250a3 / rdzogs so// klong chen drug gi rgyud la ma bu lnga//// mAdz+yarwashwah+yaratra// rgya gar skad du/ swar+N+Na puSh+pa kAn+ti rat+na/ A lo ka dz+wa la tan+t+ra nA ma/ bod skad du/ gser gyi
250a4 me tog mdzes pa rin po che/sgron ma 'bar ba'i rgyud ces bya ba/ bcom ldan 'das dpal snang ba rang shar ba nyid la phyag 'tshal lo// 'di skad bdag gis bstan pa'i dus gcig na// thun mong ma yin pa'i gleng gzhi/
250a5 stong pa nyid kyi gzhi tshad med par gsal ba'i dkyil 'khor na/ gnas thun mong ma yin pa/ mi 'byed pa chen po'i 'dul stangs so so ma yin tha dad pa ma yin pa'i snang ba chen po rnam par bkod cing/ ye nas rang
250a6 gsal chen po'i gzhi/rang snang chen po'i spyod pa 'gag med du shar ba'i klong nas/ 'gag pa med pa'i rig pa shar nas/ brjod du med pa'i don 'di gsungs so// gsung ngo// gsung bar 'gyur ro// sarba a
250b1 sa ma la d+ha thim/chos thams cad skye ba med pa'i ngang du gnyis med du thim pa zhes bya ste/ b+he ta A lo ka 'jigs pa med pa'i rnam par dag pa skye med stong pa'i dal la sku gsum du shar/ a nam pa lam ki thams cad mnyam pa nyid kyi shes rab kyi lus 'dzin pa/
250b2 sarba ma ni sha rgyang zhags a/ shes rab a+aA/ 'khor 'das/ a+aa sbub pa gsum/ a+a a+a thig le dbyings kyi sgron ma bar do bzhi yi/ m+ma/ e ka sa ra/ mnyam nyid kyi sku gsum du shar/ th+yau0f85yanamaMt+yath+yatamaM/ dag pa 'gyur mi ba'i klong du/ 'di skad bdag
250b3 gis thos pa'i dus gcig na/thun mong gi gleng gzhi'i don/ sgron ma snang bar byed pa/ sna tshogs rin po che'i sa gzhi la/ gnas phun sum tshogs pa/ ye shes rnam pa lnga'i mig spras pa/ dbyings kyi sgron ma 'char ba/ lnga kha dog
250b4 gsal ba chen po/gzhi dpag tu med pa'i snang ba rgya che la dkyil yangs pa/ dbyings dri ma'i mtha' rnam par gsal ba/ rtse mo kun tu zang 'bar ba/ thal ba/ phyogs bcu kun tu 'char ye shes su/ byed ma 'gags pa/
250b5 phyi dang nang med pa'i sa la bkod ngo bo ka nas dag pa'i rtsal du/ pa yongs su rdzogs pa// rgyan ye shes dang 'od thig le la sogs pa thams cad kyis mdzes par byas pa// phyogs bcu gang nas bltas kyang phyi nang kun tu
250b6 bzang thal ba'i chos nyid kyi pho brang nas/snang ba rnam par dag pa'i ston pa phun sum tshogs pa/ rdo rje 'chang chen pos rgyud 'khor dag pa'i rdo rje 'chang la/ rang bzhin snang mdzad chen po'i thugs rjes gzigs
251a1 nas/bstan pa snying po bla med chen po'i gsang ba thun mong las 'das pa 'di/ gnyis su med pa'i ston pa'i ye shes kyi klong du dril ba'i thugs nas yangs pa'i mgur gyi bum par dril te/ thabs thun
251a2 mong ma yin pa'i shes rab kyi/ljags kyis dbang po la bkram nas/ rdo rje sgron ma snang bar byed pa'i tshig gsum du 'di dag bka' stsal to// rang bzhin rgyud dag rdo rje 'chang/ 'khor la bos nas// ngas ni 'gag med
251a3 dran pa la// spyod pa'i yid ni kun tu shar// snang ba med pa'i phyogs nas ni// yid bsam dran pa bcad pa'i phyir// theg pa rnams kyi rtse mo pa/ a ti// nga yis spros kyis khyod kyis nyon// 'jig rten khams
251a4 ni thams cad du// rig pa 'gag med rang snang kyang// 'di kun sus kyang mthong ba med// mthong med ye shes chen po ni// gang gis me tog mdzes pa mthong/ chos sku dang rig pa// ma mthong ba mthong ba yi ye shes
251a5 la// sgron ma nyid kyi ye shes su// thog ma nyid ni rang snang bas// rdo rje snying po nyid du shar// shar tsam nyid nas nub pa med// nub med ye shes gter chen 'di// su yis spyod pa skal ba bzang// skal bzang
251a6 bde ba'i ngang tshul can// 'di la mi dge rdul tsam med// rdul dang bral ba'i rang rig nyid// 'di la tha snyad tshig dang bral// 'di kun sgron ma rnam bzhi yi// sems can kun gyi lus la snang ba 'dzin// rgyang
251b1 zhags chu yi sgron ma yis/mig la zer/ gzugs sogs ngo bo nyid du nyams gong nas gong du/ sdud// shes rab rang byung sgron ma yis/ rang rgyud la 'char// theg pa rnams kyi the tshom gcod// thig le stong pa'i rtags byang chub
