mtho ris 'dren pa gsum// longs sku sems
21a2 dpa' thub pa drug/'bras bu'i sku gsum grub mtha' theg pa gsum// de yi gzhi lam 'bras bu rnams// brtag pa rab tu gces pas ngo sprod gces// gab pa mngon du phyung nas bshad pa 'di// 'bras bu lam
21a3 dang gzhi gsum mo// khyad par sgra mthun don las 'phags// dngos gzhi gnyis kyi ral med na// lag rdum brag la 'dzeg pa 'dra// 'bras bu rang grol gnad med na// bye ma'i spo la mkhar brtsig
21a4 'dra// lam gyi sa mtshams ma shes na// khas drag khyo bsad sngon na rgyu// de yi gnad dang log non ma shes na/ khas lngas bye tshad bcas pa 'dra// rtsa dang rlung dang thig le gsum// mtshan nyid 'dzin pa re re
21a5 la// kun dang rgya ma chad pa yin// de ltar gzhi lam 'bras bu yang// mtshan nyid 'dzin pa rang sa la// rgya ma chad pas rdzogs pa yin// gzhi rtsa lnga yi gnad shes pas// rtsa lnga'i ngo sprod byas tsa na// kun brtags
21a6 stong ra dus gcig 'byongs// rlung lnga'i ngo sprod gdeng ldan pas// shes pa a wa d+hA tir tshud// thig le ngo sprod byas pa yis// shes pa bde ba chen por khel// ye shes ngo sprod byas pa yis// nam mkha'i ngang du rnam
21b1 rtog 'phang// skye ba rnam bzhi dbyer med shar// lhan cig skyes dang 'dus byas skyes// skyes pa sgra mthun don las 'phags// de ltar shes nas brtan pa dang// 'dus byas pa yi bsam gtan gnyis// bsam
21b2 gtan sgra mthun khyad par che// mtshan nyid so sor rtsal snang dang// rtsa bral so sor rtsal snang dang// so sor ngo sprod khyad par che// gcig tu brtan nas rdzogs pa dang// phyogs 'dzin tshig rkyang shor ba
21b3 gnyis// nyag gcig sgra mthun khyad par che// zhes gsungs so// 'byung po kun 'dul gyi rgyud las/ rtsa lnga ngo sprod kyi le'u ste bcu drug pa'o//// de nas yang dag bshad bya ba// rdo rje chos kyi blo gros
21b4 nyon// theg pa'i gzhi dang lam rdzogs pas// de yi 'bras bu sgra mthun rnams// mdor bsdus bdag gis brjod pa ni// 'gyu ba dngos med ngo shes pas// nyan thos bdag med lta ba mthun// dbugs la mi
21b5 brten gol sa chod// rig pa khong gsal ngo sprad pas// sems tsam pa dang lta ba mthun// sems la grol bas gol sa med// rang bzhin stong par ngo sprad pas// dbu ma pa dang lta ba mthun// sgyu mar mi 'dod
21b6 gol sa med// gnyis su med par 'bras bu mthun// grangs med dus mi ltos pas gol sa med// sgyu ma'i dpe brgyad mi bsgrub khyad par 'phags// ngo bor rang bzhin thugs rje gsum// kri ya ba dang 'khyer so
22a1 mthun// rigs gsum mi bsgom gol sa med// byed spyod mi dgos khyad par 'phags// ngo bo la sogs lnga dang ldan// yo ga pa dang lta ba mthun// byang chub lnga la mi ltos gol sa med// sku lnga mi
22a2 bsgrub khyad par 'phags// chos lnga dag dang ldan pa ni// ma hA yo ga dag dang mthun// rigs lnga mi bskyed gol sa med// cho ga rnam gsum mi ltos khyad par 'phags// ngo bo rang bzhin thugs rje gsum// a nu
22a3 pa dang lta ba mthun// he ru ka dgu mi bsgrub gol sa med// ting 'dzin rnam gsum mi bsgom khyad par 'phags// rdzogs chen rnams dang lta ba mthun// yon tan 'gyur ba med pa yin// dag par 'dod dang blta
22a4 so mthun// thugs rje 'gag pa med pa khyad par 'phags// rgya ma chad pas gol sa med// thugs rje 'gag pa med pa yis// ma nges pa dang lta so mthun// rgya ma chad pas gol sa med// rang bzhin stong pas
22a5 khyad par 'phags// rtsa rlung rgyud la brten pa yis// thabs lam pa dang lta so mthun// zag pa med pas gol sa med// lhan cig rdzogs pas khyad par 'phags// thams cad rgya ma chad par shes// rdzogs rim
22a6 pa dang lta so mthun// phyogs rdzogs mi bsgrub gol sa med// mtshan ma rang grol khyad par 'phags// zung 'jug pa dang lta so mthun// gnyis su med par khyad par 'phags// chos las 'das pa gol sa
22b1 med// thams cad mkhyen pas khyad par 'phags// sa yi rnam pa lta so mthun// sa rnams ma lus rgyan dang ldan// mi bgrod pas na gol sa med// sa rnams rang grol khyad par 'phags// lam lnga pa dang lta so
22b2 mthun// sbyang mi dgos pas gol sa med// rang grol chen pos khyad par 'phags// 'bras bu rnams dang lta so mthun// dus la mi ltos gol sa med// rang graul 'ub chub khyad par 'phags// de phyir sgra mthun
22b3 khyad par 'phags// theg pa kun 'dul 'byung bas na// kun 'dul kun 'byung rgyud ces bya// zhes gsungs so// 'byung po kun 'dul gyi rgyud las/ rdzogs lugs bsdu ba'i le'u ste bcu bdun
22b4 pa'o//// de nas yang dag bshad bya ba// rdo rje chos kyi blo gros khyod// de lta bu yi gnad bstan pa// dbang po rab kyi grol ba las// 'bring dang mtha' mas rtogs pa dka'// de phyir ngo sprod bcu gnyis
22b5 la// thig le bcu gnyis sbyar la bstan// de yang 'di ltar shes par gyis// ngo sprod rnam pa bzhi dag gis// kha rkyang shor ba'i gol sa bsal// nyams khrid rnam pa bzhi dag gis// nyams kyis 'ching ba'i gol
