192a5 /// rdo rje rtse mo 'dus pa'i rgyud ces bya ba/ bcom ldan 'das dpal mgon po ye shes kyi sku dri ma med pa la phyag 'tshal lo// 'di skad bdag gis bstan pa'i dus gcig na/ 'khor chen po
192a6 'dus pa'i tshogs ma lus pa rnams/legs par nyon cig/ ngas shes rab kyi pha rol tu phyin pa'i don phyin ci ma log par bstan/ sku gsung thugs gsang ba rmad du byung ba'i rgyud kyang bstan par bya'o// sku
192b1 gsung thugs gsang ba rmad du byung ba/sku gsung thugs yon tan rmad du byung ba/ sku gsung thugs phrin las rmad du byung ba las/ gsung rmad du byung ba gsung gi rgyud/ phrin las mthar phyin pa rdo rje rtse
192b2 mo'o// don thugs su chud pa zhes bya ba 'di la/ bcom ldan 'das mi mnyam mgon pos/ kye 'dus pa'i tshogs dang ma 'ongs pa'i dus na/ dus mi mnyam pa nam mkha' med pa'i sngon rol/ gnas mi mnyam pa
192b3 chos kyi dbyings kyi pho brang/ston pa mi mnyam pa sangs rgyas 'od dpag med/ chos mi mnyam pa gsang ba rig pa bkod pa'i rgyud lnga/ 'khor mi mnyam pa rigs lnga'i bde bar gshegs pa/ 'dus pa'i tshogs mi
192b4 mnyam pa sa bcu pa'i byang chub sems dpa' rnams la bka' stsal pa/kye kye 'dus pa'i tshogs nga yis bshad/ nga yis bstan nga la nyon cig/ e ma ho// ngo mtshar che ba'i chos/ brjod pa kun las rab tu
192b5 'das// chos rnams kun la rab tu mi gnas so// chos sku snang ba 'khrul pa'i chos zhes bka' stsal to// nga rang byung gi ye shes chen po la// sku gnas pa'i sku bstan pa/ ye shes kyi sku dri ma med pa'o// nga'i
192b6 gsung 'gag pa med pa rang byung gi ye shes so// nga'i thugs rdo rje lta bu 'gyur ba med pa'o// nga'i yon tan nor bu rin po che ltar zad mi shes pa'o// nga'i phrin las nyi ma'i snying po ltar lhun gyis grub pa'o// nga
193a1 rang byung gi ye shes chen po la chos mi gnas pa'i chos bstan pa'o// 'khor chen po lnga/ 'dus pa'i 'khor rnams la rang re 'dus pa'i don du gsal ba'i rgyud lnga gsungs so// kye 'dus pa'i
193a2 tshogs rnams nga la nyon/nga ni sangs rgyas kun gyi sku// ye shes lus can dri ma med// nga ni sangs rgyas kun gyi gsung// yi ge med pas tshig las 'das// nga ni sangs rgyas kun gyi thugs// dran rtog med pas
193a3 mya ngan 'das// nga ni yon tan dpag med sku// nor bu rin chen dri med mnyam// nga ni phrin las mthar phyin sku// 'gro ba'i mgon po de bzhin gshegs// de nas 'dus pa'i tshogs rnams kyis// rang rang rigs
193a4 kyi rgyud shes pas// mgrin gcig thal mo mnyam sbyar nas// legs so dpal mgon nag po che// legs so legs so de legs so// dri ma med pa'i rgyud chen lnga// sangs rgyas kun gyi thugs su chud// 'gro ba'i
193a5 mgon po de bzhin gshegs// 'dus pa'i tshogs rnams dbugs 'byin pa// legs so ye shes dri ma med// gcig tu gsungs pas don shes pa// ye shes lnga yi mtshan nyid 'dzin// chen po lnga nyid mngon sangs
193a6 rgyas// mgon po dri med ye shes sku// rnam dag gsung gi tan+t+ra las// gsang ba'i sgron ma bstan pa ni// rig pa'i khu byug bstan pa yin// rin chen drwa ba'i sgo mo la// 'byed pa'i lde mig bstan pa ni// mun pa'i
193b1 sgron ma bstan pa yin// rin chen spungs pa'i rdzong chen la// gnas pa'i rang sa bstan pa ni// nor bu dri ma med pa'i rgyud// mgon po nga yis bstan pa yin// de phyir mgon po dri med dang// mi gnas shes rab
193b2 pha rol phyin// rdo rje 'dzin pa nga la nyon// zhes chos pha rol tu phyin pa lnga las yongs su 'dzin pa ni/ dri ba dang po pa rnams nyon cig/ de ni shes rab kyi pha rol tu phyin pa las nyams pa yin te/ chos kyi sku las
193b3 'das pa'i sku rnam par dag pa mi 'thob bo// rigs kyi bu shes rab kyi pha rol tu phyin pa khong du chud na/ pha rol tu phyin pa lnga shes rab kyi pha rol tu phyin par 'gyur ro// de'i phyir shes rab kyi pha rol tu phyin pa
193b4 gang zhe na/bshad du med pa'i rgyud/ bsgom du med pa'i chos/ btsal du med pa'i las/ 'bras bu gzhan la re ba med par gnas pa'o// zhes mgon po dri ma med pas ye shes rang byung du bstan pa'i le'u ste dang
193b5 po'o////
194a1 rgya gar skad du/ badzrA gra sa mu dA ya tan+t+ra/ bod skad du/ rdo rje rtse mo 'dus pa'i rgyud/ dpal rdo rje sems dpa' la phyag 'tshal lo// 'di skad bdag gis thos pa'i dus gcig na/ bcom ldan 'das
194a2 dpal rdo rje sems dpa'i thugs las bkrol ba'i rgyud/zhal nas gsungs pa'i phyir lung/ rna ba nas rna bar brgyud pa'i phyir man ngag 'di la/ spyi don rnam pa gsum gyis bstan te/ rdo rje rtse mo 'dus pa'i rgyud
194a3 'di la rgyud yin pa'i phyir phun sum tshogs pa lngas bstan/lung yin pa'i phyir lung gi che ba lngas bstan/ man ngag yin pa'i phyir man ngag gi mdzod gsum gyis bstan to// de la dus sum tshogs pa snang ba
194a4 bkod pa'i zhing khams gnas phun sum tshogs pa lcang lo can gyi zhing khams/ston pa phun sum tshogs pa sangs rgyas 'od srungs/ chos phun sum tshogs pa gsang ba'i rgyud lnga/ 'khor phun sum tshogs pa sangs
194a5 rgyas rabs bdun no// lung yin pa'i phyir lung yin par lngas bstan te/ rdo rje sems dpa'i zhal nas gsungs pa'i phyir/ lung gzhan la ma brten pas lung gis yid ches pa'i che ba'o// sku rnam par dag pa dang
194a6 po rgyu med/bar du rkyen med/ tha mar mi 'gyur bas/ 'gyur ba med pa nam mkha'i lung gis che ba'o// ston pa'i zhal nas gsungs pa'i tshig 'bru gnyer legs shing don de bzhin nyid las mi 'gyur bas lung gi
