227a1 rgya gar skad du/ badzra rAk+Sha sa tIk+Shata badzra tuN+DI tan+t+ra nA ma/ bod skad du/ rdo rjai srin po rno ba rdo rje mchu can gyi rgyud ces bya ba/ rgyud thams cad kyi snying po 'khor ba dong sprug chen po'i rgyud/ he ru ka nag
227a2 po chen po thor tshugs gcig pa la phyag 'tshal lo// rdo rje sems dpa'i zhal chems/ sangs rgyas 'od dpag med pa'i sku rten du bzhag pa/ chos nyid rang snang gi nam mkha' la/ rin po che gser gyi glegs bam
227a3 la/baiDUr+ya zhun mas rang nan du bris te/ mdun gyi nam mkha' la babs so// de nas byang chub sems dpa' sems dpa' chen pos/ sangs rgyas mi g.yo ba 'od kyi phung po la brkyang phyag phul te/ yan lag lnga
227a4 sa la btsugs te/yi dam gyi lha la gsol ba btab ste gzigs pas/ rgyud thams cad kyi snying po yang gsang byung ba'i rgyud/ sman gyi rgyal po dur byid lta bu/ chos chen po gsang ba rmad du byung ba/ chos thams cad
227a5 kyi zug rngu rab tu phye ba/rdo rje srin po 'brug gi sgra sgrogs pa/ gcan gzan gyi rgyal po seng ge lta bu'i tshig gi le'u bdun gyis rdo rje 'chang gi gral thob par byed pa/ badzra kro ta ha ya g+h+ri wa/ d+harma rat+na sarba pa
227a6 pam// ma nga la a si al ag de nas khro bo'i rgyal po chen pos/ tshig le'u dang pos rgyal po'i pho brang mes bsreg par bstan/ gnyis pas 'dzam bu gling gi grong khyer chen po bzhi gzhom par bstan/ gsum
227b1 pas 'gro ba rigs drug gi sems can thams cad kyi srog bcad par bstan/bzhi pas ri bo thams cad khyur mid du bza' bar bstan/ lnga pas nyi zla gos su gon par bstan/ drug pas dam chos thams cad chu
227b2 bo chen po la dbo bar bstan/bdun pas sangs rgyas thams cad dur du gzhug par bstan no// a a/ gdod cig gsang ba'i bdag po ngas// khyed la legs par bstan par bya// badzra sa twa g+hu ru pa la pra be sha
227b3 ya/ma rig mun pa'i kha 'byed nyi ma'i 'od po che// kun la snyoms pa'i zer ldan byams thugs can// dpag bsam shing bzhin zad med yid bzhin gter// dgos dgu phun sum tshogs pa'i srid gsum
227b4 gnyen// thugs rje'i zhags pas rigs drug sems can 'ching// 'gro ba 'dam nas 'dren mdzad lcags kyu can// sems kyi mun pa kha 'byed rtsal mnga' ba// sgo gsum dang bas phyag 'tshal sems dang ye
227b5 shes dbye// sems dang ye shes gnyis kyi khyad par bstan pa yang// sems ni chu dang 'dra ste thams cad sdud// ye shes me dang 'dra ste thams cad bsreg/ chu yis ljan ljin len byed bsreg pa min// me yis ljan
227b6 ljin sreg byed sdud pa min// me yis sbur bsreg chags par byaid mi srid// chu yis sbur sdud bsreg par byed mi srid// de bzhin sems kyis dge sdig bag chags sdud// ye shes me yis rnam rtog bag chags
228a1 bsreg/sems kyis bag chags rnam 'phel bsreg mi nus// ye shes bag chags bsregs nas slar mi skye// chu yis sbur sdud gzhan dang 'grogs par byed// me ni me nyid sreg byed 'grogs pa
228a2 med// de bzhin sems ni rnam rtog bag chags 'grogs// ye shes bag chags bsregs nas slar mi 'grogs// ci ltar me yi rtse mo la// sbrang bu 'du ru ga la rung// de bzhin sangs rgyas ye shes sgrib med
228a3 la// nyon mongs bag chags 'du ru ga la rung// des na sems ni rnam rtog bag chags bslad// ye shes bag chags bral ba'i rig pa'o// sems dang ye shes dbye ba'i thabs bstan pa'o//// lag na
