94b1 ma hA chen po mang+ga la bkra shis ru tsi ra mdzes ldan bAn+tan+t+ra rgyud shar+ya dpal ga ga na nam mkha' med pa ma hA chen po tan+t+ra rgyud nA ma ces bya ba/ bod skad du/ bkra shis mdzes ldan mtshan don/ chen po'i rgyud/
94b2 dpal nam mkha' med pa chen po'i rgyud ces bya ba don bsgyur/ oM bcom ldan 'das rig pa rang snang nyid dang/ thog ma'i mgon po 'od dpag med la phyag 'tshal lo// 'khrul pa dngos klad kyis bka' choms su bstan pa/
94b3 sarba d+har rgya a/ 'di skad bdag gis bstan pa'i dus gcig na/ bstan pa rin po che byung tshul bstan pa/ rig pa ye shes kyi snang ba gnas phun sum tshogs pa/ chen por rang snang ba'i dus na/ snang ba chen po'i ngo bo sku dang
94b4 bcas pa/snang ba'i rang bzhin ma 'gags pa nas/[ u0f72u0f7eu0f72u0f7e]rig pa'i sku rnam par dag pa/ ston pa phun sum tshogs pa/ chen po nyid do// e ma ho// rig pa'i ye shes chen po yul med pa snang ba'i klong nas/ ngo bo rig pa nga'i ye s
94b5 hes so// ngas rig pa nyid kyi don bstan to// bstan pa phun sum tshogs pa/ yangs pa kun gyi bdag nyid/ snang ba chen po'i 'khor kun/ snang thabs ni/ rang gi 'dug tshul/ rang spangs pa'o// gnyis su med pa'i/ des smras shing
94b6 rang snang gi gzhal yas khang dang bcas pa'o// rang gi 'od kyi yul dang bcas pa'o// thog ma med pa'i thugs rje dang bcas pa'o// 'di skad bdag gis thos pa'i dus gcig na/ rtogs pa'i sangs rgyas ma byung/
95a1 ma rtogs pa'i sems can ma byung pa'i sngon rol na/ rig pa rang byung gi ye shes nyid gzhi las ma g.yos te/ rkyen med pa'i snang ba gsum dang thabs cig tu bzhugs so// gzhi nyid bstan/ de nas yang
95a2 rig pa'i ye shes ma nyid kyis/rang rang gi 'dug tshul gyi gnas lugs 'di gsungs so// kye snang ba chen po yangs pa'i klong de ni/ ma g.yos pa chos kyi sku chen po las/ ma 'khrul pa'i sangs rgyas chen por
95a3 bzhugs so// ngo bo'i sku ma 'gags par gnas te// de nyid ngo bo mi 'gyur/ thabs ma shes ma rtogs gsang ba/ dngos po las/ ma g.yos mi g.yo/ rig pa nyid/ ma bskyod pa// snang ba thams cad dus gcig la rdzogs
95a4 pa/ye shes thams cad skad cig la rdzogs pa/ sku thams cad smin par gnas pa/ 'od kyi snang ba thams cad ma bsgribs par gsal ba/ gnas lugs kyi snang ba la/ snang ba thabs kyis ma bsgribs pa/ ngo bo
95a5 ka dag rang bzhin lhun grub thugs rje kun khyab gsum/rgya ma chad par lhun grub kyi ngos nas/ yongs su rdzogs pa chen po/ bde gshegs snying po/ ka dag gi ngos nas ngo bo'i gnas lugs chen po rig pa de yang/ sku ltar gnas
95a6 pa mkhyen pa'i cha nas sems can la snang ba/la kha mig rna bar dod pa ni/ stong pa'i cha nas ci yang mi bzhugs/ stong pa ltar gnas pa la/ rig pa'i ngo bo/ bem stong rig med nam mkha' ltar cang mi bzhugs/ rig pa'i ngo bo/ 'od lnga
95b1 ltar gsal ba'i cha nas/snang ba chen po la/ kha dog tu phye ba ni cang mi bzhugs/ rgya ma chad pa ltar dkar po la sogs kha dog tu yod pa/ snang ba la/ brten pa med par 'khor ba dang/ 'brel ba ltar cang mi bzhugs/ yon tan mtha'
95b2 dbus med pa ltar snang ba/phyogs su dmigs pa ni cang mi bzhugs/ rig pa'i shes rab/ cha bgos pa ltar snang ba la/ ris su phye ba ni cang mi bzhugs/ rgyar ma 'gags pa ltar/ rgyang zhags su rig pa/ snang zhing