22b6 sa bcad// gzer chen bzhi yi ngo sprod kyis// spang blang 'du 'bral gol sa bcad// dmar khrid gsar khrid lag len 'di// bsgom po dbang dang gzer lta bu// 'di 'dra bstan pa'i snod re nyung// chos 'brid
23a1 bsre 'tshong chu la 'o mas bslad// e ma ho shin tu bstan par dka'// dka' bas snod nyung gab pa yin// gzung 'dzin gnyis med ngo sprad de// de yi dpe yi ngo sprad gces// 'khrul pa'i mig gis
23a2 ltas pa'i tshe// zla ba gnyis su snang ba ltar// brtags pas gnyis su med par mthong// de bzhin 'khrul pa'i gzung 'dzin yang// bltas pas gnyis su med par shar// gzung 'dzin gnyis med ngo sprad do// ma
23a3 rig pa yi ye shes su ngo sprad pa ni// de yi dpe yi ngo sprad ni// dper na lteng ka'i zla ba rnams// yang dag don la dngos su med// mkha' zla gcig tu shes pa ltar// ma rig bltas pas dngos po
23a4 med// blta thabs mkhas pas shes par bya// 'gyu ba ye shes ngo sprad pa// dper na smig rgyu sna tshogs kyang// yang dag don la rang bzhin med/ de bzhin 'gyu ba sna tshogs kyang// bltas pas dngos po med par
23a5 shar// shes rab yid la ngo sprod pa// de yi dpe yi ngo sprad pas// brag cha lta bur gang byas 'char// yid la ngo sprad sku gsum 'char// de don ngo sprod rnam bzhi yin// rten gyi gsang ba ngo sprod pa// de yi dpe yi
23a6 ngo sprod rgya mtsho 'dra// rtags kyang lbu ba lta bu'o// don gyi ngo sprod rtsa gnyis la// rtags ni phy-i 'gyu nang 'gyu'o// don ni 'gyu ba rang dngas so// de ni nyams len ngo sprod yin// nyams la chags pas 'khor ba
23b1 na// dus bzhi mnyam sbyor gzer gdab ste// 'gyu ba'i dus na rang ngo shes// bltas pa'i dus na 'gyu ba dang// dper na dze ti'i sman bzhin du// 'gyu ba thams cad sangs rgyas yin// mthong ba'i dus na dgongs
23b2 pa shar// lhun gyis grub pa'i sman ltar shar// de yi dus na gzung 'dzin dang// nam mkha' dngas pa lta bu'o// snga rabs 'das dang slad kyis 'byon// sangs rgyas rnams kyi dgongs pa yin// thog ma tha ma bar
23b3 dang gsum// de yi dgongs pa bstan pa yin// skal ldan rnams yin gzhan gyis thos par dka'// 'di don thos kyang don la gnas pa dka'// 'di don bstan yang dam tshig bsrung ba dka'// 'di don bstan
23b4 yang go bzhin rtogs pa dka'// dka' bas bstan kyang le lor 'chor bas na// nyams su len pa'i gang zag ma gtogs pa// 'di don gsang bas gsang sngags rgyal po yin// 'di don thugs la gang gnas
23b5 pa// rdo rje chos kyi blo gros nyon// gsang sngags rgyal po mthu chen 'chang// zhes gsungs so// 'byung po kun 'dul gyi rgyud las/ ngo sprod dmar khrid kyi le'u ste bco brgyad pa'o//// de nas yang dag bshad
23b6 bya ba// rdo rje chos kyi blo gros nyon// ngo sprod bsdus pa bstan par bya// lta thabs gcig gis kun mthong bas// dper na za 'og gur khyim ltar// ma 'dres yongs su rdzogs par mthong// theg pa'i rang
24a1 gzhung thams cad rdzogs// chos rnams spyi dang rang gi mtshan nyid kyang// dus gcig sgro 'dogs chod pa yin// lta thabs gcig gis thams cad mthong// mkha' la skar tshogs mthong ba
24a2 ltar// 'gro ba rigs drug 'khrul pa mthong// ma rig pa yi sgro 'dogs chod// lta thabs gcig gis thams cad mthong// dper na me long bzhin bstan ltar// sangs rgyas dgongs pa'i mtshan nyid mthong// phyi
24a3 nang sgro 'dogs dus gcig chod// lta thabs gcig gis thams cad mthong// rin chen man shel bstan pa ltar// phyi nang snod bcud rang grol shar// 'bras bu sgro 'dogs dus gcig chod// brda dang rtags su
24a4 ngo sprad gces// gces pa mdor bsdus gnyis las med// ngo sprod chen po gsang ba ste// gter gsum 'dus la tshang ba yin// de la ma rig log lta yi// sgro 'dogs rang grol 'bras bu ni// dug lnga khong khro'i
24a5 gzhi rgyu rkyen// dngos po rnam gsum ngo sprod pas// gzhi dang dngos po'i 'phrang grol bas// 'gro drug mu stegs rang sar grol// grol ba rang byung rang la shar// ye gzhi grol gzhi rang grol dngos// thams cad
24a6 rang grol 'bras bu'i mchog/ces gsungs so// 'byung po kun 'dul gyi rgyud las/ ngo sprod bsdus te bstan pa las 'bras bu rang grol gyi le'u ste bcu dgu pa'o//// de nas yang dag bshad bya ba// rdo rje
24b1 chos kyi blo gros nyon// ri rab ri yi sked pa la// tshangs pa khyab 'jug bskos rje dang// srid rje brang dkar thams cad kyang// lha dang klu dang gnod sbyin dang// dri za lto 'phye nam mkha' lding// mi'am ci dang srin
24b2 po dang// sa yi lha dang sa steng lha// de ru 'dus pa'i 'byung po kun// thams cad nga las byung ba yin// thams cad nga yi 'khor ba yin// thams cad bran dang yang bran yin// yang 'khor nying 'khor nga yi
24b3 'khor// de phyir 'byung po thams cad 'dul// 'byung po kun 'dul ting nge 'dzin// bstan pa kun gyi sde dpon yin// phyi yi 'byung po kun 'dul bas// bar chad thams cad sel bar byed// nang gi 'byung po
24b4 kun 'dul bas// tshogs drug rang sar grol bar byed// gsang ba'i 'byung po kun 'dul bas// chags sdang mdud pa grol bar byed// 'byung po kun gyi gtso bo ni// nag po chen po mig gcig po// 'gyur med