228a4 rdo rje khyod nyon cig/rnal 'byor stong pa'i ngang gnas pas// mu stegs 'khrul pa'i lam dang 'dra// sangs rgyas lus kyi rgyan bzang ba// ye shes lus can dri ma med// nga la 'dun na ye sangs rgyas// ya tha rgyal
228a5 ba'i 'jig rten nas// ma tha dmyal ba'i gnas yan chad// rig pa'i ye shes rang ngo ma bcos lhun gyis grub la btsal du ye nas med/ khro bo'i rgyal po 'jigs pa'i gzugs// 'khor ba'i khrag zhag 'thung ba
228a6 po// nyon mongs skyed pa'i chos rnams ni// rang byung ye shes bdag med sku// mi gnas shes rab pha rol phyin// thugs rje sprul sku'i zhing khams kyang// skye med dag pa'i klong du 'das// ngo bo nyid kyi snang ba
228b1 yang// mi gnas ye shes klong du 'dus// ci ltar gling bzhi'i rgyal po yang// bsod nams longs spyod mtha' klas kyang// bram ze gdug pa'i dmod pa yis// ci ltar brlag par 'gyur ba bzhin// 'khor ba'i
228b2 bag chags sbyang dka' ba// snying po don gyi bcud mthong na// skad cig gsum la grol bar 'gyur// zhes 'khor ba dong sprug chen po'i rgyud las/ rgyal po'i pho brang me yis sreg pa'i le'u ste dang
228b3 po'o//// de nas bcom ldan 'das rdo rje chen po des/ brtul zhugs kyi ting nge 'dzin la snyoms par zhugs so// de nas gsang ba'i bdag pos zhus pa/ kye kye bcom ldan rdo rje 'chang// brtul zhugs kyi
228b4 ting nge 'dzin las bzhengs la// bshig par dka' ba'i grong khyer chen po bzhi// thabs mkhas thugs rje rdzu 'phrul stobs ldan pas// sangs rgyas zhing du yang dag bsgral ba'i phyir// lag na rdo rje bdag la
228b5 bstan du gsol// de nas bcom ldan 'das brtul zhugs kyi ting nge 'dzin las bzhengs te/ gsang ba'i bdag po khyod nyon cig/ badzra na pa ni Sh+Tho bas lha Na b+ha/ sIn d+ha rI kher rga tsa d+ha ri/ sIng g+ha mA/ kun
228b6 bzang zhal ni phyogs bcu kun tu gzigs// yum gyi b+ha ga bde klong gcig tu 'khyil// gnyis med bde bas thams cad yongs su khyab// de nyid las byung sku gsum sems kyi ngang// dug lnga ma bskyed chos kyi
229a1 dbyings su bkod// nyon mongs ma spangs 'dam gyi phur pa 'dra// pad+ma'i spyan ldan skyon med dag pa'i sku// de dbang gyur nas sangs rgyas pa// rdzogs pa'i bde chen ngo bo la// ngang du nyon mongs
229a2 gcod pa'o// ma bcos mkha' 'dra lhun rdzogs te// nam mkha'i ngang las g.yos pa med// kye gsang ba'i bdag po mkhyen pas gzigs pa/ 'dzam bu'i gling na kun bzang zhal so sor gzigs pa ste/ tshad med
229a3 pa la gzigs pa ste/rang rig pa'i ye shes la gzigs snang rnam par dag pas/ gdul bya'i zhing khams kho na'o// lag na rdo rje khyod nyon cig/ ma 'ongs pa'i sems can gyi don du 'di skad smros shig/ sems
229a4 kyis lon bya/dran rtog sna gzhil/ dbang po sngon bcad/ snang ba'i ngo sprad/ ye shes ngos bzung rtogs pa'i rjes bcad/ 'khor ba gzhi bzlog/ 'gro ba rang lugs su bzhag go/ srid pa gsum ni bde ba'i
229a5 gzhal yas khang/rang byung ye shes mi rtog nyon mongs bral// nyon mongs zhing dag sku gsum lhun yis grub// dbang bskur rgyas btab sku gsum ming gis mtshon// cha lugs phyag rgya ma lus sku la rdzogs// sku
229a6 bstan yig 'bru 'od zer phyogs bcur 'phros// gsal ba'i 'jig rten grags pas dbang du 'dus// shin tu dkon pa'i chos nyid zab mo'i yul shes shing// mya ngan 'das la mi gnas 'khor la mi gnas
