CLOSE WINDOW

Gpb006.011
བོད་ཡིག

/// rgya gar skad du/ ma hA san+ti ti la ga gu h+ya ti twa ni ya ma tan+t+ra nA ma/ bod skad du/ rdzogs pa chen po thig le gsang ba de kho na nyid nges pa'i rgyud ces bya ba/ bcom ldan 'das dpal kun tu bzang po la phyag 'tshal lo// 'di skad bdag gis thos pa'i dus gcig na/ dbyings rnam par dag pa'i thig le'i klong/ rang bzhin rnam par dag pa'i pho brang na/ bcom ldan 'das rdo rje sems dpa' nyid/ye ji bzhin pa yi rdo rje 'chang chen po dang/ rgyud dag pa'i rdo rje 'chang chen por rdzogs pas/ nor bu rin po che nyi ma'i snying por gyur pa'o// de nyid las mi gzhan pa'i dbang gi chu bo dang/ thugs rje rang byung dbang gi chu bo dang/ye shes rnam lnga dbang gi chu bo dang/ dpa' bo 'bru lnga dbang gi chu bo bzhis/ rig pa'i rtsal dbang rdzogs pa'i rang snang gi 'khor dam pa'i dpal bzhi dang/ mkha' 'gro ma lnga byang chub sems dpa' gsum dang/sprul pa bdun dang/ de'i tshe thabs cig tu bzhugs so// de nas lag na rdo rje gdan las bzhengs te 'di skad gsol pa/ thig le nyag gcig mtshon pa yi// gzhi lam 'bras bu dri med pa// sku gsum ye shes lnga ldan te// rnam grangs rim pa gsung du gsol// zhes zhus so// de nas bcom ldan 'das kyis/ spyi don yongs su sdud pa zhes bya ba'i ting nge 'dzin la snyoms par zhugs te 'di gsungs so// rig pa 'dzin pa kun nyon cig/ thig le gsang ba'i lam mchog ni// bgrod med rtogs pa rdo rje'i lam// ye shes stong nyid rang snang 'di// ye nas gnas pa'i gnas tshul dang// ma rtogs 'khrul pa'i 'khrul tshul dang// 'khrul pa log pa'i grol tshul gyis// rnal 'byor dbang phyug chen por 'gyur// bskal pa dang po thog ma na// sangs rgyas 'od du mi 'gyur bzhugs// ngo bo nyid kyi snang ba la// ngo bo nyid kyi sku shar ba// nam mkha' dang ni nyi ma bzhin// sa bon gzhi la rdzaugs pa'i dus// ma chad pa yi yul can na// snying po bcud du dril bar gnas// ma byon sngon rol 'das pa'i dus// gzhi snang chen po'i gnas lugs yin// chos nyid yul gy-i 'khrul gzhi dang// 'od lnga lus kyi 'khrul gzhi dang// rig pa sems kyi 'khrul gzhi dang// gnas dang dbus la rtog byas nas// ma rig lhan cig skyes pas bsgribs// kun brtags ma rig pa yis bslad// rgyu yi rkyen dang bdag po'i rkyen// dmigs pa'i rkyen dang mtshungs pa'i rkyen// dran byed kun tu tshol ba'i yid// nges par 'jog dang gtan la 'bebs// chos nyid 'byung ba dngas snyigs 'byed// snyigs ma lnga las snod du chags// dngas ma shes pas ma bzung bcud// mchog tu srid pa'i sgo nga gnyis// me tog u dum wa rar 'khrungs// sems can sangs rgyas skye ba'i rten// bar gyi bskal par byung ba la// ye shes snang ba nang du nub// 'khrul pa'i snang ba ma shar te// rang sor gnas pas yid bskyod pa// gzhi 'phags 'bras bu ma smin dus// sangs rgyas ye shes snying po can// rgyu las myu gu shar ba ni// mi gsal gsal ba'i bdag nyid can// 'khor 'das spyi mdud ma khrol bas// thabs dang shes rab sbyor ba gsum// spyan gyis gzigs nas thugs kyis mkhyen// zhal gyi me stag dkar dmar spro// dkar po'i gzugs ni sa las grub// tshor ba ser po sa chus brlan// 'du shes dmar po me yis smin// 'du byed ljang gu rlung gis g.yos// rnam shes mthing ga nam mkha'i mi// nor bu dri ma med pa dang// nyi ma rab tu snang bar smin// 'ja' snang yul snang khang pa dang// rta dang rdzing bu 'dod 'jo'i ba// shing thog ras bal shing shun dang// rang snang bsod nams dag pa yi// 'dod chags chos kyi dga' sems las// 'jig rten skye bo ming sring sogs// rim par chags pas nyon mongs drug/ ngo bo drug dang 'bras bu drug khams gsum 'khor ba'i 'khrul pa srid// sprul pa'i sangs rgyas 'od