256a3 lots+tsha ba ska ba dpal brtsegs kyis bsgyur nas rgyal po khri srong lde'u btsan la gdams pa/ gter rgya/ sbas rgya/ gtad rgya//// rgya gar skad du/ a mr-i ta ra sa bin+du dI pa ku Ta
256a4 tan+t+ra/bod skad du/ bdud rtsi bcud thigs sgron ma brtsegs pa'i rgyud/ thog ma'i sangs rgyas 'od mi 'gyur ba la phyag 'tshal lo// 'di skad bdag gis thos pa'i dus gcig na/ rin po che'i gnas kyi klong/ chos
256a5 nyid kyi dbyings/'od gsal gyi mkha'/ rang byung gi gnas/ kun gzhi'i pho brang/ 'od gsal rnam dag/ bsam gyis mi khyab pa'i dkyil 'khor/ sgrib pa med par rang bzhin gyis 'od gsal ba/ rgya gar yang
256a6 ma chad pa/phyogs gang du yang ma ltung ba/ mtha' gang yang ma reg pa/ rin po che rnam dag 'od gsal/ ngang dngas rang gsal gyi lha khang na/ dam pa dang po'i sangs rgyas dbyer med sngon thog ye'i sangs rgyas/
256b1 rang bzhin kun tu bzang po bzhugs so// de'i tshe smin pa chen po'i 'khor yang 'di lta ste/ rang rtsal 'od gsal gyi 'khor dang/ rang dngas rnam dag gi 'khor dang/ rang dngas rang gsal gyi 'khor dang/ rang
256b2 byung rang brlag dbyer med pa'i 'khor ro// gzhan yang rtsal snang zer gyi 'khor dang/ 'od gsal kun khyab kyi 'khor dang/ yan lag bu'i 'khor dang/ mtshan nyid rig pa'i 'khor dang/ 'gyu ba yid ky-i 'khor
256b3 dang/gsal ba sems kyi 'khor dang/ nyid kyi rang bzhin gyi 'khor dang/ rang byung spros gcod kyi 'khor dang/ rang sangs rnam dag rang bzhin rtogs pa'i 'khor ro// 'khor phun sum tshogs pa'o// 'das dang
256b4 ma 'ongs da ltar gyi// dus gsum gcig ste khyad par med// dus phun sum tshogs pa'o// bstan pa'i rgyal po dgu rtse blo 'das gsungs// byar med lhun rdzogs bsgrub med 'bras bu'o// bstan pa phun sum
256b5 tshogs pa'o// de'i tshe 'khor gyi nang nas/ ngang dngas khye'u chung stan las langs te/ phyag 'tshal nas gus pas 'di skad zhus so// dam pa dang po'i sangs rgyas kun bzang khyed la/ bshad med byar med blo
256b6 'das don// bsgrub tu med pas chos shig zhu// zhes zhus pa dang/ de nas dam pa ma dang po'i sangs rgyas de/ rang bzhin yongs rdzogs dbyer med blo 'das spros bral mtshon med kyi ting nge 'dzin la bzhugs
257a1 so// de las bzhengs nas 'khor la 'di skad gsungs// byar med blo 'das chos shig bshad// 'khor rnams ma yengs gus pas nyon// snying po'i rang bzhin skye 'gag gnyis med kyang// rang byung
257a2 rtsal gyi shes pa bu la bshad// chos nyid bcud 'dus mtshon du med pa la// bdud rtsi'i man ngag sgron ma brtsegs pa bshad// bshad pa'i chos ni tha snyad yin// mtshon du med pa'i chos shig bshad// byas pa'i
257a3 chos ni 'dus byas yin// ma byas rang byung chos shig bshad// bya rtsol chos ni rtsol bsgrub yin// byar med rtsol bsgrub bral bas chos shig dgos// blos btags chos la mthar thug med// blo 'das
257a4 mthar thug chos shig bshad// bsgrub pa'i chos ni re dogs yid smon yin// ye yin rang sar gnas pa'i chos shig bshad// zad sar zad la thug pa'i thug par bshad// gcig shes kun grol chos shig nga
257a5 yis bshad// brda' gcig brda' kun grol ba'i chos shig bshad// gnad gcig gnad kun grol ba'i chos shig bshad// blo zad thog ma'i sar sgribs chos shig bshad// bya bral ye bzhag snying po'i chos shig
257a6 bshad// ces gsungs so// bdud rtsi bcud bsdus sgron ma brtsegs pa'i rgyud las/ phun sum tshogs pa dang gleng gzhi'i le'u ste dang po'o//// de nas ngang dngas khye'u chung gis// ye thog sangs rgyas la
257b1 zhus pa// dngos po gshis kyi 'dug tshul ji ltar lags// 'dug tshul ma rtogs 'gro drug ji ltar lags// 'khor ba rtsad nas ji ltar bcad// rtogs thabs gang gis ji ltar rtogs// rtogs na 'bras bu ji
257b2 ltar thob par 'gyur// thob nas mi 'gyur brtan pa ji ltar thob// 'og ma rnams la skyon ni ci zhig mchis// rim pa dgu las spyi ti gang gis 'phags// ma bskur dbang dang phyogs bral dkyil 'khor
257b3 gang// phrin las spyan drangs lha tshogs mchod bstod gang// dngos grub dam tshig smon lam ji ltar lags// thams cad ma 'dres yongs su ji ltar rdzogs// ma byas rang byung byar med bshad med gang// mtshon
257b4 med blo 'das theg pa ji ltar gsungs// gcig shes kun grol chos shig ji ltar lags// gnad gcig shes pas gnad kun ji ltar khrol// gcig brda' kun brda' ji ltar shes par bya// bdag cag rnams
257b5 la zab par bka' stsol cig/ces zhus so// sgron ma brtsegs pa'i rgyud las/ 'khor gyis gleng slong ba'i le'u ste gnyis pa'o//// de nas ngang dngas khye'u chung gis// dam pa dang po'i sangs rgyas
257b6 la// dngos po gshis kyi gnas lugs gang// zhes zhus pa dang/ de nas dam pa dang po'i sangs rgyas de// sna tshogs klong 'od gsal 'bar ba'i ting nge 'dzin la snyoms par bzhugs so// de las bzhengs nas
258a1 bka' stsal pa// 'khor nas ngang dngas khye'u chung nyon// dngos po gshis kyi 'dug tshul de// mtshon brjod tshig gis mi phebs kyang// dpal gyi mgur gyi sgron ma yis// 'khor rnams kun la
258a2 gsal bar bshad// gnas lugs gshis ky-i 'dug tshul ni// yod med stong dang mi stong dang// mtshon brjod tshig gis mtshon las 'das// skye 'gag gnyis med tha snyad grol// sangs med rgyas med sku dngos
258a3 med// byang chub sems med rigs lnga med// bde sdug 'khor dang myang 'das med// rig 'gyu sems med dran rtog med// nga gzhan phyogs med dgrar gnyen med// yul sems bzang ngan spang len med// yin
258a4 min dbye bsal phyogs mtshams med// shes 'khrul sgo gnyis rang bzhin med// gzhi yi rang bzhin yod med mnyam// tshogs brgyad yul du ma gyur pas// rgya chad phyogs lhung kun las grol// gnyis 'dzin
258a5 'khor 'das ka nas dag/'khor 'das phyogs med lhun gyis grub// gang yang ma 'gags 'di yin med// thog ma rgyu yis ma bskyed pas// mtha' bral dbyings kyi nam mkha' 'dra// bar du rdzas med 'dus ma