24b5 drag med bya ba des// thams cad kha lo bsgyur ba yin// tshogs kyi bdag po tshogs la rol// phud kyi bdag po phud nyul bas// 'byung po'i bdag po kun tu rgyu// lus med lus po kun gyi bdag/ srog med srog
24b6 chags kun gyi bdag/dbugs med dbugs chen kun gyi bdag/ skye 'chi gnyis kyi bdag po ste// lus can thams cad kho las grub// de phyir 'byung po'i rgyal po yin// thams cad kun la dbang bsgyur
25a1 bas// 'byung po kun gyi blon po yin// de la ngo sprod ma byas na// 'byung po kun choms shin tu dka'// 'byung po choms par ma gyur na// ro snyoms 'byung ba shin tu dka'// ro ma snyoms par gyur
25a2 pa na// sangs rgyas dgongs pa'i don mi mthong// 'dre rnams thams cad 'dul byed na// 'dre gcig rtsa ba ma chod na// thams cad 'dul bas ga la lang// gcig chod pas ni thams cad chod// dper na ral
25a3 gri kha mang gis// lag pa'i mkhrig ma chod tsam na// sor mo lnga po bcad mi dgos// 'byung po'i rgyal po sod tsa na// 'byung po thams cad sod pa yin// rtsa yi rgyal po srog pa rtsa// srog pa rtsa de ma chod na// rtsa
25a4 bran chod kyang mi 'chi zhing// rtsa chen chod pas 'chi bar 'gyur// ro rnams bsnyam pas mi snyoms te// 'byung po gcig la ro bsnyam na// thams cad ma lus bsnyams pa yin// 'byung po rnam rtog lha dang 'dre// ma
25a5 nyams ro snyoms tshad dang ldan// 'bras bu gdeng dang ldan par gyis// rtsa dang rlung dang thig le rnams// gzhi dang lam dang 'bras bu la// ro snyoms ro ma snyoms pa dang// tshad dang dbang po 'bras bu
25a6 rnams// nges shes gdeng dang ldan par gyis// nad la rnam pa mang yang ni// rgas byed 'dre dang 'byung 'khrugs nad// rnam smin rkyen gyur 'chi ba'i nad// de yi ro snyoms tshad dang ldan// 'bras bu nges shes
25b1 gdeng dang ldan par gyis// 'dre la bsam gyis mi khyab ste// rtog 'dre 'byung 'dre stod kyi 'dre// mi 'dre dang ni rnam pa bzhi// de yi ro snyoms ro snyoms tshad// 'bras bu nges shes gdeng dang dbang po med gyur
25b2 na// rnal 'byor don dang ldan zhes bya ba shin tu dka'// thams cad man ngag ngo sprod 'di ru 'dus pa yin// sangs rgyas pa dang de yi thugs rje yang// 'di ni ma rtogs gdeng dang mi ldan gyis// 'bras bu
25b3 gdeng rnyed 'di ru shes par gyis// shes pas 'khor bar skye ba'i rgyun rnams bcad// de ltar shes na 'khor ba dong nas sprugs// mngal kha rgya yis thebs zhes brjod pa yin// srid gsum rnam dag
25b4 dgongs pa rang snang thob// ces gsungs so// 'byung po kun 'dul gyi rgyud las// gdams pa dmar khrid kyi le'u ste nyi shu pa'o//// de nas yang dag bshad bya ba// rdo rje chos kyi blo gros nyon// 'di dang
25b5 mi ldan ro snyoms byed// nor bus rgyal sa bzung ba 'dra// thams cad rdzogs pa'i sa gzhi pa// thams cad bsgrub pa'i nor bur shar// nor bu kun gyi nang na mchog/ lhun grub spyan chen ma 'gags pas// 'gyu
25b6 ba'i mig tu grub pa yin// rang snang 'od du mthong ba yin// bag chags chags sdang de ru mthong// mthong stangs 'gyu ba'i spyan la bris// kun tu bzang pos mthong ba ni// dus bzhi mnyam sbyor sangs rgyas
26a1 dgongs pa shar// 'das pa lnga yi thig le ye shes kyi// klong du shar nas gzhi lam 'bras bu mkhyen// lhag mthong rig pa'i ye shes me long byad ltar gsal// gsal ba zang thal 'di la blta shes
26a2 na// sangs rgyas dgongs pa rtogs pas dgongs pa mngon sum 'gyur// de yi dus na gzhi lam so sor bstan pa tsam// de la ma brten rtogs thob 'byung ba med// de las thugs rje byin rlabs nyi ma'i 'od
26a3 bzhin 'char// de don dgongs pa thugs nas thugs su brgyud/ kha sbub zhabs rdol dug can gzhogs ral la'ang// byin rlabs 'byung bas byin rlabs rgyud du bshad// khams gsum 'khrul pa ma shes ma rig
26a4 pa// 'gyu ba'i mig gis stong gsum bltas pas lan// blta ba nyes pas mig sprin zhag gis chod// dper na nam mkha' zhags gis chod pa ltar// 'gyu ba 'od kyis chod pas sangs rgyas spyan ma gsal// 'od lus yid
26a5 lus sha khrag lus su tshud// gnas dang tshe tshad lung du bstan pa med// dge sdig las kyi 'bras bu so sor shar ba med// las dang 'bras bu rnam smin grub nas skal pa med// de dus las rkyen 'gyu
26a6 ba'i rtsal las byung// sha khrag mi yi lus su tshud de tshul khrims bsrung ba med// stag dang seng ge kha sprod byung bas shed rtsal gzhan la rag ma lus// gzhi dang rgyu rkyen dus mtshungs pas// tshul khrims bsrung dang
26b1 sdom la rag ma lus// de ltar shes pas lus kyi thog mtha' chod// sha khrag lus la rtsa rlung thig le 'dus// 'dus pa nang du byung bas 'byung ba lnga zhes bya// 'byung 'khrug nang du 'ong ba'i gnad ka de ltar
26b2 yin// mig gnyis chu bur 'ong ba ni// pha ma'i mngal du khu chu dngas ma 'du// pha dang ma yi sred len byas pas ni/ chu bur mig gnyis 'ong ba de ltar yin// dbang po'i dngas ma gnyis 'dus pas// dbang po'i
26b3 dngas ma mig tu 'ong ba de ltar yin// de yis lha mthong 'dre mthong zer ba chu bur mig la snang// lha 'dre gnyis su 'ong ba de ltar yin// rtog med rtog pa'i bar na 'gyu ba gnas// 'khor ba myang 'das gnyis
