336a1 sku gsum gyi snang ba ngo sprod bzhi'i rgyud 'dir 'jug// rgya gar skad du/ sh+ma sha na skan+d+ha dz+wa lo pa de sha tan+t+ra nA ma/ bod skad du/ dur khrod phung po 'bar ba man ngag gi
336a2 rgyud ces bya ba/dpal rdo rje 'chang chen po la phyag 'tshal lo// 'di skad bdag gis thos pa'i dus gcig na/ dur khrod chen po'i rdzong/ keng rus kyi ri rab/ lcang lo can gyi pho brang/ gsang ba'i sgo bzhi btod pa
336a3 na/nyi zla zung cig gsal ba na/ bcom ldan 'das brjid pa'i khro gnyer can/ rang rig pa'i rgyal po ye shes chen po bzhugs te/ nang gi 'khor chen mkha' 'gro lnga/ phyi'i 'khor dag khye'u lnga/ gsang ba'i 'khor
336a4 ni lha mo lnga dang thabs gcig tu bzhugs so// de'i tshe gsang ba'i bdag pos zhus pa/ kye kye bcom ldan gtum khro 'bar// nyi zla 'bar ba'i gdan steng nas// rgya mtsho'i nang nas sku bzhengs nas// chos nyid
336a5 klong nas gdangs bskyod la// bdag cag 'dus pa'i 'khor tshogs la// phung po 'bar ba'i gsang rgyud 'di// thugs kyi klong nas rab bkrol la// mgur gyi bum par chos nyid dril// ljags kyi pad+mo dag la
336a6 bkram// shangs kyi rlung sgrom dung gi tshems par dag nas ston mdzod la// yon tan sgo lnga khye'u lnga la brda sprad nas// mos pa'i 'khor la gsung du gsol// zhes zhus so// dur khrod phung po 'bar ba'i rgyud las/
336b1 gleng gzhi'i le'u ste dang po'o//// de nas bcom ldan 'das brjid pa'i khro gnyer can gyis zhu ba'i 'khor gsang ba'i bdag po dang/ sdud pa'i 'khor dga' rab rdo rje/ mos pa'i 'khor mkha' 'gro lnga la
336b2 sogs te bsam gyis mi khyab pa rnams la/dur khrod phung po 'bar ba'i gsang rgyud 'di/ nga yis bshad kyis yid la zung// zhes bka' stsal to// sngon dur khrod phung po 'bar ba'i ri rab na// dpag bsam gyi
336b3 ljon shing lcang lo can gyi pho brang na// rlung nag mun ltar gtib pa'i nang shed na// 'dod chags chu ltar 'khrugs pa'i dkyil shed na/ khye'u shel gyi sgron me thogs// res 'ga' ri rab rtse la gnas// res 'ga'
336b4 dur khrod 'dam du rgyu// res 'ga' 'khor ba'i chu bos khyer// res 'ga' rlung nag 'tshubs mas khyer/ khyer yang kho la shi ba med// yang gsang ba'i bdag pos zhus pa// kye kye bcom ldan khro gnyer
336b5 can// bdag cag 'dus pa'i 'khor tshogs la// de yi don rnams gsung du gsol// zhes zhus so// ston pas gsungs pa// brda yi don rnams ma go na// ngas bshad yid la nges par zung// dur khrod phung po
336b6 'bar ba ni// da lta'i dus na me ri 'bar ba ste// phyis kyi dus na gzugs kyi phung po'o// dpag bsam ljon shing bstan pa ni// srog tu gyur pa'i rlung bzhin te// lcang lo'i pho brang bstan pa ni// phyi ltar bstan na
337a1 'og min gnas// nang ltar bstan na thod pa ste// 'dod chags chu ltar brub pa ni// nyon mongs 'dod chags chen po ste// rlung nag mun ltar gtibs pa ni// phrag dog gti mug bdud kyis
337a2 khyer// khye'u sgron me thogs pa ni// rig pa'i rgyal po rang snang ste// ri rab rtse la gnas pa ni// rgya mtsho'i mdangs la gnas pa yin// dur khrod 'dam du rgyu zhes pa ni// tsit+ta'i nang du rgyu ba yin// 'khor ba'i chu
337a3 bos khyer ba ni// rnam rtog chu bos khyer ba yin// rlung nag 'tshubs mas khyer ba ni// dug lnga'i dbang du gyur pa yin/ kho la shi ba med ces pa ni// rig pa rdo rje lta bu'i sku// cir yang shar yang kho yi sku// zhes