258a6 byas// nyi mar 'od 'phro'i 'od zer 'dra// tha mar rkyen gyis 'jig bral med// gnyis med mkha' ltar mnyam nyid gnas// ngo bo stong pa'i rtsal dang bral// 'di zhes cis kyang bstan du med// ma bsgribs mtshon
258b1 med gsal dag ngang// rtog med kun 'byung zad mi shes// gang yang phyogs med mtha' bzhi grol// yul snang bag dag sangs rgyas nyid// 'gyu med drang por rgyun sar grol// bcos med blo 'das ngo bo
258b2 nyid// bslad pas mi bsgrib yang dag ngang// thams cad gzhi 'dzin byang chub sems// gzhan nas ma btsal ka nas dag/ gang yang ma bsgrubs phyogs ris med// dgag bsgrub gcig 'dzin rgya chad
258b3 med// 'khor 'das la sogs gnyis dbyer med// rtsol bsgrub lam gyi bcos dang bral// lta byed ming dang rang sangs rgyas// gnyis 'dzin blos btags grub mtha' stongs// sgom byed g.yo rtsol ye grol
258b4 bas// 'byung 'jug btang bzhag dbyings su dngas// skyon yon dpyod byed ming med pas// gnyis 'dzin blang dor las rnams zin// dge sdig mtshan ma'i chos 'das pas// dam tshig sdom pa'i dgag sgrub
258b5 sangs// ka dag ye shes snang med pas// dngos med yul gyi sgrib byed sangs// chos nyid rnam pa yul med pas// stong nyid ngang la gnas pa stong// gnyis 'dzin mtshan ma dngos dag pas// gzung 'dzin dbye
258b6 bsal chos las 'das// shes med rnal ma gting yangs pas// mdo rgyud chos rnams klong du sangs// mdor na gnyis 'dzin chos rnams kun// phyogs su lhung dang ma lhung dang// de ltar gnyis dang gnyis med
259a1 kyi// mu mtha'i tshogs las gtan grol bas// ye grol chos las 'das pa las// rgya chad med pa'i ngo bor gnas// sa gser bang mdzod rgya mtsho bzhin// dngos po gshis kyi mthun dpe'o// zhes
259a2 gsungs so// sgron ma brtsegs pa'i rgyud las/ dngos po gshis kyi 'dug tshul bstan pa'i le'u ste gsum pa'o//// de nas ngang dngas khye'u chung gis// ye thog rang bzhin kun bzang la// 'dug tshul ma
259a3 rtogs ji ltar 'khrul// zhes zhus pa dang/ ston pas 'khor la bka' stsal pa// gnas lugs ma rtogs 'khor ba bshad// 'khor rnams ma yengs gus par nyon// mkha' klong rnam dag pho brang na// gzhi yi rang
259a4 bzhin mnyam pa'i ngang// de nas kun 'byung mdzod po che// thog mar ye shes 'char sgo ni// mkha' las byung ba'i cho 'phrul ltar// dbyings nas rang byung dbyings la gnas// nam mkha'i ngang nas stong nyid
259a5 sgra// mtshungs med rgya che zab don sgrogs// brgyad khri bzhi stong la sogs pa// tshig tu brjod pa ma lus pa// dbyings las grag stong dbyings su dngas// tshig tu brjod pa'i mtha' las 'das// brjod dang ma
259a6 brjod gnyis ka dang// gnyis med 'dzin pa'i rgya ma chad// khams gsum la sogs ma lus pa'i// mtshan ma'i yul las rnam grol bas// snang stong gzung 'dzin phyogs ma chad// phyi grol nang dag 'dzin pa
259b1 brlag/lus dang sku yi mu mtha' sangs// snang dang stong pa gnyis ka dngas// gnyis med 'dzin pa'-i+-i rgya ma chad// 'khor 'das bdag gzhan la sogs pa'i// gnyis 'dzin rtog pa ma lus kun// dbyer med
259b2 shes rab ye shes me// rgyu rkyen med par rang 'bar bas// spang thob dgag bsgrub kun las 'das// rnam rtog chos nyid gnyis ka dngas// gnyis med 'dzin pa'i rgyar ma chad// de ltar gcig gis gcig
259b3 bkrol bas// mu mtha' ma lus rang sar grol// grol dang ma grol gnyis las 'das// dam pa dang por ye sangs rgyas// ngo bo rang bzhin thugs rje las// ka dag lhun grub kun khyab gsum// dang por sku
259b4 gsum mchog gi sa// gsal dag ye shes 'char sgo yin// 'dug tshul ma rtogs 'khrul pa yang// gzhi yi rtsal las zer g.yos pas// mkha' la mja' ltar yul du chad// rang bzhin rang ngor ma thim
259b5 pas// 'od las zer shar shes par rig/ ye don ma shes gnyis 'dzin zhugs// gnas lugs ma rtogs sa ma zin// rig pa'i snying po ma rtogs rgyu// rig pa yid dang sems gsum la// rang sa ma zin 'khor
259b6 lo gsum// 'gyu ba rlung gis rgyu byas nas// sgrib g.yogs mun pas bar bcad de// 'bras bu mun pa'i 'khor sgor chud// sna tshogs gzugs can sems can rnams// gcig 'dzin 'gyu ba'i yid las skyes/ sna
260a1 tshogs rnam rig gzugs don can// dngos po'i don rnams kun la chags// sems can kun gyi yid mgyogs pas// khams gsum kun gyi yid la 'jug/ phung po lnga po kun la rtog/ srid pa'i dra
260a2 bar 'thums pa yis// ma rig sgo lnga'i sbubs su chud// gnyis 'dzin gzugs brnyan ma lus 'char// dngos po kun la gzung 'dzin pas// srid rtsa'i yan lag bcu gnyis ston// rnam shes tshogs brgyad chags
260a3 sdang bas// nyon mongs nye ba'i nyon mongs drug/ khams gsum 'khor ba'i gnas su 'khyams// ma grub bzhin du 'khrul snang ba'i// sdug bsngal brgyad khri bzhi stong myong// zhes gsungs so// bdud brtsi bcud
260a4 'dus sgron ma brtsegs pa'i rgyud las/gnas lugs ma rtogs 'khrul par bstan pa'i le'u ste bzhi pa'o//// de nas ngang dngas khye'u chung gis// kun bzang nyid la 'di skad zhus// 'dug tshul ma rtogs
260a5 'khrul pa de'i// 'khrul gzhi rtsad nas ji ltar gcad// ces zhus pa dang/ ston pas 'khor la bka' stsal pa// dngos po gshis kyi gnas lugs la// 'khrul dang ma 'khrul ming med de// gnyis 'dzin blo la
260a6 'khrul pa byung// ma rtogs rigs drug 'khrul bcas pa// rab 'bring tha ma gsum du bshad// skal ldan rab kyi yang rab la// 'khrul pa rtsad gcod mi dgos te// 'khrul par shes pas snang ba ldog/ ka dag
260b1 rnal ma zang ka la// sgro skur chos rnams ga la yod// sems nyid mu med gting yangs 'di// shes shing rig pa'i yul las 'das// sus kyang smra bsam bstan tu med// re zhig tsam du mtshon pa ni// rgyal po'i pho
260b2 brang me yis bsreg/gling gzhi'i grong khyer dmag gis gzhom// sems can kun srog dus gcig gcad// ri bo chen po khyur mid bya// gsal ba'i nyi zla gos su gyon// 'bad rtsol chos kun chu la 'bo// phyi nang