26b4 su 'ong ba de ltar yin// de phyir mig gi thog mtha' ma chod na// 'khor ba'i snang ba bkag pas khegs par dka'// gnyis su snang yang yod pa gcig las med// gnyis med mig gcig yod pa'i phyir// spyan
26b5 gyi gzhi dang rgyu dang rkyen// tha ma dngos po ma shes na// ye shes spyan chen 'char ba'i dus ma mchis// zhes gsungs so// 'byung po kun 'dul gyi rgyud las// ngo sprod rang snang gi le'u ste nyer gcig
26b6 pa'o//// de nas yang dag bshad bya ba// rdo rje chos kyi blo gros nyon// rab kyi ngo sprod de ltar bstan// 'bring gi ngo sprod bstan pa ni// dang po gzhi la spyan gsum gnas// spyan gsum rgyu rkyen bstan
27a1 par bya// tha ma spyan gsum ngo sprad bya// dpe yi spyan gsum man shel yin// phyi nang gsum la sbyar la bshad// rtags kyi spyan gsum bstan par bya// chos dang shes rab ye shes spyan// sgro 'dogs
27a2 gcod dang 'dug tshul rtogs// yon tan rang grol 'bras bu'i spyan// rtags dang don dang ngo sprod bstan// phyi nang gsang ba spyan gyi dbang// thams cad dbang bskur khyad par 'phags// dug lnga lam du slong ba
27a3 yin// gcig tu 'dril ba'i gzer chen gdab// kha mig 'khyar dad nyams las grol// 'bras bu gdeng ldan dbang po yin// ngo bo nges tshig dbye ba 'di// tha ma'i ngo sprod yin par shes// chos mthun bsgrub bya
27a4 dpe ru bstan// ngo bo gsal gdangs 'gyur ba med// zang thal 'gag pa med pa yin// nges tshig mthong snang ma 'gags pa// dbye ba gzhi lam 'bras bu'i spyan// 'bras bu'i spyan la rnam pa gsum// 'khrul pa
27a5 bag chags mig dang ni// longs sku sgyu ma'i spyan lnga dang// thig le ye shes mig gcig dri med spyan// spyan gyi rtsa ba lhun grub gzhi yi spyan// spyan gyi rgyu ni 'gyu ba mi 'gag pa// spyan gyi yul ni chos la mi
27a6 dmigs pa'o// spyan gyi dpe ni nyi ma me shel lo// shel ltar gsal zhing lhun gyis grub// snod kyi ngo sprod 'od la'o// bcud kyi ngo sprod de nyid la// gnyis med ngo sprod thams cad la// 'das pa'i ngo sprod thabs
27b1 chen la// 'khrul gzhi dngas par ma shes na// phyis kyang 'khrul pa'i skyon du 'byung// zhes gsungs so// 'byung po kun 'dul gyi rgyud las/ tha ma spyan gsum ngo sprod kyi le'u ste nyer gnyis pa'o//// de
27b2 nas yang dag bshad bya ba// rdo rje chos kyi blo gros nyon// des kyang grol bar ma gyur na// dbang po yang mtha' yin par shes// de la 'di skad ces bya ste// lus su rtog pa dran bya'i phyir// theg pa rgya mtsho ngo sprad
27b3 dang// gzhung lugs rgya mtsho sun 'don pa// gzhung chen rgya mtsho la bzla dang// gzhung chen rgya mtsho ngo sprod pas// des ni grol bar ma gyur na// ngo sprod nges pa'i gzer 'di gdab// dran pa'i dus na thams cad
27b4 gsal// ma dran ma shes rmongs gyur na/ dran pa'i thugs rje'i byin rlabs dang// mi 'gyur mi brjed gzungs kyi thag pa yi// ye shes dran pa'i thag pas btags// phyi yi dran pa'i thag pa yi// snang la skye
27b5 med thag pas gdags// skye med dgongs pa'i rgyun thag 'khrigs// snang ba skye med ngo sprad pas// dbu ma rab tu mi gnas pa'i// blta ba dag las khyad par 'phags// rigs snang rang grol ngo sprod
27b6 pas// sems tsam dag las khyad par 'phags// 'gyu ba dngos med zang thal bas// thig le nyag gcig dgongs pa khel// nyan thos dag las khyad par 'phags// phyi nang mtshan ma rang grol bas// sngags
28a1 kyi theg pa khyad par 'phags// 'dir snang chos sku rang sar grol// chos kyi sku bas mthong gyur pas// rdzogs chen dag las khyad par 'phags// gzhung lugs rgya mtsho'i la bzla yin// de yis de
28a2 ltar de ma rtogs// de ma rtogs pas de ma rig/ de ma rig pas de ltar 'khor// de ltar de 'dra de las 'byung// sngon gyi de dang da ltar rnams// de bzhin de dang de 'ong thob// de ma thob pas de ltar snang// de yi
28a3 'khrul pa de ltar shes// de shes pas ni 'khrul pa med// de yang de ltar ma gyur na// de la 'od gsal 'khor lo bskor// de la dmigs pa de yi thabs// de yi tshad dang de lam zhugs// de la mi 'khor rang
28a4 dbang med// de la shes na de yi log non de// de yang rtsol ba de yin de rang grol// de ltar thabs bstan der shes pas// theg pa rgya mtsho'i ngo sprod yin// 'khor lo bskor lugs rnam pa gsum// snang ba
28a5 tshogs drug 'byung ba gsum// de ni phyi yi 'khor lo yin// sha dang rtsa dang rus pa la// 'khor lo rnam pa gsum yang bskor// sha la 'khor lo bskor shes na// sprul sku dngos su 'byung bar 'gyur// de la'ang
28a6 bskor ba rnam pa lnga// de yi log gnon shes par bya// rtsa la 'khor lo bskor shes na// longs sku'i dgongs tshad 'char bar 'gyur// de la de bzhin de ltar ro// rus pa'i 'khor lo bskor shes na// chos sku
28b1 mngon du 'byung bar 'gyur// de la de ltar rim bzhin no// dbyer med rang byung 'khor lo bskor// sku gsum rang grol dgongs pa 'char// lta ba chos sku mi mthong ste// de dgongs 'char ba'i gnad med na// zla
