236a1 rgya gar skad du/ rat+na b+ha bAn+ta rA lo ka tan+t+ra/ bod skad du/ rin po che srid pa bar ma do snang ba'i rgyud/ bcom ldan 'das rang snang kun tu bzang po la phyag 'tshal lo// dus bzhi mnyam
236a2 par gcig par snang ba'i dus// rgyu rkyen ma bskyed ye shes snang ba'i dus// lus sems gnyis po tha dad snang ba'i dus// rang gi rnam rtog dbugs la brten pa'i dus// 'khor 'das gcig par snang ba'i dus// chos sku skye
236a3 med rang bzhin grub pa'i gnas// ye shes ma skyes rig pa stong pa'i gnas// lus dang sems gnyis srid par snang ba'i gnas// snang ba thogs med spyod yul ston pa'i gnas// 'khor ba'i rgyud 'das snang ba'i
236a4 gnas// chos sku'i snying po brjod med ston pa dang// ye shes snying po mi brjod ston pa dang// lus kyi snang tshul sems kyi ston pa dang// dbugs kyi rnam rtog snang ba'i ston pa dang// 'khor ba'i lam dang mya ngan
236a5 'das pa'i lam ston pa'o// rang byung chos sku ma 'gags 'khor de dang// rang byung ye shes 'gags med 'khor nyid dang// lus kyi 'khor dang sems kyi 'khor nyid dang// blags kyi rnam rtog lam tshol 'khor
236a6 nyid dang// tha mi dad par gcig snang 'khor nyid do// rang byung ye shes mi brjod bstan pa dang// ming dang brda' ru byung ba'i bstan pa dang// brjod pa'i ngag med sems brjod bstan pa dang//
236b1 brjod med mi brjod dbyer med bstan pa'o// gleng gzhi'i le'u ste dang po'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// lus med lus su grub pa sems can
236b2 lus// dang po lus 'di rgyu nyid ci las byung// bar du bskyed lugs ji ltar byung// tha mar lus kyi 'bras bu 'khrul pa ci ltar rgyas// ston pa'i ston pa kun tu bzang po yis// dang po lus med lus kyi rgyu 'di
236b3 ni// rang byung ye shes ma 'gags dag las byung// bar du lus kyi rgyu 'di ni// ye shes gzugs kyi yon tan las// zer gyi yan lag 'od snang lus// thog mar lus kyi rgyu 'di ni// rgyu yi lus dang rkyen gyi
236b4 lus// rgyu yi lus ni rnam gnyis te// rang gi rgyu dang tshogs pa'i rgyu// rang gi rgyu yi lus la yang// rig pa 'gags med 'od kyi lus// rkyen gyi lus la rnam gnyis te// 'dun pa'i sgo nas lus btsal te// bzang
236b5 ngan med pa'i lus ngag la// thob pa'i 'du shes skyes pa yis// 'dun pa'i sems kyis btsal te 'dug/ rgyu mthun snang bas pha mar mthong// pha yi rdo rje'i byang sems las// rang gi lus de'i rgyu ru mthong// ma
236b6 yi rin chen pad+ma las// gnas kyi sgo nas bskyed byar mthong// bskyed rgyu bskyed bya gnyis snang las// rang gi lus de grub par mthong// mthong ba'i 'dun pas snang ba'i lus btsal nas/ khu ba khrag
237a1 las lus nyid mthong// mthong ba'i shes pa brtas pa'i bag chags kyis// bag chags rang snang lus de bskyed par snang// snang ba'i shes pas dngos su yod par grub// nar nar nur nur nus
237a2 pas lus nyid bskyed par gnas// ltar ltar ltur ltur lus kyi gzhi ru grub// gar gar gor gor lus kyi dngos por chags// sdud pa'i lte bar dri za lte 'khor lus// dbang po yan lag tshang ba'i lus su
237a3 gnas// lus su smin pa'i 'bras bu sdug bsngal bcu gnyis myong// dogs pa'i sdug bsngal nyi med dmyal bar 'dra// dbang po yan lag sdug bsngal khyad par re// rnam shes dbang po sdug bsngal lhag pa
237a4 re// 'dun pa'i 'dod chags dag gis lus nyid grub// pha la zhe sdang skye zhing ma la 'dod chags skye// rig pa pho yi lus su grub pa'i rtags// ma la zhe sdang skye zhing pha la 'dod chags skye// rig pa mo yi lus su
237a5 grub pa'i rtags// lus nyid mthon po mngon du rgyas pa na// 'khrul pa ma rig bzhi brgya rtsa bzhi rgyas// 'khrul pa bzhi brgya rtsa bzhi las// sdug bsngal bzhi brgya rtsa bzhi byung// sems can lus su grub pa bstan
237a6 pa'i le'u ste gnyis pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// sems can lus su grub pa la// ye shes kyis ni bzlog pa dang// ye shes nyid
