1a1 dam tshig bkod pa sa gzhi'i rgyud/ rin po che spungs pa'i rgyan zhes bya ba/
1b1 rgya gar skad du// sa ma ya byU ha b+hU mi tan+t+ra rat+na ku TA laM kA ra nA ma/ bod skad du/ dam tshig bkod pa sa gzhi'i rgyud/ rin po che spungs pa'i rgyan zhes bya ba/ bcom ldan 'das
1b2 dpal kun tu bzang po la phyag 'tshal lo// 'di skad bdag gis thos pa'i dus gcig na/ bcom ldan 'das dpal kun tu bzang po 'og min gyi gnas mchog chen po na bzhugs
1b3 pa'i tshe/dpal rdo rje sems dpas yang ti'i chos zhus pas/ kun tu bzang pos bka' stsal pa/ snyan rgyud kyi gdams ngag rnam pa gsum ste/ sangs rgyas nyag gcig dang/ dam
1b4 tshig thun gcig dang/dpe brda' gcig go// sangs rgyas brda'i le'u ste dang po'o//// rdo rje sems dpas zhus pa'i sangs rgyas nyag gcig ni/ rig pa dngos med ye shes
2a1 la// sku gsum ka nas ma grub bo// ci ste logs snang med pa'i phyir// brda ni mig gi rnam par shes pa'o// don gyi ye shes rang la lhun gyis grub pa'o// sgra ni dz+nyA na kA
2a2 ya a'o// sangs rgyas nyag gcig ni/ dgongs pa la thun med pa dang/ chos nyid la bar do med pa dang/ ye shes la skyel bsu med pa dang/ chos sku la skad cig ma med pa dang/ sku
2a3 gsum la 'du 'brel med pa dang/snying po la 'pho 'gyur med pa dang/ shes rab la dgag sgrub med pa dang/ thig le nyag gcig la gnyis snang med pa'o// lung las kyang/ gnyis med
2a4 gnyis su med par ston/zhes bya ba dang/ sangs rgyas sems can gnyis med de// zhes pas gsal lo// brda don gyi le'u ste gnyis pa'o//// kun tu bzang
2b1 pos bka' stsal pa/dam tshig thun gcig ni/ yang ti nag po gser gyi 'bru gcig pa// dper na rin chen gser gyi rdo ba la// bya dang khyi dang sku gzugs rnams// byas kyang gser las 'gyur ba med// bzang
2b2 du ma song ngan du mi 'gro ste// gzugs kyi rnam pa tha dad kyang// ngo bo gser las 'gyur ba med// de bzhin dam tshig thun gcig ni// thig le nyag gcig don rtogs na// bsrung du gnyis snang med
2b3 pa'i phyir// bsrung bya byung na yang ti min// bsrung rgyu byung na nyag gcig min// gnyis snang byung na gzung 'dzin yin// so so skye bo'i khyu ru gol// gol phyir yang ti'i dam tshig min// de yang lung las/ dam tshig
2b4 chen po de nyid mkhyen// dbang po bsam pa mkhyen mchog gis// brda' ni dug lnga rang grol rang shar ba'o/ sgra ni sa ma ya tri kA ya e ka'o// zhes gsungs so// brda' sgra don gyi le'u ste gsum
2b5 pa'o//// kun tu bzang pos bka' stsal pa/ dpe brda gcig ni/ rgya mtsho chen po sku gsum brda'// nam mkha' chen po thugs rje'i brda'// sman gyi rgyal po ga bur ni// sman dang dug dang kha zas brda'// de ni phyi yi
2b6 brda' gsum yin// ngo bo rang bzhin thugs rje'i brda'// de ni 'khrul pa gzhi yi brda// ma ni rnam gsum sems can brda'// snang ba rnam gsum 'khrul pa'i brda'// de ni nang gi brda' bzhi
3a1 yin// 'dod chags zhe sdang gti mug ni// de ni thig le nyag gcig brda'// dug lnga ye shes lnga yi brda'// 'gro drug rang byung ye shes brda'// gzung 'dzin rig pa ye shes brda'// de ni gsang
3a2 ba'i brda' bzhi yin// sgra yi don ni 'di lta ste// ye shes sgra las yi ge ha// dbyings kyi sgra las yi ge ma// rol pa'i sgra las yi ge 'a// de ni sgra yi chos nyid do// don 'di rtogs pa'i rnal 'byor la// rab dang
3a3 'bring dang tha ma bstan// dbang po yang rab rol pa la// sangs rgyas chos dang mya ngan 'das// dngos po'i chos dang gnas lugs te// bar do med par rang grol lo// 'bring dang tha ma'i chos nyid ni// da lta ngo
3a4 sprod bar dor sangs rgyas te// rdzogs chen lam pa'i chos nyid do// sems can 'khor ba blo yi snang lugs te// 'bring dang tha ma bar dor grol// zhes 'byung ngo// yang ti rang grol du bshad pa'o/ brda' 'gyur
3a5 sgra 'gyur don 'gyur du bstan pa'o// tshig gsum brgyud pas sangs rgyas kyi chos brgyud pa bar ma chad pa rdzogs so////
3a6 rgya gar skad du/


CLOSE WINDOW