104a1 rgya gar skad du/ ma gor ma gzhi 'og ma 'khrum pa log pa'o/ na ro dbyings/ klad kor sku dang ye shes so/ m+moM/ badzra rdo rje satwa sems dpa' tsit+ta snying A dar+sha me long gi tan tra rgyud nA ma/ ces bya ba/ dbyer med pa'i sku/ oMhu a ni chos kyi sku/
104a2 ha ni longs spyod rdzogs pa'i sku/ ma ni sprul pa'i sku/ gu gu ni ngo bo nyid sku/ zhabs kyu rdo rje 'dzin pa'i sku/ klad kor ni sku lnga/ bod skad du/ don la sems pa/ rdo rje sems dpa' snying gsang ba gi me long gsal ba gi rgyud sder chags pa ces bya ba/ bdud
104a3 bzhi bcom 'khor ba las 'das pas/bcom ldan 'das rtogs pa dang ldan pas mi pham ye shes kyi zhe sdang dang ldan pas khro 'od lnga rang la yod pas gnyer/ gnyer can la phyag 'tshal lo/ 'di skad bdag gis bstan pa'i dus bden pa chen po
104a4 bstan pa'i dus phun sum tshogs pa/gcig na/ nye ba'i 'khor phun sum tshogs pa/ 'khor rnams legs par nyon cig/ rang la gnas pa'i don/ rang byung thabs chen don bshad kyis/ nga yis bstan pa phun sum tshogs pa bshad kyis nga la
104a5 nyon/ces rdo rje sems dpa'i don/ bka' bsgo ba mdzad do/ 'di skad bdag gis thos pa'i gnas shes pa'i phyir/ dus gcig na/ dur khrod me ri 'bar ba ces bya ba/ gnas phun sum tshogs pa/ nyin bzhin rlung 'tshub pa/ khro bo'i gnas/
104a6 mtshan bzhin me 'bar ba de na/ bcom ldan 'das thugs zhi ba las ma g.yos kyang sku khro bor snang/ gzhon nu dpa' bo stobs ldan zhes bya bar skur sprul nas/ gsang ba'i bdag po la sogs pa khro bo phyag na rdo rje la sogs pa khro
104b1 bo'i tshogs dang mkha' 'gro ma la sogs te mkha' 'gro'i tshogs rnams la rgyud chen po gsang ba yang khol du phyung ba 'di bshad do/ma rig pas bcings pa las/ don dgrol to// gsal bar byed do/ snying gi dkyil 'khor gyi 'od/ rgyud kyi don/
104b2 rgyas par ston to/ zhes bya ba'i sgra nyid kyis/ 'khor rnams la/ lan gsum brjod do// de nas gsang ba'i bdag pos zhu ba zhus pas/ ngo mtshar bas/ e ma byams mgon bcom ldan thugs rje can// bstan pa'i snying po
104b3 rgyud thams cad kyi snying po/gsung du gsol/ zhes zhus pa dang/ bcom ldan 'das kyis khro bo'i cha lugs su mngon par sprul nas/ bshad par dam bcas pa/ a sarba d+harma a hi/ skye med kyi ngang du chos thams cad dbyer med du dbyings
104b4 dang rig pa/zhes bya ba'i sgra brjod pas/ mkha' 'gro ma thams cad yid 'khrugs kye hud kyi sgra brjod par gyur to// 'jig rten gyi khams thams cad kyang 'od kyis khengs so// de nas yang/ sarba ma chos thams cad mnyam
104b5 pa nyid skye ba med pa'o/la ma la a hU~M/ zhes brjod pas/ sangs rgyas kyi byin gyi rlabs mngon par bde ba dang ldan par gyur to// de nas khro bo'i tshogs dpag tu med pa/ dang mkha' 'gro ma'i tshogs rnams kyis thabs cig tu
104b6 'di skad ces gsol to// bcom ldan 'das rang byung dbyings dri ba gsum dris so/ nas 'od gsal bar gsung du gsol// a ti theg pa'i don du gsung du gsol/ rang rig bstan pa'i sgron ma mi 'gyur ba gsung du
105a1 gsol/zhes dri ba gsum dris so/ de nas stobs kyi bdag pos stobs dang mi 'jigs pa/ bka' stsal pa// kye kye khro bdag chen po nyon/ nga yi bstan pa theg pa/ bsam mi khyab// de rnams don chen 'dir de
105a2 rnams gang gis kyang gtan la mi phebs pa/bshad legs par nyon/ dri ba dang po'i lan/ rang byung dbyings nas 'od gsal rig pa'i klong// ma skyes gdod nas dag pa'i ma rig pa med pa'i rig pa zag pa med pa/ rig pa byang chub
105a3 sems// skye med don ldan rig pa'i ye shes sku/ rig pa'i ngo bo sku dang ye shes so// 'ja' tshon lta bur 'od lnga ma 'dres yongs su rdzogs// tsit+ta'i dkyil 'khor snying gi dkyil na gnas/ ye shes 'od du gsal/ ye shes
105a4 'od 'phros mig nas lam byung zhing/rnam dag stong pa'i mkha' la nam mkhar 'od snang nas/ ye shes 'od du brdal/ stong gsal 'byed med stong pa gcig pur med gsal bar yod/ ngang du gnyis med thim/ dri ba gnyis pa/ a ti
105a5 'gyur med rig pa'i lta ba ni/gcig la kun rdzogs tha dad du med/ tha snyad kun dang bral/ tha snyad spangs na rang byung stong pa gcig por ma yin gsal bar yod/ bde ba'i klong/ gnyis med rtogs na bde chen a ti'i
105a6 ngang// theg chen don rtogs rig pa a ti'i ngang// gsang sngags don rtogs rig pa a ti'i ngang// ye shes don rtogs rig pa a ti'i ngang/ rang snang don rtogs rig pa a ti'i ngang/ dri ba gsum pa/ rang rig
105b1 bstan pa'i sgron ma 'di// bzung bas mi zin chu zla 'dra// byang chub lam gyi sgron ma rang byung rang la thim/ mig nas byung zhing snying gi dkyil gyi rig pa la thim/ dper na nyi bzhin 'gro ba yongs la khyab// tsit+ta'i dkyil du
105b2 gnas bcas mig nas lam phyung zhing/ye shes sgron ma stong nyid nam mkha' la/ rig pa mig nam mkha' la ye shes kyi snang ba lngar shar ro// ye shes 'od phung nam mkha'i mtha' dang mnyam// bag chags sbubs la brten nas
105b3 ye shes dbyings la spyod// ye shes sgron ma rang snang 'od po che// ye shes sgron ma bstan pa kun gyi rtse// zhes bka' stsal to// yang zhus pa// e ma ho/ ngo mtshar gyi sgo nas thugs brtse bas sems can la phan gdags pa dang rang gi
105b4 don rtogs par byed pa'i phyir/bcom ldan thugs rje can// rnam gsum dris lan de ltar na// don gyi snying po gsung du gsol// brjod med rnam dag gsung du gsol// zhes gsol pas/ khro bdag chen pos bka'
105b5 stsal pa// kye kye rdo rje 'dzin pa nyon// nga yis nga la ston pa yin// legs par yid la gzung bar byos// snying po 'gyur med klong na rig pa rang byung gsal// snying po ye shes sku la gsal 'grib yongs kyis
105b6 med// don gyi snying po rang gsal bde ba'i sku// kun la khyab pa'i snying po nyag gcig po// brjod pas thog tu mi phebs tshig gis mtshon du med// rig pa'i ye shes brjod pa'i mtha' dang bral// rnam dag 'od
106a1 gsal brjod med ngang du thim// dbyer med tshul gyis sems can yongs la gnas// e ma ho/ rang byung bde ba'i sku// tshig gcig bstan pas don chen go/ kha dog dkar dmar ma 'dres yongs
106a2 su gsal// sku gcig kun la khyab pas bder gshegs snying po'i sku// 'gag med klong nas shes rab 'od gsal ba// rtag par gter 'chang rang gi thugs la gnas// rgyud chen don 'grol gsang sngags A li
106a3 kA// ye shes don ston gsang sngags rgyal po 'di// kun la dkon pa'i rin chen gter yin pas// ma yengs dam tshig ldan pas spyad par bya// zhes khro bo'i rgyal pos/ thog ma'i dbyings bstan to// bka' bsgo ba'i
106a4 don rgyas par bshad do// ces rgyud thams cad kyi rgyal po gsang ba yang khol du phyung ba/ rdo rje sems dpa' snying gi me long gi rgyud chen po las gleng gzhi'i le'u ste dang po'o//// de nas yang bcom
106a5 ldan 'das sku zhi ba'i cha lugs drug pa rdo rje 'chang zhes bya bar sprul nas/mkha' 'gro ma chen mo lnga tshangs ma/ dung gi thor tshugs can dang/ rma bya'i mgrin dang/ ro zan dang/ khro gdong ma dang/ la sogs pa ste mkha' 'gro ma bye ba
106a6 dang thub pa drug dang byang chub sems dpa' ro langs bde ba la sogs pa dang thabs cig tu bzhugs so// de nas bcom ldan 'das kyi thugs rje'i byin rlabs las/ gsang ba'i bdag po lag na rdo rje zhes bya ba
106b1 mdun du babs nas/thal mo sbyar nas zhu ba zhus so// kye kye bcom ldan rdo rje 'chang// theg pa'i sgo rnams gsung du gsol/ chos kyi sgo mo bsam gyis mi khyab pa theg pa dgu'o// 'jig rten pa'i chos thams cad log lta dang yang dag ldan
106b2 par blta'o// zhes zhus so// rdo rje 'chang gis don gnyis su bka' stsal pa// theg pa'i sgo ni bsam brgyad khri bzhi stong log pa'i theg pa 'jig tshogs sum brgya drug cu las gyes pa'i don/ yas kyang/ yi ge rnam pa gnyis su log lta dang yang
106b3 dag gnyis gsung// yi ge rnam gnyis gang zhe na// sa dang de yang sa zhes pa thams cad 'byung ba'i gzhi ma lta bu ste de yang log lta rtag chad phyed pa'i sa yin/ yi ge ha ha zhes bya ba ni yang dag pa'i lta ba mtshon par byed pa'i yi ge chos kyi sgo mo brgyad khri bzhi
106b4 stong de la bsdus te bstan pa'o// de yang dag pa'i ye shes kyi snying po can zhes bya'o/ la 'dus// de yang bshad lugs gang zhe na// 'jig rten pa'i theg pa dang/ 'jig pa ni bag chags phung po 'jig pas 'jig phung po dag ye shes kyi rten yin pas rten
106b5 no// 'jig rten las 'das pa'i theg pa'o/ de la 'jig pa'i rten du gyur pa med do// 'jig rten pa ni gang zhe na// yi ge sa la 'dus pa'o// 'jig rten las 'das pa'i yi ge ha zhes kun tu grags// lha dang mi yi theg pa
106b6 bshad// de la yang ni rnam gnyis so// log lta dang ni yang dag lta// log lta'i theg pa bsam yas kyang/ bsdus na rnam pa gnyis su 'dus// rtag lta dang ni chad lta'o// rtag par lta ba'i grub mtha'
107a1 ni// rgyu rtag 'bras bu 'gyur bar lta// rgyu ni rtag pa ther zug la// 'bras bu gnas skabs 'gyur ba'o// de yang yi ge sa la rdzogs// chad par lta ba'i grub mtha' ni// rgyu ni chu yi lbu ba bzhin// glo
107a2 bur dag tu 'dod pa la/'bras bu stong pa phyang chad do// 'jig rten rkyang par lta ba ste// da lta'i lus 'di bor nas ni// lus ni 'byung ba'i bag la zha// sems ni nam mkha'i bag la zha// cang med stong pa phyang
107a3 chad do// de yang yi ge da la rdzogs// lha mi'i theg pa phyed lta'o// yang dag lta ba la yang rnam gnyis so// de yang yi ge gnyis la 'dus// yi ge gnyis po gang zhe na// yi ge ma dang A+oM la 'dus// rgyu yi theg pa
107a4 dag dang ni// gsang sngags rdo rje'i theg pa'o// mtshan nyid la yang rnam gsum ste// de yang yi ge rnam pa gsum// yi ge ba dang ca dang ni// yi ge wa la rdzogs pa'o// nyan thos pa yi grub mtha' ni// 'jug pa'i
107a5 sgo ni bden bzhi'o// bsrung ba'i tshul khrims nyis brgya lnga bcu yis// log pa'i lta ba dag las yang dag 'phags/ rtogs pa'i lta ba gang zag bdag med chos la bdag ni yod par 'dod/ bden bzhi sdug bsngal
107a6 kun 'byung 'gog pa lam bden bsgoms pas 'bras bu rnam bzhi lan cig phyir 'ong ba/phyir mi 'ong ba/ dgra bcom pa/ rang byung ba/ thob// sdug bsngal spang bar 'dod cing 'gog pa bsgrub par 'dod// kun 'byung spang bar 'dod