194b1 che ba'o// mi las khyad par du gyur pa dga' rab rdo rje'i don du/ ston pa'i zhal nas gsungs pa las/ lung ma nor ba rin po che gser gyi glegs bam la bai DUr+ya zhun mas rang nan du bris pas lung gi che
194b2 ba'o// bskyed rdzogs rnam pa gsum lo ma dang me tog dang 'bras bu'i tshul du rgyu dang 'bras bu tha mi dad du bstan pas/ gsang sngags mtha' dag gi lung 'dus pas lung gi che ba'o// man ngag yin pa'i phyir man
194b3 ngag gi mdzod gsum gyis bstan te/sku'i rgyud nas sku rin po che 'dra ba'i mdzod phyung ste 'khor ba thog mtha' bcad/ gsung gi rgyud nas gsung rig pa'i khu byug phyung ste yi ge dang thugs su sprad/ thugs kyi rgyud
194b4 nas thugs nor bu rin po che dri ma med pa'i rgyud phyung ste chos min gyi chos la bzhag go/ston pa dga' rab rdo rje ngas/ rdo rje sems dpa'i thugs brtol te// skye ba med pa'i rgyud chen lnga// phyi rabs 'byung ba'i
194b5 don du bsgyur// 'jam dpal gzhon nu khyod la gtad// gcig las gnyis su ma spel par// byang chub 'byung ba'i shing drung du// rdo rje sems dpa'i rgya yis thob// 'chi ka ma yi gsang gter 'di// rang gi rgyud
194b6 las gzhan du med// med pa ma yin lung gis grol// dpal ldan mgon po dri med kyi// thugs kyi klong nas rgyud lnga byung// sangs rgyas lnga yi rgyud du bzhag/ nyon mongs lnga dang 'byung ba lnga// ye nas rnam par
195a1 dag pa'i phyir// rdo rje 'dzin la bka' stsal to// de nas sangs rgyas rdo rje 'dzin chen po'i dgongs pa sems can gyi gzhi la gnas pa'i phyir/ sku'i rgyud pad+ma 'khyil pa bstan/ bla ma'i zhal nas
195a2 dkyus dang sbyar ba'i phyir/gsung gi rgyud rdo rje rtse mo 'dus pa bstan/ sangs rgyas kyi dgongs pa la bzla ba'i phyir/ thugs kyi rgyud rin po che spungs pa'i rgyud bstan/ ma 'ongs pa'i sems can yid ches par bya ba
195a3 dang/sangs rgyas kyi dgongs pa nyid nas nyid du bstan pa'i phyir/ yon tan gyi rgyud bsod nams byams pa brtsegs pa bstan/ sems can rnams la 'bras bu'i bstan pa rgyas par bstan pa'i phyir/ phrin las
195a4 kyi rgyud mkha' gsal gyi nyi ma bstan/spyir sangs rgyas kyis gsungs pa'i rgyud lnga la/ sgo brtsegs su phye ba'i rgyud bum chung nyi shu rtsa gcig tu phye ste bstan no// spyi rgyud lnga la/ man ngag gi rgyud gsum/ gdams
195a5 pa'i rgyud bcu drug/bshad pa'i rgyud gnyis te nyi shu rtsa gcig go/ byang chub kyi sems pad+ma 'khyil pa'i rgyud 'di/ rgyud kyang yin lung yang yin/ man ngag kyang yin/ no bi ka yang yin no// kun tu bzang po rtsa ba'i
195a6 rgyud chen po yi ge med pa'i rgyud nas gsungs te/gang zag gi rna ba nas rna bar brgyud pa'i phyir rgyud kyang yin no// rgyud de lta bu ston pa'i zhal nas gsungs par lung bstan pa ste/ byang chub sems dpa' rnams
195b1 kyis ma nor bar bris te phyis 'byung bar bstan pas lung yang yin no// lung de gang zag rnam par grol ba'i ye shes thob par byed pas man ngag kyang yin no// man ngag de spyod du mi ster ba'i mu stegs log lta
195b2 can tshar gcad pa'i phyir/sgrub thabs kyi le lag bstan pas no bi ka yang yin no// de yi phyir pad+ma 'khyil pa'i rgyud ni/ sangs rgyas kun gyi rgyud lnga'i rtsa ba yin no// byang chub sems gsang ba bsdus pa las/
195b3 rgyud ci ltar byung ba'i byung khungs dang/ yon tan bstan pa'i le'u ste gnyis pa'o//// bcom ldan 'das 'jam dpal gsang ba'i dbyangs la phyag 'tshal lo// byang chub kyi sems mun pa'i sgron ma zhes
195b4 bya ba/chu bo sin+d+hu dang/ chu bo chen po gang+gA'i mtshams su sangs rgyas 'od srungs kyis gzigs pa rnam pa gnyis su gzigs te/ sems can gyi blo'i bye brag dang sbyar nas/ rgyu 'bras kyi chos gnyis bka' stsal te/
195b5 las kyi mtha' brtsi ba dang/ las kyi mtha' mi brtsi ba gnyis las/ de la las kyi mtha' brtsi ba la// las kyi mtha' rdzogs pa dang/ las kyi mtha' la mi gnas pa'o// de yi las kyi mtha' brtsi ba la/ pha rol
195b6 tu phyin pa lnga'i bsgom lam nas 'jug ste/rgyu'i chos su bstan/ las kyi mtha' rdzogs pa la thabs khyad par can du gyur pa ni/ shes rab kyi pha rol tu phyin pas bstan te/ lung gser gyi phur pas bstan to//
196a1 las kyi mtha' la mi gnas pa ni/ sangs rgyas nyid kyi lung gis bstan te/ ji ste las kyi dbang gyur na zhes pa'i tshig gis bstan te/ las kyi mtha' la mi gnas bya ba tsam la yang gnas su med/
196a2 rang bzhin chen po tshig gi mtha' dang bral ba ni/ re zhig bstan na byang chub sems rin po che spungs pa nas bstan to// don de thugs su chud par bya ba ni// byang chub kyi sems pad+ma 'khyil pa dbu zhabs na
196a3 bzhugs te/de yang byang chub sems rdo rje rtse mo 'dus pas dgrol bar bya'o// man ngag gi rgyud gsum gtan la dbab cing yid ches par bya bar ched du gdams pa'i rgyud bcu drug gis bsnan nas/ bshad pa'i
196a4 rgyud gnyis kyis mtho dman klong du khod bsnyams te gdams pa'o// de la pad+ma 'khyil pa'i rgyud ni rin po che rtsar la brgyus pa bzhin du bshad do// rdo rje rtse mo 'dus pa'i rgyud ni/ gyi ling sgrog bkrol pa'am/
196a5 rin po che bang mdzod kyi sgo lcags bkrol ba'i tshul du bshad do// rin po che spungs pa'i rgyud ni/ khyung nam mkha' la lding ba'i tshul du bshad do// bsod nams byams pa brtsegs pa'i rgyud ni/ mchod rten gyi khri