251b2 sems kyi sgron ma yis// 'khor 'das bsre ba'i mtshams sbyor byed// dag pa rig pa 'dzin pa'i dbyings kyi sgron ma yis// rnal 'byor nyams kyi bogs 'don gong nas gong du byed// 'di kun khyad par snang ba'o// de
251b3 nas rgyud dag rdo rje 'chang// dga' mgu rang pa rab skyes nas// snang dag rdo rje 'chang ba la// zhu ba'i tshig ni 'di skad gsol// kye ma ston pa rdo rje 'chang// sangs rgyas kun gyi rang snang ba'i// ston pas sgron ma
251b4 bzhi gsungs pas// rgyang zhags chu yi sgron ma zhes// ston pas tshig tu sngar gsungs pa// 'di nyid ma 'tshal bdag la gsungs// de nas rdo rje 'chang chen gyis// tshig ni 'di skad rab tu gleng// e ma rgyud ma rig
251b5 rnam par dag nas dag rdo rje 'chang// ngas ni rgyang zhags la sogs pa sgron ma rnam bzhi yi// snang ba nyid la rang ngo la phar bltas pas// 'di kun rim gyis blo yul snang/ snang ba 'di rim gyis dang cig char ma yin/ mig gi dngas
251b6 ma/rgyang zhags chu yi sgron mas ni/ 'khrul pa dang blta ba dang bar do'o/ gsum gyi snang ba 'dzin par byed// des ni gsum gyi snang bzung bas// lta ba dbyings kun gyi snying por dbyings yang// de kun 'di yi blta bas na/
252a1 'di ni lta ba'i gzhi 'dzin par// skyed byed sa bon bzhin du gnas// rgyu snang ba rnam par dag pa'i yi rdo rje yang 'chang bas// ston pa rdo rje 'chang chen la// tshig ni 'di skad ces gsol to// kye kye ston pa
252a2 rdo rje 'chang// rgyang zhags chu yi sgron ma zhes// 'di yi ngo bo ji lta bu// 'di la nges tshig ji skad gsung// dbye ba rnam pa du zhig yod// mtshan nyid bzhugs tshul ji lta bu// gnas ni gang la gnas pa
252a3 lags// 'char sgo'i snang ba ji lta bu// 'di yi mthun dpe gang zhig lags// 'di kun tshad rnams gang gis bzung// ston pas 'di kun bdag la gsung// de nas ston pas yang gsungs pa// kye ma rgyu yi rdo rje
252a4 'chang// ngas yin lugs snang lugs gnyis med du/ bstan khyod kyis ma 'khrul bar// 'di kun zung zhig rdo rje 'chang// rgyang zhags chu yi sgron ma dbang po'i dngas ma yi// ngo bos snang ba gnyis ka 'khrul pa dang ye shes
252a5 sdud// mthong byed 'dzin cha phyi gsal yul yul can gnyis ma 'gags phyir// 'khor 'das gnyis ka'i cha 'dzin blta bas na// 'khor 'das mthun yin lugs snang lugs gnyis kar grol// pa'i blta ba'o// ngais pa'i tshig ni 'di
252a6 lta bu/phyi rol gyi rgyang ni ring ba'i rgyud 'dzin pas/ mig gi yul/ gzugs su snang ba 'dzin pa dang// kha dog dkar dmar la sogs sdud pa dang// rig pa'i sku rdo rje lu gu rgyud kyi/ yang rgyang ring nas// mthong dbang pos byed
252b1 'dzin par byed pa dang// 'khor ba rtogs pa'i phyogs nas ni// rgyang ma rig pa rnams du 'phen pas rgyang zhes bya// de bzhin 'khor ba nas ma rtogs phyogs nas kyang/ rang bzhin lhag bcas lhag med/ myang 'das
252b2 'phen pas rgyang yin no// de bzhin 'khor ba'i snang cha nas/ dbang po thams cad kyi dngas ma// gzugs dang 'dod yon lnga rnams ni// 'di yis 'ching bdag tu bas zhags pa yin// dbang po'i yul la phyir snang ba
252b3 yi// dran bsam dngos po la bdag tu 'dis 'dzin pas// zhags pa phyir gsal ba'i cha las zhes ni rgyang nas 'dzin// de bzhin nam mkha' sprin bral la// phyi dbyings/ rig pa bdag med rdo rje lu gu rgyud skur snang bas// snang
252b4 ba yas su mi 'jug par// 'di yis 'dzin pa zhags zhes bya// chu ni snang ba de dag la// zhen pa gnyis snang gnyis med du rang sar log nas ni// kun yul la chags pa'i gzung 'dzin gyi sems med par// snang ba rang byung
252b5 rang grol du rang sar bzhag nas ni// bdag gzhan gnyis 'dzin bral bas chu zhes bya// sgron ni rang gi snang ba kun// gong nyams nas gong du 'phel ba yis// rig pa'i ye shes gsal bas sgron// 'byung ba rags pa'i
252b6 snang ba kun// rang shes spyod pa 'gag med cing// dbang po'i rang sgor gsal bas sgron// rig pa phyi yi dbyings nam mkha' bzhag pas// nang dbyings rang sar dag ste snang// nyams rang bde rang gsal rang dngas kyi
