293b3 nyi zla kha sbyor nyid la ma bu drug/// gragyaglaTaH/ rgya gar skad du/ ma hA siM ha pa rA kra ma pUr+N+Na tan tra nA ma/ bod skad
293b4 du/seng ge rtsal rdzogs chen po'i rgyud ces bya ba/ bcom ldan 'das drag po rtsal gyis rnam par gnon pa nyid la phyag 'tshal lo// 'di skad bdag gis bstan pa'i dus gcig na/ e ma ho// sems can kun gyi
293b5 rang rgyud la// sangs rgyas kun gyi ye shes sku// 'gyur ba med par lhun gyis grub par rdzogs// de ston ye shes chen po'i lung// 'di bshad pa yis grol bar 'gyur// de skad ces gzugs med pa'i skus/
293b6 bsam pa dang bral ba'i shes rab la gzigs te/ yul chos kyi dbyings kyi pho brang na/ rig pa ma bkod par snang ba nas/ gsungs so// gsung ngo// gsung bar 'gyur ro// 'di skad bdag gis thos pa'i dus gcig na/
294a1 rig pa'i ye shes/ bkod pa rin po che'i gzhal yas khang na 'gyur ba med pa rang bzhin gyis rnam par dag pa'i sku lnga dang thabs cig tu bzhugs so// de nas bcon ldan 'das dpal
294a2 kun tu bzang po/chos nyid mngon par snang ba'i ting nge 'dzin las bzhengs te/ dgongs pa rang gnas ye shes chig chod kyi lta ba 'di gsungs so// e ma ho// ngo mtshar che ba'i lta ba/ rang rig pa'i ye shes
294a3 kun tu bzang po/chos nyid gdod ma'i dbyings las ma g.yos pa'i chig chod blta ba ngas bstan gyis rdo rje sems dpa' la sogs pa'i 'khor rnams nyon cig/ blta ba rang snang gi ye shes ngos gzung gi mtha'
294a4 las 'das kyang/thugs rje rang snang gi rol pa ma 'gag pas/ ye nas blta ba rang byung gi ye shes la 'gags pa med do// dgongs par rang gnas gyi ye shes la rtogs mtha' med do// e ma ho// rigs kyi
294a5 bu yang dag par rdzogs pa'i sangs rgyas kyi dgongs pa ma nor bar bstan na// dgongs pa ye shes chen po lngas/ ye shes kyi don ma 'gags par gsal te/ de yang dgongs pa lnga gang zhe na/ ri bo spyi bcings kyi
294a6 dgongs pas blta ba la la bzla bar bya'o// ye shes spyi blugs kyi dgongs pas sa gzung bar bya'o// thig le mthong brtol gyi dgongs pas snang ba 'char tshul brtag par bya'o// nyi zla khad mnyam pa'i dgongs
294b1 pas don la bskyal bar bya'o// rgya mtsho klong brdol gyi dgongs pas rig pa dbyings la bskyal bar bya'o// e ma ho// rigs kyi bu/ sangs rgyas kun gyis dgongs pa lnga// 'gag med tshul gyis yongs la
294b2 khyab// ye nas klong 'byams dgongs pa las// lhag mthong rig pa'i ye shes skyes// de tshe rang gi bden pa mthong// de las rig pa'i me tog skyes// des ni skye med pha rol phyin// lta ba ye shes don la
294b3 rtog/rtog na gsang sngags skye mi 'gyur// mtshan ma'i sems la don btsal bas// don med 'khor ba'i sdug bsngal thob// rang rig ye nas dgongs pa nyid// yul du mi snang kun la rol// rnam rtog med pa'i
294b4 nam mkha' la// bya byed med pa'i rig pa gsal// 'dzin pa med pa'i rang snang la// lta byed med pa'i lta ba gsal// rtogs mtha' med pa'i shes rab la// rtog med rang sangs bsgom pa gsal// bgrod med
294b5 stong pa'i ye shes la// ma 'gags zhen med spyod pa gsal// 'byung ba ye shes sa bon la// rang snang bzlog med 'bras bu gsal// sangs rgyas ye shes gsal bas mdzes// lhang nge lhan ne don gsal
294b6 ba'o// de nas rnam par snang mdzad kun rig chos kyi rjes 'di skad ces gsol to// kye kye ston pa kun tu bzang po/ sangs rgyas dang ye shes kyi mnga' bdag/ thugs rje rang snang gi dgongs pa dang ldan pa/
295a1 bdag cag mos pa'i 'khor rnams la thig le rnam pa lnga'i don ci lta bu lags/ gsung du gsol/ de nas ston pa kun tu bzang pos ting nge 'dzin rang gnas kyi don las bzhengs nas/ rigs kyi
295a2 sangs rgyas rnams la bka' stsal pa// kye rigs kyi bu 'khor gyi byang chub sems dpa' dang bcas pa rnams nyon cig/ ngas dgongs pa lnga'i don ma nor bar bstan gyis nyon cig/ legs par nyon cig/ ri
295a3 bo spyi bcings kyi dgongs pa shar ba'i dus na/rdzogs chen gyi lta ba mthar phyin te/ dbang po rab 'bring tha ma gsum la/ lta ba rnam pa gsum 'char te/ dbang po rab ye shes kyi snang ba lhug par shar ba'i lta ba
295a4 ni/rang gi ye shes rtog med kyi rig pa sku dang bcas par rtogs shing/ de'i tshe dgongs pa ni gsal ba la mi g.yo ba rgya mtsho la gza' skar shar ba lta bu'o// spyod pa ni 'gag med shugs 'byung gi spyod pa nam
295a5 mkha' la mdung bskor ba lta bu'o// 'bras bu ni skye med rang byung gi snang ba mthong ba'o// dbang po 'bring gi lta ba rang gi rig pa skye med du 'dug pa tsam zhig rtogs pa'o// dgongs pa ni rgya mtsho la dar chags pa
295a6 lta bur rnam rtog gi phyogs dang bral ba'o// spyod pa ni ma bkag lhug pa smyon pa lta bu ste// snang ba la thogs rdug med par spyod pa'o// 'bras bu n-i mtshan ma zil gyis gnon pa rang gnas kyi dgongs pa dang ldan
295b1 pa'o// dbang po tha ma'i lta ba ni/ snang ba 'di sgyu ma'am/ smig rgyu'am/ sprul pa lta bur rtog pa'o// dgongs pa ni rang gi snang ba ngo sprad pas/ bar do la ye shes 'char bar shes pa/ seng phrug mngal rgya dang bral
295b2 ba lta bu ste/sbubs kyis ye shes bsgribs pa mthong ba'o// spyod pa ni 'khor 'das gnyis 'dzin gyi spyod pa dang ldan pa'o// 'bras bu n-i lus bor nas rang bzhin sprul pa sku'i zhing khams su dbugs 'byin pa'i
295b3 'bras bu 'thob pa'o// ye shes spyi blugs kyi dgongs pa skyes pa'i dus na yang gang zag rab 'bring tha ma gsum gyi lta stangs gsum du 'byung ste/ dbang po rab kyis dbang bskur ba de nyid skye med kyi 'bras bu
295b4 rang chas su bstan par rtogs so// dgongs pa ni sbyor ba'i shes rab kyis stong pa'i thig le la rgyas btab pas bde ba chen po mkha' mnyam gyi dgongs pa las ma g.yos pa'o// spyod pa ni byang sems dkar
295b5 dmar la gtsang sme med par spyod pa'o// 'bras bu ni rigs kyi sa'i de bzhin nyid mthong ba'o// dbang po 'bring gi lta ba ni/ snang ba rig pa'i stobs su gyur pa tsam zhig gi blta ba rtogs pa'o// dgongs pa ni
295b6 gsal la ma yengs pa nyi zla zung du 'brel ba lta bur gnas so// spyod pa ni yang dag pa'i chos nyid rnal 'byor gyi ngang la spyod pa'o// 'bras bu ni skye shi med pa'i de bzhin nyid thob pa'o// dbang po tha ma'i lta ba
296a1 ni/dbang bskur ba'i yon tan rgyas par 'byung bar rtogs so// sgom pa ni lha'i sku mtshan ma can la brten te bsgom pa'o// spyod pa ni chos nyid kyi rol par spyod pa'o// 'bras bu ni yon tan gyi sgo
296a2 nas sangs rgyas thob bo// thig le mthong brtol gyi dgongs pa shar ba'i tshe/ yang dbang po rab 'bring tha ma gsum la/ mthong snang mi mthun pa gsum du 'char te/ de yang 'di lta ste/ dbang po rab kyi lta ba ni/
296a3 dper na skar mda' nam mkha' la rgyug pa lta bur ye shes kyi rtsal yon tan du shar nas/ skad cig ma gsum la grol par rtogs so// dgongs pa ni bar snang la nyi ma shar ba lta bur gsal ba zang thal kun
296a4 la khyab par gnas so// spyod pa ni ye shes kyi sku rnam par dag pa la longs spyod do// 'bras bu ni skad cig ma gsum la ka dag gi sar de bzhin gshegs pa'o// dbang po 'bring gi lta ba ni/ chos nyid kyi bde ba
296a5 zag med chen po'i snang ba khad kyis skye bar rtogs so// dgongs pa ni skad cig re re la mthong ba'i yul khyad par can re re mthong bas/ rtogs pa khyad par can re re skye ba dang/ chos kyi sku'i snang ba re re mthong
296a6 ba dang/thugs ka'i de bzhin nyid rnam par dag pa'i dgongs pa la gnas so// spyod pa ni rang gi thugs ka'i zer thag dang gnyis su med par spyod do// 'bras bu ni rang gi rig pa'i snang ba skye ba med pa'i chos
296b1 skur mthong ba'o// dbang po tha ma'i lta ba ni/ ye shes dag pa'i snang ba la nga las pha gi byung ngam/ pha gi las nga byung ngam snyam par rtogs/ dgongs pa ni snang ba nyid la mthong byed med par gnas/ spyod pa ni the
296b2 tshom dang yid gnyis kyi spyod pa dang ldan pa'o// 'bras bu ni rang bzhin sprul pa'i sku'i zhing khams su dbugs 'byin pa'i 'bras bu thob pa'o// nyi zla khad mnyam pa'i dgongs pa klong brdol ba'i dus na/ de yang
296b3 dbang po rab 'bring tha ma gsum la mthong snang rnam pa gsum du shar te de yang dbang po rab kyis lta ba ye shes zang thal du rtogs so// dgongs pa ni 'gag med ye shes chu bo'i gzhung lta bu dang mi 'bral
296b4 ba'o// spyod pa ni ye shes chen po'i mdzad pas rol pa ma 'gags par spyod do// 'bras bu ni thabs dang shes rab gnyis sbyor ba dang sgrol ba rnam pa gnyis te/ gzhi 'du 'bral med pa'i 'bras bu 'thob
296b5 bo// dbang po 'bring gi blta ba ni dbyings dang ye shes gnyis med par rtogs so// dgongs pa ni thabs dang shes rab gnyis su med pa'i rang bzhin bar snang la nyi zla shar ba lta bu'i dgongs pa la gnas
296b6 so// spyod pa ni bde ba chen po'i gsang ba'i thig le dkar dmar la spyod do// 'bras bu ni rigs kyi sangs rgyas lnga'i sbyor ba'i lhums su sangs rgyas pa'i 'bras bu thob pa'o// dbang po tha ma'i lta ba ni/ yab
297a1 yum gyi sbyor ba'i byang chub kyi sems sprul pa'i rgyu mtshon pa'i lta bar rtogs so// dgongs pa ni lha'i rang bzhin snying po dran pas/ ting nge 'dzin gsal ba'i dgongs pa dang ldan pa'o// spyod pa ni
297a2 sman lnga bdud rtsi lnga la spyod pa'o// 'bras bu ni bar do la yi dam lha'i sgyu lus bzung ste/ snang ba dag pa'i 'bras bu thob pa'o// rgya mtsho klong brdol gyi dgongs pa shar ba'i dus na yang/ dbang po gsum la
297a3 mthong snang mi mthun pa gsum 'char te/de yang dbang po rab kyi lta ba ni/ ye shes chen po'i mdzad pas/ ci snang rang gi snang ba nyid du rtogs so// dgongs pa ni snang ba la chags zhen chung ba chang gis ra ro ba
297a4 lta bu'i dgongs pa dang ldan pa'o// spyod pa ni 'khor ba nyid mya ngan las 'das par spyod pa'o// 'bras bu ni snang ba la mi gnas pa'i ye shes chig chod du skye ba'i 'bras bu thob pa'o// dbang po 'bring gi lta ba ni/
297a5 gsal ba zang thal ye shes kyi skur rtogs pa'o// dgongs pa ni drag la yun thung ba 'bab chu lta bu'i dgongs pa dang ldan pa'o// spyod pa ni kun gyi spyod yul ma yin pa ri dgas lta bu'i spyod pa dang ldan
297a6 pa'o// 'bras bu ni stong pa'i ye shes kyi snying po mthar phyin pa'i 'bras bu thob pa'o// dbang po tha ma'i lta ba ni/ 'khrul pa'i snang ba khad kyis sangs par 'dod pa'o// dgongs pa ni lha dang mi'i sems 'dzin la
297b1 gnas so// spyod pa ni bcos ma gnyis 'dzin gyi spyod pa dang ldan no// 'bras bu ni lha dang mi'i rigs mthong 'thob pa'o// e ma ho// rigs kyi sangs rgyas sems dpa' dang bcas pa rnams nyon cig/ yang
297b2 dag pa'i sangs rgyas kyi lam lnga shes par bya ba'i thabs ni/thig le rnam pa lnga'i ye shes la mkhas par bya'o// de yang ye shes chen po'i dgongs pa lnga dang/ thig le'i snang ba lnga mthar phyin na/ chos thams cad
297b3 kyi de kho na nyid gsang sngags thugs su chud pa'o// de yang dgongs pa'i gsang ba thugs kyi nying khu ni/ rnam pa lngar shes par bya ste/ ri bo spyi bcings kyi dgongs pa ni/ seng ge rnam par bsgyings pa lta bu'o// ye
297b4 shes spyi blugs kyi dgongs pa ni/rgyal rigs spyi bo nas dbang bskur ba lta bu'o// thig le mthong brtol gyi dgongs pa ni/ rma bya'i phru gu sgo nga nas thon pa lta bu'o// nyi zla khad mnyam pa'i dgongs pa ni/ nyi ma
297b5 dang zla ba gnyis su med par snyoms par zhugs pa lta bu'o// rgya mtsho klong brdol gyi dgongs pa ni/ ri rab kyi mgul nas nyi ma shar ba lta bu'o// de dag ni dpe chen po lngas ye shes kyi snang ba bstan pa'i thabs
297b6 so// dgongs pa'i gnas gang yin pa de ni 'bras bu'i tshad du bstan pa'o// zhes seng ge rtsal rdzogs chen po'i rgyud las/ dgongs pa lngas ye shes mtha' la skyel ba'i le'u ste dang po'o/// n+waa?a+ya/// de
298a1 nas yang rigs bzhi la gnas pa'i sangs rgyas rnams kyis/bcom ldan 'das dpal kun tu bzang po la 'di skad ces gsol to// kyai kye bcom ldan rig pa'i ngang// yang dag don gyi gtan
298a2 tshigs rnams// mos pa'i 'khor la gsung du gsol// zhes zhu ba zhus so// de nas yang rang rig stobs kyi lhas bka' stsal pa// kye ma rigs bzhi'i ye shes bzhi/ nga yi dgongs pa rang gnas nyid// khyed la
298a3 rgyas par bstan par bya// ma yengs tshul gyis gus pas nyon// sna tshogs sems kyi rtog pa sol// yang dag don gyi gtan tshigs ni/ khams gsum sems can thams cad la// rang rang snying gi dkyil na
298a4 gnas// snying po ye shes sum brtsegs te// de yang ngo bo sgrib med de// sems can rab rib blo yis bsgribs// de yang blo la snang lugs dang// rtogs pa'i dus na 'char lugs so// blo yi yul la 'dzin pa
298a5 ste// rtogs pa'i dus na rang snang ngo// sangs rgyas ye shes sems dpa' yis// rang gi lus la rdzogs par bshad// sna tshogs blo yi the tshom rnams// bsal phyir rgyud 'di bshad pa yin// sems can kun gyi
298a6 rang lus la// sangs rgyas kun gyi sku gnas pa// sku ni dri med 'od kyi sku// rnam par snang mdzad chos dbyings bdag/ sangs rgyas kun gyi rang bzhin yin// sems can kun gyi rang rgyud la// sangs rgyas kun gyi
298b1 gsung gnas pa// gsung ni 'gag med tshangs pa'i dbyangs// snang ba mtha' yas rang byung sku// sems can kun gyi rang rgyud la// sangs rgyas kun gyi thugs gnas pa// thugs ni rtog med 'khrul pa zad// rdo
298b2 rje sems dpa' skye 'jig bral// sems can kun gyi rang rgyud la// sangs rgyas kun gyi rgyu gnas pa// rgyu ni 'khrul med thig le bzang// rin chen 'byung ldan zad med gter// sems can kun gyi rang rgyud
298b3 la// sangs rgyas kun gyi spyan gnas pa// spyan ni sgron ma 'gag med spyan// don yod grub pa rtog med lam// sems can kun la gnas pa'o// e ma ho// sangs rgyas dgongs pa zab mo 'di// yang dag chos
298b4 nyid rtog med lam// 'byung ba lnga yi dri ma bsal// rnam rtog bag chags 'byung mi srid// 'byung ba lnga yi phra rags kyis// ye shes lnga yi rang gdangs bsgribs// ma rig nyon mongs rtsa ba yis// rig pa'i ye
298b5 shes me tog bsgribs// dri ma lnga yi klong dkyil du// stong pa nyid kyi ye shes bsgribs// snang ba'i ye shes ngang gis gsal// 'byung ba lnga yi ye shes la// rnam dag stong pa'i ye gdangs gnas// snang ba'i phyogs
298b6 kyis ma bsgribs par// rang 'od gsal na rtogs pa'i mchog/ mtshan ma'i yul la mi gnas na// yang dag kun tu bzang po'i thugs// rang gi rgyud la skyes pa yin// rig pa'i ye shes rang byung la// chad pa'i
299a1 yul snang ga la yod// gsang ba'i rig pa gnyis snang bral// rtogs pa'i thugs rjes las mi 'grub// drang srong chos nyid bden mthong na// sangs rgyas dgongs pa de las med// bden pa gnyis
299a2 kyis ye nas rtogs// bden pa gsum gyis rang don rnyed// bden pa bzhi yis snang ba mthong// bden pa lnga yis chos sku shes// bden pa drug gis rang lus mthong// bden pa bdun gyis de nyid thob// bden
299a3 pa brgyad kyis rtogs pa rnyed// bden pa'i chos nyid rnam dgu yis// rang gi ting 'dzin brtan pa thob// bden pa bcu yis sangs rgyas mthong// bden pa bcu gcig sa lam bgrod// rnam pa bcu gnyis rtogs
299a4 dang ldan// de don rnam pa bcu bzhir ldan// rnam pa bco lngas mkha' la bskyod// de nyid rnam pa bcu drug rig/ bcu bdun rnam pas pha rol phyin// bco brgyad chos nyid bden pa mthong// bcu dgu rang gi yul
299a5 dang 'phrad// rnam pa nyi shus byang chub pa// rnam pa kun rig sangs rgyas mchog/ des ni pha rol bgrod pa'o// e ma// rtog med rang sangs rnyog pa med// 'dzin med rang grol phyogs ris med// rnam par rtog
299a6 med mkha' la rol// skye med chos nyid mnyam pa nyid// yang dag chos la sgro btags med// bsam 'das brjod med ngo bo ni// rnam rtog phyogs su ma lhung ba// rtog med sku la yang dag blta bar bya// mnyam pa
299b1 nyid kyi shes rab yid med la// snang ba med pa'i chos nyid kun tu bzang// skye 'gag med pa'i rang bzhin bde ba'i sku// dmigs pa med pa'i ting 'dzin chos las grol// bsam 'das dngos po'i yul la
299b2 bdag 'dzin med// sangs rgyas kun gyi ye shes 'od 'bar ni// nyi ma'i zer bzhin kun la snyoms par gnas// thugs rje mnyam nyid sgron ma'i zhags pa ni// 'char byed ma 'gags dbang po'i yul las
299b3 log/yul sems gnyid med rang byung dgongs pa ni// rtog med chos sku rang gsal chen po'i ngang// mnyam nyid dngos bral sangs rgyas dgongs pa ni// ye shes rang snang chos sku'i mkha' la rol// spros
299b4 bral rig pa nam mkha'i mtha' dang mnyam// spyod pa stong yul 'dzin med rang sar grol// dgongs pa rang gnas ting 'dzin cog bzhag dang// dngos med rang snang dkyil 'khor kun gyi dngos// 'gyur med
299b5 rang sangs chos nyid kun gyi yul// bde chen rig pa'i sa bon 'od po che// rang snang yul la mi rtog gcig tu lhang nge gnas// dpyod pa yid kyi rnam rtog bral ba ni// gsang sngags gtan tshigs chen po nga yis
299b6 bshad// sangs rgyas dgongs pa yang dag gcig pu nyid// so so rang rang bden pa'i yul la 'jug/ bltar med g.yengs bral nyid kyi sku la rnam par bltas// spyad med spyod pa nyid gyi ting 'dzin ngang la
300a1 bzhugs// bsgom med bsgom bral nyid kyi ngo bo bzung// 'da' med bsrung mtshams bral ba'i nyams len bya// rang snang chig chod nyid kyi rjes su 'brangs// stong pa kun khyab yul dang lhan cig
300a2 gnas// rtog med phyogs sangs nyid kyi mkha' la gsal// bde ba dngos bral chos nyid yul la 'jug/ bcos pa med pa'i ting 'dzin rang snang yul// zhe 'dod med pa'i bsgom pa mkha' la gsal// 'dzin
300a3 chags med pa'i blta ba yul dang bral// rtog pa med pa'i chos nyid dri ma sangs// the tshom med pa'i sku gsum mngon par snang// 'dzin chags med pa'i sbyin pa yul la 'gyed kyang las 'das// dri ma med pa'i
300a4 tshul khrims rnam par dag/rtog zhen med pa'i bzod pa yul la snang// som nyi spangs pa'i brtson 'grus ngang las 'byung// thun mtshams med pa'i bsam gtan snang mtha' yas// mngon snang sku yi shes rab pha
300a5 rol phyin// yul dang sems med thabs kyi ngang la gnas// zhe 'dod bral pa'i smon lam rang la rnyed// dmigs pa med pa'i ye shes pha rol phyin// gza' gtad med pa'i stobs la rnam par gnas// bya bral
300a6 rdzogs pa'i sa la kun tu chub// g.yeng ba med pa'i chos nyid gting mtha' yas// gcig dang du mar snang ba'i bsam gtan med// rang gi yul la chos nyid ma dang 'phrad// bden pa'i stobs kyis sangs rgyas sku
300b1 la 'jug/mched pa dang ni sku yi 'od zer 'phro// snang ba rtsal gyi 'byung ba mkha' la 'khyil// yin pa tsam gyis blo yi the tshom bsal// de ni rang gi yul du kun tu bzang pos bstan// rig pa'i zhal ni ma
300b2 'gags phyogs bcur gsal// rig pa'i sku la che dang chung ba med// rig pa'i snang ba phyogs dang ris su med// rig pa'i ye shes yul la rnam par snang// rig pa'i sa bon 'phel dang 'grib pa med// rig
300b3 pa'i ngo bo rtogs dang ma rtogs med// rig pa'i chos nyid nga dang bdag tu med// rig pa nyid la dus gsum g.yo ba med// rig pa'i cho 'phrul sna tshogs cir yang ston// rig pa'i ngo bo gcig la 'gyur ba
300b4 med// rig pa'i rang bzhin tha snyad gcig tu sdud// rig pa'i dngos po sku dang 'od du shar// rig pa'i sgron ma yul dang lhan cig gnas// rtog pa med na chos nyid don dang phrad// chos kyi sku la 'khrul rtog ga la
300b5 yod// longs spyod sku la ngar 'dzin ngang gis med// sprul pa'i sku la zhe 'dod med par bstan// rig pa'i sku la gsal 'grib yongs kyis med// sems kyi sku ni sna tshogs cir yang 'dzin// yid kyi sku ni sna
300b6 tshogs gcod par byed// ma rig sku ni thams cad sdud par byed// de dag de phyir 'khrul pa'i sku yin no// rig pa'i sku ni 'di lta ste// yang dag sku la snang srid chos rnams gsal// rdo rje'i sku ni ma skyes gdod
301a1 nas rdzogs// stong pa'i sku la ngos bzung ga la yod// 'od gsal sku la mtshan ma'i rnam rtog med// ye shes sku la gsal dang mi gsal med// rang snang sku la nyon mongs bsam pa med// chos nyid
301a2 sku la yin min rtsis dang bral// rig pa'i sku la bdag rtog yid dang bral// dbyings kyi sku la rgya chad phyogs dang bral// sangs rgyas sku ni ma bsgribs de bzhin gnas// sems can kun gyi nor bu rin chen
301a3 yin// stong pa'i lam la rang byung ye shes gsal// sngags pas sangs rgyas ye shes spyan du 'dod// phyogs su snang ba'i yul ni rab tu spangs// phyogs su ma lhung nyi zla'i dkyil 'khor bzhin// ye shes snang ba
301a4 nyams su blang thabs ni// dus gsum gshegs pas 'di ltar rab tu bsngags// grogs med gcig pur 'dug na snang ba grogs su 'char// bltar med sku la bltas na rang gi snang ba mthong// rkang med mkha'
301a5 la bskyod pas snang srid dbang du sdud// rig pa rkyen dang 'phrad pas rang gi bde ba rnyed// rig pa mkha' la gsal bas rang rig dbyings su tshud// 'dzin pa'i chos dang bral na rang snang rtogs pa'i
301a6 mchog/sangs rgyas thugs la de bzhin gnas pa'o// e ma ho rigs bzhi'i sangs rgyas nyon// gsang sngags kun gyi thabs kyi yan lag ni// gzung 'dzin rnam rtog ngang gis bral bar gsungs// 'dzin chags
301b1 med pa'i rang snang nam mkha' la// zhe 'dod med pa'i sgron ma rnam gnyis gsal// spang thob med pa'i chos sku'i snang ba mthong// phyogs dang bral ba'i 'od kyi mu khyud zin// bdag dang bral ba'i sgyu ma'i sku lnga
301b2 snang// yul dang bral ba'i chos nyid du mar snang// stong rig gsal ba'i sku la 'gyur ba med// 'byung ba'i rkyen gyis ma gos rang gsal bde ba'i sku// rtog pa'i phyogs su ma ltung sangs rgyas dgongs pa
301b3 nyid// chos nyid shes rab khong nas skyes pa yis// yul sems bral ba'i dgongs pa rang snang ngo// mtshan ma'i yul la 'dzin pa'i rtog pa bcom// ma rig klong nas ye shes snang ba sangs// ka dag dbyings su
301b4 chos sku chen po rnyed// snang ba'i yul dang rtog pa'i chos las grol// sangs rgyas pa dang rang gi rig pa mnyam// bstan du yod cing rang snang mthong ba'i phyir// nyon mongs dri ma ye shes snang bar 'gyur// chos
301b5 dang chos min gsang sngags las byung ba// rang rig rang gi 'od la rtag tu bzhugs// mtha' sdud don gcod dbyings kyi rang bzhin yin// gcig dang du ma'i sgra dang tha snyad bral// bzang dang ngan pa'i yul med
301b6 rang gi bde ba che// chos spyod by-is pa'i spyod pas bslus gyur na// dgongs pa snyed par sangs rgyas nyid kyis ma bshad do// chos kyis sangs rgyas nyid kyi snang ba sgribs// nga yi chos ni brjod pa'i mtha' dang
302a1 bral// nga yi dkyil 'khor chen po ni// sku yi 'od dang gsung gi zer// thugs kyi dgongs par gnas pa'o// nga la 'od zer yang yod de// sems kyi 'dzin chags spangs pa'i phyir// snang ba zhen
302a2 med sgron mar gsal// rtog med rang snang bstan pa'i phyir// bde gshegs sku yi 'od ltar snang// stong pa nyid las log pa'i phyir// mdzes pa'i 'od zer rnam lnga gsal// thig le nyag gcig snang ba la// bri ba