196a6 'phang gi tshul du yas 'dzegs kyis bshad do// mkha' gsal nyi ma'i rgyud ni/ nyi ma dang nam mkha'i tshul du bshad do// sangs rgyas kyi rgyud rnam pa lnga po 'di ni/ bcom ldan 'das rdo rje 'dzin pa chen pos bka'
196b1 stsal pa/paN+Di ta dga' rab rdo rjes dbu zhabs kyi don bsdus pa ni/ byang chub kyi sems mun pa'i sgron ma 'di la dbu zhabs su spyi don rnam pa gsum gyis bstan te/ sangs rgyas dgongs pas brgyud pa dang/
196b2 rig 'dzin brda yis brgyud pa dang/ gang zag rna bas brgyud pa dang gsum las/ dang po chos kyi dbyings kyi pho brang du/ sangs rgyas 'od mi 'gyur bas/ longs spyod rdzogs pa'i sku rigs lnga'i bde bar gshegs
196b3 pa rnams la/bshad kyang sa ma tis bshad/ mnyan yang sa ma tis mnyan no// de nas 'og min gyi gnas rdo rje dbyings kyi dkyil 'khor du/ rigs lnga'i bde bar gshegs pa rnams kyis/ 'khor sa bcu'i byang
196b4 chub sems dpa' rnams la/bshad kyang sa ma tis bshad/ mnyan yang sa ma tis mnyan no// de nas sa bcu'i byang chub sems dpa' rnams kyis/ lcang lo can gyi pho brang du sprul pa'i sku sangs rgyas 'od srungs
196b5 la/'chi med rdo rje'i lung bstan nas/ dus gsum gyi sangs rgyas dang gnyis su med par bzhugs so// paN+Di ta'i brda'i sgo nas bstan pa la gsum ste/ brda sgra'i sgo nas bstan pa dang/ ngag dang ting nge 'dzin gyi
196b6 sgo nas bstan pa dang/shes rab dang rang rgyud kyi sgo nas bstan pa'o// brda rnam pa gsum gyi sgo nas bstan pa dang/ sgra rnam pa drug gis bstan pa'o// ngag 'jam pa'i sgo nas bstan pa dang/ ting nge 'dzin ma
197a1 'gags pa'i sgo nas bstan pa'o// shes rab ni theg pa thams cad kyi sgo nas bstan pa yin la/ rang rgyud ni gdams pa'i sgo nas bstan pa yin no// de nas bod kyi dge ba'i bshes gnyen skyes
197a2 chen khyad par can gyi gang zag/sems dang chos su 'dres pa rnams kyis bshad pa mang yang/ spyi don gsum ste phyi nang gsang ba gsum du bstan no// de la yang phyi ma gsum ste/ lung dkyus su bshad pa dang/
197a3 lung man ngag tu bshad pa dang/ man ngag man ngag tu bshad pa'o// de la lung dkyus su bshad pa spyi btsan/ lung man ngag tu bshad pa skabs bzhi pa/ man ngag man ngag tu bshad pa yongs su rdzogs pa'i
197a4 skabs gcig pa rin po che sgron ma snang byed du shes par bya'o// nang ltar bshad pa la gnyis te/ nang gi phyi dang/ nang gi nang ngo// nang gi phyi bkri ba drang gi don du bstan to// nang gi nang la don bstan
197a5 to// gser mig nas dus mnyam bdun pa yan chad/ man ngag ni thugs kyi rgyud dam pas/ khong 'grel lo// rang re'i skor tshoms dang 'bru de ni dkyus btsan la dpe chung dang sbyar la shes par bya'o/ de bzhin du
197a6 gsang skor kyang shes par bya'o// don gyi man ngag khong 'grel/ gsang bar bstan pa la don bdun gyis bstan te/ de la yang ston lugs gsum ste/ rgyas par bstan pa dang/ bsdus te bstan pa dang/ shin tu
197b1 yang bsdus te bstan pa'o// de la rgyas pa ni rgyud du bshad/ bsdus pa dpe chung du bstan/ shin tu bsdus pa ni lung gser gyi phur par bstan no// de la don bdun gyis bstan pa dang po// rdo rje sems dpa'
197b2 gzhi'i gnas lugs kyis 'khor ba thog mtha' bcad/rin po che za ma tog sbrags mas thog ma'i sangs rgyas ngo sprad/ lta ba kha 'byams kyi rgyal pos gnya' gnon/ rin po che spyi bcings kyis don nyams su
197b3 blangs/pad+ma 'khyil pa'i dpe nyi shu rtsa gcig gis don man ngag tu bsdus/ lung gser gyi phur pas tshig dang yi ge'i thag bcad/ mdo rnam pa gnyis kyis las kyi mtha' bsdu'o// byang chub kyi sems pad+ma 'khyil
197b4 pa'i dkyus kyi rtsa ba mdor bsdus te bstan pa'o// slob dpon dga' rab rdo rjes mun pa'i sgron ma bstan pa'i le'u ste gsum pa'o///// rgya gar skad du/ rat+na dzA la ko Sha nA ma/ bod skad
197b5 du/rin po che dra ba'i mdzod ces bya ba/ sangs rgyas 'od dpag med la phyag 'tshal lo// 'gro mgon 'jam dpal gzhon nu ngas// thog ma'i sangs rgyas ngo bstan pa// mgon po dri med ye shes sku// rin chen dra
197b6 ba'i mdzod na gnas// 'gro drug kun gyi thugs kyi mchog/ ye shes sku gcig kun tu shar// yi ge lnga la phyag rgya ste// rdo rje'i sku gcig kun tu bsdus// yon tan so so'i dpe ru bstan// mgon po dri med
198a1 ye shes sku/'khor ba thog mtha' bdag med pas// gzung 'dzin gnyis med mya ngan 'das// phyi nang snod bcud rang grol la// gzhan la ltos 'gyur chos ma yin// glang chen 'dam du bying ba
198a2 dang// skyes bu rang gis bcings pa gnyis// gzhan gyis yang dag ga la 'gyur// snang srid rnam dag rang bzhin dkyil 'khor na// rang byung ma bcos rdo rje snying po'i sku// dus gsum 'gyur ba med par rtag par
198a3 bzhugs// bde ba chen po bde la rtag spyod pa// rnam par snang mdzad rtag pa kun tu bzang// ji ltar brjod pa tha snyad rtsol ba'i nad// chos kyi yang dag don de brjod nus kyang// chos kyis yang dag don la
198a4 gnas mi nus// de phyir chos spyod sangs rgyas don la bsgrib// chos kyis blo yi the tshom kun bsal la// chos la mi gnas tha mal shes par bzhag/ tha mal shes pa blo yis bcos pa min// bde dang sdug bsngal
198a5 blo la rtog pa med// mgon po dri med sku ni de bzhin no// zhes rdo rje sems dpa' gzhi'i gnas lugs rin po che dra ba'i mdzod kyi le'u ste bzhi pa'o////