237b1 lus thob pa ci lta bu// ston pa'i ston pa kun tu bzang po yis// ye shes lus nyid thob pa'i dngos po ni// ye shes la yang rnam gnyis te// rig pa'i ye shes lus dag dang// rig med ye shes lus dag
237b2 go/rig pa'i ye shes lus kyi dngos po ni// chos rnams thams cad nam mkha'i ngang du rig/ lus kyi dngos po shing bal 'dab bas yang// sems can lus la sangs rgyas dgongs pa can// tha mal pa yi lus
237b3 nyid bzlog par byed// ye shes snying po ma 'gags 'gag med lus// longs spyod rdzogs sku'i mtshan dang dpe byad gsal// ma 'gags mi g.yo thogs pa med pa'i sku// brjod med mi brjod g.yos pa med pa'i
237b4 ngang// lus nyid snang bas byang sems grol ba sel// shes bya'i sgrib pa gting dpag dka' phra mo// sku nyid snang ba tsam gyis sel bar byed// thogs med 'od kyi lus su grub pa ste// thogs bcas lus kyi snang
237b5 ba bzlog par 'byed// rig med ye shes snying po'i lus de ni// ye shes snying po 'gag med 'gag pa med// yul dang yul can gnyis su mi rig cing// mtshan ma rnam rtog gnyis su rig pa med// rig med
237b6 lus de chos nyid nam mkha' 'dra// chos nyid nam mkha' gzugs su grub pa med// gzugs su ma grub dngos por thogs pa med// ye shes rang dbang chen po'i lus su grub pa yin// gzhan la mi ltos khyad
238a1 par chen po'i lus// rang gi lus de rang gi dbang thob po// rgyu rkyen bral ba'i lus su grub pa yin// sems can lus de ye shes lus su grub pa'o// ye shes lus nyid grub pa'i yon tan ni// lus
238a2 deng rgas dang na ba med par 'ong// lus de yang zhing bcos su btub par 'ong// shi ba med cing ye shes 'pho 'jug shes// dmigs pa'i lus med lus de cir yang snang// sems can lus de rkyen gyis bsgrub
238a3 par yod// ye shes lus de rgyu rkyen bral ba'i lus// gzugs med nam mkha'i lus kyis bzlog par byed// gzugs khams 'od las grub pa'i dngos po de// gzugs de thogs med ye shes 'od kyis
238a4 bzlog/lus med lus de lus kyi mchog chen po// lus kyi mtha' nyid rtogs pas lus kun rtog/ gzugs su bzung ba'i lus de 'khrul lus so// sangs rgyas kun gyi rtogs pa'i lus chen po// sems can
238a5 lus kyi ye shes ma 'khrul par bstan pa'i le'u ste gsum pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// sems can lus su grub pa thams cad la// mi
238a6 rtag 'chi ba'i lus de snang tshul gang// ston pa'i ston pa kun tu bzang po yis// sems can lus su grub pa thams cad la// rgyu dang rkyen gyis bskyed pa yin pas na// rgyu yi nus pa zad pas 'chi bar
238b1 snang// nus pa zad pa'i rtags ni 'di rnams 'byung// 'byung ba lnga yis bskyed pa'i lus yin pas// sa yi nus pa zad pas skam por snang// chu yi nus pa zad pas lci bar 'ong// me yi nus pa zad pas grang
238b2 bar 'ong// rlung gi nus pa zad pas ldang mi nus// nam mkha'i nus pa zad pas bkrag mdangs nyams// 'chi ba lta bu'i snang ba 'byung ba yin// dge sdig byas pa'i 'chi ba'i snang ba gang// dge ba byas pa'i snang
238b3 ba 'di rnams 'byung// rang gi snang ba lha dang lha mo yis// 'dod yon mchod pa 'bul ba'i snang ba 'byung/ kha dog dkar po 'od dang bcas par snang// zhing khams ma lus gsal zhing yi dam gsal// bde
238b4 gshegs sangs rgyas rnams kyi sras kyi dam par byed// lha dang mkha' 'gros spun dang grogs por byed// gshin rje sha za mang pos khur zhing rje bor mthong// lha srin sde brgyad bran dang g.yog por
238b5 snang// dbugs kyi drod de rkang mthil nas yal nas// spyi gtsug tshangs pa'i gnas su sdud par byed// phyi yi dbugs de ring du rgyus pa las// rtog med nam mkha'i ngang la seng rtser thong// sdig pa byed pa'i 'chi
238b6 ba'i snang ba de// sha za gshin rje mang po mthong ba dang// mi sdug gzugs nyid sna tshogs ston par byed// tshe srog dbugs kyis brgyal ba mi rtogs te// ngu zhing cho nge mang po 'don par byed// zhags thogs