337a4 gsungs so// dur khrod phung po 'bar ba'i rgyud las/ 'dus pa brda'i le'u ste gnyis pa'o//// de nas yang gsang ba'i bdag pos zhus pa// kye kye bcom ldan rdo rje 'chang// phung po 'bar ba'i don
337a5 rnams gsung du gsol// ston pas bka' stsal pa/ ngas bstan 'khor rnams yid la zung// phung po zhes su bstan pa ni// du ma 'dus pas phung po'o// 'jig pa'i phyir na phung po'o// rten pa'i phyir na phung
337a6 po'o// 'dus pa'i phyir na phung po'o// phung po dag la brten pa ni// klad pa dung khang gzhal yas ni// he ru ka yi bzhugs gnas yin// thugs rje 'byung ba'i sgo bzhi ni// rig pa 'gyu ba'i gsang bzhi yin// b+h+r-i
337b1 gu tsak+Shu'i sgo yis ni// rig pa'i ngo bo gdangs gsal bstan// mngon du 'gyur ba'i ye shes yin// 'byed pa med de zang thal lo// de yi ngang las ma g.yos na// dgongs pa zin pa'i tshad yin no// sal le sang
337b2 nge rtog med gsal// dug lnga skye yang 'phel 'grib med// dper na nyi ma'i snying po bzhin// dus gsum rgyun gyi mun pa sel// thugs rje 'byung ba'i sgo yis ni// sgron ma rig pa'i rtsa ru 'gyus// lus kyi bcud
337b3 dang thig ler bcas// sgal tshig gsang ba'i rta brgyud nas// rdo rje'i lam du bde bar thon// yum gyi pad+ma'i rdzing bur 'khyil// zla dgu ngo dang bcu ru gnas// ngo bo nyid kyi dge slong de// chos nyid rang sgra a haM
337b4 zlos// sprul pa'i sku ru rab tu smin// thugs rjes gzigs snang don dam bcad// chos nyid shes rab sgo yis ni// shes rab dpyod pa'i rig pa ste// so sor rtog pa'i ye shes so// shes rab skyes pa'i rlung zhes
337b5 bya// chos rnams kun gyi thog mtha' bcad// skye med ngang du bsgom par shes// sgo bzhi mtha' yi slob dpon ni// skye med nam mkha' sgo yin te// thos bya ma 'gags sna tshogs ldan// sgo gsum 'dan la sgo
337b6 gnyis phye// sgo gsum chod la sgo gcig sdom// spyir na sgo rnams ma bcad kyang// chos nyid sgo la yengs pa med// chu bo gzhung chen dgongs pa yin// dus gsum rgyun gyis rtog pas te// rgyal pos sa 'dzin blon
338a1 pos byas// rig pa 'byed med rang gsal ni// rgyal po blon po dmangs kyi tshul// rgyal po rig pa'i ngo bo nyid// mi 'gyur ma bcos rang bzhin gnas// ma bcos ji bzhin lhun grub
338a2 gnas// stong pa chen po rdo rje'i sku// snying po rang gsal 'dzin med de// chos nyid rang gi gdangs la bzhugs// 'du 'dzis g.yengs kyang g.yos pa med// rA dza zhes ni de la bya// blon po sems kyi ngo bo ste// phyi
338a3 blon nang blon gzung 'dzin gcod// rnam rtog sna tshogs yul las skye// dran pa phyogs med zhen par gcod// gzung 'dzin rgyud la rab tu bsags// rnam rtog phyin ci log la spyod// dug lnga ngar 'dzin khong du
338a4 bcas// byan mo mdzangs ma'i mdzod bzhin du// dge sdig rtog pa sna tshogs bsags// ma rtogs blon pos dbang bsgyur te// ngan song gsum du the tshom med// rtogs na chos nyid rang rtsal te// shar yang rig
338a5 pa'i ngang las shar// skye yang rig pa'i ngang las skye// grol yang rig pa'i ngang du grol// sna tshogs shar yang rig pa'i rtsal// dper na nam mkha'i klong nyid nas// sprin dang na bun khu rlangs shar// shar yang nam
338a6 mkha'i klong du thim// de bzhin rig pa'i rgyal po la// blon pos las rnams rtsal du 'gyur// rig pa'i rtsal du shes tsam na// rgyan dang rol pa thugs rje'o// rig pa'i ngang nas ma g.yos na// stong gsum 'jig