95b3 dpangs mtho ba la/ngo bo de la steng 'og tu snang ba ni gang yang med do// rang bzhin gyis ngo bo stong pa rig pa yin pas/ snang ba ni yangs pa ltar snang ba la phyogs lhung med pa/ gsal ba ltar snang ba la dngos po med pa/
95b4 mthing ga ltar snang ba la cha ma phye ba/ dkar ba ltar snang ba la rigs mi 'dzin pa/ ser po ltar snang ba la yon tan rdzogs pa/ dmar ba ltar snang ba la go ma 'gags pa/ ljang gu ltar snang ba la ma btsal bar
95b5 grub pa/snang ba lnga nyid du gnas pa la kha dog mi 'dzin pa chen po// zlum pa la dbyibs med pa// ma 'gags pa la rkyen med pa/ khyab pa med pa la rang gdangs chen po/ rang gsal ba la phyi nang dang bcas pa/
95b6 ma dag pa 'khor ba'i sgo ltar shar ba/ rtsol bsgrub med pa la bab kyis bsgrub pa'o/ 'di nyid nyams su blangs na chos nyid kyi bar do la ngos zin te dag pa ye shes kyi sgo ltar shar ba'o// thugs rje'i snang ba der ye shes ma zin na 'khor ba'i sa'o/ ni stong
96a1 pa ltar ye shes de snang ba la/gsal ba la ma 'gags pa/ spros pa med pa la spros pa chen po/ rang bzhin ma 'gags pa la sna tshogs ma nges pa chen po/ gsal ba la mun pa med pa/ ma 'gags
96a2 pas med pa chen po/bab kyis stong pa la kun du 'char ba chen po/ ma 'dres pa la yongs su snang ba chen po/ kun la khyab pa la gcig tu 'dus pa chen po/ dag pa la 'khrul pa ma 'gags pa chen po/ rdzogs pa
96a3 la gcig tu snang ba chen po/thugs rje go ma 'gags par bzhugs so// chos kyi sku'i gsum gyi 'byung tshul bstan pa/ snang ba mi 'gyur ba la/ 'khrul pa'i snang ba yul ltar snang ba'i dus yongs su ma nges te/ gzhi las
96a4 'khrul pa'i go byung ste/ngo bo mi 'gyur ba las/ rang bzhin ma 'gags par gsal ba ste/ thugs rje ma nges pa las/ ma rig pa ltar snang ba byung ste/ de ltar 'khrul pa'i yul tsam mo/ gsang ba'i sngags la ye
96a5 nas gnas pa'i mtshan gzhi mtshon pa'o// zhes bkra shis mdzes ldan chen po'i rgyud las/ gzhi gnas lugs kyi le'u ste dang po'o//// de nas yang rig pa'i snang ba nyid kyis/ lhun grub las ma rig pa'i byung
96a6 tshul bstan/rang gis 'khrul tshul snang ba 'di gsungs so// gnyis pa gzhi las 'khrul tshul bstan pa/ kye ma nga la/ ka dag pa/ 'khrul pa med kyang/ nga'i rtsal las lhun grub tsam du 'khrul pa byung ste/ gzhi ka dag mi 'gyur ba las/
96b1 rang bzhin ma 'gags par shar nas/ thugs rje ma nges pa las ma rig pa rang byung ste/ dper na nam mkha' la sprin yang dag par yod pa ma yin te/ glo bur du sprin byung ba dang 'dra bar/ gzhi la ma rig pa yod
96b2 pa cang ma yin te/thugs rje ltar shar ba las ma rig pa byung ste/ gzh-i la lhun grub kyi gnas lugs zhes bya ba chags so// de yang ma nges pa'i snang ba chen po zhig tu gnas so// de yang 'char lugs rnam
96b3 pa thugs rje dang 'od dang sku dang ye shes dang gnyis med dang mtha' grol dang dag pa dang ma dag pa/brgyad dang ldan pa rin po che ga'u'i gnas lugs zhes bya ste/ 'dod yon gyi go ma 'gags pa'o// ma grub pa'i grub pa chen por
96b4 gnas pa/thugs rje ltar 'char ba'i go ma 'gags pa/ 'od ltar 'char ba'i snang ba ma 'gags pa/ ye shes ltar 'char ba'i longs spyod ma 'gags pa/ sku ltar 'char ba'i ngo bo ma 'gags pa/ gnyis med ltar