302a3 med cing gang ba med// chos kyi sku yi rang yul dang// sems can snang ba'i rang yul gnyis// stong rig gsal ba'i dngos por snang// sangs rgyas kun kyi lta phugs ni// dbyings rig gnyis las ma
302a4 'das pa'o// dbyings dang rig pa'i cho 'phrul las// ye shes rtog med phyogs dang bral// rang snang dngos med dkyil dang 'khor// phra rags yul gyis ma bsgribs so// bsam pa'i ngang las ma 'das
302a5 na// 'khor ba sdug bsngal chen por bshad// dbyings rig shes pa'i rnal 'byor pas// gsang sngags dgongs pa tshad mar blta// shes bya yul gyi snang ba la// chos nyid nang gi ting 'dzin gsal// gsal ba'i
302a6 ye shes phyogs med la// mthar lhung med pa'i lta ba gsal// sgra dang tha snyad ming btags rnams// chos kyi dbyings kyi rgyan du gsungs// rang snang thabs kyi rgyal po la// stobs kyi rig pa ma 'gags
302b1 pas// rang gi shes rab nyid la dris// dmigs pa med pa'i ting 'dzin ni// bya btsal bral ba'i ngang du dris// yul gsal thog ma med pa'i sems// rnam par dag pa'i dbyings la dris// de ni dgongs pa'i
302b2 don du bstan// kun gzhi sems kyi rtsa ba dang// rang rig yul gyi rtsa ba gnyis// 'dra gzhi gcig la gol sa che// ma rig sems su snang ba dang// rig pa rtog med snang ba gnyis// 'dra gzhi gcig la gol sa
302b3 che// rdo rje sems dpa'i chos nyid dang// rang snang dkyil 'khor dag pa gnyis// 'dra gzhi gcig la gol sa che// rang byung ye shes tshig gi mtha' dang bral// stong pa'i ye shes yul gyi rkyen dang bral// mngon
302b4 sum ye shes tshig gi mtha' dang bral// sangs rgyas kun gyi chos nyid yangs pa 'di// kun gyis mthong ba ma yin rang gi thugs la 'char// e ma ho A li kA li'i don brjod pas// sangs rgyas thams cad mnyes
302b5 par 'gyur// dgongs pa rang gnas don brjod pas// sems can thams cad tshim par 'gyur// 'dzin chags med pa'i don brjod pas// ye shes thams cad gsal bar 'gyur// kye ma dngos bral bde ba
302b6 ni// yul sems bral ba'i nam mkha' la// skye 'gag med pa'i rdo rje gsal// a ho chos nyid rdo rje ni// bag rdul dengs pa'i mkha' la gsal// rdo rje'i rig pa de bzhin no// zhes bka' stsal to// zhes seng ge
303a1 rtsal rdzogs chen po'i rgyud las/seng ge rang snang gi lta ba bstan pa'i le'u ste gnyis pa'o//// de nas bcom ldan 'das dpal kun tu bzang po nyid/ chos nyid rang skad kyi ting nge 'dzin
303a2 la snyoms par zhugs so// de nas yang kun rig chos rje la sogs pa'i 'khor rnams kyis 'di skad ces gsol to// e ma rang snang rig pa'i don// bdag cag rnams la bstan du gsol// ting nge 'dzin las
303a3 rab tu bzhengs// de nas rang rig kun bzang des// ting nge 'dzin las bzhengs nas ni// cho 'phrul chen po'i ting 'dzin bstan// de nas kun rig chos kyi rjes// legs pa'i tshig gis zhu ba zhus// kun bzang
303a4 rig pas bka' stsal pa// e ma rigs lnga'i sangs rgyas nyon// nga ni rang rig kun tu bzang// kun bzang seng ge'i blta ba ni// nga nyid gcan gzan seng ge bzhin// 'jigs pa kun dang bral ba ste// rang gi
303a5 gdangs la rnal du 'dug/mi 'gyur seng ge kun bzang ngas// rig pa 'gyur med seng ge la// lta ba rtog med seng ge bstan// rang byung rtog med seng ge ngas// sku lnga rang rdzogs seng ge la// 'od snang seng ge
303a6 dag pa bstan// rang rig kun tu bzang po ngas// rtsal rdzogs gcan gzan seng ge bzhin// dogs med stobs bdag seng ge ngas// cho 'phrul phyi yi seng ge rtsal// snang ba nang gi seng ge la// 'byung ba 'od snang
303b1 seng ge'i tshul// rig pa yab kyi seng ge ngas// kun rig rtsa ba'i seng ge bstan// rang snang kun tu bzang po ngas// chags med yul grol seng ge bstan// chos nyid rang gdangs seng ge yis// 'khrul pa yul gyi
303b2 rtsa ba bcad// chags med btang snyoms seng ge ngas// zhen chags lam gyi rtsa ba bcad// rtog sangs rig pa'i seng ge ngas// sna tshogs mtshan ma'i rtsa ba bcad// 'gyur med kun snang seng ge ngas// yang dag
303b3 chos sku'i ngo bo mthong// rtsal chen yul 'joms seng ge ngas// bag chags 'khrul pa'i rtsa ba bcad// nga ni rang rig seng ge la// mtshan ma'i chos kyi zhe 'dod med// rang snang 'od kyi seng ge la// dri ma'i
303b4 mtha' gnyis rnam par dag/stong pa'i ye shes seng ge ngas// slad par byed pa'i ma rig sangs// sku gsum dri med seng ge ngas// rang rig snang ba'i sku gsum mthong// zin pa med pa'i seng ge ngas// byas pa
303b5 med pa'i ngang du bzhag/'khrul pa med pa'i seng ge ngas// blo yi the tshom bcad pa'o// rang snang chos kyi seng ge ngas// rtog pa'i rang mdud sangs pa yin// rang bzhin mngon snang seng ge ngas// gzhan 'byung
303b6 'khrul pa'i rtsa ba spangs// skyed par byed pa'i seng ge ngas// rang byung rdzogs pa'i sangs rgyas rnyed// phra rags bral ba'i seng ge ngas// rtog pa kun gyi rtsa ba bcad// e ma seng ge bgrod med lam// bya btsal
304a1 med pa'i seng ge yis// btang bzhag med pa'i gangs dkar la// mun pa sangs pa'i rtsal gsum rdzogs// bsam med dngas pa'i seng ge ngas// ka dag dri med gangs bzang la// 'byung ba sangs
304a2 pa'i rtsal gsum rdzogs// dkyil 'khor don gyi seng ge ngas// bag chags zad pa'i gangs bzang la// phyin pa med pa'i rtsal gsum rdzogs// rang snang rtogs pa'i seng ge ngas// yid ma 'gyus pa'i gangs
304a3 dkar la// rnam dag spyan gyi rtsal gsum rdzogs// dgongs pa rang gnas seng ge ngas// bya byed bral ba'i gangs bzang la// yul drug spyod pa'i rtsal gsum rdzogs// dngos bral chos nyid seng ge ngas// phra
304a4 rags bral ba'i gangs dkar la// rang snang dag pa'i rtsal gsum rdzogs// rtsal la yang dag don chen rdzogs// 'dzin med rang snang de bzhin no// kye ma rigs lnga'i dkyil 'khor nyon// rnam dag brjod med
304a5 ye shes seng ge'i klong// bskyed pa mi mnga' sangs rgyas ye shes sku// rdzogs pa mi mnga' ye shes don la 'jug/ kun bzang seng ge'i chos nyid nam mkha' la// rang gnas bsam bral rnam rtog ming dang
304a6 bral// 'dzin pa med par cig char yul la 'jug/ yang dag mtshan 'dzin so so'i dkyil 'khor che// che ba'i che bas sangs rgyas sku dang phrad// chung ba'i chung bas rang rig spyan gyis mtshon// phra ba'i phra bas rig
304b1 pa'i rang mdangs bsgribs// sgron ma'i sgron mas rang gi chos nyid mthong// dag pa'i dag pas rang snang rtsa ba mthong// rnam par yangs pa'i dkyil 'khor rang nyid yin// sangs rgyas chos ni the tshom yul las
304b2 'das// chos kyi sku ni snang ba'i yul du med// longs sku mtshan ma dmigs pa'i yul med pa'o// sprul pa'i sku ni nga dang bdag tu med// rdo rje rdo rje sems dpa' che// 'das pa'i rdo rje rab bsngags pa// las kyi
304b3 rdo rje byed 'gyur ba// phrin las rdo rje bstan pa che// rang gi rang bzhin rnam rtog grol// ye nas chub pas kun la gnas// rgya chad med pa'i chos sku rang byung ngas// rtog pa med pa'i chos nyid rang snang
304b4 la// bcos bslad med pa'i rig pa ting 'dzin gsal// 'dzin chags med pa'i rig pa yul la 'jug/ bden pa mthong ba'i kun bzang seng ge ngas// bag rdul dengs pa'i chos nyid nam mkha' la// spro bsdu
304b5 med pa'i dbyings kyi sgron ma ru// chags sdang med pa'i lu gu rgyud kyi sku// bcos pa med pa'i mig gis blta bar bya// gza' gtad med pa'i ting 'dzin gsal ba de// rkyen dang bral ba'i chos nyid mkha' la
304b6 rol// dgag bsgrub med pa'i rang snang chig chod rtogs// sangs rgyas dgongs pa kun gyi rtse mor gsungs// 'gro nyal 'dug bsgom ma yengs ngang la spyod// gtad gzhag bya byed bral ba'i nam mkha'
305a1 la// 'dzin rtog yul las 'das pa'i rig pa gsal// gzung 'dzin rnam rtog 'khor ba'i gting rum nas// byas pa med pa'i rang snang kho na yang mkha' la gsal// bslad pa med pa'i chos nyid yul
305a2 las 'das// byas pa med pa'i byung sa gcig tu grol// mthong snang ma 'gags ting 'dzin rang la gsal// btang snyoms ma 'dres chos sku de bzhin gshegs// bgrod med rang gsal chos kyi snying po
305a3 yin// rtog 'dzin med pas chos nyid yul dang 'phrad// snang ba mtha' yas rgyal ba'i zhing du sgrol// rnam rtog sangs pas chos nyid yul dang mjal// e ma ho A li kA li'i yi ge las// sha la sogs pa'i yi
305a4 ge 'byung// de bzhin ha dang ma yi don// kun nas kun tu shes par bya// gsang sngags tshig don yi ge las// rig pa'i rang lus mthong bar 'gyur// chos dbyings rgyan dang bcas par ni// yi ge'i yan lag
305a5 rgyan spros pa// rang snang bsam bral chen po'o// rang byung nyid kyi yi ge ni// yan lag so sor spros pa bzhin// bden pa rnam dag mthong ba'o// chos nyid yul du snang ba la// rnam rtog rlung gis ma gtor
305a6 cig/rang snang grogs su bsten pa la// gzhan 'byung snang ba ltos 'gyur min// stong dang mi stong dbu ma'i lam// dngos po yod med gnyis dang bral// rig med stong pa ma yin te// rang rig sku lnga'i 'od dang
305b1 bcas// 'gyur med lam snang 'dren pa'i rtags// sems can kun gyi snying la gnas// gsang ba bas kyang ches gsang ba// gab pa mngon du bstan pa yin// dgongs don chen pos yin par gsungs// thabs
305b2 la ma chags shes rab gdos thag chad// rgyu la mi gnas 'bras bu rang snang ngo// rtog pa med pa'i cha lugs mngon par snang// bri ba ma yin gang ba ga la yod// shes bya'i yul las 'das shing don byed
305b3 pa'o// de nas 'dus pa'i tshogs rnams kyis// kun bzang yab la don zhus pa// kye kye kun bzang seng ge'i bdag/ yang dag sangs rgyas dgongs pa nyid// 'dus pa'i tshogs la bstan du gsol// de nas rgyal
305b4 ba seng ge'i skus// 'dus pa'i tshogs la bka' stsal pa// e ma rigs lnga rgyal ba'i sras// ye shes klong gi gtan tshigs nyon// sangs rgyas ye shes rgya mtsho'i klong// 'gyur med ye shes dur sa ni// rang rig
305b5 snying la rdzogs pa'i don// nga yis legs par bstan par bya// kye ma 'dus pa'i 'khor tshogs rnams// chos nyid sku yi snang ba blta 'dod na// ye nas dag pa'i man shes sku la ltos// 'od gsal bde ba'i sku la
305b6 'jug 'dod na// gzung 'dzin dag pa'i sgron ma rnam gnyis ltos// chos sku rang snang phyogs med blta 'dod na// phra rags bral ba'i nam mkha'i dbyings su ltos// rtog mtha' bral ba'i chos nyid blta 'dod
306a1 na// g.ya' dag me long dkyil 'khor dngas pa ltos// lhun gyis rdzogs pa'i zhing la blta 'dod na// skyed par byed pa'i sa bon 'bru la ltos// chos nyid ngo bo ka dag blta 'dod na// rkyen dang phrad
306a2 pa'i chu zla'i dkyil 'khor ltos// 'byung sdud bral ba'i kun bzang seng ge ngas// chos sku mtshon par byaid pa'i tshig dang yi ge bshad// tshig dang yi ges chos sku ston mi nus// tshig la zhen na rnal 'byor rtog pa'i
306a3 lam// tshig gis blo yi the tshom rab bsal nas// tshig la mi gnas rang gi don la bskyal// 'dzin chags med pa'i chos nyid dngos bral 'di// sangs rgyas rnams kyi dgongs pa mthar thug yin// so sor
306a4 rtogs dang mtshan ma tshig gi lam// bya btsal med pa'i chos nyid rang sar dag/ 'ub chub chos nyid rang bzhin yul la 'jug/ dag dang ma dag chos nyid bcos su med// gcig dang gnyis las 'das pa'i ye
306a5 gnas don// rang gi ngang du thig le gcig gis 'ub// dus med rtogs pas ting 'dzin ma yengs gsal// mtha' dbus med pas chos nyid ming dang bral// 'gyur ba ma yin drang por yongs la khyab// byas pa ma
306a6 yin byung bar lhun gyis grub// 'dzin pa'i yul du med pa'i snang ba la// kun rtog ma yin lhun grub rnam par 'phro// yul du med pas rang nyid sa las 'das// 'jug pa'i sa dang lam la bcos su med// chos
306b1 nyid rang snang rang rtag seng ge la// byung rtog med pa'i chos sku mkha' la khyab// chags 'dzin med pas rnam rtogs ga la yod// lhun grub chos nyid rgya ma chad pa yin// bzung ba'i yul dang rang rtog rnam par
306b2 dag/kye ma yang dag bde ba'i sku la snang ba rdzogs// e ma chos sku gcig la don brjod pas// rang gi sgyu ma'i sku gnyis rnam par snang// bskyed pa ma yin rang byung rdzogs// 'gro dang 'ong med gcig pu
306b3 nyid// bya btsal gzung 'dzin med pa'i sku// stong pa yul med nam mkha' la// rang rig gsal dngas ngo bor brtag/ yid ma 'gyus pa'i chos nyid la// ye shes mdzes pa'i 'od zer 'phro// snang ba med pa'i
306b4 chos nyid ni// spyod pa'i mtha' gnyis rnam par gsal// rang byung rig pa'i ngo bo la// mtshan ma'i yul gyis gos pa med// rnam dag dri med skyon bral la// chags pa med pa'i kun tu bzang// gsal cha ma
306b5 'gags 'dzin pa med// a ti stong dang mi stong pa// dbus mtha' rnam par mi 'byed do// goms pa'i stabs kyis nyams blangs na// rang gi de nyid kun tu gsal// dper na nor bu rin chen bzhin// yaun tan
306b6 zad med gter la spyod// thog ma med pa'i dus dag nas// da lta ye shes snang ba rnams// gcig las med par nga yis bstan// yin min gnyis kyi sgro 'dogs chod// rig pas pha rol don mi rnyed// rang gi
307a1 don la rig pa med// nga dang bdag tu bzung ba med// yul dang dbang por phye ba med// gol sgrib ltung ba'i rgyu can med// rang snang nyid la bcos su med// 'byung ba lnga nyid sangs rgyas yin// ye
307a2 shes lnga nyid dbyings la rol// thams cad 'byung ba'i chos sku las// klong yangs yul med ngang du thim// bcas bcos med na spyod pa yin// rang snang mthong na lta ba yin// de las ma yengs bsgom par
307a3 bshad// gtang gzhag med na ting 'dzin thob// phyogs lhung med na rang sa zin// ma byas rang byung ye nas grub// dang po'i gnas sa gang yin par// tha ma de yi gnas su 'gro// da lta de yi don la
307a4 gnas// bar du ye shes sgyu rtsal 'byongs// 'byongs nas ye shes dbyings su thim// thim nas 'od zer phyogs med 'phro// rang snang don gyi dkyil 'khor du// rig pa'i chos nyid ma 'dres rdzogs// rdzogs chen
307a5 lta ba rang gnas nyid// bag rdul dngas pa'i nam mkha' la// ma yengs tshul gyis gsal ba'o// g.yengs bral chos nyid 'gyur ba med// bsam gtan bsgom pas chos nyid don mi mthong// rang snang ting 'dzin
307a6 bsam pa'i phyogs dang bral// spros bral chos nyid nam mkha'i mtha' dang mtshungs// 'dzin bral rang snang chu bo'i klong dang mtshungs// dmigs pa dag pa'i yul la 'dzin rtog med// mtha' bzhi bral ba'i sangs
307b1 rgyas rang rig yin// yod med mtha' las 'das pa chos kyi sku// yin min rtsis dang bral ba'i sangs rgyas nyag gcig ngang// spyad spyod gnyis 'dzin med pa'i chos sku rtog med ngang// 'dzin rtog chos las
307b2 'das pa'i rang rig bde ba'i shugs// e ma ho rang byung 'od gsal stong nyid ye shes sku// mi 'gyur seng ge'i don nyid bstan bya'i phyir// kun tu bzang po'i zhal ni phyogs bcur gsal// kun gzigs kun tu
307b3 bzang po'i sku la mdun rgyab med// phyogs bcu gang bar spyan gyis rnam par gzigs// rtog mtha' med par yul la ma yengs spyod// 'dzin chags med par rang snang yul la 'jug/ mtha' dbus med par rang
307b4 gi ngang du 'ub// gdos thag med par sgron ma'i ngang du chub// spang thob med par nam mkha'i dbyings su brdal// zhe 'dod med par rang snang yul la khyab// rtog med chos sku bsam pa dngos dang bral// bcos
307b5 med rang gsal rang rig ting 'dzin gsal// 'dzin rtog med pa'i ngang du thams cad 'ub// mun pa sangs pa'i dus na rnam par rol// yul med cig char 'dug pa'i mtha' la bskyod// 'khor ba'i yul la mi
307b6 gnas rang gi sa la phyin// nye ring med pa'i dgongs pa chig chod yin// nga ni stong pa'i tshig dang bral// nga la mun pa'i chos med pas// nga ni rang snang 'od po che// nga la snang ba'i rkyen med pas// nga ni rtags kyi
308a1 sku lngar gsal// nga la byas pa'i chos med pas// nga ni ye nas skye dang bral// nga la 'byung ba'i skyon med pas// nga ni sna tshogs rkyen dang bral// nga la rtog pa'i mtha' med pas// nga ni yin min
308a2 chos dang bral// nga la mtshon pa'i tshig med pas// nga ni chad pa'i phyogs dang bral// nga la dngos po'i yul med pas// nga ni rtag pa'i yul dang bral// nga la 'dzin rtog med pa yis// nga ni rtag chad mu las
308a3 'das// nga la dran byed med pa yis// 'khor ba'i sdug bsngal chos las thar// nga la gnyis snang med pa yis// nga ni dge sdig gnyis dang bral// nga la phyogs lhung med pa yis// nga ni 'khrul pa'i sems dang
308a4 bral// nga la byas pa'i chos med pas// nga ni 'byung bar lhun gyis grub// 'dzin rtog med pa'i nam mkha' la// rnam shes yid ma 'gyus pa ni// yengs pa med pa'i ting 'dzin mchog/ sangs rgyas nyag gcig
308a5 gnas lugs ni// dmigs pa can du med pa la// don ni rang bzhin nyid kyi sku// 'dzin pa sangs pa'i nam mkha' la// thun mtshams med pa'i ting 'dzin gsal// 'gyur med chos la sgro btags med// nga dang
308a6 bdag tu med pas na// chos nyid ma dang 'phrad pa yin// 'byung ba'i mdud pa grol na 'dzin pa'i rtod phur thon// bag chags sbubs dang bral na ye shes dbyings su 'khyil// ye shes rang snang mthong na 'byung
308b1 ba'i gdos thag chod// snang ba'i sgrib shing med na ye shes mkha' la gsal// sangs rgyas nyid la sangs rgyas nyid kyis bsgrib// spyan gsum gsal ba'i ye shes rang sar dngas// 'byung ba med pa'i chos nyid
308b2 kun tu bzang// kun tu bzang mos gsang sngags las la sbyor// 'od gsal zung 'jug dbyings su thams cad 'dus// 'byung ba lnga yi pho brang dkyil 'khor nas// chos kyi sku yi snang ba rang lus rdzogs// stong
308b3 nyid ye shes klong nas sangs rgyas lnga// bskyed pa ma yin rang gi snying po nyid// dgongs pa ma yin don la 'gyur ba med pa ni// chos dang chos min snang ba'i sgrib shing bral// don gyi snying po sangs rgyas yul la
308b4 'jug/bsam pa nyid las bsam pa'i tshig dang bral// brjod pa nyid las brjod med ngang du thim// bag chags nyid las ye shes sku lnga gsal// rnam rtog nyid las rig pa'i ye shes skye// ma rig nyid las
308b5 sangs rgyas dgongs pa shar// sangs rgyas chos ni ci yang ma yin pas// spyod pa'i tshe na ci yang mi spyod do// bsgom pa'i dus na gang yang mi bsgom mo// blta ba'i tshe na ci yang mi blta'o// e ma rig pa'i ye shes
308b6 sku// dri ma gsum gyi chos dang bral// rtog mtha' med pa rang sar grol// nyon mongs lnga las ye shes lnga// yul lnga las ni 'od lnga'i sku// phung po lnga las sangs rgyas lnga// 'byung ba lnga las yum lngar
309a1 rtogs// srid pa gsum nyid sangs rgyas zhing// gnyis med lta ba'i rang lugs yin// bya btsal bral nas dbyings la spyod// 'dzin chags med par rang snang ba'o// zhes seng ge rtsal rdzogs chen
309a2 po'i rgyud las/seng ges rang skad smras pa'i le'u ste gsum pa'o//// de nas rig pa kun tu bzang po dang// yum kun tu bzang mo gnyis su med par snyoms par zhugs so// de nas rigs kyi sangs
309a3 rgyas kun rig chos kyi rjes 'di skad ces zhu ba zhus so// e ma bde gshegs kun bzang yab// chos nyid gnyis med don brjod pa'i// thabs dang shes rab gsung du gsol// de nas chos nyid stong pa
309a4 yis// yab yum gnyis med don sbyar nas// sangs rgyas rnams la bka' stsal pa// kye ma rigs kyi sangs rgyas nyon// yul sems gnyis med dgongs pa 'am// dbyings dang rig pa gnyis med ni// yab yum
309a5 gnyis med tshul du gnas// chos nyid yangs pa'i pho brang du// rtog med gsal ba'i ye shes 'du// phyi yi chos ni snang ba la// nang gi chos ni 'dzin par bshad// 'gyur med kun tu bzang po ngas// chos nyid rang
309a6 snang lta ba bshad// bshad pas rtog pa'i the tshom chod// bag chags bral ba'i kun gzhi la// gzung 'dzin bral ba'i rig pa gsal// gsang sngags rig pa cog gzhag ni// lta sgom spyod pa'i mdor bsdus
309b1 yin// phyi nang gsal ba'i shes rab la// yid kyi rtog pa ma 'gyus na// gsang sngags gsang ba'i blta bar 'dod// bcom ldan seng ge chos sku la// gzung 'dzin bral ba'i ting 'dzin gnas// mtshan ma med
309b2 pa'i lta ba la// btang snyoms chen po'i shes rab gsal// yid gnyis bral ba'i nam mkha' la// gsal 'grib med pa'i sgron ma gsal// rang snang rgya ma chad pa la// ye nas lhun gyis rdzogs par
309b3 gsal// chos dbyings dog med yangs pa la// bag chags zad pa'i thig le gsal// mtha' yas don la 'gyur med la// rang snang dag pa'i gzugs snang gsal// stong pa rtog med rang byung la// byas pa med
309b4 pa'i 'od lnga gsal// stong gsum ye rgyas thebs pa la// 'phral 'byung rkyen gyis nga mi sgrib// chos dbyings ye nas yangs pa la// gcong rong dog mos nga mi bsgrib// rang byung ye nas gsal ba la// 'khor ba'i
309b5 mun pas nga mi bsgrib// rig pa ye nas 'chi med la// skye dang 'chi bas nga mi bsgrib// sku gsum ye nas gnas pa la// chags sdang lnga yis nga mi bsgrib// thabs dang shes rab ye gnas pas// sbyor sgrol gnyis
309b6 kyis nga mi bsgrib// bdud rtsi ye nas nad sel bas// dug lnga'i rtsa bas nga mi bsgrib// rig pa ye nas phyogs med pas// gol sgrib gnyis kyis nga mi bsgrib/ chos sku ye nas bdag med pas// bdag gzhan
310a1 gnyis kyi nga mi bsgrib// snang ba ye nas rang gsal bas// 'byung ba lnga yis nga mi bsgrib// longs sku ye nas rang rdzogs la// bskyed rdzogs gnyis kyis nga mi bsgrib// gsal ba ye nas dngos
310a2 bral la// mtshan ma'i chos kyis nga mi bsgrib// rang rig ye nas 'gyur med pas// dge sdig gnyis kyis nga mi bsgrib// rang bzhin rgyu rkyen med pa la// 'dus byas chos spyod bya mi dgos// chos sku bde sdug
310a3 bral ba la// dmyal ba tsha grang nga mi bsgrib// gsang sngags ye nas tshig bral la// tshig dang yi ges nga mi mthong// chos dbyings ye nas bsgom med la// bsgom pa byas pas nga mi rnyed// rang byung ye nas bcos
310a4 med la// spyod pa byas pas nga mi rnyed// chos sku ye nas blta bral la// blta ba bltas pas nga mi mthong// skye med don la 'da' med la// dam tshig bsrungs pas sangs mi rgya// dkyil 'khor ye nas rang gnas
310a5 la// dkyil 'khor bris pas lha mi mthong// phyag rgya ma bsgyur ye rdzogs la// rtsol ba'i phyag rgyas dngos grub yal// snying po ye nas rang gnas la// snying po bzlas pas sa bon rul// gzhal yas ye nas rang
310a6 rdzogs la// gzhal yas bskyed pas rang snang stor// thugs rje'i 'od zer rang shar la// cha lugs bsgoms pas rang don yal// lha tshogs ye nas rang gnas pas// ma bskyed lhun gyis rdzogs pa la// bskyed
310b1 rim spyan 'dren bya mi dgos// rtsol ba'i mchod 'bul lha tshogs gyes// chos sku 'dzin med zang thal la// mtshan ma bsgoms pas don mi rnyed// nga yi nor bu rin chen la// yon tan yod med mtha' las
310b2 'das// sangs rgyas nyag gcig ye yod la// ka dag snang ba nga mi tshol// tshom bu sna lnga ye rdzogs la// bar do rnam gsum ngas mi 'dod// ye shes ye nas rang gsal la// bzhi sbyor snang ba ngas mi mthong// sna
310b3 tshogs rang las ye byung la// lhun grub gzhi yis nga mi rnyed// rig pa 'khor ba'i sems med pas// sprul sku phyed snang ngas mi 'dod// nga nyid rig par rang byung la// byas pa'i chos kyis nga mi rnyed// nga yi bsam
310b4 gtan 'gyur med la// 'dzin rtog bsgom pa bya rgyu med// nga la rang snang ye rdzogs la// phyi yi snang ba gang la 'byung// rang byung ye nas dag pa la// dri ma rnam bzhi su yis 'chos// nga ni stong gsal gnyis med