338b1 rten bsgral gyur kyang// ston pa'i thugs rjes bsgral ba las// sdig ces bya ba'i ming yang med// rtog pa gdeng du ma gyur na// skad cig sems kyi 'khu 'phrigs kyang// ngan song gsum po dag dang 'dra// des
338b2 na rA dzas sa zin na// blon pos las rnams ci spyad kyang// rA dza'i ngang las g.yos pa med// rtogs pa rab kyi mtshan nyid do// dbang po 'bring gi mtshan nyid ni// rA dzas gdan sa ma zin na// blon po'i dbang
338b3 du rA dza byas// blon po btson du bzung ba dang// rA dza gdan sa zin te mi bskyod do// rA dza gdan sa zin pa'i mtshan nyid ni// rgya mtsho ar la gtad de mi bsgul har por bzhag/ shes rab gser yi thur mas
338b4 rig pa rang dbang bskur// des ni mnyam bzhag ma yin rjes thob bo// nyams su blang ba'i tshad yin no// zhes gsungs so// dur khrod phung po 'bar ba'i rgyud las/ phung po bshigs nas rigs pa ngos bzung
338b5 ba'i le'u ste gsum pa'o//// yang zhus pa/ kye kye bcom ldan khro gnyer can// phung po'i nang du rgyal blon dngos bstan te// dmangs dang grol lugs ji ltar lags// mnyam pa'i ngang nas gsung du
338b6 gsol// yang gsungs pa/ ngas bstan 'khor rnams nges zung zhig/ rig pa mi 'gyur rgyal po bzhin// blon pos sna tshogs gzung 'dzin byed// dmangs kyis gzhan snang yul la spyod// gsog pa'i dmangs dang
339a1 mchod pa'i dmangs// ma rtogs pa yi dus nyid na// sgo lnga'i rnam shes rnam pa lnga// sna tshogs rkyen gyis yul la spyod// sdug mi sdug gi yul gsum skye// sna tshogs spyad kyin yul la 'phyo// gzung
339a2 'dzin rnam rtog rgyun du bsags// sgrib pa gnyis kyis yun du bsgribs// ma rig bdag tu nges par gzung// rgyud drug dag tu rtag tu 'khor// ma rtogs dus na de ltar snang// gsog pa'i dmangs te yul
339a3 la spyad// yid kyi rnam shes bdag tu bzung// rgyal po mun pa'i nang na 'khyams// yang gsungs pa/ mchod pa'i dmangs ni 'di lta ste// sgo lnga'i rnam par shes pa ste// byang chub sems kyi khye'u lnga// mig ni sa yi
339a4 snying po ste// snang ba'i yul la shes pa shar// mthong ba'i gzugs ni sna tshogs spyad// rig pa'i ngo bo 'dzin med de// 'dzin med ngang las rtsal du shar// snang ba rnams la rgya yis btab// mi 'gyur ngang du rang
339a5 sar grol// shar ba'i dus na thugs rje'i rgyan// grol ba'i dus na rgyal po mnyes// sa yi snying po 'gro ba 'dzin// rna ba phyag na rdo rje ste// thos bya ma 'gags yul la spyad// sgra yis rol mo'i mchod pa ste// rig
339a6 pa skye med ngang du thim// rig pa rang gsal brda yin te// gdangs ni rang gsal dag tu thim// skye med chen po'i mchod pa'o// sna ni nam mkha'i snying po ste// bsgom bya'i rig pa'i rtsal yin te// snang ba'i dri ma
339b1 rang bzhin gsal// dri nyid rig pa'i gdangs yin te// dri yi rang bzhin dngos po med// shar yang rig pa'i ngang las shar// thim yang rig pa'i ngang du thim// mnyam nyid thugs kyi klong du thim// lce ni khye'u spyan
339b2 ras gzigs// ro mchog rig pa'i ngang nas gsal// sna tshogs ro yi mchod pa ste// ro ni gnyis med rig par thim// rig pa chos kyi sku nyid la// gzugs ni sku yi mchod pa yin// bde chen thugs kyi mchod