260b3 grub mtha' kun go ldog/sku gsum 'bras bu dur du bskyal// rgya chad chos kun mtha' las grol// pho brang phyi nang gsang ba gsum// phyi ltar yul gyi snang ba 'di// gnyis 'dzin rgyal po'i pho brang ste// mtshan ma
260b4 rang grol me yis bsreg/gzung 'dzin 'byed med ye nas grol// nang ltar zag med phung po 'di// rang sems rgyal po'i pho brang ste// dngos med zang ka'i me yis bsreg/ lus sems dngos med gdod nas
260b5 dag/gsang bar rtsal gyi 'khor lo gsum// 'gyu ba rgyal po'i pho brang ste// 'gyu med blo 'das me yis bsreg/ btags chags zhen gsum ming yang med// gling gzhi'i grong khyer la yang gsum// spyi yi grong khyer
260b6 'byung ba lnga// dmyal ba'i gnas sogs rigs drug gnas// rang snang rang dag dmag gis gzhom// gdod nas rnam dag chos dbyings ngang// nang gi grong khyer 'gro drug lus// gsum dang brgyad sogs sdug
261a1 bsngal rnams// skye med bde chen dmag gis gzhom// ye nas spang med ye shes klong// gsang ba'i grong khyer 'khor lo gsum// btags chags zhen gsum grub mtha' rnams// mu med chos
261a2 'das dmag gis gzhom// bsam brjod rtog tshogs mtha' las grol// kun srog dus gcig gcad la gsum// phyi yi tshogs drug ngar 'dzin yul// rang sangs dbyer med rab rtogs pas// gzhan min ngas
261a3 rtogs nga rgyal te// bdag med phyogs bral mtshon gyis bcad// nang gi ngar 'dzin sems rig yid// 'gyu med ngang thim don bsgoms pas// gzhan min ngas bsgom nga rgyal te// bsam 'das ris med mtshon
261a4 gyis bcad// gsang ba'i ngar 'dzin rang nas don// ye yin re med ngang grol bas// gzhan min ngas thob nga rgyal te// chos zad mu med mtshon gyis bcad// ri bo khyur mid bya la gsum// ji ltar ri bo snod
261a5 'jig rten// mi 'gyur rtag lta'i mngon zhen te// mtha' med nam mkha'i klong du min// rtag lta'i mngon zhen rang sar dag/ nang ltar ri bo 'jig tshogs lta// ma rtogs log lta'i bden 'dzin te// gnas
261a6 lugs ka dag klong du min// log lta ming med rang ngor stor// gsang ba'i ri bo chos nyid don// lhun grub ka dag nges med 'dzin// mtha' bzhi rgya grol klong du mid// bla med blo 'das dgu rtser phyin// nyi zla
261b1 gos su gyon la gsum// phyi yi nyi zla bstan pa ni// snang gsal 'od kyi dkyil 'khor du// sems nyid gsal dngas nyi zla shar// dgag bsgrub ris med gos su gyon// nang gi nyi zla bstan pa ni// 'gag med
261b2 rang rtsal dkyil 'khor du// mu med ngang dngas nyi zla shar// blang dor 'dzin med gos su gyon// gsang ba'i nyi zla bstan pa ni// snying po ka dag dkyil 'khor du// bla med spyi ti'i nyi zla shar// phyogs lhung med
261b3 par gos su gyon// 'bad rtsol chos kun chur 'bo ba// phyi yi yul la 'bad rtsol ni// rgyu yi thegs pa'i sgor zhugs nas// sa lam sbyangs bgrod byed pa ni// bgrod med rnam grol dbyings su 'bo// nang
261b4 ltar lus ngag yid rtsol ni// gsang sngags theg pa'i dkyil 'khor dang// lta spyod dbang dang bsnyen bsgrub sogs// ye yin bsgrub med klong du 'bo// gsang ba sems la 'bad rtsol ni// blos byas lta
261b5 sgom spyod 'bras te// ming med chos 'das ngang du 'bo// phyi nang grub mtha' go ldog pa// gang yang bzang ngan 'byed med pas// bla med dkon mchog gsum po bkur// dge sdig gang la ma spyad
261b6 pas// chos spyod dge sbyor ma lus rdzogs// mjug sgo gar yang ma zhugs pas// dbang rnams ma lus dus gcig thob// mtshon pa cir yang ma brjod pas// grub mtha'i thos pa ma lus rdzogs// bya ba gang yang
262a1 ma byas pas// 'khor 'das bya ba thams cad rdzogs// tshogs brgyad ci yang ma bsam pas// spros pa ma lus dbyings su chod// 'khor ba gang yang ma bgrod pas// yang dag chos nyid byang chub
262a2 sa// mtha' bzhi gang yang ma bltas pas// bla med spyi ti'i lta ba rdzogs// chos kun gang yang ma bsgoms pas// chos nyid rnal ma zang ka'i ngang// dus phyogs gang nas ma btsal bas// yon tan ma lus lhun
262a3 gyis grub// smra brjod ci yang ma bzlas pas// rgyal ba ma lus kun srog thon// gnyis 'dzin gang yang ma bsgrubs pas// bsgrub bya'i chos kun ma lus rdzogs// bla med a ti'i don rtogs pas// re med rang
262a4 gnas 'bras bur grol// sku gsum dur du bskyal ba ni// phyi ltar 'khor 'das chos rnams kun// stong dang snang dang gnyis med gsum// dbyer med dbyings kyi dur du bskyal// nang ltar sangs rgyas 'bras bu
262a5 ni// chos sku longs sku sprul sku gsum// re med rang gnas dur du bskyal// gsang ba bla med sku gsum ni// snying po 'od gsal rang dngas gsum// chos med gting yangs dur du bskyal// rgya chad chos kun
262a6 mtha' grol ba// de ltar bstan pa ma lus kun// nga yi bla med spy-i ti 'dir// snang dang stong pa gnyis ka dang// gnyis med phyogs su rgya ma chad// de yang gcig gis gcig bkrol bas// bden pa mtha' mnyam
262b1 phyogs las grol// gdod nas rnam dag chos ky-i sku// bsgom du med de ye sangs rgyas// byung tshor rgyu med bsam dang bral// bde chen klong brdal 'dzin pa brlag/ yid la mi byed snang ba dag/ ma btsal ma
262b2 bcos rang byung bas// ngang dngas bsam bral blo las 'das// sna tshogs blo bral rgyal ba'i thugs// rang byung rang dngas spros gcod la// bya btsal rtsol bsgrub mtha' las 'das// dper na ha la nag po'i
262b3 dug/dug tu ngo shes za mi srid// sngags ldan zos kyang sman du 'gyur// de bzhin 'khrul snang 'khor ba yang// rtogs ldan mi 'ching grogs su 'gyur// dbang po yang rab gcod lugs so// dbang po 'bring gi
262b4 gang zag la// dus gsum dag tu ngos bzung la// 'phrang gsum nang du nan bor te// mtshan nyid gsum gyis rgyas gdab pa// bco brgyad don gyi man ngag yin// the tshom med pas don gsum blos// dus
262b5 gsum kun tu phung po lnga// don kun ye nas dag shes pas// dngos po kun gyi don sangs shing// 'das dang ma 'ongs da lta'i dus// sems dang sems byung chos skur shes// de yis