239a1 mtshon thogs mang po'i gshin rje yis// da 'dong zer zhing rgyab nas phul bar byed// tsha grang dmyal ba'i sdug bsngal mang po myong bar ston// srid pa'i 'khor lo nyin bdun mtshan bdun
239a2 bskor// rang gis sdug bsngal mang po zhar la snang// bskal par bsags pa'i sdug bsngal ston par byed// rigs drug snang ba thams cad ston par 'ong// rang gi mtshan ma nag por mthong// rang gis dus
239a3 nas pha bos ma bos kyang// mun nag chen por rang nyid gcig pur 'khyams// srid par 'khyams pa'i sdug bsngal mang po mthong// lha srin sde brgyad sha dang khrag la za// lus kyi drod de spyi bo nas bzung
239a4 nas// rkang mthil bar du drod de yal bar byed// rang gi snang ba 'khrul pas dmyal ba mthong// 'chi ba'i lus snang ba'i le'u ste bzhi pa'o//// sdud pa'i gsang bdag rdo rje sems dpa' yis// ston
239a5 pa'i ston pa kun tu bzang po la// srid pa bar ma do snang ba'i lus de ci lta bu lags// ston pa'i ston pa kun tu bzang po des// byung ba'i bar do 'byung ba'i bar do dang// gnas pa'i bar do rnam pa gsum du
239a6 byung// bar dor phal cher zhags ni bdun la 'byung// bdun tshe bdun la bar do thengs re 'byung// bar do rang la gnas pa'i snang tshul ni// lus kyi snang tshul sems kyi snang tshul lo// lus kyi snang tshul 'di
239b1 ltar snang ba ste// dbang po kun tshang thogs med lus// sngon 'byung srid pa'i sha gzugs can// thogs med lus de thams cad 'khyams// dbugs kyi rta la rab zhon te// 'das dang ma 'ongs thams cad
239b2 kun// rang gi bag chags thams cad gsal// dge sdig ci byas gsal bar snang// sngon du 'dris pa thams cad kun// gdung ba'i sems kyis gsal bar snang// 'dris pa'i yul gyis bos pa'i tshe// lam de
239b3 bzhag nas mal la 'khor// sngon du ci byas rnam par gsal// 'dris pa'i dngos po brjed mi byed// rnam rtog dbugs kyi rta la zhon// kun tu 'khyams te kun tu 'khor// sa mal dus rtags med pa ru// rang gi
239b4 snang ba gcig pur mthong// shin tu 'jigs pa'i gshin rje yis// sdig byed lus la gnod par byed// sdug bsngal sna tshogs myong bar byed// 'di dang phyi ma gnyis ka gsal// gsal ba'i ye shes phra mo
239b5 de// ye shes gsum du 'gyur ba yin// rig pa'i ye shes chos rnams gsal// rig pa mi g.yo ye shes gsal// rig med snying po chos nyid gsal// ye shes gsum la gnas par bya'o// sems can dus na 'du
239b6 shes yin// theg pa'i dus na sems nyid yin// sangs rgyas dus na ye shes yin// dbugs la brten pa'i shes pa de// phyi ru spro yang mi spro gdags// nang du rngub kyang sdog mi bskyod// rang sor gnas kyang spro mi
240a1 bya// phyi nang thams cad gsal ba ste// ye shes gsal ba'i rgyu yin pas// dmigs bya dmigs byed med pa ru// chos sku nam mkha'i ngang la bzhag/ thog ma med pa'i lus de ni// ming tsam med
240a2 pa'i sku 'grub pas// thogs bcas lus po chos nyid thob// rang bzhin med par gzhag par bya// sna tshogs gzugs su gsal ba de// ye shes yon tan ma 'gags pas// ma 'gags 'gag pa med par
240a3 bzhag/mtshan med chos nyid mthong ba med// brda dang ming gi mthong ba ste// mthong med don dam mthong ba ste// chos nyid mthong na nam mkha' 'dra'o// bar do rang snang gi le'u ste lnga pa'o//// sdud pa'i
240a4 gsang bdag rdo rje sems dpa' yis// ston pa'i ston pa kun tu bzang po la// bar do'i shes pa de dag la// bcos pa'i thabs ni ji lta bu// bar do'i shes pa de dag la// bcos pa'i thabs ni rnam gsum
240a5 ste// ma chags mi g.yo bcos pa ni// longs spyod lus la ma chags pas// dmigs pa med pa'i 'bras bu thob// longs spyod la ni rnam gnyis te// dbang po lnga yi longs spyod la// chags na 'dod pa'i khams
240a6 su skye// rang gi lus la chags pas ni// 'dod pa'i khams kyi lha ru skye// rang sems rang la chags pas ni// gzugs khams gnas su lus len te// zhe sdang rgyun chen drags pa na// dmyal ba'i gnas su lus