229b1 na// byang chub sems dpa' de ni yongs su mya ngan 'da' bar 'gyur// zhes 'khor ba dong sprug chen po'i rgyud las/ 'dzam bu'i gling gi grong kher chen po bzhi gzhom par bstan pa'i le'u ste gnyis
229b2 pa'o//// de nas ye shes kyi mgon po chen po nyid snying rje med pa'i ting nge 'dzin la snyoms par zhugs so// de'i drung na gsang ba'i bdag po nyid phyag spyi bor thal mo sbyar nas/ zhabs kyi pus mo sa
229b3 la btsugs te gsol pa/bcom ldan 'das mgon po 'od dpag med/ snying rje rab tu mi gnas pa'i ting nge 'dzin las bzhengs shig khams gsum gyi sems can ni nad pa lta bu ste/ sangs rgyas kyi sa nas
229b4 sangs rgyas kyi zhing du bsgral ba'i thabs bstan du gsol/de nas bcom ldan 'das kyis bka' stsal pa/ gsang ba'i bdag po nyon cig/ skye shi med par srog 'dzin par 'dod na/ mi 'gyur ba rdo rje'i sku
229b5 longs shig/ma nu sarba tsit+ta e ka ma ra na hU~M a/ lag na rdo rje zhus pa legs so// thog ma rang bzhin lhun gyis grub pa'i mgon po 'od mi 'gyur ba nyid/ sdig pa'i 'gran zla med par 'khor bar ltung ba de nyid
229b6 rang gi ngo bor ma shes pa lhan cig gnas pa'i ma rig pa'o// lhan cig gnas pa'i ma rig pa rang gzugs kyi sku mi snang bas mthong ba'i yul la shes pa'i rig pa ma shor ro// de las kun tu brtags pa'i ma
230a1 rig pa byung ngo// rigs kyi bu de'i tshe de'i dus na/ sangs rgyas mar me mdzad stong gi gtsug phud rin po che ngas/ dgye ba'i grogs med pa'i mthong ba'i yul la shes pa'i rig pa skad cig mas shes
230a2 so// nga rang byung gi gzhi la 'khrul pa med pa'i phyir/ de'i tshe de'i dus na rtogs pa khyad par du gyur pa'o// rigs kyi bu de bzhin du rtogs pa'i don thugs su ma chud par/ rtsol ba'i bsam pas sangs rgyas na/
230a3 rang byung gi ye shes rdzun par 'gyur ro// rigs kyi bu sangs rgyas kyi bden pa ni gar sbyin la sbrang 'dab chags pa lta bu mi gtong na sems can gyi bsam pas ci ste bzung/ de lta bas na byang chub kyi sems mun
230a4 sel bde ba'i sku la rig pa'i sku ngo sprad pas snang srid gsal bar shar ro// don gyi ngo sprad pas/ tshig dang yi ger 'brel lo// yul chos nyid la ngo sprad pas/ snang ba rang bzhin med de/ me long lta bu'i ye shes
230a5 so// kye gsang ba'i bdag po/ byang chub kyi sems rang rig pa'i klong la khyab gdal 'ub chub spyi sdud don klong/ phug rdugs 'byams las nyag gcig go/ 'khor ba dong sprug chen po'i rgyud las/ khams gsum
230a6 gyi sems can bsad par bstan pa'i le'u ste gsum pa'o//// de nas yang bcom ldan 'das thugs rje chen po dang ldan pa/ thabs mkhas pa/ med bzhin du snang ba/ nad thams cad sel bar byed pa khro
230b1 bo chen po bdud rtsi 'khyil ba nyid chos nyid rnam par dag pa'i ting nge 'dzin la snyoms par zhugs so// de'i tshe de'i dus su gsang ba'i bdag po lag na rdo rjes zhabs gnyis kyis nyi ma dang zla ba brdzis te/ rdo rje
230b2 'bar ba tshangs pa'i 'jig rten la thug par gsor zhing/zhal bgrad mche ba gtsigs smin ma dpral bar bsdus te/ kwa'i thugs rje chen po chos nyid kyi dgongs pa la ma mnal bar bzhengs shig khams gsum
230b3 gyi sems can thams cad ni bsgral bar mi nus na/'jig rten gyi khams stongs shing zad par ci ste mchi/ bdag gis ma shes ma 'tshal to// 'jig rten gyi khams zad cing ma stongs na/ sangs rgyas kyi bden pa