96b5 'char ba'i lta ba ma nges pa/mtha' grol ltar 'char ba'i thabs ma 'gags pa'o// dag pa ye shes kyi 'jug sgo mthar phyin pa/ ma dag pa ltar 'char ba'i sgo thugs rje ma 'gags pa/ 'dod don gyi nor bu rin
96b6 po che lta bu ste/de lta bu'i snang ba pa'i sku ma zer las/ chags te/ nang gzhon nu bum pa sku zhes bya ba rgya ral te/ phyi lhun grub kyi gnas lugs su gnas so// dus de tsam na nga'i snang ba phyir ral te/ sang ma seng
97a1 ma/'khrul pa de rang yin te/ shag ma shig ma/ khral ma khrol ma/ yang ma yeng ma/ 'gul ba 'phrig pa/ sna tshogs su 'phro ba byung ngo// de nas lhun grub kyi gnas lugs chen po chags so// de'i ye shes kyi
97a2 go ma 'gags pa las longs spyod rdzogs pa'i sku'i snang lugs chags so// yon tan gyi go ma 'gags pa las rang bzhin sprul sku'i snang lugs srid do// de'i thugs rje go ma 'gags pa las ma dag pa'i snang
97a3 lugs byung ngo// de las snang ba'i 'khrul tshul du mar chags te/ 'khor ba grub bo// de yang gnas lugs chen po gcig la/ gsang sngags gzhi'i 'khrul lugs bstan/ snang lugs bzhi ltar snang ste/ sku'i rol pa dngas pa'i ye
97a4 shes dang 'od lnga/sna tshogs su shar nas/ sems can thun mong gi las ltar snang ba'o// de yang rkyen bzh-i'i 'khrul te/ tha ma yang rkyen bzhi la thug go/ rgyu dmigs pa can du 'dzin pa'i rkyen las/ 'bras bu sna tshogs
97a5 kyi rgyur 'khrul/bdag po yul can du 'dzin pa'i rkyen las/ ming sna tshigs su 'khrul/ dmigs pa blo can du 'dzin pa'i rkyen las/ 'bras bu thug pa med par 'khrul lo// de ma thag pa 'dzin pa can gyi rkyen
97a6 las/snang ba sna tshogs su 'khrul lo// de ni gsang sngags gzhi'i 'khrul lugs chen po'o// de yang snang thabs la ma rig pa'i rkyen/ snang ba'i rkyen du ma bstan pa'o/ rang ka ma dang bcas te snang ngo// ma rig pa de yang
97b1 rtsa ba'i nyon mongs pa lnga dang bcas te/rtog tshogs du ma sdud pa'o// rkyen stong phrag du ma dang bcas pa snang tshul du ma dang bcas pa snang tshul gyis 'byams pa'o// de yang lhun grub rin po che'i ga'u'i gnas
97b2 lugs las/snang ba ma 'gags pa las/ gzhi ma 'gyur bar snang ba 'gyur te/ yul du ma'i rjes su 'brangs te thams cad la rtog pa'o// chos kyi sku'i snang ba ma 'gyur kyang/ 'khrul pa'i snang ba la
97b3 'gyur 'gyur ltar byung ngo// rdo rje sems dpa' 'khrul pa mi mnga' yang/ sems can la 'khrul pa'i tshul bstan pa'o// tha ma rang gi snang ba rang rkyen gyis gzhi las ldog pa'o// gnyis su med pa'i snang ba rang
97b4 shar bar ma shes te/'khrul pa la bdag por bzung bas bdag po'i rkyen/ rang rig pa'i 'bras bu rang shar bar ma shes rgyu nyid ltos pa can bzung ba rgyu'i rkyen no// yul dang shes pa stong par ni ma shes/
97b5 dmigs pa la yul du bzung bas/ dmigs pa rang ngo'i rkyen/ dus la ltos nas 'od rang byung bar ma shes/ de ma yin pa la der 'dzin pa'i shes pa byung bas mtshungs pa de ma thag pa'i rkyen no/ rgyu'i rkyen bdag po'i
97b6 rkyen dmigs pa'i rkyen mtshungs pa de ma thag pa'i rkyen rig pa rtog med de ma rig pas/zhes bkra shis mdzes ldan chen po'i rgyud las/ gzhi la 'khrul pa byung tshul bstan pa'i le'u ste gnyis pa'o//// de nas yang snang ba