253a1 snang ba 'di skyes pas// dbyings rig skye ba med par gnyis med du 'dres pas ma yang yin// dbang po kun gyi dngas ma yang// 'char byed sgo ni mig yin pas// kun dbyibs dang 'khor 'das gyi gzhi 'dzin
253a2 ma zhes bya// dbye ba dngas ma las skyes pa'i rnam pa gsum yin no// 'byung ba'i rtsal shar bas yul du ma la 'dzin dngas mar rang 'dus pa'i// rgyang zhags chu yi sgron ma dang// ye shes lnga'i rtsal phyi nang 'dus pa'i rgyang zhags
253a3 dang// dbang po thams cad kyi dngas ma 'dus pa'i rgyang zhags so// 'di yi mtshan nyid 'di lta bu// 'char byed 'gag pa med pa yis// dbang po'i dngas ma mig gi sgor// bskyed pas dngas ma'i pad+ma'i yang spyan du
253a4 gnas// rang gi mtshan nyid dbang po 'dzin// 'byung ba lnga las rlung gis dngas ma gzugs la 'jug pa'i cha las ni 'phen pa dang// sdud shes pa yul la dang 'dzin dang mched par snang// ye shes lnga dbyings ye shes gnyis med du las
253a5 ni lta ba dang// gnas dang tsit+ta'i rtsa gsum nas gong ma 'dzin pa'o// dbang pos yul dang yul can dang// yul med rnams ni rang 'dzin pa'o// 'di rgyang zhags yi gnas ni mig yin te// mthong byed 'gag pa med
253a6 pa yis// yul gzugs sogs rnams 'dzin par byed pa yin// klad pa spyi gtsug dung khang dkar po la/ rtsa/ g.yas su song ste khug pa 'khyil pa gsum yod pa// rtsa ni kha che ba ba men rwa yi dbyibs// dbang po'i mig
253b1 gi dngas ma kun 'dus nas// dbang po yul la 'char byed pa'i// rtsa yi nang na mig gi rnam shes 'di nyid gnas// thog ma sems can kun gyis rang gi lus bskyed pas// ma yi mngal du zhugs pa'i tshe// lus kun gyi
253b2 ni thog ma ru// lte ba'i rtsa mdud chen po las// dbus kyi gru gsum nyid du yang// pha ma'i rgyu rkyen dngas ma las// mig gi 'bras bu nyid du chags// de yang pha ma'i cha gnyis las// dkar nag 'dres pa nyid
253b3 du'o// 'char ba'i sgo ni mig gnyis dang// dbang po yul la 'char byed kyi// rtsa las 'di kun snang bar shar// dper na 'dzin byed lcags kyu yis// gang snang sna nas 'dzin pa bzhin// 'khor dang mya ngan
253b4 'das pa yi// sna gnyis 'di yis 'dzin par byed// sgron mas snang bar byed don gyis// yul gzugs snang ste rig pa yang// lu gu rgyud snang tshad yin no// zhes sgron ma 'bar ba'i rgyud las/ rgyang zhags chu yi
253b5 sgron ma ston pa'i le'u ste dang po'o//// b+b+hamar+g+ra// mraH/ de nas rgyud dag snang ba rnam par dag pa rdo rje 'chang// nyid kyis gsungs pa blor tshud nas// yang ni tshig gis 'di skad gsol// kye kye bcom ldan rdo rje
253b6 'chang// ston pa nyid kyis gsungs pa las// bdag ni dam pa'i nges pa rnyed// chu yi sgron ma de ltar na// nyid kyis gong du gsungs pa yi// shes rab rang byung sgron ma zhes// gsungs pa'i don de bdag nyan
254a1 'tshal// de yi ngo bo ji lta bu// de bzhin nges tshig rnam pa gang// dbye ba du yis bstan pa lags// 'di yi mtshan nyid ji lta bu// sgo ni 'char byed gang la snang// de bzhin gnas pa gang gis
254a2 lags// dgongs pa'i tshad rnams ji lta bu// 'di la mthun dpe gang gis mdzad// ston pa thugs rje chen po la// 'di kun bdag gis nyan par 'tshal// de nas ston pas yang gsungs pa// kye ma rgyu yi rdo rje
254a3 'chang// nga yis bstan gyis khyod kyis nyon// 'di kun 'khrul pa med par zung// shes rab rang byung sgron ma ni// 'di ni sgron ma thams cad kyi// shes byed 'di med na don mi rtogs pas na nyid du gnas pas na// kun
254a4 gyi cha la 'di nyid pas// 'byed pa'i shes rab mgo'i nang na yod pa las nyid pas ni// 'byed pa med pa'i tshul du gnas// cha phra bskyed pa'i ngo bo ni// ye thog nyid nas gnas pa'o// shes pa dngos dang dngos med
254a5 pa'i// snang ba kun la rab zhugs nas// spyi yi don rnams shes pa dang// ma btsal bzhag pa'i gdeng rnyed de// rang gi ye shes tshad rnams shes// rang bzhin dag pa'i chos sku ni// sus ma rnyed par rang rig