339b3 pa yin// dri ni gsung gi mchod pa yin// ro ni yon tan mchod pa'o// lus ni sgrib pa rnam sel te// reg bya sna tshogs yul la spyad// bde ba chen por nyams myong ste// bde chen gnyis med ngang du thim// reg ni
339b4 phrin las mchod pa'o// rig pa rang grol shes tsam na// rig pa'i rgyal po rang dbang thob// rig pa gnyis med chos sku la// mchod dang mi mchod mi mnga' ste// rtogs pa bde chen rnyed tsam na// don gyi ngo la
339b5 mchod mi mnga'// mtshon pa'i ngo nas btags pa tsam// cir snang ci srid rig pa'i rtsal// rgyal po'i ngang las ma rtogs pa// blon po dmangs ni yod mi srid// ming du btags kyang rig pa'i rtsal// rol pa
339b6 mdzad spyod thugs rje 'char// de ltar rtogs na dgongs pa'i mchog/ ces gsungs so// dur khrod phung po 'bar ba'i rgyud las/ dmangs kyi bshad pa'i le'u ste bzhi pa'o//// yang zhus pa/ kye kye brjid
340a1 pa'i khro gnyer can// phung po'i nang nas ji ltar 'byed// rtsa yi lam ni ji lta bu// zhes zhus so// ston pas bka' stsal pa/ ngas bstan 'khor rnams nges zung zhig/ phung po'i nang du dbye ba ni// rgya
340a2 mtsho nyi ma can na rig pa nyid// rig pa'i snying po til 'bru'i cha dang mtshungs// de yi rang lus mtshon pa spu ris tsam// de yi rang gdangs nam mkha'i mtha' dang mnyam// rig pa dngos med nam mkha' nyid la
340a3 gsal// snang med mkha' la 'ja' tshon te// dus gsum 'gyur med ye nas gnas// gtang bzhag med par klod la bzhag/ chos kyi sku zhes bya'o// rig pa chos sku'i dbye ba ni// chos nyid snang ba'i sgo nas
340a4 ni// shes rab 'gag med gsal dus su// shes rab longs spyod sku yin te// thogs med cir yang mkhyen par spyod// des mtshon shes rab sku lnga ste// mi 'gyur rdo rje lta bu'i sku// de nyid yon tan 'gag med
340a5 las// rin 'byung chen po'i sku ru shar// de nyid skyon gyis ma gos te// ma chags snang ba mi 'gag ste// pad+ma'i rigs chen sku ru gsal// de nyid thogs med mtha' bzhi grol// sna tshogs rig pa'i ngang du
340a6 grub// don grub chen por rang snang ngo// de nyid thogs med kun tu snang// kun gyi gzhi mor rnam snang gsal// rnam snang chen po de nyid do// dngos su mi snang mkhyen pa mi 'gag ste// don gyi ngo la dbyer med
340b1 kyang// mtshon pa'i sgo nas sna tshogs snang// thugs mchog rig pa'i ngang nas dbye// rig pa gnyis med chos sku la// sprul sku tsam du shar ba ni// lam gyi sgron me'i thig le ste// dngos med dngos gsal 'dzin
340b2 med de// drug ni thub pa zhes su bstan// de ni rig pa'i rang lugs so// de shes nas ni rang sa zin// sprul sku dag gi dbye ba'o// chos sku'i ngo bo 'gag med la// longs sku shes rab 'gag med spyod// sprul sku
340b3 gdul bya'i yul snang ba// mtshon pa'i dpe ni nyi ma'i snying po bzhin// nyi ma'i snying po chos sku'i dpe// de las 'od zer sna tshogs shar// des ni 'gro drug mun pa sel// de bzhin chos sku rtog med
340b4 gsal// longs sku shes rab 'gag med spyod// sprul sku thugs rjes nyon mongs sgrol// de gsum mtha' dag gcig gi ngang// chos sku'i bzhugs gnas rgyang zhags te// longs sku'i bzhugs gnas tsit+ta
340b5 yin// sprul sku'i bzhugs gnas sgo lnga'o// phung po'i nang du de ltar dbye// zhes gsungs so// yang gsungs pa/ rtsa yi lam zhes bstan pa ni// rgyang zhags dag nas rtsa shar ba// chos nyid rang byung rtsa zhes