198a6 rgya gar skad du/
198b1 rat+na sA mA n+ya bad+d+hAm+nA ya/ bod skad du/ rin po che spyi bcings kyi man ngag bcom ldan 'das 'jam dpal ye shes 'dus pa la phyag 'tshal lo// man ngag 'dus pa'i spyi bcings
198b2 ni// sangs rgyas kun gyis dgongs pa ste// rnal 'byor kun gyi thugs la gnas// man ngag 'dus pa'i tan+t+ra yin// tshig dang 'bru gnyer dkyus btsan te// sku yi rgyud du shes par bya// yang dag don gyi spyi
198b3 bcings ni// 'jam dpal ye shes 'dus pa yin// mgon po dri med ye shes sku// sku 'jam gsung 'jam thugs 'jam ste// sku ni ye shes sgyu ma'i sku// gdod ma'i mtha' dang bral bas 'jam// gsung ni brjod
198b4 du med pa'i gsung// tshig dang yi ge'i mtha' las 'das// thugs ni dran rtog med pa'i thugs// gzhi la rang bzhin med par 'jam// sangs rgyas ye shes sku yi mchog/ mgon po dri ma med pa yin// mgon po
198b5 dri med ye shes sku// sangs rgyas kun gyi snying po 'dus// 'khor ba rang bzhin med pas na// 'jam dpal ye shes 'dus pa yin// brjod du med pa'i don shes na// 'jam dpal ye shes 'dus pa yin// mgon
198b6 po dri med don shes na// 'jam dpal ye shes 'dus pa yin// chos la blo ni mi gnas na// 'jam dpal ye shes 'dus pa yin// zhes 'jam dpal ye shes 'dus pas bka' stsal to// de nas 'khor gyi byang
199a1 chub sems dpa' rnams kyis zhus pa// legs so dpal ldan mgon po che// byams pa'i thugs rje ma bral bas// sa gzhi lta bu'i ye shes sku// snying rje'i thugs rje ma bral bas// chu bo lta bu'i ye
199a2 shes sku// dga' bar byed pa'i ye shes pas// nyi zla lta bu'i ye shes sku// btang snyoms thugs rje ma bral bas// nam mkha' lta bu'i ye shes sku// sku bzhi 'dus pa'i 'jam dpal ni// theg pa kun gyi snying po
199a3 yin// 'gro ba kun la rang bzhin gnas// lung bstan skyes bu dam pa de// ye shes bzhi la rtag spyod na// bdud bzhi rnam par dag pa'i lam// 'jam dpal ye shes 'dus pa yin// 'jam dpal ye shes dri
199a4 med sku// rang bzhin lhun gyis grub pa'i phyir// bsgom pa'i tshig dang bral ba yin// rgyu dang rkyen gyis ma bskyed pas// spyod pa'i mtha' dang bral ba yin// snying po rang la rdzogs pa'i phyir// grub pa'i mtha' dang
199a5 bral ba yin// zhes bcom ldan 'das 'jam dpal ye shes 'dus pa las/ rin po che spyi bcings blta bar bstan pa'i le'u ste lnga pa'o////
199a6 rgya gar skad du/
199b1 badzra satwa rat+na ka raN+Da ka sar+d+hAm+nA ya/ bod skad du/ rdo rje sems dpa' rin po che'i za ma tog sbrags ma'i man ngag/ bskal pa dang po'i sangs rgyas 'od mi 'gyur ba la phyag 'tshal
199b2 lo// bskal pa gsum gyi sangs rgyas rang rig ma bcos de bzhin nyid// thog mar rang byung ye shes pas// rgyu med myu gu me tog 'bras// rten med nam mkhar nyi snang tshul// ye shes lnga yi gzugs brnyan
199b3 can// gnas med gnas la 'od gsal ba// rang bzhin rnam dag rtog med sku// 'dzin rtog mi mnga' sa ler mkhyen// ma btsal lhun gyis grub pa'i 'od// dpag med gsal ba'i ngo bor gnas// mi 'byed
199b4 shes rab 'od gsal ba// snang ba dngos med 'ja' tshon sku// 'gag med mi g.yo bde ldan thim// de nyid ye shes rang byung sku// rang bzhin lhun gyis grub pa yin// des na rig pa'i ngo bo ni// 'gag pa med
199b5 pa'i rang bzhin gyis// 'gyur ba med las 'gyur ba 'ongs// skad cig ma yi tshul du byung// de nyid shes pas bltas pa las// skad cig ma yi shes pa 'byung// de las sems kyi rnam pa byung// skad cig ma yi
199b6 rnam pa de// gcig 'gag gcig skye gcig gnas pas// skad cig phyi ma skye ba de// nam mkha' stong las sprin gyi tshul// de las bdag tu snang ba'i blos// cung zad 'khrul pa'i rkyen gzhi shar// ye shes snang ba
200a1 gzhi la thim// de nas bar gyi bskal pa la// ye shes phye'o lung ma bstan// ye shes snang ba nang du 'char ma nus so// 'khrul pa'i rtog pa yang skye bar ma nus so// de la gnas pa'i dus su rdo rje mi
200a2 bskyod pa zhes bya ba ste/rig pa rang gi so la gnas so// ye shes bag la zha'o// bskal pa bar la snod kyi 'jig rten chags/ de nas bskal pa tha ma la/ skye ba rnam bzhi'i srid pa chags so// gzugs kyi bye brag
200a3 so so tha dad du chags kyang/rdo rje mi bskyod pa spyi la gnas so// mi bskyod pa ma bgos spyi la gnas/ ma bgos so sor khyab po// rang gi ngo bo sangs rgyas 'od srungs chen por sku sprul nas/ sangs rgyas dang
200a4 sems can rgyab gyes te bstan pa gnas so// thog ma'i sangs rgyas 'od kyi skur snang/ bar gyi sangs rgyas nam mkha' lta bur snang/ phyis 'byung gi sangs rgyas gzugs kyi skur gnas so// de rnams kyang don so
200a5 so tha mi dad do// phyi snod kyi 'jig rten 'byung ba lnga dang bcas pa/ dang po 'od dpag med pa las byung/ mi bskyod pa'i bskal pa chags/ 'od srungs kyi bskal pa la gnas so// bskal pa gsum du gnas mod
200a6 kyang/snying po'i don la 'gyur ba med// rdo rje lta bu'i sku brnyes pas// bcom ldan rdo rje dbyings mi bskyod// rang byung lhun rdzogs sku gsung thugs// sku gcig kun tu khyab pa'i sku// nyi ma'i snying po lta bur
200b1 gnas// man shel lta bur rang dag pas// snang ba'i bye brag snang mod kyang// rang gi ngo bo 'gyur ba med// kye rdo rje 'dzin pa nyon cig/ rnam par dag pa'i sku bde ba chen po la/ ye shes kyi grogs byar med