254a6 pas// kunu las khyad 'phags rab tu snang// gzhan gyis dpyad pa'i gnas med pas// rang shar ye nas dag pa'i yum// gzhan gyi yul min rang zhes bya// byas pas 'di don rnyed pa med// su la re ba med
254b1 pa'i phyir// ye nas rang snang byung zhes bya// sgron ni chos nyid thams cad kun// gnyis su med par snang bar byed// mas ni rang ngo khyab pas so// chos nyid ma skyes mi 'gag pas// mi gnas rang sar grol ba
254b2 ni// ma chags gnas pa med pa ste// ye nas bcing grol med pa'o// dbye ba rnam pa lnga yin te// gzhi gnas rang byung shes rab kyis// lus sogs chos kyi rten rnams byed// snang ba cer 'dzin shes rab
254b3 kyis// dbyings dang rig pa'i 'dun pa 'dzin// dran pa 'gag med shes rab kyis// shes pa rtse gcig yul rnams sdud// so sor rtogs pa'i shes rab kyis// spyi dang rang gi mtshan nyid 'byed// 'jug byed rnam
254b4 gsum shes rab kyis// rang bzhin bar do gtan la 'bebs// snang dang mi snang chos rnams kun// rang bzhin med par sus shes pa// 'di ni de yi mtshan nyid do// 'char byed sgo ni dbang po lnga// khyad par
254b5 snying nas 'char bar byed// de rtags mtshan mo'i dus nyid du// glo dang sbrid pa drag po dang// shin tu glo drags lus pa'i tshe// dmar la dngas pa'i 'od zer ni// me stag bzhin du rnam 'phros pas// de yi tshad
254b6 dang rtags de yis// 'char bar byed pa'i sgo ngos zin// skyed par byed pa'i rtsa bzhin gnas// 'gyu dang 'gul dang 'phrigs pa dang// yang zhing bskyod pa'i bdag nyid du// tsit+ta'i dkyil 'khor nyid la
255a1 'khor// dngas ma shes pa'i bcud rnams ni// me stag yar ba'i mtshan nyid du'ang// lnga bzhi las kyi rlung dang bcas// shes pa gsal gsal rig rig po// shes rab rnams kyi rang bzhin
255a2 du// ro ma rkyang ma kun 'dar ma// shel sbug khog pa stong pa'i nang// gsal ba shes rab chen por bzhugs// ming bzhi 'dus pa'i ye gdangs su// thams cad 'byed pa'i ngo bor ni// ye nas lus kyi cha la
255a3 gnas// skabs su rlung gis rang bzung bas// shes pa dran med rmugs pa yang// shes rab rtsal rnams rgyas 'thums pas// gsal ba'i cha med rmugs par 'gyur// rlung gis shes rab rtsal bskyod tshe// sngon
255a4 ma thos pa'i chos rnams kyang// yid la dran zhing gsal bar 'char// gsal dang mi gsal rtsal rnams ni// rlung gi g.yo 'gul nyid las byung// lus dkyil rtsa nang gnas pa'o// gzhi gnas shes rab rang byung
255a5 tshad// chos kun mnyam pa'i nyams skyes nas// shes pa brtan pa'i gdengs rnyed yin// de nyid 'gyur ba ma yin par// rtag tu rgyud la gnas pas na// 'dis ni gzhi gnas shes rab zin// 'di yi lus kyang
255a6 yang ba dang// shes pa rnams ni gsal ba'o// snang ba cer 'dzin shes rab tshad// cog bzhag nyams su myong ba'i rtags// lus dkyil kha dog lnga yi 'od// rtsol ba med par phyir shar nas// 'di la shes pa
255b1 rang sa zin// lus kyang sa la reg pa med// 'di yis shes pa gar gtad pa'i// bem po rnams kyang 'gul bar 'gyur// rang rtsal 'byongs pa'i tshad yin no// dran pa 'gag med shes rab tshad// shes pa gzhan
255b2 la 'jug pa med// gcig pur 'dug par dga' ba dang// dben pa'i sa la rtag tu dad// mi dang 'grogs snying mi 'dod par// shes pa rtse gcig 'gyur ba med// gzhan gyis brjod pa'i gtam la
255b3 yang// zungs su 'dzin pa nyid dang bral// blta ba mi 'gyur gdeng nyid du// nam mkha' dag la 'gro ba snyam// sems de gar gtad sa der chags// pha rol rnams kyi rkyen gyis kyang// 'di la bsgyur du ga la
255b4 nus// bag med shes pa bde yangs pa// 'di ltar shes pa'i mi de ni// dran pa 'gag med shes rab zin// so sor rtogs pa'i shes rab tshad// kun gzhi dang ni chos sku yang// 'di ltar phyed rtags 'di lta
255b5 bu// lus la zhen pa'i blo bral nas// rig pa gar gtad sar gnas te// lus ni bem po bzhin du 'gyur// sems dang ye shes phyed pas ni// 'gyu byed rnams kyi sgo yang 'gag/ 'byung ba dngas snyigs su phyed
255b6 pa// rags pa'i snang ba rang 'gags te// lu gu rgyud la bde bar spyod// de bzhin 'khor 'das su phyed par// 'khrul pa'i blo rnams skye mi srid// gal te skyes kyang phan gnod bral// de la sogs pa'i rang [(]8[)]