262b6 bde sdug mtha' sel bas// chags bral phyi nang yul sems med// sdug bsngal gsum po ma lus zhi// nyon mongs ma lus rang sar dngas// snang ba gsum sel grol gsum rtogs// nga bdag 'dzin pa'i rtsa ba
263a1 chod// gnyis med ngang las mu med ston// yang dag chos 'das mtha' la gnas// ma btsal dngos med ye shes 'char// rtog bral zang ka lhun gyis grub// grol sgrib 'khrul pa kun las
263a2 grol// bdag nyid de bzhin nyid du dag/ mnyam nyid phyogs bral mkha' ltar dngas// dus gsum mtshon brjod med par rtogs// 'phrang gsum nang du nan bor bas// sgo lnga yul lnga gsal ba la// ma
263a3 bkag sgrib bral zang thal shes// snang srid dgag bsgrub dbye bsal med// yul lnga ma bkag rang snang la// shes rab chen po skad cig gis// snang zhen 'dzin med rang sar dngas// 'gyu ba dran rtog yid
263a4 gnyis la// 'byed med snying rje'i go cha gon// spros gcod shes rab ral gri dang// thabs rgyal byar med mda' gzhu yis// ma rig nyon mongs g.yul ngo bzlog/ yid gnyis dran rtog rtsad nas bcad// sems
263a5 can kun gyi chags sdang gcod// mkha' ltar gnyis 'dzin yul las 'das// bla med theg chen sdug bsngal gcod// 'gyu ba dran rtog 'phrang bcad pa'o// kun gyi chos nyid 'phrang du ni// de bzhin ma nor chos
263a6 nyid dang// rtsis gdab yod med mtha' las 'das// snying po bcud 'dus bstan du med// rtsis gdab gnyis med brjod mtha' 'das// so so rang rig mi g.yo bas// phyi grol nang dngas gnyis 'dzin
263b1 brlag/mkhas pas rnam grol gsum du chod// mtshan nyid gsum du gtan la dbab// snang ba'i mtshan nyid rang snang yin// gnas lugs mtshan nyid skye ba med// rig pa yid gnyis 'dzin pa ni// 'khrul pa'i
263b2 mtshan nyid shes par bya// snang ba ma bkag rang sor bzhag/ gnas lugs skye 'gag gnyis su med// rig 'gyu sems med spros pa chod// dkyil 'khor gsum du ngo sprod pa// snang ba chos kyi dkyil 'khor
263b3 du// rang grol rang sangs rang ngo sprod// 'gyu ba rig pa dran sems rnams// thol byung ngang dngas 'dzin pa med// ris med gsal dag dal du sprad// kun gzhi 'od gsal chos nyid 'di// rnam dag bsam gyis
263b4 mi khyab pas// dkyil 'khor chen por rang ngo sprad// dus gsum dus las bzlog pa ni// 'das pa'i dus las bzlog pa yis// sngar zhen bag chags gnas pa med// da lta'i yid las bzlog pa yis// de la
263b5 der 'dzin dmigs pa med// ma 'ongs cha las bzlog pa yis// tha mal btang snyoms mun pa med// bzlog thabs gsum gyis nyams blangs pa'o// med pa gsum gyis rgyas gdab pa// gzhi ni skye ba med pa
263b6 yin// yid rig dran sems 'gyu ba med// snang srid chos rnams dbye bsal med// chos rnams kun la de rgyas gdab// ka dag ye shes snang gsal che// sangs rgyas kun gyi mngon gsum pa// 'gro ba'i ma rig
264a1 mun pa sel// yang dag ye shes ngang dngas pas// bla med ye shes chen po gsal// ma rig sgo lnga'i sbubs nas 'thon// srid pa'i dra ba gtan bcom pas// rnam grol zhi ba mchog gi sa// 'khor
264a2 ba'i mtha' las pha rol phyin// bya ba kun rdzogs zad sar skyol// gzugs sogs dbyer med chos kyi sku// snang yang dngos med me long bzhin// yul sems gnyis med rang sor bzhag/ de ltar sus rtogs mya
264a3 ngan 'das// re med rang gnas bla med pa// dbang po tha ma'i gang zag la// thams cad 'khrul zhing bslu ba'i chos// mi bden ngang gis stong pas na// chags sdang gnyis 'dzin ma byed cig/ ces bstan tha mas
264a4 nyams blangs pas// 'khrul snang 'gags nas ye shes skye// srid pa bar dor rtogs thabs rdzogs// sgron ma brtsegs pa'i rgyud las/ 'khrul pa rtsad nas bcad pa'i le'u ste lnga pa'o//// de nas ngang
264a5 dngas khye'u chung gis// ye thog kun bzang la zhus pa// bla med spyi ti'i rang ngo 'di// rtogs thabs gang gis ji ltar rtogs// zhes zhus pa dang/ ston pas 'khor la bka' stsal pa// rtogs dang ma rtogs gnyis
264a6 med kyang// blo dman rtogs thabs man ngag bshad// theg pa dgu rtse'i man ngag 'di// gzhan nas mi 'byung 'byung mi srid// bya bral bsam bral ngang bzhag ste// ci yang mi bsam mi 'da' bas// gang yang mi
264b1 dmigs mi rtog la// ci byung rang byung ngang dngas bde// ci skyes zhen med rang sar klod// ci yang dgag bsgrub dbye bsal med// rig pa thol byung byung sar thim// bde chen mi rtog 'gyu ba med// rig pa ma
264b2 'gags zang thal la// yid la mi byed snang ba dag/ dbang po rang snang rgyal ba'i thugs// mthong ba log pa'i 'khrul pa yang// 'khrul pa sangs pas mya ngan 'das// rtogs pas sangs rgyas kho na ste// ma rtogs
264b3 pa ni sems can no// ye yin ka dag rnal ma'i sku// dngos med ye shes zang ka ma// bya bral bsam med dgongs pa shes// zhes gsungs so// sgron ma brtsegs pa'i rgyud las/ rtogs thabs man ngag bstan
264b4 pa'i le'u ste drug pa'o//// de nas ngang dngas khye'u chung gis// ye thog rang bzhin kun bzang la// rtogs na 'bras bu ji ltar 'thob// ces zhus pa dang/ ston pas 'khor la bka' stsal pa// 'bras bu thob
264b5 ma thob med kyang// blo dman brod pa bskyed phyir bshad// 'khor rnams ma yengs gus par nyon// snying po bcud 'dus ma yi dbyings// mkha' gsal 'od gsal bu yi dngas// snying po'i klong du rang byung
264b6 bu// rtsal zer ma 'phros ma la thim// ma bu ngo 'phrod ye sangs rgyas// rang bzhin skye med chos kyi sku// ngo bo 'gags med longs spyod sku// thugs rje gnyis med sprul pa'i sku// yon tan dbyer med ngo bo'i
265a1 sku// phrin las rang grol yongs rdzogs sku// ye yin ngo shes thob ces bshad// ye nas yod par ma shes par// ye nas thob ces re dogs yin// gzhi shes thog ma'i sar sleb chog/ rang bzhin ngo
265a2 bo thugs rje las// rtsol med lhun grub thugs rje 'byung// las kyi khams rnams zad par byas// nyon mongs ma bsal rnam par dag/ 'khor ba'i rgya mtsho che las brgal// srid pa'i dra ba rang sar chod// khams
