358b1 rgyal po khri srong lde btsan la gtad pa'o// gter rgya// gtad rgya/ sbas rgya/ zab rgya'o//// rgya gar skad du/ a dza nu shud+d+hA saM skr-i ta tan+t+ra/ bod skad du/ skye med ka dag
358b2 zang ka'i rgyud/skye med ka dag zang ka la phyag 'tshal lo// 'di skad bdag gis ci yang ma thos gang du yang ma mtshon pa'i dus med pa na/ skye med gnas lugs ka dag chos sku yis// dngos med ston pas zang
358b3 ka'i 'khor la bshad// snga phyi dus med 'pho 'gyur med pa'i dus// gleng gzhi phun sum tshogs pa'o// de nas dngos med zang ka yis// skye med ka dag ston pa la// phun sum tshogs pa'i don ni de ltar na// skye
358b4 med don ni ji ltar lags/ka dag don ni ji ltar lags// zang ka'i don ni ji ltar yin// dngos med blo 'das ji ltar bshad// yang rab ka dag ji ltar rtogs// rtogs thabs gdams ngag ji ltar
358b5 lags// skye med ka dag ji ltar thob// ces zhus so// skye med ka dag gi rgyud las/ gleng slong phun sum tshogs pa'i le'u ste dang po'o//// de nas dngos med zang ka yis// skye med ka dag chos sku
358b6 la// skye med chos sku ji ltar gnas// zhes zhus pa dang/ ston pas 'khor la bka' stsal pa// skye med chos sku'i gnas lugs ni// skye ba med par gnas pa yin// 'gag pa med par gnas pa yin// gnyis su
359a1 med par gnas pa yin// blo ngo bo nyid las grol ba yin// rgyu rkyen 'pho 'gyur med pa yin// rtsol bsgrub bya btsal med pa yin// g.yo 'gul rtsis gdab med pa yin// tshul gyi ldan la rnam pa
359a2 gang yang med pa yin// dpe med zla med do med yin// dngos med gtad med byar med bsam brlag pa'o// ye med ka dag zang ka do med pa// cang med cir snang 'dzin med min phyung po// mtshon med tshig
359a3 med smrar med brjod med pa'o// skye med rang gnas rtog pa med pa'i don// gsal byed gzhan la ltos pa cir yang med// nam mkha' 'di ni cir 'dug ltos// zhes gsungs so// skye med ka dag gi rgyud las/
359a4 skye med chos sku'i gnas lugs bstan pa'i le'u ste gnyis pa'o//// de nas dngos med zang ka yis// ka dag don gyi gang rnams dag/ ces ston pa la zhus pa dang/ ston pas 'khor la bka' stsal
359a5 ba// ka dag nyid la dag dang ma dag med// de ma rtogs kyi blo can la// nyi ma'i dpes mtshon shel gong ka dag bstan// dngos med zang ka ka dag tshur la nyon// nyi ma'i dpe la mun pa ka nas dag/ shel
359a6 gong la ni gzhan skyon ka nas dag/de bzhin ka dag rang bzhin yang// 'khrul gzhi ma grub ka nas dag/ 'khrul rgyu ma grub ka nas dag/ 'khrul rkyen ma grub ka nas dag/ 'khrul 'bras ma grub ka nas
359b1 dag/'khrul tshul ma grub ka nas dag/ 'khrul dpe ma grub ka nas dag/ dug gsum ma grub ka nas dag/ dug lnga ma grub ka nas dag/ yid 'khor gsum med ka nas dag/ 'gyu ba'i rlung med ka nas
359b2 dag/gsal ba'i 'od med ka nas dag/ 'char ba'i zer med ka nas dag/ skye ba'i rig med ka nas dag/ shes rab mnyam med ka nas dag/ ma rig 'khrul med 'khrul sgo dag/ 'khrul tshul rnams gsum ka
359b3 nas dag/'khrul min gzugs lnga ka nas dag/ khams gsum 'gro drug ka nas dag/ yid gnyis gzung 'dzin ka nas dag/ 'gong po nga bdag ka nas dag/ yul sems dbye bsal ka nas dag/ phyi nang