srungs byon// bskal pa tha mar gnas pa'o// yul la thig le 'od lnga dang// sku dang ye shes rnam pa las// shes pa ye shes lnga ru shes// grub pa rgyal ba nyid du grub// grol ba ye shes chen por grol// len ma myong ba'i lus blangs pas// ye shes rang sa zin pa yin// mthong ma myong ba'i yul mthong bas// chos nyid ma dang 'phrad pa yin// shes ma myong ba'i gtam shes pas// rang byung mngon du gyur pa'o// nyid la nyid gleng 'di skad gsol// mnyam pa'i rgyal po kun rig chos kyi rje// 'og min rdo rje dbyings kyi dkyil 'khor du// rdo rje sems dpa' rang sems rtogs bya'i phyir// bla med ngo mtshar che ba'i sangs rgyas 'di// rtsa ba bcad pas sangs rgyas sems las byung// sems kyi bsam pa bdag la bstan du gsol// rigs lnga bde bar gshegs pas bka' stsal pa/ sems las sangs rgyas 'ong bar ni// ma gsungs mi gsung gsung mi 'gyur// ma gsungs pa nyid rgya cher bshad// mi bskyod pa nyid ji bzhin gzhi// thugs la nyi ma bzhi shar ba// sku gsum ye shes lnga ldan pas// don gyi ngo sprod gdams par bzhag/ rin 'byung don ni ji bzhin ma// thugs la 'od lnga'i spro ba byung// spyan la thim pas rtags su bzhag/ snang mtha'i dpyad ni ji bzhin ma// dngos su shel gyi mchod rten babs// rdo rje sems dpa'i me long ste// dpe yi ye shes yongs su spros// don grub sgra ni ji bzhin ma// phyag rgya lnga yi 'khor lo las// dngas snyigs 'byed dang srog 'dzin pa// snying rje med pa'i las rlung bskyod// sems dang ye shes rgyab gyes pas// sems ni nam mkhar dngas shes bya// ye shes 'od du 'char zhes bya// snang ba lnga dang lam lnga dang// ngo bo thugs rjes rgyun thogs pa// nyi shar sgron me thogs pa bzhin// chos nyid bar do'i snang ba 'char// ye shes ngos gzung gdams ngag bya// dbang po rab la bar do med// 'jug dang snang dang shes las grol// mthar phyin pa rnams dus mtshungs gcig/ dbang po rab 'og skad cig drug/ dang po 'khor ba dong nas sprug/gnyis pa bde mthong gsum pa bstan// bzhi lngar mngon shes thugs rje 'char// drug pa mya ngan 'das pa yin// 'bring ni ma yengs cig char 'char// skye ba rim skye thad kar chod// dbang po tha ma'i tha ma gcig/'khor ba'i rtod phur ma phyin pas// bag chags lus len 'khor bar 'dus// srid pa'i bar dor las 'phro mthud// 'od gsal ye shes sgyu ma'i dbugs// dbugs chad ye shes 'char dus na// lnga ldan bde gshegs snang ba 'char// rdo rje dbyings kyi dkyil 'khor ni// rigs lnga'i 'od gsal tshom bu lnga// rnam snang yab yum dbus na gnas// rigs bzhi yab yum phyogs bzhir byung// tshom bu'i dkyil 'khor dang po la// rdo rje sems dpa' sangs rgyas spyan// sa snying sgeg mo byams pa dang// me tog bzhis bskor tshom bu gnyis// mA ma kI dang rin 'byung la// nam snying phreng ba kun bzang dang// spos ma bzhis bskor tshom bu gsum// snang ba mtha' yas gos dkar ma// spyan ras glu ma 'jam dpal dang// mar me bzhis bskor tshom bu bzhi// don yod dam tshig sgrol ma la// phyag rdor gar ma sgrib sel dang// dri chab bzhis bskor tshom bu lnga// 'gro drug 'dul ba'i thub pa drug/ tshad med bzhis 'dul sgo ba bzhi// mtha' bzhi las grol sgo ma bzhi/ dbyings dang ye shes mi 'bral bas// kun bzang yab dang yum du gnas// dkar dang dmar mthing ser dang ljang// 'khor lo rdo rje rin chen pad// rgya gram thugs kyi dgongs na gsal// mtshan dpe tshul dgu bzhugs gdan bcas// snang med mkha' la 'ja' tshon dgu// brjod med spros bral klong du shar// yon tan skur grub rtog tshogs grol// dag pa 'jig rten snang ba y-in// rtog med rnam mkhyen chos kyi spyan// mkha' la nyi ma shar ba bzhin// me long bzhin du gzigs par gyur// rnam rtog mi mnga' sa le