256a1 shes kyis// 'khor 'das gtan la phebs pa ni// so sor rtogs pa'i shes rab po// 'jug byed rnam gsum shes rab tshad// chos kun tshig gcig smos pas ni// de yi gzhung kun shes pa
256a2 ni// thos pa'i shes rab tshad du phyin// shes pas gang la bsam pa yis// zungs de rgyud la bder shar na// bsam pa yang ni de bzhin 'byongs// gang byung rkyen gyis mi gnod par// 'khrul rtog zhen pa rang
256a3 'gag pa// 'dis ni bsgom pa'i shes rab rnyed// dper na spra ba rlan med la// me stag phra ba nyid phrad kyang// spra ba kun mched mes bsregs bzhin// shes rab kyis ni bag chags bsregs// 'di kun shes
256a4 rab sgron ma'o// zhes sgron ma 'bar ba'i rgyud las// shes rab rang byung gi sgron ma bstan pa'i le'u ste gnyis pa'o//// Sh+Tha-ith+yapUNaNaH/ de nas rgyu yi rdo rje 'chang// rang gis yid ches tshig shar nas// mi rtog
256a5 mnyam pa chen por gyur// shes rab chen po rang shar nas// chos kun ro gcig rtsad nas chod// dngos bral stong pa'i yul rnyed nas// ma 'ongs sems can kun don du// rdo rje 'chang la 'di skad gsol// kye kye
256a6 sangs rgyas rdo rje 'chang// bdag nyid chos kun rang gsal bas// dri ma med pa'i mig rnyed nas// spros bral ka dag chen po yi// chos kun rtsad nas 'dir chod de// ma 'ongs sems can thams cad la// snying
256b1 rjes snying nas bzung ba'i phyir// shes rab sgron ma de ltar na// thig le stong pa'i sgron ma nyid// ston pas gong du tshig gsungs pa// 'di yi ngo bo ji lta bu// nges pa'i tshig ni gang rnams lags// de bzhin dbye ba
256b2 du tsam mchis// mtshan nyid dgongs pa ci zhig yod// 'di yi gnas ni gang na gnas// 'char bar byed pa'i sgo de gang// de la rang bzhin ji lta bu// yul ni ji ltar snang ba lags// de kun tshad ni gang gis
256b3 bzung// 'di nyid dngos ni gang zhig lags// de yi thabs kyi man ngag ci// de la mthun dpe ji ltar lags// 'di kun sems can kun don du// rdo rje 'chang la bdag nyan 'tshal// de nas rdo rje 'chang ba
256b4 yis// rang bzhin dag pa chen po des// 'di skad tshig tu yang gsungs so// kye ma rgyud dag rdo rje 'chang// khyod kyis zhus pa de lags so// nga yis khyod la bstan par bya// 'di ltar ma 'ongs don du yang// ngas
256b5 bstan khyod kyis tshig 'di zung// thig le stong pa'i sgron ma ni// chos rnams kun gyi yid ches pa// 'di nyid su yis shes pa de// thig le sku la longs spyod de// goms pa rnams kyi spyod yul lo// de phyir 'di yi
256b6 ngo bo ni// nyag gcig cha phra spros dang bral// stong pa'i mun 'bral rang gsal che// rang bzhin rang gsal mnyam pa med// mi rtog spros bral zlum por gnas// ma skyes chos nyid stong pa nyid// mi skye rdzas med
257a1 'jig dang bral// chos nyid ma yengs rang shar nyid// ma 'gags ma grub mtshan nyid bral// ma bskur rang dbang bzhi rdzogs phyir// dmar por rang gsal ye nas stong// dri ma med cing ka dag
257a2 pas// bdag 'ching nyon mongs rnams dang bral// rang gis rang gsal dngos pos stong// 'di ni de yi ngo bor 'dod// thig ni mi 'gyur drang po la// ye nas bcos pa nyid dang bral// le ni gdal ba chen po
257a3 la// snang ba rnams ni rang sar rdzogs// stong pa dngos po'i 'dzin pa ni// yul la zhen pa'i blo rnams bkag/ rang bzhin stong pa chen po yi// gsal la rang bzhin blo mi snang// sgron mas 'od lngar snang ba
257a4 ni// byas te rang ngo gsal rig bcas// 'di rnams nges pa'i tshig yin no// chos nyid stong pa ma bcos pa// lhun grub chen por ye nas gnas// thams cad ma spangs rang shar nyid// rgya chad phyogs lhung ye nas
257a5 med// rang shar rang grol rdzogs pa'i klong// sems can sangs rgyas gnyis med rdzogs// dbye ba nyid ni rnam pa lnga// gzhi gnas rang rig thig le yis// snang srid 'khor 'das gcig tu bzlum// lus gnas
257a6 rtsa yi thig le yis// bde dang sdug bsngal gcig tu bzlum// kun rdzob rgyu yi thig le yis// phung sems bskyed pa'i rgyu yin te// phung po khams sogs chos rnams kun// bya bral rdzogs pa chen por