98a1 dam pa'i 'khor la/dang po'i rig pa'i dbyings bstan to/ rig pa chos 'byung skus bka' stsal pa/ kye snang ba dam pa'i rig pa yongs su snang ba'i 'khor rnams nyon cig/ gnyis pa snang lugs bstan pa/ gzhi snang
98a2 ba chen po'i rig pa 'di dag rnams ni sgron ma khong gsal bar blta'o/chos kyi sku'i snang ba ni/ gnas lugs chen po dang 'brel pa ste/ de yang gnas lugs chen po gcig la/ snang lugs bzhir 'char ba 'di lta ste/ rig
98a3 pa dang chos nyid kyi gnas lugs ni/me long gi dkyil 'khor ltar gsal ba la 'byed med du gnas pas/ ma rig pa'i rgyu bdag nyid gcig pa dang lhan cig skyes pa dang kun brtags pa'i/ rkyen gyis ma bsgribs pa/ ka dag chen po/
98a4 rig pa rtog med/ zhes bya ste/ yang dag pa'i sangs rgyas ma byung/ 'khor 'das gyi phyogs su ma lhung pa'o/ ma dag pa'i sems can ma byung pa'i gnas/ rig pa ma g.yos pa'i ye gdangs chen po zhes bya'o// de la brjod du med
98a5 do/ye nas stong pas// dpag tu med do/ gzung bya dang bral bas// dmigs su med do/ lta bar bya ba dang bral bas/ gzhal du med do/ dmigs pa dang bral bas// brtsir med do/ tha snyad dang bral bas// gang gis kyang gtan la mi
98a6 phebs so/rtogs par dka' bas/ sgra tshad la sogs pa'i tshig gis/ mtshon du med do// rig pa la chos med pas shes pa'i yul du byar med do// des ni 'khor ba mi mthong/ gzung 'dzin dang bral bas/ 'khor bas de nyid mi mthong ngo/
98b1 rtog pa med pas/ des ni chos mi spyod do/ sangs rgyas la chos spyod med pas/ chos kyis de'i don mi rtogs so/ tshig min pas/ de ni 'khor ba min no// ltung ba med pas/ mya ngan las 'das pa min no/ dang po 'khor bar lhung pas/ gzhi
98b2 min no/rtag pa ma yin pas// snang ba min no// mngon sum du/ mun pa min no/ rang snang ba yin// lam ma yin no/ bya byed med pas// bgrod pa med do/ tshig la brten mi dgos// mi bgrod pa med do/ snang ba lam du slong ba'i
98b3 phyir// 'bras bu ma yin no/ smin zin pas// spangs pa ma yin no/ rang la gnas pas// thob pa ma yin no// gzhan min pas// de ni rig pa'i dbyings chen po zhes bya'o// de las lhun grub rin po che'i snang lugs byung ste/ de
98b4 ni sangs rgyas pas chos thams cad 'byung ba'i gzhi zhes bya'o// de las ni 'khrul pa ye shes su sad nas/ sangs rgyas byung ngo/ sems can byung ngo/ ma rig pa/ ye shes byung ngo/ rang snang bas/ 'od byung ngo/ ye nas yod pas/
98b5 rig pa byung ngo/ rang la chas pas ma rig pa byung ngo/ lhun gyis grub pa// las thams cad byung ngo/ thug pa med pas// thugs rje byung ngo/ sems can la snang nus pas// yod pa ltar snang ba byung ngo/ rang bzhin// de la ni ngo bo yod do/
98b6 ka dag gis/ rang bzhin ltar snang ba yod do/ gang la bya byed yod pas// thugs rje ltar snang ba yod do/ mdzad pa can du yod// rtsal yod do// sna tshogs su// snang ba yod do/ 'od du/ sems yod do/ sdud par byed pa'i dngas ma// yid
99a1 yod do// sdud par byed pa'i rtags/ 'khrul pa yod do/ 'khor ba nyid/ ma 'khrul pa yod do/ rig pa'i ngo bo// thams cad 'byung ba chen po'o// de ni sangs rgyas dang/ sems can gyi dbyings chen po zhes