265a3 gsum rang dag skye gnas med// skye 'gags las grol rdo rje'i bdag/ bla med shes rab skad cig gis/ chos kun ma 'dres yongs rjogs rtogs// skad cig nyid la rjogs sangs rgyas// mi gnas mya ngan
265a4 'das don grub// ces gsungs so// sgron ma brtsegs pa'i rgyud las/ 'bras bu thob tshul bstan pa'i le'u ste bdun pa'o//// de nas ngang dngas khye'u chung gis// thog ma'i sangs rgyas kun bzang
265a5 la// 'bras bu de ltar thob na yang// mi 'gyur brtan pa ji ltar 'thob// ces zhus pa dang/ ston pas 'khor la bka' stsal pa// bsam brjod blo yi yul min thob// dngos med chos sku zang ka ma// rgyu rkyen skye
265a6 'jig med pa yi// 'pho 'gyur med par brtan pa thob// rtsal zer yan lag 'od gsal ngang// ngang dngas rang grol brtan pa thob// sna tshogs snang la ngos bzung med// dran med yid la byar med pas// dbyer
265b1 med ngo bo nyid kyi sku// ma phye ma bkol brtan pa thob// don dam bde ba chen po'i sku// rtsis gdab shugs grol brtan pa thob// chos zab mthar phyin 'khrul pa med// nor pa'i gnyis 'dzin ka nas dag/ ye thog
265b2 sangs rgyas dgongs pa rig /bdag med rnam dag phyogs bral chos/ / ma byas rang byung blo 'das ston/ / rgya chad med par brtan pa thob/ ces gsungs so// sgron ma brtsegs pa'i rgyud las// 'bras bu mi 'gyur
265b3 brtan pa thob pa'i le'u ste brgyad pa'o//// de nas ngang dngas khye'u chung gis// rang bzhin kun tu bzang po la// 'og ma rnams la skyon ci mchis// zhes zhus pas/ ston pas 'khor la bka'
265b4 stsal pa// spyi ti snying po'i ngang nyid la// skyon dang yon tan gnyis med kyang// ma rtogs blo la skyon du byung// gang zag dbang po'i khyad par las// sems 'thad theg pa rim pa dgu// mi mthun 'jug sgo lta
265b5 bsgom 'bras// de yi skyon la thug pa med// mdor bsdus skyon bshad 'khor la bshad// a ti kha 'byams phyogs lhung skyon// a nu dbyings dang ye shes skyon// ma hA snang stong gnyis kyi skyon// yo ga skye 'gag
265b6 gnyis kyi skyon// u pa yar blta mar spyod skyon// kri ya dag pa rnam gsum skyon// dbu ma bden pa gnyis kyi skyon// sems tsam rang rig rang gsal skyon// rang rgyal rten 'brel rig byed skyon// nyan thos yul
266a1 sems bdag med skyon// bya ru bzhin du gnyis bzung bas// kim pa ka yi 'bras bu bzhin// smin yang 'bras bu mi 'byung ngo// blta bsgom spyod 'bras sa lam ngam// nga rnams skyon brjod zad
266a2 mtha' yas// ldong pa nam mkhar snyegs pa 'dra// zhes gsungs so// sgron ma brtsegs pa'i rgyud las/ theg pa 'og ma pa'i skyon bstan pa'i le'u ste dgu pa'o//// de nas ngang dngas khye'u chung gis// thog
266a3 ma'i sangs rgyas kun bzang la// theg pa rim pa dgu po las// spyi ti khyad par gang gis spags// zhes zhus pa dang/ ston pas 'khor la bka' stsal pa// nga yi bla med spyi ti la// spags dang ma spags gnyis
266a4 med kyang// rtsal gyi rig pas tshig phye bas// theg pa dgu rtse'i spyi ti 'di// gdod nas dag pa'i chos sku la// bya btsal rtsol bsgrub mi 'thad de// mtshon 'das blo 'das bsgrub med 'di// bden pa gnyis su mi
266a5 blta ste// gnyis bzung chos rnams spros pa gcod// des na rtse rgyal spyi ti spags// dran pa'i 'khor lo las 'das pas// 'dzin rtogs blo las khyad par 'phags// dran med bsam pa las 'das pas// bem po
266a6 rig med rnams las spags// skye med tsam du'ang ma grub pas// skye ba'i 'khor lo rnams las spags// yid kyi 'gyu ba rang dag pas// sems kyi brtags zhen rnams las spags// nyon mongs ma lus kun
266b1 'das pas// mngon zhen tha dad yul las spags// tshig gis mtshon brjod yul 'das pas// theg pa'i grub mtha' rnams las spags// shes rtogs spyad yul ma yin pas// yid dpyod byas bcos chos las
266b2 spags// snang stong phyogs 'dzin mtha' 'das pas// rtag chad log lta'i yul las spags// nyon mongs mtha' las rang grol bas// blang dor dka' spyad rnams las spags// las dang bag chags mtha'
266b3 spangs pas// rgyu rkyen rnam smin chos las spags// gcod pa'i shes rab las 'das pas// rang rig rang gsal sems las spags// sa lam bden gnyis dngos dag pas// spang thob rgyu yi chos las
266b4 spags// sku dang ye shes las grol bas// bzang ngan re dogs chos las spags// ma byas ma bcos de kho na// mi 'jug mi blta bsgom mi byed// mi btsal mi spyad bsrung sdom med// dkyil 'khor lha bod
266b5 mchod bstod med// dbang dang dngos grub smon 'bras med// rtsol sgrub bya byed las 'das pa'i// phyi nang 'bras bu'i chos las 'das// ka dag lhun grub nges med kyi// gzhi yi phyogs cha ming med pas// a ti
266b6 kha 'byams chos las spags// rang byung ye shes dngos stong pas// sems sde dgongs pa'i chos las spags// kun bzang klong chen mu med pas// klong sde rab 'byams don las spags// lus ngag gnad la mi
267a1 ltos pas// man ngag sde yi thabs las spags// de ltar cir yang snang dus na// de dag gang la'ang ma bkag la// grangs can dum bu bsgrubs pas ni// kun gyi mu mtha' rang sar
267a2 grol// rang grol phyogs su rgya ma chad// gnyis ka'i phyogs su rgya ma chad// gnyis med phyogs su rgya ma chad// ma grol ba ni grol bas bkrol// grol ba ma grol ba yis bkrol// gnyis ka gnyis su med par
267a3 bkrol// gnyis ka med par gnyis ka bkrol// de ltar gcig gis gcig bkrol bas// rang grol ye grol yongs grol dang// gcer grol mtha' grol bla med pas// dgu rtse spyi ti yang ti spags// zhes
267a4 gsungs so// sgron brtsegs pa'i rgyud las/ spyi ti chos thams cad las spags par bstan pa'i le'u ste bcu pa'o//// de nas ngang dngas khye'u chung gis// dam pa dang po'i sangs rgyas la// spyi ti'i dkyil
267a5 'khor ji ltar spags// zhes zhus pa dang/ ston pas 'khor la bka' stsal pa// ma bris khyab brdal dkyil 'khor nas// mkha' dbyings rnam dag phyogs bral der// brdal khyab rtag chad sa gzhi la// mi 'gyur