107b1 cing lam la mngon par gnas// nyon mongs spangs shing sa lam bsgrub par 'dod// de la rnam pa gnyis su ste// bye brag pa dang mdo sde pa// bye brag pa yi lta ba ni// phung po khams dang skye mched la// g.yag
107b2 rnga ne'u gsing tshul du 'dod// mdo sde pa yi lta ba ni// kha ton byas pa'i rang bzhin dang// thos bsam byas pa'i rang bzhin gyis// sa brgyad 'bras bu thob par 'dod// rang rgyal mdo sde'i theg pa ni// 'jug
107b3 pa'i sgo ni rten 'brel bcu gnyis la// rtogs pa'i lta ba chos kyi khams// gcig yi ge gi phyogs la bdag med blta bas 'phags// 'dod chags gnyen por mi sdug rnam brgyad bsgom// dper na dur khrod ro
107b4 bzhin no// byang chub sems dpa'i theg pa ni// 'khrul gzhi rnam par brtsi ba ni// rang rig rang gsal rnam sems tsams pa/ pa'o// stong nyid rang bzhin med par blta/ dbu ma ba// stong nyid ma 'gags so sor
107b5 gsal bas 'phags// bden gnyis tshul gyi rnam pa can// don dam dang ni kun rdzob bo// stong pa phyang chad ma yin te// stong pa khad kyis gsal bar bsgom// stong pa'i mu la mi gnas tshig gis mtshon du
107b6 med// rdo rje theg pa rnam gnyis po// phyi pa thub pa'i rgyud kyi theg pa dang// nang pa thabs kyi rgyud du gsungs// de yang yi ge rnam pa gnyis// sha dang 'a la 'dus pa'o// phyi ma la yang rnam gsum mo// kri ya u pa
108a1 yo ga gsum// de yang yi ge gsum du 'dus// yi ge gsum po gang zhe na// yi ge ha dang he dang ni// ka la yang dag rdzogs pa'o// kri ya'i theg pa'i grub mtha' ni// 'jug pa'i sgo ni dag pa
108a2 gsum// khrus dang gtsang sbras 'jug pa la// lha yi dkyil 'khor gsal bas 'phags// lta spyod gnyis med lha dang rje khol blta// bsrung ba'i dam tshig gang zhe na// lung gcig chu la mi 'thung bsrung// rtogs
108a3 pa'i lta ba gang zhe na// lha dang brjod med thim par rtogs// 'bras bu bcu gcig kun tu 'od kyi sa la 'gyur med gnas par rtogs// u pa ya ni gang zhe na// spyod pa kri ya lta bur spyod// lta ba yo gar blta bas
108a4 'phags// de phyir gnyis med rgyud kyis theg pa zhes kyang grags// yo ga'i grub mtha' gang zhe na// 'jug pa'i sgo ni mngon par byang chub lnga// rtogs pa'i lta ba lha dang gnyis med rtogs// bsrung ba'i dam tshig
108a5 gang zhe na// ma khrel rnam pa gsum po bsrung// ma khrel rnam gsum gang zhe na// slob dpon mched kyis ma khrel dang// yi dam lha yis ma khrel dang// rang gi sems kyis ma khrel ba'o// byang chub lnga po gang zhe
108a6 na// gdan gyi sgo nas byang chub dang// sku yi sgo nas byang chub dang// gsung gi sgo nas byang chub dang// thugs kyi sgo nas byang chub dang// bskyed pa'i sgo nas mngon par byang chub pa'o// de dang 'du 'bral med
108b1 pa rtogs pa'i don gyis 'phags// gnyis med ngang las lha yi cho 'phrul byung// nang pa'i rgyud la rnam gsum ste// de yang yi ge rnam gsum mo// A+oM dang AHhU~M la rdzogs// ma hA yo ga'i theg pa ni// 'jug pa'i sgo
108b2 ni ting 'dzin rnam gsum ste// chos can lha yi dkyil 'khor dag tu rtogs pas 'phags// bsrung ba'i dam tshig rtsa ba sku gsung thugs// ting nge 'dzin ni rnam gsum gang zhe na// de bzhin nyid kyi ting 'dzin
108b3 ni// ye shes stong nyid brdal bar bsgom// kun tu snang ba'i ting 'dzin ni// snying rje gsal la ma yengs bsgom// rgyu yi ting 'dzin hU~M gis bsgom// de yang sems dpa' sum brtsegs bsgom// sku gsung thugs
108b4 kyi dam tshig ni// sku yi sgo nas ma byin len dang srog gcod spang bar bya// gsung gi sgo nas rdzun dang phra ma zhe gcod tshig mi smra// gsang sgo 'chol bar mi spyad gsang sngags thabs kyis btsa'// thugs kyi sgo nas
108b5 brnab sems gnod sems log lta spang bar bya// rdo rje slob dpon thugs kyang dkrug mi bya// mched dang lcam dral sun mi phyung// thabs dang shes rab 'du 'bral med par 'khyer// bco lnga rdo rje 'dzin pa'i sa
108b6 la 'bras bu thob// dper na sa gzhi lta bu'o// lung chen a nu yo ga'i grub mtha' ni// 'jug pa'i sgo ni cig char rim gyis so// rtogs pa'i lta ba 'du 'bral med pas 'phags// bsrung ba'i dam tshig rnam
109a1 gnyis rim gyis bsrung// cig char 'jug pa gang zhe na// snying po dran pas lha rnams ma bskyed rdzogs// dpen na chu la chu bur rdol ba'i tshul du'o// rim gyis 'jug pa gang zhe na// dbyings dang ye
109a2 shes rim gyis zhugs nas ni// 'bras bu bcu drug sa la gnas// dam tshig rnam gnyis gang zhe na// gsang sngags don rtogs rtag tu bkur bar bya// khams gsum sems can snying rje'i rgyun thag gcad mi
109a3 bya// 'khor ba'i rgya mtsho dpag tu med pa nas// ma rnyed nor bu rin chen ster mdzad pa// rdo rje slob dpon rtag tu bkur bar bya// dper na yid bzhin nam mkha' lta bu'o// zhes rdo rje 'chang nyid kyis bka'
109a4 stsal to// yang gsang ba'i bdag pos zhus pa// kye kye bcom ldan theg chen bdag/ theg pa brgyad kyi grub mtha' de ltar na// a ti'i theg pa gsung du gsol// zhes zhus pas// rdo rje 'dzin gyis bka' stsal
109a5 pa// dri ba dris pa de legs so// nga yis khyod la bstan par bya// ma yengs gus pa'i sems kyis nyon// rdzogs chen a ti'i grub mtha' ni// gcig rdzogs kun rdzogs tha snyad kun dang bral// dam tshig bsrung
109a6 du med pa'i phyal pa lhun grub gcig pu nyid// gting dpag dka' la brjod pa'i tha snyad kun dang bral// 'gyur ba med pas dran par kun la khyab// du mar med la nyag gcig dgongs pa'i mchog/ kun bral
109b1 nyag gcig cir yang med pa'i 'od gsal bde ba'i sku// zhes gsungs so// yang zhus pa// kye ma thugs rje'i bdag po/ bskyed rdzogs rnam pa gsum gyi don gsung du gsol// zhes zhus so/ yang bka' stsal pa/
109b2 kye rdo rje 'dzin pa nyon cig/ nga 'das pa'i 'og tu ma 'ongs pa'i sems can rnams la 'di skad ston cig/ bskyed pa ma hA yo ga ni/ chos thams kyi gzhi lta bu'o// rdzogs pa a nu yo ga ni chos thams cad kyi lam lta
109b3 bu'o// rdzogs pa chen po a ti yo ga ni chos thams cad kyi 'bras bu lta bu'o// de'i phyir na bskyed rdzogs rnam gsum 'du 'bral med pa'i don yi ge gsum gyis shes par bya ste/ de yang gang zhe na/ oM AHhU~M
109b4 gsum gyis shes par bya'o// de'i phyir na ngas gsal bar bstan gyis yid la zung zhig/ skye 'gag med pa'i A+oM ni rang la yod// skye shi med pa'i AHni bdag la mchis// 'du 'bral med pa'i hU~M gcig bdag la
109b5 mchis// yi ge med pa'i rgyud gcig bdag la mchis// bstan du med pa'i lung gcig bdag la mchis// rang rig kha 'byed man ngag bdag la mchis// ye shes snying po sgron ma 'od po che/ zhes theg pa drug gi
109b6 don theg pa gsum du shes par bya'o// yi ge drug gi don yi ge gsum du shes par bya'o// ma 'ongs pa'i sems can rnams la bskyed rdzogs rnam gsum gyi don gyis rgyud grol bar gyis shig/ sems can thams
110a1 cad rang la yi ge 'bru gsum du gnas par gyis shig/de yi phyir na bsgrub pa ma hA yo ga sa gzhi dang sbyar te bshad/ lung a nu yo ga nam mkha' dang sbyar te bshad/ man ngag rdzogs pa chen po nyi
110a2 zla dang sbyar te bshad do// don gyi snying po gtad la 'bebs pa rgyud 'dis shes par bya'o// zhes drug pa rdo rje 'chang chen pos gsang ba'i bdag po la theg pa'i don bkrol te bstan pa'o// zhes rgyud thams cad
110a3 kyi rgyal po gsang ba zhal thon tu bstan pa'i rgyud rdo rje sems dpa' snying gi me long gi rgyud chen po las/theg pa'i rim pa lta ba bsdus te bstan pa'i le'u ste gnyis pa'o//// de nas yang gsang ba'i
110a4 bdag pos zhu ba zhus pa/bcom ldan 'das thugs rje chen po dang ldan pa/ bcom ldan 'das mya ngan las 'das pa'i 'og tu/ sems can thams cad la ji skad bstan par bgyi/ zhes zhus so// khro bo'i rgyal po
110a5 'jigs pa'i gzugs can gyis bka' stsal ba// e ma ho// don chen po ngas bshad kyi/ rdo rje 'dzin pa legs par nyon/ khams gsum gyi sems can 'di dag thams cad ni/ dang po gzhi ci yang ma yin pa
110a6 las cir yang 'khrul lo// gzhi de ngo bo stong pa/ rang bzhin gyis gsal ba/ thugs rje sems can la snang nus pa'o// de nas nang 'dzin byed kyi shes pa ma rig pa'i cha las byung ba breng tsam 'gyus pa las/ shes
110b1 pa spun pos pha gi las nga byung ngam/nga las pha gi byung snyam pa'i shes pa byung ba tsam gyis 'khrul lo// ma rig pa de gzhi la med de/ nyams sam rmi lam rnam pa la yod do// snang ba rnam pa las kyang byung las rkyen rnams
110b2 byung ngo// gzhi de 'od khyim gyis tshul du gnas pa las/ rgyu'i rkyen zhes bya ste ma rig pa dngos so// de la rtog dpyod du song bas bdag po'i rkyen zhes bya'o// de la yul yul can du bzung bas/ dmigs pa'i rkyen
110b3 zhes bya ste/dper na me long la skyes bu'i byad bstan pa lta bu'o// de gsum dus mtshungs pas mtshungs pa de ma thag pa'i rkyen zhes bya'o// de rang gi gzhi yin pa la rang gis ngo ma shes te/ 'khrul nas khams
110b4 gsum 'khor ba grub bo// de nas nyon mongs pa rags su song nas/ sems can gyi gzugs tha dad du byung ngo// gzhi de lta bu las 'khrul lo// zhes gsungs so// de nas mkha' 'gro ma'i tshogs nag mo snying
110b5 zan ma dang/ro za tsaN+DI dang/ thod pa'i phreng ba can dang/ rma bya'i mgrin pa can/ snying khrag 'jib ma la sogs te nam mkha' gang ba'i ma mo'i tshogs rnams kyis thabs cig tu 'di skad ces gsol to// gzh-i'i
110b6 rnam pa de ltar lags na/sems can rnams la gzhi bde bar gshegs pa'i snying po'i don ci ltar gnas zhes zhus so// yang bka' stsal pa/ e ma ho// klong bdag chen mo rnams nyon cig/ 'jig rten khams kyi
111a1 sems can thams cad la de bzhin gshegs pa'i snying po rang chas su yod do// de yang til 'bru la mar gyis khyab pa bzhin du gnas so// de yang rten ni gzugs kyi phung po la brten no// gnas
111a2 ni snying gi dkyil na gnas te/de yang kun tu bzang po ga'u kha sbyor gyi dgongs pa zhes bya ste/ dper na bse'i ga'u kha sbyar ba bzhin du gnas pa'i nang na 'od kha dog lnga'i dkyil nas/ zhi ba'i sku yungs 'bru tsam
111a3 la 'od khyim gyis tshul du gnas so// de ni rig pa'i gnas so// dper na bum pa'i sku lta bu'o// de las byung ba'i ye shes ni/ gnas pa klad pa'i dung khang gi nang na gnas so// de yang khro bo'i sku yungs 'bru tsam
111a4 la spyan phul thag tsam du gnas so// de yang 'od zer gyi tshul du gnas so// de las byung ba'i 'od ni me long gi dkyil 'khor ltar gsal la dngas pa'am/ dper na nya'i mig ltar 'od zer du gnas so// de dang