310b5 la// rtag chad gnyis po ga la yod// nga la rnam rtog yul med pas// 'byung ba'i rang mdud sangs pa'o// nga yi snang ba ma 'gags pas// yin min mthar ltung phyogs dang bral// nga la chags sdang lnga med
310b6 pas// snang ba'i yul la zhe 'dod med// nga la dgag bsgrub med pa yis// nga yi blta ba gnyis 'dzin med// dri ma rab tu sangs pa'o// de nas kun tu bzang mo yis// rig pa snang ba'i yul dag nas// rang gi
311a1 snang bas 'di skad smras// kye ma rigs kyi sangs rgyas nyon// rang snang kun tu bzang mo ngas// btang snyoms chen po'i ye shes la// gsang sngags lam gyi 'bras bu gsal// 'gyur med kun tu
311a2 bzang mo ngas// snang ba rang gsal chos skur bstan// brjod med kun tu bzang mo ngas// rtog mtha' bral ba'i rig pa bstan// kun ldan ye shes snying po la// byas pa dang ni byed pa med// mngon snang yul du
311a3 med pa la// gsal 'grib snang ba ga la yod// rig pa gcig la 'khor 'das rdzogs// 'dzin med rang snang chos dang bral// bsam med chos nyid dngos por med// sangs rgyas ye nas rang gdangs
311a4 la// 'byung ba bzhi yi rkyen dang bral// 'das pa'i sku dang ye shes la// kun tu bzang mo nga yi sems// chos sku rang bzhin ma 'gags pas// bsam gtan nyid la bsam du med// rang gis rang mthong rang lus
311a5 gsal// kun tu bzang mo'i b+ha ga'i klong yangs su// gzung ba med par 'byung ba rnam lnga 'ub// 'dzin chags med pa'i shes rab yul la snang// kun tu bzang mo ma bcos rang gsal ngas// sna tshogs 'gag
311a6 med kun tu bzang mo'i dbyings// chos nyid rang snang kun tu bzang mo ste// 'gyur med ma bcos mkha' gsal nam mkha' la// byas pa med pa'i kun tu bzang mo gsal// byung ba med pa'i rig pa rang sar
311b1 grol// kun tu bzang mo chos nyid b+ha ga'i klong// kun tu bzang mo bla med zhing du grol// sangs rgyas ye shes kun bzang dkyil 'khor nas// re dogs bral ba'i chos nyid mkha' la rol// 'dzin rtog bral ba'i
311b2 kun tu bzang mo ngas// rang snang bcos pa med pa'i nam mkha' la// spro bsdu med pa'i ting 'dzin cig char gsal// rdo rje kun tu bzang mos yang dag rtogs// sangs rgyas sems can thams cad la// kun tu
311b3 bzang mo rin chen phreng// 'gyur med rang gi ngo la gnas// sangs rgyas kun tu bzang mo yis// dbyings kyi nang nas sku btsal bas// sku ni rtog mtha' rnam par bral// sku dang sku yi gdangs la thugs// sangs
311b4 rgyas rnams kyi dgongs pa ni// 'gyur med kun tu bzang mo yis// thugs kyi dkyil nas bcud phyung bas// chos nyid kun tu bzang mo yul la snang// rnam dag kun tu bzang mo yul la spyod// ye shes kun tu
311b5 bzang mo mkha' la spyod// rig pa kun tu bzang mo'i dbyings la 'jug/ rtag chad med pa'i yab yum snang ba dag/ rang snang kun tu bzang mo rgya ma chad// rtogs pa kun tu bzang mos gcig tu sdud// 'byung ba
311b6 kun tu bzang mo bdag tu snang// shes rab kun tu bzang mos rang snang ston// mkha' dbyings kun tu bzang mo mi g.yo zhing// mnyam nyid kun tu bzang mo rtog pa med// 'dus pa kun tu bzang mo gcig tu
312a1 'khyil// sems dpa' kun tu bzang mos don la 'jog/ shes rab kun tu bzang mos sna tshogs sdud// thabs mchog kun tu bzang mo rig par snang// gsal 'tsher kun tu bzang mo 'dzin pa
312a2 med// bcom ldan kun tu bzang mo cig char 'char// 'dzin med kun tu bzang mo rang sar 'dug/ thig le kun tu bzang mo ngo bos stong// chos 'byung kun tu bzang mo byed pa med// rtog med kun tu bzang mo
312a3 yengs pa med// kun rdzob kun tu bzang mo sa bon dngos// don dam kun tu bzang mo cho 'phrul cir yang ston// rgyan mdzes kun tu bzang mo yul la snang// dbyings rig kun tu bzang mo chos sku dngos// rang
312a4 bzhin kun tu bzang mo 'gag pa med// ngo bo kun tu bzang mo 'gyur ba med// thugs rje kun tu bzang mo cir yang snang// ston pa kun tu bzang mos nyon mongs 'dul// stong pa kun tu bzang mo tha snyad
312a5 bral// gsal ba kun tu bzang mo ngos gzung bral// yab yum gnyis ka kun bzang rig pa'i klong// mun pa snang bar ston pa'i kun bzang mos// bya byed sems kyi gdos thag rbad kyis bcad// 'dzin pa'i
312a6 yul la mi gnas rang snang lhug par 'char// zhe 'dod med par snang ba thad kar gcod// kun tu bzang mo sgron ma rang yin pas// rang snang kun tu bzang mo btsal mi dgos// lta spyod gnyis med kun bzang
312b1 yab yum la// 'bras bu bde ldan thig le phyogs bcur 'phro// spyod pas yul med gsal la 'dzin rtog med// phyir 'byung ma yin nang 'byung lhun gyis grub// gnyis ka ma yin so so'i don la spyod// byas pa ma
312b2 yin byung bar lhun gyis grub// kun bzang yab ni ye shes cir yang ston// kun bzang yum ni thams cad ngang du sdud// mtshan ma'i ming med kun bzang sems nyid sku// 'dzin pa'i sems med rang snang thabs
312b3 kyis spyod// skye med rtogs pas rang gi yul la snang// chos sku rtog med kun tu bzang mo ngas// rig gsal chod nyid yul la phar bltas pas// sna tshogs bral ba'i rig pa nang du mthong// rang rig du ma'i
312b4 yul la phar bltas pas// chos sku rtog med chen po nang du rnyed// sangs rgyas ye shes rgya chad ye nas med// longs sku'i ye shes rgyan la rnam par rol// bya dang byed pa med par lhun grub yin// rtog pa rang snang
312b5 chos nyid kun gyi rje// bslad pas mi bslad chos nyid nam mkha' 'dra// bkrus pas mi dag shel sgong dag pa 'dra// chos sku rtog med rang sangs bsgom pa yin// dmigs pa'i yul med rang gi don rtogs
312b6 na// 'du 'bral med pa'i bsam gtan chen po yin// de ni rang snang 'bras bu chen por bstan pa'o// de nas kun bzang yab yum la// kun rig nyid kyis don zhus pa// kye ma bcom ldan kun tu
313a1 bzang// bdag cag ma rig 'khor rnams la// rang rig thabs chen bstan du gsol// de nas kun bzang seng ge des// yum gyi sgo nas bka' stsal pa// e ma rigs kyi sangs rgyas nyon// kun
313a2 tu bzang mo rtog med b+ha ga la// rgyal ba'i dkyil 'khor rab 'byams ma lus 'du// sangs rgyas dkyil 'khor chen po rnam par bkod// dogs pa med pa'i kun bzang chos kyi dbyings// ston pa kun bzang chos
313a3 dbyings seng ges bstan// snang ba med pa'i phyogs su song nas ni// rang byung gsal ba'i mar me rnam lnga bteg/ 'dzin pa mi 'dzin rang gi mtshan dang ldan// yul med gsal gdangs mtho dman yongs la
313a4 khyab// bya byed gtang bzhag med pa'i bdud rtsi mchog/ rang byung sman gyis 'khor ba'i nad rnams sel// ye shes rlung gis 'dzin pa'i rnam rtog 'thor// gsal dag chu yis rig pa rtog med 'dzin// rnam dpyod
313a5 shes rab me yis ma rig spar sbur bsreg/chos nyid stong pa'i nam mkha' rang rig dbyings su 'byed// rdo rje skyod byed sa yis rtogs pa'i don la bskyal// chos nyid dngos bral 'byung ba rnam lnga yis// ye shes
313a6 gsal ba'i sgron me byed par 'gyur// sku gsum 'gyur med ye shes seng ge la// bya btsal bral ba'i gcan gzan 'khor gyis bskor// 'dzin rtog med pa'i rang byung bde chen ston// sangs rgyas bden pa mthong
313b1 ba'i rgyal ba'i sras// rtogs pa khong du chud na nams kyang bde// 'byung ba grogs su shar na snang ba dag/ yin min gnyis shes rtog pa'i mtha' bzhi grol// dpyaud byed yid ma 'gyus na sangs rgyas ngo bo
313b2 rnyed// phyogs med rang snang shar na chos byed yul dang 'phrad// de ltar 'da' ba med na yul sems gnyis su med/ khong du bdud bzhi choms na thar pa'i lam dang nye// snang ba stobs su gyur na 'du 'dzi g.yeng
313b3 ba med// rnal 'byor brtan pa thob na gsang sngags rang la 'char// e ma sangs rgyas rnams kyi dgongs pa la// gtan tshigs rigs pas phigs mi 'gyur// dgongs pa nyid la yul med phyir// e ma ho// rang
313b4 bzhin chos sku'i snang ba chen po las// rang byung thogs pa med pa'i sku lnga shar gyis byung// rang sangs rnyog pa med pa'i ngang du gnyis med thim// rang byung ye shes du mar med pa las// gsang sngags don gyi ye
313b5 shes shar gyis byung// rtog med dbus mtha' med pa'i ngang du gnyis med thim// rang byung byas pa ma yin yul la 'jug/ e ma ho// rang rig rdo rje ye shes kun tu 'bar// mtshan med rang snang rdo rje kun tu
313b6 che// 'bar ba 'jigs bral rdo rje stong pa kun tu che// phra rags dri med rang bzhin rdo rje rab tu 'bar// stong pa kun khyab rdo rje cod pan kun tu che// rang dbang rab bskur rdo rje ma bskur rdzogs// mtha' yas rdo
314a1 rje dam tshig bsrung dang bral// gcig pa seng ge ye shes 'bras bu spang thob med// rang snang 'dzin bral rdo rje'i blta ba kun nas blta dang bral// phyogs su yangs pa'i rdo rje'i spyod pa kun nas spyad
314a2 du med// 'byung ba kun snang rang rig gsang sngags lam du snang// ma g.yos phyogs bral rdo rje'i sa lam bgrod du med// stong pa yang dag rdo rje'i sku la blta dang bral// chos nyid yangs pa rdo rje'i dbyings la skye
314a3 'bri med// snang ba rang rdzogs rdo rje'i sku la yin min med// gsang sngags rgyal po rdo rje'i lus la skye 'jig med// snang ba rang snang rdo rje'i gnas la mtho dman med// dri ma rang dag rdo rje'i gsung la 'gyur ba
314a4 med// chos sku tshig med stong pa'i yul la bdag 'dzin med// yang dag 'jig bral rdo rje'i lam la nye ring med// 'dzin med rang snang chos sku nyid la bsam pa med// ngo bo 'gyur med sku la mun pa
314a5 med// longs sku yang dag yid bral ngang la lhag ge ba// de nyid rtog med sku gsum gcig gi dang// ming du med pa'i rang snang bde ba'i shugs// stong pa kun khyab snang ba zil gyis gnon// chos nyid bsam
314a6 med g.yo ba ngang gis med// du ma rten dang bcas pa ga la yod// mngon sum mi gnas rang snang yul la 'dzin// mun pa ma yin rang bzhin 'od du gsal// gsal la ma 'gags don nyid ye shes sku// dran pa
314b1 dang ni dran byed yul du med// snang ba'i ye shes dngos po'i mtha' dang bral// chos kyi sku yi snang ba rang gsal ni// rang gi ngang las rang gi sku la thim// sku dang ye shes tshig la mi gnas na// gsang sngags rang
314b2 byung dgongs pa bcos pa med// bgrang du med pas chig chod rnam par dag/ gzigs snang thabs la mi 'gag don gsal ba// yul du med la rang gi yul la gnas// dbus dang mtha' med gsang sngags tshad
314b3 ma nyid// rang snang yin par kun tu bzang pos bstan// phyogs lhung ma yin phyogs dang ris las 'das// e ma ho// nang med nang nas nor bu rin chen mdzod phyung ba// rgyal ba rnams kyi mi 'dzadagater yin
314b4 pas// de yi don la ma yengs chags pa med par spyad// e ma ho// rang gi sa la sangs rgyas rnams kyi sku shar ba// 'du shes yul du med pa'i zhi ba'i ngang// snang ba rang la yas pa'i rang snang dngos med
314b5 nyid// rtog pa'i phyogs su ma lhung rang rig gdangs la 'dug/ snang ba'i sems bral chos nyid ngang la spyod pa'i don// spro bsdu ma byas rang gi yul la blta bar bya// gting mtha' med pa'i chos nyid kun tu
314b6 bzang// yin dang min pa'i mtha' gnyis rnam par gsal// lhag chad med pa'i nor bu rin po che// skye 'bri med pa'i ngang du rtog pa chod// bsams pas ye shes don mi rnyed// bsams pas ye shes don rnyed
315a1 na// rang byung ye shes rdzun par 'gyur// bsgoms pas chos kyi sku mi mthong// bsgoms pas chos kyi sku mthong na// rang snang chos nyid rdzun par 'gyur// bltas pas rig pa'i don mi rtog/ bltas
315a2 pas rig pa'i don rtogs na// chos sku 'gag med rdzun par 'gyur// chos kyis ma rig rtsad mi chod// chos kyis ma rig rtsad chod na// ka dag ye shes rdzun par 'gyur// dge bas sangs rgyas don mi
315a3 rtogs// dge bas sangs rgyas don rtogs na// rdzogs chen gnas lugs rdzun par 'gyur// sdig pas 'khor bar ltung mi 'gyur// sdig pas 'khor bar ltung 'gyur na// skad cig rnam gsum rdzun par
315a4 'gyur// stong pas yang dag don mi mthong// stong pas yang dag don mthong na// ye shes 'od lnga rdzun par 'gyur// mtshan mas rang gi don mi mthong// mtshan mas rang gi don mthong na// rang sangs chos nyid
315a5 rdzun par 'gyur// byas pas lhun rdzogs don mi rnyed// byas pas lhun rdzogs don rnyed na// ngo bo 'gyur med rdzun par 'gyur// bzung bas snang ba mthong mi 'gyur// bzung bas snang ba mthong 'gyur na// rang
315a6 bzhin 'gag med rdzun par 'gyur// spyad pas pha rol sgrol mi nus// spyad pas pha rol sgrol nus na// thugs rje kun khyab rdzun par 'gyur// 'khrul pa'i snang bas nga mi bsgrib// 'khrul pa'i snang bas nga bsgribs
315b1 na// sgron ma rnam gnyis rdzun par 'gyur// des ni gsang sngags dgongs pa bstan// yul sems gnyis kyi gnas med pas// ye shes rang la snang ba'o// zhes seng ge rtsal rdzogs chen po'i rgyud las/ seng ge
315b2 gnyis sbyor gyi dgongs pa bstan pa'i le'u ste bzhi pa'o//// de nas yang rang rig kun tu bzang pos/ rang snang kun tu bzang mo dang gnyis su med par snyoms par zhugs so// de nas ting nge 'dzin la
315b3 bzhengs nas ting nge 'dzin la bzhugs bzhin du yang byung kun tu bzang po rtsol bral gyi dgongs pa 'di brjod do// e ma ho chos nyid kun tu bzang// sems can rtog pa bsal ba'i phyir// rang snang yul gyi gtan
315b4 tshigs nga yis bstan// rigs lnga'i sangs rgyas legs par nyon// nga yi chos la yul med pas// sna tshogs 'dzin pa'i ma rig med// nga yi ye shes ngang snang bas// nga yi blo la bdag rtog med// nga ni yul la mi
315b5 gnas pas// mtshan ma sna tshogs bya ba med// nga la phyi dang nang med pas// gsal dang 'grib pa ga la yod// nga ni rang byung rtog med pas// yin dang min pa'i tha snyad bral// e ma ho sems can sangs
315b6 rgyas thams cad la// ngo bo gcig las med paranges// dmigs pa can dang dmigs med pas// rang bzhin gcig tu ma nges so// dgongs pa rang byung ye shes ni// rtogs dang ma rtogs mtha' las 'das//
316a1 yin min blo yi bya ba thong// snang dang mi snang chos nyid kyang// bya byed mthar lhung chos dang bral// stong pa nyid kyi ye shes las// ma 'gags gsal ba'i 'od lnga byung// chos sku rang gnas dgongs
316a2 pa la// stong dang mi stong mtha' las 'das// brtags pa btags pa nyid kyang byung/ gnyis kyi chos rnams kun// kun bzang seng ge'i ngang las byung// sangs rgyas kun tu bzang po ngas// gol sgrib gnyis med lta ba
316a3 bstan// snang dang mi snang med pa'i chos// byas shing brtags pa ma yin te// rang bzhin lhun gyis grub par rtogs// chos sku rig pa'i snang ba ni// sgrib phyogs gnyis dang bral ba'i chos// snang ba rang
316a4 sar dengs pa la// sgrib phyogs gnyis kyi dri ma med// sku yi snang ba rang snang dang// gsung gi cho 'phrul cir yang ston// thugs kyi dgongs pa rtse gcig go/ rang snang gser gyi nam mkha' la// gser gyi 'dab
316a5 chags bya khyung lding// rtog med yid kyi khyung chen gzung// rang bzhin ma bcos mtsho mo la// rnam dag rang gnas gser gyi nya mo 'gyu// thabs nyid stong pa'i rgya yis thob// 'dzin chags bral ba'i nam mkha'
316a6 la// chags med rtsal rdzogs gser gyi bya khyung lding// bzung ba ma yin sgron mar chub// rtog med rang dngas rgya mtsho la// rang byung lhun rdzogs gser gyi nya mo 'gyu// byas pa ma yin ye rgyas thob// chos sku rang
316b1 snang yul gyi nam mkha' la// sgron ma 'gag med gser gyi bya khyung lding// rtog med rang sangs chos sku'i ngang du bzung// kun gzhi klong yangs bag chags rgya mtsho na/ rig pa mi 'gyur gser gyi nya mo
316b2 'gyu// bsgrubs pas ma yin rang gi grogs dang phrol// kun tu bzang mo yengs med nam mkha' la// rang snang ma bcos gser gyi bya khyung lding// btang bzhag bral ba'i dgongs pa'i ngang du bzung// chos nyid
316b3 mi 'gyur spros bral rgya mtsho la// ka dag sems bral gser gyi nya mo 'gyu// blo dngos gnyis med rang byung ye rgyas thob// chos nyid ming dang bral ba'i nam mkha' la// mtshan ma'i yul med rang snang gser gyi bya
316b4 khyung lding// bcos ma ma yin rang gi bde ba bzung// rang byung spros bral chos nyid rgya mtsho na// mtshan ma'i dngos med gser gyi nya mo 'gyu// rang snang chos skur gcig pa'i rgya yis thon// sna tshogs zhen pa med
316b5 pa'i nam mkha' la// chos sku spros bral gser gyi bya khyung lding// rtsol sems ma yengs sgron ma'i ngang du 'ub// chos nyid mtha' yas rnam dag rgya mtsho na// rang byung rtog bral gser gyi nya mo 'gyu// stong gsal
316b6 'khor 'das bral ba'i rgya yis thob// bsam pa 'dzin chags bral ba'i nam mkha' la// dgongs pa rang gnas gser gyi bya khyung lding// chos nyid yangs pa'i kun khyab ngang du 'ub// 'byung rkyen sna tshogs bral
317a1 ba'i chos nyid rgya mtsho na// 'od lnga rang shar gser gyi nya mo 'gyu// snang ba cog bzhag dgongs pa'i rgya yis thob// chos nyid dran pa sad pa'i nam mkha' la// tshom bu lngar snang gser gyi bya khyung
317a2 lding// 'dzin chags rtog mtha' bral ba'i ngang du 'ub// chos nyid phyogs bral rtog sangs rgya mtsho na// dbugs sbubs yin nam dang bral ba'i rig pa gser gyi nya mo 'gyu// rang snang dmigs med ting 'dzin rgya
317a3 yis thob// chos sku spros bral rang sar dengs pa'i nam mkha' la// bya byed bral ba'i rang snang gser gyi bya khyung lding// 'khrul pa rtsad gcod chos sku'i ngang du 'ub// rtsol bral chos nyid rdzogs chen nam mkha'
317a4 la// rig pa rtsol bral rang snang gser gyi bya khyung lding// rtsol bsgrub bral ba'i chos dbyings ngang du 'ub// ma bslad lhun rdzogs ye shes rgya mtsho na// gsal dag snang ba gser gyi nya mo 'gyu// rkyen gzhi bral
317a5 ba'i rang byung rgya yis thob// chos sku rtog med rten bral nam mkha' la// dgongs pa chig chod gser gyi bya khyung lding// snang ba yin min the tshom bral ba'i ngang du 'ub// chos dbyings rgyan bzang sna tshogs rgya
317a6 mtsho na// gzugs sku mnyam la ma 'dres gser gyi nya mo 'gyu// chos sku dran byed bral ba'i rgya yis thob// rang snang phyogs lhung bral ba'i nam mkha' la// stong gsal spros dang bral ba'i bya khyung lding// snang la
317b1 'dzin pa med pa'i ngang du 'ub// rang byung rnyog pa med pa'i rgya mtsho na// mtshan ma rang sar dengs pa'i rig pa gser gyi nya mo 'gyu// 'dzin med rang bzhag ting 'dzin rgya yis thob// mtshan ma spros bral rang snang
317b2 nam mkha' la// gzung 'dzin bral ba'i chos sku gser gyi bya khyung lding// chos nyid rang snang thig le'i ngang du 'ub// gsang sngags ye shes gnas lugs de bzhin no// e ma ho// gsang ba'i ye shes rang
317b3 snang thabs kyi rgya// yang dag ye shes tshig gis mtshon du med// rang rig ye shes 'od gsal bas// snang ba'i ye shes yul las 'das// rang byung de nyid dngos bral bar// kun gyi phyag rgya'i rgyu yin no// sangs
317b4 rgyas ye shes chen po ni// kun la gnas shing brtag dka' 'o// kun rdzob don dam gnyis med la// chos dang gang zag bdag med de// 'di ni byang chub sems dpa' yin// las dang nyon mongs thams cad
317b5 la// mnyam pa'i don du mi shes shing// rten 'brel rgyu 'bras yong 'dzin na// 'di ni rang sangs rgyas kyi sa// chos rnams ma lus thams cad la// bden bzhi'i dngos po yod blta zhing// spong dang mi spong byed
317b6 gyur pa// 'di ni nyan thos sa yin pas// dge bcu dag la gtsor len zhing// dge dang mi dge gnyis mnyam pas// lha dang mi yi skye gnas te// 'dod khams dag tu 'khor ba yin// mnyam pa'i don nyid ma
318a1 rtogs shing// tshad med bzhi dang bsam gtan bzhi/ rim pa so sor bdag 'dzin cing// gzugs sogs rnams la bdag tu rtog/ de ni tshangs pa'i gnas su skye// mnyam dang gzugs med ma
318a2 rtogs na// 'dzin med rang snang mi shes pas// skye mched mu bzhi'i gnas su skye// thams cad mnyam par ma shes na// ma lus kun la zhe sdang zhing// snying rje yang dag med gyur na// dmyal khams bcu drug dag
318a3 tu skye// chags med dngos bral ma shes na// thams cad kun la 'dod chags shing// lus kyi bsgrib dang zas kyi bsgrib// yi dags bkres skom dag tu skye// bdag gzhan gnyis kyi don ma rtogs// chos rnams
318a4 kun la rmongs byas pas// rang gsal shes rab med pas na// dge sdig gnyis su mi mthong zhing// shin tu rmugs pa'i gnas su skye// rab tu nga rgyal rags byed cing// thams cad bdag gir bzung bas
318a5 na// phan tshun 'thab dang rtsod byed cing// rang gi don nyid ma shes na// rtsod ldan rags pa'i gnas su skye// de ni 'khor ba'i ltung gnas te// sems can kun gyi ma dag lam// ltung ba'i gnas su rgyal bas
318a6 bshad// rdzogs chen ye shes rang snang yul// ltung ba'i gnas su ga la 'gyur// thams cad mnyam pa'i rang bzhin la// lta ba log par brtags pa rnams// gzhi la yod pa ma yin te// sems can rnam rtog tha
318b1 dad pas// nga dang bdag tu bzung bas log/ log dang ma log thams cad kyang// yang dag rdzogs pa'i byang chub sems// rig pa'i ngo bo rtog med la// ci yang med pas ci yang byung// rdzogs chen a ti'i
318b2 lta spyod ni// ji ltar spyad kyang rang bzhin med// mkha' la khyung chen lding ba bzhin// rang snang chen po'i rgya yis thob// chu la rkyal mkhan 'phyo ba bzhin// rang snang stobs kyis pha rol bsgrol// bar snar khams
318b3 kyi rlung bzhin du// ye shes ngos gzung kun dang bral// rdzogs chen chos nyid don rtogs na// ma rig pa nyid rig par shar// phyin ci log ni yang dag ste// nyon mongs lnga po de bzhin gshegs// 'dod chags
318b4 rnam rtog sems med pas// chags pa'i tshul la chags pa med// de bzhin chags sdang lnga po yang// yang dag don la med par gsungs// sems can ma rig long ba la// mun pa ma lus bsal bya'i phyir// rig
318b5 pa'i sgron ma 'od gsal bas// nyon mong lnga yi mun pa sel// ye shes snang ba rang bzhin du// dmigs pa med par rang sar grol// sems can kun gyi rang lus la// ye shes dag pa'i snang ba gnas// rgya phye
318b6 snang bar mi nus te// dper na mngal dang sgo nga'i rgya// mngon du ma gyur sgrib 'gyur yang// rang rtsal rdzogs nas 'byung ba bzhin// rnam rtog lus 'di bor ma thag/ rang snang yul dang 'phrad par 'gyur// ye
319a1 nas gnas pa'i rang rig nyid// ngo bo rtog med mthong bar 'gyur// ye shes dag pa'i snang ba dang// sangs rgyas bden pa mthong bar 'gyur// ye shes rang snang ngo bo ni// yid kyi rnam rtog med
319a2 pa'o// 'das pa'i yul dang ma 'ongs yul// snang ba thad kar gcod pa'o// ye shes chen po'i rang snang ste// mngon sum yul du med mod kyang// rang byung sgron ma bstan du yod// sgron ma nyid kyi ye shes
319a3 ni// snang dang mi snang mtha' las 'das// chos nyid rtogs pa'i rnal 'byor pas// stong pa nyid du mi blta zhing// rang bzhin nyid las ma g.yos pa'o// shes rab ye shes rtogs pa'i dpe// dper na glang chen
319a4 smyon pa la// dmag dpung bzlog par 'dod pa yis// ral gri sna la btags nas ni// dmag dpung rab tu bzlog pa ltar// shes rab chen po'i rnal 'byor gyis// rnal 'byor 'khor ba'i rgyun thag