230b4 yang zad cing nub par 'gyur ro// zhes smras pa dang/ bcom ldan 'das kyis bka' stsal pa/ lag na rdo rje ha cang khro ba'i sems dang ma ldan par drung du 'khod ces bka' stsal to// yul ma dag pa'i 'jig rten
230b5 dang/dag pa'i 'jig rten gnyis 'das pa na/ rang bzhin rnam par dag pa rgyan ma bkod par snang ba zhes bya ba yod kyis/ der khyod kyis seng ge'i 'gro stangs kyis song la/ glang po che'i lta stangs kyis ltos
230b6 shig/'jig rten gyi khams zad cing stongs pa la lta ci smos kyi/ lag na rdo rje nyid tshig bla dgas so// de nas lag na rdo rjes seng ge'i lta stangs kyis bltas pas/ de ma thag tu ye shes rgyan ma bkod par snang
231a1 bar mthong ngo// glang po che'i lta stangs kyis bltas pas/ 'khor ba thams cad zad cing stongs so// kwa'i he lag na rdo rje khyod nyon cig khro bo bdud rtsi 'khyil pa yis/ 'jig rten khams ni brngub
231a2 par bya'o// a ham kA d+ha sha pA rI swAM nyahag+ha/ a b+ha ra sa trA thA/ byang chub kyi sems rang byung gi rdzogs ma chags bde 'gro gcod byed sta re/ drang srong kha la me 'bar snang srid rgyas btab/ gnam sa lto sbyar/ ri bo
231a3 til 'brur btsud/rgya mtsho rgyal mtshan gyi rtse la btags/ byang chub sems dpa' bran khol du btsud/ dper na bran gyis rgyal po mchod pa ltar/ bde gshegs kun gyis bdag mchod pas// chu bran rgya mtshor
231a4 'dus pa'i tshul// rigs kyi bu khyod sdug bsngal bar ma byed cig/ snod bcud a tir 'dus pas snang srid phyags mas btab// mnyam nyid don rtogs thams cad bde la bkod// snang ba stong thim ri bo khyur
231a5 mid byas// stong la ma chags 'khor ba'i gdos thag bcad// nyon mongs zhing dag rgya mtsho hub kyis btab// sdug bsngal rtsad bcad bde ba chen po'i sku// thams cad yongs rdzogs gcig ste nyag gcig
231a6 ma// dug gsum dug lnga sku gsum ye shes lnga// lnga nyid bde chen thig le chen po gcig/ gcig la kun rdzogs tha snyad rnam par dag/ thig le nyag gcig rang byung ye shes sku// rnam dag pad+ma dbyings kyi dkyil
231b1 'khor na// 'du 'bral med pa'i gsal ba'i mkha' la snyoms// bya btsal med pa'i bde ba chen po'i sku// gar yang thogs med 'brug gi sgra ltar sgrogs// glang chen 'gros ltar 'gyur med gcig pu pa// rus
231b2 sbal gab pa'i tshul du rtag gnas pa// btsal med bya bral zin pa'i yul la gnas// zin pa med pa'i sdug bsngal nad sel ba// rgya mtsho'i gting na gser gyi pha bong 'dra// bde dang sdug bsngal rgyu mthun bde
231b3 gnas pa// rin chen gser la nor bu phyag rgya'i tshul// bsgom dang bsgom bya gnyis med don rtogs na// so mang ral gri til mar ngar btab 'dra// dge sdig gnyis med don rtogs na// man shel sku ltar rang
231b4 gi rgyud dag pas// dpe don rtags dang gsum gyis tshad ldan pas// rdo rje lta bu'i ting 'dzin thob pa yin// lung gi rgyal po rig pa'i khu byug ltos// zin pas rtsol ba'i nad spangs te// lhun gyis gnas par
231b5 bzhag pa yin// a ti rang sar gnas pa'i lung// rgyal tshab chen po bde ba'i bka'// bsgrub med rtsal sprug smon pa med pa yi// byar med lhun rdzogs snga ma de bzhin nyid// rtog dpyod rnam dag gnyis med
231b6 chos dbyings la// log rtog byings pa'i spyod pas ci zhig bslu// sangs rgyas dgongs pa ye nas gnas pa la// da lta nga la gnas par byar med de// byang sems bsgom pa chu bo'i klung 'byams nas// bsgom dang