99a2 bya'o// de las longs sku'i snang lugs byung ste/ de ni lam mngon par snang ba'i gzhi zhes bya'o// de yang gsal ba/ dro ba/ bsil ba/ yangs pa/ g.yo ba'i bdag nyid 'dzin pa/ sku lnga dang ldan pa/ ye shes lnga
99a3 dang ldan pa/rigs lnga dang ldan pa/ kha dog lnga dang ldan pa/ 'od lnga dang/ yab lnga dang/ yum lnga dang/ gzugs lnga dang/ sgra lnga dang/ dri lnga dang/ ro lnga dang/ rig bya lnga dang/ chos lnga dang/ snang ba lnga dang/
99a4 gtso bo lnga dang/ 'khor lnga dang ldan pa'o// de yang mtshan bzang po sum cu rtsa gnyis dang ldan pa/ dpe byad bzang po brgyad cu dang ldan pa/ yangs pa'i yang byung spangs pa'i chos drug dang ldan pa'o// de ni longs sku'i
99a5 snang lugs de dang de las byung ba'i 'brel pa'o// de'i snang ba las rang bzhin sprul pa sku'i snang ba dang/ 'gro ba 'dul ba sprul pa sku'i snang lugs dang/ ma dag pa sprul pa sku'i snang lugs chags so/ de yang
99a6 rang bzhin sprul pa'i sku ni/ngo bo lhun grub las shar ba'o// rang bzhin sprul pa'i sku de'i snang lugs ni/ longs spyod mi zad pa/ 'khor mi zad pa/ yon tan zad mi shes pa/ stobs zad mi shes pa/ rtsal zad mi
99b1 shes pa/cho 'phrul zad mi shes pa/ tshe'i tshad grangs med pa/ nad kyi sdug bsngal thams cad dang bral ba/ gzhal yas khang bsam gyis mi khyab pa/ chos bsam gyis mi khyab pa sgrogs pa'o// de ni rang bzhin
99b2 sprul pa sku'i snang lugs zhes bya'o// de las 'gro ba 'dul ba'i sprul pa'i sku byung ngo/ de yang sna tshogs snang ba la sna tshogs kyi don shes pa'o// snang yang rjes su ma chad pa'o// snang yang rjes su mi zhen pa/ mig
99b3 rnam par dag pa mnga' ba/snyan rnam par dag pa mnga' ba/ shangs rnam par dag pa mnga' ba/ ljags rnam par dag pa mnga' ba/ sku rnam par dag pa mnga' ba/ gsung rnam par dag pa mnga' ba/ thugs rnam par
99b4 dag pa mnga' ba/thugs rje'i mdzad pa sna tshogs ston pa/ ye shes khyad par can mnga' ba/ mkhyen pa ma 'gags pa kun tu snang ba'o// de ni 'gro ba 'dul ba'i sprul pa'i sku'o// de las ma dag pa'i 'jig rten chags
99b5 lugs bstan pa/'jig rten gyi khams chags so// de yang 'di ltar snang ba chen po ste/ phyi snod 'byung ba lnga'i dkyil 'khor chags pa las/ sa dang/ chu dang/ me dang/ rlung dang/ 'byung ba chen po nam mkha' srid
99b6 do// de la 'dzin pa'i bsam pa brjod kyis mi langs pa dang/ 'dod chags dang/ zhe sdang dang/ gti mug dang/ nga rgyal dang/ phrag dog dang/ khong khro dang drug go/ de la 'gro ba rigs drug skye ba byung ngo// phrag
100a1 dog las mi ru chags so// khong khro las lha ru chags so// nga rgyal las lha ma yin chags so// 'dod chags las yi dwags su chags so// gti mug las byol song du chags so// zhe sdang las
100a2 dmyal bar chags so// de bzhin du rigs drug gis snang ba chags so// de ni 'khor ba'i gnas so// de yang gnas lugs chen po gcig la/ snang lugs las snang thabs bstan pa/ snang lugs chen po bzhi ltar byung
100a3 ngo// gnas lugs bzhi las snang thabs bzhi ltar shar ro// de nas ma byas pa'i snang ba'i 'khor gyis/ ma bskyod pa'i rig pa la zhus pa/ kye snang ba'i thabs rnams gsung du gsol/ zhes zhus so// bka' stsal