28b2 ba mtshon nas bstan pa bzhin// yul can dag las ma shar ro// de la gnas pa a re 'khyam// rang shar lta ba'i gdeng mi rnyed// ces gsungs so// 'byung po kun 'dul gyi rgyud las/ theg pa rgya mtsho la zlo dang
28b3 'od gsal gtan la dbab pa'i le'u ste nyer gsum pa'o//// de nas yang dag bshad bya ba// rdo rje chos kyi blo gros nyon// de yi yon tan bstan pa ni// 'od gsal 'khor lo byin rlabs che// thams
28b4 cad dbang du bsdu bar byed// 'od ni byin dang ldan pa yin// rlabs ni rang snang 'khor lo yin// sku gsum lam du slong bas che// dmigs pa myur te glog dang 'dra// zang thal 'gro te thog dang 'dra// rig pa
28b5 dar drags 'khor lo 'dra// dmigs pa sna rno spu gri 'dra// 'gyu ba lba drag skar mda' 'dra// 'od gsal byin che nyi ma 'dra// dmigs pa rgya che nam mkha' 'dra// dgongs pa gting zab rgya mtsho 'dra// nyams len
28b6 brtan drags gangs ri 'dra// dgongs pa don zab za 'og gur khyim 'dra// sku gsum lam bde nyi shar 'dra// de ltar ma rtogs skyon bstan pa// ma rig mun nag 'thib pa 'dra// 'gyu ba ce spyang lag pa
29a1 'dra// gzug 'dzin gangs la kha babs 'dra// bag chags rgya mtsho'i gnyer ma 'dra// dug lnga nags la me shor 'dra// dgra gnyen gram pa'i rdo dang 'dra// chags sdang lam ka'i mgron po
29a2 'dra// 'khrul pa gzi lum brgyus pa 'dra// 'khor ba zo chu'i khyud mo 'dra// 'gro 'dug tshong pa skyel bsu 'dra// sdug bsngal tshong pa 'jom pa 'dra// rnam rtog tshong dus 'o ma 'dra// 'dod pa bu shi'i 'o ma
29a3 'dra// chags pa phye leb mer shor 'dra// sdang ba lam gyi dgra dang 'dra// rnam rtog smig rgyu 'gyus pa 'dra// de tshe ngo sprod shes gyur na// rdzogs pa chen po'i lam chen yin// zhes gsungs so// 'byung po kun
29a4 'dul gyi rgyud las/'od gsal 'khor lo phyir zlog nang zlog gi le'u ste nyer bzhi pa'o//// de nas yang dag bshad bya ba// rdo rje chos kyi blo gros nyon// dran pa bzhi yis ma brgyan na// 'od gsal
29a5 'khor lo bskor ba dka'// de phyir dran pa'i thag pas gdags// ma dran pas ni bskor thabs med// des na dran pa'i thag pas gdags// de la ngo sprod bstan par bya// da ltar bar do gnyis su bstan// man
29a6 shel me long gnyis po la// bzhi la rgyu rkyen 'bras bu gzhi// da ltar bar do sbyar la bstan// thugs rje'i 'byung lugs ngo sprad bstan// da lta rang la ngo sprod na// snying dang mgrin pa mig dang gsum// chos sku
29b1 longs sku sprul sku gsum// sku re la'ang gsum gsum bstan// thugs rje yas babs sku gsum dang// ja log sku gsum shes par bya// rab la bar do med pa yang// dus bzhi mnyam sbyor dgongs pa
29b2 yin// bar dor sku gsum dran par 'gyur// 'od dang 'gyu ba yid dang gsum// dgu phrug shes pa ngo sprod do// de yis grol bar 'gyur ba yin// de las grol nas shar ba ni// mchog gi sku gsum zhes su
29b3 bshad// de yi ngo sprod ma shes na// gdams pa bstan pa skyon du 'gyur// thugs rje 'byung bar ma shes na// nyi ma 'od dang bral pa ltar// gzugs sku gnyis po 'char mi 'gyur// gzugs sku gnyis po ma shar
29b4 na// 'gro drug ston pa gang las 'byung// 'du dus thim dus 'char dus dang// de gnyis grol bar 'dus dang bzhi// de bzhi'i so mtshams ma shes na// sangs rgyas dus tshod shes pa dka'// mar gyi dus bzhi
29b5 yar gyi bzhi// bar do'i so mtshams ma shes na// 'khor ba'i 'phro mthud dus tshod dka'// 'du dus thim dus 'char dus rang grol dus// 'du dus thim dus 'char dus lus 'jug dus// 'dra 'dra 'dra ste nor
29b6 sa che// des na brtag pa rab tu dka'// 'khor ba tsam du sgra mthun yang// rgyu dang dkar nag 'bras bu bzhi// de yi so mtshams khyad par che// lus po tsam du sgra mthun te// 'jug pa'i lus la khyad par
30a1 che// 'bras bu tsam du sgra mthun ste// lung du bstan dang lung ma bstan// de yi 'bras bu khyad par che// zhes gsungs so// 'byung po kun 'dul gyi rgyud las/ ngo sprod bsdus te bstan pa sku gsum ngo
30a2 sprod kyi le'u ste nyer lnga pa'o//// de nas yang dag bshad bya ba// rdo rje chos kyi blo gros nyon// ngo sprod gtan nas gnas pa dang// de yi ngo sprod ma byas pa// 'chi ba zhes bya kun la 'byung// lus dang 'pho
30a3 ba zhes bya ba// de yi mdor bsdus bshad par bya// 'chi ba rnam pa bzhi dag las// rgas nas thug nas 'chi ba dang// 'dus pa'i nad kyis 'chi ba dang// bar chad gdon gyis 'chi ba dang// las kyi rnam par
30a4 smin pas 'chi// rlung yang lnga bcu rtsa lnga yin// brtag pa yin par shes par bya// de la rlung gi mtshan nyid kyang// ngo bo dbye ba nges tshig dang// kha dog dang ni gnas pa dang// rgyu ba'i dus tshod bstan pa'o// ngo
30a5 bo g.yo zhing mi 'gag pa// nges pa'i tshig ni 'degs bskyod do// dbye ba rgyu dang 'jug gnas so// de ni dngos po'i rlung du shes// gzhi yi rlung dang 'bras bu'i rlung// deng 'dir 'chi rtsis 'bras bur
30a6 bshad// rgyu ba la yang rnam pa gsum// gyen rgyu thur sel thad kar rgyu/ khyab par gnas pa'i rlung dang lnga// thugs rje bkrag dang drod 'bebs dang// thur du sel byed g.yo ba'i rlung// rtsa ba'i rlung lnga zhes su