240b1 len te// 'dod chags rgyun chen drags pas na// yi dwags gnas su lus len te// gti mug rgyun chen drags pa na// dud 'gro'i gnas su lus len to// nga rgyal rgyun chen drags pa na// mi yi gnas su lus
240b2 len to// phrag dog rgyun chen drags pa na// lha min gnas su lus len to// le lo rgyun chen drags pa na// lha yi gnas su lus len to// ye shes g.yo ba med pa'i rtags// 'gags na longs spyod rdzogs skur
240b3 skye// chos nyid mi 'gyur nam mkha' la// rang bzhin med par rtogs pa na// sangs rgyas chos sku'i snying po thob// 'chi ba dbugs kyi bar do ru// chos rnams thams cad dran mi bya// dran rtog med pa'i nam
240b4 mkha' la// dmigs pa med par sing nger bzhag/ bag chags mi g.yo ye shes te// rang bzhin med par gzhag par bya// rang bzhin med par rtogs gyur na// sangs rgyas kun gyi snying po thob// chos rnams
240b5 nam mkha'i snying po la// mtshan ma'i rnam rtog ci byung yang// rtog med nam mkha'i ngang du bsgom// chos rnams thams cad lta bas gcod// lus ngag spyod pa chen po de// lus kyi sdug bsngal ci byung yang// rig
240b6 pa'i shes pa de dag kun// rig med dbugs kyi rta pho la// rnam rtog bcas de mkha' la bzhag/ rnam rtog skyed pa yid yin pas// yid kyi ye shes ming med bsgom// lo dang bskal pa mang po ru// nyon mongs
241a1 bag chags mang yod kyang// bar do'i ye shes skad cig gis// gsal bas thams cad dag par byed// 'chi kha'i ye shes stobs drags na// gong gi rnam rtog nyon mongs kun// ye shes skad cig
241a2 dag gis sel// 'chi kha'i ye shes stobs zhan na// lo dang bskal pa'i bag chags kun// dus de nyid du rdzogs par snang// bar do'i shes pa ye shes su bcos pa'i thabs bstan pa'i le'u ste drug
241a3 pa'o//// sdud po gsang bdag rdo rje sems dpa' yis// ston pa'i ston pa kun tu bzang po la// mtho ris ngan song gar 'gro ba// dbugs dang drod kyi cha yis shes// drod dbugs brtag pa ci lta
241a4 bu// ston pa'i ston pa kun tu bzang po des// mtho ris 'gro ba'i drod de ni// rkang mthil dag nas drod yal ba// srid pa chags pa'i lte ba ru/ lus kyi drod ni der 'dus na/ khyad par lha yi gnas su skye// de
241a5 nas snying drod yar bsdus te// mgrin pa'i ngag gi gnas der sdud// lus kyi drod ni der 'dus na/ khyad par lha min gnas su skye// mgrin pa'i drod de yar bsdus nas// spyi bo tshangs pa'i gnas der
241a6 'dus// bsdus te 'od dang gzha' song na// phyag rgya chen po'i rgyu ru skye// mtho ris thob pa'i dbugs rtags ni// nang du sum cha rngub pa na// lha dang lha min khyad par thob// phyi ru sum gnyis spro ba na// rig pa
241b1 'dzin pa'i sa ru skye// ngan song skye ba'i drod de ni// spyi bo'i gtsug nas drod yal te// lte ba'i gnas su drod bsdus na// glen lkugs byol song gnas su skye// lte ba nas bzung drod yal te// rkang mthil gnas su
241b2 drod yal na// dmyal ba'i gnas su skye bar nges// lus kyi phyi ru drod bros nas// thad khar rang rang yal ba na// bkres skom yi dwags gnas su skye// ngan song 'gro ba'i dbugs de ni// nang du sum gnyis rngub
241b3 pa dang// phyi ru sum cha spro ba ni// ngan song gnas su skye bar nges// mtho ris gnas su skye ba na// chos sku rig med nam mkha' bsgom// ngan song gnas su skye ba na// ye shes rig gsal stong pa bsgom// mtho
241b4 ris ngan song brtags pa'i le'u ste bdun pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// mtho ris ngan song rigs pa la// ngan song gnas nas
241b5 'dren pa la// phyag rgya ting 'dzin ldan pa la// dmigs pa med pa'i thugs rje yis// nyon mongs drangs shing gnas nas 'gugs// nyon mongs dbang gis skye ba sbyong ba'i thabs de gang// ston pa'i ston pa kun