111a5 rig pa'i 'brel pa ni snying gi rtse nas yar la rtsa dar dkar gyi snal ma tsam sgal tshigs kyi 'dab nas yar yod de/de nas lam du phyung nas mgo'i nang du 'jug go/ rtsa de yang rtse'u chung gis g.yas nas thon nas
111a6 klad pa dang 'brel lo// de yang rna ba'i 'dab g.yas g.yon nas thon nas mig dang 'brel lo// de yang nam mkha' la mig bzlog ste rtsa gcun na/ ye shes kyi snang ba shar nas nam mkha' gang bar 'gyur ro/ rtsa'i
111b1 gcun thabs ni 'grel ba las shes par bya'o// de nas yang mkha' 'gro ma rnams kyis 'di skad ces gsol to// e ma ho// sems can rnams la don de ltar gnas pa ngo mtshar che'o// bde bar gshegs pa'i gnas
111b2 lugs de ltar lags na/sems can rnams la ma rig pa'i gnas lugs ci ltar lags/ zhes zhus so// yang khro bo'i rgyal pos bka' stsal pa/ kye 'byung ba'i bdag mo rnams nyon cig/ legs par yid la
111b3 zung zhig/don thugs su chud par gyis shig/ kye 'gro ba srog gis bsdus pa'i sems can rnams la/ nyon mongs pa ma rig pa zhes bya ba shas che bar gnas so/ de yang rten gzugs kyi phung po la brten nas
111b4 gnas snying dang glo ba'i bar na gnas so// de yang ma rig pa rkyang par med de sems zhes bya ba bag chags thams cad sdud pa'i gzhir gnas so// de la yid ces bya ba yul rtog pa dang lhan cig tu gnas
111b5 so// de gsum gcig tu 'dus pa las ma rig pa zhes bya ste/ 'khor bar 'khor ro// de la dug lnga khong khro dang drug byung ngo// de nas nyon mongs pa stong phrag brgyad cu byung ngo// de rnams lam gang nas byung zhe na/
111b6 glo ba dang snying du 'brel pa'i bar na/ rtsa srog rtsa dmar po zhes bya sog ma'i sbu gu tsam gyis nang nas yar rgyu ste/ de sgal tshigs kyi 'dab nas yar rgyu'o// de yang rtse'u chung g.yon pa dang 'brel lo// de rnams
112a1 dbugs kyi rta la zhon nas rgyu'o// de kha dang sna nas rgyu ste/ de las nyon mongs pa sna tshogs 'byung ngo// de rnams kyi dbang du ma gyur pa'i rig pa ni/ rig pa nam mkha' la brdal bar bya'o// bar
112a2 snang gi khams la ye shes ngos bzung ngo// de bzhin du ma 'ongs pa'i sems can la byos shig/ ces bka' stsal to// de nas mkha' 'gro ma rnams ngo mtshar mchog tu gyur nas/ e ma ho/ klong yangs so// sangs
112a3 rgyas kyi sku sems can la byung ba ngo mtshar che'o// e ma ho// klong gcig tu 'dus so// a la la ho// don srid chen po rnyed do// zhes brjod nas mi snang ba'i ngang du gshegs so// de nas yang gsang ba'i bdag
112a4 po badzra pA Ni dang/gnod sbyin gyi tshogs bsam gyis mi khyab pa dang/ klu'i rigs bsam gyis mi khyab pa'i 'khor dang bcas te/ khro bo'i rgyal po la lan gsum bskor ba byas te/ 'di skad ces gsol to// badzra
112a5 pA Ni d+ha swa rta ni g+ha ma b+ha ba kha tsha b+ha A+oM A+oM/zhes brjod nas yang zhus pa/ e ma ho// kye thugs rje chen po don gyi snying po de ltar lags na// sems can dbang po 'gags pa la/ ji ltar 'char lugs bstan du
112a6 gsol/zhes zhus pas/ stobs kyi rgyal pos bka' stsal pa/ e ma ho// gnod sbyin gyi 'khor rnams nyon cig/ nga mya ngan las 'das pa'i 'og rol nas/ sems can bag chags sad pa rnams la 'di skad ston
112b1 cig/rigs kyi bu khyod yongs su myang ngan las 'das pa'i tshe/ rig pa gzhi nas 'phags te lam du 'jug pa ngo shes par bya ba'i ched du dpe don rtogs gsum gyis ngo sprad la sogs te/ ngo sprod nyi shu rtsa gcig
112b2 shes par bya'o// gangs sam g.ya' 'am rgya mtsho las byung ba'i man shel dri ma med pa zhig skar khung gi snang ba la phyar nas bltas na 'od kha dog lnga lhug par 'char te/ ngo sprod byas nas nyams su blangs pas/ sku thams cad kha
112b3 dog lnga dang ldan par 'char ro// de yang sems can rang rgyud pa rnams la ngo sprad gsum byas na don gyi ngo sprod nyams su blangs nas rtogs pa'i don la mnyam par bzhag na 'khrul snang du dag snang 'char/ dag snang longs spyod rdzogs pa'i sku kha mig rna ba can du 'char
112b4 ro// gang zhe na/ kha dog mthing ga dang dkar po dang/ ser po dang/ dmar po dang/ ljang gu'o// man shel gcig rjes su 'jug pa'i gang zag de'i mig g.yas par lag pa g.yas pas bzung ste/ mig gi steng du
112b5 bzhag na snang ba mthong bar 'gyur ro// lag pa g.yon pas mig g.yon pa dgab par bya'o// de ni dpe'i ngo sprod do// don de bzhin du rang gi snying gi dkyil na gnas so// de ni don gyi ngo sprod do// rtags kyi ngo
112b6 sprod ni rang gi mdzub mos mig mnan na/'od kyi thig le nya'i mig lta bur 'char ro// de ni rtags kyi ngo sprod do// chos kyi sku'i ngo sprod ni nyi ma'i dkyil 'khor la sprad do// longs spyod rdzogs pa'i sku'i ngo sprod ni/
113a1 de bzhin gshegs pa'i sku ras la bris pa rang gi mdun du bzhag ste/ shel mig gi steng du bzhag nas mig nam mkha' la bltas na/ longs spyod rdzogs pa'i sku kha mig rna ba can mthong bar 'gyur
113a2 ro// de bzhin du longs spyod rdzogs pa'i sku'i zhing khams bar ma do la 'char ba ngo shes par gyis shig/ sprul pa sku'i ngo sprod ni/ chos can mtshan mar snang ba rang gi rig pa'i cho 'phrul du shes par gyis
113a3 shig/chos nyid rang gi rig pa 'od zer gyi phung por ngo shes par gyis shig/ de ni rnam rtog bag chags kyi sbubs 'di nyid ma bor ba la ngo shes par gyis shig/ de ni sprul pa sku'i ngo sprod do// rtsa'i gcun thabs
113a4 kyis snang ba rang lugs su 'char ba'i ngo sprod ni/'chi bdud kyi sgo nas ye shes kyi rlung 'gyu ba'i lam gnyis gnas pas/ lam de gnyis rtsa rgyu ba'i grong khyer na yod pa'i bdud kyi so ba mig gnyis 'geg tu
113a5 gzhug go/lam de gnyis bkag pas ma dag 'khrul pa'i snang ba 'di 'gags so// de'i tshe dus ma 'gyur bar snang ba 'gyur ro// blon po btson du zin no/ blon po btson du zin nas/ khyi rkun sgor phyung ngo// khyi
113a6 rkun sgor phyung bas rgyal po gdan la bzhugs so// rgyal po gdan la bzhugs pas/ ye shes rtog med du gsal lo// rtog med du ngos zin pas chos sku rang lugs su gnas so// chos sku'i ngang la bzhag pas
113b1 'khrul snang dag snang du 'char ro// 'char sgo gang nas 'char na/ nam mkha'i mthongs khung gi sgo nas 'chang ro// de yang 'char lugs gsum du 'char ro// sangs rgyas kyi zhing khams rnam par dag pa 'char ba
113b2 dang/zhing khams de'i thig le dang thig phran du 'char ba dang/ tshom bu ltar 'char ba'o// tshom bu la gnyis te/ zhing khams kyi tshom bur 'char ba dang/ sku'i tshom bu 'char ba'o// sku'i tshom bu 'char ba la gsum
113b3 ste/sku mang nyung du 'char ba dang/ bzhugs tshul ci ltar bzhugs nas 'char ba dang/ sku mdog ci ltar 'char ba'o// zhing khams tshom bu ni lnga ldan du 'char ro// sku nyung bar 'char ba ni rnam snang gcig pur yang
113b4 'char ro// 'od dpag med gcig pur yang 'char ro// rigs lnga 'gre'o// mang bar 'char ba ni/ rigs lnga dus gcig la yang 'char ro// yum lnga ste bcu ru yang 'char ro// bcu gcig bco lnga la sogs par
113b5 yang 'char ro// bzhugs tshul ni/ longs sku kha mig rna ba can me long gi gzugs brnyan ltar snang la rang bzhin med pa la/ nam mkha'i 'ja' tshon ltar ma 'dres yongs su rdzogs pas/ me long la nyi ma shar ba
113b6 ltar gsal la rtog pa med pa/gdan khri dang/ dbu rgyan dang/ phyag mtshan do shal thams cad ldan pa'i sku mnyam pa skyil krung du bzhugs nas 'char ro// sku mdog tu 'char ba ni/ rnam snang yang mthing ga kho
114a1 na'i bdag nyid du mi bzhugs/rdo rje sems dpa' yang sku mdog dkar po'i rang bzhin du mi bzhugs pa des 'gre ba'i/ rnam snang yang/ mthing ga dang/ dkar po dang/ dmar po dang/ ser po
114a2 dang/ljang gu ste/ kha dog lnga ldan du 'char ro// sems can rang rgyud pa rnams la ngo sprod gsum byas na de bzhin du 'char ro// ngo sprod byas nas de'i don nyams su blangs pas rtogs pa'i don yang 'khrul
114a3 snang thams cad dag snang du 'char/dag snang thams cad longs spyod rdzogs pa'i sku kha mig rna ba can gyis gang nas ngang la 'char ro// de rnams bdun po ni 'od kyi ngo sprod ces bya'o// ye shes kyi ngo sprod gang zhe
114a4 na/chos dbyings kyi ye shes kyi ngo sprad ni mkhar gzhong gi bcud la brtags pa ste mkhar gzhong legs pa'i nang du chu dngas mas bkang ste/ mig gi thog tu gsal byed kyi me long bzhag na/ thig le dang thig
114a5 phran gyi tshul du 'char te/de las kyang 'od zer mtshon cha'i rtse mo bzhin du 'phro'o/ de ni chos kyi dbyings kyi ye shes kyi ngo sprod do// me long lta bu'i ye shes kyi ngo sprod gang zhe na/ me long gnyis kyi bar du rdul tshon
114a6 gyis dkyil 'khor bri ste/phar 'gram tshur 'gram gnyis su me long re gzug ste/ de la bltas na snang ba gnyis 'char ro// de ni me long lta bu'i ye shes kyi ngo sprod do// mnyam pa nyid kyi ye shes kyi ngo sprod gang zhe
114b1 na/chu'i zla ba la ngos bzung ngo// de ni mnyam pa nyid kyi ye shes kyi ngo sprod do// so sor rtog pa'i ye shes kyi ngo sprod ni/ mar me la ngos bzung ngo// de ni so sor rtog pa'i ye shes kyi ngo sprod do// bya ba grub pa'i
114b2 ye shes kyi ngo sprod ni/man shel dri ma med pa la ngos bzung ngo// de ni bya ba grub pa'i ye shes kyi ngo sprod do// mi gnas pa'i ye shes kyi ngo sprod ni/ nam mkha'i khams kyi 'ja' tshon la ngos bzung ngo// de ni mi
114b3 gnas pa'i ye shes kyi ngo sprod do// yongs su rdzogs pa'i ye shes kyi ngo sprod ni/ nam mkha' sprin med la ngos bzung ngo// bdun po de ye shes kyi ngo sprod do// da ni rig pa'i ngo sprod bstan pa ni/ rig pa gzhon nu
114b4 bum pa sku'i ngo sprod ni/mi gos dkar dmar kha dog sna tshogs gyon pa gcig bdag gi mdun du bzhag nas mig gi steng du rin po che bzhag ste/ mig nam mkha' la btegs na/ de bzhin gshegs pa zhi ba'i sku
114b5 mthong bar 'gyur ro// de ni rig pa gzhon nu bum sku'i ngo sprod do// rig pa gzhon nu dpa' bo stobs ldan gyi ngo sprod ni/ khyim mun pa nag por mi gos nag po gon pa rang gi mdun du bzhag nas/ gong gi ltar
114b6 bltas na de bzhin gshegs pa khro bo'i sku mthong bar 'gyur ro// de ni rig pa dpa' bo stobs ldan gyi ngo sprod do// rig pa gzhi gnas kyi ngo sprod ni/ rgya mtsho dngas pa la ngos bzung ngo// de ni gzhi gnas kyi ngo