359b4 dgag bsgrub spang len ka nas dag/snang srid 'khor 'das ka nas dag/ yod med rtag chad ka nas dag/ gzugs snang rig brtags ji snyed ma lus ka nas dag/ snang srid 'khor 'das ka nas dag/ ces
359b5 gsungs so// yang ston pas bka' stsal pa// kun gyi gzhi med ka nas dag/ g.yo 'gul rtsal med ka nas dag/ klung 'gyu 'od zer ka nas dag/ ma rig ye shes ka nas dag/ shes dang ma shes ka nas
359b6 dag/'phrad dang ma 'phrad ka nas dag/ zin dang ma zin ka nas dag/ 'gyur dang ma 'gyur ka nas dag/ mnyam dang mi mnyam ka nas dag/ rig dang ma rig ka nas dag/ yid 'khor rnam gsum ka nas
360a1 dag/rang bzhin ngo bo ka nas dag/ 'char sgo 'khrul sgo ka nas dag/ ma rig gnyis 'dzin yul sems ka nas dag/ sems can sangs rgyas ka nas dag/ 'khor ba myang 'das ka nas dag/ sgo lnga
360a2 yul lnga ka nas dag/rnam shes tshogs brgyad ka nas dag/ gzugs med la sogs yul med ka nas dag/ yid rig mi 'jug mi rtog ka nas dag/ sgrib g.yogs ye med ka nas dag/ nyon mongs bag chags
360a3 gtan med ka nas dag/yul sems gnyis 'dzin rtogs tshogs ka nas dag/ ces gsungs so// skye med ka dag gi rgyud las// ka dag gi dag lugs bstan pa'i le'u ste gsum pa'o//// de nas
360a4 dngos med zang ka yis// skye med ka dag chos sku la// zang ka'i don ni ji ltar yin// zhes zhus pa dang/ ston pas 'khor la bka' stsal pa// 'khor ba gzhi med zang ka yin// 'khor ba'i rgyu med zang ka
360a5 yin// 'khor ba'i rkyen med zang ka yin// 'khor ba'i gzugs med zang ka yin// 'khor ba'i yul med zang ka yin// gti mug ye med zang ka yin// zhe sdang ye med zang ka yin// 'dod chags ye med zang ka
360a6 yin// nga rgyal ye med zang ka yin// phrag dog ye med zang ka yin// ma rig sgrib med zang ka yin// sgrib nyid dngos med zang ka yin// yul med phyogs ris dbye bsal med// gang la rig sems 'dzin med
360b1 zang ka yin// dran rtog blo mi skye na zang ka yin// rang byung rang dngas rang sangs zang ka yin// 'od gsal sgrib med gsal dngas zang ka yin// ka dag dngos med zang ka de// cang med cir snang dngos gzhi
360b2 med// dngos med kun gzhi rang byung ste// thol byung ngang dngas dngas sangs nge// stong gsal dngos po ci yang med sangs nge// sal le lhan ne phyad de bun ne'o// tha snyad tsam yin mtshon du ci yang
360b3 med// ming med mtshon 'das gang gi dngos gzhi med// de ltar sus rtogs zang ka yin// zhes gsungs so// skye med ka dag gi rgyud las// zang ka ma'i don bstan pa'i le'u ste bzhi pa'o//// de nas dngos med
360b4 zang ka yis// skye med ka dag ston pa chos sku la// dngos med blo 'das ji ltar bshad// ces zhus pa dang// ston pas 'khor la bka' stsal pa// dngos med blo 'das bshad du med na yang// yang dag tshig gi
360b5 sgron mas skal ldan 'khor la bshad// bya btsal blo 'das chos shig bshad// yul sems dngos med chos shig bshad// zhe 'dod med pa'i chos shig bshad// rtsol bsgrub med pa'i chos shig bshad// ma
360b6 'dres yongs rdzogs chos shig bshad// 'ub chub chen po'i chos shig bshad// gsal dag rang grol chos shig bshad// rang byung rang rig chos shig bshad// thol byung ngang dngas yul med chos shig bshad// skye
361a1 med ka dag chos shig bshad// dngos med zang ka'i chos shig bshad// sngon thog sa non chos shig bshad// bya bral ye bzhag chos shig bshad// chos zad blo zad chos shig bshad// sems med