100a4 pa/snang thabs chen po bzhi ni/ lhun grub las sna tshogs su snang ba'o// longs sku la kha mig rna ba can 'od kyi rang bzhin sgyu ma'i skur gnas pa'o// sprul sku la gzugs ltar snang ba'o// sems can la snang ba tha
100a5 dad du snang ba'o// de yang sems can la snang ba snang thabs kyis bsgribs pa'o// zhes bkra shis mdzes ldan dpal nam mkha' med pa'i rgyud las/ gnas lugs dang snang lugs bstan pa'i le'u ste gsum
100a6 pa'o//// de nas yang bcom ldan 'das rig pa chos sku chen po la/ snang ba yum gyi skus 'di skad ces gsol to// kye ma rig pa'i ye shes sku// mthar thug lta ba gsung du gsol// zhes zhus so// yang
100b1 rig pa chos 'byung shes rab gyis bka' stsal pa/kye ma nyon cig yang dag gsang ba'i yum/ don gyi thug sa chen po rnams/ yang dag sangs rgyas mthar thug dang/ dgongs pa'i don la mthar thug dang/ yang
100b2 dag lta ba'i mthar thug dang/mtshan ma tshig gi mthar thug go/ e ma ho/ yang dag mthar thug ngas bshad kyis// snang ba dam pa'i 'khor rnams nyon// sangs rgyas dgongs pa mthar thug ni// rig pa'i
100b3 bzhag thabs nyid la thug/dgongs pa'i don la mthar thug ni/ dbyings kyi sgron ma nyid la thug/ yang dag lta ba'i mthar thug ni// lu gu rgyud kyi sku la thug/ mtshan ma tshig gi mthar thug ni// rang shar chen po'i
100b4 rgyud la thug/rgyud rnams kun gyi mthar thug ni// seng ge rtsal rdzogs chen po dang// yi ge med pa'i rgyud la thug/ lung rnams kun gyi mthar thug ni// bdud rtsi thal sbyor lung chen dang// gsang ba dbang rdzogs
100b5 lung la thug/yang gsang thugs kyi dkyil 'khor nas// nor bu dri ma med pa'i sku// yang dag mthar thug rdzogs pa'o// kye ma snang mdzad yul gyi rtog med nas// gsang sngags bdag po A li kA// chos kyi sgra ni
100b6 gnyis med pas// sems can blo la bsam mi khyab// gsang sngags nges don bsdus pa ni// gsang ba bcu bdun nyid du bstan// lta ba gsang rdzogs chen po las/ gnyis med dag pa'i mkha' klong la// yang
101a1 dag gter chen 'di gsungs pas// chos kyi sku dang mnyam par sbyor// gsang ba rig pa'i skur bstan pas// ka dag nyid dang lhan cig sbyor// sangs rgyas nyid kyi lta stangs ni// cog bzhag bzhi
101a2 dang lhan cig sbyor// yang gsang thugs kyi me long ni// sgron ma nyid dang lhan cig sbyor// sangs rgyas sku yi rgyan nyid dang// chen po lnga dang lhan cig sbyor// rang bzhin nyid kyi dbyings nyid la// rtog pa'i rgyal po
101a3 bsam mi khyab// sku gsum gsang sngags a nyid las// chos sku'i thig le nyag gcig la// bya byed med pa'i sku nyid las// mdzes pa'i dkyil 'khor bsam mi khyab// sangs rgyas kun gyi mes chen po// sku dang
101a4 ye shes 'gag med pas// mtshon pa'i yi ge tshig las 'das// rig pa'i sku la gnyis med do// sems can blo la bsam yas shing// dgongs pa nyag gcig rang sangs pas// bsam pa'i yul la ltar snang
101a5 zhing// thog ma'i mgon po 'od dpag med// zhing khams dag pas sku gsum gsal// mgon po dri med dag pa las// 'od snang dag pa'i kha dog gsal// sku yi snang ba chen po ni// rang bzhin snang ba ma
101a6 'gags pa'o// gsang sngags byung tshor ma 'gags pas// mgon po rdo rje 'od dpag med// thog ma'i lus kyi snang ba las// 'khrul pa'i snang ba bsam las 'das// dkyil 'khor chos nyid bsam yas