115a1 sprod do// rig pa kun tu gsal ba'i ngo sprod ni/ nyi ma dang zla ba la ngos bzung ngo// de ni rig pa kun tu gsal ba'i sprod do// rig pa gnyis med kyi ngo sprod ni/ bum pa'i sku la ngos bzung ngo/ de ni
115a2 rig pa gnyis med kyi ngo sprod do// rig pa dri ma dang bcas pa'i ngo sprod ni// nyi zla sprin gyis bsgribs pa lta bu la ngos bzung ngo// de ni rig pa dri ma dang bcas pa'i ngo sprod do// rig pa ci yang mi gnas pa'i ngo
115a3 sprod ni/mig bar snang la bltas pas shes par bya'o// de ni rig pa ci yang mi gnas pa'i ngo sprod do// de ltar bdun ni rig pa'i ngo sprod do// de ltar nyi shu rtsa gcig rdzogs nas rigs kyi bu de mya ngan las 'da'
115a4 ba'i tshe/rig pa mig nas lam byung nas bar do'i snang ba la 'jug go/ de yang gang zhe na/ zhag lnga 'das pa'i 'og tu rang gi thugs ka nas thugs rje'i thag pa zhes kyang bya/ ye shes mthong ba zhes kyang bya/ rig
115a5 pa'i rtod phur zhes kyang bya/'od zer phra ba rta rnga'i cha tsam zhig breng gis 'ong ste/ de'i dus su bag chags kyi sbubs med kyang yod pa snyam 'ong nas/ mig nam mkha' la btegs te bltas pas/ nam mkha'i
115a6 dkyil na 'od kyi tshom bu lnga bkra sa le mthong ste/de'i dus su yid ches pa ma'i pang du bu 'jug pa lta bu'i gdams ngag dran par gyis shig/ mi 'gyur ba gser gyi thur ma lta bu'i gdams ngag dran par gyis
115b1 shig/de nas rig pa 'od kyi tshom bu la thum nas 'gro ste/ de'i dus su phyir mi ldog pa dpag chen gyi mda' lta bu'i gdams ngag dran par gyis shig/ de nas brtan pa thob ste/ zhag nyi shu rtsa gcig nas sprul pa'i
115b2 sku 'byin nus pa'o// phyi nang gsang gsum gyi dbang rdzogs pa rnams la de bzhin du byos shig/ sarba d+ha thim d+ha thim yang byung/ sarba d+harma/ ha tha ya/ zhes brjod nas/ spyan ldog pas thugs ka nas 'od zer gyi phung po lnga
115b3 'phros te/'jig rten gyi khams thams cad gang bar mdzad de yang 'di skad ces bsgrags so// sarba d+harma a pa ma ka ma de ni zhu pa ya sa 'di ma ya/ U~MHU+oM/ skye ba med pa la stong pas rgyas btab cing thugs rje ma 'gags pas
115b4 dbyings dang ye shes gnyis su med pa'o// o~Mm A+auya skye med stong pa'i rang bzhin 'gag med dbyings kyi rang bzhin/ hUM rang bzhin 'du 'bral med pa ma bcos dbyings dang ye shes gsal ba dang ldan pa'o// oni oMni/ skye ba med pa la skye/ sarba d+harmA a sA mA ke
115b5 ta ni zhu pA yA' sa 'di d+harmA yA/'dra min/ pa'i cho 'phrul du snang ba dbyings dang shes rab 'du 'bral med pa/ mA mU+e 'u+i/ gzhi ma bcos pa la stong pa thugs rjes brgyan pa 'jig rten las log pa'o// chutu+i TU+i/ mi 'gyur ba 'dzin pa med pa shes rab rtse gcig pas don
115b6 la ma yengs pa'o// A ma a ma/ skye ba med pa las skye bar snang ba 'gag med kyi ye shes rang gsal ma bcos pa'i chos nyid/ m+shU a ka shu mnyam nyid dag pa shes rab kyi thugs rje a A hU~M skye med dbyings dang ye shes 'du 'bral med pa/ ha skye ba dag pa/ skye med pa
116a1 a a A mA mnyam par gnas pa/de skad ces cho 'phrul kyi sgra yi ge zhes bya ba/ sgra thams cad gtan la 'babs pa/ rdzogs pa chen po'i don phyin ci ma log par ston pa'i don sgra la bsdus te
116a2 bshad pa'o// zhes bka' stsal to// de nas yang gsang ba'i bdag po la sogs te gnod sbyin gyi 'khor dang bcas pa rnams ngo mtshar mchog tu skyes te/ thabs cig tu thal mo sbyar te bstod pa/ a hU~M e ma
116a3 ho// bcom ldan mgon po rdo rje 'od dpag med/ 'gro ba pha rol sgrol mdzad stobs kyi bdag/ 'gro ba'i gnyen bshes gtsug gi nor bu can/ ma rig mun khams 'joms la phyag 'tshal bstod/ ces bstod nas
116a4 rang rang gi stan la mngon par 'dug go/de nas yang bka' stsal pa/ kye ma 'dus pa'i 'khor rnams nyon cig/ nga yongs su mya ngan las 'das pa'i 'og tu/ ma 'ongs pa'i sems can rnams la phyi nang gsang ba
116a5 gsum gyi dbang rdzogs par gyis la/don de lta bu ma nor bar ston cig/ de ni de ltar bsgom du med do// sgom byed ma 'gags pa'o// bsgom rgyu ni mi dmigs pa'o// don de lta bu 'das pa dang ma 'ongs pa
116a6 rnams kyis kyang ston nus re kan/zhes brjod nas mi snang ba'i ngang du gshegs so// zhes rgyud chen po rdo rje sems dpa' snying gi me long gsang ba'i rgyud ces bya ba/ gab pa mngon du phyung ba bstan pa las/
116b1 gnas lugs dang rtogs lugs bstan pa'i le'u ste gsum pa'o//// tha ma b+ka bA b+ha/ de nas 'khor rnams sdug bsngal gyis gzir ba'i yid mi bde bar gnas pa las/ de rnams kyi nang nas gsang ba'i
116b2 bdag po lag na rdo rje 'dzin pa chen pos 'di skad ces gsol to// kye hud sdug bsngal gyis zin pa'i 'khor rnams la/ bstan pa'i sgron ma bya phyir rgyud chen po bstan du gsol// rgyal ba'i sku mchog 'khor
116b3 rnams la bstan du gsol// badzra sa ma ya a haM a haM/ zhes gsol pas/ bcom ldan 'das kyi sku bar snang la mngon par gyur nas/ seng ge'i khri'i steng na gdan dang bcas pa bzhugs tshul ni sku zhi ba'i cha
116b4 lugs su bzhugs so// rdo rje'i rigs kyi 'khor sems dpa' dang/ sems ma dang/ byang chub sems dpa' dpag tu med pa rnams kyang 'od la sprul nas bzhugs so// ma mo dang gnod spyin gyi 'khor rnams
116b5 kyang sdug bsngal chen po las grol bar gyur to// de nas 'khor rnams kyis 'di skad ces gsol to// kye kye bcom ldan rdo rje 'chang/ rgyud chen nges tshig gsung du gsol/ zhes zhus so// rdo rje 'chang gis bka'
116b6 stsal pa/kye kye 'dus pa'i 'khor rnams nyon// thams cad 'byung ba'i byang chub yid bzhin gter/ ma grol grol bar byed pa'i rgyud chen 'di/ rdo rje dam tshig gser gyi lu gu rgyud// snying po'i don 'grol snying gi
117a1 rgyud chen 'di// du ma gcig tu bsdus pa'i don gyi mchog/ don gyi 'brel pa gsang sngags bdag pos 'chang// snying gi dkyil na rig pa byang chub sems// de yod phyir na snying gi rgyud ces
117a2 grags// mi 'gyur rdo rje'i don nyid rtag par gter 'chang bas// rdo rje'i rgyud du 'gro ba yongs la khyab par grags// gzhan gyi rnam rtog bsal ba sems dpa'i rgyud ces grags// rgyud gzhan rnams kyi don chen
117a3 po// 'di nas 'byung bas me long rgyud ces grags// rgyud chen po yi gtan tshigs yang dag bkrol nas bshad pa blo'i gting du go/ don chen mtshon par 'gyur ba'i yi ge drug bshad legs par yid la
117a4 zung// chos nyid skye ba med pa mtshon pa'i yi ge a// a ni skye med spros pa mi dmigs shing// ma skyes pas na yi ge a la rdzogs// skye bral dngos por ma grub yi ge a 'di gsang// 'gag med don la mi
117a5 gnas yi ge 'a// 'gyur med stong pa'i ngang las yi ge 'a byung zhing// 'gag med rtog bral yi ge 'a la rdzogs// skye med ngang nas 'gag med yi ge 'a ni stong pa sems can la snang ba'i yi ge 'di gsang// skye ba med par
117a6 snang tshul yi ge ha/ni lus rnam pa gsum mo// ha ni 'gyur med rang las skye snang ma 'dres rdzogs// rig pa'i klong nas cho 'phrul ston pa'i yi ge ha/ chos nyid stong pa nyid kyi ngang las ma 'khrul ba'i rig pa/ rang la gnas pa'i ye
117b1 shes dbyings su bzlog mdzad yi ge ha 'di gsang/rang la ye shes kyi snang ba lnga rang chas su yod pa las rgyu rang la yod pa rkyen man ngag la brten nas 'khrul pa rang log pa'o// dag pa'i zhing du sgrol mdzad yi ge sha don shes rab chen po rang gi rgyud
117b2 la skyes pas 'khrul ba ldog/'khrul pa'i snang ba bzlog mdzad yi ge sha/ sgra dang tha snyad thams cad yi ge sha la rdzogs/ tshig re la don res ston/ skye med dbyings nas sgrol mdzad yi ge sha 'di gsang// 'gyur med sa la
117b3 gnas par byed pa'i yi ge sa/zhes dbang po tha ma'i dang po'o// ye shes bla ma'i sa chen bgrod par byed pa'i yi ge sa/ nyi shu rtsa gcig las grol ba mthar phyin pa de las med pa'i phyir chos thams can kyi gzhi ma// sa rnams bgrod med yi ge
117b4 sa la rdzogs// sa dang lam/ lhun gyis grub nas yod pa'i phyir 'gyur med ngang la gnas byed sa 'di gsang// yi ge ma ni chos nyid 'byung gzhi ma chos nyid gsal 'byung gi yi ge rin po che'i lus so/ ba'i gter// rig pa ma bcos
117b5 yi ge ma yi ngang/da lta yang ma'i ngo bor rig pa gcig las ma 'das so// kun gzhi ma bcos yi ge ma bag chags kyi phung po la rig pa yod pa'i phyir/ yi ngang la rdzogs/ gsang sngags don rtogs yi ge ma chos thams cad kyi gzhi ma 'di
117b6 gsang// yi ge drug gi don rtogs rig pa rtogs par byed pa'i thabs gsang sngags rgyud chen 'grol// yi ge drug gi don la gnas pa'i skyes bu mya ngan 'das// rtogs byed rgyal po yi ge thugs rje 'byung ba'i yi ge sgra
118a1 'gyur drug/gsang sngags thams cad thugs rje med na sangs rgyas med pa'i phyir yi ge drug la rdzogs// zhes yi ge drug gi don ston pa thabs dang shes rab 'du 'bral med pa'i don bka' stsal to// de nas yang gsang
118a2 ba'i bdag pos 'di skad ces gsol to// kye kye bcom ldan rdo rje 'chang// yi ge'i don sbyor de ltar na// dbang gi bye brag gsung du gsol// zhes zhus so// rdo rje 'chang gis bka' stsal pa// e ma ho rdo rje
118a3 'dzin pa nyon// dbang la rnam pa gsum yod do// sku gsum 'du 'bral med pa sprul pa sku'i dbang rdul tshon la brten te longs sku'i dang gsang ba yum gyi b+ha ga la brten te chos sku'i 'o/ phyi dang nang dang gsang ba'o// phyi ni rdul tshon dkyil 'khor
118a4 te// sha rnam pa gcig tu med du mi rung ba'i sha gsum ni bud med bu ma skyes pa'i sha skyes pa grir shi ba'i sha phag gi sha'o/ khrag sna tshogs gtor ma dang// rin chen rdzas bkra shis rdzas dang man shel dang// sna tshogs mchod pas mdzes
118a5 pa'o// dkyil 'khor 'dom gang gru bzhi yi// thig ni gzhung dang mthun par gdab// sa tshon lnga la oM AHhU~M swA hA/ 'bru lnga bskyed/ 'od lnga'i rtags/ dbus su mthing nag gru gsum bri// tha ma pho brang zlum po bri// de yi
118a6 phyi rim 'khor lo rtsibs brgyad ldan// pany+tsa re khA rtsigs pa lnga/ ye shes lnga'i rtags/ mun pa'i ba dan dag dang ldan// gru chad ljang gi sgo bzhi dag dang ldan// phyi rim zlum po rdo rje'i ra bar nag po dkar po/ bcas/ dbyings kyi
118b1 rtags// gru gsum steng du thod pa mon pa'i thod pa/ rabs chad nag po'i thod pa/ skyes pa grir shi ba'i thod pa/ thod pa'i nang du sku tsaka lis brgyan/ gsum bzhag ste/ thod pa'i nang du sha khrag sna tshogs blugs la bzhag phyi nang gi chos 'dus pa'i