mkhyen// zag med ye shes phyir gsal dus// mngon par shes pa drug dang ldan// rdzogs ldan dgongs pa sbyor ba gsum// spyan gyis yar gzigs mar la snang// thad ka rang la gsal ba dang// thugs kyi gang 'dul las mkhyen gzigs// rgya gram pad+ma'i kha sbyor gyis// chos nyid 'a dang chos kun a// ye shes ha dang shes rab sha/ ngo bo mi 'gyur sa dang ni// mnyam pa nyid kyi yi ge ma// zhal sbyar yig drug rdo rje'i sgra// dkar dmar srad bu 'od du 'phro// las dag gang zag spyan la 'jug/ thig le gsum du 'du 'bral med// 'brel ba drug ni ye shes rlung// rig pa byang sems rgyu ba gsum// kun rdzob byang sems gnas pa gsum// rgyu dang 'bras bu bsgom pa gsum// 'dug tshul snang tshul gnas pa gcig/ 'chi ka gsum du 'jug pa gces// rgyud lung man ngag 'khor lo bskor// rtogs pas bdag sgrol srid pa shar// rje blon dmangs kyi dpe ru bzhag/ dam pa'i lha gnas rnam gsum du// brda' sgra nges pa'i 'khor lo bskor// rin chen dbus su mya ngan 'das// dgongs brda' dag gi brgyud par gyur// rnam rtog mthus brtas bag chags sbubs// rin chen smug po'i gzhal yas ni// rig pa rtog med chos kyi sku// dag pa'i rtsal shar 'od lnga'i klong// rigs lnga'i skur bzhugs longs spyo rdzogs// thugs rje 'od gsal rang bzhin te// rang gi lus la khyab par gnas// de ni sprul pa'i sku zhes bya// ngo bo stong pa'i ngang gnas pa// chos kyi dbyings kyi ye shes yin// 'gags pa med par 'od gsal ba// me long lta bu'i ye shes yin// de dang ma bral mnyam pa nyid// shes rab ma 'gag chos rnams mkhyen// so sor rtogs pa'i ye shes yin/ tshig gcig chad// bya ba grub pa'i ye shes yin// mngon du ma gyur cha lnga yin// zur gsum sku gsum rtags yin te// dkar smug rtag pa 'od kyi rtags// rtsa bzhi ye shes bzhi ru bstan// ma 'khrul pa yi sangs rgyas te// don gyi ngo sprod thag chod yin// 'dug tshul 'od du 'dug pa la// snang tshul phyi nang med par snang// rgyang zhags chu la 'od gsal ba// rtags kyi ye shes tshon gang ba// mi 'gyur ba yi blta ba yin// rtags kyi ngo sprod yid ches 'gyur// rdo rje sems dpa'i me long ni// ma byas pa yi chos yin te// dpe dang ye shes dam pa yin// chos kyi sku yi ngo sprod kyis// chos sku rang gnas don rtogs shing// rdzogs pa chen po'i dgongs pa chod// sems dang ye shes rnam pa gnyis// sems kyi ngo bo dbugs yin te// bzhugs pa'i gnas ni glo ba la// rgyu ba'i gnas ni mgrin pa la// sgau ni kha dang sna bug gnyis// skyon ni 'khor ba'i chos su snang// de yi yul ni 'khrul pa ste// ma dag 'khrul pa'i snang ba yin// gzigs pa'i spyan ni shes rab bo// rtog bcas don dpyod shes rab can// ye shes ngo bo gsum brtsegs yin// ye shes bzhugs gnas tsit+ta yin// lam ni dar dkar skud pa ste// de yi sgo ni spyan lam 'char// yon tan sku dang ye shes so// longs spyod rdzogs pa'i ngo sprod ni// 'dra 'bag mched sku gnyis la sprad// longs sku lnga ldan ngo sprod kyis// longs sku rang gnas don rtogs shing// ma hA yo ga'i dgongs pa chod// sprul sku 'od 'khyil ngo sprod kyis// sprul sku rang gnas don rtogs shing// a nu yo ga'i dgongs pa chod// sku gsum 'du 'bral med pa ni// nyi ma'i snying po gnyis la sprad// 'du 'bral med pa'i ngo sprod kyis// dbyer med rang gis rang rtogs shing// rdzogs ldan chen po'i dgongs pa chod// rang bzhin gnas pa'i bar do la// rang rig lta bas thag bcad de// de ltar shes na the tshom tshod// blo yis the tshom bcad pa min// grol ba'i dgongs pa dam pa yin// the tshom chod pas blo las grol// bltar med blta ba'i gdeng la gnas// bgrod med lus ngag bya ba glod// rtsa dang rlung gi ngag sgo bsdams// rgyal po gdan la bzhag par bya// blon po