200b2 do// rang rig pa'i ye shes dngos po'i mtha' las 'das pas/ nyon mongs pa'i rnam rtog gis sgrib pa med do// rang gi ngo bo shes bya bab kyis grub pa la/ sangs rgyas kyi che ba'i yon tan gyis bstod du med
200b3 do// ka nas dag pa'i ye shes rang snang ba la/ bslad par bya ba'i chos med do// thabs kyi rgyal por stobs kyi rig pa shar bas/ che ba'i yon tan gzhan gyis dpag tu med do// shes rab zab mo chu bo gang gA'i
200b4 rgyun bzhin mi 'chad pas/thugs rje la dbri bkol med do// rig pa ye shes su gsal bas/ dus gsum gyi sangs rgyas dang dbyer mi phyed do// snying rje sna tshogs su snang bas/ khams gsum sems can dang
200b5 'brel lo// rgyu 'byung ba chen po lnga ma spangs gnas su dag pas/ snod bcud kyi gsos byas so// kye rdo rje 'dzin pa nyon cig/ yang dag rdzogs pa'i sangs rgyas la chos med do// ci ste ngan song gi mtha' las
200b6 grol ba'o// yang dag par rdzogs pa'i sangs rgyas la lam med do// ci ste bgrod par bya ba'i mtha' las 'das so// yang dag par rdzogs pa'i sangs rgyas la tshogs bsag tu med do// ci ste dngos po'i mtshan
201a1 ma gang la yang mi gnas pa'o// yang dag par rdzogs pa'i sangs rgyas la sgrib pa sbyang du med do// ci ste nyi ma'i snying po la mun pa'i gzhi med do// zhes rdo rje sems dpa' rin po che za ma tog
201a2 sbrags ma'i man ngag/rdo rje thugs kyi nying khur phyung pa'i le'u zhes bya ba ste drug pa'o///// rgya gar skad du/ bo d+hi tsit+ta buk+ka sUr+Ya nA ma/ bod skad du/ byang chub sems thugs kyi nyi ma zhes
201a3 bya ba/bcom ldan 'das rnam par snang mdzad mngon par byang chub pa nyid la phyag 'tshal lo// byang chub kyi sems thugs kyi nyi ma la bzhi ste/ gzhi yi gnas lugs bstan pa dang/ de la 'khrul pa 'byung ba'i rkyen
201a4 bstan pa dang/'khrul pa bzlog pa'i thabs bstan pa dang/ rang gi ngo bo la 'bras bu dang bcas par bstan pa'o// de la gnas lugs la drug ste/ chos kyi sku'i gnas lugs dang/ rang byung ye shes chen po'i
201a5 gnas lugs dang/sku'i gnas lugs dang/ gsung gi gnas lugs dang/ thugs kyi gnas lugs dang/ dbyings kyi gnas lugs so// rkyen bstan pa la bzhi las/ byang chub kyi sems nor bu dri ma med pa'i
201a6 rgyud dang/thugs kyi nying khur blta ba'o// 'khor ba bzlog na gzhi nas bzlog/ ma rig pa nyid rtsad nas bcad/ rang rig dang po so la bzhag ces 'byung ste/ de'i don la bdun te/ chos kyi mthar gtugs/
201b1 man ngag gi klong brtol/ sems kyi gdar sha bcad/ lam gyi ngo bstan/ skyon gyi mtha' bsal/ spyod pa'i gdeng du gzhug/ 'bras bu med par thag bcad do// de la chos kyi mthar gtugs pa la drug ste/ sku'i ngo
201b2 bor gtugs pa dang/dbyings kyi mur gtugs pa dang/ rgyu'i ngo bor gtugs pa dang/ lam gyi stobs su gtugs pa dang// spang bya'i rgyur gtugs pa dang// 'bras bu'i gdeng du gtugs pa'o// man ngag dag
201b3 gis klong brtol ba la gnyis te/yul gyi ye shes kyi klog brtol ba dang/ yon tan gyi sku'i klong brtol ba gnyis/ yul gyi ye shes kyi klong brtol pa ni/ ye shes lnga ste/ da lta bzhi ldan bya ba grub pa'i ye shes da
201b4 rung med do// cha lnga yin/ yon tan gyi sku'i klong brtol ba la gnyis te/ gzhi'i 'dug tshul bstan pa dang/ yon tan gyi rnam grangs bstan pa'o// gzhi'i 'dug tshul bstan pa la gnyis te/ phreng chad song/ yon tan
201b5 gyi rnam grangs bstan pa brgyad do// sems kyi gdar sha bcad pa la gsum ste// lhag mthong rig pa'i ye shes kyis ma rig pa gdar sha bcad pa dang/ chos spyi dang rang gi mtshan nyid kyis the tshom gyi gdar sha
201b6 bcad pa dang/lam gyi ye shes kyis lam dang ye shes kyi gdar sha bcad pa'o// man ngag gi rdzong chen po gsum la/ 'bras bu'i gter chen po gsum sba ste/ byang chub sems kyi rdzong la thig le nyag gcig gi
202a1 gter sba/thig le phyi nang gi rdzong la kun bzang rol pa'i gter sba/ yid kyi rnam shes kyi rdzong la rang byung ye shes kyi gter sba ste mnyam pa chen po mi g.yo ba'i rgyas btab po// byang chub kyi
202a2 sems thugs kyi nyi ma zhes bya ba/slob dpon chen po ro langs bde bas/ chu bo nai rAny+dza na'i 'gram na/ shing chen po bzhi 'dus pa'i gnas su/ byang chub sems dpa' 'jam dpal bshes gnyen la bka' stsal
202a3 to// stong thun gyi ma gzhi chung shos las man ngag tu bstan pa ste le'u bdun pa'o///// rgya gar skad du/ bud+d+ha pany+tsa tan+t+rA ba bA da ni k+She pa nA ma/ bod skad du/ sangs rgyas kyi rgyud lnga
202a4 gdams par bzhag pa zhes bya ba/b+ha ga bAn 'jam dpal gzhon nur gyur pa la phyag 'tshal lo// thog ma 'das pa'i dus ma 'ongs pa'i sngon rol na/ gsang ba'i rgyud lnga rang bzhin gyi ngo bo chen po lngar gnas
202a5 te/cang mi gsung cang mi grag byed po'i mtha' las 'das so// nga med pa'i dus su snang ba'ang med do// byed pa po nga med la/ dper na snying po myu gur gnas pa bzhin te/ sa bon myu gur gnas pa'i tshe/ sa bon
202a6 kyang med la 'bras bur kyang mi snang bar myu gu 'ba' zhig tu gnas so// de bzhin du bskal pa dang po la sa bon gyi tshul du gnas so// bskal pa bar pa la myu gu'i tshul du gnas so// bskal pa tha ma la 'bras
202b1 bu'i tshul du smin no// kye rigs kyi bu nga 'ongs pa'i dus su rgyud chen po lnga rang la snang la rang las grol/ rang gi rnam pa lnga po yang// rang gi phyag rgya lnga ru snang// de phyir rgyud chen lnga po yang// de phyir don du de