118b2 rtags// zla gam gsum gyi steng du bkra shis bum pa gsum/ nang du shel dung rin po che tshogs tshad de'i nang du sman sna tshogs blugs la/ dar dmar pos mgul chings bya'o/ zhing khams na snang ba thams cad snang ba mtha' yas kyi zhing gi
118b3 rtags// rtsibs brgyad steng du khro mchog sems dpa' brgyad rang la yod pa'i rtags/ sku tsaka li brgyad bzhag/ gru chad rigs bzhi'i rtags steng du rin chen/ bkra shis rdzas brgyad bzhag/ me long lnga ye shes lnga'i rtags dang rma bya lnga
118b4 'od lnga'i rtags gzhag par bya/de yi sgrub thabs bzhin du shes par bya// rdzas kyi dbang rnams dang po bum pa nas rim bzhin bskur// bskur ba'i gnas ni tshangs pa'i bu ga'o// de ltar phyi nang gi dbang rdzogs
118b5 nas// gsang ba'i dbang gsang ba gtan tshigs dbang la 'jug par bya'o// gzungs ma mtshan dang ldan pa la/ gzungs ma'i mtshan nyid ni/ yid 'ong ma sked pa phra la so legs pa chags dam pa/ mig dkar nag phyaid pa/ lo nyi shu rtsa gcig lon pa/ bu
118b6 ma skyes pa/skyes pa dang ma phrad pa/ yang na lo bco lnga lon pa'o// yang na sum cu rtsa lnga lon pa'o// shes rab che la rigs btsun pa// yang na sum cu so brgyad lon pa'o// spyi'i mtshan nyid sked pa phra ba/ so thags bzang ba/ 'gram pa ring ba/ sha dkar ba/ skra li ba/ de ni spyi yi
119a1 mtshan nyid do// yi ge gsum dang bsdu dang gtor ba'ang 'dug gtor ma ni/ sgrub thabs bzhin du shes par bya'o/ gsang ba dkar dmar 'dres pa de/ me long ma chags ma gas pas/ blangs te mchan/ slob dpon gyis
119a2 me long gi yu ba la bzung ste/slob ma la lce thog tu bzhag ste dbang bskur// de ltar dbang gsum rdzogs nas ni// gang du bstan pa'i gdams ngag gdab par bya/ nub tha ma la gdams ngag nyi shu rtsa gcig rdzogs par bya'o// dbang
119a3 rdzogs rnal 'byor sku gsum nges par 'grub// gsang sngags don mtshon dbang gis stsal bar bya/ dbang la ma brten par gsang sngags mi 'grub pas dbang bskur ro// dbang mchog ma thob pa'i skyon bstan/ pa'i rnal 'byor ni/
119a4 dper na mnyan pa lag rgya med pa bzhin/ pha rol sgrol bar ga la nus/ dbang mchog thob na yon tan bstan gsang sngags ma bsgrubs 'grub/ 'jig rten 'di'i bag chags thams cad sel/ phyi ma 'khor los bsgyur ba'i rgyal por
119a5 skye'o// dbang thob pa'i yon tan gyis/ lha'i gnas nam mkha' la 'phur ba dang chu la mi 'bying ba dang/ lha min gyi sgra skad thos shing shes pa dang/ ma mo thams cad las byaid pa dang/ bgegs thams cad bzlog pa dang/ mthu che zhing dngos grub thob pa dang/ mis bkur ba'i 'os
119a6 su mthong ba la sogs te yon tan brgya rtsa brgyad 'thob bo// gsangs sngags dbang la ma brten 'grub par ga la 'gyur// dper na pha rol sgrol ba'i gru bzhin no// dbang mchog ston pa'i rdo rje slob dpon la// nor bu rin
119b1 chen gser dngul dbyig gis mchod/yon ma phul na dbang mi thob// rta dang glang po la sogs dbul bar bya'o// pha ma bu smad bcas pa dbul bar bya// gsang ba'i bdag pos yang zhus pa// kye kye bcom ldan stobs
119b2 kyi bdag/dbang gi bye brag de ltar na// dam tshig bye brag gsung du gsol// rdo rje 'chang gis bka' stsal pa// kye ma gsang bdag nges par yid la zung// dam tshig bye brag sa ma ya 'bum sde las bsam mi
119b3 khyab// mdor bsdus bsrung mtshams dang bcas bshad kyis legs par yid la zung// rdo rje theg pa'i dam tshig ni/ phyi nang gsang ba mdor bsdus pa/ dper na sa gzhi lta bu'o// thams cad 'byung bar byed cing gzhi ma'i dam
119b4 tshig thams cad kyi gzhi mchog tu 'gyur// de yang bsrung thabs bsam gyis mi khyab dam tshig rnams// bsrung rgyu mi dmigs srung byed thabs mkhas spyod/ dam tshig med na sa gzhi med pa dang 'dra ste sa gzhi med na sems can gyi gsos
119b5 rtsi thog mi skye ba dang 'dra bar dam tshig med na chos byas kyang 'bras bu mi 'byung ngo// nyams na me bzhin thams cad sreg par byed// gsang sngags don ston rdo rje slob dpon la/ thabs dang ldan pa de la// rin chen gser ni rang lus
119b6 tsam zhig la sogs pa'i rdzas dang yo byad phul yang dmyal bar 'gro nges so/phul gyur kyang// dam tshig 'chal bar gyur na grogs kyi dri mas gnyis ka sreg pa byed// dper na me bzhin dro bar gyur pa la// de bzhin chu yis me
120a1 bsad dro ba med pa bzhin/slob mas nyams kyang slob dpon la gnod/ slob dpon gyis nyams na slob ma la gnod// dam tshig me yi phung po lta bu la// bsrungs na bar chad sel zhing ye shes dper na me dro ba'i 'od la lde zhing
120a2 bya ba byed pas grogs su 'gyur// ma legs na tshig nyan yod pa ltar dam tshig ma bsrungs nyams na rdo rje dmyal bar ltung/ de bas srog gi phyir yang dam tshig mi btang ngo// slob dpon gyi rgyud brtags/ slob dpon tshad
120a3 mar ma gyur sprel 'dra'i lung/mu stegs pa las gyes pa'i rigs kyang yod// log pa'i lam du zhugs shing gsang sngags 'chol bar spyod// de ni rigs mi btsun pa log 'dren yin pas spang bar bya/ slob ma'i snod brtags pa// mi
120a4 shes nga rgyal che zhing blun rmongs gcom bu mkhan// nga rgyal dregs pas smra zhing mched la ras gcod byed// ngo tsha med cing rigs mi btsun pa khrel med bag 'dzem med// gsang sngags snod dang mi ldan gang zag spang
120a5 bar bya// yangs shing rgyud la mkhas shing sgrub thabs dag la mkhas gyur pa// bla ma ngang rgyud bzang zhing rtogs shing lta ba dag la mkhas/ de yang rigs btsun pa dang rgyud bzang ba yon tan che ba rgyun du sdod nus pa rdzogs chen gyi
120a6 dgongs pa dang mi 'bral ba// gsang sngags rgyal po rdo rje A li ka/ lus yon phul la rtag tu bstan par bya/ slob ma yon tan can ngang rgyud bzang ba dad pa dang brtson 'grus ni skyo ngal med pa// nga rgyal dregs pa med cing ngang gis shes pa
120b1 dal/bka' drin khyad du mi gsod gsang sngags don la sbyor// nges par dad dang ldan zhing gtongs phod dag dang ldan// rdo rje'i don ldan gsang sngags thams cad de la bstan pa'i snod du gsungs// zhes bka' stsal
120b2 to// rgyud chen po rdo rje sems dpa' snying gi me long gi rgyud las/ gsang ba yang khol du phyung ba dbang dang dam tshig gi le'u ste bzhi pa'o//// bA' gla g+haH/ de nas yang bcom ldan rdo rje sems dpa' nyid
120b3 kyis snying gi dkyil 'khor gyi sgo phye nas 'khor rnams la ye shes kyi dkyil 'khor 'od gsal ba'i don sku dang ye shes bstan pa'o// kye grogs po dag 'jig rten gyi khams kyi sems can thams cad la/ rang gi rig
120b4 pa 'od lnga'i rang bzhin du gnas so// de rnams don bkrol ba 'di lta ste// khyab gdal 'ub chub rig pa 'od gsal sku// 'gyur med klong yangs rig pa 'od gsal sku// rnam dag don spyod klong yangs rig pa
120b5 'od gsal sku// khyab gdal chen po mi 'gyur rig pa 'od gsal sku// brjod med bsam bral rig pa chos kyi sku// dpag tu med pa'i yul las 'das pa rig pa chos kyi sku// 'dzin pa'i spyod yul ma yin rig
120b6 pa chos kyi sku// ngo bo rang bzhin thugs rje ldan pas rig pa chos kyi sku// bde chen ma 'dres yongs su rdzogs pas rig pa longs spyod sku// gsal la ma 'dres so so'i mtshan nyid ldan pas rig pa longs spyod sku//
121a1 mtshan dang dpe byad ldan pas rig pa longs spyod sku// rang bzhin gcig la tha dad snang ba'i rig pa longs spyod sku// 'gag med klong nas thugs rje 'byin pa'i rig pa sprul pa'i sku// cir yang
121a2 gsal zhing cir yang rtogs pas rig pa sprul pa'i sku// ma 'gags yongs la khyab pas rig pa sprul pa'i sku// gsal 'grib med cing 'dzin rtog med pas rig pa sprul pa'i sku// gnyis 'dzin mtha' dang bral
121a3 bas rig pa ngo bo nyid kyi sku// 'dzin pa'i yul med rig pa ngo bo nyid kyi sku// sa dang lam la mi gnas rig pa ngo bo nyid kyi sku// dngos po gzung du med pas rig pa ngo bo nyid kyi sku// bde chen klong du 'gyur med
121a4 gnas pas rig pa ngo bo nyid kyi sku// don dang ldan pas rig pa rdo rje 'dzin pa'i sku// gsal la mi 'gyur ngang la gnas pas rig pa rdo rje 'dzin pa'i sku// 'gro ba kun la gnas pa'i rig pa rdo rje 'dzin pa'i
121a5 sku// sra zhing brtan pas rig pa rdo rje 'dzin pa'i sku'o// de ltar sems can thams cad kyi rang rgyud la gnas so// de bzhin du sku rnam pa lnga po de'i don thugs su chug cig/ sku las ye shes 'byung ste/ de yang gang
121a6 zhe na// rig pa 'gyur med chos dbyings ye shes ngang// rig pa rgya chad phyogs lhung med pa chos dbyings ye shes ngang// rig pa gzung 'dzin yul las 'das pas chos dbyings ye shes ngang// rig pa mu mtha'
121b1 med pas chos dbyings ye shes ngang// rig pa gsal la dngas pas me long ye shes ngang// rig pa mu khyud zlum por gnas pas me long ye shes ngang// rig pa gsal la phyogs lhung med pas me long ye shes
121b2 ngang// rig pa gsal la ma 'dres rdzogs pas me long ye shes ngang// rig pa mi g.yo mnyam par gnas pas mnyam nyid ye shes ngang// rig pa bzang ngan yul las 'das pas mnyam nyid ye shes ngang// rig
121b3 pa rnam rtog kun dang bral bas mnyam nyid ye shes ngang// rig pa sgra dang tshig las 'das pas mnyam nyid ye shes ngang// rig pa blo yi bye brag rtogs pas so sor rtog pa'i ye shes ngang// rig pa du mar rtog
121b4 pas so sor rtog pa'i ye shes ngang// rig pa cir yang 'char bas so sor rtog pa'i ye shes ngang// rig pa rnam pa cir yang snang bas so sor rtogs pa'i ye shes ngang// rig pa bya btsal med pas bya ba grub pa'i
121b5 ye shes ngang// rig pa 'dzin rtog dbyings su rdzogs pas bya ba grub pa'i ye shes ngang// rig pa skye med ngang du rdzogs pas bya ba grub pa'i ye shes ngang// rig pa 'gag med ngang du rdzogs pas bya ba grub pa'i ye
121b6 shes ngang// zhes 'gro ba yongs la de bzhin du shes par bya'o// ye shes las byung ba'i 'od lnga gang zhe na/ de yang kha dog rnam pa lnga ste// rig pa chos kyi sku la 'gyur ba med pas kha dog mthing gar gsal// rig
122a1 pa bsam pa kun dang bral bas kha dog mthing gar gsal// rig pa gdangs dang ldan pas 'od chen mthing gar gsal// rig pa'i 'bras bu zang ma thal byung yin pas 'od chen mthing gar
122a2 gsal// rig pa nyid la nyon mongs gos pa med pas kha dog dkar por gsal// rig pa shel sgong lta bur dag pas kha dog dkar por gsal// rig pa byang sems dri ma med pas kha dog dkar por