267a6 drang po'i thig btab nas// dkar ser dmar ljang ye nas bkod// phyogs bzhi mtshams bzhi ye nas dag/ skye shi rtsad gcod sgo bzhi la// byams dang snying rje'i dkyil 'khor te// tshad las 'das pa'i yangs pa
267b1 che// snang stong sku yi dkyil 'khor te// grag stong gsung gi dkyil 'khor yin// dran stong thugs kyi dkyil 'khor yin// sku yi dkyil 'khor yang dag pa// chos nyid byang chub sems la gnas// gsung gi dkyil
267b2 'khor yang dag pa// chos nyid byang chub sems la gnas// thugs kyi dkyil 'khor yang dag pa// chos nyid byang chub sems la gnas// rang bzhin ngo bo thugs rje gsum// gdod nas ma bcos dkyil 'khor
267b3 yin// dkyil 'khor dkyil 'khor zhes bya ba// dkyil ni sngon thog ye gnas yin// 'khor ni rgya chad phyogs lhung med// dkyil ni snying po'i gshis yin te// rtsal zer yan lag 'khor yin no// dkyil ni kun
267b4 gzhi'i klong yin te// 'od zer shes rig 'khor yin no// rang bzhin ngo bo thugs kyi dkyil// sgo gsum sgo gnyis 'khor yin no// 'khrul lugs rnam gsum dkyil yin te// gcod lugs rnam gsum 'khor
267b5 yin no// rig yid sems gsum dkyil yin te// ngang dngas rtsad gcod 'khor yin no// snying po chos nyid dkyil yin te// thag chod gdengs ldan 'khor yin no// ye nas rang gnas dkyil yin te// skye med
267b6 don rtogs 'khor yin no// phyi nang snang srid dkyil yin te// phyogs med dbyer med 'khor yin no// yod med skye 'gul dkyil yin te// sor bzhag rtsis gdab med pa 'khor// bla med spyi ti'i dkyil 'khor
268a1 te// dkyil 'khor gzhan las khyad par 'phags// zhes gsungs so// sgron ma brtsegs pa'i rgyud las/ spyi ti'i dkyil 'khor bstan pa'i le'u ste bcu gcig pa'o//// de nas ngang dngas
268a2 khye'u chung gis// dam pa dang po'i sangs rgyas la// lha tshogs spyan 'dren mchod bstod gang// zhes zhus pa dang/ ston pas 'khor la bka' stsal pa// lha yi dbang po lha yi lha// lha dang lha min kun gyi
268a3 bdag/gnas lugs skye med ka dag ste// ji bzhin ma bcos snying po'i lha// gdod nas dngos med zang ka ste// ma bsgrubs ye nas lha tshogs la// spyan drangs ming med ye nas gnas// bcos bslad sgrib med
268a4 rang sar bstan// skye med mtshon bral chos 'das la// gnyis bral 'gyur med mchod bstod med// phung po lnga nyid ye dag pas// 'khrul pa'i dus nyid ye sangs rgyas// 'byung lnga ye nas rang dngas pas// yul
268a5 snang gsal dag ngang du grol// dbang po lnga nyid gcer grol bas// dug lnga gdod nas ye shes pas// gnas bsgyur mi dgos rnal ma'i ngang// re med rang la ye gnas pas// spyan drangs mchod bstod yul las
268a6 'das// gang nas ma bsgrubs rang nyid pas// che ba'i yon tan btsal dang bral// tshogs gnyis ma bsags yongs rdzogs pas// khams gyis btsal zhing bsgrub las grol// dri med ngang dngas ye gsal
268b1 la// sgrib gnyis ma sbyangs ka nas dag/ skye med rdo rje rang 'khrungs pas// lha dang mchod bstod mu mtha' sangs// rtsol bsgrub blo las khyad par 'phags// zhes gsungs so// sgron ma brtsegs pa'i rgyud las/
268b2 lha tshogs mchod bstod kyi le'u ste bcu gnyis pa'o//// de nas ngang dngas khye'u chung gis// dam pa dang po'i sangs rgyas la// ma bskur dbang ni ji ltar thob// ces zhus pas/ ston pas 'khor la
268b3 bka' stsal pa// theg pa gzhan las 'phags pa yi// dgu rtse dbang gi rgyal po bshad// mkha' klong chos dbyings yangs pa'i dbang// ma phye ma bkol snying por bskur// chos nyid skye 'gag gnyis med
268b4 dbang// rtsal zer thig le'i klong 'dus bskur// snang srid ma bkag rol pa'i dbang// dgag bsgrub 'byed pa med par bskur// gnyis med rang sor bzhag pa'i dbang// chos nyid gsal dag ngang du
268b5 bskur// rgyal thabs spyi blugs tshangs pa'i dbang// bya btsal g.yo rtsol med par bskur/ bum pa'i rgyal po snying po'i bcud// thig le bcud 'dus bum pas bskur// rdo rje rgyal po bka' yi dbang// dus
268b6 gsum 'pho 'gyur med par bskur// dbu rgyan bla med rigs lnga'i dbang// gdod nas spyi blugs klong du bskur// cod pan theg dgu las rgyal dbang// grub mtha' 'dzin zhen med par bskur// shes brjod
269a1 las 'das gsang ba'i dbang// ci yang bstan du med par bskur// rang snang rang gdangs thabs shes dbang// rnam rtog ye shes chen por bskur// rang blta rang stor chos 'das dbang// tshig
269a2 dbang mtshon du med par bskur// snying po ka dag rnal ma'i dbang// g.yo rtsol 'jig bral med par bskur// rtsis gdab phyogs lhung med par thob// snang srid sems nyid ngang dag dbang// gnyis 'dzin
269a3 dgag bsgrub med par bskur// dbye bsal rgya chad med par thob// rang byung dri med rig pa'i dbang// rang brlag rang thim ngang du bskur// rtsad gcod 'khrul sangs gting yangs thob// yid bzhin dgongs pa
269a4 ye rdzogs dbang// rtsal med yongs rjogs klong du bskur// bsgrub med smon pa med par bskur// bskyod med sa lam chig chod dbang// bgrod med rnam grol dbyings su bskur// chos zad mu med mtha' stongs
269a5 dbang// ye thob mkha' klong dbyings su bskur// bskur thob mtshan ma mtha' stongs pa'i// ye rdzogs dbang gi spyi rgyal 'di// thob bya thon byed gnyis 'dzin pa'i// blos btags gzung 'dzin dbang las
269a6 spags// zhes gsungs so// sgron ma brtsegs pa'i rgyud las/ yongs rdzogs spyi ti'i dbang bskur bstan pa'i le'u ste bcu gsum pa'o//// de nas ngang dngas khye'u chung gis// rang bzhin kun tu bzang
269b1 po la// dngos grub dam tshig smon lam gang// zhes zhus pas/ ston pas 'khor la bka' stsal pa// dngos grub dngos grub ces bya ba// gzhan nas blang ba'i yul med de// rang la ye gnas gdod nas
269b2 grub// grub zin don las ma 'das na// thun mong bsgrub pa bya mi dgos// dngos ni chos nyid skye med de// grub pa rtogs pa'i ye shes te// thob ni chos sku skye med thob// dngos ni rang gsal rin po che// grub