202b2 lngar gsungs// de lnga rnam par grol ba'i lam// de phyir rdo rje 'dzin pa ngas// sems can rnams la phan gdags phyir// dri ma med pa'i drang srong khyod// legs par yid la gzung bar gyis// mgon po dri ma med
202b3 pa ngas// ma skyes pa yi klong yangs nas// gsang ba'i rgyud lnga bstan pa 'di// chos sku gcig la tha dad pas// lnga ru phye ste bstan pa yin// phyag rgya lnga ru bstan pa yang// don du bdag nyid chen po'i sku// rgyud
202b4 chen lnga yi mdor bsdus pa// nor bu dri ma med pa'i rgyud// mgon po nga yis bstan pa yin// de phyir drang srong nga la nyon// legs so legs so mgon po dri med sku// ye shes dri ma med pa'i chos// drang srong
202b5 bdag la bstan du gsol// sems can rnams la sman slad du// bdag gis de bzhin bstan par bya'o// sems can kun gyi rang rgyud la// sangs rgyas kun gyi sku gnas pas// sku ni dri med 'od kyi sku// dngos
202b6 pa'i mtha' las 'das pa yin// thog med rang sa bstan pa'i phyir// sku yi rgyud du bstan pa yin// rnam par snang mdzad khyod la gtad// sems can kun gyi rang rgyud la// sangs rgyas kun gyi gsung gnas
203a1 pas// gsung ni 'gag med tshangs pa'i dbyangs// brjod pa'i mtha' dang bral ba'i phyir// gsung gi rgyud du bstan pa ni// snang ba mtha' yas khyod la gtad// sems can kun gyi rang rgyud
203a2 la// sangs rgyas kun gyi thugs gnas pa// rdo rje lta bur 'gyur ba med// sangs rgyas kun gyi thugs 'dus pas// thugs kyi rgyud du bstan pa ni// rdo rjai mi bskyod khyod la gtad// sems can kun gyi rang rgyud
203a3 la// sangs rgyas yon tan ma 'gags pa// rtogs pa'i don la yid ches phyir// yon tan rgyud du bstan pa yin// rin chen 'byung ldan khyod la gtad// sems can kun gyi rang rgyud la// sangs rgyas phrin las
203a4 'gag med tshang// nam mkha'i mtha' nas nyi shar bzhin// de phyir phrin las rgyas pa'i rgyud// don yod grub pa khyod la gtad// de phyir mgon po dri med ngas// drang srong khyod la gdams pa yin// dper na seng
203a5 ge dkar mo'i 'o ma 'di// rin chen gser gyis 'dzin 'gyur gyis// snod ngan gzhan du blugs pa na// snod 'jig 'o ma 'bo bar 'gyur// de bas gzhan du bstan pa med// kye kye rigs kyi bu khyod nyon
203a6 cig/ngas gdams pa'i chos la don thugs su chud par mi byed cing/ tshig dang sgra phyir 'brengs nas ras chod dang gzu lums su byas na// rdo rje lta bu'i sku rdo rje dmyal ba chen por 'gyur ro// sangs rgyas kyi
203b1 zhing yangs su dag pa yang// 'khor ba'i 'dam rdzab chen por 'gyur ro// tshad med pa'i thugs rje chen po bzhi 'char ba yang/ rtsa ba'i bdud chen po bzhi ru 'gyur ro// chos kyi dbyings mtha' klas pa'i ye shes
203b2 kyang/'khor ba'i mun rum chen por 'gyur ro// sangs rgyas kyi che ba'i yon tan rnam pa lnga yang// rang gi rgyud la dug lnga'i me chen por gyur ro// yid bzhin nor bu rin po che zag pa med pa'i ye shes kyang/
203b3 bdag tu rtog pa'i bag chags kyi gzhi ma rig pa kho nar 'gyur ro// kye rdo rje 'dzin pa nyon cig khyad par du rdo rje theg pa gcig tu bsdus shing// dam du blangs nas rdo rje'i dam dral na// 'jig rten 'dir yang
203b4 mi bde ba dang sdug bsngal dang nad mi bzod pa lus la 'byung zhing// tshe thung rab tu 'phos nas kyang// 'jig rten 'di nas 'das na yang// nye 'brel dag tu skye bar 'gyur// de las tshe ni ma 'phos
203b5 par// dgra yi dam par gyur nas kyang// 'jig rten phyi ma ngan 'gro yi// gnas su yang dag skye bar 'gyur// zhes gsungs so// kye rdo rje 'dzin pa nyon cig/ de bzhin gshegs pa'i sku bstan pa ni// u dum wa
203b6 ra'i me tog lta bu ste shin tu dkon no// lo gcig lo gnyis lo gsum du phyi nang snod bcud brtags la sems kyi dam pa bstan// brgya nang u dum wa ra'i rigs// gcig gam gnyis sam mang na gsum
204a1 yang rung// grong zad mtha' dang nags tshal dgon pa ru// de nyid rnam gsum rna ba sems la sprad// phyi nang gsang ba'i dbang chen rab rdzogs pa// rdo rje lta bu'i sku gsum sprad pa yin// yid
204a2 bzhin gter ston bla ma la// gus pa'i tshul gyis lus dang sraug kyang phul// zhes lung bstan to// de nas rdo rje 'dzin pas zhus pa// kye kye dpal ldan mgon po dri ma med// rgyud kyi skyon yon bstan pa
204a3 legs// rgyud kyi che ba bstan du gsol// kye rdo rje 'dzin pa nga la nyon cig/ rgyud kyi che ba rnam pa lnga// ye shes sku ste rang byung ba// bcom ldan rdo rje dbyings mi bskyod// mun sel sgron me ye shes sku// rdo rje'i sku
204a4 ste sku yi rgyud// ye shes sku ste dri ma med// rgyud kyi dang por bzhag pa yin// mtshan gyi sgo nas che ba ni// smag mun rum du nyi shar zhes bya ste/ rgyud kyi che ba'o// sku gsung thugs kyi don ston pa// rdo rje rtse mo 'dus
204a5 pa'i rgyud// 'gag med rdo rje sems dpa'i sku// ma 'gags shes rab sbyor ba ni// rig pa'i khu byug gsung gis bshad// rdo rje lcags kyu pad+ma'i rgyud kyi che ba'o// rdo rje lta bu'i ye shes ni// nam mkha' lta bur
204a6 dngos po med// gol sgrib rtag chad mtshan ma'i yul mi gnas// gnyen pos mi shigs rkyen gyi dbang gyur min// dge dang sdig pa de yi sbyong yul min// rang dbang thabs kyi rdzogs pas rtsal gsum lus la