232a1 bsgom par bya ba gnyis med na// don dam nga la bden par bzhag pa ni// chu bo klung 'byams dgongs pas zin pa yin// rgyun gyi ting 'dzin yengs bral med par ma shes na/ khyung chen gshog
232a2 rdzogs bka' 'di dang du longs// mi g.yo rang bzhin gnas pas smang sbyang byung cen ma byas na// mtho ris bgrod pa'i lam des nyon mongs zin par 'gyur// lam med lam du 'jug pa rnams kyi nad che
232a3 ba// phyin par 'dod pas ri dgas smin rgyu bsnyeg pa 'dra// bsnyeg pa'i yul med 'jig rten gsum las yongs mi 'byung// chos las 'das pa'i sku ngo ma shes na// nam mkha' che lung nges pa las// rang gi
232a4 mthu yis rig pa las// chos 'di gzhan las 'byung bar mi 'gyur zhes// rgyud thams cad kyi snying po yin pa'i phyir ro// 'khor ba dong sprugs kyi rgyud ces bya ba/ lung thams cad dang mi 'gal ba'i phyir/ lung
232a5 gi che bas yid ches pa'o// 'khor ba dong sprugs chen po'i rgyud las/ snang srid khyur mid du za ba'i le'u ste bzhi pa'o//// de nas bcom ldan 'das khams gsum rnam par rgyal ba zhes bya ba/ 'od phung
232a6 stug po'i ting nge 'dzin la snyoms par zhugs so// yang gsang ba'i bdag pos zhus pa/ bcom ldan 'das 'od dpag tu med pa'i ting nge 'dzin las bzhengs shig/ yang dag par rdzogs pa'i sangs rgyas la 'od
232b1 zer dpag tu med pa 'byung ba 'di ci'i rgyu ci'i rkyen/ngas khams gsum gyi sems can la ci ltar 'od zer gyi phung po 'byung ba bstan par bya/ zhes zhus par/ bcom ldan 'das khams gsum rnam par rgyal ba'i
232b2 'od phung gi ting nge 'dzin las bzhengs te zhal 'dzum pa mdzad nas/gsang ba'i bdag po khyod kyis dri ba dris pa legs so// yang dag par rdzogs pa'i sangs rgyas la/ ye shes lnga'i rtsal ma 'gags pas 'od
232b3 zer gyi phung por gnas so// 'byung ba chen po lnga la ma btsal bar grub pas yongs la khyab par gnas so// rigs kyi bu gang gis mngon par sangs rgyas pa'i tshe/ phyi'i 'byung ba lnga snang byed kyi sgron ma la 'dus
232b4 so// rang gi 'byung ba lnga rig pa'i sgron ma la 'dus so// snang byed kyi sgron ma rig pa la 'dus pa'i dus na/ ye shes kyi nyi ma rang la snang ste/ dus rtag tu lhang nge lhan ne nyin mo dang mtshan mor ma yin no// de
232b5 bzhin du bde bar gshegs pa thams cad lha dang lha mo nam mkha'i ri mo la sogs te/'od thams cad dang po byung yang rang rig pa las 'byung ngo// tha ma yang rang rig pa la 'dus so// nam mkha' che lung nges
232b6 pa las kyang/de la phyogs kyi 'od 'dus pa// phyogs bzhi mtshams dang bla 'og grub// ma nges kha dog sna tshogs las// rigs kyi khyad par mngon par snang// zhes gsungs so// kyai gsang ba'i bdag po go bar
233a1 dka' ba'i tshig 'di yid la zung zhig/ma hA da nyan 'a sarba ru lha a ta/ da nyan a yu 'a d+ha Ta/ badzra ba d+ha du/ de nas bcom ldan 'das dgyes pa chen po/ lag na rdo rje che/ stobs kyis pha rol
233a2 dpung 'joms pa// sku mdog nag cing 'jigs pa che// gzugs che yan lag rags pa ste/ khro gnyer bzhin mi sdug pa'o// phyag mtshan rdo rje 'bar ba yis// 'jig rten khams kun 'joms par byed// ye
233a3 shes me dpung chen po yis// srid pa gsum yang bsreg par byaid// hUM dang phaT kyi sgra sgrogs pas// gdug pa thams cad dpa' yang bkong// bdud dang mu stegs dbang du sdud// 'gro ba'i mgon po de bzhin