122a3 gsal// rig pa'i 'od zer gting mtha' yas pas kha dog dkar por gsal// rig pa'i ye shes tha snyad bral bas 'od chen ser por gsal// rig pa'i ye shes 'dzin pa med pas 'od chen ser por
122a4 gsal// rig pa'i ye shes ngang gis gsal bas 'od chen ser por gsal// rig pa 'gyur med ngang la rdzogs pas 'od chen ser por gsal// rig pa'i klong na dbang rnams thams cad rdzogs pas kha dog
122a5 dmar por gsal// rig pa'i klong nas skye med dus gcig rdzogs pas kha dog dmar por gsal// rig pa 'gyur med ngang la de bzhin gshegs pas 'od chen dmar por gsal// rig pa 'gag med kun la
122a6 khyab pas 'od chen dmar por gsal// rig pa'i sa la 'gyur ba med pas 'od chen ljang gur gsal// rig pa dngos pos stong par khyab pas kha dog ljang gur gsal// rig pa shes rab 'gag pa med pas kha
122b1 dog ljang gur gsal// 'dzin pa'i spyod yul med pas kha dog ljang gur gsal// de las 'od 'phros 'jig rten gang bar 'gyur// kun la dkon pa'i ye shes 'od mchog 'di// ye shes 'od kyis nam mkha'
122b2 khengs par mthong// de yis sems can rnams kyang grol bar byed// ces rgyud chen po gsang ba rdo rje sems dpa' snying gi me long gi rgyud las/ sku dang ye shes kyi le'u ste lnga pa'o//// de nas yang
122b3 gsang ba'i bdag po phyag na rdo rje de nyid du mngon par snang bar gyur nas/thugs rje chen po dang ldan pa de la 'di skad ces gsol to// kye ma klong yangs bcom ldan thugs rje can// byang chub 'byung ba'i gter
122b4 chen gsung du gsol// zhes zhu ba zhus so// stobs kyi bdag pos bka' stsal pa// kye ma rdo rje 'dzin pa nyon// ngas bstan legs par yid la zung// rang rig byang chub sems kyi bdud rtsi 'di// dper na lha
122b5 rdzas nor bu rin chen 'di// grang ba'i phyogs su bzhag na dro bar 'gyur// dro ba'i phyogs su bzhag na bsil bar 'gyur// mun pa'i phyogs su bzhag na snang bar 'gyur// de bzhin rang byung rig pa 'di// rtogs
122b6 pa'i don dang ldan gyur na// nyon mongs ye shes grogs su 'gyur// nyon mongs skyes kyang ye shes stobs su gyur na bsgrib pa med// kye ho gsang ba'i bdag po nges par zung// rang las byung ba'i bdud
123a1 rtsi'i thigs pa 'di// dper na nor bu chu dngas bzhin// rnyog ma can du stsal na rnyog ma dngas par 'gyur// de bzhin snying po don gyi gdams pa 'di// btab na nyon mongs gos mi 'gyur// bag
123a2 chags 'dams las ye shes pad+ma skye bar 'gyur// ye shes chu yis nyon mongs thams cad 'khrud// ye shes me yis bag chags bsreg par byed// ye shes bde ba'i sku la snang srid gsal// gcig pu dal bar
123a3 'dug na snang ba grogs su char// ma skyes dbyings nas ye shes 'od gsal ba// kun la yod de kun gyis mthong ba med// dpag pas mi dpog nam mkha'i dbyings dang 'dra// gsal la 'tsher ba nyi ma'i 'od
123a4 dang 'dra// 'gyur ba med pas ri rgyal lhun po 'dra// zab la gting dpag med pa rgya mtsho'i gting dang 'dra// gos pa med pas 'dam gyi pad+ma 'dra// ngos bzung med pas chu yi zla ba 'dra// cir yang snang bas nam
123a5 mkha'i cho 'phrul 'dra// gsal la kha dog rdzogs pas bar snang 'ja' tshon 'dra// gang la thogs pa med pas rlung gi dkyil 'khor 'dra// rgyun chad skye 'bri med pas chu bo'i rgyun dang 'dra// kun la khyab pas dus
123a6 kyi lto ba 'dra// rtog pa sna tshogs 'char bas 'khrul pa'i snang ba 'dra// stong gsal dbyer med snang bas dag pa'i zhing khams 'dra// sra zhing brtan pas rdo rje pha lam 'dra// kun gyi gzhi mar gyur pas sa gzhi
123b1 mnyam pa 'dra// dgos 'dod yongs su rdzogs pa dpag bsam ljon shing 'dra// gsal la dngas pas btsun mo'i me long 'dra// rkang med mkha' la 'gro bas 'dab chags rgyal po 'dra// rgyan dang cha lugs
123b2 bcas pas sgeg mo phreng thogs 'dra// kun la thal gyis phug pas dpag chen mda' dang 'dra// ye shes dbyings su sdud pas 'byung ba chu dang 'dra// nyon mongs bag chags bsreg pas 'byung ba me dang
123b3 'dra// dpe rnams de bzhin mtshon pas ye shes don la sbyor// rtag pa mi 'gyur ye shes brdal ba'i sku// kun la yod de rang gsang thabs kyis chod// mi 'gyur kun la gnas pa'i rig pa byang chub sems// ngo
123b4 bo mi 'gyur kun la de bzhin gnas// rang bzhin gsal bas 'gro kun yongs la khyab// ngang gis mi g.yo khyab gdal bde ba'i klong// rdo rje'i dam tshig ldan pas blang bar bya// zhes bka' stsal to// de nas
123b5 yang gsang ba'i bdag po phyag na rdo rjes rdo rje gsor te 'di skad ces gsol to// a la la ho// de bzhin gshegs pa thams cad kyi dgongs pa thugs su chud do// rang gi don chen rnyed do// zhes brjod nas rdo
123b6 rje gsor bas stong gsum gyi stong chen po'i 'jig rten gyi khams thams cad de bzhin gshegs pa'i skus gang bar gyur to// de bzhin gshegs pa'i sku mthong ba'i sems can de dag kyang mngon par rdzogs par
124a1 sangs rgyas so// ngan song gi skye gnas thams cad rgyun bcad do// de nas yang gsang ba'i bdag po rang la rang ngo mtshar skyes nas 'di skad ces rdo rje 'chang chen po la gsol to// kye kye bcom
124a2 ldan rdo rje 'chang// rig pa'i dpe don de ltar na// ma rig dpe don gsung du gsol// zhes zhu ba zhus so// rdo rje 'chang gis bka' stsal pa// e ma ho/ rdo rje 'dzin pa nyon// ma smin ma rtogs 'khor ba
124a3 ni// dper na gyi ling lcags bcug 'dra// bkrol bar ma gyur thar ba'i dus mi 'byung// de bzhin ma rig lcags bcug thar bar ga la 'gyur// ma rig chu dang 'dra ste thams cad sdud// zhe sdang me ni bskal pa'i
124a4 me dpung 'dra// 'dod chags tsha chu dag ni 'thung ba 'dra// gti mug 'thibs pa khang stong mun pa 'dra// nga rgyal dregs pa ri bo bsnyil ba 'dra// phrag dog gnod sems gcong rong dog mo 'dra// nyon mongs rnam
124a5 lngas ye shes sgrib par byed// yid ni dper na khang stong rkun ma 'dra// dbugs ni dper na nags kyi spre'u 'dra// sems ni dper na mi gtsang 'dam rdzab 'dra// kun gzhi dper na sems can phag pa 'dra// shes
124a6 pa dper na bya sgro rlung khyer 'dra// gzung 'dzin dper na skyes pa bud med dbang gis bskor ba 'dra// las kyi bye brag bya rnyi 'dzings pa 'dra// sdug bsngal bye brag chu bo'i gnyer ma 'dra// nyon mongs 'bras bu 'di
124b1 la bzod pa'i thabs med do// 'khor ba'i sdug bsngal 'dzin pa'i rtod phur 'di// byas pas mi thon bzhag na thon par gyur// byas pa'i chos rnams spangs na dal ba 'grub par 'gyur// bsam pa kun spangs ye
124b2 shes mtsho mi g.yo// gsang sngags rgyal po spyad na nyon mongs ye shes 'gyur// dper na khyim stong sgron me btags na mun pa gsal bar 'gyur// de bzhin ye shes sgron me btegs na ma rig rig par
124b3 'gyur// de kho na nyid kyi rtogs pa rgyud la skyes na nyon mongs thams cad ye shes grogs su 'char// de phyir rigs kyi bu nyon mongs pa lnga ye shes lnga dang sbyor cig/ ma dag pa sum brtsegs dang ye shes sum
124b4 brtsegs sbyor cig/nyon mongs pa sna tshogs su snang ba dang ye shes kyi 'od kha dog sna tshogs su snang ba sbyor cig/ e ma ho// rigs kyi bu de bzhin du shes na ma dag pa'i snang ba 'dis bsgrib pa med do// rigs
124b5 kyi bu rang dal bar 'dug na/ye shes kyi snang ba lhug par 'char ro// de'i phyir na rigs med gcig pur gnas par bya zhes 'byung ngo// kye grogs po dag yang dag par rdzogs pa'i sangs rgyas kyi 'bras bu ni
124b6 smin pa dang ma smin pa mi mnga'o// de'i phyir na bsgoms pas 'bras bu mi rnyed pa'i man ngag go/ kye grogs po dag yang dag par rdzogs pa'i sangs rgyas kyi lta ba ni brjod pa thams cad dang bral ba'o// de'i phyir
125a1 na byang chub sems dpa' chos la gnas par mi bya'o// kye grogs po dag yang dag par rdzogs pa'i sangs rgyas kyi dgongs pa rang las btsal bar bya'o// de bas na rgyud 'di yang sangs rgyas kyi
125a2 bka'i dam par zung zhig/rig pa gnyis med kyi ye shes ngos zung zhig/ rig pa gzung 'dzin dang bral bar mkhas par gyis shig/ rig pa cir snang ba thams cad klong gcig tu dril cig/ ces bka' stsal
125a3 nas/'od phung rab tu 'gyed pa zhes bya ba'i sa ma ti la snyoms par zhugs so// de nas mkha' 'gro ma rnams kyis sgra snyan pa sna tshogs dang/ rol mo dang glu sna tshogs kyis bskul bar mdzad do// de nas de
125a4 rnams kyi nang nas nag mo 'brug gi sgra can ma zhes bya bas 'di skad ces gsol to// kye ho thugs rje chen po dang ldan pa ting nge 'dzin las bzhengs shig khams gsum sems can thams cad nyon mongs pa ma
125a5 rig pa'i rgyas 'thums pa 'di rnams la/thabs dam pa bstan du gsol// bstan pa'i sgron ma 'jig rten gyi khams su yun ring bar gnas par mdzad du gsol// zhes gsol pa dang/ bcom ldan 'das ting
125a6 'dzin las bzhengs nas de bzhin gshegs pa'i sku mang po mngon par sprul nas/la la ni phyag na rdo rje'i sku sha stag tu gyur/ la la ni zhi ba'i sku sha stag tu gyur/ la la ni rang rang gi dkyil 'khor dang bcas
125b1 pa'i sku sha stag tu gyur/la la ni yab yum snang ba sha stag tu gyur te/ de nas mkha' 'gro ma rnams ngo mtshar skyes nas/ thabs cig tu 'di skad ces gsol to// kye kye bcom ldan rdo rje 'chang// sku yi nges tshig
125b2 gsung du gsol// zhes zhus so// gsang sngags rgyal pos bka' stsal pa// kye kye 'byung ba'i bdag mo nyon// ye shes rgyal po tshig gis mtshon du med// rig pa'i rgyal po tshig las 'das pa yin// 'on kyang
125b3 tshig gis don rnams mtshon par byed// tshig don gnyis med 'brel pa'i gtan tshigs bshad// sku yi nges tshig gang zhe na// mi 'gyur don dang ldan pas rdo rje snying po'i sku// skye med ngang la rdzogs pas bya rtsol
125b4 bral ba'i sku// 'gag med ngang la gnas pas bya btsal med pa'i sku// mtshon pa'i tshig dang bral bas thig le stong pa'i sku// rang gsal byas pa med pas 'od gsal bde ba'i sku// dngos po rdzas su med pas
125b5 stong pa 'dzin med sku// rgya chad phyogs lhung med pas ye shes brtan pa'i sku// de ltar rtogs na bde chen ngang la gnas// de ltar sku bdun don la ma yengs sbyang par bya// don gyi rig pa mi zad bde ba'i
125b6 gter// zag med byang chub chen po bdag gis blangs// nga med pa yi sngon rol du// rig pa dbyer med ngang la shes bya bde byed gsal// nga ni rang byung bde chen zag pa med pa'i sku// nga ni sku yi 'od la zhugs