269b3 pa de rtogs shes rab yin// dngos ni dngos med chos kyi sku// skye shi 'pho 'gyur med par grub// dngos ni snying po don gyi klong// gnas gzhi gtan la phebs pa yis// 'khrul pa rtsad nas chod pas
269b4 grub// dngos ni spyi ti'i gnas lugs te// grub mtha'i rgya las grol bas grub// yang dag don gyi dam tshig ni// dbyer med gdeng las mi 'da' dang// snying po'i don las mi 'da' dang// rtogs pa'i don las
269b5 mi 'da' dang// ma bu ngo sprod nyams len las// rtag tu mi 'da' dam tshig yin// bla med mchog gi smon lam ni// ma bgrod thog ma'i gzhir phyin dang// rang gnas smon pa'i sar skyol dang// chos dbyings bla
269b6 med klong dkyil du// rtsal zer rig pa rang sar thim// thim dang ma thim mu mtha' stong// smon pa'i sangs rgyas rang las rnyed// smon lam zhes bya tha snyad btags// bsam med bya bral mtha' grol te// ma
270a1 btsal rang gnas rtogs pa la// smon lam zhes byar btags pa yin// tshe 'dir btab nas phyi ma la// thob tu re ba ltos med par// snying po chos sku rang las rnyed// rnyed dang ma rnyed gnyis ka
270a2 dang// gnyis med mu mtha' rang sar grol// yang rtse spyi ti'i smon lam yin// zhes gsungs so// sgron ma brtsegs pa'i rgyud las/ dngos grub dam tshig smon lam bstan pa'i le'u ste bcu bzhi
270a3 pa'o//// de nas ngang dngas khye'u chung gis// rang bzhin kun bzang la zhus pa// dgu rtse sems nyid spyi ti 'di// ma 'dres yongs su ji ltar rdzogs// zhes zhus pas/ ston pas 'khor la bka' stsal
270a4 pa// mkha' klong rnam dag klong chen du// snang srid 'ub bsdus chen por rdzogs// rtse rgyal rdzogs chen spyi ti ru// theg pa brgyad khri bzhi stong rdzogs// ma bu gnyis med gnas gnyis su// gdams ngag thams cad
270a5 'ub bsdus rdzogs// rang sangs rang rgyal rang grol du// rtogs lugs brgyad khri bzhi stong rdzogs// nam mkhar 'byung lnga ma 'dres rdzogs/ / bar snang nyi zla gza' skar rdzogs// gnam sa'i klong du skye 'gro
270a6 rdzogs// dkyil 'khor klong du tshon lnga rdzogs// za 'og snam bur dar sna rdzogs// yid bzhin nor bu rin chen rdzogs// de bzhin sems nyid spyi ti 'dir// phyi nang theg pa ma lus rdzogs// ye dag bya bral chos
270b1 kyi bskur// rdzogs chen lta ba ma lus rdzogs// dbyings dang ye shes gnyis med pas// a nu'i lta ba ma 'dres rdzogs// snang stong thabs dang shes rab med// ma hA'i lta ba ma 'dres rdzogs// sum cu rtsa bdun skye
270b2 'gag med// yo ga'i lta ba ma 'dres rdzogs// mar spyod yar lta'i rtse gnyis med// u pa'i lta ba ma 'dres rdzogs// dag gsum rigs gsum mgon med pas// kri ya'i lta ba ma 'dres rdzogs// bden pa
270b3 gnyis su mi blta pas// dbu ma'i lta ba ma 'dres rdzogs// yul sems gnyis su mi blta bas// sems tsam lta ba ma 'dres rdzogs// rten 'brel bcu gnyis mi blta bas// rang rgyal lta ba ma 'dres
270b4 rdzogs// bdag med phyogs cha mi 'dod pas// nyan thos lta ba ma 'dres rdzogs// rtag chad gnyis su ma lhung bas// mu stegs lta ba ma 'dres rdzogs// de ltar gang du'ang mi blta la// gang yang ma 'dres 'dir
270b5 rdzogs shing// 'dres dang ma 'dres rdzogs ma rdzogs// gnyis ka gnyis med rang grol bas// chos rnams ma 'dres spyi ti rdzogs// 'jug sgo phrin las lha dbang rdzogs// dam tshig mchod bstod gtor ma
270b6 rdzogs// maN+Dal tsha tsha bshags pa dang// dge rtsa smon lam rgyas 'debs rdzogs// gcig rdzogs gnyis rdzogs sems su rdzogs// yod med ma lus snang stong rdzogs// yongs rdzogs skad cig bye brag phyed//
271a1 skad cig nyid la mngon sangs rgyas// zhes gsungs so// sgron ma brtsegs pa'i rgyud las/ ma 'dres pa yongs su rdzogs pa'i le'u ste bco lnga pa'o//// de nas ngang dngas khye'u chung
271a2 gis// dam pa dang po kun bzang la// ma byas rang byung mtshon med pas// byar med blo 'das theg pa gang// zhes zhus pa dang/ ston pas 'khor la bka' stsal pa// ma byas rang byung rtsol med sems// gdod
271a3 nas dag pa'i chos sku nyid// khong nas 'byung ba skye ba med// ngag tu brjod pa kun las grol// mtshon du med pa'i brjod pa'i mchog/ ma skyes chos nyid sems las 'das// dngos med 'dod bral blo 'das
271a4 yin// rang byung ngang dngas blo las 'das// snying po chos nyid blo las 'das// byar med bshad med mtshon du med// rtsol med bsam bral ka nas dag/ des na mtshon med blo las 'das// byas pa'i chos ni
271a5 'dus byas yin// 'dus byas chos kyi sangs mi rgya// bshad pa'i chos ni tha snyad yin// bla dgas tshig gis sangs mi rgya// blo btags chos ni 'khrul pa yin// 'khrul pa'i chos kyis sangs mi rgya// bsgrub chos
271a6 rtsol bsgrub yid smon yin// yid smon chos kyis sangs mi rgya// rtsol bsgrub med pa'i chos shig dgos// zhes gsungs so// sgron ma brtsegs pa'i rgyud las/ byar med mtshon med blo las 'das pa'i le'u ste bcu
271b1 drug pa'o//// de nas ngang dngas khye'u chung gis// dam pa dang po'i sangs rgyas la// gcig shes kun grol ji ltar lags// zhes zhus pa dang/ ston pas 'khor la bka' stsal pa// chos gcig de bzhin
271b2 nyid shes na// chos rnams thams cad grol bar 'gyur// zhes bka' stsal pa dang// de nas rang dngas khye'u chung gis// chos gcig de ni ji ltar lags// gcig la dngos po yod lags sam// zhes zhus pa
271b3 dang/ston pas 'khor la bka' stsal pa// chos gcig bya ba'i rang bzhin ni// gzhi yi klong las mtshon med kyang// rtsal zer shes rig gcig ces brjod// rin chen gsal dngas ngang dngas de// yod pa ma
271b4 yin dngos po med// med pa ma yin gsal zhing rig/ dngos med ye shes zang ka ma// mi snang gsal ba'i rang bzhin can// de ka nyid las grol zhes bshad// des na gcig shes kun grol lo// zhes gsungs
271b5 so// sgron ma brtsegs pa'i rgyud las// gcig shes kun grol bstan pa'i le'u ste bcu bdun pa'o//// de nas ngang dngas khye'u chung gis// dam pa dang po'i sangs rgyas la// gnad rnams khrol ba gcig