319a5 bcad// snang ba'i ye shes mngon sum blta// da ltar ma yin sems can rnams// rang rig rnam rtog 'du 'dzis g.yengs// ji ltar byis pa shed ma bye// bya byed mang pos g.yengs pa ltar// de bzhin ma rtogs
319a6 sems can rnams// rnam rtog 'khor ba'i bdud kyis g.yengs// de yang bstan pa 'di lta ste// la la phyi yi 'dzin gzung yin nam pas g.yengs// la la nang gi gzung 'dzin yin nam bas g.yengs// la la
319b1 bsam gtan bsgoms pas g.yengs// la la bya byed spyod pas g.yengs// la la 'khor ba'i chags sdang g.yengs// de bzhin sems can thams cad kun// nyon mongs lnga yi 'ching bas g.yengs// rang gi ye shes don
319b2 ma mthong// snang ba 'di la zhen zhen nas// dag snang chen po'i zhal ma mthong// mi la sogs pa'i sems can rnams// rang dbang rang gis ma thob pas// 'khor ba dag la yun ring gnas// rang dbang rang
319b3 gis rtogs pa'i thabs// kun bzang seng ge nga yis bshad// e ma rigs kyi sangs rgyas nyon// chos sku skye ba med pa las// snang ba yang rnam pa 'gyur med dbang thob 'gyur// rang rig ye shes 'od gsal
319b4 bas// spyan gsum rdzogs pa'i dbang thob 'gyur// dbyings dang rig pa dbyer med pas// rang snang 'od kyi dbang thob ste// snang yang chags pa med pa'i tshul// 'od kyi rang bzhin ye nas zlum// sku yi rang
319b5 bzhin ye nas 'dril// rig pa'i rang bzhin ye nas stong// snang ba rtsol sems rang spangs nas// dbyings dang rig pa mthong bar 'gyur// e ma ho// a yi yan lag rgyas par bshad// a dang na ro gnyis
319b6 bshad pas// sems can rang rig mig dang ldan// ye shes snang ba mthong bar 'gyur// e ma ho// rdo rje sems dpa' rang byung bcom ldan 'das// kun tu bzang po ye shes thabs la rol// gnyis med rig
320a1 pa'i snang ba cir yang 'char// chos sku spros bral ye shes thabs kyi rgya// snang ba rang lugs ye 'byams thugs la gnas// zad med rig pa'i snang ba cir yang snang// 'gag med sku yi rol pa cir
320a2 yang 'char// rtog med thugs kyi dgongs pa gar yang gnas// rang byung gsung gi grags pa sna tshogs 'byung// chos nyid yul gyi snang ba thabs dang ldan// dgongs pa rang snang yul la the tshom med// sangs
320a3 rgyas ye shes lus las g.yos pa med// dbyings dang rig pa me long gzugs brnyan bzhin// snang ba nyid la rang bzhin yongs kyis med// rang bzhin gsang ba'i rig pa chos kyi sku// bya byed gtang gzhag
320a4 mthar lhung ga la yod// chos kyi sku dang dbyings ni snang bas stong// gsang sngags nyid kyi thabs las sna tshogs 'byung// 'byung ba'i yul dang dri ma'i mtha' bzhi sangs// thig le nyag gcig sangs rgyas
320a5 dgongs par gnas// gnyis med stong gsal rig pa'i ngo la thams cad rdzogs// snang ba'i tha snyad tsam du btags pa ga la yod// snang ba ma yin chos nyid yul gyi rgya// bsam pas don mi rnyed pa kun bzang nga
320a6 yis bshad// e ma ho// rig pa nyid la rig pa nyid bstan pas// snang ba nyid la snang ba'i rgya yis thob// sangs rgyas nyid la sangs rgyas nyid bstan pas// ye shes nyid la ye shes ma 'gags gsal// snang ba
320b1 nyid kyis ye shes rang snang bsgribs// snang ba'i dri ma bsal bas ye shes mthong bar 'gyur/ khyab gdal 'ub chub snying po don gyi mchog/ cha snyoms yul 'jug rang byung ngang du thim// mtha' yas don spyod bde
320b2 chen rang gi sa// ngo bo snang ba sku yi klong du thim// rang bzhin kun khyab dbyings la snang mtha' yas// zag med rang byung rtog pa'i mtha' dang bral// dbyings rig gsal ba rang bzhin khyab gdal lo// byas dang
320b3 byed pa'i chos med kun las 'das// lhun grub rang snang mthar thug kun la rol// gsal dang dro dang bsil ba'i bdag nyid 'dzin// yin dang min pa'i tha snyad kun las 'das// snang dang mi snang yul gyi rtog
320b4 pa med// e ma ho// de ni sangs rgyas gnas lugs yin// sangs rgyas kun gyi lta phugs ni// kun bzang seng ge nga yis bstan cing bkrol// rang snang yul la bdag rtog na// kun tu bzang po'i don ma
320b5 rtogs// rin chen gser dang rgya mtsho bzhin// 'gyur ba ma yin g.yos pa med// dus gsum snang ba'i rig pa'i yul// phyogs su lhung na don ma rtogs// e ma ho// chos dbyings rang bzhin byang chub
320b6 sems// rig pa'i rang bzhin stong gsal mnyam// e ma ho// yangs so che'o ches che'o// chung ngu rnams kyi gnyen po yin// chung dang che ba'i rim pa rnams// yang dag sa la med mod kyang// sems can blo la
321a1 gnyis su byung// sems dang ma rig snang ba ni// yul med pa la 'dzin pas bzung// rig pa ye shes snang ba ni// bdag tu rtog pa'i blo dang bral// yin pa la yang re ba med// min pa nyid la the
321a2 tshom sangs// 'khor ba nyid dang mya ngan 'das// gnyis su gdags su ga la yod// sangs rgyas kun gyi rnal 'byor ni// stong gsal yul med bzhag pas zin// de yi ngang du gnyis med 'ub// 'das dang ma
321a3 byon da ltar gyi// dgongs pa dam pa'i snang ba'o// mi shes byis pa'i ngang nyid kyis// nan gyis mkha' la mdud pa bor// yul snang med la snang bar bzung// rtog pa med la rtog par bzung// bdag dang gzhan
321a4 du med pa la// bdag dang gzhan du bzung bas 'khrul// kye ma ye shes tshig las 'das pa la// tshig dang yi ges nga mi mthong// ye shes rang snang thabs kyis pha rol phyin// shes pa'i yul du med pa la// snang ba
321a5 rtsol sems 'khrul pa'i sems// lhun gyis grub pa'i chos sku nyid// gsal 'grib snang ba'i mun pa sangs// rtag chad gnyis kyi mtha' las 'das// mun snang gnyis su gzung du med// gcig dang du ma'i chos
321a6 las 'das// snang dang mi snang gang yang med// skye dang 'jig pa'i phyogs dang bral// gol sgrib bdag rtog ga la yod// bsam pa nyid la bsam du med// shes rab pha rol phyin pa'i mtha'// rig gsal chos
321b1 kyi sku la 'dus// bsam gtan pha rol phyin pa'i mtha'// sgron ma cog bzhag ngang du 'dus// brtson 'grus pha rol phyin pa'i mtha'// rtog med rang byung don la 'dus// bzod pa'i pha rol phyin pa'i
321b2 mtha'// snang ba thad kar chod la 'dus// tshul khrims pha rol phyin pa'i mtha'// grogs med gcig pur 'dug la 'dus// sbyin pa'i pha rol phyin pa'i mtha'// 'khor ba'i 'dzin chags thongs la 'dus// smon
321b3 lam pha rol phyin pa'i mtha'// snang ba res 'jog med la 'dus// thabs kyi pha rol phyin pa'i mtha'// rig pa cog bzhag ngang du 'dus// stobs kyi pha rol phyin pa'i mtha'// 'khrul snang brgya yis thebs la
321b4 'dus// ye shes pha rol phyin pa'i mtha'// rkyen dang bral ba'i snang bar 'dus// de bzhin pha rol phyin pa'i don// rang bzhin kun khyab ye shes so// de nas kun rig chos kyi rjes// bcom ldan kun bzang seng
321b5 ge la// rang rig thabs kyi yan lag zhus// kye kye bcom ldan seng ge'i stobs// sems can ma rig long ba la// snang ba'i sgron ma gang gis bgyi// bdag cag rnams la bstan du gsol// de nas kun bzang
321b6 seng ge des// sangs rgyas rnams la bka' stsal pa// e ma ho// rig pa'i ye shes sgron ma nyon// nga yis don dam yang dag nyid du bstan par bya/ khyed kyis 'gyur med yang dag gzung bar byos// e ma
322a1 ho// rig pa'i ye shes sgron ma ni// sems can kun la rang chas te// rnam pa gnyis kyi tshul du 'char// thig le stong pa'i sgron ma dang// rig pa dbyings kyi sgron ma'o// 'du 'bral med pa'i tshul du
322a2 'char// sems can kun gyi snang ba bshad// de yang bshad pa 'di lta ste// gnas dang dus dang rtogs pa'o// gnas ni b+h+r-i gu ta na gnas// dus ni bar ma de la 'char// rtogs pa nam mkha'i ngang du rtogs// de
322a3 yang mthong ba'i dus su bstan// de yang dbyings dang rig par bshad// de yang bshad lugs 'di lta ste// gzhi la gnas pa'i dbyings rig dang// lam la snang ba'i dbyings rig dang// mtha' la skyol ba'i
322a4 dbyings rig go/gzhi yi dbyings rig rnam gnyis ni// rtogs byed thabs kyi gzhi dang ni// bya ba rdzogs pa'i gzhi ru bshad// rtogs byed thabs kyi gzhi yi dus// bag chags phung po 'di la bshad// bya ba
322a5 rdzogs pa'i gzhi gnas ni// chos nyid ka dag snang bar bshad// rtogs byed thabs kyi gzhi bshad pa// dbyings ni dbyings kyi sgron ma la// rig pa lu gu rgyud du gsal// lam la snang ba'i dbyings rig
322a6 ni// dbyings ni 'od kyi mu khyud la// rig pa sku lnga'i snang bar bshad// mtha' la skyol ba'i dbyings rig ni// dbyings ni rang bzhin snang ba la// rig pa sku dang ngo bor bstan// de phyir dbyings dang rig par
322b1 bshad// de bzhin nyid du rab tu gnas// dbyings dang ye shes rig pa gsum// 'du 'bral med pa'i tshul du gnas// sangs rgyas rnams kyi yul dang spyan// kun la rtogs shing yengs pa med// yengs pa med
322b2 pa'i rang snang ngo// dbyings dang rig pa'i don nyid ni// lta sgom spyod pa kun gyi dngos// ye shes rang snang gzung 'dzin bral// dbyings dang rig pa gnyis kyi don// 'di yi ngang du thams cad 'dus// chos
322b3 rnams ma lus thams cad kun// bdag dang gzhan gyi blo med pas// kun la thogs med spyad gyur kyang// spyad dang spyod pa gnyis med pas// thams cad ye nas stong gsal ngang// sems can kun gyi snang ba
322b4 la// ma byin blangs pas ma rig sangs// snang srid ma lus thams cad la// thogs pa med par spyad gyur kyang// 'ching bar mi 'gyur bsod nams rdzogs// chags med ye shes chen po yin// snang ba thams
322b5 cad ye shes sku// de nyid rang rig yin par bshad// gnyis med yul gyi snang ba'o// chos sku dngos po kun bral zhing// ye nas rang bzhin 'od gsal bas// ngo bo nyid kyi chos sku yang// rang bzhin nyid kyi snang
322b6 bar bshad// ming btags tshig la dngos po yod ma yin// ma rig 'khrul pa'i log rtog gis// nga dang bdag tu med snang la// bdag dang gzhan gyi blo yis bzung// sna tshogs 'khrul pa rdzun yin pas// rjod
323a1 byed rdzun gyis nga mi sgribs// rdzun nyid la ni rdzun spyod de// rdzun zhes btags tsam yod ma yin// thams cad kun bzang nga yi rdzun// sangs rgyas ye shes rig pa'i klong// bdag med kun tu 'phro
323a2 ba'o// e ma ye shes rnam dag sku// sems can kun gyi rang rgyud la// yang dag lam gyi ye shes gnas// ngo bo 'khrul rtog yul las 'das// rang bzhin gnyis snang yul las 'das// thugs rje kun khyab rnam
323a3 par snang// ye shes rang snang lam du 'char// rig pa snang dang mi snang med// de yang gtan tshigs 'di lta ste// snang ba yin min gnyis las 'das// stong pa 'dzin chags yul las 'das// bsgom pa gtang
323a4 bzhag gnyis las 'das// lta ba phyogs dang res las 'das// 'bras bu rtog mtha' gnyis dang bral// ye shes don la cis kyang bskyod du med// ye shes snang ba gar yang thogs pa med// ye shes sku la mtha'
323a5 bzhi'i dri ma med// ye shes lam la ye nas tshig dang bral// ye shes rig pa yang dag dgongs pa'i mchog/ ye shes ngo bo 'gyur ba'i phyogs dang bral// ye shes rang bzhin gnyis snang mtha' dang bral// ye
323a6 shes thugs rje snang ba'i rtsal du snang// ye shes yon tan sna tshogs du mar snang// ye shes shes rab rig pa'i don la spyod// ye shes dkyil 'khor ma bris yongs la gsal// ye shes nyid la ci yang yod ma
323b1 yin// ye shes nyid la ye shes nyid rol pa// bzung bas mi zin rlung gi dkyil 'khor 'dra// sangs rgyas lus kyi rgyan bzang ba// ye shes mig gcig dri ma med// de nyid ye shes rol par bstan// ye shes snang
323b2 ba du ma yin// ye shes sku la gcig las med// ye shes dang ni chos kyi sku// snang ba so so ma yin pas// ye shes gzhi la sku gsum gsal// ye shes lam la sku la gsal// ye shes 'bras bu thig le'i
323b3 ngang// ye shes sangs rgyas rgyan yin pas// cis kyang bskyod pa ma yin no// ye shes nyid kyi sku la yang dag bde spyod pa// sangs rgyas nyid kyi rig pa dngos yin no// lam dang ye shes rtogs pa phyogs bral
323b4 na// ye shes rang snang blta ba rtogs par bshad// sa dang lam la mi gnas ye shes chen po'i sku// cig char ba dang rim gyis ma yin pas// rang snang chig chod ngang du de bzhin gshegs// yul snang ma yin
323b5 gcig pur gnas// gsang sngags ye shes rang lugs dang// 'khrul pa yul gyi snang lugs gnyis// gcig las tha dad ltar snang ba'o// ye nas gnas pa'i rig pa'i sku// gsang sngags gzhi lam 'bras bur
323b6 gnas// gsang sngags kun gyi gnas lugs dang// snang lugs gcig gis phyogs char bsgribs// de yang bshad pa 'di lta ste// snang thabs dang ni snang lugs so// snang dang rig dang ye shes sku// lam dang
324a1 ye shes 'byung ba'i sa// dkyil 'khor gcig la don brjod pa// gsang sngags gcig la 'khyer so dgu// de yang rnam pa tsam du snang// rim pa dgu yi ngo bo yis// rang snang ye shes don ma
324a2 rtogs// snang ba'i rang bzhin snang ba la// dom dam dang ni kun rdzob gnyis// tha dad ma yin gcig gi ngang// ye shes rtogs pa'i ngo gang la// mtshan ma'i rnam rtog ci byung yang// thams cad ye shes rol par
324a3 shar// rig pa gcig la don brjod pas// sku gsum rgyal ba'i ngo bor snang// sku las ye shes cho 'phrul byung// snang dang mi snang chos ma yin// rtogs dang ma rtogs mtha' las grol// snang ba ye shes ngo bor
324a4 gnas// 'byung ba rdo rje'i rkyen gyi bdag/ snang ba'i rdo rje kun la rol// mtha' yas lam la rnam par rol// stong gsum 'jig rten rab 'byams na// sku yi dkyil 'khor ji snyed pa// thams cad ma lus snang
324a5 bar gsal// stong gsum 'jig rten rab 'byams na// gsung gi dkyil 'khor ji snyed pa// thams cad ma lus grags pas stong// stong gsum 'jig rten rab 'byams na// thugs kyi dkyil 'khor ji snyed
324a6 pa// thams cad ma lus rtog pa sangs// sku dang gsung dang rdo rje'i thugs// snang ba med las thams cad snang// sangs rgyas sku dang ye shes 'od// snang ba rang snang nyid du yod// kun tu bzang pos kun tu rig
324b1 pa'o// zhes seng ge rtsal rdzogs chen po'i rgyud las/ seng ge stobs ldan gyi lta ba bstan pa'i le'u ste lnga pa'o//// de nas yang kun rig chos kyi rje la sogs pa'i rigs kyi sangs rgyas rnams kyis/
324b2 bcom ldan 'das dpal kun tu bzang po la 'di skad ces gsol to// e ma ho// rdo rje ye shes sku// dbang dang dam tshig don bstan pa// legs par 'khor la bstan du gsol// zhus te rang rang stan la
324b3 'dug/de nas kun tu bzang po yis// nye ba'i 'khor la bka' stsal pa// kye ma rang snang dkyil 'khor nyon// ye shes sems dpa'i dkyil 'khor ni// dbang dang dam tshig gnyis su 'dus// de yang bstan pa
324b4 'di lta ste// dbang la rnam pa bzhi yod de// phyi dang nang dang gsang ba dang// de bzhin yongs su rdzogs pa'o// phyi yi dbang nyid 'di lta ste// snang tshad grag tshad thos tshad rnams// phyi dbang rin chen rdzas
324b5 su bstan// de yang bshad pa 'di lta ste// bskur ba'i dus dang 'jug pa'i dus// thob pa'i dus dang smin pa'i dus// rnam pa bzhi ni nga yis bshad// de yang ngo bo nges tshig dang// dbye ba'i dus ni rab tu
324b6 bshad// bskur ba'i dus ni 'di lta ste// rang la gnas pas rtsal dbang bskur// 'jug pa'i dus ni 'di lta ste// sman lnga bdud rtsi lnga la 'jug/ de yang drag shul stobs kyis bza'// thob pa'i dus ni 'di lta
325a1 ste// phyi yi snang ba thams cad kun// bdag gi dbang du 'dus pa dang// snang ba thams cad rang snang dang// grag pa thams cad rang gi gsung// bsam pa thams cad ye shes thugs// rtogs shing
325a2 shes na dbang thob bo// smin pa'i dus ni 'di lta ste// phyi 'byung nang du smin pa dang// phung lnga rigs lngar smin pa dang// yul brgyad sems dpar smin pa dang// dkyil 'khor lha ru smin pa dang// dug lnga ye shes
325a3 lngar smin pa'o// ngo bo bstan pa 'di lta ste// sems can ma rig 'khor ba las// ma smin pa rnams smin par byed// de phyir smin par byed par grags// dbang gi nges tshig 'di lta ste// ma thob pa rnams thob par
325a4 byed// dbang gi dbye ba 'di lta ste// gong du bstan pa kho nar zad// de ni phyi yi dbang du bstan// nang gi dbang bskur 'di lta ste// rang rig rnam rtog ci byung ba// thams cad lha yi ngo bor bskur// de yang bstan
325a5 pa 'di lta ste// shes dang mthong dang go bar bstan// de yang ngo bo nges tshig dbye ba'o// de yang shes pa 'di lta ste// rnam rtog mtshan ma thams cad kun// rang las byung bar shes pa dang// dkyil 'khor lha
325a6 tshogs thams cad kun// rang gi snang bar shes pa'o// mthong ba'i dus ni 'di lta ste// rdul tshon dkyil 'khor de dag kun// rang gi snang bar mthong ba dang// sha khrag bdud rtsi la sogs pa'i// rdzas kyi rnam pa
325b1 de dag kun// rang gi khu bar mthong ba'o// go ba'i dus ni 'di lta ste// lha tshogs rang nyid yin par go ba dang// sku gsum rang las byung bar go ba dang// 'khrul snang ye shes snang bar go ba'o// ngo bo nges tshig
325b2 'di lta ste// ngo bo rtog med shes rab yin// nges tshig ma grol grol bar byed// dbye ba rnam pa bzhi yis bstan// nang gi phyi dang nang gi nang// nang gi gsang ba yangs rdzogs so// nang gi phyi ni 'di lta ste// snang
325b3 ba'i rdzas la brtan pa'o// nang gi nang ni 'di lta ste// phyag rgya dkyil 'khor rdzas lnga'o// nang gi gsang ba 'di lta ste// ma rig rtsad bcad rig snang ngo// nang gi yongs rdzogs 'di lta ste// yul dang rig pa gnyis
325b4 su bstan// des ni dbye ba rgyas par bstan// phyi nang don ni rdzogs par bstan pa'o// e ma gsang ba'i dbang nyid 'di lta ste// nus dang mthun 'jug skye tshad phyir// bstan cing bkrol te bstan pa'o// de
325b5 yang bstan pa 'di lta ste// mtshan brtag pa dang bsdu ba dang// gtor ba dang ni bskur thabs bstan// ngo bo ngais tshig dbye ba dang/ bshad lugs rgyas par bshad pa'o// de yang mtshan nyid brtag pa 'di lta
325b6 ste// la la dag na don mang yang// 'dir ni rnam don gnyis kyis bstan/ khyad par dngos grub 'byung ba dang// thun mong dngos grub 'byung bar bstan// thun mong 'byung ba'i rigs bstan pa// gzungs ma shes
326a1 rab mtshan ldan pa// bu mang bkra shis phun sum tshogs// longs spyod ldan par 'gyur ba dang/ khru tshad lo grangs sum cu so dgu'o// des ni thun mong dngos grub 'byung/ khyad par shes rab mtshan
326a2 brtag pa// skyes pa dag gis ma gtses dang// brtul zhugs che bar gyur pa dang// bzhin bzang yid du 'ong ba dang// mig ni dkyus ring dkar nag phyed// sen mo mdog dmar phra la 'khril// de la sogs
326a3 pa'i mtshan rnams ni// rab tu ldan par gyur pa dang// khru tshad lo grangs bcu bzhi dag gam ni// yang na bcu drug man chad do// de bzhin khyad par dngos grub thob// des ni mtshan nyid brtag pa bstan// bsdu ba
326a4 bstan pa 'di lta ste// de ltar shes rab mtshan ldan ma// yi ge bsdu ba rab tu bshad// dang po thig le'i bye brag rnams// yi ge mUM gyis bsdus nas ni// bskur ba'i gnas dag gang yin pa// de la rab tu bstim
326a5 par bya// de nas yi ge gtor ba bshad// de yang bstan pa 'di lta ste// byang chub sems ni dkar dmar rnams// pad ma rdo rje'i mkha' la rab tu gtor// pad ma la ni yi ge AM// dmar po 'od chags bsams
326a6 pas gtor// rdo rje'i rtse la yi ge oM// 'od zer dkar po rab bsams pas// b+ha ga'i nang nas rdo rjes 'dren// rdo rje'i sked par A nyid bsam// rtsa ba dag tu hUM nyid bsam// kun tu swA hA shes par bya// de
326b1 yang drang dang bstim pa'o// drang ba AHla sogs pas drang// bstim pa bruM la sogs pas bstim// de nas bskur ba'i yan lag bstan// dmar po dang ni dkar po gnyis// bskur ba'i gnas ni so so'o// tha ma
326b2 gcig tu bsdom pa'i gnas// mkhas pas rab tu shes par bya// de yang mdor bstan 'di lta ste// lce stengs sam ni gsang ba'i gnas// yang na gnas lnga dag tu bskur// bskur ba'i rgyu dang rim pa ni// 'bras
326b3 bu yon tan rgyas pa'o// de ni sbyor ba'i dkyil 'khor ro// ngo bo bstan pa 'di lta ste// thabs dang shes rab 'khril sbyor ba// gsang ba'i dbang gi ngo bor 'dod// nges tshig gzhan la mi bstan pa'o// dbye ba rnam
326b4 pa bdun gyis bstan// dang po phyag rgya'i dbang bskur ba// bsten pa tsam du bstan pa dang// sbyor ba'i yan lag bstan pa dang// sgrol ba'i yan lag bstan pa dang// byang chub sems su bstan pa dang// brtul
326b5 zhugs nus pa bstan pa dang// gnyis med 'byung bar bstan pa'o// dang po phyag rgya bstan pa ni// snang ba rgyas 'debs phyag rgya dang// shes rab sems ma'i phyag rgya'o// snang ba rgyas 'debs phyag rgya ni// gsang
326b6 ba thabs kyi yan lag go/shes rab sems ma'i phyag rgya ni// sor mo'i rtse mo sprad byas te// mUM dang a ni rab tu bsam// de ni phyag rgya nyid du bstan// bsten pa tsam du bstan pa ni// dbang bskur las la
327a1 'jug pa'i tshe// shes rab yum ni bsams pas 'grub// yang na bsten pa tsam gyis 'grub// sbyor ba'i yan lag bstan pa ni// gong du rgyas par bstan pa'o// sgrol ba'i yan lag 'di lta
327a2 ste// sems kyi rnam rtog ci byung ba// chos kyi dbyings su sgrol ba dang// dbang po lnga yi cho 'phrul ni// dag pa'i lam lngar sgrol ba dang// mtshan mar snang ba'i 'byung ba rnams// dag pa'i zhing du bsgral ba
327a3 dang// nyon mongs rnam pa lnga nyid kyang// ye shes rnam lngar bsgral ba'o// 'khor ba'i sdug bsngal ji snyed pa// dag pa'i zhing du bsgral ba'o// des ni sgrol ba'i yan lag bstan// byang sems dkar dang dmar ba
327a4 yang// bskur ba nyid du bstan pa dang// bsten pa'i dus su bstan pa'o// bskur ba nyid du bstan pa ni// gsang ba'i gnas dang lce stengs su// de yang brtul zhugs ldan pa dag/ pad+ma dag la mchu btsugs
327a5 te// rab tu gzhibs pas dbang thob 'gyur// bsten pa nyid du bstan pa ni// bdud rtsi rnam lnga snod dag tu// byang chub sems dang mnyam sbyar te// mgul lam mchan khung dag tu gdags// sgrub pa pos ni rtag
327a6 tu bcang// bcangs na dngos grub nye bar 'gyur// brtul zhugs nus pa bstan pa ni// bu mchog dad dang ldan pa zhig/ yab yum sbyor ba'i bar dag nas// lce yis rab tu blang bar bya// yang na me long ma gas
327b1 pas// blangs te rang gis btung bar bya// des na brtul zhugs dngos grub 'byung// snang ba dbang du 'dus gyur nas// ye shes dkyil 'khor mthong bar 'gyur// des ni dbang mchog thams cad thob// ma grol ba rnams
327b2 grol bar 'gyur// gnyis med 'byung bar bstan pa ni// thabs dang shes rab sgo gnyis gsal// shes rab sems ma yum dang ni// thabs kyi sems dpa' gnyis su med// 'di yis yang dag
327b3 don chen 'byung// mun pa drug gi phyogs dag kyang// snang ba lnga yis rab tu gsal// ma bcos ye shes las byung bas// de phyir gnyis med bstan pa'o// e ma ho// yongs su rdzogs pa'i dbang chen ni// rang
327b4 rig gzhi yi gnas lugs ston// de yang rab tu bshad pa ni// snang ba sems su dbang bskur dang// sems nyid rig par dbang bskur dang// rig pa chos nyid dbang bskur ro// ngo bo nges tshig dbye ba
327b5 bstan// snang ba sems su dbang bskur ni// shin tu rags pa lnga rnams kyang// mun pa sel ba snang ba sems las yang byung/ lnga ru bskur// mun pas myos pa rnam drug la// bdud rtsi thigs pa'i dbang bskur