361a2 dngos med chos shig bshad// rig med sku med chos shig bshad// snang med rtag med chos shig bshad// spros pa'i mtha' rnams yongs bral chos shig bshad// sna tshogs gcig 'dus chos shig
361a3 bshad// gcig med zad par zad pa'i chos shig bshad// thug sar thug pas skyol sar skyol ba'i chos shig bshad// dngos med kun 'byung sna tshogs chos shig bshad// gcig med mtshon med ma bshad kun
361a4 rtogs bshad// sangs rgyas sku dang ye shes rigs lnga byang chub lnga// theg chos grub mtha' tha snyad ming 'dogs rnams// bla dgas yin te don la brjod du med// chos bor sangs rgyas rig med ka dag
361a5 rtogs// sems med sangs rgyas yid med snang ba dang// mtshon med dpe med bshad med dngos gzhi med// snang srid 'khor 'das yod med ji snyed ma lus kun// skye med ka dag blo 'das dngos med snying po'i
361a6 chos shig bshad// tha snyad kun bral brjod med de nyid kho na bshad// bshad pa ma yin mtshon du tshig las 'das// chos gcig ma bshad chos gcig dngos po med// med pa ma yin stong gsal mtha' rnams
361b1 grol// zhes zhus so// dngos med bshad thabs kyi le'u ste lnga pa'o//// de nas dngos med zang ka yis// skye med ka dag chos sku la// yang rab ka dag ji ltar rtogs// zhes zhus pas/ ston pas 'khor
361b2 la bka' stsal pa// yang rab skal ldan rnal 'byor gyis// gong ltar don las ma g.yos par// skye med ka dag dngos med zang ka rtogs// gong bshad don rnams sems dang 'dres// rang byung ris med rang
361b3 sar thim// gsal stong snang med yul sems med// 'khrul chod 'dzin med snang ba dag/ phyi rol nang dag yid gnyis med// thol byung ngang dngas klong du thim// gnyis snang zhe 'dod bya rtsol yongs mi
361b4 rtog/zhes gsungs so// ka dag gi rgyud las/ yang rab bstan pa'i le'u ste drug pa'o//// de nas dngos med zang ka yis// skye med ka dag chos sku la// rtogs thabs gdams ngag ji ltar
361b5 lags// zhes zhus pa dang/ ston pas 'khor la bka' stsal pa// rtogs thabs thugs kyi bcud phyung bshad// dngos med zang ka'i thugs la chongs// skye ba med par gtan la dbab// lam ka nas dag par
361b6 gtan la dbab// 'bras bu dngos med zang ka la yang bzla// gzhi ni skye med brjod 'das tha snyad med// rnam pa gang gis ming ma thogs// theg pa chen po yi ge med// rnam pa kun ldan rnam med dpe yang
362a1 med// sna tshogs chos rnams mtha' yas grol// skye med rang dngas shes med rtog pa med// ces gsungs so// ka dag lam du khyer ba ni// sgrib gnyis 'khor 'das chos rnams ka nas dag/ yul
362a2 rnams ka dag phyogs ris med// rig yid sems dag 'dzin rtog med// sna tshogs chos rnams yul snang la// rig sems dran blo gang la yid mi 'jug/ rtogs dpyod gzung 'dzin dbye bsal med// rang byung
362a3 rtsal dngas 'dzin med zang thal lo// snying po yan lag gnyis med shes pa ma bu 'phrad// gsal stong dbyer med nam mkha' 'dra// shugs 'byung ngang dngas nam mkha' 'dra// shes med gsal dngas dngas
362a4 sangs nge// rang byung ngang dngas stong sangs nge// gsal dag rang grol bde phyod de// rang sangs rang rlag go skabs med// med las kun 'byung snying po 'od gsal klong// cang med cir snang dngos med sna