30b1 bshad// kha dog chu rlung dkar la zlum// me rlung dmar po gru gsum mo// sa rlung ser po gru bzhi yin// rlung gi rlung ni zla gam ljang// mkha' rlung sna tshogs mthing ga'o// gyen du rgyu ba sna bug dang// thur du sel
30b2 ba gsang ba'o// thur sel rtsig ma 'byin par byed// gyen du rgyu bas lus stobs bskyed// chu yi rlung ni sor brgyad rgyu// sa yi rlung ni sor bzhi ste// me yi rlung ni sor bcu gnyis// nam mkha' rlung ni tshad bzung
30b3 med// de yis 'chi bar 'phen pa yin// gnas pa'i sa dang 'byung ba sbyar// rlung la drod yod gnas su 'dus// de dus rtsa rnams khrag bros pas// kha sna skam la sgo bdun du// me bdun bskal pa 'byung bar
30b4 'gyur// chu dang rdul rnams gcig tu 'dus// chu yi bskal pa 'byung bar 'gyur// sna bug gnyis su dbugs med pas// mjug tu rlung gis 'jigs pa yin// mthil bzhir drod dang 'degs bskyod med// gling
30b5 chen bzhi po 'jig pa yin// 'khor ba brgyad kyi g.yog ma nus// gling g.yog 'jig pa de ltar yin// tshogs bdun rnam shes mi rgyu bas// rin chen sna bdun 'jig pa yin// lus kyi nga rgyal dang bral bas// ri
30b6 rab 'jig pa de ltar yin// sgra rnams gyen du log pa yis// mkha' 'gro 'bros pa de ltar yin// mig gnyis khong du nub pa yis// nyi zla nub pa de ltar yin// gzhung pa srog pa'i rtsa med pa// dgu tshigs nam
31a1 mkhar med pa yin// tshogs brgyad med pas gza' brgyad med// sgal tshigs rtsa brgyad ya bral bas// rgyu skar rtsa brgyad nub pa yin// rig pa med pas rgyal po med// yid 'jug med pas blon
31a2 po med// dug lnga med pas 'khor dang dmangs rnams med// snod bcud 'jig pa de ltar yin// des na 'du dus thim dus dang// 'char dus 'jig pa'i dus dang ni// grol ba'i dus dang ngo sprod rnams// 'dir
31a3 ni rgyas par bshad pa yin// zar ma'i me tog ma yal lam// glang po'i mthur thag ma chad dam// rta sngon mthur mda' ma chad dam// seng lcam gangs dkar rgyu 'grul ma chad dam// sgeg po sgeg mo'i me long ma
31a4 stor ram// rta sprin gyi shugs can mtha' gseb ma tshud dam// klu rgyal dga' bo'i rna cha ma stor ram// rgya mtsho'i lbu ba ma chad dam// kye ma ho chad do chad do zer te brgyal lo// de'i dus na 'khor thams cad
31a5 'dus nas/gar chang 'thung nas ra ro'o// rgyal po gnyid log lta bur gyur te// zhag gsum du brgyal zhing 'dug par gyur to// de nas bud med 'am de brgyal sangs tsam na// rmi lam rnam pa gsum rmis par
31a6 gyur to// de'i tshe der snang gi dus na// de ni mtshams sbyor rmi lam dang// 'khrul pa 'phro 'du rmi lam dang// ye shes rang snang gnyid grol ba// rnam grol gsum la mkhas pa'o// grol ba thar pa rnam grol
31b1 lus// rnam grol zhi ba zhi ba nyid// legs par mya ngan 'das dang nye// bde sdug gnyis ka rnam par sel// grol ba thar pa rnam grol mchog/ rnam par grol ba mkhas pa'i mchog/ mchog gi 'bras bu bstan pa
31b2 yin// ces gsungs so// 'byung po kun 'dul gyi rgyud las/ 'chi rtsis dang ngo sprod da lta bar dor ro snyoms ngo sprod kyi le'u ste nyer drug pa'o//// de nas yang dag bshad bya ba// rdo rje chos kyi blo gros
31b3 nyon// de las thugs rje sprul pa ni// phyi nang gsang ba gsum du 'byung// thams cad mkhyen pa'i spyan ldan pas// las dang 'phro dang mthud pa dang// 'bru shag las kyi 'khor lo 'dis// go skabs ma lus
31b4 'dis 'byed 'gyur// las 'phro nges pa'i gnad med na// thams cad rtag chad gol bar chud// kye rgyal ba'i sras po lus zhes bya// 'od lus yid lus sha khrag lus// 'od zer phung po 'od dpag
31b5 med// mthar thug rdo rje sems dpa' yin// bde ba gnyis la rtogs pa'o// mtshan dang dpe byad rab tu mdzes// sa bcu'i byang chub sems dpa' rnams// 'od zer 'dom gang 'od du 'phro// lha lus 'od
31b6 gsal mda' gang dang// 'dre ni rang gnod rang 'od nges pa med// bsam gtan ting 'dzin khyad par yin// yid lus rnam smin 'bras bu dang// las kyi rim pa bsam gtan las// dmyal ba tsha grang gnyis
32a1 gnyis dang// nyi tshe ba dang nye 'khor ba// rdo rje dmyal ba'i snang ba rnams// rnam smin las kyi 'bras bu yin// yi dwags yid lus rnam pa bzhi// phyi dang nang dang gnyis ka dang// sgo khyud yid lus
32a2 rnam bzhi yin// gnas dang rgyu ba rnam smin gsum// de ni las dang 'bras bu'o// lha yang gzugs med grub pa ni// bsam gtan dag las grub pa yin// 'dod khams ris drug lha dang ni// mi rnams sha khrag
32a3 lus grub pa// dge ba'i las kyi 'bras bu yin// pha rol phyin drug khyad 'phags pas// de yi 'bras bu so sor smin// byol song sha khrag lus su grub pa ni// gti mug lung ma bstan gyi 'bras bu yin// phal
32a4 cher las kyi 'bras bur snang// rkyen 'gyur gnas skabs ma nges pa yang yod// gzhi nas rang dbang med par 'byung ba yod// rgyu nyid rdo rje rkyen dang 'dra ste ra gzhob ltar// yang dag don la las kyang