340b6 bya// nam mkha'i mthong khung sgo nas rtsa shar ba// gsang ba 'gag med rtsa zhes bya// rtsa gnyis chad pa yin nam/ de bzhi tsit+ta dag la zug/ tshad med sgo bzhi'i rtsa zhes so// tsit+ta rin chen gur phub nas// gzung 'dzin
341a1 rtog pa'i rtsa zhes te// rtsod pa'i sgo gsum dag tu zug/ de la ming du mtshon pa na// shes rab myur byed mi bo che// rnam shes rlung gi rta la zhon// gzung 'dzin lcags kyu lag na thogs// rtsod pa'i sgo
341a2 gsum dag tu phyin// snang ba'i yul la gzung 'dzin spyad// rnam shes tshim byed ces su bya// rig pa'i rtsal ni gzhi ru 'dzin// snying rje med pa bskal pa'i rlung zhes bya// de dang bdud langs rtsa ru 'brel// rtsa de
341a3 'dus na 'chi rtags so// srog tu 'dzin pa'i rtsa dag gnas// mdud pa dar shog rtsa zhes bya// de dang bdud langs rtsa ru 'brel// sdud byed rlung chen brtags pa'o// nag po sdig med rtsa de nas// dpag bsam
341a4 ljon shing rtsa zhes te// de ni bshad pa rang byung rtsa ru rtag/ des ni lus kyi dbang po bzung// thugs rje 'byung ba'i dus nyid na// rtsa ni mdud pa'i ltag sgo zhes// rtsa chen de rnams dag tu ni/ khrag dang chu ser mi rgyu
341a5 ste// rig pa'i rtsal ni rlung du rgyu// ngo bo 'gag med gsal ba la// rtsa ni de rnams dag tu rgyu// rtsa las thugs rje sprul sku 'byin// la las shes rab chen por 'char// la las mi bskyod gzhi ru 'dzin// la las
341a6 dus zad 'chi rtags ston// phung po'i nad du de ltar dbye// zhes gsungs so// dur khrod phung po 'bar ba'i rgyud las/ rig pa'i gnas lugs dang/ rtsa'i dbye ba bstan pa'i le'u ste lnga pa'o//// de nas
341b1 yang zhus pa/kye kye bcom ldan khro gnyer can// sems su dbye ba ji ltar dbye// ye shes zhes ni gang la bgyi// zhes zhus so// bka' stsal pa/ ngas bstan yid la nges zung zhig/ ngo bo dpe dang rnam grangs
341b2 dang// gnas dang lam dang sgo dang ni// skyon dang yon tan 'bras bu'o// phyed tshad dbye ba'i dus bstan pa'o// sems kyi mtshan nyid bstan pa ni// rlung can dag tu rtsal 'gyus te// dbugs ni brnyan ma dag
341b3 dang 'dres// rig pa rkyen dang phrad pa yis// gzung 'dzin rtog pa cher song ngo// de la sems zhes bya ba ni// dbye ba rnam pa gsum yin te// don la sems pa sna tshogs pa// gsog pa'i phyir yang sems zhes
341b4 bya// ngo bo dbugs ni brnyan mas te// ye nas med de 'phral la byung// dper na tshong dus 'o ma bzhin// je lad je lad song ba'o// grangs ni rnam pa brgyad du bstan// gnas ni rlung can grong na gnas// lam
341b5 ni mgrin pa dag tu rgyu// sgo ni 'dod pa'i sgo gsum shar// skyon ni rtog pa sna tshogs byed// 'bras bu bag chags phung po len// phyed pa'i tshad ni rgyu srang tshad// dbye ba'i dus ni phung po bor// zhes
341b6 gsungs so// yang gsungs pa/ ye shes zhes bya bstan pa ni// dbye ba rnam grangs nges tshig dang// ngo bo gnas dang lam dang sgo// las dang yon tan 'bras bu dang// byed tshad dbye ba'i dus bstan no// dbye ba
342a1 rnam pa lnga yin no// rnam grangs dag ni brgyad du bstan// nges tshig ye nas shes pas ye shes so// glo bur min pas ye shes so// ye nas yod pa'i rig pa de// bla ma dam pas mtshon nas ni// rang
342a2 rig rtogs pas shes tsam na// ye shes zhes ni de la bya// ngo bo lam gyi sgron ma de// ma bu rnams la rang chas gnas// lam ni chos nyid rtsa ru brgyud// sgo ni b+h+r-i gu ta ru shar// las ni shes rab thogs