101b1 las// 'du 'phro'i spyod pa bsam yas so// de nas yang snang ba'i 'khor 'byung ba'i yum dang bcas pas// 'di skad ces gsol to// kye ma gsang ba rig pa'i mnga' bdag chen po/ bdag cag snang ba dam pa'i
101b2 rigs rnams la/yang dag pa'i ye shes gsang ba dam pa rnams gsungs shig/ yang bka' bstsal pa// rig pa'i snang ba chen po 'di la// re dogs bcas na mi mthong ngo// spang thob bcas na mi mthong
101b3 ngo// yid du bzung na mi mthong ngo// de'i phyir na yang dag pa'i chos nyid la/ rtsol bsgrub kyis mtha' dang bral bar bstan pa'o// zhes bkra shis mdzes ldan chen po/ dpal nam mkha' med pa'i rgyud chen po
101b4 las/mtha' gsang ba'i le'u ste bzhi pa'o//// de nas yang rig pa'i snang ba dam pa nyid/ ma bzhugs pa'i gdan las bzhengs nas/ rang gi snang ba chen po 'di smras so// kye snang ba chen po 'dus pa'i
101b5 mkhor rnams nyon cig/yang dag rdzogs pa'i sangs rgyas kyi ye shes la/ gsal 'grib med par zung zhig/ sangs rgyas kyi sku la che chung med par zung zhig/ sangs rgyas kyi gsung la bden rdzun med par zung
101b6 zhig/sangs rgyas kyi thugs la rtog pa med cing dran byed med par zung zhig/ kye rang bzhin gyi snang ba bsam gyis mi khyab ste// chos kyi sku'i snang ba la bsgrub tu med do// longs sku'i ye shes la dpag tu med
102a1 do// sprul sku'i shes rab la brjod du med do// de'i phyir sku gsum ngang la rdzogs pa'i 'bras bu zhes bya'o// e ma ho/ rdo rje sems dpa' nyid la gsal 'grib med kyang/ sems can la 'khrul
102a2 lugs bsam gyis mi khyab ste/rig pa nyid la 'khrul pa ngang gis yod pa ma yin no// 'khrul pa med kyang 'khrul byed ma 'gags pas/ 'khrul pa ltar snang ba'o// gsang ba'i don la chos med kyang/ sems can
102a3 gyi blo la chos ltar snang ba'o// rig pa'i ye shes nyid la 'khrul rtog du mar snang bas chos la spyod cing chos ltar snang ba'o// yang dag pa'i chos kyi sku'i snang ba nyid las ma g.yos bzhin du/ chos
102a4 kyi sku'i ye shes kyi snang ba rnams/mtha' ma 'gags pa'i spyod yul du mar snang ba'o// yang dag pa'i chos kyi sku bsam pa las 'das kyang/ sems can blo'i dri ma bsam pa dang bcas pas/ bsam pa rang ka mar spyod cing/
102a5 bsam pa'i rjes su 'brang ba'o// yang dag pa'i sku bsam pa'i dngos pos stong ste/ bya byed kyi 'khrul pa rang dag pa'o// rig pa'i sku nyid sems can la rang chas te/ 'byung bzhi kun la gnas pas kun
102a6 tu spyod do// kun tu snang zhing kun la gsal cha ma 'gags pa'o// kun la mang por 'char zhing/ da ltar du 'du 'bral med pa'o// 'od khyim kyi tshul du 'char zhing snang ba ma 'gags pa'o// kye ma gsang sngags kyi
102b1 mtha' rang gi rig pa'i sku rnam par dag pa'o// chos thams cad kyi mtha' ni mi spyod pa'i spyod pa chen po la thug go/ blta ba thams cad kyi mtha' ni/ lta ru med pa'i snang ba rgyas 'debs chen po la thug
102b2 go/dgongs pa thams cad kyi mtha' ni/ bsgom du med pa'i rang snang chen po la thug go/ spyod pa thams cad kyi mtha' ni/ ma bcos shing bya byed dang bral ba la thug go/ sku thams cad kyi mtha' ni/ lu gu rgyud
102b3 la thug go/snang ba thams cad kyi mtha' ni/ yul med pa'i gdangs chen po la thug go/ dam tshig thams cad kyi mtha' ni/ bsrung du med pa'i bsrung mtshams chen po la thug go/ phrin las thams cad kyi mtha'