362a5 tshogs gcig tu 'dus// gcig dang med shes med kun shes// kun 'phye sler la ga pa'o// snang stong rig stong yul sems gnyis med stong// kun 'byung kun gsal kun snang kun brtags kun gzhi
362a6 med// mkha' dbyings chos nyid kun gzhi'i pho brang nas// sna tshogs rtsal zer mkha' dbyings chos nyid klong du thim// stong la gsal dngas ngang la dngos gzhi ci yang med// mtshon pa'i tshig med tha snyad kun
362b1 dang bral// brjod du ye med chos rnams zad sar bskyal// zhes gsungs so// 'bras bu dngos med zang ka la bzla ni// chos rnams ka dag ngang la ye nas gnas// gong bstan klong du gyur cing de las ma 'das
362b2 chos// thog ma med nas skye med ka nas dag/ re dogs yid smon byar med la bzlar rang la grub// ces 'bras su bstan pa'o// skye med ka dag gi rgyud las// rtogs thabs thugs kyi bcud phyung gi le'u ste
362b3 bdun pa'o//// de nas dngos med zang ka yis// skye med ka dag ston pa la// skye med ka dag ji ltar thob// ces zhus pa dang/ ston pas 'khor la bka' stsal pa// skye med ka dag ngang la thob dang
362b4 ma thob med// 'khor rnams brod pa bskyed phyir thob ces bshad// mi skye mi 'gag skye med de// shes med rang gsal nyid la gnas// gsal dngas ma g.yos skye med klong du
362b5 gyur// de ka nyid la thob ces bshad// nyon mongs khams rnams ka nas dag/ sgrib g.yogs ma rig mun pa med// bag chags chags sdang ka nas dag/ rang dag rang gdangs rang sangs skyon sgrib gang yang
362b6 med// gsal dag 'od gsal ka dag dri ma med// gting gsal kha gsal gsal dag gzung 'dzin dag/ de bzhin nyid dag yang dag rnam par dag/ de ltar sus rtogs ka dag thob ces bshad// ces
363a1 gsungs so// skye med ka dag gi rgyud las/ skye med ka dag dri med dngos med ka dag thob pa'i le'u ste brgyad pa'o//// de nas dngos med zang ka yis// skye med ka dag chos sku la// rgyud
363a2 'di'i mtshan ni ji ltar gzung// zhes zhus pa dang/ ston pas 'khor la bka' stsal pa// gang yang ma skyes mtshan med phyir// skye ba med pa'i rgyud du zung// ma rig bag chags ka dag phyir// ka dag dri med rgyud
363a3 du zung// shes med 'od gsal dngas sangs nge// ye shes mig gcig dri ma dag/ ye dag shel sgong nyi zla bzhin// rtog tshogs sgrib g.yogs nyon mongs dag/ ngang dngas gsal gdangs rgyud du zung// skye med
363a4 ka dag chos sku zang kar gnas// ka dag zang ka'i rgyud du zung// zhes gsungs so// ka dag zang ka'i rgyud las/ mtshan bstan pa'i le'u ste dgu pa'o//// de nas dngos med zang ka yis// skye med ka dag
363a5 ston pa la// rgyud 'di gtad pa gang la gtad// ces zhus pas// ston pas 'khor la bka' stsal pa// rgyud 'di gtad pa'i slob ma ni// smras pa mi 'gyur ri rab 'dra// dam tshig shel sgong pad+ma 'dra// rang rgyud
363a6 gla breng dar dkar 'dra// shes rab rig pa spu gri ral gri 'dra// bla ma la gus dge sems dam tshig ldan// man ngag gter 'chang 'dod don khar mi gtang// de lta bu yi slob ma la// skye med ka dag rgyud 'di
363b1 gtad// snod med dam med nga rgyal dregs pa can la ma sbyin cig/ ces gsungs so// skye med ka dag zang ka'i rgyud las/ yongs su gtad pa'i le'u ste bcu pa'o//// skye med ka dag gi rgyud rdzogs so////


CLOSE WINDOW