342a3 med spyod// yon tan gzung 'dzin rtog pa med// 'bras bu sku gsum rang la rdzogs// phyed pa'i mtshan nyid bstan pa ni// rgyu srang gcad la kha la gdon// rang gsal 'dzin med ngang la bzhag/ dbye dus phung po
342a4 bor ba'o// gzung 'dzin nam mkha'i mtha' la dngas// phung po sa dang rdo dang 'dra// ye shes zhing khams rnam par dag/ sgrog ni gsum sbrel gyes pa bzhin// zhes gsungs so// dur khrod phung po 'bar ba'i rgyud
342a5 las/sems dang ye shes dbye ba'i le'u ste drug pa'o//// de nas yang gsang ba'i bdag pos zhus pa/ kye kye bcom ldan khro gnyer can// sbubs gsum rgyud la ci 'dra mchi// sku gsum 'du 'bral yod
342a6 dam med// ces zhus so// yang gsungs pa/ ngas bstan yid la nges par zung// rat+na 'gyur med sbubs bstan pa// chos nyid rang sgor gsal ba la// rig pa rang gdangs 'gyur med shar// chos su ngo bo
342b1 'gag med la// rang bzhin 'od kyi snang ba shar// dang po srid pa zhi nas ni// tha ma phung po ma bor bar dag tu// chos nyid rang sgo'i ngang na gnas// thog ma'i lhun grub sangs rgyas te// da lta gsal ba'i sgron
342b2 mar gnas/yon tan 'byung ba'i rin po che// sku gsum ye shes lnga ru shar// 'gyur ba med pas rdo rje ste// rig pa gnas pas sbubs zhes bya// phung po dag la mtshon gyur na// chos nyid rang byung sgo yin no// ye
342b3 shes sgyu ma'i sbubs zhes ni// byang chub lam gyi sgron ma ste// rtogs kyi ye shes nyid la bzung// chos nyid bar do zhes kyang bya/ rig pa rang lus 'od du gnas// sangs rgyas rnams kyi rang lus te// brtags na
342b4 med la bzhag na 'byung bas legs pa che// tshon gang 'od kyis kun tu khyab// ye shes snang ba zhes bya ste// sgyu ma sbubs kyi ngos bzung ngo// rnam rtog bag chags sbubs zhes ni// gzugs kyi phung po nyid yin
342b5 te// de ma rdzogs na rtsal mi rdzogs// rtsal ma rdzogs na sgo mi rgyas// sgo ma rgyas na mtha' mi chod/ mtha' ma chod na don mi rtogs// lus ngag rdzogs na dgongs sangs rgyas// rtsal rdzogs chos rnams kun gyi
342b6 rtogs mtha' chod// yang dag mtha' las rnam par grol// dus gsum 'gyur med dgongs pa chod// rtogs pa rgyud la rab tu smin// lta ba'i thag ni yongs su bcad// bsgrub pa'i dgongs pa phul du dbyung// chu
343a1 bo rgyun gyi rnal 'byor te// dus gsum 'pho 'gyur med par gnas/ khyung chen gnam 'phang gcod pa la// nyam nga bag tsha ka nas dag/ ces gsungs so// yang gsungs pa/ sku gsum 'du 'bral
343a2 med pas te// gang zag rgyud la mtshon pas te// dbang pos mthong ba ma 'gags pa// shes bya ye shes med pas te// rig pa chos kyi sku zhes bya// mthong ba nges par mkhyen pas te// shes rab rang grol thogs
343a3 med 'char// gsal la rtog med ngang du shes// mkhyen pa longs sku zhes su bya// mig gi de nyid kho na ste// rnam shes ma yin 'od lngar gsal// snang la rang bzhin med pas te// drug ni thub pa kho nas te// sprul
343a4 pa'i sku zhes de la bya// ngo bo rang bzhin thugs rje ste// dper na rma bya'i sgo nga bzhin// dbyibs su grub pa chos sku ste// chos nyid 'od lngar shar ba na// longs sku mtshon pa'i dpe ru bstan// rma bya'i phru gur byung