233a4 gshegs// bka' ni nyon cig rdo rje 'chang/ khams gsum dpa' gang ma gyur na rdo rje don med dam/ nga yi bka' 'di rdzun nam ni// nyon cig ltos shig rdo rje 'chang// 'jig rten khams ni 'khrugs par
233a5 byed// rdo rje lan cig gsor ba yis// bdud dang srin po khrag tu skyug/ rdo rje lan gsum gsor ba yis// rdo rje 'chang chen gan sbub 'gyel// snying 'dar lus zhum ba spu gzings// bcom ldan 'das kyis
233a6 bka' stsal pa// lag na rdo rje rigs gser 'phreng// stobs bcus pha rol dpung 'joms pa// nga la khro ba'i sems ci bgyi// bdud dang srin po mi ma yin// snying rje med par tshar chod cig/ lag na rdo rje khros
233b1 pa yis// lan cig rdo rje gsor ba yis// bdud dang srin po mi ma yin// gan sbub snying 'dar khrag skyugs shing// ci bgyi'i bka' nyan gsung sdod de 'bangs su mchis nas lag na rdo rje mi bzad par shin tu
233b2 'jigs skrag nas/bcom ldan 'das thugs rjai chen po dang ldan pa/ bdag cag bskyab tu gsol/ bdag cag gi srog mi gzhom du gsol/ lag na rdo rjes smras pa bzhin rjes su bgyid do// de nas bcom ldan
233b3 'das kyis bka' stsal pa/lag na rdo rje ha cang yang khro bor ma gyur cig/ ngas phyogs bcu dus gsum gyi sangs rgyas thams cad bde ba skad cig ma la 'god par nus kyis/ bdud dang srin po'i yid bde ba la
233b4 'god par byas so// phyi snod kyi 'jig rten 'byung ba lngas bsdus pa yang sangs rgyas kyi zhing yongs su dag par byin gyis brlabs zin gyis/ nang bcud kyis bsdus pa 'gro ba rigs drug gi sems can thams
233b5 cad kyang ngas byin gyis brlabs pas/khyed sdug bsngal bar ma byed cig/ ces bka' stsal to// de nas bcom ldan 'das mnyam pa'i ting nge 'dzin la snyoms par zhugs so// zhes 'khor ba dong sprug chen po'i
233b6 rgyud las/nyi zla gos su gon pa dang lag na rdo rjes bdud btul ba'i le'u ste lnga pa'o//// de nas bcom ldan rdo rje 'chang// thog ma rang bzhin lhun gyis grub// rgyu rkyen med par mya ngan 'das// chos
234a1 med shes rab rang byung bas// mi gnas rdo rje snying po'i sku// bya btsal med par bde gnas pas// nga ni rang byung ye shes yin// tshig dang yi ges nga ma bskyed// nam mkha'i klong nas rang byung
234a2 bas// mi gnas bde ldan phun sum tshogs// chos kyis yang dag don brjod du// snying po dag pa'i klong nas bshad// kye gsang ba'i bdag po rang byung gi ye shes bya ba bab kyis grub pa las/ byas pa'i chos ka
234a3 nas med do// pradz+nyA pA ra mi tA sarba b+ha ra ni A pA rA 'bu thA yA+o/ de nas bcom ldan rdo rje 'chang// rtsol ba'i sdug bsngal chos yin gyi// chos la gnas par mi bya'o// bde ba chen po'i sku mnga' bas// ma btsa'
234a4 bzhag na rdo rje'i sku// 'gyur ba med pa'i sku mnga' bas// bya btsal med pa ye shes sku// sna tshogs dag pa'i sku mnga' bas// ma bslad bzhag na ye shes sku// sna tshogs 'byung ba'i sku mnga' bas// ma bkag
234a5 bzhag na rang byung sku// snying po gdod nas dag pa la// chos spyaud bcu yis sangs mi rgya// ma btsal lhun gyis grub pa la// yon tan bcu yis gsal du med// bka' lung phyi mor rang shar bas// chos kyis shes
234a6 rab bskyed du med// sangs rgyas chos las ma byung bas// rgyud lung man ngag nga yi dug/ kyai gsang ba'i bdag po chos las 'das pa'i sku ngo ma shes na/ rang gi rig pa la dris shig/ de mtshon pa'i dpe ngo ma shes