241b6 bzang gis// tshe 'das rigs kyi bu de yang// dri ma rus pa'i rten dag la// rin chen dar dang tshon skud kyis// legs par rigs drug snying po 'god// yi ge AHhUM phaT dag gis// rgya yis gdab ste gur chen
242a1 dbus// nyon mongs sbyang phyir bkug la bstim// ye shes phyag rgya kun bzang gis// thugs kyi yi ge hUM bton nas// AHyis bstim te phaT kyis spar// phaT kyi 'od zer nag po yis// nyon mongs
242a2 sbyangs pas ye shes gsal// ye shes de yi byin rlabs las// byang chub sems de yi ge AH// dmigs pa med pa'i chos nyid bsgom// de yi khyad par yon tan la// nyon mongs sbyangs te ye shes gsal// rang
242a3 bzhin med pa'i chos sku thob// bar do'i nyon mongs sbyong ba'i le'u ste brgyad pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// bar do'i sems nyid dri ma
242a4 med// dag pa'i rtags ni ci zhig 'byung// ston pa'i ston pa kun tu bzang po des// dri ma dag rtags gsum 'byung ste// nyon mongs dri ma dag pa ni// byung ba'i nyon mongs dri ma dang// 'byung ba'i nyon mongs dri
242a5 ma dang// byung nas gnas pa'i nyon mongs dri ma'o// byung ba'i nyon mongs dri ma ni// ma rig pa yi rgyu yin no// 'khrul dang ma 'khrul mi shes pas// ma rig pa zhes de la bya// byung ba'i ma rig pa des ni// bying
242a6 ba'i shes pa skyed par byed// rang byung ye shes mi gsal bas// bar dau'i gnas su shes pa skye// 'byung ba'i nyon mongs dri ma des// nyon mongs rgod pa'i rgyu byas te// chos rnams thams cad ming du snang// ming
242b1 tshig zung du 'brel ba yis// chos rnams thams cad brjod byar mthong// mthong ba'i don la blo chags pas// sna tshogs gzugs kyi snang bar byung// snang ba'i don de 'khrul pa yis// bar do sna tshogs 'khor ba
242b2 las// nyin mtshan dus su lus nyid bral// 'bras bu sdug bsngal mi 'dod 'du// byung nas gnas pa'i dri ma ni// rang gnas shes pas rgyu byas te// 'bras bu rigs drug sdug bsngal myong// 'dod chags zhe sdang
242b3 gti mug dang// nga rgyal phrag dog re re yis// nyon mongs stobs dang ye shes stobs// stobs kyi khyad par re re las// rang stobs rang gnas 'bras bu thob// bar do'i shes pa de dag la// nyon mongs dri ma
242b4 dag pa'i rtags// 'bras bu smyag shad lcug ma tsam// dkar la 'tsher ba'i rgyu nyid 'byung// nyon mongs sgrib pa dag pa'i rtags/ kha dog dkar po 'od nyid 'byung// shes bya'i sgrib pa dag pa'i rtags// sha rI
242b5 ram dang nya rI ram// gdung ni rgun 'brum tshad tsam 'byung/ kha dog smug cing mdangs che ba// byang sems 'bras bu thob pa'i rtags// gsang sngags rnal 'byor lha bsgoms pas// sku gdung ring bsrel rnam lnga
242b6 'byung// phyag rgya thob pas sku gzugs 'byung// gsung nyid thob pas sgra 'od 'byung// thugs nyid thob pas 'ja' 'od 'byung// gsang sngags 'bras bu thob pa'i rtags// 'bras bu thob pa'i rnal 'byor
243a1 pas// ye shes yon tan ma 'gags pas// 'bras bu thams cad thob pa'i rtags// sku gzugs kha dog ci yang snang// che chung mthe bong tsam du 'byung// 'ja' dang 'od dang khu rlangs 'byung// sgra
243a2 dang na bun skar mda' 'byung// chos sku longs sku sprul sku yang// tha dad med par lhun gyis grub// nyon mongs sgrib pa dag pa'i rtags// 'bras bu mngon du 'grub rtags yin// bar do'i dri ma dag pa'i rtags
243a3 kyi le'u ste dgu pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// tshe 'das lus kyi phung po la// sbyong ba'i thabs ni ci lta bu// lus de sbyangs pas ci la
243a4 phan// ston pa'i ston pa kun tu bzang po yis// lus kyi phung po sbyong thabs gsum// ye shes me lhas sbyang ba dang// yig 'bru sngags kyis sbyang ba dang// chos nyid ting 'dzin gyis sbyang ba'o// ye shes me lha rnam
243a5 gnyis te// dam tshig me lha ye shes me lha'o// dam tshig me lhas sbyang ba ni// chos nyid nam mkha'i rang bzhin la// rig pa ye shes chen po de'ang// 'dzin rtog med pa'i thugs nyid las// rang byung ye shes me