204b1 tshang// mtho dman klong du mnyam pas ye shes bdag med sku// sa dang lam gyis bgrod min ye shes mig gcig dri ma med// rtsol bsgrub zil gyis gnon pas bde 'byams ye shes sku// byang chub sems seng ge
204b2 'khyil pa'i rgyud kyi che ba'o// sangs rgyas che ba'i yon tan sku gsung thugs// sangs rgyas rol pa ma 'gags ye shes lnga// sangs rgyas thugs rje ma 'gags 'byung ba lnga// sangs rgyas mdzad spyod spyan mnga' bcu
204b3 drug pad+mor 'khyil// dgos dgu rang la rdzogs pas nor bu rin po che// mtshan mchog so sor bstan kyang yon tan gcig tu snang// sku gcig kun tu khyab pas snang gsal thugs rje 'od kyi me/ zhes pa ni rgyud kyi
204b4 che ba'o// nam mkha' stong la lho sprin gtibs pa bzhin// chos sku gcig la yon tan don brjod pa// sku gsum rgyal ba'i dgongs pa mthar phyin sku// rgya mtsho che la chu bran 'du ba bzhin// byang chub sems la ye
204b5 shes dpag med 'du// ma spangs ma blangs ched du byar med kyang// byang chub sems kyi rang bzhin de bzhin nyid// bstan pa'i snying po gang na gnas pa na// dus gsum bde gshegs rnams kyang rang bzhin
204b6 yongs kyis 'du// gang zhig bstan pa'i snying po med pa na// dus gsum bde gshegs rnams kyang mi chags mi gnas so// sku gsung thugs kyi rgyud chen gnas pa na// chos rnams kun kyang de bzhin nyid la
205a1 sbyor// yon tan phrin las 'bras bu mthar phyin sku// rgyu 'bras chos sku shes rab pha rol phyin// rdo rje rgya gram mkha' dbyings dag dang sbyaur// phrin las mthar phyin pa ye shes kyi rgyud kyi che
205a2 ba'o// byang chub kyi sems rdo rje rtse mo 'dus pa'i rgyud ces bya ba/ gdams pa bstan pa dang/ rgyud kyi che ba bstan pa'i le'u ste brgyad pa'o//// bde gshegs rgyal ba'i man ngag don bstan pa// mchod
205a3 pa'i phyag rgya gsum gyis rang don sprad// grong zad mtha' dang nags tshal dgon pa ru// maN+Dal 'dom gang gru bzhi logs brtsigs te// spos dang tsan+dan dri chu gtsang dang 'o ma dang// ba yi rnam lngas byi dor
205a4 legs byas la// me tog 'bru dang rin chen tshom bus bkang// de nas nub gsum tha ma la// maN+Dal khrag dang chang gis chag chag gdab// mchod pa'i yo byad tshogs dang rol mos mchod// Ar+ya sarba a pri ta tsa
205a5 kra e ka sa pa ri b+ho d+he pa rta a pri ti tsa kra e ka ma hA ma ni sa da nA lo ga d+harmA d+hA du a pri ti tsa kra e ka/dri ba dang po la tshogs bsags/ de nas thog ma'i sangs rgyas ngo sprad/ de nas sku gsum gyi snang ba ngo sprad/
205a6 de nas rgyud dang man ngag gi ngo sprad do// rig pa rtsal gyi dbang bskur te man ngag tu shes par bya'o// nor bu dri ma med pa'i rgyud kyis dbang bskur/ lung gser gyi phur bas gdams ngag gi mjug bcad/ lung
205b1 ma bstan pa'i spyod pa rnam par dag pa'i ye shes so// chos su snang ba ni sems can gyi lung ngo// sangs rgyas la chos med do// chos kyis sangs mi rgya'o// chos kyis bde ba tsam thob par nus kyi/ chos las
205b2 'das pa na rnam par grol zhes dga' rab rdo rjes gsungs so// da ni byang chub sems dpa' rnams mi g.yo ba'i sa las/ sngon gyi thugs dam dbang gis spyan drang bar bya ste/ ma g.yel ma 'phangs ye shes
205b3 lha// rgyal po'i pho brang dag dang rin chen yod pa na// btsan khrom dmag dpung tshogs kyang de na rab tu 'du ba bzhin// gang zhig bstan pa'i snying po med cing ma chags mi gnas gnas de na// dam can rgya mtsho'i
205b4 tshogs kyang de na yongs mi 'du// gang zhig bstan pa'i snying po chags shing yod pa na// dam can rgya mtsho'i tshogs kyang de na rab tu 'du// nyi ma'i snying po gang na shar ba na// 'od zer mang po 'phro zhing 'du ba
205b5 ltar// byang chub sems kyi dgongs pa gang na gsal ba na// rgyal ba zhi khro'i tshogs kyang de na rab tu gsal// nam mkha'i mthongs la lho sprin gtibs pa bzhin// dam can rig 'dzin tshogs kyang rab tu
205b6 'du// rgya mtsho chen por chu bran 'du ba bzhin// ma sring rgya mtsho'i tshogs kyang 'du zhing gshegs// lhun gyis grub pa'i rig 'dzin ma g.yel cig/ phyag rgya ma skyes de bzhin gshegs pa'i rig 'dzin dang// bdud
206a1 rtsi sman gyi rig 'dzin dang// bsgrub pa chen po'i rig 'dzin ma g.yel cig/ 'bras bu sa smin rig 'dzin ma g.yel cig/ yo ga tshe yi rig 'dzin ma g.yel cig/ slob dpon dga' rab rdo rje
206a2 dang// slob dpon 'jam dpal bshes gnyen gyis// bya rgod phung po'i ri bo la// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// de yi 'khor du ma mos chad
206a3 pa ci ste gcod// rgyal po d+ha na ta lo mtshan sgra 'di rnams yig skyon yod 'dra bas dpyad dang// sras thu bo rA dza ha sti yis// chu bo gang gA'i brag phug tu// byang chub sems kyi dgongs pa gsal ba bzhin// de dang mthun
206a4 par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// klu yi rgyal po 'jog po dang// gnod sbyin bu mo byang chub kyis// chu bo ngos 'dzin brag phug tu// byang chub sems kyi
206a5 dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin gyis rlobs/ kha che'i mkhan po rab snang dang// smad 'tshong ma ni bdag nyid mas/ kha
206a6 che'i yul he chen brdal ba'i dur khrod du// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dky-il 'khor gyis byin gyis rlobs// u rgyan
206b1 mkhan po ma hA rA dza dang// sras mo go ma de byi yis// u rgyan gyi yul a su ra yi brag phug tu// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang
206b2 ba thugs kyi dkyil 'khor gyis byin gyis rlobs// A tsar+yamar me mdzad dang// drang srong chen po b+ha She tas// ri rab rta rna 'dzin gyi brag phug tu// byang chub sems kyi dgongs pa gsal ba bzhin// de dang mthun
206b3 par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// A tsar+Ya rA dza dang// smad 'tshong ma sangs rgyas dngos grub kyis// za hor yul gyi dur khrod mtha' yas ri yi brag phug
206b4 tu// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// slob dpon ku ku rA dza dang// srin po pu ru shas
206b5 sA la'i yul// gsang chen rol pa'i dur khrod me ri 'bar ba'i brag phug tu// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin
206b6 gyis rlobs// slob dpon 'jam dpal phyi ma dang// rgyal po de ba rA dza yis// chu bo nai rany+dza na'i brag phug tu// byang chub sems kyi dgongs pa gsal ba bzhin// de dang mthun par rnal
207a1 'byor bdag bsgrub na// gsang ba thugs kyi dkyil 'khor gyis byin gyis rlobs// slob dpon bud+d+ha gup+ta dang// swA sti dpal phrang ma zhes pas// dur khrod chen po bsil ba'i tshal// g.ya' ri gong
207a2 gi brag phug tu// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// slob dpon shrI sing ha dang// dge
207a3 slong ma ni kun dga' mos// sing ha'i yul dur khrod chen po sku la rdzogs// sin+d+hu rgya mtsho'i klong dkyil brag phug tu// byang chub sems kyi dgongs pa gsal ba bzhin// de dang mthun par rnal 'byor bdag
207a4 bsgrub na// gsang ba thugs kyi dkyil 'khor gyis byin gyis rlobs// slob dpon bi ma mi tra dang// slob dpon gnya' na ku mA ras// rgya nas bod du byon pa'i tshe// bal yul yangs le shod kyi brag phug tu// byang
207a5 chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// slob dpon bai ro tsa na dang// rgyal mo g.yu sgra snying po
207a6 yis// tsha ba yul gyi mkhar shod du// byang chub sems kyi dgongs pa gsal ba bzhin// de dang mthun par rnal 'byor bdag bsgrub na// gsang ba thugs kyi dkyil 'khor gyis byin gyis rlobs// btsan po khri
207b1 srong lde'u btsan dang// nyang ban chen po sha yi spyan dang ldan pa yis// mchims phu bre gu dge 'u'i dben rtsa ru// byang chub sems kyi dgongs pa brnyes pa ltar// de dang mthun par rnal 'byor bdag bsgrub
207b2 na// gsang ba thugs kyi dkyil 'khor gyis byin gyis rlobs// de yan chad rgya bod 'brel pa'i chos so// de man chad rim gyis skul ba man ngag dang sbyar ro// byang chub kyi sems rdo rje rtse mo 'dus pa las
207b3 gdams pa bsgrub pa'i dus/tshogs kyi 'khor lo bskor ba dang/ rgyud 'dzin pa'i byang chub sems dpa' rnams/ chos kyi dbyings kyi pho brang nas skul ba'i le'u ste dgu pa'o//// bcom ldan 'das
207b4 dpal rdo rje sems dpa' la phyag 'tshal lo// ston pa dga' rab rdo rje ngas// bya rgod phung po'i ri bo la// lcang lo can gyi pho brang du// rdo rje sems dpa'i thugs brtol te// byang chub sems kyi lde mig
207b5 gis// gsang ba'i man ngag sgo phye nas// rgyud sde lnga yi rta pho la// rig pa'i ye shes sga yis bstan// ngo sprod gsum po'i mi pho zhon// shes rab 'gyur med lam du zhugs// 'khor ba'i 'phrang chen brgal nas
207b6 su// yul ni skye ba med pa'i dbyings// mkhar ni 'gyur ba med pa'i mkhar// pha ni rig pa'i rgyal po yin// ma ni shes rab skye med yin// bu ni rang byung ye shes yin// de lta bu yi sangs rgyas la// nga yi rtogs
208a1 pa'i ye shes 'di// 'jam dpal bshes gnyen khyod la gtad// 'od ma'i tshal gy-i nags tshal du// ma spel rang gi sems su zhog/ rdo rje sems dpa'i rgya yis thob// rgya rgya rgya/ de nas rim par
208a2 brgyud pa ni/las 'phro skal bar ldan pa'i lce btsun seng ge bdag/ yi dam lha yi dngos grub thob pa yis// sangs rgyas thugs kyi dgongs pa nyid brgyud pa// sems can ma rig sgo nga'i sbubs 'byed pa// mun
208a3 pa snang bar 'gyur ba'i rgyud sde lnga// mthong ba tsam gyis shes rab pha rol phyin// sangs rgyas 'dus pa'i sku gsung thugs kyi rgyud// bskal pa bgrangs nas gter gsum brgyud pa yin// mi nub rgyal mtshan
208a4 gter gyi 'byung gnas 'di// sa dang lam du bgrod pa'i chos min te// shes rab rmongs pa 'chi bdag bdud pas 'jigs// skal ldan rnams kyi btsas su bzhag pa yi// gsang ba'i rgyud gsum man ngag ma
208a5 khrol bar// sems smad bcwo brgyad 'chad pa'i ston pa ni// rang bzo'i rig pas lce la zhing du rmo// gsang ba'i rgyud gsum shes rab mtha' bkrol nas// bcwo brgyad dkyus dang don du sbyor shes na// rin chen
208a6 gser la g.yu yi phra bcug 'dra// man ngag snying gi po ti smug chung gnyis// rlung dang ser bum thos su mi rung ste// sangs rgyas spyan gyi dbyings su sbas te bzhag/ rdo rje sems dpa'i rgyas btab po// thugs kyi
208b1 dgongs pa shes rab blo ldan pa// dad ldan brtson 'grus che ba'i bsgom pa la// nyid nas nyid du gdams te rgya yis btab// sems smad bcwo brgyad man ngag mdor bsdus pa// blo ldan shes rab can la bstan
208b2 par bzhag/ces rdo rje rtse mo 'dus pa'i rgyud las/ gang zag la gtad par bstan pa'i le'u ste bcu pa'o//// gsung gi rgyud rdo rje rtse mo 'dus pa zhes bya ba/ slob dpon bi ma la dang/ lo ts+tsha ba ska cog
gsum gyis bsgyur cing zhus te gtan la phab pa rdzogs so/

CLOSE WINDOW