32a5 med// rnam par smin pa'i 'bras bu med// ma rtogs pa la las yod las kyi 'bras bu yod// bden pa'i byin gyi rlabs kyis me yi phung po zhi// rang grol rig pa 'di la blta nus na// yang dag don nyid mthong
32a6 bar nges pa yin// zhes gsungs so/ 'byung po kun 'dul gyi rgyud las/ thugs rje'i 'byung lugs dang lus gsum bstan pa'i le'u ste nyer bdun pa'o//// de nas yang dag bshad bya ba// rdo rje chos kyi
32b1 blo gros nyon// theg pa spyi dang rang gi mtshan nyid kyi// lam du 'jug phyir lam lnga bshad// tshogs dang sbyor dang mthong ba dang// bsgom pa dang ni mthar phyin lnga// nyan thos tshogs lam 'di lta ste// nyis brgya lnga
32b2 bcu tshogs kyi lam// bden pa bzhi ni mthong ba'o// shes pa bzhi ni sbyor ba'i lam// 'phags pa'i lam brgyad bsgom pa'i lam// dgra bcom 'bras bur gyur pa mthar phyin lam// tshad med bzhi dang pha rol
32b3 phyin pa drug/sdom pa nyi shu rtsa ba gsum// des sdom byang chub sems dpa' yi// tshogs kyi lam du bshad pa yin// bzod pa 'jig rten chos kyi mchog/ sbyin dang tshul khrims pha rol phyin pa bcu// sbyor ba'i lam
32b4 du bshad pa yin// chos rnams nam mkha' lta bu ni// mthong ba'i lam du bstan pa yin// dngos po mtshan ma mi dmigs pas// bsgom pa'i lam du bstan pa yin// 'bras bu rdzogs pas sangs rgyas pa// mthar
32b5 phyin lam du bstan pa yin// gsang sngags phyi pa'i lam du bstan pa ni// dag pa rnam gsum gza' dang rgyu skar brtsi// brtul zhugs dkyil 'khor sbyor ba tsam// tshogs kyi lam du bstan pa yin// de nyid rje dang
32b6 'bangs kyi tshul// 'phro 'du ting 'dzin byed pa ni// sbyor ba'i lam du bstan pa yin// ting 'dzin las su gyur pa ni// mthong ba'i lam du bstan pa yin// ting 'dzin rgyun ma chad pa ni// bsgom pa'i lam du
33a1 bstan pa yin// 'bras bu rigs gsum 'grub pa ni// mthar phyin lam du bstan pa yin// bdag dang dam tshig sems dpa' gnyis// de yi lam las mi 'da'o// spun dang grogs po'i sgo nas
33a2 bsgrub// tshogs kyi lam du bstan pa yin// sku mdog phyag mtshan gsal ba ni// sbyor ba'i lam du bstan pa yin// de nyid las su rung gyur pa// mthong ba'i lam du bshad pa yin// de yi lam las mi 'da'
33a3 ba// bsgom pa'i lam zhes bshad pa yin// sku lnga mngon du gyur pa ni// mthar phyin lam zhes bshad pa yin// zhes gsungs so// 'byung po kun 'dul gyi rgyud las/ mtshan nyid kyi lam dang gsang sngags phyi rgyud
33a4 lam lnga bstan pa'i le'u ste nyer brgyad pa'o//// de nas yang dag bshad bya ba// rdo rje chos kyi blo gros nyon// rgyud lung man ngag snyan rgyud kyi// de yi lam lnga bshad par bya// ting 'dzin rnam gsum dam
33a5 tshig brgyad// 'phags pa spyan drangs la sogs pa// tshogs kyi lam du bshad pa yin// goms shing brtan par byed pa ni// sbyor ba'i lam du bshad pa yin// brtan nas rigs lnga yab yum gsal// mthong ba'i
33a6 lam du bshad pa yin// ting 'dzin rnam gsum ma thob par du bsgom// bsgom pa'i lam du bstan pa yin// longs sku zhe gnyis sangs rgyas pa// mthar phyin lam du bstan pa yin// phung po khams rnams lha ru
33b1 bsgom// 'dzab dang 'phro 'du tshogs kyi lam// de nyid 'dris byed sbyor ba'i lam// kun bzang yab yum he ru ka// dgu ru gsal ba mthong ba'i lam// he ru yab yum brtan pa bsgom pa'i lam// dbyings dang
33b2 ye shes gnyis su med par mthar phyin lam// a ti yo ga'i lam lnga ni// snang srid rgyan du gyur pa tshogs kyi lam// thig le nyag gcig rtogs thabs sbyor ba'i lam// the tshom med par go ba mthong ba'i lam// de
33b3 yi don la gnas pa bsgom pa'i lam// chos sku thig ler shar ba mthar phyin lam// snyan rgyud nges pa'i lam lnga 'di ltar bstan// rang snang zang thal yin pas tshogs lam rdzogs// rig par rang sar grol bas
33b4 sbyor lam rdzogs// thig le rang la shar bas mthong lam rdzogs// 'gyu ba zang thal shar bas bsgom lam rdzogs// thig le chos min shar bas thams cad mkhyen pa rdzogs// tshig tu brjod pas lngar snang don la
33b5 gcig/gser bzang mdog bzang byas pa'i don la gcig/ theg pa rang rang lam lnga de ltar yin// zhes gsungs so// 'byung po kun 'dul gyi rgyud las/ lam lnga khyad par bstan pa'i le'u ste nyer dgu
33b6 pa'o//// de nas yang dag bshad bya ba// rdo rje chos kyi blo gros nyon// sa dang pha rol phyin pa ni// gsang sngags mtshan nyid man ngag gsum// de yang khyad par 'di ltar bstan// dang po rab tu dga' ba
34a1 ni// sbyin pa yi ni pha rol phyin// pad+ma can gyi sa zhes bya ba dang// bla ma'i gdams ngag thob pa'o// gnyis pa dri ma med pa ni// tshul khrims pha rol phyin pa'o// rig pa dri ma med pa ngo sprod
34a2 yin// gsum pa 'od 'phro zhes pa ni// bzod pa'i pha rol phyin pa'o// bcu gsum yi ge 'khor lo tshogs chen yin// sku gsum dgongs pa gzhan don byed// bzhi pa 'od byed ces pa ni// brtson 'grus pha rol
34a3 phyin pa'o// yi ge tshogs chen rdzogs pa yin// sku gsum gyis ni gzhan don byed pa yin// lnga pa sbyang bar dka' ba'i sa// bsam gtan pha rol phyin pa'o// bco lnga rdo rje 'chang gi sa// dbang po dman la ngo sprod