126a1 shing gsung gi zer la rol// de phyir 'od zer zhes kyang de la bya// nga ni mi gnas ye shes phyogs la gnas pa med// nga yi sku la snang srid gsal zhing bde chen 'bar bar snang// des na nga
126a2 ni thabs kyi pha rol phyin la gnas// thogs med gsal ba'i mar me bsam pa kun dang bral// bsam bral bde ba'i sku la snang srid gsal// bsam bral sna tshogs 'byung ba'i rig pa 'gag med klong// kun
126a3 gsal chos nyid me long 'od po che// gnyis med ngang du bde chen 'od gsal mnyam// zhes gsang ba yang khol du phyung ba'i rgyud/ rdo rje sems dpa' snying gi me long gi rgyud chen po las// ma rig pa dang ye shes
126a4 kyi mthun dpe bstan pa'i le'u ste drug pa'o//// de nas yang gsang ba'i bdag pos 'di skad ces gsol to// kye kye bcom ldan rdo rje 'chang// rdzogs chen nges tshig gsung du gsol// zhes zhu ba zhus
126a5 so// stobs kyi rgyal pos bka' stsal pa// kye kye rdo rje 'dzin pa nyon cig/ rdzogs chen theg pa'i nges tshig ni// rig pa bya bral ngang la ye shes rdzogs pas rdzogs// bsgom pa rtog med ngang la ye shes dri med
126a6 rdzogs pas rdzogs// spyod pa bcos med ngang la ye shes brdal ba rdzogs pas rdzogs// lta ba dgag bsgrub med pa'i ngang la ye shes rtogs med rdzogs pas rdzogs// 'bras bu dmigs med ngang la ye shes nyi shu
126b1 rtsa lnga rdzogs pas rdzogs// sku dang ye shes rang gi snying gi dkyil na rdzogs pas rdzogs// stong pa'i ngang las rig pa dngos med gsal ba'i ye shes rdzogs pas rdzogs// skye med ngang las 'od lnga ma 'dres
126b2 gsal bar rdzogs pas rdzogs// stong nyid gsal la ma yengs pas na pa// bya ba med par snang bas pa// gsal la 'dzin pa med pas pa// 'bras bu tshad dang ldan pas pa// theg pa kun gyi gong du gyur pas
126b3 che// gnas lugs don la g.yengs pa med pas che// ye shes sgron ma lta ba kun gyi rtse mor gyur pas che// gsal la ma yengs sgom pa kun gyi rtse mor gyur pas che// rang byung ma bcos spyod pa kun gyi rtse mor gyur
126b4 pas che// 'dzin med rang gsal 'bras bu kun gyi rtse mor gyur pas che// 'gyur med ngang la 'gag med rtsol bas che// 'dzin med ngang la 'gag med rtsol bas che// 'dzin med ngang la rtog med gsal bas
126b5 che// zhen med ngang la chags med gsal bas che// brjod med ngang la bde chen gsal bas che// rnam dag byang chub brdal ba'i snying po yin pas che// bya btsal bral ba'i rig pa dngos med yin pas che// bde
126b6 chen ngang las mi g.yo mnyam par gnas pas che// snying po'i don la mi g.yo mnyam par gnas pas che// 'dzin pa'i spyod yul ma yin kun la yod pas che// tshig dang yi ges gtan la mi pheb kun gyi snying po yin
127a1 pas che// rig pa ye shes nyi shu rtsa lngas brgyan pas po// ye shes 'od lnga dag pas brgyan pas po// 'od la zer rnams so sor brgyan pas po// gsum brtsegs dbyer med mnyam pas gnas pas
127a2 po// sku gsum phyir mi ldog pas 'bras bu tshad dang ldan// rgya chad phyogs lhung med pas lta ba'i tshad dang ldan// gsal la rtog pa med pas sgom pa'i tshad dang ldan// rang byung bcos pa med pas spyod pa'i tshad
127a3 dang ldan// bde chen zag pa med pa'i byang chub dngos med 'di// bzung bas mi zin chu yi zla ba 'dra// dgos dgu rang la tshang bas phyug po'i bang mdzod 'dra// rig pa byang chub sems ni gdod nas skye dang
127a4 bral// ma skyes pas na 'chi med rig pa'i klong// thig le rnam lnga 'du 'bral med pa'i klong// ma rig 'khrul pa med pas gzhi yi thig le bzang po yin// 'gyur med rnam par dag pas lam gyi thig le bzang po
127a5 yin// rig pa rtog pa med par bar chad sel bas rgyan dang ldan pa'i thig le bzang po yin// 'gro dang 'ong ba med pas bzang po'i rtse mo thig le bzang po yin// skye dang 'chi ba med pas chos dbyings thig le
127a6 bzang po yin// de ltar thig le rnam lnga yang// dbye na thig le rnam pa bcu yod de// de yang bstan pa 'di ltar yin// bzang po 'khrul med thig le dang// bzang po zag med thig le'o// de ni gzhi yi nyer
127b1 gzhag go/lam gyi nyer gzhag gang zhe na// 'dzin med rnam dag thig le dang// sa dang lam gyi thig le'o// de ni lam gyi nyer gzhag go/ 'bras bu'i thig le gang zhe na// rnam smin bar chad sel ba'i thig le
127b2 dang// mun pa sel ba'i thig le dang// snang ba bzlog pa'i thig le dang// rab bam rtse mor gyur pa'i thig le dang// 'od lnga ma 'dres gsal ba'i thig le dang// sku bdun lhun gyis grub pa'i thig le'o// de
127b3 ltar thig le lnga dang sku lnga dag tu sbyor// de ltar bcu phye yab yum bcu dang sbyar// de las ye shes 'byung ba gang zhe na// de yang lnga lngar shes par bya// zhes bka' stsal to// de nas yang gsang ba'i bdag pos zhu
127b4 ba zhus pa/e ma ho// thugs rje chen po dang ldan pa/ de'i dbye ba rnam gsum gsung du gsol/ zhes zhu ba zhus so// de nas yang bka' stsal pa/ e ma ho// gsang ba'i bdag po nyon// ye shes rnam pa lnga yang lnga
127b5 lnga ste// ye shes nyi shu rtsa lngar shes par gyis shig/ de yang gang zhe na/ 'di lta ste/ dbyings kyi ye shes dang// chos kyi dbyings kyi ye shes gnyis/ dbyings rnam par dag pa'i ye shes dang/ dbyings chen po'i ye
127b6 shes dang gnyis/dbyings thams cad gnyis su med pa'i ye shes dang lnga'o/ mU chos can chos nyid// me long lta bu'i ye shes dang// me long chen po'i ye shes gnyis// rtog med gsal ba'i ye shes dang// rtog med
128a1 dngas pa'i ye shes gnyis/gsal ba 'dzin med chen po'i ye shes dang lnga'o// hAHhaT/ snang stong/ mnyam pa nyid kyi ye shes dang/ mnyam pa nyid ma 'gags pa'i ye shes gnyis/ mi g.yo ba mnyam
128a2 pa nyid kyi ye shes dang/mi 'gag pa mnyam pa nyid kyi ye shes gnyis/ ci la yang mi gnas pa mnyam pa nyid kyi ye shes dang lnga'o// m+lA rig stong/ so sor rtogs pa'-i ye shes dang/ don thams cad rab tu 'byed
128a3 pa'i ye shes gnyis/rtogs pa skad cig mar skye ba'i ye shes dang/ sgra thams cad rnam par sel ba'i ye shes dang gnyis/ sgra dang tshig la mi gnas par go ba'i ye shes dang lnga'o// k+shu+oM gsal stong/ k+shu yang// bya ba
128a4 grub pa'i ye shes dang/bya ba thams cad byed pa'i ye shes dang gnyis/ bya ba la mi gnas pa'i ye shes dang/ bya ba btang pa'i ye shes gnyis/ sgro 'dogs thams cad gcod pa'i ye shes dang lnga'o// d+hi mU a/ d+ha
128a5 mu a yang/snang stong gnyis su med pa'o/ rigs kyi bu de ltar gong bzhin rtogs nas shes pa'i dus na/ de las zer 'byung ste/ nyi zla lta bu'i zer dar/ srin bu me khyer lta bu'i zer dang/ mar me lta bu'i
128a6 zer dang/snang ba zer dang bcas par snang ngo/ rigs kyi bu de ltar go zhing rtogs nas shes pa'i dus gcig na/ 'di skad bdag gis thos pa'i dus gcig na/ zhes bya'o// de'i don la ma yengs mi gnas pa'i rig pa shar nas
128b1 rang la rang gis rtogs pa ni/'di skad bstan pa'i dus gcig na zhes bya'o// de ltar shes nas mos pa'i 'khor rnams la bstan pa'i phyir na/ 'di skad bdag gis bstan pa'i dus gcug na/ zhes 'byung
128b2 ngo// kye grogs po dag bstan pa 'di la gnas pa'i gang zag rnams la de bzhin du byos shig/ de ltar shes pa'i rigs kyi bu de ni mya ngan las 'das par 'gyur ro// kye rigs kyi bu skyes bu de la snga rtags 'di
128b3 dag 'byung ste/de yang gang zhe na/ 'di lta ste/ gcig pur bsdad na nyams dga' ba dang/ ye shes kyi sgron me dang 'grogs pa'i phyir/ lus shing bal gyi 'dab ma ltar yang ba dang/ rig pa nyon mongs pa'i dbang du mi 'gyur ba'i phyir/
128b4 mi dang 'grogs snying mi 'dod pa dang/ rang gi rig pa lhug par shar nas yong ba'i phyir/ nam mkha' la 'phur snyam byed pa dang/ bag chags kyi phung pos mi bsgrib pa'i phyir/ snang ba 'di 'gags nas dag pa'i 'du shes dang/ gang na
128b5 ye shes kyi snang ba yod pa'i phyir/lus dang srog la yang mi chags pa dang/ lus por ma thag/ dag pa'i snang ba 'char ba'i phyir/ snang ba gang la yang yid mi 'jug pa dang/ ye shes 'od dang rtag du 'grogs pa'i phyir/ shes pa mi
128b6 bying bar gsal ba dang/'od kyi dngas ma yod pa'i phyir/ shes pa ngang gis dal ba dang/ 'jig rten gyi bya ba thongs ba'i phyir/ 'grogs na bde ba dang/ snang srid sgyu mar shes pa'i phyir/ nyon mongs thams cad gang yang ldang mi nus pa
129a1 dang/nyon mongs langs kyang rtog par mi 'dzin pa dang/ rig pa la gos pa med pa'i phyir/ gzugs sdug pa la chags pa mi skye ba dang/ rig pa la 'khrul pa med pa'i phyir/ gzugs mi sdug pa la zhe mi sdang ba
129a2 dang// ting 'dzin gyi nus pas zas skom gyi 'du shes mi skye ba dang/ rig pa gsal la rtog pa med pa'i phyir/ mi dang 'grogs nas kyang pha rol gyi sems dang ci mthun byed pa snang srid sgyu mar shes pa'i chos nyid rtogs pa'i phyir na/ de
129a3 ni/yongs su mya ngan las 'da' ba'i snga rtags so// mya ngan las 'da' ba de la yang gnyis te/ yang dag par rdzogs pa'i sangs rgyas dang/ mngon par rdzogs par sangs rgyas pa'o/ de yang yang dag par rdzogs
129a4 pa'i sangs rgyas ni/phung po lhag ma med par sangs rgyas pa'o// mngon par rdzogs par sangs rgyas pa'i skyes bu de la/ 'od dang/ sgra dang/ sku dang/ gdung dang/ sa g.yo ba la sogs pa 'byung ngo// 'od la yang
129a5 rnam pa gnyis te/'od khyim gyi tshul du 'byung ba dang/ 'od gyen du 'grengs te/ skas ka'i tshul du 'byung ba dang/ 'od khyim gyi tshul du byung na/ zhag lnga nas brtan pa thob ste/ mngon par rdzogs par 'tshad
129a6 rgya'o// 'od skas kyi tshul du 'byung ba ni/ zhag bdun nas brtan pa thob ste/ mngon par rdzogs par 'tshang rgya'o// sgra la yang gnyis te/ 'ur gyis byung na zhag bdun nas brtan pa thob ste/ mngon pa rdzogs par
129b1 'tshang rgya'o// thug gis byung na zhag bcu bzhi nas mngon par rdzogs par 'tshang rgya'o// gdung la lnga ste/ kha dog mthing ga ni/ rnam par snang mdzad kyi zhing khams su skye ste mngon par rdzogs par sangs rgyas
129b2 pa'o// kha dog dkar po ni rdo rje sems dpa'i zhing khams su mngon par rdzogs par sangs rgyas pa'o// ser po ni rin chen 'byung ldan gyi'o// dmar po snang ba mtha' yas kyi'o// ljang gu don yod grub pa'o// kha