271b6 kun ni// ji ltar rang sar grol bar 'gyur// zhes zhus pas/ ston pas 'khor la bka' stsal pa// ming med phyogs bral kun khyab thog ma'i gnad// yan lag rtsal zer ming 'dogs tha ma'i gnad// rtsal
272a1 shes zer thog ma'i klong 'dus gnyis med gnad// sngon rol cang med thog ma'i gnad// g.yo ba gsal khyab tha ma'i gnad// sngon rol gsal thebs gnyis med gnad// snying po chos kyi thog
272a2 ma'i gnad// 'dir ni rtsal lag tha ma'i gnad// snying po rtsal thim gnyis med gnad// kun gzhi mkha' klong thog ma'i gnad// rig shes yid sems tha ma'i gnad// de dag klong thim gnyis med gnad// ma
272a3 bu gnyis med dbyer mi shes// gnad rnams ma lus khrol bar bshad// bya gnad nam mkha' nya gnad chu// srog gnad snying la me gnad rtse// snang gsal nyi zla sems gnad don// rin chen dngos med kun gyi
272a4 gzhi// mi snang gsal ba'i bdag nyid can// don gcig cang med cir yang gsal// mi snang rang bzhin yod pa'o// des na dngos med kun gyi gnad// gnad rnams thams cad de yis khrol// zhes gsungs
272a5 so// sgron ma brtsegs pa'i rgyud las/ gnad bstan pa'i le'u ste bco brgyad pa'o//// de nas ngang dngas khye'u chung gis// dam pa dang po'i kun bzang la// brda' gcig shes pas brda' kun
272a6 khrol// brda' yi gnad de ji ltar lags// zhes zhus pa dang/ ston pas 'khor la bka' stsal pa// ming ma thogs pa'i sngon rol na// cang med tha snyad gang gis kyang// ma gos pa yi brda' gcig yod// kun
272b1 gzhi rtsal zer bar shed na// thams cad bskyed bsdus brda' gcig yod// 'od rlung shes rig bar shed na// gyur ma gyur gyi brda' gcig yod// 'char sgo 'khrul sgo'i bar shed na// ldog thabs gnyis kyi
272b2 brda' gcig yod// sangs rgyas sems can bar shed na// bar chad med pa'i brda' gcig yod// ma rig ye shes bar shed na// bar par byed pa'i brda' gcig yod// dbyings dang ye shes bar shed na// bar
272b3 par byed pa'i brda' gcig yod// 'khor ba myang 'das bar shed na// bar par byed pa'i brda' gcig yod// a sang sa ka ri/ kun 'byung bsam yas kyi lha khang na// bar rlag dngos med 'dod med bya bral
272b4 las zin no// a d+ha thim/ sid+d+hi a/ brda' de shes na brda' kun shes par 'gyur// rnam dag 'od gsal chen po'i lha khang na// bya bral 'dod med rlag pa'o// brda' de shes na brda' kun shes par
272b5 'gyur// dngos med zang ka kun mkhyen lha khang na// cir yang mi snang gsal ba'i me long can// brda' de shes pas brda' kun shes par 'gyur// mkha' klong spyi khyab rin po che yi 'od khang na// rtsol bral me long
272b6 phyogs mu mtha' rang rlag po// brda' de shes na brda' kun shes par 'gyur// 'phel 'grib med pa'i rnam dag lha khang na// dngos med kun gsal nyi zla'i me long can// ma lus rlag byed kun gyi spyi mes
273a1 po// mun sel me gsod mtsho skem rdza bar la// rang gcig mdud khrol phyogs 'debs kun sdud 'ub chub bo// dngos med zang ka gsal dngas spyi yi rje// brda' de shes na brda' kun shes par
273a2 'gyur// 'khrul chod mdo med col chung mdo bo che// zhes gsungs so// sgron ma brtsegs pa'i rgyud las/ brda' gcig shes na brda' kun grol bar bstan pa'i le'u ste bcu dgu pa'o//// de nas ngang
273a3 dngas khye'u chung gis// dam pa dang po'i sangs rgyas la// rgyud 'di'i mtshan ni ji ltar gzung// zhes zhus pa dang/ ston pas 'khor la bka' stsal pa// 'di la mtshon med brjod med kyang// 'khor gyis mtshan
273a4 'di gzung phyir bshad// bya brtsal chags sdang blo chos 'dud// byar med blo 'das zhen gcod rtsi// des na bdud rtsi'i rgyud du zung// sangs rgyas kun gyi thugs kyi bcud// bka' brgyud kun gyi bcud 'dus
273a5 pas// bcud 'dus chen po'i rgyud du bzung// ma rig 'khor ba'i mun rum der// sgron ma brtsegs pas sel bar byed// sgron ma brtsegs pa'i rgyud du zung// theg pa ma lus gnya' gcog phyir// gnya'
273a6 gcog spyi ti bya bar zung// theg pa kun las la zlo'i phyir// la zlo chen po'i rgyud du zung// zhes gsungs so// sgron ma brtsegs pa'i rgyud las/ mtshan bstan pa'i le'u ste nyi shu pa'o//// de nas
273b1 ngang dngas khye'u chung gis// rgyud 'di gtad pa'i gang zag gang// zhus pas/ ston pas 'khor la bka' stsal pa// dad dang dam tshig shes rab dang// brtson 'grus brtse gdung gtong phod che// rgyud bzang brtson
273b2 ldan blo che myur// bla ma snying la sems pa dang// man ngag srog bzhin 'tsho ba la// dgu rtse spyi ti'i rgyud 'di gtad// nyon mongs ma rig ser sna dang// le lo log lta nga rgyal che// dam med rgyud ngan grogs mched
273b3 bslu// che ngag dge smod g.yo sgyu can// de lta bu la byin gyur na// be'u sbrel g.yang la bskyur ba bzhin// gnyis ka rdo rje dmyal bar 'gro// de bas snod ldan gdams pa'i rgya// zhes gsungs so// sgron ma
273b4 brtsegs pa'i rgyud las/snod bzang ngan gyi khyad par bstan pa'i rgyud gtad pa'i gnad bstan pa'i le'u ste nyer gcig pa'o//// de nas ngang dngas khye'u chung gis// dam pa dang po'i sangs rgyas
273b5 la// rgyud 'di 'byung dus gang gi tshe// zhes zhus pa dang/ ston pas 'khor la bka' stsal pa// rgyud 'di 'byung ba'i dus su ni// dus ngan yul dbus bstan pa dma'// bdud dang log lta mu stegs dar// sde
273b6 'khrug gnas gzhi 'thab ras bskor// nang rgyas che btsun dug la sbyor// btsun chen chung ma len pa dang// btsun mas bu chung gso ba dang// dge slong tshong khe byed pa dang// mi thub rnam gsum byung dus na// de
274a1 dus nga yi rgyud 'di 'byung// zhes gsungs so// sgron ma brtsegs pa'i rgyud las/ bstan pa 'byung dus bstan pa'i le'u ste nyer gnyis pa'o//// rgyud thams cad kyi rtse rgyal bdud rtsi
274a2 bcud thigs sgron ma brtsegs pa'i rgyud rdzogs so//// u rgyan pad+mas bshad lots+tsha ba ska ba dpal brtsegs kyis bsgyur rgyal po khri srong lde'u btsan la gdams so// gter rgya/ zab rgya/ sbas rgya/ Ta Ta
rgya/

CLOSE WINDOW