243a6 sbar bas// rnam rtog bag chags mkha' la thim// ye shes me lhas sbyang ba ni// thog ma med pa'i dus nyid nas// skyes dang ma skyes gnyis med de// rang la gnas pa'i ye shes der// mnyam par bzhag pas lus
243b1 nyid sbyangs// lus kyi rnam rtog bag chags kun// chos nyid nam mkha'i ngang la thim// 'byung ba'i me yis lus nyid bsreg/ yig 'bru sngags kyis sbyang ba ni// rkang mthil gnyis su yaM gnyis bsam// gsang
243b2 ba'i sgo ru raM bsam mo// lte bar rigs drug yig 'bru bsam// snying gar phaT kyi gdan dag la// sku gsung thugs kyi snying po bsam// yaM las ye shes rlung byung bas// raM las ye shes me sbar nas// rigs drug
243b3 bag chags thams cad bsreg/lus dang ngag yid sku gsung thugs su 'gyur// phaT kyis chos nyid gnas su 'phang// sku gsung thugs su lhun grub thob// ye shes yig 'brus sbyang ba'i gzhi// skye ba med pa'i
243b4 yig 'bru ni// mtshon du med pa'i chos nyid yin// gnas pa med pa'i yig 'bru ni// 'pho 'gyur med pa'i ye shes yin// shi ba med pa'i yig 'bru ni// brjod du med pa'i nam mkha' yin// sngags kyis sbyang ba
243b5 rnam gnyis te// dag pa'i sngags dang ma dag sngags// dag pa'i sngags kyis sbyang ba ni// sgra dang tshig tu ma brjod kyang// chos rnams thams cad stong par sbyang// chos nyid bden pa'i sngags 'di yis// mtshan
243b6 ma'i rnam rtog stong par dag/ma dag sngags kyis sbyang ba ni// chos rnams thams cad stong par sprul pa ste// bde gshegs gsung gi sprul pa yin// sku dang gsung dang thugs dang ni// yon tan phrin las sngags
244a1 kyis sbyang// gsung nyid rnam rtog bag chags kun// bder gshegs gsung gis sbyang bar bya// lus kyi rnam rtog thams cad kun// bde gshegs sku yis sbyang bar bya// sems kyi rnam rtog thams
244a2 cad kun// chos sku chen pos sbyang bar bya// thog ma med pa'i sdig sgrib kun// ye shes 'od zer dag gis sbyang// chos nyid ting 'dzin sbyang ba ni// chos sku sprul pa'i yul dag bral// sbyang dang ma sbyangs gnyis
244a3 med pas// chos rnams thams cad nam mkhar bsgom/ 'khrul pa'i lus nyid sbyang bas ni// skye med lus su mngon sangs rgyas// lus sbyong ba bstan pa'i le'u ste bcu pa'o//// sdud pa'i gsang bdag rdo
244a4 rje sems dpa' yis// ston pa'i ston pa kun tu bzang po la// 'khor ba bag chags snang ba yi// sems de sbyang ba ci lta bu// ston pa'i ston pa kun tu bzang po yis// sems sbyang ba la rnam gsum ste// thog
244a5 ma'i sems nyid sbyang ba dang// bar do'i sems nyid sbyang ba dang// gnas pa'i sems nyid sbyang ba'o// thog ma'i sems nyid sbyang ba ni// rang byung ye shes snying po dang// rig med nam mkha' yod pa
244a6 la// g.yos pa med pa'i yon tan las// rig pa'i zer tshogs 'bum byung bas// sna tshogs rig par gyur pa yin// 'khrul pa'i rig pa 'bum tshogs shar// thog ma'i rig pa bzlog pa'i phyir// rigs med ngang
244b1 du bsgom par bya'o// bar do'i sems nyid sbyang ba'i phyir// rang nyid rmugs par gyur pa la/ khyad par can gyi bla mas sbyang// lta ba spyod pa sgom pa yis// sbyangs te lam la 'jug par bya// lta bas sbyang ba rnam
244b2 gsum ste// chos nyid lta bas sbyang ba ni// chos rnams thams cad chos sku ste// 'khor dang mya ngan 'das pa kun// phyi dang nang med chos kyi sku// bcos su med de nam mkha'o// ye shes lta bas sbyang ba ni// chos
244b3 rnams thams cad gcig pa la// 'dod 'di med na ye shes so// rgyu dang 'bras bu thams cad kun// rig pa med pa'i ye shes yin// thugs rje'i lta bas sbyang ba ni// nga dang bdag tu snang ba kun// tha dad med
244b4 pa'i thugs rje yis// rig pa'i ye shes las la gzud// bsgom pas sbyang ba'i thabs de ni// chos nyid stong pas sbyang ba na// rtogs dang mi rtog gnyis med de// mtshan ma'i rnam rtog ci byung yang// brjod du med