343a5 ba'i tshe// sprul pa sku yi dpe ru bstan// de gsum 'du 'bral yod dam med// 'du 'bral med de gcig gi ngang// de gsum sku gsum ye shes lnga// sna tshogs bgrangs kyang tha dad med// mtshon bya'i yul du
343a6 bgrangs pa tsam// don ni dngos med gcig las med// ces gsungs so// dur khrod phung po 'bar ba'i rgyud las/ sku gsum sbubs gsum rgyud la brtse ba bstan pa'i le'u ste bdun pa'o//// de nas
343b1 yang gsang ba'i bdag pos zhus pa// kye kye bcom ldan khro gnyer can// gang zag gzugs kyi phung po la// grong khyer gsum po ji ltar brtse// bdag cag 'dus pa'i 'khor tshogs la// brjid pa'i khro gnyer
343b2 gsung du gsol// zhes zhus so// yang ston pas bka' stsal pa// 'khor ba'i grong khyer sdug bsngal mtsho// phung por ro smad dag yin te// 'dod pa'i 'dod chags sdug bsngal rgyu// mi gtsang pa la
343b3 longs spyod nas// nyon mongs dug lnga sna tshogs bskyed// don ni dngos med ma rtogs par// log srid 'dod pa sna tshogs spyad// chos sku gnyis med don rtogs na// thugs rje bde ba'i rang bzhin
343b4 bskyed// rgyu nyid rdo rje dbyings nyid de// 'bras bu ye shes dkyil 'khor rdzogs// zhes gsungs so// mya ngan 'das pa'i grong khyer ni// mngon par dga' ba'i zhing khams te// mkhyen pa longs sku'i gnas
343b5 yin no// shes rab 'byed med rang sar shar// thugs rje ma 'dres so sor mkhyen// shes rab srog tu gyur pa ste// rlung lnga las ni tha dad med// rlung chen mi bskyod bzhi ru gnas// zhes gsungs so// srid
343b6 pa'i grong khyer rje blon bya ra'i sa// rje ni rig pa chos sku la// blon po 'gyur med sems zhes bya// rgyal po mi 'gyur chos sku ste// sa 'dzin blon po zhes su grags// grong khyer gsum brtsegs man ngag
344a1 ni// gzugs kyi phung po nyid la'o// de gsum rig pa'i bzhugs gnas yin// zhes gsungs so// dur khrod phung po 'bar ba'i rgyud las/ gang zag gi rgyud la grong khyer gsum brtsegs bstan
344a2 pa'i le'u ste brgyad pa'o//// de nas yang gsang ba'i bdag pos zhus pa/ kye kye bcom ldan khro gnyer ldan// bdag cag 'dus pa'i 'khor tshogs la// nyams su blangs lugs gsung du gsol// zhes
344a3 zhus so// ston pas bka' stsal pa/ 'dus pa'i 'khor rnams nges zung zhig/ nyams su blang lugs bstan pa ni// yang rab nyams su blang lugs ni// spyod lam rnam bzhi gar spyod kyang// lta ba'i ngang las
344a4 g.yos pa med// rgyun chad med pa'i dgongs pa'o// rkang med mkha' la 'gro ba ni// lta ba 'gyur med rgyab shar bshad// grogs med gcig pur gnas pa ni// dgongs pa nyag gcig rgyab shar bshad// 'gro
344a5 nyal spyi tshugs ci byed kyang// snying po'i don las g.yos pa med/ de ltar snying po'i don rtogs na/ ma rig pa nyid rtsad nas bcad// rang rig dang po'i so la bzhag/ shes bya'i sgrib pa ka nas dag/ 'khrul pa'i
344a6 snang ba rgya yis btab// sku gsum 'du 'bral med pa'i ngang na gnas// zhes gsungs so// yang gsungs pa/ dbang po 'bring gi nyams blangs ni// blon po btson du zin pas rgyal pos gdan sa zin// ma yengs
344b1 mnyam par bzhag pas byang chub skye// shes pa chu yi rgyun dang 'dra// brtags kyin brtags kyin rang dbang thob// shes rab chen po'i rang dbang thob// spros med dbyings nas rang byung gsal// lhun grub yongs
344b2 su rdzogs zhes bya// de ltar dgongs pa'i don shes na// nyin mtshan med pa'i ye shes te// rig pa rgyun gyi rtogs pa'o// glang chen chur zhugs dgongs pa ste// nyam nga bag tsha'i shes pa med// ces gsungs