129b3 dog sna tshogs su byung na/sku lnga'i sa la lhun gyis grub pa'o// sku la yang gnyis te/ zhi ba'i sku dang/ khro bo'i sku'o// zhi ba'i sku byung na snang ba 'di 'gags ma thag du brtan pa thob ste/ sprul pa'i sku 'byin ma nus
129b4 so// khro bo'i sku byung na de nyid la brtan pa thob ste/ zhag nyi shu rtsa gcig nas sprul pa'i sku 'byin par nus so// rtags de rnams ma byung na skye ba gcig gis thogs te/ yang de bzhin mi 'byung mi srid do// de
129b5 bzhin du sgra dang/'od dang/ gdung dang/ sku dang/ tha na ring bsrel yan chad 'byung ngo// zhes rdo rje sems dpa' snying gi me long gi rgyud chen po/ gsang ba yang khol du phyung ba'i rgyud chen po las/ rtags dang
129b6 mtshan ma bstan pa'i le'u ste bdun pa'o//// de nas bcom ldan 'das kyis 'khor rnams la 'di skad ces sgra bsgrags so// badzra rdo rje sems dpa'/ ma nu chos nyid kyi cho 'phrul skye ba ltar snang ba/ sha sa ri shes rab stong pa
130a1 'gyur ba med pa/san yang dag pa'i rig pa/ d+hi chos nyid skye ba med pa las zhi khro thams cad 'byung ba'i tshul bstan pa/ dar pa chos can mtshan ma las 'das pa/ a a skye med dmigs pa med pa'o/ zhes brjod pas 'khor rnams kyis
130a2 yang dag pa'i don thugs su chud do// de nas yang 'di skad ces bsgrags so// bud+d+ha sangs rgyas kyi ye shes/ sarba chos thams cad kyi dgongs pa tshig las 'das pa/ d+ha brdal ba phun sum tshogs pa/ thim dbyings rnam par dag pa chos nyid skye ba med
130a3 pa'i ngang du thim/d+ha thim mnyam pa nyid skye shi dang bral ba'i rig pa dus gsum du mi 'gyur ba/ a rig pa 'gyur med dbyings dang ye shes gnyis su med pa'i don/ laM rig pa dus thams cad du rtag pa ye shes kyi snying po// kaM kun la yod pa/ b+ha de'i don go bar dka' ba/
130a4 i ha don gyi snying po tha snyad dang bral ba/ i ha 'dzin pa med pa/ oM ma hA'i don ston pa/ AH a nu'i don ston pa/ hU~M a ti'i don ston pa/ a na skye ba med pa la skye bar snang ba/ zhes brjod nas mi snang ba'i ngang du gshegs so// de nas yang
130a5 gsang ba'i bdag pos 'di skad ces gsol to/kye ma kye hud thugs rjes zung/ zhes gsol pa dang/ nam mkha' nas sgra 'di bsgrags so// sha shes rab kyi bdag nyid/ sa 'gyur ba med pa'i chos nyid/ ma gzhi ma bcos gsal ba/
130a6 'a stong pa'i ye shes/ ab+hama~M yang byung agag a skye ba med pa la skye bar ston pa 'gyur ba med pa shes rab kyi bdag nyid rig dbyings stong pa skad cig ma la grub pa chos nyid ma bcos pa gnyis su med pa'o/ oMAhU~M/ de yang bskyed rdzogs gsum 'du 'bral med pa'i don
130b1 yi ge gsum mo// chos thams cad 'gag pa med pa skye ba med las skye ba'i cho 'phrul a ti a nu ma hA'o/ badzra rig pa ye shes su shar te/ pA Ni stong pa la ma 'gags pa/ sarba thams cad/ d+d+hA don gcug tu sdus shig/ ha dbyings dang ye shes gnyis su med pa'i don/
130b2 ni bstan pa'i snying po/ e zung zhig/ b+ha sa/ pa d+ha d+ha haha yang hU~M hU~M/ a a/ chos dbyings skye ba med pa'i ngang du mya ngan las 'das so// 'du 'bral med pa'i rig pa skye med du skyol cig/ zhes sgra bsgrags nas cang med do// de nas yang gsang ba'i
130b3 bdag po la byang chub sems dpa' ro langs bde ba la sogs dang/thub pa drug gis 'di skad ces gsol to// ston pa mi snang ba'i ngang du gshegs na rgyud 'di ci ltar gzung bar bgyi/ zhes gsol
130b4 to// gsang ba'i bdag pos bka' stsal pa/ rgyud 'di'i mtshan ni/ rdo rje sems dpa' snying gi me long gi rgyud ces bya bar ming thogs shig/ zung zhig/ yang rgyud chen po 'di snang ba ston pa zhes bya bar yang zung
130b5 zhig yang thams cad kyi don 'grol ba chen po zhes bya bar zung zhig/dgongs pa kha skong gi rgyud chen po zhes bya bar yang zung zhig/ kye thub pa chen po'i 'khor dga' ba rdo rje brgya byin thags bzang ris rnams nyon
130b6 cig/rgyud chen po gsang ba rmad du byung ba 'di ni 'jig rten du 'byung bar dka'o// de'i phyir na bstan pa'i snying po 'di rab tu chongs shig/ don thams cad skye ba med pa'i dbyings su skyol cig/ rang gi rig pa 'od
131a1 dang 'od khyim gyi tshul du shes dgos/nga mya ngan las 'das pa'i 'og tu/ ma 'ongs pa'i sems can rnams la/ bag chags kyi sbubs 'bor ba shes dgos/ de bzhin du ston cig/ byang chub lam gyi sgron ma ngo shes bar gyis
131a2 shig/chos thams cad brjod pa dang bral tshig dang yi ges mtshon pa med/ ba'i ngang du bsdus shig/ rgyud thams cad yi ge med pa chen po'i rang gi rig pa'i rgyud chen por rang rig de tha snyad dang bral ba'i 'dzin pa med pa skyol
131a3 zhig/lung thams cad gzhan gyis ston mi nus bstan du med pa'i rtsa ba'i lung rig pa'i ye shes chen por skyol zhig/ man ngag thams cad brjod gzhi dang bral b.ra'adi las bcos pa med pa'i dbyings su/ skyol zhig/ bsgrub
131a4 pa thams cad rtsol bsgrub med cing yod na bya byed du 'gro/bya byed dang bral bar skyol zhig/ spyod pa thams cad ma bcos pa'i mchog chen po dang ldan par skyol zhig/ bsgom pa thams cad gsal 'grib 'dzin pa med par
131a5 skyol zhig bsgoms pas sangs mi rgya bsgom du med pa'i phyir ro// lta ba thams cad zang thal cir yang ma chags par skyol zhig 'bras bu thams cad ye shes chig chod chen por skyol zhig rtog pa skad cig ma las grub pas mthong rtogs
131a6 dus mtshungs kyi gdams ngag/de rnams thams cad mi gnas pa'i klong du dril zhig/ 'du 'bral med pa'i dbyings su gcig dang du ma med pa/ 'khor ba'i bya ba thams cad thong zhig gcig pur dal bar gnas pa/ ye shes kyi snang ba la ngo
131b1 sprod yang nas yang du gsal gdab/rtag tu 'dris par gyis shig/ ye shes 'char ba'i dus bar ma do la ye shes kyi snang ba ngo shes par gyis shes par gyis shig/ bstan pa thams cad kyi snying po 'di yin par shes par gyis shig
131b2 bar ma do la rang gi snang ba yid ches pa ma pang du bu 'gro ba lta bu/ngo shes par gyis shig gzhi'i chos ci yang ma yin pa thams cad cir yang snang ba ngo bo stong pa rang bzhin gsal ba thugs rje snang ba gsum du shes par gyis
131b3 shig/lam gyi chos thams cad sku lnga ye shes lnga ru shes par gyis shig/ 'bras bu chos thams cad sku gsum 'du 'bral med pa phyir mi ldog pa'i 'bras bu shes par gyis shig/ ngo bo'i chos thams cad gzhi stong par
131b4 stong pa rig pa'i snying po can rig pa ye shes kyi snying po can ngo shes par gyis shig/rang bzhin gyi chos thams cad gsal bar shes par gyis shig/ thugs rje'i chos/ thugs rje la gnyis te 'gro ba 'dul ba'i thugs rje dang/ rang bzhin
131b5 gyi thugs rje gnyis la 'gro bar 'dul ba ni bud+d+ha'i chos/rang bzhin gyi thugs rje ni sangs rgyas dang dmyal ba yan chad la yod do/ thams cad kun la khyab par shes par gyis shig/ ye shes kyi chos thams cad nyi shu rtsa lnga ma 'dres par shes par
131b6 gyis shig/'od kyi chos thams cad 'dzin pa med par bzung ba lha'i bu'i bdud ces bya'o/ shes par gyis shig/ zer gyi chos thams cad ting nge 'dzin gyi spro bsdu med pa'o/ spro bsdu med par shes par gyis shig/ rig pa'i
132a1 chos thams cad bdag rtog gi blo dang bral bar shes par gyis shig byas pa'i chos la blo mi bzhag/de bzhin du chos skye ba med pa la skye bar snang ba thams cad 'gag pa med par skyol zhig/ 'gags pa med pa
132a2 rig pa'i cho 'phrul cir yang snang bar skyol zhig cir yang snang ba skye ba med par skyol zhig/skye ba med pa 'gro 'ong med par gang nas ma 'ongs pa gar yang mi 'gro ba skyol zhig/ 'gro 'ong med pa gnyis su med par du ma dang bral
132a3 ba skyol zhig/gnyis med gsal ba mtha' grol 'od zer du gnas pa chen por skyol zhig/ de bzhin du chos thams cad cir yang mi rtog mi sems par rkyen gyi dbang du mi 'gro ba skyol zhig/ chos thams cad gsal la ma
132a4 yengs par skyol zhig 'gyur ba med pa rgya gar yang ma chad phyogs gar yang ma lhung ba rang bzhin gnyis su med pa rdzogs pa chen po'i don phyin ci ma log par gtan la phab ste/de yang gang zhe na ye shes kyi dbyings dang ye shes rig pa dang ye shes skye med kyi ye shes
132a5 so// ces brjod nas gsang ba'i bdag po yang mi snang ba'i ngang du gshegs so// de nas yang nam mkha' las sgra 'di skad grags so// badzra rdo rje phyag na rdo rje nyid kyi dbyings su/ pA Ni d+hA tu skye ba med pas 'gag pa med pa shi hi
132a6 ri sangs rgyas kyi lam ma hA san+ti la ma 'gyur ba med pa/d+harma/ chos kyi sku brjod pa thams cad dang bral ba kA ya/ mya ngan las 'das pa'o// rat+na rin po che lta bu'i klong du mA la mnyam pa nyid las ma yangs blo yis ma bcos pa/ a sing skye med chos sku'i ngang du rig
132b1 pa gsal la 'dzin pa dang bral ba/a rig pa skye med ngang du rtog med gsal ba/ d+hA tu/ gnyis su med par 'du ba'i ye shes ma 'gags pa'o// sha skye med stong pa'i ngang du 'du ba'i shes rab/ a d+ha du/ shaM ma la sha yang mnyam pa nyid ma bcos pa/ a chos sku skye ba med
132b2 pa/A longs sku 'chi ba med pa/ u sprul sku skye shi ltar snang ngo// zhes rdo rje sems dpa' snying gi me long gi rgyud chen po las/ rgyud yongs su gtad pa'i le'u ste brgyad pa'o//// de nas mkha' 'gro ma'i tshogs
132b3 rnams rang rang gi 'khor rnams la 'di skad ces gdams so// rgyud 'di'i mel tshe bya'o// dam tshig nyams pa rnams kyi gshed ma bya'o/ zhes gdams nas nga rgyal gyi sgra 'di skad bsgrags so// rag+mo sa ma ya snod
132b4 min la byin na snying phyung zhig snying phyung b+h+yo b+h+yo/zhes brjod nas mi snang ba'i ngang du gshegs so// byang chub sems dpa' sems dpa' chen po lha'i bu log rtog sel byed la sogs dang/ thub pa drug dang/ mi ma yin gyi
132b5 'khor rnams rjes su yi rang zhing mngon par bstod do// zhes rdo rje sems dpa' snying gi me long gi rgyud ces bya ba yang gsang gab sbas gyi rgyud rdzogs pa chen po gtan la 'bebs pa// bcom ldan 'das gzhon
132b6 nu dpa' bo stobs ldan gyis dur khrod chen po me ri 'bar bar gsang ba'i bdag po la sogs pa rnams la rang rang gi rig pa dngos su bstan pa'i bka' dam pa/gsang ba'i rgyud chen po rdzogs so//// rgya
133a1 rgya rgya/a+thi+-i/ mkhas pa chen po bi ma la mi tras sgra rang 'gyur du gsungs pa'o// sngags kyi srung mas srungs shig/ 'grel pa don 'grel phra bkod bya ba yod/ snying gi me long nyid la ma bu
bzhi/

CLOSE WINDOW