327b6 bya// shin tu gsang ba rnam gnyis la// bcos med nam mkha'i ngang du bskur// mgyogs par byed pa rnam bzhi yang// don la spyod byed rnam bzhi yis// dbang bskur dkyil 'khor rdzogs par bya// snang ba
328a1 rtogs byed rtsa ba ni// stong nyid gsal ba'i ngang du bskur// sems nyid rig pa'i dbang bskur ni// sna tshogs rig pa'i ngo bo rnams// sprul pa nyid du dbang bskur ro// rnam rtog dpyod par byed pa
328a2 yang// mnyam la ma 'dres dbang bskur bya// sna dgu'i bzhed gzhung sna tshogs rnams// theg chen gsang bar dbang bskur bya// rig pa chos nyid dbang bskur ni// blo dang dngos po'i snang ba rnams// stong pa
328a3 nyid du bskur bar bya// btags pa gnyis kyi chos rnams kun// gtang gzhag med par dbang bskur bya// ye shes yul snang chen po'i dbang// gzhi la de bzhin gnas pa'o// ngo bo bstan pa 'di lta ste// rig
328a4 pa'i ngo bo rtog med pas// rang rig gsal ba'i ngo bor 'dod// sgra tshig ming la mi gnas pas// stong pa nyid kyi ngo bor 'dod// bya byed gnyis dang bral ba'i phyir// 'dzin chags bral ba'i ngo bor 'dod// de ni
328a5 ngo bo bstan pa'o// nges tshig bstan pa 'di lta ste// thams cad rdzogs pas yongs rdzogs so// dbye ba rnam pa bzhi yis bstan// snang ba yul gyi yongs rdzogs dang// bskur ba'i dus la yongs rdzogs
328a6 dang// rang rig ye shes yongs rdzogs dang// rtogs pa'i dus na yongs rdzogs so// snang ba yul gyi yongs rdzogs ni// rig pa bya byed med pa gnyis// sgron ma gnyis kyi snang ba dang// bcas te mkha' la
328b1 gsal ba dang// rig pa'i ngang du 'byung ba rdzogs// snang ba'i ye shes yul dang 'phrad gyur nas// rang snang mkha' la gsal ba'o// bskur ba'i dus na rdzogs pa ni// rang gi rig pa'i ye shes nyid// gdams
328b2 ngag don gyis bkrol gyur na// rang gi sgron ma mthong ba dang// ye shes snang ba shar ba ni// dag pa phyogs gcig dbang bskur rdzogs// ngos gzung bral ba'i dkyil 'khor nyid// rang rig lus la rdzogs pa
328b3 ni// dus dus tshod mtshan ma yang byung nyid mtshon pa'i ye shes rdzogs// ye shes rgya chad med pa nyid// sna tshogs don du shar ba ni// rtog med shes rab rdzogs lugs so// 'khrul pa sna tshogs rdzogs lugs
328b4 ni// drug las byung ba'i mun pa gsum// de las mun pa lnga'am drug/ de bzhin mun pa chos nyid kyi// snang ba gcig las byung ba'o// snang ba lnga yis ngo bor bsgribs// rang snang rdzogs pas mun pa sangs// de
328b5 bzhin bskur ba'i dus na yongs su rdzogs// rang rig ye nas yongs rdzogs ni// rig pa rtog med snang ba nyid// ye nas kun la gnas pas na// de las bcom shing bsgom med pas// rang snang bzhi rdzogs
328b6 dbang du bshad// rang snang dkyil 'khor dbang mchog ni// ye shes thabs la sna tshogs rol// rang rig ye nas yongs rdzogs so// rtogs pa'i dus na yongs rdzogs ni// snang ba chos skur rtogs pa dang// stong
329a1 gsum stong gi 'jig rten na// sku gsung thugs kyi rol ba rnams// rtog med dag tu rtogs pa dang// sems kyi rnam rtog ci snyed pa// yang dag nyid du rtogs pa dang// ye nas rang bzhin 'od
329a2 gsal bas// snang ba sgron mar rtogs pa'o// de ni yongs rdzogs dag tu bstan// kye ma ye shes rgya mtsho la// ngang gis g.yos pa med par bstan// ye nas lhun rdzogs chos sku la// snang ba'i rang rkyen ngos bzung
329a3 bas// shes rab lnga yis ma chod na// min pa drug gi spyod yul lo// snang ba'i rang rkyen chos kyi sku// 'byung ba lnga yi dug ro rnams// rang gdangs lnga yi snang ba'o// sems dang bag chags snang ba yang// yin
329a4 min gnyis kyi mtha' las 'das// chos kyi sku yi snang ba ni// 'gyur ba med pa'i dbang du bshad// yang dag nyid kyi spyod pa ni// ma 'gags zhen med dbang du bshad// ye nas lhun rdzogs chos sku ni// bag
329a5 chags bral ba'i dbang du bshad// 'khrul snang zad pa'i ye shes ni// rang dbang thob pa'i dbang du bshad// des ni dbang gi ye shes bstan// snang ba nyid la mi gnas pa'o// zhes seng ge rtsal rdzogs chen po'i
329a6 rgyud las/seng ge rang dbang thob pa'i le'u ste drug pa'o//// de nas kun r-ig chos kyi rjes bka' stsal pa// rigs kyi sangs rgyas rnam lnga nyon// gsang ba'i rigs kyi dam tshig rnams// ston pa kun tu
329b1 bzang po la// bdag gis dri ba rab tu bya/ khyed kyis nye bar yid la zung// de nas rigs kyi sangs rgyas rnams kyis// kun rig gsang ba'i chos rje la// de ltar bgyi'o bcom ldan 'das// zhes brjod rang
329b2 rang stan las langs// de nas kun rig chos kyi rjes// ston pa kun bzang seng ge la// zhu ba'i ye shes rab tu zhus// de nas kun bzang seng ge yis// chos kyi rje la bka' stsal pa// e ma rigs kyi bu khyod
329b3 nyon// nga yis don gyi dam tshig bstan// de yang bshad pa 'di lta ste// snang ba yul gyi dam tshig dang// rtogs byed lta ba'i dam tshig dang// spyod rgyu nges pa'i dam tshig dang// bsrung mtshams bcas pa'i dam
329b4 tshig go/e ma snang ba yul gyi dam tshig ni// yul gyi snang ba ji snyed pa// thams cad ye shes rol pa las// 'das na rang rig mi rtog pas// nyams na gol sgrib ltung bar 'gyur// phyi yi mtshan nyid ji snyed
329b5 pa// rang gi 'du 'phror ma shes te// sna tshogs zhen par gyur pa ni// nyams te ye shes don mi rtogs// nang gi sems rtog ji snyed pa// rang gi yul du ma shes na// nyams te 'khor ba'i kha mthar brgyud// gzung
329b6 dang 'dzin pa'i bsam pa rnams// rang byung chen por ma shes na// sna tshogs mtshan ma'i rgyu gsog pas// nyams te dmigs pa can du 'gyur// theg pa mtho dman don brjod rnams// rang rig lta bas ma zin
330a1 na// nyams te gol sgrib ltung bar 'gyur// chos sku rang snang ma shes shing// 'dzin pa'i phyogs la brten pa ni// nyams te rang snang don mi rtogs// snang ba yul gyi dam tshig go/ rtogs byed lta
330a2 ba'i dam tshig ni// rang rig chos skur ma rtogs na// gzhan 'byung phyogs su ltung bar 'gyur// snang ba rang du ma shes na// spyod pa'i phyogs su ltung bar 'gyur// rnam dag ngo bor ma shes na// yin min phyogs su
330a3 lhung bar 'gyur// rtogs byed lta ba'i dam tshig go/ spyod rgyu nges pa'i dam tshig ni// rang byung nyid kyi snang ba la// ye shes rol ba ma 'gags pas// snang ba'i spyad rgyu nges par bshad// sems kyi snang ba 'gag
330a4 med pa// mtshan ma'i spyad rgyu nges par bshad// rang rig bcos pa med pa ni// don dam spyad rgyu nges pa yin// mtshan ma'i klong na rig gsal ba// yang dag spyad rgyu nges pa yin// snang ba'i phyogs kyi sgron ma
330a5 ni// rtogs pa'i spyad rgyu nges par bshad// de ni spyad rgyu nges pa'o// e ma ho// bsrung mtshams bcas pa'i dam tshig ni// mdo don nga yis bstan par bya// dkon mchog gsum ni spang mi bya// dge bcu dag ni
330a6 spang mi bya// rdo rje slob dpon smad mi bya// rang rig 'dren pa'i ston par bshad// dper na long ba'i sna thag bzhin// ye shes gsal ba'i lam ston pa'o// nyon mongs sdug bsngal mtsho skam yin// slob dpon
330b1 dag la smod pa ni// dper na mun khung sgron bsad na// mthong ba'i don byed med pa bzhin// sdug bsngal nyam thag yun ring gnas// bskal pa mang por myong bar 'gyur// de bas rtag tu gus par mdzod// rang
330b2 rig skyed pa'i slob dpon la// shin tu gtso bas blang bar bya// lus sems skyed pa'i pha ma la// rtag tu rim gro rgyun mi gcad// rdo rje mched dang lcam dral ni// bla med byang chub 'grogs pa'i spun// chos nyid
330b3 dam tshig smon lam mthus// rdo rje'i dam tshig lu gu rgyud// rtag tu de dang mi 'bral bar// de las ldog cing 'khu ba ni// rang la rang gis mtshon btab nas// rang srog tshe rabs lnga brgya'i bar// rang gis gcod
330b4 cing phung bar 'gyur// tshe 'dir mi bde sna tshogs la// mi 'dod bzhin du 'byung bar 'gyur// 'jig rten pha rol dag tu yang// ngan song gsum dang mi khom pa'i// sdug bsngal kha brgyud myong bar 'gyur// yun
330b5 ring dag tu mi thar ro// shin tu nyam thag myong bar 'gyur// grub pa gcig bzhin lhan cig spyod// gnyis med spyod dang rjes spyod spun// bde gshegs dkyil 'khor bla med yin// shes rab gsal bas rtag tu
330b6 gdung// gsang ba'i theg pa spel mi bya// sku gsung thugs kyi dam tshig rnams// rnal 'byor dbyings rig ldan pa yis// dbyings dang rig pa ltar rtogs nas// nyams pa'i spyod pa las 'das te// phal dang mi
331a1 'dra yang dag rtogs// ma rtogs pa yi phyogs rnams dang// skye bo kun la rab tu gsang// gsang phyir gdams ngag sna tshogs gsungs// gsang sngags thabs mkhas spyod par bstan// gsang
331a2 sngags skyon yod ma yin te// thugs rje chen po thabs mkhas pas// snod ma yin dang blo brtul rnams// las 'phro ngan pa'i don phyir gsang// rdzogs chen a ti'i gsang don ni// blo dman rnams la bsgrags
331a3 gyur na// dper na gtsub shing mer bcug na// gtsub shing nyid kyang 'tshig par 'gyur// gzhan yang 'tshig par 'gyur ba bzhin// gsang sngags nges don me dang 'dra// skal ba chung zhing shes rab dman// blo
331a4 ngan rgyu 'bras rmongs pa rnams// rdzogs chen don la skur 'debs pas// ngan song gsum la 'phen par 'gyur// nges don ma rtogs sdug bsngal myong// gsang ba 'phel bar byed pa yang// smra byed lce la zhing rmo
331a5 zhing// sdug bsngal chen po myong bar 'gyur// de phyir nges pa'i don 'di gsang// rlung phyogs tsam du'ang brjod mi bya// yun ring rtag tu mi thar ba'i// sdug bsngal shin tu nyam thag myong// grub pa gcig bzhin
331a6 lhan cig spyod// 'di la gnas par ma byas na// dug lnga'i nyon mongs dgra ldang bas// 'khor ba'i gnas las thar skabs med// de yang bstan pa 'di lta ste// nyon mongs sdug bsngal 'dod chags ni// lus
331b1 dang zas kyis bsgrib 'gyur te// yi dwags sdug bsngal gnas su 'gro// skom dang bkres pa'i sdug bsngal 'gyur// rnag khrag ngan skyugs dag mthong nas// de yang spyod pa'i dbang med cing// rtsub cing sdug pas
331b2 phung bar 'gyur// de la sogs pa'i nyon mongs lnga// sdug bsngal lam gnas myong bar 'gyur// e ma bsrung ba'i yon tan 'di lta ste// nyon mongs dug lnga ye shes te// de yang bstan pa 'di lta ste// 'khor ba'i
331b3 lam lnga sgo bcad cing// rig pa'i lam du 'jug par byed// rang rig nges don rnyed par 'gyur// ye shes pho brang rdzogs pa'o// rang rig gsal ba'i ngang du mnyam// rig pa rtog med zhi ba'i dang// gsangs
331b4 don nges pa'i ting 'dzin thob// rang rig 'od gsal gti mug gi/ mun par rab tu ma rmugs shing// snang ba'i yul snang dag la rol// chos rnams brjod dang bral ba'i phyir// sems can lus la rang rig
331b5 sku// shin tu 'od gsal rnam dag lam// lu gu rgyud kyi tshul du gnas// sems can kun gyi dug lnga'i gnas// rab tu 'joms par rgyal bas bshad// sems can kun gyi nga rgyal ni// yon tan bskyed pa'i
331b6 mdzod yin te// nga dang bdag tu mi dmigs pas// sems can gang dag 'khrul pa'i sems// de yang nga rgyal byed par 'gyur// dmag gi dpung la sogs pa yi// nga rgyal shin tu rags pa rnams// ye shes
332a1 dkyil 'khor yin pas na// rang rig snang ba mthong bar 'gyur// sems can kun gyi phrag dog ni// nga dang bdag med don rtogs na// dog dang yangs pa'i blta ba med// bde ba'i ye shes rang
332a2 la grub// phrad dog dngos po ma shes na// nga dang bdag tu 'dzin gyur pas// lha ma yin gyi gnas su skye// de nas yi dwags sdug bsngal myong// gal te mi lus rnyed gyur na// shin tu mi bde dogs par
332a3 'gyur// gzhan yang longs spyod thams cad la// rang dbang ma yin gzhan dbang 'gyur// mdor na ye shes rtsa ba stor// phrag dog nyid kyi don mthong na// yangs dang dog par mi 'dzin pas// snang ba'i ye shes
332a4 chen po la// phyin ci log dang ma log med// sangs rgyas rnams kyi rang rig spyan// dug lnga nyid la btsal bar bya// gzhan yang dam tshig sdom pa ni// gang dag bsrung ba'i rigs dang ni// rab tu gnas pa kho
332a5 na'o// gsang sngags rdzogs chen a ti'i don// 'og ma rnams la smra mi bya// rdo rje slob dpon dpa' bo yis// lung nyid ma thob bar du yang// rdo rje lce yi tshul yod kyang// gsang ba gzhan la bstan mi bya// 'og
332a6 ma'i rigs la dbang ma thob// las 'phro ngan par gyur pa la// gsang ba chen po'i don mi bshad// de ni dam tshig rnam grangs yin// rig pa'i sku la dam tshig med// srung dang bsrung bar bya ba med// srung byed
332b1 dang ni bsrung bya med// snang dang mi snang dam tshig med// rang rig rdzogs chen ngo bo la// dam tshig lung du bstan pa med// de yang bstan pa 'di lta ste// shes rab chen po'i spyod yul ni// med pa nyid la med
332b2 par spyod// gcig pu nyid la gcig pur spyod// phyal pa nyid la phyal pa yis// lhun grub nyid la lhun grub gter// dam tshig dam tshig ces bya ba// gud na yod pa ma yin te// rang rig snang ba'i don rtogs
332b3 na// dam tshig rgyal po zhes bya'o// sangs rgyas sku la dam tshig med// sems can dus na skyon yon byung// yang dag rig pa'i don rtogs na// nyams dang ma nyams gnyis las 'das// bsrungs dang ma bsrungs
332b4 phyogs dang bral// gsang sngags gsang ba'i don rtogs na// ye shes ngo bo skye bar 'gyur// bsrung bya dang ni srung byed med// sangs rgyas rnams kyi ye shes sku// snang 'dod rtsol med gnyis su med// yang dag
332b5 phyag rgya chen po'i don// snang dang mi snang gnyis su med// rgyu dang rkyen du med pa la// byas pa byung ba ma yin te// rang gi snang ba rang snang ngo// rig pa'i ye shes sku la yang// snang ba'i ye shes yul du byung// de
332b6 gnyis mthong dus 'dzom pas na// dam tshig ces kyang de la bya// rig dang ma rig gnyis po yang// rang gi snang ba'i khyad par ro// rtogs dang ma rtogs gnyis po yang// dag dang ma dag khyad kyis
333a1 bstan// gsang sngags gsang ba'i nges don ni// rigs dang ldan pa'i sems can la// bsnan phri med par bstan par bya// sems dpa'i sku dang gtso bo'i sku/ khyad med gcig tu rtogs pa
333a2 yis// gsang sngags theg pa'i don rtogs pa'o// sgra dang tha snyad ming nyid kyang// ngo bo snang ba ma yin pas// dri ma'i snang ba bral ba'o// rang rig dkyil 'khor rdzogs par bshad// dam tshig nyid kyi ngo bo
333a3 dang// nges tshig dbye ba rab tu gsungs// de yang bstan pa 'di lta ste// ngo bo srung bar byed pa yin// nges tshig ma bsrungs 'tshig par bstan// dbye ba bsam gyis mi khyab bo// bsdu ba dang ni rgyas pa'o// rnam
333a4 grangs med las rnam grangs byung// rnam grangs byung pas rnam grangs med// brjod pa kun dang bral ba'i phyir// dam tshig mnyam pa nyid du grags// rang byung rtogs pa'i dam tshig ni// gnyis dang gsum du
333a5 bgrang du med// tha snyad du ma med par bshad// gcig gi don nyid rtogs pa na// thams cad ngo bo rtogs par bshad// gsang sngags thabs la rab mkhas pas// yang dag nyid du dam tshig med// chos dang
333a6 chos min gnyis dang bral// de yang bsrung bar byed pa med// sangs rgyas rnams kyi dam tshig ni// don dam nyid la med pa'o// zhes seng ge rtsal rdzogs chen po'i rgyud las/ seng ge'i dam tshig bstan pa'i le'u
333b1 ste bdun pa'o//// de nas kun rig chos kyi rjes bcom ldan 'das dpal kun tu bzang po seng ge rtsal rdzogs de la 'di skad ces zhus so// e ma ston pa kun tu bzang// rang snang rtogs pa'i rig pa
333b2 la// lta ba rmad byung gsung du gsol// de nas kun bzang seng ge des// rab tu bzhugs nas bka' stsal pa// e ma ho rtogs ldan sangs rgyas nyon// blta ba'i don la bsam yas kyang// nga yis don bsdus
333b3 khyed la bstan par bya// snang ba'i ye shes ngos bzung gis// rig pa rdzogs chen lta ba bstan// legs par yang dag nyid du nyon// e ma ho// rdzogs chen rig pa'i rang skad ni// snang dang stong pa'i yul las
333b4 'das// sems dang yid dang chos las 'das// yin dang min pa gnyis las 'das// bzang dang ngan pa'i lta ba med// bsgoms dang ma bsgoms gnyis su med// rdzogs chen rang gnas rig pa la// dge dang
333b5 mi dge gnyis su med// rang rig rtog dang bral ba'i phyir/ khams kun tu rtog pa'i gsum sems can thams cad rnams// shin tu mtshon cha rno ba yis// thams cad bsad na dngos grub 'byung// thugs
333b6 rjes thams cad sgrol ba'i phyir// rang gi rdo rje slob dpon nyid// bsgral nas rgya mtshor bskyur byas na// snang srid chos rnams shes par 'gyur// rang rig ye shes yod pa'i phyir// rtag tu 'grogs pa'i rlung sems
334a1 mched lcam gnyis// gcong rong dong du bskyur byas na// ye shes sku dang mi 'bral 'gyur// lu gu rgyud du yod pa'i phyir// lus srog bskyed pa'i pha dbyings rig ma gnyis// thang la bton na rang
334a2 lus 'phel// ye shes yul dang 'phrad pa'i phyir// mchod rten lha khang rang snang nam mkhara' phyung ba'o/ la sogs rnams// phyags te rgya mtshor pho byas na// yang dag don gyi snying po mthong// sgron ma mkha' la gsal
334a3 ba'i phyir// dkon mchog dran bsam rgyun bcad/ gsum por rgyab phyogs na// zhing khams thams cad mthong bar 'gyur// sku gsum snang ba yod pa'i phyir// sangs rgyas dug lnga/ bsgral te dur ye shes bcug
334a4 na// rang rig rang snang rtogs par 'gyur// 'byung ba rang la log pa'i phyir// chos gzung 'dzin gyi/ rnams ye shes mer bsregs chur bde chen/ pho na// rang gi rig pa rtogs par 'gyur// shes rab don la dpyod
334a5 pa'i phyir// sems can thams cad dran rtog 'char sgo/ dus gcig tu/ dran rtog med// bsgral na snang 'khrul/ ba thams cad stong par 'gyur// bems por mi 'gyur te rig pa rtog med nyid la/ thugs rje'i don nyid ma
334a6 'gags phyir// rang gzung/ 'dzin gyi srog rang gis bcad byas na// rang rig yul dang 'phrad par 'gyur// sgron ma 'od lngas brgyan pa'i phyir// skye dgu rang rig rtogs la/ thams cad dbang bsdus na// rang nyid
334b1 stobs dang ldan par 'gyur/ye shes chags pa med pa'i phyir// lha thig le 'gul 'phrig med pa/ tshogs btson du bzung byas na// dngos grub thams cad nye bar 'gyur// rig pa kun tu yas pa'i phyir// snying po'i
334b2 rgyun thag bcad byas na// bskyed rim thams cad gsal bar 'gyur// rig pa rtsol bsgrub bral ba'i phyir// tshogs la bsag tu med pas na// sbyin pa thams cad rdzogs par 'gyur// rang rig btang bzhag
334b3 bral ba'i phyir// thabs gzung 'dzin/ dang shes rab ya phral na// rang don thams cad rnyed par 'gyur// rig pa gcer bur yod pa'i phyir// rgyu 'bras ma rig pa las mgo 'jug ldog pas na// skye ba med pa thob
334b4 par 'gyur// rgyu yis bskyed du med pa'i phyir// kun gzhi rtsad nas bcad pa na// mngon sangs rgyas par 'gyur ba yin// chos sku gdod nas dag pa'i phyir// gsad gcad las rnams byas pas na// dge
334b5 ba thams cad 'phel bar 'gyur// rig pa srog dang bral ba'i phyir// rang snang ye shes rtogs lugs de bzhin no// e ma ho// snang ba'i ye shes gsal ba che// rtog bral ye shes phyogs dang bral// rdzogs chen
334b6 gsang ba'i ye shes ni// kun gyi rtse mor gyur pa'o// rdzogs chen blta ba'i dper mtshon ni// khyung chen mkha' la ldings dang mtshungs// theg pa'i rang skad grangs mang yang// dper na seng ge wa skad 'don dus
335a1 mgrin pa ye nas yangs// wa spre seng skad 'don dus mgrin pa ye nas dog/ rdzogs chen rang skad 'don pas rang rig ye shes ston par byed// 'og mas rang rig bstan du lta ba ye nas
335a2 dma'// rdzogs pa chen po'i don mtha' ni// mtha' thug rig pa nyid du bstan// de yang bstan pa 'di lta ste// 'od snang rig pa'i dngos po de// ye shes lu gu rgyud du gnas// dper na 'dab chags 'phur skyen
335a3 bzhin// skad cig tsam la kun tu rgyu// de la rtsi yis thebs gyur na// ri dwags mgyogs pa tsam du 'gyur// de nas don la ma yengs na// bung ba bcud la 'khor ba tsam// de nas rang snang bltas gyur
335a4 na// dper na smig rgyu lta bur 'gyur// de nas don la ma yengs na// 'gul lam 'phrig pa tsam du gyur// de yi don la ma yengs na// ltem bzhin pa dang mer bar 'gyur// de nas shin tu bltas gyur na// 'gro
335a5 'ong ma yin 'od snang mthong// de yi don la brtas gyur na// thig le stong pa'i sgron ma mthong// de la yang dag bltas gyur na// thig le sku dang bcas pa mthong// de nyid la yang ma yengs na// 'khrul snang longs
335a6 skur mthong ba'o// sku yi snang ba de rnams kun// sgyu ma 'ja' tshon ji bzhin no// de la rab tu brtan gyur nas// nyin mo mtshan mo med pa ni// dper na ce spyang mo yi mig/ nyin dang mtshan mo med pa ltar// rang
335b1 snang dkyil 'khor de bzhin no// sku yi snang ba de dag kun// yul gyi snang ba ma yin te// dper na na chung gzhon pa yis// me long mtshan nyid gsal ba la// rang gi bzhin snang mthong ba ltar// chos nyid yul gyi
335b2 nam mkha' la// rig pa'i snang ba sku ru gsal// rang gi gnas lugs mthong ba ni// yul la yod pa ma yin te// dmigs pa dag pas mngon du gsal// rang gi dkyil dang 'khor dang bcas// ye shes don la
335b3 yul med kyang// sems can dus na yul du byung// mthong ba'i dus na rtogs pa che// go ba'i dus na bde ba che// snang ba mthong na nyams myong che// rang rig gcig pu grogs kyi mchog/ snang ba'i yul du med
335b4 pas na// rdo rje lu gu rgyud nyid las// cha shas sku ni bsam mi khyab// rang byung dbyings kyi sgron ma la// rang snang 'od ni bsam mi khyab// thig le stong pa'i sgron ma la// zer ldan thig le bsam mi khyab// ye shes
335b5 lnga yi ngo bo la// mtshon pa'i tshig ni bsam mi khyab// rkyen med yul gyi snang ba la// 'gag med 'byung ba bsam mi khyab// e ma ho// rdzogs chen lta sgom spyod pa la// tha snyad tshig ni bsam mi khyab// rdzogs chen
335b6 don dgongs blta ba ni// dge sdig phyogs su ma lhung bas// yin min gnyis kyi snang bar med// rdzogs chen ye shes lta ba ni// rdzogs dang ma rdzogs gnyis su med// rdzogs chen rig pa'i ngo bo la// 'khrul
336a1 dang ma 'khrul med pa'o// sems can blo yi bsam pa rnams// tshig dang yi ges mi chod de// gdams ngag snying po gsum la thug/ rang rig chos sku'i snang ba ni// bltas pas mthong bar mi 'gyur
336a2 te// bzhag thabs ngo bo gsum la thugs// rdzogs chen 'gag med spyod pa nyid// byas pas 'byung bar mi 'gyur te// chags med rang grol gsum la thug/ rdzogs chen bsgom pa ye rdzogs nyid// bsgoms pas
336a3 byung ba ma yin te// 'gyu med bsam bral gzhi la thug/ rdzogs chen don nyid rtogs dka' bas// mtshon pa'i tshig gis mi rnyed de// gdams ngag gsang bcud gnyis la thug/ rdzogs chen rig pa rtog med
336a4 nyid// bsgoms pas rtogs par mi 'gyur te// bskyal sa chen po gcig la thug/ rdzogs chen rang byung ye shes nyid// bsgrubs pas 'grub par mi 'gyur te// nges pa'i snying po gnyis la thug/ rdzogs chen 'bras
336a5 bu cig chod ni// bskyed pas rdzogs par mi 'gyur te// chags bral man ngag gsum la thug/ rdzogs chen snang ba thug phrad nyid// bzung bas zin par mi 'gyur te// rnam dag ngo bo lnga la thug/ rdzogs chen rtog
336a6 med gsal gdangs nyid// chags pas don dam mi rtogs te// yin pa rnam pa drug la thug/ rdzogs chen snang ba bzhi rdzogs nyid// dpyad pas mtha' la mi skyol te// 'dzin med rnam pa brgyad la thug// rdzogs