234b1 na/rdo rje sems dpa'i me long la dris shig/ sangs rgyas sku rang la gnas pa'i rtags ngo ma shes na byang chub sems kyi sgron ma la ltos shig/ kye sems dpa' chen po mtshon pa'i byang chub chos yin kyang/ rtogs
234b2 pa'i blta ba rang rig pa'i ye shes kho na'o// phyogs bcu dus gsum gyi sangs rgyas thams cad kyang/ chos las 'das pa'i sku snying po byang chub la 'du 'bral med par dag par gnas so// rigs kyi bu
234b3 chos thams cad chos nyid rgya mtsho dang 'dra ba'i ngang du bya btsal med par stims shig/ces rdo rje 'chang gis bka' stsal to// 'khor ba dong sprug chen po'i rgyud las/ dam pa'i chos rgya mtsho chen por dbab pa'i
234b4 le'u ste drug pa'o//// de nas bcom ldan 'das kyis gsang ba bla na med pa'i ting nge 'dzin la snyoms par zhugs so// de'i tshe de'i dus su gsang ba'i bdag po lag na rdo rjes bcom ldan 'das la
234b5 gsol pa/bcom ldan 'das gsang ba bla na med pa'i ting nge 'dzin las bzhengs shig/ ngas phyogs bcu dus gsum gyi sangs rgyas thams cad kyi sku dang gsung dang thugs rdo rje bla ma chen po mtha' gang la
234b6 bskyal/sangs rgyas thams cad kyi dgongs pa'i mtha' gar gtugs/ khams gsum sems can thams cad 'khor ba ru log pa'i dus su rang re'i zhing khams gcig gam tha dad/ lung rgyud man ngag gi mtha'
235a1 gar bskyal/khams gsum 'khor ba'i 'dam rdzab zhing gang la sbyang/ sems can gyi sdug bsngal bye brag thugs rje chen po'i rtsal gang la sbyar/ sangs rgyas mya ngan las ma 'das kyi bar du/
235a2 dgongs pa'i mtha' ci tsam la bzhag/ mya ngan las 'das nas mthar thug pa'i sa gang du bzhag/ ces zhus pas/ lag na rdo rje khyod nyon cig/ sku gsung thugs rdo rje bla ma chen po'i mtha'/ sangs rgyas thams
235a3 cad kyi mes po sangs rgyas nyag gcig tu bskyal lo// sangs rgyas thams cad kyi dgongs pa ni rang rig pa'i ye shes su gtugs so// 'khor ba ru log pa'i dus su mar me'i sdong bu la mar me brten pa'i tshul du
235a4 zhing khams gcig go/rgyud lung man ngag gi mtha' ni brjod bya dang rjod byed med par bskyal lo// 'khor ba'i 'dam rdzab ni rnam par dag pa'i zhing bde ba chen po la 'god par snang bar sbyang ngo// sems can
235a5 gyi sdug bsngal ni/rig pa'i rtsal ma 'gags par sbyar ro// sangs rgyas mya ngan las ma 'das kyi bar du/ sgyu ma lta bu'i sku 'ja' tshon lta bu la mthong ba'i yul nyams su myang bar bya'o// mya ngan las 'das nas
235a6 mi gnas pa'i ye shes chen por gzhag go/zhes 'khor ba dong sprug chen po'i rgyud las/ sangs rgyas dur du gzhug pa'i le'u ste bdun pa'o//// rdzogs so/// mkhas pa'i mkhas pa slob dpon bi ma
235b1 las// dka' dang bsdos nas don gyi man ngag btsal// rdo rje gdan nas shrI sing has gnang// rang gi rgyud sbyangs 'gro ba'i don byas nas// sangs rgyas thugs kyi dgongs pa ma nor rgyud// thugs kyi klong nas
235b2 'bru gsum spros pa ni// byang chub sems dpa' re re'i rgyud du bzhag/ rgyud kyi snying po man ngag gzer bzhi po// sde dang tshogs su bcad nas rgya yis btab// 'chi med bdud rtsi thig le nyag gcig po// rdo rje
235b3 gdan gyi 'og nas bzhes pa 'di// spu rgyal btsan po'i don du shrI sing has gnang ba sku drin che// bod kyi rgyal khams chos lugs ngan pas slar la gter du sbas so// zhes gsungs so// bi ma las gdams
235b4 so// sbas rgya a+thi+-i////


CLOSE WINDOW