257b1 bzlum// don dam spros med thig le yis// dbyings dang rig pa gcig tu bzlum// rang byung 'bras bu'i thig le yis// sangs rgyas kun gyi dgongs pa ni// mtha' bral lhun grub rdzogs pa'i ngang// rtsol bsgrub
257b2 bral ba'i dbyings su bzlum// 'di kun de yi dbye bas na// mi 'gyur thig le stong pa las// snang ba'i yul la rnam pa lnga// cig char bzlum pa'i gnas na gsal// gsal ba 'di la nub pa med// ye nas rang
257b3 byung chen po'i tshig/'di kun spros med gcig tu gnas// de nyid mthong ba de rang nyid// gzhan nas btsal ba'i gnas med do// rang gnas dgongs pa gcig yin pas// tha snyad rnams kyi grangs zad
257b4 de// gnyis su 'dzin pa'i zhen pa bral// 'di la gnyis su ga la srid// rang gi mtshan nyid ngo bo stong// rang gis mngon par zhen pa 'gag/ rang bzhin mi 'gyur rtog med dab// ma bsgoms pa dang mtshams
257b5 med par// thig le zla dang bral ba yi// rang gnas chen po'i dgongs pa la// bya byed bral bar rgyun du gnas// mtshan nyid stong pa gsal bas khyab// rang ngo lus kyi mtha' rnams zad// mdor na bdag 'dzin
257b6 yul las grol// stong pa chen po'i ye gdangs las// rang gnas sus kyang byas med par// ye nas mnyam pa chen por gnas// sems can kun gyi lus kyi dkyil// tsit+ta rin chen gzhal yas khang// rtsa ni stong
258a1 phrag grangs mang yang// khyad par chen po'i rtsa bzhi las// ka ti gser gyi rtsa chen dang// dar dkar snal ma lta bu ni// phra la 'khril dang shel sbug can// 'di bzhi'i nang du khyad par ni// gnas
258a2 shing rlung gi rta la zhon// 'byung dang 'jug dang rang shar dang// snang ba yi ni bdag nyid du// ye nas spros pa med par yang// gzhi yi thig le bzang po dang// lam gyi thig le de bzhin bzang// bzang po rnams
258a3 kyi rtse mo dang// bzang po'i rgyan dang ldan par yang// rtsa rnams kyi ni nang na gnas// 'di kun rtags kyi rang bzhin du// lus gnas rtsa yi nang na yang// sems can gyi yang lus rten du// thog ma nas ni gnas
258a4 pa yi// snang ba yi ni 'char byed la// rkyen gyis ma bsgribs sems can mig/ tsak+Shu dkar 'jam zhes pa'i sgo nas ni// nyi ma'i dkyil 'khor bzhin du yang// rang gi 'od zer nyid du yang// rang chas rnams su rnam
258a5 par snang// 'char byed 'byung tshul ma 'gags pas// dbang po rnams dang 'brel ba'i tshul// snang ba'i yul du gsal bar yang// kun gyis mig nas 'char ba'o// stong pa nyid la rang log pa// myong byed
258a6 gsal ba'i snang bar ni// ye gdangs lnga dang bcas par yang// rang bzhin bab kyis gnas pa la// gsal byed rnams kyi ngo bor yang// dngos po las ni log par zhugs// stong pa nyid du ma yin te// rang
258b1 gsal shes pa'i thog mar ni// ye nas rang gi mtshan nyid du// thog ma'i ka dag chen po'i las// rang bzhin nyid ni 'di lta bu// sus kyang ma byas rang gsal bar// ye nyid nas ni rang bzhin no// bar snang
258b2 nyid ni stong pa las// snang ba rang ngo ma 'gags pas// rang byung thig le chen por gnas// brjod med rang gnas ngo bor yang// ye nas nam mkha'i khams su snang// thig le spro dang bsdu med par// bar snang
258b3 nyid du sus zin pas// de yi tshad du de 'gyur te// rtsol med grol ba'i rtags su snang// rtsol bcas la ni tshad med do// 'od lnga 'dus pa'i thig le ni// lha rnams la ni rang mtho gang// zlum po rang gsal chen
258b4 por yod// lha min rang gi chag gang yod// mi rnams rang gi mtheb gang ngo// zlum po zag pa med par yod// byol song la ni phyir mi snang// yi dwags rang ngo phra bar yod// dmyal ba rnams la rang gsal
258b5 tsam// lha la dkar po shas cher snang// lha min de bzhin ljang gi che// mi la dmar gsal rang chags bral// byol song nyid la mthing shas che// yi dwags ser po de bzhin no// dmyal ba rnams la kha dog
258b6 lnga// rang gsal shes pa'i char gnas pa// sgron ma dngos ni de bzhin no// rang gi mtheb dang mdzub mo yis// tsak+Shu'i phugs dang 'gram btsir na// mngon du snang ste yid ches kyis// goms par gyur pa'i