244b5 pa'i nam mkha' la// ming dang bral bar bsgom par bya// thabs kyi bsgom pas sbyang ba ni// mtshan ma'i rnam rtog thams cad kun// yid kyi rnam shes dag las byung// yid kyi rnam shes rgyun gcad de// brjod
244b6 dang bral ba'i chos nyid bsgom// thugs rje thabs kyi bsgom pa ni// chos rnams thams cad snang ba ste// snang ba de la ming chags te// ming la brten nas nyon mongs te// nyon mongs de rnams bzlog pa'i
245a1 phyir// rang byung ye shes rig pa de// ma btsal mi bskyed yul las bzlog/ 'byed pa med pa'i ye shes kyis// chos rnams thams cad mnyam par gzhag/ bar do'i spyod pas sbyang ba med// tshe las
245a2 'das pa'i rig pa de// zhag bdun dag nas lus la 'jug/ lus de skyon nyid mi 'dzin pas// sred pa'i sdug bsngal de nyid sbyang ba'i phyir// tshe 'das rig pa'i shes pa dgug/ dri ma ming dang rus bris
245a3 la// bstims te skyabs 'gro lus dbul bya// lus kyi sdig sgrib sbyang ba'i phyir// sangs rgyas bde ba dpag med la// lus 'bul ngag brjod sems gdung la// mtshon gyi yon tan mang po brjod// lus ngag
245a4 yid gsum dag pa yis// brdzus te skye ba'i lus nyid thob// sbyin dang mchod pa mang po yis// lus ngag dge ba ci nus bya// dmigs pa med pa'i tshogs su bsngo// zhag ni bdun tsho bdun dag tu// zhag gi dge
245a5 ba ci nus bya// rang bzhin gnas pa'i sems sbyong ba// ting 'dzin brgya ni rtsa brgyad kyis// sbyangs pas 'bras bu thob pa ni// yon tan brgya dang rtsa brgyad thob// sangs rgyas sa la lhun gyis 'grub// sems rnam
245a6 pa gsum sbyang ba'i le'u ste bcu gcig pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// srid pa'i lus de 'phos pa la// ye shes tshogs de bsag pa'i
245b1 phyir// rus pa sbyang ba ci lta bu// ston pa'i ston pa kun bzang gis// srid pa'i rus pa de nyid kyang// sku gsung thugs su sbyang ba ni// sku ru rus pa sbyang ba la// lta ba sgom pa spyod pa yis// rang bzhin gcig tu
245b2 sbyang bar bya'o// lta ba gdeng dang ldan pa yis// srog chags shi ba'i rus de la// sku gsung thugs kyi yig 'bru yis// byin gyis brlabs te bskor ba bya// chos nyid skye med gtan pa la// rang byung ye shes gtun
245b3 bu yis// gnyis su med par brdung byas la// rnam rtog bag chags thams cad kun// byang chub sems kyi phye ru gnas// bde gshegs thugs rje chen po yi// thugs las ye shes chu phyung ste// byang chub sems su
245b4 rab bran nas// gnyis su med par 'ji bar 'gyur// rang byung ye shes lnga yi rtsal// rten cing 'brel ba'i sngags de yis// skye ba med pa'i sku ru 'gyur// gnyis su med pa'i longs spyod rdzogs// srid pa'i rus
245b5 pa sbyangs pas tshogs bsags pa'i le'u ste bcu gnyis pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// lus 'phos sems can de dag la// srid
245b6 pa'i thal ba sbyang ba ci lta bu// ston pa'i ston pa kun tu bzang po yis// 'byung ba lnga las bskyed pa'i lus de yang// ye shes 'byung ba lnga yis sbyang bar bya'o// ye shes 'byung ba chu de yis/ khrag chen snang ba mtha'
246a1 yas sku// tha dad med par sbyang bar bya'o// snang ba mtha' yas snying po yis// thal chen chu la rab btab ste// snang ba chen po'i sku ru bskyed// tshil chen me la rab btab ste// rin chen 'byung ldan
246a2 snying po yis// rgyal ba'i sku ru skyed par byed// rus chen sa la rab btab ste// rdo rje sems dpa'i snying po yis// rgyal ba'i sku ru bskyed par bya// rtsa chen rlung la rab btab ste// don yod grub pa'i snying po
246a3 yis// phrin las rgyal bar bskyed par bya// sha chen mkha' la rab btab ste// rnam par snang mdzad snying po yis// rgyal ba'i sku ru bskyed par bya// lus nyid bsreg pa'i thal ba yis// 'byung chen lnga yi rgyu dag
246a4 la// bde gshegs kun bzang chen po yis// snying po brjod pas sku ru bskyed// nyon mongs ma spangs dag pa'i rtags// rigs kyi gtso bo lnga ru bskyed// ye shes rnam lnga 'thob pa'i rgyu// 'byung chen rnam lnga dag