34a4 bya// drug pa mngon du gyur pa'i sa// shes rab pha rol phyin pa'o// ngo sprod pas ni rtogs pa mngon du gyur// bdun pa ring du song ba'i sa// thabs kyi pha rol phyin pa yin// nyan thos spong ba yin te ring
34a5 ba'o// 'di nyid lam du byed pa'o// brgyad pa mi g.yo ba yi sa// smon lam pha rol phyin pa'o// chos sku 'gyur ba med par rtogs// dgu pa legs pa'i blo gros sa// stobs kyi pha rol phyin pa yin// kun tu bzang
34a6 po'i dgongs pa'o// bcu pa chos kyi sprin gyi sa// ye shes pha rol phyin pa'o// rtogs pa mngon du gyur pa'o// bcu gcig la ni 'od du 'char// ye shes pha rol phyin pa'o// zhes gsungs so// 'byung po kun 'dul
34b1 gyi rgyud las/sa gsum ngo sprod kyi le'u ste sum cu pa'o//// de nas yang dag bshad bya ba// rdo rje chos kyi blo gros nyon// phyag rgya bzhi yi don ston pa// 'gro ba'i bsnyen bkur gnas kyi mchog/ bden pa
34b2 bzhi ni ston pa'o// de la nyan thos phyag rgya bzhi// nyis brgya lnga bcu las kyi phyag rgya yin// bden bzhi gtan la 'bebs pa chos kyi phyag rgya yin// gang zag bdag med dam tshig phyag rgya yin// dgra bcom 'bras
34b3 bu rnam bdun phyag rgya chen po yin// byang chub sems dpa'i phyag rgya ni// sdom pa nyi shu bsrung ba las rgya yin// pha rol phyin drug spyod pa chos rgya yin// chos rnams rang bzhin stong pa dam tshig phyag rgya
34b4 yin// thams cad mkhyen pa thob pa phyag rgya chen po yin// dag pa rnam gsum spyod pa las kyi phyag rgya yin// rigs gsum spyan 'dren mchod bstod chos kyi phyag rgya yin// nya sha sgog btsong bsrung ba dam tshig
34b5 phyag rgya yin// 'bras bu rigs gsum bsgrub pa phyag rgya chen po yin// byang chub lam la 'jug pa las kyi phyag rgya yin// sku lnga bzhu btul byed pa chos kyi phyag rgya yin// dkar gsum mngar gsum bsten pa dam
34b6 tshig phyag rgya yin// sku lnga mngon du gyur pa phyag rgya chen po yin// bdud rtsi lnga la spyod cing sbyor sgrol las kyi phyag rgya yin// sngags dang phyag rgya chos kyi phyag rgya yin// dam tshig nyi shu rtsa brgyad bsrung ba dam tshig
35a1 phyag rgya yin// bzhi bcu rtsa gnyis bsgrub pa phyag rgya chen po yin// ting 'dzin rnam gsum dam rdzas lnga spyod las kyi phyag rgya yin// kun bzang yab yum bsgom pa chos kyi phyag rgya yin// 'du 'phro
35a2 rgyun mi gcod pa dam tshig phyag rgya yin// dbyings dang ye shes gnyis su med pa phyag rgya chen po yin// rol pa 'gag pa med pa chos kyi phyag rgya yin// mtshan nyid skye ba med pa las kyi phyag rgya yin// ngo bo klong
35a3 grol dam tshig phyag rgya yin// rang bzhin skye ba med pa phyag rgya chen po yin// 'gyu ba 'gag pa med pa las kyi phyag rgya yin// ye shes zang thal shes pa chos kyi phyag rgya yin// rig gnas phyi nang med pa dam tshig
35a4 phyag rgya yin// chos las 'das pa phyag rgya chen po yin// zhes gsungs so// 'byung po kun 'dul gyi rgyud las/ phyag rgya btab pa'i le'u ste so gcig pa'o//// de nas yang dag bka' stsal pa/
35a5 rigs kyi bu khyod nyon cig/ kun tu bzang po'i dgongs pa ni// gzhi rang grol du shes pa'o// gzhi rang grol gyi dgongs pa de ni/ ma bltas rang shar gyi dgongs pa shar ro// ma bsgoms so/ ma bsgrubs so/
35a6 ma spyad do// tshogs gnyis ma bsags so// gzhi rang grol de yis bsgoms sam sgom bzhin nam/ bsgom pa byas sam bsgom par ma byas na sangs rgyas sam// lta bas bltas sam/ blta bar byas sam/ lta
35b1 bar byed bzhin nam/lta ba bltas nas sangs rgyas sam/ de spyad dam spyod par byed dam/ spyad nas nam/ spyad zin nas des sangs rgyas sam/ gzhi 'bras bu gzhi yin nam/ gzhi des 'bras bu myong ngam/
35b2 gzhi 'bras bu thob bam/ gzhi na re 'bras bu yin zer ram/ de bzhin du lam lnga sa bcu tshogs gnyis rnams kyang/ de bzhin de yi rang bzhin yin// zhes gsungs so// dper na ga bur na rang sman yin zer
35b3 ram dug yin zas phal pa yin zer ram// nor bu rin po che de skad zer ram ste// gzhi 'khrul pas gzhi ngo shes te// mi shes pa yis rang dbang med// mi yi byad kyis me long ltar// phar bltas tshur mthong
35b4 bzhin gsal ba// gzhi ngo shes pas gzhi las 'das// 'das pa lnga po chos las min// ye shes zang thal rang shar bas// thams cad mkhyen pa ma 'gags pas// mkhyen pa de ltar shar ba yin// drug gis
35b5 bstan pa'i dgongs pa dang// mu stegs ston pa drug po yis// grub mtha' gnyis su phye bas log// gnyis med don dang mi 'gal lam// mnyam phyir don ni bzang ngan med// bzang por 'dod na 'dod chags
35b6 yin// 'dod pas mi myong rtog 'dre yin// 'dre ru 'di bas che ba med// ces gsungs so// 'byung po kun 'dul gyi rgyud las// kun tu bzang po'i dgongs pa bstan pa'i le'u sde so gnyis pa'o//// de nas
36a1 yang dag bshad bya ba// 'byung po kun 'dul rgyud chen 'dir// thams cad ma lus 'dus pa yin// 'di ni byin gyis brlabs pa'i rgyud du zung zhes gsungs so// ston pa kun tu bzang po la// rdo
rje chos kyi blo gros rjes su yi rang ngo/

CLOSE WINDOW