259a1 gnad kyis ni// dmar po'i shas med lnga ldan par// gyur te nam mkhar snang nas yang// 'dis ni rig pa'i rang dbang thob// de ni rtsol med rang grol lo// rtsol ba can yang 'di lta ste// rang gi
259a2 mjing pa'i phyi rol rtsa// 'phrig cing 'pharab drag pa la// sor dang mdzub kyis yang btsir nas// mig gi 'dug stangs mkhas pas bya// 'od ni mda' gang tshun chad gsal// de las mched pa'i dus rnams
259a3 bzung// de yi thabs ni man ngag tu// de kun de yi nges 'gyur ro// dper na rma bya'i mdongs dang mtshungs// de bzhin khra yi mig gam ni// yang na de bzhin nya yi mig/ de bzhin srogs chags rkun mo'i
259a4 mig/'di rnams bzhin du gnas pa'o// zhes sgron ma 'bar ba'i rgyud las/ thig le stong pa'i sgron ma bstan pa'i le'u ste gsum pa'o//// sbAm+banya'a'a'ab+b+ha:/ de nas rgyud dag rdo rje 'chang// mi gnas ye
259a5 shes go phye nas// yang ni 'di skad bya ba gsol// kye kye bcom ldan rdo rje 'chang// thig le stong pa'i sgron ma nyid// ston pas gsungs pa de ltar na// nyid kyis gong du gsungs pa yi// dag pa dbyings kyi sgron ma
259a6 nyid// sngar gsungs pa yi tshig 'di yi// ngo bo ci lta bu ru lags// 'di yi nges don rnam pa ci// 'di la dbye ba du tsam mchis// de yi rang bzhin de nyid gang// mtshan nyid dgongs pa ji lta bu// 'di la goms
259b1 pa ji ltar bgyi// de yi tshad ni gang gis bzung// 'di yi gnas ni gang na gnas// de bzhin sgo ni gang nas 'char// de nyid dngos ni ji lta bu// mthun dpe gang gis bgyid lags so// 'di kun bdag gis
259b2 sngar 'tshal kyang// ma 'ongs sems can don du yang// rdo rje 'chang la bdag nyan 'tshal// de nas rdo rje 'chang chen gyis// 'di skad tshig tu bka' stsal to// nyon gcig rgyud dag rdo rje 'chang// ngas bstan pa la
259b3 nor ba med// khyod kyis nor med sems la zung// rnam dag dbyings kyi sgron mas ni// rig pa yi ni ngo bor sdud// lu gu rgyud kyi ra bar snang// 'di la sus goms don de nyid// mthing ga mi 'gyur gsal ba
259b4 la// mu khyud kyi ni ra bar gnas// rang gsal phyi yi yul du snang// ngo bo nyid ni ma bcos pa'o// dbyings kyis rig pa'i rang yul byed// rdo rje nyid ni lu gu rgyud// 'di nyid nang du 'jug par bya// rang gi ngo bo
259b5 rtog med du// nang gi dbyings kyi go rar yang// ma bzung mi gnas tshul gyis ni// 'bral ba med par rgyun du gnas// rnam pa yul du snang ba la// dag pa dri ma'i grangs mtha' zad// sgron ma rdo rje lu gu
259b6 rgyud// nam mkha' nyid la cer bton te// rang bzhin med par snang bar byed// mas ni de yi don gzigs pas// rang bzhin nyid kyi nges tshig tu// ye nas 'du 'bral med par gnas// dbye ba rnam pa gsum
260a1 yin te// gzhi la gnas pa'i dag dbyings kyi// rig pa'i ye shes sku ru 'dzin// lam la snang ba'i dbyings kyis ni// rig pa'i thig le dngas ma sdud// yul la snang ba'i dbyings kyis ni// lu gu
260a2 rgyud de btson du 'dzin// 'di kun de yi dbye ba'o// rang bzhin snang ba ma 'gags pas// blo dngos dran pa kun zad de// snang ba rang dag dbyings su ni// rtog pa med pa'i rig pa yang// mi g.yo mnyam pa nyid
260a3 shes pas// thams cad mnyam pa'i dbyings su yang// ye nas rnam rtog zad par ni// rang bzhin rnam dag dbyings su gnas// brjod cing snang tshig gnyis med pas// phyi dang nang med dbyings su yang// rang
260a4 dal chen po'i ngang du gnas// phyi nang med par zang thal bas// ma bsgribs dri ma med par ni// ye nas ka dag chen por yang// rnam par dag pa'i dbyings kyi ni// mtshan nyid du ni ye nas bzhugs// 'di med
260a5 rig pa'i yul med pas// snang ba 'gag pa med pa yi// char ni dbyings kyi sgron ma'o// 'khor 'das ru shan phyed nas ni// lus ngag rnams ni rnal du phab// de nas dbyings rig snang ba brtags// 'di la
260a6 goms pa'i tshad rnyed nas// phyi rol yul gyi snang ba ni// gong nas gong du yang 'phel bas// rim gyis rang goms chen po thob// 'di la brtan pa'i tshad rnyed nas// chos rnams zad par gyur pa ni// de nyid