btson du gzung bar bya// dmangs rnams cham la dbab pa dang// srod la dbang po gnad du bsdu// nam phyed shes pa bum par gzhug/ tho rangs dbang po rang grol la// nyin mo snang ba rang shar bshad// bshad pa rnam dag bde ba che// ting 'dzin bar dor gsal gdab cing// dbugs 'phos dus na sems sgo bcad// lam gyi mtha' ni zad pa'i dus// snang ba sems kyi dbang du 'dus// sems ni ma yengs dbang du 'dus// ma yengs tshon gyi grub 'dus ltar// 'degs byed khyab byed me mnyam rlung// ma de bu dang 'brel gyur na// ma yi bcud kyis bu gso ltar// bdun phrag grangs rnams ma rdzogs par// rlung gis las rnams rim par byed// gsang bar zla dgu ngo bcu bzhugs// rigs drug gnas gshegs mdzad pa rdzogs// bcu gnyis mthar phyin chos skur thim// 'khor ba rang grol skye shi med// dbyer med don ni shes pas shes// shes rab 'gags med rnam par grol// mi 'gyur kun 'byung rin chen sbubs// rdzogs ldan chen po'i dgongs pa ni// shes rab mkha' la dngas pa yin// stobs ldan shugs kyis skyod par byed// sbyor skyel skur gnas mi rtog gsal// 'byung ba ma la zha ba yis// sa chu me rlung nam mkha' lnga// mtshan ma rang sar grol bar byed// sra gsher tsha dang g.yo mtshan med// ye shes dbyings su thim pa'i mkha'// chos dbyings ngang nas ye shes gsal// rtsal stobs bzhi la 'du bar byed// gtso 'khor mi gcod mi gzigs gsal// shes rab mkha' la gsal ba yis// thim gsal bdag med mi 'byed gsal// sku gsum ye shes nang gsal ston// sku gsum ye shes dbyings na gsal// rig pa rang sa zin pa yis// sku 'dus dgongs pa ldan pa dang// dgongs pa 'pho 'gyur med par byed// 'gyur med 'gag med 'du 'bral med// sku gsum ja log dgongs pa ni// gsal ba gsum ldan rdo rje la// dbyer med rtse gcig ye shes spyan// mi brjed gzungs bsnyems chos las grol// dus dir yul gsum gcig tu 'dus// rang bzhin rnam dag snang ba yin// lus gsum gcig la rdzogs pa ni// 'gyur ba med pa'i rin chen sbubs// spyan gsum gcig tu 'khyil ba ni// ye shes mig gcig dri ma med// grol ba'i dgongs pa mthar phyin pa'o// chos kyi mtha' las grol ba'o// sangs rgyas la ni yul med do// ye shes la ni chos med do// 'bras bu de la bdag med do// dgongs pa de la thun med do// yang dag mtha' las grol ba yi// mi bskyod stobs kyis gcod byed pas// mya ngan 'das la gom pa gcig/ gsum rdzogs mthar phyin lnga nyid dag/ mthar rdzogs gcig pu lhun gyis grub// rang bzhin ma bcos ji bzhin gnas// rdo rje'i gdan la grub mthar phyin// zhes gsungs so// de nas lag na rdo rje dang/ spyan ras gzigs dang/ 'jam dpal dang/ mkha' 'gro ma za byed shAn ting thod pa'i phreng ba can dang/rdo rje khro gdong ma dang/ nam mkha'i bu mo rdo rje rlung gi gshog pa can dang/ gtsug gi rgyan gcig ma dang/ pur Na nye bar zhi ba dang/ rig pa 'dzin pa rnams dgyes te/ bcom ldan 'das la bstod pa/ gzhi snang chen po'i gnas lugs kyis/ yang dag lta ba gtan la phebs// ma rig 'khrul pa'i byung tshul gyis// sems can sangs rgyas ngang du shar// 'khrul pa log pa'i grol tshul gyis// gdos bcas yul las grol ba ni// rang dngas dag pa chen por gsal// sha khrag lus las grol ba ni// rin chen gsang ba'i spubs su gsal// dran rtog sems las grol ba ni// rig pa rang dngas chen por gsal// thig le rang dngas bcu gnyis kyis// dus bzhi snang bas rim par phye// de bzhin gshegs pa'i chos lnga yis// ma bskyod mkha' la de bzhin gshegs// byang chub sems dpa'i chos drug gis// yul sems lus dag byang chub sku// nges pa'i don la bdag cag 'dud// ces bstod nas bcom ldan 'das kyi gsungs pa la mngon par bstod do// rdzogs pa chen po thig le gsang ba'i nges rgyud rdzogs so////

CLOSE WINDOW