336b1 chen 'gyur med rnam lnga nyid// sbyangs pas phyin par mi 'gyur te// dkyil 'khor rnam pa gsum la thug/ rdzogs chen 'bras bu rang sangs nyid// bsgrubs pas thob par mi 'gyur te// nyi shu rtsa gcig thabs
336b2 la thug/rdzogs chen gsang sngags ngo bo nyid// mchod pas dngos grub mi 'byung ste// zil gnon rnam pa gsum la thug/ rdzogs chen stong nyid ye shes nyid// bsams pas rang rig mi mthong ste// bstan pa'i
336b3 snying po gsum la thug/rdzogs chen rang 'od gsal ba nyid// spras pas mthong bar mi 'gyur te// don gyi snang ba gsum la thug/ des ni rdzogs chen mtha' la skyol// rang rig ston pa de bzhin no// e ma
336b4 ho// snang ba chen po gsal ba che// ye nas gnas pa'i gsang sngags bcud// rdzogs pa chen po ye shes ni// sangs rgyas pas kyang che ba nyid// rdzogs chen mthar thugs ye gnas don// kun gyi snying po yin pas
336b5 na// gsang sngags rnams kyi mngon sum don// yang dag ye shes 'od gsal bas// 'byung ba'i ye shes 'od du gsal// chags pa med pa'i ye shes ni// rtogs dang ma rtogs gnyis su med// sangs rgyas nyid kyi
336b6 snang ba ni// phyogs dang ris su ga la yod// kun tu bzang po nga yi sems// dngos po med la rtogs mtha' bral// mtha' dang dbus su mi 'byed na// rig pa'i ye shes snang ba nyid// sems dang bral bar rtag
337a1 tu bstan// yangs pa'i grong khyer gting mtha' yas// gsal ba'i grong khyer thug pa med// rdzogs pa chen po'i ye shes ni// nga dang bdag tu mi rtog na// ye shes snang ba rdzogs par 'gyur// mtha'
337a2 la mi gnas rdo rje'i sku// rkyen gyis mi shigs stong nyid che// gsang ba'i rig pa kun la khyab// e ma blta ba'i don la thug pa med// thug med ye shes ngo bo nyid// snang ba bzhi yi dri ma bsal// sangs dang ma
337a3 sangs gnyis med kyang// ltar snang nyid la gnyis su byung// rdzogs chen lta ba'i zhe phugs la// sangs dang ma sangs gnyis dang bral// rdzogs chen lta ba'i bskyal sa ni// yang na ci yang med pa la// yang na sna
337a4 tshogs 'byung ba'o// yangs dang dog pa gnyis su med// yin dang min pa gnyis su med// 'das dang ma 'das gnyis su med// rtogs dang ma rtogs gnyis su med// bzang dang ngan pa gnyis su med// mtha'
337a5 dang dbus su gdags su med// gol dang sgrib pa gnyis su med// dge dang sdig pa gnyis su med// bsrung dang mi bsrung gnyis su med// de ni gnyis med lta ba'o// rdzogs chen rang gsal ngo bo la// mun
337a6 dang snang ba med shes na// yang dag don gyi snying po rnyed// byar med lhun rdzogs chen po ste// sngags dang phyag rgya ma bsgyur rdzogs// ting 'dzin yig 'bru ma bsgoms gsal// snying po bzlas brjod ma byas
337b1 grub// gzung 'dzin gnyis su med par rdzogs// bskyed rim ma byas lha tshogs mthong// gom pa gcig gis pha rol phyin// ting 'dzin gcig gis sa rnams gnon// blta ba gcig gis phyi nang mthong// bsgom
337b2 pa gcig gis chags med rnyed// spyod pa gcig gis rang snang rtogs// 'bras bu gcig gis 'dod pa grub// dper na khang stong mun nag nyid// snang ba gcig gis sel ba ltar// ma rig 'khor ba'i mun pa
337b3 rnams// snang ba gcig gis thams cad sel// sangs rgyas kun gyi ye shes dang// sems can kun gyi rig pa gnyis// gcig las med par mgon pos bshad// sangs rgyas snang ba dmigs med
337b4 dang// sems can snang ba dmigs pa can// gcig nyid yin par rgyal bas bshad// gsal ba'i dkyil 'khor 'od zer ni// mu khyud ra ba zlum por gnas// sku yi 'od snang 'di lta ste// gsal 'tsher lhun
337b5 sdug gzi byin 'bar// 'od zer kun tu 'phro ba'o// mdog bzang lhun yangs dkyil 'khor 'byung// sna tshogs sku las 'byung ba'o// ye khyab lhun brdal kun gsal shar// ye shes 'gag med 'char ba'o// ye
337b6 shes dang ni yang dag sems// sku ni sna tshogs 'phro ba'o// rdzogs chen ye shes snang ba nyid// sna tshogs su ni 'byung bar bshad// stong pa dang ni gsal ba'i sku// 'byung ba dang ni mi 'byung med// shes pa dang ni
338a1 mi shes med// mtha' yas dang ni 'gyur med dang// mthar thug rtags la zad pa med// mtshan ma'i tshig la thug pa med// rang rig don la 'gyur ba med// gsang sngags don la phyogs lhung
338a2 med// sems can lus la stong pa med// sangs rgyas sku la skye 'bri med// ye shes don la skye 'gag med// 'khrul snang nyid la zin pa med// 'od zer nyid la chags pa med// rdzogs chen don la tha snyad
338a3 med// rang rig sku la gzung 'dzin med// kye ma phyogs su bltas pas grub pa med// reg dang bral bas kha dog med// brjod gzhi med pas snang mtha' yas// e ma// dkyil 'khor yangs pa kun tu
338a4 gsal// rang rdzogs ye shes snang du rung// thog med dus nas rang snang bas// gsang sngags rtogs pa'i mchog tu bstan// dgongs pa rnam dag ye shes don// tha snyad ma yin gcig pu nyid// gsang sngags
338a5 rdzogs chen ye shes nyid// dper na 'dam gyi pad+ma bzhin// rig pa'i ye shes ngo bo nyid// mun pa nyid las snang bar 'gyur// snang ba nyid las ye shes mun pa 'byung// 'khrul pa nyid las ye shes skye// dag snang
338a6 nyid las 'khor bar ltung// phyogs cha gnyis las bral ba'o// sangs rgyas nyid las sems can te// sems can la yang sangs rgyas 'byung// rgyu nyid 'bras bur slong ba'i phyir// yang dag ye shes thugs nyid
338b1 las// gsang ba'i ye shes 'od du gsal// sgron ma'i snang ba mtha' las 'das// rang rig ye shes brjod pas stong// stong pa'i ye shes 'gyur ba med// mtha' gnyis spangs pa rdzogs chen don// 'gyur med
338b2 snang ba rdzogs pa'o// gcig dang gnyis su med snang bas// yul du ma yin rang byung yin// bya btsal nyid dang rab tu bral// klong yangs don la mtha' yas pa'o// zhes seng ge rtsal rdzogs chen po'i rgyud las/
338b3 seng ge rtsal chen gyi gnas lugs bstan pa'i le'u ste brgyad pa'o//// de nas bcom ldan 'das seng ge bzang po des/ chos nyid rab tu 'byed pa'i ting nge 'dzin la snyoms par zhugs so// de nas
338b4 skad cig la rigs bzhi'i sangs rgyas phyogs bzhi nas lhags nas 'di skad ces gsol to// e ma ho// kye kye bcom ldan 'das// bdag cag 'dus pa'i tshogs rnams la// rang snang dkyil 'khor bstan du
338b5 gsol// ye shes rtags dang rab tu ldan// ming dang mtshan ma las grol ba'i// thabs chen yan lag bstan du gsol// ting nge 'dzin las rab tu bzhengs// de skad zhu ba phul ba dang// bcom ldan kun bzang
338b6 seng ge des// ting nge 'dzin las bzhengs nas ni// rigs kyi sangs rgyas de rnams la// rdzogs pa chen po nyid kyi dbyings// snying po don gyi rig pa'i sku// sems can kun la yod pa'i don// rab tu gsang ba
339a1 'di gsungs so// kye ma sangs rgyas rig pa'i sku// nga yis bstan gyis nga la nyon// e ma ho rig pa'i ye shes nyid// sangs rgyas sems cad thams cad la// 'gyur ba med pa'i tshul du
339a2 gnas// de yang gnas lugs 'di lta ste// tsit+ta rin chen gzhal yas dang// rin chen rtsa yi gzhal yas dang// rnam dag dung khang gzhal yas dang// b+h+r-i gu ta yi gzhal yas so// gzhal yas chen po de rnams
339a3 na// rig pa'i ngo bo rtsal ltar snang// de yang bshad pa 'di lta ste// la la dag na sku ru gnas// la la dag na thig le ste// gcig la 'od zer tshul du gnas// gcig na lu gu rgyud du 'byung// de ni gnas pa'i
339a4 mdo nyid bstan// sangs rgyas ye nas gnas pa'i don// sems can kun la gnas pa'i don// rgyal ba nyid kyis rab tu bshad// rig dang ma rig snang ba nyid// bya byed gnyis kyi mtha' las 'das// yangs pa
339a5 nyid dang sku ltar 'phro// gsal ba nyid ltar sku ltar byung// stong pa nyid ltar zer ltar byung// sangs rgyas dang ni sems can gnyis// rig pa so so ma yin te// snang ba so so nyid du bstan// snang ba so sor ma
339a6 gsal na// sangs rgyas pa la don go med// sku yi mtshan nyid 'di lta ste// 'gyur ba med dang gsal ba dang// stong pa dang ni rtog bral lo// rig pa'i mtshan nyid 'di lta ste// phra ba nyid dang 'phro ba dang// lu gu
339b1 rgyud du 'gul ba'o// dbyings kyi mtshan nyid 'di ste// yangs dang lhun sdug gting mtha' yas// gsal dang drod dang bsil ba dang// yang zhing g.yo ba'i bdag nyid 'dzin/ khyab dang mu khyud ra ba'o// ye shes
339b2 mtshan nyid 'di lta ste// 'byung dang byung dang rang gsal dang// ye dang shes dang rtogs pa'o// gsal dang 'tsher dang 'jam pa nyid// snang dang mun dang go 'byed pa// stong dang gsal ba'i ye shes
339b3 mchog/gsang sngags mtshan nyid dag tu 'dod// e ma ye shes thabs la mkhas// kun mkhyen ye shes mdzod 'dzin pa'i// sangs rgyas kun gyi sprul pa'i sku// rdo rje sems dpa' gsang mdzod ston// ye shes sku
339b4 dang snang mtha' yas// ye shes chags pa mi mnga' yang// sems can blo yi snang ba rnams// gsal bar bya phyir rgyud 'di bshad// e ma sngags 'chang thugs rje che// 'byung ba lnga yi dra ba nas// ye shes lnga yi
339b5 snang ba shar// stong pa'i ye shes bdag med cing// gsal ba'i ye shes tshig las 'das// snang mtha' yas kyi zhing khams su// rig pa'i snang ba mthong bar 'gyur// rig pa'i ye shes rtog med nyid// yang nas
339b6 yang du 'dris par bya// gsang sngags lam gyis ye shes nyid// chags pa med pa'i sa bon gsal// bcos pa med pa'i rang byung nyid// mtha' yas don la 'gyur ba med// sems can ye shes snang ba
340a1 nyid// gsal dang mi gsal gnyis su med// chos dang chos min snang ba med// rtogs pa'i ye shes tshig las 'das// 'das dang ma byon da ltar gyi// dgongs pa ji snyed yod pa de dag ni// rig
340a2 pa'i ye shes snang ba yin// the tshom gnyis kyi rtog pa med// yul dang sems med dgongs par bstan// ye shes thabs la mkhas pa yis// rtsol sems gnyis su med pa la// rtsol sems gnyis kyi snang ba
340a3 'byung// dri med gsal ba'i dngos po ni// dper na man shes lta bur bshad// yangs pa'i ye shes tshig mtha' yas// stong pa'i ye shes 'grib pa med// 'od gsal dkyil 'khor yang dag sku// rig pa'i ye
340a4 shes 'od la ltos// rang snang thabs kyi rgyal po las// stobs kyi rig pa ma 'gags pas// sangs rgyas rnams kyi rig par bshad// ye shes don la rtog pa sangs// e ma ye shes sems dpa' nyid// sku yi snang
340a5 ba kho na'o// kye ma klong yangs don rtogs na// yang dag ngo bo mthong bar 'gyur// gsang sngags gsang ba nyid la yang// rig pa'i ye shes thabs gsang bas// snang ba ngang gis med pa'o// stong pa nyid kyi ye
340a6 shes las// gsal ba nyid kyi 'od zer byung// nga ni rig pa'i rgyal po la// yul rkyen dang ni dri ma med// e ma yangs pa'i snang ba kun tu 'bar// gsal ba'i ye shes thug pa med// don gyi ye shes gting mtha'
340b1 yas// mthun pa'i ye shes rab snang bas// rtags kyi ye shes mthong bar snang// thabs nyid ma 'gags don nyid yangs// mtshan ma med pa'i rig pa nyid// 'bras bu bcud len shing lta bu// sna tshogs bskyed
340b2 pa'i ye shes sku// rang gnas yin par nyid kyis bshad// thug pa med par kun tu rtogs/ khab len rdo la lcags 'du ltar// shes rab chen pos don rtogs na// rig pa'i snang ba thams cad sdud// e ma sku
340b3 dang rig snang yang// rang byung nyid kyi cho 'phrul lo// shes rab nyid kyi snang ba mthong// rig pa nyid la rig pa med// ci phyir sna tshogs mtshon pa'i phyir// chags pa'i ye shes chu bzhin no// snang ba'i ye shes me
340b4 bzhin no// bskyod pa'i ye shes rlung bzhin no// gsang ba thabs kyi yan lag nyid// nyi shu rtsa gcig dag tu bstan// ye nas ye shes rang gsal bas// dag pa'i ye shes mtha' dbus med// 'byung ba nyid la
340b5 byung ba med// rig pa nyid la byung ba yod med kyang// gsang sngags don gyi snying po la// tshig dang brjod pas don mi rnyed// sgron ma'i ye shes spyan gyi mchog/ snang ba'i rig pa ngos bzung bas// snying po rig pa lu
340b6 gu rgyud// dngas ma 'od lnga'i sgron ma mchog/ shes rab rang byung khong nas gsal// ye shes sku nyid rnam par dag/ snang ba med yod cing yang byung pa'i rang gsal ni// dri ma'i phyogs su ma lhung ba'o// so ma lhug pa
341a1 rnal ma nyid// gnas pa'i dus na de bzhin no// rig pa'i gnas lugs rgyas pa ni// sems can kun la yang dag gnas// stong pa'i mu la mi gnas shing// gsal ba'i ngang la de bzhin
341a2 gshegs// sangs rgyas nyid kyi snang ba la// rnam par rtog pa'i phyogs dang bral// ye nas rang bzhin dkyil 'khor nyid// ye nas rang bzhin 'od gsal bas// mun pa las ni snang ba 'byung// rang rig gnas
341a3 nas bde gnas pa// shes rab tha snyad rnam par dag/ g.yeng ba'i phyogs su ma lhung na// ye shes dri med mthong ba yin// lam la bcos su med par bstan// gzhi la bzang ngan med par bstan// chos la che chung
341a4 med par bstan// gsang ba dang ni mngon sum pa/ khyad med gcig tu de bzhin gshegs// sangs rgyas kun dang mnyam sbyor ba'i// rig pa'i ye shes rtogs dka' ba// rab tu gsang ba 'di bshad do// yang
341a5 dag nyid las yang dag rnyed// dkyil 'khor nyid las dkyil 'khor 'byung// dgongs pa'i gnas lugs rgyas pa'o// kye ho ye shes lus kyi gzung// snang ba bas kyang mun pa che// kun nas mun pa snang bar
341a6 'gyur// 'khor ba'i bag chags sbyang dka' ba// yang dag nges don 'di mthong na// skye ba med pa thob par 'gyur// rig pa'i ye shes lus las 'das// bag chags dag gis mi bsgrib pa// dper na sbrul skog
341b1 skyur ba bzhin// skad cig tsam la mi bsgrib pa'o// bag chags dang ni rig pa gnyis// rang snang mthong ba'i khyad yod pas// ye shes don la rab tu gnas// gzung ba'i yul la de bzhin no// rtogs pa'i dus na
341b2 de ltar med// rang snang rang gis snang ba'o// shes pa'i ngo la gang 'gyus kyang// ye shes rgyal po 'dzin pa med// rig pa'i rgyal po kun tu snang// sems ni sna tshogs sdud par byed// gsang sngags rgyal po thabs
341b3 la mkhas// kye ma sangs rgyas dgongs pa ni// nang med nang nas nor bu rin chen mdzod phyung ba// 'gro med 'ong med gnas su yang dag thim// bltar med sku las cho 'phrul sna tshogs 'byung// grogs med
341b4 'dug pas snang ba'i dkyil 'khor mthong// sangs rgyas nyid kyi ye shes rin po che// snang ba nyid dang gnyis med snyoms par bzhugs// thabs kyi zhags pas mkha' yi nyi zer 'dzin// ye shes zhags
341b5 pas thams cad dbyings su sdud// bcom ldan mgon po de bzhin gshegs pa'i sku// snang ba'i dkyil 'khor du mar dbang bsgyur zhing// ye shes rol pa mkha' la nyi zer bzhin// snang ba'i cho 'phrul gcig tu
341b6 ma nges te// 'byung ba'i cho 'phrul cir yang ston par mdzad// ye shes sdud pa'i 'khor lo sna tshogs bskor// mtshon bral lung gi pad+ma sna tshogs gsal// 'byung ba'i rkyen bral chos nyid mkha' la rnam par
342a1 rol// skye med chos sku gdod nas bsam dang bral// yin min the tshom sna tshogs ngang gis med// sangs rgyas rnams kyi dgongs pa'i thugs rje ni// 'gro ba kun la rang bzhin ye nas khyab// gsang
342a2 ba'i rig pa yul la snang gyur na// snang ba'i 'od lnga ma bu phrad pa'i tshul// ma yi snang ba bu la thim pa'i tshe// bya byed blo yi snang ba kun sangs te// 'khrul rtog lung gi the tshom chod gyur nas// ye shes nyid zer
342a3 kun tu snang 'gyur zhing// mtshan ma dngos po rab tu dengs par 'gyur// rnam rtog blo yi the tshom bral ba'i tshe// rig pa'i shes rab stobs su gyur nas ni// bsam bral ngang las de bzhin rnam par 'byung// snang
342a4 ba med pas ye shes cir yang mthong// de tshe gsang sngags 'bras bu bcud dang ldan gyur nas// rig pa'i ye shes thug pa med par snang// de tshe rang gi dran pa sad nas ni// yul rkyen 'byung ba'i ngo bo rnam par
342a5 dag/yangs pa'i grong khyer shel gyi khang bur gnas// tha snyad bral ba'i ye shes don la spyod// gsang sngags tshad ma'i snang ba mthong bar 'gyur// shes rab yul gyi snang ba rnam par dag/ nga yi yin dang min
342a6 pa'i shes pa ma zhugs na// zhag lnga dag na ting 'dzin thob par gsungs// yang dag nges pa'i lung chen 'di// de tshe snang ba sad gyur nas// ye shes mtha' yas 'byung bar gsungs// shes rab yul gyi snang ba
342b1 rnam par dag/dmigs pa'i yul nyid dag pas na// ye shes thogs rdug med par 'char// ye shes nges pa'i gsang don 'di// snang ba dum bu dum bu'i tshe// mkhas pas rab tu brtag par bya// shin tu phra dang
342b2 'gyu ba'i tshe// goms pas rab tu gnas par bya// 'phrig dang 'phra dang 'gyu ba'i tshe// mthong bas rab tu gzung bar bya// zlum dang 'phra dang 'khril ba'i tshe// mkhas pas yengs med ting 'dzin brten// ltem dang
342b3 mer dang sku yi tshe// goms pas snang ba mched pa bzung// yang dag kun tu snang ba'i tshe// mkhas pas snang ba bsdu bar bshad// chags dang zhen pa med pa'i tshe// mkhas pas gzung thabs shes par bya// gsang
342b4 sngags goms pa'i mtshan nyid do// de nas ye shes bskyed spyod kyang/ pa'i tshe// 'byung ba rnam lnga thim 'gyur nas// ye shes chags pa med pa de// snang ba'i yul du phyin pa'i tshe// 'khrul med snang ba mthong gyur
342b5 na// goms pas bden pa mthong bar 'gyur// 'od snang ba gong gis lta bur yang byung snang zung 'jug lta bur bshad// lus dang lus med khyad par che// kye ma mkhas pas lus 'di nyid// de ltar shes na rtogs
342b6 pa'o// yang dag nges pa'i lung las kyang// rab tu bshad pa 'di bzhin no// gsal ba'i ye shes kun tu snang// 'byung ba'i ye shes thabs las byung// thabs mkhas don la ye shes skye// sangs rgyas nyid
343a1 kyang thabs las byung// thabs med sangs rgyas 'ga' yang med// don dang rtags dang tha dad la// ye shes ngo bo 'gyur ba med// sems kyi snang ba tha dad kun// gcig gi ngo bor ma shes
343a2 na// gsang sngags lam gyi gtan tshigs med// rig pa'i ye shes 'gyur ba med// rig pa'i snang ba kun tu snang// rig pa'i thugs rje kun la khyab// rig pa'i shes rab thug pa med// rig pa'i spyod yul cir
343a3 yang snang// snga phyi med par dus gcig 'char// rig pa'i snang ba gcig nyid la// sems can blo bsam ma nges pas// du ma tha dad dag tu rtogs// gcig gi ngo bor shes gyur na// thams cad snang ba mthong
343a4 bar 'gyur// gcig dang gnyis su snang ba yang// sems can 'khrul pa nyid du bstan// sangs rgyas nyid kyi snang ba nyid// gcig las med par rgyal bas gsungs// gsang sngags kun gyi dgongs pa yang// de
343a5 ltar shes na rab tu bsngags// rigs sngags dang ni gsang sngags dang// de bzhin gzungs sngags nyid las kyang// mdo don 'di ltar bshad pa yin// sangs rgyas mar me mdzad kyis kyang// dgongs pa 'di
343a6 ltar rab tu bshad// rig pa'i gnas lugs de lta bu// kun gyi gsang don de bzhin no// zhes seng ge rtsal rdzogs chen por rgyud las/ seng ge bzhugs thabs kyi dgongs pa bstan pa'i le'u ste dgu
343b1 pa'o//// de nas rigs kyi rgyal po sangs rgyas sems dpa' dang bcas pa rnams kyis 'di skad ces gsol to// kye kye bcom ldan kun tu bzang// rang gnas rdzogs pa chen po yi// don gyi rnam pa
343b2 gsung du gsol// de skad rab tu zhus pa dang// kun bzang seng ge'i rtsal gyis bka' stsal pa// kye ma rigs kyi sems dpa' dang// gtso bo nyid du bcas pa nyon// mtshan ma'i rdzogs chen tshig gnas
343b3 kyang// yang dag rdzogs chen tshig las 'das// tshig dang yi ge'i rnam grangs rnams// sems can blo la snang ba yin// de yang don bkrol 'di lta ste// rdzogs chen seng ge rtsal sprugs la// mtshan mar snang ba'i
343b4 yul med de// 'od kyang sems cad rtog pa la// blo dang yul gyi snang bar shar// e ma ho gsang ba'i theg pa ni// 'byung bar shin tu dka' ba yin// des na khyod kyis legs par nyon// thabs la mkhas pa'i
343b5 ye shes sku// 'byung ba'i dri ma med par gsal// gsang dang mi gsang gnyis su med// rnam par bsgyings pa'i ting 'dzin ni// gsang ba'i dkyil 'khor bsam yas so// dgongs pa'i don la rab gnas
343b6 na// nyams kyi ting 'dzin skye bar 'gyur// sangs rgyas nyid kyi dgongs pa'o// theg pa 'og ma'i rigs rnams ni// rang snang ting 'dzin ma shes par// phyogs gcig dag la gnas pa'o// ye shes chen po'i snang
344a1 ba nyid// phyogs su bltas pas grub pa med// dper na nor bu rin chen ltar// zad pa med pa'i yon tan 'byung// de bzhin rig pa'i sku mthong na// yon tan sku la bsam mi khyab// sangs rgyas
344a2 rnams kyi ye shes lnga// nyi zer bzhin du rab tu 'phro// snang dang mi snang tshig las 'das// rig pa'i ye shes don rtogs na// 'khor ba'i sdug bsngal ji snyed pa// thams cad rang snang nyid du grol// dper na chu
344a3 dar 'thags pa bzhin// chu nyid bkad kyi rang bzhin pas// sna tshogs thabs kyis spun du 'gyur// de bzhin rang rig 'od gsal bas// sna tshogs mtshan ma ci 'phros kyang// thams cad rang gi ngo bor
344a4 grol// dper na gser 'gyur nyid kyi rtsi// rtsi btang nor gyi dbyig 'grub ltar// rig pa'i ye shes rang snang la// gdams ngag don gyis thebs gyur na// rig pa'i rang 'od mthong nas don chen 'grub// sa
344a5 dang lam dang tshogs med pas// byas pas mthong bar mi 'gyur ro// ye shes byung tshul drug ldan pas// snang ba'i rtsal la drug tu 'byung// snang ba'i lam la lngar gnas pas// 'jug pa'i lam la lnga ltar
344a6 byung// 'khrul pa'i dus ni gcig ltar 'gyur// gnas pa'i dus ni gsum ltar gnas// rtogs pa'i dus na gnyis ltar rtogs// ldog pa'i dus na gsum ltar ldog/ snang ba'i dus na lnga ltar snang// grol ba'i
344b1 dus na gcig ltar grol// de ni gnas pa'i ye shes so// dang po byung sa ma shes na// tha ma ldog pa'i skyon du 'gyur// bar du gnas sa ma shes na// nyams blangs phyogs gcig stong par 'gyur// tha ma'i 'gro sa
344b2 ma shes na// rang rig snang ba stong par 'gyur// de nas bskyal sa ma shes na// rig pa'i ye shes brdug par 'gyur// de la dbye ba ma shes na// snang ba cha mi phyed par 'gyur// rang gi snang ba ma shes na// gnas
344b3 skabs bzhi la ldog par 'gyur// snang ba'i 'char tshul ma shes na// ye shes ma bu 'dzol bar 'gyur// de nas rang yul ma shes na// 'khor ba dpyang thag chad par 'gyur// bden pa rtse gcig ma shes na// rang
344b4 snang yul la the tshom 'gyur// de ni snang ba'i skye tshul lo// e ma ho// rtogs pa'i shes rab mkha' la gsal// ma rtogs shes rab gting na gsal// shes rab ye shes rnam par dag/ rig pa'i ye shes rtogs
344b5 par dka'// dper na sgrib shing nor bu ltar// snang ba'i ye shes lus kyis bsgribs// rtogs pa'i ye shes snang ba ni// gzhi la gnas dang lam la 'char// de bzhin mtha' la skyol ba'o// gzhi la gnas pa'i
344b6 rig pa ni// ye shes dbyings na sku gsum rdzogs// dper na rma bya'i sgo nga bzhin// nang 'od ye shes gsal bar bstan// lam la 'char ba'i rig pa ni// dper na 'ja' tshon lta bur bstan// mtha' la skyol
345a1 ba'i rig pa ni// dper na rma bya'i phru gu sgo nga nas// brdol te don pa lta bu'o// snang ba drug gi phyogs dag nas// ye shes gnas lugs che chung tshad// rab tu bshad pa 'di lta ste// dga' ldan