260b1 goms par byed pa yi// yan lag tu ni ngas bshad do// mthing ga mi 'gyur snang ba las// kha dog gsal ba'i 'od lngar yang// 'di nyid rab tu gsal 'gyur zhing// rang gi mdun gyi yar mtshams su// sor
260b2 bzhi 'am ni mtho gang las// 'phags te lus dang bral ba na// de yi tshad du de 'gyur ro// mig ni 'byung ba'i rkyen med la// gnas pas rang gi rig pa yang// lu gu rgyud du snang ba ste// sprin bral mkha' la
260b3 'dzin par byed// rang shes nang du gsal ba'i tshe// tsit+ta'i nang du gnas pa yin// phyir 'phros sprin bral nam mkha' 'o// mig gi rnam shes dag pa la// gsal byed 'bar ba'i 'od zer ldan// mi 'gyur khyab
260b4 pa'i tshul du yang// mthing ga'i rang gdangs chen por gnas// 'char byed snang ba ma 'gags pas// phyi yi yul la rnam par snang// 'di ni 'char sgo mig nas kyang// 'gyur med khyab pa'i tshul du snang// 'di
260b5 yi snang ba rang dag pas// dbyings dang rig pa zung 'jug par// ye shes gnas te cog bzhag go// rang shar rang gi spyod yul lo// snang ba mig dang rang 'brel pas// de nyid rkyen bral nam mkha' shar// de
260b6 ltar 'char sgo ma 'gags pa'o// 'di ltar gnad gsum man ngag dang// su la 'dzom pa'i skyes bu ni// dbyings la goms te mngon du'o// srid pa yi ni yar mtshams na// 'di ni gnyis 'jug byung las
261a1 ni// thabs dang shes rab rang bzhin las// gnyis ni 'khril te gcig par yang// sor gcig gis ni ma reg par// nyin dus 'byung ba'i rkyen ldan pas// snang bar 'gyur te mtshan mo
261a2 yang// mthing ga rang ngo nyid du sbyar// dbyings kyi rang bzhin 'od kyi khyim// 'gyur med ye gdangs chen por ni// sangs rgyas sems can thams cad la// sus kyang byas pa med par ni// ye nas gnyis med
261a3 mnyam par gnas// 'di ni khyab che phra ba las// rang gi shes pa'i char shar nas// mngon sum nyid de rab tu gsang// gsang ba chen po 'di nyid la// gang su spyod par 'dod pa de// ye sangs nyid la yang
261a4 sangs rgyas// dngos po'i phyogs la bltas na ni// gsal byed mtshan ma'i cha ltar snang// stong pa nyid la bltas pa yis// rang gsal gzung ba'i yul med pas// sus kyang mi zin stong pa nyid// 'di ni gsal
261a5 dang stong pa ni// ye nas khyab cing gnas pa'o// rang snang stong nyid gsal ba'i yul// 'dis ni dgongs pa'i tshad rnams 'dzin// rang dag chen po nyid du bstan// dus med snang ba'i mkha' la ni// 'gyur med
261a6 dbyings su thams cad 'dus// 'di la 'byung rkyen nam bral na// sangs ma rgyas pa gcig kyang med// 'khor ba'i snang ba mi srid do// dper na yi ge'i na ro bzhin// gnyis kyis bzung ste sdom gcig pa// nag
261b1 po bsgyur du btub pa min// de las goms pa'i gdengs rnyed nas// bar snang 'ja' tshon ci bzhin du// kha dog ma 'dres yongs su rdzogs// de nas yang gcig goms stobs kyis// de yi rtags dang ldan pa
261b2 la// bar snang khams kyang de bzhin no// rgyud 'di 'dzin par sus 'dod pa// 'di ni dam pa skal ldan pas// rgyud 'di so sor bzung ba yis// yon tan bsam med chen por thob// rgyud kyi mtshan nyid rnam
261b3 gsum ste// de yi ngo bor sbyor shes bya// ji ltar rgyud kyi mtshan nyid kyis// rang gi ngo bo rtogs pa'o// zhes sgron ma 'bar ba'i rgyud las/ dbyings rnam par dag pa'i sgron ma bstan pa'i le'u ste bzhi
261b4 pa'o//// de skad ston pas gsungs pa yis// rgyud dag rdo rje 'chang la sogs// dga' zhing mgu ba'i sems skyes nas// de nyid gsungs la mngon par bstod// gser gyi me tog mdzes pa rin po che
261b5 sgron ma 'bar ba'i rgyud ces bya ba/'bum phrag drug cu rtsa bzhi'i bcud phyung ba rdzogs so/// a+thi+-i// rgya rgya rgya// rgya gar gyi mkhan po bi ma la mi tra dang/ lo ts+tsha ba ska ba dpal brtsegs gnyis kyis bsgyur cing zhus te
261b6 gtan la phab pa'o// dpal sngags kyi srung ma lcam dral gyis// rgyal ba'i bka' 'di srungs shig/ dpal ldan zhwa'i mgon po dang/ dam tshig gi bdag po rnams kyis/ dam med sdig can gyi srog rtsa chod
cig/

CLOSE WINDOW