102b4 ni/bsgrub tu med pa'i grub pa chen po la thug go/ phyag rgya thams cad kyi mtha' ni ma bsgyur bar ye nas rdzogs pa la thug go/ dkyil 'khor thams cad kyi mtha' ni rtsa ba dbyings kyi sgron ma la thug go/ yig
102b5 'bru thams cad kyi mtha' ni/ma bskyed pa'i rang byung chen po la thug go/ lha'i sku thams cad kyi mtha' ni/ yangs pa nyid la rang byung ba la thug go/ chos sku'i mtha' ni bsam pa med cing rang rdzogs pa la thug
102b6 go/longs sku'i mtha' ni/ rang gi snang ba'i phyogs sad pa la thug go/ sprul sku'i mtha' ni thugs rje'i go ma 'gags pa la thug go/ kye ma skye shi med par srog 'dzin par 'dod na/ mi 'gyur ba rdo rje'i sku longs
103a1 shig/'gag pa med par rang grol bar 'dod na/ rang snang chos nyid kyi yul la ltos shig/ skye 'grib med pa'i dgongs pa la gnas par 'dod na/ dbyings rnam par dag pa'i sgron ma la ltos
103a2 shig/rdo rje sems dpa'i sku la blta bar 'dod na/ rig pa lu gu rgyud kyi sku zung zhig/ yangs pa snang ba kun tu 'char zhing kun la snang ba'o// gsang ba'i ye shes kun tu snang ba la mkhas pa/ chos kyi sku'i ngo
103a3 bo zang thal/longs sku'i ngo bo gsal dngas/ sprul sku'i ngo bo mngon par snang ba/ ngo bo nyid kyi sku rang byung ba/ sangs rgyas kun gyi rdo rje dril bu sku'i ngo bo dang bcas pa rang gis snang ba/ glu'i tshig dang bcas pa
103a4 'di gsungs so// de yang thabs kyi snang ba dus gcig la rdzogs pas/ yang dag par rdzogs pa'i sangs rgyas rdzogs pa chen po 'dir/ rig pa mngon sum la gzigs pa'o// thig le nyag gcig chos kyi sku'i
103a5 ngang las ma g.yos shing/de'i snang ba las kun gsal lo/ thugs rjes thams cad 'dzin cing/ dbyings su 'dzin par byed pa'o// sangs rgyas kyi 'od zer gyis 'gro ba phal pa brgyal te/ snang mi nus
103a6 pa'o// e ma ho/ sngon byung gi dus na sangs rgyas 'od srungs chen po zhes bya ba zhig la snang ba chen po brgya stong dang ldan pa'i mchod rten/ shin tu brtsegs legs pa gsal ba/ mtho ba la srid pa'i rtse mor sleb pa
103b1 la/rgya stong gsum 'jig rten gyi skye 'gro yongs la khyab pa/ rtsa ba ni na rag chen po'i dmyal pa'i khams la zug pa/ chung ba'i tshad ni til 'bru brgyar bsgos pa'i tshad tsam/ yangs pa'i mtha' ni/ nam mkhas
103b2 gang du khyab pa tsam/gsal ba'i tshad ni nyi zla sprin gyis ma bsgribs pa lta bu/ thogs pa med pa rlung lta bu gcig yod pas/ de la thams cad kyis mchod 'os su mthong ste/ las sna tshogs kyis sgo nas mchod pa
103b3 cher byas pas/gang la yang dngos grub ma byung ste/ de'i tshe rang snang gi bu mo dang// gsal bar rang snang gi khye'u gnyis 'dus nas/ mchod pa'i las gcig gis skad cig ma la sangs rgyas so// zhes bkra shis
103b4 mdzes ldan dpal nam mkha' med pa'i rgyud chen po las/dbang po kun snang gi 'khrul gzhi bstan pa'i le'u ste lnga pa'o//// bkra shis mdzes ldan dpal nam mkha' med pa'i rgyud kyi rgyal po rdzogs
103b5 so//// zab rgya/ sbas rgya/ gtad rgya/ dpal sngags srung gi rgyal mo e ka tsa tis srungs shig/ rgya rgya rgya/ 'grel pa sgron ma 'dus pa bya yod do/ bkra shis mdzes ldan nyid la ma bu dgu////


CLOSE WINDOW