345a2 rnams la khru gang tshad du gnas// rtsod ldan rnams la sor bzhir gnas// cha mnyam rnams la tshon gang ngam// myos ldan rnams la rang gsal tsam// bkres ldan rnams la til 'bru tsam// sdug bsngal ldan la rta
345a3 rnga tsam// de bzhin rab tu gnas par bshad// sangs rgyas rnams la dpag tu med// byang chub sems dpa' mda' gang ngo// sprul pa'i sku la mtho 'dom kyang gang gnas// sangs rgyas byang chub sems dpa'
345a4 dang// sprul pa'i sku dang lha rnams la// mngon sum yul la snang ba'o// de rnams man chad yul rnams la// ma bstan mthong bar mi 'gyur ro// gnas lugs drug la gnyen po drug/ gnyen po drug gis ye shes
345a5 bsgribs// de la gnyen po rnam drug gis// de yi rtsal nyid 'joms ma nus// yang dag gnyen po chen po ni// dbyings rig thabs kyi man ngag go/ sems can blo yi snang ba nyid// du mar snang zhing sna tshogs
345a6 sdud// the tshom med par ma shes na// snang ba tha dad gzhan du 'gyur// gsang ba'i ye shes ye gnas pas// de la gnyen pos bshig tu med// rgyu dang rkyen la rag ma lus// ye nas rang rig 'od gsal
345b1 bas// mun pa'i phyogs kyis nga mi bsgrib// rang rig ye shes gting zab pas// snang ba'i phyogs kyis nga mi mthong// mun pa snang ba'i mtshams shed na// rang byung ye shes 'od gsal ba// sus kyang mi rnyed rin
345b2 chen ltar// rnyed na yon tan sna tshogs 'byung// snang ba dang ni mun pa gnyis// gnyis kas nga la sgrib par byed// rig pa'i don la mun snang med// sangs rgyas kun gyi lam rtogs phyir// rtogs pa'i ye
345b3 shes spyod yul ldan// rig pa'i snang ba rang gsal ba// ye nas gnas pa'i yul nyid las// so sor 'byung zhing rtogs pa'o// e ma ho// snang ba'i phyogs dang mun pa'i phyogs// gcig dang gnyis su ma yin
345b4 te// sems can rtog pa ma zad par// theg pa'i mtha' la zad mi 'gyur// snang ba'i ye shes rtogs dka' bas// theg pa'i grangs las mi 'byung ste// rang gi don yang de bzhin no// snang ba rnam pa lnga nyid
345b5 las// mun pa lnga yi cho 'phrul ston// ngo bo lnga yi 'byung tshul ston// phra rags lnga yi dri mas bsgribs// mthong bas goms pa'i rang rig la// bya btsal med pas rang byung mthong// rab rib dri ma gnyis su
345b6 med// phyogs dang ris su med mod kyang// snang ba'i ye shes ma mthong na// yang dag nges don rtogs mi 'gyur// thig le nyag gcig chos kyi sku// tshig med yul gyi 'dzin pa med// chos nyid rtogs pa'i yul
346a1 'das// gsang ba'i ye shes mtha' yas kun// rang rig dkyil 'khor de bzhin gshegs// sangs rgyas nyid las 'od byung bas// sems can rnams kyi snang bar 'gyur// goms pas rig pa
346a2 gcer bur 'byung// rtogs pas snang ba sku ru 'gyur// ma rig pa yi rkyen rnams kyang// rtogs na ye shes ngo bo nyid// snying po 'dus pa'i nges pa yis// rig pa'i ye shes ngos 'dzin pa'o// sku nyid bstan
346a3 pa'i theg pa rnams// rang gi rig pa nyid la rdzogs// gsang sngags ye shes mngon sum pa// da lta yul du ma yin pas// dang po gcig las med pa la// de nas brtags pas gnyis su byung// de yang rgyu la khyad
346a4 med pas// snang ba so sor byung ba'o// gnas pa'i dus dang rtogs pa'i dus// ngo bo gcig la rtsal snang ba'o// e ma rig dang ma rig thams cad kun// rtsal dang snang ba nyid du bstan// ye shes don la gnyis
346a5 med pas// snang dang mi snang gnyis su med// ye shes lam la 'gyur med pas// gol ba dang ni sgrib pa med// ye shes rkyen med snang ba la// byang chub sems kyi rtags snang ba// spros pa med pa'i dbyings nyid
346a6 las// 'od gsal thogs med rig pa byung// snang ba'i dus na 'od snang ste// rtogs pa'i dus na rang snang ngo// goms pa'i dus na sku ru 'gyur// shes rab thabs dang 'brel ba yis// don dam dkyil 'khor
346b1 rnam lnga mthong// mdzod kyi snying po bstan pa ni// kun gzhi chos 'byung chen po'i mdzod// rig pa'i ye shes gong bur gnas// snang ba 'dzin med yul gyi mdzod// rig pa'i ye shes dbyings su gnas// gsang
346b2 'dus rin chen zur brgyad mdzod// rig pa'i ye shes yab yum tshul// srog 'dus rin chen gzer bzhi'i mdzod// rig pa'i ye shes thig ler gnas// don 'khyil b+han d+ha'i gzhal yas mdzod// rig pa'i ye
346b3 shes khro skur gnas// 'gag med gsal ba'i sgo gnyis mdzod// dbyings dang lu gu rgyud du gnas// stong pa mtshan bral nam mkha'i mdzod// rig pa'i ye shes 'od du gnas// de ni gsang ba'i mdzod du
346b4 bstan// 'gyur med rang byung sku yi mdzod// chags med rnam dag gsung gi mdzod// rtog med bsam bral thugs kyi mdzod// mdzod gsum rin chen lde mig stor// de nas rang rig gtso bo des// thabs mkhas
346b5 man ngag mgar ba btsal// de nas lcags btsal lde mig brdungs// nges pa gnyis kyi lde mig gis// ye shes gsal ba'i mdzod phye bas// nor gyi phul du rin po che// yon tan gang ltar bsam pa
346b6 'byung// yon tan nor bu rin chen de// gang du bzhugs pa'i sa phyogs su// ci bsam thams cad gser du 'gyur// yon tan gter chen rab zab pas// thugs ni dri med rab gsal lo// yon tan 'gag
347a1 med kun tu 'byung// sna tshogs ye shes don du sbyor// 'dus pa'i dus na thig le ste// gyes pa'i dus na 'od du shar// sangs rgyas 'od mi 'gyur ba nyid// thugs kyi dkyil na rab gnas
347a2 pas// rang bzhin gsang ba chen por bshad// mtshon pa'i dpe yis rab bstan pas// thugs kyi ye shes mthong bar 'gyur// gsang ba ye nas don gnas pas// de ni thugs med smra bsam 'das// thig le
347a3 gcig la sku ltar shar// ye shes lta bu ma yin te// sgyu ma'i dkyil 'khor lta bur snang// the tshom blo dngos gnyis med pas// snang ba lam gyi ye shes gsal// kun gzhi yul gyi snang ba nyid// rtogs pa'i ye shes
347a4 rab tu bstan// bskyed pa med cing rdzogs pa med// bskyed rdzogs gnyis dang bral ba'o// e ma ho// don dam theg pa rab bshad pa// mtshon bral dkyil 'khor rnam par dag/ brjod med tshig gis snying po
347a5 bstan// rgyud kyi rgyal po 'di nyid las// rab tu gsal bar bstan pa 'di nyid do// gsang sngags blta ba'i don bstan pa// ye shes rtogs pa khyad par che// theg pa gsum gyi dbu 'dren la// ye shes lung gi
347a6 khyad par te// gnas pa'i 'khor lo nyid bstan pa// gsang sngags thugs kyi 'khor lo dang// snang ba yul gyi 'khor lo dang// rtsol bral theg pa'i 'khor lo ni// yang dag lung gi 'khor lo bstan// rgyud dang
347b1 lung dang man ngag kyang// gud na yod pa ma yin te// rig pa'i ye shes nyid du bstan// rgyud kyi rgyal po bshad du med// lung gi dngos po rtsol ba bral// man ngag dngos po don la 'brel// rang rig rtsa ba'i rgyud
347b2 chen ma shes na// sems can rtsol bral dgongs pa thob par ga la 'gyur// thams cad tshig la yan pas don la thug pa med// 'gyur med rtsa rlung ma shes na// sems can tshig la rten 'cha' bas// lung la thug
347b3 pa med par 'gyur// stong pa'i shes rab ma shes na// chos la thug pa med par 'gyur// dbyings dang rig pa ma shes na// don la thug pa med par 'gyur// snang ba chos skur ma shes na// dkyil 'khor thug pa
347b4 med par 'gyur// 'gyur med ka dag ma shes na// sku la thug pa med par 'gyur// 'khrul bral rtog sangs ma shes na// thugs la thug pa med par 'gyur// grag stong 'dzin med ma shes na// gsung la thug pa
347b5 med par 'gyur// rang byung ye rdzogs ma shes na// yon tan thug pa med par 'gyur// ma btsal lhun grub ma shes na// phrin las thug pa med par 'gyur// snang ba cig chod ma shes na// lta ba thug pa med par
347b6 'gyur// ri bo cog bzhag ma shes na// bsgom pa thug pa med par 'gyur// 'gag med shugs 'byung ma shes na// spyod pa thug pa med par 'gyur// lu gu rgyud du ma shes na// 'bras bu thug pa med par
348a1 'gyur// stong gsum rgyas 'debs ma shes na// dam tshig thug pa med par 'gyur// rang byung gzhi rdzogs ma shes na// dbang la thug pa med par 'gyur// chos nyid spros bral ma shes na// dbyings
348a2 la thug pa med par 'gyur// dmigs med zang thal ma shes na// chos sku thug pa med par 'gyur// 'gag med cig char ma shes na// longs sku thug pa med par 'gyur// sna tshogs gcig sdud ma shes na// sprul
348a3 sku thug pa med par 'gyur// sems dang rig pa ma shes na// sangs rgyas thug pa med par 'gyur// yid dang shes rab ma shes na// rtogs pa thug pa med par 'gyur// kun gzhi chos sku ma shes na// gnas
348a4 la thug pa med par 'gyur// sangs rgyas sems can ma shes na// gzhi la thug pa med par 'gyur// 'byung ba dngas snyigs ma shes na// lam la bzang ngan med par 'gyur// e ma ho// sangs rgyas nyid kyi
348a5 mdzad pa ni// ci yang ma yin cir yang grub// sems can snang ba dmigs pa ni// spangs pas spong par mi 'gyur te// spang bya spong byed gnyis med na// rang byung rig snang mthong bar 'gyur// yang dag nyid kyi
348a6 sangs rgyas sku// phyi na med de nang na med// phyi nang med de rtsis las 'das// thig le nyag gcig rtsis las 'das// thig le nyag gcig chos min sku// snang ba'i ye shes 'od gsal bas// stong pa nyid las ye
348b1 shes 'byung// gsang sngags bdag po A li ka/ a ni rab tu brtan gyur pas// kun gyi gzhi la gnas par bshad// a ni yig 'bru kun gyi gtso// sha la sogs pa'i yan lag lnga// rab tu brtan pa 'dir
348b2 bshad bya// sems can blo yi snang ba nyid// sangs rgyas nyid kyis bstan pa'i phyir// a la sogs pa'i yi ger bshad// yan lag lnga ldan yi ge a// skye med sku yi rang bzhin bstan// yi ge a nyid gsal gyur
348b3 na// chos rnams kun gyi spyan du 'gyur// a yi mtshan nyid rab rtogs na// lhag pa'i ting 'dzin rtse gcig thob// de nyid don snang yi ge rnams// a la thams cad rdzogs pa'o// gsang sngags gsang ba'i yi ge
348b4 ste// yan lag bshad kyis mi langs te// bsdus don yi ge a la 'dus// snang ba'i dus na 'od ltar snang// rtogs pa'i dus na sku ltar rtogs// gsang sngags nges pa bstan pa ni// gcig dang du ma ma yin
348b5 te// snang ba gcig la don rnams ni// so so tha dad dag tu 'byung// kye ma klong yangs bcom ldan 'das// 'gro ba'i mgon po 'od dpag med// thugs rje thabs kyi spyan mnga' bas// skye med snang ba'i dkyil
348b6 'khor la// rang snang thabs kyi zhags pas bzung// gsang ba'i ye shes 'od la 'jug/ mthun pa'i ye shes sku ltar shar// snang ba'i ye shes yul la snang// gsang sngags theg pa rnams kyi mdo// snang 'dus
349a1 don gyi the tshom gsal// rtogs dang ma rtogs tshogs drug ngang// rim rtsol blo yi theg pa rnams// dpyad kyang don med ne tso bzhin// btang snyoms lteng po'i mun par 'gyur// bltas kyang phyam chad
349a2 yal bar 'gyur// gsang sngags dgongs don de bzhin no// zhes seng ge rtsal rdzogs chen po'i rgyud las/ seng ge rnam par bsgyings pa'i dgongs pa bstan pa'i le'u ste bcu pa'o//// de nas yang
349a3 bcom ldan 'das dpal kun tu bzang po nyid/chos nyid zab mo 'dus ma byas pa'i ting nge 'dzin la snyoms par zhugs so// de nas yang rigs kyi sangs rgyas rnams kyis 'di skad ces gsol to// kye kye bcom
349a4 ldan seng ge'i bdag/ting nge 'dzin las rab tu bzhengs// bdag cag rjes mthun sangs rgyas la// yul sems gnyis su med pa yi// dgongs pa'i nges don rab tu gsungs// de nas bcom ldan kun bzang
349a5 yab// ting nge 'dzin las bzhengs nas ni// rigs kyi sangs rgyas rjes mthun pa// gsang ba'i tshig don legs gsungs pa// e ma sangs rgyas sems dpa'i rigs// don gyi dgongs pa ngas bstan
349a6 gyis// legs par zung zhig rdo rje 'chang// yul la rtogs byed mi snang bas// sems kyi 'dzin pas nga mi bsgrib// ye shes chos las 'das pas na// sna tshogs blo yis nga mi bsgrib// snang yul gnyis su mi
349b1 'dzin pas// rnam shes brgyad kyis nga mi bsgrib// sangs rgyas sems can mi 'byed pas// bzang ngan gnyis kyis nga mi bsgrib// stong gsal gnyis su mi 'byed pas// bying rgod gnyis kyis nga mi bsgrib// bya
349b2 byed gnyis su mi'adzin pas// theg pa'i rtsol bas nga mi bsgrib// rtogs dang ma rtogs gnyis med pas// yin min gnyis kyis nga mi bsgrib// shes dang ma shes gnyis med pas// blo dngos gnyis kyis nga mi
349b3 bsgrib// phyogs dang ris su mi 'dzin pas// dgra gnyen gnyis gyis nga mi bsgrib// mtha' dang dbus su mi 'byed pas// gol sgrib gnyis kyis nga mi bsgrib// gsang dang mi gsang gnyis med pas// sdug
349b4 bsngal nyid kyis nga mi bsgrib// rig dang ma rig gnyis med pas// mun dang snang bas nga mi bsgrib// dug lnga ye shes gnyis med pas// 'dzin rtog gnyis kyis nga mi bsgrib// phyi dang nang du mi blta
349b5 bas// 'byung ba'i rkyen gyis nga mi bsgrib// tha dad gcig tu mi 'byed pas// gcig dang du mas nga mi bsgrib// 'das dang ma 'das mi rtog pas// 'khor 'das gnyis kyis nga mi bsgrib// gsal 'grib gnyis
349b6 su mi 'dzin pas// yengs dang rmugs pas nga mi bsgrib// e ma ho// rin chen rnam dag byang chub sems// bskyed pa mi mnga' rang la rdzogs// rdzogs pa ma yin ye nas don// bskyed rdzogs gnyis kyi mtha' dang
350a1 bral// 'gyur ba ma yin drang por gnas// bsgyur ba ma yin lhun gyis grub// gsang sngags don la de bzhin gshegs// tshig gcig bstan pas don rnams go/ snang ba mkha' klong gnyis su
350a2 'dus// sems nyid dkyil 'khor bsam mi khyab// rig pa thug phrad ye shes don// snang ba thug phrad dgongs pa'i don// dkyil 'khor yid bzhin 'byung ba'i gter// rgya mtsho las ni rlabs bzhin du// bder
350a3 gshegs thams cad sku las 'byung// don dam dkyil 'khor bsam yas klong// ye shes dkyil 'khor kun tu 'byung// mtha' yas dkyil 'khor 'gyur ba med// sems dang rig pa mi shes shing// snang ba'i
350a4 yul la zhen gyur na// thar lam byang chub ring bar bshad// ye shes rtse gcig ma shes shing// chos la rtsol ba'i phyir 'brangs na// rtogs par mi 'gyur yun ring gnas// sangs rgyas dgongs pa gcig pu
350a5 nyid// sems can blo yi nad mang yang// theg pa gcig las med par gsungs// theg pa gcig gi ngo bo ni// rang rig gtan la 'bebs par bshad// gsang ba'i ye shes don gyi sku// don dam ye shes lhun
350a6 gyis grub// gsang don sku la phra rags gsal// theg pa'i mtha' ni gcig gam gnyis// du ma med par rgyal bas gsungs// yi ge gcig dang theg pa gcig/ rig pa gcig tu thams cad 'dus// yi ge
350b1 rnams kyi rang bzhin ni// yi ge a la rdzogs par bshad// theg pa rnams kyi rang bzhin ni// a ti nyid la rdzogs par bshad// rig pa nyid kyi dngos po ni// lu gu rgyud la yod par bshad// thabs mkhas ye
350b2 shes thugs rje can// 'gro ba rnams kyi mgon gyur pas// gsang 'dus theg pa'i spyi bor bshad// a ti shin tu ngo mtshar che// des ni yang dag don rtogs 'gyur// thams cad thar lam 'thob par 'gyur// skye
350b3 med chos sku rnyed pa'o// e ma a 'bri rab tu gsal// thig le klong las 'das// mtshan ma'i yul med pas// snang ba 'od du gsal// ye shes mkha' la khyab// rang byung rtogs mtha' mchod// dgongs pa'i
350b4 don la gnas// thugs rje'i nyi zer ldan// thams cad kun la snyoms// ye shes rnam par dag/ phyogs bral rgya chad med// mtshan med dngos snang yin// gsal 'tsher lhun stug ldan// snang med mkha' la
350b5 gsal// yul med gcig pu nyid// don dam yangs pa che// thogs med rlung gis bskyod// cig char don la 'jug/ mtha' yas gcig tu sdud// rgya che gting zab cing// zad med nor bu ltar// dgos 'dod sna
350b6 tshogs 'byung// yin min rtsis las 'das// 'byung ba'i shes rab che// gsal ba'i snang ba che// rang snang goms pa che// srid pa dus gcig rdzogs// mtha' yas kun tu chub// thugs rjes thabs
351a1 mkhas spyod// rang snang dkyil 'khor ston// dmigs pa'i yul las 'das// bsam 'das dngos pos stong// shes rab don la dpyod// stong pa nyid kyi sku// 'dzin rtog yul las 'das// me
351a2 long gzugs brnyan bzhin// gza' gtad chos dang bral// gnyis med rang sangs rgyas// bsgrub med gcig pu nyid// phyi nang gnyis ka med// rnam dag dgongs pa che// stong pa'i mu mtha' bral// rang byung
351a3 bcos pa med// 'dzin chags gnyis dang bral// gsang ba'i don la 'jug/ mthun pa'i yul du snang// byas pa ma yin te// byung bar lhun gyis grub// tha snyad tshig las 'das// kye ma yang dag bsgrub med
351a4 gcig pu nyid// mkha' la nyi shar 'dra// dri med bsam las 'das// thog med dus kyi tshe// sangs rgyas mar me mdzad// sku dang 'od ltar snang// shes bya'i yul du med// chos sku brjod dang bral// longs sku
351a5 spros dang bral// sprul sku 'dzin dang bral// ngo bo nyid kyi sku// bsam med yul las 'das// bsam pa dngos bral sku// theg chen zung du 'brel// phyi nang kun gyi sku// dngos po'i yul las 'das// stong gsal
351a6 rig pa'i sku// bsam yas brjod du med// rdo rje snying po'i sku// yul sems gnyis su med// snang ba ka dag sku// 'byung ba'i rkyen dang bral// gsang sngags thabs mkhas nyid// kun gyi snang bar 'dod// yangs
351b1 pa chos nyid sku// re dogs gnyis dang bral// brdal ba dbyings kyi sku// yangs dog gnyis dang bral// gsal ba'i shes rab sku// snang rung ming dang bral// gcod pa thogs med sku// ngang du ma yengs
351b2 gsal// rdo rje 'chang gi sku// thogs med kun tu rgyu// skye shi gnyis dang bral// stong pa rdo rje'i sku/ mtha' dbus gnyis su med// rnal 'byor don gyi sku// g.yeng pa'i bdud dang bral// dmigs med zang thal
351b3 sku// phyogs cha kun dang bral// gzi brjid 'od 'bar sku// mtshan ma'i chos dang bral// mnyam nyid stong pa'i sku// gzung 'dzin gnyis dang bral// brtan pa ri bo'i sku// spro bsdu gnyis dang bral// kun 'byung
351b4 nam mkha'i sku// tha snyad chos dang bral// sra mkhregs rdo rje'i sku// 'jigs pa kun dang bral// thig le snang ba'i sku// dbyings dang yul las 'das// rdo rje mtshon cha'i sku// thogs med kun tu rgyu// e ma snang ba
351b5 'od po che// gting gi mun pa sel// rig pa thogs pa med// don gyi snying po mthong// dper na rlung dang mtshungs// chos dbyings spros bral nyid// nam mkha' sprin dengs 'dra// mtshan nyid lnga ldan pas// so
351b6 so'i don rtogs 'gyur// ye shes rang snang nyid// 'byung ba'i phyogs dang bral// mtha' yas gcig tu snang// don dam kun rdzob gnyis// gcig dang du mar med// sa dang lam med pas// ye shes 'dzin
352a1 chags bral// stong pa bdag med sku// dbyings dang rig par gsal// sangs rgyas snang ba ni// don gyi stong gsal ldan// 'gyur med thig le'i sku// don dam 'gyur ba med// yang dag mtha'
352a2 yas nyid// phyogs dang ris su med// rtog med snang ba sangs// yul sems gnyis su med// sku gnyis mthar phyin pas// ye shes don la zhog/ stong pa chos nyid sku// 'dzin pa'i phyogs dang bral// rtog med
352a3 dkyil 'khor nas// ye shes sku shar ba// snang sems yul dang bral// rdo rje sems dpa' las// sprul pa'i tshogs byung bas// sems can rtog pa sel// bag chags sgyu lus las// rig pa'i sku byung
352a4 bas// rang gsal gzhi gnas mi rtog skyes kyang byung/ 'dzin med skyes// 'byung ba nam mkha' las// lu gu rgyud shar bas// kun gyi ngo bor 'gyur// yang dag rig sku las// ye shes don gsal bas// rnal 'byor
352a5 don chen 'byung// chos lnga rang snang bas// snang ba thug phrad byung// de ni mkhas pas thabs su bstan// de las med par gsungs pa'o// e ma ho// nang med nang nas ye shes gter byung bas// 'byung ba'i ye
352a6 shes snang ba kun las 'das// rtogs pa'i shes rab don la rnam par bsgyur// yangs pa'i sku la phyi nang kun gsal zhing// sku gsum don la mthar phyin chig chod pa// stong pa'i ngang las sku ltar
352b1 'char// gsal ba'i ngang las shes rab mnyam nyid rdzogs// skye 'gag med pa'i nor bu rin po che// sems dang bral ba'i chos nyid rang ka ma// don dam kun rdzob gnyis kyang mtha' dang bral// sangs rgyas
352b2 gsang bar dam pas rab bsngags pa// rig pa'i rgyal po ye shes nyi zer gyis// sems can blo yi rtog pa'i mun pa rab tu bsal// thogs med gsal ba'i mar me bsam pa kun dang bral// thams cad mkhyen
352b3 nyid chos sku'i spyan dang ldan// snang ba'i ye shes rtog mtha' rab tu spangs// tha snyad gnyis dang bral ba'i chos sku byang chub la// dri ma'i skyon dang snang ba'i phyogs cha med// sangs rgyas lus kyi rgyan bzang
352b4 ba// sems can kun gyi snang bar 'gyur// chos dbyings phyogs su ma lhungs pas// rig pa'i ye shes kun tu snang// dngos po blos brtags chos can dang// ngo bo rang gnas dgongs pa gnyis// rkyen phyir ma
352b5 yin kun tu snang// blo yi theg pa grangs mang yang// dngos po don nyid mthong ba med// snang ba'i ye shes phyogs med pas// ci yang ma yin lhun gyis grub// so sor ma yin gcig tu gnas// byas pa ma yin skye
352b6 'jig bral// de yang lta spyod sgom par bshad// re re nyid la gsum gsum ste// ngo bo nges tshig dbye ba dang// rnam pa gsum du kun tu grags// lta ba'i ngo bo mthong bar bshad// lta ba'i nges tshig go bar
353a1 bshad// dbye ba nges pa med par bstan// de yang 'dod pa 'di lta ste// chos nyid yul gyi lta ba dang// spyod pa thabs kyi lta ba dang// rang rig rgyun gyi lta ba dang// ma nor lung gi lta ba'o// chos
353a2 nyid yul gyi lta ba ni// chos nyid dang ni chos can no// spyod pa thabs kyi lta ba ni// sgron ma nyid kyi lta stangs so// rang rig rgyun gyi lta ba ni// rig pa ye shes snying po de// ye nas yod par bstan pa'o// ma nor
353a3 lung gi lta ba ni// rdzogs chen a ti yo gar bstan// des ni lta ba'i don nyid bstan// spyod pa la yang don gsum ste// spyod pa'i ngo bo mi chags pa// nges tshig 'dzin pa thongs thengs kyang par bstan// dbye ba
353a4 nges pa ma yin te// 'on kyang gsang don 'di lta ste// 'dzin med yul gyi spyod pa dang// rang snang thabs kyi spyod pa dang// zhen med chags bral spyod pa dang// stong pa lam gyi spyod pa dang// rtsol med snang
353a5 ba'i spyod pa dang// brtul zhugs dbang gi spyod pa dang// 'dzin med 'khor ba'i spyod pa dang// rnam pa bdun du grags pa'o// 'dzin med yul gyi spyod pa ni// dper na smyon pa lta bur bstan// rang snang thabs
353a6 kyi spyod pa ni// dper na ri dgas lta bur bstan// zhen med chags bral spyod pa ni// dper na bu chung lta bur bstan// stong pa lam gyi spyod pa ni// rgya mtsho gza' skar lta bur bstan// rtsol sems snang ba'i spyod
353b1 pa ni// glang chen smyon pa lta bur bstan// brtul zhugs dbang gi spyod pa ni// dper na stag mo lta bur bstan// 'dzin med 'khor ba'i spyod pa ni// nam mkha'i mdung bskor lta bur bstan// sgom pa la yang don
353b2 gsum ste// sgom pa'i ngo bo mi rtog pa// nges tshig 'du 'phro chod par bstan// dbye ba'i don la ma nges kyang// gsang ba'i don la 'di ltar gsungs// rnam rtog rgyun gyi bsgom pa dang// stong nyid mtha' med
353b3 bsgom pa dang// mtshan ma gzung 'dzin bsgom pa dang// gzung 'dzin gsal bar bsgom pa dang// rtsol bral bzhag thabs bsgom pa'o// rnam rtog rgyud gyis bsgom pa ni// dper na spre'u lta bur bstan// stong