246a5 pa'i rtags// gnyis med rgyal ba'i sku chen po// tshe 'das thal chen sbyangs pas tshogs bsags pa'i le'u ste bcu gsum pa'o//// sdud pa'i gsang bdag rdo rje sems dpa' yis// ston pa'i ston pa kun
246a6 tu bzang po la// bde gshegs sku gzugs de dag la// gnas khang brtsigs pa'i thabs nyid gang// rab tu gnas pa ci lta bu// ston pa'i ston pa kun tu bzang po yis// gnas khang brtsigs pa'i rgyu gsum
246b1 ste// chos nyid gnas khang chen po ni// chos nyid yangs pa'i bde chen la// bcos su med pa'i gzhal yas khang// dmigs pa med pa'i pho brang du// ma chags mi g.yo pad+ma'i gdan// gnyis su med par bzhugs
246b2 su gsol// ye shes gnas khang chen po ni// rig pa'i ye shes kun khyab tu// rgyu rkyen med pa'i gzhal yas khang// snang stong med pa'i ye shes des// dri med pad+ma'i gdan thog la// gzung 'dzin med par
246b3 bzhugs su gsol// phyogs bcu dus gsum thams cad du// phyag rgya chen po'i sku yin pas// kun rdzob lha tshogs mchod pa'i phyir// mchod pa'i bye brag sna tshogs 'bul// dmigs pa med par thim par
246b4 bya// chos sku la ni chos sku rab tu gnas/ khyad par spangs te btsal du med// ye shes la ni ye shes gnas/ khyad par gzhan nas btsal du med// sku yi phyag rgya chen po la// longs spyod rdzogs pa'i rab gnas
246b5 bya// tha mi dad par gcig par bstim// gnas khang brtsig cing rab tu gnas par bya ba'i le'u ste bcu bzhi pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang
246b6 po la// srid pa bar do'i dus nyid du// lus sems sbyang ba'i yon tan gang// ston pa'i ston pa kun tu bzang po des// lus nyid sbyangs pa'i yon tan ni// srid pa thog ma med pa nas// lus kyis sdig pa ci
247a1 bsags kyang// dag pa'i sku gzugs gcig gis byang// bde gshegs thugs kyi dam pa bskang// byang sems lha dang rgyal po yis// skye ba dag pa'i lus nyid thob// srid pa'i lha srin mang po
247a2 yis// rje bor mthong ste 'khor du byed// dmyal ba'i tsha grang mang po yang// sku gdung gcig gis sel bar byed// dbul ba sel zhing longs spyod ldan// 'khor lo bsgyur ba'i rgyal por skye// lus kyi sgrib
247a3 pa thams cad sel// nad ngan rigs rnams mi 'byung zhing// shin tu gzhon pa'i lus su thob// sems nyid sbyangs pa'i yon tan ni// theg pa chen po'i chos rnams la// dmigs pa med par brjod pa
247a4 'ong// nyan rgyu med de don nyid rtogs// btsal rgyu med par las rnams 'grub// bsgom rgyu med par 'bras bu 'thob// rang gi ye shes rang la snang// chos rnams thams cad nam mkhar rtogs// sangs
247a5 rgyas thams cad lhun gyis grub// rang bzhin kun bzang chen po 'thob/ sbyangs pa'i yon tan te bco lnga pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po
247a6 la// rgyud 'di gang nas 'byung zhing gang la gtad pa yin// ston pa'i ston pa kun tu bzang po des// chos sku spros dang bral ba yis// rang byung ye shes che la gtad// rang byung ye shes chen po des// zer gyi kun
247b1 bzang che la gtad// zer gyi ston pa kun bzang des// ston pa kun bzang che la gtad// ston pa kun bzang chen po des// sdud pa'i gsang dbang che la gtad// sdud pa'i gsang dbang chen po des// rigs kyi
247b2 sprul sku che la gtad// rigs kyi sprul sku de rnams kyis// lha dang mkha' 'gro rnams la gtad// lha dang mkha' 'gro mang po des// 'jig rten mi la skal med pas// mchod pa'i rten du rab mthong ste// bai DUr+Ya yi
247b3 glegs bam la// rin chen gser gyi zhun mas bris// rin chen sna lnga'i sgrom bcug ste// yi ge hUM gi rgyas btab nas// rang byung mchod rten che la gtad// lha dang mkha' 'gro mang po yis// las dang dam tshig
247b4 can la sprod// rin po che srid pa bar ma do snang ba'i rgyud bar do sbyang ba'i thabs dang rgyud gtad pa'i le'u ste bcu drug pa'o////


CLOSE WINDOW