344b3 so// dbang po tha ma'i nyams blang ni// sems gzung rig pa ar la gtad// bying ba mi gseng rang sar bsgom// de ltar bsgoms na rig pa zin// bar dor rtogs pa gdod skye'o// zhes gsungs so// dur khrod
344b4 phung po 'bar ba'i rgyud las/dbang po rab 'bring tha ma gsum gyis nyams su blang lugs bstan pa'i le'u ste dgu pa'o//// de nas yang gsang ba'i bdag pos zhus pa/ kye kye bcom ldan khro gnyer
344b5 can// phung po'i don la ji ltar sbyang// dur khrod ces ni gang la bgyi// mthong snang rim gyis ji ltar 'char// rig pa'i rgyal pos gsung du gsol// zhes zhus so// yang gsungs pa/ phung po'i don ni 'di bzhin
344b6 te/da lta'i bag chags rnam rtog la// rtogs pa'i ye shes ma skyes pas// ma rig rang gar gzung 'dzin spyad// nyon mongs dug lnga'i dbang du gyur// rig pa'i ye shes phung zhes bya// po ni rang sa ma zin 'jig
345a1 pa'o// 'bar ni nyon mongs dug lnga 'bar// brgyud ni 'khor ba rang gar brgyud// dur khrod mi gtsang nang na gnas// ma rig ma rtogs dus na'o// skyon gyi mthar gsum sel gyur na// ma rig
345a2 sems kyi gdar sha bcad// dug lnga rang grol ye shes te// de ltar rig pa'i don shes na// rig pa ma yin gzhan snang med// skye med chen po'i ngang du gol// thams cad mngon sangs nyid du rgyas// de
345a3 ltar thams cad rgyas thebs na// phung ni ma rig dug lnga phung// po ni rig pa 'gyur ba med// 'bar ni bde chen rtogs pa 'bar// dur ni chos kyi dbyings yin te/ khrod ni rig pa'i ye shes nyid// rang gis rang
345a4 snang zin pa'o// chos nyid zhing khams dag gsal la// rig pa'i ye shes rang gsal thim// dbyings dang ye shes rig pa gnyis med de// rang sa zin te mi 'gyur ba'o// zhes gsungs so// dur khrod phung po
345a5 'bar ba'i rgyud las/phung po rgyud la sbyar zhing snang ba go bzlog pa'i le'u ste bcu pa'o//// de nas yang gsang ba'i bdag po dang// sdud pa'i 'khor dga' rab rdo rje dang/ 'khor mkha' 'gro ma lnga ste/ ye
345a6 shes mkha' 'gro ma/las kyi mkha' 'gro ma/ gtsug gi rgyan gcig ma/ rdo rje khro gdong ma la sogs te mkha' 'gro ma'i tshogs dang/ byang chub sems dpa' khye'u lnga dang/ gsang ba'i 'khor dug lnga dbang du sdud
345b1 pa'i ye shes lnga dang/nye ba'i 'khor sprul pa'i sras bdun la sogs te/ gsang ba'i bdag pos sna drangs te/ skor ba lan gsum byas nas/ e ma ho/ bdag cag 'dus pa'i tshogs rnams la// dur khrod phung po
345b2 'bar ba'i gsang rgyud de// thugs kyi dkyil 'khor sgo phye nas// shes rab rlung gi lha mos bskyod// 'gyur med gsung gi bum par dril// ljags kyi pad+ma dag la bkram// tshems dkar bzhi bcu'i nang nas
345b3 bton// phung po 'bar ba'i gsang rgyud 'di// bdag cag 'dus pa'i 'khor la gnang// ma rig mun pa'i blo gsal nas// rang rig 'byed med ngang du bskyal// rtogs pa'i sangs rgyas mngon du 'gyur/ rang
345b4 bzhin spros pa'i mtha' bcad nas// 'gyur med dgongs pa'i ngang du bskyal// zhes bstod do// dur khrod phung po 'bar ba'i rgyud las/ mjug rjes su yi rang ba'i le'u ste bcu gcig pa'o//// dur
345b5 khrod phung po 'bar ba'i man ngag gi rgyud rdzogs so//// slob dpon bi ma las mnga' bdag la gdams pa/ gzhan la bstan par gyur na/ sgrol byed chen pos snying khrag 'jibs so////


CLOSE WINDOW