353b4 pa mtha' med bsgom pa ni// bya long nam mkha'i mtha' 'tshol 'dra// mtshan ma gzung 'dzin bsgom pa ni// me la chu ru bsgyur ba 'dra// gzung 'dzin gsal bar bsgom pa ni// 'bangs kyis rje ru 'chos pa
353b5 'dra// bzhag thabs rtsol bral bsgom pa ni// dper na seng ge lta bur bstan// de bzhin lta sgom ye gnas don// sus kyang mthong ba ma yin te// rang rig thabs kyis go bar bstan// e ma ho bde gshegs
353b6 dgongs pa nyid// gsal ba'i 'od dang sku yi mkha'// gsung gi zer gyis kun tu khyab// byang chub sems dang rdo rje'i bdag/ skye ba'i snang ba ma yin te// yul gyi rkyen dang rnam par grol// phyogs cha ma yin lhun
354a1 gyis grub// bya ba dang ni byed pa rnams// snang ba goms pa'i phyogs su blta// rig pa mun pa'i phyogs nas blta// ma rig snang ba'i phyogs nas blta// ye shes stong pa'i phyogs nas
354a2 blta// 'od snang sku yi phyogs nas blta// chos nyid dngos po'i phyogs nas blta// chos can dngos med phyogs nas blta// 'khor ba stong pa'i phyogs nas blta// myang 'das nyon mongs phyogs nas blta// snang ba
354a3 mun pa'i phyogs nas blta// mun pa snang ba'i phyogs nas blta// e ma ho sangs rgyas ye shes sku// kun snang dang ba'i dkyil 'khor ston// thabs nyid las ni ye shes sku// dus dang mtha' la mi gnas
354a4 shing// phyogs cha'i snang ba ma yin te// sems dang ye shes bag chags dngos ma yin// ye shes bag chags kun dang bral gyur kyang// sems kyis sna tshogs bag chags sdud par byed// sems dang ye shes
354a5 gnyis su ma phye na// snang ba yul gyi rtsa ba mi chod pas// rkyen bral chos nyid kun gyis rtogs par dka'// de yang yang dag don dam nyid du bstan// sems dang ye shes sna tshogs rkyen dang bral// yin min
354a6 gnyis kyi snang ba'i phyogs med pas// tha snyad gnyis la nga yi chos mi gnas// yang dag dkyil 'khor bsam gyis mi khyab ste// chos kyi sku la rnam rtog ming med kyang// 'dzin pa'i yul la bag chags skye med
354b1 kyang// sku dang ye shes snang ba'i phyogs med ltar// snang ba'i ye shes gtan tshigs kun dang bral// chos sku nyid la bsam gtan ye nas gnas// mtshan ma nyid la mtshan ma nyid gnas pas// grol lam
354b2 mi thob rtag tu yun ring gnas// rtogs pa'i ye shes skye tshul de bzhin no// zhes seng ge rtsal rdzogs chen po'i rgyud las/ snang ba'i seng ge bstan pa'i le'u ste bcu gcig pa'o//// de nas yang rigs
354b3 kyi sangs rgyas rnams kyis bcom ldan 'das dpal kun tu bzang po la 'di skad ces gsol to// kye ma bcom ldan dgongs pa'i bdag/ ye nas gnas pa'i gsang sngags don// rab tu bshad pa ji
354b4 ltar don// gzhi yi ye shes rang snang ba// lam gyi ye shes thug pa med// 'bras bu'i ye shes rgyu mthun snang// de ni go ba'i dus yin pas// nges par gtan la phebs ma phebs// mos pa'i 'khor la bstan du
354b5 gsol// 'khor gyi tshogs kyis de skad zhus// de nas kun bzang seng ge des// mos pa'i 'khor la bka' stsal pa// kye ma rigs ldan sangs rgyas nyon// sangs rgyas rnams kyi mdzad pa ni// sna tshogs cir yang
354b6 mdzad pa ste// don gyi dgongs pa gcig las med// sangs rgyas rnams kyi sku dang ni// gsung dang thugs kyi dkyil 'khor dang// yon tan phrin las lnga ltar snang ba'o// de rnams la yang gsum gsum ste// ngo
355a1 bo dang ni nges tshig dang// rab tu dbye na mchog tu gsungs// de yang bshad pa 'di lta ste// sku yi ngo bor 'gyur ba med// sku yi nges tshig gsal 'tsher ldan// dbye na rnam pa gsum du
355a2 bstan// chos sku long sku sprul skur bshad// chos sku'i mtshan nyid bsam pa bral// longs sku'i mtshan nyid gsal rtog med// sprul sku'i mtshan nyid sna tshogs ston// gsung gi don nyid 'di lta ste// gsung gi ngo
355a3 bo grags pas stong// gsung gi nges tshig sna tshogs 'byung// dbye ba rnam pa drug gis bstan// sangs rgyas mdzad pa'i gsung dang ni// tshangs pa lha yi mchog gsung dang// 'gro drug 'khrul pa'i rang skad
355a4 dang// sems can mos pa'i 'dul skad dang// gsang ba yul gyi brda' skad dang// grags pa sna tshogs gsung du bstan// de ni gsung don rgyas pa'o// thugs kyi ngo bo 'khrul ba med// thugs kyi nges tshig
355a5 bsam par snang// dbye ba rnam pa gsum nyid bstan// thugs kyi dran pa sangs pa dang// rdo rje 'gyur med bstan pa dang// sna tshogs pa yi thugs su bstan// yon tan la yang rnam gsum ste// yon tan ngo
355a6 bo thams cad bskyed// yon tan nges tshig sna tshogs 'grub// dbye ba rnam pa gsum gyis bstan// gzhi la gnas pa'i yon tan dang// lam la snang ba'i yon tan dang// mtha' la skyol ba'i yon tan no// phrin
355b1 las la yang don gsum ste// phrin las ngo bo grub par byed// phrin las nges tshig bya ba byed// dbye ba rnam pa bzhis bstan pa'o// e ma ho// zhi ba dang ni rgyas pa dang// de bzhin dbang dang drag por bshad// zhi
355b2 bas chos nyid dbyings su sdud// rgyas pas sna tshogs ngo bor ston// dbang gis ma smin smin par byed// drag pos thams cad tshar gcod pa'o// de yang thams cad smin mdzad pa// dbang gi dkyil 'khor chen
355b3 por bshad// chu bo rnam bzhi ma shes na// 'khor ba'i rtsa ba chod mi 'gyur// brgyud pa rnam bzhi ma shes na// gsang ba'i dbang bskur shes mi 'gyur// babs lugs rnam bzhi ma shes na// rig pa'i ye shes don
355b4 mi mthong// bskur thabs rnam bzhi ma shes na// dam rdzas don la sbyor mi nus// dbang gi rdzas bzhi ma shes na// rig pa'i ye shes mtshon mi nus// bskur ba'i gnas bzhi ma shes na// rtogs tshad don la
355b5 bskyal mi nus// dus tshod rnam bzhi ma shes na// rdzas dbang rnams la don med 'gyur// phyi nang dbang bzhi ma shes na// ye shes gnas lugs ston mi nus// thob pa'i rtags bzhi ma shes na// don dam yid
355b6 ches med par 'gyur// bar do rnam bzhi ma shes na// rig pa'i rtsal mi 'byongs par 'gyur// gnas lugs rnam bzhi ma shes na// mtshon pa'i dpe la don med 'gyur// dkyil 'khor rnam bzhi ma shes na// rdzas
356a1 dbang bskur ba don med 'gyur// 'byung ba rnam bzhi ma shes na// sgron ma'i ye shes ston mi nus// 'jug pa'i dus bzhi ma shes na// dbang bskur gdams pa ston mi nus// 'byung ba'i dus bzhi
356a2 ma shes na// rig pa'i 'pho tshul ston mi nus// bsgom thabs rnam bzhi ma shes na// tshe dbang rgyas par bskur mi nus// bstim pa rnam bzhi ma shes na// dbang bskur ba la don med 'gyur// gdams ngag rnam
356a3 bzhi ma shes na// bu la nges shes skye mi nus// rang byung dbang la de ltar rdzogs// de yang rab tu bshad pa ni// rdzogs lugs rnam bzhi ma shes na// theg chen don la sbyor mi nus// thob lugs rnam bzhi ma shes
356a4 na// rig pa'i ngo bo mthong mi 'gyur// grol lugs rnam bzhi ma shes na// skye ba rnam bzhi'i don mi rtogs// rang byung dbang la de bzhin gnas// rig pa'i dbang la de bzhin no// e ma rang byung rdzogs pa'i
356a5 dbang// lam la byang chub rim gnas pas/ khams gsum 'khor ba'i sems can rnams// ma smin pa rnams smin bya'i phyir// bcom ldan thugs rje thabs mkhas pas// gsang ba'i don nyid bstan pa'o// e ho// e ma
356a6 ho// ma grol ba rnams grol bya'i phyir// gsang ba'i ye shes dkyil 'khor bstan// dkyil 'khor ye shes gsang ba'i don// 'das pas mtshon par mi nus pas// da lta nyid du dkyil 'khor
356b1 rnams// rgyal ba yab nyid thabs mkhas pas// thabs mkhas thugs rjes yang dag bzung// brgyad khri bzhi stong theg pa'i sgos// gsang ba'i ye shes ston mi nus// de phyir gsang ba'i theg pa 'di// rang snang
356b2 ston phyir rgyal bas gsungs// bcom ldan pad+ma he ru kas// gsang ba nges pa'i dbang rnams nyon bstan// e ma ngo mtshar shin tu che// a hUM dkyil 'khor thams cad 'dus// gsang ba phyi yi rtags bstan
356b3 pa// yongs su rdzogs pa rang lus mthong// rig pa'i ye shes dkyil 'khor ni// lus la rnam pa bzhir gnas pas// 'di nyid du yang bzhir bstan pa'o// gsang sngags thabs kyi gtan tshigs las// rang lus
356b4 mtshon phyir dkyil 'khor bstan// oM/ yang dag a nyid ldan pa ste/ dang a dang gnyis ston pas// yi ge 'khor lo bsgom par bshad// rnam rtog yi ge hUM du bsdus gyur na// rig pa'i ye shes yi ge hUM du gnas// dag
356b5 pa'i dus na yi ge a yi rang bzhin no// 'byung ba'i dus na yi ge oM du 'byung// rig pa'i rang bzhin de bzhin rab gnas pas// gnas pa'i dus na yi ge phaT du 'byung// mthong ba'i dus na yi ge swA ru
356b6 byung// shes pa'i dus ni yi ge hAr gnas pa'o// rig pa'i chos sku rkyen dang rab bral nas// rig pa'i rang bzhin btsal na mi rnyed de// sems kyi rang bzhin sna tshogs kun tu rgyu// ming gi rang bzhin sna tshogs
357a1 btags pas stong// sgra yi rang bzhin sna tshogs ming dang bral// sngags kyi rang bzh-in bzlas brjod yul las 'das// chos kyi rang bzhin ye nas bsgrub dang bral// sku yi rang bzhin ye nas rnam
357a2 par dag/ye shes rang bzhin ye nas rtog mtha' bral// 'od kyi rang bzhin ye nas thug pa med// tshig gi rang bzhin brjod pa nyid du med// bdag dang gzhan snang gnyis kyi mtha' dang bral// zad med nor bu
357a3 rin chen rin thang med pa yang// zang zing longs spyod sna tshogs rab snang bas// sems can dbul ba'i sdug bsngal sel ba ltar// rang byung ye shes yon tan sna tshogs kyis// ma rig nyon mongs thams cad
357a4 sel bar byed// e ma ho// sangs rgyas ye shes dbang rdzogs pa// 'gyur ba med pa'i dbang chen thob// yang dag lhun rdzogs dbang ldan pas// ye gnas lhun 'byams rtsal dbang thob// rtog med rig pa'i
357a5 dbang rdzogs pas// dbyings rig gsal ba'i brda dbang thob// zag med thig le'i dbang rdzogs pas// lhun 'byams stong pa'i rtsal dbang thob// dgongs pa cig chod dbang rdzogs pas// ye gsal lhun
357a6 mnyam rtsal dbang thob// rig pa ye shes dbang rdzogs pas// bya bral lhun rdzogs rtsal dbang thob// sangs rgyas sku yi dbang rdzogs pas// gsang ba'i ye rgya'i rtsal dbang thob// sku dang ye shes rtsal la so sor
357b1 gnas// nam mkha'i mthongs nas nyi shar bas// sems can thad ka'i mun pa bsal ba ltar// gsang ba'i dus na rig pa rang gnas pa// ye gnas dgongs pa chu bo'i gzhung dang 'dra// de lta bu yi rtsal
357b2 dbang thob gyur na// stong pa'i ye shes rang gnas rdzogs par gsungs// phyi nang gsang ba'i dbang rdzogs na// yongs su rdzogs pa'i rig pa'i dbang// ma bskur ye nas rdzogs par 'gyur// snang lus kyang ba
357b3 rigs kyi lung lta bu// byar med lhun mnyam ngang du rdzogs// ye shes dbang bskur dam pa 'di// sems can rnams kyis thob bya'i phyir// thabs la mkhas pa'i skyes bus bshad// de ni rtsal dbang rdzogs
357b4 pa'o// zhes seng ge rtsal rdzogs chen po'i rgyud las/ seng ge rtsal rdzogs bstan pa'i le'u ste bcu gnyis pa'o//// de nas yang kun rig chos kyi rjes 'di skad ces gsol to// kye kye bcom ldan kun
357b5 bzang yab// bdag cag dad pas zhus pa la// don gyi dkyil 'khor bstan du gsol// sems can rnams la phan gdags phyir/ bdag gis zhus pa'i tshig rnams kun// ma nor legs par gsung du
357b6 gsol// de nas kun bzang seng ge des// rnam pa bsgyings te bka' stsal pa// gsang ba'i sgron ma ye gnas pas// dgongs pa'i don la rnam par brtags// kye ma sangs rgyas rnams kyi 'khor// khyed la gzung
358a1 'dzin mi mnga' yang// sems can ma rig long ba rnams// 'khor ba nyid las bsgral bya'i phyir// nga yis bstan gyis khyed kyis gzung// khyed kyis zhus pa de legs so// legs so legs so
358a2 rigs kyi bu// stong pa'i ye shes mtha' med kyang// dag pa'i ye shes dri ma med// dgongs pa'i ngang la gang gnas pa// rang byung ye shes de dang nye// rtogs pa'i shes rab yul la 'char// 'byung ba lnga yi dri mas
358a3 kyang// dag pa'i ye shes sgrib nus na// ma rig la sogs nyon mongs kyis// dag pa'i ye shes skye dbang med// ma rig la sogs 'dzin pa rnams// rkyen dang bral na rang rig grogs// sku yi 'od dang gsung gi
358a4 zer// nyon mongs nyid las skye bar 'gyur// gsang ba'i ye shes khong gsal ba// dper na dbul mo'i gter dang mtshungs// dag pa'i ye shes yul gsal ba// dper na nyi zla'i 'od dang mtshungs// sangs rgyas
358a5 ye shes sku mnga' ba// ye shes chig chod rnam par dag/ gsang ba'i ye shes rnyed dka' ba// kun gyis go ba ma yin te// gsang sngags thabs kyi sgo mang yang// dag pa'i ye shes rtog pa med// lu gu rgyud du
358a6 rtogs pa med// yang gsang nges pa'i lung chen 'di// dri ma gnyis dang rab tu bral// e ma ye shes dag pa'i sku// 'ga' dang 'ga' la snang ba las// kun gyis mthong ba ma yin no// yang gsang rig pa'i sgron
358b1 ma nyid/gtang bzhag gnyis su med pa'i phyir// thabs ldan shes rab ldan pas rtogs// gsang sngags ye shes tshogs kyi sku// mthun pa'i 'od dang bcas pa'o// 'dzin pa med pa'i sa phyogs nas// dag pa'i
358b2 ye shes ngos gzung bya// snying rje chen po'i thabs mnga' bas// sems can thams cad gzung bya'i yul// snang ba'i ye shes 'od sku la// snang ba thams cad rdzogs pa'o// ye nas rang gsal chos nyid ni// gsang
358b3 ba'i ye shes mkha' la gsal// don dam kun rdzob gnyis med ni// dus gsum sangs rgyas rnams kyi lta bar 'dod// thabs mkhas rtogs pa'i klong gnas pas// ye shes thugs rje rgyun mi 'chad// ye
358b4 shes thabs la mkhas pa yis// rang gi de nyid nyams su blangs// de la goms te nyams lon na// ye shes skye ba'i rim pa dang// ye shes gnas pa'i rig pa dang// rig pa 'char ba'i lta stangs brtags// ye
358b5 nas gnas pa'i snying po'i sku// rgya ma chad pa'i ye shes yin// lhun gyis grub pa'i bud+d+ha dang// gnyis su med par snyoms par zhugs// yang dag don gyi ngo bo la// sangs rgyas sems can gnyis med
358b6 kyang// sems can blo yi 'khrul tshul la// rnam pa gnyis ltar snang du zad// snang ba'i go na rig pa nyid// mthar lhung nyid du gnas pa yin// gcig dang gnyis la sogs pa yi// mtha' bzhi'i dri ma phra rags
359a1 kun// bsal nas ye shes don la 'jug/ 'byung ba'i ye shes thabs kyi sku// kun gyi snying por gnas pa'o// e ma ho// yangs pa'i grong khyer shel gyi khang bu'i nang// dgongs pa rang gnas nyi zla
359a2 lnga shar bas// rnam dag rtog med sku lngar lhun gyis grub// thugs rje'i zer ldan ye shes lnga rtogs pas// snang ba rgyas 'debs snang srid dbang du 'dus// ye shes stobs kyi khyad par ni// gang gis snang ba
359a3 bcad pa dang// gang gis snang ba 'phrog pa dang// gang la snang ba 'dus pa'o// gang gi snang ba chos kyi sku// phyogs dang ris su mi snang bas// thabs dang shes rab 'brel rtogs na// thabs kyi yan lag chos
359a4 kyi sku// shes rab rang byung don la spyod// thugs rje gnyis su med par grol// gsal ba'i ye shes ye gnas don// mtha' dang dbus su mi 'byed pas// mtha' gnyis rtogs na dbus kyi ngang// skyon nyid
359a5 rtogs na yon tan rdzogs// nyon mongs ye shes nyid tu rtogs// gsang thabs rdo rje'i lus tshogs ni// don dam kun rdzob ltar snang ba'o// ye nas chos skur rang gnas pas// mtha' dang dbus su mi gnas
359a6 pa// chos nyid rtogs pas thabs la mkhas// ye shes dkyil 'khor bsam yas rnams// ma bcos bsam yas lhun gyis grub// bde ba bsam yas dkyil 'khor che// snang ba'i ye shes skur gnas pas// bde
359b1 ba'i sku gsum rdzogs par bshad// snang ba'i sku gsum 'od gsal bas// shes rab sku gsum don la spyod// 'das pa'i sku gsum yul du med// ma 'ongs sku gsum snang mtha' yas// mtshon pa'i sku gsum
359b2 dang re spro// sangs rgyas ye shes sku gsum gsal// shes rab ye shes gnas lugs ni/ don dam ye shes thugs la rdzogs// gsal ba'i ye shes mtha' las 'das// rtog med ye shes kun tu snang// yang dag
359b3 ye shes zla 'od bzang// skye med ye shes nor bu'i tshul// 'gag med ye shes snang ba'i tshul// e ma ho// sangs rgyas rnams kyi ye shes ni// sems can kun gyi thugs la gnas// lam dang rig pa'i gnas la
359b4 mkhas// snang ba'i rig pa shin tu che// sgron ma'i ye shes rang gsal ba// dus med chos nyid snang ba ni// phyogs cha med pa'i yul la snang// 'dzin pa med pa'i rnam dag rtogs// bgrod du med pa'i lam dang
359b5 'phrad// bstan du med pa'i lung chen rtogs// bshad du med pa'i rgyud la gnas// thob med rtsal rdzogs 'bras bu thob// yang dag nges pa'i snang ba zin// shes rab sku lnga lhun gyis grub// mdzad pa lam du sku
359b6 lnga shar// thig le chos min rang byung shar// sangs rgyas dang ni sems can gnyis// gcig pa la ni gnyis ltar snang// sku gsung thugs ldan rdo rje'i sku// kun la yod pas snang mtha' yas// brjod du med pas
360a1 rtsal gsum rdzogs// mtshon du med pas the tshom bral// yid du med pas dpyod byed med// sems su med pas bag chags med// ma rig med pas rang sar grol// rtog pa med pas rtsis las
360a2 'das// mthar lhung med pas 'od du snang// bya rtsol bral bas ye nas gnas// yin min med pas rang las byung// chos nyid ye shes rang gnas pas// gzhan nas rnyed par 'gyur ma yin// gsang sngags
360a3 gsal ba'i shes rab ni// gcig tu snang dang du mar med// snang ba'i ye shes sku ltar snang// mtha' yas ye nas rang la gnas// don sdud dkyil 'khor rnam lnga byung// ye nas rgya nyid ma chad par// lhun grub
360a4 chen po'i snang bar rtogs// sa dang lam la rab gnas pas// dri mar bzung ba'i dngos po med// byas pas rnyed par mi 'gyur ro// snang ba'i ye shes lhun sdug ldan// stong pa'i ye shes thabs mtha'
360a5 yas// 'gran zla med pa'i nyag gcig po// mtshan nyid med par rang sar grol// ye shes gsal ba'i rlung chen gyis// dran pa sangs pa'i mkha' la bskyod// mtha' la mi gnas yangs pa'i sku// brdal ba chos
360a6 nyid snang ba'i sems// yul la rtog cing don du sdud// rig pa'i ye shes rang shar bas// stong pa'i ye shes lhun mnyam gsal// dri med ye shes mkha' gsal gnas// snga phyi med par bde gnas pa// phyogs cha
360b1 med par don dam rtogs// spang thob med pa'i sku la blta// gsal 'grib med pa'i snang ba mthong// ye shes bde bar lus la gnas pa'o// e ma ho skye med rang bzhin gsal// 'dzin pa'i ye shes rang bzhin
360b2 gsal// gnyis 'dzin thogs med gcig tu sdud// yangs spang bsam pas bde brdal gnyis su 'dzud// rig pa'i ye shes 'gyur med pas// bstan pa'i ye shes thogs pa med// gsal ba'i ye shes stong pa'i
360b3 sku// 'das pa'i tshig tu med snang bas// mtha' yas gcig tu thams cad 'dus// rang rdzogs rang gnas lhun gyis grub// bde 'byams chos nyid snying por gnas// sangs rgyas rig pa cog bzhag
360b4 nyid// 'dzin pa sangs pa'i nam mkha' la// lta dang bral ba'i lta ba ltos// rtogs bya ye nas thal 'byams la mtha' bral la// 'dzin med shes rab go rar chug/ gnas pa med pa'i lhun 'byams nyid// stong pa
360b5 chen po'i rgya yis thob// gsang sngags thabs nyid rtog med pas// las rab rdzogs pa'i thabs su bshad// sangs rgyas rnams kyi phyag rgya'i dbang// gsang sngags las kyi sku ltar 'phro// don dam ye shes
360b6 dkyil 'khor ldan// yang dag lhun rdzogs bde ba chen po'i sku// sems dang yid kyis snang ba'i phyogs cha sgribs// snang ba'i ye shes stobs su ma gyur na// lhun rdzogs gsang sngags thabs mkhas pas// thugs
361a1 rjes sems can thams cad la// blta ba'i don las mi 'da' zhing// rang rig nyams su blang ba'i phyir// bsam 'das dngos po'i yul du med// gsang ba'i shes rab thug med pas// rig pa'i
361a2 cho 'phrul cir yang ston// ye shes thabs la mkhas pa yis// dbyings dang rig pa ldan byas na// rang rig sa la bde bar gnas// gsang ba'i ye shes lhun rdzogs pas// bya ba'i yul du mi gnas pas// mtshan
361a3 ma g.yengs pa'i dus med pas// rang rig dkyil 'khor rnam lnga rdzogs// gsang ba'i ye shes khong gsal bas// brjod pa'i tshig las 'das pa'o// ye shes sku la rab gnas pas// dus dang mtha' la mi
361a4 gnas pa'o// gcig tu med pas don dam nyid// phyogs su med pas lta dang bral// bcos su med pas sgom dang bral// yin min med pas spyod dang bral// rigs kyi kha dog lngar snang bas// ye shes lnga yi rang
361a5 rtsal rdzogs// 'byung ba lnga yi rtsal snang ba// rang byung ye shes ngo bor rdzogs// shes rab lnga yi don rtogs pas// lu gu rgyud gyi ngang du rdzogs// rtsal gyi ye shes rang snang bas// dmigs pa'i yul med rnam par
361a6 dag/med pa rtsal snang rig pa'i sku// 'dzin med ngo bor rnam par dag/ gsal ba zang thal ngo bor rdzogs// e ma gsang ba'i glu blangs pas// ye shes can la rab tu snang// las rab rdzogs pa'i chos sku
361b1 ni// bya ba thams cad zin pa'o// snang ba'i yul du med pa ste// brjod pa'i tshig las 'das pa'o// mtha' bral don dam lhun grub dag/ gsang sngags phyag rgya chen po'o// thabs ldan las kyi phyag rgya
361b2 yis// gsang ba'i yul dang lhun sbyor bas// ye shes rtsal la 'gag pa med// mtha' yas dkyil 'khor thams cad 'byung// don 'byung bsam yas lhun gyis grub// ye nas sgrib med ka dag klong// 'khrul
361b3 med rgyud dang rang rtags bstan// sangs rgyas lam dang ye shes bstan// rig pa'i gnas dang longs spyod bstan// rang rig thabs dang lam nyid bstan// ye shes sku dang snang ba bstan// 'byung ba'i rkyen dang
361b4 yul rkyen bstan// sangs rgyas sa dang sems can bstan// snang ba'i yul dang rang bzhin bstan// thig le sku dang rang rtags bstan// dgongs pa'i don dang rjes mthun bstan// bde ba'i zhing dang yangs pa
361b5 bstan// yang dag sku dang chos sku bstan// snang ba nyid dang rang lus bstan// kun bzang sems dang ye shes bstan// dkyil 'khor lnga dang gzugs sku bstan// bsgrub pa'i dus dang rig pa bstan// mkha'
361b6 khyab yangs pa sku dang mnyam// rtog med gsal bas yang dag rnyed// sangs rgyas kun gyi bstan pa ni// rab tu gsang ba 'di nyid do// sems can blo yi theg pa rnams// 'di bstan pa yis mig tu 'gyur// ma
362a1 grol ba rnams grol bar bshad// ma smin pa rnams smin par bshad// theg chen gsang ba'i don 'di yis// thams cad bla med dbyings su sgrol// ye shes thabs kyis don chen rtogs// thabs
362a2 mkhas pa yi skyes bu yis// don dam dkyil 'khor rang la rdzogs// ye shes dkyil 'khor bsam yas 'grub// sems kyi snang ba bsam mi khyab// ye shes snang ba gcig las med// don gyi ye shes rtogs
362a3 dka' ba// bsam pa'i chos nyid tshul mthun pas// don dam ye shes thabs nyid rtogs// e ma ngo mtshar che ba'i rgyud// 'di yis thams cad grol bar 'gyur// ye shes rab tu rtogs pa'o// zhes seng ge rtsal
362a4 rdzogs chen po'i rgyud las dgongs pa'i mdo bsdus pa'i le'u ste bcu gsum pa'o//// de ltar ston pa kun tu bzang pos 'og min gyi gnas su 'khor rnams la rig pa'i thabs bstan pa/ gsang sngags
362a5 kun gyi blta ba'i don/ma nor bar ston pa'i rgyud/ ye shes lag 'phrod du bstan pa/ rig pa rang lugs su bstan pa/ dbang bzhi yongs rdzogs su bstan pa'i rgyud seng ge rtsal rdzogs chen po'i rgyud ces bya
362a6 ba/thams cad kyi dgongs pa bstan pa rdzogs so// seng ge rtsal rdzogs nyid la ma bu bcu//// ha shaM 'bar ba'i skad du/ dur na a lo ge pa yan b+ha sing e ma ho/


CLOSE WINDOW